*, ,'JAM MGON BSTAN SRUNG RGYAL CHEN RDO RJE SHUGS LDAN RTZAL LA BRTEN PA'I MDOS 'PHRIN GYI LAG LEN GSAL BAR BKOD PA NGO MTSAR STONG GI 'PHRUL MDZOD CES BYA BA BZHUGS SO, ,
, ,SPANGS DANG RTOGS PA MTHON PO'I DBYINGS ROL KYANG, ,SA LA DREGS PA'I ZOL GYIS RGYAL BSTAN SROG ,'DZIN LA MTHU STOBS RDO RJE'I SHUGS LDAN PA'I, ,BSTAN SRUNG CHEN PO KHYOD KYIS RTAG TU SKYONGS; ;'JIG RTEN LAS 'DAS LHA MCHOG KHYOD NYID LA, ,MDOS DANG YAS KYIS DGYES PA MA MCHIS KYANG, ,MTHA' KLAS DREGS PA'I 'KHOR TSOGS DE DAG LA, ,DGYES SKONG MTHUN PA'I RDZAS SU CHES CHER MKHO, ,DE PHYIR DREGS PA'I TSUL BZUNG SPYI 'GRO YI, ,SROL DU MED THABS MED PA'I MTHUN PA'I RDZAS, ,MDOS YAS JI LTAR BCA' BA'I RNAM GZHAG KYANG, ,KHYOD DGYES SKYED PA'I CHA LAG NYID DU SPRO, ,'DIR SNYIGS MA'I DUS SU BLO BZANG RGYAL BA'I RING LUGS BSRUNG BA LA MTHU STOBS GNYAN MYUR GZHAN LAS KHYAD PAR DU 'PHAGS PA SPRUL PA'I BSTAN SRUNG RGYAL CHEN RDO RJE SHUGS LDAN RTZAL LA BRTEN PA'I MDOS JI LTAR BCA' BA'I RIM PA 'CHAD PA LA
, ,GSUM STE, RTEN MDOS, BSKANG MDOS, BZLOG MDOS SO, ,DANG PO LA GNYIS, LAG LEN BCA' GZHI'I RIM PA DANG, NGAG 'DON CHO GA'I RIM PA'O, ,DANG PO LA GSUM, MDOS DANG, YO BYAD GZHAN GYI RNAM GZHAG ,DE DAG BSHAM PA'I RIM PA'O, ,DANG PO LA GNYIS, GSOG BYA BA DANG, MDOS JI LTAR BSHAM PA'I RIM PA'O, ,DANG PO LA GNYIS, SKAM GSOG DANG, RLON GSOG GO ,DE LA DANG PO SKAM GSOG NI, BYANG BU'I SKOR LA, SKU BRNYAN GYI SHING BYANG SUM CU RTZA GSUM, BSKANG RDZAS KYI SHING BYANG SUM CU, SPYAN GZIGS KYI SHING BYANG BRGYAD, 'OG NAS 'BYUNG BA LTAR GYI KHRAM SHING GI SHING BYANG BCU, PHO GDONG 'BRI BYED PHO SHING STAG PA'I BYANG BU BCO LNGA, MO GDONG 'BRI BYED MO SHING GLANG MA'I BYANG BU BCO LNGA, SHING GRI YUL MKHAR GYI SHING BYANG BCU BCAS PHO GDONG MO GDONG MA GTOGS PA'I SHING BYANG KUN GYI RTZE MOR NOR
BU'I RIS DANG, PHO GDONG GI RTZE MOR RDO RJE PHYED PA DANG, MO GDONG GI RTZE MOR PADMAS MTSAN ZHING, DE'I 'OG TU THAMS CAD LA GNAMS PAR GSUM MTSON PA'I TSON MDANGS KYIS BCAD PA, BYANG BU'I RTZA BA LCAGS THUR LTA BU 'DZUG TU RUNG BAR BYAS PA KHYON SHING BYANG BRGYA DANG NYER GCIG LAS, DANG PO SKU RIS KYI SHING BYANG LA, RGYAL CHEN RIGS LNGA, YUM DGU ,SNA 'DREN DGE SLONG BRGYAD, LAS MKHAN STAG SHAR BCU, LAS BYED KHA CHE DMAR PO STE SUM CU RTZA GSUM RNAMS MNGON RTOGS LAS BYUNG BA LTAR SO SOR LEGS PAR BRIS, SHING BYANG GI RGYAB TU 'DOD GSOL BRI TSUL NI, GTZO BO'I RGYAB TU, ,AOm BADZRA WI KI BItnA SV'AH'A, ZHES PA'I MJUG DGON GNAS LTA BUR MTSON NA, , RGYAL CHEN RDO RJE SHUGS LDAN RTZAL, ,RTEN MCHOG 'DI LA BRTAN BZHUGS NAS, ,MDOS YAS MCHOD SPRIN 'DI BZHES LA, ,BLO BZANG RGYAL BSTAN RGYAS PA DANG, ,DE 'DZIN SKYES BU'I SKU TSE SRINGS, ,DGE 'DUN THUGS MTHUN KHRIMS GTZANG ZHING, ,SHAD SGRUB LONGS SPYOD 'PHEL BA DANG, ,RAB 'BYAMS LAS KUN THOGS MED STZOL, ,KHYAD PAR BDAG CAG DPON SLOB LA, ,DUS DRUG BYAR MI GA-YEL BAR, ,'GAL RKYEN SEL ZHING MTHUN RKYEN SGRUBS, ,PHA YIS BU BZHIN RTAG TU SKYONGS, ,AOm SU PRA TIshthA BADZRA YE SV'AH'A, ZHES DANG, PHAL PA RANG GA BA LTA BUR TSIG RKANG DANG PO GSUM GONG DANG 'DRA BA LA, DE NAS, BDAG CAG 'KHOR DANG BCAS PA LA, ,BSRUNG SKYOB MEL TSE MA GA-YEL BAR, ,
, ,MI NOR LONGS SPYOD MNGA' THANG RGYAS, ,RKYEN NGAN BAR GCOD ZHI BA DANG, ,CI BSAM LHUN GYIS 'GRUB PAR MDZOD, ,CES PA LTA BU 'BRI, SHING BYANG 'OG MA RNAMS LA'ANG 'DOD GSOL GYI DBUR, AOm BADZRA WI KI SOGS KYI SROG SNGAGS 'BRI DGOS PA RIGS 'GRE BA LA, 'DOD GSOL, ZHI MDZAD KYI RGYAB TU, ZHI MDZAD SGRIB PA KUN SEL KHYOD, ,RTEN MCHOG x MDOS YAS x BLO BZANG x DE 'DZIN x DGE 'DUN x BSHAD SGRUB x ZHI BA'I LAS KUN THOGS MED STZOL, ,KHYAD PAR x DUS DRUG x NAD GDON RKYEN NGAN BAR GCOD KUN, ,DMIGS MED ZHI BA'I 'PHRIN LAS MDZOD, ,PHAL DKYUS LTA BUR, ZHI MDZAD x RTEN MCHOG x MDOS YAS x BLO BZANG x KHYAD PAR x DUS DRUG x NAD GDON x DMIGS MED x CES BAR GYI TSIG RKANG BZHI DOR NAS 'DRI ZHING, DES 'OG GI RGYAS MDZAD DANG, DBANG MDZAD, DRAG MDZAD RNAMS LA'ANG RIGS 'GRE, RGYAS MDZAD KYI RGYAB TU, RGYAS MDZAD SRID GSUM DPAL 'BAR KHYOD, ,RTEN MCHOG xxxxxx RGYAS PA'I LAS KUN THOGS MED STZOL, ,KHYAD PAR x DUS DRUG x TSE DPAL BSOD NAMS MNGA' THANG SOGS, ,DAR ZHING RGYAS PA'I 'PHRIN LAS MDZOD; ;DBANG MDZAD KYI RGYAB TU, DBANG SDUD SNOD BCUD ZIL GNON KHYOD xxxxxx DBANG GI LAS KUN THOGS MED STZOL, ,KHYAD PAR x DUS DRUG x KHAMS GSUM CHE RGU LEGS TSOGS KUN, ,DBANG DU 'DU BA'I
'PHRIN LAS MDZOD, ,DRAG MDZAD KYI RGYAB TU, DRAG MDZAD RDO RJE SHUGS LDAN RTZAL, xxxxxx DRAG PO'I LAS KUN THOGS MED STZOL, ,KHYAD PAR x DUS DRUG x BYAD PHUR RBOD GTONG DGRA BGEGS KUN, ,MNGON SPYOD DRAG POS TSAR GCOD MDZOD, , CES GTZO BO LNGA'I RGYAB TU RIM BZHIN 'BRI, ,'KHOR GYI SHING BYANG YUM DGU'I RGYAB TU, LANG TSO'I DPAL 'DZIN MDZES SDUG YUM, ,RTEN MCHOG x MDOS YAS x BLO BZANG RGYAL BSTAN SKYONG BA DANG, ,KHYAD PAR BDAG CAG 'KHOR BCAS LA, ,DUS DRUG BYAR MI GA-YEL ZHING, ,SNOD BCUD PHYA GA-YANG 'GUG PA DANG, ,BDE CHEN 'DOD YON DGA' STON STZOL, ,ZHES DANG, SNA 'DREN DGE SLONG BRGYAD KYI RGYAB TU, 'PHRIN LAS SNA 'DREN DGE SLONG KHYOD, ,RTEN MCHOG x MDOS YAS x BLO BZANG x KHYAD PAR x DUS DRUG x GANG DANG GANG BCOL 'PHRIN LAS KUN, ,DE DE BZHIN DU 'GRUB PAR MDZOD, ,CES DANG, LAS MKHAN STAG SHAR BCU'I RGYAB TU, LAS MKHAN GTUM PA'I STAG SHAR KHYOD, ,RTEN x MDOS x BLO x KHYAD x DUS x GNOD CING SDANG BA'I RIGS KUN LA, ,DRAG PO'I CHAD PA THOG LTAR PHOB, ,CES DANG, ,KHA CHE DMAR PO'I RGYAB TU, LAS BYED KHA CHE DMAR PO KHYOD, ,RTEN x MDOS x BLO x KHYAD x DUS x KHRO GTUM DRAG RTZAL THOGS MED KYIS, ,LEGS NYES STANG 'DZIN RJES GCOD MDZOD, ,CES 'BRI, BSKANG RDZAS KYI SHING BYANG SUM CU LAS, SHING BYANG DANG POR GTZO BO'I SKU BER, PHYAG MTSAN, BZHON PA DANG BCAS CHA TSANG 'BRI, DE BZHIN DU GNYIS PAR ZHI MDZAD, GSUM PAR RGYAS MDZAD, BZHI
