The 'Secret Treasure of the Angels,' consisting of Notes on the Stages of Creation and Completion in the Secret Practice of the Holy Angel in the Traditionof Naropa

, ,RJE BRTZUN N'A RO MKHA SPYOD MA'I BSKYED RDZOGS KYI ZIN BRIS MKHA' 'GRO'I GSANG MDZOD CES BYA BA BZHUGS SO, ,

, ,NA MO GU RU BADZRA YO GE N'I YE, MA LUS RIGS KUN BDAG PO RDO RJE CHOS; ;MA LTAR BRTZE BA'I RDO RJE RNAL 'BYOR MA, ,MA NOR LAM STON DRIN CAN BLA MA RJER, ,MA YENGS SGO GSUM GUS PAS SNYING NAS 'DID, ,DE YANG SA CHEN GYIS MDZAD PA'I BSKYED RIM RNAL 'BYOR BCU GCIG GI SDOM TSIG LA BDE MCHOG RTZA RGYUD LE'U NGA GCIG PA LAS GSUNGS PA'I

, ,DE NYID BCU BZHI KHA BSKANGS NAS SGRO 'DOGS GCOD PA DANG, RGYAL MCHOG LNGA PA'I MTHONG GROL LDE MIG GI BCAD DON NYAMS LEN SEMS 'DZIN GYI BYA BA SOGS KYIS GZHI MDZAD, TSAR CHEN RDO RJE 'CHANG GI GSUNG LA 'JAM DBYANGS MKHYEN BRTZE'I DBANG PHYUG GIS ZIN BRIS MDZAD PA'I BSKYED RDZOGS KYI 'KHYID YIG MKHA' SPYOD BGROD PA'I NYE LAM GYI STENG NAS

RJE BTZUN RDO RJE RNAL 'BYOR MA'I RIM GNYIS KYI BKA' 'KHRID STZAL BA NAS, RAGS BSDUS LAM TZAM 'GOD PA NI, DMIGS RKNG DANG PO, GNAS KHANG 'DI YANG THA MAL PA'I RNAM PA CAN MA YIN PAR RJE BTZUN RDO RJE RNAL 'BYOR MA'I YE SHES RANG SNANG LAS GRUB PA'ICHOS 'BYUNG NYIS BRTZEGS CAN, BLA MA DANG RANG NYID GROGS RNAMS KYANG RJE BTZUN MA DNGOS YIN SNYAM PA DANG, THAMS CAD 'OD KYI RNAM PA CAN DU BSAM LA, NYAL LDANG BDUD RTZI MYANG BA GNYIS LA THOS BSAM GYIS SGRO 'DOGS GCOD PA NI, 'DI'I BSKYED RDZOGS KYI GDAMS PA NYAMS SU LEN PA LA GSUM, GANG GIS NYAMS SU LEN PA'I RTEN, GANG NYAMS SU LEN PA'I CHOS, JI LTAR NYAMS SU LEN PA'I TSUL LO, ,DANG PO LA GNYIS, SMIN LAM 'JUG RUNG GI GANG ZAG DANG, GROL LAM SGOM RUNG GI GANG ZAG GO,

, ,DANG PO LAS LUGS NI RAB BDE MCHOG LU NAG DRIL GSUM, DE MIN KYE RDOR BKA' BABS BZHI GANG RUNG GI DBANG THOB PA DGOS PAR BZHED LA, LCANG SKYA RIN PO CHES BLA MED GZHAN GANG RUNG ZHIG GI DBANG THOB PAS RUNG BAR GSUNGS SHING SMIN PA'I LAM ZHES PA GROL LAM SINDHU'I DKYIL 'KHOR DU 'JUG RUNG GI GANG ZAG STE, SA LUGS NI, DENG KHYOD RNAL 'BYOR MA THAMS CAD KYI RIGS SU ZHUGS KYIS ZHES PA GONG DU BSHAD PA'I MA RGYUD KYI DKYIL 'KHOR ZHIG LA ZHUGS DGOS PA'I DON YIN GSUNGS, DI LTAR YANG DAM TSIG DANG SDOM PA MIG 'BRAS LTAR BSRUNG BA NI DNGOS GRUB KUN GYI RTZA BA YIN PAS SHIN TU GAL CHE'O, ,GNYIS PA NI DE LTA BU'I GANG ZAG DES RANG GI LUS NGAG YID GSUM RDO RJE RNAL 'BYOR MA'I SKU GSUNG THUGS DANG PHYI NANG

GSANG BA'I RNAL 'BYOR MA NGO SPROD PA'I PHYIR 'DI'I SINDHU RA'I DKYIL 'KHOR DU BYIN RLABS MTSAN NYID DANG LDAN PA THOB CING CHAG MED DU NYAMS SU LEN PAR 'DOD PA'O, ,GNYIS PA GANG NYAMS SU BLANG BA'I CHOS NI, RNAL 'BYOR GSANG MTHA'I RGYUD KYI BCUD PHYUNG BA BOD LJONGS BSTAN PA'I MNGA' BDAG DPAL LDAN SA SKYA'I LCAGS RI MI 'DA' BA'I GSER CHOS BCU GSUM KYI NANG TSAN MCHOG BSGRUBS PAS THUN MONG ZHAR LA 'GRUB PA DMAR MO SKOR GSUM DU GRAGS PA'I SNYING PO'AM MCHOG TU GYUR PA, RDO RJE RNAL 'BYOR MAS GRUB CHEN N'A RO TA PA LA DNGOS SU GNANG BA TSE 'DI LA LUS MA SPANGS PAR MKHA' SPYOD DU BGROD PAR BYED PA N'A RO MKHA' SPYOD KYI GDMAS PA SNYA RGYUD TSAD MA BZHI LDAN ZHES BYA BA BLA MA LUNG BSTAN BCOS NYAMS MYONG TSAD MA STE, DANG PO NI, RGYAL

, ,BA RDO RJE 'CHANG GIS GSUNGS PA RNAMS LA 'KHRUL PA'I DRI MA DANG BRAL BA GDUL BYA LA 'DOMS MKHAS PA, GNYIS PA NI RDO RJE RNAL 'BYOR MA 'DI BDE MCHOG RTZA RGYUD NAS GSUNGS PA DANG, GSUM PA NI N'A RO PA'I GZHUNG CHUNG SOGS TSAD MA RNAMS DANG, BZHI PA NI 'DI NAS BSHAD PA'I NYAMS MYONG RGYUD LA SKYES PA STE MOS BLO TZAM MA YIN PAR GO BA PHUL PHYIN RNYED PA BZHI DANG LDAN PA'O, ,DE YANG RTA DKYU SA GZHAN DU BYAS NAS RGYUG SA GZHAN DU STON PA BZHAD GAD KYI GNAS LTAR THOS BSAM GYIS GZHAN ZHIG GTAN LA PHAB NAS, NYAMS LEN GYI TSE GZHAN ZHIG LA BYED PA YIN PA DANG BSHAD CHOS TZAM DU MA SONG BAR THOS BSAM GYIS GANG GTAN LA PHAB PA DE NYAMS LEN LA KHYER SHES PA DGOS SO, ,GSUM PA JI LTAR NYAMS SU LEN PA'I TSUL

LA BCU GCIG LAS, DANG PO NI, NYAL DANG ZHES PAS BSKYED RIM SPROS BCAS DAG ,RDZOGS RIM SPROS MED KYI LUGS GNYIS LA, DANG PO NI, THOG MAR GNAS KHANG LA THA MAL GYI SNANG ZHEN BKAG NAS NGO BO BDE STONG GI RANG BZHIN YIN PA LA; RNAM PA CHOS 'BYUNG DMAR PO NYIS BRTEGS 'OD KYI RANG BZHIN CAN GYI NANG DU SENG GE'I KHRI'I STENG DU SNA TSOGS PADMA'I LTE BAR NYI MA'I DKYIL 'KHOR GYI GDAN LA RANG NYID RDO RJE RAL 'BYOR MA RGYAN DANG PHYAG MTSAN MED PA MGO BYANG DANG KHA NUB TU BLTA BA'AM BLTA BAR MOS; BYANG SU SENG KHRI PAD NYI ZLA GCAN DANG BCAS CUNG ZHIG DPANGS MA THO BA'I STENG NGAM RANG GI KHRI'I BYANG GI 'DAB MA'I KHAR ZAL NYI'I STENG DU ZLA GCAN GYI DBUS SU BLA MA RDO RJE CHOS KYI RNAM PAR BZHUGS PA BLA MA'I SKU PANG DU RNAG GI MGO PO BZHAG STE NYAL ZHING, GNYID

, ,DU MA SONG GI BAR LA THA MAL GYI RNAM RTOG BKAG NAS BLA MA'I SKU GSUNG THUGS KYI YON TAN BLO NUS CI NUS KYIS GSAL 'DEBS BZHIN PAR GNYID DU 'GRO BAR BYA, NAM GNYID SAD PA NA'ANG GONG BZHIN DRAN PAR BYA'O, ,GNYIS PA NI, NYER BSDU BYAS TE BDE STONG GNYIS SU MED PA'I 'OD GSAL DE'I NGANG NAS GNYID DU 'GRO BAR BYA, SAD NA'ANG YANG YANG GSAL BTAB STE DRAN PA NAR MAS BSKYANGS NAS GANG ZAG RTOGS PA RAB KYIS BSRE BA SKOR GSUM YANG BYAS CHOG GO ,SBYANG GZHI SNOD 'JIG PA DANG, BCUD KYI 'CHI BA SBYONG BAR GSUNGS, GNYIS PA LDANG BA'I RNAL 'BYOR NI, NAM GYI CHA BCO BRGYAD DU BYAS PA'I CHA BCU GSUM 'DAS, CHA LNGA LUS PA NA SKYA RENGS 'CHAR BA'I TSE NAM MKHA' NAS MKHA' SPYOD KYI DPA' BO DANG MKHA' 'GRO RNAMS KYIS d'A MA RU'I SGRA KHROL BA NA, AOm GSUM

MA'I SNGAGS KYI RANG SGRA LHANG LHANG BSGRAGS PAR MOS PA'I RKYEN GYIS GNYID SAD NAS SAM SAD PAR MOS TE CHOS 'BYUNG SOGS LA RIM BZHIN GSAL SNANG BTON NAS, SNGAR LTAR GSAL BA'I BLA MA LA MOS GUS SHUGS DRAG BYAS PAS BLA MA SKU SMAD DANG SKU STOD NAS ZHU STE 'OD DMAR PO BYI'I'I SGO NGA TZAM DU GYUR PA RANG GI SPYI BO NAS ZHUGS LUS KYI NGANG THAMS CAD KHENGS PA LAS 'OD ZER 'PHROS NAD GDON SDEG SGRIB THAMS CAD GAR SONG CHA MED DU DAG ,'OD DANG BDUD RTZI'I DANGS ? MA RNAMS SNYING GA'I BAm YIG LA THIM PAS BYIN GYIS BRLABS TE SNGAR BAS KYANG 'OD DANG GZI BRJID CHE BAR GYUR PAS BDE STONG SKYES PAR BSAM LA, RGYAN LDAN PHYAG MTSAN MED PA'I RNAM PAR LANGS PAR MOS PA NI SPRUL SKU 'GRUB PA'I SMIN BYED DO, ,GSUM PA BDUD RTZI MYANG BA'I RNAL 'BYOR

, ,NI; LAG PA GA-YAS KYI MTHIL DU DUD RTZI RIL BU'AM DE BTAB PA'I NANG MCHOD DAM MED NA BSAM GTAN GYIS KYANG RUNG BAS, GA-YON PA'I MTHEB SRIN GYIS MDUN NAS BRTZAMS TE GA-YON BSKOR GYIS, AOm A'A:H'Um BRJOD PA DANG MNYAM DU CHOS 'BYUNG GI RTZE MO RANG LA 'ONGS PAR BRIS PA'I DBUS NAS BDE STONG GNYIS SU MED PA'I YE SHES BDUD RTI'I RNAM PAR SHAR BA BLANGS TE LCE'I STENG DU MYANG BAS, LUS THAMS CAD YE SHES KYI BDUD RTIS GANG SGO GSUM GYI SDEG SGRIB THAMS CAD SANGS KYIS DAG ,BDUD RT'I'I DVANGS MA RNAMS SNYING GA'I BAm YIG SANGS RGYAS THAMS CAD KYI NGO BOR MOS PA LA THIM PAS BDE STONG GNYIS SU MED PA'I YE SHES KYI RTOGS PA KHYAD PAR CAN RGYUD LA SKYES SHING MNYES PAR BSAM, BDUD RTZI MYANG BA 'DI THUN THAMS CAD KYI MGOR CHAG MED NYAMS SU LEN DGOS

PA DANG, KHRUS DANG KHA ZAS KYI SKABS SU'ANG THA MAL GYI SNANG ZHEN BKAG STE DE BZHI NYAMS SU LEN DGOS PAR BSTAN PA DANG, SKABS 'DIR SA LUGS PA DGA' BA GSUM DANG, DGE LUGS PA DAG PA GSUM ZHES PA YANG 'GYUR GYI KHYAD PAR TZAM MA GTOGS DON 'DRA BA YIN, RANG LHAR GSAL BA SKU DANG, BDUD RTZI 'OD DPAG MED GYI NGO BO MGRIN PAR MYANGS PAS GSUNG DANG, SNYING GA'I BAm LA THIM PAS BDE CHEN GYI YE SHES SKYES PA NI THUGS KYI DGA' BA'AM DAG PA, NYAL LUGS PHYI MA LTAR BYED NA STONG NYID KYI NGANG LA NYAL BA THUGS KYI DAG PA STE 'CHI BA SBYONG, LHA SKUR LDANG BA SKU DAG PA STE SKYE BA SBYONG, BDUD RTZI MYANG BA 'OD DPAG MED GSUNG GI DAG PA STE LONGS SKU 'GRUB PA'I SMIN BYED DANG, 'DI'I DAG PA SBYOR TSUL SHIN TU LEGS TE 'OD GSAL DE LAS GZUGS SKUR

, ,BZHENGS TE, BZLAS BRJOD SOGS BYED PAS SO, ,GNYIS PA BCAD DON NYAMS SU LEN PA LA LNGA PA CHEN POS, SNGON 'GRO ZHES PA NAS, NYES DMIGS ZHES GSUNGS PA'I, DANG PO THUN MONG GI SNGON 'GRO NI, DAL 'BYOR RNYED DKA' SOGS LAM THUN MONG BAS RGYUD SBYONG DGOS NA'ANG 'DIR PHAL CHER LAM RIM GYI 'KHRID SNGON DU SONG BAS BTANG SNYOMS SU BZHAG ,DE'I DON TSAR CHEN GYIS, DAL 'BYOR GRU CHEN SOGS SHO LO KA GCIG GSUNGS TE, DAL 'BYOR GYI LUS RTEN RNYED DKA' BA RGYA MTSO'I GRU CHEN PO LTA BU 'DI MI RTAG PAR MYUR DU 'JIG PA NA, DGE BA'I PHYOGS KYI BA DAN DKAR PO DE LAS 'BRAS BLANG DOR MTHUN PHYOGS KYI RLUNG GIS RAB TU BSKUL NAS 'JIGS RUNG RGYA MTSO LTA BU'I 'KHOR BA NYES DMIGS CAN 'DI LAS SGROL BAR

SHOG CIG ,CHES GSUNGS PA LTAR SHAR SGOM GYI TSUL DU BLO NUS CI YOD KYIS SNGON 'GRO RNAMS LA MYONG BA CI THON BYA DGOS TE LAS DANG PO BA RNAMS LAM THUN MONG BA GTZO BOR GZUNG STE DE'I SGO NAS RNAL 'BYOR MA'I NYAMS LEN BYAS NA MYUR BA YIN NO,, ` GNYIS PA THUN MONG MIN PA'I SNGON 'GRO NI, THUN MONG MIN PA'I BLA MA'I RNAL 'BYOR GYI 'KHRID CES GSUNGS PA 'DI LA BZHI, LAM LOG PA LAS KHYAD PAR DU BYA BA SKYABS 'GRO, DMAN PA LAS KHYAD PAR DU BYA BA SEMS BSKYED, 'GAL RKYEN SDIG SGRIB SBYONG BA RDOR SEMS BSGOM BZLAS, MTHUN RKYEN TSOGS GSOG PA BLA MA'I RNAL 'BYOR DANG MAndAL GYI KHRID DE SNGON 'GRO KHRID CHEN BZHI PO SPYI DANG MI MTHUN PA GO RIM DE LTAR DU BYED PA 'DI'I THUN MONG MA YIN PA STE, TSAR CHEN GYIS, BSLU

, ,MED SOGS KYIS SKYABS 'GRO, MA GYUR SOGS KYIS SEMS BSKYED, RDOR SEMS SOGS KYIS RDOR SEMS BSGOM BZLAS, RJE BTZUN ZHES SOGS KYIS BLA MA'I RNAL 'BYOR GYI KHRID BSTAN CING, DANG PO SKYABS SU 'GRO BA LA, RANG NYID KHA NUB TU PHYOGS PA'AM PHYOGS PAR MOS LA SKYABS YUL GSAL 'DEBS DGOS SHING, DE LA RGYAS 'BRING BSDUS PA'I LUGS GSUM LAS, BLA MA DPA' BO RDO RJE CHOS GCIG PO SKYABS YUL DU BYED PA NI KUN 'DUS NOR BU'I LUGS ZHES PA BSDUS PA DANG, 'KHOR LO SDOM PA'I RTEN BRTEN PA'I DKYIL 'KHOR GSAL 'DEBS PA 'BRING DU BZHED KYANG 'DI NI MGO LAS GA-YU RNA SBOM PA LTA BU'I DNGOS GZHI LAS SNGON 'GRO 'JINGS CHE BAR 'GYUR ZHING, 'KHOR LO SDOM PA YAM YUM GNYIS LA BLA MA YI DAM SANGS RGYAS BYANG

SEMS SOGS KYIS BSKOR BA 'DI RGYAS PA'I LUGS YIN LA, RANG RTZOM DU PHYI MA LTAR YOD PA DANG..,..RDO RJE YIN 'DRA, SPYIR BDE MCHOG MI BSKYOD PA'I RIGS YIN PA DANG, GSUNG BDUD RTZI MYANG BA 'OD DPAG MED, RIGS BDAG RNAM SNANG YIN PAS SKU GSUM GYI BDAG NYID TSANG BA YIN, RANG GI GNAS KHANG SOGS LA THA MAL GYI SNANG ZHEN MED PAR DAG ZHING BDE BA CAN LTA BU GSER GYI SA GZHI'AM, BEEd'URYA'I SA GZHI NAM MKHA'I RANG MDOG LTA BU LA GSER GYI MIG MANG RIS SU BRIS PA MNAN NA SOR BZHI TZAM NEM BYED PA, BTEG NA SNGAR LTAR MNYAM PA'I SPAR BYED PA, REG NA BDE BA BSKYED PA LAS SRA MKHREGS KYI RNAM PA MI 'BYUNG BA, DE LTA BU'I DBUS SU RIN PO CHE'I SENG KHRI RGYA DPANGS SHIN TU CHE BA'AI STENG DU PADMA 'DAB MA BZHI PA LJANG GU, DE'I LTE BAR SNA TSOGS PADMA DANG NYI MA'I DKYIL

, ,'KHOR GE SAR SER KHYIL LER MTHONG BA, DE'I STENG DU 'JIGS DUS GNYIS KYI GDAN LA NGO BO RANG GI DRIN CAN RTZA BA'I BLA MA YIN PA LA RNAM PA 'KHOR LO SDOM PA SKU MDOG SNGON PO ZHAL BZHI PHYAG BCU GNYIS PA YUM BCAS, DE'I MTHA' SKOR DU BRGYUD PA'I BLA MA RNAMS 'KHOR LO SDOM PA ZHAL GCIG PHYAG GNYIS PA'AM RDO RJE CHOS KYI RNAM PA GANG BA DE BYA, MDUN GYI 'DAB MAR RDO RJE RNAL 'BYOR MA LA GSANG BDE 'JIGS GSUM SOGS RGYUD SDE BZHI'I LHA TSOGS RNAMS KYIS BSKOR BA, GA-YAS KYI 'DAB MAR SH'AKYA THUB PA LA LONGS SPRUL GYI SANGS RGYAS DKON MCHOG RNAMS KYIS BSKOR BA'I LONGS SKU RNAMS PHYI SKOR LA BZHUGS PA, RGYAB KYI 'DAB MAR LUNG GI CHOS DKON MCHOG 'KHOR LO SDOM PA'I RTZA BSHAD KYI RGYUD SOGS DEEd'URYA'I SHOG BU

LA GSER BTZO MA'I YIG 'BRU DOD PA RANG SGRA'I DON STON PA 'DOD ZER GYIS 'GRO BA'I SDIG SGRIB SBYONG ZHING LUNG RTOGS KYI YON TAN BSKYED NUS PA PO TI'I RNAM PAR YOD PA, GA-YON GYI 'DAB MAR 'JAM DBYANGS LA BYANG SEMS NYAN RANG DPA' BO MKHA 'GRO DANG BCAS PAS BSKOR BA, DE RNAMS KYI MTHA' SKOR DU BKA' SOD KYI GTZO BO DUR BDAG DANG PHYAG BZHI PA SOGS CHOS SKYONG SRUNG MA DANG BCAS PA'I DGE 'DUN DKON MCHOG RNAMS GSAL LEGS PAR BTAB, RANG GI GA-YAS SU PHA, GA-YON DU MA, MDUN DU MNGON SUM DU GNOD PA'I DGRA, MI MNGON PAR GNOD PA'I 'DRE, DNGOS SU GNOD PA MI BYED KYANG DE LA BRTEN NAS BYUR KHA 'DREN PA STE DGRA 'DRE BYUR GSUM, RGYAB TU RIGS DRUG BAR DO DANG BCAS PA THAMS CAD SMRA SHES DON GO BA MI'I RNAM PA CAN SA'I

, ,DREG PA LTAR SMUG SHIG GE 'KHOD PAR BSAM, RANG GZHAN SEMS CAN THAMS CAD 'KHOR BA DANG NGAN SONG GI SDUG BSNGAL LA 'JIGS SHING SKRAG PA'I NGES 'BYUNG DANG SNYING RJE'I BLO BSKYED PA RGYU GCIG, MDUN GYI SKYABS YUL RNAMS LA DE LAS SKYOB PA'I MKHYEN BRTE N US GSUM YOD PAR YID CHES PA RGYU GCIG STE SKYABS 'GRO'I RGYU GNYIS SU BZHED PA DANG, RANG GI SDUG BSNGAL DRAN NAS NGES 'BYUNG DANG, GZHAN GYI SDUG BSNGAL DRAN NAS SNYING RJE BSKYED PA, SKYABS YUL RNAMS LA 'JIGS PA DE LAS SKYOB PA'I NUS PA YOD PAR SHES PA STE THEG CHEN LA RGYU GSUM DU BZHED DO, ,DE NAS LUS GNAD DANG LDAN PAR 'KHOD NAS, MDUN GYI NAM MKHAR SOGS TSAR GCIG BRJOD, BLA MAS SKYABS DNGOS SU STON PA,

SANGS RGYAS KYIS BRGYUD NAS STON PA, CHOS SKYABS DNGOS TE, DE NYID RANG GIS NYAMS SU BLANGS PAS SKYOB NUS SHING, DGE 'DUN RNAMS KYIS JI LTAR LAM LA SLOB PA LTAR BDAG GIS KYANG SLOB SNYAM PA'I GROGS ZHUS, RANG GZHAN SEMS CAN THAMS CAD KYIS KHA TZAM TSIG TZAM MA YIN PAR SNYING KHONG RUS PA'I GTING NAS SKYABS SU 'GRO DGOS TE BLO RTZE GNYIS KYIS DON MI 'GRUB PA DANG, RKANG PA YAR MAR BOR BA DANG RTA GNYIS LA ZHON NAS 'DOD SAR MI PHYIN PA'I BLO LING SKYUR GYIS MGRIN GCIG TU, BDAG DANG ZHES SOGS KYIS MTHA' SKOR GYI SEMS CAN RNAMS LA DMIGS NAS, DUS ZHES PA THOG MTHA'I DUS TSIGS YIN LA, BYANG CHUB SNYING PO ZHES PA RTOGS PA BYANG CHUB SNYING PO DANG, GNAS BYANG CHUB SNYING PO GNYIS LAS DANG PO NI SANGS RGYAS MA

, ,THOB KYI BAR DANG, GNYIS PA NILONGS SKU'I GNAS 'OG MIN STUG PO BKOD PA DANG SPRUL SKU'I GNAS RGYA GAR RDO RJE'I GDAN NO, ,NUB GNYIS PA'I SEMS 'DZIN LA MA SLEBS BAR THUN RER BRGYA RTZA TZAM NYUNG MTHAR BYA, SANGS RGYAS CHOS GSUNG BA PO DNGOS DANG, DE NAS RIM GYIS BRGYUD PA'I BLA MA RNAMS KYIS STON PAS, DBUS KYI 'KHOR LO SDOM PA YAB YUM DANG RTZA BRGYUD KYI BLA MA RNAMS LA SKYABS STON PA PO MDZAD DU GSOL SNYAM PA'M SA LUGS PA LAM SNA 'DREN PA'I SKYABS MDZAD DU GSOL SNYAM DU, DPAL LDAN BLA MA ZHES SOGS BRJOD CING DE YANG BLA MA DAM PA NI SLOB MA'I NGAN SPYOD KYI RIGS LA KHRO NA DAM PA DANG RANG DON DU KHRO NA DAM PA MA YIN NO, ,MDUN DANG GA-YAS KYI SANGS RGYAS RNAMS KYIS SKYABS STON PA MDZAD DU

GSOL SNYAM DU RDZOGS PA'I ZHES SOGS BRJOD, RGYAB DANG SKYABS YUL RNAMS KYI THUGS RGYUD LA MNGA' BA'I RTOGS PA'I CHOS RNAMS KYIS SKYABS DNGOS MDZAD DU GSOL SNYAM DU DAM PA'I ZHES SOGS BRJOD, GA-YON DANG MTHA' SKOR DU BZHUGS PA'I DGE 'DUN DKON MCHOG RNAMS KYIS SKYABS SGRUB PA'I GROGS MDZAD DU GSOL SNYAM DU, 'PHAGS PA'I ZHES SOGS BRJOD, GRUB NA BDUD RTZI 'BEBS SBYANGS LAM RIM LTAR BYAS LA SPANG GNYEN RO GCIG TU MA GYUR GYI BAR DU SKYABS SU 'GRO BA'O, ,GNYIS PA SEMS BSKYED NI; BDAG GIS+ BYAS LA ZHES PA'I BAR GYIS BYANG CHUB DON GNYER, SEMS CAN THAMS CAD SOGS KYIS GZHAN DON DON GNYER TE DON GNYER GNYIS LDAN GYI SMON SEMS, DE'I PHYIR DU SOGS KYIS 'JUG SEMS BSTAN NO, ,SEMS BSKYED KYANG NUB GNYIS PAR THUN RER

, ,BRGYA'AM NYER GCIG NYUNG MTHAR BYA'O, ,DE NAS SKYABS GSOL BRJOD PAR BYA STE LAG GNYIS SNYING GAR THAL MO SBYAR NAS BLA MA DANG DKON MCHOG+ SKYABS YUL RNAMS LAS 'OD ZER SNA LANG DPAG MED BYUNG BA RANG GZHAN GYI LUS SEMS LA THIM PAS SDIG SGRIB THAMS CAD MUN KHUNG DU SGRON ME'AM NYI ZER ZHUGS PA BZHIN SKAD CIG LA DAG STE, SEMS RTOG MED CHOS SKU DANG, LUS LONGS SKU RNAL 'BYOR MAR GYUR TE, RANG GI MTHA' SKOR NA 'KHOD PA'I SEMS CAN RNAL 'BYOR MAR GSAL BA RNAMS BYA KHYU 'UR RDOS DED PA LTAR, RANG RANG GI DAG ZHING LA 'UR DEING GIS 'PHUR BAR BSAM, DE NAS MDUN GYI SKYABS YUL RNAMS 'OD ZER DKAR DMAR MTHING GSUM ZHES BRJOD PA DANG MNYAM DU GA-YON SKOR GYIS BSDU BAR BYA STE, DGE 'DUN RNAMS 'OD DKAR

PO'I RNAM PAR ZHU BA SPYI BO'I SMIN MTSAMS SU BSTIM PAS SKU RDO RJE RNAM SNANG, CHOS RNAMS'OD DMAR PO'I RNAM PAR ZHU BA MGRIN PAR BSTIM PAS GSUNG RDO RJE 'OD DPAG MED, SANGS RGYAS DANG RTZA BRGYUD KYI BLA MA GTZO BO YAB YUM BCAS 'OD SNGON PO'I RNAM PAR ZHU BA SNYING GAR BSTIM PAS THUGS RDO RJE MI BSKYOD PA'I BYIN RLABS THOB, RANG SEMS LA BDE BA SKYES BDE BAS STONG PA NGES PA'I BDE STONG DBYER MED KYI NGANG LA CUNG ZAD MNYAM PAR 'JOG PA NI DON DAM PA'I SKYABS 'GRO YIN NO, ,DE LTAR STONG PAS CHOS SKU BDE BAS LONGS SKU, DE'I NGANG LAS SNANG YUL RANG LHAR GSAL BAS SPRUL SKU 'GRUB PA'I RGYUR ZHING, STONG NYID BSGOM PAS DON DAM SEMS BSKYED KYANG TSANG NGO, ` ,NUM GNYIS PAR TSAD MED PA'I RNAL 'BYOR GYIS SKYABS 'GRO LA SGRO 'DOGS BCAD

, ,NAS RDO RJE SEMS DPA'I BSGOM BZLAS KYI SEMS 'DZIN GTONG BA LA, BZHI BA TSAD MED KYI RNAL 'BYOR NI; TSAD MED KYI KHONGS NAS SKYABS 'GRO THON PA NI SEMS BSKYED DANG TSAD MED NGO BO GCIG LA, SEMS BSKYED KYI SNGON DU SKYABS 'GRO 'GRO DGOS PA SKYABS 'GRO SDOM PA THAMS CAD KYI RTEN DU GYUR PA YIN NO, ,DE LTAR SANGS RGYAS LA SKYABS SU SONG BA'I 'BRAS BU MTHAR THUG LA MA 'ONGS PA NA RANG NYID SANGS RGYAS KYI GO 'PHANG THOB PA, CHOS LA SKYABS SU SONG BA'I 'BAS BU [*'BRAS BU] MDO RGYUD LUNG RTOGS KYI YON TA [*TAN] GANG LA'ANG MI THOGS PA, DGE 'DUN LA SKYABS SU SONG BA'I 'BAS BU [*'BRAS BU] 'KHOR TSOGS RGYA MTSO LTA BUS BSKOR BA, BLA MA LA SKYABS SU SONG BA'I 'BRAS BU 'KHOR DE LTA BU'I DBUS SU RANG GIS BLA MA BYAS NAS CHOS STON PA

RNAMS 'BYUNG NGO, ,TSAD MED RGYU DANG SEMS BSKYED 'BRAS BU STE, RGYU 'BRAS MAN NGAG BDUN GYI SKABS LTAR DANG, NGAG 'DON DU SEMS BSKYED SKABS TSAD MED BZHI TSANG BAR GSUNGS KYANG TSANG TSUL 'DI LTAR YIN ZHES 'DI'I GZHUNG GANG DU YANG MA BSHAD NANG BDAG GI+ [*GIS+] BSGRAL, ZHES PA'I BAR GYIS SNYING RJE TSAD MED, RDZOGS PA'I+ BYA ZHES PAS BYAMS PA TSAD MED, SEMS CAN THAMS CAD RDZOGS PA'I BYANG CHUB KYI GO 'PHANG THOB PA'I BDE BA NI 'KHOR BA'I BDE BA DANG MI 'DRA BAR NAM YANG MI NYAMS PA YIN LA, DE LA GNAS NA SNYAM PA DGA' BA TSAD MED, BTANG SNYOMS TSAD MED LA GNYIS TE RANG NGOS NAS SEMS CAN THAMS CAD LA DGRA GNYEN GYI RNAM PAR 'DZIN PA SPONG BA DANG, GZHAN SEMS CAN PHAN TSUN NYE RING SPONG BA'I TSAD MED GNYIS

, ,LAS DANG PO NI, SEMS CAN THAMS CAD CES PAS BSTAN TE, RANG GIS SEMS CAN LA NYE RING BYAS PA RANG GI NYE DU SOGS RDZOGS PA'I BYAG CHUB LA 'GOD LA, DGRA LA SOGS PA MI 'GOD SNYAM PA'I BLO NI RANG GIS BTANG SNYOMS MA BYUNG BAS DE SPONG BA DANG, GNYIS PA NI, RDZOGS PA'I BYANG CHUB CES PAS BSTAN TE, GZHAN PHAN TSUN NYE RING MA SPANGS NA SEMS CAN THAMS CAD KYI [*KYIS?] SANGS RGYAS THOB MI NUS SHING, DE YANG RDZOGS PA ZHES PA SKYON MA LUS PA ZAD PA LA RDZOGS PA DANG, YON TAN MA LUS CHUB PA LA'NG RDZOGS PA'I ZHES BRJOD PAS DE LTA BU'I GO 'PHANG LA 'GOD PAR 'DOD PA NI, BTANG SNYOMS TSAD MED YIN TE, 'JIGS BYED LAS GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O ZHES GSUNGS PA

LTAR RO, ,DE'I PHYIR DU ZHES SOGS NI, SPYIR MDO LUGS LA DUS SNYIGS MAR SMAN BLA 'DI BYIN RLABS MYUR BA DANG, SNGAGS LUGS LA 'KHOR LO BDE MCHOG GI DKYIL 'KHOR MA BSDUS PAR RI RAB KYI RTZIR RANG CAG 'DZAM BU GLING BAR ZHAL PHYOGS PA'I TSUL GYIS BZHUGS YOD PAS BLA MED GZHAN DANG GZHAN LAS 'KHOR LO BDE MCHOG BYIN RLABS MYUR BA DANG DE'I YANG SNYING RJE BTZUN N'A RO MKHA' SPYOD MA 'DI BYIN RLABS SHIN TU MYUR BAR MA ZAD DBANG PO ZHAN PA RNAMS LA CHES SHIN TU NYAMS SU LEN BDE ZHING 'JUG PA BDE BA'I PHYIR RDO RJE RNAL 'BYOR MA'I LAM GYI RIM PA NYAMS SU LEN SNYAM PA'I 'DUN PA DRAG PO YANG BYA'O, ,SKYABS 'GRO'I SKABS SKYES BU CHUNG 'BRING GI LAM DANG, SEMS BSKYED GYI SKABS SKYES BU CHEN PO'I LAM, 'CHI BA CHOS SKU'I SKABS STONG NYID TSANG BAS NA,

, ,SNGON DU LAM THUN MONG BAS RGYUD MA SBYANGS PAR SMIN MA ZENG ZENG BYED PA RNAMS LA 'BRAS BU MI BDOG GSUNGS, SA LUGS LA BDAG BSKYED RING NGE 'DZIN GYI CHE BA DANG, MDUN BSKYED MCHOD BSTOD KYI CHE BA YIN PAS, BDAG BSKYED LA MCHOD PA MI 'BUL BAR BZHED LA, RJE BDAG NYID CHEN POS, THOB BYA 'BRAS DU KYI YONGS DAG BZHI DANG CHA MTHUN PAR DA LTA LAM DU SLONG DGOS PAS GNAS YONGS SU DAG PA GZHAL YAS KHANG SGOM PA, LUS YONGS SU DAG PA RANG LHAR GSAL BA, LONGS SPYOD YONGS SU DAG PA MCHOD PA 'BUL BA, MDZAD PA YONGS SU DAG PA 'OD ZER SPRO BSDU SOGS KYIS DON GNYIS BYED PA RNAMS YIN PAS RGYU MTSAN DE'I PHYIR BDAG BSKYED LA MCHOD PA NGES PAR DGOS PAR GSUNGS, DES NA YID SPRUL LAM,

BSHAMS NA BYIN RLABS KYANG BYA DGOS LA, DE NI 'DI DANG 'BUL BYA GNYIS LAS, NGAG 'DON DU SNGA MA LTAR YOD PAS, DE BSANGS BYED KYI NANG MCHOD BYIN RLABS DGOS SHING, DE THA MAL PA'I RNAM PAS BYIN RLABS MI NUS PAS NA SKAD CIG GIS DKRONG BSKYED BYA STE, DE YANG SKYABS YUL THIM PA'I RKYEN GYIS RANG LUS STONG PAR SBYANGS, STONG PA'I NGANG LAS SNA TSOGS PAD NYI 'JIGS DUS KYI GDAN LA RANG NYID SKAD CIG GIS RDO RJE RNAL 'BYOR MAR GYUR PAR BSAM, DE'I SNYING GAR CHOS 'BYUNG SGOM PA 'AM LCANG SKYA'I DGONGS PA LTAR MA SGOM KYANG CHOG PAS SNYING GAR ZLA BA'I DKYIL 'KHOR GYI DBUS SU BAm YIG ,DE'I MTHA' SKOR DU KHAndA RO HE'I SNGAGS 'PHRENG BSAM STE KHAndA DUM BU DANG, RO HE SKYES MA STE KYE DUM SKYES MA ZHES BOS NAS SANG BA'I BYA BA MDZOD

, ,CIG PAR BSKUL BA YIN, DE LA BSANG BA SBYANG BA SKYED PA BYIN GYIS BRLAB PA'O, ,DANG PO NI, KHAndA RO HE B RJOD PAS RANG GI SNYING GA'I BAm YEG GI N'A DA LAS LHA MO DUM SKYES MA SKYU MDOG DMAR MO GRI THOD 'DZIN PA SPROS PA SNA GA-YAS NAS THON NANG MCHOD LA GNAS PA'I BGEGS RNAMS BYI'U KHRAS DED PA LTAR RGYA MTSO'I PHA MTHAR BSKRAD DE, NAM YANG LDANG BA MED PAR BSAM LA SLAR LHA MO SNA GA-YON NAS SNGAR GYI SPRO GZHI LA BSDU, GNYIS PA NI, SVA BH'A WA BRJOD PA'I TSE CHOS THAMS CAD RANG BZHIN MED PA'I LTA BA DRAN NAS NANG MCHOD THOD PA DANG BCAS PA MI DMIGS PAR SBYANGS, GSUM PA NI, STONG PA'I NGANG LAS NANG MCHOD KYI GO SAR RANG GI BDE STONG GI NGO BO YAm YIG SNGON PO ZHIG BYUNG BA 'OD DU ZHU BA LAS RLUNG DKYIL SNGON PO GZHU BKANG BA

LTA BU'I RGYUD RANG LA BSTAN PA 'CHOG MA GA-YAS GA-YON DU 'PHAN RTZE GSUM PA'I RNAMS PA CAN GYI BA DAN RE RES MTSAN PA, DE'I STENG GI DKYIL DU RAm RIG DMAR PO ZHIG BYUNG BA 'OD DU ZHU BA LAS ME DKYIL DMAR PO GRU GSUM PA ZUR CIG RANG LA BSTAN PA MTHA' KUN TU ME LHAB LHAB 'BAR BZHIN PA, DE'I ZUR RER RANG GI MDUN NAS BRTZAMS TE GA-YON SKOR GYIS A'A: DKAR DMAR MTHING GSUM LAS MI MGO BCAD MA THAG PA SKRA SBAD LING CAN SO SKYA TSIG GE BA DKAR DMAR MTHING GSUM GYI LTAG PA NANG BSTAN, DE GSUM GYI DBUS KYI STENG DU A'A: DKAR PO LAS THOD PA PHYI DKAR LA NANG DMAR BA YANGS SHING RGYA CHE BA DPRAL BA RANG LA BSTAN PA, DE SHAR DU BYAS PA'I NANG GI SHAR DU AOm DKAR PO LAS DRIN CHEN SER PO, BYANG DU KHAm LJANG DGU LAS KLAD PA DKAR PO, NUB TU Am DMAR

, ,PO LAS BYANG SEMS DKAR PO, LHOR TRAm SER PO LAS RAKTA DMAR PO, DBUS SU H'Um SNGON PO KHA RANG LA BSTAN PA LAS DRI CHU SNGON PO STE PHYOGS GA-YON SKOR DANG, SHAR LHOR LAm DKAR PO LAS BA GLANG GI SHA NAG PO, LHOR NUB TU MAm SNGON PO LAS KHYI'I SHA DMAR PO, NUB BYANG DU BAm DMAR PO LAS GLANG PO CHE'I SHA DKAR PO, BYANG SHAR DU TAm LJANG GU LAS RTA'I SHA LJANG GU, DBUS SU BAm DMAR PO H'Um LA KHA BSTAN PA LAS MI'I SHA DMAR PO STE MTSAMS GA-YAS SKOR, SHA DE RNAMS GAN RGYAL DU GNAS PA MGO BO RANG GI PHYOGS SU BSTAN PA DANG, DBUS KYI MI'I SHA MGO NUB TU BSTAN PAR BSKYED, BDUD RTZI RNAMS MAR KHU ZHU BA LTA BU DANG, SHA RNAMS KHAM TSAD TZAM DU SIL BUR GTUB PA, PHYI DBYIBS RANG RANG GI GZUGS SU GNAS PA THAMS CAD

LA RANG GI SKYED BYED KYI YI GE RNAMS KYIS MTSAN PA'I 'OD ZER GYIS RDZAS RNAMS BYIN GYIS RLOB BZHIN PA'O, ,BZHI PA LA GSUM, SKYON SBYANG BA, YON TAN RTOGS PA, MANG POR SPEL BA'O, ,DANG PO NI, RANG GI THUGS KA NAS 'OD ZHER 'PHROS RLUNG DKYIL GYI BA DAN LA PHOG PAS BA DAN BSKYED DE RLUNG GA-YOS ME DKYIL 'BAR BAS THOD PA GDUNGS PAS NANG GI RDZAS DANG YI GE RNAMS LUM LUM ZHU ZHING KHOL BAS RDZAS RNAMS KYI KHA DOG DRI NUS NGAN PA RNAMS DAG NAS BDUD RTZI DMAR SER REG BYA SHIN TU TSA BAR GYUR PAR BSAM, GNYIS PA NI, DE'I STENG GI BAR SNANG LA H'Um YIG DKAR PO MGO THUR DU BSTAN PA LAS BDUD RTZI'I RANG BZHIN GYI KHA tV'Am GA DKAR PO MTSAN NYID DANG LDAN PA MGO THUR DU BSTAN PA, BDUD RTI SKYA KHROm KHROm 'DZAG BZHIN PA LA 'OG GI RLANGS PA PHOG PAS MER GYIS ZHU BA THOD

, ,PAR LHUNG BAS RDZAS DE DAG DNGUL CHU'I MDOG LTAR DKAR ZHING REG BYA SHIN TU SIL BA'I RANG BZHIN DU GYUR PAR BSAM, GSUM PA NI, DE'I STENG DU DBYANGS GSAL GNYIS PHRENG DU SGRIG PA'I DBYANGS KYI MGOR AOm DANG GSAL BYED KYI MJUG TU H'Um H'Um PHAt YOD PA'I SNGAGS PHRENG GSUM BRTZEGS KYI 'OG MA DKAR PO, DE'I STENG MA DMAR PO, DE'I STENG MA SNGON PO RNAMS SU BSKYED, SNGAS PHRENG 'OG MA GA-YAS GA-YON NAS RIM GYIS 'OD DU BSDUS NAS AOm DKAR PO, DE BZHIN DU BAR DANG STENG MA GNYIS KYANG BSDUS LA A'A: DMAR PO, H'Um SNGON PO GSUM STENG NAS STENG DU GNAS PA LAS 'DOD ZER DKAR DMAR MTHING GSUM PHYOGS BCUR SPROS, RGYAL BA SRAS BCAS THAMS CAD KYI THUGS KA NAS YE SHES KYI BDUD RTZI DKAR PO'I RNAM PAR BKUG STE YI GE GSUM

LA THIM PA, DE YANG SNGON DU SHA LNGA BDUD RTZI LNGA DANG BCAS PA BSKYED PA DAM TSIG PA DANG PHYOGS BCU'I RGYAL BA SRAS BCAS DPA' BO MKHA' 'GRO DANG BCAS PA'I BDUD RTZI BKUG PA'I PA'I YI GE GSUM YE SHES PA'I TSUL DU GNAS PA, STENG 'OG MGO MJUG LDOG NAS THOD PAR LHUNG BAS JI TZAM LONGS SPYAD KYANG ZAD PA MED PA'I MANG POR SBAR ZHING SPEL BA 'CHI MED TSE, NAD MED SMAN, ZAG MED YE SHES KYI BDUD RTZIR GYUR PAR BSAM MO, ,DE NAS CHU GNYIS NYER SPYOD DANG BCAS PA'I MCHOD PA RNAMS NANG MCHOD 'THOR LA KHAndA RO HES BSANGS, SVA BH'A WAS SBYANGS PA SNGAR BZHIN LA, BSKYED PA NI MCHOD RDZAS SO SO'I GO SAR RANG GI BDE STONG GI NGO BO KAm DKAR PO ZHIG THOL GYIS BYUNG BA 'OD DU MER GYIS ZHU BA LAS THOD PA'I SNOD YANGS SHING RGYA CHE BA'I NANG DU H'Um SNGON PO RE RE BYUNG BA 'OD DU MER GYIS ZHU BA

, ,LAS MCHOD RDZAS SO SO'I RNAM PAR SKAD CIG GIS BSKYED PA STE THOD PA'I SKAD DOD KA P'A LA ZHES 'BYUNG LA, DE'I MING YIG DANG PO THIG LES BRGYAN PA NI MCHOD RDZAS SOGS, MING DANG BRDA DANG RTOGS PAS BTAGS TZAM LAS DON DAM PAR GRUB PA MED PA MTSON, DE YANG KHYAD CHOS GSUM LDAN ZHES BYA BA, NGO BO'I KHYAD PAR BDE STONG GI RANG BZHIN YIN PA, RNAM PA'I KHYAD PAR MCHOD RDZAS SO SO'I RNAM PAR SHAR BA, BYED LAS KYI KHYAD PAR DBANG PO DRUG GI SPYOD YUL DU ZAG MED KYI BDE BA KHYAD PAR CAN STER BAR BYED PA STE, MCHOD YON ZHAL, ZHABS BSIL PUS MO MAN CAD KYI ZHABS 'KHRUD BYED, ME TOG DBU STE LUS, BDUG SPOS SHANGS, MAR ME SPYAN, DRI CHAB THUGS, ZHAL ZAS LJAGS, ROL MO SNYAN RNAMS TE DBANG PO DRUG SO SOR 'BUL

BA'O, ,MGO MJUG GI 'BRU GSUM NI RDO RJE GSUM GYI NGO BO YIN LA, DE'I BAR DU AARGHAm SOGS MCHOD SNGAGS SO SO BCUG PA NI RDO RJE GSUM GYI NGO BOR BYIN GYIS RLOB PA YIN NO, ,GSUM PA 'GAL RKYEN SDIG SGRIB SBYONG BA RDOR SEMS BSGOM BZLAS BYA BA LA MA RGYUD LA HE RU KA'I YIG BRGYA DANG YAB PHYAG RGYA DANG YAB PHYAG RGYA [*phrase repeated?] DRUG DANG YUM PHYAG RGYA LNGAS BRGYAN PA SOGS BYAS NA LEGS SHING, DE LTAR TSEM BU DMAR KHRID DU BKOD PA LTAR LA, SNGAGS PHRENG YANG GA-YON SKOR DU 'GOD, RANG RNAL 'BYOR MA'I SNYING GAR BAm YIG GI KLAD KOR NANG DU ZLA GDAN LA BSGRUB BYA GSAL GDAB, BSTIM SKABS YAB YUM RJES CHAGS KYI MES ZHU BA BYANG SEMS DKAR DMAR GYI RNAM PAR SNYING GA'I BAm LA BSDUS LA BDE STONG LA MNYAM PAR 'JOG ,PHA RGYUD LA RDO RJE SEMS DPA'I YIG BRGYA

, ,BZLA BA DANG YUM GYIS RDOR DRIL 'DZIN PAR BSHAD, 'JIGS BYED SKABS KYI RDOR SEMS 'DI MA RGYUD DANG PHAL CHER MTHUN ZHING PA [*PHA] RGYUD KYI RDOR SEMS MA RGYUD LA BSGOM MI RUNG BA MED DO, ,KHRID YIG RGYAS BSDUS MDZAD ZIN LOGS SU YOD STABS 'DIR RGYAS PA MA BRIS SHING, BDUD RTZI'I BUM BZANG LAS GZHAN TING NGE 'DZIN GYI DBANG BZHI LEN TSUL DANG, RDZOGS RIM ZAB MO'I NYAMS LEN DANG RJES SU MTHUN PA'I DMIGS PA'I BSGYUR TSUL SOGS BRGYUD LDAN BLA MA MNYES PA'I GSUNG LAS 'BYUNG BA YANG 'GA' ZHIG YOD, CES PA'I DANG PO NI, SMIN MTSAMS YAN, MGRIN PA YAN, SNYING GA YAN, DE BYINGS LHAG MA BDUD RTZIS GAR [*GANG] BAR MOS PA'I SKABS SU RIM PA BZHIN BUM DBANG GSANG DBANG SHER DBANG, TSIG DBANG RNAMS RIM

BZHIN THOB PA'I MOS PA BYED, GNYIS PA NI, NAD GDON SDIG SGRIB RNAMS MUN PA MUN NAG LTA BUR GSAL BTAB LA H'Um YIG SNGAGS PHRENG DANG BCAS PA LAS 'OD ZER DKAR PO'I TSOGS 'PHROS PAS LUS KYI NANG THAMS CAD GANG BAS GAR SONG CHA MED DU SONG BAR SGOM PA LAS SDIG SGRIB SOGS PHYIR THON PA'I DMIGS PA MI BYED PA NI, RDZOGS RIM SKABS RLUNG DBU MAR 'DU BA'I RTEN 'BREL KHYAD PAR CAN YOD GSUNGS, 'DI'I DMIGS PA GONG MA DANG YAS 'DED DANG MAS 'DED GNYIS KYI SKABS SU'ANG DGA' BZHI LUGS 'BYUNG LUGS LDOG TU SKYE BA'I GNAD YOD DO, ,NYIN SNGON MAR PHRAN BU CHAD LUGS BYUNG BA SENG GE RNAM PAR RTZE BA'I TING NGE 'DZIN ZHES SLAR SNGO BGRANG BYAS TE LUS 'DUG NA, SA DKAR GYI 'GAB RAL BSUB PA BZHIN NYIN RJES MA'I 'GOR BSHAD PA BYAS CHOG PA YIN ZHES STZAL LO, ` ,

, ,SKYABS 'GRO DANG MJUG GI BSNGO SMON RDOR SEMS RKYANG PA'I SKABS MA GTOGS 'DIR MA DGOS, NUB GSUM PA'I CHOS THUN LA MA SLEB BAR THUN RER SNGAGS BRGYA RTZA TZAM NYUNG MTHA' DNG [*DANG], DE NAS THUN CHA SNYOMS KYIS NYIN RER NYER GCIG RE 'GRO BA DGOS SO, ` ,NUM [*NUB?] GSUM PAR, BLA MA'I RNAL 'BYOR LA SGRO 'DOGS GCOD PA NI, LNGA PA BLA MA'I RNAL 'BYOR NI, SEMS KYI CHOS NYID MTHONG BA YANG, ,TSOGS BSAGS SGRIB SBYANGS LA LTOS PAS ZHES GSUNGS PA LTAR TSOGS GSOG SGRIB SBYONG GI ZHING MTHAR THUG BLA MA YIN PA'I RGYU MTSAN NI DPER NA TSE 'DI'I PHA MA TSOGS GSOG GI MTHAR THUG YIN PAS GRVA PA'I DKOR 'JU NAS SHING, DE BZHIN DU, MCHOD PA THAMS CAD YONGS SPANGS NAS, BLA MA MCHOD PA YANG DAG BRTAMS, ,ZHES GSUNGS

PA LTAR SANGS RGYAS GRANGS MED MCHOD PA BAS BLA MA'I BA SPU'I KHUNG CIG MCHOD PA PHAN YON CHE BA MDO RGYUD DU MA NAS YANG YANG GSUNGS SHING, BKA' DRIN CHE BA'I RGYU MTSAN YANG SANGS RGYAS BYANG SEMS THAMS CAD KYIS GDUL BAR MA NUS PA'I SNYIGS MA LNGA CHES CHER BDO BA'I DUS SU BLA MA THA MAL BPA'I RNAM PAR BYON NAS SKU MTHONG GSUNG THOS TE BLANG DOR GYIS GNAS MTHA' DAG PHYIN CI MA LOG PAR MA MDZANGS MAS BU GSO BA BZHIN DU RANG GI BLO DANG 'TSAMS PA'I CHOS GSUNGS SHING SANGS RGYAS DNGOS SU BYON KYANG LAM 'DI LAS GZHAN LHAG PO STON RGYU MED PA DANG, SNGON RDO RJE 'CHANBG GIS MTHA' DRUG DANG TSUL BZHI'I RGYAS BTAB SOGS GAB 'KHRUGS SU GSUNGS PA RNAMS SEMS CAN LA NGAN DU MDZAD PA MA YIN GYI, DE DAG BLA MA'I MAN NGAG DANG PHYAG LEN LA LTOS DGOS TE, BRTAG

, ,GNYIS LAS, GZHAN GYI BRJOD MIN LHAN CIG SKYES, ,GANG DU YANG NI MI RNYED DO, ,BLA MA'I DUS THABS BSTAN PA DANG, ,RANG GI BSOD NAMS LAS SHES BYA, ,ZHES GSUNGS PA'I PHYIR, BLA MA SANGS RGYAS BYANG SEMS GZHAN LAS BKA' DRIN LHAG PAR CHE BAS NA TSUL BZHIN DU BSTEN NAS GDMAS NGAG RNAMS ZHU BA DANG NYAMS SU LEN PA DANG GSOL BA 'DEBS PA SOGS KYI RTEN 'BREL TSOGS PA LA BRTEN NAS TSOGS GNYIS BDE BLAG TU RDZOGS TE CHOS NYID RTOGS PAR 'GYUR BA'I CHED DU RGYAS BTAB BO; ;SPYIR BLA MA DANG PHA MA LA BRTEN PA'I DGE SDIG GANG BYAS KYANG THAMS CAD STOBS SHIN TU CHE BAS TSE STOD KYI LAS TSE SMAD LA SMIN PA DPER NYAS NAS KHYAD PAR BKA; DRIN GSUM LDAN GYI BLA MA DE NI MTSAN DPES SPRAS PA'I SANGS RGYAS KYI SKU JI SNYED BSGOM PA BAS BLA MA'I SKU

YUD TZAM DRAN PA PHYAN YON CHE BA DANG, MDO RGYUD NAS GSUNGS PA'I SNGAGS JI SNYED BZLAS PA BAS MTSAN LAN CIG BRJOD PA PHAN YON CHE BAR GSUNGS PA DANG, BDE STONG LHAN CIG SKYES PA'I YE SHES SKYE MI SKYE'ANG MOS GUS KYI SGO NAS GSOL 'DEBS LA RAG LUS PA MIN PA GZHAN THOS BSAM SOGS JI LTAR BYAS KYANG BDE STONG LHAN CIG SKYES PA'I YE SHES MYUR DU RGYUD LA MI SKYE LA, BLA MA BSAM SBYOR GNYIS GYI SGO NAS TSUL BZHIN DU BST4EN PA DUS GSUM SANGS RGYAS THAMS CAD KYI NGO BOR MOS TE SNYING GI DKYIL RUS PA'I GTING RKANG GI KHONG NAS GSOL BA BTAB NA YUN RING POR MI SKYE SNYAM PA'ANG DUS MYUR BA NYID DU SKYE BA YIN TE BRGYUD 'DEBS SU'ANG LHAN SKYES YE SHES STZOL, ZHES GSUNGS PA DANG, KUN 'DUS NOR BU'I LUGS LA GCER BU'ANG STAG SHAM CAN LAS DAR GYI NA BZA' BYED PA GTAN

, ,MIN PAS PHYAG GA-YAS d'A MA RU PHYI DKAR BA THABS DANG NANG DMAR BA SHES RAB, DE GNYIS GCIG LA TSANG BA BDE STONG DBYER MED GYI CHOS SGRA SGROG PA GSUNG CHOS DKON MCHOG KHA tV'AmGA LHA'I SKU BDE BA CHEN PO ZHES SKU DGE 'DUN DKON MCHOG ,GA-YON THOD PA BDUD RTIS GANG BA 'DZIN PAS BDE STONG GNYIS SU MED PA'I YE SHES THUGS RGYUD LA MNGA' BA'I SANGS RGYAS DKON MCHOG MTSON PA DANG, YANG NA KHA tV'Am GA NI LHA YI SKU ZHES PA YUM MTSON, BLA MA'I SKU SANGS RGYAS, GSUNG DAM CHOS, SKYE MCHED RNAMS DGE 'DUN, CHOS SRUNG RNAMS BKA' NYAN GSUNG SNGOD KYI TSUL DU GNAS PA'I KUN 'DUS TE, THUN MONG BA BSNYEN YIG TU GSAL BA LTAR RO, ,BSDU BA'I TSE DANG POR DBU GTZUG NAS THUGS KAR MAR 'OD DU BSDU, SENG KHRI NAS THUGS KAR YAR 'OD DU BSDU BA DANG,

DE LAS GO LDOG NAS BSDU BA DANG GNYIS LAS, PHYI MA LTAR LEGS TE SBYANG GZHI LA 'CHI BA'I TSE NGAN 'GROR SKYE NA SPYI BO NAS SNYING GA DANG, RKANG MTHIL NAS SNYING GAR DROD BSDU BA DANG, BDE 'GROR SKYE NA DE LAS GO LDOG NAS DROD BSDU BA YIN PAS DE LTAR BYA'O, ,BCAD DON NYAMS LEN SEMS 'DZIN GYI BYA BA LA, GNYIS BRAL 'CHAD DUS ZHAL SHES GNYIS GZHUNG ZUR DU YOD PA RNAMS GZHUNG BZHIN LA, GNYIS BRAL ZHES PA RTZA DBU MA'I MING YIN LA, RGYA SKAD DU AA WA DH'U T'I ZHES 'BYUNG, DE BOD SKAD DU GNYIS SPANGS ZHES BYA STE, LUS LA RTZA'I GTZO BO RO RKYANG DBU GSUM YOD PA LAS, GYAS RO MAR GZUNG BA'I RLUNG RGYU BA DANG, GA-YON RKYANG MAR 'DZIN PA'I RLUNG RGYU BA GNYIS TE GZUNG 'DZIN GYI RLUNG GI RGYU BA BKAG NAS DBU MAR RLUNG ZHUGS GNAS THIM GSUM BYED

, ,PA LA; ZHAL SHES GSUM GYI BLA MA'I RNAL 'BYOR THUN MONG BA NI NYIN DANG PO LA THUN GCIG BYA BA DANG, RDZOGSRIM RTZA DBU MA 'CHAD NA THUN MONG MIN PA DGOS TE RGYAS PA LTAR BLA MA BSKYED PA'I ZHAL SHES NI BLA MA'I RNAL 'BYOR THUN MONG MIN PA STE, DE YANG RANG GI MDUN GYI NAM MKHAR SENG KHRI RGYA DPANGS CHE BA DE'I STENG DU, SNA TSOGS PADMA'I LTE BAR NYI DKYIL DE'I STENG DU ZLA DKYIL GYI DBUS SU NGO BO RANG GI DRIN CAN RTZA BA'I BLA MAR MOS PA BYIN RLABS MYUR ZHING RNAM PA LHA'I RNAM PAR BSGOMS PAS BYIN RLABS CHE BA YIN LA, DE YANG BLA MA LA SANGS RGYAS DNGOS KYI 'DU SHES YOD NA BYIN RLABS CHE BA 'BYUNG BAS LHA'I RNAM PAR MA BSGOM KYANG CHOG LA, LAS DANG PO BA RNAMS LA THA MA LA PA'I RNAM PA 'BYUNG ZHING DE BKAG NAS LHA'I RNAMS PAR MOS PA BYA ZHING, LHA GZHAN DU MOAS PA LAS RDO RJE CHOS SU

MOS NA DE NYID GSUNG RDO RJE 'OD DPAG MED KYI RANG BZHIN YIN PA'I PHYIR DE GDUL BYA'I RGYUD LA PHYAN 'DOGS PA'I RTEN 'BREL YOD CING, SANGS RGYAS RDO RJE CHOS DANG DPA' BO RDO RJE CHOS SU BSGOM TSUL MTHUN MONG DANG MTHUN MONG MA YIN PA'I BZHED TSUL MANG YANG, YAB YUM THUN MONG GI RTZA DBU MA CHE BA BSGOM SKABS SANGS RGYAS RDO RJE CHOS PHYAG GNYIS KYIS RDO RJE DANG DRIL BU 'DZIN PA RUS PA DANG RIN PO CHE;I RGYAN GYIS BRGYAN PA DANG, YUM GYI THUN MONG MIN PA'I RTZA DBU MA CHUNG BA BSGOM SKABS DPA' BO RDO RJE CHOS PHYAG GA-YAS d;A MA RU DANG, GA-YON THOD PA BDUD RTZIS GANG BA 'DZIN PAS MCHAN KHUNG NA KHA tV'AmGA BSNAMS PA RUS PA'I RGYAN DRUG GIS BRGYAN PA, YAB LA KHA tV'Am GA YOD NA YUM DANG YUM LA YOD NA YAB MTSON, DE GNYIS LA MCHOG DMAN GYI KHYAD PAR GTAN NAS MED DE, DPA'

, ,BO RJO RJE CHOS RTOGS PA DMA' BA YOD DAM SNYAM NA DE MIN TE, DPA' BO THAMS CAD KYI MCHOG SGRIB GNYIS BAG CHAGS DANG BCAS PA LAS DPA' BA'I SANGS RGYAS YIN PAS NA, DPA' BO MCHOG GI SPYOD YUL CAN ZHES SOGS 'BYUNG BA'I RGYU MTSAN DU MA YOD, SKU MDOG DMAR BAS BLA MA'I THUGS SLOB MA LA RJES SU CHAGS PA MTSON, LANG TSO DAR LA BABS PA'I MTHAR THUG NI LO BCU DRUG LA 'BYUNG BAS SKU LUS LA KHENGS KHUM SOGS MED PA MDZES SHING 'DZUM PAS RGYAS PA'I LAS DANG, MCHOG MTHUN MONG GI DNGOS GRUB 'GRUB PA MTSON NO, ,TH'U KVAN CHOS KYI NYI MAS 'DI LA PHYI NANG GSANG GSUM YOD DE, DPA' BO RDO RJE CHOS PHYI, SANGS RGYAS RDO RJE CHOS NANG, DE LA YUM PHAG MOS 'KHYUD PA GSANG BA STE DE LTAR BSGOM PA BLA MA'I MAN NGAG LAS 'BYUNG

GSUNG, SENG KHRI DE'I MTHAR BRGYUD PA'I BAL MA RNAMS LA SENG KHRI CHUNG BAR RE RE STE MDUN DU DGU, PHYOGS GZHAN GSUM LA BRGYAD RE BSAM LA DE RNAMS KYI STENG DU PAD ZLA'I GDAN LA MDUN DU RDO RJE 'CHANG NAS BZUNG, GA-YON BSKOR GYIS RDO RJE 'CHANG GI GA-YAS SU DGA' LDAN DAR RGYAS KYI BAR THAMS CAD NGO BO BLA MA DE DANG DE YINB PA LA RNAM PA RDO RJE CHOS KYI RNAM PA SHA STAG GIS BSKOR BA'I GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO STE GNAS GSUM RDO RJE GSUM GYIS MTSAN PA'I H'Um YIG LAS 'OD ZER PHYOGS BCUR SPROS PAS BLA MA YI DAM SOGS TSIG RIS BZHIN SPYAN DRANGS NAS RE RE LA'ANG TSOGS ZHING CHA TSANG BA RE THIM PAS RE RE'ANG SKYABS GNAS KUN 'DUS KYI NGO BOR GYUR PAR BSAM MO, ,DE NAS LUS KYIS PHYAG 'TSAL BA, YID

, ,KYIS DAD GUS DRAG POS GSOL BA BTAB PAR MOS, TSIG DON NI, BLA MA GANG GI BKA' DRIN GYIS MTHAR THUG PA'I BDE BA CHEN PO'I GNAS SKAD CIG GIS TE, SNYIGS DUS KYI TSE THUNG GCIG LA NI THOB PAR 'GYUR BAR MDZAD PA'I BLA MA RIN PO CHE DBANG GI RGYAL PO LTA BU'I RDO RJE CAN TE RDO RJE 'CHANG GI ZHABS KYI PADMO LA GUS PAS 'DUD PA NI PHYAG 'TSAL BA STE nA MA STE RAB TU 'DUD PA'O, ,ZHES GSUNGS PA LTAR RO, ,DE NAS NYER SPYOD 'BUL BA LA TSOGS ZHING MCHOD PA DNGOS SU MI SHOMS PA GZHUNG PHAL CHER NAS BSHAD PA LTAR BYA LA, RANG GI THUGS KA NAS ZHES SOGS KYI TSE BAm GYI N'A DA LAS 'OD ZER GYI SNE LA MCHOD LHA MCHOD RDZAS THOGS PA SPROS TE 'BUL, SGU MDOG NI MCHOD YON MA, ZHABS BSIL MA, ME TOG MA GSUM DKAR MO, BDUG

SPOS MA DUD KHA, SNANG GSAL MA DMAR SER, DRI CHAB MA LJANG GU, ZHAL ZAS MA SNA TSOGS MDOG ,ROL MO MA LA GSAL KHA MED KYANG SNGON MO'AM SNA TSOGS PA SPROS NA YONG BAR MNGON ZHING ROL MO'I BYE BRAG ,RDZA RNGA, RNGA ZLUM, ZOM RNGA, RNGA BO CHE, DUNG; RGYA GLING, PI WANG RGYUD GCIG PA, ZNGAS DUNG, SIL SNYAN SOGS DPAG MED THOGS PA'O, ,THAMS CAD PHYAG BZHI MA, DANG PO GNYIS KYIS RDOR DRIL 'DZIN PA, 'OG MA GNYIS MCHOD RDZAS THOGS PA, AOm GYI TSE SE GOL PHYIR GTOG CING LHA MO SPRO, SV'A H'A'I TSE NANG DU GTOG CING LHA MO RNAMS SNGAR GYI SPRO GZHI N'A DA LA BSDU, SNGAGS DON NI, AOm LA AA AU MA GSUM YOD PAS SKU GSUNG THUGS MTSON PAS NA RDO RJE GSUM GYI NGO BO'I MCHOD YON SOGS DANG KYE RDO RJE ME TOG MA ZHES POS

, ,LA; BDE STONG DBYER MED GYI ME TOG LA SOGS TSOGS ZHING RNAMS LA PHUL BA SO SOR BZHES LA THUGSBDE STONG LA GZHI TSUGS ZHES PA'O, 'DOD YON 'BUL BA NI, AA DAR SHE NI ME LONG MA STE GZUGS RDO RJE MA DKAR MO PHYAG GA-YAS DANG PO NA ME LONG DMAR PO NGOS GNYIS PA STONG GSUM GYI GZUGS MDZES THAMS CAD GSAL BAR NUS TSOGS ZHING RNAMS KYI SPYAN GYIS GZIGS PAS BDE STONG 'KHRUNGS PA PHYI DANG, LHA MO DE'I GZUGS SHIN TU MDZES PA GZIGS NAS BDE STONG 'KHRUNGS PA NI NANG NGO, ,'OG MA NA d'A MA RU, GA-YON DANG PO NA KHA tV'Am, 'OG MA NA THOD PA BDUD RTZIS GANG BA 'DZIN PA, GA-YAB DANG POR RANG RANG GI SKBAS GANG YIN GYI MCHOD RDZAS DANG LHAG MA RNAMS 'OG MA KUN LA RIGS 'GRE, TING 'DZIN PIR GYIS BRIS PA'I SMIN

LEGS GZUGS, ,ZHES SOGS GSUNGS PA LTAR SHIN TU MDZES PA'I RNAM PAR SPRO BA, BI NI SGRA STE SKU MDOG SNGON MO MEE d'URYA'IPI WANG BRDUNG BA SNYAN PA PHYI DANG, DE'I NGAG NAS SGRA DRUG 'BYINPA NI NANG, GANDHE DRI STE SKU MDOG SER MO DRI'I DUNG CHOS 'DZIN PA PHYI DANG, KHA NAS AUTPA LA'I DRI 'BYUNG BA NANG, RA SE RO RDO RJE MA STE SKU MDOG DMAR MO RIN PO CHE'I SNOD RO THAMS CAD GYI NANG NAS MCHOG TU GYUR PA SBRANG CHANG GIS BKANG BA 'DZIN PA PHYI DANG, LJAGS DANG KHYAD PAR SKU LA 'KHYUD NAS MA MCHU'I RO MYONG BA NANG , SPARshE REG BYA RDO RJE MA STE SKU MDOG LJANG GU PA NYA TZA LI KA'AM KHA DOG SNA TSOGS PA'I GOS THOGS PA PHYI DANG, CHOS 'BYUNG GI RE BYA MYONG BA NANG, DHARME CHOS TE SKU MDOG DKAR MO CHOS 'BYUNG MTHING NAG CHOS SKU 'GYUR MED GRU GSUM GYI RNAM THAR SGO GSUM

, ,NI; STONG PA NYID DANG, SMON PA MED PA, MTSAN MA MED PA MTSON PA 'DZIN PA DANG, SNGAGS DON NI, 'BRU GSUM GYIS SKU GSUNG THUGS, BADZRA RDO RJE STE GZUGS RDO RJE MA LA SOGS PA'I RDO RJE GSUM GYI NGO BO'I 'DOD YON 'BUL BA, SPYIR CHU BZHI LA MA NING GI RTAGS DANG NYER SPYOD LA MO RTAGS DANG, RO MO LA PHO RTAGS 'ONGS BA STAG TSANG LO TZTSA BAS BSHAD 'DUG PA DGOS GNAD KHYAD PAR CAN ZHIG YIN NAM SNYAM STE CHU BZHI RANG GIS 'BUL BA'I MA NING GI RTAGS DANG, NYER SPYOD SOGS RANG GI THUGS KA NAS LHA MO SPYOS NAS 'BUL BA'I MO RTAGS DANG, ROL MO LHA MO 'DIS 'BUL ZHES PA'I GSAL KHA RGYA GZHUNG RNAMS LA MED PA'I PHO RTAGS BYAS PA YIN PAR SNANG NGO, ,'DI SKABS GZUGS MDZES PA SGRA SNYAN PA DRI ZHIM PA RO BDA'

BA DANG, MI MDZES PA MI SNYAN PA SOGS DUG GSUM SKYE BA'I JI SNYED PA THAMS CAD PHUL NAS GSOL BA 'DEBS PA YIN, MCHOD PA YIN NA DE KHO NA NYID KYI MCHOD PA YIN PAS KHYAB STE, ME TOG SOGS PHYI'I MCHOD PA, DE SPYAN GYIS GZIGS PA'I DBANG SHES 'KHOR GYI TSOR BA BDE BA 'KHRUNGS PA NA NANG GI MCHOD PA, DES DE MA THAG RKYEN BYAS PAS YE SHES 'KHOR GYI TSOR BA BDE BA 'KHRUNGS PA GSANG BA'I MCHOD PA, DE'I RKYEN GYIS BDE STONG DBYER MED KYI YE SHES 'KHRUNGS PA DE KHO NA NYID KYI MCHOD PA'O, ,ZHES GSUNGS SO, ,NANG MCHOD SNYING PO'I LHA MO DKAR SER DMAR LJANG BZHI'AM YANG NA RO RDO RJE MAS 'BUL, SNGAGS DON NO, AOm NI SNGAGS KYI MGO 'DREN, GU RU BLA MA, BADZRA RDO RJE, DHARMA CHOS, SA PA RI W'A RA

, ,'KHOR DANG BCAS PA, 'BRU GSUM NI RDO RJE GSUM GYI NGO BO STE, BLA MA RDO RJE CHOS 'KHOR DANG BCAS PAS RDO RJE GSUM GYI RANG BZHIN GYI BDUD RTZI GSOL BAR BSAM, DE NAS DKON MCHOG GSUM LA ZHES SOGS TSIG RKANG GNYIS KYIS SKYABS GSOL SNGON DU 'GRO BA'I BSHAGS PA, 'GRO BA'I ZHES PA TSIG GCIG GIS RJES SU YI RANG, SANGS RGYAS ZHES PA GICG GIS BYANG CHUB KYI SEMS BZUNG BA, SANGS RGYAS CHOS ZHES SOGS KYIS SKYABS 'GRO, RANG GZHAN ZHES SOGS GNYIS KYIS SMON SEMS BZUNG BA, BYANG CHUB MCHOG GI ZHES SOGS GSUM GYIS 'JUG SEMS BZUNG BA, 'GROL ZHES PA GCIG GIS BSNGO BA'I YAN LAG STE SNGAGS LUGS KYI BDUN RNAM DAG BYA BA NI, SDOM PA SNGAR MED GSAR DU SKYE BA DANG NYAMS PA SOR CHUD PA

MED KYANG SNGAR YOD GONG 'PHEL DU 'GRO BA'I MCHOD PA'I YAN LAG TU BSDU'O, ,RANG LUS TSOGS SU 'BUL BA LA, RNYING MA RNAMS KU SU LU ZHES PA'I DON MA BCOS LHUG PA DANG, SA CHEN SOGS GSAR MA RNAMS KUN S'A LI ZHES PA DGE BA CAN LA 'JUG PAS DAG PA YIN ZHES TUSL GNYIS LAS DON DGE RTZA BSKRUN PA LA ZER BA'I DON 'DRA BAS 'DU SHES GSUM PA ZHES BYA STE, DE LA YANG ZA BA DANG NYAL BA DANG BSHANG GCI 'DOR BA STE DE GSUM LAS GZHAN GANG YANG MI BYED PA BYED LUGS NGAN PA'I TSAD LA YANG ZER ZHING, PHYI'I SNANG TSUL MKHAS PA DANG, GRUB PA SOGS KYI TSUL MED PAR NYAL NAS SDOD PA LTA BU'I SPYOD LAM DE'I NGANG NAS BDE STONG GNYIS SU MED PA'I YE SHES LA RTZE GCIG TU MNYAM PAR BZHAG BZHIN PA'I NGANG NAS LUS YAR MGRON LA

, ,MCHOD PA, MAR MGRON LA SBYIN PA GTONG BA STE, MI MNGON PA'I TSOGS RLABS CHEN GSOG CING, DE LAS GZHAN PA'I ZAS DANG BSHANG GCI 'DOR BA TZAM MA GTOGS KHA 'DON PHYAG MCHOD SOGS MI BYED PA ZHIG LA KU S'A LI'AM KUN SU LU'I TSOGS GSOG CES GSUNGS SO, ,DE LA RANGS SEMS LUS DANG BRAL NAS DANG MA BRAL BAR 'BUL BA GNYIS NI PHYI MA LTAR LEGS TE, GCOD GZHUNG DU 'BYUNG BA LTAR BDAG GIS SNGON DU LUS GRANGS MED BLANGS KYANG DON MED DU SONG 'DUG ,DA LAN DAL 'BYOR GYI RTEN RNYED PA'I SKABS 'DIR MA GYUR SEMS CAN RNAMS SGROL BA'I PHYIR SANGS RGYASMYUR DU THOB PAR BYA, DE'I PHYIR DU LUS 'DI BLA MA LA PHUL NAS DON DANG LDAN PA ZHIG BYA'O SNYAM PA BYAS RJES RANG SEMS RDO RJE RNAL 'BYOR MAR GSAL BA ZHES SOGS

KYI TSE, SNYING GA'I RANG SEMS BAm YIG DE RNAL 'BYOR MA MTHEB SOR TZAM DU GYUR PA RTZA DBU MA'I LAM RGYUD SPYI BO NAS RGYANGS KYIS THON PA NAM MKHAR GNAS NAS CER GYIS BLTAS PAS RANG LUS THA MAL PAR GYUR PA DE SHING SDOD BCAD PA BZHIN RGYAB PHYOGS SU LING GIS 'GYEL BA, SHIN TU CHE BA, TSO ZHING SNUM PA, GZI BRJI CAN DU GYUR, RANG SEMS RDO RJE RNAL 'BYOR MAR GSAL BA BYA RGOD RO LA BABS PA LTAR PHUNG PO'I 'GRAM DU SONG NAS GA-YON SKOR LAN GSUM BYA BZHIN PAR BDAG GIS SNGON LUS GRANGS MED BLANGS KYANG ZHES SOGS GONG BZHIN BSAM, GA-YAS PA GRI GUG GIS DPRAL LTAG SOGS SU NYUG TZAM RE BYAS NAS THOD PA BKOGS PA, PHYI DKAR LA NANG DMAR BA DE YAm LAS RLUNG DKYIL RAm LAS ME DKYIL GYI STENG MI MGO'I SGYED PU RE RAB TZAM GSUM

, ,GRUB PA'I STENG DU DPRAL BA TSOGS ZHING LA BSTAN NAS BSKYON PA'I KHYED DE KHYED DE RGYA STONG GSUM LTAR SHIN TU CHE BAR GYUR BA'I NANG DU, RKANG PA GA-YON, DE NAS GA-YAS, LAG PA GA-YON, DE NAS GA-YAS, BUM STIR RNAMS GO RIM BZHIN DUM BU GSUM GTUB TU BTANG, MGO BO DANG BCAS PA THOD PAR BLUG PAS SHA'I RI BO, KHRAG GI RGYA MTSO, RGYU MA'I GRAM KHROD CHEN POR GYUR PA'I STENG DU AOm A'A: H'Um BRTZEGS TE GNAS PAR BSAM, 'OG GI RLUNG GA-YOS ME SBAR THOD PA'I NANG GI SHA KHRAG RNAMS KHOL BA'I RLANGS PA 'BRU GSUM LA PHOG PAS DE LAS 'OD ZER DKAR DMAR MTHING GSUM SPROS PAS PHYOGS BCU'I DE BZHIN GSHEGS PA DANG DPA' BO DANG RNAL 'BYOR MA THAMS CAD KYI SKU GSUNG THUGS KYI BYIN RLABS RNAMS 'OD ZER DKAR DMAR MTHING GSUM GYI

RNAM PAR SPYAN DRANGS PA 'BRU GSUM LA STIM PA'I RKYEN GYIS MGO MJUG LDOG NAS H'Um THOD PAR LHUNG BAS GA-YON SKOR DU LAN GSUM DKRUGS PAS KHA DOG DRI NUS KYI SKYON SBYANGS, A'A:SA BDUD RTZIR BSGYUR, AOm GYIS MANG POR SPEL BAR BSAM LA 'BRU GSUM LAN GSUM BRJOD NAS NA PA MED PA SMAN, 'CHI BA MED PA TSE, ZAG PA MED PA YE SHES KYI BDUD RTZIR GYUR POS, BDUD RTZI KHA DOG DKAR PO RO MNGAR BA REG BYA SHIN TU BSIL BA, MYONG BA REG PA MTHONG BA TZAM GYIS SHI NAS ZHAG BDUN SONG RUNG GSOS NGES PA'I NUS PA PHUN SUM TSOGS PAR GYUR PAR BSAM, DE NAS RTZA BRGYUD KYI BLA MA RNAMS KYI MDUN PHYOGS SU SH'AKYA THUB PA LA DKON MCHBOG SRI ZHU'I MGRON GYIS BSKOR BA, GA-YAS PHYOGS SU 'JAM DBYANGS LA DPAL MGON YON TAN GYI MGRON GYIS BSKOR BA, GA-YON

, ,PHYOGS SU SPYAN RAS GZIGS LA RIGS DRUG SNYING RJE'I MGRON GYIS BSKOR BA, RGYAB PHYOGS SU PHYAG RDOR LA GDON BGEGS LAN CHAGS KYI MGRON GYIS BSKOR BA RNAMS SKAD CIG GIS BSAL BTAB LA, RANG SEMS RDO RJES RNAL 'BYOR MA ZHES PA'I SKABS THUGS KA'I BAm GYI N'A DA LAS RANG 'DRA'I RNAL 'BYOR MA THOD PA THOGS PA DPAG MED SPROS PA RNAMS KYIS BDUD RTZI NAS LUM LUM BCUS TE TSOGS ZHING RNAMS KYI SKU MDUN DU BZUNG BAS LJAGS RDO RJE RTZE GSUM PAR GYUR PA'I DBU RVA LA SPU GU YOD PA NAS 'OD ZER DKAR PO SBUBS CAN 'PHROS PA THOD PA'I NANG GI BDUD RTZIR ZUG NAS GSOL BAS THUGS RGYUD LA ZAG MED KYI BDE BA SKYES, BDE BAS STONG PA NGES PA'I BDE STONG DBYER MED KYI YE SHES THUGS RGYUD LA 'KHRUNGS PAR BSAM ZHING RANG GIS BLA MA RIN PO CHE BDAG GI LUS

TSOGS SU BZHES SU GSOL, BDAG GI SDIG SGRIB NYES LTUNG THAMS CAD DAG PAR BYIN GYIS BRLAB TU GSOL, BDAG GI TSOGS GNYIS BDE BLAG TU RDZOGS PAR BYIN GYIS BRLAB TU GSOL, ZHES GDUNG SHUGS DRAG POS GSOL BA 'DEBS BZHIN RTZA BA'I BLA MA LA DMIGS NAS LAN GSUM BRJOD PA NI SKU GSUM THOB PA MTSON, BRGYUD PA'I BLA MA RNAMS LA LA NA RE'AM DE RNAMS DANG DKON MCHOG SRI ZHU'I MGRON LA RGYAL PO LA DPYA KHRAL 'BUL BA'I TSUL DANG, MGON PO YON TAN GYI MGRON LA GROGS MCHED LA STON MO 'BYED PA'I TSUL DANG, RIGS DRUG SNYING RJE'I MGRON LA NGAN SLONG LA SBYIN PA GTONG BA'I TSUL DANG, GDON BGEGS LAN CHAGS KYI MGRON LA BUN BDAG LA BU LON 'JAL BA'I TSUL DU LAN RE STE LAN BDUN NI KHA SBYOR YAN

, ,LAG BDUN LDAN MTSON ZHING DE YANG YAR MGRON RNAMS LA DAD PAS KUN NAS BLANGS TE PHUL BAS ZAG MED KYI BDE BAS MNYES SHING TSIM NAS BDE STONG DBYER MED KYI YE SHES THUGS RGYUD LA GSAR DU 'KHRUNGS PAR BSAM ZHING, MAR MGRON RNAMS KYANG SKAD CIG LA SGRIB GNYIS DAG TSOGS GNYIS RDZOGS TE LUS LONGS SKU RNAL 'BYOR MA DANG, SEMS RTOG MED CHOS SKU THOB NAS RANG RANG GI DAG ZHING DU GSHEGS, RTZA BRGYUD KYI BLA MA MA GTOGS PA'I YANG MGRON RNAMS RANG LA BSDU, YANG NA MAR MGRON GNYIS PO BRGYUD PA'I BLA MA RNAMS LA BSDU, RANG LAS SPROS PA'I MKHA' 'GRO RNAMS DANG RLUNG ME THOD PA SOGS MI DMIGS PAR BSAM LA, MCHOD YUL MCHOD MKHAN MCHOD PA RNAMS LA 'KHKOR GSUM MI DMIGS PA'I BDE

STONG GI RGYAS 'DEBS BYA, SNGA RABS RNAMS 'KHRID CHEN BZHI GAL CHE BAR GSUNGS KYANG, RJE RIN PO CHI DAM SDOM SRUNG BA LAS GAL CHE BA GTAN NAS MED GSUNGS PA LTAR RIGS LNGA SOGS KYI KHONGS NAS KHRID CHEN BZHI LHAG DANG BCAS PA THON LUGS GSUNGS, BZHI PA TSOGS GSOG LA MAndALA GYI KHRID NI, MAndALA DANG BLA MA'I RNAL 'BYOR GNYIS PO GCIG TU BSDUS TE 'BUL YUL BLA MA BSKYED PA DANG, BLA MA'I RNAL 'BYOR GYI KHONGS SU MAndALA'BUL BAR BSHAD, DE NI KHRID YIG LOGS SU YOD STABS DER LTOS ZHES RGYAS PAR MA GSUNGS SHING, THOG MAR TSOM BU SO BDUN MA TSAR GICG ,DE NAS BDUN MA 'BUL BA LA, AOm BADZRA BHU MI ZHES PA NAS, BYANG SGRA MI SNYAN, NYI MA, ZLA BA, GBUS SU LHA DANG MI'I

, ,DPAL 'BYOR PHUN SUM TSOGS PA MA TSANG BA MED PA 'DI DAG DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS LA DBUL BAR BGYI'O, ,DE'I TSE TSOGS ZHING RNAMS KYI PHYAG TU MAndALA RE RE BYUNG BAR BSAM LA NGO BO TSOGS GNYIS MTHAR PHYIN PA'I SPANGS RTOGS YIN PA LA RNAM PA BDUD RTZI DKAR PO 'OD ZER GYI RNAM PAR RANG GI SPYI BO NAS THIM PAS BDE STONG GI YE SHES SKYES PAR BSAM PA YANG BYA, ZHES THUN RER CIG 'GRUB BAM NYER BDUN NYUNG MTHAR 'BUL, DE RJES TSOM BU NYER GSUM MA TSAR GCIG, RGYUN PAR 'JUG PA BDE BAR BYED 'DOD NA TSIGS BCAD GCIG GIS 'BUL TSUL BLO LHAN SKYES KYI BDE BA'I NGO BOR MOS PA NI GSANG BA'I MAndALA DANG, DES STONG NYID LA NGES SHES CI YOD BSKYED PA NI DE KHO NA NYID KYI MAndALA DANG, DE GNYIS

KYIS LHAN CIG BYED PA'I RKYEN LAS SKYES PA'I YE SHES DE NYID KYIS GZUNG BYA'I YUL RNAMS PHUNG KHAMS SKYE MCHED KYI RGYU LAS BYUNG BA NI NANG GI MAndALA DANG, RI RAB GLING BZHI GLING PHRAN BRGYAD, RIN CHEN NI, RGYAL SRID SNA BCUN, GTER CHEN PO'I BUM PA, NYI MA DANG ZLA BAR BCAS PA STE TSOM BU NYER GSUM MA'I RNAM PAR SHAR BA PHYI'I MAndALA TE, 'DI NYID SKYABS MGON DAM PA THUGS RJE DANG BKA' DRIN TSE RABS THAMS CAD DU GZHAL BAR DKA' BA'I RDO RJE CAN GYI BLA MA KHYED LA SNYING THAG PA NAS 'BUL BA STE DBUL BAR BGYI, ZHES SNGAGS LUGS LA 'BREL SHIN TU CHE, ZHES PA 'DI LTA BU'I NYAMS LEN GYI SDOMS NI, TSIG NYUNG DON RGYAS MKHAS PA MGU BA BSKYED PA'I GNAS SAM SNYAM, DE NAS BRGYUD 'DEBS NGAG 'DON

, ,LTAR BYAS NAS GSOL BA SHUGS DRAG BTAB LA, TING NGE 'DZIN GYI DBANG BZHI LEN PA LA BRGYUD PA STIM NAS DANG MA STIM PAR LEN PA GNYIS LAS PHYI MA LTAR LEGS TE, SKYABS GNAS KUN 'DUS ZHES SOGS KYIS RTZA BA'I BLA MA LA PHUR TSUGS KYI GSOL BA LAN GSUM BTAB PAS, GNYIS PA'I TSE RTZA BA'I BLA MAS DBANG BZHI BSKUR MI BSKUR 'DRI BA'I TSUL DU SPYAN 'KHOR RO RO GA-YON SKOR DU GZIGS PAS BSKUR MI BSKUR GNANG BA ZHU BA DANG GSOL BA 'DEBS PA'I TSUL MDZAD, GSUM PA'I TSE BRGYUD PA'I BLA MA RNAMS KYIS GNANG BAS 'THUS ZHES PA'I BRDAR RTZA BA'I BLA MA LA SPYAN CHER GYIS GZIGS PAS GNANG BA STER BA DANG PHYAG THAL MO MDZAD NAS GSOL BA 'DEBS PA'I TSUL MDZAD DE, BSKUR BAR

ZHAL GYIS BZHES PAR BSAM LA, BLA MA'I SPYI BO'I AOm LAS BDUD RTZI DKAR PO'I RGYUN BABS RANG GI SPYI BOR THIM, BUM PA'I DBARNG THOB, LUS KYI SGRIB PA DAG ,LAM BSKYED RIM BSGOM PA LA DBANG, 'BRAS BU SPRUL SKU 'GRUB PA'I NUS PA BZHAG ,MGRIN PA'I A'A: LAS BDUD RTZI DMAR PO'I RGYUN BABS RANG GI BGRIN PAR THIM, GSANG BA'I DBANG THOB, NGAG GI DRI MA DAG ,LAM RDZOGS RIM BSGOM PA LA DBANG, 'BRAS BU LONGS SPYOD RDZOGS SKU 'GRUB PA'I NUS PA BZHAG , THUGS KA'I 'Um LAS BDUD RTZI SNGON PO'I RGYUN BABS RANG GI SNYING GAR THIM, SHES RAB YE SHES KYI DBANG THOB, YID KYI DRI MA DAG ,LAM PHO NYA BSTEN PA LA DBANG, 'BRAS BU CHOS SKU 'GRUB PA'I NUS PA BZHAG ,GNAS GSUM NAS CIG

, ,CAR DU BDUD RTZI'I RGYUN BABS RANG GI GNAS GSUM DU THIM PAS TSIG DBANG RIN PO CHE THOB, SGO GSUM GYI BAG CHAGS DAG ,LAM BSAM GYIS MI KHYAB+ LA DBANG, 'BRAS BU NGO BO NYID SKU 'GRUB PA'I NUS PA BZHAG ,DE YAN CHAD BLA MA BSKYED PA'I ZHAL SHES SO, ,BLA MA STIM PA'I ZHAL SHES NI, DUS GSUM SANGS RGYAS THAMS CAD CHES SOGS GSOL BA LAN GSUM GDAB PAR BYA STE, BDAG GI RGYUD SKAD CIG SNGA MA LAM DAG PA'I SHES PA 'DI SKAD CIG PHYI MA DAG PA'I YE SHES SU BSGYUR BAR BYIN GYIS BRLAB TU GSOL SNYAM PA DANG, RGYUD DANG RGYUN GNYIS DON GCIG PAS SKAD CIG PHYI MA DE SKAD CIG SNGA MA 'DAS PA'I RIGS 'DRA'I RGYUN GYI SKAD CIG SNGA MA SKAD CIG PHYI MA MIN LA SKAD CIG PHYI MA YANG

SKAD CIG SNGA MA MIN NO, ,RDO RJE 'CHANG RDO RJE RNAL 'BYOR MAR STIM, DE'I SENG KHRI'ANG RNAL 'BYOR MA'I SENG KHRI LA STIM PA SOGS BLA MA LNGA MA SNGAMS PHYI MA PHYI MA BYIN GYIS BRLABS NAS RTOGS PA MNYAM STE THUGS YID GCIG TU 'DRIS PA'I TSUL DU GA-YON SKOR DU BSDUD PA DANG, PHYI MA PHYI MAS SNGA MA SNGA MA'I YON TAN RNAMS BRNYES PA'AM RTOGS PA'I TSUL DU GA-YON SKOR DU BSUD PA GNYIS GANG BYAS KYANG 'GAL BA MED MOD, NGAG 'DON DU SNGA MA LTAR YOD PAS DE BZHIN BYA, RTZA BA'I BLA MA YANG RANG LA RJES SU CHAGS PA ZHES PA DANG BRTZE BA SNYING RJE CHEN PO DON GCIG YIN PAS LTEM GYIS ZHU, HRIL GYIS 'DRIL, NAR GYIS BYUNG, ZHOS GSUNGS PA LTAR SENG KHRI NAS YANG THUGS KA'I BAR DANG, DBU GTZUG NAS MAR THUGS KAR ZHU NAS 'OD DMAR PO BYI'U'I SGO

, ,NGA TZAM GZI BYIN GYIS NAM MKHA' KHYAB PAR GYUR PA RANG GI SPYI BO NAS ZHUGS, MGRIN PAR SLEBS PA NA BAm YIG TU GYUR PA YE SHES SEMS DPA'I TSUL DANG, SNYING KHAR RANG SEMS BAm YIG TU GSAL BA, DAM TSIG SEMS DPA'I TSUL DU GNAS PA DANG DBYER MED RO GCIG TU GYUR PAR BSAM NAS BDE STONG DBYER MED KYI NGANG LA CIG NAS MNYAM PAR 'JOG PAR BYA STE, SNANG BA SNA TSOGS 'CHAR BA BLA MA SPRUL SKU, BDE BA CHEN PO BLA MA LONGS SKU, STONG PA NYID BLA MA CHOS SKU, STONG NYID LA GNYIS SNANG GIS MA BSLAD PA NGO BO NYID SKU STE BLA MA SKU BZHI'I BDAG NYID RANG SEMS LA TSANG BA YIN PAS DE NI NGES DON GYI BLA MA'I RNAL 'BYOR RAM, RANG SEMS BLA MAR BLTA BA'ANG DE YIN NO, ` ,NUB BZHI PAR MTHAR THUG GI SBYANG

GZHI NGOS BZUNG STE GNAS GSUM GYI MKHA' 'GRO DBANG DU 'DUS PAR BRTEN, LHAN SKYES KYI RNAL 'BYOR MAS BYIN GYIS BSLABS PAS RTOGS PA NANG NAS 'CHAR TSUL LA SGRO 'DOGS GCOD PA LA, DRUG PA BDAG LHAR BSKYED PA'I RNAL 'BYOR NI SBYANG GZHI RGYA CHE BA, ZAB PA, MTHAR THUG GSUM LAS, DANG PO NI, RANG GI PHUNG PO LANG DANG, KHAMS BCO BRGYAD, SKYE MCHED BCU GNYIS, KUN RTOG BRGYAD CU MA DAG 'KHOR BA'I GNAS RNAMS RGYA CHE, GNYIS PA NI DBU RKYANG RO GSUM, SPYI LO'I RTZA 'DAB SO GNYIS, MGRIN PA'I RTZA 'DAB BCU DRUG ,SNYING GA'I RTZA 'DAB BRGYAD, LTE BA'I RTZA 'DAB RE BZHI, GSANG GNAS KYI RTZA 'DABS SO GNYIS TE RTZA GSUM 'KHOR LO LNGA DANG BCAS PA ZAB PA, GSUM PA NI RANG SEMS LHAN CIG

, ,SKYES PA NI MTHAR THUG GI SBYANG GZHI SKABS DON YIN LA, RANG SEMS LHAN CIG SKYES PA'I DON NI DE YANG SEMS RAGS PA PHRA BA SHIN TU PHRA BA GSUM DU YOD PAS MIG SNA SOGS SGO LNGA'I DBANG SHES RAGS PA DANG, RTZA NYON DRUG NYE NYON NYI SHU SOGS PHRA BA THAMS CAD STONG PA 'OD GSAL GYI SKABS KYI SEMS NI SHIN TU PHRA BA'I SEMS TE, LHAN CIG SKYES PA'ANG GNYUG MA'I SEMS ZHES BYA BA 'DI NYID THOG MED NAS DA PAR YANG MA 'GYUR PA, DA NAS JI SRID BYANG CHUB MA THOB KYI BAR DU'ANG MI 'GYUR ZHING THOB NAS KYANG MI 'GYUR RO, ,DES NA RNAL 'BYOR MA LA PHYI NANG GSANG GSUM LAS THOG MAR GSANG BA'I RNAL 'BYOR MA ZHES BYA BA RANG SEMS LHAN CIG SKYES PA GSAL STONG 'DI YIN LA, DES PHYI NANG GI RTEN 'BREL LA BRTEN NAS LTE

BAR DBU MAR RO RKYANG GIS 'KHYUD PAS NANG GI DBYIBS GRU GSUM AE DANG, DE'I NANG DU KHAMS DMAR PO BAm YIG GI RNAM PAR YOD PA NI NANG GI RNAL 'BYOR MA STE AE BAm MNYAM PAR SBYOR BA, DE NYID PHYI ROL DU 'OG MIN LHAN SKYES KYI RNAL 'BYOR MA, 'DZAM BU GLING GI YUL NYER BZHI SOGS NA BZHUGS PA ZHING SKYES KYI RNAL 'BYOR MA, THUN MONG DANG THUN MONG MA YIN PA'I LAM LA BLO RIM GYIS SBYANGS NAS BSKYED RIM GYI RTOGS PA SNE ZEN SKYES PA NI SNGAGS SKYES KYI RNAL 'BYOR MA STE PHYI MA'O, ,SA LUGS LA LAS LAS SKYES PA DANG, RIGS LAS SKYES PA'I THA SNYAD KYANG MDZAD, DE LTA BU'I RNAL 'BYOR MA GSUM NI, SNGON DU BYIN RLABS KYI SKABS, PHYI'I RNAL 'BYOR MA STIM TSUL, NANG GI RNAL 'BYOR MA BSKYED TSUL, GSANG BA'I

, ,RNAL 'BYOR MA GSAL 'DEBS TSUL RNAMS JI LTA BA BZHIN DU NGO SBUD PA DE'I RGYUN SKYONG BA STE BSKYED RDZOGS GANG LA'ANG DBANG DUS SU BRDA SPRAD PA DE KHA'I RGYUN NYAMS SU LEN PA LAS, LOGS SU BSGOM TSUL GANG YANG MED PAS, 'DIR YANG BYIN RLABS SKABS NGO SPRAD PA DE YANG YANG BSGOMS PAS NANG GI RKYEN LA BRTEN NAS PHYI'I RNAL 'BYOR MA RNAMS DBANG DU 'DU BA STE, DE'I DON YANG TSAR CHEN GYIS, YID 'ONG RGYAL YUM PHYI YI RNAL 'BYOR MA, ,ZHES PA'I DON SNGAGS SKYES ZHING SKYES LHAN SKYES KYI RNAL 'BYOR MA RNAMS KYI RANG ZHAL MTHONG BA'I RTZE DAGSROL BAR SHOG ,CHES DANG, BAm YIG NANG GI RDO RJE BTZUN MO'I MCHOG ,CHES PA'I DON PHYI'I LAS RGYA DANG SNYOMS PAR ZHUGS PA LA BRTEN NAS PHYAG RGYA'I BHA GA NAS RLUNG

SPOS RENG GI DUD PA LTA BU BYUNG BAS NANG GI THUR SEL GYI RLUNG GYEN DU LDOG NAS LTE BA'I BTZUN MO KHAMS DMAR PO ME'I RANG BZHIN DE SBAR BA LA BRTEN NAS SPYI BO'I KHAMS DKAR PO HE RU KA'I NGO BOR GNAS PA DE ZHU, DE GNYIS SNYING KHAR 'DU 'PHROD BYAS PAS NA DE LTA BU'I RANG ZHAL MTHONG BA'I RTZE DAGS ROL PAR ZHOG CES PA DANG, LHAN SKYES BDE STONG GSANG BA'I MKHA' SPYOD YUM, ,ZHES PA'I DON, KHAMS DKAR DMAR GNYIS RTE DAGS ROL PA LA BRTEN NAS BDE BA SKYES, BDE BAS STONG PA NGES PA'I BDE STONG GNYIS SU MED PA'I YE SHES DE LTA BU'I RANG ZHAL MTHONG BA'I RTZE DAGS ROL BAR SHOG CES PA'O, ,SNGAGS SKYES, DE NAS ZHING SKYES, DE NAS LHAN SKYES KYI RNAL 'BYOR MA 'DU BA RNYED PAS BYIN GYIS RLOB PAS NA, RTOGS PA MAS 'CHAR BYIN GYIS YAS RLOB

, ,CES GSUNGS SO, ,BCAD DON NYAMS SU LEN PA SEMS 'DZIN GYI BYA BA LA, THUN MONG DANG THUN MONG MA YIN PA'I SNGON 'GRO BRGYAD PO SONG NAS, DNGOS GZHI LA BSKYED RDZOGS GNYIS LAS, DANG PO LA GNYIS, BYA BA BSGOM BYA'I DON LA THOS BSAM GYI SGRO ('DI LAS MNGAGS GTAM BYED PA DANG 'DRA,) 'DOGS GCOD PA DANG, BYED PA BCAD DON NYAMS SU LEN PA SEMS 'DZIN GYI ('DI LAS MNGAGS NAS BYED 'JUG PA DANG 'DRA BA YIN,) BYA BA'O, ,DANG PO NI, RGYUN KHYER MNGON RTOGS GTONG TSUL RANG RTZOM GYI THOG NAS BYA BA LA, BSAM MI KHYAB KYI BAR MDOR BSDUS BSNYEN YIG LTAR BYA, DE YANG RANG LHAR BSKYED PA TZAM LA BSKYED RIM MI ZER GYI, SKYE SHI BAR DO GSUM RGYAL BA'I SKU GSUM DU YID NGOR BSGYUR BA

ZHIG NGES PAR DGOS PA RJE'I DGONGS PA LCANG SKYAS GSUNGS PA LTAR DGOS, BAm YIG PHAR SPRO BA TZAM LAS SA LUGS LA MI 'BYUNG MOD, SLAR YANG BAm YIG CHUNG DU'I BAR DU TSUR BSDU BA NI RDOGS RIM ZAB MO'I SMIN BYED KHYAD PAR CAN DU 'GYUR BA YIN PAS NGES PAR BSDU DGOS TE, RDZOGS RIM SKABS RIL 'DZIN DANG RJES GZHIG GI SDUD RIM GNYIS LAS PHYI MA DANG RNAM PA MTHUN ZHING, LHAG PAR DU YANG RDZOGS RIM PA RNAMS 'OD ZER PHYIR SPROS PA RNAMS SLAR SPRO GZHI GANG YIN LA NGES PAR BSDU BA DANG, DER MA ZAD SDIG SGRIB SBYONG BA'I DMIGS PA LA YANG PHYIR THON PA MI BYED DO, ,BAm YIG DE YANG JE PHRAR SONG STE STONG PAR BSAM NAS SNANG BA THAMS CAD BSDU BA NI, 'CHI BA CHOS SKU'I LAM KHYER ZHES BYA ZHING, DE LTA BU'I STONG NYID KYI

, ,NGANG LAS RANG SEMS SHIN TU PHRA BA'I BAm YIG NAM MKHAR RDZOGS PA NI BAR DO LONGS SKU'I LAM KHYRE ZHES BYA STE, SA LUGS PHAL CHER LA BAm YIG SOGS PAR DO'I LAM KHYER SKABS 'DIR MI 'BYUNG BAR 'OG TU 'BYUNG YANG, SBYANG GZHI 'CHI BA 'OD GSAL MNGON DU GYUR PA'I TSE 'CHI BA 'OD GSAL 'GAG PA DANG BAR DO GRUB PA GNYIS SRANG MDA'I MTHO DMA' LTAR DUS GCIG TU 'BYUNG BAR GSUNGS KYI, 'CHI BA 'OD GSAL 'GAG NAS RE ZHIG NAS BAR DO GRUB PA'I BAR CHOD PA MA GSUNGS PAS NA DE SPYOD BYED PAR DO LONGS SKU'I LAM KHYER YANG SKABS 'DIR BYED PA ` RJE TZONG KHA PA RJES 'BRANG DANG BCAS PA BZHED PA LTAR BAm YIG BAR DO LOGS SKU'I LAM KHYER NAM MKHAR 'JOG PA RJE LCANG SKYAS BZHED PAR

MA ZAD GRUB CHEN N'A RO PA RANG GIS MDZAD PA'I RGYA GZHUNG DU'ANG YOD PAS DE BZHIN NGES PAR DGOS SO, ,DE NAS CHOS 'BYUNG ZLA BA SNGAGS PHRENG DANG BCAS PA NAM MKHA'I BAm YIG GIS MTHONG BA NA BDAG GIS DE'I DBUS SU SKYE BA BLANGS LA SEMS CAN GYI DON BYA'O SNYAM PA'I 'PHEN PA DANG LDAN PAS ZLA BA'I DBUS SU ZHUGS PA SO9GS LAS RTEN BRTEN PA'I DKYIL 'KHOR DUS GCIG TU LAM GYIS GYUR PAR MOS NAS GO CHA 'GOD PA'I BAR MDOR BSDUS BZHIN BTANG NAS, GNYIS PA LA GNYIS, NGA RGYAL GYI SEMS 'DZIN DANG, RNAM PA'I SEMS 'DZIN NO, ,DANG PO NI, GSAL SNANG YANG DGOS LA GTZO BO NI NGA RGYAL YIN TE, SNANG BAS MI 'CHING ZHEN PAS 'CHING, ZHES THA MAL GYI ZHEN PAS 'KHOR BAR 'CHING BA YIN PAS RANG GI PHUNG

, ,KHAMS SKYE MCHED DE RNAL 'BYOR MAR BSGOM PA YIN TE, DPER NA THAG PA SBRUL DU BSGOM PAS CIR YANG MI 'GYUR BA LTAR, SNGON DU THOB ZIN DE NGA'O SNYAM PAS KYANG MI PHYAN PAS, DES NA SNGON DU TSOGS GNYIS BSAGS PA DE YONGS SU RDZOGS PA'I 'BRAS DUS KYI SKYON KUN ZAD YON TAN KUN RDZOGS KYI RDO RJE RNAL 'BYOR MA DE NGA'O SNYAM DU SEMS RTZE GCIG TU BYAS NAS THUN 'DI TZAM GYI BAR LA 'DI LAS GZHAN DU MI BTANG NGO SNYAM PA'I BLO MA BYUNG NA TSE GANG GI DGE SBYOR SKYON CAN DU 'GRO BAS DRAN SHES NAR MAR BSTEN NAS BYING RGOD 'GOG TSUL LAM THUN MONG BA LTAR BYAS NAS NGA RGYAL LAS GA-YO MI GA-YO BYAR BYED CING, MI GNAS PA'I TSE ME RI RDO RVA DUR KHROD CHOS 'BYUNG ZHAL PHYAG SOGS LA GSAL SNANG BTON NAS YANG NGA RGYAL LA RTZE GCIG TU 'JOG

CING, NGA RGYAL SPYIR RIGS MANG BAS RAG LAS YON TAN DMAN PA MTHONG BA NA 'DI LAS NGA LHAG GO SNYAM PA DMAN PA'I NGA RGYAL DANG, RANG DANG 'DRA BA MTHONG BA NA 'DI LAS NGALHAG GO SNYAM PA LHAG PA'I NGA RGYAL DANG, MA THOB PA THOB BO SNYAM PA MNGON PA'I NGA RGYAL DANG, RANG LAS CHE BA MTHONG BA NA 'DI LAS NGA LHAG GO SNYAM PA NGA RGYAL LAS KYANG NGA RGYAL DANG, RANG LAS CHES LHAG PA MTHONG BA NA 'DI NGA LAS CUNG ZAD LHAG PA TZAM YIN GYI GZHAN 'DRA'O SNYAM PA'I CUNG ZAD MNYAM PA'I NGA RGYAL, RNYED BKUR GYIS KUN NAS BLANGS TE GRONG CHOG SOGS BYED PA NA GZHAN DON YIN SNYAM PA LTA BU LOG PA'I NGA RGYAL DANG, ZAG BCAS NYER LEN GYI PHUNG PO LA DMIGS NAS NGA'O SNYAM DU 'DZIN PA NGA'O SNYAM PA'I NGA RGYAL TE NGA RGYAL MI 'DRA BA BDUN TZAM YOD PA LAS, MA THOB

, ,MA THOB BO SNYAM PA'I NGA RGYAL DU 'GYUR DOGS NI MED DE, DPER NA DGE SLONG LA DON GYI DGE SLONG DGRA BCOM PA DANG, GSOL BZHI'I DGE SLONG CHO GA'I SGO NAS SGRUB PA DANG, RTAGS TZAM 'DZIN PA'I DGE SLONG DANG, KHAS 'CHE BA'I DGE SLONG RNAMS SU YOD PA LAS, RANG CAG DON DAM PA'I DGE SLONG YIN KYANG CHO GA KHYAD PAR CAN GYI MTHU LA BRTEN NAS RANG YANG DGE SLONG YIN SNYAM PA DANG, DGE SLONG ZHES POS PA NA RANG YIN PA'I BLO SKYE BA YIN PAS MI 'GAL BA BZHIN DANG, YI GE SLOB PA'I TSE THOG MAR GZUGS LEGS PO MI 'BYUNG YANG GI GE YIN PA LTAR DON DAM PA'I RNAL 'BYOR MA MA YIN KYANG CHO GA KHYAD PAR CAN GYIS RNAL 'BYOR MAR BSGOM PAS MTHAR RNAL 'BYOR MA DNGOS GNAS SU 'GYUR, NGA'O SNYAM PA'I NGA RGYAL DU 'GYUR DOGS

KYANG MED DE, 'CHI BA CHOS SKU'I SKABS SU ZAG BCAS KYI PHUNG PO SBYANGS ZIN NAS CHO GA KHYAD PAR CAN LA BRTEN NAS DAG PA'I SNANG BA BSGOMS PA'I PHYIR, ZAG BCAS LA MOS PA 'DOD CHAGS DANG ZAG MED LA MOS PA DAD PA YIN, RNAL 'BYOR MA ZER BA RANG LA ZER BA GO BA'I BAR DU NGA RGYAL 'DZIN DGOS, DE YANG SA LUGS LA ZHAR BYUNG RDZOGS RIM GNYIS SONG MTSAMS SU SEMS 'DZIN 'ONG NA'NG RJE YAB SRAS BSKYED RDZOGS LA RIM BZHIN BSLAB PAR GSUNGS PA LTAR 'DI BZHIN BYAS LA, DE NAS BZLAS DMIGS GSAL BTAB LA DAM BCA' JI YOD KYI GRANGS NYUNG MTHAR BZLA BA, YID BZLAS DANG ZHAR BYUNG RDZOGS RIM GNYIS KYANG LAM TZAM BDAG BSKYED DU YOD PA LTAR NGES PAR BYAS NAS BSAM MI KHYAB THUN MONG BA BYA BA LA RANG GI SNYING KHA'I BAm YIG LAS

, ,'OD ZER SNA LNGA'AM DMAR PO GANG RUNG 'PHROS KHAMS GSUM THAMS CAD KHYAB PAS, GZUGS MED KHAMS STENG PHYOGS SU YOD PA 'GA' ZHIG GIS BSHAD PA LTAR DUS 'KHOR NAS KYANG GSUNGS PAS 'OD ZER SNGON PO'I RNAM PAR BSDUS NAS LUS KYI MGRIN PA'I AOL MDUD YAN GYI STOD KYI CHA LA THIM, GZUGS KHAMS GNAS RIGS BCU BDUN 'OD ZER DMAR PO'I RNAM PAR AOL MDUD NAS LTE BA'I BUG PA YAN GYI BAR GYI CHA LA THIM, 'DOD KHAMS KYI STENG MA GZHAN 'PHRUL DBANG BYED NAS DMYAL BA YAN 'OD ZER DKAR PO'I RNAM PAR LTE BA'I BUG PA MAN GYI SMAD KYI CHA LA THIM, RANG YANG RIM GYIS BSDU BA SOGS GZHUNG LTAR BYAS NAS N'A DA YANG 'OD GSAL DU THIM PA'I TSE BDE STONG DBYER MED LHAN SKYES KYI NGANG DU BZHAG NAS 'BAS DUS KYI RDO

RJE RNAL 'BYOR MA DE NGA'O SNYAM PA'I CHOS SKU LA NGA RGYAL 'JOG ,BDE BA BZHI YOD PA'I NANG NAS LHAN SKYES KYI BDE BA DANG, STONG PA BZHI YOD PA'I NANG NAS N'A DA YANG BSDUS PA'I 'OD GSAL CHOS SKU DANG, LTA BA BZHI YOD PA'I NANG NAS DBU MA THAL 'GYUR PA GSUM LA BLO NUS CI YOD BSKYED, BSAM MI KHYAB CES PA STONG NYID LA ZER BA DANG, ZUNG 'JUG LA'ANG 'JUG PA YIN, 'DI'I THUN MONG DANG THUN MONG MA YIN PA'I MING 'DOGS SHOR BA YIN ZHES LCANG SKYAS GSUNGS PA YANG RJES GZHIG GI SDUD RIM BYAS NAS SNYING KHAR RTZA RLUNG RNAMS 'DU BA DANG DE LA BRTEN NAS DBU MAR RLUNG ZHUGS GNAS THIM GSUM SOGS 'BYUNG BAS RDZOGS RIM GYI SMIN BYED KHYAD PAR CAN DU 'GYUR LA, PHYI MA NI PHYI'I MKHA' SPYOD TZAM DON DU GNYER BA YIN NO, ,DE NAS SPYOD LAM GYI RNAL 'BYOR

, ,NI; STONG NYID SNYING RJE'I NGANG NAS RANG NYID RDO RJE RNAL 'BYOR MA GDAN DANG PHYAG MTSAN MED LA RGYAN YOD PA'I RNAM PAR GSAL NAS BDAG SRUNG BA GO CHA CHUNG BA YI GE'I GO CHA DANG GZHAN SRUNG BA TSAMS RNGAMS SNGAGS KYI SRUNG BA BYA STE SUM BHA NI BRJOD BZHIN DU, MDUN GYI SMIN MTSAMS KYI THAD DU MTHEB 'DZUB GNYIS KYIS SE GOL BYAS LA SHAR DANG STENG GI BGEGS LA TSAMS RNGAMS TE 'JIGS RNGAMS BYA, SNA BA GA-YON NAM BYANG, LTAG PA'AM NUM, RNA BA GA-YAS SAM LHO STE, GA-YON SKOR DANG, DE BZHIN DU SHAR LHO NAS BRTZAMS TE GA-YAS SKOR DU BYA ZHING, SUM BHA NI'I SNGAGS LA 'DRA MIN SNA TSOGS 'DUG KYANG CHO GA GZHUNG DU BKOD PA NI BDE MCHOG RTZA RGYUD KYI DGONGS PA BZHIN, ` RJE RIN PO CHE'I SBAS DON KUN

GSAL DU GSUNGS PA LTAR SNGAGS BTUS TE DAG PAR BYAS SO, ` ,NUM LNGA PAR, SKYE SHI BAR DO GSUM SBYONG BA DANG, BDAG GI GZHI SBYANG BAR SGRO 'DOGS GCOD PA LA, DE YANG GZHI LAM 'BRAS GSUM LAS, BDAG GI GZHI SBYANG BSGYUR DANG GZHAN GYI GZHI SBYANG BSGYUR RO, ,DANG PO LA GNYIS, GZHI SBYANG BA DANG, BSGYUR BA'O, ,DANG PO NI GZHI DANG LAM DANG 'BRAS BU'I GNAS SKABS THAMS CAD DU RNAM PA MTHUN PA ZHIG DGOS PAS, SBYANG GZHI 'DZAM BU GLING GI MI MNGAL SKYES KHAMS DRUG LDAN PA RANG NYID 'CHI BA'I TSE GNYIS SNANG THAMS CAD RIM GYIS NUM NAS 'CHI BA 'DOD GSAL MNGON DU GYUR LA DE SPYOD PA YIN GYI GLING GZHAN DANG SKYE GNAS GZHAN DANG RANG LAS RGYUD THA DAD PA'I GANG ZAG GI 'CHI BA SBYONG BA MA YIN PA DANG, SNGAG BLA MED

, ,KYI SNOD RUNG GI GANG ZAG DE DBANG PO RNO ZHING DBANG PO GNYIS SBYOR GYI BDE BA LAM DU BYED NUS PA ZHIG DGOS PAR RJE RIN PO CHE'I RNAM BZHAG RIM PA'I tIKKARA GSUNGS PA LTAR YIN LA, GLING GZHAN RNAMS NI DBANG PO BRTUL ZHING LONGS SPYOD SHIN TU CHE BAS NA LONGS SPYOD KYI SA PA ZHES TSE RING THUNG DANG, LONGS SPYOD CHE CHUNG, NAD YOD MED, DBANG PO RNO RTUL SOGS PHAL CHER 'DRA BA DANG, DBANG PO GNYIS SBYOR GYI BDE BA LAM DU BYED MI NUS LA, DMYAL BA DANG 'DOD LHA GONG MA BZHI LA DBANG PO GNYIS SBYOR GYI BDE BA MED, SUM CU RTZA GSUM DANG RGYAL CHEN RIGS BZHI'I LHA RNAMS LA DBANG PO GNYIS SBYOR GYI BDE BA YOD KYANG RLUNG 'DU 'PHROD KYI BDE BA TZAM LAS RTZA DANG KHAMS DKAR DMAR MED PAS DE'I BDE BA MED, YI

DVAGS DANG DUD 'GRO LA DBANG PO GNYIS SBYOR GYI BDE BA YOD KYKANG LAS KYI SGRIB PA CHE ZHING DBANG PO RTUL BAS BDE BA LAM DU BYED MI NUS LA, 'DZAM BU GLING PA'I MI MNGAL SKYES KHAMS DRUG LDAN PA NI DBANG PO RNO ZHING LAS KYI SA PA YIN PAS TSE STOD LA BSAGS PA'I LAS TSE SMAD LA SMIN NUS PAS TSE GCIG LA SNGAS RGYAS KYI GO 'PHANG YANG THOB NUS LA, TSE RING THUNG DANG, DBANG PO RNO RTUL DANG, LONGS SPYOD CHE CHUNG DANG, NAD YOD MED SOGS KYI KHYAD PAR SHIN TU CHE ZHING, DE LA BRTEN NAS NGES 'BYUNG DANG, GZHAN LA DMIGS PA'I SNYING RJE SOGS KYANG SKYE SLA, DE LA BRTEN NAS 'OG MIN GYI RNAL 'BYOR MA SOGS KYANG GLING GZHAN LA MI 'BYON PAR 'DZAM BU GLING GI

, ,RNAL 'BYOR PHO MO BYIN GYIS RLOB CING GROGS MDZAD CING, DE'I PHYIR LAM SNA MA ZIN PAS TSE GCIG LA SANGS RGYAS THOB NA 'DZAM BU GLING GI MI MNGAL SKYES KHAMS JUG LDAN PA YIN PAS KHYAB CING, DMIGS BSAL SNGON GYI BAG CHAGS SAD PA RE GNYIS GZUGS KHAMS SOGS LA'ANG 'BYUNG NGO, ,RANG NYID LTA BU 'CHI BA 'OD GSAL MNGON DU GYUR NAS LAM DU SU DPE DANG DON GYI 'OD GSAL 'CHAR BA DANG, 'BRAS DUS SU SPRUL SKU BYE BA THER 'BUM SPRO BA DANG, MDZAD PA BCU GNYIS SOGS STON PA NA 'DZAM BU GLING GI RGYA GAR RDO RJE GDAN KHO NA LA STON GYI GNAS GZHAN DU MI STON PA'I PHYIR 'DZAM GLING MNGAL SKYES KHAMS DRUG LDAN PA ZHES GSUNGS LA, DES NA SNGON DU BSOD NAMS KYI TSOGS GSOG PA NI DPER NA

RANG NYID RGYA NAG GONG MA LTA BUR SKYE BA LEN PAR 'DOD NA TSE 'DIR BSGYUR DU MED PA DE'I RGYU GSOG DGOS PAS MTHONG CHOS LA MYONG 'GYUR DANG, SKYES NAS MYONG 'GYUR DANG, LAN GRANGS GZHAN LA MYONG 'GYUR GYI LAS GSOG THUL YOD PA LAS SKYES NAS MYONG 'GYUR GYI LAS BSAGS TE DE'I RJES SU 'CHI BA 'OD GSAL MNGON DU GYUR NAS GONG MAR SKYE 'GYUR LTA BU'I BAR DO GRUB NAS SLAR GONG MAR SKYE BA LEN PA LTAR, RANG NYID 'BRAS DUS KYI RNAL 'BYOR MA LONGS SKU'I GO 'PHANG THOB PA'I RGYUR GONG GI BSOD NAMS KYI TSOGS GSOG PA NI GONG MAR SKYE BA'I RGYU GSOG PA DANG CHOS MTHUN, DE'I RJES SU CHOS SKU 'GRUB PA'I RGYUR YE SHES KYI TSOGS GSOG PA 'CHI BA CHOS SKU BSGOM PA NI LAS BSAGS NAS 'CHI BA DANG CHOS MTHUN, BAm YIG NAM MKHAR 'JOG

, ,PA BAR NGOLONGS SKU'I LAM 'KHYER NI, GONG MAR SKYE 'GYUR GYI BAR NGO GRUB PA DANG CHOS MTHUN, BAm YIG ZLA BA'I DBUS SU ZHUGS PA NI SKYE BA SPRUL SKU'I THOG MA PHA MA'I KHU KHRAG GI DBUS SU NYING MTSAMS SBYOR BA DANG CHOS MTHUN, ZLA BA BAm YIG LNGAGS 'PHRENG LAS 'OD ZER SPRO BSDU BYED PA NI MNGAL NANG DU RIM GYIS LUS DBYIBSGRUB PA DANG CHOS MTHUN, RANG RDO RJE RNAL 'BYOR MAR GYUR PA NI MNGAL NAS PHYI ROL DU BTZAS PA DANG CHOS MTHUN NO, ,DES NA SBYANG GZHI SBYONG BYED NGO 'PHROD PA NI SHIN TU GAL CHE BAS, DE DAG NGOS ZIN PAR BYAS TE NYAMS SU LEN PA LA, SNYING KHA'I BAm YIG LA BLA MA BSTIM PA BDE STONG GI NGO BOR GNAS PA'I NGANG NAS, BAm YIG DE NYID JE CHER SOD SNGAGS PHRENG LA PHOG BAm YIG DE'I NGO BOR 'BREL DE BZHIN ZLA BA CHOS 'BYUNG RANG LUS SDOD YUL, MTHONG BA'I MTSAMS KYI YUL KHAMS, RGYA PO'I DBANG BSGYUR PA'I RGYAL

KHAMS; MDOR KHAMS GSUM SOGS NAM MKHA'I MTHA' DANG MNYAM PA'I SNOD BCUD THAMS CAD BDE STONG GI RANG BZHIN BAm YIG GCIG PO NYID DU SONG BAR BLO THAG BCAD, SLAR YANG MTHA' NAS RIM GYIS BSDUS TE JE CHUNG JE CHUNG DU SONG NAS SNGAR GYI SNYING KHA'I GO SAR BAm YIG SHIN TU PHRA BA ZHIG TU GYUR PAR BSAM, 'DI'I SKABS BDE MCHOG DRIL BU LHA LNGA'I SDUD RIM DANG MTHUN PAS, BAm YIG CHUNG NGUR GYUR PA'I BAR LA SA CHU LA THIM PAS SMIG RGYU LTA BU'I SNANG BA DANG, LUS MGO BO LA THIM PA'I TSE CHU ME LA THIM PAS DU BA LTA BU'I SNANG BA DANG, MGO BO ZLA TSE SA LA THIM PA'I TSE ME RLUNG LA THIM PAS MKHA' SNANG ME 'KHYER LTA BU'I SNANG BA DANG, ZLA TSES THIG LE LA THIM PA'I TSE RLUNG RNAM SHES LA THIM PAS MAR ME 'BAR BA LTA BU'I SNANG BA STE RTAGS BZHI DANG, THIG LE N'ADA LA THIM

, ,PA'I TSE THOG MAR SPYI BO'I RTZA 'KHOR ZHIG PA'I BYANG SEMS DKAR PO BABS PAS NA SNANG BA DKAR LAM PA, DE NAS LTE BA'I RTZE 'KHOR ZHIG PA NA KHAMS DMAR BO ME'I RANG GZHIN GYEN DU 'BAR BA'I MCHED PA DMAR LAM PA, DE NAS DE GNYIS SNYING KHAR 'DUS PA LA RTEN NAS SNYING KHA'I KHAMS DKAR DMAR SRAN MA ZAL CHAG KHA SBYAR LTA BU'I DBUS SU RLUNG SEMS SHIN TU PHRA BA YOD PA DE THUN PA LA BRTEN NAS NYER THOB NAG LAM PA RNAMS RIM BZHIN 'CHAR, 'DI SKABS DRAN MED DU BRGYAL TE BRGYAL TSABS CHE TSAD SKYON MIN TE DE DANG YUN MNYAM PA'I 'OD GSAL 'CHAR BA DANG, N'A DA YANG MI DMIGS PA STONG PAR SONG BA NA GLOD BYED KYI RKYEN GSUM DANG BRAL BA'I THAMS CAD STONG PA 'OD GSAL 'CHAR BA STE STONG PA BZHI'O, ,

DE DAG THAMS CAD STONG NYID KYI RTZIS ZIN PA GAL CHE ZHING, BDE STONG DBYER MED KYI NGA RGYAL BRTAN PA'I PHYIR SNGAS BRJOD PA LEGS PAR GSUNGS SHING, SNGAGS DON NI, AOm NI SNGAGS KYI MGO 'DREN, SH'U N+YA T'A YUL STONG PA YID, DZNY'A NA YE SHES TE YUL CAN BDE BA CHEN PO, BADRA RDO RJE STE BDE STONG DBYER MI PHYED PA, SVA BH'A WA RANG BZHIN, AATMA KA BDAG NYID AA HAm NI NGA'O ZHES PA'O, ,SNANG NGOR NAD TSUN THAMS CAD BSDUS PA'I SNANG BA THMS CAD STONG SENG NGE BA, MYONG YUL RANG SEMS LHAN SKYES BDE BA CHEN PO'I NGO BOR SONG BA'I BDE SENG NGE BA,

'DZIN STANGS CHOS THAMS CAD RANG BZHIN GYIS GRUB PA RDUL TZAM YANG MED PA'I STONG NYID KYI LTA BA DBU MA THAL 'GYUR BA, DE LTAR RTOGS MKHAN GYI BLO YANG 'BRAS DUS KYI YE SHES CHOS SKU DNGOS YIN SNYAM PA'I NGA RGYAL TE CHOS SKU'I NGA RGYAL 'JOG PA'I RGYU BZHI TSANG BA DGOS SO; ,'DIS LAM DUS SU DPE DANG DON GYI 'OD GSAL 'CHAR BA'I SMIN BYED DU 'GYUR ZHING, DPE'I 'OD GSAL LA GNYIS SNANG PHRA MO YOD LA GNYIS SNANG PHA\RA MO'ANG NUM PA NI DON GYI 'OD GSAL YIN ZHING, 'BRAS DUS SU CHOS SKU 'GRUB PA'I RGYUR 'GYUR PA DANG, GZHI LA 'CHI BA SBYONG BAS NA 'CHI BA CHOS SKU'I LAM 'KHYER ZHES BYA, SKYE 'CHI BAR DO GSUM SBYONG BA NI LAM GYI GNAD MTHAR THUG YIN PA DANG, GONG GI CHOS SKU'I NGA RGYAL 'JOG PA'I RGYU BZHI MA TSANG NA CHOS THAMS CAD STONG PAR LTA BA TZAM MDO LUGS LA YOD PA DANG, DER MA ZAD RGYUD SDE 'OG MA GSUM LA YANG

STONG NYID LA CHOS SKU'I NGA RGYAL 'JOG PA YOD PAS LHAN SKYES KYI BDE BA NI BLA MED KHO NA'I KHYAD CHOS SO, ,GZHAN YANG STONG NYID BSGOM PAS SRUNG 'KHOR GYI MCHOG TU 'GYUR BA SOGS DGOS PA DU MA YOD DO, ,DE NAS GZHAN DON DU CHOS KYI SKU LAS GZUGS KYI SKUR LDANG BAR BYA'O SNYAM PA'I 'PHEN PA BYAS LA, DE LTAR SNANG BA THAMS CAD STONG PA'I NGANG LAS SEMS CHOS SKU DE BZHON PA'I RLUNG GIS NYER LEN BYAS NAS, (MDO PHYOGS LA DPYAD PA MANG PO GTONG DGOS PA DANG, SNGAGS LUGS LA DPYAD PA MANG PO MI GTOR, BTANG NA RLUNG 'DU BA'I GEGS BYED CING, 'ON KYANG BSKYED RIM LA RTAG CHAD KYI MTHA' GNYIS DANG BRAL BA SOGS DPYAD PA PHRAN BU BYA'O,,) SHIN TU PHRA BA'I BAm YIG GI RNAM PAR GYUR PA NAM MKHAR GNAS PA LA LONGS SKU'I NGA RGYAL BYA ZHING, 'JUG PA SGRA LA SOGS PA ZHES BAm YIG ZLA BA DKAR DMAR GYI DBUS SU

, ,'JUG PA YIN TE SGRA ZHES PA N'A DA YIN NA'ANG SOGS KHONGS NAS BAm SOGS GZHAN YANG 'JOG PA STON, DES PHRA BA BAR DO'I LUS MTSON PA STE GZHI DUS SU BAR SRID SBYONG BAS NA BAR DO LONGS SKU'I LAM 'KHYER ZHES BYA, LAM DUS SU DAG MA DAG GI SGYU LUS DANG, 'BRAS DUS SU 'OG MIN DU LONGS SKU 'GRUB PA'I RGYUR 'GYUR RO, ,DE NAS RANG BAm YIG NAM MKHAR GNAS PA'I THAD KYI 'OG TU AE NYIS BRTZEGS BSGOM PAR BYA STE 'OG MA TSUR KHA BSTAN CING, STENG MA KHA PHAR BSTAN PA, DE GNYIS YONGS SU GYUR PA LAS GZHI LA PHA MA GNYIS MTSON PA'I CHOS 'BYUNG NYIS BRTZEGS BSGOM PA LA BSGOM LUGS BZHED TSUL MANG YANG, RANG LUGS CHOS 'BYUNG 'OD KYI RANG BZHIN CAN 'OG MA'M PHYI MA'I ZUR CIG

RGYA BA'AM NUM PHYOGS SU BSTAN PA DANG, CHOS 'BYUNG NANG MA'AM STENG MA NI 'OG MA LA THOGS MED DU SONG BA'I ZUR CIG MDUN NAM SHAR DU BSTAN PA CHE CHUNG DANG STE 'OG PHRAN BU YOD PA'I RNAM PA CAN GRA BZHIR DGA' 'KHYIL DANG BCAS PA, PHYI MAS YUL DANG NANG MAS MA'I MNGAL MTSON, DE'I NANG DU AA DKAR PO ZHIG BYUNG BA 'OD DU ZHU BA LAS PHA'I KHU BA MTSON PA'I ZLA BA DKAR BSIL NYA GANG BA, DE'I STENG GI MTHA' SKOR LA MA'I KHAMS DMAR PO MTSON PA'I SNGAGS PHRENG KHA DOG DMAR PO GA-YON SKOR DU 'KHOD PA DANG, ZLA BA LA DMAR MDANGS CHAGS PA NI, PHA MA GNYIS KYI KHU KHRAG 'DRES PA MTSON, SNGAGS PHRENG 'GOD TSUL BZHED PA MANG YANG PAR DU BRKOS PA 'DI PHAL CHER NGAG DBANG CHOS GRAGS KYI GZHUNG BZHIN

