*, ,DPAL RDO RJE 'JIGS BYED KYI ZHIB BA'I SBYIN SREG BYA TSUL CHO GA BLO BZANG DGONGS RGYAN DHEL DKAR ME LONG BYA BA BZHUGS SO, ,*, ,NA MO BADZRA BHE RA WA YA, ,LHAN SKYES BDE BA CHEN PO'I ME THAB TU, ,GDOD NAS DAG PA'I RANG BZHIN 'OD GSAL MER, ,SGRIB PA'I YAM SHING BSREGS PA'I MCHOD SBYIN GYIS, ,DON GNYIS LHUN GRUB DRAN SRONG TSOGS LA 'DUD, ,RGYAL BA'I GSUNG MDZOD RGYUD SDE DU MA LAS, ,MI MTHUN KUN ZHI LEGS TSOGS RGYAS PA SOGS, ,DGOS 'DOD SGRUB PA'I THAB SU LEGS BSNGAGS PA'I, ,SBYIN SREG TSUL LAS CHA TZAM BLANG BA DER BRI, ,LEGS BSHAD YAN LAG BRGYAD LDAN MTSO 'GRAM DU, ,BRDOL GTAM PA TSVA'I KHRON PA MDZES MIN YANG, ,BYANG BLTAS KHUNG BUR ZLA BA'I 'OD ZER LAS, ,SGRON MA JI BZHIN DON DU 'GYUR BA'ANG SRID, ,'DIR DPAL RDO RJE 'JIGS BYED
, ,CHEN PO'I SGO NAS ZHI BA'I SBYIN SREG BYA TSUL SBYIN SREG GI GZHUNG CHEN MO DNGOS GRUB RGYA MTSOL GZHI BYAS TE 'CHAD PAS 'OG NAS GZHUNG DU ZHES 'BYUNG BA'I GZHUNG NI DNGOS GRUB RGYA MTSOL GO BAR BYA ZHING, DER MI GSAL BA RJES 'BRANG GI YIG CHA DANG BU STON THAMS CAD MKHYEN PA SOGS KYI LEGS BSHAD LAS KHA SKANGS TE DGOD DO, ,'DI LA GNYIS, CHO GA'I YAN LAG DANG, DNGOS GZHI'I RIM PA'O, ,DANG PO LA LNGA, THAB KYI RNAM BZHAG ,RDZAS KYI RNAM BZHAG ,YO BYAD GZHAN GYI RNAM GZHAG ,JI LTAR SGRUB PA'I RNAM BZHAG ,DNGOS GZHI'I LAG LEN MI 'DRA BA'I RNAM BZHAG GO ,DANG PO LA GNYIS, GANG DU BYA BA'I GNAS, JI LTAR BYA BA'I TSUL LO, ,DANG PO NI DKYIL 'KHOR SGRUB MCHOG SOGS DANG 'BREL BA YIN NA SGRUB MCHOD SOGS GANG DU BYED PA'I GNAS KHANG GI SHAR GYI PHYOGS DANG, DE LTA MA YIN NA BRTZAM DU RUNG ZHING 'OS PA'I SA PHYOGS SU SNGAR SA CHOG ? BYAS PA DANG 'BREL NA MI DGOS LAM 'BREL NA SA CHOG RGYAS BSDUS GANG RUNG BYA, DE YANG GZHUNG DU RANG GI LHA'I RNAL 'BYOR GYIS GTOR MA 'BUL BA SNGON DU 'GRO BAS SA SBYANG BZUNG RGYAS PA 'AM, 'BRU GSUM DANG, AOm HA NA SOGS BRJOD PA'AM, RANG GI LHA'I SNGAGS BRGYA RTZA BRGYAD BZLAS TE, KUN RDZOB KYI DAG PA'AM, STONG NYID KYI DAG PAS SBYANG BAR GSUNGS, RANG GZHAN GYI YIG CHA GZHAN 'GA' ZHIG LAS GTOR MA SA LHA DANG, GZHI BDAG DANG, BGEGS GSUM KA LA SO SOR GTONG BA, 'GA' ZHIG LAS PHYI MA GNYIS TZAM LA SO SOR GTONG BA, 'GA' ZHIG LAS THUN MONG DU GCIG GTONG BA, 'GA' ZHIG LAS CHA GSUM GTONG BA SOGS CI RIGS DANG, SBYANG BA YANG HA NA SOGS DANG, RANG GI LHA'I SNGAGS BRJOD PA 'DAM
NGA CAN DANG, GNYIS KA BRJOD PA DANG, SNGA MA GCIG PU BRJOD PA SOGS CI RIGS BSHAD PA LAS GANG BYAS KYANG MI RUNG BA MED NA'ANG, GTOR MA THUN MONG DU BSNGO BA 'JUG PA BDE ZHING SBYANG BA BSDUS PA LA BSHAD PA GSUM KA BYAS NA LEGS ZHES YONGS 'DZIN DAM PA'I GSUNG LAS 'BYUNG BAS, DE LTAR NA NYI MA BZANG PO LA THAB GANG DU BYA BA'I SA PHYOGS SU STAN BDE BAR RANG NYID 'DUG PA'I MDUN DU STEGS KYI KHAR SA'I BDAG PO SOGS LA 'BUL RGYU'I DKAR GTOR CHU GNYIS NYER SPYOD DANG BCAS PA BSHAM, SGRUB GROGS GZHAN YOD NA GA-YAS GA-YON DU JI LTAR RIGS PAR 'KHOD DE, SANGS RGYAS CHOS TSOGS MA LAN GSUM, RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR, DPA' BO GCIG PA LA GTZO RGYANG DU BSKYED, AA MRI TAS BSANG, SVA BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD RDZAS RNAMS DANGS SHING THOGS PA MED PAR NAM MKHA' DANG MNYAM PAR GYUR, AOm AARGHAm A'A: H'Um, NAS, AOm SHAPTA A'A: H'Um, GIS MCHOD PA BYIN GYIS RLABS, SNGAR BZHIN BSANG SBYANGS STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I NANG DU AOm 'OD DU ZHU BA LAS BYUNG BA'I GTOR MA DANGS SHING THOGS PA MED PA BDUD RTZI'I RGYA MTSO CHEN POR GYUR, AOm A'A: H'Um, LAN GSUM GYIS GTOR MA BYIN GYIS BRLAB, RANG GI THUGS KHA'I H'Um LAS 'OD ZER 'PHROS, SA BDAG GNAS BDAG ZHING SKYONG KLU LA SOGS PA 'KHOR DANG BCAS PA SPYAN DRANGS TE MDUN DU BZHUGS PAR GYUR, AOm BHU MI BA TI SA P'A RI WA RA, AOm
, ,AA KA RO MU KHAm SARBA DHARMA nAm AA DYA NUDPA nA NA TVA DA AOm A'A: H'Um PHAt SV'AH'A, LAN GSUM GYIS BSDO, ,AOm BHU MI BA TI SA P'A RI WA RA AARGHAm PRA TI TZTSA H'Um SV'AH'A, NAS, SHAPTA PRA TI TZTSA H'Um SV'AH'A, ZHES PAS MCHOD, DRIL BSIL DANG BCAS, GANG DAG 'DIR GNAS LHA DANG KLU, GNOD SBYIN SRIN PO'AM NI GZHAN, ,DE DAG RNAMS LAS 'DI NI, ,BDAG ZHU KHYED KYIS BRTZAL DU GSOL, ,ZHES LAN GSUM GYIS GSOL BA BTAB PAS, RIGS PA 'DZIN PA CI BDOR GYIS SHIG CES GNANG BA BYIN TE RANG GNAS SU GSHAGS PAR GYUR, BAR BSAM LA SA BSLANG, ? DE NAS LAG PA GA-YAS RDO RJE DANG BCAS PA SA LA BZHAG STE, AOm HA NA HA NA GRO DHA H'Um PHAt, RDO RJE KHRO BOS BGEGS RNAMS BCOM ZHING RDO RJE GSUM GYIS SA'I NYES SKYON THAMS CAD SBYANG BAR GYUR, CES DANG, HR'I: shtI: BRGYA RTZA BRGYAD BZLAS TE KUN RDZOB KYI SBYANG BA DANG, SA LA SOGS PA'I CHOS THAMS CAD RANG BZHIN GYIS RNAM PAR DAG PA'I STONG PA NYID DU GYUR, CES DON DAM PA'I SBYANG BA BYA, DE NAS SA BRKON LTO 'PHYE BRTAGS TSUL SNGAGS RIM NAS 'BYUNG BA LTAR BRKO, GNYIS PA NI, GZHUNG DU BRKO THAB DANG BRIS THAB GNYIS, PHYI MA LA RDUL TSON GYIS BRI BA DANG ME TOG BKRAM STE BRI BA'I LUGS GSUM DNGOS SU GSUNGS, MKHAS GRUB RIN PO CHE'I 'DUS PA'I ZHI RGYAS KYI SBYIN SREG DANG DE'I CHO GA'I DMIGS BSAL RNAMS KHA SBOS PA MA GTOGS MCHOD BRJOD NAS MDZAD BYANG GI BAR ZHUS DAG BER BA'I 'JIGS BYED KYI ZHI RGYAS KYI SBYIN SREG GNYIS LAS BRTZIG THAB GSUNGS KYANG BYED LUGS MI GSAL, BU'I DUS 'KHOR GYI SBYIN SREG 'PHRIN LAS KUN 'BYUNG LAS BRTZIGS THAB BYED NA PADMA SOGS 'JIM PA BZANG PO
