*, ,(BDE BA CAN GYI ZHING DU BGROD PA'I MYUR LAM GSAL BAR BYED PA'I ? SGRON ? ME ZHES BYA BA BZHUGS SO,) ,,SNGON TSE RLABS CHEN SMON LAM BTAB PA'I 'BRAS, ,'OD DANG SKU TSE MDZAD PA MTHA' YAS SHING, ,'KHOR DANG ZHING GI DPAL 'BYOR PHUL BYUNG BA, MGON PO 'OD DPAG MED LA GUS PHYAG 'TSAL, ,'DREN MCHOG DE YI ZHING DU SKYE BA'I THABS, ,ZHING BKOD MDO LAS 'BYUNG BA BDAG CAG GI ,YAB RJE RGYAL BA GNYIS PAS GSAL MDZAD PA, ,ZHING MCHOG SGO 'BYED DGONGS DON MDOR BSDUS BRJOD, ,RGYAL RNAMS RGYAL SRAS SPYOD LA SLOB PA NA, ,THUGS BSKYED SMON LAM BTAB BZHIN LEGS GRUB PA'I, ,SPRUL SKU'I ZHING GI BKOD PA MTHA' YAS KYANG, ,KHA CIG SEMS DPA' KHO NA'I 'KHOR TSOGS DANG, ,SNOD BCUD 'BYOR BA HA CANG RLABS CHE BAS, ,SKYE BAR DKA' ZHING KHA CIG SNYIGS MA LNGAS, ,CHE CHER SBAGS PAS ZHING DER SKYES PA RNAMS, ,NYAMS PAR SLA LA BDE LDAN ZHING 'DI NI, ,THUB DBANG MCHOG DANG ZHING GZHAN DPAG MED NAS, BDE GSHEGS MANG POS LAN DRANGS DU MAR BSNGAGS, ,ZHING DER SKYES RNAMS NGAN 'GROR PHYIR MI LDOG ,SKYE BA'I THABS KYANG BSGRUB PAR DKA' BA MIN, ,DE PHYIR ZHING DER SKYE
BA'I RGYU TSOGS LA, ,RANG CAG RNAMS KYIS SHIN TU 'BAD PAR RIGS, ,DE YANG ZHING BKOD MDO LAS JI SKAD DU, ,GANG GIS PHRANG BA RDUL SNYED 'JIG RTEN KHAMS, ,BSHIG CING GSHAG STE RDUL DU BYAS GYUR PA, ,DE BAS MANG BA'I 'JIG RTEN KHAMS KYI RNAMS, ,RIN CHEN BKANG STE SBYIN PA BYIN PA BAS, ,GANG GIS 'OD DPAG MED PA'I 'OD DANG MTSAN, BDE BA CAN GYI YON TAN KHYAD 'PHAGS RNAMS, ,THOS NAS DGA' STE THAL MO SBYOR BYED PA, ,BSOD NAMS 'DI YI CHAR YANG 'GYUR MA YIN, ,DE LTA BAS NA DE BZHIN GSHEGS DE YI YON TAN THOS NAS MGU DANG DGA' BSKYED LA, ,BDE BA CAN GYI 'JIG RTEN KHAMS MCHOG TU, ,'GRO BAR BYA PHYIR MOS PA DRAG PO BSKYED, ,GANG GIS BDE BA CAN GYI 'JIG RTEN GYI, MING THOS PA YI BSOD NAMS DE LA NI, ,ZHING MCHOG THA GRU CHEN PO DE DAG KUN, ,CHA DANG DPER YANG 'GYUR BA MA YIN NO, ,GANG GIS RGYAL BA'I BKA' DANG SHES RAB CAN, ,DE DAG DE BAS BSOD NAMS MANG TU 'GYUR, ,DON DE THOB PHYIR DAD PA RTZA BA STE, ,DE LTA BAS NA THOS DANG YID GNYIS SOL, ,ZHES DANG TSE DPAG MED MGON RANG NYID KYIS, ,NGAS NI SNGON GYI SMON LAM 'DI SKAD BTAB, ,SEMS CAN GANG GIS NGA YI MING THOS NA, ,NGA YI ZHING DU RTAG TU 'ONG BAR SHOG ,NGA YI SMON LAM BZANG PO DE RDZOGS PAS, ,'JIG RTEN KHAMS MANG DAG NAS SEMS CAN 'ONG, ,DE DAG NGA YI ZHING DU LHAGS NAS NI, ,DE DAG SKYE BA GCIG LAS PHYIR MI LDOG ,ZHES SOGS MANG DU GSUNGS SHING MDOR BSDU NA, ,ZHING ?