, ,DANG; PHAGS 'GOD TSUL BDE MCHOG RTZA RGYUD LE'U ZHE BRGYAD PA LAS GSUNGS PA LTAR YIN LA RING CHA SOGS YOD MED 'BRU RE RE NAS BLO LA NGES PA GNAD CHE'O, ,DE NAS BAm YIG LONGS SKU'I NGO BOR GNAS PA SO SKYES MI MTHONG BAS RAGS PA'I SPRUL SKU BZUNG NAS SEMS CAN GYI DON BYA'O SNYAM PA'I 'PHEN PA BTANG NAS BAm YIG ZLA BA'I DBUS SU ZHUGS PA NI PHA MA'I KHU KHRAG GI DBUS SU BAR DO BA DE SKYE BA LEN PA DANG CHOS MTHUN PAR ZLA BA DANG DE'I DMAR CHA DANG SNGAGS PHRENG BDE STONG GNYIS MED KYI SANGS RGYAS YAB YUM GYI NGO BOR BSAM LA ZHUGS, ZLA BA BAm YIG SNGAGS PHRENG DANG BCAS PA LAS 'OD ZR 'PHROS 'KHOR 'DAS KYI SNOD BCUD THAMS CAD RDO RJE RNAL 'BYOR MA'I RANG BZHIN DU BYAS, TSUR 'DUS TE BAm YIG SNGAGS

PHRENG DANG BCAS PA LA THIM PA NI MNGAL NANG DU RTZA DANG SHA KHRAG SOGS RGYAS PA MTSON TE, BA'I LUS KYIS MER MER PO, MGO BOS NUR NUR PO, ZLA TSES KYIS STAR STAR PO, THIG LES GOR GOR PO, N'A DAS 'KHRANG 'GYUR SOGS LUS KYI TSA RIM GYIS RDZOGS PA STE AE BAm GZUGS SGRUB KYI SKABS SU AA THUNG DANG YAR LA WA'I YI GE BZHI 'GOD LUGS KYIS BAm YIG GRUB PAS DE LA YI GE DE RNAMS TSANG ZHING DE RNAMS LHA MO BZHI'I SA BON YIN LA, LHA MO BZHIN 'BYUNG BZHI'I RANG BZHIN YIN PAS MNGAL NANG DUS SA 'DZIN, CHUS BSDUD, MES MA RUL BAR SMIN PAR BYED, RLUNG GIS RGYAS PAR BYED PA DANG CHOS MTHUN PA'I LUS KYIS BAR DO BA'I LUS, ZAL TSES KYIS NGAG ,THIG LES YID MTSON, 'BRAS BU LA SKU GSUM MTSON NO, ,LAM DUS SU

, ,CHAGS CAN PHO NYA'I LAM DANG, CHAGS BRAL RNAL 'BYOR GYI LAM GNYIS LAS, DANG PO NI, CHOS 'BYUNG STENG MA RANG DANG, 'OG MA PHYAG RGYA'I LUS, ZLA BA SNGAGS PHRENG GI KHAMS DKAR DMAR MTSON ZHING 'BRAS DUS LA'ANG DE DANG MTSUNGS, GNYIS PA NI, CHOS 'BYUNG 'OG MAS RANG GI LUS, STENG MAS LUS KYI RTZA 'KHOR, ZAL BAS SPYI BO'I BYANG SEMS, SNGAGS PHRENG GIS LTE BA'I BAm YIG MTSHON, BAm YIG SOGS LAS 'OD ZER KHA DOG LNGA'AM, BSDU NA DMAR PO DPAG MED SPROS, 'KHOR 'DIS SNOD BCUD THAMS CAD LA PHOG 'KHOR BA'I SNOD BCUD KYI SKYON SBYANGS TE, 'KHOR 'DAS THAMS CAD KYI SNOD CHOS 'BYUNG DANG, BCUD RNAL 'BYOR MAR BSGYUR, SNOD RNAMS BCUD DANG, + SNGON THOB ZHIN GYI DPA'

BO RNAMS GSAL BA'I RNAL 'BYOR MA RNAMS DANG SNYOMS 'JUG BYED BZHIN DU BYON BAm YIG SNGAGS PHRENG DANG BCAS PA LA THIM ZHING, DE DANG MNYAM DU CHOS 'BYUNG YANG 'OD DU ZHU NAS THIM PAR BSAM NAS BDE STONG LA NGA RGYAL 'DZIN PA GAL CHE, 'OD ZER SPRO BSDU 'DIR RIGS BAm GYI N'A DA LAS SPRO ZHING DER BSDUD PA RLUNG SEMS DBU MAR CHUD PA'I GNAD YOD, 'DI DAG MNGON BYANG LNGA LAS BSKYED PA NI, KHA SBYOR SAMBU tA LAS GSUNGS, SNGON BYANG LNGA GZHAN LA SBYAR BA LAS 'DIR NI SHIN TU RNAL 'BYOR TE, ZLA BA ME LONG YE SHES LDAN, ,DE BZHIN MNYAM NYID YE SHES NYID, ,RANG LHA'I SA BON PHYAG MTSAN NI, ,SO SOR RTOG PAR BRJOD PAR BYA, ,THAMS CAD GICG GYUR BYA NAN TAN, ,GZUGS BRNYAN RDOGS PA DAG PA'O, ,ZHES GSUNGS PA LTAR, SNGAGS

, ,PHRENG GIS MNYAM NYID YE SHES, SA PON DU MA ZAD PHAG MTSAN YANG YIN TE, AE WAm GZUGS GRUB KYI SKABS SU DBUS SU AA THUNG GI GUG GI RNAM PA BZHAG ,CHES BYA BS SOR RTOG YE SHES, ZLA BAS ME LONG YE SHES, 'OD ZER SPRO BSDU BYED PA BYA SGRUB YE SHES, DE RNAMS YONGS SU GYUR PA LAS 'OD KYI PHUNG PO DKAR LA DMAR BA'I MDANGS CHAGS PA SGO NGA'I DBYIBS CAN DE NYID YONGS SU GYUR PA LAS RTEN BRTEN PA'I DKYIL 'KHOR LAM GYIS BSKYED PA NI CHOS DBYINGS YE SHES LAS BYANG CHUB PA STE, DE DAG NI SKYKE BA SPRUL SKU'I LAM KHYER TE DE GZHI DUS SU SKYE SRID SBYONG BA DANG, LAM DUS SU DAG MA DAG GI RAGS PA'I LUS 'GRUB PA'I SMIN BYED DANG, 'BRAS DUS SU GZUGS SKU'I RGYUR 'GYUR PA'O, ,'DI LA

PHRA BA LONGS SKU DANG RAGS PA SPRUL SKU GNYIS LAS PHYI MA'O, ` , GNYIS PA RNAMS PA'I SEMS 'DZIN LA GSUM, RNAM PA SPYI LA SEMS 'DZIN PA, BYE BRAG SO SO LA SEMS 'DZIN PA, LUS KYI SPYI LA SEMS 'DZIN PA'O, ,DANG PO NI, MNGON RTOGS RGYUN KHYER SNGAR BZHIN GO CHA'I BAR BTANG NAS, RAB RTEN BRTEN PA YONGS RDZOGS DANG, BSDU NA SKU GCIG PO LA SEMS 'DZIN BYA STE, ZHAL PHYAG GA-YAS GA-YON, ZHABS GA-YAS GA-YON, SKU BYINGS TE SKU'I CHA BYAD LAM PA SHAR BA LA SEMS 'DZIN BZHIN NGA RGYAL YANG BYA LA, KHYAD PAR DGE LUGS PA ZAG GSAL GNYIS MED KYI RNAL 'BYOR ZHES BYA LA, RNAM PA LHA'I RNAM PAR GSAL BAS RGYA CHE BA GZUGS SKU SGRUB BYED, 'DZIN

, ,STANGS RANG BZHIN MED PAR STONG NYID BSGOM PAS ZAB PA STE CHOS SKU SGRUB BYED YIN LA, LAS DANG PO PA RNAMS KYIS NI DUS CIG TU 'CHAR DKA' BAS DANG POR GSAL SNANG BTON, DE NAS NGA RGYAL BZUNG, DE BYUNG NA SON DAM PAR MED PA'I STONG NYID DRAN, DE LTA BU'I TSUL GYIS YANG YANG GSAL GDAB PAR BYA ZHING, DE NAS GROL RAN NA MJUG BSDU RNAMS SNGAR BZHIN BYA'O, ` ,NUB DRUG PAR, GNYIS PA NI, GZHI BSGYUR BA'I KHAtV'Am GA'I TSIG DON YAN LA SGRO 'DOGS GCOD PA LA RANG RTZOM MNGON RTOGS GYI STENG NAS GSUNG BSHAD STZAL BAR RTEN BRTEN PA'I DKYIL 'KHOR DUS CIG TU RDZOGS PAR LAM GYIS BSKYED NAS RIM GYIS GSAL 'DEBS PA LA, DUS CIG TU GRUB PA L'U AI PA DANG DRIL BU PAR GSAL KHA MED

KYANG DER NYE ZHING, NAG PO PAR RIM GYIS BSKYED PAR GSUNGS PA'I LUGS GNYIS LAS DANG PO LTAR YIN LA, BSRUNG 'KHOR BSGOM MI BSGOM SNA TSOGS YOD KYANG BDE MCHOG RTZA RGYUD LE'U NGA GCIG PA LAS, SHES RAB YAN LAG PHUR BU GUR, ,ZHES GSUNGS PA LTAR PHUR BU ZHES PAS 'GEGS LA PHUR GDAB BYED PA DANG, GUR ZHES PA BSRUNG 'KHOR BSGOM PA LA BSHAD CING, SRUNG 'KHOR LA RGYAS 'BRING BSDUS GSUM YOD PA LAS 'DIR BSDUS PA'I LUGS YIN LA, DE YANG 'OG TU SNA TSOGS RDO RJE SHIN TU CHE GDE'I KHONG SENG RDO RJE CHUNG NGU CHUNG NGU BKAG PA'I NAS THANG LA BRDAL BA LTA BU STE RDO RJE'I SA GZHI, DE'I STENG GI MTHA' SKOR DU RDO RJE CHU NYAL GYI STENG, RDO RJE LANGS STABS KYI RVA BA, STENG SOG GUR

, ,GYI STOD LTA BU'I RDO RJE'I GUR DE'I RTZE MOR RDO RJE RTZE LNGA RDZOGS PA'I TOG GIS MTSAN PA, GUR DANG RVA BA'I BAR DU RDO RJE CHU NYAL DE'I STENG NAS RDO RJE BLA RE STE MDOR NA RLUNG SIL BU TZAM YANG MI THAR PA BA LTAS NA RDO RJE'I RANG BZHIN LA REG NA ME LONG GI NGOS LTAR 'JAM PA'I RANG BZHIN CAN, BYANG SHAR DBANG LDAN NAS BRTAMS TE DKAR SER DMAR LJANG SNGO BA'I KHA DOG SNA LNGA'I ME DPUNG SHIN TU CHE BA GA-YON SKOR DU 'KHYIL ZHING 'BAR BA, ME LCE DPAG TSAD DU MA'I BAR DU 'PHRO BA, DE DAG GI GSEB NAS RDO RJE RTZE LNGA PA'I MDE'U CAN GYI RDO RJE'I MDA' ME 'OD 'BAR BA STENG NAS 'OG ,'OG NAS STENG STE PHYOGS BCUR PHRO BZHIN PA GDON BGEGS GDUG PA CAN RNAMS KYIS BLTA BA TZAM YANG MI BZOD PA, DKAR PHYOGS PA RNAMS KYIS 'JA' 'OD

KYI RNAM PAR MTHONG BA, DE'I NANG DU GTUM DRAG LA SOGS PA'I DUR KHROD CHEN PO BRGYAD KYIS LAM YONGS RDZOGS MTSON ZHING, DUR KHROD SA LUGS PA NANG DANG DGE LUGS PA MI RI'I PHYIR BSGOM PA GNYIS KAR KHUNGS DANG 'BREL ZHING, SNGA MA NI SLOB DPON AA BHYA KA RA'I RDO RJE'I PHRENG BA'I THIG CHOG GI RJES SU 'BREL BA'O, ,MTSON DON NI LAM THUN MONG BA'I DBANG DU BYAS NA, DUR KHROD KYI RO BAM PA DANG 'THOR BA DANG 'BUS KHENGS PA SOGS KYIS NGES 'BYUNG, RDO RJE RVA GUR GYIS KUN RDZOB KYANG CHUB KYI SEMS, MI RIS STONG NYID DE LAM GYI GTZO BO RNAM GSUM, ME KHA DOG LNGA 'PHRO BA NI YE SHES LNGA MTSON, RGYA BA MDUN GYI CHOS 'BYUNG GNYIS KYI GCIG GIS PHYAG RGYA MA'I BHA GA DANG, GCIG GIS LHAN SKYES KYI BDE BA STE YAB KYI RDO RJE DANG, NANG GI ZLUM LOS BDE STONG GNYIS SU

, ,MED PA MTSON, ZUR GSUM GYIS RNAM THAR SGO GSUM, CHOS 'BYUNG ZUR DRUG GI STONG CHEN DRUG ,DE LA LOGS BCO BRGYAD YOD PAS 'GRES RKANG BCO BRGYAD MTSON, MDUN RGYAB MA THE BA'I LOGS BCU GNYIS KYIS NYI KHYIM BCU GNYIS MTSON, NANG LA SBYAR NA BU MO LO BCU GNYIS LA ZLA MTSAN BAB PA, GZHAN LA SBYAR NA BDE A BCU GNYIS, PHYI LA SBYAR NAS, ZLA BA LA 'PHEL BA'I CHA BCU DRUG ,NANG LA SBYAR NA SKYES PA LA LO BCU DRUG LA KHAMS DKAR PO 'BAB PA, GZHAN LA SBYAR NA, GDENGS KA CHE BA GYEN DU PHYOGS PAS BDE STONG GI YE SHES JE RGYAS SU SONG BA MTSON, MDUN RGYAB GNYIS STONG PAR YOD PAS GANG ZAG GI BDAG MED DANG,

CHOS KYI BDAG MED DE SHES RAB STONG PA NYID MTSAN, GRA BZHI'I DGA' 'KHYIL GYIS THABS BDE BA DANG, DGA' 'KHYIL DE RNAMS LA 'KHYIL CHUNG BZHI RE YOD PAS DGA' BA'I DGA' BA SOGS BCU DRUG MTSON, ZLUM POR YOD PAS RNAM RTOG GI GRVA ZUR MED PA MTSON, RGYUN MI 'CHAD PAR 'KHOR BAS NA, DGA' BA DE RNAMS LA GA-YO BA MED PA MTSON, CHOS 'BYUNG STONG PA'I DBUS SU 'KHOR BAS BDE STONG GNYIS SU MED PA MTSON, DMAR SKYAR YOD PA NI YAB YUM GYI KHAMS DKAR DMAR MTSON, CHOS 'BYUNG GI NANG DU SNA TSOGS PADMA YOD PA DES PADMA 'DAM LAS SKYES KYANG 'DAM GYIS MA GOS PA LTAR, 'KHOR BAR BZHUGS KYANG, 'KHOR BA'I SKYON GYIS MA GOS PA STE, SPANGS PA'I YON TAN GTZO BOR MNGA' BA MTSON, PADMA'I GE SAR SER 'KHYIL LE MTHONG BTZAM GYI STENG DU NYI MA'I

, ,DKYIL 'KHOR DMAR PO YOD PA NI DROND KYIS LO TOG SMIN PA LTAR THUGS RGYUD LA BYANG CHUB KYI SEMS KYI MYU GU'AM 'BRAS BU RGYAS PA STE RTOGS PA'I YON TAN GTZO BOR MNGA' BA MTSON, DBANG PO RAB RNAMS KYIS DAG PA SPRAGS NAS BSGOM PA DANG, ZHEN PA RNAMS KYIS MNGON RTOGS TSIG ZIN LTAR BSKYANG, SNGA LO KHRID KYI SKABS 'JIGS DUS GNYIS BDE MCHOG LHA DRUG CU RTZA GNYIS PA LTAR PHYAG BZHI PA BSHAD RUNG, DE RJES KHO BO LA DOGS PA BYUNG BA LTAR, RJE T'A RA N'A THAS KYANG SGOM RGYU'I LHA LAS ZHABS 'OG GI SROG CHAGS GZI BRJID CHE BSGOM NA DE MI THUB PA'I SKYON 'BYUNG NYEN YOD GSUNGS BAS LAS DANG PO PA RNAMS KYIS NYAMS SU LEN BDE ZHING DOGS GNAS CHUNG BA YIN, ZHABS GA-YON BSKUMS PA'I MTHA' LAS RANG MTHO LNGA'I BAR DU GA-YAS BRKYANGS PAS SNYING RJE CHEN PO SNANG BAS

MED MTHA' SEL BA'AM ZHI BA'I MTHA' LA MI GNAS PA MTSON PA, ZHABS 'OG TU LHA DBANG PHYUG CHEN PO'I CHUNG MA LHA MO AU MA STE DUS MTSAN MA DMAR MO ZHAL GCIG PHYAG GNYIS KYI GRI THOD 'DZIN PAS CHAD PA MYANG 'DAS MTSON PA, GAN RKYAL DU 'GYEL BA'I 'DOD CHAGS KYI GNAS NU MA'I STENG NAS MNAN PA, 'DOD CHAGS KYI GA-YUL LAS RGYAL BA DANG CHAD MTHA' GNON PA MTSON, ZHABS GA-YON BSKUMS PAS SHES RAB CHEN POS 'KHOR BA'I YOD MTHA' SEL BA'AM, SRID PA'I MTHA' LA MI GNAS PA MTSON PA, ZHABS 'OG TU 'JIGS BYED NAG PO STE LHA DBANG PHYUG CHEN PO 'KHOR BA PA'I CHE SHOS YIN PAS DE MNAN PAS 'KHOR BA ZIL GYIS GNON CING, ZHAL GCIG PHYAG GNYIS KYIS GRI THOD TH'U KVANA GYIS GRI THOD MED PAR MDZAD, 'DZIN PA RTAG MTHA' 'KHOR BA'I YOD MTHA' MTSON PA, KHA SBUB TU 'GYEL BA'I

, ,MGO BO RGYAB TU BLTAB NAS GTI MUG GI GNAS DPRAL BA DANG, SOGS HRAG GNYIS KYI THAD SNYING GA ZHE SDANG GI GNAS NAS MNAN PAS ZHE SDANG DANG GTI MUG 'JOMS PA DANG RTAG MTHA' GNON PA MTSON, SEMS CAN THAMS CAD LA RJES SU CHAGS PA'I SKU MDOG DMAR PO 'DOM GANG TZAM 'KHOR MAR 'OD KYI RANG BZHIN YIN PA LA DE NAS ME 'OD 'PHRO BA, CHOS THAMS CAD KYI DE BZHIN NYID NI DU MA RO GCIG TU MTSON PAS ZHAL GCIG MA STE CHOS THAMS CAD STONG NYID KYI NGANG DU RO GCIG YIN PA DE'I RNAM 'GYUR KHO NA LAS 'KHOR 'DAS KYI CHOS THAMS CAD BYUNG BAS NA DU MA ZHES BYA'O, ,PHYAG GA-YAS KYIS KUN RDZOB BDEN PA, GA-YON GYIS DON DAM BDEN PA STE BDEN PA GNYIS MTSON, SPYAN GSUM GYIS 'DAS MA 'ONGS DA LTA DUS GSUM DU GZIGS PA 'GRO BA RNAMS DAG PA MKHA' SPYOD

LA 'GRO SA 'DI NA YOD CES DANG, CHOS 'BYUNG LA STENG PHYOGS MA GTOGS SGO GZHAN MED PAS DAG PA MKA' SPYOD LA KHRID PA'I RTEN 'BREL GYI GNAD KHYAD PAR CAN YOD PA YIN, 'DI LA DAG PA MKHA' SPYOD DANG MKHA' SPYOD CHEN PO GNYIS LAS, DANG PO NI, MKHA' SPYOD DU SLEB PA NA TSE BSKAL PA THUB, LANG TSO BCU DRUG LON PA'I NA TSOD CAN GYUR TE RDZU 'PHRUL GYIS SANGS RGYAS KYI ZHING DU SONG NAS CHOS NYAN PA SOGS BYED NUS PA YIN LA, PHYI MA NI MKHA' SPYOD CHEN PO SANGS RGYAS KYI GO 'PHANG THOB PA LA ZER BAS DE BRNYES PA MTSON PA'O, ,GZHAN YANG MKHA' SPYOD DANG, MKHA' 'GRO DON GCIG PA'I RIGS MANG STE 'DAB CHAGS KYI BYA NAM MKHA' LA 'GRO BAS MKHA' 'GRO ZHES KYANG BYA'O, ,PHYAG GA-YAS GSER GYI RDO RJE PHYED PA'I YU BA BYAS PAS GNAM LCAGS LAS GRUB PA'I GRI GUG YU BA DANG BCAS PA LA SOR BCU GNYIS TZAM

, ,SO GNYIS YOD PA 'OG 'KHOR BA'I PHYOGS SU BSTAN NAS 'DZIN PAS SEMS CAN RNAMS KYI 'DOD CHAGS KHONG KHRO, NGA RGYAL, MA RIG ,THE TSOM, LOG LTA STE RTZA NYON DRUG SOGS GCOD PA + GA-YON GYI THOD KHRAG STENG PHYOGS SU CUNG ZAD YO BA'I TSUL GYIS BZUNG NAS BDUD RTZA'I RANG BZHIN KHRAG RGYUN CHAD PA MED PAR ZHAL DU GSOL BAS THUGS RGYUD BDE BA CHEN POS GANG BA + ZHAL GA-YON PHYOGS SU GYEN DU PHYOGS PA NI RANG NYID SHES RAB MA'I RANG BZHIN YIN PA, 'GRO KUN GA-YON NAS 'BYUNG, ZHES GSUNGS PA LTAR, SHES RAB MA DANG MNYAM PAR SBYOR BA'I TSE LAG PA GA-YON PA'I BRDA BYA DGOS PA SOGS GA-YON PA'I KUN SPYOD THAMS CAD KYI GNAD NI STONG PA DE YIN NO, ,PHRAG PA GA-YON PAR KHA tV'Am GA RTZA BA MDUN DANG RTZE MO

RGYAB LA CUNG ZAD PHYOGS PAR 'DZIN PAS NI SPYIR MTSON DON MANG SNYE BYANG CHUB KYI SEMS DANG MI 'BRAL BA DANG, STONG PA NYID YAB MTSON PA SOGS YOD PA LAS, SKABS DON GYI GTZO BO YAB MTSON TSUL RGYAS PAR 'CHAD LA, KHA tV'Am GA'I BOD SKAD DU LUGS GCIG LA NAM MKHA'I DBYUG PA ZHES 'BYUNG BAR GSUNGS SHING, BSGYUR LUGS GCIG LA shA tA DRUG DANG AAm GA YAN LAG STE YAN LAG DRUG CES PAR 'GYUR RO, ,DE LTAR BRJOD PA'I RGYU MTSAN LUS GCIG LA YAN LAG DRUG TSANG BA LTA BU STE, YU BA LUS BUM PA, SNAM TSOGS RDO RJE, MI MGO SKAM RID RLON GSUM RDO RJE RTZE LNGA RDZOGS PA STE LUS GCIG LA YAN LAG DRUG GO, 'OG MA RNAMS KYIS MTSAN PA MI ZER BA RDO RJES MTSAN PA'I KHA tV'Am GA BRJOD PA'I RGYU MTSAN NI GSANG SNGAGS RNYING MA RNAMS LA STENG DU RTZE GSUM 'ONG BAS

, ,KHA tV'Am GA RTZE GSUM ZHES BRJOD LA, GSAR MA'I KHYAD CHOS LA RDO RJE YIN NO ZHES GO BAR BYA BA'I PHYIR RO, ,'DI'I BSHAD PA SA LUGS NAS 'BYUNG BA LTAR BSHAD NA NGO MTSAR BAS YU BA DKAR POS RNAL 'BYOR PA'I RUS PA DKAR PO YIN PA MTSON, GZHOGS KHA BRGYAD YOD PAS DUR KHROD BRGYAD, MAR RTZE RDO RJE RTZE GCIG PA'I DBYIBS CAN GYIS SRUNG 'KHOR ME RI DANG BCAS PA, PHYI BUM PA LA, NANG GZHAL YAS KHANG RTEN BRTEN PA BSKYED PA 'BYUNG BAS NA, DAG PA BUM PA LA, NANG GZHAL YAS KHANG RTEN BRTEN PA BSKYED PA 'BYUNG BAS NA, DAG PA BUM PA GZHAL YAS KHANG, SNA TSOGS RDO RJES DAM TSIG GI 'KHOR LO'I SGO MTSAMS MA BRGYAD, MI MGO RLON PA NAG POS THUGS 'KHOR GYI DPA' BO RGYAD DANG DPA' MO BRGYAD, RID PO DMAR POS GSUNGS 'KHOR GYI DPA' BO BRGYAD DANG DPA' MO BRGYAD, SKAM PO DKAR POS SKU 'KHOR GYI DPA' BO BRGYAD DANG DPA' MO

BRGYAD, YAR RTZE RDO RJE NAG PO RTZE LNGA RDZOGS PAS DBUS RVA THAL RGYUGS KYIS GTZO BO YAB YUM DANG, RVA STENG MA BZHIS BDE CHEN 'KHOR LO'I LHA MO BZHI DANG, RVA 'OG MA BZHIS BUM THOD BRTEGS PA BZHI DANG BCAS PA MTSON PA STE, MDOR NA BDE MCHOG LHA DRUG CU RE GNYIS RTEN DANG BRTEN PAR BCAS PA KHA tV'Am GA LA TSANG ZHING, DE THAMS CAD KYANG GTZO BO LAS RGYUD THA DAD PA MA YIN GYI GTZO BO'I YE SHES KHO NA'I CHA SHAS LAS GRUB PAS DE'I RNAM 'GYUR YIN PAS NA YAB MTSON ZHING SBAS PA'I TSUL GYIS 'DZIN PA'O, ,GZHAN YANG YUM GYIS 'DZIN PA THABS BYANG SEMS DANG, YAB KYIS 'DZIN PA SHES RAB STONG NYID MTSON, BUM PA'I MJUG YU MTSAMS NAS d'A MA RU DANG, DRIL BU DANG 'PHAN RTZE GSUM PA 'BYANG ZHING, KHA tV'Am GA NI LHA YI SKU ZHES GSUNGS PA LTAR SKU'I GSANG BA BSAM GYIS MI KHYAB PA DANG

, ,d'A MA RU DANG DRIL CHUNG GSUNG GI + DRIL BU RDO RJE RTZE LNGA PAS MTSAN PA'I YU CAN DANG, GSER GYI DRI LA CHUNG YU MED GLANG LA 'DOGS BYED LTA BU BSHAD PA LAS, PHYI MA BDE TSOD DU SNANG YANG BRTAG GO ,'PHAN RTZE GSUM PAS RNAM THAR SGO GSUM STE; THUGS KYI GSANG BA BSAM GYIS MI KHYAB PA MTSON PA STE, SKABS GSUM PAR, KHYOD KYI SKU GSUNG THUGS KYI GSANG BA YI, ,ZHES SOGS GSUNGS PA LTAR, DPER NA THUB PA'I DBANG PO LTA BU LA MTSON NA DBU'I GTZUG TOR LTAR MI MNGON PA DANG, SEMS CAN RANG RANG GI RIGS DANG MTHUN PAR SKU BSTAN NAS RE BSKOD NUS PA NI SKU DANG, NYE BA SKU MDUN DANG, RING BA SANGS RGYAS KYI ZHING 'OD ZER CAN ZHES BYA BAR MO'U GAL BUS NYAN KYANG, GSUNG LA CHE CHUNG MED PA DANG, SEMS CAN THAMS CAD DUS GCIG TU DRI BA MI 'DRA BA RE RE NAS

ZHUS KYANG, LEGS SBYAR GYI GSUNG DBYANGS GCIG GIS SO SO'I LAN 'DEBS NUS PA NI GSUNG DANG, YUL GRU MTHA' YAS PA'I SA NAS RTZVA SHING SOGS MER BSREGS PA'I THAL BRGYA MTSOR BTAB PA LO BRGYAR DKRUGS TE GZIGS PHUL RUNG RDZUL PHRA MO RE RE NAS 'DI LUNG PA 'DI DANG, PHU MDA' 'DI DANG 'DI'I SA RDO DANG RTZVA SHING GI RTZVA RTZE SOGS 'DI DANG 'DI'I RDUL YIN ZHES MA NOR BAR GSAL BAR 'BYED NUS PA, SEMS CAN GYI KHAMS DANG BSAM PA BAG LA NYAL SOGS THAMS CAD GSAL LE SING NGE MKHYEN BZHIN PA NI THUGS KYIGSANG BA BSAM GYIS MI KHYAB PA YIN TE, SKU DANG GSUNG GI BKOD PA DUS GCIG TU, ,MDZAD PA MDZAD KYANG RTOG PA NYER ZHI BA, ,ZHES GSUNGS SO, ,DMIGS RIM 'DI RNAMS TSIG RIS DANG BSTUN NAS DRAN NAR BA, DE MIN BZLAS NAS

, ,KYANG DRAN CI THUB BYA'O, ` ,GNYIS PA BYE BRAG GI SEMS 'DZIN NI, RGYUN 'KHYER MGNON RTOGS DANG RNAM PA'I SEMS 'DZIN PAR SNGAR BZHIN BTANG NAS, DE NAS SPYAN DBUS MA LA SEMS 'DZIN PAR BYA STE, LHA MO LA GA-YON DANG LHA PO LA SPYAN GA-YAS GYEN DU BSLANGS PA LTA BU BSGOM PAR GSUNGS PAS 'DIR GA-YON PA GYEN LA BSLANGS PA, SPYAN GYI DUBS NAG PA MTHA' SKYA BA, SPYAN RTZA DMAR SHIG E BA MTHONG BYED KYI RGYAL MO NAG LING NGE BA, RDZI MA KHYU MCHOG GI RDZI MA LTA BU DANG BCAS PA LA SEMS 'DZIN, MI GSAL BA NA SNGAR BZHIN DUS NAG PA SOGS LA NAN TAN GYIS BDE STONG DRAN PAR BYAS TE 'DZIN DGOS TE, PHYAG CHEN YANG GSAL SGRON ME LAS, RANG LUS LHA SKU'I RGYAL PO LA, ,'GYUR MED BRTAN PA MA ZIN NA, ,MKHA'

'GRO'I 'KHOR 'BANGS MI 'DU BAS, ,LUS YI DAM LTA LA NAN TAN MDZOD, ,CHES GSUNGS PA LTAR, BLO GROS KYI RTZAL CI YOD BSKYED PAR BYA BA DANG, GSAL SNANG 'BYUNG MI 'BYUNG DPYAD SGOM LA RAG LUS SO, THUN BSDU RAN PA NA SNGAR BZHIN MJUG BSDU BYA'O, ` ,NUB BDUN PAR DBU SKRA NAS DGA' BA BCU DRUG RGYAS TSUL YAN LA SGRO 'DOGS GCOD PA DANG, SPYAN GA-YAS GA-YON NAS ZHAL GYI BAR GYI SEMS 'DZIN LA, DBU SKRA 'JAM SNUm MTHUG PA NAG GE SAR GYI ME TOG PHRA CHEM ME YOD PA DRI ZHIM PA, MI BSHOR BSTE THUR DU BABS PA SOGS MTSAN BZANG PO'I SKABS BZHIN DANG, KUN 'DZIN NAM, BDAG TU 'DZIN PA'I MDUD PA GROL BAS MA 'DZINGS PA SIL BUR KHEBS PA, BUNG BA LTAR GNAG PA NICHOS DBYINGS STONG PA NYID DU RO GCIG PA MTSON, BUNG BA

, ,NI RGYA SOG YUL NAS THON YONG BA'I RDO GNAG CING SNUM PA ZHIG YOD PAR GRAGS SHING, RGYAL BA LNGA PAS STANG ZIL BCAG PA'I DUM BU LTAR GNAG PA ZHES PA DNGUL RDO YIN PAR GSUNG, LANG TSO DAR LA BAB CING ZHES PA NI, BYIS GZHON LANG TSO RGAN DANG SMIN, ,ZHES PA LTAR GNAS SKABS LNGAR 'GYUR BAS, SKYES NAS RNAM RIG MA RDZOGS KYI MAR BYIS PA, DE NAS 'DOD PA LA SPYOD MI NUS PA'I BAR GZHON NU, DE NAS LO SUM CU BAR LA LANG TSO, DE NAS LANG BCU BAR RGAN PA, DE MAN CAD SMIN PA'I GNAS SKABS YIN CING, LANG TSO SHIN TU DAR BA'I MTHAR THUG NI LO BCU DRUG LA YOD PAS DAR LA BAB CING ZHES DANG, PHYI GDUL BYA'I SNANG NGOR 'DOD CHAGS YOD PA LTAR SNANG BAS RTZA BA'I MTHA' SKOR LA SOR BCU GNYIS DANG DPANGS LA

SOR BZHI YOD PA'I NU 'BUR MKHRANG ZHING RGYAS PA'I RNAM PA CAN DANG, GZHAN YANG AA 'BRAS SGO NGA TIL GYI DBYIBS ZHES PA, LHA MO'I ZHAL RAS KYI DBYIBS LA 'OS PA, SGO NGA'I PHRA SA YAR BSTAN PA LTAR DANG, RO SMAD RGYAS SHING, RUS SBAL RGYAB MTHO GLANG CHEN ZE LTAR MKHRANG, SPU MED SHA RGYAS ZAB YANGS DKAR DMAR LDAN, ,ZHES GSUNGS PA LTAR, MTSAN NYID DRUG DANG LDAN PA'I 'DOM STUG PA, PADMA DMAR SENG NGE BA NAS GZHAN LA BDE BA BSKYED PA MTSON PA'I KHRAG RGYUN 'DZAG PA, SPYI BOR RUS PA'I 'KHOR LO RTZIBS BRGYAD PA, LTE BA MU KHYUD DANG BCAS PA'I LTE BAR RIN PO CHE DMAR PO CHA DGU PA'AM BRGYAD PA, DE'I STER RDO RJE RTZE LNGA RDZOGS PA 'PHANG SOR GSUM TZAM GYIS MTSAN PA CHOS DBYINGS STONG PA NYID MTSON, RTZIBS SENG GI THAD KYI

, ,MU KHYUD PHYI MA'I BUG PA NAS RO SKRA'I SRAD BU LA BRGYUS PA'I RUS 'PHRENG GNYIS RE THON PA 'KHOR LO RTZIBS BRGYAD KYI DBYIBS CAN, 'DI LTAR BYED PA DNGOS SU BZO NA DANG, BSGOM DON LA MI BDE BA MED PAS 'KHOR LO RTZIBS BRGYAD RKYANG PA BYED, RTZIBS RE'I MTHAR RDO RJE NAG PO NYIS GSHIB KYIS BSKOR BA'I NANG MA MU KHYUD KYI TSUL CAN, MDUN MA'I RDO RJE NYIS GSHIBS GSUM GYI BAR NA THOD SKAM RE RE, RNA BA GA-YAS GA-YON GNYIS KYI RDO RJE'I BAR NAS RE RE YOD PA THABS BDE BA CHE PO MTSON, THOD SKAM GYI RTZER RNAM SNANG DBUS SU YOD PA'I RGYAL BA RIGS LNGA MTHA' PA TRAS BSKOR BA'I RTZE PHRAN 'PHANG SOR LNGA YOD PHA RE RE'ANG RIGS LNGA'I BDAG NYID YIN PA MTSON PA DANG, CHOS SKU LAS GZUGS SKUR BZHENGS PA'ANG MTSON, THOD SKAM GYI KHA

'GUG NAS KHA 'GUG GI BAR LA DRA BA DANG KHA'I DBUS NAS DRA PHYED 'PHYANG BA'I DBUS MA SOR GSUM TZAM MAM YE SHES KYI SPYAN MA NON TZAM DANG, GA-YAS GA-YON GYI DRA BA DRVA PHYED NON PA TZAM 'PNYANG BA, GZHUNG DU THOD PA LEB MO SOR BCU GNYIS GSUNGS PA MI'I RUS PA LA DNGOS SU BZO BA'I DPANGS LA DGONGS GI, BSGOM DON LA THOD SKAM 'BUR DOD DGOS SHING SOR BCU GNYIS BYAS NA CHE SKYON YOD, 'KHOR LO SNGA MA LTAR NA PHYI NANG GNYIS KYI RTZIBS BCU DRUG ,RANG LUGS THUN MONG MIN PAR 'KHOR LO'I RTZIBS BRGYAD DANG NOR BU'I GZHOGS KHA BRGYAD BSDOMS PAS BCU DRUG ,RDO RJE NAG PO'I PHRENG BA PHYI NANG GNYIS BSDOMS PA BCU DRUG STE KHYON SUM CU SO GNYIS KYIS SPYI BO'I RTZA 'DAB SUM CU SO GNYIS MTSON, 'KHOR LOS DBU SKRA MI SGRIB PA DANG, DBU

, ,SKRAS 'KHOR LO MI SGRIB PAR BSGOM DGOS, SNYAN GNYIS LA DBUS SU RDO RJE RTZE GSUM PAS MTSAN PA'I RUS PA'I 'KHOR LO RTZIBS BRGYAD PA LAS RUS PA'I KHUG PA'AM DRA BA GSUM DANG KHUG PHYED DAM DRA PHYED GNYIS TE LNGA 'PHYANG BA, BUD MED KYI AE SKOR LTA BU'I SNYAN RGYAN, MGUL PAR DBUS DANG GA-YAS GA-YON DU RDO RJE RTZE GSUM PA'I GZHUNG GSUM LA RO SKRA'I SRAD BU LA BRGYUS PA'I RUS PHRENG BRGYAD BSNOL BAR BTANG BA'I BAR SENG GNYIS BSDOMS PAS MGRIN PA'I RTZA 'DAB BCU DRUG MTSON PA, DE LA RUS PA'I DRA BA BRGYAD DANG DRA PHYED 'PHYANG BA'I MGUL RGYAN, GDU BU LA DBYE NA DRUG STE, DPUNG PA GNYIS LA DBUS DANG GA-YAS GA-YON DU RDO RJE RTZE GSUM PA'I GZHUNG GSUM LA RUS PHRENG LNGA BSNOL MAR BTANG BA'I DRA BA NYIS GSHIBS DANG DRA

PHYED GSUM GSHIBS 'PHYANG BA, DE BZHIN DU ZHABS KYI BOL GNYIS DANG, PHYAG GI MA KHRIG MA GNYIS SU SNGA MA SNGA MA LAS PHYI MA PHYI MA RNAMS RIM GYIS THUNG BA, SE RAL KHA, MCHOD PHYIR THOGS, TSANGS SKUD CES PA'I MING NI, SEMS CAN SHUD SGRA BYED PA LUS KYUNG KHA'I RNAM PAR YOD PA DANG, DRANG SRONG MCHOD PA BYED PA'I TSE 'PHYANG BA DANG, GANG ZAG BSGOM BYED PA LUS 'DRONGS PA'I PHYIR 'PHYANG BA YIN TE DON GCIG MING GI RNAM GRANGS SO, ,SNYING GA'I THAD KYI MDUN RGYAB TU, 'KHOR LO'I DBUS SU RDO RJE RTZE GSUM PAS MTSN PA, RUS PA GRUB BZHI PA'I GRAR BZHI NAS RUS PA'I PHRENG BA NYIS GSHIBS SAM GSUM GSHIBS, PHRAG GONG GNYIS DANG MTSAN ? 'OG GNYIS SU RGYA GRAM DU BTANG BA, 'KHOR LO'I RTZIBS BRGYAD

, ,KYIS SNYING GA'I RTZA 'DAB BRGYAD MTSON PA DANG, 'KHOR LO'I MAS PHYOGS KYI RTZIBS DBUS MA NAS DRA PHYED 'PHYANG BA; RKED PAR DBUS DANG GA-YAS GA-YON DANG MTHA' GNYIS TE LNGAR RDO RJE RTZE GSUM PA RE RE YOD PA'I GZHUNG LA RUS PHRENG BCU DRUG BSNOL MAR BTANG BA'I BAR SENG BZHI BSDOMS PA'I DRUG CU RE BZHIS, LTE BA'I RTZA 'DAB MTSON ZHING, DE'I GZHUNG LNGA SO SO'I MAR RTZE GA-YAS GA-YON BSKOR NAS BTANG BA'I DRA BA LNGA, DE'I DBUS MA DANG GA-YAS GA-YON NAS DRA PHYED GSUM GSUM 'PHYANG BAS BYIN PA NON PA MTHA' GNYIS NAS DRA PHYED GNYIS RE 'PHYANG BAS PUS MO NON PA STE KHYON DRA BA LNGA DANG DRA PHYED BCU GSUM NYIL LER YOD PA THAMS CAD KYI SNE MOR RUS PA'I SHAR BU DANG GAYER KHA SOGS DU MAS MDZES PAR BYAS PA'I SKA RAGS SAM 'OG PAG GO, GZHUNG DU MCHOD PHYIR THOGS DANG THAL

PA NI SHES RAB MTSON BYED YIN LA RANG NYID SHES RAB STONG NYID KYI NGO BO YIN PAS MI DGOS SO, ,ZHES GSUNGS PA DGE LUGS DE LTAR MI BZHED DE, MCHOD PHYIR THOGS KYIS SHES RAB MTSON PA MA ZAD RIGS DRUG PA RDO RJE 'CHANG YANG MTSON PA'I DGOS PA DANG, THIG LE BYA BA MI RO BSREGS PA'I THAL BA LUS LA BYUGS NA SNGO SKYA 'BYUNG BA DANG, DE'I STENG SKYES PA'I RUS PA MER MA SHOR BZHIB PAR BYAS PA SOR MO LNGA 'DZOM GYIS NYUG NAS DPRAL BA SOGS SU TSOM BU BYA BAR GSUNGS LA, RUS PA NI PA'I KHU BA LAS GRUB PA YIN PAS LHA YAB LA NANG DU KHU BA YOD CHES MTSON PHYIR BYUGS PA DANG, YUM LA MED PAS MI DGOS PAR GSUNGS SO, ,RUS RGYAN LHA'I DAG PA DANG SBYR NA, SPYI BO'I 'KHOR LOS MI BSKYOD PA, RNA RGYAN 'OD DPAG MED, MGUL RGYAN RIN 'BYUNG, GDU BU RNAM PAR SNANG MDZAD,

, ,SKA RAGS DON YOD GRUB DAG PA'O, ,THOD SKAM 'KHOR LO'I YAN LAG YIN PAS DE DANG 'OG PAG THOD PHRENG GSUM PHYAG RGYA LNGA'I GRAS SU MI 'DREN LA, SKRA GROL GCER MO RUS PA'I RGYAN DRUG GSOL, ,ZHES PA'I SKABS 'OG PAG NYE BA'I PHYAG RGYAR SLOB DPON 'JAM DPAL BSHES GNYEN GYIS BSHAD PA LTAR 'DREN DGOS, PHAR PHYIN DRUG DANG SBYOR TSUL, RJE RIN PO CHE, BU STON RIN PO CHE, SA CHEN BCAS KYI BSHAD PA MI 'DRA BA YOD PA LAS SA CHEN LTAR NA, GDU BUS SBYIN PA, 'OG PAG GIS TSUL KHRIMS, RNA RGYAN GYIS BZOD PA, MGUL RGYAN GYIS BRTZON 'GRUS, DBU RGYAN GYIS BSAM GTAN, TSANGS SKUD KYIS SHES RAB PHAR PHYIN MTSON, RANG LUGS RJE TZONG KHA PA LTAR MGUL RGYAN SBYIN PA, GDU BU TSUL KHRIMS, RNA RGYAN BZOD PA, SPYI BO'I NOR BU BRTZON 'GRUS,

MCHOD PHYIR THOGS BSAM GTAN, SKED RGYAN SHES RAB RNAMS MTSON, A'A LI K'A LI NI THABS SHES RAB KYI NGO BO YIN LA, A'A LI'I BOD SKAD DU AA PHRENG STE ZLA BA YAR NGO LA KHAMS DKAR PO 'PHEL PA'I CHA DANG, MAR NGO LA 'GRIB PA'I CHA GNYIS SO SOR MA PHYE BAR SPYIR CHA BCU DRUG RTZIS PA THABS DANG, K'A LI'I BOD SKAD DU K'A PHRENG STE MAR NGO LA KHEMS DMAR PO 'PHEL PA'I CHA BCU DRUG DANG 'GRIB PA'I CHA BCU DRUG SHES RAB STE K'A PHRENG SO BZHI DGOS PAR SO GNYIS LAS MA BYUNG BA NI, NANG GI KHAMS DANG SBYOR SKABS MA DANG KshA GRANGS SU MI 'DREN TE; K'A LA PA LAS, MA GSAL BYED LA RJES SU NGA RO'O, ,ZHES GSUNGS PA DANG, DBYANGS CAN SGRA MDO LAS, KU AI LA LA shA RU BYED DE SA'O, ,ZHES GSUNGS PA LTAR KA DANG SA PHRAD PA'I shA RU 'GRO BA DANG KA SA GNYIS RANG RANG GI SDE PAR BSDU PA YIN PAS THABS

, ,SHES KYI NGO BO DANG DBYANGS GSAL LNGA BCU DAG PA'I THOD SKAM LNGA BCU'I PHRENG BA, RLUNG DANG SBYAR NA, SNYING KHA'I MI SHIGS PA'I THIG LE LAS RTZA NANG DU RGYU BA'I LAS RLUNG LNGA BCU THAM PA, DE THIM PA'AM DAG PAS NA BYED PA LCE DANG MA PHRAD PA'I MI GSAL BA'I TSUL DU SGROG PA, BYED PA LCE RKAN DANG 'PHRAD PA'I TSE GSAL POR SGROG PAR MTSON PA'I MGO PHRENG LNGA BCU, DPA' PO'I GO CHA DRUG DANG, DPA' MO'I GO CHA DRUG GI YI GE DANG SBYOR TSUL GNYIS LAS 'DI'I SKABS SU BABS PA DPA' MO'I GO CHA DRUG YI GE DANG SBYOR TSUL NI, LTE BA'I AOm BAm GNYIS KYIS 'OG PAG SNYING GA'I HAm YOm GNYIS SE RAL KHA, LCE'I RTZA BA'I HRIm: MOm GNYIS MGUL RGYAN, DPRAL BA'I HREm HRIm GNYIS RNA RGYAN, SPYI GTZUG GI H'Um H'Um GNYIS KYIS SPYI BO'I NOR BU, YAN LAG THAMS CAD LA PHAt PHAt YOD PAS GDU BU RNAMS MTSON

PAS RUS RGYAN SNGAGS SU SHAR BAS BDE STONG GNYIS SU MED PA MTSON, GZHUNG DU RO SKRA'I THAG PAR BRGYUS PA GSUNGS PA LA 'GAL BA MED MOD, DGE LUGS LA MI'I RGYU MAS BYED PAR GSUNG PAS, SPYI BO NAS AO SA KENG RUS PA'I PHRENG BA PHRAG GONG NAS BRLA PHRA SBOM GYI BAR DU 'PHYANG BA, GDUL BYA LA LHAN SKYES KYI BDE BA BSKYED PAR BYED PA'I BYANG SEMS DKAR PO RLAN ZHING GSHER BA YOD PA MTSON PAS YAB LA MGO BO RLON PA DANG, YUM LA BYANG SEMS DMAR PO, TSA BA ME'I RANG BZHIN YOD PA MTSON PA'AM, DES SKAM PAS MGO BO SKAM PO 'BYUNG BA YIN, GCER BUR BZHUGS PA NI SGRIB GNYIS SPANGS PA DANG, PHYAG RGYA LNGAS BRGYAN PA NI RTOGS PA'I YON TAN BRNYES PA DANG SPANGS RTOGS MTHAR PHYIN PA MTSON, ME DPUNG 'BAR BA'I DBUS NA BZHUGS PA NI GTUM MO'I ME MTSON PA, DGA' BA BCU DRUG RGYAS

, ,PA'I BRDAR LO BCU DRUG LON PA'I RNAM PA CAN TE, YAS BAB DANG MAS BRTEN GYI DGA' BA'I DGA' BA SOGS BZHI BZHIR DBYE BA'I BCU DRUG RE YOD PA YIN NO, ` ,GNYIS PA BYE BRAG TU SEMS 'DZIN PA'I NANG TSAN LA GNYIS, RGYAN MED LA SEMS 'DZIN PA DANG, RGYAN CAN LA SEMS 'DZIN PA'O, ,DANG PO NI, MNGON RTOGS NAS SPYAN DBUS MA'I SEMS 'DZIN GYI BAR SNGAR BZHIN LAM TZAM BSHAR BSGOM BYA, DE NAS SPYAN DBUS MA MA BRJED PA'I STENG DU SPYAN GA-YAS GA-YON GNYIS DBUS NAG PA SOGS SNGAR BZHIN LA SPYAN DKYUS RING BA GDANGS NAS HUR BAG TU GZIGS PA, SMIN DBUS SU KHRO GNYER RIM PA GSUM BSDUS PA SMIN MA 'DZAM ZHING MTHUG PA, RDZI MA MA 'DZING PA YAS MAS THAD KAR GNAS PA, DE RNAMS MA BRJED PA'I MU NAS SHANGS

MTHO ZHING SHANGS BUG SHIN TU GTZANG ZHING DMAR SENG NGE BA, DE NAS ZHAL CUNG ZAD GDANGS PA HE BYAS PA LTA BU, TSEMS DKAR ZHING THAGS BZANG BA BZHI BCU TSANG BA, MCHE BA NAS 'BRU TZAM YAS MAS SU GNYIS RE YOD PA, TSEMS KYI BAR NAS SHIN TU SRAB CING DMAR BA'I LJAGS CUNG ZAD MTHONG BA, ZHAL ME TOG AUTPA LA'I 'DAB MA LTA BU, MCHU BIM PA LTAR DMAR BA, BIM PA BYA BA SHING TOG ZHIG GI MING STE, BOD SKAD DU GZUGS BRNYA SNANG BA ZHIS 'BYUNG BA'I KHA DOG DMAR ZHING ME LONG LTAR GZUGS BRNYAN 'CHAR BA ZHIG YOD PA DANG SNYAN GA-YAS GA-YON GNYIS SNYAN SHAL DANG LKOG SHAL MNYAM PA, SNYAN GYI RTZI DANG SMIN MA THAD SOR GNAS PA, ZHENG SOR DO TZAM YOD PA, YE SHES KYI ME'I DBUS SU GA-YON DU 'GYING BA'I RNAM PAR BZHUGS PA NI SGEG PA, 'JIGS DUS GNYIS MNAN

, ,PAS NI DPA' BA STE SKU'I NYAMS DANG, ZHAL HE BYAS PA LTA BUS RGOD PA, MCHE BA CUNG ZAD GTZIGS PAS 'JIGS PA STE GSUNG GI NYAMS DANG, SPYAN DKYUS RING BA SNYING RJE DANG, HUR PAG TU GZIGS PAS RNGAMS PA NI THUGS KYI NYAMS TE NYAMS DRUG DANG LDAN PA; 'DI DAG GI SKABS SU GSAL NA GSAL BA'I 'PHRO BCAD, MI GSAL NA MI GSAL BA'I PHRO BCAD, CES GSUNGS PA BZHIN RJE RIN PO CHE NYIN THUN BCO BRGYAD TZAM MDZAD CING, BSGOM 'DOD PA'I 'PHROL BCAD KYI NA BYAS NA PHYI MA RES KYANG 'JUG SNYING 'DOD, GZHAN DU NA MAL MTHONG BA'I TSE SKYU GA LOG BYED PA 'ONG BAS THOG MA NAS SNA SUN PHOG PAS CHOS DRED DU MA SONG BA GNAD DU CHE'O, ,KHYAD PAR GSAL SNANG 'CHAR BA'I THABS DMIGS PA YANG YANG GSAL BTAB NAS SEMS DANG DMIGS PA 'DRES SU 'JUG PA YIN PAS REG MTHONG

MTSAN MA MA THOB BAR BSGOM DGOS SO, ` ,NUB BRGYAD PAR, RIGS BDAG DANG RDO RJE RNAL 'BYOR MAR SANGS RGYAS THAMS CAD 'DUS TSUL LA SGRO 'DOGS GCOD PA DANG, MGUL NAS NU 'BUR GYI BAR GYI SEMS 'DZIN LA, GZHUNG DU RIGS BDAG YAB RKYANG BSGOM PA'I DBANG DU GSUNGS KYANG LCANG SKYA RIN PO CHE'I DGONGS PA YUM BCAS MDZAD PA NGAG 'DON DU'ANG BKOD, DE YANG RGYAL RGYUD CHAD NA RGYAL RIGS SU DBANG MA BSKUR BAR BLON PO LTA BU MCHOD YUL DU MI RUNG YANG DBANG BSKUR NA RUNG BA DANG, BU GCIG PA LTA BU LAS MED NA SKYES TZAM NYID NAS DBANG BA STE RIGS GNYIS SO, ,RIGS BDAG RANG CHAS 'DI KA GZHUNG DANG MTHUN PAR GSUNGS PAS GZHUNG NI N'A RO PA'I MNGON RTOGS MDOR BSDUS LA DGONGS LA, MDUN BSKYED LTA BU SPROS PA LA DGA' PA'I TSE DBANG BSKYUR RGYAS BTAB BYAS

, ,KYANG RUNG GSUNGS PA MDUN BSKYED TZAM DU MA ZAD, BDAG BSKYED LA'ANG BYAS PA LEGS TE, RTZA RGYUD LAS, LAG PA'I MCHOD PA DBANG BSKYUR BA, ,ZHES GSUNGS PA LTAR, RJE RIN PO CHES KYANG, SDIG SGRIB SBYOR BA DANG, BGEGS 'JOMS PA DANG, THA MAL GYI SNANG ZHEN 'GAG PA DANG, ZHI RGYAS DBANG DRAG GI DNGOS GRUB 'GRUB PA SOGS DGOS PA DU MA GSUNGS PAS GAL CHE BAS RAB DBANG BZHI YONGS RDZOGS DE MIN BUM DBANG GI NGO BO CHU DBANG GI BYED PA NGAG 'DON DU BKOD PA LTAR DANG, GZHAN YANG BSNYEN BSGRUB YAN LAG BZHI ZHES PA, DAM TSIG BSKYED PA BSNYEN PA'I NYAN LAG ,SKU BYIN GYIS RLOB PA NYE SGYUB KYI YAN LAG ,YE SHES PA SPYAN 'DREN PA SGRUB PA'I YAN LAG ,DBANG BSKYUR RGYAS BDEBS BYED PA SGRUB CHEN GYI YAN LAG STE DE BZHI TSANG BAR 'GYUR BA'O,,

DE YANG SPYI BO'I NOR BU'I DBUS SU PAD ZLA'I GDAN LA RNAM SNANG HE RU KA DKAR PO PHYAG GA-YAS 'KHOR LO DANG GA-YON DRIL BU 'DZIN PA PHYAG RGYA DRUG GIS BRGYAN PA ZHABS RDO RJE'I SKYIL KRUNG GIS BZHUGS PA DANG, RANG 'DRA'I YUM PHYAG GA-YAS GRI GUG DANG GA-YON THOD KHRAG 'DZIN PA PHYAG RGYA LNGAS BRGYAN PA SEMS DPA'I SKYIL KRUNG GIS BZHUGS PA, RIGS BDAG RNAM SNANG GIS BYED PA RNAM SNANG GI NGO BO'I BYANG SEMS DKAR PO'I RANG BZHIN GYI HAm YIG SPYI BOR GNAS PA MTSON, MDUN BSKYED SKABS YAB KYI THUGS KAR PAD ZLA'I GDAN LA RTZA BA'I BLA MA RDO RJE 'CHANG NGAM RDO RJE CHOS KYI RNAM PA CAN LA BRGYUD PA'I BLA MAS GA-YON SKOR GYIS BZHUGS PA LA PHYI NANG GI MCHOD PA SOGS 'BUL ZHING, BDAG BSKYED LA'ANG DE BZHIN BYUNG NA LEGS SO, ,RGYAS BSDUS GANG BYAS KYANG SPYI BO'I

, ,RIGS BDAG BLA MA DANG, RANG RNAL 'BYOR MAR GSAL BA YI DAM DANG, SNYING KHAR SNGAGS PHRENG BKOD PA GZUNGS SNGAGS TE KUN 'DUS GSUM ZHES BYA'O, ,RNAL 'BYOR MAR BYE BRAG 'KHOR LO SDOM PA'I LHA SUM CU SO BDUN THAMS CAD GCIG TU 'DUS PAR GSUNGS PA NI YAB YUM MA BKRAL BA'I DBANG DU MDZAD, KHAtV'Am GA'I MTSON DON LTAR BDE MCHOG GI LHA DRUG CU RE GNYIS MTSON ZHING, DER YANG MA ZAD, SARBA BUDDHA d'A KI ZHES PA'I SON LA, SANGS RGYAS THAMS CAD BSKYED PA'I YUM MAM, SANGS RGYAS THAMS CAD LA BDE BA BSKYED PA'I YUM LTA BUR GO BAR MI BYA YI, SANGS RGYAS THAMS CAD GCIG TU BSDUS PA'I MKHA' 'GRO MA YIN TE, YID 'ONG RGYAL YUM ZHES PA'I SKABS NAS BSTAN PA LTAR, DPEN NA, SEMS NYID STONG GSAL GSANG BA'I MKHA' SPYOD YUM, ,ZHES GSANG

BA'I RNAL 'BYOR MA MTHAR THUG NI 'CHI BA 'OD GSAL MNGON DU GYUR PA DE YIN LA, 'OD GSAL DE LAS LANGS PA PHYOGS PA NA SNANG MCHED THOB GSUM LUGS LDOG GI TSUL DU SHAR NAS SA CHU ME RLUNG GI SGRA SOGS SNANG BA JI SNYED SHAR NAS SKYE SRID DU PHA MA GNYIS KYI KHU KHRAG GI DBUS SU NYING MTSAMS SBYAR NAS KHAMS DKAR DMAR GNYIS KYIS LUS BSKYED CING, KHYAD PA MA'I KHAMS DMAR PO DES LUS BSKYED PA YIN TE, DE SKABS ZLA MTSAN MI 'DZAG PA'ANG BU'I LTE BAR KHRAG 'GRO BA'I LAM 'ONG BA DANG, MNGAL KHRAG GI DVANGS MA DE LTE BAR GNAS PA DE LA AA THUNG NGAM NANG GI RDO RJE PHAG MO ZHES PA DE'I RNAM 'GYUR LA BRTEN NAS PHYI'I RNAL 'BYOR MA GSUM RIM BZHIN 'DU BA DANG, DE LA BTEN NAS NANG GI RNAL 'BYOR MA 'BAR BA DANG, SPYI BO'I BYANG SEMS 'DZAG PA'I 'DU 'PHROD LA

, ,BRTEN NAS BDE STONG GNYIS SU MED PA DE RGYUD LA SKYE BAS NA DE THAMS CAD SEMS GCIG PU'I BYED LAS KHO NA LAS MA 'DAS PA BZHIN DU, YUL NYI SHU RTZA BZHI DANG, GNAS SUM CU RTZA BDUN LA SOGS PA 'DZIN MA'I KHYON KHYAB PA'I DPA' BO DANG RNAL 'BYOR MA JI SNYED YOD PA THAMS CAD 'OG MI NAN BZHUGS PA'I RNAL 'BYOR MA DE'I SPRUL PA 'BA' ZHIG YIN PAS NA SANGS RGYAS THAMS CAD KYIMKA' 'GRO MA, ZHES GSUNGS SO, ,'ON LHA PHO RNAMS LA MKHA' 'GRO'I SGRA 'JUG KYANG, MKHA' 'GRO MA'I SKRA 'JUG PA'I RGYU MTSAN JI LTA BU YIN SNYAM NA, SPYIR BDE STONG GNYIS MED STONG PHYOGS SHES RAB BRJOD BYA'I GTZO BOR STON PA, BDE DGYES SOGS MKHA' 'GRO MA'IRGYUD DANG, SNANG PHYOGS THABS BRJOD BYA'I GTZO BOR STON PA GSANG 'DUS SOGS PHA RGYUD KYI DON GYI

SNYING PO, CHOS NYID STONG PA NYID KYI MKHA' LA RIG PA YE SHES 'GOR BAS, DE'I PHYIR MO RTAGS KYI RKYEN BYIN PA YIN NO, ,BUM SGRUB KYI BSZLAS PA 'DI'I NYE SNYING GI BYED PA SA LUGS LA YOD PA 'DRA BAS DGE LUGS LA MI BZHED CING, BYIN RLABS DRUG SKOR BYA BA, RANG SNGAGS KYI BYIN RLABS, SANGS RGYAS MKHA' 'GRO MA'I SNGAGS, SGOM BZHI'I SNGAGS, A'A LI K'A LI, YI GE BRGYA BA'I BYIN RLABS TE SA DGE THAMS CAD BZHED PA DE DAG GIS BDAG GI BZHI BSGYUR BA'O, ,TSAR CHEN GYIS, YID 'ONG RGYAL YUM + RTZE DAGS ROL PAR SHOG ,CHES GSUNGS TE, PHYI NANG GSANG BA'I RNAL 'BYOR MA'I RANG ZHAL MTHONG BA'I SMON LAM YIN LA, DE YANG SNGAGS SKYES LHAN SKYES PHO NYA'I TSOGS, ZHES GSUNGS PA LTAR, BUD MED LAM THUN MONG BAS RGYUD SBYANGS PA BSKYED RIM GYI RTOGS PA SNE

, ,ZIN SKYES PA SNGAGS SKYES DANG, YUL NYER BZHI'I ZHING SKYES KYI RNAL 'BYOR MA DANG, 'OG MIN LHAN SKYES KYI RNAL 'BYOR MA 'DU BA STE MJAL BAR SHOG CHES PA DANG, DE LA BRTEN NAS LTE BA'I RTZA MDUD GRU GSUM YOD PA AE DANG, DE DBUS BYANG SEMS DMAR PO YOD PA BAm GYI NGO BOR GNAS PA NANG GI RNAL 'BYOR MA MJAL BAR SHOG CHES PA DANG, LTE BA'I BAm YIG STONG PA NYID DANG DBYER MED PA'I RNAL 'BYOR MA'I NGO BO DANG, SPYI BO'I BYANG SEMS DKAR PO BDE BA CHEN PO HE RU KA'I NGO BOR GNAS PA LA PHYI'I RKYAN LAS RGYA DANG MNYAM PAR SBYAR BA LA BRTEN NAS PHYAG RGYA MA'I BHA GA NAS RLUNG SPOS RENG GI DUD PA LTA BU BYUNG BAS RANG GI THUR SEL GYI RLUNG GYEN RLUNG GYEN DU LDOG NAS LTE BA'I GTUM MO'I ME SBAR, SPYI BO'I BYANG SEMS BABS PA'I 'DU 'PHROD BYED PA NANG DANG, DE LA BRTEN NAS BDE BA, SKYES BDE BAS STONG PA NGES

PA'I BDE STONG DBYER MED 'BRAS DUS KYI CHOS SKUR SHAR BA DE GSANG BA'I RNAL 'BYOR MA YIN PAS DE'I RANG ZHAL MTHONG BAR SHOG ,CES PA'O, ,SEMS 'DZIN NI, SNGA MA RNAMS LA SHAR SGOM LAM TZAM SONG RJES DE RNAMS MA BRJED PA'I STENG DU, MGUL LA SHA'I RI MO STE GNYER MA GSUM GYI STENG MA MI GSAL BA'I TSUL DANG, PADMA R'A GA'I BUM PA LTA BU, NU MA GNYIS KYI BAR DOG PA, NU 'BUR MTHO ZHING 'PHRANG BA BCAS LA NGA RGYAL DANG SBRAGS NAS ZA BA GSAL GNYIS MED KYI RNAL 'BYOR BSKYANG BAR BYA'O, ` ,NUB DGU BAR, BDUN PA 'GRO BA DAG PA'I RNAL 'BYOR NI, 'GRO BA DAG PA DANG DPA' BO DPA' MOS BYIN GYIS BRLAB PAR SGRO 'DOG BCAD NAS PHYAG GNYIS KYI SEMS 'DZIN GTONG BA LA, GNYIS PA GZHAN GYI GZHI SBYANGS BSGYUR GNYIS LAS, RANG GI SNYING KHAR CHOS 'BYUNG NYIS BRTEGS KYI ZLA GDAN LA

, ,BAm YIG SNGAGS PHRENG DANG BCAS PA LAS 'OD ZER KHA DOG SNA LNGA SPRO BAR BYA ZHING BLOS 'CHUN ZHING SPRO NA, DKAR PO LAS SKU 'KHOR, DMAR PO LAS GSUNGS 'KHOR, SNGON PO LAS THUGS 'KHOR, SER PO LAS BDE CHEN GYI 'KHOR LO, LJANG GU LAS DAM TSIG GI 'KHOR LO'I LHA TSOGS RNAMS SPROS TE 'OD ZER GYIS REG PA TZAM GYIS SNOD BCUD THAMS CAD KYI NYES SKYON SKAD CIG GIS SBYANGS PAR BSAM, GNYIS PA NI, SNOD THAMS CAD BDE STONG GI RANG BZHIN THOGS THUG MED PAR 'JA' 'OD LTA BU DANG, BCUD KYI SEMS CAN THAMS CAD RDO RJE PHAG MOR MOS TE SEMS RTOG MED CHOS SKUR BSAM PA NI RANG GI SNANG NGO'I MA DAG PA RNAMS SBYONG NUS SHING, TSOGS RDZOGS PA PHAR PHYIN THEG PA'I GTONG LEN LAS BRGYA 'GYUR STONG 'GYUR GYIS CHES KHYAD PAR 'PHAGS SHING, SEMS CAN RNAMS