LAS BYA BA DANG TSON YANG CHU TSON GYIS BRIS BAR BSHAD, DENG SANG PHYAG LEN LA PHAL CHER BRIS THAB LA BRTEN PAR SNANG ZHING BRTZIGS THAB LA 'GA' ZHIG GIS KHRU GANG BA'I ZLUM THIG GI MTSAMS NAS, ZHENG SOR BZHI DPANGS ? SOR BCU GNYIS PA'I STENG DU MU RAN SOR GNYIS DOR NAS KHA KHYER DBANGS DANG ZHENG SOR BZHI PA PHYED 'BYAR GYI TSUL DU BRTZIGS PA DANG, 'GA' ZHIG GIS ZHING SOR BRGYAD DPANGS SOR BCU GNYIS PA'I STENG DU MU RAN SOR BZHI DOR NAS KHA KHYER DPANGS DANG ZHENG SOR BZHI PA BRTZIGS PA'I LUGS GNYIS SNANG, THAB GSUM GANG BYED KYANG SA GZHI RANG BZHIN GYIS DKAR PA'AM SA DKAR POS BYUGS PA LA BYA ZHING, GZHUNG DANG RJES 'BRANG GI YIG CHA GZHAN PHAL CHER LAS ME GSAL YANG, DUS 'KHOR RTZA RGYUD LAS, DKYIL 'KHOR LA SOGS LAS BYA DER, ,GANG TSE LAS DANG RJES MTHUN PA'I, ,SA RU MA GYUR DE YI TSE, ,BRKO ZHING BRKO BA NYID BYA BA, ? ,CHU YI MTHA' 'AM RDO'I MTHAR BRKO, ,DE NAS SA GZHAN LAS BRKOS NAS, ,SA GZHAN GYIS NI BRKOS PA DGANG, ,LAS KYI RJES SU MTHUN PA'O, ,ZHES DANG, 'GREL CHEN LAS, 'DIR SA'I DRI'I DON DU SA DKAR PO LA TZAN DAN DKAR PO'I CHUS BSGO BAR BYA'O, ,ZHES DANG, RO BRO BAR BYA BA'I DON DU SA NAG PO LA SGYUR BA DANG LAN TSVA GZHUGS PAR BYA'O, ,SER PO LA BU RAM MO, ,DMAR PO LA TSA BA GSUM MO, ,DKAR POR KHA BA DANG SKA BA ZHES BYA'O, ,ZHES DANG, DE BZHIN DU SA'I NANG DU GTER GZHUGS PAR BYA STE, ZHES PA NAS, DKAR POR ZHI BA LA SHEL LO, ,ZHES SOGS GSUNGS PA LTAR, BU'I 'PHRIN LAS KUN 'BYUNG LAS LAS MTHUN GYI SA MA RNYED NA CHU'AM RDO'I MTHAR THUGS
, ,PAR BRKOS TE LA SA MTHUN GYI SA GZHAN GYIS BKANG LA, TZAN DAN GYI CHU SA BRAN TE KHA SKA'I RO BSRE BA DANG SHEL GYI GTER GZHUG PA SOGS GSUNGS LA, DUS GSUM RGYAL BA'I DBANG PO THAMS CAD MKHYEN PA CHEN PO'I 'JIGS BYED KYI LAS BZHI'I SBYIN SREG RAB DKAR BUM BZANG SOGS LAS KYANG DE DANG MTHUN PAR BSHAD PAS GRUB NA DE LTAR BYA BA LEGS SO, ,DE LA BRKO THAB NI; DBYIBS ZLUM PO RGYAR KHRU GANG ZABS SU KHRU BYED, STENG NAS MU RAN NAM MCHU SOR BZHI DOR BAR DPANGS DANG ZHENG SOR BZHI BA'I KHA KHYER BGAS KYIS NANG DU GZHOL BA, PHYI ROL TU PHYOGS SU SOR GNYIS DOR BAR STEG BU GRU BZHI PAS BSKOR BA BYA, 'DI'I STEG BU MKHAS GRUB KYIS THAB GYI RTZA BAR BYA BAR GSUNGS LA, GONG DKAR RDO RJE GDAN PA'I KYEE RDO RJE'I ZHI BA'I SBYIN SREG LAS, PHYIR STEGS BU GRU BZHI PA KHA KHYER GYI PHYOGS NAS DPANGS SOR GNYIS YOD PA BYA ZHES BSHAD, RTZIG THAB NI, DBYIBS DANG TSAD SNGA MA DAR 'DRA ZHING GONG GI LUGS GNYIS LAS PHYI MA MU RAN DANG KHA KHYER GYI TSAD BSHAD TSOD DANG MTHUN, BRIS THAB NI, THOG MAR DBUS BTZAL LA TSANGS ZUR GYI THIG GDAB, DE NAS DE LA THIG SKUD KHRU PHYED PA ZHIG GIS DBUS NAS ZLUM POR BSKOR, DE NAS KHRU PHYED PA DE LA SOR BZHI BSNAN NAS BSKOR, DE NAS DE LA YANG SOR BZHI BSNAN NAS BSKOR, DE NAS ZLUM THIG PHYI MA DANG TSANG THIG 'PHRAD 'TSAMS NAS SOR GNYIS DOR BAR MTSAN MA BYAS LA DE'I STENG NAS ZUR BZHIR BYA RJES BTZAL TE ZUR THIG NAS ZUR THIG GI BAR GRUB BZHIR GDAB, THIG 'DI LTAR 'DEBS PA RANG GZHAN GYI YIG CHA DU MA NAS 'BYUNG LA, RAB DKAR BUM BZUNG DANG PHA 'ONG KHA BA
'JAM DBYANGS GRAGS PA'I MI 'KHRUG PA'I SREG CHOG GA BUR CHU RGYUN LAS, DBUS NAS SOR BZHI BZHIS ZLUM PO BZHI BSKOR BA'I PHYI LA SOR GNYIS KYIS ZUR NAS ZUR DU BCAD PA'I LOGS THIG 'DEBS PAR BSHAD, THAB KYI DBUS SU MTSAN MA GAR 'BRI BA NI, GZHUNG DU PADMA 'DAB BRGYAD KYI LTE BAR RDO RJE RTZE LNGA PA SRID DU SOR BRGYAD PA DPANGS SU SOR GCIG PA DANG, SHAR LA SOGS PA'I PHYOGS BZHIR 'KHOR LO DANG RIN PO CHE DANG PADMA DANG RAL GRI SOR DRUG PA BYA BAR DPAL 'DZIN GYIS ZHI BA LAS THAMS CAD LA BSHAD PA DANG, 'OD SNYER ZHI RKYANG LA DBUS SU 'KHOR LO DANG RDO RJE 'DAM NGA CAN DU MDZAD PA'I LUGS GNYIS BKOD NAS DMIGS BSAL NGES BZUNG MA GSUNGS, MKHAS GRUB KYI YIG CHA DANG LHA BTZUN RIN CHEN RGYA MTSO'I BLO GROS KYI 'JIGS BYED KYI ZHI BA'I SBYIN SREG DANG RAB DKAR BUM BZANG SOGS NGU MA ZHIG LAS, DBUS SU PADMA DKAR PO 'DAB MA BRGYAD PA'I LTE BAR RDO RJE RTZE LNGA PA SRID DU SOR BRGYAD PA DPANGS SU SOR GCIG PA LAS PHYOGS BZHI'I MTSAN MA MI GSAL, BU'I GSHED DMAR GYI LAS BZHI'I SBYIN SREG LAS, THAB KYI NANG DU PADMA DKAR PO 'DAB BRGYAD PHYI PHYI NAS MU KHYUD DANG BCAS PA'I LTE BAR RDO RJE RTZE LNGA PA SOR BRGYAD KYI TSAD DPANGS SOR GCIG PA, PHYOGS BZHI'I 'DAB MA LA 'KHOR LO DANG RIN PO CHE DANG PADMA DANG RAL GRI SOR DRUG PA, MU KHYUD LA RDO RJE'I 'PHRENG BA BYA, BRIS THAB YIN NA DBANG SU BSAMS PAS CHOG GI DNGOS SU MI DGOS, MTSAN MA RNAMS LHA'I MDOG TU BYA, ZHES DANG; DBUS KYI MTSAN MA RANG KHA GANG DU BLTAS PAR MGO BO BSTAN PA BRI, PHYOGS KYI MTSAN MA RNAMS RANG RANG GI PHYOGS SU MGO BSTAN PA BRI, ZHES GSUNGS, DE LA SPYIR ZHI BA LAS THAMS CAD