, ,DE'I SNOD BCUD YON TAN PHUN TSOGS RNAMS, ,YANG YANG DRAN PAS DANG 'DU NA SHUGS DRAG BSKYED, ,ZHING DER SKYE PHYIR DGE RTZA DPAG MED SOGS, ,THEG CHEN RIGS SU SKYE PHYIR SEMS MCHOG BSKYED, ,DE DAG CHED DU SMON LAM SHUGS DRAG GDAB, ,KHYAD PAR 'OD DPAG MED MGON 'KHOR BCAS LA, ,DMIGS PA'I DANG PA DRAG POS SMON GNAS RNAMS, ,BDE BLAG 'GRUB PA'I DBANG PO MDZAD CIG GU, ,SNYAM PA'I BSAM PA SHUGS DRAG BYA BA DANG, ,ZHING GI YON TAN MDO LAS GSUNGS PA RNAMS, ,YANG YANG DRAN NAS SKYE 'DUN SHUGS DRAG PO, ,BSKYED PA GTZO BO YIN PAS GNAD DU CHE, ,'OD DPAG MED MGON GTZO BOR GYUR BA YIS, ,MKHA' KHYAB ZHING GI MCHOG GSUM LA DMIGS PA'I, , SKYABS 'GRO SEMS SKYED RGYAS BSDUS SKABS DANG SBYAR, ,ZHING DANG BCUD KYI YON TAN 'DI LTAR BSAM, ,MI MJED ZHING NAS NUB GYI PHYOGS NYID DU, ,BYE BA KHRAG KHRIG BRGYA STONG SANGS RGYAS KYI, ,ZHING KHAMS RNAMS NI 'DAS PAR GYUR PA NA, ,RMAD BYUNG BDE BA CAN ZHES BYA BA YOD, ,DE NI SA GZHI RIN CHEN DU MAS SPRAS, ,SHIN TU NYAMS DGA' LAG MTHIL LTA BUR MNYAM, ,RIN CHEN LAS GRUB RI BO MA GTOGS PA, ,NAG PO'I RI RNAMS KUN GYIS DBEN ZHING GTZANG, ,MDZES SHING YID 'ONG RNAM NGAG ZHING GI MTHA', , RIN CHEN BDUN GYI CHU SHING LJON PA DANG, ,RIN CHEN TA LA'I SHING GI 'PHRENG BA YIS, ,YONGS SU BSKOR BA SKAR MAS ZLA BA BZHIN, ,LJON SHING RTZA BA GSER DANG SDONG PO DNGUL, ,
YAL GA BEE tU R+A DANG LO MA SHEL, ,'DAB MA SDUG DANG ME TOG MU TIG DMAR, ,'BRAS BU RDO SNYING LAS NI BYAS PA DANG, ,KHA CIG RTZA BA LA SOGS BDUN KA YANG, ,RIN CHEN SNA GCIG SNA GNYIS SNA GSUM DANG, ,BZHI LNGA DRUG BDUN DAG LAS BYAS PA DANG, ,RTZA BA LA SOGS RE RE'ANG RIN PO CHE, ,SNA BDUN TSANG BA RNAMS LAS BYAS PA'ANG YOD, , LJON PA RNAMS LA RIN CHEN COD PAN DANG, ,RNA RGYAN MGUL RGYAN DBUNG RGYAN GDUB PU DANG, ,SKA RAGS DRA BA DRA PHYED GA-YER KHA SOGS, ,RIN CHEN BRGYA STONG DU MAS SPRAS PA'I RGYAN, , YID LA 'DOD DGU RNAMS NI LEGS PAR 'PHYANG, ,SNGA DRO'I DUS SU PHYOGS BZHI DAG NAS RLUNG, ,LANGS TE LJON SHING DE DAG BSKYOD PA NA, ,YID DU 'ONG BA'I DRI BSUNG DAD LDAD ZHING, ,LTAN SDUG PA'I ME TOG MANG BRUL TE, ,ZHING DER MI YI BONG TSOD BDUN TZAM KHYAB, ,DE NI KAN TZA LIN LTAR 'JAM ZHING BDE, ,RKANG PA BZHAG TSE SOR BZHI DMA' 'GYUR ZHING, , BTEG NA SOR BZHI TZAM GYIS MTHO BAR 'GYUR, ,SNGA DRO 'DAS TSE ME TOG RNYING PA RNAMS, ,MED PAR DBEN ZHING NYAMS DGA' DAG PAR 'GYUR, ,SLAR YANG PHYOGS BZHI DAG NAS RLUNG LANGS TE, ,SNGAR BZHIN ME TOG SAR PA 'GREMS PAR BYED, ,SNGA DRO JI LTAR NYIN GUNG PHYI DRO DANG, ,SROD DANG NAM GUNG THO RANGS DE BZHIN NO, ,GSER DNGUL BEE tU RA+YA DANG SHEL DANG SPUG ,MU TIG DMAR PO RDO YI SNYING PO STE, ,RIN CHEN BDUN LAS GRUB PA'I LJON PA LA, ,YID LA BSAM DGU'I RGYAN BZANG DPAG MED 'PHYANG, ,SHING GI RTZA BA SDONG PO
, ,YAL GA SOGS, ,'JAM ZHING REG NA BDE STER DRI ZHIM LDAN, ,DRI YI BZHON PAS BSKYOD TSE RNAR SNYAN PA'I, ,MNYAN PAS CHOG MI SHES PA'I SGRA RNAMS 'BYUNG, ,SA GZHI MDZES BYED SHING GI YON TAN NO, ,GZHAN YANG DE NA SPOS MCHOG GIS BGOS PA'I, ,CHU GLUNG RNAM PA DU MAS MDZES PA RNAMS, ,ZABS SU DPAG TSAD BCU GNYIS YOD PAR MTSUNGS, ,KHA ZHENG DPAG TSAD GCIG BCU NYI SHU DANG, ,SUM CU BZHI BCU LNGA BCU'I BAR DAG DANG, ,DPAG TSAD BRGYA STONG TSAD DANG LDAN PA'ANG YOD, , DE YANG 'BAB STEGS BDE ZHING 'DAM RDZA BA MED, ,GSER GYI BYE MA LEGS PAR BDAL BA LA, ,LHA'I ME TOG AUD PAL PADMA