*,, (GSHIN PO'I SBYANG CHOG THAR LAM GSAL SGRON ZHES BYA BA BZHUGS SO,,) *,, GANG ZHIG SNYING LA DRAN PA TZAM GYIS KYANG; ;SRID PA'I NYES BRGYA'I RTZA BA RMONGS MUN TSOGS, ,SKAL PA'I ME DANG 'PHRAD PA'I BUD SHING BZHIN, ,MTHAR MDZAD BLA MA GSHIN RJE'I GSHED LA 'DUD; ;'DIR BCOM LDAN 'DAS 'JAM DPAL GSHIN RJE GSHED KYI SGO NAS GSHIN PO RJES SU 'DZIN PA'I THABS RMAD DU BYUNG BA LHO SGOR GRAGS PA'I CHO GA LAG TU BLANG BDE BAR DGOD PA LA, SGRUB PA PO 'DI'I DKYIL 'KHOR DU DBANG BSKUR BA THOB CING BSNYEN PA SNGON DU SONG NAS RAS BRIS KYI DKYIL 'KHOR LTA BU'I SGRUB GZHI YOD NA SNGON 'GRO GTOR MA NAS TSAD MED BZHI BSGOM PA'I BAR SONG RJES BUM PA BSGRUB TE, SNGAGS GNYIS KYI DON BSGOM PA NAS BDAG MDUN 'JUG PA GCIG TU SGRUB CING MCHOD BSTOD BZLAS PA GTOR 'BUL DANG BCAS PA'I BAR GZHUNG BZHIN BYA, SGRUB GZHI MED NA SNGON 'GRO NAS GTOR 'BUL GYI BAR SONG RJES BUM PA BSGRUB, SPYIR BUM PA SGRUB LUGS LA DBANG BSKUR NA DKYIL 'KHOR GANG LA BRTEN PA DE'I DBANG BUM SGRUB DGOS SHING, LHO SGO RKYANG PA LA BUM PA BHRUM LAS RIN PO CHE'I BUM PA MTSAN NYID
, ,THAMS CAD DANG LDAN PAR BSKYED DE NANG DU DKYIL 'KHOR GANG LA BRTEN PA DE'I RIGS LNGA 'AM RIGS LNGA SPYI 'GRO GANG YANG RUNG BA BSKYED NAS MI BSKYOD PA'I SNGAGS KAm KA NI DANG, RNAM SNANG GI SNGAGS DU RGA, RIN 'BYUNG GI SNGAGS RATNA, 'OD DPAG MED KYI SNGAGS AA MRi TA, DON GRUB KYI SNGAGS AA MO GHA SOGS BZLAS TE SGRUB CHOG PAR TSAD LDAN DAM PA'I GSUNG LAS 'BYUNG PAS DE BZHIN BYAS KYANG RUNG NGO, ,YANG KHRUS BUM TZAM SGRUB PA LA GTOR 'BUL YAN SONG RJES MDUN DU BUM PA MA GUL CHING SNGON PO CAN DRI BZANG GI CHU LA BUM RDZAS BTAB PAS RAN PAR BKANG PA BSHAM LA, SVA BHA WAS SBYANGS; STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR PA'I NANG DU STENG GI CHAR ZLA BA'I DKYIL 'KHOR GYI DBUS SU H'Um YIG GI MTHAR YI GE BRGYA PA'I SNGAGS 'PHRENG GIS BSKOR BA LAS 'OD ZER 'PHROS PHYOGS BCU'I ZHING RAB 'BYAMS NA BZHUGS PA'I RGYAL BA SRAS BCAS THAMS CAD KYI SKU GSUNG THUGS KYI BYIN RLABS DANG NUS MTHU THAMS CAD 'OD ZER GYI RNAM PAR SPYAN DRANGS, H'Um YIG SNGAGS 'PHRENG DANG BCAS PA LA THIM, DE LAS YE SHES KYI BDUD RTZI'I RGYUN BAB PA BUM PA'I CHU DANG RO GCIG TU GYUR BAR BSAM LA GSHIN RJE BSHED KYI YIG BRGYA NYER GCIG
SOGS BZLAS PA'I MTHAR ZLA BA SNGAGS 'PHRENG H'Um YIG RNAMS 'OD DU ZHU STE BUM PA'I CHU DANG DBYER MED PAR GYUR, PAR BSAM NAS BSGRUB KYANG RUNG BAS GANG MOS BYA; LAS BUM LOGS SU MED PAR BSANG CHU'ANG DE NYID LA BSGRUB NA, RANG GI THUGS KHA'I H'Um LAS 'OD ZER 'PHROS PAS RGYAL BA SRAS BCAS RNAMS KYI NUS MTHU THAMS CAD LAS SNGAGS 'OD ZER DANG BCAS PA'I RNAM PAR SPYAN DRANGS TE BUM CHU LA THIM PAR GYUR PAR BSAM LA, AA MRi TA BZLA BA SPYI 'GROR BSHAD PAS DE 'AM KHAD GDHI KA GAm ,HR'I: sht'I: CI 'GRUB BZLA, DE NAS GRUB NA DKYIL 'KHOR BSHAM YOD TSE DE'I LHO SGO'I PHYOGS SU STEGS BU KHRU GANG GRU BZHI PA BYAS TE BA BYUNG DANG TZANDAN GYIS BYUGS PA'I RTENG DU PAD DKAR 'DAB BRGYAD KYI LTE BAR 'KHOR LO RTZIBS BRGYAD PA BRIS LA STENG DU RO YOD NA KHRUS DANG CHAS 'JUG YI GE 'DOGS PA SOGS TSUL MTHUN BYAS PA DANG MED NA RUS PA'AM GOS SAM TSE 'DAS KYI GZUGS LUS TZOG PUR 'DUG CING THAL MO SBYAR BAS ME TOG GI 'PHRENG BA 'DZIN PA SNYING KHAR MING YIG DANG POS MTSAN PA BRIS PA'I GZUGS BYANG NGAM MING BYANG LTA BU BZHAG ,GAL TE DE THAMS CAD DNGOS SU MA GRUB NA, YID KYIS MOS TE, SBYANG RTEN BUM CHU DANG LAS THAMS CAD PAS BSANGS, AOm SH'U N+YA T'A NAS HAm, RTEN SNANG BA MI DMIGS PA'I STONG PA NYID DU GYUR, STONG PA'I NGANG LAS TSE
, ,'DAS KYI MING YIG DANG PO THIG LES BRGYAN PA YONGS SU GYUR PA LAS TSE LAS 'DAS PA THA MAL PA'I CHA BYAD CAN PHUNG PO DANG KHAMS DANG SKYE MCHED THAMS CAD GSAL ZHING YONGS SU RDZOGS PAR GYUR BAR BSAM LA RDO RJE BSDAMS PA NANG DU BCINGS PA'I 'DZUB MO GNYIS BRKYANG BCUNG ZAD BKUG NAS LCAGS KYU LTAR BYAS LA, MTHE'U CHUNG GNYIS KHAB LTAR BRGYAD PA SHI BA 'GUG PA'I PHYAG RGYA RO LTA BU'I MGOR DNGOS SU BZHAG PA'AM SBYANG RTEN GSON PO'I RNAM PAR BSKYED PA DE'I MGOR BZHAG PAR MOS TE, KHA CIG 'DIR SNGAGS GZHAN BRJOD PA YOD KYANG 'DI SHI BA 'GUG PA'I SNGAGS SU GSUNGS PAS 'DI NYID BRJOD, AOm BADZRA SA TVA H'Um DZDZA, SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, DE BZHIN GSHEGS PA DANG RDO RJE DANG, (RDO RJE'I SEMS KHUG CIG ,)RIN PO CHE DANG, PADMA DANG, LAS KYI RIGS SU ZHUGS PA THAMS CAD DANG, SNYING PO DANG, PHYAG RGYA DANG, GSANG SNGAGS DANG, RIGS SNGAGS KYI LHA'I KHYAD PAR THAMS CAD DANG, KHYAD PAR DU YANG BCOM LDAN 'DAS 'JAM DPAL GSHIN RJE'I GSHED KYI LHA TSOGS 'KHOR DANG BCAS PA THAMS CAD KYI BDEN PA DANG, BDEN PA'I BYIN GYIS RLABS KYIS TSE LAS 'DAS PA CHE GE MO ZHES MING NAS BRJOD PA'AM, 'DI NYID KYI RNAM PAR SHES PA SRID PA BAR DO KHAMS GSUM 'GRO BA RIGS DRUG SKYE GNAS BZHIS BSDUS PA'I 'JIG RTEN GANG NA
GNAS KYANG, SKAD CIG THANG CIG YUD TZAM LA 'DIR MCHIS PAR GYUR CIG ,RANG GI THUGS KHA NAS 'OD ZER LCAGS KYU LTA BU 'PHROS PAS TSE 'DAS KYI RNAM SHES KHA DOG DMAR ZHIR GSAL BA AA THUNG ? GI GZUGS CAN BKUG PA SPYI GTZUG NAS ZHUGS TE SNYING KHAR THIM PAR GYUR PAR BSAM LA, AOm BADZRA AAm KU SHA DZA: SOGS SAM, BADZRA MUD GAR DZA SOGS SGO BA BZHI'I SNGAGS DANG PHYAG RGYAS DGUG GZHUG BCINGS DBANG BYA, SNGAGS BSDUS PA LA MOS NA, DZA: H'Um BAm HO: SA KYANG RUNG, RJE 'DUL BA 'DZIN PA'I CHO GA'I GZHUNG DANG tIKA CHEN NAS MI GSAL YANG TSANG LDAN GZHAN GYIS RDO RJE BSNGAMS PA LAS GUD MO GNYIS BSGRING PA'I PHYAG RGYA BYA BAR BSHAD PAS SPRO NA DE BZHIN BYAS LA, AOm SHO DHA NE SHO DHA NE SARBA B'A PAm AA NA YA H'Um, SDIG PA THAMS CAD KHUG LA SBYONG, ZHES SDIG PA 'GUG PA'I SNGAGS BRJOD PAS TSE 'DAS KYI SDIG SGRIB THAMS CAD BKUG PAR GYUR PAR BSAM, RGYAS PA LA SPRO NA RDO RJE KHU TSUR GNYIS KYI, NANG DU 'DZUB MO LCAGS SGROGS LTAR BCINGS TE LEGS PAR GYEN DU 'PHANG PA LTUNG BA SLONG BA'I PHYAG RGYA BYAS LA, AOm SARBA AA P'A YA AA KARshA NA BI SHO DHA NA BADZRA SA MA YA H'Um PHAt, NGAN SONG BA THAMS CAD BKUG NAS SGRIB PA RNAM PAR SBYONG BA LAS MI 'DA' BA'I RDO RJE, CES NGAN SONG THAMS CAD 'GUG PA'I SNGAGS BRJOD PAS, NGAN 'GRO BA THAMS CAD DKYIL 'KHOR GYI PHYI ROL DU BKUG CING DE RNAMS KYIS BCOM LDAN 'DAS BDAG CAG SDUG BSNGAL GYIS GZIR BA 'DI LAS BSKYAB DU GSOL, BDAG CAG SANGS RGYAS DANG CHOS DANG DGE 'DUN DANG KHYED LA YANG SKYABS SU MCHI'O, ,ZHES SKYABS 'GRO BYED PAR GYUR PAR BSAM, RDO RJE BSDEMS PA LAS GUNG MO GNYIS BSGRENGS, MTHE 'OD GNYIS DANG MTHE'U
, ,CHUNG GNYIS BSRENG STE MNYE ZHING DRAL BA SDIG PA 'JOMS PA'I PHYAG RGYA BYAS LA, AOm BADZRA P'A NI BI SBO tA YA SARBA AA P'A YA GANDHA NA NI PHRA MO KshA YA, SARBA AA P'A YA GA TE BHYA: PHYAG NA RDO RJE NGAN SONG THAMS CAD 'CHING BA RNAMS LAS RNAM PAR DROL CIG RAB TU DROL BAR GYIS SHIG ,SARBA SATVAN SARBA TA TH'A GA TA BADZRA SA MA YA TRAtA, NGAN SONG GI 'GRO BA RNAMS LAS SEMS CAN THAMS CAD KYI RDO RJE'I DAM TSIG GIS DROL CIG ,CES SDIG PA 'JOMS PA'I SNGAGS BRJOD PAS, NGAN 'GRO BA RNAMS KYI SDIG PA THAMS CAD BCOM ZHING SHI NAS GSHIN RJE GSHED KYI ZHABS DRUNG DU SKYES, RTEN RNAMS PA TSVA CAN GYI RGYA MTSOR DOR BAR GYUR BAR BSAM PA 'DI RNAMS BYA ZHING, BSDUS PA LA MOS NA NGAN SONG DGUG TRAL 'DI RNAMS MA BYAS KYANG RUNG, AOm SARBVA BI DA SARBA AA BA YA BI SHODHA NE H'Um PHAt SV'AH'A, BADZRA BANDHA TRAtA, THAMS CAD RIG PA NGAN SONG THAMS CAD RNAM PAR SBYONG SHIG ,CES BRJOD CING SNYING GAR RDO RJE BSDAMS PA SGRA DANG BCAS PA LAN GSUM TRAL PAS TSE 'DAS KYI SDIG SGRIB BAG CHAGS DANG BCAS PA SBYANGS BAR GYUR BAR BSAM, CHO GA'I GZHUNG LAS 'DI YIN NA 'BYUNG LA, tIKA CHEN NAS, AOm SARBBA BID SARBA P'A PAm BI SHODHA NE H'Um PHAt SV'AH'A, THAMS CAD RIGS PA SDIG PA THAMS CAD RNAM PAR SPYOD SHIG DROL CIG ,SARBA BID TRAtA CES PA'I SNGAGS GSUNGS SHING SNGAM MA GSUNG BAS PHYI MA BRJOD KYANG RUNG BAR SEMS SO, ,DE NAS TSE 'DAS KYI SPYI BOR AOm DKAR PO, ,MGRIN PAR A'A: DMAR PO, ,SNYING KAR H'Um SNGON POS MTSAN PAR GYUR BAR BSAM TE GNAS GSUM BYIN GYIS RLABS, RDO RJE KHU TSUR GNYIS BCINGS NAS MTHE BONG DANG GUNG MO DANG MTHE'U CHUNG RNAMS BSGRENGS TE, 'DZUB
MO DANG MING MED SEMS DPA'I DKYIL KRUNG BYAS PA RDO RJE'I PHYAG RGYA, SNYING KHA LKOG MA SPYI GTZUG KHA, DBRAL BA MDZOD SPU RNA BA GNYIS, MGO BO GTZUG PHUD DPUNG PA GNYIS, SNA DANG RKED PA BUS ? MO BO LA; LONG BU SNA YI RTZE MO DANG, MIG GNYIS DANG NI GSANG BA YI, ZHES PA'I GNAS NYING GNYIS SU GTUG PA'AM MOS LA, AOm BADZRA AA DHI TIshthA DZNY'A NA SA MA YE H'Um, ZHES BRJOD PAS BYIN GYIS RLABS BAR DO NGO SPROD BYED NA SKABS 'DIR BYA, GNAS GSUM DANG NYER GNYIS BYIN GYIS BRLABS PA 'DI 'DUL 'DZIN PA'I YIG CHA GNYIS KAR 'BYUNG ZHING SPYOD RGYUD NAS BSHAD PAS BYAS NA PHUN SUM TSOGS PA'I YAN LAG TU 'GYUR LA, TSAD LDAN GZHAN GYIS SKABS 'DIR TSE 'DAS DKYIL 'KHOR GANG LA BRTEN PA DE'I RNAM SNANG GI RIGS KYI LHA'AM GTZO BOR BSKYED DE, DE NAS GNAS GSUM DU YI GE GSUM DGOD PAR BSHAD CING GNAS NYER GNYIS BYIN GYIS RLABS PA'I SNGAGS RGYA MA BSHAD PA'ANG YOD PAS DE LTAR BYAS KYANG RUNG NGO, ,RTEN SKYED PA NAS 'DI'I BAR DU LHAR BSKYED PA 'DUL 'DZIN PA'I CHO GA'I GZHUNG LAS MI 'BYUNG YANG, RTEN SKYED NAS RNAM SHES BKUG PA'I RJES SU DBANG THOB PA YIN NA RANG LHAR BSKYED PA'AM YANG NA PHO YIN NA RNAMS SNANG DANG, MO YIN NA SPYAN MAR RANG GI SA BON LAS SKYED PA KYEE RDO RJE'I RO SREG GI CHO GA BRAM ZE NAG PO ZHABS KYIS MDZAD PA'I KHUNGS DANG BCAS PA tIKA CHEN NAS BSHAD DO, ,DE LTAR SKABS 'DIR LHAR SKYED NA BSANG SBYANG, STONG PA'I NGANG LAS GTI MUG GSHIN RJE GSHED DAM, GTZO BO GANG RUNG DU CHO GA GSUM GYIS SKYED DE GNAS GSUM DU YI GE GSUM DGOD PAR BYA'O, ,DE NAS BGEGS SBYANG BA NI 'DIR SKABS THOB KYIS
, ,TSE 'DAS DE GSON PA'I DUS NA TSE GNAS PA LA BAR CHAD BYED CING SHI BA'I 'OG TU DE'I SNGON GYI CHA LUGS DANG SPYOD PA SOGS SHES PAR BYAS TE, DE'I CHA BYAD BZUNG NAS NYE 'BREL RNAMS KYI RMI LAM DU 'BYUNG BA DANG GZHAN LA BAB NAS SMRA BA LA SOGS PA'I SGO NAS BSLU ZHING GNOD PAR BYED PA'I DRI ZA KHYAB BYED CES BYA BA DANG, BI TZA NA ZHES BYA BA DANG, GNOD SBYIN SMRA 'DOD KYI RIGS DANG, 'BYUNG PO BAR HI NATA, KUN TU GTOGS 'DOD CES BYA BA LA SOGS PA DANG, TSE 'DAS DE BAR DO NAS NGAN SONG DU 'KHRID PA DANG, YANG TSE 'DAS DE GANG DU SKYE BA BLANG BA'I GNAS SU DGE BA DANG BDE BA LA BAR DU GCOD PA'I YI DAGS, GSHIN RJE'I CHA BYAD PA ZHES BYA BA LA SOGS PA'I BGEGS KYI RIGS RNAMS SBYONG BA YIN PAS DE DAG LA GTOR MA SOGS BYIN MTHAR BSKROD PA'I RGYAB DPUNG DU DKYIL 'KHOR RANG RANG GI LAS LHA GTZO BOR BYAS PA'I KHRO BO GRANGS MED SPYAN 'DREN PAR BSHAD PAS BCU GSUM MA LA RAL GRI GSHIN RJE GSHED DAM GNYIS KA LA 'JIGS BYED PHYAG GNYIS GRI THOD 'DZIN PA GTZO BOR GYUR BA'I KHRO BO DPAG TU MED PA LHO SGO'I THAD KYI SRUNGS 'KHOR GYI MDUN DU SPYAN 'DREN PA'I DMIGS PA DANG BCAS PAS KHRO BO SPYAN DRANGS PA NAS MCHOD BSTOD KYI BAR BYA ZHING, DKYIL 'KHOR CHEN PO'I SA GZHI LA GNAS PA'I, ZHES PA SDIG SBYONG CHEN PO'I SA GZHI LA GNAS PA'I ZHES DANG, DA NI GNAS 'DIR DKYIL 'KHOR CHEN PO BSGOM, ZHES PA, DA NI GNAS 'DIR TSE 'DAS SGRIB PA SBYONG, CES PAR 'DON PA BSGYUR, CHO GA'I GZHUNG DU, SKAD GCIG GI RANG NYID 'JIG RTEN GSUM RGYAL DU BSGYUR BAR BSHAD KYANG 'DIR GSHIN RJE GSHED KYI NGA RGYAL GYIS
CHOG ;GTOR MA GSUM BSHAMS LA SNGAGS DANG BUM CHUS BSANG, SVA BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU, GTOR MA GZUGS SGRA DRI RO REG BYA 'DOD PA'I YON TAN PHUN SUM TSOGS PAR GYUR, AOm A'A: H'Um, GSUM GYIS BYIN GYIS RLABS, GTOR MA GA-YAS SU BSKOR ZHING, AOm SARBA BI GHAN NA MA SARBA TA TH'A GA TE BHYO, ,SOGS GSUM GYIS BSNGO BA NI ZHI BAS SBYANG BA, TING LO'I MAR ME DANG CHANG BU SGRAGS NAS RTEN LA PHYIR SKOR ZHING, SUM BHA NI LAN GSUM BRJOD PA ZHI DRAG PHYED, MAS SBYANG BA, SANGS RGYAS KYI BDEN PA DANG, ZHES PA NAS, BDEN PA'I BYIN GYIS BRLAB GYIS TSE LAS 'DAS PA CHE GE MO 'DI GSON GYI DUS NA TSA GNAS PA LA PAR DU GCOD CING, TSE 'PHOS NAS GANG DU GNAS PA'I LUS SROG DANG MTHOR SI DANG THAR PA LA BAR DU GCOD PA'I BGEGS KYI TSOGS THAMS CAD DANG, TSE LAS 'DAS PA'I CHA BYAD BZUNG NAS DE'I NYE 'BREL DANG 'JIG RTEN PA RNAMS LA BSLU ZHING GNOD PAR BYED PA'I GNOD SBYIN DANG SHA ZA DANG 'BYUNG PO LA SOGS PA THAMS CAD GTOR MA 'DIS TSIM PAR GYIS LA GNOD PA DANG 'TSE BA'I BSAM PA NGAN PA THAMS CAD SPONG LA PHAN PA DANG BYANG CHUB KYI SEMS DANG LDAN PAS RANG RANG SO SO'I GNAS SU SONG ZHIG ,GAL TE MI 'GRON YE SHES KYI RDO RJE ME RAB TU 'BAR BA RNAMS KYIS SREG TZANG RNAM PAR 'JOMS PAR GDON MI ZA'O, ,ZHES BRJOD CING SUM BHI NA'I SNGAGS DRAG TU BZLA, GU GUL GYIS BDUG ,YUD ? DKAR GYIS ZAB, ROL MO'I SGRA DRAG TU BYA BA NI DRAG POS SBYANG BA'O, ,ZHI DRAG BYED MA DANG DRAG POS SBYAR BA'I
, ,SKABS SU SUM BHA NI BZLA BAR GZHUNG DANG tI KA CHEN LAS BSHAD CING, SPYIR YANG SUM BHA NI BZLA BA SPYI 'GRO YIN LA, TSAD LDAN 'GA' ZHIG GIS SUM BHA NI MI BRJOD BADZRA AA MRi TA LTA BU'I LAS SNGAGS BRJOD PAR BSHAD PA'ANG YOD PAS DE LTAR NI 'DIR KHANGKA DHRIKA GI ,HR'I: sht'I: 'AM 'KHYIL PA'I SNGAGS LTA BU GANG RIGS BRJOD KYANG RUNG, DE NAS SDIG PA SPYAD PA LA SBYIN SREG GIS SBYANG BA NI, 'BYOR NA SPOS PHOR ME DANG BCAS PA'I MDUN DU RDO RJE MKHA' 'GRO'I MCHOD PA DANG, MAndAL LAM ME LONG LTA BU'I STENG DU TIL NAG PO LA SDIG PA'I GZUGS BYAS PA BSHAMS, DA LTA PHYAG LEN LA 'GA' ZHIG GIS ZAN GYI TING LO ZLUM PO BYED PA DANG, 'GA' ZHIG TING LO ZUR GSUM GYI RNAM PA BYED PA SOGS DU MA SNANG BA SPOS PHOR LTA BU'I ME SNOD 'OS 'GAD ? YOD NA TING LO MI DGOS SHING MED NA TING LO ZLUM PO LTA BU LA BRTEN RUNG TZAM YIN KYANG ZUR GSUM BYED PA LAG LEN SHIN TU MA DAG PA YIN TE, tIKA CHEN SOGS TSAD LDAN GYI GZHUNG LAS 'DIR ZHI BA'I THABS KHUNG ZLUM PO'I NANG DU RDO RJE MKHA' 'GRO BA SKYED PAR BSHAD PA'I PHYIR RO, ,'DIR CHO GA'I GZHUNG LAS SDIG PAR CAN GYI RNAM PAR GYUR NAS RANG GI LAG PAR BZUNG BA'I TIL LA THIM PAR BSAM PAR GSUNGS PA'I TSIG RIS LTAR NA TIL RANG GI LAG MTHIL DU 'DZIN PA 'DRA YANG, tIKA CHEN NAS LAG PA'I MTHIL LAM SNOD DU TIL NAG PO LA SDIG PA'I GZUGS BYAS PA LA THIM PAR BSAM STE; ZHES 'DI ? MANG ? MDZAD CING DAM PA GZHAN GYIS ME LONG GI STENG DU TIL NAG POS SDIG PA'I GZUGS BYA BAR BSHAD LA PHYAG LEN YANG ? DE BZHIN MDZAD PAS GONG DU BSHAD PA LTAR BYA, RDO RJE
'KHA' 'GRO'I SKYED CHOG NI, ME BSANG ZHING SBYANG LA, RGYAS PA LA MOS NA, STONG PA'I NGANG LAS H'Um LAS ZHI BA'I THABS KHUNG DKAR PO ZLUM PO KHA KHYER LA RDO RJE'I 'PHRENG BAS BSKOR BA'I NANG DU, DZVA LA RAm, ZHES YE SHES KYI ME SBAR BA'I DBUS SU PAm LAS PADMA RAm LAS NYI MA'I STENG DU H'Um LAS RDO RJE H'Um GIS MTSAN PA LAS RDO RJE MKHA' 'GRO SKU MDOG NAG PO ZHAL GCIG PHYAG GNYIS THUGS KHAR H'Um MDZAD KYI PHYAG RGYAS RDOR DRIL 'DZIN PA RIN PO CHE'I RGYAN SNA TSOGS KYIS BRGYAN PA, ZHABS GA-YON BRKYANG GI STABS KYIS BZHUGS ZHING ZHAL RAB TU GDANGS PAR GYUR PA'I SPYI BOR AOm, MA GRIN PAR A'A: THUGS KHAR H'Um THUGS KA'I H'Um LAS 'OD ZER 'PHROS PAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, AOm BADZRA tA KI AARGAm SOGS KYIS MCHOD, MI BSKYOD RDO RJE YE SHES CHE,, NAS RDO RJE MKHA' 'GRO PHYAG 'TSAL BSTOD, ,CES SHO LO KA GCIG GIS BSTOD, BSDU NA, RAm LAS YE SHES KYI ME 'BAR BA'I DBUS SU SKAD CIG GIS KHRO BO RDO RJE MKHA' 'GRO SKU MDOG MTHING NAG ZHAL GCIG PHYAG GNYIS RDO RJE DANG DRIL BU 'DZIN CING ZHAL GDANGS BAR GYUR, CES BSKYED DE SDAM tI GA CHEN DANG PHYI MA CHO GA'I GZHUNG LAS 'BYUNG NGO, ,TSE 'DAS KYI RKANG MTHIL GNYIS SU RLUNG GI DKYIL 'KHOR, LTE BAR YE SHES KYI ME 'BAR BA, SNYING KHAR SDIG PA'I SA BON PAm NAG PO LA LUS NGAG YID GSUM GYI SDIG SGRIB THAMS CAD 'DUS, LTE BA'I YE SHES KYI ME 'BAR BA'I 'OD ZER GYIS SNYING KA'I PAm DED NAS SNA SGO NAS THON SDIG PAR CAN GYI RNAM PAR GYUR NAS
, ,TI LA NAG POL SDIG PA'I GZUGS BYAS PA LA THIM PAR GYUR PAR BSAM TE 'DZUB MO DANG MTHE BO'I DBUS SU H'Um BSAM LA DES SDIG PA'I GZUGS LAS BCAD NAS KHRO BO'I ZHAL DU PHUL NAS GSOL BAR MOS TE, AOm BDZRAt KI KHA KHA KH'A HI KH'A HI, RDO RJE MKHA' 'GROS ZO ZO ZO CIG ZO CIG ,SARBA B'A BAm DA HA NA BTA SMIN KU RU SV'A H'A, SDIG PA THAMS CAD SREGS PAR MDZOD CIG ,ZHES BZLAS SHING 'THEB 'DZUB GYIS TIL ME LA BTAB NAS BSREGS PAS SDIG PA DAG PAR BSAM, SKYED CHOG SNGA MA LTAR NA SLAR YANG MCHOD BSTOD SNGAR BZHIN BYAS TE, AOm BADZRA MU, YE SHES PA RANG BZHIN GYI GNAS SU GSHEGS, DAM TSIG PA 'DAG NYID LA THIM PAR GYUR PAR BSAM, PHYI MA LTAR NA GSHEGS GSOL MI DGOS SHING, DAM TSIG PA MI DMIGS PAR MOS PAS CHOG STE, SDA MA tAK CHEN LAS BSHAD CING PHYI MCHO GA'I GZHUNG GI DGONGS PA'O, ,DE NAS PHYIR ZLOG GI SBYANG BA NI, BYE MA 'AM YUNGS DKAR LA KAm KA NI DANG GTZUG TOR RNAM RGYAL DANG, GTZUG TOR DRI MED GNYIS KYI GZUNGS, AOm PADMO shnI SHA BAm MEL H'Um PHAt, CES PA RNAMS NYER GCIG RE, YI GE BRGYA PA, HR'I: sht'I: SOGS DKYIL 'KHOR GYI LHA'I SNGAGS RNAMS KYI MTHAR, TSO LAS 'DAS PA CHE GE MO ZHES BYA BA 'DI'I SDIG PA DANG SGRIB PA THAMS CAD SHAN TING KU RU YE SV'AH'A, ZHES BTAGS LA MANG DU BZLAS TE, SO SO'I SNGAGS DON DANG 'THUN PA'I DMIGS PA DANG BCAS PAS, AOm SARBA P'A PAm DA HA NA BDZRA H'Um PHAt, SDIG PA THAMS CAD SREGS PA'I RDO RJE, AOm SARBA P'A PAm BI SHO DHAN BDZRA H'Um PHAt,
SDIG PA THAMS CAD RNAM PAR SBYONG BA'I RDO RJE, AOm SARBA KA RM'A A'A WAR n' NI BHA SMIN KU RU H'Um PHAt, LAS DANG SGRIB PAR THAMS CAD THAL BAR MDZOD CIG ,AOm BHRUm BI N'A SHA YA A'A WAR n'A NI BDZE H'Um PHAt, SGRIB PA RNAM PAR 'JOMS PA'I RDO RJE, AOm DRUm BI SHO DHA YA A'A WAR n'A NI H'Um PHAt; SGRIB PA THAMS CAD RNAM PAR SBYONG, AOm DZVAL DZRAL DHA KA DHA KA HA NA HA NA AA PA RA n'A NI H'Um PHAt, 'BAR BA 'BAR BA TSED CHOD BSNUN BSNUN SGRIB PA SBYOD, AOm SRUm SA RAS RA BRA SAR A'A WA RA n'A NI H'Um PHAt, 'JOMS PA 'JOMS PA RAB 'BYAMS RAB 'BYAMS SGRIB PA SBYONG, AOm H'Um HA RAH RA SARBA A'A WA RA n'A NI H'Um PHAt, 'PHROG 'PHROG SGRIB PA SBYOR, AOm H'Um PHAt SARBA A'A WA RA N'A NI SPO tA YA H'Um PHAt, SDIG PA THAMS CAD KHOS SHIG ,AOm PRI TI PRI TI SARBA A'A BO RA n'A NI H'Um PHAt, DRAL BAR GYIS DRAL BAR GYIS SGRIB PA SBYONG, AOm TRAt TRA tA SARBA A'A WAR n'A NI H'Um PHA tA, CHOD CHOD SGRIB PA SBYONG, AOm TSI NDA TSI NDA SARBA A'A WAR n'A NI H'Um PHAt, GTUB GTUB BSGRIB PA SBYONG, AOm DA HA DA HA SARBA NAR KAG TI HE TUM H'Um PHAt, DMYAL BAR 'GRO BA'I RGYU THAMS CAD SREG SREG ,AOm PA TZA PA TZA SARBA PHRE KA TE HE TUM H'Um PHAt, YI DBAGS SU 'GRO BA'I RGYU THAMS CAD CHOGS CHOMS , AOM THA MA THA SARBA TI RYE KAG TI HE TUm H'Um PHAt, DUD 'GROR 'GRO BA'I RGYU THAMS CAD CHOM CHOM, TSE LAS 'DAS PA CHE GE MO ZHES BGYI BA 'DI SDIG PA DANG SGRIB PA THAMS CAD DANG NGAN SONG GSUM GYI RGYU LAS DANG NYON MONGS PA THAMS CAD LAS GROL TE MYUR DU MNGON PAR RDZOGS PAR 'CHANG RGYA BAR GYUR CIG ,CES PA LTA BU'I SPEL TSIG DANG BCAS PA BZLA ZHING BYE MA 'AM, YUNGS DKAR SBYAD RTEN
, ,LA BRAB BAS YE SHES KYI SDAGS KYI 'PHRENG BA 'OD ZER DANG BCAS PA RTEN LA PHOG PAS DE'I SDIG SGRIB THAMS CAD DAG PA'I MOS PA BYA, DE NAS KHRUS KYIS SBYAR BA NI , DKYIL 'KHOR YOD NA DE'I GZUGS BRNYAN ME LONG LA SHAR BA DANG, MED NA SKU GSUNG THUGS KYI RTEN GANG 'DZOM CIG GI GZUGS BRNYAN ME LONG LA SHAR BA LA KHRUS BUM MAM RNAM RGYAL GYIS GSOL, DE DANG BLA MA KHA CIG GI PHYAG LEN LA RO'I STENG DU SKU GZUGS BZHAG NAS DE LA KHRUS GSOL BA YOD PAS GANG RUNG BYAB tA KA CHEN NAS BSHAD, GANG LTAR YANG KHRUS GSOL BA'I TSIG NI, JI LTAR BLTAMS PA TZAM GYIS NI, SOGS DANG, AOm SARBA TA TH'A GA TA SOGS DANG, DE DAG SKUL MTSUNGS PA MED PA'I GOS, ,GTZANG LA DRI RAB BSGOS PA'I SKU SOGS, ,AOm H'Um TRAm SOGS, RGYAL BA'I SKU LA NYO NA MONGS MI MNGA' YANG, ,TSE 'DAS LUS KYI SGRIB PA SBYANG SLAD DU, ,RGYAL BA'I SKU LA KHRUS TSAB 'DI GSOL BAS, TSE 'DAS LUS KYI SGRIB PA DAG GYUR CIG ,AOm SARBA NAS BI SHO BHA NI SV'A H'A, DE BZHIN DU SKU ZHES PA GSUD DANG THUGS, ,LUS ZHES PA NGAG DANG YID CES PAR 'DON PA BSGYUR TE KHRUS GSOL, ,DE BZHIN GSHEGS PA RNAMS DANG DE SRAS LA, ,RIN CHEN BUM PA MANG PO SPOS KYI CHU, ,YID 'ONG LEGS PAR BKANG BA GLU DANG NI, ,ROL MOR BCAS PA DUMS SKU KHRUS GSOL, ,AOm SARBA NAS SV'AH'A, STONG GSUM KUN DU DRI DANG LDANG BA YI, ,DRI MCHOG RNAMS KYIS THUB DBANG RNAMS KYI SKU, GSER SBYANG BCOM
PHYI DOR BYAS BLTAR, ,'OD CHAGS 'BAR BDE DAG BYUGS PAR GYIS, ,AOm BDZRAG ND'E A'A H'Um, DE NAS DEL KHA DOG LEGS SGYUR BA'I, ,NA BZA' SHIN TU ZHIM YID 'ONG BA'I, ,GOS BZANG SRAB LA 'JAM PA SNA TSOGS DANG, ,RGYAN MCHOG BRGYA PHRAG DED DE DE DGA' BUL, AOm BDZRA WAS SA A'A H'Um, ZHES BRJOD, DE NAS KHRUS GSOL BA'I CHU DE KHRUS BUM DU BLUG TE RO YIN NA DNGOS SU BKRU, MING BYANG LTA BU NUB SDA MA RNAMS LA ME LONG LA GZUGS BRNYAN SHAR RAB DANG, THA MA LA DNGOS SU BKRU BAR GSUNGS KYANG PHYAG LEN LA LAG PA GA-YON BUM PA THOGS, GA-YAS PAS KU SHA BZUNG NAS SDAGS BRJOD PA'I TSE BUM CHU 'THOR PA DAM PA DAG GIS MDZAD PA LTAR RAM, BUM PA MDUN DU BZHAG STE 'THOR BA LTA BU GANG YANG RUNG BAS KHRUS CHU 'THOR PA BDE BAS DE LTAR BYA, 'DI NI SBYIN PA'I RANG BZHIN CHU, ,SER SNA'I DRI MA SBYONG MDZAD CING, , GTONG BA DRI YIS LEGS BSGOS CHU, ,KHRUS LEGS MDZAD KYI KHRUS BYA'O, ,AOm YA M'ANDA KA SA MA YA, MA NU B'A LA NAS MA H'A SA MA YAS TVA AA, 'JIG RTEN 'DI NA PHA ROL TU SONG ZHING TSE LAS 'DAS BA CHE GE MO ZHES BYA BA 'DI TSE 'KHOR BA THOG MA MED PA NAS BSAGS PA'I SDIG BA DANG SGRIB PA THAMS CAD DANG, KHYAD PAR DU NYON MONGS PA SER SNA'I DRI MI THAMS CAD BYANG ZHING DAG NAS SBYIN PA'I PHA ROL TU PHYIN PA YONGS SU RDZOGS TE MYUR DU MNGON PAR RDZOGS PAR 'TSANG RGYA BAR GYUR CIG ,DE BZHIN DU SBYIN BA ZHES PA'I GNAS SU, TSUL KHRIMSx BZOD PA
, ,BRTZON 'GRUSx BSAM GTANx SHES RABx CES DANG, SER SNA ZHES PA'I GNAS SU, TSUL 'CHALx KHONG KHROx LE LOx, RNAM GA-YENG SHES 'CHALx, ZHES PA RNAMS 'DON PA BSGYUR LA TSIG BCAD SNGAGS SPEL TSIG DANG BCAS PAS BKRU, CHU BO DRUG GIS KHRUS BYAS PAS, ,BAG CHAGS RNAM DRUG SBYANG NAS NI, GANG LA NYES PA MI MNGA' ZHING, ,KHRUS LEGS MDZAD LA PHYAG 'TSAL 'DUD, ,YIG BRGYA, DRI CHU DRUG GIS KHRUS BYAS PAS, ,DRI MA RNAM DRUG SBYONG MDZAD PA, ,RGYA CHEN YON TAN DRUG LDAN PA, ,KHRUS LEGS MDZAD LA NYES MI MNGA', ,YIG BRGYA, DRI MA RNAM DRUG DAG PA YIS, ,YON TAN THAMS CAD DANG LDAN PA, ,SANGS RGYAS THAMS CAD MCHOD DON DU, DAD PAS BDAG GIS KHRUS BGYI'O, ,YIG BRGYA, 'JIG RTEN 'DI NAS ZHES PA NAS, KHYAD PAR DU PHA ROL TU PHYIN PA DRUG GI MI MTHUN PHYOGS BYANG ZHING DAG NAS PHA ROL TU PHYIN PA DRUG YONGS SU RDZOGS TE MYUR DU MNGON PAR RDZOGS PAR 'TSANG RGYA BAR GYUR CIG ,'DOD CHAGS ZHE SDANG GTI MUG GSUM, ,DE DAG 'JIG RTEN DUG GSUM STE, ,BCOM LDAN SANGS RGYAS DUG MI MDA', ,SANGS RGYAS GZI YIS DUG BCOM MO, ,YIG BRGYA, 'JIG RTEN 'DI NAS, NAS KHYAD PAR DU NYON MONGS BA DANG DE'I DBANG GIS BYUNG BA'I DUG THAMS CAD BYANG ZHING DAG NAS MYUR DU SOGS, DE BZHIN DU SANGS RGYAS ZHES PA'I GNAS SU, BCOM LDAN DAM CHOSx 'PHAGS PA'I DGE 'DUNx ZHES PA 'DON PA 'DON PA SGYUR
PA DANG YIG BRGYA DANG SBEL TSIG SNGAM LTAR SBYAR BAS BKRU, SA NI DUG GI MA YIN TE, ,SA NI DUG GI PHA YANG YIN, ,BDEN PA'I BDO NA TSIG 'DI DAG GIS, ,TSE 'DAS DUG NI DUG MED SHOG ,DUG NIS YI NANG DU SONG, ,GANG BA'I SNOD DU DUG SONG SHIG SB'AH'A, ,DE BZHIN DUS ZHES PA'I GNAS SU, CHU, ME, RLUNG, ZHES PA BCUG LA YIG BRGYA SBYEL TSIG DANG BCAS PA BYA'O, ,SBYEL TSIG RGYAS PA SBYOR BAR SPRON, GONG GI SVA'H'A, ZHES BA'I MJUG TU, 'BYUNG BA DANG 'BYUNG BA LAS GYUR PA'I DUG THAMS CAD 'BYUNG BA SA'I BGAL ZHI BAR GYUR CIG ,'BYUNG BA SA'I NANG DU THIM PAR GYUR CIG ,'BHUNG BAS RNAM PAR DAG PA SBYAN MA'I RANG BZHIN DU SANGS RGYAS PAR GYUR CIG ,SA'I RANG BZHIN NI STONG PA NYID YIN PAS CHOS NYID SPROS BRAL TU RTOGS PAR GYUR CIG ,CES DANG GZHAN GSUM LAS ZHES PA DANG, SBYAN MA ZHES PA'I GNAS SU, CHU, ME, RLUNG, ZHES DANG, M'A MA KI ,GOS DKAR MO, ,SGROL MA, ZHES PA RNAMS BCUG LA BRJOD, 'DIR KHRUS 'DI DAG GI SKABS SU RTZA RIG GI TSAB TU YIG BRGYA BRJOD PA tI KA CHEN NAS, BLA MED KYI DKYIL 'KHOR GZHAN GYI SGO NAS LHO SGO'I CHO GAG SHIN PO'I DON DU BYED NA RTZA RIG GI GNAS SU RANG RANG GI YIG BRGYA BRJOD PAR GSUNGS BA LTAR YIN LA, DAM PA 'GA' ZHIG GIS BLA MED KYID KYO 'KHOR GZHAN DANG 'BREL BA'I SKABS SU'ANG RTZA RIG BRJOD PAR GSUNGS PA YOD BAS DE LTAR BYAS KYANG MI RUNG BA MED, DE LTAR BKRUS BAS SO SO'I SBEL TSIG NAS 'BYUNG BA
, ,LTAR DRI MDAG PA LA SOGS PA'I DMIGS PA SHUGS DRAG BO BYA, SNGAGS DANG SBEL TSIG GI SKABS SU DRIL BU DKROL MI DKROL GZHUNG DANG tI KA CHEN NAS MI GSAL ZHING DAM PA 'GA' ZHIG GIS DER ROL MO DKROL BA CHOS BRGYAD KYI SPROS PA LAS DAM PA GONG MA'I PHYAG LEN LA MED GSUNGS PA'ANG SNANG LA, DENG SANG PHYAG LEN LA DKROL BA DANG MID KROL BCI RIGS 'DUG KYANG DKROL BA'I SROL SHAS CHER DAR PA'I YUL DU MA DKROL NA SBYIN BDAG NYAMS CHE CHE MO 'DRAS BLA MA 'DIS DRIL BUD KROL TSOD TZAM YANG MI SHES 'DUG GZER NYEN CHE BAS SNGAR SROL LTAR BYAS NA SNGIG RKYEN DU MI 'GYUR ZHING LAG LEN SHES PA'I SNYAN GRAGS 'THOB, SA NI DUG GI MA YIN TE, ZHES SOGS GYI SKABS SU SA LAS 'THOR, CHU LA BUM CHU 'THOR, ME LA DPAL 'BAR GA-YO BA, RLANG LA KHA BA RGYAN GYI KU SHA YOB PAR TSAD LDAN GYI DAM PA 'GA' ZHIG GIS GSUNGS SHING PHYAG LEN KYANG DE LTAR MDZAD PAS DE BZHIN BYED PA MI RUNG BA MIN NA'ANG, RANG CAG 'DUL 'DZIN PA'I RJES SU 'BRANG NAS DES GSUNGS PA'I CHOG DANG PHYAG LEN BYED PA RNAMS KYIS tI KA CHEN NAS, SA NI DUG GIM YIN TE, ZHES SOGS TSIG BCAD RE RE'I MTHAR KHRUS RE BYAS LA GZHUNG NAS 'BYUNG BA LTAR SMON LAM BRJOD CING DE LTAR YANG BSAM MO, ,ZHES GSUNGS PA LTAR BYA BAR RIGS SO, , DE NAS MI SHIS PA SBYAD BA NI, DMANG 'GA' ZHIG GIS BKRA SHIS KYI TSIGS BCAD CI RIGS GSUNGS SHID TSIG 'TSAMS TSOR BLAMS GA-YAS PAR BUM CHU 'THOR, GA-YON
PAS DRIL BU DKROL, TSOGS PAS ME TOG 'THOR BAR MDZAD PAS DE BZHIN BYAS PA RUNG NA'ANG, tI KA CHEN NAS MI SHIS PA SPYANG BA NI, GTZUG DGU LAS, SLAR YAD BKRA SHIS TSIGS BCED KYIS, DUS GSUM DU NI KHRUS BYA'O, ,ZHES BKRA SHIS KYI TSIGS SU BCAD PA BRJOD CING KHRUS BYED PAR GSUNGS PA 'DRA YANG, BYAG LEN LA SHO LA KA RE RE'I MTHAR DRIL BU BSIL ZHING ME TOG 'THOR BA MDZAD DO, ,ZHES GSUNGS PA LTAR SHO LO KA RE RE'I MTHAR DRIL BU BSIL ZHING ME TOG 'THOR BA DANG BCAS PAS, GANG LA BSER SNA RNAM CHAGS PA, ,RNAM 'JOMS DRIM MED MDZAD CING, ,THUGS ZHI GNOD PA MI MNGA' DES, ,KHYES LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DES, ,KHYED LAx, STON PA 'GRO BA RNAMS KYI RTEN, ,SEMS RTZAN KUN KYI DON GYI PHYIR; ;GANG ZHIG BDE BAR MNGA' MDZAD DES, ,KHYED LAx, SGYOB PA GANG ZHIG BYAMS PA YIS, ,THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANGS DES, ,KHYED LAx, GANG ZHIG 'KHOR BAR 'GRO BA YI, ,SEMS CAN KUN GYI RTEN GYUR CING, ,GLING DANG DPUNG GNYEN GYUR PA DES, ,KHYED LAx, DPA' BO CHEN BO GANG SKYES PAS, ,PHUN SUM 'TSOGS DON 'BYOR GYUR CING, ,DON GRUB CHOS KYANG GRUB PA DES, ,KHYED LAx, GANG ZHIG SKYES PAS SA RNAMS NI, ,NAGS TSAL BCAS
, ,PA RAB GA-YOS SHING, ,SEMS CAN THAMS CAD RAB DGA' DES, ,KHYED LAx, BYANG CHUB SNYING POR GSHEGS PA NA, ,SA DAG RNAM DRUG GA-YOS GYUR CING, , BDUD YID MI BDER GYUR BA DES, ,KHYED LAx, CHOS KYI 'KHOR LO BSKOR BA NA, ,'PHAGS PA'I BDEN PA RNAMS GSUNGS SHING, ,THUB BA'I SNYAN PA GANG BYUNG DES, ,KHYED LA YID 'PHROG GAR GIS MU STEGS BYED, ,THAMS CAD CHOS KYIS PHAM MDZAD DE, ,TSOGS KUN DBANG DU MDZAD PA DES, ,KHYED LAx, SANGS RGYAS KHYED LA BDE LEGS MDZAD, BRGYA BYIN TSANGS PA'I LHA RNAMS DANG, ,'BYUNG PO KUN GYI BDE LEGS NI, ,PHYED LA RTAG TU SBYIN GYUR CIG ,SANGS RGYAS BSOD NAMS MTHU DAG DANG, ,LHA RNAMS KUN GYI BSAM PA YIS, ,KHYED KYI 'DOD DON GANG YIN PA, ,DON DE DE RING 'GRUB KYUR CIG ,RKANG GNYIS KHYED CAG BDE LEGS GYUR, ,RKANG BZHI KHYED CAG BDE LEGS GYUR, , KHYED CAG LAM BGROD BDE GYUR CIG ,PHYIR 'ONG DAG KYANG BDE LEGS SHOG ,NYIN MO BDE LEGS MTSAN BDE LEGS, ,NYI MA'I GUNG YANG BDE KLEGS SHING, ,KHYED CAG KUN TU BDE LEGS GYUR, ,KHYED CAG SDIG PAR MA GYUR CIG ,'JIG RTEN 'DI NAS PHA ROL TU SONG NAS, 'DAS PA CHE GE MO ZHES BYA BA 'DI NGAN SONG GSUM LAS GROL NAS MTHO RIS SU SKYES TE BDUD DANG MI MTHUN PA'I PHYOGS THAMS CAD LAS RGYAL NAS SHIN TU BKRA SHIS BAR GYUR TZIG ,CES BRJOD, DE NAS TSE 'DAS DE'I BU LA SOGS PA NYE 'BREL GANG
YANG RUNG BCIG GIS BYANG BU BZUNG NAS PHYAG BYED DU GZHUG BA'AM, RANG GI BYANG BU BZUNG NAS PHYAG 'TSAL BA'AM, GAL TE DE LTA BU MA BYAS KYANG YID KYIS TE 'DAS DES BLAM DANG DKYIL 'KHOR BA'I LTA DANG DKON MCHOG GSUM DANG NYI BA'I SRAS BRGYAD DOGS LA SNYING THAG PA NAS SKYABS SU 'GRO ZHING PHYAG BYED PAR MOS TE, GANG GI DRIN GYIS BDE CHEN GNAS, , SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE 'DZIN ZHABS PAD LA 'DUD, ,BLA MA SANGS RGYAS BLA MA CHOS, ,ZHES SOGS, BLA MA'I SKU NI RDO RJE'I SKU, , ZHES SOGS SHO LO KA GSUM, ,SANGS RGYAS KUN GYI RANG BZHIN SKU, ,SLOB DPON LA YANG BDAG PHYAG 'TSAL, ,DANG POR ME TOG PHOG PA YI, ,DKYIL 'KHOR LHA TSEGS RNAMS LA 'DUD, ,GZUGS MCHOG MCHOG TU DRAG PO CHE, ,ZHES SOGS, BCU GSUM MA'I SKABS, GSHIN RJE GSHED BO RAB 'JIGS PA, ,ZHES SOGS SHO LO KA BZHI, ,GTZO BO RGYAL BA 'GRO BA'I MGON, ,'GRO BA SKYOBS PA'I DON BRTZON PA, ,STOBS CHEN 'JIGS BA KUN SEL LA, ,DE RING NYID NAS SKYABS SU MCHI, ,DE YIS THUGS SU CHUD PA'I CHOS, ,'KHOR BA'I 'JIGS BSEL BA DANG, ,BYANG CHUB SEMS DPA'I CHOGS LA YANG, ,DE BZHIN YANG DAG SKYABS SU MCHI, ,BDAG NI 'JIGS PAS RNAM SKRA GNAS NAS, ,KUN TU BZANG LA BDAG NYID 'BUL, ,'JAM BA'I DBYANGS LA BDAG NYID KYIS, ,BDAG GI LUS NI DBUL BAR BGYI, ,THUGS RJE'I SPYOD BA MA 'KHROL BA'I, ,SBYAN RAS GZIGS MGON DAL YANG, ,NYAM
, ,THAG NGA ROS 'O DOD 'BOD, ,SDIG CAN BDAG LA SKYABS TU GSOL, ,'PHAGS PA NAMS MKHA'I SNYING PO DANG, ,SA YI SNYING PO DAG DANG NI, ,THUGS RJE CHE MGON THAMS CAD LA, ,SKYABS TSOL SNYING NAS 'O DOD 'BOD, ,GANG ZHIG MTHONG NAS GSHIN RJE YI, ,PHO NYA LA SOGS SDANG BA RNAMS, ,SKRAG NAS PHYOGS BZHIR 'KHYER BYED PA'I, ,RDO RJE CAN LA SKYABS SU MCHI, ,SNGON CHAD KHYED KYI BKA' LAS 'DAS, ,DA NI 'JIGS PA CHE MTHONG NAS, ,KHYED LA SKYABS SU MCHI LAGS KYI, ,'JIGS PA MYUR DU BSAL DU GSOL, , 'DI'I CHO GA'I GZHUNG LAS 'DIR DE RNAMS NI PHYIR ZLOG GI SBYANG BA'O, ,ZHES 'BYUNG LA tI KA CHEN NAS, SLOB DPON KUN SNYING GIS PHYIR ZLOG GI SBYANG BA PHYE MA SOGS KYIS BRAB PA NAS KHRUS KYI BAR LA BZHED PA DANG, KHA CIG SKYABS 'GRO DANG BCAS PA LA BZHED PA'I LUGS GNYIS GSUNGS SO, ,DE NAS DBANG BSKUR NA SLOB MA'I BYA BA RNAMS TSE 'DAS KYIS BYED PAR MOS TE, GSON PO LA BSKUR BA JI LTA BA BZHIN BSKUR, DE YANG 'DI'I GZHUNG DANG tI KA CHEN NAS GSHIN PO LA DBANG BSKUR NA 'DIR SKUR BAR GSUNGS PA LAS 'DIR SLOB MA STA GON BYED MI BYED MI GSAL YANG 'GROS LA DPAG NA MI BYED PA'I PHYOGS YIN 'DRA, MES SBYANG BA TSAR BA'I 'JUG TU, DE DAG NI GSHIN PO'I CHO GA'I KHYAD PAR STE, SA CHOG DANG STA GO NA SOGS GZHAN RNAMS NI GSON DBANG DANG 'DRA, ZHES BSHAD, RANG PHYOGS KYI KUN RIG GI tAKKI GZHAN ZHIG NA GSHIN PO LA LHO SGO'I CHO GA BYAS PA SLOB MA STA GON GYI DONG PO YIN PAR GSUNGS, DAM PA
'GA' ZHIG GIS SKABS 'DIR GSHIN PO LA DNGOS STA SBREL NAS BYA BAR GSUNGS PA YOD, SPYIR GSHIN PO LA DBANG BSKUR NA PAN YON CHE BAR, DUS 'KHOR RTZA RGYUD LAS, RDUL TSON DKYIL 'KHOR BRIS NAS NI, ,GSHIN LA GSON BZHIN DBANG BSKUR NA, ,NGAN SONG GSUM DU SKYES NA YANG, ,DE NYID GROL BAR THE TSOM MED, ,CES DANG, RDO RJE GUR GYI RGYUD LAS, RDUL TSON DKYIL 'KHOR BRIS NAS NI, ,GSHIN LA GSON BZHIN DBANG BSKUR NA, ,NGAN SONG GSUM DU SKYES NA YANG, ,DE NYID KYIS NI THAR BAR 'GYUR, ,CES DANG, SBYONG RGYUD LAS, GANG YANG RUNG BA SHI BA'I LUS DKYIL 'KHOR DU BCUG STE DBANG BSKUR NA, SEMS CAN DMYAL BAR SKYES NA YANG SKYES MA THAG TU RNAM PHRAR THAR NAS LHA'I RIGS SU SKYE BAR 'GYUR RO, ,ZHES SOGS SHIN TU GSAL BAR GSUNGS, 'DI'I GZHUNG DANG tIK ? CHEN SOGS LAS GSHIN PO LA DBANG BSKUR BAR GSUNGS PA LAS 'DI LA SKUR DANG, 'DI LA MI BSKUR BA'I DMIGS GSAL MI 'BYUNG ZHING DBANG RDZOGS ? PAR SKUR BAR GSUNGS, MKHAS GRUB THAMS CAD MKHYEN PA'I DNGOS SLOB RJE CHOS LDAN RAB 'BYOR GYIS, GSHIN PO'I SDIG SBYONG GI CHED DU BSGRUB CING MCHOD PA'I DKYIL 'KHOR DU BCU GNAS LHA NGO STON PA'I BAR BYA YI DAM GZHAG RNAMS DANG DBANG DNGOS GZHI MI DGOS, SBYONG RGYUD LAS DBANG BSKUR BAR GSUNGS PA NI TSOGS SOG SGRIB SBYONG GI RTEN 'BREL SGRIG PA'I RJES GNAD MANG PO LA DBANG GI THA SNYAD BTAGS PA
, ,LA DGONGS PA YIN BAR BSHAD, ,PAn CHEN THAMS CAD MKHYEN PAS KYANG GSHIN PO LA DBANG BSKUR BA LA DE SNGAR DBANG THOB PA CIG YIN NA BLA MED DANG 'BREL BA'I TING NGE 'DZIN GYI DBANG TZAM BYAS PAS CHOG GI ,DE MIN NA DGAG BYA YOD PAS DKYIL 'KHOR DU 'JUG PA TZAM BYAS NA LEGS PAR GSUNGS PAS BLO GLOS DANG LDAN PA RNAMS KYIS DBYAD PAR BYA, , DE NAS RTEN SVA BHA WAS SBYANGS, STONG PA'I NGANG LAS PADMA DANG ZLA BA'I GDAN GYI STENG DU H'Um LAS RDO RJE H'Um GIS MTSAN PA LAS, RDO RJE SEMS DPA' DKAR PO RDO RJE DANG DRIL BU 'DZIN PA, ,RIN PO CHE'I RGYAN DANG NGAR GYI NA BZA' GSOL BA ZHABS RDO RJE SKYIL KRUNG GIS BZHUGS BA'I SPYI BOR AOm DKAR PO, ,MGRIN PAR A'A: DMAR PO, ,THUGS KHAR H'Um SNGON POS MTSAN PAR GYUR, , THUGS KHA'I H'Um LAS 'OD ZER 'PHROS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, AOm BDZRA SATVA AARGAm SOGS KYIS MCHOD, RDO RJE SEMS DPA' SEMS DPA' CHE, ,RDO RJE DE BZHIN GSHEGS PA KUN, ,RDO RJE DANG PO KUN TU BZANG, ,PHYAG 'TSAL PHYAG NA RDO RJE LA, ,ZHES BSTOD, 'DI'I CHO GA'I GZHUNG LAS SNGAR BZHIN BSGOM LA GONG LTAR MCHOD PAR GSUNGS PA NI SA CHOG GI GONG DU RDOR SEMS SKYED NAS MCHOD BSTOD BYED TSUL GSUNGS PA DE BZHIN BYA BAR GSUNGS BA YIN LA, KUN RIG RANG LA BRTEN PA'I SKABS SU DE LTAR BYA BA YIN KYANG DKYIL 'KHOR GZHAN LA BRTEN PA'I SKABS SU SPYI 'GROL BSHAD MA THAG PA 'DI BZHIN GYIS CHOG ,SNGAR BGEGS SBYANGS PA'I GONG DU LHAR
BSKYED NA 'DIR BSKYED MI DGOS BA'I LUGS KYANG YOD, 'DIR ZAS GTAD DAM 'DOD YON BSNGO BA ZHES BYA BA DE BYED NA, RDZAS RNAMS BSANG SBYANG, STONG PA'I NGANG LAS BHRUm LAS RIN PO CHE'I SNOD DU GZUGS SGRA DRI RO REG BYA PHUN SUM TSOGS PAR GYUR, THAL MO GNYIS PA GNAL SNYEMS PA'I TSUL DU BYAS PA NAM MKHA' MDZOD KYI PHYAG RGYA DBRAL BAR BZHAG LA, NA MA: SARBA TA TH'A GA TA BHYO BE SHVA MU KHE BHYA, SARBA TAD KHAm AUD GA TE SPA RAn HI MAm GA GA NA KHAm SV'AH'A, ZHES LAN GSUM BRJOD CING BYIN GYIS BRLAB LA, KHA DOG DBYIBS LEGS MA 'AM, ,AE MA'O MCHOD PA ZHES SOGS SAM, GZUGS KYI LHA MOS ME LONG 'DZIN, ZHES SOGS TSIGS BCAD GANG YANG RUNG BA RKYANG BA'AM SNGAGS DANG BCAS PAS DBUL, DE YANG 'JIG RTEN PA DAG ZAS DANG GOS SOGS GSHIN PO LA GTAD PAS DES LONGS SPYOD PAR 'DOD PA YOD NA'ANG DE LTA BU MED PA NI TSE 'PHO BA JI LTAR 'GYUR BA LUNG BSTAN BA'I MDO LAS SHIN TU GSAL BAR GSUNGS SHING, GSHIN PO DE'I CHED DU BZA' BTUNG GOS SOGS DKON MCHOG LA PHUL TE, DE'I DGE BA GSHIN PO LA BSDOS NA GSHIN PO DE MTHO RIS SU SKYES PA DANG, DER SKYES NAS LONGS SPYOD PHUN SUM TSOGS PAR 'GYUR BA SOGS KYI PHAN YON YOD PAR 'DI NYID LAS GSUNGS PAS DE LTAR BYED BA LEGS SO, ,'DOD YON GYI MCHOD PA DKON MCHOG LA TSIGS BCAD SNGAGS CI RIG PAS PHUL BA'I MTHAR 'DOD YON LNGA'I MCHOD PA BLA MDANG DKYIL 'KHOR GYI LHA TSOGS SOGS DKON MCHOG LA PHUL BA'I DGE BA LA BRTEN NAS, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BYA BA 'DI BDE 'GRO MTHO RIS SU SKYES TE TSE DPAL STOBS 'BYOR LONGS SPYOD DGE BA PHUN SUM 'TSOGS PA'I DPAL LA LONGS SPYOD PAR GYUR CIG ,CES BA'I SPEL TSIGS SBYAR NA LEGS BAR SEMS, 'ON KYANG 'DI'I GZHUNG LAS ZAS GTAD CIS KYANG BYED DGOS BYUNG NA TSE 'DAS LHAR SKYED PA LA
, ,MCHOD PAR GSUNGS PA NI BZA' BTUNG SOGS GSHIN PO RANG LA GTOD PA LTA BU'I ZAS GTAD MA BYAS NA DE'I NYE 'BREL SOGS KYI 'DOD BA MI KHENG PA LTA BU'I DGAG BYA BYUNG NA TSO 'DAS DE LHAR SKYED PA LA 'BUL BA'I DON YIN PAS DE 'DRA'I DGAG BYA YOD PA'I TSE DE LTAR BYA LA, GZHAN DUN SNGA MA LTAR BYED BA RJE 'DUL BA 'DZIN PA'I DGONGS PA YIN TE, 'DI'I GZHUNG LAS ZAS GTAD CIS KYANG BYED DGOS BYUNG NA, ZHES DANG, tI KA CHEN LAS, ZAS GTAD CIS KYANG BYED DGOS BYUNG NA DBANG BSKUR RDZOGS NAS LAM SBYAD BSTAN MA BYAS PA'I GONG DU TSE 'DAS LHAR BSKYED PA LA BZA' BTUNG SOGS BSANG SBYANG LA NAM MKHA' MDZOD KYI SNGAGS DANG PHYAG RGYAS, KHA ZAS RO BRGYA BA LA SOGS PAR BYIN GYIS BRLAB NAS; 'DOD YON LNGA 'BUL PA'I TSIGS LA SOGS PAS DBUL ZHES BLA MA KHA CIG GSUNG RO, ,ZHES GSUNGS PA'I PHYIR RO, ,DE NAS SLOB DPON NAG PO PAS LAM SBYANG BA BYAS PA'I RJES SU LAM BSTAN PAR GSUNGS ZHINGS ZHAL PHAL CHER GYIS DE BZHIN MDZAD NA'ANG, GTZUG DGU LAS, RADNE SOGS LAM BSTAN PA'I SNGAGS DANG, PADME SOGS LAM SPYAD PA'I SNGAGS SU GSUNGS LA, SLOB DPON STON NYID TING NGE 'DZIN RDO RJES KYANG DE LTAR BSHAD PAS RANG LUGS THOG MAR LAM BSTAN PA NI, GRUB NA TSE 'DAS LHAR BSKYED PA DE LA, MI MJID 'JIG RTEN GYI KHAMS 'DI LA LTOS PA'I NUB PHYOGS NA ZHING DER SKYES TZAM NAS SDUG BSNGAL GYI MING YANG MED CING BDE BA RANG CHAS SU YOD PAS BDE BA CAN ZHES GRAGS PA'I ZHING KHAMS RGYAL BA 'OD DPAG MED KYI SNGON GYI SMON LAM GYI MTHU LAS BYUNG BA, RGYU RIN PO CHE SNA BDUN LAS GRUB PA, ME TOG DANG, RIN PO CHE'I LJON SHING DANG, RDZI DBU LA SOGS PAS MDZES PAR BRGYAN BA, THA GRU YANGS SHING RGYA CHE BA'I DBUS SU RIN PO CHE LAS GRUB PA'I BYANG CHUB SHING GI DRUNG NA RIN PO CHE'I KHRI DANG PADMA'I GDAN LA RGYAL BA 'OD DPAG MED SKU MDOG DMAR PO BYI RU'I LHUN BO LA NYIN BYED BYE PA'I 'OD KYIS 'BYUNG BA LTA BU'I GZI MDANGS CAN, ZHAL GCIG PHYAG GNYIS MNYAM BZHAG GI PHYAG RGYA'I STENG NA 'CHI MED TSE'I BDUD RTZIS GANG BA'I LHUNG BZED BSNAMS PA, SKUL CHOS GOS DMAR PO GSOL ZHING
MTSAN DANG DPE BYAD KYIS BRGYAN PA, ZHABS RDO RJE SKYIL MO KRUNG GIS 'KHOR TSOGS RGYA MTSO'I DBUS NA BZHUGS PA MNGON SUM DU MTHONG BA DANG, DE'I MDUN DU PADMA'I SDONG BU 'DAB MA 'BUM DANG LDAN PA YOD PA'I 'DAB MA'I STENG DU RANG NYID 'GRO BA'I 'DUN PA GYIS, DE YANG DKON MCHOG RIN PO CHE'I DPAL GYI ZHING YID DAM LHA'I DKYIL 'KHOR BSGRUB PA, DKON MCHOG RIN PO CHE LAS BYUNG BA DKYIL 'KHOR GYI LHA TSOGS LA MCHOD BSTOD BYAS PA LAS BYUNG BA, DKON MCHOG RIN PO CHE'I 'OD ZER YI DAM LHA'I BYIN RLABS DANG NUS MTHUS RIN CHEN 'PHRENG BA RNAM PAR DAG PA TSE 'DAS KHYOD KYI RGYUD YONGS SU DAG PA DE RNAMS NI GZHAN DON GYI RGYU TSOGS KYI LAM, ,RTEN SKYED PA NAS PHYAG 'TSAL ZHING SKYABS SU 'GRO BA'I BAR GZHAN DON RGYA CHEN PO LA SBYOR BAS SBYOR BA'I LAM, DE NAS DKYIL 'KHOR BSTAN PAS RTEN BRTEN PA'I DKYIL 'KHOR MTHONG BA'AM, BDE BA CAN GYI 'DREN PA 'OD DPAG MED 'KHOR ZHING KHAMS DANG BCAS PA BSTAN PAS MTHONG BA MTHONG LAM, MTHONG ZIN GYI DON YID LA GOMS PAR BYED PAS SGOM LAM; 'DUN PA DANG SMON LAM GYIS MTSAMS SBYAR NAS BDE BA CAN DU GNAS SPOR BA KHYAD PAR GYI LAM STE DE RNAMS MTHO RIS KYI LAM DANG, PHUNG KHAMS SKYE MCHED KYI BAG CHAGS MA LUS PA YE SHES KYI MES BSREGS NAS RGYAL BA'I SKU GSUM YE SHES LNGA LDAN DU BSGYUR PA NI, BYANG CHUB BAR CHAD MED PA'I LAM STE NGES LEGS KYI LAM YIN LA, NGAN SONG DANG 'KHOR BA LAS RNAM PAR GROL BA'I LAM DE DAG LA BRTEN NAS MNGON MTHO BDE BA CAN DANG DES LEGS 'PHAGS PA'I LAM THAMS CAD MKHYEN PA'I SAR 'GRO BA'I 'DUN PA RTZE GCIG TU GYIS SHIG ,CES BRDA' SPROD PA 'AM MOS PA BYAS
, ,TE, DKON MCHOG RIN CHEN DPAL ZHING DU, ,DKON MCHOG RIN CHEN LAS BYUNG BA, ,DKON MCHOG RIN CHEN 'OD ZER GYIS, ,RIN CHEN 'PHRENG BA RNAM DAG PA, ,TSOGS KYI LAM DANG SBYOR BA'I LAM, ,MTHONG BA'I LAM DANG SGOM PA'I LAM, ,BLA NA MED PA'I KHYAD PAR LAM, ,BYANG CHUB BAR CHAD MED PA'I LAM, ,RNAM PAR GROL BA'I LAM DAG LA, ,BRTEN NAS SDIG PA KUN SBYANGS NAS, ,'PHAGS PA'I LAM DER BGROD PAR SHOG ,AOm RADNE RADNE, MAH'A RADNE, RADNE SAm BHA WE, RADNE KI RA nE RADNE M'A L'A BI SHUD DHE, SHO DHA YA SARBA B'A B'Am H'Um PHAt, DKON MCHOG DKON MCHOG RIN CHEN RIN CHEN YANG DAG PAR 'BYUNG BA RIN CHEN 'OD 'PHRO BA RIN CHEN 'PHRENG BA RNAM PAR DAG PA SDIG PA THAMS CAD SBYONG, CES PAS LAM BSTAN LA, PADMA 'DAM GYIS MA GOS LTAR, ,SRID ? GSUM DRI MAS MA GOS PA'I, ,SRID PA'I PADMA LAS BYUNG BA, ,BDE BA CAN DU SKYE BAR SHOG ,AOm PADME PADME PADMA SAMBHA WA, MAH'A SU KHA BA TI GA TZTSAN DU SV'AH'A, PADMA YANG DAG PAR 'BYUNG BA'I BDE BA CHEN PO'I GNAS SU GYIS SHIG ,ZHES BRJOD CING ME TOG GTOR LAM SBYANGS PAS TSE 'DAS KYI RNAM SHES LHA YE SHES PA DANG DBYER MED DU 'DRES PA SPYI GTZUG NAS THON DE BDE BA CAN DU GSHEGS PA DER PADMA LA RDZUS TE SKYES, DE NA GNAS PA'I BYANG SEMS RNYING PA RNAMS KYIS, AOm SARBA TA TH'A GA TA PRA WA RA SANG KA RAm AARGHAm PRA TI TZTSA H'Um SV'AH'A, ZHES MCHOD,
TSE 'DAS BDE BA CAN DU SKYES PA DES KYANG SANGS RGYAS 'OD DPAG MED KYI ZHAL MTHONG STE, AOm SARBA TA TH'A GA TA NAS SV'AH'A, ZHES MCHOD NAS GDAMS PA DANG RJES SU BSTAN PA THOB PAR GYUR, DE'I TSE LHA RNAMS KYIS TSE 'DAS BDE BA CAN DU SKYES PA SOGS CHO GA BYED PA PO BDAG GI MTHUR SHES NAS RANG NYID LA, AOm SARBA NAS SV'AH'A, ZHES MCHOD CING, SANGS RGYAS 'DRA BA'I STON PA MED, ,CHOS DANG 'DRA BA'I DGE BA MED, ,DGE 'DUN 'DRA BA'I SNOD MED DE, ,SNGAGS DANG 'DRA BA'I 'DREN PA MED, ,CES CHED DU BRJOD PAR GYUR, ,TSE 'DAS BDE BA CAN DU SKYES PA DES KYANG RANG NYID DER SKYES PA'I RGYU BRTAGS PAS BDAG GIS CHO GA BYAS PA'I NUS MTHUR SHES NAS SKAD CIG GIS 'ONGS TE, AE MA SH'AKYA MGON PO YIS, ,SANGS RGYAS MDZAD PA YA MTSAN CHE, ,GANG PHYIR NGAN SONG LHUNG BA YI, ,SEMS CAN GLOG BZHIN MYUR DU GROL, ,DE BZHIN GSHEGS PA'I CHOS NYID BSAM MI KHYAB, ,SNGAGS KYI YON TAN SNA TSOGS BSAM MI KHYAB, ,BYANG CHUB BRTEN PA RNAMS KYANG BSAM MI KHYAB, ,TSANGS SPYOD TSUL KHRIMS DRI MED SKYE BSAM YAS, ,AE MA SANGS RGYAS RNAMS KYIS NI, ,SNGAGS KYI BYIN RLABS YAm MTSAN CHE, ,GANG PHYIR 'TSAMS MED LHUNG BA YI, ,SEMS CAN LHA GNAS MYUR DU SKYES, , ZHES CHED DU BRJOD NAS BDAG DANG LHA LA, AOm SARBA NAS SV'AH'A, ZHES MCHOD DE SLAR YANG BDE BA CAN DU SONG BAR GYUR PAR BSAM, AOm SARBA BUDDHA KshE TRA GA TZTSAN DU SV'AH'A,
, ,SANGS RGYAS THAMS CAD KYI ZHING DU SONG SHIG ,ZHES BRJOD CING ME RTOG GTOR, 'DI'I SKABS KYI MCHOD PA LAN BZHI PO TSE 'DAS DANG BDE BA CAN GYI BYANG SEMS DANG LHA GZHAN RNAMS KYIS BYED PAR BSAM NAS RANG GIS BYED DGOS PA YIN, tI KA CHEN LAS, 'DI'I SKABS KYI MCHOD PA LAN BZHI BYA BA NI CHU GNYIS NYER SPYOD LNGA ROL MO DANG BCAS PA SNGAGS DANG PHYAG RGYA TZAM GYIS 'BUL BA'I BSDUS PA'AM RGYAS PA LA SPRON, TSIGS BCAD SNGAGS PHYAG RGYA DANG BCAS MCHOD DO, ,CES SNGAGS RGYA TZAM GYIS BSDUS PA'AM TSIGS BCAD DANG BCAS PA'I RGYAS BA GANG RUNG GIS MCHOD PAR GSUNGS PAS SO, ,MCHOD PA DANG CHED BRJOD DE LTAR BYA BAR GSUNGS PA DE SPYOD RGYUD KYI GLENG GZHI'I SKABS LAS GSUNGS PA DANG BSTUN PA YIN LA, DAM PA 'GA' ZHIG GIS MCHOD PA DE DAG GI SKABS SU BYANG SEMS RNYING PA SOGS DE DAG GIS MCHOD PA BSAM PA MA GTOGS RANG GIS MCHOD SNGAGS BRJOD PA SOGS BYED PAR MA BSHAD PA'ANG YOD, PADMO SOGS KYI SKABS SU ME TOG 'THOR BA LA tI KA CHEN LAS, KHA CIG ME TOG CHU NANG DU 'DOR BA DANG KHA CIG RTEN LA 'DOR BA'I LUGS GNYIS BSHAD, PAn CHEN THAMS CAD MKHYEN PAS CHU DANG ? RTEN LA 'THOR BA MI 'THAD PAS TSE 'DAS BDE BA CAN DU SLEBS PA'I SKYES MA LTA BUR RIN PO CHE'I RANG BZHIN BDE BA CAN DU 'THOR BA'I MOS PA BYAS TE 'THOR GSUNG, LAM STON GYI TSE GONG DU BSHAD PA'I DMIGS PA DE BZHIN BYA BAR TSAD LDAN DAM PA'I GSUNGS LAS 'BYUNG LA, CHO GA DANG MA 'BREL BAR LAM STON BYED PA'I KHUNG MA MTHONG ZHING, MKHAS GRUB TSAD
LDAN GYI PHYAG LEN LA YOD MED MA NGES KYANG 'GA' ZHIG BYED PA LTAR NA, SKYABS SEMS SNGON DU BTANG, PHUL BYUNG MDZAD PAS 'GRO LA MI ZAD DPAL STER ZHING, ZHES PA NAS, RDZU 'PHRUL STOBS KYIS BRTZE BAS 'DIR GSHEGS SHIG CES RGYAL BA 'OD DPAG MED 'KHOR BCAS TSOGS KYI ZHING DU SPYAN DRANGS, JI SNYED SU DAG PHYOGS BCU'I 'JIG RTEN NA, ZHES PA NAS, THAMS CAD RDZOGS PA'I BYANG CHUB PHYIR BSNGO'O, ,ZHES PA'I BAR GYIS YAN LAG BDUN PA PHUL TE, LAM BSTAN SBYANG BYAS NA 'BREL CUNG ZHIG CHAG GAM SNYAM MO, ,'ON KYANG CHOG DANG MA 'BREL BAR LAM BSTAN SBYANG BYAR RUNG MI RUNG BLO LDAN RNAMS KYIS DBYAD PAR BYA, TSE 'DAS LHAR MA BSKYED NA, TSE 'DAS KYI RNAM SHES LHA YE SHES PA DANG DBYER MED DU 'DRES PA SPYI GTZUG NAS THON ZHES BRJOD PA MA 'BREL PAS, TSE 'DAS KYI RNAM SHES SPYI GTZUG NAS THON ZHES BRJOD, DE NAS LHA DANG RNAM SHES GSHEGS PA'I PHUNG PO LHAG MA RO LTA BU'AM BYANG BU SDIG SGRIB DANG LHAN CIG RAm LAS SKYES PA'I YE SHES KYI MES SREG PAR GYUR PAR BSAM LA, GSON CIG DGONGS SHIG RIGS KYI BU, ,GSON CIG TSE 'DAS RIGS KYI BU, ,PHUNG PO LNGA YI BUD SHING LA, ,RGYAL BA RIGS LNGA'I ME SPAR RO, ,'BYUNG BA BZHI YI BUD SHING LA, ,LHA MO BZHI YI ME SPAR RO, ,DBANG PO DRUG GI BUD SHING LA, ,BYANG CHUB SEMS DPA'I ME SPAR RO, ,YUL RNAMS DRUG GI BUD SHING LA LHA MO DRUG GI ME SPAR RO, ,LUS NGAG YID GSUM BUD SHING LA, ,RGYAL BA SKU GSUM ME SPAR RO, ,SKU GSUM YE SHES LNGA LDAN DU, ,'GRO BA'I DON DU 'GRUB PAR SHOG ,CES BRJOD CING ME SPAR RO, ,ZHES PA SNGA MA RNAMS KYI TSE ME SPOR BA'I STANGS KA TZAM BYA ZHING, 'GRUB PAR SHOG ,CES PA DANG MNYAM DU SPAR LA, STONG PA NYID LA GZUGS MED, ZHES PA NAS, MNGON PAR RDZOGS PAR SANGS RGYAS SO ZHES PA'I BAR DON DRAN BZHIN PAS BRJOD CING PHUNG PO LNGA'I DRI MA NAS LUS NGAG YID GSUM GYI DRI
, ,MA'I BAR BAG CHAGS DANG BCAS PA ZAB GSAL GNYIS MED MTHAR THUG MER SHAR BA'I YE SHES KYI MES BSREG PAS, PHUNG PO LNGA RNAM PAR DAG PA RIGS LNGA NAS LUS NGAG YID GSUM RNAM PAR DAG PA SANGS RGYAS KYI SKU GSUNG THUGS KYI BAR YONGS SU RDZOGS PA'I THOB BYA MTHAR THUG THOB PAR BSAM, RO 'AM BYANG BU SREG RGYU YOD PA'I TSE DE LTAR BYA YI MED NA MI DGOS, DE NAS BDAG MDUN 'JUG PA GCIG TU BSGRUB PA YIN NA MCHOD BSTOD BYAS YIG BRGYAS LHAG CHAD BSKAD, BZOD PAR GSOL; SGRUB GZHI RAS BRIS KYI DKYIL 'KHOR LTA BU YIN NA, RANG NYID GTZO BO LAS MAR ME GCIG LAS GNYIS CHAD KYI TSUL DU PHYE NAS DKYIL 'KHOR GYI PHYI ROL DU GNAS PAR GYUR, YE SHES PA RNAMS 'DIR NI RTEN DANG LHAN CIG DU ZHES SOGS KYIS BRTAN BZHUGS BYA ZHING RDUL TZON YIN NA BSDU CHOG DKYIL CHOG NAS 'BYUNG BA LTAR BYA, SGRUB GZHI MED PA'I BDAG SKYED RKYANG PA YIN NA NYER BSDU BYAS LA SMON LAM DANG SHIS BRJOD KYIS BRGYAN PAR BYA'O, ,'DI NI tIKA CHEN LAS RNAL 'BYOR BLA MED SOGS KYI DKYIL 'KHOR GZHAN GYI SGO NAS GSHIN PO'I DON DU CHOG BYED PAR 'DOD NA YANG, RNAM SHES DGUG PA SOGS KYI BDEN STOBS BRJOD PA'I TSE DKYIL 'KHOR GYI GTZO BO GANG YIN PA'I MTSAN DANG, RTZA RIG GI GNAS SU RANG RANG GI YI GE BRGYAB BRJOD CING LHO SGO'I CHO GA GZHAN THAMS CAD 'DI BZHIN BYAS LA, BDAG MDUN GYI DKYIL 'KHOR SGRUB PA DANG DBANG BSKUR BA SOGS RANG RANG GI GZHUNG LAS BYUNG BA LTAR BYA'O, ,ZHES GSUNGS PA LTAR 'JIGS BYED KYI SGO NAS GSHIN CHOG BYA TSUL YIN LA, DKYIL 'KHOR GZHAN GYI SGO NAS BYED NA BDEN STOBS BRJOD PA'I TSE GSANG 'DUS LA, BCOM LDAN 'DAS DPAL GSANG BA 'DUS PA'I LHA TSOGS, BDE MCHOG LA, BCOM LDAN 'DAS DPAL 'KHOR LO SDOM PA'I LHA TSOGS, TSE DPAG LA, BCOM LDAN 'DAS TSE DANG YE SHES DPAG TU MED PA'I LHA TSOGS ZHES 'DON PA SPO ZHING, YIG BRGYA'I TSE GSANG 'DUS LA, AOm BADZRA SATVA SA MA YA, ZHES SOGS RDO RJE SEMS DPA'I YIG BRGYA, BDE MCHOG LA, AOm BADZRA HE RU KA SA MA YA,
ZHES SOGS, HE RU KA'I YIG BRGYA, TSE DPAG LA YIG BRGYA SPYI 'GRO, PHYAG 'TSAL GYI TSE GSANG 'DUS LA, GANG ZHIG GZUGS DANG TSOR BA 'DU SHES 'DU BYED DANG, ZHES SOGS, BDE MCHOG LA, HE RU KA DPAL DPA' BO CHE ZHES SOGS, TSE DPAG LA, CHOS KYI 'KHOR LO RGYA CHEN BSKOR, ,ZHES SOGS SAM, 'JIG RTEN 'DREN PA'I GTZO BO TSE DPAG MED, ,ZHES SOGS SBYOR ZHING GZHAN RNAMS GONG DU BSHAD PAS RIG BSGRES TE SHES PAR BYA, GSHIN PO'I DGE BA LA GSANG BDE 'JIGS GSUM SOGS KYI CHO GA ZHE DGU'I BAR DU GSUNGS PA PHAN YON SHIN TU CHE LA, DE DANG 'BREL PA'I LHO SGO'I CHOG BYAS NA SDIG SGRIB SBYONG PA SOGS KYI NUS PA DANG PHAN YON LHAG PAR CHE BAS TSE 'DAS LA SNYING BRTZE BDAG GIS NI TSUL 'DI LTA BU LA BRTZON PAR RIGS SO, , ,ZHES GSHIN PO RJES SU 'DZIN PA'I THABS LHO SGO'I CHOG THAR LAM GSAL SGRON ZHES BYA BA 'DI NI YUL BYAD PHYOGS KYI MTHAR SKYES PA'I GYIN BA NGAG DBANG BLO BZANG CHOS LDAN DPAL BZANG PO ZHES BYA BAS RJE 'DUL BA 'DZIN PA GRAGS PA RGYAL MTSAN GYI NGAN SONG SBYONG BA'I DKYIL 'KHOR GYI CHO GA RGYUD DON GSAL PA GZHIR BYAS, KUN RIG tIKA CHEN DANG DAM PA GZHAN GYI MAN NGAG GIS BRGYAN TE LAG TU BLANG BDE BAR RANG NYID KYI RJED BYANG DANG RANG DANG SKAL BA MNYAM PA GZHAN LA'ANG PHAN PAR 'DOD PAS DBEN GNAS BYANG CHUB GLING DU SBYAR BA'I YI GE PA NI BKRA SHIS RGYAL MTSAN NO, ,'DIS KYANG 'KHOR BA DANG NGAN SONG GI RGYUN CHAD CING RGYAL BA'I BSTAN PA RIN PO CHE SPYI DANG RGYAL BA BLO BZANG GRAGS PA YAB SRAS KYI BSTAN PA RIN PO CHE PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG , ,,MANGGA LAm,,