, ,PA LA BSHAD PA THAMS CAD ZHI RKYANG LA DGOS PA MIN NA'ANG 'DIR GZHUNG DU ZHI RKYANG GI THAB KYI DBUS SU MTSAN MA GANG 'GOD 'CHAD PA NA DPAL 'DZIN GYIS, ZHI BA LAS THAMS CAD DPAL BSHAD PA DANG 'OD SNYER ZHI RKYANG LA BSHAD PA'I LUGS GNYIS KA BKOD NAS DMIGS GSAL MA MDZAD PA NI LUGS DE GNYIS GANG BYAS KYANG RUNG BA LA DGONGS PA 'DRA BAS, ZHI RKYANG LA'ANG MTSAN MA LNGA KA 'GOD PA DANG RDO RJE GCIG BU 'GOD PA GANG RUNG GIS CHOG PAR MNGON LA LUGS SNGA MA DPAL 'DZIN GYIS ZHI BA LAS THAMS CAD PA'I THAB KYI DBUS SU 'GOD TSUL BSHAD TSOD LTAR NA PAD 'DAB KYI PHYI'I MU KHYUD LA RDOR 'PHRENG BYA BAR BU STON GYIS GSUNGS PA LTAR BYA STE, DPAL 'DZIN GYI DGRA NAG GI DKYIL CHOG LAS, THAB KHUNG GI DKYIL DU ZHE SDANG RDO RJE SOR BRGYAD KYI TSAD LA RTZE MO LNGA PA DPANGS SU SOR GCIG TZAM YOD PA BYAS NAS SHAR DANG LHO DANG NUB DANG BYANG GI PHYOGS RNAMS SU 'KHOR LO DANG RIN PO CHE DANG PADMA DANG RAL GRI SOR DRUG PA'I TSAD DU BYA'O, ,DE'I PHYI ROL TU RDO RJE'I PHRENG BA BYAS NAS THAB KHUNG TSON RTZI DKAR POS BYUGS PAR BYA'O, , ZHES GSUNGS PAS SO, ,'DI LTAR NA DBUS NAS SOR BZHIS BSKOR BA'I PADMA'I LTE BA LA RDO RJE, DE NAS SOR GANG GIS BSKOR BA LA GE SAR, DE NAS SOR DRUG GIS BSKOR BAR PAD 'DAB BRGYAD LA PHYOGS BZHI'I MTSAN MA, DE NAS SOR GANG GIS BSKOR BA'I MU KHYUD LA RDOR 'PHRENG BYA, 'ON KYANG GZHUNG BU ? GE SAR DANG MU KHYUD GNYIS MI GSAL BA LA DGONGS NAS DE GNYIS LAS THAMS CAD PA'I DMIGS GSAL TU MDZAD DE, ZHI RKYANG LA MI 'GOD PA'I LUGS RJES 'BRANG GI YIG CHA 'GA' ZHIG LAS BSHAD, LUGS GNYIS PA 'OD SNYE'I LUGS LA ZHI RKYANG LA PHYOGS BZHI'I MTSAN MA MI DGOS SHING, MKHAS GRUB
SOGS KYI YIG CHA LTAR NA DBUS NAS SOR BZHIS BSKOR BA'I LTE BA LA RDO RJE, DE NAS SOR BRGYAD LA PAD 'DAB BYA, RAB DKAR BUM BZANG NGANG GA BUR CHU RGYUN LTAR NA DBUS NAS SOR BZHIS BSKOR BA'I LTE BA LA RDO RJE, DE NAS SOR BZHI LA PAD 'DAB BYA, MU RAN DANG KHA KHYER LA GANG 'GOD PA NI DPAL LDAN SA SKYA BA RNAMS NANG MA KHA KHYER DANG PHYI MA MU RAN ? DU BZHED CING, BU LUGS DANG, DGE LUGS LA NANG MA MUR NA NGANG PHYI MA KHA KHYER DU BZHED DE, RDO RJE MKHA' 'GROR RGYAS PA'I THAB 'CHAD PA NA, RGYAS PAS GZHI SER PO LA, RIN PO CHE'I DBYIBS 'DRA'I THAB, YANG NA GRU BZHI PA YANG RUNG, KHRU DO ZABS SU KHRU GANG BRKO ,DE NAS SOR BRGYAD POR NAS SU, KHA KHYER SOR BRGYAD TZAM DU BYA, ZHES DANG, DPAL 'DZIN GYI DGRA NAG GI DKYIL CHOG LAS, DE LA ZHI BA'I THAB KHUNG BZHIN DU LAS THAMS CAD PA'I THAB KHUNG NI RGYAR KHRU GANG GI TSAD LA ZABS SU KHRU PHYED BRKOS PA'I PADMA RGYAS PA LTA BU LA SOR BZHI DOR NAS ZAB DANG RGYAR SOR BZHI PA'I KHA KHYER NYID KYIS YONGS SU BSKOR BAR BYA'O, ,ZHES GSUNGS PA DANG, LUGS PHYI MA MTHUN NO, , GZHUNG DU LAS THAMS CAD PA'I THAB KYI MU RAN LA GE SAR DANG BCAS PA'I ZE'U 'BRU DANG KHA KHYER LA PADMA'I 'DAB MA'I RNAM PA BYA BAR BSHAD LA, ZHI RKYANG GI MU RAN LA 'DI 'GOD MI GSAL ZHING KHA KHYER LA 'KHOR LO'I 'PHRENG BAS BSKOR BAR BSHAD, MKHAS GRUB KYI YIG CHA SOGS LAS KHA KHYER LA RDO RJE'AM 'KHOR LO 'DU ? MANG MDZAD, RAB DKAR BUM BZANG NGANG GA BUR CHU RGYUN LAS MU RAN LA RDO RJE'I 'KHOR YUG DANG KHA KHYER LA RDO RJE GYEN 'GREN BYA BA BSHAD, BU STON GYIS KHA KHYER GYI STENG DU LAS THAMS CAD PA DANG ZHI BA LA RDO RJE BYA BAR GSUNGS, STEG PU'I STENG DU GANG 'GOD PA NI, DPAL 'DZIN GYIS DGRA NAG GI DKYIL CHOG LAS
, ,GONG DU DVANGS PA'I LUNG DE'I 'JUG THOG NYID DU, DE'I PHYI ROL SOR GNYIS PA GRU BZHI PAS YONGS SU BSKOR BA, DE'I 'TSAMS BZHIR ZLA BA PHYED PA'I STENG DU RDO RJE RTZE GSUM PAS MTSAN PA'O, , ZHES GSUNGS PA LTAR ZUR BZHIR, ZLA BA PHYED PA'I STENG DU RDO RJE RTZE GSUM PA BYED PAR GZHUNG DANG BUS BSHAD LA, MKHAS GRUB SOGS KYIS ZLA PHYED KYI STENG DU RTZE GSUM PA PHYED PAS MTSAN PAR BSHAD, ZLA PHYED RDO RJE 'BRI BA NA RTZE GANG DU STON RANG PHYOGS KYI YIG CHA LAS GSAL BAR BSHAD PA MA MTHONG LA NGOR CHEN DKON MCHOG LHUN GRUB KYIS KYEE RDOR GYI SBYIN SREG LAS RTZE NANG DU STON PAR BSHAD CING, LAG LEN LA 'GA' ZHIG GIS PHYIR STON PAR MDZAD DE, BSAM DON DANG 'JIM ? PA LAS BZON GYEN 'GRENG DGOS SHING 'BRI BA LA GANG BYAS KYANG RUNG BAR SEMS, PADMA DANG RDO RJE SOGS KHA DOG JI LTAR BYA BA NI, GZHUNG DU MTSAN MA LHA MDOG BYA BAR BSHAD CING PADMA SOGS KYI KHA DOG MI GSAL LA MKHAS GRUB SOGS 'GA' ZHIG GIS PADMA DKAR POR BSHAD CING RJES 'BRANG GZHAN 'GA' ZHIG GIS PADMA DANG DBUS KYI RDO RJE GNYIS DKAR PO DANG MTSAN MA GZHAN BZHI PHYOGS MDOG DANG, YANG 'GA' ZHIG GIS PADMA SNA TSOGS PADMAR BSHAD PA SOGS DU MA 'BYUNG, RAB DKAR BUM BZANG LAS ZHI BA LAS THAMS CAD PA'I DBANG DU MDZAD NAS SNA TSOGS PADMA'I LTE BAR NYI GDAN LA KHRO BO'I RDO RJE SNGON PO MU RAN LA RDO RJE'I PHRENG BA DANG KHA KHYER LA RDO RJE GYEN 'GRENG SNGON POS BSKOR BAR BSHAD NAS, DNGOS GRUB RGYA MTSOR MDOG DBYIBS GDAN GSUM MAN NGAG GI DBANG DU MDZAD DE SBAS PA YIN LA ZHI BA THUN MONG MA YIN PA'I 'BRI TSUL MAN NGAG ZHAL LAS SHES DGOS PA YOD DO, ,ZHES DANG, LAS THAMS CAD PA'I DBANG DU BYAS PA STE ZHI BA LA MAN NGAG
