*, ,(DPAL 'KHOR LO SDOM PA LU YI PA'I MDUN SKYED SGRUB MCHOD PHYI ROL MCHOD PA LAG MCHOD DANG BCAS PA'I NGAG 'DON BDE CHEN CHAR 'BEBS ZHES BYA BA BZHUGS SHO),, ,, *, ,BLA MA DANG DPAL 'KHOR LO SDOM PA DBYER MA MCHIS PA'I ZHABS LA GUS PAS PHYAG 'TSAL ZHING SKYABS SU MCHI'O, ,BRTZE BA CHEN POS DUS DANG GNAS SKABS THAMS CAD DU RJES SU BZUNG DU GSOL, ,'DIR DPAL 'KHOR LO SDOM PA'I RAS BRIS KYI DKYIL 'KHOR LA BRTEN NAS MDUN SKYED BSGRUB DE MCHOD PA 'BUL TSUL DANG, PHYI ROL MCHOD PA LAG MCHOD DANG BCAS PA JI LTAR BYA BA'I TSUL LAG TU BLANG BDE BAR DGOD PA LA GNYIS LAS, DANG PO LA, DKYIL 'KHOR SGRUB PA DANG MCHOD PA GNYIS LAS DANG PO NI, STEGS JI LTAR 'TSAMS PA KHEB BZANG POS GA-YOGS PA'I STENG DU RAS BRIS KYI DKYIL THANG BKRAM, MTHAR NYER SPYOD LHA GRANGS DANG MNYAM PA'AM, NYUNG MTHA' TSAR BCU LA SOGS PA DKYIL 'KHOR GTZO BO'I GA-YON PHYOGS NAS MGO BRTZAMS TE RIM PA LTAR DGOD, DKYIL 'KHOR BA DANG PHYOGS SKYONG LA SOGS PA'I GTOR MA'ANG BSHAM; MDUN PHYOGS SU CHU BZHI BZED ZHAL DANG BCAS PA DANG, SGRUB PA PO'I MDUN DU NANG MCHOD RDOR DRIL tA MA RU RNAMS KYANG RANG GI GA-YON NGOS NAS MGO BRTZAMS TE DGOD, BDAG SKYED RNAL 'BYOR BZHI RDZOGS PA BZLAS PA DANG BCAS PA'I MTHAR NYER BSDU BYAS TE RANG BDE MCHOG PHYAG GNYIS PAR GSAL GDAB, 'DIR DKYIL CHOG BDE CHEN ROL MTSOR KU SHA DGRAM PA DANG SBYANG BA GSUM BYA BAR BSHAD
, ,PA NI DNGOS BSTAN RDUL TSON GYI DKYIL 'KHOR GYI DBANG DU BYAS PAR SNANG ZHING, RAS BRIS LA DGOS MI DGOS KYI GSAL KHA MI SNANG YANG BYAS NA 'GAL BA MED PAR MNGON PAS LONG YOD CING SPRON, KU SHA SNGO LJANG RTZA BA DANG RTZE MO MA NYAMS PA GNYIS GNYIS GSHIB BA BRGYAD, KHANtA RO HI DANG, LAS BUM GYI CHUS BSANG NAS, H'Um LAS SKYES PA'I KU SHA RNAMS SU GYUR PAR BSAM LA, AOm KU SHA 'DI NI GTZANG ZHING DGE ,TSANGS PA LHA RNAMS DAG BYED YIN, ,DKON MCHOG GSUM PO MNYES BYED PA, ,SA LAS SKYES PA'I 'DAB MA'I SNYING, ,BDAG GIS BGEGS RNAMS THAMS CAD NI, , ZHI DANG BKRA SHIS MDZAD DU GSOL, ,SV'A H'A, ZHES BRJOD LA, KU SHA SNGA MA'I RTZE MOS PHYI MA'I RTZA BA NON PAR BYAS TE, PHYOGS GA-YON SKOR DANG, 'TSAMS GA-YAS SKOR DU DKYIL 'KHOR GYI MTHA' LA DGOD PAR BYA'O, ,DE NAS SBYANGS PA BYA BA NI, GTOR MA GSUM KHAntA RO HIS BSANG, SVA BHA' WAS SBYANG, AA KA RO LAN GSUM GYIS BRLAB, AOm SARBBA BI GHNAN NAM: SARBA TA TH'A GA TE BHYO: BI SHVO MU KHE BHYA: SARBA TAD KHAm AUD GA TO SPHAR nA HI MAm GA GA NA KAm ,GRI HNA NGAm BA LI TA YE SV'A H'A, ZHES PA TSAR RE BRJOD CING GTOR MA RE DKYIL 'KHOR LA PHYIR BSKOR LA BTANG, DE NAS TING LO DANG CHANG BU SBRAGS PA CHA RES DKYIL 'KHOR LA BSKOR BA DANG MNYAM DU ZHAL BZHI PA'I SNGAGS RE BRJOD PA LAN GSUM BYA, DE NAS DE DAG PHYI ROL TU NGOR ZHING, RDO RJE GSOR, DRIL BU DSIL TE, GANG DAG DKYIL 'KHOR CHEN PO LA GNAS SHING BDAG CAG GIS DKYIL 'KHOR SGRUB PAR BYED PA LA BAR DU GCOD PA'I BGEGS KYI TSOGS THAMS CAD MCHOD SBYIN GYI GTOR MA 'DIS TSIM PAR GYIS LA, GNOD PA DANG GDUG PA'I SEMS ZHI ZHING, ZHI
BA DANG PHAN PA'I SEMS DANG LDAN PAS RANG RANG SO SO'I GNAS SU SONG SHIG ,CES BRJOD DE ZHAL BZHI PA'I SNGAGS BZLAS, GU GUL GYI DUD PAS BDUG ,YUNGS DKAR GYIS BRAB PAR BYA'O, ,DE NAS DKYIL 'KHOR GYI GZUGS PA RNYAN MEE LONG LA 'CHAR DU BCUG LA, JI LTAR BLTAMS PA SOGS KYI TSIGS SU BCAD PA SNGAGS DANG BCAS PA BRJOD DE, DKYIL 'KHOR LA KHRUS GSOL LA, MA DAG PA'I DRI MA SBYANG, DE NAS BUM PA BSGRUB NA LAS BUM GYI CHU DANG MA BSGRUB NA NANG MCHOD DKYIL 'KHOR LA GTOR ZHING, AOm KHAntA RO HI H'Um H'Um PHAt, HE DKAR PO, ,RU DMAR PO, ,KA MTHING KA STE, DE GSUM GYI DON RANG BZHIN GYIS GRUB PA'I RGYU DANG, BRJOD PA BREL BA DANG, GANG DU 'ANG MI GNAS PA NYID DO, ,AOm SVA BH'A WA SHUD DHA: SARBBA DHA RMMA SVA BH'A WA SHU DHO HAm, DKYIL 'KHOR RANG BZHIN GYIS RNAM PAR DAG PAS BZUNG BA DANG 'DZIN PAS STONG PAS STONG PA NYID DU GYUR, HE RU KA ,ZHES PA'I YI GE GSUM YONGS SU GYUR PA LAS, AOm DKAR PO, ,A'A: DMAR PO, ,H'Um SNGON PO GSUM STENG NAS STENG DU BRTZEGS PAR GYUR, DE LAS RIM PA BZHIN SKU GSUNG THUGS KYI 'KHOR LO'I LHA TSOGS RNAMS SPROS, 'GRO BA THAMS CAD 'KHOR LO GSUM GYI LHA TSOGS SU GYUR TE, SNYOMS PAR ZHUGS PAS BYANG CHUB KYI SEMS SU ZHU STE, AOm A'A: H'Um LA RIM PA BZHIN DU THIM ZHING, AOm YANG A'A: LA, A'A: YANG H'Um LA, DE'I ZHABS KYU AU NI HA LA, HA MGO BO LA, MGO BO ZLA TSES LA, DE THIG LE LA, DEN' Dm LA, N'A DA YANG JE PHRA JE PHRAL SKRA'I RTZE MO BRGYA STONG GI CHA TZAM DU GYUR, AOm SHU N+YA T'A DZNY'A NA BADZRA SVA BH'A WA AATMA KO HAm, N'A DA YANG MI DMIGS PA'I PHYIR, THAMS CAD STONG PA NYID DU GYUR, STONG PA'I DANG LAS YAm
, ,SNGON PO YONGS SU GYUR PA LAS RLUNG GI DKYIL 'KHOR KHA DOG SNGON PO, ,CES PA NAS, MNYAM PA NYID KYI YE SHES, ZLA BA'I DBUS SU DKAR LA DMAR BA'I MDANGS CAN GYI H'Um YIG SO SOR RTOGS PA'I YE SHES, H'Um LAS DOG SNA LNGA PA'I 'OD ZER 'PHRO BA'I ZHES PA NAS, 'KHOR GYI LHA THAMS CAD KYI DPRAL BAR RDO RJE'I 'PHRENG BA 'DZIN PA, LHA THAMS CAD KYI DPRAL BAR BHRAm DKAR PO YONGS SU GYUR PA LAS RNAM SNANG DKAR PO ZHES PA NAS, GA-YAS BRKYANG GIS BZHUGS PA, GTZO BO'I THUGS KAR ZLA BA LA RDO RJE SEMS DPA'I NGO BO AOm HA DKAR PO, ZHES PA NAS, TZA ntI KA'I NGO BO PHAt PHAt DUD KHA RNAMS KYIS MTSAN PAR GYUR, PHEm YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS, KHAntA RO HI SOGS LAS SNGAGS KYIS PHYI 'BRANG GI BGEGS BSKRAS, SHR'I HE RU KA AA RGHAm SOGS CHU GNYIS NYER SPYOD KYIS MCHOD, YE SHES PA'I DKYIL 'KHOR RTEN DANG BRTEN PAR BCAS PA RANG DANG GTZO BO THA MI DAD PA'I SPYI GTZUG NAS ZHUGS, SNYING KHAR CHAGS PA CHEN PO'I MES ZHU BA'I BYANG CHUB KYI SEMS RDO RJE'I LAM NAS YUM GYI PADMAR BABS PA YONGS SU GYUR PA LAS DPAL 'KHOR LO BDE MCHOG LHA DRUG CU RTZA GNYIS KYI RTEN DANG BRTEN PAR BCAS PA'I DKYIL 'KHOR YONGS SU RDZOGS PAR GYUR NAS, YUM GYI PADMA NAS 'PHROS, AOm BADZRA AAm KU SHA DZA: SOGS BRJOD, RANG RANG GI DAM TSIG PA RNAMS DANG GNYIS SU MED PAR GYUR, PHEm LHA THAMS CAD KYI THUGS KHAR NYI GDAN LA GNAS PA'I H'Um YIG GI 'OD ZER GYID DBANG GI LHA RNAMS MDUN GYI NAM MKHAR SPYAN DRANGS, SNGAR LTAR MCHOD, DE BZHIN GSHEGS PA RNAMS KYIS MNGON PAR DBANG BSKUR DU GSOL, CES PA NAS, DON GRUB KYIS DBU BRGYAN BAR
GYUR CES PA'I BAR RNAMS GRUB THABS BZHIN NO, ,GNYIS PA DKYIL 'KHOR MCHOD PA NI, MCHOD PA RNAMS SGRUB THABS BZHIN BSANG SBYANG BYIN GYIS BRLABS NAS, RANG GI THUGS KHA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, PAR BSAM, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'PHUL LAGS NA, ,BZHES TE BDAG LA BKA' DRIN STZOL, AOm A'A: HRI': PRA W'A RA SAD KA RAm AARGHAm PRA T'I TZTSA SV'A H'A, ZHES RDO RJE THAL MO KHA PHYE NAS MCHOD YON GYI SNOD BZUNG STE BZED ZHAL GYI SNOD DANG POR LAN GSUM PHUL TE LHA RNAMS KYI PHYAG BKRUS PAR BSAM; DE BZHIN DU TSIGS BCAD DANG SDAGS GZHEN RNAMS SNGA MA BZHIN LA, YON CHAB DANG, AARGAm ZHES PA'I GNAS SU CHA GZHAN GSUM LA RIM PA BZHIN, ZHABS BSIL DANG P'A TYAm ZHES BA BCUG CING, GA-YAS PA'I 'U TSUR BCINGS NAS 'THEB MDZUB KYIS, SNOD GNYIS PA NAS ME TOG CHU DANG BCAS PA BLANGS TE KHA GYEN DU BSTAN NAS, 'GYING PA DANG BCAS PAS LAN GSUM SKOR NAS BDZUB MO NAS RIM GYIS DGROL BA'I PHYAG RGYAS BZED ZHAL GNYIS PAR PHUL TE, LHA RNAMS KYI ZHABS BKRUS PAR BSAM, ZHAL BSIL DANG, AANYDZA MA nAm ZHES PA BCUG CING, CHU SNOD GSUM PA NAS GA-YAS PA'I KHU TSUR GYI, MTHEB MDZUB KYIS ME TOG CHU DANG BCAS PA BLANGS TE KHU TSUR KHA 'OG TU BSTAN LA MTHE'U CHUNG NAS RIM GYIS DGROL BA'I PHYAG RGYAS BZED ZHAL GSUM PAR LAN GSUM PHUL TE, ZHAL BA SHAL ZHING BKRUS PAR BSAM, BSANG GTOR DANG, PRO KshA ni ZHES PA BCUG CING, SLAR YANG SNOD GSUM PA NAS GA-YAS PA'I KU SHA'I CHUN POS CHU BLANGS NAS, BZED ZHAL GSUM BAR LAN GSUM BZANG GTOR BYAS TE, LHA RNAMS KYI SKU
