*, ,(DGE 'DUN DBYEN ZLUM GYI 'KHOR LO SGRUB TSUL BZHUGS SO), *, ,DPAL RDO RJE 'JIGS BYED KYI 'KHRUL 'KHOR NAS BSHAD PA LTAR GYI DGE 'DUN DBYEN ZLUM GYI 'KHOR LO SGRUB TSUL NI, GZA' SKANG 'PHROD SBYOR SOGS BZANG PO 'DZOM PA'I YANG NGO'I TSES GCIG LTA BU TSE GRANGS BZANG PO'I NYIN, GNAS GTZANG MAR BSGRUB PA PO SHAR DU PHYOGS PA'I MDUN DU STEGS BZANG PO'I KHAR DAR RAS DKAR POS GA-YOG PA'I STENG DU 'KHOR LO'I MDUN BSGRUB PA PO LA BSTAN TE
BZHAG ;MDUN NAS GA-YAS SKOR DU CHU GNYIS NYER SPYOD GTOR MA RNAMS LEGS PAR BSHAMS, RANG YI DAM GYI BDAG SKYED RDZOGS PAR SGOM PA'I MJUG TU 'KHOR LO BSANG SBYANGS, STONG PA'I NGANG LAS ZLA BA'I DKYIL 'KHOR GYI STENG DU RDO RJE'I RVA BA 'OD ZER DANG BCAS PA'I NANG DU 'KHOR LO RTZI BA RIM PA GSUM LTE BA DANG BCAS PA'I DBUS SU H'Um LAS RDO RJE H'Um GIS MTSAN PA, RTZI BA NANG MA'I SHAR DU KshI LAS 'KHOR LO KshES MTSAN PA, LHOR MA LAS RIN CHEN MAS MTSAN PA, NUB TU ME LAS PADMA MES MTSAN PA, BYANG DUD LAS RAL GRI DAS MTSAN PA, RTZI BA BAR MI'I SHAR NAS GA-YAS SKOR DU RIM PA BZHIN, YA LAS THO BA YAS MTSAN PA, TZTSA LAS DBYUG PA TZTSAS MTSAN PA, NI LAS PADMA NI SA MTSAN PA, R'A LAS RAL GRI R'AS MTSAN PA, DZ'A LAS 'KHOR LO DZ'AS MTSAN PA, SA LAS RDO RJE SAS MTSAN PA, DO LAS PADMA DOS MTSAN PA, RU LAS RAL GRI RUS MTSAN PA, NA YO NI R'I YI GE BZHI RNAMS 'OD ZER 'PHRO BA DANG BCAS PA YONGS SU GYUR PA LAS DPAL RDO RJE 'JIGS BYED LHA BCU GSUM THOD PA BZHI DANG BCAS PA YONGS SU RDZOGS PAR GYUR PA NI, DBUS SU DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI ZHABS BCU DRUG PA, ZHES PA NAS, ME DPUNG RAB TU 'BAR BA'I KLONG DKYIL NA BZHUGS PA, DE'I BANG NA YUM RDO RJE RO LANG MA, ZHES PA NAS, GA-YON PAS YAB LA 'KHYUD PA RTZI BA NANG MA'I SHAR DU GTI MUG GSHIN RJE GSHED DKAR PO ZHES PA NAS, PADMA 'DZIN PA, LHOR SER SNA GSHIN RJE GSHED SER PO, ZHES PA NAS, PADMA 'DZIN PA, NUB TU 'DOD CHAGS