DANG, ,KU MU TA DANG PADMA DKAR PO SOGS, ,RAB MDZES DRI ZHIM ME TOG DU MAS KHEB, ,KHAL KHOL DAG NA NGANG PA BZHAD KHRUNG KHRUNG, ,DUNG PA KAR NA DA NGANG NE TZO DANG, ,RI SKEG KHU BYUG DANG NI KUN LA, ,KA LA BINGGA RMA BYA LA SOGS PA, ,YID 'ONG SGRA 'BYIN SPRUL PA'I BYA TSOGS GNAS, ,'GRAM GNYIS RIN CHEN SPOS KYI LJON PAS GANG, ,DAG PA'I SEMS CAN RNAMS KYI NYER 'TSO'I GZHIR, ,YID 'DZIN TA MA LA DANG AA KA RU; ;RGYA SPOS TZAN TAN SPRUL SNYING GIS BGOS PA'I, ,NYAL 'GRO'I RGYUN RNAMS SGRA SNYAN SGROG CING 'BAB, ,SA GZHI MDZES BYED CHU YI YON TAN NO, ,GZHAN YANG DE NI GSER GYI DRA BAS KHEB, ,RIN CHEN BDUN GYI PADMAS GANG BA STE, ,DE YANG DPAG TSAD PHYED DANG GCIG DANG GNYIS, ,GSUM BZHI LNGA NAS BCU YI BAR TZAM YOD, ,RIN CHEN PADMO RNAMS LAS
'OD ZER NI, ,BYE BA STONG PHRAG SUM BCU DRUG 'BYUNG, ,'OD ZER RTZE MO RNAMS LAS RGYAL BA'I SKU, ,GSER MDOG MTSAN DPES BRGYAN PA BYE BA BRGYA, ,STONG PHRAG SUM CU RTZA DRUG RTZA DRUG 'BYUNG, ,GRANGS MED PHYOGS BCU'I 'JIG RTEN KHAMS SU GSHEGS, ,SEMS CAN RNAMS LA DAM PA'I CHOS STON TO, ,RAB 'BYAMS SMON LAM STOBS LAS 'ONG BA YI, ,RIN CHEN PADMOS BSKRUN PA'I 'OD ZER RTZER, ,DAM CHOS SBRANG RTZI'I DGA' STON 'GYED PA YI, ,SPRUL SKU'I GDUL BYA'I BUNG BA TSIM PAR MDZAD, ,SA GZHI MDZES BYED PADMA'I YON TAN NO, ,GZHAN YANG DER NI RIN CHEN SNA TSOGS KYI, ,BA GAM BRGYA STONG DAG GIS BRGYAN PA YI, ,GZHAL MED KHANG DU RIN PO CHE YI KHRIR, ,LHA YI RAS BZANG BCOS BU SNA TSOGS KYI, ,STAN DANG SNGAS 'BOL KHRA BO DU MA BSHAMS, ,JI 'DOD SPOS DANG 'PHRENG BA BYUG PA DANG, ,PHYE MA GDUGS DANG RGYAL MTSAN BA DAN DANG, , SIL SNYAN GOS BZANG KHA TOG DU MAS KHYAB, ,SNA TSOGS SPOS KYI DRI ZHIM NGAD LDANG ZHING, ,LHA YI SPOS CHU'I SPRIN GYI CHAR BA DANG, ,LHA YI ME TOG RIN CHEN SNA BDUN DANG, ,TZAN DAN PHYE MA GDUGS DANG RGYAL MTSAN DANG, ,BA DAN RNAMS KYI CHAR BA DUS SU 'BAB, ,MKHA' LA LHA YI BLA BRE LEGS BRES SHING, ,RNGA MA'I BSIL YAB DANG BCAS GDUGS BZANG PHUB, ,RAB SNYAN LHA YI ROL MOS SGRA DBYANGS SGROGS, ,LHA YI BU MO DAG GIS GAR BYED DO, ,YID KYI RE BA RDZOGS BYED LONGS SPYOD RDZOGS, ,PHUN TSOGS 'BYOR BAS SA
, ,DANG BAR SNANG KUN, ,MI MNYAM MED PAR YONGS SU DKRIGS PA NI, ,GSER GYI GZHI LA CHU GTER CHEN PO BZHIN, ,KHANG BZANG LONGS SPYOD DAG GI YON TAN TE, ,ZHING DER SKYE 'DUN SHUGS DRAG SKYE PHYIR BSAM, ,GNAS DER NGAN SONG GSUM DANG LHA MIN MED, ,ZHING DER SKYES NAS DE PHYIR LDOG MI SRID, ,MI KHOM LHAG MA RNAMS KYANG YOD MIN LA, ,MA NGES PA DANG LOG PAR NGES PA'ANG MED, ,YANG DAG NYID DU NGES PA SHA STAG YIN, ,SNGON GYI SMON LAM DBANG LAS MA GTOGS PA, ,DUS MIN 'CHI BA MED CING DER SKYE TSE, ,RIN CHEN PADMA LAS NI RDZU TE SKYE, ,'GRO BA LHA MI GNYIS SU NGES PA STE, ,LONGS SPYOD GZHAN 'PHRUL DBANG BYED LHA DANG MTSUNGS, ,LUS LA SUM CU RTZA GNYIS MTSAN GYIS BRGYAN, ,SEMS KYI SKAD CIG GCIG LA SANGS RGYAS ZHING, ,BYE BA KHRAG KHRIG BRGYA STONG RNAMS PA BGROD PA'I, ,RDZU 'KHRUL GYI NI MNGON PAR SHES PA DANG, ,BSKAL BA BYE BA KHRAG KHRIG BRGYA STONG RNAMS, ,RJES SU DRAN PA'I SNGON GNAS RJES DRAN DANG, ,'JIG RTEN BYE BA KHRAG KHRIG BRGYA STONG RNAMS, ,MTHONG BA'I LHA YI MIG GI MNGON SHES DANG, ,SANGS RGYAS BYE BA KHRAG KHRIG BRGYA STONG LA, ,DAM CHOS NYAN PA'I RNA BA'I MNGON SHES DANG, ,BYE BA KHRAG KHRIG BRGYA STONG SANGS RGYAS KYI, ,ZHING GI SEMS CAN RNAMS KYI SEMS SHES PA'I, ,GZHAN SEMS SHES TE MNGON SHES LNGA THOB CING, ,SNGA DRO BZHIN DU SANGS RGYAS ZHING MANG POR, ,PHYIN NAS SANGS RGYAS BRGYA PHRAG
MANG PO NAS, ,BYE BA KHRAG KHRIG BRGYA STONG MANG PO LA, ,SANGS RGYAS MTHU YIS MCHOD PAS BSNYEN BKUR BYED, ,'ON KYANG THE TSOM ZOS PA'I LAS DBANG GIS, ,PADMA'I SBUB SU YUN RING GNAS DGOS RNAMS, ,MNGON SHES LNGA DANG GZHAN GYI BDE GSHEGS RNAMS, ,MCHOD DU 'GRO BA'I NUS PA LDAN PA MIN, ,DE RNAMS KHAMS ZAS RAGS PA MI ZA YANG, ,KHA ZAS RNAM PA JI 'DRA 'DONG BA DANG, ,SNGAR BSHAD GOS DANG RGYAN GYIS BYE BRAG RNAMS, ,JI 'DOD BSAM MA THAG TU DE RNYED NAS, ,LUS TSI MA LUS LA THOGS SHING BRGYAN PAR 'GYUR, ,CHU KLUNG CHEN PO RNAMS LAS SNYAN PA'I SGRA, ,YID 'ONG MNYAN PAS CHOG MI SHES PA 'BYUNG, ,DES KYANG CHOS KYI RNAM GRANGS DPAG MED STON, ,SPRUL PA'I BYA TSOGS KYIS KYANG CHOS KYI SGRAS, ,SANGS RGYAS RJES SU DRAN PA'I BSKUL MA 'DEBS, ,GONG DU BSHAD PA'I GZHAL MED KHANG BZANG DU, ,LHA YI BU MO BDUN STONG BDUN STONG GIS, , BSKOR TE RTZE ZHING DGA' BAS ROL BAR BYED, ,DAG PA'I SEMS CAN LAS BZANG GIS SPRUL BA, ,MTSAN DPE'I RGYAN GYIS LUS NI RAB TU MDZES, ,YON TAN DU MAS RGYUD NI LEGS PAR GTAMS, ,GNAS SKABS KUN TU CHOS KYI DGA' BAS 'TSO, ,GLOG BZHIN 'KHYUG BA'I THOG MED RDZU 'PHRUL GYIS, ,ZHING MANG BGROD NAS RGYAL BA'I SPYAN SNGA RU, ,RAB 'BYAMS TSOGS GNYIS BSKRUN NAS SLAR YANG NI, ,RANG GI ZHING DU DGA' BA DES ROL BAR MDZAD, ,DE RNAMS BCUD KYI YON TAN THUN MONG NGO,, ,,RGYAL BA'I 'KHOR NI NYAN THOS SEMS DPA'
, ,GNYIS, ,NYAN THOS 'KHOR GYI 'DUS PA DANG PO'I GRANGS, ,RDZU 'PHRUL MCHOG GYUR MO GAL BU LTA BU, ,BYE BA KHRAG KHRIG BRGYA STONG GRANGS SNYED KYIS, ,LO GRANGS DE SNYED BRTZIS KYANG GRANGS MI CHOD, ,'DUS PA GNYIS PA GSUM PA LTA CI SMOS, ,DE DAG THAMS CAD 'OD MI 'DOM GANG BA, ,NYAN THOS 'KHOR GYI YON TAN MDO TZAM MO,, ,, SEMS DPA'I 'KHOR GYI GRANGS NI DPAG TU MED, ,YON TAN MTHA' YAS LDAN PA SHA STAG STE, ,DE YANG 'DI LTAR SEMS CAN THAMS CAD LA, ,MNYAM DANG PHAN DANG BYAMS PA'I SEMS DANG LDAN, ,THA SNYAD SGYU MA'I RANG BZHIN CHOS KUN LA, ,ZHUGS PA'I SHES RAB RGYA MTSO CHE DANG MNYAM, ,YE SHES MNGON 'PHAGS RI BO'I MCHOG DANG MTSUNGS, ,'KHRUGS PA MED PAS RGYA MTSO CHE DANG 'DRA, ,DGE DANG MI DGE BZOD PAS SA DANG MTSUNGS, ,NYON MONGS DRI MA 'KHRUD PAS 'BAB CHU 'DRA, ,RLOM SEMS NYON MONGS SREG PAS ME DANG MTSUNGS, , 'JIG RTEN KUN LA MI CHAGS RLUNG DANG 'DRA, ,NGES PAR 'PHAGS SHING MI DMIGS MKHA' DANG MTSUNGS, ,'JIG RTEN SKYON GYIS MA GOS PADMA 'DRA, ,DUS SU CHOS SGRA SGROGS PAS 'BRUG DANG MTSUNGS, ,CHOS CHAR MNGON PAR 'BEB PAS SPRIN CHEN 'DRA, ,TSOGS CHEN ZIL GYIS GNON PAS KHYU MCHOG MTSUNGS, ,SEMS NI MCHOG TU DUL BAS GLANG CHEN 'DRA, , SHIN TU DUL BAS CAD SHES RTA DANG MTSUNGS, ,RTZAL CHE 'JIGS PA MED PAS SENG GE 'DRA, ,'GRO KUN SKYOBS PAS NA+YA ? GRO TA DANG MTSUNGS, ,PHAS KYI RGOL BAS MI GA-YO RI RAB 'DRA, ,
BYAMS PA TSAD MED BSGOM PAS MKHA' DANG MTSUNGS, ,DGE CHOS DBANG BYED SNGON 'GRO TSANGS CHEN 'DRA, ,GNAS SU GSOG PA MED PAS BYA DANG MTSUNGS, ,PHAS RGOL RNAM PAR 'JOMS PAS MKHA' LDING 'DRA, ,SRID NA 'BYUNG DKA' AU DUM WA RA MTSUNGS, ,CHOS KYI RNGA CHEN RDUNG ZHING DUNG CHEN 'BUD, ,RGYAL MTSAN BSGRENG ZHING BA DAN CHEN PO 'DZIN, ,SGRON ME CHEN PO RAB TU 'BAR BAR BYED, ,SANGS RGYAS BYE BA KHRAG KHRIG BRGYA STONG LA, ,DGE RTZA BSKYED CING DE DAG RNAMS KYIS BSNGAGS, ,SKYON MED TSUL KHRIMS RNAM DAG LHUR LEN PAS, , SEMS BRGYAD BEEtURA+YA LTAR RNAM PAR DAG ,CHOS LA THOS PA RGYA MTSO TA BUR GYUR, ,SEMS DPA' CHEN PO DE RNAM RE RE YANG, ,DPAG TSAD BYE BA BRGYA STONG 'OD DANG LDAN, ,KHYAD PAR SRAS KYI THU BO GNYIS KYI NI, ,'OD KYIS ZHING DE 'KHOR YUG KUN TU KHYAB, ,YE SHES RGYA MTSO SEMS CAN RGYA MTSO'I PHYIR, ,SNYING STOBS RGYA MTSO MA ZHUM GO BGOS SHING, ,RGYAL BA RGYA MTSO'I DRUNG DU THUGS BSKYED NAS, ,THOS PA RGYA MTSO TSOL PAS NGOMS PA MED, ,MA LUS CHOS TSUL TSOL LA RAB TU MKHAS, ,'JIG RTEN 'DAS PA'I GTAM GYI SNYING PO RTOGS, , CHOS KYI GTAM LA NAM YANG 'JIGS PA MED, ,RTAG TU SEMS CAN GROL BAR BYED LA BRTZON, ,DE NI 'DREN PA'I GTZO BO 'OD DPAG MED, ,THUB MCHOG DE YI RIGS SU SKYES GYUR PA, ,RGYAL BA'I GDUNG TSEB GRAGS LDAN DPA' BO CHE, ,DAG PA'I ZHING GI RGYAL SRAS RNAMS YIN NO, ,SEMS DPA'I 'KHOR GYI YON TAN PHYOGS TZAM MO, ,DE LTA'I SNOD BCUD YON TAN PHUL BYUNG
, ,DANG; ;LDAN PA'I ZHING MCHOG DE DBUS BYANG CHUB SHING, ,'PHAR DU DPAG TSAD STONG DANG DRUG BRGYA YOD, ,YAL GA LO 'DAB DPAG TSAD BRGYA TSUN 'PHYANG, , RTZA BA'I SBOM LA DPAG TSAD LNGA BRGYA STE, ,LO 'BRAS ME TOG KHA DOG THA DAD PA, ,BRGYA STONG DU MA YOD PA RGYUN DU 'PHYANG, ,ZLA LTAR SNANG BA'I NOR BUS YONGS SU GSAL, ,DBANG POS THOGS PA'I NOR BUS RNAM PAR SPRAS, ,YID BZHIN NOR BU RIN PO CHE YIS GANG, ,RGYA MTSO'I NOR BU RIN CHEN MCHOG GIS SPRAS, ,GSER SKUD RIN CHEN CHUN PO SE MO DO, , DO SHAL MU TIG SNGO DMAR RGYAN 'PHRENG DANG, ,SER GE'I KHA NAS 'PHYANG BA'I SKA RAGS TSOGS, ,RIN CHEN KUN DANG GA-YER KHA'I DRA BA YIS, ,BLO RE BRES SHING CHU SRIN BKRA SHIS DANG, , GA-YUNG DRUNG 'KHYIL BA ZLA GAM LTA BUS BRGYAN, ,MDOR NA SEMS CAN RNAMS KYI BSAM PA YI, ,RNAM PA JI LTA BZHIN BRGYAN PA'O, ,SHING DE RLUNG GIS BSKYOD PA'I SGRA DBYANGS KYIS, TSAD MED 'JIG RTEN KHAMS KUN GO BAR BYED, ,SGRA DE THOS DANG SHING DE MTHONG BA DANG, ,DRI TSOR BA DANG 'BRAS BU'I RO MYONG DANG, ,'OD KYIS REG PA THAMS CAD BYANG CHUB BAR, ,DBANG PO LNGA LA NAD KYIS BTAB MI 'GYUR, ,SHING DE YI DAL SEMS PA DE DAG KYANG, ,BYANG CHUB BAR DU GA-YENG PAR MI 'GYUR RO, ,SHING DBANG DE DRUNG RGYAL BA 'OD DPAG MED, ,'KHOR TSOGS RGYA MTSO'I DBUS NA CHOS STON MDZAD, ,DE YI 'OD NI SHEL LTAR DRI MA MED, ,MKHA' LTAR RGYA CHE LUS SEMS BDE DGA' BSKYED, ,'OD DE GANG LA REG PA'I SEMS CAN RNAMS, ,
YID NI MCHOG TU DGA' BAR BYED PA'O, ,JI LTAR ROL MTSO GSER RIS YONGS BSKOR BA'I, ,RI RGYAL LHUN PO MNGON 'PHAGS CHER GSAL BA, ,DE BZHIN 'OD ZER PHUNG PO CHEN PO DES, , YON TAN DU MAS MDZES SHING BRJID CHAGS BA'I, ,NYAN THOS SEMS DPA'I 'KHOR TSOGS ZIL MNAN NAS, ,MNGON PAR 'PHAGS SHING LHAM MER PHYOGS KUN GSAL, ,DPAG MED BSKAL BAR BSAGS PA'I DGE TSOGS 'BRAS, ,DAG CING GSAL LA MDZES PA YONGS RDZOGS PA'I, ,MTSAN DPE RNAMS KYIS SKU YI KHYON THAMS CAD, ,MDZES PAR BYED LA 'GREN PA BZHIN DU GYUR, ,SHES BYA THAMS CAD CHAGS THOGS MED PAR MKHYEN, ,BRTZE BAS GZHAN DON 'BA' ZHIG LHUR MDZAD DE, ,JI LTAR RI DAGS DBUS NA GDONG LNGA PAS, ,BAG TSA MED PAR SENG GE'I SGRA SGROGS LTAR, ,'KHOR MANG DBUS NA 'JIGS BRAL SPOBS PA YIS, ,ZAB DANG RGYA CHE'I SGRA TSAN RGYUD MAR SGROGS, ,DPAG TSAD STONG DANG DRUG BRGYAD RAB MTHO ZHING; ;YAL GA LO MA BRGYA BRGYA'I BAR DU 'PHYANG, ,RTZA BA'I SBOM NI DPAG TSAD LNGA BRGYA BA, ,RIN CHEN DU MAS SBRAS PA'I BYANG CHUB SHING, ,DE YI DRUNG NA NYER MDZES RGYAL BA KHYOD, , 'OD DANG GZI BRJID PHA MTHA' MI MNGA' ZHING, ,'KHOR DANG SKU TSE TSAD GZUNG MI NUS PAR, ,'GRO BA'I SKYABS SU BZHUGS LA PHYAG 'TSAL LO, ,BDE BA CAN GYI ZHING NA 'GRO BA'I SKYABS, , LJON PA'I DBANG PO'I DRUNG NA 'OD DPAG MED, ,RGYA CHEN 'KHOR GYI DBUS NA BRJID PA'I SKU, ,MTHA' YAS BSOD NAMS PHUNG PO KHYOD LA 'DUD, ,'DREN PA KHYOD KYI 'OD KYI TSOGS,
, ,'JIG RTEN KHAMS SU SHONG GYUR PA, ,KYEE MA RGYAL BA'I ZHING GI NI, ,RGYA KHYON KHONGS DAG SHIN TU YANGS, ,RGYAL BA KUN GYI YON TAN DPAG MED RNAMS, ,KHYOD NYID GCIG BUS BDAG GIR MDZAD PAS NA, ,MI MJED ZHING GI SEMS CAN 'DI DAG RNAMS, ,SNYIGS MA LNGA YI NYES PAS SPAGS SAM SNYAM, ,RAB MTHO RI YI DBANG PO STE, ,RAB RGYAS ZLA BA'I BZHIN LDAN ZHING, ,RAB MDZES AUD PAL SNGON PO'I MIG ,RAB TU LDAN NA KHYOD DANG MTSUNGS, ,MKHYEN BRTZE'I YON TAN DU MA'I DPAL 'BAR ZHING, ,'KHOR TSOGS DBUS SU LEGS BSHAD DGA' STON 'GYED, ,SRID MTHA'I BAR DU GZHAN GYI DON BZHUGS PA, ,GNAS SKABS KUN TU KHYOD KYIS 'GRO KUN SKYONG, ,ZHING GI GTZO BO'I YON TAN PHYOGS TZAM STE, ,SHUGS DRAG DAD PA SKYE PHYIR LEGS PAR BSAM, ,THAMS CAD DU NI SA GZHI DAG ,GSEG MA LA SOGS MED PA DANG, ,LAG MTHIL LTAR MNYAM BEEtURYA'I, ,RANG BZHIN 'JAM POR GNAS GYUR CIG ,CES PAS GZHI BYIN RLABS TE, ,BDE LDAN ZHING LTAR GYUR PAR MOS, ,PHUL BYUNG MDZAD PAS 'GRO LA MI ZAD DPAL STER ZHING, ,LAN GCIG DRAN PAS 'CHI BDAG 'JIGS PA RING DU DOR, ,RTAG TU BRTZE BAS 'GRO LA BU BZHIN DGONGS GYUR PA, ,LHA MI'I 'DREN PA TSE DPAG MED LA PHYAG 'TSAL LO, ,THUB PA'I DBANG POS LAN GRANGS DU MA RU, ,LEGS PAR YONGS SU BSNGAGS PA'I ZHING GI MCHOG ,BDE BA CAN DU SKYE BA'I SMON LAM 'GA', ,BRTZE BA'I DBANG GIS JI LTAR NUS BZHIN BRJOD, ,BLANG DOR GNAS RNAMS MA RIG 'THUG POS
BSGRIBS, ,KHONG KHRO'I MTSON GYIS MTHO RIS SROG 'PHROG CING, ,'DOD SRED ZHAGS PAS 'KHOR BA'I BTZON RAR BCINGS, ,LAS KYI CHU BOS SRID PA'I RGYA MTSOR KHYER, ,NA RGA'I SDUG BSNGAL RBA RLAB MANG POS GA-YENGS, ,MI BZAD 'CHI BDAG CHU SRIN KHAR CHUD PAS, ,MI 'DOD SDUG BSNGAL KHUR GYIS NON GYUR BA, ,MGON MED BDAG GI NYAMS THAG NGA RO YIS, , YID LA SMON PA 'GRUB PA'I DBANG PO RU, ,'PHONGS PA'I GNYEN GCIG 'DREN PA 'OD DPAG MED, ,SPYAN RAS GZIGS DBANG RGYAL SRAS MTHU CHEN THOB, ,'KHOR DANG BCAS LA GUS PAS GSOL 'DEBS NA, ,DPAG MED BSKAL PAR BDAG CAG RNAMS KYI PHYIR, ,THUGS MCHOG BSKYED PA'I DAM BCA' MA BSNYEL BAR, ,'DAB BZAD GTZO BO LHA YI LAM LA BZHIN, , RDZU 'PHRUL STOBS KYIS BRTZE BAS 'DIR GSHEGS SHIG ,CES PAS 'OD DPAG MED MGON 'KHOR BCAS RNAMS, ,SPYAN DRANGS SMON PA'I DBANG DU BZHUGS PAR BSAM, ,MDUN DU RIN CHEN KHRI DANG PAD ZLA'I STENG, ,RTZA BA'I BLA MA MGON PO 'OD DPAG MED, ,PADMA RA GA'I RDUL BRTZAGS LHUN PO LA, ,NYIN BYED 'BUM GYIS 'KHYUD PA'I GZI MDANGS CAN, , ZHAL GCIG PHYAG GNYIS MNYAM BZHAG PHYAG RGYA'I STENG, ,TSE YI BDUD RTZIS GANG BA'I LHUNG BZED BSNAMS, ,GTZUG TOR MTSAN DPE GSAL RDZOGS RNAMS KYIS MDZES, ,GUR KUM MDANGS LDAN CHOS GOS GSUM GYIS KLUB, ,SKU YI 'OD KYIS PHYOGS BCU'I ZHING KUN 'GENGS, ,ZHABS GNYIS RDO RJE SKYIL KRUNG TSUL GYIS BZHUGS, ,SPYAN RAS GZIGS DANG MTHU
, ,CHEN THOB LA SOGS, ,RGYAL SRAS NYAN THOS DPAG TU MED PAS BSKOR, ,DE LTAR GTZO 'KHOR THAMS CAD YID YUL DU, ,GSAL BTAB MNGON SUM NYID DU BZHUGS PAR MOS,, ,,JI SNYED SU DAG PHYOGS BCU'I 'JIG RTEN NA, ,ZHES SOGS KUN BZANG SPYOD LAS GSUNGS PA YI, ,RLABS CHEN DGE RTZA SOGS PA'I THABS KYI MCHOG , BSAGS SBYANG GNANG BSDUS YAN LAG BDUN PA PHUL, ,BLA MA STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,BYIN GYIS BRLAB TU GSOL, ZHES PA LAN GRANGS MANG DU BRJOD DE, ,GDUNG SHUGS DRAG POS GSOL BA BTAB,, ,, PHYOGS BCU'I RGYAL BA SRAS DANG BCAS PA DANG, ,'OD DPAG MED MGON 'KHOR BCAS DGONGS SU GSOL, ,BDAG GIS NAM MKHA'I MTHA' KLAS SEMS CAN RNAMS, ,BLA MED PHAN BDE'I DPAL LA DGOD PA'I CHED, ,MYUR BA MYUR BAR RDZOGS PA'I SANGS RGYAS KYI, ,GO 'PHANG DAM PA MYUR DU THOB PAR BYA, ,DE PHYIR BDE BA CAN DU SKYE BA BLANG, ,'OD DPAG MED KYI BKA' LUNG NOD PAR BGYI, ,DES NA BDAG GIS THOG MA MED DUS NAS, ,BSAGS PA'I SGO GSUM DGE BA JI SNYED DANG, ,THEG PA GSUM GYI SKYE 'PHAGS THAMS CAD KYIS, , DUS GSUM BSAGS PA'I LEGS SPYAD CI MCHIS DANG, ,DE BZHIN GSHEGS PA'I 'GYUR BA MED PA'I BKAS, ,LEGS PAR ZHAL GYIS BZHES PA'I BDEN PA DANG, ,CHOS DBYINGS
RNAM PAR DAG CING MI SLU BA, ,BSAM MI KHYAB KYIS MTHU RNAMS SDOM PA'I MTHUS, ,BDAG NI 'DI NAS 'PHOS MA THAG NYID DU, ,BDE BA CAN DU 'OD DPAG MED MGON DRUNG, ,SHIN TU MDZES PA'I RIN CHEN PADMO YI, ,SBUBS SU RDZUS TE SKYE BA LEN PAR SHOG ,SKYES MA THAG TU GZUNGS DANG TING 'DZIN SOGS, ,YON TAN DPAG TU MED PA MNGON GYUR TE, ,'OD DPAG MED SOGS PHYOGS BCU'I SANGS RGYAS RNAMS, ,MNYES PAR BYED CING BKA' LUNG NOD PAR SHOG ,GDAMS PA'I DON RNAMS JI BZHIN KHONGS CHUD DE, ,SKAD CIG RE RE LA'ANG SANGS RGYAS KYI, ,RAB 'BYAMS ZHING DU THOGS MED RDZU 'PHRUL GYIS, ,BGROD NAS RLABS CHEN SPYOD PA RDZOGS BYED SHOG ,SHUGS DRAG BRTZE BA CHEN POS KUN BSLANGS TE, , MA DAG ZHING DU PHYIN NAS SEMS CAN RNAMS, ,RANG RANG SKAL PA JI BZHIN CHOS BSTAN NAS, ,RGYAL BAS BSNGAGS PA'I LAM LA 'GOD PAR SHOG ,LAN GSUM BRJOD LA SEMS BSKYED DGE RTZA RNAMS, ,BDE BA CAN DU SKYE BA'I RGYU RU BSNGO,, ,,SMON LAM RGYAS PA BZANG PO SPYOD PA DANG, ,BDE BA CAN GYI SMON LAM YONGS RDZOGS GNYIS, ,GANG MANG BRJOD CING LONG SKABS MED PA'I TSE, ,SHUGS DRAG MOS 'DUN BRTAN POS 'DI SKAD BRJOD, ,NAM ZHIG TSE YI 'DU BYED GTONG BA NA, ,'KHOR TSOGS RGYA MTSOS BSKOR BA'I 'OD DPAG MED; ;MIG GI LAM DU GSAL BAR MTHONG GYUR TE, ,DAD SOGS SNYING RJES BDAG RGYUD GANG BAR SHOG ,BAR DO'I SNANG BA SHAR BAR GYUR MA THAG ,RGYAL SRAS BRGYAD KYIS MA NOR LAM
, ,BSTAN TE, ,BDE BA CAN DU SKYES NAS SPRUL PA YIS, ,MA DAG ZHING GI 'GRO BA 'DREN GYUR CIG ,JI SRID THUB MCHOG GO 'PHANG DAM PA DE, ,BDAG GIS MNGON DU MA BYAS DE SRID DU, ,RNAM DAG LAM BZANG SGRUB PA'I RTEN RNYED CING, ,RAB TU 'BYUNG ZHING TSE RAB DRAN PAR SHOG ,GZUNGS SPOBS TING 'DZIN MNGON SHES RDZU 'PHRUL SOGS, , MTHA' YAS YON TAN DU MA'I MJOD 'DZIN CING, ,MKHYEN BRTZE NUS PA ZLA DANG BRAL THOB NAS, ,BYANG CHUB SPYOD PA MYUR DU MTHAR PHYIN SHOG ,DUS MIN 'CHI BA'I MTSAN MA MTHONG BA NA, , DE YI MOD LA TSE DPAG MED MGON SKU, ,GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR DU THOB PAR SHOG ,TSE RAB KUN TU TSE DPAG MED PA YIS, , THEG MCHOG BSHES GNYEN DNGOS SU MDZAD PA'I MTHUS, ,RGYAL BAS BSNGAGS PA'I LAM BZANG DE NYID LAS, ,SKAD CIG TZAM YANG LDOG PAR MA GYUR CIG ,SEMS CAN YAL BAR DOR NAS RANG DON LA, ,RE BA'I BLO NI NAM YANG MI SKYE ZHING, ,GZHAN DON SGRUB PA'I TSUL LA MA RMONGS PA'I, ,THABS LA MKHAS PAS GZHAN DON LHUR LEN SHOG ,BDAG GIS MING TZAM BRJOD DANG DRAN PAS KYANG, ,SDIG PA'I LAS KYI 'BRAS BUS MNAR BA KUN, ,PHUN TSOGS BDE BA'I DPAL RAB 'BYOR GYUR NAS, ,THEG MCHOG BSGROD PA'I THEM SKAS 'DZEGS GYUR CIG ,RGYAL BA'I SRAS KYI RNAM THAR PHYOGS TZAM ZHIG ,MTSON PAR BYAS PAS RGYAL SRAS SPYOD PA'I GEGS, ,MA LUS ZHI ZHING MTHUN PA'I 'TSOG CHAS KUN, ,YID LA BSAM
PA TZAM GYIS THOB PAR SHOG ,SH'AKYA'I DBANG PO 'DREN PA 'OD DPAG MED, ,MI PHAM 'JAM DBYANGS GSANG BDAG SPYAN RAS GZIGS, ,BDE GSHEGS 'KHOR BCAS RTEN 'BREL MI BSLU BA'I, ,BDEN PAS SMON LAM 'DI DAG MYUR 'GRUB SHOG , ,,CES PA'I SMON LAM GDUNG SHUGS DRAG POS GDAB, ,'OD DPAG MED MGON 'KHOR DANG BCAS PAS KYANG, SMON LAM BTAB PAR THUGS DGONGS LEGS GTAD DE, ,JI BZHIN 'GRUB PAR BYIN GYIS BRLABS PAR BSAM, ,SNYING KHAR RNAM SHES NGO BO AA'AM H'Um, ,'OD KYI THIG LE DKAR PO RGYA SRAN TZAM, ,GANG YANG DBUGS PHYIR RGYU TSE SPYI BO NAS, ,THON TE 'OD DPAG MED KYI THUGS GAR THIM, ,NANG DU RDUB TSE THUGS KHA NAS THON TE, ,RANG GI SPYI BO NAS ZHUGS SNYING KHAR GNAS, ,DE LTAR YANG DANG YANG DU BSAM PA'AM, ,THIG LE DKAR PO SNA BUG GA-YAS NAS THON, ,'OD DPAG MED KYI SHANG BUG GA-YON NAS ZHUGS, ,THUGS KHAR ZLA GDAN LA GNAS HR'I: LA THIM, ,SLAR YANG DE YI SHANG BUG GA-YAS PA NAS, ,DKAR LA DMAR MDANGS CAN DU RGYANGS KYIS THON, ,RANG GI GA-YON NAS ZHUGS TE SNYING KHA RU, ,THIM PAS RGYAL BA'I THUGS DANG RANG GI SEMS, ,DBYER MED GYUR PA 'GAL ME LTAR 'KHOR BA'I, ,DMIGS PA TSAN BZUNG MED BAR CI NUS SBYANGS, ,THUN MTHAR THIG LE SNA BUG GA-YAS NAS THON, , MI STAG 'PHROS BZHIN 'OD ZER RNAM PAR GYUR, ,MDUN GYI TSOGS SHING RNAMS LA POG PA YIS, ,THAMS CAD 'OD DU ZHU STE PHYI RIM NAS, ,RTZA BA'I BLA MA 'OD DPAG MED LA THIM, ,DE YANG 'OD DU
, ,ZHU NAS RANG LA THIM, ,RANG NYID LONGS SKU 'OD DPAG MED DU GYUR, ,THUGS GAR ZLA BAR SNGAGS 'KHOR 'KHOD PAR DMIGS, ,AOm AA MRI T'A BHA HRI: SV'AH'A, ZHES PA BRGYA RTZA LA SOGS CI 'GRUB BZLA, ,RGYAL BA'I DKYIL 'KHOR BZANG ZHING DGA' BA DER, ,ZHES SOGS TSIGS BCAD GNYIS DANG GZHAN YANG NI, ,BSNGO BA SMON LAM RNAMS KYIS 'TSAMS SBYOR BYA, ,NYAL TSA NUB KYI PHYOGS SU MGO BSTAN NAS, ,SENG GE'I NYAL STABS JI BZHIN LEGS BYAS TE, ,SKYABS SEMS ZHING GI YON TAN BSAM PA NAS, ,'TSAMS SBYOR PAR RNAM SNGAR BZHIN SPYAD PA'I MTHAR, ,SGO GSUM 'BRU GSUM GYIS BSRUNG ZHING MCHOG TU, ,'PHO 'DUN NGANG DU GNYID CING LDANG BA NA, ,'OD DPAG MED KYI SKUR LDANG 'GRO 'CHAG SOGS, ,SPYOD LAM KUN TU BDE BA CAN GYI ZHING, ,'OD DPAG MED SOGS YID LA 'BRAL MED BSAM, ,ZHING DER SKYE BA'I RGYU TSOGS SGRUB NA YANG, ,THE TSOM DBANG GIS ZHING DER PADMA YI, ,SBUBS SU MI LO LNGA BRGYA LA SOGS PAR, ,GNAS PAR GSUNGS PHYIR YID GNYIS 'GOG PA GNAD, ,JI SKAD BSHAD PA'I RGYU TSOGS DE DAG RNAMS, ,RTZE GCIG BSAM PA THAG BAS LEGS BSGRUB NA, ,ZHING DER SKYE ZHES RGYAL BA RANG NYID KYIS, ,ZHING BKOD MDO LAS GSUNGS LA NGES PA DRANGS, ,'DI NI RGYAL BA'I DGONGS PA YAB RJE YIS, , LEGS PAR BKRAL BA'I ZHING BKOD SMON LAM LA, ,MYUR LAM NYAL SGOM SOGS KYI MAN NGAG GIS, ,BRGYAN TE BSHAR SBYANG 'KHYER BDER TSIGS BCAD DU, ,SA MTHA'I SBRANG BTZUN
BLO BZANG MING CAN GYIS, ,ZHING DAR SKYE BA'I BAG CHAGS 'JOG PA DANG, ,SKAL MNYAM GZHAN LA'ANG PHAN 'DOD LHAG BSAM GYIS, ,RGYAL KHAB BE'I CING ZHES BYA'I 'DABS SU SBYAR, , 'DIR 'BAD DGE BAS BDE BA CAN NYID DU, ,SKYES TE THEG CHEN CHOS LA SPYOD PA DANG, ,MA DAG ZHING GI 'GRO BA THAMS CAD KYANG, ,ZHING DER DRANGS TE GTAN BDER 'GOD PAR SHOG , ,,