A Ritual for Imparting an Empowerment into the Forty-Five Secret Worlds combining the String and Kriya

*, ,'PHRENG BA DANG KRI YA SBRAG PA'I DKYIL 'KHOR ZHE LNGA'I DBANG BSKUR TSUL GYI CHO GA BZHUGS SO, *, ,'JIGS MED ZHABS KYI RDO RJE'I PHRENG BA DANG, DHA RA PAn ZHABS KYI KRi YA SA MU TZTSA'I, ,GZHUNG LAS BSHAD PA'I GZHAN LA DBANG BSKUR TSUL, ,RGYAL BA KUN DNGOS RJE BTZUN TZONG KHA PAS, ,GSANG CHEN LAM GYI RIM PAR BSHAD PA BZHIN, ,LEGS PAR 'CHAD KYI TSUL 'DI DON GNYER RNAMS, ,GZU BO'I BLO YIS RNAM PAR DPYOD PA'I SPYAN, ,LEGS PAR PHYE STE 'DI LA GZIGS PAR RIGS, ,GNYIS PA GZHAN LA DBANG BSKUR BA'I TSUL LA, ,RTZA BA'I DKYIL 'KHOR BZHI BCU ZHE LNGA LAS DANG PO GSANG 'DUS 'JAM RDOR GYI DBANG BSKUR TSUL DANG, GZHAN RNAMS KYI DBANG BSKUR TSUL GNYIS, ,DANG PO LA SA'I CHO GA ,STA GON GYI CHO GA ,DNGOS GZHI'I CHO GA GSUM; DANG PO LAS BZUNG BA, SRUNG 'KHOR BSGOM ZHING, BGEGS LA PHUR BU GDAB PA GNYIS, DANG PO LA, LHA'I RNAL 'BYOR BYAS TE GSOL BA GANG BA CING DKYIL 'KHOR GDEGS PA, LANGS TE NGA RGYAL BZUNG NAS BGEGS LA BKA' BSGO BA GNYIS, DANG PO NI, DKYIL 'KHOR GANG DU BSHAMS PA'I GZHIR ME TOG GCAL DU BKRAM PA'I DBUS SU KHA SHAR DU PHYOGS TE 'DUG CING SGO SO SO'I SLOB DPON YOD NA PHYOGS BZHIR 'KHOD, MDUN DU SNGON 'GRO'I GTOR MA, BDAG SKYED KYI MCHOD PA

NANG MCHOD RDOR DRIL SOGS TSOGS PAR BYAS NAS, SKYABS SEMS SNGON DU BTANG LA,) RANG NYID SKAD CIG GIS BCOM LDAN 'DAS 'JAM PA'I RDO RJE (ZHES PA NAS,) BZHENGS PAR GYUR, (RDO RJE NI THABS DANG DRIL BU NI SHES RAB STE, ZHES SOGS KYIS RDOR DRIL BYIN GYIS BRLAB LA, SNGON 'GRO GTOR MA NAS BZLAS PA'I MJUG GI MCHAD BSTOD KYI BAR SGRUB THABS BZHIN BYA, DE NAS,) RANG GI THUGS KA'I SA BON GYI 'OD ZER GYIS BSGOM PA DANG 'DRA BA'I YE SHES PA'I DKYIL 'KHOR MDUN GYI NAM MKHAR SPYAN DRANGS, AOm SARBA TA TH'A GA TA AARGHAm (NAS) SHABTA'I (BAR GYIS MCHOD, NANG MCHOD KYANG PHUL TE, LAG PA GA-YAS PAS SPOS PHOR BTEGS, 'DIR YE SHES PA'I DKYIL 'KHOR NAM MKHAR SPYAN DRANGS TE MCHOD PA 'BUL BA 'PHRENG BA DANG SNGAGS RIM LAS MI 'BYUNG YANG, DBANG DON RAB GSAL SOGS LAS 'BYUNG BAS BKOD PA YIN LA MA GRUB KYANG CHAD SKYON MED, GA-YON PAS DRIL BU BZUNG LA,) BDAG NYID KYI LCE H'Um LAS BYUNG BA'I BDUD RTZIR GYUR, (BAR BSAM LA,) MA LUS PHYOGS NA BZHUGS PA YI, ,SANGS RGYAS RNAMS NI BDAG LA DGONGS, ,BDAG NI RDO RJE CHE GE YIS, ,'DIR NI DKYIL 'KHOR BSGRUB PAR BYA, ,SANGS RGYAS LA SOGS KUN 'BYON 'TSAL, ,DNGOS GRIB 'DI NI YANG DAG STZOL, (,ZHES PA LAN GSUM KYIS RGYAL BA SRAS BCAS LA SNYAN GSAN DBAB, DE NAS SGO'I SLOB MA BZHI 'AM GCIG GAM BSGOM PAS KYANG RUNG LA SLOB MA BZHI YOD NA SLOB MA RNAMS KYIS THUN MONG DU BLA MA DANG GTZO BO DBYER MED DU MOS TE, GSAR DU BSHAMS PA'I MCHOD PA YOD NA BYIN GYIS BRLABS NAS,) DAG CING DRI MED YID 'ONG BA'I, , (ZHES SOGS TSIGS BCAD DANG,) AOm SARBA TA TH'A GA TA ARGHAm (ZHES SOGS SNGAGS DANG BCAS PA 'AM SNGAGS RKYANG PAS CHU GNYIS NYER SPYOD ROL MO DANG BCAS PAS MCHOD, GTZO BO'O SNGAGS LA,) AOm A'A: H'Um, (BTAGS LA NANG MCHOD PHUL,

, ,MI BSKYOD RDO RJE YE SHES CHE, (ZHES SOGS KYIS BSTOD, 'DIR MCHOD BSTOD BYA BA RJE RIN PO CHE'I DBANG DON DE NYID RAB GSAL DANG, DKYIL CHOG RIN CHEN 'PHRENG BA DANG, DE DAG GI LHAN THABS SOGS LAS BSHAD CING, GRUB NA PHUN SUM TSOGS PA'I YAN LAG YIN LA, MA GRUB NA 'PHRENG BA DANG, SNGAGS RIM LAS DNGOS SU MA BSHAD PAS MA BYAS KYANG CHAD PA'I SKYON DU MI 'GYUR, THUN MONG DU), SA GZHI SPOS KYIS BYUGS SHING ME TOG BKRAM, (ZHES SOGS KYIS MAntAL PHUL NAS, SHAR GYI SLOB MAS), RANG NYID RNAM SNANG DKAR PO DKAR NAG DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING; LHAG MA GA-YAS 'KHOR LO RAL GRI, GA-YON NOR BU PADMA 'DZIN PA, (NAM MKHAR GNAS PA'I DE BZHIN GSHEGS PA RNAMS DANG LHAN GCIG TU GSOL BAR MOS NAS), DE BZHIN GSHEGS PA KUN ZHI BA, DE BZHIN GSHEGS PA KUN GYI GNAS, ,CHOS KUN BDAG MED PA YI MCHOG ,DKYIL 'KHOR DAM PA BSHAD DU GSOL, ,(ZHES LAN GSUM GYIS GSOL BA GANG BA PO, ,DE BZHIN DU, LHOR GNAS PA'I SPOB MAS ?), RANG NYID RIN 'BYUNG SER PO SER NAG DKAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS RIN CHEN RAL GRI, GA-YON 'KHOR LO PADMA 'DZIN PA, (NAM MKHAR GNAS PA'I DE BZHIN GSHEGS PA RNAMS DANG LHAN GCIG TU GSOL BAR MOS NAS), MTSAN NYID THAMS CAD YANG DAG RDZOGS, ,MTSAN MIN THAMS CAD YANG DAG SPANGS, ,KUN DU BZANG PO SKU YI MCHOG ,DKYIL 'KHOR DAM PA BSHAD DU GSOL, ,(ZHES DANG, NUB TU GNAS PA'I SLOB MAS), RANG NYID 'OD DPAG MED DMAR PO DMAR SNGO DKAR BA'I ZHAL GSUM PHYAG DRUG GI

DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS PADMA DMAR PO RAL GRI, GA-YON NOR BU 'KHOR LO 'DZIN PA, (NAM MKHAR GNAS PA'I DE BZHIN GSHEGS PA RNAMS DANG LHAN GCIG TU GSOL BAR MOS NAS), ZHI BA'I CHOS MCHOG LAS BYUNG BA, ,YE SHES SPYOD PA RNAM SBYONG MDZAD, ,KUN DU BZANG PO GSUNG GI MCHOG ,DKYIL 'KHOR DAM PA BSHAD DU GSOL, ,(ZHES DANG, BYANG DU GNAS PA'I SLOB MAS), RANG NYID DON GRUB LJANG KHU, LJANG NAG DKAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS RAL GRI 'KHOR LO; ;GA-YON NOR BU PADMA 'DZIN PA, (NAM MKHAR GNAS PA'I DE BZHIN GSHEGS PA RNAMS DANG LHAN GCIG TU GSOL BAR MOS NAS), SEMS CAN KUN GYI SEMS CHEN PO, ,RANG BZHIN DAG CING DRI MA MED, ,KUN BZANG THUGS MCHOG KHA LO BSGYUR, ,DKYIL 'KHOR DAM PA BSHAD DU GSOL, ,(ZHES SGO'I SLOB MA BZHI YOD NA PHYOGS BZHI NAS DANG, GCIG LAS MED NA GCIG PO PHYOGS BZHIR SONG NAS GSOL BA GDAB, GCIG KYANG MED NA DE LTAR PHYOGS BZHI NAS GSOL BA BTAB PAR MOS LA TSIG RANG NYID KYIS BRJOD, DE NAS SLOB DPON GYIS RDO RJE KHU TSUR GNYIS BRGYANG LA RTZE MO SBYAR BA 'OG TU PHYOGS PAS SPYI BOR BZUNG STE), H'Um BADZRA AU TI shtA, (ZHES BRJOD NAS), BSGOM PA'I DKYIL 'KHOR STENG GI NAM MKHA' LA BZHUGS PAR GYUR, (ZHES DKYIL 'KHOR NAM MKHENG GDEG GO ,GNYIS PA NI, SLOB DPON DKYIL KRUNG BSHIG LA LANGS TE SHAR DU PHYOGS PAS MNYAM PA'I RKANG STABS BYAS LA MGO BOR THAL MO SBYAR TE), AOm PRA NA MA MI SARBA TA TH'A GA TA NA, (ZHES DE BZHIN GSHEGS PA RNAMS LA YID KYIS PHYAG BYA, DE NAS), SEMS CAN MA RIG PA'I MUN PAS BSGRIBS SHING BDUD KYI DBANG DU SONG BA RNAMS KYI BDUD BSAL BA'I PHYIR,

, ,RANG NYID GTZO BO LAS PHYE BA'I GTZO BO GNYIS PA DE YONGS SU GYUR PA LAS, RANG NYID KHRO BO 'JIG RTEN GSUM LAS RNAM PAR RGYAL BA'I H'Um MDZAD SKU MDOG SNGON PO ZHAL GSUM PHYAG DRUG PA'I RTZA ZHAL SNGON PO, ,GA-YAS SER GA-YON LJANG BA'I ZHAL RNAMS GDANGS SHING MCHE BA GTZIGS PA LJAGS 'DRIL BA, ZHAL RE RE ZHING SMIN MA 'KHYOGS SHING KHRO GNYER DANG BCAS PA, SPYAN GSUM DMAR ZHING ZLUM PA, 'KHOR LO LA SOGS PA'I PHYAG RGYA DRUG DANG LDAN PA, DPRAL BAR THOD PA LNGAS BRGYAN CING KHRAG 'DZAG PA'I MGO PHRENG MGUL BAR 'PHYANG BA MGO BO DANG BCAS BA'I SKE RAG CAN STAG SPAGS KYI NA BZA' 'PHYANG PA, MTHA' YAS NAG POS BCINGS PA'I DBU SKRA KHAM SER GYEN DU 'BAR BA, 'JOG PO SOGS KLU'I RGYAL PO BRGYAD KYIS BRGYAN PA, PHYAG DRUG GI DANG PO GNYIS H'Um MDZAD KYI PHYAG RGYAS RDO RJE DANG DRIL BU 'DZIN PAS RANG 'OD KYI SHES RAB MAL 'KHYUD PAS SNYOMS PAR 'JUG PA LHAG MA GA-YAS GNYIS LCAGS KYU DANG ZHAGS PA, GA-YON GNYIS KYIS THOD PA DANG KHA tVAm KA 'DZIN PA, ZHABS GA-YAS BRKYANG ZHING GA-YON BSKUM PAS SNA TSOGS PADMA DANG NYI MA LA GNAS PA'I 'JIGS BYED DANG DUS MTSAN MNAN PA, RAB TU KHROS PAS BSKRAL BA'I ME LTAR 'OD ZER GYI PHUNG PO 'BAR BA 'GRO BA MA LUS PA'I BGEGS KYI TSOGS ZA BA LTA BU, H'Um GI SGRA DRAG PO SGROGS SHING PHYOGS SU LTA BA'I MIG GA-YAS PA MA LAS NYI MA DANG GA-YON PA tA LAS ZLA BA MIG

'BRAS H'Um LAS DUS MTHA'I ME LTAR 'BAR BAS RDO RJE'I LTE BAS PHYOGS THAMS CAD DU 'GRO BA RNAMS LA BLTAS PAS BGEGS DANG BRAL BAR GYUR (BAR BSAM ZHING H'Um MDZAD KYI PHYAG RGYA BYAS NAS MIG PHYOGS SU LTA ZHING), NGA NI RANG NYID RDO RJE CAN, ,RDO RJE SEMS DPA' RANG NYID DANG, ,NGA NI SANGS RGYAS RGYAL PO CHE, ,NGA NI STOBS CHEN RDO RJE CAN, ,NGA NI RNAL 'BYOR DBANG PHYUG RGYAL; ;PHYAG NA RDO RJE'I BRTAN PA NGA, ,NGA NI BDAG PO RDO RJE CHE, ,BYIN GYIS RLABS PA MI 'DOR RO, ,(ZHES NGA RGYAL BZUNG, DE NAS), RKANG MTHIL GNYIS SU H'Um H'Um LAS BYUNG BA'I RDO RJE 'BAR BA RE RE, H'Um (ZHES BRJOD CING 'KYING BA DANG BCAS PAS RDO RJE'I RKANG STABS KYIS DBANG LDAN DU PHYIN LA, DE NAS BRTZAM STE SGO'I SLOB MA DANG LHAN GCIG TU DKYIL 'KHOR GYIS GZHIR, GA-YAS SKOR DU SHES SHING SPRO NA RDO RJE'I RKANG STABS KYIS GAR BYAS TE BSKOR BA GCIG BYA LA MI SHES PA 'AM MI SPRON BSKOR BA GCIG BYAS LA DBANG LDAN NAS KHA NANG DU PHYOGS TE), LUS NGAG SEMS LA GNAS PA YI, ,BGEGS KYI TSOGS KUN YANG DAG NYON, , NGA NI DPAL LDAN RDO RJE 'CHANG, ,BKA' YI 'KHOR LO SBYOR BA PO, ,RDO RJE 'BAR BA'I GZUGS KYIS NI, ,LUS GSUM LAS BYUNG DGAS BYA STE, ,GAL TE KHA CIG BDAG LAS 'DA'; ;'DIR NI 'JIGS 'GYUR GZHAN DU MIN, ,(ZHES LAN GSUM BRJOD DE BGEGS LA BKA' BSGO ZHING THUGS KHA NAS KHRO BO DPAG TU MED PA SPROS TE BGEGS RNAMS BSAL BAR BSAM, 'DI'I SKABS SU GU GUL GYI BDUG PA DANG, ROL MO'I SGRA DANG, YUNGS DKAR GYIS SA LA BRAB PA SOGS BYA), DKYIL 'KHOR GYIS SA GZHI YANG DBANG CHEN GYI STENG GI BAR DU H'Um LAS BYUNG BA'I RDO RJE'I RANG BZHIN DU GYUR, (BAR BSAM LA BYIN GYIS RLABS, RDO RJE'I

, ,(RKANG STABS SEGS MI SHES SAM MI SPRO NA CUNG ZAD MA BSGRUB NA YANG SKABS DON MI NYAMS TE, BGEGS BSAL PA NI BSKOR BA LA SOGS PAS KYANG 'GRUB PAR GSUNGS PAS SO, ,GNYIS PA NI, RANG DKYIL 'KHOR GYIS GZHI'I DBUS SU 'DUG LA), 'GRO BA RNAMS RDO RJE 'CHANG GI GO 'PHANG LA 'GOD PA'I DON DU BGEGS BSKRANG PAR BYA'O, ,(SNYAM DU SEMS BSKYED), STONG PA'I NGANG LAS SKAD CIG GIS RAm LAS NYI MA'I DKYIL 'KHOR GYI STENG DU H'Um LAS SNA TSOGS RDO RJE'I LTE BAR H'Um GIS MTSAN PA'I 'OD ZER LAS BYUNG BA'I RDO RJE 'BAR BA SPROS PAS PHYOGS 'TSAMS THAMS CAD DUM BU GCIG TU GYUR PA'I RDO RJE'I RA BA DANG, STENG DU GUR DANG, DE'I 'OG PA'I STENG DU RDO RJE BLA RE DANG, PHYI ROL TU MDA'I DRA BA DANG, 'OG GI SA GZHI YANG 'BAR ZHING BZOD PAR DKA' BA'I SNA TSOGS RDO RJE'I RANG BZHIN DU GYUR, DE'I DBUS SU SNA TSOGS PADMA 'DAB MA BRGYAD DANG LDAN PA'I LTE BA DANG PHYOGS 'TSAMS STENG 'OG BCUR SNA TSOGS PADMA DANG NYI MA'I GDAN RE RE, DBUS KYI GDAN LA SKAD CIG GIS RANG NYID KHRO BO 'JIG RTEN GSUM LAS RNAM PAR RGYAL BA'I H'Um MDZAD SKU MDOG SNGON PO, ,(ZHES PA NAS) H'Um GI SGRA DRAG PO SGROGS SHING PHYOGS BCUR LTA BA'I SKUR GYUR (BA'I BAR SNGAR LTAR GSAL GDAB), YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS BKUG PA'I KHRO BO BCU ZHAL DU BCU GNAS THUGS KHAR ZHU BA RDO RJE'I LAM NAS YUM GYI PADMAR BYUNG BA'I THIG LE BCU, DE LAS H'Um RING PO BCU, DE LAS KHRO BO BCUR GYUR PA NI, GSHIN

RJE GSHED NAG PO RNAM SNANG GI COD PAN CAN, NAG DKAR DMAR BA'I ZHAL GSUM PHYAG DRUG GI GA-YAS LCAGS KYU 'KHOR LO RDO RJE, GA-YON THUGS KAR SDIGS 'DZUB ZHAGS PA DRIL BU DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE SHAR GYI GDAN LA 'KHOD, SHES RAB MTHAR BYED DKAR POR NI 'BYUNG GI COD PAN CAN; DKAR NAG DMAR BA'I ZHAL GSUM PHYAG DRUG GI GA-YAS LCAGS SGROG PADMA RAL GRI ,GA-YON DRIL BU ZHAGS PA DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE LHO'I GDAN LA 'KHOD, RTA MGRIN DMAR PO'I 'OD DPAG MED KYI COD PAN CAN, DMAR NAG DKAR BA'I ZHAL GSUM PHYAG DRUG GI GA-YAS LCAGS KYU PADMA RAL GRI; GA-YON DRIL BU ZHAGS PA DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI (ZHES SOGS KUN LA SBYAR NAS), NUB KYI GDAN LA 'KHOD, BGEGS MTHAR BYED SNGON PO DON GRUB KYI COD PAN CAN, SNGO SER DMAR BA'I ZHAL GSUM PHYAG DRUG GI GA-YAS RDO RJE DRIL BU 'KHOR LO, ,GA-YON THUGS KAR SDIGS 'DZUB GTUN SHING DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE BYANG GI GDAN LA 'KHOD, MI GA-YO BA NAG PO RNAM SNANG GI COD PAN CAN, NAG DKAR DMAR BA'I ZHAL GSUM PHYAG DRUG GI GA-YAS RAL GRI 'KHOR LO RDO RJE, GA-YON THUGS KAR SDIGS 'DZUB ZHAGS PA DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE DBANG

, ,LDAN KYI GDAN LA 'KHOD, 'DOD PA'I RGYAL PO NAG PO RIN 'BYUNG GI COD PAN CAN, NAG DKAR DMAR BA'I ZHAL GSUM PHYAG DRUG GI DANG PO GNYIS KYIS H'Um MDZAD KYI PHYAG RGYA 'CHING ZHING, LHAG MA GA-YAS GNYIS LCAGS KYU DANG RAL GRI, GA-YON GNYIS RDO RJE DANG ZHAGS PA 'DZIN PAS RANG 'DRA'I YUM LA 'KHYUD PA, H'Um YUM KYI PADMA NAS PHYUNG STE ME 'TSAMS KYI GDAN LA 'KHOD, DBYUG SNGON CAN SNGON PO 'OD DPAG MED KYI COD PAN CAN, SNGO DKAR DMAR BA'I ZHAL GSUM PHYAG DRUG GI GA-YAS DBYUG PA RAL GRI 'KHOR LO, ,GA-YON THUGS KAR SDIGS 'DZUB ZHAGS PA PADMA DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE BDEN BRAL GYI GDAN LA 'KHOD, STOBS PO CHE NAG PO DON GRUB KYI COD PAN CAN, NAG DKAR DMAR BA'I ZHAL GSUM PHYAG DRUG GI GA-YAS RTZE GSUM RAL GRI 'KHOR LO, ,GA-YON THUGS KAR SDIGS 'DZUB ZHAGS PA PADMA DGRA STA 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE RLUNG GI GDAN LA 'KHOD, GTZUG TOR 'KHOR LOS BSGYUR BA SER PO MI SKYOD PA'I COD PAN CAN SER DKAR DMAR BA'I ZHAL GSUM PHYAG DRUG GI DANG PO GNYIS KYI GTZUG TOR GYIS PHYAG RGYA 'CHING ZHING LHAG MA GA-YAS GNYIS 'KHOR LO PADMA, GA-YON GNYIS SDIGS 'DZUB RAL GRI 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE STENG GI GDAN LA 'KHOD, GNOD MDZES RGYAL PO SNGON PO MI SKYOD PA'I COD PAN

CAN SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO RIN PO CHE, GA-YON THUGS KAR SDIGS 'DZUB ZHAGS PA PADMA RAL GRI 'DZIN PAS RANG 'DRA'I YUM LA 'KHYUD PA, H'Um YUM GYI PADMA NAS PHYUNG STE 'OG TU 'KHOD, GTZUG TOR DAR GNOD MDZES DANG, MI GA-YO BA DANG 'DOD PA'I RGYAL PO BZHI CUNG ZAD SKEMS SHING ZHI LA RIN PO CHE'I COD PAN DANG RGYAN RNAM PA SNA TSOGS PAS SGEG PA DBU SKRA NAG PO CAN NO, ,DE LAS GZHAN PA RNAMS NI SKU LUS SBOM ZHING THUNG LA GSUS PA 'PHYANG BA, MCHE BA GTZIGS SHING ZHAL SO SO YANG DMAR LA ZLUM PA'I SPYAN GSUM GSUM NANG LDAN PA, SMIN MA DANG SMAR DMAR SER 'BAR ZHING DBU SKRA KHAM SER GYEN DU 'KHYIL PA MI MGO SKAM PO LNGA'I DBU RGYAN, RLOM PA KHRAG 'DZAG PA LNGA BCU'I DO SHAL 'PHYANG BA, 'KHOR LO LA SOGS PA'I PHYAG RGYA LNGA DANG, SNA TSOGS PA'I SPRUL GYIS RGYAN CAN BDUD DANG BGEGS THAMS CAD RTZAD NAS 'BYIN PA'I STOBS DANG LDAN PA, SKU LAS SKYES PA'I YE SHES KYI ME RAB TU 'BAR BA'I DBUS NA BZHUGS PAR GYUR, ('DIR 'PHRENG BA DANG, SNGAGS RIM LAS, RANG NYID H'Um MDZAD DU BSKYED DE SNYING KA'I H'Um LAS SPROS PA'I 'OD ZER GYIS PHYOGS BCU'I BGEGS RNAMS BKUG TE, H'Um LAS SPROS PA'I KHRO BO BCU LA GTAD PAR GSUNG PA BO RNAMS KYIS PHYI ROL TU H'Um RING PO LAS GRUB PA'I KHRON PA MDOG DANG DBYIBS SOGS RGYAS PAR SGOM TSUL MAN STE LAS SHES PAR BYA BAR 'PHRENG BAR GSUNGS PAS, 'DIR KHRO BO BCU SGOM TSUL RDOR 'PHRENG GSAL SGRON DU, KHRO BO BCU MAN SNYE LTAR BSHAD PA BZHIN BKOD), RANG GI THUGS KA'I H'Um LAS 'OD ZER 'PHROS PAS PHYOGS BCU'I

, ,BGEGS RNAMS BKUG STE, KHRO BO BCU LA GTAD PAS, KHRO BO RNAMS KYIS PHYI ROL TU H'Um RING PO LAS GRUB PA'I KHRON PA 'BRU BA KHUNG GI RNAM PA CAN RNAMS SU BCUG PAR GYUR, (PAR BSAM, GRUB ? NA SENG LNGA'I SOGS LAS GRUB PA'I PHUR BU TSAD LDAN TSON SKUD LNGAS RIM PA BZHIN DKRIS, YUNGS DKAR DANG TZAN DAN DMAR POS BYUGS, ME TOG GI 'PHRENG BA DMAR PO BCINGS PA BCU, SNOD GSAR PAR 'BRU SPRUNGS PA'I STENG DU BTZUG ,MTHAR CHU GNYIS NYAR SPYOD KYI MCHOD PA BSHAM, LAS SNGAGS KYIS BSANG), SVA BHA WAS (SBYANG), STONG PA'I NGANG LAS H'Um BCU LAS BYUNG BA'I STONG KHRO BO BCU'I GZUGS KYI RNAM PA LA SMAD RDO RJE RTZE GCIG PA'I DBYIBS CAN GYI PHUR BU ME DPUNG RAB TU 'BAR BA BCUR GYUR, (ZHES PA 'AM, YANG NA), GYUR PA NI, SHAR GYI PHUR BU GSHIN RJE GSHED NAG PO, ,(ZHES PA NAS), 'OG GI PHUR BU GNOD MDZES NAG PO, ,(ZHES PA'I BAR GYI YUM MED PA ZHAL PHYAG RDZOGS PAR BSGOM ZHING BSDU NA DES CHOG LA, SPRO NA NI YE SHES PA GZHUG PA DANG, DBANG BSKUR RGYAS GDAB MCHOD PA STOD SOGS KYANG BYA'O, ,DE NAS RDO RJE'I THO BA BSANG SBYANGS NAS), RDO RJE'I THO BA ME RAB TU 'BAR BAR GYUR (PAR BSAM, DE NAS LANGS TE DBANG LDAN DU RDO RJE'I GAR GYIS PHYIN NAS, LAG PA GA-YON DU PHUR BU BZUNG, GA-YAS RDO RJE'I THO BA 'DZIN PAS DBANG LDAN NAS BRTZAMS TE 'OD ZER GYI PHRENG BA'I PHYOGS 'TSAMS BRGYAD DU H'Um RING PO LAS BYUNG BA'I KHRON PA'I NANG GI BGEGS RNAMS KYI SPYI BOR GDAB PA'I MOS PAS DANG POR SLOB DPON GYIS GDAB CING BRTUD, DE NAS MI NUS NA DE'I RJES SU SGO'I SLOB DPON RNAMS KYIS BYA'O, ,STENG GI PHUR BU NI SHAR GYI PHUR BU'I SHAR DANG 'OG GI PHUR BU NI NUB KYI PHUR BU'I NUB TU BYA'O, ,DE LA SNGAGS NI), AOm BADZRA K'I Li K'I LA YA SARBA BI GGNAN ? H'Um (ZHES PA 'AM YANG NA),

AOm GHA GHA GHA TA YA GHA TA YA, SA RBA shtAm PHAt PHAt, K'I Li K'I LA YA SA RBA PA' PAm PHAt PHAt , H'Um H'Um H'Um BDZRA K'I LA YA BDZRA DH'A RA AA DZNYVA PA YA TI SRBA BIGHRIN KA YA WA KA TZTTA BDZRA KI LA YA H'Um H'Um PHAt PHAt, (ZHES BRJOD PA SNGON DU 'GRO BAS MGO BOR PHUR BU BTAB NAS, AOm BDZRA MU GA RA AA KO tA YA H'Um, (ZHES BRJOD CING BRDUNG BAR BYA'O, ,PHYI'I 'OD ZER GYI 'PHRI NGE BA LA PHUR BU GDAB BAR GSUNGS MED KYANG DA LTA SLOB DPON RNAMS NI DKYIL 'KHOR GYI KHANG PA'I PHYI ROL TU PHUR BUS BTAB NAS, DE'I STENG DU SA'I GONG BU BCU BYAS PAR PHUR BU'I GZUGS KYI KHRO BO RNAMS LA THUN SO SO LA ME TOG LA SOGS PA DANG BDUG PA DANG GTOR MA 'BUL BA RNAMS KYIS MNYES PAR BYA'O, ,ZHES GSUNGS ZHING MDZAD PA MI 'GAL TE, DE LTAR BYAS NA'ANG 'DOD PA'I DNGOS GRUB 'GRUB PA'I PHYIR RO, ,ZHES GSUNGS TE PHYI NANG GANG DU 'DEBS KYANG PHUR BU LA GNOD PA SPANGS PA'I PHYIR DU SA'I GONG BU'I SBUBS SU 'DZUD PA DANG THUN SO SO LA PUR MCHOD BYED PA NI NYIN RE BZHIN BYA'O, ,JI SKAD BSHAD PA'I PHUR BU DNGOS SU MED NA BSGOM PA KHO NAS GDAB PA DANG BRDUNG BA SNGAR BSHAD PA LTAR BYAS LA LAG PA GAN RKYAL DU GNAS PA BSGYUR NAS), AOm BZRA A'A H'Um; (ZHES BRJOD CING SAL BSNUN TE DE LTAR MOS PA BYA), PHUR BU GDAB PA DANG BRDUNGS PAS BGEGS THAMS CAD BDE BA CHEN PO'I DE KHO NA NYID DU RO GCIG TU GYUR (PAR BAS MA ZHING BGEGS LHAG MA RNAMS KYANG RGYANG RING DU BROS PA DANG, STENG 'OG DANG PHYOGS SU KHOR YUG CHEN PO'I BAR DU 'GRO BA RNAMS RNAM PA THAMS CAD DU BGEGS DANG BRAL BAR MOS PA BRTAN POR BYA BAR GSUNGS PAS PHUR BU 'DEBS PA'I DUS KYI DMIGS PA RNAMS RE RE NAS GSAL ZHING BRTAN PAR BYA'O, ,GNYIS PA STA GON LA, SA LHA STA GON, LHA STA GON, BUM PA STA GON, SLOB MA STA GON, BZHI LAS, DANG PO NI, DKYIL 'KHOR GYI SA GZHI'I DBUS SU MAn JI'I KHAR MAndAL GYI STENG DU DRI'I THIG LE LA ME TOG GI

, ,CHOM BU GCIG BKOD, DE'I MDUN DUS LHA LA 'BUL RGYU'I CHU BZHI NYER SPYOD PA SHAMS, RANG DMYAL 'KHOR GYIS GZHI'I SHAR NAS DBUS SU PHYOGS PAR 'DUG PA H'Um MDZAD KYI NGA RGYAL GYIS MCHOD PA BYIN GYIS BRLAB DKYIL 'KHOR GYI SA'I DBUS SU BAm LAS BYUNG BA'I SA'I LHA MO SER MO ZHAL GCI GA PHYAG GNYIS MA, DGA' BA DANG LDAN PA'I THUGS CAN ZHI BA, NA BZA' DKAR PO BSNAMS SHING RGYAN THAMS CAD KYIS BRGYAN PA, PHYAG GA-YAS MI 'JIGS PA'I PHYAG RGYA DANG GA-YON GSER GYI BUM PA BZANG PO BSNAMS SHING PADMA'I GDAN LA BZHUGS PAR GYUR, RANG GI LAG PA GA-YAS PA'I MTHIL DU ZLA BA'I STENG DU H'Um H'Um H'Um, SOR MO'I RTZE MOS LA LAN GSUM BSNUN PA'I SGRA DANG H'Um GI 'OD ZER GYIS BSKUL BAS SA GA-YOS PA'I GSE BA NAS, SA'I LHA MO YE SHES SEMS DPA' THON NAS, DAM TSIG PA DANG GNYIS SU MED PAR GYUR, (PAR BSAM LA,) PHYAG RGYA DANG BCAS PAS, AOm BRI THI BYA DE WI SA P'A RI LBA RA, AARGAm, P'A DYAm, ANYDZA MA n'Am, BRO KshA nAm, PU shEPA NAS SHAPTA'I (BAR DANG,) AOm A'A: H'Um (GIS NANG MCHOD BUL NAS, LAG PA GA-YAS RDO RJE 'DZIN PAS GSOR BA'I PHYAG RGYA DANG, GA-YON DRIL BU DKROL ZHING,) SKYOB PA SANGS RGYAS, THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DBANG DU GYUR, ,SKYOB PA SH'AKYA SENG GE YIS, ,JI LTAR BDUD GYI DPUNG BCOM PA, ,DE LTAR BDAG GIS BDUD KYI STOBS, ,BCOM NAS DKYIL 'KHOR SGRUB PAR BYA, ,ZHES LAN GSUM GSOL BA BTAB PAS, ,SA'I LHA MOS DE LTAR

GYIS SHIG CES GSUNGS SHING GNANG BA BYIN NAS DE NYID DU THIM PAR GYUR, (PAR BSAM MO, ,DE NAS LAG PA GNYIS RDO RJE NANG BSDAMS BYAS PA DES SA MNAN LA,) AOm BADZRA BH'A WA H'Um, (ZHES LAN GSUM BRJOD DE,) RDO RJE BSDAMS PA DE LAS BYUNG BA'I H'Um YIG 'OD ZER 'BAR BA 'PHROS PAS, DBANG CHEN GSER GYIS GZHI LA THUG GI BAR RDO RJER GYUR, (PAR BSAM LA,) AOm BADZRA tI dHA TI shthA; (ZHES PA LAN GSUM BRJOD LA BYIN GYIS RLAB BO, ,GNYIS PA NI, DKYIL 'KHOR GYIS LA DRI ZHIM PO BDUD RTZI LNGA DANG BCAS PA LA YI GE GSUM GYIS BSNGAGS PAS BYUGS CING ME TOG GCAL DU BKRAM, PHYI DRO'I DUS SU KHRUS BYAS SHING LUS LA DRI BZANG BYUGS TE, GOS DMAR PO GYON, ME TOG GI 'PHRENG BA CING, GDONG DRI ZHIM POS BSGOS, DO SHAL, RKANG GDUB, DPUNG RGYAN, LAG GDUB, 'OG PAGS, SOR GDUB SOGS KYIS BRGYAN TE,) AOm A'A: H'Um SV'AH'A, (ZHES PA NAS,) AOm BADZRA AU shnI shA H'Um PHAt SV'AH'A, (ZHES PAS GO RIM BZHIN DU LAN BDUN BSNGAGS PA'I RAS DMAR PO'I THOD DANG COD PAn GYIS BRGYAN PA'AM, BRGYAN PANG MOS LA, DKYIL 'KHOR GYIS GZHI'I SHAR DU KHA NUB TU PHYOGS PAS 'DUG STE, MDUN DU RDO DRIL NANG MCHOD SOGS BSHAMS LA, DKYIL 'KHOR GYI BDAG PO'I RNAL 'BYOR DANG LDAN PAS, DKYIL 'KHOR GYI SA GZHIR STEGS BU'I STENG DU, MAn JI'I KHAR MAndAL LA, BDUD RTZI LNGA DANG TZAN DAN DANG GUR GUM LA SOGS PA'I DRI'I LNGE GUS, DE BZHIN GSHEGS PA LNGA'I GNAS SU GRU BZHI, LHA GZHAN RNAMS KYI GNAS SU ZLUM PO LHA GRANGS DANG MNYAM PA DKYIL 'KHOR LA 'KHOD PA LTAR BYUGS, LHA RANG RANG GI SNGAGS BRJOD CID DRI'I THIG LE'I STED DU ME TOG GI TSOM ? BU RE DGOD, MTHAR NYER SPYOD LHA GRANGS DANG MNYAM PA'AM MA 'BYOR NA TSAR BCU LAS MI NYUNG BA GA-YAS SKOR DU BSHAM, SLOB DPON GYI MDUN DU STEGS KYI STENG DU DUNG CHOS SOGS SNOD GSUM DU, CHU BZHI RDZAS DANG BCAS PA, DE DAG GI MDUN DU MAn

, ,JI'I KHAR BZED ZHAL GYI SNOD GSUM YANG BSHAM, MAndAL LA LAS SNGAGS KYIS BSANG, SHU DYA TAM SBYAR,) STONG PA'I NGANG LAS SKAD CIG GIS RDO RJE'I SA GZHIR BA GUR BLA RE ME RI DANG BCAS PA YONGS SU RDZOGS PA'I DBUS SU, CHOS 'BYUNG GI NANG DU SNA TSOGS PA PADMA LA GNAS PA'I SNA TSOGS RDO RJE'I LTE BAR RIN PO CHE SNA TSOGS LAS GRUB PA'I GZHAL YAS KHANG GRU BZHI SGO BZHI PA, (ZHES PA NAS,) NYI MA'I GDAN RE RE, GANG NA DE RNAMS KYI STER DU SKAD CIG GIS LHAG PAR MOS PA TZAM GYIS BRTEN PA'I DKYIL 'KHOR GYI LHA TSOGS YONGS SU RDZOGS PAR GYUR PA NI, DBUS SU BCOM LDAN 'DAS 'JAM PA'I RDO RJE SKU MDOG GUR GUM LTA BU, (ZHES PA NAS,) ZHABS GA-YAS BSKUM ZHING GA-YON BRKYANG BA'I STABS KYIS BZHUGS PA, RANG GI SNYING KA'I H'Um GI 'OD ZER GYIS NAM MKHAR BZHUGS PA'I DKYIL 'KHOR SPYAN DRANGS, DZA: H'Um BAm HO: GNYIS SU MED PAR GYUR, RANG GI THUGS KA'I H'Um LAS 'OD ZER 'PHROS DBANG GI LHA RIGS LNGA 'KHOR BCAS SPYAN DRANG MA, AOm SARBA TA TH'A GA TA AARGAm (SOGS KYIS MCHOD,) DE BZHIN GSHEGS PA RNAMS KYIS MNGON PAR DBANG BSKUR DU GSOL, , ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA, NAS, SHRI YE A'A: H'Um, ZHES DBANG BSKUR, 'JAM PA'I RDO RJE LA SOGS PA'I DE BZHIN GSHEGS PA LNGA, (ZHES PA NAS,) SGROL MA DANG REG BYA RDO RJE MA GNYIS LA DON 'GRUB KYIS DBU RGYAN PAR GYUR, (DE NAS MCHOD PA

RNAMS BSANG SBYAR BYIN GYIS RLABS LA,) DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GI DAD PAS 'BUL LAGS NA, ,BZHES TE BDAG LA BKA' DRIN STZOL, ,AOm A'A: HRI PRA WA RA SAD KA RAm AARGAm PRA TI TZTSA H'Um SV'AH'A, (DE BZHIN DU GZHAN 'DRA BA LA,) YON CHAB, (ZHES PA'I GNAS SU,) ZHABS BSIL, ZHAL BSIL, ZHAL BSIL, BSAR GTOR, ZHES DANG, AARGAm (ZHES PA'I GNAS SU,) P'A TYAm, AANYDZA MAm nAm, (ZHES PA RNAMS RIM BZHIN BCUG LA CHU BZHI,) LHA YI ME TOG DAM PA 'DI, ,DKYIL 'KHOR MCHOD PA BGYID PAR 'TSAL; ;THUGS NI BRTZE PAS NYER DGONGS TE, ,MGON PO MCHOD PA 'DI ZHES SHIG ,AOm SARBA TA TH'A GA TA PU shEPA PRA TI TZTSA H'Um SV'AH'A, DE BZHIN DU, ME TOG (,ZHES PA'I GNAS SU,) BDUG SPOS, ,SNANG GSAL, DRI CHAB, ZHAL ZAS, SGRA SNYAN, (ZHES DANG,) PUshE'I, (GNAS SU,) DHU BE, AA LO KE, ,GHANDHE, nA-YE WE TE, SHAPTA, (ZHES PA RNAMS BCU GAL, NYER SPYOD ROL MO DANG BCAS PAS MCHOD, DE NAS NANG MCHOD BYIN GYIS BRLAB STE, LHA RANG RANG GI SNGAGS LA, AOm A'A: H'Um, (BTAGS LA NANG MCHOD DBUL,) MI BSKYOD RDO RJE YE SHES CHE, ZHES SOGS KYIS BSTOD PA BYA'O, ,GSUM PA NI, BUM PA TSAD LDAN GAS CHAG SOGS KYI SKYON MED PA LHA GRANGS DANG MNYAM PA'AM, MA 'BYOR NA RNAM RGYAL DANG LAS BUM GNYIS LEGS PAR BKRU ZHING, GU GUL GYIS BDUG ,NYUNGS DKAR GYIS BRDEG ,LAS SNGAGS BRJOD PAS BSRUNG, MTSAN MA 'BRI BA'AM GDAGS, RAS SAM DAR SOGS KYI MGUL CHING BZUNG,) AOm BADZRA SHE KHAR DU tA MA tA DI SHAm BAN DHA H'Um, ZHES BRJOD CING SA DBU DKAR PO BDUN GYIS DKRI, RTA GLANG DANG POR BU SOGS KYIS MA BGROD PA'I CHU GTZANG MA SROG CHAGS MED PA DRI BZANG DANG BSRES PAS NGAN

, ,PAR DGANG, MU TIG ,GSER, PADMA RA GA ,BYI RU, MU ME TE RIN PO CHE LNGA, STAG TSONG BA, KANta K'A RI, GZHAN GYI MI THUB PA DKAR PO 'AM, , DGANG LAG ,DBYUG PA'I AUTPLA DKAR DMAR TE SMAN LNGA, TI LA, NAS MON SRAN, 'BRAS SO BA'AM, MON SRAN GRE'U, GRO STE 'BRU LNGA, GA BUR, GUR GYAM, TZAN DAN DKAR DMAR, GLA RTZI STE DRI LNGA, TI LA, LAN TSA, MAR, BU RAM, SBRANG RTZI STE SNYING PO LNGA, BDUD RTZI SNGA DANG BCAS PA'I BUM RDZAS RNAMS,) AOm PANYTZA BHE SHA DZE A'A: H'Um, AOm PANYTZA RANG NA A'A: H'Um, AOm PANYTZA BE GA A'A: H'Um, AOm PANYTZA GARBHE A'A: H'Um, AOm PANYTZA AA MRI TE A'A: H'Um, (ZHES BRJOD DE BYIN GYIS BRLAB PA NANG DU SDUG ,STA GON GYI DKYIL 'KHOR GYI SHAR PHYOGS SU STEGS KYI KHAR KU SHA'I GDAN LA RNAM RGYAL GA-YAS, LAS BUM GA-YON DU MDUN SLOB DPON LA BSTAN DE BZHAG ,DE'I MDUN DU MCHOD PA LHA GRANGS DANG MNYAM PA'AM JI LTAR 'BYOR BA BSHAM, RNAM RGYAL GYI STENG DU H'Um GIS BSNGAGS PA'I DUNG CHOS SU BDUD RTZI LNGA DANG, DRI BZANG GI CHU BLUG LA BZHAG ,DE'I STENG DU GZUNGS RDOR BZHAG ,LAS SNGAGS KYIS BSANG,) SVA BHA WA SA (SBYANGS,) STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR, AOm TA PTE TA PTE MAH'A TA PTE SV'AH'A, LHA'I CHU BO GANGGA DANG BUM PA'I CHU DBYER MI PHYED PAR GYUR, RNAM RGYAL BUM PA'I NANG DU 'JAM PA'I RDO RJE LHA BCU DGU'I LHA'I DKYIL 'KHOR GANG NA DANG BCES PA SKAD CIG GIS GRUB PA NI, DBUS SU 'JAM DPAL RDO RJE SKU MDOG GUR GUM BZANG PO LTA BU SER SNGO DKAR BA'I ZHAL GSUM, (ZHES PA NAS,) BYANG DU BGEGS MTHAR BYED x NOR BU PADMA 'DZIN PA, RNAM RGYAL

BUM PA'I MTSAN MA LNGA'I GNAS SU RANG RANG GI GDAN LA LHA SO SO'I SKU GSAL BAR GYUR PA NI, DBUS SU 'JAM PA'I RDO RJE SKU MDOG GUR GUM BZANG PO LTA BU SER SNGO DKAR BA'I ZHAL GSUM PHYAG DRUG GI DANG PO GNYIS KYIS 'KHYUD PA'I PHYAG RGYA DANG, LHAG MA GA-YAS GNYIS RAL GRI DANG MDA', GA-YON GNYIS AUTPALA DANG GZHU 'DZIN PA, SHAR DU RNAM SNANG DKAR PO ZHES PA NAS, BYANG DU DON GRUB SOGS YUM MED PA BSKYED, LAS BUM GYI NANG NGANG MTSAN MA'I GNAS SU PAD NYI'I GDAN LA BGEGS MTHAR BYED SKAD CIG GIS GRUB PA NI, BGEGS MTHAR BYED SNGON PO SNGO DKAR DMAR BA'I ZHAL RAS NOR BU PADMA 'DZIN PA, RANG GI THUGS KA'I MAm YIG GI 'OD ZER GYIS YE SHES KYI 'KHOR LO'I LHA DANG, MTSAN MA'I LHA'I YE SHES PA RNAMS SPYAN DRANGS; AOm SARBA TA TH'A GA TA PA TY'Am ANYTZA MA nAm ARGAm (SOGS CHU GSUM PHUL,) DZA: H'Um BAm HO: YE SHES PA RNAMS RANG RANG GI DAM TSIG PA DANG GNYIS SU MED PAR GYUR, (DE NAS MCHOD PA BYIN GYIS BRLAB LA,) AOm SARBA TA TH'A GA TA (ZHES SOGS CHU BZHI NYER SPYOD ROL MO DANG BCAS PA DANG,) LHA RANG RANG GI SNGAGS LA, AOm A'A: H'Um, (BTAGS PAS NAD MCHOD DBUL, MI SKYOD RDO RJE SOGS KYIS BSTOD, AOm BADZRA AA MRi TA AU TA KA H'Um, (ZHES PA DANG,) AOm A'A: H'Um, (LAN BDUN BZLAS TE,) DUNG CHOS KYI CHU YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU GYUR, (CES DUNG CHOS KYI CHU BYIN GYIS BRLAB,) H'Um (BRJOD DE GZUNGS THAG GI SNE LAG PA GA-YON PAS BZUNG LA,) RANG GI THUGS KA NAS 'OD ZER 'PHROS, BUM PA'I LHA RNAMS KYI THUGS RGYUD BSKUL, DE RNAMS KYI THUGS

, ,KA'I SNGAGS 'PHRENG LAS 'OD ZER 'PHROS, RGYAL BA SRAS BCAS KYI YE SHES KYI BDUD RTZI BKUG NAS BUM PA'I CHU LA THIM PAR GYUR, (PAR BSAM LA, LHA SO SO'I SNGAGS BZLA, LAS SNGAGS BA BLA BA'I TSE GZUNGS RDOR LAS BUM GYI KHAR SBO, YIG BRGYA BRJOD DE GZUNGS THAG BSDU, GTZO BO'I SNGAGS DANG,) H'Um (LAN BDUN GYIS DUNG CHOS KYI CHU BUM PA'I LHA LA MCHOD YON DU DBUL, LAS SNGAGS BZLAS TE ME TOG DKAR PO GSUM GSUM GZHUG ,NYER SPYOD ROL MO DANG BCAS PAS MCHOD, LAS BUM GYI CHU, DE'I KHA RGYAN GYIS BLANG LA BSAD STE,) 'DIR JI SRID DKYIL 'KHOR GYI BYA BA MA RDZOGS PA DE SRID DU BGEGS RNAM PAR ZLOG PA'I 'PHRIN LAS MDZOD CIG (,CES LAS LHA LA ? LAS BTZOL, DE NAS GTOR MA BYIN GYIS BRLAB LA PHUL TE, MCHOD BSTOD BYA,) BUM PA'I LHA RNAMS CHAGS PA CHEN PO'I MES ZHU NAS BYANG CHUB KYI SEMS KYI DO BOR BUM PA'I CHU DANG RO GCIG TU GYUR, MTSAN MA'I LHA RNAMS KYANG ZHU NAS LHA RANG RANG GI PHYAG MTSAN GYI RNAM PAR GYUR, CES BUM PA'I LHA RNAMS 'OD BZHU BYAS LA, RNAM RGYAL MI MNGON PAR BZHAG , DE NAS STA GON GYI LHA LA SNGAR LTAR MCHOD CING BSTOD DE PUS MO GA-YAS PA SA LA BTZUGS TE,) LCE H'Um LAS SKYES PA'I RDO RJE H'Um GIS MTSAN PAR GYUR, (BAR BSAM LA, GA-YAS SPOS PHOR THOGS, GA-YON DRIL BU DKROL ZHING,) BCOM LDAN CHE GE RDO RJE MCHOG ,RIG PA'I RGYAL PO KHYOD LA 'DUD, ,SLOB MA RNAMS LA BRTZE PHYIR DANG, ,KHYED RNAMS LA YANG MCHOD PA'I PHYIR, ,MGON PO THUGS RJE'I BDAG NYID CAN; ;DKYIL 'KHOR SGRUB PAR BDAG 'TSAL LO, ,DE PHYIR BCOM LDAN BDAG GUS LA, ,BKA' DRIN GNANG BAR MDZAD PAR RIGS, ,SANGS RGYAS 'GRO 'KHOR BYA

DON STZOL, ,BYANG CHUB SEMS DPA' 'BRAS GNAS DANG, ,GZHAN YANG GANG DAG GSANG SNGAGS LHA, ,LHA DANG 'JIG RTEN SKYONG BA DANG, ,'BYUNG PO BYANG CHUB BSTAN GNAS DANG; ; SEMS CAN BSTAN LA MNGON DGA' BA, ,GANG SU RDO RJE'I SPYAN MNGA' RNAMS, ,BDAG LA YANG DAG DGONGS SU GSOL, ,BDAG NI CHE GA RDO RJE CAN, ,CHE GE 'BYUNG BA'I DKYIL 'KHOR NI, ,JI LTAR NUS PA NYER SPYOD PAS, ,'GRO BA SBYANG PHYIR SGRUB PAR BYA, ,DE PHYIR BDAG DANG SLOB MA LA, ,RJES SU BRTZE BAR NYER BZUNG NAS, ,DKYIL 'KHOR DANG BCAS THAMS CAD NI, ,NYE BAR 'BYON PAR MDZAD PAR RIGS, (,ZHES DON YID LA BSAM ZHING LAN GSUM BRJOD DE, STA GON GYI LHA LA GSOL BA GDAB BAR BYA'O, ,BZHI BA LA, LHA STA GON GYI TSOM BU DANG, BUM PA RNAMS YOL BA SOGS KYIS BCAD DE MI MTHONG BAR BYAS LA, SLOB MA RNAMS KHRUS BYAS SHING GOS GSAR BA BGOS, PHYAG DANG MAndAL PHUL NAS PUS MO BTZUGS TE, ME TOG SNYIM PAS 'DZIN PA'I THAL MO SBYAR BA RNAMS LA, JI SKAD DU, RJE BDAG NYID CHEN POS, DAL BA'I RTEN 'DI YID BZHIN NOR LAS LHAG ,'DI 'DRA RNYED PA DA ? RE TZAM ZHIG YIN, ,RNYED DKA' 'JIG SLA NAM MKHA'I GLOG DANG 'DRA, ,TSUL 'DI BSAM NAS 'JIG RTEN BYA BA KUN, SPUN PA 'BYAR BA BZHIN DU RTOGS GYUR NAS, ,NYIN MTSAN KUN DU SNYING PO LEN PA DGOS, ,ZHES GSUNGS PA LTAR RANG CAG RNAMS KYI DAL BA'I RTEN 'DI YID BZHIN GYI NOR BU LAS KYANG LHAG STE YID BZHIN GYI NOR BU LAS TSE 'DI'I DGOS 'DOD 'BYUNG YANG BYANG CHUB KYI SEMS LA SOGS PA'I YON TAN KHYAD PAR CAN 'BYUNG BA MED LA, RANG CAG RNAMS KYI THOB PA'I MI'I LUS RTEN 'DI LA RTEN KHYAD PAR CAN LA SKYE BA'I BDE BAR GSHEGS PA'I GO 'PHANG THOB BYED KYI THABS RGYAL SRAS KYI SPYOD BRLABS PO CHE LA SLOB PA'I LAM GYI RTEN DU GYUR PA'I 'GRO BA

, ,SEMS CAN THAMS CAD 'KHOR BA LAS 'DREN PAR CHAS PA STE 'DREN PAR DAM 'CHA' BA'I SEMS KYI STOBS CHEN PO CAN SO THAR GYI SDOM PAS ZIN PA'I SMON PA DANG 'JUG PA'I BYANG CHUB KYI SEMS GANG YIN PA DE YANG SKYE BA YOD CING DE LTA BU'I BYANG CHUB KYI SEMS KHYAD PAR CAN DE NI MI'I RTEN LAS GZHAN LHA DANG KLU DANG LHA MIN DANG MKHA' LDING DANG RIG 'DZIN DANG MI 'AM CI SOGS KYI RTEN LA RNYED PAR 'GYUR BA MA YIN PAS, SLOB SPRING LAS, BDE BAR GSHEGS LAS RTEN 'GRO BA 'DREN PAR CHAS GYUR CING, ,SEMS KYI STOBS CHEN MI YIS RNYED PA GANG YIN PA, ,LAM DE LHA DANG KLU YIS RNYED MIN LHA MIN DANG, ,MKHA' LDING RIG 'DZIN MI 'AM CI DANG LTO 'PHYES MIN, ,ZHES GSUNGS, DE LTAR DON CHE BA'I RTEN KHYAD PAR CAN 'DI 'DRA CAG RNAMS KYIS RNYED PA DA RE TZAM YIN GYI YANG YANG RNYED PA MA YIN TE, THOG MA MED PA NAS 'KHOR BAR 'KHYAMS PA LAS SNGON CHAD KYANG 'DI 'DRA MANG PO RNYED PA MIN LA PHYIN CHAD KYANG 'DI 'DRA RNYED SHIN DU DKA' BAS SO, ,RTEN 'DI SHIN TU RNYED PAR DKA' BA YIN TE, DE'I RGYU MTSAN NI RANG CAG RNAMS KYIS BSOD NAMS KYI TSOGS NI MIG SOGS SDIG PA NI DUS RGYUN PAR SOG CING, RGYAL SRAS BYANG CHUB SEMS DPA' LA KHONG KHRO SKAD CIG MA GCIG SKYES PA'I SDIG PA'I 'BRAS BU BSKAL BA'I BAR DU DMYAL BA MNANG MED PAR GNAS DGOS PAR GSUNG PAS SDIG PA SKAD CIG MA GCIG GI 'BRAS BU DE LTAR YIN NA, RANG CAG RNAMS KYI TSE 'DIR SDIG PA MANG PO RGYUN DU SOG CING DER MA ZAD SKYE BA SNGA MA DU MAR YANG SDIG PA TSAN PO CHE BSAGS YOD PAS BDE 'GRO 'THOB DKA' BA LTA CI SMOS; DES NA RGYA MTSO CHEN POR GA-YENG BA'I GNYA' SHING GI BU GAR RUS SPAL LONG BA LO BRGYA BRGYAN LAN RE TZAM 'ONG BA'I MGRIN PA CHUNG DKA' BA LTAR MI'I RTEN 'DI NYID SHIN DU THOB DKA' 'O ZHES DE SKAD DU BCOM LDAN 'DAS KYI MDO LAS GSUNGS SO, ,ZHES SLOB DPON DPA' BOS, 'DI 'DRA'I KHOMS PA THOB NAS NI, ,BSOD NAMS TSOGS NI MI SOG PA, ,SKAD CIG GCIG LA SDIG SPYAD NAS, ,MNAR MED PAR NI BSKAL PAR GNAS, ,SKYE BA DU MAR SDIG SPYOD BA, ,BDE 'GRO DKA' LTA CI ZHIG

SMOS; ;RGYA MTSO CHER GA-YENG GNYA' SHING GI ,BU GAR RUS SBAL MGRIN CHUD LTAR, ,MI NYID SHIN DU THOB DKA' BA, ,DE SKAD BCOM LDAN 'DAS KYIS GSUNGS, ,ZHES GSUNGS, DE 'DRA'I RTEN DE RNYED DKA' BA'I KHAR 'JIG PAR SHIN DU SLA SNYE LUS 'DI 'JIG PA'I RKYEN SHIN DU MANG ZHID 'TSO BA'I RKYEN NYUNG LA, 'TSO BA'I RKYEN ZAS GOS GNAS KHANG LA SOGS PA YIN KYANG, DE DAG GIS KYANG ZAS MA ZHU BA DANG, GOS GZHAN GYIS 'PHROG PA'I CHED DANG, GNAS KHANG RDIB PA LA SOGS PAS, 'CHI RKYEN BYED PA SHIN DU MANG BA DANG 'JIG RKYEN ? DANG 'PHRAD NA DBANG CHEN GSER GYIS GZHI DANG, RGYA MTSO CHEN PO LA SOGS PA YANG NYI MA BDUN 'BAR BAS SREGS PAS THAL BA YANG LUS BAR MI 'GYUR BAR 'JIG NA SHIN DU NYAMS CHUNG BA'I MI'I LUS 'JIG SLA BA LTA SMOS KYANG CI DGOS ZHES RIN CHEN 'PHRENG BA LAS, 'CHI BA'I RKYEN NI MANG BA STE, ,GSON BA'I RKYEN NI NYUNG ZAD CING ,DE DAG RNAMS KYANG 'CHI BA'I YANG, ,DE BAS RTAG TU CHOS MDZOD CIG ,CES DANG, BSHES SPRING LAS, SA DANG LHUN PO RGYA MTSO NYI MA BDUN, ,'BAR BAS SREGS PAS LUS CAN 'DI DAG KYANG, ,THAL BA YANG NI LUS PAR MI 'GYUR NA, ,SHIN DU NYAMS CHUNG MI LTA SMOS CI 'TSAL, ,ZHES GSUNGS, DE LTAR NA RANG CAG 'KHOR BAR 'KHOR BA'I TSE MI LUS RNYED PA NI MTSAN MO MUN NAG SHIN DU 'THIB PA'I NANG DU GLOG 'GYUR BA'I 'OD SNANG LTAR YUN SHIN DU THUNG BA SRID MTHA' TZAM YIN TE, MI LUS 'THOB PA LA MI DGE BCU SPONG GI TSUL KHRIMS DANG SBYIN PA GTONG BA TSUL KHRIMS SRUNG BA SOGS BSOD NAMS DGE BA'I BLO SKYED BA CIG DGOS LA, DE LTA BU'I DGE BA'I BLO DE YANG SANGS RGYAS KYI BYIN BRLAB KYI MTHU LA RTEN NAS MTSAN MO MUN NAG GI SMAG RUM DU GLOG 'GYU BA'I 'ONG SNANG 'CHAR BA LTAR SRING MTHA' ? TZAM DU 'BYUNG BAR, SPYOD 'JUG LAS, JI LTAR MTSAN MO MUN NAG SMAG RUM NA, ,GLOG 'GYU SKAD CIG RAB SNANG STON PA LTAR, ,DE BZHIN SANGS RGYAS MTHU YIS RGYAL MAN, ,'JIG RTEN BSOD NAMS BLO GROS THANG 'GA' 'BYUNG,

, ,ZHES GSUNGS, DE LTAR DON CHE RNYED DKA' 'JIG SLA'I RTEN 'DI LA TSE 'DI'I NOR LONGS SPYOD GTAM SNYAN GRAGS LA SOGS PA 'JIG RTEN GYI PHUN SUM TSOGS PA SGRUB BA'I BYA BA KUN 'BRAS BU CI YANG MED PA'I SPUN PA STE 'BRU'I SHUN PA 'BRU LEN 'DOD KYI BSAM PAS 'PHYAR BA DANG 'DRA STE, TSE 'DI'I PHUN TSOGS BSGRUBS SGRUBS NAS CUNG ZAD BYUNG DU ZIN KYANG, DPER NA RMI LAM NA LO BRGYA'I BAR DU BDE BA MANG PO MYONG NAS SAD PAR GYUR BA DANG, GZHAN ZHIG GIS YUD TZAM ZHIG LA BDE BA MYONG NAS SANG BAR GYUR PA GANG YIN PA SAD PA DE DAG GI NYIS KA LA RMI LAM DU MYONG BA'I BDE BA DE NI SANG PA'I TSE PHYIR 'ONG BA MED TSE 'DI'I BDE BA LA SPYOD PA'I TSE RING BA DANG THUNG BA GNYIS KA YANG 'CHI DUS SU DE DANG 'DRA, TSE 'DIR NOR LONGS SPYOD SOGS RNYED PA MANG PO THOB PAR GYUR TE, DUS YUN RING POR BDE BA SPYAD KYANG 'CHI BA'I TSE CHOM POS NOR PHROG PA BZHIN DU NGANG NYID GOS DANG BZA' BTUNG LA SOGS PA CI YANG MED PAR STOD PAR 'JIG RTEN PHA ROL TU 'GRO DGOS ZHES, SPYOD 'JUG LAS, RMI LAM LO BRGYAR BDE MYONG NAS, ,SAD PAR GYUR BA GANG YIN DANG, GZHAN ZHIG YUD TZAM BDE MYONG NAS, ,SAD PAR GYUR BA GANG YIN PA, ,SAD PA DE DAG GNYIS KA LA, ,BDE BA DE NI PHYIR 'ONG MED, ,TSE RING TSE THUNG GNYIS KA YANG, ,'CHI BA'I DUS SU DE 'DRAR ZAD, ,RNYED PA MANG PO THOB GYUR TE, ,YUN RING DUS SU BDE SPYAD KYANG, ,CHOM POS PHROG PA JI BZHIN DU, ,SGREN MO LAG PA STONG BAR 'GRO, ,ZHES GSUNGS, DES NA DE LTA BU'I TSUL LEGS PAR BSAM STE, TSE 'DI'I BDE 'BYOR DANG SNYAN GRAGS SOGS KYI PHYIR DU 'BAD PA DOR NAS NYIN MTSAN KUN DU PHYI MA PHAN CHAD KYI DON CHEN PO SGRUB PA'I SNYING PO LEN PA LA 'BAD PA'I SGO NAS DAL BA DON LDAN DU BYA DGOS LA, DE BYED PA'I TSUL JI LTAR YIN ZHE NA, RJE BDAG NYID CHEN POS, DE LTAR RGYU DANG 'BRAS BU'I THEG CHEN GYI, ,LAM MCHOG GNYIS KAR DGOS PA'I THUN MONG LAM, ,JI

