'Divine Play to Please an Ocean of Angels who Have Pledged Their Help,’ being an Amazing Account of the Three Secrets of the Mighty Diamond Angel of Power (Vajravega), Supreme Angel who Protects the Teachings of the Virtuous Way

#, ,DGE LDAN BSTAN PA BSRUNG BA'I LHA MCHOG SPRUL PA'I CHOS RGYAL CHEN PO RDO RJE SHUGS LDAN RTZAL GYI GSANG GSUM RMAD DU BYUNG BA'I RTOGS PA BRJOD PA'I GTAM DU BYA BA DAM CAN RGYA MTSO DGYES PA'I ROL MO ZHES BYA BA BZHUGS SO,, ,,

, ,BLA MA DANG 'JAM DPAL DRAG PO DBYER MI PHYED PA LA GUS PAS PHYAG 'TSAL LO, ,DBYINGS RIG GNYIS MED LHAN SKYES BDE BA'I RTZAL, ,KUN KHYAB SGYU MA CHEN POR GA-YO BA'I 'PHRUL, ,SKAL BZANG SNYING LA GRUB PA'I DNGOS PO KUN, ,YID DGAR 'JO BA'I RNAM 'DREN LAN BRGYAR BSNGAGS, ,MTHA' DAG RGYAL BA'I YE SHES 'OD LNGA'I KLONG, ,THIG LER BZLUMS PA SMRA BA'I NYIN BYED KYI, ,BKOD PA SGYU 'PHRUL DRA BA'I RTZE DGA' 'BUM, ,PHYOGS MTHAR 'DZUM PA'I BYIN BRGYA BDAG LA PHOBS, ,DMAR NAG DUS KYI ME RLUNG 'KHRUGS PA'I KLONG, ,STANGS ZIL LHUN PO BSKYOD PA'I KHRO GTUM GAR, ,NYI BU'I GSHED DU CHE BA'I BHEE RA WAS, ,GRUB GNYIS BDUD RTZI'I ZEGS MAS BDAG LA SKYONGS, ,'JIGS CHEN 'JIGS PA BSKYED PA'I DRAG PO'I LAS, ,GTUM DRAG GTUM PO'I GZUGS KYIS MYUR BSGRUB PAS, ,BSTAN DANG BSTAN 'DZIN SKYONG BA'I RDO RJE'I SHUGS, ,

, ,MA RUNGS MA LUS SNYING LA MTSON DU BKYE, ,TSANGS PA'I BU MO'I SNYAN TSIG ZLOS GAR DU, ,RNAM DPYOD SOR RTZES BSGYUR BA'I RTOGS BRJOD GLU, ,BEEd'URA RGYUD DU 'JEBS PA'I LEGS BSHAD 'DI, ,MKHAS KUN MGRON DU 'GUGS PA'I GTAM DU SPEL, ,DE LA 'DIR RGYAL KUN YE SHES KYI NYI MA 'JAM DPAL DRAG POR ROL PA'I SGYU 'PHRUL, DRAN PA TZAM GYIS LAS BZHI'I DNGOS GRUB MTHA' DAG MOD LA 'DOD DGUR 'JO BA, 'KHRUL BRAL ZHVA SER COD PAN 'DZIN PA'I RING LUGS SRUNG ZHING SKYONG BA'I BYA RA MKHAN, DAM CAN BSTAN BSRUNG BYE BA'I KHROD NA 'PHRIN LAS GLOG LTAR MYUR BA, SRID GSUM SKYE 'GRO YONGS KYI SROG BDAG MTHU DANG STOBS KYIS CHE BA'I LHA MCHOG SPRUL PA'I RGYAL CHEN RDO RJE SHUGS LDAN RTZAL GYI RTOGS PA BRJOD PA'I SGO NAS GSANG BA GSUM LA BSTOD PA'I TSIGS SU BCAD PA DPAG MED BSKAL SNGON MAR GRAGS PA, DVAGS PO

SKAL BZANG MKHAS GRUB RIN PO CHE NAS MDZAD PA LA, KHYAB BDAG HE RU KA:'I NGO BO RDO RJE 'CHANG PHA BONG KHA BDE CHEN SNYING POS TSIG GI SDEB SBYOR CUNG ZAD BSNON 'PHRI DANG BCAS GO BDE BAR MDZAD PA 'DI NYID KYI 'GREL PA LO RGYUS DANG BCAS PA 'CHAD PA LA, DE YANG, SPYIR SGRUB PA PO'I PHYI NANG GI BAR CHAD SEL BA'I CHOS SKYONG SRUNG MA LA'ANG 'JIG RTEN LAS 'DAS PA'I YE SHES PA DANG, 'JIG RTEN PA GNYIS YOD CING, DE SO SO LA'ANG PHO RGYUD DANG, MO RGYUD KYI DBYE BA GNYIS RE YOD, 'JIG RTEN PA LA YANG NGO BO YE SHES PA YIN YANG RNAM PA 'JIG RTEN DREGS PA'I TSUL BZUNG BA DANG, 'JIG RTEN RANG GA BA CI RIGS PA ZHIG YOD PA LAS, 'JIG RTEN LAS 'DAS PA'I CHOS SKYONG NGAM YI SHES PA'I SRUNG MA NI, 'PHAGS PA SPYAN RAS GZIGS KYI NGO BO MYUR MDZAD YE SHES KYI MGON PO PHYAG DRUG PA, DPAL 'KHOR LO BDE MCHOG YUM BZHI DANG BCAS PA'I NGO BO DPAL MGON ZHAL BZHI PA YAB YUM LNGA DANG, DPAL LDAN DGYES PA'I RDO RJE'I NGO BO GUR GYI MGON PO, LHA MO DBYANGS CAN MA KHROS PA'I RNAM PAR BSTAN PA DPAL LDAN DMAG ZOR MA SOGS DANG, 'JIG RTEN PA'I SRUNG MA LA'ANG NGO BO 'JAM DPAL GSHIN RJE GSHED DANG DBYER MED KYANG RNAM PA 'JIG RTEN DREGS PA'I TSUL BZUNG BA BSTAN BSRUNG CHEN PO RGYAL CHEN RDO RJE'I SHUGS LDAN RTZAL 'DI NYID DANG, BDE LDAN ZHING GI MGON PO SNANG BA MTHA' YAS KYI NGO BO CHOS SKYONG CHEN PO BSE'I KHRAB CAN, NGO BO RGYAL BA RIGS LNGA YIN

, ,YANG RNAM PA 'JIG RTEN PAR BSTAN PA RGYAL PO SKU LNGA, RNAM PAR SNANG MDZAD KYI NGO BO 'JIG RTEN PA'I TSUL BZUNG BA DAM CAN RDO RJE LEGS PA SOGS DANG, 'JIG RTEN RANG RGYUD PA NI 'O DE GUNG RGYAL DANG YAR LHA SHAM PO LTA BU SNGON BYON SKYES BU DAM PA DU MAS DAM LA BZHAG NAS BSTAN PA BSRUNG BAR KHAS BLANGS PA'I DREGS PA MTHU RTZAL CAN SHIN TU MANG BA YOD, NGO BO 'JIG RTEN LAS 'DAS KYANG 'JIG RTEN DREGS PA'I RNAM PAR SHAR BA RNAMS NI; JI SKAD DU, RGYUD BLA MA'I DKON MCHOG GI RIGS RNAM PAR DBYE BA BYANG CHUB KYI SKABS LAS KYANG, JI LTAR TSON NI SNA TSOGS KYIS, ,NOR BU DE DNGOS MIN SNANG LTAR, ,DE BZHIN 'GRO RKYEN SNA TSOGS PAS, ,KHYAB BDAG DE DNGOS MIN PA SNANG, ,ZHES GSUNGS PA LTAR, YID BZHIN GYI NOR BU DE KHA DOG SNA TSOGS SU MA GRUB KYANG, TSON MI 'DRA BA DU MAS KHA DOG SNA TSOGS SU BSGYUR NAS, NOR BU RANG NYID KYI KHA DOG DE NYID MIN PAR SNANG BA DE BZHIN DU, 'GRO BA RNAMS RIGS DANG MOS PA DANG BSAM PA SNA TSOGS PA'I RKYEN GYIS NYES PA KUN ZAD SANGS RGYAS KYI GSANG BA GSUM PO DE YANG DE NYID MIN PAR SNANG BA 'BYUNG BAR GSUNGS PA LTAR, RGYUD MA DAG PA'I GNAS SKABS SU NYON MONGS PA'I RANG MDANGS LAS 'JIG RTEN DREGS PA RANG GA PA'I RNAM PA DANG, DAG PA'I GNAS SKABS SU YE SHES KYI SRUNG MA DANG, SHIN TU RNAM DAG GI SKABS SU GNYIS MED ZUNG 'JUG GI RNAM ROL TU 'CHAR BA YIN GYI, RANG NGOS NAS TSUGS THUB BDEN PAR GRUB

PA'I CHOS SRUNG 'JIG RTEN PA DANG 'JIG RTEN LAS 'DAS PA NI NAM DU YANG GRUB PA MED, DER MA ZAD DA LTA RANG RE LA GNOD BYED DGRA 'DRE'I RNAM PA CAN DU 'CHAR BA 'DI DAG KYANG, LAM SGOM PA'I GANG ZAG GI DBANG DU BYED NA THUN MONG BA SKYES BU CHEN PO'I SKABS SU SHIN TU GCES PA'I BU GCIG PA LTA BU'I SNANG BA DANG, THUN MONG MA YIN PA RIM PA DANG PO'I SKABS SU SGOM STOBS KYIS LHA DANG LHA MO'I RANG BZHIN DU 'CHAR ZHING, RDZOGS RIM GYI YE SHES KHYAD PAR CAN RGYUD LA SKYES PA NA YE SHES KYI SKU DANG ZHING KHAMS MKHA' KHYAB KYI 'KHOR LOR 'CHAR LA, RIM GYIS BDE BA CHEN PO MCHOG GI DNGOS GRUB BRNYES PA NA 'OG MIN GYI LONGS SPYOD CHEN PO 'BA' ZHIG LA ROL PAS DGRA SNANG DANG 'DRER 'DZIN GYI RTOG PA'I DRA BA CHOD PAR 'GYUR BA YIN TE, DPER NA, MTHONG THOS TZAM YANG MI 'DOD PA'I DGRA BO YANG 'BRAL MI PHOD PA'I GNYEN GYI SNANG BAR 'GYUR BA BZHIN THAMS CAD RANG GI SEMS KHO NA'I RNAM 'PHRUL YIN PA NI, RJE BTZUN MID LAS KYANG, NANG 'GYU PA SEMS KYI RNAM RTOG 'DI, ,MA RTOGS DUS NA MA RIG PA, ,LAS NYON MONGS KUN GYI GZHI RTZA YIN, , RTOGS NA RANG RIG YE SHES TE, ,DKAR PO'I YON TAN RGYAS PAR 'GYUR, ,ZHES GSUNGS PA LTAR RO, ,DE LTAR BSTAN BSRUNG SPRUL PA'I RGYAL CHEN RDO RJE SHUGS LDAN 'DI NYID KYANG 'JAM DPAL MTSAN BRJOD LAS, GZUGS RNAMS THAMS CAD SNANG BA'I DPAL, ,GZUGS BRNYAN MA LUS 'CHANG BA PO, ,ZHES GSUNGS PA LTAR, RANG RE'I SEMS DAG MA DAG GI DBANG GIS 'DAS MA 'DAS KYI RNAM ROL CI YANG 'CHAR BA SRID MOD KYANG, DNGOS GNAS LA PHUNG KHAMS SKYE MCHED RNAM PAR DAG PA'I SNANG CHA GNYIS MED YE SHES KYI 'KHOR

, ,LO RJE BTZUN 'JAM DPAL DBYANGS DREGS LDAN MTHU RTZAL CAN GYI RNAM PAR BSTAN PA YIN NO, ,DE LTA BU'I GNAD GANG YANG MA RTOGS PAR PHYOGS LHUNG GI GDON GYIS BRLAMS PA 'GA' ZHIG GIS, LHA MCHOG SPRUL PA'I CHOS SKYONG CHEN PO 'DI NYID LA BAN BON SHI STE LAS NGAN PA'I DBANG GIS DMAN PA'I LUS BZUNG BA'I RGYAL BA TZAN PHAL PA DAG DANG KHYAD MED DU BLTA ZHING SMRA LA, RANG NYID KYIS BSRUNG MAR BSTEN PA LTA CI GZHAN STEN PAR BYED PA DAG LA'ANG 'PHYA BA DANG, ZER RJES 'BRANG BA'I SKYE BO GTOL MED PA KHA CIG KYANG DE'I RJES SU 'BRANGS PA YOD MOD KYANG DE DAG NI 'OL TSOD KYIS CA CO SGROG PA KHO NAR ZAD DE, BSTAN SRUNG CHEN PO 'DI NYID 'BRAS SPUNGS GZIM KHANG GONG GI MCHOG SPRUL RIN PO CHE GRAGS PA RGYAL MTSAN DRAG PO'I RNAM PAR BZHENGS PA NI YONGS SU GRAGS SHING GRUB PA LTAR 'KHRUL PA MED LA, SPRUL SKU GRAGS PA RGYAL MTSAN NI 'OG NAS 'CHAD PAR 'GYUR BA LTAR GRUB CHEN BIR WA PA, KHA CHE PAn CHEN SH'AKYA SHRI, BU STON THAMS CAD MKHYEN PA, 'DUL 'DZIN GRAGS PA RGYAL MTSAN, PAn CHEN BSOD NAMS GRAGS PA SOGS KYI SKYE MTHAR TSAD LDAN GYI LUNG DANG RIGS PAS GRUB, BDAG NYID CHEN PO DE DAG NI NGES DON LA SNGAR NAS SANGS RGYAS ZIN CING, THUN MONG BA'I SNANG NGOR YANG GRUB PA'I GO 'PHANG MTHON POR GSHEGS PA'I SKYES BU DAM PA SHA STAG YIN PAS, DE RNAMS GNAS NGAN PA YI DVAGS SU SKYES ZHES SKUR BA 'DEBS NUS PA 'DI LAS MA TSANG CHE BA CI ZHIG YOD, DES NA SNYING RJE DANG SMON LAM GYI DBANG GIS DGOS PA KHYAD PAR CAN GYI SLAD DU DRAG PO'I SKU'I RNAM PAR BSTAN PA TZAM NI SKYES BU DAM PA DE RNAMS LA MTHA' MA BKAG LA, DE'ANG SANGS RGYAS KYI

GSANG BA BSAM MI KHYAB KYI SGYU 'PHRUL DU SHES DGOS PA YIN GYI SO SKYE PHAL PA GZHAN LTAR 'PHEN BYED MI DGE BA'I LAS NGAN PA'I SHUGS KYIS MKHA' LA RGYU BA'I YI DVAGS SU SKYE BA NI MI SRID DO, ,DE LTAR SKYE BAR SMRA BA NI, LAS 'BRAS LA'ANG SKUR BA 'DEBS PA YIN TE, DAM PA DE RNAMS NI NGES PA'I DON DU SANGS RGYAS YIN PA MA ZAD GDUL BYA THUN MONG BA'I SNANG NGOR YANG GZHON NU'I DUS NAS TSUL KHRIMS MIG GI 'BRAS BU BZHIN DU BSRUNG PA LA BSTEN NAS GRUB PA'I GO 'PHANG MTHON POR GSHEGS PA YIN PAS, RGYU TSUL KHRIMS RNAM PAR DAG KYANG 'BRAS BU NGAN 'GROR SKYE NA LAS BYAS PA CHUD ZOS SHING, LAS MA BYAS PA DANG 'PHRAD PAR YANG 'GYUR LA, SBYIN PAS LONGS SPYOD KHRIMS KYI BDE, ,ZHES PA'I LUNG DE RANG GI BSTAN DON LA MI BSLU BA MA YIN PAR SMRA DGOS PA SOGS KYIS RGYAL BA'I BSTAN PA LAS RGYAB KYIS PHYOGS PA'ANG YIN NO, ,DER MA ZAD DAM PA DE RNAMS NGES PA'I DON LA SNGON BSKAL PA GRANGS MED PA ZHIG GI SNGON ROL NAS SANGS RGYAS ZIN PA NI DAM PA DE RNAMS KYI RNAM THAR RNAMS LA BRTAG NA GSAL BAS, SANGS RGYAS SU ZIN KYANG RGYAL BTZAN PHAL PA YI DVAGS SU SKYE NA NA RDZOGS PA'I BYANG CHUB KYI GO 'PHANG LAS NYAMS PA'AM, YANG NA SANGS RGYAS DANG YI DVAGS KYI GZHI MTHUN 'JOG PA'AM, YANG NA DAM PA DE RNAMS KYI RNAM THAR LA SNYING PO MED PAR SMRA DGOS PA STE SNGON MED PA'I LOG RTOG GI PHUNG PO ZHIG GO ,YANG KHA CIG ,BDAG NYID CHEN PO DE DAG NI SANGS RGYAS ZIN PA DE LTAR YIN PAS 'JIG RTEN DREGS PA'I RNAM PAR 'GYUR BA TZAM YANG MI SRID DO SNYAM NA, DE DAG LAS DANG NYON MONGS PA'I DBANG GIS 'JIG

, ,RTEN DREGS PA DE LTA BU'I LUS BZUNG BA MI SRID PA NI BDEN YANG, SNYING RJE DANG SMON LAM GYI DBANG GIS DGOS PA KHYAD PAR CAN GYI CHED DU DE LTA BU'I RNAM PAR ROL PA NI, NGES PAR YOD DE, DKON MCHOG SGRON ME'I GZUNGS LAS, RIG SNGAGS TSUL MKHAS SGYU MA'I MKHAN PO NI, ,SNA TSOGS GZUGS MANG MTHA' YAS STON PAR BYED, ,NYIN MTSAN YUD DANG ZLA BA LO BRGYA DANG, ,KHYIM BZANG RGYAS PA SHIN TU MDZES PA STON, ,'DOD CHAGS SDANG LDAN SGYU MA'I MKHAN PO YANG, ,SGYU MA'I 'PHRUL GYIS 'JIG RTEN MGU BYED NA, ,BSAM GTAN MNGON SHES RNAM THAR RAB BSLABS PA, ,SPYOD TSUL MKHAS RNAMS CI PHYIR MGU MI BYED, ,LHA DANG LHA MIN DBANG PO 'THAB PA'I TSE, ,RGYAL LDAN LHA YIS LHA MIN PHAM BYED NAS, ,DE DAG 'JIGS PAS GDUGS BCAS GZHON BCAS SHING, ,THOG BCAS DMAG BCAS GO GYON BZHIN DU 'BYER, ,'DOD CHAGS SDANG LDAN LHA DBANG DE DAG KYANG, ,LUS KYI RNAM 'PHRUL BSAM YAS STON BYED NA, ,DBANG PHYUG RDZU 'PHRUL DBANG GNAS DPA' BO RNAMS, ,LUS KYI RNAM 'PHRUL CI PHYIR STON MI BYED, ,CES GSUNGS PA LTAR DON GNYIS MTHAR PHYIN PA'I DE BZHIN GSHEGS PA RNAMS BSAM GYIS MI KHYAB PA'I SPRUL BSGYUR SNA TSOGS PA'I ROL PA DU MA'I SGO NAS GDUL BYA GDUL BA'I THABS LA MKHAS PAS NYES PA'I SKYON MED BZHIN DU SKYON CAN LTA BUR STON PA DANG, DE'ANG 'DOD CHAGS CAN 'DUL BA'I PHYIR DU 'DOD CHAGS CAN DANG, ZHE SDANG CAN 'DUL BA'I PHYIR DU ZHE SDANG CAN DANG, GTI MUG CAN 'DUL BA'I PHYIR DU GTI MUG CAN DU SPRUL PA MA ZAD, BYA DANG RI DVAGS, BDUD DANG SRIN PO, ZHA BO LONG BA TSUN CHAD KYI RNAM PAR YANG BSTAN PA

NI; YAB SRAS MJAL BA'I MDO LAS, BRGYA SBYIN TSANGS PA'I CHA BYAD DANG, ,LA LAR BDUD KYI CHA BYAD KYIS, ,SEMS CAN RNAMS KYI DON MDZAD DE, ,'JIG RTEN RNAMS KYIS RTOGS MI NUS, ,BUD MED CHA BYAD SPPYOD PA MDZAD, ,DUD 'GRO'I SKYE GNAS NA YANG GDA', ,'DOD CHAGS MI MNGA' CHAGS PA'I TSUL, ,'JIG PA MI MNGA' 'JIG PA LTAR, ,RMONGS MED RMONGS PA'I TSUL BSTAN TE, ,SMYOS PA MA LAGS SMYOS PA'I TSUL, ,ZHA BA MA LAGS ZHA BA LTAR, ,RNAM PAR 'PHRUL PA SNA TSOGS KYIS, ,SEMS CAN RNAMS NI 'DUL BAR MDZAD, ,CES GSUNGS PA LTAR RO, ,BYE BRAG CHOS SKYONG CHEN PO 'DI'I SPRUL GZHI RGYAL BA THAMS CAD KYI MKHYEN RAB MTHA' DAG GCIG TU BSDUS PA'I NGO BO RJE BTZUN 'JAM DPAL DBYANGS NYID KYANG, JI SKAD DU DON DAM PA'I MTSAN YANG DAG PAR BRJOD PA LAS KYANG, BLO LDAN SGEG 'CHANG DPAL DANG LDAN, ,BRTAN PO MI SDUG GZUGS 'CHANG BA, ,LAG PA BRGYA PO KUN BSKYOD CING, ,GOMS PA'I STABS KYIS GAR BYED PA, ,DPAL LDAN LAG PA BRGYAS GANG LA, ,NAM MKHA' KHYAB PA GAR BYED PA, ,ZHES SOGS GSUNGS PA LTAR NGES PA'I DON DU RJE BTZUN 'JAM DPAL DBYANGS NYID KYANG SANGS RGYAS YIN PAS SEMS CAN RANG RANG GI MOS PA DANG SKAL BA DANG 'TSAMS PAR ZHI BAS 'DUL BA RNAMS LA LHA'I GZUGS YID DU 'ONG ZHING BLTA NA SDUG PA, LANG TSO DAR LA BABS PA'I RNAM PAR ROL PA LHA'I BU BLO GROS RIN CHEN LTA BU DANG, DE MTHONG BA'I SKAL BA MED PA'I SNOD LDAN 'GA' ZHIG LA MI'I GZUGS SU SPRUL PAS SA SKLYA PAntI TA LTA BU DANG, YANG ZHI BAS 'DUL MI NUS PA'I GDUGS PA CAN RNAMS 'DUL BA'I PHYIR DU MI SDUG PA'I GZUGS CAN GNOD SBYIN DANG, SRIN PO SOGS KYI GZUGS 'CHANG NAS 'JIGS

, ,SU RUNG BA'I MTSON CHA GDENGS SHING SRID GSUM SKAD CIG LA ZA BA'I RNGAM STABS KYIS 'JIG RTEN NA CHE BAR RLOM PA'I DREGS LDAN MTHA' DAG DBANG DU BSDUS TE 'DUL BAR MDZAD CING, DE LA'ANG YI DAM DANG CHOS SKYONG GNYIS, CHOS SKYONG LA'ANG YE SHES PA DANG, 'JIG RTEN PA'I RNAM PA GNYIS YOD PA LAS, YI DAM NI DGRA GDONG 'JIGS GSUM LTA BU DANG, CHOS SKYONG YE SHES PA NI DAM CAN CHOS KYI RGYAL PO DANG, 'JIG RTEN PA'I RNAM PA NI CHOS SKYONG CHEN PO RDO RJE SHUGS LDAN RTZAL 'DI NYID YIN PAS GANG 'DUL SGYU MA'I ROL PA SNA TSOGS SU STON PA'I SANGS RGYAS KYI MDZAD PA LA BRNYAS PAR MI RIGS SO, ,RMONGS PA 'GA' ZHIG GIS, 'DAS MA 'DAS KYI CHOS SRUNG GZHAN MANG DU YOD PAS DREGS PA MTHU RTZAL CAN 'DI LTA BU'I RNAM ROL DU BSTAN PA LA DGOS PA MA GRUB BO SNYAM NA, DE'ANG MI RIGS TE, DE LTA NA BLA MA DANG YI DAM LHAG LHA CHOS SKYONG RNAMS KYANG RE RES CHOG PAR 'GYUR BAS GZHAN RNAMS DGOS MED DU SMRA DGOS PA STE MTSANG CHE'O, ,DGOS PA MED PA'ANG MIN TE, 'KHRUL BRAL TSANG LA MA NOR BA'I RI BO DGE LDAN PA'I BSTAN PA DUS KYI MTHAR YANG BSRUNG ZHING PHYOGS MTHAR SPEL BA'I MDZAD PA RMAD DU BYUNG BA 'DI LTA BU ZHIG NI DAM CHOS SKYONG BA'I BSRUNG MA GZHAN DAG LA MI SNANG BAS SO, ,DA NI SKABS SU BABS PA'I BSTOD TSIG GI DON BKRAL BA LA 'JUG PAR BYA STE, ` ,DPAG MED BSKAL SNGON BDE GSHEGS SAR GSHEGS KYANG, ,BSTAN 'GROR PHAN PHYIR GANG 'DUL RNAM ROL BRGYAS, ,BDUN LHAG BCU PHRAG ZUNG GI 'PHRIN LAS CAN, ,KHYAB BDAG RDO RJE SHUGS LDAN RTZAL LA BSTOD, ,CES PA STE,

'DI'I DON NI, SNGON BSKAL PA CHEN PO DPAG TU MED PA'I SNGON ROL NAS, BDE BAR GSHEGS PA SANGS RGYAS KYI GO 'PHANG BRNYES ZIN KYANG, BSTAN PA RGYAS PA DANG SKYE 'GRO'I BDE SKYID 'PHEL BA'I SLAD DU, GDUL BYA GANG LA GANG 'DUL GYI SPRUL PA ZHI KHRO CHAGS BRJID SOGS RNAM 'GYUR MA NGES PA BRGYA PHRAG DU MA BSTAN PAR MDZAD PA'I BSTAN BSRUNG CHEN PO 'DI NI 'PHRIN LAS NYI SHU RTZA BDUN GYI SGO NAS GDUL BYA'I DON MDZAD PAS NGO BO RDO RJE'I RIGS LA SOGS PA RIGS KUN LA KHYAB PA'I BDAG PO DRUG PA RDO RJE 'CHANG YIN YANG, RNAM PA MTHU LDAN RDO RJE SHUGS LDAN RTZAL ZHES 'JIG RTEN DREGS PA'I RNAM PAR ROL BA DE LA BDAG GIS BSTOD DO, ,ZHES PA'O, ,DE LA TSIG RKANG DANG POS RANG DON PHUN TSOGS, GNYIS PAS GZHAN DON PHUN TSOGS, GSUM PAS 'PHRIN LAS PHUN TSOGS TE PHUN SUM TSOGS PA GSUM BSTAN CING, DE BSTAN TSUL YANG RANG DON PHUN TSOGS LA SPANGS RTOGS KYI BDE GSHEGS GNYIS YOD PA LAS, TSAD MA KUN LAS BTUS PA'I MCHOD BRJOD KYI LUGS 'BYUNG GI SKABS SU SPANGS PA BDE GSHEGS DANG, LUGS LDOG GI SKABS SU RTOGS PA BDE GSHEGS BSTAN, DE RE RE LA'ANG KHYAD PAR GSUM RE YOD TSUL SOGS, DPAL CHOS KYI GRAGS PAS, RNAM 'GREL GYI TSAD MA GRUB PA'I LE'UR GTAN LA PHAB PA LTAR, 'DIR YANG TSIG RKANG DANG POS DE 'DRA BA'I BDE GSHEGS KYI SAR GSHEGS PAR BSTAN PAS RANG DON SPANGS RTOGS GNYIS KA DNGOS SU BSTAN PA YIN, GDUL BYA'I RGYUD KYI MNGON MTHO DANG NGES LEGS NI GZHAN DON YIN LA, DE GANG LAS 'GRUB PA'I GZUGS SKU LONGS SPRUL GNYIS SOGS LA

, ,GZHAN DON PHUN TSOGS ZHES BRJOD PAS DE NI 'DIR TSIG RKANG GNYIS PAR GANG 'DUL GYI GZUGS SKU DU MAR STON PAR GSUNGS PAS BSTAN, 'PHRIN LAS PHUN TSOGS LA SPYIR NA SANGS RGYAS KYI YON TAN RE LA 'PHRIN LAS RE YOD CING, GZUNGS KYI DBANG PHYUG RGYAL POS ZHUS PA'I MDO LAS KYANG, RIGS KYI BU DE LA DE BZHIN GSHEGS PA'I LAS GANG ZHE NA, DE BZHIN GSHEGS PA'I LAS NI SUM CU RTZA GNYIS PO 'DI DAG GO ,ZHES STOBS BCU'I 'PHRIN LAS BCU, MI 'JIGS PA BZHI'I 'PHRIN LAS BZHI, SANGS RGYAS KYI CHOS MA 'DRES PA BCO BRGYAD KYI 'PHRIN LAS BCO BRGYAD DE SUM CU SO GNYIS SU DBYE BA SOGS DBYE SGO MANG YANG, 'DIR NI, MNGON RTOGS RGYAN GYI SKABS BRGYAD PAR, RNAM PA NYI SHU BDUN DU 'DOD, ,CES PA LTAR, DANG PO ZHI BA'I LAS THAR PA DON GNYER LA 'GOD PA NAS, NYER BDUN PA LAM GYI 'BRAS BU MYANG 'DAS LA 'GOD PA'I BAR BDUN GYIS LHAG PA'I BCU PHRAG GNYIS KYI MDZAD PA CHU ZLA DANG MIG 'PHRUL BZHIN CIR YANG STON PA'I NGO MTSAR LHUN GRUB RGYUN MI CHAD PA DANG LDAN PA'I 'PHRIN LAS PHUN TSOGS DE 'DIR TSIG RKANG GSUM PAS BSTAN PA'O, ,BSTAN BSRUNG CHEN PO 'DI NYID BSKAL PA DPAG TU MED PA'I SNGA ROL NAS SPANGS RTOGS KYI YON TAN KHYAD PAR CAN DANG LDAN PA'I RDZOGS PA'I SANGS RGYAS KYI GO 'PHANG MCHOG LA GSHEGS ZIN PA'I TSUL NI, RJE PHA BONG KHA BA'I GSUNG SGER BSKANG RGYAS 'BRING RNAMS KYIS MTSON PA'I YONGS GRAGS RNAMS SU, 'JAM DPAL DPA' BO 'JIGS BYED DREGS PA'I ZOL, ,ZHES GSUNGS PA SOGS RJE BTZUN 'JAM DPAL DBYANGS KYI SPRUL PAR GSUNGS SHING, MKHAS GRUB CHEN PO DGA' LDAN GSER

SKONG RDO RJE 'CHANG GI GSUNG SHUGS LDAN GYI BSKANG GSOR, RGYUD KUN BDAG PO GSANG BDAG GOS SNGON CAN, ,MA RUNG 'DUL PHYIR DREGS PA'I SKUR BSTAN PA, ,MTHU STOBS RDO RJE SHUGS LDAN RTZAL 'CHANG BA'I, ,DGA' LDAN BSTAN BSRUNG MCHOG ,CES GSUNGS TE, GSANG BDAG PHYAG NA RDO RJE'I RNAM 'PHRUL DU GSUNGS PA SOGS TSIG ZIN LA CUNG MI MTHUN PA LTA BUR YOD KYANG, DON GYI DBANG DU BYAS NA KHYAD PAR MED DE, SPYIR RIGS GSUM GYI MGON PO'ANG RGYAL BA RNAMS KYI MKHYEN BRTZE NUS PA'I RANG GZUGS LHAR SHAR BA TZAM YIN ZHING, SANGS RGYAS RE RE'I RGYUD LA'ANG MKHYEN BRTZE NUS PA'I YON TAN YONGS SU RDZOGS PA YIN PAS, MKHYEN BRTZE NUS GSUM LA RGYUD RE RE BAR GZHAG TU MED NA, DE GSUM LHA SKUR SHAR BA GSUM PO DE RGYUD THA DAD DU JI LTAR 'GYUR, DE'I DBANG GIS BSTAN SRUNG 'DI NYID NGO BO RGYAL BA KUN GYI MKHYEN PA'I RANG GZUGS YIN PA'I CHA NAS 'JAM DBYANGS DANG, MTHU DANG STOBS CHE BA'I BDAG NYID YIN PA'I CHA NAS GSANG BDAG GI SPRUL PAR BZHAG RUNG NGO, ,'DI'I SPRUL GZHI GSANG BDAG PHYAG NA RDO RJE DANG 'JAM DBYANGS NI SNGON GYI THUGS BSKYED LTAR DRANG DON DU RGYAL SRAS BYANG CHUB SEMS DPA'I RNAM PAR BSTAN KYANG NGES PA'I DON LA, PHYAG NA RDO RJE NI RDO RJE 'CHANG DANG GNYIS SU MED DE, 'JAM DPAL MTSAN BRJOD KYI RGYUD ZHU BA PO PHYAG RDOR YIN PAR BSTAN PA'I SKABS SU'ANG, DE NAS DPAL LDAN RDO RJE 'CHANG, ,GDUL DKA' 'DUL BA RNAMS KYI MCHOG ,DPA' BO 'JIG RTEN GSUM LAS RGYAL, ,RDO RJE DBANG PHYUG GSANG BA'I RGYAL, ,ZHES GSUNGS SHING, RGYUD GZHAN LAS KYANG, 'CHAD PA PO NGA CHOS KYANG NGA, ,RANG GI TSOGS LDAN NYAN PO NGA, ,

, ,ZHES RGYUD GSUNG BA PO RDO RJE 'CHANG DANG, SDUD PA PO PHYAG RDOR RGYUD GCIG PAR GSUNGS PA LTAR DANG, RJE BTZUN 'JAM DPAL DBYANGS KYANG BSKAL PA DU MA'I SNGON NAS DE BZHIN GSHEGS PA KLU RIGS SGRON ME ZHES PA'I NGO BOR SANGS RGYAS ZIN PAR MDO LAS GSUNGS SHING, 'PHAGS PA 'JAM DPAL NYID KYIS KYANG RAB 'BYOR LA, KHO BO NI YANG DAG PAR RDZOGS PA'I SANGS RGYAS YIN TE BYA BA'I RGYUN BCAD PA NI MA YIN NO, ,ZHES GSUNGS PA DANG, DER MA ZAD, 'JAM DPAL ZHING BKOD KYI MDO LAS KYANG, 'DI NI DE BZHIN GSHEGS PA'I STOBS BCU YONGS SU RDZOGS SO, ,'DI NI DE BZHIN GSHEGS PA'I SA BCU YONGS SU RDZOGS SO, ,'DI SANGS RGYAS KYI SA YONGS SU RDZOGS SO, ,ZHES DANG, YANG MDO DE NYID LAS, 'PHAGS PA 'JAM DPAL SNGAR NAS SANGS RGYAS SU ZIN KYANG SLAR YANG RDUL MED YANG DAG BSAGS ZHES PA'I ZHING DU RGYAL BA KUN GZIGS KYI NGO BOR SANGS RGYAS BA'I TSUL BSTAN PAR GSUNGS PA SOGS MDOR NA, RJE TZONG KHA PA CHEN POS 'JAM DBYANGS BSTOD SPRIN RGYA MTSOR, DE PHYIR RTZA BA NYAMS PA'I LJON SHING BZHIN, ,MA LUS 'DZIN PA'I SA BON DRUNG PHYUNG BAS, ,SKYOB PA KHYOD LA NAM MKHA' JI SRID DU, ,CHOS KYI SKU LA GA-YO BA GA LA ZHIG ,CES GSUNGS PA LTAR SGOM LAM RDO RJE LTA BU'I TING NGE 'DZIN GYIS NYON MONGS BAG CHAGS DANG BCAS PA BCOM NAS BYANG CHUB CHEN PO'I GO 'PHANG MNGON DU MDZAD DE SKU LNGA'I BDAG NYID CAN GYI MNGON PAR BYANG CHUB ZIN PA NI MTSAN YANG DAG PAR BRJOD PA LAS, MCHOG GI DANG PO SKU GSUM 'CHANG, ,SANGS RGYAS SKU LNGA'I BDAG NYID CAN, ,KHYAB BDAG YE SHES SNGA YI BDAG ,

CES SKU GSUM DANG, SKU LNGA, YE SHES LNGA RNAMS MNGA' BAR GSUNGS PA LTAR RO, ,RGYU MTSAN DES NA, RJE BTZUN 'JAM DPAL DBYANGS NI DRANG DON RGYAL SRAS BYANG CHUB SEMS DPA'I RNAM PAR BSTAN KYANG, NGES DON LA SKU GSUM BRNYES PA'I SANGS RGYAS NYID YIN PAR GRUB CING, DE BZHIN DU DE DAG GIS SPRUL PA'I BSTAN BSRUNG 'DI NYID KYANG DRANG DON LA DREGS PA MTHU RTZAL CAN 'JIG RTEN PA'I RNAM PAR BSTAN KYANG, NGES DON LA 'JIG RTEN LAS 'DAS PA'I MTHAR THUG PA ZUNG 'JUG RDO RJE 'CHANG GI NGO BOR TSAD MA'I LAM NAS GRUB BO, , ` 'JAM DBYANGS BIR WA SA PAn BU STON RJE, ,'DUL 'DZIN GRAGS RGYAN PAn CHEN BSOD GRAGS SOGS, ,RGYA BOD SKU PHRENG MKHAS GRUB MTHA' YAS PA'I, ,RNAM ROL MDZAD BZANG CIR YANG STON LA BSTOD, ,CES PA STE, 'DI'I DON NI, BSTAN BSRUNG CHEN PO 'DI NYID SNGON YUN RING MO ZHIG NAS RDZOGS SMIN SBYANGS GSUM MTHAR PHYIN TE LONGS SPYOD RDZOGS SKU'I NGO BOR SANGS RGYAS SU ZIN KYANG, ZHI DBYINGS SU CI DGAR MI GZHOL BAR THUGS BRTZE CHEN SNYING RJE CHEN PO'I GZHAN DBANG GIS GANGG'A'I RDUL DANG MNYAM PA'I 'JIG RTEN GYI KHAMS SU MCHOG GI SPRUL SKU BYE BA KHRAG KHRIG DU MA 'GYED CING, DE BZHIN DU MCHOG DMAN PAR MA SEMS YOD SEMS MED SOGS KYI RNAM PA SNA TSOGS PAR BSTAN PA MA ZAD, 'DZAM BU'I GLING 'DIR YANG RNAM 'DREN BZHI PA SH'AKYA SENGGE'I BSTAN PA 'DI LA, RJE BTZUN 'JAM DPAL DBYANGS DANG, GRUB CHEN BIR WA PA, SA SKYA PAndI TA KUN DGA' RGYAL MTSAN, BU STON RIN CHEN GRUB, 'DUL 'DZIN GRAGS PA RGYAL MTSAN, PAn CHEN BSOD NAMS GRAGS PA RNAMS DANG, SOGS SGRAS BSDUS PA PAn CHEN BSOD GRAGS KYI SKU PHRENG RJES MA BSOD NAMS YE

, ,SHAS DBANG PO, BSOD NAMS DGE LEGS DPAL BZANG, SPRUL SKU GRAGS PA RGYAL MTSAN RNAMS KYIS MTSON PA'I RGYA GAR 'PHAGS PA'I YUL DANG, BOD BSIL LDAN GYI LJONGS KUN DU MKHAS PA DANG GRUB PA'I SKU'I PHRENG BA ZAM MA CHAD PAR RIM DANG CIG CHAR GYI BKOD PA MTHA' YAS PA'I RNAM PAR ROL TE, BSTAN PA'I RGYAN DU CHE BA'I BSHAD SGRUB KYI MDZAD PA CIR YANG STON PA DE LA BSTOD DO ZHES PA'O, ,SPYIR 'DI NYID KYI 'KHRUNGS RABS LA GRANGS 'DREN TSUL SNA TSOGS SHIG BYUNG 'DUG STE, 'BRAS SPUNGS TSOGS CHEN DBU MDZAD BKRA SHIS RGYA MTSOS RGYAL BA LNGA PA CHEN PO DGUNG LO NYER GSUM PA'I SKABS SPRUL SKU GRAGS PA RGYAL MTSAN GYI 'KHRUNGS RABS KHA CHE PAn CHEN DANG, BU STON SOGS 'KHOD PA'I GSOL 'DEBS SHIG BKA' RTZOM ZHUS PAR, PHYAG MDZOD ZHAL NGO BSOD NAMS CHOS 'PHEL ZHES PA RJES SOR SDE SRID MDZAD PA'I MTSAN BSOD NAMS RAB BRTAN DU GRAGS PA DES, BU STON RIN PO CHE NI PAn CHEN BSOD GRAGS KYIS MDZAD PA'I BSTAN BCOS SHIG GI MDZAD BYANG LA 'KHRUL BA YIN ZHES PAn CHEN BLO BZANG CHOS RGYAN RIN PO CHE DANG, GLING SMAD ZHABS DRUNG (KHRI CHEN DKON MCHOG CHOS 'PHEL) GI PHEBS SGOR BYUNG BAS, BU STON SOGS KYI GSOL 'DEBS MI 'GAB CES ZHUS PA'I DBYEN DKRUGS KYI SBYOR BA'I STABS KYIS PAn CHEN BSOD GRAGS SOGS YONGS GRAGS KYI GSOL 'DEBS TZAM LAS BKA' RTZOM MA BYUNG BAS, BSKUL BA PO MA 'DOD DE SHOG DRIL LA DBYUGS BSKOR BYED PA'ANG BYUNG TSUL LNGA PA'I RNAM MTHAR DU KU LAR GSAL MOD, PAn CHEN BLO BZANG CHOS RGYAN GYI PHEBS

SGOR DE LTAR MED PA NI, PAn CHEN DE NYID KYI GSUNG 'BUM GTZANG BKRAS LHUN DPAR MA'I POD CA} PA AE WAm DU GRAGS PA'I NANG GSAL SPRUL SKU GRAGS PA RGYAL MTSAN GYI 'KHRUNGS RABS GSOL 'DEBS SU, MA GHA DHA BZANG MO, CHOS KYI BYANG CHUB, KHA CHE PAn CHEN SH'AKYA SHRI, KUN MKHYEN CHOS SKU 'OD ZER, BU STON RIN CHEN GRUB, KUN DGA' BLO GROS, PAn CHEN BSOD NAMS GRAGS PA, BSOD NAMS YE SHES DBANG PO, BSOD NAMS DGE LEGS DPAL BZANG, GRAGS PA RGYAL MTSAN BCAS RIM PAR BYUNG BA 'DIS ZHAL NGO BSOD NAMS RAB BRTAN GZIM KHANG GONG GI SPRUL SKU GRAGS RGYAN LA GTING NAS MA MNYES PA'I PHYOGS LHUNG GI GTAM YIN PA'I SKYON MTSANG GSAL POR BRDOL 'DUG CING, GONG GSAL 'KHRUL GZHIR BSNYAD PA'I MDZAD BYANG NI, BKA' GDAMS CHOS 'BYUNG YID KYI MDZES RGYAN GYI MDZAD BYANG DU, SH'AKYA'I BSTAN LA LO RGYUS SMRA BA'I MGON, ,BU STON KHA CHE ZHA LU NAS GSHEGS PA, ,GANGS CAN DBUS KYI LO RGYUS MKHAN GCIG PU, ,BSOD NAMS GRAGS PA'I DPAL DU GYUR PAS SBYAR, ,ZHES PA 'DI YIN 'DUG PAS 'DIR ZHIB PAR BRTAGS TSE BU STON GYI RNAM 'PHRUL DU ZHAL GYIS BZHES PAR SNANG NGO, ,PAn CHEN BSOD NAMS GRAGS PA'I 'KHRUNGS RABS GSOL 'DEBS YONGS 'DZIN GLING RIN PO CHE SKU GONG MA BLO BZANG LUNG RTOGS BSTAN 'DZIN 'PHRIN LAS KYIS MDZAD PAR, GZHAN RNAMS PAn CHEN CHOS RGYAN GYI GSUNG DANG 'DRA BA LA, MA GHA DHA BZANG MO, CHOS KYI BYANG CHUB, KUN DGA' BLO GROS GSUM MI 'BYUNG ZHING, SANGS RGYAS MTHA' YAS 'OD KYI DRUNG DU DED DPON MKHAS PAR GYUR PA DANG GCIG ,RGYAL PO BSOD

, ,NAMS ME TOG GI SRAS BRTZON 'GRUS MTHA' YAS DANG GNYIS, BSKAL BZANG GI SANGS RGYAS BDUN PA RAB GSAL DU 'GYUR BAR MKHA' 'GRO'I LUNG BSTAN BRNYES PA ZHIG DANG GSUM, SLOB DPON SENGGE BZANG PO DANG BZHI, RDO RJE GDAN GYI BYANG CHUB CHEN PO'I DRUNG DU SHING GI LO MA PHUL NAS THUGS BSKYED PA'I BRAM ZE'I KHYE'U DANG LNGA, MKHAS MCHOG DBYIG GNYEN DANG DRUG ,JO BO'I SLOB MA AA KAR MA TI DANG BDUN, SE RVAR STONG NYID RTOGS PA'I MKHAS PA ZHIG DANG BRGYAD BSNON PAR MDZAD, 'DI NI BU STON YAN KLONG RDOL BLA MA'I GSUNG RGYA BOD DU BYUNG BA'I BSTAN 'DZIN GYI SKYES BU'I MING GI RNAM GRANGS SU YOD PA'I BU STON RIN PO CHE'I 'KHRUNGS RABS GRANGS 'DREN DANG PHAL CHER MTHUN ZHING, KHRO GNYER CAN GYI NGAG GI MCHOG RTZOL ZHING, ,SMRA BA'I NYI MAR MTSAN GSOL DRUG PA YIN, ZHES DANG, LHA YI BSOD NAMS SLOB MA BRGYAD PA YIN, ,RI MO'I LHA MOS BSNYEN BKUR DGU PA YIN, ,KLU DBANG BSOD SNYOMS PHUL BA BCU PA YIN, ,MAR ME MDZAD DPAL GYUR BA BCU GCIG PA, ,ZHES PA'I SKU PHRENG LNGA KLONG RDOL MING GI RNAM GRANGS SU YOD KYANG, BSOD GRAGS KYI 'KHRUNGS GSOL DU MI GSAL BA SOGS NI 'KHRUNGS RABS KYI GRANGS 'DREN DBYE BSDU'I KHYAD PAR TZAM LAS 'GAL BAR MI BZUNG NGO, ,YANG 'GA' ZHIG ,GONG GSAL 'KHRUNGS GSOL GNYIS KYI NANG DU 'DUL 'DZIN GRANGS PA RGYAL MTSAN MI GSAL BAS GANG YIN SNYAM NAS, 'DUL 'DZIN GRAGS RGYAN SLOB DPON YON TAN 'OD KYI RNAM 'PHRUL YIN PAR PAn CHEN CHOS RGYAN GYI GSUNG GRAS MKHAS GRUB CHEN PO GSUM GYI RTOGS BRJOD DU GSAL ZHING, PAn CHEN BSOD GRAGS SLOB DPON YON

TAN 'OD KYI RNAM 'PHRUL DU BSOD GRAGS RANG NYID KYIS ZHAL BZHES PA LAGS PAS SOM NYI'I 'CHING BA MI DGOS SO, ,DE YANG BDAG NYID CHEN PO RNAMS NI RANG DON SPANGS RTOGS KYI YON TAN MTHAR SON PA'I BLA MED YE SHES KYI GO 'PHANG BRNYES PA'I RJES SU GZHAN DON DU BSAM BZHIN GDUL BYA'I SNANG NGOR SKU DANG GSUNG GI BKOD PA SNA TSOGS PA SO SOR SNANG BA TZAM MA GTOGS DNGOS PO'I GNAS TSOD LA CHOS SKU BDE BA CHEN PO'I KLONG DU THA DAD DU BYAR MED PAS NA, SPRUL PA THAMS CAD SPRUL GZHI SANGS RGYAS GCIG GI RNAM ROL DU 'CHAD PA LAS 'DI DANG 'DI NI 'DI KHO NA'I RNAM SPRUL YIN GYI, DE LAS GZHAN PA'I RNAM SPRUL MA YIN NO ZHES MTHA' GCIG 'DZIN GYI GU DOG BYA MI DGOS KYANG, GZHUNG LUGS KYI DON LA DPYAD PA MA ZHUGS PA'AM, ZHUGS KYANG BLO GROS KYI NOR CHEN PO DANG MI LDAN PA 'GA' ZHIG GIS GONG DU BGRANG BA'I 'KHRUNGS RABS 'DI DAG ,DAM PA GZHAN GYI 'KHRUNGS RABS DU MA ZHIG NA GSAL BA DANG, RES 'GA' NI DUS THOG MNYAM POR BYUNG 'DUG PAS 'DI DAG JI LTAR 'THAD SNYAM PA DAG KYANG SRID MOD, 'DI DAG LA SKYON MED PA'I RGYU MTSAN NI, MDO SDE RGYAN LAS, JI LTAR NYI MA'I DKYIL 'KHOR GYI, ,'OD ZER DPAG TU MED 'DRES SHING, ,RTAG TU BYA BA GCIG LA 'JUG ,'JIG RTEN LA'ANG SNANG BAR BYED, ,DE BZHIN ZAG MED DBYINGS NA YANG, ,SANGS RGYAS DPAG TU 'DRES SHING, , MDZAD PA GCIG NI MDZAD PA LA, YE SHES SNANG BAR MDZAD PA 'DOD, ,CES NYI MA'I 'OD ZER MANG PO RNAMS 'DRES NAS PADMA RGYAS PA SOGS BYA BA GCIG LA 'JUG PA BZHIN DU, SANGS RGYAS RNAMS KYI SKU GSUNG THUGS GSANG BA BSAM MI KHYAB PA'

