*, (,ZHING MCHOG SGO 'BYED KYI DMIGS RIM MDOR BSDUS BZHUGS,,) ,,NA MO AA MRI TA BHA YA, CI SKAD DU 'PHAGS PA TSE DANG YE SHES DPAG TU MED PA'I SNYING PO ZHES BYA BA'I GZUNGS LAS, 'DI NAS NUB KYI PHYOGS ROL NA, BDE BA CAN GYI 'JIG RTEN KHAMS, ,DE NA RDZOGS PA'I SANGS RGYAS BZHUGS, ,DE BZHIN GSHEGS PA TSE DPAG MED, ,SU ZHIG DE YI MTSAN BRJOD NA, ,DE NI DE RU SKYE BAR 'GYUR, ,'CHI BA'I DUS SU STON PA NI, ,DGE SLONG DGE 'DUN BCAS TE MTHONG, ,DE NA BUD MED YOD MA YIN, ,MNGAL NA GNAS PA YOD MA YIN, ,RIN CHEN RNAMS KYI PADMO LAS, ,RDZU 'PHRUL CHEN PO 'BYUNG BAR 'GYUR, ,ZAS DANG GOS DANG SMAN RNAMS DANG, ,CHOS GOS MAL CHA LHUNG BZED RNAMS, ,SEMS KYIS BSAM MA THAG TU NI, ,DE DAG MOD LA 'BYUNG BAR 'GYUR, ,PHYOGS BCUR BZHUGS PA'I SANGS RGYAS RNAMS, ,BDE BA CAN GYI BSNGAGS PA BRJOD, ,DE LTAR SANGS RGYAS BSAM MI KHYAB, ,SANGS RGYAS CHOS KYANG BSAM MI KHYAB, ,'PHAGS PA'I DGE 'DUN BSAM MI
KHYAB, ,BSAM MI KHYAB LA DANG BYAS PA'I, ,RNAM PAR SMIN PA'ANG BSAM MI KHYAB, ,RNAM DAG ZHING DU SKYE BAR 'GYUR, ,ZHES DANG ZHENG BKONG KYI MDO LAS, ,GANG GIS PHRA RAB RTUL SNYED 'JIG RTEN KHAMS, ,BSHIG CING GSHEG TE RTUL DU BYAS GYUR PA, ,DE BAS MANG BA 'JIG RTEN KHAMS KYI RNAMS, ,RIN CHEN BKANG STE SBYIN PA BYIN PA BAS, ,GANG GIS 'OD DPAG MED PA'I 'OD MTSAN DANG, ,BDE BA CAN GYI YON TAN KHYAD 'PHAGS RNAMS, ,THOS NAS DGA' STE THAL MO SBYOR BYED PA, ,BSOD NAMS 'DI YI CHAR YANG 'GYUR MA YIN, ,DE LTA BAS NA DE BZHIN GSHEGS DE YI, ,YON TAN THOS NAS MGU DANG DGA' BSKYED LA, ,BDE BA CAN GYI 'JIG RTEN KHAMS MCHOG TU, ,'GRO BAR BYA PHYIR MOS PA DRAG PO BSKYED, ,GANG GIS BDE BA CAN GYI 'JIG RTEN GYI, ,MING THOS PA YI BSOD NAMS DE LA NI, ,ZHING MCHOG THA GRU CHEN PO DE DAG KUN, ,CHA DANG DPER YANG 'GYUR BA MA YIN NO, ,GANG DAG RGYAL BA'I BKA' DANG SHES RAB CAN, ,DE DAG DE BAS BSOD NAMS MANG DU 'GYUR, ,DON DE THOB PHYIR DAD PA RTZA BA STE, ,DE LTA BAS NA THOS DANG YID GNYIS SOL, ,ZHES DANG TSE DPAG MED RANG NYID KYI ZHAL NAS, NGAS NI SNGON GYI SMON LAM 'DI SKAD BTABS, ,SEMS CAN GANG GIS NGA YI MING THOS NA, ,NGA YI ZHING DU RTAG DU 'ONG BAR SHOG ,NGA YI SMON LAM BZANG PO DE BRJOD PAS, , 'JIG RTEN KHAMS MED DAG NAS SEMS CAN 'ONG, ,DE DAG NGA YI ZHING DU LHAGS NAS NI, ,DE DAG SKYE BA GCIG LAS PHYIR MI LDOG ,CES GSUNGS PA LTAR GYI PHAN YON CAN GYI ZHING MCHOG
, ,DER SKYE BA'I RGYU BSGRUB PA LA ZHING BKOD KYI MDO LAS, KUN DGA' BO SEMS CAN GANG DAG DE BZHIN GSHEGS PA DE RNAM PAS YANG DANG YANG DU YID LA BYED PA DANG, DGE BA'I RTZA BA MANG POR DPAG TU MED PA BSKYED PA DANG, BYANG CHUB TU SEMS BSKYED PA YONGS SU BSNGOS TE 'JIG RTEN GYI KHAMS DER SKYE BAR SMON LAM 'DEBS PA DE DAG 'CHI BA'I DUS NYE BAR GNAS PA NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG MED DE DGE SLONG GI TSOGS DU MAS BSKOR ZHING MDUN GYIS BLTAS NAS BZHUGS PAR GYUR TE, DE DAG GIS BCOM LDAN 'DAS 'OD DPAG MED MTHONG NAS RAB TU DAD PA'I SEMS KYIS SHI 'PHOS TE 'JIG RTEN GYI KHAMS BDE BA CAN NYID DU SKYE BAR 'GYUR RO, ,ZHES ZHING MCHOG STON PA DANG BCAS PA'I YON TAN YID LA YANG YANG SEMS PA DANG, BDE BA CAN DU SKYE BA'I RGYUR DGE RTZA MANG PO SOG PA DANG, BYANG CHUB TU SEMS BSKYED PA DANG, DE DAG GIS DGE BA RNAMS BDE BA CAN DU SKYE BA'I RGYUR BSNGOS TE, DER SKYE BAR SMON LAM 'DEBS PA RNAMS BYAS NA DER SKYE BAR GSUNGS PAS, ZHING MCHOG STON PA DANG BCAS PA'I YON TAN YID LA BYED TSUL MDOR BSDU NA, RJE BDAG NYID CHEN PO'I ZHING MCHOG SGO 'BYED LAS, MI MJED ZHING NAS NUB KYI PHYOGS NYID DU, BYE BA KHRAG KHRIG BRGYA STONG SANGS RGYAS KYI, ,ZHING KHAMS RNAMS NI 'DAS BAR GYUR BA NA, ,RMAD BYUNG BDE BA CAN ZHES BYA BA YOD, ,DE NI SA GZHI RIN CHEN DU MAS SPRAS, ,SHIN TU NYAMS DGA' LAG MTHIL LTA BUR MNYAM, ,RIN CHEN LAS GRUB RI BO MA GTOGS
PA; ;NAG PO'I RI RNAMS KUN GYIS DBEN ZHING GTZANG, ,MDZES SHING RNAM DAG YID 'ONG ZHING GI MTHA', ,RIN CHEN BDUN GYI CHU SHING LJON PA DANG, ,RIN CHEN TA LA'I SHING GI 'PHRENG BA YIS, , YONGS SU BSKOR BA SKAR MAS ZLA BA BZHIN, ,GSER DNGUL B'EEtURYA ? DANG SHEL DANG SPUG ,MU TIG DMAR PO RDO YI SNYING PO STE, ,RIN CHEN BDUN LAS GRUB PA'I LJON PA NI, ,YID LA BSAM DGU'I RGYAN BZANG DPAG MED 'PHYANG, ,SHING GI RTZA BA SDONG PO YAL GA SOGS, ,'JAM ZHING REG NA BDE STER DRI ZHIM LDAN, ,DRI YI BZHON PAS BSKYOD TSE RNAR SNYAN PA'I, ,MNYAN PA'I CHOG MI SHES PA'I SGRA RNAMS 'BYUNG, ,DAG PA'I SEMS CAN RNAMS KYI NYER 'TSO'I GZHIR, ,YID 'DZIN TA MA LA DANG AA KA RU, ,RGYA SBOS TZAN TAN SPRUL SNYING GIS BSGOS PA'I, ,NYAL 'GRO'I RGYUN RNAMS SGRA SNYAN SGRO GCING 'BAB, ,RAB 'BYAMS SMON LAM STOBS LAS 'ONG BA YI, ,RIN CHEN PADMOS BSKRUN PA'I 'OD ZER RTZER, ,DAM CHOS SBRANG RTZI'I DGA' STON 'GYENG PA YI, SPRUL SKUS GDUL BYA'I BUNG BA TSIM PAR MDZAD, ,YID KYI RE BA RDZOGS BYED LONGS SPYOD TSOGS, ,PHUN TSOGS 'BYOR BAS SA DANG BAR SNANG KUN, ,MI MNYAM MED PAR YONGS SU DKRIGS PA NI, ,GSER GYI GZHI LA CHU GTER CHEN PO BZHIN, ,DAG PA'I SEMS CAN KHAMS BZANG GIS SPRUL PA, ,MTSAN DPE'I RGYAN GYIS LUS NI RAB TU MDZES, ,YON TAN DU MAS RGYUD NI LEGS PAR GTAMS, ,GNAS SKABS KUN TU CHOS KYI DGA' BAS 'TSO, ,GLOG BZHIN 'KHYUGS PA'I THOGS MED RDZU 'PHRUL GYIS, ,ZHING MANG BGROD NAS RGYAL BA'I SPYAN SNGA RU, ,
, ,RAB 'BYAMS TSOGS GNYIS BSKRUN NAS SLAR YANG NI, ,RANG GI ZHING DU DGA' BDE ROL BAR MDZAD, ,YE SHES RGYA MTSOS SEMS CAN RGYA MTSO'I PHYIR, ,SNYING STOBS RGYA MTSOS MA ZHUM GO BGOS SHING, ,RGYAL BA RGYA MTSO'I DRUNG DU THUGS BSKYED NAS, ,THOS PA RGYA MTSO TSOL BAS NGOMS PA MED, ,MA LUS CHOS KYI TSUL LA RAB TU MKHAS, , 'JIG RTEN 'DAS PA'I GTAM GYI SNYING PO RTOGS, ,CHOS KYI GTAM LA NAM YANG 'JIGS PA MED, ,RTAG TU SEMS CAN GROL BAR BYED LA BRTZON, ,'DI NI 'DREN PA'I GTZO BO 'OD DPAG MED, ,THUB MCHOG DE YI RIGS SU SKYES GYUR BA, ,RGYAL BA'I GDUNG TSOB GRAGS LDAN DPA' BO CHE, ,DAG PA'I ZHING GI RGYAL SRAS RNAMS YIN NO, ,DPAG TSAD STONG DANG DRUG BRGYAR RAB MTHO ZHING, ,YAL GA LO MA BRGYAD BRGYA'I BAR DU 'PHYANG, ,RTZA BA'I SPOM ? NI DPAG TSAD LNGA BRGYA BA, ,RIN CHEN DU MAS SPRAS PA'I BYANG CHUB SHING, ,DE YI DRUNG NA NYER MDZES RGYAL BA KHYOD, ,'OD DANG GZI BRJID PHA MTHA' MI MNGON ZHING, ,'KHOR DANG SKU TSE TSANG GZUNGS MI NUS PAR, ,'GRO BA'I SKYABS SU BZHUGS LA PHYAG 'TSAL LO, ,ZHES PA LTAR BSAM, DGE RTZA SOG PA NI, THAMS CAD DU NI SA GZHI DAG ,NAS, GNAS GYUR CIG ,CES PA SA GZHI DANG GNAS KHANG SOGS BDE BA CAN GYI ZHING LTA BUR MOS, , PHUL BYUNG MDZAD PAS 'GRO LA MI ZAD DPAL STER ZHING, ,NAS, 'DIR GSHEGS SHIG ,CES SPYAN DRANGS LA, RANG GI MDUN DU RIN PO CHE'I KHRI PADMA DANG ZLA BA DANG BCAS PA'I STENG
NA RANG GI DRIN CAN RTZA BA'I BLA MA DANG DBYER MED PA'I BCOM LDAN 'DAS MGON PO 'OD DPAG MED SKU MDOG MTSAL BTUL MA'I LHUN PO LA NYI MA 'BUM GYI MDANGS DANG LDAN PA LTAR DAM ? 'OD ZER 'PHRO BA ZHAL GCIG PHYAG GNYIS TING NGE 'DZIN GYI PHYAG RGYA'I STENG NA BDUD RTZIS GANG BA'I LHUNG BZED BSNAMS PA, MTSAN DANG DPE BYAD KYIS BRGYAN CING, ,DBU GTZUG LDAN PA, SKU LA CHOS GOS NGUR SMRIG GI MDOG CAN GSUM GYIS MDZES PAR KLUB PA, DRI MA MED PA'I 'OD ZER PHYOGS BCUR 'PHRO BAS PHYOGS BCU'I 'JIG RTEN GYI KHAMS ? THAMS CAD RGYAS PAR 'GENGS PA, RDO RJE DKYIL MO KRUNG GIS BYANG CHUB KYI SHING DRUNG NA BZHUGS PA'I GA-YAS NA SPYAN RAS GZIGS DANG, GA-YON NA MTHU CHEN THOB LA SOGS BYANG CHUB SEMS DPA' DANG, DGE SLONG GI DGE 'DUN BSAM GYIS MI KHYAB PAS BSKOR TE BZHUGS PAR GYUR, CES BZHUGS PAR GSAL BTAB LA, JI SNYED SU NAS, CHEN POR BSNGO, ,ZHES YAN LAG BDUN PA 'BUL, SEMS BSKYED CING BSNGO BA NI, BLA MA STON PA BCOM LDAN 'DAS DE BZHIN GSHEGS PA DGRA BCOM PA ? YANG DAG PAR RDZOGS PA'I SANGS RGYAS 'OD DPAG TU MED PA LA PHYAG 'TSAL LO, ,MCHOD DO SKYABS SU MCHI'O, ,ZHES LAN CI MANG GSOL BA BTAB LA BLA MA DANG PHYOGS BCU BA SRAS DANG BCAS PA DANG, KHYAD PAR DU MGON PO 'OD DPAG MED 'KHOR BYANG CHUB SEMS DPA'I DGE SLONG GI DGE 'DUN DANG BCAS PA RNAMS DGONGS SU GSOL, BDAG ?
, ,NAM MKHA'I MTHA' KLAS PA'I SEMS CAN THAMS CAD PHAN BDE BLA NA MED PA LA DGOD PA'I CHED DU, MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU BDE BA CAN GYI ZHING DU SKYE BA BLANGS TE MGON PO 'OD DPAG MED KYI BKA' LUNG YANG DAG PAR NOD PAR BGYI'O, ,DES NA BDAG GIS SGO GSUM NAS DGE BA'I RTZA BA CI BSAGS PA DANG, SKYE 'PHAGS THAMS CAD KYI DUS GSUM DANG 'BREL BA'I LEGS SPYAD JI SNYED PA DANG, DE BZHIN GSHEGS PA'I BKA' 'GYUR BA MED PAS GYI BZHES PA'I BDEN PA DANG CHOS DBYINGS RNAM PAR DAG CING BSAM GYIS MI KHYAB PA'I MTHUS BDAG 'DI NAS SHI 'PHOS MA THAG TU SKYE GNAS GZHAN GYIS BAR MCHOD PAR BDE BA CAN GYI ZHING DU MDE 'OD DPAG TU MED PA'I ZHABS DRUNG DU PADMA'I SNYING POR SENG GE'I KHRIL RDZU TE SKYE BA LEN PAR GYUR CIG ,SKYES MA THAG TU GZUNGS DANG TING NGE 'DZIN LA SOGS PA'I YON TAN GI TSOGS DPAG ? TU MED PA MNGON DU GYUR TE STON PA BLA NA MED PA 'OD DPAG TU MED PA LA SOGS PA PHYOGS BCU'I SANGS RGYAS THAMS CAD LAS BKA' LUNG YANG DAG PAR NONG THUGS MNYES PAR BYED CING SKAD CIG CIG LA SANGS RGYAS KYI ZHING THAMS CAD DU THOGS PA MED PAR 'JUG PAR GYUR CIG ,CES DMIGS PA GSAL ZHING GDUNG SHUGS DRAG POS LAN GSUM SOGS BRJOD LA SEMS BSKYED DE DAG ? THAMS CAD BDE BA CAN DU SKYE BA'I RGYUR BSNGO, ,SMON LAM NI, BZANG PO SPYOD PA DANG, RJE BDAG NYID CHEN POS MDZAD PA'I BDE BA CAN GYI SMON LAM RGYAS PA 'AM, BAR
NAM ZHIG TSE YI 'DU BYED NAS, 'GRO BA 'DREN GYUR CIG ,CES PA DANG, JI SRID THUB MCHOG GO 'PHANG NAS, BDEN PA'I SMON LAM 'DI DAG MYUR 'GRUB SHOG ,RTZE RNAMS GDUNG SHUGS DRAG POS LAN MANG DU BRJOD, DE NAS RANG GI MDUN DU STON PA 'OD DPAG MED 'KHOR BCAS MNGON SUM DU BZHUGS PAR BSAM LA, RANG GI SNYING KAR RNAM PA SHES PA'I NGO BO AA'AM H'Um DKAR PO 'AM 'OD KYI THIG LE DKAR PO SRAN MA TZAM GSAL BTAB STE DBUG PHYIR 'GRO BA NA SPYI BOS NAS THON, MGON PO 'OD DPAG MED KYI THUGS KAR THIM, DBUGS NANG DU 'JUG PA NA, THUGS KHA NAS THON, RANG GI SPYI BO NAS SNYING KHAR ZHUGS PAR BRGYA STONG SOGS BGRANG, DE LTAR BSGOMS PAS SPYI BO ZA BA SOGS BYUNG NA BUG NAS 'BYUNG 'JUG GI DMIGS PA BYA, THUN MJUG DU MDUN GYI 'OD DPAG MED 'KHOR BCAS BSDUS TE RANG LA BSTIM, RANG NYID 'OD DPAG MED DU GYUR PAR BSAM, BYUNG ? ? ? NA SMON LAM GYI MJUG DU MDUN GYI 'OD DPAG MED RANG GI SPYI BOR SPYAN DRANGS LA, MAN NGAG BZHIN DU RANG GI RNAM SHES RANG GI SNYING KHA DANG SPYI BO'I 'OD DPAG MED KYI THUGS KHA'I BAR DU DBU MA LAM NAS 'BYUNG 'JUG GI DMIGS PA BYAS TE RANG LA BSTIM, MTHAR DMIGS MED KYIS RGYAS GDAB, RGYAL BA'I DKYIL 'KHOR BZANG ZHING DGA' BA DER, ,NAS, SEMS CAN RNAMS LA PHAN PA MANG BYED SHOG ,CES PA YANG YANG BRJOD, SPYOD LAM THAMS CAD DU ZHING MCHOG STON PA DANG BCAS PA DRAN NAS ZHING DER 'GRO BA'I 'DUN PA DANG MI 'BRAL BAR BYA
, ,ZHES PA 'DI NI YUL BYANG PHYOGS KYI MTHAR SKYES PA'I SBRANG BTZUN SNYOMS LAS BA NGAG DBANG BLO BZANG CHOS LDAN DPAL BZANG POS ZHING MCHOG SGO 'BYED DANG MYUR LAM SOGS LAS BTUS TE BKOD PA'O, ,'DIS KYANG MAR GYUR 'GRO BA THAMS CAD DAG PA'I ZHING DU BGROD PAR GYUR CIG, ,,