, ,PAR DBANG MDZAD, LNGA PAR DRAG MDZAD RNAMS KYI SKU BER RNAMS CHA TSANG PA 'BRI, DRUG PAR RI RAB, GSER RI, GLING BZHI, PHYI'I LCAGS RI, STENG DU NYI ZLA BCAS TSANG PAR BRI, BDUN PAR ZHI BA'I NYER SPYOD, BRGYAD PAR DRAG PO'I NYER SPYOD, DGU PAR BKRA SHIS RTAGS BRGYAD, BCU PAR BKRA SHIS RDZAS BRGYAD, BCU GCIG PAR RGYAL SRID SNA BDUN, BCU GNYIS PAR NYE BA'I RIN CHEN BDUN DANG 'DOD YON LNGA, BCU GSUM PAR GDUGS, RGYAL MTSAN, BA DAN, GTER CHEN PO'I BUM PA, RIN PO CHE'I RI BO, DPAG BSAM GYI SHING, 'DOD 'JO'I BA, MA RMOS PA'I LO TOG ,BCU BZHI PAR BSKANG BRGYAS PA LTAR GYI DRAG PA'I MKHAR, GTOR MA, SKYEMS CHANG, RGYA JA, 'O ZHO, PHYE MAR, BCO LNGA PAR GA-YANG GZHI'I BLA RE, RGYU MA'I LDA LDI MIG DANG SNYING DANG GLO BAS SPRAS PA, GCAN GZAN GYI PAGS PA SNA TSOGS KYI YOL BA, GLANG LPAGS BCAS, BCU DRUG PAR, PE CON DMAR PO, ZHAGS DMAR, SPU GRI ,DGRA SNYING; LCAGS KYU DAR DMAR GYIS BRGYAN PA, NE'U LE, MDA' DAR, NOR BU'I ZHAGS PA, NOR GZHONG, TSE BUM, LCAGS KYU, RAL GRI ,GRI GUG ,DGRA SNYING DRON MO, ,BCU BDUN PAR, ZHI RGYAN RIN PO CHE'I RGYAN BRGYAD, LHA RDZAS KYI GA SHA; LHA RDZAS KYI SHAM THAB, YUM GYI PHYAG MTSAN 'BYUNG BA BZHI DANG 'DOD YON SNA LNGA, BCO BRGYAD PAR, DRAG RGYAN HE RU KA'I CHAS, DBU RGYAN, SE RAL KHA SOGS RGYAN DRUG CHA TSANG, STAG SHAM, RDOR DRIL, KHA tV'Am GA ,BCU DGU PAR,
CHOS GOS RNAM GSUM, THANG ZHVA, SGOM ZHVA, PAn ZHVA, ZHVA SER, LHUNG BZED, MKHAR GSIL, GLEGS BAM, RDOR DRIL, GSANG PHU STAG LHA MA SOGS SNA 'DREN DGE SLONG GI CHAS RNAMS, NYI SHU PAR, KHRAB, RMOG ,BYANG KHEBS, DONG PA, PHUB, GRI SOGS CHA TSANG, NYER GCIG PAR, RU MTSON RTZE GSUM, RAL GRI ,CHU GRI ,THO BA, PHUR BU, SHAG TI, MDA' GZHU, MTSON CHA 'KHOR LO, ME MDA', GTUN SHING, DBYUG TO SOGS MTSON CHA SNA TSOGS, ,NYER GNYIS PAR, ZHVA NAG ,PHOD KA, BANDHA, PHUR PA, KHRO STOD, PANG KHEBS KHRO ZHAL, NYER GSUM PAR, STAG SHAR RGYA DANG RGYA LUGS KYI MTSON CHA, NYER BZHI PAR, STAG SHAR HOR TE SOG CHAS, SOG LUGS KYI PHYAG MTSAN MTSON CHA, NYER LNGA PAR, STAG SHAR BA LA PO'I CHAS, PHYAG MTSAN MTSON CHA, NYER DRUG PAR, STAG SHAR BOD DMAG GI CHAS, PHYAG MTSAN MTSON CHA, NYER BDUN PAR, STAG SHAR KHA CHE'I CHAS, PHYAG MTSAN MTSON CHA, NYER BRGYAD PAR, STAG SHAR AA TZA RA'I CHAS, PHYAG MTSAN PHUR BU, BGRANG PHRENG, NYER DGU PAR, SENGGE, GLANG CHEN, LHA RTA NGANG SER, GA-YU 'BRUG ,KHYUNG BCAS, SUM CU PAR, RTA NAG ,KHYI NAG ,GA-YAG NAG ,LUG NAG BCAS LEGS PAR BRIS, BYANG BU DE DAG GI RGYAB TU 'DOD GSOL SBYAR BA 'BRI STE, BSKANG RDZAS KYI SHING BYANG DANG PO'I RGYAB TU, AOm BADZRA WI KI BItnA SV'AH'A, 'DUL 'DZIN CHOS KYI RGYAL PO LA, ,SKU BER NYER SPYAD 'DI PHUL BAS, ,DPON SLOB YON BDAG BCAS PA LA, ,DUS DRUG BSRUNG SKYOB MA GA-YEL MDZOD, ,GNYIS PA'I RGYAB TU, ZHI MDZAD SGRIB
, ,PA KUN SEL LA, ,SKU BER xx BCAS PA LA, ,ZHI BA'I 'PHRIN LAS 'BAD MED SGRUBS, ,GSUM PA'I RGYAB TU, RGYAS MDZAD SRID GSUM DPAL 'BAR LA, ,SKU BER xx BCAS PA LA, ,RGYAS PA'I 'PHRIN LAS 'BAD MED SGRUBS, ,BZHI PA'I RGYAB TU, DBANG SDUD SNOD BCUD ZIL GNON LA, ,SKU BER xx BCAS PA LA, ,KHAMS GSUM DBANG SDUD 'PHRIN LAS STZOL, LBA BA'I RGYAB TU, DRAG MDZAD RDO RJE SHUGS LDAN LA, ,SKU BER xx BCAS PA YI, , DGRA BGEGS PHYE MAR 'THAG PAR MDZOD, ,DRUG PA'I RGYAB TU, RDO RJE SHUGS LDAN 'KHOR BCAS LA, ,RI RAB GLING BZHI 'DI PHUL BAS, ,CHOS DANG SRID KYI DGE MTSAN RNAMS, ,LHUN GYIS 'GRUB CING BRTAN PAR MDZOD, , BDUN PA'I RGYAB TU, ,RDO RJE SHUGS LDAN 'KHOR BCAS LA, ,ZHI BA'I NYER SPYOD 'DI 'BUL GYIS, ,'GAL RKYEN ZHI ZHING TSE DPAL RGYAS, ,KHAMS GSUM PA DBANG DU 'DU BAR MDZOD, ,BRGYAD PA'I RGYAB TU, RDO RJE SHUGS LDAN 'KHOR BCAS LA, ,DRAG PO'I NYER SPYOD 'DI 'BUL GYI, ,BLO BZANG BSTAN DGRA MA LUS PA, ,SKAD CIG THAL BA'I RDUL DU RLOGS, ,DGU PA'I RGYAB TU, RDO RJE SHUGS LDAN 'KHOR BCAS LA, ,BKRA SHIS RTAGS BRGYAD 'DI PHUL BAS, ,RGYAL BA'I MTSAN DPE'I YON TAN SOGS, ,PHYOGS DUS KUN TU DGE LEGS STZOL, ,BCU PA'I RGYAB TU, RDO RJE SHUGS LDAN 'KHOR BCAS LA, ,BKRA SHIS RDZAS BRGYAD 'DI PHUL BAS, ,DPON SLOB YON BDAG BCAS PA LA, ,BKRA SHIS DGE MTSAN RGYAS PAR
MDZOD; ;BCU GCIG PA'I RGYAB TU, RDO RJE SHUGS LDAN 'KHOR BCAS LA, ,RGYAL SRID SNA BDUN 'DI PHUL BAS, ,CHOS SRID MNGA' THANG DPAL 'BYOR GYIS, ,KUN LA DBANG SGYUR DPAL THOB MDZOD, ,BCU GNYIS PA'I RGYAB TU, RDO RJE SHUGS LDAN 'KHOR BCAS LA, ,NYE RIN 'DOD YON 'DI PHUL BAS, ,CHOS DANG SRID KYI DGE MTSAN DANG, ,'DOD PA'I LONGS SPYOD RGYAS PAR MDZOD, ,BCU GSUM PAR, RDO RJE SHUGS LDAN x GLING BZHI'I KHYAD NOR 'DI PHUL BAS, ,'BYOR BA'I KHYAD PAR MTHA' DAG KUN, , YID LA GANG BSAM THOB PAR MDZOD, ,BCU BZHI PAR, RDO RJE SHUGS LDAN x DRAG PO'I PHO BRANG GTOR TSOGS SOGS, ,PHUL BAS GNAS YO LONGS SPYOD KUN, ,'BAD MED LHUN GYIS 'GRUB PAR MDZOD, ,BCO LNGA PAR, RDO RJE SHUGS LDAN x PAGS RIGS LNGA LDI 'DI PHUL BAS, ,BSTAN DGRA GNOD PA BGOGS SGROL BA LA, ,MTHU STOBS GNYAN MYUR THOGS MED MDZOD, ,BCU DRUG PAR, RDO RJE SHUGS LDAN x LAS BZHI'I PHYAG MTSAN 'DI PHUL BAS, ,ZHI RGYAS DBANG DANG MNGON SPYOD KYI; ;LAS KUN THOGS MED 'GRUB PAR MDZOD, ,BCU BDUN PAR, MDZES SDUG YUM CHEN 'KHOR BCAS LA, ,NA BZA' PHYAG MTSAN 'DI PHUL BAS, ,SNOD BCUD KUN LA PHYVA GA-YANG STZOL, ,'DOD PA'I LONGS SPYOD RGYAS PAR MDZOD, ,BCO BRGYAD PAR; RDO RJE SHUGS LDAN 'KHOR BCAS LA, ,RUS PA'I RGYAN DRUG SOGS PHUL BAS, ,BDE STONG LHAN SKYES TING 'DZIN GYIS, ,ZUNG 'JUG MYUR DU 'GRUB PAR MDZOD, ,BCU DGU PAR, SNA 'DREN DGE SLONG RNAM BRGYAD LA, ,RAB BYUNG CHAS GOS