, ,GSHIN RJE GSHED DMAR PO, ,ZHES PA NAS, 'KHOR LO 'DZIN PA, BYANG DU 'PHRAG DOG GSHIN RJE GSHED LJANG KHU, ZHES PA NAS, PADMA 'DZIN PA, RTZI BA BAR LA SHAR NAS GA-YAS SKOR DU RIM PA BZHIN, THO BA GSHIN RJE GSHED SNGON PO, ,ZHES PA NAS, PADMA 'DZIN PA, DBYUG PA GSHIN RJE GSHED DKAR PO, ,ZHES PA NAS, 'KHOR LO 'DZIN PA, PADMA GSHIN RJE GSHED DMAR PO, ,ZHES PA NAS, NOR BU 'DZIN PA, RAL GRI SHIN RJE GSHED LJANG KHU, ZHES PA NAS, PADMA 'DZIN PA, YAB BRGYAD PO THAMS CAD KYANG, ZHES PA NAS, MCHE BA'I 'PHRENG BA CAN NO, ,TZA RTZI KA DKAR MO, ,ZHES PA NAS, PADMA 'DZIN PA, DBYANGS CAN MA DMAR MO, ,ZHES PA NAS, 'KHOR LO 'DZIN PA, GOO RI LJANG KHU, ZHES PA NAS, PADMA 'DZIN PA, YUM BZHI KA'ANG, ZHES PA NAS, YAB LA 'KHYUD PA, MI'I THOD PA BDUD RTZIS GANG BA BZHI, PHYI'I RTZI BA LA YI GE BCU BA'I GNAS SU H'Um LAS RDO RJE H'Um GIS MTSAN PA YONGS SU GYUR PA LAS DPAL RDO RJE 'JIGS BYED CHEN PO SKU MDOG MTHING NAG ZHAL GCIG PHYAG GNYIS GRI GUG DANG THOD PA 'DZIN PA RE RE YUM DANG BCAS PA'I SKUR BZHENGS PA'I LHA THAMS CAD LAS 'OD ZER DKAR PO'I TSOGS 'PHRO BA, THAMS CAD KYI MIG GNYIS SU KshIm, ZHES PA NAS, THUGS KHAR H'Um GIS MTSAN PAR GYUR, AOm HRI: HA BHO, ZHES PA NAS, KU RU SV'A H'A, RANG GI THUGS KHA'I H'Um LAS 'OD ZER 'PHROS, RANG BZHIN GYI GNAS NAS SGOM PA DANG 'DRA BA'I YE SHES PA SPYAN DRANGS, AOm MUD KA RA DZ'A, ZHES PA NAS, KHANGGA HO, RANG GI THUGS KHA'I H'Um LAS 'OD
ZER 'PHROS, DBANG GI LHA RNAMS SBYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS, DBANG LHA RNAMS KYIS DBANG BSKUR, SKU GANG CHU LHAG MA SPYI GTZUG TU GNAS PA YONGS SU GYUR PA LAS RANG RANG GI RIGS KYI BDAG POS DBU RGYAN PAR GYUR, RGYAL BA RNAMS NI GTZANG GYUR CING, ,ZHES SOGS TSIGS BCAD SNGAGS DANG BCAS PA'AM; YANG NA AOm YA MANTA KA SA PA RI LAR ARGHAm PRA TI TZTSA H'Um SV'A H'A, ZHES SOGS KYIS CHU GNYIS NYER SPYOD ROL MO RNAMS DBUL, AOm HR'I: sht'I: WI KRI T'A NA NA H'Um PHAt, AOm A'A: H'Um, ZHES PA NAS; AOm BADZRA RA TI H'Um PHAt AOm A'A: H'Um, ZHES PA'I BAR GYI SA NANG MCHOD DBUL, GNYIS MED THUN MONGS MA YIN KHYAB PA'I SKU, ZHES SOGS KYIS BSTOD, RANG GI THUGS KHA'I H'Um LAS 'OD ZER 'PHROS, 'KHOR LO'I LHA RNAMS KYI THUGS KAR PHOG ,DE RNAMS KYI THUGS KHA NAS 'OD ZER 'PHROS, PHYOGS BCU'I SANGS RGYAS BYANG SEMS THAMS CAD KYI MKHYEN BRTZE NUS PA'I YON TAN THAMS CAD 'OD ZER GYI RNAM PAR SPYAN DRANGS, LHA RNAMS LA THIM, LHA RNAMS KYI THUGS KHA NAS GSHIN RJE GSHED DKAR PO RIN PO CHE'I BUM PA DKAR PO BDUD RTZI DKAR POS GANG BA 'DZIN PA DPAG TU MED PA SPROS, SGRUB BYA RNAMS KYI SPYI BO NAS DBANG BSKUR, THOG MED NAS BSAGS PA'I LAS NGAN NAD GDON SDIG SGRIB THAMS CAD DANG, KHYAD PAR DU SEMS MI MTHUN PA DANG, ZHE SDANG BA DANG, KHON DU 'DZIN PA SOGS MI MTHUN PA'I PHYOGS THAMS CAD ZHI ZHING, LUS KYI PHYI NANG THAMS CAD DAG STE SHEL DKAR PO DRI MA MED PA LTAR GYUR PAR BSAM LA
, ,AOm HR'I: shIT': WI KRI T'AN NA H'Um PHAt, NAM SGRUB BYA RNAMS KYI SEMS MI MTHUN PA DANG, ZHE SDANG BA DANG, 'KHON DU 'DZIN PA SOGS MI MTHUN PA'I PHYOGS THAMS CAD SHNTIm ? KU RU NA MA ZHES SPEL TSIG DANG BCAS PA MANG DU BZLA ZHING, 'KHOR GYI SDAGS RNAMS KYANG CI 'GRUB RE BZLA, MTHAR YI GE BRGYA PA BRJOD, LHA RNAMS KYI LJAGS H'Um LAS SKYES PA'I RDO RJE DKAR PO RTZE GCIG PA 'OD KYI SPU GU CAN DU GYUR PAS, GTOR MA'I BCUD THAMS CAD DRANGS TE GSOL BAR GYUR, AOm HR'I: shAT'I: ZHES PA NAS, KH'A HI ZHES PA'I BAR LAN GSUM GYIS GTZO BO YAB YUM DANG; AOm DZ'IN DZ'I KA ZHES PA NAS H'Um SV'A H'A, ZHES PA'I BAR LAN GSUM GYIS 'KHOR RNAMS LA DBUL, DE NAS MCHOD BSTOD SNGAR BZHIN BYA, DE LTAR LEGS PAR SGRUB PA'I MJUG TU, BCOM LDAN 'DAS DPAL RDO RJE 'JIGS BYED 'KHOR DANG BCAS PA RNAMS KYIS DGON GNAS 'DI'I DGE 'DUN RNAMS THUGS MTHUN ZHING KHRIMS GTZANG BA'I SGO NAS CHOS SPYOD BCU DANG, BSHAD SGRUB KYI NYAMS LEN LA BRTZON PAR BYIN GYIS BRLABS TU GSOL, ZHES 'DOD DON LA GSOL BA GDAB, 'KHOR LO'I LHA RNAMS 'OD DU ZHU NAS BRIS PA'I 'KHOR LO'I RNAM PAR GYUR, CES BRJOD DE 'OD ZHU BYA, SLAR YANG MCHOD BSTOD SNGAR BZHIN BYAS TE, 'DIR NI RTEN DANG LHAN CIG TU, ZHES SOGS KYIS BRTAN BZHUGS BYAS LA BKRA SHIS RGYAS PAR BRJOD, 'KHOR LO MGO 'JUG MA LOG PAR LTE BA'I YI GE MDUN DU BSTAN TE RTEN GYI NANG DU STOD GZUNGS KYI THAD DU GZHUGS PAR BYAS NA LEGS TSOGS 'PHEL BAR 'GYUR RO, ,(CES BA 'DI NI SDOM BRTZON CHOS LA 'DUN CING RNAM PAR DPYOD PA'I BLO GROS YANGS PAR RAB 'BYAMS SMRA BA CHOS GRAGS KYIS BSKUL BA'I DOR ZAR ?RGAN SNYOMS LAS PA NGAG DBANG BLO BZANG)
(TSE RTAN ? DBANG BZANG POS BKRI SHIS DPAL 'BAR GYI LHA KHANG DU SBYAR BA'I YI GE PA NI DPYOD LDAN DGE TSUL NGAG DBANG PHUN TSOGS SO, ,