, ,THAMS CAD LA GTOR BAS DAG PAR BSAMS LA CHU BZHI DBUL, TING 'DZIN PIR GYIS BRIS PA'I SMIN LEGS GZUGS, ,'KHRI SHING GZHON NU BZHIN DU LUS PHRA ZHING, ,BZHIN RAS RGYAS PAS ZLA BA'I MDZES PA 'PHROG ,AUTPAL SNGON PO'I MIG CAN MCHU SGROS DMAR, ,SPEL LEGS ME TOG PHRENG BA 'DZIN MDZAD MA, ,'DOD PA'I BDE LA CHAGS PA MANG SPRUL TE, ,DKYIL 'KHOR BA RNAMS DGYES PA BSKYED PA'I PHYIR, ,NYER SPYOD LHA MO'I BDE BAS MCHOD PAR BYA, ,RDO RJE KHU TSUR GNYIS KHA GYEN DU BSTAN NAS GTOR BA'I PHYAG RGYA DANG, AOm BADZRA PUshPE PRA T'I TZTSA A'A: H'Um, ZHES ME TOG DANG, DE BZHIN DU BDUG SPOS NAS ZHAL ZAS KYI BAR LA TSIGS BCAD DANG SNGAGS SNGA MA BZHIN DU BRJOD LA, KHYAD PAR NI SPEL LEGS ME TOG PHRENG BA 'DZIN MDZAD MA, ,ZHES DANG, PUshPE, ZHES PA'I GNAS SU RIM PA BZHIN, DRI ZHIM BDUG PA'I SPOS SNOD 'DZIN MDZAD MA, ,ZHES DANG, RDO RJE KHU TSUR GNYIS KHA THUR DU BSTAN NAS SPOS 'BUL BA'I PHYAG RGYA DANG, DHU PE, ZHES PAS BDUG SPOS DANG, RIN CHEN 'OD 'BAR SNANG GSAL 'DZIN MDZAD MA, ,RDO RJE KHU TSUR GNYIS KYI MTHE BONG GA SHIBS TE BSGRENG BA'I PHYAG RGYA DANG, D'I PE, ZHES MAR MED DANG, STONG GSUM NGAD LDANG DRI MCHOG 'DZIN MDZAD MA, ,RDO RJE KHU TSUR BRKYANG BA'I THAL MOS DRI BYUG PA'I PHYAG RGYA DANG, GANDHE, ZHES DRI DANG, RO BRGYA LDAN PA'I ZHAL ZAS 'DZIN MDZED MA, ,RDO RJE KHU TSUR GNYIS KHA GYEN TU BSTAN NAS THAL MO BRKYANG BA'I PHYAG RGYA DANG, NI WIDYA, ZHES PA RNAMS BCUG LA ZHAL ZAS KYI BAR DBUL, YID 'ONG ROL MO'I CHA BYAD MTHA' YAS LAS, ,BYUNG BA'I GDANGS SNYAN MI 'DRA DU MA CAN, ,THOS PAS LUS SEMS GDUNG BZHI BYED PA, ,SNA TSOGS
ROL MO'I SGRA YIS MCHOD PAR BYA, ,AOm BADZRA SHAPTA PRA T'I TZTSA A'A: H'Um SV'A H'A, ZHES ROL MOD BUL, PHUL BYUNG GZUGS MDZES YID 'PHROG RGYAN GYIS SBUD, ,LANG TSO RAB RGYAS GLU DANG GAR LA MKHAS, ,DBANG PO DRUG LA RMAD BYUNG BDE BSTER, ,KUN GYI DGA' SKYED MCHOD PA'I LHA MO NI, ,PI WANG GLING BU RNGA ZLUM RDZA RNGAMS, ,GDANGS SNYAN SGRA YIS RNA BA'I DGA' STON 'GYED, ,RAB 'BYAMS MCHOD PA'I SPRIN GYIS BDAG MCHOD NA, ,DGYES BZHIN BZHES TE MCHOG RNAMS STZAL DU GSOL, ,RDO RJE KHU TSUR GNYIS KYIS BI WANG BRDUNG BA'I TSUL DANG, AOm BADZRA B'I nE H'Um H'Um PHAt, GLING BU BSGYUR BA'I TSUL DANG, AOm BADZRA BAm SHE H'Um H'Um PHAt, SOR MOS MCHAN KHUNG GI THAD DU RNGA SMRI TAm GA BRDUNG BA'I TSUL DANG, AOm BADZRA SMRI TAm GE H'Um H'Um PHAt, SOR MOS 'OG TU RDZA RNGA CHEN PO BRDUNG BA'I TSUL DANG, AOm BADZRA MU RAm DZE H'Um H'Um PHAt, PI WANG ZHES PA NAS, DGA' STON 'GYED CES PA'I TSIG RKANG GNYIS KYI GNAS SU, BZHIN MDZES 'DZUM DANG LDEM PA'I 'GYING BAG CAN, ,SNYAN PA'I GLU LEN MDZES PA'I GAR BSGYUR MA, ,ZHES BCUG LA, GONG GI TSIG RKANG BZHI DANG, MTHA'I TSIG RKANG GNYIS SNGA MA BZHIN DU SBYAR BA'I RJES SU, RDO RJE KHU TSUR GNYIS KHA PHYIR BSTAN TE KHA 'GRAM GNYIS SU BZHAG PA BZHAD PA'I TSUL DANG, AOm BADZRA H'A SYE H'Um H'Um PHAt, RDO RJE KHU TSUR GNYIS DGUR BZHAG STE BSNYES PA'I TSUL DANG, AOm BADZRA L'A SYE H'Um H'Um PHAt, TING SHAG DYOL BA'I TSUL DANG, AOm BADZRA G'I RTI H'Um H'Um PHAt, GAR BSKOR BA'I TSUL DANG, AOm BADZRA NRI TYA H'Um H'Um PHAt, CES BRJOD DE, DE BZHIN DU 'OG MA GNYIS LA'ANG SBYAR LA KHYAD PAR NI, ME TOG SKON BU DRI ZHIM BDUG SPOS DANG, ,MAR ME'I SDONG BU DRI YI DUNG CHOS 'DZIN, ,SNGAR GYI ME TOG NAS DRI'I BAR GYI PHYAG RGYA BZHI
, ,RIM PA BZHIN BYAS LA, AOm BADZRA PUshPE H'Um H'Um PHAt, AOm BADZRA DHU PE H'Um H'Um PHAt, AOm BADZRA D'I PE H'Um H'Um PHAt, AOm BADZRA GANDHE H'Um H'Um PHAt, DRI MED ME LONG SPRANG CHANG SNOD DANG NI, ,SNA TSOGS GOS DANG CHOS KYI 'BYUNG GNAS 'DZIN, ,GA-YON RDO RJE KHU TSUR, BNANG DU BSTAN PA'I STENG DU GA-YAS PA'I LAG MTHIL PHYIR BSTAN PA ME LONG GI PHYAG RGYA DANG, AOm R'U PA BADZRI H'Um H'Um PHAt, SNGAR GYI ZHAL ZAS KYI PHYAG RGYA 'AM YANG NA RDO RJE THAL MO KHA GYEN DU PHYE BA RO'I PHYAG RGYA DANG, AOm RA SA BADZRI H'Um H'Um PHAt, RDO RJE KHU TSUR GNYIS GYI GOS 'BUL BA'I PHYAG RGYA DANG, AOm SPAR SHA BA DZRI H'Um H'Um PHAt, RDO RJE BSNGAM PA LAS MTHE'U CHUNG RTZE SBRAD LA BRKYANG MDZUB MO GNYIS DANG MTHE BONG GNYIS BRKYANG STE BKYENG ? PA CHOS 'BYUNG GI PHYAG RGYA DANG, AOm DHA RMA: DH'A TU BADZRI H'Um H'Um PHAt, CES RIG MA BCU DRUG GIS MCHOD, RAB 'BYAMS ZHING NA JI SNYED GZUGS MCHIS PA, ,YONGS SU GYUR PA LAS BYUNG LHA MO NI, ,BZHIN RAS 'DZUM ZHING SKU YI MDZES PA STON, ,GZUGS KYI RDO RJE MA YI MCHOD PA YIS, ,GANG SHAR GZUGS KYI SNANG BA THAMS CAD NI, ,GZUGS KYI RDO RJE MAR NI SHAR BA'I MTHUS, ,MI 'GYUR BDE BA CHEN PO RAB RTZAL TE, ,BDE STONG MCHOG GI TING 'DZIN RDZOGS PAR SHOG ,SNGAR GYI ME LONG GI PHYAG RGYA DANG, AOm RU PA BADZRI H'Um H'Um PHAt, CES GZUGS DANG, DE BZHIN DU TSIGS BCUNG GZHAN RNAMS SNGA MA BZHIN DU BRDZOD LA, KHYAD PAR NI, GZUGS ZHES PA 'OG MA BZHI LA RIM PA BZHIN, SGRA DANG DRI DANG RO DANG REG BYA ZHES PAS BRJES NAS, BZHIN RAS 'DZUM ZHING SKU YI MDZES PA STON, ,ZHES PA'I GNAS SU, SNYAN PA'I PI WANG BRDUNG ZHING GLU LEN MA, ,ZHES PA BCUG PA'I RJES SU, SNGAR GYI PI WANG BRDUNG BA'I TSUL DANG, AOm SHA PTA BADZRI H'Um H'Um PHAt, CES BRJOD,
DE BZHIN DU 'OG MA GSUM LA'ANG SHES PAR BYA'O, ,BZANG PO'I DRI YIS PHYOGS KUN RAB 'GENGS MA, ,AOm GANDHE BADZRI H'Um H'Um PHAt, CES DANG, BDUD RTZIS GANG BA'I RIN CHEN SNOD 'DZIN MA, ,AOm RAS BADZRI H'Um H'Um PHAt, CES DANG, 'JAM MNYEN REG BYA MCHOG GIS YID 'PHROG MA, ,AOm SPARSHA BADZRA H'Um H'Um PHAt, CES 'DOD YON LNGAS MCHOD DO, ,DRI MED GSER GYI RTZIBS STONG 'OD 'BAR BA, ,RIN CHEN AI NTRA N'I LA'I TOG GIS MDZES, ,SNA TSOGS PHRA BKOD MU TIG CHUN 'PHYANG GIS, ,KHOR YUG BRGYAN PA'I GDUGS KYIS MCHOD PAR BYA, ,GA-YON DE BZHIN GSHEGS PA'I KHU TSUR BYAS PA'I MTHE BO'I STENG DU GA-YAS PA KHA THUR DU BSTAN PA BRKYANG LA, AOm BADZRA TZTSA TRmGA PRA T'I TZTSA H'Um SV'A H'A, ZHES GDUGS DANG, DRANG ZHING LDEM PA'I RIN CHEN YU BA NI, ,ZLA PHYED RDO RJE RIN CHEN RTZE MO CAN, ,DAR LCE GSUM PA RLUNG GIS BSKYOD PA NA, ,SIL SIL 'KHROL BA'I DRIL CHUNG SGRA SGROG CING, ,SUM KHUG 'KHYOG GI 'GYING DANG RAB TU LDAN, ,MDZES PA'I SROG CHAGS MTSAN MA YOD MED KYI, ,MI MTHUN PHYOGS LAS RGYAL BA'I RGYAL MTSAN DANG, ,RAB MDZES BDAN RNAMS KYIS MCHOD PAR BYA, ,GA-YON PA'I KHU TSUR GYI STENG DU GA-YAS PA'I GRU MO BTZUG PA'I RDO RJE KHU TSUR PHRAG PA GA-YON PHYOGS SU KHYER BA DANG, LAG PA GNYIS BRKYANG BA'I SRIN LAG GI TSIGS DBUS MA BKUG NAS, BDAN RTZE GSUM PA'I TSUL DU BSGRENGS TE LAG PA GNYIS BRKYANG NAS STENG DU BTEGS PA LTAR BZHAG LA, AOm BADZRA KE TU PRA TINGKA PRA T'I TZTSA H'Um SV'A H'A, ZHES RGYAL MTSAN DANG BDAN, NAM MKHA'I RGYAN GYUR RIN THANG MED PA'I GOS, ,SNA TSOGS DAR GYI SHAM BU GA-YOB CAN, ,TZAN DAN SBRUL GYI SNYING PO'I DRIS BSGOS PA, ,RAB 'BYAMS BLA RE'I SPRIN GYIS
, ,MCHOD PAR BYA, ,RDO RJE KHU TSUR GNYIS KYIS NAM MKHA' LA BLA RE 'DEGS PA'I TSUL LAM, YANG NA GA-YON PAD BAR MNYAM GZHAG BYAS, GA-YAS PA KHA THUR DU BSTAN TE BLA RE BKYED PA'I BSAMS PAS NAM MKHA' LA YONGS SU BSKOR LA, AOm BADZRA BI T'A NA PRA T'I TZTSA H'Um SV'A H'A, ZHES BLA RED BUL, 'DZAM BU CHU BO'I GSER LAS LEGS BYAS SHING, ,RTZIBS STONG LDAN PA'I DPAG TSAD LNGA BRGYA PA, , NYI MA GNYIS PA LTA BUR MKHAR 'PHAGS TE, ,DPAG TSAD 'BUM LAM NYI MA GCIG GIS GCOD, ,DE'I MTHUS NAM MKHA'I LAM NAS DPUNG TSOGS BZHI, ,GLING BZHI LA GNAS DANG POR BGROD BYED PA'I, , 'KHOR LO RIN CHEN PHUL BAS 'GRO BA KUN, ,CHOS KYI SRID LA DBANG BSGYUR THOB PAR SHOG ,LAG PA'I MKHRIG MA GNYIS BSNOL TE, RGYAB SBYAR LA SOR MO RNAMS GCIG LA GCIG 'KHYUD DE, MTHE BONG GNYIS LAG PA'I MTHIL DU BKUG LA, AOm BADZRA TZAKRARATNA PRA T'I TZTSA H'Um SV'AH'A, ZHES 'KHOR LO, RIN CHEN BEEt'UR+YA YI ZUR BRGYAD LAS, ,SPROS PA'I 'OD KYIS DPAG TSAD BRGYA YI BAR, ,MTSAN MO'ANG NYIN MO BZHIN DU SNANG BYED CING, ,TSABS GDUNGS TSE 'OD KYIS BSIL BA STER, ,DER NI DUS MIN 'CHI DANG NAD RNAMS SEL, ,YID LA GANG BSAMS PHAL CHER 'BYUNG 'GYUR BA'I, ,NOR BU RIN CHEN PHUL BAS 'GRO KUN GYI, ,CHOS LDAN RE BA YID BZHIN 'GRUB PAR SHOG ,KHU TSUR GNYIS KYI MDZUB MO GNYIS TSIGS BCAG STE MTHE BONG GNYIS RTZE SBRANG LA TZA KRARATNA'I GNAS SU, MAnIRA TNA ZHES NOR BU DANG, YID 'ONG BLTA NA SDUG PA'I BUD MED NI, ,LUS DANG KHA NAS DRI ZHIM RAB TU 'BYUNG, ,GANG GIS REG NA BDE BA'I MCHOG STER ZHING, ,GLING DER BKRES SKOM MYA NGAN SEL PAR BYED, ,BUD MED SKYON LNGA SPANGS SHING YON
TAN NI; ;RNAM PA BRGYAD DANG RAB TU LDAN GYUR PA'I, ,BTZUN MO RIN CHEN PHUL BAS 'GRO BA KUN, ,ZAG MED BDE BA CHE LA SPYOD PAR SHOG ,RDO RJE 'BYUNG BA LAS, RDO RJE THAL MO LAS MDZU BA MO'I RTZE ME DGUG NAS NI; ;GUNG MO MNYAM PA'I TSIGS SU SBYAR, ,RDO RJE DBYINGS KYI DBANG MOR BSHAD, ,CES PA'I PHYAG RGYA DANG, STRIR TNA, ZHES BTZUN MO, ,GZHAN LA MI 'TSE CHOS MA YIN PA SPANGS, ,YANG DAG THA SNYAD LAS LA SKYOB MED, ,SA YI BDAG PO'I YID LA BSAMS PA RNAMS, ,MA SMRAS PAR YANG SHES NAS SGRUB PAR BYED, ,DBUNG RNAMS 'GRO DANG GNAS DANG LDOG PA YI, ,BYA BA KUN LA RAB TU MKHAS GYUR PA'I; ;BLON PO RIN CHEN PHUL BAS 'GRO BA KUN, ,RGYAL BA'I DGONGS PA JI BZHIN SKONG BAR SHOG ,RDO RJE BSDAMS PA LAS, GONG MO GNYIS DANG THA MA BZHI GSHIBS TE BSGRENGS PA'I PHYAG RGYA DANG, BA RI n'A YA KAR TNA, ZHES BLON PO DANG, YAN LAG BDUN GNAS GANGS KYI RI BO 'DRA, ,RANG BZHIN GLANG PO STONG GI STOBS DANG LDAN, ,NYI MA GCIG GIS 'DZAM GLING LAN GSUM 'KHOR, ,CANG SHES SKUD PA YIS KYANG DKRI BAR NUS, ,GZHAN LA MI GNOD MI 'KHRUG DAL GYIS 'GRO, ,PHA ROL SDE LAS RGYAL BAR BYED PA YI, ,GLANG PO RIN CHEN PHUL BAS 'GRO BA KUN, ,THEG PA MCHOG GI BZHON PAS 'GRO BAR SHOG ,LAG PA GA-YON PA'I MTHIL DU GA-YAS PA'I GRU MO BZHAG STE BSGRENGS LA, GA-YAS PA'I KHU TSUR 'OG TU GLANG PO'I SNA LTAR BYAS TE, GA DZA RATNA, ZHES GLANG PO, ME TOG KU MUD BZHIN RAB TU DKAR, ,LHA YI GTZUG RGYAN NOR BU SOGS KYIS BRGYAN, ,MDOG DANG DBYIBS DANG BONGS TSOD PHUN SUM TSOGS, ,BSGON NYIN GCIG 'DZAM GLING LAN GSUM 'KHOR, ,LUS LA NAD MED GZI BRJID CHEN PO CAN, ,YONGS SU