, ,'DI PHUL PAS, ,DGE LDAN LTA GRUB GTZANG MA YI, ,RING LUGS PHYOGS BCUR RGYAS PAR MDZOD, ,NYI SHU BA'I RGYAB TU, RDO RJE SHUGS LDAN x GO CHA SNA TSOGS 'DI PHUL BAS, ,BSAM SBYOR NGAN PA'I GNOD BYED KYIS, , NAM YANG TSUGS PA MED PAR MDZOD, ,NYER GCIG PA'I RGYAB TU, RDO RJE SHUGS LDAN x MTSON CHA SNA TSOGS 'DI PHUL PAS, ,CHO 'PHRUL SNA TSOGS DGRA LA THONGS, ,LUS SROG THAL BA'I RDUL DU RLOGS, ,NYER GNYIS PAR, RDO RJE SHUGS LDAN x SNGAGS NAG CHAS GOS 'DI PHUL PAS, ,BYAD MA THAL BAR RLOG PA DANG, ,BLO BZANG BSTAN DGRA PHUNG LA THOBS, ,NYER GSUM, NYER BZHI, NYER LNGA, NYER DRUG ,NYER BDUN, NYER BRGYAD PA BCAS KYI RGYAB TU, LAS MKHAN GTUM PA'I STAG SHAR LA, ,CHAS GOS PHYAG MTSAN 'DI PHUL BAS, ,BLO BZANG BSTAN DGRA SGROL BA LA, ,SKAD CIG MA GA-YEL PHYOGS BCUR RGYUGS, NYER DGU PAR, RDO RJE SHUGS LDAN x SNA TSOGS BZHON PA 'DI PHUL BAS, ,BLO BZANG BSTAN DANG 'GRO DON LA, ,NGAL MED PHYOGS BCUR GSHEGS PAR MDZOD, ,SUM CU PAR, RDO RJE SHUGS LDAN x BSKANG RDZAS 'DI RNAMS PHUL BA YIS, ,THUGS DAM BSKANG ZHING NYAMS CHAG SOL, ,BSAM DON LHUN GYIS 'GRUB PAR MDZOD, ,CES DAG PAR 'BRI, SPYAN GZIGS KYI SHING BYANG BRGYAD KYI DANG POR GNAM LA 'PHUR DGU ,GNYIS PAR SA LA 'DZUL DGU ,GSUM PAR GCAN GZAN SDE DGU ,BZHI PAR RI DVAGS 'PHYO DGU ,LNGA PAR BYOL SONG SNA TSOGS, DRUG PAR KLU NOR NYER GCIG ,
BDUN PAR KLU NOR BRGYAD, BRGYAD PAR BLA RTAGS DRED MONG SNA TSOGS BCAS 'BRI ZHING, SHING BYANG BRGYAD KA'I RGYAB TU, RDO RJE SHUGS LDAN 'KHOR BCAS LA, ,SPYAN GZIGS DKOR NOR 'DI DAG 'BUL, ,MTHUN RDZAS 'DI YIS THUGS BSKANGS NAS, , CI 'DOD DNGOS GRUB STZAL DU GSOL, ,KHRAM SHING BCU DPE'U RIS BZHIN BRIS PA'I RGYAB TU, RDO RJE SHUGS LDAN 'KHOR DANG BCAS PA LA, LHA'I CHAD PA BZLOG PA'I KHRAM SHING 'DI 'BUL GYI BZHES LA, LHA'I DKA' CHAD NYI LTAR SHAR BA BZLOG PA'I 'PHRIN LAS MDZOD CIG ,DE BZHIN DU, RDO RJE SHUGS LDAN x BDUD KYI CHAD PA BZLOG PA'I KHRAM SHING 'DI 'BUL GYI BZHES LA, BDUD KYI BKA' CHAD MUN LTAR 'THIBS PA BZLOG PA'I 'PHRIN LAS x MA MO'I DAL YAMS BZLOG PA'I KHRAM SHING 'DI 'BUL GYI BZHES LA, MA MO'I DAL YAMS KHRAG NAD GTONG BA BZLOG PA'I x KLU YI MNAN GTAD BZLOG PA'I KHRAM SHING 'DI 'BUL GYIS BZHES LA, KLU YI MNAN GTAD DRU GU BRKYANG PA x BTZAN GYI RGYU SRANG BZLOG PA'I KHRAM SHING 'DI 'BUL GYI BZHES LA, BTZAN GYI JAG SNA RGYU SRANG ZUG PA x GSHIN RJE'I 'KHOR LO BZLOG PA'I KHRAM SHING 'DI 'BUL GYI BZHES LA, GSHIN RJE'I 'KHOR LO SPAR BU BSKOR BA x RGYAL PO'I SMYO 'BOG BZLOG PA'I KHRAM SHING 'DI 'BUL GYI BZHES LA, DMU YI SMUG KHA RGYAL PO'I SMYO 'BOG GTONG BA x GZI'I KI KANG BZLOG PA'I KHRAM SHING 'DI 'BUL GYI BZHES LA, SRIN PO'I 'DRE SNGAGS GZA' YI KI KANG x BYAD ZOR RBOD GTONG BZLOG PA'I KHRAM SHING 'DI 'BUL GYI BZHES
, ,LA, BYAD DANG RBOD GTONG PHUR ZOR THOG LTA 'DREL BA x BAL MO'I KHRAG ZOR BZLOG PA'I KHRAM SHING 'DI 'PHUL GYI BZHES LA, BAL MO'I KHRAG ZOR DANG MI MTHUN BAR CHAD BZLOG PA'I 'PHRIN LAS MDZOD CIG ,CES PA RNAMS KHRAM SHING SO SO'I RGYAB TU MA NOR BAR RIM BZHIN 'BRI, SDE BRGYAD SGOS BZLOG GI KHRAM SHING 'DI RNAMS GTZO BO BZLOG MDOS LA YIN YANG, RTEN BSKANG LA'ANG DGOS PAR GSUNGS PA LTAR BRIS, PHO GDONG STAG CHAS RIS, LINGGA RIS, NOR BU RIS TE PHO GDONG RIS MI 'DRA BA GSUM DANG, MO GDONG DAR 'PHAN RIS, GLANG RIS, MKHAR THABS RIS TE MO GDONG RIS MI 'DRA BA GSUM SO SO NAS TSAR LNGA RE DPE'U RIS LTAR BRIS PA'I RGYAB TU RIM PA BZHIN, RDO RJE SHUGS LDAN 'KHOR DANG BCAS PA LA, PHO GDONG STAG CHAS RIS SRID PA PHO'I GLUD DU 'BUL GYI BZHES LA, NAD GDON BAR CHAD MI MTHUN PA'I PHYOGS ZHI BA'I 'PHRIN LAS MDZOD CIG ,DE BZHIN DU, RDO RJE SHUGS LDAN x MO GDONG DAR 'PHAN RIS SRID PA MO'I GLUD DU 'BUL GYI x PHO GDONG LINGGA RIS 'BUL GYI BZHES LA LTAS NGAN THAMS CAD BZLOG PA'I 'PHRIN LAS MDZOD CIG ,x MO GDONG GLANG RIS 'DI 'BUL GYIS BZHES LA, MI MTHUN BAR CHAD BZLOG PA'I x PHO GDONG NOR BU RIS 'DI 'BUL GYI BZHES LA, RKYEN NGAN BAR CHAD BZLOG PA'I x MO GDONG MKHAR THABS RIS 'DI 'BUL GYI BZHES LA RKYEN NGAN x ZHES SOGS DANG, SHING GRI YUL MKHAR RIS GCIG 'THUGS SU SHING BYANG
GCIG GI NGOS LA GLING BZHI RI RAB, NAM MKHA', NYI ZLA SKAR GSUM, SPRIN, 'DAB CHAGS, YUL MKHAR, SPE'U SPEL ZHOL DANG BCAS PA SRID PA SPYI RIS BRIS PA DANG, YANG LUGS GCIG LA SHING GI GRI SO YU BA LDAN PA'I NGOS LA YU MTSAMS NAS MKHAR THABS KYI RI MO DANG, DE NAS RTZE BANG DU BSEG RIS SO NAS GA-YAS SU BSKOR BA 'BRI BA STE SHING GRI YUL MKHAR GCIG 'THUS KYI LUGS GNYIS GANG RUNG LTAR BYED NA GCIG 'THUS KYI SHING BYANG BCU, YANG NA DPE'U RIS PAR MA LTAR SHING GRI YUL MKHAR SO SOR BYED TSE DE GNYIS RE RE NAS LNGA RE STE BSDOMS PAS BCU BRIS PA'I RGYAB TU, RDO RJE SHUGS LDAN x SHING GRI YUL MKHAR RIS 'DI YUL MKHAR GYI RTEN DU 'BUL LO, ,BZHES LA BDAG CAG GI YUL PHYOGS SU CHAR CHU DUS SU BABS, LO PHYUGS RTAG TU LEGS, NAD GDON 'KHRUGS PA ZHI, BKRA SHIS DANG BDE LEGS KYI DGE MTSAN RGYAS PA'I 'PHRIN LAS MDZOD CIG ,CES SOGS 'BRI, GONG DU SMOS PA LTAR SHING BYANG THAMS CAD KYI 'DOD GSOL MA GOR SROG SNGAGS BKOD, ` DE NAS GTZO BO'I SKU RGYAB TU 'DZUG RGYU'I NAM MKHA' DBUS SER PO MTHA' 'JA' RIS CAN RTZE MOR DAR TSON GYIS SPRAS PA, RGYANG BU SER PO GCIG ,MDA' KHRA GCIG ,'PHANG KHRA GCIG ,DE BZHIN DU RGYAL CHEN RIGS BZHI SO SO'I SKU RGYAB TU 'DZUG RGYU'I NAM MKHA' KHONG RANG RANG GI SKU MDOG DANG MTHUN PA MTHA' 'JA' RIS CAN RE, SKU MDOG DANG MTHUN PA'I RGYANG BU RE, MDA' KHRA 'PHANG KHRA RE, DE BZHIN DU YUM DGU RE RER YANG SKU MDOG DANG MTHUN PA'I NAM MKHA' RE DANG, RGYANG BU KHRA BO RE, SNA 'DREN DGE
, ,SLONG BRGYAD LA NAM RGYANG SER PO RE RE, LAS MKHAN STAG SHAR BCU LA KHRO BCU'I SKU MDOG DANG MTHUN PA'I NAM RGYANG RE RE, LAS BYED KHA CHE DMAR POR NAM RGYANG DMAR PO RE RE STE NAM MKHA' RNAMS KHONG KHA DOG GONG DU SMOS PA BZHIN LA, BAR DU STONG PA CUNG ZAD PHYE BA'I MTHA' KHA DOG 'BYUNG BZHI GROGS BSDE BA DANG MTHUN PA'I 'JA' RIS PHYI NANG GNYIS PA PHYI DBYIBS GRU BZHI NAR STABS ZUR LANGS KYI SNE GSUM DU DAR SNA'I LHAB LHUB DANG, RTZER RMA BYA'I SGRO DANG, MTSE DANG, YUNGS KAR SGANG BUS BRGYAN PA, RGYANG BU RNAMS SMYUG THUR LTA BU PHRA LA RING BAR TSON SKU 'JA' RIS RTZE RTZE KHYAB PAR DKRIS PA'I RTZER MTSE DANG YUNGS KAR GYI SGANG BU DANG, BYA PHO'I SGRO PHOD, DAR SNA LNGA'I TSAL BUS BRGYAN CING, GNAS GSUM DU BAL TSON KHA DOG GONG DU SMOS PA LTAR SO SO'I MDOG MTHUN GTZO BOR BYAS NAS BRGYAN PA'I THOG ,SKU GSUNG THUGS GSUM MTSON PA'I BAL TSON DKAR DMAR MTHING GSUM GYIS KYANG MDZES PAR BYA, RTEN MDOS YUN RING 'JOG RGYUR 'BU SKYON 'BYUNG DOGS PAS BAL TSON MA BDEN SRIN BAL DANG DAR ZAB SOGS KYIS KYANG RUNG, ,GONG GSAL RGYAL CHEN RIGS LNGA'I RGYAB TU 'DZUGS RGYU'I MDA' KHRA LNGA DANG, MDOS SGROM GYI GDANG BU BZHI PAR 'GOD RGYU'I MDA' KHRA NYER GCIG RNAMS RTZA BAR SBRUL, SKED PAR YUL MKHAR, RTZE MOR NYA MIG GI RI MOS MTSAN ZHING, RGOD SGRO DANG LCAGS KYI MDE'US BRGYAN PA DANG, RGYAL CHEN RIGS LNGA'I RGYAB TU 'JUGS RGYU'I 'PHANG KHRA LNGA DANG, MDOS SGROM GYI GDANG BU BZHI PAR 'GOD RGYU'I 'PHANG KHRA NYER GCIG RNAMS NYA MIG GI RI MOS MTSAN ZHING, DAR ZAB KYI SKUD PA DANG 'KHAN
