*, ,(DPAL GSANG BAS DUS PA'I RAS BRIS DANG BSAM GTAN GYI DKYIL 'KHOR SGRUB ? BYE TSUL GYI CHOG SGRIG DNGOS GRUB MCHOD BYA TSUL GYI CHOG SGRIG DNGOS GRUB CHAR 'BEBS ZHES BYA BA BZHUGS SO),, ,, *, ,BLA MA DANG DPAL RDO RJE SEMS DPA' DBYER MA MCHIS PA'I ZHABS LA GUS PAS PHYAG 'TSAL ZHING SKYABS SU MCHI'O, ,BRTZE BA CHEN POS DUS DANG GNAS SKABS THAMS CAD DU RJES SU GZUNG DU GSOL, 'DIR DPAL GSANG BA 'DUS
, ,PA'I MDUN SKYENG SGRUB MCHOD KYI NGAG 'DON BYA TSUL BSGRIG PA LA, SPYIR 'DUS PA'I MDUN SKYED KYI DKYIL 'KHOR SGRUB PA LA RDUL TSON GYI DKYIL 'KHOR, RAS BRIS KYI DKYIL 'KHOR, BSAM GTAN GYI DKYIL 'KHOR SGRUB TSUL GSUM LAS DANG PO NI 'DUS PA'I DKYIL CHOG DBANG DON DE NYID RAB GSAL DANG, DE'I LHAN THABS MKHAS GRUB THAMS CAD MKHYEN PAS MDZAD PA SOGS LAS SHES PAR BYA, GNYIS PA NI RAS BRIS KYI DKYIL 'KHOR BZHENG PA'I TSE THOG MAR THIG 'DEBS DUS NAS THIG CHOG NAS BSHAD TSOD LTAR 'DEBS PA DANG, TSON 'GYED PA'I TSE TSON CHOG NAS BSHAD PA LTAR TSON BYIN RLABS SOGS BYAS NAS 'GYED PA'AM, DANG PO NAS DE LTAR MA BYUNG KYANG BRIS TSAR NAS BRIS TSAR NAS THIG BYIN RLABS DANG 'DEBS TSUL BYED PA SOGS KYI BYIN RLABS LAN GCIG BYAS TE DE PHYIN DKYIL 'KHOR SGRUB MCHOD SOGS BYA DGOS PAR RJE BDAG NYID CHEN PO DANG MKHAS GRUB THAMS CAD MKHYEN PA'I ZHAL SLOB MKHAS PA'I DBANG PO ZHANG ZHUNG PA CHOS DBANG GRAGS PA'I RAS BRIS KYI YIG CHUNG SOGS LAS BSHAD PA LTAR BYAS NA SHIN TU LEGS SHING BYA DGOS PAR RJE BDAG NYID CHEN PO'I LEGS BSHAD SKYED RIM 'DOD 'JO SOGS LAS BSHAD PAS DE DAG GI LAG LEN BYA TSUL ZHANG ZHUNG PA'I MAN NGAG YIG CHUNG DANG DKYIL CHOG SOGS LAS SHES PAR BYA, 'DIR RAS BRIS DANG BSAM GTAN GYI DKYIL 'KHOR SGRUB MCHOD BYA TSUL 'GOD PA LA DANG PO NI, STEGS JI LTAR 'TSAMS PA KHEB BZANG POS GA-YOGS BA'I STENG DU RAS BRIS KYI DKYIL 'KHOR BKRAM, DKYIL 'KHOR GYI GA-YAS PHYOGS NAS MGO BRTZAMS TE ME TOG BDUG SPOS MAR ME DRI CHAB ZHAL ZAS DANG BCAS PA'I NYER SPYOD LNGA LHA GRANGS DANG MNYAM PA'AM MA 'BYOR NA
NYUNG MTHA' TSAR BCU LAS MI NYUNG BAS MTHA' BSKOR, MDUN PHYOGS SU DKYIL 'KHOR BA, PHYOGS SKYONG, CHOS SKYONG DANG BCAS PA'I GTOR MA GSUM MAM SNGA MA GNYIS KYI GTOR MA GNYIS BSHAM, RANG GI MDUN DU RDOR DRIL NANG MCHOD CHU BZHI'I SNOD GSUM, DE'I PHA ROL TU BZED ZHAL GSUM RNAMS MANYDZI'I STENG DU BSHAM, SGRUB PA PO RNAMS KYIS BDAG SKYED TING 'DZIN RNAMS GSUM MCHOD BSTOD DANG BCAS PA RDZOGS PA'I MTHAR RTEN RTEN PA'I DKYIL 'KHOR LUS LA BSDUS TE, RANG BRIS PA'I DKYIL 'KHOR GYI DBUS SU ZHUGS PAR MOS PA'I NGANG NAS, AOm A'A: BIGHN'A NTA KRI TA H'Um, DANG BUM PA BSGRUB NA LAS BUM DANG MA BSGRUB NA NANG MCHOD KYIS BSANGS, AOm SH'U N+YA T'A, ZHES PA NAS, A'A TAMA KO HAm, STONG PA NYID DU GYUR, STONG PA'I NGANG LAS SKAD CIG GIS RDO RJE'I SA GZHIR BA, ZHES PA NAS; BYANG PHYOGS PA RNAMS LA SNA TSOGS RDO RJE'I GDAN, GDAN DE RNAMS KYI STENG DU AOm A'A: H'Um H'Um, AOm A'A: AOm H'Um, ZHES PA NAS, AOm A'A: H'Um H'Um BCU RNAMS SU GYUR, DE RNAMS YONGS SU GYUR PA LAS; RDO RJE, 'KHOR LO, RIN PO CHE, PADMA, RAL GRI, SPYAN, RDO RJE, PADMA, AUTPAL, ME LONG DMAR PO, ,PI WANG SNGON PO, ,DRI'I DUNG CHOS, RO'I SNOD, KLU SHING GI ME TOG SDONG PO DANG BCAS PA 'KHOR LOS MTSAN PA, 'KHOR LO, ,RIN PO CHE GNYIS, PADMA GNYIS, RAL GRI GNYIS, THO BA, RDO RJE MTSAN PA'I DBYUG PA, PADMA, SNA TSOGS RDO RJE, RAL GRI,, ZHAGS PA, RAL GRI DANG RAL GRI, GTZUG TOR GYI MTSAN MA DANG ZHAGS PA, MTSAN MA 'GOD TSUL 'DI NI, RDUL TSON GYI DKYIL 'KHOR LA MTSAN MA'I PHYAG RGYA 'GOD NA 'DI LTAR 'GOD PAR RGYUD LAS
, ,GSUNGS PA LTAR, DBANG DON RAB GSAL DU RDUL TSON LA 'DI LTAR 'GOD PA DANG, SGRUB PA'I TSE YANG RANG RANG GI SA BON 'BRU GSUM DANG SPEL BA LAS BKOD PA'I MTSAN MA SO SO DANG DE LAS RANG RANG GI LHA SKU SO SOR SKYED PAR GSUNG GI RAS BRIS LA PHYAG RGYA CHEN PO LHA SKU'I MTSAN MA BKOD PA SHAS CHE ZHING SGRUB PA'I TSE SA BON LAS PHYAG MTSAN 'DI BZHIN DANG, DE LAS LHA SKUR SKYED PAR GSUNGS PA'I GSAL KA MA MTHONG YANG DBANG DON RAB GSAL DU, SGRUB THABS KYI RNAL 'BYOR GANG DANG LDAN PAS DKYIL 'KHOR SGRUB PA'I TSUL DE NI RAS BRIS KYI CHO GA LA YANG BYA STE, BSAM GTAN GYI CHO GA LA 'ANG, CI RIGS PAR SHES PAR BYA'O, ,ZHES GSUNGS PA'I DON DU BSAM NAS 'DI BZHIN BYED NGA MANG BAR SNANG, 'ON KYANG RJE 'DUL 'DZIN PAS MDZAD PA'I 'DUS PA'I BSAM GTAN SGRUB MCHOD KYI CHO GA LAS 'DIR LHA RANG RANG GI SA BON YI GE GSUM DANG SPEL BA LAS SGRUB THABS KYI DKYIL 'KHOR RGYAL MCHOG GI SKABS KYI PHYAG MTSAN 'GOD TSUL LTAR SKYED PAR BSHAD PAS, BLO GROS DANG LDAN PA RNAMS GYIS YID CHES PA'I KHUNGS GSAL BO BTZAL ZHING RNAM DPYOD KYIS DPYAD PAR BYA'O, ,DE RNAMS YONGS SU GYUR PA LAS RIM GYIS LHA SUM CU RTZA GCIG TU GYUR PA NI, DBUS KYI GDAN LA RANG NYID MI BSKYOD BA ZHI BA MTHING NAG MI BSKYOD PA'I DBU RGYAN CAN, SNGO DKAR DMAR BA'I ZHES PA NAS, DPE BYAD BZANG PO BRGYAD CUS BRGYAN PA, RANG GI SNYING GA NAS RANG RIG GYI RIG MA PHYUNG, AOm SH'U N+YA T'A, ZHES PA NAS, HA RIG MA STONG PA NYID DU GYUR, STONG PA'I NGANG LAS AOm A'A: KHAm H'Um LAS KHA DOG SNA TSOGS PA'I GOS, DE YONGS SU GYUR BA LAS REG BYA RDO RJE MA SNGON MO MI BSKYOD PA'I
DBU RGYAN CAN, SNGO DKAR DMAR BA'Ix ZHES PA NAS, SHAM THABS 'PHYAR BA, 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, SHAR DU RNAM SNANG DKAR PO MI BSKYOD PA'I DBU RGYAN CAN, ZHES PA NAS, GDUG PA CAN THAMS CAD TSAD GCOD PA'I TSUL GYIS BZHUGS PAR GYUR, ZHES PA'I BAR SGRUB THABS JI LTAR BA BZHIN NO, , YUM GYI SPYI GTZUG NAS SKRA MTSAMS KYI BAR DU AOm DKAR PO YONGS SU GYUR PA LAS RNAM SNANG DKAR PO MI BSKYOD PA'I DBU RGYAN CAN, DKAR NAG DMAR BA'I ZHES PA NAS, LTE BA NAS BRLA'I RTZA BA'I BAR DU H'A LJANG GU YONGS SU GYUR PA LAS, DON GRUB LJANG GU, ZHES PA NAS, NOR BU 'DZIN PA, YAB KYI GSANG GNAS MI DMIGS PA'I NGANG LAS, ZHES PA NAS, BU GA YI GE PHAt SER POS BKAG PA, RDO RJE DANG PADMA'I NANG 'OD ZER RNAM PA LNGAS GANG BAR GYUR, H'Um SNYOMS PAR 'JUG PA'I LAS LA GNAS PAR BYAS PAS BYANG CHUB KYI SEMS ZHU BA RDO RJE'I LAM NAS YUM GYI PADMAR ZHUGS PA'I THIG LE CHA SUM CU RTZA GNYIS SU GYUR, DE RNAMS YONGS SU GYUR PA LAS, AOm A'A: H'Um H'Um, AOm A'A: KHAm H'Um, ZHES PA NAS, AOm A'A: H'Um H'Um BCU RNAMS SU GYUR, DE RNAMS YONGS SU GYUR PA LAS; RDO RJE DANG RDO RJE, 'KHOR LO, RIN PO CHE, PADMA, SNA TSOGS RDO RJE, 'KHOR LO, RDO RJE, AUTPA LA ZHES PA NAS, RDO RJE DANG RDO RJE, DE RNAMS YONGS SU GYUR PA LAS, RIM GYIS LHA SUM CU RTZA GNYIS SU GYUR PA NI, DBUS SU RANG NYID MI BSKYOD PA ZHES PA NAS, SHAR LHOR RANG NYID GZUGS RDO RJE MA DKAR MO, ,ZHES PA NAS, SHAR DU RANG NYID BYAMS PA DANG, SA SNYING
