*, ,DPAL RDO RJE 'JIGS BYED DPA' BO GCIG PA'I MNGON RTOGS BDUD DPUNG RNAM 'DZEMS ZHES BYA BA BZHUGS SO,, #, ,NA MO BDZRA BHE RA WA YA, DPAL RDO RJE 'JIGS BYED KYI BSGOM BZLAS MDOR BSDUS BYA BAR 'DOD PAS, SKYABS 'GRO SEMS BSKYED TSAD MED BZHI BSGOM PA RNAMS SPYI 'GRO LTAR BYAS LA, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PAR GYUR, AOm HR'I: shtR'I: WI KRI T'A NA NA H'Um PHAt, AOm SVA BHA WA SHUD DHA: SARBA DHARMA: SVA BHA WA SHUD DHO:NYA HAm, STONG PA NYID DU GYUR, STONG PA'I NGANG LAS YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SKYED BU GSUM GYI STENG DU, A'A: LAS BYUNG BA'I THOD PA DKAR PO, DE'I
NANG GI SHAR DU BRUm LAS BYUNG BA'I BA LANG GI SHA GOS MTSAN PA, LHOR Am LAS BYUNG BA'I KHYI'I SHA KUS MTSAN PA, NUB TU DZRIm LAS BYUNG BA'I GLANG PO CHE'I SHA DAS MTSAN PA, BYANG DU KHAm LAS BYUNG BA'I RTA'I SHA HAS MTSAN PA, DBUS SU H'Um LAS BYUNG BA'I MI'I SHA NAS MTSAN PA, SHAR LHOR LAm LAS BYUNG BA'I DRI CHEN BIS MTSAN PA, LHO NUB TU M'Am LAS BYUNG BA'I RKTA RAS MTSAN PA, NUB BYANG DU PAm LAS BYUNG BA'I BYANG SEMS DKAR PO SHUS MTSAN PA, BYANG SHAR DU TAm LAS BYUNG BA'I RKAD MAR MAS MTSAN PA, DBUS SU BAm LAS BYUNG BA'I DRI CHU MUS MTSAN PA, DE DAG GI STENG DU AOm DKAR PO A'A: DMAR PO H'Um SNGON PO GSUM STENG NAS STENG DU BRTZEGS PAR GYUR, RANG GI THUGS KA'I H'Um LAS 'OD ZER 'PHROS RLUNG LA PHOG PAS RLUNG GA-YOS ME SBAR TE THOD PAS RDZAS RNAMS ZHU ZHING KHOL BAR GYUR, YI GE GSUM LAS 'OD ZER RIM PA BZHIN DU 'PHROS PAS, SKU RDO RJE GSUNG RDO RJE THUGS RDO RJE RNAMS BKUG NAS YI GE GSUM LA RIM GYIS THIM PA RNAMS THOD PAR LHUNG NAS ZHU BAS H'Um GIS KHA DOG DRI NUS KYI SKYON SBYANGS, A'A: SA BDUD RTZIR RTOGS PAR BYAS, AOm GYIS MANG POR SBAR ZHING SPEL BAR GYUR, AOm A'A: H'Um LAN GSUM BRJOD, AOm HR'I: shtR'I: WI KRI T'A NA NA H'Um PHAt, AOm SVA BHA WA SHUD DHA: SARBA DHA RMA: SVA BHA WA SHUD DHO: NYA HAm; STONG PA NYID DU GYUR, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, DRI, ME TOG ,BDUG SPOS, MAR ME, ZHAL ZAS, ROL MO, RNAMS RANG BZHIN BDE STONG RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm ARGAm
