*, ,LHA MANG PO'I SKU MDOG PHYAG MTSAN SOGS GSAL BAR YI GER BKOD PA BZHUGS SO,, ,,) *, ,SKU MDOG MTHING KHA ZHAL GSUM PHYAG DRUG PA, ,RTZA ZHAL MTHING KHA GA-YAS DKAR GA-YON DMAR ZHING, ,PHYAG GA-YAS RDO RJE 'KHOR LO PADMA DANG, ,GA-YON PAS DRIL BU RIN CHEN RAL GRI BSNAMS, ,RANG 'DRA'I REG BYA RDO RJE MA LA 'KHYUD, ,DBU SKRA THO TSUGS RIN CHEN RGYAN GYIS BRGYAN, ,GOS KYI GA SHAL DAR GYI SHAM THABS CAN, ,PAD ZLA'I STENG DU SKU LAS 'PHROS PA YI, ,'OD PHUNG DBUS NA SKYIL DKRUNG TSUL GYIS BZHUGS, ,GSANG 'DUS MI BSKYOD RDO RJER PHYAG 'TSAL LO, ,AOm S'A: BADZRA DHi KA H'Um H'Um SNYING PO'O, ,RTZA SNGAGS, KAm KA NI, SKU MDOG MTHING KHA RTZA ZHAL MA GE'I GDONG, ,GA-YAS NA DMAR SNGO SER BA'I GZHAL GSUM DANG, ,GA-YON NA DUNG DKAR NAG PA'I ZHAL GSUM BSGRIG ,STENG NA DMAR DANG SER BA'I ZHAL GNYIS BRTZEGS, ,GA-YAS KYI MDUN PHYAG BRGYAD KYIS STENG RIM NAS, ,GRI GUG BHI DHI PA LA GTUN ZHING DANG, ,CHU GRI MDUNG THUNG DGRA STA MDUNG RING MNGA', ,RGYAB PHYAG BRGYAD KYIS STENG NAS RIM PA BZHIN, ,LCAGS KYU DBYUG THO KHA tAm 'KHOR LO DANG, ,RDO RJE THO BA RAL GRI CANG TE'U, ,GA-YON GYI MDUN PHYAG BRGYAR KYIS STENG
, ,RIM NAS, ,THOD KHRAG TSANGS MGO PHU BA DANG RKANG PA DANG, ,ZHAGS PA GZHU DANG RGYU MA DRIL BU DANG, ,LAG PA RO RAS GSAL SHING SKYES BUR BTZUG ,ME THABS THOD TSAL SDIGS 'DZUB PHAN RLUNG RAS, ,STENG GI PHYAG GNYIS GLAD PAGS BRKYANG STE 'DZIN, ,GA-YAS KYI ZHABS BRGYAD BSKUM PAS MDUN RIM NAS, ,MI DANG MA HE GLANG DANG BONG BU DANG, ,RNGA MONG KHYI DANG LUGS DANG WA YI 'OG ,TSANGS PA DBANG PO KHYAB 'JUG DRAG PO DANG, ,GA-YON GYI ZHABS BRGYAD BRKYANG PAS MDUN RIM NAS, ,BYA RGOD 'UG PA BYA ROG NE TZO DANG, ,KHRA DANG BYA CHEN KHYIM BYA BZHAD KYI 'OG , GDONG DRUG TSOGS BDAG ZLA NYI KHA SBUBS MNAN, ,SKU MDOG SNGON PO ZHAL GCIG PHYAG GNYIS KYIS, ,GRI THONG 'DZIN CING ZHABS GA-YON YAB LA 'KHRIL, ,GA-YAS PA BRKYANG BA'I RO LANG MA LA 'KHYUD, ,DBU SKRA GYEN BRDZES RUS PA'I RGYAN GYIS BRGYAN, ,BAD NYI'I STENG DU SKU LAS 'PHROS PA YI, ,YE SHES ME DPUNG 'BAR BA'I KLONG DKYIL NA, ,RNGAMS BRJID 