, ,NGA LA BA MED PA'I BZHON PA NI, ,RTA MCHOG RIN CHEN PHUL BAS 'GRO BA KUN, ,RDZU 'PHRUL MCHOG GI SHUGS DANG LDAN PAR SHOG ,RDO RJE KHU TSUR GCER BA'I GUNG MO GNYIS DANG SRIN LAG GNYIS BRKYANGS, MTHE BONG GNYIS RNA BA LTAR BYAS LA, AA SHVA RATNA, ZHES RTA MCHOG ,RDO RJE RIN CHEN MTHON KA MAR GAD DANG, ,GSER DANG DNGUL DANG SPUG LA SOGS PA NI, ,ZAD PA MED PAS SA PHYOGS RAB 'GENGS PA, ,DE YI 'BYOR BA SHIN TU BRTAN PA STE, ,GA-YO DANG SGYU MED GZHAN LA GNOD PA MED, ,SKYE BO THAMS CAD RAB TU DGA' 'GYUR BA'I, ,KHYIM BDAG RIN CHEN PHUL BAS 'GRO BA KUN; ;GSUNG RAB RIN CHEN MDZOD KUN 'DZIN PAR SHOG ,THAL MO GNYIS BAG NA LA SNYIM PA'I TSUL DU BYAS PA NAM MKHA' MDZOD KYI PHYAG RGYAD PRAL BAR BZHAG LA, GRi HA PA TI RATNA, ZHES KHYIM BDAG STE RIN CHEN SNA BDUN GYIS MCHOD, 'KHOR LO'I SKABS KYI SNGAGS KYI THOG MTHA' PHYI MA DRUG LA'ANG SBYAR RO, ,RIN CHEN SNA BDUN 'BUL BA'I TSIGS BCAD RNAMS NI MDO DRAN PA NYER BA ZHAG LAS GSUNGS PA'I DON BSDUS PA'O, ,MCHOD PA DE RNAMS NI BUM DBANG DANG 'BREL BA'I MCHOD PA'O, ,DE NAS NANG MCHOD GTOR MA LTAR BYIN GYIS BRLABS LA, DE YANG BDAG BSKYED LA MCHOD PA'I TSE, THOD PA'I MDUN RANG DANG, MDUN BSKYED LA MCHOD PA'I TSE PHYIR BSTAN LA GA-YON PA'I MTHEB SRIN SBYAR NAS GA-YON SKOR DU LAN GSUM DKRUGS TE, DBUS SU SNYING PO BYUNG BAR BSAMS NAS MTHEB SRIN GYIS DBUS NAS BLANGS LA, SMIN MTSAMS YAN GYI GYEN DU GTOR ZHING, MGRON RNAMS KYI LJAGS LA H'Um DKAR PO LAS BYUNG BA'I RDO RJE RTZE GSUM PA DKAR PO NAS 'BRU TZAM 'KHOD, AOm AAMRiTA AU DA KA H'Um H'Um thA thA, TRAm A'A: KHAm H'Um, AOm A'A: H'Um, ZHES BYIN
GYIS BRLABS TE, RDO RJE'I 'OD ZER GYI SPU GUS DRANGS NAS GSOL BAR GYUR BAR BSAMS LA, MCHOD DO PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG DPAL LDAN BLA MA DAM PA'I ZHAL DU AOm A'A: H'Um, ZHES RTZA BA'I BLA MA DANG, DE BZHIN DU BRGYUD PA'I BLA MA RNAMS KYI MTSAN GYI MTHAR, AOm A'A: H'Um, BTAGS LA DBUL, DE NAS LHA DRUG CU RTZA GNYIS KYI SNGAGS DANG, BLA MED KYI LHA GZHAN RNAMS KYI SNGAGS KYI MTHAR, AOm A'A: H'Um BRJOD LA SNYING GA'I THAD DU GYEN DU 'THOR ZHING DBUL, DE NAS LCE RTZE SMIN 'TSAMS SPYI GTZUG GSUM DU TSANG GI THIG LE BYAS NAS, CHOS SKYONG GI SNGAGS KYI MTHAR, AOm A'A: H'Um, BTAGS LA DBUL, DE NAS DUR KHROD CHEN PO BRGYAD NA GNAS PA'I PHYOGS SKYONG DANG ZHING SKYONG DANG KLU LA SOGS PA THAMS CAD KYI ZHAL DU AOm A'A: H'Um, GZHI BDAG GNYUG MAR GNAS PA RNAMS DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, ZHES LTE BA'I THAD NAS 'THOR ZHING MCHOG SBYIN PA'I PHYAG RGYAS PHUL NAS, RANG GI LCE LA BZHAG LA, AOm AAMRi TA SVAD NA, SVA BHA WA A'A TMA KO: HAm, ZHES BRJOD LA, 'GRON THAMS CAD YE SHES KYI BDUD RTZIS MNYES PAR GYUR, SNYING GA'I H'Um LAS BYUNG BA'I SNYING PO'I RNAL 'BYOR MA BZHI DANG, SGO MTSAMS MA BRGYAD KYIS THOD PA NA GNAS PA'I BDUD RTZI LNGAS MCHOD, BAR BSAM LA, AOm SARBA BADZRA K'A MI NI SARBABHA KshAm, SHO DHA YA GU HYA BADZRI nI SV'AH'A, MNYES SHING TSIM STE LHA THAMS CAD KYI ZHAL NAS, AOm HR'I: HA HA H'Um H'Um PHAt, CES GSUNGS PAR BSAM, DE DAG NI GSANG DBANG DANG 'BREL
, ,PA'I MCHOD PA'O, ,YAB KYI GSANG GNAS MI DMIGS PA LAS, ZHES PA NAS, BDE BA CHEN PO NYAMS SU MYONG BAR GYUR, PAR BSAMS PA NI GSANG MCHOD DE, DE DAG NI DBANG GSUM PA DANG 'BREL BA'I MCHOD PA'O, ,DKYIL 'KHOR BA'I LHA RNAMS LHAN SKYES KYI BDE BA DANG, DE KHO NA NYID DBYER MED PA'I TING NGE 'DZIN LA SNYOMS PAR ZHUGS PAS DE KHO NA NYID KYI MCHOD PAS DGYES PAR GYUR, PAR BSAMS PA RI DE KHO NA NYID KYI MCHOD PA STE, DBANG BZHI PA DANG 'BREL BA'I MCHOD PA'O, ,DE NAS GTZO BO YAB YUM GYI SNYING PO NYE SNYING BZHI, 'KHOR GYI LHA RNAMS KYI SNYING PO, ,YAB YUM GYI SNGAGS KYI RKANG BRGYAD BRJOD DE MCHOD PA 'AM BSTOD PA BYA, DE NAS GRUB NA GRUB CHEN DA RI KA PAS MDZAD PA'I BSTOD PA, CHOS KYI GRAGS PAS MDZAD PA'I BSTOD PA, RIN CHEN RDO RJES MDZAD PA'I BSTOD PA CHE CHUNG SOGS PAn GRUB RNAMS KYIS MDZAD PA'I BSTOD PA CI RIG PAS BSTOD, DE NAS, BDAG GIS LUS DANG NGAG DANG YID KYIS KYANG, ,CHAGS DANG ZHE SDANG RNAM PAR RMONGS SEMS KYIS, ,SRID PA NYAM DAR SDIG PA CI BGYIS PA, ,DES NA SDIG PA THAMS CAD RAB TU BSHAGS, ,RDZOGS SANGS RGYAS MGON BYANG CHUB SEMS DPA' MCHOG ,'PHAGS PA RNAMS KYIS DGE BA GANG BGYIS PA, ,DE DAG BLA MED BYANG CHUB 'BRAS THOB BAR, ,MA LUS PA LA RTAG TU RJES YI RANG, ,RDZOGS SANGS RIN CHEN RANG GI SEMS GNAS DANG, ,RTOG PA'I DRA BA RAB BRAL DAM PA'I CHOS, ,SA DBANG TSOGS DANG BRTUL ZHUGS DGE 'DUN LA, ,RAB TU DANG PAS BDAG NI SKYABS SU MCHI, ,RGYAL DANG RGYAL NYID LEGS SKYES DE DAG LA, ,KUN NAS KUN TU BDAG NYID BDAG GIS DBUL, ,SEMS DPA' MCHOG GIS BDAG NI YONGS
BZHES SHIG ,DAD PAS BDAG NYID KHYED KYI 'BANGS SU MCHI, ,GLO BUR NYON MONGS TSOGS KYIS GDUNGS PA YIS, ,BSKYOD PA'I SKYE BO MTHA' DAG BSGRAL BYA'I PHYIR, ,DAM CHOS BDUD RTZI'I SNGAGS RNAMS BSHAD PA RU, ,SMAN MCHOG MGON PO LA NI BDAG GSOL LO, ,MCHOG TU MI DGE BA NI RAB BCOM PAS, ,BDUD KYI SKYE RGA NA NGANG 'CHI LAS GROL, ,MYA NGAN 'DAS BZHED GYUR PA SPANGS PAR NI; ,SMAN MCHOG MGON PO LA NI BDAG GSOL LO, ,SANGS RGYAS 'JIG RTEN GANG 'BYUNG LA, ,SKAL LDAN BYANG CHUB SEMS DPA' YIS, ,BYANG CHUB TU NI SEMS BSKYED LTAR, ,DE RING NYID DU SEMS BSKYED DO, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,DE BZHIN BRTAN PAR GZUNG BAR BGYI, ,JI LTAR PHYOGS BCU'I RGYAL BA YIS, ,SNGON GYI BDE GSHEGS GRANGS MED LA, ,THUGS BSKYED DAM TSIG DPAG MED DAG ,'TSANG RGYA BAR DU MA BTANG LTAR, ,BDAG NI DENG NAS BYANG CHUB BAR, ,LUS SROG LDOG PA MED PAR YANG, ,BSLAB 'DI MGON BZHIN BSRUNG LA GNAS, ,YE SHES THUGS KYIS DGONGS SU GSOL, ,RNAM RTOG YE SHES LNGA GYUR PA, ,RTAG TU BSTEN CING SPYAD PAR BYA, ,RGYAL BA RIGS LNGA'I BRTUL ZHUGS DAG ,SROG GI PHYIR YANG MI GTONG NGO, ,SKU GSUNG THUGS KYI RDO RJE DAG ,RTAG TU MI PHYED BRTUL ZHUGS GZUNGS, ,RGYAL BAS DGONGS TE GSUNG BA YI, ,DAM TSIG BZHI PO BSRUNG BAR BGYI, , RTZA BA'I LTUNG BA BCU BZHI SOGS, ,RIGS SNGAGS 'CHANG KUN MI 'DA' LTAR, ,DENG NAS BLA MED BYANG CHUB BAR, ,BDAG GIS TSUL BZHIN BSRUNG BAR BGYI, ,NYIN DANG MTSAN MO LAN GSUM DU,
, ,ZLA RER BCU PHRAG GNYIS PO DANG, ,BCO LNGA LA NI RAB TU MCHOD, ,THEG PA DMAN LA 'DOD MI BGYID, ,SEMS CAN LA YANG RGYAB MI PHYOGS, ,'KHOR BA DAG KYANG MI SPANG ZHING, , MYA NGAN 'DAS DAG PAR MI 'GRO, ,DPA' BO RNAL 'BYOR MA KUN LA, ,GUS PAS BSNYEN BKUR MCHOD PAR BGYI, ,BDAG GIS SEMS CAN THAMS CAD LA, ,BRNYAS PA NYID DU MI BGYI'O, ,PHYAG RGYA BZHON PA MTSON CHA DANG, ,MTSAN MA 'GONG BAR MI BGYI'O, ,BDAG GIS DUS GSUM DGE BA CI BSAGS PAS, ,NAM MKHA'I MTHA' KLAS GYUR PA'I SEMS CAN RNAMS, ,BLA MED THEG PA CHEN PO'I SNOD GYUR NAS, ,KUN KYANG RDO RJE 'DZIN PA'I BDAG NYID SHOG ,SKYES ZHING SKYE BA DAG NI THAMS CAD DU, ,BLO LDAN RIGS BZANG NGA RGYAL MED PA DANG, ,SNYING RJE CHE LDAN BLA MA LA DAD CING, ,'KHOR LO BDE MCHOG DAM TSIG LA GNAS SHOG ,RDO RJE DRIL BU LA SOGS RTAG TU 'CHANG, ,ZAB DANG RGYA CHE'I CHOS NI STON PA DANG, ,KA KKO SHU KRA LA SOGS RTAG ZA ZHING, ,MTHAR THUG THEG CHEN SGRUB PA'I SKAL LDAN SHOG ,DENG NAS BYANG CHUB SNYING PO MCHIS BAR DU, ,BCOM LDAN BDE GSHEGS KUN TU BZANG PO DANG, ,GSANG BA'I THEG PA DBYER MED RMAD BYUNG DANG, ,MI 'BRAL TSUL BZHIN RTAG TU SGRUB PAR SHOG , SGRUB MCHOG 'DI LA BAR CHAD MI 'BYUNG ZHING, ,TSE 'DI LA SOGS SKYE BA BDUN TSUN DU, ,DPAL LDAN BDE MCHOG 'KHOR LO CHEN PO YI, ,ZHABS RDUL ZE 'BRU SPYI GTZUG GNAS PAR SHOG ,GANG TSE 'GRO BA'I MGON LA LTA BA DANG, PHYIR ZHING CUNG ZAD 'DRI PAR 'DOD NA YANG, ,BCOM LDAN BDE GSHEGS THUGS KYI BDAG PO NI, ,THAMS CAD SGRIB MED SAL LER MTHONG PAR SHOG ,PHYOGS BCU NAM MKHA'I
KHAMS DANG MNYAM PA YI, ,SEMS CAN MA LUS BYANG CHUB DGOD PA'I PHYIR, ,THUB PA'I DBANG PO'I SPYOD PA JI LTA BAR, ,BDAG GI SPYOD PA'ANG DE DANG 'DRA BAR SHOG ,SEMS CAN KUN GYI SDUG BSNGAL BDAG LA SMIN, ,BDAG GI DGE BAS DE KUN BDE THOB SHOG ,TSE RABS KUN TU SGO GSUM RIN CHEN DANG, ,BUM BZANG DPAG BSAM SHING SOGS LTA BUR SHOG ,MGON PO KUN MKHYEN THUGS RJE'I BYIN BRLABS DANG, ,SGRUB PA MCHOG LA RTZE GCIG SBYANGS PA YIS, ,BDE MCHOG MKHA' 'GRO DNGOS GRUB MCHOG THOB NAS, ,SEMS CAN THAMS CAD SMIN PA'I MTHU LDAN SHOG ,DBANG DANG MNGON SHES SO SOR RIG PA DANG, ,GZUNGS DANG RNAM PAR THAR PA'I SGO RTOGS NAS, ,NAM MKHA'I MTHA' KLAS GYUR PA'I SEMS CAN RNAMS, ,GNAS DANG NYE BA'I GNAS SOGS 'PHROD PAR SHOG ,BDE GSHEGS SPYAN SNGAR GNAS GSUM MKHA' 'GRO YIS, ,DAM BCAS BSRUNG ZHING DNGOS GRUB MCHOG STZOL BA'I, ,THUGS DAM BZHIN DU RTAG BSRUNG DNGOS GRUB NI, ,RNAM GSUM TSE 'DI NYID LA STZOL PAR SHOG ,'CHI TSE MGON DANG DPA' BO MA TSOGS KYIS, ,ME TOG RGYAL MTSAN GDUG SOGS THOGS NAS KYANG, ,ROL MI GLU DANG SGRA SNYAN SOGS MCHOD NAS, ,MKHA' LA SPYOD PA'I GNAS SU 'KHRID PAR SHOG ,SKAD CIG DE LA SNANG BA GSUM THOB NAS, ,GSAL DANG RTAGS SNANG RANG GI RIGS RTOGS TE, ,DUR KHROD LA SOGS RGYAL NYID SA THOB NAS, ,TZTSAN DHO LA SOGS SAL BA GROG PAR SHOG , SHIN TU RNAM PAR DAG PA KUN GYI MCHOG ,GDOD NAS RNAM PAR GROL BA DE BZHIN GSHEGS, ,KUN TU BZANG PO KUN GYI BDAG PO YI, ,SRAS KYI DANG PO NYID DU BDAG GYUR CIG ,SA GSUM MTHAR
, ,PHYIN GSUM PHRAG GSUM GNAS GYUR, ,SHES BRGYAD GYUR BAS YE SHES LNGAR GYUR TE, ,YE SHES CHOS KYI DBYINGS DANG DBYER MED PA'I, ,CHOS SKU BYANG CHUB SNYING PO THOB PAR SHOG ,CHOS DBYINGS LAS BYUNG NAM MKHA'I MTSAN NYID 'DRA, ,THOG MA DANG NI THA MA MED PA'I BDAG ,SEMS DPA' RDO RJE THUGS KYI BDAG PO RU, ,RDO RJE SEMS DPA' NYID DU BDAG GYUR CIG , DNGOS GRUB MA LUS PA NI KUN GYI BDAG ,DBANG PHYUG CHEN PO LHA YI LHAR GYUR PA, ,SDUG PO'I RGYAN GYUR MA LUS KUN GYI RGYAL, ,MI 'GYUR DAM PA NYID DU BDAG GYUR CIG ,NYON MONGS RNAM DAG YE SHES SKU BRNYES PAS, ,'DOD CHAGS KUN GYI RJES SU RAB CHAGS LA, ,'DOD CHAGS ME KUN RANG BZHIN RNAM DAG NAS, ,GSUNG GI DBANG PHYUG NYID DU BDAG GYUR CIG ,NGA RGYAL RNAM DAG MNYAM NYID LHUN GYIS GRUB, ,YON TAN YID BZHIN RGYA CHEN MKHA' 'DRA BAS, ,GDUL BYA RDZOGS SANGS RGYAS NYID RE SKONG BA, ,KHYAB BDAG RDO RJE NYI MAR BDAG GYUR CIG ,PHRA GTOG DAG PAS BYA BA GRUB BRNYES SHING; ;'PHRIN LAS RGYA MTSOS GDUL BYA DPAG MED RNAMS, ,GRUB MCHOG PHYAG RGYA CHE LA 'GOD MDZAD PA'I, ,BDE GSHEGS GDON MI ZA BAR BDAG GYUR CIG ,DUS GSUM BDE BAR GSHEGS PA KUN GYI BDAG ,DPAL LDAN BDE MCHOG 'KHOR LO'I SKU GRUB NAS, ,NAM MKHA' DAG DANG MNYAM PA'I MTHU STOBS KYIS, ,'KHOR 'DAS MA LUS 'DREN PA'I DPAL DU GYUR, ,CES BHU RI PAS MDZAD PA'I RGYUN BSHAGS DANG, DE TZAM MI NUS NA, THOG MA MED NAS 'KHOR BA NA, ,CHAGS SOGS RTOG PA'I RANG BZHIN GYIS, ,SDIG BGYIS MGON PO'I SPYAN SNGA RU, ,MA LUS SO SOR
BSHAGS PAR BGYI, ,RGYU DANG LAM DANG 'BRAS BU YIS, ,NYER BSDUS 'GRO BA THAMS CAD KYI, ,BSOD NAMS MCHOG NI MA LUS LA, ,RTAG PAR BDAG NI YI RANG NGO, ,RDO RJE YE SHES THUGS CHUD NAS, ,SHING DBANG DRUNG NA BZHUGS GYUR PA'I, ,'GRO LA NYER BRTZE THUB DBANG RNAMS, ,CHOS KYI 'KHOR LO BSKOR DU GSOL, ,RGYAL BA'I MDZAD PA RDZOGS GYUR TE, ,MGON PO DBYINGS SU GSHEGS BZHED LA, , SEMS CAN SDUG BSNGAL BRAL BAR DU, ,MYA NGAN MI 'DA' BAR GSOL 'DEBS, ,BDAG NI THUB DBANG MA GYUR BAR, ,SANGS RGYAS LA SOGS CHOS RNAMS DANG, ,DPA' BO RNAL 'BYOR MA TSOGS BCAS, , DKON MCHOG GSUM LA SKYABS SU MCHI, ,RNAL 'BYOR LAM LA GNAS BGYI ZHING, ,DAM TSIG THAMS CAD BSKYANG BA DANG, ,SEMS CAN THAMS CAD SDUG BSNGAL LAS, ,GROL BAR BDAG GIS BSGRUB PAR BGYI, ,BSTEN SOGS DGE BA DE DAG GIS, ,RNAM PA'I MCHOG RNAMS KUN LDAN PA'I, ,SANGS RGYAS NYID DU BDAG GYUR NAS, ,'GRO BA YONGS SU SGROL BYED SHOG ,CES SDIG BSHAGS SOGS BYA, ,DKON MCHOG GSUM LA BDAG SKYABS MCHI, ,ZHES PA NAS, SANGS RGYAS BYANG CHUB YID KYIS GZUNG, ,ZHES THUN MONG GI SDOM BZUNG DANG, SANGS RGYAS BYANG CHUB SEMS DPA' KUN; ;ZHES PA NAS, SEMS CAN MYA NGAN 'DAS LA DGOD, ,CES THUN MONG MA YIN PA'I SDOM BZUNG BYA, DE NAS GTOR MA BYIN BRLABS SOGS SGRUB THABS LTAR BYAS NAS DBUL, DE YANG DKYIL CHOG BDE CHEN ROL MTSO LAS GTOR MA GNYIS SGRUB THABS LTAR BYA BAR GSUNGS LA, DE LTAR NA DKYIL 'KHOR BA DANG PHYOGS SKYONG SOGS THAMS CAD SPYAN DRANGS NAS 'BUL DGOS PA 'DRA BAS SGRUB THABS SU
, ,BSHAD PA JI LTA BA BZHIN BYA BA'AM, YANG NA 'DAS PA'I GTOR MA MDUN SKYED KYI DKYIL 'KHOR BA LA 'BUL ZHING, 'JIG RTEN PA'I GTOR MA PHYOGS SKYONG SOGS SPYAN DRANGS NAS 'BUL BA GZHAN LAS 'BYUNG BA LTAR BYA LA, DE LTAR NA, LAG PA GNYIS LA AA A'A ZHES PA NAS, BDAG LA SHIN TU RJES BRTZER MDZOD, RANG GI THUGS KHAR NYI GDAN LA GNAS PA'I H'Um YIG LAS 'PHROS PA'I 'OD ZER GYIS, DUR KHROD BRGYAD NA GNAS PA'I PHYOGS SKYONG DANG ZHING SKYONG DANG KLU LA SOGS PA THAMS CAD SPYAN DRANGS, DKYIL 'KHOR GYI PHYOGS 'TSAMS RNAMS SU 'KHOD PA SKAD GCIG GIS 'OD GSAL DU BCUG PA LAS, ZHES PA NAS, 'DOD PA KUN 'GRUB SHOG ,DRIL BU DKROL YIG BRGYA BZLAS, AOm YO GA SHUDH'A: SARBBA DHARMMA: YO GA SHUDDHONYA ? HAm, AOm BADZRA MU: 'JIG RTEN PA RNAMS GSHEGS PAR GYUR, GTOR MA GNYIS LAS MED NA, DANG PO BDE MCHOG GI LHA TSOGS DANG GNYIS PA DUR KHROD NA GNAS PA'I PHYOGS SKYONG SOGS LA DBUL ZHING, GSUM PA LA SOGS PA YOD NA RANG GI CHOS SKYONG DANG GZHI BDAG SOGS JI LTAR RIGS PA LA DBUL LO, ,DE YANG TSOGS DANG MA 'BREL NA SDIG BSHAGS KYI GONG DANG 'BREL NA BZLAS PA'I GONG DU PHUL LA TSOGS MCHOD NAS LHAG GTOR GYI BAR BYA'O, ,YANG NA BZLAS PA DANG DNGOS GRUB ZHU BA'I RJES SU DBUL LO, ,DE NAS DKYIL 'KHOR GYI LHA RNAMS ME LONG GI GZUGS BRNYAN BZHIN GSAL BAR DMIGS LA, LHA THAMS CAD KYI SNGAGS BZLA, KHYAD PAR DU YAB YUM GNYIS KYI RTZA SNGAGS GNYIS, SNYING PO GNYIS, NYE SNYING GNYIS, GO CHA GNYIS TE RIN CHEN RNAM BZHI GTZO BOR BZLA'O, ,BZLAS PA'I MTHAR RTING NGE 'DZIN LAS LANGS TE DKYIL 'KHOR GYI LHA THAMS CAD LA
DNGOS GRUB ZHU BA'I PHYIR GSOL BA GDAB PA NI, H'Um DE BZHIN GSHEGS PA THAMS CAD DANG, ,DPA' BO DANG NI RNAL 'BYOR MA, ,MKHA' 'GRO DANG NI MKHA' 'GRO MA, ,KUN LA BDAG NI GSOL BA 'DEBS, , BDE BA CHE LA DGYES PA'I HE RU KAS, ,BDE BAS RAB MYOS MA LA BSNYEN BYAS NAS, ,CHOG BZHIN DU LONGS SPYAD PA YIS NI, ,LHAN SKYES BDE BA'I SBYOR BA LA ZHUGS SO, ,AA LA LA LA LA HO, ,AA AI AA AA RA LI HO: DRI MED MKHA' 'GRO'I TSOGS RNAMS KYIS, ,BRTZE BAS GZIGS LA LAS KUN MDZOD, ,BDE BA CHEN POS YID NI RAB BSKYOD PAS, ,LUS NI KUN TU GA-YO BA'I GAR GYIS NI, ,PHYAG RGYA'I PADMAR ROL PA'I BDE BA CHES, ,RNAL 'BYOR MA MCHOG RNAMS LA MCHOD PAR MDZOD, ,YID 'ONG ZHI BA'I NYAMS KYIS GAR MDZAD PA, ,RAB DGYES MGON PO KHYOD DANG MKHA' 'GRO'I TSOGS, ,BDAG GI MDUN DU BZHUGS TE BYIN RLOBS LA, ,LHAN SKYES BDE CHEN BDAG LA BSTZAL DU GSOL, ,BDE CHEN THAR PA'I MTSAN NYID LDAN PA KHYOD, ,BDE CHEN SPANGS PA'I DKA' THUB DU MA YIS, ,TSE GCIG GROL BAR MI BZHED BDE CHEN KYANG, ,CHU SKYES MCHOG GI DBUS NA GNAS PA YIN, ,'DAM GYI DBUS SU SKYES PA'I PADMA BZHIN, ,CHAGS LAS SKYES KYANG CHAGS PA'I SKYON MA GOS, ,RNAL 'BYOR MA MCHOG PADMA'I BDE BA YIS; ;SRID PA'I 'CHING BA MYUR DU GROL BAR MDZOD, ,SBRANG RTZI'I 'BYUNG GNAS RNAMS KYI SBRANG RTZI'I BCUD, ,BUNG BA'I TSOGS KYIS KUN NAS 'THUNGS PA LTAR, ,MTSAN NYID DRUG LDAN MTSO SKYES RGYAS PA YI; ;BCUD BCINGS PA YI RO YIS TSIM PAR MDZOD, ,CES DPYID KYI RGYAL MO'I GLU BYA'O, ,DE YANG 'OG MA RNAMS KYI SHVA LO KA RE'I THOG MAR, H'Um DE BZHIN GSHEGS PA THAMS CAD DANG, ZHES PA NAS,
, ,KUN LA BDAG NI GSOL BA 'DEBS, ,ZHES PA'I BAR DANG SHVA LO KA RE RDZOGS PA'I MTHAR, AA LA LA ZHES PA NAS, BRTZE BAS GZIGS LA LAS GUN MDZOD, ,CES PA'I BAR SBYAR LA GDON PAR BYA'O, ,LHAG CHAD KYI NYES PA ZHI BA'I PHYIR HE RU KA'I YIG BRGYA MANG DU BZLA, ME TOG DANG BCAS PA'I THAR MO SBYAR TE, GANG YANG BDAG BLO RMONGS PA YIS, ,ZHES PA NAS, MGON KHYOD DE GUN BZOD PAR MDZOD, ,MA RNYED YONGS SU MA SHES DANG, ,ZHES PA NAS, DE KUN GTZO BOS BZOD MDZAD RIGS, ,ZHES PAS BZOD PAR GSOL, BCOM LDAN 'DAS DPAL 'KHOR LO SDOM PA'I LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS SKYOB PA'I NUS MTHU BSAM GYIS MI KHYAB ? PA MNGA' BA LAGS PAS, PHAN BDE'I 'BYUNG GNAS SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR BYIN GYIS BRLABS TU GSOL, ,DPAL LDAN BLA MA DAM PA RNAMS DANG BSTAN PA 'DZIN PA'I SKYES BU DAM PA THAMS CAD SKU KHAMS BZANG ZHING SKU TSE RING BA DANG RNAM PAR DKAR BA'I 'PHRIN LAS THAMS CAD DAR RGYAS SU 'BYUNG BAR BYIN BYIS BRLABS TU GSOL, ,BDAG CAG DPON SLOB 'KHOR DANG BCAS PA RNAMS DANG SBYIN PA'I BDAG PO RNAMS KYI YANG THAR PA DANG THAMS CAD MKHYEN PA SGRUB PA'I 'GAL RKYEN BAR CHAD THAMS CAD ZHI ZHING MTHUN RKYEN LEGS TSOGS THAMS CAD LHUN GYIS 'GRUB PA DANG, 'JIG RTEN GYI KHAMS THAMS CAD DU BKRA SHIS KYI DGE MTSAN RGYA CHEN PO RGYUN MI 'CHAD DU 'BYUNG BAR BYIN GYIS BRLABS TU GSOL, ,ZHES 'DOD PA'I DON LA GSOL BA GDAB, SRID PA GSUM 'BAR SKU NI RJES CHAGS DUL BAR
