*, ,(BDE MCHOG GI RGYAS PA DANG DBANG GI SBYIN SREG BYA TSUL MDOR BSDUS BZHUGS SO,) ,*, ,BLA MA DANG 'KHOR LO SDOM PA'I LHA TSOGS LA PHYAG 'TSAL LO, ,'DIR 'KHOR LO BDE MCHOG GI RGYAS PA'I SBYIN SREG BYA TSUL MDO TZAM DGOD PA LA, THAB BRKO BA'AM, BRTZIG NA RGYUR KHRU DO, ,DBYIB GRU BZHI, ZABS SU KHRU GANG, MU RAN SOR BRGYAD KYI MTHA' NAS KHA KHYER RGYA DPANGS SU SOR BRGYAD PA, STEGS BU SOR BZHI PAS BSKOR BA, BRIS THAB LA KHRU DO GRU BZHI PA'I THAB KHUNG GI THIG ,MTHAR MU RAN SOR BRGYAD PA'I THIG ,DE'I MTHAR KHA KHYER SOR BRGYAD PA'I THIG ,DE'I MTHAR STEGS BU SOR BZHI PA'I THIG GDAB, DE DAG GI DBUS SU 'KHOR LO SER PO RTZI BA BRGYAD PA'I LTE BAR RIN PO CHES MTSAN PA DANG, KHA KHYER LA RIN PO CHE'I 'PHRENG BA SER POS BSKOR BAR BYA, THAB KHUNG LAS DANG DRI
SER POS BYUGS, ME TOG SER PO DGRAM, YAM SHING GI RGYU ZHI BA DANG 'DRA, TSAD SBOMS SU CHANG GANG DAM, MTHE BONG TZAM, RING THUNG KHRU GANG BA, RTZE MO GNYIS MAR DANG ZHO DANG 'O MA LA SNYUGS SHING DRI SER PO DANG MDAR GSUM GYIS SBAGS PA, BUD SHING YANG ZHI BA DANG 'DRA ZHING LCI BAS MI RUNG, CHU BZHI NI GSER DANG MA RNYED NA DUNG NYA PHYI SOGS SER POR BSGYUR BA'I SNOD DU TIL DANG; ZHO DANG, ME TOG SER PO DANG, DRI SER PO'I CHU, NAS, TIL NAG ,KU SHA ,'BRAS YOS RNAMS, NANG GI BDUD RTZI LNGA RNAMS BLUG PA SPOS ZHIM POS BDUGS TE, SNYING PO'I MTHAR AOm SBYAR BA LAN BDUN BZLAS PAS BYIN GYIS RLABS, MCHOD RDZAS NI ME TOG SER PO, ,LHAB ? SHOS ZHOS SPRUS PA, GZHAN ZHI BA DANG 'DRA, GOS ZUNG SER PO, ,RDZAS CHEN BCU GNYIS ZHI BA DANG 'DRA, RKYAS PA'I RDZAS KHYAD PAR PA NI 'BRAS CHAN ZHO DANG BSRES PA LA MNGAR GSUM GYIS SBAGS PA'I ZAS MCHOG ,SBRANG RTZI, TIL NAG ,ZHO ZAN, ZHUN MAR DANG BCAS PA'I 'BRAS, PADMA GE SAR, NA GA GE SAR, 'BRAS BU BZANG PO RNAMS, MCHOD RDZAS DANG SREG RDZAS THAMS CAD BDUD RTZI RIL BU NANG MCHOD DANG SBYAR BA 'AM MA RNYED NA NANG MCHOD KYIS BRAN, RDZAS DANG RDO DRIL, DGANG GZAR SOGS BSHAM LUGS ZHI BA DANG 'DRA, SPOR BYED KYI ME NI RGYAL PO 'AM RGYAL RIGS KYI KHYIM NAS BYUNG BA'AM NOR BU 'AM, DGE 'DUN GYI TSANGS MANG LAS BYUNG BA'I ME, DUS NI TSES BCO LNGA 'AM GZA' SKAR SOGS BZANG PO 'DZOM PA'I LNGA DRO'I DUS NAS MGO BRTZAM, KHA LTA PHYOGS NI BYANG DU PHYOGS, CHAS GOS SER PO BGOS TE,