BZHIN BSKYED NAS MKHAS PA'I DED DPON GYI, ,MGON LA BRTEN NAS RGYUD SDE'I RGYA MTSO CHER, ,ZHUGS NAS YONGS RDZOGS MAN NGAG BSTEN PA DES, ,DAL 'BYOR THOB PA DON DANG LDAN PAR BYAS, ,ZHES GSUNGS PA LTAR DGE BA'I BSHES GNYEN MTSAN NYID DANG LDAN PA TSUL BZHIN DU BSTEN TE DAL 'BYOR THOB PA DON CHE BA BSAM NAS SNYING PO LEN 'DOD DANG, 'CHI BA MI RTAG PA DANG NGAN 'GRO'I SDUG BSNGAL DANG LAS RGYU 'BRAS BSAM NAS, TSE 'DI'I PHUN TSOGS LAS BLO LOG STE PHYI MA'I DON SGRUB PA DANG, 'KHOR BA MTHA' DAG SDUG BSNGAL GYI RANG BZHIN YIN PA DANG SDUG KUN GYI RGYU 'BRAS DANG THAR LAM BSTEN TSUL SOGS BSAM NAS 'KHOR BA'I PHUN TSOGS LAS BLO LOG NAS THAR PA THOB 'DOD DANG, THAR BA'I LAM LHAG PA TSUL KHRIMS KYI BSLAB PA SOGS BSTEN PA DANG, BTANG SNYOMS DANG SEMS CAN THAMS CAD MAR SHES SOGS SGOM NAS RANG DON YID BYED LAS BLO LOG STE, GZHAN DON DU SANGS RGYAS THOB 'DOD DANG DE THOB PA'I PHYIR DU BYANG CHUB TU SEMS SKYED NAS RGYAL SRAS KYI SPYOD PA PHYIN DRUG SOGS LA BSLAB TSUL SOGS RGYU PHAR PHYIN THEG PA DANG, 'BRAS BU RDO RJE THEG PA STE THEG PA CHEN PO GNYIS KYI LAM MCHOG TU GYUR PA GNYIS KA GANG LA BRTEN NAS BLA MED BYANG CHUB SGRUB KYANG, RANG RGYUD LA BSTEN DGOS PA'I LAM GYI RIM PA RNAMS LA BLO SBYANGS TE BYANG CHUB KYI SEMS RGYUD LA BSKYED NAS GSANG SNGAGS LA MKHAS PA'I DED DPON GYI MGON PO SNGAGS KYI BLA MA MTSAN NYID DANG LDAN PA LAS SNGAGS LA 'JUG PA'I SGO DBANG BSKUR BA BLANGS TE RGYUD SDE'I DON ZAB CING RGYA CHE BA RGYA MTSO LTA BU LA ZHUGS NAS LAM THUN MONG DANG THUN MONG MA YIN PA'I YAN LAG NYE BAR MKHO BA THAMS CAD YONGS SU RDZOGS PAR NYAMS SU LEN PA'I MAN NGAG LTAR RGYUD LA BRTEN CING NYAMS SU BLANGS NAD LA 'BYOR LA SNYING PO LEN PA DANG DAL BA THOB PA DON LDAN DU BYAS PA YIN LA DE LA THOG MAR LAM THUN MONG BA'I RIM PA LA BLO SBYANG BA SNGON DU BTANG DGOS PA NI, LAG NA RDO RJE DBANG BSKUR BA'I RGYUD LAS

, ,BYANG CHUB SEMS DPA' CHEN PO GZUNGS SNGAGS CHEN PO'I DKYIL 'KHOR SHIN DU RGYA CHE BA 'DI DANG SHIN DU ZAB PA 'DI DANG GTING DPAG DKA' BA DANG GSANG BA BAS KYANG CHES GSANG BA SEMS CAN SDIG PA CAN RNAMS LA BSTAN DU MI RUNG BA 'DI NI, LAG NA RDO RJE KHYOD KYIS SHIN DU DKON PA ZHIG SMRAS TE, 'DI NI SNGON MA THOS NA 'DI SEMS CAD JI LTA BU DAG LA BSHAD PAR BYA, LAG NA RDO RJES SMRAS PA, 'JAM DPAL GANG DAG BYANG CHUB KYI SEMS SGOM PA LA ZHUGS PA DANG, GANG GI TSE DE DAG GI BYANG CHUB KYI SEMS GRUB BAR GYUR PA DE'I TSE, 'JAM DPAL BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA' DE DAG YE SHES CHEN POR DBANG BSKUR BA'I GZUNG SNGAGS KYI DKYIL 'KHOR DU GZHUG PAR BYA'I, GANG DAG GIS BYANG CHUB KYI SEMS RDZOGS PAR MA GYUR BA DE DAG NI GZHUG PAR MI BYA STE, DE DAG NI DKYIL 'KHOR YANG LTAR MI GZHUG GO DE DAG LA NI PHYAG RGYA DANG GSANG SNGAGS KYANG BSTAN PAR MI BYA'O, ,ZHES GSUNGS SHING SPYOD BSDUS KYI LE'U DANG PO LAS KYANG RIM CAN DU BSLAB DOGS KYI GCIG CHAR DU MA YIN NO ZHES BSGRUBS PA'I 'OG TU, DE'I RIM PA YANG 'DI YIN TE THOG MA NYID DU NI SANGS RGYAS KYI THEG PA'I BSAM PA LA BSLAB BO, ,GANG GI TSE SANGS RGYAS KYI THEG PA'I BSAM PA LA LOB PAR ? GYUR PA DE'I TSE THEG PA GSANG BA DRAN PA GCIG PA'I TING NGE 'DZIN LA BSLAB PO, ,ZHES SNGON DU SANGS RGYAS KYI THEG PA LA BSLAB PA'I 'OG TU THEG PA GSAR BA STE SNGAGS LA SLOB DGOS PAR GSUNGS SHING, SANGS RGYAS KYI THEG PA'I BSAM PA NI, SMON 'JUG GI SEMS YIN NO, ,DE LTAR BYANG CHUB KYI SEMS DANG RGYAL SRAS KYI SPYOD PA PHYIN DRUG SOGS LA BSLAB DGOS NA DE'I RGYUN BSKYANGS PAS CHOG MDO SNGAGS LA 'JUG CI DGOS SNYAM NA, SANGS RGYAS KYI GO 'PHANG MYUR DU 'THOB PA LA SNGAGS LA 'JUG DGOS TE, SNGAGS LA PHAR PHYIN THEG PA LA MED PA'I SANGS RGYAS SGRUB PA'I

THABS KHYAD PAR CAN DKA' SPYAD LA MI LTOS PAR DKYIL 'KHOR GYI 'KHOR LO SGOM PA'I LHA'I RNAL 'BYOR LA LHA'I RNAM PA SNANG BA'I THABS DANG RANG BZHIN STONG PA NYID DU RTOGS PA'I SHES RAB YA MA BRAL BAR RANG NYID LHAR MOS TE LTA'I NGA RGYAL SGOM PA'I RNAL 'BYOR RAM LAM GYIS SANGS RGYAS KYI GO 'PHANG DE NYID BSKAL BGRANGS MED GSUM LA SOGS PA'I YUN RING PO MI THOGS PAR THOB PAR 'GYUR PAS, GUR LAS, DE PHYIR DKYIL 'KHOR DKYIL 'KHOR ZHES, ,BDE BA'I THABS KYI SDOM PA STE, , SANGS RGYAS NGA RGYAL RNAL 'BYOR GYIS, ,SANGS RGYAS NYID YIN RING MI 'GYUR, ZHES GSUNGS, 'ON SNGAGS LA 'JUG DGOS NA 'JUG YUL GYI SNGAGS LA DBYE BA JI LTA BU YOD CE NA, DE LA BZHI YOD DE, STON PA RDO RJE 'CHANG GIS SNGAGS KYI GDUL BYA DMAN 'BRING MCHOG GSUM CHES MCHOG TU GYUR BA BZHI LAS DMAN PA LA BYA RGYUD, DE'I LTAG 'BRING LA SPYOD RGYUD, DE LAS GDUL BYA'I SEMS CAN MCHOG TU GYUR PA LA RNAL 'BYOR RGYUD, GDUL BYA DE'I YANG LHAG PA STE CHES MCHOG TU GYUR PA LA RNAL 'BYOR BLA MED KYI RGYUD GSUNGS SHING, DE LTA BU'I TSIG GI RGYUD SDE BZHI'I BRJOD BYA DON GYI RGYUD DAM SNGAGS KYI THEG PA LA YANG RIM PA BZHI YOD PAS, GUR LAS, DMAN PA RNAMS LA BYA BA'I RGYUD, BYA MED RNAL 'BYOR DE LTAG LA'O, ,RNAL 'BYOR MCHOG NI SEMS CAN MCHOG RNAL 'BYOR BLA MED DE LTAG LA'O, ,ZHES GSUNGS, 'O NA SNGAGS LA 'JUG TSUL JI LTA BU YIN ZHE NA, SNGAGS KYI BLA MA RDO RJE SLOB DPON MTSAN NYID DANG LDAN PA CIG LAS SNGAGS LA 'JUG PA'I SGO DBANG ZHUS PA'I SGO NAS 'JUG DGOS LA, RDO RJE SLOB DPON MTSAN NYID DANG LDAN PA NI, BLA MA LNGA BCU PA LAS, BRTAN ZHING DUL LA BLO GROS LDAN, ,BZOD LDAN DRANG LA GA-YO SGYU MED, ,SNGAGS DANG RGYUD KYI SBYOR BA SHES, ,SNYING BRTZE LDAN ZHING BSTAN BCOS MKHAS, ,DE NYID BCU NI YONGS SU SHES, ,DKYIL 'KHOR 'BRI BA'I LAS LA MKHAS, ,SNGAGS BSHAD PA YI SBYOR BA SHES, ,RAB TU DANG

, ,ZHING DBANG PO DUL, ,ZHES BSHAD PA LTAR GYI YON TAN DANG LDAN PA CIG YIN PAS DE LTA BU'I YON TAN DANG LDAN MI LDAN DANG, RANG GIS BLA MAR BZUNG BTUB MI BTUB SLOB MAS KYANG LEGS PAR BRTAG DGOS LA, SLOB MA YANG, GSANG BA SPYI RGYUD LAS, SLOB MA YAN LAG MNYAMS DANG, ,LHAG PAR YON TAN LDAN PA DANG, ,NAD MED RIGS NI BTZUN PA DANG, ,DAD CING BRTUL ZHUGS LDAN PA DKON, ,DKON MCHOG GSUM LA GANG DAD CING, ,THEG PA CHEN PO'I LUGS LA DGA', ,BSOD NAMS 'DOD PA'I SEMS CAN NI, ,CHEN PO DE DAG MDOR BZUNG NGO, ,ZHES BSHAD PA LTAR GYI MTSAN NYID TSANG BA ZHIG DGOS PAS DE LTA BU'I YON TAN DANG LDAN MI LDAN DANG, RANG GIS SLOB MAR BZUNG DU RUNG MI RUNG BLA MAS BRTAGS DGOS PAS SLOB MA DANG BLA MA GNYIS KAS PHAN TSUN LEGS PAR BRTAGS DGOS TE, BLA MA LNGA BCU PA LAS, BLA MA DANG NI SLOB MA DAG MTSUNGS PAR DAM TSIG NYAMS 'GYUR BAS, ,DPA' BOS DANG POR SLOB DPON DANG, ,SLOB MA'I 'BREL BA BRTAGS PAR BYA, ,ZHES DANG RGYUD RDOR 'PHRENG LAS KYANG, ,JI LTAR RIN CHEN BDAR BA DANG, ,GSER NI SREG DANG BCAD PAS BRTAGS, ,DE BZHIN DU NI SLOB MA YANG, ,LO NI BCU GNYIS BAR DU BRTAGS, ,DE PHYIR PHAN TSUN DE LTA BUS, ,DUS KUN DU NI DE LTAR BRTAGS, ,GZHAN DU BGEGS NI 'BYUNG 'GYUR TE, ,DNGOS GRUB 'JOMS SHING SDUG BSNGAL STER; ;ZHES DANG, JI LTAR SENG GE'I 'O MA NI, ,SA YI SNOD DU BZHAG MI BYA, ,DE BZHIN RNAL 'BYOR CHEN PO'I RGYUD, ,SNOD MIN DAG LA SBYIN MI BYA, ,SLOB MA SKAD CIG DE LA 'CHI, ,'DI DANG PHA ROL TU NI 'PHONG, ,SNOD MIN MAN NGAG RAB BSHAD NA, ,SLOB DPON DNGOS GRUB NYAMS PAR 'GYUR, ,ZHES GSUNGS, DE LTAR BRTAGS PAS BLA MA DUS KYI DBANG GIS MTSAN NYID RDZOGS PAR TSANG BA MA RNYED NA SKYON YON MNYAM PA DANG, SKYON SHAS CHE BA SPANGS NAS YON

TAN LHAG PA LA BSTEN PAR BYA STE, DON DAM BRTEN PA LAS, RTZOD LDAN DBANG GIS BLA MA SKYON DANG YON TAN 'DRES, ,RNAM PA KUN DU SDIG PA MED PA YOD MA MIN, ,GANG ZHIG YON TAN LHAG PA YANG NI LEGS DU BYAD NAS, ,BU RNAMS KYIS NI DE LA BRTEN PAR 'GYUR BA'O, ,ZHES GSUNGS, DE LTAR LEGS PAR BRTAGS TE PHAN TSUN BLA MA DANG SLOB MAR RUNG BAR SHES PA NA, THOG MAR SLOB MAS DBANG GI DON DU GSOL BA GDAB CING BLA MAS KYANG SLOB MA RJES BZUNG GI CHO GA BYAS NAS, BLA MAS DKYIL 'KHOR DE'I BSNYEN PA SONG NA BSNYEN PA BYAS TE DE NAS DBANG GI BYA BA'I RIM PA LA 'JUG DGOS PA YIN LA, BLA MAS DBANG BSKUR BA LA BSTEN PA GAL CHE ZHING SPYIR BSNYEN PA NI, GSANG BA 'DUS PA'I RGYUD PHYI MA LAS THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THA MAL BA NI RDO RJE BZHI, ,MCHOG NI YAN LAG DRUG GIS SO, ,ZHES BLA MED LTA BU LA, SKYED RIM DANG RDZOGS RIM SGOM PA NI BSNYEN PA'I GTZO BO YIN LA, KHYAD PAR DU GZHAN LA DBANG BSKUR BA SOGS LA SNGON DU LAS RUNG GI BSNYEN PA MA SONG BAR GZHAN LA DBANG BSKUR BA SOGS BYAS NA, RANG GIS RANG NYID SUN 'BYIN PA TSE 'DIR NAD DANG GDON DRAG PO'I 'TSO BA 'BYUNG ZHING, PHYI MAR DMYAL BA LA SOGS PAR LTUNG BA'I RGYU SGRUB PA YIN PAS SNGON DU LAS RUNG GI BSNYEN PA BYED PA GAL CHE STE, SNYING PO MDOR BSAGS LAS, DKYIL 'KHOR MCHOG GI SLOB DPON GYIS, SNGON DU BSNYEN PA LA 'BAD NAS, DE NAS DKYIL 'KHOR DE NYID NI, ,SHIN DU DUL BAS BRTAGS PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,ZHES GSUNGS, BDAG 'JUG DANG DBANG SOGS LA LAS DUNG GI BSNYEN PA JI LTA BU BYA DGOS PA NI, 'PHRENG BA LAS, THAMS CAD MKHYEN PA'I LAM SHES PAS, ,SNGON DU BSNYEN PA TSOGS SOG CING, ,BGEGS NI RNAM PAR NYAMS BYED BYA, ,BSNYEN PA MED PAS DNGOS GRUB MED, ,DE PHYIR RIM GNYIS DE NYID RIG DBEN PAR YANG DAG GNAS NAS NI,,

, ,LHA YI 'KHOR LO BSGOM PAR BYA, ,SKYO NA DE YI GSANG SNGAGS BZLAS, ,'KHOR LO'I GTZO BO'I 'BUM BZLAS SHING, ,YANG NA RANG GI LHA YI 'BUM, ,DKYIL 'KHOR PA YI KHRI YIN TE, ,'DI NI SNGON DU BSNYEN PAR BRJOD, ,CES TSOGS BSOGS PA DANG, BGEGS NYAMS PAR BYA BA SOGS KYI CHED DU LHA BSGOM PA DANG SNGAGS BZLA BA'I BSNYEN PA BYA BAR GSUNGS PA LTAR BYA DGOS, ,DE LTAR BSNYEN PA SNGON DU SONG NAS DBANG BSKUR BA'I CHOG BYA BA'I TSES GRANGS DANG, GZA' DANG SKAR MA DANG SBYOR BA DANG BYED PA SOGS BZANG PO LA BYA DGOS TE, GSANG BA SPYI RGYUD LAS, ,YANG DAG ZHI BA'I SEMS KYIS NI, ,DUS DANG TSES GRANGS ZHI BA LA, ,SNGAGS KYI SPYAN 'DREN BYED PA NI, ,BSAM PA'I DNGOS GRUB THOB PAR 'GYUR, ,ZHES DANG, TSES GRANGS NGAN DANG DUS MIN DANG, ,GNAS MIN CHO GAR MI LDAN PAR, ,MKHAS PAS DKYIL 'KHOR MI BRI'O, ,BRIS NA DOGS PA MED PAR 'CHI, ZHES DANG, YUD TZAM RNAMS NI RGYUD KUN GYI, ,BYA BA'I CHO GA RNAMS LA SHIS, ,DE DAG LA SOGS BZANG PO DANG, ,BYED LA BZANG LA RTAG TU BRI, ,MI BZANG BA LA BRTZON PA'I LAS, ,GANG DU CI YANG MI 'GRUB PO, ,ZHES GSUNGS, DUS DANG ZLA BA GANG LA BYA BA NI, DE NYID LAS, STON ZLA 'BRING PO'I NYA NAS NI, ,DBYID ZLA THA CHUNG NYA YI BAR, ,'DI YI BAR DU MKHAS PA YI, ,DKYIL 'KHOR CHO GA BZHIN DU BRI, ,ZHES STON DGUN DPYID GSUM GYI ZLA BA BDUN LA DBANG BKUR BA'I CHO GA BYA BAR BSHAD LA, DE NYID LAS, BGEGS KYI DKYIL 'KHOR NAD GCAD DANG, ,DE BZHIN BSGRUB PA'I DKYIL 'KHOR DAG DPYAD MI DGOS PAR DBYANG YANG NI, ,MKHAS PAS DUS BZHIN BRI BAR BYA, ,ZHES BGEGS ZLOG PA DANG, NAD GCAD PA DANG SGRUB MCHOD BYA BA'I PHYIR DKYIL 'KHOR BRI BA DANG BSGRUB PA SOGS NI DBYANG GYI DUS SU'ANG RUNG BAR BSHAD, YAR NGO MAR NGO DANG, TSES GRANGS GANG LA BYA BA NI, DE NYID LAS, MKHAS PAS JI SKAD

BSHAD PA YI, ,ZLA BA YAR GYI NGO DAG LA, ZLA ? BA NYA 'AM BCU GSUM MAM, ,TSES BRGYAD DAG GAM BCU BZHI 'AM, ,TSES BCU DANG NI BCU GCIG GAM, ,TSES LNGA'AM YANG NA TSES BDUN NAM, ,YANG NA TSES GRANGS GSUM YANG RUNG, , NYI MA BCU PO 'DI DAG LA, ,DKYIL 'KHOR RAB TU BSGRIMS TE BYI ?, ,ZHES BYUNG NA YANG NGO'I TSES GRANGS BCU PO DE GANG RUNG LA BYA BA DANG, YANG DE NYID LAS, MAR GYI NGO YI DUS MTSAMS LA'ANG, ,DKYIL 'KHOR BRI BAR 'GAL BA MED, , ZHES DANG, RAB GNAS KYI RGYUD LAS, GAL TE GZA' DANG RJES MTHUN NA, ,NAG PO'I PHYOGS LA'ANG BRTZAM PAR BYA, ,ZHES GZA' SKAR SOGS LEGS PA BYUNG NA MAR DO LA'ANG BYA BAR BSHAD, GZA' GANG LA BYA BA YANG DE NYID LAS, PHUR BU DANG NI ZLA BA DANG, ,BA BA ? SANG DANG NYI MA BZANG, ,ZHES GZA' DE BZHI LA DBANG BSKUR SOGS BYA BA LEGS PAR GSUNGS SHING, YANG DE NYID LAS, GZHAN LA RAB TU DRAG PO YI, ,LAS NI KUN DU BRTZAMS PAR BYA, , ZHES GZA' GZHAN LA DRAG PO'I LAS SGRUB PA'I PHYIR DKYIL 'KHOR BRI SGRUB KYI CHO GA SOGS BYA BAR BSHAD, SKAR MA GANG LA BYA BA YANG, DE NYID LAS, RGYAL DANG SKAG DANG SA GA DANG, ,ME BZHI NAG PA THA SKAR DANG, ,SNRON LA SOGS PA DE DAG NI, , DKYIL 'KHOR DAG LA RAB TU SHIS, ,DE LA SOGS PA ZHI BA DANG, ,RGYU SKAR DAG NI BZANG PO LA, ,BLO DANG LDAN PAS DKYIL 'KHOR BRI, ,DRAG PO LA NI DRAG PO BRI, ,ZHES RGYAL SOGS SKAR MA BDUN DANG GZHAN YANG ZHI BA'I SKAR MA LA DBANG BSKUR BA LA SOGS PA'I DKYIL 'KHOR BRI SGRUB BYA ZHING, DRAG PO'I SKAR MA LA NI, DRAG PO'I LAS SGRUB PA'I DKYIL 'KHOR BRI SGRUB SOGS BYA BAR BSHAD, DUS KHYAD PAR BA GZHAN LA YANG BYA RUNG BA NI, ,SPYI RGYUD LAS, NYI MA ZLA BA GZAS ZIN DANG, ,YA MTSAN CHE LTAS BYUNG BA DANG,, DANG, ,CHO 'PHRUL GYI NI ZLA BA LA, ,BSGRIM STE DKYIL 'KHOR BRI BAR BYA, ,ZHES NYI ZLA GZA' 'DZIN BYUNG BA DANG, ,GZHAN YANG YA MTSAN CHE BA'I LTAS BZANG PO BYUNG BA DANG, CHO 'PHRUL GYI ZLA BA LA DBANG SKUR BA LA SOGS PA'I DKYIL 'KHOR BRI SGRUB BYA BAR

, ,BSHAD, ,DBANG GI CHO GA DNGOS GZHI'I RIM PA LA, SGYU 'PHRUL DRA BA'I RGYUD LAS, DANG POS GZHI YONGS SU BZUNG, ,GNYIS PA STE GON GNAS PA STE, ,NUB GSUM PA NI 'JUG PA YIN, ,ZHES GSUNGS PA LTAR SA'I CHO GA ,STA GON GYI CHO GA DNGOS GZHI'I CHO GA GSUM LAS, DANG PO LA, SA BRTAGS PA, SA BSLANG BA, SA SBYANGS PA, SRUNG ZHING BYIN GYIS BRLAB PA LNGA LAS DKYIL 'KHOR GYI KHANG PA GSAR DU PHUG NAS RDUL TSON GYI DKYIL 'KHOR BZHENGS PA YIN NA, LNGA PO DE THAMS CAD BYANG GOS LA, RAS BRIS KYI DKYIL 'KHOR LA BRTEN NA, SA BRTAGS BSLANG SBYANG GSUM MI DGOS SHING, PHYI MA GNYIS DGOS, STA GON GYI CHO GA LA SA'I LHA MO STA GON, LHA STA GON, BUM PA STA GON, SLOB MA STA GON BZHI LAS, RDUL TSON LA BRTEN PA'I TSE BZHI KA BYA DGOS LA, RAS BRIS LA BRTEN PA'I TSE, SA'I LHA MO STA GON DANG, LHA STA GON GNYIS BYED PA DANG MI BYED PA'I LUGS GNYIS YOD PA LAS, 'DIR BYED PA'I LUGS YIN, BUM PA STA GON DANG SLOB MA STA GON GNYIS, RDUL TSON DANG RAS BRIS GANG LA BRTEN NA YANG DGOS, SLOB MA STA GON GYI SKABS 'DIR, SNGAGS RIM LAS, SGO'I SLOB DPON DANG, LAS KYI RDO RJE LHAG GNAS JI LTAR BYA BA YANG GSUNGS LA, SGO'I SLOB DPON ZHES PA NI, SA BZUNG GI SKABS SU SLOB DPON DBUS SU 'DUG PA'I SHANG SOGS PHYOGS BZHIR SLOB MA RDOR DRIL 'DZIN PA BZHI BSDANG NAS RIM PA BZHIN DU RNAM SNANG LA SOGS PA'I NGA RGYAL 'DZIN PAS SLOB DPON LA DKYIL 'KHOR GYI CHED DU GSOL BA 'DEBS PA PO LA ZER BA YIN LA, LAS KYI RDO RJE NI, SLOB DPON GYI MCHOD GA-YOG BYED PA PO LA ZER BA YIN CING, DE DAG SLOB DPON RANG GIS DBANG BSKUR BA YIN NA MI DGOS LA, DE LTAR MIN NA LHAG GNAS BYA DGOS SHING, DE YANG SDOM PA GNYIS SAM SLOB DPON GYI SDOM PA SBYIN PA SNGON DU 'GRO BA'I LHAG GNAS KYI CHO GAS LTAG GNAS BYA DGOS, DE YANG LHAG GNAS BYA 'OS BA'I SLOB MA LNGA MED NA BZHI 'AM, GSUM MAS ,

GNYIS SAM, THA NA GCIG GIS KYANG BYA BAR BSHAD, LHAG GNAS 'DI BYA TSUL SKABS 'DIR GSUNGS PA NI, CHOG PHYOGS MTHUN PAS PHYOGS GCIG TU GSUNGS PA YIN GYI 'DI BYA BA NI SGO'I SLOB DPON GYIS GSOL GDAB NAM DGOS PA'I LDAN LA BYA DGOS SO, ,SLOB MA LHAG GNAS SAM STA GON JI LTAR BYA BA LA, LHAG GNAS BYA BA'I SLOB MA'I GRANGS LA, GRUB CHEN D'A RI KA PA DANG, GSANG BA SPYI RGYUD LAS, NYER LNGA MAN CHAD ZUNG DU MA GYUR PA DGOS PAR GSUNGS SHING, RNAM SNANG MNGON BYANG DANG, DAM TSIG GSUM BKOD LAS, BCU MAN CHAD ZUNG DU GYUR BA YANG GSUNGS LA, BOD KYI BLA MA MKHAS PA GONG MA RNAMS PHAL CHER SPYI RGYUD LTAR MDZAD PAR SNANG, SPYI RGYUD LAS, MDOR NA SLOB MA PHAN TSUN DU, ,NANG MI GSHIN PA MI GZUNG NGO, ,GCIG LA GCIG NI SEMS BZANG ZHING, ,ZHI DUL BLA MA LA PHAN PA, ,ZHES GSUNGS PA NI SHIN DU GAL CHE BAR SNGAGS RIM LAS BSHAD, GRANGS NI, 'PHRENG BA LAS; SLOB MA GCIG GAM, GNYIS SAM, MANG PO ZHES GRANGS KYI TSAD NGES BZUNG DNGOS SU MA GSUNG ZHING, 'PHRENG BA'I DBANG YONGS RDZOGS DON DU GNYER BA MANG PO TSOGS DUS SU GRANGS DES BZUNG BYAS NAS YANG YANG LDAB PA DKA' BAS 'PHRENG BA'I DBANG GI SKABS SU SLOB MA BRGYA STONG SOGS KYI STA GON DUS GCIG LA BYED PA DANG ZUNG BKA'I SKABS SU NYI SHU RTZA LNGA MAN CHAD GRANGS NGES BZUNG BYED PA BLA MA GONG MA PHAL CHE BA'I PHYAG LEN LA SNANG BAS BLA MA GONG MA'I PHYAG LEN LTAR BYA'O, , ZHES PA RNAMS SLOB MA GO BA CAN LA THAMS CAD BSHAD NA SPYI'I GO BA SKYED PA LA DGOS PA CHE ZHING DE LTA MA YIN NA THAMS CAD NYUG ? 'BUD PA'I DGAG BYA CHE BAS SKABS DANG SBYAR NAS JI LTAR 'TSAMS PAR BSHAD, SLOB MA LHAG GNAS BYA BA'I CHO GA LA, KUN SLONG BCOS SHING NANG DBANG BSKUR BA GSOL BA GDAB CING 'DZIN DU GZHUG PA, SDOM PA BZUNG ZHING BYIN GYIS BRLAB PA, SO SHING DOR ZHING KHYOR CHU SOGS GSUM SBYIN PA, SPRO BA BSKYED CING BSRUNGS TE RMI LAM BRTAGS PAR GDAMS PA LNGA, DANG PO NI, LA LA GSANG

, ,SNGAGS SGRUB DON GNYER, ,'DI NA DKYIL 'KHOR 'JUG PAR BYED, ,BSOD NAMS 'DOD PAS DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DANG PO MANG DU BYED PA YI, ,BLO LDAN DKYIL 'KHOR 'JUG BYA YI, ,TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,(ZHES BRJOD CING, SPYID DKYIL 'KHOR DU 'JUG PA LA, SKYES BU LA TSE 'DI'I PHUN TSOGS DON DU GNYER NAS GSANG SNGAGS KYI LAS KHA TSAR SGRUB 'DOD KYI BSAM PAS 'JUG PA DANG, GZHAN DAG TSE 'DI'I PHUN TSOGS LAS GZHAN 'JIG RTEN PHYI MA'I MDON MTHO'I PHUN TSOGS DON DU GNYER NAS 'JUG PA DANG; DE DAG LAS GZHAN BDAG 'JIG RTEN GYI PHUN TSOGS LAS GZHAN CHOS GZUGS KYI SKU GNYIS KYI PHUN TSOGS DON DU GNYER BA'I BSAM PAS 'JUG PA GSUM YOD PA LAS, 'JIG RTEN 'KHOR BA'I PHUN TSOGS LAS PHA ROL TU GYUR BA SKU GNYIS KYI PHUN TSOGS DON DU GNYER BA'I DAD PA DANG 'DUN PA MANG DU BYED PA'I BLO DANG LDAN PA'I SGO NAS DKYIL 'KHOR DU 'JUG PAR BYA YI, TSE 'DI DANG PHYI MA'I 'JIG RTEN GYI MNGON MTHO'I 'BRAS BU 'DOD CING DON DU GNYER BA'I BSAM PAS DKYIL 'KHOR DU 'JUG PAR MI BYA STE, TSE 'DI PHYI'I 'KHOR BA'I PHUN TSOGS 'DOD PAR GYUR NAS DE SGRUB PA LA BRTEN NAS 'JIG RTEN LAS PHA ROL TU 'DAS PA'I SKU GNYIS KYI PHUN SUM TSOGS PA'I 'GRUB BAR MI 'GYUR ZHING, 'JIG RTEN LAS PHA ROL TU 'DAS PA'I SKU GNYIS KYI PHUN TSOGS DON DU GNYER BA'I BLO SKYES TE DE SGRUB NA SKU GNYIS KYI PHUN SUM TSOGS PA RANG GZHAN GYI DON GNYIS 'BAD MED LHUN GRUB TU 'BYUNG BA DE 'GRUB PA'I ZHAR LA, 'KHOR BA'I DPAL 'BYOR PHUN SUM TSOGS PA'I 'BRAS BU

YANG RGYAS PAR 'GYUR BAS SO, ,DPER NA STON THOG GI 'BRAS BU DON DU GNYER NAS GRO NAS SOGS KYI SA BON BTAB NAS SO NAM LEGS PAR BYAS PAS 'BRAS BU SMIN PA NA RTZVA DANG PHUB MA ZHANG LA 'BYUNG BA LTA BU YIN, DES NA KHYOD KYIS 'KHOR BA'I PHUN TSOGS MTHA' DAG LAS 'DAS PA'I CHOS GZUGS KYI SKU GNYIS THOB PA'I PHYIR DU DKYIL 'KHOR DU ZHUGS TE DBANG GIS RGYUD SMIN PAR BYA BA'I STA GON ZHU SNYAM PA'I BSAM PA LEGS PAR SKYED CIG ,CES PA'I BRDA LEGS PAR SPRAD DE KUN SLONG BCOD) DANG GTZO BOR GSAL BA'I THUGS KA'I SA BON GYIS SLOB MA RNAMS RE RE NAS DRANGS PA, RANG GI ZHAL DU ZHUGS, SKU'I DBYIBS BRGYUD, RDO RJE'I LAM NAS YUM GYI PAD MAR BAB PA ZHU BA LAS, DKYIL 'KHOR KYI GTZO BO ZHAL GCIG PHYAG GNYIS PA'I RNAM PAR GYUR, RANG GI THUGS KA'I SA BON GYI 'OD ZER GYIS RIGS LNGA YAB YUM SPYAN DRANGS TE RANG GI ZHAL DU ZHUGS SHING, THUGS KHAR 'OD DU ZHU BA YUM GYI PADMAR BAB BAS DBANG BSKUR, YUM GYI PADMA NAS PHYUNG STE DKYIL 'KHOR GYI SHAR SGOR 'KHOD PAR GYUR, PAR (BSAM PA NANG DBANG BSKUR, GNYIS PA NI, DE NAS SLOB MA SHAR SGOR GNAS PA RNAMS GSOL BA 'DEBS SU GZHUGS PA NI,) SKYE RGA 'CHI BA NA KRA YI, ,CHU SRIN LA SOGS 'JIGS RUNG PA, ,SRID PA'I MTSO LAS BDAG SGROL MDZOD, ,DGA' CHEN STON PA KHYOD GCIG BU, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM DAG KYANG BDAG LA STZOL, ,THAR PA CHEN PO'I GRONG MCHOG TU, ,MGON PO

, ,BDAG NI GZHUG TU GSOL, ,(ZHES LAN GSUM RJES BLOS BYED DU GZHUG CING, DE'I DON NI, SKYE RGAN 'CHI'I CHU SRIN NA KRA 'JIGS SU RUNG BA MANG POS SHIN DU SDUG BSNGAL BAR BYED PA'I GNAS SRID PA STE 'KHOR BA SDUG BSNGAL GYI RGYA MTSO 'DI LAS BDAG MYUR DU SGROL BAR MDZOD, DE'I CHED DU BLA MA LA DGA' BA CHEN PO ZHES RDO RJE 'CHANG GI MTSAN NAS BOS TE KHYOD GCIG BU BDAG SRID MTSO LAS SGROL BA'I THABS STON PA'I STON PA BLA NA MED PA YIN GYI, GZHAN MA MCHIS, DES NA BYANG CHUB CHEN PO YANG DAG PAR RDZOGS PA'I SANGS RGYAS KYI TSUL STE NYE LAM BRTAN PO GZHAN GYIS MI SHIG PA 'AM MI BYED BDE BDAG GIS 'DOD PA YIN PAS DE 'THOB PA'I THABS KYI MCHOG SNGAGS DANG RGYUD DANG PHYAG RGYA LA SOGS PA'I DAM TSIG DANG, RTEN DANG BRTEN PA'I DKYIL 'KHOR GYI DE NYID BDAG LA STZOL CIG ,BYANG CHUB KYI SEMS DANG BYANG SEMS KYI SDOM PA DAG KYANG BDAG LA STZOL, THEG CHEN THUN MONG MA YIN PA'I SANGS RGYAS DANG CHOS DANG DGE 'DUN TE SKYABS GSUM LA SKYABS SU 'GRO BA'I SKYABS 'GRO DAG KYANG BDAG LA STZOL, DE LTAR STZAL BA'I SGO NAS 'KHOR BA SDUG BSNGAL GYI RGYA MTSO CHEN PO LAS THAR BA'I THAR PA CHEN PO'I GRONG KHYER MCHOG TU MGON PO KHYOD KYIS BDAG GZHUG TU GSOL, ZHES GO BAR BYAS LA 'DUN PA DRAG POS GSOL BA 'DEBS SU GZHUG ,SLOB MA GCIG GTZO BOR BYAS TE DE'I SGO NAS THAMS CAD LA 'DI SKAD CES,) BU TSUR SHOG CIG THEG CHEN PO, , GSANG SNGAGS SPYOD TSUL CHO GA NI, ,KHYOD LA YANG DAG BSTAN PAR BYA, ,KHYOD NI TSUL CHEN SNOD YIN GYI, ,SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS; ;RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, ,GSANG SNGAGS SBYOR BA MNYAM MED PA, ,GANG GIS SH'AKYA SENG GE SOGS, ,MCHOG

RNAMS KYIS NI BDUD KYI SDE, ,MI BZANG CHEN PO STOBS CHEN BCOM, ,'JIG RTEN RJES 'JUG RTOGS NAS NI, ,'KHOR LO BSKOR NAS MYA NGAN 'DAS, ,DE BAS KUN MKHYEN THOB BYA'I PHYIR, BU YIS BLO GROS 'DI GYIS SHIG ,(CES BRJOD CING, DE'I DON BU KHYOD TSUR SHOG CIG CES NYE TSIG GIS BOS NAS, THEG PA CHEN PO'I GSANG SNGAGS LA SPYOD TSUL GYI CHO GA STE THABS DKYIL 'KHOR DU 'JUG BA SOGS NI KHYOD LA YANG DAG PA PHYIN CI MA LOG PAR BSTAN PAR BYA STE, KHYOD LA DE STON PA'I RGYU MTSAN NI KHYOD DE STON PA'I SNOD RUNG GI GDUL BYA YIN PAS SO, ,GSANG SNGAGS KYI SPYOD TSUL DE BSTAN PA LA DGOS BA CI YOD SNYAM NA; DE BSTAN PA LTAR NYAMS SU BLANGS NA KHYOD KYIS THAMS CAD MKHYEN PA'I YE SHES BLA NA MED PA 'THOB PAR 'GYUR TE, 'DAS PA DANG, MA 'ONGS PA DANG, DA LTAR GYI DUS GSUM DU 'BYUNG BA'I SKU GSUNG THUGS KYI RDO RJE GSUM GYI BDAG NYID CAN GYI SANGS RGYAS RNAMS, RDO RJE GSANG SNGAGS KYI SPYOD PA TSUL BZHIN DU NYAMS SU BLANGS PA'I MTHU YIS THAMS CAD MKHYEN PA'I YE SHES MNYAM PA MED PA YANG DAG PAR BRNYES PA SHA STAG YIN PAS SO, , DUS GSUM GYI SANGS RGYAS THAMS CAD DE LTAR MA YIN TE, BDAG CIG GI STON PA SHA'KYA THUB PA PHA ROL TU PHYIN PA'I THEG PA LA BRTEN NAS SKAL CHEN GRANGS MED GSUM GYI TSOGS BSAGS TE SANGS RGYAS PAR BSHAD PAS SO SNYAM NA , DE YANG MA YIN TE, BDAG CAG GI STON PA SH'AKYA SENG GE SOGS SKAL CHEN GRANGS MED GSUM DU TSOGS BSAGS NAS SANGS RGYAS BA'I 'DREN PA MCHOG SNGAR BYON PA RNAMS KYIS KYANG NI GRANGS MED GSUM DU TSOGS BSAGS PA'I MTHAR GSANG SNGAGS KYI SBYOR BA STE THABS LAM MNYAM PA MED PA GANG YIN PA DE DAG GI MTHUL BRTEN NAS BDUD KYI SDE GNOD PA MI BZAD PA CHEN PO SANGS RGYA BA LA GEGS BYED PA'I STOBS CHEN PO CAN DE BCOM NAS SANGS RGYAS TE, 'JIG RTEN TE

, ,GDUL BYA RJES 'JUG RNAMS KYI KHAMS DANG, BSAM PA DANG DBANG PO SOGS RTOGS NAS DE DANG 'TSAMS PAR CHOS KYI 'KHOR LO BSKOR NAS GDUL BYA GZHAN GYI DON DU MYA NGAN LAS 'DAS PA'I TSUL BSTAN PA YIN PAS SO, ,DE BAS NA KUN MKHYEN SANGS RGYAS KYI GO 'PHANG DE 'THOB PAR BYA BA'I PHYIR, BU KHYOD RNAMS KYIS GSANG SNGAGS LA ZHUGS NAS KUN MKHYEN MYUR DU 'THOB PAR 'DOD PA'I 'DUN PA DANG BRTZON PA'I BLO GROS 'DI SKYED LA GZHAN DU ME GA-YO BA'I DAM BCA' BRTAN PO GYIS SHIG ,CES BRDA' BA SPRAD DE SNGAGS LA MOS PA BRTAN PO 'DZIN DU GZHUG ,GSUM PA NI, SDOM PA LA THUN MONG DANG THUN MONG MA YIN PA'I SDOM PA GNYIS LAS THUN MONG PA NI, BYANG SEMS KYI SDOM PA STE PHAR PHYIN THEG PA DANG, SNGAGS GYI THEG PA GNYIS KA'I SKABS SU 'DZIN DGOS PAS MDO SNGAGS GNYIS KA'I THUN MONG BA DANG, SNGAGS KYI SLOB MA'I DBANG DANG SLOB DPON GYI DBANG GNYIS GANG ZHU YANG 'DZIN DGOS PAS DBANG GI THUN MONG PA DANG, BYA SPYOD DANG RGYUD SDE GONG MA GNYIS GANG GI LUGS LA YANG 'DZIN DGOS PAS RGYUD SDE BZHI KA'I THUN MONG PA YIN PAS SO, ,DES NA DE LTA BU'I THUN MONG PA'I SDOM PA 'DZIN PA LA, RDO RJE SLOB DPON DANG MDUN GYI NAM MKHAR RTZA RGYUD KYI BLA MA SKABS GANG YIN GYI DKYIL 'KHOR GYI 'KHOR LOS GTZO BYAS PA'I YI DAM SANGS RGYAS BYANG SEMS DPAG TU MED PA SPRIN GYI PHUNG PO 'THIB PA LTAR BZHUGS PAR MOS TE, DE RNAMS KYI DRUNG DU BYANG CHUB SEMS DPA'I SDOM PA BZUNG BAR BYA'O SNYAM PA'I MOS PA DANG BCAS PAS), DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YID RANGS, ,SANGS RGYAS BYANG CHUB YID KYIS GZUNG, (,ZHES PA LAN GSUM RJES SU BZLAS TE BRJOD DU GZHUG CING, RKANG PA DANG POS SDOM PA'I GZHI RTEN DKON MCHOG GSUM LA SNYING

THAG PA NAS SKYABS SU 'GRO BA DANG, GNYIS PAS 'GAL RKYEN DUS GSUM DU BSAGS PA'I SDIG PA BSHAGS PA DANG, GSUM PAS MTHUN RKYEN SGRA YANGS PA'I DBANG DU BYAS PA'I 'GRO BA RANG GZHAN SKYE 'PHAGS THAMS CAD KYI DGE BA LA RJES SU YI RANGS PA'I DGA' BA SGOM PA GSUM SDON DU BTANG NAS, BZHI PAS, SEMS CAN THAMS CAD KYI DON DU BLA NA MED PA YANG DAG PAR RDZOGS PA'I SANGS RGYAS KYI BYANG CHUB KYI SEMS DANG, DE'I BSLAB BYA RGYAL SRAS KYI SPYOD PA BRLAB BO CHE LA BSLAB PA RNAMS SANGS RGYAS MA THOB KYI BAR DU YID KYIS MI 'DER ? BAR BZUNG BAR BYA'O SNYAM PA'I BLO SKYED PA STE, DE 'DRA'I KHAS LEN BYED LUGS GSAL BAR BRDA SPRAD BAR BYA'O, ,RKANG BDE BZHI'I LHAG MA), SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BYANG CHUB SEMS SU 'DI BGYI STE, ,BDAG DANG GZHAN DON RAB BSGRUB PHYIR, ,BDAG GIS BYANG CHUB MCHOG SEMS BSKYED, ,AE MA'O SEMS CAN KUN 'GRON GNYER, ,BYANG CHUB SPYOD MCHOG MDZAD BZHIN SPYAD, ,'GRO LA PHAN PHYIR SANGS RGYAS SHOG ,(ZHES PA 'DI DANG SBREL NA SDOM PA'I CHOG YIN PAR BRDA 'PHROD PAR BLA STE, 'DI'I RKANG BA DANG PO GNYIS KYIS SKYABS 'GRO STON PAR GO SLA ZHING, DE NAS RKANG PA GSUM GYIS DE LTAR SKYABS SU SONG NAS RDZOGS PA'I BYANG CHUB TU SEMS BSKYED NAS SU DE'I SPYOD PA GANG LA SPYAD DGOS PA'I SPYOD PA LA SLOB PA 'DI DAG BDAG GIS BGYI STE, BDAG DANG GZHAN GYI DON GNYIS RAB TU SGRUB PA'I PHYIR BYANG CHUB MCHOG SANGS RGYAS KYI GO 'PHANG THOB PAR BYA'O SNYAM DU SEMS SKYED BA DANG, DE NAS RKANG BA GSUM GYIS RGYAL SRAS SEMS DPA' RNAMS KYIS AE MA'O STE NGO MTSAR BA'I SPYOD PA SEMS CAN KUN MGRON DU GNYER BA STE BKUR ZHING MCHOD PA'I ZHING DU BZUNG STE SBYIN PA GTONG BA LA

, ,SOGS PA BYANG CHUB SEMS DPA'I SPYOD PA MCHOG LA JI LTAR SLOB BAR MDZAD BDE BZHIN DU BDAG GIS KYANG SEMS CAN THAMS CAD 'GRON DU GNYER TE SBYIN PA SOGS KYI SPYOD PA RLABS BO CHE SPYAD PAR BYA ZHING, DE LA BRTEN NAS 'GRO BA SEMS CAN THAMS CAD LA PHAN BDE BSGRUB PA'I PHYIR SANGS RGYAS KYI GO 'PHANG MYUR DU 'THOB PAR SHOG CIG CES PA YIN PAS, SHO LO KA SNGA MA RKYANG BA DANG PHYI MA GNYIS SBREL NAS BRJOD PA SKABS DANG SBYAR BAR BYA, THUN MONG MA YIN PA'I SDOM PA NI, RIGS LNGA'I SDOM PA STE, DE NI MDO SNGAGS GNYIS LAS SNGAGS KHO NA'I SKABS SU 'DZIN PAS SNGAGS SDOM THUN MONG MA YIN PA DANG, SLOB MA'I DBANG DANG SLOB DPON GYI DBANG GNYIS LAS, SLOB DPON GYI DBANG ZHU BAR 'DZIN DGOS PAS SLOB DPON GYI DBANG GI SDOM PA THUN MONG MA YIN PA DANG, BYA SPYOD DANG RGYUD SDE GONG MA GNYIS LAS RGYUD SDE GONG MA'I DBANG LA GZUNG BAR BYA BA YIN PAS, RGYUD SDE GONG MA'I THUN MONG MA YIN PA'I SDOM PA YIN PAS SO, ,DES NA DE LTA BU'I THUN MONG MA YIN PA'I SDOM PA 'DZIN PA LA THOG MAR,) 'KHOR LO PHYIR MI LDOG PA'I DBANG, ,DAM PA BDAG LA STZAL NAS NI, ,MGON PO 'KHOR LO LHA DAG GI , DE NYID SLOB DPON 'PHRIN LAS DANG, ,SANGS RGYAS KUN GYI DAM TSIG DANG, ,SDOM PA GSANG MCHOG BSHAD DU GSOL, ,SEMS CAN KUN GYI DON GYI PHYIR, ,RTAG TU BDAG NI SLOB DPON BGYID, ,(CES RJES ZLOS BYED DU GZHUG CING, ,DE'I DON BDAG NI 'GRO BA SEMS CAN KUN GYI DON GYI PHYIR DU 'KHOR BA JI SRID PAR RTAG TU GZHAN DON BYED PA'I RDO RJE SLOB DPON MTSAN NYID DANG LDAN PA BGYID PAR 'DOD PAS, MGON PO ZHES SLOB DPON LA BOS NAS DKYIL 'KHOR GYI 'KHOR LO GANG DU DBANG BSKUR BA'I DKYIL 'KHOR DU PHYIR MI LDOG PA'I SA BON KHYAD PAR CAN SKYED PA'I RDO RJE SLOB DPON GYI DBANG DAM PA BDAG LA

LA STZOL CIG ,DE BSTZAL NAS NI RTEN 'KHOR LO'I DKYIL 'KHOR DANG BRTEN PA LHA DAG GI DE KHO NA NYID GNYIS DANG RDO RJE SLOB DPON GYI 'PHRIN LAS KYI RIM PA DKYIL 'KHOR BRI SGRUB PA LA SOGS PA JI LTAR BYA BA'I TSUL RNAMS DANG, SANGS RGYAS KUN GYI 'DA' BAR MI BYA BA'I SNGAGS KYI DAM TSIG DANG SDOM PA DBANG MA THOB PA RNAMS LA SHIN DU GSANG BAR BYA BA DAM TSIG DANG SDOM PA'I MTSOG BDAG LA BSHAD DU GSOL, ZHES PA GO BAR BYAS LA KHYAD PAR DU GSOL BA 'DEBS SU GZHUG ,DE NAS SDOM PA BZUNG BA'I YUL SNGAR LTAR GSAL BTAB LA, THUN MONG MA YIN PA'I SNGAGS KYI SDOM PA GZUNG SNYAM PA'I MOS PA DANG BCAS PAS,) SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, ,BDAG CHE GE MO ZHES BGYI BA, DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU, JI LTAR DUS GSUM MGON PO RNAMS, (ZHES PA NAS) SEMS CAN MYA NGAN 'DAS LA DGOD, (ZHES PA'I BAR RJES ZLOS BYAS TE BRJOD DU GZHUG CING, DE YANG JI LTAR DUS GSUM DU BYON ZIN PA DANG, BYON PA DANG, 'BYON 'GYUR GYI 'GRO BA'I MGON PO SANGS RGYAS RNAMS KYIS BYANG CHUB SEMS DPA'I GNAS SKABS NA, SEMS CAN GYI DON DU BYANG CHUB MCHOG TU THUGS NGES PAR TE RTZE GCIG GIS BSKYED PAR MDZAD PA DE BZHIN DU BDAG GIS KYANG BSKYED PAR BGYI, CES SNGAGS SDOM GYI GZHI RTEN BYANG CHUB TU SEMS BSKYED NAS RIGS LNGA SO SO'I DAM TSIG LA, RNAM SNANG GI RIGS KYI DAM TSIG NYES SPYOD SDOM PA'I TSUL KHRIMS, DGE BA CHOS SDUD KYI TSUL KHRIMS, SEMS CAN DON BYED KYI TSUL KHRIMS TE TSUL KHRIMS GSUM DANG, RNAM SNANG LA SOGS PA'I SANGS RGYAS DANG, RNAL 'BYOR RGYUD LTAR NA MTSAN BCAS MTSAN MED DANG BLA MED LTAR NANG MI GNYIS KYI RNAL 'BYOR SOGS RTOG PA'I CHOS DANG, 'JAM DPAL LA SOGS PA'I BYANG SEMS KYI

, ,DGE 'DUN TE BLA NA MED PA'I DKON MCHOG GSUM LA SKYABS SU 'GRO BA DANG, MI BSKYOD PA'I RIGS KYI DAM TSIG ,RDO RJE, DRIL BU, PHYAG RGYA'I DAM TSIG GSUM DANG, RANG GI RDO RJE SLOB DPON DE KHO NA NYID KYI YE SHES 'CHAR BA LA SOGS PA DNGOS GRUB KYI 'BYUNG GNAS DAM PAR LTA BA DANG, RIN 'BYUNG GI RIGS KYI DAM TSIG ZANG ZING DANG, CHOS DANG, MI 'JIGS PA DANG, BYAMS PA'I SBYIN PA BZHI , NYIN NGE BZHI NA YANG DUS DRUG TU SBYIN PAR BYA BA LA BSLAB PA DANG, 'OD DPAG MED KYI RIGS KYI DAM TSIG ,PHYI DAM TSIG GSUM BKOD DANG, 'BYUNG PO 'DUL BYED SOGS BYA BA'I RGYUD DANG RNAM SNANG MNGON BYANG SOGS SPYOD PA'I RGYUD, GSANG BDE NYID BSDUS PA SOGS RNAL 'BYOR RGYUD, GSANG BA 'DUS PA SOGS PHA RGYUD, 'KHOR LO SDOM PA SOGS MA RGYUD DE GSUM DANG, THEG PA NYAN RANG GI THEG PA GNYIS, PHA ROL TU PHYIN PA'I MTSAN NYID THEG PA DANG GSUM STE DE RNAMS MI SPONG BAR 'DZIN PA, DON GRUB KYI RIGS KYI DAM TSIG ,NYER SPYOD LNGA SOGS KYI'I MCHOD PA DANG, BLA MED LTAR NA BDUD RTZI LNGA'I MCHOD PA LTA BU NANG GI MCHOD PA DANG, GSANG BA SNYOMS 'JUG GI MCHOD PA DANG, DGA' BZHI'I RIM GYIS DE KHO NA NYID LA MNYAM PAR 'JOG PA DE KHO NA NYID KYI MCHOD PA DANG, RNAL 'BYOR RGYUD LTAR NA RANG GI LHA'I NGO BO RANG BZHIN MED PA NYID DU SGOM PA'I BLA NA MED PA'I MCHOD PA THAMS CAD DANG LDAN PA'I MCHOD PA CI NUS SU BYA BA RNAMS DANG, RIGS LNGA SPYI'I DAM TSIG BDER GSHEGS BKA' 'DAS SOGS SNGAGS KYI RTZA LTUNG BCU BZHI SRUNG BRTZA BA'I DAM TSIG ,BSLAB PA'I GZHI LNGA SRUNG BA SEGS SPONG BA'I DAM TSIG ,BSHES GNYEN TSUL BZHIN DU BSTEN PA, RNAL 'BYOR BA RNAMS LA BSNYEN BKUR BYED PA, DKAR PO'I LAS LAM BCU CI NUS SU SKYONG BA DE LTA BU BSTEN PA'I DAM TSIG ,THEG CHEN LAS LDOG BA'I RGYU SPANG BA DANG ,

BRNYAS PA DANG 'GOM PA'I NYES PA SPONG PA LTA BU SPONG PA'I DAM TSIG GZHAN TE 'DI RNAMS YAN LAG GI DAM TSIG YIN LA, DE LTAR RIGS LNGA SPYI DANG SO SO'I DAM TSIG RAGS PA RNAMS SLOB MA LA GO BAR BYAS STE, DE LTA BU'I RIGS LNGA SPYI DANG BYE BRAG GI DAM TSIG DANG SDOM PA RNAMS BLANG SAL DER NAS BYANG CHUB MA THOB KYI BAR DU LEGS PAR BSRUNG BAR BYA SNYAM PA'I SRUNG SEMS BSKYED NAS SDOM BZUNG GI TSIGS BCAD KYI DON RAGS PA GZHAN RNAMS GONG DU BSHAD PA NGES GO NUS LA; LHAG MA RNAMS KYI DON NI MDOR NA SMON PA DANG 'JUG PA'I BDAG NYID CAN GYI BYANG CHUB KYI SEMS BLA NA MED PA DAM PA'AM GTZO BO GANG YIN PA DE BDAG GIS BSKYED PAR BGYI, SEMS CAN THAMS CAD KYI DON SGRUB PA'I PHYIR DU BDAG GIS RIGS LNGA SPYI DANG SO SO'I BSLAB BYA JI LTAR BCAS PA LTAR NYAMS SU BLANG BAR BYA BA'I DAM TSIG DANG, BYA RGYU MI BYED PA DANG, MI BYA RGYU BYED PA 'GOG CING SDOM PAR BYED PA'I SDOM PA RNAMS MA LUS PA BDAG GIS GZUNGS, DE LTAR SEMS BSKYED NAS SDOM PA BZUNG STE TSUL BZHIN DU BSRUNG BA LA BRTEN NAS RDZOGS PA'I SANGS RGYAS KYI GO 'PHANG THOB PAR BYAS LA SGRIB GNYIS KYI 'CHING BAS BCINGS TE MA GROL BA TSANGS PA DANG BRGYA BYIN LA SOGS PA RNAMS DGROL BA DANG NYON SGRIB LAS GROL KYANG SHES SGRIB LAS MA RGAL BA'I RTAN RANG DGRA BCOM PA RNAMS BSGRAL BA DANG, DMYAL BA PA LA SOGS PA SDUG BSNGAL KYIS DBUG MA PHYIN PA RNAMS DBUG DBYUNG BAR BYA ZHING, MDOR NA SEMS CAN THAMS CAD SRID ZHI'I MTHA' LA MI GNAS PA'I MYA NGAN LAS 'DAS PA LA DGONG PAR BYA'O, , ZHES PA'I DON DRAN BA'I SGO NAS RJES ZLOS LAN GSUM BYED DU BCUG PA'I GSUM PA'I MTHAR THOB ZIN BRTAN PA DANG, MA THOB PA GSAR DU 'THOB PA'I BRDA' SPRAD LA SDOM PA 'DZIN DU GZHUG DE NAS BSANG CHU GTOR ZHING LAS SNGAGS KYIS BSBRUNG LA) SLOB MA RNAMS KYI SNYING KHAR RDO RJE NAG PO RTZE LNGA PA'I LTE BAR NYI MA LA H'Um NAG PO, ,MGRIN PAR PADMA DMAR PO 'DAB MA BRGYAD PA'I LTE BAR ZLA BA LA A'A: DMAR PO, ,SPYI BOR 'KHOR

, ,LO DKAR PO RTZI BAS BRGYAD PA'I LTE BAR ZLA BA LA AOm DKAR POS MTSAN PAR GYUR, (PAR BSAM, SLOB MA'I SNYING KHA SOGS GSUM LA RDO RJE DANG BCAS PA'I KHU TSUR GA-YAS PAS DRI'I CHUS BYUG CING,) H'Um A'A: AOm, (ZHES BRJOD LA, GNAS GSUM BYIN GYIS BRLAB, DE NAS SLOB MA LHAR GSAL BA'I GNAS GSUM RDO RJE GSUM GYIS MTSAN PAR SGOMS NAS MCHOD YUL DU BYAS PA LA, DBU LA ME TOG ,MDUN DU BDUG SPOS DANG, MAR ME, SNYING KHAR DRI BZANG GI BYUG PA RNAMS PHUL BAR MOS TE, MCHOD PA DE RNAMS LAS SNGAGS RE BRJOD PAS DBUL ZHING, DUS 'DI NAS BZUNG NAS 'KHOR BA'I NYES BAS MA GOS PAR MCHOD PA DANG LDAN PAR GYIS SHIG ,CES BRJOD, BZHI PA NI, SO SHING DOR BA'I GNAS NI, RGYA DBYIB KHRU ? BZHI GRU BZHI BA, PA'I LCI BA LA SOGS PAS SRAB 'THUG PA'I GO BA TZAM DU BYUG PA'I DKYIL 'KHOR BYA DGOS KYANG, DE LTA BU BYED MA BDE NA, PADMA 'DAB BRGYAD BRIS PA LA, ME TOG GI TSOM BU DGOD PAR RGYA GAR BA 'GA' ZHIG GIS BSHAD CING, BOD KYI BLA MA 'GA' ZHIG GI PHYAG LEN DU SNANG, SO SHING NI, 'O MA CAN GYI SHING HA CANG SBOM PA DANG PHRA PA MIN PA DRANG ZHING SROG CHAGS MED PA MA GAS PA RMA MED PA MGO 'JUG MNYAM PA DRI BZANG GI CHUS BKRUS PA BDUG PAS BDUG SA BA SOR BCU GNYIS BRTZE MOR ME TOG BCINGS PA BYA'O, ,DE NAS DA LA SLOB DPON GYI BGEGS MTHAR BYED KYI SNGAGS BZLAS TE BYANG DU PHYOGS TE SLOB MA'I THAL MO SBYAR BA'I BAR DU SBYIN LA, SLOB MA BYANG NGAM SHAR DU PHYOGS PAS,) AOm BDZRA H'A SA HAm, (BRJOD NAS RTZE MO NAS 'CHOS TE MIG STENG DU LTA ZHING LTOS PA MED PAR MDUN DU 'DOR DU GZHUG ,DE'I RTZE MO SHAR BYANG NUB LHO STENG 'OG TU BSTAN NAS LHUNG NA RIM PA BZHIN, ZHI RGYAS DBANG DRAG RIG 'DZIN SA 'OG GI DNGOS GRUB 'GRUB CING, PHYI ROL DU LTUNG NA DNGOS GRUB MED PAR BSHAD PAS BRDA SPRAD PAR BYA, DE NAS BAm LAS SKYES BA'I CHU BAm BZLAS PA KHA BSHAL BA'I PHYIR BYIN NAS KHA BSHAL DU

GZHUG ;DE NAS NGAG GI NYES PA SBYANGS PA'I DON DU 'KHYIL BA LAN BDUN BZLAS PA'I DRI ZHIM PO'I CHU 'KHYOR BA GSUM,) AOm HRI: BI SHUDHA DHARM'A SARBA B'A SA NI TZA AA SYA SHO DHYA SARBA BI KALP'A ? NA AA BA NA YA H'Um, (ZHES BRJOD CING BLUD LA 'THUD DU GZHUG ,DE NAS BKRA SHIS BA'I RMI LAM MI 'KHRUL BA'I CHED DU KU SHA MANG PO RTZE MO MA NYAMS PA STAN DU GDING BA'I DON DU,) H'Um LAS BYUNG BA'I KU SHA H'Um, (ZHES BYIN GYIS BRLAB PA DANG, SNGAS KYI DON DU KU SHA NYUNG BA CIG) ,DHI LAS SKYES PA'I KU SHA DHI, (ZHES DANG 'KHYIL BA BZLAS PAS BYIN GYIS BRLAB PA,) AOm BDZRA T'I KshA nA BAm, (ZHES PA'I SNGAGS KYIS SLOB MA'I LAG PA THAL MO SBYAR BA'I BAR DU SBYIN, SNGAGS DON NI RDO RJE RNON PO ZHES PA STE RDO RJE RNON POS RMI LAM MI 'KHRUL PAR 'GYUR ? ZHES 'CHAD DE NAS,) H'Um (LAS BYUNG BA'I SKUD PA DMAR PO SLOB MA'I LUS TSAD SUM LTA BA BYAS PA LA 'KHYIL BA LAN BDUN BZLAS PA LA MDUD PA GSUM MA MA DRUG BYAS PA SLOB MA'I DPUNG PA GA-YAS GA-YON GANG YANG RUNG BAR,) AOm BUDDHA MEE TRI RAKshA RAKshA SARB'A NA SV'AH'A, (ZHES BRJOD CING RANG NYID KYIS BCINGS LA YANG DAG PAR BSRUNG DO, ,SNGAGS DON NI SANGS RGYAS BYAMS PA BYON GYI BAR DU SRUNGS SHIG CES DANG, SANGS RGYAS BYAMS PAS SRUNGS SHIG CES DANG, SANGS RGYAS KYIS BYAMS BAS SRUNGS SHIG ,CES 'CHANG TSUL GSUM LAS PHYI MA 'THAD PAR SEMS, LNGA PA NI,) 'JIG RTEN DU NI KUN MKHYEN RNAMS, ,RES 'GA' 'BYUNG NGAM MI 'BYUNG SRID, ,AU DUM BA RA'I ME TOG BZHIN, ,BRGYA LAM YANG NI RES 'GA' ZHIG ,GANG GIS SEMS CAN MNYAM MED DON, ,MYA NGAN MI 'DA' BYED PAR NUS, ,GSANG SNGAGS SPYOD PA'I TSUL 'BYUNG BA, ,DE BAS KYANG NI SHIN DU DKON, ,SKAL BA BYE BA DU MA RU, ,SDIG PA GANG

, ,ZHIG SNGON BYAS PA, ,DKYIL 'KHOR 'DI 'DRA MTHONG BA YIS, ,DE DAG THAMS CAD ZAD 'GYUR NA, ,GRAGS PA MTHA' YAS SNGAGS SPYOD PA'I, ,TSUL LA GNAS PA SMOS CI DGOS, ,SKYOB PA'I GSAR SNGAGS BZLAS NA NI, ,GO 'PHANG BLA NA MED PAR 'GYUR, ,SPYOD MCHOG 'DI LA GANG RNAMS KYI, , BLO GROS SHIN DU DRI MA MED, ,DE RNAMS KYI NI SDUG BSNGAL KUN, ,'BYUNG BA'I NGAN 'GRO YANG DAG ZHI, ,BDAG NYID CHEN PO KHYED RNAMS KYIS, ,DE RING RNYED PA MNYAM MED RNYED, ,GANG GIS KHYED RNAMS RGYAL BA KUN, ,BDAG NYID CHEN PO SRAS BCAS KYIS, ,BSTAN 'DI KUN LA YONGS SU BZUNG, ,GNAS PA SKYE BAR 'GYUR PA NI, DE YIS KHYED RNAMS THEG CHEN LA, ,LEGS PAR SKYE BA NYID DU 'GYUR, ,THEG PA CHEN PO CHER 'BYUNG BA'I, ,LAM MCHOG 'DI NI DPAL DANG LDAN, ,GANG GIS KHYED RNAMS 'GRO 'GYUR BAS, ,DE BZHIN GSHEGS PAR 'GYUR PA YIN, ,(ZHES BRJOD CING, DE'I DON SPYIR BSKAL PA LA SGRON SKAL DANG MUN SKAL GNYIS YOD PA'I SGRON SKAL LA SANGS RGYAS 'BYUNG ZHING, MUN SKAL LA MI 'BYUNG LA, SANGS RGYAS 'BYUNG BA'I SGRON SKAL NI SHIN DU DKON, SGRON SKAL LA YANG SANGS RGYAS 'BYUNG BA'I DUS YUN THUNG ZHING, MI 'BYUNG BA'I DUS SHIN TU RING, DES NA 'JIG RTEN DU RES 'GA' SANGS RGYAS 'BYUNG SRID PA TZAM YIN GYI PHAL CHER MI 'BYUNG BA AU DUM BA RA'I ME TOG DANG 'DRA, AU DUM BA RA'I ME TOG DE JI LTA BU ZHE NA, MTSO MA DROS BA'I BYANG PHYOGS NA RI BO RTZE LNGA PA ZHES BYA BA YOD CING, DE'I PHA ROL NA AU DUM BA RA'I TSAL YOD LA DE'I ME TOG GI TSAD NI SHING RTA'I 'PHANG LO TZAM YOD CING,

