, ,(GSHIN PO'I PHUNG PO SREG SBYANG BYA TSUL GYI LAG LEN GSAL BAR STON PA THAR BA'I SGO 'BYED CES BYA BA BZHUGS SO, ), *, ,NA MO GU RU BADZRA BHE RA WA YA, 'DIR GSHIN PO'I PHUNG PO BSREG TE SDIG PA SBYANG TSUL JI LTAR BYA BA NI, 'OS PA'I PHYOGS SU SA CHOG BYAS LA STEG PU JI LTAR 'TSAMS PA'I STENG DU BRI THAB 'JUG PA BDE ZHING SA LA 'BRI BA 'AM DAR RAS LTA BU LA BRIS NAS BTING PA'ANG RUNG BAR BSHAD PAS ZHI BA'I THAB DE DAG GANG YANG RUNG BA BYA, THAB KYI MTHA' NAS SHING LANG GRU BZHI RGYAR WU PHYED DANG DO, ,DBANG SU KHRU GANG SOGS CI TZAM 'TSAMS PA SKABS DANG BSTUN TE PHYOGS BZHIR SGO YOD PA BRTZIGS, DE'I STENG DU SPUR KHANG RAB BYUNG LA MCHOD RTEN LTA BU DKAR PO, ,RGYAL PO LA GTZUG TOR LTA BU SNGON PO BLON PO LA ZA MA TOG LTA BU DMAR SKYA, DGE SNYEN LA PADMA KHA SBYAR LTA BU DMAR PO, THA MAL PA PHO LA GDAN KHRI LTA BU SER SKYA, MO LA BIL BA LTA BU SDO SKYA, BYIS PA LA LTUNG BZED LTA BU DMAR SER BYA BAR BU STON GYIS BSHAD LA MYANGS 'DAS MCHOD RTEN GYI DBYIBS SU BYA BAR BCO BRGYAD CHOS RJES BSHAD PAS GRUB NA RAB BYUNG SOGS SO SO LA SNGA MA LTAR DANG, 'JUG PA BDE BAR BYED NA SPYI LA PHYI MA LTAR BYA ZHING DE LA PHYOGS BZHIR SGO CHUNG BZHI BZHAG ,RDZAS 'BUL BA'I KHUR BU SHING KHANG DANG RO KHANG GI 'TSAMS SU 'JOG PAR PHA BONG KHA BAS BSHAD LA KHA CIG RO'I SNYING KHA'I THAD DANG KHA CIG KHA'I THAD DU 'JOG PA'ANG SNANG, PHYI LA ZHAL PA LEGS PAR BYAS LA DKAR RTZI SOGS KYIS KHA TOG BSGYUR, DRI BZANG GI TSUL YIG BRGYA, DUR KHA KAm KA NI SOGS BZLAS TE RO LEGS PAR BKRUS, RAS SOGS KYIS PHYIS, GA BUR SOGS DRI BZANG GI 'DI GUS KHYAB PAR BYUG CING KHA SOGS DBANG PO'I SGOR BLUG ,RJE BTZUN GRAGS PA RGYAL MTSAN GYIS KYI RDOR GYI SREG CHOG TU RTZA SNGAGS DANG AOm SPYI BO, ,SNYING PO DANG A'A: MGRIN PA, NYE SNYING DANG H'Um SNYING KHAR GDAG PAR BSHAD, BU STON GYIS MI 'KHRUG PA'I SREG CHOG TU SPYI BO
SOGS GNAS LNGAR GTZO BO SOGS RIGS LNGA, 'DOMS SU BDUG PA MA, DPRAL BAR ME TOG MA, MIG GNYIS LA MAR ME MA, SNYING KHAR DRI CHAB MA, BRLA GA-YAS LA LCAGS KYU, GA-YON LA ZHAGS PA, BYIN PA GA-YAS LA LCAGS SGROGS, GA-YON LA 'BEBS PA RNAMS KYI SNGAGS BRIS LA GDAG ,YANG RGYAS PA LA SPRO NA SBYONG RGYUD NAS BSHAD PA LTAR MDZED SBUR, AOm SHODHA NE SHODHA NE SARBA B'A BAm BI SHO DHA NI SHUDDHE BI SHUDDE BI SHUDDHE SARBA KARM'A AA BAR nA BI SHUDDHE SV'A H'A, RNA BA GA-YAS LA, AOm SHODHA NE SHODHA NE SARBA P'A BAm SARBA SA TVE BHYA H'Am, RNA BA GA-YON LA, AOm SARBA AA P'A YE BI SHODHA NI H'Um PHAt, SPYI GTZUG LA AOm TRA tA, DPUNG PA GNYIS LA, H'Um GNYIS, RNA GONG LA, AOm SARBA BDI SARBA AA PRA RA nA BA SHODHA NA YA H'A NA H'Um PHAt, RKED PAR, AOm SARBA BID H'Um, PUS MO GA-YAS LA, SARBA BID PHAt, GA-YON LA, SARBA BID A'A:, BOL GONG GA-YAS LA, SARBA BID TRAD, GA-YON LA, AOm SARBA BID SHA ,GSANG BA'I DBANG PO RNAMS KYI GNAS SU, AOm BHA, ZHES PA RNAMS BRIS LA SKUD PAS BTAGS PA'AM SBYIN GYIS SBYAR BAR GSUNG, PHA BONG KHA BAS MI 'KHRUGS PA'I SREG CHOG TU, RTZA SNGAGS SPYI BO SOGS GNAS LNGA, MIG GNYIS SU, KshIm KshIm, SOGS SKYE MCHED BYIN RLABS KYI SNGAGS BRIS NAS SBYAR BAR BSHAD, CHOS RJE BCO BRGYAD PAS KYEE RDOR GYI SREG CHOG LAS SHOG GU LA RTZA SNGAGS SOGS RGYA SNAG SOGS KYIS DBU CAN DU BRIS PA SPRANG RTZIL SOGS PAS YI GE PHAR BSTAN TE GDAGS PAR BSHAD, NGOR BYA DKON LHUN PAS KUN RIG GI SREG CHOG LAS NUS NA GZHAN PHAN 'OD ZER LTAR GNAS BCO BRGYAD DU GDAGS YIG RNAMS GDAG ,DE TZAM MI NUS NA GDAG YIG RNAMS TSAR GSUM BRIS LA GNAS BCO BRGYAD DU GLAN PA'I TSUL BYAS PA'I MTHAR SPYI BO DANG DPUNG PA GNYIS SU YI GE NANG DU BSTAN TE SBRANG RTZA'AM BUR MA SOGS KYIS SBYAR BAR BSHAD, RIN CHEN