, ,MDZAD PA RNAMS GCIG TU 'DRES NAS GDUL BYA SMIN GROL GYI BYA BA GCIG LA 'JUG PAR GSUNGS PA DANG, YANG DE NYID LAS, KLUNG DAG SA YI 'OG TU MA SONG BAR, ,GNAS RNAMS THA DAD CHU YANG THA DAD LA, ,CHU YANG CHUNG ZHING BYA BA THA DAD BYED, ,CHUR GNAS SROG CHAGS PHRA MO'I NYER SPYAD GYUR, ,RGYA MTSOR SONG BAR GYUR NA THAMS CAD KYANG, ,GNAS RNAMS GCIG CING CHU YANG CHE LA GCIG ,BYA BA GCIG CING CHU LA GNAS PA YI, ,SROG CHAGS MANG PO'I RTAG TU NYER SPYAD GYUR, ,SANGS RGYAS NYID DU MA ZHUGS BRTAN PA RNAMS, ,RTEN YANG THA DAD BLO GROS THA DAD CING, ,RTOGS CHUNG RANG GI BYA BA THA DAD LA, ,SEMS CAN NYUNG DON RTAG TU NYER SPYAD 'GYUR, ,SANGS RGYAS NYID DU ZHUGS NA DE DAG KUN, ,RTEN YANG GCIG CING RTOGS PA CHE LA GCIG ,MDZAD PA GCIG TU 'DRES SHING RTAG PAR YANG, ,SEMS CAN TSOGS CHE'I NYE BAR LONGS SPYOD 'GYUR, ,ZHES DPER NA, CHU KLUNG DAG SA'I 'OG TU MA SONG BAR DU GNAS RNAMS RDZING DANG YUR BA SOGS THA DAD CING, CHU RNAMS KYANG MA 'DRES PAR THA DAD DU GNAS SHING CHUNG LA BYA BA THA DAD DU BYED CING, SROG CHAGS PHRA MO NYUNG SHAS TZAM GYI NYE BAR SPYAD BYAR 'GYUR LA, GAL TE SA'I 'OG BA TSVA'I RGYA MTSOR SONG BAR GYUR NA THAMS CAD KYANG GNAS GCIG CING CHU YANG CHE LA, RO YANG BA TSVA CAN DU GCIG PA DANG, BYA BA GCIG CING SROG CHAGS MANG PO'I RTAG TU NYE BAR SPYAD BYAR 'GYUR BA DE BZHIN DU, RDZOGS PA'I BYANG CHUB NYID DU MA ZHUGS PA'AM MA THOB PA'I BRTAN PA'I BYANG SEMS RNAMS RTEN YANG NGAR 'DZIN GYIS SO SOR PHYE BA'I THA DAD, DBANG PO RNO RTUL SOGS THA DAD, RTOGS PA CHUNG ZHING RANG GI BYA BA THA DAD PAS

SEMS CAN NYUNG NGU'I DON SPYOD LA, DE DAG SANGS RGYAS NYID DU ZHUGS NA RTEN MI RTOG PA'I YE SHES GCIG CING, RTOGS PA SHIN TU CHE LA, BLO RNO RTUL GYI DBYE BA MED PAR GCIG PA DANG, MDZAD PA 'PHRIN LAS 'DRES PAS GCIG CING, RTAG PAR SEMS CAN GYI TSOGS CHEN PO'I DON SPYOD PAR GSUNGS PA SOGS, MDOR NA SANGS RGYAS RNAMS GDUL BYA'I SNANG NGOR THA DAD PAR STON PA TZAM LAS, DON LA CHOS SKU ZAG PA MED PA'I DBYINGS SU RO GCIG PAR THUN MONG DANG THUN MONG MA YIN PA'I THEG PA GANG GI DBANG DU BYAS KYANG MTHUN PAR GSUNGS SHING, SPRUL GZHI GCIG NYID KYIS GDUL BYA SO SO'I SNANG NGOR BKOD PA MI 'DRA BA DU MAR STON PA NI SANGS RGYAS SU MA ZAD, RAB DGA'I SA LA GNAS PA'I BYANG CHUB SEMS DPA' RNAMS LA YANG RJES THOB TU SKAD CIG MA GCIG LA SANGS RGYAS BRGYA MTHONG BA DANG, DE DAG GIS BYIN GYIS BRLABS PAR SHES PA DANG, BSKAL PA BRGYAR GNAS NUS PA DANG, DE'I SNGA PHYI'I MTHA' MKHYEN PA DANG, SKAD CIG MAR TING NGE 'DZIN MI 'DRA BA BRGYA PHRAG LA SNYOMS PAR 'JUG CING LDANG BA DANG, 'JIG RTEN GYI KHAMS BRGYA GA-YO BA DANG, BRGYA SNANG BAR NUS PA DANG RDZU 'PHRUL GYIS SEMS CAN BRGYA PHRAG SKAD CIG LA SMIN PA DANG, SANGS RGYAS KYI ZHING BRGYA PHRAG TU 'GRO BA DANG, CHOS KYI SGO BRGYA SKAD CIG LA STON PA DANG, RANG GI LUS LAS LUS BRGYA SKAD CIG LA STON PA DANG, LUS RE RE YANG 'KHOR BYANG SEMS BRGYA PHRAG DANG BCAS PAR STON PA STE YON TAN BRGYA PHRAG SDE TSAN BCU GNYIS THOB PAS SKAD CIG RE RE LA YANG SPRUL PA MI 'DRA BA BRGYA PHRAG STON PAR NUS NA SKYON KUN ZAD YON TAN KUN RDZOGS PA'I BDAG NYID CHEN PO RNAMS LTA CI SMROS, GZHAN YANG SKU'I RNAM ROL GCIG NYID DAM PA MANG PO'I SKYE

, ,'PHRENG DU BYUNG BA LA 'GAL BA MED DE, RGYAL DBANG CHOS RJES MDZAD PA'I RJE'I RNAM THAR CHEN MO LAS KYANG, DES NA DAM PA'I SKYES BU 'GA' ZHIG SKYES CHEN GZHAN GYI 'KHRUNGS RABS SU 'BYUNG BA LA 'GAL BA CI ZHIG MCHIS TE, DAM PA DE DAG GIS SPRUL PA RE RE KHO NA LAS STON MI NUS PA MA YIN PA'I PHYIR TE, DPER NA BOD GANGS CAN 'DI 'PHAGS PA SPYAN RAS GZIGS KYI 'DUL ZHING YIN PA'I DBANG GIS SNGON DANG DA LTAR GYI SKYES CHEN MANG PO ZHIG GI SPRUL GZHIR 'PHAGS PA SPYAN RAS GZIGS NYID 'BYUNG BA DANG, 'KHRUNGS RABS SKU PHRENG 'GA' ZHIG KYANG GCIG PAR 'BYUNG BA MTHONG DANG THOS BZHIN PA YIN NA GANG RUNG ZHIG MIN ZHES SU ZHIG GIS SMRA BAR NUS, TSUL 'DI LTAR DU DPYOD SHES NA RMONGS RTAGS DANG PHYOGS 'DZIN GYIS KUN NAS BSLANGS PA'I BLO NGAN GU DOG GI 'CHING BA LAS GROL TE DAM PA RNAMS LA DAG SNANG PHYOGS MED DU SKYE BAR 'GYUR RO, ,ZHES GSUNGS PA LTAR RO, ,DE LTAR BDAG NYID CHEN PO 'DI'I 'KHRUNGS RABS KYI RNAM GRANGS CHES MANG BAR BZHUGS KYANG, DE DAG GI RNAM PAR THAR PA MTHA' DAG PA NI 'DIR 'GOD PAR MI LANGS SHING, 'DIR SKABS SU BABS PA'I BSTOD PA 'DI NYID KYI TSIG ZIN LA JI LTAR GSAL BA'I RIM PA LTAR RNAM THAR RAGS RIM TZAM BKOD PA LA, RJE BTZUN 'JAM DPAL DBYANGS KYI RNAM PAR THAR PA MDOR BSDUS SHIG GONG DU SMROS ZIN CING, THUN MONG DANG THUN MONG MA YIN PA'I RNAM PAR THAR PA ZHIB PA NI MDO DANG RGYUD SDE RNAMS SU LAN MANG DU GSUNGS PA LAS SHES PAR BYA'O, ` ,RNAL 'BYOR GYI DBANG PHYUG GRUB CHEN BIR WA PA NI, RDO RJE GDAN GYI SHAR PHYOGS BI

shA NA SMAN GYI DBANG PO ZHES PA'I GRONG KHYER DU RGYAL PO GSER GYI 'KHOR LO ZHES PA'I SRAS SU SKU BLTAMS, MTSAN MKHAN GYIS MTHU STOBS KYI SGO NAS NANG PA'I BSTAN PA GSAL BAR LUNG BSTAN, SO MA P'U RIR MKHAN PO DUL BA'I LHA LAS RAB TU BYUNG, RIG PA'I GNAS LNGA LA SBYANGS, N'A LENDRAR MKHAN PO CHOS KYI BSHES GNYEN LAS BSNYEN PAR RDZOGS SHING THEG PA CHE CHUNG GI CHOS MTHA' KLAS PA DANG KHYAD PAR DU DPAL 'KHOR LO SDOM PA GSAN, GNAS BRTAN DPAL LDAN CHOS SKYONG ZHES GRAGS TE SHRI N'A LENDRA'I MKHAN POR GYUR, NYIN MO SDE SNOD GSUM LA 'CHAD RTZOD RTZOM GSUM DANG, MTSAN MO DPAL 'KHOR LO BDE MCHOG GI RNAL 'BYOR LA RTZE GCIG TU GZHOL BAR MDZAD DE DGUNG LO BDUN CU TZAM DU PHEBS KYANG RTAGS BZANG BA TZAM YANG MED PA'I KHAR SHO ZA DANG SRIN POS 'TSE BA SOGS MI SDUG PA'I MTSAN MA MANG DU BYUNG, DE NI DON LA SBYOR LAM PHAL CHER BGROD NAS LTE BA'I 'OG GI KshA YIG LA SOGS PAR RLUNG 'DUS TE, MTHONG LAM THOB PAR NYE BA'I LTAS YIN PA MA MKHYEN PAR KHO BO GSANG SNGAGS DANG LAS 'BREL MED PAR 'DUG DGONGS NAS BZLAS PHRENG CHAB KHANG DU BSGYUR TE GZIMS PA NA THO RENGS MNAL LAM DU BDAG MED MA BUD MED SNGON MO THA MAL PA'I GZUGS KYIS, RIGS KYI BU KHYOD DE LTAR MA BYED PAR SNGAR BZHIN SGRUB PA BYOS SHIG ,DNGOS GRUB MYUR DU THOB BO, ,KHYOD DANG LAS KYIS 'BREL BA'I LHA NI NGA YIN NO, ,ZHES LUNG BSTAN BYUNG BA LTAR PHYI NUB PHRENG BA BLANGS TE DRI ZHIM POS BSGOS NAS BZLAS BRJOD MDZAD PAS BDAG MED MA LHA MO BCO LNGA'I DKYIL 'KHOR DNGOS SU BYON TE DBANG BSKUR BAS, SA DANG PO RAB TU DGA' BA'AM MTHONG

, ,LAM RNAM PAR MI RTOG PA'I YE SHES RGYUD LA 'KHRUNGS, DE NAS ZHAG RE LAS RE THOB NAS ZHAG DRUG SONG BA'I TSE SA DRUG PA MNGON DU GYUR, LAM GYI BOGS 'BYIN SHA CHAD BSTEN PA DANG, TSOGS 'KHOR SKABS BDAG MED MA'I LHA TSOGS DNGOS SU BYON PA N'A LENDRA'I DGE 'DUN 'GAS THA MAL PA'I BUD MED DU MTHONG STE LKOG TU SKUR BA 'DEBS PA SOGS MA DAD PA BZLOG PA DANG, BSTAN PA LA MI GNOD PA'I CHED DU NGA NI NGAN PA'O ZHES BIR WA PAR ZHAL GYIS BZHES PAS DE PHYIN BIR WA PAR GRAGS, RAB BYUNG GI RTAGS BOR NAS GCER BUR PHYUNG STE RDO RJE'I GLU LEN ZHING WA RA nA SIR BYON, CHU BO GANGG'A'I 'GRAM DU NGA NGAN PA YIN PAS KHYOD MI GTZANG BAR 'GYUR NGES NA CHU KHYOD KYIS LAM THONGS GSUNGS TE CHU BO GANGG'A GYEN DU CHAD PA'I BAR DU BYON, N'A LENDRA'I DGE 'DUN RNAMS KYIS GRUB THOB TU SHES TE SNGAR RNGA KHA GNYIS PA BRDUNGS NAS GNAS DBYUNG BYAS PA BZOD PAR GSOL, WA RA nA SI'I NAGS KHROD DU BZHUGS PA'I TSE RGYAL PO GHO NANTA TZA KRA ZHES PA PHYI ROL PAR DAD PA ZHIG GIS PHO BRANG DU GDAN DRANGS PA NA NANG PA'I RNAL 'BYOR PAR SHES NAS YAN LAG RNAMS LCAGS KYIS BCINGS TE CHUR BSKYUR BA DANG SA 'OG TU SBA BA SOGS BYAS KYANG GNOD PAR MA NUS PAS RGYAL POS MTSON PA'I YUL 'KHOR BA THAMS CAD GSANG SNGAGS RDO RJE THEG PA'I BSTAN PAR BKOD, LHO PHYOGS SU BYON PA'I LAM DU CHU BO ZHIG LA MNYAN PAS GRU GLA MED NA MI GTONG ZHES BKAG PA LA BRTEN NAS CHU BO BZLOG PA DANG PHYIR 'BAB PA'I RDZU 'PHRUL MDZAD, MNYAN PA'ANG SLOB DPON GYI RJES SU 'BRANGS PAS dOM BHI HE RU KAR GRAGS, DE NAS CHANG 'TSONG MANGHA GA NI SA TA ZHES PA'I SAR YUL KHAMS BCO BRGYAD KYI CHANG GSOL, CHANG RIN

MED PAR BRTEN NYI MA RTOD LA MNAN PA NA, RGYAL POS GSOL BA BTAB PA LTAR NYI MA BTANG BAS ZHAG GSUM GYI MTSAN PHYED TZAM SONG BA SOGS KYI GRUB RTAGS BSTAN, RDO RJE GDAN PA'I BSTOD PAR, CHU BO CHEN PO GYEN DU BZLOG ,CHANG LA NYI MA GTE MAR BCUG ,BIR WA PA ZHES BYA BA YI, ,BLA MA DE LA PHYAG 'TSAL LO, ,ZHES BSNGAGS, RIM BZHIN LHO PHYOGS BHI MI SA RA'I RGYAL PO N'A THA BA TAS RANG GI MCHOD GNAS RAL PA CAN LNGA BRGYA'I SLOB DPON DU BSKOS, RA DANG MA HE KHRI KHRAG BSAD PA'I KHRAG MCHOD BYED PA'I DBANG PHYUG GI RTEN LA SLOB DPON 'DIS PHYAG MDZAD PA NA RTEN DE TSAL PA BZHIR GAS PAS RGYAL PO 'KHOR BCAS SKRAG PAR GYUR, SLAR BSDUS NAS SPYI BOR THUGS RJE CHEN PO'I RDO SKU BZHAG ,RAL PA CAN GCIG SNGON GYI LAS SAD NAS RJES SU 'BRANGS PA SHAR PHYOGS NAG PO PAR GRAGS, DE NAS TAm BRA PRA TI MA'I RGYAL PO JI LA GI ZHES BYA BAS ZANGS DMAR LAS BSKRUN PA'I LHA DBANG PHYUG GI SKU ZHAL GSUM PHYAG DRUG PA KHRU BRGYAD CU YOD PA ZHIG ZHABS KYIS RDOG THOS BSNUN TE GNAS KHANG NAS BSKRAD PA KHA PUB TU 'GYEL BA NA MU STEGS PA RNAMS KYIS GSOL BA BTAB PAS 'BRAS CAN TZAM GYIS MCHOD PA'I DAM BCA' 'DZIN DU BCUG STE GYEN DU BSLANG BA SOGS MU STEGS GRANGS MED BTUL, SAH'A DZA DE WI ZHES PA LHA MO TZAndI KA'I RDO SKU RANG BYON ZHIG GNAS SAR MI BYUNG TSAD RANG BYUNG GI TRI SHU LAS BSAD PA'I RO LA TSOGS 'KHOR BYED PA ZHIG YOD PAR THAL MO BRDABS BAS TRI SHU LA PHYE MAR BRLAG ,TZAndI KA'I SPYI BO NAS THAL MO BSNUN PAS MGO BO MGRIN PAR BYINGS, SLAR RNA BA GNYIS NAS STENG DU 'THEN PAS RNA 'JUS LHA MOR

, ,GRAGS, DER SROG GI MCHOD SBYIN BYED PA BZLOG STE MU STEGS KYI RNAL 'BYOR MA RNAMS NANG PA'I BSTAN PA LA BKOD, DE W'I KO tI'I RI SUL GYI THUGS RJE CHEN PO'I RDO SKU'I DRUNG DU PHEBS MU STEGS BTUL BA'I RTOGS PA PHUL BAS, THUGS RJE CHEN POS KHYOD KYI NUS PAS RI RAB BRLAG PAR NUS KYANG SEMS CAN GYI LAS ZAD PA MED CING, MU STEGS RNAMS KYANG SEMS CAN YIN PAS SNYING RJE SKYED CIG ,CES GSUNGS PAR SO BA N'A THAR DBANG PHYUG GI RTEN LA NYIN RE SROG CHAGS STONG PHRAG GI MCHOD SBYIN BYED PA DE 'DUL BAR GNANG BA ZHUS PAS, 'O NA RTEN MA BSHIGS PAR ZHI BAS THUL CIG GSUNGS PA LTAR 'DUL DU BYON PAS, DES SROG GI SNYING PO PHUL TE BKA' BZHIN SGRUB PAR DAM BCAS, SO BA N'A THA'I MU STEGS PA RNAMS KYANG ZHI BAS BTUL NAS DER NANG PA'I SDE BTZUGS, RANG GI SLOB MA SLOB DPON NAG PO PA DE SHAR PHYOGS KYI MU STEGS PA'I RGYAL PO GDUG PA CAN 'DUL BA DANG, d'A MA RU PA RJES SU 'DZIN PA DANG, AO RGYAN NAS RDO RJE'I TSIG RKANG GI RGYAB RTEN DU GYUR PA'I LUNG SKOR SDE LNGA SPYAN 'DREN PA'I DON GSUM LA BA RDZANGS, SLOB DPON NYID THUGS RJE CHEN PO'I BKA' BZHIN RE ZHIG BRTUL ZHUGS KYI SPYOD PA'I 'PHRO BSHOL NAS RDO SKUR THIM YANG ZER, LA LAS SKU DNGOS RDO'I RNAM PAR SONG BAR GLENG ZHING, GRUB THOB KYI NANG NAS 'KHOR LOS BSGYUR BA'I RGYAL PO CHEN PO DANG MTSUNGS PA YIN NO, ` ,SA SKYA PAndI TA KUN DGA' RGYAL MTSAN NI, DPAL CHEN 'OD PO DANG, YUM KHRA PHU MA NYI KHRI LCAM GNYIS KYI SRAS SU RAB BYUNG GSUM PA'I DGE BYED CES PA CHU PHO STAG GI LOR KHRA ZLA BA'I NYI SHU DRUG LA

BLTAMS, DPAL LDAN DON GRUB TU MTSAN GSOL, BTZAS MA THAG TU SAm SKRi TA'I SKAD GSUNGS, RGYA BOD LA SOGS PA'I YIG RIS MANG PO MA BSLAB PAR THUGS SU CHUD, DGUNG GRANGS BCO LNGA YAN LA RJE BTZUN GRAGS PA RGYAL MTSAN GYI DRUNG DUS SKYA GONG MA'I GSUNG BCUD MDO SNGAGS KYI ZAB GNAD YONGS SU RDZOGS PA GSAN, BCU DGU PA LA MTSAN MO 'OD GSAL GYI NGANG DU MKHAS MCHOG DBYIG GNYEN LAS CHOS MNGON PA MDZOD DANG, KHA CHE PAn CHEN LAS CHOS ZAB MO RDO RJE'I GLU LA SOGS PA LEGS PAR NOD DE MNAL SAD PA NA TSIG DON MA LUS PA THUGS SU CHUD PA BYUNG, YANG DUS GZHAN ZHIG GI MNAL LAM DU RGYA GAR SHAR PHYOGS SU SLOB DPON PHYOGS KYI GLANG PO'I GDAN SENGGE'I KHRI LA 'KHOD DE, GLEGS BAM GZHAL DU MED PA'I LDE MIG BZUNG BA BYUNG, 'PHRANG DU ZHU DON RDO RJE SKYABS KYI DRUNG NAS BYAMS CHOS SOGS LUNG GI SKOR GSAN, NYI SHU PA LA RKYANG 'DUL DU RMA BYA BYANG BRTZON DANG, GTZANG NAG PA'I DNGOS SLOB MTSUR STON GZHON SENG LAS BOD SNGA RABS NAS BRGYUD PA'I TSAD MA RNYING PA'I CHOS SKOR, GZHAN YANG CHA PA CHOS SENG GI SLOB MA SENG CHEN BRGYAD KYI NANG TSAN BRTZEGS DBANG PHYUG SENG GE LAS RGYA GAR LA GRAGS PA'I GRUB MTHA' BZHI'I CHOS JI SNYED PA, SPYI BO LHAS PA BYANG CHUB 'OD LAS, BOD LA GRAGS PA ZHI BYED, RDZOGS CHEN, GCOD, BKA' GDAMS LA SOGS PA'I GDAMS NGAG JI SNYED PA GSAN TE KHONG DU CHUD, NYER GSUM PA SHING PHO BYI BA'I LO LA GTZANG CHU MIG TU KHA CHE PAn CHEN DANG MJAL, PAn CHEN DE NYID DANG, DE'I SLOB BU RGYA GAR SHAR NUB GUNG GSUM NA SGRA LA MKHAS PAR GRAGS PA'I SAm GA SHR'I TE DGE 'DUN DPAL, SU GA TA SHR'I TE LEGS

, ,PAR GSHEGS PA'I DPAL DANG, D'A NA SHR'I LA STE TSUL KHRIMS SBYIN PA LA SOGS PA SNGA PHYIR BSTEN TE, BOD KYI NGAG SGROS KYIS MA BSLAD PA'I RGYA GAR LHA RGYAN GYI BSHAD SROL LAS BYON PA'I SGRA DANG TSAD MA LA SOGS PA'I RIG GNAS CHE BA LNGA DANG, SNYAN NGAG SDEB SBYOR MNGON BRJOD ZLOS GAR RTZIS TE RIG GNAS CHUNG BA LNGA STE RIG GNAS BCUS BSDUS PA'I ZAB BCUD THAMS CAD CHOS SGO SKYEL DU BYON PA'I TSUL GYIS GDAMS PA NOS TE PAndI TA ZHES SNYAN PAR GRAGS, KHA CHE PAn CHEN DBUS NAS 'KHOR ZHING, RJE SA PAn NYID KYIS NYI SHU RTZA BDUN ZHES PA SA PHO 'BRUG GI LOR, LO STON RDO RJE DBANG PHYUG GIS BZHENGS PA'I NYANG SMAD RGYAN GONG GI GTZUG LAG KHANG DU, KHA CHE PAn CHEN GYIS MKHAN PO, SPYI BO LHAS PA BYANG CHUB 'OD KYIS LAS SLOB, BYANG SEMS DON MO RI PAS GSANG STON MDZAD DE BSNYEN PAR RDZOGS, DGUNG GRANG SO SO GSUM PA'I LOR KHA CHE PAn CHEN SLAR KHA CHER BZHUD, SA PAn SKU BLTAMS PA'I LO DER RJE BTZUN BSOD NAMS RTZE MO 'JA' LUS SU GSHEGS PAS DE LAS ZHAL GYI BDUD RTZI DNGOS SU MA THOB KYANG DGUNG LO SO LNGA PA'I BAR DU, RJE BTZUN GRAGS RGYAN GYI ZHAL GDAMS 'CHI MED BDUD RTZI NGOMS PAR GSOL, KHYAD PAR LAM ZAB MO BLA MA'I RNAL 'BYOR GYI SGO NAS PHYI NANG GI RTEN 'BREL GYI GNAD RANG SAR 'GRIGS TE SA DANG PO'I YON TAN MCHOG BRNYES, SO LNGA PA LA RJE BTZUN GRAGS RGYAN BDE BA CAN DU GSHEGS, SO BRGYAD PA TZAM GYI TSE, RGYA BOD KYI NGAN RTOG GI BRAG RI 'JOMS PAR BYED PA'I TSAD MA'I BSTAN BCOS RIG GTER ZHES GRAGS PA DE BRTZAMS, LNGA BCU RTZA GCIG TZAM GYI TSE BSTAN PA'I PAD TSAL RGYAS

PAR BYED PA'I SDOM GSUM RAB DBYE YANG MDZAD, DGUNG LO NGA DGU'I TSE MANG YUL SKYID GRONG DU 'PHAGS PA WA TI'I DRI GTZANG KHANG DANG 'DABS 'BYOR BA'I DPAL GYI GNAS SU, RGYA GAR LHO PHYOGS KYI MU STEGS PA 'PHROG BYED DGA' BO LA SOGS PA'I PHAS KYI RGOL BA NGAN PA DRUG RIGS PAS TSAR BCAD DE RGYAL BA'I BSTAN PA LA BCUG PAS SNYAN PA'I GRAGS PA RGYA DKAR NAG DANG HOR BAL GYI LJONGS THAMS CAD DU KHYAB, DGUNG LO DRUG CU RTZA GSUM PA'I TSE STOBS KYI 'KHOR BSGYUR HOR RGYAL PO GO DAN GYIS BSOD NAMS KYI MGRON DU SPYAN DRANGS, DRUG CU RE LNGA PA ME PHO RTA'I LO PHO BRANG CHEN PO LING CHU TZER PHEBS, RGYAL POS NYAMS SU SAD PA'I PHYIR, SGYU MA MKHAN GYIS SPRUL PA'I DRI GTZANG KHANG KHANG PHRAN GYIS BSKOR BA'I GTZIG LAG KHANG SGYU 'PHRUL GYI R'A BAR SPYAN DRANGS PA'I TE, TING NGE 'DZIN GYI MTHUS RAB TU GNAS PAR MDZAD PAS SGYU MA BSHIG MA NUS PAR LUS PA DUS PHYIS SUA'ANG BYANG PHYOGS SPRUL PA'I SDE'I GTZUG LAG KHANG ZHES GRAGS, RGYAL PO 'KHOR BCAS KYANG DAD PAS YID RAB TU GA-YOS, BDUN CU PA'I BAR DU RGYA NAG PO'I YUL DU BSHAD SGRUB KYI BSTAN PA SPEL, LCAGS PHAG LOR SMAL ZLA'I BCU BZHI'I THO RANGS SKU'I BKOD PA RE ZHIG BSDUS SO, ` ,BU STON THAMS CAD MKHYEN PA RIN CHEN GRUB NI, YUL LCANG RO SNA BZHI ZHES PAR GDUNG RABS BCU BDUN GYI BAR DU GSANG SNGAGS RNYING MA'I GRUB THOB RIM PAR BYON PA'I BRAG GI GDUNG LAS YAB BLA MA BRAG STON RGYAL MTSAN DPAL BZANG DANG, YUM SLOB DPON BSOD NAMS 'BUM GNYIS KYI SRAS SU SHAB SMAD SGOM GNAS DGON GSAR DU RAB BYUNG LNGA PA'I

, ,LCAGS STAG NAG PA ZLA BA'I TSES NYER BZHI LA SKU 'KHRUNGS, CHUNG NGU'I DUS NAS YUM GYIS SHES RAB BSKYED PA'I THABS MANG DU MDZAD CING RJE BTZUN 'JAM DPAL DBYANGS ZHAL GZIGS, THOG MAR 'DA' KA YE SHES KYI MDO LA SBYOR KLOG MDZAD PA SOGS KYIS 'BRI KLOG LA THOGS PA MI MNGA', MES TSUL KHRIMS BZANG PO'I DRUNG DU DGUNG LO DRUG TZAM NAS CHOS RNAM DAG YIN MIN GYI SHAN 'BYED MDZAD, DGUNG LO BDUN PAR KHRO PHU LO TZ'A BA CHEN POR SEMS BSKYED ZHUS PAS BYANG CHUB KYI SEMS THUGS RGYUD LA 'KHRUNGS, DGUNG LO BRGYAD NAS RIN PO CHE KHRO PHU BAR BDE MCHOG DANG, MES TSUL KHRIMS BZANG PO LAS RNYING MA'I BKA' GTER RNAMS GSAN, DGUNG LO BCO BRGYAD PAR MKHAN PO RIN CHEN SENG GE DPAL DANG, SLOB DPON TSAD MA'I SKYES BU GNYIS KYI DRUNG NAS RAB TU BYUNG, MKHAN SLOB DE GNYIS SOGS MKHAS PA MANG DU BSTEN NAS PHAR PHYIN GTZO BOR GYUR PA'I MDO PHYOGS KYI GZHUNG 'GREL MTHA' DAG LA SBYANGS PAS MKHAS GRAGS KYIS SA STENG KHYAB, DGUNG LO NYER GSUM PA LA GTZANG TSONG 'DUS MGUR MO'I BLA BRANG DU MKHAN CHEN GRAGS PA GZHON NU DPAL BZANG DANG, SLOB DPON BSOD NAMS GRAGS PA'I DRUNG DU BSNYEN PAR RDZOGS, MKHAN SLOB DE GNYIS KYI DRUNG NAS 'DUL BA'I CHOS SKOR DU MA GSAN, CHOS DBAR GYI TSE 'PHRENG BRAG LUNG SOGS SU PHAR PHYIN DANG MNGON PA KUN BTUS SOGS KYI BSHAD PA DANG, BSGRUB BYA KHRI PHRAG TU LONGS PA'I MKHAN SLOB KYANG MDZAD, THAR LO NYI MA RGYAL MTSAN LAS SGRA K'A LA PA DANG, TZANDRA PA, DUS 'KHOR, KYE RDOR, BDE MCHOG ,GSHED SKOR, THA SNYAD RIG PA SOGS GSAN TE LO TZ'A YANG MKHAS PAR MKHYEN, SBYOR BA

YAN LAG DRUG GI MAN NGAG DPE MED MTSO NAS BRGYUD PA GSAN NAS BSGOMS PAS MYONG BA KHYAD PAR CAN 'KHRUNGS, BLA MA DPAL LDAN SENG GE LAS SA LUGS NAS BRGYUD PA'I GSANG SNGAGS KYI CHOS SKOR SHIN TU RGYA CHE BA GSAN, GZHAN YANG PHA RGOD PA LAS GSANG 'DUS GSAN, RONG PO RDO RJE RGYAL MTSAN GYI DRUNG DU BYON TE ZLA BA DBU'I BAR DU BZHUGS TE, DE'I RING NYIN RE BZHIN DPAL DUS KYI 'KHOR LO'I RGYUD 'GREL GYI GSAN PA 'DRI RTOG ZHIB TU MDZAD, DUS 'KHOR GYI YAN LAG PHRA MO RNAMS KYANG MA LUS PAR GSAN, RDO RGYAL GYI BKA' BZHIN DBANG MDOR BSTAN GYI 'GREL PA SUM BRGYA DRUG CU PA'ANG BSGYUR, SLOB DPON 'PHAGS PA LAS KYE RDOR GTZO BOR GYUR PA'I MDO SNGAGS KYI CHOS DU MA GSAN ZHING 'CHAD NYAN MDZAD BZHIN PA'I MUR DGUNG LO SO GCIG PA LCAGS SPREL LOR DPAL ZHVA LU GSER BKANG DU PHEBS NAS SDE DGON MTHA' DAG GIS BTZUG GI NOR BU LTAR BKUR ZHING MDO PHYOGS KYI 'CHAD NYAN RGYA CHE BA DANG GSANG SNGAGS KYI CHOS KYANG GSUNGS SHING, GRUB THOB ZE DMAR BA LAS BDE MCHOG DANG GSHED SKOR SOGS GSAN, JO BO RJE'I PHYAG TSA BZHUGS PA'I SPEL CHUNG ZHIG YOD PAR GZHI BYAS NAS, ZHVA LU RI PHUG GI GTZUG LAG KHANG 'DUS SDE DANG BCAS PA GSAR BSKRUN MDZAD, DER DUS KYI 'KHOR LO LA ZLA CHOS MDZAD DE GSUNGS, DUS 'KHOR SKOR GYI BSTAN BCOS MANG DU BRTZAMS, PHYIS BLA MA 'PHAGS 'OD PA LA KUN SPANGS PA'I SBYOR DRUG GI MAN NGAG MANG DU BZHUGS PA RNAMS GSAN, RGYUD 'GREL LA MTSAN BU MDZAD PA NA, SHONG 'GYUR LA 'GYUR BCOS MANG DU MDZAD PA SOGS GSANG SNGAGS KYI DBANG LUNG DANG, RGYUD BSHAD GTZO BOR GYUR PA'I 'CHAD NYAN DANG, GSAR RTZOM GYI LEGS

, ,PAR BSHAD PA'I MDO SNGAGS KYI BSTAN BCOS KYANG SNGA PHYI BSDOM POD CHEN NYI SHU RTZA DRUG YOD, SA GA ZLA BA'I DUS CHEN LA RGYUD SDE BZHI'I DKYIL 'KHOR BZHI BCU ZHE LNGA TZAM ZHAL 'BYED PA, KHYAD PAR RNAL 'BYOR RGYUD LA KHRO SPRO SGO BZHI'I GSOL 'DEBS, SA GAR MCHOD GAR SOGS SHIN TU ZHIB PAS RDO RJE THEG PA'I BSTAN PA'I SROG MTHUD PA LTA BUR GYUR, BLA MA CHEN PO BSOD NAMS BLO GROS DANG THUGS SRAS SEMS DPA' CHEN PO SOGS CHE BTZUN MKHAS GRUB KYI SLOB MA NAM MKHA'I SKAR TSOGS LTAR MANG ZHING, SGRA TSAD PA SOGS ZHAL SLOB RNAMS LA RGYAL BA GNYIS PA RJE TZONG KHA PA CHEN POS KYANG RGYUD SDE BZHI PHAL CHER GSAN PA YIN, RDO RJE'I RNAL 'BYOR GYI LAM LA BRTEN NAS SPANGS RTOGS KYI YON TAN BSAM PA'I RVA BA LAS BRGAL ZHING BSTAN 'GRO'I DON RLABS PO CHE MDZAD BZHIN PA'I NGANG NAS DGUNG BRANGS BDUN CU DON LNGAR PHEBS PA SHING 'BRUG HOR ZLA DRUG PA'I TSES NYER GCIG LA DGA' LDAN GYI GNAS SU BYAMS PA'I THUGS KAR SKU'I BKOD PA BSDUS SO, ` ,'DUL BA 'DZIN PA GRAGS PA RGYAL MTSAN NI, ZHING 'DIR RJE TZONG KHA PA CHEN PO'I BSTAN PA SPEL BA'I PHYIR SMON LAM GYI MTHUS BSAM BZHIN DU BYON PA ZHIG STE, DE YANG RAB BYUNG DRUG PA'I SHING PHO STAG GI LOR DBUS STOD SBRA MA DU SKU 'KHRUNGS, GSUNG TSANGS PA'I DBYANGS LTAR SNYAN PA SOGS SKU GZHON NU'I DUS NAS GZHAN LAS KHYAD DU 'PHAGS PA'I YON TAN DU MA DANG LDAN, 'BRI GUNG CHOS RJE SPYAN SNGA CHOS KYI RGYAL PO'I GZIM DPON MDZAD CING, DE NYID KYI ZHABS LA GTUGS TE RAB TU BYUNG, DGE BA'I BSHES GNYEN MANG PO LAS

MDO SNGAGS KYI CHOS MTHA' YAS PA GSAN, KHYAD PAR DU RJE TZONG KHA PA CHEN POR MI PHYED PA'I DAD PA THOB CING, DE NYID YUN DU BSTEN NAS GSUNG RAB THAMS CAD KYI SNYING PO'I DON BYANG CHUB LAM GYI RIM PA'I KHRID GSAN TE NYAMS SU BZHES PAS RTZOL MED KYI MYONG BA PHUL PHYIN THON, RGYUD SDE BZHIS BSDUS PA'I LHA'I RNAL 'BYOR PHRA RAGS RNAMS SGOM PA LA 'BAD PAS DKYIL 'KHOR GYI 'KHOR LO MNGON SUM DU GYUR, BSKYED RDZOGS KYI GNAD LA MYONG BA LEGS PAR THON, SDOM GSUM GYI BCAS MTSAMS RNAMS PHRA ZHING PHRA BA'ANG NYAMS PA MED PAR BSRUNG ZHING BYANG CHUB KYI SEMS RIN PO CHE THUGS DAM GYI MTHIL DU MDZAD PAS LUNG RTOGS YON TAN GYI MDZOD CHEN POR GYUR NAS RJE TZONG KHA PA CHEN PO'I SRAS KYI THU BOR GYUR TE RJE'I SLOB MA THAMS CAD KYIS RJE NYID DANG 'DRA BAR GUS PAR BYED CING CHOS KYI BKA' DRIN NOD PAR MDZAD PA YIN, SEMS DPA' CHEN PO 'DIS LEGS TSOGS THAMS CAD KYI RTZA BA BSHES GNYEN BSTEN TSUL LA THUG PAR GZIGS NAS RJE RIN PO CHE DUS RTAG TU MNYES PA GSUM GYIS MNYES PAR MDZAD CING, LHAG PAR BKA' BZHIN SGRUB PA LAS NAM YANG MI 'DA' BAR DGA' LDAN RNAM PAR RGYAL BA'I GLING 'DEBS PA'I TSE RJE'I BKA' BZHIN GTZUG LAG KHANG BRTZIG PA DANG, SPONG BA PA SO SO'I SPYIL BU BRTZIG PA SOGS LA NGAL BA KHYAD DU BSAD DE BRTZON PA CHER MDZAD CING, DE YANG 'DUL BA DANG MTHUN PA KHO NAR MDZAD DE, THOG MAR SA BRTAG PA, DE NAS DGE 'DUN LA GNANG BA ZHU BA, DGE 'DUN GYIS GNANG BA NA LAG GI BLA BSKOS TE RUNG KHANG GCOD PA NAS BZUNG MTHAR GTZUG LAG KHANG RTEN DANG BRTEN PAR BCAS PA YONGS SU RDZOGS PA

, ,GRUB PA'I BAR KHUR BZHES TE MTHAR PHYIN PAR MDZAD NAS RJE RIN PO CHE GDAN DRANGS PA SOGS 'KHOR LO GSUM GYI BYA BA MTHA' DAG GIS RNAM PA KUN TU MNYES PAR MDZAD NAS, MTHAR RJE RIN PO CHE ZHING GSHEGS PA'I TSE RANG NYID KYIS RJE'I GDAN SA MA MDZAD PAR RGYAL TSAB RIN PO CHE GDAN SAR MNGA' GSOL, SKU GDUNG RIN PO CHE MA NYAMS PAR TZAN DAN 'BA' ZHIG LAS GRUB PA'I SGROM DU BZHUGS SU BCUG ,DE YANG DNGUL BRE CHEN BCO BRGYAD LAS BRDUNGS PA'I GDUNG KHANG GI BUM PAR BZHUGS SU GSOL TE, GTZUG LAG GI GLO 'BUR BYANG MAR BZHUGS NAS MCHOD PA RGYA CHEN POS MCHOD PAR MDZAD PA LA SOGS PA'I BYA BA RNAMS RDZOGS PAR MDZAD NAS RJE RIN PO CHE'I THUGS DGONGS RDZOGS PA'I PHYIR DU, SNGON CHOS RGYAL SRONG BTZAN SGAM PO DBU RU STOD KYI RGYA MA MDAR PHO BRANG BYAMS PA MI 'GYUR GLING DU SKU 'KHRUNGS SHING RGYAL PO YAB YUM GYI SKYED MOS TSAL BTZUN MO'I 'KHOR RNAMS RGYUN DU BZHUGS PA'I SKYED TSAL DER BTZUN MO TSAL ZHES PA'I DGON PA BTAB NAS TSOGS PA BSKYANGS PAS DGE 'DUN BRGYAD BRGYA LHAG TZAM 'DUS, RES 'GA' MAL DRO SPANGS SOGS DGON GNAS DANG RI KHROD GZHAN DU'ANG BZHUGS TE 'GRO DON DANG THUGS DAM 'PHEL BAR MDZAD, SKABS SHIG TU TSAL GUNG THANG DU PHEBS TE 'DUL BA'I BSLAB BYA DANG LAM RIM LEGS PAR GSUNGS, TSAL GUNG THANG GI DGE 'DUN THAMS CAD 'DUL KHRIMS RNAM PAR DAG PA DANG SKYES BU CHEN PO'I CHOS LUGS LA SBYOR BAR MDZAD PAS TSAL BUNG THANG GI CHOS SDE LA RJE TZONG KHA PA NYID LAS KYANG BKA' DRIN CHE BAR GYUR, BLA MA BYANG CHUB SEMS DPA' 'DI LA RJE'I

GSANG SNGAGS DANG 'DUL BA'I BKA' BAB PAR SNANG STE, RJE'I BSHAD SROL PHYAG LEN BZANG PO MI NYAMS PA'I PHYIR DU 'DUL BA'I BSLAB BYA CHEN MOR GRAGS PA DANG, DGE TSUL GYI BSLAB BYA, GZHI GSUM GYI CHO GA'I LAG LEN, 'DUL BA'I GLENG 'BUM RNAMS MDZAD, RJE'I GSANG SNGAGS KYI SGRUB DKYIL RNAMS LA LHAN THABS DANG PHYAG BZHES, RAB GNAS KYI CHO GA ,'KHOR LO SDOM PA'I PHYI ROL MCHOD PA, GSANG 'DUS MI BSKYOD PA'I TSOM BU LA BRTEN PA'I MDUN BSKYED KYI MCHOD THABS, DRIL BU LHA LNGA'I SGRUB THABS, PHYAG RDOR 'KHOR LO CHEN PO'I SGRUB DKYIL, BDE MCHOG L'U AI PA'I DKYIL CHOG ,GSHIN RJE GSHED DMAR NAG GI SGRUB THABS, RDO RJE DBYINGS KYI DKYIL 'KHOR CHO GA ,KUN RIG RNAM PAR SNANG MDZAD KYI CHO GA ,NGAN SONG SBYONG RGYUD KYI RNAM BSHAD, BYA RGYUD RIGS GSUM LA BRTEN PA'I CHO GA'I LAG LEN SOGS RTZOM PA YANG MANG DU MDZAD, THUN MONG MA YIN PA'I RNAM THAR DANG 'KHRUNGS RABS NI MKHAN CHEN LAS KYI RDO RJES GSANG BDAG PHYAG NA RDO RJE LA ZHUS PA DANG, BLA MA DBU MA PAS RJE BTZUN 'JAM DBYANGS LA ZHUS PA DANG, RTOGS LDAN 'JAM DPAL RGYA MTSOS RJE BTZUN 'JAM DBYANGS LA ZHUS PA RNAMS MTHUN PAR SNANG STE, DE YANG 'DI LTAR, SLOB DPON GRAGS PA RGYAL MTSAN PA SKYE BA MANG PO'I SNGON DU BRAM ZE'I KHYE'U GO 'PHANG BYA BAR SKYES PA'I DUS NA, SANGS RGYAS LOG PAR DAD SEL GYI SPRUL PA'I RANG SANGS RGYAS SHIG LA BSOD SNYOMS BZANG PO LHUNG BZED GANG PHUL NAS BDAG 'DI NAS SKYE BA THAMS CAD DU RGYAL BA KUN GYI DAM PA'I CHOS MA LUS PAR 'DZIN CING, MTHAR 'KHOB RNAMS SU 'GRO BA MANG PO LA DAM PA'I CHOS STON CING

, ,THEG PA GSUM GYI LAM LA 'GOD PAR GYUR CIG ,CES SMON LAM BTAB PA'I MTHUS SKYE BA DRUG MTHA' 'KHOB KYI RGYAL POR SKYES NAS 'GRO BA MANG PO LA THEG PA GSUM GYI CHOS BSTAN TE LAM RNAM PAR DAG PA LA BKOD, DE NAS RAB TU BYUNG BA DANG THEG PA GSUM LA MKHAS PA'I DGE SLONG DANG, PAndI TA MKHAS SHING GSAL BA SHA STAG TU SKYE BA MANG PO BLANGS NAS DAM PA'I CHOS BSTAN TE MTHA' YAS PA'I SEMS CAN GYI DON RGYA CHER BYAS, DE NAS SUM CU RTZA GSUM DU LHA'I BU ZHI BA'I TOG CES BYA BAR SKYES NAS LHA MANG PO'I DON BYAS, DE NAS 'DIR SKYES PA YIN, 'DIR RJE BTZUN BYAMS MGON GYI SKU RIN PO CHE LAS BYAS PA SOGS BKOD PA THO TSER BRIS PA LTAR BZHENGS NAS 'CHAD NYAN DANG THUGS DAM SOGS KYI DGE RTZA RJE BTZUN GYIS RJES SU 'DZIN PA'I CHED DU BSNGO ZHING BSTAN PA RGYAS PA SOGS KYI SMON LAM RGYA CHEN PO 'DEBS PAR MDZAD, DE LTAR BSGRUBS PAS 'DIR YANG BSTAN PA DANG SEMS CAN LA PHAN PA RGYA CHEN 'BYUNG, BYANG CHUB KYI SEMS LA BRTEN NAS RTOGS PA KHYAD PAR CAN SKYE, 'BREL TSAD LA DKAR PO'I SA BON THEBS, MDO SNGAGS LA BRTEN PA'I SLOB MA BSTAN PA 'DZIN PA DANG SEMS CAN LA PHAN PA RGYA CHEN PO DANG LDAN PA MANG DU 'BYUNG, SNYAN PA'I GRAGS PAS PHYOGS KUN TU KHYAB CING SANGS RGYAS KYI BSTAN PA RIN PO CHE SGO THAMS CAD NAS RGYAS PAR BYED DO, SKYE BA PHYI MA DGA' LDAN DU RGYAL TSAB MI PHAM MGON PO'I SRAS MCHOG LHA'I BU RGYAL SRAS ZHI BA'I SNYING PO ZHES BYA BAR SKYES NAS BYANG CHUB SEMS DPA'I SPYOD PA RLABS PO CHES 'GRO BA'I DON BYED CING, MTHAR DE BZHIN GSHEGS PA BYAMS PA'I

DBANG PO ZHES BYA BAR 'GYUR RO, ,ZHES MKHAN CHEN LAS KYI RDO RJE LA GSANG BA'I BDAG PO PHYAG NA RDO RJES DNGOS SU GSUNGS PA LAS 'BYUNG ZHING, DBU MA PA DPA' BO RDO RJES RJE BTZUN 'JAM DPAL DBYANGS LA ZHUS PA LAS KYANG DE BZHIN DU BYUNG, YANG DE'I RJES BLA MA RTOGS LDAN 'JAM DPAL RGYA MTSOS RJE BTZUN 'JAM DPAL DBYANGS LA GSOL BA YUN RING DU BTAB STE, SLOB DPON RIN PO CHE 'DUL BA PA 'DI PA'I SKU TSE SNGA PHYI RNAMS JI SKAD BYA BA LAGS, 'DIR BSTAN PA LA PHAN PA CHE CHUNG JI TZAM 'BYUNG, SKU TSE RING THUNG JI TZAM YONG, GANG DU BZHUGS NA 'GRO DON DANG THUGS DAM 'PHEL ZHES ZHUS PAS, RJE BTZUN GYIS 'DUL BA PA SNGON SKYE BA MANG PO'I SNGON ROL DU RGYA GAR DU BRAM ZE'I KHYE'U GO 'PHANG BYA BAR SKYES TE SANGS RGYAS LOG PAR DAD SEL GYI SPRUL PA'I RANG RGYAL ZHIG LA BSOD SNYOMS BZANG PO LHUNG BZED GANG PHUL NAS, BDAG SKYE BA THAMS CAD DU RGYAL BA'I DAM CHOS MTHA' DAG BZUNG NAS MTHA' 'KHOB KYI YUL RNAMS SU 'GRO BA GDUL DKA' BA RNAMS LA DAM PA'I CHOS BSTAN NAS THEG PA GSUM GYI LAM RNAM PAR DAG PA LA 'GOD PAR GYUR CIG ,CES SMON LAM BTAB PAS SKYE BA MANG POR MTHA' 'KHOB KYI RGYAL PO SOGS SU SKYES NAS 'GRO BA GDUL DKA' BA MANG PO'I DON DPAG MED BYAS, STON PA 'DI 'JIG RTEN DU BYON DUS DGE SLONG 'DUL BA TOG CES BYA BA'I SDE SNOD GSUM LA MKHAS PA ZHIG TU SKYES, DE NAS BZUNG STE PAndI TA DANG RAB TU BYUNG BA DANG DGE SLONG THEG PA GSUM LA MKHAS PA SHA STAG TU SKYES SHING, DE'I DUS DKA' BZHI PA DANG DPON SLOB TU GYUR CING 'BREL, DE NAS SUM CU RTZA GSUM DU LTA'I BU ZHI BA'I TOG CES BYA BAR SKYES, DE NAS 'DIR SKYES PA YIN, 'DIR YANG SNGON GYI 'BREL BAS DKA'

