*,,(BCOM LDAN 'DAS RDO RJE MI 'PHRUGS PA'I SGO NAS SKRA TSOG SOGS BYED TSUL SDIG SGRIB RNAM SPYOD DAG BYED BDUD RTZI ZHES BYA BA BZHUGS SO, ,) *, ,BLA MA DANG BCOM LDAN 'DAS MI 'KHRUGS PA'I LHA TSOGS LA PHYAG 'TSAL LO, ,JI SKAD DU, DUS 'KHOR RTZA RGYUD LAS, SKU GSUNG THUGS DANG YE SHES KYI, ,SNGAGS KYI MTSAN MAS BSDUS BYAS LA, THAL BA RUS PA DRI BCAS RNAMS, ,RGYA MTSOR 'BAB PA'I CHU BOR DOR, ,YANG NA RANG MING LDAN PA YI, ,SNGAGS BZLAS LHA YI GZUGS NYID DAM, ,MCHOD RTEN DBYIBS SU BYAS NA NI, ,DE NYID SDIG PA RNAMS LAS GROL, , ZHES SOGS RGYUD DANG BSTAN BCOS TSAD LDAN DU MA NAS BSHAD PA'I, RANG GZHAN GYI SDIG SGRIB SBYANG BA'I THABS MCHOG TU GYUR BA SKRA DANG RUS PA LA SBYANG CHO GA JI LTAR BYA BA NI RANG GI MDUN DU STEGS KYI KHAR RAS DKAR SOGS BTING
BA'I STENG DU BUM PAGS CHAG SOGS SKYON MED KYI NANG DU BUM RDZAS 'O MA DANG DRI BZANG GI CHUS BKANG BA DANG, RIN PO CHE 'AM, DKAR YOL LAM, SHING GI GZHONG PA LTA BU'I SNED GTZANG MA SKYON MED KYI NANG DU, DAR SENG NGAM, SENG RAS DKAR PO GTZANG MA BTING BA'I STENG DU SGRA 'AM RUS BU BZHAG ,DE GNYIS KYI MDUN DU CHU GNYIS NYER SPYOD DANG BCAS PA'I MCHOD PA TSAR GNYIS BSHAMS, SKYABS 'GRO SEMS BSKYED TZAN MED BZHI BSGOM PA SNGON DU BTANG, , RANG NYID SKAD CIG GIS BCOM LDAN 'DAS RDO RJE MI 'KHRUGS PA SKU MDOG SNGON PO ZHAL GCIG PHYAG GNYIS GA-YAS SA GNON DANG GA-YON MNYAM BZHAG GI STENG NA RDO RJE BSNAMS PA, RIN PO CHE'I RGYAN DANG DAR GYI NA BZA' CAN, ZHABS RDO RJE SKYIL GRUNG GIS BZHUGS PAR GYUR, MCHOD PA RNAMS BSANG SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS MCHOD RDZAS RNAMS DANGS SHING THOGS PA MED PA BDE BA KHYAD PAR CAN SKYED PAR GYUR, AOm AARGAm A'A H'Um NAS, SHAPTA A'A: H'Um GIS BYIN GYIS RLABS, BUM PA BSANG SBYANGS, STONG PA'I NGANG LAS PAm LAS BYUNG BA'I RIN PO CHE'I BUM PA DKAR PO LTO BA CHE BA, MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PA'I NANG DU PADMA DANG ZLA BA'I GDAN GYI DBUS SU H'Um LAS RDO RJE H'Um GIS MTSAN PA, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS BCOM LDAN 'DAS RDO RJE MI 'KHRUGS PA SKU MDOG SNGON PO ZHAL GCIG PHYAG GNYIS, GA-YAS SA GNON DANG, GA-YON MNYAM BZHAG GI STENG NA RDO RJE RTZE LNGA PA BSNAMS PA, RIN PO CHE'I RGYAN BRGYAD KYIS BRGYAN CING ?, DAR GYI NA BZA' MDZES PAR GSOL BA, MTSAN BZANG PO SO GNYIS DANG, DPE BYED BZANG PO BRGYAD CUS SPRAS SHING, ZHABS RDO RJE SKYIL MO KRUNG GIS BZHUGS PA'I SPYI BOR AOm, ,MGRIN PAR A'A: THUGS KAR H'Um GIS MTSAN PA, THUGS KHA'I
