(RDO RJE MKHA' 'GRO'I SBYIN SREG SDIG LTUNG MUN SEL NYI 'OD 'BUM 'PHRO ZHES BYA BA BZHUGS SO), , *, ,NA MO KU RU BADZRA dA KI YA, 'DIR DPAL RDO RJE MKHA' 'GRO'I SBYIN SREG GI SGO NAS SDIG SGRIB SBYANG TSUL LAG TU BLANG BDE BAR DGOD PA LA, TIL DANG, RDO RJE MKHA' 'GRO'I SKU BYUNG NA RAB, MA BYUNG KYANG GAS CHAG SOGS KYI SKYON DANG BRAL BA'I SPOS PHOR LTA BUR ME DU BA MED PA STA GON BYAS, SKYABS 'GRO SEMS BSKYED SNGON DU BTANG, MA AA MRi TAS BSANG, SVA BHA WAS SBYANGS TE, RANG BZHIN STONG PA'I NGANG LAS YE SHES KYI, ,ME DPUNG 'BAR DBUS H'Um DANG RDO RJE LAS, ,KHRO RGYAL RDO RJE MKHA' 'GRO SKU MDOG MTHING, ,ZHAL GCIG PHYAG GNYIS RDOL DRIL 'DZIN PA YIS, , THUGS KAR 'DOD RGYAL PHYAG RGYA 'CHING BA'I ZHAL, ,GNAM DU GDANGS SHING MCHE RNON BZHI GTZIGS PA, ,DBU LA THOD SKAM LNGAS BRGYAN PHRAG GONG NAS, ,MI MGO RLON PA LNGA BCU'I DO SHAL 'PHYANG, ,STAG SHAM GSOL ZHING KHRO NYAMS YONGS SU RDZOGS, ,SDIG SGRIB 'JOMS LA DPA' BAS ZHABS GNYIS NI, ,ZLUM POR BZHUGS PA'I SPYI BOR AOm DKAR PO, ,MGRIN PAR A'A: DMAR THUGS KAR H'Um SNGON PO, ,H'Um LAS 'OD 'PHROS BSGOM PA DANG 'DRA BA'I, ,YE SHES PA DANG DBANG
, ,LHA SPYAN DRANGS TE, ,DZA: H'Um BAm HO: SA DAM YE DBYER MED 'DRIS, ,DBANG LHAS DBANG BSKUR RIGS BDAG MI BSKYOD PAS, ,RGYAS BTAB SNANG LA RANG BZHIN MED PA DANG; ;DNGAS ? GSAL 'OD KYI RANG BZHIN CAN DU GYUR, ,AOm BDZRA dA KA SA PA RI WA RA AARGHAm NAS SHAPTA PRA TI TZTSA SV'A H'A SA MCHOD, MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, , RDO RJE GSUM MCHOG DKYIL 'KHOR GSUM, ,RDO RJE MKHA' 'GRO LA PHYAG 'TSAL, ,ZHES PAS BSTOD, RANG NYID THA MAL GNAS PA'I SNYING KHA RU, ,SDIG PAS SA BON BAm YIG NAG POS MTSAN, ,LTE BAR RAm LAS ME DKYIL DMAR PO DANG, ,RKANG MTHIL GNYIS SU YAm LAS RLUNG DKYIL SNGO, ,BAm LAS 'OD 'PHROS SGO GSUM SDIG SGRIB KUN, ,'OD ZER NAG PO'I RNAM PAR BKUG PA NI; ;BAm LA THIM ZHING 'OG GI RLUNG DKYIL GA-YOS, ,RKANG MTHIL NAS ZHUGS LTE BA'I ME DKYIL SPAR, ,DE YID 'OD KYIS SNYING KHA'I BAm YIG DENG, ,SNA SGOR THON PA SDIG PA RVA CAN GYI, , RNAM PAR GYUR PA MDUN GYI TIL LA THIM, ,TIL SDIG DBYER MED KHRO BOS GSOL BAR GYUR, ,BCOM LDAN RDO RJE KHRO RGYAL MKHA' 'GRO YIS, ,BDAG GIS THOGS MED NAS BSAGS SDIG SGRIB DANG, ,NYES LTUNG DAM TSIG NYAMS CHAG MA LUS PA, ,GSOL NAS BYANG ZHING DAG PAR MDZAD DU GSOL, ,AOm BDZRA dA KA KHA KHA KH'A HI KH'A HI SARBA B'A PAm DA HA NA BHI shMAm KU RU SV'AH'A, BDAG GIS 'KHOR BA THOGS MED NAS BSAGS PA'I, ,SDIG SGRIB DAM TSIG NYAMS CHAGS THAMS CAD SHINTAm KU RU SV'A H'A, ZHES BRJOD PA DANG TIL MER 'DOR BA MNYAM DU BYED PA GRANGS
LONG SKABS DANG SBYAR BA BYA, MJUG DU MCHOD BSTOD SNGAR BZHIN BYAS LA, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB RTZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,BADZRA MU: YE SHES PA RANG BZHIN GYI GNAS SU GSHEGS, DAM TSIG PA ME 'BAR BA'I RNAM PAR GYUR, DGE BA 'DI YIS MYUR DU BDAG ,SDIG SGRIB MA LUS DAG GYUR NAS, ,'GRO BA SEMS CAN THAMS CAD KYI, ,SDIG SGRIB MA LUS SEL BAR SHOG ,CES MJUG CHO GA RNAMS BYA, ME MA SHI'I BAR ME LA MI REG CING SHI NAS KYANG ME SNOD LA 'GOM YUG SOGS MI GTONG BAR THAL BA SPO DGOS NAS GTZANG SAR SKYEL, CES RDO RJE MKHA' 'GRO'I SBYIN SREG SDIG LTUNG MUN SEL NYI 'OD 'BUM 'PHRO ZHES BYA BA 'DI NI NANG DON RIG PA MDO SNGAGS KYI GZHUNG LA LEGS PAR SBYANGS SHING DBANG LUNG MAN NGAG GIS RGYUD PHYUG PA MTSO BDUN GYI DGON PA'I THER KUN BLA MA KA BCU BLO BZANG TSUL KHRIMS KYIS 'DI LTA BU ZHIG DGOS ZHES BSKUL BA LTAR SNYOMS LAS PA'I NGAG DBANG BLO BZANG CHOS LDAN GYIS MTSO BDUN GYI LHA KHANG CHEN MOR SBYAR BA'O, ,'DI SA KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,,