*, ,('JAM MGON RGYAL BA'I BSTAN SRUNG RGYAL CHEN RDO RJE SHUGS LDAN 'JOMS MDZAD DRAG PO RTZAL GYI 'PHRIN LAS DRAG PO'I GTOR CHEN LA BRTEN NAS DGRA BGEGS SGROL BA'I LAS RIM NAG 'GROS SU BKOD PA GNAM LCAGS THOG ZER RAB 'BAR ZHES BYA BA BZHUGS SO,) ,
, ,SRID GSUM SROG LA DBANG BYED BDAG ,DGRA SNYING SKAD CIG HUB KYIS 'DREN, ,ZHING BCU SGROL LA RNGAMS PA'I SHUGS, ,'BAR BA'I MTHU LDAN KHYOD BZHENGS SHIG ;DGRA YUL ZHAL DU HAB KYIS THOB, ,BGEGS DPUNG SPYAN GYIS GZHOB THUL BSREG ,BZHAD SGRAS SA GSUM 'DAR BYED PA'I, ,MTHU RTZAL MNGON DU PHYUNG RE RAN, ,BSTAN DGRA SGROL LA RNGAMS PA'I STABS, ,LOG 'DREN 'DUL LA 'JIGS PA'I GAR, ,RINGS PA RINGS PAR DA LTA NYID, ,GTUM RNGAMS DRAG PO'I LAS LA CHOS, ,(DE LA 'DIR BDE BAR GSHEGS PA'I BSTAN PA RIN PO CHE BSRUNG ZHING SKYONG BA'I SRUNG MA GRANGS LAS 'DAS PA YOD KYANG, DPAL MNYAM MED RI BO DGE LDAN PA'I BSTAN PA BSTAN 'DZIN YON BDAG DANG BCAS PA TSUL BZHIN SKYONG BA DANG, BSTAN LA LOG PAR 'KHU BA RNAMS TSAR GCOD PA LA 'PHRIN LAS RNO MYUR RDO RJE'I
, ,THOG RGOD 'BAR BA, 'JAM MGON BSTAN SRUNG RDO RJE SHUGS LDAN DRAG PO RTZAL LA BRTEN NAS 'PHRIN LAS DRAG PO'I GTOR CHEN GYI SGO NAS DGRA BGEGS SGROL BA'I LAS MTHA' NAG 'GROS SU DGOD PA LA, RNAL 'BYOR PA, YI DAM LHA'I BSNYEN PA TSAD DU THENGS SHING, CHOS SKYONG 'DI NYID KYI SROG DBANG ZAB MO MAN NGAG DANG BCAS PA LEGS PAR THOB NAS BSNYEN SGRUB TSUL BZHIN SONG BA, 'JAM MGON LUGS BZANG BSRE LHAD MED PAR SKYONG BA SOGS DAM TSIG LA GNAS PAS, DGOS PA NI, RGYAL BA'I BSTAN PA LA DGRA BYUNG BA'AM, SEMS CAN MANG PO LA GNOD CING 'TSE BA'I MI DANG MI MA YIN GDUG PA CAN TSOR GCOD PA DANG, BLA MA'I SKU DGRA'AM, RANG NYID KYIS SNYING NAS CHOS SGRUB PA LA BAR DU GCOD PA'I DGRA BGEGS GDUG PA CAN BSGRAL BA'I CHED DU BYA LA, GNAS NI, DUR KHROD DAM, SHING GCIG GAM, MTSAN MA GCIG PA'I GNAS DANG, LHA 'DRE GDUG PA CAN GNAS SA, BRAG DANG CHU BA THAB PA'I SA, LUNG PA GRU GSUM GYI DBUS SAM, SUM MDO DANG BZHI
MDO LTA BU RTZUB NYAMS CHE BA'I GNAS SU BYA, DUS NI, GZA' SKAR BYED SBYOR SHIN TU RTZUB CING DGRA BO'I BLA SROG GI GZA' GUD PA DANG, RANG GI BLA SROG DAR BA'I SKABS DANG, NYER DGU LTA BUR MTSAN PHYED DANG NYIN PHYED KYI DUS SU BYA, BSAM PA NI, RGYU'I KUN SLONG BSTAN DGRA SDIG CAN DRAG PO MA GTOGS THABS GZHAN GYIS 'DUL MI NUS PA DE NGAN SONG GI GTING RDO BYED PAR MI BZOD PA'I SNYING RJE SHUGS DRAG PO DANG, DUS KYI KUN SLONG BSTAN PA BSTAN 'DZIN DANG BCAS PA LA LOG PAR 'KHU BA LA GTING NAS MI BZOD PAR KHROS PA'I SEMS KYIS BSGRAL 'DOD DANG, SRUNG MA 'DI NYID LA DE 'DRA BA'I NUS MTHU NGES PAR YOD PAR YID CHES PA'I DAD PA BRTAN PO DANG, GNOD BYA GNOD BYED LA SOGS PA'I 'KHOR GSUM MI DMIGS PA SGYU MA LTA BUR NGES PA'I LTA BA'I GDENG DANG LDAN PAR YI DAM GYI NGA RGYAL DANG GSAL SNANG BRTAN PO LA GNAS PA RNAMS THOG MTHA' BAR GSUM DU YANG YANG DRAN CING GSAL BTAB PA GAL CHE BA YIN NO, ,DE LTAR KUN SLONG GI BSAM PA DAG PAS SBYOR BA LAG LEN BYA TSUL NI, SGRUB KHANG MUN PA SHIN TU GNAG PA'I NANG DU GRI KHRAG DANG BDUD RTZI LNGA BSRES PA'I CHANG GIS CHAG CHAG GDAB, 'OS 'GAB KYI PHYOGS SU STEGS KYI KHAR YI DAM GYI GTOR MA DANG, BDAG MDUN GYI NYER SPYOD BSHAM, LOGS SHIG TU CHOS SKYONG 'DI NYID KYI BRIS 'BUR GYI SKU LA SOGS PA'I SKU GSUNG THUGS KYI RTEN DANG MAN NGAG LTAR GYI PHYI NANG GSANG BA'I RTEN RNAMS TSOGS PAR BSHAM, DE DAG GI MDUN DU SGRUB PA PO RANG KHA LHOR PHYOGS PA'I MDUN DU PHUNG GSUM GYIS LAS BYAS PA'I STEGS BU GRU GSUM, DUG KHRAG DANG RO SOL GYIS BYUGS PAR MI SKRA'I THIG SKUD DANG, MI RUS KYI PHYE MA'I RDUL TSON GYIS CHOS 'BYUNG GRU GSUM MTHING
, ,NAG ,MTHAR RDOR ME RIS BSKOR BA, DBUS SU GRI KHRAG GIS SBAGS PA'I TSOM BU DMAR NAG ,PHYOGS BZHIR DKAR, SER, DMAR, DMAR NAG GI TSOM BU RE 'GOD, DE'I STENG MANYDZI'I KHAR LCAGS SLANG SOGS DRAG PO'I SNOD DU NAS NAG RJEN BTAGS LA SHA CHEN DANG BDUD RTZI LNGA, SMAN DANG RIN PO CHE BSRES SHING DUG KHRAG GIS NGAR BLUD PA'I GTOR MA DMAR PO KHRU GANG LAS MI CHUNG BZUR GSUM PA, THOG GI MDE'U'I DBYIBS CAN, LOGS GSUM GYI DKYIL DU RO SOL GYIS NAG POR BSGYUR BA, RTZE MOR THOD SKAM RDO RJE NAG PO PHYED PA DANG BCAS PAS MTSAN PA, ZUR RNAMS SHIN TU RNO BA ME RI 'BAR BA LTA BU LA RGYU MA'I LDA LDI DANG GTOR GDUGS NAG PO 'JOMS MDZAD RDO RJE SHUGS LDAN GYI TZA KLI DANG BCAS PA BTZUG ,DE'I PHYOGS BZHIR MANYDZI'I KHAR RGYU DBYIBS GONG MTSUNGS KYI ZOR CHE CHUNG RAN PA BZHI, DE DAG GI MTHA' SKOR MTHEB SKYU KHA PHYIR BSTAN GYIS BSKOR, PHYOGS BZHI'I GTOR MAR LAS BZHI'I RGYAL CHEN GYI TZA KLI DANG GTOR GDUGS SO SO'I SKU MDOG DANG MTHUN PA RNAMS SO SOR BTZUG ,RGYAS PAR BYED NA RTZA BAR 'KHOR RNAMS KYI GTOR CHUNG YANG BYA, RO SKRA'I GZUNGS THAG GIS SBREL, MDUN DU THUN GTOR ZUR GSUM DMAR PO MTHEB SKYU KHA PHYIR BSTAN GYIS BSKOR BA, SHA SNA DANG KHRAG SNAS BRGYAN PA DANG, BSKANG GTOR 'BUL GTOR SHA KHRAG SNA TSOGS KYIS BRGYAN PA SHIN TU CHE ZHING BZANG BA DANG, KHRAG CHANG BSRES PA'I AARGHAm SOGS DRAG PO'I MCHOD PA DANG NYER SPYOD SPYAN GZIGS BSKANG RDZAS SOGS LAS DANG MTHUN BRGYAS PAR BSHAM PA LA LAS MTHUN GYI YOL BAS BSKOR, GZHAN YANG GSER SKYEMS, LCAGS KYI 'BRUB KHUNG DU ZAN LING,
BSGRAL CHAS MTSON CHA RNAMS DANG, SKAM RLON GYI THUN, DAR NAG GI GA-YAB DAR, SBOS SBYOR, 'BUD BRDUNG DKROL BA'I ROL MO'I BYE BRAG SOGS 'OG TU DGOS PA'I YO BYAD RNAMS TSOGS PAR BYAS, MCHOD RDZAS RNAMS LA CHANG CHU NANG MCHOD KYIS BRAN, SGRUB PA PO RNAMS GRAL LA 'KHOD DE SKYABS SEMS, BLA MA'I RNAL 'BYOR DANG, YI DAM GYI BDAG BSKYED, BZLAS PA, GTOR 'BUL DANG BCAS PA BRDZOGS PAR SNGON DU BTANG, MCHOD GTOR BSKANG RDZAS RNAMS BYIN GYIS BRLABS LA ROL MO BYIN LEGS PAR PHAB, DE NAS GTOR CHEN GYI STENG DU GZUNGS THAG BTAGS PA'I SNE MO NAS BZUNG, GTONG CHEN NANG MCHOD LTAR BYIN GYIS BRLABS NAS,) AOm A'A: H'Um HA HO HR'I: (BRGYA RTZA BRGYAD BZLAS SHING LAS MTHUN GYI BDUD RTZI 'GUGS PA'I DMIGS PA ZHAL SHES LTAR BYAS NAS BYIN GYIS BRLAB, DE NAS GZUNGS THAG BSDUS NAS, SEMS BYING NYOG TU MA SONG BAR YI DAM GYI NGA RGYAL DANG GSAL SNANG BRTAN PO DANG RIG PA DPA' BA'I SHUGS DANG LDAN PAS MDUN GYI GTOR CHEN LA DMIGS TE LAS SNGAGS KYIS BSANG,) SVA BH'A WAS (SBYANG,) STONG PA'I NGANG LAS RANG GI MDUN DU GNAM LCAGS KYI RDO RJE'I GUR KHANG PHYI ROL TU SHIN TU DRAG CING RTZUB PA'I ME DPUNG DANG RLUNG NAG 'TSUB MAS BSKOR BA YANGS SHING RGYA CHE BA'I NANG DU KHRAG GI RGYA MTSO DMAR NAG RBA KLONG PHYOGS BCUR GA-YO BA KHRO CHU LTAR KHOL ZHING DUG RLANGS SNGO DMAR 'JA' TSON LTAR 'KHRIGS PA'I KLONG DKYIL NA GDUG PA'I CHU SRIN DANG DUG SBRUL SBAL SDIG LA SOGS PA'I 'JIGS PA'I SROG CHAGS GDUG PA CAN DU MAS YONGS SU GANG BA'I DBUS SU, 'BYUNG BZHI RIM BRTZEGS KYI STENG DU KENG RUS KYI RI RAB LHUN PO DANG BCAS
, ,PA'I STENG NA, DUR KHONG CHEN PO 'JIGS SU RUNG BA'I GNAS, SHIN TU 'JIGS SHING GTUM PA'I LJONGS, ,DREGS PA SDE BRGYAD KYI BSHAS RA, DGRA BGEGS LOG 'DREN DANG BCAS PA'I DUR SA, DUG GI LJON SHING GI TSANG TSING 'KHRIGS PA, DUG CHU DANG KHRAG RGYUN GYI CHU KLUNG 'BAB PA, 'UG PA THAL MDOG DANG DUR BYA KANG KA SRIN BYA BYA ROG KHVA TA LA SOGS PA'I 'DRE BYA SNA TSOGS DGRA BGEGS KYI KLANG LA LDING ZHING THAN SKAD SGROGS PA, STAG GZIG DOM DRED SENGGE LA SOGS PA'I GCAN GZAN GTUM PO SNA TSOGS DGRA LA MCHONG ZHING NGAR SKAD 'BOD PA, DUG RLANGS KYI NA BUN 'THUL BA'I KLONG NAS DRAG PO'I GLOG STONG 'KHYUG CING RGYOB SOD KYI 'BRUG SGRA SGROGS PA, GNAM LCAGS KYI THOG SER DANG MTSON CHA SNA TSOGS KYI CHAR DRAG TU 'BEBS PA, SNANG SRID KYI DREGS PA THAMS CAD BKA' 'KHOR DU 'DU BA'I GNAS, SHIN TU 'JIGS SHING SKYI GA-YA' BA, MTSAN MO ME 'BAR ZHING, NYIN MO RLUNG NAG 'TSUBS PA, MI MGO SKAM RLON RAL GSUM GCAL DU BKRAM PA'I DBUS NA RMANG GZHI NAG PO GNAM LCAGS LAS GRUB PA'I STENG DU, SHAR DU BDUD KYI THOD PA BRTZEGS PA, LHOR GSHIN RJE'I THOD PA BRTZEGS PA, NUB TU SRIN PO'I THOD PA BRTZEGS PA, BYANG DU GNOD SBYIN GYI THOD PA BRTZEGS PA'I PHO BRANG CHEN PO PHYI RIN PO CHE BEEd'U R+YA SNGON PO LAS GRUB PA'I GZHAL YAS KHANG RTA BAB
DANG BCAS PA, NANG THOD PA'I MKHAR DU YOD PA GRU BZHI SGO BZHI PA, SHIN TU 'JIGS SHING RAB TU BRJID PA, ZUR BZHI DMAR PO PAD RAG LAS BYAS PA, SGO BZHI LJANG GU MAR GAD LAS BYAS PA, GSER GYI RE CHA GSAL BA, BYI RU'I 'PHRUL GYI GA-YA' SHING CAN, RTA BABS MU TIG LAS BYAS PA, KENG RUS KYI BAD YOD PA, NANG KENG RUS KYI KA GDUNG RNAMS KYIS YONGS SU PHUB PA, RUS PA'I DRA BA DANG DRA PHYED, RGYU MA'I LDA LDI, KENG RUS KYI MDA' YAB, THOD SKAM GYI PU SHU, SRIN PO DRAG TU KHROS PA'I KENG RUS LAS GRUB PA'I RGYA PHIBS 'JIGS SU RUNG BAS MDZES PA, SNYING DANG MI MGO'I TOG GIS MDZES PA'I STAG SENG DANG, ZHING CHEN GYI RGYAL MTSAN RNAMS KYI STENG DU 'DRE BYA SNA TSOGS BAB NAS DGRA LA NGAR SKAD SGROGS PA, 'JAM MGON RGYAL BA'I RING LUGS DAR ZHING RGYAS PA'I GDUGS DANG, RGYAL MTSAN, BA DAN, RU DAR SER PO SNA TSOGS KYI RTZE MOR NOR BUS MTSAN PA, NGOS RNAMS NAS KHRAG GI GZAR CHU 'BAB PA, DE'I NANG DU MI RO RTA RO GCAL DU BKRAM PA, MI KHRAG RTA KHRAG MTSO RU 'KHYIL BA, MI LPAGS STAG LPAGS YOL BAR BRES PA, GSUR CHEN GYI DUD PA PHYOGS BCUR 'THUL BA, PHYI ROL RMANG GZHI'I STEGS BU LA RO LANGS DANG SRIN PO RNAMS KYIS SHON BYED PA, RU 'DREN SDE BZHI DANG, KENG RUS DU MAS GAR 'KHRAB PA, PHYOGS THAMS CAD DU GLANG CHEN GYI PAGS RLON DANG, ZHING CHEN GYI BLA BRE, MI RO'I RGYAL MTSAN DANG, SENG