BZHIN 'DON PA KHA SPO DGOS SO, ,ZHES GSUNGS PA NI, ZHI RKYANG LA DBUS KYI RDO RJE SOGS DKAR PO BYED PA LA DGONGS PAR SNANG BAS, ZHI RKYANG LA GA BUR CHU RGYUN LAS RDO RJE DANG THAB DKAR PO GZHAN RNAMS MDZES TSON DU BYA GSUNGS PA LTAR RAM, YANG NA PADMA DANG KHA KHYER GYI 'KHOR LO'AM RDO RJE DANG ZLA PHYED RDO RJE RNAMS DKAR PO DANG, MTSAN MA RNAMS BU STON GYIS BSHAD PA LTAR LHA MDOG DU BYA, 'PHRIN LAS KUN 'BYUNG LAS THIG 'DEBS PA'I TSE 'DUG STANG SOGS DANG TSON BYIN RLABS DKYIL CHOG NAS 'BYUNG BA LTAR BYA BAR GSUNGS PA LTAR GRUB NA LEGS PAS DE DAG BYED TSUL DKYIL CHOG RIN CHEN 'PHRENG BA NAS 'BUNG BA LTAR BYA, THAB KUNG LA SA DKAR PO DANG PHYI ROL DU BA'I LCIBS BYUG NAS GNYIS KA LA BDUD RTZI DKAR PO DANG LDAN PA'I DRI DKAR POS BYUGS LA, THUN GSUM DU ME TOG DKAR PO SIL MA GCAL DU DGRAM PAR GZHUNG DU GSUNGS PA'I DNGOS ZIN BROS PA LA YIN ZHING BRTZIGS PA LA'ANG DE LTAR BYAS LA, MKHAS GRUB DANG LHA BTZUN SOGS KYIS BRIS PA LA KHRU PHYED PAS BSKOR BA'I ZLUM THIG GI STENG NAS BUD SHING BRTZIGS PA'I PHYI NANG LA'ANG DE LTAR BYUGS PAR GSUNGS, 'DI'I THAB KHUNG LAS DKAR BYUG ZHES PA THAB KHUNG GI NANG GI MTHIL LA BYUG MI RUNG BAS NANG GI LOGS LA BYUG PA YIN ZHING PHYI ROL DU BA LCIS ? BYUGS ZHES PA NI THAB KYI PHYI'I NGOS LA BYUG PA YIN PAR BZUNG NAS LAG LEN DE LTAR BYED PA SNANG LA, 'GA' ZHIG STEGS BU'I MTHA' BSKOR GYI SA LA BYUG PA YIN GSUNGS, GZHUNG DU DE LTAR GSUNGS PA NI, 'OD SNYE LAS, THAB KHUNG LA SA DKAR PO DANG PHYI ROL DU KHRU PHYED TZAM DU KUN NAS PA'I LCI BAS BYUGS TE DE GNYIS LA BDUD RTZI DKAR PO DANG LDAN PA'I DRI DKAR POS
, ,NYE BAR BYUGS LA THUN GSUM DU ME TOG DKAR PO'I SIL MA GCAL DU DKRAM PAR BYA'O, ,ZHES GSUNGS PA LA BRTEN PAR SNANG LA, 'DI'I KHRU PHYED TZAM DU ZHES PA THAB KYI PHYI NGOS RTZA BA NAS GYEN DU 'PHAGS PA'I KHA KHYER GYI MTHA'I BAR LA KHRU PHYED LAS LHAG PAS DE LA MI 'GRIG CING, THUN GSUM DU ME TOG DKAR PO'I SEL MA DGRAM ZHES PA'ANG THAB KYI MTHIL DANG PHYI NANG GI LOG SOGS LA DGRAM PA MIN PAS BU'I GSHED DMAR GYI SBYIN SREG LAS, THAB BYIN PO LAS MTHUN GYI KHA TOG TU BSGYUR RO, ,ZHES GSUNGS PA LTAR THAB KYI PHYI NANG GI LOGS GNYIS KA LAS DKAR PO BYUG CING STEGS BU'I MTHAR ZHED KHRU PHYED TZAM KUN NAS 'KHOR BAR BA LCI SOGS KYIS BYUGS TE DE'I STENG DU ME TOG DKAR PO'I SIL MA DGRAM PA 'THAD DAM SNYAM MO, ,THUN GSUM DU ZHES PA THAB GRUB NAS SBYIN SREG BYED PA'I BAR ZHAG CI TZAM YOD PA'I ZHAG RE BZHIN THUN GSUM DU ME TOG RNYING PA DOR NAS GSAR BA 'GREM PA'I DON YIN LA ME TOG DNGOS MA BYUNG NA 'BRU DKAR DGRAM PAR BYA'O, ,THAB DANG SLOB DPON GYI BAR DU ME YOL RTZIG PA DANG DE'I THAB LA BSTAN PA'I NGOS LA BAm YIG DKAR PO 'BRI SROL LAG LEN LA SNANG ZHING BOD KYI DPAL 'DZIN GYIS KYANG DE LTAR BRIS PA DE GANGS KYI RI BOR BSAM NA ME'I DUG GIS MI TSUGS PAR BSHAD, GNYIS PA RDZAS KYI RNAM GZHAG LA, MCHOD YON, MCHOD RDZAS, SREG RDZAS, DE DAG BSHAM TSUL DANG BZHI, DANG PO NI, CHU BZHI'I SNOD DANG RDZAS SBYOR TSUL LAS SKYABS MI THUB ZLA BA'I BZANG PO YONGS BZUNG LAS, DANG POR DRI CHU SBYIN PAR BYA, ,GNYIS PA LA NI 'O MA MNGAR, ,GSUM PA NYING LA CHU GTZANG STE, ,BZHI PA ME TOG SBYAR BAR BYA, ,ZHES SOGS
GSUNGS PA'I RJES SU 'BRANGS TE ZHABS BSIL DANG ZHAL BSIL DANG, BSANG GTOR DANG, MCHOD YON BZHI LA SNOD BZHIR RIM PA BZHIN CHU DRI BZANG DANG SBYAR BA DANG, 'O MA DANG SBYAR BA DANG, CHU GTZANG 'BA' ZHIG DANG, ME TOG DANG SBYAR BA BZHI MDZAD PA YANG RUNG MOD KYI, 'DIR DKYIL CHOG RDO RJE 'PHRENG BA DANG SBYIN SREG 'OD KYI SNYEM GNYIS KYI RJES SU 'BRANGS TE SDAGS RIM DANG GZHUNG DU BSHAD PA LTAR BYA BA LA ZHAL BSIL DANG BSANG GTOR SNOD GCIG TU BYAS NAS CHU BZHI LA SNOD GSUM GYIS CHOG STE, 'PHRENG BA LAS DE NAS RANG GI GA-YON LOGS SU MCHOD YON GYI SNOD DANG, ZHABS BSIL GYI SNOD DANG, BSANG GTOR DANG ZHAL BSIL GYI SNOD BZHAG PAR BYA'O, ,ZHES BSANG GTOR DANG ZHAL BSIL SNOD GCIG TU GSUNGS SHING, 'ONG SNYE LAS, MCHOD YON LA SOGS PA'I SNOD GSUM YANG RANG GI GA-YON LOGS SU BYA'O, ,ZHES CHU BZHI KA LA SNOD GSUM DU GSUNGS PAS SO, ,RDZAS KYANG CHU BZHI KA LA NAS LA SOGS PA'I RDZAS BDUN SBYAR BAR BYA STE, 'PHRENG BA LAS, GSER DNGUL RDO DANG ZANGS DANG SHING, ,SA BYAS NYA PHYIS DUNG DANG NI, ,'DAB MA'I SKYOD BU ZHABS BSIL DANG, ,BSANG GTOR ZHAL BSIL MCHOD YON SNOD, ,DE DAG DANG SNOD GZHAN DU NAS DANG 'O MA DANG ME TOG DKAR PO DANG KU SHA DANG TIL DANG 'BRAS YOS DANG DRI DKAR PO'I CHU BDUD RTZI DANG BCAS PA RNAMS BLUG LA, ZHES DANG, 'OD SNYE LAS, GSER DANG DNGUL DANG RDO DANG ZANGS, ,SHING DANG SA SNOD NYA PHYIS DANG, DUD DANG 'DAB MA'I MCHOD YON DANG, ,BSANG GTOR ZHABS BSIL ZHAL BSIL SNOD, ,DER NAS DANG 'O MA DANG ME TOG DKAR PO DANG TIL DANG KU SHA DANG 'BRAS YOS DANG LDAN PA BDUD RTZI DANG
, ,BCAS PA'I DRI DKAR PO'I CHU RNAM PAR RGYAL BA'I BUM PA NA GNAS PA BLUG LA, ZHES CHU BZHI'I SNOD THUN MONG DU BSHAD NAS SNOD DER NAS LA SOGS PA'I RDZAS BDUN BLUG PAR SPYIR BSHAD PAS SO, ,DES NA GONG DU BSHAD PA'I SNOD DE DAG SPYIR BTANG YIN PAS 'DIR DUNG DANG NYA PHYIS SOGS SNOD DKAR PO GSUM GYI NANG DU, RDZAS NAS DANG, 'O MA DANG, TZAM PA KA'I ME TOG GAM PAD DKAR RAM KHAM BU'I ME TOG SOGS ME TOG DKAR PO DUG RIGS MA YIN PA DANG, KU SHA DANG, TIL NAG DANG, 'BRAS YOS DANG, TZAN DAN DKAR PO 'AM GA BUR SOGS DRI DKAR PO'I CHU NANG GI BDUD RTZI LNGA DANG BCAS PA RNAMS BLUG PAR BYA ZHING, SNGAGS RIM DANG GZHUNG DU MI GSAL LA PHYAG LEN LA 'GA' ZHIG GIS NAS DANG ME TOG DANG TIL DANG 'BRAS YOS RNAMS RDOG PO DANG KU SHA GTUB PA DANG DRI DKAR PO'I PHYE MA LDUG PAR MDZAD LA, 'GA' ZHIG GIS DE DAG THAMS CAD BRTUNG BA'I PHYE MA 'DEBS PA MDZAD DE, 'PHRENG BAR, MCHOD YON 'BUL BA'I SKABS SU MCHOD YON GYI SNOD KYI CHU LA SOGS PA SNYIM PAS BZUNG LA, ZHES GSUNGS PA'I SOGS KHUNGS SU RDZAS DE DAG BSDU BA LAS 'OS MED PAS DE LTAR NA SNGA MA LTAR BYA ZHING, MIG SNGAR DNGOS GTZANG BA LA PHYI MA LTAR BYED NA ME TOG DKAR PO DNGOS SAM DONG DU 'BRAS DKAR LTA BU LDUG PA DANG 'O MA NI GANG BYED KYANG LDUG DGOS SO, ,DE NAS RDZAS DE DAG LA TZAN DAN NAM AA KA RU LTA BU'I SPOS DRI ZHIM POS BDUGS TE, AOm HR'I: shtR'I: WI KRI T'A NA NA H'Um PHAt SV'A H'A, ZHES SAM, BSANG CHU KHANGGA DHRI KA GAM, AA MRi TAS BSGRUB NA DE LA SV'A H'A BTAG PA LONG BYUNG NA BRGYA DANG THA NA BDUN BZLAS TE BSGRUB PAR BYA
