*, ,(SPYI 'GRO'I RJES GNANG GI BSHAD PA BZHUGS SO), , *, ,BDE CHEN ZHI BA'I DBYINGS LAS MA GA-YOS PAR, ,GANG 'TSAM THABS KYIS BRTEN CING MCHOD PA YI, ,SGRUB PA PO LA DNGOS GRUB STZOL MDZAD PA'I, ,
, ,YI DAM LHA TSOGS RNAMS LA GUS PAS 'DUD, ,DE LA 'DIR YI DAM DANG CHOS SKYONG GI RJES GNANG BSKUR BA'I SKABS SU, SLOB MA'I KUN SLONG 'CHOS TSUL MDO TZAM DGOD PA NI, THOG MAR RJES GNANG GANG BSKUR BA NA, DE'I BDAG MDUN BSGRUB PA SOGS SNGON DU BTANG, SLOB MA RNAMS KHRUS BYAS SHING, PHYAG 'TSAL TE GRAL LA 'KHOD PA LA ME TOG BKYE BSDU BYAS CHAR BA DANG SLOB DPON GYIS, SEMS CAN THAMS CAD KYI DON DU BLA NA MED PA YANG DAG PAR RDZOGS PA'I SANGS RGYAS KYI GO 'PHANG RIN PO CHE MYUR BA NYID DU THOB PAR BYA; DE'I PHYIR DU RGYAL BA TSE DANG YE SHES DPAG TU MED PA SOGS LHA CHE GE MO'I RJES GNANG ZAB MO ZHU SNYAM PA MDZOD LA, THOG MAR MAntAL 'BUL BAR ZHU ZHES BRJOD DE MAntAL 'BUL DU GZHUG , DE NAS JI SKAD DU, BLA MA LNGA BCU PA LAS, MDUN DU DUL BAR 'DUG PA DANG, GOS SOGS TSUL NI BSDAMS PA DANG, PUS BTZUG THAL MO SBYAR BA YI, NYAN SOGS 'DOD PAS GSOL GSUM GDAB, ZHES GSUNGS PA LTAR BLA MA'I MDUN DU ZHI ZHING DUL PA'I SPYOD LAM GYIS 'DUG CING SHIN DU GUS PA'I YID KYIS GSOL BA LAN GSUM DU GDAB DGOS PA YIN PAS, GSOL BA 'DEBS PA 'DI'I RJES BZLOS MDZOD, CES BRJOD GSOL 'DEBS KYI TSIG RJES BZLOS BYED DU GZHUG ,DE NAS SPYOD 'JUG LAS, RNAL 'BYOR 'DI NI SHIN DU BRNYED PA DKA', SKYES BU'I DON GRUB THOB PAR 'GYUR BA LA, GAL TE 'DI LA PHAN PA MA GYUR NA, PHYIS 'DI YANG DAG 'BYOR BA GA LA 'GYUR, ZHES GSUNGS PA LTAR, RANG CIG RNAMS KYIS SHIN DU
RNYED PAR DKA' BAR DAL 'BYOR GYI MI LUS RIN PO CHE THOB PA'I DUS 'DIR, DAL 'BYOR LA SNYING PO CIG MA BLANGS NA 'KHOR BA SDUG BSNGAL GYI RGYA MTSO 'DIR SDUG BSNGAL MU MTHA' MED PAR MYONG DGOS SHING, , PHYIS SU RTEN BZAD 'DI LTA BU 'THOB PA YANG SHIN DU DKA', DE YANG LAS NYON GYI DBANG GIS 'KHOR BA 'DIR SKYE BA BLANGS PHYIN SDUG BSNGAL GYI RANG BZHIN LAS MA 'DAS STE, DMYAL BA LA TSA GRANG GI SDUG BSNGAL, YI DVAGS LA BKRES SHING SKOMS PA'I SDUG BSNGAL, DUD 'GRO LA GLEN LKUG GI SDUG BSNGAL, MI LA 'TSOL KHRO DANG NGAL DUB SOGS KYI SDUG BSNGAL, LHA MA YIN LA 'THAB RTZOD DANG 'KHRUGS LONGS LA BRTEN PA'I SDUG BSNGAL, LHA LA 'CHI 'PHO LTUNG BA LA SOGS PA'I SDUG BSNGAL YOD PAS, 'KHOR BA'I GNAS KHAB KYI RTZE MO NA YANG, BDE BA'I GO SKABS CUNG ZAD TZAM YANG MED PAS, MDO DRAN PA NYER BZHAG LAS, SEMS CAN DMYAL BA DMYAL MES NYAMS, YI DVAGS BKRES SHING SKOMS PAS NYAMS, DUD 'GRO GCIG LA GCIG ZAS NYAMS, MI DAG 'TSO BA THUNGS PAS NYAMS, LHA DAG PAG MED PA YIS NYAMS, 'KHOR BA KHAB KYI RTZE MO NA, BDE BA NAM YANG YOD MA YIN , ZHES GSUNGS, DES NA DA RES KYI RTEN 'DI LA SNYING PO CIG BLANGS DGOS LA, DE YANG TSE 'DI'I PHUN TSOGS DANG, PHYI MA'I MNGON MTHO SOGS BSGRUB PA'I SNYING PO BLANGS PAR MI 'GYUR BAS; DAM PA'I CHOS BSGRUB PA'I SGO NAS SNYING PO LEN DGOS, DAM PA'I CHOS LA THEG PA CHE CHUNG GI CHOS GNYIS SU YOD PA LAS, THEG PA CHUNG NGU'I CHOS LA BSGRUB PA SNYING POR
, ,BYAS NA 'KHOR BA'I SDUG BSNGAL LAS THAR PA'I THAR PA 'THOB MOD KYANG, RANG DON YONGS SU MA RDZOGS SHING, GZHAN DON NYI TSE BA LAS MI 'GRUB PAS DON GNYIS LHUN GRUB TU MI 'BYUNG, THEG PA CHEN PO'I CHOS LA BSGRUB PA SNYING POR BYAS NAS RANG GZHAN GYI DON GNYIS MTHAR PHYIN PAR 'GYUR BAS, PHAR PHYIN BSDUS PA LAS, 'JIG RTEN DON SGRUB TSUL LA MTHU MED PA'I, ,THEG PA GNYIS PO GTAN DU SPANGS BYA SHING, ,THUB RGYAL THEG PA RJES SU BSTAN PA LA, ,GZHAN PHAN RO GCIG RANG BZHIN DANG POR 'JUG ,ZHES GSUNGS PA LTAR; ;THEG PA CHEN PO'I CHOS LA 'JUG DGOS, DE LA YANG RGYU PHA ROL TU PHYIN PA'I THEG PA DANG, 'BRAS BU RDO RJE THEG PA'I CHOS GNYIS SU YOD PA LAS, SNGA MA LA BRTEN NA SANGS RGYA BA LA BSKAL CHEN GRANGS MED GSUM LA SOGS PA'I BAR TSOGS YUN RING POR BSAGS DGOS SHING, MTHAR SNGAGS LAM LA MA BRTEN PAR SANGS RGYA MI NUS, RDO RJE THEG PA LA BRTEN NA BSKAL CHEN GRANGS MED GSUM LA SOGS PA'I YUN LA MA LTOS PAR TSOGS RDZOGS NUS SHING, RDO RJE THEG PA MA YIN PA'I LAM GZHAN LA BRTEN NAS DON GNYIS LHUN GYIS GRUB PA'I GO 'PHANG MCHOG BDE BLAG TU THOB PAR MI NUS PA, LAM RIM LAS, DE LTAR MDO SNGAGS GNYIS KA'I LAM THUN MONGS PA RNAMS LA SBYANGS PA'I 'OG TU NI GDEN MI ZA BAR, SNGAGS LA 'JUG PAR BYA STE LAM DE CHOS GZHAN RNAMS LAS TSES DKON PA MYUR DU TSOGS GNYIS RDZOGS PAR BYED PA'I PHYIR, ZHES GSUNGS PA LTAR YIN, DES NA RDO RJE THEG PA'I LAM LA BRTEN NAS MCHOG GI GO 'PHANG BSGRUB PA NI, SNYING PO LEN
TSUL MCHOG TU GYUR PA YIN CING, DE YANG YI DAM GYI LHA DANG CHOS SKYONG KHYAD PAR BA RE LA BRTEN DGOS PA YIN PAS, YI DAM LHA CHE GE MO 'AM CHOS SKYONG CHE GE MO LA BRTAN NAS RNAL 'BYOR GYI RTEN LA SNYING PO BLANGS SNYAM PA'I MOS PA DANG LDAN PAS, MDUN GYI GTOR MA 'AM TSOM BU GANG YIN PA 'DI YI DAM CHOS SKYONG CHE GE MO DNGOS YIN SNYAM PA DANG, DE'I STENG GI NAM MKHAR RTZA RGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONGS BSRUNGS MA'I TSOGS SPRIN GYI PHUNG PO 'THIB PA LTAR BZHUGS PAR MOS NAS, DE RNAMS KYI DRUNG DU DKON MCHOG GSUM LA SKYABS SU 'GRO BA DANG THOG MED NAS BSAGS PA'I SDIG PA BSHAGS PA DANG, RANG GZHAN SKYE 'PHAGS THAMS CAD KYI DUS GSUM DU BSAGS PA'I DGE BA LA RJES SU YI RANG BA SNGON DU BTANG NAS, SEMS CAN THAMS CAD KYI DON DU YI DAM MAM CHOS SKYONG CHE GE MO'I RJES SU GNANG BA ZAB MO ZHUS STE, DE NYID YI DAM GYI LHA 'AM CHOS SKYONG DU BZUNG SNYAM PA MDZOD LA, 'DI'I RJES BZLOS MDZOD CES BRJOD LA, DKON MCHOG GSUM LA BDAG SKYABS MCHI, ZHES SOGS RJES BZLOS BYED DU GZHUG ,DE NAS MAntAL BSTAN PA RJES GNANG GI GZHI BSGRUB PA'I SLAD DU SLOB MA LTAR BSKYED PA, THUN MONGS MA YIN PA'I GSOL BA 'DEBS PA, SKU GSUNG THUGS SAM LUNG GSUM GYI CHINGS SOGS RANG RANG GI YIG CHA NAS 'BYUNG BA BZHIN GYI RJES SU GNANG BA RNAMS RIM PA BZHIN BYA'O, ,(CES PA 'DI NI BDE THANG SPRUL SKU PAndI TA CHOS RJE BLO BZANG TSUL KHRIMS RNAM RGYAL GYIS 'DI LTA BU ZHIG DGOS ZHES BKA'I BSKUL BA LTAR GYI NA PA ? NGAG DBANG BLO BZANG CHOS LDAN GYIS DBEN PA'I RI SUL BYANG CHUB GLING DU BRIS PA'O, ,