(*, ,NAM MKHA' SGO 'BYED KYI DBANG GI BSHAD PA'I ZIN BRIS THOR BU BZHUGS SO),, ,, *, ,NAM MKHA' SGO 'BYED KYI DBANG GI SKABS SU, BLA MA YUM CHEN MOR GSAL BA LA GSOL BA GDAB, DAL 'BYOR RNYED DKA' NAS BYANG CHUB KYI SEMS KYI PAR BLA MAS BRDA' SPRAD PA LTAR BSAM, GNAS KHANG BDE BA CAN LTA BU'I DAG PA'I ZHING DU MOS SHING, GTOR MA MKHA' 'GRO SDE LNGA DANG STENG GI NAM MKHAR RTZA RGYUD KYI BLA MA BZHUGS GNAS DANG BCAS PA GSAL GDAB LA, BYAD SDOM BZUNG, DBANG DNGOS LA GSUM LAS, DANG PO LUS LA RGYAN DRUG RUS PA'I DBANG BSKUR BA LA RANG LAB SGRON DU BSKYED PA LA MGUL RGYAN, RNA RGYAN PHYAG GDUB DANG ZHABS GDUB, DBU RGYAN, SER LA KHA'AM TSANGS SKUD DAM MCHOD PHYIR THOGS, RKED RGYAN NAM 'OG BAG STE RGYAN DRUG PO RIM PA BZHIN DPA' BO DANG RNAL 'BYOR MA THAMS CAD KYI SBYIN SOGS PHAR PHYIN RE'I NGO BOR MOS PA GTAD DE RGYAN 'DI THOG LA BDAG 'DZIN CHOD CIG PAR PA DBANG BSKUR BA'O, ,DE'I YAN LAG tA MA RU DANG MI RKANG GLING BU'I PHYAG 'TSAN GNYIS GTAD DE STONG PA NYID KYI RANG SGRA SGROGS PA 'DI 'CHANG NAS DKROL ZHING SKUR LA BDAG 'DZIN CHOD CIG PAR DBANG BSKUR BA'O, ,GNYIS PA NGAG LA GSUNG SKAD PHAt KYI DBANG BSKUR BA LA, GCOD DAR ZHI BYED GNYIS DGONGS PA GCIG PAS PHA DAM PAS ZHI BYED MGUR DU BLANGS BA LAS, GDON GNOD SBYIN PHO MO 'DUL TZA NA, RTUL ZHUGS 'KHRUL
'KHOR 'CHA' BA YIN, ZHES GNYAN KHROD 'GRIN PA'I TSE GCONG YUL BA LA LHOD DU GRAGS PA'I GDON BGEGS KYI BAR CHAD BYUNG BA'I TSE RANG GIS DE THAMS CAD BAR DU GCOD PA PO 'AM BAR CHAD GYI DE BO LA BRTAGS SHING DPYANG DE RANG BZHIN GYIS MA GRUB PAR SGOM PA'I RIG PA RTUL ZHUGS KYI 'KHRUL 'KHOR 'CHA' BAR GSUNGS BA LTAR RIG PA RTUL ZHUGS KYI 'KHRUL 'KHOR BYAS TE LTA BA'I GDENGS DANG LDAN PAS PHAt KYI SGRA DRAG PO SGROGS DGOS PAS SEMS LTA THOG TU BZHAG PA'I DANG NAS BLA MAS PHAt SGRA BSGROGS PA'I RJES ZLOS BYED PA'O, ,DE'I YAN LAG TU RANG YUM CHEN MOR BSKYED PA LA, TA DYA TH'A GA TE GA TE SOGS KYIS BZLAS LUNG 'BOG PA LA, SHES RAB KYI PHA ROL TU PHYIN PA'I SNGAGS, ZHES PA YAN GYIS RGYAL SRAS KYI SPYAD PA SPYOD TSUL RGYAS PAR BSTAN PAS, DE MDOR BSDUS TE NYAMS SU LEN TSUL JI LTAR YIN ZHI NA, 'DI LTA STE, SONGS SHIG ,SONGS SHIG, PHA ROL TU SONGS SHIG ,PHA ROL TU YANG DAG PAR SONGS SHIG ,BLA NA MED PA YANG DAG PAR RDZOGS PA'I BYANG CHUB TU SONGS SHIG ,CES DANG DON 'GYUR GYI DBYANG DU BYAS NA, CHOS THAMS CAD RANG BZHIN MED PAR SGOM PA'I SGOS TSOGS LAM DU SONGS SHIG ,DE NAS SBYOR LAM DU SONGS SHIG ,DE NAS PHA ROL MTHOD LAM DU SONGS SHIG ,DE NAS PHA ROL SGOM LAM DU YANG DAG PAR SONGS SHIG ,DE NAS BLA NA MED PA YANG DAG PAR RDZOGS PA'I BYANG CHUB TU SONGS SHIG ,CES PA'I DON YID LA DRAN PAR BYAS TE SEMS LTA THOG TU BZHAG PA'I DANG NAS, BLA MA'I PHYAG LEN LTAR NYI SHU RTZA GCIG