STE, 'OD SNYE'I LUNG GONG DU DRANGS PA DE'I 'JUG THOG NYID DU, SPOS KYIS BDUG STE RANG GI LHA'I SNGAGS SAM LAS THAMS CAD PA'I SNGAGS KYI, MTHAR SV'A H'A DANG BCAS PA ZHI BA'I DON DU LAN BRGYAR BZLAS PAR BYA'O, ,ZHES GSUNGS SO, ,'DIR GU GUL GYIS BDUG PAR MI BYA STE, GZHUNG DU, DRAG PO LA GU GUL DANG GZHAN RNAMS LA SPOS ZHIM POS BDUGS TE, ZHES GSUNGS PAS SO, ,'PHRENG BA DANG SNGAGS RIM LAS 'BRU GSUM DANG RANG GI LHA'I SNGAGS DANG 'KHYIL PA'I SNGAGS GSUM KA BRJOD PAR BSHAD KYANG 'DIR 'OD SNYE DANG GZHUNG DU MA BSHAD, MI THUB ZLA BAS 'DI KUN MCHOD YON YAN LAG PHYIR, ,MCHOS YON SGRA RU BSTAN PA YIN, ,ZHES GSUNGS PA LTAR, ZHABS BSIL SOGS CHU GZHAN GSUM YANG MCHOD YON GYI YAN LAG YIN PAS CHU BZHI LA MCHOD YON GYI MING GIS GZHUNG MANG POR BSHAD DO, ,GNYIS PA MCHOD RDZAS NI, PAD DKAR LTA BU'I ME TOG DKAR PO DNGOS SAM NGOD DU 'BRAS DKAR LTA BU'I 'BRU DKAR, TZAN DAN DKAR PO 'AM AAR SKYA SOGS KYI BDUG SPOS, MAR DKAR BZHUS PA DANG SDONG BU DKAR POS BYAS PA'I MAR ME, TZAN DAN DKAR PO DANG GA BUR SOGS DRI BZANG DKAR PO'I PHYE MA BTAB PA'I DRI CHAB, 'O MAS SPRUS PA'I LHA BSHOS TE NYER SPYOD LNGA, GOS DAR DKAR PO GANG RIGS KYI GOS ZUNG GNYIS, 'DI LA DENG SANG RE RE 'JOG PA SNANG ZHING GNYIS RE 'JOG PA CHER MI SNANG YANG, GZHUNG DU, LAS MTHUN GYI GOS ZUNG DANG, ZHES GSUNGS SHING, BYUNG ZHES PA GNYIS KYI MING YIN LA, DE YANG STOD GA-YOGS SMAD GA-YOGS GNYIS KYI CHED YIN PAS ME LHA DANG 'DAS LHA GNYIS LA ZUNG RE RE DGOS
, ,SO; ;GZHUNG DU, ZHI SOGS GNYIS LA RDO THAL MED PA'I SO RTZI DANG, ZHES PA MA GTOGS SO RTZE'I RGYU DANG DBYIBS CI 'DRA YIN MI GSAL LA, PHYAG LEN LA 'GA' ZHIG GIS BU RAM 'JOG PA DANG, 'GA' ZHIG GIS ZAN RIL 'JOG PA SOGS CI RIGS SNANG YANG, RGYAL DBANG MCHOG GI PHYAG LEN LA MAR DKAR BZHUS PAR STOD JA DANG GO YU DANG GO LA'I PHYE MA BTABS PA LA MDZAD CING, SO RTZI ZHES PA SO'I DRI MA 'DAG CING SO SRA BAR BYED PA'I RDZAS YIN PAS BU RAM SOGS LA BYED PA MI 'THANG GSUNGS PA 'DI LTAR BYA, 'DIR 'DAS GTOR 'BUL BA GZHUNG DANG RJES 'BRANG GI YIG CHA PHAL CHER LAS MI GSAL LA, RAB DKAR BUM BZANG LAS 'BYUNG BAS NGES BZUNG MA DGOS KYANG, GRUB NA PHUN SUM TSOGS PA'I YAN LAG YIN PAS 'BUL NA 'DAS LHA LA 'BUL RGYU'I GTOR MA DANG ME LHA'I GTOR MA, DE YANG RGYU MAR SOGS LAS BZOS PA'I DKAR PO ZLUM PO MDZES PA BYA, GNYIS PA SREG RDZAS NI, YAM SHING GI RGYU AA SHONG THA DANG, AU DUM BAR DANG, NYA KRODHA DANG, PA LA KshA LA SOGS PA NI BONG DU MI RNYED PAS, GZHUNG DU, YAM SHING NI GZHUNG GZHAN RNAMS NAS 'BYUNG BA 'DIR MI RNYED PAS, RDO RJE MKHA' 'GRO LAS, 'O MA CAN GYI SHING LAS BYA BAR GSUNGS PAS 'O MA BU LA SOGS PA'I DRI ZHIM PO DANG LDAN PA'I 'O MA CAN GYI SHING GI ,ZHES 'O MA BU MTSAN GZHIR DNGOS SU GSUNGS, DE'I SOGS KHONGS SU SHING GZHAN CI 'DRA BA SDU RJES 'BRANG GI YIG CHA LAS KYANG CHER MI GSAL, 'GA' ZHIG LAS NYAB RIB MA RUNG BAR BSHAD, BU'I 'PHRIN LAS KUN 'BYUNG LAS AA SHOD THA SOGS MA RNYED NA SHUG PA DANG SHOL PO SOGS DE DAG GANG RUNG DU
BSGOM NAS 'BUL BAR GSUNGS TE SHOL PO ZHES PA GTZANG SKANG LA SBYAR BA LA ZER BAR SNANG, GONG DKAR RDO RJE GDAN PAS BAL BU RUNG BAR BSHAD, DE LTAR NA 'O MA BU DANG, DE MA BYUNG NA NYAB RIB MA DANG, SHUG PA DANG, SHOL PO DANG, BAL BU LA SOGS PA'I SHING GI RTZE MO'I PHYOGS LAS SRID DU SOR BCU GNYIS, SBOMS SU MTHE'U CHUNG GI TSAD, 'O MA GNYIS PA RLAN DANG BCAS PA, MNYAM POR BCAD PA'I RTZE MO GNYIS SBRANG RTZI DANG 'O MA DANG MAR DU BSNYUG PA BDUD RTZI DANG BCAS PA'I DRI'I CHUS BRAN PA'I YAM SHING BYA, DE YANG 'OD SNYE LAS, RNYING LCI PHRA DANG KYOG PO DANG, RING THUNG LO MA MED PA DANG, SROG CHAGS KYIS ZOS RUL BA DANG, SHUN BRAL CHAG DANG BU GA CAN, ,RTZE MO GNYIS LDAN SBOM PA SPANG, ,ZHES PAS, SHING HA CANG RGAS PAS RNYING ZHING LCI BA DANG, TSAD LAS 'PHRA BA DANG, 'KHYOG PO DANG, TSAD LAS RING BA'AM THUNG BA DANG, LO MA MED PA DANG, SRIN PU SOGS SROG CHAGS KYIS ZOS PA DANG, RUL BA DANG, SHUN PA MED PA DANG, CHAG PA DANG; BUG RDOL BA DANG, PHYOGS GCIG LA RTZE MO GNYIS YOD PA DANG, TSAD LAS SBOM PA RNAMS SPANG BYAR BSHAD NAS, RNYID PA YIS NI 'CHI BAR 'GYUR, ,KYOG POS SKAL PA NGAN PAR 'GYUR, ,RING THUNG RIG PA 'PHRAL DU NYAMS, ,LO MA MED PAS NA TSA 'BYUNG, ,SBOM POS PHUN SUM TSOGS PA NYAMS, ,SKAM POS GZHAN YANG MI 'DOD PAR, ,SHES BYA, ZHES PAS RNYID PA SOGS LAS BYAS PA'I NYES DMIG BSHAD PA YIN PAS SKYON DE DAG MED PA BYA, 'DIR GZHUNG DU, MNYAM POR BCAD PA ZHES GSUNGS PAS YAM SHING GI RTZA RTZE GNYIS MNYAM POR BCAD PA
, ,BYA YI, 'GA' ZHIG GIS RTZE MO 'DAB BZHI'I TSUL DU BYED PA DANG, RAB DKAR BUM BZANG DU DRAG PO'I YAM SHING LA RTZE MOR MI 'AM KHYI'I RGYU MAS CUNG ZAD DKRI BAR BSHAD KYI, ZHI BA'I YAM SHING LA GZHAN GYIS DKRI BA'I SHES BYED DANG KHUNGS BTZUN GYI PHYAG LEN MDZAD PA MTHONG THOS MED PAS 'GA' ZHIG GIS TSON SKUD KYIS DKRI BA NI RMONGS PA NGO MTSAR SKYED PA'I PHYAG LEN YIN NAM SNYAM MO, ,GZHUNG DU MAR KHU NI MAR DKAR PO BZHUS PA, KU SHA SNGO LDANG RTZA RTZE MA NYAMS SHING 'DAB MA MA GRUGS PA MAR DANG 'O MA LA SBAGS PA, DUR BA NI SNGON PO RTZA RTZE MA NYAMS PA'O MAS SPAGS PA BYA BAR GSUNGS KYI, TIL DANG, 'BRAS DANG, YUNGS DKAR DANG, SO BA DANG, NAS DANG, SRAN MA DANG, GRO RNAMS LA 'DIS SPAGS KYI DMIGS BSAL LAM GSUNGS LA, GA BUR CHU RGYUN DANG BU'I MI 'KHRUG PA'I SREG CHOG SDIG PA RNAMS SBYONGS LAS NI 'BRU RNAMS DRI BZANG GI CHUS SPANG LA MAR GYIS SPAG PAR BSHAD, 'BRAS NI GZHUNG DU MA GRUGS PA'O, ,ZHES BSHAD LA MA GRUGS PA NI MA CHAG PA LA ZER BA YIN GYI, SHUN PA CAN LA ZER BA YIN NA 'O THUG BSGRUB PA'I SKABS SU 'BRAS MA GRUGS PA DANG MAR LA SOGS PA'I RDZAS LNGA BSKOL TE LHA LA 'BUL BA DANG LONGS SPYAD PAR GSUNGS LA, 'BRAS SHUN PA CAN NI BCOS KYANG BZAR RUNG BA'I ZAS BZANG POR MI 'GYUR BAS 'O THUG BSGRUB PA LHA'I MCHOD PA DANG SGRUB PA PO DANG SBYIN BDAG GI DGA' STON DU MI 'GYUR RO; ;DES NA MCHAG PA BYUNG NA DES CHOG MOD KYI SHUN PA PHUD BA LA MA CHAG PA NYUNG BAS 'BRAS SHUN PA CAN SREG RDZAS SU BYAS PAR SNANG GI NGES PAR SHUN PA CAN DGOS PA MIN NO, ,ZHO ZAN JI LTAR BYA
BA GZHUNG DANG RJES 'BRANG GI YIG CHAR BSHAD PA MA MTHONG ZHING LAG LEN LA 'GA' ZHIG GIS 'BRAS RLANG BCOS BYAS PA ZHOS SPAGS PA DANG, KHA CIG MAR DANG ZHES SPRUS PA'I ZAN LA BYED PA SNANG, ZAS MCHOG NI 'BRAS RLANG BCOS BYAS PA ZHO DANG BSRES NAS MNGAR GSUM GYIS SPAGS PA, RDZAS DE RNAMS KYI BYED LAS NI, SDOM 'BYUNG LAS, MAR GYIS 'BYOR BA THAMS CAD BYED, , YAM SHING GZI BRJID RNAM PAR 'PHEL, ,BUD SHING LHAG PAR DPA' BAR BYED, ,KU SHAS THAMS CAD BSRUNG PAR BYED, ,NYUNGS DKAR DAG NI ZHI BAR BYED, ,'BRAS KYI RGYAS PAR BYED PAR 'DOD, ,TIL NI SDIG 'PHROG RIG PAR BYED, ,SO BAS NOR DANG 'BRU RNAMS 'GUGS, ,MA SHAS STOBS NI CHEN POR BSHAD, ,NAS NI RLUNG GI SHUGS RAB STER, ,DUR BAS TSE NI 'PHEL BAR BYED, ,GROS NI NAD RNAMS 'JOMS PAR BYED, ,'O ZHO SBRANG RTZIS SHES RAB STER, ,ZHO ZAN BDE BA THAMS CAD STER, ,ZHES GSUNGS PA LTAR YIN PAS 'BRAS BU DE DAG 'DOD PA RNAMS KYIS RDZAS DE DAG 'DZOM PA LA 'BAD PAR BYA YI, 'BRU RE RE GNYIS GNYIS GZHAN LAS BSLANG BA SOGS KYIS LHA LA STONG 'JAL BA LTAR MI BYA'O, ,RDZAS KHYAD PAR BA NI, 'BRU MAR GYIS BYUGS PA'I KU SHA ,NAS, TIL, 'O MA, 'BRAS ZAN, DUR BA, TZAN DAN, PRI YANG GU, THANG CHU, DRI ZHIM PO'I ME TOG ,'BRAS YOS RNAMS SBRANG RTZI DANG 'O MA DANG MAR DU BSNYUGS PA BDUD RTZI DANG DRI BZANG GI CHUS BRAN PA'O, ,'BRAS ZAN NI 'BRAS RLUNG BTZOS BYAS PAR MAR KHU DANG KAR BTAB PA LA KHA CIG GIS 'DOD CING, KHA CIG GIS 'BRAS CHUR BTZOS PAS
, ,GONG BUR 'DRIL BA LA 'DOD, 'BRAS YOS NI MI 'TSIG PA'I CHED DU 'BRAS CHUS SPANG NAS RDOD PA SNANG, BGEGS ZHI BA'I CHED DU SBYIN SREG BYED NA GU GUL PHYI ROL BUS NGAL BSNYUGS PA BSREG PAR RGYUD RIG PA MCHOD LAS GSUNGS PA LTAR BYA, BUD SHING NI YAM SHING DANG RGYU 'DRA BA SROG CHAG MED PA SGAM POS RUNG ZHING, 'BROG DGON PA'I BA LANG GI LCI BA SKAM PO SROG CHAG MED PAS KYANG RUNG BAS, DE DAG GANG YANG RUNG BA BRKOS PA DANG BRTZIGS PA'I THAB KYI NANG DU THAB LAS CUNG ZAD DMA' BAR BRTZI GCING BRIS THAB LA SNGAR BSHAD PA LTAR BRTZIG GO , THOG MAR ME SPAR BA'I ME TSAD SHAR RAM SHAR LHOR BYA BAR GZHUNG DU GSUNGS PAS DE LTAR BYA, BUD SHING YANG SREG RDZAS YIN ZHING GTZANG MA DGOS LA, RDZAS THAMS CAD LA BDUG SPOS ZHIM POS BSANG BDUG DANG, DGE SLONG GIS SBYIN SREG BYED PA'I TSE GZHAN ZHIG GIS 'BU RNAMS LA DUNG BA'ANG BYA'O, ,BZHI BA DE DAG BSHAM TSUL NI, DPAL LDAN SA SKYA BA RNAMS KYIS SREG RDZAS GA-YAS DANG MCHOD RDZAS GA-YON DU BSHAM, BUS SBYONG RGYUD KYI SREG CHOG TU MCHOD RDZAS GA-YON DU SHOM PAR BSHAD LA, BDE MCHOG GI SBYIN SREG 'PHRIN LAS KUN 'GRUB DANG, GSHED DMAR GYI SBYIN SREG LAS MCHOD RDZAS GA-YAS SU SHOM PA SHES BYED DANG BCAS NAS GSUNGS, GONG DKAR BAS MCHOD RDZAS GA-YON DU SHAM PAR BSHAD NAS, NYI MA SBAS PAS SGROL MA NYER GCIG GI LAS TSOGS SU, GA-YAS DANG GA-YON DU SREG RDZAS DANG, MCHOD RDZAS DAG NI RIM BZHIN DGOD, CES DANG, MTSAN BRJOD KYI SBYIN SREG DPAL LDAN BYANG CHUB MCHOG GIS MDZAD PA LAS
SNGAGS PA'I MDUN DU NI MAR RO, ,TIL DANG ZHO DANG AUDPAL DANG MI RUS KYI PHYE MA NI GA-YAS SU BZHAG GO ,DUR BA LA SOGS PA'I THUN MOD GI RDZAS THAMS CAD NI GA-YON DU'O, ,'BRAS SO BA DANG NAS DANG SRAN MA DANG GRO DANG AU DU MA WA RA DANG AA SHO THA DANG PA LA SHA DANG NYA KRODHA DANG AA MRA RNAMS NI GA-YAS SU'O, ,ZHES GSUNGS PA'I DUR BA NI THAB KYI PHYOGS BZHIR 'GOD PA'I DUR BA YIN LA THUN MONG GI RDZAS THAMS CAD CES PA NI MCHOD RDZAS YIN NO, ,DZA BA RIBS DRAG PO'I SBYIN SREG GI SKABS SU DRI CHEN DANG MI SHA BSRES PA'I LHA BSHOS TE, DE RNAMS GA-YAS SU BZHAG PAR BYA'O, ,BONG BU DANG RNGA MO'I RTUG PA RNAMS NI SREG RDZAS TE, DE RNAMS GA-YON DU 'O, ,ZHES GSUNGS LA, BU STON GYIS BLA MA RNAMS SREG RDZAS GA-YAS LA MCHOD RDZAS GA-YON GSUNG MOD, RDO RJE MKHA' 'GROR, GA-YON DU CHU'I SNOD BZHAG TE, SBYIN SREG YO BYAD GA-YAS SU'O, ,ZHES GSUNGS SHING, SLOB DPON KUN DGA' SNYING POS KYANG, ,SBYIN SREG LA DGOS GA-YAS SU BZHAG ,CES BYA BA NI LAS KYI CHO GA JI LTA BAS SBYIN SREG GI RDZAS DRI DANG ME TOG LA SOGS PA BZHAG GO ,ZHES GSUNGS SHING RGYUD 'GREL RGYA GZHUNG DU 'ANG MCHOD RDZAS GA-YON DU SHOM PA'I SHOS BYED GSAL PO MI SNANG BAS SREG RDZAS KYI NANG NA MAR 'BUL BA'I RIM PA DANG MTHUN PAR BSHAM, ZHES GSUNGS LA, RJE RIN PO CHE'I 'JIGS BYED KYI SBYIN SREG TU MCHOD RDZAS GA-YON DU SHOM PA'I SHES BYED GSAL PO MI SNANG BA BDEN PAR SNANG NGO ZHES 'CHAD DO, ,ZHES ZER, 'DI NI MCHOD RDZAS GA-YON DU SHOM PA'I SHES BYED GSAL PO 'DI 'DRA YOD KYANG BU STON DANG RJE RIN PO CHES MED PAR KHA TSON BCAD CES KHOR RNAM GNYIS KYI