, ,BZHI PA DANG DPON SLOB TU GYUR TE BLA NA MED PA'I DAD PA BRTAN PO THOB, BYANG CHUB KYI SEMS LA BRTEN NAS MNGON RTOGS KHYAD PAR CAN SKYES, MDO SNGAGS RNAM DAG GI SGO NAS BSTAN PA LA PHAN PA RGYA CHEN PO 'BYUNG, MI GA-YO BA DKAR PO SKYE BA MANG PO'I YI DAM YIN PAS 'DIR YANG RJES SU BZUNG ZHING DNGOS DANG RMI LAM CI RIGS SU ZHAL STON, 'OD ZER CAN GYIS SKABS MANG POR BAR CHAD SEL, SKYE BA MANG POR DPAL LDAN 'DUS PA DANG HE RU KAS BYIN GYIS BRLABS, 'JAM DKAR GYIS SKYE BA GSUM DU RJES SU BZUNG NAS BYIN GYIS BRLABS KYANG DAM SEL CAN ZHIG LA RJES GNANG BYAS PAS CUNG ZAD 'GRIB 'DUG ,DE LA BSHAGS BSDAM GYIS LA 'JAM DBYANGS KYI BLO 'PHEL BA'I GZUNGS RIN PO CHES BRIS PA BRGYA PHRAG GCIG 'DON PA LA YON BYIN NAS SMON LAM BTAB NA GZHAN PHAN CHE, TSE DRUG CU LHAG TZAM LAS PHAL CHER MI THUB, DE LA'ANG BAR CHAD MANG BAR SNANG BAS, DE BZLOG PA'I THABS RTA MGRIN SHVA NA'I BZLAS SGRUB DANG, PHYAG BZHI PA'I BSNYEN PA KHRI PHRAG RE ZHAG RE LA GYIS, 'DUG GNAS SLOB DPON RNAM GNYIS MNYAM DU PHAL CHER BSDAD NA DGE PHYOGS 'PHEL CHE, PHYI MA MGON PO MA PHAM PA'I CHOS KYI MDUN SAR RGYAL SRAS ZHI BA'I SNYING PO BYA BAR SKYES NAS, DKA' BZHI PA DANG DPON SLOB GNYIS MJAL TE THEG PA MCHOG GI CHOS KYI DGA' STON LA LONGS SPYOD PAR 'GYUR RO, ,ZHES GSUNGS SO, ,DE LTAR 'DUL 'DZIN GRAGS PA RGYAL MTSAN GYIS RJE BDAG NYID CHEN PO'I LUGS SROL BZANG PO NYAMS PA MED PAR BSKYANGS TE BSTAN PA DANG 'GRO BA'I DON RGYA CHER MDZAD CING, 'DUL BA 'DZIN PA ZHES MTSAN TZAM

GYIS KYANG BSTAN PA LA PHAN PA ZHIG MDZAD NAS, SKU TSE 'DI'I DNGOS KYI GDUL BYA RDZOGS PA NA DGUNG LO RE GSUM PA ME PHO 'BRUG GI LO HOR ZLA LNGA PA'I TSE NYI SHUL BTZUN MO TSAL DU GSHEGS TE, DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS SO, ` ,MDO SNGAGS RAB 'BYAMS PA PAn CHEN BSOD NAMS GRAGS PA'I DPAL RNAM DPYOD MCHOG GI SDE NI, RTZED THANG DU NANG BAR LAM PA'I SRAS SU RAB BYUNG BRGYAD PA'I SA KHYI LOR 'KHRUNGS, RTZED THANG NAS CHEN PO BSOD NAMS BKRA SHIS KYI DRUNG NAS RAB TU BYUNG STE MTSAN BSOD NAMS GRAGS PAR GSOL, 'OD SNA'I BLA MA SANGS RGYAS BZANG PO LAS DGE TSUL DANG, BYANG SEMS BDE MO THANG PA'I ZHAL SLOB CHOS RJE RIN CHEN CHOS BZANG LAS BSNYEN RDZOGS KYI SDOM PA RIM GYIS NOD PAR MDZAD DE DGAG SGRUB GNANG GSUM GYI BCAS MTSAMS PHRA MO LAS KYANG MI 'DA' BAR BSRUNGS, GSANG PHU DANG, NYI MA THANG SOGS SU SLOB GNYER MDZAD CING, LHAG PAR SE RVA THEG CHEN GLING DU YONGS 'DZIN DON YOD DPAL LDAN LO BCU GNYIS BAR DU BSTEN NAS 'PHAGS BOD KYI GZHUNG CHEN MANG PO RIGS LAM NAS DRANGS PA'I ZHIB BSHAD GSAN, GZHAN YANG SER BYES GNYAL STON DPAL 'BYOR LHUN GRUB LA SOGS PA MTSAN LDAN GYI BSHES GNYEN DAM PA DU MA YONGS 'DZIN DU BSTEN NAS MDO SNGAGS KYI GZHUNG LUGS MTHA' DAG LA DPYIS PHYIN PAR SBYANGS PAS MKHAS PA'I KHYU MCHOG CHEN POR GYUR TE CHOS GRA CHEN PO DPAL RTZED THANG DU RAB 'BYAMS PA'I GRVA SKOR MDZAD PAS MKHAS MANG RGYA MTSO LTA BUS BSTOD

, ,BSNGAGS KYI ME TOG 'THOR ZHING MKHAS PA'I GRAGS PAS KUN TU KHYAB PAR GYUR, 'BRAS SPUNGS SU BYON TE THON PA MKHAS BTZUN YON TAN RGYA MTSO LO LNGA'I RING BSTEN NAS BDE GSANG 'JIGS GSUM DUS 'KHOR KUN RIG SOGS RGYUD SDE BZHI'I DKYIL 'KHOR MANG PHO'I DBANG DANG, ZAB KHRID, LHA TSOGS MANG PO'I RJES GNANG SOGS SNGAGS KYI CHOS BKA' MTHA' YAS PA GSAN, DGUNG LO SO GCIG PA'I DUS SU DPAL LDAN STOD RGYUD GRA TSANG DU BYON TE RDO RJE 'CHANG CHOS LDAN BLO GROS BSTEN NAS DPAL GSANG BA 'DUS PA'I DBANG DANG RGYUD 'GREL MAN NGAG DANG BCAS PA SOGS 'PHAGS SKOR GYI GZHUNG MANG PO DANG, GZHAN YANG BDE MCHOG LO DRIL DANG, 'JIGS BYED KYI KHRID SOGS GSANG SNGAGS KYI ZAB CHOS MTHA' YAS PA GSAN NAS GSANG CHEN RGYUD SDE RGYA MTSO'I PHA ROL DU SON, DGUNG LO SO BZHI PA LCAGS LUG LO NAS RGYUD STOD PA'I MKHAN KHRIR PHEBS TE 'CHAD NYAN LO BCU BZHI BSKYANGS SHING, KHYAD PAR DGUNG LO SO DRUG PA CHU BYA LA GSANG 'DUS BSKYED RDZOGS KYI tIKKA BRTZAMS TE DE'I 'CHAD NYAN KYANG 'DZUGS PAR MDZAD, GZHAN YANG JA TSUL 'DZUGS PA DANG, 'DU KHANG BRTZIGS PA SOGS LUGS GNYIS KYI SGO NAS 'DZIN SKYONG SPEL BAR MDZAD, RGYAL BA DGE 'DUN RGYA MTSO'I DRUNG NAS CHOS MANG DU GSAN CING, DE'I BKA' NAN TAN PHEBS PA LTAR DGUNG LO ZHE BDUN PA SHING SPRE LOR CHOS RJE DKON DAR BA LA RGYUD PA GTAD DE 'BRAS SPUNGS BLO GSAL GLING GI 'CHAD NYAN PA MDZAD NAS LO GCIG SONG BA NA GRA SLOB SBYIN BDAG RNAMS KYIS GSOL BA BTAB PAR

BRTEN NAS DGA' LDAN SHAR RTZE'I KHRIR PHEBS TE BLO GLING DANG CHABS CIG LO NGO LNGA'I RING 'CHAD NYAN BSKYANGS, DGUNG LO NGA GNYIS PA SA MO GLANG LOR DGA' LDAN GYI KHRI THOG TU PHEBS SHING, RNAM DKAR GYI MDZAD PA BZANG POS KHRI LO BDUN BSKYANGS, RJE TZONG KHA PA NAS BRTZIS PA'I KHRI THOG BCO LNGA PA YIN, DGA' LDAN GSER KHRIR THOG MAR PHEBS PA'I TSE, CHOS KYI RGYAL PO TZONG KHA PA'I, ,CHOS TSUL RNAM PAR 'PHEL BA LA, ,GEGS KYI MTSAN MA ZHI BA DANG, ,ZHES SOGS SHO LO KA GCIG DANG, LHA LDAN SMON LAM CHEN MO'I GRAL DBUR PHEBS TSE, BDAG DANG GZHAN GYI DUS GSUM DANG, ZHES SOGS SHO LO KA GCIG SMON LAM DU MDZAD PAS, DENG DUS TSIGS BCAD SHO LO KA GNYIS PO 'DI DGE LUGS PA YONGS KYI NGAG RGYUN DU 'DON PA 'DIS KYANG PAn CHEN 'DI'I 'PHRIN LAS KYI 'JUG PA DPOG NUS, DGUNG LO NGA BRGYAD PA SHING LUG LOR RDO RJE 'DZIN PA CHEN PO RGYA RA CHOS SKYONG RGYA MTSO GDAN SAR BSKOS, RANG NYID DGA' LDAN GSER KHRI NAS ZUR BZHUGS THOG ,THAMS CAD MKHYEN PA DGE 'DUN RGYA MTSO ZHING KHAMS GZHAN DU GSHEGS RJES RJE NYID DGUNG LO RE DRUG PA CHU YOS LOR 'BRAS SRUNGS SPYI SO DANG, PHO BRANG SNE GDONG RTZE SOGS MCHOD YON RNAMS KYIS MGRIN GCIG TU GSOL BA BTAB PAR BRTEN DPAL LDAN 'BRAS SPUNGS KYI KHRIR PHEBS, DUS SKABS DER RJE 'DI NYID DGE LDAN PA'I BSTAN 'DZIN KUN GYI DBUS NA 'GRAN ZLA DANG BRAL BA'I GTZUG NOR LTA BU YIN STABS GDAN SA CHEN PO SE RVA'I DGE 'DUN RNAMS NAS GSOL BA BTAB PA BZHIN DGUNG LO RE DGU PA ME RTA LOR SE RVA THEG CHEN GLING GI KHRIR PHEBS TE BSKYANGS,

, ,DE BZHIN DU SKYOR MO LUNG, PHAG MO CHOS SDE, NYI SDING, KLUNG SHOD 'OD SNA, CHOS SDE RIN CHEN GLING SOGS NAS KYANG GSOL BA BTAB PA BZHIN DE DAG GI GDAN SA'ANG MDZAD CING, DE DAG THAMS CAD LA GANG LA GANG 'TSAMS KYI CHOS 'KHOR BSKOR BA SOGS CHOS DANG ZANG ZING GNYIS KYIS TSUL BZHIN SKYONG BAR MDZAD PAS RNAM DKAR GYI 'PHRIN LAS SHIN TU RGYA CHE, RGYAL DBANG SKU PHRENG GSUM PA BSOD NAMS RGYA MTSO'I YONGS 'DZIN MDZAD DE GTZUG PHUD BZHES SHING, BSOD NAMS RGYA MTSO DPAL BZANG PO BSTAN PA'I NYI MA PHYOGS THAMS CAD LAS RNAM PAR RGYAL BA ZHES PA'I MTSAN GSOL, DGUNG LO DON GNYIS PAS BYA LO'I SA GA ZLA BA'I NANG RJE 'DI PAS MKHAN PO DANG, GSANG PHU CHOS RJE LEGS PA DON GRUB KYIS LAS SLOB MDZAD DE RGYAL BA BSOD NAMS RGYA MTSOR DGE TSUL GYI SDOM PA'ANG STZAL, GZHAN YANG TSE DBANG GRUB RGYAL MA, MGON CHOS LHA MO RNAMS SRAS DANG BCAS PA'I RJES GNANG, GSANG 'DUS MI BSKYOD PA DANG, 'JIGS BYED KYI DBANG, SGRUB THABS RGYA MTSO, RIG BYED MA, MGON PO ZHAL, MGON DKAR BCAS KYI RJES GNANG, RJE TZONG KHA PA'I GSUNG 'BUM THOR BU, RGYAL BA DGE 'DUN RGYA MTSO'I GSUNG 'BUM POD LNGA, LAS CHEN KUN RGYAL BA'I BKA' GDAMS CHOS 'BYUNG, BE BUM SNGON PO RTZA 'GREL, KARMA SHA TAM, ME TOG 'PHRENG BRGYUD, DGA' LDAN CHOS 'BYUNG, SKYES RABS SO BZHI PA BCAS KYI LUNG SOGS DANG, GZHUNG KHRID KYI THOG MAR DON BDUN CU'I RNAM GZHAG SKAL BZANG THEM SKAS ZHES PA BKA' RTZOM MDZAD DE DE'I STENG NAS BSHAD LUNG STZAL BA SOGS

MDOR NA SMAN GYI LJON SHING GI MYU GU GZHON NU BZHIN DU GCES PAR BSKYANGS, RGYAL BA BSOD NAMS RGYA MTSOS KYANG, CHOS KYI RJE BSOD NAMS GRAGS PA'I ZHAL SNGA NAS ZHES SHIN TU GUS PAR MDZAD, DGUNG LO DON BZHI PA LCAGS PHAG LOR 'BRAS SPUNGS GZIM KHANG GONG DU ZUR BZHUGS MDZAD DE 'BRAS SPUNGS KYI KHRIR RGYAL BA BSOD NAMS RGYA MTSO MNGA' GSOL, DGUNG LO BDUN CU DON BDUN PA SHING STAG ZLA BA BCU GCIG PA'I TSES BCU BZHI'I THO RENGS KYI DUS SU RE ZHIG DGA' LDAN CHOS KYI PHO BRANG DU GSHEGS PA'I TSUL BSTAN RJES DGUNG ZHAG BCO LNGA'I BAR THUGS DAM 'OD GSAL LA BZHUGS SHING, THUGS DAM GROL BA NA SKU GDUNG KHRU GANG TZAM DU GYUR PA ZHUGS SU PHUL BA'I TSE, THUGS LJAGS SPYAN GSUM DANG, GZHAN YANG THUGS ZUR PA BRJID CING YA MTSAN PA ZHIG DANG, RING BSREL GYI RANG BZHIN LAS 'BUR DOD DU BYON PA'I THUGS RJE CHEN PO BCU GCIG ZHAL DANG, YIG 'BRU DANG, RING BSREL SOGS MANG DU BYON PA'I THUGS LJAGS SPYAN GSUM DNGUL GDUNG GSAR BZHENGS KYI GZUNGS SU PHUL TE DNGUL GDUNG 'BRAS SPUNGS SU BZHUGS, THUGS ZUR PA DE NYID RJE'I GSER SKU ZHIG GI THUGS KAR NANG GZUNGS SU PHUL BA DE DANG, RING BSREL GYI THUGS RJE CHEN PO BCAS GZIM KHANG GONG GI RTEN GTZOR BZHUGS TSUL RNAM THAR DU GSAL YANG, GZIM KHANG GONG RJES SOR BSHIGS TE SKU CHAS RNAMS 'THOR BAS DA LTA GAR BZHUGS MA 'TSAL, DE LTA BU'I BDAG NYID CHEN PO 'DIS RTZA BA'I YONGS 'DZIN MCHED LNGA LA SOGS PA'I YONGS 'DZIN BCU PHRAG GNYIS LHAG

, ,PA TSUL BZHIN BSTEN NAS MDO SNGAGS GZHUNG LUGS RGYA MTSO'I PHA ROL DU SON, THOS BSAM SGOM PA YA MA BRAL BA'I RNAM THAR PHUL DU BYUNG BA'I MTHU LAS MKHAS DANG GRUB PA'I RTZE MOR GSHEGS, RJE BTZUN MA KU RU KULLE, SGROL DKAR YID BZHIN 'KHOR LO, MGON PO TSE DPAG MED DANG SPYAN RAS GZIGS, 'PHAGS PA'I GNAS BRTAN BCU DRUG SOGS LHAG PA'I LHA TSOGS DU MAS DNGOS NYAMS RMI LAM DU ZHAL BSTAN CING LUNG STON PA SOGS KYI MTHU LA BRTEN NAS 'CHAD RTZOD RTZOM PA'I LEGS BSHAD KYI PHRENG BA SPEL BA RNAMS KYI 'PHRIN LAS STOD MNGA' RIS NAS SMAD RGYA SOGS GI YUL GRU TSUN CHAD DU KHYAB CING, BRGYUD 'DZIN GYI MKHAS GRUB ZAM MA CHAD PAR BYON DANG 'BYON BZHIN PA KUN GYI MTHUN SNANG DU GRUB PA 'DI LAGS SO, ,'DI'I GSUNG 'BUM GYI MTSAN THO TZAM NI, 'DUL BA'I SPYI DON LUNG RIGS NYI MA, 'DUL BA'I DUS TSIGS, MDZOD tIK SHES BYA RAB GSAL, RNAM 'GREL DKA' 'GREL DGONGS PA RAB GSAL, BLO RIG ,RTAGS RIGS, PHAR PHYIN RTZA tIK TSIG DON RAB GSAL, PHAR PHYIN SPYI DON YUM DON GSAL BA'I SGRON ME, PHAR PHYIN MTHA' DPYOD YANG GSAL SGRON ME, DON BDUN CU'I RNAM GZHAG ,DRANG NGES MTHA' DPYOD AUTPLA'I PHRENG BA, RTEN 'BREL, BSAM GZUGS, DGE 'DUN NYI SHU, DBU MA'I SPYI DON ZAB DON GSAL BA'I SGRON ME, DBU MA'I MTHA' DPYOD ZAB DON YANG GSAL SGRON ME, LEGS BSHAD SNYING PO'I DKA' GNAD DOGS GCOD, RGYUD BLA MA'I SPYI DON, SDOM GSUM RNAM GZHAG RGYAS BSDUS GNYIS, BYANG CHUB GZHUNG LAM GYI DON BSDU, GRUB MTHA'I RNAM

GZHAG ,DRI BA LHAG BSAM RAB DKAR GYI DRIS LAN, KARMA PA'I PHAR PHYIN tIKKA'I DGAG LAN DANG, DE'I YANG LAN BCAS DANG, SNGAGS KYI SKOR LA RGYUD SDE SPYI'I RNAM GZHAG ,GSANG BA 'DUS PA'I BSKYED RIM MKHAS PA'I YID 'PHROG ,RDZOGS RIM THAR LAM GSAL SGRON, SNGAGS KYI SPYOD PA'I ZUR BKOL, PHYAG RGYA CHEN PO LA RGYAN DRUG TU MDZAD PA'I RNAM BSHAD, N'A RO CHOS DRUG DANG, SNYING PO DON GSUM, LTA KHRID DRAN PA BZHI LDAN BCAS KYI KHRID, TSE DPAG MED, SGROL DKAR, RIG BYED MA RNAMS KYI SGRUB THABS BCAS DANG, GZHAN YANG BKA' GDAMS GSAR RNYING GI CHOS 'BYUNG YID KYI MDZES RGYAN, 'DUL BA'I CHOS 'BYUNG, RJE DGE 'DUN RGYA MTSO'I RNAM THAR PHAN BDE'I 'BYUNG GNAS, RGYAL RABS 'PHRUL GYI LDE MIG ,BSTAN RTZIS GSAL BA'I SGRON ME, BKA' GDAMS GLEGS BAM GYI DON BSDU, MKHAS BLUN BRTAG PA DGE LDAN LEGS BSHAD PAD DKAR PHRENG BA, GCOD KYI BRGYUD 'DEBS DANG, GCOD KHRID BCAS SO, ,DE LTAR MDO SNGAGS KYI GZHUNG DANG, PHYI NANG RIG GNAS, RNAM THAR LO RGYUS KUN LA MKHYEN RAB PHUL DU BYUNG BA'I TSUL LA, RJE THAMS CAD MKHYEN PA DGE 'DUN RGYA MTSOS BSNGAGS PA 'DI LTAR MDZAD DE, SNGON BSAGS BSOD NAMS GSER GYI RANG BZHIN RNAM DPYOD NOR 'DZIN RAB YANGS PAR, ,MDO SNGAGS GZHUNG BRGYA'I CHU KLUNG RAB 'KHYIL GRAGS PA DBU BA'I 'DZUM DKAR CAN, , SNYAN TSIG RBA RLABS GZEGS MA RAB 'THOR LO RGYAS MA TIG 'PHRENG MDZES NI, ,SNGON MED LEGS BSHAD GSAR DU RAB SPEL PHYOGS KYI BU MO'I RNA BA'I RGYAN, ,ZHES GSUNGS SO, ` ,PAn CHEN BSOD NAMS GRAGS PA'I SKU SKYE BSOD NAMS YE SHES DBANG PO NI,

, ,STOD LUNG LAM PA DANG NYE BA'I SAR YAB TSE RING BKRA SHIS DANG, YUM MGON MO TSE RING GI SRAS SU RAB BYUNG DGU PA'I ME 'BRUG LA 'KHRUNGS, DGUNG LO GCIG GNYIS NAS SNGON GNAS RJES DRAN GYI NGOS 'DZIN GSAL POR GSUNGS DGUNG LO BZHI PA LA 'BRAS SPUNGS SU SPYAN DRANGS TE THAMS CAD MKHYEN PA BSOD NAMS RGYA MTSO LA GTZUG PHUD PHUL, MTSAN BSOD NAMS YE SHES DBANG POR GSOL, DGUNG LO DGU PAR PHEBS PA SHING KHYI ZLA BA LNGA PA'I TSES BCO LNGA'I NYIN RJE BSOD NAMS RGYA MTSO DGUNG LO NYI SHU RTZA GNYIS PA BSNYEN RDZOGS BZHES PA DANG LHAN DU DGA' LDAN KHRI ZUR CHOS RJE BDE BA CAN PA DGE LEGS DPAL BZANG DANG, DGE 'DUN BSTAN PA DAR RGYAS MKHAN SLOB DE GNYIS LAS DGE TSUL MDZAD, DGUNG LO BCU GCIG PA ME STAG LOR SKYOR MO LUNG GI GDAN SAR PHEBS, DER BSNGO BA SMON LAM DANG BKA' CHOS SOGS THOGS MED DU GSUNGS PAS DER 'DUS THAMS CAD DAD PA'I GNAS LA BKOD, DGUNG LO BCU GNYIS PA LA CHA DKAR GRA TSANG DU SLOB GNYER LA PHEBS, YONGS 'DZIN DAM CHOS DPAL 'BAR BSTEN NAS GZHUNG LUGS LA SBYANGS, DGUNG LO BCU DGU PA SHING KHYI LOR RJE BSOD NAMS RGYA MTSO SOGS MKHAN SLOB DGE 'DUN BCU TSOGS LAS BSNYEN PAR RDZOGS TE, CHA DKAR GRA TSANG GI 'CHAD NYAN PA GNANG BAS GRA TSOGS SHIN TU CHE BA BYUNG ZHING, DGUNG LO NYI SHU RTZA GNYIS PA'I THOG RGYAL BA BSOD NAMS RGYA MTSO SOG YUL DU PHEBS PA'I PHYAG PHYIR YAB SRAS LHAN DU BYON PAS, AAL THAN CHOS KYI RGYAL POS RJE 'DI NYID LA MEE TRI PA ZHES PA'I LUNG DANG LAG

RTAGS KYI GZENGS BSTOD PHUL, YAB SRAS LHAN DU SOG YUL NAS, LDAN CHOS 'KHOR GLING DANG, KHAMS CHAB MDO SOGS SU PHEBS, RJE BSOD NAMS RGYA MTSO'I BKA' BZHIN CHAB MDO'I KHA MCHU BSDUM PA DANG, LI THANG GI CHOS SDE DANG THUB CHEN GYI SKU BZHENGS PA'I THUGS 'KHUR BZHES, THAMS CAD MKHYEN PA'I BSTOD BSNGAGS SNYAN NGAG GI LAM NAS BYUNG BA DANG, CHOG SGRIG DU MA DANG, BSTAN PA SPYI RNAM SOGS BSTAN BCOS KYANG MANG DU BRTZAMS, GZHAN YANG MDZO MO MKHAR, LCANG SKYA; KHI THA KHA, CO NE, THA'U BYE'U, BTZONG KHA SOGS SU ZHABS KYIS BCAGS NAS CHOS GSUNGS, DE NAS DGUNG LO SUM CU RTZA GSUM PAS BYI LOR DBUS PHYOGS SU PHEBS TE, SE 'BRAS DGE GSUM CHA DKAR SOGS LA MANG JA 'GYED SOGS BSNYEN BKUR RGYA CHER MDZAD, 'OL KHAR PHEBS, DE KHUL GYI CHOS SDE RNAMS DANG RGYAL DU MANG 'GYED BSTABS, 'OL KHA STAG RTZE NAS DPON SA DPAL LDAN CHOS 'DZOMS KYIS ZHABS TOG YUN RING DU MDZAD, SLAR SKYID SHOD DU CHOS SDE CHEN PO SKYOR MO LUNG GI KHRIR SPYAN DRANGS, MDO SNGAGS KYI CHOS 'KHOR MANG DU BSKOR, SDE PA 'OL KHA BAS GSOL BA BTAB PA LTAR SLAR YANG 'OL KHAR PHEBS, CHAB MDO'I BLA MAR SPYAN 'DREN BYUNG YANG DGUNG LO SO BDUN PA RAB BYUNG BCU PA'I CHU 'BRUG LA 'OL KHA GZHIS KAR ZLA BA DANG PO'I TSES NYI SHU DGU LA ZHI BAR GSHEGS PA'I TSUL BSTAN TO, SKU GDANG ME LHA'I ZHAL DU PHUL BA LAS RING BSREL DANG LHA SKU MANG DU BYON PA RNAMS DNGUL GDUNG GI NANG GZUNGS SU PHUL TE CHOS 'KHOR RGYAL DU BZHUGS SO, ` ,DE'I SKU SKYE NGAG DBANG BSOD NAMS

, ,DGE LEGS DPAL BZANG PO NI, 'OL KHA RI SBUG TU YAB TSE 'PHEL DANG, YUM BSOD NAMS SGROL MA'I SRAS SU RAB BYUNG BCU PA'I SHING PHO RTA LA 'KHRUNGS, RING POR MA LON PAR TSE GZUNGS SOGS GSUNGS PA DANG, NGOS 'DZIN GSAL POR GSUNGS PAS 'OL KHA STAG RTZE NAS DPON SA DANG, CHOS RJE NGAG DBANG CHOS SKYONG BLO BZANG PAS GZHIS KAR SPYAN DRANGS PAS CHU NANG GI PAD MA LTAR BSKYED DRAG PA DANG, DGUNG LO GSUM PA LA SKYID SHOD DU SA SKYONG GA-YUL RGYAL NOR BUS SPYAN DRANGS, CHOS RJE RGYAL KHANG RTZE PA DPAL 'BYOR RGYA MTSO LA GTZUG PHUD PHUL, DGUNG LO GSUM PA DE KHAR LHA SA SMON LAM LA CHOS KHRI'I KHA NAS BLA MA'I RNAL 'BYOR GSUNGS PAS THAMS CAD YA MTSAN DANG DAD PAR GYUR, BKRA SHIS LJONGS KYI GRA TSANG DU SLOB GNYER MDZAD, CHEN PO BYA MA KHANG GSAR BA'I DPAL 'BYOR BSOD NAMS LHUN GRUB LAS DGE TSUL BSGRUBS, MTSAN NGAG DBANG BSOD NAMS DGE LEGS DPAL BZANG POR GSOL, DGUNG LO BCU BZHI PA ME LUG LOR RGYAL BA THAMS CAD MKHYEN PA YON TAN RGYA MTSO SOG YUL NAS BOD DU PHEBS PA'I CHIBS BSUR BYON, MNGON DGA' SPRUL SKU DGE 'DUN DPAL BZANG RGYA MTSO DANG BGRO GLENG MDZAD PAS THAMS CAD MKHYEN PA MNYES NAS CHOS GSAN, DGUNG LO BCO BRGYAD PA LCAGS PHAG LOR 'BRAS SPUNGS DGA' LDAN PHO BRANG DU PAn CHEN BLO BZANG CHOS RGYAN GYI DRUNG NAS THAMS CAD MKHYEN PA YON TAN RGYA MTSO DANG LHAN DU RDO RJE PHRENG BA'I DKYIL 'KHOR ZHE LNGA'I DBANG YONGS RDZOGS GSAN, DGUNG LO NYI SHU PA CHU GLANG LOR 'BRAS SPUNGS SU PAn CHEN RIN PO CHE BLO BZANG CHOS KYI RGYAL MTSAN LAS BSNYEN PAR RDZOGS

TE, LO DE'I DBYAR THOG GTZANG BKRA SHIS LHUN POR PHEBS NAS GZHUNG LUGS LA GSAN SBYONG MDZAD PAS RNAM DPYOD KYI RTZAL NYIN RE NAS NYIN RER 'PHEL ZHING, TSOGS SU LJAGS BSHAD MDZAD PAS PAn CHEN RIN PO CHE MNYES TE GZIGS PA CHEN POS BSKYANGS SHING DGE BA'I BSHES GNYEN GYI MTSAN GYIS GZENGS BSTOD, SA SKYA TSUN GYI GCANG GNAS RNAMS ZHIB MJAL MDZAD NAS DBUS SU PHEBS, MAR LAM GONG DKAR RDO RJE GDAN DANG, BYAMS PA GLING, RTZED THANG SOGS KYI GNAS RTEN RNAMS MJAL TE, 'OL KHA DANG RGYAL DU PHEBS, RGYAL NAS RJE YON TAN RGYA MTSO DANG YAB SRAS LHAN DU SKYID SHOD DU PHEBS TE YON TAN RGYA MTSOR MDO SNGAGS KYI ZAB CHOS MANG DU PHUL, DE LO SOG 'GRUL KHYON CHE 'BYOR PA RNAMS KYIS MCHOD CING DE DAG LA RANG RANG GI 'DOD CHOS KYIS RE BA BSKANGS, MKHAR NAG LO TZ'A BAS RJE YON TAN RGYA MTSO'I RNAM THAR BSTOD PAR, DUS DER DPAL LDAN 'BRAS SPUNGS SU, ,PAn CHEN THAMS CAD MKHYEN PA DANG, ,SPRUL SKU BSOD NAMS DGE LEGS DPAL, ,MKHAN SLOB DGE 'DUN KHA SKONG BCAS, ,NYES MED PHUN TSOGS BSNYEN PAR RDZOGS, ,ZHES GSUNGS PA LTAR, DGUNG LO NYER GCIG PA SHING STAG HOR ZLA BCU GNYIS PA'I NANG 'BRAS SPUNGS SU PAn CHEN BLO BZANG CHOS RGYAN GYIS MKHAN PO DANG, RJE 'DI PAS LAS KYI SLOB DPON MDZAD DE THAMS CAD MKHYEN PA YON TAN RGYA MTSO BSNYEN PAR RDZOGS, STONG 'KHOR SPRUL SKU 'JAM DBYANGS SANGS RGYAS RGYA MTSO SOGS KYIS CHOS ZHUS SHING LHA SA SMON LAM CHEN MO'I GRAL DBU MDZAD, DGUNG LO NYI SHU RTZA GNYIS PA RAB BYUNG BCU PA'I SHING YOS ZLA BA GNYIS PA'I BCO LNGA LA LHA

, ,SAR 'BRUM PA'I BSNYUN GYIS CHOS DBYINGS SU GSHEGS, GDUNG LHA SKU RING BSREL GYI PHUNG POR BYON PA LA GDUNG RTEN SANGS RGYAS TSE DPAG MED KYI SKU BZHENGS SO, ` ,LHA KHYOD PAn CHEN BLO BZANG CHOS RGYAN MDUN, ,MNGA' SPRUL GRAGS PA'I MTSAN CAN GYUR PA NA, ,DGUNG LO BCU GSUM BZHES TSE BDE LAM SOGS, ,GSAN TE GDAMS PA'I GTER CHEN GYUR LA BSTOD, ,CES PA NI, NGAG DBANG BSOD NAMS DGE LEGS DPAL BZANG GI MCHOG GI SPRUL SKU GRAGS PA RGYAL MTSAN DPAL BZANG PO DE NYID STOD LUNG GAD KHA SAR YAB RNAm SRAS NOR BU DANG YUM AA RGYAL GYI SRAS SU RAB BYUNG BCU PA'I SA LUG LOR NGO MTSAR BA'I LTAS DU MA DANG BCAS SKU BLTAMS, DGUNG LO DRUG GI STENG PAn CHEN BLO BZANG CHOS KYI RGYAL MTSAN GYI YE SHES KYI GZIGS PA DRI MA MED PAS GZIM KHANG GONG GI SPRUL SKU BSOD NAMS DGE LEGS DPAL BZANG MCHOG GI YANG SRID DU NGOS 'DZIN MDZAD DE DE NYID KYI KHRI LA MNGA' GSOL ZHING MTSAN GRAGS PA RGYAL MTSAN DU GSOL, DGUNG LO BDUN PA SHING GLANG LOR PAn CHEN BLO BZANG CHOS RGYAN GYI DRUNG NAS TSIGS SNGA MA DGE TSUL GYI SDOM PA BZHES SHING, RDO RJE 'JIGS BYED KYI DBANG DANG, TSE DBANG, MGON CHOS SOGS CHOS SKYONG 'GA'I RJES GNANG, JO BO'I LAM YIG GI LUNG RNAMS GSAN, DGUNG LO BCU GSUM PA RAB BYUNG BCU GCIG PA'I LCAGS LUG LOR PAn CHEN GYI DRUNG NAS BYANG CHUB LAM RIM BDE LAM GYI STENG NAS ZAB KHRID ZHIB RGYAS DANG, SRAD BRGYUD LUGS BLA MA'I RNAL 'BYOR DGA' LDAN LHA BRGYA MA'I KHRID SOGS LUNG KHRID MANG TZAM GSAN, DGUNG LO NYI SHU PA SA STAG ZLA

BA BZHI PA'I TSES BDUN NYIN LHAS DGA' LDAN KHANG GSAR DU GANGS RI'I KHROD KYI SDOM BRTZON NGUR SMRIG 'CHANG BA RNAMS KYI GTZUG RGYAN PAn CHEN THAMS CAD MKHYEN PA BLO BZANG CHOS KYI RGYAL MTSAN GYI DRUNG NAS SO THAR SPONG BDUN 'KHOR BCAS KYI BSLAB GZHI YONGS SU RDZOGS PA'I DGE SLONG GI BSLAB PA SMAD 'DUL GYI SDOM RGYUN YANG DAG PAR BZHES TE DE NAS BZUNG BSLAB PA'I GZHI PHRA MO LES MI 'DA' BAR TSUL BZHIN BSRUNG BAR MDZAD PA GNAS BRTAN NYE BAR 'KHOR GNYIS PA LTAR GYUR, DGUNG LO NYER GSUM PA LCAGS SBRUL LOR PAn CHEN THAMS CAD MKHYEN PA'I ZHAL SNGA NAS LA RGYAL SRAS BKA' 'BUM SOGS MDO SNGAGS KYI LUNG KHRID SNA TSOGS DANG, DBANG DANG RJES GNANG GI RIGS DU MA'I GSOL 'DEBS MDZAD PA BZHIN PAn CHEN MCHOG NAS THAMS CAD DGYES BZHIN DU LHUG PAR BSTZAL, DE'I RJES SLAR YANG DGUNG LO NYER BRGYAD PA ME KHYI LOR GTZANG STOD BKRA SHIS LHUN POR CHED GNYER GYIS PHEBS TE PAn CHEN CHOS KYI RGYAL POR ZAB CHOS DU MA'I GSOL 'DEBS ZHU GNANG MDZAD PAR, PAn CHEN RIN PO CHE SKABS DER MDZAD BREL SHIN TU CHE BA'I SGANG ZHIG LA KHEL YANG, RE ZHIG MDZAD SENG 'JOG GNANG GIS RJE BTZUN TZONG KHA PA CHEN PO DANG, MKHAS GRUB THAMS CAD MKHYEN PA'I BKA' 'BUM GYI GRAS NAS LAM RIM CHEN MO DANG, SNGAGS RIM CHEN MOS GTZOS PA'I MKHO GAL SNA TSOGS, BKA' GDAMS KLEGS BAM YONGS RDZOGS, BKA' GDAMS CHOS 'BYUNG, PAn CHEN RANG GI GSUNG 'BUM BCAS KYIS MTSON PA'I BKLAG LUNG MANG PO DANG, SNAR THANG BRGYA RTZA, SGRUB THABS RGYA MTSO, MGON PO BKA' CHEN BCU GSUM, MGON ZHAL RNAM 'GYUR

, ,BCU BDUN, CHOS RGYAL PHYI NANG GSANG GSUM, JO BO'I BKA' SRUNG BKA' GDAMS SGROL MA BCU GNYIS KYI RJES GNANG SOGS SPYI BKA' DANG ZUR BKA'I RJES GNANG GI RIGS DU MA, DBYAR GNAS SKABS BKRAS LHUN TSOGS CHEN DU DGE 'DUN STONG PHRAG BRGAL BA DANG MNYAM DU RDO RJE'I PHRENG BA DANG, KRi YA SBRAGS MA'I DKYIL 'KHOR ZHE LNGA'I DBANG CHEN YONGS RDZOGS SOGS MDO SNGAGS ZAB CHOS KYI DBANG KHRID LUNG GSUM DU MA ZHIG DGYES BZHIN DU BSTZAL BA RNAMS GSAN CING, DE NAS DPON SLOB PAn CHEN RIN PO CHE DANG LHAN CIG DBEN DGON DU PHEBS TE DGA' LDAN SNYAN BRGYUD THUN MONG MA YIN PA'I ZAB CHOS KYI 'PHRO RNAMS GSAN TE DBUS PHYOGS SU PHEBS, ,DGUNG LO SUM CU SO GSUM PA LCAGS YONGS ZLA BA LNGA PA'I NANG RGYAL MCHOG LNGA PA CHEN POS 'BRAS SPUNGS TSOGS CHEN 'DU KHANG DU SE 'BRAS KYI BLA MA SLOB DPON RNAMS KYIS THOG DRANGS DGE 'DUN STONG DU NYE BA DANG, KHAL KHA BA DUR HUNG THA'I JI SOGS DPON RIGS BRGYA SKOR BCAS LA RDOR PHRENG DANG, KRi YA SBRAGS MA'I DKYIL 'KHOR ZHE LNGA'I DBANG STZAL SKABS RJE 'DIS DBANG YONGS RDZOGS SLAR YANG TSAR GCIG GSAN, DGUNG LO SO BZHI PA CHU 'BRUG LOR ^RGYAL MCHOG LNGA PA CHEN PO RGYA NAG TU PHEBS LAM STOD LUNG BRGYUD CHIBS ZHAL BSGYUR SKABS RJE 'DIS ZLA BA GSUM PA'I TSES BCO BRGYAD NYIN SKYOR MO LUNG DU GDAN DRANGS TE GSOL TSVA'I BSNYEN BKUR DANG 'BREL BDOG PA'I DNGOS PO GYA NOM PAS MCHOD CING, 'DAM BSAM GRUB BDE CHEN PAR DU PHEBS BSKYEL MDZAD, SLAR LNGA PA CHEN PO RGYA NAG NAS DBUS LJONGS SU ZHABS SOR 'KHOD SKABS RJE 'DI

NYID SPO BO CHU MDOR BZHUGS MUS NAS SHAD RTZOL GYIS PHEBS TE CHU SPRUL ZLA BA BCU GNYIS PA'I TSES GSUM NYIN JA DANG RTA KHRAB KYIS MTSON PA'I 'BUL BA GTOS CHE BA DANG BCAS MJAL PHYAG MDZAD, SHING RTA LOR LNGA PA CHEN PO GTZANG DU PAn CHEN CHOS RGYAN DANG MJAL 'DZOMS MDZAD NAS PHYIR PHEBS SKABS PHEBS BSUR BCAR ZHING, DE LO ZLA BA BCU PA'I TSES BCU GCIG NYIN LNGA PA CHEN PO GZIM KHANG GONG DU GDAN DRANGS NAS TSE DBANG BRGYA RTZA GSAN, DGUNG LO SUM CU SO BRGYAD PA ME SPREL ZLA BA GSUM PA'I TSES BCU GNYIS NAS NYIN NYER GSUM RING LNGA PA CHEN PO'I DRUNG NAS THAMS CAD MKHYEN PA DGE 'DUN RGYA MTSO'I GSUNG 'BUM GYI LUNG GSAN, GZHAN YANG PAn CHEN CHOS RGYAN GYI DNGOS SLOB GU GE CHOS RJE SNYING STOBS RGYA MTSO SOGS BSHES GNYEN DU MA'I DRUNG NAS ZAB PA DANG RGYA CHE BA'I MDO SNGAGS KYI CHOS TSUL MTHA' YAS PA GSAN NAS THEG PA MCHOG GI GDAMS NGAG NOR BU'I GTER CHEN POR GYUR PA STE, DE LTA BU'I RNAM PAR THAR PA'I TSUL LA BSTOD PA'O, ` ,RGYAN DRUG GZHUNG LA RNAM DPYOD THOGS PA MED, ,DBEN GNAS BRGYA PHRAG BRGAL BAR SGOM SGRUB MDZAD, ,YI DAM KUN GZIGS MKHA' 'GRO DRA BAS MCHOD, ,MKHAS GRUB KUN GYI GTZUG RGYAN DAM PAR BSTOD, ,CES PA NI DAM PA 'DI NYID SKU GZHON NU'I DUS NAS BZUNG 'BRAS SPUNGS BLO GSAL GLING DANG, SKYOR MO LUNG, RVA BSTOD SOGS MTSAN NYID KYI BSHAD GRVA RNAMS SU BSHES GNYEN MKHAS PA DU MA'I DRUNG NAS 'DZAM GLING RGYAN DRUG MCHOG GNYIS DANG, RJE TZONG KHA PA YAB SRAS KYI LEGS BSHAD RMAD DU BYUNG BA RNAMS KHOL BU TZAM MIN PAR TSIG DON

, ,RE RE BZHIN MDZUB KHRID MANG DU GSAN CING, GZHUNG DON LA RIGS LAM PHRA MOS BRGAL ZHING BRTAG PA'I SGO NAS DKA' BA'I GNAD MTHA' DAG PHYIN CI MA LOG PAR THUGS SU CHUD DE RAB 'BYAMS GZHUNG BRGYA'I ZAB DON 'BYED PA LA THOGS PA MED PA MKHAS PA'I RNAM DPYOD KYI RTZAL YONGS SU RDZOGS SHING, DE LTAR THOS PA RGYA MTSO'I PHA ROL TU SON PA NA, 'OL DGA' CHOS LUNG DANG, RGYA SOGS ,LTA SDINGS, RIN CHEN SGANG, RGYAL LTA THOG ,RI BO DGE 'PHEL SOGS DBEN GNAS DU MAR DKA' THUB DANG BRTZON PA DRAG POS BLA MA'I RNAL 'BYOR DANG 'BREL BA'I BSAGS SBYANGS DANG, LHAG PA'I LHA DU MA'I BSNYEN SGRUB SOGS RTZE GCIG SGRUB PA LA GZHOL BAR MDZAD PAS MDO DANG RGYUD SDE NAS BSHAD PA DANG MTHUN PA'I NYAMS RTOGS KLONG DU GYUR TE GRUB PA MCHOG GI SAR GSHEGS SHING, RAB 'BYAMS DKYIL 'KHOR RGYA MTSO DANG THABS GCIG TU DAG PA'I SNANG BA 'BYAMS SU KLAS PA'I TSUL LA BSTOD PA YIN NO, ,DE YANG RJE 'DI NYID SKU GZHON NU'I DUS NAS BZUNG BLA MA DANG LHAG PA'I LHA SOGS KYI DAG PA'I GZIGS SNANG SNA TSOGS PA SHAR BA'I RNAM THAR NGO MTSAR BA DU MA ZHIG YOD TSOD 'DUG KYANG, YON TAN THAMS CAD BUM NANG GI MAR ME BZHIN SBA BA JO BO BKA' GDAMS PA'I RNAM THAR LHUR BZHES KYIS YI GER 'GOD PAR MA MDZAD LA, DAD LDAN RNAMS NAS NAN GYIS ZHUS NGOR BSTZAL BA'I ZIN THO KHAG THOR BUR BZHUGS PA LAS 'GA' SHAS TZAM ZHIG LAG TU SON PA RNAMS RJE DE NYID KYI GSUNG BCOS LHAD MED PAR RANG GZHAN GYI YID CHES DAD PA'I GSOS SU

'GOD NA 'DI LTAR, ` ,NA MO SHRI GU RU MANYDZU GHO sh'A YA, BLA MA DANG MGON PO 'JAM DPAL DBYANGS LA PHYAG 'TSAL LO, ,RGYAL BA'I YAB GCIG MGON PO 'JAM DPAL DBYANGS, ,THA MA'I DUS 'DIR 'GRO BA'I 'DREN PA MCHOG ,KHAMS GSUM CHOS KYI RGYAL PO TZONG KHA PA, ,BKA' DRIN GSUM LDAN BLO BZANG GRAGS PAR 'DUD, ,MGON PO DE YI BSTAN PA 'DZIN PA LA YID LTAG PAR SPRO BA'I SNGON GYI SMON LAM GYI STOBS KYIS DUS 'DIR YUL DGE MTSAN DU MA DANG LDAN PA SKYID SHOD MTHIL DU SKYE BA YONGS SU BLANGS PA'I CHOS MED KYI BAN CHUNG BDAG GIS 'KHOR BA'I GNAS SU 'KHYAMS PA'I GNAS TSUL RGYAS PAR SMRAS KYANG DGOS PA CHER MI BDOG CING, LHAG PAR DENG SANG GI SKYE BO RNAMS NI RANG SKYON JI LTAR CHE YANG MI MTHONG ZHING, GZHAN SKYON CUNG ZAD 'DUG KYANG SGRO 'DOGS DANG SKUR 'DEBS BYED PA MANG, DE LA BRTEN NAS DAM PA'I ZHING LA SDIG PA DANG GIS GSOG KYANG, RANG NYID SKYE BA SNGON MA'I LAS 'PHRO DANG, BAG CHAG BZANG BA'I MTHUS CHUNG NGU'I SKABS SU YI DAM LHA SKU'I SNANG BA 'DRA MTHONG BA SOGS KYI LO RGYUS BRJOD CHOG KYANG, DE 'DRA RANG YOD NA DA BZANG STE, MI CHOS BLA MA'I RDZUN TSIG MIN LAS CHE ZER, MCHED GROGS SU MTHONG BA'I SDIG CAN LA LA ZHIG NGAN SONG DU 'GRO BA'I RGYUR 'GRO NYEN CHE, 'ON KYANG DAD LDAN NANG KHUL PHAN TSUN DU BSGRAGS PA LA NI 'GAL BA RANG MED DE, SLAR YANG YID CHES KYI DAD PA SKYE BA DANG, 'PHRAL RGYUN GYI LAG GA-YOG BGYI BA LA YANG YID SPRO TZAM 'BYUNG BAS SO, ,DE YANG CHUNG DU BYIS PA'I GNAS SKABS 'GA' ZHIG TU RMI LAM BYUNG TSUL RNAMS, PHYIS BRTAG ZHIB BYAS PAS DON CUNG ZAD GO BA'I

, ,TSUL PHRAN BU TZAM BRJOD NA, RANG LO BDUN LON PA'I DUS SU TSE SNGON MA'I BAG CHAGS KYI DBANG GIS YI GE 'BRI BA DANG, KLOG PA LA BLO LHAG PAR DGA' BA ZHIG YOD PAS, NUB GCIG RMI LAM NA RGYA GAR NAS 'ONGS ZER BA'I MI DKAR PO GCIG SLEBS BYUNG NAS, BEE d'URYA LTA BU'I GLEGS SHING GI NGOS LA, RIG BYED KUN LA CHUNG NGU'I DUS NAS SBYANGS, ZHES PA GSER GYI YI GE LANYTZA'I GZUGS SU BRIS PA GCIG BSTAN BYUNG BA NA, GNYID SAD PA NAS KYANG YI GE DE MA BRJED PAR SHOG TSAL GCIG LA BRIS, CHOS RJE SKU SKYE LA 'DI RJE GONG MA'I SLOB MCHOS RJE CHOS SKYONG BLO BZANG PA ZHES PA DE YIN, LA GZIGS PAR PHUL BAS, LANYTZA 'DI 'DRA LEN BYAS PA MIN NA NGO MTSAR RE CHE YIN 'DUG ,'ON KYANG BOD YIG KLOG PA RANG CIG SLOB GSUNG BAS RKYEN BYAS PAS SANG NYIN DE NYI MA RTZE SHAR NAS DGONG JA MA BYUNG BAR DU BSLAB PAS SBYOR KLOG DANG, ZHAG BDUN SONG NAS SNGAGS PHRAN BU MA GTOGS GZHAN RNAMS KLOG LEGS PAR SHES PA BYUNG BAS, NYIN GCIG CHOS RJE SKU SKYE'I SKU ZHABS SU JO BO'I CHOS CHUNG BRGYA RTZA TSAR GCIG KLOG PAS THUGS SHIN TU MNYES PAR GYUR NAS, KHO BO LA RGYA KHAB BCU BAM ZHIG GNANG BYUNG BAS, BDAG LA 'DI GNANG LUGS KYIS RIG PA RGYA KHAB KYI RTZE LTAR RNO BA ZHIG YONG RGYU YIN PA 'DRA, RTEN 'BREL LEGS PA BYUNG SNYAM, SANG NYIN DER RNYING MA LUGS KYI 'JAM DBYANGS NA GA RAKshA'I SGRUB SKOR GYI DPE CHA ZHIG GNANG NAS, 'DI DE RING RANG ZIN PA BYED DGOS RGYU YIN PHEBS BYUNG YANG, DUS DER NGED RANG GIS BYIS PA'I RTAGS BYAS RNYING MA'I CHOS KHAM CHE CHUNG NI MA SHES, RJES 'JUG YIN ZER BA'I TSAL BA SNGAGS 'CHAD NAS DANG BCAS

