*, ,SNA TSOGS YUM GYI MNGON RTOGS DANG RJES DANG BYA TSUL LAG TU ? BLANG BDE BAR BKOD PA BZHUGS SO,) ,*, ,BCOM LDAN 'DAS MA SNA TSOGS YUM GYI SGRUBS THABS NI, SKYABS 'GRO SEMS BSKYED TSAD MED BZHI SGOM PA SNGON DU BTANG, AOm SVA BHA WA SHUD DHA SARBA DHA RM'A SV'A BHA WA SHUD DHO 2HAm ? , STONG PA NYID DU GYUR, STONG PA'I NGANG LAS KA LI LAS NYI MA'I DKYIL 'KHOR DANG AA LI LAS ZLA BA'I DKYIL 'KHOR GYI STENG DU WAm LAS 'OD ZER 'PHROS BAS 'PHAGS PA MCHOD SEMS CAN GYI NAD GDON ZHI BAR BYAS SLAR 'DUS YONGS SU GYUR PA LAS, RANG NYID LHA MO SNA TSOGS YUM SKU MDOG STON KHA'I ZLA BA LTAR DKAR BA ZHAL GCIG PHYAG GNYIS MA, GA-YAS MI 'JIGS PA SBYIN PA'I PHYAG RGYA DANG, GA-YON CHU SKYES DKAR PO BSNAMS PA, ZHAL SHIN TU 'DZUM PA, RIN PO CHE'I RGYAN DKAR PO DANG, DAR LA DKAR PO'I NA BZA' GSOL PA, ZHABS GNYIS PADMA'I 'DUG SDAR GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO; THUGS KHAR H'Um SNGON POS MTSAN PAR GYUR, THUGS KHA'I H'Um LAS 'OD ZER 'PHROS, RANG BZHIN GYI GNAS NAS BSGOM PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU BRGYAN PAR GYUR, AOm BI SHVA ? MA TA SA PA RI WAR ARGAHAm NAS SHA BTAB'I BAR GYIS MCHOD, LHA DANG LHA MIN COD PAN GYIS, ,ZHABS KYI PADMO LA BTUD NA, ,PHONGS PA KUN LAS SGROL MDZAD MA, ,SGROL MA YUM LA PHYAG 'TSAL LO, ,ZHES PAS BSTOD, AOm PHREm BI SHRA MA HA, BADZRA KA ntA KA NA SHA YA NA SHA
, ,YA MA M'A SHA NTIm KU RU SV'A H'A, ZHES CI MANG BZLAS PA'I MTHAR, DGE BA 'DI YIS MYUR DU BDAG ,ZHES SOGS BRJOD, 'DI'I SGO NAS RJES GNANG BYED PAR 'DOD NA, 'OS BA'I PHYOGS SU MCHOD STEGS JI LTAR 'TSAMS PA'I STENG DU, MNYDZI'I KHAR MAndAL LA DRI BZANG GI THIG LE BYAS TE 'BRAS KYI TSOM BU BKOD, DE'I MTHAR MCHOD GTOR BSHAM, SLOB DPON GYI MDUN COG RTZE'I STENG DU RDOR DRIL SOGS 'DU BYAS NAS, SLOB DPON KYIS BDAG BSKYED SNGAR LTAR SGRUB, DE NAS LAS BUM SGRUB TE, MDUN BSKYED KYI CHO MA BU BSANG SBYAR, STONG PA'I NGANG LAS KA LI LAS NYI MA'I DKYIL 'KHOR ZHES SOGS, RANG NYID CES PA'I TSIG 'DOR BA MA GTOGS RGYAS 'DEBS KYI BAR SNGAR BZHIN BRJOD, MCHOD PA BSANG SBYANGS, BYIN GYIS BRLAB NAS, AOm BI SHVA MA TA SA PA RI WA RA ARGHAm SOGS GYIS MCHOD, LHA DANG LHA MIN CHOD PAN GYIS, ,ZHES SOGS KYIS BSTOD, GTOR MA BSANG SBYANGS , STONG PA'I NGANG LAS RIN PO CHE LAS GRUB PA'I SNOD YANGS SHING RGYA CHE BA'I NANG DU GTOR MA KHA DOG DRI RO NUS PA PHUN SUM TSOGS PA YE SHES KYI BDUD RTZI'I RGYA MTSO CHEN POR GYUR, AOm A'A: H'Um, LAN GSUM GYIS BYIN GYIS BRLAB, AOm AA KA RO SOGS LAN GSUM GYIS GTOR MA 'BUL, THAL MO SBYAR TE, BCOM LDAN 'DAS MA BDAG DANG SEMS CAN THAMS CAD LA MCHOG DANG THUN MONG GI DNGOS GRUB MA LUS BSTZAL DU GSOL, ZHES GSOL BA GDAB, SLOB MA RNAMS KHRUS BYAS, PHYAG 'TSAL NAS GRAL LA 'KHOD PA LA, BCOM LDAN
