*, ,(DBANG GI SNGON 'GRO BSHAD PA'I LUNG SBYOR BZHUGS SO,, ,,) # , ,SLOB DPON KLU SGRUB KYI MCHOD RTEN BRGYAD KYI BSTOD PA LAS, DANG PO BYANG CHUB MCHOG TU SEMS BSKYED DE, ,SKAL PA GRANGS MED GSUM DU TSOGS BSAGS SHING, ,BAR DU GCOD BA'I BDUD BZHI BCOM MDZAD PA , BCOM LDAN SENG GE DE LA PHYAG 'TSAL LO, ,MDO SDE RGYAN LAS, SDE SNOD DAG NI GSUM MAM GNYIS KYANG RUNG, ,RNAL 'BYOR BLA MED KYI RGYUD DON LA 'JUG BA LAS, ,
, ,BYANG CHUB SEMS DPA'I THEG PA LA YANG GNYIS TE, SA DANG PHA ROL TU PHYIN PA'I THEG PA DANG GSANG SNGAGS 'BRAS BU RDO RJE THEG PA'O, ,'PHAGS PA GSANG BA LUNG BSTAN PA'I MDO LAS, ,RGYU LA SBYOR BA RGYU YI CHOS, ,'KHOR LO RAB TU BSKOR BYAS NAS, ,'BRAS BU'I THEG PA NYE LAM ZHIG ,MA 'ONG DUS NA 'BYUNG BAR 'GYUR, ,'DUS PA PHYI MA LAS, DBANG PO DANG NI YUL RNAMS KYI, ,RKYEN GYIS GANG DANG GANG BYUNG YID, ,YID DE M'AN ZHES BYA BAR BSHAD, ,TR'A NI SKYOB PAR BYED PA'I DON, ,'JIG RTEN SPYONG LAS RNAM GROL BAR, ,GANG BSHAD DAM TSIG SDOM PA STE, ,RDO RJE KUN GYIS BSRUNG BA NI, ,SNGAGS KYI SPYOD PA ZHES BSHAD DO, ,SNYIM PA'I ME TOG LAS, RDO RJE THEG PA ZHES BYA BA NI, THEG PA CHEN PO MA LUS PA BSDUS PA NI PHA ROL DU PHYIN PA DRUG YIN LA, DE RNAMS BSDUS PA NI THABS DANG SHES RAB YIN ZHING DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA, DE NYID NI RDO RJE YIN NO, ,RDO RJE YANG DE YIN LA THEG PA YANG YIN PAS NA RDO RJE THEG PA STE SNGAGS KYI THEG PA ZHES BYA BA'I DON NO, ,MTHA' GNYIS SEL BA LAS, DBYER MED PA DANG 'BRAS BU NYID LAM DU GYUR PA DANG, THABS KYI CHE BA DANG SHIN TU GSANG BAR BYA BA'I PHYIR RDO RJE'I THEG PA DANG 'BRAS BU'I THEG PA DANG, THABS KYI THEG PA DANG, GSANG BA'I THEG PA ZHES BYA'O, ,GUR LAS, GAL TE
STONG BA THABS YIN NA, DE TSE SANGS RGYAS NYID MI 'GYUR, ,RGYU LAS 'BRAS BU GZHAN MED PHYIR, ,THABS NI STONG PA NYID MA YIN, ,LTA BA RNAMS LA LOGS RNAMS DANG, , BDAG TU LTA BA 'TSOL RNAMS KYI, ,BDAG TU 'DZIN PA BZLOG PA'I PHYIR, ,RGYAL BA RNAMS KYIS STONG PAR BSTAN, ,DE PHYIR DKYIL 'KHOR 'KHOR LO ZHES, ,BDE BA'I THABS KYI SDOM PA STE, ,SANGS RGYAS NGA RGYAL RNAL 'BYOR GYIS, ,SANGS RGYAS NYID YUN RING MI 'GYUR, ,STON PA SUM CU RTZA GNYIS MTSAN, ,MNGA' BDAG DPE BYAD BRGYAD CUR LDAN, ,DE PHYIR THABS DE BSGRUB BYA STE, ,THABS NI STON PA'I GZUGS CAN NO, ,KHA SBYOR LAS, MDOR