KHA DOG NI NAM SANGS RGYAS BCOM LDAN 'DAS RGYAL RIGS SU 'BYUNG BA'I TSE DKAR PO, ,BRAM ZE'I RIGS SU 'KHRUNGS BA'I TSE DMAR PO 'BYUNG ZHING, DE YANG SANGS RGYAS YUM GYI LHUMS SU ZHUGS PA'I TSE KHA ? 'BU, LHUMS NAS BLTAMS PA'I TSE KHA PHYE, SANGS RGYAS TSUL BSTAN PA'I TSE ME TOG RAB TU RGYAS, MYA NGAN LAS 'DA' TSUL BSTAN PA'I TSE LO MA DANG ME TOG 'BRAS BU RNAMS BRUL BAR 'GYUR, ME TOG DE'I YON TAN NI KHA DOG MDZES SHING 'OD GSAL BA, DRI ZHIM ZHING KHAMS DANGS PAR BYED PAS DPAG TSAD GCIG 'KHOR YUG TU KHYAB PA, DRAN PA YONGS SU SBYONG ZHING NANG RAB TU ZHI BAR BYED PA, DRI NGA BA SEL ZHING SNANG BA GSAL BAR BYED PA DE LTA BU'I KHYAD PAR CAN SANGS RGYAS 'BYUNG BA DANG DUS GCIG TU SKYE BAS NA SHIN DU DKON PA YIN NO, ,DE BZHIN DU SANGS RGYAS 'BYUNG BA YANG BRGYA LAM NA RES 'GA' ZHIG 'BYUNG LA GSANG SNGAGS KYI SPYOD PA'I TSUL GANG GIS SEMS CAN GYI GRANGS DNGOS PO GANG DANG YANG MNYAM PA MED PA'I DON SKAL BA DPAG TU MED PAR MYA NGAN TE 'KHOR BA'I SDUG BSNGAL LAS MI 'DA' BA STE GROL MI NUS PA TSE GCIG LA GROL BAR BYED NUS PA'I GSANG SNGAGS LA SPYOD PA'I TSUL STON PA'I SNGAGS KYI TSES 'BYUNG BA SANGS RGYAS 'JIG RTEN DU 'BYUNG BA DE BAS KYANG NI SHIN DU DKON BA YIN, DE'I RGYU MTSAN 'DAS PA'I SANGS RGYAS MAR ME MDZAD NAS SANGS RGYAS 'OD SRUNG GI BAR GYI SANGS RGYAS RNAMS KYIS SNGAGS KYI CHOS 'JIG RTEN DU MA GSUNGS SHING, MA 'ONGS PA'I SANGS RGYAS BYAMS PA NAS MOS PA'I BAR GYIS KYANG MI GSUNG BAR BSHAD, DE YANG SANGS RGYAS DE RNAMS LA SNGAGS KYI CHOS GSUNG RGYU MED PA MIN KYANG STON RUNG GI GDUL BYA MED PAS YIN, DES NA SANGS RGYAS 'JIG RTEN DU 'BYUNG BA LAS KYANG DKON, DE LTAR 'BYUNG BA DKON NA DE LA YON TAN CI YOD SNYAM NA, SKAL BA BYE BA PHRAG MANG PO RU 'KHOR BAR SDUG BSNGAL BA'I RGYU SDIG PA GANG SNGON CHAD BYAS PA MANG PO ZHIG ,RANG BRIS DANG RDUL TSON GYI DKYIL 'KHOR 'DI 'DRA SBYOR BA DKYIL 'KHOR DU 'JUG PA'I PHYIR DU SDIG PA BSHAGS SHING SKYABS SU 'GRO BA DANG SDOM

, ,PA 'DZIN PA DANG GCIG ,RTZA BA'I DKYIL 'KHOR DU 'JUG PA'I TSE SEMS BSKYED PA DANG RGYAL BA SRAS BCAS KYI SKU DANG PHYAG RGYA SOGS MTHONG NAS DAD PA SKYES PA DANG GNYIS, GSUM PA DAM PA'I CHOS MI SPONG BA DANG SEMS SKYED MI GTONG BA SOGS KYI DAM TSIG BZUNG BA STE CHOS DE GSUM DANG LDAN PAS MTHONG BA LA BRTEN NAS ZAD PAR 'GYUR NA GRAGS PA MTHA' YAS STE YON TAN MTHA' YAS PAR GRAGS PA'I GSANG SNGAGS LA SPYOD PA'I THABS TSUL LA GNAS PA RNAMS KYI SDIG PA MAR PO SPYOD PA SMOS CI DGOS, SNGAGS LA SPYOD PA'I TSUL JI LTA BA BZHIN BYAS TE LHA SGOM PA DANG YID SKYOB PA'I GSANG SNGAGS BZLAS NA NI GO 'PHANG BLA NA MED PA THAMS CAD MKHYEN PA'I GO 'PHANG MYUR DU 'THOB PAR 'GYUR BA'I YON TAN YOD; DES NA GSANG SNGAGS KYI SPYOD TSUL MCHOG 'DI LA SHIN DU DAG ? GTZANG ? 'DUN PA'I GDUL BYA GANG DANG GANG YIN PA RNAMS KYIS SNGAGS KYI SPYOD PA LA BLO GROS SHIN DU DRI MA MED PA STE YID GZHAN DU MI GA-YO BAR BRTZON PAS BSLAB NA DE RNAMS SDUG BSNGAL SHUG DRAG LA YUN RING BA KUN 'BYUNG BA'I NGAN 'GRO'I RGYU YANG DAG PAR ZHI NAS GO 'PHANG MTHON POR BGROD PAR 'GYUR, DE BAS NA BDAG NYID CHEN PO RDO RJE SLOB MA KHYED RNAMS KYIS DE RING RNYED PA GZHAN DANG MNYAM PA MED PA RNYED PAR GYUR TE, KHYED RNAMS RGYAL BA KUN DANG MNYAM PA'I GO 'PHANG MCHOG LA BGROD CING GNAS PA'I THABS BDAG NYID CHEN PO RGYAL BA SRAS BCAS KYIS BSTAN PA'I DBANG GI STA GON GYI RIM PA 'DI KUN LA DE RING YONGS SU BZUNG STE DE LA GNAS PA GSANG SNGAGS KYI THEG PA CHEN PO SKYE BAR 'GYUR BZHIN PA'AM SKYE BA LA MNGON DU PHYOGS PAR BYAS PA YIN LA, DE LTAR BYAS PA DE YIS KHYED RNAMS SANG NI SNGAGS KYI THEG CHEN LA LEGS PAR SKYE BA STE ZHUGS PA NYID DU 'GYUR RO, ,SNGAGS SPYOD PA'I THEG CHEN NI THEG PA CHEN PO BLA MED BYANG CHUB CHER 'BYUNG BA STE MYUR DU 'BYUNG BA'I RGYU YIN PAS, SNGAGS SPYOD PA'I LAM MCHOG 'DI NI DPAL DANG LDAN PA YIN LA, DE LTA BU'I LAM GANG GIS KHYED RNAMS 'GRO BAR 'GYUR BA STE LAM DE TSUL BZHIN DU NYAMS SU LEN CING GONG NAS GONG DU BGROD PAS, MYUR DU DE

BZHIN GSHEGS PAR 'GYUR BA YIN, DES NA DE LTA BU'I DON CHEN PO DANG LDAN PAR RGYUR BAS BDAG SKAL BA SHIN DU BZANG SNYAM PA SGOM ZHES BSHAD LA SPRO PA BSKYED, DE NAS DE RNAMS LA 'KHYIL BA'I SNGAGS KYIS BSANG NAS BZLAS PA'I DON DU 'KHYIL PA'I SNGAGS PHYIN LA, KHYED RNAMS NYAL BA'I TSE KU SHA CHA BSTAN DANG CHUNG BA SNGAS SU CHUG LA GLO GA-YAS PA PHAB TE SENG GE'I NYAL STABS KYIS SHAR PHYOGS SU MGO BSTAN NAS NYOL LA RMI LAM BRTAG STE, DE YANG MTSAN LA CHA BZHIR BYAS PA'I CHA DANG PO GSUM GYI RMI LAM LA NGES PA MED CING, CHA BZHI PA LA BYUNG BA NGES PAR 'JAM DPAL RTZA RGYUD LAS, DANG PO'I THUN GYI RMI LAM GANG, PAD KAN LAS BYUNG SHES PAR BYA, GNYIS PAR GANG BYUNG 'KHRIS PA STE, 'JIG RTEN LA YOD SMAD PA YIN; GSUM PA RLUNG BYUNG SHES PAR BYA, BZHI BA BDEN PAR 'BYUNG BA YIN, ZHES GSUNGS PA LTAR YIN PAS CHA BZHI PA LA RMI LAM GANG BYUNG BA MA BRJED PAR BYAS NAS SANG NANG BAR NGA LA SMROS SHIG ,SANG KHYED RNAMS KYIS DKYIL 'KHOR CHEN PO MTHONG BAR 'GYUR NGO ZHES GO BAR BYAS NAS, SLOB MA RNAMS RANG GNAS SU BTANG, DE NAS RANG NYID DKYIL 'KHOR GYI KHANG PAR ZHUGS TE BSRUNG BA'I DON DU 'KHYIL BA'I SNGAGS CI 'GRUB BZLAS LA STA GON GYI LHA LA MCHOD CING BSTOD DE, SNGAR MA BZUNG GI SKABS SU BSHAD PA'I SNGAGS DANG PHYAG RGYAS DKYIL 'KHOR NAM MKHAR BTEGS, DE NAS STA GON GYI MAndAL ? DANG MCHOD PA SREGS ? BSDU, DKYIL 'KHOR BKRAM, MTHAR NYER SPYOD LTA GRANGS DANG MNYAM PA'AM, MA 'BYOR NA TSAR BCU LAS MI NYUNG BA GA-YAS SKOR DU BSHAMS, DE'I MDUN DU DKYIL 'KHOR LA PHYOGS PAR SLOB DPON GYI STAN DANG, ,DE'I MDUN DU STEGS PHYI ? KHAR DKYIL 'KHOR BAL 'BUL RGYU'I CHU BZHI DANG, RDOR DRI LA SOGS BSHAMS SANG NYIN SLOB DPON SNGA BAR LANGS ? TE, RANG LA RMI LAM NGAN PA BYUNG NA PHYOGS SKYONG DANG MKHA' 'GRO SPYI LA GTOR ? MA GTONG BA, BSRUNG 'KHOR SGOM PA, YI DAM GYI LHA'I BZLAS PA BYA BA, GO CHA'I LHA DGOD PA, LHA LA GSOL BA GDAB PA, RGYAN DRUG BGOS NAS LHA'I NGA RGYAL BYA BA, SBYIN SREG BYA BA STE, BZLOG THABS BDUN LAS CI RIGS PA BYA, GSUM

, ,PA LA GNYIS, DKYIL 'KHOR SGRUB CING MCHOD PA DANG, DBANG BSKUR BA'I CHO GA'O, ,DANG PO LA DKYIL 'KHOR SGRUB PA DANG, DKYIL 'KHOR MCHOD PA GNYIS LAS, DANG PO NI, KHRUS BYAS SHING DRI ZHIM POS LUS LA BSGOS LA STOD GA-YOG DANG, GTZUG TOR DANG RGYAN DANG BCAS PA'AM DE LTAR MOS LA, LAS BUM GYI CHUS BSANG ZHING YI GE GSUM DANG LAS SNGAGS KYIS DKYIL 'KHOR BSRUNG, SHING SGO DANG NYE BAR NUB TU KHA BLTAS TE 'DUG LA; BDAG MDUN 'JUG PA THA DAD DU SGRUB NA, BDAG BSKYED RDZOGS PAR BSGOM PA'I MTHAR NYER BSDUS BYAS STE, RANG GTZO BOR GSAL BA BRIS PA'I DKYIL 'KHOR GYI NANG DU ZHUGS TE, GTZO BO'I MTSAN MA DANG DBYER MED DU GYUR BAR MOS NAS, SHU NA+YA ? TA SA SBYANGS, STONG PA'I NGANG LAS SKAD CIG GIS SGRUB BYA'I DKYIL 'KHOR GYI RTEN DANG BRTEN PAR BCAS PA THAMS CAD YONGS SU RDZOGS PAR GYUR PA NI; 'OG TU RDO RJE'I SA GZHI, (ZHES SOGS 'OG NAS 'BYUNG BA LTAR SGRUB, BDAG MDUN THA MI DAD DU 'JUG PA GCIG PAS SGRUB NA, DRANG NYID SKAD CIG GIS DKYIL 'KHOR KYI GTZO BOR GSOL BA, RDOR DRIL BYIN BRLAB, SNGON 'GRO'I GTOR MA, RDOR SEMS SGOM BZLAS, TSOGS ZHING GI SKOR RNAMS MNGON RTOGS KYI SKABS NAS 'BYUNG BA BZHIN BYAS TE, RANG NYID RAS BRIS KYI DKYIL 'KHOR KYI NANG DU ZHUGS TE GTZO BO'I MTSAN MA DANG DBYER MED DU GYUR BAR MOS LA,) ? SHU NA+YA TA SA SBYANGS, STONG PA'I NGANG LAS SKAD CIG GIS SGRUB BYA'I DKYIL 'KHOR GYI RTEN DANG BRTEN PAR BCAS PA THAMS CAD YONGS SU RDZOGS PAR GYUR BA NI, 'OG RDO RJE'I SA GZHI, ZHES PA NAS, GA-YON BRKYANGS BA'I STABS KYIS BZHUGS PA, ZHES PA'I BAR RNAMS MNGON RTOGS KYI SKABS

LTAR GSAL GDAB, ) ? RANG GI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA AOm LAS BYUNG BA'I NOR BU'I BU GA PHAt KYIS BKAG PA, YUM GYI GSANG GNAS MI DMIGS PA'I NGANG LAS A'A LAS BYUNG BA'I PADMA DMAR PO 'DAB MA BRGYAD PA ZE'U 'BRU'I BU GA PHAt KYIS BKAG PA, YAB YUM SNYOMS PAR ZHUGS PA'I DGA' BA'I SGRAS YE SHES KYI 'KHOR LO SPYAN DRANGS, AOm SARBA TA TH'A GA TA PA RYAm ? PRA TI TZTSA H'Um, (DE BZHIN DU PA TYAm ? GI GNAS SU,) ARGHAm ? (ZHES BCUG PAS ZHABS BSIL DANG MCHOD YIN PHUL,) YE SHES KYI 'KHOR LO SPYAN DRANGS PA RNAMS RANG GI ZHAL DU ZHUGS, 'DOD CHAGS CHEN PO'I MOS ZHU BAR GYUR TE, RDO RJE'I LAM NAS YUM GYI PADMAR PHYUNG BA'I BYANG CHUB KYI SEMS YONGS SU GYUR PA LAS YE SHES KYI LHA'I 'KHOR LO YONGS SU RDZOGS PAR GYUR, YUM GYI PADMA NAS PHYUNG, AOm BADZRA AAm GU SHA DZA, AOm BDZRA LA SHA H'Um, AOm BDZRA SGRO tA BAm, AOm BADZRA GANtA HO, YE SHES PA RNAMS DANG RANG GI DAM TSIG PA DANG GNYIS SU MED PAR GYUR ZHES YE SHES PA BSTIM, RANG GI THUGS KA'I SA BON LAS 'OD ZER 'PHROS, NAM MKHAR BZHUGS PA'I STA GON GYI RTEN DANG BRTEN PA'I SKYIL 'KHOR SPYAN DRANGS, DZA: H'Um BAm HO: GNYIS SU MED PAR GYUR, (ZHES STA GON GYI DKYIL 'KHOR BSTIM, LHA RNAMS KYI MIG TU MEm,) RNA BAR H'Um, SNAR AOm, LCER AOm, SNYING GAR H'Um, SPYI BOR AOm, MGRIN PAR A'A: THUGS KAR H'Um GIS

, ,MTSAN PAR GYUR, RANG GI THUGS KHA'I SA BON LAS 'OD ZER 'PHROS, DBANG GI LHA GSHEGS PA DANG GSHAGS MA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS BUM PA'I CHUS SPYI BO NAS DBANG BSKUR, LUS THAMS CAD GANG, CHU'I LHAG MA SPYI GTZUG TU GNAS PA YONGS SU GYUR PA LAS, DE BZHIN GSHEGS PA LNGA, MA M'A KI ,SGRA RDO RJE MA, RNAMS LA MI BSKYOD PA, SPYAN MA, GZUGS RDO RJE MA, GSHIN RJE GSHED RNAMS LA RNAM SNANG, DRI RDO RJE MA LA RIN 'BYUNG, GOS DKAR MO, ,RO ? RDO RJE MA, PADMA MTHAR BYED RNAMS LA 'OD DPAG MED, REG BYA RDO RJE MA LA DON GRUB, CHOS DBYINGS RDO RJE MA LA RDO RJE SEMS DPA', LHAG MA RNAMS LA MI BSKYOD PAS DBU BRGYAN CING DBANG GI LHA RNAMS RANG NYID LA THIM PAR GYUR, GNYIS PA MI RANG NYID GTZO BO LAS ? MAR ME GCIG LAS GNYIS CHAD KYI TSUL DU PHYE NAS DKYIL 'KHOR GYI SHAR SGO'I THAD KYI PHYI ROL TU MCHOD PA'I LAS LA GNAS PAR GYUR, (DE NAS MCHOD PA RNAMS BSANG SBYANGS BYIN GYIS BRLAB NAS,) DAG CING DRI MED YID 'ONG BA'I, (ZHES SOGS KYIS CHU BZHI,) LHA YI ME TOG DAM PA 'DI, (,ZHES SOGS KYIS NYER SPYOD ROL MO RNAMS DANG,) PHYAG RGYA'I RNAM PA SNGON PO SOGS, ,DE BZHIN GZUGS LA DBYE BA GSUM, ,GZUGS KYI RDO RJE MAR BKUG ? NAS, ,LHA RNAMS SPYAN LA DBUL BAR BYA, ,AOm SARBA TA TH'A GA TA

R'U PA PRA TI TZTSA H'Um SV'A H'A, YANG DAG GLU DANG BRJOD BRAL DBYANGS, ,DE BZHIN SGRA LA DBYE BA GSUM, ,SGRA YI RDO RJE MAR BKUG NAS, ,LHA RNAMS SNYAN LA DBUL BAR BYA, ? , GA BUR AA GAR DZA TI SOGS, ,DE BZHIN DRI LA DBYE BA GSUM, ,DRI YI RDO RJE MAR BKUG NAS, ,LHA RNAMS SHANGS LA DBUL BAR BYA, ? ,'O BYED PA DANG 'JIB PA DANG, , RO DRUG DE BZHIN DBYE BA GSUM, ,RO YI RDO RJE MAR BKUG NAS, ,LHA RNAMS LJAGS LA DBUL BAR BYA, x ? ,RDO RJE PADMA YANG DAG SBYOR, ,'O DANG 'KHYUD PA DBYE BA GSUM, REG BYA'I RDO RJE MAR BKUG NAS, ,LHA RNAMS LUS LA DBUL BAR BYA, ,(ZHES PA'I TSIGS BCAD RE DANG GONG GI SNGAGS R'U PA ZHES PA'I GNAS SU,) SHAPTA, GANDHE, RA SA, SPARSHA ?, ? (ZHES PA RNAMS RIM PA BZHIN BCUG LA DOD YON LNGAS MCHOD,) ZHING 'DIR 'KHOR LO RIN CHEN GYIS, ,MKHAS PA DAG GIS YONGS BKANG STE, ,DNGOS GRUB 'DOD PAS SBYIN PA'I PHYIR; ;NYIN RER SHES RAB CAN GYIS 'BUL, ,AOm SARBA TA TH'A GA TA TZA KRA RADNA PRA TI TZTSA H'Um SV'AH'A, (TSIGS BCAD KYI 'KHOR LO ZHES PA'I TSAB TU,) NOR BU, BTZUN MO, ,BLON PO, , GLANG PO; ;RTA MCHOG ,DMAG DPON, (ZHES PA RNAMS RIM PA BZHIN BCUG PA DANG, SNGAGS KYI TZA KRA ZHES PA'I TSAB TU,) MA nI, STRI, PURshA, GANDZA, TU RAm shA AA SHO ,KHANGGA, (ZHES PA RNAMS RIM BZHIN BCUG LA RGYAL SRID SNA BDUN DBUL,) SNA TSOGS DBANG PO'I GZHU BZHIN RAB BKRA ZHING, (,ZHES SOGS DANG,) RGYAL BA MTSAN DPE'I RANG BZHIN RGYAN LDAN PHYIR,

, (,ZHES SOGS KYIS NA BZA' DANG RGYAN RNAMS DBUL, DE NAS NANG MCHOD BYIN BRLAB BYAS PA,) MCHOD DO PHYOGS BCU 'DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BOR GYUR PA, CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG DRIN CAN RTZA BA'I BLA MA RIN PO CHE'I ZHAL DU AOm A'A: H'Um, RIGS KUN KHYAB BDAG RDO RJE 'CHANG GI ZHAL DU AOm A'A: H'Um, RJE BTZUN RDO RJE RNAL 'BYOR MA'I x DKYIL 'KHOR RGYA MTSO'I MNGA' BDAG PAn CHEN 'JIG MED 'BYUNG GNAS KYI x PAn CHEN DPE MED BSRUNG BA'I x PAn CHEN RNAM DPYAD LHA'I x PAn CHEN SH'AKYA SHRI'I x PAn CHEN BHU MI SHRI'I x PAn CHEN DRI MED DPAL BZANG GI x LO CHEN BYANG CHUB SENG GE'I x SKYI STON GRAGS PA RGYAL MTSAN GYI x KUN MKHYEN SHES RAB RGYAL MTSAN GYI x SA BZAD PAn CHEN BLO GROS RGYAL MTSAN GYI x KRi YA'I GSAL BYED DHAR PAN AA TZARKYA'I x PAn CHEN SA MANTA BHA TRA'I x PAn CHEN YE SHES GLOG 'OD KYI x SHRI HA NU MANTA'I x PAn CHEN 'JAM DPAL BZANG PO'I x PAn CHEN DPAL LDAN BZANG PO'I x PAn CHEN CHOS KLAGS BZANG GI x PAn CHEN YID LA ? TSO BZANG PO'I x PAn CHEN SH'AKYA DPAL BZANG GI x PAn CHEN RNAM RGYAL

BZANG PO'I x DPAL MYOS BYED BZANG PO'I x DPAL PHUN TSOGS BZANG PO'I x PAn CHEN NAM MKHA' BZANG PO'I x PAn CHEN CHOS 'TSO BA BZANG PO'I x DPAL 'PHROG BYED BZANG PO'Ix PAn CHEN SKAL LDAN BZANG PO'Ix PAn CHEN KUN DGA'I 'TSO BA BZANG PO'I x PAn CHEN MA H'A BO DHI'I x DBANG GI CHU BO GNYIS 'DUS SA BZANG 'PHAGS PA GZHON NU BLO GROS KYI x DONG CHEN KUN DGA' BZANG PO'I x SEMS DPA' BLO GROS RIN CHEN GYI x MKHAS PA SANGS RGYAS RIN CHEN GYI x MKHAS GRUB LHA MCHOG SENG GE'I x MKHAS GRUB DKON MCHOG LHUN GRUB KYI x MKHAS GRUB NAM MKHA' DPAL BZANG GI x MKHAS GRUB KUN DGA' BSOD NAMS LHUN GRUB KYI x MKHAS GRUB ? NGAG DBANG CHOS GRAGS KYI x MKHAS GRUB BSOD NAMS MCHOG LDAN GYI x DKYIL 'KHOR RGYA MTSO'I MGON PO RDO RJE 'CHANG NGAG DBANG BLO BZANG RGYA MTSO'I x MKHAS GRUB SNGAGS RAM PA NAM MKHA' BZANG PO'I x DRIN CAN RTZA BA'I BLA MA RDO RJE 'CHANG NGAG DBANG DPAL BZANG GI ZHAL DU AOm A'A: H'Um, GZHAN YANG DBANG BSKUR RGYUD BSHAD MAN NGAG GNANG BA'I BLA MA DAM PA YAB SRAS RGYUD PA DANG BCAS PA RNAMS KYI ZHAL DU AOm A'A: H'Um, (ZHES PAS RTZA RGYUD KYI BLA MA DANG, LHA RANG RANG GI SNGAGS LAM BRUG SUM BTAGS PAS DKYIL 'KHOR BA RNAMS LA DBUL,) GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR KYI LHA TSOGS RNAMS KYI ZHAL DU AOm A'A: H'Um

, ,SNGON SANGS RGYAS MTHONG BA DAM PA'I CHOS THOS PA 'PHAGS PA'I DGE 'DUN LA BRTEN PA BSTAN PA DANG 'KHOR RNAM BZHI SKYONG BAR ZHAL GYIS BZHES PA'I BLA MA GONG MA RNAMS KYIS BSTEN CING GRUB PA'I SRUNG MA DAM TSIG CAN RNAMS KYI ZHAL DU AOm A'A: H'Um, YUL SUM CU SO GNYIS GNAS NYI SHU RTZA BZHI, DUR KHROD CHEN PO BRGYAD NA GNAS PA'I DPA' BO DANG DPA' MO PHYOGS SKYONG DANG ZHING SKYONG KLU LA SOGS PA RNAMS KYI, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI THUGS KA'I H'Um LAS 'OD ZER 'PHROS, PHYOGS BCU'I SANGS RGYAS THAMS CAD SPYAN DRANGS, RANG GI LUS LA THIM PAR GYUR, (ZHES BDUD RTZI LCE THOG TU BZHAG LA,) AOm AA MRi TA SVA DA NA BADZRA SVA BHA WA AA TMA KONA-YA HAm, MGRON THAMS CAD YE SHES KYI BDUD RTZIS MNYES SHING TSIM PAR GYUR, (ZHES NANG MCHOD PHUL LA,) RANG NYID DKYIL 'KHOR KYI NANG DU ZHUGS, GTZO BO DANG THA MI DAD PAR GYUR, YAB KYI GSANG GNAS MI DMIGS PA (ZHES PA NAS) PHAt KYIS BKAG PA, YAB YUM SNYOMS PAR ZHUGS PAS LHAN CIG SKYES PA'I BDE BA SKYES DKYIL 'KHOR PA'I LHA THAMS CAD KYIS KYANG LHAN SKYES KYI DGA' BA NYAMS SU MYONG BA DE BA CHEN PO DANG DE KHO NA NYID DBYER MI PHYED PA'I TING NGE 'DZIN LA SNYOMS PAR ZHUGS PAS GSANG BA DANG DE KHO NA NYID KYI

MCHOD PAS MNYES PAR GYUR, (ZHES GSANG BA DANG DE KHO NA NYID KYI MCHOD PAS MCHOD) MI BSKYOD RDO RJE (ZHES SOGS KYIS BSTOD, BGRANG 'PHRED BYIN GYIS BRLAB NAS, GTZO BO'I SNGAGS BRGYA RTZA BRGYAD DANG, 'KHOR RNAMS KYI NYER GCIG RE BZLAS LA YIG BRGYAS BRTAN PAR BYA, ,DE NAS DKYIL 'KHOR GYI KHANG BA'I PHYI ROL LAM DKYIL 'KHOR YOL BAS BCAD PA'I PHYI ROL DU SHAR LA SOGS PA'I PHYOGS SU DKYIL 'KHOR BA DANG, PHYOGS SKYONG DANG, PHUR BU'I LHA LA 'BUL RGYU'I MCHOD GTOR RNAMS BSHAM LA, BYIN GYIS BRLAB TE,) RANG GI THUGS KHA'I H'Um LAS 'OD ZER 'PHROS, DKYIL 'KHOR BA'I LHA DANG PHYOGS SKYONG BCO LNGA 'KHOR DANG BCAS PA MDUN GYI NAM MKHAR SPYAN DRANGS, PHYOGS SKYONG 'KHOR DANG BCAS PA SKAD CIG GIS 'OD GSAL DU BCUG PA LAS DKYIL 'KHOR GYI GTZO BO'I RNAM PA CAN DU GYUR, LHA RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN GYIS GTOR MA'I BCUD THAMS CAD DRANGS TE GSOL BAR GYUR, (DKYIL 'KHOR GYI LHA RNAMS KYI SNGAGS LA,) SARBA TU shtAm SA MA YA (ZHES SOGS SAM,) BA LIm PRA TI TZTSA H'Um SV'A H'A, (ZHES BTAGS PA BDUN NAM GSUM GYIS DKYIL 'KHOR BA LA DBUL, BSANG GTOR, ZHABS BSIL, NYER SPYOD ROL MO BCAS NANG MCHOD SOGS KYIS MCHOD, BSTOD PAS BSTOD,) AOm DA SHA DI KA LO KA P'A LA S'A PA RI WA RA AA KA RO MU KHAm (ZHES SOGS GSUM GYIS GTOR MA DANG,) ARGHAm (SOGS KYIS CHU GNYIS SOGS PHYI MCHOD,) AOm A'A: H'Um, (BTAGS PAS NANG MCHOD DBUL,) PHYOGS SKYONG BCO LNGA 'KHOR BCAS

, ,KYIS, (ZHES SOGS KYIS 'PHRIN LAS BCOL,) PHUR BU'I LHA RNAMS KYI LJAGS H'Um LAS SKYES PA'I RDO RJE RTZE GCIG PA DMAR PO 'OD KYI; (ZHES SOGS KYIS LJAGS PHYIN GYIS BRLAB,) AOm BADZRA MA H'A GRO DHA RA DZA SA P'A RI WA RA AA KA RO MU KHAm (ZHES SOGS GSUM GYIS GTOR MA 'BUL,) AOm BADZRA MAH'A GRO DHA RA DZA SA P'A RI WA RA LA ARGTAm (SOGS DANG 'BRU GSUM BTAGS PAS MCHOD) H'Um 'JIGS PA'I H'Um SGRA NGES SGROG CING (ZHES PA NAS) BGEGS KYI DGRA LA PHYAG 'TSAL BSTOD, (CES PA'I BAR GYIS BSTOD,) DKYIL 'KHOR BA'I LHA RNAMS RANG NYID LA THIM PAR GYUR, PHYOGS SKYONG DANG KHRO PO BCU RNAMS DKYIL 'KHOR GYI KHANG BA'I PHYI ROL GYI PHYOGS BCUR PHYI NANG DU PHYOGS 'TSAMS SU 'KHOD NAS JI SRID DKYIL 'KHOR GYI BYA BA MA RDZOGS PA DE SRID DU BGEGS RNAM PAR BZLOG PA'I 'PHRIN LAS MDZOD CIG (,CES LAS MA ZIN KYI BAR DU BZHUGS SU BCUG ,DE NAS PA LCI'I MANtAL LA KHAM PHOR DU 'O MA DANG ZAN RI LA SOGS BSHAM STE, KLU GTOR BSDUS PA LTAR KLU RNAMS LA GTOR MA SBYIN, DE NAS MA DAG PA SEL BYED DU NYE REG BYA LA, DE'I TSUL NI LAG PA GNYIS BKRUS TE TZOG BUR 'DUG CING NGAG BCAD, LAG PA GNYIS BUS MO'I NANG DU 'ONG BAR BYA, GA-YON PA'I MTHA'I DU CHU GTZANG ZLUG SAL GA-YAS PA'I SOR MOS CHU BLAD LA KHA LA LAN MANG DU BYA BA CING LAN GNYIS GSUM DU RNA BUG GNYIS, MIG GNYIS SNA DANG, KHA DANG, LAG PA GNYIS, LTE BA DANG, MGO LA REG PA'I RJES SU CHU HUB GSUM 'THUD NAS MCHU LA LAN GNYIS PHYE PHAR BYA'O, ,LAS SNGAGS 'DON ZHING, SLOB DPON GYI RTING MNAN LA NANG DU 'OD STE DKYIL 'KHOR GYI SHAR SGO'I THAD DU RDOR DRIL 'DZIN PAS

H'Um MDZAD KYI PHYAG RGYA BYAS LA,) RANG NYID SKAD CIG GIS H'Um MDZAD SNGON PO ZHAL GCIG PHYAG GNYIS KYIS H'Um MDZAD KYI PHYAG RGYA 'CHING ZHING, GA-YON BRKYANG GI STABS KYIS BZHUGS PA; RDO RJE SHUGS KYIS 'JUG PAS DKYIL 'KHOR GYI NANG DU THOGS PA MED PAR ZHUGS PAR GYUR, AOm SUm BHA NI SUm BHA H'Um, (ZHES PA NAS,) G'IDYA RA DZA H'Um PHAt, (ZHES ZLOS SHING SKOR BA GSUM BYA'O, ,DE NAS ME TOG GI 'PHRENG BA BZUNG LA SHAR SGO'I THAD NAS 'GRENG STE,) AOm MCHOG TU BDE BA'I SEMS NI ROL PAR LDAN, SGEG PA'I PHYAG GIS BCOM LDAN 'DAS LA 'KHRIL, DZA: H'Um BAm HO: HI HI HI HI HI, MGON PO SNYIM PA'I ME TOG BZHES SU GSOL, ,(ZHES PA SKOR DANG BCAS PAS ME TOG GI 'PHRENG BA GTZO BO LA DBUL, DE NAS GA-YAS SKOR DU NUB TU SONG NAS H'Um MDZAD KYI PHYAG RGYA 'CHING ZHING GA-YON BRKYANG DU GNAS TE PHYAG RGYA BGROL NAS,) AOm BADZROD GH'A tA SA MA YA PRA BE SHA YA H'Um, (ZHES BRJOD LA SHAR SGO DBYE, DE BZHIN DU BYANG NAS LHO SGO DANG; SHAR NA SI NUB SGO DANG, LHO NAS BYANG SGO BYE, DE NAS,) SA MA YA PRA BE SHA YA MI, ZHES ME TOG GI 'PHRENG BA PHUL BA SLAR GANG BYED CING BLANG LA RANG GI MGOL BCINGS TE,) AOm PRA NA MA MI SARBA TA TH'A GA TAN, (ZHES DKYIL 'KHOR LA PHYAG BYAS NAS,) SEMS CAN THAMS CAD LA DNGOS GRUB THAMS CAD KYI BKA' DRIN STZOL CIG (,CES GSOL BA GANG BA, DE NAS NGAG GIS DBANG THOB PA'I BLA MA DANG DKYIL 'KHOR GYI GTZO BO THA MI DAD DU MOS NAS, BLA MA'I BYA BA RNAMS GTZO BOS MDZAD CING SLOB MA'I BYA BA RNAMS RANG GIS BYED PAR MOS TE DBANG RDZOGS PAR LEN, DE NAS SLOB MA 'JUG PA'I DON DU

, ,RDOR DRIL 'DZIN PAS,) NAM MKHA' SKYE BA MTSAN LDAN PHYIR, ,THOG MA THA MA MED PA'I MCHOG ,SEMS DPA' RDO RJE CHE DANG BZHIN, ,MI BSKYOD RDO RJE DENG BDAG SGRUB, ,DNGOS GRUB CHEN PO KUN GYI MCHOG ,DBANG PHYUG CHEN PO LHAG PA'I LHA, ,RDO RJE 'DZIN PA KUN GYI RGYAL, ,MI 'GYUR MCHOG TU BDAG BSGRUB MDZOD, ,NYES PA MI MNGA' RTAG PA KHYOD, ,'DOD CHAGS KUN GYI RJES CHAGS PA, ,BCOM LDAN CHAGS CHEN DGA' BA CHE, ,DE NYID DU NI BDAG BSGRUB MDZOD, ,SHIN DU RNAM DAG CHOS KYI MCHOG ,GDOD NAS GROL BA DE BZHIN GSHEGS, ,KUN TU BZANG PO KUN BDAG NYID, , BYANG CHUB SEMS DPA'ANG BDAG BSGRUB MDZOD, ,DNGOS GRUB CHEN PO KUN GYI MCHOG ,DBANG CHEN MCHOG GI PHYAG RGYA YIS, ,RDO RJE CHEN PO GSAL BA LAS, ,RDO RJE SNYEMS BDAG BDAG BSGRUB MDZOD, ,SEMS CAN KUN GYI YID KHYAB PA, ,SEMS CAN KUN GYI SNYING LA GNAS, ,SEMS CAN KUN GYI YAB KYANG YIN, ,DAM TSIG MCHOG GI 'DOD PA MCHOG (,CES LAN GCIG DANG, 'DI MAN CHAD LAN GSUM BYA STE,) SHES RAB THABS DAG DKYIL 'KHOR GYI; ;BDEN PA'I BYIN BRLABS GANG YIN PA, ,BDEN PA DE YIS MGON BDAG LA, ,KHYOD KYIS 'DOD PA RAB RDZOGS MDZOD, ,CHOS RNAMS GZUGS

BRNYAN LTA BU STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,DE NYID DE BZHIN NYID NGES 'BYUNG, ,BDEN PA DE YIS DKYIL 'KHOR NI, ,GZUGS BRNYAN GSAL BAR SLOB MA RNAMS, ,KUN GYIS DRI MED MTHONG BAR SHOG (,CES BDEN STOBS BRJOD, DE NAS DKYIL 'KHOR YOL BAS BCAD NAS, SNGAR STA GON BYAS PA'I SLOB MA RNAMS KHRUS BYA, PHYAG 'TSAL, GRAL DU 'KHOD PA LA, RMI LAM DRIL, DE YANG DKON MCHOG GSUM GYI RTEN MTHONG BA, RTEN LA MCHOD PA BYED PA, DAM PA'I CHOS NYAN PA, KHRI BZANG PO'I KHANG 'DUG PA, NYI ZLA SHAR BA, RGYAL POR DBANG BSKUR BA, 'KHOR RNAM BZHI MTHONG BA, DE DAG DANG CHOS KYI GTAM BYED PA, ZAS BZANG PO RNYED PA, GTER RNYED PA, SKYE BO MANG POS 'DUD PA, RANG GI BLA MA DANG PHA MA DANG MDZAD BSHES DANG 'PHRAD PA, RGYAN GOS BZANG POS BRGYAN PA, KHRUS BYED PA, NAM MKHA' LA 'PHUR PA, DAR 'PYANG BA, DUD 'BUD PA SOGS RMIS NA BZANG, RI DANG SHING LAS LHUNG BA, PHYI MA DANG THAL BUD LA 'DZEG PA, RGYA SKYEGS KYI RI LA 'DZEG PA, KAR BI RA'I ME TOG 'THU BA, SPRE'U, BONG BU, PHAG ,RNGA MONG, MA HE, SROG CHAGS GDUGS PA CAN LA ZHON NAS LHO PHYOGS SU BLTAS TE PHYIR MI LDOG PA'I BSAM PAS 'GRO BA, BUD MED NAG MO KHROS PAS LTO BA DRAL BA, BUD MED NAG MOL 'DOD PA SPYOD PA, RE NAG GYON PA, GA-YANGS DANG GCONG RUNG DU ZHUGS PA, LJON SHING SKAM PO MTHONG BA, KHYI DANG KHVA DANG SRIN PO SOGS KYIS ZA BA, MI NAG PO LCAGS KYI DBYUG PA THOGS PAS SDIG PA, DES 'KHRID PA, LUS TIL MANG GYIS BYUG NAS 'PHRENG BA DMAR PO'I THOD BCINGS PA, LUS 'DAM RDZAB TU BYING BA, NYI ZLA NUB PA CHUS KHYER BA

, ,SOGS RMIS NA CUNG ZAD NGAN PA'I LTAS YIN, 'ON KYANG DE ZLOG THABS LA 'KHYIL BA'I SNGAGS KYIS SRUNG BA DANG, BDAG MED PA'I DON BSAM NAS SBYANGS PA DANG, ZHI BA'I SBYIN SREG BYA BAS SBYANG BA GSUM GSUNGS PA LAS, 'DIR RMI LAM NI 'JIG RTEN PAS KYANG MI BDEN PA'I DPER BYED CING RMI LAM LA SOGS PA'I CHOS THAMS CAD RANG BZHIN GYIS MA GRUB PA'I BDEN MED YIN PAS BDAG GI RMI LAM KYANG BDEN PAR MED SNYAM PA DANG BLA MA DANG GTZO BO THA MI DAD PA'I THUGS KHA NAS LAS KYI LHA DPAG TU MED PA SPROS TE, RMI LAM NGAN PA RMIS PA DANG DKYIL 'KHOR DU 'JUG PA LA BAR DU GCOD PA THAMS CAD BSKRAD PA'I MOS PA MDZOD BYAS LA LAS BUM GYI CHUS BSANG ZHING LAS SNGAGS BRJOD, GNYIS PA LA, DBANG BSKUR BA'I CHO GA DANG, DAM TSIG NYAMS PA GSO BA'I TSUL, DKYIL 'KHOR GYI 'JUG GI CHOG GSUM, DANG PO LA, DKYIL 'KHOR LA GZHUG PA, ZHUGS PA LA DBANG BSKUR BA'I TSUL, DBANG GI MTHA' RTEN GYI CHO GA ,DBANG RNAMS KYI DON BSHAD PA, MTHA' RTEN BYED TSUL DBANG GI DE BYE BSDU DANG BCAS PA LNGA, DANG PO LA, DKYIL 'KHOR DU 'JUG PA ZHU BA'I YON DU BLA MA DANG DKYIL 'KHOR GYI GTZO BO THA MI DAD PA LA MAntAL 'BUL DU GZHUG ,DE LTAR STA GON GYI RIM PA SONG NAS DBANG BSKUR BA'I RIM PA LA GSANG CHEN NYAN PA DANG BSHAD PA DANG SGOM PA'I NYAMS SU LEN PA'I SNOD DU RUNG BA NI DBANG RNAM PAR DAG PA THOB PA LA RAG LAS PAS, DBANG NI SNGAGS KYI DNGOS GRUB KYI RTZA BA YIN TE, DBANG MA THOB PAR RGYUD DON 'CHAD PA'I SLOB DPON LAS RGYUD KYI BSHAD PA MNYAN TE DON PHYIN CI MA LOG PAR SHES NAS LAM BSGOM PA LA CI TZAM 'BAD KYANG DNGOS GRUB KHYAD PAR CAN THOB MI SRID LA DE MA THOB PA'I NYES DMIGS TZAM DU MA ZAD DNGOS GRUB PHRA MO THOB KYANG DE LA RGYUD 'CHAD PA'I SLOB DPON DANG SLOB MA DE GNYIS KA

DMYAL BAR 'GRO BA'I PHYIR RO, ,DE LTAR YANG PHYAG CHEN THIG LE LAS, DANG POR RE SHIG GANG TSE SLOB, LAN GCIG DBANG RNAMS KYIS NI BSKUR, DE TSE GSANG CHEN BSHAD PA YI, ,NGES PAR SNOD DU GYUR PA'O, , DBANG MED NA NI DNGOS GRUB MED, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ,DE BAS 'BAR BA THAMS CAD KYIS, ,BLA MA LAS NI DBANG DON DZHU, ,ZHES TSIG BCAD DANG POS DBANG BSKUR BA LEGS PAR THOB NA GSANG CHEN BSHAD PA'I SNOD DUD DU 'GYUR BA DANG, DE NAS RKANG BA GNYIS KYIS DBANG MA THOB NA DNGOS GRUB KHYAD PAR CAN THOB MI SRID PA DANG, DE NAS TSIGS BCAD GCIG GIS SLOB DPON RGYUD DON 'CHAD SHES PA'I NGA RGYAL GYIS DBANG BSKUR MA THOB PA'I SLOB MA LA RGYUD 'CHAD PAR BYED PA NI DE 'DRA'I SLOB DPON DANG SLOB MA GNYIS KA SHI MA THAG DMYAL BAR 'GRO ZHING DES RGYUD DON SGOM PA LA BRTEN NAS DNGOS GRUB PHRA MO THOB KYANG DMYAL BAR 'GRO BA'I RGYUD BYED PA DANG, DE NAS RKANG BA GNYIS KYIS, DE LTA BAS NA 'BAD PA'I SGO NAS BLA MA LAS DBANG THOB DGOS PAR GSUNGS PAS SO; ; RGYUD RDOR 'PHRENG LAS KYANG, DBANG BSKUR BA NI GTZO BO STE, ,DNGOS GRUB THAMS CAD RTAG TU GNAS, ,NGA YIS JI BZHIN DON BSHAD KYI, ,DE PHYIR THOG MAR YANG DAG NYON, ,THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA ? SNOD DU 'GYUR, ,YANG DAG DBANG BSKUR GYIS DBEN NA, ,GRUB POS RGYUD KYI DON SHES KYANG, SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO, ,ZHES TSIGS BCAD DANG POS SNGAGS KYI LAM SGOM PA LA DBANG THOB DGOS SHING, DBANG THOB NAS LAM SGOM NA DNGOS GRUB THAMS CAD 'GRUB PA DANG, GNYIS PAS LHAG PAR DBANG GONG MA GSUM THOB NA RDZOGS RIM

, ,(NYAN PA DANG SGOM PA'I SNOD DU 'GYUR BA DANG, TSIGS BCUD GSUM PAS DBANG MA THOB PAR RGYUD NYAN NA RGYUD KYI DON SHES SU ZIN KYANG SLOB DPON DANG SLOB MA GNYIS KA DMYAL BA CHEN POR 'GRO ZHES BSHAD, YANG DE NYID LAS, DUG NI SNGAGS KYIS 'JOMS PA BZHIN, SNGAGS KYI DAG BYED BCUD LEN BYED, DE BZHIN SLOB MA DBANG SOGS KYIS, MA DAG PA NI DAG PAR 'GYUR, ZHES DUG GI NUS PA SROG GCOD PA DANG NAD SKYED PA NI SNGAGS KYIS 'JOMS PAR BYED PA YIN, SNGAGS KYI NUS PAS DUG GIS SROG DANG BRAL BA DANG NAD SKYED PA RNAMS DAG PAR BYED LA, DE LTAR DAG PAR BYAS PA'I DUG DE NAD MED PA DANG TSE RING BA LA SOGS PA'I BCUD LEN BYED CING, DE LTAR BYAS PA'I DUG TSE RING BA DANG NAD GSO BA'I SMAN DU 'GYUR BA DE BZHIN DU, SLOB MA THA MAL PA LA YANG DBANG BSKUR BA SOGS KYIS NYON MONGS PA MA DAG PA NI DAG PAR 'GYUR ZHING RIM GYIS SANGS RGYAS SU 'GYUR RO ZHES GSUNGS, SANGS RGYAS THOD PA'I RGYUD LAS KYANG, ,DPER NA BU TSE MED PA'I KHYIM, ,SHI BA TZAM GYIS STOD BA NYID, ,DE BZHIN DBANG DANG BRAL NA NI, ,YE SHES KUN GYIS STONG PA NYID, ,DPER NA PI WANG SBYOR KUN TSOGS, ,RGYUD DANG BRAL NA RDUNG MI RUNG, DE BZHIN DBANG DANG BRAL NA NI, ,SNGAGS DANG BSAM GTAN 'GRUB MI 'GYUR, ,RMONGS PA GANG ZHIG DBANG MED PAR, ,BDAG NI DBANG BSKUR ZHES SMRAS PA, ,JI SRID SANGS RGYAS BZHUGS KYI BAR, ,SLOB MAR BCAS TE DMYAL BAR 'GRO, ,ZHES BLA MED KYI RIM PA GNYIS SGOM PA LA DBANG BSKUR BA THAMS CAD THOB DGOS PAR GSUNGS SHING, ,KHYAD PAR DU TSIGS BCAD DANG POS GSANG DBANG MTHOB NA, GSANG DBANG GI LAM SGOM MI RUNG BA DANG, GNYIS PAS SHER DBANG MA THOB NA SHER DBANG GI LAM SGOM MI RUNG BA DANG, BZHI BAS DBANG BZHI BA MA THOB NA DBANG BZHI BA'I LAM SGOM MI RUNG BA DANG, DBANG BZHI PA RANG GIS MA THOB PAR THOB PO ZHES RDZUN BYAS NAS GZHAN LA

DBANG BSKUR NA SANGS RGYAS KYI BSTAN PA JI SRID BZHUGS KYI BAR STE GNAS PA'I BAR DU DMYAL BAR GNAS PA DANG DMYAL BDE MA STONGS KYI BAR DU YANG DMYAL BAR GNAS PAR BSHAD PAS, RIM GNYIS KYI LAM SGOM PA DANG, GZHAN LA 'CHAD PAR 'DOD NA DBANG BZHI YONGS SU RDZOGS PA THOB PA'I PHYIR DU 'BAD DGOS SO, ,DBANG GI RIM PA YANG DANG POR DKYIL 'KHOR DU 'JUG PA'I SKOR SONG NAS DE NAS DBANG BSKUR BA DANG MNYAN PAR BYA DGOS TE, SLOB DPON RDO RJE DRIL BU PAS, ,DBANG BSKUR DKYIL 'KHOR SNGON 'GRO BAR, RDO RJE 'CHANG GIS GSUNGS PA STE, ZHES GSUNGS SHING SANGS RGYAS MNYAMS SBYOR LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,GRUB KYANG CI YANG MI 'GRUB PO, ,ZHES DANG GUR LAS KYANG, ,DKYIL 'KHOR DU NI MA ZHUGS DANG, ,DBANG BSKUR MED PA'I RNAL 'BYOR PA, ,GANG GIS RAB GNAS MA MTHONG ZHING, ,GANG ZHIG SBYIN SREG MA BYAS NA, ,'JIG RTEN 'DI DANG GZHAN DU YANG, ,DE LA DNGOS GRUB MCHOG NYID MED, ,CES DKYIL 'KHOR DU MA ZHUGS PAS LAM SGOM PA SOGS KYIS DNGOS GRUB BSGRUB KYANG DNGOS GRUB KHYAD PAR CAN CI YANG MI 'GRUB PAR GSUNGS PAS SO, ,DBANG BSKUR BA LA'ANG SNGON LA 'OG MA'I DBANG MA BSKUR BAR GONG MA GONG MA'I DBANG BSKUR PA NI GTAN DU MI RUNG BAS BLA MED KYI DBANG GANG YANG MA THOB PA'I LAS DANG PO BA LA DBANG 'OG MA BUM PA'I DBANG RNAMS DANG DAM TSIG DANG SDOM PA 'DZIN PA'I SKOR RNAMS KYANG DOR NAS DBANG GONG MA GSANG DBANG DANG SHER DBANG SOGS SKUR TE RDZOGS RIM GYI LAM STON PA NI, RANG GZHAN GNYIS KA LA PHUNG KHROL CHEN PO SKYED PA YIN PAS, DE LTA BU GTAN NAS MI BYA, RJE BTZUN RTZE MO'I GSUNG NAS, DBANG BSKUR BYAS KYANG YID BRTAN DU MI BTUB PA CI YIN GTOL MED PA BLUN PO SLU BA DANG 'DRA BAR SNANG BA DANG, YANG BYIN BRLABS

, ,PHRA MOS DBANG BSKUR GYI GO BCAD NAS ZAB MO STON PA'I RDO RJE THEG PA'I GZUGS BRNYAN SPANGS BAR BYA'O, ,ZHES GSUNGS PA LTAR, DBANG BSKUR BYAS KYANG DBANG GI NGO BO MA TSANG BA DANG GO RIM 'GANG CAN RNAMS 'KHRUG PA DANG DBANG BRDA CI YANG MI 'BYOR BA LTA BU YID BRTAN MI BTUB PA DANG RJES GNANG DANG BYIN BRLABS CHAD CHUNG GIS DBANG BSKUR GYI GO BCAD NAS RDZOGS RIM GYI LAM ZAB MO STON PA SOGS GTAN NAS MI RUNG ZHING RGYUD SDE NAS BSHAD PA'I DKYIL 'KHOR MTSAN NYID DANG LDAN PAR DBANG GI NGO BO TSANG ZHING GO RIM 'GANG CAN RNAMS MA 'KHRUGS PAR TSEG TSANG BAS DBANG BSKUR NA SKYED RDZOGS GYI GDAM PA'I SNOD RUNG DU 'GYUR BA YIN PAS, SLOB DPON DANG SLOB MA GNYIS KAS DBANG RNAM PAR DAG PA SKUR BA DANG NYAN PA RDO RJE THEG PA'I RMA NGAS 'JUG PA 'DI LA 'BAD PAR BYA DGOS SO, ,ZHES RNAMS PA JI LTAR 'TSAMS PA BSHAD NAS, JI SKAD DU BLA MA LNGA BCU PA LAS; MDUN DU DUL BAR 'DUG PA DANG, ,GOS SOGS TSUL NI BSDAMS PA DANG, ,PUS BTZUG THAL MO SBYAR NAS NI, ,NYAN SOGS 'DOD PAS GSOL GSUM GDAB, ,ZHES RANG GI BLA MA'I MDUN DU ZHI ZHING DUL BA'I BSAM PA DANG LDAN PAR 'DUG PA DANG, BLA GOS PHRAG PA GCIG TU GZAR BA LA SOGS GOS LEGS PAR BGOS SHING TSUL DANG MTHUN PA'I SPYOD LAM GYIS DBANG PO'I SGO RNAMS NI LEGS PAR BSDAM PA DANG, DAD CING GUS PA'I SGO NAS BUS MO'I LHANG NGA SA LA BTZUG SHING THAL MO SBYAR TE, DBANG BSKUR BA, RGYUD BSHAD PA, MAN NGAG NYAN PA SOGS KYI SKABS SU THOG MAR GSOL BA LAN GSUM DU 'DEBS DGOS PAR GSUNGS PA LTAR GSOL BA 'DEBS PA 'DI'I RJES ZLOS MDZOD, CES BRDA SPRAD LA, SKYE RGA 'CHI BA NA KRA YI, ZHES SOGS KYIS GSOL BA LAN GSUM DU 'DEBS SU GZHUG ,DE NAS DKYIL 'KHOR DU GZHUG PA LA GDONG GA-YOGS DANG BCAS

PAR GZHUG PA, DKYIL 'KHOR MTHONG BA'I BDAG NYID CAN DU GZHUG PA GNYIS, DANG PO LA YOL BA'I PHYI ROL TU GZHUG PA DANG NANG DU GZHUG PA GNYIS LAS, DANG PO NI, SNGON DU CHAS SU GZHUG PA LA,) SLOB MA RNAMS SKAD CIG GIS DKYIL 'KHOR GYI GTZO BO ZHAL GCIG PHYAG GNYIS PA'I RNAM PA CAN DU GYUR, (LAS SNGAGS BZLAS PA'I GOS DMAR PO 'AM GZHAN GANG YANG RUNG BA,) AOm SARBA TA TH'A GA TA AA NU TTA RA BO DHI AA LAm K'AR WA STA P'U DZA ME GA SA MU TRA SPHA RA nA SA MA YE H'Um, (DON NI DE BZHIN GSHEGS PA THAMS CAD KYI BLA NA MED PA'I BYANG CHUB KYI RGYAN GOS KYI MCHOD PA'I SPRIN GYI RGYA MTSO 'PHRO BA'I DAM TSIG ,CES PAS SMAD GA-YOG DANG,) AOm BADZRA RA KshA HAm, (DON NI RDO RJE SRUNG BA ZHES PAS STOD GA-YOG DANG,) AOm BADZRA AU shnI SH'A H'Um PHAt, (DON NI RDO RJE GTZUG TOR ZHES PAS GTZUG TOR RNAMS BSKON, DE NAS GOS DAR RAM RAS DMAR PO 'AM, SER BO'I GDONG GA-YOG LA LAS SNGAGS BZLAS TE,) AOm TZAKshU BAN DHAm BAR MA NA YA H'Um, (DON NI YID MCHOG TU BYA BA'I CHED DU MIG 'CHING, ZHES PAS 'OG TU ME TOG DOR NAS SLOB DPON GYIS GDONG GA-YOG MA BSAL GYI BAR DU DKYIL 'KHOR RDZOGS PAR MTHONG DU MI RUNG BAS GDONG GA-YOG BCINGS, A'A: SNANG MTHA', KHAm DON GRUB KYI SA BON DANG, B'I RNAM SNANG, RA RIN 'BYUNG GI MING YIG DANG PO, ,H'Um MI BSKYOD PA'I SA BON YIN PAS, NGO BO RIGS SNGA'I NGO BO LA RNAM PA KHA DOG SNA LNGA'I ME TOG GI 'PHRENG BA RE GTAD BYUNG SNYAM BA MDZOD BYAS LA,) A'A: KHAm B'I RA H'Um, (ZHES BRJOD LA ME TOG GTAD, DE NAS SLOB MA BYIN GYIS RLOB PA LA BAR DU GCOD BYED THAMS CAD BSKRAD PA'I PHYIR, LAS BUM GYI CHUS BSANG ZHING LAS SNGAGS BRJOD DE BGEGS BSKRAD DE,) SLOB MA'I SNYING KAR RDO RJE LA GNAS PA'I NYI MA'I STENG DU H'Um NAG PO, ,MGRIN PAR PADMA LA GNAS PA'I NYI MA'I STENG DU A'A: DMAR PO, ,SPYI BOR

, ,'KHOR LO LA GNAS PA'I ZLA BA'I STENG DU AOm DKAR PO, ,YI GE GSUM GYI 'OD ZER GYIS LUS 'OD GSAL BAR BYAS PAR GYUR, H'Um (ZHES BRJOD NAS DKYIL 'KHOR GYI SHAR SGOR BZHAG PAR BSAM, DE NAS SLOB DPON GYIS,) KYEE BU KHYOD SU YIN CI LA DGA', (ZHES GANG GI RIGS YIN PA DANG, GANG LA MOS PA 'DRI,) SKAL BZANG BDAG NI BDE CHEN LA, (ZHES LAN BTAB PA LAS, SKAL BZANG NI RGYAL BA'I SRAS LA BYED PA YIN PAS, THEG PA CHEN PO'I RIGS CAN DANG, BDE CHEN NI GSANG SNGAGS KYI THEG PA LA BYED PA YIN PAS, DKYIL 'KHOR DU GZHUG TU RUNG BA SHES PA YIN, SPYID RGYA GAR KYI PAn GRUB KYI GZHUNG LAS, STA GON DANG DNGOS GZHI GNYIS KA'I SKABS SU THUN MONG DANG THUN MONG MA YIN PA'I SDOM PA GNYIS 'DZIN PA DANG, STA GON KYI SKABS SU 'DZIN LA DNGOS GZHI'I SKABS SU MI 'DZIN PA DANG, STA GON GYI SKABS SU MI 'DZIN PAR DNGOS GZHI'I SKABS SU 'DZIN PA'I TSUL GSUM GSUNGS SHING, 'PHRENG BA LAS, STA GON GYI SKABS SU 'DZIN PA MA GTOGS, DNGOS GZHI'I SKABS 'DIR SDOM PA GNYIS 'DZIN PAR MA GSUNGS PAS SDOM PA GNYIS 'BOG BZUNG SKABS 'DIR MA BYAS KYANG CHOG CING, BYAS KYANG PHUN SUM TSOGS PA'I YAN LAG TU 'GYUR BAS BYED PAR SPRO NA, STA GON GYI SKABS LTAR BYA, DE NAS THAMS CAD RNAL 'BYOR GYI SEMS BSKYED PA LA,) SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DE NYID RANG GI SNYING KHAR ZLA BA'I DKYIL 'KHOR YONGS SU RDZOGS PA'I RNAM PA CAN DU GYUR CHOS THAMS CAD RANG BZHIN MED PA'I STONG PA NYID DANG RANG GI SEMS RO GCIG TU GYUR PA'I DON DAM BA'I BYANG CHUB KYI SEMS RDO RJE DKAR PO RTZE LNGA PA'I RNAM PA CAN DU GYUR

(ZHES BRJOD CING BRDA LEGS PAR SPRAD LA, SNGAGS DON,) THAMS CAD RNAL 'BYOR GYI SEMS SKYED PAR BGYI'O, ,(ZHES PA YIN PAS DON DE YID LA DRAN PAS,) AOm SARBA YO GA CI TTAm AUD PA TA Y'A MI; (ZHES BA'I DON DU GZHUG ,THAMS CAD RNAL 'BYOR GYI SEMS ZHES BA'I DON NI, KUN RDZOB BYANG CHUB KYI SEMS DE SEMS CAN THAMS CAD KYI DON SEMS PA DANG, DON DAM BYANG CHUB KYI SEMS DE, CHOS THAMS CAD RANG BZHIN MED PAR SEMS PA YIN LA, DE GNYIS KA ZUNG 'BREL DU SGOM PAR BYED PAS THAMS CAD RNAL 'BYOR GYI SEMS ZHES BRJOD PA YIN, DE NAS SNYING KAR RDO RJE ME TOG DANG BCAS PAS REG LA,) AOm SU RA TE SA MA YA STVAm HO: SI DYA BADZRA YA TH'A SU KHAm, (ZHES PA BRJOD DE THAMS CAD RNAL 'BYOR GYI SEMS BSKYED PA DE BRTAN PAR BYA, SNGAGS DON NI, SHIN TU DAG PA'I DAM TSIG DANG LDAN PA KHYOD KYIS JI LTAR BDE BA'I RDO RJE STE SANGS RGYAS SGRUB PAR BYA'O, ,ZHES PA'O, ,DE NAS GSANG BAR GDAM PA LA,) DENG KHYOD DE BZHIN GSHEGS PA THAMS CAD KYIS BYIN GYIS RLOBS PAR 'GYUR GYIS KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI DKYIL 'KHOR DU MA ZHUGS PA RNAMS LA SMRA BAR MI BYA ZHING MA DAD PA RNAMS LA YANG MA YIN NO, , (ZHES BRJOD CING, 'OG NAS 'BYUNG BA'I CHOG BYAS PA RNAMS DKYIL 'KHOR DU MA ZHUGS PA DANG, ZHUGS KYANG SNGAGS LA MI DAD PA RNAMS LA MI BSTAN PAR BRDA SPRAD LA, GSANG BAR GDAMS, GNYIS PA YOL BA'I NANG DU GZHUG PA LA GSUM NANG DU GZHUG CING BSKOR NAS PHYAG BYA BA DANG, DAM LA GZHAG PA DANG, YE SHES PHAB NAS BDEN PA BRJOD PA'O, ,DANG PO NI,) AOm YA MANTA KRID H'Um, (ZHES BRJOD CING KHRID LA,) A'A: KHAm B'I RA H'Um, (ZHES BRJOD PAS