KHONG RNAMS KYIS NANG MCHOD LA KHAG BTAGS PA'I CHANG MANG PO RANG BZHES PA ZHIG 'DUG PAS BLOR MA SONG ZHING, LHAG PAR RANG LO GSUM LON PA'I THOG SOG PO'I SGAR KHROD DU YUN RING BAR SDOD DGOS PA BYUNG BA NA, KHA ZAS KYANG LUG BSAD MA THAG PA'I SHA KHU KHO NA LA BRTEN CING, DMAG MI RNAMS DANG KHA PHOR BSRE DGOS PAR BYUNG BAR BRTEN, ZAS GRIB KYIS LCE'I STENG DU THOR PA NAG PO SRAN MA TZAM PA SHAR BAS, LCE MI BDE ZHING 'DZIN YANG RE DAG YOD PA DANG, PHYI DRO'I DUS SU RTZE GROGS KYI BTZUN CHUNG GNYIS DANG BCAS, THOG GI YANG RTZER MIG MANGS RGYAG GIN BSDAD PAS RTZED MOS YENGS NAS DPE CHA MA ZIN PA'I NGANG LA CHOS RJE'I SKU GZHOGS LA RGYUGS 'BUL BAR SHOG GSUNGS 'BOD MI GNANG BYUNG BAR SNYING TSA LONG BA'I NGANG LA PHYIN PA'I TSE, GZUNG AE TSAR GNANG BAR, DE MDZAD PA PO DE RANG DGE LUGS KYI BLA MA ZHIG MIN PA 'DRA ZHING, NGA MDANGS SANG DKOR GRIB KYIS 'DZIN KYANG SHIN TU DOG PAR 'DUG PAS ZIN MA BYUNG LAGS ZHUS PAS, SPYIR CHOS THAMS CAD SH'AKYA THUB PA'I ZHAL NAS MA BYUNG BA MED PAS CHOS LA KHAM CHE CHUNG MI YONG, DE 'DRA BYAS NA SDIG PA YONG BAS MA ZER, DE'I NANG NAS PAn CHEN BSOD NAMS GRAGS PA NAS SPRUL PA'I SKU DGE LEGS DPAL BZANG GI BAR BLA MA MKHAS PAR RANG DU BRGYUD PA KHO NA YIN NA, DE YI SKU SKYE BYAS NAS DPE CHUNG GCIG MA ZIN PA THABS RDUGS GSUNGS NAS, SKU GZHOGS DER SMYUG BSHAGS SHIG 'DUG PA'I PHYAG 'JUG DANG DKA' BKYON TSAN CHE BA GNANG BYUNG ZHING, DPRAL BAR SMYUG MA'I TSAL BA ZHIG ZUG PA LA KHRAG KYANG

, ,MANG DU SHOR BYUNG RUNG, DE TSE RANG LA SHA TSA GNANG BAR GO ZHING, NGAL BA SNGON DU MA SONG BA'I, ,PHYIS SU MKHAS PAR GAL 'GYUR, ,ZHES PA LTAR, DA LTA CHUNG NGU'I DUS SU KHAG PO DANG, SDUG PO MA BYAS NA, PHYIS YAR LA LONGS NAS SUS KYANG MI CHUN CING, DRED PO KUN GYI NANG NAS CHOS DRED MTHU BA'I BANDE YON TAN MED PA ZHIG BYUNG NA CI 'DRA BYED SNYAM NAS, RANG GIS RANG BCUN TE BKA' BKYON LA YANG 'DZIN PA MA BYAS, 'ON KYANG DPE CHUNG GCIG NYI MA GCIG LA MI ZIN PA CI DRAG SNYAM, SEMS KHONG DU CHUD CING MCHI MA YANG MANG DU SHOR ZHING KHUG SKYOG CIG TU GCIG PUR NGU YI 'DUG PAS, GROGS BTZUN CHUNG GNYIS NAS DE 'DRA MA BYED PAR GCOD 'ONG, DPE CHA SANG ZHOG BZUNG BAS CHOG ,CES SEMS GSO BTANG, NYOL ZER BYUNG NA YANG, NAM GYI CHA STOD LA GNYID KYANG CHER MA BYUNG, DE NAS BSAM BLO YANG MANG DU BYUNG ZHING, DA NGA SPRUL SKU GONG MA RNAMS KYI ZHABS MA DRANGS PA DANG, RGYAL BA TZONG KHA PA'I BSTAN PA LA PHAN CHE BA MA BYUNG YANG, BSTAN 'DZIN SKYES BU RNAMS KYI DMIGS RKYEN LA MA GNOD TZAM ZHIG YONG LAS CHE, JI LTAR NA'ANG BDAG GI BLO SNYING BRANG GSUM DKON MCHOG GSUM LA GTAD PA BAS NA, NGA'I SKYID SDUG LEGS NYES JI LTAR YONG YANG DKON MCHOG GSUM PO RANG MKHYEN SNYAM NAS NYAL BA'I NAM GYI CHA SMAD GNYID DU SONG BA'I RMI LAM NA, BUD MED GZHON NU MA GOS DKAR PO DRI MA MED PA GYON PA ZHIG BYUNG NAS, BDAG GI LAG PA GNYIS NAS 'THEN TE YAR LA LONGS SHIG ZER BA NA LANGS NAS

DE DANG LHAN DU LAM DKAR PO SKYA TA LE BA ZHIG 'DUG PA LA 'GROGS TE PHAR PHYIN TZAN GANGS RI CHEN PO GCIG GI MDUN NAS BSKOR TE KHRID BYUNG, RI BO DE'I RGYAB NA SHAR PHYOGS KYI DAG PA'I ZHING MNGON PAR DGA' BZHES BYA BA YIN ZER BA'I, SNGAR MTHONG MA MYONG BA'I YUL YA MTSAN CAN, SPANGS LJONGS SNGON PO ME TOG RGYA KHA MA KHO NAS KHEBS PA, MTHA' THAMS CAD RI BOS BSKOR BA'I RTZE MO RNAMS LA GANGS KYIS NON PA, SKED PA RNAMS RDZA SNGO KHROM KHROM PA'I DKYIL NAS GLING BU'I SKAD TZER TZER 'BYUNG BA, SMAD RNAMS NI SHUG PA SOGS KYI NAGS TSAL LJANG KHU'I PHRENG BA 'KHRIGS PA'I GSEB NAS RI DVAGS SMUG PO GSER GYI DRIL BU SKE LA BTAGS PA MANG PO GCIG LA GCIG BLTA ZHING BAG PHEBS PAR GNAS PA, LJON SHING RNAM PA SNA TSOGS KYI RTZE NA BYA MGO DKAR PO, SKE SNGON PO, GSHOG PA SER PO, RKANG LAG DMAR ZHING 'JUG SGRO LJANG GU CAN MANG PO TING NGE 'DZIN NI RING DU 'DZIN, ZHES PA'I SGRA SNYAN PO MI'I SKAD DU 'BYIN PA, SHING RNAMS KYI KHROD NA SHEL DKAR LTA BU'I CHU MIG GI RGYUN LHUNG LHUNG ZHES PA'I SGRA DANG BCAS BEE d'URYA'I WA LAS SHEL GZHONG GI NANG DU 'BAB PA LA, SHIN TU NAS MDZES PA'I BYIS PA MANG PO RTZE ZHING KHRUS BYED KYIN 'DUG PA LAS, NGA LA YANG KHRUS KYIS ZER BYUNG BA BZHIN BYAS PA'I MDO LA RANG GI LUS KYANG SHEL LTA BUR GYUR PA'I SNANG BA SHAR ZHING, DE NAS BYIS PA DKAR PO LA GAN SHEL PHRENG THOGS PA GCIG GIS, LAM 'DI NA YOD PAS SHOG CIG ZER KHRID BYUNG BA'I NGANG LA, BLO BUR DU RLUNG DMAR CHEN PO ZHIG LANGS BYUNG BA'I DKYIL NAS MI NAG PO ZHVA DANG GOS NAG PO GYON PA, RTA NAG PO ZHON PA GCIG

, ,BYUNG BA DES KHO BO PANG PAR BTEG STE RTA MJUG LA BSKYON NAS, PHYIR BZLOG AE THUB BLTA BA'I GRABS BYED KYI NA 'DUG PAS, SHING GSEB NAS MI DKAR PO RGAS SHING 'KHOG PA'I RNAM PA CAN, SKRA DANG KHA SPU DKAR LA SNUM PA, LAG TU MI RKANG GI GLING BU KHYER BA ZHIG 'THON NAS MI NAG PO DE LA RKANG DUNG DE BRGYAB SONG BAS RLUNG 'TSUB TU GYUR NAS YAL SONG BA'I MOD LA, SLAR YANG KHYE'U DKAR POS LAM SNA BYAS TE SHEL GYI RI ZHIG 'DUG PA LA 'DZEGS TE PHYIN PA NA, DE'I RTZE MOR SHEL LAS GRUB PA'I PHO BRANG YANGS SHING RGYA CHE BA PADMA RA GA'I KA BA BRGYA BTZUGS PA, GDUNG MA THAMS CAD NI BEEd'U R+YA, LCAM NI MRGAD, DRAL MA NI AINDRA NI LA, ZHAL BA NI GSER KHO NA LAS BYAS PA, DE'I THOG TU GSER GYI RGYA PHIBS PHUB PA'I MTHA' LA DNGUL GYI DRIL BU MANG DU BTAGS PA LAS CHOS KYI SGRA SNYAN PAR SGROG PA, KHANG GA-YOG BRGYA DANG BRGYAD KYIS BSKOR BA'I ZUR BZHI LA GSER GYI RGYAL MTSAN BZHI DANG, PHYOGS BZHIR LCOG BZHI LA RIN PO CHE SNA BZHI'I RGYA PHIBS KYIS MDZES PA'I 'OG TU SHAR DU SHEL, LHOR BEEd'U R+YA, NUB TU PADMAR GA ,BYANG DU MRGAD KYI SGO BTZUGS PA, NGOS THAMS CAD NI DNGUL DANG GSER GYI AA LONG GIS SPRAS PA'I 'GRAM GA-YAS GA-YON DU SGO SRUNG LTA BU GZHON NU BYI RU'I DBYUG PA BZUNG BA GNYIS RE GNAS PA, DE'I PHYOGS MTSAMS BRGYAD DU SKYED MOS TSAL DANG, DPAG BSAM GYI SHING DANG, SHEL CHU LTAR DVANGS PA'I KHRUS KYI RDZING BU RE RE YOD PA LA ME TOG LTAR MDZES PA'I LHA BU'I TSOGS KHRUS BYED CING 'KHOD PA ZHIG

'DUG GO ,DE NAS CUNG ZAD SONG BA NA ME TOG DKAR PO'I CHAR CHEN PO BABS SNYAM BYUNG BAS, YAR NAM MKHA' LA BLTAS PAS GSER THOG GI RTZER 'JA' TSON KHA DOG LNGA PA PHUB TZAM ZHIG 'KHYIL BA'I DKYIL NA RGYAL BA TZONG KHA PA GSER MDOG LTA BU'I DBU PAn DANG, SKU LA SNAM SBYAR NGUR SMRIG BZHES PA, SER LDEM LDEM PA'I PHYAG GA-YON PAS GSER GYI DRIL BU 'KHROL BA DANG, PHYAG GA-YAS PAS SHEL GYI RDO RJE RTZE LNGA PA ZHIG LA DAR DKAR GYIS BRGYAN NAS GA-YAB PA GNANG ZHING 'DUG PAS, LHO SGO NAS 'DZUL TE PHYIN PAS GZHAL YAS KHANG DE'I NANG NA RMA BYAS BTEGS PA'I KHRI LA RIN PO CHE DU MAS SPRAS PA'I STENG NA DUS GSUM GYI SANGS RGYAS RNAM PAR SNANG MDZAD CHEN PO LA 'KHOR BYANG SEMS GRANGS MED PAS BSKOR NAS BZHUGS 'DUG ,SKU LA ME TOG ZHIG GTOR BA'I MOD LA ZAB PA DANG RGYA CHE BA'I CHOS KYANG MANG DU GSUNGS PA NYAN, DE NAS SKU YI CHA LAS 'OD ZER BZHI BCU ZHE DGU 'PHROS PA'I RTZE MO LA MGON PO TSE DPAG MED PA'I SKU RE RE BZHUGS 'DUG PA'I BCU NI SHEL BUM GYI NANG NAS KHRUS CHU 'THOR BA'I PHYAG RGYA MDZAD PA ZHIG 'DUG ,DE NI LO BCU'I BAR DU DKOR DANG LAS SGRIB KYI DBANG DU GYUR PA'I NYON MONGS PA'I DRI MA KHRUS SHIG PA'I DON DANG, BSHAGS SBYANGS LA GTZO BOR 'DON DGOS PA'I RTAGS SU GO NAS RANG LO BCO LNGA LON PA'I THOG NAS, SNGA SOR MYA ? THOG ? PU'I DBEN GNAS NAGS MA'I SMAN LJONGS SU ZLA BA KHA SHAS KYI BAR LA KHA ZAS RIGS PA MTHA' DAG KYANG SPANGS SHING RDE'U BCUD LEN KHO NA LA BRTEN NAS NYIN RE LA BRGYA PHYAG BCU RE MA CHAG PA DANG,

, ,BSKOR BA YIG BRGYA LTUNG BSHAGS SOGS LA 'BAD PAS, NYAMS DANG RMI LAM KUN TU MKHA' 'GRO MA DU MA DANG LHAN CIG NAM MKHA' LA 'PHUR NAS 'O DE GUNG RGYAL GYI GANGS RI LA BSKOR BA BYED CING 'O MA'I MTSO LA KHRUS BYED PA DANG, SHES RGYUD 'JAM DU 'GRO ZHING YID LA SKYO SHAS CHEN PO 'BYUNG BA SOGS SGRIB PA BYANG BA'I RTAGS DANG MTSAN MA MANG DU BYUNG, YANG GONG GI 'PHROS LAS, TSE DPAG MED BCU NI SKYABS SBYIN GYI PHYAG RGYA BYED PAR 'DUG ,DE NI KHO BO BYIS PA'I GNAS SKABS KYI LO BCU MA LON BAR DU DNGOS DANG RMI LAM TSUN CHAD DU BAR GCOD KYI 'TSUB 'GYUR SHIN TU MANG BA BYUNG BA RNAMS BZLOG PA'I THABS DGE SBYOR LA BRTZON DGOS PA'I RTAGS YIN 'DUG ,YANG TSE DPAG MED NYER DGU NI CHOS 'CHAD KYI PHYAG RGYA CAN DU 'DUG ,DE NI LO NYER DGU'I BAR DU GZHAN DON GYI CHOS LA BRTZON PAR BYED DGOS PA'I RTAGS DANG, YONGS BSDOMS TSE DPAG MED ZHE DGU'I GRANGS SU 'DUG PA YANG, LEGS PAR BRTAGS TSE RANG GI TSE'I TSAD KYANG BZHI BCU ZHE DGU TZAM DU NGES PA 'DRA SNYAM DU SOMS SO, ,DE'I RJES SU GTZO BO'I THUGS KA NAS 'OD ZER LCAGS KYU LTA BU GCIG BYUNG STE, NGA RANG GI SNYING KHAR PHOG PAS LUS SEMS LA SNGAR MED KYI BDE BA CHEN PO SKYES BYUNG BA DE YANG, 'DI NAS 'PHOS NAS SHAR PHYOGS MNGON DGAR NYANG TZAM 'GRO DGOS RGYU'I RTAGS BZHIN YIN PA 'DRA SEMS, DE'I NGANG NAS BOD KHA BA CAN NAS 'ONGS ZER BA'I MI DKAR PO GCIG 'BOD DU BYUNG 'PHRAL, GZHAL YAS KHANG GI SGO NANG NAS PHYIR DON 'ONGS BA NA, TSE RABS GTAN

GYI SKYABS GNAS RGYAL GYUR CIG ,CES PA'I SGRA 'BRUG LTA BU ZHIG NAM MKHA' NAS LDIR BA'I NYAMS BYUNG, PHYI BLTAS SHIG BYAS PAS SNGAR GYI RGYAL BA TZONG KHA PA DE SA PAndI TA KUN DGA' RGYAL MTSAN DU GYUR NAS, ZHAL 'DZUM 'DZUM MDZAD PA ZHIG 'DUG ,DE NI SA PAndI TA 'DI YANG NGO BO PHA BLA MA DANG DBYER MA MCHIS, BDAG LA'ANG TSE RABS GTAN DU BKA' DRIN CHE BA'I RTZA BA'I BLA MAR MTHONG ZHING, DUS DE NAS BZUNG MI PHYED PA'I DAD PA BRTAN PO 'GYUR BA MED PA'ANG BYUNG, DE RJES 'JAM DBYANGS BYIS PA LO BCU DRUG LON PA TZAM ZHIG RJE BTZUN GYI THUGS KA NAS BYUNG STE, BYIN RLABS KYI THANG SKU GCIG GNANG BYUNG BA KHA PHYE NAS BLTAS PAS, 'KHOR LO SDOM PA'I BRIS SKU YIN 'DUG PAS YI DAM BDE MCHOG 'DI LA BYED DGOS RGYU YIN PAR GO ,BSRUNG BA GYIS GSUNGS GA'U ZHIG GNANG BYUNG BA'I NANG NA MGON PO ZHAL BZHI PA'I RDO SKU GCIG 'DUG PAS CHOS SKYONG YANG ZHAL BZHI PA RANG YIN 'DUG SNYAM PA BZHIN DUS DE NAS BZUNG ZHOG LTAR DU BDE MCHOG GI NYAMS LEN DANG, PHYI DRO'I CHA LA ZHAL BZHI PAR GTOR 'BUL GYI RIM PA SOGS MA CHAG PAR BSKYANGS PAS YI DAM LHAS RJES SU BZUNG BA'I MTSAN MA DANG, STOBS 'PHROG BRAM ZE'I GZUGS CAN GYIS 'GAL RKYEN BZLOG PA DANG, MTHUN RKYEN SGRUB PA'I RTAGS KYANG RGYUN MAR BYUNG, DE RJES 'JAM DPAL DBYANGS GZHON NU'I RNAM PA CAN DE NYID KYIS CHOS RJE SKU SKYES 'DZIN DGOS GNANG BA'I 'JAM DPAL NA GA RAKshA'I SGRUB SKOR DE'I LUNG ZHIG GNANG NAS RANG GIS KYANG RMI LAM DE KHAR LEGS PAR ZIN PA'I NYAMS BYUNG, DE NAS LHAG PA'I LHAR NGES PA'I 'JAM DBYANGS DE YANG DE MA KHAD DU RJE SA PAn

, ,LA PHAR THIM ZHING, RJE BTZUN YANG MTHAR RGYAL BA TZONG KHA PA RANG LA GYUR NAS 'OD KYI PHUNG PO'I RANG BZHIN DU YAL SONG BAS DE RNAMS KYANG NGO BO GCIG NYID DU GO ,DE NAS MAR 'ONGS PA'I LAM BAR ZHIG NA RGYA PHIBS SNGO THIBS SO BA YOD PA'I GRONG BRDAL ZHIG 'DUG PA'I SGO LA 'DZUL TE PHYIN PAS, LHA KHANG KA BZHI MA GCIG GI NANG NA PAn CHEN RIN PO CHE THAMS CAD MKHYEN PA CHEN PO 'DI NYID RIN PO CHE'I KHRI ZHIG LA RIGS LDAN GYI CHA LUGS SU BZHUGS PA'I ZHAL NAS, 'DI NAS MA 'ONGS SHAR PHYOGS GRONG KHYER DU, ,'JAM DBYANGS ZHING GI GDUL BYA'I TSOGS RNAMS SPEL, ,CES BKA' STZAL BDE NI 'DI NAS SKYE BRGYA NAG TU LEN DGOS RTAGS LTA BU DANG, YANG, DE NAS MTHA' 'KHOB MUN PA'I GLING DAG TU, , CHOS KYI SGRON ME YONGS SU SBAR BA GYIS, ,ZHES PA'ANG GSUNG ZHING GDA', DE NI MA 'ONGS PA NA BYANG PHYOGS SOG PO'I YUL DU YANG SKYE BA LEN DGOS RGYU'I RTAGS KYANG 'DRA SNYAM, GZHAN YANG, MDOR NA BYAMS DANG SNYING RJE'I BDAG NYID KYIS, ,'GRO PHAN RGYA CHE'I GZHAN DON YANG DAG SGRUBS, ZHES PA LA SOGS PA MANG DU GSUNGS BYUNG, DUS DER LAS DAG PA'I GROGS KHA SHAS DANG BCAS 'DUG PA'I GNAS DE YANG BYANG SHAMBHA LA YIN NAM SEMS PA BYUNG ZHING, YAR 'GRO DUS SU PHYIR LOG AE THUB LTA BA'I MI NAG PO DE YANG, DAG PA'I ZHING DU BGROD PA LA BAR DU GCOD PA'I BDUD KYI CHO 'PHRUL LTA BU YIN 'DUG STE, PHYIS NGED RANG LO BCU DGU LON PA'I DUS GAD KHA SAR BSDAD THOG RIM GRO'I GSENG SHOR LAS MI NGO RNAMS HOR GYIS RKYEN DBANG

LA BTANG SKABS, NGA RANG GI CHA NAS NI, SKYES MTHA' 'CHI BA LAS MA 'DAS PAR GO ZHING, 'JIG RTEN MI RTAG PA'I CHOS NYID BSTAN PA LA PHAN PA MED PA'I MYA NGAN GYIS CI BYED SNYAM YANG, PHA MA GNYIS PO BU DANG BRAL BA'I MYA NGAN GYIS NI NON, CI DRAG TU GYUR NA SA BDUN DU 'ONGS TE, BDAG LA'ANG KHYIM GYI KHUR LEN BYED DGOS TSUL GSUNGS BYUNG BAS, GTAM 'DI 'DRA SMRA BA NI PHA MA'I YID BDUD KYIS BSKYOD PA RANG MIN LAS CHE SNYAM PA BYUNG ZHING, 'ON KYANG PHA MA'I MYA NGAN SEL BA DANG GTAM DE LAS BZLOG PHYIR 'DI SKAD CES SMRAS PA, SPYIR SEMS CAN THAMS CAD SKYES PA'I MTHA' MA 'CHI BA LAS MA 'DAS, KHYAD PAR DU SNGON GYI LAS KYI RKYEN GANG GIS KYANG BZLOG PAR DKA' BAS SDUG BSNGAL GYI KHUR CHEN PO RNAMS NI GSHIN PO RNAMS LA YANG GNOD PAS THUGS NGAL BA MA GNANG BAR SNGON GYI LAS SU MKHYEN PAR MDZOD, NGA YANG MI LUS RNAM PAR DAG PA THOB CING CHUNG NGU NAS RAB TU BYUNG, BSLAB SDOM RNAMS KYANG MIG GI 'BRAS BU LTAR BSRUNG KHUL BYAS, MDOR NA STON PA'I BSTAN PA LA ZAB PA DANG RGYA CHE BA'I CHOS KYI TSUL LA SPYOD RGYU YONG BA 'DI YANG SKAL BA BZANG SNYAM PA YOD LA, DA 'DI LTA BU LAS BZLOG NAS BDUD KYI BTZON KHANG LTA BU'I KHYIM DU NYE DU'I ZHAGS PAS NI BCINGS, TSE 'DIR BYED RGYU NI SDIG PA'I LAS 'BA' ZHIG LAS MED, PHYI MA NI RANG CAG MA BU THAMS CAD NGAN SONG DU 'GRO BA LAS 'OS MED, LHAG PAR TSE 'DI YANG MI RTAG CING NAM 'CHI MI NGES PAR, NGA 'DIR BSDAD KYANG RIGS BRGYUD BZUNG TE KHYED PHA MA GNYIS KYI DGONGS 'DUN RDZOGS PA BYED RGYU YOD PA'I NGES PA YANG MED, RGYU MTSAN DE'I PHYIR

, ,NA NGA YANG CHOS LAS BZLOG PA LA DGOS PA CANG MED CING, NGA RANG YANG CHOS LAS BZLOG PA BAS CHU LA LCEBS NAS 'CHI BA KHO NA DGA' BAS DE SKAD MI GSUNGS BAR ZHU ZHING, BDER GSHEGS RNAMS KYI SKU RJES LA GANG 'GRO DGE PHYOGS SU THUGS RTZOL GNANG BA MKHYEN MKHYEN, ZHES PA SOGS RGYAS PAR GSOL YANG, CHOS PA PHAL PA LA DE KA YIN SHAS CHE YANG, SKYES BU DAM PA RNAMS LA LTOS PA MED BZHIN DU NGED RGAS 'KHOG GNYIS MYA NGAN GYI KHANG BUR GNAS BCUG PA LA DGOS PA CI YOD GSUNGS NAS, SPYAN CHAB MANG PO MDZAD BYUNG BAS, DUS NGAN GYI SEMS CAN 'DI TSO RANG SNYING RE RJE BA LA, CHOS KYI DON NI MA GO ,RANG YUL GYI KHYIM LA NI ZHEN, SNGAR YANG 'DI KA BYAS PAS DA BAR DU 'KHOR BAR 'KHYAM DGOS BYUNG 'DUG ,DA DUNG YANG 'DI KA BYAS TZAN 'KHOR BA LAS THON DUS SHIG YONG RGYU MI 'DUG SNYAM NAS YID LHAG PAR SKYO ZHING, SPYIR NI DAL 'BYOR GYI MI LUS THOB, PHA MA 'BYOR PA LDAN PA'I BUR SKYES, GZHON NU'I DUS NAS RAB TU YANG BYUNG, SANGS RGYAS KYI BSTAN PA DANG YANG MJAL, TSE RABS GTAN GYI SKYABS GNAS PAn CHEN THAMS CAD MKHYEN PA YAB SRAS KYI SKU'I DKYIL 'KHOR MTHONG BA DANG, GSUNG GI BDUD RTZI MYANG DU YOD PA 'DI LA BLTAS NA NI SKAL PA YANG RE BZANG YIN 'DUG ,'ON KYANG PHA MA MYA NGAN GYIS NON PA'I STENG, BDAG BYA BA NGAN PA 'DI LTA BU LA NAN GYIS 'JUG DGOS PA'I GTAM 'DI 'DRA BA THOS PA'I SKABS BYUNG BA NI, LAS NGAN PA JI LTA BU ZHIG GI 'BRAS BU YIN NAM SNYAM, SDUG BSNGAL CHEN POS NON TE, ZHAG GSUM GYI BAR MTSAN

MO GNYID KYANG MA BYUNG, NYIN MO ZAS KYANG LEGS PAR MA SONG ZHING, MIG MCHI MA MA BRAL BAR SDOD DGOS PA'I DUS DE 'DRA BA BYUNG YANG, SNGON LAS DANG BDUD KYI BAR GCOD DU GO BAR BYAS SHING, THABS DU MAS BZLOG PAR BGYIS NAS DKON MCHOG KHO NA LA GSOL BA BTAB PAS, ZHAG GSUM PA'I THO RENGS GNYID LA THUNG TZAM SONG BA'I RMI LAM DU, NGED RANG MI NAG PO'I DMAG DPUNG CHEN PO ZHIG GI NANG DU TSUD NAS LUS LA MDA' MDUNG SOGS KYI CHAR CHEN PO BAB CING, NYAM THAG PAR 'DUG PA NA, BYA BRAL DUNG LUNG CAN ZHIG MTSON BSRUNG YOD PA YIN ZER ZHING LUS LA GOS MED PAR DPUNG GI GSEB TU RGYUG NAS MI KUN BDAS, KHO BO KHRID NAS RGYAL BA THAMS CAD MKHYEN PA BZHUGS 'DUG PA'I GUR DKAR PO GCIG NANG LA BZHAG BYUNG BA'I NGANG LA GNYID SAD BYUNG, DE YANG BAR GCOD DE LAS MGON PO ZHAL BZHI PAS BSRUNGS PA'I RTAGS NGES CAN DANG, SANG NYIN DER RGYAL DBANG THAMS CAD MKHYEN PA NAS KHO BO NYAM THAG PA MNGON PAR MKHYEN PAS SHOG GSUNGS 'BOD MI BYUNG 'PHRAL DU, SKU GZHOGS SU PHYIN ZLA BA GCIG TZAM BSDAD LA, PAn CHEN THAMS CAD MKHYEN PA YANG BZHUGS GDAN 'JAGS PA DANG BCAS, SANG DE NYIN NAS BKA' CHOS KYANG MANG DU BKA' DRIN BSKYANGS BYUNG BAS NYAM THAG PA LAS GROL ZHING, DUS DER YANG RGYAL BA THAMS CAD MKHYEN PA YAB SRAS RNAMS SKU DRIN SHIN TU CHE BA LAGS SO, ,DE DAG NI BAR SKABS KYI BYUNG TSUL LO RGYUS BKOD PA'O, ,DE NAS YANG SNGAR GYI 'PHROS BYANG SHAMBHA LA 'DRA BA'I GNAS DE NAS

, ,MAR PHYIR LOG 'ONG GI 'DUG PA'I NGANG LA, GROGS BTZUN CHUNG GNYIS KYIS, NYI MA YANG SHAR GRABS 'DUG ,ZHOG JA YANG BSUS TSAR SONG, KHA SANG GI DPE CHA DE YANG BZUNG BAR DGA' BAS LONGS ZER, GNYID SAD NAS BYUNG BA NA KHA SANG CHOS RJES BKA' BKYON GNANG BA DE YANG BRJED NAS SONG 'DUG ,DER NGAS KHONG GNYIS LA RMI LAM BSHAD, DPE CHA YANG RMI LAM RANG NAS BZUNG TSAR BYAS PA NA, KHONG GNYIS NI BYIS PAR SONG BAS BDEN PAR MI 'DZIN CING, CHOS RJE'I DRUNG GI BKA' BKYON BSKYAR DU MA BYUNG BA GYIS ZER, DE NAS NGAS CHOS RJE'I SKU GZHOGS LA SONG NAS RMI LAM DU JI LTAR BYUNG TSUL RNAMS ZHIB PAR ZHUS SHING, SGRUB THABS DE'I RGYUGS KYANG LEGS PAR PHUL NAS THUGS DGYES PA CHEN PO YANG DAG PAR BSKYED PAR BYAS SO,, ` SMRAS PA, KHO BO'I GNAS TSUL RGYAS PAR GLENG ZHES KYANG, ,SNANG TSUL MTHA' DAG BRJOD KYANG DGOS PA GANG, ,'ON KYANG DAD PAR LDAN PA'I NGAG JI BZHIN, , CHUNG NGU'I LO RGYUS PHRAN BU LAN DU BRJOD, ,'DI NI GSANG BAR BYA BA KHO NA STE, ,SNOD MIN RNAMS LA BSTAN PAR MI BYA YANG, ,SKUL BYED CHOS KYI 'DOD PA MA SPONG BAS, ,LAS KYI RDO RJE BDAG GIS 'PHRAL DU SBYAR, ,CES CHOS RJE SNYING STOBS RGYA MTSO'I BKA' STZAL BZHIN, GRAGS PA RGYAL MTSAN GYIS 'PHRAL DU BRIS SO, ,ZHES DANG, ` SVA STI, BDAG LTA'I BYIS PA THA MAL SKYE BO LA, ,SBA GSANG BYA BA'I RNAM THAR RI BONG RVA, ,'ON KYANG NAN GYI 'DOD PA MA SPONG BAS, ,SGYU MA'I RDZUN TSIG LTA BU CUNG ZAD

BKOD, ,DE YANG CHUNG NGU'I DUS NA AA TZA RA, ,DU MA LUS DANG GRIB MA JI BZHIN DU, ,'GROGS PA'I SNANG BA 'GA' ZHIG BYUNG BA LA, ,MGON PO ZHAL 'DIS BSRUNG BA'I RTAGS YIN SNYAM, ,KHYAD PAR CHUNG DUS TZA RI'I ZHING SKYONG GI ,BAR GCOD RNAM PA CUNG ZAD BYUNG RES KYIS, ,BENG DANG BEG TZE 'DRA BA'I RNAM PA YIS, ,RTAG TU DRUNG DU 'DUG PA'I NYAMS RE 'ONG, ,'JAM DPAL DBYANGS DANG KU RU KULLE LA, ,BYIS PA'I SKABS NAS BSNYEN SGRUB BYAS RES KYIS, ,SKU YI RNAM PA SHIN TU GSAL BA RE, ,GSUNG YANG BYON PA'I NYAMS SNANG 'GA' RE BYUNG, ,DE NAS LHA SDINGS THOG MAR MJAL BA'I TSE, ,NYI MA NUB MTSAMS MKHA' LA 'JA' TSON NI, ,KHA DOG LNGA LDAN PHUB LTAR 'KHYIL BA'I DBUS, ,'KHOR LO SDOM PA 'DRA BA'I MTHONG SNANG SHAR PHYI DE NYIN PAR RGYA SOG MJAL PHYIN TSE, ,DE NA BCOM LDAN RDO RJE 'JIGS BYED KYI, ,RTEN DANG BRTEN PA'I DKYIL 'KHOR BZHUGS PA YI, ,NYAMS DANG SNANG BA BZANG PO DPAG MED BYUNG, ,PHYIR LAM CHAD SNA LA YI MTSO DE LA, ,SNGAR MED MTSO MJAL BLO LAS 'DAS PA DANG, ,MTSO DE GZHAL YAS KHANG GI RNAM PAR SHAR, ,RDO LA RKANG PA'I RJES KYANG DOD CES GRAGS, ,DE NUB CHOS LUNG LA 'DUG DGONG JA KHAR, ,RI PHUG CES PA'I THAD NAS NAM MKHA' KUN, ,'JA' DANG 'OD KYI DRA BAS 'BREL GYUR ZHING, , BAR MTSAMS MED PA'I RNAM PAS KHYAB 'DRAR SHAR, ,RIN CHEN SGANG GI SKU 'DRA RIN PO CHE, ,SKU DNGOS LTAR MTHONG RING BSREL STAR BA BSTZAL, ,MTSAMS DUS GSHIN RJE'I RGYAL PO 'KHOR BCAS RNAMS, ,NUB GCIG SGRUB KHANG NANG DU GSHEGS PA DANG,

, ,DPAL LDAN LHA MO BUD MED RGAN MO'I GZUGS, ,GLING BU 'BUD CING MKHA' LA BYON PA RMIS, ,LAN GCIG 'O DE GUNG RGYAL YIN ZER BA'I, ,'BROG PA'I RNAM PA GCIG KYANG 'ONGS NAS NI, ,KHYOD KYIS NGA LA GTOR MA RE BYIN DANG, ,CHOS LDAN 'PHRIN LAS NGA YIS SGRUB BO ZER, ,NUB GCIG SHIN TU CHE BA'I SDIG PA'I GZUGS, ,BYUNG NAS NGA NI NAG PHYOGS GNAS 'DI'I BDAG ,YIN ZHES KUN LA 'TSE BA'I SEMS 'CHANG BA, ,DAM LA BTAGS SHING SDOM PA PHOG PA RMIS, ,DENG SANG NYID KYANG THUB PA'I DBANG PO DANG, ,RJE BTZUN TZONG KHA PA SOGS DU MA NI, ,RMI LAM TZAM DU SKABS 'GAR 'ONG NA YANG, ,BAG CHAGS LOS BZANG YID BRTAN DKA' BAR GDA', ,GZHAN YANG BDAG NYID GANG DANG GANG DU YANG, , CHOS SBYIN BGYID SOGS DE DANG DE DAG TU, ,'JA' GUR ME TOG CHAR SOGS RTAGS TZAM NI, ,LKOG TU MA GYUR MTHONG THOS LTAR DU GSAL, ,MDOR NA SNYAN PAR GRAGS SOGS DE KUN KYANG, ,LHA BU BDUD DU BABS PA YIN NAM SNYAM, ,KHO BO RANG GI YID BRTAN MA THUB BZHIN, ,DAD LDAN NANG KHUL SGROS SU GLENG BA YIN, ,'ON KYANG DUS MTHA'I SNOD MIN SKYE BO YI, ,BLO LA MI 'BAB SBAS NA DGE'AM SNYAM, ,TSUL 'DI CHOS BRGYAD 'CHING BAS MA GOS SHING, ,'KHRUL MED LAM LA NYAMS LEN GTZOR BYED PA'I, ,CHOS RJE SNYING STOBS RGYA MTSO'I BKA' NAN DANG, ,DAD LDAN DGE TSUL BYAMS PA KUN BZANG SOGS, ,BU SLOB DU MA'I NGO BZLOG MA NUS PAS, ,GRAGS PA RGYAL MTSAN BDAG GIS BKOD PA'O, ` ,SNGAR GYI 'PHROS LAS THUN MONG MIN PA'I

GTAM, ,SLAR YANG SNOD LDAN DU MAS BSKUL TSE BSHAD, ,LAN CIG GZHON NU'I DUS NAS NYING 'KHRUL DU, ,RJE BTZUN TZONG KHA PA YI RNAM PA ZHIG ,'OD STONG 'PHRO BA GSAL BAR SHAR BA NA, ,'KHRUL SNANG DE MUS GSOL BA 'DI LTAR BTAB, ,BLO GROS MTSUNGS MED MKHYEN CAN 'JAM PA'I DBYANGS, ,BZANG PO'I THUGS BSKYED 'GRO LA SPYAN RAS GZIGS, ,GRAGS SNYAN MTHU STOBS 'BAR BA GSANG BA'I BDAG ,RJE BTZUN TZONG KHA PA LA GSOL BA 'DEBS, ,ZHES PA NYIN RE BRGYA RTZA TZAM CHAG MED, ,KHA TON BYAS NA DGA' LDAN DU SKYE SNYAM GZHAN YANG CHUNG NGU'I DUS SU LAN GCIG SKABS, ,'KHRUL SNANG LTA BUR RJE YI RNAM PA ZHIG ,BYUNG TSE DMIGS BRTZE MA ZHIG 'DON SEMS PAR, ,STABS POR KHA NAS THOL BYUNG 'DI LTAR SHOR, ,DRI MED MKHYEN RAB DBANG PHYUG 'JAM PA'I DBYANGS, ,TSAD MED BRTZE BA'I GTER GYUR SPYAN RAS GZIGS, ,GRANGS MED GSANG BA'I BDAG PO TZONG KHA PA, ,BLO BZANG GRAGS PA'I ZHABS LA GSOL BA 'DEBS, ,DE LTAR GSOL BAS 'DZUM PA DANG BCAS TE, ,THIM 'DRA'I SNANG BA SHAR 'PHRAL SUG BRIS BYAS, ,DE RJES NA TSOD BCU DRUG LON PA'I SKABS, ,'OL KHA LHA SDINGS THOG MAR MJAL SKABS SU, ,NYI MA NUB MTSAMS MDUN GYI NAM MKHA' LA, ,DMAR SER 'OD KYI DBUS NA RJE BLA MA'I, ,RNAM PA 'DRA ZHIG PHAR YUL TSUR YUL DU, ,BYON PA'I SNANG BA SHAR LA 'DI LTAR GSOL, ,'JAM DBYANGS PHYAG NA RDO RJE 'JIG RTEN MGON, ,GCIG TU GYUR PA BLA MA LHAG PA'I LHA, ,GANGS CAN 'GRO BA'I MGON PO TZONG KHA PA, ,BLO BZANG GRAGS PAR SNYING NAS GSOL BA 'DEBS, ,DE LTAR GSOL BA'I RKYEN GYIS LUS SEMS LA, ,

, ,SNGAR MED BDE BA CHEN POS RAB TU KHYAB, ,STAG LOR RJE YI DNGUL SKU BZHENGS SKABS SU, ,NUB GCIG 'BRAS SPUNGS NYID KYI GZIM KHANG GI ,NAM MKHAR SPRIN PHUNG DBUS NAS RJE BLA MA'I, ,ZHAL DKYIL ZLA BA'I SNANG BA SHAR BA NA; ;RJE BTZUN BLA MA BLO BZANG GRAGS PA YI, ,ZHAL DKYIL JI BZHIN MJAL BA SKAL BA MCHOG ,DENG NAS BZUNG STE TSE RABS THAMS CAD DU, ,KHYOD ZHAL MIG GI BDUD RTZIR 'BRAL MED SHOG ,AE MA DPRAL BA SHANGS DANG ZHAL RGYAS SHING, , SPYAN GYI DKYUS RING SMIN MTSAMS MDZOD SPUS MDZES, ,SNYAN SHAL RING ZHING GSER GYI MDANGS LDAN ZHAL, ,SPRIN PHUNG DBUS NAS GZIGS 'DI SHIN TU MTSAR, ,CES DANG ZHAL DKYIL DE KHA JI BZHIN ZHIG ,BRIS NAS BZO BYED RNAMS LA PHYI NYIN GTAD, ,DE NAS NUB GCIG THAMS CAD MKHYEN PA YI, ,SKU YI SNANG BRNYAN SHIN TU GSAL BA YI, ,THUGS KA'I THAD NAS 'OD ZER DPAG MED CIG ,SHAR PHYOGS RGYA NAG YUL DU 'GRO BA DANG, ,BDAG LA BKA' BSTZAL DU MA PHEBS NYAMS SHAR, ,PHYI LO GTZANG DU PAn CHEN THAMS CAD MKHYEN, ,MJAL NAS PHYIR LOG NYIN MO PHYI MIG CIG ,BYAS TSE PAn CHEN THAMS CAD MKHYEN PA NI, ,GZIM CHUNG NYID DU SNANG BA MTHA' YAS KYI, ,SKU DNGOS GYUR PA'I MTSAN MA NGO MTSAR MTHONG, ,DE TSE YID LA SPRO BA RAB TU 'PHEL, ,DE NAS BAR KHAMS PHYOGS SU 'GRO CHAS TSE, ,SBA LA'I LA RTZER SLEBS TSE SHAR PHYOGS KYI, ,NAM MKHA'I DBYIBS SU THUGS RJE CHEN PO'I SKU, ,SHIN TU CHE BA'I SNANG BA YUN RING SHAR, ,CHU MDOR SLEBS

DUS BUD MED NAG MO ZHIG ,DRE'U LA ZHON PHYI BZHIN 'BRANG BA DANG, ,RES 'GA' NYE 'KHOR RNAMS SU 'DUG PA YI, ,SNANG BA 'GA' SHAR LHA MO YIN 'DRA SEMS, ,YAR LAM LCAGS LA'I RTZA RU SLEBS PA'I NUB, ,NGUR SMRIG GIS MDZES PAn CHEN THAMS CAD MKHYEN, ,PHYAG GNYIS d'A DRIL 'DZIN PA ZHIG RMIS SHING, ,NGO MTSAR BRDA CHOS MANG PO GSUNGS PA BYUNG, ,YER PA LHA RI SNYING PO MJAL SKABS KYANG, ,LCAGS LA'I DE DANG PHAL CHER 'DRA BA LA, ,KHYAD PAR MI CHOS GNAD KYI PHRENG BA LA, ,BSHAD LUNG PAR ? SBRAGS PA 'DRA BA'I NYAMS SNANG SHAR, ,RVA SGRENG MJAL NUB 'JAM DPAL RDO RJE'I SKU, ,MDUN DU SPYAN DRANGS GSOL BA LEGS BTAB PAS, ,MAR ME'I 'OD LAS SGYU LUS 'BUL ('DI JI YIN MA SHES KYANG MA DPER SNANG BAS RANG SOR BZHAG) BA DANG, ,CHOS RNAMS KUN GYI SNYING PO GCIG GYUR PA, ,BYAMS DANG SNYING RJE BYANG CHUB SEMS MCHOG YIN, ,CES PA GSUNG 'PHROR NAM MKHA' LANGS PA BYUNG, ,SKYOR MO LUNG DU GZA' 'DZIN DUS SHIG NA, ,TSE BSNYEN ZHAG GCIG LA NI BYAS PA'I TSE, ,KHYE'U DMAR POS BYI RU'I PHRENG BA NI, ,PHRENG RDOG RE RER TSE LHA YOD PA YI, ,BRGYA RTZA ZHIG NI LAG TU GTAD PA RMIS, ,SHING RTAS GA ZLA BA'I BCO LNGA'I NUB, ,SGROL DKAR BSNYEN SGRUB BGYIS TSE SHING RTA'I STENG, ,LHA MO GZHON NU SHIN TU MDZES PA'I LUS, ,BCU DRUG LON PA'I NA TSOD LDAN PA YI, ,SER LJANG BU MO GA-YAS GA-YON NAS BRTEN CING, ,STENG DU GDUGS DKAR DANG BCAS LHO PHYOGS NAS, ,MDUN GYI NAM MKHAR THOGS MED GSHEGS GYUR PAS, ,DUS MIN 'CHI BA BZLOG PA'I BRDA MDZAD CING, ,DE YI PHYI NYIN YID

, ,BZHIN 'KHOR LO LA, ,BSTOD PA'I TSIGS BCAD CIG KYANG LEGS PAR BRTZAMS, ,DE NAS SHING LUG HOR ZLA GNYIS PA'I NANG, ,'OL KHA RIN CHEN SGANG DU SLEBS PA NA, ,NUB GCIG MDUN DU MGON PO ZHAL BZHI'I SKU, ,RGYAB MTHO GANG TZAM 'GUL BSKYOD MDZAD NYAMS DANG, ,DE GONG 'BRAS SPUNGS RANG DU SGROL DKAR GYI, ,BSNYEN SGRUB BYAS MJUG DER YANG NANG DANG NI, ,GSANG BAR BCAS PA'I GSHIN RJE RIGS BZHI YIS, ,'CHAM STABS YUN RING MDZAD PA'I NYAMS SHIG SHAR, ,SLAR YANG RIN CHEN SGANG DU MTSAMS SKABS SHIG ,NUB GCIG SGRA 'OD DANG BCAS NAM MKHA'I DBUS, ,KLU SGRUB 'DRA BA'I PAndI TA ZHIG GIS, ,'KHOR TSOGS DU MAR CHOS STON MDZAD NYAMS SHAR, , STON TSE LHA SDINGS SU NI MTSAMS KYI DUS, ,RDOR SEMS LUS THIM STOD SMAD BRAL BA DANG, ,NUB GCIG GLEGS BAM KHUR BA'I AA TZA RA, ,BYUNG BA DE YANG DER NI RJE BLA MAS, ,ZAB DON THUGS LA 'KHRUNGS TSUL BSTAN PHYIR BCAS, ,ZHAL 'DI DBU MA'I CHOS BDAG YIN PAR SEMS, ,PHYI NUB DRE'U SNGON PO LA ZHON PA'I, ,BUD MED CIG GIS KHO MO'I GNAS 'DI ZER, ,GTZANG KHANG NANG DU ZHUGS SHING TSIM 'DRA BYUNG, ,GA-YU SGRON MA 'DI GNAS BDAG YIN NAM SEMS, ,DE NAS RGYA SOG PHU RU RJE BLA MA'I, ,MTSAN SNGAGS DMIGS BRTZE MA DANG BCAS PA YI, ,BSNYEN SGRUB BGYIS TSE LHA YI CHAS ZHUGS NAS, ,RJE YI GSER SKU ZHIG LA BSKOR BA DANG, ,RANG NYID NGUR SMRIG GAR GYIS MDZES PA YIS, ,KHRIMS LDAN 'DUS

PA'I DGE 'DUN GRANGS MED CIG ,GSANG SNGAGS RDO RJE THEG PA'I SGOR BCUG NAS, ,RNAM DAG DBANG GIS SMIN PAR BYAS PA DANG, ,RDO RJE 'JIGS BYED GSANG GNAS RANG BYON GYI, ,RTZE MOR PHYIN TSE BDUD RTZI'I CHU RGYUN LUD, ,KUN GYIS MYANG RGYU BYUNG ZHING RANG GIS KYANG, ,MYANGS PAS RGYUD LA DGA' BDES KHYAB PA DANG, ,'JAM DPAL PHUG GI NANG DU SON PA NA, ,LHAN SKYES BDE STONG TING 'DZIN MYUR BA RU, ,CES PA 'PHRO RU LUS 'DRA'I SGRA ZHIG DANG, ,MNYAM DU 'OD KYIS KHYAB PA'I SNANG BA'ANG SHAR, ,MDOR NA 'KHRUL PA'I SNANG BA DE DAG KUN, ,PHAL CHER YID BRTAN RUNG BA CI MCHIS MOD, ,'ON KYANG DAD LDAN SGROS SU GLENG BA LAS, ,SNOD MIN RNAMS LA GSANG BA SHIN TU GCES, ,TSUL 'DI YANG SNGON GU GE CHOS RJE DANG, , DAD LDAN BYAMS KUN NAN CHER BSKUL BA DANG, ,SLAR YANG PHYIS SU DGE SLONG LHA DBANG DANG, ,SKU SKYE BLO BZANG BSTAN 'DZIN RNAM RGYAL GYIS, ,SHIN TU CHE BA'I NAN GYIS BSKUL BA LAS, ,THA MAL GNYIS SKYES KI RTI DHVA DZA YIS, ,GO RIM JI BZHIN TSIGS DU BCAD NAS NI, ,DBEN PA'I GNAS MCHOG RIN CHEN SGANG DU SBYAR, ,YI GE'I 'DU BYED DAD PA DANG LDAN PA, ,NGAG DBANG CHOS BZANG RGYAL MTSAN NYID KYIS BGYIS, ,DGE BAS ZAB LAM SNOD DU 'GYUR BAR SHOG ` ,YANG; DGUNG LO NYI SHU RTZA GNYIS PA LCAGS 'BRUG ZLA BA DANG PO'I TSES BCO LNGA'I MAN LA LAM DU BYUNG BA, NA MO MAH'A KA LA YE, ,MTHO KEE LA SHA YI LHUN PO'I NGOS, ,DBYINGS RATnA 'BAR BA'I DAL MCHOG NAS, ,LHA RAB DKAR DAR GYI STOD GA-YOGS CAN, ,DE RKANG GNYIS MGON DU RTAG