, ,MTSAD BRDOL BA'I LUGS SU BYAS NA'ANG RANG NYID KYI MTSANG BRDOL BAR SNANG STE, 'JAM MGON CHOS KYI RGYAL PO TZONG KHA PA CHEN PO'I 'JIGS BYED KYI SBYIN SREG DU MCHOD RDZAS GA-YON DU SHOM PA DANG GA-YAS SU SHOM PA'I LUGS GNYIS BKOD NAS, CHEN PO RNAMS KYI BZHED PA NI PHYI MA DANG MTHUN PAR SNANG BAS, ZHES GSUNGS KYI MCHOD RDZAS GA-YON DU SHOM PA'I SHES BYED GSAL PO MI SNANG BA BDEN PAR SNANG NGO ZHES GSUNGS PA MED LA, DE LTAR MA GSUNGS BZHIN DU GSUNGS SO, ,ZER BA NI GZUR GNAS TSAD LDAN GYI LUGS MA YIN PAR GA-YO CAN BSNYON HAM CAN GYI LUGS YIN PAS SO, ,RJE THAMS CAD MKHYEN PAS MCHOD RDZAS GA-YON DU SHOM PAR BSHAD PA'I GZHUNG YOD PA MA BKAG PAR MA ZAD GONG DU DRANGS PA'I GSUNGS 'DIS YOD PAR BSTAN TE; 'DIS SPYIR MCHOD RDZAS GA-YON DU SHOM PA DANG GA-YAS SU SHOM PAR BZHED PA DANG DA LTAR BSHAD PA'I GZHUNG DU MA YOD NA'ANG CHEN PO RNAMS KYI BZHED PA NI PHYI MA DANG MTHUN PAR SNANG ZHES BSHAD PA'I PHYIR, DER THAL, NI ZHES PA DGAR BA'I TSIG YIN PAS CHEN PO RNAMS KYI BZHED PA SPYIR MCHOD RDZAS GA-YON DU SHOM PAR BZHED PA YOD PA LAS DGAR BA'I CHED DU SBYAR BA YIN PA'I PHYIR, DER THAL, NI ZHES DGAR PA'I TSIG SBYAR BA LA DGOS PA YOD PA'I PHYIR, DE LTA NA YANG SLOB DPON NYI MA SBAS PA SOGS CHEN PO YIN LA DE DAG GIS MCHOD RDZAS GA-YON DU SHOM PA BSHAD PAS CHEN PO RNAMS KYI BZHED PA MCHOD RDZAS GA-YAS SU SHOM PA'I LUGS DANG MTHUN PAR BSHAD PA MI 'THAD DO SNYAM NA, SKYON MED DE, NYI MA SBAS PA SOGS CHEN PO YIN NA'ANG DE DAG LAS KYANG CHE BA
STON PA RDO RJE 'CHANG DANG SLOB DPON KUN DGA' SNYING PO DANG MAR ME MDZAD BZANG PO LA SOGS PA RNAMS KYIS MCHOD RDZAS GA-YAS SU SHOM PAR BZHED PAS DE LTAR 'CHAD RIGS PA'I PHYIR, STON PA RDO RJE 'CHANG DANG KUN SNYING SOGS KYIS DE LTAR BZHED DE, SNGA MA GNYIS KYIS BZHED PAR BU STON GYIS DRANGS PA'I LUNG GNYIS KYIS 'GRUB LA, MAR ME MDZAD BZANG POS KYANG DKYIL CHO GA BZHI BRGYA LNGA BCU PAR, MCHOD YON SOGS GA-YON DE LAS GZHAN, SBYIN SREG YO BYAD GA-YAS SU'O, ,ZHES MCHOD YON DANG SOGS PA BZED ZHAL DANG BSANG CHU RNAMS GA-YON DU BZHAG CING DE LAS GZHAN PA'I SBYIN SREG GI YO BYAD SREG RDZAS DANG MCHOD RDZAS SOGS GA-YAS SU BZHAG GO ,ZHES BSHAD PA'I PHYIR, GAL TE RDO RJE 'CHAD SOGS KYIS GA-YAS SU DGOD PAR BZHED PAS CHEN PO RNAMS KYIS DE LTAR BZHED CES BSHAD PA HA CANG THAL TE, CHEN PO RNAMS KYIS BZHED NA CHEN PO MTHA' DAG GIS BZHED DGOS PA GANG ZHIG NYI MA SBAS PA SOGS KYIS MI BZHED PA'I PHYIR RO SNYAM NA, SKYON MED DE, RNAMS ZHES PA MANG TSIG YIN GYI MTHA' DAG ZHES PA LTA BU'I KHYAB MTHA' BZUNG BA'I TSIG MA YIN PA'I PHYIR, DE LTA MA YIN NA, RJE BTZUN SA PAn GYIS SDOM GSUM RAB DBYER, GSANG SNGAGS CHO GA THAMS CAD LA, ,BLUN PO RNAMS KYIS RANG BZOR SPYOD, ,CES GSUNGS PA'ANG HA CANG THAL TE, DUD 'GRO RNAMS KYIS GSANG SNGAGS LA RANG BZOR MI SPYOD PA'I PHYIR, 'DI NI KHYED RANG GIS NYI MA SBAS PA SOGS KYI LUNG DE DAG GIS MCHOD RDZAS GA-YON DU SHOM PAR BSHAD PAR 'DOD PA LTAR GZHIR BZHAG NA'ANG RJE THAMS CAD MKHYEN PA'I
, ,GSUNGS LA SKYON MED PA'I TSUL YIN LA, RNAM PA GCIG TU NA SPYIR MCHOD RDZAS GA-YON DU SHOM PAR BSHED PA'I LUNG YOD NA'ANG KHYED KYIS DRANGS PA'I LUNG DE DAG GIS NI DE LTAR BSHAD PA MIN PAR YANG 'GREL TSUL YOD DE, NYI MA SBAS PA'I LUNG GIS SGRUB PA BA'I GA-YAS DANG THAB GYI GA-YON DU MCHOD RDZAS DANG SREG RDZAS DE DAG RIM PA BZHIN DU DGOD CES PA'AM, YANG NA SGRUB PA PO'I GA-YAS PHYOGS SU SREG RDZAS DANG, MCHOD RDZAS GNYIS PHYI NANG DU BSGRIG PA LA'ANG GA-YAS GA-YON DU BSGRIGS PA'I THA SNYAD 'THOB PAS DE LTAR BSHAD PA DANG, LUNG GNYIS PA'I THUN MONG GI RDZAS THAMS CAD CES PA'ANG KHYED 'DOD PA LTAR MA YIN PA'I PHYIR, CHU BZHIN ME LHA DANG 'DAS LHA GNYIS KA LA THUN MONG DU TSAR GCIG BSHAM PA YIN PAS DE LA BYED PA DANG, SPYIR ZHI DRAG GNYIS LA GA-YAS GA-YON BZLOGS TE BSHAMS PAR BSHAD PA YOD KYANG, LUNG GSUM PA'I DRI CHEN DANG MI SHA BSRES PA'I LHA BSHOS DRAG PO LA GA-YAS SU SHOM PAR BSHAD PAS ZHI BA LA MCHOD RDZAS GA-YON DU SHOM DGOS PAR MI 'GRUB CES BRJOD PAR SKYON MED PA'I PHYIR, KHYED KYIS LUNG DON 'GREL TSUL LTAR NA SPYIR SBYIN SREG THAMS CAD KYI THAB KYI PHYOGS BZHIR DUR BA DGOD DGOS PAR THAL, THAB KYI PHYOGS BZHIR DUR BA DGOD PAR, DUR BA LA SOGS PA'I THUN MONG GI RDZAS THAMS CAD GA-YON DU'O, ,ZHES PAS BSHAD PA'I PHYIR, RTAGS KHYAB KHAS, 'DOD NA THAB KYI PHYOGS BZHIR KU SHA DANG DUR BA GNYIS KA 'GOD DGOS PA THAL, KU SHA 'GOD PAR SBYIN SREG GI GZHUNG PHAL CHE BA LAS BSHAD PA GANG ZHIG DUR BA 'GOD PAR KHYED KYIS BZHED PA'I PHYIR, 'DOD