'DAS MA SNA TSOGS YUM GYI RJES SU GNANG BA ZAB MO ZHU BA'I YON DU MAntAL 'BUL PAR ZHU BYAS LA, MAntAL 'PHUL DU GZHUG ,KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA RIN CHEN GTER, ,GTZO BOS BDAG LA BKA' DRIN STZOL, ,ZHES GSOL BA 'DEBS KYI RJES ZLOS LAN GSUM BYED DU BCUG DKON MCHOG GSUM LA BDAG SKYABS MCHI, ZHES SOGS, SHU LO KA GCIG GIS RJES ZLOS LAN GSUM BYAS TE SEMS BSKYED, DE NAS SLOB MA RNAMS BSANGS SBYANGS; STONG PA'I NGANG LAS SLOB MA RNAMS KYI GNAS SU KA LI LA SA ? NYI MA DANG, ZHES PA NAS, DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, ZHES PA'I BAR GYIS SLOB MA LHAR BSKYED, DE NAS, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS BDAG LA SNA TSOGS YUM GYI NI, ,SKU YI RJES GNANG STZAL DU GSOL, ,ZHES SKU'I RJES GNANG GI DON DU GSOL BA 'DEBS SU BCUG ,DE LTAR GSOL BA BTAB PAS SLOB DPON GYI THUGS KHA NAS 'OD ZER 'PHROS, MDUN BSKYED KYI THUGS KHAR PHOGS, DE'I THUGS KHA NAS 'OD ZER 'PHROS PHYOGS BCU'I SANGS RGYAS BYANG SEMS THAMS CAD LA PHOG PAS DE THAMS CAD KYI SKU'I CHA LAS BCOM LDAN 'DAS MA SNA TSOGS YUM GYI SKU'I RNAM PA DPAG TU MED PA BYUNG NAS SLOB MA'I LUS LA THIM PA'I MOS PA BYED DU GZHUGS, SNGAGS BRJOD DE
, ,DZA: H'Um BAm HO: GNYIS SU MED PAR GYUR, DES BCOM LDAN 'DAS MA SNA TSOGS YUM GYI SKU'I RJES SU GNANG BA THOB, LUS KYI SGRIB PA DAG , SKU RDO RJE 'GRUB PA'I NUS PA BZHAG SNYAM PA'I MOS PA BYED DU BCUG ,DUS GSUM SANGS RGYAS THAMS CAD KYI, ,GSUNG GI RDO RJE SLOB DPON GYIS, ,BDAG LA SNA TSOGS YUM GYI NI, ,GSUM GI RJES GNANG STZAL DU GSOL, ,ZHES GSUNG GI RJES GNANG GI DON DU GSOL BA 'DEBS SU BCUG ,DE LTAR GSOL BA BTAB, SNGAGS 'PHRENG MAR ME GCIG LAS GNYI SA CHAD KYI TSUL DU CHAD DE SLOB DPON GYI ZHAL NAS THON, SLOB MA'I ZHAL DU ZHUGS, THUGS KHAR ZLA BA'I STENG DU SA BON GYI MTHAR MDUN NAS GA-YAS SKOR DU 'KHOD PA'I MOS PA MDZOD BYAS LA, SNGAGS KYI RJES ZLOS LAN GSUM BYED DU BCUG ,ME TOG 'THOR BA DANG BCAS, BCOM LDAN 'DI LA STZAL LAGS KYI, , BCOM LDAN 'DI LA 'GO BAR MDZOD, ,SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR MDZAD DU GSOL, ,BCOM LDAN 'DAS MA SNA TSOGS YUM GYI GSANG SNGAGS DAR RIGS SNGAGS DANG GZUNGS SNGAGS KYI BYIN BRLAB THAMS CAD SLOB MA 'DI RNAMS LA 'JUG PAR GYUR CIG ,DES BCOM LDAN 'DAS MA SNA TSOGS YUM GYI GSUNG GI RJES SU GNANG BA THOB, NGAG GI SGRIB PA DAG ,GSUNG RDO RJE 'GRUB PA'I NUS PA BZHAG SNYAM PA'I MOS PA BYED DU GZHUG ,DUS GSUM SANGS RGYAS THAMS CAD KYI, ,THUGS KYI RDO RJE SLOB DPON GYIS, ,BDAG LA
SNA TSOGS YUM GYI NI, ,THUGS KYI RJES GNANG STZAL DU GSOL, ,ZHES THUGS KYI RJES GNANG GI SLAD DU GSOL BA 'DEBS SU BCUG ,DE LTAR GSOL BA BTAB PAS SLOB DPON GYI THUGS KHA NAS 'OD ZER 'PHROS, MDUN BSKYED KYI THUGS KHAR PHOG ,DE'I THUGS KHA NAS 'OD ZER 'PHROS PHYOGS BCU'I SANGS RGYAS BYANG SEMS THAMS CAD LA PHOG PAS DE THAMS CAD KYI BYIN BRLABS NUS MTHU THAMS CAD BCOM LDAN 'DAS MA SNA TSOGS YUM GYI SA BON PHRI YIG DANG, PHYAG MTSAN PADMA LA SOGS PA'I RNAM PAR BKUGS NAS SLOB MA RNAMS KYI SNYING KHAR THIM PAS BYIN GYIS BRLAB PAR GYUR; DE NAS BCOM LDAN 'DAS MA SNA TSOGS YUM GYI THUGS KYI RJES SU GNANG BA THOB, YID KYI SGRIB PA DAG ,THUGS RDO RJE 'GRUB PA'I NUS PA BZHAG SNYAM PA'I MOS PA BYED DU GZHUG ,BCOM LDAN 'DAS MA SNA TSOGS YUM GYI RJES SU GNANG BA SONG BA YIN PAS GTAD RAG GI YON DU MAntAL 'PHUL DU GZHUG ,'JUG CHOG LA MCHOD BSTOD DANG YIG BRGYA BRJOD , BZOD GSOL GYI TSIGS BCAD DANG, GSHEGS GSOL BSNGO, SMON LAM, SHIS BRJOD RNAMS BYA, CES PA 'DI NI SDOM BRTZON CHOS LA 'DUN PA'I DPYOD LDAN AER DHE NI TI YAN CHI BSTAN 'DZIN RGYA MTSOS BSKUL BA'I DOR NGAG DBANG BLO BZANG CHOS LDAN DPAL BZANG POS SBYAR BA'I YI GE PA NI DPYOD LDAN DGE TSUL NGAG DBANG STOBS LDAN NO, , 'DI'I BRGYUD PA NI RGYAL BA RDO RJE 'CHAR, RDO RJE RNAL 'BYOR MA, SLOB DPON AABPHYA ? KA RA, SHU BHA KA RA KU BTA, SU TZA RI KA RA KU BTA, RA DNA RA KIshA TA ,
, ,GO RAm SHRI RTNA KI RTI, LO TZTSA BA GRAGS RGYAL, RONG PA SHES RAB SENG GE ,SAG STON GZHON NU TSUL KHRIMS, MKHAN PO SHES RAB RDO RJE, MKHAN CHEN RIN CHEN 'PHEL, SLOB DPON KUN DGA' BSOD NAMS, MKHAN CHEN BYANG CHUB SENG GE ,MKHAN CHEN CHOS KYI 'OD ZER, BLA MA BSOD NAMS BZANG PO, CHOS RJE NAM MKHA' RGYAL MTSAN, RDO RJE 'CHANG MKHYEN RAB RJE, KUN MKHYEN SH'AKY'A DON GRUB, 'JAM DBYANGS KUN DGA' LEGS GRUB, BYAMS PA KUN DGA' CHOS GRAGS , 'DREN MCHOG LEGS RDO RJE, MKHYEN RAB BSTAN 'DZIN BZANG PO, MKHYEN RAB BYAMS PA NGAG DBANG LHUN GRUB, DES BDAG NGAG DBANG BLO BZANG CHOS LDAN LA'O,, ,,