BZANG GIS SPRAS PA STE, ,KHYON BSDOMS NAM MKHA' RGYANG BU GNYIS SUM CU SO GSUM RE DANG, MDA' 'PHANG GNYIS NYI SHU RTZA DRUG RE 'DU BYED, MDA' RNAMS SMYUG RGOD DANG, 'PHANG MO SHING LA BYED PAR BSHAD, DE YAN NI SKAM GSOG GO ,DE NAS GNYIS PA RLON GSOG LA, RGYAL CHEN RIGS LNGAR GTOR MA GTZO BOR SNYING GZUGS, ZHI MDZAD LA DKAR GTOR ZLUM PO, RGYAS MDZAD LA SER PO GRU BZHI, DBANG MDZAD LA DMAR PO ZLA GAM, DRAG MDZAD LA NAG PO GRU GSUM RNAMS LAS MTHUN GYI RGYAN 'GROS DANG, DAR GYI COD PAN DPYANGS PA, MDZES SDUG YUM CHEN DGU LA BSHOS BU DKAR ZLUM DGU ,SNA 'DREN DGE SLONG BRGYAD LA BSHOS BU DMAR ZLUM BRGYAD, LAS MKHAN STAG SHAR BCU LA BSHOS BU DMAR PO GRU GSUM BCU, LAS BYED KHA CHE DMAR POR BSHOS BU GRU GSUM DMAR PO GA-YON GCUS, 'KHOR GYI DREGS PA SDE BRGYAD SPYIR LHA BSHOS DKAR PO ZLUM PO, GZA' BSHOS DMAR PO GRU GSUM GA-YAS GCUS, RGYAL BSHOS LUG MJUG MA DMAR PO, BTZAN BSHOS DMAR PO GRU GSUM GA-YON GCUS, BDUD BSHOS NAG BRTZE GUG ,KLU PA SHOS DKAR PO SBRUL DKRIS, MA MO LA BU PANG MA DMAR PO RGYAB KHYER MDUN KHYER GANG RUNG, DMU BSHOS KYOG MO, THE'U RANG GSHOG DGU PA DKAR PO BCAS DANG, GZHAN YANG RIN PO CHE, 'BRU SNA, DAR SNA, SMAN SNA, RAM, BTZOD, ZHUN MKHAN, RGYA SKYEGS SOGS LHO RDZAS, TSVA BUL SOGS BYANG RDZAS, RI SGOG SOGS LA RDZAS, SGONG BTZONG LA PHUG SOGS KLUNGS RDZAS, SHING THOG BZA' BCA' SOGS MKHO RGU'I DNGOS PO MTSANG BA MED PA BSAG GO ,DE DAG NI RLON GSOG JI LTAR BYA BA'I RIM PA'O, ,GNYIS PA MDOS JI LTAR BSHAM PA'I RIM PA LA, GZHI SHING KHRI LTA BU RGYA KHYON JI LTAR 'TSAMS
, ,PA'I STENG DU, MDOS KYI SROG SHING RGYU TZAN DAN NAM, SHUG PA SOGS SHING BZANG PO LAS BYAS PA DBYIBS GDUGS YAN CHAD ZLUM PO DANG, DE MAN CHAD GRU BZHIR BZOS PA DRI BZANG DANG MTSAL GYIS BYUGS PAR GSER RAM GRI KHRAG LA SOGS PAS STOD DU, ,RGYAL BA RDO RJE 'CHANG, RJE BTZUN 'JAM DPAL DBYANGS, BLA MA DBU MA PA DPA' BO RDO RJE, RJE TZONG KHA PA CHEN PO, RTOGS LDAN 'JAM DPAL RGYA MTSO, MKHAS GRUB DGE LEGS DPAL BZANG, BA SO CHOS KYI RGYAL MTSAN LA SOGS PA DGE LDAN SNYAN BRGYUD KYI BLA MA RNAMS DANG, KHYAD PAR 'JAM MGON BLA MA TZONG KHA PA CHEN PO, 'DUL 'DZIN GRAGS PA RGYAL MTSAN, ZUNG 'JUG GRUB PA'I DBANG PHYUG STAG PHU RDO RJE 'CHANG PADMA BADZRA, KHYAB BDAG 'KHOR LO'I MGON PO RDO RJE 'CHANG BDE CHEN SNYING PO DPAL BZANG PO LA SOGS PA BYIN RLABS NYE BRGYUD KYI RTZA BRGYUD BLA MA DAM PA RNAMS KYI SPYAN SNGAR RGYAL CHEN RDO RJE SHUGS LDAN RTZAL 'KHOR DANG BCAS PA KHYED RNAMS KYIS DAM TSIG GI RDO RJE SPYI BOR BLANGS, RDO RJE'I MNA' CHU LCE LA BZHAG STE JI LTAR GA-YAR DAM BCAS PA'I RDO RJE THA TSIG GNYAN PO DRAN PAR MDZOD LA, SANGS RGYAS KYI BSTAN PA SPYI DANG, YANG SGOS MNYAM MED TZONG KHA PA CHEN PO'I BSTAN PA'I SNYING PO DRI MA MED PA DI NYID MTHA' DBUS PHYOGS DUS KUN TU NAM YANG NYAMS PA MED PAR YANG NGO'I ZLA BA LTAR GONG NAS GONG DU 'PHEL BA DANG, BSTAN PA DE 'DZIN GYI SKYES CHEN DAM PA DGE 'DUN 'DUS PA'I TSOGS DANG BCAS PA'I SKU TSE MDZAD 'PHRIN THUGS KYI BZHED RGU RNAMS
JI BZHIN 'GRUB PA LA PHYI NANG GI 'GAL RKYEN MTHA' DAG ZHI ZHING, MTHUN PA'I RKYEN DU GYUR PA THAMS CAD 'BAD MED DU 'PHEL ZHING RGYAS PA DANG, KHAMS GSUM GYI DREGS LDAN CHE RGU DANG, DAD BRTZON GYI BLA SLOB PADMO'I TSAL LA BUNG BA BZHIN 'DU BA DANG, LOG PAR 'KHU BA'I GZUGS CAN GZUGS MED KYI GNOD BYED MTHA' DAG DUS MTHA'I ME LCES RTZVA SBUR BZHIN RJES SHUL MED PAR BRLAG PA DANG, MDOR NA JI LTAR GSOL BA BTAB PA'I SPYI DANG BYE BRAG GI MNGON PAR 'DOD PA'I DON MTHA' DAG DE DE BZHIN DU 'GRUB PA'I LAS BZHI'I 'PHRIN LAS NAM YANG GA-YEL BA MED PAR MDZAD DU GSOL, ZHES PA LTA BU BLA MA BRGYUD PA'I MTSAN DANG BKA' BSGO JI LTAR 'OS PA BRI ZHING, DE'I 'OG TU YI DAM RDO RJE 'JIGS BYED KYI RTZA SNGAGS, SNYING PO, NYE SNYING GSUM DANG, DE'I 'OG TU SPRO NA, RGYAL CHEN GYI 'BOD RBAD BSAD GSUM GYI SNGAGS, 'BOD PA NI, AOm MAH'A R'A DZA BADZRA BE G'I PI GRANTA AA KARshA YA AA KARshA YA, RBAD PA NI, AOm MAH'A R'A DZA BADZRA BE G'I BI KRANTA DAM NYAMS DGRA BGEGS STENG DU BHYO: BHYO: ? PA NI, AOm MAH'A R'A DZA BADZRA BE G'I BI KRANTA SARBA SHA TRUm BIGHNA NA M'A RA YA M'A RA YA, SUm TRI GA RAKshA BHYO: THIB THIB TZAKRA BHYO: SNYING KHAR KA DUN TRI BHYO: TRI NAN SHIG ,SE NA GTUB, KHAR KA RBAD, DUM BU BHYO: BADZRA RA TI RAKshA TZA TUR M'A RA YA H'Um PHAt, GNOD BYED DGRA BGEGS THAMS CAD M'A RA YA H'Um PHAt, CES PA DANG, BSDU NA, AOm BADZRA WI KI BItnA SV'AH'A, AOm DHA RM'A P'A LA MAH'A N'A DZA BADZRA BE GA WA NA RU TRA PA NYTZA KU LAS RBA SHA TRUm MA RA YA H'Um PHAt, CES BRIS PA'I MTHAR, MDOS 'DI RGYAL CHEN RDO RJE SHUGS LDAN
, ,'KHOR DANG BCAS PA'I RTEN DU 'DZUGS PA YIN PAS, BZHUGS PA'I GNAS MDZOD, CHAGS PA'I RTEN MDZOD, BDAG CAG DPON SLOB YON MCHOD MI NOR DGON GNAS DANG BCAS PA LA NYIN GSUM BYAR MA GA-YEL, MTSAN GSUM MEL TSEM GA-YEL, BCOL BA'I PHRIN LAS MA GA-YEL ZHIG ,KHYAD PAR DU YANG BLO BZANG RGYAL BA GNYIS PA'I BSTAN LA GNOD PA'I DGRA BGEGS THAMS CAD DRAG PO'I CHAD PAS SKAD CIG NYID LA THAL BAR RLOGS LA, BLO BZANG RGYAL BA GNYIS PA'I BSTAN PA BSTAN 'DZIN DGE 'DUN GYI SDE DANG BCAS PA DAR ZHING RGYAS PA'I 'PHRIN LAS MDZOD CIG ,CES PA LTA BU'AM, DE LAS CUNG RGYAS PAR 'DOD NA, MTSAN GSUM MEL TSE MA GA-YEL ZHES PA'I MJUG , LAS SGRUB PA'I PHO NYA, MUN BSEL BA'I SGRON ME, DGRA PO 'JOMS PA'I MTSON CHA, 'CHI BA BLU BA'I BDUD RTZI, NAD SEL BA'I SMAN, DGOS 'DOD 'BYUNG BA'I GTER GYI BUM PA MDZOD CIG ,BKA' DANG BSTAN PA SRUNGS, DGYES PA'I ZHAL STON, BSGRUB PA'I RTAGS PHYUNGS, 'DOD PA'I DON SGRUBS, BCOL BA'I 'PHRIN LAS MDZOD, 'KHOR DANG LONGS SPYOD SPEL, SNYAN PA DANG GRAGS PA SGROGS, SDANG BA'I DGRA SOD, GNOD PA'I BGEGS THUL, BAR CHAD THAMS CAD BZLOG ,BSAM PA'I DON THAMS CAD YID BZHIN DU SGRUB PAR MDZOD CIG ,KHYAD PAR DU YANG BLO BZANG RGYAL BA'I BSTAN DANG BSTAN 'DZIN YON MCHOD LA DNGOS DANG BRGYUD NAS GNOD PA'I MI DANG MI MIN DGRA BGEGS LOG 'DREN THAMS CAD
