*, ,(DPAL RDO RJE 'JIGS BYED CHEN PO'I SGRUB THABS NGAG 'DON GYI CHOG KHRIGS 'KHRUL SPONG MKHAS PA DGYES BYED CES BYA BA BZHUGS SHO, ,) RGYAL KUN MKHYEN RAB GCIG BSDUS 'JAM PA'I DBYANGS, ,RAB 'JIGS DRAG PO'I SKUR BSTAN GSHIN RJE'I GSHED, ,NGUR SMRIG 'DZIN PA'I GAR BSGYUR TZONG KHA PA, ,DBYER MED ZHABS KYI PAD MOR GUS PAS
'DUD, ,BUR MA SHING PA'I YONGS RDZOGS BSTAN PA'I BDAG ,DPAL LDAN RIGS BRGYA'I DKYIL 'KHOR 'KHOR LO'I MGON, ,SNYIGS DUS 'GRO BA'I 'DREN MCHOG PAD DKAR CAN, ,ZLA MED SKYABS KYI DAM PAR GUS PAS 'DUD, ,DPAL LDAN 'JUGS MDZAD RDO RJE SGRUB PA'I THABS, ,TSUL BZHIN SGOM PA'I MAN NGAG ZLA MED PA, ,ZA MA TOG DANG BDUD LAS RNAM RGYAL GYI, ,CHOG KHRIGS 'KHRUL SPOR MKHAS PAD GYES BYED BRI, ,DE YANG BCOM LDAN 'DAS DPAL RDO RJE 'JIGS BYED CHEN PO'I LAM LA BRTEN NAS SKAL LDAN GYI GDUL BYA THABS CAD MKHYEN PA'I SAR 'KHRID PA'I THABS SU RGYAL BA RDO RJE 'CHANG GIS RTZA RGYUD RGYAS PA SHLOO KA 'BUM PA'AM RTOGS PA SUM BRGYA PA SOGS RTZA BSHAD KYI RGYUD JI SNYED CIG GSUNGS PA RNAMS KYI GLEGS BAM PHAL CHER AU RGYAN MKHA' 'GRO'I YUL NA BZHUGS PA LAS, GRUB CHEN LA LI TA BADZRAS RDO RJE 'JIGS BYED KYI DBANG DANG GDAMS PA RNAMS YE SHES KYI MKHA' 'GRO MA LAS MNOS SHING, RTZA RGYUD RGYAS PA'I DUM BU RTOG PA BDUN PA'I GLEGS BAM SPYAN DRANGS TE RGYA GAR 'PHAGS PA'I YUL DU DAR BAR MDZAD PAS 'PHAGS PA'I YUL DU LAM 'DI LA BRTEN NAS GRUB PA THOB CING RGYUD 'GREL DANG MAN NGAG MDZAD PA MTHA' YAS PA BYUNG LA, BOD DUR SKYO ZHANG GSUM LA SOGS PA'I LO TZTSSA BA RNAMS KYIS RGYA GAR GYI PAn GRUB LAS DBANG DANG GDAM NGAG MA NOS SHING RGYUD 'GREL BA MAN NGAG DANG BCAS PA BSGYUR TE 'CHAD NYAN GYIS GTAN LA PHAB PAS GANGS RI'I KHROD DU'ANG LAM 'DI'I GRUB PA BRNYES SHING LEGS BSHAD MDZAD PA MANG DU BYUNG NGO, ,DE LTAR RGYA BOD KYI MKHAS GRUB RNAMS KYIS MDZAD PA'I RDO RJE 'JIGS BYED KYI SGRUB THABS SNA TSOGS PA CIG YOD NA'ANG, RANG CAG
, ,DPAL MNYAM MED RI BO DGA' LDAN PA'I RING LUGS PA RNAMS KYIS NI, DPAL RDO RJE 'JIGS BYED CHEN PO RANG NYID NGUR SMRIG 'DZIN PA'I GAR GYIS RNAM PAR ROL PA KHAMS GSUM CHOS KYI RGYAL PO SHAR TZONG KHA PA BLO BZANG GRAGS PA'I DPAL ZHES SNYAN PA'I BA DAN DKAR PO SA GSUM NA RNAM PAR GA-YO BA DE NYID KYIS MDZAD PA'I RDO RJE 'JIGS BYED BCU GSUM MA'I SGRUB THABS RIN PO CHE'I ZA MA TOG DANG, DPA' BO GCIG PA'I SGRUB THABS BDUD LAS RNAM PAR RGYAL BA GNYIS NYAMS LEN GYI SNYING POR BYA BAR RIGS TE, DE GNYIS NI DNGOS PO'I GNAS TSONG KYI DBANG DU BYAS NA RDO RJE 'JIGS BYED RANG NYID GSUM LDAN RDO RJE 'DZIN PA'I RNAM PAR PAR BSGYUR BAS MDZAD PA YIN LA, THUN MONG BA'I NGO BOR SNANG TSOD LTAR NA YANG RJE BDAG NYID CHEN POS MDO SNGAGS SPYI DANG KHYAD PAR GSHIN RJE GSHED SKOR GYI RGYUD DANG 'GREL PA GRUB CHEN LA LI TA'I 'JIGS BYED ZHE DGU MA DANG ROL LANG BRGYAD SKOR GYI SGRUB THABS SOGS RGYA BOD KYI MKHAS GRUB RNAMS KYIS LEGS PAR BSHAD PA THAMS CAD LA ZHIB TU DPYAD, DKA' BA'I GNAD RNAMS KYI DOGS GCOD RJE BTZUN 'JAMS PA'I DBYANGS LA ZHUS TE MDZAD PA YIN ZHING, CHAD LHAG NOR BA SOGS KYI SKYON DANG BRAL BAR MA ZAD BLA MA'I MAN NGAG LA RAG LAS PAR BYA BA'I PHYIR RGYAL BA RDO RJE 'CHANG DANG PAn GRUB RNAMS KYIS GAB DKRUG 'THOR BA'I TSUL DU BSHAD PA LTA BU'ANG MA YIN PAR CHA LAG TSANG ZHING GO RIM KHRIGS CHAGS SU GSAL BAR BKOD PA SGYUR BKOD SNON BRI BYA MI DGOS PA'I GDAMS PA PHUL DU BYUNG BA YIN PAS SO, ,'ON KYANG SGRUB THABS SU YID LA BYED TSUL GTZO BOR MDZAD PAS CHO GA'I CHA LAG LA KHA SKONG MI DGOS NA'ANG