, ,MKHYEN RAB MCHOG GRUB DPAL BZANG POS 'KHOR CHEN LA BRTEN PA'I LHO SGO'I CHO GAR SBYONG RGYUD NAS BSHAD PA'I GNAS YIG RNAMS GDAG PAR BSHAD PA LTAR NA 'JIGS BYED SOGS BLA MED KYI SGO NAS RO SREG BYED PA LA'ANG SBYONG RGYUD NAS BSHAD PA'I GNAS YIG RNAMS GDAG RUNG BA 'DRA, 'ON KYANG 'JIGS BYED LA BRTEN PA'I TSE SKYE MCHED BYIN RLABS KYI YI GE 'OD GANG 'GA' ZHIG GIS PHYAG LEN LA MDZAD, DE NAS RO LEGS PAR BSGONGS TE RAB BYUNG YIN NA, KAm KA NI BZLAS PA'I CHOS GOS DANG SMAD GA-YOG BSKON PA DANG KHYIM PA YIN NA GOS DMAR PO BSKON CING SPUR KHANG DU BZHAG PA'I RJES SU MAS RIM NAS BSHUS TE LTAG PA'I THAD DU 'JOG PAR BU STON GYIS BSHAD PAS DE BZHIN BYA BA'AM, YANG NA 'GA' ZHIG GI PHYAG LEN LA RAS DMAR PO 'AM DKAR PO'I RDUL GZAN LTA BU MAR KHUS SBAGS TE RE GA-YOG PA SNANG BAS DE BZHIN BYAS KYANG RUNG LA DE LTAR NA MI 'KHRUG PA'I SKABS SU, KAm KA NI, KUN RIG GI SKABS SU RTZA RIG ,BLA MED GZHAN GYI SKABS SU RANG RANG GI YIG BRGYA BZLA ZHING BSKON LA PHYIS BSHU YANG MI DGOS, SREGS THAG RING POR 'KHYER DGOS NA RO 'KHYER MI RNAMS LA LAS SNGAGS KYIS BSNGAGS PA'I SRUNG SKUD GDAG ,GDUGS 'KHYER BA DBANG PO, RDA YA BA 'KHYER BA TSANGS PA, RAL GRI 'KHYER BA KHYAB 'JUG ,BSTOD PA 'DON PA BDE BYED, RO'I LAS BYED PA GSHIN RJE, BUM PA 'KHYER BA CHU LHA, DGANG GZAR 'KHYER BA MI LHA, BZA' BA 'KHYER BA BDEN BRAL, BDAN 'KHYER BA RLUNG LHA RNAMS SU SKYED PAR BU STON GYIS BSHAD PAS GRUB NA DE BZHIN BYA, SLOB DPON GYIS YIG BRGYA BZLAS NAS BRTAN PAR BYAS LA RDOR DRIL THOG TE GTZO BO'I SNGAGS THA ZLA ZHING SNA DRANG, GZHAN RNAMS KYIS ROL MO SOGS DANG BCAS PAS 'KHYER ZHING LHA RNAMS KYIS KYANG MCHOD PA BYED PAR BSAM, RGYAS BA LA SPRO ZHING LCOG NA BDAG MDUN BUM GSUM BSGRUB, BDAG 'JUG BYAS TE ROL RTEN BSKYED NAS DBANG BSKUR BA'I BAR RDZOGS PAR BYA, MA GRUB
NA BDAG SKYED KHRUS BUM RNAMS BSGRUB TE LHO SGO'I CHOG BYA, RAS SAM SHOG BU LA 'KHOR LO RTZIGS BRGYAD KYI LTE BAR PADMA 'DAB BRGYAD, DE'I DBUS SU ZLA DKYIL BRIS PA MAR GYIS SBAG LA, SHING KHANG GI NANG DU LCAGS THAB LTA BU RO 'DEG BYED BZHAG PA'I KHAR BTING BA'I STENG DU RO LAS SNGAGS KYIS PHYI 'BRANG GI BGEGS BA SKRANG LA CUNG ZAD MDUN DU SGUR BAR BZHAG ,'OG TU MAR GYIS BSKUS PA'I BUD SHING DANG SNUM NAG SOGS BZHAG ,MDUN GYI SGO'I THAD DU ME TSANG BCA', DE NAS SBYIN SREG GI CHO GA DNGOS GZHI'I SKABS SU THOG MAR MA SBAR BA'I TSE BU STON SOGS KYIS, GSON CIG DGONGS SHIG RIGS KYI BU, ,GSON CIG TSE 'DAS RIGS KYI BU, ,PHUNG PO LNGA YI BUD SHING LA, ,RGYAL BA RIGS LNGA'I ME SBAR RO, ,'BYUNG BA BZHI YI BUD SHING LA, ,LHA MO BZHI YI ME SBAR RO, ,DBANG PO DRUG GI BUD SHING LA, ,BYANG CHUB SEMS DPA'I ME SBAR RO, ,YUL RNAMS DRUG GI BUD SHING LA, ,LHA MO DRUG GI ME SBAR RO, ,LUS NGAG YID GSUM BUD SHING LA, ,RGYAL BA SKU GSUM ME SBAR RO, ,SKU GSUM YE SHES LNGA LDAN DU, ,'GRO BA'I DON DU 'GRUB PAR SHOG ,ZHES PAS ME SBOR BAR GSUNGS LA, ,RJE BTZUN GRAGS PAS, RGYAL BA LNGA YI ME SBAR RO; ;ZHES PA'I MJUG TU, NYON MONGS LNGA YI BUD SHING LA, ,MKHA' 'GRO LNGA YI ME SBAR RO, ,RNAM SHES BRGYAD KYI BUD SHING LA, ,YE SHES LNGA YI ME SBAR RO, ,'BYUNG BA LNGA YI BUD SHING LA, ,LHA MO LNGA YI ME SBAR RO, ,ZHES PAS SBOR BAR BSHAD CING PHA BONG KHA PAS, PHUNG PO LNGA YI BUD SHING LA, ,ZHES SOGS LHAG MA RNAMS KYI MA GOR YANG, GSON CIG DGONGS SHIG SOGS TSIG RKANG GNYIS PO SBYOR, ME LHA YE SHES PA DAM TSIG PA LA DGUG GZHUG BCING MNYES BYAS PA'I MJUG THOG TU RANG PHYOGS KYI SREG CHOG 'GA' ZHIG LAS, DRANG SRONG CHEN PO ME YI LHA, ,SNGON GYI DAM BCA' MA BOR BAR, ,LHA RNAMS ZHAL NI ME YIN TE, ,SBYIN SREG ME LA GNAS PAR MDZOD, ,CES PA SBYAR LA, RJE BTZUN
, ,KRAGS PA DANG BU STON DANG PHA BONG KHA PA LA SOGS PAS MA BSHAD, ME LHA LA THOG MAR DGANG BLUG PHUL BA'I MJUG THOG TU, ME LHA RDO RJE LAS KYI GTZO, ,TSE 'DAS SGRIB PA SBYANG BA DANG, ,LHA RNAMS TSIM PAR BYA BA'I PHYIR, , 'DI NYID DU NI 'PHRIN LAS MDZOD, ,CES GSOL BA BTAB BAS ME LHA'I THUGS KA NAS 'OD ZER 'PHROS BAS TSE LAS 'DAS PA MDUN DU BKUG TE DE'I SDUG BSNGAL DANG, SDIG SGRIB DANG NYES PA THAMS CAD DRANGS NAS RO DANG SREG RDZAS RNAMS DANG GNYIS SU MED PAR GYUR PAR BSAM, ZHES BU STON DANG PHA BONG KHA BA DANG, RANG PHYOGS KYI SREG CHOG GZHAN 'GA' ZHIG LAS KYANG BSHAD, SPEL TSIG NI, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BGYI BA'I TSE 'KHOR BA THOG MA MED PA NAS BSAGS PAS SDIG PA DANG SGRIB PA THAMS CAD DANG KHYAD PAR DU YANG DA LTA GANG DU GNAS PA'I LUS SROG DANG MTHO RIS DANG THAR PA DANG, MAR LA 'BYOR PA, YAM SHING LA GZI BRJID PHUN SUM TSOGS PA LA BAR DU GCOD PA THAMS CAD SHINTAm KU RU YE SV'A H'A, ZHES PA LTA BU RDZAS SO SO'I SPEL TSIG DANG BCAS PA'AM, YANG NA THAMS CAD LA, TSE LAS 'DAS PA 'DI NYID KYI TSE 'KHOR BA THOG MA MED PA NAS BSAGS PA'I MTHO RIS DANG THAR PA LA BAR DU GCOD PA'I LAS NGAN SDIG SGRIB BAG CHAGS DANG BCAS PA THAMS CAD SHINTAm KU RU YE SV'AH'A, ZHES BA'AM, TSE 'DAS 'DI NYID KYI 'KHOR BA THOG MED NAS BSAGS PA'I LAS NGAN SDIG SGRIB BAG CHAGS DANG BCAS PA THAMS CAD SHINTAm KU RU YE SV'A H'A, ZHES PA RGYAS BSDUS SKABS DANG BSTUN TE SBYAR, BSDUN RDZAS SO SO'I SNGAGS MA SBYAR KYANG RUNG, MING SBYOR NA DPON PO CHEN PO LA, ZHI BAR GSHEGS PAS SKYOD MI DBANG CHEN PO CHE GE ZHES BGYI BZHES SAM MI DBANG CHEN PO 'DI NYID KYI ZHES SBYOR, SREG RDZAS RNAMS PHUL BA'I MTHAR RJE BTZUN GRAGS PAS, MCHOD BSTOD BDUD RTZI MYANG BA BYAS NAS ME LHA ME 'BAR BA'I RNAM PAR BSAM GSUNG, BU STON GYIS MCHOD YON SNGON DU 'GRO BA'I CHU
GNYIS NYER SPYOD KYIS MCHOD CING BSTOD PAS BSTOD, DRANG SRONG CHEN PO ME LHA YIS, ZHES SOGS YE SHES PA BSTIM PA'I MJUG THOG TU BKOD PA DES GSOL BA BTABS NAS, ME LHA ME 'BAR BA'I RNAM PAR GYUR BAR BSAM ZHES BSHAD; PHA BONG KHA PA DANG RANG PHYOGS KYI YIG CHA GZHAN NAS ZHAL BSIL DANG BSANG GTOR PHUL TE DE'I THUGS KHAR 'DAS LHA BSKYED PAR BSHAD DE GANG BYAS KYANG RUNG NGO, ,'DAS LHA LA THOG MAR DGANG BLUG PHUL BA'I MJUG THOG TU BU STON DANG PHA BONG KHA BA SOGS KYIS GSOL 'DEBS GZHAN DANG, GTZO BO DKYIL 'KHOR LHA TSOGS DANG BCAS KYIS, ,DMIGS YUL TSE 'DAS LA SOGS 'GRO RNAMS LA, ,DRI MED YE SHES SBYIN GYIS LEGS GZIGS NAS, BRTZE CHEN THUGS RJE CHEN POS LEGS BZUNG LA, ,SNGON CHAD BSAGS PA'I SGRIB PA GANG MCHIS PA, ,BAG CHAGS DANG BCAS RAB TU SBYANG BA DANG, ,SRID DANG RNAM GROL BDE BA GANG LAGS PA, ,DNGOS GRUB BDE CHEN MYUR DU BSTZAL DU GSOL, ,ZHES BAS GSOL BA 'DEBS PAR BSHAD CING, BSDU NA, CES GSOL BA BTABS PAS DKYIL 'KHOR BA'I LHA'I THUGS KHA NAS 'OD ZER 'PHROS TE TSE 'DAS MDUN DU BKUGS SHING DE'I SDUG BSNGAL DANG SDIG SGRIB DANG NYES PA THAMS CAD DRANGS NAS RO DANG SREGS RDZAS RNAMS LA THIM ZHING GNYIS SU MED PAR GYUR BAR BSAM, RGYAS PA LA SPRON BU STON GYIS SNGAGS DANG PHYAG RGYAS NGAN SONG DGUG DRAL BYA BAR BSHAD LA DE LTA NA, LTUNG BA SLONG BA'I PHYAG RGYA RDO RJE KHU TSUR GNYIS KYI NANG DU MDZUB MO LCAGS SGROGS LTAR BCINGS TE LEGS PAR GYEN TU 'PHANGS PA BYAS LA, AOm SARBA AA B'A YA AA KARshA nA BI SHODHA NA BADZRA SA MA YA H'Um PHAt, CES BRJOD CING NGAN SONG GSUM DANG TSE 'DAS GTZO BO'I MDUN DU BKUG PAR BSAM, 'DOD RGYAL GYI PHYAG RGYA BCING LA, AOm SHO DHA NI SHO DHA NI SARBA P'A Pm AA NA YA H'Um PHAt, CES BRJOD CING TSE 'DAS KYI SDIG SGRIB THAMS CAD BKUG PAR BSAM, SDIG PA SBYONG BA'I PHYAG RGYA RDO RJE BSNGAMS PA
, ,LAS GUNG MO GNYIS BSGRENG MTHE'U CHUNG GNYIS BSANG TE MNYE ZHING DRANG LA, KAm KA NI, TSAR RE BZLAS PA'I MJUG TU, SARBA P'A PAm BI SHO DHA NI H'Um PHAt, BADZRA BANDHA TRAD, CES BRJOD CING SNYING KHAR RDO RJE BSDAM PA SGRA DANG BCAS PA LAN GSUM BYAS NAS, TSE 'DAS KYI SDIG PA THAMS CAD BKUG CING DRAL TE RO DANG SREG RDZAS RNAMS LA THIM PAS GNYIS SU MED PAR GYUR BAR BSAM, ZHES PHA BONG KHA PAS BSHAD PA LTAR BYA, 'JIGS BYED DANG GSANG 'DUS LTA BU LA BRTEN PA'I CHO KAm KA NI'I TSAB TU YIG BRGYA BRJOD, DE NAS BU STON SOGS KYIS BSHAD PA LTAR PHUNG PO YON 'BUL BYA BA NI, BCOM LDAN RGYAL BA RIGS LNGA LA, ,TSE 'DAS PHUNG PO MCHOD PAR 'BUL, ,PHUNG PO'I SGRIB PA MA LUS PA, ,YE SHES ME YIS SBYANG DU GSOL, ,BCOM LDAN LHA MO RNAM BZHI LA, ,TSE 'DAS 'BYUNG BZHI MCHOD PAR 'BUL, ,BCOM LDAN SEMS DPA' RNAM DRUG LA, ,TSE 'DAS DBANG PO MCHOD PAR 'BUL, ,BCOM LDAN SEMS MA RNAM BZHI LA, ,TSE 'DAS YUL RNAMS MCHOD PAR 'BUL, ,BCOM LDAN RGYAL BA'I SKU GSUM LA, ,TSE 'DAS SGO GSUM MCHOD PAR 'BUL, ,SGO GSUM SGRIB PA MA LUS PA, ,YE SHES ME YIS SBYANG DU GSOL, , ZHES BRJOD, DE NAS SREG RDZAS RNAMS BU STON GYIS LHA SO SO LA RANG RANG GI SNGAGS KYIS SO SOR DPUL BAR GSUNG, PHA BONG KHA PAS GTZO 'KHOR THAMS CAD KYI SNGAGS PHYOGS GCIG TU BRJOD PA'I MTHAR RDZAS SNGAGS DANG SPEL TSIG BTAGS NAS DBUL BAR BSHAD, RANG PHYOGS KYI YIG CHA 'GA' ZHIG NAS, GTZO BO GCIG BU LA DBUL ZHING 'KHOR RNAMS KYI SNGAGS PHYOGS GCIG TU BRJOD DE MNYAM DU 'BUL BAR BSHAD PA GANG BYAS KYANG RUNG, ,BU STON GYIS TI LA SOGS SO SOR DBUL BA'AM GCIG TU BSRES NAS DBUL BAR YANG RUNG BAR GSUNG, SPEL TSIG SNGAR LTAR BU STON GYIS LHA RANG RANG GI SNGAGS KYI MTHAR, AOm SARBA P'A BAm DA HA NA BADZRA YA CHE GE MO'I P'A BAm DA HA SV'A H'A,
ZHES PA BTAGS TE 'BUL BAR GSUNG BA LTAR BYA RJE BTZUN GRAGS PAS PHUNG PO YON 'BUL 'DIR BYA BAR GSUNGS TE KYEE RDO RJE'I SREG CHOG LAS, SREG RDZAS RNAMS SU PHUL BA'I RJES LA RO DE YANG SREG RDZAS SU 'BUL TE, DE YANG RANG GI NGO BO SO SOR 'BUL BA DANG SPYIR 'BUL BA GNYIS LAS DANG PO LTAR NA, MGO BO DANG GLAD PA DANG SNYING DANG DBANG PO RNAMS NI HE RU KA YAB YUM LA DBUL BAR BYA'O, ,ZHES BRJOD LA DE BZHIN DU 'BUL BAR BYA'O, ,ZHES PA KUN LA SBYAR; GLO BA DANG RGYU MA NI GOO RI LA'O, ,MCHIN PA DANG 'TSER BA DANG MKHRIS PA NI TZOO RI LA'O, ,DRI CHU DANG RKANG DANG GA-YON PHYOGS KYI MKHAL MDANG RTZA RGYUS NI PE TA LI LA'O, ,GZHANG DANG GROD PA DANG GNYE MA NI GHA SMI RI LA'O, ,SHA NI BU KKASI LA'O; ;KHRAG DANG GA-YAS PHYOGS KYI MKHAL MA DANG RTZA RGYUS NI SHA PA RI LA'O, ,KHU BA DANG GZHUNG BA DANG DBUS KYI RTZA DANG CHU RGYUS NI TZANTRA LI LA'O, ,RKANG MAR DANG TSIL BU NI tOM BI LI LA'O, LPAGS PA BYANG CHUB KYI YAN LAG BDUN NI BLA BRES SU 'BUL LO, ,RKANG BRGYAD NI GLING BU LA SOGS PAR 'BUL LO, ,RUS PA GZHAN RNAMS NI BDEN PA BZHI STE BUD SHING DANG YAM SHING DU 'BUL LO, ,LAG PA DANG SKRA DANG BA SPU DANG SEN MO LA SOGS PA RNAMS NI GZHAL YAS KHANG GI RGYAN DANG SPYEN GZIGS SU 'BUL LO, ,YANG NA SPYIR 'BUL TE, DRI CHU NI ZHAL BSIL DANG 'THER 'THUNG DU'O, ,KHRAG NI MCHOD YON DU'O, ,DRI CHEN NI SPOS SU'O, ,NANG KHROL DANG DBANG PO RNAMS NI ME TOG TU'O, ,GLANG BA DANG GZHUNG BA NI BYUG BAR RO, ,TSAL CHEN NI SNANG BAR RO, ,SHA DANG RKANG MAR NI ZHAL ZAS SU'O, ,RKANG DANG RUS PA NI GLING BU DANG ROL MOR RO, ,SKRA DANG BA SPU LA SOGS PA NI GZHAL YAS KHANG GI RGYAN DU'O, ,DE DAG 'DUS PA NI 'BYUNG BA BZHI'I RANG BZHIN TE BDE BAR GSHEGS PA RNAMS KYI YO BYAD DU 'BUL BAR BYA'O, ,ZHES 'BYUNG NGO, ,BU STON GYIS, LHA THAMS CAD KYIS TSE 'DAS DE'I LUS LA DBANG BSKUR ZHING SDIG SGRIB DANG NGAN SONG GI SDUG BSNGAL SOGS ZHI BAR BYAS NAS DE H'Um GI
, ,SA BON LAS SKYES BA'I GTZO BO'I SKU RDO RJE LTA BUR BSAM, BADZRA RAKshA HAm, GIS BSRUNG BA BYA, LHA RNAMS KYI 'OD ZER GYIS DBANG BSKUR BAR BSAM LA MJUG TU LAM SBYANG ? BSTAN RNAMS BYA'O, , ZHES BSHAD, PHA BONG KHA PAS, LHA RNAMS KYI THUGS KA NAS SPROS PA'I SANGS RGYAS BYANG SEMS SKU MDOG DKAR PO BUM PA DKAR PO 'DZIN PA RNAMS KYIS SGRUB BYA TSE 'DAS ZLA BA'I DKYIL 'KHOR LA GNAS PA LA DBANG BSKUR BAS SDIG SGRIB DANG NGAN SONG GI SDUG BSNGAL THAMS CAD ZHI BAR BYAS TE TSE 'DAS DE NYID H'Um LAS RDO RJE SEMS DPA' DANGS GSAL 'OD KYI RANG BZHIN CAN DU GYUR, DKON MCHOG RIN CHEN DPAL ZHING DU, ZHES PA NAS, MA HA SU KHA BA TI GA TZTSAN DU SV'A H'A, ZHES PA'I BAR BRJOD CING ME TOG GTOR LA, LAM SPYAD PAS TSE 'DAS LHA YE SHES PA DANG DBYER ME BYED PA DAG PA'I ZHING DU GSHEGS PAR GYUR, ZHES BRJOD CING BSAM, DE NAS DGANG BLUG BDUN 'BUL BA SOGS BSHAD, RJE BTZUN GRAGS PAS PHUNG PO SREG RDZAS SU PHUL BA'I MJUG TU LAM SBYANG BSTAN BYA BAR GSUNG LA, BCO BRGYAD PAS, SLAR YANG DGANG BLUG PHUL TE MCHOD BSTOD GTOR 'BUL GYI RJES SU TSE 'DAS LHAR BSAM TE MCHOD BSTOD DANG 'DOD YON BSNGO BA BYAS RJES LAM SBYANG BSTAN BYA BAR BSHAD CING, LAM SBYANG BA NI, TSOGS LAM SMIG RGYU LTA BU STE, ,GNYIS PA DU BA LTA BU YIN, ,GSUM PA GLOG TU KHYOD KYIS MTHONGS, ,BZHI PA MAR ME LTA BU STE, ,LNGA PA THAMS CAD STONG PA NI, ,SANGS RGYAS PA NI 'DI NYID DU, ,KHYOD KYIS LAM LNGA MTHAR PHYIN SHOG ,LAM BSTAN PA NI, KHYOD KYIS LAM LNGA MTHAR PHYIN PAS; ;PHUNG PO LNGA NI SANGS RGYAS LNGA, ,NYON MONGS LNGA NI MKHA' 'GRO LNGA, ,RNAM SHES BRGYAD NI YE SHES LNGA, ,'BYUNG BA BZHI NI LHA MO BZHI, ,SRID PA'I 'KHOR LO RGYUN BCAD NAS, ,CHOS KYI 'KHOR LO YONGS BSKOR TE,
'KHOR BA MYA NGAN 'DAS PAR 'GYUR, ,ZHES PA STE 'DI GNYIS RGYUD RGYAS PA LAS 'BYUNG BAR BRAM ZE NAG PO ZHABS KYI ZHAL NAS 'BYUNG NGO ZHES RJE BTZUN GRAGS PAS BSHAD LA GANG ZAG MCHOG LA'ANG BYA RUNG STE THUGS DAM GYI GSAL 'DEBS SU 'GYUR RO ZHES PHYI MA KYI BLA MA DAM PA DAG GSONG NGO, ,ZHES CHOS RJE BCO BRGYAD PAS BSHAD DO, ,'DAS LHA GSHEGS GSOL GYI MJUG TU SNGAR ME LHA MO 'BAR BA'I RNAM PAR BSAM PA YIN NA, ME LAS SNGAGS KYIS BSANG, ME LHA'I SNGAGS KYIS MAR DGANG BLUG GCIG PHUL TE ME 'BAR BA'I RNAM PA LAS ME LHA'I SKUR GSAL GDAB PAR BU STON GYIS BSHAD PA LNGAR BYA, SPYIR GONG DU BKOD PA DE DAG GANG BYAS KYANG RUNG MOD, 'JUG PA BDE BAR BYAD NA CHO GA DNGOS GZHI'I SKABS KYI DMIGS GSAL SBYOR DGOS NI, ME SPOR BA'I TSE, GSON CIG DGONGS SHIG RIGS KYI BU, ZHES SOGS, ME LHA LA THOG MAR DGANG BLUG PHUL RJES, ME LHA RDO RJE LAS KYI GTZO BO, ZHES SOGS, DGANG BLUG DANG YAM SHING SOGS 'BUL TSE SPEL TSIG KHYAD PAR BA, ME LHA ME 'BAR BA'I RNAM PAR BYED NA SREG RDZAS KYI MTHAR MCHOD BSTOD KYI MJUG TU, DRANG SRONG CHEN PO ME LHA YIS, ZHES SOGS 'DAS LHA LA THOG MAR DGANG BLUG PHUL RJES, GTZO BO DKYIL 'KHOR LHA TSOGS DANG BCAS KYIS, ZHES SOGS DANG NGAN SONG DGUG TRAL LAm TSE 'DAS KYI SDIG SGRIB SREG RDZAS LA BSTIM PA, DE NAS PHUNG PO SREG RDZAS SU 'BUL BA'I TSE, BCOM LDAN RGYAL BA RIGS LNGA LA, ZHES SOGS SREG RDZAS PHUL RJES, LHA RNAMS KYI THUGS KA NAS, ZHES PA NAS, GSHEGS PAR GYUR GYI BAR SBYAR BAS CHOG CING CHO GA GZHAN DANG CHO GA'I YAN LAG RNAMS DKYIL 'KHOR GANG LA BRTEN PA DE'I ZHI BA'I SBYIN SREG GI SKABS JI LTA BA BZHIN BYA, DE DAG NI THA MAL BA'I RO MCHOD RDZAS KYI TSUL DU SREGS PA STE RO DANG TSE 'DAS KYI SDIG SGRIB DANG SREG RDZAS RNAMS DBYER
, ,MED DU MES NAS ME NYID LHAR SKYED PA LA 'BUL BA'I TSUL LO, ,BLA MA 'AM SNGON NAS LHA LEGS PAR BSGOM PA'I GANG ZAG BZANG PO LTA BU'I SPUR SPYOD NA, SPUR ? LA KHRUS BYA BA DANG YI GE 'DOGS PA SOGS SNGAR LTAR BYAS LA, CHOS GOS DBU RGYAN SOGS KYIS BRGYAN TE KHRI'I STENG DU BZHAG ,GSANG SBYANG, STONG PA'I NGANG LAS BAm LAS PADMA DANG AA LAS ZLA BA'I DKYIL 'KHOR GYI STENG DU H'Um LAS RDO RJE H'Um GIS MTSAN PA, ZHES SOGS RDOR SEMS SU SKYED DE YIG RGYAB ZLA BA'AM, YANG NA CHOG GSUM GYIS DKYIL 'KHOR GANG YANG RUNG BA'I GTZO BOR BSKYED DE, YE SHES PA DGUG GZHUG NAS MCHOD BSTOD KYI BAR BYAS TE SPUR LA GZUNGS THAG BTAGS PA NAS BZUNG STE GTZO BO'I SNGAGS CI 'GRUB BZLA, DE NAS ROL MO SOGS MCHOD PA DANG BCAS PAS SREG THAB TU SPYAN DRANGS, DE'I THUGS KHAR GTZO RGYAD DAM DKYIL 'KHOR YONGS RDZOGS BSKYED, SPUR GYI YE SHES PA DANG GCIG TU BSRES LA MCHOD BSTOD RGYAS PAR BYA, AOm KHYOD KYI SEMS CAN DON KUN MDZAD, CES SOGS KYIS YE SHES PA GSHEGS, DAM TSIG PA RANG LA BSDU YANG NA YE SHES PA DANG DAM TSIG PA GNYIS KA GSHEGS PA'ANG RUNG STE, RJE BTZUN GRAGS PAS KYI RDO RJE'I SREG CHOG TU SPUR DANG 'DAS LHA GNYIS DBYER MED DU BSKYED NAS SREG RDZAS PHUL PA'I MTHAR GSHEGS GSOL GYI TSE, DKYIL 'KHOR GYI 'KHOR LO DAM TSIG PA DANG BCAS PA RANG BZHIN GYI GNAS SU GSHEGS SU GSOL, YANG NA YE SHES PA GSHEGS DAM TSIG PA RANG LA BSDUS KYANG NYES PA MED CES GSUNGS SO, ,ME SPOR BA'I TSE DE BZHIN GSHEGS PA THAMS CAD KYIS SPAR BAR BSAM LA CHOS 'BREL MED PA'I MI ZHIG LA SPAR DU GZHUG ,GANG ZAG MCHOG GI SPUR SBYONG BA'I SNGON DU 'DI LTAR BYA BAR BU STON DANG PHA BONG KHA PA SOGS KYIS BSHAD CING DE LTAR BYED PA'I KHUNG YANG GUR 'GEL LAS, DE'I SNYING KHAR RDO RJE SEMS DPA'
RANG GI LHAG PA'I LHA DKYIL 'KHOR DANG BCAS PA BSKYED LA YE SHES KYI DKYIL 'KHOR DANG GCIG TU BSRES NAS MNYAM PA NYID DU GSHEGS SU GSOL BAR DMIGS TE ZHI BA'I SBYIN SREG GI GNAS SU BSREG LA SBYANG BAR BYA'O, ,GAL TE DE LTAR MA BYAS NA MCHOD RTEN BSHIG PA NYID DU 'GYUR RO CES GSUNGS PA LA BRTEN PAR SNANG NGO, ,ME SPOR BA'I TSE, GSON CIG DGONGS SHIG RIGS KYI BU, ZHES PA, DPAL LDAN BLA MA DGONGS SU GSOL, ZHES PAR 'DON PA BSGYUR, 'DAS PA'I ME LHA BSKYED PA'I TSE, BLA MA DKYIL 'KHOR BAR BSKYED DE DE LA SREG RDZAS RNAMS 'BUL, SPEL TSIG LA, DPAL LDAN BLA MA DAM PA ZHING KHAMS GANG NA BZHUGS PA'I SKU GSUNG THUGS KYI MDZAD PA 'PHRIN LAS LA BAR DU GCOD PA THAMS CAD SHINTAm KU RU AOm, CES SBYOR, 'DI LA GSOL 'DEBS DANG PHUNG PO YON 'BUL DANG LAM SBYANG BSTAN RNAMS MI DGOS, GZHAN RNAMS SNGAR DANG 'DRA, 'DI NI MCHOG GI RO MCHOD GNAS KYI TSUL DU SREG PA STE SPUR DANG ME DANG BLA MA DBYER MED PA DKYIL 'KHOR GYI LHAR BSKYED NAS DE LA SREG RDZAS RNAMS MCHOD PAR 'BUL BA'I TSUL LO, ,SREG THAB KYI NYE 'KHOR DU DBANG THOB MA MYONG BA MANG DU TSOGS BA LTA BU'I DGAG BYA YOD NA DER SGRUB GROGS 'GA' ZHIG GIS GZHAN GYIS MTHONG KYANG NYES DMIGS SU MI 'GYUR BA'I MCHOD PA SOGS BYED DU BCUG NAS RDO RJE SLOB DPON SGRUB GROGS DANG BCAS PAS GNAS DBEN PAR SBYIN SREG GI CHO GA BYAS NAS SREG RDZAS RNAMS SNOD GCIG TU BSAGS LA SGRUB GROGS GZHAN ZHIG THAB KYI SAR SKYEL DU BTANG NAS 'BUL BA'ANG RUNG BAR RJE BTZUN GRAGS PAS KYEE RDOR GYI SREG CHOG TU GSUNG TE, DE NYID LAS, GAL TE SREG KHANG GI NYE 'KHOR THAMS CAD DBANG MA THOB PAS GANG BA YIN NA, THAB KHUNG GI NANG GI DBYIBS BRIS LA PHYI'I DKYIL 'KHOR MI 'BRI ZHING, DE'I DRUNG DU LAS KYI RDO RJES SLOB MA 'GA' ZHIG GI THUN MONG DU BYAS KYANG NYES PA MI 'BYUNG BA'I MCHOD PA SOGS BYED
, ,DU BCUG LA, RDO RJE SLOB DPON 'KHOR CI RIGS PA DANG BCAS PAS GNAS DBEN PAR CHO GA THAMS CAD SNGAR BRJOD PA BZHIN NYAMS SU BLANG LA SREG RDZAS RNAMS SNOD GCIG TU BSAGS LA LAS KYI RDO RJE SLOB MA GCIG SKYEL DU BTANG NGO, ,'DI BLA MA'I LAG LEN LAS MTHONG BA YIN NO, ,ZHES SO, ,DE LTAR SBYIN SREG TSAR NAS THA MA LA BA LA ME MA SHI'I BAR DU BZHAG CING LONG MED NA 'O MA DANG DRI BZANG GI CHUS ME BSAD LA RDO RJE BSDU BA'I SNGAGS DANG PHYAG RGYAS RUS PA RNAMS BSDU, RUS PHYE MA YIN PA'I THAL BA RNAMS CHU BO 'AM ? RIM GO GTZANG SAR SKYE LA, RUS PA RNAMS LA RUS CHOG BYA BA NI, RJE BTZUN GRAGS PAS 'O MA DANG DRI ZHIM PO SBYAR BA'I CHUS LAS THAMS CAD PA'I BUM PA BKANG LA BUM PA'I CHO GA YONGS SU RDZOGS PAR BYAS TE, AOm BADZRA AA MRi TA DANG YI GE BRGYA PA BZLAS SHING RUS PA BKRU ZHES GSUNG LA, DOR BA DKON LHUN PAS SNGAGS KYI BUM CHU'I RGYUN MED NA RTZA RIGS BZLAS PAS BUM CHU NUS LDAN DU BYIN GYIS RLABS LA RTZA RIGS DANG SBYONG RGYAL GYI SNGAGS BZLAS SHING RUS PA RNAMS BKRUS TE, ZHES BSHAD, RGYAL SRAS BZANG PO DPAL LA SOGS PA'I DAM PA 'GA' ZHIG GIS BA BYUNG DANG DRI ZHIM PO SBYAR BA'I CHU THOGS TE RUS PA'I STENG DU ZLA BA'I DKYIL 'KHOR GYI STENG DU AA DKAR PO BSAM LA DE LAS BYUNG BA'I BDUD RTZI'I CHUS TSE 'DAS KYI SDIG PA SBYANG BAR BSAM ZHING NGAN SONG SBYONG BA'I SNGAGS DANG, AOm BADZRA BRAM RDHAN YA SV'A H'A, ZHES BRJOD CING DRI ZHIM PO'I CHUS RUS BU RNAMS BKRUS TE ZHES GSUNGS, DE DAG GANG BYAS KYANG RUNG BAS LAS BUM BSGRUB NAS SNGA MA LTAR BYA BA'AM KHRUS BUM BSGRUB TE YIG BRGYA DANG RTZA RIGS DANG KAm KA NI SOGS BZLAS SHING PHYI MAS BSHAD PA LTAR GYI DMIGS PA DANG BCAS PAS BKRU, DE NAS BSKAM LA ZHIB PAR BRDUNGS TE 'JIM PA DANG BSRES LAS TZTSA 'DEBS CHO GA LTAR BYAS NAS YIG BRGYA 'AM RTZA RIGS SAM KAm KA NI'I MJUG TU,
CHE GE MO'I SDIG PA THAMS CAD SHINTAm KU RU SV'A H'A, ZHES PA BRIS TE NANG DU BCUG PA'I SA TZTSA BTABS NAS CHU BO CHEN POR BSKUR BA'AM LAM BZHI MDOR MCHOD RTEN BYA'O, ,DE LTAR BYAS NA TSE 'DAS DE DMYAL BA SOGS NGAN SONG DU SKYES KYANG THAR BAR MI 'KHRUGS PA'I RGYUD LAS GSUNGS TE DE NYID LAS DE'I MING BRIS LA GZUNGS SNGAGS BZLAS BRJOD BYED CING MCHOD RTEN 'BUM BYAS LA GDUGS DANG PA NGAN LA SOGS PAS LEGS PAR MCHOD NAS RGYA MTSO CHEN PO'AM YANG NA CHU KLUNG DU BTANG NA SEMS CAN DMYAL BA LA SOGS PA NAS THAR BAR 'GYUR RO, ,YANG NA DE LTAR MCHOD RTEN BYAS NAS MJUG TU LAM GYI BZHI MDOR ? MCHOD RTEN BYAS TE GDUGS DANG RGYAL MTSAN DANG BA DAN LA SOGS PAS LEGS PAR MCHOD LA 'PHAGS PA'I DGE 'DUN LA YANG MCHOD YON GSOL NAS YON PHUL TE LEGS PAR MCHOD NAS, 'DI CHE GE MO ZHIG GI DGE BA'I RTZA BAR GYUR CIG ,'DI KHO NAS BDE 'GRO MTHO RIS KYI 'JIG RTEN DU SKYE BAR GYUR CIG ,CES KYANG SHES PAR BYAS NA DES DE KHO NA BZHIN DU SKYES NAS LUS KYANG STON CING LEGS SO ZHES BYA BA YANG BYIN NAS MI SNANG BAR 'GYUR RO CES GSUNGS, GANG ZAG MCHOG LA SBYIN SREG TSAR NAS SHING DAM SO PHAG LTA BU LA RGYAL CHEN RIGS BZHI'I SKU 'DRA BRIS PA SBYAR BAS SGO BCAD DE BSRUNG BAR BU STON GYI LUGS SNGO MA TSIGS SU MDZAD PA LAS 'BYUNG LA, NYI MA GSUM MAM BDUN GYI BAR DU MCHOD PAS MCHOD CING, DE NAS GDUNG RUS BSDUS TE BRTEN BZHENGS SOGS BYA BAR BUS MI 'KHRUGS PA'I SREG CHOG LAS 'BYUNG NGO, ,DE LTAR GSHIN PO'I PHUNG PO BSRUNG TE SDIG PA SPYOD TSUL GYI LAG LEN GSAL BAR STON PA THAR BA'I SGO 'BYED CES BYA BA 'DI NI, RJE BDAG NYID CHEN PO DANG DE'I SRAS KYI THU PO RGYAL TSAB 'DUL 'DZIN MKHAS GRUB SOGS KYIS MDZAD PA'I SPUR SBYONG GI CHO GA MA MTHONG BAS BU STON THAMS CAD MKHYEN PAS MDZAD PA'I RNAL 'BYOR RGYUD NAS BSHAD PA'I MI 'KHRUGS PA LHA BCU GSUM MAL BRTEN
, ,PA'I SPUR SPYOD PA'I CHO GA SDIG SGRIB RNAM SBYONG DANG RJE PHA BONG KHA PA 'JAM DBYANGS GRAGS PAS SNGA MA DANG MTHUN PAR MDZAD PA'I BYA RGYUD NAS BSHAD PA'I MI 'KHRUGS PA LHA DGU LA BRTEN PA'I SPUR SBYONG BA'I CHO GA GA BUR CHU RGYUN GNYIS LA GZHI BYAS, RJE BTZUN GRAGS PA RGYAL MTSAN GYIS MDZAD PA'I KYEE RDOR LHA DGU LA BRTEN PA'I SPUR SBYONG BA'I CHO GA GZHAN PHAN BDUD RTZI DANG, RANG PHYOGS KYI 'JIGS BYED LA BRTEN PA'I SPUR SBYONG GI CHO GA MDZAD BYANG MED PA 'GA' ZHIG DANG, DOR BA DKON MCHOG LHUN GRUB KYI KUN RIGS LA BRTEN PA'I SPUR SBYONG BA'I CHO GA ,BCO BRGYAD CHOS RJE'I KYEE RDOR LA BRTEN PA'I SPUR SBYONG BA'I CHO GA RNAMS NAS KHA BSKANG STE YUL BYANG PHYOGS KYI MTHAR SKYAS PA'I GYIN PA NGAG DBANG BLO BZANG CHOS LDAN DPAL BZANG POS RANG DANG SKAL BA MNYAM PA'I GSAR BU BA DAG LA PHAN PAR 'DOD PAS DBEN PA'I RI SU LA BYANG CHUB GLING ZHES BYA BAR SBYAR BA 'DIS KYANG SEMS CAN THAMS CAD 'KHOR BA DANG NGAN SONG GI SDUG BSNGAL LAS THAR TE MYUR DU MNGON PAR RDZOGS PAR 'TSANG RGYA BAR GYUR CIG ,