'KHROS PA'I TSUL GYIS BZHUGS PA YI, ,RDO RJE 'JIGS BYED YUM BCAS LA PHYAG 'TSAL, ,SNYING PO YA MANTA KA H'Um PHAt, ,LAS SNGAGS, HR'I: shItA: RTZA SNGAGS, YA MA RA DZA, ,SKU MDOG MTHING KHA ZHAL BZHI PHYAG BCU GNYIS, ,RTZA ZHAL NAS BRTZAMS GA-YON SKOR RIM PA BZHIN, ,MTHING KA LJANG DANG DMAR DANG SER BA'I ZHAL, ,RTZA PHYAG GNYIS KYIS RDO DRIL 'DZIN PA YI, ,SKU MDOG DMAR PO PHYAG GNYIS GRI THOD 'DZIN, ,BYIN PA GNYIS KYIS YAB KYI BRLA LA 'KHRIL, ,MI MGO SKAM PO'I THOD DANG DO SHAL CAN, ,PHYAG RGYA LNGAS BRGYAN RDO RJE PHAG MOR 'KHYUD, ,DE YI 'OG MA GNYIS KYIS GLANG PAGS 'DZIN, ,
LHAG MA GA-YAS PA BZHI YIS RIM PA BZHIN, ,tA MA RU DANG DGRA STA GRI GUG DANG, ,MDUD RTZE GSUM PA BSGRENG ZHING GA-YON PA BZHIS, ,RIM BZHIN KHA tAm GA DANG THOD KHRAG DANG, ,RDO RJE'I ZHAGS PA TSANGS MGO GDONG BZHI BSNAMS, ,ZHABS GA-YAS BRKYANG BAS DRAG PO 'JIGS BYED NAG ,LAG PA BZHI YI DANG PO THAL MO SBYAR, ,LHAG MAS tA MA RU DANG RAL GRI 'DZIN, ,KHA SBUB BSKYEL PA'I MGO BO'I STENG NAS BRDZIS, ,GA-YON PA BSKUM PAS DUS MTSAN DMAR MO YI, ,LAG PA DANG PO GNYIS KYIS THAL MO SBYAR, ,LHAG MAS THOD PA DANG NI KHA tVAm 'DZIN, ,GAN RKYAL BSGYEL BA'I NU MA'I STENG DU MNAN, ,RAL PA'I THOR COG SNA TSOGS RDO RJES MTSAN, ,THOD PA SKAM PO LNGA LNGAS DBU LA BRGYAN, ,DBU YI GA-YON DU ZLA BA PHYED PA 'PHYANG, ,PHYAG RGYA DRUG GIS RGYAS BTAB STAG SHAM GSOL, , PAD NYI'I STENG DU SKU LAS 'PHROS PA YI, ,YE SHES ME DPUNG 'BAR BA'I DBUS NA BZHUGS, ,BDE CHEN RGYAL PO 'KHOR LO SDOM PA 'AM, ,BDE MCHOG 'KHOR LO YUM BCAS LA PHYAG 'TSAL, ,SNYING PO, , AOm SHRI BADZRA HE HE RU RU KAm H'Um H'Um PHAt, t'A KI N'I DZ'A LA SHAm BA RAm SV'AH'A, ,SKU MDOG MTHING KHA ZHAL BRGYAD PHYAG BCU DRUG ,RTZA ZHAL MTHING KHA GA-YAS SNGO GA-YON DMAR ZHING, ,GA-YAS GA-YON LHAG MA GNYIS GNYIS NAG PO STE, ,STENG ZHAL DUD KHA ZHAL RNAMS SPYAN GSUM PA, ,BCU DRUG PHYAG GIS THOD PA GZUNG BA'I NANG, ,GA-YAS NA GLANG CHEN RTA BONG GLANG RNGA MONG, ,MI DANG SHA RA BHA DANG BYI LA DANG, , GA-YON NAS CHU RLUNG ME ZLA NYI'I LHA, ,GSHIN RJE GNOD SBYIN BSNAMS SHING RTZA PHYAG GNYIS, ,SKU MDOG SNGON PO PHYAG GNYIS GRI THOD DANG, ,KHA tVAm 'DZIN CING ZHABS GA-YAS YAB LA 'KHRIL, ,