LDAN; ZHES PA NAS, GO 'PHANG MCHOG LA 'GOD PAR SHOG ,DGE BA CUNG ZAD TZAM YANG RGYAL SRAS KYI, ,THABS MKHAS SMON LAM MCHOG GIS ZIN GYUR NA, ,'BRAS BU DMAN PA'ANG PHUL DU 'BYUNG 'GYUR ZHING, ,MYUR DU 'DZAD PA'ANG NAM YANG MI ZAD PAR, ,GSUNGS PHYIR DUS GSUM DGE BA CI MCHIS PA, ,RLABS CHEN SMON LAM RNAMS KYIS BSGYUR BA LA, ,MKHAS PA SU ZHIG RAB TU BRTZON MI BYED, , DE PHYIR THABS MKHAS DE NI 'DIR BYA'O, ,'DAS DANG MA BYON DA LTAR BYUNG BA DANG, ,'BREL BA'I LEGS TSOGS BDAG LA CI MCHIS PA, ,DE YIS DNGOS GRUB KUN GYIS 'BYUNG GNAS MCHOG ,BSHES GNYEN DAM PA TSUL BZHIN BSTEN PAR SHOG ,DE YIS NYE BAR BSTAN PA'I GDAMS PA LAS, ,'ONGS PA'I DAL 'BYOR DON CHE RNYED DKA' DANG, ,'JIG PAR LA DANG NGAN 'GRO'I SDUG BSNGAL DANG, ,DE LAS SKYOB PA'I SKYABS 'GRO LAS 'BRAS RNAMS, ,LEGS PAR BSAM LAS NGAS PA BRTAN PO NI, ,RNYED NAS YANG DAG LAM GYI GZHI ZIN SHOG ,'KHOR BA CHU SHING SNYING PO MED PA LA, ,RTAG TU BDAG GI YID NI 'BYUNG GYUR CIG ,BRTZE BAS 'GRO BA'I SDUG BSNGAL MA BZOD NAS, ,SEMS NI BYANG CHUB MCHOG LA MNGON PHYOGS PA'I, ,SMON SEMS 'JUG PA'I SDOM PA LEGS BZUNG STE, ,PHYIN DRUG BSDU BA BZHI LA SPYOD PAR SHOG ,THUN MONGS LAM SBYANGS SNOD DU GYUR BA NA, ,DBANG BZHI BSKUR BAS SKU BZHI 'GRUB NGES KYI, ,NUS PA 'JOG BYED DRI MA RNAM PA BZHI, ,'KHRUD ? CING RIM GNYIS BSGOM LA DBANG BAR SHOG ,DE DUS BLA MA SANGS RGYAS BYANG SEMS DANG, ,DPA' BO MKHA' 'GRO DPANG DU LEGS BZHAG NAS, ,JI SKAD GSUNGS BZHIN BSRUNG BAR KHAS BLANGS PA'I, ,DAM TSIG SDOM PA TSUL
, ,BZHIN BSRUNG BAR SHOG ,DE NAS TSE RABS KUN TU LHAG PA'I LHAS, ,RJES SU BZUNG NAS BYIN GYIS RLOBS PA DANG, ,RDZOGS RIM YONGS RDZOGS SKYE BA'I RGYUD SMIN CING, ,THA MAL SNANG ZHEN DRI MA 'KHRUD BYED PA, ,BSKYED PA'I RIM LA NGES PA BRTAN RNYED NAS, ,THUN BZHI'I RNAL 'BYOR LA NI RAB 'BAD DE, ,GANG SNANG LHA YI 'KHOR LOR 'CHAR BA YI, ,RIM PA DANG PO'I RTOGS PA SKYE BAR SHOG ,SGO GSUM SPYOD PA DPAL LDAN HE RU KA'I, ,SKU GSUNG THUGS KYI DAG BYED LHA RNAMS KYIS, ,BYIN GYIS BRLABS PAS BGEGS RNAMS BZLOG PA DANG, ,RLABS CHEN BSOD NAMS TSOGS NI RDZOGS PAR SHOG ,SPROS KUN 'OD GSAL GNAS SU SDUD PA DANG, ,DE LAS N'A NGA'I ? GZUGS SU LDANG BA DANG, ,DE NYID DBYANGS GSAL GZUGS BRNYAN BZHIN SHAR BA'I, ,DKAR DMAR ZLA BA'I DBUS SU ZHUGS PA LAS, ,HE RU KA YI DKYIL 'KHOR RDZOGS PA'I DON, ,'CHI BA CHOS SKU BAR DO LONGS SKU DANG, ,SKYE BA SPRUL SKUR 'KHYER BA'I LAM 'KHYER DU, ,SHES NAS BSGOMS PAS DE BZHIN 'GRUB PAR SHOG ,GNAS MCHOG GANG DU HE RU KA RDZOGS PA'I, ,'BYUNG BZHI RI RAB PAD MAS MTSON PA'I DON, ,GANG LA GNAD DU BSNUN PA'I RTZA 'KHOR SOGS, ,RDO RJE LUS KYI GNAS LUGS RTOGS PAR SHOG ,PADMA'I LTE BAR ZLA BA DKAR DMAR NI, ,'DUS PA SOGS KYIS MTSON PAR GYUR PA'I DON, ,LTE BA'I DMAR CHA SPYI BO'I DKAR CHA YI, ,'BAR DANG 'DZAG PA DH'U T'IR 'DUS PA LAS, ,NGES DON LHAN CIG SKYES PA'I HE RU KA'I, ,DKYIL 'KHOR RDZOGS PAR BSKYED PA'I THABS SU NI, ,LEGS PAR SHES NAS THUN BZHIR BSGOMS PA YIS, ,DE 'DRA'I
RDZOGS RIM SKYE BA'I SNOD GYUR CIG ,SKYE BA SPRUL SKUR 'KHYER BA'I HE RU KA'I, ,PHYI DANG LUS KYI DKYIL 'KHOR THUN MTSAMS BZHIR, ,BSGOMS PAS RAGS PA DANG NI PHRA BA YI, ,PHYI NANG DKYIL 'KHOR GSAL SNANG MTHAR PHYIN SHOG ,SGO MTSAMS MA RNAMS DBANG PO'I SGOR BSGOMS PAS, ,LAS RLUNG DBANG PO'I SGO NAS LDOG PAR SHOG ,NYER BZHI'I YUL DU DPA' BO DPA' MO RNAMS, , BSGOMS PAS RLUNG RNAMS NYER BZHI'I RTZAR 'DUS SHOG ,CHOS KYI 'KHOR LO'I 'DAB MAR BDE CHEN GYI, ,LHA RNAMS BSGOMS PAS SLAR YANG RLUNG RNAMS NI, ,SNYING GA'I PHYOGS DANG MTSAMS KYI RTZA BRGYAD DU, ,'DUS NAS DBUS KYI DH'U T'IR 'JUG PAR SHOG ,NANG GI RJE BTZUN YAB YUM BSGOMS PA LAS, ,DPYID DANG THIG LE PHAN TSUN SNYOMS ZHUGS NAS, ,RDZOGS PA'I RIM PA MCHOG RNAMS SKYE BA YI, ,DGE BA'I RTZA BA YONGS SU SMIN PAR SHOG ,DPAL LDAN 'KHOR LO SDOM PA'I RTZA RGYUD DON, ,GRUB MCHOG L'U ? AI PA YI MAN NGAG GIS, ,BSHAD PA'I RGYUD LA BRTEN NAS RAB BSHAD PAS, ,LEGS PAR BSHAD PA'I SNYING PO RAB BSDUS PA, ,RDZOGS RIM RNAM 'BYOR CHEN PO SPROS BCAS NANG, ,SPROS MED SHIN TU SPOS MED SBYED PA GSUG ,RDZOGS PAR BSKYED NAS DNGOS GRUB MCHOG BRNYES TE, ,MTHA' YAS 'GRO BA MYUR DU SGROL BAR SHOG ,SPRUL PA'I 'KHOR LO'I DBUS SU SPRIN SGRA LA, ,SEMS NI BRTAN PAS NYI ZLA'I 'GROS BCOM STE, ,DH'A T'IR TZAntA LI NI 'BAR BA YIS; ;STONG PHRAG DON GNYIS RTZA NAS RAB GA-YOS PA'I, ,BYANG CHUB SEMS RGYUN 'BAB DANG 'DZAG PA LAS, ,YAS BABS MAS BRTAN DGA' BZHI SKYE BAR SHOG ,'JUG DANG GNAS DANG LDANG
, ,PA'I RLUNG GIS NI, ,SNGAGS KYI RGYAL PO RDO RJE GSUM GYI GDANGS, ,DH'U T'I'I LAM NAS YANG YANG BSGRAGS PA YIS, ,LTE BA'I DBUS KYI MCHOG GI DBANG PHYUG MA, ,HAm YIG BDUD RTZI'I RGYUN GYIS MNYES BYAS PAS, ,'OD GSAL THAMS CAD STONG PAR 'CHAR BAR SHOG ,MKHA' DBYINGS SHAR BA'I DBANG PO'I GZHU BZHIN DU, ,GSAL DANGS 'OD ZER LNGA YI DRA BA CAN, , KUN DA LTAR DKAR YE SHES SEMS DPA' NI, ,SHES RAB PHAG MOR ROL BA'I DGA' BA'I SGRAS, ,SNOD BCUD SPROS PA KUN SDUD BSAM GTAN MCHOG ,RJES GZHIG RIM PAS 'OD GSAL 'JUG PAR SHOG ,BSAM GYIS MI KHYAB 'OD GSAL PHYAG RGYA CHE, ,LHAN SKYES BDE CHEN STONG NYID MTHAR THUG DANG, ,LEGS SBYAR MNYAM PAR BZHAG DUS BSKYANGS PA DANG, ,LANGS PAR GYUR TSE GANG SHAR SNOD BCUD KUN, ,CHU DANG CHU RLABS GNYIS PO JI BZHIN DU, ,BDE BA CHEN PO'I ROL BAR SHAR GYUR TE, ,GZUNG 'DZIN RNAM PAR RTOG PA'I BAG CHAGS KUN, ,YONGS SU SBYONG LA THOG PA MED PAR SHOG ,RIM PA DE YIS DPE YI LHAN SKYES LAS, ,CHU KLUNG SHIN TU DANGS LA NYA BZHIN DU, ,SGYU 'PHRUL DRA BA'I SKUR NI LANGS GYUR TE, ,SGYU MA LTA BU'I TING 'DZIN RDZOGS PAR SHOG ,SGYU MA'I LUS MDZES YANG YANG 'OD GSAL DU, ,KUN TU ZHUGS LAS DON GYI LHAN CIG SKYES, ,MNGON DU BYAS MTHAR DPAL LDAN RDO RJE 'CHANG, ,SLOB PA'I ZUNG 'JUG MNGON DU 'GYUR BAR SHOG ,DPA' BAR 'GRO BA'I TING 'DZIN DE NYID NI, ,YANG YANG GOMS PAS TING NGE 'DZIN RGYAL PO, ,RDO RJE LTA BU'I TING NGE 'DZIN GYIS NI, ,'KHRUL PA'I BAG CHAGS MA LUS 'JOMS PAR SHOG ,GO 'PHANG MCHOG DE TSE
'DIR MA THOB NA, ,'CHI TSE RJE BTZUN YAB YUM 'KHOR BCAS KYIS, ,YID 'ONG MCHOD SPRIN SNYAN PA'I ROL MO'I SGRA, ,NGO MTSAR LTAS BZANG MANG POS BSU BAR SHOG ,DE NAS 'CHI BA'I 'OD GSAL ZIN MDZAD CING, ,LAM MCHOG BSGRUB PA'I RIG PA 'DZIN PA'I GNAS, ,RNAM DAG MKHA' SPYOD GNAS SU KHRID NAS NI, ,ZAB MO'I LAM 'DI MYUR DU MTHAR PHYIN SHOG ,RNAL 'BYOR DBANG PHYUG BYE BAS BGRONG GYUR PA, ,BDE MCHOG BSHAD SGRUB SHIN TU NYAMS PA 'DI, ,CHES CHER RGYAS SHING THAR 'DOD 'JUG NGOGS SU, ,NAM YANG MI NUB RING DU GNAS GYUR CIG ,TSUL DE BSGRUB LA THOGS MED MTHU LDAN PA, ,'DZAM GLING GNAS MCHOG NYI SHU RTZA BZHI YI, ,DPA' BO RNAL 'BYOR MA NI 'KHOR BCAS KYIS, ,GA-YOL BA MED PAR RTAG TU GROGS MDZAD SHOG ,CES SMON LAM GDAB , AOm YO GA SHUDHA: SARBBA DHARMMA YO GA SHU DHONYA ? HAm, ZHES BRJOD CING RNAM LNGA 'DOD PA'I PHYOGS SU SKAR BA'I PAD SKOR BYAS TE, LAG PA GNYIS SNYING KAR 'KHYUD PA'I TSUL BYAS LA, AOm BADZRA MU: ZHES SE GOL GDAB CING, DKYIL 'KHOR GYI LHA RNAMS CHA GNYIS SU PHYE BA'I CHA GCIG ZHU NAS H'Um DU GYUR TE RANG GI SNA BUG GA-YON NAS ZHUGS, SNYING GA'I H'Um LA THIM PAR GYUR, ZHES LHA RNAMS KYI CHA GCIG RANG LA BSDU, RANG GTZO BO LAS BDE MCHOG ZHAL GCIG PHYAG GNYIS PA'I RNAM PAR PHYE NAS DKYIL 'KHOR GYI PHYI ROL TU GNAS PAR GYUR, LHA RNAMS KYI CHA GCIG RTEN DANG BRTEN PAR BCAS PA SGRUB GZHI 'DI LAS CHU ME RLUNG GI GNOD PAS MA ZHIG GI BAR DU BRTAN PAR BZHUGS NAS BDAG SOGS SEMS CAN THAMS CAD LA MCHOG DANG THUN MONG GI DNGOS GRUB MA LUS PA BSTZAL DU GSOL, ,'DIR NI GZUGS DANG LHAN GCIG
, ,TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR BSTZAL DU GSOL, ,AOm SU PRA T'I shthA BADZRA YE SV'A H'A, ZHES CHA GCIG BRTAN BZHUGS BYA, ,RAB YANGS NAM MKHA' TIL GYI GANG BU BZHIN, ,YONGS SU GANG BA'I BDE MCHOG LHA TSOGS NI, ,KHA CIG ME TOG SNA TSOGS CHAR 'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNG 'JOMS PA'I 'PHRIN LAS KYIS, ,KHYED LA RTAG TU DPAL GNAS MDZAD PA 'DI, ,SHES PAR GYIS LA YID BDE SKYED CIG DANG,, SHIS BRJOD PHRENG BA BDAG GIS BSGRAG PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG ROL RTAG ROL CING, ,DMIGS MED THUGS RJES ZHI BA'I MTHA' SPANGS BA; ;RGYAL BA YAN LAG BDUN LDAN LA PHYAG 'TSAL, ,GSANG BA KUN GYI MDZOD 'DZIN GSANG BA'I BDAG ,SA RA HA DANG KLU SGRUB SHA BA RI, ,L'U AI PA NGANG D'A RIG PA DANG, ,RDO RJE DRIL BU PA DANG RUS SBAL ZHABS, ,DZA LANDHA RA PA DANG NAG PO PA, ,GU HYA BA DANG RNAM RGYAL ZHABS DANG NI, ,TE LO N'A RO LA SOGS BLA MA LA, ,DGE MTSAN JI SNYED MCHIS PA'I BKRA SHIS DES, ,DNGOS DANG BRGYUD PA'I BLA MA MCHOG RNAMS KYI, ,DRI MED RNAM THAR JI BZHIN ZIN PA DANG, ,BYIN RLABS ZHUGS PAS 'KHOR LO BDE MCHOG GI ,BSTAN PA RGYAS PAR BYED PA'I BKRA SHIS SHOG ,THAR PA CHEN PO'I PHO BRANG GZHAL YAS KHANG CHEN PO'I DBUS NA SNA TSOGS CHU SKYES DANG NYIN BYED RGYAS PA'I DKYIL 'KHOR LA GNAS PA'I 'JIGS BYED DANG DUS MTSAN GYI GDAN GYI STENG NA, SHIN TU MDZES SHING BLTA BAS MI NGOMS