, ,A'A: H'Um, AOm P'A DYAm A'A: H'Um, AOm GANDHE A'A: AOm PU shPE A'A: H'Um, AOm DHU PE A'A: H'Um, AOm A'A LO KE A'A: H'Um, AOm NEE WE TYA A'A: H'Um, AOm SHAPTA A'A: H'Um, ZHES NANG MCHOD DANG MCHOD PA BYIN GYIS BRLABS, RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KA'I H'Um GI 'OD ZER GYIS DPAL RDO RJE 'JIGS BYED BLA MA DANG BCAS PA MDUN GYI NAM MKHAR SPYAN DRANGS , GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN; ;GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,AOm HR'I: shtR'I: HA: AOm H'Um H'Um PHAt, AOm WI KRI T'ANA NA DU shtAm SATVA DA MA KA: GA: GA: GA: AOm KU MA R'A RU PI nI DZA: DZA: H'Um PHAt, AOm HR'I: HA: HEE PHAt, AOm D'I PTA LO CA NA WI KRI T'A NA NA MAH'A AAntA ntA HA SA NA DI NI D'I PTA YA SV'AH'A, AOm BADZRA NE WI DYA A'A: H'Um, AOm BADZRA SHAPTA A'A: H'Um, SDIG PA RNAMS NI BSHAGS PAR BYA, , SKYES SHING BYUNG BA RNAMS NI BSAL, ,MI BYED BAR YANG SPYAN SNGAR BRJOD, ,DE BZHIN BSOD NAMS RJES YI RANG, ,BDAG GIS BDER 'GRO YONGS SU BSNGO, ,DKON MCHOG GSUM LA SKYABS SU 'GRO, , SEMS CAN THAMS CAD BDAG GIS DGROL, ,BYANG CHUB GNAS LA 'GOD PAR BGYI, ,BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS NI DBUL BAR BGYI, , YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG BAS BSTEN PAR BGYI, ,SEMS CAN THAMS CAD BDE BA DANG LDAN PAR
GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,'JIG RTEN GYI CHOS BRGYAD DANG GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O; ;(CES BSOD NAMS KYI TSOGS BSAGS), AOm SVA BHA WA SHUD DHA: SARBA DHARMA: SVA BHA WA SHUD DHO: HAm, ,AOm SH'UNA+YA T'A DZNY'A NA BADZRA SVA B'A WA AATMA KONYA HAm, RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA, BDAG MED PA'I RANG BZHIN STONG PA NYID DU GYUR, (CES YE SHES KYI TSOGS BSAGS SHING, ('CHI BA CHOS SKU'I LAM KHYER BSGOM), STONG PA'I NGANG LAS YAm RAm BAm LAm LAS BYUNG BA'I 'BYUNG BZHI'I DKYIL 'KHOR GYI STENG DU H'Um LAS SNA TSOGS RDO RJE H'Um GIS MTSAN PA LAS RDO RJE'I SA GZHI RA BA GUR BLA RE MI RI DANG BCAS PA'I SRUNG 'KHOR, (CES THUN MONG BA'I SRUNG 'KHOR BSGOM,) DE'I DBUS SU H'Um LAS CHOS 'BYUNG GI NANG DU SNA TSOGS PADMA DANG NYI MA'I LTE BAR BHRUm LAS GZHAL YAS KHANG GRU BZHI SGO BZHI RGYAN RTA BAB DANG BCAS PA MTSAN NYID THAMS CAD YONGS SU RDZOGS PAR GYUR, (CES GZHAL YAS KHANG BSKYED,) DE'I DBUS SU YAm LAS RLUNG GI DKYIL 'KHOR GYI STENG DU A'A: LAS BYUNG BA'I ZLA BA'I DKYIL 'KHOR, DE'I STENG DU DH'I: LAS RAL GRI DH'I: SA MTSAN PA LAS 'OD ZER 'PHROS, BDE BAR GSHEGS PA THAMS CAD SPYAN DRANGS, DH'I: LA THIM, DE YONGS SU GYUR PA LAS, RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO YID TZAM KHROS PA PHYAG GA-YAS RAL GRI 'PHYAR ZHING, GA-YON GYIS GLEGS BAM THUGS KAR BSNAMS PA, ZHABS RDO RJE SKYIL DKRUNG GIS BZHUGS PA, MTSAN SO GNYIS DANG DPE BYAD