NGAG 'DON GYI TSE TSIG PHRAD PHRAN BU SBYOR DGOS SOGS BLO DMAN RNAMS LA MI GSAL BA GSAL DU BTANG NAS NGAG TU 'DON BDE BAR BYA BA'I PHYIR, BDAG NYID CHEN PO'I SRAS KYI THU BO 'DUL 'DZIN GRAGS PA RGYAL MTSAN SOGS KYI LHAN 'THABS SU GRAGS PA MDZAD PA YIN PAS, NGAG 'DON GYI TSE LHAN 'THABS DE DAG NAS BSHAD PA LTAR BYA BAR RIGS KYI, RJE'I SGRUB THABS GNYIS LA MI DGOS PA'I SNON BRI SOGS RANG BZO'I LHANG 'JUG PA MI RIGS SO, ,DE LTA NA YANG DA LTA NI DGA' LDAN PA'I RING LUGS 'DZIN PA MANG PO ZHIG GIS RJE'I SGRUB THABS DANG, 'DUL 'DZIN SOGS SNGON GYI MKHAS PA DAG GI LHAN THABS NA MED CING MI DGOS PA DU MA 'JUG PA SNANG LA, DE LTAR BYED PA YANG SHAS CHER PAn CHEN BZANG PO BKRA SHIS KYI BCU GSUM MA'I DOGS GCOD DANG, , ZA MA DOG TU GSUNGS PA RNAMS CHANG BAR LHAN 'THABS DANG BSRES PA YIN ZER BA'I PHUN TSOGS GLING GI BAR MA GNYIS KYI 'KHRUL GZHI BYAS PAR SNANG BAS, 'KHRUL BAB SAL TE MA NOR BA NYAMS SU LEN TSUL BSHAD PA LA, MI 'THAD PA'I PHYOGS DGAG PA DANG, 'THAD PA'I PHYOGS DGOD PA'O, ,DANG PO LA PHYOGS SNGA DGOD PA DANG, DE DGAG PA'O, ,DANG PO LA PAn CHEN BZANG PO BKRA SHES KYI LUGS DGOD PA NI, DES MDZAD PA'I LHAN 'THABS BCU GSUM MA'I DOGS GCOD RAB BYED ZHE DGU BA ZHES PA LAS, 'JIGS BYED BCU GSUM MA'I MNGON RTOGS BSGOM TSUL LA BSNYEN PA'I TSE DANG, BSGRUB MCHOD KYI TSE DANG, DRUG CU PA SOGS KYI TSE BSGOM TSUL GSUM LAS, DANG PO NI, LHA'I NGA RGYAL GYIS RDO DRIL BRLAB, NANG MCHOD
, ,BRLAB, SNGON 'GRO'I MCHOD GTOR BRLABS TE, GTOR MA BTANG, BDAG BSKYED KYI MCHOD PA BRLAB, MANtAL PHUL, RDOR SEMS BSGOM BZLAS BYA, TSOGS ZHING, THUN MONG THUN MONG MA YIN PA'I BSRUNG 'KHOR BSGOM, GZHAL YAS KHANG BSKYED PA NAS DKYIL 'KHOR RGYAL MCHOG GI RTEN BRTEN PA SPRO BSDU'I BAR, PHYOGS SKYONG BKUG NAS GSAL BTAB TE PHUR GAD BA SOGS KYIS 'JIGS BYED PHYAG GNYIS PA'I RNAM PAR BSGYUR, GTZO 'KHOR THAMS CAD KYI SKYE MCHED SKU GSUNG THUGS BRLAB, 'JAM DPAL RANG BZHIN MA SOGS KYIS YE SHES PA SPYAN DRANGS TE DGUG GZHUG BCING MNYES BYA, DBANG BSKUR RGYAS GDAB BYA, RANG GTZO BO LAS PHYE NAS SHAR SGO'I PHYI ROL DU GNAS PAS, RGYAL BA RNAMS NI SOGS KYIS CHU GNYIS NYER SPYOD ROL MO DBUL, RTZA BRGYUD KYI BLA MA SOGS LA NANG MCHOD DBUL, RANG DKYIL 'KHOR GYI NANG DU ZHUGS PA GTZO BO DANG THA MI DAD PAR GYUR BA'I GSANG GNAS BRLABS TE GSANG BA DANG DE KHO NA NYID KYI MCHOD PA BYA, 'JAM DPAL GSER MDOG MA 'AM, BSDU NA GNYIS MED THUN MONG MA SOGS KYIS BSTOD , RAGS PHRA'I RNAL 'BYOR BSGOM, BZLAS PA BYA, THUN MTHA' 'AM MTHUN 'TSAMS SU GTOR MA 'BUL BA NI, GTOR MA CHANG CHU NANG MCHOD KYIS BRAN LA BRLAB, GTOR MGRON SNGAR BSKYED ZIN PAS 'DIR BSKYED MI DGOS, 'DAS MA 'DAS KYI MGRON RNAMS KYI LJAGS BRLAB LA DBUL, CHOS RGYAL LA GTOR MA DBUL, MCHOD BSTOD BSDUS PA CIG BYAS TE NYER BSDU BYA, 'DI NI
BDAG MDUN THA MI DAD DANG BSGOM PA'I LHA TSOGS DANG GTOR MGRON THA MI DAD PA'I PUGS BCU GSUM MA'I DKYIL CHOG DANG MTHUN PA'I BSGOM TSUL DANG DPAL 'DZIN GYI DGONGS PA YIN, RJE'I MNGON RTOGS GNYIS SU BKOD PA NI, BSGOM PA'I DKYIL 'KHOR DANG GTOR MGRON GYI LHA GNYIS THA DAD DU BZHED PA LA LI TA'I LUGS TSIG ZIN LA BKOD PA YIN ZHES 'BYUNG, PHUN TSOGS GLING GI PAR MDER LHAN 'THABS DANG BSRES ZHES PA'I LHAN 'THABS NI, 'DUL 'DZIN GRAGS RGYAN, BSO CHOS RGYAN, BYANG SEMS KUN BZANG, 'BRONG RTZE LHA SRAS, GRAGS PA 'OD ZER RNAMS KYI LHAN 'THABS DANG MI MTHUN CING BZANG BKRAS PA'I 'DI DANG MTHUN PAR 'DUGS PAS PHAL CHER 'DI YIN 'DRA, 'ON KYANG GTOR MGRON GSAR DU BSKYED MI DGOS PA'I LUGS DE MA BKOD PAR ZA MA TOG NA BSHAD PA DE BKOD PAR SNANG NGO, ,GNYIS PA DE DGAG PA LA, GONG GI LUGS DE LAS RDOR DRIL BYIN BRLABS BYED BRJE'I GSANG BDE 'JIGS GSUM GYI SGRUB THABS RNAMS DANG, 'DUL 'DZIN PA'I 'DUS PA BDE MCHOG LO DRIL GYI LHAN 'THABS, BCU GSUM MA'I LHAN 'THABS GONG DU SMOS PA LNGA PO RNAMS LAS MI 'BYUNG, 'DUS PA'I SGRUB THABS KYI LHAN 'THABS MKHAS GRUB RJES MDZAD PA DANG, 'DUS PA'I BSKYED RIM 'GA' ZHIG NAS SGRUB THABS KYI THOG MAR RDOR DRIL BYIN BRLABS BYA BAR BSHAD, DE NI RGYUD CHEN NAM MKHA' GRAGS DANG PAn CHEN CHOS KYI RGYAL PO SOGS KYIS SGRUB THABS KYI THOG MA NAS DAM TSIG GSUM LA GNAS DGOS PA SHES PA'I CHED DU RANG LHAR BSGOM NAS RDOR DRIL BYIN BRLABS BYED PAR BSHAD PA LTAR YIN PAS DES BZUNG DU DGOS PA'I CHO GA'I
, ,SGOS KYI YAN LAG MIN KYANG BYAS PAR 'GAL BA YOD PAR MI SEMS, NANG MCHOD BYIN BRLABS SGRUB THABS GNYIS SU 'OG TU BYA BAR GSUNGS KYI 'DIR MA GSUNGS LA, , 'DUL 'DZIN PA'I LHAN 'THABS SU YANG MI GSAL MOD, DKYIL 'KHOR BA'I LHA LA 'BUL RGYU'I NANG MCHOD 'BUL BA'I SKABS SU BYIN GYIS BRLABS PAS CHOG GI 'DIR BYIN BRLABS MA BYAS KYANG RUNG BA LA DGONGS NAS SGRUB THABS GNYIS SU DE LTAR GSUNGS LA, SNGON 'GRO'I MCHOD GTOR BSANG BA DANG PHYOGS SKYONG LA 'BUL RGYU'I NANG MCHOD BYIN BRLABS 'DIR BYED PAR KUN BZANG BA SOGS GZHAN GYIS KYANG BSHAD PAS DE LTAR 'THAD DO, ,SNGON 'GRO'I GTOR MA GTONG LUGS SGRUB THABS GNYIS SU SKABS 'DIR MA GSUNGS KYANG GTONG BAR GSUNGS, BDAG SKYED KYI MCHOD PA BYIN BRLABS RJES MDZAD PA'I 'DI'I SGRUB THABS GNYIS DANG 'DUS PA MI BSKYOD PA'I SGRUB THABS RNAMS SU 'OG TU GSUNGS KYI 'DIR MA GSUNGS LA, BDE MCHOG LO DRIL GYI SGRUB THABS GNYIS DANG 'DUL 'DZIN GYI LHAN 'THABS SOGS LAS SGRUB THABS KYI THOG MAR BYA BAR BSHAD, DAM PA KHA CIG BDAG SKYED KYI MCHOD PA THOG MA NAS DNGOS SU BSHAMS NA BYIN BRLABS THOG MAR BYA LA THOG MAR MI BSHAMS PAR 'OG TU BSHAMS NA BYIN BRLABS KYANG 'OG TU BYA ZHES DANG, DAM PA KHA CIG GIS THOG MAR BYIN BRLABS BYED PA SGRUB THABS THOG MAR NYAMS SU LEN PA NAS 'DOD YON LNGA'I RANG BZHIN SHES PA'I SGO NAS 'DOD YON LA LONGS SPYOD PA DANG MA BRAL BA DGOS PA SHES PA'I CHED DU YIN PAR GSUNGS PAS MI 'GAL, MAndAL ZHU 'BUL BYED PA RJE'I SGRUB THABS DANG, 'DI'I
LHAN 'THABS 'DUL 'DZIN PAS MDZAD PA SOGS 'GA' ZHIG NAS MI 'BYUNG YANG, LHA SRAS DANG KUN BZANG PAS MDZAD PA DANG, 'DUS PA'I LHAN 'THABS 'DUL 'DZIN DANG MKHAS GRUB RJES MDZAD PA SOGS LAS 'BYUNG LA, DE NI TSOGS DPON DANG BCAS PA'I TSOGS GRA MANG POS TSOGS 'DON MDZAD PA'I TSE LAS KYI RDO RJE 'AM MCHOD GA-YOG PAS PHYAG 'TSAL TE MAndAL SPYIR BSHAMS PA, PHYAG 'TSAL TE ME TOG BKYE PA SOGS DPAL LDAN SA SKYA PA YAB SRAS DANG BU STON THAMS CAD MKHYEN PA YAB SRAS SOGS KYIS PHYAG LEN MDZAD PA LTAR RJE BDAG NYID CHEN POS KYANG PHYAG LEN DU MDZAD PA SRAS KYI THU BO GNYIS KYIS 'DUS PA'I SGRUB THABS KYI LHAN 'THABS SU BKOD PA YIN PAS, TSOGS PA DPON SLOB DANG MCHOD GA-YOG SOGS TSOGS SHING SPROS PA LA DGA' NA BYA YI, DE LAS GZHAN PA'I SKABS SU MI DGOS LA, DA LTA 'GA' ZHIG 'JIGS BYED 'DON RES KYIS GZHI SPOS KYIS BYUG CING ZHES SOGS KYI TSIGS TZAM 'DON PA NI DON SPYI GANG YANG MA SHAR BAR TSIGS TZAM LA DGA' BAR ZAD DO, ,RDOR SEMS BSGOM BZLAS SKABS 'DIR BYED PA RJE'I BDE GSANG 'JIGS GSUM GYI SGRUB THABS DANG 'DI'I LHAN 'THABS 'DUL 'DZIN DANG BA SOS MDZAD PA LAS MI 'BYUNG YANG, 'DUL 'DZIN PA'I GSANG BDE 'JIGS GSUM GYI LHAN 'THABS DANG, MKHAS GRUB KYI 'DUS PA'I LHAN 'THABS, KUN BZANG DANG, LHA SRAS GNYIS KYI 'DI'I LHAN 'THABS RNAMS LAS 'BYUNG LA; SNGAGS RIM LAS, DANG POR GTOR MA DANG DAM TSIG NYAMS CHAGS SKONG BA'I DON DU RDOR SEMS BSGOM NAS YIG BRGYA BZLA BAR BLA MA SNGA MA RNAMS BZHED PA BZHIN BYA'O, ,ZHES GSUNGS
, ,PAS DAM TSIG NYAMS CHAGS SKONG BA'I DON DU BYED PA PHUN SUM TSOGS PA'I YAN LAG TU 'GYUR GYI MA BYAS NA CHOG CHAD PA'I NYES PA 'BYUNG BA'I MED MI RUNG GI YAN LAG MIN PAS 'JIGS BYED 'DON NGES KYIS DGOS PA'I NGES PA NI MED DO, ,THUN MONGS MA YIN PA'I BSRUNG 'KHOR NI, ZA MA TOG LAS THUN MONG MA YIN PA'I BSRUNG 'KHOR BSGOM PAR 'DONG NA LA LI TAS MDZAD PA'I SGRUB THABS LAS 'BYUNG BA LTAR SGOM DGOS TE GZHAN DU BSHAD ZIN TO, ,ZHES GSUNGS LA, BDUD LAS RNAM RGYAL DU DE BSGOM LUGS BSHAD CING, 'DUL 'DZIN PA'I LHAN 'THABS SOGS SU 'ANG BSGOM PAR GSUNGS SO, ,'ON KYANG BSGOM PAR 'DOD NA ZHES PA'I TSIG GI NUS PA LA DPAGS NA DES BZUNG DU MI DGOS NA'ANG LAS DANG PO PA LA BGEGS KYI 'TSE BA MANG BAS DE BZLOG PA'I PHYIR BSGOM PA PHUN SUM TSOGS PA'I YAN LAG TU 'GYUR, DKYIL 'KHOR RGYAL MCHOG GI RTEN BRTEN PA YUM GYI MNGAL NAS SPRO ZHING BSDUS PA'I 'JUG THOG DE MA THAG TU PHYOGS SKYONG DGUG CING PHUR GDAB SOGS BYED PA NI SGRUB THABS GNYIS DANG 'DUL 'DZIN PA'I LHAN 'THABS SOGS LNGA PO GANG LAS KYANG MI 'BYUNG ZHENG DGOS PA'ANG MA YIN TE, BZANG BKRAS PAS 'DIR DE LTAR BYED PA BDAG MDUN 'JUG PA GCIG PA'I THA MI DAD DU BSGRUB PA YIN PAS 'DAS PA'I GTOR MGRON BSGOM PA'I BDAG SKYED KYI LHA TSOGS RNAMS LA BYED CING 'JIG RTEN PA'I GTOR MGRON PHYOGS SKYONG DGUG SKYED SKABS 'DIR BYAS NAS THAMS CAD KYI SKYE MCHED SKU GSUNG THUGS BYIN BRLABS PHYOGS GCIG TU BYED PA 'JUG PA BDE BAR BSAM NA'ANG DE MI 'THAD CING, KHONG GI BSAM TSOD DE LAS PHYOGS