PA'I AINDRA N'I LA'I RI BO LA THUN MTSAMS KYI CHU 'DZIN GZHON NU YID 'PHROG PA'I KHA DOG DMAR SER CAN GYIS 'KHYUD PA BZHIN DU BZHUGS PA'I STON PA PHUN SUM TSOGS PA RIGS THAMS CAD KYI KHYAB BDAG DRUG PA RDO RJE 'CHANG CHEN PO'I NGO BO, ,BCOM LDAN 'DAS 'KHOR LO BDE MCHOG SKU MDOG SNGON PO LA, MDZES PA'I MIG GI BDUD RTZI THAMS CAD PHYOGS GCIG TU BSAGS PA LTA BU'I GZUGS DANG LANG TSO'I DPAL PHUN SUM TSOGS PA MTHONG PA TZAM GYI MOD LA BDE BA CHEN PO KUN TU 'BAR BAR MDZAD PA'I BCOM LDAN 'DAS MA RDO RJE PHAG MO SKU MDOG DMAR MOS YONGS SU 'KHYUD PA'I DPAL HE RU KA YAB YUM LA SHIN TU NGO MTSAR BA'I DGE LEGS KYI MTSAN MA JI SNYED CIG MCHIS PA'I BKRA SHIS PA'I DAM PA DES SKAL PA DANG LDAN PA'I GANG ZAG KHYED CAG 'DIR 'KHOD PA RNAMS LA PHUN SUM TSOGS PA'I DPAL LA RTAG TU GNAS PA'I SHIS PA LHAG PAR SKYONG BAR GYUR CIG ,BDE CHEN RGYAL PO HE RU KA DPAL DANG, ,BDE BA'I MCHOG SBYIN RDO RJE PHAG MO GNYIS, ,DPYID DANG THIG LE'I SBYOR BA LA ZHUGS NAS, , THABS SHES MNYAM PAR SBYOR BA'I BKRA SHIS DES, ,KHYED KYI BDE STONG DBYER MED RGYAS MDZAD NAS, ,SHES BYA'I 'KHOR LO THAMS CAD LHAN SKYES 'DIR, ,YONGS SU SDOM BYAD 'KHOR LO SDOM PA YI, , LHAN SKYES BDE BA'I BKRA SHIS RGYAS BYED SHOG ,DE LTA BU'I STON PA PHUN SUM TSOGS PAS GSUNGS PA'I CHOS PHUN SUM TSOGS PA DPAL HE RU KA DPA' BO CHEN PO GLAGS PAS GRUB PA THAMS CAD DU GZHAN GYIS MI THUB PA, GDONG NAS GRUB PA RGYUD THAMS CAD KYI BLA MA, DPAL HE RU KA RNAL 'BYOR MA'I RGYUD KYI RGYAL PO DPAL 'KHOR LO BDE MCHOG GI RTZA BA'I RGYUD GSUM DANG, BSHAD PA'I RGYUD DRUG DANG,
, ,CHA MTHUN PA'I YAN LAG GI RGYUD RNAMS LA SHIN TU NGO MTSAR BA'I ZHES SOGS DANG, RNAL 'BYOR MA RGYUD DUNG PHYUR PHRAG GCIG DANG, ,BYE BA PHRAG DRUG GSUNGS PA'I NANG NAS NI, , RGYAL MTSAN TOG LTAR MTHO BA'I RGYUD KYI MCHOG ,DPAL LDAN 'KHOR LO SDOM PA'I RGYUD RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED LA CHOS KYI 'BYOR BA RGYAS PA DANG, ,CHOS KYI MI MTHUN PHYOGS KUN ZAD GYUR TE, ,PHUN TSOGS DPAL 'BYOR RGYAS PA'I BKRA SHIS SHOG ,DE LTA BU'I CHOS PHUN SUM TSOGS PA NYAN PA'I 'KHOR PHUN SUM TSOGS PA SANGS RGYAS KYI ZHING GRANGS MED PA'I RDUL DANG MNYAM PA'I BYANG CHUB SEMS DPA' CHEN PO'I 'KHOR GYI NANG NAS CHE LONG TZAM ZHIG BRJOD PA 'DI LTA STE DPA' BO CHEN PO GZUGS RDO RJE ZHES BYA BA NAS DPA' BO CHEN PO TSOR BA RDO RJE ZHES BYA BA DANG, CHOS KYI DBYINGS DE BZHIN GSHEGS PA THAMS CAD KYI RDO RJE DBANG PHYUG CHEN PO ZHES BYA BA'I BAR DRUG DANG, DPA' BO CHEN PO RDO RJE ZHES BYA BA NAS DE BZHIN GSHEGS PA THAMS CAD KYI DBANG PHYUG CES BYA BA'I DPA' BO CHEN PO'I BAR DRUG DANG, RNAL 'BYOR MA CHEN MO LTUNG BYED MA ZHES BYA BA NAS RNAL 'BYOR MA CHEN MO PADMA'I DRA BA MO ZHES BYA BA'I BAR LPA ? STE, THAMS CAD KYANG NAM MKHA'I KHAMS KYI MTHAR THUG PAR H'Um DANG PHAt KYI SGRA SGROG PA, MDZES PA'I GAR SNA TSOGS BYED CING RANG GI DAM TSIG DANG 'KHYUD PA DANG, TZUMPA NAS SNYING RJE CHEN PO'I NYAMS YONGS SU RDZOGS PAR MDZAD CING, KHYAD PAR DU YANG PHUNG PO DANG SKYE MCHED DANG KHAMS RNAMS BYIN GYIS RLOBS PAR BSNGAGS PA'I LHA BCU BDUN LA, SHIN TU NGO MTSAR BA'I ZHES SOGS DANG, RNAM SNANG RDO RJE NYI MA GAR DBANG DANG, RDO RJE RGYAL PO RDOR SEMS HE RU KA ,
GTI MUG ZHE SDANG SER SNA RDO RJE DANG, ,'DOD CHAGS PHRAG TOG DBANG PHYUG RDO RJE DANG, ,LTUNG BYED GSOD BYED 'GUGS BYED MA DANG NI, ,GAR DBANG MA DANG PADMA'I DRA BA LA, ,DGE MTSAN JI SNYED MCHIS PA'I BKRA SHIS NGES, ,KHYED KYI PHUNG KHAMS SKYE MCHED BYIN RLOBS PA'I, ,BKRA SHIS NYIN MTSAN KUN TU SKYONG GYUR CIG ,SNA TSOGS PADMA 'DAB MA BRGYAD PA'I PHYOGS KYI 'DAB MA BZHI LA RIN PO CHE'I RIGS KYI NGO BO NYID DU BZHUGS PA MKHA' 'GRO MA CHEN MO RDO RJE MKHA' 'GRO MA ZHES BYA BA DANG, MKHA' 'GRO MA CHEN MO RDO RJE L'A MA ZHES BYA BA LA SOGS PA'I SNYING PO'I RNAL 'BYOR MA BZHI NAM MKHA'I KHAMS KYI MTHAR THUG BAR H'Um DANG PHAt KYI SGRA SGROG PA ZHES BYA BA NAS, KHYAD PAR DU'ANG RIN PO CHE'I RIGS LA BRTEN PA'I RGYAS PA'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, PHYOGS KYI 'DAB MAR SKRA GROL GZUGS MDZES PA'I, ,MKHA' 'GRO L'A MA DU MA SKYES GZUGS CAN MA, ,PADMA'I MTSO LA NGANG PA'I TSOGS 'DU BZHIN, ,DAM TSIG CAN GYI GNAS SU LEGS 'DUS NAS, ,BRTZE PA'I MA DANG SRING MO JI BZHIN DU, ,RTAG TU SGRUB PA PO YI GROGS MDZAD NAS, ,KHYED KYI TING 'DZIN SHES RAB LONGS SPYOD TSE, ,YON TAN MA LUS RGYAS BYED BKRA SHIS SHOG ,GANG ZHIG BSTEN LA YON TAN MANG GSUNGS PA, ,BDUD RTZI LNGA YI BCUD KYIS RAB GANG BA'I, ,MTSAMS KYI 'DAB MAR GNAS PA'I THOD PA LA; ;DGE MTSAN JI SNYED MCHIS PA'I BKRA SHIS DES, ,KHYED LA BGEGS KYI BAR CHAD ZHI BA DANG, ,MKHA' 'GRO MA RNAMS DGYES PAR 'GYUR PA DANG, ,BYANG SEMS 'PHEL BA'I DNGOS GRUB MYUR
, ,BA YI; ,BKRA SHIS DAM PA RAB TU RGYAS PAR SHOG ,RDO RJE'I PHRENG BA SNGON PO'I MU KHYUD KYIS YONGS SU BSKOR BA'I THUGS KYI 'KHOR LO SNGON PO RTZIBS BRGYAD PA'I PHYOGS DANG MTSAMS KYI RTZIBS LA RDO RJE'I RIGS KYI NGO BO NYID DU BZHUGS BGRUB PA'I GNAS MCHOG TU GYUR PA P'U LI RA MA LA YA LA SOGS PA BRGYAD KYI DPA' BO DANG RNAL 'BYOR MA'I BDAG NYID DPA' BO CHEN PO RDO RJE THOD PA'I DUM BU ZHES BYA BA LA SOGS PA'I DPA' BO CHEN PO BRGYAD, RNAL 'BYOR MA CHEN MO RAB GTUM MA ZHES BYA BA LA SOGS PA'I RNAL 'BYOR MA CHEN MO BRGYAD NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG RDO RJE'I RIGS LA BRTEN PA'I DRAG PO'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA ZHES SOGS DANG, GNAS DANG NYE BA'I GNAS NA BZHUGS PA YI, ,DPA' BO'I DBANG PHYUG DPA' MO'I DBANG PHYUG MA, ,MKHA' LA SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES, ,KHYED KYI DRAG PO'I LAS KUN 'GRUB PA DANG, ,THUGS KYI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,PADMA'I PHRENG BA DMAR PO'I MU KHYUD KYIS YONGS SU BSKOR BA'I GSUNG GI 'KHOR LO DMAR PO RTZIBS BRGYAD PA'I PHYOGS DANG MTSAMS KYI RTZIBS LA PADMA'I RIGS KYI NGO BO NYID DU BZHUGS PA GRUB PA'I GNAS MCHOG TU GYUR PA K'A MA R'U PA LA SOGS PA'I DPA' BO DANG RNAL 'BYOR MA'I BDAG NYID DPA' BO CHEN PO RDO RJE MYU GU CAN ZHES BYA BA LA SOGS PA'I DPA' BO CHEN PO BRGYAD DANG, RNAL 'BYOR MA CHEN MO SA SRUNG MA ZHES BYA BA LA SOGS
PA'I RNAL 'BYOR MA CHEN MO BRGYAD NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG PADMA'I RIGS LA BRTEN PA'I DBANG GI LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, ZHING DANG NYE BA'I ZHING DANG 'DUN RTOG DANG, ,NYE BA'I 'DUN RTOG RNAMS NA BZHUGS PA YI, ,SA LA SPYOD PA'I DPA' BO YAB YUM LA; ;DGE MTSAN JI SNYED MCHIS PA'I BKRA SHIS DES, ,KHYED KYI DBANG GI LAS KUN 'GRUB PA DANG, ,GSUNG GI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, , BDE BA'I DGA' STON 'BAR BA'I BKRA SHIS SHOG ,'KHOR LO'I PHRENG BA DKAR PO'I MU KHYUD KYIS YONGS SU BSKOR BA'I SKU'I 'KHOR LO DKAR PO RTZIBS BRGYAD PA'I PHYOGS DANG MTSAMS KYI RTZIBS LA 'KHOR LO'I RIGS KYI NGO BO NYID DU BZHUGS PA GRUB PA'I GNAS MCHOG TU GYUR BA BRE TA BU RI LA SOGS PA BRGYAD KYI DPA' BO DANG RNAL 'BYOR MA'I BDAG NYID DPA' BO CHEN PO RDO RJE STOBS PO CHE ZHES BYA BA LA SOGS PA'I DPA' BO CHEN PO BRGYAD DANG, RNAL 'BYOR MA CHEN MO 'KHOR LO'I SHUGS CAN MA ZHES BYA BA LA SOGS PA'I RNAL 'BYOR MA CHEN MO BRGYAD, NAM MKHA'I KHAMS KYI MTHAR THUG PAR ZHES PA NAS, KHYAD PAR DU'ANG 'KHOR LO'I RIGS LA BRTEN PA'I ZHI BA'I LAS LA SOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, 'DU DANG NYE BA'I 'DU PA DUR KHROD DANG, ,NYE BA'I DUR KHROD RNAMS NA BZHUGS PA YI, ,SA 'OG SPYOD PA'I DPA' BO YAB YUM LA, ,DGE MTSAN JI SNYED MCHIS PA'I BKRA SHIS DES, ,KHYED KYI ZHI BA'I LAS KUN 'GRUB