, ,GA-YON PA BRKYANG ZHING PHYAG RGYA LNGA YIS BRGYAN, ,STAG SHAM GSOL BA'I BDAG MED MA LA 'KHYUD, ,DBU SKRA GYEN BRDZES SNA TSOGS RDO RJES MTSAN, ,THOD PA SKAM RLON PHYAG RGYA DRUG GIS BRGYAN, ,ZHABS BZHI MDUN MA GA-YAS BRKYANG GA-YON BSKUM ZHING, ,RGYAB MA SKYIL KRUNG PHYED PA'I GAR STABS KYIS, ,SNA TSOGS PAD NYI'I STENG DU BDUD BZHI YI, , NGO BO TSANGS PA DBANG PO NYE DBANG DANG, ,DRAG PO GAN BRKYAL BSGYEL BA'I STENG BZHUGS PA'I, ,DGYES PA RDO RJE YAB YUM LA PHYAG 'TSAL, ,AOm DE BA PI TZU BADZRA H'Um H'Um H'Um PHAt SV'AH'A, , SNYING PO, SKU MDOG SNGON PO ZHAL BZHI PHYAG NYER BZHI, ,RTZA ZHAL NAG CING GA-YAS DMAR GA-YON DKAR BA, ,RGYAB ZHAL SER ZHING MGRIN PA GSUM DANG LDAN, ,GA-YAS GA-YON PHRAG PA SNGO DMAR DKAR PO DRUG ,DPUNG BA SNGO DMAR DKAR PO GNYIS GNYIS STE, ,PHYAG NI SDO DMAR DKAR BA BZHI BZHI YI, ,SOR MO LNGA NI SER DKAR DMAR NAG LJANG, ,SOR MO'I TSIG GSUM NAG DMAR DKAR PO'O, ,GA-YAS PA RNAMS NA RDO RJE RAL GRI DANG, ,RTZE GSUM GRI GUG ME MDA' LCAGS KYU DANG, ,tA MA RU DANG THO BA 'KHOR LO DANG, ,MDUNG DANG DBYUG BA DGRA STA GA-YON RNAMS NA, ,DRIL BU PHUB DANG KHA tVAm THOD KHRAG DANG, ,GZHU DANG ZHAGS PA RIN CHEN PAD DKAR DANG, ,DUNG DANG ME LONG LCAGS SGROGS TSANGS MGO BSNAMS, ,ZHABS GA-YAS DMAR PO BRKYANG PAS GDONG GCIG PA, ,LAG PA BZHI YIS ME TOG MDA' LNGA DANG, ,GZHU DANG ZHAGS PA LCAGS KYU 'DZIN PA YI, ,'DOD LHA DMAR PO MNAN CING ZHABS GA-YON PAS, ,DKAR PO
BSKUM PAS GDONG GCIG LAG PA BZHIS, ,RTZE GSUM tA RU THOD PA KHA tVAm KA ,'DZIN PA'I DRAG PO DKAR PO MNAN PA YI, ,ZHABS MTHIL BDUD DANG DRAG PO'I CHUNG MAS BTEGS, , RTZA PHYAG GNYIS KYIS SKU MDOG SER PO LA, ,SER DKAR SDO DMAR ZHAL BZHI SPYAN GSUM PA, ,GA-YAS KYI PHYAG BZHIS GRI GUG LCAGS KYU DANG, ,tA MA RU DANG BGRANG PHRENG GA-YON PA BZHIS, , THOD PA ZHAGS PA PAD DKAR RIN CHEN BSNAMS, ,PHYAG RGYA LNGAS BRGYAN ZHABS GA-YON BRKYANG BA YIS, ,BCOM LDAN 'DAS MA SNA TSOGS YUM LA 