LA DNGOS SU MI PHAN KYANG RANG GI TSOGS MYUR DU RDZOGS NAS SANGS RGYAS KYI GO 'PHANG THOB LA, DE NAS SEMS CAN RNAMS LA'ANG DNGOS SU PHAN ZHING GZHAN DU DKYIL 'KHOR RGYAL MCHOG GI TING NGE 'DZIN 'BYUNG BA DANG RNAM PA MTHUN NO, ,GZHUNG DU 'DIR DPA' PO DPA' MOS BYIN GYIS BRLAB PAR GSUNGS KYANG, TSAR CHEN RANG GI ZHAL SHES KYI YIG CHUNG DANG, RJE RIN PO CHE, LCANG SKYA SOGS SKABS 'DIR LUS DKYIL BSGOMS NAS DE'I RJES SU PHO NYA GSUM BSRE BAR GSUNGS PA LTAR ZAB PA DANG, NGAG 'DON GYI GO RIM DANG YANG BSTUN LUS DKYIL BSGOM PAR BYA STE LUS DKYIL NI BKA' RGYA DAM PAR YOD PAS SHIN TU GSANG DGOS PA YANG, RTZA LTUNG DANG PO DANG GNYIS PA GNYIS DNGOS GRUB 'PHROG PA'I GEGS CHE SHOS YIN TE, BSNYEN BKUR BYAS PAS NUS MTHUN CHE, ,GSANG STE SPYOD PA BAR CHAD NYUNG, ,ZHES GSUNGS PA LTAR,

, ,SPYIR GSANG STE SPYOD PAS 'GRUB PAS NA GSANG SNGAGS ZHES GSUNGS ZHING, KHYAD PAR LUS DKYIL SOGS GSANG BA CHE RIGS BSHAD NA RANG GI DNGOS GRUB NYAMS PA'I RGYU MTHAR THUG YIN LA, NGAG 'DON LUS DKYIL BKOD STABS DPE 'DI YANG SU RUNG RUNG LA MI STON PAR BKA' BRGYA DAM PAR BYED PA NI GNAD SHIN TU CHE'O, ,LUS SKYIL GYI YIG CHUNG GZHUNG BZHIN LA, RANG RNAL 'BYOR MAR GSAL BA'I ZHABS MTHIL NAS DBU GTZUG GI BAR THAMS CAD 'JA' 'OD LTA BUR BSGOMS TE KHOG GRUM DANG RTZA SOGS GANG YANG MED PAR STONG SANG NGE BA BSAM ZHING, 'DI'I SGRUB GZHI MA LAS THOB PA'I KHAMS DMAR PO YIN PAS, RAS BRIS DANG RDUL TSON GYI SGRUB GZHI'I DKYIL 'KHOR BSKAL PAR BSGOM PA LAS PHAN YON CHE BA DANG, GZHUNG DU LUS DKYIL SHIN TU ZAB PAR GSUNGS KYANG ZAB PA'I RGYU MTSAN RJE BDAG NYID CHEN

PO MA BYON GONG NGOS 'DZIN LUGS SNA TSOGS BYUNG BA LAS, RJE YAB SRAS KYIS MI 'THAD PA DE DAG LUNG RIG GIS BKAG NAS, LUS LA LHA BSGOM PA TZAM GYIS LUS DKYIL MA YIN TE, DPER NA SKYE MCHED BZHIN YIN PAR GSUNGS KYANG, SA DGE'I YIG CHA PHAL MO CHER MTHON PA MAN NGAG LA YOD SHAG DANG, RANG GI LUS KYI CHA SHAS KYIS LHAN CIG BYED PA'I RKYEN DANG, SNGAGS PHRENG GIS NYE BAR LEN PA'I RGYU BYAS PA LA BRTEN NAS 'BYUNG BA YIN TE, DPER NA GSANG 'DUS LTA BU LA MTSON NA BDAG BSKYED RDZOGS PAR BSGOMS NAS LUS DKYIL BSKYED PA YIN LA, DE YANG BDAG BSKYED BSDUS NAS LUS DKYIL BSKYED PA DANG LUS DKYIL ZUR DU SGOM PA'ANG MA YIN, 'O NA JI LTAR YIN ZHE NA, RANG RDO RJE 'CHANG DU GNAS PA DE LAS THA MAL PA'I LUS KYI CHA SHAS RE CHAD NAS THIM PAS GZHAL YAS KHANG SKAD CIG

, ,GI SNGA MA DES NYE BAR LEN PA'I RGYU DANG, SKAD CIG PHYI MA RANG GI LUS DES LHAN CIG BYED PA'I RKYEN BYAS NAS GRUB PA LTAR RO, ,DES NA NANG GI DMAR CHA TI LA KA ZHES PA LTE BA'I RTZA MDUD GRU GSUM GYI DBUS SUM LAS THOB PA'I KHAMS DMAR PO RAKTA, DPYID CES PA SNYING GA'I BYANG SEMS KYI NGO BO'I BAm YIG LA THIM PA 'DI LA DUS 'KHOR LTAR AE WAm SGRA SGRUB DANG GZUGS SGRUB GNYIS KYI BSHAD PA BYAS NA YI GE BZHI YOD TSUL SOGS LA GO BA STER RGYU YOD PAS , DANG PO NI, THIG LE ZLA BA KHU BA SKU, ,RNAM BCAD NYI MA RDUL DANG GSUNG, AA YIG SGRA GCAN RNAM SHES THUGS, ,MKHA' KHAMS AE LA RNAM PAR GNAS, ,ZHES DUS 'KHOR RTZA RGYUD LAS GSUNGS PA'I 'GYUR BDE BAR RJE NYID KYIS 'GYUR BCOS MDZAD NAS PHYI NANG GZHAN GSUM LA SBYOR TSUL ZHA LU LO CHEN GYI DGONGS 'GREL

LAS THIG LE PHYI ROL DU ZLA BA DANG NANG DU KHU BA, GZHAN DU SKU MTSON PA DANG, DE BZHIN RNAM BCAD NYI MA DANG, RDUL KHAMS DMAR PO GSUNG AA NI SGRA GCAN DANG BAR DO'I SHES PA DANG THUGS SO, ,ZHES GSUNGS KYANG, DE'I DON YANG DUS 'KHOR, PHYI'I 'BYUNG BA BZHI SOGS LA PHYI DUS KYI 'KHOR LO ZHES DANG, SKYES BUA'I RGYUD KYIS BDUS PA'I LUS LA NANG DUS KYI 'KHOR LO DANG, SA LAM GYI RIM PA NYAMS SU BLANG BYA RNAMS LA GZHAN DUS KYI 'KHOR LO ZHES GSUNGS LA, DE DAG LA SBYOR TSUL NI BAm GYI THEG LE DE PHYI DUS KYI 'KHOR LO LA SBYAR NA ZAL BA MTSON, NANG LA SBYAR NA KHU BA, GZHAN LA SBYAR NA SKU MDOG ,RNAM BCAD PHYI LA SBYAR NA NYI MA, NANG LA SBYAR NA RDUL TE BUD MED GYI MNGAL KHRAG ,GZHAN LA SBYAR NA GSUNG MTSON, AA YIG PHYI LA SBYAR NA SGRA GCAN, NANG LA SBYAR NA BAR DO'I SHES PA, GZHAN LA

, ,SBYAR NA THUGS MTSON NO, ,'BRI DANG BGRANG BA GA-YAS NAS BTZAM, ,ZHES GSUNGS PA DE SGRUB TSUL NI LO CHEN GYIS AA YIG GI PAR DU AU'O, AU'I YI GE WA'O, ,GSAL BYED DBYANGS nA PA PHA ROL GYI YI GE DRANG NGO, ,'JIG RTEN PA'I NYE BAR SPYOD PA LAS THIG LE NGA ROR SONG, BRTEN PA'I CHED DU, GZHI LA 'DUN PA NYOS, NGI BYIN NGI SMIN 'OS KHYAD DON PHYIS, SROG GI AI BZHAG ,AA'I YI GE AI'I YI GE LA AE'O, ,PHA ROL PHYIS, AU'I YI GE LA AO'O MI ZER BA, CI ZHE NA, AA NI DON DAM PA'I BDEN PA MTSON PAS NA 'GYUR PA MED DO ZHES SOGS DUS 'KHOR 'GREL CHEN LAS, DON DAM PA'I BDEN PA LAS YOD MED DO, ,ZHES GSUNGS PA'I PHYIR RO, ,GNYIS PA GZUGS SGRUB NI, LO CHEN GYIS, DBUS SU AA YIG GRI GUG GI RNAM PA CAN GSUNGS PAS GRI GUG GI SO'I DBYIBS CAN TE

GZUGS SGRUB 'DI NI DHA RI'I YI GE STE LAN TSA'I MGO THUR DU BKUG PA LTA BU YOD GSUNG, SHAR DU AI YIG DBYUG PA'I RNAM PA, LHO RU Ri YIG TSEG DRAG GI RNAM PA, BYANG DU AU YIG THIG LE'I RNAM PA, NUB TU Li YIG THONG GUG GI RTZI'I DBYIBS CAN GYI RNAM PA LTA BU RNAMS 'DUS PA'I WAm DANG, DE'I SHAR DU TZA SDE GSAL BYED BRJOD DU MED PA RI MO'I RNAM RTZA'I DBYIBS CAN, PA, LHOR tA SDE, BYANG DU PA SDE, NUB TU TA SDE, STENG DU KA SDE, 'OG TU SA SDE BRJOD DU MED PA RI MO'I RNAM PA DE RNAMS RLUNG DANG SA THBAS SHES, ME DANG CHU THABS SHES, NAM MKHA' DANG YE SHES THAMS SHES YIN PAS DE LTAR BRI'O, ,THABS SHES KYI DON NI RI MO'I RNAM PA RNAMS GANG YANG MIN GYI PHYOGS RE RER NYIS SDEBS BYED PA YIN ZHING, RANG PHYOGS LA SHAR DU BYAS PAS LHO'AM GA-YON PHYOGS SU STONG SANG

, ,YOD CING, YI GE'I DBYIBS GRU GSUM GYI TSUL DU 'ONG BAS RNAL 'BYOR MA LA MTSON NA SHAR NUB GNYIS DANG STENG BCAS LA CHOS 'BYUNG GCIG ,LHO BYANG GNYIS DANG, 'OG BCAS LA CHOS 'BYUNG GCIG BYAS NAS SBYOR RO, ,'JAM DPAL MTSAN BRJOD LAS, STONG PA CHEN PO YI GE LNGA, ,ZHES PA BAm LA YI GE LNGA YOD PA, DE ZLA GDAN DANG GRA BZHI'I DGA' 'KHYIL BZHIS MTSON THIG LE STONG PA YI GE DRUG ,CHES PA CHOS 'BYUNG LA YI GI DRUG YOD PA DE ZUR DRUG GIS MTSON NO, ,DE YANG RANG GI LUS THOG MAR CHAGS PA'I TSE KHAMS DKAR DMAR GYI DBUS SU RNAM SHES ZHUGS PA NA, RTZA DBU RKYANG RO GSUM, DBU MA LA RO RKYANG GIS 'KHYAD PA'I MDUD MTSAMS NAS SHAR DU SUM SKOR MA, LHOR 'DOD MA STE LNGA MNYAM DU CHAGS, DE RJES SU BDUD BRAL MA, RO RKYANG

GIS MDUD MTSAMS NAS NUB TU KHYIM MA, BYANG DU GTUM MO STE GSUM MNYAM DU CHAGS PA 'DI RNAMS LA SNYING KHAR THOG MAR CHAGS PA'I RTZA ZER, DE NAS SUM SKOR MA LAS SHAR LHO'I RTZA, 'DOD MA LAS LHO NUB KYI RTZA, KHYIM MA LAS NUB BYANG GI RTZA, GTUM MO LAS BYANG SHAR GYI RTZA GYES PA 'DI RNAMS LA SNYING GA'I RTZA 'DAB BRGYAD CES GSUNGS LA, 'DI BZHI NAS GZUGS SGRA DRI RO RNAMS 'BAB PA DANG, BZHI NAS REG BYA GTZO BOR 'BAB PA YIN GSUNG, SNYING KHAR THOG MAR CHAGS PA'I RTZA BRGYAD DANG, SNYING KHA'I RTZA 'DAB BRGYAD MI GCIG GO, ,RTZA 'DAB BRGYAD LAS KHAMS DKAR DMAR DANG RLUNG GTZO BOR 'BAB PA'I RTZA GSUM GSUM GYES PAS RTZA NYER BZHI CHAGS, DE LA GNAS NYER BZHI'I RTZA ZHES BYA, DE'I STENG DU SNYING GA'I RTZA 'DAB BRGYAD LAS BYUNG BA'I DBANG PO'I SGO BRGYAD

, ,KYI RTZA BRGYAD BSNAN PAS GNAS SUM CU RTZA GNYIS KYI RTZA ZHES BYA'O, ,DBU MA DANG SUM SKOR MA SOGS PHYOGS KYI RTZA BZHI GTZO BO YAB YUM DANG BDE CHEN GYI LHA MO BZHI DANG PHYOGS MTSUNGS, GNAS NYER BZHI'I RTZA KHAMS DKAR PO GTZO BOR 'BAB PA BRGYAD DANG SKU 'KHOR, KHAMS DMAR PO GTZO BOR 'BAB PA BRGYAD DANG GSUNG 'KHOR, RLUNG GTZO BOR 'BAB PA BRGYAD DANG THUGS 'KHOR, DBANG PO'I SGO BRGYAD KYI RTZA DANG SGO MTSAMS MA BRGYAD RNAMS PHYOGS MTSUNGS SO, ,DE NAS LTE BA'I BYANG SEMS DMAR PO THIM PA DANG MNYAM DU SNYING KHA'IRTZA 'DAB SHAR GYI SUM SKOR MA, LHO'I 'DOD MA, NUB KYI KHYIM MA, BYANG GI GTUM MO BZHI RTZA NANG GI KHAMS DANG BCAS PA LAS RANG 'DRA GNYIS PA RE CHAD NAS DBUS KYI BAm YIG LA THIM, BAm YIG YONGS SU GYUR

PA LAS AA THUNG YAR LA WA BZHI DANG BCAS PAR GYUR, DE BZHIN DU NANG GI GNAS NYER BZHI'I RTZA, SKRA MTSAMS PULLI RA MA LA, SPYI GTZUG DZ'A LAN DHA RA, RNA BA GA-YAS AO d'I YAN, LTAG PA AARBU TA, RNA BA GA-YON PA GOO DVA BA RI, SMIN MTSAMS RA ME SHVA RI, MIG GA-YAS GA-YON DE WI GO tI, PHRAG PA GNYIS M'A LA WA, MCHAN ? KHUNG GNYIS KA MA R'U PA, NU MA GNYIS AO tI, LTE BA TRI SHA KU NE, SNA RTZE KO SA LA, KHA KA LINGKA, MGRIN PA LAM PA KA ,SNYING KANYTZE RA, 'BRAS BU GNYIS HI MA LA YA, MTSAN MA PRE TA P'U RI, BSHANG LAM GRI HA DE BA TA, BRLA GNYIS SOO R'AshtA, BYIN PA GNYIS SU WARnA DV'I PA, MTHE BONG MA THE BA'I SOR MO BCU DRUG N'A GA RA, BOL GONG GNYIS SINDHU RA, MTHE BONG BZHI MA RU, PUS MO GNYIS KU LU T'A STE NYER BZHI'I DANG, KHA LTE RTAGS BSHANG MDZOD RNA MIG SNA STE

, ,DBANG PO'I SGO BRGYAD DANG BCAS PA DE RNAMS GSUGS, RTZA DANG KHAMS GNYIS PA RE CHAD NAS AOm GSUM MA'I SNGAGS PHRENG LA THIM PA'M YANG NA CHOS 'BYUNG ZLA GDAN GSAL GTAB PA LA LTE BA'I BAm YIG GI RNAM PA'I TI LA KA DER DRANGS TE PHYOGS BZHI'I RTZA KHAMS THIM PA YONGS SU GYUR PA LAS AA THUNG YA RA LA WA BZHI DANG GNAS NYER BZHI DANG DBANG PO'I SGO BRGYAD KYI RTZA KHAMS GNYIS PA RE ZLA GDAN GYI STENG DU GNAS PA YONGS SU GYUR PA LAS, DBUS SU AA THUNG LAS ZHES SOGS CHO GA'I TSIG RIS BZHIN BSKYED, LUS DKYIL RDZOGS RIM ZAB MO'I RTOGS PA SKYE BA'I GNAD MTHAR THUG YIN TE LUS KYI RTZA RNAMS DPA' BO'I RANG BZHIN DANG KHAMS RNAMS DPA' BO'I RANG BZHIN YIN PAS DE RNAMS PHYI'I YUL DANG GNAS YIN PAR BLO THAG BCAD NAS BSGOM NA DE RNAMS KYI DPA' BO DANG DPA'

MO RNAMS KYIS YID LTAR MGYOGS PA'I SHUGS KYIS BYON NAS BYIN GYIS BRLABS PA NA ZAB PA'I GNAD CIG YIN TE, DPER NA GCOD GZHUNG DU DUR KHROD GNYAN SAR 'GRO MA NUS NA DE'I RDE'U RANG GI STAN 'OG TU BCUG NAS DER MOS NAS GCOD BTANG NA DUR KHROD DER BTANG BA BZHIN TSAR LTONGS 'BYUNG BA BZHIN RTEN 'BREL GYI GNAD YOD CING, LUS DKYIL GSANG 'DUS LAS BDE MCHOG GIS RTZA RNAMS KYI RTZE MOR LHA BSKYED PAS ZAB PA DANG DE LAS KYANG RJE BTZUN RDO RJE RNAL 'BYOR MA RTZA RNAMS KYI RTZA BA SNYING KHAR ZUG PA'I RTZA KHAMS DE RNAMS DANG DBYER MED DU BSGOM PA'I ZAB PA LAS KYANG CHES SHIN TU ZAB PHA NI PHYI'I RNAL 'BYOR MA SNGAGS SKYES LA BRTEN NA 'GRUB DKA' ZHING, ZHING SKYES LA BRTEN PA 'BRING, LHAN SKYES LA BRTEN NA MYUR BAR 'GRUB, DE BZHIN RTZA KHAMS SO GNYIS KYI SNGAGS PHRENG

, ,LA BRTEN PA YUN RING ZHING, RTZA 'DAB BZHI'I NGO BO YA RA LA WA BZHI LA BRTEN PA NI 'BRING, DBU MA'I NGO BO AA THUNG LA BRTEN PA NI MYUR BA YIN, DE YANG RANG GI NU MA GNYIS THAD SNYING KHA'I DBUS SU YI GE RANG RANG GI SKU MDOG DANG MTSUNGS PA NGAG 'DON BZHIN DU RM GYIS GSAL GDAB BO, ' ,BRGYAD PA DPA' BO DPA' MOS BYIN GYIS RLOB PA NI, GTZO 'KHOR THAMS CAD KYI THUGS KAR CHOS 'BYUNG ZLA GDAN SNGAGS PHRENG BAm YIG DANG BCAS PA GSAL BTAB NAS 'OD ZER SPRO BA'AM BLOS MA 'CHUN NA GTZO MO GCIG PA'U THUGS KA'I BAm YIG GI N'A DA LAS 'OD ZER DMAR PO LCAGS KYU LTA BU DPAG TU MED PA SPROS TE GTZO MO DANG, PHYOGS BZHI'I RNAL 'BYOR MA'I SMIN MTSAMS NAS THON PHYOGS BCUR SONG BAS DE DAG BZHU BA'I DPA' BO DANG RNAL 'BYOR MA THAMS CAD DANG, SNGON

DU SEMS CAN THAMS CAD RNAL 'BYOR MAR GYUR PA THAMS CAD RTEN BRTEN PA CHA TSANG BA STENG NAS BYON PA RNAMS CHAR CHEN PO BABS PA LTA BU DANG BAR NAS BYON PA RNAMS CHOS SDE CHEN POR MANG JA TSOGS PA LTA BU DANG, 'OG NAS BYON PA RNAMS SA RLANGS RDOL BA LTA BUR GYEN NAS RANG GI NYE LOGS SU BYON PA NA GCIG LA GCIG LA GCIG THIMS SU GYUR NAS MTHAR BSGOMS PA DANG 'DRA BA'I RTEN BRTEN PA GCIG TU GYUR PAR BSAM, 'DI'I SKABS KYI NGO MTSAR SGYU MA'I PHYAG RGYAL, DZVA LA ZHES PA 'BAR BA DANG, DRAL BA DANG, SGO DANG, NYA'I RGYA DANG, SGYU MA SOGS DON MANG PO LA 'JUG PA LAS 'DIR 'BAR BA LA BSGYUR BA 'GYUR LEGS PA YIN ZHES RJE RIN PO CHE GSUNGS LA, DE NI MTHE BONG GNYIS LTO SBYAR, MDZUB MO GNYIS 'KHYUD, GUNG MO GNYIS RTZE SPRAD, GZHAN RNAMS GYEN DU BSLANGS PA ME

, ,'BAR BA LTA BUR B6AS, RKANG PA SKYIL KRUNG BSHIG NAS GA-YAS BRKYANGS BYAS GA-YAS PA'I MDZUB MO GA-YON PAS MNAN, MIG NU MA GA-YON PA'I 'OG GYEN DU BLTA BAR BYAS LA, SMIN MTSAMS SU DANG POR GA-YON DU SKOR, DE NAS GA-YAS SU BSKOR ZHING, 'DI DAG LA BZHED TSUL SNA TSOGS YOD KYANG RJE'I BZHED PA LTAR RO, ,DAG TU PHEm ZHES BRJOD PAR BYA STE GZHUNG DU BKOD PA NI YI GE MA DAG PA YIN PAS, PHA DANG AE DANG MA STE DE GSUM GYI GDANGS TON NA, PHA'I SROG GI AA DES PHA ROL GYI AE YIG MTHONG BA'I RKYEN GYIS AE YIG LA AAm STE ZHES PA'I SROG GI AA DE AEE RU BSGYUR BAS DE RNAMS MTSAMS SBYAR BAS DON LA KHOS SHIG CES PA STE, SNGAGS DANG PHYAG RGYA DANG TING NGE 'DZIN GYI MTHUS PHYI ROL GYI RNAL 'BYOR MA THAMS CAD 'BYON GYI, GAL TE MI 'BYON NA DAM TSIG

NYAMS PA YIN PAS MGO BO KHOS PA STE BKOS PA'AM GAS SHIG CES PA'O, ,YANG YI GE GSUM GYIS PHO NYA GSUM MTSON PA NI, RANG RNAL 'BYOR MAR BSGOMS PA DANG SEMS CAN THAMS CAD RNAL 'BYOR MAR GYUR PA NI SNGAGS SKYES KYI PHO NYA, YUL NYER BZHI'I RNAL 'BYOR MA NI ZHING SKYES KYI PHO NYA, 'OG MIN NA ZHUGS PA NI, LHAN SKYES KYI PHO NYA STE DE THAMS CAD GCIG TU BSRE BA LA PHO NYA GSUM BSRE ZHES GSUNGS, MDOR NA PHYOGS BCU'I NAM MKHA'I MTHAS KHYAB PA'I SEMS CAN RNAL 'BYOR MAR GYUR PA DANG SANGS RGYAS SRAS DANG BCAS PA THAMS CAD RNAL 'BYOR MA RTEN BRTEN PAR SPYAN 'DREN PA YIN, DE NAS DGUG GZHUG BCING MNYES BYA STE, DZA: ZHES BRJOD PA'I TSE LCAGS KYU'I PHYAG RGYA BYAS LA GTZO MO NAS ME RI'I BAR THAMS CAD MI THOG TU MI BRTEGS PA LTAR BYA'O,,

, ,H'Um; BRJOD PA'I TSE ZHAGS PA'I PHYAG RGYA BYAS LA YE SHES PA RNAMS DAM TSIG PA LA THIM ZHING DAM YE MA 'DRES PAR SO SOR BSRE BAR BSAM, BAm ZHES BRJOD PA'I TSE LCAGS SGROG GI PHYAG RGYA BYAS LA DAM YE GNYIS CHU DANG 'O MA 'DRES PA BZHIN DBYER MED DU GYUR, HO: ZHES BRJOD PA'I TSE DRIL BU'I PHYAG RGYA BYAS LA YE SHES PA DAM TSIG PA LA MI DGYES PA MED PAR MNYES BZHIN BZHUGS PAR BSAM LA 'KHOR 'DAS SNOD BCUD THAMS CAD RANG NYID KHO NA LAS MA 'DAS SO SNYAM DU BSAM MO, ,DE NAS SNGAGS BRJOD PA DANG MNYAM DU LAG PA GA-YAS THABS DANG GA-YON SHES RAB KYI RANG BZHIN GNYIS PAD KHOR SNGON DU 'GRO BA'I 'KHYUD RGYA BYED PA NI THABS SHES GNYIS SU MED PA MTSON, PAD KOR BYED LUGS LA RJE BDAG NYID CHEN POS SNYING PO'I PHYAG RGYA SBYIN PA ZHES SNYING KHAR

PAD KOR BYED PA DANG, YANG MAR PA DO PA'I LUGS LA THOG MAR GA-YON, DE NAS GA-YAS, DE NAS DBUS SU BYA BA DANG, YANG MAL LO TZ'A BAS RNAM LNGA 'DOD SKOR BYA BA THOG MAR DBUS, GA-YON GA-YAS DBUS SU BYED PA STE GANG BYAS KYANG RUNG, SNGAGS DON NI, AOm SNGAGS KYI 'GO 'DREN, YO GA NI RNAL 'BYOR TE THABS SHES DBYER MED DU SBYOR BAS NA RNAL 'BYOR, SHUD DHA NI DAG PA STE GANG DAG NA, SARBA THAMS CAD DANG DHA RM'A CHOS TE CHOS THAMS CAD DO, ,YO GA SHUD DHA NI SNGAR BZHIN, AA HAm NI NGA'O STE BDE STONG DBYER MED KYI SNOD BCUD THAMS CAD RTEN DANG BRTEN PAR SHAR BA DE NGA'O ZHES PA'O, ,SEMS 'DZIN BYA BA LA SNGAR BZHIN NGA RGYAL SPYI BYE BRAG LA GSAL SNANG MA BRJED PA'I STENG DU PHYAG GA-YAS SHIN TU 'JAM ZHING MNYEN PAS GRI GUG DANG GA-YON PAS THOD

, ,KHRAG GYEN DU PHYOGS TE KHRAG RGYUN GSOL BA, DPUNG MGO GNYIS ZLUM PA, RTZA MI MNGON PA, PHYAG MTHIL 'KHOR LOS MTSAN PA, PHYAG SEN RNAMS MTHO ZHING SNYOMS PA SOGS MTSAN DPE LAS 'BYUNG BA LTAR DANG, MJUG TU SNGAR BZHIN BYA'O, ' ,NUB BCU PAR, PHO NYA GSUM BSRE BA DANG GO CHA BCING BA GNYIS LA SGRO 'DOG GCOD PA DANG RKED PA NAS ZHABS KYI BAR GYI SEMS 'DZIN GTONG BA LA, PHO NYA BSRE BA 'DI LA, PHYI'I PHO NYA GSUM BSRE BA, NANG GI PHO NYA GSUM BSRE BA, GSANG BA'I NYA GSUM BSRE BA'O, ,DE LA PHO NYA ZHES PA NI BANG CHEN LTA BU 'DOD DON SGRUB MI LA ZER BA BZHIN, RANG GI LAM MYUR DU BGROD PAR BYED PAS NA, RANG PHO YIN NA DPA' BO DANG MO YIN NA DPA' MO RNAMS PHO NYA YIN, SNGAGS SKYES KYI RNAL 'BYOR MA MTSAN NYID

DANG LDAN PA NI BUD MED LAM THUN MONG BAS RGYUD SBYANGS NAS BSKYED RIM GYI RTOGS PA SNE ZEN SKYES PA YIN YANG, RANG GI BLOS SEMS CAN THAMS CAD RNAL 'BYOR MAR SGOM PA NI RJES MTHUN LTA BU YIN PAS SNGAGS SKYES KYI RNAL 'BYOR MA PHYI'I PHO NYA THA, YUL NYER BZHI'I ZHING SKYES KYI RNAL 'BYOR MA PHO NYA 'BRING, 'OG MIN LHAN SKYES KYI RNAL 'BYOR MA PHO NYA RAB STE, DE GSUM BSRE BA LA PHYI'I PHO NYA GSUM BSRE BA DANG, 'GA' ZHIG RTZA STONG PHRAG BDUN CU RTZA GNYIS NANG GI PHYO NYA THA, GNAS SO GNYIS KYI RTZA 'BRING, RTZA 'DAB BZHI PHO NYA RAB YIN PAR BZHED KYANG, RJE RIN PO CHE GNAS SUM CU RTZA GNYIS KYI RTZA THA, RTZA 'DAB BZHI 'BRING, DBU MA RAB STE DE GSUM BSRE BA NANG GI PHO NYA GSUM BSRE BA DANG, SEMS BDE BA'I NGO BOR SONG BA DES, YUL STONG NYID LA MNYAM PAR BZHAG STE

, ,DE DBYER MED LHAN SKYES KYI DGA' BA 'BRAS DUS KYI CHOS SKUR MOS PA YID BYED TZAM BYED PA THA, STOG NYID DON SPYI'I TSUL DU RTOGS PA DPE'I 'OD GSAL 'BRING, STONG NYID MNGON SUM RTOGS PA DON GYI 'OD GSAL RAB STE, DE GSUM BSRE BA LA GSANG BA'I PHO NYA BSRE ZHES BYA BA YIN NO, ,PHYI'I GNAS NYER BZHI NI 'DZAM BU GLING KHO NA LA YOD PA GZHUNG KHUNGS DAG MANG PO NAS 'BYUNG YANG; DE'ISTENG DU GNAS BCU GSUM GYI GRAS NAS SU WARnA, PRE TA, RI BO GANGS CAN, KO SA LA SOGS 'GA' ZHIG MA GTOGS 'DI DANG 'DI YIN ZHES GSAL KHA MI 'BYUNG LA, SU WARnA NI, BOD SKAD DU, SU BZANG BA DANG, WARnA MDOG LA 'JUG PAS MDOG BZANG ZHES GSUNGS ZHING, MDOG BZANG NI GSER GYI MING YIN PAS MGON PO GSER GLING PA BZHUGS PA'I YUL DE

YIN PAR GSUNGS LA, PRE TA NI YI DVAGS TE YI DVAGS KYI GRONG KYHYER BYA BA DANG, RI BO GANGS CAN NI DA LTA'I GANGS RI 'DI YIN ZER BA DANG, MIN ZER BA YOD LA, KO SA LA NI RGYAL PO GSAL RGYAL BZHUGS SA DE'O, ,RNAL 'BYOR MA SO BDUN DANG SBYOR TSUL 'GA' ZHIG GNAS NYER BZHI'I STENG DU, GNAS DANG NYE BA'I GNAS, ZHING DAG NYE BA'I ZHING, TSAN DO DANG NYE BA'I TSAN DO, 'THUNG SPYOD DANG NYE BA'I THUNG SPYOD, 'DU BA DANG NYE BA'I 'DUNG, DUR KHROD DANG NYE BA'I DUR KHROD SNON PA DANG, 'GA' ZHIG DUR KHROD BRGYAD DANG GLING BZHI RI RAB DANG BCAS PA SNON PA YOD PA LAS PHYI MA BDE BA MNGON TE, GNAS NYER BZHI'I STENG DU BCU GSUM BSNAN NA SO BDUN DU 'GYUR LA, DE BZHIN DU LUS DKYIL GYI RNAL 'BYOR MA SO GNYIS KYI STENG DU YUM BZHI GTZO MO DANG BCAS PA LNGA BSNAN

, ,PAS SO BDUN DU 'GYUR ZHING GTZO BO SOGS LNGA PO GLING BZHI RI RAB DANG LNGAR SBYAR BAS SO BDUN DU GRANGS MTSUNGS SO, ,DE YANG SNOD BCUD THAMS CAD LA DAG PA'I SNANG ZHEN BSKYED PA GAL CHE STE, TSAR CHEN GYIS, SNOD KYI 'JIG RTEN AE YIG GZHAL MED KHANG, ,ZHES SOGS GSUNGS TE, SNOD KYI 'JIG RTEN THAMS CAD AE'I DBYIBS CAN GYI CHOS 'BYUNG DANG, BCUD KYI SEMS CAN THAMS CAD BAm YIG GI NGO BO RNAL 'BYOR MAR GYUR PA DE DAG RANG LA THIM PAS BDE STONG DBYER MED ZUNG 'JUG GI TING NGE 'DZIN RGYUD LA SKYE ZHING DE LA BRTEN NAS YUL SNANG DU GANG SHAR THAMS CAD DAG PA'I SNANG BAR 'CHAR BAR SHOG CES PA'O, ,LUS DKYIL LA THUN MONG DANG THUN MONG MA YIN PA GNYIS YOD PA LAS, THUN MONG BA NI AINDRA BHU TI NAS BRGYUD PA'I PHAG MO ZHAL GNYIS

MA'I LUS DKYIL 'DIR BLANGS PA DANG, THUN MONG MA YIN PA NI 'DI YIN NO, ,DE NAS GO CHA BCING BA NI, GO CHA ZHES PA DPA' BO GA-YUL DU 'JUG PA'I TSE PHA ROL GYI MTSON SOGS BSRUNG BA'I PHYIR KHRAB RMOG SOGS LUS LA 'GO BA LA GO CHA GYON PA ZHES PA LTAR 'DIR RANG NYID LA GDON BGEGS KYI GNOD PA BSRUNG BA'I PHYIR DU GNAS SO SOR LHA'AM DE'I NGO BO'I YI GE 'GOD PAR GSUNGS LA; DAM YE GNYIS 'BRAL MED DU 'CHING BA'I PHYIR DANG, RANG NYID TING NGE 'DZIN LAS MI PHYED PA'I PHYIR YIN ZHES DANG, RMOR CHEN SOGS KYIS PHYI'I RNAL 'BYOR MAR 'GOD PAR MA ZAD, LUS DKYIL GYI GTZO 'KHOR THAMS CAD LA 'GOD PA YIN ZHES GSUNGS KYANG, RJE RIN PO CHE LO DRI LA GNYIS KYI SKABS SU PHYI'I GTZO 'KHOR THAMS CAD LA 'DOD PA YIN ZHES GSUNGS KYANG, RJE RIN PO CHES LO DRI LA GNYIS KYI SKABS SU PHYI'I GTZO BO'I GNAS SU BKOD PAS CHOG GI NANG GI LUS DKYIL LA MI DGOD PAR GSUNGS,

, ,'GOD TSUL NI LTE BA LTA BU LA MTSON NA BUG PA'I THAD KYI NANG DU ZLA GDAN MAndAL KHA SBUB PA LTA BU'I STENG DANG, PHYI ROL TU ME LONG BTAGS PA'I NGOS LA BRIS PA LTA BU MA YIN ZHING, SHA LPAGS KYI MTSAMS SU ZLA DKYIL GYI NGOS LA DON DAM PA'I BDE STONG DBYER MED PA'I YI GE'I RNAM PAR SHAR BA 'GOD PA YIN PAS RANG GI MDUN NAS GZHAN GYIS AOm BAm ZHES 'PHRENG BSGRIGS SU KLOG SHES PA TSUL DU 'GOD CING, DES MTSON NAS GZHAN THAMS CAD LA 'GRE, KHA'I YI GE NI LCE LA 'GOD PAR BSHAD LA RJE RIN PO CHE KHA LA 'GOD PAR GSUNG BA 'DI MGRIN PAR 'GOD GSUNG BA LTAR AOL BDUD KYI SHA SPAGS MTSAMS STZA 'GOD, YAN LAG LA 'GOD TSUL NI, RJE RIN PO CHE YAN LAG CHES PA LUS KYI RDUL PHRA RAB TSUN CHAD LA 'DOD DGOS LA, YANG NA LUS DBANG NGO BO RNAM SNANG DPRAL BAR GNAS PA

YIN PAS DER BYA BAR GSUNGS SHING, 'DIR TSIGS CHEN BRGYAD BYA BA LAG PA'I DPUG MGO GNYIS DANG, MKHRIG MA GNYIS DANG RKANG PA'I DPYI MIG GNYIS DANG PO LA GONG GNYIS TE BRGYAD LA 'GOD CING, DPRAL BA ZHES PA YE SHES KYI SPYAN GYI STENG PHYOGS SKRA MTSAMS SU 'GOD, RJE RIN PO CHES SKRA MTSAMS DANG 'TSOG MA GANG RIGS SU 'GOD PAR GSUNGS, BAm LA SOGS PA'I YI GE PHYI MA RNAMS NI PHAG MO LA SOGS PA'I YUM RNAMS KYI SA BON YIN LA, GO CHA'I SNGAGS RNAMS YUM GTZO BOR BYED PA YIN NA 'ANG, YUM STONG PHYOGS SHES RAB KYI CHA YIN PAS YI GE GA-YON PHYOGS YUM GYI SA BON 'OG YIN, AOm LA SOGS PA'I YI GE DANG PO RNAMS RIM PA BZHIN DU, RNAM SNANG DKAR PO, PADMA GAR DBANG DMAR PO, HE RU KA NAG PO, RDO RJE NYI MA DMAR SER, RTA MCHOG LJANG KHU LA SOGS PA'I YAB RNAMS

, ,KYI SA BON YIN PA SHUGS LA GO ,LTE BA'I AOm BAm LAS 'OD ZER DMAR PO SPROS PAS SKED PA NAS LTE BA'I BAR GYI SHA LPAGS KYI NANG THAMS CAD KHYAB, DE BZHIN DU RANG RANG GI YI GE'I MDOG DANG MTSUNGS PA'I 'OD ZER SPROS PAS LTE BA NAS SNYING GA DANG, SNYING GA NAS MGRIN PA DANG, MGRIN PA NAS SKRA MTSAMS DANG, SKRA MTSAMS NAS SPYI GTZUG GI BAR DANG, DPUNG PA GNYIS NAS GRU MO'I KHUG DANG DE NAS SOR RTZE'I BAR DANG, DPYI GNYIS NAS PUS MO'I BAR DANG, DE NAS RKANG RTZE'I BAR THAMS CAD 'OD ZER GYIS KHYAB CING, DE YANG RNAM 'JOMS KYI BSRUNG BA'I GO CHA LTAR 'OD ZER LA ZHIB PAR BLTAS NA YE GE DE DANG DE'I NGO BO 'BA' ZHIG YIN PAR BSAM PA NI GRUB CHEN LVA BA PA'I DGONGS PA YIN PAS GSANG BA'I GNAS SO, ,DE NAS PHYAG RGYA DANG RKANG STABS SOGS SNGAR

GZHIN BYAS LA PHEm ZHES BRJOD PA'I TSE RANG GI MDUN DU BYA ROG YOD NA DE PHAR TZAM SKROD NUS PA'I SGRA TZAM BYA BAR GSUNGS SHING, DE'I TSE THUGS KA'I BAm YIG LAS 'OD ZER DMAR PO LCAGS KYU LTA BU DPAG TU MED PA THUGS KA NAS SPROS, PHYOGS BCU'I RGYAL BA SRAS BCAS THAMS CAD DPAL 'KHOR LO SDOM PA LHA DRUG CU RTZA GNYIS KYI RTEN DANG BRTEN PA'I RNAM PAR SPYAN DRANGS TE, GCIG LA GCIG THIM GYI TSUL GYIS MTHAR RTEN BRTEN PA TSAN PA GCIG TU GYUR PA MDUN GYI NAM MKHAR BZHUGS PAR BSAM, DE DAG LA DMIGS NAS DE BZHIN GSHEGS PA ZHES SOGS KYIS GSOL BA BTAB PAS GTZO BO HE RU KAS DBANG BSKUR BA'I DGONGS PA MDZAD PA YIN GYI DNGOS SU DBANG MI BSKUR LA, SGO MTSAMS MA BRGYAD KYI THUGS KA NAS KHRO MO DPAG TU MED PA SPROS TE RANG NYID LAM NYAMS SU LEN PA LA BAR DU GCOD

, ,PAR RTZOM PA'I BGEGS RNAMS RGYA MTSO'I MTHAR BSKRAD, SKU GSUNG THUGS KYI DPA' BO NYER BZHIS AE WAm MNYAM PAR SBYOR BA SNGAGS KYI SKU ZHES SOGS KYI SHIS PA BRJOD, DPA' MO NYER BZHIS, BSREG TU MED CING BCAD DU MED, ,GZHOM DU MED CING BRJOD DU MED, ,CHES SOGS STONG NYID BRJOD BYAR STON PA'I RDO RJE'I GLU LEN, MTSAMS BZHI'I BDUD RTZIS GANG BA'I BUM THOD BRTZEGS PA LAS GZUGS RDO RJE MA SOGS 'DOD YON GYI LHA MO BZHI SPROS TE RANG NYID LA MCHOD PAR BYED, DE YANG DRI RDO RJE MA GZUGS RDO RJE MAR BSDUS LA CHOS NI THAMS CAD LA KHYA PAS NA BZHI'O, ,BDE CHEN GYI 'KHOR LO'I SHAR GYI MKHA' 'GRO MA NAG MO SOGS YUM BZHI DANG, GTZO BO'I YUM PHAG MO DANG BCAS PA LNGAS RIN PO CHE'I BUM PA BDUD RTZIS GANG BA THOGS TE, JI LTAR BLTAMS PA ZHES SOGS

GSUNGS BZHIN DU DBANG BSKUR BAR BSAM ZHING, DE'I DON NI, SNGON STON PA SANGS RGYAS SKU 'KHRUNGS PA'I TSE MDO LUGS GDUL BYA THUN MONG BA'I SNANG NGOR LHA KLU SOGS KYIS SKU KHRUS GSOL BA DANG, GDUL BYA THUN MONG MA YIN PA SNGAGS LUGS LA PHYOGS BCU'I DE BZHIN GSHEGS PAS DBANG BSKUR BA DPER MDZAD NAS DE BZHIN DU BDAG GIS KYANG BDE STONG GNYIS SU MED PA'I YE SHES SAM, DON DAM PA'I LHA BUM CHU'I RNAM PAR SHAR BA'I CHUS KHYOD LA KHRUS BGYI'O, ,ZHES SNGAGS GSUNG BZHIN DU SPYI BO NAS CHU RUB KYI TSUL DU DBANG SKUR BAS, DBANG GI CHU RGYUN GYIS LUS THAMS CAD GANG, RANG RNAL 'BYOR MAR GSAL BA LAS NGA RGYAL CUNG ZAD BTANG STE SDIG SGRIB BAG CHAGS DANG BCAS PA THAMS CAD GAR SONG CHA MED DU DAG ,BDE STONG GNYIS SU MED PA'I YE SHES RANG RGYUD LA

, ,SKYES; CHUS LUS GANG BA'I LHAG MA SPYI GTZUG TU RGYANGS KYIS LUD PA YONGS SU GYUR PA LAS, NOR BU'I NANG DU PAD ZLA'I GDAN LA RNAM SNANG HE RU KA YUM BCAS KYIS DBU BGYAN PAR BSAM ZHING, LUS DKYIL GYI GTZO 'KHOR THAMS CAD LA YANG RGYAS GDAB BO, ,SNGAGS DON NI, THOG MTH'I AOm DANG H'Um LA BSGYUR RGYU MED KYANG, SARBA THAMS CAD, TA TH'A DE BZHIN, GA TA GSHEGS PA AA BHI MNGON PAR, shE KA TA DBANG BSKUR BA, SA MA YA DAM TSIG ,SHRI YE DPAL GYI CHED DU, ZHES PA'O, ,'DIR RIGS BDAG RNAM SNANG GIS BYED PA YUM RNAM SNANG GI RIGS YIN PA'I RGYU MTSAN GYIS MA YIN GYI, YUM STONG PHYOGS SHES RAB CHOS SKU'I NGO BO LA, GZUGS PHUNG DAG PA RNAM SNANG GZUGS SKUS RGYAS BTAB PA DANG, RGYAS PA BYED NA DBANG DUS KYI DBANG LA

GZHI DUS DANG, RIGS BDAG RGYAS 'DEBS BYED PA LAM DUS KYI DBANG LEN PAR GSUNGS PA LTAR BYED NA BUM DBANG LEN PA DANG POS CHOG ,DE NAS DBANG LHA BZHUGS BZHUGS PA BYAS NAS BLA MA YAB YUM SNYOMS PAR ZHUGS PA'I BYANG SEMS LCER BZHAG PA MYANGS PAS GSANG DBANG THOB PAR MOS, 'KHOR LO SDOM PA GTAD PA DANG SNYOMS 'JUG BYAS BAS DE STONG SKYES PAR MOS LA SHER DBANG PAR MOS, DBANG GSUM PA'I SKABS KYI BDE STONG ZUNG 'JUG LA NGO SPRAD PAS TSIG DBANG THOB PAR BSAM PA YIN NO, ,DE NAS MCHOD BSTOD BYA BA LA, DANG PO LA BZHI, PHYI BUM DBANG DANG 'BREL BA'I MCHOD PA, NANG GSANG DBANG DANG 'BREL BA'I MCHOD PA, GSANG BA SHER DBANG DANG 'BREL BA'I MCHOD PA, DE KHO NA NYID TSIG DBANG DANG 'BREL BA'I MCHOD PA'O, , DANG PO NI, SNGAR NANG MCHOD BYIN

, ,RLABS KYI MJUG TU MA BYAS NA 'DIR MCHOD PA BYIN RLABS BYA, SGRIG TSUL NI BDE MCHOG LA MCHOD 'GO 'BUL YUL GYI GA-YON NAS BYED DGOS SO, ,MCHOD LHA SPRO BSDU GTZO MO'I THUGS KA'I BAm YIG LAS BYA LA, LHA MO RNAMS PHYAG BZHI MA'AM BLOS MI 'CHUN NA PHYAG GNYIS MA SPROS TE PHYAG GNYIS KAS MCHOD RDZAS THOGS NAS CHU GNYIS NYER SPYOD ROL MO 'DOD YON DANG BCAS PAS RANG DANG LUS DKYIL THAMS CAD LA DE KHO NA NYID KYIS MCHOD DO, ,GNYIS PA NI, RO RDO RJE MA DMAR MOS THOD PAS NANG MCHOD NAS BCUS TE, RANG RNAL 'BYOR MAR GSAL BA'I MDUN DU BZUNG BA LA LJAGS H'Um LAS SKYES PA'I RDO RJE RTZE GSUM PA'I DBUS RVA'I BUG PA LAS 'OD ZER SBUBS CAN 'PHROS PA NANG MCHOD LA ZUG NAS GSOL BAS ZAG MED KYI BDE BAS TSIM PAR BSAM MO, ,GSUM PA NI,

DRIL BU PAS, MYUR DU DNGOS GRUB BYED 'DOD PAS, ,PHYAG RGYA'I MCHOD 'DIS THE TSHOM MED, ,CES GSUNGS PA LTAR, LCANG SKYA'I GZHUNG DU PHYOGS BCU'I SANGS RGYAS THAMS CAD BYON NAS HE RU KAR GYUR PA DANG, RANG RNAL 'BYOR MAR GSAL BA SNYOMS 'JUG BYED PA GSUNGS KYANG, BRTAG GNYIS LAS, BUD MED GZUGS NI SPANGS NAS NI, ,ZHES SOGS RDO RJE 'CHANG GI DRI BA DRIS LAN GYI TSUL DU GSUNGS PA; RJE RIN PO CHES LUNG DRANGS NAS GSUNGS PA LTAR BZHED CING, KHAtV'Am GAS YAB MTSON PA DNAG, 'DI'I DBANG GI SKABS KHA tV'Am GA 'KHOR LO SDOM PAR GYUR NAS SNYOMS 'JUG BYED PA GZHUNG GZHAN DU BYED CING 'JUG PA BDE BPA'I PHYIR NGAG 'DON DU BKOD CING DE BZHIN BYED NA RAB LUS DKYIL DANG BCAS PA'AM, DE MIN RANG GCIG PU'I KHA tV'Am GA 'KHOR LO SDOM PA ZHAL PHYAG YONGS RDZOGS

, ,SAM ZHAL GCIG PHYAG GNYIS PA SKU MDOG SNGON PO RDO RJE DRI BU 'DZIN PA PHYAG RGYA DRUG GIS BRGYAN CING, RAL PA'I THOR TSUGS KYI MDUN DU SNA TSOGS RDO RJE DNG GA-YON LA ZLA PHYED KYIS SPRAS PA THOD RLON GYI PHRENG BA'I DO SHAL CAN DU GYUR NAS RANG DANG SNYOMS PAR ZHUGS, LHAN SKYES KYI BDE STONG SKYES PAR GYUR ZHES PAS BDE BA CHEN PO SKYES PA'AM MOS ZLO BYED PA NI SHER DBANG YIN NO,, BZHIN PA NI, DE LA BRTEN NAS CHOS THAMS CAD RANG BZHIN GYIS GRUB PA RDUL TZAM YANG MED PA'I STONG NYID RTOGS PA NI TSIG DBANG GI DNGOS GZHI YIN NO, ,DE NAS 'KHOR LO SDOM PA KHAtV'Am GAR SNGAR LTAR GYUR PAR BSAM, RJE RIN PO CHES, GSANG BA DANG DE KHO NA NYID KYI MCHOD PA 'DI RNAMS MCHOD PA GZHAN LAS KHYAD PAR 'PHAGS PA YIN PAS GAL SHIN TU CHE BAS YUN MI THUNG TZAM SGOM DGOS GSUNGS,

LUS DKYIL GYI LHA SO BDUN PO 'DI RNAMS BDE MCHOG GI LHA SO BDUN PO YIN NO, ,'O NA 'DI RNAMS PHYAG MTSAN KHA tV'Am GA YOD PA ZHE GCIG YIN LA, KHA tV'Am GAS NI YAB MTSON PAS BDE MCHOG GI SGO MTSAMS MA BRGYAD SOGS LA YAB MED DO ZHE NA, YAB SBAS PA'I TSUL DU YOD DE SGO MA BZHI LA KHVA GDONG 'UG GDONG SOGS MGO BRNYAN MI GCIG PAR YOD PA NI YAB SBAS PA MTSON PA DANG, MTSAMS MA BZHI NI, SKU LUS PHYED DMAR PO DANG BYED SNGON PO LTA BU'I PHYED SNGON PO LTA BU'I PHYED ZHAL CAN YIN PAS YAB SBAS PA DANG, BDE CHEN GYI LHA MO BZHI NI, LHAN CIG SPYOD PA'I YUM DANG RJES SU SPYOD PA'I YUM GNYIS YOD PA LAS, LHAN CIG SPYOD PA'I YUM NI SKU LA DNGOS SU 'KHYUD PA'I YUM PHAG MO YIN LA, RJES SU SPYOD PA'I YUM NI LHA MO BZHI PO YIN TE, GTZO BO LA ZHAL DBUS MTHING NAG ,

, ,GA-YON LJANG KHU, GA-YAS SER PO, RGYAB DMAR PO 'ONG BA YANG RANG RANG GI PHYOGS KYI LHA MO RNAMS LA GZIGS PA MTSON NO, ,GNYIS PA BSTOD PA BYA BA NI, THUGS KA'I BAm YIG GI N'A DA LAS BSTOD PA'I LHA MO DPAG MED SPROS TE THAL MO SBYAR NAS RANG GI ZHABS KYI MTHE BONG LA 'JUS PAR BSAM PA STE, BDE MCHOG LA SNGAGS KYI BSTOD PA GAL CHE BAR GSUNGS SHING MCHOD PA YANG SNGAGS MCHOD CES SNGAS BRJOD PAR GSUNGS PAS SNGAGS KYI RKANG BRGYAD 'DIS SNGAGS MCHOD DANG BSTOD PA GNYIS KA'I GO CHOD PA YIN PA DANG, MI LA BSTOD RA BYAS NA DGA' BA SKYE BA BZHIN DU; 'DIR YANG BSTOD PA BYAS PAS RANG RGYUD LA BDE STONG GNYIS MED YE SHES SKYES PAR BSAM ZHING BRJOD NA DPA'

PO DANG, MKHA' 'GRO MA RNAMS SPRIN BZHIN 'DUS PA RANG GI LUS LA ZHUGS TE, BYIN GYIS RLOB PA SOGS PHAN YON MTHA' YAS PA RGYUD KYI DGONGS PA LTAR TH'U KVAN CHOS KYI NYI MAS GSUNG ZHING, GZHAN LUGS LA SNGAGS 'DRA MIN SNA TSOGS 'JUG KYANG, 'DIR BKOD PA DGE LUGS RANG GI 'DON RGYUN LTAR BYINGS DAG PAR YOD CING, KA ME SHVA RI KHA GI ZHES PA'I KHA GE'I SNGAGS DON CHAD PA 'DRA BAS MKHA' 'GROR BSGYUR TE, 'DOD DBANG MKHA' 'GROR 'DUD CES BRJOD DO, ,BOD SKAD KYI DON RGYA CHEN POR 'GYUR BAS MA SPROS SHING BSTOD PA GRUB NAS LHA MO BAm YIG LA BSDU BA'O, ,SEMS 'DZIN GYI BYA BA LA SNGAR BZHIN PHYAG GNYIS KYI

, ,BAR NGA RGYAL DANG GSAL SNANG RES MOS KYIS BSKYANGS NAS SNGAR GYI DE DAG MA BRJED PA'I STENG DU, RKED PA PHRA BA, LTE BA ZAB CING, 'DOM STUG PA NAS KHRAG RGYUN 'DZAG PA, 'O 'THUNG GI BYIS PA LTAR RUS 'BUR SOGS MED PA'I ZHABS GA-YAS BRKYANGS PAS 'JIGS BYED NAG PO KHA PHUB TU 'GYEL BA'I MGO RGYAB TU BLTAB NAS MNAN PA, GA-YON BSKUMS PAS DUS MTSAN MA DMAR MO GAN RKYAL DU 'GYEL BA'I NU MA NAS MNAN PA, LONG BU SHAS MA KHENGS PA MED PA SOGS MTSAN DPE LTAR BSGOM PAR BYA, 'DI DAG GI SKABS SU ZAB GSAL GNYIS SU MED PA'I RNAL 'BYOR BSKYED RIM GYI SMIN BYED KHYAD PAR CAN DU 'GYUR TE, RNAM PA LHA LA DMIGS PA NI GSAL BA GZUGS

SKU SGRUB BYED DANG, 'DZIN STANGS RANG BZHI MED PAR ZAB PA CHOS SKU SGRUB BYED DANG, DE LTA BU'I NGA RGYAL GSAL SNANG YOD PA NI THABS SHES GNYIS MED KYI RNAL 'BYOR PA YIN LA, DE MIN RDZUN TE SNGAGS KYI SBOM PO 'BYUNG NGO, ,DE YAN NI RGYAN MED LA SEMS 'DZIN PA YIN ZHING, 'DI DAG GI SKABS DMIGS PA'I DUG DBYUNG ZHES BYA BA, DPER NA SHA LA DUG BYUNG BA DE 'DON PA LA, CHU NANG DU YUN RING BKOL GYIN BZHAG NA DUG MI THON PAR MA ZAD NUS PA CHER 'GRO LA; DE'I CHU YANG YANG BRJES KYI SKOL NA DUG 'DON NUS PA LTAR, 'DIR YANG THOG MAR DMIGS PA GCIG KHO NA LA GTAD NAS YUN RING SDOD RTZIS BYAS NA BYING RGOD SOGS KYI DBANG DU SONG NA, GSAL SNANG BSKYED MI NUS SHING THUN CHUNG NGUR BYAS TE YANG YANG BSGOM DGOS

, ,SO, ' ,NUB BCU GCIG PAR NGAG BZLAS DANG YID BZLAS DANG YID BZLAS GNYIS LA SGRO 'GOGS GCOD PA DANG, THOD SKAM NAS MGUL RGYAN GYI BAR SEMS 'DZIN LA, DGU PA BZLAS PA'I RNAL 'BYOR LA GNYIS, NGAG BZLAS SHUB BUS BZLAS BA DANG, YID BZLAS LCE DANG MCHU MI 'GUL BAR BZLA BA'O, ,DANG PO NI, LUS DKYIL GYI GTZO MO'I THUGS KAR CHOS 'BYUNG DMAR PO NYIS BRTZEGS DGA' 'KHYIL DANG BCAS PA'I DBUS SU ZLA GDAN LA BAm YIG GI MTHAR SNGAGS PHRENG 'GOD CING, 'KHOR RNAMS LA MA BKOD PA BDE BA DANG, GTZO 'KHOR THAMS CAD KYIS BZLA BAR MOS NA DE SNYED KYI 'GYUR 'BYUNG BAR GSUNGS, BZLAS PHRENG NI RAB MI RUS, MA 'BYOR NA BO DHI TZE LAS THAMS CAD LA RUNG BAR BSHAD LA, PHRENG BA BYIN RLABS BDE MCHOG

TU GSUNGS, 'DIR SPROS PA 'SDUS PA'I DBANG GIS PHYAG BZHES SU MI 'BYUNG ZHING, RMOR CHEN GYIS PA DE ZHES PA'I LNGAGS BZLA BAR BSHAD PA LTAR BSNYEN YIG TU BKOD PA BZHIN BYA, 'DREN LUGS NI BDE MCHOG LA GA-YON PAS BZLA BAR GSUNGS PA LTAR LHA DBANG DU SDUD PA YIN PAS DBANG GI LAS LA SRIN LAG LA PHRENG BA 'GEL BAR GSUNGS PAS RGYUN DU GRUB NA DANG BSNYEN PA'I TSE THOG MAR SRIN LAG LA 'GEL ZHING, DE NAS MI BDE BA BYUNG NA RJES SU CI BDER BYAS LA, RGYUN DU DAM BCA' JI TZAM YOD PA'I GRANGS LA NYUNG MTHAR BYAS TE BZLA ZHING, MKHA' SPYOD KYI DNGOS GRUB SGRUB PA LA NGAG BZLAS GTZO BO YIN PAS CI NUS BZLA BAR BYA'O, ,BSNYEN TSAD NI, SA LUGS LA 'BUM PHRAG BZHI SOGS DANG, SINDU RA'I SGRUB PA BYED NA 'BRU

, ,'BUM TSAR NYER GSUM BYA BAR GSUNGS LA, RJE RIN PO CHE NI 'BUM PHRAG GIS TSOG PAS, RDZOGS LDAN LA NI BGRANG BYA GCIG ,CES SOGS GSUNGS PA LAS RAB 'BYAMS SGRUB PA LA DGONGS KYI, RANG GI 'KHOR LO'I LHA YIS 'BUM, ,ZHES SOGS GSUNGS PA'I DON DKYIL 'KHOR GYI LAS RUNG TZAM LA 'BUM PHRAG GCIG GIS CHOG PAR GSUNGS, BZLAS DMIGS NI, GZHUNG DU BAm YIG SNGAGS PHRENG DANG BCAS PA LAS 'OD ZER 'PHROS TE RANG GZHAN GYI SDEG SGRIB SBYONG BA DANG, RGYAL BA SRAS BCAS MCHOD NAS DE RNAMS KYI BYIN RLABS NUS MTHU 'OD DU BSDU BA TZAM LAS MA GSUNGS SHING, BLO GROS DANG LDAN PAS BRTAGS NA GZHUNG DU GSUNGS PA'I BZLAS DMIGS PHAL CHER 'DUS TE GONG BU'I BZLAS PA, DAM TSIG GI BZLAS PA, KHYOGS

KYI BZLAS PA SOGS MANG DU YOD PA LAS 'DIR DANG PO GNYIS BYED PA YIN PAS BLO DMAN PA RNAMS KYIS NI RNAM GRANGS NYUNG BA LA SGRIL NA LEGS PA DANG, BLO GROS GSAL BA RNAMS KYIS BYED TSUL MANG DU SHES NA SEMS MA GA-YENG BA'I KHYAD PAR YOD PAS THOG MAR GONG BU'I BZLAS PA NI, BAm YIG GI MTHAR SNGAGS PHRENG DMAR PO BYU RU'I PHRENG BA LTA BU MGO GYEN DU MDUN NAS BRTZAMS TE GA-YON SKOR DU GNAS PA 'BRU RE RE NAS SHIN TU GSAL BA 'OD ZER 'PHRO BA'I DBUS NA 'OD KYI GONG BUR BSAM NAS SNGAGS PHRENG KLOG PA'I TSUL DU BZLA BA GONG BU'I BZLAS PA, L'A LI TAS, YI GE 'BAR BA LA SEMS BZUNG NA DNGOS GRUB MYUR BAR GSUNGS PA 'JIGS BYED LA MTSON PA TZAM YIN PAS GZHAN LA'ANG DE DANG MTSUNGS PAS 'DI LA SEMS MA GA-YENG BAR GNAS NA MCHOG TU 'GYUR,

, ,GNYIS PA NI, DON GNYIS BYED PA SANGS RGYAS SPYI'I DAM TSIG YIN PAR MA ZAD, RANG GIS KYANG DBANG DUS SU KHAS BLANGS PA'I RIGS LNGA'I NANG GI DAM TSIG LA SOGS PA RNAMS BSRUNG BAR BYED PAS NA, DAM TSIG GI BZLAS PA STE DE YANG BAm YIG SNGAGS PHRENG DANG BCAS PA LAS 'OD ZER DMAR PO DPAG MED 'PHROS, LUS DKYIL GYI GTZO MO'I NANG THAMS CAD GANG BA SPU'I SGO NAS 'PHROS, RANG GI LUS THAMS CAD 'OD ZER GYIS GANG, TSE RABS THOG MED NAS BSAGS PA'I NAD GDON SDIG SGRIB BAG CHAGS DANG BCAS PA THAMS CAD SBYANGS, SLAR YANG 'OD ZER PHYIR 'PHROS PA 'GA' ZHIG SNOD BCUD RNAMS LA PHOG STE SKAD CIG LA RDO RJE RNAL 'BYOR MA'I GO 'PHANG LA

BKOD PA DANG, 'GA' ZHIG GI SNE MO LA MCHOD PA'I BYED BRAG DPAG MED SPROS TE PHYOGS BCU'I RGYAL BA SRAS BCAS MCHOD PAS MNYES PAR BSAM LA, DE RNAMS KYI BYIN RLABS NUS MTHU THAMS CAD 'OD DMAR PO'I RNAM PAR RANG GI SNYING GAR BSDU, SKABS 'GAR 'OD ZER GYI SNE LA RNAL 'BYOR MA SPROS TE KHA tV'Am GA YAB TU GYUR NAS SEMS CAN RNAMS KYI SPYI BOR SNYOMS 'JUG BYAS PA'I BDUD RTZI'I RGYUN BABS PAS SDIG SGRIB BAG CHAGS THAMS CAD SBYANG PAR BSAM, SKABS 'GAR 'OD ZER GYIS SNE LA MCHOD PA CHU GNYIS NYER SPYOD ROL MO DANG BCAS PA DANG, 'DOD YON LNGA, RGYAL SRID BDUN, NYE BA'I RIN CHEN BDUN, BKRA SHIS RTAGS BRGYAD, RDZAS BRGYAD LA SOGS PA MTHA' YAS PA SPROS TE PHUL BAS BDE STONG GI YE SHES

, ,KHYAD PAR CAN 'KHRUNGS PAR BSAM, SKABS 'GAR NANG MCHOD THOGS PA'I LTA MO SPROS TE PHUL, SKABS 'GAR 'OD ZER GYI SNYE LA LHA MO YID DU 'ONG BA SPROS TE MCHOD YUL SO SO LA 'KHYUD PAS GSANG BA DANG, DE KHO NA NYID KYIS MCHOD PAR BSAM, SKABS 'GAR RDO RJE RNAL 'BYOR MA SPROS TE SNGAR BZHIN GSANG MCHOD PHUL BAS BDE STONG GI YE SHES 'KHRUNGS TE 'OD DU ZHU NAS RANG LA THIM PAR BSAM, SKABS 'GAR 'OD ZER DMAR PO LCAGS KYU LTA BU 'PHROS YUL NYER BZHI DANG, DAG PA MKHA' SPYOD KYI DPA' BO DANG DPA' MO RNAMS KYI SKU GSUNGS THUGS KYI BYIN RLABS DANG, ZHING DE'I NAM MKHA' MDZOD LA SOGS PA'I 'BYOR PA RNAMS KYANG 'OD DMAR PO'I RNAM PAR BSDUS NAS BAm YIG SNGAGS PHRENG DANG BCAS PA LA BSTIM, SKABS 'GAR YI

GE'I SGRA KHO NA LA SEMS BZUNG NAS SNGAGS BZLA BA DANG, SKABS 'GAR CHOS THAMS CAD RANG BZHIN GYIS GRUB PA MED PA'I YUL STONG NYID RTOGS MKHAN GYI BLO DE DANG YUL CAN BDE BA CHEN PO'I YE SHES GNYIS DBYER MED RO GCIG GI NGO BOR GYUR PA DE LA SEMS BZUNG NAS BZLA STE DON GYI BZLAS PA YIN, SKABS 'GAR RDO RJE RNAL 'BYOR MA'I RTEN DANG BRTEN PA SPROS TE GDUL BYA RNAMS LA CHOS BSTAN NAS LAM THUN MONG BAS RGYUD SBYANGS, DE NAS DBANG BSKUR RGYUD BSHAD MAN NGAG BSTAN PAS LAM RIM GNYIS BSGOMS NAS RDO RJE RNAL 'BYOR MA'I GO 'PHANG THOB PAR BSAM, SKABS 'GAR 'OD ZER SNA LNGA SPROS PA'I DKAR PO LAS SKU 'KHOR GYI TSOGS SPROS TE, SEMS CAN GTI MUG SHAS CHE BA RNAMS DANG, DMAR PO LAS GSUNG 'KHOR GYI TSOGS