, ,(YOL BA'I NANG DU BCUG ,SNGAGS DANG PO DE NI 'DUS PA GNYIS KYI SHAR GYI SGO SKYOD GI SNGAGS YIN LA, DON NI GSHIN RJE MTHAR BYED CES PA'O, ,DES DNGOS SU YOL BA'I NANG DU BCUG KYANG , SGOM DON LA, DKYIL 'KHOR GYI NANG DU ZHUGS PA'I MOS PA BYA DGOS PA DANG, DBANG BSKUR BA LA DKYIL 'KHOR PA'I LHA RNAMS KYI GSANG BA'I GTAM KHYAD PAR CAN BSHAD DGOS LA, DE LA LHA DE DAG DANG SKAL BA MNYAM PA CI DGOS SHING) 'DIR DKYIL 'KHOR GYI NANG DU ZHUGS PAS LHA RNAMS DANG, PHYI RTEN GYI DKYIL 'KHOR LA LONGS SPYOD PA'I SKAL BA MNYAM PAR BYAS PAS NA PHYI'I SKAL MNYAM DU SONG BA YIN CING DKYIL 'KHOR DU 'JUG PA'I THOG MA YANG 'DI NAS YIN TSUL GYI BRDA SPRAD LA GO BAR BYA, DE NAS,) MA H'A RA TA SU TRI tA SU TO shO SU SU KHO BADZRA SA TVA A'A: DYA SID DHYA M'Am, (ZHES PA'I SNGAGS 'DI SLOB MAS 'DON BZHIN PAR SKOR BA BYED PAR MOS SU GZHUG ,SNGAGS DE'I DON NI DGA' BA CHEN PO SHIN DU BRTAN,) ,SHIN DU DGYES DANG SHIN DU BDE, ,RDO RJE SEMS DPA' DE RING NI, ,GRUB PAR MDZOD CIG BDAG LA'O, ,(ZHES PA'O, ,DE NAS PHYAG BYA BA LA SHAR SGOR GTZO BO LA RDO RJE THAL MO BRKYANGS TE LUS THAMS CAD LA PHAB PA'I PHYAG BYED CING, SNGAGS DON NI, DE BZHIN GSHEGS PA THAMS CAD LA MCHOD PA DANG BSNYEN BKUR BA'I PHYIR BDAG 'BUL BAS, DE BZHIN GSHEGS PA THAMS CAD KYI NGO BO RDO RJE SEMS DPAS BDAG LA BYIN GYIS BRLABS DU GSOL, ZHES PA DRAN PA'I SGO NAS,) AOm SARBA TA TH'A GA TA P'U DZA AU PA STHA NA YA AADMA NAm NI RYA TA YA MI, SARBA TA TH'A GA TA BADZRA SATVA AADHI TI shthAm MAm, (ZHES BRJOD DU GZHUG ,SLAR YANG SHAR GYI RNAM SNANG LA PHYAG SNGA MA LTAR BYED CING, SNGAGS DON, DE BZHIN GSHEGS PA THAMS CAD LA MCHOD CING BSNYEN BKUR BA'I PHYIR BDAG 'BUL BAS, DE BZHIN

GSHEGS PA THAMS CAD KYI NGO BO RNAM PAR SNANG MDZAD KYIS BDAG LA BYIN GYIS BRLAB TU GSOL, ZHES PA'I DON DRAN PA'I SGE NAS,) AOm SARBA BUDHA P'U DZA AU PA SB'A NA YA AANGMA NAm NI RYA TA YA M'I, SARBA TA TH'A GA TA BADZRA BEE RO TZA NA AA DHI TI shthA MAm, (ZHES BRJOD DE GSOL BTAB PAS, DE BZHIN GSHEGS PA THAMS CAD LA MCHOD PA DANG BSNYEN BKUR BA'I NUS PA CAN DU BYIN GYIS BRLAB PA'I MOS PA BYED DU GZHUG ,DE NAS LHO SGOR RDO RJE THAL MO SNYING KHAR SBYAR TE, DBRAL BA SA LA REG PA'I PHYAG DANG, SNGAGS DON NI, DE BZHIN GSHEGS PA THAMS CAD LA MCHOD CING DBANG BSKUR BA'I PHYIR BDAG 'BUL BAS DE BZHIN GSHEGS PA THAMS CAD KYI NGO BO RDO RJE RIN CHEN GYIS BDAG LA DBANG BSKUR DU GSOL; ZHES PA DRAN PA'I SGO NAS,) AOm SARBA TA TH'A GA TA P'U DZA AA BHI shE KA YA AADMA NAm N'I RYA TA Y'A MI, SARBA TA TH'A GA TA BADZRA RADNA AA BHI shI NYTZA MAm, (ZHES BRJOD DE GSOL BA BTAB PAS, RIN CHEN 'BYUNG LDAN GYIS DE BZHIN GSHEGS PA THAMS CAD LA MCHOD CING DBANG BSKUR BA'I NUS PA CAN DU BYIN GYIS BRLAB PA'I MOS PA BYED DU GZHUG ,NUB SGOR RDO RJE THAL MO SPYI BOR SBYAR TE KHA SA LA REG PA'I PHYAG DANG, SNGAGS DON, DE BZHIN GSHEGS PA THAMS CAD LA MCHOD PA RAB TU BSGOR BA'I PHYIR BDAG 'BUL BAS DE BZHIN GSHEGS PA THAMS CAD KYIS BDAG LA RDO RJE CHOS RAB TU BSKOR DU GSOL, ZHES PA DRAN PA'I SGO NAS,) AOm SARBA TA TH'A GA TA P'U DZA PRA WA RTA N'A YA AATMA NAm N'I RYA TA YA M'I, SARBA TA TH'A GA TA BADZRA DHA RMA PRA WA RTA YA M'Am, (ZHES BRJOD DE GSOL BA BTAB PAS, 'OD DPAG MED KYIS CHOS 'KHOR BSKOR BA'I NUS PA CAN DU BYIN GYIS BRLAB PAR MOS SU GZHUG ,BYANG SGOR RDO RJE THAL MO SPYI BO NAS BABS TE SNYING KHAR BZHAG NAS SPYI BO SA LA REG PA'I PHYAG DANG, SNGAGS DON NI, DE BZHIN GSHEGS PA THAMS CAD LA MCHOD PA'I LAS KYI PHYIR BDAG 'BUL PAS DE BZHIN GSHEGS PA THAMS CAD KYIS

, ,BDAG LA RDO RJE LAS MDZAD DU GSOL, ZHES PA DRAN PA'I SGO NAS,) AOm SARBA TA TH'A GA TA P'U DZA KA RMA nE AATMA NAm N'I RY'A TA YA MI, SARBA TA TH'A GA TA BDZRA KA RMA KU RU MAm, (ZHES BRJOD DE GSOL BA BTAB PAS, DON GRUB KYIS 'PHRIN LAS PHUN TSOGS KYI NUS PA CAN DU BYIN GYIS BRLAB PAR MOS SU GZHUG ,SGO PHYAG 'DI DAG GI SKABS SU LHA BSTIM BAR 'PHRENG BAR MA BSHAD KYANG SLOB DPON RGYAL BA BZANG POS, SNYING KHAR BCOM LDAN ZHUGS BA RU YID KYI YONGS SU BRTAG PAR BYA ZHES SOGS GZUNGS PAS, RIGS SO SO'I LHA RE CHAD NAS THIM PA BYAS KYANG MI 'GAL BAR SNGAGS RIMS SU GSUNGS PAS, SGO PHYAG RE RE'I SKABS SU PHYAG 'TSAL, YUL GYI LHA RE CHAD NAS THIM PAR MOS SU GZHUG , YANG SHAR SGOR BLA MA LA PHYAG BYED CING, SNGAGS DON BLA MA LA BSNYEN BKYAR BA'I PHYIR DANG, SEMS CAN THAMS CAD YONGS SU BSGRAL ZHING SBYANGS BA'I BYING BDAG 'BUL ZHES PA DRAN PA'I SGO NAS,) AOm GU RU TZA RA nA AU PA STH'A N'A YA AATMA NI N'I RYA TA YA M'I, AOm SARBA SA TVA PA RI T'A n'A YA A'A DMA NAm N'I RY'A TA YA M'I, (ZHES BRJOD DE GSOL BA 'DEBS SU GZHUG ,GNYIS PA DAM LA BZHAG PA LA, PHAN YON GYI SGO NAS DAM LA 'JOG PA NI, SLOB MA'I PHAG PA NAS 'DZIN PA'AM, MGOR RDO RJE BZHAG NAS,) DENG KHYOD DE BZHIN GSHEGS PA THAMS CAD KYI RIGS SU ZHUGS KYIS DES NA NGAS KHYOD LA RDO RJE YE SHES BSKYED PAR BYA STE YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR 'GYUR NA DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE KHYOD DAM TSIG NYAMS PAR 'GYUR TA RE, (ZHES BRJOD CING, GONG DU DKYIL 'KHOR DU ZHUGS PA NI, DE BZHIN GSHEGS PA THAMS CAD KYI SA BON DU GYUR PA YIN PAS DE DAG GI RIGS SU

ZHUGS PA YIN LA, DES NA NGAS KHYOD LA 'OG NAS 'BYUNG BA LTAR DUS GSUM SHES PA'I LHA'I RDO RJE YE SHES BSKYED PAR BYA YI, YE SHES DE BSKYED PAS KHYOD KYIS DE BZHIN GSHEGS PA THAMS CAD KYI MCHOG GI DNGOS GRUB RNAMS KYANG THOB PAR 'GYUR NA DNGOS GRUB PHAL BA GZHAN LTA CI SMOS, KHYOD KYIS KYANG YE SHES PHAB PA LA SOGS PA 'DI RNAMS CHO GA JI LTA BA BZHIN DU DKYIL 'KHOR BSTAN NAS MA MTHONG BA RNAMS KYI MDUN DU SMRA BAR MI BYA STE, DE SMRAS NA KHYOD DAM TSIG NYAMS PAR 'GYUR RO, ,ZHES GO BAR BYAS TE DAM LA GZHAG ,NYES DMIGS KYI SGO NAS DAM LA GZHAG PA DANG PO NI, DE NAS MGOR RDO RJE BZUNG NAS DRIL BU DKROL ZHING,) KHYOD KYI DAM TSIG RDO RJE 'DI, ,GAL TE KHYOD KYIS 'GA' ZHIG LA, , 'DI SMRAS NA NI MGO BO 'GEMS, (ZHES BRJOD CING DE'I DON, GSANG BA MI GRAGS PA 'DI NI KHYOD KYIS 'DAR MI RUNG BA MI PHYED BA'I RDO RJE'I DAM TSIG YIN PAS, GAL TE KHYOD KYIS GSANG BA BSGRAG TU MI RUNG BA 'GA' ZHIG LA GSANG BA 'DI SMRAS NA KHYOD KYI MGO BO 'GAS PA LA SOGS PA'I LUS LA GNOD PA'I NYES DMIGS 'BYUNG BAS, GSANG BA BSGRAG TU MI RUNG NGO, ,ZHES GO BAR BYAS TE DAM LA GZHAG ,NYES DMIGS KYI SGO NAS DAM LA GZHAG PA GNYIS PA NI, DE NAS SNYING KHAR RDO RJE BZUNG STE,) AOm DE RING RDO RJE SEMS DPA' RANG, ,KHYOD KYI SNYING LA YANG DAG ZHUGS, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, (,ZHES BRJOD CING DE'I DON, GONG DU SGO PHYAG GI SKABS SU RDO RJE SEMS DPA' MI BSKYOD PA SOGS DANG LHA'I BYIN BRLABS KHYOD KYI SNYING LA ZHUGS PA DE, GAL TE KHYOD KYIS GSANG BA'I TSUL 'DI GSANG BA SGROG MI RUNG BA'I YUL LA SMRAS NA NI DE MA THAG TU KHYOD KYI SNYING DRAL TE GSHEGS PAR 'GYUR BA'I NYES DMIGS 'BYUNG BAS GSANG BA BSGRAG TU MI RUNG NGO, ,ZHES GO BAR BYAS TE DAM LA GZHAG ,PHAN YON DANG NYES DMIGS GNYIS KA'I SGO NAS DAM LA GZHAG PA NI, RNAM RGYAL BUM PA'I STENG NA GNAS PA'I CHU MTHE BONG DANG

, (,SRIN LAG GIS BZUNG BA'I DUD CHOS LA SOGS PA'I SNOD KYI LAS SLOB MA'I KHAR BLUG PA 'AM LAG TU LDUG CING,) 'DI NI KHYOD KYI DMYAL BA'I CHU, ,DAM TSIG NYAMS NA SREG PAR BYED; ;DAM TSIG BSRUNGS NA DNGOS GRUB STER, ,RDO RJE BDUD RTZI'I CHU 'THUNG SHIG ,AOm BADZRA AA MRi TA AU DA KA thA: (ZHES BRJOD CING DE'I DON CHU 'DI NI KHYOD DAM TSIG NYAMS NA DMYAL BA MNAR MED PA LA SOGS PAR BSREG PAR BYED BA SOGS TSAR GCOD PAS NA RDO RJE'I CHU DANG, DAM TSIG BSRUNG NA MCHOG THUN MONG GI DNGOS GRUB STER BAR BYED PAS BDUD RTZI'I CHU YIN PAS 'DI 'THUNG LA DAM TSIG DANG MI 'GAL BAR BYED DGOS ZHES MNA' SKAG ? PA GO BAR BYAS LA MNA' CHU 'THUNG DU BCUG TE DMAL 'JOG ,DE NAS BLA MA'I BKA' NYAN PA'I SGO NAS DAM LA GZHAG PA NI, SLOB MA'I LAG PA NAS BZUNG STE,) DE NAS BRTZAMS TE KHYOD KYI PHYAG NA RDO RJE NGA YIN GYIS NGAS 'DI GYIS SHIG CES GANG BA SGO BA DE KHYOD KYIS BYA DGOS SO, ,KHYOD KYIS NGA LA BRNYAS PAR YANG MI BYA STE KHYOD YA NGA BA MA SPANGS PAR SHI BA'I DUS BYAS NAS DMYAL BAR LTUNG BAR 'GYUR TA RE, (ZHES BRJOD CING DE'I DON DENG NAS BRTZAMS TER KHYOD KYI PHYAG NA RDO RJE STE RDO RJE 'CHANG DANG 'DRA BA'I RDO RJE SLOB DPON YIN PAS NGAS KHYOD LA SPANG BLANG 'DI DANG 'DI GYIS SHIG CES GANG BSGO BA DE KHYOD KYI BYA DGOS, KHYOD KYIS NGA LA 'DI'I TSIG DANG 'GAL BAR BYAS KYANG SKYON CI YOD SNYAM DU BRNYAS NAS 'GAL BAR MI BYA STE, NGAS BSGO BA LAS 'DAS NA KHYOD YANG BA MA SPANG BAS LO BRGYA THUB PA YANG TSE MA RDZOGS PAR DUS DE NYID DAM GZHAN DU MYUR BAR CHO'I DUS BYAS NAS DMYAL BAR LTUNG BAR 'GYUR RO, ,DES NA NGAS BSGO BA LAS MI 'DA' BAR GYIS SHIG CES PA GO BAR BYAS TE DAM LA GZHAG ,DE LTAR NA MNA' CHU BLUD PA'I DAM GZHAG NI, RTZA BA DANG YAN LAG GI DAM TSIG SPYI'I DAM BZHAG YIN LA, LHAG MA NI KHYAD PAR BA'I DAM GZHAG YIN CING, BLA MA LA BRNYAS SHING BKA' LAS 'DAS PA DANG,

SNOD MIN LA GSANG BA BSGRAGS PA NI NYES DMIGS SHIN DU CHE BAS RTZA LTUNG DANG PO DANG BDUN PA BSRUNG BA LA KHYAD PAR PA'I DAM GZHAG NAN CHER MDZAD PA YIN, GSUM PA YE SHES BAB NAS BDEN PA BRJOD PA NI, YE SHES 'BEBS PA LA, DE NAS SLOB MA; SHU N+Y'A TA SA, STANG BAR SBYANGS,) STONG PA'I NGANG LAS A'A: LAS 'OD DPAG MED DMAR PO ZHAL GCIG PHYAG GNYIS PA'I RNAM PAR GYUR, (ZHES 'OD DPAG MED DU BSKYED LA,) DE BZHIN GSHEGS PA THAMS CAD KYIS BYIN GYIS BRLOBS SHIG RDO RJE SEMS DPA' BDAG LA DBAB PAR MDZAD DU GSOL, (ZHES BRJOD DE GSOL BA 'DEBS SU GZHUG ,DE NAS,) SLOB MA 'OD DPAG MED DU GSAL BA'I SNYING KHAR LAm LAS BYUNG BA'I SA'I DKYIL 'KHOR SER PO GRU BZHI BA, GVVA BZHIR RDO RJE RTZE GSUM MTSAN PAR NYI MA LA H'Um SNGON PO, ,MGO BOR BAm LAS BYUNG BA'I CHU'I DKYIL 'KHOR DKAR ZHING ZLUM PA BUM PAS MTSAN PAR ZLA BA LA HA: DKAR PO, ,MGRIN PAR YAm LAS BYUNG BA'I RLUNG GI DKYIL 'KHOR SNGON PO GZHU LTA BU BA DAN GA-YO BA GNYIS KYIS MTSAN PAR ZLA BA LA A'A: DMAR POS MTSAN PAR GYUR, RKANG PA'I 'OG TU YAm LAS RLUNG GI DKYIL 'KHOR SNGON PO GZHU LTA BU BA DAN GA-YO BA GNYIS KYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA RAm GYIS MTSAN PA, DE'I STENG DU RKANG MTHIL GNYIS SU DZHEE: YIG DMAR PO RE RES MTSAN PAR GYUR, RANG GI THUGS KA'I SA BON GYI 'OD ZER GYIS THUGS RDO RJE , SKU RDO RJE, GSUNG RDO RJE'I LHA TSOGS RNAMS SPYAN DRANGS, SLOB MA'I SNYING KHA'I H'Um, MGO BO'I HA, MGRIN PA'I A'A: GSUM LA RIM PA BZHIN THIM ZHING YI GE GSUM GYI 'OD ZER GYIS

, ,LUS KUN NAS GANG BAR GYUR, RKANG BA'I 'OG GI RLUNG GIS SBAR PA'I ME'I 'OD ZER GYIS DZHEE: YIG GIS SLOB MA 'DEGS SHING, DZHEE: 'I 'OD ZER GYI TSOGS RKANG BA'I BU GNAS ZHUGS PAS LUS THAMS CAD GANG ZHING SNYING KHA'I SA SREG ,MGRIN PA'I RLUNG GA-YOS PAS SPYI BO'I CHU KHOL BA LA SA BDUD RTZI 'DZAG PAS LUS THAMS CAD GANG ZHING TSIM PA DANG, BLA MA DANG GTZO BO THA MI DAD PA'I THUGS KA'I H'Um GYI 'OD ZER GYIS SANGS RGYAS THAMS CAD DKYIL 'KHOR GYI LHA TSOGS KYI RNAM PAR SPYAN DRANGS PA, SLOB MA'I LUS LA CHAR BZHIN BABS NAS GNYIS SU MED PAR GYUR, (SPOS ? PHOR 'DEGS DRIL BU DGRO' ? ZHING,) ,A'A BE SHA YA STVAm BHA YA RA RA RA RA TZA LA YA TZA LA YA H'Um HA A'A: DZHEE: (ZHES PA'I SNGAGS CI MANG 'DON CING YE SHES DBAB PAR BYA'O, ,DE NAS SLOB MA DKYIL 'KHOR LA MNGON DU PHYOGS PA LA,) KHYOD KYI MIG LA JI LTAR SNANG, (ZHES DRIS LA, DKAR PO SOGS SU SNANG ZER NA, ZHI SOGS KYI DNGOS GRUB 'GRUB PA'I SKAL BA DANG LDAN PAR GO BAR BYA; DE NAS SLOB MA'I MTHE BONG GNYIS RDO RJE DANG BCAS PA'I LAG PA GA-YAS PAS BZUNG STE, RDO RJE'I RKANG STABS KYIS GAR PHYE TSUL GYIS 'KHYIL BA BRJOD CING BSKOR BA GSUM BYED PA'AM BYED PAR MOS SU BCUG ,DE NAS BDAG GI SLOB MA 'DI RNAMS LHA LA ME TOG 'DOR BA'I PHYIR DU YANG DAG PA STE SKYON DANG BRAL ZHING YON TAN RDZOGS PA'I DKYIL 'KHOR 'DI RU BCUG TE ME TOG 'DONG DU 'JUG NA, ME TOG DE SLOB MA 'DI RIGS LNGA'I LHA RNAMS LAS LHA GANG GI RIGS YIN PA DANG GNAS SKABS SU YANG DNGOS GRUB JI LTA BU 'GRUB BA SOGS KYI RIM PA DE NI 'DI'I BSOD NAMS KYI MTHU CI YOD PA JI LTA BDE LTAR DKYIL 'KHOR DU DBAB PAR SHOG CIG ,'DI YI BSOD NAMS KYI MTHU JI 'DRA BA DE LAS DNGOS GRUB RAB 'BRING BA GSUM CI 'DRA 'GRUB PAR

'GYUR BA DANG, DRIGS NI LHA GANG GI RIGS YIN PA DE'I DNGOS GRUB JI LTA BU SGRUB PA'I SNOD DU 'GYUR BA DANG, SNGO GYI BSOD NAMS KYI MTHU YANG DNGOS GRUB DE LTA BU SGRUB PA LA YUN RING THUNG DANG SKAL BA YOD MED JI 'DRA BA YIN PA DE DANG DE 'DRA BAR DKYIL 'KHOR 'DIR 'BAB PAR GYUR CIG ,CES PA YID LA BSAM ZHING RDOR DRIL 'DZIN PAS,) YANG DAG PA YI DKYIL 'KHOR 'DIR, ,BDAG GI SLOB MA BCUG PA 'DI'I, ,LHA RNAMS RIGS KYI RIM PA NI, , BSOD NAMS JI LTA DE LTAR SHOG ,'DI YI DNGOS GRUB JI 'DRA 'GYUR, ,RIGS NI GANG GI SNOD DU 'GYUR, ,BSOD NAMS MTHU YANG JI 'DRA BA, ,DE 'DRA DKYIL 'KHOR DU GYUR CIG , (CES BRJOD CING BDEN PA'I BYIN BRLAB BYA'O, ,GNYIS PA, DKYIL 'KHOR MTHONG BA'I BDAG NYID CAN DU GZHUG PA'O, SNGAR BZUNG BA'I ME TOG GI 'PHRENG BA TR'Am GIS BSNGAGS PA LAS YANG ZHING BRNYING BA'I ME TOG GCIG BTON LA,) SLOB MA'I THAL MO SBYAR BA'I BAR DU SBYIN, BLA MAS, TRAm LAS BYUNG BA'I 'PHRENG BA, SLOB MA 'BRU GSUM GYI 'OD ZER GYIS SGO GSUM GYI DRA MA BKRUS TE DKYIL 'KHOR GYI NANG DU GZHUGS, GTZO BO 'KHOR BCAS KYI MDUN DU GNAS PAR GYUR, (NGAR BSAM ZHING SLOB MAS KYANG 'BRU GSUM GYI 'OD KYIS GSAL BAR BYAS SHING SDIG PA BKRUS PAR MOS NAS, GUS PA DANG BCAS PAS DKYIL 'KHOR DER YIN KYIS ZHUGS TE GTZO BO'I MDUN NA GNAS BA BZHIN DU DMIGS LA, GTZO BO'I DBUL 'BUL BA'I MOS PAS,) AOm TI shthA BADZRA tI tHO ME BHA BA SH'A SHVA TO ME BHA BA HRI DA YAm ME AA DHI TI shthA SARBA SID DHI ME BRA YA TZTSA H'Um, A'A: KHAm B'I RA H'Um BRA TI TZTSA KU SU MA AA NYTZA Li N'A THA HO, (,ZHES PA'I DON MNOS PA'I RDO RJE BDAG LA BRTAN PAR MDZOD, ,SNYING PO BDAG LA BYIN GYIS BRLAB TU GSOL, ,DNGOS GRUB THAMS CAD BDAG LA RAB RTZOL ZHING, ,MGON PO SNYEM PA'I ME

, ,TOG BZHES SU GSOL, ZHES PA YIN PAS DON DE DRAN PAS ME TOG 'DOR DU GZHUG ,DE'I TSE RTZIG PA'I NANG DU ME TOG LHUNG NA DE DANG BSTUN NAS LHA GANG GI RIGS YIN PA BRTAGS LA, DE YANG LHA'I GNAS NI , NGA GI RE MIG LA SOGS PAS BAR BCAD PA LAS SHES BAR BYA, GTZO BO'I GNAS SU LHUNG NA MI BSKYOD PA'I RIGS DANG, PHYOGS BZHI'I RE MIG TU LHUNG NA RNAMS SNANG LA SOGS PA'I RIGS SU 'JOG CING, LHA GNYIS KYI BAR DU LHUNG NA GANG LA NYE BA DE'I RIGS DANG, GNYIS KA MNYAM NA GNYIS KA'I DNGOS GRUB 'GRUB LA GANG LA DAD PA DE'I RIGS SU 'JOG ,DKYIL 'KHOR NA LHA'I SKU YOD PA LA MDZOD SPU NAS GTZUG TOR GYI BAR LA LHUNG NA PHYAG RGYA CHEN PO DANG, SPYAN NAM ZHAL LA LHUNG NA SNGAGS KYI DNGOS GRUB 'GRUB, SKU'I STOD DANG, BAR DANG, SMAD LA LHUNG NA, DNGOS 'GRUB MCHOG 'BRING DMAN PA 'GRUB, SKU'I STED DANG DE MIN KYANG SKU LA NYEN DNGOS GRUB MYUR LA, RING NA YUN RING POS 'GRUB, RTZIG PA'I PHYI RDO RA'I NANG DU LHUNG NA LAN GSUM DOR BAR BYA ZHING, GSUM KA LA DE LTAR LHUNG NA DNGOS GRUB PHRA MO LAS MI 'GRUB, PHYI'I RE KHA BLUM PO RNAMS DANG RDO RA'I PHYI ROL TU LHUNG NA DNGOS GRUB MED CING, DKYIL 'KHOR YANG MI BSTAN, SNGAGS BZLAS PA LA SOGS PAS SKAL BA DANG LDAN PAR BSGRUBS NAS SKABS GZHAN DU GZHUG ,SPYI RGYUD LAS ZHI BA'I SBYIN SREG BYAS NAS DE NAS GZHUG BAR BSHAD LA, RTZIG PA LA ME TOG LHUNG BA LA YANG DE LTAR BSHAD CING, GTZO BO LA PHOG NA MYUR DU 'GRUB PAR GSUNGS PAS SKABS DANG SBYAR LA GO BAR BYA, DE NAS SLOB MAS DOR BA'I ME TOG DE ME TOG 'PHRENG BA DANG MNYAM DU SLOB MA'I MGO LA BCINGS TE,) AOm PRA TI GRI HNA STAm AI MAm SA TVA MAH'A B'A LA, (ZHES BRJOD CING, DE'I DON SEMS DPA' STOBS CHEN KHYOD KYIS NI, , 'DI NI RAB TU BZUNG BAR MDZOD, CES PA YIN LA, DE YANG SEMS DPA' STOBS PO CHE ZHES ME TOG GANG LA PHOG PA'I LHA LA BOS NAS SLOB MA'I 'DI BYANG CHUB MTHOB KYI BAR DU RJES SU ZUNG ZHIG ,CES RANG GI ME TOG PHOG PA'I LHA LA SLOB MA GTONG BA YIN ZHING,

DE LTAR GTAD PAS LHA NGES KYANG SKYE BA THAMS CAD RJES SU 'DZIN CING, DE LA BRTEN NAS SGRUB NA DNGOS GRUB MYUR BA YIN, ZHES BRDA DON 'BYOR BA BYA, DE LTA BU'I TSUL GYIS ME TOG MGO LA BCINGS PA LA BRTEN NAS DGA' BA DE KHYAD PAR CAN SKYES BA'I DGA' BAS STONG BA NGES BA'I BDE STONG GI YE SHES DBANG DANG PO ME TOG 'PHRENG BA'I DBANG GI GTZO BO YIN CING, STONG PA MA NGES KYANG GA BA LEGS PAR SKYES TE DGO' ? BA SKYES BA YANG ME TOG 'PHRENG BA'I DBANG DU 'JOG PA'I TSUL RNAMS LEGS PAR GO BAR BYA, DE NAS;) SLOB MA'I SNYING KAR ZLA BA LA H'Um, DPRAL BAR RAm, MIG GNYIS SU AOm 'OD ZER 'BAR BA RE RE, AOm DE RING RDO RJE SEMS DPA' RANG, ,KHYOD KYI MIG NI 'BYED PAR BRTZON, , RDO RJE'I MIG NI BLA NA MED, ,THAMS CAD MIG NI 'BYED PAR MDZAD, ,AOm DZNYA NA TZA KshU H'Um A'A: SV'A H'A, (ZHES BRJOD CING, DON NI, DE RING RDO RJE SEMS DPA' RANG NYID KYIS KHYOD KYI MIG 'BYED PAR BRTZON PA STE MDZAD KYI, PHYE BAS NI GZUGS CAN THAMS CAD THOGS PA MED PAR MTHONG BA'I RDO RJE'I MIG BLA NA MED PA SANGS RGYAS KYI SPYAN DANG 'DRA BA YID ? THOG LTA BU'I SGRIB PA RNAMS BSAL BAS 'BYED PAR MDZAD DO, ,ZHES PA DANG, SNGAGS DON NI, YE SHES KYI SPYAN PHYE ZHES PA STE DE RNAMS SLOB MA LA GO BAR BYAS LA GDONG GA-YOGS BSAL BAR BYA'O, ,DE NAS,) HE BADZRA P'A SHYE, (ZHES BRJOD CING DON NI, PHYEE RDO RJE LTOS SHIG ,CES SLOB MA DKYIL 'KHOR LA BLTA BAR BSKUL, DE NAS,) RDO RJE'I RAB 'OD ZER GYI 'PHRENG BA DANG BCAS PA'I DBUS SU SNA TSOGS RDO RJE'I LTE BAR GZHAL YAS KHANG GRU BZHI SGO BZHI, RGYAN RTA BABS DANG BCAS PA'I DBUS SU BCOM LDAN 'DAS 'JAM BA'I RDO RJE YAB YUM , SHAR DU RNAM SNANG (ZHES SOGS YA SAR MI NAS LHA RNAMS KYI MTSAN NAS BRJOD PA'AM,) BYANG SGOR BGEGS MTHAR BYED, NUB SGOR PADMA MTHAR BYED, (ZHES SOGS MAS RIM NAS MTSAN NAS BRJOD DE STON PA GANG BYAS KYANG 'DRA

, ,BAS, GANG YANG RUNG BAS BRJOD LA, DE LTA BU'I RTEN DANG BRTEN PA'I DKYIL 'KHOR THAMS CAD MNGON SUM DU MTHONG BA'I MOS PA MDZOD CES BRDA SPRAD LA,) DA NI DAD PA'I SHUGS KYIS SU, , DKYIL 'KHOR 'DI DE NYID LA LTOS, ,KHYOD NI SANGS RGYAS RIGS SU SKYES, ,PHYAG RGYA SNGAGS KYIS BYIN GYIS BRLABS, ,DNGOS GRUB KUN NI PHUN SUM TSOGS, ,DAM TSIG MCHOG TU KHYOD 'GYUR GYIS, ,RDO RJE PADMA RTZE ROL BA, ,GSANG SNGAGS RNAMS LA SGRUB PA GYIS, (,ZHES BRJOD CING, DON NI SLOB MA KHYOD DAD PA'I SHUGS BSKYED NAS RTEN BRTEN PA'I DKYIL 'KHOR BRIS BA 'DI DANG 'DIS MTSON PA'I YE SHES KYI DKYIL 'KHOR DE NYID LA LTOS, KHYOD NI SANGS RGYAS KYI RIGS SU STE RGYAL BA'I SRAS SU SKYES PA YIN, PHYAG RGYA DANG SNGAGS KYIS BYIN GYIS BRLABS PAR 'GYUR, MCHOG DANG THUN MONG GI DNGOS GRUB KUN NI PHUN SUM TSOGS PAR 'GYUR, KHYOD DAM TSIG BSRUNG BA'I MCHOG TU'ANG 'GYUR GYIS RDO RJE PADMA RTZE ROL BA STE RIGS MA'I 'DOD YON LA BRTEN NAS GSANG SNGAGS RNAMS LA SGRUB PA TSUL BZHIN DU GYIS SHIG ,CES PA YIN TE GO BAR BYA'O, ,DE NAS SLOB MAS;) RDO RJE'I DKYIL 'KHOR DKYIL 'KHOR CHEN POR BDAG ZHUGS SO, ,RNAL 'BYOR DKYIL 'KHOR DKYIL 'KHOR CHEN PO BDAG GIS MTHONG, GSANG BA'I DKYIL 'KHOR DKYIL 'KHOR CHEN POR BDAG DBANG BSKUR, SA MA YA HO: HO: HO: (ZHES BRJOD DU GZHUG CING, DON NI RDO RJE'I DKYIL 'KHOR DANG, RNAL 'BYOR DKYIL 'KHOR DANG, GSANG BA'I DKYIL 'KHOR CHEN PO ZHES PA NI, GANG DU BUM DBANG LEN PA'I DKYIL 'KHOR LA BYED PA YIN LA, BDAG ZHUGS SO ZHES PA NI, SLOB MA SNGAR YOL BA'I NANG DU 'JUG DUS NANG DU ZHUGS PA DANG, ME TOG 'DOR BA'I TSE DKYIL 'KHOR GYI NANG DU GZHUGS PA, BDAG GIS MTHONG ZHES PA

NA BAL MAS GDONG GA-YOG BSAL NAS RTEN BRTEN PA'I DKYIL 'KHOR BSTAN PA'I DUS SU MTHONG BA, BDAG DBANG BSKUR ZHES PA NI, GONG DU ME TOG 'PHRENG BA'I DBANG BSKUR BA THOB PA LA BYA BA YIN CING, SNGAGS DON NI, DE DAG GI DAM TSIG LA GNAS PAR BYA ZHES PA'I BRDA SPRAD LA DAM TSIG BRJOD DU GZHUG ,GNYIS PA ZHUGS PA LA DBANG BSKUR BA'I TSUL LA BZHI, BUM DBANG, GSANG DBANG, SHES RAB YE SHES KYI DBANG, DBANG BZHI BA'O, ,DANG PO LA THUN MONG BA RDO RJE SLOB MA'I DBANG, THUN MONG MA YIN PA RDO RJE SLOB DPON GYI DBANG GNYIS LAS, DANG PO LA THUN MONG BA'I DBANG ZHU BA'I YON DU MAndAL PHUL NAS, CHU DBANG ZHU BA'I SLAD DU PUS MO SA LA BTZUG STE THAL MO SBYAR NAS,) BYANG CHUB RDO RJE SANGS RGYAS LA; ;MCHOD CHEN JI LTAR BSTZAL BA LTAR, ,BDAG KYANG RAB TU BSGRAL BA'I PHYIR, ,NAM MKHA'I RDO RJE DENG BDAG STZOL, (,ZHES PA BRJOD CING, DE'I DON, BYANG CHUB RDO RJE STE RDO RJE 'CHANG GIS SANGS RGYAS MI BSKYOD PA LA SOGS PAS MCHOD PA STE DBANG BSKUR BA CHEN PO RNAMS PA GANG GIS TSUL JI LTAR BSTZAL BA DE LTAR DU, BDAG KYANG 'KHOR BA'I RGYA MTSO LAS BSGRAL BA'I PHYIR NAM MKHA'I RDO RJE STE RDO RJE 'CHANG KHYOD LA BDAG DENG STE DA LTAR SKYABS SU MCHI BA LA DBANG BSKUR BSGYOL CIG ,CES PA DRAN PA'I SGO NAS GSOL BA 'DEBS SU GZHUG ,DE NAS SLOB MA DKYIL 'KHOR SHAR DU KHRUS DKYIL RDUL TSON NAM CHU TSON GYIS BRIS PA'I STENG DU SHING STAN, DE'I STENG DU SNA TSOGS PADMA DANG BLA DKYIL BRIS PA LA DNGOS SU 'JOG PA'AM BZHAG PAR MOS LA,) DKYIL 'KHOR GYI SHAR DU KHRUS DKYIL 'KHOR GYI SHAR DU KHRUS DKYIL GYI STENG DU SHING STAN LA GNAS PA'I SNA TSOGS PADMA DANG ZLA BA'I STENG DU SLOB MA RDO RJE 'CHANG SNGON PO ZHAL GCIG PHYAG GNYIS RDO RJE DANG DRIL BU 'DZIN PA ZHABS RDO RJE'I SKYIL KRUS GIS BZHUGS PAR GYUR, (PAR BSAM, SBYANGS PA BYA BA, SBYANG RDZAS RNAMS BSHAM STE, AOm A'A:

, ,BI GH'A NA TA KRi TA H'Um, (LAN BDUN BZLAS LA YUNGS DKAR LAG PA GNYIS KYI, BU TSUR GYIS BZUNG NAS RE RE NAS GA-YON SKOR DU LA NA GNYIS SU SKOR ZHING, AOm SARBA P'A BAm DA HA NA BADZRA YA BADZRA SATVA SYA SARBA P'A BAm DA HA SV'A H'A, (ZHES BRJOD CING BYA BA LA YUNGS DKAR MER DOR, DE BZHIN DU GA-YAS SU BSKOR BA GNYIS KYANG BYA, KHU TSUR GNYIS KYI CHU BZUNG NAS KYANG GA-YON SKOR GA-YAS SKOR DE BZHIN DU BYAS LA MER DOR , DE NAS; KHAM PHOR DKAR PO BZHI DANG RTZVA DUR BA'I MYU GU DANG BCAS PA'I BLCI'I CHANG BU BZHI DANG, BRAN CHAD BZHI DANG, SENG RAS KYI TSAL BA BZHIS KYANG GA-YON DANG GA-YAS SU BSKOR BSNGAR BZHIN BYA STE, 'DI RNAMS MER MI 'DOR BAR SNOD , GZHAN DU DOR, 'DI'I SNGAGS DON NI, RDO RJE SEMS DPAS RDO RJE'I CHED DU SDIG PA THAMS CAD BSREG PA LA GZHI TSU GSHIG CES PA YIN PAS, DE DANG BSTUN NA SDIG PA SBYANG BAR SNANG LA, LAB BAS, MI GTZANG BA BSAL BA DANG , BI BU TIS, BYUNG BSAL BAR BSHAD, DE NAS SLOB MA RNAMS KYIS NYE REG BYAS LA, SLOB DPON GYIS GTZO BO'I SNGAGS BRJOD CING, THUGS KAR DRI, DBU LA ME TOG ,MDUN DU MCHOD YON, MAR MES YONGS SU BSKOR TE , 'KHYIL BA DANG H'Um LAN BDUN BRLAS PA'I MAR DANG BCAS PA'I SPOS DKAR GYIS BDUG BAR BYA'O, ,DE NAS SLOB MA LAS BUM GYI CHU DANG LAS SNGAGS KYIS BSANG,) RANG DANG GTZO BO THA MI DAD PA'I THUGS KA'I H'Um GI 'OD ZER GYIS SLOB MA DRANGS PA ZHAL DU ZHUGS, SKU'I DBYIBS BRGYUD RDO RJE'I LAM NAS YUM GYI PADMAR SON PA SKAD CIG GIS STONG BAR GYUR, STONG PA'I NGANG LAS H'Um LAS RDO RJE H'Um GIS MTSAN PA YONGS SU GYUR PA LAS, MI BSKYOD PA SNGON PO ZHAL GCIG PHYAG GNYIS RDO RJE DANG DRIL BU 'DZIN PAS YUM M'A MA KI SNGON MO GRI GUG DANG THOD PA 'DZIN PA LA 'KHYUD

PA; RANG DANG GTZO BO THA MI DAD PA'I THUGS KA'I H'Um GI 'OD ZER GYIS SGOM PA DANG 'DRA BA'I YE SHES PA SBYAN DRANGS, GNYIS SU MED PAR GYUR, RANG DANG GTZO BO THA MI DAD PA'I THUGS KHA'I H'Um GI 'OD ZER GYIS PHYOGS BCU'I RGYAL YAB YUM MDUN GYI NAM MKHAR SPYAN DRANGS, AOm SARBA TA TH'A GA TA AOm RGHAm (NAS) SHA BTA'I (BAR GYIS MCHOD,) RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR BSTZAL, ,DE LTAR 'DI LA'ANG BSTZAL DU GSOL, ZHES GSOL BA BTAB PAS NAM MKHA'I RGYAL BA YAB YUM SNYOMS PAR ZHUGS, 'DOD CHAGS CHEN PO'I MES ZHUS NAS RANG DANG GTZO BO THA MI DAD PA'I SPYI BO NAS ZHUGS, RDO RJE'I LAM NAS BYUNG BA'I BYANG CHUB KYI SEMS KYIS SLOB MA MI BSKYOD PAR BYAS PA LA DBANG BSKUR, YUM GYI PADMA NAS PHYUNG STE DKYIL 'KHOR GYI SHAR DU KHRUS STE GSAL 'KHOD PAR GYUR, (PAR BSAM LA NANG DBANG BSKUR, DE NAS DBANG RDZAS BUM CHU BSANG SBYANG,) SHU N+YA TAS SBYANGS, DBANG RDZAS BUM CHU STONG PA NYID DU GYUR, STONG PA'I NGANG LAS H'Um LAS RDO RJE H'Um GIS MTSAN PA YONGS SU GYUR PA LAS MI BSKYOD PA SNGON PO ZHAL GCIG PHYAG GNYIS RDO RJE DANG DRIL BU 'DZIN PAS YUM M'A MA KI SNGON MO GRI GUG DANG THOD PA 'DZIN PA LA 'KHYUD PA, RANG DANG GTZO BO THA MI DAD PA'I THUGS KA'I H'Um GI 'OD ZER GYIS RANG BZHIN GYI GNAS NAS SGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, GNYIS SU MED PAR

, ,GYUR, DBANG GI LHA SA DBANG BSKUR, MI BSKYOD PAS DBU BRGYAN PAR GYUR, AOm AA RGHAm NAS SHAPTA 'I BAR GYIS MCHOD, MI BSKYOD PA YAB YUM SNYOMS PAR ZHUGS PA ZHU BA LAS DBANG RDZAS BUM CHUR GYUR, (BAR BSAM LA DBANG RDZOS BU MA CHU SLAR YANG SGRUB, RANG DANG GTZO BO THA MI DAD PA'I THUGS KA'I H'Um GI 'OD ZER GYIS PHYOGS BCU'I RGYAL BA SRAS DANG BCAS PA THAMS CAD SLOB MA LA DBANG BSKUR BA'I PHYIR DU BSKUL TE SPYAN DRANGS PA RNAMS NAM MKHAR 'KHOD, BSGRUB PA'I DKYIL 'KHOR BA RNAMS KYIS DBANG BSKUR BA'I DGONGS BA MDZAD, SKYAN MA LA SOGS PA'I RIGS MA DANG BCAS PA NAM MKHAR BZHUGS PA RNAMS KYIS GDUGS RGYAL MTSAN LA SOGS PA SLOB MA'I STENG PHYOGS SU 'DZIN, GLU GAR MDZAD CING NGOL MO BRDUNG, ME TOG DANG GUR GUM LA SOGS PA'I CHAR 'BEBS PHYAG GI CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR, GZUGS RDO RJE MA LA SOGS PAS BKRA SHIS KYI GLU DBYANGS KYI SHIS PA BRJOD, KHRO BO RNAMS PHYOGS 'TSAMS SU 'KHOD NAS BGEGS BSKRAD PAR GYUR, 'DIR CHU DBANG SOGS BSKUR BA LA, BSGRUB PA'I DKYIL 'KHOR BA RNAMS KYIS SLOB MA'I DBANG LNGA DANG SLOB DPON GYI DBANG DANG BCAS PA'I BUM DBANG GANG DANG GANG BSKUR BA'I TSEN DE DANG DEL DGONGS BA GTAD, BLA MA DANG DKYIL 'KHOR GYI GTZO BO THA MI DAD PAS SLOB MA DANG DBANG RDZAS RNAMS SKABS SU GANG BABS KYI LHAR BSKYED, SLAR YANG PHYOGS BCU NAS GSHEGS PA GSHEGS MA, SEMS DPA' SEMS MA, KHRO BO KHRO MO'I TSOGS SAM

THABS THOB KYIS DKYIL 'KHOR BA SANGS RGYAS DANG BYANG CHUB SEMS DPA'I 'KHOR DANG BCAS PA SPYAN DRANGS TE NAM MKHAR 'KHOD, DE RNAMS KYIS SLOB MA'I STENG PHYOGS SU GDUGS DANG RGYAL MTSAN SOGS 'DZIN PA, GLU GAR MDZAD CING ROL MO BRDUNG PA, ME TOG DANG GUR GUM SOGS KYI CHAR 'BEBS PA, BYANG CHUB KYI SEMS KYI BDUD RTZIS GANG BA'I BUM PA'I CHUS DBANG BSKUR BA, BKRA SHIS KYI GLU DBYANGS KYI SHIS PA BRJOD PA, BGEGS BSKRAD PA LA SOGS PA'I DBANG BSKUR BA'I BYA BA MDZAD PAR BSAM PA, BLA MA DANG GTZO BO THA MI DAD PA LAS SPROS PA'I BLA MA GNYIS PAS CHO GA'I TSIG 'DON PA DANG, BU MA PA MGO THOG TU 'JOG CING, BU MA CHU LDUD PAL SOGS PA'I DBANG GI BYA BA DNGOS SU BYED PA THAMS CAD BSDOM PA LAS CHU DBANG SOGS DBANG DE DANG DE BLA MA DANG DKYIL 'KHOR PAS BSKUR BA DANG, SLOB MAS THOB PAR 'JOG DGOS, DPER NA, DAR CHOG GI SGO NAS BSNYAN PAR RDZOGS PA'I CHO GA DNGOS GZHI'I TSE LAS SLOB KYI CHOG BRJOD PA MA GTOGS MKHAN PO DANG LAS GRAL BA'I DGE 'DUN GZHAN RNAMS KYIS DE LA DGONGS BA GTAD PA LAS, CHO GA DNGOS GZHIM BRJOD KYANG MKHAN PO DANG LAS GRAL PA'I DGE 'DUN LAS BSNYEN RDZOGS KYI SDOM PA THOB PAR 'JOG PA BZHIN, 'DIR YANG BSGRUB PA'I DKYIL 'KHOR BA RNAMS KYIS DBANG GI BYA BA DNGOS SU MA MDZAD KYANG DE LA DGONGS PA GTAD PA LA BRTEN NAS CHU DBANG LA SOGS PA'I BUM DBANG RNAMS RAS BRIS SAM, RDUL TSON GYI DKYIL 'KHOR GANG YIN PA DER THOB PAR 'JOG TSUL GYI GO BA LEGS PAR BRDA 'PHROD DES SU SBYAR, DE NAS LAS KYI RDO RJES RNAM RGYAL BUM PA BTEGS LA, BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID RIGS KUN GYI NI BDAG PO MCHOG ,SEMS CAN MA LUS SKYED BYED BDE BA CHEN PO STE, ,DE NI DENG KHYOD DBANG BSKUR MCHOG LA

, ,BKRA SHIS SHOG ,PHUN SUM TSOGS PA MNGA' BA GSER GYI RI BO 'DRA, ,'JIG RTEN GSUM GYI MGON PO DRI MA GSUM SPANGS PA, ,SANGS RGYAS PADMA RNAM RGYAS 'DAB 'DRA'I SPYAN MNGA' BA, ,DE NI DE RING KHYOD LA ZHI BYED BKRA SHIS SHOG ,DE YIS NYE BAR BSTAN PA'I MCHOG RAB MI GA-YO BA, ,'JIG RTEN GSUM NA GRAGS SHING LHA DANG MI YIS MCHOD,, CHOS MCHOG SKYE DGU RNAMS LA RTAG TU ZHI BYED PA, ,DE NI DE RING KHYOD LA ZHI BYED BKRA SHIS SHOG ,DAM CHOS LDAN PA THOS DANG BKRA SHIS KYIS PHYUNG CING, ,DGE 'DUN MI DANG LHA DANG LHA MIN YON GYI GNAS, ,TSOGS KYI MCHOG RAB NGO TSA SHES DANG DPAL GYI GZHI, ,DE NI DE RING KHYOD LA ZHI BYED BKRA SHIS SHOG ,CES SHIS PA BRJOD CING SLOB MA RNAMS LA ME TOG GTONG BAR BYA'O, ,DE NAS RDO RJE SNYING PO RGYAN KYI RGYUD LAS, TIL GYI GANG BU LTAR GANG BA'I, ,RGYAL BA BUM PA 'DZIN PA YIS, ,DE RING KHYOD LA DBANG BSKUR TE, ,DE LTAR SHES NAS YID BDER GYIS, ,ZHES GSUNGS PA LTAR NAM MKHA' GANG BAR BZHUGS PA'I RGYAL BA SRAS BCAS THAMS CAD KYIS BUM PA BZUNG NAS DBANG BSKUR TSUL GYI BRDA SPRAD LA, SLOB DPON GYIS BUM PA BTEGS TE, DBANG BSKUR RDO RJE CHEN PO NI, ,KHAMS GSUM PA YI PHYAG BYAS PA, ,RDO RJE GSANG BA GSUM 'BYUNG BA; ;SANGS RGYAS KUN GYIS SBYIN PAR BYA, ,(ZHES PAS BRJOD CING DON NI DBANG BSKUR RO, ,DBANG JI LTA BU ZHIG SKUR NA, 'DOR DU MI RUNG BAS MI PHYED PAS NA RDO RJE, KHAMS GSUM GYI RGYAL POR BZHUGS BAS NA CHEN PO, , KHAMS GSUM GYI SEMS CAN RNAMS KYIS PHYAG BYA BA'I YUL DU GYUR PA, SKU RDO RJE, GSUNG RDO RJE, THUGS RDO RJE'I GSANG BA GSUM 'BYUNG BA DE SANGS RGYAS KUN GYI SPYAN SNGAR KHYOD LA SBYIN PAR BYA'O, ,'DI LA 'GA' ZHIG NA, DBANG BSKUR RDO RJE

CHEN PO NI, ,KHAMS GSUM PA YI PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA SBYIN PAR BYA, ,ZHES 'BYUNG BA LTAR NA TSIG RKANG SNGA MA GNYIS SNGA MA DANG 'DRAS PHYI MA GNYIS LA, SANGS RGYAS KUN GYI GSANG BA RDO RJE GSUM DBYER MI PHYED PA'I GNAS RDO RJE 'CHANG DE LAS BYUNG BA STE DE'I RIGS LAS SKYES PA KHYOD LA SBYIN PAR BYA'O, ,ZHES PA GO BAR BYA, RNAM RGYAL BUM PA'I KHA RGYAN YAL 'DAB DANG BCAS PA DANG , RDO RJE LAG PA GA-YAS PAS BZUNG LA, DES BUM PA'I CHU BLANGS TE RDO RJE'I RTZE MOS SLOB MA'I SPYI BOR BLUG CING, AOm A'A: BADZRA AUD KA AA BHI shI NYTZA H'Um SU RA TA STVAm AA HAm, ZHES BRJOD CING, SNGAGS DON NI, BDAG GIS RDO RJE'I CHUS DBANG BSKUR GYI, KHYOD RAB TU DGA' BAR GYIS SHIG ,CES PA YIN LA, 'PHRENG BAR BUM PA MGOR 'JOG PA MI GSAL YANG, BLA MA RNAMS KYIS PHYAG LEN LA MDZAD PA LTAR, KYEE RDOR LAS RIM GYI CHOG LAS 'BYUNG BA, YOG LAS 'BYUNG DU 'JUG PA'ANG BSHAD PAS BUM PA MGOR BA BZHAG LA BUM CHU 'THUNG DU GZHUG ,SNYE MA BCU GNYIS PA LAS, DBANG BSKUR BA NI YE SHES KYI CHU RNAMS KYIS BAG CHAGS DANG BCAS PA'I SGRIB PA THAMS CAD KYI DRI MA 'KHRUD PA'O, ,ZHES GSUNGS PA LTAR; SNGAR BUM PA SGRUB DUS NANG DU LTA SKYED PA ZHU BA DANG, 'DIR BUM CHU MI BSKYOD PAR SKYED BZHU BA YE SHES KYI CHU MGO BOR GTOR BA DANG 'THUNG BA LA BRTEN NAS, RGYUD LA BDE DGA' PHUN SUM TSOGS PA 'BYUNG ZHING, DGA' BA DES STONG PA DES BA'I BDE STONG GI YE SHES NI CHU DBANG GI GTZO BO YIN LA DE LTA BU BYUNG NA RANG NYID SNGAR ME TOG GANG LA PHOG PA'I LHA DE'I RIGS SU SANGS RGYAS PA LA SGRIB PA'I DRI MA 'KHRUD PA LA NYON MONGS PA ZHE SDANG GI DRI MA SBYONG BA DANG, RNAM SHES KYI PHUNG PO GNAS BSGYUR BA DANG, CHOS KYI DBYINGS KYI YE SHES MNGON DU BYED PA DANG, MI BSKYOD PA DANG DE'I RIGS KYI DNGOS GRUB SGRUB PA LA DBANG BA'I BAG CHAGS DANG NUS PA SKYED PA THAMS CAD SKABS 'DI'I CHU DBANG DNGOS GZHIR 'JOG PA YIN LA, DE LTA BU'I BDE STONG GI YE SHES MA SKYES KYANG

, ,MOS PA YID BYED TZAM GYIS DE SKYES PAR MOS PA DANG, STONG PA'I GO BA MSHAR KYANG DGA' BA SKYES PA DANG, THA NA DG'A BA SKYES PAR MOS PA TZAM YANG CHU DBANG DU 'JOG PAS, DE RNAMS BYUNG SNYAM PA'I MOS PA SKYED DGOS TSUL GYI GO BA BSKYED DE DBANG GI NGO BO NGO SPRAD, SNGAGS RGYAS PA 'DON PAR SPRON, AOm MH'A SU KHA BADZRA SATVA AA BHI shE KA nA TVAm AA BHI shI NYTZA MI SARVA TA TH'A GA TA AA DHI PA DHI TVE NA TRI tHOm BHA PA, ZHES KYANG BRJOD, DE LTAR BUM PA'I CHUS SPYI BO NAS DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, ZHES BRJOD, DE NAS GONG DU BLA MA DANG GTZO BO THA MI DANG PAS SPYAN DRANGS PA'I DBANG LHA NAM MKHAR 'KHOD PA, DE RNAMS SLOB MA LA BSTEM PAR 'PHRENG BAR MI GSAL YANG, KHAB PA DANG, BHA WABHA TRA DANG DHA RIG PAS BSTIM PAR BSHAD LA, BSTIM MTSUL YANG SLOB DPON SNGA MA GNYIS KYIS BA SPU'I BU GNAS GZHUG PAR BSHAD PA LTAR, BSTIM BYUNG SNYAM PA'I MOS PA BYA BA BRDA SPRAD LA, RANG DANG GTZO BO THA MI DAD PA'I THUGS KA'I H'Um GI 'OD ZER GYIS DBANG GI LHA RNAMS BKUG NAS SLOB MA'I BA SPU'I BU GNAS THIM PAR GYUR, BAR BSAM, DE NAS SLOB MA MI BSKYOD PAR GSAL BA LA MCHOD PA 'BUL BA BDAG GIR BYA BA'I BRDA SPRAD LA, AOm A'A RGAm ZHES SOGS KYIS MCHOD, DBANG GI DAG PA SBYIN PA NI; DE LTAR MI BSKYOD PA CHU'I DBANG THOB, ZHE SDANG GI DRI MA SBYANGS, RNAM SHES KYI PHUNG PO GNAS BSGYUR, CHOS KYI DBYINGS KYI YE SHES MDON DU BYAS, MI BSKYOD PA DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES BRJOD, DE NAS COD PAN GYI DBANG GI DON DU, BYANG CHUB RDO RJE SA SANGS RGYAS LA, ZHES SOGS KYI GSOL BA 'DEBS SU BCUG LA, NANG DBANG BSKUR BA DBANG RDZAS SKYED CHOG ,

DBANG LHA SPYAN 'DREN SOGS PHAL CHER CHU DBANG GI SKABS BZHIN LA, H'Um LAS RDO RJE H'Um GIS MTSAN PA YONGS SU GYUR PA LAS MI BSKYOD PA SNGON PO ZHES SOGS KYI GNAS SU, AOm LAS RIN PO CHE AOm GYIS MTSAN PA YONGS SU GYUR PA LAS RIN 'BYUNG SER PO ZHAL GCIG PHYAG GNYIS KYIS RIN PO CHE DANG DRIL BU 'DZIN PAS YUM RIN CHEN SGROL MA SER MO GRI GUG DANG THOD PA 'DZIN PA LA 'KHYUD PA, ZHES DANG, RIN 'BYUNG DU BYAS PA LA DBANG BSKUR, ZHES DANG; DBANG RDZAS COD PAN ZHES SOGS, 'DON PA BSGYUR TE SHIS BRJOD KYI BAR GONG LTAR BRJOD, DE NAS, AOm BADZRA DHVA TI SHVA RI AA BHI shI NYTZA H'Um, ZHES PA RDO RJE DBYINGS KYI DBANG PHYUG MA'I DBANG BSKUR, AOm SARBA TA TH'A GA TA SA TVA BADZRi AA BHI 'I NYTZI BRUm, ZHES PA DE BZHIN GSHEGS PA THAMS CAD KYIS SEMS MA RDO RJE MA'I DBANG BSKUR, AOm RADNA BADZRi AA BHI shI NYTZA A'A: ZHES PA RIN CHEN RDO RJE MA'I DBANG BSKUR, AOm DHA RMA BADZRi AA BHI shI NYTZA HV'I: ZHES PA CHOS KYI RDO RJE MA'I DBANG BSKUR, AOm KA RMA BiDZRA AA BHI shI NYTZA TRAm, ZHES PA LAS KYI RDO RJE MA'I DBANG BSKUR, ZHES PA YIN LA DE RNAMS BRJOD CING, DBU RGYAN SLOB MA'I MGO LA BSGON, DE NAS, DBANG BSKUR RDO RJE CHEN PO NI, ZHES SOGS DANG, AOm A'A: BADZRA MU KU tA AA BHI shI NYTZA H'Um SU RA TA STVA AA HAm, DON NI RDO RJE COD BAN GYI DBANG BSKUR BAS KHYOD SHING DU DGA' BAR GYIS ZHES PA'O, ,AOm H'Um TRAm HR'I: A'A: ZHES PA RIGS LNGA'I SA BON BRJOD DE DANG DBYANGS BCING, BADZRA DU shYA HO: ZHES BRJOD DE BSNYAMS PA'I THAL MOS BNYES PAR BYA, DE LTAR COD PAN GYI DBANG BSKUR BAS BDE DGA' SKYES SHING DGA' BA DES STONG PA BSGOM PA'I BDE STONG GI YE SHES COD PAN GYI DBANG GI GTZO BO DANG, DE LA BRTEN NAS MA 'ONGS PA NA RIGS BDAG 'GRUB PA'I NUS PA DANG, GTZUG TOR 'GRUB BA'I NUS PA RNAMS 'JOG LA SNYON MONGS PA NGA RGYAL SER SNA SBYONG BA SOGS TSIGS RGYUR DGOS RNAMS BSGYUR LA, DBANG JI LTA BU ZHIG THOB PA'I BRDA SPRAD, DBANG BSKUR RDO RJE CHEN PO NI, ZHES SOGS DANG, AOm A'A: SARBA

, ,TA TH'A KA TA AA BHI shI KA TA SA MA YA SHRI H'Um, ZHES PA BRJOD DE BUM CHU GTOR LA BRTAN BYED KYI CHU DBANG BSKUR, DE LTAR BUM PA'I CHU'I DBANG BSKUR BAS ZHES PA NAS, RIN 'BYUNG GIS DBU BRGYAN PAR GYUR, DE NAS, DBANG LHA BSTIM PA DANG, MCHOD PA 'BUL BA, CHU DBANG GI SKABS BZHIN BYA, BRTEN BYED KYI CHU DBANG MAN CHAD, RDO RJE DRIL BU, MING, SLOB DPON GYI DBANG GI SKABS RNAMS SU BAR BYA, DE LTAR RIN CHEN 'BYUNG LDAN COD PAN GYI DBANG THOB, NGA RGYAL DANG SER SNA'I DRI MA SBYANGS, TSOR BA'I PHUNG PO GNAS BSGYUR, MNYAM PA NYID KYI YE SHES MNGON DU BYAS, RIN, CHEN 'BYUNG LDAN DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES DAG PA BRJOD, 'OD DPAG MED RDO RJE'I DBANG GI DON DU, BYANG CHUB RDO RJES, ZHES SOGS KYIS GSOL BA BDEBS SU BCUG ,NANG DBANG SNGAR BZHIN LA, HRI: LAS PADMA HR'I: SA MTSAN PA MONGS SU GYUR PA LAS, 'OD DPAG MED DMAR PO ZHAL GCIG PHYAG GNYIS PADMA DANG DRIL BU 'DZIN PAS YUM GOS DKAR MO DMAR MO, ,ZHES DANG, 'OD DPAG MED DU BYAS PA LA, ZHES DANG, DBANG RDZAS RDO RJE, ZHES PA MA GTOGS SHIS BRJOD KYI BAR SNGAR LTAR DANG, DBANG BSKUR RDO RJE ZHES SOGS SNGAR LTAR BRJOD DE RDO RJE LAG TU BZUNG STE, SANGS RGYAS RNAMS KYIS RDO RJE YI, ,DBANG GI DE RING KHYOD DBANG BSKUR, ,'DI DE SANGS RGYAS THAMS CAD NYID, ,RDO RJE RAB TU BSGRUB PHYIR THUNGS, , ZHES BRJOD CING, DE'I DON, SANGS RGYAS RNAMS KYIS DE RING KHYOD LA RDO RJE DBANG BSKUR BAS RDO RJE YE SHES KYI DBANG BSKUR BA YIN LA, RDO RJE YE SHES KYI DBANG NI, BYANG CHUB SEMS GANG DE RDO RJE ZHES GSUNGS PA LTAR, STONG PA NYID

DANG DBYER MED PA'I BYANG CHUB GYI SEMS DRI BRAL GYI RANG BZHIN YIN PAS, SANGS RGYAS THAMS CAD KYI THUGS RDO RJE'I NGO BO NYID YIN CING, RTAGS KYI RDO RJE 'DI NI SANGS RGYAS THAMS CAD KYI THUGS RDO RJE'I NGO BO NYID DER RAB TU SGRUB PA STE THOB PAR BYA BA'I PHYIR KHYOD KYIS ZUNGS SHIG ,CES PA GO BAR BYAS STE, RDO RJE SLOB MA'I SNYING MGRIN MGO BO RNAMS LA RE GNAS LAG PA GA-YAS SU SBYIN, SLOB MAS RDO RJE GSONG TE SNYING KHAR BZUNG, DE LTAR RDO RJE'I DBANG BSKUR BA LA BRTEN NAS DGA' BDE SKYES SHING DGA' BAS STONG PA NGES PA'I BDE STONG GI YE SHES NI, RDO RJE'I DBANG GI GTZO BO DANG, DE SANGS RGYAS THAMS CAD KYI THUGS RDO RJE 'THOB PA'I NUS PA DANG, NYON MONGS PA 'DOD CHAGS SKYONG BA'I NUS PA BSKYED PA SOGS DBANG GI NGO BO 'DI LTA BU ZHIG ,THOB CES BRDA SPRAD, DBANG BSKUR RDO RJE CHEN PO NI, ZHES SOGS BRTAN BYED KYI CHU DBANG BSKUR BA SNGAR DANG 'DRA ZHING, 'OD DPAG MED KYI DBU BRGYAN PAR GYUR, DBANG LHA STIM PA SOGS SNGAR BZHIN, DE LTAR 'OD DPAG MED RDO RJE'I DBANG THOB, 'DOD CHAGS KYI DRI MA SBYANGS, 'DU SHES KYI PHUNG PO GNAS BSGYUR, SO SOR RTOGS PA'I YE SHES MNGON DU BYAS 'OD DPAG MED DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES DAG PA SBYIN, DON GRUB DRIL BU'I DBANG LA, BYANG CHUB RDO RJES, SOGS KYI GSOL 'DEBS DANG NANG DBANG BSKUR TSUL SNGAR LTAR LA, KHAm LAS RAL GRI KHAm GIS MTSAN PA YONGS SU GYUR PA LAS DON GRUB LJANG KHU ZHAL GCIG PHYAG GNYIS RAL GRI DANG DRIL BU 'DZIN PAS YUM DAM TSIG SGROL MA LJANG KHU , ZHES DANG, SLOB MA DON GRUB TU BYAS PA LA, ZHES DANG, DBANG RDZAS DRIL BU, ZHES SOGS BSGYUR TE, SHIS BRJOD KYI BAR GONG LTAR BRJOD, DBANG BSKUR RDO RJE, ZHES SOGS DANG, ,