, ,DKAR PO ZHES PA NAS, SHAR DU RANG NYID GSHIN RJE GSHED CES PA NAS, GDUG PA CAN THAMS CAD TSAR GCOD PA'I TSUL GYIS BZHUGS PAR GYUR, MI BSKYOD PA RANG GI THUGS KAR DRANGS, BADZRA DHRI KA THUGS KA NAS PHYIR PHYUNG, PHYOGS BCUR 'PHROS, CHOS 'KHOR BSKOR BA LA SOGS PA'I SANGS RGYAS KYI MDZAD PA MDZAD, KHYAD PAR DU YANG SEMS CAN ZHE SDANG CAN RNAMS KYI ZHE SDANG SBYANGS, MI BSKYOD PA'I GO 'PHANG LA BKOD, SPRUL PA RNAMS GCIG DU 'DUS, ZHES PA NAS, GNOD MDZES RGYAL PO RANG GI THUGS KAR DRANGS, SUMBHA R'A DZA THUGS KA NAS PHYIR PHYUNG, PHYOGS BCUR 'PHROS, BRTAN PA DANG GA-YO BA'I DUG DANG KLU DANG SA BDAG GI GDON BCOM, SPRUL PA RNAMS GCIG TU 'DUS, DE THAMS CAD KYANG RANG RANG GI SANGS RGYAS KYI ZHING DU GSHEGS TE, RANG RANG GI YE SHES PA DANG GCIG TU GYUR NAS MCHOG TU DGA' BA'I SKU DANG LDAN PAS SLAR 'BYON PAR BZHED PA'I SGO NAS BZHUGS PAR GYUR, RANG DANG RANG 'DRA BA'I YE SHES PA'I THUGS KAR SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU 'DZIN PAS RANG SNANG GI SHES RAB MA LA 'KHYUD PA, DE'I THUGS KHAR ZLA BA'I GDAN LA RDO RJE SNGON PO RTZAm LNGA PA'I LTE BA'I NANG DU TING NGE 'DZIN SEMS DPA' H'Um YIG SNGON PO, ,DAM TSIG PA DANG YE SHES PA'I LHA GZHAN RNAMS KYI THUGS KAR ZLA BA'I GDAN LA RANG RANG DANG 'DRA BA'I YE SHES SEMS DPA' ZHAL GCIG PHYAG GNYIS PA RE RE, YE SHES SEMS DPA' DE RNAMS KYI THUGS KAR ZLA BA'I GDAN LA, RDO RJE, 'KHOR LO, RIN PO CHE, ZHES PA NAS, RDO RJE DANG RDO RJE, DE RNAMS
KYI DBUS SU TING NGE 'DZIN SEMS DPA' KHAm AOm SV'A A'A: H'A, DZA: H'Um BAm HO: MIm THL'Im AOm AOm, AOm H'Um AOm SAm, H'Um BCU RNAMS 'OD ZER GYI PHUNG PO CHEN PO DANG BCAS PAR GYUR, RANG DANG DAM TSIG PA'I LHA GZHAN RNAMS KYI THUGS KA'I TING NGE 'DZIN SEMS DPA'I 'OD ZER LCAGS KYU LTA BU 'PHROS PA RNAMS GCIG TU GYUR PAS YE SHES SEMS DPA' SUM BRTZEGS CAN RNAMS KYI THUGS KAR BTAB PAS BSKUL BA'I 'OG TU RANG GI THUGS KA'I H'Um LAS 'OD ZER 'PHROS PAS GNOD MDZES BKUG NAS MDUN DU BKA' NOD PA LA RGYAL BA RNAMS 'BYON PAR BSKUL ZHIG ,CES BKA' BSGOS PAS DES RANG RANG DANG 'DRA BA'I YE SHES PA RNAMS SPYAN DRANGS SHING, DE RNAMS KYANG RANG RANG GI DAM TSIG PA SO SO LA THIM PAS RANG MI BSKYOD PA ZHI BA DE YONGS SU GYUR PA LAS ZHE SDANG RDO RJE SKU MDOG MTHING NAG ;NAG DKAR DMAR BA'I ZHAL GSUM PHYAG DRUG GI GA-YAS RDO RJE RTZE DGU PA 'KHOR LO PADMA, GA-YON DRIL BU RIN CHEN RAL GRI 'DZIN PA, 'OD DMAR PO 'BAR ZHING 'KHRUG PA'I DBUS NA RDO RJE'I SKYIL MO KRUNG GIS BZHUGS PAR GYUR, AE HYE HI BHA GA WA NA SA MA YA MA NU SMA RA TI shthA TI shthA MA NU SMA RA SMA RA AOm A'A: H'Um SV'A H'A, LAN GSUM, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS 'OG MIN GYI RGYAL BA RNAMS SPYAN DRANGS TE MDUN GYI NAM MKHA' LA BZHUGS PAR GYUR, AOm SARBA TA TH'A GA TA R'U BA P'U DZA ZHES PA NAS, SBARSHA P'U DZA ME GHA SA MU TRA SPA RA nA SA MA YA SHRI YE A'A: H'Um, RNGOR DRIL 'DZIN PAS, MA LUS 'GRO BA'I RANG BZHIN MNGON DU MDZAD, ,MI BZAD BDUD KYI DPUNG GIS PHYAG BYAS PA, ,RANG BYUNG MTHA' YAS 'GRO BA'I RANG BZHIN TE, ,SEMS CAN SNYING PO GCIG
, ,GYUR 'DIR GSHEGS SHIG ,LAN GSUM, LAG PA GA-YAS PA STENG DU BYAS TE LAG NGAR GNYIS BSNOL, 'DZUB MO GNYIS DPUNG MGO'I THAD DU LCAGS KYU LTAR BYA, MTHE BONG DANG GUNG MO GNYIS KYIS SE GOL GDAB, SLAR YANG GA-YAS 'OG TU BYAS SE GOL DE LTAR GTOG PA, RDO RJE BSDU BA'I PHYAG RGYA BYAS TE, AOm BADZRA SA M'A YA DZA: DZA: DZA: DZA: DZA: H'Um BAm HO: YE SHES PA RNAMS RANG RANG GI DAM TSIG PA DANG GNYIS SU MED PAR GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYI BYANG CHUB KYI SEMS KYI CHU RGYUN GYIS LHA SO SOL DBANG BSKUR BAR GYUR, RANG NYID GTZO BO LAS MAR ME GCIG LAS GNYIS CHAD KYI TSUL DU PHYE NAS DKYIL 'KHOR GYI SHAR SGO'I THAD KYI PHYI ROL DU MCHOD PA'I LAS LA GNAS PAR GYUR, DE NAS CHU BZHI NYER SPYOD ROL MO 'DOD YON RNAMS SGRUBS THABS LTAR BYIN GYIS BRLABS LA DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD ? BAS 'BUL LAGS KYIS, ,BZHES NAS BDAG LA BKA' DRIN STZOL, ,AOm A'A: HR'I: PRA WA RA SAD KA RAm AA RGHAm PRA T'I TZTSA H'Um SV'A H'A, DE BZHIN DU, ZHABS BSIL MCHOG 'DI DAG ,ZHAL BSIL MCHOG 'DI DAG ,BSANG GTOR MCHOG 'DI DAG ,CES SBYAR BA'I TSIG BCAD KYI MTHAR, RIM BZHIN, P'A TYAm, A'A NYTZA MA nAm, PRO KshA nAm PRA T'I TZTSA H'Um SV'A H'A, ZHES PA GSUM SBYAR NAS LHA THAMS CAD LA THUN MONG DU CHU BZHI TSAR GCIG DBUL ZHING SNGAGS KYI TSE PAD SKOR SNGON DU 'GRO BA'I LAG PAS MCHOD YON GYI SNOD BZUNG NAS BZED ZHAL DU LDUG PA MCHOD YON DANG, PAD SKOR SNGON DU 'GRO BA'I KHU TSUR GNYIS KYIS ZHABS BSIL GYI SNOD NAS CHU DANG
BCAS PA'I ME TOG 'THEB 'DZUB KYIS BLANGS TE BZED ZHAL DU 'DZUB MO NAS RIM GYIS DGROL BAS ZHABS BSIL DANG, YANG SNGA MA LTAR BYAS TE ZHAL BSIL GYI SNOD NAS CHU DANG BCAS PA'I ME TOG BLANGS TE BZED ZHAL DU MTHE'U CHUNG NAS RIM GYIS DGROL BAS ZHAL BSIL DANG, BSANG GTOR GYI SNOD NAS KU SHA'I RTZE MOS CHU BLANGS TE BZED ZHAL GSUM PAR BSANG GTOR BYED PA BSANG GTOR GYI PHYAG RGYA BCA'; DE YANG GCIG GIS DNGOS SU DE LTAR BYA ZHING GZHAN MA RNAMS KYIS LAG PA'I PHYAG RGYA BCA'O, ,DE NAS RGYAS PAR BYED NA LHA RE RE LA ME TOG LA SOGS PA'I MCHOD PA THAMS CAD TSAR RE DBUL , SDE TSAN DU BSDUS NAS 'BUL NA GTZO BO YAB YUM DANG DE BZHIN GSHEGS PA BZHI SDE TSAN GCIG ,LHA MO BRGYAD DE TSAN GCIG ,SEMS DPA' BRGYAD SDE TSAN GCIG ,KHRO BO BCU SDE TSAN GCIG STE SDE TSAN RE RE LA PHYI NANG GI NYER SPYOD LNGA LNGA, PHYI NANG GI 'DOD YON LNGA LNGA, RIN CHEN SNA BDUN, NANG MCHOD, BDUD RTZI LNGA RNAMS TSAD MA RE DBUL BAR BYA ZHING SDE TSAN DANG PO LA SBYAR NA, LHA YI ME TOG DAM PA 'DI, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON POS MCHOD PA 'DI BZHES SHIG ,AOm A'A: BADZRA DHRIKA ,SPARSHA BADZRA , DZI NA DZI KA ,RATNA DHRI KA ,A'A RO LIG ,PRA DZNY'A DHRIKA PU shPAm PRA T'I TZTSA H'Um SV'A H'A, ZHES PA NAS, DE BZHIN DU SBYAR TE, LHA YI SIL SNYAN DAM PA 'DI, ,ZHES PA NAS, MGON POS MCHOD PA 'DI BZHES SHIG ,AOm A'A: BADZRA DHRIKA CES PA NAS, PRA DZNY'A DHRIKA SHAPTA PRA T'I TZTSA H'Um SV'A H'A, ZHES PHYI'I NYER SPYOD ROL MO DANG BCAS PA RNAMS PAD SGOR SNGON DU 'GRO BA'I KHU TSUR GNYIS KYIS ME TOG 'THOR BA'I