, ,BRGYAD CUS BRGYAN PA, RAL BA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A: LAS BYUNG BA'I NYI MA'I DKYIL 'KHOR, (CES BAR DO LONGS SKU'I LAM 'KHYER BSGOM,) DE'I 'OD KYIS PHYOGS BCU NAS SANGS RGYAS DANG BYANG CHUB SEMS DPA' DANG KHRO BO DANG RIGS PA'I TSOGS RNAMS SPYAN DRANGS, 'JAM DPAL DANG BCAS PA NYI MA LA ZHUGS PA LAS NYI MA'I STENG DU H'Um YIG MTHING KHA, DE LAS 'OD ZER 'PHROS, SANGS RGYAS DANG BYANG CHUB SEMS DPA' DANG KHRO BO DANG RIGS PA'I TSOGS RNAMS SPYAN DRANGS, H'Um LA THIM PA LAS, KHRO BO'I RDO RJE RTZE DGU PA H'Um GIS MTSAN PAR GYUR, DE LAS SANGS RGYAS DANG BYANG CHUB SEMS DPA' DANG KHRO BO DANG RIGS PA'I TSOGS RNAMS SPROS TE, SEMS CAN THAMS CAD RDO RJE 'JIGS BYED KYI GO 'PHANG LA BKOD PA DANG LHAN CIG TU 'DUS NAS RDO RJE LA THIM PAR GYUR, ZLA BA NYI MA RDO RJE H'Um DANG BCAS PA YONGS SU RGYUR BA LAS, SNA TSOGS PADMA DANG ZLA BA DANG NYI MA'I GDAN GYI STENG DU RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI ZHABS BCU DRUG PA ZHABS GA-YAS BSKUM ZHING GA-YON BRKYANG BA'I STOBS KYIS BZHUGS PA, (CES SKYE BA SPRUL SKU'I LAM KHYER BSGOM), KHAMS GSUM PO ZA BAR NUS PA HA HA ZHES SGROG CING LJAGS 'DRIL BA MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU SMIN MA DANG SPYAN 'JIGS PA'I DUS LTAR 'BAR BA, SKRA KHAMS SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA BSDIGS MDZUB BYED PA, 'JIGS PA RNAMS KYANG 'JIGS PAR MDZAD PA, PHEm KA RA'I
SGRA CHEN PO 'BRUG LTAR SGROG PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA SKAM PO LNGAS THOD BYAS SHING MGO BO RLON PA LNGA BCU'I THOD PA'I PHRENG BAS BRGYAN PA, SPRUL NAG PO'I MCHOD PHYIR THOGS DANG MI RUS GYI 'KHOR LO DANG, RNA CHA LA SOGS PA'I RUS PA'I RGYAN RNAMS KYIS BRGYAN PA, GSUS PA CHE BA, GCER BU'I GZUGS CAN MTSAN MA GYEN DU 'GRENG BA, SMIN MA DANG RDZI MA DANG SMA RA DANG BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN, DE'I STENG MA RVA GNYIS KYIS DBUS KYI ZHAL DMAR PO, ,RAB TU 'JIGS PA ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YID TZAM KHROS PA, GZHON NU'I RGYAN GYIS BRGYAN PA, SPYI BOR RAL BA LNGA DANG LDAN PA, RVA'I RTZA BA'I GA-YAS KYI ZHAL DANG PO SNGON PO, ,DE'I GA-YAS ZHAL DMAR PO, ,GA-YON ZHAL SER PO, ,RVA'I RTZA BA'I GA-YON GYI ZHAL DANG PO DKAR PO, ,DE'I GA-YAS ZHAL DUD KHA, GA-YON ZHAL NAG PO, ,ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA, PHYAG GA-YAS GA-YON GYI DANG PO GNYIS KYI GLANG PO CHE'I PAGS PA RLON PA MGO GA-YAS DANG, SPU PHYIR BSTAN TE LAG PA DANG RKANG PA'I PAGS PA GA-YON PA NAS BRKYANGS TE 'DZIN PA, LHAG MA GA-YAS KYI DANG PO NA GRI GUG ,GNYIS PA NA BHI DHI P'A LA, GSUM PA NA GTUN SHING, BZHI PA NA CHU GRI, LNGA PA NA KA nA YA , DRUG PA NA DGRA STA, BDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG THO, BCU GCIG PA NA KHA tV'Am GA ,BCU GNYIS PA NA 'KHOR LO, ,BCU GSUM PA NA
, ,RDO RJE RTZE LNGA PA, BCU BZHI PA NA RDO RJE THO BA, BCO LNGA PA NA RAL GRI, BCU DRUG PA NA CANG TE'U BSNAMS SHING, LHAG MA GA-YON GYI DANG PO NA KHRAG GIS BKANG BA'I THOD PA, GNYIS PA NA TSANGS PA'I MGO BO, ,GSUM PA NA PHUG ,BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUG PA, BCU GNYIS PA NA ME THAB, BCU GSUM PA NA THOD TSAL, BCU BZHI PA NA BSDIGS MDZUB, BCO LNGA PA NA 'PHAN RTZE GSUM PA, BCU DRUG PA NA RLUNG RAS BSNAMS PA, ZHABS GA-YAS KYI DANG POS MI, GNYIS PAS MA HE, GSUM PAS GLANG, BZHI PAS BONG BU, LNGA PAS RNGA MONG, DRUG PAS KHYI, BDUN PAS LUG ,BRGYAD PAS WA DANG, GA-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG, GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SBUB TU BYAS TE, ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PA, (CES SKU YONGS SU RDZOGS PA'I RNAM PA GSAL BTAB,) DE'I MIG TU Ksh'Im, RNA BAR DZRIm, SNAR KHAm, LCER RAm, DPRAL BAR KAm LTE BAR SAm, SPYI BOR AOm, MGRIN PAR A'A:, THUGS KAR H'Um, (ZHES SKYE MCHED SKU GSUNG THUGS BYIN GYIS BRLABS,) RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA'
'JAM DPAL GZHON NUR GYUR PA SKU MDOG SER PO YID TZAM KHROS PA, PHYAG GA-YAS RAL GRI 'PHYAR ZHING, GA-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA, MTSAN SO GNYIS DANG DPE BYAD BRGYAD CUS BRGYAN PA, RAL BA'I ZUR PHUD LNGA DANG LDAN ZHING RGYAN THAMS CAD KYIS BRGYAN PA, DE'I THUGS KAR A'A: LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, (CES SEMS DPA' SUM BRTZEGS BSGOM,) AOm HR'I: HA BHO MAH'A KRODHA A'A GA TZTSA A'A GA TZTSA AA SM'A DA P'U DZA BRA TI GRI HnA NTU PRA S'A DA ME DHI M'AN KU RU SV'AH'A, RANG GI THUGS KA'I H'Um LAS 'OD ZER 'PHROS RANG BZHIN GYI GNAS NAS BSGOM PA DANG 'DRA BA'I DPAL RDO RJE 'JIGS BYED DPA' BO GCIG PA'I RTEN DANG BRTEN PA'I DKYIL 'KHOR MDUN GYI NAM MKHAR SPYAN DRANGS, AOm HR'I shtV'I: WI KRI T'A NA NA H'Um PHAt, BRJOD CING SNYING GNAS KHRO BO SPROS TE BYI 'BRANG GI BGEGS BSKRAD, AOm HR'I: shtV'I: HA: (ZHES SOGS KYIS MCHOD ,) AOm MUNGGA RA DZA, (ZHES PA'I SNGAGS KYIS DAM TSIGS PA SO SO'I SPYI BOR DGUG) ,AOm DANdA H'Um, (GIS DAM TSIG PA SO SO LA GZHUG) ,AOm PADMA BAm (GYIS DAM TSIG PA SO SO DANG DBYER MED DU BCING,) AOm KHANGGA HO: (SA DBANG DU BYA'O; ; DE NAS,) AOm HR'I: HA BHO MAH'A KRODHA A'A GA TZTSA A'A: GA TZTSA AA SM'A DA P'U DZA PRA TI GRi HnANTU PRA S'A DA ME DHI M'ANA KU RU SV'A H'A, (ZHES SOGS PHYAG RGYA DANG BCAS TE,) SLAR YANG RANG GI THUGS KA'I H'Um LAS 'OD ZER 'PHROS, PHYOGS BCU NA BZHUGS PA'I SANGS RGYAS SRAS DANG BCAS PA MDUN GYI NAM MKHAR SPYAN DRANGS, AOm HR'I: shtR'I: HA: (SOGS KYIS MCHOD,) DE BZHIN GSHEGS PA RNAMS KYIS BDAG LA MNGON
, ,PAR DBANG BSKUR DU GSOL, ZHES GSOL BA BTAB PAS, DE RNAMS KYIS SPROS PA'I LHA MO TZA RTZI KA LA SOGS PA RNAMS KYIS SHIS PA BRJOD PA SNGON DU 'GRO BAS, ZLA BA LTA BU'I BUM PA DKAR PO BDUD RTZI LNGAS BKANG BA BZUNG NAS, SANGS RGYAS RNAMS NI THAMS CAD KYIS, SKYE BAS THOB PA'I DBANG BSKUR BA, JI LTAR DE BZHIN BDAG GIS NI, DAG PA LHA YI CHUS DBANG BSKUR, ZHES GSUNG ZHING SPYI BO NAS DBANG BSKUR BAS, DBANG GI CHUS LUS THAMS CAD GANG, DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS, GTZO BO'I RTZA ZHAL GYI DBUL MI BSKYOD PAS DBU BRGYAN CING, DBANG GI LHA RNAMS RANG NYID LA THIM PAR GYUR, (CES YE SHES PA DGUG GZHUG DBANG BSKUR RGYAS BTAB RNAMS BYA,) AOm HR'I: shtR'I: HA, SHAPTA A'A: H'Um MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BOR GYUR BA RTZA BA DANG RGYUD PAR BCAS PA'I DPAL LDAN BLA MA DAM PA RNAMS KYI ZHAL DU AOm A'A: H'Um, DPAL RDO RJE 'JIGS BYED CHEN PO'I ZHAL DU AOm A'A: H'Um, AOm HR'I: shtR'I: WI KRi T'A NA NA H'Um PHAt, AOm A'A: H'Um, RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS KYI RGYAL PO 'KHOR DANG BCAS PA RNAMS KYI ZHAL DU AOm A'A: H'Um, GZHAN YANG SNGON SANGS RGYAS MTHONG BA DAM PA'I CHOS THOS PA 'PHAGS PA'I DGE 'DUN LA BSTEN PA, BSTAN PA DANG 'KHOR RNAM BZHI SKYONG BAR ZHAL GYIS BZHES PA BLA MA GONG MA RNAMS KYIS BSTEN CING BSGRUBS PA'I BSRUNG MA
DAM TSIG CAN RNAMS KYI ZHAL DU AOm A'A: H'Um, YUL NYI SHU RTZA BZHI, GNAS SUM CU RTZA GNYIS, DUR KHROD CHEN PO BRGYAD NA GNAS PA'I DPA' BO DANG, RNAL 'BYOR MA DANG, PHYOGS SKYONG DANG, ZHING SKYONG DANG, KLU LA SOGS PA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, PHYOGS BCU'I SANGS RGYAS THAMS CAD SPYAN DRANGS TE RANG GI LUS LA ZHUGS PAR GYUR, BAR