, ,SPROS TE SEMS CAN 'DOD CHAGS SHAS CHE BA RNAMS DANG, SNGON PO LAS THUGS 'KHOR GYI TSOGS SPROS TE SEMS CAN ZHE SDANG SHAS CHE BA RNAMS DANG, SER PO LAS BDE CHEN NAM DAM TSIG GI 'KHOR LO'I TSOGS SPROS TE SEMS CAN NGA RGYAL DANG SER SNA SHAS CHE BA RNAMS DANG, LJANG KHU LAS SGO MTSAMS MA SPROS TE, SEMS CAN PHRAG DOG SHAS CHE BA RNAMS KYI SDIG SGRIB BAG CHAGS DANG BCAS PA THAMS CAD SBYANGS TE RDO RJE RNAL 'BYOR MAR GYUR TE RANG LA THIM PAR BSAM, SKBAS 'GAR 'KHOR LO SDOM PA'I RTEN DANG BRTEN PA YONGS RDZOGS SPROS TE 'OD ZER REG PA TZAM GYIS SNOD KYI 'JIG RTEN THAMS CAD CHOS 'BYUNG NYIS BRTEGS DANG, BCUD KYI SEMS CAN THAMS CAD LUS ZAG MED RNAL 'BYOR MA

DANG; SEMS RTOG MED CHOS SKUR GYUR PAR BSAM STE, ZAG MED CES PA DPE'I 'OD GSAL MAN LA YOD PA MA YIN ZHING DON GYI 'OD GSAL DAG PA'I SGYU LUS KHO NA YIN, RTOG MED CES PA'I DON NI, DA LTA RANG CAG GI SEMS NI RTOG PA MANG DU 'CHAR BA'I RTOG BCAS YIN LA, 'CHI BA 'OD GSAL GYI TSE RTOG PA THAMS CAD 'GAG CING DE YUN RING DU GNAS MI NUS PAR MYUR DU BAR DO'I LUS GRUB, DE BZHIN DU MTHONG LAM THOB NA MNYAM GZHAG GI SKABS SU STONG NYID MNGON SUM DU RTOGS NAS YUL YUL CAN RO GCIG TU GYUR NAS RTOG PA THAMS CAD 'GAG CING RJES THOB LA RTOG MED LA GNAS MI NUS LA, DER MA ZAD SA BCU'I BYANG SEMS KYANG MNYAM GZHAG GI SKABS SU RTOG PA 'GAG KYANG RJES THOB LA GNAS MI NUS SHING,

, ,'DI'I LAM DUS SU'ANG SEMS DBEN DPE'I 'OD GSAL SHAR BA NA RTOG PA 'GAG KYANG 'OD GSAL DE, LA GNAS MI NUS PAR ZAG BCAS KYI RLUNG LAS GRUB PA'I MA DAG PA'I SGYU LUS RDO RJE RNAL 'BYOR MA DKAR MO'I RNAM PAR LDANG, 'BRAS DUS SU MA DAG PA'I SGYU LUS NAM MKHA' LA SPRIN YAL BA LTAR GYUR NAS, DON GYI 'OD GSAL 'CHAR ZHING, DE DANG MNYAM DU NYON SGRIB SPANGS LA DA DUNG ZUNG 'JUG GI GO 'PHANG MA THOB PAS ZAG MED RLUNG 'OD ZER LNGA PAS NYER LEN BYAS NAS DAG PA'I SGYU LUS RNAL 'BYOR MA'I RNAM PAR LDANG LA, SKU DAG PA SGYU MA'I SKU DANG, THUGS DAG PA DON GYI 'OD GSAL TE SKU THUGS ZUNG GCIG TU GYUR PA NA, MNYAM RJES 'DRES NAS THUGS CHOS SKU LA MNYAM PAR BZHAG BZHIN PA DE

LAS MA GA-YOS BZHIN DU RJES THOB KYI BYA BA SEMS CAN GYI DON THAMS CAD 'BAD MED DU MDZAD PA YIN TE, MDZAD PA BDZAD KYANG RTOG PA NYER ZHI BA, ,ZHES GSUNGS PA LTAR, RTOG DPYOD KYI RIGS MI DGOS PAR DUS GSUM GYI SHES BYA THAMS CAD GSAL LE SENG DE MKHYEN BZHIN PA KHO NA YIN, SKABS 'GAR LUS DKYIL GYI GTZO MO NAS RIM PAS GSAL BTAB STE MI RI'I BAR LUGS 'BYUNG DANG, ME RI NAS GTZO BO'I SKYAN GYI BAR LUGS LDOG GI SEMS 'DZIN BYAS NAS NGA RGYAL DANG GSAL SNANG 'DON, SKABS 'GAR PHYOGS BCU'I RGYAL BA SRAS BCAS LA PHYI NANG GSANG BA DE KHO NA NYID KYI MCHOD PAS MNYES PAR BYAS, DE DAG GI SKU'I BYIN RLABS THAMS CAD RDO RJE RNAL 'BYOR MA'I SKU CHE BA RI RAB NAS CHUNG BA RDUL PHRA RAB TSUN

, ,CHAD KYI RNAM PAR RANG LA BSTIM, GSUNG GI BYIN RLABS THAMS CAD AOm GSUM MA DANG, DBYANGS GSAL DANG RTEN 'BREL SNYING PO'I RNAM PA DANG, THUGS KYI BYIN RLABS THAMS CAD KHA tV'Am GA DANG GRI GUG DANG THOD PA BDUD RTZIS GANG BA SOGS KYI RNAM PAR SPYAN DRANGS TE RANG LA THIM PAS BYIN GYIS BRLABS PAR BSAM, SKABS 'GAR SKU'I BYIN RLABS THAMS CAD 'OD ZER DKAR PO'I RNAM PA DANG, GSUNG DMAR PO, THUGS SNGON PO'I RNAM PAR BSTIM, SKABS 'GAR GZUGS SU SNANG BA THAMS CAD SKU DANG, SGRA GRAG TSAD THAMS CAD GSUNG, YID KYI DRANG RTOG THAMS CAD THUGS SU MOS PA STE 'KHYER SO GSUM BYA, NGAG 'DON DMAR PO BYED PA SPYIR BTANG BSKYEN PA ZHES PA LHA DBANG DU BYA BA'I PHYIR

YIN, ,DE DAG GI TSE SEMS MA YENGS PAR GTZO BOR 'BAD DGOS TE, GZHAN DU MI 'GRO'I ZHES SOGS GSUNGS PA LTAR SEMS RGYA YAN LA BTANG NA YUN RING PO'I BZLAS PA LA BRTZON PAR BYAS KYANG MI 'GRUB PAR GSUNGS PAS GAL SHIN TU CHE BAS BLO NUAS CI YOD KYIS NAN TAN BYA ZHING, DPUNG BZANG GIS ZHUS PA'IRGYUD LAS KYANG, BZLAS BRJOD BYED TSE MI MYUR MI DAL ZHING, ,SGRA CHER MA YIN HA CANG CHUNG BAS MIN, ,SMRA BZHIN MA YIN GZHAN DU GA-YENG GZHIN MIN, ,GUG SKYED KAL KOR TSEG RNAMS NYAMS PAS MIN, ,ZHES GSUNGS PA LTAR DGOS SO, ,MTSAMS KYI SKABS GZHAN DANG GTABM SNA TSOGS BYED PA DANG, YI GE GTONG LEN BYED PA, DPE SNA TSOGS LTA BA SOGS SEMS GA-YENG BA'I RGYU YIN PAS DE DAG SPANG DGOS SHING,

, ,DGOS NGES GYI GTAM PHRAN BU THUN MTSAMS SU BYA STE, SNGAGS 'CHANG NAM YANG SMRA BAR MI BYA STE, ,ZHES SOGS GSUNGS, SNGAGS DON NI, RIN 'BYUNG SGRUB THABS KYI NANG DU PHAG MO DBU BCAD MA ZHES PA DER GTZO 'KHOR GSUM YOD PA'I DBUS MA SANGS RGYAS MKHA' 'GRO MA'I SNGAGS LA, AOm SARBA BUDDHA d'A KI N'I YE H'Um PHAt SB'AH'A, ZHES DANG, GA-YAS SU RDO RJE RAB BSNGAGS MA'I SNGAGS LA, AOm BADZRA WARnA N'I YE H'Um PHAt, CHES DANG, GA-YON DU RDO RJE RNAM PAR SNANG MDZAD MA'I SNGAGS LA, AOm BADZRA BEE RO TZA N'I YE H'Um PHAt, CES 'BYUNG BAS, DANG PO'I SNGAGS DON, SNAGS RGYAS THAMS CAD KYIMKHA' 'GRO MA ZHES PA LA SANGS RGYAS THAMS CAD LA MKHA' 'GRO'I SGRA 'JUG NA YANG MA'I SGRA 'JUG PA'I RGYU MTSAN JI LTAR YIN ZHE NA THUGS BDE BA CHEN

PO'I YE SHES CHOS NYID KYI MKHA' LA 'GRO BA'I MKHA' 'GRO MA ZER ZING, DE YANG BYINGS SGYUB KYI SKABS d'A KI NAM MKHA' LA'O ZHES PA'I BYINGS BZHAG ,CES 'BYUNG BAS, DES NA SANGS RGYAS THAMS CAD KYI CHOS NYID RANG BZHIN MED PAR MKHYEN MKHAN DE THUGS SHES RAB KYI NGO BO YIN PAS NA CHOS SKU'AM THUGS MTSON, GNYIS PA NI, RDO RJE RAB BSNGAGS MA ZHES PA, DON BRJOD PA DANG, KHA DANG, DKROL BA DANG, YI GE SOGS LA 'JUG PAS, BRJOD PA YIN NA NGAG NAS BRJOD DGOS LA ZHES BYAS NA GSUNG ZHES PA DANG, YI GE YAG BRJOD PA'I DON YIN PAS BDE STONG GNYIS SU MED PA'I YE SHES GDUL BYA LA CHOS KYI DON DU SHAR BA'I RDO RJE RJOD BYED MA ZHES LONGS SKU'AM GSUNG MTSON, GSUM PA RNAM

, ,PAR SNANG MDZAD MA ZHES PA BDE STONG GNYIS SU MED PA'I CHOS KYI SKU DE GDUL BYA'I DON LA GZUGS SKUR SNANG BAR MDZAD PAS NA, RDO RJE RNAM PAR SNANG MDZAD MA SPRUL SKU'AM SKU MTSON, SNGAGS DE GSUM 'DUS PA'I 'GO'I AOm GSUM GYIS CHOS SKU DANG, H'Um GSUM GYIS LONGS SKU DANG, PHAt GSUM GYIS SPRUL SKU STE CHOS LONGS SPRUL GSUM GYI SKU GSUNG THUGS MTSON PA DANG, SB'A H'A BCAS YONG BA YANG DE LTAR YIN PAS NA RJE BTZUN RDO RJE RNAL 'BYOR MA'I RTZA SNGAGS, SNYING PO, NYE SNYING BCAS BGRANGS PA'I GO CHOD PAS SANGS RGYAS THAMS CAD KYI SNGAGS BZLAS PA DANG, BYE BRAG 'KHOR LO SDOM PA'I SNGAGS BZLAS PA'I GO CHOD DE, LUS DKYIL THAMS CAD KYI SA BON YIN PA DANG, LUS DKYIL 'KHOR LO SDOM

PA'I LHA TSOGS YIN PA GONG DU BSHAD PA DANG, DE RNAMS KYI SA BON YIN PA YANG PHAL CHER 'GRIG STE, AOm NAS d'A'I BAR THUGS 'KHOR, BADZRA NAS YE'I BAR GSUNG 'KHOR, BADZRA NAS YE'I BAR SKU 'KHOR, H'Um NAS H'A'I BAR SGO MTSAMS MA BRGYAD KYI'O, ,SPYIR SNANG PHYOGS THAMS GTZO BOR STON PA'I PHA RGYUD DANG, STONG PHYOGS SHES RAB GTZO BOR STON PA'I MA RGYUD BCAS GSUNG ZHING, DE LA MKHA' 'GRO GRANGS MED PA ZHIG YOD PA BSDU TSUL NI, SA LUGS BYE BA PHRAG BZHI STONG PHRAG BDUN CU RTZA GNYIS SU BSDU, RJE BDAG NYID CHEN PO NI, GRANGS MED DE BSDUN BDUN DU RTZA GNYIS, DE NYER BZHI, DE LNGA, DE GSUM, DE YANG RDO RJE PHAG MO LE 'DU STE SPRO BA DANG, BSDU BA'I GZHI'AM MA YIN PA DANG, RIGS BSDU NA'ANG RIGS BRGYA RIGS LNGA RU 'DU

, ,BA DANG, DE RIGS GSUM DU BDU NA DON GRUB 'OD DPAG MED, RIN 'BYUNG RNAM SNANG LA 'DU BA YIN, DE YANG BSDU NA GSANG CHEN RIGS GCIG TU 'DU BA YIN TE, RIGS BRGYA RIGS LNGA RIGS GSUM RIGS GCIG TU, ,ZHES GSUNGS PA LTAR RDO RJE RNAL 'BYOR MA YANG GSANG CHEN RIGS GCIG GI BDAG NYID YIN NO, ,SNGAGS 'BRU 'BUM GSOG NA 'BUM PHRAG SUM CU SO GNYIS GSOG DGOS SHING, 'GA' ZHIG KHA SKONG BCAS 'BUM PHRAG SO BDUN DANG, 'GA' ZHIG SO LNGA DGOS ZHES GSUNG NGO, ,BLA MA'I PHYAG BZHES SU PHRENG BAR BRGYAD DANG BCU GCIG BYAS TE PHRENG SKOR RER BRGYA PHRAG RE LAS BCU GCIG PO GRANGS SU MA BRTZIS NA KHA SKONG LOGS SU GSOG MI DGOS SO, ,GNYIS PA YID BZLAS NI, 'DI LA BSKYED RDZOGS KYI CHA GNYIS YOD PA LAS, RTZA GSAL MA BTAB NA

BSKYED RIM GYI YID BZLAS DANG, RTZA GSAL BTAB NA RDZOGS RIM GYI YID BZLAS YIN PAS SNGON DU LUS GNAD 'CHA' DGOS TE, LUS 'DRONGS NA RTZA 'DRONGS SHING, DE LA BRTEN NAS RLUNG 'GRO 'ONG BDE LA, DE BA DE BAS RLUNG SEMS 'JUG PA GCIG PAS SEMS LAS RUNG DU 'GYUR BA'I PHYIR SA CHEN GYIS, RTEN 'BREL LUS LA BSGIGS PAS NYAMS RTOGS SEMS LA SKYE, ZHES GSUNGS PA LTAR, SRKANG MIG LUS PHRAG MGO SO LCE DBUGS BGYAD, ,CHES GSUNGS PA LTAR LUS GNAD BCAS TE 'DIR LUS DKYIL SDUD MI SDUD GNYIS LAS, DANG PO LTAR NA RNAL 'BYOR MA RNAMS RTZA KHAMS SO SOR THIM PA'AM YANG NA MTHA' NAS RIM GYIS N'A DA'I BAR DU BSDUS LA CHOS 'BYUNG SNGAGS PHRENG BAm YIG GSAL BTAB LA LTE BAR BAB LA YID BZLAS BYA ZHING, MJUG GI NYER BSDU 'ANG THUN MONG BA LTAR BYA'O, ,JI LTAR BYED KYANG RLUNG BUM PA CAN 'DZIN PA LA SA LUGS

, ,LA THOG MAR 'OG RLUNG CUNG ZAD 'THEN PA SNYAN GSAN 'BEBS TSUL DANG, STENG RLUNG SA LEN PA'I TSUL DU GSUNGS PA MA BYAS KYANG CHOG GO, ,RJE RIN PO CHES THOG MAR SNAM GNYIS NAS RLUNG SIR GYIS 'THEN, MCHIL MA MID PA DANG, LUS DKYIL LTE GSANG GANG RIGS SU PHAB STE STENG RLUNG MNAN, DE NAS 'OG RLUNG 'THEN TE RLUNG KHA SBYAR NAS MI BDE BA MI SKYE TZAM DU BZUNG, MI BDE SKYE TSAD PA NA KHA NAS MA SHOR BAR SNA NAS DAL BUS SANGS KYIS BTANG, THOG MAR SNYING GSOGS? MTHOS DANG, ZAS ZOS 'PHRAL DANG, RDUL BA'I TSAB TSUB YOD PA'I DUS SOGS LA BZUNG NA SROG RLUNG SOGS KYI SKYON 'BYUNG NYEN YOD, DE YANG BDE BA BSKYED PAR 'DOD NA GSANG GNAS DANG, MI RTOG PA STE, SEMS DMIGS RTEN LAS MI GA-YO BAR 'DOD NA LTE BAR GSUNGS

PAS DBUS KYI BAm YIG LA SEMS ZHUGS PA BZHIN DU BYAS NAS SNGAGS KLOG PA'I TSUL GYIS LCE DANG MCHU MI 'GUL BAR GCIG GSUM LNGA BDUN SOGS BZLA ZHING, THOG MAR DBUGS MI THUB PA BYUNG NA LAN RE TZAM BZLAS NAS NGAL GSOS, SLAR YANG BZLA BA SOGS BYA'O, ,DE NAS ZHAR BYUNG RDZOGS RIM MI SGOM NA DMIGS RTEN SNYING GAR 'OG RLUNG 'THEN TE DRANGS, STENG RLUNG CUNG ZAD MNAN NAS KHRIG GER GNAS PAR BSAM, YANG NA LCANG SKYA'I DGONGS PA LTAR ZHAR BYUNG RDZOGS RIM DANG PO YID BZLAS KYI GONG 'DIR RGYAS BSDUS JI LTAR RIGS PA BYAS KYANG CHOG GO, ,GNYIS PA RGYAN CAN LA SEMS 'DZIN PA NI, SNGAR GYI DMIGS RNAM BSHAR SGOM LAM TZAM SONG BA MA BRDZAD PA'I STENG DU SPYI BO'I RUS PA'I 'KHOR LO, NOR BU, RDO RJE RTZE LNGA RDZOGS PA, RDO RJE'I PHRENG BA THOD SKAM,

, ,RTZE PHRAN, DRA BA DRA PHYED, SNYAN RGYAN, MGUL RGYAN, GZHUNG GSUM SOGS LA GSAL SNANG BTON NAS SEMS 'DZIN ZHING MJUG BSDU SNGAR BZHIN BYA'O, ' ,NUB BCU GNYIS PAR, RJE BTZUN RDO RJE RNAL 'BYOR MA'I BSKYED RIM PHAG MO MKHA' SPYOD 'DI NYID NYAMS SU LEN TSUL LA, LCANG SKYANG RIN PO CHES PAn CHEN N'A RO PA'I RGYA GZHUNG SHOG LDEBS GCIG TZAM MDZAD PA LA, RJES CHEN GYIS, NYANL DANG LDANG DANG ZHES SOGS SA BCAD KYI TSUL GYIS RNAL 'BYOR BCU GCIG NYAMS SU LEN TSUL MDOR BSDUS TE MDZAD PA DANG, DE'I STENG DU BDE MCHOG RTZA RGYUD LE'I NGA GCIG PA NAS BSHAD PA'I DE NYID BCU BZHI'I 'CHING GIS KHA BSKANG NAS 'CHAD SHES PAS BSHAD NA BSKYED RIM RGYAS LA CHA TSANG BA ZHIG YONG BA 'DUG CES GSUNGS PA, SPYIR

BDE MCHOG RTZA RGYUD LE'U NGA GCIG PO DES, DANG POR LE'U GCIG GIS MDOR BSTAN, DE NAS LNGA BCU'I BAR GYIS RGYAS PAR BSHAD, MTHAR LE'U GCIG GIS MDOR BSTAN RGYAS BSHAD GNYIS KYI DON BSDU GSUNGS, DE YANG DE NYID BCU BZHI PO DANG SBYOR TSUL LA BZHI, DBANG LA SBYOR TSUL, DAM TSIG + BSKYED RIM + RDZOGS RIM + RNAMS SU YOD PA LAS, DANG PO NI DBANG LA NANG GSES KYIS PHYE NAS BCU GCIG YOD TSUL BDE MCHOG GI DBANG CHOG TU GSAL BAR GSUNGS LA, DE'I STENG DU GSANG DBANG, SHER DBANG, TSIG DBANG BCAS BSNAN NAS BCU BZHI DANG SBYOR, GNYIS PA NI, RTZA BA DANG YAN LAG GI DAM TSIG GNYIS LAS, RTZA LTUNG BCU BZHI DANG SBYOR, GSUM PA NI, RJE RIN PO CHE'I SBAS DON KUN GSAL GYI DGONGS PA LTAR, GOS DANG PHYAG RGYA LNGA LA

, ,SOGS ZHES PA DE NYID GCIG STE BSKYED RIM GYI RNAL 'BYOR DANG PO STON TE, GOS KYI SKAD DOD WA SA NA ZHES PA GOS DANG, GNAS GNYIS LA 'JUG CING GNAS LA SGRUB PA BYED PA'I GNAS DANG, LHA'I GNAS GNYIS YOD PA LAS; DANG PO NI, RNAL 'BYOR SKYONG BA DBU RGYAN LA SOGS PA PHYAG RGYA LNGA DANG, THAL CHEN GTOR MA, RDOR DRIL, KHA tV'Am GA LA SOGS PA'I YO BYAD RNYED SLA BA SOGS SO, ,GNYIS PA LHA'I GNAS NI, GZHAL YAS KHANG STE, 'DIR CHOS 'BYUNG BSGOM PA YIN LA, PHYAG RGYA LNGA SOGS ZHES PAS LHA'I RNAL 'BYOR BSGOM PA'I SNGON DU CHAS 'JUG BYED DGOS PA STON, SHES RAB YAN LAG CES PA DE NYED GCIG STE, KHA tV'Am GA LA SBYAR BA LEGS PA'I MTSON DON GONG DU BSHAD PA LTAR DANG,

PHUR BU GUR ZHES PA DE NYID GCIG STE, DES BSRUNG 'KHOR BSGOM PA BSTAN CING, SPROS PA RGYAS PA'I SKABS BGEGS LA PHUR BTAB BYAS NAS DE NAS BSRUNG 'KHOR BSGOM PA SOGS RGYAS 'BRING BSDUS GSUM YOD PA GANG BSGOM KYANG CHOG MOD, 'DIR BDUS PA'I LUGS YIN LA, DE'I SNGON DU SBYOR BA TSOGS GSOG SOGS 'GRO DGOS PA BSRUNG 'KHOR GYI KHONGS SU BSDU'O, ,A'A LI ZHES PA DE NYID GCIG DANG, K'A LI ZHES PA DE NYID GCIG STE SPROS PA RGYAS PA'I SKABS A'A LI K'A LIS KHU KHRAG MTSON PA'I ZLA NYI BSKYED LA, 'DIR SPROS PA CHUNG BAS ZLA BAS DKAR CHA A'A LI DANG SNGAGS PHRENG DMAR MDANGS KYIS K'A LI MTSON, RGYU SOGS STONG PA SNGON 'GOR BAS DE NYID GCIG STE, A'A LI K'A LI'I DE NYID KYI SNGON DU STONG NYID BSGOM PA 'GRO DGOS

, ,PAS; DAG PA GSUM GYI RNAL 'BYOR BYA BA CHOS RNAMS KYI NGO BO STONG BA NYID DANG, RGYU BDEN PAR GRUB PA MED PA'I MTSAN MA MED PA DANG, 'BRAS BU THOB BYA SMON PA'I YUL MED PA'I SMON PA MED PA STE RNAM THAR SGO GSUM GYI NGO BO 'CHI BA CHOS SKU'I STONG NYID BSGOM PA BSTAN NO, ,'JUG PA SGRA LA SOGS PA NAS ZHES PA DE NYID GCIG STE, BAR SRID MTSON BYED KYI BAm YIG GAm N'A DA A'A LI K'A LI GNYIS KYI DBUS SU ZHUGS PA STON TE 'JUG PAR BYA'O, ,GANG 'JUG NA SGRA STE SGRA'I SKAD DOD N'A DA YIN LA DPER NA SIDHA SENGGE DANG N'A DANG SGRA LA 'JUG PAS SENGGE SGRA ZHES 'BYUNG BA LTAR, DE NYID ZLA BA'I DBUS SU 'JUG PA STON CING, N'A DA NI MTSON PA TZAM YIN PAS BAR SRID MTSON BYED THAMS CAD N'A DA YIN PA'I KHYAB PA MED PA BAm YIG SOGS BAR SRID MTSON BYED SKABS

GANG YIN LA GO DGOS SO, ,JI SRID BSDUS PA'I SBYOR LDAN PA ZHES PA DE NYID GCIG STE N'A DA BABS PA NAS DPA' BO DPA' MOS BYIN GYIS RLOB PA PHO NYA GSUM BSRE BA STE DE RNAMS BSDU BA DANG, SBYOR BA'I SKAD DOD, YO GA'AM RNAL 'BYOR LA 'JUG CING, DE NI YO GA SHUDDHA'I SNGAGS BRJOD NAS NGA RGYAL BYA BA YIN NO, ,BDUD RTZIS TSIM BYED CHES PA DE NYID GCIG STE, DES DNGOS SU NANG MCHOD 'BUL BA BSTAN PA'I KHONGS NAS PHYI MCHOD, GSANG MCHOD GTOR MA SOGS MCHOD PA DNG, 'GO'I BDUD RTZI MYANG BA'I RNAL 'BYOR RNAMS BSTAN TO, ,MYA NGAN 'DAS ZHES PA DE NYID GCIG STE NYER BSDU BYED PA YIN PAS, 'DIR THUN MONG DANG THUN MONG MIN PA'I BSAM MI KHYAB STON TE, 'CHI BA DANG CHOS SKU MTSUNGS PAS NA MYA NGAN 'DAS ZHES SO, ,LAG PA'I MCHOD CES

, ,PA DE NYID GCIG STE, DES THUN MTSAMS SU LAG MCHOD BYA BA SOGS GA-YON PA'I KUN SPYOD THAMS CAD BSRUNG BA DANG, DES MTSON NAS DM TSIG DANG SDOM PA THAMS CAD 'DU BA YIN NO, ,DBANG BSKUR BA ZHES PA DE NYID GCIG STE; 'DIS SLOB MA LA DBANG BSKUR BA DANG, LHA LA RAB GNAS KYI PHYIR DBANG BSKUR BA DANG, 'DI'I SMIN LAM 'JUG RUNG GI GANG ZAG MA RGYUD SOGS KYI DBANG DANG, GROL LAM SGO MA RUNG GI GANG ZAG 'DI'I BYIN RLABS DANG, DBANG BSKUR RGYAS 'DEBS RGYAS PA BYED NA BDE MCHOG LTAR BYED, GO CHA CHEN POS YANG DAG BSRUNG, ,ZHES PA DE NYID GCIG STE, 'DI CHUNG BA YIN LA; GO CHA CHE BA 'GOD NA SKRA MTSAMS PULLI RA MA ZHES SOGS GNAS NYER BZHI'I MING YIG DANG PO TIG LES BRGYAN PA 'GOD PA

YIN, LUS DKYIL YANG 'DIR BSDU BA YIN, SNGAS RNAMS KUN GYIS MCHOD PAR BYA, ,ZHES PA DE NYID GCIG STE, 'DIS NGAG BZLAS DANG YID BZLAS STON CING, RNAMS ZHES PA BDE MCHOG LA SNGAGS MANG PO YOD NA'NG 'DIR SANGS RGYAS THAMS CAD KYI GZUNGS SNGAGS KYI SNYING PO AOm GSUM MA, SNGAGS KYI BSTOD PA'ANG BDU'O, ,DE YANG GANG ZAG RAB 'BRING THA GSUM GYI LAM BGROD TSUL GSUNGS PA RNAMS KYANG DE LTA BU'I DE NYID BCU BZHI TSANG BA'I SGO NAS LAM NYAMS SU BLANGS NA NI 'GRUB LA GZHAN DU NI MA YIN NO, ,RGYUD GZHAN 'JIGS BYED LTA BU LA MTSON NA, RANG DON SKU GSUM GYI GO 'PHANG SGRUB PA DANG PO SBYOR BA'I TING NGE 'DZIN DANG, GZHAN DON PHRIN LAS PHUN TSOGS KYI TING NGE 'DZIN DANG, LAS RGYAL MCHOG GI TING NGE 'DZIN TE, TING NGE 'DZIN

, ,GSUM GYI CHINGS ZHES BYA BA DANG, GZHAN YANG RNAM PAR SNANG MDZAD KYI YAN LAG ,BSTOD PA RIN 'BYUNG, BDUD RTZI MYANG BA 'OD DPAG MED, MCHOD PA DON GRUB, DBANG BSKUR BA MI BSKOD PA, RJES CHAGS RDO RJE SEMS DPA'I YAN LAG STE YAN LAG DRUG GI CHINGS ZHES PA RNAMS SKABS 'DI'I DE NYID BCU BZHI'I CHINGS LA TSANG TSUL NGES SHES 'DRONGS NA RGYUD DON GDAMS PAR SHAR BA BYA BA YIN PAS 'DI DAG GI RNAM GZHAG CHAGS PA SHIN TU GAL CHE, RNAL 'BYOR MA 'DIR DKYIL 'KHOR GYI CHO GA SGRO MA CHE BA RNAMS KYI GNAD 'GAG THAMS CAD CHA TSANG ZHING SPROS PA TSUNGS BAS NYAMS SU LEN BDE BA YIN NO, ,BZHI PA RDZOGS RIM LA SBYOR TSUL NI, LCANG SKYA RIN PO CHES RDZOGS RIM LA SBYOR TSUL BSHAD NA MKHAS PA RNAMS DGYES PA BSKYED PAS SHIN TU NGO MTSAR BAR

'GYUR YANG YI GE MANG BSAM SPROS, ZHS MA GSUNGS PA NI PHANGS PA'I GNAS SO, ' ,NUB BCU GNYIS PA'I SKABS DON NI, ZHAR BYUNG DANG POR RDZOGS RIM DANG POR SGO 'DOGS BCAD NAS, DPUNG RGYAN NAS YE SHES KYI ME PHUNG GI BAR GYI SEMS 'DZIN GTONG BA LA, MA RGYUD LA BSKYED RIM GYI ZHAR LA BYUNG BAS NA ZHAR BYUNG ZHES BYA, GZHUNG DU GSAL BA SA LUGS KYI BZHED PA DANG LCANG SKYA'I BZHED PA MI MTHUN PA NI, DGE LUGS LA GSANG 'DUS KYI SKABS SU SNYING GA'I RTZA 'DAB LA SNGAGS PHY NANG GI RIM PA MANG PO BKOD NAS NANG MA BZHIN DU SEMS BZUNG NAS MTHAR DBUS KYI YIG 'BRU LA SEMS 'DZIN PA NI, RLUNG SEMS 'JUG PA GCIG PA'I DBANG GIS RLUNG DBU MAR 'DU TABS CHE BA YIN PAS DE LA DGONGS NAS LCANG SKYAS DANG POR DGA' 'KHYIL

, ,LA SEMS GTAD, DE NAS SNGAGS PHRENG, DE NAS BAm YIG LA GTONG PAR GSUNGS PA LEGS PAR MNGON ZHING, NGAG 'DON DU BKOD PA'I RIM PA NI 'DI'I GZHUNG 'CHAD SKBAS LNGA PA CHEN PO'I MTHONG GROL DANG BSTUN NAS BDE BAR SEMS SO, ,DE YANG YID BZLAS ZIN NAS LUS DKYIL GYI GTZO BO'I THUGS KAR CHOS 'BYUNG NYIS BRTZEGS ZLA GDAN SNGAGS PHRENG DANG BCAS PA SNGAR BZHIN GSAL BTAB NAS N'A DA 'OG DKAR LA, RTZE DMAR BA DKAR LA DMAR BA'I MDANGS CAN LA SEMS ZHUGS PA BZHIN DU BYAS LA, 'OG RLUNG PHYED 'THEN BYAS, DE NAS STENG RLUNG DAL BUS RDUB STE MNAN PA DANG MNUAM DU DMIGS RTEN LTE BAR PHAG, 'OG RLUNG RDZOGS PAR 'THEN NAS KHA SBYAR TE GRVA BZHI'I DGA' 'KHYIL DANG KHYAD PAR DBUS

KYI N'A DA ME 'BAR LA KHAD LA SEMS GTAD DE MI BDE BA MI MNGON TZAM DU BZUNG, MNGON BA NAS SNA NAS DAL BUS SIR GYIS BTANG NAS NGAL GSOS, YANG SNGAR LTAR 'DZIN PA YANG YANG BYA'O, ,SA LUGS 'DI KHA'I KHRID MA BRJED TZAM BYED PA LA DES CHOG, LCANG SKYA'I DGONGS PA N'A RO CHOS DRUG LTAR RGYAS TZAM BYED NA, N'A RO CHOS DRUG NI PAn CHEN N'A RO PA NAS BRGYUD PA YIN LA 'DI YANG N'A RO MKHA' SPYOD YIN PAS 'BREL CHE'O, ,DE YANG GNAD BZHI DANG LDNA PA ZHES BYA BA, DUS KYI GNAD STONG PA GTZO BOR 'DOD NA THO RENGS DANG, BDE BAR GTZO BOR 'DOD NA PHYI DRO ME'I DUS SO, ,STAN RGYAB CUNG ZAD MTHO BA MDUN CUNG ZAD DMA' BA, LUS KYI GNAD RNAM SNANG GI CHOS BDUN LDAN NAM BRGYAD, RLUNG GI GNAD RLUNG RO DGU PHRUGS SU BSAL BA, LUS KYI GNAD RTZA GSUM

, ,'KHOR LO BZHI GSAL 'DEBS PA'O, ,DE YANG THOG MAR STONG RA SGOM PA ZHES BYA BA, RANG GI SPYI BO NAS RKANG MTHIL GYI BAR SOR MO TSUN CHAD PHRU MA PHUS BTAB PA LTAR STONG SENG NGE BA BSGOM, DE NAS NU MA GNYIS LA LTOS PA'I DKYIL, RGYAB MDUN GNYIS LA LTOS PA'I RGYAB LA CUNG ZAD NYE BAR RTA DBU MA RGYUN PAR PHYI SNGON PO DANG, GTUM MO'I TSE DMAR PO KHO NA SBOM PHRA MDA' SNYUG TZAM MAR SNA LTE BA NAS YAR SNE THOD PA'I 'OG KLAD RGYA'I STENG NAS SBA GUG PA LTAR KHYOGS TE YE SHES KYI SPYAN GYI THAD DU ZUG PA, GA-YAS RO MA DMAR PO DANG, GA-YON RKYANG MA DKAR PO GNYIS DBU MA LA RIG LA MA 'BYAR BA'I TSUL DU GSHIBS TE SONG BA THOD PA'I 'OG NAS GUG PA'I SNYE MO SNA GA-YAS GA-YON DU ZUG PA SBOM BRA GRO SOG TZAM PA, MAR SNA LTE 'OG SOR BZHI TZAM DU RKYANG MA'I NANG DU RO MA'I SNE MO

BCUG PAR BSAM STE SNA GA-YAS NAS RLUNG DAL BUS RDUB STE RO MA'I NANG DU LDIR GYIS SONG BA RKYANG MA'I NANG DU ZHUGS, RKYANG MCHAD PA 'THUD YO BA BSRANG RENGS PA GNYE MOR BYAS RLUNG DANG KHAMS LAS SU MI RUNG BA RNAMS SNA GA-YON NAS RLUNG RO MA LUS PA SANGS KYIS 'BUD PA DE LTA BU LAN GSUM BYA, YANG RO MA'I NANG DU RKYANG MA BCUG LA SNGAR JI LTA BA BZHIN LAN GSUM BYA, YANG RO RKYANG GNYIS KYI MAR SNYE DBU MAR BCUG LA SNA GNYIS NAS RLUNG SIR GYIS 'THEN LA SNGAR BZHIN LA YID KYIS DBU MA'I YAR SNE NAS BUS PAR BSAM NAS MA SHOR BAR BYAS LA SNA GNYIS NAS SIR GYIS GTONG BA LAN GSUM BYED PA STE DGU PHRUGS SU BSAL BA'O, ,DE NAS MAR PA'I MGUR DU GSUNGS PA LTAR DMIGS PA'I GNAD RTA GSUM 'KHOR LO BZHI DANG BCAS PA GSAL BDEBS PA NI, SPYI BOR THOD PA'I 'OG KLAD RGYA'I STENG DU

DBU MA RA RO RKYANG GIS MDUD PA RE RE BCINGS PA'I MDUD MTSAMS NAS PHYOGS KYI RTZA BZHI THON, DE RE RE LAS GNYIS GNYIS GYES PA'I BRGYAD, DE RE RE LAS GNYIS GNYIS GYES PA'I BCU DRUG ,DE RE RE LAS GNYIS GNYIS GYES PA'I SUM CU SO GNYIS, KHA DOG KHRA CHOL LE BA GDUGS KHA PHUB PA LTA BU DBYIBS GRU GSUM, MGRIN PA'I AOL MDUD KYI MTSAMS SU DBU MA LA RO RKYANG GIS MDUD RE RE BCINGS PA MDUD MTSAMS NAS PHYOGS KYI RTZA 'DAB BZHI, DE RE RE LAS GNYIS GNYIS GYES PA'I BRGYAD, DE RE RE LAS GNYIS GNYIS GYES PA'I BCU DRUG ,GDUNGS KHA GYEN DU BSLANGS PA LTA BU KHA DOG DMAR PO DBYIBS ZLUB PO, SNYING GAR DBU MA LA RO RKYANG GIS MDUD PA GSUM RE BCINGS PA'I BJUD MTSAMS NAS PHYOGS KYI RTZA 'DAB BZHI, DE RE RE

LAS GNYIS GNYIS GYES PA'I RGYAD, GDUGS KHA PHUB PA LTA BU KHA DOG DKAR PO DBYIBS ZLUM PO, LTE BA'I BUG PA'I THAD DU DBU MA LA RO RKYANG GIS MDUD PA RE RE BCINGS PA'I MDUD MTSAMS NAS PHYOGS KYI RTZA 'DAB BZHI, DE RE RE LAS GNYIS GNYIS GYES PA'I BRGYAD, DE RE RE LAS GNYIS GNYIS GYES PA'I BCU DRUG ,DE RE RE LAS BZHI BZHI GYES PA'I RE BZHI'AM YANG NA DE RE RE LAS GNYIS GNYIS GYES PA'I SUM CU SO GNYIS, DE RE RE LAS GNYIS GNYIS GYES PA'I RE BZHI, GDUGS KHA BSLANGS PA LTA BU KHA DOG DMAR PO DBYIBS GRU GSUM RTZA 'DAB SBUBS STONG RTZE MO GRO SOG GRIS BCAD PA LTA BU SBOM PHRA 'JAG MA TZAM 'JAM ZHING MNYEN PA, SPYI PO RA BDE BA'I RTEN BYANG SEMS GTZO BOR GNAS PAS NA SPYI BO BDE CHEN GYI 'KHOR LO, MGRIN PA'I LAM NAS KHA ZAS LONGS SPYOD

, ,PAS NA LONGS SPYOD KYI 'KHOR LO, CHOS THAMS CAD KYI RTZA BA SHIN TU PHRA BA'I RLUNG SEMS SNYING KHAR GNAS PAS NA SNYING KHA CHOS KYI 'KHOR LO, LTE BAR MA LAS THOB PA'I KHAMS DMAR PO YOD PA LAS LUS BSKYED CING BDE BA CHEN PO BSKYED PA'I GZHI LTE BAR GNAS PAS NA SPRUL PA'I 'KHOR LO ZHES BRJOD, DE NAS LTE BA'I RTZA 'KHOR GYI DBUS SU CHOS 'BYUNG NYIS BRTZEGS DGA' 'KHYIL DANG BCAS PA DE'I DBUS SU ZLA GDAN GYI STENG DU BAm YIG N'A DA DKAR LA DMAR BA'I MDANGS CAN RTZE MO NAS ME 'BAR LA KHAD PA DANG, SPYI BO'I RTZA 'KHOR GYI DBUS SU ZLA GDAN LA GAm YIG DKAR PO THIG LE ZLA GDAN LA REG PA'I MGO THUR LTA 'O RKYAL THOG LA BTAGS PA LTA BU BYANG SEMS 'DZAG LA KHAD PA'I TSUL DU BSAM, 'DIR 'KHOR LO GNYIS MA DANG BZHI MA BYED PA'I LUGS

GNYIS LAS 'DI SNGA MA'O, ,DE NAS BAm YIG LA LES ZHUGS PA BZHIN BYAS LA SNA GNYIS NAS RLUNG RDUB STE STENG RLUNG RO RKYANG GNYIS NAS MNAN PA DANG MNYAM DU 'OG RLUNG 'THEN PA DBU MA'I NANG DU BDE KHRIL GYIS SONG, BAm YIG LA PHOG PAS ME SBUD PAS BUS PA LTAR ME STAG DMAR KHROM KHROM BYED PAR BSAM LA RLUNG 'DZIN MI BDE BA MNGON PA NA SNA GNYIS NAS SIR GYIS GTONG BA LAN KHA SHAS BYA STE ME GSO LA ZHES BYA'O, ,DE NAS RLUNG SNGAR BZHIN ZIN PA'I N'A DA LAS ME PHRA MO RGYA KHKAB LTA BU RTZE MO RNO BA SOR GANG TZAM 'BAR ZHING RLUNG RLUNG BTANG BA'I TSE N'A DA LA THIM PAR BSAM, DE LTA BU'I TSUL GYIS RLUNG YANG YANG BZUNG BAS ME JE RING JE RING DU SONG NAS SNYING GA TZAM DANG, MGRIN PA TZAM DANG, DE NAS SPYI BO'I ZLA GDAN PHUG STE, HA YIG LA PHOG LA KHAD PA NA BYANG SEMS THIGS PA RE GNYIS BABS PA MAR ME

, ,LA SNUM THIGS RGYAB PA LTAR ME THUNG NGUR 'GRO BAR BSAM, SLAR YANG ME CHER SONG HAm YIG LA PHOG BYANG SEMS 'O RKYAL MDUNG GIS PHUG PA BZHIN SKYA NAR GYIS BYUNG GTUM MO'I ME LA THIM PAS ME MAR SNON PA LTAR ME JE CHER SONG BYANG SEMS LA PHOG ,PHYIR 'GRO BA'I TSUL GYIS HAm YIG LA THIM, SLAR YANG CHER 'DZAG ME LA THIM PA YAR MAR DU 'DZING RAL BYED PA'I TSUL GYIS BYANG SEMS 'BAR 'DZAG LA SEMS 'DZIN, RGYAS PAR BYED NA BSRE BA BSKOR GSUM SOGS N'A RO CHOS DRUG NAS BSHAD PA LTAR NYAMS SU LEN NO, ,DE NAS THUN 'JOG KHAR DMIGS RTEN RNAMS BTANG SNYOMS SU BZHAG NAS, SEMS 'DZIN SNGAR BZHIN GYI STENG DU, PHYAG GDUB ZHABS GDUB, SE RAL KHA, 'OG PAG ,THOD PHRENG, YE SHE SKYI ME DPUNG 'BAR BA'I DBUS NA BZHUGS PA, REG MTHONG GI MTSAN

MA BYA BA YID LA GOMS PA SHIN TU GSAL BAR GYUR NAS, DNGOS SU LAG PA'I REG RGYU YOD PA 'DRA SNYAM PA REG PA'I MTSAN MA DANG, DNGOS SU MIG GIS BLTAS NAS MTHONG RGYU YOD PA 'DRA MNYAM PA MTHONG BA'I MTSAN MA STE DE LTA BU MA BYUNG GI BAR DU BSGOM, THUN GYI MJUG BSDU SNGAR BZHIN BYA'O, ' ,NUB BCU GSUM PAR, ZHAR BYUNG RDZOGS RIM GNYIS KAR SGRO 'DOGS GCOD PA DANG, LUS DKYIL GYI GTZO MO'I SPYAN DBUS MA'I SEMS 'DZIN LA, ZHAR BYUNG RDZOGS RIM DANG PO SONG NAS RANG GI SNYING GAR DBU MA DMAR PO LUS DKYIL SGOM NA SBOM PHRA SBA LCAG 'BRING PO TZAM DANG, MA BSGOM NA MDA' SNYUG TZAM MAR SNA BHA GA DMAR SENG DANG KHA DA CHAD, YAR SNA SMIN MTSAMS SU GTAD PA, DBU MA KHYAD CHOS GSUM LDAN ZHES BYA BA DRANGS SHING 'DRONGS PA CHU SHING GI SDONG PO LTA BU, GSAL SHING DVANGS

, ,PA TIL MAR GYI MAR ME LTA BU, 'JAM ZHING MNYEN PA PADMA'I 'DAB MA LTA BU, DE'I STENG DU DMAR ZHING SNUM PA RGYA SKYEGS KYI KHU BA LTA BU BSNAN PA BZHI LDAN DU BZHED PA'ANG YOD, DE'I DBUS KYI SNYING KHAR CHOS 'BYUNG ZLA DKYIL LUS DKYIL BSGOM PA YOD NA GTZO BO LA'ANG RTZA DBU MA SNGAR JI LTA BA BZHIN GSAL BTAB PA'I SNYING GA'I DBU MA'I NANG DU CHOS 'BYUNG ZLA BA SNGAGS PHRENG BAm YIG DANG BCAS PA BSAM LA RLUNG 'DZIN NA RLUNG RO BSAL BA SNGAR BZHIN BYA ZHING, RLUNG MA BYANG PA'I SKABS SNYING KHAR 'DZIN PA NYEN CHE BAS MA BZUNG YANG CHOG ,MAR SNYE'I BHA GA'I DBU MA'I NANG DU DGA' 'KHYIL MTSAL GYIS BRIS PA LTA BU SHIN TU DMAR BA NAS 'BRU TZAM GA-YON SKOR DU 'KHOR BA DANG, YAR SNE'I SMIN MTSAM KYI DBU MA'I NANG DU DGA' 'KHYIL DUNG DKAR ZHU BAS BRIS PA LTA BU SHIN TU DKAR BA GA-YON SKOR DU DRAG

TU 'KHOR BAR BSGOM, RLUNG 'DZIN NA 'OG RLUNG CUNG ZAD 'THEN PA DANG MNYAM DU MAR SNE'I DGA' 'KHYIL YAR LUS SEMS THAMS CAD BDEBS KHYAB BZHIN PAR DBU MA'I NANG NAS KHYI RI RI YONGS PA CHOS 'BYUNG ZLA BA SOGS LA THOG THUG MED PAR 'ONG, GTZO MO'I BHA GNAS ZHUGS CHOS 'BYUNG GI 'OG ZUR RGYUD ZLA DKYIL GYI DBUS SU BAm YIG GI SMAD CHA'I DKYIL NAS ZHUGS BAm GYI KHOG NANG DU 'KHOR BAR BSAM, STENG RLUNG DAL BUS RDUB PA MNAN PA DANG MNYAM DU YAR SNE'I DGA' 'KHYIL DBU MA'I NANG DU MAR BABS LUS SEMS THAMS CAD STONG CHAM CHAM SONG BAR BSAM BZHIN, GTZO MO'I SMIN MTSAMS NAS ZHUGS DBU MA'I NANG BRGYUD BAm GYI N'A DA'I RTZE NAS RIM BZHIN BABS PA DGA' 'KHYIL DMAR PO'I STENG DU GNAS PA RIG LA MA 'BYAR BA'I TSUL DU GA-YON SKOR DU DRAG TU 'KHOR BAR MTHAR KHRUG GIS 'DRES NAS

, ,DGA' 'KHYIL DMAR SKYA DRAG TU 'KHOR BAS BDE STONG SKYE BZHIN PAR JE PHRA JE PHRAR SONG MTHAR YAL NAS BAm YIG GI KHOG PA STONG SANG DANG DBYER MED DU GYUR PAS BDE STONG DBYER MED 'BRAS DUS KYI NGA RGYAL LA CI GNAS MNYAM PAR 'JOG ,DBU MA'I NANG DU LUS DKYIL SOGS MI KHYUR BA'I RNAM PA BYUNG NA MA SGOM KYANG RUNG BAS DGA' 'KHYIL GNYIS NYING GA'I THAD KYI DBU MA'I NANG DU STONG YAL LA GTONG, MKHAN CHEN NGAG DBANG CHOS GRAGS KYIS BDE STONG SKYE TSUL 'DI DANG GO LDOG TU GSUNGS, BLA MA'I KHRID RGYUN GONG LTAR THOB CING, NGAG 'DON DU DMIGS RIM BKOD PA YANG MKHAN CHEN GYI GSUNG LA NYE CAR BA YOD, SKYES AS MKHAN CHEN LTAR DANG, BUD MED KYIS GONG LTAR NYAMS SU BLANG NA CHOG GAM SNYAM PAS BRAG GO, ,GSUM PA LUS SKYIL GYI SEMS 'DZIN NI, PHYI'I RNAL 'BYOR MA'I SEMS 'DZIN

SOGS LAM TZAM SONG NAS LUS DKYIL GTZO 'KHOR THAMS CAD LA GSAL SNANG LAM TZAM BTON, DE NAS GTZO MO'I SPYAN DBUS MA DBUS NAG PA SOGS SNGAR BZHIN GYI RJES SU MJUG BSDU SNGAR LTAR RO, ' ,NUB CU BZHI PAR, BSAM MI KHYAB DANG SPYOD LAM RNAL 'BYOR LA SGRO 'DOGS GCOD PA LA, BCU GCIG PA SPYOD LAM GYI RNAL 'BYOR NI, 'DI LAS LUGS PA RNAMS MNYAM PAR BZHG PA'I RNAL 'BYOR DANG, MA BZHAG PA'I RNAL 'BYOR GNYIS DANG, DGE LUGS PA THUN GYI NGO BO'I RNAL 'BYOR DANG, THUN MTSAMS KYI RNAL 'BYOR ZHES GSUNGS PA DON 'DRA ZHING, DE LA SPYOD LAM GYI RNAL 'BYOR DNGOS DANG, DE'I YAN LAG GI RNAL 'BYOR GNYIS KYI DANG PO NI, THUN DNGOS GZHI GROL NAS BSAM MI KHYAB THUN MONG DANG THUN MONG MIN PA GANG BYED KYANG N'A DA YANG MI DMIGS PA STOD PAR MNYAM PAR BZHAG ,DE NAS STONG

, ,PA'I NGANG LAS NAM MKHA' SPRIN MED LA SPRIN LDANG BA BZHIN RNAL 'BYOR MAR GONG BZHIN LDANG LA SUMBHA NI'I TSAMS RNGAMS KYI BSRUNG PA BYA LA, DE'I SNGAGS DON NI, AOm SNGAR BZHIN, SUMBHA NI NGES PAR 'DUL BA, SUMBHA NI GNYIS NGES PAR MA LUS PA 'DUL, GRiHnA GRiHn BGEGS 'BROS PA RNAMS BZUNG ZHIG ,GRiHnA PA YA GNYIS GTZO BOS 'DZIN PAR MA ZAD 'KHOR RNAMS KKYANG 'DZIN DU CHU GCIG GNYIS, A'A NA YA NI KHUG CIG ,BHA GA W'ANA NI KYE BCOM LDAN 'DAS, BADZRA NI RDO RJE STE BDE STONG GNYIS SU MED PA'I YE SHES KYI RDO RJE NI LHA MO DU MA SKYES MA'I RNAM PAR SHAR BA DE 'BOD PA YIN NO, ,H'Um GNYIS RE 'BYUNG BA NI BDE MCHOG GI SNGAGS KYI 'GRO KHYER YIN LA, H'Um BZHI PA ZHES PA NI GSANG 'DUS SOGS H'Um BZHI 'ONG BA DANG, GNOD MDZES KYI SNGAGS DANG, ZHAL

BZHI'I SNGAGS ZHES PA BDE MCHOG GI ZHAL BZHI GNAS BRJOD PA'I DON YIN NO, ,SNGAGS KYI SGRA 'BRUG STONG DUS GCIG TU LDIR BA LTAR GYIS BGEGS RNAMS KYI SNYING 'GAGS PA TZAM DU GYUR NAS MIG TZAM YANG LTA MI BZOD PAR BSAM ZHING, ZHAL NAS 'OD ZER DMAR PO BSKAL PA'I ME LTA BU 'PHROS PA NGO BO BDE STONG GNYIS SU MED PA'I YE SHES SU MOS PA NI DON DAM PA'I BSRUNG 'KHOR RO, ,BDAG 'DZIN LA SOGS PA'I GDON BGEGS BCOM ZHING LCAGS RI'I PHA MTHAR BSKRAD NAS SEMS CAN RNAMS KKYANG BGEGS DANG BRAL BAR BSGOMS NA BYANG CHUB KYI SEMS KYIS ZIN PA'I BSRUNG 'KHOR ZHES BYA BA'O, ,DE NAS THUN 'DI GROL BA NA THUN PHYI MA'I BAR SGO GSUM RANG DGAR MA BTANG BAR DGE SBYOR 'DI DANG 'DI BYA'O SNYAM PA'I SNYAM PA'8I 'PHEN PA GTONG ZHING BAR DU DRAN PA DAG SHES BZHIN NAR MAR BSTEN,

, ,THUN PHYI MA'I MGOR SNGAR 'PHEN PA BTANG BA LTAR BYUNG MIN SHAD SBYANGS BYAS TE BYUNG NA DGA' BA DANG MA BYUNG NA BSHAGS BSDOM SOGS BYA'O, ,GNYIS PA DE'I YAN LAG GI RNAL 'BYOR NI, THUN MTSAMS SU 'GRO 'CHAG NYAL 'DUG GI SPYOD LAM GANG BYED KYANG DAG PA'I SNANG ZHEN LA BSLAB PAR BYA STE, GSANG 'DUS SU THABS KYI DAG PA DANG, SHES RAB KYI DAG PA DANG, RDO RJE 'CHANG GI DAG PA ZHES 'BYUNG BA'I SNGA MA GNYIS BLOS 'CHUN DKA' BAS PHYI MA NYAMS SU LEN BDE BAS NA, SNOD THAMS CAD CHOS 'BYUNG DANG, BCUD KYI SEMS CAN GAL GUL BYED PA THAMS CAD RNAL 'BYOR SNANG STONG DBYER MED DU MOS PA SKU'I DGA' BA, RGYOB GSOD LA SOGS PA'I SGRA SNYAN MI SNYAN CI BYUNG YANG CHAGS SDANG DU MA SONG BAR AOm GSUM MA'I SGRAR MOS PA GRAG

STONG DBYER MED GSUNG GI DGA' BA, YID LA RTOG PA BZANG NGAN GANG SHAR GSAL STONG GNYIS MED BYA BSHES PA CHAGS GNYIS LA MA SONG BA'I RIG SHES KYIS STONG BAR MOS NAS THA SNYAD GZUGS SU GSAL BA THAMS CAD RNAL 'BYOR MA'I THUGS GNYIS SU MED PA'I YE SHES SU BLTA BA THUGS KYI DGA' BA'O, ,BDE MCHOG DANG SANGS RGYAS BYANG SEMS KYI SKU 'DRA JI 'DRA ZHIG MTHONG LANG RNAL 'BYOR MAR MOS NAS RKANG BRGYAD KYIS BSTOD PAR BYA BA DANG, SNANG GRAG RIG GSUM THAMS CAD PA DE STONG DBYER MED DU BLTA BA NI LAM THUN MONG BAR DBANG PO'I SGO SDOM PA ZHES BYA BA DE YIN PA, KHRUS NI BLA MED LA GAL MI CHE BAS MA BYAS KYANG RUNG ZHING, RNAL 'BYOR GYI GROGS SU 'GRON BYA BAR GSUNGS PAS DE'I TSUL NI, RNAG GI THUGS KA NAS RTEN BRTEN PA SPROS TE DBANG BSKUR RGYAS 'DEBS KYI SKABS

, ,BZHI BYA'O, ,MDOR NA LUS KYI SGUL BSKYOD THAMS CAD GAR DANG PHYAG RGYA, NGAG GI SMRA BRJOD THAMS CAD SNGAGS KYI SGRAR MOS NA RNAL 'BYOR PA RTOGS PA DMAN PAS LUNG MA BSTAN GYI BYA BA THAMS CAD DGE SBYOR DU BSGYUR NUS SHING, RTOGS PA MTHO BAS NI GZHAN GYIS NYES PAR 'DZIN PA GSOD RKU LOG GA-YEM SOGS MI DGE BA BYAS KYANG, DGE SBYOR DU BSGYUR NUS PA YIN TE, KUN RIG TU, KHYOD KYIS PHROG CHAGS BSAD PAR BYA, ,ZHES DANG, THAMS CAD BYAS SHING KUN ZOS KYANG, ,'GRUB 'GYUR NYES PAR MI 'GYUR NA, ,SNYING RJE LDAN PAS SMOS CI DGOS, ,ZHES GSUNGS PA LTAR, THUN MTSAMS KYI NGA RGYAL DANG GSAL SNANG BYED PA 'DI GAL CHE SHOS YIN PA DANG, RTEN BZHENGS JI 'DRA ZHIG BYAS PAR MA ZAD GSER DNGUL GYI RDO RJE RNAL 'BYOR MA BZHENGS PA BAS KYANG, TSUL

BZHIN DU YUD TZAM ZHIG SGOM PA PHAN LON CHE BA YIN NO, ,SEMS 'DZIN SNGA MA'I STENG DU SPYAN GA-YAS GA-YON, SHANGS, ZHAL, TSEMS, MCHE BA, LJAGS,, ZHAL MCHU, SNYAN SHAL RNAMS SNGAR BSHAD PA BZHIN BSGOM MO, ,CHE CHUNG YUNGS KAR SPOM PA'I 'BRU TSAD TZAM BYUNG NA CHOG ,DE MIN RGYA SRAN TZAM BYED, ' ,NUB BCO LNGA PAR, KHA ZAS NAS SBYIN SREG GI BAR LA SGRO 'DOGS GCOD PA DANG, MGUL PA NAS ZHABS KYI BAR GYI SEMS 'DZIN LA, GNYIS PA YANG LAG LA PHYE NA LNGA STE, KHA ZAS KYI RNAL 'BYOR, PHY ROL MCHOD PA'AM TSOGS KYI RNAL 'BYOR, SBYIN SREG GI RNAL 'BYOR, TSES BCU'I RNAL 'BYOR, GTOR MA'I RNAL 'BYOR RO, DANG PO LA GNYIS LAS, KHA ZAS RNAMS NANG MCHOD LTAR BYIN GYIS BRLABS NAS

, ,KHA HOM KHUNG DANG, LAG PA GA-YAS BLUG GZAR DANG, GA-YON DGANG GZAR DU MOS, SNYING KHAR LUS DKYIL LAM DE RNAMS KUN 'DUS KYI NGO BO BAm YIG GI N'A DA LA DMIGS NAS PHUL BAS BDE STONG SKYES PAR BSAM PA RDZAS LA BRTEN PA'I NANG GI SBYIN SREG DANG, YANG GSANG GNAS SU RLUNG RLUNG GA-YAB KYI TSUL DANG, DES RLUNG GA-YOS LTE BA'I GTUM MO'I ME SBAR, SPYI BO'I BYANG SEMS SAM HAm YIG SREG RDZAS KYI TSUL DU ZHU BA RO MA BLUG GZAR, RKYANG MA DGANG GZAR GNYIS KYIS SNYING GA'I BAm LA PHUL BAS BAm YIG BDE STONG DBYER MED KYI YE SHES SKYES PAS MNYES PAR BSAM PA RDZAS LA MA BRTEN PA'I SBYIN SREG GO, ,SPYIR 'DI'I DAM TSIG NYAL LDANG SOGS TSANG MA 'DIR MA ZAD SNGAGS

SPYI RANG GI DAM TSIG YIN PA BSHAGS PA'I SKABS NAS SHES DGOS PA DANG, BSHAGS PA BYED SKABS KYANG DAM TSIG JI 'DRA DANG 'GAL BA DE LA NAN TAN GYIS BSHAGS SHING SLAR MI BYED PA'I SDOM SEMS MA BYAS NA TSIG BSHAR TZAM GYIS PHAN CI YANG MI THOGS PA DANG, RGYUD SDE BA ZHI'I NANG TSAN BYA RGYUD LA BDAG BSKYED MED ZER ZHING, 'DI'I SKABS SMYUNG GNAS LTA BU'I GTZANG SBRA SHIN TU CHE BA DANG, SPYOD RGYUD LA BDAG BSKYED BSGOM NAS YE SHES PA MA BSTIM PAR MDUN DU GSAL BTAB NAS GROS PA'I TSUL DANG, RNAL 'BYOR RGYUD LA BDAG BSKYED LA YE SHES PA BSTIMS KYANG RJES SU BSHEGS GSOL BYAS NAS RANG LAS LHAG PAR BYED PA SOGS MI DGOS TE, BLA MED LA BRAM ZE KHYI DANG GDOL PA GSUM, ,DBYER MED GCIG TU DGONGS TE ROL, ,ZHES GSUNGS PA LTAR, RANG DANG LHA DBYER MED DU MOS TE RJES THOB KYI BYA

, ,BA THAMS CAD LA 'JUG DGOS PAS NA PHAR PHYIN THEG PA LAS TSOGS RDZOGS PA RGYA CHE BA'I RGYU MTSAN YANG, MDO LUGS LA THA MAL PA'I ZHEN PA 'BA' ZHIG GIS SBYIN GTONG SOGS BYAS PAS PHAN YON CHUNG BA DANG, PHA MA MA GTOGS PAS GRVA PA'I RDZAS GZHAN GYIS MI 'JU NA YANG, BLA MED LA NI GANG SNANG THAMS CAD LHA'I RNAM ROL TU 'CHAR DGOS PAS NA, GZUGS SGRA DRI RO REG BYA RNAMS KYANG RIM BZHIN, GZUGS THAMS CAD RNAM SNANG, SGRA THAMS CAD MI BSKYOD PA, DRI THAMS CAD RIN 'BYUNG, RO THAMS CAD 'OD DPAG MED, REG BYA THAMS CAD DON GRUB, YANG NA GZUGS THAMS CAD GZUGS RDO RJE MA, DE BZHIN DU SGRA, DRI, RO; REG BYA RNAMS LA SBYAR RO, ,DE YANG 'JIGS BYED LTA BU'I RNAL 'BYOR PA'I MIG SOGS SU LHA PHO'I RNAM PA BKOD PAS, PHYI ROL

GYI 'DOD YON GZUGS THAMS CAD GZUGS RDO RJE MA SOGS SU SGOM DGOS PA DANG, SKYED BYED KYI LHA MO YIN NA PHYI ROL GYI 'DOD YON RNAM SNANG SOGS SU SGOM DGOS PA DANG, YANG NA RDO RJE 'CHANG GI DAG PA ZHES PA RDO RJE 'CHANG 'BA' ZHIG GAM RNAL 'BYOR MA 'BA' ZHIG SGOM, MGRON PO DANG SLONG MO BA SOGS JI 'DRA LA KHA ZAS STER BA'I TSE RANG GZHAN GNYIS KA DANG ZAS KYANG LHAR BSGOMS NAS LHA LA LHA THIM PA'I TSUL GYIS STER BA DANG, YANG NA ZAS DE BDUD RTZIR MOS NAS LHA MCHOD PA'I BSAM PAS STER DGOS PAS, DE LTA BU'I DAM TSIG DANG MA BRAL NA JI TZAM GZHAN LA BYIN RUNG DKOR GYI NYES PA MED PAR MA ZAD TSOGS RLABS CHEN RDZOGS PA'I THABS BLA NA MED PA YIN PAS, THUN MTSAMS KYI DGE SBYOR RNAMS SHIN TU GAL CHE BAS DE RNAMS NYAMS LEN GYI RTZIS ZIN PAR MA BYAS NA TSE PHAL CHER DON MED

, ,DU 'DA' BAS NAN TAN LA BLO CI NUS KYIS 'BAD PAR BYA'O, ,SNYAN RGYUD TSAD MA BZHI LDAN ZHES BYA BA 'DI LA DBYE NA RLABS KYI BRGYUD PA MNYAMS PA ZHES PA SINDHA RA'I BYIN RLABS RNAM PAR DAG PA THOB, GDAMS NGAG GI SAR GA MA LOG PA ZHES PA, SAR GA LE'U'I MING YIN CING, LE'U GO RIM LTAR MA 'PHYUG PA DGOS TE, DE YANG LAM THUN MONGS BAS RGYUD MA SBYANGS PAR SNGAGS LAM BSTAN PA DANG, BSKYED RIM MA BSHAD PAR RDZOGS RIM BSHAD PA LTA BU'I GO LOG PA MA YIN PA, MOS GUIS KYI BSAM PA TSIM PA ZHES PA BLA MAS BSHAD PA'I GDAMS NGAG RNAMS NYAMS SU BLANGS NA YID CHES RNYED PA DANG, BLA MA, LUNG, NYAMS

MYONG, BSTAN BCHOS RNAMS TSAD MA'O, ,GNYIS PA NI, GZUNG DU RJE SANGS RGYAS DPAL BZANG GI BDAG 'JUG BZHIN DU NYAMS SU LEN PAR GSUNGS LA, YIG CHA DER TSOGS 'KHOR BYED TSUL ZUR TZAM LAS PHYI ROL MCHOD PA BYA TSUL MA GSUNGS SHING PHYI ROL MCHOD PA BDE MCHOG TU LAG MCHOD DANG, GRU GSUM MCHOD PA BYA BAR GSUNGS SHING, TSOGS 'KHOR NI DNGOS BSTAN BDAG 'JUG LEN PA YIN NA'ANG, DA LTA'I PHYAG BZHES 'DI 'PHRAL GYI NYAMS LEN LA GNAD 'GAG CHE BAS, SNGAGS RIM GYI DON NI, TSOGS 'KHOR ZHES PA SKYES PA DANG BUD MED GNYIS TSOGS PA LA ZER ZHING, SKYES PA RKYANG PA DANG, BUD MED RKYANG PA YIN NA, DPA' BO'I STON MO DANG, DPA' MO'I STON MO ZR DGOS PA DANG, SKYES PA GA-YAS GRAL DANG, BUD MED GA-YON GRAL BYED

, ,PA DANG, TSOGS MA GROL BAR LANGS NAS MI 'GRO BA DANG, GAL TE 'GRO DGOS BYUNG NA SLOB DPON LA GNANG BA ZHUS NAS, 'GRO BA DANG SLEB PA'I TSE PHYAG 'TSAL BA DANG, SHA LA BA LA DANG CHANG LA MA DA NA ZER NBA DNG, TSOGS NANG DU RTZOD PA DANG THAL MO RDEB PA SOGS PHYAS NA DMYAL BAR SKYE BA DANG, YI DAM GYI NGA RGYAL BRTAN PO MA BYAS PAR THA MAL PA'I TSOGS LA LONGS SPYOD NA YI DVAGS SU SKYE BA DNG, TSOGS PHYUD 'BUL BA DANG, TSOGS LHAG BSDU SKABS PHYAG 'TSAL BA DANG, 'BUL MKHAN GYIS LAG GA-YAS RTZE GSUM GYI PHYAG RGYA BYAS TE 'BUL BA DANG, SLOB DPON GYI SA PAD KOR SNGON DU 'GRO BAS RTZE GSUM GYI PHYAG RGYA BYAS TE LEN DGOS PA DNG, BKYED SKABS DANG POR SLOB DPON LA 'DAB SKAL PHUL, DE NAS MA DA NA DANG POR BUD MED NAS BKYE BA DANG, PA LA

DANG POR SKYES PA NAS BKYE BA DANG, SLOB DPON GYIS GNANG BA THOB NA GLU GAR LA SOGS TING NGE 'DZIN GYI GROGS SU 'GRO NA BYAS CHOG ,TSOGS RDZS SAR LHUNG BA RNAMS LA 'GOM YUG MA SHOR BA DANG, KHYI DANG SLONG MO BA LA MI STER BA DANG, TING NGE 'DZIN GYI DKYIL 'KHOR MCHOD PAS TSIM PA, SNYING GA'I YE SHES KYI DKYIL 'KHOR RAM YE SHES SEMS DPA' BDUD RTZI MYANG BAS TSIM PA, RNAL 'BYOR PO MO RNAMS BZA' BTUNG GI LONGS SPYOD KYIS TSIM PA, LUS DKYIL GYI LHA RNAMS 'BAR 'DZAG GI BDE BAS TSIM PA, 'BYUNG PO RNAMS LHAG GTOR GYI SA TSIM PA, MKHA' 'GRO MA RNAMS GLU GAR GYIS TSIM PA STE TSIM PA DRUG DANG LDAN PA DGOS PA'O, ,GSUM PA NI, SBYIN SREG LA RGYAS 'BRING BSDUS GSUM YOD PAS, RGYAS PAS LUGS LA BZLAS PA'I BCU CHA'I SBYIN SREG BYA DGOS

, ,GSUNG BAS, BZLAS BA 'BUM PHRAG BZHI BZLAS NA DE'I BCU CHA'I SBYIN SREG KHRI BZHI BYA DGOS GSUNG, RANG LUGS RJE RIN PO CHE'I BZHED PA BCU CHA'I SBYIN SREG LHA DBANG DU 'DU BA'I SKABS YIN PAS MNGAR GSUM GTZO BOR BYAS PA'I DBANG GI SBYIN SREG BYA ZHING, BZLAS PA'I KHA SKONG GI SBYIN SREG NI ZHI BA'I SBYIN SREG YIN PAS TIL GTZO BOR BYAS NAS GRANGS JI LTAR RIGS PA LAS NGES BZUNG MI DGOS SHING, CHO GA RGYAS PAR NA, THOG MTHAR 'JIG RTEN PA'I ME LHA BSKYED CHOG MCHOD BSTONG SPYI DANG 'DRA BAR BYA, 'BRING NI 'JIG RTEN PA'I ME LHA MED PAR 'DAS PA'I ME LHA RNAL 'BYOR MAR BSKYED PAS CHOG ,BSDUS PA NI, RAS DMAR PO'I GDUNG RKANG LA MAR GYI ZHUN MAR BYED PA'O, ' ,SEMS 'DZIN NI SNGAR GYI DE DAG GI STENG DU DBU SKRA, NU 'BUR, PHYAG GNYIS PHYAG MTSAN DANG BCAS PA, KHA tV'Am GA, ,SKED PA, RO SMAD, 'DOM NAS KHRAG RGYUN

'DZAG PA, ZHABS GNYIS 'JIGS DUS BCAS SNGAR BZHIN NYAMS SU LEN NO, ' ,NUB BCU DRUG PAR, TSES BCU DANG GTOR MAR SGRO 'DOGS BCAD NAS, RGYAN GYI SEMS 'DZIN LA, BZHI PA NI, TSES BCU'I MCHOD PA RGYAS PAR BYED NA, DKYIL 'KHOR BSHAMS PA DANG BDAG 'JUG SOGS BYIN RLABS KYI SKABS BZHIN BYA STE, YO BYAD BSHAMS TSUL NI, RAB RJE BTZUN MA'I BRIS 'BUR GANG RUNG BYIN RLABS CAN BYUNG NA DANG MA BYUNG YANG RUNG ZHING, DKYIL 'KHOR GYI GZHI NI GRU BZHI PA'I STENG DU MTHO GANG ZLLUM POS BSKOR, DE'I PHYIR SOR PHYED KYIS BSKOR BA DKAR PO, DE'I PHYIR SOR PHYED KYIS BSKOR BA SNGON PO, DE'I PHYIR SOR PHYED KYIS BSKOR BA DKAR PO, DE RNAMS KYI NANG DU CHOS 'BYUNG GRU GSUM NYIS BRTEGS KYI RNAM PA CAN GYI NANG DMAR PO, BCAD KHA DKAR PO, PHYI'I GRU CHAD ZLA GAM LJANG KHU, CHOS 'BYUNG GI NANG DU ZLA GDAN, GRVA BZHIR

, ,DGA' 'KHYIL DMAR SKYA BRI BAR BYA ZHING, STEGS BU GRU BZHI PA RTZI SER PO BYA STE RGYAS PA'I LAS, PHYI NANG ZLUM POS ZHI BA, GRU GSUM GYIS DRAG PO, ZLA GAM GYIS DBANG GI LAS 'GRUB PA MTSON, KHA DOG NI BCAD KHA SOGS DKAR POS ZHI BA, LJANG KHUS LAS THAMS CAD DANG RGYAS PA, DMAR POS DBANG, SNGON POS DRAG PO'I LAS 'GRUB PA MTSON, ZLUM SKOR NANG MA DKAR POS DUR KHROD BAR PA SNGON POS BSRUNG 'KHOR, PHYI MA DKAR POS ME RI, CHOS 'BYUNG GIS DPA' MO, ZLA DKYIL GYIS DPA' BO, ,ZLA DKYIL GYI DBUS SU SKU MTSON PA'I TSOM BU DMAR PO BYA ZHING, 'DI DAG RAB RDUL TSON, DE MIN RAS GZHI SNGON CHUD NAS BRIS KYANG RUNG, DE LTAR MA LCOGS NA TZANDAN DMAR PO'I PHYE MA DANG CHANG BSRES PA'I CHOS 'BYUNG NYIS BRTZEGS KYI DBUS SU TSOM BU TZAM BYA BAR GSUNGS, DE'I STENG DU MANYDZI 'I KHAR

THOD PA SBRANG CHANG GIS BKANG BAR BDUD RTZI RIL BU BTAB PA GSUNG, BDUD RTZI DMAR PO, DE'I STENG DU DAR DMAR POS KHA BCAD PA NI MI REG PA'I CHED DU SHING GI CHOS 'BYUNG NYIS BRTZEGS, DE'I STENG DU ME LONG DANG, MAndALA MA 'BYOR NA SHING DANG RDZA SOGS GANG DUNG GI STENG DU SINDHU RA BKRAM PA LA RDO RJE'I RTZE MO'AM GSER GYI SNYU GUS AOm GSUM MA BRIS, DE'I STENG DU RAS SOGS DMAR PO'I GUR PHUB, TING LO MDUN DU BZHAG ,'DI DAG NI RGYAS PAR BYED PA'I DBANG YIN LA, DE LAS BSDUS TZAM BYED NA, DKYIL 'KHOR GANG RUNG GCIG BSHAMS KYANG CHOG ,DE NAS MCHOD GTOR BSHAMS LUGS LA RGYAS BSDUS GNYIS LAS, DANG PO NI, DKYIL 'KHOR GYI MDUN NAM SHAR DU MCHOD YON, BYANG SHAR DU ZHABS BSIL, BYANG DU ME TOG ,NUB BYANG DU BDUG SPOS, NUB TU MAR ME, LHO NUB TU DRI CHAB, LHOR ZHAL

, ,ZAS; SHAR LHOR MTSAMS 'DZIN GYI ME TOG GM GTOR MA 'JOG CING, DES MTSON NAS CI 'BYOR GYI MCHOD PA BSHAMS PA DANG, MDUN DU GTOR MA 'OG NAS 'BYUNG BA LTAR DANG, DE'I MDUN DU DBUS SU TSOGS SPAG ,GA-YAS SU TSOGS SHA, GA-YON DU TSOGS CHANG, DE GSUM GTZO BO YIN CING, GZHAN CI 'BYOR BSHAMS, SLOB DPON SOGS KYI MDUN DU BUM PA MGUL 'CHING DMAR PO CAN GYI SUM GNYIS TZAM CHUS BKANG BAR DRI BZANG DANG BLA MED NAS BSHAD PA'I BUM RDZAS NYER LNGA SOGS BTAB PA'I MDUN DU MCHOD PA, RANG GI MDUN DU RDOR DRIL, CANG TE'U 'THOR 'BRU SOGS PHYAG LEN BZHIN BSHAM MO, ,DE NAS CHO GA LA 'JUG PA LA RGYAS PAR NA NGAG 'DON BZHIN DANG, BSDUS PA BYED NA BDAG BSKYED RGYAS BSDUS GANG RIGS DANG, MDUN BSKYED BTANG, BSTOD

PA'I MJUG TU THUN MONG DANG THUN MONG MIN PA'I SDOM PA GSUM GUZNG BA'I CHO GA LAN GSUM RE BYAS NAS BUM PA DANG DBANG BZHAG STE GTOR MA TSOGS 'KHOR SOGS BYA ZHING, YANG BSDUS PA'I LUGS GCIG LA, RJE RIN PO CHE'I GRU GSUM MCHOD PA'I DGONGS PA BZHIN, RDO SHING SOGS KYI KHAR TZADAN DMAR PO DANG CHANG BSRES PA'I LDE KHUS CHOS 'BYUNG LAG PA GA-YON PA'I SRIN LAG GIS BRIS PA'I DBUS SU THIG LE ZLUB PO DE'I STENG DU TSOM BU DMAR PO BKOD, STEGS KYI KHAR BZHAG ,DE'I GA-YAS SU ME TOG ,BDUG SPOS, MAR ME DANG, GA-YON DU DRI CHAB, ZHAL ZAS, GTOR MA DANG, DBUS SU TSOGS SPAG ,GA-YAS SU TSOGS SHA ,GA-YON DU TSOGS CHANG BCAS BSHAMS, BDAG BSKYED RGYAS BSDUS GANG RIGS BTANG, BUM SGRUB DBANG LEN

, ,NA MA GTOGS MI DGOS PAS, SGRUB BZHI BSANGS SBYANGS, STONG PA'I NGANG LAS AE AE LAS CHOS 'BYUNG SOGS BUM BSKYED LTAR DBANG BSKUR RGYAS 'DEBS KYI BAR BTANG NAS, PHYI NANG GI MCHOD BSTOD, GTOR 'BUL, BSNGO SMON SHING BRJOD SOGS RGYAS BSDUS SKABS SBYAR DKYUS BZHIN BYA'O, DE TZAM YANG MA LCOGS NA RJE RIN PO CHES PHYI NANG BSAM GTAN GYI SGYUB MCHOD GSUM GSUNGS PA LTAR, RANG NYID LAM DU ZHUGS BZHIN DU BYED DGOS PA BYUNG NA DKYIL 'KHOR SOGS THAMS CAD YID KYI MOS PAS CHOG ,GZHUNG DU DE TZAM MA LCOGS NA GRONG PA'I CHOS KYIS MA GOS PA'I GZHON NU MA KHA ZAS KYIS TSIM PAR BYA BAR GSUNGS LA, DE'I TSUL NI MKHAN CHEN GYI GZHUNG DU GZHON NU MA GSUM LAS MI NYUNG BA CHO GAS RNAL 'BYOR MA BSKYED NAS KHA ZAS SOGS BYIN GYIS BRLABS

NAS STER BAR GSUNGS SO, ,BREL GA-YENG GIS MA LCOGS PAR SHIN TU BSDUN, AOm GSUM MA DAM BCA' JI YOD 'DAB 'GYUR NYUNG MTHAR BZLAS PAS TSES BCU'I GO CHOD PAR GSUNGS PA DES GO AE CHOD SNYAM NA DOGS PA MI DGOS TE, SNGAGS RNAMS KUN GYIS MCHOD PAR BYA, ,ZHES DE NYID BCU BZHI'I 'CHING GI SKABS SU SNGAGS BZLAS PAS LHA MNYES PA'I MCHOD PAR 'GYUR TSUL BSHAD ZIN PA LTAR DANG, RANG GIS BZA' BTUNG BYIN GYIS BRLABS NAS, TSOGS 'KHOR LTAR PHUL BAS KYANG TSES BCU'I GO CHOD PA YIN PAS DES PAR MA CHAG PA GAL CHE, DE'I RGYU MTSAN YANG MKHAS GRUB RIN PO CHE'I RNAM THAR LAS, ZHAL GZIGS MANG DU BYUNG BA LAS, SKABS SHIG BDE MCHOG ZHAL GZIGS PAR GSOL BA RTZE GCIG TU BTAB NAS DAG PA MKHA' SPYOD DU SKYED PA'I RGYU GANG BSGRUB NA LEGS

, ,ZHUS PAS, DAG PA MKHA' SPYOD DU YANG NGOMAR NGO'I TSES BCU MCHAG NA'ANG SKYE BA YIN PAS DGA' BA MIN, DE LAS MI LUS KHYAD PAR CAN THOB NAS BLO BZANG GRAGS PA'I BSTAN PA DANG MJAL BA 'DI DKA' BA YIN GSUNGS PAS, DE 'DRA AE BDEN SNYAM PA BYUNG 'PHRAL 'KHOR LO BDE MCHOG DE RJE RIN PO CHER SONG BA YIN PAS DE BAS SGRUB BYED BZANG BA GZHAN MI DGOS SO, ,'DI SKABS CHO GA'I RIM PA SOGS BYING GO SLA ZHING ZHES LJAGS LUNG TZAM GNANG, JI SNYED CES PA MDUN DU BZHUGS PA DE SNYED KYI, NGES DON GYI RDO RJE NI BDE STONG GNYIS SU MED PA'I YE SHES KYI MKHA' 'GRO MA KHYED NI, RNAL 'BYOR PA RAB KYIS RTZA'I RLUNG BZHI SNYING GAR BSDU NUS KYANG KHYAB BYED RNAMS 'DU MI NUS LA, DE'I PHYIR RDO RJE RNAL 'BYOR MA KHYED RNAMS KYI SPRUL PA BUD MED THA MAL PA'I RNAM PA MTHA' YAS PA ZHIG BSTAN NAS

RNAL 'BYOR MAS GROGS MDZAD NAS, MDO LUGS LA BDAG 'DZIN NAM, SNGAGS LUGS LA LAS KYI RLUNG KHYAB BYED MA LUS PA SNYING KHAR BSDU BAR MDZAD PA NA KUN RTOG BRGYAD CU'I 'CHING BA MA LUS PA GCOD PA'I 'JIG RTEN GYI BYA BA MA LUS MDZAD PA'I RNAL 'BYOR MA DE SNYED RNAMS LA PHYAG 'TSAL LO, ,ZHES PA'O, ,THUGS KA'I BAm YIG LA PHOG PAS DE DANG SKU'I CHA THAMS CAD NAS BDUD RTZI DKAR PO SHAS CHE BA'I BDUD RTZI SNA LNGAS BUM PA GANG BAR BSAM, DUNG CHOS KYI CHU MA BSGRUB KYANG 'PHRU GSUM BRJOD PA'I TSE BDUD RZIR GYUR PAR BSAM LA 'BUL, ' ,MDUN BSKYED SKABS, TSAR CHEN GYIS SPRO NA BLA MA BYANG SEMS SOGS SPYAN 'DREN GSUNGS PA, 'DIR BSDUS PA'I DBANG GIS BZHAG NA'ANG MCHOD 'PHRENG SKABS CUNG BDE MIN GYI STABS 'DUG PAR,

, ,'OG GI GTONR MGRON SPYAN 'DREN DBANG BSKUR RGYAS 'DEBS BYAS PA'I MJUG DER BLANGS LA, GTZO MO'I STENG DU RTZA BRGYUD KYI BLA MA RNAMS DANG, MTHA' SKOR DU RNAL 'BYOR MA SO GNYIS SOGS YI DAM SANGS RGYAS BYANG SEMS NYAN RANG, MDUN GYI CHOS 'BYUNG STONG PAR, DPA' BO MKHA' 'GRO, RGYAB KYI STONG PAR DUR BDAG SOGS CHOS SKYONG SRUNG MA, DUR KHROD LA 'JIG RTEN SKYONG BA DANG RIGS DRUG GI SEMS CAN RNAMS RDO RJE RNAL 'BYOR MA'I RNAM PAR SKAD CIG LA BSKYED LA, MCHOD BSTOD BYAS PA'I MJUG TU 'DOD DON GSOL 'DEBS MTHA' YAS MA BTANG YANG LEGS, DPYI GLU 'DIR BYAS KYANG CHOG ,DBANG CHOG LEN TSUL NI BYIN RLABS KYI SKABS RGYAS PAR BSHAD PA LTAR YIN, RKANG BRGYAD KYI BSTOD PA BYED SKABS d'A DRIL YOD NA LAG PA

GA-YON PA STENG DANG GA-YAS PA 'OG TU BSNOL NAS DKROL BA RGYAL BA BSKAL BZANG RGYA MTSO DANG RJE RIN PO CHE DE NYI GYI SKABS NAS YOD GSUNG, MJUG GI GTOR RDZONG 'DI LA THUN GTOR ZHES THUN GROL BA'I BRDA LTA BU YIN PAS MJUG TU 'BUL BA DANG, DE'I TSE SNGAR YOD MA YIN PA'I GTOR MGRON GSAR PA MDUN GYI NAM MKHAR BYON PAR BSAM LA 'BUL, YONGS 'DU'I TSAL ZHES PA RI RAB KYI STENG RNAM PAR RGYAL BA'I KHANG BZANG GI BYANG DU YONGS 'DUS BRTOL ZHES PA YOD, DE W'I KO tI ZHES PA TZ'A RI DANG 'DRES NAS YOD ZER, SIDHA ZHES PA SENGGE'I MING YIN PAS DE LTA BU'I YUL GRU RGYA GAR NA YOD, DAR LUNG ZHES PA MNGA' RIS SU YOD, BANG SO ZHES PA RO KHANG GI MING NGO, DE YANG TSOGS GSOG PAR 'DOD NA YAR NGO DANG, SGRIB PA SBYONG BA 'DOD NA MAR NGO ZHES GANG RUNG GCIG

, ,GIS CHOG PA 'DRA ZHIG 'DUG KYANG GNYIS KA MA CHAG PA NI GAL CHE'O, ,LNGA PA NI, 'DI'I GZHUNG RNAMS SU GTOR MA BCU GCIG DANG, BDUN DANG, GSUM DANG, GNYIS DANG, GCIG BSHAMS PA'I LUGS SNA TSOGS YOD PA LAS, RJE RIN PO CHES 'JIG RTEN DANG 'JIG RTEN LAS 'DAS PA'I MGRON GNYIS SU 'DU BAR GSUNGS PA LTAR YIN LA, NGAG 'DON TU BKOD PA 'JUG PA BDE BA'I DBANG GIS GTOR MA GCIG BSHAMS PA BYIN RLABS NAN TAN BYAS, 'DAS MA 'DAS KYI MGRON THAMS CAD LA GANG DGOS LHA MO SPROS TE 'BUL BA YIN NO, RGYU NI, ,ZAN DANG SHA CHANG GTZO BO YIN LA, MAR KHU DANG 'O MA BYUNG NA RAB, DE MIN CI 'BYOR ZAN LA, BDUD RTZI RIL BU DANG, SGOG SKYA SOGS GTOR RDZAS DANG, GZHAN SHING TOG SMAN SNA GANG 'DZOMS KYI PHYE CUNG

BSRES LA BSHAMS PAR BYA STE, DBYIBS NI PAn CHEN BLO BZANG CHOS KYI RGYAL MTSAN GYIS, GTOR MA'I DBYIBS NI 'DI LTAR BYA ZHES RGYUD RGYA GZHUNG NAS BSHAD PA MED PAS BLA MAS PHYAG BZHES LHAR BYA BA'AM, ZHI BA LA DKAR PO ZLUM PO, RGYAS PA LA SER PO GRU BZHI, DBANG LA DMAR PO ZLA GAM, DRAG PO LA NAG PO GRU GSUM BYAS NA LAS DANG MTHUN ZHES GSUNGS SHING, 'DI KHA'I PHYAG BZHES LA ZLUM PO PAD 'DAB BZHIS BSKOR BA RMOR CHEN GYIS DKAR PO BYED PAR GSUNGS SHING SMUG RTZI BYUGS KYANG 'GAL BA MED 'DRA ZHING, SBO RGYAN LANG 'DZOM DANG, RTZE SENG BYED LA RGYAS PAR 'DOD NA ZLA NYI N'A DA YANG RGYAN CHOG ,SPYIR GTOR MA RGYUN DU 'BUL DGOS PA DANG, KHYAD PAR TSES BCU DANG, BSNYEN DUS SU GAL CHE'O, ,PHYI NANG GI MCHOD PA DANG GTOR MA BYIN RLABS NGAG 'DON LTAR DANG, BSDUS PA

, ,BYED NA LUGS GNYIS LAS, DANG PO TSOGS MCHOD DU BKOD PA DENG SANG PHYAG LEN LTAR DANG, GNYIS PA NI, AOm A'A: H'U HA HO HR'Am: ZHES DANG, PHYAG RGYA NI, LAG GA-YON MTHIL, GA-YAS KYI MTHIL, GNYIS KA'I MTHIL, BYA KHYUNG GI PHYAG RGYA NANG BLTA BYED PA'O, ,ZHES PAS, DANG PO'I TSE BSANG SBYANG BYED PA, GNYIS PA'I TSE THOD PA YANGS SHING RGYA CHE BA'I NANG DU BDUD RTZI LNGA DANG SHA LNGA NANG MCHOD LTAR SKAD CIG GIS BSKYED PA, GSUM PA'I TSE, RDZAS DE DAG GI SKYON RNAMS SBYANG BA, BZHI PA'I TSE, BDUD RTZI'I RGYA MTSOR GYUR PAR BSAM PA'O, ,'BUL TSUL NI TSES BCU SOGS KYI SKABS SPYAN 'DREN GONG DU SONG BAS 'THUS SHING MGRON RNAMS

KYI ZHES SOGS BRJOD PA'I TSE LJAGS KYI RTZE MO'I DKYIL DU H'Um DKAR PO YOGS SU GYUR PA LAS RDO RJE DKAR PO RTZE GSUM PA NAS 'BRU TZAM 'KHOD PA'I DBUS RVAR BUG PA YOD PA NAS 'OD ZER SBUBS CAN 'PHROS, RANG GI THUGS KA NAS RO RDO RJE MA SPROS TE; 'BUL SNGAGS LAN GSUM LNGA GDUN GANG BYED KYANG 'BUL LUGS SHES DGOS PAS LAN GSUM BYED NA, DANG PO'I TSE, BLA MA YI DAM SOGS LA 'BUL, GNYIS PA'I TSE, MDUN RGYAB KYI DPA' BO MKHA' 'GRO CHOS SKYONG SRUNG MA RNAMS LA 'BUL, GSUMPA'I TSE DUR KHROD KYI 'JIG RTEN SKYONG BA SOGS LA PHUL NAS 'DOD GSOL, GTOR SKYONG, TSOGS 'KHOR YOD NA BYAS TE, DPYI GLU YANG 'DIR BYA, DE NAS GTANG RAG GI MCHOD BSTOD, BZOD GSOL

, ,GSHEGS GSOL, BSNGO SMON SOGS BYA'O, ,LAN LNGA BYED NA DANG POR BLA MA RNAMS, RGYUD SDE BZHI, SANGS RGYAS SOGS, DPA' BO MKHA 'GRO DANG CHOS SKYONG SRUNG MA, DUR KHROD KYI SDE BRGYAD SOGS LA 'BUL, LAN BDUN BYED NA DANG POR RTZA BRGYUD KYI BLA MA RNAMS DANG, RNAL 'BYOR MA RNAMS, RGYUD SDE BZHI'I LHA TSOGS, SANGS RGYAS SOGS, DPA' BO MKHA' 'GRO, CHOS SKYONG SRUNG MA, SDE BRGYAD SOGS LA 'BUL BA SOGS SO, ,BDAG BA SKYED RKYANG PA'I MJUG TU GTOR 'BUL BYED TSE MGRON THAMS SU SPYAN 'DREN PA YIN PAS MDUN GYI NAM MKHAR SRUNG 'KHOR DUR KHROD CHOS 'BYUNG DE'I DBUS SU ZLA GDAN BCAS LAM GYIS GSAL BTAB LA CHO GA GZHUNG LTAR SPYAN 'DREN BYAS LA DBUS SU RNAL 'BYOR RNAMS LUS DKYIL LTAR DANG, STENG DU RTZA BRGYUD KYI BLA MA,

MTHA' SKOR DU RGYUD SDE BZHI DANG SANGS RGYAS BYANG SEMS SOGS, CHOS 'BYUNG MDUN MAR DPA' BO MKHA' 'GRO, RGYAB MAR DUR KHROD BDAG PO SOGS CHOS SKYONG SRUNG MA, DUR KHROD DU LHA KLU SDE BRGYAD LA SOGS PA RNAMS BZHUGS PAR BSAM LA, RDO RJE THAL MO KHA PHYE BA'I PHYAG RGYA BCAS LA 'BUL SNGAGS LUGS GNYIS YOD PAR GRAGS KYANG, AOm GSUM MA LA AA K'A RO BTAGS PAS 'BUL BAR GSUNGS PA LEGS TE, DES YAR MGRON MAR MGRON THAMS CAD LA PHUL BAR 'GAL BAR MI SEMS TE 'DI LA 'BYUNG PO THAMS CAD PA'I SNGAGS ZHES GSUNGS PAS, SGRA YANG BA'I DBANG LA 'BYUNG PO NI 'KHOR 'DAS THAMS CAD LA 'JUG PA DANG, BLA MED LA SNOD BCUD THAMS CAD LA DAG PA RAB 'BYAMS 'BA' ZHIG TU 'CHAR BAS 'DAS MA 'DAS BLOS BZHAG PA TZAM YIN PA DANG, SNGAGS 'DI

, ,'KHOR 'DAS KYI MGRON THAMS CAD KYI GTOR MA BYIN GYIS RLOB PA'I SNGAGS DANG GTOR MA BSNGO BA'I SNGAS SU BRTAG GNYIS RTZA 'GREL LAS GSUNGS PA LTAR YIN, 'DI'I SNGAGS DON NI, AOm NI SKU GSUNG THUGS KYI RDO RJE GSUM DBYER MI PHYED PA'I RDO RJE SEMS MTSON BYED, AA K'A RO NI AA YIG NYID, MU KHAm NI SGO'O, ,SARBA NI THAMS CAD, DHARMA nAm NI CHOS RNAMS KYI, AADY'A NI GDOD MA NAS, NUTPANNA NI SKYE BA MED PA'I, NA TVLADA NI PHYIR, AOm A'AH'Um NI, RANG DANG MGRON GNYIS KA'I SGO GSUM DANG GTOR MA RDO RJE GSUM DU BYIN GYIS RLOB BYED, PHAt NI SKYON SEL BYED, SV'AH'A NI YON TAN SDUD BYED, MDOR NA NGES DON GYI RDO RJE SEMS DPA' BDE BA CHEN PO'I YE SHES KYIS GTOR BSNGO'I 'KHOR GSUM SOGS CHOS THAMS CAD KYI GNAS LUGS STONG PA NYID LA MNYAM PAR BZHAG NAS BDE

STONG DE NYID DAG PA'I 'HOR GSUM RTEN 'BREL SGYU MA LTA BUR SHAR BA'I NGANG NAS GTOR MA 'BUL DGOS PA'I DON TE, BAR GYI SNGAGS DON RNAMS DRIL NA, AA YIG NYID GDOD MA NAS SKYE BA MED PA'I PHYIR DHOS THAMS CAD KYI SGO'O, ,ZHES PAR 'GYUR RO, ,DE NAS PHYI NANG GI MCHOD BSTOD 'DOD GSOL RGYAS BSDUS SOGS NGAG 'DON LTAR BYA LA 'JIG RTEN DANG, ZHES SOGS MGRON GZHAN RNAMS KYIS RANG RANG GI DNGOS GRUB STER NUS PA STZAL DU GSOL SNYAM PA'O, ,GTZO 'KHOR THAMS CAD KYI RIGS BDAG GI THUGS KAR ZLA GDAN LA H'Um GI MTHAR YI GE BRGYA PAS BSKOR BA LAS BDUD RTZI'I RGYUN BABS RANG GIS MCHOD RDZAS SOGS LA MI GTANG BA'I NYAMS GRIB PHOG PA THAMS CAD DAG PAR BSAM LA, YIG BRGYA BZLA BZHIN PAR RDO RJE ME TOG DANG BCAS PA THUGS KAR BZUNG NAS THABS BDE BA CHEN

, ,PO DRAN BZHIN DU 'DZIN PA DANG, DRIL BUS SHES RAB STONG PA NYID KYI SGRA LHANG LHANG SGROG BZHIN PA'I NGANG NAS 'KHOR GSUM MI DMIGS PA'I BDE STONG GI RGYAS 'DEBS PA YIN PAS GAL CHE'O, ,MCHOD RDZAS MA 'BYOR MA DANG 'BYOR KYANG PHUD NYAMS PA SOGS MI DGYES PA GANG YANG RUNG BA BDAG GI BLO GROS RMONGS PA'I DBANG GIS RANG GIS BGYIS PA DANG, GZHAN BGYID DU STZAL BA THAMS CAD 'ZOD PAR GSOL SNYAM DU BZOD GSOL BYA, AOm LA AA AU MA GSUM YOD PAS RDO RJE GSUM MTSON, KHYED KYIS BDAG SOGS SEMS CAN THAMS CAD KYI DON MA LUS PA KUN TE, BSOD NAMS DANG YE SHES KYI TSOGS RDZOGS PAR NI MDZAD, SEMS CAN RANG RANG GI RJES SU STE BLO DANG 'TSAMS PA'I MCHOG DANG THUN MONG GI DNGOS GRUB MA LUS PA KUN STZAL NAS SANGS RGYAS KYI YUL

TE ZHING DU DA LAM GSHEGS NAS KYANG, SLAR YANG BDAG SOGS SEMS CAN THAMS CAD KYI BSOD NAMS KYI ZHING DU 'BYON PAR MDZAD DU GSO, ZHES SNYAN GSAN PHUL, BADZRA RDO RJE DANG MU: GSHEGS SHIG STE RDO RJE GSUM GYI YE SHES PA GSHEGS SHIG CES PA'O, ,BRDA'I PHYAG RGYA ZHES PA LAG PA'I RGYAB BSTAN MTHEB SRIN GYIS SE GOL LAN GSUm GTOG PAS BRDA BYAS LA GTOR MGRON RANG BZHIN GYI GNAS SU GSHES PA STE 'OD DU ZHU NAS RANG GI SNA GA-YON NAS ZHUGS TE BAm YIG LA THIM PAR BSAM PA'AM SEMS CAN GZHAN GYI DON DU GSHEGS PA'AM SNGAR SPYAN 'DREN PA'I GNAS SU SO SOR GSHEGS PAR BSAM PA GANG BYAS KYANG RUNG NGO, ,MDUN BSKYED DANG 'BREL BA'I TSE 'DAS LHA'I YE SHES PA DANG 'JIG RTEN PA RNAMS GSHEGS, DAM TSIG PA RNAMS RANG LA BSDUL TE LAS KYI RTJES MI MNGON PAR BYAS, DGE BA

, ,'DI YIS ZHES SOGS RANG GZHAN GYI 'DOD DON 'GRUB PA'I BSNGO SMON BYA ZHING, GAL TE TSE 'DIR MA 'GRUB NA 'CHI BA'I TSE MGON PO RDO RJE RNAL 'BYOR MA DANG DPA' BO DPA' MO'I TSOGS KYIS ME TOG SOGS MCHOD RDZAS SNA TSOGS DANG, SENGGE'I KHRI DANG 'JA' 'OD KYI GUR PHUB STE, MKHA' SPYOD KYI NAS SU 'KHRID PAR SHOG SNYAM DU BRJOD PAR BYA'O, ,SEMS 'DZIN SNGAR GYI STENG DU DBU RGYAN, SNYAN RGYAN, MJUL RGYAN, PHYAG GDUB, TSANGS SKUD, 'OG PAG ,THOD PHRENG, ZHABS GDUB BCAS BSNAN NAS SGOM MO, ' ,NUB BCU BCUN PAR, DBANG BZHI LLUS BSGRIGS DANG GANG ZAG DBANG PO RAB BZLAS SGOM GYIS GROL TSUL LA SGRO 'DOGS BCAD NAS LUS DKYIL GYI 'KHOR RNAMS KYI SPYAN DBUS MA'I SEMS 'DZIN GTONG, ZHES PA

BZHIN DGOS NA'ANG MTHONG GROL GYI DPE MANG POR CHAD 'DUG ,BLA MA'I KHRID RGYUN SKABS 'DI YIN GYI ZHAL GSAL MA BYUNG, BSKYED RIM RNAL 'BYOR BCU GCIG 'DIS NI RAB BZLAS SGOM GYIS GROL BA, 'BRING SINDHU RA'I SGRUB PAS GROL BA, THAM 'CHI KHAR RNAL 'BYOR MAS RJES SU 'ZIN PA 'PHO BAS BGROD PA, YANG MTHA' SKYE BA BRGYUD NAS MKHA' SPYOD SOGS 'GRUB PA'I GANG ZAG THAMS CAD KYIS NYAMS SU LEN PA GAL CHE, DE YANG BYANG CHUB SEMS NI MA SKYES DANG, ,THE TSOM LDAN PA NYID DANG NI, ,BKA' BZHIN DU NI MI SPYOD DANG, ,DAD PA MED NYID 'GRUB MI 'GYUR, ,ZHES LAM THUN MONG BAS RGYUD SBYANGS TE BYANG CHUB KYI SEMS KYIS RTZIS MA ZIN PA DANG, LAM NYAMS SU LEN TSUL THE TSOM GYI SGRO 'DOGS MCHOD PA DANG, BKA' BZHIN DU NI MI SPYOD PA DAM TSIG DANG SDOM PA MI BSRUNG PA DANG,

, ,LHA DANG BLA MA'I GDMAS NGAG SOGS LA DAD PA MA THOB NA DNGOS GRUB MI 'GRUB PAS DE DAG LA 'BAD PA GAL CHE BA YIN TE, SLOB DPON ZHI BA'I YE SHES KYIS, DNGOS GRUB 'GRUB PA'I RGYU BZHI NI, DAD PAS MI LDOG PA DANG, SHES RAB KYIS THE TSOM MI ZA BA DANG, TING NGE 'DZIN RTZE GCIG PA DANG SHIN TU GSANG BA RNAMS SO, ,ZHES GSUNGS, RDO RJE PHAG MO'I BSKYED RIM 'DI MKHA' SPYOD SGRUB PA LA MCHOG YIN PAS NA BSKYED RIM PHAG MO MKHA' SPYOD CES GSUNGS SO, ,YID BZLAS RDZOGS RIM SPROS BCAS KYI CHA DANG, ZHAR BYUNG RDZOGS RIM GNYIS KYANG YOD PAS BSKYED RIM GZHAN LAS KHYAD PAR 'PHAGS PA BSKYED RDZOGS ZUNG 'JUG GI NYAMS LEN YIN NO, ,DBANG BZHI LAM GYI LUS SU BSGRIGS PA ZHES BYA BA LA RANG NYID YI DAM GYI LHAR BSKYED PA DANG, YAB

BKA' LTAR NA BSKYED RIM SNGAGS KYI 'KHOR LO BYA BA CHOS 'BYUNG PHYI MAS SRUNG 'KHOR, NANG MAS DUR KHROD, ZLA BAS DPA' BO; SNGAS PHRENG YA RA LA WA BZHI DANG BCAS PAS DPA' MO MTSON PAS BLA MA BSKYED PA NAS RANG NYID YAN LAG BZHI RDZOGS SU BSKYED PA BUM DBANG GI LAM DANG, SNYING GA'I CHOS 'BYUNG PHYI MAS GSANG GNAS KYI RTZA 'KHOR AE YIG GRU GSUM GYI DBYINGS CAN GYI RTZA 'DAB SUM CU SO GNYIS, CHOS 'BYUNG NANG MAS LTE BA'I RTZA MDUD GRU GSUM AA THUNG DANG BCAS PA RTZA 'DAB RE BZHI, ZLA BAS SNYING GA CHOS KYI 'KHOR LO, DKAR PO ZLUM POS BYANG SEMS YUNGS KAR SPOM PO'I 'BRU TSAD TZAM YANG BCAS PA RTZA 'DAB BRGYAD PA, BAm YIG GI YA RA LA WA'I YI GE BZHI LAS MGRIN PA'I BCU DRUG ,SNGAGS PHRENG GI YI GE SUM CU SO GNYIS KYIS

, ,SPYI BO'I RTZA 'DAB SO GNYIS MTSON PAS NA SNYING KAR CHOS 'BYUNG ZA BA SNGAGS PHRENG DANG BCAS PA'I DBUS SU BAm YIG BSGOM PAS GNAD DU BSNUN PA'I 'KHOR LO BZHI GA BSGOM PA'I GO CHOD LA RTZA 'KHOR LNGA BSHAD NAS GNAD DU BSNUN PA BZHI BRJOD PA'I RGYU MTSN NI, LUS RTZA'I DKYIL 'KHOR LA GA NAD DU BSNUN PA MTSON PA'I NYIS BRTEGS, YI GE'I DKYIL 'KHOR LA GNAD DU BSNUN PA MTSON PA'I BAm YIG SNGAGS PHRENG DANG BCAS PA, KHAMS BDUD RTZA'I DKYIL 'KHOR GNAD DU BSNUN PA MTSON PA'I ZLA BA, SNYING PO RLUNG GI DKYIL 'KHOR LA GNAD DU BSNUN PA MTSON PA'I RLUNG KHA SBYAR DU 'DIN PA STE DE BZHIR GNAD DU BSNUN PA GSANG DBANG GI LAM DANG, STENG MKHA' SPYOD KYI DKYIL 'KHOR DGA' 'KHYIL DKAR PO LA BRTEN NAS STONG PA MI RTOG PA

DANG, 'OG RLUNG GI DKYIL 'KHOR DGA' 'KHYIL DMAR PO LA BRTEN NAS, BDE BA SGRUB PA, PHAR SNGAGS KYI DKYIL 'KHOR SNYING KHA'I CHOS 'BYUNG SNGAGS PHRENG BAm YIG N'A DA ME 'BAR LA KHAD PA BCAS LA BRTEN NAS DROD SGRUB PA STE DGA' 'KHYIL DE DAG SNYING GAR 'DUS PA STONG YAL DU SONG BA'I TSE BDE STONG DBYER MED DE NYID SHES RAB KYI YE SHES KYI LAM, DE'I DUS SU RANG LUS RDO RJE RNAL 'BYOR MAR GSAL BA SKU DAG PA SGYU MA'I SKU DANG, SEMS BDE STONG DBYER MED DU MOS PA THUGS DAG PA DON GYI 'OD GSAL TE SKU THUGS ZUNG DU 'JUG PA DE DBANG BZHI PA'I LAM STE DE LA DPA' BAR 'GRO BA'I TING NGE 'DZIN DANG, BSAM MI KHYAB CES KYANG BRJOD DO, ,DE LTA BU'I LAM DE SBYANG GZHI SBYONG BYED NGO 'PHROD PA SOGS LA MKHAS PAR BYA STE DAM TSIG DANG SDOM PA BSRUNG BA GZHIR BZHAG NAS MA CHAG PAR NYAMS SU BLANGS, BZHI BSNYEN

, ,'BUM 0PHRAG BZHI KHA SKONG GI SBYIN SREG DANG BCAS PA SONG ZHING, YAR NGO MAR NGO'I TSES BCU RNAM PA GNYIS MA CHAG PAR TSOGS KYI 'KHOR LO SOGS LA BRTZON PAR BYAS PAS DUS RE ZHIG NA LUS 'DI MA SPANGS PAR RJE BTZUN RDO RJE RNAL 'BYOR MAS MKHA' SPYOD DU 'KHRID PAR 'GYUR RO, ,RDO RJE RNAL 'BYOR MA THA MAL PA'I BUD MED KYI RNAM PAR SPRUL NAS 'BYON PAS NGO SHES DKA' BA, 'GA' ZHIG LA RMI LAM LOGS SU YI DAM GZHAN GYI RNAM PAS DUS DANG GNAS 'DIR RNAL 'BYOR MA DANG MJAL BAR 'GYUR RO, ,ZHES DANG, 'GA' ZHIG BUD MED THA MAL PA'I RNAM PAS SNGAR LTAR LUNG STON PA DANG, YANG LUNG MA BSTAN PAR MJAL BA YANG YOD LA, DE YIN PA'I RTAGS NI BUD MED GZHAN LAS SHA MDOG DMAR BA SKRA DANG MIG DANG SMA RA DANG SMIN MA DMAR

SER; DPRAL BAR SHA'I DGA' 'KHYIL GYI RI MO YOD PAS RTAGS DE DAG 'DUG NA THE TSOM MI BYA BAR GA-YON NAS LAN GSUM BSKOR NAS PHYAG DANG BCAS, KHYOD MA BDAG NI BU YIN TE, ,ZHES SOGS SAM, RJE BTZUN RDO RJE RNAL 'BYOR MAS ZHES SOGS KYIS GSOL BA GDAB, DE NAS LAG PA'I MKHRIG MA BZUNG STE MKHA' SPYOD DU KHRID PAR 'GYUR ZHING, DER SLEB PA TZAM NAS GRUB PA'I BCUD LEN GRUB PA BZHIN DU RGAN PO LO BRGYAD CU LON PA TZAM YANG LO BCU DRUG GI NA TSOD DU 'GYUR ZHING, NAM MKHA' MDZAD LA MNGA' BRNYES TE YO BYAD THAMS CAD NAM MKHA' LAS BAB CING, RDO RJE RNAL 'BYOR MAS BLA MA MDZAD PA DANG, DER MA ZAD SPRUL SKU'I SANGS RGYAS KYI ZHING RNAMS LA SONG STE CHOS ZHUS NYAMS SU BLANGS NAS MYUR DU BCU GSUM RDO RJE 'DZIN PA'I SA THOB PAR 'GYUR TE, DE NI GANG ZAG DBANG

, ,PO RAB YIN LA, TSAR CHEN GYIS, DE LTAR PHYOGS DANG ZLA BA'I RNAL 'BYOR GYIS, ,ZHES SOGS GSUNGS SO, MDO LUGS KYI SA BCU GCIG DANG, SNGAGS LUGS KYI SA BCU GSUM LA NGOS 'DZIN LUGS MANG YANG, RJE RIN PO CHE'I DGONGS PA NI MDO LUGS KYI SA BCU GCIG DANG, SNGAGS LUGS KYI SA BCU GSUM GNYIS NI MING 'DOGS TZAM GYI KHYAD PAR MA GTOGS MTHO DMAN GYI KHYAD PAR MED DE, MDO LUGS KYI SA BCU PA CHOS KYI SPRIN DE LA NANG GSES KYIS DBYE NA SA BCU THOB MA THAG TU, TZAM PO BA, DE NAS KHYAD PAR BA, DE NAS BAR CHAD MED LAM DANG, BCU GCIG PA KUN TU 'OD ZES DANG, SNGAGS LUGS LA SA BCU PA CHOS KYI SPYIN GYI BAR LA KHYAD MED LA, KHYAD PAR BA'I TSAB LA DPE MED PA DANG, BAR CHAD MED LAM GYI TSAB LA YE SHES LDAN DANG,

KUN TU 'OD KYI TSAB LA BCU GSUM RDO RJE 'DZIN PA ZHES MING GI KHYAD PAR TZAM YIN TE MDO LUGS KYI SANGS RGYAS DE YANG NGES PAR SNGAGS LAM LA LTOS DGOS PA SHA STAG GO, ,ZHES GSUNGS SO, ,SEMS 'DZIN SNGAR GYI STENG DU 'KHOR NANG MA BZHI DANG, PHYI MA SUM CU SO GNYIS LA LAM TZAM SEMS BZUNG NAS THAMS CAD KYI SPYAN DBUS MA LA SEMS 'DZIN, ' ,NUB BCO BRGYAD PAR, GANG ZAG DBANG PO 'BRING SINDHU RA'I SGYUB PAR SGRO 'DOGS BCAD NAS SPYAN GNYIS NAS ZHABS KYI BAR GYI SEMS 'DZIN GTONG BA LA, 'DI LA BSNYEN PA DANG, SGYUB PA DANG, LAS SBYOR GSUM LAS, DANG PO NI, THOG MAR AOm GSUM MA'I GRANGS KYI 'BUM TSAR GNYIS GSUM GSOG PAR GSUNGS TE, TSAR GSUM BYED NA 'BUM PHRAG GO DRUG DGOS LA BSNYEN PA BYA TSUL NI, SNGAR BSHAD PA

, ,LTAR RO; ,GNYIS PA NI, SKU TSOM BU, GSUNG BDUD RTZI, THUGS SINDHU RA'I DKYIL 'KHOR SNGAR BSHAD PA LTAR BSHAMS, MCHOD PA NI RANG NYID TSE 'DI BLOS GTONG BA YIN PAS 'PHRAL GYI NYER MKHO MA GTOGS DNGOS PO MCHOD PA'I YO BYAD DU BSGYUR TE CI 'BYOR BSHAMS, CHO GA NI BDAG BSKYED MDUN BSKYED MA GTOGS DBANG DANG BUM PA GTONG MI DGOS LA; BDAG BSKYED KYANG NYIN RE'I THUN DANG PO MA GTOGS PHYI MA GSUM LA BZHAG KYANG CHOG GAM SNYAM, BZLAS PA'I TSE MDUN BSKYED KYI THUGS KAR CHOS 'BYUNG ZLA BA BAm YIG SNGAGS PHRENG DANG BCAS PA BDAG BSKYED BZHIN BSGOM NAS, DE LAS 'OD ZER SPROS BSDU SNGAR LTAR BYAS TE 'BUM PHRAG BZHI BZLA ZHING, THUN RER MDUN BSKYED KYI YE SHES PA GSHEGS SHING, DAM TSIG PA

RANG LA BSDUS, SINDHU RA 'BYOR NA THUN RE NAS BRDZE ZHING MA 'BYOR NA THUN THA MAR NGES PAR BRJES TE SNOD DU NYAR TSAGS BYAS, BZHI 'BUM SONG NAS, BDE MCHOG RTZA RGYUD NAS KYANG ZUR CHA TZAM GSUNGS PAS BAL YUL RGYA GAR SOGS NAS THON PA'I LANG KA LI YA'I SHING 'BYOR NA RAB YIN LA, MA 'BYOR NA DO RGOD PAS BYA BAR GSUNGS LA, SMAN GZHUNG DU DO BA ZHES KYANG 'BYUNG BAS DE NI ME TOG ZHVA MO PAn THUNG GI DBYIBS 'DRA BA ZHIG 'ONG YANG CHUNG DU LAS MI 'BYUNG ZHING, GA-YAG RGOD DANG PHAG RGOD CES GZUGS STOBS CHE BA LA ZER BA BZHIN, SDONG PO CHEN PO YOD PA LA DO RGOD PA ZHES PA'I SDONG PO CHE BAR 'ONG BAS 'DRA MI CHAGS PA MA BYUNG ZHING, GANG LTAR YANG DE LTA BU'I SHING SBUBS CAN BTZAAL LA TSES BCU GANG RIGS LA GCOD DGOS PAS DE SKABS, SHAR DU BSTAN PA GANG YIN LAM

, ,NOR BA'I RTAGS BYAS TE, MDZUB GANG NGAM SOR DRUG TZAM GYI TSAD GAD BDAR BYAS BSANGS DANG GU GUL GYIS BDUGS TE SHING DE LAG TU BZUNG NAS AOm GSUM MA BRGYA RTZA BZLAS NAS, DE'I NANG DU SNGAR GYI SINDHU RA MA GYAR BA BLUGS, RTZA RTZE MA NOR BA BYAS TE, RTZA BA NAS DGA' 'KHYIL GYI PAR YOD PA'I SHING GIS BCAD, STENG YANG KHA LEGS PAR BCAD DE SA RLANGS SOGS KYI SKYON MI 'BYUNG BAR BYA ZHING, DAR DMAR POS DRIL, GROGS 'KHOR LO SDOM PA'I GZHI BSNYEN SONG BA LA SBA'I DBYUG PA LAG GNYIS SNYING KHAR RTZE SPRAD PAS GRU MO PHAN TSUN GYI TSAD DANG 'ODM PHYED DON GCIG PAS DE LTA BU'I DBYUG PA GROGS KYI LAG TU GTAD NAS SUMBHA NI BZLA, SBOM PHRA DANG DBYIBS BSHAD KHUNGS MA MTHONG, YAR NGO'I TSES BCU'I NYIN DKYIL 'KHOR SNGAR BZHIN BZHENGS TE

SINDHU RA'I DKYIL 'KHOR GYI DBUS SU SINDHU RA SNOD DANG BCAS PA DE GCOD SKABS KYI SHAR RTAGS DE MDUN LA BSTAN NAS BZHAG ,SGRUB MCHOD, BDAG 'JUG LEN PA RNAMS RGYAS PAR BYAS NAS GROGS DANG LHAN CIG TU DUR KHROD DU SONG LA DER CHOS 'BYUNG GRU GSUM GYI ZUR GCIG NUB TU BSTAN PA KHRU GANG TZAM BRUS PA'I NANG DU SINDHU RA'I SHING BCUG LA GA-YAM PA SOGS KYIS BCAD DE MIS MI SHES SHING RANG GIS MI NOR BA'I RTAGS BYAS PA'I STENG DU, RANG NYID KHA NUB TU PHYOGS NAS 'DUG LA RANG DANG 'OG GI SINDHU RA DBYER MED DU BYAS TE BDAG BSKYED BZHIN SGRUB NAS AOm GSUM MA'I BZLAS PA BYA ZHING, GROGS BDE MCHOG GI BDAG BSKYED SNGON DU 'GRO BAS BAS CHAD BSRUNG BA'I PHYIR SUMBHA NI BZLA, SROD 'KHOR GYI BAR BZLAS PA BYAS TE DE NAS KHYIM DU LOG STE NYIN MO MDUN BSKYED TSOGS GTOR 'BUL BA SOGS

, ,KYI BZLAS PA BYA, GZHUNG DU DE NAS NYER GSUM GYI BAR JE RING DU BTANG NAS NYER GSUM GYI NUB MO MTSAN PHYIED BZLA BAR GSUNGS, GZHAN DU TSES BCU NAS BCO LNGA'I BAR NAM GYI SUM GCIG ,DE NAS NYI SHU'I BAR PHYED, DE NAS NYER BZHI'I BAR SUM GNYIS BZLA BAR GSUNGS, NYER LNGA'I NUB MO MTSAN THOG THAG BZLAS NAS NAM LANGS MA THAG 'OG GI SINDHU RA PHYUNG BA KHYER NAS NANG DU PHYIN, SNGAR LTAR DKYIL 'KHOR GYI DBUS SU BZHAG NAS SGRUB MCHOD BDAG 'JUG DANG BCAS PA RGYAS PAR BYA'O, ,GSUM PA NI; DE NAS KUN S'A LI'I CHAS NI DUS RGYUN PAR GYI DES CHOG PAR MNGON LA, SINDHU RA'I DGA' 'KHYIL GYI PAR DPRAL BAR BTAB, ME LONG ZHIG KHYER TE PAR HA CANG GSAL NA CUNG ZAD BSUB, SHING SNOD GZHAN GYIS MI MTHONG BAR BYAS, GROGS MI DGOS SHING DBYUG PA

THOGS TE, TZA RI GANGS RI SOGS DANG, KHROM CHE BA DANG, SKUD 'TSONG MA'I KHROM SOGS BUD MED MANG SAR PHYIN NAS, RANG NYID RNAL 'BYOR PA'I NGA RGYAL GYIS YE SHES KYI SPYAN GYIS DE RNAMS LA GZIR NAS BLTAS PAR MOS PAS RNAL 'BYOR MA YIN NA BUD MED RGYAL PO'I BTZUN MO DANG, SPRANG MO, MDZE MO'I RNAM PA LA SOGS PA JI LTAR RUNG BA'I DPRAL BAR DGA' 'KHYIL GYI RI MO 'PHOS PA 'GYUR LA, DE MTHONG NA ME LONG LA BLTAS TE RANG GI DPRAL BA'I DGA' 'KHYIL MED NA THE TSOM MED PAR GA-YON BSKOR BYAS NAS ZHABS SPYI BOR BLANGS, GSOL 'DEBS SNGAR BZHIN BYA ZHING, DES 'PHRAL DU KHAS MI LEN PA'I TSUL YANG 'BYUNG BAS DE LA THE TSOM MED PAR SNYING NAS GSOL BA BTAB NA MKHA' SPYOD DU KHRID PAR GYUR, DE LTA BU DANG MA 'PHRAD KYI BAR LA NANG RE BZHIN BSGOM BZLAS LA BRTON PAR BYA ZHING, TSES BCU

, ,MCHOD PA LA YO BYAD MED KYANG MDUN DU RDO STEGS LTA BU'I STENG DU SINDHU RA BZHAG NAS BSAM GTN GYI SGRUB MCHOD BYA; DE LTA BU'I TSUL YIS MKHA' SPYOD SGRUB PA NI GANG ZAG 'BRING PO YIN LA, TSAR CHEN GYIS, SINDHU LANGGA LI YA'I SDONG BUR BCAS, ,ZHES SOGS GSUNGS PA LTAR, SINDHU RA NI RGYA SKAD YIN LA BOD SKAD DU LI KHRI, LANGGA NI GONG BZHIN, RO LDAN NI DUR KHROD YIN PAS DER SGRUB PA BYAS NAS PHYOGS MED KYI YUL KUN TU MNYUL BA STE, 'KHYAMS PAS GANG ZAG GI MDZOD SPUR STE, GANG MING BRJOD PA'I DANG PO RU, ,DANG PO LA NI GNYIS PA SBYAR, ,SPYI LA KHYAB PA NYID DU 'GYUR, ,ZHES PA LTAR, GANG ZHES PA, SPYI TSIG STE DRAG ZHAN GANG GI MDZOD SPUR DGA' 'KHYIL 'PHOS PA DE LA GSOL BA BTAB NA THOG MAR GZUGS MI SDUG PA'I RNAM PAR YOD KYANG RJES SU 'DZES PA'I RNAM PAR

STON PAS, MKHA' SPYOD DU KHRID PAR SHOG CES PA'O, ,MKHA' SPYOD DANG RIG 'DZIN LA SPANGS RTOGS KYI YON TAN LA KHYAD PAR YOD TSUL BZHES KYANG, RIG 'DZIN LA MKHA' SPYOD KYI RIG 'DZIN DANG, SA LA SPYOD PA'I RIG 'DZIN GNYIS YOD PAS 'DIR RIG 'DZIN GSUNGS PA NI MKHA' SPYOD KYI RIG 'DZIN LA DGONGS SO, ,SEMS 'DZIN NI SNGAR GYI STENG DU SPYAN GNYIS, SHANGS, ZHAL, TSEMS, LJAGS, SNYAN, DBU SKRA, MGUL PA, NU 'BUR, PHYAG ZHABS RNAMS DPYAD SGOM GYIS GSAL BTAB NAS 'JOG SGOM BYA'O, ' ,NUB BCU DGU PAR, GANG ZAG DBANG PO THA MA 'CHI KHAR RNAL 'BYOR MAS RJES SU 'DZIN PA DANG, MYUR LAM 'PHO BA'I PHAN YON 'CHI LTAS BZLOG THAMS SOGS LA SGRO 'DOGS BCAD NAS RGYAN GYI SEMS 'DZIN GTONG BA LA, GONG DU BSHAD PA'I SGRUB PA SOGS TSUL BZHIN BYA

, ,GSUNGS, MA 'GRUB NA TSE 'DIR LUS MA SPANGS PAR MKHA' SPYOD DU 'GRO MA NUS PAS DBANG PO THA MA YIN LA, DES DA DUNG LE LO MI BYA BAR NYAMS LEN CHAG MED DU BYAS NAS GLO SNYING BRANG GSUM GTAD NA BAR DOR DPA' BO MKHA' 'GRO'I BSU BAR BDE MCHOG RTZA RGYUD LAS GSUNGS PAS BAR DO'I 'JIGS SKRAG SOGS MYONG MI DGOS SHING MYUR BA'I THAMS 'PHO BA'I RNAL 'BYOR NYAMS SU LEN PA LA SNGA RABS PA RNAMS YAB MKA' LA BRTEN PA YAB YUM ZHAL SBYOR GYI 'PHO BA DANG, YUM BKA' LA BRTEN PA YUM RKYANG GI 'PHO BA GNYIS SU BZHED CING, PHYIS YAB RKYANG LA BRTEN PA YAB BKA', YUM RKYANG LA BRTEN PA YUM BKA', YAB YUM ZHAL SBYOR LA BRTEN PA LHAN SKYES KYI 'PHO BA GSUM DU BZHED PA GANG MOS GCIG ZHAG BDUN LA SOGS PA SGRUB KHANG DANG LUS LA 'JA' ZUG PA DANG DRI ZHIM PO

LANG BA DANG, SPYI BO ZA BA DANG, SNAG KHRAG 'DZAG PA LA SOGS PA'I MKHA' SPYOD GRUB PA'I RTAGS MA BYUNG GI BAR DU SBYANG ZHING DE NAS MA BRJED TZAM BYA, LAS LA SBYOR BA NI THOG MAR 'CHI LTAS BRTAG DGOS PAS, DE YANG 'CHI DUS RNAM SHES THON PA'I BU GA DGU YOD PA LAS, BSHANG LAM NAS THON NA DMYAL BA, DE BZHIN DU CHU LAM DUD 'GRO, KHA YI DVAGS, LTE BA 'DOD KHAMS KYI LHA, MDZAD SPU GZUGS MED KHAMS, SPYI BO GZUGS KHAMS, SNA GNOD SBYIN, RNA BA GRUB PA'I LHA, MIG MI'I RGYAL POR SKYE BAR GSUNGS PA MTSON PA TZAM YIN LA, MIR SKYE BA DER YANG GA-YAS NAS THON NA SKYES PA DANG, GA-YON NAS THON NA BUD MED DU SKYE BAR GSUNGS LA, 'DI LA RAB 'BRING THA GSUM LAS, SPYI BOR RAB, MIG ,SNA RNA BA, SMIN MTSAMS LTE BA 'BRING, KHA DANG

, ,'OG SGO GNYIS THA MA'O, ,DE'I NANG NAS SGO BRGYAD BKAG NAS SGO GCIG DBYE GSUNGS PA LTAR, TSANGS BUG MA GTOGS SGO BRGYAD YI GES BKAG NAS TSANGS BUG NAS THON PA 'PHOG BA DANG 'BREL NA NGES PAR SNGAGS SGRUB PA'I RTEN MKHA' SPYOD DU SKYE BAR GSUNGS TE, NYIN RER BRAM ZE GSOD PA DANG, ,MTSAMS MED LDA NI BYED PA DANG, ,ZHES SOGS GSUNGS PA LTAR MI DGE BA SHIN TU GSOG TSABS CHE BA'I SDIG CAN (MI PHAL PA STONG DANG 'DRA,) YANG 'PHO BA BYAS PAS MKHA' SPYOD SOGS SNGAGS SGRUB PA'I RTEN KHYAD PAR CAN THOB PAR GSUNGS PA NYAMS LEN GNAD LA 'KHEL ZHING, 'PHO BA'I DUS ZIN NA PHAN YON SHIN TU CHE BAR GSUNGS, SGO 'GAG TSUL LA RTOGS PA MTHO BAS SGO SO SOR YI GE 'GOD NUS KYANG, LAS DANG PO BA NUS PA MA THOB CING, NAD LA SOGS PA'I GNAD GCOD

DRAG PO BYUNG NA SGO 'GAG MI NUS SHING, YONGS 'DZIN PAndI TA CHEN POS 'OD DPAG MED KYI 'PHO BA'I SKABS SU GSUNGS PA LTAR, RANG GI LUS DRANG POR, RTZA DBU MA GSAL BTAB STE YAR SNE JE SBOM LA SONG BA SPYI BO'I TSNAGS BUG LA THAL LE ZUG PA RAG DUNG MGO MJUG LDOG PA LTA BU, DE'I YAR SNE MA GTOGS BUG PA GTAN MED PAR SGOM NA SGO GZHAN RNAMS BKAG PA'I GO CHOD GSUNGS PA LTAR BYA LA, 'PHO BA'I DUS NI RDO RJE GDAN BZHI'I RGYUD SOGS NAS, DUS LA BAB NA 'PHO BYA YI, ,DUS MIN LHA RNAMS GSOD PA'O, ,ZHES PA LTAR, 'CHI LTAS BRTAGS NAS BZLOG THABS BYAS KYANG MA BZLOG NA DUS LA BAB PA YIN PAS 'PHO BA BYA YI, 'CHI LTAS MED PA SOGS DUS MIN DU 'PHOS NA LHA BSAD PA'I NYES PAR 'GYUR TE, PHUNG PO SANGS RGYAS LNGA BDAG NYID, ,DE LA BRNYAS BYAS BRGYAD PA YIN, ,ZHES SNGAGS KYI RTZA LTUNG BRGYAD PA 'PHOG

, ,CING RTZA LTUNG BYUNG NA DMYAL BAR SKYE BA SOGS NYES DMIGS MTHA' YAS PAS 'CHI LTAS BRTAG PA GAL CHE BAS, DE'I TSUL NI LUS MDOG 'GYUR BA DANG, SEMS KYI 'CHAR TSUL 'GYUR BA DANG, RMI LTAS NGAN PA SOGS MANG DU GSUNGS, GZHUNG DU GSAL BA NI MKHA' 'GRO'I SGRA YAL BA ZHES RNA BA GNYIS BKAG PA NA 'UR SGRA MED PA DANG, NYI MA RTZE SHAR LA RGYAB BSTAN PA'I GRIB MA'I MGO BOR RLANGS PA MED PA DANG, MIG 'TSIR BAS 'OD SGOR MED PA DANG, LAG GYAS GYI KHU TSUR DBRAL BAR BZHAG GRU MO PUS MOR BTZUGS TE MKHRIG MAR BLTAS PAS RBAD KYIS CHAD PA RNAMS GSUNGS KYANG MA NGES PA DANG, RLUNG LOG PA DANG TSE GZUGS BRTAGS PA 'DI GNYIS NGES PA'I 'CHI LTAS SU GSUNGS PA LAS PHYI MA BRTAG PA SLA BAS NYI MA DANG MTSAN MO ZLA BA GANG RIGS LA RANG GI SNYING GA'I GRIB MA

LA SPAG ZA YUN RING TSAD TZAM RTZE GCIG TU BLTAS, DE NAS NAM MKHAR HAR GYIS BLTAS PA NA NAM MKHAR GZUGS NAG PO ZHIG MTHONG BAS DE'I TSE MGO BO MED NA RANG 'CHI BA DANG, LAG PA GA-YAS BU DANG, GA-YON BU MO 'CHI BAR BSHAD PAS BZLOG THAMS BYA STE, TSE NYAMS PA GSO BA TSE DBANG TSE SGRUB SOGS BYED PA, BSOD NAMS NYAMS PA GSO BA DKON MCHOG LA MCHOD PA, NGAN SLONG LA SBYIN GTONG, LAS NYAMS PA GSO BA STONG NYID SGOM PA DANG SROG BLU SOGS LA 'BAD CING, DES KYANG MA BZLOG NA NAD LA SOGS PA MA PHOG GONG DU 'PHO BAR BYA'O, ,RLUNG SEMS LA RANG DBANG THOB PA SOGS NUS PA THON PAS NAD MED PA SOGS KYI TSE 'PHO NUS NA'ANG, NUS PA CHUNG BAS RLUNG STOBS KYIS LUS SEMS 'PHRAL MI NUS PAS, 'CHI BA'I TSE RANG GI DMIGS PA DANG, GZHAN GYIS GSAL 'DEBS

, ,DANG LAS RLUNG RANG SHUGS KYIS SDUD PA SOGS KYI RTEN 'BREL TSOGS PA LA BRTEN NAS 'PHO NUS SO, ,'DIR 'PHO BA YOD TSUL DANG LUGS GZHAN LA MED PA'I KHYAD CHOS SHIN TU ZAB CING GSANG BAR BYA BA YIN TSUL SOGS LAS DMIGS RIM MANG PO LA MI STON PAR DON GNYER CAN MANG MTHA' GSUM LA SOGS PAR RDZOGS RIM GYI 'JA' LUS SGRUB PA'I MJUG TU GNANG ZHING MTHONG GROL DU BSDUS PAR ZHAG BCU GSUM TZAM DU GRUB PAR BYED NA SGRE 'DOGS GCOD PA'ANG DKYUS BZHIN BYAS NA MI 'GRIGS PAS BSDU LUGS SHES DGOS PA DANG, LUS DKYIL MI GTONG BA'I SKABS ZHAG GRANGS MANG TZAM BYED NA SEMS 'DZIN NYI MA GNYIS RE 'DAB PA'AM YANG NA PHRAL NAS GTONG LUGS BYED, RGYAS PA 'DI KHA'I NYIN GNYIS RE'I SGRO 'DOGS GCOD PA BSDUS PA'I SKABS NYIN RE LA GTONG DGOS SO, ,GZHUNG DU

THUN MTSAMS SU, BRGYUD PA'I GSOL 'DEBS DANG, DPAL LDAN RDO RJE MKHA' 'GRO MA SOGS BSTOD PA'I MTHAR MKHA' SPYOD ZHAL BZANG LTA BA'I SMON LAM 'DON PAR GSUNGS KYANG BLA BRGYUD SNGON DU SONG ZIN PAS 'DIR MI DGOS LA, BSTOD PA BYA BA'I YUL GANG YIN SOGS SHES PA GAL CHE BAS, DE'I TSUL NI GTOR MA NGAG 'DON BZHIN PHUL NAS PHYI NANG GI MCHOD PA DANG, BSTOD PA BYA ZHING; MKHA' SPYOD ZHAL BZANG LTA BA'I SMON LAM NI, TSAR CHEN LA ZHAL GZIGS BYUNG DUS SU MDZAD PA YIN PAS BYIN RLABS SHIN TU CHE ZHING, TSIG DON NI MJUG GI SHO LO KA GCIG MA GTOGS 'DOD DON GSOL 'DEBS SU 'DUG PAS GTOR 'BUL MCHOD BSTOD KYI MJUG TU BRJOD NA LEGS PA NGAG 'DON DU GO RIM DE LTAR BSHAD, YANG MDUN BSKYED DANG 'BREL BA'I

, ,TSE DE BSTOD PA'I MJUG TU BTANG NAS, GTOR 'BUL GYI TSE RJE BTZUN RDO RJE RNAL 'BYOR MA SOGS BRJOD KYANG RUNG BAS GANG MOS BYA, DE DAG NI BSKYED RIM RTEN GZHAL YAS KHANG LTA BU DANG, RDZOGS RIM BRTEN PA LHA LTA YIN PA'I NANG NAS RTEN BSKYED RIM LA BYA BA BYED CAN GNYIS KYI DANG PO BSGOM BYA'I DON LA THOS BSAM GYIS SGRO 'DOGS GCOD PA RDZOGS SO, ,DBANG MTSAN NYID DANG LDAN PA LEGS PAR THOB NAS DAM SDOM MA NYAMS PA'AM NYAMS KYANG 'CHI KHA TSUN CHAD LA BSHAGS BSDOM LEGS PAR BYAS NA THA NA'ANG SKYE BA BCU DRUG TSUN LA NGES PAR RDO RJE RNAL 'BYOR MAS RJES SU BZUNG NAS SA LAM 'GROD NUS PA DANG, DE'I KHAR BSKYED RDZOGS KYI LAM TSUL BZHIN NYAMS SU BLANGS NA BAR DOR NGES PAR DPA' BO MKHA' 'GROS MKHA' SPYOD DU KHRID PAR 'GYUR RO, ,SEMS 'DZIN SNGA MA'I STENG DU 'KHOR LO SO SO'I DBU RGYAN,

SNYAN RGYAN, MGUL RGYAN, PHYAG GDUB, ZHABS GDUB, SE RAL KHA, 'OG PAG ? SOGS RE RE NAS DPYAD SGOM GYIS GSAL SNANG BTON NAS SNGAR BZHIN 'JOG SGOM BYA, PHYI'I ME RI NAS NANG LUS DKYIL GYI GTZO 'KHOR SO SO'I RGYAN DANG SPYAN GYI DKAR NAG SOGS DUS GCIG TU SHAR NAS REG MTHONG GI MTSAN MA SNGAR BSHAD PA BZHIN RKYEN GZHAN MA BYUNG BAR NYIN ZHAG GCIG GI DRUG CHA BYING RGOD DANG MBRAL BAR SKYONG NUS PA NI BSKYED RIM RAGS PA MTHAR PHYIN PA'I TSAD DU GSUNGS SO, ' ,NUB NYI SHU PAR, MTHONG GROL DU RDZOGS RIM LA SGRO 'DOGS GCOD PA SEMS 'DZIN ZHES NYIS SBRAGS SU GTONG RGYU MED PAR GSUNGS, SPYIR SA LUGS LA SGRO 'DOGS GCOD PA DANG SEMS 'DZIN SO SOR BZHED KYANG RJE RIN PO CHES SGRO 'DOGS GCOD PA DE NYAMS SU LEN TSUL KHO NA LA GCOD PA YIN GYI NYAMS SU LEN TSUL GZHAN DANG SGRO 'DOGS GZHAN LA

, ,GCOD PA MA YIN TE, RTA DKYU SA GZHAN DU BYAS NAS RGYUG SA GZHAN DU STON PA BZHAD GAD GYI GNAS LTAR, THOS BSAM GYIS GZHAN ZHIG GTAN LA PHAB NAS NYAMS SU LEN RGYU GZHAN SGOM NA BZHAD GAD KYI GNAS YIN PAS SO SOR MI BZHED LA, LAM RIM CHEN MOR GSUNGS BSHAD RGYAS PAR GNANG NAS BSHAD PA THAMS CAD LAG LEN 'KHYER SHES PA DKA' BAS SKYONG TSUL GUD PA RE YANG BYA'O, ,ZHES GSUNGS PA LTAR NA 'DIR RDZOGS RIM GSUM PO LA YANG DANG PO BSHAD PA MANG LA PHYI MA GNYIS NYUNG NGU LAS MED PAS CHA MI SNYOMS PA 'JUG PAS CHA SNYOMS TE SGRO 'DOGS GCOD PA DANG NYAMS LEN SEMS 'DZIN GYI BYA BA GNYIS 'BYUNG YANG, RANG GI GO YUL DANG BSTUN PA 'DI LTAR, MDO SNGAGS GZHAN LAS RNAL 'BYOR GSANG MTHA' DANG RDZOGS RIM GZHAN LAS RTZA DBU MA DANG, CHOS NYID DNGOS SU STON PA LAS BRGYUD NAS STON PA ZAB TSUL, DPE

GSUM DANG BCAS PA LA SGRO 'DOGS BCAD NAS RLUNG SEMS DBU MAR BSDU BA'I SEMS 'DZIN GTONG BA LA, SA LUGS LA MDO DANG RGYUD SDE 'OG MA LAS KHYAD PAR 'PHAGS PA GSANG 'DUS SOGS PHA BLA NA MED PA DANG, DGYES RDOR SOGS MA BLA NA MED PA DANG, MA'I YANG MA BLA NA MED PA BDE MCHOG YIN PAS, GSANG SNGAGS KYI MTHAR THUG YIN PAS NA BDE MCHOG LA GSANG MTHA' ZHES GSUNGS, THUN MONG BA BSKYED RIM GYI MAN NGAG DANG, THUN MONG MIN PA RDZOGS RIM GYI MAN NGAG ,RTZA BSHAD KYI RGYUD, RDO RJE MKHA' 'GRO'I RGYUD, AA BHI DHA NA'I RGYUD, SDOM 'BYUNG GI RGYUD, SAm BHU tA'I RGYUD, RTZA RGYUD 'BUM PA ZHES BYA BA LE'U 'BUM DANG SHO LO KA 'BUM DANG TSIG 'BRU 'BUM RNAMS SU YOD PA LAS PHYI MA LE'U NGA GCIG LA TSIG 'BUM YOD PA BOD DU 'GYUR ZHING, DE LAS RGYAS PA'I RTZA RGYUD MA 'GYUR BAR GSUNGS LA RGYUD THAMS CAD KYI

, ,DON GYI BCUD KHYUNG BA SLOB DPON NAG PO PAS BKRAL BA RGYAS PA DANG, ZUB CHEN DRIL BU PAS RJE BTZUN RDO RJE RNAL 'BYOR MA LA DNGOS SU MA NOS PA DRI LA BU RIM LNGA 'BRID PO, GRUB CHEN L'UAI PAS SLOB DPON SHA WA RI PA STE BOD SKAD DU RI KHROD DB ANG PHYUG LA NOS PA RDZOGS RIM BSDU BA GSUM PA SOGS BZHUGS KYANG DE THAMS CAD LAS ZAB CING CHES KHYAD PAR 'PHAGS PA NI ZAB DON DRIL BU'I SKOR RDO RJE RNAL 'BYOR MAS DRIL BU PAR GNANG BA DANG, YANG ZAB N'A RO'I SKOR, N'A RO PA LA RNAL 'BYOR MAS GNANG BA STE PHYI MA SHIN TU ZAB PAR BZHED KYANG, RJE RIN PO CHES, SPYIR ZAB PA ZHES PA RTZA BSHAD KYI RGYUD DON BLA MA'I MANG NGAG GIS BKRAL BA LA BRTEN NAS DON BDE BLAG TU RTOS NUS DGOS KYI RTZA BSHAD KYI DGONGS PA MA YIN PA GSUNGS BA YANG MIN PA DANG, NAG PO PAS MDZAD ZER BA'I RGYA GZHUNG MANG DU SNANG YANG RDZOGS RIM DPYID KYI THIG LE, SHES

BYA BRGYUD PA'I RIM PA, SGOM PA SNGAGS KYI RIM PA STE NAG PO PAS MDZAD PA'I RDZOGS RIM STON PA'I GZHUNG GSUM PAS MED PAS GZHAN RNAMS KHA GA-YAR BA YIN LA, GSANG MTHA' ZHES PA'I DON, BDE MCHOG RTZA RGYUD LAS, JI SRID MDO BYA SPYOD PA DANG, ,RNAL 'BYOR GSANG MTHA'I DBYE BA NYID, ,CES GSUNGS PA'I DON NI, MDO ZHES PA MDO SDE PHAR PHYIN THEG PA, BYA ZHES PA BYA RGYUD, SPYOD CES PA SPYOD RGYUD, RNAL 'BYOR ZHES PA RNAL 'BYOR RGYUD, GSANG MTHA' ZHES GSANG SNGAGS KYI MTHAR THUG BLA MED KYI RGYUD STON LA, DBYE BA ZHES PA RGYUD SDE MDOR BSTAN PA YIN NO, ,SLOB DPON NAG PO SPYOD PAS RTZA RGYUD KYI DON SBAS PA'I TSUL DU MDZAD PA DANG, DRIL BU PA DANG N'A RO PAR RNAL 'BYOR MAS GSUNGS PA MA SBAS PA'I TSUL GYIS GSUNGS SHING, RDO RJE 'CHANG GIS RTZA BSHAD KYI RGYUD DU MA GSUNGS PA ZHIG

, ,RNAL 'BYOR MAS N'A RO PA SOGS LA GNANG BA MA YIN PAR GSUNGS, DE LA DGONGS NAS SBAS DON LTA BA'I MIG 'BYED SNGON LA GSUNGS NAS, SBAS DON KUN GSAL MDZAD DE, DE'I PHYIR BDE MCHOG GI RDZOGS RIM GONG GSAL LA KHYAD MED BZHED LA, 'ON KYANG L'U AI PA'I RDZOGS RIM DU YAB YUM THUN MONG BA'I RTZA DBU MA DANG, 'DIR YUM RKYANG GI RTZA DBU MA THUN MONG MIN BAR GSUNGS SO, ,DE YANG CHOS KYI PHUNG PO BRGYAD KHRI DANG, ,BZHI STONG DAG GI CHO GA YANG, ,LUS KYI DE NYID MI SHES PAS, ,DE DAG THAMS CAD 'BRAS MED GSUNGS, ,ZHES NYAN THOS DANG PHAR PHYIN THEG PA, RNAL 'BYOR RGYUD RNAMS KYI LAM LA, LUS KYI RTEN SBYANG GZHI LA GNAD DU BSNUN PA RTZA DANG 'KHOR LO MED PAS NA BSKAL PA GRANGS MED DU MA LA SOGS PAR 'BAD PA LAS, TSE 'DIR ZUNG 'JUG GI GO

'PHANG THOB PAS NA LAM 'DI NYID CHES KHYAD PAR DU 'PHAGS SHING ZAB PA YIN LA, GZHUNG DU RGYUD SDE 'OG MA SOGS KYI LAM GYIS BCU GCIG TZAM THOB KYANG ZUNG 'JUG MI THOB PAR GSUNGS PA NI DGE LUGS SA BCU GCIG PA DANG, BCU GSUM PAR SPANGS RTOGS LA KHYAD PAR MED TSUL GONG DU BSHAD PA LTAR YIN LA, 'BRAS MED GSUNG ZHES PA'I DON 'BRAS BU GTAN NAS MED PA MIN KYANG DMAN PA LA DGAG SGRA BZHAG PA ZHES BYA STE, BUD MED LA KED MED MA ZER BA SKED PA MED PA MIN YANG SKYES PA LAS SKYED PA PHRA BA'AM DMAN PA DANG, GZUGS MED KHAMS ZHES PA GZUGS GTAN NAS MED PA MIN TE RLUNG SEMS PHRA MO YOD PAS NA DMAN PA LA DGAG SGRA BZHAG NA SKED MED CES PA LTAR RO, ,GZHUNG DU RTEN 'KHOR LO BZHI LAS DBU MA LHAG PAR GSUNGS KYANG, RJE RIN PO CHE DE LTAR MI BZHED CING, SNYING KHAR YI GE DANG THIG LE DANG LHA BCAS

, ,GANG LA DMIGS RTEN BYED KYANG KHYAD MED LA DBU MA'I NANG DU BSGOM PA GAL CHE BAR GSUNGS SO, ,GZHI CHOS CAN 'KHOR BA'I GNAD, LAM SGOM PA'I GNAD, 'BRAS BU SANGS RGYAS KYI SA'I GNAD DO, ,DANG PO NI, RE ZHIG BTANG SNYOMS SU BZHAG NAS, GNYIS PA LAM SGOM PA'I GNAD LA, CHOS NYID NGOS SU STON PA DANG, RRGYUD NAS STON PA GNYIS KYI DANG PO NI, GZHUNG DU RGYA MTSO LTA BAR 'DOD PA LA DE RGYUS YOD PAS GNAS TSUL BSHAD PA DON SPYI'I TSUL DU RTOGS ZHES PA DANG, MKHAN CHEN GYIS SGRA SPYI'I TSUL DU RTOG PAR GSUNGS PA PHYI MA LTAR YIN TE, DON SPYI RGYA MTSO SNGAR MTHONG NAS BSHAD PA POS RTOGS LA, DE'I ZER LUGS LA BRTAGS NA 'DI 'DRA ZHIG YOD PA 'DRA SNYAM PA TSIG SPYI 'AM SGRA SPYI YIN PAS SKABS DER BSAM PA LTAR DNGOS SU MTHONG BA'I TSE DE LTAR 'ONG BA'I NGES PA MED LA, DE BZHIN RANG GI NYER MKHO GA tU

RA LTA BU'I GNAS TSUL GZHAN DU BRJOD PA NA DE'I DBYIBS DANG 'DI LTA BU YOD SNYAM DU 'CHAR BA DE DON SPYI YIN PAS, DON SPYI RTOGS PA DANG DNGOS SU RTOGS PA GNYIS PHAL CHER 'DRA BA YIN NO, ,GNYIS PA BRGYUD NAS STON PA NI, DANG PO LAS ZAB PA STE, RGYA MTSO LTA BAR 'DOD PA DE LA RGYA MTSO'I DBYIBS DANG KHA DOG SOGS KYI GNAS TSUL MA BRJOD PAR LAM YIG LTA BU BSTAN NAS 'DI NAS 'DIR SLEBS TSUL ZHIB PAR BSHAD LA DES KYANG JI LTAR BSGO BA BZHIN DU PHYIN PAS RGYA MTSO DNGOS SU MTHONG BA LTAR LAM THUN MONG BAS RGYUD SBYANGS PA, DBANG RNAM PAR DAG THOB PA, DBANG DUS SU KHAS BLANGS PA'I DAM TSIG DANG SDOM PA RNAMS SROG BSDOS KYIS BSRUNG LA, BSKYED RDZOGS LAM NYAMS SU LEN TSUL RNAMS GO RIM MA 'KHRUL BAR TSUL BZHIN DU BSTAN PA LTAR NYAMS SU BLOANGS PAS MTHAR RLUNG DBU MAR ZHUGS GNAS THIM GSUM

, ,BYAS PA LA BRTEN NAS MTSON BYED DPE'I 'OD GSAL DON SPYI'I TSUL GYIS SKYE LA, DE'I RGYUN BSKYANGS PAS MTSON BYA DON GYI 'OD GSAL MNGON SUM DU SKYE BA YIN PAS NA CHOS NYID BRGYUD NAS STON PA ZAB PA YIN LA, DE'I PHYIR SNGA MA BTANG SNYOMS SU BZHAG NAS PHYI MA STON PA LA, DPE GSUM GYIS DON GCIG 'JAL BAR BYED PA NI, BSHAN PA SROG GI GNAD LA MKHAS PA, SHING MKHAN SHING GI GNAD LA MKHAS PA, SGYU MA MKHAN 'KHRUL 'KHOR GYI GNAD LA MKHAS PA STE DPE GSUM GYI DON, RNAL 'BYOR PA SA LAM GYI GNAD LA MKHAS PA 'DI 'JAL PAR GZHUNG BZHIN NO, ' ,SEMS 'DZIN GYI BYA BA LA, CHOS NYID BRGYUD NAS STON PA LA CHAGS CAN PHO NYA'I LAM LA DGA' BA, CHAGS BRAL RNAL 'BYOR GYI LAM LA DGA' BA GNYIS, DANG PO CHAGS CAN PHO NYA'I LAM BTANG SNYOMS SU BZHAG NAS CHAGS BRAL RNAL 'BYOR GYI LAM LA GNYIS, (DGE LUGS

LA PHYI NANG GI RKYEN ZER,) RLUNG SEMS DBU MAR BSDU BA DANG, BSDUS NAS BSGOM PA'I RNAL 'BYOR TE GONG DU SMOS PA'I ZAB PA'I SBYANG GZHI'O, ,DANG PO BSAM GTAN GYI STAN LA ZHES GSUNGS PA LTAR, STAN NI GAL CHE BA YIN PAS 'BOL ZHING YA YO MED PAR RGYAB CUNG ZAD MTHONG BAR BYAS LA, GZHUNG DU SKYABS 'GRO NAS YID BZLAS KYI BAR RAB, YANG NA BLA MA DANG RANG SEMS 'BREL BA'I NGANG LA SKAD CIG GIS RDO RJE RNAL 'BYOR MA BSKYED PA GDAM NGAR GSUNGS PA, BSKYED RIM RAGS PA MTHAR PHYIN NA SKAD CIG GIS BSKYED PAS CHOG KYANG, DE LTAR MIN PAR RDZOGS RIM LA BAG CHAGS 'JOG PA'I PHYIR THUN STONG LA BSKYED RIM DANG THUN SMAD LA RDZOGS RIM BSGOM PA YIN PAS, SKYABS 'GRO NAS YID BZLAS KYI BAR SNGAR BZHIN BTANG NAS ZHAR BYUNG RDZOGS RIM GNYIS DANG, GSAL SNANG 'DON PA BRJED DOGS SOGS SPRON BYA ZHING, MA BYAS KYANG CHOG PAS

, ,LUS GNAD 'CHA' BA GONG DU BSHAD PA LTAR BYAS, DUS DANG YUL DANG LUS RLUNG DANG, ,ZHES RIM PA BZHIN LTO BDE MOR SONG BAS, SNYI GA DANG 'DIR LTE BA, LUS GNAD 'CHA' BA, RLUNG RO BSAL BA RNAMS SO, ,LUS DKYIL SOGS KYI RNAM PA GANG YANG MI BYED PAR LUS NANG THAMS CAD DMAR GSAL STONG SENG CAN DU BSAM LA STONG RA SNGAR LTAR BSGOMS, 'DIR DGE LUGS PA LTAR RTZA GSUM 'KHooR BZHI'AM DRUG GANG RUNG SGOM NAS BYED RGYU BYUNG NA SHIN TU NGO MTSAR BA YIN NA'ANG GZHUNG GI BSTAN CHOD TZAM NI LUS KYI DKYIL DU DBU MA KHYAD CHOS GSUM LDAN SBOM PHRA MDA' SNYUG TZAM, MAR SNYE GSANG GNAS KYII BHA GA DMAR SENG DANG MNYAM PA, YAR SNE TSNAGS BUG GAM SMIN MTSAMS SU ZUG PA, GA-YAS GA-YON DU RO RKYANG GNYIS KHA DOG SNGAR LTAR SBOM PHRA GRO SOG TZAM DBU MA LA REG LA MA 'BYAR BA'I TSUL GYI MAR SNE

DBU MA DANG MNYAM ZHING, YAR STE SNA BUG GA-YAS GA-YON DU SNGAR BZHIN ZUG PA DVANGS SENG NGE BA, LTE BA'I BUG PA'I THAD DU RTZA GSUM SBUBS GCIG TU GYUR PA'I NANG DU RAm YIG ZLA TSEES N'A DA DANG BCAS PA DMAR NAG SRAN MA TZAM GDAN MED PA ME 'BAR LA KHAD, 'JIG RTEN DANG 'JIG RTEN LAS 'DAS PA'I ME'I RANG BZHIN DU MOS LA, RLUNG RO BSAL BA NI RLUNG GANG NAS RGYU YANG SNA 'GAG PA MI BYA BAR, THOG MAR GA-YAS LAMIG DANG SEMS GTAD NAS BUD, DE BZHIN DU GA-YON NAS BUD, DE NAS SNA DRANG THAD NAS BUD, DE LTA BU LAN GSUM TE STE DGU PHRUGS SU BSAL BA'AM, LAN RE STE GSUM BYAS KYANG CHOG ,DE NAS 'OG GI MDUN RLUNG PHYED 'THON TZAM, STENG RLUNG DAL BUS RDUB STE MCHIL MA DANG BCAS LTE BAR MNAN, 'OG SGO MDUN MA 'BYED 'DZUM JI LTAR RIGS PA DANG BCAS 'OG RLUNG MDUN NAS CHE BA 'THEN, DE YANG GRANG

, ,BA SHAS CHE NA 'OG RLUNG SNGON LA 'THEN PA DANG, KHRAG RLUNG SHAS CHE NA STENG RLUNG SNGON LA 'THEN PA SOGS KHAMS DANG BSTAN CHOG ,SEMS KYIS RAm YIG LA STENG 'OG RLUNG GIS BUS PAS RAm YIG SHIN TU DMAR BAR SONG NAS ME STAG DMAR KHROm KHROm JE CHER 'GRO BA'I RTZA SBUBS DMAR SENG GIS SONG BAR BSAM PA LAN BDUN TZAM JI LTAR RIGS PA'I RLUNG 'DZIN LUGS SOGS SNGAR BZHIN BYAS NAS ME GSO BA DANG, GZHUNG DU RTZA SBUBS SOGS LA GSAL THEBS PA NA 'DZIN MED DU 'JOG PAR GSUNGS KYANG, RAm YIG LA SEMS ZHUGS PA BZHIN BYAS NAS BDE STONG LA 'JOG PA GAL CHE'O, ,SLAR YANG SNGAR LTAR BZUNG BA'I RAm YIG LA ME CHER 'BAR BAS RTZA NANG THAMS CAD LA SONG STE KHAMS SNYIGS MA DANG SDIG SGRIB LHAN CIG TU BSREGS TE CHAM CHAM SKAM PAR BSAM PA LAN BDUN SOGS BZUNG, YANG SNGAR LTAR BZUNG BAS STOD KYI KHAMS DVANGS

MA RNAMS KYIS RO RKYANG KHENGS PA DBU MA'I NANG DU ZHUGS PAS DBU MA PHAL CHER KHENGS, SMAD KYI KHAMS DVANGS MA RNAMS KYANG RO RKYANG GNYIS SU ZHUGS NAS RO RKYANG GNYIS KYI MAR SNI DBU MA'I NANG DU BCUG NAS KHAMS THAMS CAD DBU MAR ZHUGS PAS DBU MA SMIN MTSAMS NAS BHA GA'I BA'I BAR KHAMS DVANGS MA DNGUL CHU LTA BUS MER GYIS KHENGS PA SRAN MA TZAM RE RES KYANG BDE STONG DBYER MED KYI YE SHES SKYE NUS PAR BSAM LA LAN BDUN SOGS BYA'O, ,THOG MAR DROD CHER SKYES PA DANG DE YANG SHA LPAGS KYI MTSAMS NAS SKYE BA SOGS BYUNG NA GNAD DU MA SONG BA YIN CING, DROD CHUNG BA KHAB RTZE LTA BU LTE BA'I DBUS NAS SKYES NA GNAD DU SONG BA YIN, GTUM MO RKYANG PA DANG BUM PA CAN GNYIS LAS RE ZHIG RKYANG PA BYAS DE NAS BUM PA CAN BZUNG NA LAS DANG PO BA GOMS 'DRIS MED PA RNAMS BDE, ,GZHUNG DU 'GO'I SKYABS SEMS DANG 'DZIN MED

, ,DU 'JOG PA MU STEGS BYED KYI GTUM MO DANG KHYAD PAR 'BYED TSUL GSUNGS KYANG, DE LTAR NA GTUM MO DNGOS GZHI MU STEGS BYED DANG MNYAMS PAR 'GRO BAS RTZA GSAL 'DEBS PA SOGS KHYAD PAR DU 'PHAGS PA YOD PAS LAM GYI CHA PHYED PA GAL CHE'O, ,DE NAS THUN 'JOG NA LUS SKYIL LAM GYIS GSAL BTAB LA MJUG BSDU SNGAR BZHIN BYA'O, ' ,NUB NYER GCIG PAR, GZHI CHOS CAN 'KHOR BA'I GNAS KYI SKYE 'CHI BAR DO GSUM LA SGRO 'DOGS BCAD NAS, RLUNG LUS LA GNAS PAS BDE BSGYUB PA'I DMIGS PA GTONG BA LA, DE YANG SKYE 'CHI BAR DO GSUM DANG CHOS MTHUN SBYOR TSUL GONG BZHIN GNANG, GONG DU BSHAD PA'I SA BCAD DANG PO GZHI CHOS CAN 'KHOR PA'I GNAD LA, 'DZAM BU GLING GI MI MANG LA SKYES KHAMS DRUG LDAN PA 'CHI BA'I TSE 'BYUNG BA PHRA RAGS RANG BZHIN

BRGYAD CU'I RTO PA DE DBYINGS SU THIM PA STE, SHA RUS SOGS SA KHAMS, KHRAG DANG CHU SER SOGS RLAN GSHER RNAMS CHU KHAMS, DROD ME KHAMS, RTZA NANG SOGS STONG SANG RNAMS NAM MKHA'I KHAMS, DE NAS RGYU BA'I RLUNG RNAMS RLUNG KHAMS TE DE RNAMS 'BYUNG BA RAGS PA DANG, GSANG GNAS SU THUR SEL SA KHAMS KYI RLUNG, LTE BAR MNYAM GNAS RLUNG KHAMS KYI RLUNG SNYING KHAR SROG 'DZIN CHU KHAMS KYI RLUNG, MGRIN PAR GYEN RGYU ME KHAMS KYI RLUNG, BA SPU DANG TSIGS THAMS CAD LA KHYAB BYED NAM MKHA'I KHAMS KYI RLUNG RNAMS PHRA BA DANG, RANG BZHIN BRGYAD CU NI, MGON PO KLU SGRUB KYI RIM LNGA DANG, SPYOD BSDUS SOGS LA DE DAG SO SOR GSUNGS SHING, RAGS RTZIS BYAS NA SNANG MCHED THOB GSUM GYI SKABS SU 'DU STE, SNANG BA'I SKABS KUN RTOG SUM CU SO GSUM, MCHED PA'I SKABS KUN RTOG BZHI

, ,BCU, NYER THOB KYI SKABS SU KUN RTOG BDUN, THIM PA STE KUN RTOG RGYAD CU DBYINGS SU THIM NAS 'CHI BA 'OD GSAL MNGON DU BYED PA YIN LA, DBYINGS KYI SKAD DOD DH'A TU ZHES PA RTZA BA'I RGYU LA 'JUG PA SHIN TU PHRA BA'I RLUNG SEMS KYIS 'KHOR 'DAS KYI CHOS THAMS CAD KYI RGYU BYED PAS SO, ,'OD GSAL CHOS SKU ZHES BYA BA NI GZHI LAM 'BRAS BU'I CHOS SKU GSUM LAS GZHI'I CHOS SKU SEMS CAN THAMS CAD LA YOD CING, DE'I TSE RAB RLUNG STOBS, DE MIN 'DUN STOBS KYIS 'OD GSAL DU SGYUR SHES NA DPE'I 'OD GSAL 'CHAR ZHING, DE NAS BAR DO GRUB PA'I DOD LA MA DAG PA'I SGYU LUS SU LANG YANG DE NGO MA SHES PAS BAR DO GRUB, DE NI RLUNG SEMS LAS GRUB PA'I LUS MA GTOGS RAGS PA MED LA, DE'I PHYIR GNAS PA RTZA MED PA'I RLUNG RANG KHA RGYAL NAS SEMS LA

RANG DBANG MI THOB PAR MING GZHI 'KHYAMS PO PHYOGS KUN TU YUD YUD 'GRO ZHING, 'KHRUL SNANG GI SDUG BSNGAL DRAG PO 'BYUNG, MING GZHI ZHES PA'I DON NI LAM RIM CHEN MOR GSUNGS PA LTAR MING GZUGS KYI RTEN 'BREL GYI SKABS SU MING GZHI TSOR BA DANG, 'DU SHES DANG, 'DU BYED DANG, RNAM SHES TE DE BZHI LA GZUGS MED PAS NA MING GZHI ZHES BYA'O, ,SA LUGS KYI BZHED PAR BAR DO BA DES LUS RTEN TSOL BA'I SNANG BA RNYED PAS MIG GCER BU CHAR LHAGS KYIS GDUNG BA LTA BUR 'BYUNG GSUNGS, DE NAS RIGS DRUG GANG DU SKYE PA'I LAS BSAGS PA'I SRED LEN GYI GSOS BTAB PAS, 'DZAM BU GLING PA'I MI MNGAL SKYES KHAMS DRUG LDAN LTA BUR SKYE BA LEN PA'I TSE PHA'I SPYI BO DANG KHA GANG RIGS NAS 'JUG PA DANG PHA MA GNYIS NYAL PO BYED PA'AM PHA MA DNGOS SU MI MTHONG BAR KHAMS DKAR DMAR GNYIS PHA MAR MTHONG BAR GSUNGS PA YANG 'DUG

, ,PAS, JI LTAR YANG, PHOR SKYE NA MAR CHAGS SHING PHA LA SDANG BA DANG, MOR SKYE NA PHAR CHAGS SHING MA LA SDANG BA'I CHAGS SDANG DRAG PO SKYE ZHING, DE'I RKYEN GYIS BAR DO BA DE LUGS 'BYUNG GI SNANG MCHED THOB GSUM GYI RTAGS SHAR NAS 'CHI BA 'OD GSAL MNGON DU GYUR NAS KHAMS DKAR DMAR GYI DBUS SU SKYE BA LEN ZHING, LUGS LDOG GI THOB MCHED SNANG GSUM BYUNG NAS NYER THOB ZIN PA NA SKYE SRID GRUB BO, ,KHAMS YUNGS 'BRU TZAM GSUM YOD PA DANG, 'BRU GSUM GYI RANG SGRA SGROGS BZHIN PA NI SA LUGS KYI BZHED SROL YIN NO, ,RJE RIN PO CHE NI KHAMS DKAR DMAR GYI THIGS PA GNYIS KYI DBUS SU BZHED PA DANG, AA NA HA TA ZHES PA BOD SKAD DU GZHOM DU MED PA DANG MI SHIGS PA'I THIG LE ZHES ZER ZHING, KHAMS DKAR DMAR GYI DBUS SU SHING TU PHRA BA'I RLUNG SEMS ZHUGS PA'I MI SHIGS PA'I THIG

LE NI JI SRID 'TSO'I BAR GYI MI SHIGS PA DANG, SHIN TU PHRA BA'I RLUNG SEMS GNYIS NI JI SRID BYANG CHUB MA THOB KYI BAR DU MI 'BRAL BAS NA BYANG CHUB SNYING PO'I BAR MI SHIGS PA ZHES RANG LUGS SU BZHED, SKYE SRID DU NYID MTSAMS SBYAR MA THAG NAS ZHAG BDUN BRGYAL BA LTA BUR GNAS PA DANG, RTZA THOG MAR GANG DU CHAGS TUSL DANG CHAGS PA'I RIM PA GZHUNG DU GSAL BA PHAL CHER DGE LUGS DANG BZHED SROL MI MTHUN NO, ,MNGAL GYI GNAS SKABS LNGA NI, ZHO CHAGS LA KHAD LTA BU, ,NUR NUR PO NI ZHO CHAGS PA LTA BU, GOR GOR PO NI ZHO LEGS PAR CHAGS PA LTA BU, STAR STAR PO NI ZHO LAS MAR THON MA THAG PA LTA BU, 'PHRANG 'BYUR NI MAR RENGS PA LTA BU ZHES GSUNGS LA, MNGAL GYI GNAS SKABS BCU NI, NYA DANG RUS SBAL PHAG RGOD DANG, RA MA GNYIS DANG NAG PA DANG, ,MI YI SENGGE MI'U THUNG,,

, ,SANGS RGYAS NGANG PA CAN TE BCU, ,ZHES BSHAD PAR GSUNGS PA'I DON NI, SNGON MU STEGS BYED KYI NGOS 'DZIN LUGS LA, MU STEGS BYED BZHI RGYA MTSOR LHUNG BAS GZHAN GYIS 'DON MA NUS PAR KHYAB 'JUG GIS NYA ZHIG TU SBRUL NAS BTON PA, SA GZHI CHEN PO 'DI RGYA MTSOR BYING BA NA RUS SBAL DU SPRUL NAS BTEG PA, DE'I TSE HA CANG MTHO DRAGS PAS PHAG RGOD CHEN POR SPRUL NAS TSANGS PA'I 'JIG RTEN NAS MNAN PA, RA MA nA DANG PO, DZA M'A DA AAG NI BU DGA' BYED KYIS SKYA SENG GI BU LNGA DANG DGRA NGAN DPUNG TSOGS GNYIS 'THAB PA'I TSE, DGA' BYED KYIS SKYA SENG GI BU LNGA'I PHYOGS BYAS TE DGRA NGAN YONGS RDZOGS BCOM PO, GNYIS PA RGYAL PO R'A MA nA'I CHUNG MA SRIN PO LANGKA MGRIN BCUS 'PHROS PA'I RKYEN GYIS SRIN PO BSAD PA, NAG PO RTZOD PA'I DUS SU SEMS

CAN GYI DON BYAS PA, MI YIS SENGGE 'GRO SKYOB SER CAN 'THEN PA'I STENG DU BSAD PA MI'U THUNG GI GZUGS CHUNG NGUR BYAS TE LHA MIN STOBS LDAN LA SA GOM PA GANG DO ZHIG BLANGS PA BYIN PA'I TSE, SHIN TU CHE BAR RKANG PA GCIG LCAGS RI'I STENG DANG GCIG SRID RTZER BZHAG NAS GOM GANG 'DI BYAS GOM GANG NUS STER BYAS PAS LHA MIN BSKYENGS PAS, + NGANG PA'I GLENG GZHI MA MTHONG, SANGS RGYAS SH'AKYA THUB PA YANG KHYAB 'JUG GI SPRUL PA YIN ZHES NGOS ZIN PA BYUNG NGO, ,DE DNAG MTSUNGS PAR ZLA BA DANG PO LA DBUS SBOM ZHING MTHA' GNYIS PHRA BA NYA'I DBYIBS LTA BU, GNYIS PQ LA MGO DANG YAN LAG THON PAR 'BUR PO RE DOD PAS RUS SBAL LTA BU'O, ,GSUM PA LA MGO'I THAD RGYAS NAS ZE SGUR PHAG RGOD LTA BU, BZHI PA LNGA PA GNYIS NI YAN LAG GI RNAM PAR GSAL BA LTA BUR MA GNYIS DANG, DRUG PA

, ,LA YAN LAG LNGA GRUB PA NAG PA LTA BU, BDUN PAR MGO RDZOGS PAR GRUB CING YAN LAG GZHAN RDZOGS PAR MA GRUB PA SENGGE LTA BU, BRGYAD PAR YAN LAG THUNG DU GRUB PA MI'U THUNG LTA BU, DGU PAR MNGAL NANG DU DRI NGA BA SOGS KYI PHYIR 'BYUNG BAR SKYE RING BA BYA NGANG PA LTA BU, PHYI ROL TU BTZAS PA SANGS RGYAS BLTAMS PA LTA BU STE GNAS SKABS BCUR 'GYUR TSUL SA LUGS BZHED KYANG MKHAS GRUB RIN PO CHE'I BRTAG GNYIS 'GREL CHEN DU DGAG PA MTHA' YAS PA YOD, DBU MA'I NANG DU RLUNG GNAS NA GZUNG 'DZIN GYI RTOG PA GZHAN DU MI 'PHRO BAR GNAS NUS NA SEMS CHOS SKUR 'GYUR YANG, DER MI GNAS PAR RO MA NAS RLUNG RGYU BA LA BRTEN NAS 'DZIN PA'I RTOG PA DANG, RKYANG MA LAS RLUNG RGYU BA LA BRTEN NAS GZUNG BA'I RTOG PA 'PHRO ZHING DE LA BRTEN NAS RO RKYANG DBU GSUM LAS RTZA PHRAN RNAMS

GYES PA DE DAG GI NANG DU KHAMS 'GRO 'ONG BYAS PA LA BRTEN NAS LUS ZAG BCAS BSKYED PA DANG, RLUNG 'GRO 'ONG BYAS PA LA BRTEN NAS, SEMS RTOG BCAS BSKYED PA YIN NO, ,SEMS 'DZIN NI, GNYIS PA RLUNG SEMS DBU MAR BSDUS NAS BSGOM PA LA GNYIS, RLUNG LUS LA GNAS PAS BDE BA SGYUB PA DANG, SEMS LA ZHUGS NAS STONG PA SGRUB PA'O, ,DANG PO NI, RLUNG DBU MAR BSDU BA YA NA SNGAR LTAR BSHAR BSGOM GYI TSUL DU BYAS TE, YANG NA KHA DOG SNA LNGA TSANG BA'I KHRA KHRUG GE BA LAS PHYOGS 'DI KHA DOG 'DI LTAR RO SNYAM PA MA BYUNG YANG CHOG ,BUM PA CAN 'DZIN MIN GANG BDE BYAS TSOG CING, KHYAD PAR NI RLUNG MA BYANG BA'I SKABS 'DZIN PA MTHOS NA KHRAG RLUNG SOGS KYI NYEN CHE BAS MA ZIN NA'ANG BDE BAS NYAMS DANG SBYAR NAS BYA ZHING, ' ,SNGA MA'I DMIGS RTEN GYI RNAM PA GANG YANG MED PA STONG YAL LTA BUR

, ,BTANG RLUNG RO 'BUD PA DANG, STONG RA BSGOM PA SNGAR BZHIN BYAS, DBU MA'I YAR SNE SMIN MTSAMS SU ZUG PA DE'I NANG DU CHOS 'BYUNG DMAR PO GRU GSUM GDENGS KA CHE BA PHYIR BSTAN CING, RTZA BA PHRA BA NANG DU ZHUGS PA BUG PA THAL LE YOD PA, MAR SNA PADMA DMAR PO 'DAB MA BRGYAD PA SBUG GE BA'I DBYIBS CAN GYI ZE'U 'BRU'I DBUS KYI BUG PAR CHOS 'BYUNG GDENGS KA CHE BA PHYI DANG, RTZA BA NANG DU ZHUGS PA BUG PA THAL LE YOD PA KHYAD CHOS SNGAR LTAR BSGOM PAS YAR STE CHOS 'BYUNG GI DBUS SU THIG LE KA DOG LNGA LDAN TE, DBUS DKAR PO, MDUN NAM SHAR SNGON PO, LHO SER PO, NUB DMAR PO, BYANG LJANG KHU, RANG RANG GI KHA DOG DANG MTSUNGS PA'I 'OD ZER 'PHRO BA DBYIBS ZLUM PO SRAN MA LTA BU LA SEMS ZHUGS PA BZHIN BYA ZHING, RLUNG 'DZIN NA 'OG RLUNG 'THEN PA MDA' 'PHANG PA LTAR YAR SONG,

STENG RLUNG DAL BUS RDUB NAS MNAN PA DANG STENG 'OG GI RLUNG RNAMS THIG LE LA THIM PAR BSAM NAS DE LA SEMS ZHUGS PA BZHIN BYAS NAS BSGOMS PAS BDE LHANG BA BYUNG BA'AM BYUNG BAR MOS, DE NAS THIG LE DE BDE 'PHREL GYIS DBU MA'I NANG BRGYUD NAS YAR SONG, SPYI BO'I GUG MTSAMS SU RI RTZER SKAR MA SHAR BA BZHIN BZHAG NAS SNGAR BZHIN BSGOMS PAS RTAGS BYUNG BA'AM BYUNG BAR MOS PA BYA, DE'I DBUS NAS BYANG SEMS DKAR PO SHIN TU PHRA BA DAR SKUD BRKYANGS PA LTA BU NAR RA BYUNG BA DPER NA SDOM GYI THAG PA SNAR BA BZHIN DAL BUS BDE STONG DANG SBYAR NAS MGRIN PA'I RTZA 'KHOR GYI THAD SLEBS PA NA YAS RAB KYI DGA' BSKYES PAR MOS NAS CUNG ZAD BZHAG ,YANG SNGAR LTAR DAL BUS BYUANG BA SNYING KHA'I DKYIL THAD DU SLEBS PA NA MCHOG DGA' SKYES PA'I MOS PA BYAS LA CUNG ZAD BZHAG ,DE BZHIN DU LTE BAR SLEBS PA NA KHYAD PAR GYI DGA'

, ,BA; GSANG GNAS KYI RTZER SLEBS PA NA LHAN SKYES KYI DGA' BA, SLAR YANG GSANG GNAS KYI CHOS 'BYUNG SOR PHYED GSUM TZAM THON PA NYUG NYUG BYED PAR BSAM, 'DIR RLUNG BZUNG NA KHAMS 'DZAG NYEN CHE ZHING, DE SKYON MED NA GZHAN MED PAS BUM PA CAN BZUNG LA BDE STONG LA CI NUS SU 'JOG ,'DZAG NYEN BYUNG NA SOR GCIG SOR PHYED GNYIS SOR GNYIS GANG RIGS BSKUM PA NYAMS DANG SBYAR, DE NAS BYANG SEMS DAR SKUD LTA BU DE RIM GYIS YAR JE THUNG JE THUNG DU BSDUS NAS LTE BAR SLEBS PA NA MAS BRTAN GYI DGA' BA, SNYING KHAR SLEBS PA NA MCHOG DGA', MGRIN PA SLEBS PA NA KHYAD DGA', SPYI BOR SLEBS PA NA LHAN SKYES KYI DGA' BA STE, DE TSE MGON PO MGRO MI 'GYUR, ,ZHES BDE BA MI 'GYUR BA YIN, DE YANG GNAS DE DAG TU YUD TZAM RE BSDAD NAS BDE STONG DBYER MED

KYI RGYAS 'DEBS, SNGAR BZHIN LUGS LDOG GI DGA' BZHI 'DREN PAR MOS TE, DE RE RE LA'ANG DGA' BA'I DGA' BA, DGA' BA'I MCHOG DGA', DGA' BA'I KHYAD DGA', DGA' BA'I LHAN SKYES TE BZHI BZHIR PHYE BA'I BCU DRUG ,SPYI BOR BYANG SEMS DKAR PO CHA GNYSI DANG DMAR PO CHA GCIG GNAS PA'I DKAR PO BAB TSE DMAR PO'ANG NGES PAR 'BAB PA YIN, RJE RIN PO CHE RNAL 'BYOR PA RTOGS PA RAB KYIS BYANG SEMS DKAR DMAR GNYIS KAR YOD PA'I DBANG GIS BDE BA 'DI LTA BU YOD PA BYANG SEMS DKAR PO DANG, 'DI LTA BU YOD PAS BYANG SEMS DMAR PO'I BDE BA YIN SNYAM PA 'ONG NA YANG DKA' BAR SNANG NGO, ,ZHES GSUNGS PA LTAR DE'I DBANG GIS SA LUGS PA YANG DGA' BA BCU GNYIS SU BZHED PA LTAR, BYANG SEMS DKAR DMAR GNYIS SPYI BO NAS MGRIN PAR BABS PA'I DANG PO'I TSE BYANG

, ,SEMS DMAR PO'I DBANG GI DGA' BA CHUNGNGU DANG, GNYIS PA'I TSE DGA' BA 'BRING GSUM PA'I TSE DGA' BA CHEN PO, DE BZHIN DU SNYING GA ,LTE BA, GSANG GNAS RNAMS SU RIGS 'GRE SBYAR BA'I BZHI GSUM BCU GNYIS YOD PA DANG, DE GNYIS PHYI NANG GZHAN GSUM DANG SBYOR TSUL NGO MTSAR ZHU RGYU YOD PAS PHYI LA SBYAR NA, ZLA BA LA 'PHEL 'GRIB GNYIS LA CHA BCO LNGA RE DANG GANG BA DANG BRI BA LA CHA RE BCAS CHA BCU DRUG YOD PA DNAG, NYI MA LA KHYM BCU GNYIS YOD PA MTSON, NANG LA SBYAR NA, SKYES PA LA LO BCU DRUG LA KHAMS 'DZAG PA DANG, BUD MED LO BCU GNYIS MA LA KHAMS 'DZAG PA MTSON, GZHAN LA SBYAR NA GRVA BZHI'I DGA' 'KHYIL RE RE L ABZHI BZHI STE BCU DRUG DANG, MDUN RGYAB GNYIS MA THE PA'I GRA BZHI LA LOGS GSUM GSUM YOD PA MTSON, DE YANG

SNGA MA LAS PHYI MA DGA' BA CHE BA, DPER NA CHU MTHO SA NAS BABS PA'I TSE RI RTZE PHYOGS SU CHU CHEN PO MI 'ONGS KYANG CHU PHRAN GZHAN RNAMS 'DZAM PA LA BRTEN NAS RI GSHAMS SOGS SU CHU CHEN 'ONG BA BZHIN NO, ,RMOR CHEN GYIS THIG LE NGO MA BYUNG NAS RIM BZHIN DGA' BZHI 'DREN PAR GSUNGS SHING, GSANG GNAS SU BSGOMS PAS LHAN SKYES KYI DGA' BA SKYE YANG DE YUN RING MI BRTAN NO, ,DE NAS THUN 'JOG KHAR THIG LE SNYING GAR BAB PA YONGS SU GYUR PA LAS LUS DKYIL LAM GYIS BSKYED LA SNGAR LTAR MJUG BSDU BYA'O, ' ,NUB NYER GNYIS PAR, NANG GI PHO NYA'AM RIGS LDAN MA RTZA THAMS CAD KYI MCHOG DBU MA DANG, DE 'KHOR LO THAMS CAD KYI GTZO BO LTE BA SPRUL PA'I 'KHOR LO YIN TSUL DANG LAM SGOM PA'I GNAD LA SGRO 'DOGS BCAD NAS RLUNG SEMS DBU MAR ZHUGS PAS 'JA' LUS SGRUB PA'I DMIGS

, ,PA LA; RTZA THAMS CAD KYI MCHOG DBU MA YIN PA'I PHYIR DER GNAD DU BSNUN NA BDE CHE NA YE SHES MYUR DU SKYEL, DE'I PHYIR NANG GI PHO NYA MCHOG YIN, GZHUNG DU PHO NYA MCHOG 'BRING THA MA RNAMS ZHES RTZA RGYUD KYI LUNG DRANGS PA NI, BDE MCHOG RTZA RGYUD LE'U DANG POR, PHO NYA LHAN CIG SKYES GRUB PA, ,MCHOG DANG 'BRING DANG THA MA STE, ,ZHES 'BYUNG LA, 'GYUR KHYAD LA DE 'DRA NI TE BAG MED 'DRA BAS GANG YIN BRTAG PAR BYA ZHING, PHYI'I PHO NYA MCHOG 'BRING THA GSUM SNGAR BSHAD PA LTAR DANG, NANG GI PHO NYA RJE'I BZHED PA BHA WA BHA DRAS, SKYE BO SDUG BSNGAL GYIS YEN PA LA BSHAD TSUL DANG, 'DOD DON MYUR DU BSGYUB PA'I PHO NYA ZHES GSUNGS PAS PHYI MA LTAR 'DOD DO, ,GSANG

BA'I PHO NYA NI STONG NYID SGRA SPYI'I TSUL DU RTOGS PA THA, STONG NYID DON SPYI 'I TSUL DU RTOGS PA 'BRING, STONG NYID MNGON SUM DU RTOGS PA RAB, PHYI'I PHO NYA LHAN SKYES KYIS MCHOG THUN GYI DNGOS GRUB DANG, ZHING SKYES KYIS THUN MONG 'JIG RTEN GYI DNGOS GRUB GRUB PA BRGYAD SOGS DANG, SNGAGS SKYES KYIS DNGOS GRUB DE GNYIS STER MI NUS KYANG DE DAG MYUR DU SKYE BA'I RGYU BYED PA 'JIG RTEN NA RANG GI 'DOD DON BSGRUB PA'I MI LA PHO NYA'AM, THA BANG CHEN NAM, 'BRING BYA MA RTA RAB ZHES 'BYUNG BA, BANG CHEN PO BTEG STE MYUR DU 'GRO 'ONG BYED PA DANG, BYA LAS BUL ZHING RTA LAS MGYOGS PA'I DON NO, ,DE BZHIN DU LHAN SKYES KYI BDE STONG MYUR DU SKYE BA YANG RTZA DBU MA LA RAG LAS PAS NA PHO NYA MCHOG CES SO, ,BDE MCHOG RTZA RGYUD LAS, RNAL 'BYOR DUS KYI KHYAD PAR ZHES SOGS KYI DON PHYI DRANG DON BSKYED RIM LA SBYOR TSUL DANG,

, ,NANG NGES DON RDZOGS RIM LA SBYOR TSUL GNYIS LAS, DANG PO NI, MCHOD PAR BYA ZHES BSHAD PA'I GZHIR DRANGS NAS, GANG MCHOD NA RNAL 'BYOR MA'I BDAG PO DPAL HE RU KA STE DE'I NGA RGYAL GYI ZHES PA SKABS 'DIR RNAL 'BYOR MA'I NGA RGYAL GYIS BDAG BSKYED SNGON DU 'GRO BAS SO, ,GANG GI TSE NA DUS TE TSES BCU LA SOGS PA ZLA BA RE RE BZHIN NAM LO RE'I DGUN ZLA 'BRING PO RGYAL GYI ZLA BA'I MAR NGO'I CHOS BCU DANG, YANG NA RTAG TU STE DUS RGYUN DU MCHOD PAR BYA'O, ,GANG MCHOD NA, RIGS LDAN MA STE LHAN SKYES DANG ZHING SKYES KYI RNAL 'BYOR MA RNAMS SO, ,JI LTA BUS MCHOD NA DBUGS 'BYIN TE, DBUGS PHYIR 'BYUNG BA'I RO STE SHA CHEN DANG, PAR MA ZHES PAS RAKTA'AM KHRAG STON TE, BUD MED GZHON NU DANG RGAN MO LA ZLA MTSAN MI 'DZAG LA, BAR MA LA 'DZAG PAS NA BAR MA ZHES SO, ,MCHOG CES PA NI KHAMS THAMS CAD KYI

MCHOG SKYES PA'I BYANG SEMS STON, DRI ZHES PAS DRI CHEN, CHU ZHES PAS DRI CHU STE BDUD RTZI LNGAS MCHOD KYANG, ZHES PAS DER MA ZAD NYER SPYOD KYIS KYANG MCHOD PAR BSTAN NO, ,GNYIS PA NANG NGES DON GYI RDZOGS RIM LA SBYOR TSUL LA GNYIS, CHAGS CAN PHO NYA'I LAM LA SBYOR TSUL DANG, CHAGS BRAL RNAL 'BYOR GYI LAM LA SBYOR TSUL LO, ,DANG PO NI, MCHOD PAR BYA BA GANG GI TSE NA DUS PHYI DRO SOGS SU'O, ,GANG GIS NA RNAL 'BYOR GYIS TE LHA'I NGA RGYAL GYIS SO, ,GANG LA NA RIGS LDAN MA STE SNGAGS SKYES KYI RNAL 'BYOR RNAMS SO, ,DBUGS 'BYIN NI DBYUNG BA'I DON YIN PAS BUD MED LAM THUN MONG BAS RGYUD SBYANGS NAS BSKYED RIM GYI RTOGS PA SNE ZIN SKYES PA'O, ,BAR MA ZHES PA RGAN BYIS MIN PA'I BUD MED PAR MA'O, ,MCHOG CES PA YON TAN CAN NO, ,DRI CHU ZHES PA DRI BZANG BTAB PA'I LUS LA BYUNGS PA'O, ,

, ,DE LTA BU'I RIGS LDAN MA SNYOSM 'JUG GI BDE BAS MCHOD PA'O, ,GNYIS PA CHAGS BRAL RNAL 'BYOR GYI LAM LA SBYAR BA SKABS DON NI, MCHOD PAR BYA, GANG GI TSE SNGA DRO LA SOGS PA'I DUS DRUG TU'O, ,GANG GIS NA BSKYED RIM RGYAS BSDUS GANG RIGS SNGON DU SONG NAS LHA'I GSAL SNANG DANG LDAN PA'O, ,GANG MCHOD NA RIGS LDAN MA RTZA DBU MA'O, ,DBUGS 'BYIN CES PA RO RKYANG GNYIS KYI RLUNG GI RGYU BA PHYIR 'BYIN PA STE DBU MAR THIM PAS SO, ,BAR MA ZHES PA RO RKYANG GNYIS PO'I DBUS SU DBU MA GNAS PAS NA BAR MA'O, ,MCHOG CES PAS LTE BA'I RTZA MDUD GRU GSUM MI 'GYUR BA'I BDE CHEN 'DREN PA LA MCHOG TU GYUR PA YIN PAS SO, ,DRI ZHES PA SI HA LA RAKTA STE LTE BA'I KHAMS DMAR PO DANG, KYANG ZHES PAS DER MA ZAD SPYI BO'I KHAMS DKAR PO STE KHAMS DKAR DMAR

GYI 'DU 'PHROD LA BRTEN NAS BDE BA SKYE LA BDE BAS STONG PA NGS PA'I BDE STONG GNYIS SU MED PA'I YE SHES KYI RIGS LDAN MA RTZA DBU MAR MCHOD PAR BYA'O, ,DE YANG DBU MAR RLUNG DANG THIG LE GNYIS ZHUGS PA'I MCHOD PA NI MCHOD PA THAMS CAD KYI NANG NAS MCHOG TU 'GYUR RO, ,GZHUNG DU MTSAN BRJOD LA THUN MONG GYI RGYUD GSUNGS PA'I DON, DUS 'KHOR LA SOGS PA'I BLA MED DANG BYA RGYUD LA SOGS PAR DE'I DON BKRAL BAS NA DE LA DGONGS SO, ,MA RIG SGO NGA'I SBUBS 'BYED PA, ,ZHES PA'I DON, SGO NGA'I SBUBS SU BYAR SKYES PA DE SGO NGA'I SBUBS MA PHYE BA'I BAR DU 'PHUR BA SOGS MI NUS LA, DE PHYE BA'I TSE PHYI ROL MTHONG ZHING RGYU BA SOGS BYED PA BZHIN DU SNYING GAR DBU MA RO RKANG GI MDUD PA DRUG GIS BCINGS PA'I DBUS SU PHA MA'I KHAMS DKAR DMAR 'DRES PA'I THIG LE'I SBUBS SU RANG

, ,SEMS 'THUM NAS GNAS PA DE 'BYED DKA' ZHING, DE LAS MA GROL BAR DU BDE STONG GI YE SHES SKYE BA DANG CHOS NYID KYI GNAS LUGS RTOGS PAR MI 'GYUR LA, DE'I PHYIR DE 'BYED PA'I THABS THOG MAR LTE BAR GNAD DU BSNUN NAS BSGOM PA GAL CHE BAS PHYI RTZA THAMS CAD KYI GTZO BO DBU MA DANG, 'KHOR LO THAMS CAD KYI GTZO BO LTE BA YIN NO, ,GNYIS PA LAM BGROD PA'I GNAD NI, SNYING KHA'I RTZA 'KHOR GYI DBUS SU KHAMS DKAR DMAR GYI THIG LE YOD CING, DE YANG KHAMS DKAR PO GTZO CHE BAS YUNGS DKAR SPOM PO'I 'BRU TSAD TZAM RJE BTZUN YAB KYI NGO BO BA SANT'A STE BOD SKAD DU DPYID CES 'BYUNG BA H'Um CHA LNGA PA'I RNAM PAR ZHUGS PA STE, H'Um GI A'U BYA SGRUB, HA'I LUS SOR RTOG ,DE'I MGO BO MNYAM NYID, ZLA TSES ME LONG, THIG LE N'A DA DANG BCAS PA CHOS DBYINGS YE SHES KYI NGO BO, ,DPYI CES PA'I DON NI, 'JIG RTEN NA

DPYID KYI DUS SU GRANG DRO SNYOMS SHING, RTZI SHING ME TOG SOGS RGYAS PAS SEMS CAN RNAMS KYI LUS SEMS LA BDE BA DANG, NAM DUS DPYID KA 'BYUNG BA YANG SA CHU DROS PA LA RAG LAS PA LTAR, SNYING KHA'I YAB DPYID BSKUL BA YANG, LTE BA'I YUM TI LA KAS BSKUL BA LA RAG LAS PA'I PHYIR DPYID CES LTE BA'I RTZA MDUD GRU GSUM GYI DBUS SU TI LA KA STE YUM GYI NGO BO KHAMS DMAR PO SHING SKYER PA'I TSER MA'AM, SHAD KYI RNAM PAR YOD LA, RNAL 'BYOR MA'I LUGS 'DI LA BAm YIG GI RNAM PAR ZHUGS PA'O, ,SMIN MTSAMS SU GNANG DU BSNUN NA KHAMS DKAR PO RGYAS PAR 'GYUR ZHING, SPYI BOR GNAD DU BSNUN NA LUS THAMS CAD LA KHAMS KYIS KHYAB PAR 'GYUR BA DANG, SNYING KHAR GNAD DU BSNUN PA NI GTZO BO YIN LA 'ON KYANG THOG MAR LTE BAR GNAD DU BSNUN PA GAL CHE BAS GZHUNG DU YAB KYI NGO BO BA SANT'A RE ZHIG BTANG

, ,SNYOMS SU BZHAG NAS, YUM GYI NGO BO TI LA KA LA GNAD DU BSNUN PAR GSUNGS PAS GNAD CHE BA DANG, SPYIR MA RGYUD LA THIG LER GTZO BOR GNAD DU BSNUN PA DGA' BZHI LUGS 'BYUNG LUGS LDOG GIS DON GYI 'OD GSAL SGRUB PA DANG, PHA RGYUD LA RLUNG GTZO BOR GNAD DU BSNUN PA RLUNG DGA' BZHI LUGS 'BYUNG LUGS LDOG GIS SGYU LUS SGRUB PA YIN NO, ' ,SEMS 'DZIN NI, GNYIS PA RLUNG SEMS LA ZHUGS NAS STONG PA SGRUB PA'AM RLUNG SEMS DBU MAR ZHUGS NAS 'JA' LUS SGRUB PA NI, SPYIR RLUNG SEMS DBU MAR BSDU BA BYANG SEMS DMAR PO 'PHEL BA'I RGYU DANG, LUS LA GNAS NAS BDE BSGRUB PA BYANG SEMS DKAR PO 'PHEL BA'I RGYU DANG, SEMS LA GNAS NAS STONG PA SGRUB PA'AM 'JA' LUS SGRUB PA NI BDE STONG DBYER MED KYI ZUNG 'JUG SGRUB PA YIN PAS DE LTA BU'I LAM RGYUD LA SKYE BA LA

NGES PAR SNYING GAR GNAD DU BSNUN DGOS PAS THIG LE DE NYID SNYING KHAR PHAB LA DE NAS 'OD ZER SPRO BSDU LA BSLABS NA KHYAD PAR SHIN TU CHE NA'ANG SA LUGS PA DPE DON MANG PO 'DRA 'DRA 'GRIG 'GRIG GSUNGS KYANG ZER BA TZAM MA GTOGS DON GYI SNYING PO ZHIG AE YIN SNYAM PAS RJE'I DGONGS PA LTAR BUM PA CAN DANG RDO RJE'I BZLAS PA SOGS DANG DE NAS 'OD ZER SPRO BSDU BYAS LA SMIN RGYU NAS 'OD GSAL GYI BAR GYI RTAGS RNAMS SHAR BAR MOS TE BA DE STONG GNYIS MED DE'I NGANG LAS GO SA LOGS SU RDO RJE RNAL 'BYOR MA DKAR MOR LANGS SLAR PHUNG PO RNYING PA LA 'JUG PA SOGS BYED DGOS NA'ANG DA LAM GZHUNG LTAR 'CHAD PA LA SMIN DBUS NAS THIG LE SPYI BOR 'DREN PA'I BAR SNGAR LTAR BYA BA'AM, DKYUS THOG GCIG LA BYED NA LUGS 'BYUNG LUGS LDOG GI DGA' BZHI DRANGS PA'I RJES SU YANG SPYI

, ,BO'I THIG LE KHA DOG LNG LDAN LA SEMS ZHUGS PA BZHIN BYAS NAS BSGOM PAS BDE LHANG BA BYUNG BAR MOS, DE NAS THIG LE DE LAS 'OD ZER KHA DOG SNA LNGA MA 'DRES PA 'JA' TSON LTA BU BUN GYIS 'PHROS, RTZA 'JA' 'OD DU GYUR, PHYIR 'PHROS MGO BO DANG LUS KYI STOD SMAD, GNAS KHANG DNGOS PO, YUL 'KHOR, RGYAL KHAMS GLING BZHI RI RAB, STONG GSUM, NAM MKHA' DANG MNYAM PA'I SNOD BCUD THAMS CAD RIM GYIS 'OD DES REG PA TZAM GYIS NGO BO RANG RANG GI DBYIBS LA RNAM PA 'JA' 'OD SNA LNGA 'BA' ZHIG TU GYUR PAR BSAM LA, BDE STONG GI NGANG DU CI NUS 'JOG ,GZHUNG DU 'OD GSAL NAM MKHA' LA YAL GYIS SONG PAR GSUNGS PA NI BSKYED RIM LA YANG RUNG BA MA YIN NA RDZOGS RIM GYI SKABS 'DIR SHIN TU YANG MI RIGS PAS, NGES PAR NANG DU BSDU DGOS

PAS DE'I TSUL NI, ME LONG LA HA BTAB PA BZHIN MTHA' NAS RIM GYIS RGYA JE CHUNG JE CHUNG DU SONG NAS THIG LE'I BAR DU THIMS, THIG LE YANG JE PHRA JE PHRAR SONG NAS MTHAR STONG YAL DU SONG BAR BSAM ZHING THIG LE'I GNAS 'PHYUG DOGS BYUNG NA THIG LE YUNGS 'BRU TZAM LA SEMS BZUNG NAS BDE STONG DBYER MED KYI DANG DU CI NUS 'JOG ,DE NAS SLAR YANG THIG LE DANG, RTZA DANG, DBU DANG, SKU LUS SOGS SNGAR BZHIN RIM PAR GSAL BTAB LA LHAR LDANG YANG SNGAR BZHIN 'JA' 'OD LA SPRO BSDU LA BSLAB PAR BYA'O, ,THUN 'JOG KHAR THIG LE SNYING KHAR 'BEBS PA SOGS MJUG BSDU BYA BA'AM, BSDU NA LHAR LDANG MA THAG NAS GNAS RNAMS SU GO CHA BKOD PA SOGS BYAS NAS GTOR 'BUL SOGS THUN MTSAMS KYI BYA BA LA 'JUG GO, ,'DI DAG LAS DANG PO PA RNAMS KYI BAG CHAGS 'JOG PA'I PHYIR

, ,MA BRJED TZAM BSGOM PA LAS LAM 'GO MA'I RTOGS PA MA SKYES PAR PAR GONG MA'I RTOGS PA MI SKYE LA, NUS PA THON PAS GCIG BSGRIL DU NYAMS SU BLANGS PAS LUS YANG PA, LAG PA SOGS NYI ZER LA BLTAS PAS PHYI NANG DU GSAL BA DANG, SGRUB KHANG LA 'JA' ZUG PA SOGS KYI RTAGS BYUNG BA NA, DE BRTAN PA'I PHYIR RLUNG GI REG BYA SNGAR PHAN MI BZOD PAR PHYIN LA RANG GZHAN SNANG SRID THAMS CAD SNGAR BZHIN 'JA' 'OD KHO NAR BSGOMS PAS RLUNG GI GRANG NGAR MI BZOD PA MED PAR BDE STONG LA 'JOG NUS BLTA, MI NUS NA SNGAR BZHIN SPONG KHANG SOGS SU BSGOM, DE BZHIN DU SO GA NYI 'OD DNAG, ME 'OD DANG, DGUN DUS SU CHU DANG, GROGS KYIS DBYUG PAS BSNUN PA SOGS GZHUNG NAS 'BYUNG BA LTAR BYAS KYANG DE DAG MI MNGON PAR BDE STONG LA MNYAM PAR 'JOG PA NI 'BYONGS PA'I TSAD DU GSUNGS KYANG, 'DI

RNAMS MA BRJED PAR BYAS NAS DAM SDOM SROG BSDOS KYIS BSRUNG BA DANG BSKYED RIM GYI NGA RGYAL GSAL SNANG LA CI NUS SU BSLABS, LAM GONG MA RNAMS KYANG GA LA SKYE SNYAM PA 'KHYAMS BSGYUR BYAS NA SKYE BA SNGON MA RNAMS LA'ANG BAG CHAGS MA THEBS PA'I DBANG GIS RGYUD LA MA SKYES PA YIN PAS MYUR DU SKYE BA'I SMON LAM RNAM PAR DAG PA SHUGS DRAG GI SGO NAS 'DEBS DGOS SO, ' ,NUB NYER GSUM PAR, 'PHO BA'I YIG CHUNG TSAR CHEN GYIS MDZAD PA BZHIN LA, 'DIR GANG ZAG DBANG PO RAB 'BRING THA MA SHIN TU THA SHAL TE BZHIR YOD PA'I PHYI MA'I NYAMS LEN DU 'PHO BA GSUNGS PA DANG, YANG GZUGS MED KHAMS SU SKYEN MA GTOGS PAR DO GRUB PAR GSUNGS LA, DBANG PO THA MA BAR DOR DPA' BO MKHA' 'GROS BAS SU YANG BAR DO GRUB DGOS PAS DE'I 'JIGS SKRAG SOGS MYONG MI DGOS PA'I PHYIR, 'PHO BA GSUNG ZHES BZHED TSUL SNA

,,TSOGS YOD PAS JI LTAR YANG, GZHUNG DU THA SHAL GYI DBANG DU MDZAD LA, 'DI LA LAM GYI CHAD 'THUD CES RJES KYANG GSUNGS PA'I DON NI, TSE 'DIR MKHA' SPYOD SOGS SU 'GRO MA NUS NA SKYE BA PHYI MA LA MKHA' SPYOD SOGS SNGAGS SPYOD PA'I RTEN DU SKYE BA BLANGS NAS LAM GYI LHA MA RNAMS NYAMS SU LEN DGOS PA LA RTEN DE LTA BU MA THOB NA LAM DE'I BAR CHAD PA YIN PAS DE'I PHYIR 'PHO BA BYAS NA SNGAGS KYI RTEN KHYAD PAR CAN THOB PAS NA LAM GYI CHAD 'THUD CES GSUNGS, DE NA YAB YUM GNYIS KA LA BRTEN PA YAB KYI 'PHO BA, YUM RKYANG LA BRTEN PA YUM GYI 'PHO BA ZHES SNGA MA RNAMS GSUNG BA LAS, GZHUNG DU SNGA MA'I DBANG DU MDZAD, 'DI LA GNYIS, SBYONG BA'I DUS DANG LAS SBYOR GYI DUS SO, ,DANG PO LA GNYIS, KHRID KYI SKABS SU THUN BZHIR BCAD DE JI LTAR RIGS PA SBYOR

BA DANG, RJES SU GCIG BSGRIL DU BYAS NAS SBYONG BA'O, ,DANG PO NI, SKYABS 'GRO NAS MJUG BSDU BA'I BAR SNGAR BZHIN BTANG NAS GTO 'BUL GYI GONG DU TSANGS BUG NAS 'DOM GANG NGAM KHRU GANG TZAM GYI MDUN GYI BAR SNANG LA SENG KHRI PAD ZLA NYI MA'I GDAN GSUM BRTEGS PA'I STENG DU BAL MA HE RU KA YAB SKU MDOG SNGON PO ZHAL GCIG PHYAG GNYIS GA-YAS GSER GYI RDO RJE RTZE LNGA PA DANG, GA-YON DE LTA BU'I RDO RJE PHYED PAS YU BA BYAS PA'I DRIL BU BZUNG NAS YUM GYI MCHAN 'OG NAS BSNOL TE 'KHYUD PA ZHABS GA-YAS BRKYANGS PAS 'JIG BYED NAG PO GZHOGS GA-YAS PA BA STE 'GYEL BA'I RNA BA GA-YON PA NAS MNAN PA, GA-YON BSKUMS PAS DUS MTSAN MA DMAR MO'I NU MA'I STENG NAS MNAN PA, DBU GTZUG GI 'KHOR LO SOGS SNGAR LTAR GNAS PA SROG SHING GI TSUL DANG, DE'I MTHA' NAS DBU SKRA NAG PO GYEN DU LANGS PA'I RTZE MO NANG DU BKUG NAS

, ,YAS MAS SU KHYUD MO GNYIS KYIS BSDAMS PA'I THOR TSUGS CAN DBU SKRAS 'KHOR LO MI SGRIB CING, 'KHOR LOS DBU SKRA MI SGRIB PA RTZE MOR NOR BU'I TOG GIS SPRAS PA, RAL PA'I THOR TSUGS KYI MDUN DU SNA TSOGS RDO RJE DKAR PO 'OG ,SER PO GA-YAS, DMAR PO STENG, LJANG KHU GA-YON, LTE BA SNGON PO LANGS STABS KYIS MTSAN PA, SNA TSOGS RDO RJE'I STENG GI GA-YON LA PHYOGS PAR ZLA BA PHYED PAS MTSAN PA, ZLA BAS BYANG SEMS GA-YON RKYANG MA NAS 'BAB PA MTSON PAS GA-YON DU PHYOGS PA, RDO RJE NAG PO RTZE LNGA PA'I MTSAN TSUL, PHYAG MDZOD LHA RI SGANG BAS SKYED GRONG YONGS 'DZIN CHEN PO BYA BTANG GI SKABS DRI BA ZHUS PA'I LAN DU, DPA' BO'I DAR THOD BYA BA SMIN MTSAMS NAS BCINGS PAR YOD PA'I STENG DU RDO RJE'I PHRENG BAS MTSAN PA YIN LA, NYAL 'GRENG GI GSAL KHA GZHUNG NAS BSHAD PA MA

MTHONG YANG, RANG GI GO TSOD MTSAN PA ZHES PA PHAL CHER GYEN 'GRENG YIN PAR MNGON, ZHES GSUNGS KYANG DE TZAM GYIS MI 'GRUB STE DES NA PHRENG PA ZHES PA'I TSIG NUS LA'ANG NYAL STABS YIN PAR GO NYAN 'DUG PAS BRTAG GO, ,STAG LPAGS KYI SHAM THABS RGYAB NAAS MGO GA-YON DU BSTAN NAS DKRIS PA, PHYAG RGYA DRUG GIS BRGYAN PA, DE'I PANG NA YUM RDO RJE PHAG MO DMAR MO SNGAR JI LTA BA BZHIN LA KHA tV'A GA MED PAS PHYAG GA-YON THOD KHRAG 'DZIN PAS YAB KYI MGUL NAS 'KHUD PA, GA-YAS GRI GUG NAM MKHA' LA 'PHYAR BA, ZHABS GNYIS YAB KYI BRLA'I STENG NAS 'KHRIL BA, DE'I MTHAR BDE CHEN GYI LHA MO BZHI SKU GSUNG THUGS KYI DPA' BO DPA' MO, ,SGO MTSAMS MA SOGS KYIS BSKOR NAS 'JA' 'OD KYI GUR GYI DBUS NA BZHUGS PA THAMS CAD KYI GNAS GSUM

, ,DU 'BRU GUSM BKOD NAS LHUAM YIG LAS 'OD SER 'PHROS PHYOGS BCU'I SANGS RGYAS THAMS CAD SPYAN DRANGS NAS BSTIM LA DAG PA MKHA' SPYOD DNGOS DE YIN SNYAM PA'I BLO SHUGS DRAG BSKYED, SGO MTSAMS MA RNAMS KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, BDE CHEN GYI LHA MO BZHIS ME TOG DANG, BDUG SPOS DANG, ROL MO'I BYE BRAG SNA TSOGS DANG, GDUGS RGYAL MTSAN LA SOGS PAS RANG NYID LA MCHOD PAR BSAM, DE NAS RANG NYID RNAL 'BYOR MAR GSAL BA'I THUGS KA NAS MCHOD PA'I LHA MO SPROS NAS AOm AARGHAmSOGS KYIS NGO BO RANG GI LUS LONGS SPYOD YIN PA LA RNAM PA MCHOD RDZAS SU SHAR BAS PHYI MCHOD DANG, AOm GU RU TZAKRA SAMBHA RA SA PA RI W'A RA AOm A'A: H'Um GIS NANG MCHOD PHUNG, SNGAGS DON NI, AOm GONG 'DRA ?, GU RU BLA MA, TZAKRA

'KHOR LO, SAMBHA RA SDOM PA'AM BDE MCHOG ,SA PA RI W'A RA 'KHOR DANG BCAS PA'O, ,'BRU GSUM NI RDO RJE GSUM MTSON GRJE'I GSUNG LHAG PA'I LHA MCHOG BLA MA HE RU KA ,KUN LA MA LTAR BRTZE BA RJE BTZUN MA, ,DPA' BO DPA' MO'I DBANG PHYUG THAMS CAD KYI, ,ZHABS KYI PADMOR GUS PAS PHYAG 'TSAL LO, ,ZHES PA DANG POS YAB, GNYIS PAS YUM, GSUM PAS 'KHR RNAMS LA DMIGS NAS SGO GSUM GUS PAS 'DUD DO, ,SKABS 'DIR MAndAL 'BUL BA'ANG BSHAD LA, MA PHUL KYANG CHOG ,LUS GNAD 'CHA' BA, RLUNG RO BSAL BA, STONG RA SGOM PA RNAMS SNGAR BZHIN SNGON DU BTANG NAS RANG GI LUS KYI DBUS DRANG POR RTZA DBU MA KHYAD CHOS GSUM LDAN SBA LCAG 'BRING TZAM MA SNA LTE 'OG SOR BZHI TZAM NAS JE SBOM DU SONG BA YAR SNE SPYI BO'I TSANGS BUG TU ZUG PA SKAR KHUNG LTA BU STE, 'DUL BA LUNG DU SKAR MAR BLTA

, ,BYED KYI KHUNGS YIN PAR GSUNGS PA LTA BU, LTE BA'I BUG PA'I THAD DU NYI MA'I DKYIL 'KHOR DMAR 'KHYIL LE BAS DBU MA'I MAR SNA BKAG PA'I TSUL GYIS GNAS PA'I STENG DU RANG SEMS RDO RJE RNAL 'BYOR MA MTSON GANG TZAM RGYAN CHA LUGS SNGAR BZHIN LA 'JIGS DU KYI GDAN MED PA SPYAN GSUM NAM MKHA' LA HRIG GE GZIGS PA YAR 'BYON PA LA PHYOGS PA'I GAR STABS LING NGE PAR BSAM, DE NAS 'OG RLUNG SNYAN GSAN 'BEBS PA, STENG RLUNG MNAN PA, 'OG RLUNG RDZOGS PAR 'THEN PAS LTE BA'I RJE BTZUN MA LA SINGS KYI THIM PAR BSAM LA RLUNG BUM PA CAN GSUM SOGS 'DZIN PA ZAB PA'I GNAD YIN, DE NAS LTE BA'I RNAL 'BYOR MAS BRJOD PAR BSAMS LA, DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,BDAG 'DZIN BLO YIN

THONGS PAR BYIN GYIS RLOBS, ,DGOS MED RGYUD LA SKYE BAR BYIN GYIS RLOBS, ,LAM MCHOG 'PHO BA 'BYONGS PAR BYIN GYIS RLOBS, ,'PHYUG MED MKHA' SPYOD BGROD PAR BYIN GYIS RLOBS, ,BDAG 'DZIN BLOS MA THONGS NA BYA NAM MKHAR 'PHUR BA'I GSHOG PA RDO LA BTAGS PA BZHIN 'PHO MI NUS LA, BDAG 'DZIN LA BDEN PAR 'DZIN PA DANG BDAG TU 'DZIN PA GNYIS YOD, DE DANG BRAL DGOS PA'O, ,GZHUNG 'GAR LAS SBYOR GYI TSE, 'PHO BA THEBS PAR ZHES BSGYUR SNANG YANG, GZHAN LA 'PHO BA BYA NA DE LTAR BYA'I RANG NYID LA NI LAS SBYOR GYI TSE'ANG SNGA MA LEGS SO, ,TSIG DON GZHAN RNAMS NI GO SLA ZHING GSOL BA 'DEBS PA NI, RMOR CHEN GYIS MDZAD PA'O, ,DE LTAR GDANGS DBYANGS KYIS GSOL 'DEBS LAN GSUM GYI MTHAR 'OG RLUNG DRAG TU 'THEN TE AI'I

, ,ZHES BRJOD PA DANG RNAL 'BYOR MA MGRIN PA'I BAR NA RA RA BYUNG, DE NAS HIG BRJOD PAS, SKAR MDA' 'PHANGS PA LTAR DMAR NAR GYIS SONG BA TSANGS BUG NAS THON MDUN GYI GTZO MO'I YUM GYI SOG HRAG NAS YAB KYI THUGS KHA'I H'Um YIG LA THIM NAS BDE STONG LA CUNG ZAD BZHAG ,STENG RLUNG RDUB PA DANG MNYAM DU THUGS KA NAS RANG RNAL 'BYOR MAR GSAL BA DAL BUS TSANGS BUG NAS DBU MAR BDE KHRIL GYIS ZHUGS LTE BA'I NYI GDAN LA BZHUGS PAR BSAM LA RLUNG KHA SBYAR 'DZIN SLAR YANG SNGAR LTAR BYAS NAS THUN RER LAN BDUN LA SOGS PA BYA, 'GA' ZHIG TU HIG DANG KA NGAG TU BRJOD PAR GSUNGS KYANG 'JUG PA BDE BA'I PHYIR RLUNG SBYOR LA BRTEN PA GONG BZHIN BYA LA SPOG CHOG GI HIG 'DON PA, LCANG SKYA'I DGONGS PA YANG YIN PAS DE BZHIN BYA, NYIN RE BRAM ZE GSOD PA DANG MTSAMS MED BYED PA

SOGS KYI SDIG CAN YANG LAM 'DI LA BRTEN NA MKHA' SPYOD DU 'GROD PA LA SOGS PA'I PHAN YON DRAN LA BLA MA'I THUGS KAR 'GRO 'DOD SHUG DRAG BSKYED CING, THUGS KAR THIM PA LA MI BDE BA'I DOGS GNAS MED DE, BLA MA YAB YUM 'JA' LUS KYI SKU BRNYES PA YIN PAS THOGS THUG MED PA DANG, RANG NYID LTE BA'I RNAL 'BYOR MA YANG BAR DO'I LUS SEMS TZAM LAS GRUB PA MTSON BYED YIN PAS BAR DO BA DE LAS KYI SKYE GNAS MA GTOGS SHIN TU SRA BA'I RDO RJE'I BRAG RI SOGS LA'ANG THAL BYUNG DU 'GRO NUS PA'I LAS GRUB PA'I RDZU 'PHRUL GYI MTHU DANG LDAN PA YIN PA'I PHYIR RO, ,DE NAS THUN BSDU BA'I TSE MDUN GYI GTZO 'KHOR RNAMS MTHA' NAS RIM BZHIN SENG KHRI DANG BCAS PA YAB YUM LA THIM, YAB YUM GNYIS KYANG JE CHUNG GIS MTHAR RGYA SRAN TZAM DU GYUR PA TSANGS BUG NAS DBU MA'I NANG DU BDE KHRIL GYIS BYON, SNYING KHAR PHA LAS THOB PA'I KHAMS DKAR PO

, ,STENG DANG, MA LAS THOB PA'I KHAMS DMAR PO 'OG TU BYAS NAS LCOG SGONG TZAM DBYIBS ZAR MA'I ME TOG GAM, SGO DE LTA BU 'OD KYI RANG BZHIN CAN GYI DBUS SU BZHUGS YAB KYI THUGS KAR NYID DKYIL YUNGS 'BRU PHYED GSHAGS TZAM GYI STENG DU H'Um YIG LAS BDUD RTZI DKAR PO'I RGYUN BABS PAR BSAM, TSANGS BUG NAS 'OD DMAR PO RDO RJE RGYA GRAM GYI DBYIBS CAN 'OD ZER DMAR PO 'PHRO BAS RLUNG SIR BU TZAM YANG MI THAR BAR BKAG LA SRA ZHIG 'THAS PA BSKAL PA'I RLUNG SOGS KYIS KYANG GZHOM GZHIG MI NUS PAR BSAM, SNYING KHA'I YAB KYIS RANG SEMS RNAL 'BYOR MAR GZIGS, DES KYANG YAR GZIGS SHING BYON NAS YUM LA THIM PAS SNYOMS PAR ZHGS PAS BDE STONG GIS MNYES PAR BSAM, DE NAS DBEN SA SNYAN RGYUD KYI GDAMS PA RMAD DU BYUNG BA SHIN TU ZAB CING GNYAN PA CHOS KYIRGYAL PO LA GNYER GTAD KYIS

BKA' RGYA SHIN TU DAM PA YOD PA'I TSE SGRUB KYI MCHOG SROG 'DZIN GYI RLUNG LA RDOR BZLAS BYA BA NI, BDE CHEN GYI 'KHOR LO'I THAD, DBU MA'I NANG NA SROG 'DZIN GYI RLUG GI NGO BOR RANG MDANGS DKAR PO 'OD ZER SNA LNGA 'PHRO BAR BSAMS LA BSGOM, DE NAS STENG RLUNG SHIN TU DAL BA CUNG ZAD RDUB NAS MNAN PA DANG SNYAM DU LUNG DE AOm GYI RANG GDANGS GYIS DBU MA'I NANG DU NAR GYIS BYUNG BA THIG LE DKAR DMAR LA SIB KYIS THIM, 'JUG PA'I YUN DANG MNYAM PA'I A'A:'I GDANGS KYIS CUNG ZAD GNAS PAR BSAM, RLUNG DAL BUS GTONG BA DANG MNYAM DU H'Um GI GDANGS KYIS DBU MAR BRGYUD DE BDE CHEN GYI 'KHOR LO'I THAD DU SLEBS PAR BSAM, RANG NYID SNYING KHA'I HE RU KA'I H'Um YIG LA SEMS ZHUGS PA BZHIN BYAS NAS SNGAGS KYI GDANGS NYAN PA'I TSUL GYIS 'JUG LDANG GNAS GA-YUM GYI RDOR BZLAS JI LTAR RIGS PAR BYA,

, ,MTHAR 'JOG PA NA A'A:'I GDANGS KYIS GNAS PA'I MTSAMS SU BZHAG NAS GTOR 'BUL SOGS BYA'O, ,SROG 'DZIN GYI RLUNG LA YI GE GSUM GYI GDANGS KYIS LDANG 'JUG GNAS GSUM BYAS PA'I YI GE GSUM NI SANGS RGYAS THAMS CAD, 'KHOR LO SDOM PA'I LHA TSOGS THAMS CAD KYI NGO BO YIN LA, DE LA BRTEN NAS TSE RING BA DANG, DPA' BO MKHA' 'GRO SOGS DBANG DU 'DU BA DANG, NYAMS RTOGS KYI YON TAN RGYAS PA LA SOGS PA PHYAN YON MTHA' YAS PAR GSUNGS SO, ,DE LTAR 'PHO BA NYAMS LEN PA LA GCIG GIS CHOG KYANG KHRID RGYUN MI NYAMS SHING GANG MOS LA BYA BA'I PHYIR YUM RKYANG GI 'PHO BA MDO TZAM BRJOD PA LA, RTZA BA'I BLA MA DGA' LDAN DAR RGYAS DPAL BZANG PO'I ZHAL SNGA NAS KYIS, YAB YUM GYI 'PHO BA THUN MONG MIN PA RNAMS MA GTOGS THUN MONG BA GCIG TU MI GSAL BA GCIG

TU GSAL BA RNAMS KHA 'GENGS DGOS GSUNGS PA LTAR, SNGON 'GRO LA SOGS PA'I BYINGS NI SNGAR LTAR YIN LA, MI 'DRA BA'I KHYAD PAR DBU MA'I MAR SNYE LTE BA'I BUG PA'I THAD DU CHOS 'BYUNG DMAR PO RTZA BA THUR DU BSTAN NAS BKAG PA'I NANG DU RANG SEMS BAm YIG DMAR POR GSAL BA DANG, SPYI BO'I THAD KYI MDUN GYI NAM MKHAR SENG KHRID PAD ZLA'I GDAN LA BLA MA RDO RJE RNAL 'BYOR MA RANG LA DGYES SHING 'DZUM PA'I TSUL GYIS BZHUGS PA LA DPA' BO MKHA' 'GROS BSKOR BA 'JA' 'OD KYI GUR GYI DBUS NA BZHUGS PA LA DAG PA MKHA' SPYOD DNGOS YIN SNYAM PA'I 'DU SHES BZHAG ,AOm BADZRA YO GI NI SOGS KYIS MCHOD, DPAL LDAN RDO RJE MKHA' 'GRO MA SOGS KYIS BSTOD NAS GSOL 'DEBS SNGAR BZHIN BYA, RLUNG SBYOR SNGAR BZHIN BYAS LA BAm YIG DBU MA'I NANG NAS SPYI BOR THON PA BLA MA RDO RJE RNAL 'BYOR MA'I LTE BAR ZHUGS THUGS KA'I BAm YIG LA THIMS NAS

, ,BDE STONG LA MNYAM PAR CI NUS 'JOG ,SLAR LTE BA NAS BAm YIG THON PA RIM GYIS CHOS 'BYUNG GI NANG DU GNAS PAR BSAM LA RLUNG SNGAR BZHIN 'DZIN NO, ,GNYIS PA NI, GCIG BSGRIL DU BYAS NAS SBYONG BA'I TSE ZHAG BDUN YAm SOGS PAR THUN BZHI'I NGES PA MED PAR SBYANGS NAS, SPYI BO ZA BA DANG, 'PHRIG PA DNG, SKRANGS PA SOGS RTAGS GSAL BAR BYUNG BA NA DE NAS MA BRJED TZAM BYA'I CAD DRAGS NA THAL BA'I NYEN YOD PAS RAN PAR BYA'O, ,GNYIS PA LAS LA SBYOR BA NI, RANG LA 'CHI LTAS SHAR BA NA BZLOG THABS BYA ZHING, GAL TE MA BZLOG NA DNGOS PO THAMS CAD MCHOD SBYIN DU BTANG LA GANG LA'ANG CHAGS ZHEN MED PAR BYAS NAS NYAMS LEN SNGAR MI LTA BA BZHIN LA THUGS KA NAS SLAR MI THON, BLA MA'I THUGS DANG RANG SEMS DBYER MED DU 'DRES PAR BSAM LA PHAt BRJOD PAR YANG GSUNGS PA KHA DBUGS

MA CHAD KYI BAR DMIGS PA YANG YANG BYA ZHING GNAD GCOD KYIS GDUNG BA SOGS KYI TSE GROGS DAM TSIG GTZANG BAS RNA KHUNG NAS GSAL 'DEBS PA SOGS BYA'O, ,YANG THUN MONG MA YIN PA'I 'PHO BA'I GDAMS NGAG GSUM BSGRIL LA, ZHAL SHES YIG CHUNG BZHIN LJAGS BSHAD STZAL BA NI, SKYABS 'GRO NAS SPYOD LAM GYI BAR BTANG LA, SPYOD LAM GYI LHA DE YANG RGYAN LDAN PHYAG MTSAN MED PA'I LHAR LANGS TE, YAB YUM LHAN SKYES LA BRTEN PA DANG, YUM RKYANG LA BRTEN PA, YAB RKYANG LA BRTEN PA YOD PA DANG, TA RA N'A THAS LHAN SKYES ZHES PA YAB YUM GNYIS KA ZHAL GCIG PHYAG GNYIS PA YIN PA LA ZER GSUNG PA DANG, MKHAS GRUB RIN PO CHES NI 'KHOR JI 'DRA YOD KYANG LHAN SKYES DANG, DPA' GCIG MI ZER BA DANG, DPA' GCIG LA YANG LHAN SKYES MI ZER, ZHAL PHYAG MANG NYUNG JI 'DRA YOD KYANG 'KHOR MED LA YUM YOD PA LHAN SKYES YIN

, ,GSUNG NGO, ,LUS GNAD 'CHA' BA, RLUNG RO BSAL BA, STONG RA SGOM PA GONG BZHIN BYAS NAS DBU MA DMAR PO LTE 'OG LAS CUNG ZAD RING BA'AM MNYAM PA GANG RIGS KYI MAR SNA MDA' SNYUG TZAM GYI SBRUL MJUG LTA BU'INANG DU CHOS 'BYUNG GI 'OG ZUR DANG, DBU MA 'DRES PA LTA BUR YOD PA'I DUBS SU RANG SEMS BAm YIG GI NGO BO SRAN MA TZAM GSAL BTAB LA DBU MA JE SBOM DU SONG BA, YAR STE SBA LCAG 'BRING PO TZAM THAL LE GNAS PA, 'DI RDO RJE 'CHANG GI MKHA' 'GRO MA NI GU MA LA GNANG, DES MKHAS GRUB KHYUNG POR BRGYUD PA SHANGS PA BKA' BRGYUD LA DAR BA NI GU CHOS DRUG GI NANG TSAN ME TOG DKAR DMAR GYI 'PHO BA GNYIS DANG, N'A RO MKHA' SPYOD BCAS KYI 'PHO GSUM SGRIL GYI GDAMS PA 'DI 'CHAD PA SKABS SU BABS PA YIN PAS, RANG GI PHRAG PA GNYIS SU RNAL 'BYOR MA'I ZHABS GA-YAS GA-YON

BHA DANG RANG GI DBU MA KHA DA CHAD DU YOD PA, DE'I MTHAR 'JA' 'OD KYI GUR PHUB PA'I NANG DU DPA' BO DANG, MKHA' 'GRO MA'I TSOGS SPYIN 'KHRIGS PA BZHIN DU BSKOR NAS BZHUGS PA LA DAG PA MKHA' SPYOD DNGOS YIN SNYAM PA'I 'DUN PA SHUGS DRAG PO BYAS LA, DPA' BO 'GA' ZHIG RANG DAG PA MKHA' SPYOD DU 'PHO BA LA GEGS BYED PA'I BGEGS BYED PA'I BGEGS RNAMS BSRUNG BA DANG, 'GA' ZHIG SHIS PA BRJOD PA DANG, DPA' MO 'GA' ZHIG GIS RDO RJE'I GLU LEN PA DANG, 'GA' ZHIG CHU GNYIS NYER SPYOD DANG, ROL MO'I BYED BRAG SNA TSOGS DANG GDUGS DANG, RGYAL MTSAN LA SOGS PA MTHA' YAS PA'I DBUS SU BZHUGS PA'I RNAL 'BYOR MA LA SOGS PA'I THUGS KA NAS 'OD ZER DMAR PO LCAGS KYU LTA BU PHYOGS BCUR SPROS PAS PHYOGS BCU'I SANGS RGYAS DANG BYANG CHUB SEMS DPA' THAMS CAD SPYAN DRANGS NAS

, ,THIMS PAR BSAMS LA, AOm BADZRA YO GI NI SOGS KYIS MCHOD, AOm GSUM MA LA 'BRU GSUM BTAGS PAS NANG MCHOD PHUL, DPAL LDAN RDO RJE MKHA' 'GRO MA SOGS KYIS BSTOD PA BYAS LA, RANG SEMS BAm YIG TU GSAL BA, YAR BLTAS PAS BLA MA RJE BTZUN MA'I THUGS KAR BRAm YIG GDAN MED PA'I RNAM PA GSAL SENG NGE MTHONG BA DE DANG RANG SEMS BAm YIG TU GSAL BA SHIN TU DVANGS PAR GSAL BTAB, DE LA SEMS ZHUGS PA BZHIN DU BYAS NAS DAG PA MKHA' SPYOD DU DA LTA NYID DU DRANG DU GSOL SNYAM DU DUS GSUM NAS GSOL BA 'DEBS SO BDAG GDZIN NAS 'GROD PAR BYIN GYIS RLOBS, ,ZHES LAN GSUM GYIS GDUNG SHUGS DRAG POS GDUNG DBYANGS BCAS TE GSOL BA BTAB PAS, BLA MA RJE BTZUN MA'I THUGS KA'I BAm LAS 'OD ZER DMAR PO LCAGS

KYU LTA BU BYUNG BA RANG GI TSANGS BU BYUNG BA RANG GI TSANGS BUG NAS ZHUGS BAm YIG THIG LE MGO BO DANG BCAS PA LA BTAB, 'OG RLUNG MDUN NAS 'THEN PA DANG AI'I ZHES BRJOD PA MNYAM DU MGRIN PA'I BAR NA RA RA BYUNG DE NAS HIKA BRJOD PAS BLA MA'I THUGS KA'I BAm YIG LA THIM PAR BSAM LA, DAG PA MKHA' SPYOD DU SLEBS BYUNG SNYAM DU BDE STONG LA MNYAM PAR 'JOG ,DE NAS KA ZHES BRJOD PA DANG MNYAM DU LTE BAR PHAB, KHRID KYI SKABS THUN RER LAN NYER GCIG RE BYA, DE NAS LTE BA'I DMIGS RTEN SNYING KHAR DRANGS, DPA' BO MKHA' 'GRO RNAMS 'OD DU ZHU NAS RNAL 'BYOR MAR BSTIM, RNAL 'BYOR MA 'OD DU ZHU NAS SNYING KHA'I BAm YIG LA BSTIM, DBU MA'I NANG 'CHI MED TSE'I BDUD RTZIS GANG, TSANGS BUG 'OD DMAR PO RDO RJE RGYA GRAB DANG, DE'I BAR SENG RNAMS KYANG RDO RJE'I RDUL PHRA RAB KYIS BKAG NAS STENG NAS

, ,CHU DANG 'OG NAS RLUNG SIL BU TZAM YANG THAR MI NUS PAR BSAM LA BSNGO BA SMON LAM BYA'O, ,RJES SU SBYONG TSE ZHAG BDUN LA SOGS PA MTSAMS BCAD KYI THUN BZHING BYAS LA GRANGS NGES BZUNG MED PAR SBYANG BAS SPYI BO 'PHAR BA SOGS KYI RTAGS MA BYUNG BAR DU SBYANG LA DE NAS MA BRJED TZAM LAS MI BYA STE, 'PHO RAB TSE THUNG GSUNGS, LAS SBYOR GYI TSE 'CHI LTAS BYUNG BA NAS BZLOG THABS SOGS BYAS LA, NYAMS LEN SNGAR BZHIN LA THUGS KA NAS SLAR MAR MI 'BEBS PAR NAM MA THEBS GYI BAR LA BLA MA'I THUGS KAR 'PHO BA'I DMIGS PA GDUNG SHUGS DRAG POS BYA BA YIN NO, ,TSAR CHEN GYIS, NANG GI PHAG MO'I ZHES SOGS GSUNGS PA 'DIR SBYAR BA YOD MOD, BSAM MI KHYAB THUN MONG MA YIN PAR SBYAR NA LEGS PAS SANG ZHU RGYU YIN, 'PHO BA'I PHAN YON NI, NYIN RE BRAM ZE GSOD PA DANG, ,MTSAMS MED

LNGA PO BYED PA DNAG, ,BRKU 'PHROG 'DOD LA SPYOD PA DANG, ,ZHES GSUNGS PA LTAR RO, ,SPYIR 'PHO BA THEBS PA'I RGYU GAL CHE SHOS DAM TSIG DANG SDOM PA MA NYAMS PA DANG, BLA MA'I DAM TSIG MA NYAMS PA GAL SHIN TU CHE BAR GSUNGS PAS BDAG LEGS SU 'DOD PA RNAMS KYIS TZAB TZUB KYIS BLA MA MI BSTEN PA DANG, BSTEN NAS DENG NAS BYANG CHUB BAR DU DAM TSIG DANG MI 'BRAL BA'I SMON LAM SNYING KHONG RUS PA'I GTING NAS 'DEBS DGOS SO, ' ,NUB NYER BZHI PAR, ZHAL SHES GSUM PA THUN MONG MIN PA'I PAS MA MI KHYAB TSAR CHEN GYIS MDZAD PA BZHIN LA, ZHAL SHES 'DI DAG SNGA MO TSIG RGYUD LAS MI GNANG ZHING, TSAR CHEN DANG RGYAL MCHOG LNGA PA'I SKU DUS SOGS DAD LDAN RE RE NAS STON PA LAS, LHAN DU MI GNANG LA, SNGA LO GSUM TZAM GYI DBANG DU BYAS KYANG, JE MANG DU SONG RUNG 'DI DAG SHIN TU GSANG BA BYED DGOS TE, SPYIR GSANG STE SPYOD

, ,PAS NA GSANG SNGAGS ZHES BYA BA'I GSANG SGROG GI LTUNG BA PHOG TSUL GONG DU BSHAD ZIN PA LTAR DANG, GLEGS BAM DANG, BRIS 'BUR GYI SKU SOGS BLA MED SOGS KYI DBANG MA THOB LA STON MI RUNG BA DANG, SGRUB DKYIL BDE CHEN GSAL SGRON 'DIR 'PHO BA DANG BSAM MI KHYAB THUN MONG MA YIN PA GNYIS MA GTOGS ZHAL SHES PHAL CHER BKOD STABS SU RUNG RUNG LA MI STON PA DANG, KHYAD PAR KHRID DPE DANG 'BREL GTAM GYI TSUL DU ZAB GNAD GLENG BA SOGS NI SNYAN RGYUD TSAD MA BZHI LDAN MA THOB NA BDE DGYES LA SOGS PA'I DBANG DANG RJE BTZUN MA'I BYIN RLABS THOB KYANG, DE DAG RANG GAR STON PA MI RUNG BAS RANG GZHAN LA PHAN PAR 'DOD PA DAG GIS 'DI DAG LA GZAB ? PAR BYA 'TSAL LO, ,DE YANG THUN MONG MIN PA NANG GI MKHA' SPYOD ZUNG 'JUG GI GO 'PHANG DON DU GNYER NA BSKYED RIM PHRA RAGS

MTHAR PHYIN PA DANG, BSAM MI KHYAB SNGAR LTAR BYAS NAS RDZOGS RIM LA BSLAB DGOS KYANG, THUN MONG BA PHYI'I DAG PA MKHA' SPYOD DON DU GNYER NA BLA MED GZHAN RNAMS LA BSKYED RIM RAGS PA MTHAR PYIN NAS LAS LA SBYAR NA, MKHA' SPYOD LA SOGS PA'I THUN MONG GI DNGOS GRUB GRUB PA CHEN PO BRGYAD LA SOGS PA THOB NUS PAR GSUNGS LA, 'DIR GANG ZAG DBANG PO RAB LA RAGS PA MTHAR MA PHYIN KYANG GZHI BSNYEN KHA SKONG GI SBYIN SREG DANG BCAS PA SONG, DAM SDOM TSUL BZHIN DU BSRUNG NAS LAS SBYOR BYA BA GSUNG ZHING, LAS SBYOR DNGOS GZHI NI BSAM MIKHYAB 'DI YIN NO, ,DE YANG YAB LA BRTEN NAS MKHA' SPYOD SGRUB PA DANG, YUM LA BRTEN NAS MKHA SPYOD SGRUB PA, SKYE BA BDUN PA LA BRTEN NAS SGRUB PA SOGS YOD CING, SKYE BA BDUN PA NGOS 'DZIN LUGS LA,

, ,ZAB ZE SKYE BA BDUN PA YIN BYA BA DNAG, DGE SLONG SKYE BA BDUN PA YIN BYA A SOGS SNANG, BDE MCHOG RTZA RGYUD LAS MI NAS MIR SKYE BA GZHAN GYI BAR MCHOD PAR SKYE BA BDUN BLANG BAR GSUNGS, DE LA SKYE BA BDUN PA'I SHA YIN PAR BZHED PA YOD NA'ANG, SNYING GA NA RO TZAN BYA BA GUR GUM GYI MDOG LTA BU YOD PA RTZA RGYUD LAS GSUNGS LA, BLA MA RNAMS MDOG SER PO SGANG BU CHUS BKANG BA LTA BU YOD PAR GSUNG ZHING, DE YOD PA'I RTAGS NI, MI DE NGANG RGYUD DAL ZHING KHONG KRO CHUNG BA MIG MYUR POR MI 'DZUM PA, LUS DANG KHA'I DRI ZHIM PA, GRIB MA RIM PA BDUN YOD PA, 'GRO LUGS BYA NGANG PA 'GRO BA LTAR BYED NA RO TZA NA YOD PA'I RTAGS YIN PAS, DE BLANGS PA'I THABS NI 'GA' ZHIG GI DE BYANG SEMS SNYING STOBS CAN YIN PAS LUS STOS MED DU STER BA YIN ZER BA DANG, YANG LAS SBYOR BYAS NAS BSAD PAR BYA BA

SOGS BSHAD KYANG, RJES DE DAG BKAG NAS RANG SHUGS KYIS SHI BA NA RO'I SNYING GA NAS BLANG BAR GSUNGS PA LTAR BYA BA YIN PAS RANG NYID BDE MCHOG GI BSNYEN PA SNGON DU 'GRO BAS DE LA SNGAGS BTAB STE, DPRAL BAR BYUGS NA MKHA' SPYOD LA SOGS PA'I THUN MONG GI DNGOS GRUB 'GRUB PAR GSUNGS SO, ,'DIR NI RJE BTZUN YUM RKYANG LA BRTEN NAS SGRUB PA 'DI'I BSKYED RIM DANG KHYAD PAR GZUNGS SNGAGS NGAG BZLAS GTZO BO YIN PAS DUS RGYUN DU DAM BCA'I GRANGS LA MA LTOS PAR CI NUS BZLAS PA MKHA' SPYOD SGRUB PA'I THABS THUN MONG BA DANG, THUN MONG MA YIN PA 'DI YIN, ZHAR BYUNG RDZOGS RIM GNYIS SAM, RDZOGS RIM GZHAN GSUM GYI MJUG TU BYA BA YIN PAS BSKYED RIM SNGON LA SONG NA 'DI'I GROGS SU 'GRO BAS LEGS PA DANG, BSDU NA SKAD CIG GIS RNAL 'BYOR MAR GSAL BAS CHOG PAS RLUNG RO BSAL MI DGOS, LUS

, ,GNAD DANG LDAN PA STONG RA YUD TZAM SGOM NAS LUS KYI DBUS DRANG POR RTZA DBU MA 'JAM ZHING MNYEN PA PADMA'I SKUD PA LTA BU SBUBS CAN DE NI SRIN BU PADMA ZHES BYA BA'I KHA CHU DAR SKUD DU SONG BA YOD PA LA BSHAD PAS DON DU DAR SKUD LTA BU SHIN TU PHRA BA'AM, STONG SKUD 'BRING PO TZAM BYAS KYANG CHOG ,DRANG ZHING 'DRONGS PA CHU SHING GI SDONG PO LTA BU, DMAR ZHING SNUM PA RGYA SKYEGS KYI ME TOG GI KHU BA LTA BU, GSAL ZHING DVANGS PA TIL MAR GYI MAR ME LTA BU STE, KHYAD CHOD BZHI LDAN MAR SNE LTE BA'I BUG PA'I THAD BU LA DMAR PO'I NGO BO RANG SEMS RNAL 'BYOR MA RGYA SRAN TZAM CHA LUGS RGYAN SNGAR BZHIN LA BDAN MED PA, DE'I DBU GTZUG TU ZUG PA, YAR SNE SPYI BOR ZUG PA, DE'I GA-YAS SU ROM DANG, GA-YON DU RKYANG MA MAR SNE RNAL 'BYOR MA'I ZHABS DANG MNYAM ZHING, YAR SNE SNA GA-YAS GA-YON DU ZUG PA, GNYIS KA GRO SOG TZAM BSAM, LTE BA'I RNAL 'BYOR MA LA SEMS ZHUGS PA BZHIN BYAS NAS NGA RGYAL

DANG GSAL SNANG BTON LA RTZA LAM SBYONG BA ZHES PA, LDE'I THUGS KA NAS RNAL 'BYOR MA NAS RDOG TZAM SHIN TU CHUNG BA ZHIG CHAD PA RO MA'I NANG DU ZHUGS NAS RLUNG PHYIR 'BYUNG BA DANG MNYAM DU SNA GA-YAS NAS THON PA SNA'I RTZE MONG BZHUGS, DE LAS RANG 'DRA DPAG TU MED PA NYID ZER GYI RDUL LTA BU PHYOGS BCU'I 'KHOR 'DAS THAMS CAD LA SPROS, 'KHOR BA'I SNOD BCUD THAMS CAD LA 'OD ZER GYIS RIG PA TZAM GYIS BCUD THAMS CAD RDO RJE RNAL 'BYOR MA DANG SNOD THAMS CHOS 'BYUNG DU GYUR, RGYAL BA SRAS DANG BCAS PA THAMS CAD LA GSANG BA DANG DE KHO NA NYID KYI MCHOD PA PHUL BAS DGYES SHING RDO RJE RNAL 'BYOR MA'I RTAN DANG BRTEN PAR GYUR PAR BSAM LA 'KHOR 'DAS KYI SNOD THAMS CAD RNAL 'BYOR MA RNAMS LA THIM, DE RNAMS SPROS PA'I RNAL 'BYOR MA RNAMS LA THIM, DE RNAMS DANG LHAN CIG RANG GI CHOS 'BYUNG ME RI DANG BCAS PA THAMS CAD SNA RTZE'I RNAL 'BYOR MAR THIM, DE NYID RLUNG NANG DU RDUBS PA DANG MNYAM DU SNA

, ,GA-YON NAS RKYANG MA'I NANG RGYUD NAS BYUNG BA, LTE BA'I RNAL 'BYOR MA'I THUGS KAR STIM LA RLUNG BUM PA CAN CUNG ZAD 'DZIN, YANG SNGAR BZHIN SPRO BSDU LAN GSUM TZAM BYA, DE NAS LTE BA'I RNAL 'BYOR MA'I THUGS KA NAS 'OD ZER DMAR PO DPAG MED 'PHROS PA PHYI'I LUS LA PHOG PAS 'OD DMAR PO'I RNAM PAR GYUR NAS RKANG LAG BZHI BUM LTIR LA THIM PAR BSAM LA BUM LTIR DANG, MGO BO DBYIBS RANG GNAS 'OD KYI RANG BZHIN CAN GYI DBUS NA RANG SEMS RNAL 'BYOR MA RTZA GSUM DANG BCAS PA DVANGS SHING GSAL BA DAG PA MKHA' SPYOD LA 'BYON PAR CHAS NAS YAR TZAM 'BYON PA NA RTZA DBU MA DBU GTZUG NAS THIM, RO RKYANG GNYIS KYI SNE MO GUG PA ZHABS MTHIL GNYIS SU ZUG ,DE NAS RTZA RNAMS GNAS DE DAG TU THIM PA DANG MNYAM DU SNYING KHAR BYON, DE MAN CHAD KYI BUM LTIR LA TSUR THIM, MGRIN PAR BYON RTZA

DANG LUS SNGAR BZHIN THIM SPYI BOR BYON RTZA DANG LUS THAMS CAD THIM, SLAR NAM MKHA'I MTHONGS LA YAR SKAR MDA' BZHIN DU DMAR NA RA RA JE CHUNG JE CHUNG DU SONG BA SHIN TU MA THO BA SLEB PAR PAR BSAM LA DE NAS NAM MKHA'I DBYINGS DANG DBYER MED DU 'DRES NAS STONG YAL DU SONG BAR MOS SHING DAG PA MKHA' SPYOD DU DNGOS SU SLEBS BYUNG SNYAM LA DGA' SPRO DANG BCAS BDE STONG LA CI NUS SU 'JOG ,TSAR CHEN GYIS SLAR NAM MKH'AI DBYINGS DE NYID DU RNAL 'BYOR MA MTHEB SOR TZAM DU LAM GYIS BZHENGS PAR MOS LA BYA NAM MKHA' NAS BABS YONG BA BZHIN SNGAR GYI GNAS SU SLEB PAR BSAM LA PHYI'I RNAL 'BYOR MA DANG, RTZA GSUM BCAS GSAL SNGAR BZHIN BTAB GSUNGS KYANG, SLAR MAR BABS PA 'DI BAG CHAGS NGAN DOGS PA ZHIG 'DUG PAS BDE STONG DE'I NGANG NAS DAG PA MKHA' SPYOD YIN SNYAM DU

, ,ZHING DANG, RANG RNAL 'BYOR MA JI LTAR 'TSAMS PA ZHIG TU LANGS LA NANG GI RNAL 'BYOR MA DANG RTZA GSUM BCAS SNGAR BZHIN GSAL BTAB NAS GNAS DE NAS YAR KA SONG BAR MOS NA LEGS PAR 'DUG PA BZHIN BYAS NA, LAN GSUM LNGA BDUN JI LTAR RIGS PA BYA, THUN 'JOG PA'I TSE BDE STONG DE'I NGANG LAS RNAL 'BYOR MA CHE CHUNG BLO DANG 'TSAMS PAR LANGS NAS RANG GI GNAS RNAMS SU GO CHA DANG TSAMS RNGAMS SOGS BYA'O, ,DE LTA BU'I TSUL GYIS BSKYED RIM NGAG BZLAS DANG BCAS PA GCIG SGRIL DU BYAS NAS NYAMS SU BLANG NA DUS RE ZHIG NA RDO RJE RNAL 'BYOR MA BUD MED THA MAL PA SGRA DANG MIG DMAR SER CAN GYI RNAM PAR BYON NAS RNAL 'BYOR PA'I LAG PA'I MKHRIG MA NAS BZUNG NAS MKHA' SPYOD DU KHRID PAR 'BYUR TE, DE NI DBANG PO RAB YIN NO, ,DE LTAR MA GYUR NA DAM SDOM TSUL BZHIN DU

BSRUNG ZHING RNAL 'BYOR LA BRZON PAR BYAS NAS, 'CHI KHAR 'DI NYID NYAMS SU BLANGS PAS DAG PA MKHA' SPYOD DU 'GRO BA'I RGYUR 'GRO BAR MA ZAD, LUS SEMS MA BRAL BA'I DBANG GIS 'PHO BA GZHAN LTAR TSE THUNG BAR YANG MI 'GYUR BAS 'PHO BA'I YANG MCHOG TU BSNGAGS LA, NYER BSDU YANG YIN PAS, 'DI LA NGOR LUGS PA RNAMS RNAL 'BYOR MA'I 'PHO CHUNG DANG, RDZONG CHUNG BLA MA GZUNGS KYI DPAL BA SOGS NANG GI RNAL 'BYOR MA ZHES GRAGS ZHING, KHA'U BRAG RDZONG PA'I RING LUGS 'DI LA BSAM MI KHYAB THUN MONG MIN PA ZHES GSUNGS SO, ,SPYIR RJE BTZUN RDO RJE RNAL 'BYOR MA 'DIL BRTEN NAS MKHA' SPYOD DU PHEBS PA'I LO RGYUS MTHA' YAS SHING, RAGS BSDUS RJE BTZUN KUN DGA' GROL MCHOG GIS MDZAD PA'I RNAL 'BYOR MA'I CHO GA'I MJUG TU GSAL BZHIN STZAL BA DANG, SNGON 'GRO DNGOS GZHI SOGS

, ,BYINGS SA BCAD RGYAS PAR NGO SPROD GNANG NAS, BSAM MI KHYAB CES PA 'DI MJUG TU SGER GSAL DU GSUNG BA YANG SHIN TU GSANG BA CHE BA'I DBANG GI GNAD KYIS YIN GSUNG, TSAR CHEN GYIS NANG GI PHAG MOS ZHES SOGS SHO LO KA GCIG PO 'DI RDO RJE BRAG SPRUL PA'I SKUS 'PHO BA LA SBYOR BA GNANG 'DUG CING, TSAR CHEN RANG GI DGONGS PA BSAM MI KHYAB THUN MONG MA YIN PA'I SMIN LAM YIN NAM SNYAM STE, NANG GI PHAG MO LTE BA'I KHAMS DMAR PO RNAL 'BYOR MA'I NGO BOR ZHUGS PA DE SNA RTZER DRANGS TE 'KHOR 'DAS THAMS CAD BSDUS PA'I PHYI GZUNG BA'I YUL DANG 'DZIN PA'I RNAM RTOG THAMS CAD KYI 'KHRI SHING DE RNAMS BCOM PA DANG, YANG LTE BAR DRANGS LA DE'I ZHABS GA-YAS GA-YON LA RO RKYANG GNYIS THIM PAS NI GA-YAS RO MAR GZUNG RLUNG DRUG RGYU BA DE DANG, GA-YON RKYANG MAR 'DZIN PA'I RLUNG DRUG RGYU BA STE,

NANG GI GZUNG 'DZIN GNYIS KYI 'KHRI SHING DE BCOM PAR SHOG CES DANG, MCHOG GI DH'U t'I DE DBU GTZUG NAS RIM BZHIN THIM NAS GAR MKHAN LTA BU'I RNAM 'GYUR DANG LDAN PAS SBYIN GTZUG TSANGS PA'I SGO NAS SPRIN LAM NAM MKHA'I DBYINGS SU GSHEGS NAS, KHRAG 'THUNG NGAM RDO RJE THOD KHRAG CES PA BDE BA MCHOG GI MTSAN GYI RNAM GRANGS YIN PAS DE DANG 'KHYUD CING DU RTAG TU BDE BA CHE LA ROL BAR SHOG ,CES GSUNGS PA LTAR RO, ' ,NUB NYER LNGA BAR, PHYOGS LAS RNAM RGYAL GYI SPYOD PA SOGS BSTEN NAS 'BRAS BU THUB PA DANG, TSAR CHOS KYI RGYUN GYI NYAMS LEN SNYING POR DRIL TSUL BSTAN PA LA, RTZA BA'I SA BCAD SNGON 'GRO DANG, DNGOS GZHI GNYIS SONG NAS GSUM PA RJES KYI BYA BA LA 'BRAS BU GRUB PA DANG, TSAR CHOS STON PA LA, SPYOD PA LTA SGOM SPYOD GSUM

, ,GYI NANG TSAN GYI SPYOD PA YIN PAS DE LA YANG GANG ZAG GI DBANG PO'I RIM PAS DMAN PA LA MOS PA CHAGS BRAL GYI SPYOD PA 'DUL BA'I KUN SPYOD DANG, RGYA CHEN PO LA MOS PA LA SA DANG, PHA ROL TU PHYIN PA'I SPYOD PA BYANG SEMS KYI SPYOD PA, ZAB MO LA LHAG PAR MOS PA LA CHAGS CAN GYI SPYOD PA GSANG SNGAGS SPYI DANG KHYAD PAR, BLA MED KYI SPYOD PA GSUM GSUNGS PA LAS 'DIR PHYI MA YIN LA, DE LA YANG YON TAN MA SKYES PA BSKYED PAR BYA BA DANG, SKYES ZIN GONG 'PHEL DU BYA BA'I LAM LA BOGS 'BYIN PA PHYI'I SPYOD PA GNYIS LAS PHYI MA'I DBANG DU MDZAD LA, DE YANG GONG DU BSHAD PA'I RTOGS PA SKYES NAS 'BYUG PAS BSNUN PA SOGS BYAS KYANG MI MNGON PAR BDE STONG DU 'CHAR NA GSANG SPYOD BYA BA LA, SPYOD PA LA DROD CES BRJOD PA SBYOR LAM

'BRING PO YIN TSUL SA LUGS GSUNGS, MKHAS GRUB RJES DE BKAG NAS DROD CES PA MTHU'AM NUS PA LA 'JUG PAR GSUNGS PAS, SPYOD PA BYAS PA'I YON TAN LA NUS PA'I MTHU BSKYED, GSANG SPYOD CES BYA BA KUN 'DAR LA YANG 'JUG CING, DE'I DON RANG GI SPYOD PA MI GZHAN GYIS MTHONG NA DE DAG GI SNYING 'DAR BA BYED PA STE, GA-YANG SAR MCHONG BA SOGS GANGLA'ANG LTOS MED BYED PA LTA BU'O, ,DE RGYA SKAD DU AA WA BHU TI PA 'DIR SPYOD PA LA 'JUG PAS DE BOD SKAD DU, DBU MA DANG, GNYIS SPANG DANG, KUN 'DAR SOGS MANG PO LA 'GYUR LA, GNYIS SPANG DANG, KUN 'DAR SOGS MANG PO LA 'GYUR LA, GNYIS SPANG GI DON NI ZAS LTA BU LA MTSON NA, BRAM ZE DANG, KHYI DANG, GDOL PA'I BU SOGS GANG LA'ANG BTZOG PA LA SOGS PA'I RNAM PA MI BYED PAR ZA BYA ZA BYED GNYIS MED PAR LTA BA LTA BU'O, ,KUN 'DAR

, ,LA YANG GSANG BA'I KUN 'DAR DANG, MNGON SPYOD KYI KUN 'DAR GNYIS KYI DANG PO NI, MTSAN MO MIS MI SHES PAR DUR KHROD LA SOGS PA'I GNAS 'JIGS SU RUNG BAR SONG LA SPYOD PA BYAS PAS LHA 'DRE LA SOGS PA'I 'TSUB LHONG 'BYUNG MIN LTA ZHING BYUNG BA NA DE DAG BZOD NA SNGAR BZHIN GONG 'PHEL DU GTONG LA, MI BZOD NA RANG GI GNAS SU SPYOD PA BYA ZHING, NYIN MO 'DUL BA'I KUN SPYOD LA SOGS PA SNGA MUS LTAR BYED, GNYIS PA NI SKYE BO GZHAN GYI MNGON SUM DU GONG BZHIN BYA BA STE, DE LA SMYON PA'I BRTUL ZHUGS DANG, RGYAL PO GZHON NU'I BRTUL ZHUGS DANG, KUN TU BZANG PO'I SPYOD PA DANG, PHYOGS LAS RNAM RGYAL GYI SPYOD PA ZHES SOGS SA LUGS BZHED LA, RJE RIN PO CHES, A'ARYA DE BA'I SPYOD BSDUS SGORN ME'I TSIG 'GA' ZHIG LA GO BA MA THEBS PA'I SKYON YIN GYI, SPROS BCAS SPROS MED SHIN TU SPROS MED GSUM LAS, GZHAN PA KUN

'DAR GSANG SPYOD SOGS MED PAR GSUNG LA, DE YANG SGOM BSAM GYIS DANG, BYA BA'I SGO GNYIS LAS, DANG PO NI, SO SKYE'I BSKYED RIM GYI SPYOD PA SPROS BCAS KYI DANG, SGYU LUS PA DAG GI SPYOD PA SPROS MED DANG, ZUNG 'JUG PA'I SPYOD PA SHIN TU SPROS MED DO, ,GNYIS PA NI SEMS DBEN THOB NAS SGYU LUS 'GRUB PA'I DON DU BYED PA DANG, SGYU LUS THOB NAS 'OD GSAL GYI DON DU BYED PA DANG, SLOB PA'I ZUNG 'JUG THOB NAS SHES SGRIB ZAD PA'I DON DU BYED PA'O, ,DE RE RE'I SKABS SU YANG GANG ZAG GI BYE BRAG GIS SPYOD PA GSUM PO GANG RUNG LA SLOB BO, ,SPROS BCAS DANG SPROS MED RGYAS PA LA, GSANG BA 'DUS PA LA MTSON NA, RANG DANG BCAS PA'I SGYUB PA PO SKYES PA NYER GSUM, MTSAN NYID DANG LDAN PA'I PHYAG RGYA DGU DANG, SPROS MED 'BRING LA RANG DANG PHYAG RGYA LNGA DANG, SPROS MED BSDUS PA LA RANG DANG PHYAG RGYA GCIG ,RNAL 'BYOR PHO MO RNAMS LHA DE DANG DE'I 'BAG DANG

, ,CHAS GOS SOGS BGOS, RTEN GYI DKYIL 'KHOR LEGS PAR BZHENGS, SNA TSOGS PADMA'I GDAN SUM CU RTZA GNYIS LA 'KHOD, DANG PO SBYOR BA LA SOGS PA TING NGE 'DZIN GSUM GYIS SGRUB CING, LAS RGYAL MCHOG GI DUS SU SPROS BCAS DANG SPROS MED RGYAS PA LA LHA MO DGU DANG, SPROS MED 'BRING BSDUS LA LHA MO LNGA DANG GCIG GI 'DOD YON LANG DANG, KHYAD PAR REG BYA'I 'DOD YON LA LONGS SPYOD DE BDE STONG LA RTZE GCIG TU ROL ZHING SPROS BCAS KYI TSE GLU DANG GAR GYI LAN BRDA DANG BRDA'I LAN SOGS BYED PA YIN, SHIN TU SPROS MED NI BHU SU KU ZHES PA BZA' BTUNG DANG, BSHANG ? GCIG 'DOR YUG TU SGOM PAR BYED PAS DUS 'DA' BAR BYED PA'I AA WA DHU TI PA YANG ZER RO, ,BSKYED RIM GYI SKABS SU SPYOD PA GNYIS DNAG, RDZOGS RIM

GYI SKABS SU SPYOD PA GSUM YOD DO, ,SA LUGS LA SPYOD PA DANG PHYAG RGYA'I NYE RGYU'I MTSAMS SBYOR THA DAD DU BZHED LA, RJE YAB SRAS KYIS DE DAG BKAG NAS PHYAG RGYA'I NYE RGYU DE SPYOD PA YIN PAS GCIG TU GSUNGS SHING NYE RGYU ZHES PA SLOB PA'I ZUNG 'JUG DE SONG NAS MI SLOB PA'I ZUNG 'JUG GI SKABS SU YIN NO, ,SKU GSUM NI CHOS LONGS SPRUL GSUM DANG, YAN LAG BDUN LDAN NI, MDUN BSKYED KYI BSTOD PA'I SKABS SU GSAL BAR YOD PA BZHIN RJE RIN PO CHES, RMAD BYUNG MTSAN DPE'I DPAL 'BAR LONGS SPYOD RDZOGS, ,ZHES GSUNGS PA LTAR, LONGS SPYOD RDZOGS SKU'I YAN LAG KHA SBYOR GYI YAN LAG ,BDE BA CHEN PO'I YAN LAG ,STONG PA STE RANG BZHIN MED PA'I YAN LAG ,SNYING RJE CHEN PO'I YAN LAG ,RGYUN CHAD MED 'AI YAN LAG ,'GOG PA MED PA'I YAN LAG STE DE BDUN DANG LDAN PA'I GO 'PHANG NI 'BRAS BU THOB BYA YIN LA, DA LTA LAM GYI GNAS

, ,SKABS SU DE DANG RNAM PA MTHUN PA SGOM DGOS PAS KHA tV'Am GA 'DZIN PAS KHA SBYOR GYI YAN LAG TSANG BA YIN NO, ,TSAR CHOS STON ZHES PA NI, 'KHRID RDZOGS PA'I MJUG TU RGYUN GYI NYAMS LEN BYED TSUL MDOR BSDUS NAS STON PA DPAL LDAN SA SKYA'I PHYAG BZHES SU YOD PA LTAR YIN PAS, DE'I TSUL GYI SNYING PO NI, RDOR SEMS SGOM BZLAS NI LHA'I RNAL 'BYOR GZHAN GYI MUR SONG NA DES GO CHOD CING, SKYABS SEMS BLA MA'I RNAL 'BYOR RNAMS GZHAN GYI MUR SONG YANG BYAS PA LEGS, NYAL LDANG GI RNAL 'BYOR NI NYIN ZHAG RER LAN RE DANG, BDAG BSKYED RKYAS BSDUS SKABS SBYAR BYA, BSNYEN DUS RDOR SEMS MA GTOGS BDUD RTZI MYANG BA YAN CHAD THUN BZHIR BYA ZHING, YID BZLAS KYI BAR SONG NAS ZHAR BYUNG RDZOGS RIM DANG BSAM MI KHYAB THUN MONG BA'AM MKHA' SPYOD GTZO BOR GNYER NA THUN MONG MA YIN PA BYA BA YIN, SKABS SKABS SU ZHAR BYUNG RDZOGS RIM GNYIS GZHAG NAS

RTZA DBU MA KHA 'BYED PA, BDE BA SGRUB PA, 'JA' LUS SGRUB PA RNAMS RES MOS KYIS MA BRJED TZA BYA, GTZO BOR DAL 'BYOR RNYED DKA', 'CHI BA MI RTAG PA, LAS RGYU 'BRAS, 'KHOR BA'I NYES DMIGS, BYANG CHUB KYI SEMS SOGS LAM THUN MONG BA'I NYAMS LEN BYAS NAS DAM SDOM TSUL BZHIN BSRUNG BA DANG, BSKYED RIM GYI RNAL 'BYOR NGAG BZLAS SOGS, LAM 'OG MA RNAMS RTZOL 'DON BYED DGOS TE 'OG MA RGYUD LA MA SKYES PAR GONG MA LA BRTZON KHUL BYAS KYANG, 'KHYAG STENG DU MKHAR BRTZIGS PA DANG 'DRA BAS DE DAG GI RNAM GZHAG SHES PAR BYAS LA, DNGOS SU NYAMS LEN NUS PA RNAMS NYAMS SU BLANG ZHING MI NUS PA RNAMS SMON LAM GYI YUL DU BYAS TE, 'GAL RKYEN SDIG SGRIB SGO SNA TSOGS NAS SBYONG BA DANG, MTHUN RKYEN TSOGS SGO SNA TSOGS NAS GSOG PA DANG, LAM RGYUD LA SKYE BAR BLA MA YI DAM LA GSOL BA SNYING KHONG RUS PA'I GTING NAS 'DEBS

, ,PA DANG, PHYI 'DUL BA'I KUN SPYOD RNAM PAR DAG CING BSAM PA BYANG CHUB KYI SEMS DANG LDAN PA, NANG GSANG SNGAGS ZAB MO'I RNAL 'BYOR NYAMS SU BLANGS PA LA BRTEN NAS, TSE 'DI'AM, BAR DO'AM, SKYE BA BDUN LA SOGS PA NAS RJE BTZUN MAS RJES SU BZUNG ZHING ZUNG 'JUG RDO RJE 'CHANG GI GO 'PHRANG MYUR DU THOB PAR 'GYUR BAS DE LTA BU'I NYAMS LEN GYI SGO NAS DAL BA'I RTEN LA SNYING PO LON PA ZHIG CI NAS KYANG MDZAD 'TSAL LO, ,ZHES RJE BTZUN N'A RO MKHA' SPYOD MA'I BSKYED RDZOGS KYI ZIN BRIS MKHA' 'GRO'I GSANG MDZOD CES BYA BA 'DI RJE BTZUN RDO RJE 'CHANG CHEN PO DHA RME SHVAR BHA DRA DPAL BZANG PO'I ZHAL SNGA NAS DGYES BZHIN DU ZAB 'KHRID RGYAS PA LAN GNYIS DANG, BSDUS PA NYIN BDUN BCAS STZAL SKABS GSUNG BSHAD SNE ZIN SBO ZIN DU BRIS PA RNAMS PHYOGS SGRIL DU MGON PO GANG GI BKA'

'BANGS KYI THA SHAL BA DGE SLONG RDO RJES RANG BLOR BRJED DOGS GSOS 'DEBS SU BRIS PA YIN PAS 'GAL 'KHRUL NONGS PA'I TSOGS RNAMS YE SHES SPYAN LDAN RNAMS LA 'CHAGS SHING, 'DIR 'BAD DGE TSOGS JI SNYED MCHIS PA MKHA' MNYAM SEMS CAN THAMS CAD KYI DON DU DAG PA MKHA' SPYOD DU BGROD PA'I RGYUR CIG , ' ,,BCOM LDAN DPA' BO 'KHOR LO SDOM PA DANG, ,GNYIS MED GNYIS SU SNANG BA'I MKHA' 'GRO'I GTZO, ,NYAM THAG 'GRO BA'I MGON MCHOG RJE BTZUN MA, ,KHYED KYI SKU GSUNG THUGS KYI GZIG BYIN RNAMS, ,BRTZE CHEN THUGS KYIS MKHA' KHYAB 'GRO BA LA, ,MYUR DU 'BEBS PAR MDZOD CIG RGYAL YUM KYI, ,GSANG MTHA'I RGYUD KYI SNYING PO'I YANG SNYING MCHOG ,RIM GNYIS ZAB MO'I GNAD RNAMS MA LUS PA, ,DPAL LDAN N'A RO TA PA JI BZHIN DU, ,'KHRUL MED RGYUD LA SKYE BA'I GROGS MDZOD CIG ,LAM BZANG DE YIS BDAG RGYUD LEGS SMIN NAS, ,THABS MKHAS

, ,SGYU 'PHRUL BKOD PA MTHA' YAS PAS, ,LAS NYON DBANG GYUR NYAM THAG 'GRO BA YI, ,DNGOS 'DZIN 'KHRUL PA'I BAG CHAGS KUN BYANG STE, ,RGYAL YUM SGEG MO'I GO 'PHANG MCHOG DE LA, ,SKAD CIG NYID DU BDE BLAG 'GOD NUS SHOG , ' ,,(CES PA 'DI NI MDO SPYI DZA SA GA GA-YU THOG PA BKRA SHIS DON 'GRUB DANG, LCAM RDO RJE GA-YU SGRON ZUNG NAS RGYAL BSTAN RIN PO CHE DAR RGYAS YUN DU GNAS PA DANG, PHYI MAR RIN PO CHE LTA BU'I GANG ZAG TU 'GYUR BA SOGS KYI CHED DU DMIGS RJE BTZUN N'A RO MKHA' SPYOD MA'I 'KHRID YIG 'DI BZHIN PAR GSAR BZHENGS SKABS DGE BSNGO'I SMON TSIG ZHIG DGOS ZHES LHA REG AA SHE DANG RIN GNYIS TSOM BU BCAS TE BSKUL NGOR SER BYES DGE BSHES BYAMS PA MTHA' YAS NAS DBEN GNAS DGA' LDAN CHOS GLING DU SBYAR BA'O,, ,,SARBA MANGGA LAm)