The 'Starting Key to the Machine of Knowledge,' being an Analysis of 'The Two Strings'

, ,('PHRENG BA GNYIS KYI MTHA' DPYOD RIG PA'I 'PHRUL GYI SDE MIG CES BYA BA BZHUGS SO),, ,, *, ,BYIN BRLAB KUN 'BYUNG RTZA RGYUD BLA MA DANG, ,DNGOS GRUB KUN STZOL YI DAM DKYIL 'KHOR LHA, ,'PHRIN LAS KUN SGRUB SRUNG MA'I TSOGS RNAMS LA, ,SNYING NAS 'DUD DO KUN TU SHIS PA STZOL, ,DE LA 'DIR RNAL 'BYOR RDZOGS 'PHRENG NAS BSHAD PA'I LHA RNAMS KYI SGRUB THABS SGOM TSUL DANG, DKYIL CHOG RDOR 'PHRENG NAS BSHAD PA'I DBANG SKUR TSUL GYI MTHA' CUNG ZAD DPYAD PA LA, SGRUB THABS KYI MTHA' DPYAD PA DANG, DKYIL CHOG GI MTHA' DPYAD PA GNYIS, DANG PO LA, RTEN BRTEN PA BSKYED TSUL DANG, RTEN BRTAN PA LA DPYAD PA GNYIS, ,DANG PO NI, RNAL 'BYOR RDZOGS 'PHRENG RU, RTEN DANG BRTEN PA'I DKYIL 'KHOR THAMS CAD STONG PA'I NGANG LAS SKAD CIG GIS SKYED PAR GSUNGS PAS, MNGON BYANG LNGA LA SOGS PA'I SGO NAS SKYED MI RIGS SNYAM NA, DE MA YIN TE, RDZOGS 'PHRENG GI DNGOS BSTAN LA MNGON RTOGS LEGS PAR BSGOM PAS DBANG PO RAB TU GYUR BA RTEN DANG BRTEN PA THAMS CAD SKAD CIG GIS GSAL BTAB NA, PHRA RAGS THAMS CAD GSAL BAR 'CHAR NUS PA'I GANG ZAG GI DBANG DU BYAS NAS SKAD CIG GIS SKYED PAR GSUNGS PA YIN GYI, 'DI NAS BSHAD PA'I LHA RNAMS KYI MNGON RTOGS GANG ZAG SUS SGOM KYANG SKAD CIG GIS SKYED DGOS PAR GSUNGS PA MA YIN PA'I PHYIR, DE YANG YIN TE, RDZOGS 'PHRENG LAS, 'DIR GANG GI PHYIR CHUNG NGU DANG 'BRING PO'I RIM PA DAG GI TING NGE 'DZIN LEGS PAR BSGOMS PA LAS SHES RAB MCHOG TU GYUR PA LA BCOM LDAN 'DAS KYIS, SPRO DANG BSDU BA'I BYED PA PO, ,RNAMS KUN GYI MCHOG LDAN PA'I, ,YE SHES SKAD CIG GIS RDZOGS PA, ,RDZOGS PA'I RNAL 'BYOR ZHES BRJOD DO, ,ZHES GSUNGS SO; ;ZHES PA'I 'DIR GANG GI PHYIR ZHES PA NAS, MCHOG TU GYUR PA LA, ZHES PA'I BAR GYIS RTEN GYI GANG ZAG GANG GIS BSGOM PA NGE BSTAN, BCOM LDAN 'DAS KYIS, ZHES PA NAS, ZHES GSUNGS SO, ,ZHES PA'I BAR

GYIS SKAD CIG GIS RDZOGS PAR SKYED PA'I RNAL 'BYOR BSGOM PA'I SHES BYED KYI KHUNGS SU SGYU 'PHRUL DRA BA'I RGYUD TSIG DE DRANGS PA YIN CING, DE YANG LUNG DANG POS RTEN GYI GANG ZAG JI LTA BUS SGOM NA MNGON BYANG LNGA BSKYED LA SOGS PA'I BSKYED RIM GYI TING NGE 'DZIN LEGS PAR BSGOM PAS SHES RAB MCHOG TU GYUR PA STE DBANG PO RAB TU GYUR PA CIG GIS SGOM PAR BYA, ZHES GSUNGS PA'I PHYIR, DE YANG YIN TE, SPYIR SNGAGS KYI LAM BSGOM PA'I GANG ZAG DE LA BSKYED RIM PA DANG, RDZOGS RIM PA GNYIS, BSKYED RIM PA LA DBANG PO CHUNG NGU 'AM DMAN PA BSKYED RIM THOG MAR BSGOM PA NAS, RTEN DANG BRTEN PA'I DKYIL 'KHOR RAGS PA THAMS CAD BSGOMS STOBS KYIS YUD TZAM RE LA GSAL BAR 'CHAR MI NUS PA'I BAR GYI LAS DANG PO PA DANG, DBANG PO 'BRING RAGS PA'I RTEN DANG BRTEN PA BSGOMS STOBS KYIS YUN TZAM RE LA GSAL BAR 'CHAR NUS LA, PHRA MO RNAMS DE LTAR MI NUS PA'I YE SHES CUNG ZAD BABS PA, DBANG PO CHEN PO 'AM MCHOG RTEN DANG BRTEN PA PHRA RAGS THAMS CAD BSGOMS STOBS KYIS YUD TZAM RES MNGON DU BYED NUS PA NAS BZUNG STE RDZOGS RIM MTHON POR SLEB PA'I YE SHES LA YANG DAG PAR DBANG THOB PA LAM SLEB PA'I BAR GYI YE SHES CUNG ZAD BABS PA'AM YE SHES LA DBANG CUNG ZAD THOB PA GSUM DANG, RDZOGS RIM PA LA, YE SHES LA DBANG CUNG ZAD THOB PA LEGS PAR BYANG BA NAS YE SHES LA YANG DAG PAR DBANG THOB KHA MA'I BAR DANG, PHYAG RGYA CHEN PO'I DNGOS GRUB BRNYES PA'I YE SHES LA YANG DAG PAR DBANG THOB PA GNYIS SU YOD PA LAS, 'DIR BSKYED RIM PA'I BSGOM STOBS KYIS DBANG PO MCHOG TU GYUR PA YE SHES LA DBANG CUNG ZAD THOB PA YAN CHAD KYIS SGOM PAR GSUNGS PA'I PHYIR, DE YANG YIN TE, LUNG DE'I 'DIR GANG GI PHYIR CHUNG NGU DANG, 'BRING PO'I RIM PA DAG GI TING NGE 'DZIN LEGS PAR BSGOM PA LAS, ZHES PAS, DBANG PO'AM BLO GROS CHUNG NGU LAS DANG PO BA DANG, 'BRING PO YE

, ,SHES CUNG ZAD BABS PA GNYIS KYIS SKABS SU RIM PA BZHIN BSKYED RIM GYI TING NGE 'DZIN LEGS PAR BSGOMS PA DE BSTAN, SHES RAB MCHOG TU GYUR PA LA, ZHES PAR, DA LTAR BSGOMS PA LA BRTAN NAS SNGA MA GNYIS LAS SHES RAB DANG DBANG PO MCHOG TU GYUR BA YE SHES LA CUNG ZAD DBANG THOB PA BDE BSTAN NAS, YE SHES LA DBANG CUNG ZAD THOB PA YAN CHAD KYIS 'DI NAS BSHAD PA LTAR GYI, RTEN DANG BRTEN PA'I DKYIL 'KHOR THAMS CAD SKAD CIG GIS RDZOGS PAR BSKYED NAS BSGOM PA DE BSTAN PA YIN PA'I PHYIR, DE LTAR NA BLO GROS CHUNG NGU LAS DANG PO PA DANG, 'BRING PO YE SHES CUNG ZAD BABS PA GNYIS KYIS BSKYED RIM GYI TING NGE 'DZIN BSGOMS PA LA BRTEN NAS DBANG PO MCHOG TU GYUR BA YE SHES LA CUNG ZAD DBANG THOB PA YAN CHAD DMIGS KYIS BSAL TE PA SKAD CIG KRONG BSKYED BSGOM PAR BSHAD PA DES LAS DANG PO PA DANG, YE SHES CUNG ZAD BABS PA RNAMS GYIS RDZOGS 'PHRENG NAS BSHAD PA'I YI DAM KYI LHA'I RTEN DANG BRTEN PA'I DKYIL 'KHOR BSGOM PA NA MNGON BYANG LNGA BSKYED LA SOGS LHA RANG RANG GI BSKYED CHOG GI YIG CHA KHUNGS BTZUN LAS BSHAD PA LTAR SGOM DGOS PAR 'GRUB TE, DE RNAMS KYIS RDZOGS 'PHRENG NAS BSHAD PA'I LHA'I MNGON RTOGS SGOM PA'I SKYED RIM GYI TING NGE 'DZIN LEGS PAR SGOM DGOS PA GANG ZHIG ,'DI NAS BSHAD PA LTAR RTEN BRTEN PA THAMS CAD SKAD CIG GIS RDZOGS PAR SGOM PAR MA BSHAD PA'I PHYIR, DANG PO SGRUB TE, CHUNG DU DANG 'BRING PO'I RIM PA DAG GI TING NGE 'DZIN LEGS PAR BSGOM PA LAS, ZHES GSUNGS PA'I PHYIR DANG SKYED RIM SGOM PA'I LAS DANG PO BA DANG YE SHES CUNG ZAD BABS PA YOD PA'I PHYIR, GNYIS PA GRUB TE, YE SHES LA DBANG CUNG ZAD THOB PA YAN CHAD KYIS SKAD CIG KRONG SKYED BYED PAR DMIGS KYIS BSAL NAS BSHAD PA'I PHYIR, NGES NA DON 'DI LA DGONGS NAS RDO RJE 'CHANG

SNGAGS RAM PA RJE DRUNG DGE 'DUN BKRA SHIS KYIS, RDO RJE 'PHRENG BA'I SGRUB DKYIL RDOR 'PHRENG GSAL SGRON DU, LAS DANG PO BAS SGOM PA'I DBANG DU MDZAD NAS LHA'I MNGON RTOGS RNAMS RANG RANG GI SGRUB THABS KYI YIG CHA MKHAS GRUB TSAD LDAN GYIS MDZAD PA LTAR 'GOD PAR MDZAD CING, RNAL 'BYOR RDZOGS 'PHRENG GI DGONGS PAR YANG SNANG BAS LAS DANG PO BA RNAMS KYIS SGRUB THABS SGOM TSUL DE BZHIN MDZAD NA SHIN DU LEGS SAM SNYAM MO, ,'O NA, LAS DANG PO BA RNAMS KYIS SKAD CIG GRONG SKYED BYED PA GTAN NAS MI RIGS SHING, DE LTAR BYAS PA LA DGOS PA CUNG ZAD KYANG MED DAM SNYAM NA, DE YANG MA YIN TE, GSANG SNGAGS MOS PA LAM BYED DU GSUNGS PAS, LAS DANG PO PAS KYANG BSTAN PA DANG RANG GZHAN LA PHAN 'DOD KYI BSAM PA RNAM PAR DAG PAS RTEN BRTEN PA THAMS CAD SKAD CIG GIS BSKYED PA'I CHO THAMS CAD GSAL BAR 'CHAR BA MA BYUNG KYANG GSAL PAR GYUR BA'I MOS PA YID BYED TZAM BYAS NAS BSGOM PAS KYANG RANG RGYUD LA'ANG BAG CHAGS KHYAD PAR CAN 'JOG CING, GZHAN LA DBANG BSKUR BA SOGS BYAS PAS GZHAN RGYUD LA BAG CHAGS 'JOG PA'I DGOS PA YOD BAS, SA BZANG 'PHAGS PA GZHON NU BLO GROS DANG, PAn CHEN THAR RTZE BA NAM MKHA' DPAL BZANG DANG, PAn CHEN BZANG PO BKRA SHIS SOGS DAM PA GONG MA MANG PO'I SGRUB DKYIL DU, SGRUB THABS KYI TSE SKAD CIG GRONG BSKYED BYED PAR BSHAD PA MANG ZHING, PHYAG LEN KYANG DAR RGYAS CHE BAR SNANG BAS SO, ,BLA MA KHA CIG GIS, 'DI'I MNGON RTOGS KYI CHING NGAM SDOM LA, TSOGS ZHING LA TSOGS SOG PA; SRUNG 'KHOR SGOM PA, GZHAL YAS KHANG DANG LHA SGOM PA, SNGAGS PA ZLA BA DANG BZHI MDZAD NAS, TSOGS ZHING LA TSOGS SOGS PA'I TSOGS ZHING NI GTZO BO'I SA BON LAS SPRO BA DANG, TSOGS ZHING GI

, ,SANGS RGYAS BYANG SEMS RNAMS KYIS SEMS CAN LA CHOS STON PA SOGS KYI MDZAD PA MDZAD NAS SEMS CAN THAMS CAD SANGS RGYAS KYIS LA 'GOD PAR BSAM PA, RDZOGS 'PHRENG LAS, THUGS KA'I SA BON DANG LDAN PA, STONG PA NYID DANG SNYING RJE RO GCIG PA BDE BA CHEN PO'I RANG BZHIN GYIS DE BZHIN GSHEGS PA DANG, LHA MO DANG BYANG CHUB SEMS DPA' DANG, KHRO BO LA SOGS PA DPAG TU MED PA SPROS TE, SKAL PA JI LTA BA BZHIN CHOS STON PA LA SOGS PAS GZHAN LA PHAN PA RNAMS MDZAD DE, BSOD NAMS KYI TSOGS MTHAR PHYIN PA LA 'JOG CING SDUD PA BSAM GYIS MI KHYAB PA'I SKUR 'CHAR BAR BYA'O, ,ZHES PA 'DIS BSTAN PAR DGONGS PA MI 'THAD DE, 'DIS RTEN DANG BRTEN PA'I DKYIL 'KHOR RDZOGS PAR BSGOM PA'I LHA'I THUGS KAR SA BON DGOD PA DANG, DE LAS GSHEGS PA GSHEGS MA, SEMS DPA', SEMS MA, KHRO BO LA SOGS PA DPAG TU MED PA SPROS TE, SEMS CAN RNAMS LA RANG RANG GI BLO DANG 'TSAMS PA'I CHOS STON PA LA SOGS PA'I GZHAN PHAN RGYA CHEN PO MDZAD DE SLAR GSHEGS PA GSHEGS MA SOGS TSUR BSDU BA'I SPRO BSDU'I DMIGS PA MDZAD PAR BSHAD PA YIN GYI, TSOGS ZHING GI LHA THUGS KA'I SA BON LAS SPRO BAR BSHAD PA MA YIN PA'I PHYIR, DE YANG YIN TE, GONG DU BSHAD PA'I BSGOM PA PO'I RTEN GYI GANG ZAG BLO GROS MCHOG TU GYUR PA DES RTEN BRTEN PA THAMS CAD SKAD CIG GIS RDZOGS PAR BSKYED PAR 'CHAD PA LA, RDZOGS 'PHRENG LAS, DE'I PHYIR BDAG DANG SEMS CAN THAMS CAD RDO RJE 'DZIN PA NYID THOB PAR 'DOD PA'I SPRO BA DANG LDAN PAS, PHUNG PO DANG KHAMS DANG SKYE MCHED LA SOGS PA GZUGS BRNYAN GYI RANG BZHIN STONG PA NYID DANG RO GCIG PAR NGES BAR BYAS

NAS 'OD GSAL BAR RAB TU ZHUGS PA LAS SKAD CIG GIS YAN LAG DANG BCAS PA'I GZHAL YAS KHANG GI DBUS SU DKYIL 'KHOR DANG DKYIL 'KHOR PAS YONGS SU BSKOR BA'I DPAL RDO RJE SEMS DPA' DANG 'JAM PA'I RDO RJE LA SOGS PA'I SKU BSKYED PA NI STONG PA NYID DANG SNYING RJE RO GCIG PA BDE BA CHEN PO'I RANG BZHIN GYI RIGS KYI BDAG POS DBU BRGYAN CING, ZHES PA'I MJUG THOG TU GONG DU DRANGS PA'I LUNG THUGS KA'I SA BON DANG LDAN PA, ZHES PA NAS, 'CHANG BAR BYA'O, ,ZHES PA'I BAR GSUNGS PA YIN LA, DE'I PHYIR BDAG DANG SEMS CAN THAMS CAD RDO RJE 'DZIN PA NYID THOB PAR 'DOD PA'I SPRO BA DANG LDAN PAS, , ZHES BAS, RANG GZHAN SEMS CAN THAMS CAD RDO RJE 'DZIN PA STE RDO RJE 'CHANG GI GO 'PHANG THOB PAR 'DOD PA'I SEMS BSKYED DANG LDAN PA'I NGANG NAS SGOM DGOS PA DE BSHAD, PHUNG PO DANG KHAMS DANG SKYE MCHED LA SOGS PA GZUGS BRNYAN GYI RANG BZHIN STONG PA NYID DANG RO GCIG PAR NGES PAR BYAS NAS 'OD GSAL BAR RAB TU ZHUGS PA LAS, ZHES PAS, PHUNG KHAMS SKYE MCHED LA SOGS PA'I CHOS THAMS CAD ME LONG NANG GI GZUGS BRNYAN LTAR BDEN PAR MA GRUB PA RANG BZHIN GYIS STONG PA'I STONG PA NYID BLO YUL DU NGES PAR BYAS NAS DE LTA BU'I STONG PA NYID RTOGS PA'I 'OD GSAL LA MNYAM PAR BZHAG PA LAS RTEN BRTEN PA THAMS CAD BSKYED DGOS PAR BSHAD, SKAD CIG GIS YAN LAG DANG, BCAS PA'I GZHAL YAS KHANG GI DBUS SU DKYIL 'KHOR DANG DKYIL 'KHOR BAS YONGS SU BSKOR BA'I DPAL RDO RJE SEMS DPA' DANG, 'JAM PA'I RDO RJE LA SOGS PA'I SKU SKYED PA NI, ZHES PAS, SKAD CIG GIS 'OG NAS 'CHAD PAR 'GYUR BA'I RDO RJE'I RA GUR LA SOGS PA'I YAN LAG DANG BCAS PA'I GZHAL YAS KHANG GI

, ,DBUS SU LHA RNAMS KYI GDAN DANG BCAS PA'I RTEN GYI DKYIL 'KHOR DANG, DKYIL 'KHOR BA 'KHOR GYI LHAS YONGS SU BSKOR BA'I RDO RJE SEMS DPA' DANG, 'JAM PA'I RDO RJE LA SOGS PA'I SKU BRTEN PA'I DKYIL 'KHOR SKAD CIG GIS RDZOGS PAR BSKYED PA DE BSHAD, STONG PA NYID DANG SNYING RDZE RO GCIG PA BDE BA CHEN PO'I RANG BZHIN GYI RIGS GYI BDAG POS DBU BRGYAN CING THUGS KHA'I SA BON DANG LDAN PA ZHES PAS LHA DE RNAMS LA BDE STONG YE SHES KYI RANG BZHIN GYI RANG RANG GI RIGS BDAG GIS DBU BRGYAN PA DANG, LHA DE RNAMS KYI THUGS KAR RANG RANG GI SA BON NAD GOD PA DE BSHAD, STONG PA NYID DANG SNYING RJE RO GCIG PA BDE BA CHEN PO'I RANG BZHIN GYI DE BZHIN GSHEGS PA DANG, LHA MO DANG, BYANG CHUB SEMS DPA' DANG, KHRO BO LA SOGS PA DPAG TU MED PA SPROS TE, ZHES PAS, THUGS KA'I SA BON LAM BDE STONG YE SHES KYI NGO BOR GYUR PA'I GSHEGS PA GSHEGS MA SOGS SPRO BDE BSHAD, SKAL PA JI LTA BA BZHIN CHOS STON PA LA SOGS PAS GZHAN LA PHAN PA RNAMS MDZAD DE BSOD NAMS GYI TSOGS MTHAR PHYIN PA LA 'JOG CING SDUD PA, ZHES PAS, GSHEGS PA LA SOGS PA DPAG TU MED PA SPROS TE SEMS CAN RNAMS LA SKAL PA JI LTA BA BZHIN CHOS STON PA LA SOGS PA'I GZHAN DON RGYA CHEN PO MDZAD DE BSOD NAMS KYI TSOGS MTHAR PHYIN PA LA DGOD CING SLAR LHA DE RNAMS TSUR SDUD PA DE BSHAD, BSAM GYIS MI KHYAB PA'I SKUR 'CHANG BAR BYA'O, ,ZHES PAS, DE LTAR SPRO BA DANG BSDU BA'I MDZAD PA BSAM GYIS MI KHYAB BSTON PA'I SKUR SGOM PAR BSHAD PA YIN PA GANG ZHIG ,TSOGS ZHING LA TSOGS SOG PA'I TSUL 'CHAD NA, RTEN DANG BRTEN PA'I DKYIL 'KHOR YONGS SU RDZOGS PA SGOM PA'I SNGON DU 'CHAD PAR RIGS KYI,

RIGS BDAG GIS RGYAS 'DEBS DANG BCAS PA THAMS CAD RDZOGS PA'I RJES SU THUGS KA'I SA BON LAS TSOGS ZHING SPRO BA DANG, DE LA TSOGS SOG PA SKABS 'CHOL BAR 'GYUR ZHING KHYED KYIS KYANG TSOGS ZHING LA TSOGS SOG PA MNGON RTOGS KYI CHING GI THOG MAR MDZAD 'DUG PA'I PHYIR, NGES NA SNGON 'GRO'I GTOR MA, RDOR SEMS BSGOM BZLAS, TSOGS ZHING RNAMS RDZOGS 'PHRENG DU DNGOS SU MI GSAL KYANG DER SANG YIG CHA PHAL CHER NA YOD PA DANG, PHYAG LEN LA MDZAD PA NI LAS DANG PO BAS SGRUB THABS SGOM PA'I BAR CHAD ZHI BA'I PHYIR, SNGON 'GRO'I GTOR MA GTONG BA, SDIG LTUNG SBYANG BA'I PHYIR RDOR SEMS BSGOM BZLAS BYED PA, MTHUN RKYEN TSOGS SOG PA'I PHYIR TSOGS ZHING LA MCHOD PA 'BUL BA RNAMS MDZAD PA YIN PAS, 'GAL BA MED CING DGOS PA CHE BAS LEGS, GNYIS PA LA RTEN LA DPYAD PA DANG BRTEN PA LHA LA DPYAD PA GNYIS, DANG PO NI, THUN MONG PA'I SRUNG 'KHOR RDO RJE'I RA GUR SOGS NI, RDZOGS 'PHRENG NAS BSHAD PA'I GZHAL YAS KHANG THAMS CAD LA DGOS TE, RDZOGS 'PHRENG LAS, DE LA RDO RJE'I GUR NI 'CHAD PAR 'GYUR BA'I GZHAL YAS KHANG THAMS CAD LA YANG NGO, ,ZHES GSUNGS PA'I PHYIR, THUN MONG MA YIN PA'I SRUNG 'KHOR KHRO BO BCU DANG, CHOS 'BYUNG NI, 'GA' ZHIG LA DGOS KYANG 'GA' ZHIG LA MI DGOS STE, DE NYID LAS, SRUNG BA'I 'KHOR LO DANG CHOS 'BYUNG NI 'GA' ZHIG KHO NA LA 'CHAD DO, ,ZHES GSUNGS PA'I PHYIR, BLA MA KHA CIG ,'DI NAS BSHAD PA'I DKYIL 'KHOR LA GZHAL YAS KHANG GI RTA BABS SNAM BU BZHI PA MDZAD PAR BZHED PA MI 'THAD DE, SPYIR RTA BABS SNAM BU BZHI PA BYED PA'I TSUL RGYA GAR GYI PIntA TA SHANGDHA KA RA WA RMAS MDZAD PA'I THIG RTZAR BSHAD YOD PAS MI 'THAD PA MIN KYANG, RDO RJE

, ,'PHRENG BA'I SKABS 'DIR DKYIL CHOG RDO RJE 'PHRENG BAR GZHAL YAS KHANG GI THAG 'DEBS TSUL 'CHAD PA NA, DUS 'KHOR DANG CHOS DBYINGS GSUNG DBANG GNYIS MA GTOGS PA'I GZHAL YAS KHANG LA 'OD 'PHRENG GI MTHA' NAS PHYOGS GZHAN GYI 'OD 'PHRENG GI MTHA'I BAR TSANGS THIG LA CHA CHEN NYER BZHI PA DANG, PAD ME'I LTE BA'I MTHA' NAS MTHA'I BAR CHA CHEN BCU DRUG PA GNYIS, ZUR THIG LA SGO TSAD BCU BDUN, RTZA THIG GI BRGYAD CHA LA SGO TSANG DANG, DE'I BZHI CHA LA CHA CHUNG, RTZIG PA, PHA GU, SHAR BU MDA' YAB RNAMS KYI SA LA CHA CHUNG RE RE, 'DOD SNAM DANG, DRA BA DRA PHYED KYIS LA CHA CHUNG GNYIS GNYIS, SGO NAS SGO LOGS KYI BAR MNYAM MI MNYAM LA SGO DANG SGO KHYUD SOGS BZHI KA MNYAM PA, SGO DANG SGO KHYUD GNYIS MNYAM ZHING 'GRAM LOGS GNYIS DANG MI NYAM LE, 'GRAM SOGS GNYIS MNYAM PA GNYIS, TSANGS THIG CHA CHEN NYER BZHI BA'I PHYOGS LA SNA TSOGS RDO RJE'I RVA'I SRID LA SGO TSAD BZHI, RTA BABS KYI DPANGS SU SGO TSAD GSUM DANG SNAM PU GNYIS MNYAM DGU MNYAM DANG, LNGA MNYAM GSUM GSUM MNYAM GNYIS, CHA CHEN BCU DRUG PA'I PHYOGS LA SNA TSOGS RDO RJE'I RVA'I SRID LA SGO TSAD GNYIS, RTA BABS KYI DPANGS SU SGO TSAD GCIG ,SNAM BU LNGA MNYAM GSUM GSUM MNYAM; TSANGS THIG SNGA MA LA PAD RA DANG RDOR CHA CHUNG GNYIS GNYIS, 'OD 'PHRENG CHA CHUNG BZHI, PHYI MA LA PAD RA DANG RDOR CHA CHUNG RE RE 'AM GNYIS GNYIS, 'OD 'PHRENG LA CHA CHUNG GNYIS SAM BZHI PHYED PA DKYIL 'KHOR THAMS CAD LA SPYI 'GROR BSHAD CING, RTA BABS SNAM BU BZHI PA'I LUGS ZUR TZAM YANG MA GSUNGS PA'I PHYIR, GZHAL YAS KHANG GI RTZIG PA PHYI NAS RIM PA BZHIN DKAR SER DMAR LJANG SDOG ZHES DANG, NANG GI PHYOGS MDOG

SHAR DKAR, LHO SER, NUB DMAR, BYANG LJANG, DBUS SNGO BA ZHES PA SPYI 'GROR BSHAD PA MI 'THAD DE, GZHAL YAS KHANG GI DBUS KYI SHAR SOGS PHYOGS BZHI DANG DBUS SU RNAM SNANG SOGS DE BZHIN GSHEGS PA LNGA'I RIGS CAN RNAMS RIM PA LTAR YOD NA RTZIG PA LNGA DANG PHYOGS KYI MDOG GONG BZHIN BYED PA 'THAD KYANG, DE LTAR MA YIN NA, LHA RNAMS KYI RIGS BDAG GI DE BZHIN GSHEGS PA'I MDOG LTAR BYA DGOS PA'I PHYIR, DER THAL, RDOR 'PHRENG LAS, SHAR DANG, LHO DANG, NUB DANG, BYANG GI PHYOGS KYI DE BZHIN GSHEGS PA DANG, DBUS KYI GTZO BO'I KHA DOG GI GO RIM BZHIN DU PHYI'I RE KHA NAS BRTZAMS NAS NANG GI RE KHA'I BAR DU TSON LNGA'I RTZIG PA'I RE KHA'I KHA DOG GO ,PHYOGS DANG DBUS SU LHA GZHAN DGOD PA NA RGYAS 'DEBS KYI DE BZHIN GSHEGS PA'I MDOG GI RIM PAS SO, ,ZHES DANG, SNGAGS RIM LAS, PHYOGS DANG DBUS SU LHA GZHAN BKOD PA YIN NA NI, RGYAS 'DEBS KYI DE BZHIN GSHEGS PA'I KHA DOG GI RIM PA LTAR BYA'O, ,ZHES DANG, GTZO BO'I SA NI GTZO BO'I MNGOG GO ,ZHES GSUNGS PA NI, GTZO BO RIGS LNGA SPYI 'GRO LTAR YIN NA DE'I MDOG DANG, DE LTA MIN NA RIGS BDAG GANG YIN GYIS BYA DGOS TE, ZHES GSUNGS PA'I PHYIR, YANG KHA CIG ,DUR KHROD YOD PA'I DKYIL 'KHOR LA DUR KHROD RNGO RA'I NANG DU SGOM DON DANG BRI BYA GNYIS KA LA DGOS PA'I KHYAB PA BZHED PA MI 'THAD DE, SPYIR SLOB DPON AABHA+YA KA RAS MAN NGAG SNYE MAR, DUR KHROD NANG DU 'GOD PA'I LUGS BSHAD CING, SLOB DPON SHANTI BAS KYANG, NANG DU 'GOD PA'I PHYOGS BSHAD NA'ANG RDO RJE 'PHRENG BAR DUR KHROD RNGO RA'I NANG DANG PHYI GANG DU 'BRI GSAL BAR MA BSHAD PAR RDO RJE MKHA' 'GRO'I RGYUD LAS, PHYI ROL 'OD KYI DKYIL 'KHOR NI, ,TSON GYI SA YI GNYIS 'GYUR TSAD, ,'KHOR SA DE YI PHYI ROL

, ,DU; ;SHING SOGS DUR KHROD BRGYAD PA'O, ,ZHES 'OD 'PHRENG GI PHYI ROL TU 'GOD PA'I KHUNG DRANGS SHING, MI 'THAD PA'I PHYOGS MA MDZAD PAS PHYI ROL TU 'GOD PAR BZHED PA GSAL BA'I PHYIR, GNYIS PA BRTEN PA LHA LA DPYAD PA LA, GSANG 'DUS MI BSKYOD PA'I SGRUB THABS MDOR BYAS SOGS SGRUB THABS PHAL CHE BA LAS LHA RNAMS GYI GDAN GNYIS BRTZEGS LAS MA BSHAD KYANG, RNAL 'BYOR RDZOGS 'PHRENG LTAR NA SNA TSOGS PADMA'I STENG DU LHA RANG RANG GI PHYAG MTSAN GYI GDAN DANG, DE'I STENG DU RNAM SNANG DANG LHA MO RNAMS DANG BYANG CHUB SEMS DPA' RNAMS LA ZLA BA'I GDAN, GZHAN RNAMS LA NYI MA'I GDAN TE GDAN SUM RTZEG DGOS TE, RDZOGS 'PHRENG LAS, MI BSKYOD PA LA SOGS PA 'DI DAG NI SNA TSOGS PADMA'I STENG DU GO RIM BZHIN DU RDO RJE RTZE LNGA BA DANG, 'KHOR LO DANG, RIN PO CHE, MAR GAD CHA DGU PA DANG, PADMA DMAR PO DANG, SNA TSOGS RDO RJE DANG, 'KHOR LO DANG RDO RJE DANG, PADMA DANG, SNA TSOGS RDO RJE DANG, 'KHOR LO DANG, RDO RJE DANG, PADMA DANG, SNA TSOGS RDO RJE DANG, KLU SHING GI ME TOG DANG, 'KHOR LO DANG, RDO RJE DANG RIN PO CHE DANG, PADMA DANG, RDO RJE DANG, SNA TSOGS RDO RJE DANG, RDO RJE DANG, RDO RJE'I THO BA DANG, RDO RJE DANG, PADMA DMAR PO DANG, SNA TSOGS RDO RJE DANG, RAL GRI YU BA DANG, RDO RJE DANG, RDO RJE'I MTSAN PA'I DBYUG PA SNGON PO DANG, DBYUG PA NAG PO DANG, RDO RJE DANG, RDO RJE LAG NAS PA'I NYI MA DANG, ZLA BA LA BZHUGS PA, ZHES GSUNGS SHING, ZLA BA DANG NYI MA'I GDAN LHA GANG DANG, GANG LA 'THOB PA'I KHYAD PAR NI, DE NYID LAS, DE LA RNAM PAR SNANG MDZAD DANG LHA MO RNAMS DANG BYANG CHUB SEMS DPA' RNAMS ZLA BA LA GNAS PA'O, ,GZHAN RNAMS NI NYI MA LA GNAS PA'O, ,ZHES GSUNGS

PA'I PHYIR, KHA CIG GIS, SGYU DRA 'JAM RNGOR GYI SKABS SU THUN MONG MA YIN PA'I BSRUNG 'KHOR SKYED MI SKYED GNYIS LAS SKYED NA 'JAM RDOR LHA BCU DGU MA JI LTA BA BZHIN BSKYED PAR BSHAD PA MI 'THAD DE, , 'DIR KHRO BCU SKYED NA 'OG NAS 'CHAD 'GYUR GYI SGYU DRA 'JAM RDOR RANG GI GZHAL YAS KHANG GI NANG GI KHRO BO LTAR SKYED DGOS PA'I PHYIR, DER THAL, DE LTAR SKYED PAR RDZOGS 'PHRENG LAS BSHAD PA'I PHYIR, DER THAL; DE NYID LAS, 'ON KYANG 'DIR KHRO BO RNAMS NI 'OG NAS 'CHAD PA'I GZUGS CAN NO, ,ZHES PA NI PHYOGS GCIG GO ,ZHES GSUNGS PA'I PHYIR, DE LA KHO NA RE, NGED KYI LUGS DE 'THAD PA YIN TE, , RDZOGS 'PHRENG LAS, BZHI BCU RTZA GSUM GYI BDAG NYID CAN 'JAM PA'I RDO RJE'I DKYIL 'KHOR LA RDO RJE'I GUR LA SOGS PA GZHAL YAS KHANG GI BAR DU DANG POR BSHAD PA'I 'JAM PA'I RDO RJE'I DKYIL 'KHOR BZHIN NO, ,ZHES GSUNGS PA'I PHYIR, ZER NA, MA KHYAB TE, LUNG DE'I RDO RJE'I GUR LA SOGS PA ZHES PA SOGS KHONGS SU BLA RE ME RI BSRUNG 'KHOR RTZIBS RNAMS BSDUS NAS DE RNAMS DANG, GZHAL YAS KHANG GI BAR RNAMS, 'JAM RDOR LHA BCU DGU MA BZHIN BYA BAR BSHAD NAS, RTZIBS BCU LA 'GOD RGYU'I KHRO BO RNAMS NI, LHA BCU DGU MA BZHIN MA YIN PAR 'OG NAS 'CHAD 'GYUR LTAR BYA DGOS ZHES 'CHAD PA LA; 'ON KYANG 'DIR KHRO BO RNAMS NI ZHES PA NAS, GZUGS CAN NO, ,ZHES PA'I BAR GSUNGS SHING, DE LTA BU'I THUN MONG MA YIN PA'I BSRUNG 'KHOR DANG BCAS PA BSGOM PA NI, 'DI'I DKYIL 'KHOR SGOM TSUL GYI PHYOGS GCIG YIN ZHES 'CHAD PAR, ZHES PA NI PHYOGS GCIG GO ZHES GSUNGS, THUN MONG MA YIN PA'I BSRUNG 'KHOR MI BSGOM PAR, THUN MONG BA'I BSRUNG 'KHOR GYI NAD DU, RI RAB KYI