, ,GE'I BA DAN, RGYU RLON GYI LDA LDI, MGO BO SNA TSOGS KYI DO SHAL, DBANG PO SNA LNGA'I DRA PHYED, SKRA'I RNGA YAB LA SOGS PAS NYAM NGA ZHING, BAG TSA BA DANG YA NGA BA'I RGYAN DANG LDAN PA'I GZHAL YAS KHANG GI NANG DU ME RLUNG DRAG TU 'KHRUG PA'I DBUS SU H'Um YIG DMAR NAG ,DE LAS 'OD ZER 'PHROS, 'JAM MGON RGYAL BA'I BSTAN LA GNOD PA'I SDANG DGRA GDON BGEGS THAMS CAD TSAR BCAD, TSUR 'DUS YONGS SU GYUR PA LAS GTOR MA DANG GNYIS SU MED PA'I 'JAM MGON RGYAL BA'I BSTAN SRUNG 'JOMS MDZAD RDO RJE SHUGS LDAN RTZAL SKU MDOG DMAR NAG SRIN PO DRAG TU KHROS PA LAS KYANG CHES CHER KHROS PA LTAR SHIN TU GTUM PA, 'JIGS SU RUNG BA'I ZHAL GNAM SA LTA BUR RAB TU GDANGS SHING, GANGS RI LTA BU'I MCHE BA RNON PO BZHI GTZIGS PA'I BAR NA LJAGS KYI GLOG PHRENG 'KHYUG PAS SA GSUM GA-YO BA, GNOD BYED DAM NYAMS DGRA BGEGS THAMS CAD M'A RA YA PHAt KYI 'JIGS PA'I GAD RGYANGS SGROG PA, DRAG PO'I KHRO GNYER DPRAL BA'I DBYINGS SU BSDUS SHING, ZHUGS KYI PHUNG PO LTAR GA-YO BA'I DMAR LA ZLUM PA'I SPYAN GSUM DGRA BGEGS RNAMS KYI BLA SROG LA SDANG MIG TU BGRAD NAS BLTA BA, SMIN MA DANG SMA RA DMAR SER ME LTAR 'BAR BAS BDUD BZHI MA LUS BSREG PAR MDZAD PA, DBU SKRA KHAM SER GYEN DU 'DZINGS PA'I DBUS NA NYI MA'I DKYIL 'KHOR GYI STENG DU 'JAM
MGON CHOS KYI RGYAL PO TZONG KHA PA CHEN PO DGYES PA'I TSUL GYIS BZHUGS PA, SNYAN GNYIS GA-YOS PA'I DUS KYI 'THOR RLUNG DRAG POS GNOD BYED DAM NYAMS DGRA BGEGS KYI YUL KHAMS THAMS CAD LHAG MED DU GTOR PA; SHANGS BUG GNYIS NAS 'BRUG SGRA DANG GLOG DMAR 'KHYUG PA'I CHAR SPRIN SPROS PAS DGRA BGEGS KYI YUL DU THOG SER 'BEB PA, ZHAL GCIG PHYAG GNYIS KYI PHYAG GA-YAS GNAM LCAGS KYI RAL GRI ME RAB TU 'BAR BA NAM MKHA' LA 'PHYAR BAS DGRA BGAGS KYI SROG RTZA RTZAD NAS GCOD PA, PHYAG GA-YON DGRA SNYING DRON MO 'PHAR BZHIN PA RTZA LAG DANG BCAS PA ZHAL DU GSOL BAS KHRAG GI RGYUN GYIS AAG TSOM DANG MGRIN PA GSHER ZHING 'CHI BDAG MNGON SUM LTA BU, SKU'I BA SPU'I BU GA THAMS CAD NAS DUG DANG MTSON DANG NAD KYI NA BUN GTIB CING, SPRUL PA YANG SPRUL SER RGOD DRAG PO LTAR 'TSUBS PA, DBU LA THOD PA SKAM PO LNGA'I DBU RGYAN DANG, SKU LA DAR NAG GI 'JOL BER, KHRAG 'DZAG PA'I MGO BO RLON PA LNGA BCU'I DO SHAL CAN, SPRUL DANG MI RUS KYI 'KHOR LO'I RNA CHA DANG RIN PO CHE LA SOGS PA'I RGYAN GYIS BRGYAN PA, MI LPAGS KYI GA-YANG GZHI DANG GLANG PO CHE'I KO BA RLON PAS STOD GA-YOGS SHING, STAG GI PAGS PA'I SHAM THABS DANG DUR KHROD KYI CHAS KYIS RAB TU 'JIGS PA, STENG 'OG BAR GSUM GYI GDON BGEGS THAMS CAD BRGYAL ZHING DNGANGS
, ,LA 'DAR BAR BYED PA'I GNAM LCAGS KYI BYA KHYUNG GSHOG PA LDING ZHING, RDO RJE'I THOG GI TSVA TSVA 'BUM PHRAG 'PHRO BA'I STENG NA RGYAL PO ROL PA'I STABS KYIS KHAMS GSUM ZIL GYIS NON, DREGS PA THAMS CAD DBANG DU SDUD, 'JIGS PA THAMS CAD 'JIGS PAR BYED PA'I TSUL GYIS BZHUGS PA, GTZO BO'I PHUNG KHAMS SKYE MCHED YAN LAG RNAMS LAS 'OD ZER DUM RE SPROS PA LAS, GTZO BO'I MDUN DU RNAM SNANG SHUGS LDAN RTZAL SKU MDOG DKAR PO KHRO ZHING 'DZUM PA PHYAG GA-YAS MDA' DAR ME LONG GIS BRGYAN PA 'PHYAR ZHING, GA-YON ZHAGS PA 'DZIN PA, SKU LA DAR DKAR GYI 'JOL BER DANG, DBU LA LA THOD GSER MA GSOL BA, GLANG CHEN SNA RING LA CHIBS PA, GA-YAS SU RIN CHEN SHUGS LDAN RTZAL SKU MDOG SER PO GA-YAS GSER GYI TSE BUM 'CHI MED TSE'I BDUD RTZIS GANG PA DPAG BSAM GYI SHING GI KHA RGYAN CAN NAM MKHAR 'PHYAR ZHING, GA-YON NOR GZHONG 'DZIN PA, RIN PO CHE'I RGYAN DANG RTZE BAR SER PO GSOL BA, SGA SRAB CHAS MDZES KYI LHA RTA NGANG DKAR LA CHIBS PA, RGYAB TU PADMA SHUGS LDAN RTZAL KHRAG MDOG RNGAMS BRJID 'DZUM ZHING CHAGS PA'I NYAMS CAN GA-YAS KHAMS GSUM DBANG DU 'GUGS PA'I LCAGS KYU DAR DMAR GYIS BRGYAN PA NAM MKHAR 'PHYAR ZHING, GA-YON RIN PO CHE'I ZHAGS PA 'DZIN PA, DAR
DMAR GYI GOS GYON CING ME TOG DMAR PO'I RGYAN CAN ZHANG BLON GYI CHA LUGS CAN GA-YU 'BRUG LA CHIBS PA, GA-YON DU KARMA SHUGS LDAN RTZAL SHIN TU DMAR SMUG KHROS PA'I TSUL CAN GA-YAS RAL GRI DGRA LA 'PHYAR ZHING, GA-YON TZITTA ZHAL DU STOBS PA, DAR NAG GI NA BZA' CAN, DRAG PO'I BYA KHYUNG LA CHIBS PA, DE DAG GI MTHA' SKOR DU SGROL BA'I YUM CHEN DGU ,SNA 'DREN DGE SLONG BRGYAD, LAS MKHAN STAG SHAR BCU RNAMS MTSON CHA SNA TSOGS THOGS PA SHIN TU 'JIGS SHING MI SDUG PA'I GZUGS CAN SHA LA DGA' BA, KHRAG LA ROL BA, DRAG PO'I NGA RO 'BRUG LTAR SGROGS SHING SROG GCOD KYI LAS LA DGYES PA, DRAG SHUL CHE ZHING LAS LA MYUR BA, SPRUL PA YANG SPRUL NYID SPRUL GYI TSOGS DPAG TU MED PAS BSKOR BA'I 'KHOR DU PE HAR GZA' BDUD, TZI'U DMAR RGYAL BTZAN, MA MO GSHIN RJE, LHA KLU GNOD SBYIN, NOR BDAG ,SHA ZA, SRIN PO, DRI ZA, GRUL BUM, BDUD, THE'U RANG, 'BYUNG PO, DREGS PA SDE BRGYAD, RU 'DREN SDE BZHI SOGS 'JIGS SHING RNGAMS PA NYI ZER GYI RDUL LTAR 'PHRO BA, STOB GSUM YUD TZAM LA BSKOR ZHING, ZHING BCU'I SROG DBUGS 'GAM PA LA RINGS PA'I 'KHOR TSOGS RGYA MTSO LTA BUS BSKOR BAR GYUR, GTZO BO'I THUGS KA DANG RANG YI DAM DU GSAL BA'I THUGS KA'I SA BON LAS 'OD ZER 'PHROS, DGA' LDAN MKHA' SPYOD, RI BO RTZE LNGA, SHAMBHA LA SOGS
, ,GAR BZHUGS RDO RJE'I PHO BRANG NAS TING NGE 'DZIN GYIS SPRUL PA'I GNAS YUL CHEN PO 'DIR SPRUL PA'I RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA SKAD CIG GIS BADZRA SA M'A YA DZA: DZA: (SPOS SBYOR BSREG CING RKANG GLING THOD RNGA SOGS ROL MO DBYANGS DANG BCAS SPYAN 'DREN PA NI,) H'Um; RAB ZHI CHOS SKU'I DBYINGS LAS MA GA-YOS KYANG, ,SNA TSOGS SPRUL PA'I ROL GAR MTHA' YAS PAS, , MNYAM MED THUB BSTAN RIN CHEN SRUNG MDZAD PA'I, ,SPRUL BSGYUR CIR YANG STON PA'I SKUR BZHENGS SHIG ,'JAM DPAL RDO RJE'I THUGS KYI RANG GZUGS DNGOS, ,'DUL 'DZIN DRAG POR KHROS PA'I SKUR BZHENGS NAS; ;'JAM MGON RING LUGS SNYING PO BSRUNG PA'I PHYIR, ,GRANGS MED SPRUL 'KHOR DANG BCAS GSHEGS SU GSOL, ,'JAM DPAL RDO RJE'I SKU YI RANG GZUGS DNGOS, ,ZHI MDZAD SGRIB PA KUN SEL SKUR BZHENGS NAS, ,NAD GDON RKYEN NGAN PAR GCOD SEL BA'I PHYIR, ,ZHI MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I YON TAN RANG GZUGS DNGOS, ,RGYAS BYED KHAMS GSUM DPAL 'BAR SKUR BZHENGS NAS, ,TSE BSOD DPAL 'BYOR YAR ZLAR SPEL BA'I SLAD, ,RGYAS MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I GSUNG GI RANG GZUGS DNGOS, ,DBANG SDUD
SNOD BCUD ZIL GNON SKUR BZHENGS NAS, ,SRID GSUM BRTAN GA-YO DBANG DU 'GUGS PA'I PHYIR, ,DBANG MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I 'PHRIN LAS RANG GZUGS DNGOS, ,GTUM DRAG RDO RJE SHUGS LDAN SKUR BZHENGS NAS, ,BLO BZANG BSTAN DGRA PHYE MAR 'THAG PA'I PHYIR, ,DRAG MDZAD BYE BA'I 'KHOR BCAS GSHEGS SU GSOL, ,SGROL BYED YUM DGU SNA 'DREN DGE SLONG BRGYAD, ,LAS MKHAN GTUM PA'I STAG SHAR BCU LA SOGS, ,GZHAN YANG 'JIG RTEN 'DAS DANG DREGS PA'I 'KHOR, ,MTHA' KLAS BKOD PA'I TSOGS BCAS GSHEGS SU GSOL, ,BLO BZANG BSTAN LA ZHUGS PA'I BU BRGYANG LA, ,BRTZE ZHING GDUNG BA'I GA-YAR DAM MI GA-YEL PAR, ,DGA' LDAN ZHING NAS YAB RJE TZONG KHA PA'I, ,SENG KHRI'I GSEB NAS DA LTA GNAS 'DIR GSHEGS, ,NYER BZHI'I YUL DANG SUM CU RTZA GNYIS GNAS, ,AOO dI Y'A NA BYANG PHYOGS SHAMBHA LA, ,RI PO RTZE LNGA DPAL LDAN 'BRAS SPUNGS DANG, ,SA SKYA'I SMUG CHUNG GNAS NAS GSHEGS SU GSOL, ,DOL GYI CHU MIG RDO PHUD CHOS 'KHOR DANG, ,RNAM RAB TSONG 'DUS RI CHOS RMOR NGOR DGON, ,DGA' RNAM 'O NA RONG LHA LDAN SPRO KHANG SOGS, ,GAR BZHUGS GNAS NAS THOGS MED GSHEGS SU GSOL, ,AOm DHARM'A PA LA MAH'A R'A DZ'A BADZRA BE GA WA NA RU DRA: PANYTZA KU
, ,LAS PA RI W'A RA AA KARshA YA DZA: DZA: DZA: H'Um BAm HO: DAM TSIG PA DANG GNYIS SU MED PAR GYUR, (CES GTOR CHEN GYI LHA DAM TSIG PA LA CHU DANG CHU 'DRES PA LTAR DBYER MED DU GYUR PAR BSAM, DE NAS MCHOD CING YAN LAG BDUN PA BYA BA NI,) AOm DHARM'A P'A LA MAH'A R'A DZ'A BADZRA BE GA WA NA RU DRA: PANYTZA KU LA SA PA RI W'A RA AARGHAm PRA T'ITZTSA H'Um SV'AH'A, (ZHES PA NAS) SHAPTA'I BAR GYIS MCHOD,) AOm DHARM'A PA LA MAH'A R'A DZ'A BADZRA BE GA WA NA RU DRA: PANYTZA KU LA SA PA RI W'A RA AOm A'A: H'Um, (ZHES NANG MCHOD 'BUL,) GANG ZHIG DRAN PA TZAM GYIS PHYI NANG GI ,BAR CHAD KUN SEL LAS BZHI'I 'PHRIN LAS RNAMS, ,STZOL MDZAD RGYAL CHEN SHUGS LDAN DRAG PO RTZAL, ,BSTAN SRUNG 'KHOR DANG BCAS LA PHYAG 'TSAL BSTOD, ,SKU DANG MCHOD RTEN (NAS,) 'JAM MGON BSTAN DGRA BDUD BZHI 'JOMS PAR BSNGO, ,(DE NAS BSHAGS PA BYA BA NI,) RANG GI THUGS KA'I H'Um LAS 'OD ZER 'PHROS PAS RDO RJE GSUM GYI LHA TSOGS MDUN GYI NAM MKHAR SPYAN DRANGS, DE RNAMS KYI GNAS GSUM LAS YI GE BRGYA PA DKAR DMAR MTHING GSUM GYI TSOGS DPAG TU MED PA BYUNG, RANG DANG RGYAL CHEN RIGS LNGA DRAG PO RTZAL 'KHOR DANG BCAS PA RNAMS KYI GNAS GSUM DU THAM PAS, RANG GZHAN YON MCHOD 'KHOR DANG BCAS PA RNAMS KYI DAM TSIG NYAMS CHAG THAMS CAD DANG, DE'I DBANG GIS BSTAN SRUNG RGYAL CHEN RIGS LNGA 'KHOR DANG BCAS PA RNAMS KYI SKU
GSUNG THUGS LA NYAMS GRIB PHOG PA THAMS CAD BYANG ZHING DAG PAR GYUR (PAR BSAMS LA, YI GE BRGYAL NYER GCIG BZLA, DE NAS,) H'Um; 'JAM DPAL ZHI KHRO RJE BTZUN BLO BZANG GRAGS, ,(NAS) SNYING NAS BSHAGS SO BRTZE BAS RJES GZUNG MDZOD, ,(CES 'KHOR GSUM DMIGS MED KYI DON DRAN PA'I SGO NAS BSHAGS PA BYA, DE NAS BSKANG BA BYA BA LA, BSKANG RDZAS BYIN RLABS NI,) AOm HR'I: shtR'I: WI KRI T'A NA NA H'Um PHAt, AOm SVA BH'U WA SHUDDH'A: SARBA DHARM'A: SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS BSKANG RDZAS RNAMS RANG RANG GI MING YIG DANG PO THIG LES BRGYAN PA ZHU BA LAS BYUNG BA'I BLA MA YI DAM SPRUL PA'I RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA MNYES PAR BYED PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA ZHIG BLA MA YI DAM SPRUL PA'I RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYI SPYAN LAM DU 'BYUNG ZHING RGYAS PAR GYUR CIG ,AOm SARBA BID, P'U RA P'U RA, SU RA SU RA, A'A BRTA YA A'A BRTA YA, HO: BADZRA SPHA RA nA KHAm, (LAN GSUM,) AOm BADZRA AARGHAm A'A: H'Um, AOm BADZRA P'A DYAm A'A: H'Um, AOm BADZRA PUshPE A'A: H'Um, AOm BADZRA DH'U PE A'A: H'Um, AOm BADZRA A'A LO KE A'A: H'Um, AOm BADZRA GANDHE A'A: H'Um, AOm BADZRA NEE WI TY'A A'A: H'Um, AOm BADZRA SHAPTA A'A: H'Um, AOm BADZRA R'U PA A'A: H'Um, AOm BADZRA SHPTA A'A: H'Um, AOm BADZRA GANDHE A'A: H'Um, AOm BADZRA RA SA A'A: H'Um, AOm BADZRA