SKYONG DGUG BSKYED SKABS 'DIR BYED PA'I BSGRUB BYED GZHAN GANG YANG MED PA'I PHYIR RO, ,'DIR BDAG MDUN 'JUG PA GCIG PA'I THA MI DAD DU BSGRUB PA MI 'THAD TSUL 'OG TU 'CHAD LA SKABS 'DIR PHYOGS SKYONG DGUG BSKYED BYED PA'I SGRUB BYED GZHAN MED DE, YOD NA RJE'I SGRUB THABS DANG KHUNGS BCUN GZHAN GYI LHAN 'THABS DANG, 'JIGS BYED KYI SKYED RIM MKHAS GRUB THAMS CAD MKHYEN PA YAB SRAS KYIS MDZAD PA SOGS RANG PHYOGS KYI BLA MA MKHAS GRU GONG MAS MDZAD PA MANG PO YOD PA GCIG NAS ZUR TZAM 'BYUNG RIGS PA LAS MI 'BYUNG BA'I PHYIR DANG,, RIGS PA'I BSGRUB BYED KYANG MED PA'I PHYIR RO, ,PAn CHEN CHOS KYI RGYAL PO'I SKYED RIM NAS 'DIR PHYOGS SKYONG DGUG BSKYED BYED PA 'JUG PA BDE BA'I CHED YIN PAR GSUNGS MOD, DE NI BSGRUB GZHI LA BRTEN NAS MDUN SKYED BSGRUB DUS LA DGONGS KYI BSNYEN PA'I TSE DE LTAR BZHED PA MIN TE 'OG TU 'CHAD DO, ,PHUN TSOGS GLING GI PAR MA LAS 'DIR PHYOGS SKYONG DGUG BSKYED BYAS NAS 'OG TU GTOR MGRON GYI TSE SLAR YANG PHYOGS SKYONG DGUG BSKYED BYED PA NI SHIN TU MA 'BREL TE, 'DIR PHYOGS SKYONG DGUG BSKYED BYAS PA DES GTOR MGRON 'JIG RTEN PA'I GO MI CHOD NA DE LA DGOS PA MED PA'I PHYIR DANG, BZANG BKRAS PA'I LUGS LTAR BYED 'DOD KYANG DE'I BZHED PA MA LON PA'I SKYON DU SNANG BA'I PHYIR RO, ,BDAG SKYED KYI YE SHES PA SPYAN 'DREN GYI TSE 'JAM DPAL RANG BZHIN MA SOGS DANG; MCHOD PA'I TSE RGYAL BA RNAMS NI MA SOGS TSIG BCAD BRJOD PA'ANG SGRUB THABS GNYIS DANG 'DUL 'DZIN PA'I LHAN 'THABS SOGS LNGA PO RNAMS LAS MI 'BYUNG BAS, AOm HRI: HA
, ,BHO SOGS SNGAGS PHYAG RGYA DANG BCAS PAS SPYAN 'DREN PA DANG, AOm HR'I: shtI HA: SOGS SAM, AOm YA MANTA KA AARGm PRA TI TZTSA H'Um SV'A H'A SOGS KYIS MCHOD PA 'BUL BAR SGRUB THABS GNYIS DANG 'DUL 'DZIN PA'I LHAN 'THABS SOGS NAS BSHAD PA LTAR BYA BAR RIGS SO, ,GAL TE SGRUB THABS GNYIS SOGS LAS MI 'BYUNG YANG TSIG BCAD KYIS SPYAN 'DREN PA DANG MCHOD PA PHUL BA SNGAGS RKYANG BAS SPYAN 'DREN DANG MCHOD 'BUL LAS PHAN YON CHE BA MA YIN NAM, DE LA 'GAL BA CI YONG SNYAM NA, BDUNG LAS RNAM RGYAL DU GTOR MGRON GYI YE SHES PA SPYAN 'DREN PA DANG GTOR MGRON GYI LHA LA MCHOD PA 'BUL BA'I TSE TSIG BCAD DE DAG BRJOD PAR GSUNGS KYI, BDAG SKYED KYI YE SHES PA SPYAN 'DREN SOGS LA TSIGS BCAD BRJOD PAR SGRUB THABS GNYIS DANG 'DUL 'DZIN GYI LHAN 'THABS SOGS LAS MA GSUNGS PA NI, MDZAD PA PO NGAG GIS TSIGS BCAD DE DAG MA GZIGS PA 'AM, PHAN YON 'BYUNG BA MA MKHYEN PA 'AM; PHAN YON MA BZHED PA MIN MCHI ZHING BZANG BKRAS PA DANG PHUN TSOGS GLING GI PAR MAR 'BYUNG BA NI, BDAG SKYED KYI LHA TSOGS GTOR MGRON DU BYED 'DOD CING GTOR MGRON GYI YE SHES PA SPYAN 'DREN SOGS LA TSIGS BCAD SBYOR BAR RJES 'DUD LAS RNAM RGYAL DU GSUNGS PAS SO SNYAM DU BSAM PAR SNANG GI ,RGYU MTSAN GZHAN MED PAS RJE YAB SRAS KYIS GANG GSUNGS PA LTAR BYAS NA MDZES SO, ,GSANG MCHOD BYED PA SGRUB THABS GNYIS DANG 'DUL 'DZIN PA'I LHAN 'THABS SOGS LAS MI 'BYUNG LA, RJE BLO GROS CHOS SKYONG GIS MKHAS GRUB RJE'I SKYED RIM GYI
KHA SKONG MDZAD PA SOGS SKYED RIM 'GA' ZHIG LAS RDZOGS RIM GYI BDE STONG GI RGYUD SMIN BYED DU 'GYUR BA DANG, DBANG BZHI DANG 'BREL BA'I MCHOD PA TSANG MA 'BUL BAR DGONGS NAS MCHOD PA'I SKABS SU GSANG MCHOD BYA BAR GSUNGS PA LTAR NA BYAS KYANG 'GAL BA MED MOD MA BYAS KYANG CHO GA CHAD PA'I SKYON DU MI 'GYUR, 'JAM DPAL GSER MDOG MAS BSTONG PA BYED PAR BDUD LAS RNAM RGYAL DU GSUNGS SHING, ZA MA TOG DANG LHAN 'THABS GZHAN DU GNYIS MED THUN MONG MA SOGS KYIS BSTOD PAR GSUNGS KYI, GSER MDOG MAS BSTOD PAR MA GSUNGS PAS; DES MA BSTOD KYANG LHA MI MNYES PA'I SKYON 'BYUNG BA NI MED DO, ,GTOR MGRON SNGAR BSKYED ZIN PAS GSAR DU BSKYED MI DGOS, 'DI NI BDAG MDUN THA MI DAD DANG BSGOM PA'I LHA TSOGS DANG GTOR MGRON THA MI DAD PA'I LUGS BCU GSUM MA'I DKYIL CHO GA ? DANG MTHUN PAR BSGOM PA DPAL 'DZIN GYI DGONGS PA YIN, RJE'I MNGON RTOGS GNYIS SU BKOD PA NI BSGOM PA'I DKYIL 'KHOR PA DANG GTOR MGRON GYI LHA THA DAD DU BZHENG PA LA LI TA'I LUGS TSIGS ZIN LA BKOD PA YIN ZER BA NI, PAn CHEN BZANG BKRAS PA MDO SNGAGS SPYI DANG RJE BDAG NYID CHEN PO'I LEGS BSHAD RNAMS LA LEGS PAR SBYANG BA'I MKHAS PA CHEN PO YIN PAS ZHIB TU BRTAGS SHING DPYAD NA MI MKHYEN PA CI LA YIN KYANG, PAntI TA CHOS KYI BSHES GNYEN GYIS 'GREL PA DON GSAL GYI 'TSAMS SBYAR GYI GRANGS MDZAD PAR LEGS BSHAD GSER 'PHRENG DU DGAG PA MDZAD PA LTAR, PAntI TA RNAMS LA'ANG THUGS MNYAM PAR MA BZHAG PA'I GSUNGS
, ,'BYON SRID PA BZHIN BRTAGS DPYAD ZHIB TU MA MDZAD CING MKHAS PA'I BSNYEMS PAS HA CANG GU YANGS DPA' THAL BA'I GZU LUM GYI GSUNGS TE, DE LA DOGS PA'I GZHI MED PAR DOGS PA BCAD PA'I SKYON, 'JIGS BYED KYI DKYIL 'KHOR BSGRUB MCHOD GANG DU BYA BA'I GZHIR SA CHOG BYED PA NAS BZUNG GI TSE MNGON RTOGS BSGOM PA DON MED DU THAL BA'I SKYON, , BCU GSUM MA'I DKYIL CHOG DANG DPAL 'DZIN GYI DGONGS PA LOG PAR BKRAL BA'I SKYON, GRUB CHEN LA LI TA LA GYA TSOM DU RGOL BA'I SKYON, RJE'I SGRUB THABS GNYIS RA SA SU BOR BA'I SKYON SOGS NYES PA MANG DU MCHIS PAS BZLOG TU MED PA'I GNOD BYED MTHA' YAS PA 'JUG PA'I TSIGS YIN PA'I PHYIR, DANG PO DOGS GZHI MED PAR DOGS PA BCAD PA'I SKYON YOD DE; BSNYEN PA'I TSE MDUN SKYED KYI DKYIL 'KHOR BSGRUB PA'I GZHI MED PAS BDAG MDUN THA DAD DU BSGRUB BAM THA MI DAD DU BSGRUB SNYAM PA'I DOGS PA SKYE BA'I GZHI MED LA, DE MED BZHIN DU DE LA DOGS PA BCAD NAS THA DAD DU BSGRUB PA MIN PAR 'JUG PA GCIG PA'I THA MI DAD DU BSGRUB PA YIN ZER BA NI, GZHONG PA STONG PA CIG KHYI LTOG MANG PO ZHIG GI MDUN DU BZHAG PA NA KHYI DE DAG GIS GZHONG BA DER ZAS YOD PAR BRLOMS TE, DE PHA ROL BOS KHYER GYIS DOGS NAS 'THABS CING RTZOD PA DANG MTSUNGS PA'I PHYIR, DE YANG YIN TE DUS GSUM RGYAL BA'I DBANG PO THAMS CAD MKHYEN GZIGS CHEN PO NGAG DBANG BLO BZANG RGYA MTSO'I RNAM THAR DU GU LA'I GOS BZANG LAS, SGO MANG BYANG BA DANG GUNG RU GNYIS 'JIGS BYED KYI BDAG MDUN 'JUG PA
GCIG MI GCIG LA RTZOD ZER BA RDUL TSON DANG RAS BRIS GANG YANG MED PA'I BDAG SKYED LA DE 'DRA'I DOGS PA KHYI GZHONG STONG LA RTZOD PAR GDA', ZHES GSUNGS PA'I PHYIR, 'O NA SGRUB GZHI MED PAR BDAG MDUN 'JUG PA GCIG TU BSGRUB MI RIGS NA BSAM GTAN GYI DKYIL 'KHOR BSGRUB MCHOD MED PAR 'GYUR RO ZHE NA, BSAM GTAN GYI DKYIL 'KHOR BSGRUB MCHOD YOD KYANG BDAG MDUN 'JUG PA GCIG TU BSGRUB MI DGOS PAS GNOD BYED DU MI 'GYUR RO, ,GNYIS PAS BZUNG GI TSE MNGON RTOGS BSGOM PA DON MED DU THAL BA'I SKYON YOD DE, BSNYEN PA'I SKABS SU BDAG SKYENG BSGOM PA BDAG MDUN THA MI DAD DU BSGRUB PA YIN NAS CHOG GI SKABS SU MNGON RTOGS BSGOM PA'ANG DER 'GYUR LA, DE LTAR NA MNGON RTOGS DE BSGOM PA'I TSE MDUN SKYED SGRUB ZIN PAS MDUN SKYED BSGRUB MCHOD KYI CHED DU SA CHOG BYED PA'I NGAL BA BSTEN MI DGOS PA'I PHYIR TE, DE NYID LAS, CHOS GRAL DU SMAD RGYUD DBU MDZAD AE PA BLO BZANG MKHAS GRUB YOD PAR BCU GSUM MA GSUM GYI DKYIL CHOG NA SA ? CHOG GI SNGON DU BDAG SKYED BSGOM PAR BSHAD PA'I DUS BDAG MDUN 'JUG PA AE GCIG DRIS PA LA GCIG ZER BAR, MDUN SKYED BSGRUB MCHOD KYI CHED DUS CHOG BYAS PA YIN PAS THOG MA NAS 'JUG PA GCIG PHYI NAS CHOG GI NGAL BA MI DGOS 'DRA GLINGS PAS DBU YON LA ZIN NAS LA BRGYU MI SNANG, RJE BTZUN TZONG KHA PA'I GSUNGS LAS LHAG PA RANG GZHAN KUN LA DKA' RUNG YIG NAG GI DPE CHAS SMRA MI SHES PAS PHA PADMA'I RDZING BUR BU STAG MA'I ME TOG 'DI MANG BAR SNANG, ZHES GSUNGS PA'I PHYIR, GSUM PA BCU GSUM MA
, ,GSUM GYI DKYIL CHOG DANG DPAL 'DZIN GYI DGONGS PA LOG PAR BKRAL BA'I SKYON YOD DE, DE GNYIS KYI DGONGS PA BDAG MDUN THA MI DAD DU BSGRUB ZHES PA NI, , BRIS PA'I DKYIL 'KHOR BSGRUB PA'I TSE BDAG MDUN THA MI DAD DU BSGRUB PA YIN GYI, BSNYEN PA'I BDAG SKYED BSGOM PA'I TSE BDAG MDUN THA MI DAD DU BSGRUB PA MA YIN PA'I PHYIR, DANG PO DER THAL, BCU GSUM MA GSUM GYI DKYIL CHOG LAS BRIS PA'I DKYIL 'KHOR BSGRUB PA NA, BOD KYI BLA MA RNAMS LA BDAG MDUN THA DAD DU BSGRUB PA DANG THA MI DAD DU BSGRUB PA'I LUGS GNYIS YOD KYANG, GRUB CHEN DPAL 'DZIN GYI DGRA NAG GI DKYIL 'KHOR BSGRUB LUGS KYI DGONGS PA LUGS PHYI MA LTAR YIN PAS, DE LTAR NA RANG NYID BRIS PA'I DKYIL 'KHOR GYI DBUS SU 'DUG PAR MOS NAS BRIS PA'I DKYIL 'KHOR LAS SNGAGS KYIS BSANGS PA SOGS BYAS TE SGRUB THABS BZHIN BSGOM PAR GSAL BAR BSHAD PA'I PHYIR TE, BCU GSUM MA GSUM GYI DKYIL CHOG LAS, BOD KYI BLA MA RNAMS LA BDAG MDUN THA DAD DU BYAS NAS BSGRUB PA DANG THA MI DAD DU BYAS NAS BSGRUB PA'I TSUL GNYIS YOD KYANG GRUB CHEN GYI DGONGS PA LUGS PHYI MA LTAR YIN PAS DE'I LUGS LTAR BSHAD NA, BDAG NYID DKYIL 'KHOR GYI DBUS SU 'DUG BAR MOS NAS, BRIS PA'I DKYIL 'KHOR LAS THAMS CAD PA'I SNGAGS KYIS BSANGS, STONG PA NYID DU BSGOM NAS GZHAL YAS KHANG GANG NA ? BCAS BSKYED PA SOGS SGRUB THABS BZHIN BYAS LA ZHES DANG, DE'I MCHAN BU RJE NYID KYIS MDZAD PA LAS, NAG PO'I DKYIL CHOG LAS SANGS RGYAS 'KHOR LO'I
DBUS NA GNAS PA'I RNAL 'BYOR PA RANG DANG MTSUNGS PA'I YAN LAG DANG LDAN PAS SANGS RGYAS RNAMS KYI BDAG NYID DU GNAS LA, ZHES DKYIL 'KHOR BSGRUB PA'I SKABS SU BSGRUB PA PO DBUS NA GNAS PAR GSUNGS PAS BDAG MDUN THA MI DAD DU BSGRUB PA BSTAN LA, RANG DANG MTSUNGS PA'I YAN LAG DANG LDAN PA ZHES PAS DGRA NAG LA GTZO BO DANG MTSUNGS BA'I YUM BYED BAR YANG BSTAN TE, ZHES BRIS BA'I DKYIL 'KHOR LA GSAL BAR GSUNGS SHING DE YANG DNGOS BSTAN RDUL TSON GYI DKYIL 'KHOR YIN LA RAS BRIS LA DE'I RIGS PA SBYOR RUNG KYANG BSNYEN PA'I BDAG SKYED LA SBYOR BA NI BZHAD GANG KYI GNAS YIN PA'I PHYIR, BZHI PA GRUB CHEN LA LI TA LA GYA TSOM DU RGOL BA'I SKYON YOD DE, BSNYEN PA'I BDAG SKYED KYI TSE BSGOM PA'I DKYIL 'KHOR DANG GTOR MGRON THA DAD DU BYED PA LA LI TA'I LUGS YIN PA GANG ZHIG KHYED KYI DE BKAG NAS DE GNYIS THA MI DAD DU BYED 'DUG BA'I PHYIR, RTAGS GNYIS KA KHAS BLANGS LA SONG, , GAL TE LA LI TA'I LUGS BKAG KYANG SKYON MED MOD SNYAM NA, LA LI TA NI RDO RJE 'JIGS BYED KYI LAM LA BRTEN NAS GRUB PA MCHOG BRNYES SHING 'JIGS BYED KYI CHOS SKOR LA SHING RTA'I SROL 'BYED LTA BU'I TSANG MAR GYUR PA YIN PAS, RJE BDAG NYID CHEN POS KYANG DE NYID KYIS MDZAD PA'I SGRUB THABS CHE CHUNG KHUNGS SU MDZAD PA DE'I LUGS NAN GYIS 'GOG PA KHYED NI RDO RJE 'CHANG LAS KYANG LHAG PA ZHIG YIN PAR GOR MA CHAG GO ,LNGA PA RJE'I SGRUB THABS GNYIS RAS SU BOR BA'I SKYON YOD DE, RJE'I SGRUB THABS GNYIS SU BSGOM PA'I DKYIL 'KHOR BA DANG GTOR
, ,MA GTOGS PA'I ME TOG MAS RIM GYIS BSDU, PHYAG GSUM 'TSAL TE ME TOG DE DAG GIS MAntAL BKOD DE, THAMS CAD KYIS THUN MONG DU, BLA MA LA THUGS DMAL GNAS PAR ZHU BA'I YON TU DBUL ZHING MAntAL BLA MA'I DRUNG DU KHYER, GTZO BOS KYANG ME TOG BLA MA GONG MA RNAMS LA DBUL BA'I PHYIR DU MAntAL GYI STENG DU SBYUNG, MAntAL RTEN GYI DRUNG DU BZHAG STE , PHYAG BYAS NAS RANG GI GRAL LA 'KHOD, GTZO BOS, BSHAGS PA DANG SDAM PA SNGON DU 'GRO BA CAN GYI LHA'I RNAL 'BYOR LA GNAS PAR ZHU, ZHES BRJOD, 'DI NI MKHAS GRUB THAMS CAD MKHYEN PA'I 'DUS PA'I LHAN 'THABS LAS 'BYUNG BA LTAR BKOD PA YIN, DE NAS SKYABS 'GRO SOGS SNGAR BZHIN BYA ZHING, TSOGS 'DON GYI TSE DBYANGS KYER GYI SPROS PA LA DGA' BAR 'DUG PAS GTOR MGRON GYI YE SHES PA SPYAN 'DRAN SOGS LA TSIGS BCAD DBYANGS DANG BCAS PA SBYAR NA LEGS PAR SEMS, GTOR MGRON GSHEGS GSOL GYI MJUG TU SMON LAM DANG, , NYER BSDU'I 'JUG GI 'JIGS BYED PHYAG GNYIS PAR BZHENGS NAS SHIS BRJOD KYIS BRGYAN PAR BYA'O,, ` ,,GNYIS PA DPA' BO GCIG PA'I MNGON RTOGS NGAG 'DON GYI KHRIG CHAGS GZHAN RNAMS SNGA MA'I RIGS 'GROS KYIS SHES SHING SGRUB THABS DNGOS GZHI'I BSTOD PA'I TSE 'JAM DPAL GSER MDOG MA 'DON, GTOR MGRON SKAD CIG GIS RTEN BRTEN PA THAMS CAD GRUB PAR BSKYED PA SNGAR LTAR RAM, YANG NA, SNGAGS GNYIS KYI DON BSGOM PA NAS, ME DPUNG PHYOGS BCUR 'PHRO BA, RA BA'I DBUS SU RDO RJE SEMS DPA' DKAR PO, ,ZHES PA NAS