, ,BYED PA'O, ,GSUM PA SEMS LA CHOS NYID DON GYI DBANG BSKUR BA NI, MDO LAS 'DI YOD PAS 'DI 'BYUNG, 'DI SKYES PA'I PHYIR 'DI SKYE STE, GANG 'DI MA RIG PA'I RKYEN GYIS 'DU BYED DE, ZHES SOGS DANG, MGON PO KLUS, LAM GSUM THOG MTHA' DBUS MED PA, ZHES SOGS DANG, ZLA BAS, NYON MONGS SKYON RNAMS MA LUS 'JIGS TSOGS LA, ZHES SOGS GSUNGS PA LTAR, SEMS CAN RNAMS 'KHOR BAR BAR 'TSAMS MED PAR 'KHOR BA NI YAN LAG GCU GNYIS KYI THOG MA'I MA RIG PA'AM BDAG TU 'DZIN PA'I BLO MI RTAG PA'I DBANG GIS YIN ZHING 'KHOR PA'I RGYUR RAM RTZA BAR GYUR PA'I BDAG 'DZIN DE LA YANG GANG ZAG GIS BDAG 'DZIN DANG CHOS KYI BDAG 'DZIN GNYIS YOD DO, , DE YANG RANG CAG RNAMS LA SNANG TZAM GYI GANG ZAG SKYE 'PHAGS SOGS GANG ZAG GI BDAG 'DZIN GYI DMIGS YUL GANG ZAG DANG, SNANG BA LTAR GYI RANG GZHAN SKYE 'PHAGS KYI GANG ZAG RNAMS DGAG BYA'I GANG ZAG GI BDAG ,GANG ZAG LAS GZHAN PA'I SNANG TZAM GYI RGYUD KYIS BSDUS PA DANG MA BSDUS PA'I CHOS THAMS CAD CHOS KYI BDAG 'DZIN GYI DMIGS YUL CHOS DANG, GANG ZAG LAS GZHAN PA'I SNANG BA LTAR GYI CHOS RNAMS NI DGAG BYA CHOS KYI BDAG GO ,DE LTAR NA 'KHOR BA LAS GROL BA LA BDAG TU 'DZIN PA'I BLO MI RTAG PA DANG 'DZIN STANG NGAM, , DPER NA MI LAS BYED CIG GIS BYA BA BYED LUGS LA BLTAS NAS MI 'DI'I BYED STANG LA ZER BA LTAR 'DZIN SDANG ZHES PA YANG 'DZIN LUGS SAM 'DZIN TSUL LA ZER GSUNGS, ,'DZIN LUGS
DNGOS SU 'GAL BA'I BDAG MED RTOGS PA'I SHES RAB SGOM DGOS SO, ,DE'I TSUL NI GCOD YUL BAS SKABS LA LAR DBYINGS RIG BSRES NAS SGOM PAR BYA DGOS LA, DE YANG RANG GI RNAM SHES PHUNG PO DANG PHRAL NAS SEMS BDE STONG NAM MKHA'I DBYINGS DANG DBYER MED DU BSRES TE RANG LA SNANG BA LTAR GYID YOD NA LUS SEMS GNYIS DANG GCIG GAM THA DAD GANG RUNG DU YOD DGOS, GCIG TU YOD NA LUS SEMS GNYIS YOD PA LTAR NGA GNYIS YOD PA'AM NGA GCIG LAS MED PA LTAR LUS SEMS YANG GNYIS MED PAR 'GYUR NA DE YANG MI 'THAD, THA DANG DU KUN NAS LUS SEMS GNYIS PHRAL BA'I RJES SU NGA 'DI'O ZHES GZUNG DU YOD DGOS PA LA DE YANG MED PAS THA DAD DU MA GRUB SNYAM PA SOGS DPYAD PA BZHI'I SGO NAS DBYAD DE RANG BZHIN MED PA LA MNYAM PAR GZHAG DGOS SHING DE LTAR BYANG CHUB KYI SEMS GYIS ZIN PA'I SGOS NYAMS SU LEN PA LA THABS SHES KYI SPYOD YUL DANG, BDAG 'DZIN GYI ZHEN YUL SUN PHYUNG STE 'KHOR BA'I RTZA BA GCOD PAR BYED PAS NA ZAB MO BDUD KYI GCOD DU GCOD YUL GYI YUL ZHES PA BAS MTSONG TZAM LA GCOD PA SNGA MA PHAL CHER GNYAN KHROD, 'GRIM PAR MDZAD PAS GNYEN KHROD PA ZHES KYANG ZER BAS YUL GNYAN KHROD 'GREM PA'I CHA NAS YIN NAM SNYAM GSUNGS, ZHES KYANG BYA'O, ,DES NA DE LTA BU'I DMIGS PA 'BOG PA'I TSUL NI 'GRENG STE THAL MO SPYI BOR SBYAR BA'I SPYI GTZUG NAS LTE 'OG GI BAR DU DBU MA MDA' SMYUG TZAM GYI YAR SNA SPYI BOR THAL LO YOD PA MAR SNA SUM MDO NAS GA-YAS