, ,SPARSHA A'A: H'Um, AOm SVA BH'A WA BI SHUDDHE (SOGS SNGAGS DRUG PHYAG RGYA DRUG GIS BYIN GYIS BRLAB,) BDAG GI BSAM PA'I STOBS DANG NI, ,(SOGS BDEN STOBS BRJOD PAS BSKANG RDZAS BYIN GYIS BRLAB, BSKANG GTOR NANG MCHOD LTA BYIN GYIS BRLABS LA, BSKANG PA BYA BA DNGOS NI, ROL MO DBYANGS DANG BCAS 'DI LTAR BYA'O,) ,KYEE; CHOS 'KHOR SKYONG BA'I SRUNG MA MTHU RTZAL CAN, ,RGYAL CHEN RIGS LNGA 'KHOR DANG BCAS PA LA, ,THUN MONG PHYI YI MCHOD RDZAS JI SNYED PA, ,GUS PAS 'BUL LO BRTZE BAS BZHES SU GSOL, ,RANG BZHIN RNAM DAG STONG PA'I NGANG NYID LAS, ,'JIG MED RLUNG DKYIL RDO RJE RGYA GRAM STENG, ,DVANGS GSAL CHU DKYIL RLABS DANG LBU 'PHRENG NGOM, ,SRA BRTAN GSER GYI SA GZHI YANGS PA'I GZHIR, ,MRGAD MDANGS LDAN RGYA MTSO CHEN PO'I DBUS, ,RNAM MANG RIN CHEN MCHOG GI LHUN PO'I RTZER, ,BDE SKYID DPAL 'BYOR LHA GNAS DU MA DANG, KHONG SENG 'OD MI SNANG BAR LHA MIN YUL, ,'OG GZHIR KLU RGYAL DU MA'I BSTI GNAS BCAS, ,BANG RIM RGYA CHEN GNOD SBYIN DU MAS GANG, ,LHUN PO DE MTHAR NAM YANG MU MED PAR, ,RIN CHEN 'BRING LAS GSER RI ROL MTSOS BSKOR, ,PHYI ROL GLING CHEN BZHI DANG GLING PHRAN BRGYAD, , RIN CHEN THA MA'I LCAGS RI MU KHYUD BCAS, ,BAR SNANG NYI ZLA GZA' SKAR LDING ZHING 'KHOR, ,RAB YANGS SRID PA GSUM GYI ZHING KHAMS DER, ,SNUM 'JAM NYON MONGS MED PA'I SA GZHI LA, ,RTZVA LJANG 'BRU RIGS ME TOG DU
MA BKRAL, ,MTSO DANG RDZING SOGS YAN LAG BRGYAD LDAN 'KHYIL, ,S'A LA'I RKANG 'THUNG RGYAS PA'I PHANG PHUNG GA-YO, ,RIN CHEN SPUNGS PA'I DBYIBS 'DRA LA SOGS PA'I, ,KHA BA'I LHUN PO GA-YA' BRAG RDZA RI DANG, ,SPANG GSHONGS NAGS RI RIN CHEN LHUN PO'I NGOS, ,LHUNG LHUNG DAL GYIS 'BABS PA BDUD RTZI'I RGYUN, ,YID 'ONG BYA DANG RI DVAGS BAG PHEBS RGYU, ,GTUM DRAG GCAN GZAN DU MA DPA' RTZAL NGOM, ,LHA MI'I SPONG BA PA RNAMS BSAM GTAN SGOM, ,PHYOGS RNAMS KUN NAS MDZES PA'I YUL GRU DER, ,BDE SKYID NYAMS DGA' GRONG DANG GRONG KHYER DBUS, ,DGA' BA DES MYOS PA'I SKYE 'GRO DPAL 'BYOR RGYAS, ,DE LTAR SRID PA'I LONGS SPYOD PHUN TSOGS 'DIS, ,('DI MAN TSIG RKANG BCU PO 'OG MA KUN LA 'GRE,) SHUGS LDAN DRAG PO RTZAL GYI THUGS DAM BSKANG, ,ZHI MDZAD SGRIB PA KUN SEL THUGS DAM BSKANG, ,RGYAS MDZAD SRID GSUM DPAL 'BAR THUGS DAM BSKANG, , DBANG SDUD SNOD BCUD ZIL GNON THUGS DAM BSKANG, ,'JOMS MDZAD RDO RJE SHUGS LDAN THUGS DAM BSKANG, ,SKU GSUNG THUGS DANG YON TAN 'PHRIN LAS KYI, ,SPRUL PA YANG SPRUL 'KHOR BCAS THUGS DAM BSKANG, , BDAG CAG DPON SLOB YON MCHOD 'KHOR BCAS DANG, ,BLO BZANG BSTAN LA SDANG BA'I DGRA BGEGS KUN, ,THAL BA'I RDUL DU BRLAG PA'I 'PHRIN LAS MDZOD, ,KYEE; YAN LAG BRGYAD LDAN MCHOD YON ZHABS BSIL 'KHYIL,
, ,(ZHES PA NAS,) 'GAL RKYEN SEL ZHING MTHUN RKYEN PHUN SUM TSOGS, ,BSTAN DGRA DAM NYAMS SGROL BA'I 'PHRIN LAS MDZOD, ,(YANG BSKANG BA 'BRING DU BYED NA 'DI LTAR BYA,) H'Um; CHOS DBYINGS BDE BA CHEN PO'I RNAM ROL LAS, ,BYUNG BA'I MCHOD SPRIN NAM MKHA'I MTHA' KLAS PA, ,SHUGS LDAN RIGS LNGA 'KHOR BCAS SPYAN LAM DU, ,'BYUNG ZHING RGYAS LA DGYES PA BSKYED GYUR CIG ,MNGAR GSUM BDUD RTZI'I MCHOD YON RGYA MTSOR 'KHYIL, ,MDZES PA'I ME TOG DRI ZHIM BDUG SPOS SPRIN, ,'OD 'BAR SNANG GSAL GA PUR NGAD LDANG DRI, ,SNA TSOGS BZA' BCA' SNYAN PA'I ROL MOR BCAS, ,RDO RJE SHUGS LDAN RIGS LNGA'I THUGS DAM BSKANG, ,BKA' NYAN 'KHOR TSOGS THUGS DAM BSKANGS GYUR NAS, ,RNAL 'BYOR 'DOD DON YID BZHIN 'GRUB PA DANG, ,BLO BZANG BSTAN DGRA THAL BAR BRLAG PAR MDZOD, ,(NAS), YID CHES GSOL 'DEBS BLA MED RTEN MCHOG GIS, ,RDO RJE x BKA' NYAN x RNAL 'BYOR x BLO BZANG BSTAN DGRA THAL BAR BRLAG PAR MDZOD, ,(DE NAS BZLOG PA NI,) H'Um; KHRO GTUM MI BZAD RDO RJE SHUGS LDAN RTZAL, ,RIGS LNGA 'KHOR TSOGS DAM RDZAS MCHOD GTOR BZHES, ,MTHU STOBS RDZU 'PHRUL DPUNG TSOGS RAB BSKYED NAS, ,RJE BTZUN BLA MA'I SKU TSE'I 'GAL RKYEN BZLOG ,THUB BSTAN SPYI DANG 'JAM MGON TZONG KHA PA'I, ,
RGYAL BSTAN DAR ZHING 'PHEL BA'I RKYEN NGAN BZLOG ,BSTAN 'DZIN SPYI DANG DGON GNAS 'DI NYID KYI, ,PHYI NANG GSANG BA'I 'GAL RKYEN BAR CHAD BZLOG ,BDAG CAG YON MCHOD MI NOR 'KHOR BCAS KYI, ,SNGON LAS 'PHRAL RKYEN NAD RIMS GDON BGEGS BZLOG ,NYON MONGS BZHI BRGYA RTZA BZHI LAS BYUNG BA'I, ,SROG 'PHROG RIGS KYI NAD RIMS THAMS CAD BZLOG ,LUS DANG SEMS LA GNOD 'TSE BYED PA'I RIGS, ,SNGAGS NAG BAN BON MTHU GTAD MNAN GSUM BZLOG ,RDZAS SNGAGS TING 'DZIN LDEB SHING GYIM SHANG DANG, ,RLUNG 'KHOR MNAN BSREG ZOR RNAMS 'PHEN PA BZLOG ,YAS KYI BDUD GA-YOS MAS KYI SRI LANGS PA, ,LO SKEG ZLA SKEG ZHAG SKEG SRI NGAN BZLOG ,RMI LTAS MCHAN NGAN BYUR DANG BKRA MI SHIS, ,GNOD BYED GDON BGEGS DGRA 'DRE'I GNOD PA BZLOG ,GLO BUR YE 'BROG CHAGS CHE NYAM NGA BA, ,RGYAL PO'I CHAD PA KHA MCHU RTZOD GLENG BZLOG ,GZA' DANG RGYU SKAR KLU YI GNOD PA DANG, ,BTZAN DANG RGYAL BSEN SMYO 'BOGS GTONG BA BZLOG ,MA MO'I DAL YAMS KHA RLANGS GTONG BA DANG, ,BDUD RIGS PHUNG 'GONG DAM SRI'I GNOD PA BZLOG ,MDOR NA BDAG CAG YON MCHOD 'KHOR BCAS LA, ,SNGON TSE SMON LAM LOG PA'I DGRA 'DRER BHYO: CHO 'PHRUL NGAN PA SNA TSOGS RNAMS LA BHYO: MI MTHUN PHYOGS KUN DGRA BGEGS STENG DU BHYO: RDO RJE SHUGS LDAN
, ,RIGS LNGA 'KHOR TSOGS KYIS, ,'DI DAG BZLOG CING BSGYUR BA'I 'PHRIN LAS MDZOD, ,H'Um; MTHUN PA'I DNGOS GRUB MA LUS PA, ,DENG 'DIR BDAG LA STZAL DU GSOL, ,'KHOR DANG BSTAN PA LONGS SPYOD RNAMS, ,RGYAS PAR MDZOD CIG SHUGS LDAN RTZAL, (,DE NAS GTOR CHEN LA GZUNGS THAG BTAGS PA NAS BZUNG STE BZLAS PA BYA BA NI,) RANG YI DAM DU GSAL BA'I THUGS KA'I SA BON LAS 'OD ZER RNO ZHING MYUR BA 'PHOS, CHOS SKYONG RGYAL CHEN SHUGS LDAN RIGS LNGA DRAG PO RTZAL RNAMS KYI THUGS KAR NYI GDAN GYI STENG DU H'Um YIG GI MTHAR SNGAGS PHRENG RANG RANG GI KHA DOG DANG MTSUNGS PAS BSKOR BA LA PHOG PAS THUGS RGYUD RANG DBANG MED PAR BSKUL TE KHROS 'KHRUGS RNGAMS PAS THUGS KA'I SNGAGS PHRENG LAS MTSON CHA'I TSOGS DPAG TU MED PA SPROS, BSTAN DGRA DAM NYAMS MDUN DU GSAL BA LA PHOG PAS RDUL PHRAN LTAR GTUBS SHING, DUS MTHA'I ME LTA BU 'BAR BAS RTZVA SBUR MES BSREGS PA BZHIN LHAG MA MED PAR BSREGS PAS MING BRDA RJES MED DU BTANG STE THAL BA'I RDUL PHRAN BZHIN DU BRLAG PAR GYUR (PAR BSAMS LA, BZLAS BYA'I SNGAGS NI,) AOm DHARM'A P'A LA MAH'A R'A DZA BADZRA BE GA WAN RU DRA: PANYTZA KU LA SARBA BIGHNAN SHA TRUm M'A RA YA H'Um PHAt, (CES DANG, YANG 'BOD RBAD BSAD GSUM GYI SNGAGS BZLA BAR 'DOD NA, 'BOD PA NI,) AOm MAH'A R'A DZA BADZRA BE G'I BI KRANTA A'A KARshA YA A'A KARshA
YA; (RBAD PA NI,) AOm MAH'A R'A DZA BADZRA BE G'I BI KRANTA DAM NYAMS DGRA BGEGS STENG DU BHYO: BHYO: (BSAD PA NI,) AOm MAH'A R'A DZA BADZRA BE G'I BI KRANTA SARBA SHA TRUm BI GHNA NA M'A RA YA M'A RA YA, SUm TRI KA RAKshA BHYO: THIB THIB TZAKRA BHYO: SNYING KHA RAKA DUN TRI BHYO: TRI NAN SHIG ,SE NA GTUB, KHA RAKA RBAD, DUm BU BHYO: BADZRA RA TI RAKshA TZA TUR M'A RA YA H'Um PHAt, GNOD BYED DGRA BGEGS THAMS CAD M'A RA YA H'Um PHAt, (CES PA RNAMS RIG PA DAR DANG LDAN PAS BZLA, DE'I TSE DMIGS PA NI RANG YI DAM DU GSAL BA'I THUGS KA NAS 'OD ZER TSA ZHING RTZUB PA SPROS TE CHOS SKYONG 'KHOR BCAS KYI THUGS KA'I SA BON LA PHOG PAS THUGS RANG DBANG MED PAR BSKUL, DE'I THUGS KA NAS 'OD ZER 'PHROS, 'KHOR RNAMS LA PHOG PAS KHROS 'KHROGS, RNGAMS PA'I STABS KYIS SPRUL PA YANG SPRUL BSAM GYIS MI KHYAB PA GNAMS BAR SNANG GI KHYON GANG BA PHYOGS BCUR SPROS PAS GNOD BYED DGRA BGEGS RNAMS KYI SNYING GA NAS LCAGS KYUS BZUNG, MGRIN PA NAS ZHAGS PAS BCING STE BKUG NAS 'DAR HED HED CHOS SKYONG 'KHOR BCAS KYI MDUN NA 'DUG PA LA RGYOB GSOD LA SOGS PA'I DRAG PO'I NGA RO 'BRUG LTAR SGROG CING MTSON CHA SNA TSOGS PAS BSNUN, SHA RUS RNAMS RDUL PHRAN LTAR GSIL ZHING TSAR BCAD, DAM NYAMS PA'I DGRA BGEGS RNAMS SKYOB PA'I LHA SRUNG RNAMS DANG PHRAL, TSE BSOD DANG SRUNG 'KHOR SOGS SKYOB BYED KYI RIGS RDO KHAB LEN GYIS LCAGS DRANGS PA BZHIN 'UB KYIS BSDUS TE RANG LA BSTIM, SHA KHRAG RUS PA NANG KHROL DANG BCAS PA DMAR CHOM CHOM ZHAL DU GSOL TE TSAR BCAD PAR GYUR PAR BSAM, SKABS SU GZI BYIN BSKYED PA DANG, GONG GNON GYI DMIGS PA BYA, SNGAGS GANG MANG BZLAS NAS ZHOR DU SKAM
, ,THUN RLON THUN LA YANG PHU BTAB STE MTSON NAD DUG ME'I RANG BZHIN DU GYUR PAR BSAM, MTHAR YIG BRGYA BZLAS TE GTOR MA 'BUL BA NI, 'BUL GTOR NANG MCHOD LTAR BYIN GYIS BRLABS LA DGRA BGEGS THAMS CAD BKUG NAS GTOR MA LA THIM PAS DGRA BGEGS KYI SHA KHRAG DNGOS SU MOS NAS,) BSTAN SRUNG RGYAL PO CHEN PO RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR GYUR (PAR BSAM,) AOm DHARM'A P'A LA MAH'A R'A DZA BADZRA BE GA WAN RU DRA: PANYTZA KU LA SA PA RI W'A RA SARBA BIGHR'AN SHA TRUm AI DAm BA LIm TA KHA KHA KH'A HI KH'A HI, (ZHES PA LAN GSUM GYIS GTZO BO LA PHUL, 'KHOR RNAMS LA,) AOm A'A KA RO (NAS) SAm BHA RA H'Um, (BAR LAN GSUM,) AOm DHARM'A P'A LA MAH'A R'A DZA BADZRA BE GA WAN RU DRA: PANYTZA KU LA SA PA RI W'A RA AARGHAm (NAS) SHAPTA PRA T'I TZTSA H'Um SV'A H'A, AOm DHARM'A P'A LA x AOm A'A: H'Um, (GIS NANG MCHOD 'BUL, GTOR RDZONGS NI,) H'Um; 'JAM MGON RGYAL BA'I BSTAN SRUNG RDO RJE SHUGS LDAN RIGS LNGA DRAG PO RTZAL 'KHOR DANG BCAS PA KHYED RNAMS KYIS SHA KHRAG DMAR GYI GTOR MA 'DI BZHES LA, SANGS RGYAS KYI BSTAN PA SPYI DANG, KHYAD PAR 'JAM MGON CHOS KYI RGYAL PO TZONG KHA PA CHEN PO'I MDO SNGAGS KYI BSTAN PA SRUNGS, DKON MCHOG GI DBU 'PHANG
BSTOD, DGE 'DUN GYI SDE SKYONGS, BLA MA'I SKU TSE SRINGS, RNAL 'BYOR PA BDAG CAG DPON SLOB YON MCHOD 'KHOR DANG BCAS PA RNAMS KYI CHOS SGRUB PA'I 'GAL RKYEN THAMS CAD SOL, MTHUN RKYEN THAMS CAD SGRUBS, CHOS KYI RGYAL PO TZONG KHA PA CHEN PO'I BSTAN PA BSTAN 'DZIN DANG BCAS PA LA GNOD CING 'TSE BAR BYED PA, BLA MA DAM PA'I SKU LA BSNGO BA, RNAL 'BYOR PA KUN GYI DGRA BOR GYUR PA, BDAG CAG DPON SLOB 'KHOR DANG BCAS PA RNAMS LA SDANG ZHING GDUG PA'I SEMS DANG LDAN PA, BSAM PA DANG SBYOR BA PHYIN CI LOG BYED PA'I 'BYUNG PO MI DANG MI MA YIN PA THAMS CAD 'DZIN BYED KYI LCAGS KYU RNON POS ZUNGS SHIG ,'CHING BYED KYI ZHAGS PA NAG POS SDOMS SHIG ,PHO RGYUD RTZAD NAS CHOD CIG ,MO RGYUD DRUNGS NAS PHYUNGS SHIG ,CHUNG RGYUD MNGAL NAS SKOMS SHIG ,DON SNYING LA LCAGS KYI SDER MOS THOB CIG ;SHA KHRAG DRON MO ZHAL DU GSOL ZHIG ,'JIGS PA'I CHO 'PHRUL SNA TSOGS STON CIG ,NAD DANG DUG DANG MTSON CHA'I CHAR PA PHOB LA LUS NGAG YID GSUM DRAG PO'I CHAD PAS SKAD CIG NYID LA THAL BA'I RDUL PHRAN BZHIN DU BRLAG PA'I 'PHRIN LAS MDZOD CIG ,AOm DHARM'A P'A LA MAH'A R'A DZA BADZRA BE GA WAN RU DRA: PANYTZA KU LA SA PA RI W'A RA DGRA BGEGS AA MU KA MA RA YA PHAt, (CES THAL MO BRDAB, MKHA' 'GRO SPYI GTOR DANG GZHI
, ,BDAG GTOR MA GTONG, DE NAS 'OG TU BSGRAL CHOG BYED NA MTSAMS 'DIR GSER SKYEMS RIL BU DANG BCAS PA BSHAMS PA NANG MCHOD LTAR BYIN GYIS BRLAB,) H'Um; BLA MA YI DAM DKON MCHOG GSUM, ,RGYUD SDE BZHI YI LHA TSOGS RNAMS, ,KHYAD PAR BCOM LDAN GSHIN RJE GSHED, ,GSER SKYEMS MCHOD PA 'DI BZHES LA, ,BDAG GI GZU DANG DPANG MDZOD CIG ,DAM NYAMS 'DI YI SKYABS MA MDZAD, ,GSHIN RJE GSHED KYI BKA' SDOD MCHOG ,RDO RJE SHUGS LDAN 'KHOR DANG BCAS, ,GZHAN YANG DAM CAN RGYA MTSO'I TSOGS, ,GSER SKYEMS x BDAG GI GZU DANG x DAM NYAMS x DBYU GU DRUG CU RTZA BZHI SOGS, ,LO ZLA ZHAG DUS LHA RNAMS DANG; ;KHYAD PAR YUL PHYOGS 'DIR GNAS PA'I, ,LHA KLU GZHI BDAG 'KHOR BCAS RNAMS, ,GSER SKYEMS x BDAG GI x DAM NYAMS x GZU DANG DPANG LAS MTHO BA MED, ,RNAM PAR DAG PA'I THUGS KYIS GZIGS, ,GSER SKYEMS MCHOD PA RGYA RE CHE, ,'BRU SMAN SNA TSOGS RIN CHE BAS, ,DE RING BDAG GI GROGS MDZOD CIG ,(CES GSER SKYEMS 'BUL, DE NAS, RANG YI DAM LHA'I NGA RGYAL BRTAN PO'I NGANG NAS RIG PA NGAR DANG LDAN PAS DGRA BGEGS SGROL BA'I DMIGS PA DANG BCAS DRAG TU BSKUL BA 'DI LTAR,) H'Um; NGA NI KHRO RGYAL GSHIN RJE GSHED, ,'JAM MGON BLA MA TZONG KHA PA'I, ,BSTAN DANG BSTAN 'DZIN DGRA LHA'I GTZO, ,SHUGS LDAN DRAG PO RIGS
LNGA RTZAL, ,'KHOR DANG BCAS PA KHYOD BSKUL BAS, ,DUS LA BAB BO DAM TSIG DGONGS, ,KHRO GTUM RNGAMS PA'I THUGS BSKYED LA, ,GZA' BDUD PE HAR RGYAL BTZAN DANG, ,ZHING SKYONG GSHIN RJE THE'U RANG 'BYUNG MA MO SHA ZA SRIN PO'I RIGS, ,SDE BRGYAD RU 'DREN SDE BZHI SOGS, ,LAS MKHAN BSHAN PA'I DMAG DPUNG TSOGS, ,'KHOR BCAS RDZU 'PHRUL STOBS BSKYED NAS, ,'JAM MGON RGYAL BSTAN SRUNG BA DANG, ,RNAL 'BYOR SDANG DGRA GDON BGEGS RNAMS, ,SGROL PAR BYED PA'I DUS LA BAB, ,GDUG CAN SDANG BA'I DGRA BO 'DIS, ,RGYAL BSTAN SPYI DANG TZONG KHA PA'I, ,BSTAN PA BSHIG CING DBU 'PHANG SMAD, ,DPAL LDAN BLA MA'I SKU LA BSNGOS, ,DKON MCHOG GSUM GYI SDE RNAMS BCOM, ,DGE 'DUN SDE LA GNOD CING 'TSE, ,CHOS 'KHOR GNYAN PO BCOM PAR BYAS, ,NYES MED SEMS CAN YONGS LA 'TSE, ,RNAL 'BYOR BDAG CAG 'KHOR BCAS LA; ;MA NYES KHA NGAN GSHE SKUR 'DEBS, ,BSAM SBYOR NGAN PA SNA DGU BRTZAMS, ,MI KHYOD LHA MED ZER NAS BRNYAS, ,LHA KHYOD MTHU MED ZER NAS SMOD, ,DGRA LHA KHYOD LA BSAM BZHIN BRNYAS, ,'DI 'DRA'I NYAM THAG GNAS GYUR PA, ,YE SHES SPYAN GYIS GZIGS BZHIN DU, ,YAL BAR BOR NA SRUNG MA ZHAN, ,BSTEN CING MCHOD PA'I DGOS PA CI, ,BDAG LA DGRA LHA GZHAN MED PAS, ,SHUGS LDAN 'BOD KYI SNYAN MA SRA, ,LAS LA
, ,BSKUL LO SNYING MA RING, ,DGRA LA RBAD DO BANG MA BUL, ,SROG RTZA GCOD LA MTHU MA CHUNG, ,SDANG DGRA SGROL LA RTZAL MA ZHAN, ,YID LA BRNAG PA'I DGRA BO 'DI, ,GAR GNAS GANG DU BROS GYUR KYANG; ;DRAG TU DED LA MYUR DU ZUNGS, ,DAM DU CHINGS LA GNAD DU BSNUN, ,GNAM GYI 'JU THAG STENG NAS CHOD, ,SA YI BRTEN PHUR 'OG NAS PHYUNG, ,SNYING LA LCAGS KYI SBAR MO THOB, ,LTAG PA'I PHYOGS NAS MDUD CHOD LA, ,DPRAL BA'I DKYIL NAS MIG THON CIG ,KHONG KHRAG DRON MO SKYUG TU CHUG ,KLAD PA DKAR PO ZHO LTAR DKRUG ,GLO SNYING DMAR CHEMS RGYAB NAS PHYUNGS, ,RGYU MA NANG KHROL THANG LA KHROM, ,'GO BA'I LHA SRUNG DANG PHYE LA; ;GNOD PA'I 'DRE NGAN LAG TU GTOD, ,SRUNG BA'I GUR KHANG YOD SRID NA, ,LAS MKHAN PHO NYAS BSDUS LA SHIG ,BRTZIGS PA'I MKHAR RDZONG MCHIS GYUR NA, ,RDO RJE THOG GIS RMEG MED CHOMS, , RDEG PA'I MTSON CHA YOD GYUR NA, ,RANG MTSON RANG LA 'KHOR BAR GYIS, ,BSAGS PA'I NOR RDZAS YOD GYUR NA, ,RANG NYID BRLAG CING PHUNG RGYUR THONGS, ,BZLAS PA'I GSANG SNGAGS YOD GYUR NA, ,SDIG CAN RANG LA DMOD PAR GYIS, ,PHAN PA'I SMAN DPYAD CI BGYIS PA, ,GNOD PA'I DUG DANG ZUG RNGUR SGYUR, ,SKYOB PAR BYED PA'I LHA SRUNG RNAMS, ,SROG DBUGS LEN PA'I BDUD DU PHOB, ,GSHIN RJE'I DBYUG PAS RGYAB
NAS DED, ,MA MO'I DAL YAMS DRAG TU THONGS, ,BDUD KYI KHRAM SHING DGRA LA SGYUR, ,RLUNG LHAS 'BYUNG BZHI 'KHRUG TU CHUG ,MON PAS CHO 'PHRUL 'DRE RU THONGS, ,KLU GNYAN KHROS PAS MDZE LHOG THONGS, ,GNYAN GYIS GAG LHOG SKRANG 'BUR THONGS, ,DMU YIS DMU CHU DAL NAD THONGS, ,GZA' RGOD DRAG POS DUG GZER THONGS, ,RGYAL PO'I GZER NAD STOD LA THONGS, ,BTZAN GYI GZER NAD SMAD DU PHOB, ,DUG GZER SBOS 'DRES 'CHI RU CHUG , THE'U RANG 'GONG POS SMYO RU CHUG ,BDUD KYIS DRAN MED BRGYAL DU CHUG ,YUL LHA SDE BRGYAD 'BYUNG PO YIS, ,KHYIM BYA'I SKAD DANG BONG BU'I BZHAD, ,THOG SER MA RUNGS LTAS NGAN THONGS, ,SNANG SRID LHA 'DRE THAMS CAD KYIS; ;MI 'DOD SNA DGU THONGS LA SHOG ,TSE BSOD DPAL 'BYOR NYAMS SU CHUG ,RLUNG RTA DBANG THANG CHAG TU CHUG ,MTHUN RKYEN LEGS TSOGS LHAG MED GTOR, ,MI 'DOD NYER 'TSE MA LUS PA, ,CHAR SPRIN 'THIBS PA'I MUN BZHIN THONGS, ,NAD GDON CHAGS CHE NYAM NGA KUN, ,KHA PA BU YUG 'TSUBS BZHIN THONGS, ,MDOR NA RNAL 'BYOR BDAG CAG LA, ,SNGA DGRA LAG TU BLANGS PA DANG, ,PHYI DGRA SEMS LA 'CHANG BA DANG; ;DA DGRA DNGOS SU GNOD PA RNAMS, ,MGO BO YAN LAG DUM BUR CHOD, ,PAGS PA BSHUS LA DON SNYING DANG, ,SHA KHRAG NANG KHROL RI LTAR SPUNGS, ,MTHU STOBS DBANG BSGYUR DGRA LHA'I RGYAL, ,'JAM MGON
, ,BSTAN SRUNG SHUGS LDAN RTZAL, ,RIGS LNGA 'KHOR DANG BCAS PA RNAMS, ,GNAM SA LTA BU'I ZHAL GDONGS LA, ,GANGS RI LTA BU'I MCHE BA GTZIGS, ,GLOG DMAR LTA BU'I LJAGS BRKYANGS TE, ,SHA ZO KHRAG 'THUNG RUS PA MUR, ,GNOD BYED DAM NYAMS DGRA BGEGS KYI, ,MING TZAM BRDA TZAM LA SOGS PA'I, ,THA SNYAD TZAM YANG MI GRAGS PAR, ,DRAG PO'I CHAD PAS TSAR CHOD CIG ,LO DANG ZLA BAR MA BZHAG CIG ,ZHAG DANG ZA MAR MA 'GYANGS PAR, ,DA LTA NYID DU MYUR SGROL LA, ,RNAM SHES CHOS KYI DBYINGS SU DRONGS, ,BCOL BA'I LAS 'DI MA BGYIS NA, ,SNGON GYI THA TSIG NYAMS PAR 'GYUR, ,'DRIS SHING 'GROGS PA'I KHREL KYANG BOR, ,MCHOD GTOR PHUL BA CHUD RE ZOS, ,BSTAN SRUNG KHROD NA NGO RE GNONG, ,RNAL 'BYOR RE BA SUN YANG PHYUNG, ,DE BAS YAL YOL MA MDZAD PAR, ,BCOL BA'I 'PHRIN LAS SGRUB PAR MDZOD, , ('BRUB KHUNG LINGGA DANG BCAS PA SLOB DPON GYI MDUN DU BZHAG NAS KHA SBYOR DBYE BA LAG TU BLANGS PA'I RIM PA LA KHRO BA'I SEMS DANG LDAN PAS 'BRU BA KHUNG BSKYED CHOG DANG DGUG GZHUG BYED PA NI, LAS SNGAGS KYIS BSANG,) AOm SVA BH'A WAS (SBYANGS), STONG PA'I NGANG LAS H'Um NAG PO ZHU BA LAS DAM TSIG NYAMS PA'I DGRA'AM BGEGS RNAMS KYI SDIG SEMS DANG LAS NGAN LAS GRUB PA'I 'BRUB KHUNG GTING ZAB CING YANGS PA'I NANG DU, ZHE SDANG DRAG PO'I ME 'BAR ZHING, GTI MUG GI MUN PA GTIBS
PA; 'DOD CHAGS KYI KHRAG MTSO KHOL BA'I RBA KLONG 'KHRUG CING, PHRAG DOG GI RLUNG DMAR 'TSUBS PA, NAD RIMS MI BZAD PA'I NA BUN 'THIBS SHING, GNAM LCAGS THOG SER MTSON CHAR 'BEBS PA, BDUD KYI BTZON KHANG, GSHIN RJE'I BSHAS RA, DMYAL BA'I BSREG KHANG RAB TU 'BAR BAR GYUR, DE'I NANG DU (GZUGS CAN DGRA LA DMIGS NA nI DANG, GZUGS MED BGEGS LA DMIGS NA) TRI LAS DAM NYAMS PA'I DGRA BO'AM GNOD BYED MGON SKYABS DANG BRAL BA, GCER BU SHIN TU NYAM THAG CING LUS RING PA, MYA NGAN GYIS GDUNGS PA'I SMRE SNGAGS 'DON CING, BU GA DGU NAS KHRAG 'DZAG CING, DRI CHEN DANG DRI CHU DBANG MED LHUG PAR 'CHOR BA; MTSAN MA 'PHYANG BA YAN LAG LCAGS SGROG GIS BSDAMS PAR GYUR, (DGUG GZHUG BYA BA NI, RDOR DRIL 'DZIN PAS 'DOD RGYAL GYI PHYAG RGYA BYAS LA NGAG TU,) NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SANGS RGYAS KYI x CHOS KYI x DGE 'DUN GYI x KHAMS GSUM ZA BYED DPAL RDO RJE 'JIGS BYED CHEN PO'I x 'JAM MGON RGYAL BA'I BSTAN SRUNG RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA'I x DPAL MGON DAM PA CHOS SKYONG BA'I SRUNG MA MTHU RTZAL CAN RNAMS KYI x CHOS KYI DBYINGS RNAM PAR DAG CING KUN RDZOB RGYU 'BRAS BSLU BA MED PA'I BDEN PA'I STOBS KYIS
, ,DPAL LDAN BLA MA DAM PA'I SKU DGRA ,DKON MCHOG GSUM GYI SPYI DGRA, SANGS RGYAS KYI BSTAN PA'I DGRA BO, SNGAGS 'CHANG RNAL 'BYOR PHA BDAG CAG DPON SLOB MI NOR DGON GNAS DANG BCAS PA DANG, RGYU SBYOR YON GYI BDAG PO MI NOR 'KHOR DANG BCAS PA LA GNOD CING 'TSE BAR BYED PA'I SGOS DGRA ,NGAN LAS KYI PHOD BTZUGS PA, DO BSNGO BA, NGAN 'GRAN BYAS PA, BSAM PA NGAN PA, SBYOR BA RTZUB PA, SNGA DGRA BYAS PA, PHYI DGRA BYED PA, DA DGRA GSHOMS PA LA SOGS PA'I DAM NYAMS PA'I DGRA BO, GZUGS CAN GYI DGRA ,GZUGS MED KYI BGEGS, GSON 'DRE LUS LA GNAS PA, GSHIN 'DRE RJES SU 'BRANG BA, DKOR 'DRE NOR PHYIR RGYUGS PA, RBAD 'DRE BU YUG LTAR 'TSUB PA LA SOGS PA'I PHYI DANG NANG NA GNAS PA'I DGRA BGEGS RNAMS KYI RNAM PAR SHES PA, SA 'OG ,SA STENG, SA BLA, MTHO SRID PA'I RTZE MO NAS, DMA' DMYAL KHAMS BCO BRGYAD KYI GTING, PHYOGS BZHI MTSAMS BRGYAD GANG NA GNAS KYANG SKAD CIG THANG CIG YUD TZAM LA LING GA 'DI NYID LA KHUG CIG PHOB CIG ,AOm DHARM'A PA LA MAH'A R'A DZA BADZRA BE GA WAN RU DRA: PANYTZA KU LA SA PA RI W'A RA SARBA SHA TRUm BIGHNAN A'A KARshA YA DZA: nI YAm DZA: TRI YAm DZA: AOm BADZRA AAm KU SHA DZA: AOm BADZRA P'A SHA H'Um, AOm BADZRA SPHO tA BAm, AOm BADZRA GHAndA HO: (ZHES LAN GSUM MAM BDUN GYIS DGUG GZHUG BYA,
DE NAS SLAR YANG DRAG TU BSKUL BA NI,) H'Um, RDO RJE 'DZIN PA'I BKA' 'KHOR NAS, ,MTHU RTZAL CAN GYI SRUNG MA BSKYOD, ,SNANG SRID DREGS PA'I KLONG DKYIL NAS, ,DAM CAN RGYA MTSO'I DED DPON BSKYOD, ,'BAR BA CHEN PO'I DKYIL 'KHOR NAS, ,SROG GCOD RGYAL CHEN RIGS LNGA BSKYOD, ,RDZU 'PHRUL BSAM YAS GRONG KHYER NAS, ,DRAG RTZAL PHO NYA LAS MKHAN BSKYOD, ,DUS MTHA'I ME RLUNG 'KHYIL BA'I DBUS, ,KHRAG ZHAG DUG GI RGYA MTSO KHOL, ,'JIGS RUNG BRAG RI MTSON CHA 'DRA, ,DUG SHING TSANG TSING 'KHRIGS PA'I TSAL, ,SRIN BYA 'UG PA THA NA SKAD 'BYIN, ,CHU KLUNG RGYOB SOD NGA RO SGROGS, ,MKHA' LA DUS MTHA'I SPRIN NAG LAS, , DRAG PO'I GNAM LCAGS THOG SER 'BEBS, ,DUR KHROD ROL PA'I GZHAL YAS NAS, ,SDE BRGYAD DMAG DPUNG NYE RE RE, ,PHO NYA LAS BYED SHA RA RA, ,'JIGS PA'I CHO 'PHRUL ZENGS SE ZING, ,DE DAG KUN GYI GTZO BO NI, ,CHOS SKYONG RDO RJE SHUGS LDAN RTZAL, ,GDUG CAN MKHA' LDING DBANG PO'I STENG, ,SKU MDOG SMUG NAG SRIN PO'I GZUGS, ,KHROS PA'I SPYAN GSUM SDANG MIG BSGRAD, ,RNGAMS PA'I ZHAL GDANGS MCHE BA GTZIGS, ,ZA BYED LJAGS 'DRIL KHRAG RGYUN 'DZAG ,KHRO GNYER DUS MTHA'I SPRIN PHUNG LAS, ,SMA RA SMIN MA GLOG PHRENG 'KHYUG ,SHANGS NAS PHUD SGRA 'BRUG STONG LDIR, ,SNYAN NAS RDO RJE'I THOG SER 'BEBS, ,
, ,KHAM NAG SKRA BRDZES STENG GDON BSDIGS, ,PHYAG GA-YAS GNAM LCAGS SPU GRI YIS, ,DGRA BGEGS SROG GCOD SHA RUS GTUBS, ,PHYAG GA-YON DAM NYAMS KUN GYI SNYING, ,KHRAG 'DZAG 'DAR ZHING ZHAL DU GSOL, ,THOD BSKAM RLON KHRAG RGYUN CAN, ,THOD DANG DO SHAL DAG TU BYAS, ,RUS RGYAN KHRAG ZHAG THAL BAS BRGYAN, ,ZHING CHEN STOD GA-YOGS STAG SHAM DKRIS, ,MI SDUG KHROS PA'I BZHUGS STANGS KYIS, ,SNANG SRID LHA SRIN ZIL GYIS GNON, ,BA SPU'I KHUNG NAS YE SHES KYI, ,ME DPUNG RNO MYUR DU MA 'PHRO, ,BSTAN DGRA DAM NYAMS SROG DBUGS LA, ,RNGAMS PAS NYIN MTSAN PHYOGS BCUR BRGYUGS, ,SHA KHRAG RUS PA'I DRI TSOR NA, ,DPAG TSAD DU MAR SKAD CIG NYUL, ,SRIN PO'I GZUGS CAN RGYAL PO CHE, ,DAM CAN RDO RJE SHUGS LDAN KHYOD, ,SNGON GYI KHAS BLANGS BZHIN DU GYIS, ,SNYIGS DUS RGYAL BA'I BSTAN PA LA, ,GNOD BYED DGRA BGEGS BDUD DPUNG DANG, ,BDAG CAG YON MCHOD 'KHOR BCAS LA, ,SNGA DGRA BDAR ZHING PHYI DGRA SEMS, ,DA DGRA SDANG ZHING MTHO 'TSAMS PA'I, ,MI DANG MI MIN GANG CI RUNG, ,'DI DAG 'KHOR DANG BCAS PA KUN, ,H'Um; RDO RJE 'BAR BA'I LCAGS KYU YIS, ,SNYING NAS DRONGS SHIG AANGKU SHA, SBRUL NAG ZHAGS PA'I GLOG PHRENG GIS, ,SKE NAS CHINGS SHIG P'A
SHA H'Um, ,LAS KYI LCAGS SGROG NAG PO YIS, ,RKANG LAG SDOMS SHIG SPHO tA BAm, ,SGRA DRAG RDO RJE'I DRIL CHEN GYIS, ,PHOB CIG BADZRA GHAndA HO:, ,SHUGS DRAG RDO RJE PHUR BU YIS, ,SNYING LA BSNUN CIG K'I LA YA, ,RDO RJE DGRA STVA KHA BO CHES, ,CHOD CIG BADZRA PA RA SHU, ,RVA MANG RDO RJE'I THO BA YIS, ,RDUNGS SHIG BADZRA MUNGGA RA, ,KHRO BO'I RDO RJE RTZE LNGA PAS, ,DUM BUR CHOD CIG BADZRA NA, ,REG GCOD RDO RJE SPU GRI YIS, ,GTUB CIG BADZRA K'U RA KA:, RDO RJE 'BAR BA'I BE CON GYIS, ,CHOMS SHIG BADZRA DAndA NA, ,RGYA GRAM RDO RJE RI RAB KYIS, ,GNON CIG BADZRA STAMBHA YA, ,RDO RJE ME YI SA GZHI LA, ,SREGS SHIG AAGNE DZVA LA RAm, ,DUS KYI RLUNG NAG 'TSUB MA YIS, ,THOR CIG K'A LA WA YA WE, ,(ZHES PHYAG MTSAN GYIS TSAMS RNGAMS BYAS LA, GSHIN RJE DANG, SRIN PO DANG, GNOD SBYIN DANG, RO LANGS DANG, PHO NYA LAS MKHAN MTSON CHA SNA TSOGS THOGS PA RNAMS KYIS DGRA BO DE'I SPYI BO NAS THO BA DANG DBYUG PAS BCOM PA DANG, MGO BO GCOD PA DANG, KHOG PA DRAL BA DANG, RGYAB NAS GZHUNG DU TSAL PAR GSHOG PA DANG, NANG KHROL DANG GLO SNYING 'BYIN PA DANG, SGAL TSIGS DANG LHU TSIGS THAMS CAD 'BYED PA DANG, GZHUNG DANG SROG RTZA GCOD PA DANG, RKANG PA RDO RJE 'BAR BA'I RANG BZHIN GYIS BRDZIS PAS NANG KHROL DANG SHA RUS THAMS CAD BCOMS TE BU GA DGU NAS KHRAG CHIL CHIL 'BAB PA DANG, RDO RJE RI RAB BSGRIL BAS SHA RUS MGO RKANG THAMS CAD NUR NUR BCOMS TE SBAL PA MDZOS BRDZIS PA LTAR GSOD PA DANG, LAS KYI ME CHEN POS LHAG MA
, ,MED PAR TSIG PA DANG, RLUNG NAG 'TSUB MAS THAL BA TZAM YANG MA LUS PAR GTOR BAR BSAM, BSGRUB BYA'I NYES PA GSOL BTAB STE DPANG GZUG PA NI,) GSON CIG DREGS BYED YONGS KYI BDAG ,RDO RJE SHUGS SOGS MING MANG PO, ,SNGON TSE SMON LAM JI LTAR BTAB, ,'JAM MGON BLA MA YAB SRAS SOGS, ,RTZA BRGYUD BLA MAS BKA' CI BSGOS, ,KHYOD KYIS RDO RJE SPYI BOR BLANGS, ,BRO BOR 'DA' DKA'I BDUD RTZI MYANG, ,KHAS BLANGS DRAN PA'I DUS LA BAB, ,BSTAN DGRA DAM NYAMS BDEN BRAL 'DIS, ,BLA MAR SMOD CING SEMS CAN 'TSE, ,BSTAN 'DZIN DGE 'DUN SDE RNAMS BCOM, ,KHYAD PAR RNAL 'BYOR BDAG CAG LA, ,SNGA DGRA LAG TU JI LTAR BDAR, ,DA DGRA SEMS PA MNGON SUM DANG, ,PHYI DGRA YID BRNAG KHYOD KYIS SHES, ,BDEN PA'I DBANG DE DA MDZOD CIG ,BDAG GIS GANG BCOL LAS 'DI DAG ,MYUR DU KHYOD KYIS MA BSGRUBS NA, ,RTZA BRGYUD BLA MA'I BKA' YANG BCAG ,BSTAN SRUNG KHAS BLANGS 'JA' LTAR YAL, ,MTHU STOBS RDZU 'PHRUL RDZUN GYI TSIG ,RIG 'DZIN RNAMS KYI RE BA BCAD, ,DE PHYIR KHAS BLANGS DAM BCAS BZHIN, ,BSTAN LA GNOD BYED 'DI DAG KUN, ,LO DANG ZLA BAR MA BZHAG CIG ,ZHAG DANG ZA MA MA 'GYANGS PAR, ,SRID GSUM 'JIG RTEN GAR GNAS KYANG, ,THAL BA'I RDUL BZHIN BRLAG PAR MDZOD, ,
(DE NAS SNGAGS KYIS NGAR BLUD PA'I THUN SKAM RLON GYIS BRAB CING,) GNOD SBYIN DANG GSHIN RJE DANG MA MO BDUD SPRUL RNAMS KYIS DUG MTSON GYI CHAR PHAB PAR GYUR, H'Um; YUNGS KAR RGYAL PO KHRO BO'I THUN, ,SKE TSE DUG KHRAG LCAGS RDO'I PHYE, ,DRAG PO SNGAGS KYIS NGAR BTAB PA'I, ,GNAM LCAGS SER CHEN LTA BU'I ZOR, ,DGRA BO'I LUS LA BTAB PA YIS, ,DGRA BGEGS RDUL PHRAN BZHIN DU CHOMS, ,(ZHES MTSON CHA SNA TSOGS DANG, GLOG GI PHRENG BA DANG, RDO RJE 'BAR BA'I THOG GI CHAR BAS LCANG LO SER BAS BRDUNGS PA BZHIN DU TSAL PAR GCOD PA DANG, MING MED PAR BCOM PA DANG, GZHOB TU BSREGS PAR BSAMS LA, DGRA GZUGS LA SKAM THUN BRAB,) KHRAG SNA 'BUM DANG DUG SNA STONG, ,THANG PHROM DUG GI KHU BA LA, ,DRAG PO SNGAGS KYIS NGAR BTAB PA'I, ,BRLAN ZHING GSHER BA'I THUN ZOR 'DI, ,DGRA BO'I LUS LA BTAB PA YIS, ,DRAN PA MYOS SHING NYAMS PAR GYUR, ,(CES NAD SNA TSOGS KYI RANG BZHIN GYI DUG CHU SNGO DMAR RLANGS PA CAN KHOL MAS LUS BKANG BAS THAL BA'I GONG BU CHUS GZHIG PA BZHIN DU MYOG CING ZHIG PAR BSAMS LA RLON THUN RO SKRA'I PIR GYIS BRAB,) YUNGS KAR RGYAL PO KHRO BO'I THUN, ,DUG SNA KHRAG SNA KHRO MO'I THUN, ,SKAM THUN RLON THUN THUN BRAB PAS, ,KHRO BO KHRO MOS LAS MDZOD CIG , (CES PAS SKAM RLON GNYIS KA'I THUN GYIS BRAB,) DKON MCHOG GSUM LA GNOD PA, BLA MA LA DMOD PA, BSTAN PA LA SDANG BA, SEMS CAN LA 'TSO BA, SGRUB PA PO LA BSAM SBYOR LOG PAR BLTA BAR BYED PA'I DAM TSIG
, ,NYAMS PA'I DGRA BO 'DI LA RGYOB CIG ,SOD CIG ,LHAN CIG SKYES PA'I LHA DANG PHYE ZHIG ,MNYAM POR 'ONG BA'I BDUD DANG SPROD CIG ,PHO LHA DANG PHYE ZHIG ,MO LHA DANG PHYE ZHIG ,LE'U'I LHA DANG PHYE ZHIG ,ZHAL LHA DANG PHYE ZHIG ,PHRAG LHA DANG PHYE ZHIG 'GO BA'I LHA DANG PHYE ZHIG ,BRTEN BA'I LHA DANG PHYE ZHIG ,LAS MKHAN RNAMS KYIS KHRID DED 'TSOG BRDUNGS LA SOGS PA BGYIS SHIG ,(DE NAS LHA DBYE BYA BA LA DANG POR YE SHES PA'I LHA DANG DBYE BA NI,) H'Um, DGRA BGEGS 'DI YI GROGS MDZAD PA'I, ,YE SHES LHA SRUNG TSOGS RNAMS GSON, ,BSTAN DGRA DAM NYAMS SDIG CAN 'DI'I, ,MGON SKYABS DPUNG GNYEN MA MDZAD PAR, ,MTHU DANG RDZU 'PHRUL KUN CHOMS LA, ,BDAG GI MGON DANG SKYABS MDZOD CIG ,BRTZE BAS KHROS PA'I SKUR BZHENGS LA, ,SDIG CAN DRAG PO'I CHAD PAS SGROL, ,AOm BADZRA BI KI BIKRANTA SARBA SHA TRUm SARBA DZNY'A NA DE WA BI DE shA YA PHAt, (CES YE SHES PA DANG PHRAL, DE NAS 'JIG RTEN PA'I LHA SRUNG DANG PHRAL BA NI,) H'Um, NYES CAN DGRA BO'I GROGS BYED PA'I, ,'JIG RTEN LHA SRUNG THAMS CAD KYANG, ,'JIGS PA THAMS CAD 'JIGS BYED PA'I, ,GSHIN RJE'I GSHED PO'I BKA' NYON LA, ,SDIG LDAN 'DI NYID TSAR CHOD CIG ,GZHAN YANG SRUNG BYED GO CHA DANG, ,SNGAGS RDZAS RTEN 'BREL NUS PA SOGS, ,CHOS 'BYUNG NANG
BTZUD PHUR BUS GDAB, ,AOm BADZRA BI KI BI KRANTA SARBA SHA TRUm SARBA LO KA DE WA RAKshA BI DE shA YA PHAt, (CES 'JIG RTEN PA'I LHA SRUNG DANG RDZAS SNGAGS KYI SRUNG PA DANG PHRAL, DE NAS SGROL GRI THOGS LA,) H'Um, SROG BDUD 'BAR BA'I THOG ZER CAN, ,GTUM DRAG RGYAL CHEN DPUNG 'KHOR BCAS, ,'JIGS PA'I SKU NI STON RE RAN, ,RNGAMS PA'I NGA RO SGROG RE RAN, ,GSOD PA'I THUGS NI MYUR RE RAN, ,DREG SHUL RTZAL DE 'CHAR RE RAN, , MNGON SPYOD 'PHRIN LAS SGRUB RE RAN, ,SBYI DANG BYE BRAG LA SDANG BA'I, ,DAM NYAMS SNYING GI TSER MA 'DIR, ,'JIG RTEN MI 'DOD THAMS CAD THONGS, ,LUS STOD TSA BA ME LTAR SBOR, ,BAR DU RLUNG MKHRIS BAD KAN SOGS, ,BZHI BRGYA RTZA BZHI'I NAD KUN THONGS, ,DAL YAMS KHRAG NAD GZER CHEN SOGS, ,BZLOG TU MED PA'I GNYAN RIMS PHOB, ,KHA NAS DON SNYING KHRAG DRON PHYUNGS, ,'OG NAS BSHAL RIMS CHU RGYUN THONGS, ,LTAS NGAN BRGYAD CU YE 'BROG SOGS, ,THOS PAS SKRAG RNAMS MYUR DU PHOBS, ,GNYEN SOGS KHA RJE DBANG THANG PHROL, ,MTSON RNON 'BAR BAS SROG LUS GTUBS, ,SNYING KHRAG DRON MOD 'THUNGS SHIG ,H'Um, RNAM PAR MI RTOG THUGS KYI BDAG ,LUS NGAN 'DI LA MA BZHUGS PAR, ,RANG BZHIN 'OD GSAL CHOS KYI DBYINGS, ,DRI MA'I SBUBS NAS GSHEGS SU GSOL, ,AOm YA M'ANTA KA SU GA
, ,TA HRI DA YA BUDDHA BADZRA MU: SEMS RANG BZHIN GYIS 'OD GSAL BA DE DRI MA DANG BRAL NAS SANGS RGYAS KYI ZHING DU GSHEGS PAR GYUR, (CES MDUN GYI NAM MKHAR SKAD CIG GIS RDO RJE SEMS DPA' BSAMS LA, , DGRA BO'I RNAM SHES RANG YI DAM DU GSAL BA'I THUGS KAR DRANGS NAS SLAR RDO RJE SEMS DPA'I THUGS KAR 'PHANGS PAS MI BSKYOD PA'I ZHING DU THOGS PA MED PAR GSHEGS PAR BSAM, BSGRAL BYA SGROL BYED BSGRAL BA'I RANG BZHIN THAMS CAD SPROS PA'I MTHA' THAMS CAD DANG BRAL BA'I NGANG DU MNYAM PAR BZHAG ,DE NAS RNAM SHES SPAR ZIN PA'I PHUNG PO DE CHOS SKYONG GI THUGS KA NAS SBROS PA'I LAS MKHAN RNAMS KYIS BTUB PAR BSAMS LA,) LAS MKHAN RNAMS KYIS RAL GRI LA SOGS PA'I MTSON CHAS BRDEGS STE BCINGS, SHA ZOS, KHRAG 'THUNG, RGYU MA DRANGS, YAN LAG DANG MGO BO BCAD, LPAGS PA BSHUS, TSAR BCAD PAR GYUR, AOm DHARM'A P'A LA x SA PA RI W'A RA SARBA SHA TRUm BIGHNA NA M'A RA YA H'Um PHAt, (CES BRJOD NAS SGROL GRIS, ZAN LING DUM BU DGUR GTUB PA LAS KYI RDO RJES GTOR CHEN GYI MDUN DU BTEGS LA, ZHAL BSTAB NI,) H'Um, SRID GSUM SKYE 'GRO'I SROG DBUGS KUN, ,ZOS KYANG MA TSIM GNAM SA'I BAR, ,RAB GDANGS ZA BYED KHROS PA'I ZHAL, , TSEMS CHEN 'BAR PA'I PHRENG BA YIS, ,ZO SHIG DGRA BGEGS SHA KHRAG KUN, ,RDO RJE SHUGS LDAN ZHAL DU BSTABS, ,'DUL 'DZIN DRAG PO'I ZHAL DU BSTABS, ,LAS BZHI SGRUB MDZAD ZHAL DU BSTABS, ,
KHYED 'KHOR MA RUNGS LHA KLU BDUD, ,RGYAL BTZAN SRIN PO LA SOGS PA, ,STONG GSUM KHYON GANG DREGS PA'I DPUNG, ,RNGAMS 'JIGS SHA ZA KHRAG 'THUNG RNAMS, ,HAB SGRA KU SGRA DI RI RI, ,DGRA BGEGS SHA KHRAG RUS LA ROL, ,GSHIN RJE'I GSHED KYI DAM TSIG DGONGS, ,BDAG CAG YON MCHOD 'KHOR BCAS KYI, ,MI MTHUN PHYOGS KUN ZHI BAR MDZOD, ,LEGS TSOGS KUN KYANG 'PHEL BAR MDZOD, ,GANG BSAM SNOD BCUD DBANG DU BSDUS, ,LOG 'DREN MING YANG MED PA SOGS, ,NYIN MTSAN BYAR MEL TSE DANG, ,DAR 'PHYAR DUNG BUS SNYAN PA SPEL, ,MI NUB RGYAL MTSAN MKHA' LA 'PHYOR, ,BYANG CHUB BAR DU STONG GROGS MDZOD, ,(CES MCHOD GA-YOG PAS MING RO GTOR MA LA BRAN, DE NAS DGRA BGEGS KYI SHA KHRAG GI TSOGS DE RNAMS GTOR MA DANG LHAN CIG NANG MCHOD LTAR BYIN GYIS BRLABS NAS 'BUL BA NI,) BSTAN SRUNG RGYAL PO CHEN PO RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYI LJAGS H'Um LAS (ZHES PA NAS,) AA MU KA M'A RA YA PHAt, (KYI MJUG TU THAL MO BRDAB, THUN GTOR RAM BSKUL GTOR BRLABS LA,) H'Um, RGYAL BA'I BSTAN DANG BSTAN 'DZIN DGE 'DUN SDER, ,BSAM SBYOR LOG PAR 'KHU BA'I DGRA BGEGS KUN, ,LO ZLA ZHAG DANG SKAD CIG MA 'GYANGS PAR, ,DRAG PO'I CHAD LAS MI BZAD SNA TSOGS PAS, ,LE LO GA-YENG DANG ZAS PHYIR MA 'BRANG BAR, ,SMYO 'BOG BRGYAL DANG RIMS NAD GZER THUNG PHOB, ,LUS DANG SEMS PHROL SHA KHRAG ZHAL DU GSOL, ,KLAD PA 'JIB CING RUS
, ,MUR LPAGS PA GYON, ,NGAN SEMS 'DUN GROS BYE MA'I CHANG BUR BSHIGS, ,MNGA' THANG SNUM ZAD MAR ME JI BZHIN THONGS, ,TSE DPAL LONGS SPYOD RGYAB RTEN DPUNG DANG BCAS, , BYA SGRO ME YIS BSREGS BZHIN LHAG MED MDZOD, ,MDOR NA BDAG LA GNOD CING 'TSE BA'I DGRA, ,DNGOS DANG RJES 'BRANG MING GI LHAG MAR THONGS, ,BCOL BA'I LAS 'DI DA LTA MA SGRUB NA, ,DNGOS BRGYUD BLA MA'I BKA' DANG DAM LAS 'DAS, ,RNAL 'BYOR BSTEN GSOL DON MED RE BA'I 'BRAS, ,BSLUS PAS NGO NONGS BSTAN SRUNG MING TZAM GYUR, ,DE BAS DAM TSIG GNYAN PO MA DRAL BAR, ,MTHU RTZAL DRAG TU BSKYED LA LAS KUN MDZOD, (,CES PHUL LA THUN GTOR DGRA PHYOGS SU 'PHANG, THUN RE BZHIN BSGRA LA CHOG RGYAS PA MI BYED NA GONG GI GZHI BDAG GTOR MA'I MJUG GSER SKYEMS NAS, AA MU KA M'A RA YA PHAt KYI BAR BZHAG STE, THUN GTOR BRLAB PA'I MTSAMS SU 'JUG ,DE NAS BSTOD PA BYA BA NI,) H'Um, RGYAL BA KUN GYI MTHU STOBS NUS PA RNAMS, ,SNYIGS DUS ZHVA SER RGYAL BSTAN BSRUNG BA'I PHYIR, ,RAB 'JIGS DRAG PO'I SKUR BSTAN DGRA BGEGS KUN, ,'JOMS MDZAD RNAL 'BYOR DGRA LHA CHEN POR BSTOD, ,RAKTA'I MDOG CAN KHRO GTUM SRIN PO'I GZUGS, ,DRAG SHUL 'JIGS RUNG SPYAN GSUM SPANG MIG BGRAD, ,ZHAL GDANGS MCHE GCIGS LJAGS 'DRIL
GAD RGYANGS SGROGS, ,GTUM DRAG GAR GYIS SRID GSUM GA-YO LA BSTOD, ,SNYAN GYIS 'THOR RLUNG SHANGS NAS CHAR SPRIN SPRO, ,ZHAL GYI RLANGS BAS DGRA LA NAD YAMS 'GYED, ,SMA RA SMIN MA 'BAR BA'I ME 'OD KYIS, ,DGRA BGEGS BDUD DPUNG MA LUS BSREGS LA BSTOD, ,DBU SKRA GYEN BRDZES DBUS NA NYI GDAN LA, ,'JAM MGON BLA MA RIGS KYI COD PAN DU, ,'DZIN CING GUS MCHOD ZHVA SER RGYAL BSTAN 'DI, ,NGA YIS SKYONG ZHES THA TSIG MDZAD LA BSTOD, ,PHYAG GA-YAS RAL GRI 'BAR BAS DGRA SROG GCOD, ,PHYAG GA-YON SNYING SNAS GANG BA'I THOD KHRAG BZUNG, ,MCHAN KHUNG NE'U LE GSER GYI LCAGS KYU BSNAMS, ,'JAM MGON BSTAN DGRA'I GSHED MA KHYOD LA BSTOD, ,THOD SKAM DBU RGYAN MGO RLON DO SHAL 'CHANG, ,ZHING CHEN GA-YANG GZHI GLANG LPAGS STOD GA-YOGS RGYAN, ,STAG LPAGS SHAM THABS MI RUS RIN CHEN SBRUL, ,DUR KHROD CHAS 'JIGS BYA KHYUNG LA ZHON PA'I, ,RAB GTUM THUGS KYI RGYAL CHEN KHYOD LA BSTOD, ,ZHI RGYAS DBANG DRAG LAS MDZAD DKAR SER DMAR, , SMUG NAG MDANGS LDAN PHYOGS RER BYE BA 'BUM, ,MA NGES DUR KHROD CHA LUGS RAB BYUNG CHAS, ,PHYAG MTSAN BZHON PA MA NGES RNAMS LA BSTOD, ,KHYOD KYI BKA' NYAN NOR BDAG GNOD SBYIN DANG, ,PE
, ,HAR GZA' BDUD RGYAL BTZAN GRANGS MED SOGS, ,LHA KLU SRIN PO GSHIN RJE SHA ZA 'BYUNG, ,LAS MKHAN SROG BDAG 'JIGS PA'I TSOGS LA BSTOD, ,DRAG CING GTUM PA'I SDE BRGYAD ZHING SKYONG DANG, ,MA MO BDUD DANG THE'U RANG BSHAN PA'I TSOGS, ,RU 'DREN SDE BZHI 'KHOR TSOGS NYI ZER GYI, ,RDUL GYI GRANGS LDAN STONG GSUM GANG LA BSTOD, ,(CES DANG, SPRO ZHING LONG YOD NA,) DPAG MED BSKAL SNGON (SOGS KYIS KYANG BSTOD CING,) H'Um, DAM LDAN SGRUB POS KHYOD LA GANG BCOL BA'I, ,(SOGS BSKANG CHOG LTAR GYI 'PHRIN BSKUL DANG, DE NAS BZLOG PA BYA BA NI,) H'Um, BDAG CAG YON MCHOD 'KHOR DANG BCAS PA YI, ,NA TSA SDUG BSNGAL NAD KHA THAMS CAD BZLOG ,BGEGS RIGS GDON RIGS YE 'BROG THAMS CAD BZLOG ,RMI MTSAN LTAS PHYOGS NGAN PA THAMS CAD BZLOG ,DUS SBYOR GZA' SKAR NGAN PA THAMS CAD BZLOG ,BDUD GA-YOS SRI LANGS RGYA 'DRE THAMS CAD BZLOG ,BYUR 'DRE GOD 'DRE SKEG NGAN THAMS CAD BZLOG ,CHAD PA SBYOR NGAN GRI RDO THAMS CAD BZLOG ,DUG SBYOR KHA 'JAM SEMS SDUG THAMS CAD BZLOG , YA GA DMOD MO NGAN GLENG THAMS CAD BZLOG ,DGRA NGO DMAR NGO MI KHA THAMS CAD BZLOG ,SNGA PHYI BAR GSUM RTZUB PA THAMS CAD BZLOG ,DGRA BGEGS STENG 'OG GDON RIGS THAMS CAD BZLOG ,BDUD BTZAN RGYAL 'GONG
GNOD PA THAMS CAD BZLOG ,THE'U RANG MA MO SRI NGAN THAMS CAD BZLOG ,RBOD GTONG CHOS ZOR SNGAGS ZOR THAMS CAD BZLOG ,BON ZOR BTZO ZOR GLANG ZOR THAMS CAD BZLOG ,NGAN SNGAGS PHUR KHA KHRAG ZOR THAMS CAD BZLOG ,GTOR ZOR YUNGS ZOR MDA' ZOR THAMS CAD BZLOG ,RDO ZOR TSE ZOR KHRAM KHA THAMS CAD BZLOG ,BYOL KHA THOG BRDZIS SHVA RDEL THAMS CAD BZLOG ,BDUD ZHAGS BYAD KHA MDANGS 'PHROG THAMS CAD BZLOG ,TSE RKUN NAD RKYAL KHA SHOR THAMS CAD BZLOG ,TSON DRU MI MTHUN RKYEN KUN THAMS CAD BZLOG ,BYA RGOD SDER 'DZING GA-YAG PO RU 'DZING BZLOG ,NYA MO RNGA 'DZING SHA BA RVA 'DZING BZLOG ,SRIN BYA'I THAN SKAD SGO KHYI NGU BA BZLOG ,'UG PA RGOD DANG GLA BA MCHE 'DZING BZLOG ,LTAS NGAN SKYES DANG SRAM LA 'UG ZHON BZLOG ,SRIN MO BU ZHON GLA RO SPYANG KHYER BZLOG ,SRE MONG BYI KHYER BDUD BTZAN CHO 'PHRUL BZLOG , RGYAL DMU MA MO KLU YI CHO 'PHRUL BZLOG ,GSHIN RJE GNOD SBYIN 'GONG PO THE'U RANG BZLOG ,GRI BO GRI MO LTAS NGAN RIGS GYUR BA ZLOG ,MDOR NA RGYAL CHEN RIGS LNGA'I MTHU STOBS KYIS, ,NGAN PA BZLOG LA RTZUB MO THAMS CAD BSGYUR, ,THAMS CAD DGRA DANG BGEGS KYI STENG DU BHYO:, ,BHYO: BZLOG DUS LA BAB PO SA M'A YA, (,MTHUN GRUB MA 'DON,) ,H'Um, SNANG GRAGS RIG GSUM LHA SNGAGS
, ,CHOS SKU RU, ,(ZHES SOGS MNGA' GSOL DANG, ,GTANG RAG GI MCHOD PA BRLAB, MCHOD BSTOD YIG BRGYA BZOD GSOL, 'DOD DON ZHU BA RNAMS BYAS NAS MDUN BSKYED CHOS SKYONG 'KHOR BCAS GSHEGS GSOL MI BYED PAR MDUN DU KHRA LAM MER BZHUGS PAR BSAMS LA THUN GROL, THUN PHYI MA RNAMS LA MCHOD GTOR BSKANG RDZAS BRLAB, BSANG SBYANG DANG SA BON PHYAG MTSAN LAS MI BSKYED PAR SNGAR YOD GSAL 'DEBS KYI TSUL DU,) RANG GI MDUN DU GNAM LCAGS KYI (ZHES PA NAS,) ME RLUNG DRAG TU 'KHRUG PA'I DBUS SU GTOR MA DANG GNYIS SU MED PA'I 'JAM MGON RGYAL BA'I BSTAN SRUNG, (ZHES BSGYUR BA LAS, GZHAN RNAMS THUN SNGA MA DANG 'DRA, DE LTAR NYIN RE THUN GSUM MAM BZHIR BCAD NAS DGONG MO'I THUN THA MA'I MJUG YI DAM GYI BDAG BSKYED NYER BSDU SHIS BRJOD RNAMS GZHUNG LTAR BYA, DE LTA BU'I RIM PAS RTAGS MA THON PAR RAM, ZHAG BDUN DANG NYER GCIG LA SOGS PAR BSGRUBS TE THUN THA MA'I MJUG TU 'PHRIN BSKUL ZIN NAS RDO RJE SLOB DPON BZHENGS TE RDO RJE KHU TSUR GNYIS KYI MDZUB MO BRKYANGS LA RTZE MO GSHIBS PA 'OG TU PHYOGS PA SPYI BOR BZUNG BA LHA BTEGS KYI PHYAG RGYAS,) H'Um BADZRA AU TIshthA, (ZHES BRJOD DE GTOR MA'I LHA TSOGS STENG GI NAM MKHAR BTEGS PAR MOS PA DANG LHAN CIG TU TZAKLI YANG BLANG, DE NAS SGRUB GTOR LA KHA GSOS NAS NANG MCHOD KYIS BRAN, BYIN GYIS BRLABS LA,) BSTAN SRUNG RGYAL PO CHEN PO (ZHES SOGS KYIS NAM MKHAR BTEGS PA'I LHA TSOGS KYI LJAGS BYIN GYIS BRLABS NAS GTOR MA BSKANG GZHUNG NANG LTAR LA SNGAGS NYER GCIG SOGS KYIS 'BUL, PHYI MCHOD NANG MCHOD GTOR RDZONGS DANG BCAS PA BYA, DE NAS GTOR MA ZOR DU 'PHEN
PA LA, RNAL 'BYOR PA LHA'I NGA RGYAL SHIN TU BRTAN PA DANG, DAM SDOM LA GNAS PA, BSNYEN SGRUB TSAD DU 'KHYOL BAS SNYING RJE CHEN PO KHO NAS KUN NAS BSLANGS TE BSTAN PA DANG SEMS CAN 'BA' ZHIG GI CHED DU 'PHEN PA YIN NA, GTOR MA LHAR GSAL BA DE NYID ZOR DU 'PHEN PAS RDO RJE'I THOG DANG MTSUNGS PA'I NUS PA 'BYUNG YANG, RNAL 'BYOR PA DE TZAM GYI NUS PA TSAD DU MA 'KHYOL BA LA LHA'I NGO BOR 'PHEN PA 'TSUBS BAS, ZOR GNAM LCAGS THOG TU BSKYED NAS 'PHEN PA LEGS PAR GSUNGS PAS, DE'I TSUL NI, SNGAR BZHIN TZAK'I BTZUGS, LAS SNGAGS KYIS BSANG,) SVA BH'A WA (SA SBYANG,) STONG PA'I NGANG LAS GTOR LHAG RNAMS SKAD CIG GIS H'Um LAS GNAM LCAGS KYI THOG ME RAB TU 'BAR BA, NAD DANG, DUG DANG, ME DANG, MTSON CHA'I CHAR 'BEBS PAS 'JIG RTEN GSUM GYI GDUG PA CAN THAMS CAD SKAD CIG GIS BRLAG PAR BYED PA LA THOGS PA MED PA'I NUS MTHU CAN DU GYUR, RANG YI DAM DU GSAL BA'I THUGS KA'I H'Um LAS 'OD ZER 'PHROS, BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA 'KHOR DANG BCAS PA THAMS CAD DANG, SNANG SRID KYI LHAM SRIN CHE BTZAN DREGS PA SDE BRGYAD KYIS BSKOR BA MDUN GYI NAM MKHAR SPYAN DRANGS, DE RNAMS KYI NUS MTHU THAMS CAD GTOR ZOR LA THIM PAR GYUR, (ZOR BYIN GYIS BRLAB CING BSKUL BA NI,) H'Um, DREGS BYED MCHOD GTOR ZOR DU NI, ,BSGYUR BA'I DUS BAB BDAG MDUN LAS, ,'OD 'PHROS 'KHOR 'DAS
, ,SHUGS DRAG BCUD, ,ZOR CHEN 'DI LA THIM PAR GYUR, ,BLA MA YI DAM CHOS SRUNG GIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG , 'DUL 'DZIN DRAG POR KHROS PA YIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,ZHI MDZAD SGRIB PA KUN SEL GYIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,RGYAS MDZAD KHAMS GSUM DPAL 'BAR GYIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,DBANG SDUD SNOD BCU ZIL GNON GYIS; ;ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,DRAG MDZAD RDO RJE SHUGS LDAN GYIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,MI BSRUN DREGS PA'I DPUNG TSOGS KYIS, ,ZOR CHEN RDZAS KYI DPUNG BSKYED LA, ,DGRA BGEGS SROG LA MNGA' MDZOD CIG ,BDAG GI GTOR ZOR GNYAN PO 'DI, ,SRID ZHI'I DPUNG GI BYIN RLABS DANG, ,MTHU BSKYED MNGA' GSOL DE MOD PA YIS, ,SU LA PHOG KYANG MYUR DU 'JOMS, ,SNOD BCUD MA RUNGS GZHOM PA'I RDZAS, ,SDANG BA'I DGRA LA BHYO: BHYO: BHYO: GNOD PA'I BGEGS LA BHYO: BHYO: BHYO: THAR MED DRAG PO'I 'PHRIN LAS MDZOD, ,(YI
DAM GYI RTZA SNGAGS SNYING PO NYE SNYING RNAMS DANG, GONG GI 'BOD RBAD BSAD GSUM GYI SNGAGS RNAMS 'DON, DE NAS LAM SEL GYI GTOR MA,) AOm A'A: H'Um, (LAN GSUM BRJOD DE BDUD RTZIR BYIN GYIS BRLAB,) AA K'A RO'I (SNGAGS LAN GSUM DANG,) DE BZHIN GSHEGS PA (BZHI'I MTSAN BRJOD DE,) DAM RDZAS BDUD RTZI 'BAR BA'I GTOR MA 'DI YUL LHA GZHI BDAG SPYI DANG, KHYAD PAR DU SGO KHANG DANG LAM SRANG LA GNAS PA'I MI MA YIN PA RNAMS LA 'BUL BAS KHYED RNAMS KYIS GTOR MA 'DI BZHES LA RNAL 'BYOR PA BDAG CAG DON NUB DRAG PO GTOR MA'I ZOR LAS BYED PA LA KO LONG DANG KHRAG DOG MA BYED PAR, ZOR SNA SDANG DGRA GNOD BGEGS KYI STENG DU THOGS PA MED PAR DRONGS LA THAL BA'I RDUL PHRAN TZAM YANG MA LUS PAR BRLAG PAR MDZOD CIG ,(CES DANG, BDAG GI BSAM PA'I STOBS SOGS BRJOD LA LAM SEL GYI GTOR MA ZOR 'PHEN PHYOGS SU BSKYAL, DE NAS BSKUL BA NI,) KYEE, BOS SO SHUGS LDAN SNYAN MA SRA, ,GA-YAB PO SHUGS LDAN SPYAN MA BRTUL, ,BSTEN NO SHUGS LDAN RGYANG MA RING, ,SGRUB PO SHUGS LDAN DAM MA GA-YEL, ,BSKUL LO SHUGS LDAN PHRAG MA DOG ,RBAD DO SHUGS LDAN MTHU MA CHUNG, ,DAM TSIG DGONGS LA GNAS 'DIR BYON, , SNGON GYI BKA' MCHID DRAN PAR MDZOD, ,DA LTA SNYIGS DUS MTHAR THUG 'DIR, ,BSTAN DANG BSTAN 'DZIN RGYAL SRID DANG, ,'JIG RTEN SNOD BCUD DGE 'PHROG PA'I, ,MI DANG MI MIN GANG CI RUNG, ,DE KUN SGROL BZLOG