, ,H'Um LAS 'OD ZER 'PHROS PAS, RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KHA'I H'Um LAS 'OD ZER 'PHROS DBANG GI LHA RNAMS SPYAN DRANGS, DBANG LHAS DBANG BSKUR RDO RJE SEMS DPAS DBU BRGYAN PAR GYUR, CHOS DBYINGS RNAM DAG YE SHES RANG BZHIN LAS, SGYU MA'I RNAM 'PHRUL LHA MO MCHOD YON MA, ,BCOM LDAN BUM PA'I LHA TSOGS MNYES PHYIR 'BUL, ,RDO RJE MCHOD YON MA YIS MNYES GYUR CIG ,AOm AA KshO BHA AA RGHAm PRA TE TZTSA H'Um SV'A H'A, ZHES SOGS TSIGS BCAS SNGAGS DANG BCAS PA'AM SNGAGS RKYANG PAS MCHOD PA PHUL, CHOS DBYINGS RANG BZHIN AINTRA N'I LA'I MDOG ,ZHAL GCIG PHYAG GNYIS SA GNON MNYAM BZHAG CAN, ,LHA YI GOS DANG RIN CHEN RGYAN MANG MDZES, ,BCOM LDAN MI 'KHRUGS PA LA PHYAG 'TSAL LO, ,ZHES PAS BSTOD, BCOM LDAN 'DAS MI 'KHRUGS PA'I THUGS KAR ZLA BA'I DKYIL 'KHOR GYI STENG DU H'Um GI MTHAR SNGAGS 'PHRENG GIS BSKOR BA LAS 'OD ZER 'PHROS, SEMS CAN THAMS CAD KYI SDIG SGRIB SBYANG MI 'KHRUGS PA'I GO 'PHANG LA BKOD, SANGS RGYAS BYANG SEMS THAMS CAD MCHOD PAS MNYES PAR BYAS, DE RNAMS KYI BYIN RLABS THAMS CAD BDUD RTZI 'OD ZER GYI RNAM PAR SPYAN DRANGS, H'Um YIG SNGAGS 'PHRENG DANG BCAS PA LA THIM, DE LAS BCUD RTZI'I RGYUN BABS PA BUM PA'I CHU LA THIM PAS SDIG SGRIB SBYONG BA'I NUS MTHU CAN DU GYUR, PAR BSAM LA, KAm KA NI MANG NYUNG SKABS DANG SBYAR TE BZLA, MTHAR YI GE BRGYA PA BZLAS TE, BUM NANG GI LHA'I YE SHES PA RANG BZHIN GYI GNAS SU GSHEGS, DAM TSIG PA BUM PA'I CHU DANG RO GCIG TU GYUR, CES BUM PA BSGRUB DE NAS SKRA BSHAMS YOD NA, SKRA RNAMS KYI STENG DU, ZHES DANG RUS BU BSHAMS YOD NA, RUS BU RNAMS KYI STENG DU ZLA BA'I DKYIL 'KHOR GYI DBUS
SU H'Um YIG MTHING KHA'I MTHAR BZLAS BYA'I SNGAGS KYIS BSKOR BA LAS BDUD RTZI'I RGYUN BABS PA BUM PA'I CHU DANG DBYER MED DU 'DRES TE SKRA 'AM RUS BU LA THIM PAS SKRA 'AM RUS PU 'DI NYID GANG LAS BYUNG BA'I GANG ZAG CHE GE MO ZHES BYA BA 'AM, TSE 'DAS CHE GE MO ZHES BYA BA'I TSE 'KHOR BA THOGS MED NAS BSAGS PA'I SDIG PA DANG SGRIB PA THAMS CAD SBYANG BAR GYUR, PAR BSAMS LA, DAR SENG DAM SENG RAS KYI KHUNG ? DU SKRA 'AM RUS BU BLUG PA CUNG ZAD BTEGS TE BZUNG LA SNGAR BA SGRUBS PA'I BUM CHU STENG DU LDUG BZHIN PAS, AOm BADZRA PRA WA RTA NA YE SV'A H'A, ZHES DANG, KAm KI NA'I MTHAR GANG ZAG CHE GE MO ZHES BGYI BA'AM, DMIGS YUL 'DI NYID KYI TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD BYANG ZHING DAG NAS MYUR DU MNGON PAR RDZOGS PAR SANGS RGYAS PAR GYUR CIG ,CES SPEL TSIG SBYAR BA, CI MANG BZLAS LA BKRU, DE NAS, 'DI NI SBYIN PA'I RANG BZHIN CHU, SER SNA'I DRI MA SBYONG MDZAD CING, ,GTONG BA DRI YIS LEGS BSGOS CHUS, ,KHRUS LEGS MDZAD KYI KHRUS BGYI'O, ,KAm KA NI BRJOD CING BKRU, 'DI NI TSUL KHRIMS RANG BZHIN CHU, TSUL 'CHAL x TSUL KHRIMS DRI YIS x KHRUS LEGS x KAm KA NI, 'DI NI BZOD PA'I RANG BZHIN CHU, ,KHONG KHRO'I DRI MA x BZOD PA DRI YIS x KHRUS LEGS x KAm KA NI x 'DI NI BRTZON 'GRUS x LE LO'I DRI MA x BRTZON 'GRUS DRI'I x KHRUS LEGS x KAm KA NI, 'DI NI BSAM GTAN RANG BZHIN CHU, ,RNAM GA-YENG DRI MA x BSAM GTAN DRI YI x KHRUS LEGS x KAm KA NI, 'DI NI SHES RAB RANG BZHIN CHU, SHES 'CHAL DRI MA x SHES RAB DRI YIS x KHRUS LEGS KAm KA NI, GANG ZAG CHE GE MO ZHES BGYI BA 'AM, DMIGS YUL 'DI NYID KYI TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD DANG KHYAD PAR DU PHA ROL TU PHYIN PA DRUG GI MI MTHUN PHYOGS THAMS CAD BYANG ZHING DAG NAS PHA ROL
, ,TU PHYIN PA DRUG YONGS SU RDZOGS TE MYUR DU MNGON PAR RDZOGS PAR SANGS RGYAS PAR GYUR CIG ,DE NAS GZHUNG 'GA' ZHIG NAS KU SHAS BYAB PAR BSHAD PAS, SKRA 'AM RUS BU DE GANG LAS BYUNG BA'I GANG THAG DE'I SDIG SGRIB THAMS CAD KU SHA'M RMA BYA'I SGRO'I RTZE MOR HU'Um YIG GIS MTYSAN PA LAS 'PHRIS PA'I 'OD ZER PHYIS BYAB NAS NAM MKHA' STONG SANG DANG PHYI ROL GYIS SOGS 'BYUNG BA LA BSTIM NAS YAL BA'I MOS PAS KU SHAS BYAB PA 'AM; YANG NA RJE 'DUL BA 'DZIN PAS KUN RIG tI KA CHEN DU TSIGS BCAD RE'I MTHAR KHRUS RE BYA PAR GSUNGS PAS DE BZHIN DU BYAS TE, 'DO CHAGS ZHE SDANG GTI MUG GSUM, ,DE DAG 'JIG RTEN DUG GSUM STE, ,BCOM LDAN SANGS RGYAS DUG MI MNG'A, ,SANGS RGYAS GZI YIS DUG BCOM MO, ,'DOD CHAGSx DE DAGx BCOM KDAN DAM CHOSx 'DOD CHAGSx DE DAGx 'PHAGS PA'Ix DGE 'DUNx SA NI DUG GI PHA YIN TE, ;SA NI DUG GI MA YANG YIN, ,BDEN PA'I BDEN TSIG 'DI DAG GIS, ,DMIGS YUL DUG NI DUG MED SHOG ,DUG RNAMS SA YI NANG DU SONG, ,GANG BA'I SNOD DU DUG SONG CIG SV'AH'A, DE BZHIN DU CHU ME RLUNG RNAMS LA RIGS 'GRE, DE NAS TSIGS BCAD RE'I MTHAR GTZUG DGU LAS, SLAR YANG BKRA SHIS TSIGS BCAD KYIS, ,DUS GSUM DU NI KHRUS BYA'O ZHES, ,KHRUS BYA BAR BSHAD CING BOD KYI BLA MA GONG MA 'GA' ZHIG GI BHZED PA LTAR KUN RIG tI KA CHEN DU ME TOG 'THOR BA'ANG BSHAD PAS DE GNYIS GANG RUNG CIG BYED BZHIN PAS, GANG LA SER SNA RNAMS CHAGS PA'I, ,RNAM RTOG DRI MA MED MDZAD CING, ,THUGS ZHI GNOD PA MI MNGA' DES, , KHRID LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, THAR PA'I LAM DU 'DZUD MDZAD CING, ,CHOS RNAMS THAMS CAD SON PA DES, ,KHYED LAx, STON PA 'GRO BA RNAMS KYI RTEN, ,SEMS
CAN KUN GYI DON GYI PHYIR, ,GANG ZHIG BDE BAR MNGA' MDZAD DES, ,KHYID LAx, SKYOB PA GANG ZHIG BYAMS PA YI, , THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANG DES, ,KHYID LAx, GANG ZHIG 'KHOR BAR 'GRO BA YI, ,SEMS CAN KUN GYI RTEN GYUR CING, ,GLING DANG DPUNG GNYEN GYUR PA DES, ,KHYED LAx, GANG ZHIG CHOS RNAMS MNGON DU 'GYUR, ,GTZANG ZHING BSLU BA MI MNGA' BA, ,GSUNG GTZANG GTZANG MAR MDZAD PA DES, ,KHYED LAx, DPA' BO CHEN PO GANG SKYES PAS, ,PHUN SUM TSOGS DON 'BYOR GYUR TZANG, ,DON GRUB PA DES, ,KHYED LAx, GANG ZHIG SKYES PAS SA NAMS NI, ,NAGS TSAL BCAS PA RAB GA-YOS SHING, ,\SEMS CAN THAMS CAD RAB DGA' DES, ,KHYED LAx, BYANG CHUB SNYING POR GSHEGS PAN, ,SA DAG RNAM DRUG GA-YOS GYUR CING, ,BDUD YID MI BDER GYUR PA DES, ,KHYED LAx; ;TSEGS KUN DBANG DU MDZAD PA DES, ,KHYED LAx, SANGS RGYAs KHYED LA BDE LEGS MDZAD, ,BRGYA BYIN TSANGS PA'I LHA RNAMS DAng, ,'BYUNG PO KUN GYI BDE LEGS NI, ,KHYED LA RTAG TU SBYIN GYUR CIG ,SANGS RGYAS BSOD NAMS MTHU DAG DANG, ,LHA RNAMS KUN GYI BSAM PA YIS, ,KHYED KYI 'DOD DON GANG YIN PA, ,DON DE DE RING 'GRUB GYUR CIG ,RKANG GNYIS KHYED CAG BDE LEGS GYUR, ,RKANG BZHI KHYED CAG BDE LEGS GYUR, , KHYED CAG LAM BGROD BDE GYUR CIG ,PHYIR 'ONG DAG KYANG BDE4 LEGS SHOG ,NYIN MO BDE LEGS MTSAN BDE LEGS, ,NYI MA'I GUNG YANG BDE LEGS SHING, ,KHYED CAG KUN TU BDE LEGS SHING, ,KHYED CAG SDIG PAR MA GYUR,
, ,CIG ;CES SBYANG BA RNAMS BYAS LA, SKRA 'AM RUS BU RNAMS KYI STENG DU SLA GDA' LDAN LA GNAS PA'I HU'm YIG SNGAGS 'PHRENG DANG BCAS PA YONGS SU GYUR PA LAS BCOM LDAN 'DAS RDO RJE MI 'KHRUGS BSKU MDOG SNGON PO ZHAL GCIG PHYAG GNYIS, ZHES PA NAS, PHYAG 'TSAL LO, ,ZHES PA'I BAR BUM BSKYED LTAR BRJOD DE, BCOM LDAN 'DAS RDO RJE MI 'KHRUGS PAS GANG ZAG CHE GE MO 'AM DMIGS YUL 'DI NYID LA SOGS PA'I SEMS CAN THAMS CAD SGRIB GNYIS SBYANG TSOGS GNYIS RDZOGS TE MYUR DU MNGON PAR RDZOGS PAR SANGS RGYAS BAR BYIN GYIS BRLAB TU GSOL, ZHES GSOL BA BTAB PAS THUGS KA NAS 'OD ZOR 'PHROS PAS SEMS CAN THAMS CAD KYI SGRIB GNYIS SBYANG TE MI 'KHRUGS PA'I GO 'PHANG LA BKOD, SANGS RGYA BYANG SEMS THAMS CAD KYI BYIN RLABS THAMS CAD SPYAN DRANGS TE DE4 RNAMS DANG RDO RJE MI 'KHRUG PA 'OD DU ZHU NAS SKRA 'AM RUS BU RNAMS LA THIM PAS DE BZHIN GSHEGS PA THAMS CAD KYI 'BYUNG GNAS SU GYUR BA'I RIN PO CHE'I PHUNG POR GYUR, CES BYIN GYIS BRLABS,, ,,YANG TSE 'DAS KYI DON DU RUS CHOG BYED TSUL SHIN TU BSDUS PA LA MOS NA, RUS BU'I STENG DU ZAL BA'I DKYIL 'KHOR GYI DBUS SU AA DKAR POS MTSAN PA, DE LAS BDUD RTZI'I RGYUN BABS PAS DMIGS YUL GYI SDIG SGRIB THAMS CAD SBYANGS SHING DAG PAR BSAM LA, DUR GA DANG, AOm BADZRA PRA MARD NA YA SV'H'A, ZHES CI MANG BZ'A ZHING DRI BZANG GI CHUS BKRU, DE LTAR BZUS ? PA'I CHU 'BABS CHU CHEN POR DOR, 'BAB CHU MA BYUNG NA RUS PA DANG SBYAR NAS S'ATZTSA 'DEBS PA'I SA LA BSRES KYANG RUNG, DE NAS SGR 'AM RUS BU RNAMS BSKAM NAS ZHIB PAR BTAHS TE 'JIM PA BZANG PO RANG BSRES LA S'ATZTSA 'DEBS CHOG LTAR S'ATZTSA 'AM SKU 'DRA GDAB PAR BYA ZHING, DE LTAR MA NUS NA SLOB
DPON STONG NYID TING NGE 'DZIN RDO RJES, DE RJES RUS PA RNAMS SBYAR BA, ZHI BA MOR RDOL BTAGS NAS NI, SHIN TU RGYA CHE'I CHU BO LA, ,MCHOD PA BYAS TE BSKUR BAR BYA, ,YANG NAS 'DZIN CHEN PO NI, ,MTHON PO'I RTZE LA 'JOGS NAS SU, ,SHIN TU SHUGS DRAG MTHUN PA YI, ,RLUNG LA DE NI BSKUR BAR BYA, ,ZHES GSUNGS PA LTAR CHU BO CHEN PO LA BSKUR BA 'AM RI MTHON PO'I RTZE NAS RLUNG LA BSKUR BAR BYA'O, ,CES RANG GZHAN GYI SGRA DANG SO DANG SEN MO DANG TSE 'DAS KYI RUS PA SOGS LA SBYANG BA BYAS TE, SDIG SGRIB SBYOD TSUL GYI CHO GA DANG LAG LEN BYA TSUL GSAL BAR BKOD PA SDIG SGRIB RNAM SBYONG DAG BYED BDUD RTZI ZHES BYA BA 'DI NI NA BZA' CHOS KYI RGYAL PO DANG MA TI PAn CHEN SOGS KYI YIG CHA LA GZHI BYAS TE SPANG BTZUN SNYOM LAS PA NGAG DBANG BLO BZANG CHOS LDAN GYIS DON GNYER CAN DU MAS BSKUL BA'I DOR RANG GZHAN LA PHAN 'DOD KYI BSAM PAS RGYAL KHAB CHEN PO PE'I CING GI BYAMS CHEN CHOS RJE'I LHA KHANG DU GRAGS PAR SUG BRIS SU BGYIS PA'I DGE BAS SEMS CAN THAMS CAD SGRIB GNYIS SBYANG TSEGS GNYIS RDZOGS TE MYUR TU MNGON PAR RDZOGS PAR SANGS RGYA BAR GYUR CIG,, ,,