*, ,('JIGS BYED DPA' BO GCIG BA'I MNGON RTOGS MDOR BSDUS BZHUGS SO,, ,,) #, ,NA MO GU RU BADZRA BHEE RA WA YA, 'DIR DPAL RDO RJE 'JIGS BYED KYI BSGOMS BZLAS MDOR BSDUS BYA TSUL NI, SANGS RGYAS CHOS TSOGS MA LAN GSUM GYIS SEMS BSKYED, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PAR GYUR, AOm HR'I: sht'I: WI KRI T'A NA NA H'Um PHAt, AOm SVA BH'A WA SHUD: DH'A: SARBADHARM'A: SRA BHA WA SHUD DHO: Hm, STONG PA NYID DU GYUR, STONG PA'I NGANG LAS THOD PA SO SO'I NANG DU MCHOD PA KHYAD PAR GSUM LDAN DANG GTOR MA DANG NANG MCHOD ZAG BA MED PA'I BDUD RTZI'I RGYA MTSO CHEN POR GYUR, AOm AARGHm A'A HR'Um, AOm P'A TYAm AA H'Um, AOm GNDHE A'A: H'Um, AOm BUshPE A'A: H'Um, AOm DHU PE A'A: H'Um, AO AA LO KE A'A: H'Um, AOm NE WEE DYA A'A: H'Um, AOm SHAPTA A'A: H'Um, AOm A'A: H'Um, GSUM GYIS GTOR MA NANG MCHOD RNAMS BYIN GYIS BRLAB, AOm SVA BH'A WA SHUD DHA: SARBA DHA RM'A: SVA BH'A WA SHUD DHO: Hm, STONG PA NYID DU GYUR, STONG PA'I NGANG LAS SNA TSOGS PADMA DANG ZLA BA DANG NYI MA'I GDAN GYI STENG DU H'Um LAS RDO RJE H'Um GIS MTSAN PA YONGS SU GYUR PA LAS, RANG NYID DPAL RDO RJE 'JIGS BYED SKU MDOG MTHING NAG ZHAL DGU PHYAG SO BZHI ZHABS BCU DRUG PA GA-YAS BSKUMS SHING GA-YON BRKYANGS PA'I STABS KYIS BZHUGS PA; KHAMS GSUM PO ZA BAR NUS PA HA HA ZHES SGROG CING LJAGS 'DRIL BA, MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU, SMIN MA DANG SPYAN 'JIGS
PA'I DUS LTAR 'BAR BA, SKRA KHAM SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA SDIG 'DZUB BYED PA, 'JIGS PA RNAMS KYANG 'JIGS PAR MDZAD PA, PHEm KA RA'I SGRA CHEN PO 'BRUG LTAR SGROG PA MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA BSKAM PO LNGAS THOD BYAS SHING, MGO BO RLON PA LNGA BCU'I THOD PA'I 'PHRENG BAS BRGYAN PA, SBRUL NAG PO'I MCHOD PHYIR THOGS DANG MI RUS KYI 'KHOR LO DANG, RNA CHA LA SOGS PA'I RGYAN RNAMS KYIS BRGYAN PA, GSUS PA CHE BA, GCER BU'I GZUGS CAN, SMIN MA DANG RDZI MA DANG SMA RA DANG BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN, DE'I STENG MA RVA GNYIS KYI DBUS KYI ZHAL DMAR PO; ;RAB TU 'JIGS PA ZHAL NAS KHRAG 'DZAG PA DE'I STENG DU 'JAM DPAL GYI ZHAL SER PO YID TZAM KHROS PA, GZHON NU'I RGYAN GYIS BRGYAN PA, SBYI BOR RAL PA LNGA DANG LDAN PA , RVA'I RTZA BA'I GA-YAS KYI ZHAL DANG PO SNGON PO, ,DE'I GA-YAS ZHAL DMAR PO GA-YON ZHAL SER PO, ,RVA'I RTZA BA'I GA-YON GYI ZHAL DANG PO DKAR PO, ,DE'I GA-YAS ZHAL DUNG KHA, GA-YON ZHAL NAG PO, ,ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA, PHYAG GA-YAS GA-YON GYI DANG PO GNYIS KYIS GLANG PO CHE'I PAGS PA RLON PA MGO GA-YAS DANG, SPU PHYIR BSTAN TE LAG PA DANG RKANG BA'I PAGS PA GA-YON PA NAS BRGYANGS TE 'DZIN PA, LHAG MA GA-YAS KYI DANG PO NA GRI GUG ,GNYIS PA NA BHI DHI B'A LA, GSUM
, ,PA NA GTUN SHING, BZHI PA NA CHU GRI, LNGA PA NA KA NA YA, DRUG PA NA DGRA STA, BDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG TO, BCU GCIG PA NA KHA tR'Am GA ,BCU GNYIS PA NA 'KHOR LO, ,BCU GSUM PA NA RDO RJE RTZE LNGA PA, BCU BZHI PA NA RDO RJE THO BA, BCO LNGA PA NA RAL GRI, BCU DRUG PA NA CANG TE'U BSNAMS SHING, LHAG MA GA-YON KYI DANG PO NA KHRAG GIS BKANG BA'I THOD PA, GNYIS PA NA TSANGS PA'I MGO ,GSUM PA NA PHUB, BZHI PA NA RKANG PA, LNGA PA NA ZHAGS PA; DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUGS PA; BCU GNYIS PA NA ME THAB, BCU GSUM PA NA THOD TSAL, BCU BZHI PA NA SDIG 'DZUB, BCO LNGA PA NA PHAN RTZE GSUM PA, BCU DRUG PA NA RLUNG RAS BSNAMS PA , ZHABS GA-YAS KYI DANG POS MI, GNYIS PAS MA HE, GSUM PAS GLANG, BZHI PAS BONG BU, LNGA PAS RNGA MONG, DRUG PAS KHYI, BDUN PAS LUG ,RGYAD PAS WA DANG, GA-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG, GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SBUB DU BYAS TE,