BSAMS LA, AOm HR'I: shtV'I: WI KRi T'A NA NA H'Um PHAt, AOm A'A: H'Um, AOm AA MRi TA, SV'A DA NA BADZRA SVA BHA WA A'A TMA KONYA HAm, MGRON THAMS CAD YE SHES KYI BDUD RTZIS MNYES SHING TSIM PAR GYUR, CES PHYI NANG GI MCHOD PAS MCHOD, GNYIS MED THUN MONG MA YIN KHYAB PA'I SKU, ,KUN LA SNYOMS MDZAD RGYAL BA KUN GYI YAB; ;CHOS KYI DBYINGS GYUR RGYAL BA KUN GYI YUM, ,YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKU LA BYAMS SDANG MI MNGA' YANG, ,SRID GSUM GDUG PA MA LUS 'DUL BA'I PHYIR, ,THUGS RJE THABS KYIS KHRO RGYAL SKUR BSTAN PA, ,'JIGS BYED GSHIN RJE GSHED LA PHYAG 'TSAL LO, (,CES BSTOD PA BYA,) ZHAL DGU NI GSUNG RAB YAN LAG DGU, RVA GNYIS NI BDEN PA GNYIS, PHYAG SO BZHI DANG SKU GSUNG THUGS TE SO BDUN NI BYANG PHYOGS SO BDUN, ZHABS BCU DRUG NI STONG NYID BCU DRUG ,MTSAN MA GYEN DU 'GRENG BA NI BDE BA CHEN PO RGYAS PA, MI LA SOGS PA NI DNGOS GRUB BRGYAD DANG, BYA RGOD LA SOGS PA NI DBANG PHYUG BRGYAD DAG PA YIN LA, GCER BU NI SGRIB GA-YOG MED PA DANG, SGRA GYEN
, ,DU BRDZES PA NI MYA NGAN LAS 'DAS PA'I GO 'PHANG STON PA'O, ,DE DAG GI DON MDOR BSDU NA, GTAN LA DBAB PA'I GZHI, GSUNG RABS YAN LAG DGU'I BRJOD BYA KUN RDZOB SGYU MA DANG DON DAM NAM MKHA' LTA BU, KHONG DU CHUD PA'I LAM BYANG PHYOGS SO BDUN YIN LA, LAM DE'I GTZO BO DON DAM RTOGS PA LA NI, STONG NYID BCU DRUG GI RTOG PA YOD DE, DE YANG THABS BDE BA CHEN PO DANG DBYER MED PAR ZHUGS PA'O, ,LAM DES BGROD PA'I 'BRAS BU DNGOS GRUB THUN MONG PA DANG, THUN MONG MA YIN PA GNYIS KYI GTZO BO NI, SGRIB PA ZAD PA'I MYANG 'DAS SO, , ZHES RDO RJE 'JIGS BYED KYI RNAM PAR SHAR PA'I SKUS, DE LTAR MTSON PA GO PAR BYED PA'O, (,ZHES DAG PA DRAN PAR BYA, 'PHRENG BA,) HR'I: shtR'I: (SA BSANGS,) SV'A BHA WAS SBYANGS, STONG PA'I NGANG LAS 'PHRENG RTOG RNAMS RE RE NAS PAD NYI'I STENG DU H'Um YIG YONGS SU GYUR PA LAS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA GA-YON BRKYANG GIS BZHUGS PA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, THUGS KA'I H'Um LAS 'OD ZER 'PHROS BSGOM PA DANG 'DRA BA'I YE SHES PA DANG DBANG LHA SPYAN DRANGS, YE SHES PA DZA: H'Um BAmHO: GNYIS SU MED PAR GYUR, DBANG LHAS DBANG BSKUR MI BSKYOD PAS DBU BRGYAN PAR GYUR, AOm YA M'ANTA KA ARGHAm NAS SHAPTA PRA T'I TZTSA H'Um SV'AH'A, GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,AOm YA M'ANTA KA H'Um PHAt, (CI 'GRUB BZLA ,)