'KHYUD, ,RDO RJE'I RGYAN DANG STAG PAGS SHAM THABS CAN, ,ZLA NYI SGRA CAN DUS ME'I GDAN LA BZHUGS, ,DRI MA MED PA'I 'OD ZER LNGA 'PHRO BA, ,BCOM LDAN DUS 'KHOR YAB YUM LA PHYAG 'TSAL, ,AOm A'A: H'Um HO H'Um H'Um PHAt, SNYING PO'O, GUR GUM MDOG CAN ZHAL GSUM PHYAG DRUG PA, ,DBUS ZHAL DMAR SER GA-YAS SNGO GA-YON DKAR ZHING, ,RTZA PHYAG GNYIS KYIS RANG 'DRA'I YUM LA 'KHYUD, ,LHAG LA GA-YAS GNYIS RAL GRI MDA' 'DZIN CING, ,GA-YON PAS AUD PAL SNGON PO GZHU 'DZIN PA, ,ZUR PHUD LNGA LDAN RIN CHEN RGYAN GYIS BRGYAN, ,SNA TSOGS PAD ZLAR SEMS DPA'I SKYIL KRUNG GIS, ,BZHUGS PA'I 'JAM RDER YAB YUM LA PHYAG 'TSAL, ,AOm A'A: BADZRA DHRi KA MAm H'Um, SNYING PO'O, ,SKU MDOG SNGON PO ZHAL GSUM PHYAG DRUG PA, ,DBUS ZHAL SNGO ZHING GA-YAS DKAR GA-YON DMAR BA, ,RTZA PHYAG RDO RJE RTZE LNGA SDIGS 'DZUB BSGRENG, ,BAR BA GNYIS KYIS THAL MO RDEB TSUL GYIS, ,SKU MDOG SNGON PO PHYAG GNYIS GRI THOD 'DZIN, ,PHYAG RGYA
, ,LNGAS BRGYAN MDZES LDAN MA LA 'KHYUD, ,THA MA GNYIS KYIS SPRUL GYI RKED PA NAS, ,BZUNG BA'I MGO BO GSOL ZHING MJUG MA GNYIS, ,ZHABS GNYIS GA-YAS BSKUM GA-YON BRKYANG MDZAD PA YIS, ,TSANGS PA SER PO BRGYA BYIN DMAR PO DANG, ,BCAS PA MNAN CING RIN CHEN SPRUL GYIS BRGYAN, ,GOS SNGON STOD GA-YOGS STAG LPAGS SHAM THABS GSOL, , PAD NYI'I STENG DU YE SHES ME DPUNG DBUS, ,BZHUGS PA'I 'KHOR CHEN YAB YUM LA PHYAG 'TSAL, ,SNYING PO, AOm NI LAm BAR DHA RA BADZRA PA nI HRI DA YA MA H'A KRO TA SA TVO H'Um PHAt, SKU MDOG DKAR PO ZHAL GCIG PHYAG GNYIS KYIS, ,TSE BUM DMAR PO RE RE BSNAMS PA YIS, ,SKU MDOG DMAR PO ZHAL GCIG PHYAG GNYIS KYIS, ,BDUD RTZI'I THOD PA RE RE BSNAM PA YI, ,RJE BTZUN RDO RJE RNAL 'BYOR MA LA 'KHYUD, ,GNYIS KA'ANG DUS PA RIN CHEN RGYAN GYIS SPRAS, ,PAD NYI'I STENG DU YAB NI RDOR DKRUNG DANG, ,YUM NI PADMA'I SKYIL KRUNG TSUL GYIS BZHUGS, ,'KHOR LO BDE MCHOG DKAR PO YAB YUM LA, ,LUS NGAG YID GSUM GUS PAS PHYAG 'TSAL LO, ,SNYING PO, AOm HR'I: HA HA H'Um H'Um PHAt, TSE LA SRUNGS CING SV'AH'A, SKU MDOG DKAR PO ZHAL GCIG PHYAG GNYIS KYIS, ,RDOR DRIL 'DZIN PAS RANG DANG 'DRA BA YI, ,RDO RJE BSNYEMS MAR 'KHYUD CING RIN PO CHE'I, ,RGYAN DANG DAR GYI NA BZA' MDZES PAR GSOL, ,PAD ZLAR ZHABS GNYIS RDO RJE SKYIL KRUNG TSUL, ,RDO RJE SEMS DPA' YAB YUM LA PHYAG 'TSAL, ,SNYING PO, AOm A'A: BADZRA SA TVA H'Um, RTZA SNGAGS, YIG BRGYA, SKU MDOG DKAR PO ZHAL GCIG PHYAG GA-YAS PAS, ,
