(*, ,SPYI 'THO'I RRJE GAN 'BYED TSUL BLO GSAL MTHUL RGYAN ZHES BYA BA BZHUGS SO), ,*, ,MCHOG THUN DNGOS GRUB KUN STZOL YI DAM LHA, ,LAS BZHI'I 'PHRIN LAS KUN SGRUB BSRUNG MA LA, ,GUS PAS BTUD DE DE DAG SGRUB PA LA, , SNGON 'GRO BYIN RLABS RJES GNANG BYED TSUL BRI, ,'DIR YI DAM GYI LHA DANG CHOS SKYONG PHAL CHER LA SBYAR CHOG PA'I SPYI 'GRO'I RJES GNANG JI LTAR BYA BA'I TSUL 'CHAD PA LA, RJES GNANG GI RNAM BZHAG SPYIR BSHAD PA DANG , SKABS SU BABS BA'I RJES GNANG BYA TSUL BYE BRAG TU BSHAD PA GNYIS; DANG PO LA, GANG GIS BSKUR BA'I SLOB DPON, GANG LA BSKUR BA'I SLOB MA, BSKUR BAR BYA BA RJES GNANG GI RNAM BZHAG BSHAD PA GSUM; DANG PO NI, RJES GNANG BSKUR BA PO'I SLOB DPON DU 'OS PA DE LA YON TAN JI LTA BU DANG LDAN PA DGOS SNYAM NA, DE LA YON TAN KHYAD PAR CAN DU MA DANG LDAN PA ZHIG DGOS TE, LAM THUN MONG BAS RGYUD SBYANGS PA; RGYUD SDE BZHI'I DKYIL 'KHOR GANG YANG RUNG BZHIG TU DBANG BSKUR LEGS PAR THOB PA, KHAS BLANGS PA'I DAM TSIG DANG SDOM PA TSUL BZHIN DU SRUNG BA, YI DAM KYI LHA GANG YANG RUNG BA ZHIG GI GRANGS BSNYEN LEGS
, ,PAR SONG BA, BSKUR BYA'I RJES GNANG DE THOG MAR GANG LAS BRGYUD PA DE NAS BAR MA CHAD PAR BRGYUD PA'I BLA MA MTSAN LDAN ZHIG LAS LEGS PAR THOB PA, RJES GNANG GI RNAM PA ZHAG LEGS PAR SHES SHING CHOG TSUL BZHIN DU BYAS TE RJES GNANG GI DMIGS PA DANG BRDA'I DON SLOB MA LA SPROD THUB PA CIG DGOS PAS SO, ,DANG PO LA MTHUN MONG BAS RGYUD SBYANGS BA DGOS TE GZHAN LA RJES GNANG BYED PA LA RANG NYID SNGAGS LA ZHUGS PA ZHIG DGOS LA, SNGAGS LA 'JUG PA LA LA MTHUN MONG BAS RGYUD SBYANGS PA SNGON DU 'GO DGOS BAS SO, ,DE YANG YIN TE, LAM THUN MONG BAS RGYUD SBYANGS BAS SNOGN DU MA SONG BAR SNGAGS LA ZHUGS NA, GLANG PO CHE MDUL BA ZHON NA BDE BAR BGROD NI NUS PAR STENG NAS LTUNG BA DANG GLANG PO CHES RDZI BA SOGS KYIS SROG 'DOR BA'I 'PHUNG BAR 'GYUR BA DANG 'DRA BA YIN PAS SO, ,DE LTAR YIN PAR RGYAL DBANG THAMS CAD MKHYEN PA NGAG DBANG BLO BZANG RGYA MTSOS, GANG DE RGYU DANG 'BRAS BU THEG PA LAS, ,CHES ZAB GSANG BSNGAGS ZHES RAB GRAGS KYANG, ,THUN MONG LAM GYIS RGYUD SBYANGS MA SONG BAR, ,MA DUL GLANG PO ZHON LTAR RANG NYID 'PHUNG, ,ZHES SO, ,DKYIL 'KHOR GANG YANG RUNG BA CIG TU DBANG SKUR BA THOB DGOS TE, SNGAGS LA 'JUG PA'I SGO DBANG YIN PAS DBANG MA THOB PAR SNGAGS LA 'JUG MI RUNG ZHING ZHUGS KYANG SNGAGS KYI DNGOS GRUB DANG LAM BSGOM PA LA BRTEN PA'I BSAM GTAN GYI TING NGE 'DZIN 'GRUB PAR MI 'GYUR BA DPER NA BI WANG RGYUD MED PA RDUNG MI RUNG ZHING SGRA SNYAN PO MI 'BYUNG BA DANG 'DRA BAS SO, ,DE LTAR YANG DPAL SANGS RGYAS THOD PA'I RGYUD LAS, DPER NA PI WANG SBYOR KUN TSOGS, ,RGYUD DANG BRAL NA RDUNG MI RUNG, ,DE BZHIN DBANG DANG BRAL NA NI, ,SNGAGS DANG BSAM GTAN 'GRUB MI 'GYUR, ,ZHES SO, ,DAM
TSIG DANG SDOM PA LEGS PAR SRUNG BA CIG DGOS TE, SNGAGS LA ZHUGS KYANG DAM TSIG LEGS PAR MA BSRUNG NA SNGAGS KYI DNGOS GRUB BSGRUB CI YANG MI 'GRUB PAS SO, ,DE LTAR YANG SANGS RGYAS MNYAM SBYOR GYI RGYUD LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUB KYANG CI YANG MI 'GRUB PO, ,ZHES SO, ,DBANG THOB PA'I DKYIL 'KHOR GANG YANG RUNG BA CIG LA BSNYEN PA BYAS PA DGOS TE, BSNYEN PA MA BYAS PAR RANG NYID RDO RJE SLOB DPON BYAS NAS GZHAN DBANG BSKUR, RAB GNAS, SBYIN SREG ,RJES GNANG SOGS BYAS NA RANG GIS RANG LA SUN 'BYIN PA STE SDUG BSNGAL SKYED PAR 'GYUR PAS SO, ,DE LTAR YANG SNYING PO MDOR BSAGS LAS, ,DKYIL 'KHOR MCHOG GI SLOB DPON GYIS, ,SNGON DU BSNYEN PA LA 'BAD NAS, ,DE NAS DKYIL 'KHOR DE NYID NI, , SHIN DU DUL BAS BRTAG PAR BYA, ,LHA NI MNYES PAR MA BYAS NA, ,RANG NYID RNAM PAR SUN 'BYIN YIN, ,ZHES SO, ,BSKUR BYA'I RJES GNANG DE'I RGYUN LEGS PAR THOB PA DGOS TE, RANG GI RJES GNANG GI RGYUN LEGS PAR MA THOB PAR GZHAN LA RJES GNANG BSKUR BA BUM STONG GCIG NAS GCIG LA BYO BA DANG 'DRA BAR PHA ROL PO LA MI PHAN PA'I KHAR GNOD CING RANG LA CHOS LA BRTEN PA'I RDZUN BYAS PA'I NYES PAS DMYAL BAR LTUNG BA SOGS PA'I RANG GZHAN GNYIS KA LA GNOD PA'I NYES PA CHEN PO 'BYUNG BAS SO, ,RJES GNANG GI RNAM BZHAG SHES SHING CHO GA TSUL MTHUN BYAS TE RJES GNANG GI DMIGS PA DANG BRDA' DON SLOB MA LA SPROD THUB PA CIG DOGS TE, RJES GNANG GI RNAM BZHAG MA SHES NA DE'I CHO GA TSUL MTHUN BYED MI SHES LA, ,CHO GA TSUL DANG MI MTHUN PA BYAS NA RANG NYID LA CHOS LA DBANG ZA BA'I NYES PA 'BYUNG ZHING PHA ROL PO LA RJES GNANG GA
, ,GO MI CHOD PA DANG, DMIGS PA DANG BRDA' DON SPROD MA THUB NA PHA ROL POS CI YIN 'DI YIN MI SHES PAR 'GYUR PAS SO, ,'O NA RJES GNANG SKUR BA PO'I SLOB DPON LA DE LTA BU'I YON TAN DANG LDAN PA DGOS SHING YON TAN DE DAG DANG MI LDAN PAS RJES GNANG BSKUR MI RUNG NA, DENG SANG YON TAN DE DAG DANG MI LDAN YANG RJES GNANG BSKUR MKHAN YONG GIN 'DUG PA JI LTAR YIN SNYAM NA, DE 'DRA 'ONG BA'I MTHA' MI KHEGS TE, DPER NA RGYAL PO'I KHRIMS 'OG NA YOD PHYIN KHRIMS DANG MI 'GAL BAR KHRIMS LUGS JI LTA BA BZHIN BYED DGOS SHING KHRIMS 'GAL BYA MI RUNG KYANG, KHRIMS DANG 'GAL BA BYAS TE GSOD PA DANG BTZON DU 'JUG PA SOGS BYA DGOS PA DU MA 'ONG BA DANG 'DRA BAS SO, ,DBANG BSKUR RJES GNANG SOGS TSUL MTHUN MA BYAS NA PHYI MAR SDUG BSNGAL BA'I NYES PA SKYED PAR MA ZAD TSE 'DIR YANG MI MA YIN GYIS GNOD PA SKYEL BA SOGS NYES PA 'BYUNG STE, SNGON GTZANG NA BLA MA ZHIG GIS YUL GRONG ZHIG TU MI MANG PO CIG LA DBANG SKUR BYED DUS MIG MA THONG BA ZHIG GI MTHONG SNANG LA YUL DE'I BTZAN ZHIG BLA MA DE'I 'KHRIS SU BSDAD NAS DBANG SKUR TSAR BA DANG RGANG BU GCIG NAS KHRAG GCIG BLA MA'I MGO LA BYUG SONG BA MTHONG, DE CI YIN SNYAM PA'I DOGS PA SKYES PAS BLA MA DE NANG LA SLEB NAS CHEN PO MA 'GYANGS PAR DMAR BSHAL GYIS SHI BA'I GTAM RGYUD BZHIN NO; DES NA RJES GNANG BSKUR BA PO'I SLOB DPON BYA 'DOD PA DAG GIS GONG DU BSHAD PA'I YON TAN DE DAG DANG LDAN PAR BYAS NAS BSTAN PA'I RGYUN DANG RANG GZHAN GNYIS KA LA PHAN GDAG PA LA BRTZON PAR RIGS KYI SLOB MA BSDU BA DANG RNYED PA TSOL BTZAM LA GTZO BOR MI BYA'O, ,GNYIS PA GANG LA BSKUR BA'I SLOB MA DE LA JI LTA BU DGOS SNYAM NA DE YANG YON TAN DU MA DANG LDAN PA CIG DGOS TE, BLO GZU BOR GNAS SHING LEGS NYES 'BYED PA'I
BLO GROS DANG LDAN PA, CHOS DE DON GNYER GYI 'DUN PA DANG LDAN PA DKON MCHOG LA DAD CING THEG PA CHEN PO'I CHOS LA DGA' BA, CHOS NYAN PA'I PHAN YON GYI BSOD NAMS THOB 'DOD YOD PA, DKYIL 'KHOR GANG YANG RUNG BA ZHIG TU ZHUGS SHING DER DBANG SKUR BA THOB PA, KHYAD PAR DU GSANG SNGAGS KYI CHOS LA DAD PA DANG LDAN PA DGOS PAS SO, ,BLO GZU BOR GNAS SHING LEGS NYES 'BYED PA'I BLO GROS DANG LDAN PA, MNYAN BYA'I CHOS DE DON DU GNYER BA'I 'DUN PA DANG LDAN PA DGOS TE, BLO GZU BOR MI GNAS PAR BLA MA DANG CHOS LA SKYON RTOG 'DOD SOGS PHYOGS LHUNG DANG BCAS NA SNOD KYI SKYON DANG BCAS PA YIN PAS CHOS NYAN PA'I SNOD DU MI RUNG , LEGS NYES 'BYED PA'I BLO GROS DANG MI LDAN NA RNAM DBYE MI SHES PAS CHOS DE'I PHAN YON MI SHES, CHOS DE LA DON GNYER GYI 'DUN PA MED NA THOS KYANG DON MED KYI SKAD CI TSOR BA DANG 'DRA BAR CHOS DES RGYUD LA PHAN PAR MI 'GYUR BAS SO, ,DE LTAR YANG BZHI BRGYA PA LAS, GZUR GNAS BLO LDAN DON GNYER BA, ,MNYAN PO SNOD, CES BYA BAR BSHAD, CES GSUNGS, DKON MCHOG LA DAD CING THEG PA CHEN PO'I CHOS LA DGA' BA CHOS KYI PHAN YON GYI BSOD NAMS THOB 'DOD YOD PA DGOS TE, DKON MCHOG GSUM LA MI DAD NA NANG PA SANGS RGYAS PA'I GRAL DU MI TSUD PAS CHOS MNYAN PA'I SNON DU MI RUNG LA, THEG PA CHEN PO'I CHOS LA MI DGA' NA THEG CHEN GYI CHOS NYAN DU MI RUNG ZHING, CHOS KYI PHAN YON GYI BSOD NAMS THOB 'DOD MED NA CHOS DE NYAMS SU LEN PAR MI 'GYUR BAS SO, ,DE LTAR YANG GSANG BA SPYI RGYUD LAS, ,DKON MCHOG GSUM LA GANG DAD CING; ;THEG PA CHEN PO'I LUGS LA DGA', ,BSOD NAMS 'DOD PA'I SEMS CAN NI, ,CHEN PO DE DAG MDOR GZUNG NGO, ,ZHES SO, ,DKYIL 'KHOR GANG YANG RUNG BA ZHIG TU ZHUGS SHING DBANG SKUR THOB PA DGOS
, ,TE; DPER NA MI GA-YO BA DKAR PO LTA BU BYA RGYUD KYI RIGS SU GTOGS PA'I LHA GANG YANG RUNG BA CIG GI RJES GNANG BYED PA LA BYA RGYUD YAN CHAD KYI DKYIL 'KHOR GANG YANG RUNG BA CIG GI DKYIL 'KHOR DU BCUG NAS DBANG SKUR THOB PA, DE BZHIN DU SPYOD RGYUD KYI LHA'I RJES GNANG BYED PA LA SPYOD RGYUD YAN CHAD KYI DKYIL 'KHOR GANG YANG RUNG BA CIG TU BCUG NAS DBANG BSKUR THOB PA, RNAL 'BYOR RGYUD KYI LHA'I RJES GNANG BYED PA LA RNAL 'BYOR RGYUD YAN CHAD KYI DKYIL 'KHOR GANG YANG RUNG BA CIG TU BCUG NAS DBANG BSKUR THOB PA, PHAG DKAR SHES RAB GSAL BYED MA LTA BU BLA MED KYI LHA'I RJES GNANG BYED PA LA BLA MED KYI DKYIL 'KHOR GANG YANG RUNG BA CIG TU BCUG NAS DBANG SKUR BA THOB PA CIG DGOS KYI, DBANG MA THOB PAR RJES GNANG TZAM ZHUS NAS LHA DE DAG SGRUB PA SOGS GTAN NAS BYA MI RUNG BAS SO, ,DE LTAR YANG RJE BDAG NYID CHEN POS RTZA LTUNG RNAM BSHAD DNGOS GRUB SNYE MA LAS, DES NA MI GA-YO BA DKAR PO LA SOGS PA'I RJES GNANG NI BYA RGYUD YAN CHAD KYI DKYIL 'KHOR DU BCUG PA YAN CHAD CIG LA BYA DGOS LA, SHES RAB GSAL BYED MA LA SOGS PA'I RJES GNANG NI BLA MED KYI DKYIL 'KHOR DU BCUG PA YAN CHAD CIG LA BYA DGOS KYI DBANG MA THOB PAR DE DAG GI RJES GNANG TZAM BYAS NAS LHA DE DAG SGRUB PA SOGS RNAM PA THAMS CAD DU MI RUNG NGO, ,ZHES SO, ,KHYAD PAR DU GSANG SNGAGS KYI CHOS LA DAD PA DANG LDAN PA DGOS TE, DKYIL 'KHOR DU 'JUG PA SOGS BYAS KYANG SNGAGS LA MI DAD NA DE LA SNGAGS KYI CHOS BSHAD MI RUNG PAS SO, ,DE LTAR YANG GSANG BAR GDAMS PA'I SKABS SU, DKYIL 'KHOR DU MA ZHUGS PA RNAMS LA SMRA BAR MI BYA ZHING MA DAD PA RNAMS LA'ANG MA YIN NO, ,ZHES SO, ,'O NA RJES GNANG ZHU BA'I SLOB MA DE LTA BU'I YON TAN DANG LDAN PA DGOS NA DA LTA SKYE PHO MO BYIS PA SOGS YON TAN DE DAG DANG LDAN MI
LDAN SNA TSOGS PA DAG GIS RJES GNANG ZHU BA JI LTAR YIN SNYAM NA DE YANG RJES GNANG BYED PA PO'I SLOB DPON LA DGOS PA BCAD PA SNGA MA DANG 'DRA LA 'ON KYANG DBANG THOB MA MYONG BAS RJES GNANG ZHU BA DANG DE LA RJES GNANG BYED PA NI, RGYAL BA YAB SRAS SOGS MKHAS GRUB TSAD LDAN RNAMS KYIS KYANG RJES GNANG DMIGS GSAL CAN 'GA' RE MA GTOGS PHAL CHER LA DBANG THOB MYONG MA MYONG GI DOGS GCOD MI MDZAD PA 'DUG PAS BTANG SNYOMS SU BYA , DE LTAR NA SNGON GYI PAn CHEN GA YA DHAR DANG 'BROG MI LO TZTSA BA DANG, DPAL LDAN SA SKYA PA YAB SRAS, LHO BRAG MAR BA LO TZTSA BA, RA LO RDO RJE GRAGS SOGS MKHAS GRUB RNAMS KYIS CHOS BKA' LA RTZEG RTZEG CHE BAR MDZAD PA LA BLTAS NA DENG SANG SLOB MAS KHA BTAGS MTHO 'JAL MA'I 'GRO SGO DANG CHOS GRAL DU GA-YAS 'GYEL GA-YON DU SDOD PAS DKA' TSEG LA MI LTA BAR CHOS THOB GANG CHE BYED PA DANG, BLA MAS KYANG CHOS KYI GOD THANG DANG 'PHRAL GYI RNYED BKUR LA MI RTZEG PAR CHOS ZHU MKHAN MANG PO 'DUG ZER BA'I SNYAN GRAGS SOGS LA DGONGS NAS CHOS KYI DBU 'PHANG MTHON PO MIN PAR BYAS TE CHOS SBYIN RGYA CHEN GTONG BA NI BUS DBANG GIS BSTAN PA'I GZUGS BRNYAN DAR ZHING RGYAS PA'I DUS RTAGS SU MNGON NO, ,DE LTA NA'ANG 'CHAD PA POS SNYAN GRAGS LA SOGS PA TZAM LAM DGONGS PAR 'CHAD PA DANG, NYAN PA POS KYANG CHOS NYAN PA LA PHAN YON CIG YOD MOD SNYAM PAS MNYAN NA DE TZAM LA'ANG PHAN YON CIG 'BYUNG BA GDON MI ZA'O, ,GSUM PA BSKUR BAR BYA BA RJES GNANG GI RNAM BZHAG NI, SPYIR GSANG SNGAGS KYI CHOS MNYAN PA DANG NYAMS SU LEN PA'I SNOD RUNG DU SGRUB PA LA DBANG DANG, DE THOB NAS YE SHES SKYE BA'I SNA 'DREN PAR BYED PA LA RJES SU GNANG BA DANG BYIN RLABS RNAMS BYED PA YIN PAR MKHAS PA'I GSUNG LAS 'BYUNG LA, DE LTA BU'I RJES GNANG
, ,LA SPYI BKA' DANG ZUR BKA' GNYIS LAS SPYI BKA' NI, RGYUD SDE RNAMS LAS LHA'I RNAL 'BYOR TSUL MI 'DRA BA DU MA ZHIG GSUNGS PA 'PHAGS YUL GYI PAn GRUB RNAMS KYIS THUGS NYAMS SU BZHES SHING SGRUB PA'I THABS SNA TSOGS MDZAD PA LAS, SLOB DPON CHEN PO AA BHA YA KA RAS SGRUB THABS GNYIS BRGYA DANG NYI SHU RTZA BZHI PHYOGS GCIG TU BSDEB PA YAR LUNG LO TZTSA BA GRAGS PA RGYAL MTSAN GYIS BOD DU BSGYUR PA SGRUB THABS RGYA MTSOR GRAGS PA LUNG DANG RJES GNANG GI RGYUN YANG DA LTA YOD PA RGYAS PA DANG, BA TSAB LO TZTSA BA NYI MA GRAGS KYIS BSGYUR BA SGRUB THABS PHYED DANG NYIS BRGYA YOD PA LUNG DANG RJES GNANG GI RGYUN DER SANG MED PA 'BRING PO DANG, BA RI LO TZTSA BA RIN CHEN GRAGS KYIS, BLA MA RDO RJE GDAN PA CHE CHUNG GNYIS, DHA BYANG CHUB SEMS DPA' SH'I LA AA KAR, BEE RO TZA NAR KshI TA LNGA LA ZHUS NAS BOD DU BSGYUR BSGRUB THABS DGU BCU GO GNYIS YOD PA KUN LAS BTUS PA'AM SGRUB THABS BRGYA RTZA RA GRAGS PA LUNG DANG RJES GNANG GI RGYUN DENG SANG YOD PA BSDUS PA RNAMS 'PHAGS YUL NAS BOD DU BSGYUR BA DANG, RDO RJE SEMS DPA' NAS JO BO RJE DANG DE NAS SNAR THANG GI MKHAN PO 'CHI MAS THAMS CAD MKHYEN PA NAM MKHA' GRAGS KYI BAR DU RIM PAR BRGYUD CING 'CHI MAS THAMS CAD MKHYEN PAS SGRUB THABS SUM CU SO LNGA DANG MAN NGAGS SNA TSOGS SHIG PHYOGS GCIG TU BSGRIGS PAR MDZAD PA'I LUNG DANG RJES GNANG GI RGYUN YANG DENG SANG YOD PA SNAR THANG BRGYA RTZAR GRAGS PA RNAMS LA SPYI BKA' ZER ZUNG BKA' NI, MA CIG GRUB PA'I RGYAL MO'I LUGS KYI TSE DBANG SOGS RGYA GAR NAS BRGYUD PA DANG, MKHAN CHEN LAS KYI RDO RJE LA RJE BTZUN GSANG BDAG GIS DNGOS SU BSTZAL BA'I LHO BRAG SNYAN BRGYUD KYI DBANG RJES GNANG, BLA MA DBU MA PA DPA' BO RDO RJE LA RJE BTZUN 'JAM PA'I DBYANGS KYIS DNGOS
SU BSTZAL BA'I 'JAM DBYANGS CHOS SKOR GYI RJES GNANG, RGYAL DBANG THAMS CAD MKHYEN GZIGS CHEN PO NGAG DBANG BLO BZANG RGYA MTSO LA BLA MA DANG YI DAM GYI LHA DU MAS BSTZAL BA'I RGYA CAN MA'I DBANG RJES GNANG LTA BU MANG; DE RNAMS LAS SPYI BKA' 'PHAGS YUL NAS BSGYUR BA'I SGRUB THABS RGYAS 'BRING BSDUS GSUM LAS 'BRING PO'I DPE MA MTHONG ZHING RGYAS PA DANG BSDUS PA GNYIS KYI RJES GNANG BYED TSUL RGYA GZHUNG NA MI GSAL LA GZHAN YANG RJES GNANG BYED TSUL GYI YIG CHA RGYA GAR BA'I PAn GRUB KYIS MDZAD PA MA MTHONG, SPYI BKA'I RJES GNANG BYED TSUL BOD KYI BLA MAS MDZAD PA'I BOD GZHUNG BLA MA SO SOS MDZAD PA MANG PO YOD 'DUG KYANG BDAG GIS GZHUNG GANG LA BRTEN NAS THOB PA'I BOD GZHUNG PAn CHEN THAR RTZE PA NAM MKHA' DPAL BZANG GIS MDZAD PA'I SGRUBS THABS RGYA MTSO NAS BSHAD PA'I LHA RNAMS KYI MNGON RTOGS DANG RJES GNANG GI CHO GA THO YIG DON 'GREL 'DOD DGU'I LJON SHING RIN PO CHE'I SNYE MA ZHES BYA BA LAS, BLA MAS BDAG BSKYED BSGOMS TE BZLAS PA BYA BA, MDUN BSKYED BSGRUB TE MCHOD GTOR 'BUL BA, BRTAN BYED KYI BZLAS PA BYAS TE GSOL BA 'DEBS PA RNAMS SNGON DU BTANG, SLOB MAS BRUS BYAS, PHYAG DANG MAndAL PHUL, RDO RJE 'DZIN PA DGONGS SU GSOL, ZHES SOGS KYIS GSOL 'DEBS, DKON MCHOG GSUM LA BDAG SKYABS MCHI, ZHES SOGS KYIS, YAN LAG BDUN PA, DUS GSUM SANGS RGYAS THAMS CAD KYI NGO BO DPAL LDAN BLA MA DAM PAS, ZHES SOGS KYIS, THUN MONG MA YIN PA'I GSOL 'DEBS RNAMS BYAS RJES, SLOB MA LHAR BSKYED, SKU'I RJES GNANG LA, SLOB DPON GYI THUGS KHA'I 'OD ZER MDUN BSKYED KYI THUGS KHAR PHOG ,DE'I THUGS KHA'I 'OD ZER
, ,GYIS SANGS RGYAS BYANG SEMS THAMS CAD KYI THUGS GNYIS SU MED PA'I YE SHES SKABS GANG YIN GYI LHA'I RNAM PAR SPYAN DRANGS TE SLOB MA'I LUS LA BSTIM PA DANG DAG PA BRJOD PA, GSUNG GI RJES GNANG LA SLOB MAS SLOB DPON LA GUS 'DUD BYAS PAS, SLOB DPON GYI THUGS KHA'I SKABS GANG YIN GYI LHA'I SA BON SNGAGS 'PHRENG DANG BCAS PA LAS SNGAGS 'PHRENG MAR ME GCIG LAS GNYIS CHAD KYI TSUL DU CHAD DE ZHAL NAS BYUNG, SLOB MA'I ZHAL DU ZHUGS, THUGS KHAR SA BON GYI MTHAR 'KHOD PA'I MOS PAS SNGAGS KYI RJES ZLOS LAN GSUM, SLOB MAS BCOM LDAN BDAG LA STZAL LAGS KYI, , ZHES SOGS BRJOD CING GSOL 'DEBS DANG, SLOB DPON GYIS BCOM LDAN 'DI LA STZAL LAGS KYI, ZHES SOGS BRJOD CING ME TOG 'THOR BA SOGS DANG DAG PA BRJOD, THUGS KYI RJES GNANG LA SLOB DPON LHAR GSAL BAS, DNGOS PO MED PA SGOM PA MED, ZHES SOGS BRJOD CING DON LTAR BRDA SPRAD DE, SLOB MA LHAR GSAL BA NYER BSDU BYAS TE LTA THOG TU 'JOG TU 'JUG PA, DAG PA BRDA' SPROD DANG BCAS PA BYA BA DANG, TSOM BU'I LHA LA MCHOD PA STOD, BZOD GSOL, GSHEGS GSOL RNAMS BYA BAR BSHAD, RJE DKON MCHOG LHUN GRUB KYIS MDZAD PA'I SGRUB THABS BRGYA RTZA NAS BSHAD PA'I LHA RNAMS KYI MNGON RTOGS DANG RJES GNANG GI CHO GA THO YIG MUN SEL SGRON ME LAS, THUN MONG BA'I GSOL 'DEBS, DUS GSUM SANGS RGYAS THAMS CAD DANG, ZHES SOGS MA GTOGS GZHAN RNAMS SNGAR LTAR LA, SKU GSUNG THUGS KYI RJES GNANG GI CHINGS MA MDZAD PAR LUNG GSUM KYI CHINGS MDZAD CING DE YANG SANGS RGYAS BYANG SEMS THAMS CAD KYI THUGS KA NAS SPYAN DRANGS PA'I LHA BSTIM
PA DANG DAG PA BRJOD PA'I RJES SU, RJES SU BZLAS PA'I LUNG LA SNGAGS KYI BZLAS LUNG 'BOG ,DAM BCA' BA'I LUNG LA, BYANG CHUB MA THOB KYI BAR DU LHA DE YI DAM DU 'DZIN PA'I DAM BCA' LAN GSUM GYI RJES ZLOS DANG DAG PA BRJOD, BYIN GYIS BRLABS PA'I LUNG LA, SLOB DPON GYI THUGS KHA'I 'OD ZER GYIS MDUN SKYED KYI LHA'I THUGS RGYUD BSKUL TE, DE'I THUGS GNYIS SU MED PA'I YE SHES KYI NGO BO LHA'I SKU 'THEB SOR TZAM PA SPROS TE SLOB MA'I SPYI BO NAS THIM STE THUGS KHA'I SA BON DANG DBYER MED DU GYUR PAR MOS PA'I RJES SU NYER BSDU BYAS TE LTA THOG DU 'JUG PA, DAG PA BRJOD PA DANG BCAS PA RNAMS BYA BAR BSHAD, GZHAN THAMS CAD SNGAR DANG 'DRA, 'CHI MAS NAM MKHA' GRAGS KYIS MDZAD PA'I SNAR THANG BRGYA RTZA LAS, BDAG BSKYED BZLAS PA DANG BCAS PA BTANG RJES DBANG BUM SKYED CHO GA BYAS TE DE'I NANG DU SKABS SU GAR BAB KYI LHA MNGON RTOGS BZHIN BSKYED DE BZLAS PA MCHOD BSTOD SOGS BYA, LAS BUM DU BGEGS MTHAR PHYED ZHAL GCIG PHYAG GNYIS GA-YAS RDO RJE 'PHYAR ZHING, GA-YON SDIG 'DZUB DANG BCAS PAS ZHAGS PA 'DZIN PA, RIN PO CHE'I RGYAN DANG STAG SHAM CAN, ZHABS GA-YAS BSKUM GA-YON BRKYANG GIS BZHUGS PA BSKYED DE GNAS GSUM BYIN GYIS BRLABS, MCHOD BSTOD BYA, , BUM PA'I STENG DU GZUNGS RDOR BZHAG PA'I GZUNGS THAG NAS BZUNG STE, RANG GI THUGS KHA'I 'OD ZER GZUNGS THAG LA 'KHRIL TE SONG BAS BUM PA'I LHA'I THUGS RGYUD BSKUL BAS BDUD RTZI'I RGYUN BABS PAS BUM PA GAD PAR BSAM LA BADZRA AUDTA KA DANG LHA'I SNGAGS BZLA, LHA 'OD DU ZHU NAS BUM CHU DANG DBYER MED DU GYUR BAR BSAM, TSOM BU YANG LHAR BSKYED DE MCHOD BSTOD BZLAS PA BYAS LA GTOR MA 'PHUL BA NA,
, ,DAM LA RANG SNGAGS LA BA LIm TA SBYAR BAS DBUL, CHOS SKYONG LA AA KA RO DANG GZHI BDAG LA NA MA: SARBA TA TH'A GA TA SOGS KYIS BSNGO, ,SLOB MA KHRUS BYAS, MAndAL PHUL, GSOL GDAB; SKYE RGA 'CHI BA NA KYA YI, ZHES PA NAS, MGON POS BDAG NI GZHUGS DU GSOL GYI BAR LAN GSUM, DKON MCHOG GSUM LA BDAG SKYABS MCHI, ZHES SOGS KYIS SDOM PA BZUNG, MAndAL BSTAN PA NI, GNAS KHANG DAG GSAL GNYIS SU MED PA'I ZHING KHAMS DANG, TSOM BU LHA GANG YIN DU MNGON RTOGS BRJOD DE LTAR NGOS YIN SNYAM DU GSAL GDAB, SKU'I RJES GNANG LA, DUS GSUM SANGS RGYAS THAMS CAD KYI, ZHES SOGS LAN GSUM GYIS GSOL PA 'DEBS SU GZHUG ,RJES GNANG GI GZHI DGOD PA'I SLAD DU SLOB MA LHAR BSKYED, GNAS GSUM BYIN GYIS BRLAB, SLOB DPON LA MOS GUS GDUNG BA BYAS PAS, SLOB DPON GYI THUGS KHA'I 'OD ZER MDUN BSKYED KYI THUGS KHAR PHOG ,DE LAS 'OD ZER 'PHROS SANGS RGYAS BYANG SEMS THAMS CAD KYI SKU'I BYIN RLABS THAMS CAD LHA'I SKU'I RNAM PAR SPYAN DRANGS PA DANG, SLOB DPON DANG MDUN BSKYED LAS KYANG LHA'I SKU DPAG TU MED PA SLOB MA'I LUS LA BSTIM PAR MOS TE, MA LUS MA'I TSIGS DANG LHA'I SNGAGS DANG BADZRA AA BE SHA AA AA DZA: H'Um BAm HO: BSTIM, SLAR YANG THUGS KHA'I SA BON LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS SLOB MA LA DBANG BSKUR DU GSOL, ZHES GSOL BA BTAB PAS, JI LTAR BLTAMS PA TZAM GYIS NI, ZHES SOGS SNGAGS BCAS BRJOD CING DBANG BSKUR PAR BSAM TE, BUM CHU SPYI BOR GTOR BA DANG 'THUNG DU GZHUG ,DES SKU'I BYIN BRLABS THOB,
LUS KYI SGRIB PA DAG ,LHA'I SKU 'GRUB PA'I BAG CHAGS BZHAG ,CHU'I LHAG MA SPYI GTZUG TU GNAS PA YONGS SU GYUR PA LAS, DE BZHIN GSHEGS PA'I RIGS KYI LHAS DBU BRGYAN PAR GYUR BAR BSAM; GSUNG GI RJES GNANG LA GSOL GDAB SKU'I ZHES PA, GSUNG GI ZHES 'DON PA BSGYUR, BLA MA DANG MDUN SKYED KYI THUGS KHAR SA BON GYI MTHAR SNGAGS 'PHUNG GIS BSKOR BA LAS SNGAGS 'PHRENG MAR ME GCIG LAS GNYIS CHAD KYI TSUL DU CHAD DE ZHAL NAS BYUNG BA DANG, SANGS RGYAS BYANG SEMS THAMS CAD KYI GSUNG GI BYIN RLABS THAMS CAD LHA'I SNGAGS KYI RNAM PAR SPYAN DRANGS PA RNAMS LHAN GCIG TU SLOB MA'I ZHAL DU ZHUGS; THUGS KHAR SA BON GYI MTHAR 'KHOD PA'I MOS PAS SNGAGS KYI RJES ZLOS LAN GSUM BLA MA LA ME TOG 'THOR BZHIN PAS, BCOM LDAN BDAG LA STZAL LAGS KYI, ZHES SOGS LAN GSUM; BLA MAS YI DAM GYI LHA'I GSUNG GI BYIN RLABS THAMS CAD DBYANGS GSAL GYI YI GE'I RNAM PAR SPYAN DRANGS, ME TOG LA THIM, ME TOG SLOB MA'I SPYI BOR GTOR BAS SNYING KHA'I SNGAGS THAMS CAD NUS PA DANG LDAN PAR BYIN GYIS RLABS PA'I MOS PAS, ME TOG GTOR BZHIN PAS, BCOM LDAN 'DI LA STZAL LAGS KYI, ZHES SOGS BRJOD, JI LTAR BLTAMS PA SOGS KYIS BUM CHUS DBANG BSKUR, CHU LHAG MA YAR LUD PA LAS PADMA'I RIGS KYI LHAS DBU BRGYAN PAR BSAM, THUGS KYI RJES GNANG LA GSOL GDAB, GSUNG GI ZHES PA THUGS KYI ZHES 'DON PA BSGYUR, BLA MAS THUGS KHA NAS 'OD ZER 'PHROS, BDUN BSKYED KYI THUGS KHAR PHOG ,DE'I THUGS KA NAS 'OD ZER 'PHROS, PHYOGS BCU'I SANGS RGYAS DANG BYANG CHUB SEMS DPA' THAMS CAD KHYAD PAR DU
, ,SKABS GANG YIN GYI LHA'I ZUGS KYI BYIN RLABS THAMS CAD LHA DE'I SA BON DANG PHYAG MTSAN GYI RNAM PAR SPYAN DRANGS SLOB MA'I LUS LA THIM PAS LUS 'OD DU ZHU SNYING KHA'I SA BON LA THIM, DE JE CHUNG JE 'PHRAR GYUR TE MI DMIGS PA STONG PA NYID KYI RANG BZHIN DU GYUR PA LA CUNG ZAD MNYAM PAR 'JOG TU 'JUG ,STONG PA'I NGANG LAS SKAD CIG GIS SLAR YANG LHA'I SKUR GYUR BAR MOS, JI LTAR BLTAMS PA SOGS KYIS BUM CHUS DBANG SKUR, CHU LHAG MA YAR LUD PA LAS RDO RJE'I RIGS KYI LHAS DBU BRGYAN PAR BSAM, RJES GNANG GSUM KA'I MTHAR SLOB MA LA AARGAm SOGS KYIS MCHOD, DE DAG GI SKABS SU THOB PA'I DAM TSIG DANG SDOM PA RNAMS TSUL BZHIN DU SRUNG SNYAM PAS, GTZO BOS JI LTAR BKA' STZAL PA, ZHES SOGS BRJOD, MAntAL PHUL, DENG NAS BRTZAMS TE BDAG BRAN DU, ZHES SOGS RJES ZLOS BYED DU GZHUG ,MCHOD PA KHA GSOS TE MCHOD BSTOD SOGS MJUG CHOG RNAMS BYA BAR BSHAD, THAMS CAD MKHYEN PA DGE 'DUN RGYA MTSOS MDZAD PA'I YI DAM SPYI 'GRO'I RJES GNANG LAS; SLOB DPON GYIS BDAG MDUN BSGRUB, SLOB MAS KHRUS BYAS, MAndAL PHUL, KUN MKHYEN YE SHES SOGS KYIS GSOL BA LAN GSUM, DKON MCHOG GSUM LA SOGS KYIS BYANG SDOM 'BOG ,SKU'AM GTOR MA SOGS LHA DE DANG DER GSAL BTAB LA BSGOM DU GZHUG RJES GNANG DNGOS GZHI LA, DUS GSUM SANGS RGYAS THAMS CAD KYI, ZHES SOGS KYIS GSOL BA 'DEBS SU BCUG ,SLOB MA LHAR BSKYED, GNAS GSUM DU YI GE DGOD, RANG GI THUGS KHA'I SA BON GYI 'OD ZER GYIS LHA GANG YIN DE SANGS RGYAS BYANG SEMS KYIS BSKOR BA SPYAN DRANGS LA BSTIM PA SKU'I RJES GNANG,
DUS GSUM SANGS RGYAS SOGS KYIS GSOL BA BTAB PA'I RJES SU, RANG GI THUGS KHA'I SA BON LAS LHA GANG YIN GYI SNGAGS 'PHRENG BYUNG, RANG GI SNA BUG GA-YAS NAS THON, SLOB MA'I SNA BUG GA-YON NAS ZHUGS, SNYING KHAR NYI MA 'AM ZLA BA'I GTAN LA SA BON GYI MTHAR 'KHOD PA'I MOS PA'I SNGAGS KYI RJES ZLOS LAN GSUM BYED DU 'JUG PA GSUNG GI RJES GNANG, YANG DUS GSUM SANGS RGYAS SOGS KYIS GSOL BA BTAB PA'I RJES SU, RANG GI THUGS KHA'I SA BON GYI 'OD ZER GYIS LHA DE'I PHYAG MTSAN NAM SA BON GYI YI GE NAM MKHA' GANG BA SPYAN DRANGS TE SLOB MA'I SNYING KHA'I SA BON LA THIM PAR BSAM PA THUGS KYI RJES GNANG, BCOM LDAN BDAG LA STZAL LAGS KYI, ZHES SOGS KYIS GSOL BA BTAB PA'I RJES SU, SKU 'AM GTOR MA SLOB MA'I MGOR BZHAG STE, BCOM LDAN 'DI LA STZAL LAGS KYI, 'DI LA NYE BAR MDZAD DU GSOL, DUS 'DI NAS NI BZUNG NAS NI, ZHES SOGS, BRJOD PAS LHA DE SLOB MA LA THIM PAS SLOB MA'I LUS NGAG YID GSUM DANG LHA'I SKU GSUNG THUGS DBYER MED DU GYUR BAR BSAM PA DBANG LHA BSTIM PA'I RJES GNANG, DE NAS LHA DE'I MNGON RTOGS DANG BZLAS LUNG BYA BA 'PHRIN LAS KYI RJES GNANG DU BSHAD, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MDZAD PA'I YI DAM SPYI 'GRO'I RJES GNANG BYA TSUL LAS, DBANG RTEN GTOR MA'AM, MAndAL, TSOM BU, MCHOD GTOR RNAMS STA GON BYA, SLOB DPON GYIS BDAG BSKYED BZLAS PA DANG BCAS PA, MDUN BSKYED MCHOD GTOR BZLAS PA GTOR 'BUL DANG BCAS PA'I RJES SU GRUB NA RANG NYID KYIS RJES GNANG LEN CING GNANG BA NOD, SLOB MA KHRUS BYAS, MAndAL PHUL
, ,RJES SPYI DANG BYE BRAG GI CHOS BSHAD, KUN MKHYEN YE SHES PHUNG PO ZHES SOGS KYIS GSOL 'DEBS LAN GSUM, YANG KUN SLONG BCO BA'I CHOS BSHAD DE, GNAS 'DI YANG DAG PA'I ZHING DNGOS YIN SNYAM PA DANG, GTOR MA'AM TSOM BU YANG LHA'I MNGON RTOGS RGYAS BSDUS CI RIGS BRJOD DE LHA NGO BSTAN, DE DAG GI STENG DU BLA MA YI DAM DKON MCHOG GSUM GYI LHA TSOGS BZHUGS PAR MOS SU BCUG TE, DKON MCHOG GSUM LA BDAG SKYABS MCHI, ZHES SOGS LAN GSUM GYI BYANG SDOM 'BOG ,DE NAS SLOB MA CHOG GSUM GYIS LHA DER BSKYED, SKU'I RJES GNANG ZHU BA'I PHYIR; SLOB DPON CHEN PO DGONGS SU GSOL, ,SANGS RGYAS KUN GYI SKU YI DNGOS, ,LHA MCHOG 'DI ZHES BYA BA YI, ,SKU YI RJES GNANG BSTZAL DU GSOL, ,LAN GSUM GYIS GSOL BA 'DEBS SU GZHUG ,SLOB DPON GYI THUGS KHA'I SA BON GYI 'OD ZER GYIS MDUN BSKYED KYI LHA'I THUGS RGYUD BSKUL, DE'I THUGS KHA'I 'OD ZER GYIS RANG BZHIN GYI GNAS NAS LHA DE'I SKU'I BYIN RLABS THAMS CAD LHA DE'I SKU'I RNAM PAR SPYAN DRANGS NAS SLOB MA LA BSTIM PA'I MOS PA BYED PAR BRDA' SPRAD DE, MA LUS MA'I SPYAN 'DREN TSIGS BCAD GCIG GI RJES SU, AE HYA HI BADZRA SA MA YA DZA: DZA: DZA: DZA: H'Um BAm HO: ZHES BSTIM, GSUNG GI RJES GNANG LA, GONG GI GSOL 'DEBS KYI SKU'I ZHES PA, GSUNG GI ZHES 'DON PA BSGYUR, LHA'I THUGS KHAR LHA ZHI BA LA ZLA BA DRAG PO LA NYI MA'I DBUS SU RANG RANG GI SA BON GYI MTHAR RANG RANG GI SNGAGS 'PHRENG GIS BSKOR BA LAS SNGAGS 'PHRENG GNYIS PA BYUNG, ZHAL NAS THON SLOB MA LHAR GSAL BA'I ZHAL DU ZHUGS SNYING KHAR 'KHOR BA'I 'OD ZER GYIS NGAG GI
SGO NAS BSAGS PA'I SDIG SGRIB SBYANG, GSUNG GI BYIN RLABS ZHUGS, NGAG NUS PA DANG LDAN BAR BYIN GYIS BRLAB PAR MOS SU BCUG TE SNGAGS KYI RJES ZLOS LAN GSUM BYED DU 'JUG ,ME TOG SPYI BOR BZHAG STE, BCOM LDAN 'DI LA STZAL LAGS KYI, ZHES SOGS BRJOD, THUGS KYI RJES GNANG LA GSOL 'DEBS KYI GSUNG GI ZHES PA, THUGS KYI ZHES BSGYUR, SLOB DPON DANG MDUN BSKYED KYI LHA'I THUGS KHA NAS SA BON GYI 'OD ZER GYIS, PHYOGS BCU'I SANGS RGYAS BYANG SEMS THAMS CAD DANG, KHYAD PAR LHA DE DANG DE'I BYIN RLABS THAMS CAD PHYAG MTSAN DANG SA BON GYI RNAM PAR SPYAN DRANGS, SLOB MA'I LUS DANG NYE BA'I CHAR BDUD RTZI SNA LNGA'I RNAM PAR ZHU BA LUS LA THIM PAS YID KYI NAD GDON DANG SDIG SGRIB BAR CHAD THAMS CAD SBYANGS, THUGS KYI BYIN BRLAB THOB PAR MOS SU BCUG LA SNGAGS BRJOD CING ROL MO DKROL, LHA BSTIM PA'I RJES GNANG NI, SLOB DPON GYI THUGS KHA'I SA BON GYI 'OD ZER GYIS MDUN GYI LHA SPYAN DRANGS, SLOB MA'I SPYI BOR BZHUGS PAR MOS SU BCUG LA, GTOR MA SLOB MA'I MGOR BZHAGS TE, RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYIS BYIN GYIS RLOBS SHIG ,ZHES SOGS BKA' BSGO BYAS GSOL BA BTAB PAS LHA DE DGYES BZHIN DU THIM PAS BYIN GYIS BRLAB PAR BSAM, LHA ZHU PA'I MOS PAS GTOR ZAN, DAM RDZAS 'CHI MED BDUD RTZI'I ZAS, ZHES SOGS KYIS SBYIN LA SHIS PA BRJOD, MCHOD BSTOD, BZOD GSOL; GSHEGS GSOL BYED DGOS SOGS MJUG CHO GA RNAMS BYA BAR BSHAD, ZUR BKA'I RJES GNANG BYED TSUL MI 'DRA BA SNA TSOGS YOD PAS 'DIR 'GOD KYIS MI LANG, GNYIS PA SKABS SU BAB
, ,PA'I SPYI 'GRO'I RJES GNANG BYA TSUL BSHAD PA LA, YI DAM GYI LHA'I SPYI 'GRO'I RJES GNANG BYA TSUL BSHAD PA DANG, CHOS SKYONG GI SPYI 'GRO'I RJES GNANG BYA TSUL BSHAD PA GNYIS, DANG PO LA, LUNG GSUM GYI CHINGS LA BRTEN NAS RJES GNANG BYA TSUL BSHAD PA DANG, SKU GSUNG THUGS GSUM GYI CHINGS LA BRTEN NAS RJES GNANG BYA TSUL BSHAD PA GNYIS, DANG PO NI, THUB PA RDO RJE GDAN PA GTZO 'KHOR GSUM GYI RJES GNANG LUNG GSUM GYI CHINGS LA BRTEN NAS BYA TSUL LA MTSON NA STEGS JI LTAR 'TSAMS PA KHEB BZANG POS GA-YOGS PA'I STENG DU DBUS SU MNYDZI BZHAG PA'I KHAR MAndAL GYI STENG DU DBANG RTEN LA DBUS SU GTZO BO'I TSOM BU, DE'I GA-YAS GA-YON DU 'KHOR GNYIS KYI TSOM BU CUD CHUNG BA RE BKOD, MANYDZI'I MTHAR SHAR DU MCHOD YON, SHAR LHOR ZHABS BSIL, LHOR ME TOG ,LHO NUB TU BDUG SPOS, NUB TU MAR ME, NUB BYANG DU DRI CHAB, BYANG DU ZHAL ZAS, BYANG SHAR DU MTSAMS 'DZIN GYI ME TOG ,MNYDZI'I MDUN DU GTOR MA GSUM MAM GNYIS SAM GCIG RNAMS DANG, SLOB DPON GYI MDUN DU RDOR DRIL DANG BUM PA RNAMS BSHAM, SKYABS 'GRO SEMS BSKYED TSAD MED BZHI SGOM PA RNAMS SNGON DU BTANG, RANG NYID SKAD CIG GIS THUB PA RDO RJE GDAN PAR GSAL BA'I THUGS KHA'I H'Um LAS 'OD ZER 'PHROS RANG BZHIN GYI GNAS NAS THUB PA RDO RJE GDAN PA GTZO 'KHOR GSUM LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR AOm BADZRA SA M'A DZA: ZHES PA BRJOD CING, LAG PA PAD SKOR BYAS TE DPUNG MGO GNYIS KYI THAD DU KHA NANG DU BSTAN TE SE GOL TOG PA RDO RJE BSDU BA'I PHYAG RGYA DANG BCAS PAS TSOGS ZHING MDUN GYI NAM MKHAR SPYAN DRANGS, SGO GSUM GUS PAS BDAG PHYAG 'TSAL, ,DNGOS BSHAM YID
SPRUL MCHOD PA 'BUL, ,THOG MED NAS BSAGS SDIG PA BSHAGS, ,DGE BA KUN LA RJE YI RANGS, ,CHOS KYI 'KHOR LO BSKOR BAR BSKUL, ,MYA NGAN MI 'DAR GSOL BA 'DEBS, ,'DIS MTSON DAG BCI BSAGS PA, ,THAMS CAD BYANG CHUB CHEN POR BSNGO, ,TSOGS ZHING RNAMS RANG LA THIM NAS BYIN GYIS BRLAB PAR GYUR, AOm SVA BH'A WA SHU DHA SARBA DHA RM'A SVA BHA WA SHU DHONYA HAm, STONG PA NYID DU GYUR, STONG PA'I NGANG LAS TSANGS PA BRGYA BYIN KHYAB 'JUG ,DBANG PHYUG CHEN PO RNAMS KYI STENG DU SENG GES BTEGS PA'I RIN PO CHE'I KHRI SNA TSOGS PADMA DANG RDO RJES MTSAN PA'I ZLA BA'I GDAN GYI STENG DU H'Um YIG SER PO, , DE LAS 'OD ZER 'PHROS, 'PHAGS PA MCHOD, SEMS CAN GYI DON BYAS SLAR 'DUS YONGS SU GYUR PA LAS RANG NYID THUB PA RDO RJE GDAN PA ZHAL GCIG PHYAG GNYIS GA-YAS SU GNON DANG GA-YON MNYAM BZHAG GI PHYAG RGYA MDZAD PA, MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS BRGYAN PA, NA BZA' CHOS GOS NGUR SMRIG GSUM GSOL ZHING ZHABS RDO RJE'I SKYIL KRUNG GIS BZHUGS PA , GA-YAS SU BYAMS PA SER PO GA-YAS RIN PO CHE'I RNGA YAB DANG, GA-YON KLU SHING GI ME TOG YAL GA DANG BCAS PA 'DZIN PA, GA-YON DU SPYAN RAS GZIGS DKAR PO GA-YAS RIN PO CHE'I RNGA YAB DANG, GA-YON PADMA DKAR PO 'DZIN PA, GNYIS KA'ANG DAR GYIN BZA' GSOL ZHING RIN PO CHE'I RGYAN GYIS BRGYAN PA, BCOM LDAN 'DAS KYI ZHAL LA BLTA ZHING, ZHABS GNYIS MNYAMS PA'I STABS KYIS BZHUGS PA; GTZO 'KHOR GSUM GYI SPYI BOR AOm, MGRIN PAR A'A: THUGS KAR H'Um, THUGS KHA'I H'Um LAS 'OD ZER 'PHROS PAS PHYOGS BCU'I DA BZHIN GSHEGS PA THAMS CAD THUB PA RDO RJE GDAN PA GTZO
, ,'KHOR GSUM GYI RNAM PAR SPYAN DRANGS, DZA: H'Um BAm HO: DAM TSIG PA LA GNYIS SU MED PAR THIM, SLAR YANG THUGS KHA'I H'Um LAS 'OD ZER 'PHROS DBANG GI LHA RIGS LNGA 'KHOR BCAS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, AOm BADZRA BHA WA AA BHI SHI NYDZA ? H'Um, ZHES DBANG BSKUR BAS SKU GANG, DRI MA DAG ;CHU LHAG MA YAR LUD PA LAS GTZO BO LA MI BSKYOD PA, BYAMS PA LA RNAM PAR SNANG MDZAD, SPYAN RAS GZIGS LA 'OD DPAG MED KYIS DBU BRGYAN PAR GYUR, RANG GI THUGS KHA NAS 'PHROS PA'I MCHOD PA'I LHA MO RNAMS KYIS RANG LA MCHOD PA DANG BSTOD PA BRJOD PAR BSAM LA, AOm MA H'A MU NI SA PA'I WAR ARGHAm PRA TI TZTSA H'Um SV'A H'A, ZHES PA NAS, AOm MH'A MU NI SA P'A RI WA RA SHAPTA PRA TI TZTSA H'Um SV'A H'A; ZHES PA'I BAR GYIS MCHOD, DUS GSUM SANGS RGYAS THAMS CAD KYI, ,MKHYEN BRTZE NUS PA'I NGO BO NYID, ,SGRUB PA LA DNGOS GRUB MCHOG STZOL BA'I, ,YI DAM LHA LA PHYAG 'TSAL BSTOD; PHYAG BYAR 'OS PA THAMS CAD LA, ,ZHING RDUL KUN GYI GRANGS SNYED KYI, ,LUS BTUD BA YIS RNAM KUN DU, ,MCHOG TU DAD PAS PHYAG 'TSAL LO, ,ZHES PAS BSTOD, RANG GI THUGS KAR ZLA BA LA H'Um YIG GI MTHAR BZLAS BYA'I SNGAGS KYIS BSKOR BA LAS 'OD ZER 'PHROS, DON GNYIS BYAS, SANGS RGYAS BYANG SEMS RNAMS KYI THUGS RJE BYIN BRLAB NUS MTHU THAMS CAD 'OD ZER GYI RNAM PAR SPYAN DRANGS NAS RANG LA THIM PAS BYIN GYIS BRLAB PAR GYUR BAR BSAM LA, AOm A'A: BADZRA H'Um SV'A H'A, ZHES PA GTZO BO'I SNGAGS DANG, AOm MEE TRI MAm SV'A H'A, ZHES BYAMS PA'I SNGAGS, AOm MA nI PADME H'Um ,
ZHES PA SPYAN RAS GZIGS KYI SNGAGS GSUM CI 'GRUB BZLA, BCOM LDAN 'DAS BDAG DANG SEMS CAN THAMS CAD LA MCHOG DANG THUN MONG GI DNGOS GRUB MA LUS BSTZAL DU GSOL, ZHES GSOL BA GDAB RANG GI SNYING KHA NAS 'OD ZER 'PHROS PAS 'KHOR DANG GDAN RNAMS LA PHOG ,DE RNAMS 'OD ZER GYI RNAM PAR GYUR TE RANG LA THIM PAR GYUR BAR BSAM PA NI BDAG BSKYED DO, ,DE NAS BUM PA LA DMIGS TE, SVA BHA WA SA SBYANGS, STONG PA'I NGANG LAS PAD ZLA'I STENG DU BH'Um LAS RIN PO CHE'I BUM PA DKAR PO ZHABS ZHUM PA, LTO BA LDIR BA, MGRIN PA RING BA MCHU 'PHYANG BA, LHA'I GOS KYIS MGRIN PA DKRIS PA NANG BCUD BZANG POS GANG BA'I NANG DU PAD ZLA'I GDAN LA H'Um LAS SNA TSOGS RDO RJE H'Um GIS MTSAN PA DE YONGS SU GYUR PA LAS, KHRO BO BDUD RTZI 'KHYIL PA SKU MDOG LJANG SNGON GA-YAS SNA TSOGS RDO RJE DANG GA-YON DES YU BA BYAS PA'I DRIL BU BSNAMS PA RIN PO CHE'I RGYAN DANG DAR GYIN BZA' CAN, ZHABS GA-YAS BSKUM ZHING GA-YON BRKYANGS PA'I STABS KYIS BZHUGS PA, DE'I SPYI BOR AOm, MGRIN PAR A'A: THUGS KAR H'Um GIS MTSAN PA, DE LAS 'OD ZER 'PHROS, YE SHES PA DANG DBANG GI LHA RNAMS SPYAN DRANGS, DZA: H'Um BAm HO: YE SHES PA DAM TSIG PA DANG GNYIS SU MED PAR GYUR, , DBANG GI LHAS DBANG BSKUR MI BSKYOD PAS DBU BRGYAN PAR GYUR, AOm AARGHAm SOGS KYIS MCHOD, 'JIGS PA'I H'Um SGRA NGES SGROGS SHING, ,BGEGS RNAMS MA LUS 'JOMS MDZAD PA, , DNGOS GRUB THAMS CAD STZOL PA'I LHA, ,BGEGS KYI DGRAL PHYAG 'TSAL LO, ,BDUD RTZI 'KHYIL BA'I THUGS KAR NYI MA LA H'Um YIG GI MTHAR SNGAGS KYIS BSKOR BA LAS 'OD ZER 'PHROS, GNOD
, ,BYED THAMS CAD TSAR BCAD SANGS RGYAS BYANG SEMS KYI BYIN BRLAB NUS MTHU THAMS CAD BKUG NAS BUM PA'I CHU LA THIM PAR GYUR BAR BSAM LA, AOm BADZRA AAMRi TA KUNtA LI HA NA HA NA H'Um PHAt; CES PA CI 'GRUB BZLA, MTHAR KHRO BO BDUD RTZI 'KHYIL BAS BDAG DANG SLOB MAS RJES SU GNANG PA 'CHAD NYAN BYED PA LA BGEGS RNAM PAR ZLOG PA'I 'PHRIN LAS MDZOD CIG ,CES GSOL BA BTAB PAS BDUD RTZI 'KHYIL BA GDAN DANG BCAS PA 'OD DU ZHU NAS BUM PA'I CHU LA THIM PAR GYUR PAR BSAM PA NI BUM PA SGRUB PA'O, ,DE NAS MCHOD PA RNAMS LA BUM CHU GTOR ZHING MA MRi TAS BSANG , SV'A BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS MCHOD YON, ZHABS BSIL, ME TOG ,BDUG SPOS, MAR ME DRI CHAB, ZHAL ZAS, ROL MO RNAMS DANGS SHING THOGS PA MED PA NAM MKHA' DANG MNYAM PAR GYUR, AOm ARGHAm A'A: H'Um ZHES PA NAS, AOm SHAPTA A'A: H'Um GYI BAR BRJOD DE, MCHOD PA BYIN GYIS BRLAB, TSOM BU LA BUM CHU GTOR ZHING AA MRi TAS BSANGS, SVA BHA WAS SYANGS, STONG PA'I NGANG LAS TSANGS PA, BRGYA BYIN, KHYAB 'JUG ,DBANG PHYUG CHEN PO RNAMS KYI STENG DU; ZHES PA NAS, MCHOG TU DAD BAS PHYAG 'TSAL LO, ,ZHES BA'I BAR BDAG BSKYED KYI SKABS BZHIN LA, RANG NYID CES PA DONG, GTOR MA LA BUM CHU GTOR ZHING, AA MRi TAS BSANGS SBYANGS ? STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU GTOR MA KHA DOG DRI RO NUS PA PHUN SUM TSOGS PA YE SHES KYI BDUD RTZI'I RGYA MTSO CHEN POR GYUR, AOm A'A: H'Um
LAN GSUM GYIS GTOR MA BYIN GYIS BRLABS, MDUN BSKYED KYI LHAS GTOR MA'I BCUD RNAMS DRANGS TE GSOL PAR GYUR PAR BSAM LA, GTOR MA DANG PO, ,AOm A'A: BADZRA H'Um SV'A H'A, AOm AA KA RO MU KHAm SARBA DHA RMA nAm AARYA NUD PAN NA TVA DAD AOm A'A: H'Um PHAt SV'A H'A, LAN GSUM GYIS MDUN BSKYED GTZO 'KHOR GSUM LA 'BUL, AOm MA H'A MU NI SA PA RI WA RA ARGHAm SOGS KYIS MCHOD, DUS GSUM SANGS RGYAS SOGS KYIS BSTOD, GNYIS PA CHOS SKYONG SRUNG MA RNAMS KYIS GTOR MA'I BCUD DANGS TE GSOL BAR BSAM LA, AA KA RO LAN GSUM GYIS CHOS SKYONG LA DBUL, ARGHAm SOGS KYIS MCHOD, CHOS SKYONG SRUNGS MA 'KHOR BCAS KYIS, ,DAM RDZAS MCHOD GTOR 'DI BZHES LA, ,BDAG CAG DPON SLOB 'KHOR BCAS KYI, ,'GAL RKYEN KUN SEL MTHUN RKYEN SGRUB, ,GSUM PA GZHI BDAG SPYI DANG KHYAD PAR DU YUL DER GNAS PA'I GZHI BDAG RNAMS LA, AA KA RO LAN GSUM GYIS BNGOS LA, DE BZHIN GSHEGS PA BZHI'I MTSAN BRJOD DE, , GZHI BDAG SPYI DANG KHYAD PAR DU, ,YUL 'DIR GNAS PA RNAMS LA BSNGO, ,RKO LONG PHRAG TOG MA BYED PAR, ,CHOS DANG MTHUN PA'I MTHUN RKYEN SGRUB, ,CES 'PHRIN LAS BCOL, GTOR MA GNYIS TZAM YOD NA GNYIS PA GZHI BDAG LA BSNGO, ,GCIG LAS MED NA YI DAM LA BSNGOS PA'I MJUG TU GZHI BDAG LA BSNGO, ,DE NAS MDUN BSKYED KYI THUGS KAR SA BON DANG SNGAGS 'PHRENG BKOD DE; SNGAGS BZLAS PA'I TSE DE LAS 'OD ZER 'PHROS, SANGS RGYAS BYANG SEMS THAMS CAD KYI BYIN BRLABS DANG NUS MTHU THAMS CAD 'OD ZER GYI RNAM PAR SPYAN DRANGS TE RANG DANG SLOB MA SOGS LA THIM PAR BSAM
, ,LA; SNGAGS CI 'GRUB BZLA, MTHAR THAL MO SBYAR TE, BCOM LDAN 'DAS THUB PA CHEN PO RDO RJE GDAN PA GTZO 'KHOR GYIS BDAG DANG SLOB MA DANG SEMS CAN THAMS CAD LA MCHOG DANG THUN MONG GI DNGOS GRUB MA LUS PA STZAL DU GSOL, ZHES 'DOD DON LA GSOL BA GDAB, LONGS YOD CING SPRO NA RANG NYID KYIS MDUN BSKYED LAS RJES GNANG LEN PA'I DMIGS PA BYA, DE NAS SLOB MA RNAMS BUM CHUS KHRUS BYAS, GRVAL DU BSGRIGS PA LA ME TOG BKYE BSDU BYAS LA, SLOB DPON GYIS BLA MA DANG THUB PA RDO RJE GDAN DBYER MI PHYED PA DANG, MDUN BSKYED DANG SANGS RGYAS BYANG SEMS THAMS CAD LA THUB PA RDO RJE GDAN PA GTZO 'KHOR GSUM GI RJES SU GNANG BA ZHU BA'I YON DU 'BUL PA'I MOS PA MDZOD LA MAndAL PHUL, ZHES BRDA' SPRAD LA MAndAL TSOM BU SO BDUN MA'AM NYER GCIG MA'AM, BDUN MA GANG YANG RUNG BA 'BUL DU GZHUG ,DE NAS SLOB DPON GYIS JI SKAD DU BLA MA LNGA BCU BA LAS, MDUN DU DUL PAR 'DUG PA DANG, ,GOS SOGS TSUL NI BSNGAM PA DANG, ,BUS BTZUG THAL MO SBYAR BA YIS, ,NYAN SOGS 'DOD PAS GSOL GSUM GDAB, ,CES GSUNGS PA LTAR, GSANG SNGAGS RDO RJE THEG PA'I CHOS ZAB MO ZHU BA LA, ZHI ZHING DUL BA'I SPYOD LAM GYIS GOS SOGS LEGS PAR BGOS TE 'DUD PA DANG BCAS PA'I SGO NAS GSOL BA LAN GSUM DU 'DEBS DGOS PA YIN PAS, BLA MA LA MOS GUS DANG BCAS PA'I SGO NAS THUB PA RDO RJE GDAN PA GTZO 'KHOR GYI RJES SU GNANG BA STZAL DU GSOL SNYAM PAS GSOL BA 'DEBS PA 'DI'I RJES ZLOS MDZOD, CES BRDA' SPRAD LA, RDO RJE 'DZIN PA DGONGS SU GSOL, ,BDAG NI 'GRO LA PHAN DON DU, ,
BRTZE CHEN KHYOD LA GSOL 'DEBS KYI, ,MA LUS RJES GNANG STZAL DU GSOL, ,ZHES LAN GSUM RJES ZLOS BYAS TE GSOL BA 'DEBS SU GZHUG ,DE NAS SLOB DPON GYIS JI SKAD DU RGYUD RDO RJE RTZE MO LAS; RTOG PA THAMS CAD LEGS PAR BSDUS NAS NI, ,SHIN DU BSAM PA BZANG DANG LDAN PAS NYON, ,BRJED NGES BLO LA RDO RJE SEMS SOGS PA'I, ,BDE BAR GSHEGS PA RNAMS KYIS BYIN MI RLOBS, ,ZHES GSUNGS PA'I SNANG BA DANG POS CHOS NYAN PA LA YID MI GTOD PAR RTOG PA PHYI ROL TU 'PHRO PA'I SNOD KHA SBUB LTA BU'I SKYON SPANGS NAS YID GZHAN LA MI GA-YENG BAR SKABS KYI CHOS NYAN PA LA YID RTZE GCIG TU BSGRIM DGOS PAR BSTAN CING, GNYIS PAS KUN SLONG NGAN PA NGA RGYAL PHRAG TOG SUN 'BYIN SOGS BYED 'DOD KYI SNOD DU GCAN LTA BU'I SKYON SPANGS NAS SEMS CAN THAMS CAD KYI DON DU SANGS RGYAS KYI GO 'PHANG THOB 'DOD KYI BSAM PA BZANG POS CHOS NYAN DGOS PAR BSTAN LA, PHYI MA GNYIS KYIS DA LTA CHOS LEGS PAR NYAN KYANG DE MA THAG TU BRJED NAS YID LA MI 'JOG PA SNOD ZHABS RDOL LTA BUS NYAN NA RDO RJE SEMS DPA' LA SOGS PA'I BDE BAR GSHEGS PA RNAMS KYI DE'I RGYUD BYIN GYIS MI RLOB CING RGYUD LA RTOG PA KHYAD PAR CAN SKYE BA LA SOGS PA'I BYIN RLABS MI 'BYUNG PAR BSTAN PA LTAR SNOD KYI SKYON GSUM SPANGS TE SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA BA'I PHYIR DU CHOS NYAN PAR BYA'O SNYAM DU BSAM PA'I SGO NAS YID RTZE GCIG TU BSGRIM STE LEGS PAR GSAN 'TSAL, DE YANG RGYAL SRAS CHEN PO ZHIB LHAS, ,'DI 'DRA'I DAL BRNYED GYUR NAS, ,BDAG GIS DGE GOM MA BYAS NA, ,'DI LAS BSLUS PA GZHAN MED DE, ,'DI LAS RMONGS PA'ANG GZHAN MED DO, ,ZHES
, ,GSUNGS PA LTAR, RANG CAG RNAMS KYIS RNYED PAR DKA' BA'I DAL 'BYOR GYI MI LUS RIN PO CHE THOB CING MJAL BAR DKA' BA'I SANGS RGYAS KYI BSTAN PA RIN PO CHE DANG MJAL BA'I SKABS 'DIR; TSE 'DI'I BDE BA LA MA CHAGS PAR TSE PHYI MA PHAN CHAD LA PHAN PA'I DON BZANG PO GCIG MA BSGRUB NA RANG NYID RMONGS PA'I RMONGS TSA BA DE LAS CHE BA MED CING, RANG GIS RANG BSLUS PA'I BSLUS TSA BA KYANG DE LAS CHE BA MED, PHYI MA PHAN CHAD LA PHAN PA'I DON DE RTEN 'DI LA SGRUB DGOS PAR MA ZAD DA LTA NAS MA BSGRUB NA, MI RTAG PA'I TSOMS LAS, GANG YANG SANGS RGYAS RANG SANGS RGYAS, ,SANGS RGYAS RNAMS KYI NYAN THOS KYANG, ,SKU LUS 'DI NI SPONG MDZAD NA, ,SKYE BO PHAL BA SMOS CI DGOS, ,ZHES GSUNGS PA LTAR, SNGON BYON PA'I YANG DAG PAR RDZOGS PA'I SANGS RGYAS DANG, RANG SANGS RGYAS DANG NYAN THOS RNAMS KYIS KYANG RANG RANG GI SKU LUS DOR NAS MYA NGAN LAS 'DA' BA'I TSUL BSTAN NA, DE DAG LAS GZHAN PA'I SKYE BO PHAL BA RNAMS KYIS RTEN 'DI 'DOR DGOS PA SMOS KYANG CI DGOS, RTEN 'DI 'DOR PAR MA ZAD NAM 'DOR LA NGES PA MED NI, MI RTAG PA'I TSOMS LAS, SKYES BA BUD MED MANG PO DANG, DAR LA BAB PA'ANG 'CHI 'GYUR NA, ,DE LA MI 'DI GZHON ZHES TE, ,GSON PA'I GDENG DROD CI ZHIG YOD, ,KHA CIG MNGAL DU 'CHI BAR 'GYUR, ,DE BZHIN KHA CIG BTZAS PA'I SAR, ,DE BZHIN KHA CIG GOG TZAM NA, ,DA BZHIN KHA CIG YONGS RGYUG NA, ,LA LA RGAN DANG LA LA GZHON, ,LA LA DAR LA BAB PA'I MI, ,RIM GYIS RAB TU 'GRO 'GYUR TE, ,'BRAS BU SMIN PA LTUNG BA BZHIN, ,
ZHES GSUNGS PA LTAR 'CHI BA 'ONG BA LA RGAN GZHON BAR MA'I GO RIM NGES PA MED PAS RANG CAG RNAMS KYANG NAM 'CHI LA NGES PA MED, DES NA KA NI KA'I SPRINGS YIG LAS, ,'CHI BDAG SU DANG MI BSHES PA; ;BLO BUR DAG TU 'BAB 'GYUR BAS, ,SANG DAG BYA ZHES MA BZHES PAR, ,DAM PA'I CHOS LA BSNYUR TE MDZOD, ,'DI SANG DENG NI 'DI BYA ZHES, ,BYA BA MI LA BZANG PO MIN, , NAM ZHIG KHYOD NI MANG 'GYUR PA'I, ,SANG DE GDON MI ZA BAR 'ONG, ,ZHES 'CHI BDAG BLO BUR DU 'OD BAS NA RE ZHIG TSE 'DI'I PHUN TSOGS BSGRUB PA'I THABS BYA LA, DE'I RJES NAS PHYI MA PHAN CHAD KYI DON BSGRUB PA'I THABS BYA'O, ,ZHES PHYI BSHOL MI BYA BAR PHYI MA'I DON BSGRUB PA LA RINGS PA'I TSUL GYIS 'JUG DGOS, GAL TE TSE 'DIR BSGRUB MA THUB KYANG SKYE BA RJES MA LA BSGRUB BAS CHOG MOD SNYAM NA, MDO DRAN PA NYER BZHAG LAS, SEMS CAN DMYAL BA DMYAL MES NYAMS, ,YI DAGS BKRES SHING SKOM PAS NYAMS, ,DUD 'GRO GCIG LA GCIG ZAS NYAMS; MI DAG 'TSO BA THUNG BAS NYAMS, ,LHA NGAG BAG MED PA YIS NYAMS, ,ZHES GSUNGS PA LTAR, SKYE BA PHYI MAR GANG DU SKYE NGES PA MED LA, GAL TE DMYAL PAR SKYES NA TSA GRANG GI SDUG BSNGAL YI DAGS SU SKYES NA BKRES SKOM GYI SDUG BSNGAL, DUD 'GROR SKYES NA GLEN CING, GTI MUG PA DANG GCIG LA GCIG ZA BA LA SOGS SDUG BSNGAL GYIS MNAR NAS GTAN BDE BSGRUB PA'I SKABS MI RNYED CING CI STE BDE 'GRO'I RTEN GCIG THOB TU ZIN KYANG MI LA SKYE RGA NA 'CHI DANG, PHYUG PO 'TSO SKYONG DANG, DBUL PO 'TSOL GROL MOGS PA'I SDUG BSNGAL DPAG TU MED PA YOD LA, ,
, ,LHA LA'ANG 'CHI 'PHO LTUNG BA LA SOGS PA'I SDUG BSNGAL GYIS MNAR BA DANG 'DI SNANG GI BYA BA DANG LHA'I 'DOD YON LA CHAGS PA'I BAG MED PAS GA-YENG NAS GTAN BDE BSGRUB PA'I BSAM PA SKYED DKA', DES NA RGYAL SRAS ZHI BA LHAS, ,DAL 'BYOR 'DI NI SHIN DU RNYED PAR DKA', ,SKYES BU'I DON 'GRUB THOB PAR GYUR PA LA, ,GAL TE 'DI LA PHAN PA MA BSGRUB NA, ,PHYIS 'DI YANG DAG 'BYOR PA GA LA 'GYUR, ,ZHES GSUNGS PA LTAR RANG LA PHUGS SU PHAN PA'I DON CHEN PO SGRUB PA LA DA LTA'I RTEN 'DI 'DRA PHYIS SU RNYED DKA' BAS RTEN 'DI LANG LTA NYID NAS BSGRUB DGOS, 'O NA GTAN GYI BDE BA DE THABS GANG GI SGO NAS BSGRUB SNYAM NA, DAM PA'I CHOS BSGRUB PA'I SGO NAS BSGRUB DGOS LA, DAM PA'I CHOS DE LA THEG PA CHE CHUNG GI CHOS GNYIS YOD PA'I THEG PA CHUNG NGU'I CHOS LA BRTEN NA RANG NYID GCIG PU 'KHOR BA LAS THAR BA'I THAR BA THOB TU ZIN KYANG GZHAN DON RGYA CHEN PO SGRUB MI NUS SHING, RANG DON YANG YONGS SU MA RDZOGS PAS MTHAR THEG PA CHEN PO LA 'JUG DGOS LA; DE YANG LAM GYI BGROD PA SHIN TU BUL BAS NA THOG MA NAS THEG PA CHEN PO LA 'JUG PAR RIGS, THEG PA CHEN PO LA YANG RGYU PHAR PHYIN THEG PA DANG, 'BRAS BU RDO RJE THEG PA GNYIS LAS, DANG PO LA BRTEN BSKAL CHEN GRANGS MED GSUM DU TSOGS BSAGS DGOS PA LA SOGS PAS SANGS RGYAS 'THOB PA LA YUN SHIN DU RING ZHING, RDO RJE THEG PA LA BRTEN NA DE TZAM MI 'GYANGS PAR MYUR DU SANGS RGYAS PAR NUS PAS PHYI MA MCHOG YIN, DE YANG YI DAM GYI LHA KHYAD PAR CAN LA BRTEN NAS BSGRUB NA LAM GYIS CHOD CHE BA YIN ZHING YI DAM GYI LHA BSAM GYIS MI KHYAB PA YOD PA LAS, DA LAN 'DIR SNGON
BSKAL PA DPAG TU MED PA'I SNGA ROL DU BSKAL PA 'DZIN PA ZHES BYA BA LA GLING BZHI LA DBANG BA'I 'KHOR LOS BSGYUR BA'I RGYAL PO RTZIBS KYI MU KHYUD CES BYA BA, SRAS STONG DANG BLON PO MDUN 'DON BRAM ZE RGYA MTSO'I RDUL ZHES BYA BAR SRAS BRGYAD CU DANG SLOB MA RIGS BYED KLOG PA STONG YOD PA BYUNG ZHING MDUN NA 'DON GYI SRAS BRAM ZE RGYA MTSO'I SNYING PO ZHES BYA BA MNGON PAR RDZOGS PAR SANGS RGYAS PA'I MTSAN RIN CHEN SNYING PO ZHES BYA BA BYUNG, DE'I TSE SANGS RGYAS DE ME LONG BKOD PA ZHES BYA BA'I TING NGE 'DZIN LA SNYOMS PAR ZHUGS NAS MA 'ONGS PA NA 'BYUNG 'GYUR GYI SANGS RGYAS KYI ZHING GI BKOD PA BSAM GYIS MI KHYAB PA BSTAN NAS, RGYAL PO RGYAL SRAS BLON PO DANG DE'I SRAS RIG BYED KLOG PA STONG DANG BCAS PA MANG PO LA RANG RANG GI SANGS RGYAS KYI ZHING 'DZIN DU BCUG PA'I TSE RGYAL PO SRAS STONG DANG BCAS PA DANG, BLON PO BRAM ZE RGYA MTSO'I RDUL GYI SRAS DANG SLOB MA RIG BYED KLOG PA STONG LA SOGS PA MANG POS ZHING GANG BZANG BAB DAM ZHING MI MJED 'JIG RTEN GYI KHAMS 'DI 'DZIN PA MA BYUNG BA'I TSE BLON PO BRAM ZE RGYA MTSO'I RDUL GYIS ZHING 'DI BA ZUNG STE SMON LAM CHEN PO LNGA BRGYA BTAB, DE'I TSE PHYOGS BCU'I SANGS RGYAS THAMS CAD KYIS SKYES BSKUR GZHAN PA RNAMS PADMA LTA BU DANG KHYOD NI PADMA DKAR PO LTA BU'O ZHES BSNGAGS PA BRJOD CING LEGS SO GNANG BA'I RGYA MTSO'I RDUL DE NYID BRTZON 'GRUS SHIN DU CHEN POS MNGON PAR RDZOGS PAR SANGS RGYAS PA'I SANGS RGYAS SH'AKYA THUB PA RANG CAG MI MJED 'JIG RTEN GYI KHAMS KYI GDUL BYA RNAMS LA SANGS RGYAS GZHAN THAMS CAD LAS KYANG BKA' DRIN MCHOG TU CHE ZHING, GSOL BA BTAB NA THUGS RJE 'JUG PA SHIN DU MYUR BA YIN PAS, DE LTA BU'I THUB PA RDO RJE GDAN PA GTZO 'KHOR
, ,GSUM GYI RJES SU GNANG BA ZHU BA LA SEMS CAN THAMS CAD KYI DON DU MYUR BA NYID DU RDZOGS PA'I SANGS RGYAS KYI GO 'PHANG THOB PAR BYA, DE'I CHED DU YI DAM GYI LHA KHYAD PAR CAN THUB PA RDO RJE GDAN PA GTZO 'KHOR GSUM GYI RJES SU GNANG BA ZHUS TE LHA DE LA BRTEN NAS SANGS RGYAS KYI GO 'PHANG BSGRUB PAR BYA'O SNYAM PA'I SGO NAS GNAS KHANG 'DI YANG DAG PA'I ZHING DNGOS YIN SNYAM PA DANG, BLA MA DANG TSOM BU 'DI DAG KYANG THUB PA RDO RJE GDAN PA GTZO 'KHOR DNGOS YIN SNYAM PA DANG, STENG GI NAM MKHAR RTZA RGYUD KYI BLA MA YI DAM SANGS RGYAS BYANG SEMS CHOS SKYONG SRUNG MA THAMS CAD SPRIN GYI PHUNG PO 'THIB PA LTAR BZHUGS PAR MOS TE, DE RNAMS KYI DRUNG DU BDAG GIS BYANG CHUB SEMS DPA'I SDOM PA BZUNG LA RDO RJE THEG PA'I CHOS NYAMS SU BLANG BAR BGYI'O SNYAM PAS 'DI'I RJES ZLOS MDZOD, CES KUN SLONG BCOS TE, DKON MCHOG GSUM LA BDAG SKYABS MCHI, ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR RJES BLOS LAN GSUM BYED DU GZHAG , DE NAS THUN MONG MA YIN PA'I GSOL BA 'DEBS PA 'DI'I RJES ZLOS MDZOD, CES BRJOD LA, SLOB DPON DGONGS SU GSOL, BDAG LA THUB PA RDO RJE GDAN PA GTZO 'KHOR GSUM GYI SKU GSUNG THUGS KYI RJES SU GNANG BA DANG BYIN BRLAB MA LUS PA BSTZAL DU GSOL, BDAG GI LUS NGAG YID GSUM GYI SDIG SGRIB BAG CHAGS DANG BCAS PA BYANG ZHING DAG PAR MDZAD DU GSOL, SKU GSUNG THUGS RDO RJE GSUM MNGON DU 'GYUR BAR BYIN GYIS BRLAB DU GSOL, ZHES PA'I RJES BLOS LAN GSUM GYIS GSOL BA 'DEBS SU GZHUG ,DE NAS SLOB MA LA KHYED RANG RDO RJE GDAN PA GTZO
'KHOR DU BSKYED PAR BYED PA YIN PAS DER GYUR PA'I MOS PA MDZOD CES BRDA' SPRAD LA, SLOB MA LA BUM CHU GTOR ZHING AA MRi TAS BSANG, SVA BHA WAS SBYANGS, STONG PA'I NGANG LAS TSANGS PA BRGYA BYIN; KHYAB 'JUG ,DBANG PHYUG CHEN PO RNAMS KYI STENG DU, ZHES PA NAS, THUGS KAR H'Um GIS MTSAN PAR GYUR, ZHES PA'I BAR MDUN BSKYED LTAR BRJOD LA SLOB MA LHAR BSKYED DE GNAS GSUM BYIN GYIS BRLABS, DE NAS SLOB DPON LA GUS 'DUD DUNG BA CIG MDZOD CES BRJOD LA, DE LTAR MDZAD PA'I RKYEN GYIS SLOB DPON GYI THUGS KHA'I H'Um LAS 'OD ZER 'PHROS, , THUB PA RDO RJE GDAN PA LA SOGS PA PHYOGS BCU'I SANGS RGYAS BYANG SEMS THAMS CAD KYI THUGS KAR PHOG ,DE RNAMS KYI THUGS GNYIS SU MED PA'I YE SHES DE NYID THUB PA RDO RJE GDAN PA GTZO 'KHOR GSUM GYI SKU'I RNAM PAR DPAG TU MED PA SPYAN DRANGS, KHYED RANG GI SPYI BO'I GTZUG DANG BA SPU'I BU GA LA SOGS PA LUS KYI CHA THAMS CAD LA THIM PAS BYIN GYIS RLABS PA'I MOS PA MDZOD, CES BRDA' SPRAD DE, AOm A'A: BADZRA H'Um SV'A H'A, ZHES PA MANG DU BRJOD PA'I MTHAR, AOm BADZRA AA BE SHA A'A: A'A: A'A: DZA: H'Um Bm HO, ZHES BRJOD CING ROL MO BYAS LA GNYIS SU MED PAR BSTIM, DES THUB PA RDO RJE GDAN GTZO 'KHOR GSUM GYI SKU'I BYIN RLABS ZHUGS, THOGS MED NAS BSAGS PA'I LUS KYI SDIG SGRIB SBYANGS, LUS BCOM LDAN 'DAS KYI SKU DANG NUS PA MNYAM PAR BYIN GYIS BRLAB BYUNG SNYAM BA'I MOS PA MDZOD, CES DAG PA BRJOD, DE NAS LUNG GSUM LAS RJES SU BZLAS PA'I LUNG GI SLAD DU, SLOB DPON LHAR GSAL BA'I THUGS KAR BLA BA'I STENG DU SA BON
, ,GYI MTHAR SNGAGS KYI 'PHRENG BAS BSKOR BA LAS SNGAGS 'PHRENG GNYIS BA CIG MAR ME GCIG LAS GNYIS CHAD KYI TSUL DU CHAD DE BYUNG BA ZHAL NAS THON KHYED RANG LHAR GSAL BA'I ZHAL DU ZHUGS; THUGS KAR ZLA BA'I STENG DU SA BON GYI MTHAR SNGAGS 'PHRENG GIS BSKOR BA LA THIM PA'I MOS PA MDZOD LA ME TOG DANG BCAS PA'I THAL MO SBYAR NAS 'DI'I RJES ZLOS MDZOD, CES BRDA'I SPRAD LA; AOm A'A: BADZRA H'Um SV'AH'A, ZHES SOGS SNGAGS KYI RJES ZLOS LAN GSUM BYED DU GZHUG ,DE LTAR SNGAGS KYI RJES ZLOS LAN GSUM DU BYAS PAS, DANG POS BYIN GYIS RLABS; GNYIS PAS DBYER MED DU BYAS, GSUM PAS BRTAN PAR BYAS BYUNG SNYAM PA'I MOS PA MDZOD, DE NAS SLOB DPON LA ME TOG MTHOR ZHING 'DI'I RJES ZLOS MDZOD, BCOM LDAN BDAG GIS GZUNG LAGS KYIS, BCOM LDAN BDAG LA BYIN GYIS RLOBS, CES PA LAN GSUM RJES ZLOS BYED DU GZHUG ,DE LTAR GSOL BA BTAB PAS, SLOB DPON GYI THUGS KHA NAS 'OD ZER 'PHROS, PHYOGS BCU'I SANGS RGYAS BYANG SEMS THAMS CAD LA PHOG ,DE THAMS CAD KYI GSUNG GI BYIN RLABS DANG GSANG SNGAGS DANG RIG SNGAGS GZUNGS SNGAGS KYI BYIN RLAB DANG NUS MTHU THAMS CAD THUB PA RDO RJE GDAN PA'I SNYING PO DANG DBYANGS GSAL GYI YIG 'BRU'I RNAM PAR SPYAN DRANGS PA ME TOG LA THIM PAR GYUR, AOm A'A: BADZRA H'Um SV'AH'A, ZHES BRJOD DE, SLOB DPON GYIS BYIN GYIS RLABS PA'I ME TOG KHYED RANG LA GTOR BA'I TSE SANGS RGYAS BYANG SEMS THAMS CAD KYI GSUNG DANG SNGAGS KYI BYIN BRLAB NUS MTHU THAMS CAD YIG 'BRU'I RNAM PAR BA SPU'I SGO THAMS CAD NAS ZHUGS
TE THUGS KHA'I SNGAGS 'KHOR LA THIM NAS BYIN GYIS BRLABS BYUNG SNYAM PA'I MOS PA MDZOD, CES BRDA' SPRAD LA, BCOM LDAN 'DI LA BSTZAL LAGS KYI, ,'DI LA 'GO PAR MDZAD DU GSOL; ;SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR MDZAD DU GSOL, ,RDO RJE SLOB MA'I RGYUD LA THUB PA RDO RJE GDAN PA GTZO 'KHOR SOGS SANGS RGYAS BYANG SEMS THAMS CAD KYI GSUNG DANG SNGAGS KYI BYIN BRLAB DANG NUS MTHU MA LUS PA 'JUG PAR GYUR CIG ,CES BRJOD CING ME TOG GTOR, DAM BCA' BA'I LUNG GI SLAD DU DUS DA NAS BZUNG STE BYANG CHUB MA THOB KYI BAR DU THUB PA RDO RJE GDAN PA GTZO 'KHOR GSUM YI DAM GYI LHAR GZUNG SNYAM PAS 'DI'I RJES ZLOS MDZOD, CES BRDA' SPRAD LA, SLOB DPON DGONGS SU GSOL, BDAG MING 'DI ZHES BGYI BAS DUS DA NAS BZUNG STE JI SRID BYANG CHUB SNYING PO LA MCHIS KYI BAR DU THUB PA RDO RJE GDAN PA GTZO 'KHOR GSUM YI DAM GYI LHAR BZUNG BAR BGYI'O, ,ZHES PA'I RJES ZLOS LAN GSUM BYED DU GZHUG ,DES THUB PA RDO RJE GDAN PA GTZO 'KHOR GSUM GYI GSUNG GI BYIN BRLAB ZHUGS THOG MED NAS BSAGS PA'I SDIG SGRIB SBYANGS, DAG BCOM LDAN 'DAS THUB PA RDO RJE GDAN PA'I GSUNG DANG NUS PA MNYAM PAR BYIN GYIS BRLABS BYUNG SNYAM PA'I MOS PA MDZOD, CES DAG PA BRJOD, DE <NAS BYIN GYIS BRLAB PA'I LUNG GI SLAD DU, SLOB DPON GYI THUGS KHA NAS 'OD ZER 'PHROS, MDUN BSKYED KYI LHA'I THUGS KHAR POG PAS THUGS RGYUD BSKUL, MDUN BSKYED KYI LHA'I THUGS KHA NAS THUGS GNYIS SU MED PA'I YE SHES KYI NGO BO BCOM LDAN 'DAS THUB PA RDO RJE GDAN PA GTZO 'KHOR GYI SKU MTHEB SOR GYI TSA
, ,TZAM PA RE RGYANGS KYIS BYON PA, KHYED RANG THUB PA RDO RJE GDAN PA GTZO 'KHOR DU GSAL BA'I SPYI BO NAS ZHUGS TE THUGS KHA'I SA BON LA THIM NAS DBYER MED DU GYUR PAR MOS PA MDZOD, DE'I NGANG NAS KHYED RANG GIS LHA SKU SNANG LA RANG BZHIN MED PA ME LONG NANG GI GZUGS BRNYAN LTA BU LA YID GTAD PAS 'KHOR RNAMS 'OD ZER GYI RNAM PAR BYUNG TE RANG LA THIM ZHING, RANG YANG 'OD ZER GYI RNAM PAR GYUR TE THUGS KHA'I SA BON LA THIM, SA BON DE YANG JE CHUNG JE PHRAR GYUR TE MTHAR NAM MKHA' LA 'JA' YAL PA LTAR GYUR NAS GZUNG 'DZIN GYI CHOS THAMS CAD RANG BZHIN GYIS GRUB PA RDUL TZAM YANG MED PA'I RANG BZHIN STONG PA NYID DANG KHYED RANG GI SEMS RO GCIG TU GYUR BAR MOS TE CUNG ZAD MNYAM PAR 'JOG PA ZHU DE'I NGANG NAS SLAR THUB PA RDO RJE GDAN GYI SKUR BZHENGS PA'I MOS PA MDZOD, DES THUB PA RDO RJE GDAN PA GTZO 'KHOR GSUM GYI THUGS KYI BYIN BRLAB ZHUGS THOGS MED NAS BSAGS PA'I YID KYI SDIG SGRIB SBYANGS, YID THUB PA RDO RJE GDAN PA'I THUGS DANG NUS PA MNYAM PAR BYIN GYIS BRLABS BYUNG SNYAM PA'I MOS PA MDZOD, CES DAG PA BRJOD, DES THUB PA RDO RJE GDAN PA GTZO 'KHOR GYI RJES SU GNANG BA SONG BA YIN CING, DE'I DAM TSIG DANG SDOM PA RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BOS JI LTAR BKA' STZAL PA, DE DAG THAMS CAD BDAG GIS BGYI, ZHES PA LAN GSUM RJES ZLOS BYED DU GZHUG ,DE NAS BKA' DRIN DANG GTANG RAG GI YON DU MAndAL 'BUL BAR ZHU BYAS LA, MAndAL 'BUL DU GZHUG ,DE NAS RANG GI LCAS BRAN DU 'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG BRAN DU, ,KHYED LA BDAG
NI 'BUL LAGS KYIS, ,KHYED KYI SLOB MAR GZUNG BA DANG, ,CHA YI KYANG NI SPYAD DU GSOL, ,ZHES RJES ZLOS BYED DU GZHUG ,DE NAS SLOB MA RANG GNAS SU BTANG LA SLOB DPON GYIS MDUN BSKYED LA SNGAR BZHIN MCHOD BSTOD BYAS TE YIG BRGYA BRJOD, GANG YANG BDAG BLO RMONGS PA YIS, ,ZHES SOGS KYIS NONGS PA BZOD PAR GSOL, BADZRA MU: YE SHES PA RANG BZHIN GYI GNAS SU GSHEGS, DAM TSIG PA RANG NYID LA THIM PAR GYUR, ZHES BRJOD DE, BSNGO BA SMON LAM DANG BKRA SHIS KYIS BRGYAN PAR BYAS LA TSEM BU DANG MCHOD PA SOGS BSDUS TE LAS KYI RJES MI MNGON PAR BYA, GNYIS PA, SKU GSUNG THUGS GSUM GYI CHI NGAS LA BRTEN PA'I RJES GNANG BYA TSUL NI, SLOB DPON GYIS BDAG MDUN BUM GSUM SGRUB TSUL SNGAR LTAR BYAS PA'I RJES SU SLOB MAS KHRUS DANG MAndAL 'BUL BA SOGS BYAS TE MDUN DU 'KHOD PA LA, THUB PA RDO RJE GDAN PA GTZO 'KHOR GYI RJES GNAD ZHU BA'I SLAD DU GSOL BA 'DEBS PA 'DI'I RJES ZLOS MDZOD, , DUS GSUM SANGS RGYAS THAMS CAD DANG, ,LHAG PA'I LHA YI NGO BO NYID, ,DPAL LDAN BLA MA'I BKA' DRIN GYIS, ,BDAG LA RJES GNANG STZAL DU GSOL, ,ZHES PA'I RJES ZLOS LAN GSUM BYED DU GZHUG ,SEMS CAN THAMS CAD KYI DON DU BLA NA MED PA YANG DAG PAR RDZOGS PA'I SANGS RGYAS KYI GO 'PHANG MYUR BA NYID DU THOB PAR BYA, DE'I CHED DU THUB PA RDO RJE GTZO 'KHOR GSUM GYI RJES SU GNANG BA ZAB MO ZHU SNYAM PAS 'DI'I RJES ZLOS MDZOD, DKON MCHOG GSUM LA BDAG SKYABS MCHI, ZHES SOGS SHU LO KA GSUM MAM DANG PO'I RJES ZLOS LAN GSUM BYED DU GZHUG ,
, ,DE NAS GNAS KHANG 'DI YANG THA MAL PA MA YIN PAR DAG PA'I ZHING DANG, MDUN GYI TSOM BU 'DI YANG THUB PA RDO RJE GDAN PA GTZO 'KHOR DU BSKYED YOD PAS DE DNGOS YIN SNYAM PA DANG KHYED RANG YANG THUB PA RDO RJE GDAN GTZO 'KHOR DU BSKYED PAR BYED PA YIN PAS DER GYUR PA'I MOS PA MDZOD, CES BRDA' SPRAD LA, SLOB MA SNGAR BZHIN THUB PA RDO RJE GDAN GTZO 'KHOR DU BSKYED LA GNAS GSUM BYIN GYIS BRLAB, DE NAS SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD, CES BRJOD LA, DUS GSUM SANGS RGYAS THAMS CAD KYI, , SKU YI RDO RJE SLOB DPON GYIS, ,BDAG LA THUB PA GTZO 'KHOR GYI, ,SKU YI RJES GNANG STZAL DU GSOL, ,ZHES GSOL BA 'DEBS SU GZHUG ,SLOB DPON GYI THUGS KHA'I SA BON LAS 'OD ZER 'PHROS, MDUN BSKYED KYI LHA'I THUGS RGYUD BSKUL, DE'I THUGS KHA NAS 'OD ZER 'PHROS, RANG BZHIN GYI GNAS NAS THUB PA RDO RJE GDAN PA SOGS SANGS RGYAS BYANG SEMS THAMS CAD KYI SKU'I BYIN BRLAB THAMS CAD THUB PA RDO RJE GDAN PA GTZO 'KHOR GYI SKU'I RNAM PAR SPYAN DRANGS, SLOB MA'I LUS LA CHAR CHEN PO BAB PA LTAR THIM NAS BYIN GYIS BRLAB PAR GYUR, , AOm A'A: BADZRA, ZHES SOGS SNGAR LTAR BRJOD CING ROL MO DKROL, DES THUB PA RDO RJE GDAN PA GTZO 'KHOR GYI SKU'I RJES SU GNANG BA THOB, THOGS MED NAS BSAGS PA'I LUS KYI SDIG SGRIB THAMS CAD DAG LUS THUB PA RDO RJE GDAN PA GTZO 'KHOR GYI SKU DANG DBYER MED DU BYIN GYIS BRLAB BYUNG SNYAM PA'I MOS PA MDZOD, CES DAG PA BRJOD, DE NAS GSUNG GI RJES GNANG ZHU
BA'I DON DU GSOL BA 'DEBS PA 'DI'I RJES ZLOS MDZOD, CES BRJOD LA, GONG GI SKU'I RJES GNANG GI GSOL 'DEBS KYI SKU YI ZHES PA GSUNG GI ZHES PAR 'DON PA BSGYUR LA RJES ZLOS BYED DU GZHUG ,DE NAS SLOB DPON GYI THUGS KAR ZLA BA'I STENG DU SA BON GYI MTHAR 'KHOD PA'I SNGAGS 'PHRENG LA SNGAGS 'PHRENG GNYIS PA BYUNG ZHAL NAS THON TE SLOB MA LHAR GSAL BA'I ZHAL DU ZHUGS, SLOB MA LHAR GSAL BA'I THUGS KAR ZLA GDAN LA SA BON GYI MTHAR 'KHOD PA'I SNGAGS 'PHRENG LA THIM PA'I MOS PA MDZOD LA SNGAGS 'DI'I RJES ZLOS MDZOD, CES BRJOD NAS SNGAGS KYI RJES ZLOS LAN GSUM BYED DU GZHUG ,ME TOG 'THOR BA DANG BCAS TE, BCOM LDAN 'DI LA STZAL LAGS KYI, ZHES SOGS BRJOD CING ME TOG GTOR, DES THUB PA RDO RJE GDAN PA GTZO 'KHOR GYI GSUNG GI RJES GNANG THOB, THOGS MED NAS BSAGS PA'I NGAG GI SDIG SGRIB DAG ,NGAG BCOM LDAN 'DAS THUB PA RDO RJE GDAN PA GTZO 'KHOR GYI GSUNG DANG DBYER MED DU BYIN GYIS BRLAB BYUNG SNYAM PA'I MOS PA MDZOD, CES DAG PA BRJOD, DE NAS THUGS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, CES BRJOD LA SNGAR GYI SKU'I GSOL 'DEBS KYI SKU'I ZHES PA THUGS KYI ZHES PAR 'DON PA BSGYUR TE RJES ZLOS BYED DU GZHUG ,SLOB DPON GYI THUGS KHA NAS 'OD ZER 'PHROS, MDUN BSKYED KYI LHA'I THUGS RGYUD BSKUL, DE'I THUGS KHA NAS 'OD ZER 'PHROS RANG BZHIN GYI GNAS NA BZHUGS PA'I THUB PA RDO RJE GDAN PA SOGS SANGS RGYAS BYANG SEMS THAMS CAD KYI THUGS RGYUD
, ,BSKUL DE RNAMS KYI THUGS KHA NAS THUGS RNAM PAR MI RTOG PA'I YE SHES DE NYID THUB RDO RJE GDAN PA GTZO 'KHOR GYI SA BON DANG PHYAG MTSAN GYI RNAM PAR DPAG TU MED PA SPYAN DRANGS TE KHYED RANG LHAR GSAL BA'I THUGS KHA'I SA BON LA THIM NAS BYIN GYIS BRLABS PA'I MOS PA MDZOD, CES BRJOD LA, AOm A'A: BADZRA, ZHES SOGS SNGAGS BRJOD CING ROL MO DKROL , DES THUB PA RDO RJE GDAN PA GTZO 'KHOR GYI THUGS KYI RJES GNANG THOB, THOGS MED NAS BSAGS PA'I YID KYI SDIG SGRIB DAG ? YID THUB PA RDO RJE GDAN PA GTZO 'KHOR GYI THUGS DANG DBYER MED DU BYIN GYIS BRLAB BYUNG SNYAM PA'I MOS PA MDZOD, CES DAG PA BRJOD, DES THUB PA RDO RJE GDAN PA GTZO 'KHOR GYI RJES SU GNANG BA SONG BA YIN PAS BKA' DRIN DANG GTANG RAG GI YON DU MAndAL 'BUL PAR ZHU ZHOS BRJOD LA MAndAL 'BUL DU GZHUG ,MJUG CHOG RNAMS SNGAR LTAR BYA, YANG SKU GSUNG THUGS GSUM GYI RJES GNANG BYA TSUL LUGS GCIG LA, SLOB DPON GYIS BDAG MDUN BUM GSUM BSGRUB PA DANG, SLOB MAS KHRUS DANG MAndAL 'BUL BA SNGAR LTAR LA, THUB PA RDO RJE GDAN PA GTZO 'KHOR GYI RJES GNANG ZHU BA'I SLAD DU GSOL BA 'DEBS PA 'DI'I RJES ZLOS MDZOD, KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA RIN CHEN GTER, ,GTZO BOS BDAG LA BKA' DRIN STZOL, , ZHES LAN GSUM RJES ZLOS BYED DU GZHUG ,SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU THUB PA RDO RJE GDAN PA GTZO 'KHOR GYI RJES SU GNANG BA ZHU
SNYAM PA'I SGO NAS 'DI'I RJES ZLOS MDZOD, DKON MCHOG GSUM LA BDAG SKYABS MCHI, ZHES SOGS KYI RJES ZLOS LAN GSUM BYED DU GZHUG ,DE NAS SLOB MA LHAR BSKYED DE GNAS GSUM LA YI GE GSUM BKOD, SKU'I GSOL 'DEBS DANG SKU'I RJES GNANG SNGA MA LTAR BYA, DE NAS GSUNG GI RJES GNANG GI GSOL 'DEBS SNGAR LTAR LA, SLOB DPON GYI THUGS KHA NAS 'OD ZER 'PHROS, MDUN BSKYED KYI THUGS KHAR PHOG ,DE'I THUGS KHA NAS 'OD ZER 'PHROS, RANG BZHIN GYI GNAS NAS THUB PA RDO RJE GDAN PA SOGS SANGS RGYAS BYANG SEMS THAMS CAD KYI GSUNG GI BYIN BRLAB THAMS CAD THUB PA RDO RJE GDAN PA'I SNGAGS DANG DBYANGS GSAL GYI YIG 'BRU'I RNAM PAR SPYAN DRANGS, SLOB MA'I DAG LA THIM NAS BYIN GYIS BRLABS PAR GYUR, AOm A'A: BADZRA, ZHES SOGS SNGAR LTAR BRJOD CING ROL MO DKROL, DES GSUNG GI RJES GNANG THOB, ZHES SOGS DAG PA BRJOD PA DANG, THUGS KYI RJES GNANG YANG SNGAR LTAR BYA, YANG LUGS GCIG LA, SKU'I RJES GNANG GI GSOL 'DEBS YAN CHAD SNGAR LTAR LA, DNGOS KYI SKABS SU SLOB DPON GYI THUGS KHA NAS 'OD ZER 'PHROS MDUN BSKYED DANG PHYOGS BCU'I SANGS RGYAS BYANG SEMS THAMS CAD LA PHOG ,DE THAMS CAD KYI SPYI BO'I AOm LAS SKU'I BYIN BRLAB THAMS CAD AOm YIG DANG BDUD RTZI 'OD ZER DKAR PO'I RNAM PAR SPYAN DRANGS; SLOB MA'I SPYI BO'I AOm LA THIM PAS BYIN GYIS BRLABS PAR GYUR BA'I MOS PA MDZOD, SNGAGS BRJOD CING ROL MO DKROL, DES THUB PA RDO RJE GDAN PA GTZO 'KHOR GYI SKU'I BYIN
, ,BRLAB THAMS CAD THOB, THOGS MED NAS BSAGS PA'I LUS KYI SDIG SGRIB PA THAMS CAD DAG ,LUS THUB PA RDO RJE GDAN PA'I SKUR SGOM PA LA DBANG ZHING, THUB PA RDO RJE GDAN PA'I SKU MNGON DU 'GYUR BA'I NUS PA BZHAG PA YIN NO, ,ZHES DAG PA BRJOD, GSUNG GI RJES GNANG LA GSOL 'DEBS SNGAR LTAR BYAS PA'I RJES SU SLOB DPON GYI THUGS KHA NAS 'OD ZER 'PHROS, ZHES PA NAS, DE THAMS CAD KYI MGRIN PA'I A'A LAS GSUNG GI BYIN BRLAB THAMS CAD A'A YIG DANG BDUD RTZI 'OD ZER DMAR PO'I RNAM PAR SPYAN DRANGS, SLOB MA'I MGRIN PA'I A'A LA THIM NAS BYIN GYIS BRLABS PA'I MOS PA MDZOD, SNGAGS BRJOD CING ROL MO DKROL, DES THUB PA RDO RJE GDAN PA'I GSUNG GI BYIN BRLAB THAMS CAD THOB CING THOGS MED NAS BSAGS PA'I DAG GI SDIG SGRIB THAMS CAD DAG THUB PA RDO RJE GDAN PA'I SNGAGS BZLA BA LA DBANG ZHING GSUNG MNGON DU 'GYUR BA'I NUS PA BZHAG PA YIN NO, ,ZHES DAG PA BRJOD, THUGS KYI RJES GNANG GI GSOL 'DEBS SNGAR LTAR LA, SLOB DPON GYI THUGS KHA NAS 'OD ZER 'PHROS, ZHES PA NAS, DE THAMS CAD KYI THUGS KHA'I H'Um LAS THUGS KYI BYIN BRLAB THAMS CAD H'Um YIG DANG BDUD RTZI 'OD ZER SNGON PO'I RNAM PAR SPYAN DRANGS, SLOB MA'I THUGS KA'I H'Um LA THIM NAS BYIN GYIS BRLABS PA'I MOS PA MDZOD, SNGAGS BRJOD CING ROL MO DKROL, DES THUB PA RDO RJE GDAN PA'I THUGS KYI BYIN BRLAB THAMS CAD THOB, THOGS MED NAS BSAGS PA'I YID KYI SDIG SGRIB THAMS CAD DAG YID TING NGE 'DZIN SGOM PA LA DBANG ZHING, THUB PA RDO RJE
GDAN PA'I THUGS MNGON DU 'GYUR BA'I NUS PA BZHAG PA YIN NO, ,ZHES DAG PA BRJOD, SNGAGS KYI BZLAS LUNG BYED NA GONG GI LUGS PHYI MA LTAR BYA, YANG LUGS GCIG LA, SKU'I RJES GNANG LA LTA BA STIM PA DANG, GSUNG GI RJES GNANG LA SNGAGS KYI BZLAS LUNG BYED PA, THUGS KYI RJES GNANG LA DPAL GSANG BA 'DUS PA'I RGYUD LAS, DNGOS PO MED PA BSGOM PA MED; ;SGOM PAR BYA BA SGOM PA MIN, ,DA LTAR DNGOS PO DNGOS MED PA'I, ,SGOM PA'ANG DMIGS SU MED PA'O, ,ZHES GSUNGS TE, DE'I DON KHYED RANG LHA SKU ZHAL PHYAG GI RNAM PA CAN SNANG LA RANG BZHIN MED PA ME LONG NANG GI GZUGS BRNYAN LTA BU DE NYID LA YID CIR GYIS GTAD PA LA BRTEN NAS, 'KHOR RNAMS 'OD ZER GYI RNAM PAR GYUR TE RANG LA THIM ZHING, RANG NYID LHA SKU GDAN DANG BCAS PA 'OD ZER 'JA' TSON LTA BU'I TSUL CAN DU LDEM GYIS ZHU STE THUGS KHA'I SA BON LA THIM ZHING, SA BON DE YANG JE CHUNG JE PHRAR GYUR TE MTHAR NAM MKHA' LA 'JA' YAL BZHIN DU RANG YAL DU YAL GYIS YAL BA LA BRTEN NAS GZUNG 'DZIN GNYIS SNANG GI CHOS THAMS CAD RANG BZHIN GYIS MI DMIGS PA'I STONG NYID 'OD GSAL SPROS PA'I MTHA' THAMS CAD DANG BRAL BA NAM MKHA'I MTSAN NYID CAN KHYED RANG RNAM PA'I RGYUD LA SKYES PAR MOS PA MDZOD, CES BRDA' SPROD PAR BSHAD PA 'DUG ,'DI NI STONG NYID SGOM TSUL GYI GO BAB SKYED NAS LTA BA BSGOM PA THUGS KYI RJES GNANG DU BYED PA'I LUGS SU 'DUG PAS DE LTAR BYED NA LUNG DE'I 'PHRO NYID DU, ZHES GSUNGS PA'I DON LTAR SGOM BYA DANG SGOM PA DANG, SGOM PA PO GSUM DON DAM PAR DMIGS SU MED PA YIN PAS KHYED RANG LHA SKU
, ,SNANG LA RANG BZHIN MED PA 'JA' TSON LTA BUR BSGOM PA, DE YANG 'OD KYI RANG BZHIN DU ZHU NAS THUGS KHA'I SA BON LA THIM, SA BON DE YANG JE CHUNG JE PHRAR GYUR TE MTHAR 'JA' YAL BA LTAR GYUR NAS CHOS THAMS CAD RANG BZHIN GYIS GRUB PA RDUL TZAM YANG MED PA'I RANG BZHIN STONG PA NYID DANG RANG GI SEMS DBYER MED RO GCIG TU GYUR PAR MOS TE CUNG ZAD MNYAM PAR 'JOG PA ZHUG, , ZHES BRDA' SPRAD PAR BYA, RJES GNANG BYE TSUL 'DI RNAMS TSOM BU LA BRTEN NAS THUB PA RDO RJE GDAN PA GTZO KHOR GSUM GYI RJES GNANG BYED TSUL GZHAN GYI RJES GNANG BYED TSUL GYI MTSON BYED DU BKOD PA YIN LA, DBANG RTEN LA TSOM BU BKOD BA'ANG RUNG LA RE NGE TZAM GYI RJES GNANG BYED PA'I TSE, RJES GNANG GANG BYED GYI LHA DE'I GSER SKU LTA BU 'BUR SKU YOD NA DE YANG BZHAG CHOG CING, YANG GTOR MA LTA BU YANG BZHAG CHOG PAS DE LTAR BZHAG PA'I TSE, RJES GNANG GZHAN RNAMS SONG BA'I MJUG TU DBANG LHA BSTIM PA'I RJES GNANG LHA 'AM GTOR MA SLOB MA'I MGO THOG TU BZHAG TE, , PHYOGS BCU DUS GSUM NA BZHUGS PA'I RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYIS BYIN GYIS BRLOBS SHIG, ,YI DAM DKYIL 'KHOR GYI LHA TSOGS RNAMS KYIS, SANGS RGYAS DANG BYANG CHUB SEMS DPA' RNAMS KYIS, DPA' BO DANG RNAL 'BYOR MA RNAMS KYIS, CHOS SKYONG SRUNG MA RNAMS KYIS, KHYAD PAR DU YANG SKABS KYI LHA GANG YIN PA DE'I MTSAN NAS BRJOD DE BYIN GYIS BRLOBS SHIG ,KHYED RNAMS LA THUGS MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYOBS PA'I NUS MTHU BSAM GYIS MI KHYAB PA MNGA'
BA LAGS PAS SLOB MA 'DI BYANG CHUB MA THOB KYI BAR DU 'BRAL BA MED PA RJES SU ZUNG LA MCHOG DANG THUN MONG GI DNGOS GRUB MA LUS PA BDE BLAG TU STZOL BAR MDZAD DU GSOL, ZHES GSOL BA BTAB PAS PHYOGS BCU'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNGS MA THAMS CAD KYI BYIN BRLAB THAMS CAD 'OD ZER GYI RNAM PAR LHA SKU 'AM GTOR MA LHAR GSAL BA LA THIM ZHING LHA SKU 'AM GTOR MA LHAR GSAL BA LAS LHA GNYIS PA CIG CHA DA NAS SLOB MA'I SPYI BO NAS ZHUGS TE THUGS KHA'I SA BON LA THIM PAR GYUR, SNGAGS BRJOD CING, DZA: H'Um BAm HO: ZHES BRJOD DE DBANG LHA BSTIM, GZHAN RNAMS SNGAR DANG 'DRA, RJES GNANG BYA TSUL PHYI MA 'DI RNAMS LA'ANG BSHAD PA RGYAS PA BYA 'DOD NA SPYI 'GRO SNGA MA LTAR RAM DE LAS KYANG RGYAS PA DANG BYE BRAG SKABS KYI LHA RANG RANG GI CHE BA BRJOD PA DANG BRTA' SPROD SNGA MA LTAR BYAS CHOG CING, SNGA MA LA'ANG BSDUS PA BYA BAR 'DOD NA PHYI MA GANG RIGS BYAS CHOG LA GSOL 'DEBS KYI TSIG KYANG NGES BZUNG MED PAR BYAS CHOG BSHES PAR BYA'O, ,GNYIS PA CHOS SKYONG GI RJES GNANG BYA TSUL LA RANG RDO RJE 'JIGS BYED LTA BU'I YI DAM GANG BYED KYI LHA'I BDAG SKYED RGYAS BSDUS GANG YANG RUNG BA BZLAS PA DANG BCAS PA BYAS LA, MDUN GYI MNYDZI'I STENG DU DBANG RTEN GTOR MA LTA BU BZHAG , RJES GNANG GANG BYAD KYI CHOS SKYONG DER BSKYED DE, MCHOD GTOR 'BUL BA SOGS BYED TE MDUN BSKYED SGRUB, SLOB MA KHRUS BYAS TE MAndAL PHUL BA LA BLA MA LA YI DAM GYI LHA BDAG BSKYED GANG BYAS PA DE'I MTSAN BRJOD RE DE DNGOS YIN SNYAM PA MDZAD NAS CHOS SKYONG 'DI ZHES BYA BA'I RJES GNANG ZHU BA'I SLAD DU GSOL BA 'DEBS SNYAM PAS 'DI'I RJES ZLOS MDZOD, CES BRDA' SPRAD LA, GONG GI
, ,GSOL 'DEBS GANG YANG RUNG BA CIG GI RJES ZLOS LAN GSUM BYED DU GZHUG ,DE NAS SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA , DE'I CHED DU DAM PA'I CHOS SGRUB BA LA 'GAL RKYEN BAR CHAD THAMS CAD SEL ZHING, MTHUN RKYEN LEGS TSOGS THAMS CAD YID BZHIN DU 'GRUB PA'I 'PHRIN LAS BSGRUB PA'I CHOS SKYONG 'DI ZHES BYA BA'I RJES GNANG ZHU SNYAM PAS 'DI'I RJES ZLOS MDZOD, CES BRDA' SPRAD LA, DKON MCHOG GSUM LA BDAG SKYABS MCHI, ZHES SOGS KYI RJES ZLOS LAN GSUM BYED DU GZHUG ,DE NAS SLOB MA RJES GNANG GANG BYED KYI CHOS SKYONG DU DE'I MNGON RTOGS LTAR BSKYED LA GNAS GSUM BYIN GYIS BRLABS, DE NAS SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD , BLA MA RIN PO CHE BDAG LA CHOS SKYONG 'DI'I ZHES BYA BA'I SKU'I RJES SU GNANG BA STZAL DU GSOL, ZHES PA'I RJES ZLOS BYED DU GZHUG ,SLOB DPON GYI THUGS KHA NAS 'OD ZER 'PHROS, MDUN BSKYED KYI THUGS KHAR PHOG ,MDUN BSKYED KYI THUGS KHA NAS 'OD ZER 'PHROS, MGON PO LTA BU LA SHAR LHO BSIL BA'I TSAL GYI DUR KHROD DAM, LHA MO LTA BU LA BYANG SHAR MU LI TING GI RGYA MTSO ZHES PA LTA BU CHOS SKYONG GANG YIN PA DE'I RANG BZHIN GYI BZHUGS GNAS SHES NA DE'I MING NAS BRJOD CING MI SHES NA RANG BZHIN GYI GNAS NA CHOS SKYONG GANG YIN PA DE DPAG TU MED PA SPYAN DRANGS NAS SLOB MA LA THIM PAS LUS KYI NAD GDON BAR CHAD THAMS CAD BSAL BA'I MOS PA MDZOD BYAS LA CHOS SKYONG DE'I SNGAGS BRJOD CING ROL MO DKROL, DES CHOS SKYONG 'DI ZHES BYA BA'I SKU'I RJES GNANG THOB, LUS KYI BAR CHAD
THAMS CAD BSAL CHOS SKYONG DE'I SKU'I 'PHRIN LAS BSGRUB PA LA DBANG BAR BYAS PA YIN ZHES DAG PA BRJOD, GSUNG GI RJES GNANG LA, GSOL 'DEBS SNGAN MA'I SKU'I ZHES PA GSUNG GI ZHES PAR 'DON PA BSGYUR LA GSOL BA 'DEBS SU BCUG LA, SLOB DPON GYI THUGS KHA NAS 'OD ZER 'PHROS, MDUN BSKYED KYI THUGS KHAR PHOG ,DE'I THUGS KHA NAS 'OD ZER 'PHROS, RANG BZHIN GYI GNAS NA BZHUGS PA'I CHOS SKYONG DANG MDUN BSKYED KYI CHOS SKYONG GI GSUNG GI BYIN BRLAB THAMS CAD SNGAGS KYI YIG 'BRU'I RNAM PAR SPYAN DRANGS, SLOB MA'I NGAG LA THIM PAS DAG GI NAD GDON BAR CHAD THAMS CAD BSAL BA'I MOS PA MDZOD, CES BRDA'I SPRAD LA SNGAGS BRJOD CING ROL MO DKROL, DES GSUNG GI RJES GNANG THOB, RANG GI BAR CHAD THAMS CAD BSAL SNGAGS BZLA BA DANG SNGAGS KYI SGO NAS LAS BSGRUB PA LA DBANG BAR BYAS PA YIN, ZHES DAG BRJOD, THUGS KYI RJES GNANG LA, GSOL 'DEBS KYI SKU'I ZHES PA THUGS KYI ZHES PAR 'DON PA BSGYUR LA GSOL BA 'DEBS SU BCUG LA, SLOB DPON GYI THUGS KHA NAS, ZHES BA NAS, MDUN BSKYED KYI THUGS KYI BYIN BRLABS THAMS CAD SA BON DANG PHYAG MTSAN GYI RNAM PAR SPYAN DRANGS; SLOB MA'I SNYING KHAR THIM PAS YID KYI NAD GDON BAR CHAD THAMS CAD BSAL BA'I MOS PA MDZOD, CES BRDA' SPRAD LA SNGAGS BRJOD CING ROL MO DKROL, DES THUGS KYI RJES GNANG THOB, YID KYI BAR CHAD THAMS CAD BSAL, THUGS KYI 'PHRIN LAS BSGRUB PA LA DBANG BAR BYAS, ZHES DAG PA BRJOD, DBANG LHA BSTIM PA'I RJES GNANG NI, GTOR MA SLOB MA'I MGO BOR BZHAG
, ,LA; BLA MA YI DAM SANGS RGYAS BYANG SEMS CHOS SKYONG SRUNG MA THAMS CAD DANG, KHYAD PAR DU YANG RJES GNANG GANG BYED KYI CHOS SKYONG GI MTSAN NAS BRJOD DO RDO RJE SLOB MA 'DI LA BYIN GYIS RLOBS SHIG ,SLOB MA 'DI KHYOD LA GNYER DU GTAD PA YIN PAS NYIN GSUM GYI BYAR MTSAN GSUM GYI MEL TSE MDZAD NAS PHYI NANG GI 'GAL RKYEN BAR CHAD THAMS CAD SRUNGS, MTHUN RKYEN LEGS TSOGS THAMS CAD YID BZHIN DU BSGRUBS, SLOB MA 'DIS ZHI RGYAS DBANG DRAG GI LAS GANG BCOL BA THAMS CAD THOGS PA MED PAR SGRUB PAR MDZAD DU GSOL, ZHES GSOL BA BTANG PAS GTOR MA LHAR GSAL BA'I CHOS SKYONG 'OD DU ZHU NAS SLOB MA LA THIM PAR GYUR, SNGAGS KYI MTHAR DZA: H'Um BAm HO: BRJOD CING ROL MO DKROL, NAD PA LTA BU LA RKYEN SEL GYI PHYIR CHOS SKYONG GCIG GI RJES GNANG MANG PO BYED DGOS BYUNG NA DBANG LHA BSTIM PA'I TSE MAR ME GCIG LAS GNYIS CHAD KYI TSUL DU RE RE CHAD NAS THIM PA'I MOS PA BYA ZHING, BKA' BSGO BA'I TSE MTHUN RKYEN LEGS TSOGS THAMS CAD YID BZHIN DU SGRUB PAR MDZAD DU GSOL YAN CHAD KYIS CHOG GSOL 'DEBS RGYUN BSHAGS SOGS SNGA MA GCIG BU LA BYAS PAS CHOG GI PHYI MA RNAMS LA MI DGOS, RJES GNANG DNGOS KYI SKABS LONG MED DUS MYUR KHYED KYIS SKU GSUNG THUGS KYI RJES GNANG GSUM KA SDEBS GCIG LA BYAS KYANG CHOG CING DMIGS PA DANG DAG PA BRJOD PA'I BRDA' SPROD RNAMS KYANG MI DGOS, RANG GIS DMIGS PA GANG GSAL GYI NGOS ? NAS BYA, MJUG CHOG NI GTOR MA'I LHA BSTIM NA MI DGOS LA LHA RE RE CHAD PA BSTIM PA YIN NA MDUN BSKYED KYI LHA LA MCHOD BSTOD BZOD GSOL SOGS SNGAR DANG 'DRA, RJES GNANG
'DI RNAMS KYI SKABS SU MCHOD GTOR BSHAM TSUL MCHOD STEGS 'OS 'GAB BYUNG NA GONG DU BSHAD PA LTAR BYAS LA, MA BYUNG NA DBANG RTEN GYI MDUN DU GA-YAS NGOS NAS MGO BRTZAMS TE THAR CHAGS SU BSHAM KYANG RUNG, LONG YOD DUS BUM PA SGRUB TSUL SNGAR LTAR BYA, BREL DUS BUM PA'I NANG DU NYI MA LA H'Um YIG GI MTHAR BZLAS BYA'I SNGAGS KYIS BSKOR BA LAS 'OD ZER 'PHROS PHYOGS BCU'I SANGS RGYAS BYANG SEMS THAMS CAD KYI BYIN RLABS DANG NUS MTHU THAMS CAD 'OD ZER GYI RNAM PAR SPYAN DRANGS TE BUM CHU LA THIM PAR GYUR PAR BSAM NAS, AA MRi TA BZLAS PA'I MTHAR, , SNGAGS 'KHOR YANG 'OD DU ZHU NAS BUM PA'I CHU LA THIM PAR GYUR BAR BSAM STE BSANG CHU BSGRUB KYANG RUNG, ZUR BKA'I RIGS RANG RANG GI YIG CHA KHUNG THUB LAS 'BYUNG BA LTAR BYAS PA LEGS ZHES SPYI 'GRO'I RJES GNANG BYED TSUL BLO GSAL MGUL RGYAN ZHES BYA BA 'DI NI MDO SNGAGS KYI GZHUNG LUGS LA RNAM DPYOD YANGS PA'I RAB 'BYAMS SMRA BA BLO BZANG NYI MA DANG, NAD DON DANG RTZI RIGS LA SBYANGS SHING RNAM DPYOD MI DMAN PA'I SKU SKYES RAB 'BYAMS PA CHOS LDAN RGYA MTSO LA SOGS PA DON GNYER CAN 'GA' ZHIG GIS BSKUL BA LTAR SPYI BKA' DANG ZUR BKA'I RJES GNANG BYED TSUL GYI YIG CHA MANG DU MTHONG BA'I BAN RGAN SNYOM LAS PA, NGAG DBANG BLO BZANG CHOS LDAN DPAL BZANG POS SBYAR BA'I YI GE PA NI BSKUL PA PO RAB 'BYAMS SMRA BA BLO BZANG NYI MA'O, ,