, ,PA DANG, ,SKU YI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,GZHI'I DAM TSIG GI 'KHOR LO'I SGO BZHI DANG, ,SGO'I MTSAMS BZHIN RAL GRI'I RIGS KYI NGO BO NYID DU BZHUGS PA, RDO RJE MA MO KHVA GDONG MA ZHES BYA BA LA SOGS PA'I SGO MA BZHI DANG, RDO RJE MA MO GSHIN RJE BRTAN MA ZHES BYA BA LA SOGS PA'I MTSAMS MA BZHI PHYOGS DANG MTSAMS KYI BGEGS BZLOG PA LA BSNGAGS SHING, LAS KYI RIGS LA BRTEN PA'I SNA TSOGS PA'I DNGOS GRUB THAMS CAD SGRUB PA PO LA BDE BLAG TU STZOL BAR MDZAD PA RNAMS LA SHIN TU NGO MTSAR BA'I ZHES SOGS DANG, DKYIL 'KHOR CHEN PO'I SGO DANG MTSAMS RNAMS NA, ,RO YI GDAN LA BRDZID PA'I GA-YAS BRKYANG GIS, ,RAB TU BZHUGS PA'I MA MO BRGYAD PO LA, ,DGE MTSAN JI SNYED MCHIS PA'I BKRA SHIS DES, ,KHYED KYI SNA TSOGS LAS KUN 'GRUB PA DANG, ,PHYOGS DANG MTSAMS SU RGYU BA'I GDUG PA CAN, ,LAM GYI BAR CHAD BYED LAS BSRUNG BA YI, ,BKRA SHIS DAM PA RAB TU RGYAS PAR SHOG ,GZHAN YANG RNAL 'BYOR GYI DBANG PHYUG CHEN PO RDO RJE SEMS DPA' LA SOGS PA'I DPA' BO'I GO CHA DRUG DANG RDO RJE RNAL 'BYOR GYI DBANG PHYUG MA CHEN MO RDO RJE PHAG MO LA SOGS PA'I DPA' MO'I GO CHA DRUG LUS KYI GNAS RNAMS SU BGEGS KYI MTSON GYIS MI PHIGS PA'I GO CHA CHEN PO MDZAD PA RNAMS LA SHIN TU NGO MTSAR BA'I ZHES SOGS DANG, RDO RJE SEMS DPA' LA SOGS DRUG DANG NI, ,RDO RJE PHAG MO LA SOGS RNAM PA DRUG ,GO CHA BCU GNYIS YAB YUM LHA RNAMS LA, ,DGE MTSAN JI SNYED MCHIS PA'I BKRA SHIS DES, ,KHYED KYI LHA YI RNAL
'BYOR TI PA 'DZIN LAS, ,BSKYOD PAR BYED PA'I BGEGS KYI MTSON TSA YIS, ,NAM YANG GA-YO BAR MI NUS RDO RJE YI, ,GO CHA RAB TU BRTAN PA'I BKRA SHIS SHOG ,STON PA DANG 'KHOR PHUN SUM TSOGS PA BZHUGS PA'I GNAS PHUN SUM TSOGS PA RI'I RGYAL PO RIN PO CHE SNA TSOGS PA'I GZI BRJID KYIS MDZES PA'I STENG NA, RDO RJE CHEN PO'I GZHAL YAS KHANG DKYIL 'KHOR GYI RGYAL PO CHEN PO PHUN SUM TSOGS PA SNA TSOGS PAS BRGYAN PA RDO RJE RIN PO CHE'I RGYAN GYIS SPUNG PA, NYI MA DANG ZLA BA'I MDOG LTAR 'DUG PA, DRIL BU DANG RNGA YAB DANG RGYAL MTSAN DANG GA-YER KHA'I DRA BAS MIG MANG RIS SU BRIS PA, RDO RJE THEG PA'I CHOS KYI 'KHOR LO LA 'JUG PA'I SGRA SGROG PA'I PHYI ROL NA, SNA TSOGS PA'I LHA DANG KLU DANG GNOD SBYIN DANG SRIN PO LA SOGS PA DANG, DPA' BO DANG MKHA' 'GRO DANG MKHA' 'GRO MA'I SGRA PHEEm ZHES BYA BA'I SGRA DANG, AA LA LA ZHES BYA BA'I SGRA SGROG PA DANG, DRIL BU DANG CANG TE 'U'I SGRA SGROG PA RNAMS KYIS YONGS SU BSKOR BA'I GZHAL YAS KHANG LA, SHIN TU NGO MTSAR BA'I ZHES SOGS DANG, NAM MKHA'I KHYON LTAR YANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING, ,GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS DES, KHYED CAG GANG DANG GANG DU GNAS PA DER, ,MI SHIS MTSAN MA 'GA' YANG MI 'BYUNG ZHING, ,ZHING GI 'BYOR PA PHUL DU BYUNG BA YIS, ,BDE LEGS RGYUN MI 'CHAD PA'I BKRA SHIS SHOG ,CES SHIS BRJOD KYIS BRGYAN PAR BYA'O, ,GNYIS PA PHYI ROL MCHOD PA LAG MCHOD DANG BCAS PA BYA TSUL LA GNYIS LAS, DANG PO PHYI ROL MCHOD PA BYA TSUL NI, ,MNGON RTOGS RGYAS PA BSGOM PA'I MJUG THOG LA ,
, ,SNGAR BSGOM PA'I THUN PAR YIN NA RANG BDE MCHOG ZHAL GCIG PHYAG GNYIS PA YUM BCAS SU GSAL GDAB, DE LTA BU MIN NA, SANGS RGYAS CHOS DANG DGE 'DUN LA, ,ZHES PA NAS, GO 'PHANG MCHOG LA 'GOD PAR BGYI, ,ZHES SKYABS 'GRO SEMS BSKYED BYA, SHR'I HE RU KA ,HE NI KUN GYI 'BYUNG GNAS SU GYUR PA'I SEMS TE, ZHES PA NAS, LTE BA'I SNGAGS 'PHRENG LA THIM PAR GYUR, CES DAG PA GSUM GYI RNAL 'BYOR GYIS BDAG SKYED BSDUS PA BYA, DE NAS NANG MCHOD BYIN GYIS RLABS LA, GA-YON PA'I MTHEB SRIN GYIS BLANGS TE, AOm SUMBHA NI SUMBHA, ZHES SOGS ZHAL BZHI PA'I SNGAGS BRJOD CING PHYOGS BZHI DANG RANG LA GTOR NAS GA-YON PA'I MTHEB MDZUB KYIS SE GOL GA-YON SKOR DU GTOGS LA, AOm SUMBHA, ZHES SOGS KYI SNGAGS TSAN ? BZHI PO SHAR LA SOGS PA'I PHYOGS BZHIR RIM PA BZHIN BRJOD PA'I RJES SU, 'OG THAMS CAD RDO RJE'I SA GZHI, KHOR YUG THAMS CAD RDO RJE'I RVA BA, STENG RDO RJE'I GUR, GUR GYI 'OG RVA BA'I STENG DU RDO RJE'I BLA RE STE, THAMS CAD KYANG RDO RJE 'BAR BA'I RANG BZHIN BAR MTSAMS MED PAR DUM BU GCIG TU GYUR PA'I PHYI ROL TU, RDO RJE'I ME 'JIG DUS KYI ME LTA BUS BSKOR BAR GYUR, ZHES DANG, RANG GI SNYING GAR ZLA GDAN LA RDO RJE SEMS DPA'I NGO BO AOm HA DKAR PO, ZHES SOGS GO CHA DRUG BKOD NAS, LAG PA GA-YAS PA'I MTHEB SRIN GYIS NANG MCHOD, AOm A'A: H'Um, ZHES BRJOD CING, GA-YON PA LA BSANG GTOR BYAS LA LAG PA MNYE BAR BYA'O, ,DE NAS GA-YON PA'I SOR MO LNGA LA ME TOG PA ZHAG PA 'AM, YANG NA NANG MCHOD KYI THIG LE RE BYAS LA, GA-YON PA'I SOR MO RNAMS BSDUS PA'I MTHE BONG LA ZLA GDAN,
GZHAN BZHI DANG SOR MO LNGA BSDUS PA'I SEN MO RNAMS LA NYI MA'I GDAN RE RE, GDAN DE RNAMS KYI STENG DU MTHE BONG LA RDOR SEMS KYI NGO BO AOm HA DKAR PO, ,MDZUB MOL RNAM SNANG GI NGO BO NA MA HI SER PO, , GUNG MO LA PADMA GAR DBANG GI NGO BO SV'AH'A HU DMAR PO, ,SRIN LAG LA DPAL HE RU KA'I NGO BO BO shA tA HE NAG PO, ,MTHE'U CHUNG LA RDO RJE NYI MA'I NGO BO H'Um H'Um HO DMAR SER, SEN MO RNAMS LA RTA MCHOG GI NGO BO PHAt HAm LJANG GU, RNAMS BSAMS LA, GA-YON PA'I MTHIL DU PADMA DMAR PO 'DAB MA LNGA PA'I LTE BAR NYI MA LA RDO RJE PHAG MO'I NGO BO AOm BAm DMAR PO, ,SHAR GYI 'DAB MAR NYI MA LA GSHIN RJE MA'I NGO BO HAm YOm SNGON PO, ,DBANG LDAN DU ZLA BA LA RMONGS BYED MA'I NGO BO HRIm MOm DKAR PO, ,BYANG DU NYI MA LA BSKYOD BYED MA'I NGO BO HRIm HRIm SER PO, ,NUB TU NYI MA LA SKRAG BYED MA'I NGO BO H'Um H'Um LJANG GU, LHO'I 'DAB MAR NYI MA LA GTUM BYED MA'I NGO BO PHAt PHAt DUD KHA RNAMS KYIS MTSAN PAR GYUR, BAR BSAM PA 'AM, YANG NA SNGAGS DE RNAMS LAS LHA SO SOR BSGOM PA'AM, SNGAGS DE RNAMS LAS RDO RJE SOGS PHYAG MTSAN BCU GNYIS YONGS SU GYUR PA LAS LHA RNAMS CHO GA GSUM GYIS BSKYED PA'AM, YANG NA GNAS SO SOR LHA RNAMS SKAD CIG DKRONG BSKYED BYA'O, ,DE YANG YAB RNAMS LA YUM GYIS 'KHYUD PA DANG, YUM RNAMS LA RANG RANG GI YAB KYIS 'KHYUD PA'AM, YANG NA YAB RKYANG PA BSKYED PA RNAMS GANG RUNG BYA'O, ,GO CHA DGOD PA LA'ANG DE BZHIN DU BYA'O, ,LAG PA'I BOL LA ME LONG LA GZUGS BRNYEN SHAR BA LTAR GO CHA'I SNGAGS SAM LHA BCU GNYIS GSAL BAR GYUR, YANG NA 'KHOR LO GSUM GYI LHA TSOGS BSAM MO, ,LAG PA'I SA'I KHAMS NI LTUNG BYED MA, CHU'I KHAMS NI GSOD BYED MA, ME'I KHAMS NI 'GUGS
, ,BYED MA, RLUNG GI KHAMS NI GAR GYI DBANG PHYUG MA, NAM MKHA'I KHAMS NI PADMA'I DRA BA CAN GYI NGO BOR GYUR, PAR BSAMS NAS, LAG PAR GNAS PA'I SA BON GYI YI GE RNAMS LA LAG PA GA-YAS PAS KHU BA'I RDZAS BYIN GYIS BRLABS PA BLANGS NAS LAG PA GA-YON PA'I PHYI NANG KUN TU, AOm A'A: H'Um, BRJOD CING LAN GSUM DU BYUGS LA, DE BZHIN DU CHANG GIS KYANG BYUGS TE, LAG PA DPA' BO DANG RNAL 'BYOR MA RNAMS KYIS BYIN GYIS BRLABS PA'I 'KHOR LO GSUM GYI NGO BOR GYUR, PAR BSAM PA'AM, YANG NA 'KHOR LO LNGA'I LHA TSOGS SU MOS PAR BYA'O, , DE NAS PHYOGS GTZANG MAR KHRU GANG LA SOGS JI TZAM 'TSAM PA'I RGYAL BYI DOR LEGS PAR BYAS NAS, DER LAG PA GA-YON PA GTONG PA 'AM BZHAG LA, ZHAL BZHI BA'I SNGAGS BRJOD, DE NAS BDUD RTZI RIL BU D'I ZHIM PO DANG SBYAR BA'AM, BDUD RTZI LNGA GANG RNYED PA RNAMS NANG MCHOD DANG BA BYUNG LNGA DANG SBYAR LA GA-YON SKOR DU KHYAM MED PAR GRU BZHI'I RNAM PAR BYUGS LA, DE'I DBUS SU LAG PA GA-YON PA BZHAG STE, P'U DZA, AO AA, GO RA, DE MA, K'A AO, ,TRI KO ,KA LA, KA HI, PRE GRi, SOO SU, NA SI, MA GU, AOm P'I TH'A, AU PA P'I TH'A, KshE TRA, AU PA KshA TRA, TZTSAN DO HA, AU P'A TZTSAN DO HA, ME LA KA ,AU PA ME LA KA ,SHMA SH'A NE, AU PA SHMA SH'A NE, ZHES BRJOD NAS, SA GZHI BDE STONG DBYER MED KYI NGO BOR GYUR PA'I GNAS DANG, NYE BA'I GNAS LA SOGS PAS DANG PO LA SOGS PA'I RANG BZHIN DU GYUR, PAR MOS LA, DE NAS LHA GNAS MI 'CHOL BA'I PHYIR DU, RTZA THIG TSUN CHAD JI TZAM 'TSAM PA'I THIG BTAB LA, GTZO BO YAB YUM DANG SNYING PO'I RNAL 'BYOR
MA BZHI'I GNAS SU, DRI BZANG POS THIG LE GRU BZHI PA RE DANG, LHA GZHAN RNAMS KYI GNAS SU ZLUM PO RE BYA STE, AOm A'A: H'Um, BRJOD CING ME TOG GI TSOM BU RE YANG DGOD DO, ,TSOM BU DE DAG LTAR BSGOM PA MA YIN GYI, PHYIS LHA LA ME TOG 'BUL BA'I TSE, GNAS NGES PAR BYA BA'I PHYIR YIN NO, ,DE NAS RANG GI GA-YON NGOS SU THOD PA LA SOGS PA'I SNOD GSUM DU, NAS DANG, 'O MA DANG, ME TOG DKAR PO DANG, RTZVA KU SHA DANG, TIL DANG, BDUD RTZI LNGA DANG, 'BRAS YOS DANG, DRI BZANG PO BTAB PA'I CHU BZHI DANG, NYER SPYOD ROL MO DANG BCAS PA LA SOGS PA'I MCHOD RDZAS RNAMS, 'BRU GSUM DANG, YI GE BDUN PA DANG LAS THAMS CAD PA BRGYA RTZA BRGYAD DAM, LAN BDUN GYIS BSNGAGS LA, RANG GI GA-YON NGOS SNOD GSUM DU CHU BZHI, DE'I MDUN DU BZED ZHAL GSUM DANG BCAS PA BZHAG ,ME TOG LA SOGS PA MDUN SKYED KYI GA-YON NAS 'BUL BA'I RIM PA BZHIN DU BSHAM, RANG GI MDUN DU RDOR DRIL, GA-YAS SU CANG TE'U, GA-YON DU THOD PA CHANG GIS BKANG BA RNAMS BSHAM MO, ,GTOR MA 'BYOR NA, SHA DANG NYA SHA DANG SGOG PA DANG, BTZONG LA SOGS PA DANG BCAS PA'AM, MA 'BYOR NA JI LTAR RNYED PA BSHAM MO, ,DE NAS 'BRU GSUM DANG ZHAL BZHI PA'I SNGAGS BRJOD CING NA MCHOD GTOR BAS BSANG LA CHU BZHI NYER SPYOD ROL MO 'DOD YON RNAMS SGRUB THABS LTAR BYIN GYIS BRLAB, DE NAS MDUN SKYED SGRUB PA LA, SNGA MA BZHIN BSANG, SVA BH'A WAS SBYANG, STONG PA'I NGANG LAS SKAD CIG GIS RLUNG GI DKYIL 'KHOR SNGON PO DBYIBS GZHU LTA BU, GA-YAS GA-YON GNYIS SU RGYAL MTSAN GYIS MTSAN PA, DE'I STENG DU ME'I DKYIL 'KHOR KHA DOG DMAR PO