BDAN GYIS MTSAN RDO RJE RTZE LNGA PA, ,GDAN LA BSNUN PA'I TSUL GYIS THUR DU 'PHYANG, ,GA-YON PAS THOD KHRAG THUGS KAR BZUNG BA YI, ,MTSAN NA KHA tVAm BSNAMS SHING THOD SKAM LNGA'I, , DBU RGYAN THOD RLON LNGA BCU'I DO SHAL CAN, ,PHYAG RGYA LNGA DANG RIN PO CHE YIS BRGYAN, ,ZHABS GNYIS SKYIL KRUNG PHYED PA'I GAR ? STABS KYIS, ,PAD NYID RO YI GDAN LA BZHUGS PA YI, , PHAG DKAR SHES RAB GSAL BYED MAL 'DUD, ,SNYING PO HRIm: SKU MDOG DMAR PO ZHAL GCIG PHYAG GNYIS MA, ,GA-YAS PAS GRI GUG 'PHYAR ZHING GA-YON PA YIS, ,THOD KHRAG THUGS KAR 'DZIN CING PHYAG RGYA LNGA, ,THOD PA SKAM RLAN RNAMS KYIS LEGS BRGYAN CING, ,PAD NYID SKYIL KRUNG PHYED PA'I GAR STABS KYIS, ,BZHUGS PA'I RDO RJE PHAG MO DMAR MOR 'DUD, ,SNYING PO, , AOm BADZRA BE RO TZA NA YE H'Um H'Um PHAt, ,MI BSKYOD SNGON POS GNON MNYAM BZHAG MDZAD, ,RIN 'BYUNG SER PO MCHOG SBYIN MNYAM BZHAG MDZAD, ,SNANG MTHA' DMAR PO PHYAG GNYIS MNYAM BZHAG MDZAD, ,DON GRUB LJANG KU SKYABS SBYIN MNYAM BZHAG MDZAD, ,RNAM SNANG DKAR PO BYANG CHUB PHYAG RGYA MDZAD, ,THAMS CAD ZHABS GNYIS RDO RJE SKYIL KRUNG TSUL, ,RIN CHEN RGYAN DANG DAR GYI NA BZAS MDZES, ,LONGS SKU'I TSUL GYI RGYAL BA RIGS LNGA DANG, ,SKU MDOG PHYAG ZHABS GONG DANG 'DRA BA LA, ,RIN CHEN RGYAN DOR CHOS GOS RNAM GSUM GSOL, ,SPRUL SKU'I TSUL GYI RGYAL BA RIGS LNGA STE, ,RGYAL BA RIGS LNGA ZUNG LA PHYAG 'TSAL LO, ,SNYING PO RIM PA BZHIN, ,AOm A'A: AAKshO BHYA H'Um, AOm A'A: RADNA SAm BHA LBA H'Um, AOm A'A: AA MI TA LBA H'Um, AOm A'A:
