*, ,'JAM MGON RGYAL BA'I BSTAN SRUNG RGYAL CHEN RDO RJE SHUGS LDAN RTZAL GYI RGYAS PA'I 'PHRIN LAS LA BRTEN NAS GTER BUM SGRUB CING PHYVA GA-YANG 'GRUGS PA'I CHO GA 'DOD DGU'I DGA' BA 'KHYIL BA ZHES BYA BA BZHUGS SO, ,
, ,GZHOM GZHIG BRAL BA RDO RJE SNYING PO'I KHAMS, ,STOBS BCU'I SHUGS SU DAR BA'I BSAM 'PHEL DBANG, ,DAM LDAN RNAL 'BYOR YONGS LA 'DOD RGU'I CHAR, , 'BEBS MDZAD SRUNG MA'I DBANG POR GUS BTUD NAS, ,GANG GI 'PHRIN LAS 'OD RNON LCAGS KYU YIS, ,'KHOR 'DAS BRTAN GA-YO'I LEGS TSOGS PHYVA GA-YANG KUN, ,KHAB LEN RDO DANG LCAGS PHYE'I NGANG TSUL BZHIN, ,RANG GIR 'GUGS PA'I CHO GA 'DIR BSHAD BYA, ,(DE LA 'DIR MTHU LDAN BSTAN SRUNG BYE BA'I KHROD NA 'JAM MGON RGYAL BA'I BSTAN PA BGRUB PA LA 'PHRIN LAS RNO MYUR THOGS PA MED CING, BSTAN 'DZIN YON MCHOD BCAS PAR RJES BRTZE'I SRUNG SKYOBS NAM YANG MI GA-YEL BA RGYAL CHEN RDO RJE SHUGS LDAN RTZAL NYID ZHI RGYAS DBANG DRAD GI SKU'I RNAM 'GYUR BZHI BA'I TSAN RGYAS MDZAD SRID GSUM DPA' BAR BRTEN NAS SRID ZHI'I DGE LEGS KYI 'DOD RGU GA-YANG DU 'GUGS PA'I CHO GA NAD 'GROS SU DGOS PA LA SBYOR BA DANG, DNGOS GZHI, RJES KYI BYA BA GSUM, DANG PO NI YI DAM RDO RJE
, ,'JIGS BYED KYI LAS BSNYAN SONG ZHING, CHOS SKYONG RGYAL CHEN GYI SROG DBANG ZAB MO LEGS PAR MNOS NAS BSNYEN 'TSAD LDAN THIMS PA, DGE LDAN LTA GRUB GTZANG MAR SBYONG BA'I RNAL 'BYOR BAS SPEN PA SNAR MA'I 'GRUB SBYOR SOGS RGYAS PA'I LAS LA SHIS PA'I GZA' SKAR TSES GRANGS LEGS 'DZOMS KYI DUS BZANG POR GTER BUM RAB GSER DNGUL, 'BRING ZANGS, THA MA RIN CHEN SNA TSOGS BSRES PA'I RDZA BUM GANG RUNG SNGAR GZHAN DU LONGS MA SPYAD PA, CHE CHUNG MA MTHA' DUL GYI BRE GANG SHONG ? PA'I TSAD LAS YI CHUNG PA RANG BZHIN GYI SER BA'AM, TSON SOGS KYIS SER POR KHA BSGYUR PA LA RIN PO CHE'I DRA BAR BYED DANG, BKRA SHIS RTAGS RDZAS, MDUN RTAGS SU CHOS SKYONG RGYAS MDZAD KYI PHYAG MTSAN TSE BUM NOR GZHONG NE'U LE LCAGS KYU RGYAL MTSAN RNAMS 'BRI, NANG DU BU GUL GYIS BDUG CING DRI BZANG DANG SMRAN PHYE DBANG LAG SBYAR BA KHYAB PAR BYUGS, NANG DU GZHU RGYU'I RDZAS NI, 'JAM MGON BLA MA'I BSTAN PA BSTAN 'DZIN SOGS LA DAM SEL MED PA'I RGYA BOD SKYES CHEN KHAG GI GDUB RUS MA GTOGS PA'I DBU LO NA BZA' SOGS BYIN RTEN MI RIGS, LCAGS RAG ZHA NYE MA GTOGS PA'I GSER DNGUL, MU TIG ,BYU RU, MU MEN, GA-YU, RANG BYUNG GI SHEL RDO, ZI, DUNG SOGS RIN PO CHE'I RIGS, BRA'O DANG YUNGS NANG, ,KE TSE, SHANGS TSIM GTOGS PA'I NAS,
'BRAS, GRO ,SRAN DKAR, TIL SOGS 'BRU SNA, TZANDAN DKAR DMAR, DZ'A TI, GA BUR, GUR GUM SROGS DRI BZANG PO'I RIGS, AA BAR SKYUR GSUM GTZOS BZANG DRUG DANG, SLE TRES, KAndA KA RI, DBANG LAG ,RGYA MTSO'I SBUB, SHU DAG SOGS DUG RIGS MIN PA'I SMAN SNA, MDZO, RTOL, DREL, RNGA MONG, BONG BU, PHAG PA SOGS MIN PA'I RTA LUG 'BRI GA-YAG PA SOGS NOR GA-YANG CAN GYI SPU SNA, JA MAR, TSVA BUL, ZHO 'O MA, SBRANG BU RAM, SHING THOG SOGS ZAS SNA, PHYUG PO DGU'I KHANGS, ZHINGS DANG 'BRU, RGYAL MKHAR STONGS PA DANG, DKON PA STONGS PA GRONG KHYER STONGS PA SOGS MIN PAR DGE ZHING SHIS PA'I RGYAL PO'I PHO BRANG DANG, GTZUG LAG KHANG, GNAS CHEN KHYAD PAR CAN GYIS RDO CHU SNA, DGE 'DUN GYI SDE CHEN PO'I TSOGS RDUL, RIGS BZANG PHO MO LO BRGYA' MA BRGYAD CUR YON PA GSON PO'I SKRAS NA SOGS SU GONG GI RDZAS RNAMS BLA MA RGYAL PO, SLOB DPON SOGS CHE BTZUN RIGS BZANG 'PHAL PHYUG DAR RGYAS SNYAN GRAGS 'DZOMS SA NAS BLANGS PA MA GTOGS BLA MA DANG CHOS LA DAM SEL YOD PA DANG, MGAR BA, BSHAN PA, RABS CHAD, DME PO, RO SKYEL MI, DBANG PO MA TSANG BA SOGS KYI LAG NAS BYUNG BA DANG, DE DAG GI RDZAS DANG MA 'DRES PA 'DU BYA, GZHAN YANG MTHING SHOG GAM RGYA SHOG BZANG PO LA GSER RAM MTSAL GYIS,) AOm DHARMA P'A LA MAH'A R'A DZA BADZRA BE GA WA NA SA MA YA DZA: H'Um H'Um, RATNA SIDDHI BHRUm BHRUm DZA: DZA: 'DUS 'DUS, SIDDHI PHA LA A'A YU shE H'Um A'A: STOBS 'BYOR DAR BA'I RGYAL BLON CHE DGU, MKHAS DANG GRUB PA'I SKYES BU SOGS KHAMS GSUM GYI 'GRO BA PHO MO, GSER DNGUL, DAR ZAB, GNAG RTA NOR PHYUGS 'BRU RIGS SOGS MKHO DGU'I ZAS NOR LONGS SPYOD, MNGA' THANG RIGS BRGYUD, MKHAS BTZUN BZANG GSUM, LUNG RTOGS KYI YON TAN SOGS CHOS SRID KYI DPAL 'BYOR PHUN SUM TSOGS PA THAMS CAD BDAG CAG YON MCHOD 'KHOR DANG BCAS
, ,PAR RGYA MTSO CHEN PO LA CHU BO'I RGYUN BZHIN 'DU BAR MDZAD DU GSOL, (ZHES PA BAR CHOG DANG CHAD LHAG MED PAR DAG PAR BRIS PA DBU NAS SGRIL TE NA BZA' GSOL BA BZHI, CHOS SKYONG RGYAS MDZAD DANG YUM CHEN DGU BCAS GTZO 'KHOR DGU'I SKU'I TZO KA LI MNGON RTOGS LTAR SO SOR BRIS TE CHE CHUNG BUM TSAD DANG BSTUN PA SHING BYANG LA SBYAR BA, RGYAL SRID SNA BDUN, BKRA SHIS RDZAS RTAGS, NYE BA'I RIN CHEN BDUN SOGS SHOG BYANG LA DKYUS GCIG TU BRIS PA DBU NAS SGRIL BA BRGYAD, RTEN BCA' THABS LTAR BSGRUBS PA'I RTEN RDO RNAMS LEGS PAR 'DU BYA, SKU BRNYAN LA RAB GNAS DANG RDZAS GZHAN LA SBYANGS KHRUS LEGS PAR BYAS TE, SGRUB PA PO KHRUS DANG GTZANG SBRA DANG LDAN PA'I SGO NAS PHYOGS NGAN DANG, BUM STONG GI PHYOGS MA YIN PAR BYA LON SOGS BKRA SHIS PA'I PHYOGS SU KHA BLTAS TE, BRTAN GA-YO'I 'DOD RGU THAMS CAD BUM NANG DU SDUD PAR BSAM PA'I NGANG NAS, GONG GI SNGAGS DANG RTEN SNYING BZLA BZHIN DU PHUM RDZAS KYIS BUM PA'I LTO BA SUM GNYIS TZAM BKANG BA'I STOD KYI CHAR DBUS SU GTZO BO'I SNANG BRNYAN ZHAL BUM PA'I MDUN PHYOGS SU BSTAN CING, PHYOGS MTSAMS BRGYAD SO SOR YUM BRGYAD KYI SNANG BRNYAN RNAMS MNGON RTOGS LTAR BKOD, GTZO BO'I PHYOGS BZHIR SNGAGS SPEL TSIG CAN GYI SHOG DRIL DANG, MDUN DU RTEN RDO, 'KHOR RNAMS KYI PHYI ROL PHYOGS MTSAMS SU BKRA SHIS KYI RI MO'I SHOG DRIL, DE DAG GI BAR MTSAMS DANG STENG DU YANG BUM RDZAS KYIS PHYUR BUR TSAGS DAM PAR DGANG ZHING, 'BRU SNA SOGS LA SROG CHAGS MI 'JUG PA'I CHED GA BUNG SOGS DUG RIGS MIN PA'I SMAN YANG JI LTAR 'OS PA BAR MTSAMS SU GZHUG ,BUM PA'I KHA 'GEBS NOR BU DGA' 'KHYIL GYI RIS CAN DANG, DE'I STENG DANG TSON SNA LNGA SER PO STENG DU 'ONG BAR BYAS PA LA RDO RJE RGYA PHRAM BRIS PAS DGAB, DAR SKUD SNA LNGAS MGUL BCINGS MDUN PHYOGS SU MDUD SNER RGYAS GDAB CHOG PAR BYAS LA MDZOD PHUG GAM BKRA SHIS PA'I KHANG PAR STEGS BU KHEBS LDAN GYI KHAR PADMA 'DAB BRGYAD BRIS PA'I STENG DU GTER BUM ZHAL
