*, ,(DPAL 'KHOR LO BSDOM PA BDE MCHOG DRIL BU BA'I LUS DKYIL GYI SHIS BRJOD BZHUGS SO), , #, ,RAB YANG NAM MKHA'I TIL GYIS GANG BU BZHIN, ,YONGS SU GANG BA'I BDE MCHOG LHA TSOGS NI, ,KHA CIG ME TOG SNA TSOGS CHAR 'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNGS 'JOMS PA'I 'PHRIN LAS KYIS, ,KHYOD LA RTAG TU DPAL GNAS MDZAD PA 'DI, ,SHES PAR GYIS LA YID BDE SKYED CIG DANG, ,SHIS BRJOD PHRENG BA BDAG GIS BSGRAGS PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN GYI MDZOD 'DZIN GSANG BA'I BDAG ,SA RA HA DANG KLU SGRUB SHA BA RI, , L'U YI BA DANG T'A RI KA BA DANG, ,RDO RJE DRIL BU PA DANG RUS SBAL ZHABS, ,DZA LAN DhA RA PA DANG NAG PO PA, ,GU HYA PA DANG RNAM RGYAL ZHABS DANG NI, ,TE LO NA RO LA SOGS BLA MA LA, ,DGE MTSAN JI SNYED MCHIS PA'I BKRA SHES DES, ,DNGOS DANG BRGYUD PA'I BLA MA MCHOG RNAMS KYI, ,DRI MED RNAM THAR JI BZHIN ZIN PA DANG, ,BYIN RLABS ZHUGS PAS 'KHOR LO BDE MCHOG GI ,BSTAN PA RGYAS PAR BYED PA'I
BKRA SHIS SHOG ,BDE CHEN RGYAL PO HE RU KA DPAL DANG, ,BDE BA'I MCHOG SBYIN RDO RJE PHAG MO GNYIS, ,DPYID DANG THIG LE'I SBYOR BA LA ZHUGS NAS, ,THABS SHES MNYAM PAR SBYOR BA'I BKRA SHIS NGAS, ,KHYED KYI BDE STONG DBYER MED RGYAS MDZAD NAS, ,SHES BYA'I 'KHOR LO THAMS CAD LHAN SKYES BDER, ,YONGS SU SDOM BYED 'KHOR LO SDOM PA YI, ,LHAN SKYES BDE BA'I BKRA SHIS RGYAS BYED SHOG , RNAL 'BYOR MA RGYUD DUNG PHYUR PHRAG GCIG DANG, ,BYE BA PHRAG DRUG GSUNGS PA'I NANG NAS NI, ,RGYAL MTSAN TOG LTAR MTHO BA'I RGYUD KYI MCHOG ,DPAL LDAN 'KHOR LO SDOM PA'I RGYUD RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED LA CHOS KYI 'BYOR BA RGYAS PA DANG, ,CHOS KYI MI MTHUN PHYOGS KUN ZAD GYUR TE, ,PHUN TSOGS DPAL 'BYOR RGYAS PA'I BKRA SHIS SHOG ,SNYING KHA'I PHYOGS BZHIR SGRA GROL GZUGS MDZES PA'I, ,MKHA' 'GRO L'A MA DU MA SKYES GZUGS CAN MA, ,PADMA'I MTSO LA NGANG BA'I TSOGS 'DU BZHIN, ,DAM TSIG CAN GYI GNAS SU LEGS 'DUS NAS, , BRTZE BA'I MA DANG SRID MO JI BZHIN DU, ,RTAG TU SGRUB PA PO YAm GROGS MDZAD NAS, ,KHYED KYI TING 'DZIN SHES RAB LONGS SPYOD TSE, ,YON TAN MA LUS RGYAS BYED BKRA SHIS SHOG ,GANG ZHIG BSTEN LA YON TAN MANG GSUNGS PA, ,BDUD RTZI LNGA YI BCUD KYIS RAB GANG BA'I, ,SNYING KHA'I 'TSAMS BZHIR GNAS PA'I THOD PA LA, ,DGE MTSAN JI SNYED MCHIS PA'I BKRA SHIS DES, ,KHYED LA BGEGS KYI BAR CHAD ZHI BA DANG, ,MKHA' 'GRO MA RNAMS DGYES PAR 'GYUR BA DANG, ,BYANG SEMS 'PHEL BA'I DNGOS GRUB MYUR BA YI, ,BKRA SHIS DAM PAR RAB TU RGYAS PAR SHOG ,GNAS DANG NYE BA'I
, ,GNAS NA BZHUGS PA YI, ,DPA' BO'I DBANG PHYUG DPA' MO'I DBANG PHYUG MA, ,MKHA' LA SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES KHYED KYI DRAG PO'I LAS KUN 'GRUB PA DANG, ,THUGS KYI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG , ZHING DANG NYE BA'I ZHING DANG 'DUN RTOG DANG, ,NYE BA'I 'DUN RTOG RNAMS NA BZHUGS PA YI, ,SA LA SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES, ,KHYED KYI DBANG GI LAS KUN 'GRUB PA DANG, ,GSUNG GI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,'DU DANG NYE BA'I 'DU BA DUR KHROD DANG, ,NYE BA'I DUR KHROD RNAMS NA BZHUGS PA YIS, ,SA 'OG SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES, ,KHYOD KYI ZHI BA'I LAS KUN 'GRUB PA DANG, ,SKU YI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,KHA LA SOGS PA DBANG PO'I SGO RNAMS SU, ,RO YI GDAN LA BRJID PA'I GA-YAS BRKYANGS KYIS, ,RAB TU BZHUGS PA'I MA MO BRGYAD PO LA, ,DGE MTSAN JI SNYED MCHIS PA'I BKRA SHIS DES, ,KHYOD KYI SNA TSOGS LAS KUN 'GRUB PA DANG, ,PHYOGS DANG MTSAMS SU RGYU BA'I GDUG PA CAN, ,LAS GYI BAR CHAD BYED LAS BSRUNG BA YI, ,BKRA SHIS DAM PA RAB TU RGYAS PA SHOG ,RDO RJE SEMS DPA' LA SOGS DRUG DANG NI, ,
RDO RJE PHAG MO LA SOGS RNAM PA DRUG ,GO CHA BCU GNYIS YAB YUM LHA RNAMS LA, ,DGE MTSAN JI SNYED MCHIS PA'I BKRA SHIS DES, ,KHYOD ? KYI LHA YI RNAL 'BYOR TING NGE 'DZIN LAS, ,BSKYOD PAR BYED PA'I BGEGS KYI MTSON CHA YIS, ,NAM YANG GA-YO BAR MI NUS RDO RJE YI, ,GO CHA RAB TU BRTAN PA'I BKRA SHIS SHOG ,NAM MKHA'I KHYON LTAR YANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING, ,GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS SHOG ,KHYED CAG GANG DANG GANG DU GNAS PA DER, ,MI SHIS MTSAN MA 'GA' YANG MI 'BYUNG ZHING, ,ZHING GI 'BYOR PA PHUL DU BYUNG BA YIS, ,BDE LEGS RGYUN MI 'CHAD PA'I BKRA SHIS SHOG ,(CES DPAL 'KHOR LO BDE MCHOG DRIL BU PA'I LUS DKYIL GYI SHIS BRJOD 'DI NI RJE BDAG NYID CHEN POS MDZAD PA'I BDE MCHOG L'U ? AI PA'I SHIS BRJOD LAS BUNG KHAMS BYIN RLABS KYI LHA'I SHIS BRJOD TSIG BCAD DANG, SHIS BRJOD TSIG LHUG ? THAMS CAD LOGS SU BKOL TE, SNYING PO'I RNAL 'BYOR MA BZHI DANG, KHA GDONG MA SOGS BRGYAD KYI SHIS BRJOD TSIG BCAD PA'I TSIG ZUR 'BRAN BU BSGYUR DGOS RNAMS BSGYUR TE BSGRIGS PA PO NI SNYOM LAS BA NGAG DBANG BLO BZANG CHOS LDAN TE, YI GE BA NI RAB 'BYAMS PA SMRA BA BLO BZANG NYI MA'O, ,'DIS KYANG 'GRO BA MANG PO LA PHAN THOGS PAR GYUR CIG , ,,MANGGA LAm,, ,,