'PHRIN LAS RNO MYUR THOGS PA MED PAS MYUR BA NYID DU MING GI LHAG MAR MDZOD CIG ,DGE LDAN LUGS BZANG CHOS BZHIN SKYONG BA'I BSTAN 'DZIN DGE 'DUN GYI SDE YON MCHOD MTHA' DAG GI CHOS DANG SRID KYI LEGS TSOGS THAMS CAD DBYAR MTSO LTAR 'PHEL ZHING RGYAS PA'I STONG GROGS GNYER KHA ZAB MO SKAD CIG KYANG MI GA-YEL BAR MDZOD CIG ,CES PA LTA BU SROG SHING RING THUNG LA DPAGS PA'I RGYAS BSDUS SKABS DANG SBYAR TE SROG SHING LA 'BRI BA'AM, DUG SHOG LA BRIS TE YI GE PHYIR BSTAN NAS SROG SHING LA DKRIS KYANG RUNG, 'DI YAN RI RAB KYI STENG TZAM DU 'ONG BA BYA, SROG SHING GI 'OG TU DUG SHOG LA BRIS PA'I LONGGA TSAD LDAN LA DGUG BSTIM DANG, LHA DBYE YID CHES PAR BYAS PA 'BRUB KHUNG GI NANG DU GAN RKYAL DU BZHAG PA'I BAR THUN RDZAS KYIS BKANG, SROG SHING RTZA BAR RDO RJE RGYA GRAM 'BRI, DE LTA BU'I SROG SHING DBUS SU BTZUGS, SROG SHING GI RTING BA LINGGA'I SNYING GAR KHOL BAR BYA, 'DI NI CUNG ZAD RTZUB CING GNYAN PA'I LUGS SU BGYIS PA STE, SPYIR BTANG LA LINGGA 'BRI BSOGS MA BGYIS KYANG RUNG, RIN PO CHE DANG SMAN BZANG PO BSRES PA'I ZAN NAM 'JIM PA BZANG POS RI RAB BANG RIM BZHI PHYIR GZHOL BA, SHAR DKAR, LHO SNGO, NUB DMAR, BYANG SER BA BYA, RI RAB KYI STENG DU DBUS DANG PHYOGS BZHI MTSAMS BZHI BCAS PAR MDOS GZHUNG DNGOS GZHI'I BSKYED CHOG DANG MTHUN PA'I RIN PO CHE DANG THOD PA LAS GRUB PA'I GZHAL YAS KHANG DGU ,RI RAB KYI RMAD DU GSER RI DANG, ROL MTSO BDUN, DE'I MTHAR GLING
, ,BZHI; GLING PHRAN BRGYAD, DE'I PHYI ROL TU LCAGS RI MU KHYUD DANG BCAS PA BZO BA'AM 'BRI BA GANG BDE BYA, RI RAB KYI PHO BRANG DBUS MA'I RTZER GONG GI SROG SHING LA BRTEN PA'I SHING BU DRUG PHYOGS MTSAMS SU THANG BAR ? GYES PA LA SKUD PA SNA LNGA 'JA' RIS SU PHAN TSUN BRAN PA'I CHOS 'BYUNG GRU GSUM BSNOL MA NANG SER PO STENG 'KHOR GYI TSUL DU BYA, DE'I MU KHYUNG MDZES TSON ZLUM POR BYAS PA LA BRTEN PA'AM, MA BRTEN KYANG RUNG STE DE'I STENG DU GDUGS CHEN 'OD SER PO, MTHA' 'JA' RIS 'KHOR THABS SU BRAN PA'I NANG RIM SHAM BU LTAR 'JA' KHRA PHRENG BCU GSUM MAM, JI LTAR 'OS PAR BRTZEGS PA'I GDUGS CHEN RI RAB KHEBS PA, GDUGS RTZIBS RNAMS PHYOGS MTSAMS SU ZLUM POR GYIS PA'I SNER RGYAL MTSAN, BA DAN, NGAR SNA'I CHUN 'PHYANG SOGS KYIS MDZES PA BYA, GDUGS KYI STENG DU KHYUNG TSANG KHONG SER PO DANG, KHA BCAD 'JA' RIS SU LAG LEN MTHONG BRGYUD LTAR THAGS SU BRAN PA'I PHYIR KHANG BRTZEGS GRU BZHI PA NGOS BZHIR DPAL BE'U'I RIS SU BRAN PA'I ZUR GYI RU SHING BZHI LA MI MGO SKAM RLON BRIS PA'I DRAG PO'I GZHAL YAS KYI DBYIBS LTA BUR BYA, DE'I KHA GDANG LA TSON SKUD 'JA' RIS SU BRAN PA'I BAD KYIS BSKOR BA'I NGOS LA BRTEN PA'I NOR BU'I BA GAM DANG DE LAS BPHYANG ? BA'I DRA PHYENG SOGS CI MDZES BYA, SPROS PA BSDUS SKABS GDUGS DANG KHYUNG TSANG GONG LTAR RE RES CHOG CING, SPRO NA GDUGS GCIG DANG KHYUNG TSANG SUM BRTZEGS BYA BA'AM, GDUGS SUM BRTZIGS DANG KHYUNG TSANG GCIG BYAS
NA'ANG RUNG ZHING GANG BYED KYANG BRTZEGS STENG MA RNAMS JE CHUNG DU BYAS PA MCHOD RTEN GYI BANG RIM LTA BUR 'ONG BA BYAS NA MDZES, DE'I KHAR RGYA PHIBS SER PO THAGS SU PHRAN PA'I STENG DU 'JA' RIS BKRA BA'I ZHAL GYI NAM MKHA' GSUM SGROM GYI RTZE MOR NOR BU CHA DGU PA'I TOG DANG, GA-YAS GA-YON NYI ZLA, GANG BZANG, RMA BYA'I SGRO PHOD, BAL TSON, ZAB DAR SNA LNGA, ME LONG RNAMS KYIS BRGYAN PA, KHYUNG TSANG GI MTSAMS DANG, GDUGS RTZIBS KYI RTZA RTZE, RGYA PHUBS KYI ZUR TOG DANG, ZA RA TSAGS SOGS LA MI MGO SKAM RLON GYI TOG DANG PHRENG BAS RNGAM BRJID DANG LDAN PA BYA, GSANG RTEN GYI SNYING MAN NGAG LTAR BSGRUBS PA YOD NA GDUGS KYI 'OG TU SROG SHING LA GDAGS, NANG RTEN GYI MDA' BO CHE LAG LEN LTAR BSGRUBS PA SROG SHING GI RTZE MOR GZUG PA'AM, DE'I THAD DU 'JOG ,STENG MA STENG MAR DAR GOS KYI GDUGS SER PO, GOS SMOS LTAR KHYUNG TSANG GCIG DANG, GDUGS SUM BRTZEGS LTA BUR MTSON NA, KHYUNG TSANG NOR BU'I LDING KHANG GI DBUS SU RJE TZONG KHA PA CHEN PO, GDUGS RIM PA GSUM GYI DANG PO'I 'OG TU 'OD DPAG MED DANG RDO RJE 'JIGS BYED, GNYIS PA'I 'OG TU LHA CHEN TSANGS PA DRAG PO RNAMS BZHUGS, RI RAB KYI STENG GI PHO BRANG LNGAR RGYAL CHEN RIGS LNGA'I SHING BYANG DANG, SO SO'I STENG DU DAR GYI GDUGS SER PO RE DANG, SKU RGYAB TU RANG RANG GI SKU MDOG DANG MTHUN PA'I NAM MKHA' RE, DE'I RGYAB TU DBUS SU SKU MDOG DANG MTHUN PA'I RGYANG BU RE, GA-YAS SU MDA' KHRA RE, GA-YON DU 'PHANG KHRA RE BCAS 'DZUGS, ,MTSAMS BZHI'I PHO BRANG LA SHAR LHOR SA YI LHA
, ,MO NAS BRTZAMS TE 'BYUNG BA BZHI'I YUM BZHI DANG, DE NAS MAR BGRANGS PA'I BANG RIM GNYIS PA'I SHAR LHO NAS BRTZAMS TE ZUR BZHIR GZUGS SGRA DRI RO'I LHA MO BZHI, SHAR GYI DBUS SU REG BYA'I LHA MO BCAS DANG, PHYOGS RER SNA 'DREN DGE SLONG GNYIS GNYIS TE BRGYAD BCAS KYI SHING BYANG RNAMS BKOD, DE'I 'OG BANG RIM GSUM PA LA MDUN DU STAG SHAR GNYIS, DBUS SU LAS BYED KHA CHE DMAR PO, RGYAB TU STAG SHAR GNYIS, PHYOGS GZHAN GNYIS DANG ZUR BZHI BCAS PAR STAG SHAR RE BCAS KYI SHING BYANG BKOD, BANG RIM BZHI PA LA PHYOGS BZHIR RGYAL CHEN RIGS LNGA'I GTOR MA DANG, YUM, 'KHOR SOGS KYI GTOR MA GONG GI LHA GNAS LTAR SO SO'I THAD DU BKOD CING, DE BZHIN DU, ZHI RGYAS DBANG DRAG GI NYER SPYOD BZHI YANG PHYOGS BZHI SO SOR BKOD, KHRAG ,CHANG, 'O MA, RGYA JAS BKANG BA'I AU SKYU RNAMS BSHAM, 'OG GI GZHI LA LCAGS RI'I NANG KHONGS SU ZHI RGYAS DBANG DRAG GI GTOR RDZAS DANG, NGAR MI, BZA' BCA', BTUNG BA, RIN PO CHE, SMAN, 'BRU, LHO BYANG LA LUNG GI RDZAS SNA, GOS DAR SOGS DKOR CHA SNA TSOGS PA ZA 'OG GI PHAD BU LTA BU SO SO'I NANG DU BKANG STE MA 'DRES PA DNGOS GTZANG BAR BSHAM, DE'I PHYI ROL DU MDOS KHRI'AM MDOS KHANG DU GRAGS PA ZUR BZHIR KA BA BZHI BTZUGS PA LA PHYOGS BZHIR SKAS KYI GDANG BU LTA BU'I, BANG RIM DANG PO LA, ZUR BZHIR GDUGS BZHI DANG, PHYOGS BZHIR DBUS SU RGYAL MTSAN RE DANG DE'I GA-YAS GA-YON DU RU MTSON SER PO RE RE, GDANG BU
GNYIS PAR GONG GSAL YUM DGU'I NAM MKHA' KHONG RANG RANG GI SKU MDOG DANG MTHUN PA LA MTHA' 'JA' RIS CAN DGU, SNA 'DREN DGE SLONG BRGYAD LA GONG GSAL NAM MKHA' KHONG SER PO CAN BRGYAD, DE BZHIN DU YUM DGU LA RGYANG BU KHRA BO DGU, SNA 'DREN DGE SLONG GI RGYANG BU SER PO BRGYAD RNAMS GONG GI RANG RANG GI LHA GNAS KYI BABS DANG BSTUN TE PHYOGS MTSAMS SU BKOD, GDANG BU GSUM PA LA, STAG SHAR BCU DANG LAS BYED KHA CHE DMAR PO BCAS KYI NAM MKHA' DANG RGYANG BU BCAS GONG GI LHA GNAS DANG MTHUN PAR PHYOGS MTSAMS SU BKOD CING, BSKANG RDZAS KYI BYANG BU SUM CU DANG, KHRAM SHING BCU RNAMS MDUN NAS GA-YAS SKOR GYI RIM PAS BKOD, GDANG BU BZHI PA LA, MDA' KHRA NYER GCIG ,'PHANG KHRA NYER GCIG ,SHING GRI YUL KHAR RIS BCU, PHO GDONG DANG MO GDONG RIS MI 'DRA BA DRUG SO SO NAS LNGA RE STE SUM CU, SPYAN GZIGS DKOR NOR SNA TSOGS PA'I SHING BYANG BRGYAD RNAMS SPEL NAS BKOD, GNYIS PA YO BYAD GZHAN NI, 'JIGS BYED KYI DBANG DU BYAS TE 'JIGS BYED KYI MCHOD GTOR SPYI LTAR DANG, RGYAL CHEN GYI BYON GTOR, BSKANG GTOR, BZLAS GTOR, THUN GTOR, LAS BZHI'I NYER SPYOD, GZHAN YANG CHOS SKYONG GZHAN GYI GTOR MA BSHAM DGOS RIGS DANG, MKHA' 'GRO SPYI GTOR, GZHI BDAG GTOR MA, SPYI STABS KYI 'BUL RGYU'I 'DIR GSHEGS RGYAN GTOR SOGS BSNYEN SGRUB LAS GSUM LAS BYUNG BA LTAR, GZHAN YANG TSOGS KYI YO CHAS, ZHO, 'O MA, RGYA JA SOGS DKAR SKYEMS, CHANG PHUD BZANG POR RIN CHEN SNA LNGA BTAB PA'I
, ,GSER SKYEMS, KAR BUR SBRANG CHANG SOGS MNGAR SKYEMS, PHYE MAR, MDA' DAR, DKAR MO LAG GA-YAS, BSKANG RDZAS, SPYAN GZIGS GO MTSON, DAR GYI LDA LDI, GA-YAB DAR, SPOS SBYOR, RNGA ROL, DUNG RGYA, RKANG GLING SOGS SPROS PA JI LTAR LCOGS PA LTAR 'DU BYA, GSUM PA DE DAG BSHAM PA'I RIM PA NI, MDOS KYI GA-YAS PHYOGS SOGS GANG BDER 'JIGS BYED KYI BRIS SKU BKRAM PA'I MDUN DU 'JIGS BYED KYI MCHOD GTOR DANG, GA-YON PHYOGS SOGS GANG BDER RGYAL CHEN GYI BRIS SKU, MCHOD GTOR, DE DAG GI MDUN NAM 'OS PA'I PHYOGS GANG BDER MDOS GDAN GA-YANG GZHI'AM, STAGS LPAGS SOGS KYI STENG DU RTEN MDOS BSHAMS PA'I MDUN DU ZHI DRAG GI NYER SPYOD, GSER SKYEMS DANG, TSOGS KYI YO BYAD SOGS DGOS PA'I YO BYAD RNAMS BSHAMS TE SGRUB PA PO RNAMS CHO GA LA 'JUG PAR BYA'O, ,DE DAG NI LAG LEN BCA' GZHI'I RIM PA ZHIB TU BKOD PA'O, ,GNYIS PA NGAG 'DON CHO GA'I RIM PA NI 'KHYER BDE BA'I PHYIR LOGS SU BKOD PA LAS SHES PAR BYA'O, , ` GNYIS PA BSKANG MDOS JI LTAR BYA BA NI, GSOG BYA BA DANG, MDOS JI LTAR BSHAM PA SOGS PHAL CHER RTEN MDOS DANG 'DRA BA LA, SROG SHING GI SPEL TSIG BYINGS SPYI LTAR LA, MDOS 'DI RGYAL CHEN RDO RJE SHUGS LDAN 'KHOR DANG BCAS PA'I RTEN DU 'DZUGS PA YIN PAS ZHES SOGS KYI TSAB TU, RGYAL CHEN RDO RJE SHUGS LDAN RIGS LNGA RTZAL 'KHOR DANG BCAS PA RNAMS LA MDOS GLUD YAS KYI MCHOD PA DAM PA 'DI 'BUL
GYI BZHES LA SKU GSUNG THUGS KYI DAM TSIG NYAMS CHAG THAMS CAD BSKANG ZHING, RNAM BZHI'I 'PHRIN LAS THOGS PA MED PAS BDAG CAG DPON SLOB YON MCHOD MI NOR DGON GNAS DANG BCAS PA LA NYIN GSUM GYI BYAR MA GA-YEL SOGS RTEN MDOS SKABS LTAR 'BRI, SHING BYANG GI RGYAB TU 'DOD GSOL KHA BSGYUR TSUL NI, GTZO BO'I RGYAB TU SNGAGS KYI MTHAR, RGYAL CHEN RDO RJE SHUGS LDAN RTZAL, ,MDOS GLUD YAS MCHOD MTHUN PA'I RDZAS, ,DNGOS BSHAMS YID SPRUL 'DI BZHES LA, ,BLO BZANG RGYAL BSTAN RGYAS PA DANG, ,ZHES SOGS MAN RTEN MDOS SKABS LTAR 'BRI ZHING, SU PRA TIshthA'I SNGAGS MI DGOS, DE BZHIN DU 'KHOR GYI SHING BYANG THAMS CAD LA 'DOD GSOL GONG LTAR KHA BSGYUR, BSKANG RDZAS DANG SPYAN GZIGS KYI SHING BYANG, KHRAM SHING, PHO GDONG MO GDONG, SHING GRI YUL MKHAR GYI SHING BYANG SOGS KYI SPEL TSIG 'DOD GSOL RTEN MDOS KYI SKABS LTAR SBYAR BAS CHOG ,RLON GSOG BYINGS RTEN MDOS DANG 'DRA BA LA, YUL PHYOGS KYI NAD RIMS GCOD PA SOGS KYI DGOS PA DMIGS BSAL BA YOD TSE GLUD BYA BAR GSUNGS PAS, ZAN LA SMAN DANG RIN PO CHE BRDAR BA BSRES TE GLUD SKYE MCHED DOD PA MTHO GANG LAS MI CHUNG ZHING, ,KHRU GANG LAS MI CHE BA, ZHO SHA'I SNYING, DUNG GI RUS PA, MU TIG GI KLAD PA, ZER MO'I SGRO'I SKRA, BSE'I SHAR MTSAL GYI KHRAG ,KU BA'I MGO ,LUNG THANG GI MIG ,MGRON BU'I SO, ,MO KHAB KYI SNA, LEB RGAN GYI LCE, DBANG PO LAG PA, RKANG PA GA-YAS PA LCAGS, GA-YON PA ZANGS, LAG PA GA-YAS PA GSER, GA-YON PA GA-YU LAS BYAS PA'AM,
, ,DE DAG MTSON TZAM RE GNAS SO SOR BCUG KYANG CHOG , NAD PA LA SOGS PA'I DON DU YIN NA, DE'I LUS KYI DRI MA BSRE ZHING, DE'I SKE NAS DKROL BA'I RGYAN YANG GDAGS, NAD PA'I GOS DRI MA CAN GLUD LA BSKON PA'AM GDAN DU BTING BA DANG, MDUN DU 'JOG PA GANG BDE BYED, GZHAN YANG GLUD LA NGAR ZAB KYI GOS DANG, MTHA' SKOR DU NGAR MI, BSHOS BU, CHANG BU, MTHEB KYU RNAMS LO GRANGS SAM GANG 'BYOR, GOS DAR, RIN PO CHE, 'BRU SMAN, BZA' BTUNG SNA TSOGS PAS BSKOR ZHING, NAM MKHA' YON BDAG GI KHAMS DANG BSTUN PA'I KHONG LA 'BYUNG BZHI GROGS BSDEBS KYI 'JA' RIS CAN GYI NAM MKHA' MTHA' 'KHOR LO RTZIBS DRUG GAM RTZIBS BRGYAD DU BYAS PA'I RTZIBS KYI RTZE MO RNAMS LA SGRO PHOD KYIS BRGYAN PA GLUD KYI RGYAB TU 'DZUG CING, RGYANG BU DANG PHO GDONG MO GDONG, PHO YIN NA STAG PA DANG, MO YIN NA GLANG MA'I BYANG BUR LO GRANGS KYI KHRAM RIS BTAB PA SOGS KYANG TSANG BAR DGOD DO, ,MDOS BSHAM PA'I SKABS GSANG RTEN GYI SNYING DANG, NANG RTEN GYI MDA' BO CHE MDOS LA GDAGS PA MI DGOS, YO BYAD GZHAN 'DU BYA BA'I SKABS BSKANG MDOS KYI SKABS 'DIR MDOS CHOG GI THOG MAR BSKANG CHOG RGYAS 'BRING GANG RUNG ZHIG BSTOD BSKUL BAR CHA TSANG SNGON DU GTONG DGOS PAS DE SKABS 'BUL RGYU'I MCHOD GTOR, ZHI DRAG GI NYER SPYOD DANG BCAS PA LOGS SU 'DU BYAS TE BSHAM DGOS, DE MIN BCA' GZHI'I RIM PA MTHA' DAG RTEN MDOS KYI SKABS LTAR BGYIS PAS CHOG GO ,DE DAG NI BSKANG MDOS
JI LTAR BYA BA'I RIM PA STE, NGAG 'DON CHO GA'I KHYAD PAR NI ZUR DU SHES PAR BYA'O, , ` GSUM PA BZLOG MDOS LA, GSOG DANG, GSHOM GYI LAG LEN PHAL CHER RTEN MDOS KYI SKABS LTAR LA, MI 'DRA BA'I KHYAD PAR, SROG SHING GI 'DOD GSOL LA, STOD DU YI DAM GYI SNGAGS DANG, DE'I 'OG TU CHOS SKYONG GI 'BOD RBAD BSAD GSUM GYI SNGAGS DANG, RTZA SNGAGS DRAG PO'I SHAM BU CAN GANG MANG BRIS PA'I MTHAR, RGYAL CHEN RDO RJE SHUGS LDAN RTZAL 'KHOR DANG BCAS PA RNAMS KYIS RTZA BRGYUD KYI DPAL LDAN BLA MA DAM PA RNAMS KYI SPYAN SNGAR RDO RJE'I THA TSIG GNYAN PO JI LTAR ZHAL GYIS BZHES PA RNAMS DRAN PAR MDZOD LA, BZLOG MDOS SPYIR BTANG LTA BUR, BLO BZANG RGYAL BA'I BSTAN PA BSTAN 'DZIN YON MCHOD MI NOR DGON GNAS DANG BCAS PA'I NAD GDON BAR CHAD, CHAG CHE NYAM NGA, BYAD PHUR THAN LTAS SOGS MI MTHUN PA'I RKYEN NGAN THAMS CAD BZLOG CING BSGYUR BAR MDZAD DU GSOL, ,CES PA LTA BU DANG, DMIGS BSAL DGRA BGEGS SGROL BA SOGS KYI SKABS GONG GI 'PHROR, SRID PA'I MDOS CHEN 'DI NYID DUG MTSON NAD DANG GNAM LCAGS THOG GI CHAR CHEN POR BSGYUR BA'I SGO NAS BLO BZANG RGYAL BA'I BSTAN PA BSTAN 'DZIN YON MCHOD MI NOR DGON GNAS DANG BCAS PA LA DNGOS DANG BRGYUD PA'I SGO NAS GNOD CING 'TSE BA'I MI DANG MI MIN BYAD MA RBOD GTONG DANG BCAS PA THAMS CAD PHYIR ZLOG PA'I 'PHRIN LAS MDZAD DU GSOL, BSTAN DGRA DAM NYAMS GNOD BYED MI NOR PHYUGS GSUM, MNGA' 'BANGS SID SNGA DANG BCAS PA RNAMS KYI GZUGS PHUNG BLA TSA SROG DBUGS RNAMS MING
, ,BRDA THA SNYAD TZAM YANG MA LUS PAR THAL BA'I RDUL PHRAN BZHIN DU BRLAG PA'I 'PHRIN LAS MDZOD CIG ,CES BRIS PA LA SHI SKRA GSON SKRA'I SKUD PA PHYIR LOG GIS RTZA RTZER KHYAB PAR DKRIS, SHING BYANG GI RGYAB TU 'DOD GSOL KHA BSGYUR TSUL NI, GTZO BO'I SHING BYANG GI RGYAB TU SNGAGS KYI MTHAR, RGYAL CHEN RDO RJE SHUGS LDAN RTZAL, ,MDOS GLUD YAS MCHOD MTHUN PA'I RDZAS, ,DNGOS BSHAMS YID SPRUL 'DI BZHES LA, ,MTHU BYAD RBAD 'DRE RBOD GTONG DANG, ,SDE BRGYAD GNOD PA LA SOGS PA, ,DGRA DANG BGEGS KYI STENG DU BSGYUR, ,ZHES SOGS SPYIR BTANG DMIGS BSAL GYI BZLOG PA'I SPEL TSIG CI LTAR 'OS PA SBYAR, SU PRA TIshthA'I SNGAGS MI DGOS, DE BZHIN DU ZHI MDZAD NAS BZUNGS TE 'KHOR GYI SHING BYANG THAMS CAD LA TSIG RKANG DANG PO KHO NA RTEN MDOS KYI SKABS LTAR SBYAR BA LAS, TSIG RKANG LHAG MA LNGA GONG GI DE KHO NA LTAR SBYAR BAS CHOG ,BSKANG RDZAS DANG SPYAN GZIGS KYI SHING BYANG RNAMS NAS, DPER NAS LA 'DZUL DGU DANG BAR NA 'PHYO DGU'I SHING BYANG GI RGYAB TU, RGYAL CHEN RDO RJE SHUGS LDAN RTZAL 'KHOR DANG BCAS PAS GCAN GZAN GYI SPYAN GZIGS 'DI BZHES LA, MCHE BA CAN GYI ZOR DGRA BO'I STENG DU BSGYUR NAS BAR GCOD THAMS CAD PHYIR ZLOG PA'I 'PHRIN LAS MDZOD CIG , CES PA DANG, GNAM LA 'PHUR DGUR, SDER CHAGS KYI SPYAN GZIGS 'DI BZHES LA, SDER MO CAN GYI ZOR DGRA BO'I STENG DU BSGYUR NAS SOGS SBYAR, DES SROG CHAGS GZHAN LA'ANG RIGS 'GRE ZHING, DE MIN BSKANG RDZAS DANG DKOR CHAG ZHAN
GYI SHING BYANG RNAMS LA, RGYAL CHEN RDO RJE SHUGS LDAN 'KHOR DANG BCAS PAS YAS KYI MCHOD PA 'DI BZHES LA, DKON NOR 'DI DAG DRAG PO'I ZOR DU BSGYUR TE GNOD BYED BYANG MA RBOD GTONG SOGS BAR CHAD THAMS CAD PHYIR BZLOG PA'I 'PHRIN LAS MDZOD CIG ,CES PA LTA BU SHA STAG 'BRI, KHRAM SHING BCU'I SPEL TSIG RTEN MDOS KYI SKABS LTAR LA, CUNG ZAD MI 'DRA BA DPER MTSON NA, LHA'I BKA' CHAD NYI LTAR SHAR PA DGRA BGEGS KYI STENG DU SGYUR CING BZLOG PA'I 'PHRIN LAS MDZOD CIG ,CES SOGS SBYAR, PHO GDONG MO GDONG GI SPEL TSIG KYANG BYINGS RTEN MDOS LTAR LA, NAD GDON BAR CHAD MI MTHUN PA'I PHYOGS THAMS CAD DGRA BGEGS KYI STENG DU SGYUR CING BZLOG PA'I 'PHRIN LAS MDZOD CIG ,CES PA LTA BU GONG GI RIGS 'GRES BSGYUR, SHING GRI YUL MKHAR GYI RGYAB TU, GZHAN GONG DANG 'DRA BA LA, YUL PHYOGS KYI 'GAL RKYEN NYER 'TSE THAMS CAD DGRA BO'I YUL KHAMS SU SGYUR CING BZLOG PA'I 'PHRIN LAS MDZOD CIG ,CES SBYAR, SPYAN GZIGS KYI SHING BYANG DANG KHRAM SHING, PHO GDONG MO GDONG, SHING GRI YUL MKHAR RNAMS BZLOG MDOS KYI SKABS 'DIR RE RE NAS NYI SHU RTZA GCIG RE GSOG ,NAM MKHA' RNAMS GRANGS MANG NYUNG RTEN MDOS SKABS LTAR LA, NANG KHONG GI KHA DOG LHA SO SO'I MDOG MTHUN DU MI BYED PAR LAS MTHUN GYI KHA DOG DMAR NAG GANG RUNG SHAS CHE BA LA MTHA' RIS 'BYUNG BA DGRAS 'DOD DANG MTHUN PA PAR STONG RAN TZAM PHYE BA'I DGRAS 'DED PHYI BSKOR NANG BA SKOR NYIS RIM DU BYA ZHING, RTZE ZUR RNO BA'I SNE GSUM DU DAR NAG GI LHAB LHUB DANG, MTSE DANG YUNGS
, ,KAR SGANG BUS BRGYAN PA'I RTZE MOR SRIN BYA KHRA GLAG BYA 'UG SOGS SGRO SNA TSOGS KYIS BRGYAN PA BYA, RGYANG BU YANG GRANGS MANG NYUNG RTEN MDOS SKABS LTAR LA, KHA DOG DMAR NAG GANG RUNG SHAS CHE BAR SNE GSUM DU BAL TSON DKAR DMAR MTHING GSUM GYIS KYANG MDZES PA LA DAR NAG GIS BRGYAN CING, MTSE YUNGS SGANG BU DANG, SRIN BYA ZHUG PA SOGS KYI SGROS BRGYAN PA, RLON GSOG SKABS, BSKANG MDOS KYI SKABS SU BSHAD PA LTAR GLUD SKYE MCHED DOD PA DKOR CHA DANG BCAS PA BCA' ZHING, GLUD KYI RGYAB TU 'DZUGS RGYU'I NAM MKHA' YON BDAG GI KHAMS DANG BSTUN PA'I KHONG LA 'JA' RIS DGRA BSDEB TU BYA, MDOS BSHAMS PA'I SKABS RI RAB KYI STENG DU MKHAR RNAMS 'BUR BZO MI DGOS PAR SHING BYANG GI NGOS SU RI MOR BRIS PAS 'THUS, RI RAB KYI RTZER SROG SHING LA BRTEN PA'I CHOS 'BYUNG GRU GSUM BSNOL MA'I TSAB TU 'KHOR LO RTZIBS BCU PA KHONG NAG 'JA' RIS DGRA BSDEB TU BSKOR BA'I PHYI NAS SLAR YANG CHOS 'BYUNG MTHING NAG BSNOL MA'I TSUL DU BRAN, DE'I STENG DU GDUGS CHEN SUM BRTZEGS RTEN MDOS KYI SKABS LTAR LA, GDUGS KYI KHONG DMAR NAG DANG MTHING NAG SPEL BA LA, MTHA' 'JA' RIS DGRA BSDEB TU BYA, STENG GI KHYUNG TSANG YANG KHONG MTHING NAG DANG, MTHA' 'JA' RIS SU BYED, DE'I STENG RGYA PHUBS MI DGOS SHING KHYUNG TSANG GI THOG 'GEB LTA BU 'KHOR LO RTZIBS DGU PA MTHING NAG RTZIBS ZUR RNO BA'I LTE BAR SROG SHING DRANGS TE KHYUNG TSANG DPAL BE'U'I STENG NAS BKAB, SROG SHING GI RTZE MOR MDUNG DAM RAL GRI ,RTZE GSUM, PHUR BU SOGS
PHYAG MTSAN GANG RUNG RNO DPAL DANG LDAN PA GZUG ,DE LA DAR NAG GI CHUN 'PHYANG DANG ME LONG GDAGS, LTAS NGAN GYI BYA SGRO SNA TSOGS KYANG GZUG ,NANG RTEN GYI MDA' DANG GSANG RTEN GYI SNYING SROG SHING LA GDAGS PA BZLOG MDOS LA MI DGOS, SKU BRNYAN GYI SHING BYANG RNAMS RI RAB KYI GNAS SO SOR 'DZUGS SKABS MDOS 'PHEN PA'I NYIN LHA BTEGS ZIN 'PHRAL TSUR BLANG CHOG TU 'DZUG ,LCAGS RI'I NANG KHONGS SU DMAR GTOR MA TSE YUNGS KYIS BRGYAN PA NYER GCIG DNAG, PHUNG GSUM GYI SA LAS BYAS PA'I ZOR KONG GTOR MA ZUR GSUM GYI MGO BCAD NAS MGO MJUG LDOG PA LTA BU, PHYI RO SOL GYIS NAG POR BSGYUR BA LA NANG CUNG ZAD BRUS PA DMAR PO LA THUN DANG KHRAG BLUGS PA NYER GCIG RNAMS SPEL MAR 'GOD, LCAGS RI'I KHA KHYER LA SKYER PA SOGS DUG SHING GI RTZANGS RTZA RTZE PHUR BA'I DPAL LTA BU RNO BA LA DUG KHRAG GIS SPAGS PA NYER GCIG SRIN MO 'GROS SU BSNOL MAR 'DZUG ,LOGS SHIG TU SMYUG MA TSIGS GSUM PA DUG SHING GI STONG BYAS PA LA TRI BRIS SHING, GRI RGYUS KYIS DKRIS PA SRIN BYA, 'UG PA, BYA ROG SOGS LTAS NGAN GYI SGRO BA SKYON, SKYER PA'I MDE'U GRU GSUM LA YI GE BHYO: GSUM MGO PHYIR BSTAN BRIS SHING, MDE'U'I RTZER THUN RDZAS BTAGS PA'I MDA' ZOR GZHU DANG BCAS PA DANG, YANG THOD PA MTSAN NGAN GYI NANG DU RIMS NAD KYI KHRAG ,DME KHRAG ,GCAN GZAN KHRAG ,MNGAL KHRAG SOGS KHRAG SNA DANG YUNGS DKAR NAG DANG, SKE TSE, DUG SNA, RDO SNA GSUM GYI PHYE MA BLUGS PA'I KHRAG ZOR TE MDA' ZOR KHRAG ZOR GNYIS 'DU BYA ZHING, SPO ZHING SHES NA TSE ZOR
, ,YUNGS ZOR, RDO ZOR, KONG ZOR, SGONG ZOR SOGS KYANG 'DU BYA, GZHAN YANG BSGRAL CHOG DANG BCAS ZHAL STOB BYED RGYU'I ZAN LING 'BRUB KHUNG DANG BCAS PA DANG, SGROL CHAS PHYAG MTSAN, SKAM RLON GYI THUN, GSER SKYEMS RIL BU DANG BCAS PA, PHUD PHOR RNAMS KYANG STA GON BYA, YO BYAD BSHAM PA'I RIM PA GZHAN RNAMS BSKANG MDOS KYI SKABS LTAR LA, MDOS KYI LOGS SHIG TU ZHAL STOB KYI LINGGA, GSER SKYEMS KYI CHAS, SGROL CHAS RNAMS DANG, STEGS GZHAN ZHIG TU ZOR RNAMS DANG, CHAS 'JUG GI ZHVA PHOD SOGS KYANG BSHAM, DE MIN GSOG DANG BCA' GSHOM GYI RIM PA MTHA' DAG RTEN MDOS KYI SKABS LTAR BGYIS PAS CHOG CING, DE DAG NI BZLOG MDOS JI LTAR BYA BA'I RIM PA STE, NGAG 'DON CHO GA'I KHYAD PAR NI ZUR DU 'BYUNG BA LAS SHES PAR BYA'O, ,'DIR SMRAS PA, DE LTAR SNA TSOGS RDZAS DANG YO BYAD KYIS, ,'JAM MGON BSTAN SRUNG YONGS KYI THU BO MCHOG ,DGYES BSKYED MDOS KYI BCA' GSHOM LAG LEN RNAMS, ,GSAL LAM 'DRAS YI GE'I LAM DU BKOD, ,STONG CHEN SPROS BRAL SKYE MED NAM MKHA'I KLONG, ,RTEN 'BYUNG MA 'GAG MDOS YAS 'JA' TSON RIS, ,CIR YANG 'CHAR BA'I NGO MTSAR MIG 'PHRUL STONG, ,'DI KO DAM CAN DGYES PA'I THABS SU CHE, ,DGE 'DIS BLO BZANG RGYAL BSTAN PADMO'I TSAL, ,BSTAN SRUNG NYIN BYED 'OD KYIS RTAG SKYONG ZHING, ,BSTAN 'DZIN YON MCHOD RKANG DRUG DGA' BA'I GAR, ,RNAM PAR RTZEN PAS SA CHEN 'GENGS GYUR CIG (,CES 'JAM MGON BSTAN SRUNG RGYAL CHEN RDO RJE SHUGS LDAN RTZAL LA BRTEN PA'I MDOS 'PHRIN GYI LAG LEN GSAL
PAR BKOD PA NGO MTSAR STONG GI 'PHRUL MDZOD CES BYA BA 'DI NI, BDAG CAG GI RNAM PAR 'DREN PA CHEN PO NGES DON ZUNG 'JUG GRUB PA'I 'KHOR LOS BSGYUR BA BKA' DRIN ZLA MED KHYAB BDAG RDO RJE 'CHANG PHA BONG KHA PA DPAL BZANG PO MCHOG LA, BLA MA LHA SRUNG DANG BCAS PAR MI PHYED DAD DAM MTSUNGS BRAL GZIM LHA KLU DGA' TSAL BA'I SKU NGO RTZIS DPON 'GYUR MED TSE DBANG RDO RJE DANG, LHA LCAM GA-YANG 'DZOMS TSE RING RNAM GNYIS NAS YUN RING POR GSOL BA BTAB PA LA BRTEN NAS, GZIM LHA KLUR CHOS SKYONG CHEN PO 'DI NYID KYI RTEN MDOS 'DZUGS PAR MDZAD DU NYE BA NA, DBU'I MCHOD BRJOD NAS BZUNGS RTEN MDOS KYI BCA' GZHI'I RIM PA RNAMS CHA LAM LTA BUR ZIN BRIS SU 'GOD PAR MDZAD DE, SKABS DER BLA MA RDO RJE 'CHANG NYID SHAR PHYOGS DVAGS PO BSHAD SGRUB GLING DU CHIBS ZHAL BSGYUR DU NYE BAS MDZAD BREL SHIN TU CHE BAR BRTEN PHRAN RANG LA ZHIB CHA'I BKA' SLOB DANG 'BREL RTEN MDOS 'DZUGS PA'I BCA' GSHOMS SGRIGS BKOD BYED DU 'JUG PA GNANG BA LTAR PHRAN RANG NAS KYANG BLOR MA NGES PA DANG, DOGS PA MA CHOD PA'I RIGS RNAMS BLA MA RDO RJE 'CHANG NYID LA BSKYAR MA'I DGONGS BSKOR DOGS GCOD DANG 'BREL RTEN MDOS DNGOS GTZANG PAR LEGS PAR GRUB STE, RJES SOR BLA MA RDO RJE 'CHANG NYID RTEN MDOS 'DZUGS CHOG DNGOS GZHIR CHIBS BSGYUR BSKYANGS SKABS GZIGS SU PHUL BAR ZHIB GZIGS ZHUS DAG MDZAD DE LEGS SO'I DBUGS DBYUNG STZAL ZHING, SKABS DER RDO RJE 'CHANG NYID LA MDOS KYI LAG LEN DANG CHO GA'I RIM PA GSAL LA RGYAS PA ZHIG BKA' RTZOM MDZAD PAR GSOL BNAN TAN DU BTAB KYANG MDZAD MA GRUB PA'I MUR BLA MA BKA' DRIN CAN NYID RING MIN DGONGS PA CHOS DBYINGS SU THIM PAR BRTEN MDOS CHOG SKOR SOGS LJAGS RTZOM 'PHRO CAN DU LUS PAR, CHOS SKYONG CHEN PO 'DI NYID DUS BAB 'PHRIN LAS KHYAB GDAL DU CHE BAR BRTEN 'DI LA BRTEN PA'I RTEN MDOS SOGS KYANG 'DZUGS 'DOD DON GNYER CAN MANG BAS LAG LEN MTHA' DAG GSAL PA
, ,'DRIL BRGYA PA ZHIG DGOS ZHES MDO SMAD BSTAN PA'I GSAL BYED TRE HOR DKAR MDZES 'KHRUNGS GSAR RIN PO CHE DANG, DGE LDAN BSTAN PA'I GSAL BYED SHO MDO GRVA SGOM RIN PO CHE, LHA RTZE DGON SNGAGS RAMS NGAG DBANG CHOS 'BYOR BCAS KYIS 'PHRIN YIG GI LAG LEN CHER BSKUL MA MDZAD CING, GZHAN YANG MDO SMAD SPOM RAG THANG STENG DGA' LDAN KHANG SAR RDO RJE RNAM RGYAL SOGS DON GNYER CAN DU MAS KYANG SNGA PHYIR YANG YANG DU BSKUL BA LA BRTEN NAS, SKU BCAR MTSAN ZHABS DAR HAN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSOR 'BOD PA, SNGA MA RDO RJE 'CHANG GIS STZAL BA'I ZIN BRIS KYI YIG CHUNG NYID GZHIR BZUNGS, DER CUNG MI GSAL BA'I LAG LEN RNAMS ZHIB PAR GSAL DU BTANG, BSKANG MDOS DANG BZLOG MDOS KYI KHYAD PAR YANG BLA MA'I DGONGS PA DANG MI 'GAL ZHING, TSAD LDAN GYI MDOS GZHUNG GZHAN DAG NGANG YANG MTHUN PA'I LUGS SU GSAL LA RGYAS PAR ME KHYI HOR ZLA DGU PA'I YAR TSES DGE BAR NOR GLING SKAL BZANG PHO BRANG GI 'DABS ROL, RANG GI BSTI GNAS NE'U GSING ME TOG MNGON PAR BKRA BA'I LDING KHANG DU MJUG RDZOGS PAR SBYAR BA'I YI GE PA NI GTZUG LAG DU MA LA RNAM DPYOD KYI 'DAB BRGYA LHUG BAR GROL ZHING, BLA MA RDO RJE 'CHANG GI ZHABS PAD YUN DU BSNYEN PA'I 'DAN MA DRUNG YIG DGE SLONG BLO BZANG RDO RJES BGYIS PA 'DI YANG BLO BZANG RGYAL BA'I BSTAN PA RIN PO CHE DUS KYI MTHAR YANG MI NYAMS PA'I DPAL DU GYUR CIG , ,,