, ,STENG DU GZHAL YAS KHANG SGOM PA NI SGOM TSUL PHYOGS GNYIS PA YIN NO ZHES 'CHAD PAR, LUNG DE'I 'PHRO NYID DU, RDO RJE'I GUR GYI NANG NA RI RAB KYI STENG DU SNA TSOGS PADMA'I LTE BAR GNAS PA'I SNA TSOGS RDO RJE'I LTE BAR GZHAL YAS KHANG NGO ZHES PA NI PHYOGS GNYIS PA'O, ,ZHES GSUNGS SHING, THUN MONG MA YIN PA'I BSRUNG 'KHOR SGOM PA DANG, MI SGOM PA'I PHYOGS GNYIS GANG BYED KYANG MCHOD RTEN DKAR PO'I NANG DU GZHAL YAS KHANG SGOM DGOS ZHES 'CHAD PAR DRANGS MA THAG PA'I LUNG DE'I 'PHRO NYID DU, PHYOGS GNYIS KA LA YANG MCHOD RTEN DKAR PO'I NANG DU GZHAL YAS KHANG NGO, ,ZHES GSUNGS PA'I PHYIR, GZHAL YAS KHANG GI NANG DU LHA SKYED PA'I TSE 'JAM DPAL MA GTOGS PA'I SEMS DPA' GZHAN RNAMS RANG 'OD KYI SHES RAB MA DANG BCAS PA DANG 'JAM DPAL SKU MDOG DANG PHYAG DANG PO GNYIS MA GTOGS BYAMS PA BZHIN SGOM PAR BSHAD PA MI 'THAD DE, RDZOGS 'PHRENG LAS, 'DI'I SKABS KYI SEMS DPA' GZHAN RNAMS LA RANG 'OD KYI SHES RAB MA DANG BCAS PA BSHAD PA MED CING 'JAM DPAL BYAMS PA DANG 'DRA BAR BYED PA YANG MA YIN PA'I PHYIR, KHYOD KYIS DE LTAR BSHAD PA DE, RDZOGS 'PHRENG LAS, BYAMS PA'I SKU MDOG DANG PHYAG MTSAN BSHAD PA'I 'JUG THOG TU, 'JAM DPAL DMAR PO KHYAD PAR DU SHES RAB MA DANG BRAL BA'O, ,ZHES GSUNGS PA 'DI'I DON YIN PAR BSAM NA'ANG DE'I DON DE LTAR MA YIN TE, LUNG 'DIS 'JAM DPAL SKU MDOG DMAR PO YIN PA DANG, ZHAL PHYAG SOGS PHAL CHER GTZO BO 'JAM PA'I RDO RJE DANG 'DRA BA LA, DE DANG MI 'DRA PA'I KHYAD PAR GTZO BO LA YUM YOD KYANG 'DI LA YUM MED PAR BSHAD PA YIN PA'I PHYIR, DER THAL ,

DE LTAR YIN PAS RJES DRUNG SNGAGS RAM PAS, 'JAM DPAL NI GONG BZHIN TE YUM DANG BRAL BA'O, ,PAn CHEN THAMS CAD MKHYEN PAS KYANG, 'JAM DPAL NI GTZO BO BZHIN LA YUM MED PA'O, ,ZHES GSUNGS SHING, SKYID SHOD SPRUL PA'I SKUS KYANG DE LTAR GSUNGS PA'I PHYIR, GTZO BO'I STENG DU GTZUG TOR 'KHOR SGYUR SPYAN SOGS LHA MO BZHIS BSKOR BA BSGOM PAR BSHAD PA MI 'THAD DE, RDZOGS 'PHRENG DU GTZO BO'I STENG DU GNOD MDZES RGYAL PO BSKYED PAR BSHAD NAS GTZUG TOR 'KHOR SGYUR LOGS SUM BSHAD CING, DE YANG SGYU 'PHRUL DRA BA'I RGYUD LAS, RNAL 'BYOR RGYAS PAR BSTAN PA'I LUGS YIN PAR BSHAD PA'I PHYIR, DE YANG YIN TE, RNAL 'BYOR RDZOGS 'PHRENG LAS, DKYIL 'KHOR 'DI LA GNOD MDZES RGYAL PO'I GZUGS KHO NAS RNAM PAR GNAS PA'I PHYIR, GTZUG TOR 'KHOR LO BSGYUR BA NI DKYIL 'KHOR BA NYID DU THA DAD DU MA BSHAD DE, DPAL SGYU 'PHRUL DRA BA'I RGYUD LAS RNAL 'BYOR RGYAS PAR BSTAN PA LA'O, ,ZHES GSUNGS PA'I PHYIR, GTZUG TOR 'KHOR SGYUR SGOM NA DKYIL 'KHOR BA BZHI BCU ZHE BZHIR 'GYUR BAS 'JAM PA'I RDO RJE LHA ZHE GSUM MA'I DKYIL 'KHOR DU DBANG BSKUR BA LA ZHES KHYED RANG GIS BKOD PA DANG 'GAL BA'I PHYIR, RIGS LNGA DANG KHRO BCU LAS GZHAN PA'I LHA RNAMS LA BAD GDAN MA BSHAD PA'ANG MI 'THAD DE, RDO RJE 'PHRENG BAR LHA RNAMS KYI MTSAN MA LA ZLA BA DANG NYI MA'I GDAN GAR LA GANG 'THOB PA BSHAD PA'I MJUG TU ZLA BA DANG NYI MA THAMS CAD KYI 'OG TU SNA TSOGS CHU SKYES SO, ,ZHES THAMS CAD LA SNA TSOGS PADMA'I GDAN 'GOD PAR BSHAD PA'I PHYIR,, ,,DGRA NAG GI MNGON RTOGS SKABS GTZO BO'I GDAN LA PADMA DANG GSHIN RJE

, ,MA BSHAD PA MI 'THAD DE, RDZOGS 'PHRENG LAS, GZHAL YAS KHANG GI DBUS SU SNA TSOGS MTSO SKYES DANG NYI MA'I STENG DU GNAS PA'I MA HE NAG PO KHROS PA RUS PA'I RGYAN GYIS BRGYAN PA'I RGYAB TU SNA TSOGS CHU SKYES DANG NYI MA LA GNAS PA'I GSHIN RJE'I GDAN LA, GA-YAS BSKUMS, GA-YON BRKYANGS BSAM NA NA ? NAS BZHUGS PA'I GSHIN RJE GSHED NAG PO, ,ZHES SOGS GSUNGS PA'I PHYIR, GTI MUG GSHIN RJE GSHED SOGS BZHI PHYOGS BZHI'I RVA DBUS MA'I STENG DU DGOD PAR BSHAD PA MI 'THAD DE, RVA'I RTZA BA STE LTE BA'I STENG DU 'GOD DGOS PA'I PHYIR, DE YANG YIN TE, RDO RJE 'PHRENG BAR DGRA NAG GI MTSAN MA 'GOD PA'I SKABS SHAR DANG LHO LA SOGS PA'I RVA'I RTZA BA RNAMS SU RTAG PA DANG, RIN CHEN DBANG PO DANG, SNANG BA MTHA' YAS DANG, DON YOD GRUB PA RNAMS KYI 'KHOR LO RTZI BAS BRGYAD PA DKAR PO DANG, RIN PO CHE LJANG KHU CHA DGU BA DANG, PADMA DKAR PO 'DAB MA BRGYAD PA DANG, RAL GRI LJANG KHU RNAMS SO, ,ZHES GSUNGS PA'I PHYIR,, ,, KYEE RDOR LHA DGU'I GSUNG KYEE RDOR GYI YUM RDO RJE PHAG MO BDAG MED MA DANG 'DRA BAR BSHAD PA MI 'THAD DE, 'DI'I GTZO BO PHYAG BZHI BA YIN PA GANG ZHIG ,DE'I YUM RANG DANG MTSUNGS PAR RDZOGS 'PHRENG LAS BSHAD PA'I PHYIR, DE YANG YIN TE, RDZOGS 'PHRENG LAS, YANG NA DKYIL 'KHOR GYI GTZO BO PHYAG BZHI PA SNGON PO PHYAG GA-YAS PAS RDO RJE 'DZIN PA, GA-YON PAS KHRAG GIS GANG BA'I THOD PA 'DZIN PA, LHAG MA DAG GIS RANG DANG MTSUNGS PA'I RDO RJE PHAG MO LA 'KHYUD PA'O, ,ZHES GSUNGS PA'I PHYIR,, ,,GUR RIGS BSDUS KYI SANGS RGYAS MKHA' 'GRO SOGS MKHA' 'GRO BZHI'I STENG

ZHAL ? BDUD KHAR BSHAD PA MI 'THAD DE, RDZOGS 'PHRENG LAS, SHAR PHYOGS KYI GZHAL YAS KHANG GI DBUS SU SANGS RGYAS MKHA' 'GRO MA DKAR PO STE, RTZA BA'I ZHAL DKAR PO, ,GA-YON PA DMAR PO, , GZHAN THAMS CAD SNGON PO'O, ,ZHES DANG, LHO PHYOGS KYI GZHAL YAS KHANG GI DBUS SU RIN CHEN MKHA' 'GRO SER PO STE 'DI'I RTZA BA DANG GA-YON PA GNYIS NI SER PO DANG DKAR PO, ,LHAG MA RNAMS NI SNGON PO'O, ,NUB KYI GZHAL YAS KHANG GI DBUS SU, PADMA MKHA' 'GRO DMAR PO STE 'DI'I RTZA BA'I ZHAL DANG GA-YON PA'I ZHAL NI DMAR PO DANG DKAR PO'O, ,LHAG MA RNAMS NI NAG PO'O, ,BYANG GI GZHAL YAS KHANG GI DBUS SU SNA TSOGS MKHA' 'GRO DUR BA LTAR LJANG KHU STE 'DI'I RTZA BA'I ZHAL NI RTA'I GDONG LJANG KHU'O, ,ZHES DANG, GA-YON PA DKAR PO, ,LHAG MA RNAMS NI NAG PO'O, ,ZHES MKHA' 'GRO BZHI KA'I RTZA ZHAL DANG GA-YON ZHAL MA GTOGS ZHAL LHAG MA RNAMS MDOGS MTSUNGS PAR BSHAD PA'I PHYIR, MKHA' 'GRO LNGA'I GZHAL YAS KHANG GI DBUS SU PADMA DKAR DMAR 'DAB MA BRGYAD PA RE RE 'GOD PAR BSHAD PA DANG LHA GZHAN RNAMS LA PADMA'I 'DAB MA BSHAD PA GNYIS KA MI 'THAD DE, RDO RJE 'PHRENG BAR, GUR RIGS BSDUS KYI DKYIL 'KHOR BA'I LHA THAMS CAD KYI MTSAN MA 'GOD TSUL BSHAD PA'I MJUG TU, MTSAN MA 'DI RNAMS THAMS CAD NI SNA TSOGS PADMA DANG NYI MA LA GNAS PA'O, ,RTAG PA KHO NA'I ZLA BA LA'O, ,ZHES SANGS RGYAS MKHA' 'GRO'I MTSAN MA PANG ? ZLA DANG, GZHAN THAMS CAD SNA TSOGS PAD NYI LA DGOD PAR BSHAD PA'I PHYIR,, ` ,,BDAG MED LHA MO NYER GSUM MA'I 'KHOR PHYI RIM GYI GOO RI LA SOGS PA'I LHA MO BRGYAD KYI SKU MDOG PHYAG BCU DRUG PA'I KYEE RDOR THOD PA CAN LHA DGU

, ,MA'I 'KHOR GYI GOO RI LA SOGS PA'I LHA ME BRGYAD KYI SKU MDOG DANG MTSUNGS PAR BSHAD PA MI 'THAD DE, 'DI'I GO RIM SOGS LHA MO BRGYAD PO'I SKU MDOG PHYAG BCU DRUG PA'I KYE RDOR MTSON CHA CAN LHA BCU BDUN MA'I 'KHOR GYI GOO RIM SOGS BRGYAD KYI SKU MDOG DANG MTSUNGS PAR BYA DGOS PA'I PHYIR, DER THAL, RDZOGS 'PHRENG LAS, 'DI'I PHYI RIM LA GNAS PA'I GOO RI MA LA SOGS PA BRGYAD NI PHYAG BCU DRUG PA'I DKYIL 'KHOR LTA BU SER PO LA SOGS PA'I MDOG CAN NO, ,ZHES PAS DE LTAR BSHAD PA'I PHYIR, DE YANG YIN RTE, 'DI'I PHYI RIM LA GNAS PA'I GOO RI LA SOGS PA BRGYAD NI, ZHES PAS BDAG MED LHA MO NYER GSUM MA 'DI'I DKYIL 'KHOR GYI LHA RNAMS RIM PA GNYIS YOD PA'I PHYI RIM LA GNAS PA'I GOO RIM SOGS BRGYAD PO DE BSHAD, PHYAG BCU DRUG PA'I DKYIL 'KHOR LTA BU ZHES PAS KYEE RDOR PHYAG BCU DRUG PA'I DKYIL 'KHOR GYI GOO RI LA SOGS PA LTA BU ZHES BSHAD, SER PO LA SOGS PA'I MDOG CAN NO, ,ZHES PAS, PHYAG BCU DRUG PA'I DKYIL 'KHOR LA THOD PA CAN DANG MTSON CHA CAN GYI DKYIL 'KHOR MI 'DRA BA GNYIS YOD PA'I PHYAG BCU DRUG PA MTSON CHA CAN GYI DKYIL 'KHOR GYI 'KHOR GYI GO RI SER PO LA SOGS PA LHA MO BRGYAD KYI SKU MDOG DANG MTSUNGS PA'I SKU MDOG CAN YIN NO ZHES BSHAD PA'I PHYIR,, ,,PHYAG BCU DRUG PA'I MTSON CHA CAN GYI SNYING PO KYEE RDO RJE'I SGOM BZHI ZHABS GA-YAS BRKYANG GA-YON BSKUM DU BSHAD PA MI 'THAD DE, RDZOGS 'PHRENG LAS, SGO SKYONG MA RNAMS PHYAG BZHI PA RDO RJE LCAGS KYU MA LA SOGS PA BZHIN DU PHYAG MTSAN 'DZIN PA, SNA TSOGS PADMA DANG KHRAG GIS GANG PA'I THOD PA LA

GNAS PA'I RO'I STENG DU GA-YAS BSKUM PA DANG, GA-YON BRKYANGS PAS GNAS PA, DBU SKRA DMAR SER GYEN DU BRDZES PA'O, ,ZHES GSUNGS PA'I PHYIR,, ,,THUGS KYEE RDO RJE'I YUM RDO RJE LU GU RGYUD MA PHYAG GNYIS PAR BSHAD PA MI 'THAD DE, RDZOGS 'PHRENG LAS, RDO RJE DANG DRIL BU DANG LDAN PA'I PHYAG GNYIS KYIS BDAG NYID LTA BU'I RDO RJE LU GU RGYUD MA LA 'KHYUD PA STE, ZHES GSUNGS SHING, THUGS KYI RDO RJE ZHAL GSUM PHYAG DRUG PA YIN LA, KHYED RANG GIS KYANG PHYAG DANG PO GNYIS KYIS RDO RJE DANG DRIL BU 'DZIN PAS RANG DANG 'DRA BA'I RDO RJE LU GU RGYUD MA LA 'KHYUD PA, ZHES BKOD PA DANG YANG 'GAL BA'I PHYIR,, ,,BDE MCHOG RDOR SEMS KYI GTZO BO'I RAL PA'I THOR COG GI GA-YON NA TSES GCIG GI ZLA BAS BRGYAN PAR BSHAD PA DE MI 'THAD DE, DE LA ZLA BA PHYED PAS MTSAN PAR, RDZOGS 'PHRENG LAS, RAL BA'I THOR COG NAG PO LA GNAS PA'I NOR BU DANG, DE'I 'OG TU GA-YON NGOS SU GNAS PA'I ZLA BA PHYED PA DRI MA MED PA DANG SANGS RGYAS LNGA'I COD PAN CAN, ZHES PAS BSHAD PA'I PHYIR, DE'I 'KHOR GYI DON 'GRUB KYI PHYAG GA-YON PA GNYIS KYIS DRIL BU DANG PADMA 'DZIN PAR BSHAD PA MI 'THAD DE, RDZOGS 'PHRENG LAS, BYANG DU DON YOD GRUB PA LJANG KHU PHYAG BZHI PA GA-YAS PA DAG GIS RDO RJE DANG LCAGS KYU, GA-YON PA DAG GIS DRIL BU DANG THOD PA 'DZIN PA'O, ,ZHES GSUNGS PA'I PHYIR,, ,,BDE MCHOG PHYAG BCU GNYIS PA'I RAL BA'I THOR COG GI GA-YON NA TSES GCIG GI ZLA BAS BRGYAN PAR BSHAD PA MI 'THAD DE, RDZOGS 'PHRENG LAS, GA-YON NGOS SU GNAS PA'I ZLA BA PHYED PA DANG SNA TSOGS RDO RJES MTSAN PA'I RAL BA'I THOR COG NAG

, ,PO DANG, ZHES GSUNGS PA'I PHYIR,, ,,H'Um MDZAD KHRO BO BCU'I DKYIL 'KHOR GYI RDO RJE DBYUG PA SOGS 'KHOR GYI LHA THAMS CAD ZHAL BZHI PAR BSHAD PA MI 'THAD DE, RDO RJE DBYUG PA ZHAL GSUM PA CAN YIN PA'I PHYIR, DER THAL, RTZA ZHAL SNGON PO, ,GA-YAS ZHAL SER PO, ,GA-YON ZHAL LJANG KHU MA GTOGS, ZHAL BZHI PA CIG MED PA'I PHYIR, DER THAL, RDZOGS 'PHRENG LAS; 'DI'I SHAR PHYOGS SU RDO RJE DBYUG PA SNGON PO, ,SNGON PO DANG, SER PO DANG, LJANG KHU NI RTZA BA DANG GA-YAS GA-YON GYI ZHAL LO, ,ZHES GSUNGS PA 'DI'I GSAL BAR BSHAD PA'I PHYIR, DER THAL; LUNG DE'I 'DI'I SHAR PHYOGS SU RDO RJE DBYUG PA SNGON PO ZHES PAS, GTZO BO RDO RJE H'Um MDZAD 'DI'I SHAR PHYOGS SU GNAS PA'I 'KHOR RDO RJE DBYUG PA SKU MDOG SNGON PO YIN PA DE BSHAD, SNGON PO DANG SER PO DANG, LJANG KHU NI ZHES PAS, DE LA ZHAL SNGON PO DANG SER PO DANG LJANG KHU GSUM YOD PA DE BSHAD, RTZA BA DANG GA-YAS GA-YON GYI ZHAL LO, ,ZHES BAS, DE LA SNGO SER LJANG BA'I ZHAL GSUM YOD PA'I SNGON PO RTZA ZHAL, SER PO GA-YAS ZHAL, LJANG KHU GA-YON GYI ZHAL YIN NO, ,ZHES BSHAD PA YIN PA'I PHYIR, DE BZHIN DU, DE NYID LAS, BYAD DU RDO RJE NYI MA SER PO, ,SER PO DANG, SNGON PO DANG, LJANG KHU'I ZHAL LO, ,ZHES PAS, SER PO SNGA MA SKU MDOG DANG, GNYIS PA RTZA ZHAL GYI MDOG ,SNGON PO DANG LJANG KHU GA-YAS GA-YON GYI ZHAL GYI MDOG ,ZHAL LO, ,ZHES BAS, SER SNGO LJANG BA'I ZHAL GSUM PA CAN YIN PAR BSHAD CING, LHAG MA RNAMS KYANG DES RIGS 'DRA BA'I PHYIR, 'KHOR LO SGYUR ? DRUG GI YE SHES MKHA' 'GRO RDO RJE SEMS DPA' SKU MDOG DMAR PO DANG, DE'I YUM SKU MDOG

DKAR MOR BSHAD PA MI 'THAD DE, RDZOGS 'PHRENG LAS, YE SHES MKHA' 'GRO SKU MDOG DKAR PO 'AM NAG PO GANG BYAS KYANG RUNG BA'I 'DI ? MANG CAN DU BSHAD KYI, DMAR POR BSHAD PA MED CING DE'I YUM CHOS DBYINGS DBANG PHYUG MA SKU MDOG DMAR MOR BSHAD KYI DKAR MOR BSHAD PA MED PA'I PHYIR, DE YANG YIN TE, YE SHES MKHA' 'GRO 'CHAD PA NA, DE NYID LAS, RDO RJE'I SKYIL KRUNG DU GNAS PA'I YE SHES MKHA' 'GRO RDO RJE SEMS DPA' DKAR PO 'AM NAG PO RDO RJE DANG BCAS PA'I RDO RJE DRIL BUR LDAN PA'I GA-YAS PA DANG, GCIG SHOS KYI PHYAG GIS LHA MO LA 'KHYUD PA'O, ,LHA MO DE NI RDO RJE DANG SDIG MDZUB DANG BCAS PA'I PHYAG GA-YAS BRKYANGS PA, KHRAG GIS GANG BA'I THOD PA 'BUL PA'I PHYAG GA-YON GYI YAB LA 'KHYUD PA, SKU MDOG DMAR MO YE SHES MKHA' 'GRO MA STE MING GZHAN CHOS KYI DBANG PHYUG MA ZHES DANG, RDO RJE PHAG MO ZHES KYANG GRAGS SO, ,ZHES GSUNGS PA'I PHYIR, DE'I 'KHOR GYI L'A MA SKU MDOG LJANG KHU DANG GZUGS CAN MA SER MOR BSHAD PA MI 'THAD DE, L'A MA SER MO DANG, GZUGS CAN MA LJANG KHU'I MDOG CAN DU RDZOGS 'PHRENG LAS BSHAD PA'I PHYIR, DER THAL, DE NYID LAS, RDO RJE SEMS DPA'I PHYOGS BRAL RNAMS LA RIM PA JI LTA BAS, MKHA' 'GRO MA DANG, L'A MA DANG; DU MA SKYES MA DANG, GZUGS CAN MA RNAMS NI, SNGON MO DANG, SER MO DANG, DMAR MO DANG, LJANG KHU RNAMS GA-YAS BRKYANG GIS BZHUGS PA'O, ,ZHES GSUNGS PA'I PHYIR, 'UG GDONG MA LJANG KHU, PHAG GDOD MA SER MOR BSHAD PA YANG MI 'THAD DE, DE NYID LAS, DKYIL 'KHOR CHEN PO'I SGO RNAMS LA, KHVA GDONG MA DANG, 'UG GDONG MA DANG, KHYI GDONG MA DANG, PHAG

, ,GDONG MA RNAMS NI MING GI RJES SU MTHUN PA'I ZHAL CAN DE, RIM PA JI LTA BAS SNGON PO DANG, SER POR DANG, DMAR PO DANG, LJANG KHU'I MDOG CAN RNAMS PHYAG GA-YAS PA RNAMS NA, , LCAGS KYU DANG, ZHAGS PA DANG, LCAGS SGROG DANG, DRIL BU 'DZIN PA'O, ,ZHES GSUNGS PA'I PHYIR, DKYIL 'KHOR CHEN PO'I PHYI'I 'TSAMS NA GNAS PA'I GSHIN RJE BRTAN MA GA-YAS SDO GA-YON SER, PHO NYA MO GA-YAS SER GA-YON DMAR, MCHE BA MA GA-YAS DMAR GA-YON LJANG, 'JOMS MA GA-YAS LJANG GA-YON SNGO BAR BSHAD PA MI 'THAD DE, DE BZHI'I SKU MDOG GI PHYED GA-YAS RANG RANG GI GA-YAS PHYOGS NA YOD PA'I LHA MO'I SKU MDOG DANG, PHYED GA-YON RANG RANG GI GA-YON PHYOGS NA YOD PA'I LHA MO'I SKU MDOG DANG MTSUNGS PAR BYA DGOS PA GANG ZHIG ,DE LTAR NA GSHIN RJE BRTAN MA'I GA-YAS SNGO GA-YON LJANG; PHO NYA MO GA-YAS LJANG, GA-YON DMAR, MCHE BA MA GA-YAS DMAR, GA-YON SER, 'JOMS MA GA-YAS SER, GA-YON SNGO BA'I MDOG CAN DU BYA DGOS PA'I PHYIR, DANG PO DER THAL, RDZOGS 'PHRENG LAS, 'TSAMS RNAMS LA GSHIN RJE BRTAN MA DANG, GSHIN RJE PHO NYA MO DANG, GSHIN RJE MCHE BA MA DANG, GSHIN RJE 'JOMS MA RNAMS NI MI MO'I GDONG PA CAN NO, ,GA-YAS DANG GA-YON PA'I LHA MO'I KHA DOG GA-YAS GA-YON GYI SKU PHYED PHYED DANG LDAN PA RNAMS TE, ZHES GSUNGS PA'I PHYIR, RTAGS GNYIS PA GRUB TE, KHVA GDONG MA SOGS GDONG MA BZHI PO SGO RNAMS SU GA-YON SKOR DU DGOD CING, , BRTAN MA SOGS 'TSAMS MA BZHI PO 'TSAMS RNAMS LA GA-YAS SKOR DU DGOD DGOS PA GANG ZHIG ,DE LTAR BKOD PA'I TSE GSHIN RJE BRTAN MA'I GA-YAS SU KHRA ? GDONG ME SNGON MO DANG, GA-YON DU PHAG GDONG

MA LJANG KHU, PHO NYA MO'I GA-YAS SU PHAG GDONG MA LJANG KHU DANG GA-YON DU KHYI GDONG MA DMAR MO, ,MCHE BA MA'I GA-YAS SU KHYI GDONG MA DMAR MO GA-YON DU 'UG GDONG MA SER MO, ,'JOMS MA'I GA-YAS SU 'UG GDONG MA SER MO, ,GA-YON DU KHVA GDONG MA SNGON MO RNAMS 'GOD PAS GA-YAS GA-YON GYI PHYED MDOG SNGAR BSHAD PA LTAR 'GOD DGOS PA'I PHYIR, RTAGS DANG PO GRUB TE, RDZOGS 'PHRENG LAS, DE DAG GI 'KHOR RNAMS DKYIL 'KHOR SO SOR SHAR LA SOGS PA'I SGO RNAMS SU GA-YON SKOR DU DGOD CING, ME LA SOGS PA'I 'TSAMS RNAMS SU GA-YAS SKOR DU DGOD PAR BYA'O, ,ZHES GSUNGS PA'I PHYIR, RDO RJE BDUD RTZI'I DKYIL 'KHOR DANG PO'I GTZO BO SKU MDOG LJANG SER DU BYA DGOS STE, RDZOGS 'PHRENG LAS, SNA TSOGS PADMA'I ZE'U 'BRUR ZLA BA LA DPAL RDO RJE BDUD RTZI SEMS DPA'I SKYIL KRUNG GIS GNAS PA, ME TOG BRI YANG KU LTA BU LJANG SER, ZHES GSUNGS PA'I PHYIR, DE'I 'KHOR GYI, BDUG SPOS MA DANG, RDZA RNGA MA SKU MDOG SNGON POR BSHAD PA MI 'THAD DE, DE NYID LAS, MER BDUG SPOS MA DU BA'I MDOG CAN ZHAL GSUM PA, ZHES DANG, SHAR LA SOGS PA'I SNAM BU LA GLING BU MA DANG, PI WANG MA DANG, MU KUN DHA MA DANG, RDZA RNGA MA RNAMS NI, DMAR MO DANG, SER MO DANG, DKAR MO DANG, DU BA'I MDOG CAN ZHAL GCIG MA, ZHES GSUNGS PA'I PHYIR,, ,,SANGS RGYAS THOD PA NYER LNGA BA'I GTZO 'KHOR THAMS CAD LA PAD GDAN MA BSHAD PA MI 'THAD DE, RDZOGS 'PHRENG LAS, 'KHOR LO NANG MA'I RTZI BAS KYI STENG GI PADMA'I 'DAB MA LA GNAS PA'I LEGS 'PHRENG CAN MA SOGS BZHI MA GTOGS GZHAN THAMS CAD LA PAD NYI'I GDAN BSHAD PA'I PHYIR, DER THAL, DE

, ,NYID LAS, 'KHOR LO RTZIBS BRGYAD PA NAG PO LA GNAS PA'I SNA TSOGS PADMA 'DAB MA BRGYAD PA'I ZE'U 'BRUR RO GAN RKYAL GYI SNYING KHAR NYI MA'I DKYIL 'KHOR LA BCOM LDAN 'DAS DPAL HE RU KA SKU MDOG NAG PO, ,ZHES DANG, SHAR GYI RTZIBS NAG PO'I STENG GI 'DAB MA LA LEGS 'PHRENG CAN MA'O, ,ZHES SOGS DANG, DE NAS RIM PA GNYIS PA NI, RTZIBS BRGYAD DMAR PO LA GNAS PA'I PADMA BRGYAD KYI PHYI RIM RDO RJE DMAR PO'I 'PHRENG BAS BSKOR BA'O, ,ZHES DANG, DE NAS RIM PA GSUM PA LA NI, 'KHOR LO DKAR PO'I RTZIBS BRGYAD PA LA GNAS PA'I PADMA BRGYAD DE RDO RJE DKAR PO'I 'PHRENG PAS BSKOR BA'O, ,ZHES DANG, SHAR GYI SGO'I PADMA LA MDZES MA'O, ,ZHES SOGS DANG, 'DI RNAMS THAMS CAD GA-YAS GA-YON GYI PHYAG GNYIS KYIS GRI GUG DANG THOD PA 'DZIN PA; SO CUNG ZAD STON PA, ZHAL GCIG MA, SPYAN GSUM MA, RUS PA'I RGYAN GYIS BRGYAN PA, MI MGO'I 'PHRENG BA DANG BRAL BA, DBU SKRA DMAR SER GYI TSOGS GYEN DU BRJES PA, BYANG SEMS 'JAG PA, NYI MA'I GDAN LA SKYIL KRUNG PHYED PA'I GAR GYI CHUL GYIS GNAS PA RNAMS SO, ,ZHES GSUNGS PA'I PHYIR, ,SANGS RGYAS THOD PA LHA DGU'I 'KHOR GYI LHA RNAMS LA NYI GDAN MA BSHAD PA MI 'THAD DE, RDZOGS 'PHRENG LAS, BRGYAD PO 'DI DAG KYANG NYI MA'I DKYIL 'KHOR LA GAR GYI TSUL GYIS GNAS PA, ZHES GSUNGS PA'I PHYIR,, ,,MA H'A MA YA LHA LDA'I GTZO BO RANG 'DRA'I YUM SANGS RGYAS MKHA' 'GRO MA DMAR PO LA 'KHYUD PAR BSHAD PA MI 'THAD DE, GTZO BO SKU MDOG SNGON PO YIN PA GANG ZHIG ,DE DANG 'DRA BA'I YUM YIN NA SKU MDOG SNGON PO YIN DGOS PA LA, YUM

SKU MDOG DMAR PO YIN PAR RDZOGS 'PHRENG LAS GSUNGS SHING KHYED RANG GIS KYANG BSHAD PA'I PHYIR, RDZOGS 'PHRENG LAS GSUNGS TE, DE NYID LAS, SGYU MA CHEN MO LAS BYUNG BA'I HE RU KA NAG PO ZHES DANG, SANGS RGYAS MKHA' 'GRO MA NI SKU MDOG DMAR MO, ,ZHES GSUNGS PA'I PHYIR,, ,,RNAL 'BYOR NAM MKHA' LHA LNGA BCU NGA BRGYAD KYI DKYIL 'KHOR 'KHOR GYI LHA MKHA' 'GRO MA DKAR MO SOGS BZHI LA RO GDAN MA BSHAD PA MI 'THAD DE, RDZOGS 'PHRENG LAS, SHAR DU RDO RJE MKHA' 'GRO MA'I RGYAB TU MKHA' 'GRO MA DKAR MO ZHES SOGS LHA MO BZHI BSHAD PA'I MJUG THOG TU BZHI PO 'DI RNAMS PADMA DANG NYI MA DANG RO LA GNAS PA'O, ,ZHES GSUNGS PA'I PHYIR, YE SHES MKHA' 'GRO LHA BCU GSUM GYI DKYIL 'KHOR GYI DBUS DANG PHYOGS BZHIR SENG GE'I STENG DU SNA TSOGS PADMA DANG ZLA BA'I GDAN BSHAD PA MI 'THAD DE, DE LA RDZOGS 'PHRENG LAS SNA TSOGS PADMA DANG NYI MA'I GDAN BSHAD PA'I PHYIR, DER THAL, DE NYID LAS, SENG GE LA GNAS PA'I SNA TSOGS PADMA DANG NYI MA LA YE SHES MKHA' 'GRO MA SNGON MO'O, ,ZHES DANG, RDO RJE MKHA' 'GRO MA SOGS BZHI BSHAD PA'I MJUG THOG TU, BZHI PO 'DI DAG KYANG SENG GE LA GNAS PA'I SNA TSOGS PADMA DANG NYI MA LA GNAS PA'O, ,ZHES GSUNGS PA'I PHYIR, GTZO 'KHOR THAMS CAD LA LHA'I GOS DMAR PO DANG SPRUL RGYAN YOD DE, DE NYID LAS, LHA MO BCU GSUM PO THAMS CAD KYANG LHA'I GOS DMAR PO BSNAMS PA, DBU LA THOD PA LNGA'I 'PHRENG BA DANG BCAS PA, PHYAG RGYA LNGA DANG LDAN PA, SEMS DPA'I SKYIL KRUNG CAN, KLU'I RGYAL PO BRGYAD KYIS RNAM PAR BRGYAN PA, ZHES GSUNGS PA'I PHYIR,

, ,DUS 'KHOR GYI GTZO BO'I GDAN LA DUS ME MA BSHAD PA MI 'THAD DE, RDZOGS 'PHRENG LAS, DE'I STENG NAS STENG DU GNAS PA'I ZLA BA DANG NYI MA DANG, SGRA GCAN DANG DUS ME'I DKYIL 'KHOR GYI STENG DU GAN RKYAL DU GNAS PA'I YAN LAG MED PA DANG, DRAG PO'I SNYING KAR GA-YAS BRKYANG GIS GAR BYED PA'I BCOM LDAN 'DAS DPAL DUS KYI 'KHOR LO, ,ZHES GSUNGS PA'I PHYIR, , GTZO BO'I PHYAG GA-YON PA DMAR PO BZHI'I THA MAS PADMA DKAR PO DANG, SNA TSOGS YUM GYI PHYAG GA-YON PA DANG POS SHAG TI BSNAM PA BYA DGOS TE, RDZOGS 'PHRENG LAS, GTZO BO'I PHYAG MTSAN 'CHAD PA NA, DMAR PO RNAMS LA GZHU DANG, ZHAGS PA DANG, NOR BU RIN PO CHE DANG, PADMA DKAR PO RNAMS SO, ,ZHES DANG, YUM GYI PHYAG MTSAN 'CHAD PA NA GA-YON PA RNAMS KYIS SHAG TI DANG ZHAGS PA DANG PADMA DKAR PO DANG RIN PO CHE RNAMS 'DZIN PA'O, ,ZHES GSUNGS PA'I PHYIR, DE LA KHYAB PA YOD DE, SPYIR 'CHAD TSUL MANG DU YOD KYANG RDZOGS 'PHRENG KHUNGS SU BYAS NAS LHA'I MNGON RTOGS 'CHAD PA'I TSO RDZOGS 'PHRENG LAS JI LTAR BSHAD PA LTAR 'CHAD DGOS PA'I PHYIR,, ,,GTZUG DGU LHA SO BDUN MA'I GTZUG TOR DGU PO ZHABS RDO RJE'I SKYIL KRUNG GIS BZHUGS PAR BSHAD PA MI 'THAD DE, LHA SO BDUN PO THAMS CAD SEMS DPA'I SKYIL DKRUNG GIS BZHUGS PA YIN PA'I PHYIR, DER THAL, RDZOGS 'PHRENG LAS, LHA SUM CU SO BDUN PO 'DI DAG KYANG GOS SNA TSOGS DANG, RIN PO CHE'I RGYAN SNA TSOGS KYIS BRGYAN PA, RIN PO CHE'I COD PAN CAN, ZHAL GCIG PA, PHYAG GNYIS PA, SPYAN GSUM PA, SNA TSOGS PADMA DANG ZLA BA RNAMS LA

SEMS DPA'I SKYIL KRUNG GIS BZHUGS PA'O, ,ZHES GSUNGS PA'I PHYIR,, ,,CHOS DBYINGS GSUNG DBANG GI GZHAL YAS KHANG GI PHYOGS BZHI'I RE MIG GI DBUS SU GNAS PA'I DE BZHIN GSHEGS PA BZHI GLANG PO CHE LA SOGS PA'I STENG DU SNA TSOGS PADMA DANG ZLA BA'I GDAN LA BZHUGS PAR BSHAD PA MI 'THAD DE, RDZOGS 'PHRENG LAS, MI BSKYOD PA LA SOGS PA'I DE BZHIN GSHEGS PA RNAMS NI RANG RANG GI CHIBS KYI STENG DU SNA TSOGS PADMA DANG NYI MA'I GDAN LA RDO RJE'I SKYIL KRUNG GIS BZHUGS PA, ZHES GSUNGS PA'I PHYIR,, ,,RIN 'BYUNG GI GA-YAS ZHAL DKAR; RGYAB ZHAL NAG PAR BSHAD PA DANG, DON GRUB KYI RGYAB ZHAL NAG PAR BSHAD PA MI 'THAD DE, RIN 'BYUNG GI GA-YAS ZHAL NAG ,RGYAB ZHAL DKAR PA DANG, DON GRUB KYI RGYAB ZHAL DMAR PAR BSHAD PA'I PHYIR, RIN 'BYUNG GI ZHAL DE LTAR YIN PAR RDZOGS 'PHRING LAS, RIN CHEN 'BYUNG LDAN SER PO, ,SER PO DANG, NAG PO DANG, DKAR PO DANG, DMAR PO'I ZHAL BZHI PA, ZHES DANG, DON GRUB GYI ZHAL DE LTAR YIN PA, DE NYID LAS, DON YOD GRUB PA LJANG KHU ZHAL BZHI BA RTZA BA'I ZHAL LJANG KHU MCHE BA GTZIG PA, GA-YAS SER PO ZHI BA, NUB DMAR PO SGEG PA DANG BCAS PA, , GA-YON DKAR PO ZHI BA PHYAG BRGYAD PA, ZHAS GSUNGS PA'I PHYIR, 'KHOR GYI SPYAN MA RIN 'BYUNG DANG MTSUNGS PAR BSHAD PA MI 'THAD DE, SPYAN MA GTZO BO 'JAM PA'I DBYANGS CHOS KYI DBYINGS GSUNG GI DBANG PHYUG DANG MTSUNGS PAR BSHAD PA'I PHYIR, DER THAL, RDZOGS 'PHRENG LAS, SANGS RGYAS SPYAN MA DANG, M'A MA KI DANG, GOS DKAR MO DANG, SGROL MA RNAMS RIM PA JI LTA BA