RDO RJE 'JIGS BYED 'OD DU ZHU BA LAS KHRAG 'DZAG PA'I MI MGO'I 'PHRENG BA'I RNAM PAR GYUR, CES BGRANG 'PHRENG BYIN RLABS BYA, AOm YA MA R'A DZ'A SA DO ME YA, YA ME DO RU nA YO DA YA, YA DA YO NI RA YA KshE YA, YA KshE YA TZTSA NI R'A MA YA H'Um H'Um PHAt PHAt SV'AH'A, CES PA'I RTZA SNGAGS, AOm HR'I: shtR'I: W'I KRI TA NA NA H'Um PHAt, CES PA'I LAS SNGAGS, AOm YA M'ANTA KA H'Um PHAt, CES PA'I SNYING PO RNAMS CI 'GRUB RE BZLA, MTHAR, AOm YA MANTA KA SA MA YA, ZHES PA NAS, H'Um PHAt, CES GSHIN RJE GSHED KYI YIG BRGYA BZLA, AOm YA M'ANTA KA AARGHAm PRA TI TZTSA SV'AH'A, ZHES SOGS KYIS MCHOD, GZUGS MCHOG MCHOG TU DRAG PO CHE, ZHES SOGS KYIS BSTOD, DE NAS GTOR MA 'BUL BA LA GTOR MA NANG MCHOD LTAR BYIN GYIS BRLABS LA, MDUN DU SKAD CIG GIS DPAL RDO RJE 'JIGS BYED DPA' BO GCIG PA'I RTEN DANG BRTEN PA'I DKYIL 'KHOR YONGS SU RDZOGS PAR GYUR, RANG GI THUGS KA'I H'Um LAS 'OD ZER 'PHROS, DPAL RDO RJE 'JIGS BYED DPA' BO GCIG PA'I YE SHES PA'I DKYIL 'KHOR PHYOGS SKYONG DANG BCAS PA SPYAN DRANGS, DZA: H'Um BAm HO: YE SHES PA DAM TSIG PA DANG GNYIS SU MED PAR GYUR, MGRON mRNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SBU GU CAN DU GYUR PAS GTOR MA'I BCUD DRANGS TE GSOL PAR GYUR; (PAR BSAM TE,) AOm HR'I: shtR'I: WI KRI T'A NA NA H'Um PHAt, BADZRA BHER BA YA AA TI PA TI AI MAm BA LAm TA KHA KHA KH'A HI KH'A HI H'Um PHAt, ZHES BDUN NAM GSUM GYIS DBUL, AOm HR'I: shtR'I: HA, ZHES SOGS DANG SNYING PO LA 'BRU GSUM BTAGS PAS PHYI NANG GI MCHOD PAS MCHOD, GNYIS MED THUN MONGS SOGS KYIS BSTONG, DE NAS PHYOGS SKYONG GI GTOR MA RTZA SNGAGS BRJOD PAS KYANG BYIN GYIS RLABS LA, AOm BHU TZA RA NA,
, ,YA B'A T'A LA TZA RA YA, M'AN KHE TZA RA YA, TA BUR BI NI G'A Nm, KA DAKshI nA TIG'A YA, H'Um PAshTZI MA Nm, PHAt AU TA RA TI GA YA, AOm AI, HR'I: YA, shT'I: BA, WI KshI, KRI KO, T'A AE, NA AA, NA DE, H'Um BHYO PHAt SARBA BHU DE BHYA: ZHES PA GSUM GYIS BSNGO, AOm DA SHA DI KA LO KA P'A LA SA PA RI W'A RA AARGHm PRA T'I TZTSA H'Um SV'A H'A, DE BZHIN DU SBYAR TE, P'ADY'm, GAN DHE, PUshPE, DHU PE, AA LO KI, NEE WI DYA, SHAPTA PRA T'I TZTSA H'Um SV'A H'A, ZHES PAS PHYI MCHOD DANG, AOm DA SHA DI KA LO KA P'A LA SA PA RI W'A RA AOm A'A: H'Um, ZHES NANG MCHOD 'BUL, BCOM LDAN CHOS RJE 'JAM DBYANGS SPYAN LAM DU, ,BDUD 'DUL BSTAN PA BSRUNG BAR ZHAL BZHAS PA, ,LAS KYI GSHIN RJE MA MO MKHA' 'GRO MA, ,'BYUNG PO RO LANGS CI BGYI BKA' NYAN TSOGS, ,PHYI NANG SKYONG BA'I DAM CAN MA LUS LA, ,BDAG NI RE BA'I SEMS KYIS 'DUD CING