, ,DUS LA BAB, ,BCOL BA'I LAS 'DI MA BYAS NA, ,RTZA BRGYUD BLA MA'I BKA' YANG BCAG ,RNAL 'BYOR YON MCHOD YID KYANG PHAM, ,KHYED KYI DAM TSIG 'JA' LTAR YAL, ,DE BAS PHYI BSHOL MA MDZAD PAR, ,PHYI NANG GSANG BA'I MTHUN RDZAS 'DI, ,TING 'DZIN SNGAGS RGYAS SPEL BA 'DI, ,DGES PA'I TSUL DU BZHES NAS KYANG, ,DO NUB DRAG PO'I LAS MDZOD CIG ,RBAD DO DAM NYAMS DGRA LA RBAD, ,BSKUL LO GNOD BYED BGEGS LA BSKUL, ,BZLOG GO NAD MTSON MU GE BZLOG ,MDZOD CIG BCOL BA'I 'PHRIN LAS MDZOD, ,(CHOS SKYONG 'KHOR BCAS DANG ZHI KHRO RAB 'BYAMS THAMS CAD DMAG LA CHAS PAR BSAMS LA,) H'Um, DA NI ZOR BSGYUR DGRA LA BSGYUR, ,DA NI ZOR 'PHEN DGRA LA 'PHEN, ,DA NI ZOR KHA BGEGS LA BSGYUR, ,DA NI ZOR 'PHEN BGEGS LA 'PHEN, ,(DE NAS GTOR MA ZHAL SGO PHYOGS SU BSGYUR, ZOR LAM DBYE BA NI,) KYEE, ZONG 'DIS GZHAN LA GNOD MI BSKYEL, ,GNAM SA BAR GYI LHA KLU BTZAN, ,GZHI BDAG LA SOGS RANG RANG GI ,PHYOGS SU SKU GZUR ZOR LAM PHYES, ,SDIG CAN TSE RABS LAN CHAGS KYI, ,DGRA BGEGS ZHI BAS MI THUL BA, ,RNO MYUR LAS KYIS BRLAG PA'I PHYIR, ,SRID GSUM 'JOMS PA'I SHUGS 'CHANG 'DIS, ,DE DAG MI NOR YUL 'KHOR BCAS, ,NA BUN DENGS PA JI BZHIN DU, ,SKAD CIG NYID LA RDUL DU
RLOG ,AOm DHARMA P'A LA MAH'A R'A DZA BADZRA PA GA WA NA RU DRA: PANYTZA KU LA DAM NYAMS DGRA BGEGS STENG DU BHYO: BHYO: (ZHES RANG YID BGYI NGA RGYAL BRTAN POS LHA SRIN SDE BRGYAD SKO KHA LAM SRANG LA GNAS PA RNAMS LA BKA' BSGOS PAS THAMS CAD SKRAG NAS ZOR LAM PHYE STE, ZOR SNA DGRA BGEGS LA 'DREN PA DANG, CHOS SKYONG 'KHOR BCAS KYANG SPRUL PA YANG SPRUL GYI TSOGS DANG RU 'DREN SDE BZHI LA SOGS PA'I DMAG DPUNG 'JIGS PA'I CHO 'PHRUL SNA TSOGS DANG BCAS DGRA PHYOGS SU CHAS PAR BSAMS LA RBAD SNGAGS BZLA ZHING PHYI ROL DU THON, GTOR CHEN SGO'I PHYI ROL 'OS 'GAB KYI SAR STEGS KYI KHANG BKOD, GSER SKYEMS BYIN GYIS BRLABS LA,) BLA MA YI DAM DKON MCHOG GSUM, ,(ZHES SOGS GONG LTAR PHUL LA, BSHAL CHU GCIG LAM PHYOGS SU 'THOR TE LAM 'PHRANG GI 'BYUNG PO RNAMS LA 'PHRIN LAS BCOL, SLAR YANG DRAG TU BSKUL BA NI,) H'Um, RGYAL BA'I BSTAN DANG BSTAN 'DZIN DGE 'DUN SDER, ,BSAM SBYOR LOG PAR 'KHU BA'I DGRA BGEGS KUN, ,LO ZLA ZHAG DANG SKAD CIG MA 'GYANGS PAR, ,DRAG PO'I CHAD LAS MI BZAD SNA TSOGS PAS, ,LE LO GA-YENG DANG ZAS PHYIR MA 'BRANG PAR, ,SMYO 'BOG BRGYAL DANG RIMS NAD GZER THUNG PHOB, ,LUS DANG SEMS PHROL SHA KHRAG ZHAL DU GSOL, ,KLAD PA 'JIB CING RUS MUR LPAGS PA GYON, ,NGAN SEMS 'DUN GROS BYE MA'I CHANG BUR BSHIGS, ,MNGA' THANG SNUM ZAD MAR ME JI BZHIN THONGS, ,TSE DPAL LONGS SPYOD RGYAB RTEN DPUNG DANG BCAS, ,BYA SGO ME YIS BSREGS BZHIN LHAG MED MDZOD,,
, ,MDOR NA BDAG LA GNOD CING 'TSE BA'I DGRA, ,DNGOS DANG RJES 'BRANG MING GI LHAG MAR THONGS, ,BCOL BA'I LAS 'DI DA LTA MA SGRUB NA, ,DNGOS BRGYUD BLA MA'I BKA' DANG DAM LAS 'DAS, ,RNAL 'BYOR BSTEN GSOL DON MED RE BA'I 'BRAS, ,BSLUS PAS NGO NONGS BSTAN SRUNG MING TZAM GYUR, ,DE BAS DAM TSIG GNYAN PO MA DRAL BAR, ,MTHU RTZAL DRAG TU BSKYED LA YAS KUN MDZOD, , (DE NAS RBAD SNGAGS BZLA BZHIN 'PHYAR DAR, GSUR CHEN DUD PA, GSER SKYEMS, ZOR RNAMS, RDOR SLOB, ROL MO BA SOGS RIM PA LTAR 'GRO ZHING, GOM PA ZHE DGU PHAN CHOD DU JI LTAR 'OS PAR SREG KHANG PA ZOS SAR SLEB PA DANG, DE NAS GSER SKYEMS,) AOm A'A: H'Um, (LAN GSUM GYIS BYIN GYIS BRLAB,) HO, SRID PA GSUM NA GNAS PA'I LHA KLU BTZAN BDUD GZA' RGYAL PO LA SOGS PA 'BYUNG PO MKHA' LA RGYU PA RNAMS KYI ZHAL DU AOm A'A: H'Um, KHYED LHA SRIN SDE BRGYAD KYI TSOGS RNAMS NYON CIG ,KHO BOS BSAM PA BYANG CHUB MCHOG TU SEMS BSKYED, ZAB MO RDO RJE THEG PA'I SGRUB PA SNYING POR BYAS, DO NUB KYI SKABS SU DRAG PO GTOR MA'I SGO NAS BSTAN DGRA TSAR GCOD PAR BYED PA YIN PAS KHYED RNAMS KYIS GSER SKYEMS KYI MCHOD PA 'DI BZHES LA, BSTAN DGRA DE DAG GI KHA 'DZIN DANG, RGYAB RTEN GANG YANG MA BYED PAR GTOR ZOR 'DI YI SNA DRONGS SHIG ,GTOR ZOR 'DI
NYID STENG GI LHA LA MI 'PHEN, 'OG GI KLU LA MI 'PHEN, BAR GYI BTZAN DANG RGYAL PO SOGS LA YANG MI 'PHEN GYI, SPYIR SANGS RGYAS BSTAN PA'I DGRA BOR GYUR PA, KHYAD PAR DU YANG KHAMS GSUM CHOS KYI RGYAL PO SHAR TZONG KHA PA BLO BZANG GRAGS PA YAB SRAS KYI BSTAN PA BSTAN 'DZIN DGON GNAS DGE 'DUN GYI SDE SBYIN BDAG DANG BCAS PA LA GNOD CING 'TSE BAR BYED PA RNAMS KYI STENG DU (ZHES PA'AM YANG NA) KHYAD PAR DU YANG RJE BTZUN BLA MA DAM PA (CHE GE MO) ZHES BGYI BA'I SKU'I GSANG GSUM MDZAD 'PHRIN DANG BCAS PA LA LOG PAR 'KHU BA'I (ZHES PA LTA BU, YANG NA,) GNAM BSKOS DGA' BA BRGYA LDAN PA'I LUGS GNYIS CHAB SRID LA LOG PAR 'KHU BA'I BSTAN DGRA ('DI ZHES BYA BA'I) STENG DU 'PHEN PA YIN PAS KHYED RNAMS KYIS BSTAN DGRA DE DAG DRAG PO'I CHAD PAS TSAR GCOD CIG ,GTOR ZOR GNYAN PO 'DI BSTAN DGRA GNOD BYED KYI STENG DU THOG LTAR 'PHEN PA YIN PAS KHYED MTHO BA RNAMS KYI ZHABS BSKUMS, DMA' BA RNAMS KYI DBU CHUMS, BAR DU GNAS PA RNAMS KYI SKU GZUR LA ZOR SNA DGRA PHYOGS SU BSGYUR BA'I 'PHRIN LAS MDZOD CIG ,(CES GSER SKYEMS TSAN PA BZHI PHYAG LEN LTAR 'BUL, PHO NYA BSGUL BA NI,) H'Um, 'DUL 'DZIN RGYAL CHEN RIGS LNGA YI, ,STENG NAS SPRUL BA'I PHO NYA NI, ,GZA' SKAR MTHU LDAN SROG RNGAMS CAN, ,SHA LA HAB DANG KHRAG
, ,LA HUB, ,RUS MUR PAGS PA GOS SU GYON, ,KHYOD LA GNYER DU GTAD PA NI, ,GANG LA DMIGS PA'I DGRA BGAGS 'DI, ,DA LTA THAL BAR RLOG LA SHOG ,'DUL 'DZIN RGYAL CHEN RIGS LNGA YI, ,GA-YAS NAS SPRUL PA'I PHO NYA NI, ,DREGS PA PHO RGYUD NYE RE RE, ,SHA LA HAB DANG KHRAG LA HUB, ,RUS MUR PAGS PA GOS SU GYON, ,KHYOD LA GNYER DU GTAD PA NI, ,GANG LA DMIGS PA'I DGRA BGEGS 'DI, ,DA LTA THAL BAR RLOG LA SHOG ,'DUL 'DZIN RGYAL CHEN RIGS LNGA YI, ,GA-YON NAS SPRUL PA'I PHO NYA NI, ,DREGS PA MO RGYUD NGA RA RA, ,SHA LA HAB DANG KHRAG LA HUB, ,RUS MUR PAGS PA GOS SU GYON, ,KHYOD LA GNYER DU GTAD PA NI, ,GANG LA DMIGS PA'I DGRA BGEGS 'DI, ,DA LTA THAL BAR RLOG LA SHOG ,'DUL 'DZIN RGYAL CHEN RIGS LNGA YI, ,RGYAB NAS SPRUL PA'I PHO NYA NI, ,BKA' NYAN GSUNG BSTOD SHA RA RA, ,SHA LA HAB DANG KHRAG LA HUB, ,RUS MUR PAGS PA GOS SU GYON, ,KHYOD LA GNYER DU GTAD PA NI, ,GANG LA DMIGS PA'I DGRA BGEGS 'DI, ,DA LTA THAL BAR RLOG LA SHOG ,'DUL 'DZIN RGYAL CHEN RIGS LNGA YI, ,MDUN NAS SPRUL PA'I PHO NYA NI, ,DREGS PA GNYIS MED 'UR DING DING, ,SHA LA HAB DANG KHRAG LA HUB, ,RUS MUR PAGS PA GOS SU GYON, ,KHYOD LA
GNYER DU GTAR BA NI, ,GANG LA DMIGS PA'I DGRA BGEGS 'DI, ,DA LTA THAL BAR RLOG LA SHOG ,(DE NAS BZLOG PA RGYAS PAR BYA BA SPRO NA,) H'Um, BDAG CAG YON MCHOD 'KHOR DANG BCAS PA YI, ,NA TSA SDUG BSNGAL NAD KHA THAMS CAD BZLOG ,(CES SOGS GONG LTAR RAM, YANG NA,) H'Um; CHOS SKU YANGS PA'I PHO BRANG NAS, ,CHOS SKYONG SRUNG MA 'KHOR BCAS KYIS, ,GTOR ZOR 'DI YI SNA DRONGS LA, ,GZHAN GYI BSAM SBYOR NGAN PA DANG, ,(ZHES SOGS 'BLOG PA'I MJUG) ,AOm MAH'A R'A DZA BADZRA BE G'I BI KRANTA SARBA SHA TRUm BIGHNAN M'A RA YA M'A RA YA (ZHES PA'AM, SPRO NA GONG GI 'BOD RBAD BSAD GSUM GYI SNGAGS KYANG BZLA BZHIN DU, RDO RJE 'DZIN PA RANG NYID KYI MDUN DU SREG KHANG ME RAB TU 'BAR BA'I 'BRUB KHUNG GI DBUS DGRA PO DGUG GZHUG KHA SBYOR DBYE BA RNAMS DMIGS PA'I SGO NAS GSAL BTABS TE, RANG YI DAM GYI NGA RGYAL LA GNAS PAS SHIN TU KHROS PA'I SEMS KYIS GTOR MA RNAMS PHRAG GONG DU 'PHYAR BA'I BRJID RNGAMS DANG BCAS RIM BZHIN 'PHANGS PAS, GTOR MA GNAM LCAGS KYI THOG MED DPUNG RAB TU 'BAR BA MTSON CHA'I CHAR BRGYA PHRAG 'BAB PA'I RANG BZHIN CAN DGRA BO'I BSHAD LAM NAS ZHUGS, SNYING GAR SROG GI NGO BO RNAM SHES MAR ME LTA BU DE NYID NAG THUM GYIS BSAD, RNAM SHES SHIN TU PHRA BA 'CHI BA 'OD GSAL GYI NGO BOR GYUR PA DE NYID DRANGS, RANG YI DAM DU GSAL BA'I THUGS KA'I YE SHES PA DANG BSRES, SLAR BDE BA CAN SOGS DAG ZHING DU 'PHANGS PAS SANGS RGYAS PAR BSAM, 'JIGS RUNG DREGS PA'I DMAG TSOGS 'KHOR DANG BCAS PAS SHA ZOS, KHRAG BTUNGS, RUS PA THAMS
, ,CAD LHAG MA MED PAR CHOM CHOM GSOL BAR BSAM PA'AM, YANG NA GTOR MA ME LTAR 'PHEN PA DANG, DUG LTAR 'PHEN PA DANG, BSKRAD GTOR BYA BA DANG, MNAN GTOR BYA BA SOGS 'DOD NA BLA MA'I ZHAL NAS 'BYUNG BA'I SO SO'I DMIGS RIM DANG BCAS ZOR DGRA PHYOGS SU 'PHANGS, DE NAS KHA TSUR SLOG STE SE GOL GYI SGRA DANG BCAS RJES 'DZIN GYI DMIGS PA BYAS NAS SNYING GAR RDOR DRIL BSNOL THABS SU BZUNG STE DAM TSIG GSUM DRAN PA'I SGO NAS BSGRAL BYA SGROL BYED SGROL PA PO THAMS CAD THA SNYAD SGYU MA'I 'PHRUL 'KHOR LTA BUR BSNYON MED DU 'CHAR YANG GNAS LUGS STONG PA NYID KYI NGANG DU RANG BZHIN GYIS GRUB PA RDUL TZAM YANG MED PA'I LTA BA'I RGYAS GDAB PAR BYA'O, ,DE NAS GTOR MA BSTAN ? SA DER YO BYAD LA SOGS PA MA LUS PAR BYAS LA, PHYI MIG MA BLTAS PAR RDO RJE 'DZIN PAS RTING MNAN TE 'ONGS, SGRUB KHANG GI SGO'I MTSAMS SU DPON SLOB SBYIN BDAG DANG BCAS RDO RA'I NANG SNGAR YOD GSAL 'DEBS PA'I TSUL DU SRUNG 'KHOR BSGOM PA NI,) H'Um, STENG YANG RDO RJE'I GUR KHANG LA, ,'OG KYANG RDO RJE'I SA GZHI STE, , PHYOGS MTSAMS RDO RJE'I RVA BAS BSKOR, ,RDO RJE'I MTSAMS LAS MA 'DA' ZHIG ,AOm BADZRA RAKshA RAKshA:, A'A: STENG YANG PADMA'I GUR x 'OG KYANG PADMA'I x PHYOGS MTSAMS PADMA'I x PADMA'I MTSAMS x A'A: PADMA RAKshA x AOm, STENG YANG 'KHOR LO'I x 'OG KYANG 'KHOR LO'I x PHYOGS MTSAMS 'KHOR LO'I x 'KHOR LO'I MTSAMS x AOm TZAKRA RAKshA x KHAm, STENG YANG RAL GRI'I x 'OG KYANG RAL GRI'I x PHYOGS MTSAMS
RAL GRI'I x RAL GRI'I MTSAMS x AOm KHANGGA RAKshA x TRAm, STENG YANG MDA' YI x 'OG KYANG MDA' YI x PHYOGS MTSAMS MDA' YI x MDA' YI MTSAMS x AOm SA RA RAKshA x RAm, STENG YANG ME YI x 'OG KYANG ME YI x PHYOGS MTSAMS ME YI x ME YI MTSAMS LAS x AOm DZVA LA RAKshA RAKshA:, (DE NAS NANG DU MNGA' GSOL BYA BA NI, YANG THOG TU BSANGS KYI DUD SBRIN DANG BCAS,) H'Um, SNANG GRAGS RIG GSUM (NAS,) LAS BZHI'I 'PHRIN LAS SGRUB LA MA GA-YEL ZHIG ,H'Um, MTHUN PA'I DNGOS GRUB (NAS) SRUNG MA'I TSOGS, ,(DE NAS NANG DU 'ONGS TE GTOR MA SKYONG BA LA, 'DIR GSHEGS RGYAN GTOR, SHA KHRAG DMAR GTOR, DZAM BU TI BA'I ZHAL ZAS, SMAN RAG ,DZA GAD, GSER SKYEMS, CHU GNYIS NYER SPYOD RNAMS GSAR DU BSHAM, MCHOD GTOR SPYI LTAR BRLAB, SNGAGS DRUG PHYAG DRUG GIS KYANG BYIN GYIS BRLABS LA,) RANG GI THUGS KA'I H'Um LAS 'OD ZER 'PHROS, GAR BZHUGS RDO RJE'I PHO BRANG NAS SPRUL PA'I RGYAL CHEN RDO RJE SHUGS LDAN 'KHOR DANG BCAS PA SKAD CIG GIS SPYAN DRANGS (PAR MOS LA,) KYEE, RAB 'BYAMS RGYAL BA'I 'PHRIN LAS BSGRUB PA'I PHYIR, ,RAB GTUM SNANG SRID DREGS PA'I SDE DPON DU, ,RAB BZHENGS RGYAL CHEN RIGS LNGA 'KHOR BCAS RNAMS, ,RAB DKAR DANG BA'I SEMS KYIS SPYAN 'DREN GSHEGS, ,RNAM DAG RANG BZHIN 'OD GSAL ZHING KHAMS 'DIR, ,RNAM MANG MCHOD SPRIN RGYA MTSO GTIBS PA'I DBUS, ,RNAM MKHYEN RGYAL BA'I BSTAN SRUNG DBANG PO KHYOD, ,RNAM SPRUL DU MA'I 'KHOR BCAS BZHUGS SU
, ,GSOL, ,RNAM DKAR THUGS BSKYED BZANG PO'I RJES 'GRO LTAR, ,RNAM MANG PHYI NANG GSANG BA'I MCHOD SPRIN 'DIS, ,RNAM DAG TING 'DZIN SNGAGS RGYAS BYIN BRLABS NAS, ,RNAM SPRUL DPAG MED SRUNG MA 'KHOR BCAS MCHOD, ,KHA DOG DRI RO NUS PA PHUN TSOGS KYI, ,SHA KHRAG GTOR TSOGS SKYEMS CHANG RGYA MTSO'I TSOGS, ,DNGOS BSHAMS YID SPRUL NAM MKHA'I MTHA' KLAS PA, ,RGYAL CHEN 'KHOR BCAS DGYES BZHIN BZHES SU GSOL, ,(DE NAS,) BSTAN SRUNG RGYAL PO CHEN PO RDO RJE SHUGS LDAN RIGS LNGA DRAG PO RTZAL 'KHOR DANG BCAS PA RNAMS KYI LJAGS H'Um LAS SKYES PA'I (ZHES PA NAS,) PANYTZA KU LA AOm A'A: H'Um (GIS NANG MCHOD 'BUL BA'I BAR BSKANG CHOG LTAR BTANG, GZHI BDAG GTOR MA BSNGO, DE NAS SPYI BSTAB BYA BA NI, THAMS CAD KYIS ZHVA GYON LA,) H'Um; RGYAL BA KUN DNGOS 'JAM MGON TZONG KHA PA'I, ,BSTAN SRUNG MTHU LDAN DGRA LHA YONGS KYI GTZO, ,RAB 'JIGS RDO RJE SHUGS LDAN DRAG PO RTZAL, ,LAS BZHI'I DNGOS GRUB GTER MDZOD RIGS LNGA'I TSOGS, ,MDZES SDUG YUM DGU SNA 'DREN DGE SLONG BRGYAD, ,LAS MKHAN GTUM PA'I STAG SHAR BCU LA SOGS, ,KHYOD KYI BKA' SDOD GZA' BDUD PE HAR DANG, ,DREGS PA SDE BRGYAD MA MO GSHIN RJE'I TSOGS, ,RU 'DREN LA SOGS YUL LHA GZHI BDAG BCAS, ,BKA' BSGOS DAM LA BZHAG PA'I THA TSIG BZHIN, ,'DIR GSHEGS RGYAN GYI GTOR MA 'DI BZHES SHIG ,SHA KHRAG DMAR GYI
GTOR MA 'DI BZHES SHIG ,DZAMBU TI BA'I ZHAL ZAS 'DI BZHES SHIG ,SMAN RAK PHUD KYI MCHOD PA 'DI BZHES SHIG ,DZA GAD DPA' BO'I SMAN PHUD 'DI BZHES SHIG ,GTZANG MA PHUD KYI GSER SKYEMS 'DI BZHES SHIG , GSOL LO MCHOD NGO RGYAL CHEN RIGS LNGA MCHOD, ,'JAM MGON BSTAN SRUNG DBANG PO 'KHOR BCAS MCHOD, ,CHOS 'KHOR YONGS KYI SRUNG MA 'KHOR BCAS MCHOD, ,BSTAN 'DZIN SKYES BU'I DPUNG GNYEN 'KHOR BCAS MCHOD, ,RNAL 'BYOR SKYONG BA'I GNYEN GCIG 'KHOR BCAS MCHOD, ,SKYE 'GRO'I BDE SKYID 'BYUNG GNAS 'KHOR BCAS MCHOD, ,SNANG SRID DREGS PA'I SDE DPON 'KHOR BCAS MCHOD, ,DGRA BGEGS SROG GI GSHED MA 'KHOR BCAS MCHOD, ,SNGAR BCOL LEGS PA'I GTANG RAG GNYAN POR GTONG, ,DA BCOL LAS KYI GSOL 'DEBS GNYAN POR 'BUL, ,BLO BZANG RGYAL BA'I BSTAN 'DI KHYOD KYIS SKYONGS, ,DKON MCHOG GSUM GYI DBU 'PHANG KHYOD KYIS BSTOD, ,BSTAN 'DZIN SKYES BU'I 'PHRIN LAS KHYOD KYIS SGRUBS, ,'JIG RTEN SPYI DANG KHYAD PAR BOD YUL 'DIR, ,NAD DANG DMAG 'KHRUGS MU GE ZHI BAR MDZOD, ,CHAR CHU DUS 'BEBS LO PHYUGS RTAGS TU LEGS,, TSE RING NAD MED BDE SKYID LDAN PAR MDZOD, ,BDAG CAG YON MCHOD 'GAL RKYEN BAR CHAD KUN, ,THAL BA'I RDUL PHRAN BZHIN DU BRLAG PAR MDZOD, ,'DOD DGU'I YO BYAD MA LUS KHYOD KYIS SGRUBS, ,BSAM PA'I DON KUN
, ,'BAD MED KHYOD KYIS SGRUBS, ,ZHING BCU'I DGRA BGEGS MA LUS KHYOD KYIS SGROL, ,BSTAN PA RGYAS PA'I LAS 'DI KHYOD KYIS SGRUBS, ,BCOL BA'I 'PHRIN LAS MA LUS SGRUB PAR MDZOD, (CES SPYI BSTAB KYI GTOR MA SPOS ME'AM DPAL 'BAR BTZUGS LA YANG THOG TU PHUL, DE NAS GTANG RAG MCHOD BSTOD, SMON LAM, YIG BRGYA, BZOD GSOL, 'DOD DON LA GSOL BA 'DEBS PA, GSHEGS GSOL NYER BSDU SHIS BRJOD RNAMS RGYAS PAR BYA'O, ,DE DAG GIS 'JOMS MDZAD RDO RJE SHUGS LDAN GTZO BOR BYAS PA'I DRAG PO'I GTOR CHEN JI LTAR BYA BA'I RIM PA BSHAD ZIN TO, ,'DIR 'JOMS MDZAD RDO RJE SHUGS LDAN GTZO BOR BKOD NAS SLAR YANG GTZO BO'I GA-YON DU 'JOMS MDZAD KARMA SHUGS LDAN GNYIS PA BSKYED PA LA SKYON MED DE, KHRO BCU'I SRUNG BZLOG SKABS 'KHOR BSGYUR GNYIS PA BSKYED PA DANG, SKABS 'GAR GNOD MDZES GNYIS PA BSKYED PA DANG, CHOS RGYAL LAS GSHIN GTZO BOR BYAS NAS BYANG DU GSHIN RJE SNGON PO GNYIS PA BSKYED PA SOGS SNA TSOGS YOD PAS LHAG PA'I SKYON MED DO, ,DA DUNG 'DI LAS GNYAN ZHING MYUR BA BSNYEN SGRUB BSAD LAS GCIG TU DRIL BA'I GTOR CHEN THUN MONG MA YIN PA BYA TSUL YOD KYANG CHES SHIN TU GNYAN ZHING, DAM TSIG DANG MI LDAN PA DANG BSNYEN SGRUB TSAD DU MA 'KHYOL BA SOGS KYIS 'CHOL BAR SPYAD NA DGOS PA LAS DGAG BYA CHE BAR 'BYUNG BA MA ZAD, RE ZHIG SPEL BA'I GNANG BA'ANG MA THOB PAS CITTA'I GA'UR BSTIM PA LAS 'DIR PHYOGS TZAM YANG 'GOD PAR MA NUS LA, TSUL BZHIN SGRUB NA 'DI TZAM GYIS KYANG 'PHRIN LAS KYI RTAGS MTSAN
GDON MI ZA BAR 'BYUNG BAR NGES SO,) ,SMRAS PA, RGYAL KUN YE SHES RDO RJE DUS KYI DGRA, ,SHUGS DRAG STOBS BCU'I SNYEMS PA DAR BA'I GZI, ,DGE LDAN BSTAN SRUNG GTUM CHEN DREGS PA'I GAR, , DRAG SHUL SRID GSUM 'JIG PA'I RANG RTZAL NGOM, ,SGRUB NA SNYING NYE BRTEN NA BKRA SHIS SHING, ,DGOS 'DOD CHAR DU BSNYIL BA'I DPAG BSAM DANG, ,RBAD NA MTHU CHE KHROS NA RI RAB KYANG, , THAL BAR RLOG PA'I STOBS LDAN 'DI LAS GANG, ,'DI YI 'PHRIN LAS DPAG BSAM NOR BU'I GTER, ,PHYE BA'I NYE BRGYUD MAN NGAG LDE'U MIG ,PHA RGOD BLA MAS GSUNG GI DBUGS DBYUNG DANG, ,BKA' RGYAR BCAS TE KHO BO'I SKAL BAR STZAL, ,LAS RIM SPRIN NAG 'KHRUGS PA'I GUR KHANG NAS, ,DRAG SBYOR MI BZAD GNAM LCAGS THOG ZER 'BUM, ,LOG 'DREN BDUD KYI RTZA LAG RKANG GCIG DPUNG, ,PHYE MAR BRLAG PA'I CHO GAR BDAG GIS PHABS, ,'DI NI BLO BZANG RGYAL BA'I BSTAN PA DANG, ,BSTAN 'DZIN YON MCHOD CHOS BZHIN SPYOD PA LA, , MA NYES LOG PAR 'KHU BA'I DGRA BYUNG NA, ,RIG 'DZIN SNGAGS 'CHANG DPA' BO'I LAG CHA YIN, ,DE TSE LHA SNGAGS TING 'DZIN DPUNG TSOGS SHING, ,STONG DANG SNYING RJE'I YA LAD CHER BGOS
, ,NAS, ,BZLOG MED GSHIN RJE MYOS PA'I MTSON CHA 'DIS, ,BSTAN DGRA SDIG CAN CHOS DBYINGS GNAS SU SKYOL, ,LTA SGOM 'CHAL BAR SPYOD DANG LUGS BZANG 'DIR, ,BSRE LHAD LCE GNYIS RKYONG BA'I LTO 'GRO'I KHYU, ,'OL TSOD GYA GYU'I SBYOR BAS 'DIR 'KHYUG NA, ,SHUGS LDAN MKHA' LDING 'BAR BA'I SBAR GYIS THOB, , 'DIR 'BAD DGE BZHO 'THUNG RUS PA'I MTSON, ,CHE BA'I MTHU NUS RTZE BRGYA 'BAR BA'I GZIS, ,DUS GSUM BDUD KYI LHA MIN GA-YUL NGO KUN, ,PHAM BYED RNAM PAR RGYAL BA'I RDO RJE'I RNGA, ,'JIGS MED STOBS BCU'I DBYINGS NAS BRDUNG BZHIN DU, ,DGE LDAN LUGS BZANG GSER GYI RGYAL MTSAN CHE, ,SA GSUM YONGS KYI BLA NA MTHOR BTEGS PAS, , 'GRO KUN NGAL GSO'I DBUGS DBYUNG THOB GYUR CIG ,(CES 'JAM MGON RGYAL BA'I BSTAN SRUNG RGYAL CHEN RDO RJE SHUGS LDAN 'JOMS MDZAD DRAG PO RTZAL GYI 'PHRIN LAS DRAG PO'I GTOR CHEN LA BRTEN NAS DGRA BGEGS SGROL BA'I LAS RIM NAG 'GROS SU BKOD PA GNAM LCAGS THOG ZER RAB 'BAR ZHES BYA BA 'DI NI, DENG DUS 'JAM MGON BLA MA'I LUGS BZANG 'DI NYID LA PHYI NANG GANG SA NAS 'GAL RKYEN GYI 'TSUB MA RLUNG DMAR LTAR KUN NAS LDANG BA'I SKABS
'DIR, 'PHRIN LAS RNO MYUR RDO RJE'I THOG RGOD DANG MTSUNGS SHING, BLO BZANG RGYAL BSTAN BSRUNG BA LA 'BRAN ZLA MED PA'I 'PHRIN LAS DUS BABS KYI BSTAN SRUNG 'DI NYID LA BRTEN NAS DRAG PO'I GTOR ZLOG ZHIG NGES PAR DGOS GAL CHE BAR BSAMS TE BSGRIG 'DUN YOD THOG ,'JAM MGON BSTAN PA'I SNANG BYED SHO MDO GRVA SGOM MCHOG SPRUL RIN PO CHE DANG, MDO SMAD SKYE RGU'I GNYEN GCIG TRE HOR DKAR MDZES 'KHRUNGS GSAR MCHOG SPRUL RIN PO CHE RNAM GNYIS NAS 'PHRIN YIG GI LAM NAS RTEN BCAS YANG YANG BSKUL MA MDZAD PAR MA ZAD, MDO SMAD SPOM RAG THANG STENG DGA' LDAN KHANG GSAR RDO RJE RNAM RGYAL SOGS DON GNYER CAN SNA TSOGS NAS KYANG SNGA PHYIR BSKUL BA LA BRTEN, RING MO NYID NAS BSTAN SRUNG 'DI NYID KYIS PHA YIS BU BZHIN BRTZE BAS RJES SU BSKYANGS SHING, BKA' DRIN ZLA MED KHYAB BDAG 'KHOR LO'I MGON PO RDO RJE 'CHANG PHA BONG KHA PA DPAL BZANG PO'I ZHAL SNGA NAS LAS, 'DI NYID KYI SROG DBANG DANG, LUNG, LAG LEN MAN NGAG BCAS LEGS PAR NOS PA MTSAN ZHABS DAR HAN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSOR 'BOD PAS, SKYABS KUN 'DUS ZHAL RJE BTZUN BLA MA RDO RJE 'CHANG CHEN PO DE NYID KYI GSUNG RGYAL CHEN GYI BSNYEN SGRUB LAS GSUM GYI RNAM GZHAG NANG GSAL DRAG PO'I GTOR SGRUB KYI RIM PA NYID GZHIR BZUNG, DER MA GSAL BAS CHEN KUN BLO'I GSUNG DRAG GTOR NAS KHA 'GENGS 'OS RNAMS NGAG 'DON BDE CHED 'PHRI BSNON DANG BSGYUR BCOS PHRAN BU LAS PHAL CHER BYIN RLABS KYI TSAN KA'I KHYAD RANG SOR BKOD, DE MIN RNAMS RANG LUGS KYI YIG CHA GZHAN DAG NAS KHA BSKANGS SHING, SKABS THOB KYI GSAR
, ,BSNON DGOS RIGS BYAS, PHYAG LEN ZHAL SHES MAN NGAG GIS LEGS PAR BRGYAN TE SHING BYA HOR ZLA BCU GCIG PA'I TSES NYER DGU DRAG PO MNGON SPYOD KYI LAS LA SHIS PA'I NYIN BLA MA BSTAN SRUNG DANG BCAS PAR MI PHYED PA'I DAD DAM MTSUNGS MED GZIM LHA KLU DGA' TSAL BA'I GZIM CHUNG MKHA' SPYOD DGA' 'KHYIL DU MJUG RDZOGS PAR SBYAR BA'I YI GE PA NI, BLA MA RDO RJE 'CHANG DE NYID KYIS DGYES SHING BZUNG PA'I 'DAN MA DRUNG YIG BLO BZANG RDO RJE DANG, BSLAB GSUM NOR LDAN DBEN GNAS BKRA SHIS CHOS GLING GI SPONG BA PA BLO BZANG CHOS 'PHEL GNYIS NAS BGYIS PA DGE LDAN LUGS BZANG PHYOGS THAMS CAD LAS RNAM PAR RGYAL BA'I RU MTSON SRID PA'I RTZE MOR NAM YANG MI NUB PA'I DPAL DU GYUR CIG ,) ,,` DAD DAM MTSUNGS MED LHA KLU DGA' TSAL BAS, ,YON SBYAR MTHUN RKYEN 'BREL TSAD BLA MA YIS, ,TSE RABS 'BRAL MED MNYES BZHIN RJES 'DZIN CING, ,ZUNG 'JUG RDO RJE 'CHANG DBANG MYUR THOB SHOG ,'GRO DON 'PHEL,, ,,