, ,BZHIN DU 'JAM PA'I DBYANGS DANG, MI BSKYOD PA DANG, SNANG MTHA' DANG, DON GRUB LTA BU'O, ,ZHES GSUNGS PA'I PHYIR, RDO RJE LAS KYI PHA ROL TU PHYIN MA SNGON MO, ,'OD ZER CAN DKAR MOR BSHAD PA MI 'THAD DE, DE NYID LAS, RDO RJE LAS KYI PHA ROL TU PHYIN MA NI SKU MDOG SNA TSOGS PA, ZHES DANG, 'OD ZER CAN MA DKAR DMAR SKUD PA DANG BCAS PA'I KHAB 'DZIN PA'O, ,ZHES GSUNGS PA'I PHYIR, KHRO BO BCU'I NANG TSAN GYI RTA MCHOG ZHABS GNYIS PAR BSHAD PA MI 'THAD DE, DE NYID LAS, RLUNG DU RTA MCHOG LJANG KHU ZHAL BZHI PA, ZHES PA NAS, ZHABS GA-YON BSKUM PA, GA-YAS BRKYANGS PA DANG, GA-YAS BSKUM ZHING, GA-YON BRKYANGS PA'I ZHABS BZHI'O, ,ZHES GSUNGS PA'I PHYIR, ZHABS BZHI'I 'OG TU LHA BRGYAD MNAN NAS GNAS PA YIN TE, DE NYID LAS, GA-YAS DANG PO GCIG GIS DBANG MO NGAD DPAL MO, ,GNYIS PAS DGA' MO DANG TSIM MA, GA-YON PA GCIG GIS DBANG PO DANG SBRANG RTZIR BYED PA DANG, GNYIS PAS RGYAL BAR BYED PA DANG DBYID KYI LHA MNAN NAS GNAS PA'O, ,ZHES GSUNGS PA'I PHYIR, DKYIL 'KHOR PHYI MA'I GDONG DRUG DANG TSANGS MA GNYIS KYI BAR DU DBANG PO SER PO GLANG PO CHE LA ZHON PA PHYAG BZHI PA CIG BSHAD PA MI 'THAD DE, RNAL 'BYOR RDZOGS 'PHRENG NA DE LTAR BSHAD PA MI SNANG ZHING, DE BSNAN NA LHA NYIS BRGYA NYER GNYIS SU 'GYUR PAS, CHOS DBYINGS GSUNG DBANG LHA NYIS BRGYA NYER GCIG GI DKYIL 'KHOR DU DBANG BSKUR PA LA ZHES KHYED RANG GIS BKOD PA DANG 'GAL BA'I PHYIR,, ,,'BYUNG PO 'DU LA BYED KYI GTZO BO'I NYI MA'I GDAN BSHAD PA MI 'THAD DE, ,

RDZOGS 'PHRENG LAS, SNA TSOGS PADMA DANG ZLA BA LA 'BYUNG PO GZHAN GYIS MI THUB PA ZHES PA NAS, GA-YON PA RKYANG GIS MA NAN PA'I 'BYUNG PO 'DUL BYED DRAG PO CHEN PO SKU MDOG SNGON PO, ZHES GSUNGS PA'I PHYIR, RIM PA GSUM PA'I DBANG LDAN DU PADMA DANG ZLA BA LA DBANG PHYUG CHEN PO BSKYED PAR BSHAD PA DANG, DE'I GA-YAS SU PADMA DANG ZLA BA LA ZLA BA SKYED BAR BSHAD PA MI 'THAD DE, RDZOGS 'PHRENG LAS, DBANG LDAN DU DANG PA RANG ZLA BA'I GDAN LA ZLA BA'I LHA DANG, DBANG LDAN YANG DBANG PHYUG CHEN PO LTA BU BSKYED PAR BSHAD PA GANG ZHIG ,DBANG PHYUG CHEN PO GLANG DANG NYI MA'I GDAN LA BSKYED PAR DE NYID LAS BSHAD PA'I PHYIR, RTAGS NGANG PO GRUB TE, RDZOGS 'PHRENG LAS, DBANG LDAN DU NGANG BA DANG ZLA BA LA ZLA BA DKAR PO, ,GA-YAS PAS KU MU TA LA GNAS PA'I ZLA BA'I DKYIL 'KHOR DANG GA-YON PAS MCHOG SBYIN NO, ,DBANG LDAN YANG DBANG PHYUG CHEN PO LTA BU'O, ,ZHES GSUNGS PA'I PHYIR, RTAGS GNYIS PA GRUB TE, DE NYID LAS, SHAR PHYOGS KYI RE MIG LA, ZLA BA ? DANG NYI MA LA DBANG PHYUG CHEN PO MTSAN MA GYEN DU LANGS PA THOD PA'I 'PHRENG BA CAN, ZHES GSUNGS PA'I PHYIR,, ,,NOR RGYUN MA'I DKYIL 'KHOR GYI LHA SNAM PHYI MA'I ME MTSAMS SU TZI BI KUntA LI, BDEN BRAL DU KI LI MA LI, RLUNG DU SGO'I DBANG PO, ,DBANG LDAN DU SPYOD PA'I DBANG PO, ,DGOD PAR BSHAD PA MI 'THAD DE, KRi YA LAS, LHA SNAM NANG MA LA NUB PHYOGS SU DE BZHIN GSHEGS PA RDO RJE 'DZIN PA RGYA MTSO'I NGES PAR SGROG PA, DE'I GA-YAS SU SPYAN RAS GZIGS DANG, GA-YON DU PHYAG RDOR, SHAR DU LHA

, ,MO AI L'A NYE PAR MKHO BA THAMS CAD LA DBANG BYED PA, DE'I GA-YON DU CHU BDAG RO BCUD LA DBANG BYED PA, GA-YAS SU DZAM BHA LA BSHAD PA'I MJUG THOG TU ME MTSAMS SU TZI PI KUntA LI CUNG ZAD DMAR BA'O, ,BDEN BRAL DU KI LI MA LI MA RGAD LTAR LJANG PA'O, ,RLUNG DU SGO'I DBANG PHO SER PO'O, ,DBANG LDAN DU SPYOD PA'I DBANG PO DKAR SER RO, ,ZHES GSUNGS PA'I PHYIR, RDO RJE 'PHRENG BA'I DKYIL 'KHOR RNAMS SU DBANG SKUR BYED CHUL GYI SGRUBS DKYIL GO BDE GLAGS CHO GA NAG PO 'GRO SHES SU BKOD PA'I NGAG BSGRIGS MA 'GA' ZHIG TU, , DKYIL 'KHOR RNAMS KYI GTZO BO'I SNYING PO DANG LAS SNGAGS MA GTOGS 'KHOR GYI SNGAGS ZLA MI DGOS PAR BYAS NAS MA BGOD PA MI 'THAD DE, DKYIL 'KHOR GANG DANG GANG DU DBANG SKUR BA LA, , DKYIL 'KHOR DE DANG DE'I GTZO 'KHOR THAMS CAD KYI SNGAGS BZLA DGOS PA'I PHYIR, DENG THAL, SNGON DU BSNYEN PA BYED PA'I SKABS SU YANG DGOS, BUM PA SGRUB PA'I SKABS SU YANG DGOS PA'I PHYIR, DANG PO GRUB TE, DBANG SKUR BA LA SNGON DU BSNYEN PA BYA DGOS LA, DBANG SKUR GYI LAS BYA RUNG GI BSNYEN PA'I SNGAGS GRANGS LA GTZO BO'I SNYING PO'AM RANG GI ME TOG PHOG PA'I LHA'I SNGAGS 'DUN, 'KHOR RNAMS KYI SNGAGS KHRI RE BZLA DGOS PA'I PHYIR, DER THAL, RDO RJE 'PHRENG BA LAS, DKYIL 'KHOR CHEN PO BRI BA'I PHYIR, ,THAMS CAD MKHYEN PA'I LAM SHES PAS, ,SNGON DU BSNYEN PA TSOGS SOG CING, ,BGEGS NI RNAM PAR NYAMS BYED BYA, ,BSNYEN PA MED PAS DNGOS GRUB MED, ,DE PHYIR RIM GNYIS DE NYID RIG ,DBEN PAR YANG DAG

GNAS NAS NI, ,LHA YI 'KHOR LO SGOM PAR BYA, ,SKYON DE YI GSANG SNGAGS BZLAS, ,'KHOR LO'I GTZO BO'I 'BUM BZLAS SHING, ,YANG NA RANG GI LHA YI 'BUM, ,DKYIL 'KHOR BA YI KHRI YIN TE, ,'DI NI SNGON DU BSNYEN PAR BRJOD, ,CES GSUNGS PA'I PHYIR, ,RTAGS GNYIS PA GRUB TE, BUM PA SGRUB PA'I DUS SU BUM PA LHA GRANGS DANG MNYAM PA LA SOGS PA JI LTAR 'BYOR PA LEGS PAR BGOD PA'I NANG DU, LHA GDAN DANG BCAS PA BSKYED NAS GTZO BO'I BUM PA LA GTZO BO'I SNYING PO'I DANG, BADZRA AU TA KA BRGYA RTZA BRGYAD BZLA BA DANG, BUM PA GZHAN LHA GANG DANG GANG GI YIN PA'I LHA DE DANG DE'I SNGAGS BRGYA RTZA BRGYAD DAM NYER GCIG GAM BDUN BZLA DGOS PA'I PHYIR, DER THAL, RDO RJE 'PHRENG BA LAS, DE NAS H'Um BRJOD CING RDO RJE DANG 'BREL BA'I ME TOG GI 'PHRENG BA'I MTHA' GA-YON PA'I KHU TSUR GYIS BZUNG LA, 'KHOR LO GTZO BO'I SNYING PO'I SNGAGS DANG, AOm BADZRA AU TA KA H'Um ZHES BYA BAS CHU LA BRGYA RTZA BRGYAD BSNGAGS NAS, ZHES DANG, BUM PA GZHAN LHA GANG DANG GANG GI YIN PA BDE DANG DE'I SNGAGS BRGYA RTZA BRGYAD DAM NYI SHU RTZA GCIG GAM BDUN BZLAS TE, ZHES DANG, RDZOGS 'PHRENG LAS KYANG, SNYING PO'I SNGAGS LA SOGS PA BSTAN PA NI BUM PA LHAG PAR GNAS PA LA SOGS PA LA NYE BAR SBYOR BA'I CHED DU'O, ,ZHES GSUNGS PA'I PHYIR, DE LA KHO NA RE RNAL 'BYOR RDZOGS 'PHRENG GI MNGON RTOGS SGOM PA'I SKABS SU GTZO 'KHOR THAMS CAD KYI SNGAGS BZLA MI DGOS TE, 'DI'I SKABS SU GTZO BO'I SNYING PO GCIG BU BZLAS PAS 'KHOR GYI LHA GZHAN RNAMS KYI SNGAGS BZLAS PA'I DGOS PA YANG 'GRUB PAR

, ,'GYUR PAS 'KHOR GYI SNGAGS RNAMS RDZOGS 'PHRENG DU MA BKOD PA YIN PA'I PHYIR, DE LTAR YIN TE, RDZOGS 'PHRENG LAS, RDZOGS PA'I RIM PA'I RNAL 'BYOR BA LA NI 'KHOR LO'I GTZO BO'I SNYING PO'I SNGAGS NYID GYIS LHA GZHAN RNAMS GYI SNYING PO'I SNGAGS RNAMS KYI SGRUB BYA YANG 'GRUB PAR 'GYUR BAS DE RNAMS MA BRIS TE ZHES GSUNGS PA'I PHYIR, ZHES ZER NA, LUNG DE'I DON KHYOD KYI 'DOD PA LTAR MA YIN TE, SNGAR BSHAD PA LTAR GYI GDUL BYA DBANG PO RNON PO DES MNGON RTOGS SKAD CIG GIS RDZOGS PAR BSGOM NAS LHA RNAMS KYI THUGS KHA'I SA BON LAS DKYIL 'KHOR BA'I LHA TSOGS SPROS TE SEMS CAN GYI DON MDZAD DE, SLAR YANG SA BON LA BSDU PA'I SPRO BSDU'I DMIGS PA YANG DANG YANG DU BYA BA DE SKABS 'DI'I SGRUB BYA'I GTZO BO YIN LA; DE LTAR BYA BA DE 'KHOR GYI SNGAGS MA BZLAS KYANG GTZO BO'I SNGAGS BZLA PA'I TSE BYAS PAS CHOG PAS SGRUB BYA DE 'GRUB PA'I PHYIR DU 'KHOR GYI SNGAGS 'DIR MA BKOD ZHES PA'I DON YIN GYI MNGON RTOGS SGOM PA'I SKABS GANG DU YANG 'KHOR GYI SNGAGS BZLA MI DGOS PAS 'DIR MA BKOD CES PA'I DON MA YIN PA'I PHYIR, SKABS 'DIR SPRO BSDU'I DMIGS PA BYA BA SGRUB BYA'I GTZO BOR BSHAD DE, 'DIR DE DANG LHA'I RNAM PA LA GSAL SNANG 'DON PA GNYIS KA GTZO BOR BSHAD PA'I PHYIR, DE LA SPRO BSDU'I ? DMIGS PA BYA BA GTZO BOR 'CHAD PA LA GONG DU DRANGS BA'I BDAG DANG SEMS CAN THAMS CAD ZHES PA NAS BSAM GYIS MI KHYAB PA'I SKUR 'CHAR BAR BYA'O, ,ZHES DANG, GSAL SNANG 'DON PA GTZO BOR 'CHAD PA LA, RDZOGS 'PHRENG LAS, DE'I RJES LA

MIG GI MNGON PAR SHES PA LA SOGS PA YON TAN GYI TSOGS DPAG TU MED CING BSAM GYIS MI KHYAB PAS MDZES BAR BYAS PA'I YI DAM GYI LHA'I SKU LEGS PAR YONGS SU NGAG CING, RNAM PA THAMS CAD YONGS SU RDZOGS PAR RGYUN DU YANG DANG YANG DU LHAG PAR MOS PA BRTAN PAR BYA'O, ,ZHES GSUNGS PA'I PHYIR, MNGON RTOGS SGOM PA'I SKABS SU SPRO BSDU'I DMIGS PA BYA BA DE, GTZO BO'I SNGAGS GCIG BU BZLAS PAS KYANG 'GRUB CING, MNGON RTOGS KYI SKABS SU BZLA DGOS PA YOD KYANG RNAL 'BYOR RDZOGS 'PHRENG RTEN BRTEN PA SKAD CIG GIS GSAL 'DEBS PA DANG, LHA'I RNAM PA LA GSAL SNANG 'DON PA DANG, SPRO BSDU'I DMIGS PA BYA BA GTZO BOR 'CHAD PA'I GZHANG NYUNG DU ZHIG BYA BAR BZHED PAS GTZO 'KHOR THAMS CAD KYI SNGAGS BKOD NA GZHUNG CUNG MANG BAR 'GYUR DU DOGS PAS 'DIR MA BKOD CES, RDZOGS PA'I RIM PA'I RNAL 'BYOR PA LA NI, ZHES SOGS GONG DU DRANGS PA DE, KHA SBYOR LAS GSUNGS PA'I RDO RJE SEMS DPA'I SGRUB THABS KYI SKABS SU GSUNGS NAS DE'I GONG 'OG GI SGRUB THABS THAMS CAD KYI SKABS SU 'KHOR GYI SNGAGS MA BKOD PA'I RGYU MTSAN 'DI BZHIN SHES DGOS PAR 'CHAD PA LA, LUNG DE'I MJUG THOG TU DE BZHIN DU THOG MA DANG THA MA YANG RIG PAR BYA'O, ,ZHES GSUNGS PA'I PHYIR, GZHAN LA DBANG SKUR BA SOGS KYI SKABS SU MNGON RTOGS SGOM PA'I TSE GTZO 'KHOR THAMS CAD KYI SNGAGS BZLA DGOS ZHES DNGOS SUM GSUNGS KYANG BZLA DGOS PA DDE BSHAD PA'I PHYIR, DER THAL, RDZOGS 'PHRENG DU GSANG 'DUS 'JAM RDOR DANG MI BSKYOD PA GNYIS KA'I SGRUB THABS KYI

, ,SKABS SU GTZO 'KHOR THAMS CAD KYI SNGAGS RDO RJE 'PHRENG BAR BKOD PAR BSHAD PA GANG ZHIG DE SGRUB THABS KYI SKABS SU SNGAGS RNAMS BZLA DGOS PA'I RGYU MTSAN GYIS DE LTAR BSHAD PA YIN PA'I PHYIR, DANG PO SGRUB TE, 'JAM RDOR GYI LHA RNAMS KYI SA BON BSHAD PA'I MJUG TU, LHA THAMS CAD KYI SNYING PO'I SNGAGS NI RDO RJE 'PHRENG BAR BSHAD DO; ;ZHES DANG, 'DUS PA MI BSKYOD PA'I LHA RNAMS KYI SA BON BSHAD PA'I MJUG TU, LHA RNAMS KYI SNYING PO'I SNGAGS RNAMS NI RDO RJE 'PHRENG BAR BRJOD DO, ,ZHES GSUNGS PA'I PHYIR, GNYIS PA SGRUB TE, SGRUB THABS KYI SKABS SU SNGAGS DE RNAMS GTAN NAS BZLA MI DGOS NA, RDO RJE 'PHRENG BAR SNGAGS BKOD YOD KYANG RDZOGS 'PHRENG DU DE LTAR YOD CES BSHAD PA LA DGOS PA MED PA'I PHYIR, DE LA YANG KHO NA RE, GSANG 'DUS 'JAM RDOR DANG, MI BSKYOD PA'I SGRUB THABS KYI SKABS SU GTZO 'KHOR THAMS CAD KYI SNGAGS BZLA DGOS PA YIN DU CHUG KYANG SGRUB THABS GZHAN RNAMS KYI SKABS SU GTZO 'KHOR THAMS CAD KYI SNGAGS BZLA MI DGOS SAM SNYAM NA, DE YANG MA YIN TE, RDZOGS 'PHRENG LAS, GSANG 'DUS GNYIS LA DE LTAR BSHAD PA DE THOG MA'I GSAL BYED DAM MTSON BYED DU BYAS NAS GZHAN RNAMS LA'ANG BZLA DGOS PA GO BAR BYA BA'I CHED YIN PA'I PHYIR, DER THAL, RDO RJE 'PHRENG BAR GSANG 'DUS GNYIS KYI GTZO 'KHOR THAMS CAD KYI SNGAGS BKOD NAS, DKYIL 'KHOR GZHAN 'GA' ZHIG GI SNGAGS RANG RANG GI RGYUD DANG SGRUB THABS DANG MAN SNYE SOGS LA ZHAL 'PHAD MDZAD YOD CING,

DE LTAR MDZAD PA DE YANG MNGON RTOGS SGOM PA DANG BUM SGRUB SOGS LA LHA DE RNAMS KYI SNGAGS SGRUB THABS DANG RGYUD SOGS LAS BTZAL NAS BZLA DGOS PA SHES PA'I CHED YIN PA'I PHYIR, DE LA KHO NA RE, RDZOGS 'PHRENG LAS, SNYING PO'I SNGAGS LA SOGS PA BSTAN PA NI, BUM PA LHAG PAR GNAS PA LA SOGS PA LA NYE BAR SBYOR BA'I CHED DU'O, ,ZHES GSUNGS PA 'DIS DKYIL 'KHOR BA'I LHA RNAMS KYI SNYING PO'I SNGAGS LA SOGS PA 'PHRENG BAR BKOD PAR BSTAN PA NI, BUM PA LHAG GNAS SOGS LA SBYOR BAR BYA BA'I CHED DU YIN ZHAS BSHAD BAS BUM PA LHAG GNAS BYA BA'I SKABS SU GTZO 'KHOR THAMS CAD KYI SNGAGS BZLA DGOS KYANG MNGON RTOGS SGOM PA'I SKABS SU GTZO 'KHOR THAMS CAD KYI SNGAGS BZLA MI DGOS PA 'GRUB ZER NA; DE YANG MI 'THAD DE, LUNG DE'I GTZO 'KHOR THAMS CAD KYI SNYING PO'I SNGAGS DANG SOGS KHUNG DU RDZOGS 'PHRENG LAS LAS SNGAGS BKOD PA BSDUS TE DE RNAMS 'PHRENG BA GNYIS SU DNGOS SU BKOD PA DANG GZHAN LA ZHAL 'PHAD BYAS PA NI DBANG BSKUR BA'I TSE BUM PA LHAG GNAS DANG, DBANG SKUR GYI SNGON GYI GRANGS BSNYEN DANG DBANG SKUR BA'I SKABS KYI MNGON RTOGS SGOM PA SOGS LA SBYOR BA'I CHED DU YIN ZHES BSHAD PA YIN PAS, BUM PA LHAG GNAS TZAM DU MA ZAD DBANG SKUR GYI MNGON RTOGS 'DON PA'I SKABS SU'ANG SBYOR DGOS PAR 'GRUB PA'I PHYIR, GZHAN YANG RNAL 'BYOR RDZOGS 'PHRENG DU SNGAGS GANG BKOD PA DE MNGON RTOGS KYI BZLAS PA'I SKABS SU BZLA DGOS LA GANG LA BKOD PA DE BZLA MI DGOS PAR 'DOD NA GSANG

, ,'DUS GNYIS KYI SKABS SU GTZO BO'I SNYING PO YANG BZLA MI DGOS PA DANG, SGRUB THABS GZHAN GYI BZLAS PA'I SKABS SU DE'I LAS SNGAGS KYANG BZLA DGOS PAR THAL, GSANG 'DUS GNYIS KYI SKABS SU GTZO BO'I SNYING PO YANG MA BKOD PA GANG ZHIG SGRUB THABS GZHAN GYI SKABS SU LAS SNGAGS KYANG BKOD PA'I PHYIR, 'DOD NA KHYED RANG RNAMS KYIS GSANG 'DUS GNYIS KYI MNGON RTOGS KYI BZLAS PA'I SKABS SU GTZO BO'I SNYING PO BZLA DGOS PAR BSHAD PA DANG, SGRUB THABS GZHAN GYI BZLAS PA'I SKABS SU LAS SNGAGS BZLA BAR MA BSHAD PA DANG 'GAL, DES NA, GSANG 'DUS GNYIS KYI SGRUB THABS KYI SKABS SU GTZO BO'I SNYING PO MA BKOD PA 'DUS PA GNYIS KYI GTZO 'KHOR THAMS CAD KYI SNGAGS RDOR 'PHRENG DU BKOD ZIN PA DANG, SGRUB THABS GZHAN GYI TSE GTZO BO'I SNYING PO BKOD PA NI SGRUB THABS DE BSGOM NAS BZLAS PA BYA BA NA SPO BA SDU'I DMIGS PA GTZO BOR BYAD PA'I TSE 'KHOR GYI SNGAGS MA BZLAS KYANG CHOG LA, GTZO 'KHOR THAMS CAD KYI SNGAGS BZLA DGOS PA'I TSE SNYING PO BKOD PA DE MTSON BYED DU BYAS NAS LHA GZHAN GYI SNGAGS GZHAN NAS LEN DGOS PA SHES PA DANG, , LAS SNGAGS BKOD PA NI MNGON RTOGS SGOM PA'I SKABS SU MCHOD GTOR BYIN BRLABS BYA BA 'BUL BA SOGS 'DIR MA BKOD KYANG KHA SKONG BA'I TSE LAS SNGAGS DES BSANG DGOS PAR SHES PA'I CHED YIN PAR GO BAR BYA'O, ,YANG RDZOGS 'PHRENG LAS, 'DIR RDZOGS PA'I RIM PA'I RNAL 'BYOR LA MI LA SOGS PA BYIN GYIS BRLABS PA DANG, YE SHES SEMS DPA'

DGUG GZHUG LA SOGS PA NI MI BSHAD DO, ,ZHES GSUNGS PA 'DI'I DON DU BSAM NAS RDZOGS 'PHRENG GI MNGON RTOGS SGOM PA'I SKABS SU SKYE MCHED BYIN BRLABS DANG YE SHES PA DGUG GZHUG SOGS BYA MI RUNG BAR 'DOD PA'ANG, BRTAGS PA'I GNAS YIN TE, LUNG DES RTEN DANG BRTEN PA'I SGRUB THABS SKAD CIG GIS RDZOGS PAR SGOM PA'I RNAL 'BYOR 'CHAD PA'I SKABS 'DI LA SKYE MCHED BYIN RLABS DANG YE SHES PA DGUG GZHUG BYA BA DANG SOGS KHONG DU MCHOD BSTOD GTOR 'BUL NYER BSDU RNAMS MA BSHAD CES BSHAD PA YIN PA'I PHYIR, DE RNAMS MA BSHAD CES BSHAD PA NI, GAL TE DE RNAMS BYA BAR 'DOD NA BYAS KYANG CHOG LA, DE BYED TSUL SHES SLA BAS GZHUD NYUNG DU BYA BA'I SKABS 'DIR MA BSHAD CES PA'I DON DU 'CHAD RIGS PA'I PHYIR, DES NA DE DAG BYAS KYANG 'GAL BA MED DAM SNYAM STE BZLAS PA'I MJUG TU NYER BSDU BYA BA YANG RDZOGS 'PHRENG DU MA BSHAD KYANG BYA DGOS YANG DGOS LA BYED PAR YANG SNANG BAS SO, ,DES NA SLOB DPON CHEN PO AA BHYA KA RAS RDO RJE 'PHRENG BAR GZHAN LA DBANG SKUR BA LA SOGS PA RDO RJE SLOB DPON GYI BYA BA BYED TSUL RGYAS PAR BSHAD NAS, RDZOGS 'PHRENG DU, RDO RJE SLOB DPON GYI BYA BA DE BYED PA LA SNGON DU DKYIL 'KHOR GANG DU DBANG SKUR BA'I RTEN DANG BRTEN PA SGOM PA DANG, DKYIL 'KHOR GYI LHA'I NGA RGYAL DANG GSAL SNANG LA MYONG BA 'DON DGOS PA GAL CHE BA BSHAD PA YIN PAS DE GNYIS KA'I DON LA ZHIB TU DPYAD NAS GO BA LEGS PAR BTZAL TE MNGON RTOGS SGOM PA DANG, DBANG SKUR GYI BYA BA LA 'JUG PA DANG,

, ,SGRUBS DKYIL GYI CHO GA RTZOM PA SOGS BYA DGOS KYI, DE LTAR MA BYAS PAR RDZOGS 'PHRENG GI TSIG ZIN TZAM LA BRTEN NAS, RDO RJE 'PHRENG BA'I DBANG SKUR BA LA GTZO 'KHOR TSANG MA'I SNGAGS BZLA MI DGOS ZER BA SOGS BYA MI RUNG DO,, ,,GNYIS PA DBANG SKUR TSUL LA DPYAD PA LA, KHA CIG GI ,RDO RJE 'PHRENG BA'I SGRUBS DKYIL LAS LHA'I BSNYEN PA BYED TSUL DANG, DE BYA DGOS MI DGOS KYI RNAM BZHAG ZUR TZAM YANG MA GSUNGS PA MI 'THAD DE, DE LTA BU'I CHO GA LA BRTEN NAS DBANG SKUR BYED PA PO 'GA' ZHIG GIS CHO GA NA MI 'DUG PAS BSNYEN ? MA BYAS KYANG DBANG SKUR BYA RUNG BAR 'JUG SNYAM DU BSAM NAS BSNYEN PA SNGON DU MA SONG BAR DBANG SKUR BYED PA SRID PA GANG ZHIG DE LTAR BYAS NA, SNYING PO MDOR BSAGS LAS, DKYIL 'KHOR MCHOG GI SLOB DPON GYIS, SNGON DU BSNYEN PA LA 'BAD NAS, ,DE NAS DKYIL 'KHOR DE NYID NI, ,SHIN TU DUL BAS BRTAGS PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,ZHES GSUNGS PA LTAR RANG GIS RANG NYID LA GNOD PA BYAS PAR 'GYUR ZHING, 'PHRENG BA LAS KYANG GONG DU DRANGS BA LTAR BSNYEN PA BYA DGOS PAR GSUNGS BA DANG 'GAL BA'I PHYIR, BSNYEN PA BYED PA LA YANG SNGAGS KYI GRANGS BSNYEN TZAM GYIS CHOG PAR 'DOD PA MI RIGS TE, BLA MED KYI SKABS SU SKYED RIM DANG RDZOGS RIM GNYIS KA BSNYEN BA YIN LA, THUN BZHI'I RNAL 'BYOR GYI SGO NAS YI DAM GYI LHA'I NGA RGYAL DANG GSAL SNANG SGRUB PA NI SKYED RIM PA'I BSNYEN PA'I GTZO BO YIN PA'I PHYIR, RIM PA GNYIS KA BSNYEN PA

YIN TE, 'DUS PA PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THA MAL BA NI RDO RJE BZHI, ,MCHOG NI YAN LAG DRUG GIS SO, ,ZHES GSUNGS PA'I PHYIR, THUN BZHI'I RNAL 'BYOR GYI SGO NAS LHA'I NGA RGYAL DANG GSAL SNANG SGRUB PA BSKYED RIM PA'I BSNYEN PA'I GTZO BO YIN TE, GSAL SNANG SGRUB PA DE LA 'BAD NAS MYONG BA LEGS PAR THON PA'I RJES SU LHAS GNANG BA BYIN PA'AM MA BKAG NA DKYIL 'KHOR BRIS SGRUB DANG, SLOB MA BSDUS TE DBANG SKUR BA LA SOGS PA BYA BAR 'PHRENG BA NAS BSHAD PA'I PHYIR, DE YANG YIN TE, 'PHRENG BA LAS, DE LTAR SNGON DU BSNYEN PA RGYAS PAR BYAS PAS SKAD CIG GIS DKYIL 'KHOR GYI LHA'I RNAL 'BYOR RNAM PA THAMS CAD YONGS SU RDZOGS PA SPRO BA DANG BSDU BA MNGON DU BYA BA NUS PAS, 'KHOR LOR GNAS PA NYID KYI 'KHOR LO CAN GYIS MA BKAG BA'AM TSOGS BSAGS PA NYID GYIS GNANG BAS KYANG DKYIL 'KHOR DANG RAB TU GNAS PA DANG SLOB MA BSDU BA LA SOGS PA BYA'O, ,ZHES DANG, SNGAGS RIM LAS, LUNG DE'I MJUG THOG TU ZHES GSUNGS PA LTAR THUN BZHI'I RNAL 'BYOR LA 'BAD PA'I SGO NAS LHA'I NGA RGYAL DANG GSAL SNANG SGRUB PA NI BSNYEN PA'I GTZO BO YIN TE, 'DI JI LTAR BYA BA RGYAS PAR SKYED RIM GYI SKABS SU BSHAD PAR BYA'O, ,ZHES GSUNGS PA'I PHYIR, DE YANG YIN TE, DON 'DI LA DGONGS NAS RDZOGS 'PHRENG DU, LHA'I GSAL SNANG SGRUB PA DANG, SPRO BSDU'I DMIGS PA BYA BA GTZO BOR BSHAD PA'I PHYIR, DE LTA BU'I BSNYEN PA'I GTZO BO DE LEGS PAR BYAS NAS LHA LAS GNANG BA THOB PA

, ,CIG YIN NA SNGAGS KYI BZLAS PA'I GRANGS BSHAD TSOD LTAR MA SONG KYANG DKYIL 'KHOR BRIS SGRUB DANG DBANG SKUR SOGS BYA RUNG BA YIN TE, DKYIL CHOG BZHI BRGYA LNGA BCU PA LAS, DKYIL 'KHOR CAN SNGAGS 'BUM BZLAS PA'AM, YANG NA RANG GI LHA YI 'BUM, GZHAN GYI KHRI STE YANG NA NI, 'KHOR LO CAN GYI BKAS GNANG BRI, ZHES GSUNGS SHING, SNGAGS RIM LAS LUNG DE DRANGS PA'I MJUG THOG TU, ZHES GSUNGS TE GTZO BO LAS GNANG BA BROB NA DE TZAM MA SONG YANG RUNG BAR GSUNGS SO, ,ZHES GSUNGS PA'I PHYIR, YANG KHA CIG SANGS RGYAS THOD PA'I DKYIL CHO GA LAS, ,RGYUD LAS GSUNGS PA'I TSUL BZHIN DU, ,BSKYED PA'I TSUL GNAS BLA MA YIS, ,DKYIL 'KHOR BDAG PO'I BZLAS PA NI, ,BSOD NAMS CHE 'BRING CHUNG BA DAG BYE BA 'BUM DANG KHRIS 'GRUB 'GYUR, ,'KHOR RNAMS GTZO BO'I YAN LAG PHYIR, ,THA DAD PAR NI BZLAS MI BYA, ,GAL TE MTSAN MA MTHOD GYUR NA, , BZLAS PA'I 'PHRO YANG BSHOL PAS 'GRUB, ,CES GSUNGS PA'I DON DU BSAMS NAS DKYIL 'KHOR GYI GTZO BO'I SNGAGS LA BSNYEN PA BYAS PAS CHOG GI 'KHOR GYI SNGAGS BZLA MI DGOS PAR 'DOD PA MI 'THAD DE, LUNG DES DNGOS PO'I GNAS TSOD LA DKYIL 'KHOR GANG DANG GANG GI 'KHOR GYI LHA RNAMS GTZO BO'I SPRUL PA YIN CING DE DANG THUGS RGYUD GCIG PAS 'KHOR GYI SNGAGS LOGS SU BZLA MI DGOS PAR GSUNGS PA MA YIN PAR RNAL 'BYOR BA RANG NYID KYI RGYUD BDE BA CHEN PO'I YE SHES KYI STONG PA NYID MTHAR THUG PA RTOGS PA'I GNYIS SU MED

PA'I YE SHES DE NYID RTEN DANG BRTEN PA'I DKYIL 'KHOR DU SHAR BA'I TSUL LA NGES PA YANG DAG PA RNYED NA 'KHOR GYI SNGAGS LOGS SU MA BZLAS KYANG CHOG PA LA DGONGS PA YIN PA'I PHYIR, , DE YANG YIN TE, SNGAGS RIM LAS, 'KHOR GTZO BO'I YAN LAG YIN PAS GUD DU BZLA MI DGOS PAR GSUNGS PA NI, DNGOS PO LA DE LTAR YIN PAS MI CHOG GI STONG NYID LA MTHAR THUG PAR GTUGS NAS GNYIS SU MED PA'I YE SHES NYID RTEN DANG BRTEN PAR SHAR BA'I TSUL LA NGES PA BRTEN PO RNYED PA LA DGONGS SAM BRTAGS PAR BYA'O, ,ZHES GSUNGS PA GANG ZHIG GONG GI LUNG DON DE LTAR YIN PA RJE BDAG NYID CHEN PO'I BZHED PA YIN KYANG BRTAGS PAR BYA'O, ,ZHES GSUNGS PA NI, KHENGS SKYUNG BA TZAM GYI CHED DU GSUNGS PA YIN PA'I PHYIR; ;KHA CIG SDOM 'BYUNG GI BCU GNYIS PA LAS, RDZOGS LDAN LA NI BZLAS BYA GCIG GNYIS 'GYUR GSUM LDAN LA BZLAS BYA, ,SUM 'GYUR GNYIS LDAN LA RAB BRJOD,, RTZOD LDAN BZLAS PA BZHI 'GYUR RO, ,ZHES GSUNGS PA'I DON DU BSAM NAS BSNYEN PA'I SKABS SU SNGAGS 'BUM BZLA DGOS PAR GSUNGS PA LA BZHI 'BUM DANG, KHRI BZLA DGOS PAR GSUNGS BA LA BZHI KHRI BZLA DGOS PAR 'DOD PA MI 'THAD DE, DE LTAR GSUNGS PA DI, BCUD LEN SOGS DNGOS GRUB SGRUB PA'I SKABS LA DGONGS PA YIN GYI DKYIL 'KHOR GYI CHO GA BYED PA'I SNGON KYI BSNYEN PA'I SKABS LA DGONGS PA MA YIN PA'I PHYIR, DE YANG YIN TE, SNGAGS RIM LAS, GONG GI LUNG DE DRANGS PA'I MJUG THOG TU, ZHES GSUNGS PAS GTZO BO LA 'BUM