MCHIS, ,ZHES BSTONG, PHYOGS SKYONG 'KHOR DANG BCAS PA RNAMS KYIS BDAG GI DGE BA'I BYA BA RNAMS MTHAR PHYIN PA DANG, DE'I BAR CHAD ZHI BA'I 'PHRIN LAS MDZOD CIG ,RANG GI THUGS KA'I H'Um LAS 'ONG ZER 'PHROS, LHO PHYOGS RIM PA BDUN GYI SA 'OG NAS LAS KYI GSHIN RJE 'KHOR DANG BCAS PA SKAD CIG GIS MDUN DU SPYAN DRANGS, AOm K'A LA RU PA YE GDRi HNA Dm PUshEm, ? NAS, NEE BEE DYA'I BAR DANG, AOm KA LA RU PA SARBA BIGHNAN NAS KH'A HI H'Um PHAt, 'JAM DPAL BKA' NYAN BSTAN SRUNG NI, DAM CAN CHOS KYI RGYAL PO STE, ZHAL GCIG PHYAG GNYIS 'JIGS PA'I GZUGS, ,MGON PO KHYOD LA BDAG BSTOD DO, ,DE NAS GSHIN RJE GSHED KYI YIG BRGYA BRJOD, MA RNYED YONGS SU MA SHES DANG, ZHES SOGS KYIS GTOR MGRON RNAMS LA NONGS PA BZOD PAR
GSOL, AOm A'A: H'Um MU 'JIG RTEN LAS 'DAS PA'I MGRON GYI YE SHES PA GSHEGS, DAM TSIG PA RANG NYID LA THIM, MGRON GZHAN RNAMS RANG GNAS SU GSHEGS PAR GYUR, CES GTOR MGRON GSHEGS GSOL BYA, RNAM DAG BSAM PAS TSUL 'DIR 'BAD PA LAS, ,BYUNG BA'I DGE BAS MTHA' YAS 'GRO BA KUN, ,SKYE ZHING SKYE BAR 'JAM DBYANGS ZHI LO YIS, ,'BRAL BA MED PAR RJES SU 'DZIN GYUR CIG ,NAM MKHA' JI SRID SKU LNGA'I BDAG NYID CAN, ,KHA SBYOR BDUN LDAN GO 'PHANG MNGON GYUR NAS, ,MTHA' DAG 'GRO 'DI GO 'PHANG DE NYID LA, ,SKAD CIG NYID LA BDE BLAG 'GOD PAR SHOG ,CES SMON LAM BTAB, DUR KHROD SRUNG 'KHOR DANG BCAS PA GZHAL YAS KHANG LA THIM, GZHAL YAS KHANG RANG LA THIM, RANG DAM TSIG SEMS DPA' YE SHES SEMS DPA' LA THIM, YE SHES SEMS DPA' TING NGE 'DZIN SEMS DPA' LA THIM, TING NGE 'DZIN SEMS DPA'I ZHABS KYU AU NI HA LA, HA HA'I MGO BO LA, DE ZLA TSES LA, DE THIG LE LA, DE NA DA LA THIM, DE YANG MI DMIGS PA STONG PAR GYUR, CES NYER BSDU BYA, STONG PA'I NGANG LAS DPAL RDO RJE 'JIGS BYED ZHAL GCIG PHYAG GNYIS BA'I RNAM PAR GYUR BA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, RTZA RGYUD BLA MA RNAMS KYI BKRA SHIS SHOG ,YI DAM LHA TSOGS RNAMS KYI BKRA SHIS SHOG ,MA DANG MKHA' 'GRO RNAMS KYI BKRA SHIS SHOG ,CHOS SKYONG SRUNG MA RNAMS KYI BKRA SHIS SHOG ,CES SOGS SHIS BRJOD BYA, CES DPAL RDO RJE 'JIGS BYED DPA' BO GCIG PA'I MNGON RTOGS BDUD DBUNG RNAM 'JOMS ZHES BYA BA 'DI NI RIGS RUS STOBS 'BYOR PHUN SUM TSOGS PA'I AOR DU SU BKA' GYUR PE'I LES 'DI LTA BU ZHIG DGOS ZHES BSKUL PA'I DOR, BAN RGAN SNYOM LAS PA NGAG DBANG BLO BZANG CHOS LDAN
, ,DPAL BZANG PO MING GZHAN LCANG SKYA HU THOG THUR 'BOD BAS SBYANG BA'I YI GE PA NI BKA' BCU NGAG DBANG CHOS LDAN NO,, ,,