ME DPUNG RAB TU 'BAR BA'I KLONG DKYIL NA BZHUGS PA, DE'I MIG GNYIS SU KshIm DKAR PO, ,ZHES SOGS KYIS SKYE MCHED SKU GSUNG THUGS BYIN BRLABS DANG SEMS DPA' GSUM BRTZEGS BYA, SPYAN 'DREN GYI TSE LCAGS KYU'I PHYAG RGYA DANG BCAS, 'JAM DPAL RANG BZHIN, ZHES PA NAS, KU RU SV'A H'A, RANG GI THUGS KHA'I H'Um LAS 'OD ZER 'PHROS, RANG BZHIN GYI GNAS NAS DPAL RDO RJE 'JIGS BYED DPA' BO GCIG PA'I DKYIL 'KHOR RTEN DANG BRTEN PAR BCAS PA PHYOGS SKYONG DANG BCAS PA SPYAN DRANGS, PHYI 'BRANG GI BGEGS BSKRAD DE DGUG GZHUGS BCINGS MNYES DANG DBANG BSKUR RGYAS GDAB BYA, RGYAL BA RNAMS NI MA SOGS KYIS CHU GNYIS NYER SPYOD ROL MO DANG SNGAGS KYIS NANG MCHOD KYANG DBUL, SPYAN 'DREN DANG MCHOD PA BSDU NA SNGAGS TZAM GYI RUNG, GTOR MA BYIN GYIS BRLABS TE, LJAGS BYIN BRLABS SNGAR BZHIN BYAS LA, HRI: shtI: LA, BADZRA BHE RA BA YA AA DHI PA TI AI MAm BA LIm, SOGS SBYAR TE 'JIGS BYED LA DBUL, PHYI NANG GI MCHOD PAS MCHOD, GNYIS MED THUN MONG MA SHO LO KA GNYIS KYIS BSTOD, SKABS DANG BSTUN PA'I 'PHRIN LAS BCOL BAS GNANG BA BYUNG BAR BSAM, PHYOGS SKYONG GI GTOR MA DANG LJAGS BYIN GYIS BRLABS TE PHUL, CHOS RGYAL GYI GTOR MA DBUL TSUL SNGAR BZHIN BYA'O, ,ZHAR LA RAS BRIS KYI DKYIL 'KHOR BSGRUB MCHOD SOGS BYA TSUL NI, STEGS KYI KHAR DKYIL THANG LEB MOR BKRAM PA'I MTHA' MCHOD PAS BSKOR, RANG NYID SHAR SGO'I THAD NAS DKYIL 'KHOR LA PHYOGS PAR 'DUG ,
, ,BDAG MDUN 'JUG PA GCIG TU BSGRUB PA YIN PAS BDAG SKYED SNGON DU BSGOM MI DGOS, TSOGS ZHING GI TSAD MED BZHI BSGOM PA YAN CHAD SNGON DU BTANG, RANG DKYIL 'KHOR GYI DBUS SU 'DUG PAR MOS NAS LAS SNGAGS KYIS BSANG, SNGAGS GNYIS KYI DON BSGOM PA NAS, MI'I THOD PA BDUD RTZIS GANG BA BZHIR GYUR GYI BAR SGRUB THABS BZHIN, AOm HRI: shtI: NAS, THIM PAR GYUR GYI BAR GZHAN RNAMS SGRUB THABS BZHIN LA, SHAR GYI GDAN LA 'KHOD CES PA, SHAR GYI MTSAN MA DANG NGO BO DBYER MED DU GYUR CES DANG, DES LHA GZHAN RNAMS LA 'ANG RIGS BSGRES TE 'DON PA BSGYUR, LHAN 'THABS 'GA' ZHIG NAS 'DIR PHYOGS SKYONG DGUG PA SOGS BYED PAR BSHAD KYANG, BCU GSUM MA GSUM GYI DKYIL CHOG DANG, 'DUL 'DZIN, BA SO, ,LHA BTZUN SOGS KYIS LHAN 'THABS SU MI 'BYUNG BAS DE MI BYA BAR, GTZO 'KHOR THAMS CAD KYI MIG GNYIS SU KshIm KshIm DANG, ZHES PA NAS, RANG NYID LA THIM PAR GYUR GYI BAR SGRUB THABS BZHIN LA, SPYAN 'DREN GYI TSE 'JAM DPAL RANG BZHIN MA SBYOR, RANG GTZO BO LAS GNYIS PAR PHYE BA SHAR SGO'I PHYI ROL TU GNAS PAR MOS LA, SPOS DANG MAR ME SOGS SBAR TE MCHOD PA BYIN GYIS BRLAB, DAG CING DRI MED YID 'ONG BA'I, SOGS KYIS CHU BZHI, CHU SKYES DE BZHIN THANG LAS SKYES, ZHES SOGS SAM, RGYAL BA RNAMS NI YON TAN MCHOG GI SKU, ,ZHES SOGS KYIS, NYER SPYOD ROL MO; ;KHA DOG DBYIBS LEGS YID 'ONG RGYAN 'PHRENG LDAN, ZHES SOGS SAM, RIN CHEN DBANG GI RGYAL PO BEE t'URYA, ZHES SOGS KYIS 'DOD YON, 'DZAM BU'I GLING DANG GLING
GZHAN DAG ,CES SOGS SAM, 'DZAM BU CHU BO'I GSER LAS LEGS BYAS SHING, ZHES SOGS KYIS RGYAL SRID SNA BDUN, LHA SO SO'I SNGAGS KYI MTHAR 'BRU GSUM BTAGS PAS NANG MCHOD DBUL ZHING BDUD RTZI MYANG, GNYIS MED THUN MONG MAS BSTOD, BZLAS PA BYA, BCU GSUM MA GSUM GYI DKYIL CHOG LAS 'DAS MA 'DAS KYI GTOR MA SGRUB THABS SU BSHAD PA BZHIN DBUL BAR GSUNGS, BU STON THAMS CAD MKHYEN PAS GSHED DMAR GYI DKYIL 'KHOR BSGRUB MCHOD MDZAD TSUL BLA MA 'JAM DKAR PAS ZIN BRIS MDZAD PA LAS, BDAG SKYED LA GTOR MA MI 'BUL ZHING BDAG MDUN GCIG TU BYAS PAS BDAG SKYED DANG MTSUNGS PA'I PHYIR, DKYIL 'KHOR GYI LHA TSOGS SPYAN DRANGS PA