, ,DANG 'KHOR LA KHRI BZLA BAR GSUNGS PA RNAMS BZHI 'GYUR DU BYA DGOS ZHES KHA CIG SMRA MOD KYANG RGYUD KYI DON DU MA MTHONG STE, ZHES DANG DNGOS GRUB SGRUB PA'I SKABS LA BSHAD KYI DKYIL 'KHOR GYI CHO GA BYED PA'I SNGON DU BZLAS PA BYED PA LA MA BSHAD PA'I PHYIR DANG, DKYIL CHOG KHUNGS THUB GZHAN NAS KYANG DE LTAR BYED PA'I RNAM PA ZHAG MA GSUNGS PA'I PHYIR RO, ,ZHES GSUNGS PA'I PHYIR, KHA CIG DUS KYI BSNYEN PA LO GCIG GAM, LO BYED DAM, ZLA BA BZHIR SGOM PA DANG, MTSAN MA'I BSNYEN PA THUN BZHI'I RNAL 'BYOR BYAS PAS DU BA LA SOGS PA'I RTAGS MTHONG BA DANG, GRANGS KYI BSNYEN PA GTZO BO LA 'BUM, 'KHOR LA KHRI BZLA BA GANG RUNG CIG BYAS PAS BSNYEN PA'I GO CHOD CING GZHAN LA DBANG SKUR BA SOGS BYA RUNG BAR 'DOD PA MI 'THAD DE, SNGAGS RIM LAS, LHA LAS GNANG BA YANG MA THOB CING BZLAS BA'I GRANGS KYANG MA RDZOGS PAS LO LA SOGS PA'I DUS GSUM PO GANG RUNG DU BSGOM NA BYA RUNG BAR BSHAD PA MI 'THAD DO, ,ZHES GSUNGS PA'I PHYIR, YANG KHA CIG RDO RJE 'PHRENG BA'I DBANG SKUR BA LA 'JAM RDOR GCIG BU'I BSNYEN PA BYAS PAS CHOG GI DKYIL 'KHOR THAMS CAD LA BSNYEN PA BYA MI DGOS PAR 'DOD PA MI 'THAD DE, SNGAGS RIM LAS, LHA MI GCIG BA'I DKYIL 'KHOR SO SOL NI BSGOM BZLAS SO SOR BYA DGOS PAR MNGON LA, DPA' BO GCIG PA'I BSGOM BZLAS BYAS PAS KYANG CHOG PA'I SKABS YOD PA RDO RJE 'JIGS BYED LTA BU MA GTOGS PA RNAMS LA GTZO 'KHOR TSAR BA'I BSGOM BZLAS BYA'O, ,ZHES GSUNGS PA'I PHYIR, YANG

D'A RI KA BAS, 'BRING DAM CHUD DU'I TSUL GNAS NI, DKYIL 'KHOR DBANG PO'I 'BUM DU STE, DE BZHIN MKHA' 'GRO STONG PHRAG BCU, ,BZLAS TE LHA RNAMS MNYES PAR BYA, ,YE SHES MCHOG LA KHRI PHRAG STE, ,SPYIN SREG MCHOG GIS NYE BAR MCHOD, ,CES GSUNGS PA'I DON DU BSAM NAS BSNYEN PA'I SKABS SU BZLAS PA'I BCU CHA'I SBYIN SREG BYA DGOS PAR 'DOD PA MI 'THAD DE, ZHI RGYAS LA SOGS PA'I DNGOS GRUB SGRUB PA'I SKABS SU BZLAS PA'I BCU CHA'I SBYIN SREG BYA DGOS PA MA GTOGS, DBANG SKUR SOGS BYED PA'I SNGA ROL GYI BZLAS PA LA BCU CHA'I SBYIN SREG BYA MI DGOS PA'I PHYIR, DER THAL, SNGAGS RIM LAS, SDOM LA BYUNG SOGS LAS ZHI RGYAS LA SOGS PA'I DNGOS GRUB SGRUB PA'I SKABS SU BZLAS PA'I BCU CHA'I SBYIN SREG BYA DGOS PAR MANG DU GSUNGS PA MA GTOGS PA DKYIL 'KHOR GYI CHO GA BYED PA'I SNGA ROL GYI BZLAS PA LA BCU CHA'I SBYIN SREG BYA BAR TSAD LDAN GYI DKYIL CHOG NAS KYANG MA GSUNGS PAS MI DGOS SO, ,ZHES GSUNGS PA'I PHYIR, YANG RDO RJE 'PHRENG BA'I DBANG RGYUN BOD DU JI LTAR DAR TSUL GYI LO RGYUS 'CHAD PA'I TSE, KHA CHE PAn CHEN SH'AKYA SHRIS RGYA GAR DU PAntI TA MKHAS GRUB MANG PO LAS SDE SNOD GSUM DANG RGYUD SDE BZHI'I GDAMS PA MA LUS PA GSAN ZHING THUGS NYAMS SU BZHES TE BSTAN 'GRO'I DON RGYA CHEN PO MDZAD, KHYAD PAR RGYA GAR DU PAntI TA CHEN PO BI KHYA TA DEB DANG SH'AKYA RA KHYI TA GNYIS LAS RDO RJE 'PHRENG BA'I CHOS SKOR TSANG MA GSAN, BOD DU BYON PA'I TSE THOG MAR MNGA' RIS SU RDO RJE 'PHRENG BA'I DBANG SKUR MDZAD PA NA THAMS CAD BLA MED KYI LUGS

, ,LTAR DBANG BZHI YONGS RDZOGS SU SKUR BAR MDZAD, DE'I TSE RJE BTZUN MA SGROL MAS RGYA GAR DU DE LTAR YIN MOD KYANG BOD RNAM RTOG MANG BAS RGYUD SDE SO SO'I LUGS LTAR BSKUR NA LEGS, ZHES GSUNGS PA LA BRTEN NAS SLAR YANG RGYUD SDE SO SO'I TSUL DU DBANG BSKUR TSAD BA DPON PO BHU MI SHRI DANG, SUG THAMS CAD MKHYEN PA GLAN BA SO BA, GNYAG RDO RJE 'DZIN, LHO BA THAMS CAD MKHYEN PA SOGS LA GNANG, PHYIS SU DBUS KYI SRIN PO RIR 'PHRENG BA'I DBANG YONGS RDZOGS DANG, SNE'U RDZOD DU DKYIL 'KHOR NYER BRGYAD DU BSDUS NAS DBANG SKUR BAR MDZAD, CES 'CHAD PA BRTAGS PA'I GNAS YIN TE, PAn CHEN GYIS THOG MAR MDA' RIS SU 'PHRENG BA'I DKYIL 'KHOR THAMS CAD KYI DBANG BLA MED KYI LUGS SU BSKUR BA DE TSUL MTHUN YIN NAM MIN, TSUL MTHUN YIN NA, RJE BTZUN MA SGROL MAS BOD RNAM RTOG MANG BAS THAMS CAD BLA MED KYI LUGS SU MI BYA BAR GSUNGS MI RIGS TE, DBANG SKUR TSUL MTHUN YIN PHYIN BOD DU 'ANG DE LTAR SKUR RIGS PA'I PHYIR, THAMS CAD ZLA MED KYI LUGS SU SKUR BA DE TSUL MTHUN YIN NA, SLOB DPON AA BHYA YA'I DGONGS PA DANG MTHUN PA YIN DGOS, DE YIN NA RGYUD SDE'I DGONGS PA DANG MTHUN PA CIG YIN DGOS LA, DE LTAR YIN PHYIN, BOD DU DE LTAR SKUR MI RIGS PA'I RGYU MTSAN MED PA'I PHYIR, DER THAL, BOD DU RGYUD SDE DANG PAn GRUB TSAD LDAN GYI DGONGS PA DANG MTHUN PA'I DBANG SKUR BYAS PA LA PHAN YON MA GTOGS NYES DMIGS 'BYUNG DON MED PA'I PHYIR, DER THAL, YUL GANG DU 'ANG RGYUD SDE DANG PAn GRUB KYI

DGONGS PA DANG MI MTHUN PA'I DBANG SKUR BYAS NA PHAN YON MED PAR NYES DMIGS 'BYUNG BA MA GTOGS DE DAG GI DGONGS PA DANG MTHUN PA'I DBANG SKUR BYAS PA LA NYES DMIGS MI 'BYUNG BA'I PHYIR; DER THAL, YUL GANG DU 'ANG RGYU DGE BA BYAS PA LAS 'BRAS BU BDE BA 'BYUNG BA MA GTOGS SDUG BSNGAL MI 'BYUNG BA DANG, RGYU MI DGE BA BYAS PA LAS 'BRAS BU SDUG BSNGAL 'BYUNG GI BDE BA MI 'BYUNG BA'I LAS 'BRAS BSLU BA MED PA YIN PA'I PHYIR, TSUL MTHUN MIN NA RGYA GAR DU DE LTAR YIN MOD CES GSUNGS MI RIGS TE, RGYA GAR DU TSUL DANG MI MTHUN PA'I DBANG SKUR BYA MI RIGS PA'I PHYIR, TSUL DANG MI MTHUN PA'I DBANG SKUR YUL GANG DU 'ANG BYA MI RIGS PA'I PHYIR, DER THAL, YUL 'GA' ZHIG NA DBANG SKUR TSUL MTHUN BYA LA, 'GA' ZHIG NA TSUL DANG MI MTHUN PA BYAS CHOG CES RGYUD DANG DGONGS 'GREL GYI BSTAN CHOS GANG DU'ANG GSUNGS PA MED PA'I PHYIR, GZHAN YANG RJE BTZUN MAS BOD RNAM RTOG MED PAS RGYA GAR DU SKUR BA LTAR BOD DU MI RIGS, CES GSUNGS PA'I BOD RNAM RTOG MANG BA DE BLO GROS CHE BA'I RNAM RTOG MED PA LA BYED DAM, BLO GROS CHUNG BA'I RNAM RTOG MANG BA LA BYED, DANG PO LTAR NA BLO GROS CHE BA LEGS NYES KYI DPYAD PA BYED PA'I RIG PA MANG BA LA BYED PA YIN DGOS LA, DE LTAR YIN NA DE LTA BU LA RGYUD DANG PAn GRUB KYI DGONGS PA DANG MTHUN PA'I DBANG SKUR TSUL MTHUN SHIN TU NAS KYANG BYA DGOS PA'I PHYIR DANG DPYAD PA TSUL MTHUN BYED PA'I RIG PA MANG BA'I BLO GROS CHE BA RGYA GAR DU MED LA BOD NA YOD PA'I KHYAD PAR 'BYED MI RIGS PA'I PHYIR, DER THAL, SPYIR RGYA GAR

, ,DANG BONG GNYIS YUL GYI DBANG GIS RGYA GAR BA PHAL CHER DBANG PO RNO ZHING BOD PHAL CHER DBANG PO RTUL BAR MKHAS PA RNAMS LA GRAGS SHING KHYAD PAR DU PAn CHEN SH'AKYA SHRI RGYA GAR NA BZHUGS SKABS RGYA GAR NA PAn GRUB SHIN TU MKHAS PA MANG PO BZHUGS PA'I SKABS YIN PAS YIN MIN GYI DPYAD PA BYED PA'I BLO GROS CHE BA MED CES SMRA MI RIGS PA'I PHYIR, , GNYIS PA LTAR NA DON MI 'GYUR GYI THE TSOM DANG LOG RTOG SOGS NGAN RTOG MANG BA YIN DGOS LA, DE LA DE'I NGAN RTOG DANG BSTUN NAS TSUL DANG MI MTHUN PA'I DBANG SKUR BYA MI RIGS PA'I PHYIR, DER THAL, DE LTAR BSKUR NA DE'I DON DU MI 'GYUR BA MA ZAD SKUR BA PO DANG SKUR YUL GNYIS KA PHUNGS PAR 'GYUR BA'I NYES DMIGS CHEN PO 'BYUNG BA'I PHYIR, DES NA LO RGYUS DE PAn CHEN GYI CHE BRJOD YIN KHUL DU BYAS NA'ANG DE, PAn CHEN GYI CHE BRJOD MA YIN PAR PAn CHEN DANG SGROL MA GNYIS KA'I SKYON BRJOD PA'I DON SMRAS SU 'GYUR TE, PAn CHEN GYIS MNGA' RIS SU 'PHRENG BA'I DKYIL 'KHOR THAMS CAD KYI DBANG BLA MED KYI LUGS LTAR BSKUR BA DE TSUL MTHUN MIN NA PAn CHEN KYIS MDA' RIS SU DE LTAR BSKUR BA DE PAn CHEN GYI SKYON YIN LA, RJE BTZUN MAS KYANG RGYA GAR DU DE LTAR YIN, MOD CES RGYA GAR DU DE LTAR SKUR RUNG BAR GSUNGS PA DE RJE BTZUN MA'I SKYON YIN PA'I PHYIR DANG, TSUL MTHUN YIN NA PAn CHEN GYIS BOD DU DE RJES DE LTAR MA BSKUR BA DE PAn CHEN GYI SKYON DANG RJE BTZUN MAS BOD RNAM RTOG MANG BAS DE LTAR MI RIGS CES GSUNGS PA DE RJE BTZUN MA'I SKYON YIN PA'I PHYIR, YANG PAn CHEN NAGS KYI RIN CHEN GYIS, SNE'U GDONG

DU 'PHRENG BA'I DKYIL 'KHOR ZHE LNGAR PHYE BA'I DBANG LAN GNYIS BLA MED LUGS SU MDZAD DE RGYUD SDE SO SOR PHYIN LEGS PO 'ONG GSUNG BAS 'O NA MA PHYE BA JI LTAR LEGS ZHUS PA SANGS AA BHYA KA RA'I LUGS SU BYAS PA YIN, AA BHYAS NI RGYUD SDE SO SOR MA PHYE GSUNG ZER BA'I LO RGYUS 'DUG PA DE YANG BRTAGS PA'I GNAS TE, AA BHYAS RGYUD SDE'I SO SO'I LUGS LTAR MA PHYE BAR THAMS CAD BLA MED KYI LUGS SU MDZAD PA DE, RGYUD SDE SO SO'I DGONGS PA DANG MTHUN PAS DE LTAR MDZAD PA YIN NAM, RGYUD SDE SO SO'I DGONGS PA DANG MI MTHUN KYANG DE LTAR MDZAD PA GANG YIN, DANG PO LTAR NA, RGYUD SDE SO SO'I DGONGS PA DANG MTHUN PHYIN RJES 'JUG RNAMS KYIS KYANG DE LTAR BYA RI GIS TE, SLOB DPON AA BHYA RANG GIS DE LTAR MDZAD PA GANG ZHIG ,DE RDO RJE 'CHANG GI DGONGS PA DANG YANG MTHUN PA'I PHYIR TE RGYUD SDE'I DGONGS PA DANG MTHUN PA'I PHYIR, GNYIS PA LTAR NA SLOB DPON GYIS RGYUD SDE SO SO'I DGONGS PA DANG MI MTHUN PA'I DBANG SKUR LUGS DE BZHIN MDZAD PA DE, SLOB DPON GYIS CHOS LA DBANG ZA BA YIN LA, RJE BTZUN RDO RJE RNAL 'BYOR MAS KYANG THAMS CAD BLA MED KYI LUGS SU SKUR PA'I CHO GA DE LTA BU GYIS ZHES BSKUL MI RIGS PA'I KHONGS GNYIS KA'I SKYON DU 'GYUR BA SNGA MA DANG 'DRA BAS SO, ,DE LA RNAL 'BYOR MAS RGYUD SDE'I DGONGS PA DANG MI MTHUN PA'I DBANG BSKUR TSUL GYI CHOG GYIS ZHES BSKUL BA MA YIN KYANG SLOB DPON GYIS DE LTAR MDZAD PA YIN ZER NA, RJE BTZUN MAS SLOB DPON GYI RGYUD SDE'I DGONGS PA DANG MI MTHUN PA CIG RTZOM PAR 'GYUR BA MA MKHYEN PAR BSKUL BA YIN ZHES KHAS LEN DGOS PAR 'GYUR BAS RJE BTZUN RDO RJE RNAL

, ,'BYOR MA LA SKYON BRJOD DE LAS CHE BA CI ZHIG BGYI, GAL TE RTZA RGYUD DE NYID BSDUS PA LTA BU SPYIR RNAL 'BYOR RGYUD DANG, 'BYUNG PO 'DUL BYED KYI RGYUD LUGS GCIG LA SPYOD RGYUD DANG, GZUNGS GVA LNGA LTA BU BYA RGYUD YIN KYANG, SLOB DPON GYIS DE RNAMS BLA MED KYI LUGS SU BKRAL NAS RDOR DBYINGS DANG, 'BYUNG PO 'DUL BYED DANG, BSRUNG BA LNGA LTA BU'I DKYIL 'KHOR GYI DBANG SKUR RNAMS BLA MED KYI LUGS LTAR SKUR BAR MDZAD PA YIN, BOD RNAM RTOG CHE BAS RTZA RGYUD DE NYID BSDUS PA RNAL 'BYOR RGYUD YIN PAS DE NAS BSHAD PA'I RDOR DBYINGS KYI DBANG BLA MED LUGS SU SKUR BA DANG, 'BYUNG PO 'DUL BYED KYI RGYUD SPYOD RGYUD YIN PAS DE NAS BSHAD PA'I 'BYUNG PO 'DUL BYED KYI DBANG BLA MED KYI LUGS SU SKUR BA DANG, GZUNGS GRVA LNGA BYA RGYUD YIN PAS DE NAS BSHAD PA'I BSRUNG BA LNGA'I DKYIL 'KHOR GYI DBANG BLA MED LUGS SU SKUR BA JI LTAR 'THAD SNYAM PA'I DOGS PA SKYE PAS BOD DU DE LTAR MI RUNG ZHING RGYUD SDE RANG RANG GI LUGS SU SKUR BA LEGS ZHES RJE BTZUN MA SGROL MA DANG, PAn CHEN NAGS KYI RIN CHEN GNYIS KYIS SNGAR LTAR GSUNGS PA YIN ZER NA, DE YANG MI 'THAD DE, DE NYID BSDUS PA SOGS RGYUD SDE 'OG MA DE RNAMS SLOB DPON GYIS BLA MED LUGS SU BKRAL BA YIN ZER BA'I SGRUB BYED MED PA GANG ZHIG ,GAL TE DE LTAR BKRAL BA YIN NA SLOB DPON AA BHYA PAntI TA CHEN PO YIN PA'I KHAR RJE BTZUN RDO RJE RNAL 'BYOR MAS DKYIL 'KHOR GYI CHO GA 'DI MDZAD PAR BSKUL BA YIN PAS BOD BLUN PO LA MA NGES KYANG MKHAS PA RNAMS LA DE MI 'THAD DE SNYAM PA'I DOGS PA MI SKYE BA'I PHYIR, DPER NA SGYU 'PHRUL DRA BA'I RGYUD KYI

MTSAN BRJOD LTA BU BLA MED KYI RGYUD YIN KYANG SLOB DPON 'JAM DPAL GRAGS PAS RNAL 'BYOR RGYUD DU BGRAL NAS 'JAM DPAL GSANG LDAN GYI DKYIL CHOG LA SOGS PA MDZAD PA LA JI LTAR YIN SNYAM PA'I DOGS PA MI SKYE BAR TSAD LDAN DU 'DOD PA BZHIN YIN PA'I PHYIR, 'PHRENG BA'I DKYIL 'KHOR THAMS CAD KYI DBANG BLA MED LTAR DBANG BZHI YONGS RDZOGS SU SKUR BA SLOB DPON AA BHYAS LUGS YIN PA YANG MI 'THAD DE, SLOB DPON GYIS 'PHRENG BA'I DKYIL 'KHOR GYI DBANG THAMS CAD BLA MED KYI LUGS LTAR BYAS NAS DBANG BZHI YONGS RDZOGS SU SKUR DGOS PA'I ZUR TZAM YANG 'PHRENG BA LAS MI 'BYUNG BA'I PHYIR, BLA MED KYI LUGS LTAR BYED NA YANG RIGS PA'I DBANG TZAM LEN PAR 'DOD PA'I GDUL BYA LA RIG PA'I DBANG TZAM GYI RJES SU RDO RJE'I RTUL SHUGS SPYOD PA'I RTUL SHUGS, LUNG BSNYAN CHOS BSHAD PA'I RJES GNANG, DBUGS DBYUNG LNGA DANG SNGAGS DBANG MIG SMAN LA SOGS PA'I MTHA' RTEN RNAMS SBYIN PA DANG, SLOB DPON GYI DBANG MAN CHAD TZAM LEN PAR 'DOD PA'I GDUL BYA LA SLOB DPON GYI DBANG GI RJES SU RDO RJE'I BRTUL SHUGS LA SOGS PA'I MTHA' RTEN RNAMS SBYIN PAR BSHAD PA'I PHYIR, DE YANG YIN TE, DKYIL CHOG RDO RJE 'PHRENG BA LAS; RDO RJE'I BRTUL SHUGS LA SOGS PA LNGA PO 'DI RNAMS KYANG SLOB DPON GYI DBANG GI RJES DANG, RIG PA'I DBANG GI RJES LA DE DANG DE TZAM GYIS TSEM PA RNAM LA SBYIN PAR BYA'O, ,ZHES KHA CIG GO ;SNGAGS DANG, MIG SMAN DANG, ME LONG DANG, MDA' 'PHANG BA RNAMS NI RIG PA'I DBANG GI RJES LA YANG NGO, ,ZHES GSUNGS PA'I PHYIR, DE LA KHO NA RE, SLOB DPON GYI DBANG MAN CHAD TZAM

, ,LEN PAR 'DOD PA'I GDUL BYA LA SLOB DPON GYI DBANG MAN CHAD BSKUR NAS, DE'I RJES SU RDO RJE'I RDUL SHUGS LA SOGS PA'I MTHA' RTEN SBYIN PA DANG, RIG PA'I DBANG TZAM LEN PAR 'DOD PA'I GDUL BYA LA RIGS PA'I DBANG GI RJES SU STER BAR BSHAD PA DE, DE LTAR 'DOD PA'I SLOB DPON KHA CIG GI 'DOD PA BKOD PA YIN GYI, SLOB DPON RANG NYID KYIS RANG LUGS SU BZHED PA MA YIN TE, LUNG DER KHA CIG GO ,ZHES GSUNGS PA'I PHYIR, ZER NA, DE LTAR MA YIN PAR THAL, 'DI'I KHA CIG GO ZHES PA'I DON SLOB DPON KHA CIG GIS BZHED DO ZHES PA'AM GZHUNG KHA CIG LAS BSHAD DO, ,ZHES PA'I DON LA SNYOGS DGOS SHING, SLOB DPON KHA CIG GIS BZHED PA 'AM GZHUNG KHA CIG LAS BSHAD PA TZAM GYIS RANG LUGS SU KHAS LEN PA'I KHYAB PA MED KYANG, 'DI LA DGAG PA'AM MI 'THAD PA'I PHYOGS ZUR TZAM YANG GSUNGS PA MED CING, DON LA YANG MI 'THAD PA MA YIN PA'I PHYIR, DKYIL CHOG RDO RJE 'PHRENG BAR BLA MED KYI PHA RGYUD MA RGYUD GNYIS KA'I LUGS KYI DBANG BZHI YONGS SU RDZOGS PA SKUR TSUL RGYAS PAR GSUNGS NAS, RNAL 'BYOR RGYUD MAN CHAD KYI DBANG SKUR TSUL THUN MONG MA YIN PA RNAMS DNGOS SU GSAL BAR MA GSUNGS KYANG, 'PHRENG BA NAS BSHAD PA'I DKYIL 'KHOR THAMS CAD KYI DBANG BLA MED KYI LUGS SU SKUR DGOS PA SLOB DPON GYI DGONGS PA MA YIN TE, 'PHRENG BA NAS BSHAD PA'I DKYIL 'KHOR THAMS CAD KYI BLA MED LUGS SU SKUR DGOS PAR GSUNG PA'I TSIG ZUR TZAM YANG 'PHRENG BA NAS MI 'BYUNG BAS RDOR DBYINGS SOGS RGYUD SDE GZHAN GYI DKYIL 'KHOR GYI DBANG SKUR

RNAMS RANG RANG GI RGYUD SDE'I LUGS LTAR SKUR BA SLOB DPON GYI DGONGS PA YIN PA'I PHYIR, DE LTAR YIN KYANG RGYUD SDE GZHAN GYI DBANG SKUR TSUL RNAMS 'PHRENG BA LAS GSAL BAR MA GSUNGS PA'I RGYU MTSAN YOD DE, BLA MED KYI DBANG SKUR TSUL GYI GO BA LEGS PAR CHAGS PA'I RDO RJE SLOB DPON YIN NA, RGYUD SDE 'OG MA'I DBANG SKUR TSUL SHES SLA BA DANG, GSANG SNGAGS RDO RJE THEG PA'I DBANG DANG, LAM SGOM TSUL SOGS THAMS CAD SLOB DPON LA RAG LAS PAR BYA BA'I CHED DU RGYUD SDE GZHAN GYI DBANG SKUR TSUL MA RTOGS PA RNAMS KYIS SLOB DPON LA BRTEN NAS GO BAR BYA BA'I CHED DU DE LTAR MDZAD PA YIN PA'I PHYIR, GONG DU DRANGS PA'I LUNG RDO RJE'I BRTUL SHUGS LA SOGS PA LNGA PO 'DI RNAMS KYANG, ZHES PA NAS, RIG PA'I DBANG GI RJES LA YANG NGO ZHES GSUNGS PA 'DIS, DNGOS SU BLA MED KYI DBANG GI MTHA' RTEN STER LUGS BSHAD NAS SHUGS LA RGYUD SDE GZHAN GYI DBANG GI SKABS SU DBANG CI TZAM CIG BSKUR BA BSHAD PA YIN TE, , SLOB DPON GYI DBANG MAN CHAD TZAM GYIS TSIM PA STE DE TZAM LEN PAR 'DOD PA'I GDUL BYA LA SLOB DPON GYI DBANG GI MTHA' RTEN DU RDO RJE'I BRTUL SHUGS LA SOGS PA SBYIN PA DANG, RIG PA'I DBANG TZAM GYIS TSIM PA STE RIG PA'I DBANG TZAM LEN PAR 'DOD PA'I GDUL BYA LA RIG PA'I DBANG GI MTHA' RTEN DU RDO RJE'I BRTUL SHUGS LA SOGS PA RNAMS SBYIN PAR BZHED PA'I LUGS GCIG BSHAD PA GANG ZHIG ,DE'I DANG POS YO GA'I DBANG SKUR TSUL DANG, GNYIS PAS BYA SPYOD KYI DBANG SKUR TSUL MTSON PA YIN PA'I PHYIR, GAL TE GZHUNG TSIG DES BLA MED KYI DBANG LAS SLOB DPON GYI DBANG

, ,MAN CHAD 'DOD PA DANG RIG PA'I DBANG MAN CHAD 'DOD PA LA MTHA' RTEN RNAMS SBYAR BAR GSUNGS PA YIN GYI, YO KA DANG BYA SPYOD KYI DBANG GI RNAMS BZHAG BSTAN PA MA YIN TE; RDO RJE'I BRTUL SHUGS LA SOGS PA LNGA PO 'DI RNAMS KYANG ZHES PA'I RDO RJE'I BRTUL SHUGS KYI SOGS KHUNG DU SPYOD PA'I BRTUL SHUGS DANG, LUNG BSTAN DANG, CHOS BSHAD PA'I RJES GNANG DANG, DBUGS DBYUNG BZHI BSDUS NAS DE RNAMS SBYIN PAR BSHAD PA GANG ZHIG ,SPYOD PA'I BRTUL SHUGS YO GA DANG, BYA SPYOD KYI DBANG TZAM SKUR BA LA STER DU MI RUNG BA'I PHYIR; ZHE NA, DES DNGOS SU SGRAS ZIN LA DE LTAR BSTAN PA YIN KYANG, DE'I SHUGS BSTAN LA YO GA DANG BYA SPYOD KYI DBANG SKUR TSUL YANG BSTAN PA YIN TE, SNGAGS RIM DU 'PHRENG BA'I LUNG DE'I DON 'CHAD PA NA, LUNG DE'I MJUG THOG TU, LA BA PAS SPYOD PA'I BRTUL SHUGS MA GTOGS PA BZHI DE LTAR DU BYA BAR GSUNGS SO, ,GAL TE SLOB DPON GYI DBANG MA BSGYUR BA LA CHOS SHOD CIG LA SOGS PAS SEMS CAN KYI DON BYED PA'I RJES GNANG JI LTAR RIGS SNYAM NA, RNAM SNANG MNGON BYANG DU CHU DBANG TZAM ZHIG BSKUR PA'I MJUG TU YANG CHOS BSHAD PA'I RJES GNANG GSUNGS PA'I PHYIR DANG BLA MED KYI RGYUD BSHAD PA SOGS MI RUNG YANG BYA SPYOD KYI RGYUD BSHAD DU RUNG BAR SNGAR BSHAD PA'I PHYIR NA 'GAL BA MED DO, ,DES NA DE DAG GI RDO RJE SLOB DPON DU 'GYUR PA LA MING DBANG MAN CHAD CI RIGS SU BSKUR NAS RJES GNANG BYAS PAS CHOG GI ,SLOB DPON GYI DBANG SKUR PA THOB MI DGOS SO, ,ZHES GSUNGS LA, LA BA PAS SPYOD PA'I BRTUL SHUGS MA GTOGS PA BZHI DE LTAR

BYA BAR GSUNGS, ZHES PAS, SPYOD PA'I BRTUL SHUGS MA GTOGS PA'I RDO RJE'I BRTUL SHUGS, LUNG BSTAN, CHOS BSHAD PA'I RJES GNANG, DBUGS DBYUNG BZHI RIG PA'I DBANG TZAM ZHU 'DOD PA LA RIG PA'I DBANG GI RJES SU SBYIN PA DANG, SLOB DPON GYI DBANG MAN CHAD TZAM ZHU 'DOD PA LA SLOB DPON GYI DBANG GI MTHA' RTEN DU SBYIN PAR LA BA PAS GSUNGS PAR BSHAD NAS SLOB DPON GYI DBANG MTHOB PA LA CHOS BSHAD PA'I RJES GNANG SBYIN MI RIGS SAM SNYAM NA, DOGS PA DE SEL BYED DU RNAM SNANG MNGON BYANG DU CHU DBANG TZAM ZHIG BSKUR BA'I MJUG TU YANG CHOS BSHAD PA'I RJE GNANG SBYIN PAR GSUNGS PA DANG, RIGS PA'I DBANG TZAM THOB PA DES BLA MED KYI RGYUD BSHAD MI RUNG YANG BYA SPYOD KYI RGYUD BSHAD DU DUNG BAS 'GAL BA MED CES DANG, DES NA BYA SPYOD KYI RDO RJE SLOB DPON DU 'GYUR BA LA MING DBANG MAN CHAD CI RIGS BSKUR NAS, CHOS BSHAD PA'I RJES GNANG SBYIN PAS CHOG GI ,SLOB DPON GYI DBANG SKUR MI DGOS ZHES 'CHAD PA LA, GAL TE SLOB DPON GYI DBANG MA BSKUR BA LA, ZHES PA NAS, SLOB DPON GYI DBANG BSKUR BA MI DGOS SO, ,ZHES PA'I BAR GSUNGS PA 'DIS 'PHRENG BA'I LUNG DE'I SHUGS BSTAN GYI DON BKRAL PA YIN PA'I PHYIR, GZHAN YANG, RDO RJE 'PHRENG BAR MING DBANG GI RJES SU MA TOG 'PHRENG BA'I DBANG DANG CHU DBANG LA SOGS PA'I DBANG DRUG LA MA RIG PA'I GNYEN PO BYED NUS PA'I RIG PA YE SHES SKYED NUS PA NYID DU SGRUB PAR BYED PAS RIG PA'I DBANG ZHES BYA'O ZHES BSHAD PA'I MJUG THOG TU, DE NYID LAS, DBANG 'DI RNAMS SKUR BA'I SLOB MA BYA BA DANG SPYOD PA'I RGYUD DAG NYAN PA DANG, BSHAD PA DANG, SNGAGS SGRUB PA RNAMS LA DBANG

, ,BAR 'GYUR RO, ,ZHES DANG, DBANG 'DI RNAMS KYANG SLOB DPON GYI DBANG DON DU MI GNYER BA LA NI, THUN MONG GI SDOM PA SNGON DU 'GRO BAS SBYIN NO, ,ZHES GSUNGS PA 'DIS KYANG DNGOS SU BLA MED KYI LUGS KYI MING DBANG MAN CHAD BSKUR BA THOB PA'I SLOB MA BYA SPYOD KYI RGYUD NYAN BSHAD DANG SNGAGS SGRUB PA LA DBANG ZHES BSHAD PA'I SHUGS KYIS BYA SPYOD KYI DBANG GI SKABS SU MING DBANG MAN CHAD TZAM THOB PAS SLOB MAS KYANG BYA SPYOD KYI RGYUD NYAN BSHAD SOGS LA DBANG BAR BSHAD PA YIN TE, BLA MED LUGS KYI MING DBANG MAN CHAD THOB PA'I SLOB MA DES BYA SPYOD KYI RGYUD NYAN BSHAD SOGS LA DBANG BAR SHES NA BYA SPYOD KYI DBANG GI SKABS SU MING DBANG SOGS THOB PAS BYA SPYOD KYI RGYUD NYAN BSHAD SOGS LA DBANG BAR SHES NUS PA'I PHYIR DANG, BLA MED KYI LUGS KYI MING DBANG MAN CHAD TZAM BSKUR BA DE YANG SLOB DPON GYI DBANG DON DU MI GNYER BA LA THUN MONG GI SDOM PA STER BA SNGON DU 'GRO BAR BYAS NAS SBYIN PAR BSHAD PA'I SHUGS KYIS BYA SPYOD KYI DBANG ZHU BAR 'DOD PA'I SLOB MA LA YANG THUN MONG GI SDOM PA SNGON DU SBYIN PA MA GTOGS THUN MONG MA YIN PA'I SDOM PA SNGON DU MI SBYIN PA DE SHES NUS PA'I PHYIR, DES NI RDO RJE 'PHRENG BA NAS BSHAD PA'I DBANG SKUR NA DBANG BZHI YONGS RDZOGS SU SKUR DGOS PAR 'DOD PA KHEGS SHING, 'PHRENG BA'I SKABS SU BLA MED LAS GZHAN PA'I DBANG SKUR TSUL GTAN NAS MA BSHAD PAR 'DOD PA'ANG KHEGS SO, ,YANG KHA CIG GIS, RDO RJE 'PHRENG BA'I 'JAM RNGOR LHA BCU DGU MA DANG, 'DUS PA MI BSKYOD PA LHA SO GNYIS MA SOGS KYI DBANG THOB KYANG, 'JAM RDOR LHA BCU DGU MA DANG, MI BSKYOD PA LHA SO GNYIS MA SOGS KYI DBANG THOB

PA'I GO MI CHOD PAR 'DOD PA MI 'THAD DE, 'JAM RDOR YE SHES ZHABS LUGS KYI ZUR BKA'I DBANG DANG, 'DUS PA MI BSKYOD PA LHA SO GNYIS MA 'PHAGS LUGS KYI ZUR BKA'I DBANG SOGS DKYIL 'KHOR DE DANG DE'I ZUR BKA'I DBANG THOB PA'I GO MI CHOD KYANG DKYIL 'KHOR DE DANG DE'I DBANG THOB PA'I GO CHOD PA'I PHYIR, 'PHRENG BA'I DBANG GI NANG TSAN GYI 'JAM RDOR LHA BCU DGU MA'I DBANG SOGS KYIS 'JAM RDOR LHA BCU DGU MA SOGS KYI DBANG GI GO MI CHOD NA, 'PHRENG BAR 'JAM RDOR LHA BCU DGU MA SOGS KYI DBANG SKUR TSUL BSHAD PA DANG, 'PHRENG BA'I DBANG NYAN BSHAD BYAS PA LA DGOS PA MED PA'I PHYIR, GZHAN YANG DE MI 'THAD PAR THAL, DE LTAR 'DOD PA DE 'PHRENG BA NAS BSHAD PA'I 'JAM RDOR LHA BCU DGU MA DE SPYIR GYI 'JAM RDOR LHA BCU DGU MA DANG MI 'DRA BA'I RGYU MTSAN GYIS YIN NAM, 'PHRENG BA NAS BSHAD PA'I 'JAM RDOR LHA BCU DGU MA'I DBANG SKUR TSUL DE 'JAM RDOR LHA BCU DGU MA'I DBANG SKUR TSUL DANG MI MTHUN PAS DE LTAR 'DOD PA GANG YIN, DANG PO LTAR NA MI 'THAD DE, 'PHRENG BA NAS BSHAD PA'I LHA BCU DGU MA'I LHA'I GRANGS DANG SKU MDOG PHYAG MTSAN RGYAN CHA LUGS SNGAGS LA SOGS PA SPYIR 'JAM RDOR LHA BCU DGU MA'I LHA'I GRANGS SOGS DANG MTSUNGS PA'I PHYIR, GNYIS PA LTAR NA YANG MI 'THAD DE, 'PHRENG BA NAS DBANG SKUR TSUL BSHAD PA DE 'JAM RDOR LHA BCU DGU MA SOGS BLA MED KYI DKYIL 'KHOR MANG PO ZHIG LA SBYAR RUNG BA'I DBANG SKUR TSUL TSAD LDAN YIN PA'I PHYIR, MA GRUB NA, DKYIL CHOG RDO RJE 'PHRENG BA DE BSTAN BCOS TSAD LDAN MA YIN PAR THAL, 'PHRENG BA NAS BSHAD PA'I DBANG SKUR TSUL DE 'JAM RDOR LHA BCU DGU MA SOGS BLA MED KYI DKYIL 'KHOR MANG PO ZHIG LA