, ,'DUG STANG NI STAN MTHON PO LA GNAS TE RKANG PA GNYIS DRANG POR 'OG TU BSRANG BA BZANG PO'I 'DUG STANG BYA, BSAM PA NI DGA' ZHING TSIM PA'I SEMS DANG LDAN PAS, CHO GA LA 'JUG PAR BYA ZHING DE YANG SMRA BA GZHAN BCAD, BDAG SKYED DAG PA GSUM GYI RNAL 'BYOR SNGON DU 'GRO BAS, RDO RJE NI THABS DANG DRIL BU NI SHES RAB STE, ZHES SOGS RDO DRIL BYIN GYIS RLABS NAS, KU SHA 'GREM LUGS SNGA PHYI GNYIS KYI RTZE MO BYANG DU BSTAN, GZHAN ZHI BA LTAR, THAB BSANG SBYANG, STONG PA'I NGANG LAS H'Um YIG SER PO LAS YE SHES KYI THAB KHA DOG SER ZHING GRU BZHI PA, MU RAN KHA KHYER DANG BCAS PA, KHA KHYER LA RIN PO CHE'I 'PHRENG BAS BSKOR BA, GRVA BZHIR, ZHES PA NAS, ME GRU GSUM GYI DBUS SU PAD NYI'I STENG DU RAm LAS 'KHOR LO SER PO RAm GYIS MTSAN PA YONGS SU GYUR PA LAS ME LHA SKU MDOG DKAR SER ZHAL GCIG PHYAG BZHI GA-YAS 'KHOR LO DANG MU TIG GI 'PHRENG BA, GA-YON PADMA DANG SPYI BLUG 'DZIN PA, DANG SER PO'I NA BZA' CAN, RIN PO CHE'I RGYAN GYIS BRGYAN PA'I, ZHES PA NAS, DAM TSIG BSGRAGS PA'I BAR ZHI BA DANG 'DRA, ME LHA'I LJAG RDO RJE'I RNAM PA CAN SER PO LA RAm YIG DANG, ZHES PA NAS, MTSAN PAR GYUR, LAG PA GNYIS KHU TSUR DU BYAS PAS DGANG BLUG BZUNG LA 'THEB 'DZUB GNYIS RTZE SPRAD PA RIN PO CHE'I KHU TSUR GYI PHYAG RGYAS MAR KHU DBUL, SPEL TSIG BDAG CAG DPON SLOB SBYIN BDAG 'KHOR DANG BCAS PA RNAMS KYI TSE BSOD NAMS DPAL 'BYOR SNYAN GRAGS MNGA' THANG DGE BA'I BSAM SBYOR TSOGS GNYIS LUNG RTOGS KYI YON TAN LOGS LEGS TSOGS THAMS CAD
PU shtIm KU RU AOm, ZHES PA SBYOR, 'DAS PA'I ME LHA'I SKABS SU, LHA THAMS CAD KYI SKU LAS 'OD ZER SER PO'I TSOGS 'PHRO BAR GYUR, SGRUB BYA LA 'PHRIN LAS MDZAD PA'I SKABS SU, LHA RNAMS KYI THUGS KA NAS SPROS PA'I SANGS RGYAS RNAMS KYIS BUM PA SER PO BDUD RTZI SER POS BKANG BA THOGS NAS BSGRUB BYA SER PO ZLA BA SER PO LA GNAS PA LA DBANG BSKUR BAS SROG LUS DBANG RLUNG TSE BSOD SHES RAB SOGS LEGS TSOGS THAMS CAD RGYAS SHING BUM PA NAS RIN PO CHE'I CHAR BAB PAS KHYIM GANG BAR GYUR, PAR BSAM, GZHAN THAMS CAD ZHI BA'I SKABS BZHIN BYA;; ;;DBANG GI SKABS SU, THAB KYI RGYA DBANG KHRU GANG, DBYIBS ZLA GAM MAM GLU GSUM DBUS SU MNGA' DMAR POS MTSAN PA, KHA KHYER LA MDA'I 'PHRENG BAS BSKOR BA, MU RAN RGYA'I BCU GNYIS CHA KHA KHYER DRUG CHA, SA DMAR PO DANG DRI DMAR POS BYUGS, YAM SHING NI SHING DMAR PO 'AM NI MA PA DANG THANG SHING DANG SHING SKYUR BA ME TOG DANG BCAS PA GANG RUNG TSAD SOR LNGA; BUD SHING YANG RGYU 'DI DANG 'DRA, CHU BZHI NI ZANGS KYI SNOD DU ME TOG DMAR PO DANG DRI DMAR PO'I CHUL NAS SOGS BLUGS PA SNGA MA DANG 'DRA, SNYING PO'I MTHAR HO: SBYAR BA BDUN BZLAS LA BRLAB, MCHOD RDZAS LA, ME TOG DRI ZHIM PA DMAR PO, ,LHA BSHOS MNGAR GSUM DANG SBYAR BA, GZHAN RNAMS SNGA MA DANG 'DRA, GOS ZUG DMAR PO, ,RDZAS CHEN BCU GNYIS 'DRA; DBANG GI RDZAS KHYAD PAR BA NI ME TOG DANG 'BRAS BU SKYUR MO DANG, ME TOG DRI ZHIM PO RNAMS SO, ,ME NI SMAD 'TSOD MA DANG RJE RIGS KYI KHYIM NAS BYUNG BA'I ME, DUS NI TSES BRGYAD DANG
, ,GZA' SKAR BZANG PO'I NYIN PHYED DAM DGONGS KHA DANG MTSAN PHYED NAS MGO BA RTZAM, KHA LTA PHYOGS NI NUB, RGYAN GOS DMAR PO, 'DUG STANG MTHO ZHING BDE BA'I STAN LA RDO RJE SKYIL KRUNG, BSAM PA NI CHAGS PA'I SEMS, KU SHA DANG PO GA-YON NGOS NAS 'GREMS PA'I KU SHA GNYIS DANG STENG NAS GA-YOGS PA'I RTZE MO NUB BSTAN, THAB STONG PA'I NGANG LAS H'Um YIG DMAR PO LAS YE SHES KYI THAB KHA DOG DMAR ZHING ZLA GAM GYI DBYIBS CAN MU RAN KHA KHYER DANG BCAS PA, KHA KHYER LA PADMA'I 'PHRENG BAS BSKOR BA, GRVA BZHIR, ZHES PA NAS, ME GRU GSUM GYI DBUS SU PAD NYI'I STENG DU, RAm LAS MDA' DMAR PO RAm GYIS MTSAN PA YONGS SU GYUR PA LAS ME LHA SKU MDOG DMAR PO ZHAL GCIG PHYAG BZHI GA-YAS MDA' DANG RIN PO CHE, GA-YON GZHU DANG ME LUNG 'DZIN PA, DAR DMAR PO'I NA BZA' CAN, RIN PO CHE'I RGYAN GYIS BRGYAN PA'I, ZHES PA NAS, DAM BSGRAGS KYI BAR 'DRA, ME LHA'I LJAG RDO RJE'I RNAM PA CAN DMAR PO LA RAm YIG DANG, ZHES PA NAS, MTSAN PAR GYUR, MTHEB 'DZUB GNYIS RTZE SPRAD PA ZLUM POR BYAS PA'I 'DZUB MO'I PHYI NAS GUNG MOS DKRIS PA'I PADMA'I KHU TSUR GYIS DGANG BLUG BZUNG, SPEL TSIG BDAG CAG ,NAS, RNAMS KYIS JI LTAR 'DOD PA'I DON THAMS CAD WA SHAm KU RU HO: SREG RDZAS SO SO'I RDZAS SNGAGS SO SO BA MI SBYOR BAR GANG LA 'BUL YUL GYI LHA'I SNGAGS KYIS DBUL, 'DAS PA'I ME LHA'I SKABS, LHA THAMS CAD KYI SKU LAS 'OD ZER DMAR PO'I TSOGS 'PHRO BAR GYUR, 'PHRIN LAS KYI SKABS SU, YAm LAS RLUNG GI DKYIL 'KHOR GYI STENG DU BHA GA'I GDAN LA DBANG DU BSDU BYA'I SGRUB BYA BZHAG ,DU MA SKYES MA DMAR
MO ME TOG GI MDA' GZHU THOGS PAS GNAS LNGAR ME TOG GI MDA' BSNUN, GZHU RGYUD KYIS MGRIN PA BCINGS TE MDUN DU BKUG PA LA DU MA SKYES MA DMAR MOS DBANG BSKUR BSAM DAD PA'I DRI MA BKRUS NAS RANG DANG SBYIN BDAG RNAMS KYI DBANG DU 'DU BAR GYUR PAR BSAM, GZHAN THAMS CAD SNGA MA DANG 'DRA, 'DI DAG NI BDE MCHOG GI RGYAS PA DANG DBANG GI SBYIN SREG BYA TSUL GYI DMIGS GSAL KHYAD PAR BA MDO TZAM ZHIG SBYIN SREG 'OD SNYE DANG, DNGOS GRUB RGYA MTSO DANG, BU STON GYI BDE MCHOG GI LAS BZHI'I SBYIN SREG 'PHRIN LAS KUN 'GRUB RNAMS LAS BTUS TE BKOD PA YIN LA, THUN MONG PA'I 'DON CHA RNAMS DPEN DGON DU BDE MCHOG GI SBYIN SREG MDZAD PA'I LAG LEN JI LTA BA BZHIN YIN ZER BA YOD PA'I BDE MCHOG GI ZHI BA'I SBYIN SREG GI DPE SPAR MA LTAR SBYAR BAS RUNG ZHING ZHI BA PAR NI GZHUNG CHEN PO RNAMS LAS SHES PAR BYA'O, ,ZHES DPAL 'KHOR LO BDE MCHOG GI RGYAS PA DANG DBANG GI SBYIN SREG BYA TSUL GYI YIG CHUD 'DI YANG NANG RIG PA DANG GSO BA RIG PA LA RNAM DPYOD YANGS PA'I RAB 'BYAMS SMRA BA NGAG DBANG BSTAN 'DZIN GYIS BSKUL BA LTAR SNYOMS LAS PA NGAG DBANG BLO BZANG CHOS LDAN GYIS BRIS PA DGE LEGS SU GYUR CIG, ,,