DANG PHYOGS SKYONG DGUG PA SOGS GTOR CHOG BZHIN BYAS TE 'BUL BAR BSHAD; DE LTAR NA BDAG MDUN 'JUG PA GCIG TU BSGRUB KYANG SGRUB BA'I DKYIL 'KHOR BA LA GTOR MA MI 'BUL BAR GTOR MGRON ZUR DU BSKYED NAS YE SHES PA GZHUG PA SOGS BYAS TE 'BUL DGOS PAR MNGON, 'DUL 'DZIN PAS SGRUB KHANG GI PHYI ROL DU SGRUB THABS LTAR PHYOGS SKYONG RNAMS KYI GTOR MA 'AM, YANG NA DKYIL 'KHOR PA'I LHA DANG PHYOGS SKYONG GNYIS LA GTOR MA 'BUL, KHA CIG NANG DU 'JIG RTEN LAS 'DAS PA'I GTOR MA PHUL RJES SU PHYI ROL DU PHYOGS SKYONG GI GTOR MA 'BUL BAR YANG MDZAD DO, ,ZHES GSUNGS PA LAS 'BUL TSUL MI GSAL, LHAN 'THABS 'GA' ZHIG LAS BSGRUB PA'I DKYIL 'KHOR PA LA GTOR MA DBUL BAR BSHAD, PHAn CHEN THAMS CAD MKHYEN PA'I GSUNG GONG DU DRANGS PA LTAR NA PHYI MA 'DI BZHED PA 'DRA, BDAG 'JUG LEN NA BUM
, ,BSGRUB NI 'GA' ZHIG GIS TSOGS ZHING GI GONG DU PHYED PAR BSHAD PA YOD KYANG YONGS RDZOGS BSTAN PA'I MNGA' BDAG KHYAB BDAG 'KHOR LO'I MGON PO RGYAL DBANG MCHOG GIS TSOGS ZHING GI TSAD MED BZHI SONG RJES BYA BAR GSUNGS, LEN DUS RANG GTZO BO LAS PHYE NAS GTZO BO DANG BLA MA THA MI DAD DU MOS TE DE LAS LEN, 'JUG CHOG LA MCHOD BSTOD BZOD GSOL SOGS BYAS TE, RANG GTZO BO LAS PHYE NAS, YE SHES PA 'DIR NI GZUGS DANG LHAN CIG TU, ZHES SOGS KYIS BRTAN BZHUGS BYA, LHAN 'THABS 'GA' ZHIG NAS BDAG MDUN 'JUG PA GCIG TU BSGRUB PA'I TSE 'ANG; DAM TSIG PA DANG YE SHES PA GNYIS KA LA CHA GNYIS GNYIS PHYE NAS BDAG SKYED KYI YE SHES PA GSHEGS DAM TSIG PA RANG LA BSDU, MDUN SKYED KYI DAM YE GNYIS BRTAN BZHUGS BYED PAR BSHAD PA'ANG SNANG, MTHAR SHIS BRJOD KYIS BRGYAN PAR BYA'O, ,'O NA BDAG MDUN 'JUG PA GCIG MI GCIG DANG THA DAD DANG THA MI DAD KYI DON CE ZHE NA, SNGON DU BDAG SKYED RDZOGS PAR BSGOMS TE, DE NAS MDUN SKYED SGRUB PA NA RANG NYID BRIS PA'I DKYIL 'KHOR GYI DBUS SU PHYIN PA'I MOS PA DANG MDUN SKYED KYI GTZO BO'I NGA RGYAL 'DZIN PA GANG YANG MI BYED PAR MDUN SKYED BSGRUB PA NI BDAG MDUN THA DAD DANG 'JUG PA THA DANG, 'DUS BA'I DKYIL CHOG DBANG DON DE NYID RAB GSAL NAS BSHAD PA LTAR, SNGON DU BDAG SKYED RDZOGS PAR BSGOMS TE NYER BSDU BYAS NAS MDUN SKYED BSGRUB PA NA, RANG NYID BRIS PA'I DKYIL 'KHOR GYI DBUS SU 'DUG PAR MOS SHING MDUN SKYED KYI LHA'I NGA RGYAL 'DZIN PAS BSGRUB PA NI BDAG MDUN THA MI DAD DANG 'JUG PA THA DANG, BCU GSUM MA'I DKYIL CHOG RIN CHEN 'PHRENG BA
NAS BSHAD PA LTAR SNGON DU BDAG SKYED MI BSGOM PAR MDUN SKYED BSGRUB PA NA RANG NYID BRIS PA'I DKYIL 'KHOR GYI DBUS SU 'DUG PAR MOS TE BDAG MDUN GYI DKYIL 'KHOR DBYER MED DU CHO GA GCIG GIS BSGRUB PA NI BDAG MDUN THA MI DAD DANG 'JUG PA THA MI DAD DANG YIN NO, ,SMRAS PA, DPAL LDAN DUS DGRA'I DBANG PO BSGRUB PA'I THABS, RGYAL BA GNYIS PAS GSAL BAR MDZAD PA'I SROL, , SKAL LDAN RNAMS KYIS JI BZHIN LEGS BZUNG NAS, ,MCHOG THUN DNGOS GRUB DAG LA LONGS SU SPYAD, ,DENG SANG MKHAS BLUN 'GA' YI BYED PO YIS, ,SROL DE TSONG DUS 'O MA BZHIN DU BYAS, , MKHAS RNAMS DPYOD GNAS MIN PAR BTANG SNYOMS 'JOG ,GZHAN DAG KHYI DANG GLO BA 'PHRAD BZHIN 'JUG ,KHO BO BLO GROS THOS PA SHIN TU DMAN, ,GRAGS 'BYOR 'KHOR SLOB KYIS DBEN GOS DMA'; ;RTOG DPYOD DGAG GZHAG BYED PA'I 'OS MIN YANG, ,LUGS BZANG NUS PAR MA BZOD DANG LAB BYAS, ,BLUN RMONGS PHYOGS LHUNG CAN LA DGOS PA CI, ,GZUR GNAS DPYOD LDAN 'GA' YI 'DREN BYED ZUR, ,GA-YO BA'I GO SKABS BYUNG TSE YAB SRAS KYI, ,GZHUNG LA GZHIG BA'I RGYAN DU 'GYUR RAM SNYAMS, ,NONG PA GANG MCHIS BLA MA YI DAM DANG, ,GZUR GNAS MKHAS PA'I CHO GSAL SNYING NAS 'CHAGS, ,'DIR 'BAD DGE BA 'JAM DPAL SNYING PO YI, ,DRI MED LUGS BZANG RING DU RGYAS PHYIR BSNGO, ,CES DPAL RDO RJE 'JIGS BYED CHEN PO'I SGRUB THABS NGAG 'DON GYI CHO GA KHRIGS 'KHRUL SPONG MKHAS PA DGYES BYED CES BYA BA 'DI YUL BYANG PHYOGS KYI MTHAR SKYES PA'I GYI NA PA NGAG DBANG BLO BZANG CHOS LDAN DPAL BZANG PO ZHES BYA BAS DBEN PA'I RI SUL BYANG CHUB GLING ZHES BYA BAR SUG BRIS SU BGYIS PA'O,, ,,