BSDUS LAS NI SANGS RGYAS NYID, ,SKAL PA BYE BA GRANGS MED PAS, ,JI SRID SANGS RGYAS GANG THOB PA, ,GANG GIS DAM PA'I BDE BA'I KHYOD, ,SKYE BA 'DIR NI THOB PAR 'GYUR, ,GUR LAS, DMAN PA RNAMS LA BYA BA'I RGYUD, ,BLA MED RNAL 'BYOR DE LTAG LA'O, ,RNAL 'BYOR MCHOG NI SEMS CAN MCHOG ,RNAL 'BYOR BLA MED DE LTAG LA'O, ,KHA SBYOR LAS, RGOD DANG BLTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYI RGYUD BZHIR GNAS, ,BLA MA LNGA BCU PA LAS, BSAM PA DAG PA'I SLOB MA NI, ,DKON MCHOG GSUM LA SKYABS SONG LA, ,BLA MA'I RJES SU 'JUG PA 'DI, ,KHA TON BYA BAR SBYIN PAR BYA, ,DE NAS SNGAGS SOGS BYIN PA YIS, ,DAM CHOS SNOD DU BYAS NAS
, ,SU; ;LAG NA RDO RJE DBANG BSKUR BA'I RGYUD LAS, 'JAM DPAL GANG DAG BYANG CHUB KYI SEMS SGOM PA LA ZHUGS PA DANG GANG GI TSE DE DAG GIS BYANG CHUB KYI SEMS GRUB PAR GYUR PA DE'I TSE 'JAM DPAL BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA'I DE DAG YE SHES CHEN POR DBANG BSKUR BA'I GZUNG SNGAGS KYI DKYIL 'KHOR DU GZHUG PAR BYA'I, GANG DAG GI BYANG CHUB KYI SEMS RDZOGS PAR MA GYUR PA DE DAG NI GZHUG PAR MI BYA STE, DE DAG NI DKYIL 'KHOR BLTA BAR YANG MI GZHUG GO , DE DAG LA NI PHYAG RGYA DANG GSANG SNGAGS KYANG BSTAN PAR MI BYA'O, ,SLOB DPON SKAL BZANG RDO RJE'I LAM RIM LAS, ,SKAL BA DANG LDAN GANG ZAG GIS, ,BLA MA DAM PAR GYUR PA LA, ,SEMS BSKYED SDOM BLANG DBANG NOD CING, ,DE NYID SRUNG DANG MTSAN NYID SHES, ,SEMS SBYANG SPYOD PA DAG PA DANG, ,CHO GA LNGA NI MTSAN NYID DO, ,PHYAG CHEN THEG LE LAS, DANG POR RE ZHIG GANG TSE SLOB, ,LAN CIG DBANG RNAMS KYIS NI BSKUR, ,DE TSE GSANG CHEN BSHAD PA YI, ,NGES PAR SNOD DU GYUR PA'O, ,DBANG MED NA NI DNGOS GRUB MED, ,BYE MA BTZIR LA MAR MED LTAR, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ,DE BAS 'BAD PA THAMS CAD KYIS, ,BLA MA LAS NI DBANG NOD ZHU, ,RGYUD RDOR 'PHRENG LAS, DBANG BSKUR BA NI GTZO
BO STE, ,DNGOS GRUB THAMS CAD RTAG TU GNAS, ,NGA YIS JI BZHIN DON BSHAD KYI, ,DE PHYIR THOG MAR YANG DAG NYON, ,THOG MAR SLOB MA GANG GI TSE, ,BLO LDAN YANG DAG DBANG BSKUR NI, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO, ,MNYAM SBYOR LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANG BA DANG, ,GSANG BA'I DE NYID MI SHES PAS, ,BSGRUB KYANG CI YANG MI 'GRUB PO, ,BLA MA LNGA BCU PA LAS, BLA MA DANG NI SLOB MA NI, ,MTSUNGS PAR DAM TSIGS NYAMS 'GYUR BAS, ,DPA' BOS DANG POR SLOB DPON DANG, ,SLOB MA'I 'BREL BA BRTAGS PAR BYA, ,RGYUD RDOR 'PHRENG LAS, JI LTAR RIN CHEN BDAR BA DANG, ,GSER NI BSREGS DANG BCAD PAS BRTAGS, ,DE BZHIN DU NI SLOB MA YANG, ,LO NI BCU GNYIS BAR DU BRTAGS, ,DE PHYIR PHAN TSUN DE LTA BUS, , DUS KUN DU NI DE LTAR BRTAGS, ,CES DANG, JI LTAR SENG GE'I 'O MA NI, ,SA YI SNOD DU BZHAG MI BYA, ,DE BZHIN RNAL 'BYOR CHEN PO'I RGYUD, ,SNOD MIN DAG LA SBYIN MI BYA, ,SLOB MA SKAD CIG DE LA 'CHI, ,DE DANG PHA ROL DU NI PHUNG, ,SNOD MIN MAN NGAG RAB BSHAD NA, ,SLOB DPON DNGOS GRUB NYAMS PAR 'GYUR, ,RGYUD
, ,RDOR 'PHRENG LAS, ZHI BA LA SOGS LAS LA BYAD, ,SNGAGS DANG RNAL 'BYOR CHO GA SHES, ,DE NI BLA MAR MNGON PAR BSNGAGS, ,TSUL KHRIMS DAG CING SBYIN PA GTONG, ,BZOD DANG BRTZON 'GRUS MCHOG DANG LDAN, ,NYIN DANG MTSAN DU SGOM LA ZHEN, ,SHES RAB LDAN ZHING BZO LA MKHAS, ,BLA MA'I PHYIR NI YON TAN TSOGS, ,DPAL LDAN SLOB DPON ZHES NI BRJOD, ,NAD GI GSANG 'DUS LA RAB DGA', ,PHYI ROL NYAN THOS KYI SPYOD PA, ,DE LTA'I MAN NGAG RIM PA YIS, ,SLOB MA RNAMS LA RJES SU BSLAB, ,DE NI STON PAR YONGS SU SHES, ,DON DAM BSNYEN PA LAS, RTZOD LDAN DBANG GIS BLA MA SKYON DANG YON TAN 'DRES, ,RNAM PA KUN DU SDIG PA MED PA YOD MA YIN, ,GANG ZHIG YON TAN LHAG PA YANG NI LEGS DBYAD NAS, ,BU RNAMS KYIS NI DE LA BRTEN PAR 'GYUR PA'O, ,DE NYID BSDUS PA'I DUM BU DANG PO LAS, ,DKYIL 'KHOR CHEN PO 'DIR GZHUG PA LA SNOD DANG SNOD DU GYUR PA DANG SNOD DU MA GYUR BA BRTAG MI 'TSAL LO, ,RDO RJE 'BYUNG BA LAS, GANG ZHIG SDOM PA 'DZIN PAR MI BYED PA DE LA NI DE NGA KHYOD CES BYA BA LA SOGS PA RNAMS BRJOD PAR MI BYA STE, SLOB DPON RJES SU GNANG BA DANG DBANG BSKUR BAR MI BYA'O, ,'JUG PA TZAM ZHIG BYED DU GZHUG GO ,SPYI RGYUD LAS, SLOB MA YAN LAG MA NYAMS DANG, ,LHAG PAR YON TAN LDAN PA DANG, ,NAD MED RIGS NI BTZUN PA DANG, ,DANG
CING RTUL ZHUGS LDAN PA DKON, ,DKON MCHOG GSUM LA, GANG DAD CING, THEG PA CHEN PO'I LUGS LA DGA', ,BSOD NAMS 'DOD PA'I SEMS CAN NI, , CHEN PO DE DAG MDOR BZUNG NGO, ,BDE GSHEGS GSANG SNGAGS SGRUB PA LA, ,DON GNYER BRTZON PA'I SLOB MA NI, ,GZUGS NGAN YON TAN MI LDAN YANG, ,BLO DANG LDAN PAS GZHUG PAR BYA, ,RDO RJE MKHA' 'GRO LAS, SLAR YANG DKYIL 'KHOR BRI PA'I PHYIR, ,SLOB MA YIS NI BLA MA LA, ,YANG DANG YANG DU GSOL BAR BYA; ;SNYING PO MDOR BSAGS LAS, ,SNGON DU BSNYEN PA LA 'BAD NAS, ,DE NI DKYIL 'KHOR DE NYID NI, ,SHIN TU DUL BAS BSTAN PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,DKYIL CHOG BZHI BRGYA LNGA BCU PA LAS, ,DKYIL 'KHOR CAN SNGAGS 'BUM BZLAS PA'AM, , YANG NA RANG GI LHA YI 'BUM, ,GZHAN GYI KHRI STE YANG NA NI, ,'KHOR LO CAN GYI BKAS GNAD BRI, ,'PHRENG BA LAS, DE PHYIR RIM GNYIS DE NYID RIGS, , DBEN PAR YANG DAG GNAS NAS NI, ,LHA YI 'KHOR LO BSGOM PAR BYA, ,SKYON DE YI GSANG SNGAGS BZLAS, ,'KHOR LO'I GTZO BO 'BUM BZLAS SHING, ,YANG NA RANG GI LHA YI 'BUM, ,DKYIL 'KHOR BA YI KHRI YIN TE, ,'DI NI SNGON DU BSNYEN PAR BRJOD, ,SPYI RGYUD LAS, YANG DAG ZHI BA'I SEMS KYIS NI, ,DUS
, ,DANG TSE GRANGS ZHI BA LA, ,SNGAGS KYI SPYAN 'DREN BYED BA NI, ,BSAM PA'I DNGOS GRUB THOB PAR 'GYUR, ,TSES GRANGS NGAN DANG DUS MIN DANG, , GNAS MIN CHO GA MI LDAN PAR, ,MKHAS PAS DKYIL 'KHOR MI BRI'O, ,BRIS NA DOGS PA MED PAR 'CHI, ,YUD TZAM RNAMS NI RGYUD KUN GYI, ,BYA BA'I CHO GA RNAMS LA SHIS, ,DE DAG LA SOGS BZANG PO DANG, ,BYED PA BZANG LA RTAG TU BRI, ,STON ZLA 'BRING PO'I NYA NAS NI, ,DPYID ZLA THA CHUNG NYA YI BAR, ,'DI YI BAR DU MKHAS PA YIS, ,DKYIL 'KHOR CHO GA BZHIN DU BRI, ,BGEGS KYI DKYIL 'KHOR NAD GCAD DANG, ,DE BZHIN SGRUB PA'I DKYIL 'KHOR DAG ,DPYAD MI DGOS PAR DBYAR YANG NI, ,MKHAS PAS DUS BZHIN BRI BAR BYA, ,MKHAS PAS JI SKAD BSHAD PA YI, ,ZLA BA YAR GYI NGO DAG LA, ,ZLA BA NYA 'AM BCU GSUM MAM, ,TSES BRGYAD DAG GAM BCU BZHI 'AM, ,TSES BCU DANG NI BCU GCIG GAM, ,YANG NA YAR GYI TSES GCIG GAM, ,TSES LNGA 'AM YANG NA TSES BDUN NAM, ,YANG NA TSES GRANGS GSUM YANG RUNG, ,NYI MA BCU PO 'DI DAG LA, ,DKYIL 'KHOR RAB TU BSGRIMS TE BRI, ,MAR GYI NGO YI DUS 'TSAMS LA'ANG, ,DKYIL 'KHOR BRI BA 'GAL BA MED, ,RAB GNAS GYI RGYUD LAS, ,GAL TE GZA' DANG RJES MTHUN NA, ,NAG PO'I PHYOGS LA'ANG BRTZAMS PAR BYA, ,SPYI RGYUD LAS, PHUR BU DANG NI ZLA BA DANG, ,
PA WA SANGS DANG NYI MA BZANG, ,GZHAN LA RAB TU DRAG PO YI, ,LAS NI KUN TU BRTZAM PAR BYA, ,RGYAL DANG SKAG DANG SA GA DANG, ,ME BZHIN NAG PA THA SKAR DANG, , SMRON LA SOGS PA DE DAG NI, ,DKYIL 'KHOR DAG LA RAB TU SHIS, ,DE LA SOGS PA BZHI BA DANG, ,RGYU SKAR DAG NI BZANG PO LA, ,BLO DANG LDAN PAS DKYIL 'KHOR BRI, , SLOB DPON DRIL BU PA'I DBANG