, ,PAR RGYAL, ,TSIG 'BRU GSUM GTAM DU BSGRAGS PA 'DI, ,MI KHO BO'I ZOG MA MA YIN CING, ,DUS SNYIGS MA'I SEMS CAN PHA MA RNAMS, ,DUG GSUM GYI DBANG DU GYUR CHES PAS, ,NGA TZI TTA'I DKYIL DU MA BZOD NAS, KHO TZA TU RMU BA'I NAM MKHA' LA, ,GSOL BTAB NAS MEE TRI'I CHU 'DZIN LAS, ,BYUNG SNYING RJE'I TSIG GI SBRANG CHAR YIN, ,PHYI RGYA MTSO'I NANG GI NYA CHEN DES, ,NANG GSER RI'I BAR DU MCHOD NYEN YOD, ,GLING GLING PHRAN YONGS KYI MGON PO DANG, ,SKYABS DBUS KYI LHUN POR BYED RE RAN, ,LHA MIG STONG LDAN PAR GSOL BA THOB, ,'BAD RTZOL BA SKU RIM PHYOGS SU BGYIS, ,SHAR KA RKA tA YI LTO BA LA, ,LHO BRANG 'GRO DBANG PO'I TZITTAR 'JUG ,NUB RLON GSHER GLING LA GNAS BYED CING, ,SPRUG BYANG GI PHYOGS SU SKYE BAR 'GYUR, ,'BAD RTZOL LA LHOD PA MED PAR BGYIS, ,GSER SA LE SBRAM GYI BYA SKYIBS 'OG ,KHONG MKHA' 'GRO THANG SMUG TSANG BCAS NAS, ,THOD DKAR PO'I BYE SPRUG MA BU LA, ,DUS MYUR BAR GSHOG CHAG LAN GCIG 'ONG, ,SKYABS GA RU dA LA 'CHOL BA DANG, ,NANG GSANG SNGAGS SGRUB PA DRAG TU BGYIS, ,MTHO NAM MKHAR CHU 'DZIN 'KHRIGS 'DUG PA, ,LAR RTA BDUN DBANG POR MA NYES SAM, ,KHYOD SKAR TSOGS MIG LAM NYAMS SAM CI, ,'OD RIM GRO'I ZER MA BYED RE RAN, ,DUG GSUM GYI MUN SEL RI BONG CAN, ,BDUD RIGS KYI SGRA CAN MANG DANG NYE, ,DBYAR RNGA DAG BLO LA JI LTAR BSAM, ,SKU RIM LA RTZOL BA MI DGA' 'AM, ,ZANG ZING GI NOR LA DAM DRAG NA, ,YID BZHIN GYI NOR BU LTOD PA'I RKYEN, ,TSONG PA KUN RIM GRO GRU RDZING SDOMS, ,PHYIS

'GYOD KYI BYA BAR MI 'GYUR DGE ,LAR 'KHRUL SNANG JI LTAR BYUNG BA'I TSUL, ,GTAM RDZUN PA'I TSIG BZHIN SMRAS PA 'DI, ,DON DE DAG THUGS LA BABS NA DANG, ,MA BABS KYANG THUGS RGYUD GANG DAG RA BYOS, ,ZHES LCAGS PHO 'BRUG GI LO HOR ZLA DANG PO'I TSES BCO LNGA'I NUB RMI LAM DU MI DKAR PO BRAM ZE'I RNAM PA CAN LAG NA MDA' GZHU THOGS PA ZHIG GIS LUNG BSTAN PA BZHIN, RNAL 'BYOR PA'I THA SHAL KI RTI DHVA DZAS DE'I PHYI DE NYIN 'PHRAL DU SKYOR MO LUNG GI GZIM CHUNG NYID DU SUG BRIS SU BTAB PA'O, , 'DI DON 'GA' ZHIG RANG GIS KYANG, ,MA RTOGS MKHAS PA RNAMS KYIS GZIGS, ,HA CANG CUNG ZAD 'GREL THUB KYANG, ,PHAL MO CHE YANG SKRAG 'GYUR SNYAM, ,RGYAS PAR BRJOD PA MA SPOBS SO, ,SA MA YA RGYA RGYA, ` ,YANG; DE LO'I ZLA BA BCU GCIG PA'I TSES GSUM NUB MO'I MNAL LTAS, MTHO KEE LA SHA DANG LO MTSUNGS PA'I, LCAGS 'BRUG DE KHA'I ZLA BA BCU GCIG PA'I TSES GSUM GYI NUB MO YANG MI DE KHA BYUNG NAS 'DI SKAD CES, SHAR PHYOGS KYI SPRI DGRA NI GZHOM TSAR, DE BZHIN PHYOGS GZHAN GYI SGOS DGRA RNAMS KYANG RIM GYIS 'JOMS PAR YOD, DA NI RGYAL BSTAN SPYI DANG BLO BZANG GRAGS PA'I BSTAN PA STOBS DANG LDAN PA'I GRAGS PA'I DAR CHEN PHYOGS KUN TU GA-YO BAR 'GYUR, 'ON KYANG SKYE 'GRO SPYI LA PHAN PA DANG BDE BA NI GSHAS KYI DKA', KHYAD PAR DU BYANG SHAR MTSAMS NAS RGYA 'DRE MANG DU LHAGS PA LA, NAG PHYOGS KYI BDUD RIGS RNAMS KYIS RGYAB BRTEN BYED, DKAR PHYOGS SKYONG BA'I LHA SRIN DANG SDE BRGYAD NANG PHAN TSUN 'KHRUGS, DGE 'DUN GYI SDE

, ,YANG 'JOMS PA 'ONG, DE LA BRTEN NAS NAD MUG 'KHRUGS LONG, SAD SER THAN PA SOGS DANG YID MI BDE BA MANG DU 'BYUNG, DE'I DUS SU SKYE 'GRO RNAMS, PADMA 'BYUNG GNAS, RTA MGRIN, PHYAG RDOR RNAMS LA GSOL BA RTZE GCIG TU 'DEBS SU CHUG ,RIM GRO KLU GTOR, GDUGS DKAR, SHER SNYING GSUM LA GTZO BOR THON, BSTAN PA 'DZIN PA'I SKYES BU MTHA' DAG LA BRTAN PAR BZHUGS PA'I GSOL BA THOB, KHYOD RANG YANG RANG LO SO BDUN PA LA 'DZER CHA CUNG ZHIG YOD PAS DGE SBYOR LA 'BUNGS, DE LAS SGROL NAS, LO ZHE DGU LNGA BCU RNAMS LA ZHING KHAMS GZHAN DU 'GRO DGOS 'DUG PAS, MA 'JIGS PAR GZHAN DON TSUL BZHIN DU SKYONGS, KHYOD KYI CHOS SKYONG BLO BZANG PA ZER BA DE YANG, SNE'U ZHOL DU LO NGO GSUM TZAM BSDAD SONG YANG 'BOD PA BYUNG MA SONG, DE NAS YANG DA LTA GNYAL GYI LUNG PHUG ZHIG NA SLEBS NAS ZLA BA LNGA SONG, DBYIBS NI BYIS PA GSUM PA CHE BA, KHUR TSOS DMAR BA, MIG 'BRAS PHRA, 'ON KYANG TSE TSAD THUNG TZAM GDA', GZHAN DU SMRA BA MANG NAD MED, ZER NAS GSHED DU SONG, DER GNAS TSUL ZHIB TU 'DRI BA YANG MA BYUNG BAR GNYID SAD MA THAG YI GER BTAB PA'O, ,RGYA RGYA, ` ,YANG; DGUNG LO NYER GSUM PA LCAGS SBRUL ZLA BA DGU PA'I TSES BCO LNGA NYIN BSTZAL BA, NA MO, 'BYUNG BA CHU LA ME DPUNG SHAR NAS 'BAR, ,ME DE GSOD BYED CHU SHEL LAS GRUB PA'I, ,DKYIL 'KHOR GCIG NYID DRAG PO'I SKAR TSOGS BCAS, ,BSIL LDAN PHYOGS KYI 'DZIN MAR BKOD NA LEGS, ,KEE L'A SH'A

YI RTZE MO'I RTA BDUN NI, ,RI BO CHEN PO'I PHYOGS SU 'PHAGS SRID NA, ,NAM MKHA'I SKAR TSOGS 'OD ZER CIS MI 'GYED, ,GANGS KHROD PAD TSOGS BSHOL 'DEBS MI RIGS SAM, ,CHU SHEL LAS GRUB MTSAN MO'I MGON MTSUNGS LA, ,MDA' LNGA PA YI SGRA CAN MANG DANG NYE, ,NYI MA'I GNYEN DU PAD DKAR ZHABS ZUNG DAG ,'DEGS PHYIR RE ZHIG DGE BA'I BYA BA MDZOD, ,RIG BYED DNGUL DKAR ME LONG NANG, ,SNYIGS DUS 'GRO BA'I BDE SDUG DANG, ,LEGS NYES BYA BA TSIG 'BRU'I GZUGS, , GSAL BAR SHAR 'DI AE MA MTSAR, ,KHYU MCHOG LCAGS KYI BYI BA'I NYAR, ,DKAR GSAL DUS ME'I SPRIN STUG GIS, ,SGRIB TSE RANG GZHAN DGE TSOGS LA, ,'BAD PHYIR RIG BYED MKHAN GYIS BRIS, ` ,DGUNG LO NYER DRUG PA SHING SPREL ZLA BA LNGA PA'I TSES BCU LA BSTZAL BA, HR'I: RI BO PO TA LA YI RTZE MO NA, ,SPYAN RAS GZIGS KYI PHO BRANG ZLA GSAR ZHIG ,GANGS KHROD MI DGE'I SMAG RUM SEL PHYIR DU, ,'BYUNG LA RE ZHIG SGRIB BYED SPRIN DANG BRAL, ,NUB PHYOGS SNANG BA MTHA' YAS ZHING KHAMS NAS, ,MGON DE'I GSANG BA GSUM LDAN LHUN PO DE, ,'GRO KUN GLING BZHI'I DBUS NA MDZES PA'I THABS, ,SROG DANG BSDOS NAS BRTZON PA BSTEN KYANG 'TSAL, ,KHA BA'I RGYAL KHAMS GSUM NA MI RTAG TSUL, ,RIM GYIS BYUNG YANG YID LA MI SEMS PAR, ,DON MED BREL LAS RGYAL BA GNYIS PA YI, ,RING LUGS SO SOR SKYONG BA MI LEGS SAM, ,YID DANG SNANG BA'I BDE BA 'JOMS BYED PA'I, ,HA LA'I DUG DANG MTSUNGS PA'I GDUG PA'I RLUNG, ,RGYUN MAR LDANG LA SU ZHIG YID RAB SMON,

, ,PHAN BDE'I GO SA BTZAL NA DGE BA'AM SNYAM, ,DUS KYIS GTUGS PA'I BYA THABS DKA' GYUR KYANG, ,'DI NAS NYI MA SHAR GYI PHYOGS DAG TU, ,'JAM DPAL ZHING GI LAS CAN 'GA' ZHIG LA, ,BDE LEGS GO SKABS SKAL BAR RIM GYIS SPRO, ,SLAR YANG THUB BSTAN GSAL PHYIR SMON PA'I MTHU, ,'GRUB 'GYUR MTHUN PA'I RKYEN KYANG BSIL LDAN GYI, ,MGON PO MCHOG GI THUGS RJE'I 'JUG PA DANG, ,MKHYEN DANG BRTZE BA'I YUL LAS GZHAN DU GANG, ,DE SKAD SMRA BA'ANG SH'AKYA'I RING LUGS PA, ,GRAGS PA'I MING GIS SNYIGS MA'I 'GRO BA KUN, ,RNAM DKAR LAS LA BSKUL BYED ZHU BA YIN, ,DGE BA 'DI YANG RGYAL BSTAN 'PHEL PHYIR BSNGO, ,CES SHING PHO SPRE'U'I LO HOR ZLA LNGA PA'I TSES BCU LA SNANG GSAL PHO BRANG NAS BRIS, ZHES DANG, ` YANG; HR'I: MTSO SKYES RDO RJE PADMA 'BYUNG GNAS DANG, ,GNYIS SU MED PA SNANG MTHA'I SPRUL PA MCHOG ,LNGA BRGYA'I 'DREN PA BLO BZANG CHOS RGYAN SOGS, ,BSNGAGS 'OS MA LUS GTZUG GI RGYAN DU RGYAL, ,KHRAG 'THUNG HE RU KA: LA GSOL 'DEBS PA'I, ,KIRTI DHVA DZA'I RMI LAM SNANG BA LA, ,'JIGS RUNG STOBS LDAN MGON PO YIN ZHES PA'I, ,YAN LAG BZHI PA'I DPUNG ZHIG LHAGS TE BYUNG, ,DE TSE MGON PO'I ZHAL NAS 'DI SKAD GSUNGS, ,HO NYON DANG SKAL LDAN LAS CAN BU, ,DA LTA SNYIGS DUS BSKAL PA'I MTHA' 'DI LA, ,NGED CAG SRUNG MAR BSKUL BA'ANG NYUNG BZHIN DU, ,SANGS RGYAS BSTAN PA BSRUNG BA'ANG DE TZAM DKA', ,DE PHYIR MA RUNGS BDUD RIGS KHA RGYAL BAS, ,BSTAN 'DZIN SKYES BU RNAMS LA

BAR GCOD MANG, ,'GRO BA RNAMS LA'ANG GSHIS KYI BDE SKYID BRAL, ,AA TZA DUS MTHAR MA LUS 'O RE RGYAL, ,ZHES GSUNGS NGAL BA'I SHUGS RING ZHIG MDZAD NAS, ,'JIG RTEN KHAMS GSUM 'GUL BA'I NYAMS TZAM BYAS, ,DE NAS KHO BOS 'DI SKAD BYA BA GSOL, ,ZHING SKYONG CHEN PO DGONGS DANG SNYAN MA SRA, ,SNGON DUS 'PHAGS PA KLU SGRUB SPYAN SNGA RU, ,DAM TSIG BADZRA SPYI BOR REG NAS SU, ,RANG RE DAM BCAS MNA' THO BGYIS DGONGS LA, ,DUS 'DIR RGYAL BA'I BSTAN PA BSRUNG BA DANG, ,BSTAN 'DZIN SKYES BU YONGS KYI SKU TSE SPEL, ,KHYAD PAR DU YANG RNAL 'BYOR BDAG CAG LA, ,LUS DANG 'BRAL MED GROGS MDZOD BYA BA SGRUBS, ,DE LTAR GSOL BTAB SKAD CIG DE MA THAG ,SNGON MA KUN ZHI RLUNG DMAR CHEN PO'I DBUS, ,LAG GA-YAS MI RKANG GLING BU 'BUD BYED CING, ,GA-YON PA KA PA LA DAG RAB 'DZIN PA, ,DAR GYI STOD GA-YOG KA SHI'I SMAD SHAM CAN, ,AA TZAR BRGYA LHAG RE RES TSIG RE SMRAS, ,MTHA' MAR DE DAG 'JA' LTAR YAL GYUR PA'I, ,DE LTA'I NGO MTSAR BYUNG NGO DGE LEGS 'PHEL, , ` YANG; DE LO ZLA BA BRGYAD PA'I NANG BSTZAL BA, NA MO GU RU, SA PAn RJES 'JUG KI RTI DHVA DZA BDAG ,SA PHYOGS MTHA' DAG SNYIGS MAR THUG GYUR PA'I, ,SA STENG DUS MTHA'I TSUL LA RAB SKYO NAS, ,SHING SPREL HOR ZLA BRGYAD PA'I DKAR PHYOGS LA; ;RMA RI'I MGUL DU RTZE GCIG MTSAMS LA ZHUGS, ,DE TSE NYER LNGA'I THO RENGS MNGON PHYOGS PAR, ,RAB DKAR YID 'ONG KHYE'U ZHIG BYUNG NAS, ,DA 'GRO MYUR DU DUS LA BABS ZHES ZER, ,GANG DU 'GRO ZHES DRIS TSE 'DI SKAD CES, ,GLANG GI PHYOGS KYI SGANG

, ,DRUG DGA' TSAL DU, ,GNYIS MED GSUNG BA'I LEGS LAM SPEL PHYIR DANG, ,SKAL LDAN CHU SKYES YONGS RNAMS SMIN PA'I PHYIR, ,KHYOD KYI YAN LAG BSKYOD PA'I DUS LA BAB, ,CES SMRAS TE SONG BA'I TSUL 'DI YANG DGE 'PHEL RMA RI'I DBEN GNAS SU BRJED THOR BKOD PA'O, ` ,DGUNG LO NYER DGU PA ME PHAG ZLA BA DGU PAR BSTZAL BA, NA MO GU RU, 'DI NAS NYI MA SHAR PHYOGS KYI, ,'GRO BA'I DON LA BRTZON MDZAD PA'I, ,GUR GUM LHUN PO BRTZEGS 'DRA BA'I, ,ZUR PHUD LNGA PA DE LA 'DUD, ,'DZAM BU TRI SHAS BDAG PA'I GLING, ,YUL GYI DBUS 'GYUR MA GA DHA, ,DE YI BYANG SHAR PHYOGS NGOS KYI, ,SA 'DZIN MDZES PA'I GRONG KHYER CHE, ,BCU PHRAG DGE BA'I MTSAN MA CAN, ,SA LA GNAS PA'I 'JAM DPAL ZHING, ,DE NA LAS CAN 'GRO BA'I MGON, ,NGUR SMRIG GAR GYI ROL BA DANG, ,'JIG RTEN MES PO GNYIS PA ZHIG ,SA LA 'PHOS LTAR LHAN DU 'KHOD, ,DE TSE LUGS ZUNG 'BREL BA YI, ,DPAL 'BYOR DBYAR GYI MTSO LTAR GYUR, ,LHA DBANG LUS KYI SNANG BRNYAN NI, ,SKYE DGU'I GTZUG NA ZLA LTAR GSAL, ,STONG KHUN T'A RA DZA DE YI, ,COD PAN RTZE MO NOR BUS MDZES, ,LAS CAN MKHA' LA SPRIN LTAR 'KHRIGS, ,RNAM DKAR SBRANG CHAR RGYUN MI CHAD, ,BKA' YI GNAM LCAGS RDO RJE'I THOG ,SNYAN PA'I DBYAR RNGA PHYOGS BCUR LDIR, ,AE MA DE NAS DE DAG GI ,LUGS BZANG MNGON DU MTHONG CI 'TSAL, ,SGRA 'DZIN LAM DU SON TZAM YANG, ,BSOD NAMS ZHING SA DAG PA LA, ,RNAM DKAR SA BON BSKRUN BRTZON PAS, ,SKU GSUM 'BRAS BU LHAG PAR SMIN, ,DE NAS CHOS

DANG RGYAL PO'I SRID, ,YUN RING 'TSO ZHING GNAS PAR 'GYUR, ,DE TSE BLO DANG LDAN PA YI, ,THUB BSTAN SPEL BYED MANG DU 'BYUNG, ,DED DPON BRTZON LDAN LA LA YANG, ,'PHAGS YUL RGYA MTSO'I GLING DU 'JUG ,ZAB RGYAS DAM CHOS TSONG ZONG GIS, , YUL DER MA RIG DBUL PHONGS SEL, ,BSIL LDAN LJONGS NAS DRANG SRONG GI ,RGYAL MTSAN THOGS PA DU MA YANG, ,LAS CAN MANG PO'I DON PHYIR DU, ,PHYOGS DER BSOD SNYOMS RGYU ZHING LHAGS, ,JI LTAR SHEL GYI ME LONG NANG, ,SNA TSOGS GZUGS BRNYAN GSAL BA LTAR, ,SA BDAG YID KYI ME LONG NANG, ,DE LTAR CHOS KUN GSAL BAR 'GYUR, ,BA GLANG KHYU MCHOG RJES SU 'JUG ,DE BZHIN PHYIS 'BRANG 'GRO KUN KYANG, ,CHOS BZHIN RJE LTAR SPYOD BYED PA'I, ,MCHOG GI BYA BAS DUS RNAMS 'DA', , DE LTA'I RNAM DKAR DPUNG TSOGS KYIS, ,ME TOG MDA' CAN SDE DANG BCAS, ,MA LUS PHAM PAR BYAS NAS KYANG, ,BDUD RNAMS MYA NGAN KHANG BUR 'JUG ,DPER NA MA LA YA YI RLUNG, ,DRI BSUNG LDAN PA CHOS NYID DO, ,DE LTAR DAM PA GNYIS PO DANG, , 'GROGS PA DE KUN YON TAN LDAN, ,'ON TE BLON PO MA RIG CAN, ,MI DGE'I DBANG DU GYUR DAG KYANG, ,RGYA MTSO'I MTHAR THUG GYUR BAR DU, ,RANG GI GNAS NAS BSKROD PAR BYED, ,MDOR NA DUS DER PHAN BDE BA, ,MTHA' DAG DGA' MGUR SPYOD BYED PAS, ,MI MTHUN DRI MA DANG BRAL BA'I, ,DGE TSOGS PAD TSAL CI YANG RGYAS, ,DE LAS BYUNG BA'I MTSAN MA YANG, ,RMAD DU BYUNG BA KHO NA YI, ,DPAG BSAM LJON PA'I 'PHRENG BA YIS, ,ZHING DE KUN NAS MDZES PAR 'GYUR, ,SMRAS PA, KUN GSAL

, ,MDZES MA'I MKHA' LA RGYU SKAR GZUGS, ,GZUGS BRNYAN SHIN TU BKRA LTAR 'DI NA YANG, ,YANG DAG DON LA BLO GROS MIG LDAN KUN, ,KUN NAS YID CHES BSKYED PA'I GTAM 'DI BKOD, ,'ON KYANG LEGS PAR MA SBYANGS PA'I, , BLUN PO 'GA' YIS MTHONG SRID NA, ,THE TSOM 'KHYOG LA BRTEN BYED PA'I, ,DPYANG THAG NYID DU NYE BAR 'KHUMS, ,GANG GANG 'JIG RTEN DAG NA BZANG NGAN 'BYUNG TSUL PHRENG, ,GSAL GSAL TSIG GI SRAD BU LA NI BGRANGS BYAS TE, ,DAL DAL BCU PHRAG SOR MOS LEGS PAR BSKRUN NAS KYANG, ,LA LA DAG GIS BSKUL BZHIN MGRIN PA'I RGYAN DU SBYIN, ,'DIS MTSON DGE BA MA LUS KYANG, ,'DI SNANG ZHEN PA'I 'GRO BA KUN, ,'DI NAS BYANG CHUB SNYING PO YI, ,'DI PHYI'I DON LA BRTZON PHYIR BSNGO, ,ZHES THAMS CAD 'DUL CES PA'I LO HOR ZLA DGU PA'I GRAL TSES DGE BAR RNAM RGYAL SGANG DU SBYAR BA PHYOGS THAMS CAD DU DGE ZHING BKRA SHIS DANG BDE LEGS KYIS KHYAB PAR GYUR CIG , ` DGUNG LO SO LNGA PA CHU SBRUL ZLA BA BCU GCIG PA'I TSES DGU NYIN BSTZAL BA, NA MO GU RU, CHU MO SPRUL GYI LO HOR ZLA BCU GCIG PA'I TSES BRGYAD LA, GSANG MDA' BON DGON SGRAL MTSAMS LCAGS LA'I LA RTZAR GNAS PA'I NUB THO RENGS KHAR, RMI LAM 'KHRUL SNANG NGO MTSAR BA BYUNG BAR BRJED THO BTAB PA NI, DAR ZAB KYI GDAN KHRI ZHIG GI STENG NA, MKHAN RIN PO CHE YONGS RDZOGS BSTAN PA'I MNGA' BDAG PAn CHEN THAMS CAD MKHYEN PA CHEN PO NI, SKU MDOG GSER ZHUN LTAR 'OD DU 'BAR ZHING, SKU CHOS NGUR SMRIG RNAM GSUM MDZES PAR GSOL BA, PHYAG GA-YAS MU TIG LJON SHING GI dA MA RU DANG, PHYAG GA-YON

DNGUL DKAR GYI RDO RJE BSNAMS PA, DE'I DRUNG DU NGED KYANG GUS PA'I RNAM 'GYUR DANG LDAN PAS GNAS SHING, DE RING RDZU 'PHRUL STON PA GNANG ZHING CHOS ZAB MO GSUNGS PA YOD ZER NAS, NGO SHES PA DANG MI SHES PA'I GROGS MANG PO DANG BCAS 'DUG PA NA, RJE BTZUN GYIS RAS DKAR PO'I RNAM PA 'DRA BA ZHIG NAM MKHAR 'PHANG BA MDZAD NAS, PHAt GSUNGS SHING SPYAN NAM MKHA' LA SGRIL, RAS DE YANG NAM MKHAR LDING ZHING RJE LA GA-YAS SU BSKOR NAS SKU MDUN GYI THAD DU SLEBS PA NA BYA DKAR NAG GNYIS SU SONG NAS LDING, NAG PO DE NYID PHAR LA SONG TSE, dA MA RU DRAG TU 'KHROL BA MDZAD PAS, DKAR POS MJUG RTZE NAS 'DZIN CING, TSUR LA JE NYER 'ONGS TSE RDO RJE GDENGS PAS MI 'ONGS SHING, MTHAR BYA GNYIS KYANG ME TOG DKAR NAG GNYIS SU SONG NAS NAM MKHAR YAL, dA MA RU YI SGRA YANG SHIN TU SNYAN PA YID 'GYUR NUS PA 'U DU DU ZER YUN RING PO'I BAR DU GNAS SHING, DE MTSAMS CHOD PA DANG RJE ZHAL 'DZUM PA DANG BCAS NAS, 'OO; DE LTA BU NI RDZU 'PHRUL BRDA YI SGO NAS CHOS BSTAN PA STE, DE DON NI; RAS KYIS NI, YID KYI RNAM PAR SHES PA KUN LA 'PHRO BA'I RAS BAL GYI 'DAB MA RLUNG GIS BSKYOD PA LTA BU DE MTSON, BYA DKAR NAG GIS DGE BA DANG MI DGE BA MTSON, dA MA RUS STONG PHYOGS SHES RAB KYI CHA DANG, RDO RJES SNANG PHYOGS THABS KYI CHA MTSON, dA MA RU DKROL ZHING BYA DKAR POS NAG PO 'DZIN ZHING PHAR MI 'GRO BA NI, BDAG MED RTOGS PA'I SHES RAB ZAB MO'I SGRA DANG, DKAR PO DGE BA'I YID KYI DRAN SHES KYIS ZIN TE, NAG PO MI DGE BA'I DBANG DU MI 'GRO BA MTSON,

, ,RDO RJE GDENGS PAS BYA NAG PO BZLOG PA NI, MI DGE BA'I RNAM PAR RTOG PA BYUNG BA NA, DE KUN MTHA' DAG RDO RJE STE THABS KYIS BZLOG PA DANG, MTHAR BYA GNYIS KYANG ME TOG DKAR NAG GI RNAM PAR YAL BA YANG, DGE BA DANG MI DGE BA SOGS 'KHOR 'DAS KYIS BSDUS PA'I CHOS GANG SNANG THAMS CAD MING TZAM BRDA TZAM RTOG PAS BTAGS TZAM STE, DON DAM DU BDEN PAS GRUB PA RDUL TZAM YANG MED PA DANG, PHAt KYI SGRA DES RJES THOB SGYU MA LTA BU'AM, LTOS MED NAM MKHA'I ME TOG LTA BU'I RNAM ROL GYIS DAL 'BYOR DON LDAN DU BYA BA DANG, CHOS GOS NGUR SMRIG RNAM GSUM GYON ZHING LUS 'OD DU GNAS PAR 'BAR BA 'DI LTA BUS NI, DE 'DRA BA'I RNAL 'BYOR PAS KYANG JI LTAR KHAS BLANGS PA'I DAM TSIG DANG SDOM PA RNAM PAR DAG PA LA GNAS PAR BYAS PAS 'DI PHYI BDE LEGS KYI GZI 'OD RAB TU 'BAR BAR 'GYUR ZHES PA'I DON TE, 'OO; DE YANG HRIL GYIS SGRIL NA, 'DI DAG NI RGYAL BA'I GSUNG RAB KYI GNAD THAMS CAD GCIG TU SGRIL BA'I ZAB CHOS YIN PAS THUGS LA BCANG DGOS PA LAGS GSUNGS, DER PHYAG PHUL BYIN RLABS ZHUS PAS DBU THUG GNANG, YANG YANG 'PHRAD PAR BYED KYANG GSUNG NGO, ,GNYID SAD PA DANG DGA' BA DANG SPRO BA TSAD LAS 'DAS PA DANG, LUS SEMS LA BDE BA CHEN PO DPAG TU MED PA THOB PA BYUNG, DE LTA BU MNGON SUM LTAR GSAL BAR RJE BTZUN GYIS CHOS ZAB MO GSUNGS PA RANG GIS KYANG YID LA 'JAGS PA'I BAG CHAGS 'KHRUL SNANG BZANG PO DE 'DRA BA BYUNG BAS SKAL BA RE BZANG SNYAM, SH'AKA

RIGS KYI DGE SLONG GRAGS PA RGYAL MTSAN GYIS BRJED BYANG DU TSES DGU'I NYIN LCAGS LA LA SLEBS PA'I ZHAG SA'I SGAR THOG TU BKOD PA'O, ` ,DGUNG LO SO BRGYAD PA ME SPRE ZLA BA GSUM PA'I TSES GSUM NYIN BSTZAL BA, HR'I: ZHING KHAMS BDE BA CAN NA SNANG MTHA' YAS, ,LHO NUB SRIN PO'I KHA GNON PADMA 'BYUNG, ,LNGA BRGYA'I 'DREN PA BLO BZANG GRAGS PA'I DPAL, ,DBYER MED RDO RJE 'DZIN PA SPYI BOS MCHOD, ,LHA MI'I 'DREN PA DGRA BCOM NYER SBAS TE, ,DNGOS BRGYUD DAM PA'I BKA' DANG DAM TSIG GI ,NOR BU'I PHRENG BAS GTZUG TU LEGS PAR BRGYAN, ,GNAS GZHI SRUNG BA'I GTAM DE YID LA SIM, ,SNANG STONG RGYAL KHAMS YANGS PA'I GRONG KHYER NA, ,TING 'DZIN STON MO BZANG ZHING LTAD MO CHE, ,LUS MED SEMS KYI MGRON DANG KHROM PA RNAMS, ,NYAMS RANG AA DGA' SGYU MA'I RNAM 'PHRUL LA, ,BANDHA'I GSHONGS SU KHRAG GI MTSO MO 'KHYIL, ,DMAR CHEN THANG LA DBANG PO'I ME TOG SHAR, ,MI SHA'I DUD PAS 'JIG RTEN MA LUS KHYAB, ,SHI SKRA'I ME LCES TSANGS PA'I YUL DU SLEB, ,SNYING GI KHRAG LA GA BUR GUR GUM MNAM, ,SPRUL PA'I BU MO MI RKANG GLING BU 'BUD, ,PHYI NANG GSANG BA DE NYID MA TSANG MED, ,DBANG PO'I YUL DU BDE BAS KHYAB PAR YOD, ,SNYIGS MA'I DUS 'DIR SHAR PHYOGS TZONG KHA PA'I, ,RTAGS TZAM 'DZIN PA NGUR SMRIG NGANG MO'I SDE, ,MDA' LNGA THOGS PA'I RNGON PA LAS BSRUNG SHING, ,'DOD YON 'DAM BYING SRID PA'I RNYIS ZIN RNAMS, ,LUNG RTOGS 'DAB GSHOG LDAN PA RNAMS 'DREN GYI, ,NAM 'PHANG SPYOD PA'I BSAM PA

, ,DANG LDAN PAS, ,GANGS RI'I SUL GYI GA-YU MTSO'I MTHA' DBUS MED, ,KHENGS PAR SPEL BAR BYAS NA MI LEGS SAM, ,SHAR PHYOGS MKHA' DBYINGS RI BONG MTSAN MA CAN, ,RTA BDUN CAN DANG 'BRAL BAR MI PHOD RUNG RANG DBANG MED PAR RE ZHIG RING GYUR KYANG, ,GUNG SNGON DBUS SU MYUR DU 'DZOM PAR NGES, ,LHO PHYOGS ME KHYER SRIN BU CHUNG NGU ZHIG ,MTHA' 'KHOB MUN PA'I SMAG RUM SEL BA'I KHUR, ,DON LA LEN PA SRID KYANG NGAL BA TZAM, ,SKYABS GSUM DAM CAN DE LA GROGS PO 'TSOL, ,NUB PHYOGS SNANG MTHA' 'JIG RTEN MGON RNAMS KYI, ,THUGS RJE'I 'OD KYIS 'JIG RTEN YONGS LA KHYAB, ,'OD KYI SNYING PO PADMA'I SBUBS SU ZUG ,DGA' BDE RGYAS PA'I SBRANG RTZI MNGAR BA LA, ,BYANG PHYOGS 'DZIN MAR RGYAL BA GNYIS PA YI, ,BSHAD SGRUB NAGS TSAL RGYAS SHING ME TOG BKRA, ,BUNG BA GZHON NU LEGS BSHAD DAR DIR SGROGS, ,SBRANG RTZI'I DGA' STON RGYAS SHING JI LTAR YANG, ,PHYOGS PHYOGS MI MTHUN RLUNG DMAR 'TSUBS PA NI, ,'GOG BYED DKAR PHYOGS MTHU DANG LDAN PA YIS, ,DAR DKAR YOL BAS BSKOR NAS BSKYABS PA NA, ,RLUNG PO RANG SAR ZHI LAS THABS GZHAN MED, ,SPROS BRAL NAM MKHA' YANGS PA'I DBUS DE NA, ,MTHU STOBS SPRIN NAG PHUNG PO 'THIB PA'I GSEB, ,NGAN SNGAGS 'BRUG SGRA DRAG POS RNA BA 'GAS, ,MI BZAD GNAM LCAGS THOG SER PHYOGS BCUR 'BEBS, ,ZHING BCU'I LO THOG 'JOMS PA AE BYED DE, ,LHA SRIN SDE BRGYAD YONGS LA THUG NAS YOD, ,KHYAD PAR RIG SNGAGS 'CHANG PA'I SA PHYOGS DER, ,DUS DRUG BYA RA RTAG PAR BYAS NA AANG,

KHRAG MTSO ME RLUNG 'DRES MA'I SA YUL DU, ,DBUGS LEN RGYAL PO KHYI YI GZUGS CAN ZHIG ,NYES CAN BSAD NAS SHA ZOS KHRAG LA 'THUNG, ,DRAG PO'I NGA ROS SRID GSUM ZA BA'I MTHAR, ,DPE HAR SKU LNGA'I DRAG SHUL CHE BA LA, ,GZA' RGOD RA HU LA NI RGYU 'GRUL REM, ,RDO RJE LEGS PA'I RNAM 'GYUR SHIN TU MKHAS, ,LHA SRIN SDE BRGYAD RBA KLONG 'KHRUGS NAS 'DUG ,MDA' LNGA LAG TU THOGS PA'I RGYAL BRAN GYIS, ,PHYOGS 'DZIN NAG PO'I DMAG DPUNG BSHAMS PA DER, ,DPA' BO YANG ZHING GO MTSON 'CHOR NA YANG, ,GA-YUL NGO PHAM PAS YA RE MI NGA 'AM, ,BLO BZANG BSTAN PA DAR BA'I PHO BRANG DU, ,CHOS KYI RGYAL PO SRAS BCAS BLON POR BCAS, ,MI MTHUN SPYIN SKYES DGRA BO'I GA-YUL LAS RGYAL, ,DGE MTSAN CHOS SRID BRTAN PA'I DPUNG TSOGS KYIS, ,STOBS CHEN RDO SOL PHUNG PO'I RI BO LAS, ,RDZU 'PHRUL ME YI GZER MA RTAG TU 'PHRO, ,LAS NGAN SKYE SHING NAGS TSAL THAMS CAD BSREGS, ,DRAG SHUL CHEN POR MNGA' GSOL GNYER GTAD BYAS, ,MCHOG GSUM BYIN RLABS LHA MO'I SPRIN DKAR 'KHRIGS, ,DNGOS GRUB ME TOG DKAR PO'I CHAR CHEN 'BEBS, ,'DZAM BU'I GLING 'DIR NYER 'TSE'I SA RDUL GNON, ,DGE LEGS LO THOG DAR BA'I BKRA SHIS YOD, ,DE BZHIN SMRA BA KUN LA GRAGSo PAo YI, ,RGYALo BA'I 'PHRIN LAS MTSANo NYID DANG LDAN PAS, ,GDUL BYAR KHAS LEN SNGAGS BAN GZHON NU NI, ,LAS KYI RDO RJE ZHES PA MA YIN NAM, ,GDONG NGAN LO LA LHA BU ZLA BA NI, ,RGYU SKAR NAG PA GROGS SU BSTEN PA'I SKABS, ,RGYAL BA DANG PO'I TSES LA DGE LEGS KYI, ,'OD ZER SPROS LA LTOS LA

, ,GO BAR GYIS, ,DES NI MA RIG MTSAN MO'I MUN PA SANGS, ,YANG DAG DON RTOGS SKYA RENGS SHAR BA'I RJES, ,DRO 'JAM RNAM 'DREN NYI MA'I DGA' SPRO LA, ,GRANGS MED GNYIS SKYES THAMS CAD SPYOD PAR 'GYUR, ,MIG LA SGYU MA'I LTAD MO RGYA RE CHE, ,RNA BA LA NI LHA YI ROL MO SNYAN, ,DRI ZHIM YUL DU BDE CHEN NGAD PA 'JEBS, ,LCE LA ZAG MED BDE CHEN BDUD RTZI ZHIM, ,LHA RDZAS REG BYA LUS LA BDE 'JAM YANG, ,LNGA PHRAG 'DOD PA'I BDE BA AE MA MTSAR, ,LUS DANG LUS MED MGRON PO'I TSOGS RNAMS KYI, ,DBANG PO DRUG GI SPYOD YUL GTANG RAG YIN, ,GTZUG LAG KHANG GI BDAG PO 'KHOR BCAS KYI, ,LUS DANG GRIB MA JI BZHIN LAS BZHI LA, ,RTAG TU 'BAD CING RI MOR BRIS PA YI, ,DAM TSIG DON RNAMS YID LA NGES GAL CHE, ,ZHES 'JAM DPAL GSHIN RJE GSHED KYI RNAL 'BYOR RIGS SNGAGS 'CHANG BA SHR'I BHA DRA KI RTI DHVA DZA ZHES BYA BAS, ME PHO SPRE'U'I LO NAG PA ZLA BA'I YAR TSES GSUM LA SKYOR MO LUNG GI CHOS SDE'I DBUS SU BDE STONG DBYER MED KYI YE SHES KYI TING NGE 'DZIN GYI PHO BRANG CHEN PO BLA MA YI DAM DPA' BO MKHA' 'GRO DAM CAN BKA' SRUNG RGYA MTSO SPRIN GYI PHUNG PO LTAR 'KHRIGS PA'I KLONG DKYIL NAS GDAMS SHING BRIS TE BSRINGS PA PHYOGS THAMS CAD DU DGE ZHING BKRA SHIS PAR GYUR CIG YI GE PA NI DGE SLONG NGAG DBANG CHOS BZANG RGYAL MTSAN NO, ,ZHES PA DANG, GZHAN YANG, LHA DANG BLA MAR GSOL BA BTAB PA'I MTSAN MA DANG BSTUN PA'I NGO MTSAR BA'I GTAM DU BYA BA SGYU MA'I BI WAM BSGYUR BA'I SGRA DBYANGS ZHES BYA BA'I LUNG

BSTAN TSIGS BCAD MA MANG TZAM ZHIG BSTZAL 'DUG PA NAS LUNG DON RNAMS MANG CHE BA SKABS DE GA'I MJUG TZAM NAS BZUNG STE SNGAR RIM PAR BYUNG ZIN 'DUG CING, 'BYUNG 'GYUR DU DOGS PA 'GA' SHAS MCHIS KYANG LUNG DON JI BZHIN DPOG DKA' BA MA ZAD YIG TSOGS LA 'JIGS TE 'DIR MA BKOD DO, ` ,SKAL LDAN KUN LA 'CHAD TSE 'PHANGS SENG DNGOS, ,PHAS RGOL 'JOMS LA RTZOD MKHAS PHYOGS GLANG RANG, ,SDEB LEGS SNYAN NGAG RTZOM LA ZLA BRAL BA, ,DPA' BO GNYIS PAR GRAGS PA KHYOD LA BSTOD, ,CES PA'I DON NI, TSUL KHRIMS YONGS SU DAG PAS SKU GTZANG BA DANG, SHES RAB DAG PAS LUNG RIGS LA MKHAS PA DANG, LHAG BSAM DAG PAS GZHAN LA PHAN PA SOGS CHOS 'CHAD PA PO'I MTSAN NYID THAMS CAD YONGS SU RDZOGS TE SKAL PA DANG LDAN PA'I GDUL BYA KUN LA ZAB PA DANG RGYA CHE BA'I MDO SNGAGS KYI CHOS 'CHAD PA'I TSE RGYUD DON RNAMS MTHA' DRUG TSUL BZHI RGYAN BDUN GYI SGO NAS 'CHAD PA DANG, MDO PHYOGS KYI GZHUNG RNAMS 'CHAD THABS YAN LAG LNGA'I SGO NAS 'CHAD CING, DE'I TSE YANG, SLA SAR SPROS SHING, DKA' SAR BTANG SNYOMS SU 'JOG PA, GONG 'OG 'KHRUG PA, GZHUNG SIL BUR 'THOR NAS DGONGS PA MI LON PA SOGS GTAM DU BYA BA'I NYES SKYON MTHA' DAG NI BRAL, MDO RGYUD BSTAN BCOS DANG MTHUN PA'I LUNG, SGRA TSAD DNGOS STOBS DANG MTHUN PA'I RIGS PA, GSAL BYED KYI DPE DANG SBYAR BA'I SGO NAS RGYAL BA'I DGONGS PA LAS GZHAN DU MA GYUR PA'I RJES SU GDAMS PA SOGS SMRA BA'I YON TAN THAMS CAD YONGS SU TSANG BA'I

, ,'CHAD TSUL KHYAD PAR DU 'PHAGS PA'I SGO NAS 'CHAD PA LA 'PHAGS PA KLU SGRUB YAB SRAS DANG, SLOB DPON CHEN PO SENGGE BZANG PO DNGOS SU BYON PA DANG MTSUNGS PA'I 'CHAD MKHAS PA DANG, RGYAL BA'I GSUNG RAB LA MA RTOGS PA DANG LOG PAR RTOG PA'I PHAS RGOL GYI SMRA BA NGAN PA'I BRAG RI PHYE MAR 'JOMS PA LA, SKYES THOB KYI SHES RAB CHE BA, SGRA TSAD LA BLO SBYANGS PA, RANG GZHAN GYI GZHUNG LUGS LA LEGS PAR BYANG BA STE, RTZOD PA'I RGYU GSUM TSANG BA LA BRTEN NAS, RANG GI DAM BCA'I SGRUB BYED KYI NUS PA MA THON ZHING, ZLOG ZLA KHEGS MI NUS PA DANG, RTAGS KYI SKYON BSAL DGOS PA MA BSAL BA SOGS SKYON THAMS CAD DANG BRAL ZHING, NGAG SNYAN CING 'JAM PA, LUNG DANG RIGS PA GSAL LA RNO BA, SGYID LUG PA DANG NGA RGYAL MED PA, PHA ROL DMA' 'BEBS PA'I TSIG MDA' MI 'PHEN PA SOGS RTZOD PA MDZES PA'I RGYAN RNAMS YONGS SU TSANG BA'I SGO NAS RTOG GE'I GSANG TSIG SGRUB DANG SUN 'BYIN GYI RIGS TSUL RDO RJE'I THOG MDA'I ME CHAR 'BEBS PA BDAG NYID CHEN PO PHYOGS KYI GLANG PO RANG NYID SLAR YANG BYON PA DANG KHYAD PAR MED PA'I RTZOD PA LA MKHAS PA'I PHA ROL TU SON, RTZOM PA'I TSE BCAD LHUG SPEL MA'I LUS JI LTAR MDZAD KYANG 'GAL ZLOS MA 'BREL BA'I SKYON DANG BRAL ZHING, RGYA GAR LHO SHAR SO SO'I 'DOD PA DANG, THUN MONG GI LAM SROL SGRA DANG DON GYI RGYAN PHUN SUM TSOGS PAS SPUD PA'I SDEB LEGS TSIG SBYOR GYI RTZOM PA'I SNYAN NGAG GI PHRENG BA SPEL BA LA BDAG NYID CHEN PO SLOB DPON DPA' BO GNYIS PA DANG MTSUNGS PAR GRAGS PA STE 'CHAD RTZOD

RTZOM GSUM LA 'GRAN ZLA DANG BRAL BA MKHAS PA'I DBANG PO KHYOD LA BSTOD DO, ,CES PA'O, ,DE YANG DAM PA 'DI NYID GONG DU SMROS PA LTAR MKHAS GRUB GNYIS LDAN GYI BDAG NYID CHEN POR BZHUGS GSHIS, 'CHAD RTZOD RTZOM GSUM GYIS BSTAN LA BYA BA MDZAD PA'I RNAM THAR GYI YI GE DANG, MDO SNGAGS LEGS BSHAD KYI GSUNG RTZOM DU MA ZHIG YOD PA GOR MA CHAG KYANG, 'OG NAS 'CHAD 'GYUR LTAR DGONGS GZHI DGOS PA KHYAD PAR CAN DANG RJES SU 'BREL BAR GLO BUR RKYEN DBANG GIS GSHEGS TSUL MDZAD CING, DE MA THAG GZIM KHANG GONG GI SNOD BCUD KUN KYANG MI DMIGS PA'I DBYINGS SU RGYAS BTAB PAR BRTEN THOR BU THOR BU RE ZUNG TZAM LAS PHAL MO CHE ZHIG MA RNYED KYANG, 'OL DGA' RGYA SOG DANG, LHA SDINGS, CHOS LUNG, CHOS 'KHOR RGYAL SOGS KYI GNAS YIG RJE DE NYID KYIS BKA' RTZOM MDZAD PA RNAMS KHO BO CAG LHO KHA KHUL GNAS MJAL DU BSKYOD SKABS MIG LAM DU SON PA DANG, SNGAR DRANGS PA'I GZIGS SNANG SKOR GYI GSUNG RIGS DE DAG GI GSUNG GI NYAMS LA DPAGS NA MKHAS PA'I YON TAN LA BSNGAGS PA'I BSTOD PA 'DI YANG, JI SKAD DU, BAL POS SE'U MA ZOS KYANG, ,KHA DOG NYID LAS BRO BA SHES, ,ZHES PA LTAR DON DANG MTHUN PAR DPOG NUS SO, ` ,DREGS PA'I YANG RJE RDO RJE GRAGS LDAN GYIS, ,DGE LDAN THUN MONG MIN PA'I BSTAN SRUNG SKUR, ,BZHENGS ZHES THUGS DAM YANG YANG BSKUL BA NA, ,SNYING STOBS DRAG PO'I THUGS BSKYED MDZAD LA BSTOD, ,CES PA NI, 'JAM MGON TZONG KHA PA CHEN POS,

, ,RI BO DGA' LDAN DU GSUNG CHOS BSTZAL BA'I THUN SENG LA KHYE'U GOS DKAR PO GYON PA ZHIG SKU MDUN DU 'ONGS TE NGA LA ROGS PA ZHIG GNANG DGOS ZHES YANG YANG ZHUS PA NA, RGYAL TSAB RJE DANG, MKHAS GRUB CHOS RJE RNAM GNYIS KYIS KHYE'U DE PE HAR GYI RNAM 'PHRUL YIN PA MKHYEN TE CANG MA GSUNGS SHING, 'DUL 'DZIN GRAGS PA RGYAL MTSAN DE NYID DUS SKABS DE DAG TU RJE'I SKU DRUNG NA ZHAL SLOB KYI BGRES 'GO LTA BUR BZHUGS YOD PAS, NYIN GCIG 'DUL 'DZIN PAS KHYE'U DE LA RJE BLA MA BKA' CHOS GNANG BA SOGS SKU NGAL CHE SKABS 'DIR KHYOD KYIS 'DI 'BRA ZHU BA MI 'GAB, KHYOD LA ROGS GANG DGOS NGAS BYED CES GSUNGS PA NA, KHYE'U DES DON DE GA YIN, NGAS KYANG KHYED NYID GROGS SU MA RNYED PAR BSDAD YOD, DA RES BLA SLOB THAMS CAD YOD SA 'DIR KHYOD KYIS ZHAL BZHES MDZAD ZIN TO, ,ZHES SMRAS TE KHYE'U DE MI SNANG BAR GYUR, DE'I RJES 'DUL 'DZIN GYI SKU'I SKYE BA PAn CHEN BSOD NAMS GRAGS PA'I DUS SU, SNANG SRID DREGS PA'I YANG RJE RDO RJE GRAGS LDAN GYIS PAn CHEN LA 'DI SKAD CES, NGED LA RJE 'JAM DBYANGS DGA' BA'I BLO GROS KYIS DGE LDAN PA'I BSTAN PA GTZO BOR SRUNG DGOS PAR NAN TAN DU GSUNGS BYUNG YANG, NGA NI SNGON SLOB DPON CHEN PO PADMA'I SPYAN SNGAR RGYAL BA'I BSTAN PA SPYI SRUNG BAR KHAS BLANGS DAM BCAS PA YIN PAS DGE LDAN GYI BSTAN PA KHO NA GTZO BOR BSRUNG THABS MA MCHIS SHING, PAn CHEN KHYED NYID DENG SANG DGE LDAN BSTAN 'DZIN

GYI KHROD NA LUNG RTOGS KYI YON TAN MTHO SHOS SU 'DUG PA MA ZAD, SNGON GYI THUGS BSKYED ZHAL BZHES LTAR DGE LDAN BSTAN SRUNG DREGS PA'I SKUR BZHENGS DGOS ZHES BSKUL MA ZHUS PA NA, RJES LA BLTA ZHES PA TZAM LAS SKABS DER ZHAL BZHES MA MDZAD CING, DE NAS DE NYID KYI SKU PHRENG SPRUL SKU GRAGS PA RGYAL MTSAN GYI SKABS GNAS CHUNG CHOS RGYAL CHEN POS SNGON GYI DAM BCA' DRAN PAR BSKUL BA NA, GRAGS RGYAN GYIS DAM BCA' GANG YOD MI DRAN TSUL ZHUS PAR, PE HAR GYIS PHYAG NAS SHIG BSTZAL TE 'DI ZHAL DU MCHOD KYIN SKU MTSAMS MDZAD NA GSAL CHA 'ONG GSUNGS PA BZHIN BCAD RGYAR BZHUGS PAS RE ZHIG NA THUGS DRAN GSOS TE SNGON GYI DAM BCA' BZHIN DU DGE LDAN THUN MONG MIN PA'I BSTAN PA BSRUNG BA'I SLAD MTHU STOBS GNYAN MYUR GYI SRUNG MA'I SKUR BZHENGS RGYUR MI ZHUM SNYING STOBS DRAG PO BSKYED PAR MDZAD PA'I TSUL LA BSTOD PA'O, ,GNAS CHUNG RGYAL CHEN RDO RJE GRAGS LDAN GYIS PAn CHEN BSOD GRAGS LA DGE LDAN BSTAN SRUNG GNYAN PO'I SKUR BZHENGS PAR BSKUL TSUL PAn CHEN GYI RNAM THAR 'BRAS SPUNGS DPAR MA'I NANG DU GSAL BA MA ZAD, SPRUL SKU GRAGS RGYAN DGUNG LO SO BRGYAD PA ME SPRE ZLA BA LNGA PA'I NANG GLO BUR GSHEGS RGYU'I SNGON, ZLA BA GSUM PA'I TSES GSUM NYIN BSTZAL BA'I GSUNG RTZOM GONG GSAL GYI, LHA MI'I 'DREN PA DGRA BCOM NYER SBAS TE, ZHES PA NAS, DAM TSIG DON RNAMS YID LA NGES GAL CHE, ,ZHES PA'I BAR GYI GSUNG BABS LA ZHIB TU BRTAG NA SHES PAR NUS TE, SLOB DPON CHEN PO PADMA'I