, ,TSUL DANG, KHU TSUR GNYIS KYI MTHE'U CHUNG NAS DGROL BA BDUG BA LDUG PA'I TSUL DANG, KHU TSUR GNYIS KYI MTHE BONG BSGRENG BA MAR ME SBAR BA'I TSUL DANG, THAL MO GNYIS PHYIR BSTAN TE DRI BZANG BYUG PA'I TSUL DANG, THAL MO GNYIS GYEN DU BZED PA ZHAL ZAS DA LTAB PA'I TSUL DANG, LAG PA GNYIS KYIS ROL MO DKROL BA'I TSUL GYI PHYAG RGYA DANG BCAS PAS DBUL, GSANG BA'I 'KHOR LOR AINDRA N'I LA LTAR, ,SHIN TU SNGO BA'I RDO RJE'I BUNG BA YIS, ,BSKYOD PA'I PADMO LAS 'ONGS ME TOG DMAR, ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: BADZRA DHRI KA , CES PA NAS, PRA DZNY'A DHRI KA BUshPAm PRA T'I TZTSA H'Um SV'A H'A, SPRUL PA'I 'KHOR LO GTUM MO'I MES BSREGS PAS, ,YID 'ONG DRI YI NGAD LDANG GA BUR SPOS, ,NYAMS SU MYONG BAS YID RAB TSIM BYED PA, , MI BSKYOD RDO RJE'I LHA TSOGS MNYES PHYIR 'BUL, ,AOm A'A: BADZRA DHRI KA CES PA NAS, PRA DZNY'A DHRI KA DH'U PE PRA T'I TZTSA H'Um SV'A H'A, CHOS KYI 'KHOR LO'I DBUS NA BDE BA'I DNGOS, ,H'Um YIG NYI MA GSAL BA'I 'OD ZER CAN, ,MI SHES MUN 'JOMS SNGAGS KYI MAR ME MCHOG ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRIKA A'A LO KE PRA T'I TZTSA H'Um SV'A H'A, BDE CHEN 'KHOR LO'I DBUS NA LEGS GNAS PA, ,KUNDA LTAR DKAR DRI YI BYUG PA YIS, ,LUS KUN KHYAB PAS BDE BA'I MCHOG STENG BA, ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS; PRA DZNY'A DHRI KA GANDHE PRA T'I TZTSA H'Um SV'A H'A, RMI LAM YUL LA ROL PA JI BZHIN DU, ,GANG GANG DBANG PO'I LAM NAS BYUNG NAS NI, ,DE DANG DE YI YUL LA LONGS SPYOD ZAS, ,MI BSKYOD RDO RJE'I LHA
TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRI KA NE WI DYA PRA T'I TZTSA H'Um SV'A H'A, SNYOMS 'JUG DGA' BA'I ROL PA LAS BYUNG BA'I, MI SHIGS YI GE MCHOG GI ROL MO'I SGRA, , A'A LI K'A LI'I GDANGS SU SHAR PA RNAMS, ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRIKA SHAPTA BRA T'I TZTSA H'Um SV'A H'A, ZHES NANG GI NYER SPYOD DANG ROL MO LAG PA'I PHYAG RGYA MED PAR DBUL, RIN CHEN DBANG GI RGYAL PO BEE d'URYA, ,SNGON PO LA SOGS KHA DOG DBYIBS KYI GZUGS, ,RNAM GSUM GZUGS KYI RDO RJE MAR BYAS NAS, ,DKYIL 'KHOR LHA YI SPYAN LA DBUL BAR BYA, ,AOm A'A: ZHES PA NAS, PRA DZNY'A DHRI KA R'U PA PRA T'I TZTSA H'Um SV'A H'A, MA ZIN 'BYUNG BA'I TSOGS PA LAS BYUNG BA'I, ,BRJOD BRAL DBYANGS LA SOGS PA SGRA YI TSOGS, ,RNAM GSUM SGRA YI RDO RJE MAR BYAS NAS, ,DKYIL 'KHOR LHA YI SNYAN LA DBUL BAR BYA, ,AOm A'A: ZHES PA NAS, PRA DZNY'A DHRIKA SHAPTA PRA T'I TZTSA H'Um SV'A H'A, GA BUR AA KAR DZ'A TI LA SOGS PA, ,LEGS BAR SBYAR LAS BYUNG BA DRI YI TSOGS, ,RNAM GSUM DRI YI RDO RJE MAR BYAS NAS, ,DKYIL 'KHOR LHA YI SHANGS LA DBUL BAR BYA, ,AOm A'A: ZHES PA NAS, PRA DZNY'A DHRIKA GANDHE BRA T'I TZTSA H'Um S'A H'A, LUS MCHOG RTAS BYED BDUD RTZI'I ZAS SOGS KYI, ,MNGAR SGYUR KHA DANG BSKAL SOGS PA'I RO, ,RNAM GSUM RO YI RDO RJE MAR BYAS NAS, ,DKYIL 'KHOR LHA YI LJAGS LA DBUL BAR BYA, ,AOm A'A: ZHES PA NAS; PRA DZNY'A DHRIKA RA SA PRA T'I TZTSA H'Um SV'A H'A, LUS LA REG PA TZAM GYIS BDE STER BA, ,DPAG BSAM GOS LA SOGS PA REG BYA'I TSOGS, ,RNAM GSUM REG BYA'I RDO RJE MAR BYAS NAS, ,DKYIL
, ,'KHOR LHA'I SKU LA DBUL BAR BYA, ,AOm A'A: ZHES PA NAS, PRA DZNY'A DHRIKA SPARSHA PRA T'I TZTSA H'Um SV'A H'A, ZHES PHYI'I 'DOD YON LNGA THAMS CAD LA PAD SKOR SNGON DU 'GRO BA'I LAG PA GA-YON PA KHU TSUR BYAS PA'I STENG DU GA-YAS PA'I THAL MO BRKYANG STE BZHAG PA ME LONG STON PA'I TSUL DANG, LAG PA GNYIS KYIS ROL MO DKROL BA'AM BI WANG BSGRENG PA'I TSUL DANG, LAG PA THAL MO BRKYANG PAS DRI BYUG PA'I TSUL DANG, THAL MO GYEN DU BZED PA RO BSTAB PA'I TSUL DANG, LAG PA GNYIS KYI 'THEB MDZUB GNYIS KYIS NA BZA' 'BUL BA'I TSUL GYIS PHYAG RGYA DANG BCAS PA 'BUL, 'DOD PA'I SGYU RTZAL DRUG CU BZHIL MKHAS, ,YID 'PHROG GZUGS MDZES LANG TSO'I DPAL YON CAN, ,PADMA CAN SOGS PHYAG RGYA'I GZUGS MCHOG RNAMS, ,MI BSKYOD RDO RJE'I LHA TSOGS MNYES PHYIR 'BUL, , AOm A'A: ZHES PA NAS, PRA DZNY'A DHRIKA R'U BA PRA T'I TZTSA H'Um SV'A H'A, ZUR GYIS LTA ZHING 'DZUM PA'I BZHIN RAS CAN, ,DRUG LDAN LA SOGS YANG DAG GLU LA MKHAS, ,PADMA CAN SOGS PHYAG RGYA'I GLU DBYANGS MCHOG ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRIKA SHAPTA BRA T'I TZTSA H'Um SV'A H'A, LHAN CIG SKYES DANG SBYAR BA BZANG PO'I DRI, ,GANG GI LUS LAS RTAG TU RNAM 'BYUNG BA, ,PADMA CAN SOGS PHYAG RGYA'I DRI MCHOG RNAMS, ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRIKA GANDHE PRA T'I TZTSA H'Um SV'A H'A, GANG ZHIG MYONGS PAS BYANG CHUB SEMS 'JU BA, ,BIMPA LTAR DMAR MA MCHU'I SBRANG RTZI SOGS, ,PADMA CAN SOGS PHYAG RGYA'I RO MCHOG RNAMS, ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA
NAS; PRA DZNY'A DHRIKA RA SA PRA T'I TZTSA H'Um SV'A H'A, GSANG BA'I SNA RTZE PHAN TSUN PHRANG BA YI, ,REG BYA MYONG BAS GTUM MO BSKUL BYED PA, ,PADMA CAN SOGS PHYAG RGYA'I REG BYA MCHOG ,MI BSKYOD RDO RJE'I LHA TSOGS MNYES PHYIR 'BUL, ,AOm A'A: ZHES PA NAS, PRA DZNY'A DHRIKA SPARSHA PRA T'I TZTSA H'Um SV'A H'A, ZHES NANG GI 'DOD YON LNGA LAG PA'I PHYAG RGYA MED PAR DBUL, ZHING 'DI RIN CHEN SNA BDUN GYIS; ;MKHAS PA DAG GIS YONGS BKANG LA, ,DNGOS GRUB 'DOD PAS SBYIN PA'I PHYIR, ,NYIN RER SHES RAB CAN GYIS DBUL, ,AOm A'A: BADZRA DHRIKA ZHES PA NAS, BRA DZNY'A DHRIKA MAH'A SAPTA RATNA PRA T'I TZTSA H'Um SV'A H'A, ZHES RIN CHEN SNA BDUN NAM MKHA' MDZOD KYI PHYAG RGYA DANG BCAS PAS DBUL, NANG MCHOD KYI K'A P'A LA'I DPRAL BA PHAR BSTAN TE BZUNG NAS GA-YON PA'I 'THEB SRIN GYIS NANG MCHOD 'THOR ZHING, BADZRA DHRIKA AOm A'A: H'Um ZHES PA NAS, PRA DZNY'A DHRIKA AOm A'A: ZHES NANG MCHOD DANG, RDO RJE THAL MO KHA PHYI BAS NANG MCHOD KYI KA P'A LA DPRAL BA PHAR BSTAN TE BZUNG NAS, BDUD RTZI LNGA YI BZA' BA NI, ,DNGOS GRUB KUN GYI DE NYID MCHOG ,DKYIL 'KHOR MCHOD PA BGYID PAR 'TSAL, ,THUGS NI RTZE BAS NYER DGONGS TE, ,MGON POS MCHOD PA 'DI BZHES ZHIG , AOm A'A: ZHES PA NAS, PRA DZNY'A DHRIKA BANYTZA AA MRi TA PRA T'I TZTSA H'Um SV'A H'A, ZHES BDUD RTZI LNGA DBUL, SDE TSAN PHYI MA GSUM KA LA TSIG BCAD RNAMS SNGA MA DANG 'DRA ZHING MCHOD SNGAGS SDE TSAN GNYIS PA LA, AOm A'A: MO HA RA TI, DVE shA RA TI, N'A GA RA TI, BADZRA RA TI, N'U PA BADZRA, SHAPTA BADZRA, GANDHE BADZRA, NGAS BADZRA PUshPE BRA T'I TZTSA H'Um SV'AH'A, ZHES SOGS DANG, SDE TSAN GSUM PA LA, AOm A'A: MEE TRI,
, ,KshI TI GARBHA, BADZRA P'A nI, KHA GARBHA, LO KI SHVA RA, MNYDZU SHR'I, SARBA NI WA RA nA BI SKAm BI NI, SA MANTA BHA DRA PUshPAm PRA T'I TZTSA H'Um SV'A H'A, ZHES SOGS DANG, SDE TSAN BZHI PA LA; AOm A'A: YA M'A NTA KRI TA PRA DZNY'A TA KRI TA, CES PA NAS, SUMBHA R'A DZA PU shPAm PRA T'I TZTSA H'Um SV'A H'A, ZHES SOGS SBYAR TE DBUL, DE LAS BSDU NA, TSIG BCAD RNAMS SNGA MA LTAR LA SNGAGS, AOm A'A: BADZRA DHRIKA SPARSHA BADZRA DZIN DZI KA ZHES PA NAS, SUMBHA R'A DZA PUshPE PRA H'I TZTSA H'Um SV'A H'A, ZHES SOGS LHA THAMS CAD KYI SNGAGS LA MCHOD SNGAGS SBYAR TE DBUL, DE YANG SHIN TU BSDU NA, AOm A'A: BADZRA DHRI KA SPARSHA BADZRA PUshPAm PRA T'I TZTSA H'Um SV'A H'A, DE BZHIN DU, AOm A'A: BADZRA DHRIKA SPARSHA BADZRA PANYTZA AA MRi TA PRA T'I TZTSA H'Um SV'A H'A, ZHES PA'I BAR GTZO BO YAB YUM GYI SNGAGS LA MCHOD SNGAGS SBYAR TE DBUL, ,PHYI MA 'DI GNYIS GANG BYED KYANG NANG MCHOD KYI TSE, AOm A'A: BADZRA DHRIKA AOm A'A: H'Um, ZHES PA NAS, SUMBHA R'A DZA AOm A'A: H'Um, ZHES PA'I BAR BRJOD DE 'BUL, DE NAS, AOm A'A: H'Um, ZHES BRJOD DE , BDUD RTZI LCE LA BZHAG CIR MYANG, PHUN TSOGS GLING GI SPAR MAR SDE TSAN REL, PHYI NANG GI NYER SPYOD DANG 'DOD YON, NANG MCHOD DANG BDUD RTZI LNGA, BDAG NYID 'BUL BA, MCHOD PA'I NGA RGYAL BZUNG BA RNAMS TSAR RE, DE RJES GSANG MCHOD, SLAR YANG BDAG NYID 'BUL BA SOGS BYA BAR GSUNGS SHING, DKYIL CHOG GI LHAN THABS MKHAS GRUB RJES MDZAD PA'I DPE 'GA' ZHIG LAS, SDE TSAN REL 'BUL LUGS SNGA MA LTAR DANG, DE NAS GOS RGYAN SOGS 'BUL BA BSHAD NAS, BDUD RTZI LNGA'I RJES SU GSANG MCHOD DANG BDAG NYID 'BUL BA SOGS MA BSHAD KYANG, DBANG DON RAB GSAL LAS NYER SPYOD DANG
'DOD YON GYI RJES SU NANG MCHOD, BDUD RTZI LNGA, GSANG BA SNYOMS 'JUG GI MCHOD PA, BDAG NYID 'BUL PA SOGS PA SHAD PAS 'DIR 'DI BZHIN BKOD, RANG NYID DKYIL 'KHOR GYI NANG DU ZHUGS; GTZO BO DANG THA MI DAD PAR GYUR, YUM REG BYA RDO RJE MA YONGS SU GYUR PA LAS M'A M'A K'I SNGON MO MI BSKYOD PA'I DBU RGYAN CAN, SNGON DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO AUTPAL SNGO DMAR, GA-YON DRIL BU RIN CHEN RAL GRI 'DZIN PA, DE'I SNYING GAR H'Um LAS MI BSKYOD PA, SPYI BOR AOm LAS RNAM PAR SNANG MDZAD, MGRIN PAR A'A: LAS 'OD DPAG MED , LTE BAR SV'A LAS RIN CHEN 'BYUNG LDAN, BRLA'I RTZA BAR H'A LAS DON YOD GRUB PA, RANG GI GSANG GNAS MI DMIGS PA'I NGANG LAS ZHES PA NAS, RANG NYID DON GRUB TU GYUR, PHAt, AOm SARBA TA TH'A GA TA P'U DZA BADZRA SVA BH'A WA A'A TMA KO ? HAm, RDO RJE'I LAM NAS YUM GYI PADMAR PHYUNG BA'I BYANG CHUB KYI SEMS KYI RDUL PHRA RAB LAS GRUB PA'I DE BZHIN GSHEGS PA YAB YUM NAM MKHA'I KHAMS GANG BA SNYOMS PAR ZHUGS PAS MCHOG, DKYIL 'KHOR BA'I LHA THAMS CAD KYIS KYANG LHAN CIG SKYES PA'I DGA' BA NYAMS SU MYONG NAS BDE BA CHEN PO DANG DE KHO NA NYID DBYER MED PHYED PA'I TING NGE 'DZIN LA SNYOMS PAR ZHUS PAS GSANG BA DANG DE KHO NA NYID KYI MCHOG PAS DGYES PAR GYUR, ZHES GSANG BA SNYOMS 'JUG GI MCHOD PA DBUL, BDAG MING 'DI ZHES BYA BAS 'DIR, ,CHOS KYI DBYINGS KYI RANG BZHIN GRONG, ,YO BYAD CI 'BYOR BA YIS NI, ,DKYIL 'KHOR MCHOD PA BGYID PAR 'TSAL, ,THUGS NI BRTE BAS NYER DGONGS TE, ,MGON POS MCHOG PA'I 'DI BZHES SHIG ,AOm SARBA TA TH'A GA TA P'U DZA AU PA STH'A N'A
, ,YA, A'ATMA NAm NI RY'A TA Y'A MI, AOm A'A: H'Um, ZHES BDAG NYID DBUL, SNA TSOGS DBANG PO'I GZHU LTAR RAB BKRA ZHING, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,AOm AA NU T'A RA SARBA P'U DZA ME GHA SA MUNGGA TE SBA RA nA HI MAm GA GA NA KHAm H'Um PHAt SV'AH'A, YANG NA, AOm BADZRA WA STRA YE A'A: H'Um SV'A H'A, ZHES GOS DBUL, RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN DAG GIS BRGYAN PAR MI 'TSAL YANG, ,RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,AOm BADZRA AA LANGKA RA WA PU shA NI A'A: H'Um SV'A H'A, ZHES RGYAN DBUL, BRTZE BA'I 'KHOR YUG SNYAN PA'I BA DAN DANG, ,TING 'DZIN BLA RE SPOBS PA'I 'OD GSAL BA; ;MCHOG RKYEN 'OS PA'I NYER MKHO 'DI DAG 'BUL, ,SKYE BOS RNAM DAG YE SHES THOB PAR SHOG ,AOm BADZRA MAH'A P'U DZA ME GHA A'A: H'Um, ZHES NYER MKHO'I YO BYAD DBUL, RIN CHEN MDZES PA'I BKRA SHIS BUM PA 'DI, ,SNA TSOGS BCUD KYIS BKANG STE PHUL BA YIS, ,LAS DANG NYON MONGS DRI MA KUN DAG NAS, ,BYANG CHUB SEMS KYI RLAN GYIS BRLAN PAR SHOG ,AOm BADZRA KA LA SHA A'A: H'Um SV'A H'A, ZHES GANG BUM DBUL, AOm SARBA TA TH'A GA TA P'U DZA BADZRA SVA BH'A WA A'ATMA KONYA ? HAm, ZHES MCHOD PA'I NGA RGYAL BZUNG, MAH'A RA TA SU DRI dHA SU TO shO, SU SU KHO, BADZRA SATVA A'A: DHYA SING DHYA MAm, LAN GSUM GYIS BSKOR BA BYA, AOm BRA NA MA MI SARBA TA TH'A GA TA NA, ZHES PHYAG BYA, MI BSKYOD RDO RJE YE SHES CHE, ,ZHES PA NAS, RDO RJE SEMS DPA' PHYAG 'TSAL LO, ,GANG ZHIG GZUGS DANG ZHES
PA NAS, RGYA CHEN DE LA PHYAG 'TSAL LO, ,KHYAB BDAG DPAL LDAN RDO RJE SEMS DPA' DANG, ,DBYER MED BLA MA SKU BZHI'I BDAG NYID CAN, ,DNGOS GRUB KUN GYI 'BYUNG GNAS YID BZHIN NOR, , BSAM 'PHEL DBANG GI RGYAL PO LA PHYAG 'TSAL, ,GNYIS SNANG SPROS PA'I KUN RTOG DBYINGS SU THIM, ,SRID PA'I 'KHOR LO RLUNG GI RGYU BA BCAD, ,THAMS CAD STONG PA LHAN SKYES DGA' BA'I MCHOG ,BDE CHEN CHOS KYI SKU LA PHYAG 'TSAL LO, ,SROG 'DZIN CHES PHRA NOR BU CHU SHEL NI, ,RNAM DAG 'OD GSAL LHA YI LAM LAS 'ONGS, ,RAB DKAR ZLA ZER BYE BAS 'KHYUD PA'I SKU, ,ZUNG 'JUG DANG PO'I MGON PO LA PHYAG 'TSAL, ,MGON DES SPRUL PA'I GAR MDZAD RDO RJE 'DZIN, ,AINDRA N'I LA'I LHUN PO DBANG PO'I GZHUS, ,KUN NAS KLUBS PA JI BZHIN YID 'PHROG PA, ,ZHI ZHING 'DZUM LDAN MI BSKYOD LA PHYAG 'TSAL, ,RANG RIGS PHYAG RGYA MTSOG GI MDZES MA DANG, ,SNYOMS 'JUG LHAN SKYES DGA' BA'I ROL PA LAS, ,NYID SKU'I CHA SHAS SUM CU RTZA GNYIS KYI, ,'KHOR LO MCHOG TU SPRUL LA PHYAG 'TSAL LO, ,MCHE BA RAB DKAR KHRO CHAGS BRJID PA'I ZHAL, ,MIG SMAN MDOG CAN NYI MA 'BUM GYI 'OD, ,MTSAN DPE LA 'GRAN RIN CHEN RGYAN MANG MDZES, ,DPAL LDAN ZHE SDANG RDO RJE LA PHYAG 'TSAL, ,DE NYID THUGS LA DGA' BSKYED YID 'PHROG MA, ,NU MA MNGON DGA' RIN CHEN DO SHAL DGOD, ,REG BYA RDO RJE NAM MKHA'I MDZES PA 'PHROG ,MDZES SDUG LHA MO KHYOD LA PHYAG 'TSAL LO, ,GZUGS PHUNG RNAM DAG ME LONG YE SHES DNGOS, ,RNAM BKRA 'JA' TSON GOS KYIS 'KHYUD PA YI, ,ZLA BA'I PHUNG PO LTA BU'I SKU MNGA' BA, ,RGYAL BA RNAM SNANG MDZAD LA PHYAG 'TSAL
, ,LO, ,TSOR BA RNAM DAG MNYAM NYID YE SHES DNGOS, ,NYIN BYED BYE BA'I MDANGS LDAN GSER GYI RI, ,RNAM MANG RGYU SKAR DO SHAL 'PHYANG BA BZHIN, ,RAB MDZES RIN CHEN 'BYUNG LDAN LA PHYAG 'TSAL, ,'DU SHES RNAM DAG SOR RTOG YE SHES DNGOS, ,LI KHRI'I RGYA MTSO LTA BU'I 'OD MNGA' BA, ,'JIG RTEN KUN GYI MIG GI DGA' STON MCHOG ,MTHA' YAS 'OD DPAG MED LA PHYAG 'TSAL LO, ,'DU BYED RNAM DAG BYA SGRUB YE SHES DNGOS, ,MAR GAD PHUNG PO NYI 'OD DANG 'GROGS PAS, ,THUB KUN YID NI CHAGS PAR BYED BA BZHIN, ,RAB GSAL DON YOD RDO RJE LA PHYAG 'TSAL, ,KHAMS BZHI RNAM DAG TSAD MED BZHI YI DNGOS, ,AUTPALA MIG CAN BIMBA'I MCHU SGROS CAN, ,ZUR GYIS BLTA ZHING BDE STER BCOM LDAN MA, ,'JO SGEG LHA MO BZHI LA PHYAG 'TSAL LO, ,RGYAL SRAS DGA' MA GZUGS SOGS RNAM DAG CING, ,DBANG PO'I BDE STAR CHAGS PA'I NYAMS LDAN ME, ,ROL RTZED GAR GYIS ROL PA'I RDO RJE NI, ,DGA' BSKYED LHA MO BZHI LA PHYAG 'TSAL LO, ,SKYE MCHED TSIGS DANG RTZA RGYUS RNAM DAG CING, ,PHYOGS KYI BDE GSHEGS 'OD KYIS 'KHYUD PA'I SKU, ,LHA YI GOS DANG RIN CHEN RGYAN MANG 'CHANG, ,BLO CHEN RGYAL SRAS BRGYAD LA PHYAG 'TSAL LO, ,BZHAD PA'I GAD RGYANGS 'BAR BA'I MCHE BA CAN, ,LTOS 'GRO'I DO SHAL SPYAN RTZA GLOG LTAR 'KHYUG ,YAN LAG RNAM DAG DUS MTHA'I ME DPUNG 'OD, ,STOBS CHEN KHRO BO BCU LA PHYAG 'TSAL LO, ,RGYAL BA'I LHAN SKYES DGA' BA'I ROL BA LAS, ,DU MAR SPRO ZHING CIG CANG SDUD PA DANG, ,GNYIS MED GNYIS BRAL BDE STONG LHA YI SKU, ,RTEN DANG BRTEN PAR SHAR LA PHYAG
'TSAL LO, ,DE LTAR BSTOD PA'I RAB DKAR DGE BA'I TSOGS, ,JI SNYED THOB DES 'GRO BA MA LUS PA'I, ,SNYING GI BUM PA BDE CHEN BDUD RTZI'I CHUS, ,BDE BLAG NYID DU GANG BA THOB GYUR CIG ,CES BSTONG PA BYA, GANG ZHIG THOG MED SRID PA'I CHU KLUNG DU, ,ZHES PA NAS, YANG DAG NYID DU DA NI GNAS PAR BGYI, ,LAN GCIG ,DKON MCHOG GSUM LA BDAG SKYABS MCHI, ,ZHES PA NAS, SANGS RGYAS BYANG CHUB YID KYIS GZUNG, ,LAN GSUM GYIS SKYABS SEMS BYA, SANGS RGYAS BYANG CHUB SEMS DPA' KUN, ,ZHES PA NAS, SEMS CAN MYA NGAN 'DAS LA DGOD, ,LAN GSUM GYIS SNGAGS SDOM BZUNG BA BRTAN PAR BYA, DE NAS GTZO BO'I SNGAGS BRGYA RTZA, 'KHOR RNAMS KYI NYER GCIG RE, BRTAN BYED YI GE BRGYA PA BZLA, DKYIL 'KHOR BA DANG PHYOGS SKYONG GI GTOR MA SGRUB THABS LTAR BSANG SBYANG BYIN GYIS BRLAB, 'DIR DBANG DON RAB GSAL DU, 'JIG RTEN PA DANG 'JIG RTEN LAS 'DAS PA'I GTOR MA BTANG ZHES PA MA GTOGS GTOR MA 'BUL TSUL GSAL BAR MA BSHAD, 'DUL 'DZIN PA'I BSAM GTAN BSGRUB MCHOD KYI CHO GA LAS KYANG DE DANG 'DRA, MKHAS GRUB THAMS CAD MKHYEN PA'I DKYIL 'KHOR GYI LHAN THABS LAS PHYOGS SKYONG DGUG PA SOGS BSHAD NAS 'DAS PA'I GTOR MGRON JI LTAR BYA BA MA BSHAD PA LTAR NA, 'DAS PA'I GTOR MA MDUN SKYED KYI DKYIL 'KHOR BA LA 'BUL BA'I LUGS YIN 'DRA BAS DE LTAR NA, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS PHYOGS SKYONG BCO LNGA 'KHOR DANG BCAS PA BKUG TE DKYIL 'KHOR GYI PHYI'I PHYOGS MTSAMS RNAMS SU 'KHOD PA NI, SHAR DU RDO RJE MTSON CHA SER PO ZHES PA NAS,
, ,AOm A'A: HR'I: PRA WA RA SAD KA RAm PROKshA nAm PRAT'I TZTSA H'Um SV'AH'A, AOm A'A: BADZRA DHRI KA H'Um ZHES PA NAS, SUMBHA R'A DZA H'Um H'Um, SARBA ZHES PA NAS, TZA KU RU SV'A H'A, AOm A'A: DUS GSUM SKYES PA ZHES PA NAS BSRUNG BAR MDZAD DU GSOL H'Um SV'AH'A, AOm A'A: HR'I: PRA WA RA SAD KA RAm A'A NYTZA M'A nAm ZHES PA NAS, ARGHAm PRA T'I TZTSA H'Um SV'A H'A, AOm BADZRA TAm BU LA YE SV'AH'A, AOm SARBA TA TH'A GA TA PUshPAm ZHES PA NAS, SHAPTA PRA T'I TZTSA H'Um SV'AH'A, BADZRA DHRI KA AOm A'A: H'Um, ZHES PA NAS, SUMBHAR'A DZA AOm A'A: H'Um, AOm DA SHA DI KA LO KA P'A LA SA PA RI WA RA PUshPAm ZHES PA NAS, AOm A'A: H'Um BADZRA MU: PHYOGS SKYONG 'KHOR BCAS RANG GNAS SU GSHEGS PAR GYUR, CES 'DAS PA'I GTOR MA MDUN BSKYED KYI DKYIL 'KHOR BA DANG, 'JIG RTEN PA'I GTOR MA SPYAN DRANGS PA'I PHYOGS SKYONG LA DBUL, CHOS SKYONG GI GTOR MA 'DIR 'BUL NA MGON PO CHOS RGYAL SOGS GANG LA 'BUL NA RANG RANG GI GTOR CHOG RGYAS BSDUS GANG YANG RUNG BAS SKABS DANG SBYAR LA DBUL, DE NAS GTANG RAG GI MCHOD PA BYIN GYIS BRLABS TE MCHOD BSTOD SMON LAM RNAMS 'OG NAS 'BYUNG BA LTAR BYA, DE NAS CHAD LHAG GI NYES PA ZHI BA'I DON DU YI GE BRGYA BA LAN GSUM BRJOD, ME TOG DANG BCAS PA'I THAL MO SNYING KHAR SBYAR LA MTSANG PA LA SOGS PA'I NYES PA ZHI BAR BYA BA'I PHYIR BZOD PAR GSOL BA, ,GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD MDZAD RIGS, ,ZHES BRJOD, 'DOD PA'I DON 'GRUB PAR GSOL BA GDAB PA NI, BCOM LDAN 'DAS MI BSKYOD RDO RJE'I LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE
MDZAD PA'I 'PHRIN LAS, SKYOBS PA'I NUS MTHU BSAM GYIS MI KHYAB PA MNGA' BA LAGS PAS, PHAN BDE'I 'BYUNG GNAS SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR BYIN GYIS BRLABS TU GSOL, DPAL LDAN BLA MA DAM PA RNAMS DANG BSTAN PA 'DZIN PA'I SKYES BU DAM PA THAMS CAD SKU KHAMS BZANG ZHING SKU TSE RING BA DANG RNAM PAR DKAR BA'I 'PHRIN LAS THAMS CAD DAR RGYAS SU 'BYUNG BAR BYIN GYIS BRLABS TU GSOL, BDAG CAG DPON SLOB 'KHOR DANG BCAS PA RNAMS DANG SBYIN PA'I BDAG PO SOGS SEMS CAN THAMS CAD KYIS THAR PA DANG THAMS CAD MKHYEN PA SGRUB PA'I 'GAL RKYEN BAR CHAD THAMS CAD ZHI ZHING MTHUN RKYEN LEGS TSOGS THAMS CAD LHUN GYIS 'GRUB PA DANG, 'JIG RTEN GYI KHAMS THAMS CAD DU BKRA SHIS KYI DGE MTSAN RGYA CHEN PO RGYUN MI 'CHAD DU 'BYUNG BAR BYIN GYIS BRLABS TU GSOL, ZHES BRJOD, 'DIR DBANG DON RAB GSAL DU YE SHES PA GSHEGS PA DANG, RANG GIS SPRUL PA'I DAM TSIG PA RNAMS RANG LA GZHUG PAR GSUNGS PA NI RDUL TSON GYI DKYIL 'KHOR LA DE LTAR BYA BAR GSUNGS PA YIN LA, RAS BRIS LA KHA CIG DKYIL 'KHOR SGRUB DUS SU SPYAN DRANGS NAS BSTIM PA'I YE SHES PA GSHEGS, BSGRUB DUS SU BSKYED PA'I DAM TSIG PA RANG LA BSDU, DE LTAR BYAS PAS RAB GNAS KYI DUS SU BSTIM PA'I YE SHES PA GSHEGS PAR MI 'GYUR ZHING DKYIL CHOG DANG MTHUN ZHES ZER, YANG KHA CIG RDUL TSON LA YE SHES PA GSHEGS GSOL BYED PA SGRUB GZHI RDUL TSON GSHEGS DGOS PAS YIN LA, RAS BRIS LA SGRUB GZHI GSHEGS MI DGOS PAS YE SHES PA GSHEGS DON MED, RAB GNAS KYI YE SHES PA BZHUGS PA'I