ZHABS 'OG TU MNAN NAS ME DPUNG RAB TU 'BAR BA'I KLOD DKYIL NA BZHUGS PA, RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL GZHON NUR GYUR PA SKU MDOG SER PO YID TZAM KHROS PA, PHYAG GA-YAS RAL GRI 'PHYAR ZHING, GA-YON GYIS GLIG BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA, MTSAN SO GNYIS DANG DPE BYAD BRGYAD CUS BRGYAN PA, RAL PA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A: LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, RANG GI MIG GNYIS SU KshIm, RNA BAR DZRIm, SNAR KHm, LCER Rm, DBRAL BAR KAm, LTE BAR Sm, SBYI BOR AOm, MGRIN PAR A'A: THUGS KAR H'Um GIS MTSAN PAR GYUR, THUGS KA'I H'Um LAS 'OD ZER 'PHROS, RANG BZHIN GYI GNAS NAS BSKOM PA DANG 'DRA BA'I DPAL RDO RJE 'JIGS BYED MDUN GYI NAM MKHAR SPYAN DRANGS, DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DBANG GI LHAS DBANG BSKUR, MI BSKYOD PAS DBU BRGYAN PAR GYUR, AOm YA M'ANA TA KA AARGHm PRAT'I TZTSA H'Um SV'A H'A, NAS SHAPTA PRA T'I TZTSA H'Um SV'A H'A, ZHES MCHOD PA PHUL, AOm YA M'ANTA KA AOm A'A: H'Um, ZHES NANG MCHOD DBUL, GZUGS MCHOG MCHOG TU DRAG
, ,PO CHE, ,DPA' BO MCHOG GI SPYOD YUL CAN, ,'DUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,ZHES PAS BSTOD, RANG GI THUGS KAR TING NGE 'DZIN SEMS DPA'I MTHAR SNGAGS 'PHRENG GIS BSKOR BA LAS 'OD ZER 'PHROS, 'GRO BA'I DON BYAS, RGYAL BA RNAMS MCHOD, SANGS RGYAS BYANG SEMS KYI BYIN RLABS THAMS CAD BSDUS TE SNGAGS 'PHRENG LA THIM PAR GYUR, SNGAGS, A'A RA PA TZA, YA MA RA DZA, HR'I: shtI: SOGS BZHI KA'AM, AOm YA M'An TA KA H'Um PHAt, CI NUS BZLA MTHAR AOm YA M'ANA TA KA SA MA YA, MA NU P'A LA YA, YA M'AN TA KA TVE NO PA TIshthA, DRi dHO ME BHA BA, SU TO shyO ME BHA BA, SU PO shYO ME BHA BA, AA NU RAKTO ME BHA BA, SARBA SID DHI MME PRA YA TZTSA, SARBA KARMA SU TZA ME, TZI TDAm SHR'I Ym KU RU H'Um, HA HA HA HA HO: BHA GA WAN SARBA TA TH'A GA TA, BDZRA MA ME MUNYTZA, BDZRI BHA BA MA H'A SA MA YA, STVA A'A: H'Um PHAt, CES YIG BRGYA BRJOD, GTOR MA 'BUL BA NI, RANG GI THUGS KA'I H'Um LAS 'OD ZER 'PHROS, DPAL RDO RJE 'JIGS BYED MDUN GYI NAM MKHAR SPYAN DRANGS, LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR, AOm YA M'AN TA KA AI DAM PA LIm TA KHA KHA K'A HI KH'A HI, GSUM MAM BDUN GYIS GTOR MA PHUL, AOm YA M'AN TA KA AARGHm NAS SHAPTA PRA TI TZTSA H'Um SV'A H'A, ZHES PAS MCHOD, AOm YA M'AN TA KA AOm A'A: H'Um GIS NANG MCHOD DBUL, GZUGS MCHOG MCHOG TU DRAG PO CHE, ,DPA' BO
MCHOG GI SBYOD YUL CAN, 'DUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,ZHES PAS BSTOD, GTONG MGRON BRTAN BZHUGS SAM , YADNA, KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB RTZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,AOm BDZRA MU: ZHES RANG GNAS SU GSHEGS, DGE BA 'DI YIS MYUR DU BDAG ,RDO RJE 'JIGS BYED 'GRUB GYUR NAS, ,'GRO BA GCIG KYANG MA LUS PA; ;DE YI SA LA 'GOD PAR SHOG ,CES DGE BA BSNGO, ,NYIN MO BDE LEGS MTSAN BDE LEGS, ,NYI MA'I GUNG YANG BDE LEGS SHING, ,NYIN MTSAN RTAG TU BDE LEGS PAS, ,DKON MCHOG GSUM GYI BKRA SHIS SHOG ,CES SHIS PA BRJOD PAR BYA'O, ,ZHES PA 'DI NI DON GNYER PA 'GA' ZHIG GIS BSKUL BA'I DOR DAG DBANG BLO BZANG CHOS LDAN GYIS SBYAR BA'O, , ,,