*, ,'JAM MGON RGYAL BA'I BSTAN SRUNG RDO RJE SHUGS LDAN DRAG PO RTZAL LA BRTEN NAS BSAD PA GTZO BOR GYUR PA'I DRAG PO'I SBYIN SREG GI CHO GA GLOG GI ME LCE'I PHRENG BA ZHES BYA BA BZHUGS SO, ,
, ,SHUGS DRAG 'PHRIN LAS DUS KYI ME DPUNG GIS, ,NAG PO'I SEMS LDAN BDUD SDE'I RTZVA SBUR KUN, ,SREG BYED DRAG SHUL SRIN PO KHROS PA'I NYAMS, ,STOBS BCU'I RTZAL GYIS SNYEMS PAS RTAG TU SKYONGS, ,GANG DE'I LAS RIM 'PHRUL GYI BANG MDZOD LAS, ,BSTAN LA SDANG BA'I GDUG CAN PHYE MA LEB, ,SKAD CIG GZHOB TU BYED PA'I SBYIN SREG TSUL, ,GLOG GI ME LCE'I PHRENG BA DKRIGS PAR BYA, ,(DE LA 'DIR 'JAM MGON RGYAL BA'I BSTAN SRUNG RDO RJE SHUGS LDAN RTZAL LA ? BRTEN NAS BSTAN PA BSTAN 'DZIN YON MCHOD DANG BCAS PAR GNOD CING 'TSE BA'I MI DANG MI MIN GYI DGRA BGEGS RNAMS BSAD LAS GTZO BOR GYUR PA'I BSREG PA ME'I LAS SBYOR GYI SGO NAS TSAR GCOD PA'I CHO GA ZAB MO LAG TU BLANG BDE BAR 'GOD PA LA, RNAL 'BYOR PA LA MTHUN MONG BAS RGYUD SBYANGS SHING, YI DAM GYI DBANG THOB CING BSNYEN BSNGON DU SONG BA, DAM TSIG DANG SDOM PA LA GNAS PA, LHAG PAR CHOS SKYONG
, ,'DI NYID KYI SROG DBANG ZAB MO LEGS PAR THOB CING BSNYEN SGRUB TSAD DU 'KHYOL BA, 'JAM MGON LUGS BZANG BSRE LHAD MED PAR SKYONG ZHING, SNYING RJE BYANG CHUB KYI SEMS DANG YANG DAG PA'I LTA BA'I GDENG DANG LDAN PA'I SGRUB PA POS, DUS NI TSES NYER DGU LTA BU'I NAM PHYAD GZA' SKAR SBYOR BA RTZUB CING DUS DBYANGS SOGS NAS BSHAD PA'I THEB DANG BSTUN TE RANG GI SNA RLUNG GA-YAS NAS RGYU DUS SU 'GO BRTZAMS NA LEGS PAS, SA GZHIGS PA, TSA SGO CAN DANG, RTZUB PA DANG, RANG BZHIN GYIS NAG PA LA DUG KHRAG GIS BYUGS, STENG DU TSANGS ZUR GYI THIG SPYI LTAR GDAB, DBUS NAS SOR BCU GNYIS KYI THIG SKUD KYIS ZLUM POR BSKOR, GRU GSUM GYI RTZE MO STON PHYOGS MI 'DRA BA MANG YANG, 'DIR NI MAN NGAG LTAR RTZE MO LHOR BSTAN DGOS PAS BYANG NGOS KYI TSANGS THIG DANG ZLUM THIG PHRAD MTSAMS NAS THIG SKUD SOR BCU GNYIS PA DES SHAR NUB KYI ZLUM THIG GI STENG DU MTSAN MA BTAB PA'I STENG DANG, DE NAS GHO NGOS KYI ZLUM THIG DANG TSANGS THIG PHRAD MTSAMS SU 'PHRED THIG RE BTAB PAS GRU GSUM LOGS
RE LA SOR NYI SHU RE YOD PA 'BYUNG, SLAR YANG THIG SKUD SOR BCU GNYIS PA DE LA SOR DRUG BSNAN TE BSKOR, DE'I PHYIR SOR DRUG BSKOR BA GNYIS KYI STENG DU BYANG GI TSANGS THIG DANG ZLUM THIG PHRAD MTSAMS NAS THIG SKUD BZUNG STE GA-YAS GA-YON GYI ZLUM THIG STENG MTSAN MA BTAB PA LA SNGAR BZHIN 'PHRED THIG BTAB PAS MU RAN DANG KHA KHYER SOR GSUM RE, THAB KYI DBUS NAS GRU GSUM NANG MA'I THIG LA REG PAR ZLUM SKOR GCIG BYED, DE NAS TSANGS ZUR GYI BAR GYI ZLUM SKOR GYI STENG DU MTSAN MA RE BYA, DE DAG GI STENG NAS PHYOGS MTSAMS BRGYAD KYI ZLUM SKOR GYI STENG DU THIG BTAB PAS MTSON CHA'I 'KHOR LO LTA BU'I RTZE BRGYAD PA 'BYUNG, DBUS NAS SOR DO'AM ZLUM PO GCIG BSKOR BA'I STENG DU KHRO BO'I RDO RJE SOR BZHI PA ZHIG BRI, MU RAN GYI STENG RDO RJE'I 'PHRENG BA, KHA KHYER LA KHRO BO'I RDO RJE RVA RTZE PHYI NANG DU BSKOR, BYANG NGAM LHO'I PHYI NAS SOR PHYED GNYIS DOR NAS DBUS KYI TSAD KYIS ZUR BZHIR BYA RJES BTZAL TE STEGS BU'I THIG GDAB, BDUD RTZI LNGAS SBAGS PA'I SA NAG PO DANG, RO THAL, BONG BU RNGA MONG SOGS KYI SBANG RNAMS GANG RNYED KYIS BYUGS, DRI NGAN PA DANG, DRI MED PA'I ME TOG SNGON PO DANG 'BRU'I PHUG ? MA SOGS GTOR, BUD SHING TSER MA CAN GYI SHING DANG, RO BSREGS PA'I 'GAL DU MA SOGS GAS PA ZUR GSUM PA RTZE MO GNYIS RNO BA SOR BCU PA, YUNGS MAR DANG DUG KHRAG GIS BYUGS PA GRU GSUM DU BRTZIG ,CHU BZHI NI, SNOD RDZA PHOR DUM BU KHA DOG NAG POR BYAS PA GSUM GYI NANG DU, BA DANG BONG BU'I CHU DANG KHRAG RNAMS DRI MI ZHIM PA'I CHU DANG SBYAR BA'I MCHOD YON SOGS YI DAM GYI SNYING PO'AM LAS SNGAGS LA PHAt BTAGS PA BRGYA RTZA'AM BDUN BZLAS LA BSGRUB, NYER SPYOD KYI SNOD KYANG SNGAR LTAR THOD PA'AM RDZA PHOR GYI NANG DU, DRI
, ,NGA BA DANG DRI MED PA'I ME TOG NAG PO, SPOS DKAR GU GUL SHA CHEN BSRES PA'I SPOS, MI TSIL DANG NYA LA SOGS PA'I ZHAG ,NYUNGS MAR TSA BA'I MAR ME, KHRAG LA 'OL MO SE TU RU KA SOGS BTAB PA'I DRI CHAB, RO KHA BA DANG TSA BA DANG, YID DU MI 'ONG BA'I BZA' BA DANG, SHA KHRAG LA SOGS PA'I ZHAL ZAS, 'DAS MA 'DAS KYI LHA LA DMAR GTOR ZUR GSUM SHA KHRAG GIS BRGYAN PA, RDZAS RNAMS GYI SNOD GONG LTAR LA, YAM SHING GI RGYU NI MA BA, SE BA SOGS RO KHA BA, TSA BA DANG, TSER MA CAN GYI SHING NGAM RO BSREGS PA'I 'GAL DU MA LAS BYAS PA DBYIBS GRU GSUM RTZA RTZE GNYIS RNO ZHING GAS PA ? BSRID SOR BCU PA YUNGS MAR DANG DUG KHRAG GIS BSKUS PA, ME'I ZHUN NAM, MA 'BYOR NA MAR NAG DUG KHRAG GIS SBAGS PA'I MAR KHU, KHYAD RDZAS NI, DGRA DMIGS BSAL YOD NA RKANG RJES KYIS DANG SKRA SOGS DRI MA GANG RNYED, GZHAN LAN TSVA, SKE TSE, SHANG TSE, NIM PA'I YOM, RO THAL, RNGA MONG DANG BONG BU'I SPANG, KHYIM BYA'I TSIL, TSER MA, RUS PHYE SOGS RDZAS THAMS CAD LAN TSVA DANG BSRES LA DUG KHRAG GIS SBAGS, 'DI DAG BSRES TE RIL BUR BYAS KYANG CHOG ,RDZAS CHEN GZHAN MA RNAMS MA PHUL NA'ANG RUNG, ME NI RO BSREGS PA'I ME'AM, GDOL PA BSHAN PA'I KHYIM NAS BYUNG BA'I ME BLANGS PA, RDZAS GDAN DANG GOS ZUNG RNAMS NAG PO, RDO THAL DANG BCAS PA'I SO RTZI MDOG NAG PO, BSHAM TSUL GA-YAS GA-YON GO LDOG STE BSREG RDZAS GA-YON DANG, CHU BZHI GA-YAS SU BSHAM, GONG GI RDZAS DE DAG RNAMS DANG, DGRA BO'I THAG RDZAS, THAL BA, SOL BA SOGS BSRES PA'I ZAN GYIS DGRA BGEGS GANG YIN GYI GZUGS BYAS LA, DUG KHRAG GI
SNAG TSAS BSGRUB BYA GANG YIN GYI SA BON MING SPEL TSIG CAN BRIS PA'AM YANG NA LINGGA RGYAS PAR BRIS NAS, GZUGS DE'I SNYING GAR BZHAG STE LCAGS SLAR ? NANG KHRAG GIS 'BRU BA KHUNG GRU GSUM BRIS PA'I DBUS SAM, LCAGS KYI 'BRUG KHUNG GRU GSUM GYI NANG DU BCUG PA RANG GI MDUN DU BZHAG ,SGREL CHAS, THUN RDZAS SOGS YO BYAD THAMS CAD BSAGS, GZHAN YANG RNGA ROL DUNG CHEN, MI RKANG GI GLING BU, ZHVA NAG PHED KHA, RUS RGYAN RNAMS DANG BCAS TE KHA LHOR PHYOGS NAS DRAG PO'I CHAS SU ZHUGS, TZOG BUR GNAS TE RKANG PAS RKANG PA MNAN PA DANG, KHRO BO'I SKYIL KRUNG GIS 'DUG CING, SOS SO 'CHA' ZHING, MAG GDONG TSUGS SU BLTAS LA BZHIN KHRO GNYER CAN DU BYAS, GTZO BO NI ZHING BCU TSANG BA'I DGRA DE LA 'DI YUN RING DU GNAS NAS BSTAN PA DANG SEMS CAN LA GNOD 'TSE CHER BYED PAR 'DUG PAS, DE LTA BU'I MI DGE BA'I LAS NGAN 'DI DANG BRAL NA CI MA RUNG SNYAM PA'I RGYU'I KUN SLONG SNYING RJE, DUS KYI KUN SLONG KHROS PA'I SEMS KYIS SDIG CAN 'DI DAG MYUR BA NYID DU BSKRAL BAR BYA'O SNYAM PA'I SEMS KYIS MNGON SPYOD KYI LAS LA 'JUG PA SHIN TU GAL CHE, DE NAS THOG MAR YI DAM GYI BDAG BSKYED SNGON DU BTANG STE,) HR'I: shtR'I: (BRGYA RTZA BRGYAD KYIS BSANG CHU BSGRUB, GZHI BDAG GTOR MA BTANG, DE NAS 'JIGS BYED KYI DRAG SREG SOGS LA RDOR DRIL BYIN RLABS NAS KU SHA DGRAM PA'I BAR SNGON DU BTANG NAS, MTSAMS DER LAS GSHIN BSKYED DE KHA SBYOR DBYE BA'I RIM PA MDZAD PA'I PHYAG BZHES YOD KYANG, 'DIR 'JUG ? PA BDE KHYAD KHA SBYOR DBYE BA'I BSGRAL YAS RNAMS SNGON DU BYA BA LA, DE YANG DRAG PO'I LAS LA 'KHOR GYI GTZO BO ZHIG BSKYED NAS DE NYID KYIS DGRA BO BSAD PA SOGS KYI LAS BYED PA'I DMIGS PA BYAS KYANG RUNG MOD, 'DIR 'JOMS MDZAD RDO RJE SHUGS LDAN NYID BSKYED PA SKABS SU BAB PAS, MCHOD GTOR BLA MED SPYI LTAR BYIN GYIS BRLAB,) HR'I: shtR'I: (SA BSANG,) SVA BH'A WAS (SBYANG,) STONG PA'I NGANG LAS RANG GI MDUN
, ,DU GNAM LCAGS KYI RDO RJE'I GUR KHANG PHYI ROL TU SHIN TU DRAG CING RTZUB PA'I ME DPUNG DANG RLUNG NAG 'TSUB MAS BSKOR BA YANGS SHING RGYA CHE BA'I NANG DU KHRAG GI RGYA MTSO DMAR NAG RBA KLONG PHYOGS BCUR GA-YO BA KHRO CHU LTAR KHOL ZHING DUG RLANGS SNGO DMAR 'JA' TSON LTAR 'KHRIGS PA'I KLONG DKYIL NA GDUG PA'I CHU SRIN DANG DUG SPRUL SPAL SDIG LA SOGS PA'I 'JIGS PA'I SROG CHAGS GDUG PA CAN DU MAS YONGS SU GANG BA'I DBUS SU, 'BYUNG BZHI RIM BRTZEGS KYI STENG DU KENG RUS KYI RI RAB LHUN PO DANG BCAS PA'I STENG NA, DUR KHROD CHEN PO 'JIGS SU RUNG BA'I GNAS, SHIN TU 'JIGS SHING GTUM PA'I LJONGS, DREGS PA SDE BRGYAD KYI BSHAS RA, DGRA BGEGS LOG 'DREN DANG BCAS PA'I DUR SA, DUG GI LJON SHING GI TSANG TSING 'KHRIGS PA, DUG CHU DANG KHRAG RGYUN GYI CHU KLUNG 'BAB PA, 'UG PA THAL MDOG DANG DUR BYA KANG KA SRIN BYA BYA ROG KHVA TA LA SOGS PA'I 'DRE BYA SNA TSOGS DGRA BGEGS KYI KLAD LA LDING ZHING THAN SKAD SGROGS PA, STAGS GZIG DOM DRED SENGGE LA SOGS PA'I GCAN GZAN GTUM PO SNA TSOGS DGRA LA MCHONG ZHING NGAR SKAD 'BOD PA, DUG RLANGS KYI NA BUN 'THUL BA'I KLONG NAS DRAG PO'I GLOG STONG 'KHYUG CING RGYOB SOD KYI 'BRUG SGRA SGROGS PA, GNAM LCAGS KYI THOG SER DANG MTSON CHA SNA TSOGS KYI CHAR DRAG TU 'BEBS PA, SNANG SRID KYI DREGS PA THAMS CAD BKA' 'KHOR DU 'DU BA'I GNAS, SHIN TU 'JIGS SHING SKYI GA-YA' BA,
MTSAN MO ME 'BAR ZHING, NYIN MO RLUNG NAG 'TSUBS PA, MI MGO SKAM RLON RAL GSUM GCAL DU BKRAM PA'I DBUS NA RMANG GZHI NAG PO GNAM LCAGS LAS GRUB PA'I STENG DU, SHAR DU BDUD KYI THOD PA BRTZEGS PA, LHOR GSHIN RJE'I THOD PA BRTZEGS PA, NUB TU SRIN PO'I THOD PA BRTZEGS PA, BYANG DU GNOD SBYIN GYI THOD PA BRTZEGS PA'I PHO BRANG CHEN PO PHYI RIN PO CHE BEE d'URYA SNGON PO LAS GRUB PA'I GZHAL YAS KHANG RTA BABS DANG BCAS PA, NANG THOD PA'I MKHAR DU YOD PA GRU BZHI SGO BZHI PA, SHIN TU 'JIGS SHING RAB TU BRJID PA, ZUR BZHI DMAR PO PAD RAG LAS BYAS PA, SGO BZHI LJANG GU MAR GAD LAS BYAS PA, GSER GYI RE CHA GSAL BA, BYI RU'I 'PHRUL GYI GA-YA' SHING CAN, RTA BABS MU TIG LAS BYAS PA, KENG RUS KYI BAD YOD PA, NANG KENG RUS KYI KA GDUNG RNAMS KYIS YONGS SU PHUB PA, RUS PA'I DRA BA DANG DRA PHYED, RGYU MA'I LDA LDI, KENG RUS KYI MDA' YAB, THOD SKAM GYI PU SHU, SRIN PO DRAG TU KHROS PA'I KENG RUS LAS GRUB PA'I RGYA PHIBS 'JIGS SU RUNG BAS MDZES PA, SNYING DANG MI MGO'I TOG GIS MDZES PA'I STAG SENG DANG, ZHING CHEN GYI RGYAL MTSAN RNAMS KYI STENG DU 'DRE BYA SNA TSOGS BABS NAS DGRA LA NGAR SKAD SGROGS PA, 'JAM MGON RGYAL BA'I RING LUGS DAR ZHING RGYAS PA'I GDUGS DANG, RGYAL MTSAN, BA DAN, RU DAR SER PO SNA TSOGS KYI RTZE MOR NOR BUS MTSAN PA, NGOS RNAMS NAS KHRAG GI GZAR CHU 'BAB PA, DE'I NANG DU MI RO RTA RO GCAL DU BKRAM PA, MI KHRAG RTA KHRAG MTSO RU 'KHYIL BA, MI LPAGS
, ,STAG LPAGS YOL BAR BRES PA, GSUR CHEN GYI DUD PA PHYOGS BCUR 'THUL BA, PHYI ROL RMANG GZHI'I STEGS BU LA RO LANGS DANG SRIN PO RNAMS KYIS SHON BYED PA, RU 'DREN SDE BZHI DANG, KENG RUS DU MAS GAR 'KHRAB PA, PHYOGS THAMS CAD DU GLANG CHEN GYI PAGS RLON DANG, ZHING CHEN GYI BLA BRE, MI RO'I RGYAL MTSAN DANG, SENG GE'I BA DAN, RGYU RLON GYI LDA LDI, MGO BO SNA TSOGS KYI DO SHAL, DBANG PO SNA LNGA'I DRA PHYED, ,SKRA'I RNGA YANG LA SOGS PAS NYAM NGA ZHING, BAG TSA BA DANG YA NGA BA'I RGYAN DANG LDAN PA'I GZHAL YAS KHANG GI NANG DU ME RLUNG DRAG TU 'KHRUG PA'I DBUS SU H'Um YIG DMAR NAG ,DE LAS 'OD ZER 'PHROS, 'JAM MGON RGYAL BA'I BSTAN LA GNOD PA'I SDANG DGRA GDON BGEGS THAMS CAD TSAR BCAD, TSUR 'DUS YONGS SU GYUR PA LAS 'JAM MGON RGYAL BA'I BSTAN SRUNG 'JOMS MDZAD RDO RJE SHUGS LDAN RTZAL SKU MDOG DMAR NAG SRIN PO DRAG TU KHROS PA LAS KYANG CHES CHER KHROS PA LTAR SHIN TU GTUM PA, 'JIGS SU RUNG BA'I ZHAL GNAMS LTA BUR GDANGS SHING, GANGS RI LTA BU'I MCHE BA RNON PO BZHI GTZIGS PA'I BAR NA LJAGS KYI GLOG PHRENG 'KHYUG PAS SA GSUM GA-YO BA, GNOD BYED DAM NYAMS DGRA BGEGS THAMS CAD M'A RA YA PHAt KYIS 'JIGS PA'I GAD RGYANGS SGROG PA, DRAG PO'I KHRO GNYER DPRAL BA'I DBYINGS SU BSDUS SHING, ZHUGS KYI PHUNG PO LTAR GA-YO BA'I DMAR LA ZLUM PA'I SPYAN GSUM DGRA BGEGS
RNAMS KYI BLA SROG LA SDANG MIG TU BGRAD NAS BLTA BA, SMIN MA DANG SMA RA DMAR SER ME LTAR 'BAR BAS BDUD BZHI MA LUS BSREG PAR MDZAD PA, DBU SKRA KHAM SER GYEN DU 'DZINGS PA'I DBUS NA SNA TSOGS PAD ZLA NYI MA'I DKYIL 'KHOR GYI STENG DU 'JAM MGON CHOS KYI RGYAL PO TZONG KHA PA CHEN PO DGYES PA'I TSUL GYIS BZHUGS PA, SNYAN GNYIS GA-YOS PA'I DUS KYI 'THOR RLUNG DRAG POS GNOD BYED DAM NYAMS DGRA BGEGS KYI YUL KHAMS THAMS CAD LHAG MED DU GTOR BA, SHANGS BUG GNYIS NAS 'BRUG SGRA DANG GLOG DMAR 'KHYUG PA'I CHAR SPRIN SPROS PAS DGRA BGEGS KYI YUL DU THOG SER 'BEBS, ZHAL GCIG PHYAG GNYIS KYI PHYAG GA-YAS GNAM LCAGS KYI RAL GRI ME RAB TU 'BAR BA NAM MKHA' LA 'PHYAR BAS DGRA BGEGS KYI SROG RTZA RTZAD NAS GCOD PA, PHYAG GA-YON DGRA SNYING DRON MO 'PHAR BZHIN PA RTZA LAG DANG BCAS PA ZHAL DU GSOL BAS KHRAG GI RGYUN GYIS AAG TSOM DANG MGRIN PA BSHER ZHING 'CHI BDAG MNGON SUM LTA BU, SKU'I BA SPU'I BU GA THAMS CAD NAS DUG DANG MTSON DANG NAD KYI NA BUN GTIB CING, SPRUL PA YANG SPRUL SER RGOD DRAG PO LTAR 'TSUBS PA, DBU LA THOD PA SKAM PO LNGA'I DBU RGYAN DANG, SKU LA DAR NAG GI 'JOL BER, KHRAG 'DZAG PA'I MGO BO RLON PA LNGA BCU'I DO SHAL CAN, SPRUL DANG MI RUS KYI 'KHOR LO'I RNA CHA DANG, RIN PO CHE LA SOGS PA'I RGYAN GYIS BRGYAN PA, MI LPAGS KYI GA-YANG GZHI DANG GLANG PO CHE'I KO PA RLON PAS STOD GA-YOGS SHING, STAG GI PAGS
, ,PA'I SHAM THABS DANG DUR KHROD KYI CHAS KYIS RAB TU 'JIGS PA, STENG 'OG BAR GSUM GYI GDON BGEGS THAMS CAD BRGYAL ZHING DNGANGS LA 'DAR BAR BYED PA'I GNAM LCAGS KYI BYA KHYUNG GSHOG PA LDING ZHING; RDO RJE'I THOG GI TSVA TSVA 'BUM PHRAG 'PHRO BA'I STENG NA RGYAL PO ROL BA'I STABS KYIS, KHAMS GSUM ZIL GYIS GNON, DREGS PA THAMS CAD DBANG DU SDUD, 'JIGS PA THAMS CAD 'JIGS PAR BYED PA'I TSUL GYIS BZHUGS PA, GTZO BO'I PHUNG KHAMS SKYE MCHED YAN LAG RNAMS LAS 'OD ZER DU MA RE SPROS PA LAS, GTZO BO'I MDUN DU RNAM SNANG SHUGS LDAN RTZAL SKU MDOG DKAR PO KHRO ZHING 'DZUM PA PHYAG GA-YAS MDA' DANG ME LONG GIS BRGYAN PA 'PHYAR ZHING, GA-YON ZHAGS PA 'DZIN PA, SKU LA DAR DKAR GYI 'JOL BER DANG, DBU LA LA THOD SER MA GSOL BA, GLANG CHEN SNA RING LA CHIBS PA, GA-YAS SU RIN CHEN SHUGS LDAN RTZAL SKU MDOG SER PO GA-YAS GSER GYI TSE BUM 'CHI MED TSE'I BDUD RTZIS GANG BA DPAG BSAM GYI SHING GI KHA RGYAN CAN NAM MKHAR 'PHYAR ZHING, GA-YON NOR GZHONG 'DZIN PA, RIN PO CHE'I RGYAN DANG RTZE BER SER PO GSOL BA, SGA SRAB CHAS MDZES KYI LHA RTA NGANG DKAR LA CHIBS PA, RGYAB TU PADMA SHUGS LDAN RTZAL KHRAG MDOG RNGAMS BRJID 'DZUM ZHING CHAGS PA'I NYAMS CAN GA-YAS KHAMS GSUM DBANG DU 'GUGS PA'I LCAGS KYU DAR DMAR GYIS BRGYAN PA NAM MKHAR 'PHYAR ZHING, GA-YON RIN PO CHE'I ZHAGS PA
'DZIN PA, DAR DMAR GYI GOS GYON CING ME TOG DMAR PO'I RGYAN CAN ZHANG BLON GYI CHA LUGS CAN GA-YU 'BRUG LA CHIBS PA, GA-YON DU KARMA SHUGS LDAN RTZAL SHIN TU DMAR SMUG KHROS PA'I TSUL CAN GA-YAS RAL GRI DGRA LA 'PHYAR ZHING; GA-YON TZITTA ZHAL DU STOB PA, DAR NAG GI NA BZA' CAN, DRAG PO'I BYA KHYUNG LA CHIBS PA, DE DAG GI MTHA' SKOR DU SGROL BYED YUM CHEN DGU, SNA 'DREN DGE SLONG BRGYAD, LAS MKHAN STAG SHAR BCU RNAMS SHIN TU 'JIGS SHING MI SDUG PA'I GZUGS CAN SHA LA DGA' BA, KHRAG LA ROL BA, DRAG PO'I NGA RO 'BRUG LTAR SGROGS SHING, SROG GCOD KYI LAS LA DGYES PA, DRAG SHUL CHE ZHING LAS LA MYUR BA, SPRUL PA YANG SPRUL NYID SPRUL GYI TSOGS DPAG TU MED PAS BSKOR BA'I 'KHOR DU PE HAR GZA' BDUD, TZI'U DMAR RGYAL BTZAN, MA MO GSHIN RJE, LHA KLU GNOD SBYIN, NOR BDAG ,SHA ZA, SRIN PO, DRI ZA, GRUL BUM, BDUD, THE'U RANG, 'BYUNG PO, DREGS PA SDE BRGYAD, RU 'DREN SDE BZHI SOGS 'JIGS SHING RNGAMS PA NYI ZER GYI RDUL LTAR 'PHRO BA, STONG GSUM YUD TZAM LA BSKOR ZHING, ZHING BCU'I SROG DBUGS 'GAM PA LA RINGS PA'I 'KHOR TSOGS RGYA MTSO LTA BUS BSKOR BAR GYUR, GTZO BO'I THUGS KA DANG RANG YI DAM DU GSAL BA'I THUGS KA'I SA BON LAS 'OD ZER 'PHROS, DGA' LDAN MKHA' SPYOD, RI BO RTZE LNGA, SHAMBHA LA SOGS GAR BZHUGS RDO RJE'I PHO BRANG NAS TING NGE 'DZIN GYIS SPRUL BA'I GNAS YUL CHEN PO 'DIR SPRUL PA'I RGYAL CHEN RDO RJE
, ,SHUGS LDAN RIGS LNGA DRAG PO RTZAL 'KHOR DANG BCAS PA SKAD CIG GIS BADZRA SA M'A YA DZA: DZA: (SPOS SBYOR SREG CING RKANG GLING THOD RNGA SOGS ROL MO DBYANGS DANG BCAS SPYAN 'DREN PA NI), H'Um; RAB ZHI CHOS SKU'I DBYINGS LAS MA GA-YOS KYANG, ,SNA TSOGS SPRUL PA'I ROL GAR MTHA' YAS PAS, ,MNYAM MED THUB BSTAN RIN CHEN SRUNG MDZAD PA'I, ,SPRUL BSGYUR CIR YANG STON PA'I SKUR BZHENGS SHIG ,'JAM DPAL RDO RJE'I THUGS KYI RANG GZUGS DNGOS, ,'DUL 'DZIN DRAG POR KHROS PA'I SKUR BZHENGS NAS, ,'JAM MGON RING LUGS SNYING PO BSRUNG BA'I PHYIR, ,GRANGS MED SPRUL 'KHOR DANG BCAS GSHEGS SU GSOL, ,'JAM DPAL RDO RJE'I SKU YI RANG GZUGS DNGOS, , ZHI MDZAD SGRIB PA KUN SEL SKUR BZHENGS NAS, ,NAD GDON RKYEN NGAN BAR GCOD SEL BA'I PHYIR, ,ZHI MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I YON TAN RANG GZUGS DNGOS, ,RGYAS BYED KHAMS GSUM DPAL 'BAR SKUR BZHENGS NAS, ,TSE BSOD DPAL 'BYOR YAR ZLAR SPEL BA'I SLAD, ,RGYAS MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I GSUNG GI RANG GZUGS DNGOS, ,DBANG SDUD SNOD BCUD ZIL GNON SKUR BZHENGS NAS, ,SRID GSUM BRTAN GA-YO DBANG DU 'GUGS PA'I PHYIR, ,DBANG MDZAD BYE BA'I 'KHOR BCAS GSHEGS SU GSOL, ,'JAM DPAL RDO RJE'I 'PHRIN LAS RANG GZUGS DNGOS, ,GTUM DRAG RDO RJE SHUGS LDAN SKUR BZHENGS
NAS; ;BLO BZANG BSTAN DGRA PHYE MAR 'THAG PA'I PHYIR, ,DRAG MDZAD BYE BA'I 'KHOR BCAS GSHEGS SU GSOL, ,SGROL BYED YUM DGU SNA 'DREN DGE SLONG BRGYAD, ,LAS MKHAN GTUM PA'I STAG SHAR BCU LA SOGS, ,GZHAN YANG 'JIG RTEN 'DAS DANG DREGS PA'I 'KHOR, ,MTHA' KLAS BKOD PA'I TSOGS BCAS GSHEGS SU GSOL, ,BLO BZANG BSTAN LA ZHUGS PA'I BU BRGYAD LA, ,BRTZE ZHING DUNG BA'I GA-YAR DAM MI GA-YEL BAR, ,DGA' LDAN ZHING NAS YAB RJE TZONG KHA PA'I, ,SENG KHRI'I GSEB NAS DA LTA GNAS 'DIR GSHEGS, ,NYER BZHI'I YUL DANG SUM CU RTZA GNYIS GNAS, ,AOO d'I YA NA BYANG PHYOGS SHAMBHA LA, ,RI BO RTZE LNGA DPAL LDAN 'BRAS SPUNGS DANG, ,SA SKYA'I RMUG CHUNG GNAS NAS GSHEGS SU GSOL, ,DOL GYI CHU MIG RDO PHUD CHOS 'KHOR DANG, ,RNAM RAB TSONG 'DUS RI CHOS RMOR NGOR DGON, ,DGA' RNAM 'ON RONG LHA LDAN SPRO KHANG SOGS, ,GAR BZHUGS GNAS NAS THOGS MED GSHEGS SU GSOL, ,AOm DHARM'A P'A LA MAH'A R'A DZ'A BADZRA BE GA WAN RU DRA: PANYTZA KU LA SA PA RI W'A RA AA KARshA YA DZA: DZA: DZA: H'Um BAm HO: DAM TSIG PA DANG GNYIS SU MED PAR GYUR, (PAR BSAM, DE NAS MCHOD CING YAN LAG BDUN PA 'BUL BA NI), AOm DHARM'A P'A LA MAH'A R'A DZ'A BADZRA BE GA WAN RU DRA: PANYTZA KU LAS PA RI W'A RA AARGHAm PRA T'ITZTSA H'Um SV'AH'A, (ZHES PA NAS), SHAPTA'I (BAR GYIS MCHOD, SNGAGS DE LA) AOm A'A: H'Um (BTAGS PAS NANG MCHOD 'BUL), GANG ZHIG DRAN PA TZAM GYIS PHYI NANG GI ,BAR CHAD KUN SEL LAS BZHI'I 'PHRIN LAS