, ,STENG DU DKYIL 'KHOR BSGRUB DUS KYI YE SHES PA BZHUGS PA BYIN RLABS CHE BA LAS SKYON DU MI 'GYUR, BSKYED PA'I DAM TSIG PA YANG SGRUB GZHI RAS BRIS DE NYID LA BSKYED PA'I DAM TSIG PA YIN PAS DE BSDU MI DGOS PA'I RGYU MTSAN YE SHES PA GSHEGS MI DGOS PA DANG 'DRA ZHES ZER, YANG KHA CIG RAS BRIS KYI YE SHES PA GSHEGS MI DGOS KYANG DAM TSIG PA RANG DANG RAS BRIS DBYER MED DU BYAS NAS BSGRUB PA YIN LA RANG RAS BRIS LAS LOGS SU DBYE DGOS PAS DAM TSIG PA RANG LA BSDU DGOS ZHES ZER, YANG KHA CIG RANG DANG RAS BRIS GNYIS KA LA THUN MONG DU BSGRUB PA'I 'KHOR GYI LHA'I DAM TSIG PA LA CHA GNYIS PHYE NAS CHA GCIG RANG LA BSDU ZHING CHA GCIG RAS BRIS LA BRTAN BZHUGS BYA, RANG RAS BRIS KYI GTZO BO LAS MAR ME GCIG LAS GNYIS CHAD KYI TSUL DU LOGS SU DBYE, YE SHES PA RAS BRIS LA BRTAN BZHUGS BYA, BSGRUB PA'I TSE RANG DANG RAS BRIS DBYER MED DU BYAS NAS BSGRUB PA YIN PAS DAM TSIG PA LA CHA GNYIS SU 'BYED MI RIGS SNYAM NA SKYON MED DE DAM YE GNYIS DBYER MED DU BYAS KYANG SO SOR 'BYED PA BZHIN NO ZHES ZER, RAS BRIS KYI DKYIL 'KHOR LA JI LTAR BYA TSUL BSHAD PA'I KHUNGS GSAL PO MA MTHONG ZHING BLO GROS CHUNG DUS DPYAD DKA' BAR SNANG NA'ANG 'DOD TSUL PHYI MA LTAR 'THAD PAR SEMS SHING YID CHES PA'I KHUNGS GSAL PO GZHAN MTHONG NA DE LTAR BYA BAR SPRO'O, ,DE LTAR NA, RANG GI THUGS KA'I H'Um GI 'OD ZER GYIS 'KHOR GYI LHA RNAMS KYI DAM TSIG PA'I CHA GCIG BSDUS TE RANG GI SPYI BO LA SOGS PA'I GNAS RNAMS 'KHOD BA NI, SBYI BOR RNAM PAR SNANG MDZAD, ZHES PA NAS RKANG MTHIL GNYIS SU GNOD MDZES RGYAL PO,, RANG NYID GTZO BO LAS MAR ME GCIG LAS GNYIS
CHAD KYI TSUL DU PHYE NAS DKYIL 'KHOR GYI PHYI ROL TU GNAS PAR GYUR, BSGRUB PA'I DKYIL 'KHOR GYI DAM TSIG PA'I CHA GCIG DANG YE SHES PA RNAMS BSGRUB GZHI 'DI LA SA CHU ME RLUNG GI GNOD PAS MA ZHIG GI BAR DU BRTAN PAR BZHUGS NAS BDAG SOGS SEMS CAN THAMS CAD LA MCHOG DANG THUN MONG GI DNGOS GRUB MA LUS PA STZAL DU GSOL, 'DIR NI GZUGS DANG LHAN GCIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,AOm SU PRA TIshthA BADZRA YE SV'A H'A, ZHES BRTAN BZHUGS BYA, RANG YAB YUM SNYOMS PAR ZHUGS PA'I SBYOR MTSAMS NAS BYANG CHUB KYI SEMS KYI 'OD ZER 'PHROS PAS, SEMS CAN THAMS CAD LA DBANG BSKUR, SGRIB PA SBYANGS, H'Um YIG TU GYUR DES NAM MKHA'I KHAMS GANG BA YONGS SU GYUR PA LAS RDO RJE 'CHANG DU GYUR PA RNAMS, RANG GI THUGS KA'I H'Um GI 'OD ZER GYIS DRANGS NAS RANG NYID LA THIM PAR GYUR, AOm YO GA SHUDDH'A: SARBA DHARMA: YO GA SHUDDH'O NYA ? HAm, SNOD THAMS CAD GZHAL YAS KHANG DANG BCUD THAMS CAD RDO RJE 'CHANG DU GYUR, DE NAS SHIS BRJOD 'OG NAS 'BYUNG BA LTAR BYA'O, ,GNYIS PA BSAM GTAN GYI DKYIL 'KHOR SGRUB CING MCHOD PA'I TSUL NI, JI LTAR 'OS PA'I SA PHYOGS SU STEGS KYI KHAR, MDUN SKYED LA 'BUL RGYU'I NYER SBYONG? TSAR BCU LAS MI NYUNG BA DANG CHU BZHI SOGS BKOD PA MDZES PAR BSHAMS, BDAG SKYED RDZOGS PAR BSGOM STE RTEN BRTEN PA LUS LA BSDUS PA'I RJES SU, SH'U NYA TAS STONG PAR SBYANGS, STONG PA'I NGANG LAS BSRUNG BA'I 'KHOR LO ZHES SOGS SAM YANG NA, SKAD CIG GIS RDO RJE'I SA GZHI RA BA GUR BLA RE ME RI DANG BCAS PA YONGS SU RDZOGS
, ,PA'I DBUS SU ZHES PA NAS, BYANG PHYOGS PA RNAMS LA SNA TSOGS RDO RJE'I GDAN, ZHES PA'I BAR GYIS GZHAL YAS KHANG BSKYED LA, GDAN DE RNAMS KYI STENG DU AOm A'A: H'Um H'Um, AOm A'A: AOm H'Um ZHES PA NAS, AOm A'A: H'Um H'Um BCUR GYUR, DE RNAMS YONGS SU GYUR PA LAS, RDO RJE, 'KHOR LO, RIN PO CHE, PADMA, SNA TSOGS RDO RJE, 'KHOR LO, RDO RJE, AUTPALA, SNA TSOGS RDO RJE, ME LONG DMAR PO, PI WANG SNGON PO, DRI'I DUNG CHOS, RO'I SNOD, GLU SHING GI ME TOG SDONG BU DANG BCAS PA 'KHOR LOS MTSAN PA, 'KHOR LO, RIN PO CHE GNYIS, PADMA GNYIS, RAL GRI GNYIS, DBYUG PA, RDO RJE, PADMA, SNA TSOGS RDO RJE, RAL GRI, RDO RJE, RDO RJES MTSAN PA'I DBYUG PA SNGON PO, ,RDO RJES MTSAN PA'I DBYUG PA NAG PO, RDO RJE DANG RDO RJE DE RNAMS YONGS SU GYUR PA LAS RIMS KYIS LHA SUM CU SO GCIG TU GYUR PA NI, GDAN DBUS MA'I STENG DU RANG NYID MI BSKYOD PA ZHI BA MTHING NAG MI BSKYOD PA'I DBU RGYAN CAN, ZHES PA NAS GTOR MA 'BUL BA'I BAR SNGA MA JI LTA BA BZHIN BYA, DE NAS NANG GI SBYIN SREGS TSOGS KYI MCHOD PA BYA, GTANG RAG GI MCHOD PA BYIN GYIS BRLABS LA, DAG CING DRI MED YID 'ONG BA'I, , ZHES SOGS TSIGS BCAD DANG, AOm A'A: HR'I: PRA WA RA SAD KA RAm ARGHAm + ZHES SOGS SNGAGS DANG BCAS PAS CHU BZHI, LHA YI ME TOG DAM PA 'DI, ,ZHES SOGS TSIGS BCAD DANG, AOm SARBA TA TH'A GA T'A PUshPE ZHES SOGS SNGAGS DANG BCAS PAS NYER SPYOD ROL MO RNAMS DBUL, BSDU NA, AOm SARBA TA TH'A GA T'A ARGHAm ZHES SOGS SNGAGS TZAM GYIS DBUL, MI BSKYOD RDO RJE YE SHES CHE, ,ZHES
SOGS KYIS BSTOD, DE LTAR SGYU MA JI BZHIN RMI LAM BZHIN, ,SNANG STONG LHA SKUR GSAL BA'I NGANG NYID NAS, ,PHYOGS BCU'I RGYAL BA RAB 'BYAMS KUN BSDUS PA, ,MI BSKYOD RDO RJE'I DKYIL 'KHOR LHA TSOGS LA, ,RMANG BYUNG BDE BAS DGYES PA BSKYED PA'I PHYIR, ,PHYI DANG NANG DANG GSANG BA'I MCHOD BSTOD DANG, ,SGOMS DANG BZLAS PA SOGS LA 'DIR 'BAD PAS, ,BDAG GIS JI SNYED BSAGS PA'I DGE BA 'DIS, ,RANG NYID SRID MTSOR LHUNG BA JI BZHIN DU, ,MAR GYUR 'GRO BA KUN KYANG DE 'DRA BAR, ,MTHONG NAS 'GRO BA SGROL BA'I KHUR 'BYER BA'I, ,BYANG CHUB SEMS MCHOG 'BYONGS PA NYID GYUR CIG ,SEMS TZAM BSKYED KYANG TSUL KHRIMS RNAM GSUM LA, ,GOMS PA MED NA BYANG CHUB MI 'GRO BAR, ,LEGS PAR MTHONG NAS RGYAL SRAS SDOM PA LA, ,BSON PA DRAG POS SLOB PA NYID GYUR CIG ,THUN MONG LAM SBYANG SNOD DU GYUR PA NA, ,THEG PA KUN GYI MCHOG GYUR RDO RJE'I THEG, ,SKAL BZANG SKYE BO'I 'JUG NGOGS DAM PA DER, ,BDE BLAG NYID DU 'JUG PA NYID GYUR CIG ,BUM DBANG GANG GA'A'I CHU RGYUN BSKUR BA YIS, ,THA MA LA SNANG ZHEN DRI MA 'KHRUD PAR SHOG ,GSANG DBANG YE SHES BDUD RTZI MYANGS PA YIS, ,NGAG GNAS RLUNG NI SNGAGS SU 'CHAR BAR SHOG ,GSUM PA LHAN SKYES DGA' BA'I LCAGS KYU YIS, ,YID NI 'OD GSAL DBYINGS SU 'DREN PAR SHOG ,BZHI PA ZUNG 'JUG DON LA NGO SPRAD PAS, ,MTHAR THUG DON LA SGRO 'DOGS CHOD PAR SHOG ,DE TSE DNGOS GRUB RNAM GNYIS 'GRUB PA'I GZHI, ,RNAM DAG DAM TSIG SDOM PAR GSUNGS PA LA, ,BCOS MA MIN PA'I NGES PA RNYED GYUR NAS, ,SROG DANG BSNGOS TE RTAG TU
, ,BSRUNG BAR SHOG ,THA MAL SNANG ZHEN KUN RTOG SPANGS PA YI, ,LUS KYI GA-YO BA NGAG GI BRJOD PA DANG, ,YID KYI BSAM PA KUN GYIS 'BAD MED PAR, ,RLABS CHEN TSOGS RNAMS YONGS SU SDUD BYED PA'I, ,THUN BZHI'I SBYOR BA BSNYEN BSGRUB YAN LAG BZHI, ,RIM PA DANG PO'I RAGS DANG PHRA BA'I LAM, ,MA LUS SHIN TU BRTAN PA RNYED NAS NI, ,GANG SNANG LHA YI 'KHOR LOR 'CHAR BAR SHOG ,ZHING GI PHUL BYUNG THUGS KYI DKYIL 'KHOR LA, ,BRTEN NAS 'KHOR GSUM DAG PA'I MCHOD SBYIN SOGS, ,SBYOR BA TSOGS BSAGS CHO GA BZHIN BYAS PAS; ;RANG GI RGYUD NI YONGS SU DAG PAR SHOG ,DPAL LDAN ZHE SDANG RDO RJE KHRO BO BCU'I, ,'KHOR GYIS YONGS SU BSKOR BA'I TING 'DZIN GYIS, ,PHYOGS BCUR RGYU BA'I GDUG PA'I BSAM PA CAN; ;MA LUS TSAR GCOD 'PHRIN LAS 'GRUB PAR SHOG ,GANG DU 'TSANG RGYA'I ZHING KUN DAG BYAS NAS, ,DER NI SKU GSUM GO 'PHANG MNGON 'GYUR PA'I, ,THABS KYI DAM PA 'CHI BA CHOS SKU DANG, ,BAR DO LONGS SKU SKYE BA SPRUL PA'I SKUR, ,TSUL BZHIN NYAMS SU LEN PA'I RDO RJE MCHOG ,RIM PA JI BZHIN RGYUD LA BSKYED PA YIS, ,THA MAL SKYE SHI BAR DO'I SNANG ZHEN KUN, , SBYONG BYED DANG PO'I SBYOR BA THOB PAR SHOG ,RANG DON PHUN TSOGS DE YI MYUR BA'I LAM, ,'DOD CHAGS CHEN PO'I TSUL GYI TING 'DZIN GYIS, ,RANG RIGS PHYAG RGYAR GZHOL BA'I THABS LA MKHAS, , LHAN SKYES BDE BAS RGYAL RNAMS MCHOD PAR SHOG ,MKHA' DBYINGS RDO RJE SBYAR BAS SBAR BA YIS, ,TZAndA LI YIS BZHUS PA'I BYANG CHUB SEMS, ,AA BA DH'U TI'I RGYUN LAM NAS 'ONGS PA, ,
SHES RAB PADMA'I ZE'U 'BRUR SON PA LAS, ,'KHRUNGS PA'I RTEN DANG BRTEN PA'I DKYIL 'KHOR GYIS, ,SPRUL PA'I SPRIN GYIS NAM MKHA'I KHYON BKANG STE, ,SNOD BCUD ZHING KUN YONGS SU SBYONG MDZAD PA'I, ,DKYIL 'KHOR RGYAL MCHOG MYUR DU 'GRUB PAR SHOG ,SROG 'DZIN THUR SEL LAM GYI SNA RTZER NI, ,GNAS NAS 'OD ZER DRA BA 'GYED PA CAN, ,BDE GSHEGS LNGA BDAG RIN CHEN KHA DOG LNGA, ,PHYAG MTSAN BYANG SEMS PHRA MO YONGS 'BRU TZAM, ,DE NANG DKYIL 'KHOR 'KHOR LO YONGS RDZOGS SHING, ,MA 'DRES GSAL LA JI SRID 'DOD KYI BAR, , MNYAM PAR 'JOG PA'I PHRA MO'I RNAL 'BYOR DANG, ,PHYI NANG BZLAS PA YONGS SU RDZOGS PAR SHOG ,DES NI RDZAS SNGAGS 'KHRUL 'KHOR BSAM GTAN LA, ,BRTEN NAS GRUB PA CHEN PO BRGYAD DANG NI; ;ZHI SOGS RAB 'BYAMS LAS KUN GRUB PA YI, ,LAS KYI RGYAL PO MCHOG NI 'GRUB PAR SHOG ,SO SOR SDUD DANG BSAM GTAN SROG RTZOL DANG, ,'DZIN PA RJES DRAN TING 'DZIN YAN LAG DRUG ,YONGS SU SDUD PA'I ZAB LAM RIM PA LNGA, ,SPYOD PA GSUM DANG BCAS PA 'GRUB PAR SHOG ,NOR BUR THIG LE PHRA MOR SEMS BRTAN PAS, ,NYI MAS ZLA BA BZHUS PA'I BDUD RTZI'I RGYUN, , LUGS 'BYUNG LUGS BZLOG RIM PAS DRANGS PA YI, ,YAS PA BSAMS BRTAN DGA' BZHI SKYE BAR SHOG ,DE LAS LANGS TSE GANG SHAR SNANG BA KUN, ,RIGS BRGYA RIGS LNGA RIGS GSUM RIGS GCIG TU, ,'CHAR BA'I SKU YI RDO RJE'I TING 'DZIN GYIS, ,LUS DBEN SOR SDUD BSAM GTAN RDZOGS PAR SHOG ,THIG LE'I RGYAL PO SNGAGS KYI THIG LE MCHOG ,SNYING GA'I CHU SKYES SNA RTZER
, ,GOMS BYAS PAS, ,GZUNGS DANG 'DZIN PA'I RNAM RTOG BSKYED PA'I RLUNG, ,BCU GNYIS MI SHIGS THIG LER SDUD PAR SHOG ,GDONG GI SNA RTZER 'OD KYI THIG LE'I GDANGS, ,MA BCOS RDO RJE GSUM DU SHAR BA YI, ,NGAG DBEN GSUNG GI RDO RJE'I TING 'DZIN GYIS, ,SNYING GA'I MA RIG SGO BA'I SBUBS 'BYED SHOG ,THABS SHES GSANG BA'I RTZA MCHOG GNYIS KYI RTZER, ,RDZAS KYI THIG LE'I SROG RTZOL BSGOMS PA YIS, ,KUN RTOG RLUNG GI MUN PA SANGS GYUR NAS, ,'OD GSAL NYI MA SNYING DBUS 'CHAR BAR SHOG ,SNA RTZE GSUM DU THIG LE RNAM GSUM GYI, ,SROG RTZOL BSGOMS PAS SPRIN MED NAM MKHA' LA, ,ZLA NYI'I 'OD DANG SMAG GIS KHYAB 'DRA YI, ,STONG PA GSUM GYI SEMS DBEN SKYE BAR SHOG , SGYU MA LONGS SKU 'OD GSAL CHOS SKU DANG, ,SNA TSOGS SPRUL SKU GSUM LA RE RE ZHING, ,RNAM PA GSUM GSUM BSRI PA RNAM PA DGU, ,YONGS RDZOGS MAN NGAG GNAD LA MKHAS GYUR TE, ,KUN RDZOB SGYU LUS DON DAM 'OD GSAL 'DZIN, ,LUGS BZLOG RJES DRAN ZUNG 'JUG TING 'DZIN DANG, ,SPROS BCAS SPROS MED SHIN TU SPROS MED KYI, ,SPYOD MCHOG RNAM GSUM YONGS SU RDZOGS PAR SHOG ,GAL TE 'DI DANG BAR DOR MCHOG GRUB PA'I, ,TING 'DZIN MA RNYED 'CHI BA'I DUS BYED NA, ,GZHI YI 'CHI RIM STONG PA RNAM PA BZHI, ,LAM GYI STONG PA BZHI DANG ? BSRE NUS SHOG ,BAR DO GRUB TSE SGYU MA'I TING 'DZIN DANG, ,BSRE BAR BYED CING SKYE BA LEN PA'I TSE, ,LONGS SKUS SPRUL SKU'I SKYE BA 'DZIN PA BZHIN, ,SKYE GNAS MCHOG TU BSAMS BZHIN SKYE
BAR SHOG ,MDOR NA SKYE SHI BAR DO GANG SHAR YANG, ,SNGON CHAD BSGOMS PA'I LAM KHYER RNAM GSUM GYI, ,GSOL 'DEBS DGE SBYOR BSKUL MAR RTOGS GYUR NAS, ,'CHI TSE YID LA DGA' BA RGYAS PAR SHOG ,DE LTAR RMAD BYUNG LAM GYI MTHAR THUGS 'DI, ,TSUL BZHIN BSGRUB LA BAR CHAD MED PA DANG, PHYOGS DUS KUN TU DAR ZHING RGYAS GYUR TE, ,'GRO KUN THABS MKHAS 'DI YIS SGROL BAR SHOG ,CES BSNGO BA SMON LAM BYA, LHAG CHAD KYI NYES PA ZHI BA'I PHYIR YIG BRGYA BRJOD LA, GANG YANG BDAG BLO RMONGS PA YIS, ,ZHES SOGS BZOD GSOL DANG, BCOM LDAN 'DAS MI BSKYOD RDO RJE'I LHA TSOGS KHYED RNAMS LA ZHES SOGS 'DOD DON GSOL 'DEBS RNAMS SNGA MA LTAR BYA, DE NAS, BDAG LA DNGOS GRUB MCHOG BSTZOL LAGS,, TING 'DZIN KUN GYI 'BRAS BU BSTZAL, ,SEMS CAN KUN LA JI 'DOD PAR, ,DNGOS GRUB BLA NA MED PA BSTZAL, ,SLAR YANG GSHEGS PA MDZAD PA'I PHYIR, ,RANG GI GNAS GSHEGS BADZRA MU: ZHES PAS YE SHES PA GSHEGS, THUGS KA'I H'Um GI 'OD ZER GYIS 'KHOR GYI LHA RNAMS SPYAN DRANGS TE SPYI BO LA SOGS PA'I GNAS RNAMS SU 'KHOD PA NI, SPYI BOR RNAM PAR SNANG MDZAD, ZHES PA NAS, RKANG MTHIL GNYIS SU GNOD MDZES RGYAL PO, GZHAL YAS KHANG GI CHA SO SO YANG RANG GI LUS KYI CHA SO SO LA THIM, RANG YAB YUM SNYOMS PAR ZHUGS PA'I SBYOR MTSAMS NAS BYANG CHUB KYI SEMS KYI 'OD ZER 'PHROS PAS SEMS CAN THAMS CAD LA DBANG BSKUR, ZHES PA NAS, SNOD THAMS CAD GZHAL YAS KHANG DANG BCUD THAMS CAD RDO RJE 'CHANG DU GYUR, ZHES DAM
, ,TSIG PA LUS LA BSDUS TE SNOD BCUD SBYANG BSGYUR BYA, RAB YANGS NAM MKHA' TIL GYI GANG BU BZHIN, ,YONGS SU GANG BA'I 'DUS PA'I LHA TSOGS NI, ,KHA CIG ME TOG SNA TSOGS CHAR 'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNG 'JOMS PA'I 'PHRIN LAS KYIS, ,KHYED LA RTAG TU DPAL GNAS MDZAD PA 'DI, , SHES PAR GYIS LA YID DGA' BSKYED CIG DANG, ,SHIS BRJOD 'PHRENG BA BDAG GIS BSGRAG PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL CING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN 'DUS SDUD MDZAD GSANG BA'I BDAG ,RGYUD RGYAL 'DUS PA'I LAM GYIS MCHOG BRNYES PA, ,AINDRA BH'U TI KLU YI MKHA' 'GRO MA, ,BI SU KA-WA DPAL LDAN SA RA HA, ,KLU SGRUB RDO RJE CAN DANG 'PHAGS PA LHA, ,KLU BYANG SH'AKYA BSHES GNYEN MA TA KI ,ZLA BA'I ZHABS SOGS BLA MA BRGYUD PA LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGYUD PA KUN ZAD CING, ,BDE LEGS YAR NGO'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,PHYOGS BCU'I ZHING RAB 'BYAMS NA BZHUGS PA'I RGYAL BA THAMS CAD 'DUS PA'I BDAG NYID DPAL GSANG BA 'DUS PA'I SANGS RGYAS DKON MCHOG BCOM LDAN 'DAS MI BSKYONG RDO RJE'I DKYIL 'KHOR GYI LHA TSOGS LA, LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES SKAL BA DANG LDAN PA'I GANG ZAG KHYED
CAG 'DIR 'KHOD PA THAMS CAD LA NYIN MTSAN THAMS CAD DU PHUN SUM TSOGS PA'I DPAL LA RTAG TU ROL PAR BYED PA'I SHIS PAS LHAG PAR SKYONG BAR GYUR CIG ,BDE GSHEGS RIGS LNGA YAB YUM SEMS PA BZHI, ,RGYAL SRAS BRGYAD DANG KHRO BO'I DBANG PO BCU, ,DPAL LDAN 'DUS PA'I SANGS RGYAS DKON MCHOG NI, ,SUM CU RTZA GNYIS LHA YI 'KHOR LO LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DBYANGS DANG GSAL BYED KYI YI GE SUM CU RTZA GSUM GYI MTHA' CAN GYI RGYUD SDE STONG PHRAG SUM CU RTZA GSUM GYI RTZA BA DANG, CHOS KYI PHUNG PO STONG PHRAG BRGYAD CU RTZA BZHI'I MDO SDE THAMS CAD KYI SNOD DAM PA, DPAL GSANG BA 'DUS PA'I RTZA BA'I RGYUD DANG, BSHAD PA'I RGYUD DANG, DE DAG GI DON DBANG BSKUR BA RNAMS PA BZHI DANG, DAM TSIG RNAM PA GSUM DANG, THUN MONG GI BSNYEN PA RDO RJE RNAM PA BZHI DANG, MCHOG GI BSNYEN PA SBYOR BA YAN LAG DRUG DANG, ZAB MO RIM PA LNGA DANG, SPYOD PA RNAM PA GSUM STE, DPAL GSANG BA 'DUS PA'I CHOS DKON MCHOG LUNG DANG RTOGS PA'I 'KHOR LO RNAM PA GNYIS LA LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES SKAL PA DANG LDAN PA'I GANG ZAG KHYED CAG 'DIR 'KHOD PA THAMS CAD LA NYIN MTSAN THAMS CAD DU PHUN SUM TSOGS PA'I DPAL LA RTAG TU ROL PAR BYED PA'I SHIS PAS LHAG PAR SKYONG BAR GYUR CIG ,KHYAB BDAG DPAL LDAN RDO RJE SEMS DPA' YI, ,ZHAL GYI PADMO LAS 'ONGS RGYUD SDE'I GZHUNG, ,STONG PHRAG SUM CU GSUM GYI
, ,RTZA BA MCHOG ,DPAL LDAN 'DUS PA'I RTZA RGYUD BSHAD RGYUD DANG, ,DBANG BSKUR BZHI DANG DAM TSIG RNAM PA GSUM, ,BSKYED RI MTHUN MONG BSNYEN PA RDO RJE BZHI, , RDZOGS RIM MCHOG GI BSNYEN PA YAN LAG DRUG ,ZAB MO RIM PA LNGA DANG SPYOD PA GSUM, ,DPAL LDAN 'DUS PA'I CHOS KYI DKON MCHOG NI, ,LUNG DANG RTOGS PA'I 'KHOR LO RNAM GNYIS LA, , LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA THAMS CAD 'DUS PA'I RGYUD KYI DON BLA MA'I DRIN GYIS MA NOR BAR RTOGS NAS THUN BZHI'I RNAL 'BYOR LA BRTEN PA DANG, MCHOG DANG THUN MONG GI DNGOS GRUB BSGRUB PA LA MI 'GYUR BA'I BLO BRTAN PO CAN GYIS SGRUB PA PO'I DBANG PO DANG, SGRUB PA PO DE GANG GIS MTHONG ZHING THOS PA DANG, DRAN CING REG PA DANG, DAD CING PHYOGS GCIG TZAM ZHIG 'DZIN PA YAN CHAD LA YANG RDO RJE 'CHANG DANG 'DRA BAR BLTAS NAS PHYAG 'TSAL LO ZHES RGYUD KYI RGYAL PO LAS GSUNGS PA'I DPAL GSANG BA 'DUS PA'I DGE 'DUN DKON MCHOG, RGYUD KYI RGYAL PO'I LUNG DANG RTOGS PA'I CHOS 'DZIN PA THAMS CAD LA LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES, SKAL PA DANG LDAN PA'I GANG ZAG KHYED CAG 'DIR 'KHOR BA THAMS CAD LA, NYIN MTSAN THAMS CAD DU PHUN SUM TSOGS PA'I DPAL LA RTAG TU ROL BAR BYED PA'I SHIS PAS LHAG PAR SKYONG BAR GYUR CIG ,PHYOGS BCU'I RAB 'BYAMS ZHING NA BZHUGS PA YI, ,
DPAL LDAN 'DUS PA'I DGE 'DUN DKON MCHOG NI, ,RGYUD KYI RGYAL PO'I LUNG RTOGS DAM CHOS KYI, ,PHYOGS GCIG YAN CHAD 'DZIN PA THAMS CAD LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA LTAR 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,NAM MKHA'I KHYON LTAR YANGS PA'I PHO BRANG MCHOG ,NYI ZLA'I 'OD DANG MNYAM PA'I 'OD 'PHRO ZHING, ,GRANGS MED RIN CHEN RGYAN GYIS MDZES PA LA, ,DGE MTSAN JI SNYED MCHIS PA'I BKRA SHIS DES, ,KHYED CAG GANG DANG GANG DU GNAS PA DER, ,MI SHIS MTSAN MA 'GA' YANG MI 'BYUNG ZHING, ,ZHING GI 'BYOR PA PHUL DU BYUNG BA YIS, ,BDE LEGS RGYUN MI 'CHAD PA'I BKRA SHIS SHOG , ,, CES SHIS BRJOD KYIS BRGYAN PAR BYA'O, ,ZHES DPAL GSANG BA 'DUS PA'I RAS BRIS DANG BSAM GTAN GYI DKYIL 'KHOR SGRUB MCHOD BYA TSUL GYI CHOG SGRIG DNGOS GRUB CHAR 'BEBS ZHES BYA BA 'DI NI, , RJE BDAG NYID CHEN PO RANG GIS MDZAD PA'I DKYIL CHOG DBANG DON DE NYID RAB GSAL LAS RDUL TSON GYI DKYIL 'KHOR SGRUB CING MCHOD PA'I TSUL GSAL BAR BSHAD KYANG RAS BRIS DANG BSAM GTAN GYI DKYIL 'KHOR SGRUB MCHOD BYA TSUL MI GSAL, PHUN TSOGS GLING GI SPAR MA LAS KYANG DE DANG 'DRA, RJE 'DUL BA 'DZIN PAS MDZAD PA'I BSAM GTAN SGRUB MCHOD KYI CHOG LAS KYANG RAS BRIS KYI DKYIL 'KHOR SGRUB TSUL MA BSHAD, RAS BRIS KYI DKYIL 'KHOR SGRUB MCHOD BYA TSUL GSAL BAR BSHAD PA'I YIG CHA GZHAN YANG MA MTHONG ZHING, ,DENG SANG RAS BRIS LA BRTEN PA'I DKYIL 'KHOR SGRUB MCHOD DANG
, ,DBANG BDAG 'JUG BYED MKHAN MANG BAR SNANG BA DANG, RANG NYID KYIS KYANG DE LTAR BYED PA LA SGRUB GROGS SOGS KYI NGAG 'DON 'GRIG PA'I PHYIR BSGRIG MA ZHIG MKHO BAR BSAM NAS; DBANG DON RAB GSAL DANG MKHAS GRUB RIN PO CHE'I DKYIL CHOG GI LHAN THABS, 'DUL BA 'DZIN PA'I BSAM GTAN SGRUB MCHOD KYI YIG CHA SOGS GUNG BSGRIGS TE RANG BLOS DPOG TSOD KYIS DGONGS PA DANG MI 'GAL ZHING LAG TU BLANG BDE BAR YUL BYANG PHYOGS KYI MTHAR 'KHYAMS PA'I BAN CHUNG SNYOMS LAS PA NGAG DBANG BLO BZANG CHOS LDAN GYIS 'JAM DBYANGS GONG MA CHEN PO'I RGYAL KHAB BE'I CING GI BOD CHOS LHA KHANG DU GRAGS PAR BSGRIGS PA'I YI GE PA NI NANG DON RIG PA LA LEGS PAR SBYANGS SHING RNAM DPYOD YANGS PA'I RAB 'BYAMS SMRA BA BLO BZANG NYI MA'O, ,'DIS KYANG RGYAL BA BLO BZANG GRAGS PA'I BSTAN PA RIN PO CHE PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG , ,,