MDUN DU PHYOGS PAR BZHUGS SU GSOL, DE'I MDUN NAM DANG 'O SU RIN PO CHE SOGS KYI SNOD GTZANG MA GAS CHAG MED PA'I NANG DU NAS DGAR RJEN BTAGS KYI PHYI MA BDUD RTZI LNGA DANG, DKAR GSUM MNGAR GSUM, RIN CHEN PHYE MA, BZANG DRUG SOGS SMAN SNA BSRES TE MAR KHUS SBRUS PA'I DBANG BSHES NOR BU 'BAR BA'I DBYIBS CAN LA LTO BAR BKRA SHIS RTAGS BRGYA DANG, ME MOR NYI ZLA NOR BU'I MAR RGYAN CI MDZES SU SPRAS PA CHE GZHIG ZAN LEB GRU BZHI MTHA' SKOR DU MAR GYI NOR PHRENG MDZES PAR BYAS PA'I STENG DU BKOD, PHYOGS MTSAMS BRGYAD DU 'KHOR GTOR BSHOS ZLUM CUNG ZAD CHUNG BA BRGYAD, DE DAG GI MTHAR ZAN RI LA BRGYA RTZA BRGYAD KYIS BSKOR BA GTOR SNOD KYI PHYIR MTHAL BA DANG, SNOD STONG PAR LUS PA MIN PAR BKOD LA, DE THAMS CAD KYANG DRI BZANG GIS SER POR KHA BSGYUR, DE'I MDUN DU CHU GNYIS NYER SPYOD TSAR GANG MANG DANG, SKYEMS CHANG, RGYAL, 'O ZHO, PHYE MAR, RGYAL SRID SNA BDUN DANG, BKRA SHIS RTAGS RDZAS, 'DOD YON SNA LNGA SOGS DGE ZHING SHIS PA'I GZUGS RIS SNA TSOGS CI MDZES SU BSGRIG ,LOGS SHIG TU STEGS CUNG ZAD MTHONG BAR YI DAM GYI MCHOD GTOR BSHAMS, GA-YAS SU SNOD GAS CHAG MED PA'I NANG 'BRAS SAM GRO GTZANG MAS BKANG BAR MDA' RGOD SGRO MA MTSAL STONG CAN TSIGS GSUM PA MDE'U CAN GYI MGUL DU DAR TSON SNA LNGA DANG, GZI, GA-YU, MTSONG, BYU RU, MU MEN, DUNG, GSER DNGUL GYI BYANG BU SOGS KYIS BRGYAN PA DANG, GA-YANG 'BOD SKABS GA-YAB DAR BYA RGYU'I DAR DKAR LA GONG GI SNGAGS DANG, RTEN 'BREL SNYING PO'I MTHAR,) BDAG CAG DPON SLOB YON MCHOD 'KHOR DANG BCAS PA'I TSE BSOD DPAL 'BYOR SNYAN GRAGS MI NOR LONGS SPYOD BSLAB GSUM LUNG RTOGS KYI YON TAN SOGS SRID ZHI'I LEGS TSOGS THAMS CAD 'PHEL ZHING RGYAS LA BRTAN PAR MDZAD DU GSOL, SARBA SIDDHI PU shtIm KU RU AOm, (ZHES BRIS PA DANG, DAR SNA BTAGS PA'I MDA' DAR MA NYAMS PA BTZUGS, GZHAN YANG GSER SKYEMS KYI YO BYAD, DNGUL ZHAL MAR
, ,KHUS BKANG PA RNAMS BKOD LEGS SU BZHAG ,DNGOS GRUB BLANGS PA'I RDZAS LHA'I PHYAG MTSAN TSE BUM, NOR GZHONG, NE'U LE, LCAGS KYU, RGYAL MTSAN RNAMS KYANG PHYOGS SHIG TU BKOD, BLA GRE 'PHAN GDUGS RGYAL MTSAN DAR GYI KYANG 'PHRUL SOGS SPYAN GZIGS GA-YANG CHAGS SHING BRJID PA'I MCHOD RDZAS, MTHUN PA'I SPOS SBYOR, SGRUB PA PO'I MDUN DU RDOR DRIL, d'A MA RU, NANG MCHOD, RNGA ROL SOGS NYE BAR MKHO BA'I YO BYAD RNAMS MA TSANG BA MED PA LEGS PAR STA GO NA BYA'O, , GNYIS PA SGRUB PA'I CHO GA DNGOS LA 'JUG PA NI, SGRUB PA PO RNAMS STAN BDE BA LA 'KHOD DE BYANG CHUB KYI SEMS DANG, CHOS KUN BDEN PAS STONG YANG, RDZAS SNGAGS TING 'DZIN TSOGS PA'I RGYU 'BRAS RTEN 'BREL MI BSLU BA'I BLO GDENG GI NGANG NAS SKYABS SEMS, BLA MA'I RNAL 'BYOR DGA' LDAN LHA BRGYA MA DANG, YI DAM RDO RJE 'JIGS BYED KYI BDAG BSKYED BZLAS PA GTOR 'BUL BCAS SNGON DU BTANG, NYIN DANG POR RNAM SRAS GA-YANG SGRUB NAS BYUNG BA LTAR BSE RAG GLUD RDZONGS KYANG BYA BAR SPRO ZHING GRUB NA BYA, MA GRUB NA BGEGS GTOR SPYI 'GRO LTAR GYIS NOR GA-YANG SGRUB PA 'KHAR DU GCOD PA'I BGEGS BSKRAD, MCHOD PA BLA MED LTAR BYIN GYIS BRLAB, MDUN GYI GTER BUM LAS SNGAGS KYIS BSANGS,) SVA BH'A WAS SBYANGS, STONG PA'I NGANG LAS BAm LAS PADMA DANG, AA LAS ZLA BA'I DKYIL 'KHOR GYI STENG DU BHRUm LAS RIN PO CHE'I GTER GYI BUM PA YANGS SHING RGYA CHE BA MTSAN NYID THAMS CAD DANG LDAN PA, DGOS 'DOD YID BZHIN DU 'JO BA'I NUS PA DANG LDAN PAR GYUR, BUM PA'I NANG GI GA-YANG RDZAS RNAMS RANG RANG GI MING YIG DANG PO THIG LES BRGYAN PA YONGS SU GYUR PA LAS, SRID ZHI'I 'DOD DGU LONGS SPYOD MTHA' DAG 'DU ZHING SPEL BA'I GTER CHEN PO MDZAD MED NAM MKHA' MDZOD KYI RANG BZHIN DU GYUR, AOm SARBA BID P'U RA B'U RA (SOGS NAM MKHA' MDZOD SNGAGS RGYA LAN GSUM,)
AOm SVA BH'A WA BI SHUDDHE (SOGS SNGAS DRUG PHYAG RGYA DRUG LAN GANG MANG GIS BYIN GYIS BRLAB, RTEN BSKYED PA NI,) BUM PA'I NANG DU STOD KYI CHA LA SNA TSOGS PADMA 'DAB MA BRGYAD PA'I LTE BAR RLUNG GI SHUGS 'CHANG RTA MCHOG NGANG SER LHA'I RIN PO CHE LAS GRUB PA'I SGA SRAB KYIS BRGYAN PA'I STENG NA YI GE TR'Am SER PO, DE LAS 'OD ZER 'PHROS 'PHAGS PA MCHOD, SEMS CAN RNAMS KYI DBUL PHONGS KYI SDUG BSNGAL BSAL, 'JIG RTEN KHAMS KYI DPAL 'BYOR PHUN SUM TSOGS PA THAMS CAD BSDUS NAS TR'Am LA THIM, DE YONGS SU GYUR PA LAS RGYAL CHEN RDO RJE SHUGS LDAN RGYAS MDZAD SRID GSUM DPAL 'BAR SKU MDOG GSER RI'I LHUN PO LA NYI 'OD 'BUM GYIS 'KHYUD PA LTA BU'I GZI BRJID DANG LDAN PA, PHYAG GA-YAS 'CHI MED TSE YI BDUD RTZIS GANG BA'I GSER GYI BUM BZANG DPAG BSAM SHING GIS KHA BRGYAN PA 'PHYAR ZHING, GA-YON NOR BUS GANG BA'I RIN CHEN GZHONG PA BRLA GA-YON LA BRTEN TE 'DZIN PAS SRID ZHI'I DGOS 'DOD CHAR LTAR 'BEBS PA, MCHAN KHUNGS GA-YON DU KHAMS GSUM DBANG DU 'GUGS PA'I LCAGS KYU DANG, PHYOGS LAS RNAM PAR RGYAL BA'I RGYAL MTSAN, RIN CHEN SNA TSOGS SKYUG PA'I GTER GYI NE'U LE RNAMS 'DZIN PA, RIN PO CHE'I DBU RGYAN, SNYAN RGYAN, MGUL RGYAN, DO SHAL, PHYAG GDUB SOGS RGYAN SNA TSOGS KYIS SPRAS SHING, DAR SER PO'I THOD 'CHING DANG, ZA 'OG SER PO'I BER LHAB LHUB TU GSOL TE SGEG BRJID DPA' BA'I NYAMS KYIS SNYEM PA, GTZO BO'I
, ,MDUN DANG PHYOGS MTSAMS RNAMS SU 'KHOR 'DAS BRTAN GA-YO'I 'BYUNG BZHI'I BCUD DANG, 'DOD YON LNGA'I PHYA GA-YANG 'GUGS PA'I LHA MO DGU RIM PA BZHIN DU 'KHOD PA NI, SHAR DU SA'I LHA MO DKAR MO, LHOR CHU'I LHA MO SNGON MO, NUB TU ME'I LHA MO DMAR MO, BYANG DU RLUNG GI LHA MO LJANG KHU, SHAR LHOR GZUGS KYI LHA MO DKAR MO, LHO NUB TU SGRA'I LHA MO SER MO, NUB BYANG DU DRI'I LHA MO DMAR MO, BYANG SHAR DU RO'I LHA MO LJANG KHU, MDUN SHAR DU REG BYA'I LHA MO SNGON MO RNAMS RIN PO CHE'I RGYAN SNA TSOGS DANG, LHA RDZAS KYI DAR GYI NA BZA' CAN, PHYAG GA-YAS PA RNAMS SU RIM PA BZHIN SA SOGS 'BYUNG BA BZHI DANG, GZUGS SOGS 'DOD YON LNGA'I MTSAN MA RNAMS SO SOR 'DZIN CING, PHYAG GA-YON PA THAMS CAD KYIS 'DOD DGU'I DNGOS GRUB STZOL BA'I GTER GYI BUM BZANG DANG, MCHAN KHUNG NA SRID ZHI'I PHYVA GA-YANG 'GUGS PA'I LCAGS KYU 'CHANG BA, MDZES SDUG LANG TSO MTSUNGS PA MED CING, 'GYING BAG SGEG PA'I GAR STABS LING NGE BA, GTZO 'KHOR RNAMS KYI PHYI ROL TU NOR BDAG LHA KLU GNOD SBYIN GYI TSOGS DPAG TU MED PA LAG NA MDA' DAR DANG, BUM PA, LCAGS KYU, NOR GZHONG, GTER GYI SGROM BU, RIN CHEN ZHAGS PA SOGS PHYAG MTSAN SNA SOGS BZUNG NAS KHAMS GSUM GYI LEGS TSOGS PHYA GA-YANG MA LUS 'GUGS SHING SBUD PA'I LAS LA BRTZON BAS BSKOR BA'O, ,GTZO 'KHOR RNAMS