, ,AA MO GHA SIDDHI H'Um, AOm A'A: BE RO TZA NA H'Um, ,SPYAN MA DKAR MO GA-YAS PAS 'KHOR LO 'DZIN, ,M'A MA KI NI SNGON MO RDO RJE 'DZIN, ,GOS DKAR MO NI DMAR MO PADMA 'DZIN, , SGROL MA LJANG KU SNA TSOGS RDO RJE 'DZIN, ,GA-YON RNAMS DRIL BU BSNAMS SHING RIN PO CHE'I, ,RGYAN DANG DAR GYI NA BZA' MDZES GSOL BAS, ,ZHABS GNYIS SKYIL KRUNG TSUL GYIS BZHUGS PA YI; ;SPYAN SOGS LHA MO BZHI LA PHYAG 'TSAL LO, ,SNYING PO RIM PA BZHIN, ,AOm A'A: BUDDHA LO TZA NE H'Um, AOm A'A: M'A MA KI H'Um, AOm A'A: BANDHA RI H'Um, AOm A'A: TV'A RI H'Um, SKU MDOG SNGON PO RDOR DRIL 'DZIN PA YIS, ,RANG 'DRA'I RDO RJE DBYINGS PHYUG MA LA 'KHYUD, ,RIN CHEN RGYAN DANG DAR GYI NA BZA' CAN, ,ZHABS GNYIS RDO RJE SKYIL KRUNGS TSUL GYIS BZHUGS, ,RIGS DANG DKYIL 'KHOR KUN GYI GTZO BO MCHOG ,RDO RJE 'CHANG CHEN YAB YUM LA PHYAG 'TSAL, ,SNYING PO, AOm A'A: BADZRA DHA RA H'Um, SKU MDOG DMAR PO ZHAL GSUM PHYAG DRUG PA, ,RTZA ZHAL DMAR ZHING GA-YAS DKAR GA-YON LJANG BA, ,RE RE LA'ANG SPYAN NI GSUM GSUM LDAN, ,DBU GSUM STENG DU RTA MGO LJANG NAG RE, ,RDOG MA DMAR PO PHRUM PHRUM SER PO CAN, ,PHYAG GA-YAS RDO RJE KHA tVAm RAL GRI DANG; ;GA-YON PAS SDIGS 'DZUB MDUNG THUNG RGYU ZHAGS BSNAMS, ,MI LPAGS GLANG PAGS STOD GA-YOGS STAG SHAM GSOL, ,GAR DGU'I NYAMS LDAN DUR KHROD CHAS KYIS BRGYAN, ,ZHABS BRGYAD GA-YAS BSKUM GA-YON BRKYANG SBRUL BRGYAD MNAN, ,PAD NYIR ME DPUNG 'BAR BA'I DBUS BZHUGS PA'I, ,KHRO RGYAL RTA MGRIN GSANG SGRUB LA PHYAG 'TSAL, ,SNYING PO, AOm HR'I: PADMA TA KRID
BADZRA KRO BHA HA YA GHRI BA HU LU HU LU H'Um PHAt, ,BTZO MA'I GSER MDOGS GNON MNYAM BZHAG MDZAD, ,MTSAN DPES BRGYAN CING CHOS GOS RNAM GSUM GSOL, ,PAD ZLAR RDO RJE SKYIL KRUNG TSUL GYIS BZHUGS, ,BCOM LDAN SH'AKYA THUB PA LA PHYAG 'TSAL, ,SNYING PO, AOm MU NE MU NE MAH'A MU NE YE SV'AH'A, SKU MDOG SER PO CHOS 'KHOR PHYAG RGYA CAN, ,GTZUG TOR DBUR LDAN CHOS GOS RNAM GSUM GSOL, ,ZHABS GNYIS RDO RJE SKYIL KRUNG TSUL GYIS BZHUGS, ,RGYAL BA MAR ME MDZAD LA PHYAG 'TSAL LO, ,SNGAGS, AOm A'A: DHI SAm KA RA H'Um, SKU MDOG SER PO PHYAG GNYIS CHOS 'CHANG CAN, ,MTSAN DPES RGYAN LDAN CHOS GOS RNAM GSUM GSOL, ,ZHABS GNYIS RDO RJE SKYIL KRUNG TSUL GYIS BZHUGS, , BCOM LDAN RGYAL BA BYAMS PA LA PHYAG 'TSAL, ,SNGAGS, AOm A'A: MRI TRI H'Um, SKU MDOG SNGON PO PHYAG GA-YAS RAL GRI 'PHYAR, ,GA-YON PAS THUGS KAR SDIGS 