, ,BSKUL BYANG LAS, ,'DI LTAR NYON CIG RGYAL PO DAD PA CAN, ,SANGS RGYAS 'JIG RTEN BYON DUS NYE BAR 'KHOR, ,MYA NGAN 'DAS TSE AU PA GUPTA (NYER SBAS) ZHES, ,GRONG KHYER 'GA' RU BHA WA BHA DRAR GRAGS, ,SHAR PHYOGS RGYA NAG YUL DANG NYE BA'I CHAR, SH'AKYA'I DGE SLONG BLO BZANG ZHES BYA 'BYUNG, ,ZHES GSUNGS PA LTAR, ,DGRA BCOM NYER SBAS DANG THUGS RGYUD GCIG PA'I RJE TZONG KHA PA SOGS DNGOS BRGYUD BLA MA'I BKA' DANG DAM TSIG SPYI BOR NOD PA MA ZAD, GNAS GZHI SRUNG BA GNAS CHUNG CHOS RGYAL GYIS BSKUL BA'I GTAM DE YANG THUGS LA SIM ZHING, GZUGS MED DREGS PA'I 'KHOR DANG, DRAG PO'I MCHOD TSOGS DANG BCAS PA'I DREGS PA'I RJE BOR BZHENGS TE, RJE TZONG KHA BA'I BSTAN PA BSRUNG BAR SPRO BA DANG, ^RGYAL DBANG LNGA PA CHEN PO DANG, GRAGS RGYAN RANG NYID BCAS NYI ZLA LTA BU'I SKYES CHEN RNAM GNYIS GLO BUR RKYEN DBANG STABS KYIS RE ZHIG ZHAL 'DZOM GYI GO SKABS RING BAR GYUR KYANG, RING POR MI THOGS PAR DAM TSIG GCIG TU 'BREL NAS DGE LDAN BSTAN SRUNG DRAG SHUL MTHU STOBS CHEN POR MNGA' GSOL BA SOGS GSAL BAR THON 'DUG PAS KYANG NGES PA RNYED NUS SO, ` ,LOG SMON KUN TSOGS DAR GYIS MGUL BCINGS TSE, ,THUGS BSKYED STOBS KYIS DREGS PA'I YANG RJER BZHENGS, ,NYIN MTSAN 'JIGS RNGAMS CHO 'PHRUL SNA TSOGS KYIS, ,BLO CHEN RNAMS KYANG SKRAG PAR MDZAD LA BSTOD, ,CES PA NI, DE LTAR SNGON GYI DAM BCA' DRAN PA NA, PE HAR LCOG TU PHEBS NAS GNAS CHUNG CHOS RGYAL LA DA CHA

NGAS SNGON GYI DAM BCA' DRAN PAS JI LTAR BYED ZHUS PAR, CHOS SKYONG NAS DE'I 'PHRIN LAS NGED NAS BYAS CHOG GSUNGS TE, DE NAS RING POR MA LON PAR GNAS CHUNG CHOS RGYAL GYI 'PHRUL GYIS PHYOGS PHAN TSUN NAS KHAMS SOG GI 'GRUL PA GTOS CHE BA LHA SAR YONG STE GZIM KHANG GONG SPRUL SKU GRAGS RGYAN LA MJAL 'BUL RGYAL BA LNGA PA LAS KYANG LHAG PA LTA BU BYUNG BA DANG, ^RGYAL BA'I DGA' LDAN PHO BRANG LA GZIM KHANG 'OG DANG, GRAGS RGYAN GYI PHO BRANG LA GZIM KHANG GONG DU 'BOD CING, 'BRAS SPUNGS GZIM KHANG GONG 'OG GNYIS ZHES PHAL CHER 'DRA MNYAM LTA BU BRJOD SROL MA ZAD, LHA LDAN SMON LAM CHEN MO'I MCHOD 'BUL SMON LAM GYI GRAL DBUR YANG ^RGYAL BA'I BZHUGS KHRI'I 'KHRIS SU BZHUGS KHRI'I THOB BZOS CHE BA SOGS SGO SNA TSOGS NAS SDE SRID BSOD NAMS CHOS 'PHEL GYIS GTZOS PA'I DGA' LDAN PHO BRANG GI ZHABS 'BRING RNAMS PHRAG DOG GIS MA BZOD PAR GRAGS RGYAN SKU BGRONG RGYU'I DUS SKABS 'TSOL BZHIN PA'I THOG , GRAGS RGYAN RANG NYID KYANG THUGS DAM DUS BABS RTEN 'BREL GYIS DGUNG GRANGS SO BRGYAD PA ME SPRE ZLA BA BZHI PA'I TSES NYER LNGA NAS GNYAN TSAD KYIS GLO BUR DU BSNYUN TSUL BZHES PA DANG SKABS KHEL STABS 'GRIGS BYUNG STE, GRAGS RGYAN GYI 'KHRUNGS KHANG GAD KHA SA PA'I MAG PA, SDE SRID BSOD NAMS CHOS 'PHEL GYI SKU MCHED GRAS SDE PA NOR BU'AM NANG SO NOR BU ZER BA DE DANG SDE SRID NGAN MTHUN GYIS BSNYUN GZHIR SNYAD NAS GSANG STABS SU BGROD RTZIS KYIS ZLA BA LNGA PA'I TSES BCU

, ,GSUM NYIN SKU LA MTSON CHA JI TZAM BSNUN KYANG MTSON MA BZHES PAR BRTEN MGUL MGRIN NANG DAR BRDZANGS TE BKRONGS, DE YANG ^RGYAL MCHOG LNGA PA CHEN PO'I RANG RTZOM RNAM THAR DU KU LA KA PA'I NANG GSAL DU, ZLA BA BZHI PA'I TSES NYER LNGA NANG GZIM KHANG GONG SPRUL PA'I SKU GNYAN TSAD KYIS GLO BUR DU BSNYUN PAR RKYEN SEL GYI RJES GNANG LA YONG DGOS TSUL BYUNG BA LTAR GTOR CHAS GRA BSGRIGS PA'I 'GRO RTZIS YOD THOG ,LHA SA NAS SDE PAS MI GNANG BA'I 'GO NAD YIN 'DUG PAS DA LAM MI 'GAB CES GZIM KHANG DU'ANG BKA' BSGYUR BAS BSHOL SONG BA NA, NAD RIMS KYI RIGS LA PAR BKAB 'DZEMS KYIN MED KYANG GSUNG DANG BSTUN, ZHES DANG, TSES BCO LNGA LA GZA' 'DZIN 'DUG PA DANG BSTUN, MA SHA'I LAS SBYOR BYED RTZIS KYIS TSES BCU GCIG NAS BSNYEN MTSAMS SHIN TU DAM PAR BCAD DE 'JAM DKAR GYI BZLAS BRJOD BTZUGS PA TSA RTING KHAR RANG DBANG DANG BRAL BAS GNYID KYIS NON PAR RE ZHIG THUN BZHAG STE KHAMS GSENG BA'I THABS 'DRA BYAS, JA'I SANG SDE PAR PHYI DRO DA LTA'I 'DI 'DRA MIN TZAM BYUNG NA MA GTOGS DGE SBYOR TSAD LDAN MI YONG BA SNANG ZHES GLENG BRJOD KYANG BTANG, DE YANG SPRUL PA'I SKU GNYAN TSAD KYIS BSNYUNG BAR GLING STOD CHOS RJE DANG, BYANG NGOS NAS GNYIS KYIS 'PHROD BSTEN MDZAD PAS GZHI MED DU DVANGS PAS SOG YUL DU TZA NA THON GYI NYE LEN LA SDE PA'I SKU GZHOGS NAS SDE PA NOR BU BTANG BAS BKA' LUNG BSGYUR SKABS SKYON MED DE GA YOD

'DUG KYANG, TSA RTING KHAR GLO BUR DU BSNYUN PAS TSOGS CHEN DU MANG JA DANG, GNAS CHUNG LCOG TU SKU PHEBS TSA GRUL ZHING SDE PAR 'PHROS PHUL BAR BRTEN LHA SA NAS NYIN MTSAMS LA PHEBS PAS KHA SANG RJES GNANG NGED RANG GIS BSHOL BAS MTSER BA BYUNG, DA LAM CIS KYANG 'GRO DGOS ZHES JA'I SANG SDE PA BRGYUD DE GSUNGS PA MTSAMS LA HAR 'DON BYAS TE GZIM KHANG GONG DU PHYIN, MGON PO'I RJES GNANG BAR CHAD KUN SEL PHUL KYANG 'BYUNG PO ZHIG GIS BRLAMS PA'I THUGS DRAN MI ZIN 'DUG PAS PHAN THOGS MED PAS TSES BCU GSUM GYI TSA RTING KHAR ZHING BRJES SNANG, ZHES BSNYUN GZHI'I RKYEN GYIS GSHEGS PA LTA BU ZHIG GSUNGS 'DUG PA, LNGA PA CHEN POS MKHYEN BZHIN DU RDZUN GTAM GSUNG BA CI LA SRID KYANG, SDE SRID SOGS NAS RDZUN BSGRIGS KYI THABS MKHAS GA-YO BSKOR ZHU GNANG LA CHA 'JOG GIS BSTZAL BAR NGES, NANG SO NOR BUS LKOG GA-YO'I BYA NGAN LAG LEN BYAS PA NI, ^RGYAL MCHOG LNGA PA'I RNAM THAR DU KU LA KA PA'I NANG DU, GAD KHA SA PA'I MI NGO GZHON PA RNAMS HOR GYIS BSAD PAR BRTEN MAG PA GZHAN ZHIG BYAS NA YONG RGYUR 'DUG KYANG NYES 'DOD KYI RNAM PAS NANG SO NOR BU BLANGS SONG, ZHES GSAL BA'I NYES 'DOD CES GSUNG BABS LA DPYAD KYANG GO RGYU ZHIG MCHIS, DE LTAR GLO BUR RKYEN DBANG GIS SKU GSHEGS RJES SKU GDUNG 'BRAS SPUNGS SNGAGS PA'I CHOS RVAR ZHUGS 'BUL ZHUS PA NA, SBYIN SREG GI DUD PA SPOS RKANG BTZUGS PA LTAR, RKANG GSUM NAM MKHAR GYEN 'GRENG DU SONG BA NA, GSOL DPON NAS KHYED LA GZHAN GYI BSAM NGAN PHRAG

, ,DOG GI BYA BA THA CHAD 'DI LTAR BYUNG BA LA DA DUNG YIN MDOG KHA PO 'DI 'DRA ZHES DU BA LA GZAN LCAG RGYAB PA NA, DU BA KHA GYES TE GNYIS NAM MKHA' DANG, GCIG SA LA 'KHYIL NAS DAN 'BAG PHYOGS BRGYUD DE GSANG PHUR SONG BAS DON DU THUGS YE SHES KYI CHA DE NYID GSANG PHUR BSE KHRAB PAR RGYAB RTEN BCOL TE DREGS PA'I SKUR BZHENGS, DE'I TSE SKU GDUNG ME MA BZHES PAR RIL POR BZHUGS PA MCHOD RTEN CHA BRGYAD KYI DNGUL GDUNG BZHENGS PA'I GTZO BO'I NANG GZUNGS SU BZHUGS SU GSOL TE, RE ZHIG PAR 'BRAS SPUNGS GZIM KHANG GONG RANG DU BZHAG PAR SKU GDUNG ZHABS ZHU BA RNAMS KYANG SDOD MI BZOD PA'I TSEGS SGRA DANG SDIG SGRA, MCHOD RTEN NANG NAS SKAD DANG TZIR SGRA RGYAB PA SOGS BYUNG BA NA, GNAS CHUNG GI LUNG BZHIN SDE SRID NAS DNGUL GDUNG RNAMS LHU PHRAL NAS SKU GDUNG SHING SGAM DU BCUG STE SKYID CHUR GDAN DRANGS PA RIM GYIS BRGYUD DE LHO KHA DOL GYI MDAR CHAGS PA DENG SKABS DOL CHU MIG DKAR MOR BZHUGS, GRAGS RGYAN GSHEGS 'PHRAL NAS BZUNG 7RGYAL MCHOG LNGA PA CHEN PO'I GZIGS SNANG DU CHO 'PHRUL GYI RNAM PA DANG, GZHAN YANG CHO 'PHRUL GYI RIGS SNA TSOGS SHIG BYUNG STE, DE YANG LNGA PA'I RANG RNAM DU KU LAR GSAL BA LAS DKYUS GCIG TU BKOD NA, TSES BDUN NAS DPAL LDAN RE MA TI'I MDOS BSKANG BTZUGS PA'I RDO RJE SLOB DPON LA PHYIN, CHOS SKYONG CHEN PO'ANG KHOG TU ZHUGS TE PHEBS, GSOL JA KHANG GI NANG DU

GDON GYI 'TSUB CIG 'DUG GSUNG BA MTSAMS KYI SKABS TSES BCU BDUN NAS BZUNG NYAMS SNANG GI 'KHRUL NGOR CHA DKAR CHOS MDZAD DANG LHAN DU SPRE'U BYIS PA LO BRGYAD PA TZAM DOM LPAGS LTA BU'I KHA DOG NAG CING, MIG DMAR SER DU 'KHYIL BA ZHIG RES RJES SU 'BRANGS, SKABS 'GAR MJING PAR ZHON NAS 'ONG PA ZHIG BYUNG BA DANG MTHUN PA 'DRA, ZHES DANG, CHOS SKYONG CHEN POS SPRUL PA'I SKU'I PUR BA ZHU DUS NYE 'KHOR DU BSDAD PA MI 'GAB PAS PO T'A LAR SONG GSUNGS BA BZHIN NYER GNYIS LA 'ONGS, ZHAG BDUN GYI BAR 'PHAGS PA MCHED KYI DRUNG DU MCHOD PA SMON LAM BZLAS BRJOD SOGS DGE SBYOR LA BRTZON PAR BYAS, LAS SGRIB LA PHAN PA'I LTAS BZANG BA 'DRA 'ONG DU RE YANG, NUB GCIG RMI LAM DU BTZUN PA ZHIG GIS ZAN HRIL MO SBOM PHRA MDZUB MO TZAM MKHYID GANG GI TSAD RTZA RTZE'I RNAM PA YOD KHUL ZHIG MDUN DU BZHAG STE 'DI SDE PA SKYID RU BA YIN ZER BA'I MUS LA ZAN DE SROG CHAGS LTAR 'GRO BA DANG, YANG RDZONG GI RTA LAM DU DMAG GIS 'TSANGS PAS JA'I SANG SDE PA DANG LHAN CIG CHAR 'BAB PA'I MUN KHROD LA MCHIL LHAM YANG MA GYON PAR LTAG SGO NAS THON TE BROS 'GRO BA SOGS NGAN PA 'GA' ZHIG BYUNG, ZHES DANG, ZLA BA LNGA PA'I NANG DU SDE PA GONG DKAR DU GO BRTZIS SOGS KYI THUGS BREL GCOD PAR PHEBS THOG NYIN GCIG GZIM CHUNG NANG DU THUGS DRAN MED LA JA YUN GCIG TZAM SONG BA'I THOG MAR BYANG NGOS NAS KYIS GTZOS RDAB 'UR GYI RNAM PAS SKU MA 'TSO BAR THAG BCAD PA'I GNAS TSUL BSKYEL BA'I STA GON GYI SKABS SLAR SKU

, ,GSOS PAS DE GA'I GTAM SNYAN GYI PHYAG BRIS DANG BCAS SRUNG BA LEN MI BYUNG BAR GZA' YIG DANG, SKU LA 'DOGS RGYU GANG ZAB PHUL, ZHES DANG, DBYAR THOG 'DIR 'GONG PO'I 'TSUB SNGAR DANG MI 'DRA BA'I CHE BA 'DUG PAR ZLA BA DGU PA'I TSES DGU NAS BDUN GCIG GI BAR YANG ZAB KYI RDO RJE GRO LOD BSGRUBS PAS TSA NGAR GYI DBAL GCOG PA LA PHAN PAR BYUNG, ZUR RDO RJE 'CHANG GI MNAL LAM DU RKYANG THANG SGANG DU SPRE'U MO MI TZAM ZHIG LA SPRE'U PHRUG BRGYA SKOR SKYES PA'I PHAL CHER SHI ZHING, LHAG LUS MA DANG BCAS PA NA NAS NYAL SDOD PA SHAR BAS PHO BRANG NANG GI 'BYUNG PO'I CHO 'PHRUL BZLOG PA'I DBUGS PHYUNG, ZHES DANG, SA KHYI ZLA BA GSUM PA'I TSES GCIG GI SROD 'KHOR LA NYA SHUR SKYA RIL GYIS JA'I SANG SDE PA BRGYUD DE SDE PA BSNYUNG LUGS 'DI BZHIN BYUNG ZER BAR GZA' YIG DANG, BYIN RLABS RTEN SOGS BSKUR, NAM 'OG LA YONG RTZIS KYIS RTA BSU BA THONGS BYAS KYANG NAM SANGS LAS MA 'BYOR, TSES GNYIS KYI ZHOG PA LHA SAR PHYIN, SKU GRIB KYI BSNYUN GZHI BABS SHIN TU LCI BA 'DUG PAS BCOS KA 'GRO MDOG MA KHA YANG, GZA' YIG ,DUG DBYUNGS, SMAN BCOS THABS SNA TSOGS BYAS RUNG, TSES GSUM GYI NYIN PHYED LA ZHAL MA BZHUGS PAR 'PHO BA BTAB, BYANG MI MANG BA'I SGRA DANG BCAS DE TZAM GYIS GNAD DU 'GRO MDOG KHA BA ZHIG MA BYUNG, ZHES DANG, CHOS SKYONG CHEN POS SDE BAR 'DRE SNA ZUG PAS GZIM KHANG GONG GI MCHOD RTEN RNAMS GZHAN DU SPO DGOS TSUL LO SNGA MA STOD LUNG CHU TSAN LA BYON SKABS DGE BSKOS

GNYIS BRGYUD DE LAB PA YIN YANG DNGUL GDUNG TSO PHRAL NAS 'JOG PA TZAM LAS MA SPOS PA'I SKYON GYIS NAD GZHI CHUG PA YIN, DA CHA 'TSUB CHER SONG BAS GZIM KHANG GONG SPO DGOS GSUNGS PAR RGYAL BRDZONGS LTA BUS GO CHOD PA'I KHANG PA BSHIG MA DGOS PA YONG MI YONG GI GLENG GZHI MANG DU BYUNG RUNG, BDEN MI BDEN JI LTAR KYANG MCHOD RTEN BRGYAD PO MA PHRAL BA'I SKABS MCHOD RTEN NANG NAS SKAD DANG, TZIR BRGYAB ZER BAS MTSON PA'I RNAM RTOG 'DRE LANGS KYIS KHA TSON MA CHOD PAS SKU CHAS TSO STOD LUNG MDA' DANG, SHING CHA RNAMS SHAR CHU SBUG TU BSKYAL, GZIM KHANG BSHIG SHUL DU GRVA TSANG GI KHRO ROL SLANG GANG MA ZHIG DANG, GRVA TSANG GSUM NAS BSDUS PA'I DGE 'DUN BRGYA SKOR GYIS GSUNG RAB BSGRAGS, ZHES GSUNGS SHING, GZHAN YANG LNGA PA'I MNAL LAM DU, GDUGS NGUR SMRIG MDOG KA BZHI'I SA TZAM PA 'KHOR BA ZHIG YANG YANG BYUNG ZHING, DE BYUNG RES KYI PHYI NANG CI RIGS SU 'TSUB RE 'ONG BA DANG, RIN CHEN SGANG PA DBANG RGYAL RDO RJER RTA MGRIN GYI RJES GNANG STZAL SKABS RLUNG SOGS RKYEN YE MED PAR DBANG GTOR GSOL COG STENG NAS LHUNGS PA DANG, GSOL TSIGS GNANG SKABS GSOL TSIGS KYANG DON MED DU MGO MJUG LDOG PA, SKABS SHIG RTZE PHO BRANG PO T'A LA YANG YOM YOM DU 'DAR BA SOGS CHO 'PHRUL YANG YANG BSTAN, DE YANG GRAGS RGYAN RANG NYID ZHAL BZHUGS SKABS ^RGYAL MCHOG LNGA PA'I DRUNG NAS GONG DU SMROS PA LTAR, GSUNG CHOS MANG DU GSAN CING, GONG GSAL

, ,GSANG RNAM TSIGS BCAD MA DE DAG GI TSIG ZUR GSUNG BABS LA GZHIGS KYANG, BSHES GNYEN LA GUS PA NAM YANG MI LHOD PA'I RNAM THAR SKYONG BA LAS, DAD DAM LOG PA'I RNAM PA CHA PHRA MO TZAM MED NGES KYANG, SDE SRID BSOD NAMS CHOS 'PHEL GYIS LOG SGRUB MDZAD PAS THUGS PHAM GDUNG GYUS LTA BU DANG, ^RGYAL DBANG MCHOG GI CHE BA 'DEGS CHED DU CHO 'PHRUL SNA TSOGS SHIG BSTAN PAS, SNANG SRID ZIL GYIS GNON NUS PA'I BDAG NYID CHEN PO ^RGYAL DBANG MCHOG KYANG DRANG DON THUGS TSABS TSUBS KYI RNAM PA STON GNANG MDZAD DGOS BYUNG BA'I TSUL LA BSTOD PA'O, ` ,YAB NI BGEGS RGYAL YUM MCHOG SRID RGYAL MO'I, ,DVANGS MA LAS 'KHRUNGS DRAG PO'I PHO BRANG DU; ;GANG SKU'I LUS DKYIL SHUGS LDAN RIGS LNGA YI, ,GTZO 'KHOR DKYIL 'KHOR SKAD CIG RDZOGS LA BSTOD, ,CES PA'I DON NI, DE YANG DPAL YE SHES KYI MGON PO RDO RJE GUR DE NYID NGES PA'I DON DU SANGS RGYAS RNAM PAR SNANG MDZAD KYI YE SHES KYI ROL PA BSTAN SRUNG RGYA MTSO'I SDE DPON GYI RNAM BZHENGS PA YIN YANG, DRANG DON GDUL BYA THUN MONG BA'I SNANG NGOR SNGON DE BZHIN GSHEGS PA GTZUG TOR CAN GYI BSTAN PA LA, DGE SLONG BDE BA'I 'KHOR LO ZHES BYA BA DE BZHIN GSHEGS PA DE'I NYE 'KHOR DU BYUNG, MNGON PAR SHES PA CUNG ZAD DANG LDAN PA'I NGA RGYAL GYIS DREGS PA NA, DE BZHIN GSHEGS PAS KHYOD LOG PA'I NGA RGYAL MA BYED CIG GSUNGS PAS, DE SEMS SHIN TU DMAN PAR GYUR NAS, BDAG NI DE BZHIN

GSHEGS PA'I 'KHOR DU GNAS PA LA DGOS PA CI ZHIG YOD SNYAM STE LHO PHYOGS KYI NAGS TSAL ZHIG TU SONG NAS DBANG PHYUG CHEN PO'I RTEN LA MCHOD PA DANG GSOL BA BTAB PA'I TSE, RMI LAM DU DBANG PHYUG CHEN PO BYUNG NAS DGE SLONG KHYOD BDAG GI SRAS SU GYUR TE 'JIG RTEN 'DI NA STOBS CHE BA'I DNGOS GRUB SBYIN NO ZHES LUNG BSTAN TO, ,DE NAS DE BZHIN GSHEGS PAS DGE SLONG GCIG TU SPRUL TE DER BYON NAS THABS KYIS BZLOG PAS DGE SLONG BDE BA'I 'KHOR LOS DE BZHIN GSHEGS PA'I DRUNG DU PHYIN NAS BSHAGS PA BYAS SHING BDAG 'BRAS BU MTHAR PHYIN PA THOB PAR LUNG BSTAN TU GSOL, ZHES ZHUS PAS, KHYOD KYIS RTEN LOG PAR SKYABS SU SONG BA'I MTHUS SKYE BA MANG DU BRGYUD PA'I MTHAR DBANG PHYUG CHEN PO'I BU DRAG PO NAG PO ZHES BYA BAR SKYE, DE'I MTHAR LAS KYI SRIN POR SKYE BA BLANGS NAS BSKAL PA BZANG PO 'DI LA RDO RJE 'DZIN PA NYID KYIS BTUL TE BSTAN PA BSRUNG PAR SEMS BSKYED CING BYANG CHUB SEMS DPA' NAG PO CHEN PO ZHES BYA BAR GYUR NAS, DES BSTAN PA SRUNG BA'I BYA BA RDZOGS PA'I 'OG TU RDO RJES BRGYAN PA ZHES BYA BA'I ZHING KHAMS SU SANGS RGYAS THAL BA'I DBANG PO ZHES BYA BAR 'TSANG RGYA BAR 'GYUR RO, ,ZHES LUNG BSTAN, DE NAS SKYE BA MANG DU BRGYUD PA'I RJES SU 'DZAM BU'I GLING NA MANG POS BKUR BA'I RGYAL PO'I KHAB GRONG KHYER SUM BRTZEGS ZHES PA'I BYANG PHYOGS NA, DUR KHROD CHEN PO SO SA'I GLING DU DGE SLONG LEGS LDAN NAG PO ZHES BYA BA ZHIG TU GYUR TE DKA' THUB KYIS GNAS SHING, RO SHA, RO GOS, RO ZAS RNAMS LA LONGS SPYAD PAS, GRONG KHYER

, ,SUM BRTZEGS PA'I MI RNAMS KYIS DGE SLONG DUR KHROD PA 'DIS RO THAMS CAD ZA BA 'DRA ZHING, 'DIS NAM ZHIG NA MI GSON PO ZAR 'ONGS BAS BSAD DGOS ZER NAS, GRONG KHYER SUM BRTZEGS PA'I DMAG DPUNG THAMS CAD DER BYIN PA DANG, DGE SLONG GIS NGA NI SRIN PO MIN DUR KHROD 'DIR BSGOM PA YIN BYAS KYANG MA NYAN PAR MTSON BSNUN TE BSAD, DER DGE SLONG GIS DMOD PA BOR BA'I MTHU DANG, SNGAR DBANG PHYUG GIS DNGOS GRUB BYIN PA'I STOBS KYIS SHI MA THAG LHA CHEN DBANG PHYUG DANG LHA MO AU MA GNYIS KYI BUR 'KHRUNGS, PHYAG NA RDO RJES DBANG BSKUR TE, SANGS RGYAS KYI BSTAN PA BSRUNG BAR BKA' BSGOS SHING DAM LA BTAGS, 'DZAM GLING DU 'ONGS NAS GRONG KHYER SUM BRTZEGS BCOM, 'JIG RTEN GYI KHAMS THAMS CAD BRLAG LA KHAD DU GYUR BA'I TSE HE RU KAS BSTAN PA BSRUNG BA'I DBANG BSKUR ZHING BYIN GYIS BRLABS TE BKA' BSGOS PA DANG, GNOD SBYIN TZI'U DMAR PO YANG NGES DON DU RTA MGRIN DBANG GI RGYAL PO DANG NGO BO GCIG KYANG, THUN MONG SNANG NGOR LI YUL DU LI SRAS 'CHOR PA ZHES BYA BAR GYUR TE, NAGS KHROD DU DGE SBYONG GI BRTUL ZHUGS LA GNAS PA'I TSE, DON MED DU GZHAN GYIS YA GA BSGRAGS PA'I RKYEN GYIS RGYAL POS GRIR BKUMS PAS SHA DANG RUS PA SNYING CHU SER SOGS LAS BTZAN RGOD YA BA SKYA BDUN BYUNG BA SOGS DANG MTSUNGS PAR, DAM PA 'DI NYID KYANG NGES PA'I DON DU BSTAN PA BSRUNG BA'I THUGS BSKYED DUS SU BABS

KYANG, DRANG DON THUN MONG DU GZHAN GYI BSAM SBYOR NGAN PA'I GLO BUR RKYEN NGAN GYIS THUGS MA RANGS PA'I MUR GSHEGS PA'I MTSAMS SBYOR LA BRTEN, DREGS PA'I SDE DPON SUM CU'I NANG CHAN BGEGS KYI RGYAL PO BI N'A YA KA DANG, YUM MA GCIG SRID PA'I RGYAL MO GNYIS 'DUS PA'I DVANGS MA LAS GANG SKU'I PHUNG PO LNGA RNAM PAR DAG PA'I DAG CHA SHUGS LDAN RIGS LNGA DANG, 'BYUNG BZHI'I KHAMS DANG GZUGS SOGS 'DOD YON LNGA DAG CHA YUM DGU, SKYE MCHED DRUG DANG, RTZA RGYUS, TSIGS BCAS KYI DAG CHA 'PHRIN LAS KYI SNA 'DREN DGE SLONG BRGYAD, LAG SOGS YAN LAG BCU'I DAG CHA STAG SHAR BCU BCAS GTZO 'KHOR SO GNYIS DANG, DRAG PO'I PHO BRANG BCAS RTEN DANG BRTEN PA'I DKYIL 'KHOR YONGS SU RDZOGS PAR SKAD CIG LA BZHENGS PAR MDZAD PA'I TSUL LA BSTOD PA'O, ` ,DE NAS RTZOD ZAL RIG 'DZIN NUS LDAN BZHIS, ,TING 'DZIN GYIS GZIR MNGON SPYOD LAS BRTZAMS KYANG, ,'DUS PA'I RIM GNYIS PHA MTHAR SON PA'I MTHUS, ,ZHUGS KYIS MI TSUGS DPA' RTAGS NGOM LA BSTOD, ,CES PA NI, GONG SMROS LTAR GRAGS RGYAN GSHEGS 'PHRAL NAS BZUNG CHO 'PHRUL SNA TSOGS BYUNG BAR BZLOG THABS KYI LAS SBYOR JI SNYED CIG MDZAD RUNG PHAN NUS MA THON KHAR, ME BYA NAS LHAG PAR DU CHO 'PHRUL JE CHER SONG STABS, ^RGYAL DBANG LNGA PA CHEN POS SA BYA LOR DOL CHU MIG DKAR MOR RGYAL KHANG GSAR BRTZIGS DANG 'BREL RTEN RDZAS SOGS 'DZUGS GNAD MDZAD KYANG MA PHAN

, ,PAR SKYA SER DU MAR NAD YAMS DANG RNAM RGYAL GRVA TSANG GI DGE 'DUN RE GNYIS 'DAS GRONGS BYUNG BA SOGS CHO 'PHRUL SNGAR LAS CHER SONG STABS RNAM RGYAL GRVA TSANG NAS ^RGYAL DBANG MCHOG LA ZHABS BSKUL ZHU GNANG LTAR GRVA TSANG DU RDO RJE GRO LOD KYI RDO RJE SLOB DPON DGA' GDONG SNGAGS RAM PA DON GRUB RGYA MTSO DANG, YANG GSANG KARMA DRAG PO'I RDO RJE SLOB DPON RGYAL MCHOG NYID DANG, GNANG BYUNG SNGAGS 'CHANG BLO BZANG MKHYEN BRTZES GNANG BA'I DGE 'DUN GRANGS BCAD KYIS SGRUB KHAG GNYIS, RDO RJE BRAG RIG 'DZIN SPRUL SKU PADMA 'PHRIN LAS, SMIN GROL GLING RIG 'DZIN GTER BDAG GLING PA 'GYUR MED RDO RJE, CHOS RJE 'UG BYA LUNG PA, KA TSAL ZUR PA MNGA' RIS SNGAGS 'CHANG DKON MCHOG LHUN GRUB, DPAL RI SPRUL SKU RNAMS KYIS BLA MA DRAG PO, GSHIN RJE, PHUR PA, LOG TRI SOGS SGRUB KHAG BDUN GYIS PO T'A LA'I BDE YANGS SHAR DU SBYIN SREG GI LAS SBYOR GNANG ZHING, LAS SBYOR GNANG RGYU'I SNGA DRO DER, LCAGS PO RIR DGE SLONG BYANG CHUB SEMS DPA' ZER BA'I MNGON SHES MKHAN ZHIG YOD 'DUG PA DES THUGS DAM LA BZHUGS PA'I GZIGS SNANG LA, ZHOG PA SNGA MOR PO T'A LA'I PHYOGS NAS KHRO CHUNG NYI ZER GYI RDUL PHRAN LTA BU 'PHROS NAS 'BRAS SPUNGS PHYOGS LA SONG ZHING, TSA RTING MA SNGA PHYOGS TZAM LA DOL RGYAL CHEN DPON GA-YOG RNAMS RTA RAGS GZAB MCHOR MI SRID PA BYAS NAS PO T'A LA'I PHYOGS SU PHEBS 'GRO BA MTHONG, ^ GONG SA NAS LAS SBYOR GNANG STE SBYIN SREG TU THEBS KHAR GSANG

PHU BSE KHRAB PAS BUM PA RI'I RTZER SNGAR MED PA'I DGON PA ZHIG SPRUL ZHING, RTZE PHO BRANG YOM YOM DU SPRUL BA SOGS KYIS ^RGYAL DBANG MCHOG TING 'DZIN CUNG ZAD YENGS PA DANG, GRAGS RGYAN NYID KYANG SNGAR ZHAL BZHUGS SKABS DPAL GSANG BA 'DUS PA'I RNAL 'BYOR LA RTZE GCIG GZHOL BAS RIM GNYIS KYI NYAMS RTOGS MTHON POR GSHEGS PA'I NUS STOBS STABS MTSUNGS KYI MTHU LAS SBYIN SREG TU MA THEBS SHING, DE MTSUNGS RDOR BRAG RIG 'DZIN CHEN POS DRAG SREG MDZAD SKABS RGYAL CHEN DGANG GZAR GYI KHAR BYON PA DGANG GZAR KHA SBUB TSE RGYAL CHEN DGANG GZAR GYI RGYAB TU BYON, KHA BZED TSE STENG DU BYON PA SOGS KYIS SREG MA THUB, SMIN GLING GTER CHEN GYIS DRAG SREG MDZAD SKABS RGYAL CHEN DGANG GZAR KHAR BYON PA THAB TU 'BUL KHAR BSE KHRAB PAS NAM MKHAR KHANG BZANG GI BKOD PA SPRUL PAR GTER CHEN THUGS YENGS PA'I BAR DER DGANG GZAR GYI KHA NAS SHOR, CHO GA GRA BA RNAMS KYI MTHONG SNANG LA PHUG RON ZHIG 'PHUR BA MTHONG, DGA' GDONG SNGAGS RAMS PAS SBYIN SREG GNANG SKABS CHOG GRA BA ZHIG GIS KHAM 'BRAS ZOS PA'I TSI GU LAG PAS BTZIR NAS YAR BA BLA MA'I DBU LA PHOG PAS TING 'DZIN YAL TE SREG MA THUB, DE MTSUNGS SGRUB KHAG GZHAN RNAMS KYIS KYANG NUS THON MA BYUNG ZHING, DE LTAR SBYIN SREG TU MA THEBS PAS ^RGYAL DBANG LNGA PA CHEN PO THUGS 'KHRUGS PA'I RNAM PAS GSANG PHU'I MGON KHANG DU BSE KHRAB PAR BSGYUR BYANG GI BKA' SHOG BSGRAG RGYU

, ,GNANG BA KLOG PA'I DUS CHOS SKYONG SKRAG NAS LCOG KYANG YOM YOM SHIG SHIG 'DAR ZHES GLENG, SBYIN SREG MDZAD NAS RJES SOR MI RING BAR RNAM RGYAL GRVA TSANG GI DGE 'DUN MANG PO STENG GRIB KYIS 'DAS GRONGS BYUNG BA DANG, GRVA TSANG GI MTSAMS KHAG PA RNAMS YOD SAR DGONG MO MAR ME'I 'OD LA GZUGS MI MTHONG BA'I LAG PA CHEN POS MAR ME SGRIB PA DANG, GSOD PA, CHAB GSANG 'GRO MKHAN DANG, GRA GZUGS BONG BU'I MGO CAN ZLA GAM GYON PA THUG PA, SKAS 'GO'I SKAS RU MI NAG RGYA LU CHAS SU 'KHRUL NAS GA-YANG LA BSGYUR GRABS BYAS PA, 'GA' ZHIG LA ZHUGS TE NAD PA YIN KHUL GYIS RTZA STON PA SOGS MANG PO BYUNG, NAD PA DE RIGS LA AEM CHI DAR MO SMAN RAMS PA RANG 'PHROD CING, KHONG RGYAL PO DANG GROGS MCHED LTA BU YIN TSOD, SKABS SHIG KHONG GIS GRA PA NAD PA ZHIG GI RTZAR BYON PAS RGYAL CHEN GYIS GNOD PAR SHES TE, KHYOD KYI NA TSA DE 'DI KHA RANG DU 'DUG ,CES SNYING KHAR PHYAG MDZUB BTZUGS PAS, KHA RAG BZHUGS, MIS SHES YONG, ZHES SHUB POR BRJOD PA DER SMAN PA DAR MO BAS 'JAM 'GROS KYIS GSED BKROL GNANG NAS DRAG CES ZER, DE LTAR SBYIN SREG GRUB RJES SU YANG CHO 'PHRUL JE CHER SONG BAR BRTEN LNGA PA CHEN POS, H'Um, LHUN GRUB GDOD MA'I DBYINGS LAS MA GA-YOS KYANG, ,GDUG RTZUB NUS LDAN MTHU RTZAL THOG LAS MYUR, ,LEGS NYES SHAN 'BYED DPA' GDENGS RAB TU LDAN, ,DAD PAS SPYAN G

'DREN GNAS 'DIR GSHEGS SU GSOL, ,RAB BYUNG CHAS LDAN BSE THEB THOD DU MDZES, ,GA-YAS PA BE CON GA-YON PA MI SNYING 'DZIN, ,LTO 'GRO KHYUNG SOGS BZHON PA SNA TSOGS ZHON, ,DUR KHROD MA MO SNA TSOGS 'DUL LA BSTOD, , DAM RDZAS MCHOD GTOR PHYI NANG GSANG BA DANG, ,SPYAN GZIGS MCHOD RDZAS DNGOS PO SNA TSOGS BSHAMS, ,SNGON CHAD RANG 'DOD CUNG ZAD 'KHRIGS PA LAS, ,BTZAN PO'I SNANG BA MA BZLOG MTHOL ZHING BSHAGS, ,DA NI LUS NGAG YID GSUM GUS BSTOD NA, ,BDAG CAG DPON SLOB YON MCHOD 'KHOR BCAS RNAMS, ,LEGS DANG SPROD CING NYES RNAMS BZLOG PA DANG, ,CHOS SRID YAR NGO'I ZLA LTAR 'PHEL BAR MDZOD, ,GZHAN YANG BSAM DON MA LUS MYUR 'GRUB PA'I, ,SMON PA BZHIN DU 'BAD MED MCHOG STZOL ZHING, ,YID BZHIN NOR BU DGOS 'DOD 'BYUNG BA BZHIN, ,RTAG TU DKON MCHOG GSUM GYIS SKYONG BAR SHOG ,CES BSTOD PA'I 'PHRIN BSKUL MDOR BSDUS KYANG MDZAD PAS PHAN PAR BYUNG BA SOGS RTZOD BRAL GYI RIG 'DZIN CHEN PO DE DAG GIS SREG PA ME YI LAS SBYOR GYI SGO NAS 'DUL BAR BZHED KYANG, ZHUGS KYIS MA TSUGS PA'I DPA' RTAGS SU CHO 'PHRUL GYI TSA NGAR CHES CHER NGOM PA'I TSUL LA BSTOD PA'O, , ` GANG THUGS YE SHES RLUNG LNGA'I ROL PA LAS, ,RGYAL DBANG PHYOGS PHEBS SGAR SGRIG TSUGS 'DRA BA'I, ,NGO MTSAR LTAD MO SDE BRGYAD CHO 'PHRUL KUN, ,'TSO BYED SMAN PAR DNGOS SU BSTAN LA BSTOD, ,CES PA NI, GRAGS RGYAN ZHAL BZHUGS

, ,SKABS GSOL SMAN 'BUL MI'I SMAN PA 'BRAS NYANG PO KHAMS TSAN GYI AEM CHI ZHIG YOD PA DER, GRAGS RGYAN GSHEGS RJES NUB GCIG NYAMS DANG RMI LAM 'DRES MA LTA BU SHIN TU GSAL BAR GRAGS RGYAN GYI GSOL DPON BYUNG STE BLA MA SKU KHAMS CUNG MI BDE BA YOD PAS KHYED GDAN 'DREN PAR GTONG GNANG MDZAD BYUNG ZER, DER NGED LA RTA MED PAS JI LTAR BYED BYAS PAR, RTA KHRID YOD ZER BA LTAR SMAN PAS SMAN SOGS 'KHYER TE SONG BA NA 'BRAS SPUNGS LCAGS RI'I PHYI'I RDO BCAL DU RTA DKAR PO SGA CHAS RANG 'GRIGS SHIG 'DUG PAR BZHON NAS AA TZA R+YA GNYIS KYIS KHRID DE RKYANG THANG SGANG DU SLEBS PA NA, DER ^RGYAL DBANG THAMS CAD MKHYEN PA PHYOGS PHEBS SKABS KYI BZHUGS SGAR LTA BU'I SGAR CHEN ZHIG GI DBUS KYI DBU GUR DU KHRI CHEN PO ZHIG GI STENG NA GRAGS RGYAN SNGAR ZHAL BZHUGS SKABS LTAR MNGON SUM DU BZHUGS 'DUG PA MJAL SKABS GRAGS RGYAN NAS, NGOS LUS KYI RGYAB SKED PA'I SMAD 'DI TSOR SHU 'THOR LTA BU CUNG ZAD THON TE MI BDE BA YOD CES AEM CHIR PHYAG RTZA BSTAN PA DANG, GSOL SMAN 'BUL BA ZHES, SMAN YON GNANG BA RNAMS SMAN SGROR BLUGS TE TSUR LOG YONG BA SOGS MNGON SUM PA LTAR BYUNG, SANG GNYID SAD SKABS BLA MA NI SKU 'DAS ZIN KYANG, MDANG NUB KYI DE MNGON SUM PA LTAR BYUNG BA JI YIN SNYAM DOGS TE SMAN SGRO KHA PHYES TE BLTAS PAS MA DANG SMAN YON GNANG BA RNAMS DNGOS SU YOD PA BYUNG ZHING, DE DAG NI RJE 'DI NYID THUN MONG SNANG NGOR YANG

DPAL GSANG BA 'DUS PA'I RDZOGS RIM GYI RIM PA LNGA PA SLOB PA'I ZUNG 'JUG GI RTOGS PA MTHAR SON TE YE SHES KYI BZHON PA'I RLUNG LNGA'I RNAM 'GYUR BRTAN GA-YO'I BKOD PA SNA TSOGS SU ROL PA'I NGO MTSAR CHO 'PHRUL GYI LTAD MO CIR YANG STON PA'I RNAM THAR LA BSTOD PA'O, ` ,DE NAS GTZANG PHYOGS LHUN PO'I GRVAR BYON KYANG, ,CUNG ZAD RTEN 'BREL 'CHOL BAS DE MA THAG ,KHROS PA'I TSUL GYIS SA SKYAR GSHEGS PA NA, ,BSTAN SRUNG MTHU BOR MNGA' GSOL MDZAD LA BSTOD, ,CES PA NI, GRAGS RGYAN NYID SNGAR PAn CHEN CHOS RGYAN GYI DRUNG NAS ZAB CHOS MANG DU GSAN PA'I STABS KYIS DREGS PA'I SKUR BZHENGS RJES PAn CHEN CHOS KYI RGYAL PO'I DRUNG DU BKRAS LHUN DGON GYI SRUNG MA MDZAD RTZIS KYIS BYON PA NA, BKRA SHIS LHUN PO'I GLING BSKOR GYI LAM DU RNAM SRAS RTA BDAG BRGYAD PHYAG SBREL TE BSRUNG BA'I TSUL LTA BU ZHIG GZIGS TE RTEN 'BREL CUNG ZAD 'CHOL BAR BRTEN, DE MA THAG THUGS KHROS PA'I TSUL GYIS SNGAR RJE BTZUN SA PAn DU 'KHRUNGS PA'I BAG CHAGS RJES SU DRAN TE SA SKYAR GSHEGS PA NA, BDAG CHEN RDO RJE 'CHANG BSOD NAMS RIN CHEN ZHAL SNGA NAS KYIS DGUNG GRANGS BCU BDUN DU PHEBS PA LCAGS GLANG LOR DPAL SA SKYA'I DBU RTZE RNYING MAR GSUNG NGAG RIN PO CHE LAM 'BRAS TSOGS BSHAD 'DUS PA SUM BRGYA LHAG TZAM LA GNANG SKABS MTSAN MO RDO CHAR 'BEBS PA DANG, SKYE BO 'GA' ZHIG LA CHO 'PHRUL SNA TSOGS BSTAN CING, BDAG CHEN GYI MNAL LAM DU DPAL SA SKYA'I PHUN TSOGS

, ,GLING GI RTZE CHEN LHA KHANG 'GAG NA BAN GZUGS MIG MANG PO BYAS PA ZHIG SHAR BAR, KHYED SU YIN GSUNGS PA LA, NGA DGA' LDAN PA'I DAM SRI KHO YIN, ZHES ZHUS PA BYUNG BA DANG, GZHAN YANG GZUGS GZHAN MI MTHONG BA'I LAG PA DMAR PO CHEN PO ZHIG GZIM CHUNG GI SGE'U KHUNG NAS YANG YANG BRKYANGS TE BZED PA BYUNG BA NA, THENGS GCIG KHYOD LA CI DGOS ZHES GSUNGS PAR, RJE BTZUN GONG MAS NGED BSTAN SRUNG GI GRAL DU BSTEN RGYU'I ZHAL BZHES YOD PA LTAR NYID NAS BSTAN SRUNG DU MNGA' GSOL TE PHYAG RTAGS PHYAG MTSAN DGOS ZHES ZHUS PAR, 'O NA 'DI SKYE 'GRO KUN BYI SROG GI SNYING PO YIN ZHES ZAN GYI GSOL LHAG RIL MO ZHIG GNANG BA CHOS SKYONG GI PHYAG TU BZHAG PA DANG MI SNYING MNGON SUM DU GYUR, BDAG CHEN RDO RJE 'CHANG GIS RGYAL GSOL LOG 'DREN TSAR GCOD GSUNG RTZOM DANG 'BREL KHA 'U SKYES LHAS SU RGYAL MKHAR BTAB CING RTEN RDZAS BTZUGS TE SA SKYA'I BSTAN SRUNG DU MNGA' GSOL MDZAD, RTEN RDZAS SU DNGOS PO MNANGS CHEN 'GA' RE 'JOG GNANG MDZAD PA SKYE BO ZHIG GIS BRKUS PAS MI DE KHRAG SKYUG NAS SHI BA'I LO RGYUS SOGS SA CHEN KUN BLO'I GSUNG DU GSAL ZHING, SA CHEN KUN BLO RANG GIS KYANG 'DUL 'DZIN GTZO BO LA LAS BZHI'I RGYAL POS BSKOR BA'I RIGS LNGA'I MCHOD CHOG PHUN TSOGS 'DOD 'KHYIL ZHES PA MDZAD, SA SKYA'I RMUG CHUNG MGON KHANG DU RGYAL CHEN GYI RTEN MKHAR BLOS BSLANGS SOGS RTEN RDZAS RGYA CHE YOD PA DER LO STAR BDAG CHEN RIN PO CHE NGO PHEBS KYIS DUS GTOR

GSOL MCHOD MDZAD BZHIN PA MA ZAD, SA SKYA'I DGON KHAG PHAL MO CHER RGYAL CHEN GYI BSKANG 'PHRIN GSUNG SROL DA LTA'I BAR DU MCHIS, RDO RJE SHUGS LDAN RTZAL ZHES PA'I MTSAN YANG GNAS CHUNG CHOS RGYAL CHEN POS GSOL BAR SNANG TSOD 'DUG STE, SA CHEN KUN BLOS MDZAD PA'I SHUGS LDAN GYI DRAG PO'I GTOR CHEN SA SKYA'I DPAR MA LAS, TSUL 'DI NI ^GONG SA RDO RJE 'CHANG LNGA PA CHEN PO'I BAR SPRUL SKU RIM BYON ZHIG LA DE SKABS SPRUL SKU'I MTSAN PAn CHEN BSOD NAMS GRAGS PA ZHES LUGS ZUNG LA MKHYEN SPYAN YANGS PA ZHIG BYUNG BA DE'I 'PHRIN LAS LA GZHAN GYIS PHRAG DOG BYAS PAS THUGS MA RANGS MUR GLO BUR RKYEN NGAN GYIS GSHEGS DUS MTSAMS SBYOR NGAN PAS ZLA BA GCIG TZAM NAS DE GA NYID KYI DGONGS RDZOGS DNGUL GDUNG NANG NAS TZIR SGRA 'BYIN PA SOGS BYUNG PAS DNGUL GDUNG GZIM KHANG BCAS BSHIGS, SHING CHA RNAMS CHUR BSKYUR BA DOL CHU MIG DKAR MOR CHAGS PAS DER GNAS NAS DAM SRI DOL RGYAL DU GRAGS CHE BAS MNAN BSREGS 'PHANGS GSUM MDZAD PA MANG PO'I KHROD NAS 'GA' ZHIG GIS RTAGS THON PA'ANG BYUNG RUNG, BRGYAL BA SANGS PA'AM, 'DAS LOG GANG LTAR YANG SNGAR SHUL DU CHUD PA KHO NA BYUNG DUS GNAS CHUNG CHOS SKYONG CHEN POS 'DI LA SUS KYANG MTHO 'TSAMS BYED MI NYAN, RDO RJE SHUGS LDAN RTZAL BYA BA DE YIN ZHES MTSAN GNANG BA DER DPAGS NA RDO RJE THEG PA NAS BSHAD PA'I RDO RJE'I MING DANG 'DRA BYUNG BAS, DPAL RTA MGRIN NAM GU RU RIN PO CHE LTA BU ZHIG GIS DAM LA BTAGS NAS MTSAN GSOL BA MIN NAM MKHAS GRUB RNAMS