, ,SBYOR BAR 'PHRENG BA LAS BSHAD PA GANG ZHIG ,'PHRENG BA NAS BSHAD PA'I DBANG SKUR TSUL DE 'JAM RDOR SOGS LA SBYOR RUNG BA'I DBANG SKUR TSUL TSAD LDAN MA YIN PA'I PHYIR, , GZHAN YANG 'JAM DBYANGS DANG SPYAN RAS GZIGS KYI ZUR BKA'I RJES GNANG MA THOB PAR SGRUB THABS BRGYA RGYAM GYI RJES GNANG RDZOGS PAR THOB PA'I GANG ZAG GIS 'JAM DBYANGS DANG SPYAN RAS GZIGS KYI RJES GNANG MA THOB PAR 'DOD RIGS PAR THAL, 'PHRENG BA'I DBANG RDZOGS PAR THOB KYANG 'JAM RDOR DANG 'DUS PA MI BSKYOD PA SOGS KYI ZUR BKA'I DBANG MA THOB PA 'JAM RDOR DANG MI BSKYOD PA SOGS KYI DBANG MA THOB PAR 'DOD PA GANG ZHIG ,DE GNYIS MTSUNGS PA'I PHYIR, 'DOD NA SGRUB THABS BRGYA RGYAM GYI RJES GNANG NYAN PA LA DGOS PA MED PAR THAL, BRGYA RGYAM GYI RJES GNANG LA 'JAM DBYANGS DANG SPYAN RAS GZIGS KYI RJES GNANG NYI SHU LHAG RE YOD KYANG DE THOB PAS 'JAM DBYANGS DANG SPYAN RAS GZIGS KYI RJES GNANG THOB PAR MI 'GYUR BA'I PHYIR, 'DOD NA SPYI BKA'I DBANG DANG RJES GNANG GANG YANG NYAN PA LA DGOS PA MED PAR THAL, 'DOD PA DE'I PHYIR, 'DOD MI NUS TE SNGAGS KYI CHOS RNAM DAG LA SKUR 'DEBS CHEN POR 'GYUR BA'I PHYIR, DES NA 'PHRENG BA'I NANG GI 'JAM RDOR LHA BCU DGU MA DANG, 'DUS PA MI BSKYOD PA LHA SO GNYIS MA'I DKYIL 'KHOR GYI DBANG THOB PAS YE SHES ZHABS LUGS KYI 'JAM RDOR LHA BCU DGU MA'I ZUR BKA'I DBANG DANG; MI BSKYOD PA LHA SO GNYIS MA'I 'PHAGS LUGS KYI ZUR BKA'I DBANG THOB PA'I GO MI CHOD KYANG, SPYIR 'JAM RDOR LHA BCU DGU MA DANG, MI BSKYOD PA SO GNYIS KYI DBANG THOB PAR 'DOD

DGOS TE, 'PHRENG BA'I DBANG THOB PA TZAM GYIS DKYIL 'KHOR GNYIS KYI ZUR BKA'I DBANG THOB PAR MI 'JOG PA GANG ZHIG ,SPYIR 'JAM RDOR LHA BCU DGU MA DANG, MI BSKYOD PA LHA SO GNYIS MA'I DKYIL 'KHOR GNYIS KYI DBANG THOB PAR 'GYUR PA'I PHYIR, RTAGS DANG PO GRUB TE, DE GNYIS KYI ZUR BKA'I DBANG GANG LAS BRGYUD PA'I BLA MA BRGYUD PA YANG MI 'DRA, DBANG BSKUR DNGOS GZHI'I SKABS KYI MED MI RUNG GI CHO GA 'GANGS CAN RNAMS 'DRA YANG, DBANG GI YAN LAG GI CHO GA PHYAG LEN MI 'DRA BA'I KHYAD PAR DU MA YOD PA'I PHYIR DANG DES GZHAN YANG MTSON PA'I PHYIR, RAS BRIS LA BRTEN NAS DBANG SKUR BA'I 'PHRENG BA'I SGRUBS DKYIL GLAG CHOG 'GA' ZHIG LAS, SA BZUNG BA DANG, BGEGS LA BKA' BSGOB, PHUR BU GDAB PA SOGS MA BSHAD PA MI 'THAD DE, SA CHOG GI SKABS KYIS RTAGS PA DANG BSLANG BA DANG BRKOS NAS SBYANG BA'I SKOR RNAMS RDUL TSON GYI DKYIL 'KHOR GYI KHANG PA GSAR DU BYED PA'I TSE THAMS CAD DGOS KYANG, DKYIL 'KHOR GYI KHANG PA BRNYING BA DANG KHANG BZANG LA SOGS PA'I GNAS GZHAN DU RDUL TSON GYI DKYIL 'KHOR BZHENGS PA LA DE RNAMS MI DGOS PA GSANG BA SPYI RGYUD LAS, DRANG SRONG GNAS DAG BA LANG LHAS, ,PHUG DANG RI YI RTZE MO DANG, ,SA GZHI GANG NA 'THAS PA DANG, ,KHANG STONG NGANG NI RDO LEB DANG, ,MCHOD RTEN DRUNG DANG 'BAB CHU'I GLING, ,MTSO RNAMS KYI NI 'GRAM DAG TU, ,SA GZHI SBYANG DANG BRTAGS PA DANG, ,NAN TAN DU NI BYA MI DGOS, ,MTHAS PAR BCAG KYANG DER MI DGOS, ,MTHOD MAN LA SOGS SKYON RNAMS KYANG, ,DER NI DOGS PA BSKYED MI DGOS, ,ZHES GSUNGS PA LTAR YIN LA, ,SBYANG MI DGOS PAR GSUNGS PA NI, ,SA BRKOS NAS SPYAD PA'I

, ,SKOR MI DGOS PA MA GTOGS SBYANG BA GTAN MI DGOS PA MIN PA, DE NYID LAS, RANG BZHIN GNAS PA'I SA GZHI LA, ,PHYI DOR LEGS PAR BYAS NAS SU, ,LEGS PAR BKRAMS SHING GSANG SNGAGS BZLAS, ZHES DANG, 'PHRENG BA LAS, KHANG BZANG BRAG STENG BA LANG LHAS, ,GTZUG LAG KHANG SOGS CHU 'GRAM MAM, ,SNGON DUS BYAS PA'I GNAS DAG TU; ;MA BRKOS NA YANG DAG PA YIN, ,DER NI BDUD RTZI 'KHYIL BA 'BA' ZHIG GIS SDANG BA RNAMS BSAL ZHING, YUNG DKAR DANG, CHU DANG, THAL BA LA DE BA ZLAS LA GTONG BAR BYA'O, ,CHU'I KYANG GTOR LA AOm BHRUm KHAm ZHES BRJOD PAS NAM MKHAR BYA'O, ,DE NAS, H'Um LAm H'Um ZHES PAS RDO RJE'I RANG BZHIN DU BSGOM STE, AOm ME DE NI BADZRI BHA PA BADZRA BHAN DHA H'Um ZHES PA DANG, AOm HA NA HA NA BADZRA KRO DHA H'Um PHAt; CES BYA BA DANG, AOm A'A: H'Um SHO DHA YA SHO DHA YA RAKshA RAKshA H'Um H'Um PHAt, CES BYA BAS BSNGAGS SHING LAG PA REG STE BYIN GYIS BRLABS PAR BYA'O, ,ZHES SOGS GSUNGS PA LTAR RDZAS SNGAGS TING NGE 'DZIN GSUM GYIS SA SBYANG BA DANG, BLA NA MED PA'I SBYANG BA RNAMS BYA DGOS SHING, RAS BRIS KYI DKYIL 'KHOR LA BRTEN PA'I TSES BRTAGS BSLANG SBYANG BA RNAMS MI DGOS KYANG, SA BZUNG BA DANG; BGEGS LA BKA' BA SGO BA DANG, PHUR BU GDAB PA DANG, RA BA BSGOM PA SOGS BYA DGOS PA'I PHYIR, DER THAL, RAS BRIS LA BRTEN PA'I SKABS SUS BRTAGS BSLANG SBYANG BA RNAMS MI DGOS PA GANG ZHIG ,SA BZUNG BA SOGS DGOS PA'I PHYIR, RTAGS DANG PO GRUB TE, SNGAGS RIM LAS, RAS RIS LA BRTEN NA JI LTAR BYA BA GSAL BAR MA GSUNGS KYANG RAS RIS

LA BRTEN NAS DBANG BYED PA'I DKYIL CHOG DGRA CAN 'DZIN DPAL BSHES GNYEN DANG NGAG DBANG GRAGS PA DANG RTAGS PA'I RDO RJES MDZAD PA LAS MA BYUNG ZHING, DON THOB LA DPYAD NA'ANG MI DGOS PAR SNANG BAS SA BRTAGS PA DANG BSLAD BA DANG SBYANG BA RNAMS MI DGOS SO, ,ZHES GSUNGS PA'I PHYIR, RTAGS GNYIS PA GRUB TE, DE NYID LAS, SA BZUNG BA'I SKABS KYI CHO GA LA NI 'PHRENG BA LAS, DKYIL 'KHOR GYI BDAG PO'I GZUGS KYIS SA BZUNG BA LA SOGS PA DANG SKU GZUGS LA SOGS PA'I RAB GNAS DANG SLOB MA DBANG BSKUR BA DANG GSHEGS SU GSOL BA DANG, ZHI BA'I SBYIN SREG GI MTHAR THUG PA THAMS CAD YID KYIS BYA'O, ,ZHES YID KYI DKYIL 'KHOR DU DBANG BSKUR BA'I SKABS SU GSUNGS PAS LHA'I RNAL 'BYOR BSGOMS NAS BGEGS LA BKA' BSGO BA DANG PHUR BUS GDAB PA DANG; RA BA SOGS KYI BSRUNG BA RNAMS BYA'O, ,ZHES GSUNGS PA'I PHYIR, KHA CIG GIS, RAS BRIS KYI DKYIL 'KHOR LA BRTEN NAS DBANG SKUR BA LA STA GON BZHI KA NGES PAR BYA DGOS PAR 'DOD PA MI 'THAD DE, BUM PA STA GON DANG SLOB MA STA GON GNYIS RES PAR DGOS KYANG, SA LHA STA GON DANG LHA STA GON GNYIS NGES PAR BYA DGOS PA'I KHYAB PA MED PA'I PHYIR, DER THAL, RAS BYIS LA BRTEN NAS DBANG SKUR TSUL GYI CHO GA MDZAD PA'I SLOB DPON NGAG DBANG GRAGS PA DANG, RTAG PA'I RDO RJE DANG DGRA CAN 'DZIN DPAL BSHES GNYEN GSUM LAS SNGA MAS MDZAD PA'I DKYIL CHOG LAS STA GON GANG YANG MA BSHAD KYANG PHYI MA GNYIS KYIS MDZAD PA'I DKYIL CHOG LAS, BUM PA DANG SLOB MA STA GON BSHAD NAS STA GON GZHAN GNYIS MA BSHAD PAS SA LHA DANG LHA STA GON GNYIS MA BYAS KYANG CHOG LA, BUM

, ,PA DANG SLOB MA STA GON GNYIS NGES PAR BYA DGOS PA'I KHYAD PAR 'THAD PA'I PHYIR, DE YANG YIN TE, SNGAGS RIM LAS, RAS RIS LA BRTEN NAS DBANG BSKUR BSNGAR BSHAD PA'I SLOB DPON GSUM LAS NGAG DBANG GRAGS PAS STA GON GANG YANG MA BSHAD PAR DNGOS GZHI NAS BYED PAR GSUNGS KYANG SLOB DPON GZHAN GNYIS KYIS BUM PA DANG SLOB MA STA GON BSHAD PAS DE GNYIS NGES PAR BYA DGOS SO, ,ZHES GSUNGS PA'I PHYIR, LUNG DES SA LHA DANG LHA STA GON GNYIS NGES PAR BYA DGOS PA MA YIN PA 'GRUB STE, RGYA GAR GYI SLOB DPON RTAG PA'I RDO RJE DANG DGRA CAN 'DZIN DPAL BSHES GNYEN GNYIS KYIS RAS BRIS LA BRTEN PA'I STA GON GYI RNAM BZHAG 'CHAD PA'I SKABS SU SA LHA DANG LHA STA GON MA BSHAD PA NI, RAS BRIS LA BRTEN PA'I SKABS SU DE GNYIS NGES PAR BYA DGOS PA MA YIN PA LA DGONGS PA YIN LA, RJE BDAG NYID CHEN POS KYANG SNGAGS RIM DU RAS BRIS LA BRTEN PA'I SKABS SU STA GON BZHI KA DGOS MI DGOS KYI DOGS PA GCOD PA NA BUM PA DANG SLOB MA STA GON GNYIS NGES PAR BYA DGOS ZHES GSUNGS PA'I SHUGS KYIS GZHAN GNYIS NGES PAR BYA MI DGOS PA DE 'GRUB PA'I PHYIR, YANG KHA CIG GIS, RAS BRIS KYI DKYIL 'KHOR LA BRTEN PA'I SKABS SU, SA LHA DANG LHA STA GON GNYIS GTAN NAS BYA MI DGOS STE, SA LHA STA GON BYED PA NI SA PHYOGS DER DKYIL 'KHOR 'BRI BA'I GNANG BA GSOL BA'I PHYIR DU YIN PAS DKYIL 'KHOR MI 'BRIN DE MI DGOS PA'I PHYIR DANG, LHA STA GON GYI DUS SU DRI'I THIG LE DANG, ME TOG GI TSOM BU 'GOD PA NI DKYIL 'KHOR 'BRI NA LHA MTSAN MI 'CHUG PA'I PHYIR YIN LA, SGRUB CING MCHOD

NAS GSOL BA 'DEBS PA NI SANG 'BRI BA'I DKYIL 'KHOR BYIN GYIS BRLOB PA'I DON DU SNYAN GSAN 'BEBS PA'I PHYIR YIN PAS DKYIL 'KHOR MI 'BRI NA DE LTAR BYED MI DGOS PA'I PHYIR, GAL TE RAS BRIS LA LHA STA GON BYED NA, RAS BRIS KYI DKYIL 'KHOR DE NYID KYI STENG DU LAS THIG DANG YA THIG GNYIS KA RDZOGS PAR 'DEBS DGOS PAR YANG 'GYUR RO, ,ZHES ZER NA DE MI 'THAD DE, SA LHA STA GON GYI DGOS PA NI; SA PHYOGS DER DKYIL 'KHOR 'BRI BA'I GNANG BA GSOL BA TZAM GYI TSAD MA YIN PA'I PHYIR, DER THAL, DE SA GZHI DER DKYIL 'KHOR GYI CHOG BYED PA'I GNANG BA GSOL BA'I TSAD YIN PA'I PHYIR; DER THAL; SNGAGS RIM LAS, SA'I LHA MO LA GZHI DER DKYIL 'KHOR GYI CHO GA BYED PA'I GNANG BA THOB PA SNGON DU 'GRO LA, ZHES DANG, SA'I LHA MO LA DER CHOG BYED PA'I GNANG BA GSOL BA'I GZHI DE YANG SA'I CHO GA LEGS PAR BYAS PA CIG DGOS PAS SNGON DU SA CHOG DGOS SO, ,ZHES GSUNGS PA'I PHYIR, GZHAN YANG DE MI 'THAD PAR THAL, SA PHYOGS DER RDUL TSON GYI DKYIL 'KHOR 'BRI BA TZAM LAS LHA STA GON BYED MI DGOS SHING, DE LTAR GANG DU YANG MA GSUNGS PA'I PHYIR, MA GRUB NA, RDUL TSON GYI DKYIL 'KHOR 'BRI TSUL GSAR DU SLOB PA'I TSE NA 'ONGS LHA STA GON BYED DGOS PAR THAL, MA GRUB PA DE'I PHYIR, LHA STA GON GYI DUS SU DRI'I THIG LE DANG ME TOG GI TSOM BU 'GOD PA NI RDUL TSON GYI DKYIL 'KHOR 'BRI NA LHA MTSAN MI 'CHUG PA'I CHED YIN ZER BA YANG MI 'THAD DE, LHA'I MTSAN MA GANG DANG GANG DU 'GOD PA'I CHED DU DRI'I THIG LE DANG ME TOG GI TSOM BU MA BKOD KYANG LAS THIG RDZOGS PAR BTABS PA'I RJES SU BRI THIG SOGS LA SBYANGS PA'I RDO RJE SLOB DPON

, ,GCIG YIN NA LHA MTSAN GANG DU DGOD RTOGS SLA BA'I PHYIR, BSGRUB CING MCHOD NAS GSOL BA 'DEBS PA NI, SANG 'BRI BA'I DKYIL 'KHOR BYIN GYIS RLOBS PA KHO NA'I DON DU SNYAN GSAN 'BEB PA MIN TE, RDUL TSON GYI DKYIL 'KHOR YIN NA SANG 'BRI BA'I RDUL TSON GYI DKYIL 'KHOR BYIN GYIS BRLOB PA'I DON DU DANG, RAS BRIS KYI DKYIL 'KHOR YIN NA YANG DE SANG SGRUB PA'I TSE BYIN GYIS RLOB PA'I DON DU SNYAN GSAN 'BEB PA YIN PA'I PHYIR, DES NA RAS BRIS LA SA LHA STA GON BYED PA DE SA PHYOGS DER RAS BRIS KYI DKYIL 'KHOR SGRUB PA'I GNANG BA GSOL BA'I CHED DANG, LHA STA GON GYI DUS SU DRI'I THIG LE DANG ME TOG GI TSOM BU 'GOD PA NI, DE MA THAG DU TSOM BU GDAN GYI TSUL DU BYAS NAS DE'I STENG DU STA GON GYI LHA DAM TSIG PA SGRUB PA DANG SNGAR RAS BZUNG GI DKYIL 'KHOR NAM MKHAR BTEGS PA DE DER PHABS NAS MCHOD CING GSOL BA GDAB PA'I CHED YIN LA, MCHOD CING GSOL BA 'DEBS PA NI, SANG RAS BRIS KYI DKYIL 'KHOR DER BKRAMS NAS SGRUB PA'I TSE BYIN GYIS RLOBS PA'I DON DU SNYAN GSAN 'BEB PA YIN PA'I PHYIR, DE YANG YIN TE, DON 'DI LA DGONGS NAS RJE BDAG NYID CHEN POS DBANG DON DE NYID RAB GSAL LAS, STA GON GYI CHO GA LA LAS THIG GDAB PA, SA'I LHA MO LHAG GNAS DANG DKYIL 'KHOR GYI LHA LHAG GNAS DANG BUM PA LHAG GNAS TE LHAG GNAS GSUM BYA BA, LHA LA GSOL BA GDAB PA, SLOB MA LHAG PAR GNAS PA, ZHES PA'I SA BCAD BZHI MDZAD NAS BUM PA LHAG GNAS BYED TSUL YAN CHAD BSHAD PA'I MJUG THOG TU THIG GDAB PA MA GTOGS PA'I LHAG GNAS RNAMS NI, RAS RIS KYI CHO GA LA YANG BYA'O, ,ZHES

GSUNGS PA'I PHYIR, DES NA, DPER NA RAB GNAS RGYAS PA'I SKABS SU SDAN LA STA GON BYED PA CHO GA PHUN SUM TSOGS PA'I YAN LAG YIN PA BZHIN, RAS BRIS KYI DKYIL 'KHOR SGRUB PA LA YANG SDAN LA LHA STA GON BYAS NA, CHO GA PHUN SUM TSOGS PA'I YAN LAG TU 'GYUR PA YIN PAS BYAS NA LEGS PA LA DGONGS NAS DBANG DON RAB GSAL DU DE RNAMS BYA BAR GSUNGS, RAB GNAS 'BRING PO LTA BU SDAN LA STA GON MA BYAS PAR RAB GNAS BYAS KYANG RAB GNAS KYI GO CHOD PA BZHIN, SA LHA DANG LHA STA GON MA BYAS KYANG CHO GA GZHAN RNAMS TSANGS BAR BYAS TE DBANG SKUR NA DBANG BSKUR GYI GO CHOD PA LA DGONGS NAS, SNGAGS RIM DU NGES PAR BYED MI DGOS PAR BSHAD PA YIN PAS MTHA' GCIG TU BYA DGOS PA DANG GTAN NAS BYA MI RUNG BAR GZUNG BAR MI BYA'O, ,LHA STA GON GYI TSE DRI'I THIG LE'I STENG DU ME TOG GI TSOM BU BKOD PA DE LHA'I GDAN DU 'BUL BA YIN GYI, DE LHAR BSKYED PA MA YIN TE, SNGAGS RIM LAS, SA RA HA DANG D'A RI KA PA DANG, DON YOD ZHABS KYIS LHA GNAS SU ME TOG DGOD PAR YANG BSHAD CING PHYI MAS DRI'I THIG LE'I DBUS SU ME TOG BKOD PA DE GDAN DU DBUL BAR BSHAD PAS ME TOG TSOM BU BYED PA LTAR NA'ANG DE NYID LHAR SKYED BA MIN NO, ,ZHES GSUNGS PA'I PHYIR, BUM PA STA GON GYI BUM BZLAS KYI TSE GTZO 'KHOR THAMS CAD KYI SNGAGS BZLA DGOS TE, DE DGOS PA SNGAR DRANGS PA'I 'PHRENG BA'I LUD BUM PA GZHAN LHA GANG DANG GANG GI YIN PA DE DANG DE'I SNGAGS BRGYA RTZA BRGYAD DAM, NYI SHU RTZA GCIG GAM, BDUN BZLAS TE, ZHES PA 'DIS 'GRUB PA'I PHYIR, GAL TE LUNG DES BUM PA LHA GRANGS DANG MNYAM PA YOD PA'I TSE BUM PA RE RER LHA GANG BSKYED PA DE'I SNGAGS BZLA DGOS PAR GSUNGS

, ,PA YIN GYI, RNAM RGYAL BUM PA GCIG GI NANG DU LHA RDZOGS PAR BSKYED NA GTZO BO GCIG PU'I SNGAGS BZLAS PAS CHO GA GO ZHE NA, DE YANG MI 'THAD DE, RDO RJE 'PHRENG BAR, BUM PA STA GON GYI SKABS NYID DU 'JAM RDOR DANG 'DUS PA MI BSKYOD PA'I LHA RNAMS KYI SNGAGS RDZOGS PAR BKOD CING, BDE MCHOG GI 'KHOR GYI SNGAGS GZHAN RNAMS NI SLOB DPON AA BHYA RANG GIS MDZAD PA'I BDE MCHOG GI MNGON RTOG DANG, KYEE RDOR GYI 'KHOR GYI SNGAGS RNAMS KHA SBYOR RTZA 'GREL DANG, RDOR DBYINGS KYI 'KHOR GYI SNGAGS RNAMS DE NYID BSDUS PA'I RGYUD LAS SHES DGOS PAR GSUNGS PA DE BUM PA STA GON GYI SKABS SU SNGAGS DE RNAMS BZLA DGOS PAS DE LTAR GSUNGS PA MIN PA'I PHYIR, DER THAL, SKABS DER DE LTAR GSUNGS PA LA DGOS PA YOD PA'I PHYIR, SNGAR NYIN LHA STA GON DANG BUM PA STA GON GYI TSE BUM SGRUB BYAS NAS, PHYI NYIN DKYIL 'KHOR SGRUB NAS BUM SGRUB MI BYED PA MI 'THAD DE, DKYIL 'KHOR GANG DANG GANG GI BUM PA STA GON BYAS PA NAS DBANG DNGOS GZHI SKUR BA'I BAR LA BUM SGRUB NYIN DER THUN GSUM MAM MA MTHA' THUN GCIG TU BYA DGOS PA'I PHYIR, DER THAL, RDO RJE 'PHRENG BA LAS, BUM PA RNAMS LA MNGON PAR BSNGAGS PA DANG, MCHOD PA LA SOGS PA NYI MA SO SOR THUN GSUM MAM, GCIG TU BYA'O, ,ZHES GSUNGS PA'I PHYIR, SLOB MA STA GON PHYI TSE SLOB MA GRANGS CI TZAM ZHIG LA STA GON BYA BA NI GRUB CHEN DH'A RI KA PA DANG GSANG BA SPYI RGYUD LAS NYI SHU RTZA LNGA MAN CHAD ZUNG DU MA GYUR PA DGOS PAR GSUNGS PA DANG, RNAM SNANG MNGON BYANG LAS SLOB MA DANG CING RIGS BTZUN PA ZHES SOGS YON TAN KHYAD PAR CAN DANG LDAN PA'I SLOB MA ZUNG DU GYUR KYANG BCU MAN CHAD KYI GRANGS

NGES MDZAD PA DANG, DAM TSIG GSUM BKOD LAS GNYIS DANG BZHI LTA BU ZUNG DU GYUR PA YANG LHAG GNAS BYA BAR GSUNGS PA DANG, 'PHRENG BA LAS, SLOB MA GCIG GAM, GNYIS SAM MANG PO ZHES GRANGS DES BZUNG DU MED PAR BSHAD PA SOGS DU MA YOD PA LAS, PHAL CHER GYIS RDO RJE 'PHRENG BA'I DBANG GI SKABS SU GRANGS NGES BZUNG MED PAR MDZAD CING, ZUR BKA'I SKABS SU D'A RI KA BAS GSUNGS PA LTAR NYI SHU RTZA LNGA MAN CHAD ZUNG DU MA GYUR PA DGOS PAR 'DOD PA DE LA BRTAGS PAR BYA STE, RGYUD SDE BZHI'I DBANG MANG PO SKUR BA'I TSE GRANGS NGES BZUNG MI DGOS LA, ZUR BKA'I DBANG RE RE TZAM SKUR PA LA GRANGS DES BZUNG DGOS PA'I RGYU MTSAN DE GANG YIN, 'PHRENG BA'I DBANG GI SKABS SU GRANGS NGES BZUNG MI BYED PA DE, 'PHRENG BA LAS, SLOB MA GCIG GAM GNYIS SAM MANG PO ZHES GRANGS NGES BZUNG MA BSHAD PA DE'I DON YIN LA, ZUR BKA' RE RE'I TSE NYER LNGA MAN CHAD ZUNG DU MA GYUR PA DGOS PAR 'DOD PA DE, SPYI RGYUD LAS, MKHAS PAS SLOB MA GCIG GAM GSUM, ,LNGA 'AM YANG NA BDUN DAG GAM, ,NYI SHU RTZA NI LNGA YI PAR, ,ZUNG DU MA GYUR YONGS SU GZUNG, ,DE LAS LHAG PA'I SLOB MA DAG ,YONGS SU BZUNG BA MI SHES SO, ,ZHES GSUNGS PA'I DGONGS PA YIN PAR 'DOD NA, , MI 'THAD DE, 'PHRENG BA'I DBANG GI SKABS SU GRANGS DES BZUNG MI DGOS PA DE, 'PHRENG BA'I DGONGS PA YIN DU CHUG KYANG ZUR BKA' RE RE TZAM KHO NA LA NYI SHU RTZA LNGA MAN CHAD ZUNG DU MA GYUR PA DGOS PA DE SPYI RGYUD KYI DGONGS PA MA YIN PA'I PHYIR, DER THAL, SPYI RGYUD KYI LUNG DES ZUR BKA' GCIG TZAM SKUR NA NYI SHU RTZA LNGA MAN CHAD ZUNG DU MA GYUR PA DGOS ZHES GSUNGS PA MA YIN PAR SPYIR DBANG SKUR BA'I SLOB MA

, ,STA GON BYA BA LA NYI SHU RTZA LNGA MAN CHAD ZUNG DU MA GYUR PA DGOS PAR BSHAD PA YIN PA'I PHYIR, DER THAL, LUNG DES SPYI BKA' DANG ZUR BKA'I DBYE BA PHYE NAS, ZUR BKA' LA DMIGS KYIS BSAL NAS DE LTAR GSUNGS PA MA YIN PA'I PHYIR DANG, DBANG GCIG SKUR BA LA SLOB MA GRANGS NGES DGOS NA RGYUD SDE BZHI'I DBANG BZHI BCU ZHE GNYIS SAM ZHE LNGA SKUR BA LA GRANGS NGES BZUNG DGOS PA LTA SMOS KYANG CI DGOS PA'I PHYIR, DER THAL, SPYI RGYUD LAS, GRANGS NGES BZUNG DGOS PAR GSUNGS PA DE DBANG NI RDO RJE THEG PA'I LAM GYI RMAD GZHI LTA BU YIN PAS SHIN TU ZAB CING 'GAD CHE BAS SHIN TU DKON PAR BYAS NAS SLOB MA BYUNG TSAD LA MI SKUR BAR SNOD RUNG LA SKUR DGOS SHING, SLOB MA YANG DE LTA BU DKON PAS DUS GCIG LA MANG MTHA' NYER LNGA MAN CHAD ZUNG DU MA GYUR PA DGOS PAR BSHAD PA YIN LA, DE LTAR NA DBANG GCIG ZAB CING 'GAD CHEN DPANG ? MANG PO DE BAS KYANG ZAB CING 'GANG CHE BA LAS SLOB MA GANG BYUNG LA BSKUR CHOG PA'I 'GANG CHUNG BA YIN PA'I RGYU MTSAN MED PA'I PHYIR, DER THAL, SPYI RGYUD KYI DGONGS PA DE LTAR YIN PAS RNAM SNANG MNGON BYANG LAS, SLOB MA DANG CING RIGS BTZUN PA, ,DE BZHIN DKON MCHOG GSUM LA DANG, ,ZAB MO YI NI BLO DANG LDAN, , SPRO BA CHE ZHING TSUL KHRIMS LDAN, ,BZOD DANG LDAN ZHING SER SNA MED, ,DPA' LA YI DAM BRTAN PA NI, ,BCU 'AM BRGYAD DAM BDUN NAM LNGA, ,GCIG GNYIS BZHI LAS LHAG KYANG RUNG, ,DPYAD MO DGOS PAR GZUNG BAR BYA, ,ZHES SLOB MA DAD PA DANG LDAN ZHING RIGS BTZUN PA, KHYAD PAR DU DKON MCHOG GSUM LA DAD CING ZAB MO RDO RJE THEG PA LA MOS PA'I BLO DANG LDAN PA, CHOS LA SPRO BA CHE ZHING MI DGE BCU

SPONG GA TSUL KHRIMS LA SOGS PA'I TSUL KHRIMS DANG LDAN PA, GNOD PHYED LA CI MI SNYAM PA DANG TSES PHYIR DKA' BA SPYOD PA SOGS DANG DU LEN PA'I BZOD PA DANG LDAN ZHING, SPYIR YANG SER SNA CHUNG LA LHAG PAR DGE BA'I PHYOGS LA GTONG PHOD CHI BAS SER SNA MED PA, CHOS SGRUB PA LA SEMS DPA' LA RANG GIS KHAS BLANGS PA'I YI DAM BRTAN PA LA SOGS PA'I YON TAN DANG LDAN PA NI, MANG MTHA' BCU 'AM, BRGYAD DAM, BDUN NAM LNGA 'AM, GCIG GAM, GNYIS SAM, BZHI 'AM, DE LAS LHAG PA GSUM DANG, DRUG DANG, DGU LTA BU BYUNG KYANG RUNG STE, DE LTA BU LA DBANG SKUR DU RUNG MI RUNG GI DBYANG PA BYA MI DGOS PAR SLOB MAR GZUNG BAR BYA, ZHES YON TAN DE RNAMS TSANG BA'I SLOB MA ZUNG DU GYUR PA YANG BCU MAN CHAD TSOGS PA LA DBANG SKUR BYA RUNG BAR GSUNGS, DAM TSIG GSUM BKOD LAS ME TOG DANG BCAS PA'I THAL MO SBYAR NAS GCIG GNYIS GSUM BZHI LNGA YANG GZHUG PAR BYA ZHING, ZHES SLOB MA STA GON DANG DBANG GI TSE DBANG SKUR BA'I SNOD DU RUNG BA'I SLOB MA ME TOG DANG BCAS PA'I THAL MO SBYAR NAS GUS PAS 'DUD PA GCIG GAM, GNYIS SAM, GSUM MAM, BZHI 'AM, LNGA YANG DUS GCIG DU GZHUG PAR BYA, ZHES LNGA MAN CHAD GSUNGS PA YIN LA, DE BZHIN DU 'PHRENG BA LAS KYANG, SLOB MA GCIG GAM, GNYIS SAM MANG PO ZHES GSUNGS PA DE GSUM MAN CHAD NYER LNGA MAN CHAD ZUNG DU GYUR MA GYUR LA MA LTOS PAR DBANG SKUR BA DANG, STA GON BYA BA'I SLOB MAR GZUNG ZHES PA SHAD PA MA GTOGS, BRGYA STONG SOGS DER 'DUS TSAD LA STA GON SOGS BYA BAR BSHAD PA MA YIN PA'I PHYIR, 'PHRENG BA'I LUNG GI MANG PO ZHES PA DE GCIG

, ,GAM GNYIS LAS MANG BA GSUM YAN CHAD, NYER LNGA MAN CHAD LA BYA DGOS PA'I PHYIR, GSUM BYUNG NA YANG GNYIS LAS MANG PO'I THA SNYAD BYA RIGS PA'I PHYIR, 'PHRENG BA'I LUNG DE'I DON YANG, SPYI RGYUD KYI LUNG DE'I DON DANG MTHUN PAR 'GREL DGOS TE, SPYI RGYUD LAS, BYA RGYUD KYI DKYIL 'KHOR YOD DO COG DANG RGYUD SDE GZHAN GSUM LA YANG THUN MONG DU DGOS PA'I SA CHOG DANG STA GON GYI CHO GA BYA BA'I TSUL RNAMS RGYAS PAR STON PAS GRUB CHEN D'A RI KA BAS, STA GON GYI SKABS SU SLOB MA'I GRANGS SPYI RGYUD LTAR MDZAD CING, DE BZHIN DU RGYA GAR GYI PAn GRUB MANG POS KYANG YIG CHAR GSAL BAR MA BKOD NA'ANG PHYAG LEN DE BZHIN MDZAD PA DANG, BOD KYI BLA MA MKHAS PAS SKYAB GONG MA RNAMS DANG, BU STON THAMS CAD MKHYEN PA YAB SRAS RNAMS KYIS KYANG DE BZHIN MDZAD LA, RJE BDAG NYID CHEN POS KYANG DE BZHIN BYA BAR BZHED PA'I PHYIR, DE YANG YIN TE, SNGAGS RIM LAS, DE LTA NA'ANG BOD KYI BLA MA MKHAS PA RNAMS KYI PHYAG LEN LA SPYI RGYUD LTAR MDZAD PAR SNANG BA BZHIN BYA LA, ZHES GSUNGS PA'I PHYIR, DE LTA NA'ANG PHYIS KYI BLA MA MANG POS 'PHRENG BA'I DBANG GI SKABS SU SLOB MA GRANGS NGES BZUNG MA MDZAD PA NI RGYUD KYI DGONGS PA DANG MI MTHUN PAR BYAS PA'I NYES PA 'BYUNG BA'I DGAG BYA LAS SLOB MA MANG PO 'TSOGS PA NA DE'I NANG GI SLOB MA MANG PO ZHIG LA RDO RJE THEG PA'I BAG CHAGS KHYAD PAR CAN DGOD PA'I DGOS PA CHEN PO YOD PA DE LA DGONGS NAS NYI SHU RTZA LNGA LAS LHAG BRGYA STONG SOGS LA STA GON DANG DBANG SKUR SOGS MDZAD PA YIN PA'I PHYIR, DPER NA 'DUL BA'I SKABS SU NYES MED PHUN TSOGS KYI DBANG DU BYAS NA BYA MI RUNG BA

