*, (,CHOS RGYAL GSANG SGRUB LA MCHOD GTOR 'BUL TSUL LAG TU BLANG BDE BAR BKOD PA BZHUGS SO,, ,,) *, ,BLA MA DANG 'JAM DPAL GSHIN RJE'I GSHED DBYER MA MCHIS PA'I ZHABS LA GUS PAS PHYAG 'TSAL ZHING SKYABS SU MCHI'O, ,'DIR GSHIN RJE CHOS KYI RGYAL PO GSANG SGRUB LA MCHOD GTOR 'BUL TSUL LAG TU BLANG BDE BAR DGOD PA NI, RANG NYID YI DAM RDO RJE 'JIGS BYED KYI SGRUB THABS RGYAS BSDUS GANG YANG RUNG BA CIG BSGOMS NAS 'JIGS BYED KYI NGA RGYAL LA GNAS BZHIN PAS, SVA BHA WAS STONG PAR SBYANGS, STONG PA'I NGANG LAS MDUN DU PADMA DANG NYI MA'I STENG DU MA HE DMAR PO'I GDAN LA Ym YIG DMAR PO LAS 'OD ZER 'PHROS,,
SEMS CAN GYI DBUL 'PHONGS SOGS SDUG BSNGAL THAMS CAD BSAL, RGYAL BA SRAS BCAS RNAMS MCHOD, TSUR 'DUS Ym LA THIM, DE YONGS SU GYUR PA LAS DAM CAN GSHIN RJE'I RGYAL PO MA HE'I GDONG CAN SKU MDOG DMAR PO ZHAL GCIG PHYAG GNYIS PA, GA-YAS YID BZHIN GYI NOR BU DANG GA-YON THOD PA BDUD RTZIS GANG BA THUGS KAR 'DZIN PA, ZHABS GA-YAS BSKUM, GA-YON BRKYANGS PAS GNAS SHING, DBU SKRA KHAM SER GYEN DU BRDZES PA, SPYAN GSUM DANG LDAN ZHING MCHE BA RNON PO BZHI GTZIGS PA, THOD PA SKAM PO LNGA'I DBU RGYAN DANG RLON PA LNGA BCUS DO SHAL BYAS PA, RUS PA'I RGYAN GYIS BRGYAN CING, YE SHES KYI ME RAB TU 'BAR BA'I DBUS NA BZHUGS PA, DE'I DPRAL BAR AOm, MGRIN PAR A'A: THUGS KAR H'Um, DE LAS 'OD ZER 'PHROS, LHO PHYOGS RIM PA BDUN GYIS 'OG NAS, DAM CAN GSHIN RJE'I RGYAL PO'I LHA TSOGS THAMS CAD SPYAN DRANGS, DZA: H'Um Bm HO: GNYIS SU MED PAR GYUR, YANG THUGS KA NAS 'OD ZER 'PHROS, YI DAM RDO RJE 'JIGS BYED 'KHOR DANG BCAS PA SPYAN DRANGS, AOm YA MANTA KA SA PA RI W'A RA AARGHAm PRA TI TZTSA H'Um SV'H'A, ZHES PA NAS; SHAPTA'I BAR GYIS MCHOD, BCOM LDAN THUGS RJES GDUG PA 'DUL, ,BRTZE CHEN SNA TSOGS SKUR STON PA, ,BCOM LDAN BDAG NYID CHEN PO STE, ,KHYOD KYIS 'DI LA DBANG BSKUR STZOL, ,ZHES GSOL BA BTAB PAS DE RNAMS KYIS, BCOM LDAN DE BZHIN GSHEGS RNAMS KYIS, GNYIS SU MED PA'I YE SHES KYI, ,BDUD RTZI'I CHU RGYUN DAM
, ,PA 'DIS, ,DE RING KHYOD LA DBANG BSKUR SBYIN, AOm BADZRA BHA WA AA BI shINYTZA H'Um ZHES GSUNGS ZHING BUM PA'I CHUS SPYI BO NAS DBANG BSKUR BA'I CHU RGYUN GYIS LUS THAMS CAD GANG DRI MA THAMS CAD DAG ,DBANG BZHI THOB, CHU'I LHAG MA YAR LUD PA LAS RDO RJE RTZE LNGA PAS DBU RGYAN PAR GYUR, MCHOD PA BYIN GYIS RLABS LA, AOm YA MA R'A DZA AARGHAm PRA TI TZTSA SV'AH'A, (ZHES PA NAS SHAPTA'I BAR GYIS MCHOD,) AOm YA MA R'A DZA AOm A'A: H'Um, (ZHES NANG MCHOD DBUL,) 'JAM DPAL BKA' NYAN BSTAN SRUNG NI, ,DAM CAN GSHIN RJE'I RGYAL PO STE, ,ZHAL GCIG PHYAG GNYIS 'JIGS GZUGS CAN, ,MGON PO KHYOD LA BDAG BSTOD DO, ,ZHES PAS BSTOD, DE'I THUGS KAR NYI MA'I GDAN LA Ym YIG GIS MTSAN PA'I NOR BU LA, AOm YA MA R'A DZA SARBA SIDHI H'Um, ZHES PA'I SNGAGS KYI 'PHRENG BAS BSKOR BA LAS 'OD ZER DMAR PO ZHAGS PA DANG LCAGS KYU DANG LCAGS SGROG SOGS KYI RNAM PA DPAG TU MED PA 'PHROS, DGRA BGEGS RNAMS TSAR BCAD CING SRID ZHI'I DPAL 'BYOR LONGS SPYOD THAMS CAD BKUG NAS RANG LA BYIN PAR BSAM NAS, GONG GI SNGAGS 'DI CI 'GRUB BZLA ZHING MTHAR YI GE BRGYA BAS BRTAN PAR BYA, GTOR SNOD GTZANG MAR DKAR GSUM MNGAR GSUM SHA KHRAG SOGS ZAS SNA GTZANG MA GANG 'BYOR DAR DMAR POS BRGYAN TE, CHAD CHU NANG MCHOD KYIS BRAN LA, YI DAM GYI GTOR MA LTAR BYIN BRLABS BYA BA 'AM, MDOR BSDU NA, SVA BHA WAS SBYANGS, STONG PA'I NGANG LAS Ym LAS RLUNG Rm LAS ME'I DKYIL 'KHOR GYI STENG DU MI MGO'I
SKYED BU GSUM GYI STENG DU A'A: LAS THOD PA DKAR PO RGYA CHE BA'I NANG DU AOm A'A: H'Um 'OD DU ZHU BA LAS BYUNG BA'I GTOR MA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, 'BRU GSUM LAN GSUM BRJOD PAS BYIN GYIS BRLABS, DAM CAN GSHIN RJE'I RGYAL PO'I LJAGS H'Um LAS SKYES PA'I RDO RJE RTZE GCIG PA DMAR PO 'DOD KYI SBU GU CAN GYIS GTOR MA'I BCUD THAMS CAD DRANGS TE GSOL BAR GYUR, AOm YA MA R'A DZA SARBA SIDDHI H'Um AI DAM BA LIm TA KHA KHA KH'A HI KH'A HI, ZHES PA GSUM Mm BDUN GYIS GTOR MA 'BUL, SNGAR LTAR MCHOD BSTOD BYA, DAM CAN GSHIN RJE'I RGYAL PO YIS, ,MI MTHUN BAR CHAD THAMS CAD ZHI, ,TSE BSOD DPAL 'BYOR LONGS SPYOD RGYAS, ,LEGS TSOGS 'DOD DGU DBANG DU SDUS, ,DGRA BGEGS MA LUS TSAR GCOD PA'I, ,ZHI RGYAS DBANG DRAG LAS KUN SGRUB, ,MDOR NA MCHOG DANG THUN MONG GI ,DNGOS GRUB MA LUS BSTZAL DU GSOL, ,CES 'PHRIN LAS BCOL, YI GE BRGYA PA BRDZOD,, MA RNYED YONGS SU MA SHES DANG, ,ZHES SOGS KYIS NONGS PA BZOD PAR GSOL, RTEN YOD NA BRTAN BZHUGS DANG, MED NA, KHYOD KYIS SEMS CAN DON KUN MDZAD, ,ZHES SOGS DANG; BADZRAMU: YE SHES PA RANG BZHIN GYI GNAS SU GSHEGS, DAM TSIG PA RANG NYID LA THIM PAR GYUR, BKRA SHIS SOGS KYIS BRGYAN PAR BYA'O, ,(CES PA 'DI NI CHOS LA 'DUN PA'I LHAG BSAM DGE BA CAN DGE SLONG NGAG DBANG RAB BRTAN ZHES BGYI BAS 'DI LTA BU ZHIG DGOS ZHES BSKUL BA'I NGOR BAN RGAN SNYOMS LAS BA NGAG DBANG BLO BZANG CHOS LDAN GYIS SBYAR BA'I YI GE BA NI RAB 'BYAMS SMRA BA BLO BZANG NYI MA'O, ,DGE'O,,