CHOG LAS, ,DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS GSUNGS PA STE, ,'ON KYANG DKYIL 'KHOR DE'I RANG BZHIN, ,CI YIN DA NI 'DI LTAR BSHAD, ,RI MOR GNAS PA'I LAS DANG NI, ,THIG LAS TSON BKYE'I RIM PA BSTAN, ,'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, , SNGAGS RIM LAS, DUL BYA'I KHYAD PAR 'GA' ZHIG LA, ,BSAM GTAN GYI DKYIL 'KHOR YANG GSUNGS PAS DKYIL 'KHOR DU GZHUG PA'I SKABS KYI DKYIL 'KHOR LA SPYIR NA BZHI YOD DE, SNGAGS RIM LAS, 'DIR DKYIL 'KHOR RNAMS KYI THUN MONG GI CHO GA BSTAN PAR 'DOD PAS 'PHRENG BA GZHIR BYA STE DE NI PHA RGYUD DANG MA RGYUD SOGS KYI DKYIL 'KHOR GYI CHO GA THUN MONG BA'I DBANG DU MDZAD PA'I PHYIR DANG CHO GA SHIN DU GSAL PA'I PHYIR RO, ,SGYU DRA LAS, DANG PO SA GZHI YONGS SU BZUNG, ,GNYIS PA STA GON GNAS PA STE, ,NUB GSUM PA NI 'JUG PA YIN, ,SA CHOG ,STA GON, DNGOS GZHI, DANG PO LA, SA BRTAG PA, BSLANG BA, SBYANG BA, BZUNG BA, BSRUR ZHING BYIN GYIS RLABS PA, SNGAGS RIM LAS, RAS RI SA LA BRTEN NAS
, ,JI LTAR BYA BA GSAL BAR MA GSUNGS KYANG RAS RIS LA BRTEN NAS DBANG BYED PA'I DKYIL CHOG SGRA GCAN 'DZIN DPAL BSHES GNYEN DANG NGAG DBANG GRAGS PA DANG RTAG PA'I RDO RJES MDZAD PA LAS MA BYUNG ZHING DON THOB LA DBYAD NA'ANG MI DGOS PAR SNANG BAS SA BRTAG PA DANG BSLANG BA DANG SBYANG BA RNAMS MI DGOS SO, ,SA BZUNG BA'I SKABS KYI CHO GA LA NI 'PHRENG BA LAS, DKYIL 'KHOR GYI BDAG PO'I GZUGS KYIS SA BZUNG BA LA SOGS PA DANG, SKU GZUGS LA SOGS PA'I RAB GNAS DANG SLOB MA DBANG BSKUR BA DANG, GSHEGS SU GSOL BA DANG ZHI BA'I SBYIN SREG GI MTHAR THUG PA THAMS CAD YID KYIS BYA'O, ,ZHES YID KYI DKYIL 'KHOR DU DBANG BSKUR BA'I SKABS SU GSUNGS PAS LHA'I RNAL 'BYOR BSGOM NAS BGEGS LA BSGOM PA DANG PHUR BUS GDAB PA DANG RAB SOGS KYI BSRUNG BA RNAMS BYA'O, ,STA GON LA, SA LHA, LHA, BUM PA, SLOB MA STA GON, ZUNG 'JUG GSAL BA LAS, BUM PA DE DAG NANG NAS NI, ,RNAM RGYAL MTSAN NYID LDAN PAR BYA, ,SOR MO BRGYAD KYI TSAD KYIS NI, ,MGRIN PA MTHO ZHING RNAM PAR MDZES, ,LTO BA'I RGYAR NI MTHO LNGA'O, , GAL TE DE LAS TSAD GZHAN NA, ,YON BDAG DGE BAR 'GYUR BA MIN, ,NAG PO RNAM PAR SPANG PA DANG, ,RTZA BA DOR ZHING MA 'BYAR BA, ,BU GA RNAM PAR SPANG PA DANG, ,DE BZHIN GAS PA MED PA GZUNG, ,RDUL CHON LA NI LHA GRANGS SAM, ,YANG NA BUM PA LNGA BRGYAD DGU, ,SNGAGS RIM LAS, ,RTZA BA NI ZHABS STEGS SO, ,NAG PO MED PA NI RANG BZHIN GYIS
DKAR NA DES CHOG LA DE LTAR MIN NA 'BRAS BTAGS PA'AM THOD LE KOR RAM TZAN DAN GYI 'DE GUS DKAR PO BYA STE SA DKAR GYIS KYANG BYUG PAR BSHAD DO, ,PHRA DZNYA RA KIshA TAS SNYING PO LNGA YANG BSHAD PAS, LNGA PHRAG DRUG STE SUM CU'O, ,MU TIG ,GSER, PADMA R'GA ,BYI RU, MU MIN TE RIN CHEN LNGA, PAD RAG MED NA DNGUL DANG ZANGS DANG DUNG GANG RUNG NGO; ;MU ME NA MED NA NOR BU DANG, PRI HA RI, KntA KA RI, AA PA RA DZI TA DKAR PO, ,DAntA AUTPALA DKAR DMAR TE DBYUG PA'I AUTPALA SMAN LNGA, DANG PO STAG TSER BA, , GSUM PA GZHAN GYIS MI THUB PA DKAR PO, ,DBANG GI RAB BYED LAS DBANG LAG BGRANG, TI LA, NAS, MON SRAN, 'BRAS SO BA, GRO STE 'BRU LNGA, GA BUR, GUR GUM, TZAN DAN DKAR DMAR, GLA RTZI STE DRI LNGA, TIL, LAN TSAB, MAR, BU RAM, SBRANG RTZI STE SNYING PO LNGA, SNGAGS RIM LAS, BHA WA BHA TRA DANG BI BHU TIS BUM PA'I NANG DU LDUG PAR GSUNGS PA LTAR BYA'O, ,AOm PANYTZA BHE shA DZYE A'A: H'Um, AOm PANYTZA RADNA A'A: H'Um, AOm PANYTZA BE GA A'A: H'Um, AOm PANYTZA GARBE A'A: H'Um, AOm PANYTZA AA MRi TE A'A: H'Um, AOm PANYTZA GANDHE A'A: H'Um, MGUL CHINGS RAS KHA DOG SNA LNGA GANG RUNG ZUNG, SRAD BU DKAR PO BDUN GYIS DKRI, SNGAGS, AOm BADZRA SHi KHA RA RU tA ME tA DI SHm BANDHA H'Um, THER COG GSUM GYI TSUL DU DKRI, RDO RJE MKHA' 'GRO LAS, KHA NI SHING LO GSAR BAS DGANG, AA MRA SOGS LNGA MI RNYED PAS 'BRAS BU YAL 'DAB DANG LDAN
, ,PA'I SHING DRI ZHIM POS KHA BRGYAN, MNYAM SBYOR GYI DKYIL CHOG LAS, BUM PA LHA YI GNAS YIN TE, ,KHA RGYAN MGUL CHINGS RTA BAB RGYAN, ,GZUNG THAG THUGS RJE CHEN PO'I RTAGS, ,SMAN LNGA THUGS RJE BYANG CHUB SEMS, ,'BRU RNAMS LHA YI RANG BZHIN TE, ,RIN CHEN SNA LNGA SKU YI 'OD, ,SNYING PO YE SHES THUGS KYI DBYINGS, ,SPOS SOGS TSUL KHRIMS YON TAN RGYAL, ,KLU'I BLOS, DKYIL 'KHOR BA NI THAMS CAD KYI, ,SA BON YANG NA MTSAN MA'ANG RUNG, ,GUR GUM LA SOGS MNGON 'DUS BYAS, ,MKHAS PAS BUM PA'I LOGS LA BRI, ,RDO RJE MKHA' 'GRO LAS, MTSAN MA RANG RANG MDOG TU BYA, ,SPYI RGYUD LAS, MKHAS PAS SLOB MA GCIG GAM GSUM, ,LNGA'AM YANG NA BDUN, DAG GAM, ,NYI SHU RTZA NI LNGA YI BAR, ,ZUNG DU MA GYUR YONGS SU BZUNG, ,DE LAS LHAG PA'I SLOB MA DAG ,YONGS SU BZUNG BA MI SHIS SO, ,'PHRENG BA LAS, SLOB MA GCIG GAM GNYIS SAM MANG PO, ,SNGAGS RIM LAS, DE LTA NA'ANG BOD KYI BLA MA MKHAS PA RNAMS KYI PHYAG LEN LA SPYI RGYUD LTAR MDZAD PAR SNANG BA BZHIN DU BYA LA, SPYI RGYUD LAS, MDOR NA SLOB MA PHAN TSUN DU, ,NANG MI GSHIN PA MI BZUNG NGO, ,GCIG LA GCIG NI SEMS BZANG ZHING, ,ZHI DUL BLA MA LA PHAN PA, ZHES GSUNGS PA NI SHIN DU GAL CHE'O, ,SPYI RGYUD LAS, SLOB MA YONGS SU BZUNG BA GANG, ,STA GON GNAS TSE MED NA NI, ,DE YI GZUGS BRNYAN BYAS NAS SU, ,JI SKAD BSHAD PA'I LAS RNAMS BYA, ,SLOB MA YONGS SU BZUNG
BA GANG, ,GAL TE RKYEN 'GA' ZHIG GI NI, ,DER NI 'ONG BAR MA GYUR NA, ,GZHAN DAG DE YI SKYIN PAR GZHUG ,KUN SLONG BCOS SHING NANG DBANG BSKUR, ,GSOL BA GDAB CING 'DZIN DU GZHUG ,SDOM BSRUNG BYIN RLABS MCHOD PA BYA, ,SO DOR KHYOR CHU KU SHA SBYIN, ,MAntAL BUS GTZUG ME TOG DANG, ,BCAS PA'I SNYIM PA THAL MO SBYAR, ,SPYI RGYUD LAS,, LA LA GSANG SNGAGS SGRUB DON GNYERx RANG GTZO BOR GSAL BA'I THUGS KA'I SA BON GYIS BKUG PA ZHAL DU BCUG YUM GYI PADMAR THON GTZO BO ZHAL GCIG PHYAG GNYIS PAR GYUR PA LA SLAR YANG SA BON GYIS RGYAL BA YAB YUM BKUG KHA NAS ZHUGS YUM GYI PADMAR GNAS PA'I SLOB MA LA DBANG BSKUR TE SHAR SGOR BZHAG ,GSOL BA, SKYE RGA 'CHIB SOGS, 'PHRENG BA, RNAM SNANG MNGON BYANG LAS, BU TSUR SHOG CIGx DKON MCHOG GSUM LA SOGS, SGYU TRA DANG GUR, 'KHOR LO PHYIR MI LDOG PA SOGS 'PHRENG BA, SDOM BZUNG, 'KHYIL SNGAGS KYIS BSRUNG, SNYING MGRIN DBRAL BAR BSGOM, REG BRJOD PA MAS RIM, ME SPOS, MAR ME, DRIS, SNGAR GTZO BOR BSKYED PA'I SLOB MA RDO RJE GSUM GYIS MTSAN PA'I MCHOD YUL DU BYAS BAR LAS SNGAGS SAM RANG SNGAGS KYIS MCHOD, DUS 'DI NAS BZUNG NAS 'KHOR BA'I NYIS PAS MA GOS PAR MCHOD PA DANG LDAN PAR GYIS SHIG PAR BRJOD, SO SHING LA BGEGS MTHAR BYED KYI SNGAGS KYIS BSNGAGS PAR DON YOD ZHABS KYIS GSUNGS BA LTAR, Bm LAS SKYES PA'I CHU Bm BZLAS PA KHA
, ,BSHAL CHU, 'KHYIL BA LAN BDUN BZLAS PA'I CHU KHYOR CHU GSUM GYIS NGAG GI NYES PA SBYANG, H'Um LAS BYUNG BA'I DE'AM 'KHYIL BA BZLAS PA'I KU SHA MANG PO STAN GYI DON, HR'I: LAS SKYES SHING, DE DANG 'KHYIL BA BZLAS PA'I KU SHA GCIG SNGAS KYI CHED, POD RNAMS CHE BA GA-YAS DANG CHUNG BA GA-YON DU STER KYANG, SGYU DRA LAS, ,LAG MTHIL SO SHING KU SHA SBYIN, SNGAGS RIM LAS, THAL MO SBYAR BA'I BAR DU SBYIN, 'DI RMI LAM MI 'KHRUL BA'I PHYIR YIN PAR BHI BI DAS BSHAD, H'Um LAS BYUNG BA'I SKUD PA DMAR PO SLOB MA'I LUS TSAD SUM BLTA BA, 'KHYIL BA LAN BDUN ZLOS SHING RDO RJE MDUNG PA GSUM MAM DRUG BYAS PA SGYU DRAR, LA WA BA KLU BYANG MI THUB ZLA BA RNAMS GA-YAS, RNAM SNANG MNGON BYANG DANG RGYUD RDOR 'PHRENG LAS GA-YON DU 'CHING BAR GSUNGS PAS GANG RUNG DU 'CHING, SO SHING STONG BAR BYAS TE H'Um LAS SO SHING 'OD CAN DU SKYED PA DANG, SRUNG SKUD H'Um LAS RDO RJE'I SKUD PAR SGOM PAR PRADZNYA SHRI SA BSHAD DE TSAD LDAN GYI SA MA BSHAD PAS MI DGOS, RNAM PAR GTAN LA DBAB PA'I MDO LAS, GUD DGA' BO 'DI LTA STE, AU DUM WA RA'I ME TOG NI SANGS RGYAS 'BYUNG BA DAD DUS GCIG 'BYUNG STE KHA DOG DANG LDAN ZHING GSAL TE 'OD GSAL BA LA DRI NI DPAG TSAD GCIG KHOR YUG TU KHYAB PAR BYED DO, ,DRAN PA YONGS SU SBYONG BAR BYED DO, ,NAD KYANG RAB TU ZHI BAR BYED, DRING BA YANG SEL ZHING SNANG BAR BYED, DRI ZHIM PA YANG 'BYIN TO DRI DES KHAMS BZHI DANG BCAS PAR BYED DO, ,
'KHOR LO SGYUR BA'I RGYAL PO THAMS CAD LA YANG ME TOG MI 'BYUNG NA SEMS CAN TSUL KHRIMS 'CHAL BA RNAMS LA SANGS RGYAS 'BYUNG BA DANG MTSUNGS PA'I ME TOG DE LTA GA LA 'BYUNG BAR 'GYUR, RTOGS BRJOD LAS, MTSO CHEN PO MA DROS PA 'DAS PA'I BYANG PHYOGS NA RI RTZE LNGA BA ZHES BYA BA DE'I PHA ROL NA AU DU MA WA RI 'TSAL YOD DE, NAM SANGS RGYAS BCOM LDAN 'DAS DGA' LDAN LHA'I RIS NAS BABS TE YUM GYI LHUMS SU ZHUGS PA DE'I TSE DE KHA 'BU BAR 'GYUR RO, ,NAM YUM GYI LHAMS NAS BLTAMS PA DE'I TSE KHA PHYE BAR 'GYUR RO, ,NAM BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA DE'I TSE ME TOG KYANG RAB TU RGYAS PAR 'GYUR RO, ,NAM TSE'I 'DU BYED BAR PA DE'I TSE TSAL RNYID BAR 'GYUR RO, ,NAM YONGS SU MYA NGAN LAS 'DAS PA'I TSE TSAL DE'I LO MA DANG ME TOG DANG 'DAB MA DANG 'BRAS BU YANG LHAG PAR 'GYUR RO, , AU DUM WA RA'I ME TOG GI TSAD NI SHING RTA'I 'PHANG LO TZAM MO, ,NAM SANGS RGYAS BCOM LDAN 'DAS RGYAL RIGS KYI NANG DU 'BYUNG BA DE'I TSE ME TOG DKAR BOR RAB TU 'GYUR RO, , NAM BRAM ZE'I RIGS SU 'GYUR BA DE'I TSE DMAR POR 'GYUR RO, ,CES PA 'DI NI GYI NA PA NGAG DBANG BLO BZANG CHOS LDAN DPAL BZANG POS RANG DANG SKAL BA MNYAM PA DAG LA PHAN NAM SNYAM PAS MDO RGYUD BSTAN BCOS DU MA NAS PHYOGS GCIG TU BSDUS TE LEGS PAR SBYAR BA'O, ,'DIS KYANG RGYAL BA BLO BZANG GRAGS PA'I BSTAN PA PHYOGS THAMS CAD
, ,DU DAR ZHING RGYAS LA YUN RING DU GNAS PAR GYUR CIG, ,,DGE'O,, LEGS SO,,