'GA' ZHIG DGOS PA'I DBANG DANG BSTUN NAS BYA BA STON PAS GNANG BA YANG MANG PO 'BYUNG BA BZHIN YIN PA'I PHYIR, DES NA 'PHRENG BA'I DBANG GI SKABS SU DKYIL 'KHOR GRANGS MANG BA DANG CHO GA BZHUGS TSOGS CHE BAS BLA MAS KYANG YANG YANG LNGAB ? PA DKA' ZHING, SLOB MA'ANG YANG YANG 'DU BA DKA' LA 'GA' ZHIG LA DON CHEN POR YANG 'GYUR BAS SLOB MA GRANGS NGES MA MDZAD PA YIN ZHES SMRA BAR BYA YI, ZUR BKA' LA SLOB MA'I GRANGS NGES BZUNG DGOS KYANG SPYI BKA' LA MI DGOS SO, ,ZHES BLUN PO'I 'CHAL GTAM SMRA BAR MI BYA'O, ,'ON KYANG DBANG GRAL DU 'DU BA LA SLOB MA NANG PHAN TSUN GCIG LA GCIG SEMS BZANG ZHING BLA MA DANG GROGS LA BRNYAS BCOS DANG KHYAD GSOD BYED PA'I NGA RGYAL DANG ZHE SDANG CAN MA YIN PAR ZHI ZHING DUL BA BLA MA LA DAD GUS DANG PHAN SEMS CHE BA DGOS PA NI SHIN TU GAL CHE STE, SPYI RGYUD LAS, MDOR NA SLOB MA PHAN TSUN DU, ,NANG MI GSHIN PA MI GZUNG NGO, ,GCIG LA GCIG NI SEMS BZANG ZHING, ,ZHI DUL BLA MA LA PHAN PA, ,ZHES GSUNGS SHING, SNGAGS RIM LAS, LUNG DE DRANGS BA'I MJUG THOG TU, ZHES GSUNGS PA NI SHIN TU GAL CHE'O, ,ZHES GSUNGS PA'I PHYIR, LUNG 'DI GNYIS KYIS SLOB MA'I GRANGS NYER LNGA MAN CHAD ZUNG DU MA GYUR PA DGOS MOD KYANG, GAL TE DGAG DGOS KYI DBANG GIS GRANGS NGES DE LTAR BYED PA MA BYUNG NA'ANG SLOB MA PHAN TSUN NANG GSHIN PA LA SOGS PA DGOS PAR MA ZAD SHIN TU GAL CHE BAR BSTAN PA YIN TE, SPYI RGYUD LAS, MDOR NA SLOB MA PHAN TSUN DU, ZHES PA MDOR BSDU BA'AM SNYING POR DRIL NA ZHES PA'I DON DANG, SNGAGS RIM LAS, ZHES GSUNGS PA NI, ZHES PA NI TSIG DE

, ,GONG DU GRANGS DES BZUNG BSHAD PA LAS DKAR BA'I TSIG YIN PAS, SNGA MA GRANGS NGES BZUNG BSHAD PA DE GAL SRID MA BYUNG NA'ANG PHYI MA 'DI SHIN DU GAL CHE ZHES PA'I DON LA SNYOGS RIGS PA'I PHYIR, DKON MCHOG GSUM LA BDAG SKYABS MCHI, SOGS NAS, 'GRUB PAR SHOG ,CES PA'I RGYUN BSHAGS LAN GSUM BYAS PA LA BRTEN NAS THUN MONG MA YIN PA'I SO THAR DANG, BYANG SEMS KYI SDOM PA SNGAR MA THOB PA GSAR DU 'THOB CING, THOB ZIN PA YANG 'PHEL DU BYED LA, NYAMS NA SOR CHUD PA YANG BYED PA YIN NO, ,ZHES GSUNGS PA MI 'THAD DE, DKON MCHOG GSUM LA BDAG SKYABS MCHI, ZHES SOGS KYI RGYUN BSHAGS LAN GSUM BYAS PA LA BRTEN NAS SO THAR GYI SDOM PA THOB PA MED PA'I PHYIR, RGYUN BSHAGS KYIS SO THAR GYI SDOM PA 'BOG PA DANG, LEN PA DANG, 'THOB PAR TSAD LDAN GYI GZHUNG GANG NAS KYANG MA BSHAD PA'I PHYIR, DE LTAR 'DOD PA DE 'JAM DBYANGS SA PAn GYIS SDOM PA GTOR MAS LEN PA DANG, ZHES GSUNGS PA DANG TSUL MTSUNGS PA'I PHYIR, KHA CIG ,SO SHING 'DOR BA'I GZHIB BYUNG BYUG PA'I MAndAL KHRU GANG GRU BZHI BAR 'DOR PA MI 'THAD DE, DE LA RGYUR KHRU BZHI DBYI BA GRU BZHI SRAB 'THUG PA'I GO BTZAM DU BA BYUNG BYUG PA DGOS PA'I PHYIR, DE YANG SHIN TE, 'PHRENG BA LAS, DE RNAMS KYIS KYANG KHRU BZHI PA GRU BZHI PA'I DKYIL 'KHOR BA'I LCI BA LA SOGS PAS BYUG PAR SHAR RAM BYANG DU PHYOGS PAS SO SHING, AOm BADZRA H'A SA HAm, ZHES BRJOD NAS RTZE MO NAS 'CHOS TE MIG STER DU BLTA ZHING, LTOS PA MED PAR MDUN DU DOR RO, ,ZHES DANG, SNGAGS RIM LAS, SO SHING

DOR BA'I GNAS NI KHRU BZHI BA GRU BZHI PA'I DKYIL 'KHOR BA'I LCI BA LA SOGS PAS BYUG PA 'PHRENG BA LAS GSUNGS SHING, BA'I GO BA TZAM DU ZHES GSUNGS PA NA SRAB 'THUG GI TSAD DU BIDYA BA TAS BSHAD DO, ,ZHES GSUNGS PA'I PHYIR,, ,,DKYIL 'KHOR SGRUB PA'I SKABS SU THOG MAR BDAG SKYED RDZOGS PAR BSGOM NAS DE NAS MDUN SKYED KYI DKYIL 'KHOR SGRUB PAR BZHED PA LA BTAGS PAR BYA STE, MDUN BSKYED KYI DKYIL 'KHOR SGRUB PA'I SKABS SU LDAN LA BDAG BSKYED RDZOGS PAR SGOM PA 'PHRENG BAR BSHAD PA MED LA, 'PHRENG BAR MDUN BSKYED KYI DKYIL 'KHOR SGRUB TSUL 'CHAD PA NA, RDO RJE DANG DRIL BU BZUNG STE SHAR GYI SGO DANG NYE BAR NUB TU KHA BA LTAS TE 'DUG LA 'KHOR LO'I DBANG PO'I RNAL 'BYOR DANG LDAN PAS BRIS PA'I DKYIL 'KHOR SKAD CIG GIS STONG PA NYID KYI RJES LA BSRUNG BA'I 'KHOR LO DANG BGEGS LA PHUR BUS GDAB BA LA SOGS PA'I TSOG 'KHOR DANG BCAS PAS BSGOM PAR BYA BA'I DKYIL 'KHOR GYI RANG BZHIN DU NGES PAR BRTAGS NAS; BTZUN MO MDZES SHING MDANGS BZANG BA, LO GRANGS BCU DRUG LON RNYED NAS, ,DRI DANG ME TOG BRGYAN BYAS TE, ,DE YI DBUS SU 'DOD PA BYA, ,YON TAN SKA RAG M'A MA KI RA, ,SHES RAB CAN GYIS DE BYIN BRLAB, ,ZHI BA SPRO BA SANGS RGYAS GNAS, ,MKHA' YI DBYINGS NI RAB TU BRGYAN, ,ZHES GSUNGS PA'I SGRUBS PA'I PHYI ROL GYI PHYAG RGYA DANG SNYOMS PAR 'JUG PAS SAM DE MED NA YE SHES KYI PHYAG RGYA DANG SNYOGS PAR 'JUG PAS YANG DAG PAR BSKYOD PA'I DGA' BA'I SKRAS YE SHES KYI 'KHOR LO SPYAN DRANGS LA, ZHABS BSIL DANG MCHOD YON 'BUL BA SNGON DU 'GRO

, ,BAS RANG GI NANG DU BCUG NAS 'DOD CHAGS CHEN POS ZHU BAR GYUR TE RDO RJE'I LAM NAS PAD MAR PHYUNG BA'I YE SHES KYI LHA'I 'KHOR LO'I BDAG NYID SPROS TE DAM TSIG GI 'KHOR LO LA GNAS JI LTA BAR ZHUGS PAR BSAMS NAS, ZHES BRIS PA'I DKYIL 'KHOR SKAD CIG GIS STONG SBYANGS BYAS TE RJES SU BSRUNG 'KHOR SOGS GZHAL YAS KHAR 'KHOR DANG BCAS PA'I BSGOM BYA'I DKYIL 'KHOR GYI RTEN BRTEN PA'I RANG BZHIN DU BSGOM NAS GSANG 'DUS LE'U BZHI BA NAS, BTZUN MO MDZES SHING MDANGS BZANG PA, ZHES SOGS NAS GSUNGS PA LTAR DNGOS SAM YE SHES KYI PHYAG RGYA DANG SNYOMS PAR 'JUG PA'I DGA' BA'I SGRAS YE SHES KYI DKYIL 'KHOR SPYAN DRANGS PA LA, ZHABS BSIL DANG MCHOD YON PHUL TE RANG GI NANG DU BCUG NAS 'DOD CHAGS CHEN POS ZHU BAR GYUR PA RDO RJE'I LAM NAS YUM GYI PADMAR PHYUR BA YE SHES KYI LHA'I 'KHOR LO'I BDAG NYID DE'I RNAM PAR GYUR PA DE YUM GYI PADMA NAS SPROS TE, GONG DU BSGOMS PA'I DAM TSIG GI RTEN BRTEN PA'I 'KHOR LO LA RANG RANG GI GNAS JI LTA BAR ZHUGS PAR BSAMS NAS YE SHES PA BSTIM PAR BSHAD CING, DE LTAR BYED PA'I DAM TSIG PA BSKYED PA'I DUS SU BDAG MDUN THA MI DANG DU SGRUBS PA YIN LA, BDAG MDUN THA MI DANG DU BSGRUB NA SNGON DU BDAG SKYED SGOM PA DANG DE'I RJES SU MDUN BSKYED SGRUB PA'I SGRUB THABS SO SO PA GNYIS MI DGOS PA'I PHYIR, DER THAL, BDAG MDUN THA DAD DU BYED NA MDUN BSKYED KYI DKYIL 'KHOR SGRUB PA'I SNGA ROL TU SGRUB THABS BZHIN DU BDAG BSKYED KYI LHA'I RNAL 'BYOR PA SGOM DGOS LA, THA MI DAD DU BYED NA DE LTAR MI DGOS PA'I PHYIR, DER THAL,

SNGAGS RIM LAS, DES NA 'DUS PA'I LUNG DE DRANGS NAS DAM TSIG PA LA YE SHES PA 'JUG PAR BYED PA'I LUGS LA RIG MA DANG SNYOMS PAR ZHUGS PA'I DUS SU BDAG MDUN THA MI DAD DU BYA DGOS PA BZHIN DU DAM TSIG PA SKYED PA'I DUS SU YANG BDAG DANG MDUN GYI GTZO BO THA MI DAD DU SGRUB PA BYAS NA 'THAD PAR SEMS SO, ,ZHES DANG, BDAG MDUN THA DAD DU BYED NA DKYIL 'KHOR SGRUB PA'I SNGON DU SGRUB THABS BZHIN DU LHA'I RNAL 'BYOR BYA DGOS LA, THA MI DAD DU BYED NA LHA'I RNAL 'BYOR SO SO BA MI DGOS SO, ,ZHES GSUNGS PA'I PHYIR, DE LA KHO NA RE, MDUN BSKYED SGRUB PA'I SNGA ROL TU BDAG SKYED SGOM PA 'PHRENG BA LAS BSHAD DE, GONG GI 'PHRED PA'I LUNG DE'I 'KHOR LO'I DBANG PO'I RNAL 'BYOR DANG LDAN PAS ZHES GSUNGS PA'I PHYIR ZER NA, MA KHYAB TE, LUNG DES MDUN SKYED KYI DKYIL 'KHOR STONG SBYANGS BYED PA'I SNGON DU, RANG NYID 'KHOR LO'I DBANG PO STE DKYIL 'KHOR GYI GTZO BO'I RNAL 'BYOR STENG RGYAL DANG LDAN PAS BSGRUB BYA'I DKYIL 'KHOR STONG SBYANGS BYA BAR BSHAD PA YIN GYI, BDAG SKYED RDZOGS PAR SGOM PAR BSHAD PA MA YIN PA'I PHYIR, BSGRUB BYA'I DKYIL 'KHOR STONG SBYANGS BYED PA'I TSE DKYIL 'KHOR GYI GTZO BO'I NGA RGYAL DANG LDAN PAS BYED PA YIN TE, RANG NYID DE'I SNGON DU GTZO BO YAB YUM DU BSKYED NAS DE'I NGA RGYAL GYIS NANG MCHOD DANG SNGON 'GRO'I MCHOD GTOR BYIN GYIS BRLAB TE, SNGON 'GRO'I GTOR MA GTONG BA LA SOGS PA BYED PA YIN PA'I PHYIR, SPYIR 'DUS PA 'PHAGS LUGS LTA BU LA MDUN BSKYED BSGRUB PA'I SNGON DU BDAG SKYED RDZOGS PAR BSGOM NAS NYER BSDU BYAS TE MDUN PA SKYED

, ,SGRUB CING, MDUN SKYED SGRUB PA'I TSE RANG DKYIL 'KHOR GYI NANG DU ZHUGS TE RANG DANG DKYIL 'KHOR THAMS CAD STONG PAR SBYANGS NAS RTEN BRTEN PA'I DKYIL 'KHOR SGRUB PA'I LUGS YOD KYANG, 'PHRENG BA'I SKABS 'DIR DE LTAR BYA MI DGOS PAR SNGAGS RIM LAS, GONG DU DRANGS PA'I THA MI DAD DU BYED NA LHA'I RNAL 'BYOR SO SO PA MI DGOS SO, ,ZHES PA'I LUNG GIS 'GRUB PA'I PHYIR, MDUN BSKYED KYI DKYIL 'KHOR SGRUBS NAS GTZO 'KHOR THAMS CAD KYI SNGAGS BZLA BAR MA BSHAD PA MI 'THAD DE, GTZO 'KHOR THAMS CAD KYI SNGAGS BZLA DGOS PA'I PHYIR; DER THAL, RDO RJE 'PHRENG BAR SKABS 'DIR GTZO 'KHOR THAMS CAD KYI SNGAGS BZLA DGOS PAR BSHAD PA'I PHYIR, DER THAL, 'PHRENG BAR DKYIL 'KHOR SGRUBS TE MCHOD BSTOD BDUD RTZE MYANG BA BYAS PA'I RDZES SU GTZO BO'I SNGAGS BRGYA RTZA BRGYAD DANG, 'KHOR RNAMS KYI SNGAGS NYER GCIG RE DANG YI GE BRGYA PA BZLA BAR BSHAD PA'I PHYIR, DER THAL, 'PHRENG BA LAS, DE RNAMS BDUD RTZI MYANG BAS TSIM PAR BYAS TE BDE BA CHEN PO'I RANG BZHIN DU MOS PAR BYAS LA 'KHOR LO'I DBANG PO'I SNGAGS BRGYA RTZA BRGYAD DANG, DE LAS GZHAN PA'I DKYIL 'KHOR PA'I SNGAGS LAN NYER GCIG DE DANG YI GE BRGYA PA BZLA BAR BYA'O, ,ZHES DANG, SNGAGS RIM LAS, CHAD GI MCHOD PA YANG BYA STE, SKYED CHOG SNGON DU SONG NAS SO, ,DE NAS 'KHOR LO'I GTZO BO'I SNGAGS BRGYA RTZA BRGYAD DANG, 'KHOR RNAMS KYI NYER GCIG DANG, YIG BRGYA BZLA STE MNGON BRJOD KYI GSUM PA LAS, YI GE BRGYA PAS THAMS CAD DU, ,GSANG SNGAGS BRTAN PAR BSGOM NAS SU, ,RANG GI MID BZHIN LDAN

PAR NI, ,GCIG TU SPEL NAS BZLAS PAR BYA, ,ZHES SO, ,LAB PAS LHA THAMS CAD LA BRGYA RTZA BRGYAD RE'I BZLAS PA DANG BZLAS PA'I MTHAR YANG MCHOD BSTOD BYA BAR GSUNGS SO, ZHES GSUNGS PA'I PHYIR,, ,,DKYIL 'KHOR DU 'JUG PA'I CHAS 'JUG GI SNGON DU SLOB MA RNAMS RNAM PAR SNANG MDZAD ZHABS GA-YAS BSKUMS GA-YON BRGYAD PAR DMIGS PA MI 'THAD DE, DE'I TSE SLOB MA RNAM SNAD DAM DKYIL 'KHOR GYI GTZO BO'I GZUGS SU DMIGS PAR BSHAD KYI ZHABS GA-YAS BSKUMS GA-YON BRKYANG DU DMIGS PAR, 'PHRENG BAR MA GSUNGS SHING TSAD LDAN GYI KHUNG GZHAN YANG MED PA'I PHYIR, 'PHRENG BAR DE LTAR MA GSUNGS TE, 'PHRENG BA LAS, YOL BA'I PHYI ROL TU RNAM PAR SNANG MDZAD KYI GZUGS SAM, 'KHOR LO'I DBANG PHYUG GI GZUGS SU DMIGS LA, ZHES PA LAS, ZHABS STABS GSUNGS PA MED PA'I PHYIR, YOL BA'I NANG DU 'JUG PA'I SNGON DU AOm YA M'ANTA KRID H'Um, ZHES DANG, A'A: KHAm B'IR H'Um, ZHES PA'I SNGAGS GNYIS SLOB MAS RJES ZLOS BYA DGOS PAR BSHAD PA MI 'THAD DE, SNGAGS DANG PO SLOB DPON GYIS BRJOD CING SLOB MA 'KHRID PA DANG, SNGAGS GNYIS PA SLOB DPON GYIS BRJOD DE, DES SLOB MA YOL PA'I NANG DU 'JUG PAR BSHAD PA MA GTOGS DE GNYIS SLOB MAS BRJOD DGOS PA MA YIN PA'I PHYIR, DE YANG YIN TE, 'PHRENG BAR, AOm YA M'AN TA KRID H'Um, ZHES BRJOD CING KHRID LA, A'A: KHAm B'IR H'Um, ZHES PA 'DIS YOL BA'I NANG DU BCUG NAS, ZHES GSUNGS PA'I, ZHES BRJOD CING KHRID LA ZHES PA SLOB DPON GYIS SNGAGS DE BRJOD CING SLOB MA KHRID LA ZHES PA'I DON DANG, ZHES PA 'DIS YOL

, ,BA'I NANG DU BCUG NAS, ZHES PA SLOB DPON GYIS SNGAGS DE BRJOD PAS SLOB MA YOL BA'I NANG DU BCUG NAS, ZHES 'CHAD PA MA GTOGS SLOB MAS SNGAGS DE BRJOD CING BLA MA 'KHRID PA DANG, SLOB MAS SNGAGS PHYI MA 'DIS BLA MA YOL BA'I NANG DU 'JUG PAR 'CHAD MI RIGS PA'I PHYIR DANG, SNGAGS RIM LAS KYANG, SNGAGS GNYIS SLOB DPON GYIS BRJOD DGOS SO ZHES SLOB DPON GYIS BRJOD PAR DMIGS KYIS BSAL NAS GSUNGS PA'I PHYIR, MI BSKYOD PA CHU'I DBANG SKUR BA'I TSE SLOB MA LA, NAM MKHAR BZHUGS PA'I DBANG GI LHA RNAMS DANG DE BZHIN GSHEGS PA THAMS CAD KYIS KHYED RNAMS KYIS RGYUD BYIN GYIS BRLAB TE DBANG BSKUR BA'I TING NGE 'DZIN LA SNYOM PAR ZHUGS, SLOB DPON DKYIL 'KHOR GYI 'KHOR LO RIG MA RNAMS KYIS BUM PA DKAR PO BYANG CHUB KYI SEMS KYIS GANG BA CUNG ZAD YO BA DANG BCAS PAS DBANG SKUR RDO RJE CHEN PO SOGS KYI TSIGS SU BCAD PA BRJOD BZHIN PAS BUM PA'I CHUS DBANG BSKUR, BYANG CHUB SEMS DPA' RNAMS KYIS PHUN SUM TSOGS PA MNGA' BA GSER GYI RI BO LA SOGS PA RNAMS KYIS BKRA SHIS BRJOD, KHRO BO KHRO MO RNAMS KYIS H'Um PHAt SOGS KYIS BGEGS BSKRAD, MCHOD PA'I LHA MO RNAMS KYIS AOm A'A: H'Um R'U PA BADZRA SOGS KYIS MCHOD PA BYED BZHIN PAS KHYED KYI RGYUD LA DBANG GI YE SHES SKYE BA'I RTEN 'BREL BSGRIG PA'I SGO NAS ME TOG GI CHANG PHAB CING, BKRA SHIS KYI MNGA' GSOL BAR MOS PA BYED DU 'JUG PA RANG LUGS SU MI 'DOD DE, GSAR DU SPYAN DRANGS PA'I DBANG LHA NAM MKHAR BZHUGS PA 'GA' ZHIG GIS BUM PA BZUNG NAS DBANG BSKUR BA

DANG; 'GA' ZHIG GIS SHIS PA BRJOD PA DANG, 'GA' ZHIG GIS BGEGS BSKROD PA DANG, 'GA' ZHIG GIS ROL MO RDUNG ZHING ME TOG GI CHAR 'BEB PA SOGS MDZAD PAR MOS SHING, , BSGRUBS PA'I DKYIL 'KHOR PA'I LHA RNAMS KYIS SPYAN DRANGS PA'I DBANG LHA LTAR BUM PA BZUNG NAS DBANG SKUR BA SOGS MI BYED KYANG SLOB DPON GYI BUM DBANG BSKUR BA LA DGONGS PA GTAD NAS DBANG GI BYA BA MDZAD PAR MOS PA YIN LA, DE LTAR MOS PA DES BSGRUBS PA'I DKYIL 'KHOR DU BUM DBANG THOB PAR YANG 'JOG PA YIN PA'I PHYIR, DER THAL, RDUL TSON GYI DKYIL 'KHOR DU BUM DBANG SKUR BA'I TSE RDUL TSON GYI DKYIL 'KHOR BA'I LHAS BUM DBANG SKUR BA LA DGONGS PA GTAD NAS DBANG GI BYA BA MDZAD PA YOD PAS RDUL TSON GYI DKYIL 'KHOR DU BUM DBANG THOB PAR 'JOG PA GANG ZHIG ,DE RAS BRIS LA YANG MTSUNGS PA YIN PA'I PHYIR, DANG PO DE LTAR YIN TE, SNGAGS RIM LAS, DE NAS BSGRUBS PA'I DKYIL 'KHOR PA'I LHA RNAMS KYIS SPYAN DRANGS PA'I DBANG LHA LTAR BUM PA BZUNG NAS DBANG BSKUR BA DANG SHIS PA BRJOD PA SOGS MI BYED KYANG SLOB DPON GYIS BUM DBANG BSKUR PA LA DGONGS PA GTAD NAS DBANG GI BYA BA MDZAD PAR MOS PA CIG NGES PAR DGOS TE, ZHES DANG, BUM DBANG SKUR BA RNAMS LA RDUL TSON GYI DKYIL 'KHOR PA'I LHAS DGONGS PA GTAD NAS DBANG GI BYA BA MDZAD PA YOD LA DE'I PHYIR RDUL TSON GYI DKYIL 'KHOR DU BUM DBANG THOB PA YANG MI 'GAL LO, ,ZHES GSUNGS PA'I PHYIR, SPYAN DRANGS TE NAM MKHAR GNAS PA'I DBANG LHA SPYAN MA LA SOGS PA'I GSHEGS MA RNAMS KYIS BUM PAS DBANG BSKUR BA DANG, ,

, ,GDUGS DANG RGYAL MTSAN LA SOGS PA BSGRENG BA DANG ROL MO'I SGRA SGROG PA DANG, ME TOG DANG GUR GUM LA SOGS PA'I CHAR 'BEBS PA DANG, GZUGS RDO RJE MA LA SOGS PA'I LHA MO RNAMS KYIS BKRA SHIS KYI GLU DBYANGS KYI SHIS BA BRJOD PAR MOS DGOS PA YIN TE, CHU DBANG GI SKABS SU, 'PHRENG BA LAS, NAM MKHA' GANG BAR GNAS PA'I SPYAN MA LA SOGS PA'I RIG MA DANG BCAS PA RNAMS KYIS GDUGS DANG RGYAL MTSAN DANG, BA DAN DANG, NA BZA' DANG, ROL MO'I SGRA DANG, GLU DANG, GAR DANG, ME TOG DANG GUR GUM LA SOGS PA'I CHAR RNAMS DANG, PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS PADMA LAS PHYUD PA'I SLOB MA LA DBANG BSKUR BZHIN PA DANG, GZUGS RDO RJE MA LA SOGS PA'I LHA MO RNAMS KYIS, BKRA SHIS GANG ZHIG SEMS CAN KUN GYI SNYING LA GNAS, ZHES PA NAS, DE NI DE RING KHYED LA ZHI BYED BKRA SHIS SHOG , CES PA'I BKRA SHIS KYI GLU RNAMS KYIS BKRA SHIS NYE BAR SBYOR BZHIN PA LA ZHES DANG, COD PAN GYI DBANG GI SKABS SU, DE NYID LAS, AOm DANG RIN PO CHE LAS BYUNG BA'I RIN CHEN 'BYUNG LDAN GYI GZUGS CAN YE SHES SEMS DPA' DANG GCIG TU GYUR PA LA, NAM MKHA' LA GNAS PA'I DE BZHIN GSHEGS PA DANG LHA MO RNAMS KYIS BUM PAS DBANG BSKUR BZHIN PA DANG, GZUGS RDO RJE MA LA SOGS PAS BKRA SHIS KYI GLU LEN PAR SGOM PAR BYA STE, RDO RJE DANG, BDAG PO DANG, MING GI DBANG RNAMS LA YANG DE BZHIN NO, ,ZHES GSUNGS PA'I PHYIR, MING DBANG GI SKABS

SU; ME TOG GI 'PHRENG BA SPYI BOR BZUNG BA DANG, RDOR DRIL SPYI BOR BZUNG BA 'DAM DA LTA PHUR BYAS PA MI 'THAD DE, DE'I TSE SLOB MA'I MGO BOR RDO RJE DANG DRIL BU MNYAMS PAR BZUNG NAS MING DBANG SKUR DGOS PA'I PHYIR,, ,,DER THAL, DE LTAR DGOS PAR 'PHRENG BA NAS BSHAD PA'I PHYIR, DER THAL, 'PHRENG BA LAS, MGO BOR RDO RJE DANG DRIL BU MNYAM PAR GZUNG ZHING, , DBANG BSKUR ZHES PA LA SOGS PA'I TSIGS SU BCAD PA BRJOD DE, AOm BADZRA SATVA STVAm AA BHI shI NYTZA MI BADZRA N'A MA AA BHI shE KA TA, ZHE SDANG RDO RJE KHYOD CES PA 'AM, GTI MUG RDO RJE KHYOD CES PA LA SOGS PAS ME TOG LHUNG BA'I RJES SU 'BRANGS NAS RANG GI RIGS KYI DBANG PO'I MING RNAM PAR SNANG MDZAD KYI BDAG NYID KYIS DBANG BSKUR BAR BYA'O, ,ZHES GSUNGS PA'I PHYIR,, ,, GSANG DBANG GI SKABS SU, DKYIL 'KHOR GYI GTZO BO YUM RKYANG RNAMS LA RANG GI RIGS BDAG YAB YUM DU GSAL BTAB NAS GSANG DBANG BSKUR BAR BSHAD PA MI 'THAD DE, GSANG DBANG GI SKABS SU YUM RKYANG RNAMS LA GTZO MO DI NU 'BUR DANG BHA GA SOGS MI MNGON PAR LHA PHO'I DBANG PO DANG LDAN PA ZHAL PHYAG RGYAN CHA LUGS RNAMS GTZO MO LTA BUR BYAS NAS DE LA YUM RGYAN CHA LUGS SOGS GTZO MO DANG MTSUNGS PA ZHIG BSGOM TE DE DANG SNYOM PAR 'JUG PA'I DMIGS PA BYAS NAS GSANG DBANG BA SKUR DGOS PA YIN PA'I PHYIR, DER THAL, BDAG MED MA GTZO BOR BYAS PA'I RNAL 'BYOR GYI PHYAG RGYA MA LA BRTEN NAS BDE CHEN SKYED PA'I TSE DE LTAR SGOM PAR KYEE RDO RJE LAS BSHAD PA'I PHYIR, DER THAL, KYEE RDO RJE LAS, BDAG MED RNAL 'BYOR LDAN PA YI, ,PHYAG RGYA NYID CES JI

, ,LTAR BRJOD, ,PHYAG RGYA PHYAG RGYA GNYIS DAG GIS, ,PHYAG RGYA'I DNGOS GRUB JI LTAR 'GRUB, ,CES SPYIR BLA MED KYI LAM 'DI LA PHYAG RGYA MA LA BRTEN NAS LHAN SKYES KYI BDE BA CHEN PO'I DNGOS GRUB SGRUB PAR GSUNGS PA LA DE LTAR NA BDAG MED MA GTZO BOR BYAS PA'I RNAL 'BYOR GYIS PHYAG RGYA'I DNGOS GRUB MI 'THOB TE RIG PA SGOM PA MED PAR PHYAG RGYA'I DNGOS GRUB MI 'GRUB PA GANG ZHIG ,RANG GI PHYAG RGYA MA GZHAN ZHIG BSGOM NA PHYAG RGYA MA GNYIS MNYAM PAR SBYANG BAS BDE CHEN MI SKYE BA'I PHYIR, DES NA DE 'DRA BA DES PHYAG RGYA'I DNGOS GRUB BDE BA CHEN PO JI LTAR 'THOB PAR 'GYUR, ZHES ZHUS PA'I LAN DU, BUD MED GZUGS NI SPANGS NAS GZHAN, ,BCOM LDAN 'DAS KYI GZUGS SU BYA, ,NU MA SPANG BA PO LAR 'GYUR, ,KA KO LA DBUS YANG DAG GNAS, ,'GRAM GNYIS DRIL BU NYID DU 'GYUR, ,ZE'U 'BRU BO LA NYID DU 'GYUR, ,LHAG MA BDAG NYID CHEN PO NYID, ,DGA' CHEN HE RU KA YI GZUGS, ,ZHES GSUNGS LA, DE'I DON NI RANG BDAG MED MAR BSGOM PA'I SKABS SU PHYAG RGYA'I DNGOS GRUB LHAN SKYES KYI BDE CHEN SKYED PA'I TSE RANG BUD MED TE LHA MO'I GZUGS SU BSGOM PA SPANGS NAS, DE LAS GZHAN BCOM LDAN 'DAS TE LHA YAB KYI GZUGS SU SGOM PAR BYA, DE BSGOM TSUL NI NU MA SPANGS PA STE NU 'BUR MED PAR BYAS NAS PO LA STE RDO RJER GYUR BAR BSGOM NAS KA KO LA STE MO RTAGS KYI DBUS DRANG THAD DU YANG DAG PAR GNAS PA DANG; KA KO LA'I 'GRAM GNYIS DRIL BU STE 'BRAS BU GNYIS SU GYUR BAR BSGOM KA KO LA'I ZE'U 'BRU PO LA STE RDO RJE NYID DU GYUR BAR BSGOM ZHING LHAG MA ZHAL PHYAG DANG RGYAN CHA LUGS PA SOGS PA

BDAG NYID CHEN PO BDAG MED MA NYID KYI RNAM PA JI LTA BAR BSGOM, DE LTA BU'I DGA' CHEN HE RU KA RDO RJE DANG LDAN PA'I LHA'I GZUGS SU BSGOM NAS PHYAG RGYA MA DANG MNYAM PAR SBYAR BAS BDE CHEN GYI DNGOS GRUB SGRUB PAR BYA ZHES GSUNGS PA YIN PA'I PHYIR, LUNG DE'I 'GYUR ZHES PA'I TSIGS RNAMS DNGOS GNAS LA DE LTAR 'GYUR ZHES PA MA YIN PAR DE LTAR GYUR BAR BSGOM ZHES PA'I DON YIN LA; NGES NA BDAG MED MA LTA BU YUM RKYANG GTZO BOR BYAS PA'I DKYIL 'KHOR GYI GSANG DBANG SKUR BA SOGS LA DE LTAR DU BSGOM PAR BYA BA DE, GONG GI LUNG NGES 'GRUB PAS RDO RJE 'CHANG RANG NYID KYIS GSUNGS PA LTAR BSGOM PAR BYA ZHING, YAB RKYANG RNAMS LA'ANG SKABS THOB KYI YUM RE BSGOM NAS GSANG DBANG BSKUR BA SOGS BYA'O, ,NYIN GCIG LA DKYIL 'KHOR GNYIS SPREL, SUM SPREL BZHI SPREL SOGS KYI STA GON DANG DBANG BSKUR BYED PA LA KYEE RDOR LHA DGU'I DKYIL 'KHOR BZHI SPREL LTA BU LA MTSON NA, STA GON GYI TSE THOG MAR PHYAG BCU DRUG PA'I KYEE RDOR GYI BDAG BSKYED SNGON 'GRO'I GTOR MA NAS MJUG NYER BSDU'I BAR, DE NAS PHYAG BCU DRUG PA'I TSOM BU BSANG SBYANGS BSKYED NAS DBANG BSKUR RGYAS GDAB KYI BAR, DE NAS THUGS KYEE RDO RJE'I BDAG BSKYED TSOGS ZHING NAS NYER BSDU'I BAR, DE NAS DE'I TSE TSOM BU BSANG SBYANGS NAS RGYAS GDAB KYI BAR, DE BZHIN DU GSUNG DANG SKU KYEE RDO RJE'I BDAG BSKYED DANG TSOM BU'I BSKYED CHOG SPEL NAS BTAD PA'I RJES SU STA GON GYI LHA BZHI KA LA 'BUL RGYU'I MCHOD PA BYIN GYIS RLABS PA DANG 'BUL BA SOGS BYAS, DE NAS NANG MCHOD PHUL BA'I RJES SU, THUN MONG DU BSTOD PA DANG GSOL GDAB BYAS, DE NAS DKYIL 'KHOR BZHI

, ,KA'I BUM PA SGRUB PA LA RNAM BUM BZHI, LAS BUM GCIG RNAMS BSANG SBYANGS NAS BUM PA BSKYED CHOG THUN MONG DU BYAS PA'I RJES SU, RNAM BUM BZHI'I NANG DU DKYIL 'KHOR SO SO'I GDAN DANG LHA TSOGS RNAMS BSKYED, LAS BUM GYI NANG DU GHA SMA RI BSKYED, RANG GI THUGS KHA NAS 'PHROS PA'I 'OD ZER GYIS BUM LHA SO SO'I YE SHES SA DGUG PA STIM DBANG BSKUR RGYAS GDAB RNAMS BYA, DE NAS GZUNGS THAG BZUNG STE SO SO'I GTZO BO'I SNGAGS DANG LAS SNGAGS BZLA, MCHOD PA STOD 'OD ZHU RNAMS BYED, 'DAS MA 'DAS KYI GTOR MA PHUL TE MCHOD PA STOD, YIG BRGYA, BZOD GSOL BYA, SNGAGS RGYAS STA GON GYI LHA NAM MKHAR BTEGS, DNGOS GZHI'I TSE DKYIL 'KHOR BZHI KA'I NGAS BRIS BKRAM PA'I MTHAR MCHOD PA RNAMS BSHAM STE, THOG MAR ZHAL BRGYAD MA'I SNGON 'GRO GTOR MA NAS BDAG BSKYED NYER BSDU'I BAR, DE NAS MDUN BSKYED KYI MCHOD PA BRLAB, ZHAL BRGYAD MA'I DKYIL 'KHOR BSANG SBYANGS BSKYED DE, RANG NYID DKYIL 'KHOR GYI GTZO MO'I THUGS KHA NAS HE RU KA PHYAG GNYIS PA'I RNAM PAR PHYE, DE NAS GZHAN GSUM GYI BDAG BSKYED DANG MDUN BSKYED SPEL MAR BSGRUBS NAS MCHOD BSTOD THUN MONG DU BYA, 'DAS MA 'DAS KYI GTOR MA PHUL, RNAM RGYAL SNGAN MA GSUM NAS, BZHI KA LA BUM CHU BSDU, PHYI ROL PA BTANG NAS DKYIL 'KHOR RJES MA LAS BDAG 'JUG BLANGS, DE NAS DKYIL 'KHOR RJES MA LA BSTEN NAS SLOB MA LA DBANG BSKUR,, ,,YANG LUGS GCIG LA, STA GON GYI TSE KYEE RDOR BZHI KA'I BDAG BSKYED BZHI SPRENG

CHAR LA PA TANG, DE NAS STA GON GYI TSOM BU'I BSKYED CHOG RGYAS GDAB KYI BAR BZHI KA SPRENG TSAR LA BTANG, DE NAS MCHOD BSTOD DANG BUM PA STA GON SOGS GONG BZHIN, DNGOS GZHI'I SKABS SU BDAG BSKYED BZHI SPRENG TSAR LA BTANG, DE NAS MDUN BSKYED BZHI SBRENG TSAR LA BTANG BA'I MTHAR MCHOD PA THUN MONG DU 'BUL BA SOGS GONG BZHIN DANG, DKYIL 'KHOR PHYI MA LAS, BDAG 'JUG BLANGS, DBANG BSKUR DKYIL 'KHOR RJES MA LA BRTEN NAS BYA ZHING, LHA NGO STON PA'I TSE DKYIL 'KHOR BZHI KA'I LHA NGO SO SOR STON, GSUNGS PA DE MI 'THAD PAR THAL, DE LTAR NA SNYING PO KYEE RDOR GYI DKYIL 'KHOR DU DBANG BSKUR PA LA SNYING PO KYEE RDOR GYI DKYIL 'KHOR DU 'JUG PA SNGON DU 'GRO MI DGOS PAR THAL, KYEE RDOR LHA DGU'I DKYIL 'KHOR BZHI SPREL GYI DBANG, NYIN GCIG LA SKUR BA'I TSE SNYING PO KYEE RDOR GYI DKYIL 'KHOR DU 'JUG PA SNGON DU MA BTANG BAR DE'I DKYIL 'KHOR DU DBANG BSKUR BA'I PHYIR, MA GRUB NA, DER THAL, DKYIL 'KHOR DU GZHUG PA'I SKOR GYI CHO GA LA MANG PO ZHIG YOD KYANG, THAMS CAD RNAL 'BYOR GYI SEMS BSKYED PA DANG, THOG MAR NANG DU ZHUGS NAS SKOR PHYAG BYED PA DANG, ME TOG 'DOR BA'I CHO NANG DU ZHUGS NAS ME TOG 'DOR BA DANG, , DMAL BZHAG PA DANG, ME TOG 'PHRENG BA'I DBANG SKUR BA RNAMS, DKYIL 'KHOR DU GZHUGS PA'I CHO GA'I GTZO BO YIN PA GANG ZHIG ,DKYIL 'KHOR DU 'JUG PA'I SKOR DE BZHIN BYAS NA YAN LAG GZHAN RNAMS DANG, THAMS CAD RNAL 'BYOR DU SEMS BSKYED PA DANG DAM LA BZHAG PA RNAMS THUN MONG DU BYAS KYANG CHOG MOD SO SOR DGOS RGYU DKYIL 'KHOR GYI NANG DU GZHUG PA SNGA PHYI

, ,GNYIS DANG, ME TOG 'PHRENG BA'I DBANG SKUR BA GSUM GANG YANG MA BYAS PA'I PHYIR, DANG PO DER THAL, DANG POR DKYIL 'KHOR GYI NANG DU ZHUGS NAS, LHA LA SKOR BA DANG PHYAG BYA BA'I TSE GTZO BO DANG PHYOGS BZHI'I LHA LAS RE RE CHAD NAS SLOB MA LA THIM PAS BYIN GYIS BRLABS PA DANG, DE'I RJES SU NANG DU ZHUGS NAS ME TOG 'DOR ZHING, DOR BA'I ME TOG DE SLOB MA'I MGO BOR BZHAG NAS SLOB MA DE BYANG CHUB MA THOB KYI BAR DU RJES SU ZUNGS SHIG CES SLOB MA ME TOG PHOG PA'I LHA LA GTAD DE LHA DES KYANG RJES SU 'DZIN PAR ZHAL GYIS BZHES NAS PHUL BA'I ME TOG DE SLOB MA'I MGOR ? BCING BAR MOS BSAM ME TOG 'PHRENG BA'I DBANG BSKUR BA YIN PAS SLOB MA DKYIL 'KHOR DU 'JUG PA'I CHO GA'I GTZO BOR 'JOG PA'I PHYIR, DER THAL, DON 'DI LA DGONGS NAS, SNGAGS RIM LAS, DI LTAR NA RNAL 'BYOR GYIS SEMS BSKYED PA DANG, NANG DU GZHUG PA GNYIS DANG, DAM LA GZHAG PA DANG, 'PHRENG BA'I DBANG THOB PA NI, GZHUG PA'I SKABS KYI GTZO BO YIN LA GZHAN RNAMS NI YAN LAG GO ZHES GSUNGS PA'I PHYIR, GYI MA DER THAL, DE RNAMS SKU KYEE RDO RJE'I DKYIL 'KHOR LA BYAS PA MA GTOGS GZHAN GANG LA YANG MA BYAS PA'I PHYIR, RTZA BAR 'DOD MI NUS TE, MNYAM SBYOR GYI BRTOGS PA BDUN PA LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUB KYANG CI YANG MI 'GRUB BO, ,ZHES DANG, GUR GYI BRGYAD PA LAS KYANG, DKYIL 'KHOR DU NI MA ZHUGS DANG, ,DBANG BSKUR MED PA'I RNAL 'BYOR PA, ,GANG GIS RAB

GNAS MA MTHONG ZHING, ,GANG GI SBYIN SREG MA BYAS NA, ,'JIG RTEN 'DI DANG GZHAN DU YANG, ,DE LA DNGOS GRUB MCHOG NYID MED, ,CES GSUNGS SHING, SNGAGS RIM LAS, DKYIL 'KHOR DU BCUG CING BRTAN PA LA DBANG SKUR GYI, ,DKYIL 'KHOR DU MA BCUG PA LA BYAR GTAN MI DUNG NGO, ,ZHES GSUNGS PA'I PHYIR, GAL TE DKYIL 'KHOR LA 'JUG PA'I SKOR GYI CHO GA'I GTZO BO DE RNAMS SKU KYEE RDO RJE'I DKYIL 'KHOR LA BYAS BAS GZHAN GSUM LA YANG DES GO CHOD SNYAM NA, 'O NA GSANG 'DUS 'JAM RDOR GYI DKYIL 'KHOR DU 'JUG PA'I SKOR GYI CHO GA RNAMS BYAS NA, , GSANG 'DUS MI BSKYOD PA'I DKYIL 'KHOR LA YANG DES GO CHOD PAR THAL, MTSUNGS PA'I PHYIR, 'DOD NA, GSANG 'DUS 'JAM RDOR GYI DKYIL 'KHOR LA 'JUG PA'I CHO GA RNAMS BYAS NA 'PHRED BA'I DKYIL 'KHOR GZHAN THAMS CAD LA 'JUG PA'I CHO GA BYAS PA'I GO CHOD PAR THAL, MTSUNGS PA'I PHYIR, 'DOD NA, 'PHRENG BA'I DBANG YONGS RDZOGS SKUR BA'I TSE 'JAM RDOR GYI DKYIL 'KHOR DU 'JUG PA'I SGOR GYI CHO GA RNAMS BYAS NAS DKYIL 'KHOR GZHAN LA 'JUG PA'I CHO GA RNAMS MA BYAS KYANG CHOG BAR THAL, 'JAM RDOR LA DKYIL 'KHOR DU 'DUG PA'I CHO GA BYAS PA DES GZHAN THAMS CAD LA 'JUG PA'I CHO GA BYAS PA'I GO CHOD PA'I PHYIR, 'DOD NA HA CANG THAL, YANG GONG GI RIG PA MI MTSUNGS STE, SKU GSUNG THUGS SNYING PO KYEE RDOR BZHI KYEE RDOR DU RIG GCIG PAS SKU RTZE RDO RJE'I DKYIL 'KHOR DU 'JUG PA'I CHO GA BYAS PA DES GZHAN GSUM LA 'JUG PA'I CHO GA BYAS PA'I GO CHOD KYANG, GZHAN LA DE LTAR MIN PAS MI MTSUNGS SNYAM NA, DE YANG MI 'THAD DE, DE LTAR

, ,NA 'JAM RDOR NAS DUS 'KHOR GYI BAR GYI DKYIL 'KHOR THAMS CAD BLA MED KYI DKYIL 'KHOR DU RIGS GCIG PA DANG, GSANG 'DUS GNYIS SGYU DRA 'JAM RDOR, DGRA NAG BZHI PA RGYUD DU RIGS GCIG PA DANG, RO LAS GZHAN PA'I BLA MED KYI DKYIL 'KHOR RNAMS MA RGYUD KYI DKYIL 'KHOR DU RIGS GCIG PAS DE RNAMS LA DKYIL 'KHOR DU 'JUG PA'I CHO GA GCIG GIS CHOG PA'AM, PA RGYUD BZHI LA GCIG ,MA RGYUD RNAMS LA GCIG STE, GNYIS KYIS CHO GA PAR KHAS LEN DGOS PA GANG ZHIG ,PHA RGYUD KYI DKYIL 'KHOR BZHI LA DKYIL 'KHOR DU 'JUG PA'I CHOG SO SOR BYA DGOS PAR KHYED RANG GIS KYANG BZHED PA'I PHYIR, SKU GSUNG THUGS SNYING PO KYEE RDOR GYI DKYIL 'KHOR BZHI SBREL GYI TSE, DKYIL 'KHOR RJES MA SKU KYEE RDOR GYI DKYIL 'KHOR DU DBANG BSKUR BAS CHOG PAR 'DOD PA DE MI 'THAD PAR THAL, SKU KYEE RDO RJE'I DKYIL 'KHOR DU DBANG BSKUR BA THOB PAS GSUNG DANG THUGS DANG SNYING PO KYE RDO RJE'I DKYIL 'KHOR DU DBANG BSKUR BA THOB PA'I GO MI MCHOD PA'I PHYIR, MA GRUB NA, DER THAL, KYEE RDOR GYI DKYIL 'KHOR GCIG TU DBANG BSKUR THOB NA KYEE RDOR GYI DKYIL 'KHOR THAMS CAD KYI DBANG BSKUR THOB PAR 'DOD MI RIGS PA'I PHYIR, , MA GRUB NA, KYEE RDOR LHA DGU'I DKYIL 'KHOR BZHI DANG, KYEE RDOR LHA BCU BDUN MA'I DKYIL 'KHOR BZHI'I MNGON RTOGS SO SOR RNAL 'BYOR RDZOGS 'PHRENG DU BKOD PA DANG DE RNAMS KYI GZHAL YAS KHANG DANG MTSAN MA 'GOD TSUL SOGS SO SOR RDO RJE 'PHRENG BAR BSHAD PA LA DGOS PA MED PAR THAL, DKYIL 'KHOR GCIG GI MNGON RTOGS SOGS BSHAD NA GZHAN RNAMS BSHAD MI DGOS

PA'I PHYIR, DKYIL 'KHOR GCIG GI MNGON RTOGS SOGS BSHAD PA DE DANG MTHUN PA'I DBANG BSKUR NA GZHAN RNAMS KYI DBANG BSKUR BA'I GO CHOD PA GANG ZHIG ,DES GO CHOD BZHIN DU GZHAN RNAMS BSHAD PA LA DGOS PA MED PAR LHAG PA'I SKYON DU 'GYUR BA'I PHYIR, DER THAL, 'PHRENG BA GNYIS SU DKYIL 'KHOR SO SO'I MNGON RTOGS DANG GZHAL YAS KHANG GDAN BCAS DANG MTSAN MA SOGS KYI RNAM BZHAG BSHAD PA DE GTZO BOR LHA BSGOM PA DANG, DKYIL 'KHOR BRIS SGRUB SOGS BYAS NAS DBANG SKUR BA'I CHED DU BSHAD PA YIN PA GANG ZHIG ,DKYIL 'KHOR BZHI LNGA RE'I DBANG DKYIL 'KHOR GCIG TU BSKUR CHOG NA DE RNAMS SO SOR BSHAD PA LA DGOS PA MED PAR 'GYUR BA'I PHYIR, GAL TE DKYIL 'KHOR BZHI SBREL SOGS KYI TSE RAS BRIS KYI DKYIL 'KHOR BZHI LNGA SOGS DNGOS SU BSHAM YOD PAS DE'I NANG GI DKYIL 'KHOR GCIG GI DBANG BSKUR NA GZHAN RNAMS KYI DBANG BSKUR BA'I GO CHOD PAR 'DOD PA YIN GYI, SPYIR DKYIL 'KHOR GCIG GI DBANG BSKUR NA DE DANG RIGS MI MTHUN PA'I DKYIL 'KHOR GZHAN THAMS CAD KYI DBANG BSKUR BA'I GO CHOD PAR 'DOD PA MIN PAS SKYON MED DO SNYAM NA, 'O NA 'PHRENG BA'I DKYIL 'KHOR YONGS RDZOGS BKRAM NAS, 'JAM RDOR LTA BU DKYIL 'KHOR GCIG GI DBANG BSKUR NA GZHAN GYI DBANG BSKUR BA'I GO CHOD PAR 'DOD PAR THAL, KHYOD KYI KHAS BLANGS 'THAD PA'I PHYIR, 'DOD NA KHYOD KYI LUGS LA 'PHRENG BA'I DBANG YONGS RDZOGS BSKUR BA LA STA GON DANG BCAS NYI MA BCU DGU 'AM, NYER DGU 'AM, ZHE LNGA LTA BU DGOS PAR 'DOD PA DE BLA MA DANG SLOB MA THAMS CAD DKA' TSEGS

, ,CHE BA'I PHYIR DU DE LTAR BYAS PA YIN PAR THAL, 'DOD PA'I PHYIR, GZHAN YANG RNAL 'BYOR RGYUD KYI DKYIL 'KHOR GCIG TU DBANG BSKUR THOB NA RNAL 'BYOR RGYUD KYI DKYIL 'KHOR THAMS CAD KYI DBANG BSKUR THOB PA'I GO CHOD PAR THAL, GTZUG DGU'I DKYIL 'KHOR DU DBANG BSKUR THOB NA RDOR DBYINGS KYI DKYIL 'KHOR DU DBANG BSKUR THOB PA'I GO CHOD PA'I PHYIR, DER THAL, RDONG DBYINGS DANG GTZUG DGU GNYIS KYI DKYIL 'KHOR GNYIS SBREL DU DBANG BSKUR BA'I TSE GTZUG DGU'I DKYIL 'KHOR DU DBANG BSKUR NA RDOR DBYINGS KYI DKYIL 'KHOR DU DBANG BSKUR BA'I GO CHOD PA'I PHYIR, DER THAL, DE GNYIS KYI DKYIL 'KHOR GNYIS SBREL DU DBANG BSKUR BA'I TSE GTZUG DGU'I DKYIL 'KHOR DU DBANG BSKUR GYI GNYIS KA'I DKYIL 'KHOR DU DBANG BSKUR MI DGOS PA'I PHYIR, DER THAL, DE GNYIS SBREL DU DBANG BSKUR BA'I TSE DKYIL 'KHOR RJES MA GCIG BU'I DBANG BSKUR BYA RIGS PA'I PHYIR, DER THAL, DKYIL 'KHOR GNYIS SBREL, GSUM SBREL, BZHI SBREL SOGS KYI DBANG BSKUR BA'I TSE DKYIL 'KHOR RJES MA'I DBANG BSKUR BYA ZHES BSHAD PA'I PHYIR, RTZA BAR 'DOD NA, BLA MED KYI DKYIL 'KHOR GCIG TU DBANG BSKUR THOB NA BLA MED KYI DKYIL 'KHOR THAMS CAD KYI DBANG BSKUR THOB PA DANG, BYA RGYUD KYI DKYIL 'KHOR GCIG TU DBANG BSKUR THOB NA BYA RGYUD KYI DKYIL 'KHOR THAMS CAD KYI DBANG BSKUR THOB PAR 'JOG RIGS PAR THAL, RGYU MTSAN MTSUNGS PA'I PHYIR, 'DOD NA, RNAL 'BYOR RDZOGS 'PHRENG DU DKYIL 'KHOR SO DGU'I MNGON RTOGS BSHAD PA DANG, DKYIL CHOG RDOR 'PHRENG DU DKYIL 'KHOR SO DGU'I GZHAL YAS KHANG DANG LHA

MTSAN SOGS KYI RNAM BZHAG BSHAD PA LA DGOS PA MED PAR THAL, KHAS BLANG 'THAD PA'I PHYIR, DES NA DKYIL 'KHOR GNYIS SBREL, GSUM SBREL, BZHI SBREL SOGS KYI TSE, , DKYIL 'KHOR GNYIS, GSUM, BZHI SOGS DKYIL 'KHOR GAR BKRAM PA DANG BSGRUB PA'I DKYIL 'KHOR DE THAMS CAD KYI NANG DU GZHUG PA DANG, DBANG SKUR BAR BYA DGOS KYI DKYIL 'KHOR RJES MA GANG YIN PA DER 'JUG PA DANG, DE'I DBANG BSKUR BA GCIG PU BYED ZHES PA MI 'THAD DO, ,YANG KHA CIG GIS, YE SHES THIG LE'I RGYUD LAS, CHU DANG COD PAN GYI NI DBANG, , BYA BA'I RGYUD LA RAB TU GRAGS, ,RDO RJE DRIL BU MID GI DBANG, ,SPYOD PA'I RGYUD LA RAB TU GRAGS, ,PHYIR MI LDOG PA YI NI DBANG, ,RNAL 'BYOR RGYUD DU GSAL BAR BYAS, ,ZHES GSUNGS PA'I DON DU BSAM NAS BYA RGYUD LA CHU COD PAN GYI DBANG TZAM LAS MING DBANG MAN CHAD THAMS CAD SKUR MI RUNG BAR 'DOD PA MI RIGS TE, LUNG DES BYA RGYUD LA CHU COD PAN GYI DBANG BSKUR NAS RDOR DRIL DANG MING GI DBANG MA BSKUR KYANG RUNG BAR BSHAD PA YIN GYI, RDOR DRIL DANG MING GI DBANG SKUR MI RUNG BAR BSHAD PA MA YIN PA'I PHYIR, DER THAL, BYA SPYOD LA MKHAS PA'I SLOB DPON SANGS RGYAS GSANG BAS BYA SPYOD LA MING DBANG MAN CHAD SKUR BAR BSHAD PA GANG ZHIG ,SLOB DPON DES LUD DE'I DON MA DGONGS PA'AM DGONGS BZHIN DU LUNG DE'I DON DANG 'GAL BAR BSHAD PA MA YIN PA'I PHYIR; RTAGS DANG PO GRUB STE, RGYUD SDE SPYI RNAMS LAS, BYA SPYOD GNYIS LA YANG SLOB DPON SANGS RGYAS GSANG BAS RNAM SNANG MNGON BYANG GI 'GREL BAR, SDOM PA 'DZIN MI NUS PA

, ,LA DKYIL 'KHOR DU 'JUG PA TZAM DANG, NUS PA LA THUN MONG GI SDOM PA GONG DU BSHAD PA TZAM 'DZIN DU BCUG NAS MING DBANG MAN CHAD SKUR BAR BSHAD DO, ,ZHES GSUNGS PA'I PHYIR, GNYIS PA GRUB TE, DE BYA SPYOD LA MKHAS PA'I SLOB DPON TSAD LDAN YIN PA'I PHYIR, DES NA DKYIL 'KHOR BZHI SPREL GYI DBANG BSKUR NA DKYIL 'KHOR DU 'JUG PA'I SKABS SU NANG 'JUG DANG PO'I TSE, DKYIL 'KHOR GYI NANG DU ZHUGS NAS LHA LA SKOR BA DANG PHYAG BYED PA DANG, NANG 'JUG GNYIS PA'I TSE DKYIL 'KHOR PHYI NANG DU ZHUGS NAS ME TOG 'DOR BA DANG LHA LA NGO STON PA RNAMS, DKYIL 'KHOR DANG PO NAS RIM PA LTAR DKYIL 'KHOR SO SO LA BYA DGOS LA, GZHAN GSOL GDAB, SDOM BZUNG, CHAS 'JUG ,THAMS CAD RDAL 'BYOR GYI SEMS BSKYED PA, DAM GZHAG ,YE SHES 'BEBS PA SOGS THUN MONG DU BYAS KYANG RUNG SNYAM PAS DKYIL 'KHOR DU 'JUG PA DKYIL 'KHOR DU 'JUG PA DKYIL 'KHOR RJES MA GCIG BU MA YIN PAR DKYIL 'KHOR BZHI KA LA 'JUG PA DANG, CHU DBANG NAS SLOB DPON GYI DBANG GI BAR BUM DBANG DRUG GI SKABS SU NANG DBANG SKUR BA'I TSE DKYIL 'KHOR BZHI KA'I NANG DBANG RNAMS RIM PA LTAR SO SOR DBANG BSKUR NA LEGS SHING, GAL SRID MA BYUNG KYANG BUM DBANG DRUG KA LA SNYING PO KYEE RDO RJE'I NANG DBANG BSKUR NA DUD TZAM YOD DAM SNYAM STE, SPYIR BUM DBANG GI SKABS SU NANG DBANG SKUR BA DANG MI SKUR BA'I LUGS GNYIS YOD CING SNYING PO KYEE RDO RJE KYEE RDOR GZHAN GSUM KA'I RTZA BA LTA BU YIN PAS SO, ,RNAM BUM PHYI MA GSUM KA'I CHU RNAMS NI DANG POR BSGRIL NAS DBANG RDZAS BUM CHU SOGS SKYED CHOG THUN MONG DU BYAS PAS RUNG ZHING DBANG DNGOS GZHI'I SKABS

SU DKYIL 'KHOR BZHI KA'I LHA RNAMS KYIS DBANG BSKUR BA LA DGONGS PA GTAD PAR MOS PAS CHO GA PAS CHO GA GZHAN THAMS CAD THUN MONG DU BYAS PAS RUNG BAR SEMS,, ,,'O NA KYANG SNGAGS DBANG GI TSE, SLOB DPON DKYIL 'KHOR SO SO'I GTZO BOR GSAL BA'I THUGS KA NAS SNGAGS 'PHRENG, BYUNG BA SLOB MA'I SNYING KHAR 'KHOR BAR MOS PAS SNGAGS GSUM GSUM RJES ZLOS BYED DU BCUG NAS SNGAGS DBANG BSKUR BA SO SOR BYAS NA LEGS STE, LHA SO SO'I SNGAGS DE DKYIL 'KHOR SO SO'I GTZO BO'I THUGS KHA NAS MAR ME GCIG LAS GNYIS CHAD KYI TSUL DU SLOB MA'I SNYING KHAR 'KHOD PAR MOS DGOS PA'I PHYIR, GZHAN RNAMS THUN MONG DU BYAS KYANG RUNG,, ,,GSANG DBANG GI SKABS SU, BLA MA DKYIL 'KHOR SO SO'I GTZO BO YAB YUM DU BSGOM NAS GSANG RDZAS SGRUBS TE GSANG DBANG SO SOR BSKUR BA 'THAD,, ,,SHER DBANG GI SKABS SU, SLOB MA DANG RIG MA DKYIL 'KHOR SO SO'I GTZO BO YAB YUM DU BSKYED NAS MKHA' GSANG BYIN BRLAB BYAS TE SNYOMS PAR 'JUG PA'I SBYOR BAS DGA' BZHI DRANGS TE BDE STONG GI YE SHES SKYED PA'I MOS PAS SHER DBANG SO SOR SKUR BA'AM DKYIL 'KHOR DANG PO'I GTZO BO YAB YUM DU BSKYED NAS THUN MONG DU BSKUR KYANG CHOG, ,,TSIG DBANG THUN MONG DU BSKUR PAS KYANG RUNG DAM SNYAM, DES DKYIL 'KHOR GNYIS SBREL, GSUM SBREL, BZHI SBREL, LNGA SBREL SOGS LA'ANG THUN MONG DANG THUN MONG MA YIN PA'I SKABS THOB SHES PAR BYAS TE RIG 'DRE SBYOR TSUL SHES PAR BYA ZHING GONG GI RUNG MI DUNG THAMS CAD LA

, ,RNAM DPYOD DANG LDAN PA RNAMS KYIS DPYAD PAR BYA'O,, ,,RDO RJE BDUD RTZI'I DKYIL 'KHOR PHYI MA GSUM RDZOGS 'PHRENG DANG KRI YA GNYIS KA LAS RDO RJE BDUD RTZI'I RGYUD LA ZHAL 'PHANG MDZAD NAS LHA'I GRANGS DANG MNGON RTOGS KYI GSAL KHAM GSUNGS, RDO RJE BDUD RTZI'I RGYUD LAS GSUNGS PA NI, DE'I LE'U DANG PO LAS, ZUNG GSUM DKYIL 'KHOR BRIS NAS SU, ,GSANG BA'I PADMA M'A MK'I, ,NANG DU SNYING PO DANG LDAN PA'I, ,PADMA 'DAB BRGYAD PA NI BYA, ,DE DBUS GSANG CHEN RIG MA DANG, ,GTZO BO ZHAL GSUM PHYAG DRUG BA, ,DANG PO'I ZHAL NI NAG PO STE, ,GA-YAS PA LA NI DKAR POR 'DOD, ,GA-YON DU DMAR POR RAB GSUNGS TE, ,LHA YI RGYAN GYIS BRGYAN BYAS PA, ,LHA YIN BZA' ME TOG 'PHRENG, ,LHA YI DRI YI BYUG BYED PA; ;LHA YI DNGOS GRUB BYED ZHI BA, ,SKU GSUNG THUGS KYI RDO RJE CAN, ,PHYI ROL TU NI DKYIL 'KHOR YANG, ,SGO BZHI BA NI RAB TU BRTAGS, ,SHAR DU KHRO GNYER MA BNYAG STE, ,LHO NA 'JIGS PAR 'JIGS BYED MA, ,NUB NA RTA YI GZUGS CAN MA, ,BYANG DU TSOGS KYI 'DREN MA MO, ,MKHAS PAS PADMA 'DAB BRGYAD LA, ,RIG MA BRGYAD NI MNYAM BOR BRIS, ,MDZES PA MO DANG ZHI BA'I ZHAL, , ZLA BA MO DANG DUNG CAN MO, ,RI BONG 'DZIN DANG DKYIL 'KHOR MO, ,RI BONG 'DZIN RI MO YI DGA', ,YID LA BDE BAR BYED MA DAG ,RIG MA BRGYAD DANG DGE MA BRGYAD, ,THAMS CAD ZHAL GSUM PHYAG DRUG PA, ,SNA TSOGS GZUGS NI YID DGA' MA, ,PHYOGS RNAMS DAG NI MTSAMS DAG LA, ,RTAG PA RU NI BRI BAR BYA, MCHOD PA BI WANG RNGA DE BZHIN, ,DE BZHIN SPOS DANG ME TOG SOGS, ,

DBYANGS DANG GAR DANG MCHOD PA NI, ,DGA' BA ROL PAR SBYAR BA YIS, ,RDO RJE BDUD RTZI BDE BA CHE, ,GSANG BA'I 'KHOR LO BSGRUB PAR BYA, ,MA DANG BRAN MO BU MO DANG, ,SRING MO GNYEN MO DE BZHIN TE, ,RDO RJE BDUD RTZI DE DAG LAS, ,BLANGS NAS GSANG BA'I DKYIL 'KHOR MCHOD,, ,,LE'U DRUG PA LAS, GRU PA ZHI BA NI THIG GDAB STE, ,KHRU GANG YANG NA KHRU DO'O, ,ZLA BA'I DKYIL 'KHOR DANG 'DRA BA, ,'OD ZER 'BAR PA 'KHRUGS PA LA, ,DPAL LDAN RDO RJE H'Um MDZAD GZHAG ZHAL GSUM DE BZHIN PHYAG DRUG STE, ,RGYAN THAMS CAD KYIS YONGS RDZOGS PA, ,PHYAG RGYA YIS NI PHYAG BRGYAN PA, ,RIG PA BZHI DANG MNYAM LDAN PA, ,AU MA'I BRA BA'I NU MAR BZHUGS, ,CUNG ZAD MCHE BA GTZIGS PA PO, ,KHRO DANG LDAN PAR BZHAD BYED ZHAL, ,GA-YAS PA LA NI MDA' BRIS TE, ,DE KHO NA BZHIN GA-YON NA GZHU, ,PHYAG BZHI BA NI BRIS PA LA, ,PHYAG GNYIS PAS NI NU MA BSNAMS, ,RIG MA THAMS CAD ZHAL GSUM STE, ,DE BZHIN SGO BSRUNGS LCAGS KYU DANG, , DE BZHIN ME TOG SPOS ME MA, ,DRI YANG YANG DAG BRI BAR BYA, ,SGEG MO PHRENG BA DE BZHIN DBYANGS, ,GAR MKHAN MA YANG PHYAG DRUG NYID, ,DE BZHIN GLING BUM BRI STE, ,PI WANG MA DANG RNGA CHEN MA, ,RDZA RNGAM DANG SIL SNYAN KUN, ,DKYIL 'KHOR LA NI BRI BA'O,, ,,RDO RJE BDUD RTZI RGYUD CHEN LAS, ,SKAL BA BZANG PO YANG BZHAG STE, ,PHYAG GNYIS PA LA ZHAL GCIG PA, ,BZANG PO DE DAG KHO NA'O; ;RGYAN NI THAMS CAD KYIS BRGYAN PA, ,SGRUB PA PO YANG MDUN BRI'O, ,BGRANG 'PHRENG DE BZHIN RDO RJE DANG, ,DRIL BU 'DZIN PA BRI BAR BYA,, ,,LE'U BRGYAD PA LAS, DE NAS BCOM LDAN

, ,RDO RJE CAN, ,RDO RJE BDUD RTZI BDE CHEN PO, ,RDO RJE PADMA MNYAM SBYOR TE, ,KHRO BO'I GZUGS NI RNAM PAR PHYUNG, ,'BAR BA'I PHRENG 'KHRUGS DRAG PO CAN, ,'JIGS BYED MA YANG 'JIGS PAR BYED, ,ZHAL BZHI MA NI PHYAG BRGYAD DE, ,THOD PA'I DBU RGYAN 'JIGS PAR BYED, ,KHA tV'Am GA DANG MGO BSNAMS TE, ,THOD PA DANG NI KHRAG DGA' BA, ,GTUM MO RGYU MA'I 'PHRENG 'KHRUGS PA, ,RIG MA BRGYAD KYIS YONGS SU BSKOR, ,DUR KHROD CHEN PO GZHIR BZHUGS PA, ,PHAt YIG SNGAGS KYI DA RO CAN, ,'BYUNG PO RO LANGS TSOGS PA DANG, ,DUR KHROD LA NI ROL MDZAD PAS, ,DE 'OG DBANG DANG BCAS PA'I LHA, ,TSANGS PA KHYAB 'JUG DBANG PHYUG CHE, ,BRA BYED RDO RJE CAN CHEN PO, ,DPAL LDAN KHRAG 'THUNG GZUGS NI PHYUNG, ,DANG PO'I RIG MA 'JIGS CAN MA, ,MI SDUG GDOL BA SME SHA CAN, ,SER MO RIGS CAN DRAG MO DANG, ,'JIGS PAR BYED MA BRGYAD DU 'DOD, ,SNGAGS 'DI DAG NI BZLA BYAS TE, ,GANG YANG BYED NAS DBYANGS BLANG NGO, ,'JIGS BYED CHEN PO MCHE BA GTZIGS, ,RGYU MA PHRENG GI RGYAN SKUD BRGYAN, ,SHA CHEN DAG NI GSOL BYED PA, ,DPAL LDAN KHRAG 'THUNG BDAG PHYAG 'TSAL,, ,, LE'U DGU PA LAS, DE NAS BDUD RTZI 'KHYIL BA YI, ,GZUGS NI YAN LAG BSHAD PAR BYA, ,ZHAL GSUM PA LA PHYAG DRUG STE, ,DRAG PO NAG PO DUD PA'I 'OD, ,'OD ZER 'PHRENG BA 'KHRUGS PA DANG, ,GTUM MO'I SPYAN NI DMAR PO CAN, ,DMAR BA'I SMIN MA AAG TSOM 'BAR, ,DRAG CHEN PO NI ZIL GYIS GNON, ,PHYAG NA DGRA STA BSNAMS BRTZON PA, ,GTUN SHING

RDO RJE ZHAGS PA DANG, ,GA-YON GYI PHYAG GI SDIG 'DZUB GYIS, ,SDANG BA THAMS CAD BSDIGS PAR BYED, ,RAL GRI PHYAG MTSAN BSGOM PAR BYA, ,RIG MA BRGYAD DANG MNYAM LDAN ZHING, , SGO BSRUNGS DANG YANG YANG DAG LDAN, ,GSANG BA'I PADMA BSGOM BYAS TE, ,'DAB MAR RIG MA BRGYAD NI BKOD, ,BDUD RTZI MA DANG BDUD RTZI ZHAL, ,BDUD RTZI CAN DANG BDUD RTZI SPYAN, ,GRANGS MED MA DANG GZUGS BZANG MA, ,MDZES PA'I GZUGS CAN BDE GRUB MA, ,THAMS CAD ZHAL GSUM PHYAG DRUG STE, ,PHYOGS DANG MTSAMS LA BKOD PAR BYA, ,PHYAG GIS PADMA BSNAMS PAR BRTZON, ,DE DAG LHA MO DGAR BYED NAS, ,SNA TSOGS GZUGS RNAMS MCHOG SBYIN MA, ,BZHAD CING ROL BAR MDZAD BYED DE, ,SNGAGS KYI RGYAL PO PHYUNG BAR BYA, ,ZHES GSUNGS,, ,, DEL LA LE'U DANG PO LAS, ,NANG DU SNYING PO DANG LDAN PA'I, ,PADMA 'DAB BRGYAD PA NI BYA, ,ZHES PAS GTZO BO'I GDAN SNA TSOGS PADMA, ,DE DBUS GSANG CHEN RIG MA DANG, ,GTZO BO ZHAL GSUM PHYAG DRUG PA, ,ZHES PAS GTZO BO YAB YUM GNYIS, ,ZHAL GSUM PHYAG DRUG PA YIN PA, ,DANG PO'I ZHAL NI NAG PO STE, ,GA-YAS PA LA NI DKAR POR 'DOD, ,GA-YON DU DMAR PO RAB GSUNGS STE, ,ZHES PAS ZHAL GSUM GYI MDOG ,LHA YI RGYAN GYIS BRGYAN BYAS PA, ,LHA YIN BZA' ME TOG PHRENG, ,ZHES PAS RIN PO CHE'I RGYAN DANG DAR GYIN ? BZA' MA NAB ? PA,, SHAR DU KHRO GNYER MA BZHAG STE, ,LHO NA 'JIGS PA 'JIGS BYED MA, ,NUB NA RTA YI GZUGS CAN MA, ,BYANG DU TSOGS KYI 'DREN MA MO, ,ZHES PAS SGOM BZHI, MKHAS PAS PADMA

, ,'DAB BRGYAD LA, ,RIG MA BRGYAD NI MNYAM PAR BRI, ,ZHES PAS GTZO BO'I GDAN PADMA 'DAB BRGYAD KYI 'DAB MA RNAMS LA RIG MA BRGYAD, MDZES PA MO DANG ZHI BA'I ZHAL, ,ZLA BA MO DANG DUD CAN MO, ,RI BONG 'DZIN DANG DKYIL 'KHOR MO, ,RI BONG 'DZIN RI MO YID DGA', ,YID LA BDE BAR BYED MA DAG ,RIG MA BRGYAD DANG DGE MA BRGYAD, ,ZHES PAS RIG MA BRGYAD GYI MTSAN, ,THAMS CAD ZHAL GSUM PHYAG DRUG PA, ,ZHES PAS RIG MA BRGYAD PO'I ZHAL PHYAG GI GRANGS, ,MCHOD PA PI WANG RDA DE BZHIN, ,ZHES PAS PI WANG MA DANG RDA ZLUM MAS MTSON ? TE PI WANG MA SOGS BZHI, DE BZHIN SPOS DANG ME TOG SOGS, ZHES PAS ME TOG MA DANG BDUG SPOS MAS MTSON TE, ME TOG MA SOGS BZHI, DBYANGS DANG GAR DANG MCHOD PA NI, ZHES PAS GLU MA DANG GAR MAS MTSON TE SGEG SOGS BZHI BSHAD CING, DANG PO'I ZHAL NI NAG PO STE, ZHES PAS RTZA ZHAL NAG POR BSHAD PAS GTZO BO'I SKU MDOG NAG PO DANG, SHAR DU KHRO GNYER MA BZHAG TE, ZHES SOGS KYIS SGO BA BZHI KHRO MER BSHAD PA LTA BUR 'DUG KYANG, RDZOGS 'PHRENG DU GTZO BO SKU MDOG LJANG KHU DANG, SGO BA BZHI KHRO BOR BSHAD NAS SGEG SOGS BZHI MA BSHAD PA'ANG RGYUD KYI DGONGS PA YIN PA SMOS CI 'TSAL,, ,,LE'U DRUG PA LAS, DPAL LDAN RDO RJE H'Um MDZAD GZHAG ,ZHAL GSUM DE BZHIN PHYAG DRUG STE, ,RGYAN THAMS CAD KYIS YONGS RDZOGS PA, ZHES PAS H'Um MDZAD KYI ZHAL PHYAG GI GRANGS DANG RGYAN, PHYAG RGYA YIS NI PHYAG BRGYAN PA, ZHES PAS, PHYAG

GNYIS KYIS H'Um MDZAD KYI PHYAG RGYA MDZAD PA, ,RIG MA BZHI DANG MNYAM LDAN PA, ,ZHES PAS 'KHOR RIG MA BZHI DANG LDAN PA, AU MA'I BRA BA'I NU MAR BZHUGS, ZHES PAS ZHABS KYIS AU MA'I NU MA MNAN PA, ,CUNG ZAD MCHE BA GCIG PA PO, ,KHRO DANG LDAN PAR BZHAD BYED ZHAL, ,ZHES PAS ZHAL GSUM GYI RNAM 'GYUR, ,GA-YAS PA LA NI MDA' 'BRIS TA, ,DE KHO NA BZHIN GA-YON NA GZHU, ,ZHES PAS PHYAG GNYIS KYIS MDA' GZHU BSNAMS PA, PHYAG BZHI PA NI BRIS PA LA, ,PHYAG GNYIS PAS NI NU MA BSNAMS, ,ZHES PAS PHYAG BZHI BSHAD MA THAG PA LTAR LA, PHYAG LHAG MA GNYIS KYIS YUM GYI NU MA BSNAMS PA, RIG MA THAMS CAD ZHAL GSUM STE ZHES PAS, 'KHOR GYI RIG MA BZHI PO YANG, ,ZHAL GSUM PA CAN YIN PA, ,DE BZHIN SGO BSRUNG LCAGS KYU DANG, ,ZHES PAS SGO BSRUNG LCAGS KYU MA SOGS BZHI PO YANG ZHAL GSUM PA CAN DANG, DE BZHIN ME TOG SPOS ME MA, ,DRI YANG YANG DAG BRI BAR BYA, ,ZHES PAS ME TOG MA, BDUG SPOS MA, MAR ME MA, DRI CHAB MA BZHI YANG ZHAL GSUM PA CAN, SGEG MO 'PHRENG BA DE BZHIN DBYANGS, ,GAR MKHAN MA YANG PHYAG DRUG NYID, CES PAS SGEG MO MA, 'PHRENG BA MA, GLU MA, GAR MA BZHI PO YANG ZHAL GSUM PA DANG GONG 'OG GI LHA MO THAMS CAD PHYAG DRUG PA, DE BZHIN GLING BUM BRI STE, PE WAm MA DANG RDA CHEN MA, ,RDZA RDA MA DANG SIL SNYAN KUN, ,DKYIL 'KHOR LA NI BRI BA'O, ,ZHES PAS GLING BUM, PI WAm MA, RDA CHEN MA, RDZA RDA MA BZHI YANG ZHAL GSUM PA CAN, RDO RJE

, ,BDUD RTZI RGYUD CHEN LAS, BSKAL PA BZANG PO YANG BZHAG TE, PHYAG GNYIS PA LA ZHAL GCIG PA, BZANG PO DE DAG KHO NA'O, ,ZHES PAS BSKAL BZANG GIS SEMS DPA' BCU DRUG ZHAL GCIG PHYAG GNYIS BAR BSHAD PA LTA BUR 'DUG KYANG 'KHOR RNAMS KYI SKU MDOG DANG PHYAG MTSAN MI GSAL,, ,,SA BZANG BA'I SGRUBS DKYIL LAS; GTZO BO RTZA ZHAL NAG PO MCHE BCUD ZAD GTZIG PA, GA-YAS DKAR PO KHRO BA, GA-YON DMAR PO BZHAD PA, PHYAG DANG PO GNYIS H'Um MDZAD KYI PHYAG RGYA, BAR PA GNYIS KYIS MDA' GZHU, THA MA GNYIS KYIS RANG 'DRA'I YUM M'A MA K'I'I NU MA 'DZIN PA, ZHABS GA-YAS BA RGYANGS BAS LHA MO AU MA'I NU MA, GA-YON BSKUM BAS LHA CHEN PO'I RNA BA GA-YON PA MNAN PA, PHYOGS BZHIR RDO RJE SNYING MA, RDO RJE MTSON CHAM, REG BYA RDO RJE MA, KI LI KI LAM, RIM PA GNYIS PA'I MTSAMS SU SGEG SOGS BZHI, PHYOGS SU BI WAm MA SOGS BZHI, RIM PA GSUM PA'I LHA SNAM LA BYAMS PA SOGS SEMS DPA' BRGYAD, MTSAMS SU ME TOG MA SOGS BZHI, SGO BZHIR LCAGS KYU MA SOGS BZHI, STE NYI SHU RTZA DGU DGOD PAR BSHAD, ,BZANG BKRAS PAS, GTZO BO'I ZHAL GSUM MCHE BA GTZIG PA, PHYAG DANG PO GNYIS KYIS RDO DRIL 'DZIN PA'I H'Um MDZAD KYI PHYAG RGYA, PAR BA GNYIS MDA' GZHU, LHAG MA GNYIS KYIS SHES RAB MA'I NUM, ZHABS SA BZANG DANG 'DRA, PHYOGS BZHIR SEMS MA RDO RJE MA SOGS BZHI, MTSAMS BZHIR ZLA DKYIL MA

SOGS BZHI, RIM PA GNYIS PA LA MTSAMS SU SGEG SOGS BZHI, PHYI'I MTSAMS SU ME TOG MA SOGS BZHI, RIM PA GSUM PA'I 'KHYAMS LA SEMS DPA' BCU DRUG SGO BZHIR LCAGS KYU MA SOGS BZHI STE LHA SO BDUN DGOD PAR BSHAD, RDOR 'PHRENG GSAL SGRON LAS, GTZO BO'I RTZA ZHAL SNGON PO MCHE BA CUNG ZAD GTZIG PA, GA-YAS ZHAL DKAR PO KHRO PA, GA-YON ZHAL DMAR PO BZHAD PA, PHYAG DANG PO GNYIS KYIS RDOR DRIL 'DZIN PA'I H'Um MDZAD KYI PHYAG RGYA, BAR PA GNYIS KYIS RANG 'DRA'I YUM GYI NA MA GA-YAS GA-YON, 'OG MA GNYIS LCAGS KYU DANG ZHAGS PA 'DZIN PA, ZHABS 'OG GI LHA GA-YAS GA-YON BSGOR, SHAR SOGS GA-YAS SKOR DU SEMS MA RDO RJE MA SNGON MO, ,RIN CHEN RDO RJE MA SER MO, , CHOS KYI RDO RJE MA DMAR MO, ,LAS KYI RDO RJE MA LJANG KHU RNAMS ZHAL GSUM PHYAG DRUG GI DANG PO GNYIS KYIS RANG RANG GI PHYAG RGYA, LHAG MA GA-YAS GNYIS 'KHOR LO RAL GRI, GA-YON GNYIS LCAGS KYU ZHAGS PA 'DZIN PA, DE'I PHYIR MA LA DKYIL 'KHOR DANG PO'I ZHIB MO SOGS BRGYAD, RIM PA GNYIS PA LA PHYOGS SU SGEG SOGS BZHI, MTSAMS SU ME TOG MA SOGS BZHI, SGO BZHIR LCAGS KYU MA SOGS BZHI THAMS CAD ZHAL GSUM PHYAG DRUG MA, DE'I PHYI ROL GYI LHA SNAM LA BYAMS PA SOGS BSKAL BZANG GI SEMS DPA' BCU DRUG STE LHA ZHE GCIG BGOD, KUN MKHYEN BU STON GYIS GTZO BO DANG PHYOGS BZHI'I LHA MO SGOM BZHI DANG DGUR MDZAD NAS, MGRON THABS PA BCU DRUG MDZAD PAR GSUNGS,, ,,

, ,PAn CHEN RIN PO CHE'I LHAN 'THAB LAS, GTZO BO'I ZHAL GSUM MCHE BA GTZIG PA, PHYAG DANG GNYIS KYIS H'Um MDZAD KYI PHYAG RGYAS RDOR DRIL 'DZIN PA, , BAR BA GNYIS KYIS MDA' GZHU, THA MA GNYIS KYI SHES RAB MA'I NU MA, ZHABS DANG PHYOGS KYI LHA MO BZHI BZANG BKRAS PA DANG 'DRA, LHA SNAM NANG MA'I PHYOGS BZHIR SLA DKYIL MA SOGS BZHI, MTSAMS BZHAR SGEG SOGS BZHI, LHA SNAM PHYI MA'I 'KHYAMS LA BYAMS PA SOGS SEMS DPA' BCU DRUG ,SGO BZHIR LCAGS KYU MA SOGS BZHI STE SOGS GSUM BSHAD; SKYID SHOD PA'I LHA 'THAB LAS, 'DI DANG 'DRA BAR BSHAD, THAR RTZE BA'I MDZES RGYAN LAS, GTZO BO'I ZHAL GSUM MCHE BA GCIG PA PHYAG DANG PO GNYIS KYIS H'Um MDZAD KYI PHYAG RGYA, BAR PA GNYIS KYIS MDA' GZHU, THA MA GNYIS KYIS YUM GYI NU MA, ZHABS DANG PHYOGS KYI LHO MO BZHI SOGS 'KHOR RNAMS ZA BZANG DANG 'DRA,, ,, LE'U LA RGYAD PA LAS, KHRO BO'I GZUGS KYI RNAM PAR PHYUNG, ,'BAR BA'I 'PHRENG 'KHRUGS DRAG PO CAN, ,'JIGS BYED LA YANG 'JIGS PAR BYA, ,ZHES PAS BDUD RTZI KHRAG 'THUNG KHRO BO'I GZUGS CAN YIN PA, ZHAL BZHI LA NI PHYAG BRGYAD DE, ,ZHES PAS ZHAL PHYAG GI GRANGS, ,THOD PA'I DBU RGYAN 'JIGS PAR BRGYAN, ,ZHES PAS THOD SKAM LNGA'I DBU BRGYAN, ,KHA tVAm KA DANG MGO BSNAMS TE, ,THOD PA DANG NI KHRAG DGA' BA, ,GTUM MO RGYU MA'I 'PHRENG 'KHRUGS PA, ,ZHES PAS PHYAG MTSAN, RIG MA BRGYAD KYIS YONGS SU BSKOR, ,

ZHES PAS 'KHOR GYI LHO MO BRGYAD, ,DANG PO'I RIG MA 'JIGS CAN MA, ,MI SDUG GDOL BA SMRE SHE CAN, ,SER MO RIGS CAN DRAG MO DANG, ,'JIGS PAR BYED MA BRGYAD DU 'DOD; ;CES PAS LHA MO BRGYAD KYI MTSAN RNAMS BSHAD CING 'KHOR GYI SKU MDOG PHYAG MCHEN DANG 'KHOR GZHAN RNAMS MI GSAL,, ,,SA BZANG PAS, KHRO BO BDUD RTZI SKU MDOG SNGON PO ZHAL BZHI PHYAG BRGYAD PA, ZHAL GA-YAS DUD KHA, GA-YON SER PO, ,RGYAB DMAR PO, ,ZHAL RNAMS RNAM PAR 'GYUR ZHING MCHE BA GTZIG PA, THOD PA'I 'PHRENG BA DANG RDO RJE BDUD RTZI'I PO TI 'I COD PAN CAN, RGYAN SNA TSOGS DANG RGYU MAS BRGYUS PA'I ME TOG GI CHUN 'PHYANG CAN, 'GYING BAG GIS GNAS PA, PHYAG GA-YAS BZHIN, RDO RJE, MI'I RGYU MA'I PHRENG BA, MI MGO ,RTZE GSUM, GA-YON BZHI NA, KHA TVAm KA ,THOD KHRAG ,KHRAG DGA' STE SIN PO'I MGRIN PA DAM POR BCIR BA, DUS 'PHRENG 'DZIN PAS DRA BA'I PHYAG RGYA, PHYOGS MTSAMS SU GTZIG CHEN MA, GNAM GTZIG MA, GDOL BA MO, ,GA-YUNG MO SER SKYA MA RIGS CAN MA, DRAG MO, ,'JIGS BYED MA RNAMS ZHAL GSUM PHYAG DRUG PA, SGO BZHIR BA GLANG SNA, BLANGS CHEN SNA, ZHAL MDZES MA, ZHAL GDUG MA, PHYOGS BZHIR ME TOG MA SOGS BZHI, MTSAMS BZHIR PI WAm MA SOGS BZHI RNAMS ZHAL GCIG PHYAG GNYIS MA STE LHA NYER GCIG, ,,BZANG BKRAS PAS, PHYAG GA-YAS DANG POS 'PHAN RTZE GSUM GYI PHYAG RGYA,,

, ,GNYIS PAS THOG KHRAG ,GA-YON DANG POS THOD PA DANG KHA TVA KA ,GNYIS PAS RGYU MA'I PHRENG BA, GSUM PA GNYIS SPYI BOR DBANG BSKUR BA'I PHYAG RGYA, , BZHI PA GNYIS DUR KHROD DU 'JUG PA'I PHYAG RGYA, 'KHOR GYI LHA MO NANG MA BRGYAD, GA-YAS DANG POS KHA tVAm GA ,GA-YON DANG PO SA BANDHA, LHAG MA GZHAN RNAS DKYIL 'KHOR DANG PO BZHIN LA LHA NYER GCIG , ,,GSAL SGRON GTZO BO BZANG BSKRAS DANG 'DRA, 'DAB MA BRGYAD LA, SHAR DU 'JIGS CHEN MA, LHOR GTZIG BCAS MA, , NUB TU GNAM GTZIG MA, BYANG DU GA-YUNG MO, ,MTSAMS SU SER SKYA MO, ,KU LI MA, AA GU LI NI, DHA RU NI RNAMS ZHAL GSUM PHYAG DRUG MA STE LHA DGU, ,PAn CHEN RIN PO CHE DANG SKYIL SHOD PA GNYIS GTZO 'KHOR RNAMS BZANG BSKRAS DANG 'DRA,, ,ZAR RTZE BA SA BZANG DANG 'DRA, ,LE'U DGU PA LAS, DE NAS BDUD RTZI 'KHYIL BA YI, ,GZUGS NI YANG DAG BSHAD PAR BYA, ,ZHAL GSUM PA LA PHYAG DRUG STE, ,DRAG PO NAG PO DUD PA'I 'OD, ,'OD ZER 'PHRENG BA 'KHRUGS PA DANG, ,GTUM MO'I SPYAN NI DMAR PO CAN, ,DMAR BA'I SMIN MA AA GA TSOM 'BAR, ,DRAG CHEN PO NI ZIL GYIS GNON, ,ZHES PAS ZHAL PHYAG GI DGRANGS DANG KHRO PO'I CHA BYAD, ,PHYAG NA DGRA STA BSNAMS BRTZON PA, ,GTUN SHING RDO RJE ZHAGS PA DANG, ,GA-YON GYI PHYAG GI SDIGS MDZUB KYIS, ,SDANG BA THAMS CAD SDIG PAR BYED, ,RAL GRI PHYAG MTSAN BSGOM

PAR BYA; ;ZHES PAS PHYAG MTSAN, ,RIG MA BRGYAD DANG MNYAM LDA ZHING, ,SGO SRUNG DANG YANG YANG DAG LDAN, ,ZHES PAS 'KHOR LHA MO BRGYAD DANG, BDUD RTZI MA DANG 'DUD RTZI ZHAL, ,BDUD RTZI CAN DANG BDUD RTZI SPYAN, ,GRANGS MED MA DANG GZUGS BZANG MA, ,MDZES PA'I GZUGS CAN BDE SGRUB MA, ,THAMS CAD ZHAL GSUM PHYAG DRUG STE, ,PHYOGS DANG MTSAMS LA DGOS PAR BYA, ,KHYAG GIS PADMA BA SNAMS PAR BRTZON, ,ZHES PAS, RIG MA BRGYAD GYI MTSAN DANG, ZHAL PHYAG GI GRANGS PHYAG MTSAN GYI PADMA RNAMS BSHAD, GZHAN MI GSAL,, ,,SA BZANG BAS, KHRO BO BDUD RTZI 'KHYIL BA SKU MDOG NAG PO NAG DKAR DMAR BA'I ZHAL CAN, MCHE BA GTZIG PA, RAB TU GTUM PA'I MIG SER ZHING SMIN MA SER BA SPU GYEN DU 'BAR BA'I SPYIR BO RDO RJE BDUD RTZI'I PO TIS MTSAN PA, GSUS PA 'BYANG ZHING BONG THUNG BA, CHOS 'BYUNG GI DBUS SU PADMA'I STE BAR 'GYING BAG GIS BZHUGS PA, ZHABS GA-YON PA'I 'OG TU BGEGS KYI RGYAL PO MNAN PA, PHYAG DRUG GI GA-YAS NA STA RE; RAL KHRI, RDO RJE, GA-YON NA SDIGS MDZUB, GTUN SHING, ZHAGS PA 'DZIN PA, SHAR GYI 'DAB MAR RDO RJE BDUD RTZI MA, LHOR BDUD RTZI ZHAL MA, NUB TU BDUD RTZI LUS CAN MA, BYANG DU BDUD RTZI SPYAN MA, MER GRANGS MED MA, BDEN BRAL DU GZUGS BZANG MA, RLUNG DU MDZES PA'I GZUGS CAN MA, DBANG LDAN DU

, ,BDE SGRUB PA MA RNAMS ZHAL GSUM PHYAG DRUG PA, KHRO MO'I GZUGS CAN, RGYAN SNA TSOGS DANG LDAN PA, 'GYID BAG GIS GNAS PA, PHYOGS KYI LHA MO RNAMS CUNG ZAD BZHAD PA, MTSAMS KYI LHA MO RNAMS SHIN TU BZHAD PA, SGO BZHIR LCAGS KYU MA SOGS BZHI ZHAL GSUM PHYAG DRUG PA STE LHA BCU GSUM,, ,, BZANG BKRAS BAS ? BDUD RTZI 'KHYIL PA SKU MDOG NAG PO DU BA'I MDOG CAN, NAG DKAR DMAR BA'I ZHAL GSUM, DMAR LA ZLUM PA'I SPYAN GSUM PA, PHYAG GA-YAS GSUM NA, STA ? RE, GTUN SHING, RDO RJE ZHAGS PA, GA-YON SDIGS MDZUB, RAL GRI, LCAGS KYU 'DZIN PA, PHYOGS MTSAMS SU BDUD RTZI MA SOGS BZHI LHA MO BRGYAD, ZHAL GSUM, PHYAG DRUG GA-YAS DANG POS PADMA BSNAMS PA, LHAG MA GTZO BO DANG 'DRA, 'DI RNAMS KYI ZHAL GSUM GYI MDOG DANG RIM PA GNYIS PA MAN RDOR DBYINGS SAm BHU TRA DANG 'DRA BA LA SGO BZHIR LCAGS KYU MA SOGS BZHI, MTSAMS SU SGEG MO SOGS BZHI, PHYAG MTSAN DANG PO SBYI 'GRO, ,DKYIL 'KHOR PHYI MA GSUM PO 'DI PAntI TA YON TAN BZANG PO DANG SHAN TI'I 'GREL BA'I GZHUD BZHIN BKOD PAR BSHAD,, ,,GSAL SGRON LAS, BDUD RTZI 'KHYIL PA PHYAG GA-YAS GSUM, DGRA STA, RAL GRI, RDO RJE, GA-YON SDIG MDZUB, GTUN SHING, ZHAGS PA, ZHABS GA-YAS BSKUMS, GA-YON BRKYANGS BAS BGEGS KYI RGYAL PO'I STENG NA 'GYING PA'I TSUL GYIS

BZHUGS PA, LHA MO BRGYAD NI BDUD RTZI MA, BDUD RTZI ZHAL MA SOGS BRGYAD ZHAL GSUM PHYAG DRUG GA-YAS DANG POS MCHOG SBYIN GA-YON DANG POS PADMA, LHAG MA GA-YAS RAL GRI; RDO RJE, GA-YON GTUN SHING, ZHAGS PA, SGO BZHIR LCAGS KYU MA SOGS BZHI ZHAL GSUM PHYAG DRUG PA, LHA MO BCU GNYIS DAR NGANG RIN PO CHES BRGYAN CING BDUD RTZI'I PO TI'I COD PAN CAN, ZAD ? ZLA LA SEMS SKYIL GYIS BZHUGS PA, 'DIR LHA BCU GSUM MAM DE'I STENG DU MCHOD PA'I LHA MO SNGAR BZHIN SBYAR NAS NYER GCIG BYAS KYANG DUNG, , 'DI LA RGYA GAR BA'I SLOB DPON BHA NO DANG, YON TAN BZANG PO DANG, BOD KYI DRI MED BZANG PO DANG, KUN MKHYEN BU STON RNAMS KYI RGYUD KYI 'GREL PA 'DUG PA LAS DKYIL 'KHOR DANG PO SLOB DPON YON TAN BZANG PO'I LUGS DANG MTHUN SHAS CHE BA 'DUG PAS DKYIL 'KHOR GZHAN GSUM YANG PHAL CHER DE'I LUGS SU BYAS PAR BSHAD,, ,,PAn CHEN RIN PO CHE DANG SKYID SHOD PA GNYIS SA BZANG DANG 'DRA,, ,,THAR RTZE PA YANG DE DANG 'DRA,, ,,LE'U BCU PA LAS, KHRAG 'THUNG ZHES BYA'I SGRUB PA POS, ,DE LA DKYIL 'KHOR YANG BRIS TE, ,THONG PA ZHES BYA ZLA GAM MAM, ,GZHU YI TSUL GYIS BKANG BAR BYA, ,THOD PAS NYE PAR BRGYAN BYED CING, ,RIG MA BRGYAD DANG LDAN PAR BYA, ,SHA YI KHAM CAN THOD PA DBANG, ,KHA tVAm THAMS CAD KYIS 'DZIN TE, ,ZHAL GSUM PA LA DRAG PO'I GZUGS, ,PHYAG DRUG RAL GRI PHYAG NA 'DZIN, ,DKYIL 'KHOR DE YI PHYI ROL TU, ,SGO SRUNG MA NI

, ,RAB TU BRTAGS, ,GLANG SNA DANG NI GLANG CHEN SNA, ,ZHAL MDZES DE BZHIN ZHAL GDUG MA, ,DRAG MO ZHAGS PA LCAGS KYU 'DZIN, ,MI SDUG 'JIGS 'JIGS BYED PA RNAMS, ,ZHAL GCIG PA LA PHYAG GNYIS SO, ,ME TOG MCHOD PA YANG DAG BRI, ,RNAM PA SNA TSOGS RIG MA YANG, ,DKYIL 'KHOR LA NI MCHOD PA BRI, , ZHES GSUNGS PA 'DIS LE'U BRGYAD PA LAS, BDUD RTZI KHRAG 'THUNG GI GTZO BO DANG 'KHOR LHA MO BRGYAD BSHAD NAS 'KHOR GZHAN RNAMS MA BSHAD PA 'DIR, THOD PA ZHES BYA ZLA GAM MAM, GZHU YI TSUL GYIS BKANG PAR BYA, ,ZHES PAS GDAN, THOD PAS NYE BAR BRGYAN BYED CING, ,ZHES PAS RGYAN, RIG MA BRGYAD DANG LDAN PAR BYA, ,ZHES PAS 'KHOR RIG MA BRGYAD, ,SHA YI KHAM CAN THOD PA DBANG, ,KHA tVAm THAMS CAD KYIS 'DZIN TE, ,ZHES PAS RIG MA BRGYAD KYIS THOD PA DANG KHA tVAm KA 'DZIN PA, ZHAL GSUM PA LA DRAG PO'I GZUGS, ,PHYAG DRUG RAL GRI PHYAG NA 'DZIN, ,ZHES PAS RIG MA BRGYAD PO ZHAL GSUM PHYAG DRUG PHYAG MTSAN LA RAL GRI YANG 'DZIN PA, DKYIL 'KHOR DE YI PHYI ROL TU, ,SGO SRUNG MA NI RAB TU BRTAGS, ,GLANG SNA DANG NI GLANG CHEN SNA, ,ZHAL MDZES DE BZHIN ZHAL GDUG MA, ,DRAG MO ZHAGS PA LCAGS KYU 'DZIN, ,MI SDUG 'JIGS 'JIGS BYED PA RNAMS, ,ZHAL GCIG PA LA PHYAG GNYIS SO, ,ZHES PAS PA LANG SNA LA SOGS PA'I SGOM BZHI ZHAGS PA DANG LCAGS KYU SOGS 'DZIN PA, ,

PHYAG GNYIS PA, ME TOG MCHOD PA YANG DAG BRI, ,ZHES PAS ME TOG MA SOGS BZHI DANG, RNAM PA SNA TSOGS RIG MA YANG, ZHES PAS PI LBAm ? MA SOGS BZHI BSHAD PA 'DRA BA CIG 'DUG ,SA BZANG DANG THAR RTZE 'DI DANG MTHUN SHAS CHE,, ,,BDE LEGS SU BYED PA'I DKYIL 'KHOR GSUM LAS, RNAM RGYAL MA LA KRi YA NAS LHA RNAMS KYI MTSAN BSHAD PA MA GTOGS, SKU MDOG ,PHYAG MTSAN, BZHUGS STABS SOGS MA BSHAD, SA BZANG 'KHOR LO RTZIBS BRGYAD PA'I DBUS DANG RTZIBS RNAMS SU PAD ZLA LA GNAS PA'I GTZUG TOR DGU SKU MDOG SER PO, ,GA-YAS 'KHOR LO BSTOD DE 'DZIN CING, GA-YON GDAN LA BRTEN PA, DE'I PHYI ROL GYI PAD ZLA BCU DRUG LA NANG STONG PA NYID RGYAS PA'I GTZUG TONG SOGS GTZUG TOR BCU DRUG SKU MDOG DKAR PO MNYAM BZHAG GI PHYAG RGYA CAN, SGO BZHIR LHA'I BU'I BDUD RAB TU ZHI BAR BYED PA'I LHA MO RNAM RGYAL MA SOGS BZHI PHYOGS MDOG ,MTSAMS SU RDO RJE 'PHRENG LDAN MA SOGS BZHI RIM PA BZHIN, DKAR, SNGO, SER, DMAR PA THAMS CAD KYI PHYAG NA BDUD RTZI'I BUM PA 'DZIN PA'I LUGS GCIG DANG, DZE TA RI'I LUGS LA DBUS SU BCOM LDAN 'DAS MA ZHAL GSUM PHYAG BRGYAD MA, SHAR SOGS PHYOGS BZHI'I GTZUG TOR, DKAR SER, DMAR LJANG, PHYAG MTSAN, KHAD BZANG, BUM PA, RGYAL MTSAN, BDUD RTZI 'DZIN PA, MTSAMS KYI BZHI

, ,PHYOGS KYI PHYID MDOG CAN, PHYAG MTSAN DPAG BSAM GYI SHING, 'OD STONG RNGA ZLUM, GLING BU 'DZIN PA, DE'I PHYI ROL GYI GTZUG TOR BCU DRUG SKU MDOG SER PO, ,PHYAG MTSAN PADMA, ZLA TSES DANG CHOS 'BYUNG BRTZEG MA 'DZIN PA, SGOM BZHI, PHYOGS MDOG ,PHYAG NA THO BA, DBYUG PA, PADMA, RAL GRI 'DZIN PA, MTSAMS KYI BZHI PHYOGS KYI PHYED MDOG CAN, PHYAG NA RDO RJE'I 'PHRENG BA, RGYU MA, GLEGS BAM, GSER 'PHRENG 'DZIN PAR BSHAD PA'I LUGS GNYIS BKOD, GSAL SGRON LAS, BDAG BSKYED KYI SKABS SU RIN PO CHE'I KHRI'I STENG DU PADMA'I STENG DU MCHOD RTEN GYI BUM PA'I NANG DU RNAM RGYAL LHA DGU BSKYED, MDUN BSKYED KYI SKABS SU BSRUNG 'KHOR GYI DBUS SU PADMA 'DAB MA BCU DRUG PA'I LTE BAR 'KHOR LO RTZIBS BRGYAD PA'I DBUS DANG PHYOGS MTSAMS SU PAD ZLA ? LA DBUS SU DE BZHIN GSHEGS PA RANG BZHIN RNAM PAR RGYAL BA'I GTZUG TOR, SHAR DU NAM MKHA' MTSUNGS PAR RGYAS PA'I GTZUG TOR NAS; BYANG SHAR DU RLUNG GI SGRA DBYANGS RGYAS PA'I GTZUG TOR GYI BAR THAMS CAD SKU MDOG SER PO, ,GA-YAS 'KHOR LO BSTOD DE 'DZIN CING, GA-YON PA GDAN LA BRTEN PA, DE'I PHYI ROL GYI 'DAB MA BCU DRUG LA ZLA BA'I STENG DU SHAR NAS RIM PA BZHIN NANG STONG PA NYID RGYAS PA'I GTZUG TOR NAS, DNGOS PO MED PA'I NGO BO NYID STONG PA NYID RGYAS PA'I GTZUG TOR GYI BAR RNAMS SKU MDOG DKAR PO, ,MNYAM BZHAG GI PHYAG RGYA CAN, SGO MTSAMS BRGYAD DU SHAR DU LHA'I BU'I BDUD RAB TU ZHI BAR BYED PA'I LHA MO RNAM PAR RGYA LAM NAS, DBANG LDAN DU TSO'I YUM GSER GYI 'PHRENG LDAN MA RNAMS LAS PHYOGS BZHI'I LHA MO RNAMS PHYOGS MDOG CAN, MTSAMS BZHI'I LHA MO RNAMS DKAR, SNGO, DMAR, SER RNAMS BDUD RTZI'I BUM PA 'DZIN PA'I LUGS DANG, DZE TA RI'I LUGS SA BZANG LTAR BKOD, SKYID SHOD PAS 'KHOR LO RTZIBS BRGYAD PA'I LTE BA DANG RTZIBS RNAMS LA PAD ZLA LA, DBUS SU BCOM LDAN 'DAS MA RANG BZHIN 'BYUNG BA'I GTZUG TOR

RNAM RGYAL MA ZHAL GSUM PHYAG BRGYAD MA, SHAR RTZIBS LA NAM MKHA' DANG MNYAM PA LAS 'BYUNG BA'I GTZUG TOR SNGON POS GNON MNYAM BZHAG ,LHOR NOR BU'I SNYING PO LAS 'BYUNG BA'I GTZUG TOR SER PO, ,MCHOD SBYIN MNYAM BZHAG , NUB TU 'OD DPAG MED SNYING PO LAS 'BYUNG BA'I GTZUG TOR DMAR PO, ,TING NGE 'DZIN GYI PHYAG RGYA, BYANG DU RNGA SGRA'I DBYANGS LAS 'BYUNG BA'I GTZUG TOR LJANG KHU, SKYABS SBYIN MNYAM BZHAG ,BZHI KA'I MNYAM BZHAG GI STENG NA BDUD RTZI'I BUM PA, SHAR LHOR SA'I SNYING PO LAS 'BYUNG BA'I GTZUG TOR SNGON PO, ,LHO NUB TU RDUL GYI SNYING PO LAS 'BYUNG BA'I GTZUG TOR SER PO, ,NUB BYANG DU GZI BRJID SNYING PO LAS 'BYUNG BA'I GTZUG TOR DMAR PO, ,BYANG SHAR DU RLUNG GI SGRA DBYANGS SNYING PO LAS 'BYUNG BA'I GTZUG TOR LJANG KU, BZHI KA'I GA-YAS MCHOD SBYIN GA-YON MNYAM BZHAG GI STENG NA BDUD RTZI'I BUM PA, DE'I PHYI ROL GYI PAD 'DAB BCU DRUG LA ZLA GDAN RE RE, DE'I STENG DU SHAR NAS GA-YAS BSKOR DU NANG STONG PA NYID LAS 'BYUNG BA'I GTZUG TOR SOGS BCU DRUG PO, ,SKU MDOG DMAR PO MNYAM BZHAG GI PHYAG RGYA'I STONG NA BDUD RTZI'I LHUNG BZED BSNAM PA SPRUL SKU'I CHA BYAD CAN, SGO BZHIR SHAR DU LHA'I BU'I BDUD RAB TU ZHI BAR BYED PA'I LHA MO RNAM RGYAL MA SNGON MO, ,GA-YAS THOB, LHOR 'CHI BDAG GI BDUD ZHI BAR BYED PA'I LHA MO RNAM RGYAL MA SER MO, ,GA-YAS DBYUG PA, NUB TU NYON MONGS PA'I BDUD RAB TU ZHI BAR BYED PA'I LHA MO RNAM RGYAL MA DMAR MO GA-YAS PADMA, BYANG DU PHUNG PO'I BDUD RAB TU ZHI BAR ? BYED PA'I LHA MO RNAM RGYAL MA LJANG KHU GA-YAS RAL GRI, GA-YON RNAMS SDIGS 'DZUB DANG BCAS PA'I ZHAGS PA, SHAR LHOR 'PHRENG LDAN MA SNGON MO, ,BDEN BRAL DU SGYU MA CHEN MO SER MO, ,RLUNG DU GSER 'OD MA DMAR MO, ,DBANG LDAN DU GSER GYI 'PHRENG LDAN MA LJANG KHU RNAMS PHYAG GNYIS KYIS BDUD RTZI'I BUM PA THUGS KHAR 'DZIN PA CIG BSHAD, DE LTAR BDUD RTZI PHYI MA GSUM DANG 'DI BZHI LA BSHAD TSUL MI 'DRA BA DU MA 'BYUNG,, ,,

, ,BZANG BKRAS DANG, PAn CHEN GYI LHAN 'THAB NI RDZOGS 'PHRED RKYANG BA'I LHAN 'THABS SU 'DUG PAS RNAM RGYAL MA'I MNGON RTOGS MA BSHAD, DE LTAR BDUD RTZI PHYI MA GSUM DANG RNAM RGYAL MA'I MNGON RTOGS DAM PA GONG MAS MDZAD PA'I LHAN 'THAB KYI SGRUBS DKYIL RNAMS LAS BSHAD PA LA MTHUN MI MTHUN SNA TSOGS 'DUG PAS RNAM DPYOD DANG LDAN PA RNAMS KYIS DPYAD PAR BYA ZHING, KHO BOS NI YONGS RDZOGS BSTAN PA'I MNGA' BDAG GANGS ? CAN 'GRO BA'I MGON PO THAMS CAD MKHYEN GZIGS CHEN PO DON GYI SLAD DU MTSAN NAS SMOS TE MKHAN RIN PO CHE NGAG DBANG BLO BZANG RGYA MTSO'I BSLAB STON LTAR KHYAB BDAG RDO RJE 'DZIN PA CHEN PO NGAG DBANG DPAL BZANG POS RDOR 'PHRENG MDZES RGYAN LTAR 'PHRENG BA DANG KRI YA SPROG PA'I DKYIL 'KHOR ZHE LNGA'I DBANG LEGS PAR STZAL BA'I BKA' DRIN NOD PAS SGRUBS DKYIL GYI CHO GAR RNAM RGYAL MA'I LHA RNAMS GYI MTSAN KRi YA LTAR DANG GZHAN DE BZHI'I MNGON RTOGS ? MDZES RGYAN JI LTA BA BZHIN LA LHA RNAMS KYI SNGAGS SA BZANG BA'I SGRUBS DKYIL LAS 'BYUNG BAS KHA BSKANG NAS BKOD PA LEGS SO,, ,,CES 'PHRENG BA GNYIS KYI MTHA' DPYOD RIG PA'I 'PHRUL GYI LDE MIG CES BYA BA 'DI NI, DAM PA GONG MAS MDZAD PA'I SGRUBS DKYIL RNAMS SU 'PHRENG BA GNYIS KRi YA SNGAGS RIM RNAMS DAD MTHUN MI MTHUN CI RIGS PA 'DUG PA LA GZUR GNAS RNAM DPYOD CAN RNAMS RTOG DPYOD 'JUG PHYIR SNYAN BSKUL KYI TSUL DU,, ,,BAN RGAN SNYOM LAS PA NGAG DBANG BLO BZANG CHOS LDAN DPAL BZANG POS MTSO BDUN GYI DGON GSAR DU SBYAR BA'I YI GE PA SAM tAR DGOD PA PO NI RAB 'BYAMS SMRA BA BLO BZANG NYI MA DANG, SHOG BUR 'BEB PA PO NI, SDOM BRTZON CHOS LA 'DUN PA'I DGE SLONG BRO BZANG CHOS 'BYOR RO, ,'DIS KYANG RGYAL BA BLO BZANG GRAGS PA'I BSTAN PA RIN PO CHE PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG , ,