*, ,MA nI RIL BSGRUB KYI CHO GA 'KHYER BDE BZHUGS BHYO, ,) *, ,BLA MA DANG 'PHAGS PA SPYAN RAS GZIGS DBYER MA MCHIS PA'I ZHABS LA PHYAG 'TSAL LO, , 'DIR MA nI RIL SGRUB BYA TSUL LAG DU BLANG BDE BAR DGOD PA LA, SNGON 'GRO DNGOS GZHI RJES GSUM LAS, DANG PO NI, RIL BU'I RGYU LA, SANGS RGYAS KYI 'PHEL GDUNG, MKHAS GRUB KYI BLA MA MTSAN NYID DANG LDAN PA DAM PA GONG MA RNAMS KYI GDUNG RUS, BLA MA DANG DGE 'DUN GYI SDE KHYAD PAR CAN GYIS BSGRUB PA'I MA nI RIL BU, DAM PA GONG MA'I DBU SKRA NA BZA' LTA BU NUS LDAN SROG PA'I PHYE MA RNAMS ZHIB MOR BDAR BA, ,DRI BZANG GI CHU GTZANG LA SBYANGS TE, DE BSRES PA'I DRI BZANG GI CHUS ZHIB CHEN LTA BU'I RTZAM PA SPRUS DE, RIL BU CHE CHUNG 'TSAMS PA LEGS PAR BSGRIL PA MTSAL GYI NA BZA' GSOL TE, RIL CHAGS LEGS PAR BYAS PA SKAM THAG CHOD DES BUM PA BZANG PO GAS CHAGS SOGS KYI SKYON MED PA SHIN DU GTZANG BA, BSANG BDUG LEGS PAR BYAS PA'I NANG DU SUM GNYIS TZAM GANG BA BLUG ,KHA GOS DAR SNA LNGA'AM DMAR SER GYIS BDUMS NAS DAR SKUD KYIS BSDAMS TE RGYA GDAB, BUM PA BZHUGS PA'I STEGS MTHON PO'I STENG DU BUM PA GA-YO 'GUL MI YOD PA DANG, MTHAR CHU GNYIS NYER SPYOD SOGS KYI MCHOD PA GANG MANG BKOD PA MDZES PAR BSHAMS, BUM PA'I STENG DU THUGS RJE CHEN PO'I SKU BYIN BRLAB CAN YOD NA NA BZA' BZANG PO GSOL TE BZHUGS SU GSOL, BUM PA'I KHAR GZUNGS THAG RDO RJE RAS BAL GTZANG MA'I BSGRIL BA'I GZUNGS THAG BTAGS PA GA-YO 'GUL MI YOD BA BYAS TE BZHAG ,RIL SGRUB KYI 'TSAMS LA BZHUGS MKHAN BLA MA DANG DGE 'DUN RNAMS ZHAG BDUN GYI GONG NAS SHA CHANG SKOG TZONG THAM KA SOGS MI GTZANG BA DANG DRING BA'I BZA' BTUNG LA 'DZEM, DNGOS GZHI LA 'JUG PA'I GONG DU
'TSAMS KYI RING CHA ZAS MI RUNG BA LA MI SPYOD PA DANG, PHAN TSUN RTZOD GLENG DANG, 'CHAL GTANG SOGS BYA BA NGAN PA LA MI 'JUG PA, 'TSAMS KYI NANG DU MI GDON CAN DANG GRIM CAN SOGS MI GTONG BA, 'TSAMS PA RNAMS LA BZA' BTUNG MI RUNG BA DANG, GRIB CAN MI 'DREN PA, JA DANG DKAR GSUM SOGS RUNG BA'I BZA' BTUNG DUS SU 'DREN PA SOGS KYI NANG KHRIMS LEGS PAR BSDAM, DNGOS GZI LA 'JUG PA'I TSE KHRUS DANG GTZANG SBRA LEGS PAR BYAS TE, SEMS CAN THAMS KYI DON DU MA nI RIL BU LEGS PAR BSGRUB PAR BYA, SEMS CAN MANG PO LA PHAN PA'I RIL BU LEGS PAR 'GRUB PAR 'PHAGS PA THUGS RJE CHEN PO DANG PHYOGS BCU'I SANGS RGYAS BYANG SEMS THAMS CAD KYIS BYIN GYIS BRLAB DU GSOL, ,CHOS SKYONG SRUNG MA RNAMS KYIS RIL BU LEGS PAR 'GRUB PA'I BAR CHAD BZLOGS SHING 'PHRIN LAS BSGRUB DU GSOL SNYAM PA'I 'BDUN PAS BSANG DANG CHA GSUM BRGYA RTZA RNAMS BTANG, GNYIS PA DNGOS GZHI NI 'TSOGS PA THAMS CAD BDE BA'I STAN LA 'KHOD NAS, SKYABS 'GRO SEMS SKYED TSAD MED BZHI SGOM PA RNAMS SNGON DU BTANG, SVA BHA WAS STONG PAR SBYANGS; STONG PA'I NGANG LAS BAm LAS PADMA DANG, AA LAS ZLA BA'I GDAN GYI STENG DU RANG GI SEMS NYID YI GE HR'I: DKAR PO RING CHA TSEGS DRAG DANG BCAS PA, DE LAS 'OD ZER 'PHROS 'PHAGS PA MCHOD, SEMS CAN GYI DON BYAS, TSUR 'DUS YONGS SU GYUR PA LAS RANG NYID 'PHAGS P THUGS RJE CHEN PO SKU MDOG GANGS RI LTAR DKAR BA, ZHAL GCIG PHYAG BZHI RTZA PHYAG GNYIS THUGS KAR THAL MI SBYAR BA, GA-YAS 'OG MAS SHEL DKAR GYI 'PHRONG BA BRGYA RTZE 'DREN PA'I TSUL GYIS 'DZIN CING, GA-YON 'OG MAS PADMA DKAR PO'I YUB 'DZIN PA'I 'DAB MA SNYAN GYI THAD DU KHA PHYE BA, RIN PO CHE'I DBU RGYAN, SNYAN RGYAN, MGUL RGYAN
, ,PHYAG GDUB, ZHABS GDUB 'OG PAGS SOGS RGYAN SNA TSOGS PAS MDZES PAR BRGYAN PA, LHA RDZAS KYI GOS KYI STOR GA-YOGS DANG, SHAM THABS MJOS PAR GSOL BA RI DVAGS GRIshAn SA RA'I BGAS PA NU MA GA-YON PA LA BKAB PA, ZHABS RDO RJE'I SKYIL MOD KRUNG GIS SKU LAS 'PHROS PA'I 'OD KYI PHUNG PO'I DBUS NA BZHUGS PA, DE'I SPYI BOR AOm DKAR PA, ,MGRIN PAR A'A: DMAR PO, ,THUGS KAR H'Um SNGON POS MTSAN PA, THUGS KA'I H'Um LAS 'OD ZER 'PHROS PHYOGS BCU'I SANGS RGYAS DANG, BYANG CHUB SEMS DPA' THAMS CAD 'PHAGS PA THUGS RJE CHEN PO'I RNAM PAR SPYAN DRANGS, DZA:H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DBANG LHA RNAMS KYIS DBANG BSKUR, CHU'I LHAG MA SPYI GTZUG TU GNAS PA YONGS SU GYUR PA LAS 'OD DPAG MED KYIS DBU BRGYAN PAR GYUR, AOm A'RYA LO KI SHVA RA ARGHAm PRA TI TZTSA SVA H'A, DE BZHIN DU ARGHAm GYI GNAS SU; PDYAm, PUshpE, DHU PE, AA LO GE ,GNDHE, NEE WI TE, SHAPTA RNAMS BCUG PAS MCHOD, SKYON GYIS MGOS SKU MDOG DKAR, RDZOGS SANGS RGYAS KYIS DBU LA BRGYAN, ,THUGS RJE SPYAN GYIS 'GRO LA GZIGS; ;SPYAN RAS GZIGS LA PHYAG 'TSAL LO, ,ZHES PAS BSTOD, RANG GI THUGS KHAR ZLA BA'I DKYIL 'KHOR GYI STENG DU BZLAS BYA'I SNGAGS KYIS BSKOR BA LAS 'OD ZER 'PHROS, RGYAL BA SRAS BCAS LA MCHOD PA PHUL; SEMS CAN THAMS CAD KYI SDIG SGRIB SBYANGS, THUGS RJE CHEN PO'I GO 'PHANG LA BKOD, SANGS RGYAS BYANG SEMS RNAMS KYI BYIN RLABS DANG NUS MTHU THAMS CAD 'OD ZER GYI RNAM PAR BSDUS NAS
HR'I: YIG SNGAGS 'PHRENG DANG BCAS PA LA THIM PAR GYUR, PAR BSAM LA, AOm MA nI PADME H'Um, ZHES PA'I SNYING PO YI GE DRUG PA BRGYA RTZA BRGYAD BZLAS LA, AOm PADMA SA TVA SA MA YA, MA NU P'A LA YA, ZHES PA NAS, MH'A SA MA YA SA TVA H'Um PHAt, ZHES PAS BRTAN PAR BYAS LA, BDAG SKYED BSGRUBS, DE NAS BDUN SKYED BSGRUBS PA NI, SVA BHA WAS SBYANGS, STONG PA'I NGANG LAS PAD ZLA'I STENG DU BAm LAS BYUNG BA'I RIN PO CHE'I BUm PA DKAR PO LTO BA CHE BA; MGRIN PA RING BA, MCHU 'PHYANG BA LA SOGS PA'I MTSAN NYID THAMS CAD DANG LDAN PA PHYI BUM PA'I DBYIBS CAN LA NANG GZHAL YAS KHANG GI RNAM PA CAN GYI DBUS SU RIL BU RNAMS RE RE NAS PADMA DANG ZLA BA'I GDAN GYI STENG DU HR'I: LAS PADMA HR'I:S MTSAN PA, DE LAS 'OD ZER 'PHROS, 'PHAGS PA MCHOD, SEMS CAN GYI SDIG SGRIB SBYANGS, SANGS RGYAS BYANG SEMS THAMS CAD KYI BYIN RLABS THAMS CAD 'OD ZER GYI RNAM PAR TSUR BSDUS NAS HR'I: YIG LA THIM, DE YONGS SU GYUR PA LAS 'PHAGS PA THUGS RJE CHEN PO ZHES PA NAS, 'OD DPAG MED KYIS DBU BRGYAN PAR GYUR, ZHES PA'I BAR SNGAR LTAR BRJOD DE MDUN SKYED BSGRUB, DE NAS MCHOD PA RNAMS, AA MRI TAS BSANG, SVA BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD YON, ZHABS BSIL, ,ME TOG BDUG SPOS, MAR ME, DRI CHAB, ZHAL ZAS, ROL MO RNAMS DANGS SHING THOG PA MED PA NAM MKHA' DANG MNYAM PAR GYUR, AOm ARGHAm A'A: H'Um, ZHES PA NAS, AOm SHAPTA A'A: H'Um, ZHES BYIN GYI BRLABS , RAB 'BYAMS RGYA MCHOD PAG MED NA, ,MCHOD YON JI SNYED YOD PA RNAMS, ,BDAG GI GUS PAS BSHAMS PA 'DI, ,THUGS RJE CHEN PO'I LHA TSOGS LA, ,'BUL GYI LEGS PAR BZHES NAS KYANG, ,DNGOS
, ,GRUB MA LUS BSTZAL DU GSOL, ,AOm A'A R+YA LO KI SHVA RA ARGHAm PRA T'I TZTSA SV'A H'A, DE BZHIN DU MCHOD YON GYI GNAS SU, ZHABS BSIL NAS ROL MO'I BAR DANG, ARGHAm GYI GNAS SU, P'DYAm NAS SHAPTA'I BAR DU BCUG LA MCHOD PA DBUL, SANGS RGYAS KUN GYIS RAB TU BSNGAGS, YON TAN DAM PA'I RGYAN LDAN PA, SPYAN RAS GZIGS ZHES MTSAN GSOL BA'I, ,RTAG PAR BRTZE LA PHYAG 'TSAL LO; ;ZHES DANG, BYANG CHUB SEMS DPA' 'PHAGS PA SPYAN RAS GZIGS DBANG PHYUG LA PHYAG 'TSAL LO, ,THUGS RJE CHEN PO 'PHAGS PA SPYAN RAS GZIGS, ,DRI MED DUNG MDOG MCHOG DU GZUGS BZANG BA, ,RNAM DAG 'OD GSAL ZLA BA'I DKYIL NA MDZES, ,JI LTAR MKHA' LA NYI 'OD STONG 'BAR BZHIN, ,DPA' BO 'OD ZER STONG 'BAR LHAM ME BA, ,SRID PA GSUM GYIS MKHAN STON PAR GRAGS, ,KHAMS GSUM 'GRO BA KUN GYI GNYEN GCIG PU, ,BYAMS MGON THUGS RJE'I LHA KHYOD BDAG LA DGONGS, ,BDAG NI THOG MTHA' MED BA'I DUS MTHA' NAS, ,LAM LOG LAM STOR SRID PA'I 'KHOR BAR 'KHYAMS, , SNGON TSE LAS LOG SDIG PA SPYAD PAS NONGS, ,SDIG PA'I LAS RNAMS CI BYAS RANG GNOD 'GYOD, ,DAR ZHING DREGS PA'I LAS DE DBANG BCAD NAS, ,'KHOR BA'I SDUG BSNGAL RGYA MTSOR BYING GYUR TE, ,ZHE SDANG 'BAR BA'I MES NI RANG RGYUD SREG ,GTI MUG MUN PA'I TSOGS KYIS SHES RAB RMONGS, ,'DOD CHAGS RGYA MTSO'I NANG DU RNAM SHES BYING, ,NGA RGYAL CHEN PO'I RI BOS NGAN 'GROR MNAN, ,PHRAG TOG RLUNG DMAR 'TSUB PAS 'KHOR BAR GA-YENGS, ,BDAG TU LTA BA'I MDUD PA DAM POS BCINGS, ,'DOD PA ME 'DAG DANG 'DRA'I 'OBS SU LHUNG, ,SDUG BSNGAL DRAG PO'I 'DAM RDZAB CHAR LTAR BAB, ,ME KHAMS NYI MA'I DUG NI STENG NAS TSA, ,CHU
KHAMS SA YI RLON NI 'OG NAS GRANG, ,PHYI YIS BSER BU'I DANG NI THAD KAR TSA, ,KUN NAS 'KHRUG PA'I RLUNG NI KHONG NAS LDANG, ,DE LTA'I SDUG BSNGAL SHIN DU BZOD DKA' YANG, ,SDOM PA'I YI DAM GZHIG TU GAL RUNG, SDUG BSNGAL KUN DANG BSNGOS NAS SDOM BSRUNG ZHING, ,MOS PA 'DAD PAS 'PHAGS MCHOG MI GTONG NA, ,'PHAGS MGON 'GRO DON MI MDZAD CI LA DGONGS, ,BYAMS MGON CI SLAD BDAG LA THUGS MI BRTZE, , BDAG 'DRA'I BLUN RMONGS LAS NGAN SDIG PO CHE, ,LAS KYI DBANG GIS SNYIGS MA'I DUS 'DIR SKYES, ,SKYES PAS 'GYOD DE LAS LA YI RE CHAD, ,YI CHAD 'GYOD KYANG LAS DBANG BCOS SU MED, ,LAS KYI SHUGS NI CHU BO'I RGYUN DANG 'DRA, ,LAS DBANG CHU KLUNG BZLOG PAR RAB TU DKA', ,BKA' LA ZHUGS SO BKA' BZHIN RNGO MA THOGS, ,LUS NGAG YID GSUM SDIG PA'I DBANG DU GYUR, ,SDIG PA'I LAS DBANG DRAG POS ME 'BAR BAS, ,RNAM SHES DBANG PO'I MYU GU GDUNGS GYUR TE, ,PHUNG PO SGYU MA'I LUS 'DIS MI BZOD NA, ,BYAMS MGON THUGS RJE CAN GYIS BZOD LAGS SAM, ,NYI LTAR 'OD GSAL ZLA LTAR MDANGS GSAL BA'I, ,THUGS RJE'I ZHAL NYID MTHONG BAR 'TSAL LAGS NA, ,THOG MA MED NAS MA RIG LING TOG GIS, ,MDONGS PA'I CHU BUR MIG GIS MA MTHONG NA, ,'GRO BA'I MGON KHYOD DA LTA GANG NA BZHUGS; ;SDUG BSNGAL DRAG PO SHIN TU MI BZAD PA'I, ,SHIN TU SKRAG CING SKYI GA-YA' RAB 'JIGS NA, ,DUNG DUNG GDUNG BA'I SMRE SNGAGS 'DI 'DON ZHING, NYAM THAG PHUNG BA'I NGA RO 'O DOD 'BOD, ,BYAMS MGON THUGS RJE CAN GYIS GSAN LAGS SAM, ,NAM ZHIG 'CHI 'PHO LUS BRJE GYUR BA'I TSE, ,GNYEN BSHES GROGS DANG BRAL TE GSHIN RJES KHRID, ,BYAMS MGON KHYOD KYIS 'KHOR BAR BDAG GTONG NGAM, ,LAS KYIS
, ,MNAR BA'I SKYE BO BDAG 'DRA BA, ,THOG MA MED PA'I DUS NA LOG BRTAGS PAS, ,KHAMS GSUM 'KHOR BA'I GNAS LAS MTHAR TE, ,BSKAL PA DPAG MED SKYE BA JI SNYED DU, ,SNGON CHAD LUS BLANGS GRANGS MED ZHIG GYUR TE, ,SHA RUS BSAGS NA 'JIGS RTEN GTOS DANG MNYAM, ,RNAG KHRAG BSAGS NA RGYA MTSO CHEN PO TZAM, ,LAS 'PHRO BAS GAS NA BSAM 'DAS BRJOD MI LANG, ,KHAMS GSUM BGRANGS ZHING SKYE BA BDUN RGYUD KYANG, ,BYAS PA'I LAS RNAMS DON MED CHUD ZOS TE, ,SKYE BA GRANGS MED JI SNYED DE TZAM LAS, ,SKYE BA GCIG GCIG KHO NA TZAM GYI LAS, ,BLA MED DON DU RAB SPYAD JI TZAM NA, ,DE TZAM BYAS PA'I LAS LA DON RE YANG, ,SHA KHRAG 'DRA BA'I LUS BLANGS 'KHOR BAR 'KHYAMS, ,SDUG BSNGAL DRAG POS SRID PA'I BTZON RAR CHUD, ,MI ZAD SDUG BSNGAL DRAG PO'I 'DI 'DRAN ,NYES BYAS THAMS CAD RANG GIS LAS LAS BYUNG, ,THUGS RJE CHEN POS LAS RNAMS RGYUN BCAD DE, ,NYON MONGS LAS KYI RLUNG 'DI DBANG BTZAN PAS, ,MA RIG MUN PA'I NANG DU GTAN 'KHYAMS NA, ,YE SHES SGRON ME'I ZER GYI MI GZIGS SAM, ,NYES BYAS LAS KYI 'BRAS BU MI BZOD NA, ,THUGS RJE CHEN POS 'PHRIN LAS MI MDZAD DAM, ,DUG GSUM BZOD KA'I NAD KYIS GDUNGS LAGS NA, ,THUGS RJE THABS MKHAS SMAN GYIS MI GSO'AM, ,PHYIN CI LOG GI GA-YANG SAR LHUNG LAGS NA, ,THUGS RJE'I MYUR MGYOGS PHYAG GIS MI 'DZIN NAM, ,SDUG BSNGAL DRAG POS LAS DBANG ME 'BAR NA, ,THUGS RJE'I BSIL BA'I CHAR RGYUN MI 'BEBS SAM, ,KHAMS GSUM 'KHOR BA'I GNAS SU SBYANGS SBYANGS NAS, ,NAM ZHIG RANG GI 'BRAS BU THOB PA'I TSE, ,'PHAGS PA'I THUGS RJES CI 'TSAL DON MA MCHIS, ,SEMS CAN LAS
'PHROS BTZAN SAR BZHAG NA DAG ,'PHAGS PA'I THUGS RJES SU LA CI ZHIG BGYI, ,'PHAGS MCHOG KHYOD LA THUGS RJE'I STOBS MNGA' NA, ,YAL YOL BTANG SNYOMS LE LO MA MDZAD PAR, ,SNYING NAS GZIGS SHIG THUGS RJE RGYAL BA'I LHA, ,ZHES PA RNAMS KYIS BSTOD, ,RGYAL BA'I SRAS PO 'PHAGS MCHOG SPYAN RAS GZIGS, ,GDUNG SHUGS DRAG POS THUGS RJE'I RGYUD BSKUL NAS, ,DAM RDZAS RIL BU 'DI LA BYIN RLOBS LA, ,'GRO RNAMS SMIN CING GROL BAR MDZAD DU GSOL, ,RTZE GCIG GSOL BA BTAB PA'I BYED PO YIS, ,'PHAGS PA'I THUGS KA'I HR'I: LAS 'OD 'PHROS NAS, ,RGYAL BA SRAS BCAS NYAN RANG LA SOGS PA, ,SKYABS GNAS KUN GYI BYIN RLABS NUS MTHU'I TSOGS, ,'OD DANG 'OD ZER PA DUD RTZI'I CHU RGYUN DANG, ,'PHAGS PA'I SKU YI RNAM PAR THOGS MED BSDUS, ,RIL BU THUGS RJE CHEN PO'I RNAM PA LA, ,CHU LA CHU BZHAG BZHIN DU RO GCIG GYUR, ,ZHES GSOL BA BTABS PAS, RIL BU THUGS RJE CHEN PO'I RNAM PA CAN GYI THUGS KAR ZLA BA'I STENG DU HR'I: YIG DKAR POS MTSAN PA LAS 'OD ZER 'PHROS; PHYOGS BCU'I SANGS RGYAS BYANG SEMS NYAN RANG CHOS SKYONG SRUNG MA SOGS SKYABS GNAS THAMS CAD KYI BYIN RLABS DANG NUS MTHU THAMS CAD 'OD DANG 'OD ZER DANG, BDUD RTZI'I CHU RGYUN DANG, 'PHAGS PA THUGS RJE CHEN PO'I SKU'I RNAM PAR SPYAN DRANGS TE, RIL BU THUGS RJE CHEN POR GSAL BA LA THIM NAS, DBYER MED RO GCIG DU GYUR PAR MOS PA'I DMIGS PA DANG BCAS PAS YIG DRUG BGRANG, JA THUG BZHES PA DANG, KHAMS GSING SOGS KYI TSE TSOGS PA TSAN PA GNYIS SU BYAS PA'I TSAN PA GCIG GI SA YIG DRUG PAR MA CHAD DU BGRANG, TSAN GCIG GIS THUN 'TSAMS BYED KHAR SNGAR BZHIN YIG BRGYA BRJOD, AOm A'A:R+YA
, ,LO KI SHRA RE ARGHAm SOGS KYIS MCHOD, SKYON GYIS MA GOS SKU MDOG DKAR SOGS KYIS BSTOD, ,SNGAR THUN LA 'JUG KHAR SKYON GYIS MA GOS SOGS KYIS BSTOD, ,DE GONG GI DMIGS PA DANG BCAS PAS YIG DRUG BGRANG, DE LTAR RE MOS KYI TSUL DU YIG DUG GI BZLAS PA RGYUN MA CHAD PA BYA ZHING, NYIN RE BZHIN SNGA THUN GYI THOG MAR 'TSOGS PA MANG MAS BDAG MDUN TSAR RE SNGAR BZHIN SGRUB, NYUNG SHAS CIG GIS YIG DRUG BGRANG, MJUG CHOG NI, DE LTA BU'I TSUL GYIS YIG DRUG DUNG PHYUR SONG NAS GROL NYIN SNGA THUN LA, BDAG MDUN GYI CHO GA TSAR GCIG BTANG NAS YIG DRUG CI 'GRUB BZLAS PA'I MTHAR , MCHOD BSTOD RGYAS PA BYAS PA'I MJUG TU GONG GI RGYAL BA'I SRAS PO 'PHAGS MCHOG SPYAN RAS GZIGS, ZHES SOGS BRJOD CING TSIG RKANG THA MA GNYIS, RIL BU THUGS RJE CHEN POR GSAL BA RNAMS , 'OD ZHU GNYIS SU MED PAR BYIN GYIS RLOBS, ZHES BSGYUR TE GSOL BA BTAB PAS, RIL BU THUGS RJE CHEN PO'I RNAM PAR BZHUGS PA 'OD DU ZHU NAS RIL BU'I RNAM PAR GYUR, 'DIR NI GZUGS DANG LHAN CIG TU; ZHES SOGS DANG, SU PRA TI SHthA BADZRA SV'A H'A, ZHES BRTAN BZHUGS BYA ZHING ME TOG GTOR TE SMON LAM SHIS BRJOD RGYAS PA BYA, NYIN RE BZHIN THUN TSAN PA GNYIS KA KHAMS GSENG BYAS NAS 'TSOGS 'PHRAL SPYAN 'DREN KHRUS GSOL RE BYA, 'TSOGS PA LA TZAN DAN DANG SHUGS PA SOGS KYIS BSANG BDUG GTONG, MTSAN MO YANG THUN RE MOS BYAS TE THUN PA RNAMS KYIS JA BZHES PA DANG , KHAMS GSENG SOGS BYA BAR RE MOS BYAS TE SNGAGS RGYUN MA CHAD PA BYA, DE LTAR 'TSOGS PA THAMS CAD BAG YOD TSUL MTHUN GYIS 'PHAGS PA THUGS RJE CHEN PO LA DAD GUS RTZE GCIG PAS, BDAG MDUN
BSGRUB PA DANG YIG DRUG BGRANG BA LA 'BANG NA, RANG GZHAN THAMS CAD KYI LEGS TSOGS 'PHEL BAR 'GYUR PAS DE BZHIN MDZAD 'TSAL, CES PA 'DI NI BSTAN 'GRO'I DPAL MGON DAM PA BDE THANG ZHABS DRUNG AER DE NI MKHAN POS SNGAGS PHYOGS DANG 'BREL BA'I MA nI RIL BSGRUB KYI CHO GA 'KHYER BDE BZHIG CIS KYANG DGOS ZHES BKA' NAN CHEN POS YANG DANG YANG DU BSKUL PA LA BRTEN NAS PAn RGAN SNYOMS LAS PA NGAG DBANG BLO BZANG CHOS LDAN DPAL BZANG POS 'PAn CHEN THAMS CAD MKHYEN PA DANG ~RGYAL DBANG LNGA PA CHEN PO'I LEGS BSHAD RNAMS LAS BTUS TE GA-YAR KHRAL DU SBYAR BA'I YI GE BA NA DKA' CHEN NGAG DBANG CHOS LDAN NO, ,