KYI SPYI BOR AOm, MGRIN PAR A'A: THUGS KAR H'Um GIS MTSAN PA, BDAG MDUN GYI LHA'I THUGS KA NAS 'OD ZER 'PHROS, DGA' LDAN, MKHA' SPYOD, RI BO RTZE LNGA, SHAMBHA LA SOGS GAR BZHUGS RDO RJE'I PHO BRANG NAS SPRUL PA'I RGYAL CHEN RDO RJE SHUGS LDAN RGYAS MDZAD SRID GSUM DPAL 'BAR 'KHOR DANG BCAS PA SKAD CIG GIS SPYAN DRANGS (PAR BSAM LA, SPOS SBYOR BSREG ,ROL MO DBYANGS DANG BCAS PAS,) H'Um, RAB ZHI CHOS SKU'I DBYINGS LAS MA GA-YOS KYANG, ,SNA TSOGS SPRUL PA'I ROL GAR MTHA' YAS PAS, ,MNYAM MED THUB BSTAN RIN CHEN SRUNG MDZAD PA'I, ,SPRUL BSGYUR CIR YANG STON PA'I SKUR BZHENGS SHIG ,'JAM DPAL RDO RJE'I YON TAN RANG GZUGS DNGOS, ,RGYAS BYED SRID GSUM DPAL 'BAR SKUR BZHENGS NAS, ,TSE BSOD DPAL 'BYOR YAR ZLAR SPEL BA'I SLAD, ,RGYAS MDZAD BYE BA'I 'KHOR BCAS GSHEGS SU GSOL, ,SGEG LDEM GAR GYI STANGS STABS GCIG GIS KYANG, ,BRTAN GA-YO'I DGE MTSAN KUN SDUD YUM CHEN DGU ,NOR BDAG LHA KLU GNOD SBYIN 'BUM DANG BCAS, ,'DOD DGU'I DBYIG CHAR 'BEBS BZHIN GSHEGS SU GSOL, ,BLO BZANG BSTAN LA ZHUGS PA'I BU BRGYUD LA, ,(ZHES PA NAS,) GAR BZHUGS GNAS NAS ?THOGS MED GSHEGS SU GSOL, ,AOm DHARMA P'A LA MAH'A R'A DZ'A SA PA RI W'A RA AE HYE HE, DZA: H'Um BAm HO: BUM PA'I LHA DANG GNYIS SU MED PAR GYUR (PAR BSAM, MCHOD 'BUL RGYAS PAR SPRO NA,) H'Um, KUN BZANG BDE STONG TING 'DZIN ROL PA LAS, ,BYUNG BA'I
, ,MCHOD YON NAM MKHA'I KHYON GANG BA, ? BSTAN SRUNG DBANG PO 'KHOR DANG BCAS LA 'BUL, BZHES NAS DNGOS GRUB MA LUS STZAL DU GSOL, ,AOm DHARMA P'A LA MAH'A R'A DZ'A SA PA RI WA RA AARGHAm PRA T'I TZTSA YE SV'AH'A, (ZHES SOGS BSKANG CHOG NAS 'BYUNG BA LTAR MCHOD PA, NANG MCHOD DANG BCAS PA 'BUL BA'AM, BSDU NA SNGAGS RKYANG GIS 'BUL,) GANG ZHIG DRAN PA TZAM GYIS DBUL PHONGS KYI, ,GDUNG BA KUN SEL SRID ZHI'I DGOS 'DOD CHAR, ,'BAD MED STZOL MDZAD RDO RJE SHUGS LDAN RTZAL, SRID GSUM DPAL 'BAR 'KHOR DANG BCAS LA BSTOD, ,'DI NA BSTAN 'DZIN DGE 'DUN SDE BCAS KYI, ,CHOS SRID DPAL 'BYOR YAR ZLAR SPEL PHYIR DANG, ,BDAG CAG YON BDAG 'KHOR DANG BCAS PA YI, TSE DPAL BSOD NAMS STOBS 'BYOR SNYAN GRAGS DANG, ,SDE BZHI'I MNGA' THANG DBYAR MTSOR SPEL BA'I SLAD, ,KHYOD NYID MCHOD BSTOD SNYING NAS GSOL 'DEBS NA, ,SRID DANG BZHI BA'I DGOS 'DOD MA LUS PA, ,'BAD MED DA LTA NYID DU 'GRUB PAR MDZOD, ,(CES BSTOD CING 'PHRIN LAS BCOL, BSHAGS PA BYA PA NI, GRIB SEL GYI DMIGS PA DANG BCAS YIG BRGYA NYER GCIG BZLA,) H'Um; 'JAM DPAL ZHI KHRO RJE BTZUN BLO BZANG GRAGS, ,RTZA BRGYUD BLA MA YI DAM LHA TSOGS DANG, , KHYAD PAR BSTAN SRUNG RDO RJE SHUGS LDAN RTZAL, ,BRTZE BA CHEN POS BDAG LA DGONGS SU GSOL, ,(ZHES PA NAS,) SNYING NAS BSHAGS SO BRTZE BAS RJES BZUNG MDZOD, ,(CES BRJOD, BSKANG BA BYA BA NI, BSKANG RDZAS DANG BSKANG GTOR BYIN RLABS SPYI 'GRO
LTAR BYAS LA,) H'Um; DBYINGS DANG RO MNYAM BDE CHEN SGYU MA'I 'PHRUL, ,KUN BZANG MCHOD PA'I SPRIN DU YONGS SHAR BA, ,MKHA' KHYAB 'KHOR LO'I KHYON DU 'BYAMS KLAS PAS, ,RGYAL CHEN 'KHOR BCAS DGYES PA BSKYED GYUR CIG ,YAN LAG BRGYAD LDAN BDUD RTZI'I MCHOD YON DANG, ,ZHABS BSIL GANGG'A'I RGYUN BZANG DAL GYIS 'BAB, ,MDANGS MDZES ME TOG SNA TSOGS PHANG PHUNG BZHAD, ,DRI ZHIM SPOS KYI DUD PA'I SPRIN PHUNG GIS, ,RGYAL CHEN SRID GSUM DPAL 'BAR THUGS DAM BSKANG, , BGRANG YAS 'KHOR TSOGS RGYA MTSO'I THUGS DAM BSKANG, THUGS DAM BSKANG ZHING NYAMS CHAG SOS GYUR NAS, ,'DOD DGU'I DNGOS GRUB YID BZHIN STZOL BAR MDZOD, ,STONG GSUM MUN PA KUN SEL SNANG GSAL DANG, ,BSIL ZHING DRI ZHIM NGAD LDANG SPOS CHU'I RDZING, ,RO BRGYA LDAN PA'I BSHOS BZANG LHUN POR 'GRAN, ,SNYAN BRJID 'GYUR BA'I ROL MO'I SGRA DBYANGS KYIS, ,RGYAL CHEN SRID GSUM DPAL 'BAR x BGRANG YAS 'KHOR TSOGS x THUGS DAM BSKANG ZHING x 'DOD DGU'I DNGOS GRUB x DBANG PO TSIM BYED 'DOD YON RNAM PA LNGA, ,MI DBANG LA 'OS RGYAL SRID RIN CHEN BDUN, ,RGYAL BAS BYIN BRLABS BKRA SHIS RDZAS BRGYAD DANG, ,BKRA SHIS DGE MTSAN SPEL BA'I RTAGS BRGYAD KYIS, ,RGYAL CHEN SRID GSUM DPAL 'BAR x BGRANG YAS 'KHOR TSOGS x THUGS DAM BSKANG ZHING x 'DOD DGU'I DNGOS GRUB x SNA TSOGS NOR BU'I 'OD CHAGS GZHAL MED KHANG, ,'PHAN GDUGS RGYAL MTSAN DAR GYI LNGA LDI MDZES, ,KHRUS KYI RDZING BU YID 'ONG SKYOD MOS TSAL, ,DPAG BSAM SHING
, ,DANG 'DOD 'JO'I BA MCHOG GIS, ,RGYAL CHEN x BGRANG YAS x THUGS DAM x 'DOD DGU'I x RDZU 'PHRUL SHUGS KYIS GLING BZHI YUD KYIS BSKOR, ,SNA TSOGS DAR DANG RIN CHEN SGA SRAB MDZES, , SHA RGYAS NGANG SER MDOG CAN CANG SHES RTA, ,SIL SIL GA-YER KHA'I SGRA BCAS 'PHYO BA 'DIS, ,RGYAL CHEN x BGRANG YAS x THUGS DAM x 'DOD DGU'I x 'JAM MNYEN LHA RDZAS DAR BYI NA BZA' DANG, ,RAB MDZES DAR THOD COD PAN 'PHUR LDING GA-YO, ,RIN CHEN DBU RGYAN DO SHAL GDU BU SOGS, ,YID 'ONG RGYAN GOS BYE BRAG MTHA' YAS PAS, ,RGYAL CHEN x BGRANG x THUGS DAM x 'DOD DGU'I x 'CHI MED BDUD RTZIS GANG BA'I BUM BZANG DANG, ,LCAGS KYU RGYAL MTSAN NOR GZHONG NE'U LE, ,RIN CHEN GTER BUM MDA' DAR ZHAGS PA SOGS, ,'PHRIN LAS SGRUB PA'I PHYAG MTSAN SNA TSOGS KYIS, ,RGYAL CHAN x x x MKHA' LDING BYA DANG STAG SENG 'BRONG GA-YAG SOGS, ,GNAM LA 'PHUR DGU SA LA 'DZUL DGU DANG, ,BAR LA 'PHYO DGU'I SROG CHAGS GRANGS MED PA, ,KUN KYANG RANG RTZAL NGOM PA'I GZIGS MO YIS, ,RGYAL CHEN x x x ZAG MED BDUD RTZIR BYIN BRLABS GTOR MA DANG, ,SKYEMS CHANG RGYA JA'O ZHO PHYE MAR SOGS, ,LHA MI'I BZA' BCA' BTUNG BA'I BYE BRAG RNAMS, ,RI LTAR SPUNGS SHING MTSO LTAR BA SKYIL BA 'DIS, ,RGYAL CHEN x x x STONG GSUM RAB 'BYAMS 'JIG RTEN KHYON YANGS POR, ,GLING BZHI RI RAB NYI ZLA GZA' SKAR BKRA, ,LHA MI KLU YI 'BYOR
PA'I KHYAD PAR KUN, ,NGO MTSAR BKOD LEGS MA TSANG MED PA 'DIS, ,RGYAL CHEN x x x GDOD NAS SPROS BRAL BDE CHEN CHOS SKU'I RTZAL, ,'OG MIN LONGS SPYOD RDZOGS PA'I 'DOD YON DU, ,'DOD DGUR SPEL BA'I KUN BZANG MCHOD PA'I SPRIN, , MDZAD MED NAM MKHA' MDZOD DU GTIBS PA 'DIS, ,RGYAL CHEN x x x x GSUNG RAB MA LAS 'GAL MED GDAMS NGAG TU, ,SHAR BA'I RNAM DPYOD GSER GYI LDE MIG GIS, ,SDE SNOD GSUM DANG RGYUD SDE RNAM PA BZHI'I, ,ZAB DON GTER BRGYA SNYING LA GROL BA 'DIS, ,RGYAL CHEN x x x x LTA SGOM SPYOD PA'I KHYAD PAR RMAD BYUNG BA, ,'JAM MGON BLA MA'I BZHED GZHUNG BSAM 'PHEL DBANG, ,THOS BSAM SGOM PA'I RGYAL MTSAN RTZER BKOD NAS, ,RANG GZHAN PHAN BDE BSGRUB LA BRTZON PA 'DIS, RGYAL TSAN x x x x RNAL 'BYOR TSE DPAL DNGOS GRUB STZOL BA'I PHYIR, ,PHYI LTAR NOR BDAG DREGS PA'I SKUR BSTAN KYANG, ,NGO BO 'JAM DPAL GSHIN RJE GSHED NYID DU, ,YID CHES GSOL 'DEBS BLA MED RTEN MCHOG GIS, ,RGYAL CHEN x x x 'DOD DGU'I DNGOS GRUB YID BZHIN STZOL BAR MDZOD, ,(DE NAS DNGOS GRUB BSKUL BA'I BZLAS PA BYA BA NI, GZUNGS THAG NAS BZUNG STE,) RANG YI DAM DU GSAL BA'I THUGS KA NAS 'OD ZER SNGAGS 'PHRENG GI RNAM PA CAN SPROS, MDUN BSKYED 'KHOR BCAS KYI THUGS KAR PHOG PAS THUGS RAB TU MNYES SHING THUGS RGYUD BSKUL, ,THUGS KA NAS 'OD ZER DPAG TU MED PA SPROS PA'I SNE LA MCHOD PA'I BYE BRAG BSAM GYIS MI KHYAB PA SPROS, PHYOGS BCU'I SANGS RGYAS BYANG SEMS, DPA' BO RNAL 'BYOR MA THAMS CAD MCHOD PAS MNYES PAR
, ,BYAS, DE DAG GI BYIN RLABS DANG NUS MTHU THAMS CAD BDUD RTZI 'OD ZER GYI RNAM PAR SPYAN DRANGS TE MDUN BSKYED LA THIM PAS GZI BRJID PHUN SUM TSOGS PAR GYUR, SLAR YANG 'OD ZER SER PO'I TSOGS DANG, PHYAG MTSAN TSE BUM NOR GZHONG LCAGS KYU RGYAL MTSAN RNAMS LAS RANG 'DRA'I PHYAG MTSAN DANG 'OD ZER DPAG TU MED PA SPROS, STONG GSUM THAMS CAD LA KHYAB PAS LHA MI KLU DANG BCAS PA'I TSE DANG BSOD NAMS, DPAL 'BYOR LONGS SPYOD MNGA' THANG RIGS BRGYUD SOGS PHYVA GA-YANG LEGS TSOGS THAMS CAD BKRA SHIS RDZAS RTAGS DANG, RGYAL SRID SNA BDUN YID BZHIN GYI NOR BU DANG 'OD ZER SER PO'I RNAM PAR BSDUS TE BUM PA'I NANG DU THIM PAS 'DOD DGU'I DPAL 'BYOR ZAD MI SHES PA'I GTER GYI BUM PA BZANG POR GYUR, YANG 'OD ZER 'PHROS BDAG DANG SBYIN PA'I BDAG PO YON MCHOD THAMS CAD LA PHOG PAS SER SNA 'JUR GEGS KYIS BSDUS PA'I DBUL PHONGS KYI LAS NGAN RGYU 'BRAS DANG BCAS PA THAMS CAD SBYANGS, SKU GSUNG THUGS KYI BYIN RLABS NUS MTHU DANG BCAS PA 'OD ZER SER PO'I RNAM PAR THIM PAS TSE BSOD DPAL 'BYOR LUNG RTOGS KYI YON TAN THAMS CAD 'PHEL ZHING RGYAS PAR BYAS, 'OD ZER SER PO NAM MKHA'I MTHONGS SU SPROS PAS NAM MKHA'I KHAMS THAMS CAD GSER BTZO MA LTA BU'I SPRIN 'THUG POS YONGS SU GANG BA LAS RIN PO CHE DANG, NOR DBYIG 'BRU RIGS ZAS GOS LA SOGS PA'I 'DOD PA'I DNGOS PO DPAG TU MED PA'I CHAR BABS, PHYAG GI NOR GZHONG DANG GTER BUM LAS KYANG 'DOD DGU YID BZHIN DU BABS
PAS YUL PHYOGS DANG GNAS KHANG DANG BANG MDZOD THAMS CAD MER GYIS KHENGS, SPRIN GSEB NAS 'BRUG SGRA BZANG PO DAL GYIS SGROG PAS DES GAR KHYAB SNYAN GRAGS KYIS KHYAB PAR GYUR (PAR BSAMS LA,) AOm DHARMA P'A LA MAH'A R'A DZA BADZRA BE GA WA NA SA MA YA DZA: H'Um H'Um, RATNA SIDDHI BHRUm BHRUm DZA: DZA: 'DUS 'DUS, SIDDHI PHA LA A'A YU shE H'Um A'A: (ZHES PA BRGYA RTZA TZAM DANG,) AOm BADZRA BI KI BItnA SV'AH'A, TSE BSOD DPAL 'BYOR LONGS SPYOD THAMS CAD PUshtIm KU RU AOm, (ZHES PA CI 'GRUB BZLAS MTHAR YI GE BRGYA PAS LHAG CHAD BSKANG, DE NAS GTOR MA NANG MCHOD LTAR BYIN GYIS BRLAB,) BSTAN SRUNG RGYAL PO CHEN PO SRID GSUM DPAL 'BAR 'KHOR DANG BCAS PA RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN DU GYUR PAS GTOR MA'I BCUD THAMS CAD DRANGS TE GSOL BAR GYUR (BAR BSAM LA,) AOm DHARMA P'A LA MAH'A R'A DZA SA PA RI W'A RA AI DAm BA LIm TA KHA KHA KH'A HI KH'A HI, (ZHES PA LAN GSUM GYIS GTZO BO LA 'BUL, 'KHOR RNAMS LA,) AOm AA K'A RO MU KHAm SARBA DHARMA nAm A'A DYA NUTPAN NA TVAD, NA MA: SARBA TA TH'A GA TA AA WA LO KI TE AOm SAm BHA RA SAm BHA RA H'Um, (LAN GSUM GYIS 'BUL,) AOm DHARMA P'A LA MAH'A R'A DZA SA P'A RI WA RA AARGHAm (NAS) SHAPTA'I (BAR GYIS MCHOD, SNGAGS LA 'BRU GSUM BTAGS PAS NANG MCHOD 'BUL,) HO: 'JAM MGON RGYAL BA'I BSTAN SRUNG, RIG 'DZIN YONGS KYI SROG SHING RGYAS BYED NOR GYI DBANG PHYUG ,RGYAL CHEN SRID GSUM DPAL 'BAR 'KHOR DANG BCAS PA KHYED RNAMS KYIS DAM RDZAS BDUD RTZI 'BAR BA'I GTOR MA 'DI BZHES LA SANGS RGYAS KYI BSTAN PA SPYI DANG, KHYAD PAR KHAMS GSUM CHOS KYI RGYAL PO TZONG KHA PA CHEN PO'I BSTAN PA
, ,DAR ZHING RGYAS PAR MDZOD CIG ,DPAL LDAN BLA MA DAM PA RNAMS KYI SKU TSE MDZAD 'PHRIN CHOS SRID KYI MNGA' THANG 'PHEL ZHING RGYAS PA DANG, DGE 'DUN GYI SDE RNAMS THUGS MTHUN KHRIMS GTZANG CHOS SPYOD BCU'I BYA BA RNAMS YAR ZLA LTAR 'PHEL BAR MDZOD CIG ,BDAG CAG DPON SLOB YON MCHOD 'KHOR DANG BCAS PA RNAMS KYI NAD DANG GNOD PA THAMS CAD ZHI ZHING TSE BSOD DPAL 'BYOR LUNG RTOGS KYI YON TAN MNGA' THANG RIGS BRGYUD SNYAN GRAGS KLUNG RTA SOGS 'PHEL BA DANG, LHA KLU MI GSUM GYI 'GRO BA MTHA' DAG DBANG DU 'DU ZHING, ZAS NOR LONGS SPYOD RKANG 'GRO RIN CHEN 'BRU RIGS SOGS SRID ZHI'I BRTAN GA-YO'I LEGS TSOGS THAMS CAD RGYA MTSO CHEN PO LA CHU BO'I RGYUN BZHIN DU 'DU BAR MDZAD DU GSOL, (ZHES GTOR RDZONGS BYA, BZHI BDAG GTOR MA BSNGO, BSTOD PA BYA BA NI,) H'Um; 'JAM DPAL DPA' BO'I YON TAN RANG GZUGS DNGOS, ,BSAM 'PHEL DBANG GI RGYAL PO'I SKUR BZHENGS NAS, ,MTHA' YAS 'GRO LA 'DOD DGU'I DNGOS GRUB CHAR, ,'BEBS MDZAD CHOS RGYAL 'KHOR BCAS BSTOD PAR BGYI, ,NYI 'OD 'BUM GYI RTZE DGA' DANG 'GROGS PA'I, ,GSER ZHUN LHUN PO BRTZEGS PA'I LANG TSO'I SKU, ,LHAB LHUB GOS BZANG BER DANG RIN CHEN RGYAN, ,KUN NAS GA-YO BAS RNAM PAR ROL LA BSTOD, ,DPA' ZHING BRJID CHAGS ZHAL GYI DKYIL 'KHOR NI, ,SGRUB POR DGYES PA'I 'DZUM PHRENG RAB STON CING, ,DBANG DANG RGYAS PA'I 'PHRIN LAS RAB 'BYAMS KYIS, ,DAM LDAN RNAL 'BYOR RE BA SKONG LA BSTOD, ,
PHYAG GA-YAS TSE BCUD BDUD RTZI'I BUM BZANG DANG, ,GA-YON PAS RIN CHEN GTER GYI NOR GZHONG LAS, ,'CHI MED TSE DANG SRID ZHI'I DPAL 'BYOR SOGS, ,DGOS 'DOD YID BZHIN CI DGAR 'JO LA BSTOD, ,GSHEGS BZHUGS SPROS PA'I MTSAN MA KUN BRAL YANG, ,GANG 'DUL MOS NGOR 'GRO 'OD SGYU MA'I GAR, ,STON PHYIR RLUNG LTAR 'PHYO BA'I NGANG SER RTA, ,BCIBS NAS STONG GSUM SKAD CIG NYUL LA BSTOD, ,KHAMS BZHI GZUGS SOGS RNAM LNGA RNAM DAG PA'I, ,RANG BZHIN LANG TSO RAB RGYAS YUM CHEN DGU ,SGEG LDEM 'GYING BAG GA-YO BA'I STANGS STABS KYIS, ,BRTAN GA-YO'I LEGS TSOGS PHYVA GA-YANG 'GUGS LA BSTOD, ,SRID GSUM CHE DGU ZAS NOR LONGS SPYOD KUN, ,'BAD MED DBANG DU SDUD PA'I MTHU RTZAL CAN, , BKA' NYAN NOR BDAG LHA KLU GNOD SBYIN SOGS, ,BGRANG YAS 'KHOR TSOGS RGYA MTSO RNAMS LA BSTOD, ,MDOR NA KHYOD KYI SKU DANG 'PHRIN LAS KYI, ,PHA MTHA' MA DMIGS SGYU 'PHRUL RAB 'BYAMS GAR, ,YID BZHIN NOR DANG DPAG BSAM SHING BZHIN DU, ,RE SKONG MTHA' KLAS BKOD PAR PHYAG 'TSAL BSTOD, ,DE LTAR BSTOD PAS 'JAM MGON BLA MA YI, ,BSTAN DANG BSTAN 'DZIN DPON SLOB YON MCHOD KYI, ,PHYI NANG 'GAL RKYEN RGUD TSOGS CI MCHIS KUN, ,NYI 'OD REG PA'I BA MO BZHIN DU MDZOD, ,TSE DANG BSOD NAMS LUNG RTOGS YON TAN DANG, ,MNGA' THANG SNYAN GRAGS ZAS NOR LONGS SPYOD SOGS, ,PHUN TSOGS SDE BZHI'I DPAL 'BYOR MA LUS PA, ,DBYAR GYI CHU GTER 'PHEL BA'I RJES 'GROR MDZOD, ,
, ,DREGS LDAN LHA MI KLU YI 'BYOR PA SOGS, ,SNANG SRID 'KHOR 'DAS BRTAN GA-YO'I LEGS TSOGS RNAMS, ,KHAB LEN RDO DANG LCAGS PHYE'I NGANG TSUL BZHIN, ,'BAD MED 'DOD DGUR DBANG DU 'DU BAR MDZOD, ,SDANG ZHING LOG PAR 'KHU BA'I BSAM SBYOR BYIS, ,GNOD CING 'TSE BA'I DGRA BGEGS MA RUNGS PA, ,THAMS CAD THAL BA'I RDUL BZHIN BRLAG PA YI, ,MTHU STOBS RDO RJE'I RTZE BRGYA GDENGS PAR MDZOD, ,MDOR NA DAM LDAN RNAL 'BYOR YON MCHOD KYIS, ,KHYED NYID SRUNG MA'I GTZO BOR RTAG BSTEN NA, ,GANG BCOL 'DOD PA'I DON RNAMS MA LUS PA, ,MYUR DU 'GRUB PA'I 'PHRIN LAS GA-YEL MED MDZOD, ,(CES BSTOD CING 'PHRIN LAS BCOL, DE NAS JA CHANG 'O MA GANG RUNG GI GSER SKYEMS PHUD KONG 'BAB GZHONG DANG BCAS PA, LOGS SHIG TU DKAR GSUM MNGAR GSUM GYIS SBRUS PA'I PHYE MAR SMAN SNAS BRAN PA DANG 'BUL SNOD RANG 'GRIGS, MDA' DAR, PHYI ROL TU DRI ZHIM BSANGS KYI DUD SPRIN DANG BCAS BSHAMS, GSER SKYEMS DANG PHYE MAR NANG MCHOD LTAR BRLAB, 'BUL TSIG DANG BSTUN TE GSER SKYEMS DANG, PHYE MAR 'BUL BA SOGS LAG LEN MTHONG BRGYUD LTAR BYAS LA,) H'Um; RGYAL KUN YAB GCIG 'JAM DPAL DBYANGS, ,PHYI NANG BDUD DPUNG KUN 'DUL PHYIR, ,'JIGS RUNG KHRO BO CHEN PO'I SKUR, ,YONGS BZHENGS BCOM LDAN GSHIN RJE GSHED, ,MCHOG DANG THUN MONG DNGOS GRUB KYIS, ,RNAL 'BYOR RE BA SKONG MDZAD LA, ,PHYE MAR MDA' DAR RIN CHEN DANG, ,BDUD RTZI GSER SKYEMS SIL SNYAN DANG, ,DRI ZHIM BSANGS KYI MCHOD PA 'BUL, ,PHYVA GA-YANG NOR GYI DNGOS GRUB STZOL
DPAL LDAN RGYAS BYED NOR LHA'I GTZO, ,NYI MA 'BUM GYI GZI BRJID 'BAR, ,RDZU 'PHRUL SHUGS LDAN RTA LA CHIBS, ,PHYAG NA BUM BZANG NOR GZHONG 'DZIN, ,SGRUB LA PHUN TSOGS SDE BZHI'I CHAR, ,'BEBS MDZAD CHOS RGYAL CHEN PO LA, ,PHYE MAR MDA' DAR x BDUD RTZI GSER SKYEMS x DRI ZHIM BSANGS KYI x PHYVA GA-YANG NOR GYI x SPYAN SOGS NGO BO YUM CHEN BZHI, ,DKAR SNGO DMAR DANG LJANG BA'I SKU, ,ZUR MIG GA-YO BAS KHAMS GSUM GYI, ,BRTAN PA 'PHROG PA'I MDZES SDUG CAN, , PHYAG NA RANG RTAGS PHYAG MTSAN 'DZIN, ,'BYUNG BZHI'I BCUD GA-YANG 'PHEL MDZAD LA, ,PHYE MAR MDA' DAR x BDUD RTZI x DRI ZHIM x PHYVA GA-YANG x GZUGS SOGS RDO RJE'I LHA MO LNGA, ,DKAR SER DMAR LJANG SNGO BA'I MDOG ,DBANG PO'I BDE STER RJES CHAGS KYI, ,ROL RTZED GAR GYIS ROL PA MO, ,PHYAG NA RANG RTAGS PHYAG MTSAN 'DZIN, ,'DOD DGU'I DNGOS GRUB STZOL MDZAD LA, ,PHYE MAR x BDUD RTZI x DRI ZHIM x PHYA GA-YANG x GZHAN YANG LHA KLU GNOD SBYIN SOGS, ,NOR LHA GTER BDAG BYE BA'I 'KHOR, KUN KYANG BZHON PA PHYAG MCHEN DANG, ,RNAM 'GYUR MA DES CIR YANG STON, ,MTHU DANG RDZAS 'PHRUL THOGS MED KYIS, ,BRTAN GA-YO'I DPAL KUN 'GUGS MDZAD LA, ,PHYE MAR x BDUD RTZI x DRI ZHIM x PHYA GA-YANG x DNGOS GRUB STZOL, ,(CES GSER SKYEMS 'BUL, DE NAS PHYVA GA-YANG 'GUGS PA NI, MDUN BSKYED KYI GTZO BO'I THUGS KA NAS 'OD ZER LCAGS KYU LTA BU DPAG MED 'PHROS PAS SRID ZHI'I DPAL 'BYOR LONGS SPYOD JI LTAR 'DOD PA THAMS CAD KHA PA LEN GYI RDOS LCAGS PHYE DRANGS PA LTAR BKUG NAS RANG DANG BSGRUB BYA YON MCHOD, SGRUB,
, ,RDZAS, MDUN BSKYED KYI LHA TSOGS RNAMS DANG BCAS PA LA BSTIM, LHA MO RNAMS LAS KYANG RANG 'DRA'I LHA MO DPAG TU MED PA PHYOGS BCUR SPROS PAS 'KHOR 'DAS KYI 'BYUNG BZHI'I BCUD DANG, 'DOD YON GYI DPAL PHUN SUM TSOGS PA RNAMS SKAD CIG LA BSDUS TE RANG DANG GNAS KHANG, SGRUB RDZAS RNAMS LA BSTIM, LHA KLU GNOD SBYIN SOGS BKA' NYAN NOR BDAG RNAMS KYANG PHYVA GA-YANG 'GUGS PA'I LAS LA BREL ZHING BRTZON PA'I MOS PA DANG BCAS SNGAR BSHAMS PA'I MDA' DAR SNGAGS CAN GA-YAB BZHIN DU, H'Um; SRID GSUM DBANG BSGYUR STOBS LDAN RGYAL PO CHE, ,YUM CHEN MKHA' 'GRO NOR LHA'I 'KHOR DANG BCAS, ,DENG 'DIR MTHU STOBS NUS PA'I DPUNG BSKYED LA, ,SRID ZHI'I PHYVA GA-YANG 'GUGS PA'I DUS LA BABS, ,BDE SKYID DGA' BA 'DZOMS PA'I GNAS MCHOG 'DIR, ,SRID DANG ZHI BA'I LEGS TSOGS 'DOD DGU 'BUM, ,PHYOGS NAS KUN NAS PHYVA DANG GA-YANG DU BYON, ,BKRA SHIS DPAL 'BAR DGE MTSAN RGYAS PAR MDZOD, ,DAL 'BYOR RTEN GYI RIN CHEN BUM BZANG LA, ,'CHI BA MED PA'I TSE BCUD BDUD RTZI'I RGYUN, ,PHYOGS DUS KUN NAS x BKRA SHIS DPAL 'BAR DGE MTSAN RGYAS PAR MDZOD, ,SNGON BSAGS BSOD NAMS GSER GYI SA BZHI LA, ,DPAL 'BYOR LONGS SPYOD DBYAR GYI CHU GTER 'BUM, ,PHYOGS DUS x BKRA SHIS x BAG PHEBS BDE BAR SKYENG BA'I CHU GTER LA, ,MTHUN PA'I GNYEN BSHES 'KHOR GA-YOG NGANG MO'I TSOGS, ,PHYOGS DUS KUN NAS PHYVA DANG x BKRA SHIS DPAL 'BAR DGE MTSAN x BKRA SHIS GA-YANG CHAGS KHYIM DANG BANG MDZOD LA, ,GSER DNGUL GOS DAR
NOR DANG 'BRU YI TSOGS, ,PHYOGS DUS x BKRA SHIS x BTZAN ZHING YANGS PA'I PHYUGS LHAS RVA BA LA, ,GNAG LUG RTA MDZO SA YI DREG PA BZHIN, ,PHYOGS DUS x BKRA SHIS x SGO GSUM LEGS BYAS RNAM DKAR CHU 'DZIN KLONG, ,SNYAN PAR GRAGS PA'I GA-YU 'BRUG SGRA BRGYA PA, ,PHYOGS DUS x BKRA SHIS x PHYUG CING GTONG PHOD LDAN PA'I LANG TSO LA, ,'DOD PA'I YON TAN RNAM LNGA'I RGYAN 'PHRENG TSOGS, ,PHYOGS DUS x BKRA SHIS x CHO RIGS BTZUN PA'I DPAG BSAM SDONG PO LA, ,YA RABS MDZANGS PA'I RIGS BRGYUD ME TOG BKRA, ,PHYOGS DUS x BKRA SHIS x LEGS PAR DPYOD PA'I BEE d'UR SA GZHI LA, ,'PHYUG MED BLO GROS LHA DBANG GZUGS BRNYAN 'BUM, ,PHYOGS DUS x BKRA SHIS x CHOS BZHIN SPYOD PA'I RGYAL SRID LHUN PO LA, ,KUN LA DBANG BSGYUR MNGA' THANG RIN CHEN BDUN, ,PHYOGS DUS x BKRA SHIS x DGE BCU'I KHRIMS KYIS 'TSO BA'I YUL 'KHOR LA, ,BDE SKYID RDZOGS LDAN NYIN BYED STONG GI GZI, ,PHYOGS DUS x BKRA SHIS x LHA YI BDE SKYID TSE DANG KLU'I 'BYOR PA LA, MI YI CHOS DANG SRID KYI PHUN TSOGS KUN, ,PHYOGS DUS x BKRA SHIS x MOS GUS BRTAN PO'I YID KYI GSHONG BU LA, ,MCHOG GSUM THUGS RJE'I BYIN RLABS CHAR GYI RGYUN, ,PHYOGS DUS x BKRA SHIS x DAD BRTZON BLO GROS RGYAL MTSAN RTZE MO LA, ,RIGS GSUM MKHYEN BRTZE NUS PA'I BSAM 'PHEL NOR, ,PHYOGS DUS x BKRA SHIS x BDEN TSIG GRUB PA'I LEGS BYAS NOR 'DZIN GZHIR, ,BKRA SHIS RTAGS RDZAS RTEN 'BREL ME TOG CHAR, ,PHYOGS DUS x BKRA SHIS x RNAM DAG TSUL KHRIMS GTZANG MA'I
, ,SA GZHI LA, ,THOS BSAM SGOM PAS LEGS SMIN SNYE MA'I TSOGS, ,PHYOGS DUS x BKRA SHIS x RTZE GCIG BSGOM PA'I TING 'DZIN NAM MKHA' LA, ,NYAMS DANG RTOGS PA'I NYI ZLA GZA' SKAR TSOGS, , PHYOGS DUS x BKRA SHIS x DRI MED SHES RAB NOR BU'I ME LONG NGOS, ,CHOS TSUL RAB 'BYAMS DKA' GNAD GZUGS BRNYAN STONG, ,PHYOGS DUS x BKRA SHIS x MANG THOS TSUL BZHIN SGRUB PA'I GANGS RI LA , ,MKHAS DANG GRUB PA'I RTZAL RDZOGS GDONG LNGA BA, ,PHYOGS DUS x BKRA SHIS x RIN CHEN BYANG CHUB SEMS KYI MYU GU LA, ,RNAM KUN MKHYEN PA'I YE SHES LO TOG 'BUM, ,PHYOGS DUS x BKRA SHIS x LUNG RTOGS BSTAN PA NOR BU'I BAG MA RTZER, ,DON GNYIS LHUN GRUB THAR PA'I RGYAL MTSAN MCHOG ,PHYOGS DUS x BKRA SHIS x MDOR NA LHA MI'I MKHO DGU'I YO BYAD DANG, ,SRID ZHI'I DPAL 'BYOR YID LA GANG BSAM KUN, ,PHYOGS DUS KUN NAS PHYVA DANG GA-YANG DU BYON, ,BKRA SHIS DPAL 'BAR DGE MTSAN RGYAS PAR MDZOD, , (CES RJE GUNG THANG BA'I GSUNG LA RDO RJE 'CHANG PHA BONG MKHAS BSGYUR BCOS PHRAN BU MDZAD PA 'DI NYID BYIN RLABS KYI TSAN KHA CHE BAS 'DON ZHING, SRID ZHI'I DGOS 'DOD YID BZHIN DU DBANG DU 'DUS SHING RGYAS PAR BSAM, DE LTA BU'I TSUL GYIS NYIN RE BZHIN DU THUN BZHI'AM GSUM GANG RUNG DANG, LO BSKABS MED TSE NYIN RE THUN RES KYANG CHOG STE, DE YANG THUN BZHI DANG GSUM LA SOGS PA BYED NA THUN DANG PO LA SKYABS SEMS NAS GA-YANG 'GUGS PAR GONG DU BSHAD PA LTAR CHA TSANG DANG, DE NAS RGYAS BYED KYI MCHOD GTOR KHA GSOS, MCHOD PA BYIN RLABS NAS GA-YANG 'GUGS PAR GZHUNG LTAR LA, 'ON KYANG MI 'DRA BA'I KHYAD PAR NI, THUN RJES MA RNAMS
LA SA BON LAS MI BSKYED PAR SNGAR YOD GSAL 'DEBS KYI TSUL DU BYA DGOS PAS, GTER BUM BSKYED CHOG SKABS) RANG GI MDUN DU PADMA DANG ZLA BA'I GDAN GYI STENG DU RIN PO CHE'I GTER GYI BUM PA YANGS SHING RGYA CHE BA MTSAN NYID THAMS CAD DANG LDAN PA 'DOD DGU'I GTER CHEN ZAD MI SHES PAS YONGS SU GANG BA'I NANG DU STOD KYI CHA LA SNA TSOGS PADMA 'DAB MA BRGYAD PA'I LTE BAR RLUNG GI SHUGS 'CHANG RTA MCHOG NGANG SER LHA'I RIN PO CHE LAS GRUB PA'I SGA SRAB KYIS BRGYAN PA'I STENG NA RGYAL CHEN RDO RJE SHUGS LDAN RGYAS MDZAD SRID GSUM DPAL 'BAR (ZHES BSGYUR BA TZAM LAS GZHAN RNAMS DKYUS LTAR BYA'O, ,THUN MTHA' MA'I MJUG SLAR YANG YI DAM DANG CHOS SKYONG GI MCHOD PA KHA GSOS LA BYIN GYIS BRLABS TE, GTANG RAG GI MCHOD BSTOD, SMON LAM, BZOD GSOL RJES YI DAM GYI BDAG BSKYED NYER BSDU BYA ZHING, GTER BUM GYI LHA RNAMS 'OD ZHU BRTAN BZHUGS GSHEGS GSOL SOGS MI BYED PAR KHRA PHUNG DER BZHUGS PAR BSAM LA SHIS BRJOD KYIS MTHA' BRGYAN PAR BYA'O, ,THUN GCIG LAS MI BYED NA GA-YANG 'GUGS KYI CHO GA RNAMS ZIN PA'I MJUG TU GTANG RAG MCHOD 'BUL SOGS BYA, DE LTAR THUN MANG NYUNG DZA LTAR YANG THE TSOM DANG YID GNYIS KYIS MA BSLAD PAR YID CHES KYI MOS PA BRTAN POS RAB RTAGS THON NAM, DE MIN ZHAG BDUN DANG, LNGA DANG, MA MTHA' GSUM TZAM DU SGRUB PA GNAD DU BSNUN PAR BYA'O, ,NYIN RJES MA'I THUN MTHA' MA'I MJUG TU YON BDAG GA-YANG STON SOGS BYA BAR SPRON, GSER SKYEMS, GA-YANG 'GUGS BCAS ZIN RJES YON BDAG RNAMS CHAS GOS RGYAN SOGS BZANG PO DANG BCAS GA-YANG RTEN BUM PA DANG, SLOB DPON LA PHYAG DANG, DAR PHUL TE, STAN BZANG PO LA 'BRU DKAR BYIS GA-YUNG DRUNG BRIS BAR 'KHOD, SGRUB PA PO RNAMS KYIS ROL MO DBYANGS DANG BCAS), H'Um; SRID GSUM DBANG BSGYUR STOBS
, ,LDAN RGYAL PO CHE, ,(ZHES SOGS KYIS GA-YANG 'GUGS LEGS PAR BYAS RJES GA-YANG YON BDAG LA GTAD PA NI), KYEE: SRID GSUM DPAL 'BAR RGYAL PO CHE, ,MKHA' 'GRO NOR LHA 'KHOR BCAS RNAMS, ,DGYES PA'I GAR STABS SHIGS SE SHIGS, ,DNGOS GRUB CHAR PA NYIL LI LI, ,MTHU DANG RDZU 'PHRUL STOBS BSKYED LA, ,'JIG RTEN KHAMS KYI ZAS NOR DANG, ,RIN CHEN SNA LNGA GOS DAR SOGS, ,SRID ZHI'I DPAL YON 'DOD DGU RNAMS, ,PHYOGS BCU KUN NAS SPRIN BZHIN DU, , MA LUS THOGS MED DBANG BSDUS NAS, ,YON BDAG RNAMS LA DNGOS GRUB STZOL, ,GA-YANG CHAGS MI 'GYUR BRTAN PAR MDZOD, ,SARBA SIDDHI PHA LA H'Um, (ZHES GSOL PA BTAB PAS DGYES BZHIN BRTZEL CHEN POS DNGOS GRUB KYI RDZAS RNAMS RIM BZHIN STZAL BAR BSAM LA,) 'DI NI BRTAN GA-YO'I TSE BCUD KYI, ,BDUD RTZIS GANG BA'I BUM BZANG STE, ,DE RING YON BDAG KHYOD LA GTAD, ,MI 'GYUR TSE GA-YANG BRTAN GYUR CIG ,(CES YON BDAG GI LAG TU TSE BUM GTAN,) 'DI NI LHA MI KLU GSUM GYI, ,NOR BUS BKANG BA'I GZHONG PA STE, ,DE RING YON BDAG x DGOS 'DOD YID BZHIN 'JO GYUR CIG ,(CEG NOR GSHONG GTAD), 'DI NI NOR GYI CHAR 'BEBS PA'I, ,RIN CHEN GTER GYI NE'U LE STE, ,DE RING YON BDAG x 'DZAD MED NOR GA-YANG 'PHEL GYUR CIG ,(CES NE'U LE'U GZUGS GTAD), 'DI NI SRID GSUM DPAL GA-YANG KUN, ,'BAD MED 'GUGS PA'I LCAGS KYU STE, ,DE RING YON BDAG x 'DOD DGU DBANG DU 'DU GYUR CIG ,(CES LCAGS KYU GTAD,) 'DI NI KHAMS GSUM THAMS CAD LAS, ,RNAM PAR RGYAL BA'I RGYAL
MTSAN TE, ,DE RING YON BDAG x 'GAL RKYEN GA-YUL LAS RGYAL GYUR CIG ,(CES RGYAL MTSAN GTAD), 'DI NI SRID ZHI'I LEGS TSOGS KYI, ,PHYVA GA-YANG 'BOD PA'I MDA' DAR TE, ,DE RING YON BDAG x BDE LEGS PHUN SUM TSOGS GYUR CIG ,(CES MDA' DAR SOGS YON BDAG RNAMS LAG STONG DU MA LUS PAR RIM BZHIN GTAD, DE NAS GTER BUM GYI LHA LA 'BUL RGYU'I MCHOD PA BYIN GYIS BRLAB, CHU GNYIS NYER SPYOD ROL MO SOGS KYIS MCHOD, NANG MCHOD 'BUL), KHYOD NI RE SMON PHUN TSOGS SKONG BA'I PHYIR, ,SER MDANGS PHYAG GNYIS TSE BUM NOR GZHONG 'DZIN, ,BRJID PA'I RGYAN DANG CHA LUGS YONGS SU RDZOGS, ,CANG SHES NGANG PA GSER LDAN CHIBS LA BSTOD, ,BDAG CAG DPON SLOB YON MCHOD 'KHOR BCAS KYI, ,GNAS SKABS MTHAR THUG LEGS TSOGS MA LUS PA, ,RGYAL CHEN SRID GSUM DPAL 'BAR GZI 'OD KYIS, ,MA LUS 'PHEL ZHING RGYAS PAR MDZAD DU GSOL, ,(ZHES BSTOD, DE NAS TSOGS GTOR DANG, BZA' BCA' BTUNG BA'I RIGS GTZANG ZHING GYA NOM PAR BSHAMS LA, NANG MCHOD LTAR BRLAB), HO; TING 'DZIN SNGAGS DANG PHYAG RGYAS BYIN BRLABS PA'I, ,(ZHES SOGS SPYI LTAR LA), 'PHRIN LAS CHAR CHEN DBAB TU GSOL, ,(ZHES PA'I MTSAMS DER), HO; TING 'DZIN x ZAG MED BDUD RTZI'I x RGYAS MDZAD RGYAL CHEN 'KHOR BCAS MNYES PHYIR 'BUL, AOm A'A: H'Um, 'DOD DGU'I DPAL LA x AE MA HO, KHAMS GSUM PHYVA GA-YANG DNGOS GRUB STZOL, ,(ZHES LHAG PO 'JUG PA LAS, DE MAN CHAD SPYI LTAR BYA ZHING, DER YOD DPON SLOB YON BDAG THAMS CAD LA ZAS SNA TSANG BAR BRIMS SHING LONGS SPYAD), THAMS CAD NAM MKHA'
, ,MDZOD BZHIN DU, ,LONGS SPYOD ZAD PA MED PAR SHOG ,RTZOD PA MED CING 'TSE MED PAR, ,RANG DBANG DU NI SPYOD PAR SHOG ,(CES LAN GSUM GYIS SMON LAM GDAB, RTEN 'BREL GYI SLAD DU TSOGS LHAG PHYIR MI GTONG, GSUM BA RJES KYI BYA BA NI, DE NAS MDZOD PHUG LTA BUR BUM KHANG GTZANG MA SHING LAS BYAS PA'AM SA PHUG LTA BU YANG RUNG STE SGO NYIS BSGRIGS KHYIM GYI SGO DANG MI 'PHROD PA SRA ZHING BRTAN PA TSON RTZI SOGS BKRA SHIS PA'I RI MOS MDZES PA, NANG DU BYI BA DANG 'BU SOGS MI 'JUG PA'I SLAD SRUB DANG BUG PA SOGS LEGS PAR BKAG ,RGYAS PA'I RTEN 'BREL GYI CHED TSON SER POS KHA BSGYUR BAR BKRA SHIS RTAGS RDZAS, RIN CHEN SNA BDUN DANG NYE BA'I RIN CHEN BDUN SOGS BKRA SHIS BA'I RI MOS PHYUG PAR BYA'O, ,BSKANG RDZAS KYANG DE SRAS SAM YANG NA LOGS SU DAR RAS SOGS LA BRIS PA'ANG NANG DU BKRAM, BSANGS BDUG LEGS PAR BYAS, ME TOG GCAL DU BKRAM, SNGAR GYI BUM GDAN RAS DKAR DANG RTEN RDO RNAMS BSHAMS PA'I STENG, BUM PA SPOS ROL DANG BCAS SPYAN DRANGS TE BZHUGS SU GSOL BA'I MDUN NAM GANG BDER SNGAR GYI GTOR MA MAR GYI RIL BU SUM BRGYA DRUG CUS KHA GSOS TE BSHAM, DE'I GA-YAS GA-YON DU SKYEMS CHANG, RGYA JA, PHYE MAR, MDUN DU CHU GNYIS NYER SPYOD, DPAL GYI ZHAL ZAS, GZHAN YANG MCHOD PA'I BYE BRAG SNA TSOGS PA BSHAM, SNGAR GYI MDA' DAR SOGS KYANG BUM KHANG DE NANG BSDU, MCHOD GTOR RNAMS BYIN GYIS BRLAB, BSKANG RDZAS BYIN GYIS BRLAB PA NI, LAS SNGAGS KYIS BSANG), SVA BH'A WA (SA SBYANGS), STONG PA'I NGANG LAS RANG RANG GI MING YIG DANG PO THIG LES BRGYAN PA YONGS SU GYUR BA LAS BLA MA YI DAM RGYAL CHEN SRID GSUM DPAL 'BAR 'KHOR DANG
BCAS PA RNAMS MNYES PAR BYED PA'I DAM RDZAS BSKANG RDZAS RTEN RDZAS MTHUN RDZAS LA SOGS PA'I MCHOD PA'I BYE BRAG BSAM GYIS MI KHYAB PA ZHIG BLA MA YI DAM RGYAL CHEN SRID GSUM DPAL 'BAR 'KHOR DANG BCAS PA RNAMS KYI SPYAN LAM DU 'BYUNG ZHING RGYAS PAR GYUR CIG ,AOm SARBA BID P'U RA (SOGS SNGAGS DRUG PHYAG RGYA DRUG GIS BYIN GYIS BRLAB), BDAG GI BSAM PA'I (SOGS BDEN STOBS BRJOD, DE NAS), RGYAL CHEN SRID GSUM DPAL 'BAR, YUM DGU NOR LHA'I TSOGS DANG BCAS PA RNAMS RTEN 'DI DAG LA BRTAN PAR BZHUGS SU GSOL, BRTAN PAR BZHUGS NAS KYANG GNAS 'DIR PHYOGS BCU'I SRID ZHI'I DPAL 'BYOR LEGS TSOGS THAMS CAD RGYA MTSO CHEN PO LA CHU BO'I RGYUN BZHIN DU 'DU BAR MDZAD DU GSOL, AOm SU PRA TI shthA BADZRA YE SV'AH'A, (ZHES LAN GSUM GYIS BRTAN BZHUGS BYAS TE, RGYAL CHEN 'KHOR BCAS BUM NANG DU SRID ZHI'I DGOS 'DOD YID BZHIN STZOL BA'I DBANG GI NOR BU LTA BUR GZI 'OD 'BAR BZHIN DU BRTAN PAR BZHUGS PAR BSAM, DE NAS BUM KHANG GI SGO LEGS PAR BCAD DE RGYA 'DEBS PA DANG CHABS CIG) ,H'Um; DA NI GA-YANG GI RGYA ZHIG GDAB, ,PHYVA GA-YANG MI 'GYUR BRTAN PAR SHOG ,DANG PO CHOS KYI DBYINGS KYI RGYA, ,GNYIS PA THAMS DANG SHES RAB RGYA, ,GSUM PA SKU GSUM THUGS KYI RGYA, ,BZHI PA YE SHES BZHI YI RGYA, ,LNGA PA SANGS RGYAS RIGS LNGA'I RGYA, ,DRUG PA RDO RJE 'CHANG GI RGYA; ,BDUN PA 'PHAGS NOR BDUN GYI RGYA, ,PHYAG RGYA BDUN GYI RGYAS BTAB PO, ,RGYA LAS NAM YANG MA 'DA' ZHIG ,AOm BADZRA RAKshA: RAKshA: (ZHES RGYAS GDAB ME TOG 'THOR, DE NAS SGO SRUNG 'PHRIN BCOL BYA BA NI, BUM KHANG GI MDUN DU RGYAL CHEN
, ,SDE BZHI DANG GZHI BDAG BCAS KYI DKAR GTOR LNGA BSHAMS LA, LAS SNGAGS KYIS BSANGS), SVA BH'A WA (SA SBYANGS), STONG PA'I NGANG LAS BHR'Um LAS RIN PO CHE LAS GRUB PA'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I GTOR MA ZAG PA MED PA'I YE SHES KYI BDUD RTZI'I RGYA MTSO CHEN PO GYUR, AOm A'A: H'Um, (LAN GSUM), AOm SVA BH'A WA BI SHUDDHE (SOGS SNGAGS DRUG PHYAG RGYA DRUG GIS KYANG BYIN GYIS BRLAB), NA MA: SARBA TA TH'A GA TA (ZHES SOGS KYIS GZHI BDAG GTOR MA SPYI LTAR 'BUL), AOm AA K'A RO MU KHAm (LAN BDUN GYIS PHYOGS BZHIR RGYAL CHEN BZHI BSKYED PA LA BSNGOS NAS, 'PHRIN LAS BCOL BA NI), H'Um; SHAR PHYOGS DUNG GI SGO MO NA, ,RGYAL PO CHEN PO YUL 'KHOR SRUNG, ,DRI ZA'I TSOGS KYI 'KHOR GYIS BSKOR, ,MCHOD SBYIN GTOR MA 'DI BZHES LA; ;BDAG CAG YON MCHOD MGON MDZOD CIG ,GA-YANG KHA PHYI RU MA SHOR CIG ,SRI NGAN NANG DU MA GTONG ZHIG ,PHYI DANG NANG GI MTSAMS SRUNGS SHIG ,LHO PHYOGS GSER GYI SGO MO NA, ,RGYAL PO CHEN PO 'PHAGS SKYES PO, ,GSHIN RJE'I TSOGS KYI 'KHOR GYIS BSKOR, ,MCHOD SBYIN GTOR MA x BDAG CAG YON MCHOD x GA-YANG KHA PHYI RU x SRI NGAN NANG DU x PHYI DANG NANG GI x NUB PHYOGS BYI RU'I SGO MO NA, ,RGYAL PO CHEN PO MIG MI BZANG, ,KLU CHEN TSOGS KYI 'KHOR GYIS BSKOR, ,MCHOD SBYIN GTOR MA x BDAG CAG YON MCHOD x GA-YANG KHA PHYI RU x SRI NGAN NANG DU x PHYI DANG NANG GI x BYANG PHYOGS GA-YU YI SGO MO NA, ,RGYAL PO CHEN PO RNAM THOS SRAS, ,GNOD SBYIN TSOGS KYI 'KHOR GYIS BSKOR, ,MCHOD SBYIN GTOR MA x BDAG CAG YON MCHOD x
GA-YANG KHA PHYI RU x SRI NGAN NANG DU x PHYI DANG NANG GI x DE LTAR CHOS SKYONG NOR LHAR BCAS, ,MCHOD CING 'PHRIN LAS BCOL BA'I MTHUS, ,BSAM PA SGRUB LA RE BA SKONGS, ,MI MTHUN BAR CHAD ZHI BAR MDZOD, ,(CES SGO SRUNG BSGO, DE NAS YON BDAG GRAL LA 'KHOD PA RNAMS LHAR BSKYED PA DMIGS BSAL MA BYAS KYANG RUNG MOD, GAL TE BSKYED PAR 'DOD NA, DZAM LA DANG RNAM SRAS GANG RUNG DU BSKYED NA LEGS PAS RNAM SRAS BSKYED TSE, LAS SNGAGS KYIS BSANGS), SVA BH'A WA (SA SBYANGS,) STONG PA'I NGANG LAS YON BDAG RNAMS PAD ZLA'I GDAN LA BEE LAS RGYAL MTSAN PES MTSAN PA YONGS SU GYUR BA LAS RNAM THOS SRAS SER PO PHYAG GNYIS RGYAL MTSAN DANG NE'U LE 'DZIN PA, ZHABS GNYIS ROL PA'I STABS KYIS BZHUGS SHING, GZI BRJID PHUN SUM TSOGS PAR GYUR PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR (BAR BSAM, SLOB DPON GYI MDUN DU BKRA SHIS RDZAS BRGYAD KYI TZA KLI SOGS BSHAMS LA, BSANGS SBYANGS), STONG BA'I NGANG LAS RANG RANG GI MING YIG DANG PO THIG LES BRGYAN PA YONGS SU GYUR PA LAS, RGUD PA THAMS CAD SEL ZHING 'DOD DGU'I PHUN TSOGS YID BZHIN DU STZOL BA'I BKRA SHIS KYI RDZAS SU GYUR, (PAR BSAM, DE NAS SLOB DPON GYIS ZHVA GYON TSIG LHUG RNAMS MTHUN 'GYUR DANG BCAS ME LONG SOGS RIM GYIS LAG TU THOGS LA), SNGON BCOM LDAN 'DAS SH'AKYA THUB PA LA GZUGS KYI LHA MO 'ONG 'CHANG MAS ME LONG PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU, DENG 'DIR YANG SBYIN PA'I BDAG PO 'KHOR DANG BCAS PA RNAMS KYANG ME LONG GI RDZAS LA BRTEN NAS BKRA SHIS PAR
, ,GYUR CIG ,ME LONG YE SHES RGYA MTSO CHEN PO YI, ,YE SHES RGYA MTSO MCHOG TU DAG GYUR NAS, ,RNAM DAG CHOS LA THOGS MED LONGS SPYOD PA'I, ,BKRA SHIS DES KYANG SGRIB PA DAG GYUR CING, ,SNGON BCOM LDAN 'DAS SH'AKYA THUB PA LA GLANG PO CHE NOR SKYONG GIS GHI WANG PHYAG TU PHUL TE BKRA SHIS PA'I RDZAS SU BYIN GYIS BRLABS PA DE BZHIN DU xx 'KHOR DANG BCAS PA RNAMS KYANG GHI WANG GI RDZAS LA BRTEN NAS BKRA SHIS PAR GYUR CIG ,GHI WANG DUG GSUM 'JOMS PA NAD KYI SMAN, ,SMAN MCHOG CHOS NYID RAB TU RTOGS GYUR TE, ,NYON MONGS ZUG RNGU MED PAR GYUR BA YI, ,BKRA SHIS DES KYANG SDUG BSNGAL DAG GYUR CIG ,SNGON BCOM LDAN 'DAS SH'AKYA THUB PA LA ZHING PA'I BU MO LEGS SKYES MAS ZHO PHYAG TU PHUL TE, BKRA SHIS PA'I xxx 'KHOR DANG BCAS PA RNAMS KYANG ZHO'I RDZAS LA BRTEN NAS BKRA SHIS PAR GYUR CIG ,ZHO NI KUN GYI SNYING POR GYUR PA STE, ,SNYING PO RNAM DAG YE SHES MCHOG RTOGS NAS, ,YON TAN KUN GYI DBYINGS SU GYUR PA YI, ,BKRA SHIS DES KYANG DUG GSUM ZHI GYUR CIG ,SNGON BCOM LDAN 'DAS SH'AKYA THUB PA LA RTZVA TSONG GI KHYE'U BKRA SHIS KYIS RTZA DUR BA PHYAG TU PHUL TE, BKRA SHIS PA'I xxx 'KHOR DANG BCAS PA RNAMS KYANG DUR BA'I RDZAS LA BRTEN NAS BKRA SHIS PAR GYUR CIG ,DUR BAS TSE NI SPEL BAR BYED PA STE, ,RDO RJE SEMS DPA'I TSE NI RAB BSGRUBS NAS, ,NYON MONGS SKYE SHI RGYUN CHAD GYUR PA YI, ,BKRA SHIS DES NI TSE YANG 'PHEL GYUR CIG ,SNGON BCOM LDAN 'DAS SH'AKYA THUB PA
LA LHA TSANGS PAS SHING TOG BIL BA PHYAG TU PHUL TE, BKRA SHIS xxx 'KHOR DANG BCAS PA RNAMS KYANG BIL BA'I RDZAS LA BRTEN NAS BKRA SHIS PAR GYUR CIG ,BIL BA RGYU RKYEN 'BRAS BUR BCAS PA'I CHOS, ,'JIG RTEN 'JIG RTEN 'DAS PA'I SPYOD PA KUN, ,BYANG CHUB SNYING PO MCHOG TU DAG GYUR PA'I, ,BKRA SHIS DES KYANG DON KUN 'GRUB GYUR CIG ,SNGON BCOM LDAN 'DAS SH'AKYA THUB PA LA LHA'I DBANG PO BRGYA BYIN GYIS DUNG DKAR GA-YAS SU 'KHYIL BA PHYAG TU PHUL TE, BKRA SHIS PA'I xxx 'KHOR DANG BCAS PA RNAMS KYANG DUNG DKAR GYI RDZAS LA BRTEN NAS BKRA SHIS PAR GYUR CIG ,DUNG NI CHOS KYI SGRA RNAMS SGROGS PA'I TSUL, ,YE SHES RGYA MTSO NYID DU DAG GYUR TE, ,CHOS RNAMS MA NOR YONGS SU STON PA YI, ,BKRA SHIS DES KYANG TSIG LA DBANG THOB SHOG ,SNGON BCOM LDAN 'DAS SH'AKYA THUB PA LA BRAM ZE SKAR RGYAL GYIS LI KHRI PHYAG TU PHUL TE, BKRA SHIS PA'I xxx 'KHOR DANG BCAS PA RNAMS KYANG LI KHRI'I RDZAS LA BRTEN NAS BKRA SHIS PAR GYUR CIG ,LI KHRI DMAR PO DBANG GI RANG BZHIN TE, ,CHOS RNAMS MA NOR DBANG DU BSDUS NAS KYANG, ,CHOS KYI RGYAL SRID RTAG TU BRTAN GYUR PA'I, ,BKRA SHIS DES KYANG KHYED SRID BRTAN GYUR CIG ,SNGON BCOM LDAN 'DAS SH'AKYA THUB PA LA GSANG SNGAGS DANG RIG SNGAGS KYI BDAG PO DPAL PHYAG NA RDO RJES GRUB PA'I RDZAS YUNGS KAR PHYAG TU PHUL TE, BKRA SHIS PA'I RDZAS SU xxx 'KHOR DANG BCAS PA RNAMS KYANG YUNGS KAR GYI RDZAS LA BRTEN NAS BKRA SHIS PAR GYUR CIG ,YUNGS KAR RDO RJE'I
, ,SA TE THAMS CAD DU, ,BGEGS RNAMS MA LUS 'JOMS PAR BYED PA YI, ,MTHU STOBS YON TAN PHUN SUM TSOGS GYUR PA'I, ,BKRA SHIS DES KYANG BGEGS RNAMS ZHI BAR SHOG ,(CES TSIGS BCAD SO SO'I SKABS YON MCHOD SOGS GRAL NA GNAD ? SHA ? BA 'GRIM ZHING LAG TU REG NAS, JI SKAD BSHAD PA LTAR GYI BKRA SHIS DGE MTSAN RGYAS PAR BSAM, DE NAS,) PHUN SUM TSOGS PA MNGA' BA GSER GYI RI BO 'DRA, ,(ZHES SOGS BKRA SHIS BDE LEGS SU BYA BA'I TSIGS SU BCAD PA CI RIGS BRJOD CING ME TOG GI CHAR DBAB PAR BYA, YI DAM GYI GTANG RAG MCHOD BSTOD NAS NYER BSDU SHIS BRJOD PAR DKYUS BZHIN BYAS TE, BKRA SHIS DGA' STON RGYA CHEN PO LA ROL PAR BYA'O, ,YANG, YON BDAG LA GA-YANG GTOD PA SOGS KYI SPROS PA MI BYED NA, GA-YANG 'GUGS KYI CHO GA ZIN RJES BUM PA'I LHA LA GTANG RAG MCHOD BSTOD, TSOGS 'KHOR, BUM PA BSDU BA DANG, MCHOD GTOR BSKANG RDZAS BYIN RLABS, BRTAN BZHUGS, RGYA 'DEBS,) RAKshA: RAKshA: (ZHES PA'I BAR GONG BZHIN BYAS MTHAR, MCHOG GSUM SHIS BRJOD, YI DAM GYI GTANG RAG MCHOD BSTOD, BDAG BSKYED NYER BSDU, SHIS BRJOD SOGS BYA'O, ,DE LTAR BSGRUBS PA'I GA-YANG RTEN GTER BUM BANG MDZOD DU BKRA SHIS PA'I RDZAS SNA CI 'DZOMS KYI DBUS SU BSHUGS LA, DE LA LONGS SPYOD GANG BYUNG GI PHUD SOGS DUS SKABS SU MCHOD PA DANG, GTOR MA PHUL BAS KHA GSO, DNGOS GRUB GANG BYUNG MCHOD SBYIN LA SER SNA MED PAR GTONG BA NOR LHA SPYI'I DAM TSIG YIN PAS LAG LEN DU BYA DGOS SO,,) SMRAS PA, TSUL BZHIN BSTEN NA SGRUB LA SNYING NYI ZHING, ,DGE LEGS CHAR DU 'JO BA'I RDZOGS LDAN SPRIN, ,SRID GSUM DPAL 'BAR RGYAL CHEN SHUGS LDAN LA, ,BRTEN
NAS DGOS 'DOD GTER BUM SGRUB PA'I TSUL, ,BLO BZANG RGYAL BSTAN 'DZIN PA'I SKYES MCHOG DANG, ,GSUM LDAN RIG 'DZIN 'DUS SDES BSKUL BA BZHIN, ,KHYAB BDAG BLA MA'I ZHAL LUNG LDE MIG GIS, ,'DOD DGU'I DGA' BA 'KHYIL BA'I MDZOD 'DI PHYES, ,'DIR 'BAD DGE TSOGS DPAG BSAM YONGS 'DU'I LJON, ,'JAM MGON BSTAN PA'I GSOS SU LEGS DAR ZHING, ,PHUN TSOGS SDE BZHI'I 'BRAS BZANG 'BUM GYI CHAR, ,LUS CAN PHAN BDE'I DPYID DU 'BEBS GYUR CIG ,LAM BZANG SGRUB PA'I RNAL 'BYOR BDAG CAG KYANG, ,TSE RABS KUN TU SRID DANG ZHI BA'I DPAL, ,'DZAD MED BSAM 'PHEL NOR BU'I BANG MDZOD LA, ,DBANG 'BYOR 'GRO BA'I RE BA SKONG NUS SHOG ,(CES PA 'DI YANG RGYAL CHEN RDO RJE SHUGS LDAN RTZAL GYI RGYAS PA'I 'PHRIN LAS LA BRTEN PA'I NOR SGRUB KYI CHO GA ZHIG GSAR RTZOM DGOS ZHES GRO STOD DUNG DKAR DGON GYI DGE 'DUN SPYI NAS DE SNGON KHO BO LHA SAR YOD SKABS BSKUL MA MDZAD PA LTAR PHYOGS BSGRIG BYA 'DUN DANG, DUS 'GYUR RKYEN NGAN SNA TSOGS PA'I GZHAN DBANG GIS RIM LUS SU SONG ZHING, DE RJES DGE 'DUN RNAMS RGYA GAR DU BYES PHEBS KYIS RDOR GLING GUM DGON BSAM GTAN CHOS GLING DU BZHUGS MUS NAS KYANG LAN GRANGS DU MAR BSKUL GNANG THOG ,BSTAN PA'I SNANG BYED SER BYES LDAN MA RONG THA RIN PO CHE DANG, RGYAL THANG LHA MKHAR SPRUL SKU SOGS NAS BSKUL MA GNANG BA BZHIN, YONGS 'DZIN KHRI BYANG SKYE MING PA BLO BZANG YE SHES BSTAN 'DZIN RGYA MTSOR 'BOD PAS YAB RJE BKA' DRIN ZLA MED KHYAB BDAG RDO RJE 'CHANG PHA BONG KHA PA DPAL BZANG PO MCHOG DVAGS PO BSHAD SGRUB GLING DU CHIBS BSGYUR BSKYANGS NYE'I SKABS KHO BOR CHOS SKYONG 'DI NYID KYI LAS RIM SNA TSOGS SHIG ZHAL GDAMS RTZA TSIG LTA BUR STZAL RJES, RTZA DON 'DI DAG GZHIR
, ,BZUNG KHA 'GENGS 'OS RNAMS RIGS MTHUN CHO GA GZHAN DANG, LHAG PAR DPAL MGON ZHAL BZHI PA DANG RGYAL CHEN GNYIS NGO BO GCIG LA LDOG PA THA DAD LTA BUR SHIN TU 'BREL CHE BAS, DPAL MGON GYI LAS TSOGS NAS RUNG MTHUN SBYAR 'OS RNAMS SBYAR NA CHOG CES BKA' STZAL NANG DU BZUNG STE, DA LAM BUM SGRUB KYI CHO GA 'DIR YANG ^SKYABS MCHOG RDO RJE 'CHANG GI GSUNG GRAS MGON ZHAL BUL SGRUB NAS LEN 'OS RNAMS BLANGS, GSAR RTZOM DGOS RIGS BYAS TE PHYI LO CHIG STONG DGU BRGYA BDUN CU DON BZHI, BOD RGYAL LO NYIS STONG BRGYA DANG GCIG ,RANG LO BCU PHRAG BDUN DANG NYAG MA BZHIR SON PA, SHING STAG CHU STOD ZLA BA'I NANG SBYAR BA'I YI GE PA NI MDUN GA-YOG NOR BU CHOS 'PHEL GYIS BGYIS SHING, 'DI NYID MJUG GRUB NYE'I MTSAMS RGYAL PO CHEN PO MCHOG TU DGYES PA'I RMI LAM GYI MTSAN MA GSAL BAR BYUNG BA BCAS, BSTAN 'DZIN YON MCHOD RNAMS SDE BZHI'I DGE MTSAN 'DZAD PA MED PA'I GTER LA 'DOD DGUR DBANG 'BYOR BA'I SMAN YON DU GYUR CIG , ,DGE LEGS 'PHEL,,) ,, 'PHAGS NOR BDUN PHYUG CHOS LDAN SKYES BU LA, ,SRID ZHI'I DPAL 'BYOR DBANG DU 'DU BA YI, ,RGYAL CHEN RGYAS MDZAD 'PHRIN LAS LA BRTEN NAS, ,BUM SGRUB PHYA GA-YANG 'DOD DGU DGA' BA 'KHYIL, ,TRE HOR GA RTZE RDO RJE TSE RING DANG, ,THABS SHES SRAS PA RDO RJE GA-YU SGRON NAS, ,DPAL BSKRUN DGE BAS SKYE 'GRO MA LUS PA, ,KUN MKHYEN NAM MKHA' MDZOD LA DBANG BSGYUR SHOG ,,