, ,GA-YON DU GYIS TE RKANG MTHIL DANG KHA DA CHAD DU YOD PA'I 'OG TU RNAM SHES KYI NGO BO 'OD DKAR PO GNYIS BSAM, MDUN GYI NAM MKHAR YUM CHEN NA MO BZHUGS PA'I ZHAL NAS, RIGS KYI BU YAR LA SHOG ,SKYID PAR 'OD, BDE BAR 'ONG, ZHES SOGS KYI GSUNG LHANG LHANG 'BYON PA'I MOS PA YANG BYA, BLA MAS tA MA RU DANG DRIL BU'I SGRA DANG BCAS TE PHAt BRJOD PA DANG RNAM SHES KYI NGO BO 'OD DKAR PO DE LTE BAR SLEB TE GCIG TU 'DES, YANG PHAt BRJOD PA DANG SNYING KAR, YANG PHAt BRJOD PA DANG MGRIN PAR, YANG PHAt BRJOD PA DANG SPYI BOR, DE NAS PHAt BRJOD PA DANG RANG GI BLO'I 'KHYUD TZAM GYI NAM MKHA'I MTHONG GI THAG RING POR SKAR MDA' 'PHANGS PA BDE STONG CHOS SKU'I DBYINGS DANG RE GCIG TU SONG BAR BSAM LA LTA THOG TU BZHAG PA'O, ,'DI LA SPYI GTZUG RNAM PAR LTA BA'I TING NGE 'DZIN ZHES KYANG BYA LA, MDO LAS NAM MKHA' RNAM PAR DAG PA'I TING NGE 'DZIN ZHES KYANG GSUNGS SO, ,DE NAS GTOR MA MKHA' 'GRO MA LTAR GSAL BA DE MGOR BZHAG PA LAS BYIN RLABS ZHU, DE NAS RANG GI SPYI BOR MKHA' 'GRO MA LNGA DANG STENG GI NAM MKHAR RTZA RGYUD KYI BLA MA THAMS CAD RANG RANG GI BZHUGS GNAS DANG BCAS PA RANG DANG KHA LTA PHYOGS MTHUN PAR BZHUGS YOD PAR BSAM LA GSOL 'DEBS BYA, DMIGS PA NI , MKHA' 'GRO RIGS LNGA RTZA RGYUD KYI BLA MA DANG BCAS PA RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO RNAMS GSAL BTAB LA DE LAS BDUD
RTZI 'OD ZER DKAR DMAR MTHING GSUM BABS PA GCIG TU 'DRES TE SPYI BO BDE CHEN GYI 'KHOR LO'I NANG BRGYUD DE MGRIN PAR SLEB PA NA LUS KYI SGO NAS BSAGS PA'I SDIG SGRIB THAMS CAD DAG ,BUM PA'I DBANG THOB, SPRUL PA'I SKU 'GRUB PA'I NUS PA KHYAD PAR CAN BZHAG ,DE NAS SNYING KAR SLEB PA NA NGAG GI SGO NAS BSAGS PA'I SDIG SGRIB THAMS CAD DAG ,GSANG BA'I DBANG THOB, LONGS SKU x DE NAS LTE BAR SLEB PA NA YID KYI SGO NAS x SHES RAB YE SHES KYI x CHOS SKU x DE NAS LUS KYI CHA THAMS CAD LA KHYAB PAS LUS NGAG YID GSUM GYI SGO NAS BSAGS PA'I SDIG SGRIB THAMS CAD DAG ,TSIG DBANG RIN PO CHE THOB, ZUNG 'JUG RDO RJE 'CHANG GI GO 'PHANG MDON DU BYED PA'I NUS PA KHYAD PAR CAN BZHAG PAR BSAM ZHING, 'DI NI BDUD RTZI CHU RGYUN GCIG PA'I TING NGE 'DZIN GYI DBANG BZHI BLANG TSUL YIN NO SOGS RGYAS PAR THUGS LA BTAGS SO, ,'DI NI KHYAB BDAG 'KHOR LO'I MGON PO RDO RJE 'DZIN PA CHEN PO DKON MCHOG MTSAN CAN GYI DRUNG DU NAM MKHA' SGO 'BYED KYI DBANG ZHU BA'I SKABS SU GSUNG BSHAD DANG PHYAG LEN RANG GI BLO CHOD LA DPAG PA'I GO TSONG PHRAN BU TZAM ZHIG BRJED BYAD BYA BA'I PHYIR YI GER BKOD PA YIN BAS 'GAL 'KHRUL SOGS NONGS PA'I TSOGS CI MCHIS PA THAMS CAD BLA MA DANG MKHAS PA'I TSOGS LA 'CHAGS PAS BZOD PAR MDZAD PA ZHU LAGS, GZHAN LA DBANG BYED PA'I TSE RANG ZHES PA RNAMS SLOB MA ZHES PAR 'DON PA BSGYUR DGOS PA SOGS SHES PAR BYA'O, ,CES PA 'DI YANG
, ,RDO RJE 'CHANG NGAG DBANG BLO BZANG CHOS LDAN DPAL BZANG POS ZIN BRIS SU BGYIS PA'O, ,