'DZUB ZHAGS PA BSNAMS, ,ZHAL GDANGS MCHE GTZIGS DMAR BA'I SPYAN GSUM LDAN, ,DBU SKRA KHAM SER GYEN BRJES RIN CHEN DANG, ,SPRUL GYIS BRGYAN CING STAG PAGS SHAM THABS GSOL, ,SNA TSOGS PAD NYI BGEGS KYI GDAN STENG DU, ,GA-YAS BSKUM GA-YON BRKYANG ME DPUNG 'BAR BA'I DBUS, ,BZHUGS PA'I KHRO RGYAL MI GA-YO PA LA 'DUD, ,AOm TZANTRA MA H'A RO shA NA H'Um PHAt, ,SKU MDOG DKAR PO PHYAG GA-YAS RAL GRI 'PHYAR, ,GA-YON PAS THUGS KAR SDIGS 'DZUB ZHAGS PA BSNAMS, ,DMAR ZLUM SPYAN GSUM LDAN
, ,ZHING MCHE BA GTZIGS, ,SMIN MA SMA RA DBU SKRA KHAM SER BRJES, ,RIN CHEN RGYAN DANG DAR GYI SHAM THABS GSOL, ,PAD DKAR 'DAB BRGYAD LTE BAR NYI MA'I STENG, ,GA-YAS KYI ZHABS MTHIL GA-YON GYI PUS MO BTZUG ,KHRO RGYAL MI GA-YO DKAR PO LA PHYAG 'TSAL, ,SNGAGS, AOm TZANTRA MAH'A RO shA NA H'Um PHAt, SKU MDOG SNGON PO ZHAL GCIG PHYAG GNYIS PA, ,GA-YAS PAS RAL GRI ME 'BAR NAM MKHAR 'PHYAR, ,GA-YON PAS SDIGS 'DZUB BSGRENG BA'I RTZER ME 'BAR, ,MCHE BA GA-YAS SU GTZIGS SHING GA-YON DU RNGAMS, ,SPYAN GSUM DUS MTHA'I ME LTAR RAB TU 'BAR, ,SMIN MA SMA RA DMAR SER GYIN DU 'KHYIL, ,DBU SKRA KHAM SER GYEN BRDZES DBU GTZUG NA, , RTA MGO LJANG NAG ZHUR DKAR PHROM PHROM SER, ,RDOG MA DMAR PO'I GSEB NAS ME STAG 'PHRO, ,THOD PA SKAM RLON RIN CHEN SPRUL GYIS BRGYAN, ,GLANG CHEN KO BA MI LPAGS STOD GA-YOGS DANG, ,STAG SHAM GSOL ZHING GA-YAS BSKUM GA-YON BRKYANG GIS, ,YE SHES ME DPUNG 'BAR BA'I KLONG DKYIL NA, ,BZHUGS PA'I RTA MGRIN LCAGS RAL CAN LA 'DUD, ,SNGAGS, AOm H'I: PADMA NTA KRI TA BADZRA GRO DHA HA YA GRI BA SARBA SHING, ,KA LA ME DPUNG GTUB, ,HA HA RBAD RBUD GTUB, ,SHA HA NA RBAD RBUD GTUB, ,GRI HA NA RA DZA YA RBAD, M'A RA YA RBAD, SKU MDOG MTHING KHA ZHAL GCIG PHYAG GNYIS KYI, ,GA-YAS PAS GNAM LCAGS RDO RJE RTZE DGU 'PHYAR, ,GA-YON PAS THUGS KAR SDIGS
'DZUB BSGRENG BA YI, ,RTZE MOR ME 'BAR THED BA SKAM RLON DANG, ,SBRUL GYIS BRGYAN CING GLANG LPAGS STOD GA-YOGS DANG, ,STAG SHAM GSOL ZHING GA-YAS BSKUM GA-YON BRKYANG GIS, ,PAD NYIR 'JIGS BYED DUS MTSAN GDAN LA BZHUGS, ,PHYAG RDOR AU TZAR+YA LA PHYAG 'TSAL LO, ,SNGAGS, AU TZA TZARYA YA KshA SEN Am KU SHA DZA: DZA: SKU MDOG MTHING KHA ZHAL GCIG PHYAG GNYIS KYI, ,GA-YAS PAS GSER GYI RDO RJE RTZE LNGA 'PHYAR, ,GA-YON PAS THUGS KAR SDIGS 'DZUB 'BAR BA BSGRENG, ,SPYAN GSUM BGRAD CING MCHE BA RNON PO GTZIGS, ,SMIN MA SMA RA DBU SKRA ME LTAR 'BAR, ,SNA TSOGS RIN CHEN RGYAN DANG SPRUL GYIS BRGYAN, ,STAG SHAM GSOL ZHING GA-YAS BSKUM GA-YON BRKYANG GIS, , PAD NYIR BZHUGS PA'I PHYAG NA RDO RJER 'DUD, ,SNGAGS, AOm BADZRA P'A NI H'Um PHAt, SKU MDOG DUNG KHA DKAR DMAR ZHAL GSUM PA, ,PHYAG DRUG GA-YAS NA RDO RJE RGYA GRAM DANG, , RDO RJE RTZE LNGA RDO RJE LCAGS KYU STE, ,GA-YON NA RDO RJE DBYUG PA RDO RJE ZHAGS, ,GSUM PAS RDO RJE SDIGS 'DZUB MDZAD PA'O, ,THOD PA SKAM PO'I THOD DANG SER LA KHA, ,RLON PA LNGA BCU'I DO SHAL SPRUL GYIS BRGYAN, ,MI LPAGS STOD GA-YOGS STAG LPAGS SHAM THABS GSOL, ,PAD NYIR ZHABS GNYIS BGRAD PA'I STABS KYIS BZHUGS, ,KHRO RGYAL SME BA BRTZEGS LA PHYAG 'TSAL LO, ,SNGAGS, AOm BHUR KUm MAH'A PRA nA YE, BHUR TZI BHUR KUm BIM LE AU TZU SMA KRO DHA H'Um PHAt, SKU MDOG DMAR SER PHYAG GA-YAS RAL GRI 'PHYAR, ,
, ,GA-YON PAS SHER PHYIN GLEGS BAM THUGS KAR 'DZIN, ,GZHON NU BCU DRUG LANG TSO'I NYAMS DANG LDAN, ,ZUR PHUD LNGA PA RIN CHEN RGYAN GYIS MDZES, , SNA TSOGS DAR GYI STOD GA-YOGS SHAM THABS GSOL, ,PAD NYID RDO RJE SKYIL KRUNG TSUL GYIS BZHUGS, ,RGYAL KUN MKHYEN PA'I BDAG NYID LHAG PA'I LHA, ,'JAM DBYANGS GZHON NU'I ZHABS LA PHYAG 'TSAL LO, ,SNGAGS, AOm AA RA PA TZA NA DH'I: SKU MDOG DKAR PO ZHAL GCIG PHYAG BZHI PA, ,RTZA PHYAG ZAL SBYAR LHAG MAS SHEL 'PHRENG DANG, ,PAD KAR 'DZIN CING KRIshnA SA RA YI, ,PAGS PAS NU MA GA-YON BKAB SNA TSOGS PA'I, ,RIN CHEN RGYAN DANG DAR GYI NA BZAS MDZES, ,PAD ZLAR ZHABS GNYIS RDO RJE SKYIL KRUNG TSUL, ,RGYAL KUN THUGS RJE'I BDAG NYID LHAG PA'I LHA, ,'PHAGS PA SPYAN RAS GZIGS LA PHYAG 'TSAL LO, ,SNGAGS, AOm MA nI PADME H'Um, (ZHES PA 'DI YANG RGYAL SRAS BCU GNYIS PAS 'DI LTA BU ZHIG GYIS ZHES BSKUL BA'I DOR RDO RJE 'CHANG NGAG DBANG BLO BZANG CHOS LDAN DPAL BZANG PO'I SBYAR BA'O,, ,, ,