, ,AOm BADZRA AA DHI BA DHI STVAm AA BHI shI NYTZA MI TI shthA BADZRAS MA YA STVAm, ZHES BRJOD CING DON NI, RDO RJE'I DAM TSIGS LA GNAS PA KHYOD LA RDO RJE'I BDAG PO'I DBANG BGYI'O, ,KHYOD KYIS MNOS SHIG ,CES PA STE, DRI PA BU'I DBANG LA RDO RJE'I BDAG PO'I DBANG ZHES PA'I DON NI, RDO RJE 'CHANG NI RIGS THAMS CAD KYI BDAG PO DANG, CHOS PHUNG BRGYAD KHRI BZHI STONG SOGS DAM PA'I CHOS THAMS CAD KYI MNGA' BA DAG YIN PAS CHOS KYI BDAG PO YIN LA, DE CHOS PHUNG BRGYAD KHRI BZHI STONG SOGS SGROG PA DE MTSON PA'I DON DU DRIL BU SGRA DANG BCAS PAS DBANG BSKUR BSAN BDAG PO'I DBANG ZHES BTAGS PA YIN TSUL GYIS GOB BSKYED LA DRIL BU 'AG PA GA-YON PAR GTAD DE, RDOR DRIL DANG LDAN PA'I LAG PAS 'KHYUD TSUL BYED DU BCUG LA, AOm BADZRA GHA ndE AA: AA: SNGAG DON NI, RDO RJE DRIL BU ZHES DANG AA SA BON YIN, BCOM LDAN GZUNG NGO BDAG LA NI; YANG DAG NYE BAR 'GYUR BAR MDZO, CES BRJOD DU GZHUG ,DE LTAR DRIL BU'I DBANG BSKUR BA LA BRTEN NAS RGYUD LA DGA' BDE SKYES SHING DES STONG PA NGES PA'I BDE STONG GI YE SHES DBANG GI GTZO BO DANG, DE LA BRTEN NAS SANGS RGYAS PA NA CHOS PHUNG BRGYAD KHRI BZHI STONG STON PA'I GSUNG RDO RJE 'GRUB PA'I NUS PA, NYON MONGS PA PHRAG TOG SBYONG BA'I NUS PA SKYED PA SOGS DRIL BU'I DBANG CI 'DRA BA ZHIGS THOB PA'I BRDA SPRAD, BRTAN BYED KYI CHU DBANG BSKUR BA SOGS SNGAR BZHIN LA, DON YOD GRUB PAS DBU BRGYAN PAR GYUR, DBANG LHA BSTIM PA SOGS SNGAR BZHIN, DE LTAR DON YOD GRUB PA DRIL BU'I DBANG THOB, PHRA DOG GI DRI MA SBYANGS , 'DU BYED KYI PHUNG PO GNAS BSGYUR, BYA BA GRUB PA'I YE SHES MDON DU BYAS, DON YOD GRUB PA DANG DE'I RIGS KYI DNGOS GRUB BSGRUB PA LA DBANG BAR BYAS SO, ,

ZHES BRJOD DE DAG PA SBYIN, RNAM SNANG MING GI DBANG LA, GSOL 'DEBS, NANG DBANG, DBANG LHA SBYAN 'DREN SOGS GONG LTAR LA DBANG RDZAS BSKYED CHOG MI DGOS, KHYAD PAR NI, AOm LAS 'KHOR LO AOm GYIS MTSAN PA YONGS SU GYUR PA LAS RNAM SNANGS DKAR PO ZHAL GCIG PHYAG GNYIS 'KHOR LO DANG DRIL BU 'DZIN PAS YUM SPYAN MA DKAR MO GRI GUG DANG THOD PA 'DZIN PA LA 'KHYUD PA, ZHES BSGYUR, SHIS BRJOD KYI MJUG TU SLOB MA'I MGOR RDO RJE DRIL BU MNYAM POR BZUNG NAS, DBANG BSKUR RDO RJE ZHES SOGS DANG, AOm BADZRI SATVA STVAm AA BHI shI NYTZA MI BADZRA N'A MA AA BHI shI KA TA; ZHES BRJOD CING SNGAGS DON NI, RDO RJE SEMS DPA' KHYOD LA DBANG BSKUR RO, ,DBANG GANG BSKUR NA MI BSKYOD RDO RJE ZHES BYA BA LA SOGS PA'I MING GI DBANG BSKUR RO, ,ZHES PA DANG, MI BSKYOD RDO RJE NI MTSON PA TZAM YIN GYI SLOB MA'I ME TOG GANG LA PHOG PA'I RJES SU 'DRANG NAS MING BTAGS LA MING DBANG BSKUR RO, ,DE LTAR MING DBANG BSKUR BA LA BRTEN NAS DGA' BDE SKYES SHING, DGA' BA DES STOR BA NGES PA'I BDE STONG GI YE SHES NI MING DBANG GI GTZO BO DANG, RANG NYID SANGS RGYAS PA'I TSE SANGS RGYAS KYI MTSAN 'GRUB PA'I NUS PA, NYON MONGS PA GTI MUG SBYONG BA'I NUS PA SOGS SKABS DANG SBYAR BA BRJOD DE MING DBANG GI NGO BO JI LTA BU THOB PA'I BRDA SPRAD, BRTAN BYED KYI CHU DBANG SOGS SNGAR DANG 'DRA LA, RNAM SNANG GIS DBU BRGYAN PAR GYUR, ZHES PA BSGYUR, DE LTAR RNAM PAR SNANG MDZAD MING GI DBANG THOB, GTI MUG GI DRI MA SBYANG, GZUGS KYI PHUNG PO GNAS BSGYUR; ME LONG LTA BU'I YE SHES MNGON DU BYAS, RNAM SNANGS DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES DAG PA SBYIN, GNYIS PA THUN MONG MA YIN PA RDO RJE SLOB DPON GYI DBANG LA SLOB,

, ,DPON GYI DBANG BSKUR BA'I CHO GA DANG, DE'I MTHA' RTEN GYI CHO GA GNYIS, DANG PO LA DAM TSIG GSUM SBYIN PA DANG, DAM TSIG GSUM BZUNG ZHING DE NYID BSTAN PA GNYIS, DANG PO LA SLOB MAS MAndAL 'BUL, THAL MO SBYAR TE;) GANG GIS BDAG NI KHYOD DRIN LAS, ,RANG DANG GZHAN DON NUS 'GYUR BA, ,RDO RJE SLOB DPON GYI NI DBANG, ,THUGS RJE'I GTER KYEE BDAG LA STZOL, ,(DON NI, KYEE THUGS RJE'I GTER ZHES SLOB DPON LA THOS NAS, KHYOD KYI DRIN LAS DBANG GANG GIS RANG GZHAN GYI DON RGYA CHEN PO SGRUB NUS PAR 'GYUR BA RDO RJE SLOB DPON GYI DBANG BDAG LA STZOL CIG ,CES PA STE DON DRAN PA'I SGO NAS GSOL BA LAN GSUM 'DEBS SU GZHUG ,NANG DBANG BSKUR TSUL SNGAR LTAR LA; KHYAD PAR NI,) H'Am LAS RDO RJE H'Um GIS MTSAN PA YONGS SU GYUR PA LAS RDO RJE 'CHANG DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM RDO RJE DBYINGS KYI DBANG PHYUG MA DKAR MO RDO RJE DANG DRIL BU 'DZIN PA LA 'KHYUD PA, (ZHES DANG,) SLOB MA RDO RJE 'CHAD DU BYAS PA LA DBANG BSKUR YUM GYI PADMA NAS GYUR STE DBANG STEGS KHRUS DKYIL LA GNAS PA'I SENG GE'I KHRI'I STENG DU 'KHOD PAR 'GYUR, (ZHES BSGYUR, RDO RJE DANG DRIL BU BSANG SBYANGS,) STONG PA'I NGANG LAS H'Um LAS BYUNG PA'I RDO RJE RDO RJE SEMS DPA'I NGO BO DANG, A'A: LAS BYUNG BA'I DRIL BU RDO RJE SNYEMS MA'I NGO BOR GYUR, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG PO KUN BDAG NYID, ,RDO RJE SNYEMS TSUL BDAG PO'I BDAG ,BCOM LDAN 'DAS MCHOG GI DANG PO'I SKYES BU'O, ,AOm MAH'A BADZRA H'Um, (DON NI BYANG CHUB SEMS DPA' RNAMS KYI THOG MA DANG THA MA MED PA'I SEMS KYI RGYUN RANG BZHIN GYIS DAG PA LA GLO BUR GYI DRI MAS GOS PA RIM GYIS BSAL NAS RNAM PAR DAG PA MTHAR THUG PA CHOS KYI

SKU DES DON GYI RDO RJE SEMS DPA' DGA' BA CHEN PO YIN LA, DE NI CHOS KUN GYI BDAG NYID CHOS KYI DBYINGS 'KHOR 'DAS KUN DU DGE BAS KUN DU BZANG PO BSGOM PA LA BRTEN NAS 'BYUNG BA'O, ,DES NA RDO RJE 'DI DRI BRAL GYI SHES RAB STONG PA'I CHA NYID RDO RJE SNYEMS MA'I TSUL BZUNG PA DE'I BDAG PO RDO RJE SEMS DPA' 'AM RDO RJE 'CHANG GI BDAG NYID DE THOB PAR BYED PA'I LAM MTSON BYED DU MOS TE BZUNG BAR BYOS LA, RDO RJE 'CHANG DE THOB PA'I PHYIR DU GANG LA DMIGS NAS LHA SKU PHYAG RGYA CHEN PO SKYED PA'I RGYU CHOS KYI DBYINGS LA BCOM LDAN 'DAS MCHOG GI DANG PO'I SKYES BU ZHES 'BRAS BU RDO RJE 'CHANG GI MING GIS BTAGS PA'I CHOS DBYINGS DE SGOMS SHIG ,SNGAGS DON NI, RDO RJE CHEN PO ZHES PA YIN CING, H'Um NI THUGS MTSON BYED YIN PAS RDO RJE CHEN PO SANGS RGYAS KYI THUGS RDO RJE DE SGOMS SHIG ,CES PA'I DON NO,) STONG PA NYID DANG DBYER MED PA'I YE SHES RGYAL BA'I THUGS KYI NGO BO NI GSANG BA'I RDO RJE YIN LA , DE DRAN PA'I DON DU RDO RJE 'DZIN PA RDO RJE DE KHO NA NYID KYI SGO NAS ZUNGS SHIG (,ZHES BRJOD DE LAG PA GA-YAS SU GTAD LA RDO RJE'I DAM TSIG SBYIN,) 'DI DE SANGS RGYAS THAMS CAD KYI, , SHES RAB DBYANGS KYI RJES 'GROR BSHAD, ,BYANG CHUB MCHOG TU RGYAL BA BZHED, ,KHYOD KYIS KYANG NI RTAG TU ZUNGS, ,CHOS THAMS CAD RANG BZHIN MED PA'I SGRA DRIL BUS SGROGS PAR SEMS PA'I SGO NAS DRIL BU 'KHROL BA DRIL BU'I DE KHO NA NYID KYI SGO NAS ZUNGS SHIG (,CES PA BRJOD CING, TSIGS BCAD KYI DON NI, JI LTAR SANGS RGYAS THAMS CAD KYI, BYANG CHUB CHEN PO'I NGO BO NYID KYI SHES RAB NI STONG PA NYID LA DMIGS PA YIN LA, DE NI RANG GI NGANG GIS LHUN GYIS GRUB PAR DBYANGS KYI SGRA SNA TSOGS KYIS GZHAN LA CHOS STON PAR BYED, DRIL BU 'DI YANG DE DANG 'DRA

, ,STE SHES RAB DBYANGS KYI RJES SU 'GRO BA'I YUL STONG PA NYID RTOGS PA'I SHES RAB MTSON PAS SO, ,DE BAS NA RGYAL BA THAMS CAD KYI BYANG CHUB MCHOG TU BZHED PA STONG PA NYID LA DMIGS PA'I DRI BRAL GYI SHES RAB MTSON ZHING STONG PA NYID KYI SGRA SGROGS PA'I DRIL BU 'DI KHYOD GYIS KYANG NI RTAG TU ZUNGS LA YUL STONG PA NYID LA DMIGS PA'I SHES RAB DE SGOMS SHIG ,CES PA STE, DE LTAR BRDA SPRAD TE, DRIL BU LAG PA GA-YON PAR GTAD LA DRIL BU'I DAM TSIG SBYIN, SLOB MAS,) SRID PA NGO BO NYID KYIS DAG ,NGO BO NYID KYI SRID 'GAL BYAS, ,RANG BZHIN DAG MCHOG SEMS DPA' YIS; ;DAM PA'I SRID PA BYED PAR 'GYUR, ,BADZRA GHA NtA AA: (ZHES PA TSIGS BCAD GYI DON NI, SRID PA 'KHOR BAR SKYE BA'I RGYU DE NI NGO BO NYID DE RANG BZHIN GYIS YONGS SU DAG PA YIN KYANG, BDAG TU SGRO BTAGS PA'I NGO BO NYID KYIS 'GAL BA'I SRID PA STE GNOD PA MED PA LAS GNOD PA CAN DU BYAS PA YIN LA, MCHOG SEMS PA STE BYANG CHUB SEMS DPA' RNAMS KYIS RANG BZHIN GYIS DAG PAR SEMS PAS BDAG TU SGRO BTAGS PA LTAR ZHEN PA ZAD PAR MDZAD NAS, DAM PA'I SRID PA STE MI GNAS PA'I MYA NGAN LAS 'DAS PA'I RANG BZHIN DU RTOGS PAR BYED PAR 'GYUR BA DE LTAR BDAG GIS BYA'O, ,ZHES DANG, SNGAGS DON NI RDO RJE'I DRIL BU ZHES DANG, AA CAS BON ? YIN LA DE LTA BU GO BAR BYAS TE, TSIGS BCAD DANG SNGAGS DE GNYIS BRJOD CING DRIL BU DKROL DU GZHUG ,DE NAS,) YID KYI LUS NI BRTAN PA NYID, ,PHYAG RGYA'I DAM TSIG RAB TU BRJOD, ,GANG GI LUS NI THAMS CAD BRTAN, ,DES NA PHYAG RGYAR RAB TU BSGRAGS, ,YE SHES PHYAG RGYA BYIN RLABS NAS, ,'DOD PA THAMS CAD LONGS SPYOD PAS, ,DNGOS GRUB THAMS CAD

BSGRUB PAR BYA, (,ZHES BRJOD CING, DE'I DON, YID KYI LAS RDO RJE SLOB DPON GYI DBANG GI NGO BOR GYUR BA'I BDE STONG GI YE SHES DE BRTAN PA NYID KYI PHYIR DU PHYAG RGYA'I DAM TSIG RAB TU BRJOD, GANG GIS LUS LHA SGUR BSGOM PA DE THAMS CAD DU BRTAN PA'I PHYIR DU PHYAG RGYA'I DAM TSIG RAB TU BSGRAGS PA STE SBYIN PAR BYA BA YIN LA, PHYAG RGYA'I DAM TSIG NI, RANG RDO RJE 'CHANG ZHAL GCIG PHYAG GNYIS PAR GSAL BAS YE SHES KYI PHYAG RGYA RDO RJE DBYINGS KYI DBANG PHYUG MA BYIN GYIS BRLAB PA STE GSAL BTAB PAS 'DUS BYAS NAS, 'DOD YON THAMS CAD LA LONGS SPYOD PA'I TSUL GYIS MCHOG DANG THUN MONG GI DNGOS GRUB THAMS CAD BSGRUB PAR BYA'O, ,ZHES GO BA BSKYED DE, KYEE RDOR LAS SHES RAB BCU DRUG LON PA LA, LAG PA DAG GIS YANG DAG 'KHYUD, ,RDO RJE DRIL BU MNYAMS SBYAR BA, ,SLOB DPON GYI NI DBANG DU 'DOD, ,ZHES GSUNGS PA LTAR, SLOB MAS RDOR DRIL BZUNG NAS YE SHES KYI PHYAG RGYA RDO RJE DBYINGS KYI DBANG PHYUG MA LA 'KHYUD PAR BSAM ZHING 'KHYUD PA'I PHYAG RGYA BYED DU GZHUG LA PHYAG RGYA'I DAM TSIG SBYIN, GNYIS PA DAM TSIG GSUM BZUNG BA NI, DE NAS, SLOB MA RIGS DRUG PA RDO RJE 'CHANG DU GSAL BAS RANG RANG GI DAM TSIG DRAN PA'I SGO NAS RDOR DRIL BZUNG NAS, YUM RDO RJE DBYINGS KYI DBANG PHYUG MA DANG 'KHYUD PA LA CHED DU GTAD NAS SEMS 'DZIN DU GZHUG CING, DE LTAR BSAM PA LAS DGA' BDE KHYAD PAR CAN SKYES PA DES STONG PA NGES PA'I BDE STONG GI YE SHES NI RDO RJE SLOB DPON GYI DBANG DNGOS GZHI'I GTZO BO YIN PA DANG, DE LTAR BSAM PAS DGA' BDE SKYES PA DANG BDE STONG GI YE SHES SKYES PAR MOS PA DANG , PHYIR MI LDOG PA'I SA BON KHYAD PAR CAN BSKRUN PA'I NUS PA DANG SEMS CAN DPAG TU MED PA LA GZHAL DU MED PA'I CHOS STON PA LA SOGS PA'I SLOB DPON DU 'GYUR BA'I NUS PA RNAMS KYANG SLOB DPON GYI DBANG YIN NO ZHES SLOB

, ,DPON GYI DBANG GI NGO BO JI LTA BU ZHIG THOB TSUL GYI BRDA LEGS PAR SPRAD, DE NAS DBANG LHA SPYAN DRANGS NAS SHIS PA BRJOD PA DANG, BRTAN BYED KYI CHU DBANG SKUR BA SOGS SNGAR DANG 'DRA LA, RGYAS GDAB LA,) MI BSKYOD PAS DBU BRGYAN PAR GYUR, (ZHES DANG, DBANG LHA BSTIM PA'I TSE,) SPYI BO NAS THIM PAR GYUR, (ZHES DBANG LHA RNAMS YE SHES PA'I NGO BOR SLOB MA LA GZHUG LA,) AOm SU PRA TI shthA BDZRO SV'A H'A, (ZHES PA LEGS PAR RAB TU GNAS PA RDO RJE LA GZHI TSUG CES PA YIN PAS SNGAGS DE BRJOD LA BYIN GYIS BRLAB STE, ME TOG LA SOGS PA'I MCHOD PA SNGAR LTAR 'BUL, DE NYID BSTAN PA NI, DE NAS DKYIL 'KHOR DANG LHA'I DE KHO NA NYID RGYAS PA BSTAN PAR 'DOD NA MAN NGAG SNYEM SOGS LAS 'BYUNG BA LTAR BRJOD CING, MDOR BSDU NA,) RTEN GZHAL YAS KHANG NI GZUGS PHUNG RNAM PAR DAG PA RNAM PAR SNANG MDZAD KYI RANG BZHIN YIN LA, BRTEN PA LHA NI PHUNG PO LNGA NI MDOR BSDU NA, SANGS RGYAS LNGAR NI RAB TU BSGRAGS, (ZHES SOGS GSUNGS PA LTAR,) RTEN DANG BRTEN PA THAMS CAD DON DAM PAR RANG BZHIN MED PA KHO NA YIN LA, DE YANG DKYIL 'KHOR GYI GTZO BO GCIG BU'I YE SHES KYI BDAG NYID LAS GRUB PA YIN NO; ;ZHES DE KHO NA NYID DANG, SLOB DPON GYI LAS KYI RIM PA NI, DKYIL 'KHOR BRI BA DANG, BSGRUBS PA DANG, DER BDAG NYID 'JUG CING DBANG BLANG BA DANG, SLOB MA LA DBANG BSKUR BA LA SOGS PA RNAMS YIN NO, ,(ZHES SLOB DPON GYI LAS KYI RIM PA BSTAN PAR BYA, GNYIS PA DE'I MTHA' RTEN GYI CHOG LA SNGAGS GTAD PA'I CHO GA NI,) RANG DANG GTZO BO THA MI DAD PA DKYIL 'KHOR GYI GTZO BO SEMS DPA' SUM RTZEGS CAN DU GSAL BA'I THUGS KAR ZLA BA'I STENG DU SA BON GYI MTHA' GTZO BO'I SNGAGS KYI 'PHRENG BA GA-YAS SKOR DU 'KHOD PAR GYUR, (CES GSAL BTAB LA GTZO BO'I SNGAGS BRGYA RTZA BRGYAD DAM LAN GSUM DU BZLAS TE,) BCOM LDAN BDAG

GIS SBYIN LAGS KYI, ,'DI LA NYE BAR MDZAD DU GSOL, (,ZHES BRJOD, SLOB MAS,) BCOM LDAN BDAG GIS BZUNG LAGS KYI, ,BDAG LA NYE BAR MDZAD DU GSOL, ,(ZHES BRJOD DE GSOL BA 'DEBS SU GZHUG ,DE NAS,) RANG GI THUGS KA'I SNGAGS KYI 'PHRENG BA LAS SNGAGS KYI 'PHRENG BA MAR ME GCIG LAS GNYIS CHAD KYI TSUL DU BYON, RANG GI KHA NAS THON SLOB MA'I RNA BA GA-YAS PA NAS ZHUGS TE SNYING KHAR 'KHOD PAR GYUR (BAR BSAM LA, GTZO BO'I SNGAGS KYI RJES ZLOS LAN GSUM DU BYED DU GZHUG ,DES SNGAGS BZLA BA LA DBANG ZHING,) SNGAGS KYI DNGOS GRUB 'GRUB PA'I NUS PA KHYAD PAR CAN BZHAG PAR BRDA SPRAD, (MIG SMAN GYI CHO GA NI,) SLOB MA'I MIG GNYIS LA YI GE PRAm RE RE, (BSAM LA, DNGUL GYI SNOD DU BZHAG PA'I MAR DANG SBRANG RTZI'I MIG SMAN GSER GYI THUR MAS BLANGS LA,) AOm BADZRA NEE TRA AA PA HA RA BA tA LAm HRI, (ZHES BRJOD CING, DON NI , RDO RJE'I MIG GI SGRIB GA-YOG SOL CIG ,CES PA YIN LA, MIG SMAN BSKUS TE MIG 'BYED PA'I TSUL BYA ZHING,) THUR LDAN SMAN PA'I RGYAL PO YIS, ,JI LTAR 'JIG RTEN RAB RIB BZHIN, ,RGYAL BA RNAMS KYIS BU KHYOD KYI; ;MI SHES PA YI RAB RIB BSAL, ,MA RIG PA'I LING THOG DANG BRAL NAS YE SHES KYI SBYAN PHYE BAR GYUR, (ZHES BRJOD CING, DON NI, 'JIG RTEN NA MIG 'BYED PA'I GSER GYI THUR MA DANG LDAN PA'I SMAN PA'I RGYAL PO YIS 'JIG RTEN PA RNAMS KYI MIG GI RAB RIB SEL BA BZHIN, RGYAL BA RNAMS KYIS BU KHYOD KYI MI SHES PA'I RAB RIB BSAL BAR MDZAD DO, ,DE BAS KHYOD MA RIG PA'I LING THOG DANG BRAL NAS YE SHES KYI SPYAN BYE BAR 'GYUR RO, ,ZHES GO BAR BYA ZHING, LHA'I MIG GI MNGON SHES SKYED PA'I NUS PA 'JOG CES BRDA SBAD, ? ME LONG GI CHOG NI, ME LONG BZUNG LA SLOB MA LA BSTAN CING,) AA LAS SKYES PA'I ME LONG DU GYUR, CHOS RNAMS GZUGS BRNYAN LTA BU STE, ,GSAL ZHING NGAG

, ,LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,DER NI GSAL DAG RNYOG PA MED, , SANGS RGYAS KUN BDAG RANG NYID NI, ,BU KHYOD KYI NI SNYING LA ZHUGS, ,RANG BZHIN MED CING GNAS MED PAR, ,CHOS RNAMS DE LTAR SHES NAS KHYOD, ,SEMS CAN DON NI MNYAM MED BYOS, , SKYOB PA RNAMS KYI SRAS SU SKYE, (,ZHES BRJOD CING, DON NI CHOS RNAMS BDEN PAR MED PA ME LONG GI NANG GI GZUGS BRNYAN LTA BU YIN LA, RANG GI NGO BO NYON MONGS PA'I DRI MA MED PAS GSAL BA, SHES BYA'I SGRIB PA DANG BRAL PAS DAG PA, DE GNYIS KA'I BAG CHAGS DANG BRAL BAS RNYOG PA MED PA, SO SO RANG GI RIG PA NYID KYIS SHES GYI SHES PA GZHAN GYIS GZUNG DU MED PA, SGRA DANG RNAM PAR RTOG PA'I YUL MIN PAS BRJOD DU MED PA YIN CING, RGYU CHOS DBYINGS YE SHES DANG LAS THOS BSAM SGOM PA RNAMS LAS DAG PAR 'BYUNG BA'I RDO RJE SEMS DPA' DE YANG ME LONG NANG GI GZUGS BRNYAN BZHIN DU BDEN PAR MED PA, DER NI STE CHOS RNAMS KYI RANG BZHIN BRJOD PA'I SKABS SU BSHAD PA BZHIN GSAL DAG RNYOG PA MED PA, SANGS RGYAS KUN KYI BDAG NYID YIN PA DE RANG NYID NI BU KHYOD KYI SNYING LA DNGOS SU 'JUG PA'I NUS PA ZHUGS PA YIN PAS, CHOS RNAMS ME LONG NANG GI GZUGS BRNYAN LTAR DON DAM PAR RANG BZHIN MED CING GNAS PA MED PAR SHES PAR GYIS LA KHYOD KYIS SEMS CAN GYI DON MNYAM PA MED PA BYOS SHIG ,DE LTAR BYAS NA KHYOD SKYOB PA RNAMS KYI SRAS SU SKYES PA YIN NO, ,ZHES GO BAR BYAS LA ME LONG GI DBANG BSKUR ZHING, ME LONG GI DBANG BSKUR BA LA BRTEN NAS MA RIG PA'I LING THOG DANG BRAL BA'I SHES RAB KYI MIG GIS CHOS THAMS CAD GZUGS BRNYAN LTAR MTHONG BA'I NUS PA DANG, STONG NYID DON SPYI'I TSUL GYIS RTOGS PAR 'GYUR BA'I NUS PA DANG, ME LONG LA SHAR BA'I SKU DANG 'DRA BA'I RDO RJE SEMS DPA' RANG GI SNYING LA DNGOS SU 'JUG PA'I NUS PA DANG BAG CHAGS KHYAD PAR CAN 'JOG PA

YIN NO ZHES BRDA SPRAD, MNGA' 'PHANG PA'I CHO GA NI, MDA' DRUG DANG GZHU LAG TU BZUNG STE,) HO LAS SKYES PA'I MDA' GZHU HO, AOm SARBA TA TH'A GA TA AA NU RA GA YA SVA, (ZHES BRJOD CING, DON NI, DE BZHIN, GSHEGS PA THAMS CAD MNYES PAR GYIS SHIG CES GO BAR BYAS TE SLOB MA LA SBYIN, SLOB MAS,) SARBA TA TH'A GA TA AA NU RA GA YA MI, (ZHES BRJOD CING, DON NI, DE BZHIN GSHEGS PA THAMS CAD MNYES PAR BGYI'O; ;ZHES PA DRAN PA'I SGO NAS PHYOGS BZHI DANG STENG DANG 'OG TU MDA' RE RE STE MDA' DRUG 'PHEN PA'I STANGS KHA BYED DU GZHUG ,DE'I TSE SLOB DPON GYIS SNGAGS SNGA MA DE BRJOD DE, DE LTAR MDA' 'PHANG PA LA BRTEN NAS CHOS DBYINGS GIN TU PHRA BA'I 'BEN GTING LA THUG PA 'BIG CING STONG NYID MNGON SUM DU RTOGS PAR 'GYUR BA'I NUS PA SKYED CING BAG CHAGS 'JOG CES GO BAR BYA, DE LTAR PHYI NANG GI DKYIL 'KHOR GNYIS LAS PHYI RAS BRIS KYI DKYIL 'KHOR DU SLOB DPON DU BYA BA'I CHED DU CHOS KYI RGYAL SRID DU DBANG BSKUR BAS NA, SLOB DPON GYI DBANG DANG, PHYIR MI LDOG PA RNAMS KYI DBANG DANG 'DRA ZHING PHYIR MI LDOG PA'I SA BON KHYAD PAR CAN BSKRUN PAR BYED PA'I PHYIR, PHYIR MI LDOG PA'I DBANG ZHES PA DANG, DBANG DRUG KA LA BUM PA'I CHU'I BYA BA RJES SU 'GRO BAS BUM PA'I DBANG ZHES BYA BA THOB, GTZO BOR LUS KYI DRI MA GSUM SNGAR BSAGS PA SBYONG ZHING PHYI MA SDOM PA DANG, LUS THA MAL DU 'DZIN PA'I SNANG ZHEN GYI DRI MA 'KHRUD PAS SKU RDO RJE SBYONG, LAM BSKYED PA'I RIM PA YAN LAG DANG BCAS PA BSGOM PA LA DBANG BAR BYAS, 'BRAS BU SPRUL PA'I SKU 'GRUB PA'I NUS PA KHYAD PAR CAN 'JOG PAR BYAS SO, (,ZHES DAG PA SBYIN, DBANG 'DI THOB PA'I DAM TSIG NI, RTZA LTUNG BCU BZHI DANG, SBOM PO BRGYAD SPONG BA'I ZHES BOD KYI MKHAS PA DAG BZHED, DE NAS SLOB MAS GSANG DBANG

, ,ZHU BA'I YON DU RIG MA MTSAN NYID DANG LDAN PA PHUL BAR MOS SHING MAndAL PHUL NAS THAL MO SBYAR TE,) KHYOD KYI ZHABS KYI BKA' DRIN GYIS, ,BDAG GI BLA MED BYA BA THOB, ,DE PHYIR GSANG BA'I DBANG GIS NI, ,MGON PO RJES SU BZUNG BAR MDZOD, (,DON NI, RDO RJE SLOB DPON KHYOD KYI ZHABS KYI BKA' DRIN GYIS BDAG GIS BLA NA MED PA'I BYA BA MCHOG GI SPRUL SKU 'THOB PA'I RGYUD SMIN BYED KYI BUM PA'I DBANG BSKUR BA LEGS, PAR THOB, DA NI BDAG GIS LONGS SKU 'GRUB PA'I RGYUD SMIN BYED KYI DBANG THOB PAR 'DOD PAS GSANG BA'I DBANG BSKUR PA GANG GIS NI MGON PO KHYOD KYIS BDAG ,RJES SU BZUNG BAR MDZOD CIG ,CES PA DRAN PA'I SGO NAS GSOL BA LAN GSUM 'DEBS SU GZHUG ,LAS SNGAGS BRJOD CING SLOB MA LA MIG DANG BCINGS, RIG MA BSANG SBYANGS,) STONG PA'I NGANG LAS DKYIL 'KHOR GYI GTZO BO'I YUM GANG YIN PAR BSKYED, YAB KYI GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA, (ZHES PA NAS) ZE'U 'BRU'I BU GA PHAt KYIS BKAG PA, AOm SARBA TA TH'A GA TA AA NU R'A GA nA BADZRA SV'A BH'A BA AATMA KO NYA HOm, RANG YAB YUM SNYOMS PAR ZHUGS PA'I DGA' BA'I SGRA DANG THUGS KHA'I SA BON GYI 'OD ZER GYIS RNAM SNANG LA SOGS PA SPYAN MA SOGS DANG SNYOMS PAR ZHUGS PA'I DE BZHIN GSHEGS PA YAB YUM SPYAN DRANGS PA RANG GI RNAM SNANG GI SGO NAS ZHUGS; CHAGS PA CHEN PO'I MES ZHU BAR GYUR, TE RTZA AA BA DHU TI'I NANG BRGYUD DE RDO RJE NOR BU'I RTZER SLEB, LHAN CIG SKYES PA'I DGA' BA BRTAN PAR BYAS, (PAR BSAM, LHA RNAMS ZHU BA'I THIG LE SLOB MA'I KHANG DBAB PAR MOS TE BYIN GYIS BRLABS PA'I GSANG RDZAS BZUNG LA, SLOB MA 'OD DPAG MED DU GYUR, (PAR BSAM ZHING, SLOB MAS KYANG DE'I RGYAL 'DZIN PA LA,) 'DAS PA'I RDO RJE 'CHANG SOGS KYIS, ,

JI LTAR SANGS RGYAS SRAS DBANG BSKUR, ,BYANG CHUB SEMS NI BZANG PO YIS, ,DE LTAR BU KHYOD DBANG BSKUR BGYI, (,ZHES BRJOD CING, DON NI, SNGON 'DAS PA'I RDO RJE 'CHANG SOGS KYIS RANG GI SRAS SANGS RGYAS DANG BYANG CHUB SEMS DPA'I RNAMS LA GSANG DBANG JI LTAR BSKUR BA TE LTAR BYANG CHUB KYI SEMS BZANG PO YIS BU KHYOD LA GSANG BA'I DBANG BSKUR BAR BGYI, ZHES PA GO BAR BYAS LA, GTZO BO GANG YIN GYI SNGAGS BRJOD CING, GSANG RDZAS SLOB MA LA SBYIN; SLOB MAS KYANG DE BZHIN GSHEGS PA THAMS CAD 'DUS PA'I NGO BO YIN NO SNYAM DU BSAM LA,) AA HO MA HA SU KHAm, (ZHES BRJOD CING 'THUNG, SNGAGS DON NI, KYE MA BDE BA CHEN PO ZHES PA'O, ,DE NAS RIG MA YANG LANGS LA GOS MED PAR RANG GI CHU SKYES NA GNAS PA'I BDUD RTZI'I THIG LE 'THEGB SREN GYIS STER BAR BSAM ZHING, GSANG RDZAS BZUNG LA SNGAGS DANG TSIG BCANG SNGAR LTAR BRJOD CING, SLOB MA LA SBYIN, SLOB MAS KYANG SNGAR LTAR MOS PAS 'THUNG BA DANG SNGAGS BRJOD,) DE LTAR BLA MA DANG GTZO BO THA MI DAD PA YAB YUM GYI BYANG SEMS DKAR DMAR MYANGS PA LAS BDE BA CHEN PO SKYES PA DANG, BDE BA DES STONG BA NGES PA'I BDE STONG GI YE SHES GSANG DBANG DNGOS GZHI YIN NO; (;ZHES GSANG RDZAS MYANGS BA LAS SKYES PA'I BDE CHEN DANG STONG BA SBYOR BA'I BDE STONG GI YE SHES GSANG DBANG GI GTZO BO DANG, DE LA BRTEN NAS BDE BSKYES PA DANG, BDE STONG SBYAR BAR MOS PA DANG, BDE CHEN SKYES PAR MOS PA RNAMS KYANG GSANG DBANG GI NGO BOR 'JOG CES GSANG DBANG GI NGO BOR 'PHROD PAR BYA, GZHAN YANG BYANG SEMS DE 'THUNG BAS NGAG GI GNAS LCE DANG MGRIN PA LA SOGS PA'I GNAS RNAMS SU PHYIN PA NA SKABS DE DANG DE'I RTZA DANG RLUNG RNAMS SBYONG BAS NGAG DAG PAR BYED PA, RTZA RLUNG THIG LE GSUM BYIN GYIS RLABS PAS RDZOGS RIM GYI SKABS SU RTZA RLUNG DANG GTUM MO LA SOGS PA'I RNAL 'BYOR SGOM PA'I SNOD DU BYED PA DANG, DE LA BRTEN NAS BDAG BYIN RLABS SGYU MA'I SKU 'GRUB PA'I NUS PA 'JOG

, (,CES GO BAR BYA, DE NAS GDONG GA-YOG BSAL NAS,) DE LTAR DKYIL 'KHOR BZHI LAS KUN RDZOB BYANG CHUB KYI SEMS KYI DKYIL 'KHOR DU RDZAS GSANG BA LAS BYUNG BA'I DBANG LA GSANG BA'I DBANG ZHES BSHAD PA DE THOB, GTZO BOR NGAG GI DRI MA SNGAR BSAGS SBYONG ZHING PHYI MA SDOM, NGAG THA MAL DU 'DZIN PA'I SNANG BZHIN GYI DRI MA 'KHRUNG PAS NA GSUNG RDO RJE SBYONG, LAM KUN RDZOB SGYU MA'I RDZOGS PA'I RIM PA BDAG BYIN RLABS BSGOM PA LA DBANG BAR BYAS, 'BRAS BU LONGS SKU 'GRUB PA'I SKAL PA DANG LDAN PAR BYAS SO, (,ZHES DAG PA SBYIN, DBANG 'DI THOB PA'I DAM TSIG TU BDUD RTZI LNGA BRTEN PA DANG SROG CHAG MI GSOD PA DANG BUD MED RIN PO CHE MI SPANG BA DANG, BLA MA LA MI SMOD PA SDOM PA YIN PAR KHA SBYOR LAS GSUNGS, GSUM PA SHES RAB YE SHES KYI DBANG GI DON DU, SLOB MAS MAntAL PHUL TE,) BYANG CHUB RDO RJE (ZHES SOGS KYIS GSOL BA LAN GSUM 'DEBS SU BCUG LA, ? MIG DAR BCING, BLA MAS RIG MA MTSAN NYID DANG LDAN PA ZHIG SLOB MA LA GTAD PAR MOS TE,) GZUNGS MA YID 'ONG 'DI KHYOD KYIS, ,BRTEN BYAR SANGS RGYAS RNAMS KYIS BRTAGS, ,'KHOR LO RIM PA'I SBYOR BA YIS, ,BDE BA DAM PA MYANG BAR GYIS, ,RDO RJE SKYIL KRUNG GIS SEMS NI, ,NOR BU'I NANG DU CHUD PA BLTA, (,ZHES BRJOD CING, DON NI, GZUNGS MA'AM RIG MA MDZES SHING YID DU 'ONG BA 'DI KHYOD KYIS BRTEN PAR BYA BAR BDAG GIS STER ZHING SANGS RGYAS RNAMS KYIS KYANG BRTAGS PA STE DGONGS PA YIN, KHYOD KYIS KYANG 'DI TSUL BZHIN DU BRTEN NAS SNYOMS PAR ZHUGS PAS BDE CHEN GYI 'KHOR LO LA SOGS RTZA 'KHOR BA ZHIR BYANG SEMS RIM GYIS BABS PA'I SBYOR BA YIS DGA' BA BZHI'I BDE BA DAM PA MYANG BAR GYIS, KHYAD PAR DU RDO RJE NOR BU'I NANG DU THIG LE CHUD PA STE BAB ? PA NA BRTAN PAR BYAS TE, LHAN SKYES KYI SEMS NI RDO RJE SKYIL KRUNG STE BDE STONG SBYAR BA LA BLTA BA STE MNYAM PAR ZHOG CIG CES PA GO BAR

BYAS LA RIGS MA GTAD,) ? 'KHOR LO RIM PA'I SBYOR BA YIN ZHES PA 'KHOR LO NI RNAM SNANG LA SOGS PA RIG MA DANG BCAS PA'I 'KHOR LO, ,DE'I RIM PA'I SBYOR BA NI DGUG PA DANG, GZHUG PA DANG, RDO RJE'I LAM NI DBYUNG BA LA SBYAR NAS 'CHAD TSUL YOD KYANG 'DIR MA SPROS, DE NAS RIG MA DES KYANG GUD GUM LA SOGS PA'I DRI ZHIM PO BGOS TE CHU SKYES SLOB MA LA STON CING 'DI BRJOD PAR BSAM LA,) AE MA BDAG GI PADMA NI, ,BDE BA THAMS CAD YANG DAG LDAN, ,GANG ZHIG CHO GAS STEN BYED PA, ,DE YI MDUN NA BDAG GNAS SO, ,SANGS RGYAS BSTEN PA LA SOGS PA, ,PADMAR BYA BA JI BZHIN GYIS, ,BDE CHEN RGYAL PO RANG NYID NI, , 'DI NYID DU NI RTAG TU BZHUGS, ,BHA DZA MO KshA HO: (ZHES BRJOD CING, DON NI, AE MA ZHES PA NGO MTSAR BA DANG, BDAG GI PADMA 'DI TSUL BZHIN DU BSTEN NA BDE BA THAMS CAD DANG YANG DAG PAR LDAN PAR 'GYUR LA, GANG ZAG GANG ZHIG RGYUD LAS GSUNG PA'I CHO GA TSUL DANG MTHUN PAS STEN PAR BYED PA LA BDAG DGA' ZHING, DE'I MDUN NA BDAG GNAS PA STE BDE CHEN SKYED PA'I GROGS BYED DO, ,RANG GI LUS LHAR GSAL PAS YAB YUM GYI MKHA' GSANG BYIN GYIS BRLAB TE SNYOMS 'JUG GI DGA' BA BSKYED NAS BDE STONG SBYOR BA LA SOGS PAS SANGS RGYAS BSTEN PA STE PHYOGS BCU'I SANGS RGYAS MCHOD CING MNYES PAR BYA BA LA SOGS PA PADMAR BYA BA JI LTA BA BZHIN GYIS BSTEN NA BDE CHEN RGYAL PO LHAN CIG SKYES PA'I BDE BA DANG STONG PA SBYAR BA'I BDE STONG GI YE SHES SKYED PA'I RGYU PADMA 'DI NYID DU NI RTAG TU BZHUGS PA STE GNAS PA YIN PAS 'DI STEN CIG ,SNGAGS DON NI, THAR PA SNYEN CIG CES PA GO BAR BYAS LA BRJOD DO, , DE NAS SLOB MA DANG RIG MA GNYIS SKABS GANG YIN GYI GTZO BO YAB YUM DU CHO GA GSUM GYIS RDZOGS PAR BSKYED, MKHA' GSANG BYIN GYIS BRLAB, SNYOMS PAR 'JUG PA'I LAS LA GNAS PAR BYAS,) AOm SHI SHI SHI HA HA HA SV'A H'A, ,

, ,ZHES DANG,) AOm SARBA TA TH'A GA TA AA NU RA GA nA BADZRA SVA BHA WA A'ATMA KO NA-YA HAm, SLO MA LHAR GSAL BA DANG RANG DANG GTZO BO THA MI DAD PA'I THUGS KHA'I SA BON GYI 'OD ZER GYIS PHYOGS BCU'I RGYAL BA YAB YUM NAM MKHA'I KHAMS GANG BA SPYAN DRANGS, SNYOMS PAR ZHUGS PAS BYANG CHUB KYI SEMS SU ZHU BA SLOB MA'I SPYI BO NAS ZHUGS, BYANG CHUB KYI SEMS SLOB MA'I SPYI BO NAS MGRIN PAR SLEB PA NA DGA' BA, MGRIN PA NAS SNYING KHAR SLEB PA NA MCHOG DGA', SNYING KHA NAS LTE BAR SLEB PA NA KHYAD PAR GYI DGA' BA, LTE BA NAS NOR BU'I RTZER SLEB PA NA LHAN SKYES KYI DGA' BA CHEN PO SKYES, BDE BA DES STONG PA NGES PA'I BDE STONG DBYER MED DU SBYAR BA DE NYID SHES RAB YE SHES KYI DBANG GI NGO BOR GYUR BA RGYUD LA SKYES PAR GYUR, (BAR BSAM, DE 'DRA'I BDE STONG GI YE SHES DE GTZO BO YIN CING, DE LTAR BSAM PA LAS SKYES BA'I BDE BA DANG BDE BA SKYES PAR MOS PA YANG DBANG GSUM PA'I NGO BOR 'JOG CES NGO SPRAD, KHAMS GNYIS KYI REG BYA LUS KYIS MYONG BA LA BRTEN NAS YID DAG PAR BYED PA DANG DE LA BRTEN NAS YID BYIN RLABS DPE DON GYI 'OD GSAL DANG CHOS SKU MNGON DU 'GYUR BA'I NUS PA 'JOG PA SOGS GO BAR BYA,) DE LTAR DKYIL 'KHOR BZHI LAS BHA GA'I DKYIL 'KHOR DU SHES RAB MA LA BRTEN NAS THOB PA'I DBANG LA SHES RAB YE SHES KYI DBANG ZHES BSHED PA DE THOB, GTZO BOR YID KYI DRI MA SNGAR BSAGS 'DAG CING PHYI MA SBYONG, YID THA MAL DU 'DZIN PA'I SNANG ZHEN GYI DRI MA 'KHRUD PAS YID DAG PAR BYED, DON DAM 'OD GSAL PHYAG RGYA CHEN PO BSGOM PA LA DBANG BAR BYAS, 'BRAS BU SANGS RGYAS KYI CHOS SKU 'THOB PA'I SKAL BA DANG LDAN PAR BYAS PA YIN NO, ,

(ZHES BRJOD DE DAG PA SBYIN, DBANG 'DI THOB PA'I DAM TSIG TU BUD MED MTHONG NA GA-YON NAS LAN GSUM DU BSKOR NAS GSOL BA 'DEBS PA SOGS DAM TSIG DU D'A RIG PAS BSHAD, DBANG BZHI PA ZHU BA'I YON DU SLOB ? MAS MAntAL PHUL LA,) KHYOD ZHABS PADMO'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CHEN BZHI PA YANG, ,BKA' DRIN GYIS NI BSKYAB TU GSOL, (,ZHES PA'I DON NI, RDO RJE SLOB DPON KHYOD KYI ZHABS KYI PADMO'I BKA' DRIN GYIS SKYED RIM DANG, SGYU LUS DANG 'OD GSAL SGOM PA'I SNOD RUNG DU SGRUB PA'I THABS KYI GTZO BO BUM DBANG, GSANG DBANG, SHES RAB YE SHES KYI DBANG STE DBANG BSKUR BA RNAM PA GSUM LEGS PAR THOB, DE RING STE DENG NYID DU ZUNG 'JUG SGOM PA'I SNOD RUNG DU SGRUB PA'I THABS KYI MCHOG RIN PO CHE DBANG GI RGYAL PO LTA BU'I DBANG BZHI BA YANG BDAG LA BSTZAL TE, GZHAL DU MED PA'I BKA' DRIN GYIS BDAG SRID ZHI'I 'JIGS PA MTHA' DAG LAS BSKYAB TU GSOL, ZHES PAR GO BAR BYAS TE GSOL BA LAN GSUM DU 'DEBS SU GZHUG ,DBANG BZHI PA 'DI LA DBANG RDZAS DANG BSGOM BYA 'PHRAL DU STON RGYU MED PAR TSIG TZAM BRJOD PA'I SGO NAS ZUNG 'JUG GI GO BSKYED PA YIN LA, DE YANG DBANG GSUM PA DPER BYAS NAS BZHI BA'I GO BA SKYED PAR GSUNGS BAS,) KHYOD KYIS DBANG GSUM PA THOB PA'I SKABS SU RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA, SEMS LHAN CIG SKYES PA'I DGA' BAS DE KHO NA NYID KYI DON NGES PA GNYIS MNYAM DU YOD PA DE BZHIN DU, DON 'DI GOMS PAR BYAS PA LAS MTHAR RLUNG SEMS TZAM LAS GRUB PA'I LONGS SPYOD RDZOGS PA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DE'I DUS NYID NA THUGS LHAN CIG SKYES PA'I DGA' BA DANG,

, ,STONG PA NYID GNYIS RO GCIG TU ZHUGS PA'I 'OD GSAL THAMS CAD STONG PA GNYIS NGO BO DBYER MED PA'I YE SHES ZUNG 'JUG GI GO 'PHANG MNGON DU BYED DO, ,DE NI THOB BYA DON GYI DBANG BZHI PA YIN NO, (,ZHES BRJOD CING DBANG GSUM PA'I SKABS SU RANG DANG RIG MA GNYIS KYI LUS 'DOD LHA YAB YUM DU BSGOM PA DANG, SEMS LHAN SKYES KYIS KYI DGA' BAS STONG NYID BSGOM PA GNYIS DUS MNYAM DU YOD PA DE BZHIN DU, RANG LHAR SGOM PA DANG LHAN SKYES KYIS DGA' BAS STONG NYID SGOM PA 'DI GNYIS ZUNG DU 'BREL PAR YANG DANG YANG DU GOMS PAR BYAS PA LA BRTEN NAS SGOM PA GONG NAS GONG DU JE BZANG DU SONG BA MTHAR PHYIN PA NA; LUS RLUNG SEMS TZAM LAS GRUB PA'I LONGS SPYOD RDZOGS PA'I SKU YE SHES RANG SNANG GI RIG MA DANG KHA SBYOR BA'I RNAM PA CAN DANG, SEMS LHAN SKYES KYI DGA' BA DE STONG PA NYID LA RO GCIG DU ZHUGS PA'I 'OD GSAL CHOS SKU GNYIS DUS MNYAM DU NGO BO DBYER MED PAR GYUR PA'I YE SHES ZUNG 'JUG GI SKU THOB PAR 'GYUR LA, DE LTA BU'I ZUNG 'JUG GI SKU DE NI THOB BYA DON GYI DBANG BZHI PA YIN CES BRDA SPRAD PA LA BRTEN NAS ZUNG 'JUG GI SKU DE 'DRA CIG YIN PAR 'DUG SNYAM DU GO BA SKYES PA SKABS 'DIR TSIG DBANG DU 'JOG GO ZHES BRDA SPRAD PAR BYA, DE NI DBANG BZHI PA'I GTZO BO LA NGO SPRAD PA YIN LA, DA LTA RANG GI LUS 'DOD LHA YAB YUM DU MOS BZHIN PA'I NGANG NAS SEMS LHAN SKYES KYI DGA' BAS STONG NYID SGOM PAR MOS PA TZAM BYUNG NA DE 'DRA'I MOS PA DE RIM GYIS DNGOS GNAS LA SONG NAS DE SGOM PA'I BLO RIM GYIS JE BZANG DU SONG PA'I MTHAR ZUNG 'JUG 'THOB PAR 'DUG SNYAM PA'I GO BA SKYE THUB NA DE YANG DBANG BZHI PA THOB PAR 'JOG CES SKABS DANG SBYAR BA'I NGO SPROD TSUL BYA, DBANG 'DI THOB PA'I DAM TSIG NI,) KHYOD KYIS SROG CHAGS GSOD PAR BYA, ,GZHAN GYI BUD MED RNAMS SPYAD NAS, ,MA BYIN PAR YANG KHYOD KYIS LONG, ,THAMS CAD

LA YANG RDZUN TSIG SMROS, (,ZHES BYA BA D'A RI KA PAS 'DI'I DAM TSIG TU GSUNGS LA, DE'I DON NI SPYIR BYANG SEMS KHYAD PAR CAN LA SROG GCOD SOGS BDUN GZHAN DON DU GNANG BA YOD PAS RANG LA DE DAG BYED PA'I MTSAN NYID TSANG ZHING , DE LTAR BYA DGOS KYI YUL LA DE DAG BYED PA SKABS SU BABS NA SROG GCOD SOGS BZHI BYA BA DANG, NGES DON NI, LUS LA GNAD DU BSNUN PA LAS RLUNG DBU MAR THIM PAS SROG CES GRAGS PA'I RLUNG GI RGYU BA BCAD PA'I SROG GCOD DANG, RTEN 'BYUNG LA DON DAM PAR PHYI NANG GNYIS MED KYANG THA SNYAD DU PHYI NANG GI RTEN 'BYUNG GNYIS RDZUN PA SGYU MA LTA BUR SMRA BA'I DUN ? SMRA DANG, GZHAN GYI NOR SANGS RGYAS KYI GO 'PHANG MA BYIN PAR LEN PA'I MA BYIN LEN DANG, CHOS KYI DBYINGS KYI BUD MED LA RTZE GCIG TU MNYAM PAR BZHAG PA'I SGO NAS SPYOD PA'I MI TSANGS SPYOD STE SROG GCOD SOGS GANG LA DGONGS NAS GSUNGS PA'I DGONGS DON DE RNAMS SGRUB PA LAS 'DA' BAR MI BYA BA'I DON YIN, GSUM PA DBANG GI MTHA' RTEN GYI CHO GA LA, BRTUL ZHUGS DANG LUNG BSTAN DANG, RJES GNANG DANG DBYUG DBYUNG GNYIS LAS, DANG PO LA, 'DIR BRTUL ZHUGS GSUM SBYIN PAR BYA BA LAS, RIG MA'I BRTUL ZHUGS SBYIN PA NI, BLA MAS RIG MA'I LAG PA SLOB MA'I LAG PAR BZHAG LA, DE GNYIS RANG GI LAG PA GA-YON PAS BZUNG BAR MOS SHING, RDO RJE DANG BCAS PA'I LAG PA GA-YAS PA SLOB MA'I MGOR BZHAG NAS,) 'DIR NI KHYED RNAMS DBANG PO YIN, , BDAG GIS 'DI LA 'DI GTAD DO, (,ZHES DE BZHIN GSHEGS PA RNAMS DBANG DU BTZUGS TE,) THABS GZHAN GYIS NI SANGS RGYAS MIN, ,'GRO GSUM 'DI YANG DAG PA YIN, ,DE PHYIR 'DI DANG BRAL BAR NI, ,KHYOD KYIS NAM YANG MA BYED CIG ,'DI DE SANGS RGYAS THAMS CAD KYI, ,RIG MA'I BRTUL ZHUGS BLA NA MED, ,RMONGS PA GANG GIS 'DA' BYED PA, ,DE LA MCHOG

, ,GI DNGOS GRUB MED, (,CES BRJOD CING DON NI, RKANG PA DANG PO GNYIS NI, 'DIR DE BZHIN GSHEGS PA KHYED RNAMS DBANG POR BZHUGS SU BCUG PA YIN CING, BDAG GIS SLOB MA 'DI LA RIG MA 'DI GTANG PAR BYED DO, ,DE NAS DE'I RGYU MTSAN CI ZHE NA, SLOB MA KHYOD NI MYUR DU 'TSANG RGYA BAR 'DOD SNANG LA MTSAN NYID DANG LDAN PA'I DNGOS KYI RIG MA'AM, YE SHES KYI PHYAG RGYA DOR BA'I THABS GZHAN GYIS NI MYUR DU SANGS RGYAS KYI GO 'PHANG 'THOB PA MIN CING, MTSAN NYID DANG LDAN PA'I PHYAG RGYA BRTEN NA MYUR DU 'CHAR RGYA STE, LAM MA ZHUGS KYI BDE 'GRO NGAN 'GRO GNYIS DANG LAM ZHUGS KYI 'GRO BA GCIG STE 'GRO BA GSUM CHAR YANG THABS 'DI LA BRTEN NAS DAG PAR BYED NUS PA YIN PA'I PHYIR, DE'I PHYIR RIG MA BRTEN PA'I THABS 'DI DANG BRAL PAR NI KHYOD KYIS NAM YANG MA BYED CIG RIG MA MTSAN NYID TSANG BA LA BRTEN NAS BDE BA CHEN PO'I TING NGE 'DZIN SGRUB PA 'DI SANGS RGYAS THAMS CAD KYI RIG MA'I BRTUL ZHUGS BLA NA MED PA DE YIN PAS, DE 'DRA BA'I 'DOD YON LAM BYED LA RMONGS PA GANG GIS 'DA' BAR BYED PA DE LA TSE 'DIR NI MCHOG GI DNGOS GRUB 'GRUB PA MED DE, DE 'DRA'I 'DOD YON LAM BYED DE NI MCHOG GI DNGOS GRUB 'GRUB PA'I NYE RGYU'I GTZO BO MED MI RUNG YIN PA'I PHYIR RO, ,ZHES PA STE DE LTA BU GO BAR BYAS LA RIG MA'I BRTUL ZHUGS SBYIN, RDO RJE'I BRTUL ZHUGS SBYIN PA NI, DE NAS,) SLOB MA RDO RJE SEMS DPAR GYUR, , (ZHES SLOB MA RDOR SEMS SU BSKYED,) H'Um LAS BYUNG PA'I RDO RJE, RDO RJE SEMS DPA'I NGO BOR GYUR, (ZHES BRJOD CING BSAM LA, RDO RJE LAG TU BZUNG STE,) 'DI DE SANGS RGYAS THAMS CAD NYID, ,RDO RJE SEMS DPA'I PHYAG NA GNAS, ,PHYAG NA RDO RJE'I BRTUL ZHUGS BRTAN, ,KHYOD KYIS KYANG NI RTAG TU ZUNGS, (,ZHES BRJOD CING, DON NI, RANG GI LAG NA GNAS PA'I RDO RJE'I 'DI NI BYANG CHUB SEMS GANG DE RDO RJE

ZHES PA'I RDO RJE DE MTSON BYED YIN LA, DES DON GYI RDO RJE DE NI SANGS RGYAS LNGA PO THAMS CAD KYI YE SHES LNGA'I RANG BZHIN RDO RJE SEMS DPA'I PHYAG NA GNAS PA STE THUGS RGYUD NA YOD PA DE YIN PAS, DE 'DRA'I NGES DON GYI RDO RJE DE THOB PAR BYA BA'I PHYIR MTSON BYED RTAGS KYI RDO RJE 'DI KHYOD KYIS KYANG NI RTAG TU ZUNGS SHIG ,'DI GANG GI BRTUL ZHUGS YIN NA PHYAG NA RDO RJE STE RDO RJE SEMS DPA'I BRTUL ZHUGS YIN LA, DE YANG GZHAN GYIS MI PHYED PAR SHIN DU BRTAN PO GYIS SHIG ,BRTUL ZHUGS KYI DON NI DE BZHIN GSHEGS PA THAMS CAD KYI DNGOS GRUB KYI DON DU NGES PAR BYA BA STE RDO RJE YO GNAS SU MI 'DOR BA BYA DGOS PA YIN NO, ,MDOR NA RDOR SEMS THOB PA'I THABS SU YE SHES LNGA 'I NANG GI RDO RJE SGOM PA DANG MI 'BRAL BAR MTSON BYED KYI RDO RJE 'DI CHONGS SHIG CES GO BAR BYAS TE RDO RJE'I BRTUL ZHUGS SBYIN, SLOB MAS,) AOm SARBA TA TH'A GA TA SING DHI BADZRA SA MA YA TIshthA AE shA STVAm DHA RA Y'A MI BADZRA SATVA H'I: HI HI HI HI H'Um, (ZHES BRJOD CING DON NI DE BZHIN GSHEGS PA THAMS CAD KYI GRUB PA'I RDO RJE DAM TSIG HRI LNGAS MTSON PA'I ME LONG LTA BU'I YE SHES LA SOGS PA'I YE SHES LNGA DANG H'Um GIS MTSON PA'I CHOS DBYINGS RNAM PAR DAG PA GNYIS DBYER MED PA'I DES DON GYI RDO RJE 'DI BDAG LA GZHUG SHIG , RDO RJE SEMS DPA' BZUNG BAR BGYI'O, ,ZHES PA DRAN PA'I SGO NAS RDO RJE BZUNG BAR BYA, SPYOD PA'I BRTUL ZHUGS KYI CHO GA LA GSUM LAS DANG PO NI, BDE MCHOG DANG, KYEE DOR DANG, SANGS RGYAS THOD PA DANG, RDO RJE GDAN BZHI DANG, MA H'A MA YA SOGS MA RGYUD KYI DKYIL 'KHOR RNAMS LA SLOB MA BSANGS SBYANGS, STONG PA'I NGANG LAS RANG RANG GI GTZO BO GANG YIN DU BSKYED YE SHES PA GUG GZHUG DBANG BSKUR RGYAS GDAB RNAMS BYAS LA, KHA tV'Am GA SOGS LA DKYIL 'KHOR RANG RANG GI SNYING PO'I SNGAGS LAN GSUM GSUM BZLAS TE, KHA tV'Am GA DANG, CAR TE'U DANG, THOD PA'I SNOD RNAMS BZUNG LA,) RDO RJE SEMS DPA'I PHYAG RGYA 'DI, ,PHYI DANG NANG NA YANG DAG GNAS, ,DES NA KHA tV'Am CANG TE'U SNOD, ,BYIN PA DPA' BOS

, ,BZUNG BAR GYIS, (,ZHES BRJOD CING DON NI, RDO RJE SEMS DPA'I PHYAG RGYA 'DI LA PHYI DANG NANG NA YANG DAG PAR GNAS PA GNYIS YOD, DES NA NANG GI PHYAG RGYA DE THOB PA'I PHYIR DU, PHYI'I PHYAG RGYA KHA TV'Am GA CANG TE'U THOD PA'I SNOD 'DI RNAMS KHYOD LA BYIN, DPA' BO KHYOD KYIS BZUNG BAR GYIS, ZHES GO BAR BYAS TE NANG GI PHYAG RGYA NI BDE STONG DBYER MED DU SKYOD PA YIN LA, KHA tV'Am GA LHA'I SKU BDE BA CHEN PO, tA MA RU SHES RAB STONG PA NYID, THOD PA BDE STONG DBYER MED DU SKYONG PA, DE RNAMS MTSON BYED DU SHES PAR GYIS LA DE DAG DANG MA BRAL BAR CHONGS SHIG ,CES BRJOD DE SLOB MA LA SBYIN, SPYOD PA'I BRTUL ZHUGS GNYIS PA MA RGYUD PA'I DPA' BO DANG DPA' MO'I SPYOD PA'I BRTUL ZHUGS SBYIN PA'I CHO GA NI, SLOB MA SNGAR LTAR DKYIL 'KHOR GYI GTZO BOR SKYED PA'AM, SKYES PA DKYIL 'KHOR RANG RANG GI GTZO BO DANG BUD MED GTZO MO 'AM ME TOG PHOG PA'I RIGS KYI LHA MO'I GZUGS SU BSKYED DE YE SHES PA BCUG LA, 'KHOR LO SOGS RGYAN LNGA BSANG SBYANGS,) STONG PA'I NGANG LAS SKAD CIG GIS 'KHOR LO MI BSKYOD PA, RNA CHA 'OD DPAG MED, MGUL RGYAN RIN 'BYUNG, GDU BU RNAM SNANG, SKE RAG DON YOD GRUB PA'I SKUR GYUR, RANG GI THUGS KHA'I H'Um LAS 'OD ZER 'PHROS, RANG RANG GI YE SHES PA SPYAN DRANGS, DAM TSIG PA SO SO DANG GNYIS SU MED PAR GYUR, MI BSKYOD PA SOGS 'OD DU ZHU NAS, 'KHOR LO LA SOGS PA'I RNAM PAR GYUR, AOm DHA RA DHA RA DH'A RA YADH'A RA LA MAR ? DMAR DAB DRZADHTi ? KA PHAt SV'A H'A, (ZHES PA'I SNGAGS LAN GSUM BZLAS PA'I GTZUG RGYAN GYI 'KHOR LO LAG TU BZUNG LA,) RDO RJE SEMS DPA'I PHYAG RGYA 'DI, ,PHYI DANG NANG NA YANG DAG GNAS, 'KHOR LO MI BSKYOD PA YI GZUGS, ,BYIN PA DPA' BOS BZUNG BAR GYIS, (,ZHES BRJOD CING DE'I DON SNGAR GYI RIG 'DRE SBYAR TE GO BAR BYAS LA SLOB MA'I MGO BOR SBYIN,) AOm BADZRA DHARM'A: SA MA

YA STVAm H'U LU H'U LU AA RO Li KA PHAt SV'AH'A, (ZHES LAN GSUM BZLAS PA'I RNA RGYAN BZUNG LA, 'KHOR LO'I GZUGS KYIS MI BSKYOD PA ZHES PA'I TSAB TU, RNA RGYAN GNYIS NI GSUNG RDO RJE, CES PA BCUG NAS BRJOD CING RNA CHA SLOB MA'I RNA BA GNYIS LA SBYIN,) AOm BADZRI SU RYA TA MO BI DHA MA NA SA MA YA STVAm AA HOm RAD NA DHRi KA PHAt SV'AH'A, (ZHES PA LAN GSUM BRJOD PA'I MGUL RGYAN BZUNG LA,) MGUL BA'I 'PHRENG BA RIN CHEN 'BYUNG, (ZHES PA SBYANG BA'I TSOGS BCAD BRJOD DE MGUL RGYAN SLOB MA'I MGUL BAR SBYIN, DE NAS,) AOm SH'A SHVA TA BAR MA SH'A SHVA TA AE HYA HI DZI NA DZI KA H'Um PHAt SV'AH'A, (ZHES LAN GSUM BZLAS PA'I LAG GDUB GNYIS BZUNGS LA,) LAG GDUB RTAG PA'I BDAG NYID DO; (;ZHES PA SBYAR BA'I TSIGS BCAD BRJOD DE LAG GDUB LAG PA GNYIS LA SBYIN, DE NAS,) AOm PHU: PHU: HI HI HI PRA DZNYA DHRI KA PHAt SV'AH'A; (ZHES LAN GSUM BRJOD PA'I SKE RAGS BZUNG LA,) SKE RAGS ? DON YOD GRUB PA NI; ;(ZHES PA SBYAR BA'I TSIGS BCAD BRJOD LA SKE RAGS SLOB MA'I RKENG BA LA SBYIN, SPYOD PA'I BRTUL ZHUGS GSUM PA SKYES PA DANG BUD MED LTA LTANGS LA SOGS PA'I NUS PA THOB PA GZHAN DON DU DPA' BOS SPYOD PA'I BRTUL ZHUGS LEN PA LA, BDE MCHOG GI SGO NAS MGO 'PHRENG DANG, STAG LPAGS LA SOGS PA'I BRTUL ZHUGS KHYAD PAR BA SBYIN PA NI, SKYES PA, SHU NYA TAS SBYANGS,) STONG PA'I NGANG LAS SNA TSOGS PADMA DANG NYI MA'I STENG DU H'Um LAS KRDO RJE H'Um GIS MTSAN PA YONGS SU GYUR PA LAS BCOM LDAN 'DAS DPAL HE RU KA SKU MDOG MTHING ? KHA, (ZHES PA NAS,) MI RUS KYI THAL BA SA LUS THAMS CAD LA BYUG PA'O, (,ZHES PA'I BAR ZHAL PHYAG YONGS RDZOGS SAM, ZHAL GCIG PHYAG GNYIS PA RDO RJE DANG DRIL BU 'DZIN PAR BSKYED, BUD MED, SHU NA-YA TAS SBYANGS,) STONG PA'I NGANG LAS BAm LAS GRI GUG BAm GYIS MTSAN PA YONGS SU GYUR PA LAS, BCOM LDAN 'DAS MA RDO RJE PHAG MO SKU MDOG DMAR MO, (,ZHES PA NAS,

, ,SKAM PO LNGA BCU'I DO ? SHAL CAN DU GYUR, (ZHES PA'I BAR RAM ZHAL GCIG PHYAG GNYIS GRI GUG DANG THOD PA 'DZIN PAR BSKYED,) RANG GI THUGS KA'I H'Um LAS 'OD ZER 'PHROS, BSGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: YE SHES PA DAM TSIG PA DANG GNYIS SU MED PAR GYUR, DBANG GI LHAS DBANG BSKUR, HE RU KA LA RNGOR SEMS DANG ZAG ? MO LA RNAM SNANG GIS DBU BRGYAN PAR GYUR, (DE NAS MI RUS LAS BYAS PA'I SPYI GTZUG GI 'KHOR LO DANG THOD SKAM GYI DBU RGYAN BZUNG LA,) AOm BADZRA BEE RO TZA nI YE H'Um H'Um PHAt SV'AH'A, DE LAS BYUNG BA'I 'KHOR LO DANG THOD SKAM GYIS DBU BRGYAN, (ZHES BRJOD CING SNGAGS DE'I RANG BZHIN DU MAS TE MGO'I RGYAN DU SBYIN, RNA RGYAN GNYIS BZUNG LA,) AOm HRI: HA HA H'Um H'Um PHAt, DE LAS BYUNG BA'I RNA RGYAN, (ZHES BRJOD LA RNA RGYAN DU SBYIN, MGUL RGYAN BZUNG LA,) AOm SARBA BUDHA tA KI NI BADZRA WA RnA NI H'Um H'Um PHAt SV'AH'A, DE LAS BYUNG BA'I MGUL RGYAN, (CES BRJOD LA MGUL RGYAN SBYIN, LAG GDUB BZUNG LA,) AOm HA, NA MA HI, S'A H'A HU, BOO shA tA HE H'Um H'Um HO, ,PHAt HAm, DE LAS BYUNG BA'I LAG GDUB, (CES BRJOD LA LAG GDUB SBYIN, SKA RAGS BZUNG LA,) AOm BOm, HAm YOm, HR'Im MOm, HRIm HRIm, H'Um H'Um, PHAt PHAt, DE LAS BYUNG BA'I SKA RAGS, (CES BRJOD LA SKA RAGS SBYIN, MGO 'PHRENG BZUNG LA,) AOm SHR'I BADZRA HE HE RU RU KAm H'Um H'Um PHAt t'A KI N'I DZ'A LA SAm BA RAm SV'AH'A, DE LAS ? BYUNG BA'I MGO 'PHRENG, (ZHES BRJOD LA MGO 'PHRENG SBYIN, STAG SHAM BZUNG LA,) AOm SARBA BUDDHA t'A KI NI YE BADZRA WA RnA N'I YE H'Um H'Um PHAt SV'AH'A, DE LAS BYUNG BA'I STAG LPAGS KYI SHAM THABS, (ZHES BRJOD LA STAG SHAM SBYIN, THOD PA BZUNG LA,) AOm t'A KI N'I YE H'Um H'Um PHAt, (CES PA NAS,) AOm YA MA MA TH'A N'I YE H'Um H'Um

PHAt; CES PA'I BAR DANG, DE LAS BYUNG BA'I THOD PA, (ZHES BRJOD LA THOD PA LAG PA GA-YON DU GTANG, KHA tV'Am GA DANG tA MA RU BZUNG LA YUM GYI 'PHRENG SNGAGS BRJOD DE,) RDO RJE SEMS DPA'I PHYAG RGYA 'DI, (ZHES SOGS SNGAR LTAR BRJOD LA tA MA RU GA-YAS DANG KHA tV'Am GA GRU MO GA-YON BAR SBYIN, TSANGS SKUD DANG MGRIN PAR 'GYANG BA'I DO SHAL DANG, RDO RJE'I RGYAN DANG, RKUN MA'I SKRA LAS BYAS PA'I COD PAN DANG, SKOR GNYIS PA'I SKA RAGS DANG, THAL CHEN DANG, DBUNG ? RGYAN DANG, RKANG GDUB DANG, GA-YENG BA RNAMS THOGS LA, YAB KYI RTZA SNGAGS BRJOD DE, DE LAS BYUNG BA'I TSANGS SKUD LA SOGS PA SA BRGYAN PAR GYUR, ZHES BRJOD LA SBYIN, SNGAGS RNAMS LAN GSUM GSUM BRJOD, LUNG BSTAN NI,) SLOB MA RNAMS SKAD CIG GIS RANG RANG GI ME TOG GANG LA PHOG PA'I LHA DANG MTHUN PA'I SKUR GYUR, (PAR BSAM LA, SLOB DPON SH'AKYA THUB PA'I CHA LUGS SU BYAS NAS CHOS GOS KYI GRVA DANG BCAS PA'I BU TSUR GA-YON PA SNYING KHAR BZUNG ZHING, GA-YAS PA MI 'JIGS PA SBYIN PA'I PHYAG RGYA BYAS LA BSGRUB PA'I DKYIL 'KHOR BA DANG, NAM MKHAR YANG BLA MA YI DAM SANGS RGYAS BYANG SEMS DPAG TU MED PA BZHUGS PA RNAMS KYIS MGRIN GCIG TU SLOB MA LA LUNG STON PAR MOS PA BYED TSUL GO BAR BYAS LA,) SRID PA'I NGAN 'GRO LAS BTON NAS, ,SRID PA SHIN DU ZHI BYA'I PHYIR, ,RDO RJE SEMS DPA' DE BZHIN GSHEGS, BDAG GIS KHYOD NI LUNG BSTAN BGYI, ,CES DPAL MI BSKYOD RDO RJE ZHES BYA BA LA SOGS PA'I TA TH'A GA TA SIDDHI SA MA YA STVAm BHU RA BHU BA: SVA, (ZHES BRJOD CING TSIGS PA BCAD KYI DON NI, SRID PA STE 'KHOR BA'I NGAN 'GRO LAS BTON NAS CHOS SKU 'THOB PA DANG, SRID PA SHIN TU ZHI BA LONGS SKU RDO RJE 'CHANG GI GO 'PHANG 'THOB PAR BYA BA'I PHYIR, RDO RJE SEMS DPA' LA SOGS PA'I DE BZHIN GSHEGS PA SRAS DANG BCAS PA THAMS CAD DANG MGRIN ?

, ,GCIG TU BDAG GIS KHYOD LUNG BSTAN PAR BGYI, SNGAGS DON NI, SA 'OG ,SA STENG, MTHO RIS KYI 'JIG RTEN THAMS CAD LAS 'DAS PA'I DE BZHIN GSHEGS PA THAMS CAD KHYOD KYIS GRUB PA'I DAM TSIG LA GNAS PAR BYAS ZHES PA STE SLOB MA LA GO BAR BYAS LA LUNG BSTAN, GANG LANGS 'DI LTAR LUNG BSTAN PA DE LA DE BZHIN GSHEGS PA THAMS CAD DANG BYANG CHUB SEMS DPA'I TSOGS 'KHOR DANG BCAS PA'I DKYIL 'KHOR BA THAMS CAD KYIS MGRIN GCIG TU BLA NA MED PA YANG DAG PAR RDZOGS PA'I BYANG CHUB TU LUNG BSTON PAR MDZAD DE, PHYAG RGYA 'DI NYID KYI MTHU DANG SNGAGS 'DI'I STOBS KYIS YIN NO ZHES GO BAR BYAS NAS DAD PAR BYA, GNYIS PA RJES GNANG DANG DBUG DBYUNG NI, RJES GNANG LA SPYI'I RJES GNANG NI, 'KHOR LO BZUNG LA,) BHRUm LAS BYUNG BA'I 'KHOR LO, ,AOm BADZRA HE TU MAm, (ZHES BRJOD CING, SNGAGS DON NI, RDO RJE RGYU ZHES BYA BA STE, 'DI'I MTSAN CAN GYI CHOS KYI 'KHOR LO BSKOR DU 'JUG PAR YOG LAS BSHAD PA'I DBANG DU BYAS PA GO BAR BYAS LA, SLOB MA'I MDUN NAM STAN DU SBYIN, DUNG BZUNG LA,) AA LAS SKYES BA'I DUNG, AOm BADZRA BH'A shA RAm, (ZHES BRJOD CING, SNGAGS DON NI, RDO RJE SMRA BA BYA BA YIN LA, 'DI'I MTSAN CAN GYIS CHOS SMRA BAR BYED PAR YOG NAS BSHAD PA'I DBANG DU BYAS PA YIN TSUL GO BAR BYAS LA, RUNG SLOB MA'I LAG PA GA-YAS SU SBYIN, DE NAS PO TI DANG DRIL BU BZUNG LA,) DBYANGS DANG PO AA LAS SKYES PA'I PO TI AA, DBYANGS THA MA AA: LAS SKYES PA'I DRIL BU AA: (ZHES BRJOD DE SLOB MA'I LAG PA GA-YON DU BYIN LA DRIL BU DKROL DU GZHUG CING,) THAMS CAD NAM MKHA'I MTSAN NYID DE, ,NAM MKHA' YANG NI MTSAN NYID MED, ,NAM MKHA' MNYAM PA NYID SBYOR BAS, ,THAMS CAD MCHOG NI MNYAM NYID GSAL, ,DENG NAS BRTZAMS TE SEMS BSKYED PA, ,TZAM GYIS CHOS DUNG BLA MED PA, ,KUN NAS YONGS SU BKANG

NAS NI; ;CHOS KYI 'KHOR LO BSKOR BAR GYIS, (,ZHES BRJOD CING, PHYI NANG GI CHOS THAMS CAD KYI MTSAN NYID DAM RANG BZHIN NI NAM MKHA'I MTSAN NYID STE RANG BZHIN DANG 'DRA ZHING, NAM MKHA' YANG NI THOGS BCAS KYI RDZAS THAMS CAD BKAG PA TZAM YIN PAS DNGOS PO'I RANG BZHIN MED, DE BZHIN DU PHYI NANG GI DNGOS PO THAMS CAD LA YANG RANG BZHIN MED DE DON DAM PAR GDOD MA NAS MA SKYES PA'I PHYIR RO, ,DES NA NAM MKHA' DANG MNYAM PA'AM 'DRA BA'I CHOS RNAMS KYI DE BZHIN NYID DE LA SBYOR BA STE, MNYAM PAR 'JOG PA'I SEMS DANG SEMS 'BYUNG RNAMS GOMS PA'I MTHAR DE BZHIN NYID DANG RO GCIG STE DBYER MED DU 'GYUR, DES NA DE LTA BU'I RNAL 'BYOR BA'I YE SHES DES KUN MCHOG MNYAM PA NYID KYI DE BZHIN NYID DE GSAL BA STE KHYAB PA ZHES SAM, CHOS THAMS CAD KYI MCHOG STE SGRIB PA DANG BRAL BA'I RANG BZHIN MED PA DE GSAL BA STE SGOM PAS MNGON SUM DU BYAS PA YIN LA, KHYOD KYIS KYANG DE BZHIN GYIS SHIG ,DENG NAS BRTZAMS TE SEMS CAN LA PHAN PA'I SEMS SKYED PA TZAM GYIS STE KHO NAS CHOS KYI DUNG BLA NA MED PA BLA MED KYI GSUNG RAB KYIS THOG MAR RANG GI RGYUD KUN NAS YONGS SU BKANG NAS NI, DE NAS GDUL BYA GZHAN LA CHOS KYI 'KHOR LO BSKOR BAR GYIS SHIG ,DE LTAR CHOS 'KHOR BSKOR BA LA MOS PA'I SGO NAS DRIL BU'I SGRAS CHOS PHUNG SGROG PAR MTSON PAS DRIL BU 'DI ZUNGS SHIG CES GO BAR BYA, RIGS SO SO'I CHOS BSHAD PA'I RJES GNANG LA, DE NAS) SLOB MA DANG 'KHOR LO RNAM SNANG DU GYUR, RNAM PAR SNANG MDZAD ZHUB LAS BYUNG BA'I 'KHOR LO, (,'KHOR LO BZUNG LA,) SEMS CAN KUN LA PHAN DON DU, ,'JIG RTEN KUN DU THAMS CAD NAS, ,JI LTAR GDUL BYA SNA TSOGS LA, ,CHOS KYI 'KHOR LO BSKOR BAR GYIS, , SHES RAB THABS KYI RANG BZHIN BDAG ,YID BZHIN NOR BU LTAR MTHO BAS, ,SKYO MED DOGS DANG BRAL BA YIS, ,DE LTAR SEMS CAN DON GYIS SHIG (,CES BRJOD CING, KHYOD KYIS DENG PHYIN CHAD SEMS

, ,CAN KUN LA PHAN PA'I DON DU 'JIG RTEN KUN DU GNAS PA'I 'GRO BA THAMS CAD NAS, JI LTAR STE GDUL BYA DE BZHIN GSHEGS PA'I RIGS KYI CHOS LA MOS PA DANG, RDO RJE'I RIGS KYI CHOS LA MOS PA SOGS MOS PA SNA TSOGS YOD PA LAS, DE BZHIN GSHEGS PA'I RIGS LA MOS PA LA DE BZHIN GSHEGS PA'I RIGS KYI CHOS KYI 'KHOR LO BSKOR BAR GYIS SHIG ,DE LTA BU'I CHOS KYI BRJOD BYA NI SHES RAB DANG THABS YA MA BRAL BZUNG DU 'BREL BA'I CHOS KYI RANG BZHIN NAM BDAG NYID BSAM 'PHEL YID BZHIN NOR BU LTAR SKYE BO KUN GYIS MTHO BAR BKUR ZHING NYAMS SU BLANG PAR BYAS NA RANG GI 'DOD PA YID BZHIN DU TSIM PAR 'GYUR BAS, KHYOD CHOS DE 'CHAD PA LA SKYO BA MED PA DANG, GDUL BYA'I DON DU 'GYUR RAM MI 'GYUR SNYAM PA'I DOGS PA DANG BRAL BA YIS TSUL BZHIN DU BRTZON PAS 'CHAD PA DE LTAR SEMS CAN GYI DON GYIS SHIG ,CES GO BAR BYAS LA SLOB MA LA SBYIN, DE NAS,) SLOB MA DANG RDO RJE MI BSKYOD PAR GYUR, MI BSKYOD PA ZHU BA LAS RDO RJER GYUR, (RDO RJE BZUNG STE GONG GI TSIGS BCAD KYI 'KHOR LO ZHES PA'I TSAB TU RDO RJE ZHES PA BCUG LA RDO RJE SBYIN ZHING, DES RIN PO CHE, PADMA, SNA TSOGS RDO RJE RNAMS DANG, SLOB MA RIN 'BYUNG, 'OD DPAG MED, DON GRUB RNAMS SU RIM PA LTAR SGOM PA DANG TSIGS BCAD KYI CHOS KYI ZHES PA'I TSAB TU, RIN CHEN, PADMA, LAS KYI ZHES BCUG NAS STER TSUL GO BAR BYA, DE NAS SLOB MOS PHYAG BYAS LA, GTZO BOS JI LTAR BKA' BSGO BA, DE BZHIN DU NI BDAG GIS BGYI, (ZHES PA BLA MA DANG GTZO BO THA MI DAD PAS 'DI DANG 'DI LTA BU GYIS SHIG CES JI LTAR BKA' BSGO BA DE BZHIN DU BDAG GIS BGYI'O ZHES KHAS LEN PA YIN TSUL GO BAR BYAS LA SLOB MAR BRJOD DU GZHUG ,DE NAS DBUG DBYUNG NI, SLOB MA LA GOS GSAR BA BSKON, RGYAN GYIS BRGYAN, LHA RNAMS KYI SNYING PO'I SNGAGS KYIS SLOB MA'I SNYING KHAR BSNGAGS TE LAG PA GA-YAS PAR BSRUNG BA'I GDUB BU BCINGS LA, BLA MA'AM LAS KYI RDO RJES DE'I MGOR GDUGS

'DZIN CING, GZHAN GYIS DUNG DANG SIL SNYAN DANG SPOS DANG RGYAL MTSAN SOGS BZUNG NAS, SLOB MA THAL MO SBYAR TE DKYIL 'KHOR LA SKOR BA LAN GSUM BYED DU GZHUG PA'AM, BYED PAR MOS NAS, MA H'A RA TA SOGS LAN GSUM BRJOD PA'I MTHAR DKYIL 'KHOR GYI SHAR SGOR 'KHOD NAS GDUGS LOGS SU BZHAG NAS, SLOB MAS DKYIL 'KHOR BA LA LUS THAMS CAD SA LA PHAB PA'I PHYAG BYAS NAS MGO BO MA BTEGS PAR BLA MAS,) RGYUD RNAMS 'DZIN PAR 'GYUR PA YI, , SLOB MA 'DI NI 'BUL BA LAGS, (ZHES DKYIL 'KHOR GYI LHA LA PHUL, DE NAS SLOB MA SNGAR GYI GRAL LA 'KHOD PA LA,) DA NI KHYED RNAMS DKYIL 'KHOR GYI, ,SLOB DPON SNGAGS DANG RGYUD 'DZIN PAR, ,SANGS RGYAS BYANG CHUB SEMS DPA' DANG, ,LHA RNAMS DAG KYANG DGONGS PAR 'GYUR, ,SEMS CAN KUN LA BRTZE DON DU, ,KHYOD KYIS DKYIL 'KHOR CHO GA BZHIN, ,RAB TU 'BAD DE BRI BAR BYA, , SGRUB PA PO RNAMS RGYUD LA SBYOR, ,MCHOG TU GSANG BA DAM PA YI, ,DKYIL 'KHOR MTHONG ZHING ZHUGS PAS NA, ,SDIG PA KUN LAS RNAM PAR GROL, ,DE RING KHYED RNAMS BDE BAR GNAS, ,BDE CHEN THEG PA 'DI LAS NI, ,PHYIN CHAD 'CHI BA KHYOD LA MED, ,SRID PA'I SDUG BSNGAL LAS KHYOD 'DAS, ,SRID PA SHIN DU MTHA' GRUB PA, ,SANGS RGYAS RDO RJE CAN KUN GYIS, ,DE RING TSE LDAN DBANG BSKUR RO, , KHAMS GSUM KUN GYI RGYAL SRID CHE, ,BDAG PO NYID DU KHYOD NGES SO, ,'DOD CHAGS BRAL BA LTA BU'I SDIG ,KHAMS GSUM NA NI GZHAN MED DE, ,DE BAS 'DOD LA CHAGS BRAL NYID, ,KHYOD KYIS NAM YAR MI BYA'O, ,'DOD PA KUN LA SPYOD PA KHYOD, ,GANG LA'ANG 'JIGS MED SPYAD PAR GYIS, ,SHA LNGA BDUD RTZI LNGA BZA' BYA, ,'DI LAS GZHAN YANG DAM TSIG SRUNGS, ,SROG CHAGS BSAD PAR MI BYA ZHING, ,

, ,BUD MED ? RIN CHEN SPANG MI BYA, ,SLOB DPON SPANG BAR MI BYA STE, ,DAM TSIG SHIN DU 'DA' BAR DKA', ,SHES RAB THABS KYI BSAM PA YIS, ,MI BYA CUNG ZAD YOD MA YIN, ,MI 'JIGS KHYOD LA SDIG PA MED, ,DE BZHIN GSHEGS PA'I GSUNG JI BZHIN, ,'DI LTAR YID NI RAB DANG RDO RJE NYID DU GYIS, ,RANG GI DAM TSIG MI ZAD BDE STER BSTEN PAR GYIS, ,'GRO BA BDE BA NYUNG BAR RDO RJE SEMS DPA' DANG, ,MTSUNGS PA'I RTAG PA NYID DU KHYED RNAMS PHYIN PAR 'GYUR, ,GZHAN YANG GANG DAG CHO GA JI LTA BA BZHIN DBANG BSKUR PA LA DGE BA'I PHYIR SANGS RGYAS DANG BYANG CHUB SEMS DPA' THAMS CAD KYIS SDUG PA'I BU DANG 'DRA BAR THUGS DANG BAS YANG DAG PAR DGONGS PA MDZAD PA 'DI NI CHOS NYID YIN NO, (,ZHES BRJOD CING, DON NI, TSIGS BCAD DANG PO NI, DA NI KHYED RNAMS DGA' BA CHEN PO SKYED RIGS TE DBANG BSKUR BA LEGS PAR THOB PA YIN PAS DKYIL 'KHOR GYI RDO RJE SLOB DPON CHEN PO, ,YID SKYOB PA'I SNGAGS DANG RGYUN CHAGS PAS RGYUD SDE DE RNAMS KYI DON YID LA BSAM ZHING TSIG GZHAN LA 'CHAD PAS 'DZIN PA POR SANGS RGYAS DANG BYANG CHUB SEMS DPA' DANG DKYIL 'KHOR GYI LHA RNAMS DAG GIS KYANG DGONGS PAR 'GYUR BAS SO, ,DE NAS TSIGS BCAD GCIG NI, KHYOD KYIS SKAL LDAN GYI SLOB MA SNGAGS KYI LAM SGRUB PA PO RNAMS RGYUD KYI TSIG NYAN PA DANG RGYUD DON BSAM PA DANG, TSUL BZHIN DU SGOM PA SOGS KYIS RGYUD NYAMS SU LEN PA LA LEGS PAR SBYOR BAR BYA STE, TSUL JI LTAR NA SEMS CAN KUN LA BRTZE BA CHEN POS DE RNAMS KYI DON DU RGYUD SDE NAS BSHAD PA'I CHO GA JI LTA BA ZHIN RAB TU 'BAD DE DKYIL 'KHOR BRI BA DANG, BSGRUB PAR BYA ZHING DER DBANG BSKUR BA LA SOGS PA TSUL JI LTA BA BZHIN DU BYA BA'I SGO NAS SO, ,DE NAS GCIG NI, KHYOD DE RING STE DENG NAS BZUNG STE BYANG CHUB SNYING PO'I BAR DU BDE 'GRO LHA DANG MI'I BDE BA LA YID DGA' BAS LEGS PAR GNAS PAR 'GYUR TE, SNOD MIN LA MCHOG TU GSANG BA'I DKYIL 'KHOR

DAM PA CHOG JI LTA BA BZHIN DU LHA NGO BSTAN PA'I SKABS SU MTHONG BA DANG, ME TOG 'DOR BA DANG, SGO PHYAG GI GONG DU DKYIL 'KHOR DER ZHUGS PAS NA, DKYIL 'KHOR 'DI 'DRA MTHONG BA YIS, ,DE DAG THAMS CAD ZAD 'GYUR NA, ,ZHES PA LTAR; SNGAR BSAGS PA'I NGAN 'GROR LTUNG 'GYUR GYI SDIG PA KUN LAS RNAM PAR GROL ZHING, PHYIN CHAD KYANG SDIG PA MI BYED PA'I DAM TSIG LA GNAS PAR BYAS PA YIN PAS SO, ,DE NAS TSIG RKANG GNYIS NI, KHYED RNAMS LA PHYIN CHAD RDO RJE THEG PA'I DE ? LAS LTUNG BA'AM LDOG PA'I 'CHI BA MED DE THAR BA CHEN PO'I RANG BZHIN GYI RDO RJE THEG PA BDE BA CHEN PO 'DI LA 'GYUR BA MED PAR LEGS PAR ZHUGS PAS SO, ,DE NAS TSIG BCAD GCIG NI, DE YANG YIN TE, SRID PA'I SDUG BSNGAL LAS 'DAS PA'I CHOS SKU DANG, SRID PA SHIN TU MTHA' STE 'KHOR BA JI SRID PAR GNAS PA'I LONGS SKU 'GRUB PA'I CHED DU RTZOGS PA'I SANGS RGYAS GZHAN DANG RDO RJE CAN TE RDO RJE 'CHANG KUN GYIS TSE BZANG PO DANG LDAN PA KHYOD LA DE RING DBANG BSKUR BAR BYAS PAS SO, ,DE NAS RKANG PA GNYIS NI, DE LTAR DBANG BSKUR BAS KHYOD 'DOD KHAMS LA SOGS PA KHAMS GSUM GYI CHOS KYI RGYAL SRID THOB PA'I PHYIR 'DOD KHAMS DANG GZUGS KHAMS KYI DBANG PHYUG CHEN PO RNAMS LA MDA' BSGYUR BA'I BDAG NYID DU 'GYUR BAR NGES PAR BYAS PA YIN TE, PHYIR MI LDOG PA'I SA BON KHYAD PAR CAN BSKYED PAS SANGS RGYAS MNGON SUM DU BYED PA'I SKAL PA CAN DU BYAS PAS SO, ,DE NAS TSIGS BCAD GCIG NI 'DOD PAR BYA BA MCHOG YIN PAS NA 'DOD YUL RDOR SEMS LA CHAGS PA STE THOB 'DOD KYI 'DUN PA DANG BRAL BA'I SDIG PA DE NYID NI KHYOD KYIS NAM YANG MI BYA BA STE BYA MI RIGS TE, RDOR SEMS THOB 'DOD KYI 'DUN PA DANG BRAL BA'I SDIG PA BYAS NA BYANG CHUB KYI SEMS BTANG BA YIN PAS DE LTA BU'I NYES DMIGS CHE BA KHAMS GSUM NA SDIG PA GZHAN NI MED PAS SO, ,DE NAS RKANG PA GNYIS NI, 'DOD PAR BYA BA'I

, ,YUL RDOR SEMS THOB 'DOD KYI 'DOD KYI 'DOD PA DANG LDAN PAS 'DOD YON KUN LA THABS MKHAS KYIS SPYOD PAR SHES NA 'DOD YON GANG LA'ANG SPYAD PAR BYA RUNG STE DE LA NYES DMIGS MI 'BYUNG BAS DE LAS SDUG BSNGAL 'BYUNG BA'I 'JIGS PA MED PAS SO, ,DE NAS TSIGS BCAD GCIG NI, RDOR SEMS THOB 'DOD DANG 'DOD YON LA SPYOD PA'I THABS MKHAS DANG MA BRAL BAR DAM TSIG 'DI RNAMS SRUNG BAR BYA STE, SHA LNGA DANG BDUD RTZI LNGA BZA' BAR BYA BA LA SOGS PA BZA' BA'I DAM TSIG ,'DI LAS GZHAN YANG BSTEN PA'I DAM TSIG RNAMS KYANG SRUNG BA DANG, SROG CHAGS GSAD PAR MI BYA BA LA SOGS PA SPONG BA'I DAM TSIG RNAMS GZUNG BAR BYA ZHING MTSAN NYID DANG LDAN PA'I BUD MED RIN PO CHE LAS RGYA DANG YE SHES KYI PHYAG RGYA SPANGS PAR MI BYA BA RNAMS SO, ,DE NAS RKANG PA GNYIS NI, KHYAD PAR DU YANG RANG LA DBANG BSKUR PA'I RDO RJE SLOB DPON BRNYAS PA LA SOGS PAS SPANGS PAR MI BYA STE, RDO RJE SLOB DPON BSTEN PA'I DAM TSIG 'DI LAS 'DAS NA RDO RJE DMYAL BAR LTUNG BA LA SOGS PA'I NYES DMIGS SHIN DU CHE BA YIN PAS DAM TSIG LAS 'DA' BAR DKA' BAS SO, ,DE NAS TSIGS BCAD GCIG NI, SHES RAB STONG PA NYID DANG THABS LHA'I RNAL 'BYOR KHYAD PAR CAN ZUNG DU 'BREL BA GNYIS MED KYI BSAM PA YIS MI BYA BCUNG ZAD KYANG MED DE, THABS SHES KYI RNAL 'BYOR DAM PA DANG LDAN PA LA BKAG PA MANG PO GNANG BAS SO, ,DES NA THABS SHES KHYAD PAR CAN DANG MA BRAL BAR BYAS NA, KHYOD GANG LA'ANG MA 'JIGS PAR GYIS DANG KHYOD LA SDIG PAR 'GYUR BA MED DE, DE BZHIN GSHEGS PA'I GSUNG JI LTA BA BZHIN DU SGRUB PA YIN PAS SO, ,DE NAS TSIGS BCAD GCIG NI, MDOR BSDU NA 'DI LTAR BLA MA DANG SANGS RGYAS YI DAM LA YID RAB TU DANG BA RDO RJE STE MI PHYED PA NYID DU GYIS, RANG GI DAM TSIG STE RANG GI YI DAM GYI LHA MI

ZAD PA STE ZAD PA MED PA'I BDE BA STER BA BSTEN PA STE LEGS PAR BSGOM PA DANG MA BRAL BA GYIS SHIG ,DE LTAR BYAS NA BDE BA NYUNG ZHING SDUG BSNGAL MNGA' BA'I 'GRO BAR KHYOD SKYES KYANG RDO RJE SEMS DPA' DANG MTSUNGS PA'I BDE BA RTAG PA NYID KYI GO 'PHANG MCHOG LA KHYOD RNAMS PHYIN PA STE GO 'PHANG MCHOG DE THOB PAR 'GYUR RO, ,ZHES PA STE DE RNAMS KYI DON SLOB MA LA GO BAR BYAS LA DGA' BA BSKYED DE, DBUG DBYUNG BA DANG GZENG BSTOD PAR BYA, DE LTAR DBANG THOB CING DBUG PHYIN TE DGA' BA'I SLOB MAS, DENG BDAG SKYE BA 'BRAS BUR BCAS, ,BDAG GI GSON PA 'BRAS BUR BCAS, ,DE RING SANGS RGYAS RIGS SU SKYES, ,SANGS RGYAS SRAS SU DENG BDAG GYUR, , ZHES PA, DENG BDAG GI SKYE BZHIG BLANGS PA DANG, ,BDAG DE LNGA PHAN CHAD MA SHI BAR GSON PA'ANG 'BRAS BU DANG BCAS PA STE DON DANG LDAN PAR GYUR TE, DE RING BDAG SANGS RGYAS KYI RIGS DANG SANGS RGYAS KYI SRAS SU GYUR BAS SO, ZHES PA DRAN PA'I SGO NAS BRJOD CING, DE NAS SLOB MA LA, JI LTAR 'BYOR BA'I YON DBUL DU GZHUG ,DKYIL 'KHOR BA LA GTOR MA DANG, SBYIN SREG DANG, TSOGS PA RNAMS LA STON MO LA SOGS PA YANG BYA, BZHI PA DBANG RNAMS KYI DON BSHAD PA LA, DBANG MTHA' RTEN DANG BCAS PA'I DON BSHAD PA, DBANG DON LAM GYI RIM PAR BSGRIGS NAS NGES PA BSKYED PA GNYIS, DANG PO LA, BU MA DBANG MTHA' RTEN DANG BCAS PA'I DON BSHAD PA GONG MA GSUM MTHA' RTEN DANG BCAS PA'I DON BSHAD PA GNYIS, DANG PO NI, BUM DBANG GI SKABS KYI ME TOG 'PHRENG BA'I DBANG GIS SLOB MA'I RANG BZHIN GYIS RNAM PAR DAG PA'I RIGS GSAL BA'AM NGES PAR BYA BA'I PHYIR DU ME TOG DOR PAS ME TOG GANG LA PHOG PA'I DE BZHIN GSHEGS PA'I RIGS NGES PAR BYED CING, BLA MAS ME TOG DE DANG BCAS PA'I ME TOG GI 'PHRENG BA SLOB MA'I MGRO BCINGS NAS SLOB MA DANG SLOB MA'I RIGS KYI LHA GNYIS NGO SPRAD PAS RIGS KYI LHA DES SLOB MA DE

, ,BYANG CHUB KYI BAR DU RJES SU 'DZIN PA DE LTAR NGES PAR BYED, CHU DBANG GIS SLOB MA'I RANG RIGS KYI LHA DER SANGS RGYAS PA LA SGRIB PA'I DRI MA 'KHRUD BA'I NUS PA 'JOG ,COD PAN GYI DBANG GIS SLOB MA GANG DU SANGS RGYAS PA'I SANGS RGYAS KYI RIGS BDAG DANG, MTSAN BZANG GI GTZO BO GTZU GTOR BA LTAR MI MNGON PA BSKYED PA'I NUS PA 'JOG ,DAR DBYANG GIS NYON MONGS PA LA SOGS PA'I DGRA RTZA BA NAS 'DON PA'I DPA' BO'I NUS PA 'JOG ,RDO RJE'I DBANG GIS SLOB MA SANGS RGYAS PA'I SANGS RGYAS DE'I THUGS DE KHO NA NYID DANG GNYIS SU MED PA'I YE SHES SKYED PA'I NUS PA 'JOG ,DRIL BU'I DBANG GIS SANGS RGYAS DE'I GSUNG CHOS PHUNG BRGYAD KHRI BZHI STONG 'DOMS PA'I RGYU STONG BA DANG SNYING RJE DBYER MED PA BLA NA MED PA'I YE SHES SKYED PA'I NUS PA 'JOG ,MING DBANG GIS SLOB MA RANG GI RIGS DANG MTHUN PA'I DE BZHIN GSHEGS PA DE'I MTSAN JI SKAD BYA BAR 'GYUR BA'I MTSAN GYI NUS PA 'JOG ,SLOB DPON GYI DBANG GI SKABS KYI RDO RJE'I DAM TSIG SBYIN PAS DUS 'DI NAS BRTZAMS TE RGYAL BA'I THUGS DE BZHIN NYID DANG DBYER MED PA'I YE SHES GSANG BA'I RDO RJE DE SGRUB PA DRAN PA'I CHED DU RTAGS KYI RDO RJE 'DZIN PA LAS MI 'DA' BAR BYED, DRIL BU'I DAM TSIG GIS RGYAL BA'I GSUNG CHOS PHUNG BRGYAD KHRI BZHI STONG STON PA'I DE BZHIN NYID DANG DBYER MED PA'I YE SHES GSANG BA'I DRIL BU DE SGRUB PA DRAN PA'I CHED DU MTSON BYED RTAGS KYI DRIL BU 'DZIN PA LAS MI 'DA' BAR BYED, PHYAG RGYA'I DAM TSIG GIS RGYAL BA'I SKU PHYAG RGYA CHEN PO THABS SHES DBYER MED KYI RANG BZHIN BDE BA CHEN PO'I BDAG NYID RDZOGS PA'I SANGS RGYAS KYI SKU BSGRUB PA'I PHYIR DU RANG NYID LHA SKUR SGOM PA LAS MI 'DA' BAR BYED PAS 'DI LA RDZOGS PA'I SANGS RGYAS KYI DBANG DU YANG GSUNGS SHING, SLOB DPON GYI DBANG 'DI LA SEMS CAN DPAG TU MED PA LA GZHAL DU MED PA'I CHOS STAN PA LA SOGS PAS SLOB DPON DU BYA BA'I CHED DU KHAMS GSUM PA'I

CHOS KYI RGYAL PO'I RGYAL SRID DU DBANG BSKUR BAS NA SLOB DPON GYI DBANG DANG, SA BCU PA BA PHYIR MI LDOG PA'I SEMS DPA' CHEN PO RNAMS LA PHYOGS BCU'I DE BZHIN GSHEGS PA RNAMS KYIS DBANG BSKUR BA DANG 'DRA ZHING PHYIR MI LDOG PA'I SA BON KHYAD PAR CAN BSKRUN PAR BYED PA'I PHYIR NA PHYIR MI LDOG PA'I DBANG ZHES KYANG BYA, SNGAGS KYI BZLAS LUNG NI, BAR DU GCOD PA'I BGEGS MED PAR BYA BA DANG, ZHI RGYAS DBANG DRAG GI DNGOS GRUB KYI SA BON BGO BA'I CHED DANG DON DAM PA'I SNGAGS GNYIS SU MED PA'I YE SHES KYI DNGOS GRUB KYI SNOD RUNG DU BYA BA'I CHED DU YIN, MIG SMAN NI, MA RIG PA'I LING THOGS BSAL NAS LHA'I MIG GI MNGON SHES SKYED PA DANG, ME LONG NI, MA RIG PA BSAL BA DES CHOS CAN SNA TSOGS PA 'DI RNAMS GZUGS BRNYAN BZHIN DU LTA ZHING RTOGS PA SGRUB PA'I CHED YIN CING 'DI GNYIS KYIS CHOS THAMS CAD RANG BZHIN MED BZHIN DU SNANG BA'I MA YIN DGAG GZUGS BRNYAN NAM SGYU MA LTA BU RTOGS PA'I BLO SKYE BA LA CHOS KYI BDAG TU 'DZIN PA'I MA RIG PA'I 'DZIN STANGS KYI YUL DGAG BYA BDEN PA RNAM PAR BCAD TZAM GYI MED DGAG RTOGS PA'I BLO GROS KYI MI LDAN LA SKYE DGOS PAR BSTAN PA YIN, 'DI GNYIS KYIS DBU MA'I LTA BRGYUD LA MA SKYES PA LA GSAR DU SKYED PA'I SA BON DANG BAG CHAGS KHYAD PAR CAN BGO ZHING, SKYES ZIN GONG 'PHEL DU BYED PA YIN, MDA' 'PHANG BA NI, MIG SMAN DANG ME LONG GIS STONG NYID RTOGS PA'I NUS PA KHYAD PAR BA BSGOM PA LA BRTEN NAS THOS BSAM GYIS STONG NYID RTOGS KYANG MNGON SUM DU RTOGS PA MA YIN LA, MED SA CHOS DBYINGS SHIN DU PHRA BA'I 'BEN GTING LA THUG PAR PHIGS NAS STONG NYID MNGON SUM DU RTOGS PA'I SA BON KHYAD PAR CAN BSGO BA YIN, GNYIS PA DBANG GONG MA GSUM GYI DON BSHAD PA LA, GSANG DBANG GIS RANG GI RIG MA BLA MA LA YON DU PHUL BA DE DANG BLA MA SNYOM PAR ZHUGS PA'I KHAMS DKAR DMAR GYI THIG LE MYANGS BA LA BRTEN NAS BLA MA DANG LHA'I MTHUS BDE BA, KHYAD PAR CAN

, ,SKYES PA NA MA DAD PA LDOG CIG GSANG SNGAGS KYI GSANG BA'I KUN SPYOD LA THE TSOM DANG LOG RTOGS MA SKYE BA'I DAD PA BRTAN PO SKYE PA DANG, GSANG RDZAS MYANGS PA SNYING KHA'I RTZA LAM DU ZHUGS PA DES SGYU MA'I DPE BCU GNYIS KYIS MTSON PA'I DON SGYU LUS RTOGS PA'I SHES RAB KHYAD PAR CAN SKYE BA'I SNOD DU BYED PA'AM SHES RAB YE SHES KYI DBANG GI SNOD DU BYED PAS NA DAD PA DANG SHES RAB KYI ZHING NGAM SNOD DU BYED PA DANG, DPA' BO DANG DPA' MO'I NGO BOR GYUR PA'I THIG LE SA'I KHAMS LA SOGS PA KHAMS LNGA LAS BYUNG BA'I BCUD YIN PA'AM, BLA MA YAB YUM GYI MKHA' GSANG GI NAM MKHA'I KHAMS PHRAD PA DANG, KHAMS DKAR DMAR DANG DRI CHU DANG BDUD RTZI GZHAN RNAMS KYI BCUD KYI DANG SAM ? 'DUS PA'I BDUD RTZI LNGA'I RANG BZHIN GYI BYANG CHUB KYI SEMS MYANGS PAS BZA' BA'I DAM TSIG BDUD RTZI LNGA LA SOGS PA BRTAN PA DANG, SRUNG BA'I DAM TSIG RNAMS LA DBANG BAR BYED PA DANG, BYANG SEMS MYANGS PA DE DAG GI GNAS LCE DANG MA GRIN PA LA SOGS PA'I GNAS RNAMS SU PHYIN PA NA SKABS DE DANG DE'I RTZA DANG RLUNG RNAMS SBYONG BAS DAG PAR BYED PA DANG, DES RTZA RLUNG THIG LE RNAMS BYIN GYIS BRLABS PAS RTZA RLUNG DANG GTUM MO LA SOGS PA'I RNAL 'BYOR SGOM PA'I SNOD DU BYED PA YIN LA, RNAL 'BYOR DE DAG SGOM PA NA BDAG BYIN GYIS BRLABS PA, SGYU MA LTA BU'I TING NGE 'DZIN GYI'ANG SNOD RUNG DU BYED PAS LAM DE DAG SGOM PA LA DBANG BAR BYED DO, ,DBANG GSUM PA'I SHES RAB NI, PHYI ROL GYI PHYAG RGYA LA BYED PA YIN LA, DE LA SHES RAB ZER BA NI PHUL DU PHYIN PA'I SHES PA 'OD GSAL STONG PA NYID DANG DBYER MED PA'I LHAN SKYED KYI YE SHES SKYED PA'I RGYUD 'DI LA YOD PAS YIN CING, YE SHES NI SHES RAB PHYI ROL GYI PHYAG RGYA MA LAS BYUNG BA'I SEMS RNAM PAR RTOG PA DANG BRAL BA LAS RNAM PAR DAG PA 'OD GSAL LHAN CIG SKYES PA'I DGA' BA'I YE SHES KHYAD PAR CAN YIN LA SHER DBANG GIS DE SKYED PA'I NUS PA DANG BAG CHAGS KHYAD PAR CAN 'JOG PA YIN, DBANG BZHI PA NI, DBANG GSUM PA'I SKABS SU NGO SPROD PA'I LHAN SKYES

KYI YE SHES DE NYID KYI RGYUN GOMS PAR BYAS PA LAS MTHAR DRI MA THAMS CAD DANG BRAL ZHING YONGS SU DAG PA'I YE SHES DANG DE DANG DUS MNYAM DU YOD PA'I KHA SBYOR YAN LAG BDUN LDAN GYI ZUNG 'JUG RDO RJE 'CHANG GI SKU MNGON DU 'GYUR BA'I NUS PA DANG BAG CHAGS 'JOG CING, DE LTA BU'I ZUNG 'JUG GI SKU DE 'DI LTA BU ZHIG GO SNYAM DU GO BAR BYED CING BDE BA CHEN PO'I ROS YING ? 'KHRUD PA'I NUS PA 'JOG PA DANG LAM 'DI SGOM PA LA DBANG BAR BYED PAS DBANG DU 'JOG RIG MA'I BRTUL ZHUGS NI RIGS MTSAN NYID DANG LDAN PA NYID ZAG PA MED PA'I BDE BA DAM PA PHUN SUM TSOGS PA SKYED PA'I DNGOS KYI THABS YIN PA'I PHYIR, LAS DANG PO BA DANG RIM GYIS RTOGS PA GONG NAS GONG DU SONG BA'I SKABS GANG DU YANG SPANG BAR MI BYA'O ZHES GO BAR BYED CING, DE TSUL BZHIN DU BSTEN PA'I NUS PA DANG BAG CHAGS 'JOG ,RDO RJE'I BRTUL ZHUGS NI, YE SHES LNGA'I RANG BZHIN GYI NANG GI RDO RJE PA SGRUB PA MI 'BRAL BA'I BRTUL ZHUGS BZUNG BA'I CHED DU MTSON BYED RTAGS KYI RDO RJE BZUNG BAR BYA DGOS PA GO BA'I CHED YIN, SPYOD PA'I BRTUL ZHUGS LA GSUM LAS, DANG PO NI, RANG GI LUS LHA'I SKUR BYAS PA DANG GTUM MO'I ME DANG BDE BA'I RTEN KUN DA LTA BU'I BYANG SEMS GSUM NI NANG GI PHYAG RGYA DANG, YAB DANG YUM DANG BZLAS BYA'I SNGAGS GSUM NI PHYI'I PHYAG RGYA YIN LA, DE DAG DANG MA BRAL BAR BYA DGOS PA MTSON PA'I PHYIR DU KHAtAm GA DANG CANG TE'U DANG THOD PA GSUM 'CHANG DGOS PA GO BAR BYED, SPYOD PA GNYIS PA NI, RNAL 'BYOR MA DANG SPYOD PA'I BRTUL ZHUGS DANG LDAN PA LAS CHOS DBYINGS YE SHES SOGS YE SHES LNGA SKYED PA LA SPYOD PA'I CHED DU RGYAN LNGA 'DZIN PA GO BAR BYED, SPYOD PA GSUM PA NI, LTA STANGS BZHI DANG MNGON SHES LA SOGS PA'I NUS PA THOB PA NA SEMS CAN GYI DON SGRUB PA LHUR BYED PA LA 'JIG RTEN GYI KUN SPYOD LAS PHYI ROL TU GYUR PA'I RNAL 'BYOR PA'AM RNAL 'BYOR MA NANG GI BDAG NYID KYI RGYAN MA LUS PA'I DON GYI MTHU LHUR BYED PA, STONG PA DANG SNYING RJE DBYER MED PA'I RANG BZHIN BYANG CHUB KYI SEMS SGOM PA LA SPYOD PA'I CHED DU 'KHOR LO DANG RNA RGYAN LA SOGS PA 'CHANG DGOS PA GO BAR BYA BA'I CHED

, ,YIN; LUNG BSTAN NI, KHYOD KHAMS GSUM DANG DBYER MED PA'I CHOS NYID SA RAB TU DGA' BA LA SOGS PA'I RIM PAS RTOGS PAR NUS PA NYID YIN CING, KHYOD SA GSUM NA CHE GE MO RDO RJE ZHES BYA BAR GRAGS PA'I DE BZHIN GSHEGS PAR GRUB PAR 'GYUR RO ZHES GZENGS PA STON CING DE LTAR DE BZHIN GSHEGS PAS DNGOS SU LUNG STON PA'I SA BON DANG BAG CHAGS 'JOG ,RJES GNANG NI, CHO GA JI LTA BAR DNGOS GRUB RAB TU BSGRUBS NAS CHOS STON PA LA SOGS PA RNAMS KYIS SEMS CAN GYI DON GYIS SHIG ,CES RJES SU GNANG BA STER BA DANG DE LTAR NUS PA'I SA BON DANG BAG CHAGS 'JOG ,DBUG DBYUNG NI, KHYOD 'DOD PA LA NYE BAR LONGS SPYOD KYANG SANGS RGYAS NYID YIN NO, ,ZHES DBUG PHYUNG BA NI, DKYIL 'KHOR DU 'JUG PA DANG DBANG BSKUR BA SOGS KYIS SANGS RGYAS 'THOB PAR NUS PA'I SA BON RGYAS PAR BYAS PA YIN NO, ,ZHES SLOB MA LA GO BAR BYED PA'O, ,GNYIS PA DBANG DON LAM GYI RIM PAR BSGRIGS NAS NGES PA SKYED PA NI DBANG BZHI PA SKUR BA NA SLOB DPON GYIS SLOB MA LA 'DI SKAD DU DBANG GSUM PA'I SKABS SU KHYOD KYI LUS 'DOD LHA YAB YUM GYI RNAM PA CAN DU BYAS PA SNYOMS PAR ZHUGS PA LA BRTEN NAS DE KHO NA NYID KYI DON LA MNYAM PAR BZHAG PA'I LHAN SKYES KYI YE SHES BSKYED PA 'DI LA LUS LHA'I SKUR MOS PA TZAM YIN GYIS DNGOS GNAS LA LHA SKUR SONG BA MED, SEMS DE KHO NA NYID LA MNYAM PAR BZHAG PA YANG MOS PA YID BYED DANG YUD TZAM PA DON SPYI'I SGO NAS RTOGS PA TZAM MA RTOGS DE KHO NA NYID LA CHU BZHAG PA LTAR DBYER MED DU ZHUGS PA YANG MIN LA DUS RTAG TU MNYAM PAR 'JOG NUS YANG MIN NO, ,'ON KYANG 'DI 'DRA BA 'DI RJES SU MTHUN PA'I RGYU YIN PAS THABS KYI YAN LAG DANG BCAS PAR GOMS PAR BYAS NA MTHAR MOS PA TZAM MIN PAR LUS SANGS RGYAS KYI GZUGS SKU DANG SEMS DE KHO NA NYID DANG DBYER MED PAR ZHUGS TE DUS RTAG TU DE LA MNYAM PAR BZHAG PAR 'GYUR TE, DE LTA BU'I SKU THUGS NGO BO GCIG TU ZUNG DU 'JUG PA DE NYID LA SNGAGS KYI SGRUB BYA MTHAR THUGS YAN LAG BDUN LDAN ZHES KYANG ZER LA,

DBANG BZHI ZHES KYANG BA BYA'O, ,ZHES ZUNG 'JUG LA NGO SPROD PA YIN LA, 'DIR GANG LA NGO SPROD PA'I 'BRAS BU ZUNG 'JUG NI SNGAGS BLA MED KYI SGRUB BYA THUN MONG MA YIN PA YIN TE, DE LTA BU DE LAM DUS SU RANG 'DOD LHA YAB YUM GYI RNAM PA CAN DU SGOM PA'I RANG LAS BYANG SEMS DKAR DMAR GYI 'PHRO 'DUL BRTEN NAS LHAN SKYES KYI BDE BA LAM DU BYAS PA'I MTHU LA BRTEN NAS BYUNG BA YIN PAS SO, ,DE'I NYE RGYU NI, LUS LHA SKUR BYAS PA'I DUS SU SEMS DON DAM PA'I BDEN PA DANG RO GCIG TU MI 'GRO ZHING SEMS DE LTAR SONG BA'I DUS SU LUS LHA SKUR BYAS PA MI GNAS PA'I RES 'JOG MED PAR LUS LHA SKUR BYAS PA DANG SEMS DON DAM PA DANG RO GCIG TU SONG BA GNYIS DUS GCIG TU ZUNG DU CHUD PA SLOB PA'I ZUNG 'JUG YIN LA, DE LTA BU'I SLOB PA'I ZUNG 'JUG DE SKYED PA LA YANG SNGON DU KUN RDZOB SGYU MA'I SKU DANG DON DAM 'OD GSAL GYI TING NGE 'DZIN GNYIS SO SOR BSKYED DGOS TE YA MED PAR ZUNG MI 'BYUNG BA'I PHYIR RO, ,KUN RDZOB SGYU MI'I SKU DANG DOD DAM 'OD GSAL GYI TING NGE 'DZIN GNYIS SO SOR BSKYED PA LA GO RIM NI, KUN RDZOB SGYU MA'I SKU SNGA NA LA BSKYED NAS DE NAS DON DAM 'OD GSAL GYI TING NGE 'DZIN BSKYED DGOS LA, ZUNG 'JUG GI SNGON DU 'OD GSAL GYI TING NGE 'DZIN DO SKYED PA'I PHYIR 'OD GSAL GYI TING NGE 'DZIN SGOM PA LA DBANG GSUM BSKUR DGOS SHING, DBANG GSUM PAS KYANG 'OD GSAL MTSAN DGOS SO, ,DE YANG DBANG GSUM PA 'DI PHYAG RGYA GNYIS GANG RUNG LA BRTEN NAS SKYED PA YIN LA; DE YANG BYANG SEMS DBU MA'I LAM NAS NOR BUR BABS PA PHYIR MA 'PHOS PA'I DUS SU SKYES PA'I LHAN SKYES KYI DGA' BA DES 'OD GSAL MTSON NO, ,DE YANG THOG MAR DBANG DUS KYI DGA' BZHI DANG, DE LAS BUM DBANG GI LAM SKYED RIM GYI DUS KYI DGA' BZHI DANG, DE LAS GSANG DBANG GI LAM RLUNG DANG GTUM MO'I RNAL 'BYOR SOGS SGOM PA'I DUS KYI DGA' BZHI DANG, DE LAS DBANG GSUM PA'I LAM 'OD GSAL GYI SKABS SU SKYES PA'I DGA' BZHI DANG, DE LAS DBANG BZHI BA'I LAM SLOB PA'I ZUNG 'JUG GI DUS KYI DGA' BZHI 'AM STONG PA BZHI ZHES PA RNAMS RIM GYIS SKYE BA YIN NO, ,DE LTAR DON DAM 'OD GSAL GYI RDZOGS RIM SKYE BA LA DE'I SNGON DU KUN RDZOB SGYU MA LTA BU'I SGYU LUS KYI TING NGE 'DZIN SKYED DGOS LA, DE SKYE BA LA RTZA RLUNG DANG GTUM MO SOGS KYI RNAL 'BYOR GYIS RLUNG DANG BYANG SEMS LAS RUNG DU BYAS PA'I SGO NAS

, ,DGA' BZHI'I RTOG PA SKYED DGOS PAS GSANG DBANG GI LAM RNAMS SGOM DGOS SHING, DE SGOM PA LA GSANG DBANG GIS DE SGOM PA'I SNOD RUNG DU BYA DGOS, DE 'DRA'I RDZOGS RIM GYI RTOGS PA PHUL PHYIN SKYE BA LA NI SNGON DU BUM DBANG GI LAM RIM PA DANG POS RGYUD SMIN PAR BYAS PA ZHIG DGOS PAS BUM DBANG BSKUR NAS BSKYED RIM SGOM PA'I SNOD RUNG DU BYED, DE LTAR NA BUM DBANG GI SPRUL SKU DANG, GSANG DBANG GIS LONGS SKU DANG, SHER DBANG GIS CHOS SKU SGRUB PA'I SNOD RUNG DU BYED PA YIN LA, SPRUL SKU NI SANGS RGYAS KYI GZUGS SKU YIN PAS DE'I RJES MTHUN GYI RGYU SKYED RIM DANG DES MTSON NAS RDZOGS RIM GYI SKABS KYI LHA'I RNAL 'BYOR RNAMS KYIS SGRUB, LONGS SKU NI, SANGS RGYAS KYI SGYU MA'I SKU DANG GSUNG RNAM PA THAMS CAD PA LA BYED PAS DE DAG NI NGAG GI RTZA BA RLUNG LA DBANG THOB PAR BYED PA'I GSANG DBANG GI LAM GYIS SGRUB, CHOS SKU NI, 'DIR DE BZHIN NYID LA RTAG TU MNYAM PAR BZHAG PA'I RGYAL BA'I THUGS LA BYED LA, DE'I RJES SU MTHUN PA'I RGYU DE KHO NA NYID KYI DON SGOM PA'I LHAN SKYES KYI YE SHES SHER DBANG GI LAM GYIS SGRUB, DES NA DBANG DE GSUM LA SKU GSUNG THUGS RDO RJE GSUM SGRUB BYED DU YANG BSHAD, DE LTA BU'I SKU GSUNG THUGS GSUM DBYER MI PHYED PA NI DBANG BZHI PA YIN LA, DE YANG DBANG SNGA MA GNYIS KYI LAM GNYIS KYI LAM DUS KYI DBANG BZHI PA SGRUB CING SLOB PA'I ZUNG 'JUG GIS MI SLOB PA'I SKU GSUNG THUGS DBYE MI PHYED PA MTHAR THUG GI DBANG BZHI BZUNG 'JUG RDO RJE 'CHANG GI SKU SGRUB PAS DBANG BZHI PA'I LAM DU RIM GNYIS KYI LAM THAMS CAD 'DU ZHING DKYIL 'KHOR DU GZHUG PA DANG, STA GON LA SOGS PA'I SKABS SU SKYABS 'GRO DANG SEMS SKYED DANG, THEG CHEN GNYIS THUN MONGS DANG THUN MONG MA YIN PA'I SDOM PA BZUNG BA, BSLAB BYA DANG BCAS PA YANG GSUNGS PAS DBANG BSKUR BA'I SKOR LA SNGAGS KYI LAM GYI GNAD MTHA' DAG TSANG BAR YOD DO, ,LNGA PA MTHA' RTEN BYED TSUL DBANG GI DBYE BSDU DANG BCAS PA NI, RDO RJE'I BRTUL ZHUGS NAS DBUG DBYUNG GI BAR LNGA PO 'DI RNAMS RIGS PA'I DBANG TZAM SKUR NA, DE'I RJES SU DANG SLOB DPON GYI DBANG MAN CHAD TZAM SKUR NA, DE'I RJES SU SBYIN PAR BYA BAR SLOB DPON KHA CIG BZHED PA, LAB PAS SPYOD PA'I BRTUL ZHUGS MA GTOGS PA BZHI DE LTAR BYED PAR GSUNGS,

GAL TE SLOB DPON GYI DBANG MA BSKUR BA LA CHOS BSHAD PA LA SOGS PAS SEMS CAN GYI DON BYED PA'I RJES GNANG JI LTAR RIGS SNYAM NA, RNAM SNANG MNGON BYANG DU, CHU DBANG TZAM ZHIG SKUR BA'I MJUG TU YANG CHOS BSHAD PA'I RJES GNAD BYA BAR GSUNGS SHING, DE LTA BUS RNAL 'BYOR RGYUD DANG BLA MED KYI RGYUD BSHAD MI RUNG YANG, BYA SPYOD KYI RGYUD BSHAD DU RUNG BAS 'GAL BA MED, SNGAGS KYI DBANG NAS MNGA' 'PHANG BA'I BAR BZHI NI, RIG PA'I DBANG GI RJES LA'ANG BYA RUNG STE, MIG THUR DANG ME LONG NI, RNAM SNANG MNGON BYANG LAS; CHU DBANG BSKUR BA'I RJES SU BYA BAR GSUNGS SHING SNGAGS KYI DBANG YANG THUB CHEN DRIL BU BA LA SOGS PA MANG POS RIG PA'I DBANG LNGA'I RJES SU BYA BAR GSUNGS LA MDA' GZHU YANG DE LTAR BYAS PAS CHOG GO ,SLOB DPON SHAN TI BAS SPYIR BTANG LA'I RIG PA'I DBANG GI RJES LA BRTUL ZHUGS TZAM SBYIN GYIS LUNG BSTAN DANG DBUG DBYUNG GNYIS MI SBYIN PA DANG, GDUL BYA'I KHYAD PAR 'GA' ZHIG LA BYED RUNG BA YANG YOD PAS 'DI GNYIS SNOD KYI KHYAD PAR BRTAGS NAS SBYIN PAR GSUNGS, RIG MA'I BRTUL ZHUGS NI, DBANG GSUM PA'I RJES SU BYA BAR YANG GSUNGS LA, GZHUNG KHA CIG TU SNGAGS DBANG LA SOGS PA BZHI DANG SPYOD PA'I BRTUL ZHUGS DANG, RJES GNANG SPYI DANG DAM TSIG GSUM DANG LUNG BSTAN DANG DBUG DBYUNG RNAMS KYI DON JI LTAR RIGS PAR DBANG GZHAN RNAMS KYI NANG DU 'DUS PAR DGONGS NAS DE RNAMS MA GSUNG BA YANG YOD, GZHUNG KHA CIG TU SNGAGS DBANG LA SOGS PA BZHI DANG, SPYOD PA'I BRTUL ZHUGS DANG, RJES GNANG SPYI DANG DAM TSIG GSUM DANG LUNG BSTAN DANG DBUG DBYUNG RNAMS KYI DON JI LTAR RIG PAR DBANG GZHAN RNAMS KYI NANG DU 'DUS PAR DGONGS NAS DE RNAMS MA GSUNGS PA YANG YOD, GZHUNG KHA CIG TU RJES GNANG DANG DBUG DBYUNG GNYIS PHYIR MI LDOG PA'I DBANG DU BSDUS LA, 'PHRENG BAR NI, DE THAMS CAD THA DAD DU BSHAD, DBANG GI DBYE BSDU LA, GUR GYI BCO LNGA PA LAS, DANG PO CHU YI DBANG YIN TE, GNYIS PA LA NI COD BAN DBANG, GSUM PA RDO RJE'I DBANG GIS SO, ,BZHI PA RANG GI BDAG PO YIN, LNGA PA LA NI MING DBANG BSKUR, DRUG PA RDZOGS

, ,PA'I SANGS RGYAS NYID, BUM PA'I DBANG NI BDUN PA STE, BRGYAD PA GSANG BA'I DBANG YIN NO, ,DGU PA SHES RAB YE SHES TE, DE NYID RDO RJE SBYOR BA YIS, THAMS CAD RDO RJE'I BRTUL ZHUGS SBYIN, STON PA RANG NYID LUNG STON TE, 'DI NI DBANG CHOG RIM PA'O, ,ZHES CHU NAS BRTUL ZHUGS KYI BAR BSHAD NAS 'PHRENG BA'I DBANG MA GSUNGS PA NI, CHU DBANG LA SOGS PA'I RGYU YIN PA DANG, SNGAGS GTANG PA SOGS NI JI LTAR RIGS PAR RES 'GA' SLOB DPON GYI DBANG GI 'KHOR DANG, RES 'GA' DBANG BZHI BA'I 'KHOR DANG, 'GA' ZHIG GI TSE DBANG GZHAN GYI 'KHOR DU RGYUD GZHAN LAS GSUNGS PA LAS RTOGS PAR BYA BA LA DGONGS, LHA'I RIGS KYI BLO GROS KYIS DBANG DRUG PA 'PHRENG BA'I DBANG DU 'CHANG, 'PHRENG BA DANG SNGAGS LA SOGS PA'I DBANG RNAMS DBANG BZHI GANG RUNG DU 'DUBS NA 'DU BA PA'I PHYI MA LAS, DBANG BSKUR RNAM GSUM THA DAD PA, RGYUD 'DI RUNG NI RAB TU BRTAGS, BUM PA'I DBANG NI DANG PO STE, GNYIS PA GSANG BA'I DBANG YIN NO, ,GSUM PA SHES RAB YE SHES DES, BZHI PA DE YANG DE BZHIN NO, ,ZHES GSUNGS SHING, KHA SBYOR LAS KYANG, DBANG DE YANG NI RNAM PA BZHI, DANG POR BUM PA'I DBANG YIN TE, GNYIS PA LA NI GSANG BA'I DBANG, GSUM PA SHES RAB YE SHES TE, BZHI PA DE NI DE BZHIN YANG, ZHES GSUNGS SHING, BRTAGS GNYIS LAS; DANG PO SLOB DPON GYI DBANG DU BYAS PA'I DBANG BZHI GSUNGS, DE LA CHU DANG COD PAN DANG, RDO RJE DANG, BDAG PO'AM DRIL BU DANG, MING DANG, SLOB DPON GYI DBYE BAS RNAM PA DRUG NI, BUM PA'I DBANG STE DE THAMS CAD LA DE BZHIN GSHEGS PA DANG SPYAN MA LA SOGS PA'I RIG MA RNAMS KYI BUM PA'I DBANG BSKUR BAS SO, ,GAL TE DE RNAMS BUM DBANG YIN NA, BUM PA'I DBANG NI 'DUN PA STE ZHES BUM DBANG BDUN PAR GSUNGS PA JI LTAR 'THAD SNYAM NA, SLOB DPON GYI DBANG NI CHU DBANG SOGS GZHAN LAS MCHOG TU GRUB PA'I PHYIR DBANG BDUN PAR GSUNGS KYI CHU DBANG SOGS BUM DBANG MIN PAR STON PA MIN, DE NYID RDO RJE'I SBYOR BA YIS ZHES PA DBANG BZHI PA LA DRANGS DU RUNG TZAM SNANG YANG YIS ZHES BYED TSIG SMOS PA TSIG 'OG MA DANG 'BREL DGOS PAS RDO RJE'I BRTUL ZHUGS KYI

KHYAD PAR DU SBYAR, SLOB DPON GYI DBANG DANG POR BYAS NAS, DBANG BZHIR BYAS PA'I CHO CHU DBANG LA SOGS PA SLOB DPON GYI DBANG DU BSDUS PA NI SLOB DPON GYI DBANG 'BYUNG BA'I RGYU YIN PA LA DGONGS, DES NA BUM DBANG LA SOGS PA DBANG BZHIR BSDUS PA DANG, CHU DBANG SOGS BUM DBANG DANG SLOB DPON GYI DBANG LAS LOGS SU BSHAD PA THAMS CAD MI 'GAL, PHYAG CHEN THIG LE LAS, DBANG BSKUR BZHI YI RIM PA LA, 'BRAS BU YIS NI GSUM DU BSTAN, DANG PO SLOB DPON DBANG DANG GCIG ,GNYIS PA GSANG BA'I DBANG NI MCHOG GSUM PA SHES RAB YE SHES DBANG, DE LTAR DE BZHIN BZHI PA'O, ,SLOB DPON DBANG NI BCU GCIG GIS, GSANG BA'I DBANG NI BCU GNYIS PA, SHES RAB YE SHES BCU GSUM PA, DE LTAR DE NI BCU BZHI'O, ,DBANG RED LA NI SA RE STE, DE RNAMS SA YI DBANG PHYUG BDAG ,ZHES BUM DBANG LA BCU GCIG TU MDZAD CING DBANG RE RES RE RER BSHAD PA LTAR, RGYUD RDOR 'PHRENG LAS KYANG GSUNGS LA, KHYAD PAR DU DER RNAM PA GSUM NI RGYU YI DBANG, BZHI PA 'BRAS BUR SHES PAR BYA, ZHES GSUNGS, BUM DBANG BCU GCIG NI, SLOB DPON DRIL BU BAS, SLOB DPON LA SOGS DBYE BA YIS, ,DBANG BSKUR RNAM PA BZHIR BSHAD DE, ,CHU YI DBANG SOGS DBYE BA YI, ,BZHI PO DE NI BCU BZHI'O, ,ZHES CHU DBANG THOG MAR SMOS PAS 'PHRENG BA'I DBANG MI 'DREN PAR CHU DBANG NAS BZUNG STE, BCU GCIG TU MDZAD DO, ,DE'I BCU GCIG NI, RIG PA'I DBANG LNGA DANG, SNGAGS KYI ? DBANG DANG, PHYIR MI LDOG PA'I DBANG DNGOS GZHI STE BDUN, DE NAS BZHI LA LUNG BSTAN DANG DBUG DBYUNG GNYIS GCIG TU MDZAD CING, RDO RJE'I BRTUL ZHUGS DANG SPYOD PA'I BRTUL ZHUGS DANG DANG RJES GNANG GSUM SO SOR BSHAD PA LTAR BYA YI, SDOM 'BYUNG LAS, BRTUL ZHUGS DANG, LUNG BSTAN DANG, DBYUG DBYUNG DANG, RJES GNANG BZHI SO SOR PHYE NAS BUM DBANG DU GSUNGS PA LTAR MI BYA STE, DE LTAR NA RIG PA'I DBANG LNGA DANG, BRTUL ZHUGS SOGS BZHI DANG, SLOB DPON GYI DBANG LA BUM DBANG DU GSUNGS PA MA GTOGS SNGAGS DBANG MA BSHAD PAS BCU LAS MED PA'I PHYIR RO, ,DE LTA MA YIN NA, DRIL BU ZHABS KYI DBANG CHOG TU, BUM DBANG BCU GCIG SO SOR MA BSTAN PAR 'GYUR TE, LUNG BSTAN LAS GZHAN PA'I DBUG DBYUNG DER MA BSHAD PA'I PHYIR RO, ,

, ,GNYIS PA DKYIL 'KHOR GZHAN LA BRTEN NAS DBANG BSKUR BA LA DOGS PA BCAD PA NI, DKYIL 'KHOR GZHAN DU DBANG BSKUR TSUL JI LTAR BYA SNYAM NA, RDUL TSON GYI DKYIL 'KHOR DU DBANG BSKUR BA'I CHOS BRTAGS BLANG SBYANGS GSUM DANG, THIG TSON GYIS 'BRI BA LA SOGS PA'I SKOR RNAMS RGYUD DANG RGYA GZHUNG SHIN DU MANG PO DANG KHYAD PAR DU RDO RJE 'PHRENG BA LAS SHIN DU RGYAS PAR BSHAD PA LTAR BYA DGOS LA, DBANG DNGOS GZHI SKUR TSUL NGAG DBANG GRAGS PA DANG, AA BHA YA DANG, SGRA GCAN 'DZIN DPAL BSHES GNYEN DANG, RTAG PA'I RDO RJE LA SOGS PA SANGS BRIS DANG, RDUL TSON GYI DKYIL 'KHOR GNYIS SU DBANG BSKUR TSUL THUN MONG BAR GSUNGS PAS, RDUL TSON GYI DKYIL 'KHOR DU DBANG BSKUR BA LA YANG SNGAR BSHAD PA BZHIN BYA, DBANG DANG, RAB GNAS DANG SBYIN SREG RNAMS BSAM GTAN GYIS BYA RUNG BAR SLOB DPON AA BHA YAS BZHED DE, 'PHRENG BA LAS, BRI BA'I CHO GA 'DI YANG YID KYIS BSGRUBS PA'I CHOG NYID KYI 'BRAS BU DANG LDAN NO, ,ZHES BYA BAS YID KYI DKYIL 'KHOR GYI CHO GA KHO NA MCHOG YIN NO, ,DE NYID KYI PHYIR DKYIL 'KHOR GYI BDAG PO'I GZUGS KYI MAS BZUNG BA LA SOGS PA DANG SKU GZUGS LA SOGS PA'I RAB GNAS DANG SLOB MA DBANG BSKUR BA DANG GSHEGS SU GSOL BA DANG, ZHI BA'I SBYIN SREG GI MTHAR THUG PA THAMS CAD YID KYIS BYA'O, ,ZHES GSUNGS SO, ,'O NA BSAM GTAN GYI DKYIL 'KHOR LA BRTEN NAS DBANG BSKUR BA LA SOGS PA'I DBANG JI LTA BU'I TSE BYA SNYAM NA, DE NYID LAS, DE NYID KYI PHYIR GANG GI TSE 'DI THAMS CAD NI YO BYAD 'GA' ZHIG DANG BRAL BAS BYA BAR MI NUS PA'AM, MI RIGS PA 'AM MI RNYED PA DE'I TSE BSGOM LA BYA'O, ,PHYI ROL GYI DNGOS PO YOD PA LA YANG BSAM GTAN KHO NA GTZO BO YIN NO, ,ZHES KUN SPANGS KYI SLOB MA LTA BU YO BYAD 'GA' ZHIG DANG BRAL BAS RDUL TSON GYIS BRI BA SOGS BYA BAR MI NUS PA 'AM YO BYAD YOD KYANG GNAS DER RDUL TSON GYIS BRI BA LA DGAG BYA CHEN PO YOD PAS BRI BAR MI RUNG BAS MI RIGS PA'AM, DA LTAR YO BYAD DANG MI LDAN PAR MA ZAD DE GZOD BTZAL YANG MI RNYED PA'AM, YO BYAD MA 'BYOR BA'I GNAS DE LAS GZHAN DU DBANG BSKUR MKHAN MI RNYED PA DE'I TSE BSAM GTAN GYI DKYIL 'KHOR LA BRTEN NAS DBANG BSKUR BA SOGS BYA BAR GSUNGS, GAL TE BSAM GTAN GYI DKYIL 'KHOR DU DBANG

BSKUR BA SOGS RUNG NA BRIS PA'I DKYIL 'KHOR GYIS CI BYA SNYAM NA YO BYAD YOD NAS BRI BAR DUNG NA NGES PAR BRI DGOS TE, DE'I PHYOGS SU ZANG ZING BTANG BA LA BRTEN NAS TSOGS MTHA' YAS PA 'PHEL BA'I PHYIR TE, DE NYID LAS, 'ON KYANG 'JIG RTEN PA'I LTA BA SBYIN PA LA MNGON PAR DAD PA LA SOGS PAS BSOD NAMS 'PHEL BA'I CHED 'BA' ZHIG TU PHYI'I CHO GA 'DOD DO, ,ZHES GSUNGS SO, ,DBANG 'GYUR LAS 'JIG RTEN PA'I LTA BA DANG ZHES 'BYUNG NGO, ,BSAM GTAN GYI DKYIL 'KHOR LA BRTEN DU RUNG BA'I SHES BYED GZHAN YANG DE NYID LAS, TSOGS PA DANG BRAL BAS BSGOMS PA KHO NAS CHOG THAMS CAD BSGRUB PAR BYA'O, ,ZHES SNGON GYI SLOB DPON RNAMS KYIS GSUNG SO, ,DE'I PHYIR LAS DANG PO BAS KYANG SEMS BRTAN PAS YID KYIS SPRUL PA'I DKYIL 'KHOR DU SNGA MA BZHIN DU RAB GNAS DANG SKAL BA DANG LDAN PA DBANG BSKUR BAR BYA'O, DE LTAR DPAL SANGS RGYAS THOD PA'I RGYUD LAS, SHES RAB PADMA'I NANG DBUS SU, DPAG TSAD BYE BA'I DKYIL 'KHOR NI, RIM GSUM DKYIL 'KHOR DE DBUS SU, MKHAS PAS SLOB MA DBANG BSKUR BYA, ZHES GSUNGS SO, ,GZHAN DU YANG, YID KYIS 'GA' ZHIG NYID DU NI, RGYAL BAS DKYIL 'KHOR BYA BAR BZHED, CES DRANGS NAS BSGRUB TE, DKYIL 'KHOR DPAG TSAD BYE BA SOGS NI BSAM GTAN MIN PAS MI 'GRUB PA'I DON NO, ,LAS DANG PO BAS BSAM GTAN GYI DKYIL 'KHOR DU BDAG 'JUG DANG DBANG SOGS BYED PA LA SEMS BRTAN PA ZHES GSUNGS PAS LHA'I RNAL 'BYOR KHYAD PAR CAN DANG LDAN PA DGOS, KLU BYANG GIS KYANG SLOB MA DBANG BSKUR BA'I DKYIL 'KHOR LA RGYU'I SGO NAS BYE BA'I RDUL TSON GYI DKYIL 'KHOR BDUN DANG, BSAM GTAN GYI DKYIL 'KHOR DANG BRGYAD GSUNGS PAS, BSAM GTAN GYI DKYIL 'KHOR DU DBANG BSKUR BA SOGS RUNG BA'I SHES BYED SHIN DU MANG, LUS DKYIL DU DBANG BSKUR BA'I CHOG GRUB CHEN DRIL BU BAS MDZAD PA LAS, MNA' CHU LDUD PA DANG, YE SHES DBAB PA DANG DKYIL 'KHOR BSTAN PA GSUM LAS GZHAN DKYIL 'KHOR DU GZHUG PA'I SKOR MA BSHAD KYANG GZHAN RNAMS KYANG BYA DGOS STE, DRIL BU BA'I DBANG CHOG PHAL CHE BA RNAMS BSHAD RGYUD RDO RJE 'PHRENG BA BZHIN YIN LA, DER LUS DKYIL DANG RDUL TSON GYI DKYIL 'KHOR DU DBANG BSKUR BA THUN MONG DU GSUNGS PA'I SKABS SU YANG GZHUG PA'I SKABS SU SNGA MA DE TZAM ZHIG LAS MA BSHAD PAS LUS DKYIL LA GZHUG PA'I SKABS SU GZHAN RNAMS MDOR NA RDUL TSON LA YANG MTSUNGS SO, ,

, ,RGYUD NGER SPYOD BA'I BRTUL ZHUGS KYI 'OG TU, DE NAS GLEGS BAM DUD LA SOGS, MDA' GZHUR LA GRI 'KHOR LO DANG, SNGON BZHIN SNGAGS KYIS DAG PAR BYAS, ,SLOB MA'I LAG TU RIM BZHIN SBYIN, ,ZHES KYANG GSUNGS PAS GLEGS BAM DANG DUNG LA SOGS PA YANG BYIN PAS CHOG LA, LUNG BSTAN DBUG DBYUNG GCIG TU BYAS PA YANG RGYUD DE NAS GSUNGS, MDOR NA DRIL BU ZHABS KYI LUS DKYIL KYI DBANG RNAMS BSHAD RGYUD RDO RJE 'PHRENG BA LAS GSAL PAS DE DANG BSTUN NAS BYED DGOS, GNYIS PA DAM TSIG NYAMS NA GSO BA'I TSUL NI, DE LTAR RNAM PAR DAG PA'I DBANG DANG DAM TSIG DANG SDOM PA RNAM PAR DAG PA LAN GCIG THOB KYANG MI SHES PA DANG, NYON MONGS MANG BA DANG, BAG MED PA DANG, MA NUS PA STE LTUNG BA 'BYUNG BA'I RGYU BZHIS LTUNG BA BYUNG NA RTZA LTUNG LAS GZHAN PA RNAMS NI SNGAS KYI SDOM LDAN ZHIG GI DRUNG DU PHYIR BCOS LA SOGS PAS BSHAGS NAS LTUNG BA LAS LDANG BAR BYA, RTZA LTUNG BYUNG NA DBANG GIS GSO DGOS PAS BLA MA DAM PA LAS DBANG BLANG BAR BYA LA, DBANG LEN SAM BYUNG NA SLOB DPON 'JUG PA'I CHO GA LTAR BDAG 'JUG BYAS NAS DBANG DANG DAM TSIG DANG SDOM PA RNAMS BLANGS LA GSO BAR BYA STE, 'PHRENG BA LAS, RANG NYID KYANG DAM TSIG NYAMS NA 'DI LTA BU'I DBANG NYID JI LTAR SLOB DPON 'JUG PA'I CHO GAR BLAD PAR BSHAD PA DE LTAR BLANG BAR BYA'O, ,'ON KYANG GAL TE BLA MA DAM PA SHIN DU RING BA NA'AM LAM BGROD DKA' BA LA SOGS PA'I NYE BAR 'TSE BAS BGROD PAR MI NUS PA'I PHYAGS NA BZHUGS NA STE GZHAN DU NA MA YIN NO, ,ZHES GSUNGS SO, GZHAN LA DBANG BSKUR MKHAN GYIS KYANG SNGON DU BDAG 'JUG BYAS NAS, RANG GI DAM TSIG GSO DGOS STE, GO SA LA'I RGYAN LAS, SLOB MA GZHUG PA'I DUS LA BAB PA DANG SLOB DPON 'JUG PA'I CHOG DANG POR BYA DGOS TE GANG GI PHYIR GANG LA LA DAG BRJED DES PAS DAM TSIG DANG 'DAS PA 'GA' ZHIG BYUNG BDAG SRID PAS NA DE'I PHYIR SLOB DPON NYED DANG POR 'JUG PAR BYA'O, ,ZHES GSUNGS SO, ,DE YANG STA GON GYI SKABS SU SDOM BZUNG GI CHO GA-YOD LA, DNGOS GZHI'I SKABS SU SDOM BZUNG MED PA'I DBYANG CHOG RNAMS LA YANG BLA MAS KYANG BDAG 'JUG GI TSE SDOM PA BZUNG BA'I CHO GA LEGS PAR SBYOR DGOS LA SLOB MA LA YANG SKABS DER 'BOG DGOS SO, ,DE YANG BLA MA LA BRNYAS PA SOGS KYI RTZA LTUNG BYUNG BA DAG GIS GSO BA LA SNGON DU BLA MA DANG GROGS DAM TSI BCAN RNAMS LA DPA' BO'I STON MO DANG BLA MA LA DBUL BA SOGS BYAS NAS BSHAGS PA MANG DU BYAS TE,

DE NAS GSO DGOS TE, 'PHRENG BA LAS, BLA MA BRNYAS PA LA SOGS PA'I NYES PA LA NUS PA JI LTA BAR STON MO SNGON DU 'GRO BA'I 'BUL BA BYAS NAS BLA MA'I MDUN DU BSHAGS PA SNGON DU 'GRO BAS SDOM PA SNGA MA BZHIN DU BZUNG BAR BYA'O, ,ZHES GSUNGS, SNGAGS KYI DAM TSIG DANG SDOM PA RNAM PAR DAG PAR BYA BA'I PHYIR DU RGYUN PAR BDAG 'JUG BYED TSUL YANG, 'PHRENG BA LAS, RTAG TU YI DAM BYED PAS NI SHES RAB DANG THABS RO GCIG PA'I 'DOD PA'I LHA'I SBYOR BAS YID KYI RANG BZHIN GYI DKYIL 'KHOR BSGOMS PAR DKYIL 'KHOR DBANG PHYUG LAS CHU'I DBANG LA SOGS PA GSANG BA DANG SHES RAB YE SHES DANG BZHI PA'I MTHAR THUG PA DANG DBUG DBYUNG BA'I MTHAR THUG PA'I BAR YANG BLANG BAR BYA'O, ,ZHES GSUNGS SO, ,GSUM PA DKYIL 'KHOR GYI MJUG GI CHO GA NI, CHO GA'I LHAG CHAD GYI NYES BZHI BAR BYA BA'I PHYIR, ZHI BA'I SBYIN SREG DANG, LHA RNAMS TSIM PAR BYA BA'I PHYIR RGYAS PA'I SBYIN SREG RDZAS LA BRTEN PA MA GRUB KYANG BSAM GTAN LA BRTEN PA BYA, SLOB DPON RANG GIS DKYIL 'KHOR MCHOD CING SLOB MA LA SOGS PA RNAMS LA NUS PA DANG BSTAN PA'I MCHOD PA BYED DU GZHUG PA DER ZHUGS PA RNAMS LA YANG BZA' BCA' LA SOGS PA BZA' BTUNG GI RIGS DKYIL 'KHOR LA PHUL BA RNAMS KYIS TSIM PAR BYAS TE, KHYED RNAMS GYIS 'JUG PA 'DI SU LA YANG SMRA BAR MI BYA'O ZHES BSGO ,DE NAS 'PHRENG BA LAS, SLOB MA LA NI YON BSLANG BYA, ,DES KYANG GUS PAS DBUL BYA STE, ,RIN CHEN YID 'ONG CHUNG MA DANG, ,RANG GI LUS DANG SA GZHI DANG, ,MDOR NA BYA BA DE 'DRA BA, ,JI LTAR BLA MA MNYES 'GYUR BYA, ,BLA MA MNYES NA DNGOS GRUB 'GYUR, ,GZHAN DU MIN ZHES THUG PA GSUNG, ,SLOB DPON BLA MED BYED PA PO, ,RDO RJE SEMS DPA' MCHOD PA LAS, ,DE YI BSOD NAMS MA BYAS CI, ,DKA' THUB MA BYAS PA YANG CI, ,ZHES GSUNG ZHING, 'DIR BLA MA NI SBYIN PA'I ZHING BLA NA MED PA YIN PAS BLA MA MNYES PA RTEN 'BREL GYI GNAD SHIN DU CHE BAR DGONGS NAS, SNYING PO MDOR BSAGS PAS, SANGS RGYAS ZHING SOGS ZHING RNAMS LA, ,KHYAD PAR DU NI SBYIN PA SPYAD, ,DMANGS RIGS STONG PHRAG GNYIS DAG KYANG, ,BRAM ZE GTZANG MA GCIG DANG 'DRA, ,BRAM ZE STONG PHRAG GNYIS DGA' NI, ,DGE SLONG GCIG LA RAB TU SBYAR, ,DGE SLONG STONG PHRAG GNYIS DAG NI, ,RTUL MED PA NI GCIG DANG MNYAM, ,RTUL MED STONG PHRAG GNYIS DAG NI, ,YE SHES LDAN PA GCIG DANG SBYANG, ,YE SHES LDAN PA STONG

, ,PHRAG GNYIS, ,SLOB DPON GCIG DANG MNYAM PAR BRTAG ,DE LTAR SBYIN PA'I ZHING BYAS NAS, ,BLO DANG LDAN PAS RTAG TU SBYIN, ,RNAL 'BYOR RTZA BA'I CHOS LAS NI, ,ZHING BZANG PO LA SA BON GANG BA, ,CES GSUNGS SHING, GRUB CHEN LVA BA BA DANG NAG PO SPYOD PAS KYANG DE LTAR BSHAD DO, ,DE NAS SLOB DPON PHYI ROL TU SONG NAS SAM DKYIL 'KHOR YOL BAS BCAD PA'I PHYI ROL TU PHYOGS KYI GTOR MA DANG MCHOD PA LA SOGS PA BYAS LA NANG DU ZHUGS NAS DKYIL 'KHOR LA PHYAG 'TSAL TE GTZO BO LA MCHOD YON LA SOGS PA PHUL NAS DGE BA BSNGO, ,DE NAS DKYIL 'KHOR LAN GSUM BSKOR BA'AM BSKOR BAR MOS LA GTZO BO LA PHYOGS PA'I SHAR SGOR 'DUG STE CHAD LHAG GI NYES BA ZHI BAR BYA BA LA DMIGS NAS YIG BRGYA LAN GSUM BRJOD, ME TOG DANG BCAS PA'I THAL MO SNYING KHAR SBYAR LA CHAD LHAG GI NYES PA ZHI BAR BYA BA'I PHYIR BZOD PAR GSOL BA, GANG YANG BDAG BLO RMONGS PA YAS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, , MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS BA, ,DE KUN GTZO BOS BZOD MDZAD RIGS, ,ZHES BRJOD CING BSTAN BA RGYAS PA LA SOGS PA MNGON PAR 'DOD PA'I DON 'GRUB PAR GSOL BA GDAG 'DIR NI RTEN DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,AOm SU PRA TI shTHA BADZRA YE SV'AH'A, ZHES BRJOD CING BRTAN BZHUGS BYA, DE NAS PHUNG BU DNGOS SU BTAB PA YOD NA, AOm RU RU SPU RU DZVA LA TI shthA SID DHA LO TZA NI SARBA AARTHA S'A DHA NI SV'AH'A, ZHES BYA BA 'O MA LA BRGYA RTZA BRGYAD BZLAS PAS PHUR BU RNAMS BKRU, DNGOS SU PHUR BU MA BTAB PAR BSGOM PAS BTAB NA SNGAGS DE BRJOD CING MOS BDE BZHIN BYA, PHUR BU'I LHA RNAMS RANG BZHIN GYI GNAS SU GSHEGS, PHUR BUS LA BTAB NA PHUR KHUNG DGANG, DE NAS SLOB DPON GYIS NI NOR, MKHO BA'I YO BYAD KUN BSDUS NAS, RANG NYID KYIS NI SPYAD PAR

BYA; ;SLOB MA SOGS KYIS CUNG ZAD MIN, ,RMANG 'DZUG PA DANG RAB GNAS DANG, ,SBYIN SREG 'KHOR LO'I NOR GANG YIN, ,DE KUN SLOB DPON KHO NA'I ZHES, ,RDO RJE 'DZIN PA MCHOG NYID GSUNG, ,ZHES GSUNGS SHING, RMANG 'DZUG PA DANG ZHES BA LA BZHI BRGYA LNGA BCU BA SOGS LAS BUNG BUNG GANG ZHES PA BSGYUR BAS DBANG GI SKABS PHUNG BU SA LA BTAB NA PHUR KHUNG DGANG BA DBANG CHOG GI PHYOGS GCIG GI MING DU MNGON PAS DBANG BSKUR GYI YO BYAD YIN LA, SPYI RGYUD LAS KYANG, DKYIL 'KHOR GYI YO BYAD THAMS CAD SLOB DPON NYID DBANG ZHING SLOB MA LA BGO BSHA' BYAS NA DAM TSIG NYAMS PA DANG, SLOB DPON MI 'DOD NA GDUG DANG RNGA YAB DANG DRIL BU SOGS SANGS RGYAS DANG, GDAN DANG BDUGS SPOS DANG DRIL SOGS PA CHOS DANG, GOS DANG SNOD SPYAD SOGS DGE 'DUN LA 'BUL, DGE 'DUN MED NA DGE SLONG MA, DGE SLONG MA 'AM, DGE SNYEN LA SBYIN PAR BSHAD CING, BZA' BA DANG NI BCA' BA RNAMS, CI DGAR PHONGS BA RNAMS LA SBYIN, ,KHYI DANG BYA RIG LA SOGS LA, ,CING ZAD TZAM YANG MI SBYIN NO, ,ZHES GSUNGS, SLOB DPON DANG SGO'I SLOB DPON YOD NA DE RNAMS DANG LAM KYI RDO RJE SOGS JI LTAR 'OS BAR NUS PA DANG BSTUN PA'I GOS DANG SO RTZE LA SOGS PAS MNYEM PAR BYA, DGE 'DUN LA STON MO DANG TSOGS 'KHOR BYA ZHING DMAN PA DANG MGON MED PA RNAMS KYANG TSIM PAR BYA'O, ,GNYIS PA DKYIL 'KHOR GZHAN GYI DBANG BSKUR TSUL LA, RDO RJE PHRENG BA'I DKYIL 'KHOR ZHE LNGA'I DBANG RE RE SO SOR SKUR TSUL DANG THAMS CAD DKYUS GCIG LA SKUR TSUL GNYIS, DANG PO LA, BLA MED KYI DBANG BSKUR TSUL, YO GA'I DBANG BSKUR TSUL, BYA SPYOD KYI DBANG SKUR TSUL GSUM DANG PO NI, GSANG 'DUS MI BSKYOD PA SOGS BLA MED KYI DKYIL 'KHOR RNAMS KYI DBANG RE RE TZAM SKUR NA, DKYIL 'KHOR GYI GTZO BO YAB BRGYAD YUM RGYAD RNAMS LA CUNG ZAD MI 'DRA BA'I KHYAD PAR NI, SLOB MA STA GON GYI NANG DBANG SKABS DKYIL 'KHOR GYI GTZO BO YUM MED PA BDUD RTZI PHYI MA GNYIS LA YUM M'A MA KI DANG, SANGS RGYAS THOD PA LHA DGU'I GTZO BO LA YUM SNA TSOGS BDEMS 'KHYUD PAR BSGOM NAS YUM DE RNAMS KYI MNGAL DU NANG DBANG BSKUR, YUM RKYANG LA GTZO BO'I NU 'BUR SOGS MO RTAGS RNAMS MI MNGON PAR PO'I RTAGS CAN DU BSGYUR TE DE LA YUM RANG DANG 'DRA BA RE 'KHYUD PAR BSGOM NAS DE'I MNGAL DU NANG DBANG BSKUR DE LTAR YAB

, ,RGYAD YUM RGYAD RNAMS DMIGS PAS YAB YUM ZHAL SBYOR DU BYED PA NI MDUN SKYED KYI TSE YE SHES PA SPYAN DRANGS NAS ZHAL DU BCUG TE YUM GYI PADMA NAS SPRO BA GSANG BA'I MCHOD PA, DBANG GI SKABS SU BUM DBANG GI NANG DBANG, GSANG DBANG SHER DBANG RNAMS KYI SKABS SU 'AD SHES PAR BYA, GZHAN BZUNG GI CHOG ,SA LHA STA GO NA, SLOB MA STA GON, BDAG NYID 'JUG PA, DBANG BSKUR BA, 'JUG CHOG RNAMS SNGAR BSHAD PA DE'I RIG PA BSGRE, GNYIS PA YO GA'I DBANG BSKUR TSUL LA SLOB MA STA GON GYI SKABS SU NANG DBANG GI DOD DU SLOB MA SKABS GANG YIN GYI GTZO BO ZHAL GCIG PHYAG GNYIS PAR BSGOM, BDUN SKYED KYI SKABS SU YE SHES PA SBYAN DRANGS TE NAM MKHA'I NAS DAM TSIG PA LA BSTIM, MCHOD 'BUL GYI TSE, RGYAL BA RGYA MTSO'I MCHOD RDZAS LAS GRUB P'I, ,ZHING KHAMS RGYA MTSO'I MCHOD YON RGYA MTSO'I TSOGS, ,YON TAN RGYA MTSO'I RGYAL BA 'KHOR BCS LA, ,DANG PA RGYA MTSOS 'BUL LO BZHES SU GSOL, ,AOm SARBA TA TH'A GA TA AARGHmA PRA T'I TZATSA H'Um SV'AH'A, DE BZHIN DU MCHOD YON GYI GNAS SU, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, SGRA SNYAN, RNAMS DANG, AA RGHmA GYI GNAS SU, P'A T+YAm, PU shPE, DHU PE, AA LO GE , GANDHE; NE WE TE, SHAPTA, RNAMS BCUG LA CHU GNYIS NYER SPYOD ROL MO DANG BCAS PAS MCHOD, DE NAS, AOm SARBA BID P'URA P'URA S'URAS'URA AA BRTA YA AA BRTA YA HO BADZRA SVA RA NA KmA ZHES NAM MKHA' MDZOD KYI SNGAGS DANG (PHYAG RGYAS MCHOD PA BSAM GYIS MI KHYAB PA BYUNG BAR BSAM LA,) RIN CHEN DBU RGYAN SNYAN CHA MGUL RGYAN DANG, ,DO SHAL RNAMS DANG RIN CHEN DPUNG RGYAN DANG, ,PHYAG GDUB RNAMS DANG RIN CHEN SOR GDUB DANG, ,ZHABS GDUB RGYAN MCHOG MCHOD PA 'DI PHUL PAS, ,'GRO KUN MTSAN DANG DPE BYAD YONGS RDZOGS SHOG ,BDER GSHEGS RNAMS LA GDUGS DANG RGYAL MTSAN DANG, ,'PHAN DANG BA DAN DAR GYI LDA LDI DANG, ,RNGA YAB DANG NI BLA RE MCHOG PHUL PAS;

'GRO KUN YO BYAD PHUN SUM TSOGS PAR SHOG ,GZHAL YAS KHANG DANG KHANG BU BRTZEGS PA DANG, ,PHO PRANG MCHOG DANG SENG GE'I GDAN KHRI DANG, ,NYI ZLA'I GDAN DANG GZIM CHA MCHOG PHUL PAS, ,'GRO KUN GNAS KHANG MCHOG LA SPYOD PAR SHOG ,JI LTAR MI DBANG 'KHOR LO SGYUR BA NI, ,RIN CHEN SNA BDUN TSOGS DANG LDAN PA LTAR, ,RGYAL BA RNAMS DANG BYANG CHUB SEMS DPA' LA, ,RIN CHEN SNA BDUN TSOGS RNAMS 'BUL BAR BGYI, ,GZUGS MCHOG RNAMS DANG ROL MO'I SGRA DBYANGS DANG, ,DRI MCHOG RNAMS DANG ZHAL ZAS KHYAD PAR CAN, ,REG BYA MCHOG GI MCHOD PA 'DI PHUL BAS, , 'GRO KUN PHAN BDE'I DPAL LA SPYOD PAR SHOG ,AOm SARBA TA TH'A GA TA P'U DZA ME GHA SPHA RA NA KHmA ZHES MCHOD, BSTONG PA NI, MNYAM MED MI GA-YO MNYAM MED MCHOG GI CHOS NYID CAN, ,THUGS RJE'I BDAG NYID 'GRO BA'I SDUG BSNGAL SEL BAR MDZAD, ,YON TAN MTHA' YAS DNGOS GRUB THAMS CAD SBYIN MDZAD PA, ,DRI MED MI GA-YO MNYAM MED DAM PA'I MCHOG CHOS CAN, , YON TAN SHIN TU PHRA BA'I CHA LA'ANG TSAD MED DE, ,DPE NI NAM MKHA' DANG NI BSKRUN DU YOD MA YIN, ,DNGOS GRUB MTHA' YAS MNYAM MED DPE DANG BRAL BA RNAMS, ,SEMS CAN KHAMS LA DNGOS GRUB MCHOG RNAMS NGES PAR STZOL, ,RTAG TU DRI MA MED PA'I THUGS RJE'I SHUGS LAS BYUNG, ,SMON LAM GRUB PA 'GAG PA MED PA'I CHOS NYID CAN, ,'GRO BA'I DON SGRUB RAB TU BRTZON PA MTHA' YAS PA, ,THUGS RJE CHEN PO'I BDAG NYID RTAG TU RNAM PAR SNANG, ,TSAD MED TSAD DANG BRAL BA SHIN TU RDZOGS PA YI, ,BDE BAR GSHEGS PA'I GO 'PHANG DAM PA BRNYES

, ,GYUR KYANG, ,KHAMS GSUM RNAMS LA DNGOS GRUB MCHOG STZOL MDZAD PA YI, ,THUGS RJE'I SPYOD PA MI GA-YO 'GAG PA YONG MI 'GYUR, ,AE MA'O SHIN TU BZANG PO'I CHOS NYID MCHOG DANG LDAN, ,MCHOG SBYIN RNAMS KYI NANG NAS GO 'PHANG MCHOG BRNYES PA, ,KHAMS GSUM KUN LA RTAG TU DNGOS GRUB MCHOG STZOL MDZAD, ,MGON PO DUS GSUM SGRIB PA MED PA RAB MKHYEN PA, ,DAM TSIG MCHOG GSUM DNGOS GRUB DAM PA BDAG LA STZOL, ,'DI DE SANGS RGYAS THAMS CAD KYI, ,YANG DAG YON TAN RGYAS PA STE, ,LAN CIG TZAM ZHIG BRJOD PAS KYANG, ,GSANG SNGAGS THAMS CAD 'GRUB PAR 'GYUR, (,ZHES PA'I BSTOD, BZLAS PA'I MJUG TU PHYI ROL TU CHAG GSUM GTONG MA GTONG, DBANG GI SKABS SU NANG DBANG MI DGOS, THOB MA DANG DBANG RDZAS GNYIS KA MI BSKYOD PA SOGS YUM MED PAR SKYED, RDO RJE SLOB DPON GYI DBANG GI SKABS SU DAM TSIG GSUM BYIN PA'I MJUG TU,) SLOB MA RDO RJE 'CHANG ZHAL GCIG PHYAG GNYIS RDO RJE DANG DRIL BU 'DZIN PAR GSAL BAR DMIGS PA LA BRTEN NAS ZAB GSAL GNYIS SU MED PA'I YE SHES RDO RJE SLOB DPON GYI DBANG GI NGO BO RGYUD LA SKYES PAR GYUR, (ZHES DBANG GI NGO BO NGO SPRAD, DAG PA RNAMS BRJOD MI DGOS, SLOB DPON GYI DBANG GI SLOB MA LA MCHOD PA'I MJUG TU DE KHO NA NYID LAS KYI RIM PA, BZLAS LUNG, MIG SMAN, ME LONG, MDA', GZHU, RDO RJE'I BRTUL ZHUGS, LUNG BSTAN, 'KHOR LO, ,DUNG, PO TI, DRIL BU, RIGS LNGA'I PHYAG MTSAN RNAMS SNGAR BSHAD PA BZHIN SBYIN, DBUG DBYUNG GI SKABS SU SHA LNGA BDUD RTZI LNGA BZA' ZHING, ZHES SOGS SH'U LO KA GCIG DOR, DBANG GONG MA GSUM MI DGOS, GZHAN RNAMS SNGAR GYI RIG PA BSGRE, BYA SPYOD KYI DBANG SKUR TSUL LA, MDUN SKYED KYI MCHOD 'BUL GYI TSIG) ,MCHOD YON PHAL CHER MCHOD YON

BLA RE DANG, ,MCHOD YON BKOD PA'I 'OD ZER RAB BGYE ZHING, ,MCHOD YON SNA TSOGS KUN TU BKRAM BYAS TE, ,BDAG NYID CHEN PO RGYAS BA SRAS BCAS MCHOD, ,AOm SARBA TA TH'A GA TA AARGHAm PRA T'I TZTSA H'Um SV'AH'A, (DE BZHIN DU MCHOD YON ZHES PA'I TSAB TU, ZHABS BSIL ZHES SOGS DANG, AARGHAm GYI GNAS SU, P'A DYAm SOGS SBYAR RTE CHU GNYIS NYER SPYOD ROL MO DANG BCAS PAS MCHOD, DE NAS,) MI DBANG RIN CHEN SNA BDUN 'DI DAG NI, ,SANGS RGYAS SRAS DANG BCAS PA MA LUS PA , ,BSHAMS SHING YID KYIS SPRUL TE PHUL BA YIS, ,'GRO BA MI ZAD GTER LA SPYOD PAR SHOG ,MDZES SDUG YID 'ONG GZUGS DANG SNYAN PA'I SGRA, ,BSIL BYED TZAN DAN DRI DANG RO BRGYA'I ZAS, ,MNYEN 'KHRIL PA NYTZA LI KA REG NA BDE, ,RNAM LNGA'I 'DOD YON JI SNYED MCHIS PAS MCHOD, ,LHA YI DBANG PO LHA MIN GA-YUL RGYAL NAS, ,BKRA SHIS LHA MO BRGYAD KYIS MCHOD PA LTAR, ,BDER GSHEGS RGYAL BA SRAS DANG BCAS PA LA, ,BKRA SHIS RDZAS BRGYAD DAG GIS MCHOD PAR BGYI, , (ZHES PAS MCHOD, BSTOD PA,) DUS GSUM SANGS RGYAS THAMS CAD KYI, ,MKHYEN BRTZE NUS PA GCIG BSDUS PA, ,SGRUB LA DNGOS GRUB MCHOG RTZOL BA'I, ,YI DAM LHA TSOGS RNAMS LA 'DUD, ,PHYAG BYAR 'OS PA THAMS CAD LA, ,ZHING RDUL KUN GYI GRANGS SNYED KYIS, ,LUS BTUNG PA YIS RNAMS KUN TU, ,MCHOG TU DAD PAS PHYAG 'TSAL LO, ,(ZHES PAS BSTOD, DKYIL 'KHOR DU 'JUG PA'I SKABS SU RIGS LNGA'I SDOM BZUNG DANG, DAM BZHAG RNAMS MI DGOS, RIGS LNGA'I DBANG RNAMS YO GA'I SKABS DANG 'DRA ZHING, DE'I MJUG THOG TU DE LTAR RIG PA'I DBANG SNGA THOB PA LA BRTEN NAS BYA SPYOD KYI RGYUD NYAN PA DANG BSHAD PA DANG, SNGAGS

, (,SGRUB PA SOGS LA DBANG BAR BYAS ZHES BRDA SPRAD, MTHA' RTEN DU 'KHOR LO DUNG DRIL BU PO TI RNAMS DANG,) DUS GSUM RGYAL BA KUN GYI BSNGAGS PA YI, ,THEG MCHOG CHOS KYI SRID LA MNGA' BSGYUR BA'I, , RGYAL SRID RIN CHEN BDUN GYI DBANG BSKUR PAS, ,BDUD BZHI'I GA-YUL LAS RNAM PAR RGYAL GYUR CIG ,AOm SAPTA RATNA AA BHI shI NYTZA MI, (ZHES BRJOD DE RGYAL SRID SNA BDUN DANG,) GANG ZHIG REG CING MTHONG THOS DRAN PAS KYANG, ,MI SHIS KUN SEL PHUN TSOGS MCHOG STZOL BAR, ,RGYAL BAS BYIN GYIS BRLABS PA'I BKRA SHIS RDZAS, ,DAM PAS DBANG BSKUR DGE LEGS 'BAR GYUR CIG , AOm AA shtAB DRA BE MANGGA LAm AA BHI shI NYTZA MI, (ZHES BRJOD DE BKRA SHIS RDZAS BRGYAD SBYIN, SLOB DPON GYI DBANG YANG MI DGOS, BYA SPYOD GNYIS KA LA DE LTAR BYED PA'AM, YANG NA BYA RGYUD LA CHU DBANG DANG COD PAN GYI DBANG TZAM SKUR NA DANG PO NI SLOB MA DKYIL 'KHOR RANG RANG GI GTZO BOR BSKYED,) DBANG RDZAS BUM CHU (BSANG SBYANG), STONG PA'I NGANG LAS AOm H'Um DRAm HR'I: A'A: RNAMS YONGS SU GYUR PA LAS YE SHES LNGA'I RANG BZHIN GYI BUM CHUR GYUR, (ZHES BSKYED CING) DBANG GI LHA SPYAN DRANGS TE DBANG BSKUR, CHU'I LHAG MA SPYI GTZUG TU GNAS PA YONGS SU GYUR PA LAS RIGS LNGA'I DBU BRGYAN CING DBANG GI LHA RNAMS SLOB MA LA THIM PAR GYUR, (SLOB MA MCHOD,) DE LTAR CHU'I DBANG THOB NYON MONGS PA LNGA'I DRI MA SBYANGS RNAM PAR SHES PA LNGA GNAS BSKYUR, LAM MTSAN MA MED PA'I RNAL 'BYOR BSGOM PA LA DBANG 'BRAS BU CHOS KYI SKU MNGON DU 'GYUR BA'I NUS PA KHYAD PAR CAN 'JOG (,CES BRDA SMANG,? GNYIS PA LA SLOB MA GTZO BOR BSKYED,) DBANG RDZAS COD PAN BSANG SBYANG, STONG PA'I NGANG LAS AOm H'Um TRAm HR'I: A'A: RNAMS YONGS SU GYUR PA LAS DE BZHIN GSHEGS

PA RIGS LNGA'I RANG BZHIN COD PAN DU GYUR, (DBANG LHA SPYAN 'DREN PA SOGS NAS SLOB MA MCHOD PA'I BAR SNGA MA DANG 'DRA,) DE LTAR COD PAN GYI DBANG THOB DRI MA LNGA SBYANGS PHUNG PO LNGA GNAS BSGYUR, LAM MTSAN MA DANG BCAS PA'I RNAL 'BYOR BSGOM PA LA DBANG, 'BRAS BU GZUGS SKU 'GRUB PA'I NUS PA KHYAD PAR CAN 'JOG (,CES BRDA SPRAD, MTHA' RTEN SNGAR LTAR BYA, DE LTAR CHOS STON PA SOGS KYI SLOB DPON DU BYA BA'I CHED DU CHOS BSHAD PA'I RJES SU GNANG BA BYIN PAS BYA RGYUD KYI DKYIL 'KHOR MI ? SGRUB DANG, CHOS NYAN BSHAD SOGS LA DBANG BAR BYAS, 'PHRIN LAS BZHI'I SGO NAS 'GRO BA'I DON SGRUB PA'I NUS PA BZHAG ,'BRAS BU CHOS KYI 'KHOR LO SKOR PA'I GO 'PHANG MYUR DU 'THOB PA'I SKAL BA CAN DU BYAS ZHES BRDA SPRAD, GZHAN THAMS CAD YO GA'I SKABS KYI RIG PA BSGRE, RDONG 'PHRENG NAS MI GSAL BAR KRi YA NAS BSHAD PA'I DMIGS GSAL KYI CHOG NI YE SHES 'BEB CHOG SNGAR BSHAD PA DE'I RJES SU SLAR YANG SLOB MAS SLOB DPON LA DKYIL 'KHOR GYI GTZO BO DNGOS YIN SNYAM PA'I MOS GUS DRAG PO BSKYED, DE'I RKYEN GYIS THUGS KHA NAS 'OD ZER DPAG TU MED PA 'PHROS TE, SANGS RGYAS DANG BYANG CHUB SEMS DPA' THAMS CAD DKYIL 'KHOR BA'I RNAM PAR SPYAN DRANGS TE SLOB MA LA THIM PA'I MOS PA BYA BAR BRDA SPRAD CING SLOB DPON GYIS KYANG DE LTAR BSAM NAS DRIL BU DKROL ZHING,) 'DI DE DAM TSIG RDO RJE STE, ,RDO RJE SEMS DPA' ZHES SU BRJOD, ,RDO RJE YE SHES BLA MED 'DI, ,DE RING NYID DU 'BAB PAR SHOG ,AOm BADZRA AA BE SHA YA AA AA AA ZHES BRJOD, RDO RJE SLOB DPON GYI DBANG GI SLOB MA LA MCHOD PA PHUL BA'I MJUG TU LHA MCHOD PA'I RJES GNANG SBYIN PA'I PHYIR SLOB DPON SGEG PA DANG BCAS PAS ME TOG SLOB MA LA GTOR NAS,) DENG NAS BRTZAMS TE RDZOGS SANGS RGYAS, ,SRAS DANG BCAS PA RNAM ROL PHYIR, ,RDO RJE BSNYEMS MA'I RNAL 'BYOR GYIS, ,DGA' MCHOG BDE BA'I MCHOD PA GYIS, ,AA: SGEG DANG BCAS PAS

, ,'PHRENG BA 'PHANGS, ,SANGS RGYAS THAMS CAD MCHOD PAR GYIS, ,'DI RNAMS 'BRAL BAR MI 'GYUR TE, ,'PHRENG BA 'DI NI RGYAN YIN NO, ,AOm LUS CAN KUN LA DAM CHOS KYI, ,GLU NI KHYOD KYIS BLANG BAR GYIS, ,DE YIS BDE GSHEGS DNGOS GRUB NI, ,SHIN DU BDE BA THOB PAR 'GYUR, ,GRID DE NYID THAL MO'I GAR GYIS NI, ,RDZOGS SANGS RGYAS LA RJES CHAGS PA'I, ,SANGS RGYAS 'DUL BA'I 'PHRIN LAS KYIS, ,GAR MKHAN TSUL DU 'GYUR BAR GYIS, ,HO RDZOGS SANGS RGYAS LA SPOS PHUL BAS, ,DAM TSIG BRTUL ZHUGS LEGS BSGOMS PA'I, ,LUS CAN BDE GSHEGS CHA LUGS SU, ,YE SHES KYIS NI TSUL DU GYIS, ,AA: SANGS RGYAS RNAMS LA ME TOG DOR, ,BYANG CHUB YAN LAG TSOGS GYUR PAS, , MTSAN DANG DPE BYAD LDAN PA YI, ,BDE GSHEGS SKU NI THOB PAR GYIS, ,BHRUm CHOS KYI ME NI LEGS SPAR BAS, ,RDO RJE CHOS DANG 'DRA BAR RANG, ,SEMS CAN MA RIG LDONGS RNAMS LA, , YE SHES SNANG BAS GSAL BAR GYIS, ,BRA, RGYAL BA RNAMS LA DRI PHUL BAS, ,TSUL KHRIMS TING NGE 'DZIN SHES RAB DANG, ,RNAM GROL YE SHES GZIGS PA YIS, ,BYANG CHUB LUS CAN RNAMS LA BSKOR, ,GA: (ZHES BRJOD SPYI DANG BYE BRAG GI CHOS BSHAD PA'I RJES GNANG GI MJUG TU KRi YA LAS SLAR YANG, RNAM PA SNA TSOGS LAS BYAS PA'I, ,RIN CHEN BDUN YANG GTANG BAR BYA, ,GRI GUG DANG NI KHA tR'Am KA ,BGRANG PHRENG GLEGS BAM SAM 'BOR, ,GYO MO RNAL 'BYOR DBYUG PA YANG, ,PADMA'I LAG PA'I LHAM DANG NI, ,RNAL 'BYOR PA YI SGOM THAG RNAMS, ,LEGS PAR DGA' BA'I BSAM PA YIS, ,SNGAGS CHEN DE YIS SBYIN PAR BYA ZHES GSUNGS PA LTAR RIN CHEN SNA BDUN BZUNG LA,)

MA 'ONGS PA NA THUB PA'I DBANG PO YIS, ,GO 'PHANG THOB CING 'JIG RTEN 'JIG RTEN LAS, ,'DAS PA'I DBANG PHYUG BLA MED THOB PHYIR TU, ,RIN CHEN SNA BDUN RJES GNANG SBYIN PAR BYA, , AOm SAPTA RADNA AA BHI shI NYTZA MAm, (ZHES BRJOD PA SBYIN, GRI GUG ,KHA tR'Am KA ,BGRANG 'PHRENG RNAMS BZUNG LA,) MA RIG GZUNGS 'DZIN RNAM RTOG BCANG PA'I PHYIR, ,GRI GUG RJES GNANG RAB TU SBYIN BYA ZHING, , ZHI RGYAS DBANG DANG MNGON SPYOD LA SOGS PA'I, ,'PHRIN LAS GRUB PHYIR KHA tR'Am BGRANG 'PHRENG SBYIN, ,AOm KA RTI KA KHA tR'Am KA M'A LA AA BHI shI NYTZA MAm, (ZHES BRJOD LA SBYIN, GLEG BAM, THOD LO GONG, SAM 'BO RA ? RNAMS BZUNG LA,) PHYI NANG GSANG BA DE KHO NA YI CHOS, ,BSAM PA JI BZHIN GZHAN LA BSTAN PA'I PHYIR, ,RANG RANG RGYUD KYI GLEGS BAM DAG DANG NI, ,THONG LO GOR DANG SAM 'BO RA RNAMS SBYIN; ;AOm BU STI KA SAm BU tI KA AA BHI shI NYTZA MAm, (ZHES BRJOD LA SBYIN, DE NAS RDZA SNOD DANG, RNAL 'BYOR DBYUG PA DANG, LHAM DANG, SGOM THAG RNAMS BZUNG LA,) RGYAL SRID LA SOGS SRING PA'I BDE BAL; ;CHAGS PA SPANGS NAS BSOD SNYOMS 'TSO BA LA, ,BRTEN NAS MI CHOD BSAM GTAN BYA PHYIR DU, ,GYO MO'I SNOD DANG RNAL 'BYOR DBYUG PA DANG, ,LHAM DANG SGOM THAG RNAMS KYANG SBYIN PAR BYA, ,AOm KAR 'A RA YO GA RAN tA YA tA KAm AA BHI shI NYTZA MAm, (ZHES BRJOD LA SBYIN, DE NAS,) THE TSOM MED PA'I BSAM PA YIS, ,KHYOD 'DIR BLO GROS NGAN MI BYA, ,GSANG SNGAGS SPYOD PA'I TSUL MCHOG NI, ,MNYAM MED RANG GIS RAB GSAL BYA, ,DE LTAR BYAS NA SANGS RGYAS LA, ,PHAN BTAGS BYAS PA BZO BA YIN, ,RDO RJE 'DZIN PA DE KUN YANG, ,

, ,KHYED LA RTAG TU KUN BSRUNG MDZAD, ,SHES RAB THABS KYI RANG BZHIN DAG ,YID BZHIN NOR BU LTAR MTHO BAS, ,SKYO MED DOGS DANG BRAL BA YIS, ,DE LTAR SEMS CAN DON GYIS SHIG (,CES BRJOD BDAG GI DBANG RGYUN GYI BLA MA GONG MA'I PHYAG LEN LA 'KHOR LO SGYUR DRUG GI DBANG SGUR BA'I NYIN, BUM DBANG GI TSE KHRUS DKYIL DU RDUL TSON GYIS BRIS BA'I STENG DU KHRI'U SHING GI KHAR ZLA DKYIL BRIS PA'I STENG DU SLOB MA RGYAN GYIS BRGYAN PA 'JUG TU BCUG PA'I STENG DU GDUGS DKAR PO GA-YAS SU RGYAL MTSAN GA-YON DU BA DAN GYIS BRGYAN PA DANG, 'JUG TU RDOR 'PHRENG NAS BSHAD PA'I MTHA' RTEN THAMS CAD DANG KRAm ? MA'I SGOS CHOS 'DI RNAMS THAMS CAD SBYOR BA 'PHRENG BA DANG KRi YA SPRAG MA'I PHYAG LEN RGYAS PA, PHA RGYUD KYI DKYIL 'KHOR BZHI LA SPYOD PA'I BRTUL ZHUGS MA DGOS SHING RDO RJE'I BRTUL ZHUGS KYI MJUG TU LUNG BSTAN MAN CHAD BYA, MA RGYUD KYI DKYIL 'KHOR RNAMS LA KHA tR'Am GA THOD PA RUS RGYAN SOGS SPYOD PA'I BRTUL ZHUGS DANG PO GNYIS DANG LUNG BSTAN MAN CHAD BYA, BDE MCHOG GI SKOR LA DE'I STENG DU BDE MCHOG GI SPYOD PA'I BRTUL ZHUGS SBYIN PA, 'PHRENG BA'I PHYAG LEN 'BRING PO, SUS 'KHOR LA BZLAS LUNG GI MAntAL DANG GSOL GDAB SHER DBANG GI DRI LAN RNAMS 'DOR BA PHRENG RKYANG GI PHYAG LEN BSDUS PA DBUG DBYUNG GI SKABS SU PHA RGYUD KYI DKYIL 'KHOR BZHI, RNAL 'BYOR RGYUD KYI GSUM, BYA RGYUD KYI DKYIL 'KHOR DRUG TE BCU GSUM LA SHEL RGYAN DANG, BLA MED KYI DKYIL 'KHOR GZHAN SO GNYIS RNAMS LA DUS RGYAN GYIS BRGYAN, , GDUGS DKAR PO GSER GYI YU BA CAN THOGS TE DKYIL 'KHOR LA SKOR BA LAN GSUM BYED DU BCUG NAS GDUGS LOGS SU BZHAG TE PHYAG GSUM PHUL SLOB MA RNAMS KYI MGO NAS SLOB DPON GYIS BZUNG STE DKYIL 'KHOR BA LA 'BUL, RIN CHEN SNA BDUN SOGS SBYIN PA ZLA MED KYI DKYIL 'KHOR SO LNGA LA SBYOR RNAL 'BYOR RGYUD KYI DBANG GI MTHA' RTEN LA SLOB DPON GYI DBANG GI RJES SU RNAM DAG BZLAS LUNG MIG THUR MI LONG MDA' GZHU RDO RJE'I BRTUL ZHUGS, LUNG BSTAN 'KHOR LO DUNG DRIL BU PO TI RIGS LNGA'I SPRUL BSHAD RIN CHEN SNA

BDUN RNAMS SBYIN, BYA SPYOD KYI DBANG LA RIG PA'I DBANG LNGA'I RJES SU BZLAS LUNG SOGS SNGA MA LTAR SBYOR, DKYIL 'KHOR ZHE LNGA'I DBANG DKYUS GCIG LA SKUR NAS LHA STA GON DANG SLOB MA STA GON GNYIS 'JAM RDOR GYI SKABS SU BYAS PA DES CHOG PA MDZAD NAS PHYI MA RNAMS LA STA GON DE GNYIS MI MDZAD, YANG ZHAG RE YAN CHAD DBANG LA YONGS MA THUB PA'I ZHAG GIS CHOD NA DE LA SLOB MA STA GON BSKYAR NAS MDZAD, DKYIL 'KHOR ZHE LNGA'I DBANG SKUR SUGS LA RGYAS 'BRING BSDUS GSUM DU MDZAD NAS BSDUS PA NYI MA BCO BRGYAD LA TSAR BAR MDZAD CING DE YANG NYI MA DANG PO LA ? GSANG 'DUS 'JAM RDOR, GNYIS PA LA GSANG 'DUS MI SKYOD PA, GSUM PA LA RNAM SNANG SGYU TRA, BZHI PA LA DGRA NAG ,LNGA PA LA KYEE RDONG LHA DGU'I DKYIL 'KHOR BZHI, DRUG PA LA GUR RIGS BSDUS, BDUN PA LA BDAG MED MA NYER GSUM MA, BCO LNGA MA KU RU KU LE, RDO RJE SGROL MA STE BZHI, BRGYAD PA LA KYEE RDOR LHA BCU BDUN GYI DKYIL 'KHOR BZHI, DGU PA LA SAm BHU TRA'I RDOR SEMS DANG BDE MCHOG GI DKYIL 'KHOR GSUM STE BZHI, BCU PA LA PHAG MO'I DKYIL 'KHOR GSUM, H'Um MDZAD DANG BZHI, BCU GCIG PA LA 'KHOR LO SGYUR DRUG ,BCU GNYIS PA LA RDO RJE BDUD RTZI'I DKYIL 'KHOR BZHI, BCU GSUM PA LA SANGS RGYAS THOD PA'I DKYIL 'KHOR GNYIS, MA H'A MA YA, RNAL 'BYOR NAM MKHA' YE SHES MKHA' 'GRO SDE LNGA, BCU BZHI PA LA DUS 'KHOR, BCO LNGA PA LA RDOR DBYINGS DANG GTZUG DGU GNYIS, BCU DRUG PA LA CHOS DBYINGS GSUNG DBANG, BCU BDUN PA LA 'BYUNG 'DUL, 'OD ZER CAN MA, GR'A LNGA STE GSUM, BCO BRGYAD PA LA DGE LEGS SU BYED PA'I DKYIL 'KHOR GSUM, DE YANG KYEE RDOR LHA DGU'I DKYIL 'KHOR BZHI'I DBANG NYIN GCIG LA SKUR BA LTA BU LA MTSON NA, LHA STA GON GYI TSE MAntAL LHA GRANGS DANG MNYAM PA'I TSOM BU BKOD PA BZHI'I MTHAR MCHOD PA BSHAM, BDAG SKYED KYI SNGON 'GRO GTOR MA RDOR SEMS BSGOM BZLAS TSOGS ZHING RNAMS THUN MONG DU BTANG, DE NAS RTEN BRTEN PA'I DKYIL 'KHOR RNAMS SKYED PA NAS NYER BSDU'I BAR SO SOR BYAS TE BDAG SKYED BZHI SGRENG TSAR LA

, ,BTANG, DE NAS TSOM BU'I RTEN BRTEN PA'I DKYIL 'KHOR SKYED PA NAS RIGS BDAG GI RGYAS 'DEBS KYI BAR SO SOR BYAS TE MCHOD BSTOD DANG, GSOL GDAB KYI BCOM LDAN CHE GE RDO RJE MCHOG ,ZHES PA LA, , BCOM LDAN KYI RDO RJE MCHOG ,BCOM LDAN THUGS KYI RDO RJE MCHOG ,BCOM LDAN GSUNG GI RDO RJE MCHOG ,BCOM LDAN SKU YI RDO RJE MCHOG ,ZHES PA SBYAR BA DANG, CHE GE 'BYUNG BA'I DKYIL 'KHOR NI, ZHES PA LA, KYEE RDO RJE'I DKYIL 'KHOR DANG, THUGS KYI RDO RJE'I DKYIL 'KHOR DANG, GSUNG GI RDO RJE'I DKYIL 'KHOR DANG, SKU YI RDO RJE'I DKYIL 'KHOR NI ZHES PA RNAMS SBYAR BA'I GSOL GDAB LAN GSUM THUN MOD DU BYA, BUM SGRUB KYI TSE RNAM RGYAL BUM PA'I NANG DU DKYIL 'KHOR SO SO'I LHA TSOGS RDZOGS PAR BSKYED, LAS BUM GYI NANG DU, DKYIL 'KHOR RANG RANG GI LAS SNGAGS LHA GANG GI SNGAGS YIN PA'I LHA DE SKYED, GTZO BO GTZO MO'I SNGAGS LAS SNGAGS SU BYAS 'DUG NA GTZO BO 'AM GTZO MO DE SKYED CING, ZHAL PHYAG MANG PO YOD PA RNAMS SKYED MI NUS NA ZHAL GCIG PHYAG GNYIS PA BSKYED, DKYIL 'KHOR GNYIS GSUM BZHI LNGA SOGS KYI BUM SGRUB PHYOGS GCIG TU BYED PA'I TSE, LAS BUM DU LAS SNGAGS MI MTHUN NA DE'I NANG NAS MTHUN PA GANG MANG DE SKYED THAMS CAD MI MTHUN NA DKYIL 'KHOR PHYI MA'I LAS SNGAGS GANG YIN DE'I LHA SKYED DNGOS GZHI'I TSE BDAG SKYED BZHI SNGAR LTAR RIM PAR BTANG, DE NAS MDUN SKYED KYI RGYAS GDAB YAN SO SOR BYAS TE, MCHOD BSTONG THUN MONG DU BYA, GTOR 'BUL SKABS 'DI 'AM BDAG 'JUG ZHI ? 'OG GANG RUNG DU BYA, BDAG 'JUG DKYIL 'KHOR RJES MA LAS BLANG, DBANG SKUR YANG DKYIL 'KHOR RJES MAR BYA LA LHA NGO SO SOR SPRAD, GZHAN RNAMS DKYUS BZHIN MDZAD CING DE LTAR BYA BAR RDOR PHRENG MDZES RGYAN LAS GSUNGS YANG LUGS GCIG LA STA GON GYI TSE SNGON 'GRO GTOR MA NAS SNYING PO KYEE RDO RJE'I BDAG SKYED RDZOGS PA'I MTHAR NYER BSDU'I BAR BTANG, DKYIL 'KHOR DANG PO'I TSOM BU BSRAD SKYED PA NAS DBANG SKUR RGYAS GDAB KYI BAR, DE NAS DKYIL 'KHOR GNYIS PA'I

BDAG SKYED KYI YE SHES KYI TSOGS BSAGS PA NAS NYER BSDU'I BAR, DE NAS DE KA'I TSOM BU SKYED CHOG NAS RGYAS GDAB KYI PAR, DE BZHIN DU DKYIL 'KHOR GSUM PA DANG BZHI BA'I BDAG SKYED DANG TSOM BU SKYED CHOG RGYAS GDAB KYI BAR SPEL NAS BTANG RJES MCHOD BSTOD DANG GSOL GDAB SNGAR BZHIN THUN MONG DU BYA BUM PA STA GON GYI BUM PA SKYED CHOG THUN MONG DU BYA, BUM PA DANG PO'I NANG DU DKYIL 'KHOR DANG PO'I GDAN DANG LHA TSOGS RNAMS GSAL GDAB, DE BZHIN DU LHAG MA GSUM GYI NANG DU DKYIL 'KHOR RANG RANG GI GDAN DAD LHA TSOGS RIM PA BZHIN GSAL GDAB, BUM PA LNGA PA'I NANG DU LAS LHA GHA SMRA ? RI GCIG BU GSAL GDAB, DE NAS YE SHES PA SPYAN 'DREN DBANG SKUR RGYAS GDAB SO SO'I SNGAGS BZLAB ? SOGS BYAS TE STA GON GYI LHA NAM MKHAR BTEGS DNGOS GZHI'I TSE SO SO'I BDAG SKYED NYER BSDU'I BAR DANG, MDUN SKYED RAS BRIS BSANG SBYANG NAS RGYAS GDAB KYI BAR BDAG MDUN SPEL MAR SGRUB PA LHA STA GON GYI SKABS BZHIN BYAS TE MCHOD BSTONG SOGS THUN MONG DU BYA BAR 'DI BA'I MAN NGAG LAS 'BYUNG ZHING LUGS DE GNYIS GANG BYAS KYANG KHYAD MED PAR BZHED, RANG LUGS LA 'PHRENG BA DANG KRi YA SBRAG PA'I DBANG DKYUS GCIG LA SKUR BA'I TSES LHA STA GON LAN GCIG GIS CHOG PA BYED NA, SA'I LHA MO LA DKYIL 'KHOR ZHE LNGA PO THAMS CAD SGRUB PA'I GNANG BA ZHU ZHING NGES KYANG GNANG BA BYIN PAR BSAM, SLOB MA STA GON GCIG GIS CHOG PAR BYED NA SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, , DE'I PHYIR DU 'PHRENG BA'I DKYIL 'KHOR RNAMS SU 'JUG PA DANG DBANG BLANG BAR BYA SNYAM PA'I KUN SLONG BCO BA, DBANG RDZOGS PAR SKUR DU RUNG BA'I RIGS KYI SRAS BU 'GYUR BA'I CHED DU NANG DBANG SKUR BA, 'PHRENG BA'I DBANG RDZOGS PAR BLANG BA'I STA GON ZHU BA'I CHED DU GSOL BA GDAB PA, 'PHRENG BA'I DBANG RDZOGS PAR BLANGS TE RDO RJE THEG PA'I LAM LA BSLAB PAR BYA SNYAM PA'I MOS PA BRTAN PO SKYED PA, 'PHRENG BA'I DBANG RDZOGS PAR BLANGS TE RDO RJE 'CHANG GI

, ,GO 'PHANG THOB PA'I PHYIR DU THUN MONG DANG THUN MONG MA YIN PA'I SDOM PA 'DZIN PA, DBANG RDZOGS PAR NOD PA LA BAR CHAD MI 'BYUNG BA'I PHYIR BYIN GYIS BRLAB PA, DBANG RDZOGS PAR NOD DU RUNG MI RUNG DANG NOD PA LA BRTEN NAS DNGOS GRUB JI LTA BU 'GRUB BRTAGS PA'I PHYIR SO SHING 'DOR BA, DBANG RDZOGS PAR ZHU BA LA GEGS BYED KYI SGRIB PA SBYANGS BA'I PHYIR DU 'KHYOR CHU SBYIN PA, GEGS KYI BAR CHAD LAS SRUNG BA'I PHYIR SRUNG SKUD 'DOGS PA, DBANG RDZOGS PAR NYAN DU RUNG MI RUNG GI RMI LAM BRTAGS PA'I PHYIR KU SHA SBYIN PA, RDO RJE 'PHRENG BA'I DBANG ZHU BA'I STA GON DU GNAS PAR BYAS PAS SKAL BA MCHOG TU BZANG SNYAM PA'I SPRO BA SKYED PA RNAMS DPON SLOB GNYIS KAS GO BA'I SGO NAS SLOB MA STA GON BYA, LHA STA GON GYI TSE DKYIL 'KHOR BZHI SGRIL LTA BU LA BDAG SKYED DANG TSOM BU'I DKYIL 'KHOR SPEL MAR SGRUB TSUL GONG GI MAN NGAG LAS 'BYUNG BA BZHIN BYA, DBANG RNAMS DKYUS GCIG LA BSKUR BA'I TSES BZUNG GCIG GIS CHOG PA BYAS NA DKYIL 'KHOR PHYI MA RNAMS LAS BZUNG GI DKYIL 'KHOR BSTIM RGYU MED PAS YE SHES PA SPYAN DRANGS LA STA GON GYI DKYIL 'KHOR LA BSTIM, BUM PA STA GON GYI TSE RNAM BUM SO SOR DKYIL 'KHOR SO SO'I LHA TSOGS SKYED LAS BUM DU LHA GANG SKYED NI, PAn CHEN BZANG PO BKRA SHIS KYI PHRENG BA'I LHAN 'THABS LAS, LAS BUM DU DKYIL 'KHOR RANG RANG GI LAS LHA 'AM YANG NA THAMS CAD LA THUN MONG DU BDUD RTZI 'KHYIL BA GCIG BUS BYAS PAS CHOG PAS, BSANG SBYANGS STONG PA'I NGANG LAS PADMA DANG NYI MA'I STENG DU H'Um LAS SNA TSOGS RDO RJE'I LTE BA LA H'Um GIS MTSAN PA LAS BDUD RTZI 'KHYIL BA SKU MDOG LJANG SNGON ZHAL GCIG PHYAG GNYIS KYI GA-YAS SNA TSOGS RDO RJE BSNAMS SHING, GA-YON THUGS KAR SDIG 'DZUB MDZAD PA, ZHABS GA-YAS BSKUM ZHING GA-YON BRGYANGS BA'I STABS GYIS BZHUGS PA'I DBRAL BAR AOm SOGS KYIS MTSAN CING DON GRUB KYIS DBU BRGYAN PAR BSKYED PAR BSHAD, KUN MKHYEN NAM 'OD KYI MI TRA BRGYA RTZA'I DBANG CHOG LAS, DKYIL 'KHOR THAMS CAD LA THUN MONG DU LAS

LHA BDUD RTZI 'KHYIL BA BSKYED PAR BSHAD, 'KHON STON DPAL 'BYOR LHUN GRUB KYIS MDZAD PA'I MI TRA BRGYA RTZA'I DBANG CHOG LAS KYANG LAS LHA THUN MONG DU BDUD RTZI 'KHYIL BA GONG MA DANG 'DRA BA GCIG BU BSKYED PAR BSHAD, DE LTAR NA DKYIL 'KHOR SO SO'I BUM SGRUB SO SOR BYED TSE, LAS BUM DU SO SO'I LAS LHA BSKYED, DKYIL 'KHOR GNYIS SPREL, GSUM SBREL SOGS KYI TSE LAS LHA MTHUN NA DE NYID SKYED CING, MI MTHUN NA BDUD RTZI 'KHYIL BA THUN MONG DU BSKYED NA RUNG NGAM SNYAM MO, , GSOL GDAB BUM SGRUB KYI MJUG TU GONG LTAR BYA, DE NAS STA GON GYI LHA NAM MKHAR BTEGS PA SOGS BYA, DKYIL 'KHOR SGRUB PA'I TSE, BDAG MDUN SO SOR SGRUB NA BDAG BSKYED KYI TSOGS ZHING YAN CHAD THUN MONG DU BTANG NAS, DKYIL 'KHOR DANG PO'I YE SHES KYI TSOGS BSAGS PA NAS NYER BSDU'I BAR BTANG RJES DKYIL 'KHOR DANG PO'I RNAM BUM SGRUB, DE NAS DKYIL 'KHOR DANG PO'I RAS BRIS KYI DKYIL 'KHOR SGRUB, DE NAS DKYIL 'KHOR GNYIS PA'I BDAG BSKYED YE SHES KYI TSOGS BSAGS PA NAS NYER BSDU'I PAR BTANG, DE NAS DE'I RNAM BUM SGRUB, DE NAS DKYIL 'KHOR GNYIS PA'I RAS BRIS KYI DKYIL 'KHOR SGRUB PA SOGS DKYIL 'KHOR SO SO'I BDAG MDUN BUM GSUM SO SOR SGRUB, BZHI BA'I RNAM BUM SGRUB PA'I MJUG TU LAS BUM BSGRUB TSUL GONG DU BSHAD PA LTAR BYA, BDAG MDUN 'JUG PA GCIG PA BYED NA SNGON 'GRO GTOR MA NAS TSOGS ZHING GI BAR THUN MONG DU BYA, DE NAS BUM BSGRUB, BDAG MDUN GNYIS KA THA MI DAD DU 'JUG PA GCIG PAS ? SGRUB PA YIN PAS BDAG SKYED LOGS SU MI BYED PAR RANG NYID DKYIL 'KHOR DANG PO'I NANG DU ZHUGS TE GTZO BO'I MTSAN MA DANG DBYER MED DU GYUR BAR MOS NAS BSANG SBYANG STONG PA'I NGANG LAS DKYIL 'KHOR DANG PO'I RGYAS GDAB GYI BAR, DE NAS DKYIL 'KHOR DE'I GTZO BO LAS MAR ME GCIG LAS GNYIS CHAD KYI TSUL DU GTZO BO GNYIS PA GCIG PHYE NAS DKYIL 'KHOR GNYIS PA'I GTZO BO'I MTSAN MA DANG DBYER MED DU GYUR BAR MOS TE, DKYIL 'KHOR GNYIS PA BSANG SBYANG STONG

, ,BA'I NGANG LAS RGYAS GDAB KYI BAR, DE BZHIN DU DKYIL 'KHOR GSUM PA DANG BZHI BA YANG RIM PA BZHIN BDAG MDUN 'JUG PA GCIG PAS SGRUB, DE NAS MCHOD PA STONG SOGS THUN MONG DU BYA ZHING, NYE REG BYAS TE DKYIL 'KHOR DU 'JUG PA'I TSE DKYIL 'KHOR BZHI'I SNGA MA 'AM RJES MA LA BDAG 'JUG BLANGS NAS BDEN PA BRJOD, DBANG SKUR DNGOS GZHI'I TSE SLOB MA DKYIL 'KHOR DU 'JUG PA NA THOG MAR SNYING PO KYEE RDO RJE'I DKYIL 'KHOR DU GZHUG PA DANG SKOR PHYAG RNAMS SNGAR BZHIN, DE NAS THUGS KYEE RDO RJE'I DKYIL 'KHOR DU 'JUG CING SKOR BA GSUM DANG SHAR SGO NAS GTZO BO LA PHYAG 'TSAL BA'I MOS PA DANG SNGAGS GCIG PU SNGAR LTAR BRJOD PA'AM YANG NA THAL MO SPYI BOR SBYAR TE AOm NAM: TE H'Um, MGRIN PAR SBYAR TE AOm NAM: MI H'Um, SNYING KAR SBYAR TE AOm NA MO NA MA H'Um SV'A H'A, ZHES SGO GSUM GYI PHYAG BYA, DE BZHIN DU GSUM PA DANG BZHI PA GNYIS LA YANG RIM PA BZHIN GZHUG CING SKOR PHYAG BYED DU GZHUG ,YE SHES 'BEB PA'I SKABS SU DKYIL 'KHOR BZHI KA'I LHA YE SHES PA BSTIM PA'I MOS PA BYED DU GZHUG ,ME TOG 'DOR BA'I SKABS SU DKYIL 'KHOR BZHI SO SO'I GTZO BO LA PHUL BAR BSAM TE DKYIL 'KHOR BZHI GAL RIM PA BZHIN 'DOR DU GZHUG ,DE NAS DKYIL 'KHOR BZHI KA LA 'THOR BA'I ME TOG TE SLOB MA'I MGO LA BCINGS BA'I MOS PA BYED DU BCUG STE ME TOG 'PHRENG BA'I DBANG BSKUR, LHA NGO STON PA'I TSE DKYIL 'KHOR BZHI PO'I RTEN DANG BRTEN PA'I DKYIL 'KHOR RIM PA BZHIN BSTAN, BUM DBANG DRUG GI SKABS SU DKYIL 'KHOR BZHI KA'I LHA RNAMS KYIS DBANG BSKUR BA LA DGONGS PA GTAD PA'I MOS PA DPON SLOB GNYIS KAS BYA, SNGAGS DBANG GI TSE BLA MA DKYIL 'KHOR BZHI SO SO'I GTZO BOR GSAL BA'I THUGS KA'I SNGAGS 'PHRENG LAS SNGAGS, KYI 'PHRENG BA THON TE SLOB MA'I SNYING KAR 'KHOR BA'I MOS PA RIM PA LTAR BYAS NAS SO SO'I SNGAGS RIM PA BZHIN RJES ZLOS BYED DU GZHUG ,GSANG DBANG GI TSE SLOB MTHUN MONG DU 'OD DPAG MED DU BSKYED, THA MA

DANG RIG MA SNYING PO KYEE RDO RJE YAB YUM DU BSKYED DE GSANG RDZAS BSGRUB NAS SNYING PO KYEE RDO RJE'I GSANG DBANG BSKUR, DE NAS THUGS KYEE RDO RJE YAB YUM DU BSKYED NAS DE'I GSANG DBANG BSKUR BA SOGS DKYIL 'KHOR BZHI KA'I GSANG DBANG BZHI RIM PA BZHIN BSKUR; DAG PA THUN MONG DU BRJOD, DE BZHIN DU SHER DBANG LA YANG SLOB MA DANG RIG MA DKYIL 'KHOR SO SO'I GTZO BO YAB YUM DU BSKYED NAS SHER DBANG GI BRDA SPRAD DE SHER DBANG BZHI'I MA BA BZHIN BSKUR BA'AM DKYIL 'KHOR DANG PO'I SHER DBANG BSKUR, DAG PA THUN MONG DU BRJOD, TSIG DBANG THUN MONG DU BSKUR, DE BZHIN DU DKYIL 'KHOR GNYI MA SGRIG GSUM SGRIG BZHI SGRIG SOGS LA GZHAN THAMS CAD 'DRA ZHING, YUM RKYANG GI DKYIL 'KHOR BDAG MED MA LTA BU LA MTSON NA DBANG GI TSE BLA MA PHYAG MTSAN RGYAN SOGS GZHAN THAMS CAD BDAG MED MA LTA BU LA GSANG GNAS YAB KYI RTAGS CAN DU BSGYUR, RIG MA BDAG MED MA NGANG DU BSKYED DE, MKHA' GSANG BYIN GYIS BRLABS NAS GSANG RDZAS BSGRUBS TE GSANG DBANG SKUR, SHER DBANG LA YANG SLOB MA BDAG MED ME LTA BU YAB KYI RTAGS CAN DU BSKYED, RIG MA BDAG MED MAR BSKYED NAM MKHA' GSANG BYIN BRLAB SOGS BYAS TE DBANG BSKUR, DE BZHIN DU KU RU KU LE DANG RDO RJE SGROL MA SOGS LA'ANG RANG RANG GIS DBANG RNAMS GONG GI RIG PA BSGRES NAS DBANG BSKUR TSUL SHES PAR BYA'O, ,'JUG CHOG LA, DKYIL 'KHOR BZHI KA LA THUN MONG DU MCHOD PA STONG ? YIG BRGYA, BZOD GSOL, BRTAN BZHUGS RNAMS BYA, GZHAN THAMS CAD SNGAR GYI RIGS PA BSGRE, 'DIS MTSON TE DKYIL 'KHOR GNYIS SGRIGS, GSUM SGRIGS, BZHI SGRIGS, LNGA SGRIGS GZHAN THAMS CAD LA YANG DBANG BSKUR TSUL GO BAR BYA, , NYI MA NYER DGU BA'I DBANG DU BYAS NA, NYI MA DRUG PA YAN GONG DANG 'DRA, BDUN PA LA BDAG MED MA NYER GSUM MA DANG, BCO LNGA MA GNYIS, BRGYAD PA LA KU RU KU LE, DGU PA LA RDO RJE SGROL MA, BCU PA LA KYEE RDOR

, ,LHA BCU BDUN MA'I DKYIL 'KHOR BZHI, BCU GCIG PA LA BDE MCHOG RDOR SEMS, BCU GNYIS PA LA BDE MCHOG YAB BKA' GSUM, BCU GSUM PA LA PHAG MO'I DKYIL 'KHOR GSUM, BCU BZHI PA LA H'Um MDZAD, BCO LNGA PA LA 'KHOR LO SGYUR DRUG ,BCU DRUG PA LA RDO RJE BDUD RTZI'I DKYIL 'KHOR BZHI, BCU BDUN PA LA THONG BA LHA NYER LNGA PA, BCO BRGYAD PAS THOD PA LHA DGU BA, BCU DGU PA LA MA H'A MA YA LHA LNGA, NYI SHU PA LA RNAL 'BYOR NAM MKHA', NYER GCIG PA LA YE SHES MKHA' 'GRO, ,NYER GNYIS PA LA DUS 'KHOR, NYER GSUM PA LA RDOR DBYINGS, NYER BZHI PA LA GTZUG DGU, NYER LNGA PA LA CHOS DBYINGS GSUNG DBANG, NYER DRUG PA LA 'BYUNG 'DUL, NYER BDUN PA LA 'OD ZER CAN MA, NYER BRGYAD PA LA GRVA LNGA, NYER DGU PA LA DGE LEGS SU BYED PA'I DKYIL 'KHOR GSUM RNAMS KYI DBANG SKUR BA YIN LA, DE GNYIS GANG THOB KYANG LUGS GNYIS KA SKUR DU RUNG ZHING, NYI MA RE LA DBANG RE RE BYAS PA'I NYI MA ZHE LNGA DANG, DKYIL 'KHOR RE RE GNYIS GNYIS TZAM ZUNG DU BKOL NAS DBANG BSKUR BYED NA YANG BYA RUNG BAR BZHED, DKYUS GCIG LA DBANG RNAMS BSKUR NA PHUR GDAB THOG MAR BYAS PA DE DBANG RNAMS MA TSAR GYI BAR DU MI BSDU BAR NYI MA RE RE BZHIN PHUR BU'I LHA LA MCHOD GTOR 'BUL, PHYOGS SKYONG RNAMS KYANG MI GSHEGS PAR NYIN RE BZHIN MCHOD GTOR PHUL NAS DKYIL 'KHOR THA MA BSDUS RJES ? GSHEGS, 'JUG TU BSNGO BA DANG SHIS BRJOD KYIS BRGYAD PAR BYA'O, ,DE LTAR DBANG THOB NAS MCHOG GI DNGOS GRUB THOB PAR 'DOD NA DBANG GI SKABS SU THOB PA'I DAM TSIG SRUNG BA'I PHYIR DU SROG GTONG DGOS KYANG DAM TSIG BSRUNG BA BDAM NAS TSUL BZHIN DU SRUNG ? DGOS TE, SDOM 'BYUNG LAS, CI STE DNGOS GRUB MCHOG 'DOD NA, ,SROG NI YONGS SU GTONG YANG BLA, ,'CHI BA'I DUS LA BAB KYANG BLA, ,RTAG TU DAM TSIG SRUNG BAR BYA, ,ZHES GSUNGS, ,

DAM TSIG JI LTA BU SRUNG NA, RNAL 'BYOR RGYUD YAN CHAD KYI DBANG THOB NA, RTZA LTUNG BCU BZHI SOGS SPYI'I DAM TSIG DANG, TSUL KHRIMS GSUM DANG, THUN MONG MA YIN PA'I DKON MCHOG GSUM LA SKYABS SU 'GRO BA SOGS RIGS LNGA SO SO'I DAM TSIG RNAMS SRUNG DGOS LA, BYA SPYOD GNYIS KYI DBANG DU BYAS NA RIGS LNGA SPYI DANG SO SO'I DAM TSIG SRUNG RGYU MED KYANG SNGAGS KYI THUN MONG MA YIN PA'I DAM TSIG MANG PO YOD PA DE RNAMS SRUNG DGOS, RGYUD SDE GONG MA GNYIS KYI DBANG THOB PHYIN RIGS LNGA SPYI DANG SO SO'I DAM TSIG THAMS CAD SRUNG DGOS LA, DE YANG RIGS LNGA SPYI'I DAM TSIG RTZA LTUNG BCU BZHI SRUNG BA SHIN DU GAL CHA ZHING, RTZA LTUNG BCU BZHI'I DANG PO SLOB DPON LA SMOD PA'AM BRNYAS PA YIN LA, DE MA SRUNG NA TSE 'DIR YAMS DANG 'TSO BA'I NAD GZHAN DANG, GDON DANG, DUG LA SOGS PA RNAMS KYIS BLO BUR DU 'CHI BAR 'GYUR BA DANG, RGYAL PO DANG, ME DANG, SPRUL GDUG DANG, CHU DANG, MKHA' 'GRO DANG, RKUN PO DANG, GDON DANG LOG 'DREN RNAMS KYIS KYANG BSAD NAS DUS MA YIN PAR 'CHI BAR 'GYUR LA SHI BA'I 'OG TU YANG MNAR MED LA SOGS PA'I SHIN DU 'JIGS SU RUNG BA'I DMYAL BA RNAMS SU SDUG BSNGAL BAR 'GYUR BAS, BLA MA LNGA BCU BA LAS, DE 'DRA'I MGON LA BSAM BYAS NAS, ,SLOB MAR GYUR NAS BRNYAS NA NI, ,SANGS RGYAS THAMS CAD BRNYAS PAS NA, ,DES NI RTAG TU SDUG BSNGAL 'THOB, ,SLOB DPON LA NI SMOD PA DE, ,YAMS DANG 'TSE BA'I NAD RNAMS DANG, , GDON DANG RIMS DANG DUG RNAMS KYIS, ,RMONGS CHEN DE NI 'CHI BAR 'GYUR, ,RGYAL PO ME DANG SPRUL ? GDUG DANG, ,CHU DANG MKHA' 'GRO RKUN PO DANG, ,GDON DANG LOG 'DREN RNAMS KYIS KYANG, ,BSAD NAS SEMS CAN DMYAL BAR 'GRO, , NAM YANG SLOB DPON DAG GI NI, ,KUN TU SEMS DKRUGS MI BYA STE, ,GAL TE RMONGS PAS BYAS GYUR NA, ,DMYAL BAR NGES BAR 'TSED PAR 'GYUR, ,MNAR MED LA SOGS 'JIGS RUNG BA'I, ,DMYAL BA BSTAN PA GANG YIN PA, ,

, ,SLOB DPON LA NI SMOD PA RNAMS, ,DER NI GNAS PAR YANG DAG BSHAD, ,CES GSUNGS, DE LTAR BLA MA LA BRNYAS NA NYES DMIGS DE LTA BU 'BYUNG BAS BLA MA LA BRNYAS SMOD BYA MI RUNG ZHING, BLA MA TSUL BZHIN DU BSTEN NAS RANG LA SHIN DU GCES PA'I MKHO DGU'I YO BYAD STONG ? PA DANG, BKUR STI PHUN GSUM TSOGS PA BYAS NA SANGS RGYAS KYI GO ? 'PHANG YANG TSE 'DI NYID LA STER BAR BYED PAS NA, DE NYID LAS, DE BAS 'BAD PA THAMS CAD KYIS RDO RJE SLOB DPON BLO GROS CHE, ,DGE BA RAB TU MI SMYOMS ? PA, ,NAM YANG SMOD PAR MI BYA'O, ,BLA MA LA NI GUS BCAS YON, ,RJES MTHUN KHYOD KYIS SBYIN PAR BYA, ,DES NI RIMS SOGS GNOD PA RNAMS, ,PHYIR ZHING 'BYUNG BAR MI 'GYUR RO, , RANG GI DAM TSIG SLOB DPON NI, ,SBYIN MIN BU DANG CHUNG MA DANG, ,RANG SROG GIS RTAGS PA STEN BYA NA, ,LONGS SPYOD GA-YO BAS SMOS CI DGOS, ,GANG PHYIR SKAL BA BYED BA NI, ,GRANGS MED PAR YANG RNYED DKA' BA'I, ,SANGS RGYAS NYID KYANG BRTZON LDAN LA, ,TSE 'DI NYID LA STER BAR BYED, ,CES GSUNGS, 'ON RTZA LTUNG BCU BZHI PO DE DAG JI LTA BU YIN ZHE NA, RTZA LTUNG BCU BZHI LAS, DANG PO NI, GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANG GSUNGS, ,DE BAS DE LA BRNYAS PA NI, ,RTZA BA'I LTUNG BA DANG POR BSHAD, CES PA LTAR RANG GI RDO RJE THEG PA'I CHOS KYEE BKA' DRIN MA MNOS PA'I SLOB DPON YON TAN CHE CHUNG GANG YIN KYANG, RANG GI SNGAGS KYI CHOS KYI 'BREL BA RGYU ? MTSAN DU BYAS NAS SGO GSUM GUS PAS BSNYEN BKUR BA'I ZHING MCHOG TU 'DZIN DGOS PA YIN PA LA DE LTAR MI 'DZIN PAR 'DIS CI BYA SNYAM DU 'BOR BA'I BRNYAS PA'AM SMAD PA, GNYIS PA NI, BDER GSHEGS BKA' LAS 'DAS PA NI; ;LTUNG BA GNYIS PA YIN PAR BSHAD, ,CES PA LTAR, SANGS RGYAS KYIS GSUNGS PA'I SDOM GSUM GANG RUNG CIG GI BCAS PA YIN PA LA DER SHES BZHIN DU KHYAD DU GSOD 'DOD KYIS DE DANG 'GAL BAR BYAS PA, GSUM PA NI,

RDO RJE SPUN LA KHROS NA NI, ,NYES PA BRJOD PA GSUM PA YIN, ZHES PA LTAR SLOB DPON GCIG LAS DUS GCIG GAM SNGA PHYIR DBANG THOB PA'I RDO RJE SPUN SNGAGS KYI SDOM PA DANG LDAN PA LA DER 'DU SHES PAS ZHE SDANG GIS KUN NAS BSLANG STE DE'I SKYON BRJOD PA SPUN DES THOS NAS DON GO PA, BZHI PA NI, SEMS CAN RNAMS LA BYAMS PA SPONG, BZHI PA YIN PAR RGYAL BAS GSUNGS, ZHES PA LTAR SEMS CAN GANG YANG RUNG BA CIG LA DMIGS NAS 'DI BDE BA THAMS CAD DANG BRAL NA SNYAM PA'I SEMS BSKYED DE BYAMS PA BTANG BA, LNGA PA NI CHOS KYI RTZA BA BYANG CHUB SEMS, DE SPONG BA NI LNGA PA YIN, ZHES PA LTAR BDAG GIS SEMS CAN MTHA' YAS PA'I DON DU BYANG CHUB SGRUB PAR MI NUS SNYAM NAS SMON SEMS SMOD PA, DRUG PA NI, RANG RANG GZHAN GYI SGRUB PA'I MTHA', CHOS LA SMOD PA DRUG PA YIN, ZHES GSUNGS PA LTAR, RANG GI GRUB PA'I MTHA' GSANG SNGAGS DANG, GZHAN GYI GRUB PA'I MTHA' PHA ROL TU PHYIN PA'I THEG PA STE MDOR NA THEG PA GSUM GYI BKA' GANG YANG RUNG BA LA DMIGS NAS 'DI NI SANGS RGYAS KYIS GSUNGS PA MA YIN NO ZHES ZHE THAG PA NAS SKUR PA 'DEBS PA, BDUN PA NI, YONGS SU MA SMIN SEMS CAN LA, GSANG BA BSGRAGS PA BDUN PA YIN, ZHES PA LTAR GZHAN 'DUL BA'I DGOS PA CHEN PO DANG MI LDAN PAR DBANG BSKUR NAS SMIN PAR MA BYAS PA DANG, GSANG BA BSGRAGS PA LA MA DAD PA SKYE BA'I YUL LA DER 'DU SHES PAS THUN MONG MA YIN PA'I GSANG BA BSGRAGS PA DE GO PA, BRGYAD PA NI, PHUNG PO SANGS RGYAS LNGA BDAG NYID, DE LA BRNYAS BYED BRGYAD PA YIN, ZHES PA LTAR, RANG GI PHUNG PO RNAM SNANG LA SOGS PA'I SANGS RGYAS LNGA'I BDAG NYID DU SKYED PA LA SOGS PAS BYIN GYIS BRLABS NAS NANG GI SBYIN SREG SOGS KYIS MCHOD CING BDE BAR BYA RGYU LA PHUNG PO MI GTZANG BA'I RANG BZHIN 'DI LTAR BSGOM DU MI RUNG NGO ZHES BRNYAS PAR BYED PA DANG, PHUNG PO RGUD 'DOD KYI BSAM PAS THABS GANG YANG RUNG BAS GDUNG BAR BYAS PAS SDUG

, ,BSNGAL BAR 'GYUR BA, DGU PA NI, RANG BZHIN DAG PA'I CHOS RNAMS LA, SOM NYI ZA BA DGU PA YIN, ZHES PA LTAR, STONG NYID ZAB MO LA YID MA CHES PAR SPONG PA, BCU PA NI, GDUG LA RTAG TU BYAMS LDAN PAR, BYED PA DE NI BCU BAR 'DOD, CES PA LTAR YUL DKON MCHOG GSUM DANG BLA MA LA SMOD PA DANG, BSTAN PA 'JIG PA SOGS GDUG PA CAN LA MDZA' BOR BYAS NAS LUS NGAG GIS BYAMS PAR BYED PA, BCU GCIG PA NI, MING SOGS BRAL BA'I CHOS RNAMS LA, DER RTOG PA NI BCU GCIG PA ZHES PA LTAR YUL DON DAM PAR MING DANG SOGS KYI SGRAS TSIG DANG NGAG GIS BRJOD PA'I SPROS PA THAMS CAD DANG BRAL BA'I CHOS BDAG MED PA LA SPROS PA'I MTSAN MA DER RTOG PA'AM DBU SEMS GANG YANG RUNG BA'I CHOS BDAG MED PA'I LTA BA YOD BZHIN DU MA BSKYANGS BAR ZHAG GCIG 'DAS PA, BCU GNYIS PA NI, SEMS CAN DAD DANG LDAN PA YI, SEMS SUN 'BYIN PA BCU GNYIS PA, ZHES PA LTAR, THEG CHEN GYI SNOD RUNG GI SEMS CAN THEG PA MCHOG GI GDAMS PA 'GA' ZHIG LA DANG BA LA DE'I 'DUN PA LDOG 'DOD KYIS SEMS SUN 'BYIN PA'I THABS BYAS NAS 'DUN PA LOG PA, BCU GSUM PA NI, DAM TSIG LA NI JI BZHIN RNYED, MI BSTEN PA NI BCU GSUM PA, ZHES PA LTAR TSOGS 'KHOR RAM DPA' BO'I STON MO 'AM DPA' MO'I STON MO'I CHO GA TSUL BZHIN DU BYED PA'I TSE DAM RDZAS BZA' BTUNG SHA LA SOGS PA BSTAB PA'I TSE MI GTZANG BA'I BSAM PA'AM THE TSOM ZOS NAS DANG DU MI LEN PA LTA BU BLA MED KYI DANG, RDO RJE DRIL BU LAG PA'I PHYAG RGYA TSOGS LA 'DI DAG GIS CI BYA SGOM PA KHO NA GTZO BOR GYUR PA YIN GYI LAG PA'I RNAM PAR 'GYUR BA SOGS NI MA YIN NO, ,ZHES SKYE BO'I TSOGS KYI NANG DU SMOD PA DANG, DE DAG MI STEN PAR DOR BLTA BU GONG MA GNYIS KA'I RTZA LTUNG, BCU BZHI PA NI, SHES RAB RANG BZHIN BUD MED LA, SMOD PAR BYED PA BCU BZHI PA,

ZHES PA LTAR, SHES RAB BDE BA CHEN PO'I YE SHES BSKYED PAR BYED PA'I RANG BZHIN BUD MED KYI TSUL 'DZIN PA'I RDO RJE PHAG MO SOGS 'JIG RTEN LAS 'DAS PA LA SKYON GDAGS 'DOD KYI KUN SLONG GIS SKYON GANG YANG RUNG BA BRJOD PA GONG MA GNYIS KA'I DANG, BUD MED MTSAN NYID PA LA SKYON GDAGS 'DOD KYI KUN SLONG GIS BUD MED KYI RTEN SPYI LA SMOD TSIG TU 'GRO BA'I SKYON BRJOD BYAS PA BUD MED KYIS GO BA BLA MED KYI RTZA LTUNG YIN LA, SNGAGS PAS 'DI DAG SPANGS NA NI, , DNGOS GRUB DES PAR THOB PAR 'GYUR, ZHES PA DAM TSIG DANG SDOM PA LEGS PAR BLANGS SHING, RANG GI LHA'I TING NGE 'DZIN GYI SNGAGS DANG LDAN PA'I SGRUB PA PO RTZA LTUNG 'DI DAG SPANGS NA NI MCHOG THUN MONG GI DNGOS GRUB THAMS CAD NGES PAR THOB PAR 'GYUR ZHING, GZHAN DU DAM TSIG LAS NYAMS NA, ,NYAMS PA BDUD KYIS GZUNG BAR 'GYUR, ,DE NAS SDUG BSNGAL MYONG 'GYUR ZHING, ,THUR DU BLTAS TE DMYAL BAR 'GRO, ,ZHES RTZA LTUNG DE RNAMS SPANGS BAR GSUNGS PA LAS GZHAN DU DAM TSIG STE BCAS 'TSAMS LAS NYAMS NA NYAMS PA DE TSE 'DIR BDUD DANG LOGS 'DREN LA SOGS PAS BZUNG STE LUS SEMS LA SDUG BSNGAL SNA TSOGS PA MYONG BAR 'GYUR ZHING PHYI MAR BAR DO'I SKABS SU THUR DU BLTAS ? BA STE SPYI BO TSUGS SU BYAS NAS SEMS CAN DMYAL BA CHEN PO RNAMS SU 'GRO BAR 'GYUR PAR BSHAD PAS NYES DMIGS CHE BAS, DE BAS NGA RGYAL NGES BCOM NAS, BDAG NYID MA 'KHRUL SHES PAR BYA, ZHES GSUNGS, BLA MED KYI DBANG THOB NA, RTZA LTUNG DE DAG LAS GZHAN YANG, SHES RAB STOBS KYIS LEN PA DANG, ZHES SHES RAB STE BUD MED DBANG DANG RGYUD LEGS PAR BSLAB PA SOGS KYIS MA SBYAR BAR RANG GI MTHU TZAM GYIS RIG MAR BSTEN PA DANG, DE YI BDUD RTZI STOBS KYIS LEN, ZHES LHA'I NGA RGYAL MED PA DANG, BYIN GYIS MA BRLAB PA SOGS RGYUD LAS BKAG PA'I RIM PAS BSTEN PA, SNOD MIN LA NI MI GSANG DANG, ZHES SNOD MIN TE DBANG MA THOB PA DANG THOB KYANG MI DAD PA LA

, ,BRIS SKU DANG GLEGS BAM DANG RGYAN DRUG SOGS GSANG BA'I DAM TSIG GI RDZAS RNAMS MI GSANG BA STE MI SPENG ? BAR STON PA, TSOGS KYI NANG DU RTZOD PA DANG, ZHES TSOGS 'KHOR DANG DPA' BO DANG DPA' MO'I STON MO'I DUS SU RTZOD PA BYED PA, DAD LDAN LA GZHAN CHOS STON DANG, ZHES DAD LDAN SNOD RUNG GI GANG ZAG GIS CHOS LA DRI BA BYED PA NA DES DRIS PA LAS GZHAN STON PA DANG, NYAN THOS NANG DU ZHAG BDUN GNAS, ZHES GSANG SNGAGS LA SUN 'BYIN GYED PA'I NYAN THOS KYI THEG PA BA'I NANG DU DGOS MED DU ZHAG BDUN 'DAS PAR GNAS PA, RDZUN GYIS RNAL 'BYOR NGA RGYAL BYED, CES LHA'I SGRUB THABS TZAM ZHIG BRTEN NAS DE KHO NA NYID SHES PAR NGA RGYAL GYIS GNAS SHING STON PA, DAD PA MED LA CHOS STON PA, ZHES DBANG GIS MA SMIN PA'I SNGAGS LA MI DAD PA LA DBANG BSKUR BA'AM, SMIN YANG SNGAGS LA MI DAD PA PHYI'I CHOS LA MOS PA LA SNGAGS KYI GSANG BA BSTAN PA STE SBOM PO'I LTUNG BA BRGYAD KYANG LEGS PAR BSRUNG DGOS TE, RDO RJE SNYING PO RGYAN LAS, DE LA SNGAGS PA YONGS 'DAS NA, ,NGES PAR BDUD DANG 'PHRAD PAR 'GYUR, ,NAD DANG SDUG BSNGAL 'PHEL 'GYUR TE, ,BSTER MED SPYI'U TSUG DMYAL BAR 'GRO, ,SBOM ? PO LTUNG BYED NYES DMIGS KYANG, ,DE DANG 'DRA BAR SHES PAR BYA, ,ZHES LTUNG PA SPOM POS GOS PA'I NYES DMIGS KYANG RTZA LTUNG GI NYES DMIGS DANG 'DRA BAR GSUNGS PAS SO, DES NA RTZA LTUNG DANG SPOM PO LA SOGS PA'I SNGAGS KYI LTUNG BA RNAMS LEGS PAR SRUNG BA GAL CHE, RGYUD SDE 'OG MA'I DBANG TZAM THOB PA RNAMS KYIS RTZA LTUNG DANG SBOM PO RNAMS SRUNG MI DGOS KYANG, GZHAN SNGAGS KYI DAM TSIG SRUNG DGOS PA MANG DU YOD DE, LEGS GRUB KYI RIG SNGAGS KYI 'DUL PA RIM PAR PHYE BA LAS, DE NAS GZHAN YANG GANG ZHIG LA, GNAS NA ZLOS PA PO RNAMS KYIS, ,DNGOS GRUB MYUR DU THOB 'GYUR BA'I, ,GSANG SNGAGS ZLOS PA'I 'DUL BA BSHAD, ,SGRUB PAS GSANG SNGAGS THAMS CAD DANG, ,LHA RNAMS

DAG NI THAMS CAD DANG, ,ZLOS PA BDAG NYID CHEN PO LA, ,MKHAS PAS ZHE SDANG MI BYA'O, ,MKHAS PAS GSANG SNGAGS CHO GA DANG, ,GSANG SNGAGS RANG BZOR MI BYA ZHING, ,RANG BZHIN NGAN PA'I MI DAG LA, ,BRNYAS PAR YANG NI MI BYA'O, ,BLA MED DKYIL 'KHOR STON PA NI, ,SPYOD PA NGAN PAR GYUR NA YANG, ,NGAG GAM YANG NA YID KYIS SU, ,NAM YANG SMAD PAR MI BYA'O, ,MKHAS PAS RIGS SNGAGS NGAG LA NI, ,KHROS NAS GNAN DANG BCING BA DANG, , BCAD PA DANG NI TSAR GCOD DANG, ,DRAG SPYOD DE DANG DE MI BYA, ,GZHAN GYIS RJES SU MA GNANG BAR, ,GSANG SNGAGS GZUNG BAR MI BYA STE, ,BSNYEN BKUR MA BYAS PA LA YANG, ,CHO GA SHES PAS SNGAGS MI SBYIN, ,RGYUD SHES MKHAS PAS GSANG SNGAGS DANG, ,PHYAG RGYA CHO GA ZHIB MO DANG, ,RGYUD DANG DKYIL 'KHOR BSHAD PA DAG ,DKYIL 'KHOR MA ZHUGS LA MI SBYIN, ,MTSON CHA 'DRA BA THAMS CAD DANG, ,DE BZHIN SEMS CAN 'DRA BA DANG, ,PHYAG RGYA SNA TSOGS THAMS CAD DAG ,BZA' BAR MI BYA 'GOM MI BYA, ,SGRUB PA PO NI BLO LDAN GYIS, ,SMAN RNAMS SMOD PAR MI BYA STE, ,MI GTZANG BAS KYANG DGE MI BYA, ,RKANG BAS KYANG NI MI 'GONG NGO, ,THEG PA CHEN PO PA DAG DANG, ,SHES RAB CAN GYIS BRTZAD MI BYA, ,BYANG CHUB SEMS DPA' MTHU CHEN DAG ,THOS NAS SUN KYANG MI DBYUNG NGO, ,SNGAGS KYI SGRUB PA PO DAG DANG, ,LHAN CIG NAM YANG 'GRAN MI BYA, ,NYES PA CHUNG NGU DAG LA NI, ,KHROS NAS DRAG SHUL SPYAD MI BYA, ZLOS PA CHOG LA GNAS PAS, ,GLU GANG RTZED MO MI BYA STE, ,MDZES PAR BYA PHYIR PHRENG BA DANG, ,KHA DOG 'CHANG BAR MI BYA'O, ,'GONG PA DANG NI MCHOD PA DANG, ,RGYUG PA DANG MI RTZAB HRAL DANG, ,LUS LAS BYUNG BA GNAS NGAN LEN; ;THAMS CAD YONGS SU SPANGS PAR BYA, ,BDEN PA'I CHOS LAS GNAS PA YI, ,LOG BA GTUM DANG 'GYUR DANG RTZUB, ,DBYEN GYI TSIG KYANG SPANG BA DANG, DON MED GTAM MAR MI BYA'O, ,MU STEGS CAN DANG GNAS PA DANG, ,

, ,RTZOD PA DAG KYANG MI BYA ZHING, ,GDOL BA LA SOGS RIGS NGAN DANG, ,GSANG SNGAGS ZLOS PA SMRA MI BYA, ,BLO CAN BZLAS BRJOD BYED PA NA, ,SNGAGS GA-YOG GCIG PU MA GTOGS PAR, , GZHAN DANG LHAN CIG DGOS MED PAR, ,'GA' DANG YANG NI SMRA MI BYA, ,'BRU MAR DAG GIS LUS MI BSKU, ,TIL ? YANG BZA' BAR MI BYA'O, ,LA PHUG SGEG PA TSVA DAG DANG, ,BZA' SKYUR RNAM PA THA DAD DANG, ,CUNG PED ? DANG NI SUN RIL DANG, ,TIL GYI CUNG PED ? LA NGU DANG, ,DE BZHIN MA SHA'I SRAN CHAN DANG, ,DNGOS GRUB 'DOD PAS RNAM PAR SPANG, ,LOG 'DREN DAG GI ZAS KUN DANG, ,GTOR MA'I KHA ZAS THAMS CAD DANG, ,KRi SAR DANG 'O THUG KYANG, ,GSANG SNGAGS ZLOS PAS RNAM PAR SPANG, ,SHING RTA LA SOGS BZHON PA DANG, ,PADMA LA SOGS BRDZI MI BYA, ,KHA ZAS LHAG MA BOR PA LA, ,RKANG BAS KYANG NI REG MI BYA, ,SGEG PA'I CHO GA THAMS CAD DANG,, LHAM DANG GDUGS DAG 'CHANG BA DANG, ,LUS KYI BYA BYED THAMS CAD DAG ,GSANG SNGAGS ZLOS PAS RNAM PAR SPANG, ,RKANG PAS RKANG PA NYED PA DANG, ,LAG PAS LAG PA MA NYE MI BYA, ,GSHANG GCI DAG NI CHUNG MI DOR, ,DE DANG NYE BAR DOR MI BYA, ,SNYIM PA KHO NAR MI BZA' STE, ,KHOR BA'I SNOD DU'ANG BZA' MI BYA, ,LO MA'I RGYAB TU'ANG MI BZA' ZHING, ,MKHAS PAS CHAGS PA'I ZAS MI BZA', ,KHRI RNAMS DANG NI KHRI'U DAG LA, ,SGRUB PA BLO LDAN MI GTZANG LA, , GZHAN DANG NYAL BAR MI BYA STE, ,GAN RKYAL KHA SBUB TU YANG MIN, ,YANG DANG YANG DU MI BZA' STE, ,HA CANG CHUNG DANG CHER MI BZA', ,MI BZA' BAR YANG MI BYA LA, ,GANG DAG DOGS PA'ANG MI BZA' 'O, ,NGO MTSAR RNAMS LA DGA' MI BYA; ;LTAD MO KUN LA MI BLTA ZHING, ,BUD MED YUL LA 'JOL NYOG LA, ,ZHEN PA'I SEMS KYIS CHAGS MI BYA, ,SNGAGS ZLOS CHO GA LA GNAS PAS, ,LUS DANG NGAG DANG YID KYIS KYANG, ,ZAS DANG DE BZHIN SPYOD PA LA, ,

MA BSNGAMS PAR NI YONG MI BYA, ,SNGAGS ZLOS KHYIM PA MKHAS PA YIS, ,KHA DOG BSGYUR BA'I GOS MI BGO ,DE BZHIN RNYING DANG DRI MA CAN, ,GOS GCIG PAR NI YONG MI BYA, ,BDAG LA SMAD PAR MI BYA ZHING, ,RANG LA MI DGA' MI BYA STE, ,SKYE BAR YANG NI MA GYUR DANG, ,NAD KYIS 'GONG BAR MI BYA'O, ,BKA' LAN STZAL BA MA GTOGS PAR, ,BDAG GIS GSANG SNGAGS GTANG MI BYA, ,GTI MUG BLOS NI MI SMAD CING, ,SGRIM PA LHOD PAR MI BYA'O, ,YID NI GZHAN DU MA GYUR DANG, ,BSAM PA MANG PO MA YIN DANG, ,MI GTZANG CHAGS PA'I SEMS MED PAR, ,ZLOS PA POS NI GSANG SNGAGS GDON, ,GDON GYI LAS RNAMS MI BYA ZHING, ,SRUNG DANG SLAR ZLOG MI BYA'O; ;RANG GI SNGAGS MA GZHAN GYIS KYANG, ,THOS PAS DUG GI LAS MI BYA, ,SGRUB PA LA DGOS MA GTOGS PAR, ,GSANG SNGAGS GZHAN DU SPYAD MI BYA, ,'GRAN PA DANG NI SAD PHYIR YANG, ,BDAG GIS GSANG SNGAGS MI SBYAR RO, ,BLO LDAN GYIS NI DUS GSUM ZLOS, ,DUS GSUM DU NI KHRUS BYAS TE, ,ZHES DANG, SGRUB PA POS NI TSES BRGYAD DAM, ,BCU BZHI DANG NI BCO LNGA DANG, ,CHO 'PHRUL GYI NI ZLA PHYED LA, ,KHYAD PAR DU NI MCHOD PAR BYA; ;BZLAS BRJOD SBYIN SREG MCHOD PA DANG, ,DE BZHIN SDOM PA BZUNG BA DANG, ,KHYAD PAR DU YANG BSOD NAMS LA, ,GUS SHING MNGON PAR BRTZON PAR BYA, ,ZHES DANG, 'DI BYA 'DI NI MI BYA'O, ,RIGS SNGAGS 'DUL LAS SMOS PA DANG, ,BSLAB PA'I SDOM PA NYID LA YANG, ,ZLOS PAS RTAG TU RNAM PAR BSAM, ,RANG GI BDE LA CHAGS PA DAG ,NYIN MTSAN DU NI SPANG BAR BYA, ,'DI DAG BYAS NAS 'DI BYA'O ZHES, ,MI GA-YEL PAR NI GYUR BAR BYA, ,NYIN PAR BAG MED BYAS PA DAG ,MTSAN MO SO SOR BSHAGS PAR BYA, ,NUB MO BYAS PA'ANG NANG BAR BSHAGS, ,LEGS PAR BYAS LA MNGON DGAR BYA, ,BZLAS BRJOD SBYIN SREG GTZANG SBRA BYA, ,RIGS SNGAGS MCHOG DANG

, ,RANG SDOM DANG, ,RIG SNGAGS 'DUL BA DAG LA YANG, ,SGRUB PA POS NI NAN TAN GNAS, ,ZHES GSUNGS SO, ,KRi SA RA NI TIL NAG DANG MA SHA DANG 'BRAS BSRES NAS BTZOS PA'I THUG PA YIN GSUNG NGO, , DKYIL 'KHOR DU MA ZHUGS PA LA SNGAGS STENG ? DU MI RUNG BA NI, SPYI RGYUD LAS KYANG, DKYIL 'KHOR LEGS PAR MA MTHONG BAR, GANG ZHIG CI STE SNGAGS ZLOS NA, ,DE NI DNGOS GRUB THOB MI 'GYUR, ,SHI NAS NGAN SONG LTUNG BAR 'GYUR, , SNGAGS DANG PHYAG ? GA LA, ,GANG ZHIG DE LA STON PA YANG, ,DE NI DAM TSIG NYAMS GYUR NAS, ,NGU ? 'BOD SEMS CAN DMYAL BAR 'GRO, ,ZHES GSUNGS PAS RGYUD BZHI GANG RUNG GI DKYIL 'KHOR DU BCUG NAS DBANG BSKUR BA MA BYAS PAR RJES GNANG TZAM LA BRTEN TE LHA SGRUB PA SOGS DANG, DE LA SNGAGS STER BA RNAM PA THAMS CAD DU MI RUNG NGO, ,DE LTAR BYAS NA DE'I SDIG PA DAG PAR BYED PA'I TSUL YANG DE NYID LAS, JI SKAD BSHAD PA'I DAM TSIG RNAMS DANG, ,GAL TE RNAM PAR GANG GYUR PA, ,DE NI RANG GI SNYING PO SNGAGS, ,GCIG 'BUM DU NI BZLAS BRJOD BYA, ,YANG NA SEMS RMONGS MED PA'I GZUNGS, ,STONG DU BZLAS BRJOD BYAS KYANG RUNG, ,YANG NA ZHI BA'I SBYIN SREG BYA, ,YANG NA DKYIL 'KHOR DU YANG GZHUG ,CES GSUNGS PAS DE BZHIN DU 'BAD LA SPYAD DO, ,DGRA NAG GI 'GREL BA RIN CHEN SGRON ME LAS, DAM TSIG DE RNAMS GSUNGS PA'I 'OG TU, DAM TSIG DE DAG NI BDAG GIS BYA BA'I RGYUD DAG LAS BTUS PA YIN GYIS,, RNAL 'BYOR CHEN PO'I RNAL 'BYOR BDAG GIS KYANG YUL DANG DUS KYI DBANG DANG BSAM PA'I DBANG GIS JI LTAR RIGS PAR SRUNGS SHIG ,YANG GANG DAG RNAL 'BYOR CHEN PO YI RNAL 'BYOR PA YIN PAR SMRA BA GTZANG SBRA DANG BSDAMS PA MED PAR 'DOD PA DE DAG NI MA RUNG BAR 'GYUR TE, BSAM PA LA SOGS PA'I DBANG LAS NI BYA BA'I RGYUD DAG TU YANG, GTZANG RUNG DE NI MI GTZANG RUNG, ,ZAS NI ZOS DUNG MA ZOS RUNG, ,KHRUS BYAS DE NI MA BYAS RUNG, ,BDAG GI LHA NYID DRAN PAS

'GRUB, ,CES BYA BA LA SOGS PA BAG YANGS SU BYA BA GSUNGS LA, PHAL CHER NI RNAL 'BYOR CHEN PO'I RNAL 'BYOR PAS KYANG JI SKAD GSUNGS PA'I DAM TSIG LAS 'DA' BAR MI BYA BAS SO, ,ZHES GSUNGS PA LTAR BYA SPYOD KYI DBANG ZHUS PA RNAMS KYI BSRUNG BYA YIN PAR MA ZAD RNAL 'BYOR BLA MED LA ZHUGS PA RNAMS KYIS KYANG SRUNG DGOS PAS, DE DAG DANG RTZA LTUNG RNAMS SHES PAR BYAS NAS RTZA LTUNG GIS GTAN MA GOS PA LA 'BAD CING NYES PA GZHAN GYIS GOS NA'ANG JI MI SNYAM PAR MI BZHAG PAR NYIN PAR BYUNG BA RNAMS MTSAN MO PHYIR BCOS LA, MTSAN MO LTUNG BAR BYUNG BA RNAMS NYIN MO PHYIR BCOS PAR GSUNGS PA LTAR BSHAGS NAS DAG PAR BYA'O, ,BLA MED KYI DBANG THOB NAS DAM TSIG DANG SDOM PA TSUL BZHIN DU BSRUNG STE LTUNG BAS MA GOS PA LA 'BAD PAR BYA ZHING, DE LTAR BYAS KYANG MI SHES PA DANG, NYON MONGS MANG BA DANG, PHAG MED PA DANG, MA GUS PA LA SOGS PA'I DBANG GIS RTZA BA'I LTUNG BA BYUNG NA BLA MA MTSAN NYID DANG LDAN PA LAS DBANG ZHU BA DANG, RANG NYID KYIS BDAG 'JUG BLANG BA LA SOGS PA'I SGO NAS LTUNG BA LAS LDANG BA LA 'BAD PA DANG, DE LAS GZHAN PA'I DAM TSIG NYAMS NA PHYIR BCOS DANG BSHAGS PA SOGS KYIS DAG PAR BYAS TE TSUL BZHIN DU BSRUNG NA TSE 'DIR LAM MA BSGOM KYANG SKYE BA BDUN DANG BCU DRUG TSUN LA MCHOG GI DNGOS GRUB THOB PAR 'GYUR TE, GSANG BA'I MDZOD KYI RGYUD SA ? RA HA SA THOD PA'I 'GREL BAR DRANGS PA LAS, DBANG BSKUR YANG DAG SBYIN LDAN NA, , SKYE DANG SKYE BAR DBANG BSKUR 'GYUR, ,DE YIS SKYE BA BDUN LA NI, ,MA BSGOM PAR YANG DNGOS GRUB THOB, ,GANG LA BSGOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA GRUB, ,SKYE BA GZHAN DU DNGOS GRUB THOB, ,ZHES DANG, DAM TSIG LNGA PA LAS KYANG GAL TE LTUNG BA MED GYUR NA, ,SKYE BA BCU DRUG DAG NA 'GRUB, CES DANG, RNAM GROL ZLA BAS KYANG, MA BSGOM GYUR KYANG LTUNG MED NA, SKYE BA BCU DRUG DAG NA 'GRUB, ,

, ,CES GSUNGS SO, ,DAM TSIG SRUNG BA 'DI NI SLOB DPON BYAS NAS GZHAN LA RGYUD DANG GDAM NGAG 'CHANG CING DBANG BSKUR BA DANG, SLOB MA BYAS NAS RGYUD DANG GDAM NGAG NYAN PA DANG, SLOB DPON DANG SLOB MA GNYIS KAS KYANG SGRUB PA BYED PA DANG, DE DAG GANG YANG MI BYED NA YANG DBANG THOB PA KUN GYIS 'DAR MI RUNG BA BYA DGOS PA YIN PAS TSE 'DI LA MCHOG 'GRUB PA LA SOGS PA'I GANG ZAG RAB 'BRING THA GSUM GANG GIS YANG LAM BGROD PA GCIG PA YIN NO, ,DON 'DI LA DGONGS NAS RJE BTZUN CHEN PO GRAGS PA RGYAL MTSAN PA'I ZHAL NAS, RDO RJE THEG LA DANG CING MA SMIN PAS, ,ZAB MO BSGOMS KYANG 'BRAS BU NGAN 'GRO LAS, ,MCHOG GZHAN MI 'GRUB SANGS RGYAS GSUNGS PAS NA, , BLA MA MCHOG LA DBANG BSKUR NOD PAR MDZOD, ,DBANG THOB MAN NGAG ZAB MO TSOL BA YIS, ,SA STENG RGYAS PAR KUN TU BTZAL BYAS KYANG, ,PHAN PA'I DON PO GDAM NGAG DAM TSIG STE, ,'DI MED 'GRAM RTZA ZAD PA'I KHANG DUL 'DRA, ,LEGS PAR SMIN LAS DAM TSIG BSRUNG BYAS NA, ,RIM GNYIS ZAB MO'I MAN NGAG MA BSTEN KYANG, ,SKYE BA BCU DRUG DAG NA 'GRUB PO ZHES, ,'GRO BA'I RTZA LAG PHAN PAR MDZAD PAS GSUNGS, ,BDAG NI THOS NYUNG SHES RAB MIG BRAL YANG, ,DRI MED RGYUD LAS LEGS GSUNGS MTHONG BAS NA, ,DBANG BLANG DAM TSIG SRUNG BAR MDZOD CIG CES, ,KUN LA THAL MO SBYAR NAS GSOL BA 'DEBS, ,ZHES GSUNGS SHING, RJE BDAG NYID CHEN POS KYANG, SNGAGS RIM DU LUNG 'DI DRANGS PA'I MJUG THOG TU, ZHES GSUNGS PA NI RGYUD SDE'I GNAD MKHYEN PA'I GTAM YIN TE, BDAG KYANG DE LTAR DU GSOL BA 'DEBS SO, ,DE 'DRA BA'I BSLAB BYA SHES PAR BYED PA NI BLA MA'I LAS SU BYA BA YIN PAS DE MA BSTAN NA BLA MA LA NYES PAR 'GYUR LA, BSTAN KYANG MI SGRUB NA SLOB MA'I NYES PA'O, ,ZHES DBANG BSKUR NAS RING PO MA LON PAR BSLAB BYA RNAMS BLA MAS SLOB MA LA GO BAR MA BYAS NA BLA MA LA NYES PA 'BYUNG BAR GSUNGS PAS, 'PHRENG BA'I DBANG DKYUS GCIG LA SKUR BA'I TSE THOG MA NAS 'CHAD

RGYU MA BYUNG KYANG BLA MED KYI DBANG RNAMS RDZOGS PA'I BAR LA RTZA LTUNG DANG SBOM PO SOGS KYI RNAM BZHAG RAGS PA GONG DU BSHAD PA LTAR DANG, RGYUD SDE 'OG MA'I DBANG RDZOGS KYI BAR LA 'OG MA'I DAM TSIG GONG DU DRANGS PA RNAMS BSHAD NA LEGS SAM SNYAM NAS 'DIR BKOD PAS SKABS DANG SBYAR LA BLA MA DANG SLOB MA THAMS CAD NYES PAS MA GOS PAR DBANG BSKUR BA DANG NYAN PA'I PHAN YON 'GRUB PA'I PHYIR 'BAD 'TSAL LO, ,SMRAS PA, 'JIGS MED ZHABS DANG DHAR PAn AA TZA RYA'I, ,GZHUNG LAS BSHAD PA'I SLOB MAR DBANG SKUR TSUL, ,'CHAD PA'I NGAG 'DON YI GER BKOD PA MANG, ,'GA' ZHIG RANG GI PHYOGS ZHEN AA 'THES PAS, ,BLA MA GONG MA'I DKYIL CHOG PHYAG LEN GYI, ,RGYAS 'GEB SKABS THOB MIN PAR BYAS PA DANG, ,'GA' ZHIG HA CANG BSDUS PAS LAG TU BLANG, ,DKA' BAR MTHONG NAS TSUL 'DIR NGAL BA BSTEN, ,'DIR NI PAn CHEN GNYIS KYI RGYA GZHUNG LAS, ,JI LTAR GSUNG BA'I DNGOS GZHI CHA TSANG ZHING, ,DBANG LA DBANG BRDA' 'PHROD PA GAL CHE BAR, ,GSUNG PAS RANG RANG SKABS SU BRDA SPROD TSUL, ,'JAM MGON BLA MA'I LEGS PAR BSHAD PA LAS, ,BSKANG STE PHYAG LEN MTSAN LDAN BLA MA YI, ,JI LTAR MDZAD PA'I MTHONG BA BRGYUD PA BZHIN, ,BYA BA'I TSUL RNAMS LAG TU BLANG BDER BKOD, ,PHYOGS LHUNG LING THOG 'THUG PO'I BSGRIB PA YI, ,SPYAN GYI 'DI LA GZIGS PAR MI SPRO YANG, ,GZUR GNAS RNAM DPYOD RAB TU DANGS BA YI, ,SPYAN GYI NGOMS MED GZIGS MOR 'GYUR RAM SNYAM, ,ZHES BYA BAR SKABS KYI TSIGS SU BCAD PA'O, ,SKAL LDAN RDZOGS BYANG SGRUBS PA'I NYE LA MA MCHOG ,RIM GNYIS LAM DANG MTSAN BCAS MTSAN MED KYIS, ,RNAL 'BYOR ZAB MO SGOM PA'I SNOD RUNG DU, ,SGRUB PA'I DBANG BSKUR JI LTAR BYA BA'I TSUL, ,DKYIL CHOG RDOR 'PHRENG KRi YA SA MU TZTSA, ,GSANG SNGAGS LAM RIM RNAMS LAS BSHAD PA BZHIN, ,DAM PA MANG PO'I GSUNG GIS LEGS BSKUL BAS, ,SKAL MNYAM 'GA' YIS LAG TU BLANG BDER BKOD, ,GZHUNG TSIG ZAB CING BRLING BAS RTOGS PAR DKA', ,BDAG NI BLO GROS SBYANGS PA SHIN TU DMAN, ,MA RTOGS LOG RTOGS NOR 'KHRUL CI MCHIS PA, ,

, ,GZUR GNAS MKHAS PA RNAMS LA SNYING NAS BSHAGS, ,'DIR 'BAD DGE BA RDO RJE THEG PA'I CHOS, ,PHYOGS DUS KUN TU DAR ZHING RGYAS PA DANG, ,'GRO KUN GSANG CHEN MYUR LAM LA BRTEN NAS, ,RDO RJE 'CHANG DBANG MYUR DU 'THOB PHYIR BSNGO, ,CES RDOR 'PHRENG NAS BSHAD PA'I DKYIL 'KHOR ZHE GNYIS KRi YA NAS BSHAD PA'I DGE LEGS SU BYED PA'I DKYIL 'KHOR GSUM STE DKYIL 'KHOR ZHE LNGA'I RAS BRIS KYI DKYIL 'KHOR DU DBANG BSKUR BA'I DGA' DON GYI CHOG SGRIGS BLO GSAL MGUL ? RGYAN NOR BU'I 'PHRENG BA ZHES BYA BA 'DI NI, MKHYEN RAB 'JAM PA'I DBYANGS DANG GNYIS SU MED CING BRTZE BA 'JIG RTEN DBANG PHYUG DANG DBYER MED PA'I DPAL LDAN BLA MA DAM PA, 'JAM MGON BLA MA KHAMS GSUM CHOS KYI RGYAL PO'I RGYAL TSAB ZHE BZHI PA KHRI RIN PO CHE NGAG DBANG BLO GROS RGYA MTSO DPAL BZANG PO'I ZHAL SNGA NAS KYIS 'PHRENG BA'I DBANG BSKUR GCIG DANG, SNGAGS RIM SOR BZHAG PA'I YIG CHA GCIG BYED YE THUB LTOS ZHES BKA'I GNANG BA THOB CING, CHOS SDE CHEN PO DGON LUNG DU 'PHRENG BA'I DBANG BSKUR SKABS CHOS SDE'I KHRI RIN PO CHE DANG GZHI BYAS KYI DGE BA'I BSHES GNYEN 'GA' ZHIG GIS BSKUL BA DANG, PHYIS SU MDO SNGAGS YONGS SU RDZOGS PA'I BSTAN PA'I GSAL BYED MKHAS PA'I DBANG PO BSTAN 'GRO'I DON LA GCIG TU GZHOL BA'I DES PA DON GYI DGE BA'I BSHES GNYEN BDE CHEN CHOS GLING GI KHRI RIN PO CHE GRAGS PA RGYAL MTSAN, MDO SNGAGS KYI GZHUNG LUG RGYA MTSO LTA BU LA THOS BSAM BSGOM PA MTHAR PHYIN PA'I YONGS KYI DGE BA'I BSHES GNYEN CHEN PO DZA YA PAndI TA BLO BZANG 'PHRIN LAS, SDE SNOD GSUM DANG RGYUD SDE BZHI'I THOS PA'I NOR GYIS PHYUG CING, SDOM PA GSUM GYI BCAS 'TSAMS LAS MI 'DA' BAR BSTAN 'GRO'I DON KHUNG DU KHYER BA'I RGYAL MKHAN PO RNAM RGYAL AER RDE NI NO MON HAN MTSAN GZHAN BLO BZANG TSUL KHRIMS PHYOGS LAS RNAM RGYAL, GSO PA RIG PA DANG NANG DON RIG PA LA SBYANGS PA MI DMAN ZHING BSTAN 'GRO'I DON LA LHAG BSAM CHE BA'I RAB 'BYAMS SMRA BA NGAG DBANG BSTAN 'DZIN AER DHI NI NO MON HAN, SDE SNOD GSUM LA SBYANGS PA CHE

ZHING MDO SNGAGS KYI LUNG MAN NGAG GIS PHYUG PA'I BKA' 'GYUR BA DO LON NOR GYI T'A BLA MA BLO BZANG TSUL KHRIMS SOGS KYIS BSKUL PA LTAR BAN RGAN SNYOM LAS PA NGAG DBANG BLO BZANG CHOS LDAN DPAL BZANG PO, , 'JAM DBYANGS GONG MA'I LUNG GIS, KON TING PHU'U SHAN BKVANG TSI T'A KOO SHRI MED GZHAN LCANG SKYA HU THOG THUR 'BOD PAS RNAL 'BYOR RDZOGS 'PHRENG, DKYIL CHOG RDO RJE 'PHRENG BA, KRi YA SA MU NYTZA RJE BDAG NYID CHEN PO'I GSANG SNGAGS LAM RIM RNAMS LA GZHI BYAS, SA BZANG 'PHAGS PA DANG PAn CHEN THAR RTZE BA GNYIS KYIS MDZAD PA'I 'PHRENG BA DANG KRi YA SBRAGS MA'I SGRUB DKYIL 'KHOR ? PAn CHEN BZANG BGRAS PAS MDZAD PA'I 'PHRENG BA GNYIS KYI LHAN 'THABS, 'PHAGS SDE LO TZTSA BA CHAB MDO'I MKHAN CHEN RJE DRUNG DGE 'DUN BKRA SHIS KYIS MDZAD PA'I 'PHRENG BA DANG KRi YA SBRAGS MA'I SGRUB DKYIL, PAn CHEN THAMS CAD MKHYEN PA'I RDZOGS 'PHRENG GI LHAN 'THABS, ZHAL SNGA NAS BSAM SGANG PA MKHAN CHEN NGAG GI DBANG PO NGANG ZHAL SNGA NAS RDO RJE 'DZIN PA DKON MCHOG RGYAL MTSAN GYIS MDZAD PA'I DBANG CHOG GI NGAG 'DON, SKYID SHOD ZHABS DRUG GIS MDZAD PA'I 'PHRENG BA DANG KRi YA SBRAGS MA'I SGRUB DKYIL RNAMS KYI LEGS CHAS BRGYAN TE 'KHYER BDE BAR SBYAR BA'I YI GE PA NI GZHUNG LUGS RAB 'BYAMS LA SBYANGS BA MI DMAN ZHING BSLAB GSUM SDE SNOD 'DZIN PA'I RAB 'BYAMS SMRA BA BLO BZANG NYI MA'O,, 'DIS KYANG RGYAL BSTAN SPYI DANG KHYAD PAR RGYAL BA GNYIS PA 'JAM DPAL SNYING PO'I BSTAN PA RIN PO CHE DRI MA MED PA 'DI NYID PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG