*, ,{GCOD KYI MAN NGAG BZHUGS SO,, ,,} BLA MA'I ZHABS LA GUS BTUD DE, ,THABS SHES ZUNG 'BREL LA SPYOD CING, ,BDAG 'DZIN KHRI BA GCOD PA YI, ,GDAMS PA NYAMS SU BLANG TSUL BRI, ,YID PHEBS SDOD NYAMS SPRO BA DANG DAM PAS BYIN GYIS BRLABS PA DANG, ,GNYAN KHROD 'JIGS PA SKYED PA SOGS, ,GANG YANG RUNG BA'I DBEN GNAS SU, ,TSUL MTHUN SPYOD LAM GYIS 'KHOD DE, ,SKYABS 'GRO SEMS
, ,BSKYED SNGON BTANG LA, ,MDUN GYI NAM MKHAR PAD ZLA'I STENG, ,'JA' TSON SNA LNGA'I GUR KHYIM DBUS, ,DRIN CAN RTZA BA'I BLA MA DANG, ,DBYER MED MA CIG LABS KYI SGRON, ,SANGS RGYAS RIGS KYI MKHA' 'GRO MA, ,SKU MDOG ZLA BA LTAR DKAR ZHING, ,ZHI 'DZUM ZHAL GCIG PHYAG GNYIS PA, ,PHYAG GA-YAS SENG LDENG CANG TE'U 'KHROL, ,GA-YON PAS DNGUL DKAR DRIL BU BSIL, ,ZHABS GNYIS GA-YAS BSKUM GA-YON PA NI, ,SA LA BTZUGS PA'I STABS KYIS BZHUGS, ,RNAM MANG RIN CHEN RGYAN SPRAS SHING, ,SNA TSOGS DAR GYI NA BZA' KLUB, ,PHAN BDE'I 'OD DKAR PHYOGS BCUR 'PHRO, ,MTHA' SKOR MKHA' 'GRO RIGS BZHI DANG, ,DNGOS BRGYUD BLA MA YI DAM DANG, ,SANGS RGYAS BYANG SEMS NYAN RANG DANG, SRUNGS MA DPAG TU MED PAS BSKOR, ,GNAS GSUM RDO RJE GSUM GYIS MTSAN, ,THUGS KA'I H'Um YIG 'OD ZER GYIS, ,YE SHES PA RNAMS SPYAN DRANGS TE, ,THIM PAS GNYIS SU MED PAR GYUR, ,SGO GSUM GUS PAS PHYAG 'TSAL LO, ,KUN BZANG MCHOD PA'I SPRIN GYIS MCHOD, ,LAS NGAN SDIG SGRIB MA LUS BSHAGS, ,RANG GZHAN DGE LA RJE YI RANG, ,ZAB RGYAS CHOS KYI 'KHOR LO BSKOR, ,'KHOR BA JI SRID BRTAN PAR BZHUGS, ,DGE TSOGS MAR GYUR 'GRO BA YI, ,CHED DU BYANG CHUB THOB PHYIR BSNGO, ,BLA MA MCHOG GSUM DAM PA LA, ,GDUNG BA'I YID KYIS GSOL BA 'DEBS, ,BRTZE BA'I THUGS KYIS GZIGS MDZOD LA, ,BYIN BRLABS MTHU DPUNG BSKYED DU GSOL, ,MI RTAG 'CHI BA DRAN PA DANG, ,'KHOR BAR ZHEN PA
LDOG PA DANG, ,'GRO KUN DRIN CAN MAR SHES NAS, ,BYANG SEMS 'BYONGS PAR BYIN GYIS RLOBS, ,SDUG BSNGAL MA LUS 'BYUNG BA'I GZHI, ,BDAG 'DZIN 'KHRUL BA BZLOG TU GSOL, , THABS SHES ZUNG DU 'BREL BA YI, ,RNAL 'BYOR SKYE BAR BYIN GYIS RLOBS, ,CES PA'I 'DI DAG RNAMS KYI TSIG ,NGAG TU BRJOD CING DON BSAM NAS, ,TSOGS SHING GSAL BTAB RNAM BDUN PHUL, ,GSOL BA BTABS TE 'DI LTAR BYA, ,RTEN 'DI MYUR DU NGES PAR 'JIG ,NGAN SONG GSUM NI GA-YANGS CHE, ,MNGON MTHO'I DPAL LA'ANG YID BRTAN MED, ,SRID GSUM SDUG BSNGAL LAS MA 'DAS, ,SDUG BSNGAL GYIS GDUNGS 'GRO BA KUN, ,YANG YANG MAR GYUR DRIN GYIS BSKYANGS, ,DE DAG GTAN BDE LA 'GOD PHYIR, ,RDZOGS BYANG MYUR DU THOB PAR BYA, ,DE SLANG SGYU MA'I LUS RTEN 'DIS, ,GONG 'OG MGRON LA MCHOD SBYIN BYA, ,BLA MA'I THUGS KAR 'PHO SNYAM PAS, ,SNYING KA'I RNAM PAR SHES PA DANG, ,DBYER MED 'OD KYI THIG LE BSKYOD, ,SPYI GTZUG TSANGS PA'I BU GAR SLEB, ,MDUN GYI BLA MA'I THUGS KAR 'PHO, ,BEM LUS SA LI LING STE 'GYEL, ,RNAM SHES BLA MA'I THUGS KHA NAS, , GRI THOD 'DZIN PA'I MKHA' 'GRO MA'I, ,RNAM PAS PHYIR THON BEM LUS GTUB, ,RLUNG DANG ME YI DKYIL 'KHOR STENG, ,MI MGO'I SGYED BU GSUM GYI KHAR, ,KA P'A LA BZHAG DE NANG DU, , SHA KHRAG RUS PA'I TSOGS RNAMS BLUG ,RLUNG GIS ME SBAR RAB TU KHOL, ,AOm A'A: H'Um GIS BDUD RTZIR BYAS, ,ZAG MED BDUD RTZI'I RGYA MTSO NAS, ,BLA MA MKHA' 'GRO 'KHOR BCAS
, ,RNAMS, ,RTZE GCIG GUS PA'I SEMS KYIS MCHOD, ,DE NAS MAR GYUR 'GRO KUN LA, ,BRTZA BA CHEN POS TSIM PAR BYIN, ,MCHOD SBYIN 'KHOR GSUM MI DMIGS PAS, , RGYAS BTAB TSOGS ZHING RANG LA BSDU, ,SLAR YANG BEM RIG PHRAL BYAS TE, ,RANG SEMS MKHA' 'GROR GSAL BA YIS, ,PHUNG PO RNYING PA'I SNYING KHA NAS, ,YAN LAG RNAMS KYI RTZE BAR GSHAG ,GA-YANG GZHI SHIN TU YANGS PA'I STENG, ,SHA RUS GTUB NAS RI LTAR SPUNGS, ,KHRA GZHAG RGYA MTSO LTA BUR BSKYIL, ,RNAM PA SHA KHRAG RUS PA LA, ,NGO BO LUS SEMS SIM BYED PA'I, ,ZAG PA MED PA'I BDUD RTZIR BSAM, ,DREGS PA SDE BRGYAD LA SOGS PA'I, ,RIGS DRUG THAMS CAD YUD KYIS BSDU, ,MAR GYUR DRIN CAN KHYED CAG RNAMS, ,SHA ZO KHRAG 'THUNG RUS PA MUR, ,GRO SNYING RGYU MCHIN LPAGS PA SOGS, ,GANG LA GANG DGA' CI BDER SPYOD, ,DE LTAR BRJOD CING BYIN PA YIS, ,KUN GYIS RANG RANG 'DOD PA BZHIN, ,SPYAD PAS NGOMS SHING GDUG SEMS ZHI, ,PHAN BDE'I BSAM SBYOR BSTEN PAR MOS, ,'BYUNG PO LA SOGS 'GRO BA KUN, ,DRIN GYIS BSKYANGS PA'I MAR BSAM NAS, ,BYAMS DANG SNYING RJE BYANG SEMS RNAMS, ,SHUGS DRAG NAN TAN CHEN POS BSGOM, ,GAL TE CHO 'PHRUL BSTAN GYUR KYANG, ,YANG BA GA TSA MI BYED PAR, ,MAR SHES BLO LA NGES SHES DRANGS, ,BYAMS BRTZE BYANG SEMS LHAG PAR BSGOM, ,DE NAS SBYIN PA SBYIN PA'I YUL, ,SBYIN PA PO RNAMS RANG BZHIN GYIS, ,GRUB PA RDUL TZAM MED PA LA, ,NGES SHES DRANGS LA MNYAM PAR BZHAG ,
DE YANG SBYIN PA PO YI NGA, ,RANG BZHIN GYIS NI MA GRUB STE, ,GRUB NA RTEN GZHI BEM RIG DANG, ,GCIG DANG THA DAD GANG DU GRUB, ,DE GNYIS LAS GZHAN GRUB MI SRID, ,GCIG NA RTEN GZHI BEM RIG GNYIS, ,'BRAL MI NUS TE RANG BZHIN GYIS, ,GRUB PA'I NGA DANG GCIG YIN PHYIR, ,THA DAD NA NI BEM RIG GNYIS, ,PHRAL RJES 'DI ZHES BZUNG RGYU ZHIG ,YOD DGOS PA LA MED PA'I PHYIR, ,RANG BZHIN MED PAR THAG BCAD BYA, ,GZHAN YANG GNOD BYED LA SOGS PA, ,BLA MA YI DAM CHOS SKYONG DU, ,BSAM STE RANG DANG YE SHES PA, ,SPYAN DRANGS GNYIS SU MED PAR BSTIM, ,MCHOD GTOR RGYA CHEN LEGS PHUL TE, ,BYIN BRLABS DNGOS GRUB 'PHRIN LAS ZHU, ,MTHAR NI DUS GSUM DGE BA KUN, ,BLA MED BYANG CHUB CHEN POR BSNGO, ,DE LTA'I SBYOR DNGOS MJUG GSUM PO, ,TSANG BA'I NYAMS LEN AE MA HO, ,DE LTAR NYAMS SU BLANGS PA YIS, ,DNGOS NYAMS RMI LAM CI RIGS PAR, ,'BYUNG POS 'JIGS SKRAGS BSKYED PA SOGS, ,CHO 'PHRUL BYUNG NA PHYI YI LHOD, ,NA TSA BYUNG NA NANG GI LHOD, ,NYON MONGS 'PHEL SOGS GSANG BA'I LHOD, ,DE RJES DE DAG RIM PA BZHIN, ,DNGOS NYAMS RMI LAM CI RIGS PAR, ,ZHI BA'I MTSAN MA MTHONG GYUR NA, ,PHYI NANG GSANG BA'I TSAR TSAD YIN, ,DE RJES DNGOS NYAMS RMI LAM DU, ,MI MIN BSNYEN BKUR BYED PA DANG, ,LUS LAS MI GTZANG THON PA DANG, ,DGE LA SPRO ZHING NYAMS RTOGS 'PHEL, ,NYON MONGS BRI RNAMS RIM PA BZHIN, ,PHYI NANG GSANG BA'I TSAR TSAD YIN, ,'DI DAG 'ONG DU MI RE ZHING, ,
, ,BYUNG YANG RLOM SEMS BYA MI RUNG, ,'DI NI NYAMS LEN GTZO BO YI, ,DMIGS RIM MDO TZAM BKOD PA STE, ,RGYAS PAR BLA MA BSTEN PA DANG, ,YID CHES GZHUNG LAS SHES PAR BYA, ,'DI YI DGE BAS RANG GZHAN KUN, ,ZAB MO'I NYAMS LEN MA NOR PA, ,NYAMS SU BLANGS TE MTHAR PHYIN NAS, ,BLA MED BYANG CHUB MYUR THOB SHOG , CES PA 'DI NI GYI NA BA NGAG DBANG BLO BZANG CHOS LDAN GYIS GYI NAR BRIS BA DGE, ,,