, ,RNAMS, ,STZOL MDZAD RGYAL CHEN SHUGS LDAN DRAG PO RTZAL, ,BSTAN SRUNG 'KHOR DANG BCAS LA PHYAG 'TSAL BSTOD, ,SKU DANG MCHOD RTEN NAS, 'JAM MGON BSTAN DGRA BDUD BZHI 'JOMS PAR BSNGO, , (DE NAS GSER SKYEMS RIL BU DANG BCAS PA BSHAMS PA NANG MCHOD LTAR BRLABS LA), H'Um; BLA MA YI DAM DKON MCHOG GSUM, ,RGYUD SDE BZHI YI LHA TSOGS RNAMS, ,KHYAD PAR BCOM LDAN GSHIN RJE GSHED, ,GSER SKYEMS MCHOD PA 'DI BZHES LA, , BDAG GI GZU DANG DPANG MDZOD CIG ,DAM NYAMS 'DI YI SKYABS MA MDZAD, ,GSHIN RJE GSHED KYI BKA' SDOD MCHOG ,RDO RJE SHUGS LDAN 'KHOR DANG BCAS, ,GZHAN YANG DAM CAN RGYA MTSO'I TSOGS, ,GSER SKYEMS x BDAG GI x DAM NYAMS x DBYU GU DRUG CU RTZA BZHI SOGS, ,LO ZLA ZHAG DUS LHA RNAMS DANG, ,KHYAD PAR YUL PHYOGS 'DIR GNAS PA'I, ,LHA KLU GZHI BDAG 'KHOR BCAS RNAMS, ,GSER SKYEMS x BDAG GI x DAM NYAMS x GZU DANG DBANG LAS MTHO BA MED, , RNAM PAR DAG PA'I THUGS KYIS GZIGS, ,GSER SKYEMS MCHOD PA RGYA RE CHE, ,'BRU SMAN SNA TSOGS RIN CHE BAS, ,DE RING BDAG GI GROGS MDZOD CIG ,(CES GSER SKYEMS 'BUL, DE NAS RANG YI DAM LHA'I NGA RGYAL BRTAN PO'I NGANG NAS RIG PA NGAR DANG LDAN PAS DGRA BGEGS SGROL BA'I DMIGS PA DANG BCAS DRAG TU BSKUL BA 'DI LTAR), H'Um; RGYAL BA'I BSTAN DANG BSTAN 'DZIN DGE 'DUN SDER, ,BSAM SBYOR LOG PAR 'KHU PA'I DGRA BGEGS KUN, ,LO ZLA ZHAG DANG SKAD CIG MA 'GYANGS PAR, ,DRAG PO'I CHAD LAS MI BZAD SNA TSOGS
BAS; ;LE LO GA-YENG DANG ZAS PHYIR MA 'GRANGS PAR, ,SMYO 'BOG BRGYAL DANG RIMS NAD GZER THUNG PHOB, ,LUS DANG SEMS PHROL SHA KHRAG ZHAL DU GSOL, ,KLAD PA 'JIB CING RUS MUR LPAGS PA GYON, ,NGAN SEMS 'DUN GROS BYE MA'I CHANG PHUR BSHIGS, ,MNGA' THANG SNUM ZAD MAR ME JI BZHIN THONGS, ,TSE DPAL LONGS SPYOD RGYAB RTEN DPUNG DANG BCAS, ,BYA SGRO ME YIS BSREGS BZHIN LHAG MED MDZOD, ,MDOR NA BDAG LA GNOD CING 'TSE BA'I DGRA, ,DNGOS DANG RJES 'BRANG MING GI LHAG MAR THONGS, ,BCOL BA'I LAS 'DI DA LTA MA SGRUB NA, ,DNGOS BRGYUD BLA MA'I BKA' DANG DAM LAS 'DAS, ,RNAL 'BYOR BSTEN GSOL DON MED RE BA'I 'BRAS, ,BSLUS PAS NGO NONGS BSTAN SRUNG MING TZAM GYUR, ,DE BAS DAM TSIG GNYAN PO MA DRAL BAR, ,MTHU RTZAL DRAG TU BSKYED LA LAS KUN MDZOD, ,(CES DRAG TU BSKUL, DE NAS 'BRUG KHUNG LINGGA DANG BCAS PA SLOB DPON GYI MDUN DU BZHAG ,LING KHEBS BSAL TE RDO RJE'I RTZES NANG MCHOD 'THOR LA, LAS SNGAGS KYIS PA SANG), SVA BH'A WAS SBYANG), STONG PA'I NGANG LAS H'Um NAG PO ZHU BA LAS DAM TSIG NYAMS PA'I DGRA ('Am) BGEGS RNAMS KYI SDIG SEMS DANG LAS NGAN LAS GRUB PA'I 'BRUB KHUNG GTING ZAB CING YANGS PA'I NANG DU, ZHE SDANG DRAG PO'I ME 'BAR ZHING, GTI MUG GI MUN PA GTIBS PA; 'DOD CHAGS KYI KHRAG MTSO KHOL BA'I RBA KLONG 'KHRUG CING, PHRAG DOG GI RLUNG DMAR 'TSUBS PA, NAD RIMS MI BZAD PA'I NA BUN 'THIBS SHING, GNAM LCAGS THOG SER MTSON CHAR 'BEBS PA, BDUD KYI BTZON KHANG, GSHIN
, ,RJE'I BSHAS RA, DMYAL BA'I BSREG KHANG RAB TU 'BAR BAR GYUR, DE'I NANG DU (GZUGS CAN DGRA LA nI DANG GZUGS MED BGEGS LA DMIGS NA), TRI LAS DAM NYAMS PA'I DGRA BO'AM GNOD BYED MGON DANG BRAL BA, GCER BU SHIN TU NYAM THAG CING LUS RID PA, MYA NGAN GYIS GDUNGS PAS SMRE SNGAGS 'DON CING, BUG DGU NAS KHRAG 'DZAG PA, DRI CHEN DANG DRI CHU DBANG MED LHUG PAR 'CHOR BA, MTSAN MA 'PHYANG BA, YAN LAG LCAGS SGROG GIS BSDAMS PAR GYUR, (DGUG GZHUG BYA BA NI, RDOR DRIL 'DZIN PAS 'DOD RGYAL GYI PHYAG RGYA BYAS LA NGAG TU), NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BKA' BDEN PA DANG, SANGS RGYAS KYI x CHOS KYI x DGE 'DUN GYI x KHAMS GSUM ZA BYED DPAL RDO RJE 'JIGS BYED CHEN PO'I x 'JAM MGON RGYAL BA'I BSTAN SRUNG RGYAL CHEN RDO RJE SHUGS LDAN RIGS LNGA DRAG PO RTZAL 'KHOR DANG BCAS PA'I x DPAL MGON DAM PA CHOS SKYONG BA'I SRUNG MA MTHU RTZAL CAN RNAMS KYI x CHOS KYI DBYINGS RNAM PAR DAG CING KUN RDZOB RGYU 'BRAS BSLU BA MED PA'I BDEN PA'I STOBS KYIS DPAL LDAN BLA MA DAM PA'I SKU DGRA ,DKON MCHOG GSUM GYI SPYI DGRA ,SANGS RGYAS KYI BSTAN PA'I DGRA BO; SNGAGS 'CHANG RNAL 'BYOR BA BDAG CAG DPON SLOB MI NOR DGON GNAS DANG BCAS PA ('AM,) RGYU SBYOR YON GYI BDAG PO MI NOR 'KHOR DANG BCAS PA LA GNOD CING 'TSE BAR BYED PA'I SGOS DGRA ,NGAN LAS KYI PHOD BTZUGS PA, DE
BDO BA, NGAN 'GRAN BYAS PA, BSAM PA NGAN PA, SBYOR BA RTZUB PA, SNGA DGRA BYAS PA, PHYI DGRA BYED PA, DA DGRA GSHOM PA LA SOGS PA'I DAM NYAMS PA'I DGRA BO, GZUGS CAN GYI DGRA, GZUGS MED KYI BGEGS, GSON 'DRE LUS LA GNAS PA, GSHIN 'DRE RJES SU 'BRANG BA, DKOR 'DRE NOR PHYIR RGYUGS PA, RBAD 'DRE BU YUG LTAR 'TSUB PA LA SOGS PA'I PHYI DANG NANG NA GNAS PA'I DGRA BGEGS RNAMS KYI RNAM PAR SHES PA, SA 'OG ,SA STENG, SA BLA, MTHO SRID PA'I RTZE MO NAS, DMA' DMYAL KHAMS BCO BRGYAD KYI GTING, PHYOGS BZHI MTSAMS BRGYAD GANG NA GNAS KYANG SKAD CIG THANG CIG YUD TZAM LA LINGGA 'DI NYID LA KHUG CIG PHOB CIG ,AOm DHARM'A P'A LA MAH'A R'A DZ'A BADZRA BE GA WAN RU DRA: PANYTZA KU LA SA PA RI W'A RA SARBA SHA TRUm BIGH'A NA AA KARshA YA DZA: nI YAm DZA: TRI YAm DZA: AOm BADZRA AAm KU SHA DZA: AOm BADZRA P'A SHA H'Um, AOm BADZRA SPHO tA BAm, AOm BADZRA GHAndA HO: (ZHES LAN GSUM MAM BDUN GYIS DGUG GZHUG BYA, DE NAS RGYAS PAR SPRO NA SLAR YANG DRAG TU BSKUL BA GTOR CHEN NAS 'BYUNG BA LTAR), H'Um; RDO RJE 'DZIN PA'I BKA' 'KHOR NAS, ,(ZHES PA NAS,) 'DI DAG 'KHOR DANG BCAS PA KUN, ,(ZHES PA'I BAR 'DON CING, GANG LTAR YANG DE NAS), H'Um; RDO RJE 'BAR BA'I LCAGS KYU YIS, ,SNYING NAS DRONGS SHIG AANGKU SHA, SPRUL NAG ZHAGS PA'I GLOG PHRENG GIS, ,SKE NAS CHINGS SHIG P'A SHA H'Um, LAS KYI LCAGS SGROGS NAG PO YIS, ,RKANG LAG SDOMS SHIG SPHO tA BAm, ,SGRA DRAG RDO RJE'I DRIL CHEN GYIS, ,PHOB CIG BADZRA GHAndA HO: SHUGS DRAG RDO RJE PHUR BU YIS, ,SNYING LA BSNUN CIG K'I
, ,LA YA, ,RDO RJE DGRA STVA KHA BO CHES, ,CHOS CIG BADZRA PA RA SHU, ,RVA MANG RDO RJE'I THO BA YIS, ,RDUNGS SHIG BADZRA MUNGGA RA, ,KHRO BO'I RDO RJE RTZE LNGA PAS, ,DUM BUR CHOD CIG BADZRA NA, ,REG GCOD RDO RJE SPU GRI YIS, ,GTUB CIG BADZRA K'U RA KA: RDO RJE 'BAR BA'I BE CON GYIS, ,CHOMS SHIG BADZRA DAndA nA, ,RGYA GRAM RDO RJE RI RAB KYIS, ,GNON CIG BADZRA STAMBHA YA, ,RDO RJE ME YI SA GZHI LA, ,SROGS SHIG AAGNE DZVA LA RAm, ,DUS KYI RLUNG NAG 'TSUB MA YIS, ,THOR CIG K'A LA WA YA WE, ,(ZHES PHYAG MTSAN GYIS TSAM RNGAM BYA, DE NAS SGROL BYA'I NYES PA GSAL BTAB STE DBANG GZUG PA NI), GSON CIG DREGS BYED YONGS KYI BDAG ,RDO RJE SHUGS SOGS MING MANG PO, ,SNGON TSE SMON LAM JI LTAR BTAB, ,'JAM MGON BLA MA YAB SRAS SOGS, ,RTZA BRGYUD BLA MAS BKA' CI BSGOS, ,KHYOD KYIS RDO RJE SPYI BOR BLANGS, ,BRO BOR 'DA' DKA'I BDUD RTZI MYANG, ,KHAS BLANGS DRAN PA'I DUS LA BAB, ,BSTAN DGRA DAM NYAMS BDEN BRAL 'DIS, ,BLA MA SMOD CING SEMS CAN 'TSE, ,BSTAN 'DZIN DGE 'DUN SDE RNAMS BCOM, ,KHYAD PAR RNAL 'BYOR BDAG CAG LA, ,SNGA DGRA LAG TU JI LTAR BDAR, ,DA DGRA SEMS PA MNGON SUM DANG, ,PHYI DGRA YID BRNAG KHYOD KYIS SHES, ,BDEN PA'I DBANG DE DA MDZOD CIG ,BDAG GIS GANG BCOL LAS 'DI DAG ,MYUR DU KHYOD KYIS MA BSGRUBS NA, ,RTZA BRGYUD BLA MA'I BKA' YANG BCAG ,BSTAN SRUNG KHAS BLANGS 'JA' LTAR YAL, ,MTHU STOBS RDZU 'PHRUL RDZUN GYI TSIG ,RIG 'DZIN RNAMS KYI RE BA BCAD, ,DE PHYIR KHAS BLANGS DAM BCAS
BZHIN, ,BSTAN LA GNOD BYED 'DI DAG KUN, ,LO DANG ZLA BAR MA BZHAG CIG ,ZHAG DANG ZA MA MA 'GYANGS PAR, ,SRID GSUM 'JIG RTEN GAR GNAS KYANG, ,THAL BA'I RDUL BZHIN BRLAG PAR MDZOD, ,(DE NAS SNGAGS KYI BAR BLUD PA'I THUN SKAM RLON GYIS BRAB CING), GNOD SBYIN DANG GSHIN RJE DANG MA MO BDUD SPRUL RNAMS KYIS DUG MTSON GYI CHAR PHAB PAR GYUR, H'Um; YUNGS KAR RGYAL PO KHRO BO'I THUN, ,SKE TSE DUG KHRAG LCAGS RDE'I PHYE, ,DRAG PO SNGAGS KYIS NGAR BTAB PA'I, ,GNAM LCAGS SER CHEN LTA BU'I ZOR; ;DGRA BO'I LUS LA BTAB PA YIS, ,DGRA BGEGS RDUL PHRAN BZHIN DU CHOMS, ,(ZHES DGRA GZUGS LA SKAM MTHUN BRAB), KHRAG SNA 'BUM DANG DUG SNA STONG, ,THANG KHROM DUG GI KHU BA LA, ,DRAG PO SNGAGS KYIS NGAR BTAB PA'I, ,BRLAN ZHING GSHER BA'I THUN ZOR 'DI; ;DGRA BO'I LUS LA BTAB PA YIS, ,DRAN PA MYOS SHING NYAMS PAR GYUR, ,(CES RLON THUN RO SGRA'I PIR GYIS BRAB,) YUNGS KAR RGYAL PO KHRO BO'I THUN, ,DUG SNA KHRAG SNA KHRO MO'I THUN, ,SKAM THUN RLON THUN THUN BRAB PAS, ,KHRO BO KHRO MOS LAS MDZOD CIG ,(CES SKAM RLON THUN GYIS BRAB,) DKON MCHOG GSUM LA GNOD PA, BLA MA LA SMOD PA, BSTAN PA LA SDANG BA, SEMS CAN LA 'TSE BA, SGRUB PA PO ALA BSAM SBYOR LOG PAR BLTA BAR BYED PA'I DAM TSIG NYAMS PA'I DGRA BO 'DI LA RGYOB CIG ,SOD CIG ,LHAN CIG SKYES PA'I LHA DANG PHYE ZHIG ,MNYAM POR 'ONG BA'I BDUD DANG SPROD CIG ,PHO LHA DANG PHYE ZHIG ,MO LHA DANG PHYE ZHIG ,LE'U'A LHA DANG PHYE ZHIG ,ZHANG LHA DANG PHYE ZHIG ,PHRAG LHA DANG PHYE ZHIG ,'GO BA'I LHA DANG PHYE ZHIG ,BSTEN PA'I LHA DANG PHYE ZHIG ,LAS MKHAN RNAMS KYIS KHRID
, ,DE 'TSOG BRDUNG LA SOGS PA BGYIS SHIG ,(DE NAS LHA DBYE BYA BA LA, YE SHES PA'I LHA DANG DBYE BA NI,) H'Um, DGRA BGEGS 'DI YI GROGS MDZAD PA'I, ,YE SHES LHA SRUNG TSOGS RNAMS GSON, ,BSTAN DGRA DAM NYAMS SDIG CAN 'DI'I, , MGON SKYABS DPUNG GNYEN MA MDZAD PAR, ,MTHU DANG RDZU 'PHRUL KUN CHOMS LA, ,BDAG GI MGON DANG SKYABS MDZOD CIG ,BRTZE BAS KHROS PA'I SKUR BZHENGS LA, ,SDIG CAN DRAG PO'I CHAD PAS SGROL, ,AOm BADZRA PI KI BI KRANTA SARBA SHA TRUm SARBA DZNY'A NA DE WA BI DE shA YA PHAt, (CES YE SHES PA DANG PHRAL, DE NAS 'JIG RTEN PA'I LHA SRUNG PHRAL BA NI,) H'Um, NYES CAN DGRA BO'I GROGS PHYED PA'I, ,'JIG RTEN LHA SRUNG THAMS CAD KYANG, ,'JIGS PA THAMS CAD 'JIGS BYED PA'I, ,GSHIN RJE'I GSHED PO'I BKA' NYON LA, , SDIG LDAN 'DI NYID TSAR GCOD CIG ,GZHAN YANG SRUNG BYED GO CHA DANG, ,SNGAGS RDZAS RTEN 'BREL NUS PA SOGS, ,CHOS 'BYUNG NANG BTZUD PHUR BUS GDAB, ,AOm BADZRA BI KI BI KRANTA SARBA SHA TRUm SARBA LO KA DE WA RAKshA BI DE shA YA PHAt, (CES 'JIG RTEN PA'I LHA SRUNG DANG, RDZAS SNGAGS KYI SRUNG BA DANG PHRAL, DE NAS SGROL GRI THOGS LA,) H'Um, SROG BDUD 'BAR BA'I THOG ZER CAN, ,GTUM DRAG RGYAL CHEN DPUNG 'KHOR BCAS, ,'JIGS PA'I SKU NI STON RE RAN, ,RNGAMS PA'I NGA RO SGROG RE RAN, ,GSOD BA'I THUGS NA MYUR RE RAN, , DRAG SHUL RTZAL DE 'CHAR RE RAN, ,MNGON SPYOD 'PHRIN LAS SGRUB RE RAN, ,SPYI DANG BYE BRAG LA SDANG BA'I, ,NGAM NYAMS SNYING GI TSER MA 'DIR, ,'JIG RTEN MI 'DOD THAMS CAD THONGS, ,LUS STOD TSA BA ME LTAR SBOR, ,BAR DU RLUNG MKHRIS BAN KAN SOGS, ,BZHI BRGYA
RTZA BZHI'I NAD KUN THONGS, ,DAL YAMS KHRAG NAD GZER CHEN SOGS, ,BZLOG TU MED PA'I GNYAN RIMS PHOB, ,KHA NAS DON SNYING KHRAG DRON PHYUNGS, ,'OG NAS BSHAL RIMS CHU RGYUN THONGS, ,LTAS NGAN BRGYAD CU YE 'BROG SOGS, ,THOS PAS SKRAG RNAMS MYUR DU PHOB, ,GNYEN SOGS KHA RJE DBANG THANG PHROL, ,MTSON RNON 'BAR BAS SROG LUS GTUBS, ,SNYING KHRAG DRON MO DA 'THUNGS SHIG ,H'Um, RNAM PAR MI RTOG THUGS KYI BDAG ,LUS NGAN 'DI LA MA BZHUGS PAR, , RANG BZHIN 'OD GSAL CHOS KYI DBYINGS, ,DRI MA'I SBUBS NAS GSHEGS SU GSOL, ,AOm YA M'ANTA KA SU GA TA HRI DA YA BUDDHA BADZRA MU: SEMS RANG BZHIN GYIS 'OD GSAL BA DE DRI MA DANG BRAL NAS SANGS RGYAS KYI ZHING DU GSHEGS PAR GYUR, (CES MDUN GYI NAM MKHAR SKAD CIG GIS RDO RJE SEMS DPA' BSAMS LA, DGRA BO'I RNAM SHES RANG YI DAM DU GSAL BA'I THUGS KA DRANGS NAS, SLAR RDO RJE SEMS DPA'I THUGS KAR 'PHANGS PAS MI BSKYOD PA'I ZHING DU THOGS PA MED PAR GSHEGS PAR BSAM LA, BSGRAL BYA SGROL BYED BSGRAL BA'I RANG BZHIN THAMS CAD SPROS PA'I MTHA' THAMS CAD DANG BRAL BA'I NGANG DU MNYAM PAR BZHAG ,DE NAS RNAM SHES SPAR ZIN PA'I PHUNG PO DE CHOS SKYONG GI THUGS KA NAS SPROS PA'I LAS MKHAN RNAMS KYIS GTUB PAR BSAMS LA,) LAS MKHAN RNAMS KYIS RAL GRI LA SOGS PA'I MTSON CHAS BRDEG STE BCINGS, SHA ZOS, KHRAG 'THUNG, RGYU MA DRANGS, YAN LAG DANG MGO BO BCAD, LPAGS PA BSHUS, TSAR BCAD PAR GYUR, AOm DHARM'A P'A LA (SOGS NAS,) W'AR SARBA SHA TRUm BIGHNAN M'A RA YA H'Um PHAt, (CES BRJOD NAS SGROL GRIS ZAN LING DUM BU DGUR GTUB
, ,PA SLAR YANG DUM BU MANG DU BYAS TE BSREG RDZAS RNAMS LA BSREG TE BZHAG ,DE NAS RDOR DRIL BYIN RLABS SPYI LTAR BYAS RJES,) HR'I: shtR'I: (BRJOD LA BSANG CHU DANG NANG MCHOD KYIS THAB DANG, MCHOD RDZAS, RANG BCAS LA LAG PA GA-YON PAS GA-YAS SKOR GYIS LAN GSUM RE BSANG, ME LHA'I MCHOD PA CHU BZHI DANG BCAS PA SPYI LTAR BYIN GYIS BRLAB, DE NAS RDZAS SBYONG BA'I PHYAG RGYA BYAS LA,) AOm AOm SV'A H'AS (RDZAS RNAMS BKRUS PAR BSAM,) AOm A'A: SV'A H'AS (LAM SHING,) AOm SHR'I SV'A H'AS (MAR KHU,) AOm DZRIm SV'A H'AS ('BRU,) AOm KU RU KU RU SV'A H'AS (RDZAS GZHAN RNAMS,) DE DAG LAS GZHAN PA'I RDZAS RNAMS KYI MTSAN NYID DANG MI LDAN PA'I NYES SKYON THAMS CAD NGAG PAR BYAS TE STONG PAR GYUR, STONG PA'I NGANG LAS SREG RDZAS RNAMS NGO BO YE SHES KYI BDUD RTZI LNGA'I RANG BZHIN YIN PA LA, RNAM PA DGRA BGEGS BSGRAL BA'I SHA RUS KYI RI DANG, KHRAG ZHAG GI RGYA MTSO CHEN POR GYUR, AOm A'A: H'Um (GIS BYIN GYIS BRLAB, SLAR YANG,) AOm A'A: H'Um (LAN GSUM BRJOD DE SGRON ME SBAR ZHING,) HR'I: shtRI: (BRJOD LA BSANG CHU DANG NANG MCHOD KYIS ME DE LA GA-YAS SKAR DU LAN GSUM GSUM BSANG NGO, ,DE NAS SGRON ME DE GTZANG ZHING SHIN TU SKAM PA'I RTZVA'I CHUN PO DANG BCAS PAS THAB KYI NANG DU BCUG LA,) AOm BADZRA DZVA LA DZVA LA H'Um, (ZHES BRJOD CING GZI BYIN BSKYED,) H'Um; (LAN BDUN BRJOD CING RLUNG GA-YAB KYIS ME SPAR,) HR'I: shR'I: BRJOD LA MAR KHU BLUGS GZAR BDUN GYIS KYANG ME GSO, DE NAS KU SHA RNAMS LAG TU BZUNG LA,) AOm BADZRA SATVA A'A: (ZHES LAN GSUM BRJOD LA KU SHA RNAMS BYIN GYIS BRLAB, DE NAS,) AOm; KU SHA 'DI NI GTZANG ZHING DGE ,TSANGS PA'I LHA RNAMS DAG BYED YIN, ,DKON
MCHOG GSUM PO MNYES BYED PA, ,SA LAS SKYES PA'I 'DAB MA'I SNYING, ,BDAG GI BGEGS RNAMS THAMS CAD NI, ,ZHI DANG BKRA SHIS MDZAD DU GSOL, ,(ZHES BRJOD NAS KU SHA PHYAG LEN LTAR BKRAM, RDOR DRIL 'DZIN PA'I LAG PA THAL MO SBYAR NAS,) BCOM LDAN 'DAS RDO RJE SEMS DPA' BGEGS THAMS CAD ZHI BA DANG BKRA SHIS PAR MDZAD DU GSOL, (ZHES GSOL BA GDAB, DE NAS BSANG CHUS THAB LA GTOR TE,) HR'I: sht'I: (SA BSANG,) SVA BH'A WA (SBYANG,) THAB STONG PA NYID DU GYUR, STONG PA'I NGANG LAS H'Um NAG PO ZHU BA LAS BYUNG BA'I YE SHES KYI THAB KHA DOG GNAG CING DBYIBS GRU GSUM PA, MU RAN KHA KHYER DANG BCAS PA, KHA KHYER LA KHRO BO'I RDO RJE 'BAR BA'I PHRENG BAS BSKOR BA, GRA BZHIR ZLA PHYED RDO RJES MTSAN PA, DVANGS SHING THOGS PA MED PAR GYUR, THAB KYI NANG DU RAm LAS SKYES PA'I ME GRU GSUM PA'I DBUS SU, SNA TSOGS PADMA'I LTE BAR RAm LAS BGRANG PHRENG, DE YONGS SU GYUR PA LAS ME LHA SKU MDOG NAG PO NAG DKAR DMAR BA'I ZHAL GSUM PHYAG DRUG PA, GNYUG MAR GNAS PA'I RIG MA DANG GNYIS SU MED PA'I SKU, PHYAG GA-YAS KYI DANG PO NA BGRANG PHRENG, GNYIS PAS MI 'JIGS PA SBYIN PA, GSUM PA NA GRI GUG ,GA-YON GYI DANG PO NA DBYU GU RTZE GSUM PA, GNYIS PA NA SPYI BLUGS, GSUM PA NA THOD PA BSNAMS PA, GA-YON BRKYANGS PA'I STABS KYIS BZHUGS PA, KHRO BO'I RGYAN RNAMS KYIS BRGYAN PA'I THUGS KAR ME GRU GSUM PA RAm GYIS MTSAN PA, DAM TSIG PA'I THUGS KA'I SA BON GYI 'OD ZER LAS SPROS PA'I KHRO BO 'DOD
, ,RGYAL GYIS SHAR LHO NAS BSGOMS PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS (PAR BSAMS LA, LAG PA GA-YAS MI 'JIGS PA SBYIN PA'I PHYAG RGYAS MTHE BONG GSAB CING,) AOm; TSUR BYON TSUR BYON 'BYUNG PO CHE, ,LHA YI DRANG SRONG BRAM ZE MCHOG ,SREG BLUGS ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm tKKI H'Um DZA: THAB KYI ME MTSAMS KYI KHA KHYER GYI KU SHA'I GDAN LA BZHUGS PAR GYUR, HR'I: shtR'I: (BRJOD CING BSANG CHU GTOR LA PHYIR 'BRANGS GYI BGEGS BSKRAD,) AOm A'A: HR'I: BRA WA RA SAD K'A RAm PROKshA nAm PRA T'I TZTSA H'Um SV'A H'A, (ZHES PAS KU SHA'I CHUN POS ZHAL BSIL GYI SNOD NAS BZED ZHAL DANG POR LAN GSUM GYIS BSANG GTOR DBUL, DE BZHIN DU PROKshA nAm GYI GNAS SU) AA NYTZA M'A nAm (SBYAR BAS BZED ZHAL DANG POR ZHAL BSIL DANG,) AARGHAm (SBYAR BAS BZED ZHAL GNYIS PAR MCHOD YON,) P'A DYAm (ZHES SBYAR BAS BZED ZHAL GSUM PAR ZHABS BSIL DBUL,) AOm MUNGGA R'A DZA: AOm D'AndA H'Um, AOm PADMA BAm, AOm KHANGGA HO: (ZHES DGUG ,GZHUG ,BCINGS, DBANG DU BYAS TE,) DAM TSIG PA DANG GNYIS SU MED PAR GYUR, (CES BRJOD, DE NAS,) AOm A'A: HR'I: PRA WA RA SAD K'A RAm PROKshA nAm PRA T'I TZTSA H'Um SV'A H'A, (DE BZHIN DU,) A'A NYTZA M'A nAm, AARGHAm, P'A DYAm, (ZHES SBYAR NAS GONG LTAR DBUL,) AOm AAGNA YE A'A DI BY'A A'A DI BY'A, A'A BI SHA A'A BI SHA, MAH'A SHR'I YE HA BYA KA BYA BA HA N'A YA BADZRA PUshPE A'A: H'Um, (DE BZHIN DU,) DH'U PE, A'A LO KE ,GHA NDHE, NEE WI DY'A, SHAPTA A'A: H'Um, (ZHES NYER SPYOD DANG ROL MOS MCHOD,) AOm AAGNA YE (ZHES PA NAS) BA H'A N'A YA AOm A'A: H'Um, (ZHES PAS NANG MCHOD
DBUL, DRIL STABS DANG BCAS PAS,) 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tKKIS DBANG BSKUR BA, ,SHES RAB MCHOG GIS NYON MONGS THAMS CAD SREG ,KHRO BO ME LHA NYID LA RNAM PAR 'DUD, ,TSANGS PA 'JIG RTEN MGON GYIS SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU SKYABS PA'I PHYIR, ,THUGS RJE'I DBANG GIS SKUR SPRUL PA, ,RIG SNGAGS GRUB PA'I DRANG SRONG TSUL, ,NYON MONGS BSREG PA'I SHES RAB 'OD, ,BSKAL PA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYI SPRUL PAS THEG PA BCIBS, ,RIG SNGAGS GSUNG ZHING BGRANG PHRENG 'DZIN, ,BDUD RTZI'I BCUD LDAN GUndE BSNAMS, ,CHOS KYI BDUD RTZI YONGS LA BSIL, , NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSTOD DE PHYAG KYANG 'TSAL, ,(ZHES PAS BSTOD,) AOm BADZRA AA NA LA MAH'A BHU TA DZVA LA DZVA LA YA, SARBA BHA SMI KU RU, SARBA DU shtAN H'Um PHAt, TRI SHYA DZA: H'Um BAm HO: SA MA YA STVAm, SA MA YA HO: (ZHES LAN GSUM GYIS DAM TSIG BSGRAG GO ,DE NAS KHRO BO'I KHU TSUR GYIS, GA-YAS PAS DGANG GZAR DANG GA-YON PAS BLUGS GZAR BZUNG LA,) ME LHA'I LJAGS RDO RJE'I RNAM PA CAN NAG PO ME 'BAR BA'I DBYIBS CAN LA RAm YIG DANG, DGANG BLUGS KYI KHA LA H'Um YIG NAG PO ME 'OD 'PHRO BAS MTSAN PAR GYUR, (CES DANG, SNGAGS NI,) AOm AAGNA YE (ZHES PA NAS,) BA H'A N'A YA, (SPEL TSIG NI,) KHAMS GSUM CHOS KYI RGYAL PO TZONG KHA PA CHEN PO'I BSTAN PA BSTAN
, ,'DZIN DANG BCAS PA LA SDANG ZHING LOG PAR 'KHU BA'I SEMS DANG LDAN PA RNAMS DANG, KHYAD PAR BDAG CAG DPON SLOB 'KHOR DANG BCAS PA LA GNOD CING 'TSE BAR BYED PA'I SNGA DGRA LAG LA BRDAR BA PHYI DGRA YID LA SEMS PA, DA DGRA GNOD CING 'TSE BAR BYED PA'I BSAM NGAN SBYOR RTZUB 'CHANG BA'I DGRA BGEGS RNAMS KYI TSE DANG BSOD NAMS, DPAL 'BYOR PHUN TSOGS BLA SROG TSE GSUM DANG BCAS PA M'A RA YA PHAt, (CES SBYOR BA DANG, DE NAS YAM SHING GNYIS GNYIS BZUNG LA YAM SHING RNAMS NGO BO BYANG CHUB KYI SHING GI RANG BZHIN YIN PA LA RNAM PA DGRA BGEGS KYI RKANG RUS SU BSAMS LA PHUL TE,) AOm AAGNA YE NAS, BA HA N'A YA, KHAMS GSUM CHOS KYI RGYAL PO TZONG KHA PA CHEN PO'I (ZHES PA NAS,) M'A RA YA PHAt, (CES PHUL BAS RUS PA RNAMS ZHAL DU CHEM CHEM GSOL BAR BSAM, DE NAS ME LHA'I SNGAGS DANG SPEL TSIG SOGS SNGAR LTAR BYAS TE, DGRA BGEGS KYI SNYING KHRAG LA HUB HUB DU GSOL BAR BSAMS LA MAR NAG DANG, RDZAS GZHAN RNAMS SHA CHEN SOGS SU BSAMS LA DRAG PO'I SREG RDZAS GZHAN RNAMS SNGAR LTAR PHUL, SKABS 'DI DANG 'OG TU 'DAS LHA'I SKABS LHA'I SNGAGS MA GTOGS RDZAS SNGAGS MI DGOS SHING, GAL TE RDZAS SNGAGS YOD PA'I PHYAG LEN KYANG YOD PA LTAR BYED PAR SPRO NA, ME LHA'I SNGAGS KYI MJUG TU,) AOm BO DHI PRI KshA YA, KHAMS GSUM CHOS KYI RGYAL PO NAS, SEMS DANG LDAN PA RNAMS DANG, KHYAD PAR BDAG CAG DPON SLOB 'KHOR DANG BCAS PA'I GZI BRJID PHUN SUM TSOGS PA LA BAR DU GCOD PA'I DGRA BGEGS THAMS CAD M'A RA YA PHAt, (CES PA NAS,)
GHA SMA RI'I (BAR DU SO SO'I SKABS DANG BSTUN PA'I SPEL TSIG SBYAR NAS 'BUL ZHING, DE NAS DRAG PO'I KHYAD RDZAS RNAMS 'BUL, RDZAS CHEN BCU GNYIS 'BUL BA MI SPRO NA, YAM SHING DANG MAR NAG GI RJES SU KHYAD RDZAS PHUL BAS CHOG GO ,DE NAS, AOm A'A: HR'I: PRA WA RA SAD K'A RAm A'A NYTZA M'A nAm PRA T'I TZTSA H'Um SV'A H'A, (ZHES PAS ZHAL BSIL DANG,) AOm A'A: HR'I: PRA WA RA SAD K'A RAm PRO KshA nA PRA T'I TZTSA H'Um SV'A H'A, (ZHES PAS BSANG GTOR DBUL LO, ,DE NAS 'JIG RTEN LAS 'DAS PA'I ME LHA MCHOD PA LA MCHOD PA BYIN GYIS BRLAB PA NI,) HR'I: shtR'I: (SA BSANG,) SVA BH'A WAS (SBYANGS,) STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I GSANG GTOR, ZHAL BSIL, MCHOD YON, ZHABS BSIL, ME TOG ,BDUG SPOS, MAR ME, DRI, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm PRO KshA nAm A'A: H'Um, (DE BZHIN DU PRO KshA'I GNAS SU,) A'A NYTZA M'A nAm, AARGHAm, P'A DYAm, PUshPE, DH'U PE, A'A LO KE ,GANDHE, NEE WI DY'A, SHAPTA, R'U PA, SHAPTA, GANDHE, RA SA, PARSHA A'A: H'Um, (RNAMS BCUG STE PHYAG RGYA DANG BCAS BYIN GYIS BRLAB, DE NAS RDZAS SPYOD PA'I PHYAG RGYA BYAS LA,) AOm AOm SV'A H'A, (ZHES PA NAS,) KHRAG ZHAG GI RGYA MTSO CHEN POR GYUR, AOm A'A: H'Um, (GIS BYIN GYIS BRLAB, DE NAS 'DAS LHA BSKYED PA NI,) ME LHA'I THUGS KAR ME GRU GSUM RAB TU 'BAR BA'I DBUS SU KHRAG GI RGYA MTSO DMAR NAG GA-YO ZHING KHOL BA'I KLONG DU 'BYUNG BZHI RIM BRTZEGS KENG RUS KYI RI RAB LHUN PO DANG BCAS PA'I STENG, DUR KHROD
, ,CHEN PO SHIN TU 'JIGS SU RUNG BA'I DBUS NA DRAG PO'I THOD MKHAR YANGS SHING RGYA CHE BA GRU BZHI SGO BZHI RTA BABS DANG BCAS PA, RUS PA'I DRA BA DRA PHYED, RGYU MA'I LDA LDI, ZHING CHEN GYI BLA BRE, MI RO'I RGYAL MTSAN SOGS 'JIGS SHING YANG BA'I RGYAN THAMS CAD DANG LDAN PA'I NANG DU ME RLUNG DRAG TU 'KHRUGS PA'I DBUS SU H'Um YIG DMAR NAG ,DE LAS 'OD ZER 'PHROS (ZHES PA NAS,) DAM TSIG PA DANG GNYIS SU MED PAR GYUR, (CES PA'I BAR GONG BZHIN BTANG,) LHA RNAMS KYI SKU LAS 'OD ZER NAG PO'I TSOGS 'PHRO BAR GYUR, (DE NAS MCHOD PA 'BUL BA NI,) AOm DHA RM'A P'A LA MAH'A R'A DZ'A BADZRA BE GA WAN RU DRA: PANYTZA KU LA SA PA RI W'A RA PRO KshA nAm PRA T'I TZTSA H'Um SV'A H'A, (ZHES PA NAS,) PARSHA PRA T'I TZTSA H'Um SV'A H'A, (ZHES PA'I BAR CHU BZHI NYER SPYOD 'DOD YON DANG BCAS PAS MCHOD, SNGAGS DE LA 'BRU GSUM BTAGS PAS NANG MCHOD 'BUL,) GANG ZHIG DRAN PA TZAM GYIS PHYI NANG GI ,(ZHES PA NAS,) 'JAM MGON BSTAN DGRA BDUD BZHI 'JOMS PAR BSNGO, ,(ZHES YAN LAG BDUN PA BYA,) LHA'I LJAGS RDO RJE'I RNAM PA CAN NAG PE ME 'BAR BA'I DBYIBS CAN LA RAm YIG GIS MTSAN PAR GYUR, AOm DHA RM'A P'A LA MAH'A DZ'A DZ'A BADZRA BE GA WA NA RU DRA: PANYTZA KU LA SARBA BIGHNAN SHA TRUm M'A RA YA H'Um PHAt, (SPEL TSIG NI,) KHAMS GSUM CHOS KYI RGYAL PO TZONG KHA PA CHEN PO'I (ZHES PA NAS,) M'A RA YA PHAt, (KYI BAR DRAG PO'I SPEL TSIG SNGAR ME LHA'I SKABS LTAR BTAGS PAS MAR NAG LAN BDUN PHUL, DE NAS YAM SHING DANG, MAR NAG ,KHYAD PAR BA'I RDZAS RNAMS LA'ANG DRAG PO'I SNGAGS DANG SPEL TSIG GONG BZHIN
BTAGS LA PHUL, GONG DU SMOS PA LTAR TIL DANG DUR BA SOGS RDZAS CHEN GZHAN RNAMS MI DGOS SHING, GAL TE 'BUL NA SNGAGS DANG SPEL TSIG 'DI KHO NA LTAR LAS SO SO MI DGOS, CIS KYANG SO SOR PHYE 'DOD TSE GONG DU ME LHA'I SKABS SU SMOS PA LTAR SBYAR NAS 'BUL, DE LTAR SREG RDZAS RNAMS PHUL TSAR BA DANG, 'PHRIN LAS BCOL BA'I SKABS SU,) GTZO 'KHOR RNAMS KYI THUGS KA NAS SHIN TU KHROS SHING 'JIGS PA DGRA BGEGS KYI SHA KHRAG SROG DBUGS LA RNGAMS PA'I SPRUL PA YANG SPRUL GYI KHRO BO'I TSOGS DPAG TU MED PA SPROS, KHAMS GSUM CHOS KYI RGYAL PO TZONG KHA PA CHEN PO'I BSTAN PA BSTAN 'DZIN DANG BCAS PA LA SDANG ZHING LOG PAR 'KHU BA'I SEMS DANG LDAN PA RNAMS DANG, KHYAD PAR RNAL 'BYOR BA BDAG CAG DPON SLOB YON MCHOD MI NOR DGON GNAS DANG BCAS PA RNAMS LA GNDO CING 'TSE BAR BYED PA'I DGRA BGEGS RNAMS KYI SNYING KHA NAS LCAGS KYUS BZUNG, MGRIN PA NAS ZHAGS PAS BCING STE BKUG NAS 'DAR HED HED CHOS SKYONG 'KHOR BCAS KYI MDUN NA 'DUG PA LA MTSON CHA SNA TSOGS PAS BSNUN CING, SHA KHRAG RUS PA NANG KHROL DANG BCAS PA DMAR CHOM CHOM ZHAL DU GSOL TE TSAR BCAD PAR GYUR (PAR BSAM, MAR NAG DGANG BLUGS BDUN,) AOm DHARMA P'A LA MAH'A R'A DZ'A BADZRA BE GA WAN RU DRA: PANYTZA KU LA SARBA SHA TRUm M'A RA YA H'Um PHAt, (CES DRAG PO'I SNGAGS KYIS DBUL, DE NAS,) AOm A'A: HR'I: PRA WA RA SAD K'A RAm AARGHAm PRA T'I TZTSA H'Um SV'A H'A, AOm A'A: HR'I: PRA WA RA SAD K'A RAm PRO KshA nAm PRA T'I TZTSA H'Um SV'A H'A, AOm A'A: HR'I: PRA WA RA SAD K'A RAm AANYTZA M'A nAm PRA T'I TZTSA H'Um SV'A H'A, (ZHES MCHOD YON, BSANG GTOR, ZHAL BSIL GSUM 'BUL,) SRAB 'JAM YANG PA LHA YI GOS, ,
, ,ZHES SOGS DANG,) AOm BADZRA WA SA S+YA SV'AH'A, (ZHES PAS GOS GSAR PA ZUNG ME NANG DU DBUL ZHING, LHA LA NA BZA' PHUL BAR BSAM,) AOm BADZRA TAm BU LA YE SV'AH'A, (ZHES PAS SO RTZI DBUL, DE NAS,) AOm DHA RMA P'A LA SOGS W'A RA BUshPE PRA T'I TZTSA H'Um SV'AH'A, (DE BZHIN DU, PUsh'E'I GNAS SU,) DH'U PE, A'A LO KE, GANDHE NEE WI D+Y'A, SHAPTA (RNAMS SBYAR LA MCHOD,) AOm DHA RM'A P'A LA (ZHES PA NAS,) W'A RA AOm A'A: H'Um, (ZHES NANG MCHOD DBUL,) GANG ZHIG DRAN PA TZAM GYIS (ZHES SOGS SHO LO KA GCIG GIS BSTOD DA PHYAG BYAS NAS, GTOR MA 'BUL BAR 'DOD NA BYIN GYIS BRLABS LA,) BSTAN SRUNG RGYAL CHEN RDO RJE SHUGS LDAN 'KHOR DANG BCAS PA RNAMS KYI LJAGS (ZHES PA NAS, NANG MCHOD 'BUL BA'I BAR BSKANG CHOG LTAR PHUL LA, GTOR RDZONGS NI,) H'Um; 'JAM MGON RGYAL BA'I BSTAN SRUNG RDO RJE SHUGS LDAN RIGS LNGA DRAG PO RTZAL (ZHES PA NAS) AA MU KA M'A RA YA PHAt (KYI BAR BRJOD LA THAL MO BRDAB,) AOm A'A: HR'I: PHRA WA RA SAD K'A RAm AARGHAm PRA T'I TZTSA H'Um SV'AH'A, (ZHES GSHEGS SKYEMS KYI MCHOD YON DBUL, DE NAS STAG CHAD KYI NYES PA ZHI BAR BYA BA'I PHYIR DU ME TOG DANG BCAS PA'I THAL MO SNYING KHAR SBYAR NAS,) GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, , GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYOD KYIS BZOD MDZAD RIGS, ,AOm BADZRA SATVA A'A: (ZHES MANG DU BRJOD NAS, GSHIN RJE'I GSHED KYI YI GE BRGYA PA BZLA BAR BYA'O, ,DE'I RJES LA,) AOm; KHYED KYIS SEMS CAN DON KUN
MDZAD, ,RJES SU MTHUN PA'I DNGOS GRUB BSTZA BA, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,AOm A'A: BADZRA MU: YE SHES PA RNAMS RANG BZHIN GYI GNAS SU GSHEGS, ,DAM TSIG PA RNAMS BDAG NYID LA THIM PAR GYUR, (CES BRJOD CING BSAM, DE NAS SLAR YANG 'JIG RTEN PA'I ME LHA MCHOD PA NI,) AOm AAGNA YE (ZHES PA NAS,) BA HA N'A YA, PUshPE PRA T'I TZTSA H'Um SV'AH'A, (DE BZHIN DU,) DH'U PE, A'A LO KE, GANDHE, NEE WI DY'A, SHAPTA PRA T'I TZTSA H'Um SV'AH'A, (ZHES NYER SPYOD ROL MO DANG BCAS PAS MCHOD,) AOm AAGNA YE (ZHES PA NAS) HA BY'A KA BY'A BA HA N'A YA AOm A'A: H'Um, (ZHES NANG MCHOD 'BUL,) AOm A'A: HR'I: PRA WA RA SAD K'A RAm PROKshA nAm PRA T'I TZTSA H'Um SV'AH'A, (ZHES PAS BSANG GTOR, DE BZHIN DU,) A'A NYTZA M'A nAm, (ZHES PAS ZHAL BSIL,) AOm BADZRA TAm PU LA YE SV'AH'A, (ZHES PAS SO RTZI,) AOm BADZRA WA SA S+YA SV'AH'A, (ZHES PAS GOS ZUNG GSAR PA RNAMS PHUL NAS, SLAR YANG YAM SHING NAS BZUNG STE SREG RDZAS LHAG MA RNAMS RIM PAR 'BUL BA NI,) AOm AAGNA YE (ZHES PA NAS) BA HA N'A YA, KHAMS GSUM CHOS KYI RGYAL PO TZONG KHA PA CHEN PO'I (ZHES PA NAS,) M'A RA YA PHAt, (CES BTAGS LA KHYAD RDZAS KYI BAR 'BUL, DE NAS BRIL STABS DANG BCAS,) 'JIG RTEN DBANG PHYUG TSANGS DBANG MGON GYI SRAS, ,(ZHES SOGS KYIS BSTOD NAS,) AOm A'A: HR'I: PRA WA RA SAD K'A RAm A'A NYTZA M'A nAm PRA T'I TZTSA H'Um SV'AH'AS (ZHAL BSIL DE BZHIN DU) BRO KshA nAm GYIS BSANG GTOR PHUL NAS,) AOm AAGNA YE (ZHES PA NAS,) PUshPE PRA T'I TZTSA H'Um SV'AH'A, (DE BZHIN DU,) DH'U PE, A'A LO KE, GANDHE, NEEWI DY'A, SHAPTA PRA T'I TZTSA H'Um SV'AH'A, AOm AAGNA YE (NAS) BA HA N'A YA AOm A'A: H'Um, (ZHES NYER SPYOD ROL MO NANG MCHOD DANG
, ,BCAS PAS MCHOD, DE NAS GTOR MA 'JIGS BYED KYI NANG MCHOD LTAR BYIN GYIS BRLABS LA,) AOm AAGNA YE (ZHES PA NAS,) BA HA N'A YA, AA K'A RO MU KHAm SARBA DHA RMA nAm AA DYA NUTPNNA TVA TTA AOm A'A: H'Um PHAt SV'AH'A, (ZHES PA LAN GSUM GYIS GTOR MA PHUL,) AOm AAGNA YE (ZHES PA NAS,) BA H'A N'A YA PUshPE PRA T'I TZTSA H'Um SV'AH'A, (DE BZHIN DU,) DH'U PE, A'A LO KE, GANDHE, NEE WI DY'A, SHAPTA PRA T'I TZTSA H'Um SV'AH'A, (ZHES NYER SPYOD ROL MO RNAMS KYIS MCHOD, DE NAS DRIL STABS DANG BCAS,) ME STE BSREG BYA ZA BA'I LHA, ,DRANG SRONG RGYAL PO GDON GYI BDAG ,SHAR LHO ME LHA'I TSOGS BCAS LA, ,MCHOD CING BSTOD DE PHYAG KYANG 'TSAL, ,MCHOD SBYIN GTOR MA 'DI BSNOMS LA, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNGS, ,DNGOS GRUB KUN GYIS STONG GROGS MDZOD, ,DUS MIN 'CHI DANG NAD RNAMS DANG; ;GDON DANG BGEGS RNAMS ZHI BA DANG, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, ,'JIG RTEN BDE ZHING LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS THAMS CAD 'BYUNG BA DANG; ;YID LA 'DOD PA KUN 'GRUB SHOG ,AOm A'A: HR'I: PRA WA RA SAD K'A RAm AARGHAm PRA T'I TZTSA H'Um SV'AH'A, (ZHES GSHEGS SKYEMS 'BUL,) GANG YANG BDAG BLO RMONGS PA YIS, ,(ZHES PA NAS,) DE KUN KHYOD KYIS BZOD MDZAD RIGS, ,AOm BADZRA SATVA A'A: (GANG
MANG DANG,) RANG GI DON DANG GZHAN GYI DON, KA SGRUB BYED BSREG BYA ZA BA GSHEGS, ,JI BZHIN DUS SU TSUR SPYON ZHING, ,BDAG GI DNGOS GRUB THAMS CAD SGRUBS, ,AOm A'A: BADZRA MU: ME LHA YE SHES PA RANG BZHIN GYI GNAS SU GSHEGS, DAM TSIG PA ME 'BAR BA'I RNAM PAR GYUR, (ME MA SHI BAR DU DKRUG PA DANG 'GOM YUM SOGS MI BYA ZHING, LONG MED TSE DRI NAG PO'I CHUS GZHI LA TE WAL BA DGRA PHYOGS SU RLUNG LA BSKUR BAR BYA'O,) ,'DIR SMRAS PA, BLO BZANG RGYAL BA'I RING LUGS MKHA' KHYAB TU, ,SONG LA BSTAN SRUNG RDO RJE SHUGS LDAN RTZAL, ,'PHRIN LAS RNO MYUR ZLA MED GCIG PU ZHES, ,SA GSUM BDUD SDE'I GSHED DU RGYAL BAS BSNGAGS, ,SHUGS LDAN 'JIG DUS BYIN ZA 'BAR BA'I ZHAL, ,STONG GSUM RI RAB HUB KYIS 'DREN PA'I NANG, ,BSTAN DGRA DAM NYAMS SROG DBUGS KHAM ZAS SU, ,BSTAB PA'I DRAG PO'I SBYOR BA BDAG GIS BRTZAMS, ,'DI NI BLO BZANG RGYAL BA'I BSTAN PA NYID, ,SNYING DU BZUNG BA'I SKAL BZANG RNAL 'BYOR LAS, ,LTA SPYOD 'CHAL BAR ZHUGS PA'I SKYE BO DANG, ,RANG 'DOD RMONGS CAN RNAMS KYI SPYOD YUL MIN, ,TSUL 'DIR 'BAD PA'I DGE TSOGS NOR BU'I TOG ,SRID ZHI'I RGYAL MTSAN RTZE MOR BCINGS PA'I 'OD, ,SA GSUM BLAN 'BAR BA'I GZI BYIN GYIS, ,RNAM PAR RGYAL BA'I SNANG BA RTAG 'CHAR SHOG ,(CES 'JAM MGON RGYAL BA'I BSTAN SRUNG RDO RJE SHUGS LDAN DRAG PO RTZAL LA BRTEN NAS BSAD PA GTZO BOR GYUR PA'I DRAG PO'I SBYIN SREG GI CHO GA GLOG GI ME LCE'I PHRENG BA ZHES BYA BA 'DI NI, SNYIGS MA'I DUS 'DIR 'JAM MGON RGYAL BSTAN SRUNG BA LA SRUNG MA'I DBANG PO 'DI NYID DUS BAB 'PHRIN LAS KYI RTAGS MTSAN RNO MYUR 'GRAN ZLA DANG BRAL BAR BRTEN, 'DI LA BRTEN NAS DRAG PO'I SBYIN SREG GI CHO GA ZHIG KYANG BSTAN DANG BSTAN 'DZIN
, ,SRUNG BA'I YAN LAG TU NGES PAR MKHO GAL CHE BAR MTHONG ZHING, DER MA ZAD BKA' DRIN GSUM LDAN GYI RTZA BA'I BLA MA KHYAB BDAG RDO RJE 'CHANG PHA BONG KHA PA DPAL BZANG PO'I DGONGS PA YONGS SU BSKANG BA'I SLAD DU 'DI 'DRA ZHIG CHOG SGRIG BGYID 'DUN YOD THOG ,MDO SMAD BSTAN PA'I SNANG BYED TRE HOR DKAR MDZES 'KHRUNGS GSAR MCHOG SPRUL RIN PO CHE DANG, SHO MDO GRA SGOM RIN PO CHE RNAM GNYIS NAS 'PHRIN YIG GI LAM NAS SNGA PHYIR BSKUL MA YANG YANG MDZAD PA'I KHAR, MDO SMAD SPOM RAG THANG STENG DGA' LDAN KHANG GSAR RDO RJE RNAM RGYAL SOGS DON GNYER CAN SNA TSOGS NAS KYANG RIM PAR BSKUL BA LA BRTEN, RING MO NYID NAS BSTAN SRUNG 'DI NYID KYIS RJES SU BSKYANGS SHING, SKYABS GCIG RDO RJE 'CHANG BDE CHEN SNYING PO DPAL BZANG PO'I ZHAL SNGA NAS 'DI NYID KYI DBANG LUNG MAN NGAG DANG BCAS PA LEGS PAR NOS PA, MTSAN ZHABS DAR HAN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSOR 'BOD PAS, GZHUNG DANG DAM PA'I MAN NGAG BZHIN RAB BYUNG BCU DRUG PA'I SHING BYA HOR ZLA BCU GNYIS PA'I TSES NYER DGU MNGON SPYOD KYI LAS LA DGE BA'I NYIN MJUG RDZOGS PAR SBYAR BA'I YI GE PA NI CHOS TSUL DU MA LA BLO MIG YANGS SHING, BLA MA RDO RJE 'CHANG DE NYID KYIS MNYES SHING RJES SU BZUNG BA'I 'DAN MA DRUNG YIG BLO BZANG RDO RJES BGYIS PA 'DI YANG 'JAM MGON RING LUGS BSRUNG BA'I THABS SU 'JIG RTEN NA NYI ZLA LTAR GYUR CIG ,