, ,KYIS DPYAD PAR ZHU, ZHES GSAL, GONG DU SMROS PA LTAR SA SKYA'I BDAG CHEN RDO RJE 'CHANG NAS STZAL BA'I PHYAG MTSAN MI SNYING DE BSNAMS TE RMOR CHEN RDO RJE 'CHANG GI SAR PHEBS TE, NGA LA SA SKYA BDAG CHEN NAS BSTAN SRUNG MTHU BOR MNGA' GSOL BA'I PHYAG RTAGS 'DI YIN ZHES BSTAN PA NA, RMOR CHEN DANG DRE'U LHAS RNAM GNYIS KYIS, NGOS BZUNG BRAL BA KA DAG GDOD MA'I GSHIS, ,'GAGS MED LHUN GRUB YE NAS MA BCOS PA, ,MNYAM NYID BDE CHEN YANGS PA'I KLONG YANGS NAS, ,GCIG NYID CHU ZLA'I GAR GYIS GSHEGS SU GSOL, ,ZHES SOGS SPYAN 'DREN, BSKANGS BSHAGS, BSTOD BSKUL SOGS CHA TSANG BA'I RGYAL GSOL GYI BSKANG CHOG GSAR RTZOM MDZAD PA DENG DUS KYI BAR LHO KHA RI BO CHOS GLING DGON DANG, LHA LDAN SPRO KHANG GI MGON KHANG DU GTONG BZHIN PA SOGS 'JAM MGON SA SKYA BA CHEN POS BSTAN SRUNG DU MNGA' GSOL BA'I TSUL LAS BRTZAMS TE BSTOD PA'O, ,DE YANG SNGAR RMOR CHEN RDO RJE 'CHANG KUN DGA' LHUN GRUB NAS LAS GSUM RGYAL PO'I RNAM GZHAG KYANG MDZAD CING, RGYAL CHEN SHUGS LDAN GYI 'PHRIN LAS RGYA CHER SPEL BAR MDZAD PA LA SKABS DER 'GA' SHAS NAS SKUR 'DEBS ZHUS PA DANG, DENG SANG YANG RGYAL CHEN 'DI NYID BSTEN GSOL BYED PA LA 'GA' ZHIG GIS RNAM RTOG 'DRER LANGS KYI DOGS PA SNA TSOGS BYED PA 'DI DAG NI NGES DON GYI GNAD MA RTOGS PA'I BABS COL GYI GTAM STE, ^RGYAL BA LNGA PA CHEN PO'I DBU BLA SMIN GLING GTER CHEN RIN PO CHE

'GYUR MED RDO RJE RTZAL ZHES RTZOD MED KYI GTER STON CHEN PO DE NYID KYI ZHABS DRUNG DU YUN RING BSTEN PA'I ZHAL SLOB RDO RJE 'DZIN PA CHE MCHOG 'DUS PA RTZAL LAM BLO GSAL RGYA MTSO'I RNAM PAR THAR PA LAS 'PHROS PA'I BYUNG BA BRJOD PA GDUNG BA'I MUN SEL ZHES PA, SLE LUNG BZHAD PA'I RDO RJES RJE BLO GSAL RGYA MTSO'I GSUNG SGROS THOR BU RNAMS MA BCOS LHUG PAR YI GER 'GOD GNANG MDZAD PA DE NYID LAS, 'DI SKAD CES, YANG DUS PHYIS RMOR CHEN RDO RJE 'CHANG KUN DGA' LHUN GRUB DE NYID NAS DGONGS GZHI KHYAD PAR CAN GYIS THUGS SNANG DAG PA THAMS CAD LA DENG SANG DUS BABS YIN PAS RGYAL PO CHEN PO 'DI KHA BSTEN DGOS ZHES CHE BRJOD BSAM GYIS MI KHYAB PA DANG BCAS KHYAB GANG CHER BSTEN 'JUG PA GNANG BA LA, YANG 'GA' ZHIG NAS 'DI 'DRA MI LEGS, RGYAL PO'I 'PHRIN LAS SPEL MKHAN SDUG PA RANG ZHIG YIN PA 'DRA ZER YANG, DE YANG GNAD MA RTOGS PA YIN TE, RDO RJE 'CHANG DE NI BSTAN PA'I GSAL BYED CHEN PO SLOB DPON CHEN PO'I RNAM 'PHRUL YIN NGES PA ZHIG TU GSUNGS LA, DUS DE KHA'I GDONG DU RGYAL PO RANG GI GNOD TSABS KYANG GZHAN LAS CHE BA DANG, 'PHRIN LAS KYANG DE DUS DAR, DE LA RMOR CHEN RANG PHAN THOGS CHE BA BCAS GANG LA GANG 'DUL GYI BKOD PA BSTAN PA YIN PAS MTHAR THUG GI DGONGS PA GCIG PAR BLTA DGOS SO, ,DPER NA GNOD SBYIN CHEN PO TZI'U DMAR PO DANG, PE HAR RGYAL PO LTA BU DON GYI SANGS RGYAS YIN THAG CHOD DANG, RGYAL BA'I BSTAN SRUNG YIN PAR YONGS SU GRAGS MOD, YANG PE HAR GYI

, ,BAR CHAD BYUNG NAS CHOS MTHAR MA PHYIN ZER BA DANG, CHOS BYED MKHAN LA GNOD PA MDZAD PA'I LO RGYUS MANG, BSAM YAS SU PHEBS MKHAN GYI SKYES CHEN DAM PA MANG PO ZHIG GNOD SBYIN CHEN POS GSHEGS SU BCUG PA DANG, TSAR BCAD TSUL MDZAD PA NI, RVA LO TZ'A BAS DAR MA MDO SDE LA SOGS PA'I RDO RJE 'DZIN PA BCU GSUM SBYIN SREG LA BTAB NAS BSGRAL BA DANG 'DRA STE DGONGS GZHI DGOS PA KHYAD PAR CAN GYI SANGS RGYAS KYI MDZAD PA 'BA' ZHIG YIN, MI GCIG RANG LA YANG PE HAR GYI RNAM 'GYUR GCIG GIS GROGS BYED, GCIG GIS BGEGS BYED PA SOGS BSAM GYIS MI KHYAB, DE BZHIN DU RGYAL RDZONGS GTONG DUS PE HAR GCIG CHOS SKYONG GI RNAM PAR RKANG GTAD BSTEN NAS GSOL KHA BYED, GCIG GDON GYI RNAM PAR BRDZONGS DGOS PA SOGS MANG BAS, ZAB GNAD 'DI DAG GCIG SHES KUN GROL YIN YANG DENG SANG GI MI TSO'I GRUB MTHA' DANG MI MTHUN ZHING, DGE BSHES RNAMS KYI THUGS LA CHUD DKA' BAS BKA' BKYON GNANG NA DGONGS DAG ZHU BA LAS MA 'DAS SO, ,ZHES GSUNGS PA 'DI LA ZHIB TU BSAM NA SHES SO, ` ,THUN MONG LAM SBYANGS MED PA'I SNOD MIN RNAMS, ,DBANG DANG GDAMS PAS RTZING CHOS LA SBYOR ZHING, ,ZHVA SER BSTAN LA BSRE LHAD 'JUG BYED PA'I, ,BLA SLOB GNYIS KAR CHAD PAS BCAD LA BSTOD, ,CES PA NI, LAM THUN MONG BA NGES 'BYUNG BYANG SEMS SOGS KYIS RGYUD SNOD RUNG DU SMIN PAR MA BYAS PA DANG, NYAMS LEN GYI BSAM PA MED PAR RANG GAR MAN

NGAG RKU THABS SU GNYER BA SOGS SNOD MIN GYI SLOB MA GANG BYUNG LA GSANG SNGAGS ZAB MO'I DBANG DANG GDAMS PA BSTAN CING, LHAG PAR DUS LA MA BABS PAR TSANGS SPYOD RAB BYUNG LA RIG MA SBYIN PA DANG, TSOGS 'KHOR LA SNYAD NAS CHANG 'THUNG GLU GAR SOGS GSANG SNGAGS 'CHOL BAR SPYOD PA'I RTZING SPYOD SNA TSOGS KYIS SPYIR BSTAN PA'I RTZA BA DAM CHOS 'DUL BA'I BSTAN PAR SUN 'BYIN CING, YANG SGOS 'JAM MGON BLA MA'I LUGS BZANG LTA SPYOD GTZANG MA'I RNAM THAR LA BSRE SLAD 'JUG PAR BYED PA'I BLA SLOB RNAMS DRAG PO'I CHAD PAS TSAR GCOD PA'I TSUL LA BSTOD PA STE, DE YANG RVA SGRENG KHRI CHEN BSTAN PA RAB RGYAS KYI RNAM THAR DU, SA CHOS GNAM CHOS BYAS NA DGE LUGS PA'I SRUNG MA MTHU BO CHE RNAMS KYIS MA MNYES PA'I SGROG DU MAR 'DZUD PA SNGON DANG DA LTAR GYI DUS NA BYUNG BA MANG NGO, ,ZHES GSUNGS PA LTAR, SNGAR 'OL DGA' SLE LUNG RJE DRUNG BLO BZANG 'PHRIN LAS SAM BZHAD PA'I RDO RJE ZHES LHO BRAG GRUB CHEN LAS KYI RDO RJE'I RNAM SPRUL DU GRAGS PA'I BDAG NYID CHEN PO DE NYID SKU TSE'I STONG DU 'ON MNGA' RIS GRA TSANG DU SLOB GNYER MDZAD DE MKHAS PA CHEN POR GYUR, LHO BRAG SNYAN BRGYUD KYI GDAMS PA DANG, 'KHOR LO BDE MCHOG LA THUGS DAM GYI MTHIL DU MDZAD NAS GRUB PA'I NYAMS RTOGS KYANG MTHON POR GSHEGS TE DGE LDAN LTA GRUB GTZANG MAR BSKYANGS MOD, BAR SKABS SHIG NAS SMIN GLING GTER CHOS GSANG BA YE SHES KYI CHOS SKOR NYAMS BZHES DANG, DE NYID RTZAL 'DON GYIS SKYA SER DU MAR 'CHAD SPEL MDZAD CING, RIGS

, ,LDAN MA'I MCHOD PA DANG BDUD RTZI'I MCHOD PA ZHES BLA SLOB TSANG MAS GZHON NU MA MANG PO BSDUS NAS MYOS BYED KYI BTUNG BAR BAG MED DU ROL ZHING, GLU GAR BYED PA DANG, SE 'BRAS KYI BLA SPRUL DGE BSHES SOGS RAB BYUNG MANG PO RIG MA'I BRTUL ZHUGS LA 'GOD PA SOGS GSANG SNGAGS SGRA JI BZHIN DU SPYOD PA'I RNAM THAR 'CHAL 'CHOL DU MA ZHIG MDZAD CING, PHUR LCOG RJE NGAG DBANG BYAMS PA DANG, ZHOGS DON YOD MKHAS GRUB, SLE LUNG RJE DRUNG RIN PO CHE RNAM GSUM PHAN TSUN CHOS 'BREL BLA SLOB LA BRTEN, LHA SA DGA' LDAN KHANG GSAR DU MI DBANG PHO LHA BA'I SAR BLA MA RNAM GSUM ZHAL 'DZOMS KYI SKABS SHIG TU RJE PHUR LCOG PA DANG, MKHAS GRUB PA RNAM GNYIS KYIS RJE DRUNG LA DE LTAR MI MDZAD PA'I GSOL 'DEBS MDZAD KYANG MKHA' 'GRO'I LUNG BSTAN DUS BABS YIN TSUL GYIS GSAN BZHED MA GNANG BAR DE MUR BSKYANGS PAR CHOS SKYONG 'DI NYID KYIS CHO 'PHRUL SNA TSOGS SHIG BSTAN RUNG JI MI SNYAM PAR SNGAR BZHIN BYUNG RGYAL DU BSKYANGS SHING, SPYIN SREG GI LAS SBYOR MDZAD PA SOGS LA BRTEN SKU TSE MTHAR MA SON PAR GZIM MAL DU MGUL 'CHUS TE GSHEGS SHING, DE'I SKU PHRENG RJES MA ZHIG 'BRAS BLO GLING KONG PO KHAMS TSAN DU CHOS ZHUGS KYIS DGE BSHES MTSAN BTAGS ZIN RJES RGYUD STOD DU ZHUGS NAS RGYUD STOD MKHAN POR PHEBS KYANG MKHAN PO LAS THOG SKABS RIG MA BSTEN TE BSLAB PA 'CHAL BAS MKHAN PO DGONGS ZHU MDZAD DGOS BYUNG BA SOGS MDZAD PA MTHA'

MA 'KHYOL BA'I MUR GSHEGS, DE'I SPRUL SKU RJES MA ZHIG KYANG 'BRAS SPUNGS SU SLOB GNYER GNANG MUR, SKU'I PHO BA'I ZUR DU RMA THON TE RNAG KHRAG 'DZAG PA THABS BCOS JI LTAR MDZAD KYANG MA PHAN PAR LO ZLA SBREL TE BSNYUN BZHES MTHAR SKU KHAMS MA 'TSO, DE'I YANG SRID SKYID SHOD TSAL GUNG THANG DU KHO BO CAG DANG PHA MA GCIG PA'I NU BOR 'KHRUNGS PA'ANG YANG SRID NGOS 'DZIN GYIS KHRI 'DON GDAN ZHU BYA NYE'I SKABS 'BRUM NAD KYIS GLO BUR DU GSHEGS, DE'I YANG SRID DA LTA ZHAL BZHUGS BZHIN PA'I SPRUL SKU RIN PO CHE 'DI PA'ANG SPYAN YA GCIG SKYON CAN DU GYUR PA SOGS SKU PHRENG RIM PAR SKU TSE MDZAD 'PHRIN LAM DU MI LHONGS PA SHA STAG BYUNG ZHING, DE DANG DE 'DRA'I TSUL BLA CHEN DANG BLA CHUNG DU MA ZHIG LA SNGON DANG DA LTA'I GNAS SKABS SU BYUNG DANG 'BYUNG BZHIN PA LTAR RANG NYID DGE LDAN BSTAN PA'I RJES 'JUG TU RLOM BZHIN DU RANG GI KHA PHOR BTZOG CHUS BSLAD PA'I NGANG TSUL CAN RNAMS LA RTAGS MTSAN DU MA BSTAN DANG STON BZHIN PA'I TSUL LA BSTOD PA'O, ` ,DUS DBANG LAM RIM 'CHAD NYAN CHER NYAMS PAS, ,SER SKYA PHAL CHER RNAM DAG SKYABS 'GROS PHONGS, ,LOG PAR 'PHYAN PA'I SKYE 'GRO MANG PO LA, ,LAM MCHOG STON PA'I BLA MA MDZAD LA BSTOD, ,CES PA NI TSIG ZIN GO SLA LA, 'DI'I LO RGYUS NI, SNGAR SMROS PA LTAR PAn CHEN BSOD NAMS GRAGS PA DE NYID 'BRAS SPUNGS SU SKU MYA NGAN LAS 'DAS RJES SKU GDUNG ZHUGS SU PHUL BA'I TSE THUGS LJAGS SPYAN GSUM DANG, GZHAN YANG THUGS ZUR PA BRJID CING YA MTSAN PA ZHIG BCAS THUGS GNYIS BYON PA'I RTEN 'BREL GYIS SPRUL PA GCIG 'JAM MGON BSTAN PA BSRUNG

, ,BA'I SLAD BSTAN SRUNG MTHU RTZAL CAN 'DI NYID KYI RNAM PAR BZHENGS PA DANG, YANG DE LAS GZHAN DU NGO BO GCIG LA LDOG PA THA DAD PA'I TSUL DU SPRUL PA NI, SKYOR MO LUNG MNGA' RIS SPRUL SKU RIM BYON MA ZAD, LHAG PAR DU YANG BOD YUL DBUS PHYOGS SU PHUR LCOG RJE NGAG DBANG BYAMS PA, YONGS 'DZIN YE SHES RGYAL MTSAN, KLONG RDOL BLA MA RIN PO CHE SOGS ZHI BAR GSHEGS PA'I MJUG TZAM NAS BYANG CHUB LAM GYI RIM PA'I 'CHAD NYAN GYI SROL DUS DBANG GIS HA CANG NYAG PHRA BAR GYUR PA NA, DE NYID 'DZIN CING SPEL BA'I SLAD BSAM BZHIN SPRUL PA'I ZLOS GAR BZUNG BA NI SMYUNG GNAS BLA MA YE SHES BZANG PO'AM DZNY'A NA BHA DRAR GRAGS PA STE, DAM PA 'DI NYID NI YONGS 'DZIN BKA' CHEN YE SHES RGYAL MTSAN LAS RAB TU BYUNG STE, MTSAN YE SHES BZANG POR GSOL, SDOM GSUM RIM GYIS NOS, DGE BA'I BSHES GNYEN DU MA LAS MDO SNGAGS KYI CHOS MANG DU GSAN, KHYAD PAR YONGS 'DZIN YE SHES RGYAL MTSAN DANG, DE'I THUGS SRAS MCHOG GYUR LHA RTZE BLA MA YE SHES BSTAN 'DZIN RNAM GNYIS KYI ZHABS PAD YUN RING DU BSTEN NAS BYANG CHUB LAM GYI RIM PA DANG, GSANG BDE 'JIGS GSUM GYI BSKYED RDZOGS SOGS DGA' LDAN SNYAN BRGYUD KYI MAN NGAG MTHA' DAG RDZOGS PAR GSAN NAS LHA SA'I LHO PHYOGS GRIB KYI LUNG PA'I PHUR, SNGON MKHAS GRUB RJE'I GCUNG PO BA SO CHOS KYI RGYAL MTSAN GYI SLOB MA 'JA' LUS RDO RJE'I SKU BRNYES PA GSUM GYI NANG TSAN GRUB CHEN STOD LUNG PA DPAL LDAN RDO RJE'I SGRUB PHUG RGYA BRAG RDO RJE BRTZEGS PA'AM YONGS GRAGS SU STAG

LUNG BRAG PHUG CES PA DER LO MANG RING DKA' SPYAD BRTZON 'GRUS DRAG POS RTZE GCIG SGRUB LA GZHOL ZHING, BAR SKABS SHIG NAS BLA MA YE SHES BSTAN 'DZIN GYI BKA' NAN BZHIN DBEN GNAS TSE MCHOG BSAM GTAN GLING GI GNAS BLA MA YUN RING MDZAD DE YONGS 'DZIN RIN PO CHE YAB SRAS KYI PHYAG BZHES LTAR 'DUL BA'I PHYAG LEN PHRA ZHIB KYI NGOS NAS, LO RE BZHIN BYANG CHUB LAM GYI RIM PA DANG, BLO SBYONG GTZO BOR GYUR PA'I 'CHAD NYAN RGYA CHER BSKYANGS, MTHAR LHA LDAN BZHI SDE'I SMYUNG GNAS PA RNAMS KYIS GSOL BA BTABS PA BZHIN SMYUNG GNAS KYI BLA MAR BYON NAS DER GTAN CHAGS PAR BZHUGS PAS SMYUNG GNAS BLA MAR GRAGS, DAD LDAN SKYE BO SKYA SER DU MA LA DBANG PO DANG 'TSAM PA'I CHOS 'KHOR RGYA CHER BSKOR NAS SKU TSE RING POR BZHUGS SHING, GSUNG RTZOM MDZAD PA'ANG BLO SBYONG DANG, LAM RIM, PHYAG CHEN, GSANG SNGAGS KYI BSKYED RDZOGS SOGS KYI KHRID YIG DANG, ZHAL GDAMS BSLAB BYA'I SKOR SOGS DPAR DU MA 'KHOD PA'I BRIS MA POD GNYIS TZAM BZHUGS PA KHO BOS ZHIB TU MJAL BAR BYANG CHUB LAM GYI RIM PA LA NANG BYAN CHUD PA'I GSUNG NGO MTSAR CAN SHA STAG TU 'DUG ,DE LTA BU'I DAM PA 'DI NYID BSTAN SRUNG RGYAL PO CHEN PO RANG NYID KYI RNAM 'PHRUL YIN PA RGYAL CHEN NYID KYI LUNG LAS GSAL ZHING, KUN LA YONGS SU GRAGS PA STE, DE LTAR YONGS 'DZIN YE SHES RGYAL MTSAN YAB SRAS KYI RJES TZAM NAS BAR SKABS LAM RIM GYI 'CHAD NYAN NYAG PHRA BAR GYUR PA NA 'GRO LA LAM MCHOG STON PA'I BLA MA'I RNAM PAR BSTAN

, ,NAS BYANG CHUB LAM GYI RIM PA'I 'CHAD NYAN GYI SROG MTHUD DE RGYUN BSKYANGS PA'I TSUL LA BSTOD PA YIN NO, ` ,NUS LDAN GRUB PA'I SKYES BUS DGONGS ZAB BSKYED, ,KARMA GU RU'I LAS MTHAS 'DUL BAR RTZOM, , DE TSE NA CHUNG RGYUD BSKUL TING 'DZIN 'JIG ,SNGAGS SPYOD 'CHAL BAR SKYONG BA'I GSHED MAR BSTOD, ,CES PA NI, GONG DU SMROS PA'I RTZOD BRAL RIG 'DZIN BZHI'I GRAS RDOR BRAG RIG 'DZIN PADMA 'PHRIN LAS ZHES, ^RGYAL MCHOG LNGA PA CHEN POS THUGS GTZIGS DANG BSNGAGS BRJOD CHER MDZAD PA'I ZHAL SLOB MKHAS BTZUN BZANG GSUM 'DZOMS SHING, LHA SNGAGS TING 'DZIN TSAD DU 'KHYOL BA'I SDOM BRTZON SNGAGS 'CHANG NUS LDAN DU BZHUGS PA DES, LTA BA'I RDZONG, SGOM PA'I 'PHRANG SPYOD PA'I SROG STE, RDZONG 'PHRANG SROG GSUM GYIS ZIN PA'I SGO NAS YANG GSANG KARMA GU RU'I LAS MTHA' SBYIN SREG LA BRTEN NAS CHOS SKYONG 'DI NYID 'DUL BAR BZHED NAS SBYIN SREG GI CHO GA MDZAD DE DGANG GZAR GYI KHAR BKUG NAS THAB TU LDUG KHAR BUD MED NA CHUNG SHIN TU MDZES MA ZHIG GLO BUR DU SPRUL TE, DES SGYU THABS KYI 'JO SGEG SNA TSOGS BSTAN PAR RIG 'DZIN CHEN PO NYID TING 'DZIN CUNG ZAD GA-YEL BAS DE MA THAG SBYIN SREG TU MA THEBS SHING, MI RING BAR RIG 'DZIN CHEN PO NYID KYANG SOG PO JUN GAR BA'I MTSON 'OG TU GSHEGS RKYEN GYUR PA'I TSUL LA BSTOD PA'O, ` ,KHRIMS LDAN 'DUS SDER KHAS DRAG DPON DAG GIS, ,DON MED GNOD NGAN BYED TSE LHA KHYOD MTHUS, ,SROG LA RGOL BA'I DRAG PO'I NAD KYIS BTAB, ,BKA'

BZHIN BSHAGS SGRUB NAD LAS SGROL MDZAD BSTOD, ,CES PA NI, SHAR PHYOGS DVAGS PO DGA' LDAN RAB BRTAN GYI 'DUS SDER KHUL DE'I RDZONG DPON GYIS DON MED ZA 'DOD SNYAD 'TSOL GYIS DGE 'DUN RNAMS HA CANG BZHUGS BZOS MI BDE BA'I BSUN GTZER SHIN TU CHE BA BYED SKABS CHOS SKYONG 'DI NYID KYI CHO 'PHRUL GYIS RDZONG DPON DE GLO BUR DU NAD GZHI DRAG POS BTAB STE 'CHI NYER GYUR PA'I TSE CHOS SKYONG LA MTHOL BSHAGS DANG, DGE 'DUN LA GNOD PA MI BYED PA'I DAM BCA' PHUL BAS DE 'PHRAL NAD LAS GROL TE, DGE 'DUN RNAMS GNOD MED BDE BAR 'KHOS SU PHEBS PAR MDZAD PA'I TSUL LA BSTOD PA'O, ` ,DGA' RAB MKHAN POR SDOD GNAS LCOG BZHENGS NA, ,MTHUN RKYEN DNGOS GRUB 'PHRAL DU STER ZHES GSUNGS, ,STONG PA'I MKHA' LAS RIN CHEN 'DOD DGU'I CHAR, ,DNGOS SU NAM MKHA' MDZOD BZHIN SBYIN LA BSTOD, ,CES PA NI, GONG GSAL DVAGS PO DGA' LDAN RAB BRTAN GYI MKHAN POR MTSAN MO ZHIG RMI LAM DU RGYAL CHEN BYON NAS DGON 'DI'I DGE 'DUN RNAMS DGE LDAN LTA GRUB GTZANG MAR SKYONG BA ZHIG 'DUG PAS, NGA SDOD SA'I RTEN MKHAR LCOG CIG 'PHRAL DU BZHENGS SHIG DANG, MTHUN RKYEN 'PHRAL DU STER CHO GA ,CES GSUNGS PA ZHIG RMIS, SANG NYIN NAM LANGS DUS MKHAN PO RANG GI GZIM CHUNG GI GNAM GDAN DKYIL DU DNGOS PO LJID CHEN PO ZHIG GIS NON TE 'BUR BA GZIGS, CI YIN SNYAM NAS DE'I STENG DU BLTAS PA NA tAM DKAR DNGUL SRANG BRGYA LHAG TZAM DNGOS SU YOD PA BYUNG ZHING, DE SKABS BOD DU DNGUL LA HA CANG RIN THANG CHE LA, 'BRU DANG SHING CHA

, ,SOGS DNGOS ZOG RNAMS RIN GONG CHUNG BAS CHOS SKYONG GI LCOG BZHENGS RGYU'I MTHUN RKYEN TSANG MA DNGUL DE GAS RGYAS GSHOM DU BYUNG BA'I NGO MTSAR LA BSTOD PA'O, ` ,DRAG SHUL DBANG PO'I ZOL GYIS SKU RTEN DE'I, ,MGRIN PAR RDO RJE MED PAS MNAR BA DANG, ,DE YI RTEN MKHAR YANG YANG BKAS PA SOGS, ,LHA CHEN RNAMS KYANG SKRAG PAR MDZAD LA BSTOD, ,DE TSE LHA MI KUN GYIS KHYOD NYID LA, ,SKYABS BCOL GSOL BA BTAB PAS TZONG KHA PA'I, , SNANG BRNYAN BZHENGS DANG 'PHRIN LAS MDZAD DO ZHES, ,DBUGS DBYUNG JI BZHIN YID CHES STON LA BSTOD, ,CES PA NI, SLE LUNG BZHAD PA'I RDO RJER CHOS SKYONG 'DI NYID KYIS CHO 'PHRUL SNA TSOGS BSTAN CING, SLE LUNG BZHAD PA'I RDO RJES KYANG RGYAL CHEN NYID LA DMIGS PA'I DRAG SREG SOGS LAS SBYOR SNA TSOGS MDZAD PAS, THUN MONG SNANG NGOR PHAN TSUN 'KHON SEL BYUNG BAR BRTEN, SLE LUNG BZHAD RDOR SKU MA GSHEGS GONG NAS RGYAL CHEN GYI KHA GNON GYI TSUL DU DREGS PA'I SKUR SPRUL PA SLE LUNG CHOS SKOR GYI BKA' SRUNG DRAG SHUL DBANG PO DANG, CHOS SKYONG RGYAL CHEN GNYIS KYANG LHA 'KHON GYI RNAM PA LTA BUR, RGYAL CHEN GYI CHO 'PHRUL GYIS LHA LDAN DAR PO GLING GI DRAG SHUL DBANG PO'I RTEN MKHAR GYI RTZIG PA GAS TE 'GYEL ZHIG BYUNG BA BSKYAR DU JI TZAM BRTZIGS KYANG YANG YANG GAS TE ZHIG PA DANG, DER MA ZAD DAR GLING CHOS SKYONG GI SKU RTEN CHOS RJER DRAG SHUL DBANG PO YIN KHUL GYIS RGYAL CHEN KHOG BRLAMS THOG RDO RJE RTZE LNGA PA ZHIG ZHAL DU MID PA MGRIN

PAR SLEB PA DANG CHOS SKYONG SKU SANGS TE RDO RJE MGRIN PA NAS MTHON PAR CHOS RJE 'CHI LA THUG PA'I NAD KYIS MNAR BA NA, DE GA'I LHA GSOL YON BDAG GI MI THAMS CAD SKRAG STE CI DRAG LA GYAR NAS RGYAL CHEN SPYAN 'DREN THOG GSOL 'DEBS ZHU 'BUL BYAS PAR, DAR GLING MGON KHANG SBUG TU RJE TZONG KHA PA'I SNANG BRNYAN TSAD LDAN ZHIG BZHENGS NA NGAS 'PHRIN LAS MDZAD CHOG CES ZHAL BZHES GNANG BA LTAR DE DAG GIS BKA' BZHIN SGRUB PAR DAM BCAS PA'I MOD LA MGRIN PA'I RDO RJE BDE BLAG TU PHYIR THON PA SOGS YID CHES KYI RTAGS MTSAN MNGON SUM STON PA'I TSUL LA BSTOD PA'O, ,DE YANG DAR GLING MGON KHANG LCOG DE LO MANG SONG BA'I KHANG RNYING GOG SKYON CHE BAR BRTEN, 'DZIN BDAG RTZE RNAM RGYAL GRVA TSANG NAS BAR LAM NYAMS GSO GNANG SONG BAR AAR LAS KYI DO DAM RNAM GRA BKRAS KHANG SDE ZUR MKHAN CHUNG THUB BSTAN ZLA BA NAS 'KHUR LEN GYIS DAR GLING CHOS SKYONG SPYAN 'DREN DANG 'BREL MGON KHANG GI RTEN RDZAS RNAMS SPO SHUGS SKABS, LO MANG SONG BA'I RTEN MDOS HA CANG RNYING PA ZHIG GI RGYAB NGOS MDOS RDZAS GSAR RNYING SNA TSOGS PHUNG POR SPUNGS PA'I 'OG ROL NAS RAG GI RDO RJE RTZE LNGA PA ZHIG CHOS SKYONG GIS BTON TE, RDO RJE SHUGS LDAN GYI RDO RJE 'DI YIN ZHES DO DAM SDE ZUR MKHAN CHUNG LA RTZIS SPROD GNANG 'DUG CING, RTEN MDOS DE'I RGYAB TU RDO RJE DE 'DRA YOD SKAD TZAM YANG DE SNGON DE GA'I CHOS RJE SOGS RANG GZHAN SUR YANG RGYUS MNGA' MED PA ZHIG CHOS SKYONG NAS BTON TE GNANG BYUNG BA DE CI YIN NAM ZHES DO

, ,DAM MKHAN CHUNG DE NYID NAS KHO BOR DNGOS SU GSUNGS BYUNG BAS SNGON GYI LO RGYUS DE LA SLAR YANG YID CHES KYI NGES PA RNYED DO, ` ,BOD RJE SER SKYA RGYA YI BLON CHEN GYIS, ,SROG GI CHAD PA'I CHED DU BKUG PA NA, ,ZHAG BDUN NAS SONG SDONG GROGS MDZAD DO ZHES, ,GSUNGS BZHIN RGYA DPON TSAR GCOD MDZAD LA BSTOD, ,CES PA NI, BOD GZHUNG DANG, DBYIN CI GNYIS KYIS MTSAMS DON SKOR ZHIG TU BOD GZHUNG BKA' BLON 'BUM THANG PA NGO LAS GRO MOR PHEBS TE DBYIN CI DANG PHAN TSUN BKA' MOL MDZAD NAS DON GNAD PHAL CHER KHRUN THAG BCAD DE LHA LDAN DU PHYIR PHEBS MDZAD RJES ZHAG SHAS LAS MA SONG BA'I THOG ,DE SKABS LHA LDAN DU RGYA MI'I SKU TSAB AAm BAN KRUNG THANG DBANG BTZAN ZHIG YOD 'DUG PA DE SA SKOR DANG CHABS CIG GRO MOR 'BYOR PA DANG SKABS KHEL GYIS AAM BAN NAS BKA' BLON GYIS SA MTSAMS DON SKOR TSUL BZHIN MA BYUNG BAR 'THUS SHOR BYAS TSUL DANG SBRAGS BKA' BLON 'PHRAL DU GRO MOR YONG DGOS ZHES YI GE DANG BANG CHEN RTA SHAD 'BYOR PAR, SKABS DE'I BKA' BLON PHYAG ROGS RNAMS NAS THUGS BLOS BZOD MIN GYIS BSHOL THABS GNANG YANG CI BYA MA BYUNG BAR, BKA' BLON 'BUM THANG PA NGO LAS RNAMS SLAR YANG GRO MOR GLO BUR DU PHEBS DGOS BYUNG ZHING, GRO MO SMAD DU 'BYOR MTSAMS KRUNG THANG NAS RE ZHIG DO DAM BZANG BTZON LTA BUR BZHAG STE DRI BA MANG PO BYAS MTHAR, PHAL CHER SROG THOG GI CHAD

PA 'BAB NYEN GYI GNAS TSUL LHA SAR THOS 'PHRAL 'BUM THANG PA'I NANG BZHUGS RNAMS NAS LHA LDAN SPRO KHANG DU RGYAL CHEN SPYAN 'DREN GYIS SKYABS BCOL ZHUS PAR, ZHAG BDUN NAS SDONG GROGS RTAGS THON YONG ZHES ZHAL BZHES GNANG BA LTAR, ZHAG BDUN THOG RGYA DPON GLO BUR DU TSE DUS BYAS TE BKA' BLON NGO 'KHOR SROG GI CHAD PA'I 'JIGS PA LAS BSKYABS PA'I TSUL LA BSTOD PA'O, ` ,DGA' LDAN BSTAN LA BSRE LHAD 'JUG BYED PA'I, ,BDAG NYID CHE DANG PHAL DANG DPON CHEN SOGS, , THAL BA'I RDUL BZHIN RLOG PAR MDZAD PA YI, ,ZHVA SER BSTAN PA'I DGRA LHA KHYOD LA BSTOD, ,CES PA NI, PAn CHEN BLO BZANG CHOS RGYAN NAS RTZIS PA'I SKU PHRENG LNGA PA BSTAN PA'I DBANG PHYUG GI RNAM THAR, YONGS 'DZIN LHO SPRUL BLO BZANG BSTAN 'DZIN DBANG RGYAL GYIS MDZAD PA BKRAS LHUN DPAR MA'I SHOG GRANGS BRGYA DANG BCU PA'I RGYAB PHRENG LNGA PAR, RIS SU MA CHAD PA'I BSTAN PA RIN PO CHE'I SROG SHING BLA NA MED PAR 'GYUR TSUL 'OG TU 'CHAD, CES DANG, SHOG GRANGS NYIS BRGYA BRGYAD CU GYA BZHI PA'I MDUN PHRENG LNGA PAR, GSANG SNGAGS GSAR RNYING GI CHOS SKOR SKABS SU GANG 'BAB KYI SGO NAS ZHI RGYAS DBANG DRAG GI 'PHRIN LAS MDZAD DE BSTAN 'GRO SPYI SGOS LA SMAN PA'I NGO MTSAR MDZAD PA JI SNYED CIG 'CHAD DU YOD KYANG, RE ZHIG DE TZAM MO, ,ZHES GSUNGS PA LTAR PAn CHEN RIN PO CHE NAS RNYING CHOS SNA TSOGS SHIG GSAN CING, NYAMS BZHES MDZAD PAS DNGOS NYAMS CI RIGS PAR GRVA PA BSE THEB CAN ZHIG GIS 'JIGS RNGAMS DU MA BSTAN PA SOGS CHO 'PHRUL SNA TSOGS

, ,BSTAN PAR SNANG STE, RNAM THAR SHOG GRANGS NYIS BRGYA NYER GSUM PA'I RGYAB PHRENG GNYIS PAR, CHU BYA ZLA BA DRUG PA'I TSES DRUG NYIN GCUNG SKU ZHABS DANG SKU BCAR GSOL DPON BCAS PAR BKA' PHEBS SU, BDE CHEN PHO BRANG GI RTZE'I YANG THOG GI GZIM CHUNG DU DENG SANG DOL RGYAL GYI CHO 'PHRUL SNA TSOGS SHIG STON KYIN 'DUG PAS, TSES DGU NYIN GZIM CHUNG BSHIG RAL DANG BCAS BSDU DGOS PHEBS, ZHES DANG, DER MA ZAD RNAM THAR SHOG GRANGS NYIS BRGYA LNGA BCU NGA DGU'I MDUN PHRENG LNGA PAR, SA STAG ZLA BA BCU PA NANG 'DI SKABS SKU GEGS KYI MTSAN MA SHIN TU CHE BAS CHOS GRA CHEN PO 'DIR YANG NANG BZLOS ZING GZHI CHE TZAM BYUNG BAR BRTEN DE SKABS SOGS SNGA PHYIR SEMS CAN RANG SNANG MA DAG PA'I DBANG GIS SANGS RGYAS KYI MDZAD PAR SKYON 'DOGS KYI SGRO SKUR SNA TSOGS SMYO LA BA LTA BU BYUNG, ZHES GSAL BA LTAR MI SHIS PA'I RTAGS MTSAN SNA TSOGS BSTAN 'DUG CING, KUN GZIGS PAn CHEN BLO BZANG CHOS KYI NYI MA MCHOG SKYE RGU MDOR CHIBS BSGYUR BZHUGS 'JAGS SKABS ^SKYABS RJE RDO RJE 'CHANG PHA BONG KHA PA MJAL PHYAG TU BCAR GNANG MDZAD PAR PAn CHEN RIN PO CHE NAS, NGED RANG NAS RNYING CHOS BYED KYIN MED KYANG SKU GONG MAS RNYING CHOS MDZAD PAS RGYAL CHEN SHUGS LDAN LA PHOG THUG SONG DBANG GIS BLA GZHUNG DBAR DAM SEL BYUNG BA, SA MTHAR BYOL DGOS SOGS GRA MA 'GRIGS SNA TSOGS SHIG BYUNG BAS, LHA MI GNYIS KYI BAR DU MTSAMS SBYOR ZHIG RIN PO CHE KHYED NAS MDZAD DGOS ZHES

NAN TAN CHEN POS BKA' PHEBS PA NA, ^SKYABS RJE RDO RJE 'CHANG GIS SHUGS LDAN GYI 'PHRIN BSKUL 'DOD DON MYUR 'GUGS KYI PHYAG DPE ZHIG PHUL TE 'DI NYIN RER TSAR RE GSUNGS NA LEGS TSUL ZHU GNANG MDZAD CING, KUN GZIGS PAn CHEN RIN PO CHE'I BKA' DGONGS BZHIN RONG PO RAB BRTAN DGON DU CHOS SKYONG GI BSHAGS TSOGS GRANGS MANG 'BUL GNANG MDZAD TSUL ^SKYABS RJE RDO RJE 'CHANG NYID KYI ZHAL LAS KHO BOS DNGOS SU THOS PA DANG, YANG LHA LDAN BSTAN RGYAS GLING DE MO RIN PO CHE BLO BZANG 'PHRIN LAS RAB RGYAS BOD RJE SRID SKYONG MDZAD SKABS SOGS SU, NYAG SPRUL SOGS RNYING PHYOGS KYI BLA MA DANG, SNGAGS 'CHANG SNA TSOGS BSTAN RGYAS GLING BLA BRANG DU BSTEN NYAR GYIS RNYING CHOS SNA TSOGS SHIG MDZAD CING, DE'I DUS NAGS SHOD STAG PHU RDO RJE 'CHANG PADMA BADZRA DPAL BZANG PO GRVA SAR BZHUGS SKABS KHEL BAS LHA LDAN SMON LAM GYI ZHOG TSOGS SU PHEBS SKABS SHIG BSTAN RGYAS GLING PHO BRANG GI SPEN BAD KHAR ME ZHAGS KYIS BSKOR BA GZIGS PA, NYID KYI YONGS 'DZIN 'BRAS LHO SPRUL RIN PO CHE NGAG DBANG MKHYEN RAB BSTAN PA'I DBANG PHYUG CES PA'I BDAG NYID CHEN PO DER ZHU GNANG MDZAD PAR, YONGS 'DZIN GYIS SHUGS LDAN GYI CHO 'PHRUL RED CES GSUNGS SHING, DE NAS MI RING BAR ^RGYAL MCHOG THUB BSTAN RGYA MTSOR MTHU BYAD ZHUS PA'I GLENG GZHIR BRTEN NAS DE MO RIN PO CHE DBU NYES BYUNG STE BTZON KHANG DU RKYEN NGAN GYIS SKU GSHEGS PA DANG, BSTAN GLING BLA BRANG GI 'DZIN DBANG GZHUNG

, ,BZHES SU SONG ZHES STAG PHU RDO RJE 'CHANG NYID KYI ZHAL LAS DNGOS SU THOS SHING, GZHAN YANG BOD RJE SRID SKYONG GI KHRI LA DBANG BSGYUR BA'I BLA CHEN DANG, RMAD BYUNG SKYES RABS KYI PHRENG BA MTSAR DU DNGAR BA'I BLA SPRUL CHE CHUNG, LUNG DANG RTOGS PA'I YON TAN GYIS PHYUG PA'I DAM PA'I SKYES BU, CHEN PO'I LUNG DANG LAS KAS MNGON PAR MTHO BA'I DPON CHEN, RIGS RUS MNGA' THANG STOBS 'BYOR GYIS DREGS PA'I SDE DPON MI DRAG SOGS RANG NYID 'JAM MGON TZONG KHA PA'I BSTAN PA'I RJES 'JUG BSNYON MED YIN BZHIN DU, RJE BLA MA'I BSTAN PA RIN PO CHE MDO SNGAGS KYI LTA SGOM SPYOD GSUM GANG GI CHA NAS KYANG GZHAN LA 'GRAM CHU LDANG MI DGOS PAR YOD PA 'DI NYID KYIS CHOG MI SHES PAR LTA GRUB GZHAN GYI BSRE BSLAD 'CHAL 'CHOL SNA TSOGS BYED PA'I SKYA SER MCHOG DMAN DU MA ZHIG LA RGYAL PO'I CHAD PA DANG, GYOD DANG KHA MCHU, DUS MIN 'CHI RKYEN SOGS MI 'DOD SNA DGU THOG TU 'BEBS PA'I DRAG PO'I TSAD LAS CI RIGS PA'I RTAGS MTSAN RNO MYUR MNGON SUM DU BSTAN TE, ZHVA SER BSTAN PA'I DBU 'PHANG DGUNG LA REG PAR MDZAD PA'I DGRA LHA CHEN POR GYUR PA'I TSUL LA BSTOD PA'O, ,'DI DAG GI LO RGYUS NGO MTSAR BA'I GTAM DU GLENG BAR 'OS PA MANG PO ZHIG MCHIS NA'ANG, YIG TSOGS KYI NGAL BAR 'JIGS PA MA ZAD, DUS SKABS 'DI 'DRAR LHA KHANG NANG GI 'UR RDO'I DPE LTAR DGOS PA LAS DGAG BYA CHE BAR GYUR DOGS KYIS YI GER 'GOD PA'I

NGAL BA MA BYAS SO, ` ,GSHEN RABS LUGS NGAN 'DZIN PA'I MTHA' 'KHOB TU, ,LAS BZHI'I RTAGS MTSAN RNO MYUR DU MA YIS, ,TSANG LA MA NOR LAM BZANG RGYAS MDZAD PA'I, ,SKYE RGU'I 'DREN PAR GYUR PA KHYOD LA BSTOD, CES PA NI, GRO MO DGE BSHES RIN PO CHE NGAG DBANG SKAL BZANG ZHES DGE LDAN BSTAN PA'I 'OD SNANG PHYOGS MTHAR SPRO BA'I SKYES MCHOG DE NYID NAS GRO MO STOD DU DUNG DKAR DGON RTEN DANG BRTEN PAR BCAS PA GSAR BZHENGS KYIS LTA SPYOD RNAM THAR GTZANG MA'I DGE 'DUN 'PHEL RGYAS THOG GZHI GSUM GYI PHYAG BZHES SOGS MDO SNGAGS KYI CHOG PHYAG LEN RNAM PAR DAG PA BTZUGS TE ZHVA SER LUGS BZANG SPEL BA'I MDZAD PA RMAD DU BYUNG BA BSKYANGS PAR BRTEN, DE DANG THAG NYER GRO STOD PUS MO SGANG ZHES GSHEN RAB SA BON GYI CHOS LUGS 'DZIN PA'I DGON SDE ZHIG YOD PA DE'I BLA GRVA SBYIN BDAG BCAS PA PHRAG DOG GIS YID BSKYOD DE DKOR SA DGE KHUNGS SOGS LA BSNYAD PA'I GLENG RTZOD SNA TSOGS DANG, BLA MA, CHOS SKYONG, DGE 'DUN, SBYIN BDAG DANG BCAS PAR NAG MED BSNYON DKRI'I KHA MCHU LO ZLAR BSTUD DE BTZUGS MTHAR LHA LDAN RGYAL KHAB TU ` SNYAN 'BUL KHRIMS SAR SBYAR TE DGE BSHES RIN PO CHE GLO BUR DU LHA SAR PHEBS DGOS BYUNG BA SOGS DUNG DGON BLA GRVA TSAR MAR 'O BRGYAL CHE BZOS KYI LO GNYIS SONG MTSAMS PHA ROL PA'I GYOD GTZO GONG 'THUS TSUL KHRIMS KYI KHA NAS KHRAG BSKYUGS PA DANG, DE MIN MI GNYIS

, ,BCAS 'CHI RKYEN DU GYUR CING, BON DGON BLA GRVA NANG 'KHRUG BYUNG STE KHRIMS NYES PHOG PA, SHAR MA'I BLA MA DON GRUB TSE RING ZHES PA'I BYED GTZO ZHIG YOD PA GRO RGYUD 'PHREL LAM NAS RBAB 'GRIL GA-YANG LHUNG GIS SHI BA, DUNG DKAR DGON LA DMIGS PA'I MTHU GTAD SOGS BYED PO BON PO'I BLA GSAR ZHIG 'BYOR PA DE CHOS SKYONG GIS ME BYA LO PA TSAR GCOD BYED KYI YIN ZHES GSUNGS PA LTAR NYIN GSUM THOG GRONGS PA, PUS MO SGANG DGON PAR MI SKYON GYIS KHANG PA 'TSIG SKYON BYUNG BA SOGS RNO MYUR 'PHRIN LAS KYI RTAGS MTSAN SNA TSOGS KYIS TSAR BCAD PA LA BRTEN NAS KHA MCHU RANG ZHIR GYUR CING, BSHES GNYEN CHEN PO NGAG DBANG SKAL BZANG BU SLOB 'DUS SDER BCAS PA'I CHOS SRID RNAM PAR RGYAL BA'I RU MTSON DGUNG LA BSGRENGS TE TSANG LA MA NOR BA'I LAM BZANG RGYAS PAR MDZAD PA'I TSUL LA BSTOD PA'O, ` ,GNAM BSKOS LHA DANG GONG SA MCHOD YON GYIS ZHVA SER BSTAN PA'I SRUNG MAR MNGA' GSOL ZHING, ,ZHES PA NI, ` RGYAL BA SKU PHRENG BCU GCIG PA MKHAS GRUB RGYA MTSO GSER ZHAL 'TSO BZHUGS SKABS DANG, SRID SKYONG RVA SGRENG HO THOG THUN NGAG DBANG YE SHES TSUL KHRIMS RGYAL MTSAN SRID SKYONG SNGA RJES GNYIS GNANG BA'I DANG PO'I SKABS, GNAS CHUNG CHOS RGYAL CHEN PO DANG, LHA LDAN SPRO KHANG RGYAL CHEN SHUGS LDAN GNYIS KA 'PHRIN LAS MYUR ZHING, BKA' LUNG GSAL BA'I SNYAN GRAGS CHE BAR BRTEN

BOD BZHUGS AAM BAN CI'I KRUNG THANG ZER BA GO GNAS MTHO LA DBANG BTZAN PA ZHIG YOD 'DUG PA DES DON GNAD GAL 'GANGS CHEN PO 'GA' SHAS KYI LUNG ZHU RGYA YIG TU BRIS TE, LHA LDAN SPRO BDE KHANG GSAR GYI MGON KHANG DU 'ONG NAS CHOS SKYONG GI SNANG BRNYAN DRUNG DU LUNG ZHU'I RGYA YIG DE SGRON MER BSREGS TE, SANG NYIN CHOS SKYONG SKU GSOL ZHU RGYUR DE SKABS LUNG GSAL PO GNANG DGOS ZHES ZHUS, SANG NYIN DER CHOS SKYONG SKU GSOL SPYAN 'DREN ZHUS SKABS KHA SA'I RGYA YIG GI ZHU DON RNAMS MA 'TSOL BAR BKA' LUNG GSAL RJEN BTZAN PO GNANG BAS KRUNG THANG DGA' MGU YID 'CHES KYIS, DE'I GNAS TSUL ` GONG MA DH'A KONG LA SNYAN ZHUR PHUL BAR ` GONG MA NAS KYANG SPRO KHANG RGYAL CHEN LA GZIGS GZOS GZENGS BSTOD KYI MTSAN BYANG PAn STZAL BA DANG CHABS CIG GNAS CHUNG LA'ANG PAn BCAS BSTZAL BA, SRID SKYONG RVA SGRENG RIN PO CHE DANG, BKA' SHIG ZHABS PAD RNAM PA, RTZE'I DRUNG YIG CHEN PO SOGS RTZE SHOD KYI DRUNG RIGS SER SKYA; RGYA MI AAM BAN NGO 'KHOR BCAS SNGA DRO GNAS CHUNG DU CHIBS BSGYUR GYIS PAn GSAR 'BUL GYI MDZAD SGO BSKYANGS ZIN RJES LHA LDAN SPRO BDE KHANG GSAR DU CHIBS BSGYUR THOG SPRO KHANG GI RDO BCAL CHEN MO'I DBUS SU DBU GUR PHUB PA'I NANG RTEN 'BREL GYI MDZAD SGO ZAB RGYAS DANG 'BREL MGON KHANG GI SGO'I THOD DU PAn 'BUL GNANG MDZAD CING, SPRO KHANG CHOS RJE DANG, LCOG GRVA BA, LHA BDAG SPYI BCAS NAS SRID SKYONG RVA SGRENG RIN PO CHE DANG, RGYA MI AAM BAN, BKA' SHAG ZHABS

, ,PAD RNAM PAS GTZOS RGYA BOD MI SNA CHE PHRA TSANG MAR GSOL STON 'BUL BSHAMS 'BREL LEGS 'BUL BSTAR ZHING, BKRA SHIS KYI DGA' STON RGYA CHER SPEL BA BCAS GNAM BSKOS GONG MA DH'A KONG DANG, ~GONG SA ~RGYAL BA'I DBANG PO MCHOD YON RNAM GNYIS BCAS NAS ZHVA SER BSTAN PA'I SRUNG MA'I GTZO BOR MNGA' GSOL GZENGS BSTOD MDZAD PA'I TSUL LA BSTOD PA'O, ,'DI DANG, GONG GSAL BKA' BLON 'BUM THANG PA SROG GI CHAD PA'I 'JIGS PA LAS SKYABS PA'I LO RGYUS RNAMS, SKABS DE DANG DE'I BOD GZHUNG BKA' SHAG LAS KHUNGS KYI MGRON DEB (NYIN DEB) NGO MA DE RANG KHO BO'I LAG TU SON TE MTHONG BA LAS SNYING PO BSDUS TE BKOD PA LAGS SO, ` ,DENG NAS SANGS RGYAS MOS PA'I BSTAN PA'I BAR, ,BSTAN SRUNG THUGS BSKYED MDZAD PA KHYOD LA BSTOD, ,CES PA NI, GSANG BA'I BDAG PO LAG NA RDO RJES SGRON ME'I BSKAL PA 'DIR BSKAL BZANG SANGS RGYAS STONG GI BSTAN PA DANG DAR BA'I RING RGYAL BSTAN BSRUNG ZHING DGRA BGEGS 'DUL BA LA MTHU STOBS NUS PA'I BDAG POR BZHENGS PA'I THUGS BSKYED CING, MTHAR SANGS RGYAS STONG GI THA MA SANGS RGYAS MOS PA SNANG MDZAD KYI NGO BOR MNGON PAR RDZOGS PAR 'TSANG RGYA BA'I MDZAD PA JI LTAR BSTAN PA NYID DANG TSUL MTSUNGS PAR, CHOS SRUNG 'DI NYID KYIS KYANG NGO BO GSANG BDAG NYID DANG DBYER MED PA GONG DU SMOS PA DE LTAR YANG, RNAM PA DGE LDAN BSTAN SRUNG MTHU LDAN DGRA LHA CHEN POR BZHENGS TE, DA LTA RNAM 'DREN BZHI PA'I

BSTAN PA 'DI NAS BZUNG, JI SRID SANGS RGYAS MOS PA'I BSTAN PA LA THUG GI BAR RAM, BSKAL PA JI SRID KYI BAR DU, MA NGES ZHI KHRO'I BKOD PA SNA TSOGS PA'I SGO NAS BSTAN PA BSRUNG BAR, 'JAM MGON BLA MA TZONG KHA PA CHEN PO'I DRUNG DU JI LTAR THUGS BSKYED CING GA-YAR DAM MDZAD PA'I TSUL LAS BRTZAMS TE BSTOD PA'O, ,MTSAMS 'DIR BRJOD PAR BYA BA 'DI MCHIS TE, GONG DU SMOS PA LTAR ~GONG SA ~SKYABS MGON RGYAL BA'I DBANG PO LNGA PA CHEN PO MCHOG DANG, ~KUN GZIGS PAn CHEN RIN PO CHE BSTAN PA'I DBANG PHYUG LTA BU NGES PA'I DON DU 'PHAGS PA 'JIG RTEN DBANG PHYUG DANG, SNANG BA MTHA' YAS MI'I RNAM PAR ROL BA'I SKYES BU DAM PA KHYAD PAR CAN YIN YANG, DE DAG LA BSTAN SRUNG DBANG PO 'DIS GNOD CING GLAGS BLTA BA'I TSUL BSTAN CING, ~RGYAL DBANG LNGA PA CHEN POS KYANG THUGS TING NGE 'DZIN GYIS DRAG PO'I SREG THAB KHAR BKUG PA DANG, DE NAS SHOR BA'I TSUL BSTAN PA SOGS NI PHAN TSUN 'PHRIN LAS KHYAB GDAL DU SPEL BA DANG, CHE BA 'DON PA'I DGONGS GZHI DGOS PA KHYAD PAR CAN YOD CING, 'ON KYANG BLO GROS RGYA KHAB KYI MIG LTAR DOG PA 'GA' ZHIG GIS GNAD DE MA RTOGS PAR 'JIG RTEN RANG RGYUD PA DANG MTSUNGS PAR BLTAS NAS ` RGYAL DBANG PAn CHEN GNYIS LA DAD KHUL GYIS CHOS SRUNG 'DIR BRNYAS PA DANG, BSTAN SRUNG CHEN PO 'DIR MOS LOS ` RGYAL DBANG PAn CHEN RNAM GNYIS LA SMOD PA SOGS, GCIG RGYU MTSAN DU BYAS NAS, GCIG SHOS LA MA MOS PA'I

, ,GTAM NGAN CI YANG SGROG PA NI RANG RE SKYE BO THA MAL PA RNAMS CHAGS SDANG GI DBANG DU SONG BA'I DGRA 'DUL GNYEN SKYONG GI SPYOD TSUL NYID 'PHAGS CHEN DAM PA'I MDZAD PAR RGYAS BKAG PA YIN PAS RANG NYID LA DU: KHA MI BZAD PA 'BYUNG BA'I RGYU SGRUB PA YIN TE, RGYAL BA 'OD DPAG MED DANG, 'PHAGS PA SPYAN RAS GZIGS KYI RNAM ROL SKYES CHEN KHYAD PAR CAN DE 'DRA LA GZUGS CAN GZUGS MED CI RIGS PA'I MTHUS GNOD NUS PA DANG, SKYES CHEN DE RNAMS GDON BGEGS GNOD PA'I RIGS 'JOMS PA'I NUS MTHUS PHONGS PA SOGS NI NAM YANG MI SRID DE, PHYI NANG GI BDUD TSOGS LHAG MED DU BCOM PA'I MTHU STOBS KYI DBANG PHYUG 'BA' ZHIG YIN PAS SO, ,YANG RGYU MTSAN DANG BRAL BA'I SMRA BA LA DGA' BA 'GA' ZHIG GIS BSTAN SRUNG DBANG PO 'DI DANG, GNAS CHUNG CHOS RGYAL CHEN PO'I BAR DU 'KHON SEL YOD SKAD DANG, DE LA BRTEN NAS DGA' LDAN PHO BRANG GZHUNG DANG , GZHUNG GI LAS BYED PAS BSTAN MI RUNG ZHES SMRA BA NI PHAL PA BLUN PO PHYUGS KYI DO ZLAR RGYU BA RNAMS KYI DGRA GNYEN SHAN 'BYED PA DANG, ZHES 'KHON SNYING LA BZHAG STE BYA BA NGAN PA BRGYUD MAR SPEL BA'I RANG DPE SA MTHON POR BKAB NAS CHOS SRUNG KHYAD PAR CAN RNAMS LA RANG DGAR SKYON BTAGS PA STE, CHOS SRUNG GI NGO BO JI YIN DANG, DE RNAMS KYI NYAMS RTOGS KYI TSAD JI TZAM YOD, GANG SRUNG BA DANG, MI SRUNG BA'I KHYAD PAR GANG YANG MA SHES PA'I NANG KHROL PHYIR DBYUNG BA 'BA' ZHIG TU

ZAD DO, ,GAL TE DE 'DRA BA'I SRUNG MA DE NYID 'GRAN SEMS CHAGS SDANG PHRAG DONG GIS RGYUD BRLAMS PA ZHIG YIN NA, THAR PA DON GNYER GYI SKYE BO RNAMS KYIS DE NYID BSTEN CING MCHOD PA JI LTAR 'OS TE, 'JIG RTEN PA'I LHA 'DRE GDUG PA CAN LA BSTEN CING MI 'GROGS PA DE SANGS RGYAS LA SKYABS SU SONG BA'I BSLAB BYA YIN PA'I PHYIR, DER MA ZAD, 'PHAGS CHEN DAM PA RNAMS KYIS GDUL BYA THUN MONG BA'I SNANG NGOR MDZAD PA'I TSUL JI LTAR BSTAN PA DANG, NGES DON GYI GSANG BA BSAM GYIS MI KHYAB PA'I RNAM PAR THAR PA NI DPAG PAR DKA' BA ZHIG STE, THUB PA BCOM LDAN 'DAS 'JIGS PA MTHA' DAG DANG BRAL BA LA'ANG LHAS BYIN GYIS SGYOGS RDO 'PHANGS PAS RMA PHYUNG ZHING, GLANG PO CHE SMYON PA RBAD PA SOGS 'GRAN SEMS KYIS DUS RTAG TU GNOD PA BYAS PA LTA BUR STON KYANG, DPAL LDAN ZLA BA GRAGS PA'I GSANG 'DU SGRON GSAL DU THUN MONG MA YIN PA'I GSANG BA ZHES PA'I RNAL 'BYOR CHEN PO'I RGYUD DRANGS PA LAS, DE NAS GZHAN YANG THAMS CAD MKHYEN PA'I 'KHOR PHUN SUM TSOGS PA BSHAD PAR BYA'O, ,'DI LTA STE, 'JAM DPAL NI RGYAL PO ZAS GTZANG MAR GYUR TO, ,'JIG RTEN DBANG PHYUG NI LHA MO CHEN MO SGYU 'PHRUL DU GYUR TO, ,DPAL LHA MO NI GRAGS 'DZIN NO; ;RDO RJE SEMS DPA' NI DGRA GCAN 'DZIN NO, ,SGRIB PA THAMS CAD RNAM PA SEL BA NI SH'A RI'I BU'O, ,KUN BZANG PO NI GNAS BRTEN KUN DGA' BOR GYUR TO, ,LHA'I DBANG PO BRGYA SPYI NI GNAS BRTAN LHAS BYIN NO, ,RNAM PAR SNANG

, ,MDZAD CHEN PO NI YANG DAG PAR RDZOGS PA'I SANGS RGYAS DPAL SH'AKYA THUB PAR GYUR TO, ,RIGS PA 'DIS NI SDUD PAR BYED PA ZHES BYA BA DANG, 'KHOR ZHES BYA BA NI LAS DANG PO BA'I SEMS CAN RNAMS 'JUG PAR BYA BA'I PHYIR, SANGS RGYAS KYI ROL MO 'DI BSTAN PA YIN NO, ,ZHES LHAS BYIN NYID LHA DBANG BRGYA SBYIN GYIS BSAM BZHIN DU SPRUL PAR GSUNGS PA DANG, DAM CHOS PADMA DKAR PO'I MDO LAS, DGE SLONG DAG ,LHAS BYIN 'DI DE'I TSE DE NA DRANG SRONG DU GYUR TE, DGE SLONG DAG LHAS BYIN YANG NGA'I DGE BA'I BSHES GNYEN NO, ,ZHES PA NAS, DGE SLONG DAG KHYOD MOS PAR BYA'O, ,KHONG DU CHUD PAR BYA'O, ,DGE SLONG DAG LHAS BYIN 'DI MA 'ONGS PA'I DUS BSKAL PA TSAD MED DRANGS ? MED PA NA, 'JIG RTEN GYI KHAMS LHA'I THEM SKAS ZHES BYA BAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LHA'I RGYAL PO ZHES BYA BAR 'GYUR RO, ,DGE SLONG DAG ,DE BZHIN GSHEGS PA LHA'I RGYAL BA DE'I TSE'I TSAD NI BAR GYI BSKAL PA NYI SHUR 'GYUR RO, ,ZHES GSUNGS PA DANG, MKHAS GRUB THAMS CAD MKHYEN PA'I GSUNG LAS, DPER NA NGES DON DNGOS GNAS DBANG BYAS NA, ,LEGS SKAR LHAS BYIN STON PA DRUG LA SOGS, , SANGS RGYAS CHE BA 'DON PHYIR LEGS SPRUL PAS, ,ZHES GSUNGS SHING, DE BZHIN DU RGYUD SDE GZHAN LAS DRUG SDE SOGS KYANG BCOM LDAN 'DAS RANG NYID KYIS CHED DU SPRUL PAR GSUNGS PA SOGS 'PHAGS CHEN DAM PA RNAMS KYI GSANG BA'I

GNAS 'DI DAG RTOGS DKA' BA MA ZAD YONGS SU MYA NGAN LAS 'DAS PA CHEN PO'I MDOR, 'DZAM BU GLING LA LAR NI, NGA BDUD BGEGS BYED PA LTA BUR STON TE SEMS CAN RNAMS KYIS KYE MA BDUD SDIG CAN NO SNYAM DU YANG DAG PAR SHES LA, PADMA CHUS MI GOS PA BZHIN DU NGA LA BDUD KYI NYES PAS MI GOS SO, ,ZHES GSUNGS PA LTAR GDUL BYA'I DON DU 'GYUR NA BDUD SDIG CAN TSUN CHAD KYI RNAM PAR BSTAN CING, DE DAG KYANG MDO DE NYID LAS, DE BZHIN DU GZUGS DU MA'I THABS KYI PHYOGS LA 'JUG PA BSTAN TE, DE DAG THAMS CAD KYANG 'JIG RTEN DANG MTHUN PAR BYA BA TZAM DU ZAD DO, ,ZHES GDUL BYA THUN MONG BA'I SNANG NGOR TSUL BSTAN 'BA' ZHIG TU GSUNGS SO, ,DE BZHIN DU BYANG CHUB SEMS DPA' RTAG TU NGU SOGS LA LHA DBANG BRGYA SBYIN GYIS BRAM ZER SPRUL NAS NYAMS SAD CING RKANG RUS GCOG TU 'JUG PA SOGS DANG, CHOS RGYAL SRONG BTZAN SGAM POS KYANG SPRUL PA'I MI LA SPRUL PA'I MIS CHAD PA GCOD PA DANG, JO 'BROM KHU GSUM GYI 'KHRUNG RABS RNAMS SU'ANG SKABS 'GAR PHAN TSUN GNOD CING 'KHON 'DZIN PA DANG, SKABS 'GAR YAB SRAS SOGS CHES MDZA' BA'I RNAM PAR BYON PA SOGS MA NGES PA'I MDZAD PA CHES MANG PO ZHIG BKA' GDAMS GLEGS BAM DU GSAL BA DANG, RVA LO DANG, RTA NAG 'GOS LO, GNYAN LO LTA BU'I SKYES CHEN DAM PA DE RNAMS KYANG THUN MONG SNANG TSOD LA SNGAGS PA PHAN TSUN PHRAG DOG GI RNAM PAS NANG RGYAS BYUNG STE DRAG LAS MTHU RTZOD KYIS GSHEGS PA SOGS SNGON GYI SKYES CHEN DAM PA DU MA'I RNAM THAR DU DE 'DRA'I

, ,RIGS MANG DU GSAL BA MA ZAD, YONGS SU GRAGS PA'I CHOS SKYONG RNAMS KYI LO RGYUS KYI DBANG DU BYAS NA'ANG, DAM CAN CHOS KYI RGYAL PO DE NYID NGES DON LA RJE BTZUN 'JAM DPAL DBYANGS KYI RNAM 'PHRUL YIN YANG, THUN MONG NGOR LCAGS MKHAR SGO MED KYI NANG DU LAS KYI GSHIN RJE BEE WA SA TVA DANG GTUM PA'I SRIN MO DUG HRUL GOS GYON MA GNYIS KYI BUR GSHIN RJE CHOS KYI RGYAL PO SKYES TE, DES STENG 'OG BAR GSUM GYI LHA SRIN GDUG PA CAN MTHA' DAG DBANG DU BSDUS NAS SKYE 'GRO'I SROG LA DBANG BYED CING, MI DGE BA SPYOD DU 'JUG PA NA, PHYAG RDOR DANG, SNA TSOGS GZUGS CAN MA SOGS KYIS STON PA RDO RJE 'CHANG LA, BDE GSHEGS CHOS KYI ZHI BA'I NGANG NAS BZHENGS, ZHES SOGS KYIS BSKUL BAS KHRO BO RDO RJE 'JIGS BYED RTEN DANG BRTEN PAR BCAS PA SPRUL TE GDUG PA 'DUL BA'I TING NGE 'DZIN GYIS, LAS KYI GSHIN RJE'I GRONG KHYER PHYAG GIS NAM MKHAR 'PHYAR NAS LAN GSUM BRDABS PA DANG, RDO RJE RTZE GCIG PAS LUS LA PHUG PA'I TSE, LAS GSHIN BRED DE SMRE NGAG 'DON ZHING BKA' LA NYAN PA NA, DAM LA BTAGS NAS BSTAN PA BSRUNG BAR GNYER DU GTAD PA DANG, CHOS SKYONG DREGS PA LCAM SRING NYID KYANG NGES PA'I DON DU DPAL RTA MGRIN DANG NGO BO GCIG KYANG THUN MONG NGOR SNGON 'DAS PA'I BSKAL PA ZHIG TU RGYAL PO GSER GYI SHUGS CAN DANG BTZUN MO AUTPA LA'I RGYAN BYA BA GNYIS LA SRAS GCEN GRAGS LDAN DANG, GCUNG GRAGS SKYES ZER BA GNYIS KYI GCEN PO NANG CHOS LA DAD CING GCUNG

PO MU STEGS LA DAD PAS RTAG TU RTZOD PA NA, CHO LONG 'PHEN NAS SU RGYAL BA DE'I CHOS LUGS LA 'JUG PAR CHAD PAS GCEN GRAGS LDAN RGYAL, GRAGS SKYES KYIS MA NYAN PAR BROS PA GCEN GYIS BDAS TE BZUNG NAS GSOD PAR BRTZAMS PA LA GCUNG POS BDAG MA BSAD PAR THONGS DANG, KHYOD NYID SANGS RGYAS PA'I DUS SU NGAS BSTAN SRUNG BGYID DO ZHES DAM BCAS, DE'I DUS KYI GCEN GRAGS LDAN NI BDAG CAG GI STON PA DANG, GCUNG PO GRAGS SKYES NI CHOS SKYONG LCAM SRING YIN LA, BCOM LDAN 'DAS ZHING 'DIR 'TSANG RGYA BA'I TSUL BSTAN PA NA SMON LAM GYI DBANG GIS, BYANG SHAR MYA NGAM GYI YUL BDUN 'DAS PA'I SA SHIN TU 'JIGS SHING SKYI GA-YA' BA'I GNAS NA, PHA GNOD SBYIN ZANGS KYI RAL PA CAN DANG, MA SRIN MO KHRAG GI RAL PA CAN GNYIS TSOGS PA LAS, BYI RU'I SGO NGA DANG BSE'I SGO NGA GNYIS SKYES, DE GNYIS PHA MAS MA THUB PAR BAR SNANG DU 'PHYOS PAS BAR GYI GZA' BRGYAD BTUL, STENG DU 'PHYOS TE LHA CHEN BRGYAD BTUL, 'OG TU 'PHYOS TE KLU CHEN BRGYAD BTUL, PHA MA GNYIS KYANG 'JOMS LA KHAD PA LTA BU'I GDUG RTZUB HA CANG CHE BAS PHA MAS MA H'A DE WA DANG, YUM CHEN AE KA DZA tI GNYIS DUR KHROD GNOD SBYIN GYI PHUG NA YOD PA BSKUL BA LTAR, DE GNYIS KYIS KHA tR'Am KA RGYAB PAS SGO NGA GNYIS BRDOL BAS BYI RU'I SGO NGA LAS MI DMAR PO ZANGS KYI BEG CE GYON PA, MDA' GZHU DANG ZANGS GRI BSE MDUNG THOGS PA GCIG THON PA MAH'A DE WAS DAM LA BTAGS TE DRI BA DRIS LAN GYI TSUL DU MA RU

, ,TZE BSHAN PA SGROL BYED KYI RGYUD GSUNGS, BSE'I SGO NGA LAS BUD MED LUS SNGO LA GDONG PA BSE, SO DUNG, SMIN MA GA-YU, ME'I RAL PA CAN ZANGS GRI DANG PHUR BU THOGS PA ZHIG THON PA AE KA DZA tIS DAM LA BTAGS TE DRI BA DRIS LAN GYI TSUL DU DMAR MO BSHAN PA 'JIG RTEN ZA BYED MA'I RGYUD GSUNGS PA DANG, YANG CHOS SKYONG BA'I RGYAL PO CHEN PO PE HAR ZHES GRAGS PA YANG NGES PA'I DON DU RGYAL BA RIGS LNGA'I NGO BOR BZHUGS KYANG, SNANG TSUL LA DKOR BDAG RGYAL PO SKU LNGA'I RNAM 'GYUR DU BZHENGS PA STE, BSKAL PA DU MA'I SNGON ROL DU PE HAR RGYAL PO 'DI NYID RGYAL RIGS DHA RMA DZVA LA DANG, SLOB DPON RIN PO CHE BLON PO'I BUR GYUR PA LAS, DE GNYIS SHIN TU MDZA' BAS RAB TU BYUNG BAR CHAD BYAS, MKHAN PO ZLA 'OD LAS TSANGS SPYOD KYI SDOM PA BLANGS TE LHAN CIG TU GNAS PA NA, RGYAL PO'I BU NI BSHAD PA DANG, BLON PO'I BU NI SGOM PA LA DGA' BAS MA MTHUN, JE ZHIG NA RGYAL BU NYID BRAM ZE MO MDZES LDAN MA DANG 'DUS PAS TSANGS SPYOD LAS NYAMS, GNAS BRTAN DANG BLON PO'I BUS DE LAS LDOG PA LA KHROS TE SLAR YANG RGOL ZHING BSDIGS PA'I LAS KYIS MI BSRUN PA'I SKYE BA JI SNYED BRGYUD PA'I MTHAR GNOD SBYIN GDUG PA'I RIGS SU SKYES, BLON PO'I BU NI DGRA BCOM PA LEGS LDAN ZHES PAR GYUR, DE'I TSE YANG SNGON GYI BAG CHAGS KYIS DGE SLONG DGRA BCOM PAR GNOD CING 'TSE BAR BYED PA NA, GSANG BA'I BDAG PO DANG DGE SLONG NYID KYIS GNAD LA PHAB STE GZIR ZHING DAM LA BTAGS, BSTAN PA BSRUNG BAR KHAS

BLANGS, DUS PHYIS BOD YUL GYI RGYAL KHAMS SU MNGA' BDAG KHRI SRONG LDE'U BTZAN GYI DUS SLOB DPON CHEN POS GNOD SBYIN GDUG PA CAN THAMS CAD DAM LA BTAGS, 'ON KYANG PE HAR GYIS MTHO BTZAMS TE, SLOB DPON CHEN PO BHA TA HOR GYI YUL BSAM 'GRUB SHEL GYI BRAG PHUG TU SKYE MED KYI DON BSGOM ZHING BZHUGS PA'I TSE SENG GE 'JIGS SU RUNG BAR SPRUL NAS, DAM RDZAS DKYIL 'KHOR BSHAMS PA RNAMS DKRUGS SHING 'JIGS THABS BSTAN PA NA SLOB DPON TING 'DZIN LAS BZHENGS NAS KHA tAm BSNUN PA MA THEBS PAR NAM MKHAR 'PHYOS TE YAL NAS BROS, SLAR YANG GNAM RDO LUG RO TZAM NAM MKHA' NAS 'PHANGS PA SLOB DPON RIN PO CHE'I DBU LA PHOG STE, CUNG ZAD BRGYAL BA'I RNAM PA MDZAD CING, BRGYAL BA SANGS NAS RGYAL PO'I CHO 'PHRUL DU DGONGS NAS TING NGE 'DZIN GYIS BKUG PAS BYIS PA'I GZUGS KYIS 'ONGS PA PHYAG RGYA GNYAN POS ZIL GYIS MNAN TE GTZIGS LA PHAB, SROG GI SNYING PO PHUL BA LAS DREGS PA'I RJE BOR DBANG BSKUR, GSANG MTSAN RDO RJE KHYUNG CHEN KLU 'BRUG 'DUL DU BTAGS NAS DAM TSIG GI GNYER GTAD, KHYAD PAR BSAM YAS CHOS 'KHOR CHEN PO'I SRUNG MAR, BHA TA HOR GYI YUL NAS SPYAN 'DREN PA'I CHED DU LHA SRAS MU NE BTZAN PO DPUNG DANG BCAS PA MNGAGS NAS HOR GYI SGOM GRVA BAR PA BCOM STE BSE 'BAG SMUG CHUNG SOGS DKOR CHA RNAMS KHYER BA'I RJES SU PE HAR 'KHOR BCAS BYON PA BSAM YAS KYI SRUNG MAR BKA' BSGOS PA DANG, SMAN BTZUN CHEN MO TSE RING

, ,MCHED LNGA YANG NGES DON LA MKHA' 'GRO SDE LNGA'I RNAM ROL YIN MOD, RJE BTZUN MID LA RAS PA SMAN LUNG CHU DBAR NA BZHUGS PA'I TSE GLAGS BLTA BA LTA BUR BSTAN TE SNANG SRID KYI LHA 'DRE THAMS CAD TSOGS PA'I CHO 'PHRUL DANG, DE DAG GI GTZO MO SHA ZA MO LNGAS, DO NUB NAM GYI SMAD CHA NA, ,'DI NAS PHA ROL 'GRO DGOS PAS, ,KHYOD SNGON CHAD BYAS PA'I LAS RNAMS LA, ,DUS DA LTA 'GYOD PA YOD DAM MED, ,CES SOGS KYI GLU BLANGS PAR, RJE BTZUN MID LA BZHAD PA'I RDO RJES KYANG, KHYAD PAR 'JIGS PA'I SRIN MO LNGA, ,MI NGA LA MI SNYAN NGAG TU SMRA, ,TSE 'DI NAS PHA ROL 'GRO DGOS ZER, ,NGA 'CHI BA KHO NAS 'JIGS 'JIGS NAS, ,SEMS 'CHI MED GNYUG MA'I NGANG DU SBYANG, ,'KHOR BA RANG GROL GZHI YI GNAD, ,SNYING PO DON LA NGO SPROD BGYIS, ,NANG RIG PA RTEN MED GCER BU 'DI, ,'GYU BA DVANGS SANG LTA BA'I GDENGS, ,'OD GSAL STONG PAR BLO THAG CHOD, ,NGA SKYE 'CHI GNYIS LA NYAM NGA MED, ,CES SOGS KYI GDAMS PA'I GNAD ZAB MO BSTAN PA LA BRTEN NAS CI GSUNGS BKA' BZHIN SGRUB STE BSTAN PA BSRUNG BAR BKA' BSGOS DAM BZHAG MDZAD PA LA SOGS PA BSTAN PA BSRUNG BAR ZHAL GYIS BZHES PA'I MTHU LDAN CHOS SRUNG DAM CAN RGYA MTSO PHAL CHE BA'I LO RGYUS SU'ANG THUN MONG BA'I SNANG NGOR GDUL BYA 'DUL BYED KYI RNAM PA CI RIGS PA'I SGO NAS PHAN GNOD KYI 'PHRIN LAS SNA TSOGS STON PA'I TSUL JI LTAR GSAL BA BZHIN DGAG DGOS KHYAD

PAR CAN YOD PA KHONG DU CHUD NA SGRO SKUR GYI RNAM RTOG RANG SAR GROL BAR 'GYUR RO, ,MDOR NA SANGS RGYAS RNAMS CHOS KYI DBYINGS SU NGO BO GCIG PA'I RGYU MTSAN GYIS BSTAN SRUNG CHEN PO 'DI NYID KYANG, ^RGYAL DBANG LNGA PA CHEN PO NYID DANG NGO BO GCIG YIN YANG, DRANG DON GDUL BYA THUN MONG BA'I NGOR THA DAD PA'I SNANG TSUL MI 'DRA BA 'BYUNG BA NI, SMIN GLING RDO RJE 'DZIN PA BLO GSAL RGYA MTSO'I GSUNG SGROS SLE LUNG BZHAD RDOR GYIS ZIN THOR BKOD PA LAS, LA LA NI DOL RGYAL SBYIN SREG LA THEBS NAS TSAR GCIG BSGRAL YANG, YANG BSKYAR SKYE BA BLANGS PA YIN ZHES GLENG, RGYAL DBANG MCHOG RANG GI RNAM SPRUL LAS DKYUS MA MIN NGES KYANG, RNAM PA TSUL BSTAN NI, SNGON NAS RGYAL DBANG MCHOG GI CHE BA 'DON PHYIR DU CHED GTAD GDUG RTZUB CHE BA'I SGO NAS GNOD PA BYED MKHAN GYI RNAM PAR BSTAN PA YIN PAS SBYIN SREG LA MA THEBS PA'I TSUL DANG, BSGRAL MA THUB PA'I TSUL GNANG BA MA GTOGS, KUN MKHYEN CHEN PO DE LTA BUS BSGRAL MI THUB PA YANG CI LA SRID, BSGRAL PHYIN CHAD RNAM SHES DANG PO'I SANGS RGYAS KYI ZHING DU 'PHANG PA MA GTOGS, RANG GAR SKYE BO GCIG GIS GCIG BSAD PA LTA BU BYAS NAS SNGA MA'I SROG DANG PHRAL YANG SLAR SMON LAM BTAB NAS GNOD PA BYED MKHAN DU SKYE BA LEN PA DE 'DRA CI SRID DE, YANG DAG PA'I GNAD 'GAG MA RTOGS PA'I LAB LAB 'BA' ZHIG GO ,DPER NA, SNGAR SANGS RGYAS ZHAL BZHUGS DUS, LHAS SBYIN DANG, MU STEGS STON PA DRUG SOGS DANG PO RANG NAS STON PAS ZHI DRAG GANG GI SGO NAS KYANG

, ,'DUL BAR GNANG NUS MOD, CHE BA 'DON PHYIR DU CHED DU SPRUL PAR SONG BAS SO SO'I MDZAD PA GNANG RGYU RNAMS MA RDZOGS KYI BAR DU 'DUL BAR MA MDZAD PA BZHIN DANG, SLOB DPON CHEN POS KYANG BDUD BLON RNAMS KYI SROG DUS GCIG LA 'BRAL BAR NUS MOD KYANG, SO SO'I CHE BA 'DON BYED KYI BKOD PA BSTAN TE, SO SO LA BRTEN PA'I GLENG GZHI RE DANG, DE LA BRTEN PA'I DGOS PA KHYAD PAR CAN RE YOD GSHIS MA THUL BA LTA BU'I TSUL BSTAN PA DANG, DE BZHIN DU SKU PHRENG RIM CAN GYI CHE BA 'DON MKHAN RNAMS DANG, HONG THA'I JI'ANG (SOG PO JUN GAR TSE DBANG RAB BRTAN) RGYA CAN LAS (^RGYAL BA LNGA PA'I DAG SNANG GSANG BRGYA CAN) RGYA HOR YUL DU DBANG PHYUG SPRUL PA ZHIG: LAS SHUGS BTZAN POS GLO BUR RGYAL PO BYED: CES DBANG PHYUG CHEN PO'I RNAM SPRUL DU GSUNGS PAS RGYAL BA'I DBANG PO RANG DANG DGONGS PA GCIG KYANG, CHE BA 'DON PHYIR DU KUN MKHYEN LNGA PA CHEN POR THUGS DAD GTAN NAS MED KHUL DANG, BOD DU DMAG DRANGS NAS RNYING MA'I BSTAN PA BSHIG TSUL SOGS CHED DU BSTAN CING, DE DAG THAMS CAD LA'ANG DGOS PA KHYAD PAR CAN RE YOD PAS SNGON DUS KYI RU DRA DANG DBANG PHYUG SOGS CHOS SKYONG SRUNG MA DU MA'I LO RGYUS SU DRANG DON GYI BKOD PA MA RUNGS PA DU MA BSTAN NAS MTHAR DE DAG GI RGYU RKYEN LA BRTEN PA'I NGO MTSAR CAN GYI DGOS PA BSAM GYIS MI KHYAB PA 'BYUNG BA BZHIN NO, ,ZHES DANG, DON DU DUS GCIG LA BKOD PA DU MA STON PA YIN GSHIS MTHA' GCIG GI NGES BZUNG

BYA MI NUS LA, JI LTAR YIN NA'ANG THA MAL PA'I YUL LAS 'DAS PA NI GONG DU BSHAD ZIN PA STE, SKYES BU DAM PA'I MDZAD TSUL MTHA' YAS PA 'DI TSO LEGS PAR BRTAGS NAS NGO MTSAR BA'I BKOD PA BSAM GYIS MI KHYAB PAR SHES NA, RANG GI RGYUD JE DAG JE BZANG DU 'GRO BA'I DGOS PA CHEN PO ZHIG 'DUG PAS DPYOD LDAN RNAMS KYIS SHES PAR GYIS SHIG ,CES GSUNGS PA LTAR SKYES BU DAM PA LA DON MED PA'I CHAGS SDANG GIS RIS SU BCAD DE, YON TAN LA LOG PAR SGRO BTAGS TE SKYON GYI SGO NAS SKUR BA BTAB CING SMAD PA DANG, GYA TSOM DU 'DI NI MCHOG STE, 'DI NI DMAN NO ZHES GZHAN GYI RGYUD TSOD BZUNG BA LA DPA' BA RNAMS NI RANG NYID PHUNG BAR 'GYUR BA'I GNAS YIN PAS, 'DI LA DPYOD LDAN RNAMS KYIS THAL BAS GA-YOGS PA'I ME'I 'OBS DANG MTSUNGS PAR BLTA ZHING GZAB PAR BYA DGOS SO, ` ,MDOR NA KHYOD KYI SKU DANG 'PHRIN LAS KYI, ,PHA MTHA' MA DMIGS SGYU 'PHRUL RAB 'BYAMS GAR, ,YID BZHIN NOR DANG BUM BZANG DPAG BSAM SHING, ,RE SKONG MTHA' KLAS BKOD PAR PHYAG 'TSAL BSTOD, ,CES PA NI, GONG DU JI SKAD BSHAD PA DANG MA BSHAD PA'I THUN MONG DANG THUN MONG MA YIN PA'I YON TAN RNAMS MDOR BSDU NA, SKU'I RNAM 'GYUR MA NGES SNA TSOGS PA RANG SNANG 'OG MIN GYI ZHING NA LNGA LDAN LONGS SPYOD RDZOGS SKU DANG, 'DZAM BU'I GLING DU MDZAD PA BCU GNYIS STON PA'I MCHOG GI SPRUL SKU'I RNAM PAR ROL BA NAS BZUNG, THA NA

, ,SEMS LDAN BYA DANG RI DVAGS, SEMS MED GZINGS DANG ZAM PA YAN CHAD KYI RNAM PAR 'PHRUL TE ZHI KHRO'I BKOD PA 'BYAMS KLAS PA SA CHEN PO'I RDUL GYI GRANGS DANG MNYAM PA DANG, DE BZHIN DU MDZAD PA 'PHRIN LAS KYI PHA MTHA' YANG MA DMIGS PA 'GRO BA RNAMS GNAS SKABS KYI BDE BA LA 'GOD PA NAS, MTHAR SKU BZHI'I SA LA 'GOD PA'I BAR GYI 'PHRIN LAS RNAM BZHI'I 'JUG PA RNAMS RNAM PAR RTOG PA DANG RTZOL BA MI MNGA' BAR SGYU MA DANG, CHU ZLA, MIG 'PHRUL BZHIN DU GANG LA GANG 'DUL RGYA MTSO SPRIN GYI BKOD PA MTHA' KLAS PA 'BAD MED LHUN 'GRUB TU 'BYUNG BA NI, JI SKAD DU, SLOB DPON CHEN PO TZANDRA KIRTIS, ZHI SKU DPAG BSAM SHING LTAR GSAL GYUR CING, ,YID BZHIN NOR BU JI BZHIN RNAM MI RTOG ,'GRO SGROL BAR DU 'JIG RTEN 'BYOR SLAD RTAG ,'DI NI SPROS DANG BRAL LA SNANG BAR 'GYUR, ,ZHES GSUNGS PA LTAR, 'DOD DGU 'BYUNG BA'I YID BZHIN GYI NOR BU DANG, RIN PO CHE'I GTER GYI BUM PA BZANG PO, BSAM KUN 'BAD MED DU 'JO BA'I DPAG BSAM GYI LJON PA SOGS LTAR CHOS LDAN CHOS BZHIN DU SPYOD PA'I SGRUB PA PO RNAMS LA MNGON 'DOD KYI RE BA JI BZHIN SKONG BAR MDZAD PA'I TSUL LA BSTOD PA STE GO BAR SLA'O,, ,,SMRAS PA, DUS RING THUGS BSKYED SHING RTAR KHUR LCI BA'I, ,BCU PHRAG STOBS KYI NOR BU RIN CHE BAS, ,THUB KUN MNYAM PAR ROL BA'I ZHI DBYINGS SU, ,MA NGES SGYU 'PHRUL BKOD PA'I GAR DU RTZEN, ,RE SKONG 'DOD

'JOR CHE BA'I LHUN GRUB KYI, ,RNAM BZHI'I 'PHRIN LAS 'OD RNON RTZE DGA' BRGYAS, ,BSTAN LA RI MOR MDZAD PA'I SKYES MCHOG CIG ,STOBS LDAN DGRA LHA'I GTZO BOR DBU 'PHANG BSTOD, ,RMONGS PA'I SMAG TU LOG PA'I LAM SRANG NAS, ,MCHOG LA 'PHYA BA'I MU CO'I GLU 'DZER BAS, ,SKYON BRAL BDE GSHEGS TSOGS LA NYES PA'I MTSANG, ,SGRUB 'DOD 'DI RNAMS PHYI MA'I 'GRO BAR CI, ,DBYINGS RIG MI PHYED LHAN SKYES BDE CHEN NYID, ,MTHU LDAN SGYU MAR SHAR BA'I SPRIN CHEN STE, ,SPROS MED NGANG NAS SPROS PA'I YO LANG KUN, ,RDZOGS PA'I TSUL 'DI SRUNG MA'I NGES DON NYID, ,DE PHYIR DE NYID RIG PA'I RNAL 'BYOR PAS, ,BSTAN LA BSTAN SRUNG GCES PA'I TSUL MTHONG NAS, ,DAM LDAN DAM PA'I GROGS SU BSTEN PA 'DI, ,RE 'BRAS RE BA'I DON KUN 'GRUB PA'I RGYU, ,DES MTHUS 'JAM DBYANGS DGYES DGUR RTZEN PA'I LUNG, ,'KHRUL BRAL TSANG LA MA NOR DGE LDAN SROL, ,BSHAD SGRUB RTZE DGA' 'BUM DU RGYAS PA'I RLABS, ,PHYOGS BRAL SKYE BO'I KHAMS BZHIN GROL GYUR CIG , (,,CES DGE LDAN BSTAN PA BSRUNG BA'I LHA MCHOG SPRUL PA'I CHOS RGYAL CHEN PO RDO RJE SHUGS LDAN RTZAL GYI GSANG GSUM RMAD DU BYUNG BA'I RTOGS PA BRJOD PA'I GTAM DU BYA BA DAM CAN RGYA MTSO DGYES PA'I ROL MO ZHES BYA BA 'DI NI, RIGS BRGYA'I KHYAB BDAG 'KHOR LO'I MGON PO ^SKYABS MCHOG RDO RJE 'CHANG PHA BONG KHA PA DPAL BZANG POS MDZAD PA'I RGYAL CHEN BSKANG CHOG RGYAS PA PHYOGS LAS RNAM PAR RGYAL BA'I RNGA DBYANGS NANG GSAL BSTOD PA DPAG MED BSKAL SNGON MA'I 'GREL PA RNAM THAR LO RGYUS RNAMS GSAL BAR BKOD PA ZHIG GSAR RTZOM BGYID DGOS ZHES DRIN CAN BLA MA MCHOG GI GDAN SA DBEN GNAS BKRA SHIS CHOS GLING GI GNAS BLA MA GNAS

, ,BRTAN BLO BZANG CHOS 'PHEL DANG, BLA MA RDO RJE 'CHANG GI ZHABS DRUNG DU MANG THOS KUN DGA' BO'I NGANG TSUL CAN DRUNG YIG DGE SLONG BLO BZANG RDO RJE LAGS, BSTAN PA'I SNANG BYED TRE HOR DKAR MDZES 'KHRUNGS GSAR RIN PO CHE, BLA MA CHOS SKYONG DANG BCAS PAR MI PHYED DAD DAM MTSUNGS MED BKA' ZUR LHA KLU BA TSE DBANG RDO RJE DANG, LHA LCAM GA-YANG 'DZOMS TSE RING SOGS CHOS SKYONG 'DI NYID BSTEN CING MCHOD PA'I SKYA SER MCHOD, ,SNGA MO ZHIG NAS YANG YANG BSKUL BA MA ZAD, RANG NYID GZHON NU BYIS PA ROL RTZED KYI GNAS SKABS TSUN CHAD DU BSTAN SRUNG 'DI NYID KYIS MA BU BZHIN DU SRUNG SKYOB LAS BZHI'I 'PHRIN LAS MI GA-YEL BA'I RTAGS MTSAN LAN MANG MNGON SUM DU MYONG BA'I YID CHES MOS PAS KYANG MTSAMS SBYAR TE, ^RGYAL MCHOG LNGA PA CHEN PO'I RNAM THAR SOGS BLA MA'I RNAM THAR DANG, CHOS 'BYUNG DE BA THER, BOD GZHUNG BKA' SHAG LAS KHUNGS KYI MGRON DEB RNYING KHUNGS KHAG SOGS YIG CHA SNA TSOGS DANG, GZHAN YANG LO RGYUS KYI YIG RNYING THOR BU'I RIGS DU MA THABS 'TSOL GYIS 'BREL YOD LO RGYUS GANG RNYED RNAMS PHYOGS BSDUS KYIS DPE DEB DANG, SHOG DRIL GANG BDER ZIN THO BKOD DE, BSTOD 'GREL RGYAS PA ZHIG RTZOM 'DUN YOD MUR, PHYI LO TSIG STONG DGU BRGYA NGA DGU SA PHAG LOR KLA KLO RGYA DMAR GYIS GANGS LJONGS BSTAN SRID YONGS RDZOGS DUS GCIG TU NYAM NYES SU GTONG SKABS ^GONG SA ^SKYABS MGON CHEN PO STON 'KHOR RGYA GAR 'PHAGS YUL PHYOGS SU GLO BUR DU CHIBS ZHABS BSGYUR BA'I ZHABS RJES SU PHRAN YANG BRTAB BRTAB POR 'BRANGS GSHIS, 'DI SKOR GYI YIG CHA RNAMS LTA CI KHA TON GYI DPE CHA TSUN CHOD KYANG LHA SAR LUS TE 'THOR BAS RE ZHIG 'BRI RTZOM GYI SPROS PA BSKYUNGS SHING, DE RJES PHYI LO TSIG STONG DGU BRGYA DRUG CU RE GSUM CHU YOS LOR LHA SA NAS RGYA GAR DU BTZAN BYOL BA RJES 'BYOR DAG GI LAG

NAS RNAM THAR GYI ZIN THO'I GRAS SHOG DRIL CHUNG NGU RE ZUNG TZAM LAS DE MIN GAL CHE'I RIGS YONGS RDZOGS DANG, KHRI CHEN GO BA MA'I RTEN RNYING GRAS RGYAL CHEN RIGS LNGA'I THANG SKU DANG, NGOS RANG NAS GSAR BZHENGS DRAG PO'I THANG SKU BCAS RANG LAG TU SNGA RJES RIM SON BYUNG BA CHOS SKYONG NYID KYI 'PHRIN LAS SU NGES PA RNYED DE RTZOM PA'I SPRO BA SLAR YANG BTEGS THOG ,ZLA BRAL BSTAN PA'I NYI MA THAG GA-YAB HO THOG THU BLO LDAN SHES RAB RIN PO CHE DANG, DGE LDAN BSTAN PA'I GSAL BYED GRO MO DGE BSHES RIN PO CHE'I MCHOG SPRUL, 'BAG SA THOS BSAM THAR 'DOD GLING DU GTAN BZHUGS GDAN SA 'BRAS SE 'GA' GSUM GYI DGE 'DUN KHONGS NAS ^RGYAL CHEN BSKANG GSO BA'I TSOGS SPYI BCAS NAS BSKUL GNANG MA ZAD, GRO MO DUNG DKAR DGON GYI DGE SLONG BSLAB GSUM NOR LDAN BLO BZANG RDO RJE NAS NAN TAN CHEN POS SNGA PHYIR YANG YANG BSKUL BA BZHIN, DUS GSUM SKYABS GNAS KUN 'DUS KYI NGO BO DRIN CAN RTZA BA'I BLA MA RDO RJE 'CHANG PHA BONG KHA PA BDE CHEN SNYING PO DPAL BZANG PO'I ZHAL SNGA NAS LAS BSTAN SRUNG CHEN PO 'DI NYID KYI SROG DBANG DANG, LUNG LAG LEN MAN NGAG DANG BCAS PA BKA' DRIN LEGS PAR NOD CING, 'JAM MGON BLA MA'I LUGS BZANG LA SNYING NAS MOS PA LHUR BYED PA YONGS 'DZIN DGA' LDAN KHRI BYANG SPRUL MING PA BLO BZANG YE SHES BSTAN 'DZIN RGYA MTSOR 'BOD PAS 'PHAGS YUL GYI ZHING CHEN HI MA CAL PAR DE'I SHI'I KANG RA'I RDZONG KHONGS DHA RAM SA LA'I N'A RO 'JI'I KO tIRA, PHYI LO TSIG STONG DGU BRGYA DRUG CU RE BDUN, BOD RGYAL LO NYIS STONG DGU BCU GO BZHI, RAB BYUNG BCU DRUG PA'I ME LUG LOR SUG BRIS SU BGYIS PA'O,,) ` 'JAM DPAL RDO RJE RDO RJE DUS KYI DGRA, ,SHUGS DRAG STOBS BCU'I STOBS LDAN DREGS PA'I GAR, ,RNO MYUR MTHU RTZAL MTHU CHEN BYE BA'I GTZO, ,'JAM MGON BSTAN DANG BSTAN 'DZIN DPUNG GNYEN CHE'I, ,NGO MTSAR

, ,RTAGS BRJOD DAG GCANG BDUD RTZA 'A KLUNG, ,KHUNGS LDAN LA RGYUS RLABS PHRANG RTZA DGA' CAN, ,RTAN RGYAS NAR LAS SNYANG PA 'JAN 'DAD KYIS, ,LHAG BSAM DAG PAS DPAR GYA YUR BAR DRANGS, ,BRTZAMS PA RMAD BYUNG 'DAS MTSAN SRAD DANG ZHI'I, ,LEGS BYAS KUN GSAL PHA MTHAR 'GRIMS PA DES, ,'KHRUL BRAL DGE LDAN LUGS BZANG 'OD BRGYA PA, ,MI NUB SRID PA'I MIG TU RTAG 'BAR SHOG ,CI 'DOD RE BA KUN SKONG NOR BU'I CHAR, ,'BEBS MKHAS SRUNG MA'I DBANG PO SHUGS LDAN RTZAL, DBU 'PHANG SRID GSUM BLA NA MNGON MTHO ZHING, ,'PHRIN LAS NAM MKHA'I BLA RER BRES GYUR CIG ,DRAG SHUL MTHU STOBS RDO RJE RTZE BRGYA PA, ,KHRO CHEN BYE BA'I SHUGS SU GDENGS PA'I GZIS, ,DREGS LDAN NAG PHYOGS LHA MIN DPUNG BCOM PA'I, ,RGYAL RNGA PHYOGS KYI MDZES MAS BRDUNG GYUR CIG ,DAD DANG BLO GROS NOR LDAN RGYU SBYOR YANG, ,TSE DPAL BSOD NAMS YAR NGO'I ZLA LTAR RGYAS, ,TSANG LA MA NOR MDO SNGAGS LAM BZANG LA, ,BRTEN NAS RDO RJE 'DZIN PA'I SA THOB PO,, (,,CES PA 'DI YANG GRO MO DUNG DKAR DGON GYI DGE SLONG BLO BZANG RDO RJE NAS DGE BSKUL ZHU GNANG LTAR DAD GTONG LHAG BSAM MCHOG TU YANGS PA SGANG TOG RDO SE MAL LE'I SGA tI'I SBYIN BDAG NOR RGYAS LAGS DANG, NOR 'DZIN LAGS GNYIS NAS RGYU YON SBYAR TE RGYAL CHEN RDO RJE SHUGS LDAN RTZAL GYI BSTOD 'GREL 'DI NYID DPAR DU BSKRUN PA'I LEGS BYAS KYI DGE RTZA YONGS SU BSNGO BA'I SMON TSIG TU YONGS 'DZIN KHRI BYANG SPRUL MING PAS SBYAR BA DGE 3LEGS 'PHEL,, ,,