, ,DBYIBS GRU GSUM PA GRVA GSUM DU RAm GYIS MTSAN PA, DE'I STENG DU CHU'I DKYIL 'KHOR KHA DOG DKAR PO DBYIBS ZLUM PO DBUS SU BUM PAS MTSAN PA, DE'I STENG DU SA'I DKYIL 'KHOR KHA DOG SER PO DBYIBS GRU BZHI PA GRVA BZHIR RDO RJE RTZE GSUM PAS MTSAN PA, DE'I STENG DU RI RAB LHUN PO GRU BZHI PA RIN PO CHE SNA BZHI'I RANG BZHIN CAN STENG GI PHYOGS 'TSAMS SU LCOGS BRGYAD KYIS NYE BAR MDZES PA, DE'I STENG DU SNA TSOGS PADMA, DE'I STENG DU SNA TSOGS RDO RJE, DE'I STENG GI LTE BAR LTE BA DANG TSAD MNYAM PA'I SNA TSOGS PADMA 'DAB MA BRGYAD PA LTE BA DANG GE SAR DANG LDAN PA, PHYOGS BZHI'I 'DAB MA DMAR, ME RLUNG GNYIS SER, BDEN BRAL LJANG, DBANG LDAN NAG ,LTE BA LJANG, GE SAR SER BA, DE'I STENG DU DBYANGS GSAL GYI YI GE RNAMS ME LONG LA GZUGS BRNYAN SHAR BA BZHIN DU SNANG BA'I ZLA BA'I DKYIL 'KHOR DKAR LA DMAR BA'I MDANGS CAN, RANG GI SNYING GNAS H'Um YIG DKAR LA DMAR BA'I MDANGS CAN 'PHROS PA SNA BUG GA-YAS PA NAS 'THON TE, ZLA BA'I DKYIL 'KHOR GYI STENG DU GNAS PAR GYUR, H'Um YIG LAS 'OD ZER 'PHROS PAS, DPAL 'KHOR LO BDE MCHOG GI YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS, H'Um LA THIM, AOm A'A: H'Um, AOm SARBA P'IR YO GI NI KA YA W'A KA TZITTA BADZRA SVA BH'A WA A'A TMU KO NYA HAm, AOm BADZRA SHUDH'A: SARBA DHARMA: BADZRA SHUD DHO NYA HAm, H'Um ZLA BA DANG BCAS PA YONGS SU GYUR PA LAS, DPAL 'KHOR LO SDOM PA'I RTEN DANG BRTEN PAR BCAS PA'I DKYIL 'KHOR DUS GCIG TU GRUB PA NI, ZHES MNGON BYANG LNGA BSKYED BSDUS PAS RTEN BRTEN PA THAMS CAD DUS GCIG TU BSKYED, DE YANG KHANG PA BRTZEGS PA'I GZHAL YAS
KHANG GRU BZHI PA SGO BZHI PA, ZHES PA NAS, 'KHOR GYI LHA THAMS CAD KYI DPRAL BAR RDO RJE'I 'PHRENG BA 'DZIN PA, ZHES RTEN BRTEN PA THAMS CAD SGRUB THABS LTAR GSAL GDAB, LHA THAMS CAD KYI THUGS KAR ZLA BA LA RDOR SEMS KYI NGO BO AOm HA DKAR PO, ,ZHES PA NAS, PHAt PHAt DUNG KHA RNAMS KYIS MTSAN PAR GYUR, CES GO CHA BGE ,PHEEm YE SHES PA'I DKYIL 'KHOR RTEN DANG BRTEN PAR BCAS PA SPYAN DRANGS, KHAntA RO HI ZHES PA NAS, DON GRUB KYIS DBU RGYAN PAR GYUR, ZHES YE SHES PA GZHUG CING DBANG BSKUR RGYAS GDAB RNAMS MDUN SKYED LTAR BYA, BSDU NA GO CHA DANG DBU RGYAN RANG CHAS SU GRUB PAR BSAM, RANG GI THUGS KA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, PAR BSAM LA, DAG CING DRI MED YID 'ONG BA'I, ,ZHES SOGS MDUN SKYED KYI SKABS SU BSHAD PA LTAR, TSIGS BCAD SNGAGS PHYAG RGYA DANG BCAS PAS CHU BZHI, NYER SPYOD ROL MO, RIG MA BCU DRUG ,GDUGS, RGYAL MTSAN, BLA RE, RGYAL SRID SNA BDUN RNAMS DBUL ZHING, NAB MCHOD, GSANG MCHOD, DE KHO NA NYID KYI MCHOD PA YANG DBUL, DE NAS LAG PA GA-YON PAS DKYIL 'KHOR GYI DBUS SU, AOm A'A: H'Um, ZHES GTZO BO YAB YUM GNYIS LA ME TOG DBUL, KHA CIG SPYIR ME TOG DBUL ZHES GSUNG NGO, ,DE NAS GTZO BO YAB YUM GYI SNYING PO DANG, NYE SNYING GI ME TOG DBUL LO, ,DE NAS MKHA' 'GRO MA NAS BZUNG STE, GSHIN RJE 'JOMS MA'I BAR LA PHYOGS GA-YON SKOR DANG MTSAMS GA-YAS SKOR GYIS LHA RANG RANG GI GNAS SU, AOm t'A KI N'I YE H'Um H'Um PHAt, ZHES PA NAS, AOm YA RA MA TH'A NI H'Um H'Um PHAt, CES PA'I BAR LHA RANG RANG GI SNGAGS KYIS ME TOG DBUL LO, ,DE NAS
, ,LAG PA LA BKOD PA'I LHA RNAMS LA, AOm HA, ZHES SOGS BRJOD CING LHA RANG RANG GI GNAS SU LAG PA GA-YAS PA'I ME TOG DBUL LO, ,LAG PA'I BOL LA LHA RDZOGS PAR BKOD PA YIN NA, AOm H'Um BAm Ri R'i Li ? L'i, KAm KHAm ZHES PA NAS, SHAm shAm SAm HAm H'Um H'Um PHAt, ZHES PA'I BAR GYI MA YIG DOR BA RNAMS BRJOD LA ME TOG DBUL LO, ,DE NAS LAG PA GA-YON PAS ME TOG BZUNG RKANG BRGYAD KYI SNGAGS BRJOD PA SNGON DU 'GRO BAS DKYIL 'KHOR GYI DBUS SU ME TOG GTOR LA, GA-YON PA'I DKUR PHYAG RGYA BCAS NAS GA-YAS GA-YON GYI DPUNG MA GOR ? PAD KOR BYAS TE, MGO BOR THAL MO SBYAR NAS 'DUD PA'I TSUL BYAS PAS, LAG PA'I LHA'I 'KHOR LO BDAG NYID LA GZHUG PAR BYA'O, ,DE NAS SNGAGS MCHOD, BSTOD PA, RGYUN BSHAGS, ,THUN MONG DANG THUN MO MA YIN PA'I SDUM BZUNG, GTOR 'BUL, BZLAS PA, DNGOS GRUB ZHU BA'I GSOL GDAB DPYID KYI RGYAL MO'I GLU, CHAD LHAG GI NYES PA ZHI BAR BYA BA'I YIG BRGYA, BZOD GSOL, 'DOD GSOL SMON LAM GDAB PA RNAMS BYA, DE NAS GSHEGS SU GSOL BA NI, AOm YO GA SHUDDH'A: SARBA DHARM'A: YOGA SHUDDHO NYA HAm, ZHES BRJOD CING RNAM LNGA 'DOD PA'I PHYOGS SU BSKOR BA BYAS LA MTHAR 'KHYUD PA'I TSUL BYAS NAS, AOm BADZRA MU: ZHES SE GOL GDAB CING, SRIN LAG GNYIS MAndAL GYI TSOM BU LA REG LA, DKYIL 'KHOR GYI LHA RNAMS ZHU NAS H'Um DU GYUR TE, RANG GI SNA BUG GA-YON NAS ZHUGS, SNYING KA'I H'Um YIG L THIM PAR GYUR, PAR BSAM, DE NAS DKYIL 'KHOR GYI TSOM BU RNAMS DBUS SU BSDUS NAS, AOm A'A: H'Um, ZHES BZLAS PA'I CHU GTZANG MAS RI MO RNAMS BSUBS LA RJES MI MNGON PAR BYA'O, ,
DE NAS SHIS BRJOD BYA TSUL NI, RAB YANGS NAM MKHA'I TIL GYI GANG BU BZHIN, ,ZHES PA NAS, DGE LEGS RGYUN MI 'CHAD PA'I BKRA SHIS SHOG ,CES PA'I BAR BRJOD CING ME TOG GI CHAR DBANG BAR BYA'O, ,GNYIS PA LAG MCHOD NI, ZAS LA LONGS SPYOD PA'I TSE SPYI DANG, KHYAD PAR DU TSOGS KYI 'KHOR LO SOGS DANG, YAR NGO MAR NGO'I TSES BCU LA LAG MCHOD BYED PAR GSUNGS PAS DE'I TSUL NI, DPAL 'KHOR LO SDOM PA'I RNAL 'BYOR DANG LDAN PAS ME TOG LA SOGS PA'I PHYI MCHOD DANG, SHA CHANG SOGS GONG BU DANG, KHU BA'I RDZAS CI 'BYOR BA RNAMS BYIN GYIS BRLAB, KHYAD PAR SHA CHANG SOGS KYI BZA' BTUNG RNAMS GTOR MA LTAR BYIN GYIS BRLABS TE MDUN DU BZHAG ,LAG PA GA-YAS PA'I 'THEB SRIN GYIS NANG MCHOD, AOm A'A: H'Um, ZHES BRJOD CING, GA-YON PA LA BSANG GTOR BYAS LA, LAG PA MNYE BAR BYA'O, ,ZHES PA NAS, LAG PA DPA' BO DANG RNAL 'BYOR MA RNAMS KYIS BYIN GYIS BRLAB PA'I 'KHOR LO GSUM GYI LHA'I NGO BOR GYUR, PAR BSAM, YANG NA 'KHOR LO LNGA'I LHA TSOGS SU MOS PAR BYA'O, ,ZHES PA'I BAR SNGAR LAG PA SBYANG BA'I SKABS LTAR BYAS PA'I RJES SU, AOm A'A: H'Um, ZHES DANG, RKANG BRGYAD KYI SNGAGS BRJOD CING, 'KHU BA'I RDZAS THUG PA DANG, ZHO LA SOGS PA LAG PA GA-YAS PAS GA-YON PA'I STENG DU BZHAG LA DBUL, DE BZHIN DU SHA DANG ZAN LA SOGS PA GONG BU'I RDZAS RNAMS KYANG, LAG PA'I LHA LA DBUL, DE NAS, AOm HA AOm A'A: H'Um, ZHES SOGS GO CHA'I SNGAGS LA 'BRU GSUM BTAGS PA BRJOD LA CHANG GIS KYANG
, ,MCHOD DO, ,DE NAS YAB KYI GO CHA LA GA-YAS SKOR DANG, YUM GYI GO CHA LA GA-YON SKOR DANG, 'KHOR LO'I LHA LA PHYOGS GA-YON DANG, MTSAMS GA-YAS SKOR GYIS PHUL NAS, NYER SPYOD RIG MA BCU DRUG GIS KYANG MCHOD LA, RKANG BRGYAD SOGS KYIS BSTOD NAS LHAG CHAD KYI NYES PA ZHI BA'I PHYIR HE RU KA'I YIG BRGYA BRJOD LA, TSOGS DANG 'BREL NA DE BYIN GYIS BRLABS PA'I DON DANG, SKABS GZHAN YIN NA SKABS DANG MTHUN PAR, 'DOD DON LA GSOL BA GDAB BO, ,LAG PA LA MCHOD PA'I RDZAS DE RNAMS PHYED NI TSOGS KYI BZA' BTUNG NGAM, RANG ZA BA'I BZA' BTUNG LA BSRE ZHING, PHYED NI SNOD GZHAN ZHIG TU BCUG STE BZHAG PAR BYA'O, ,PHYI MA LTAR BYAS NA LONGS SPYOD 'PHEL BA'I RTEN 'BREL YOD PAR BLA MA KHA CIG BZHED DO, ,DE NAS LAG PA GA-YON PA LA GOS PA'I RDZAS GA-YAS PAS BSDUS TE GA-YON PA'I LAG MTHIL DU BZHAG ,DE NAS GA-YON PA'I 'THEB SRIN GYIS BZUNG NAS, AOm A'A: H'Um, ZHES RIM PA BZHIN SNYING KHA DANG, LCE DANG, MGO BOR BYUGS TE PAD KOR BYAS NAS MGO BOR BZHAG LA, AOm YO GA SHUDDHA: ZHES SOGS BRJOD PAS LAG PA'I LHA RNAMS SPYI BO NAS BDAG NYID LA GZHUG PAR BYA'O, LAG PA LA GOS PA'I RDZAS LHAG MA RNAMS LAG PA PHAN TSUN MNYES LA MGO DANG YAN LAG RNAMS LA BYUGS NA BSRUNG BA'I MCHOG TU 'GYUR RO ZHES GSUNGS, CES DPAL 'KHOR LO BDE MCHOG GI RAS BRIS LA BRTEN PA'I MDUN SKYED SGRUB MCHOD BYA TSUL DANG, PHYI ROL MCHOD PA LAG MCHOD DANG BCAS PA'I NGAG 'DON GO BDE BAR BSGRIGS PA BDE CHEN CHAR 'BEBS ZHES BYA BA 'DI NI, DKYIL CHOG BDE CHEN ROL MTSO LAS RDUL TSON GYI DKYIL 'KHOR SGRUB TSUL BSHAD KYANG RAS BRIS LA BRTEN PA'I DKYIL 'KHOR SGRUB TSUL MI GSAL BAS RANG NYID KYI BRJED BYAD DANG SKAL MNYAM GZHAN LA'ANG PHAN 'DOD KYIS BSAM PAS RGYAL KHAMS SU 'KHYAMS PA'I
GYIN PA NGAG DBANG BLO BZANG CHOS LDAN ZHES BGYI BAS, 'JAM DBYANGS GONG MA'I RGYAL KHAB PE'I CING GI BOD CHOS LHA KHANG DU GRAGS PAR BSGRIGS PA'I YI GE PA NI GZHUNG LUGS RAB 'BYAMS LA BLO GROS YANGS PA'I RAB 'BYAMS SMRA BA BLO BZANG NYI MA'O, ,'DIS KYANG RGYAL BA BLO BZANG GRAGS PA'I BSTAN PA RIN PO CHE PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG , ,,