NA KHYED KYI LUGS DE GONG DKAR RANG DU TSUG PA MDZOD CIG NGED TSOS NI DGONGS PA ZHU'O, ,'DI LTAR NA MKHAS MCHOG BU STON ZHABS KYIS MCHOD RDZAS GA-YON DU SHOM PA'I SHES BYED KYI RGYA GZHUNG GSAL PO BOD NA MI SNANG GSUNGS PA LA GNOD BYED KHYED KYIS SLAR BTZAL BA'ANG, YANG NA GNAS LNGA YONGS SU RDZOGS PA'I PAntITA CHEN PO BU STON ZHABS DANG, RGYAL BA RDO RJE 'CHANG DANG DBYER MA MCHIS PA'I RJE TZONG KHA PA CHEN PO GNYIS LA GNOD BYED GTONG BA'I THUGS NGAL BSHOL BA LEGS SO, ,DE LTAR LUGS GNYIS LAS RANG LUGS PHYI MA DANG MTHUN PAR SHAM, DE YANG SGUB PA PO'I GA-YAS PHYOGS SU STEGS CI LTAR RIGS PAR RAS DKAR PO SOGS KYIS GA-YOG PA'I STENG DU SNOD SPYAD 'DZOM NA ME LHA GNYIS LA SO SOR 'BUL RGYU'I SREG RDZAS TSAR GNYIS, DE'I NANG ROL DU NYER SPYOD TSAR GNYIS , GTOR MA DANG GOS ZUNG DANG SO RTZI RNAMS GANG DU BSHAM GZHUD DU MI GSAL LA, 'GA' ZHIG GIS SREG RDZAS KYI MTHAR BSHAM NA'ANG, GZHUNG DU NYER SPYOD KYI 'JUG TU BSHAD PA'I RIM PA LTAR NA RANG RANG GI NYER SPYOD KYI MTHAR BSHAM KYANG RUNG ZHING THAMS CAD 'BUL BA'I GO RIM LTAR BSHAM, GA-YON PHYOGS SU CHU BZHI'I SNOD GSUM DANG DE'I MDUN DU MAN 'JI'I KHAR BZED ZHAL GSUM, BSANG CHU RDO DRIL RNAMS BSHAM, MDUN DU MAR KHU, DGAR BLUG ,NANG MCHOD, RLUD YAB, KU SHA SOGS BZHAG LA, RDZAS THAMS CAD LA BDUD RTZI RIL BU BTAB PA'I NANG MCHOD KYIS BRAN, D'A RIG PAS MCHOD YON DANG, GZAR BU DANG, SLOB DPON GYI GDAN YANG THAB KHUNG DANG 'DRA BAR BSHAD PA LHAR TSON NAM 'BRU SOGS KYIS PAD DKAR 'DAB BRGYAD BKOD PA BYA, GSUM PA YO BYAD
, ,GZHAN GYI RNAM BZHAG LA, ME NI SHING 'O MA CAN DANG GTZUB SHING LAS BYUNG BA'I ME DANG ME THA MAL PA DANG DGON PA'I ME DANG SBYIN SREG GI ME GANG RUNG, RLUNG YAB NI GZHUNG DANG YIG CHA GZHAN NAS CHER MI GSAL LA, GA BUR CHU RGYUN LAS LJANG KHUR BSHAD CING LAG LEN LA DKAR PO MDZAD PA'ANG SNANG, KU SHA NI, DPAL LDAN SA SKYA PA RNAMS THAB KYI PHYOGS 'TSAMS BRGYAD DU 'GONG LA MKHAS PA BUS 'TSAMS BZHIR MI 'GOD, RANG LUGS PHYI MA DANG MTHUN PAS KU SHA SDO ? LJANG RTZA RTZE MA NYAMS SHING GAS GRUGS MED BA HA CANG MI RING BA GNYIS RTZE MO GSHIB PA BZHI DANG, BA LANG GI RNA BA LTA BU GCIG ,BSANG CHU 'THOR BYED DANG, BSANG GTOR 'BUL BYED KYI 'THOR YAB GNYIS RNAMS BYA, BA LANG GI RNA BA LTA BU ZHES PA 'DI LAG LEN LA 'GA' ZHIG GIS KU SHA GNYIS, RGYA GRAM LTA BUR BSNGAMS ? NAS RTZE MO GNYIS RNA BA GNYIS KYI DOD POR BYED PA SNANG YANG GZHUNG DANG RJES 'BRANG GI YIG CHA KHUNGS BTZUN DU MI GSAL, BU'I GSHED DMAR GYI SBYIN SREG , DANG BDE MCHOG GI SBYIN SREG LAS, KU SHA CUNG ZAD CHE BA ZHIG BA LANG GI MJUG MA'AM RNA BA'I RNAM PA LTA BUR BYAS LA, ZHES GSUNGS SHING GONG DKAR BAS KYANG, KU SHA CHE BA GCIG PA LANG GI RNA BA LTA BUR BYAS LA, ZHES BSHAD, GZHUNG MANG POR BA LANG GI RNA BA LTA BU ZHES 'BYUNG BA GNYIS BYA DGOS PA'I DON YIN NA RNA BA GNYIS YOD PA SHIN TU MANG ZHING THUNG BA DANG RDUM PA DANG MAR LA PHAB PA SOGS DPER MI RUNG NA RTA DANG BONG BU DANG RKYANG SOGS RNA BA GNYIS YOD CING RING LA GYEN DU BSLANG BA GZHAN MANG BAS PA LANG GI DMIGS BSAL MI DGOS, DES NA GA BUR CHU RGYUN
LAS; THAB KHUNG DU KU SHA BA LANG GI RNA BA LTA BU RTZA RTZE 'PHRAL DBUS SBOM PAS GA-YOG GO ,CES GSUNGS PA LTAR DBYIBS KYI DPE YIN PAS RTZA RTZE GNYIS 'PHRAL DBUS SPOM PA GCIG GIS CHOG GO , SNOD SPYAD RNAMS RANG BZHIN GYIS DKAR BA 'AM DE MA BYUNG KYANG TSON GYIS DKAR POR BSGYUR, BZHI PA JI LTAR SGRUB PA'I RNAM BZHAG LA, DUS NI, YAR DO'I TSES GCIG NAS MGO BRTZAM ZHING DUS KHYAD PAR BSROD LA BYA BAR LEGS GRUB LAS BSHAD, SGRUB PA PO KHA LTA PHYOGS NI, BUS DKYIL 'KHOR DANG MA 'BREL NA SHAR DANG 'BREL NA NUB TU LTA BAR GSUNGS NA'ANG 'BREL MA 'BREL GANG LA'ANG SHAR DU LTA BA GZHUNG DU MAR BSHAD PAS GZHUNG DU GSUNGS PA LTAR RO, ,'DUG STANGS NI SA SKYA PAS TZOG BU RKANG PA GNYIS CUNG ZAD BSNOL TE 'DUG PA'ANG BSHAD MOD KYI, RDO RJE MKHA' 'GRO LAS, 'JAM PA'I STAN LA GNAS NAS NI, ,PADMA'I DKYIL DKRUNG BCINGS NAS SU, ,ZHES DANG, 'OD SNYE LAS, MI SMRA BAS SHIN TU 'JAM ZHING BDE BA'I STAN LA PADMA'I 'DUG STANGS KYIS 'DUG LA , ZHES GSUNGS PA LTAR PADMA'I 'DUG STANGS BYA ZHING, 'DIL LHA BTZUN RIN RGYAM PAS, PADMA'I 'DUG STANGS NI STAN HA CANG MTHON PO MA YIN PA LA 'DUG STE RKANG PA GNYIS CUNG ZAD BRKYANG LA RKANG MTHIL GNYIS SBYAR BA'O, ,ZHES BSHAD PA MI 'THAD DE, DKYIL CHOG RDO RJE 'PHRENG BAR, BYIN PA GA-YAS PAR BYIN PA GA-YON PA BZHAG LA PUS MO GNYIS SMAD PA NI PADMA'I GDAN NO, ,ZHES DANG; GZHUNG DU, 'DUG STANGS NI, ZHI BA LA 'JAM ZHING BDE BA'I STAN LA PADMA'I 'DUG STANGS BYA STE DE NI BYIN PA GA-YAS PAR BYIN PA GA-YON PA BZHAG STE PUS MO GNYIS SMAD PA'O, ,ZHES GSUNGS
, ,PAS SO; ;BSAM PA NI, BYAMS PA DANG SNYING RJE'I SEMS DANG LDAN PA'O, ,CHAS GOS NI KHRUS BYAS TE LUS DRI ZHIM POS BYUGS LA GOS DKAR PO BGOS TE RGYAN DKAR POS BRGYAN NO, ,LHA'I KHA DOG NI, BZHUNG DU LAS SO SO'I KHA DOG CAN DU BYA BAR GSUNGS SHING, RGYA GZHUNG MANG POR YANG DE BZHIN DU 'BYUNG LA, LHA BTZUN SOGS RJES 'BRANG GI YIG CHA DU MA DANG , BUS KYANG DE LTAR BSHAD, MKHAS GRUB RJE'I YIG CHA DANG, RAB DKAR BUM BZANG DANG, GA BUR CHU RGYUN SOGS LAS ZHI BA'I SKABS SU SKU MDOG SOR GNAS LA 'OD ZER DKAR PO 'PHRO BAR SKYED PAR GSUNGS SHING, DOR GONG GI YIG CHA NAS KYANG DE BZHIN BSHAD, DE GNYIS GANG BYAS KYANG RUNG BAR MNGON LA, SNGA MA LTAR NA'ANG RTZA ZHAL MA GTOGS ZHAL LHAG MA RNAMS SOR GNAS RUNG , GTZO RKYANG LA RLUNG GI GDAN NAS SKYED PA DANG GZHAL YAS KHANG DANG BCAS PA SKYED PA GNYIS 'DAM NGA DANG, ZHE DGU MA SOGS YIN NA GZHAL YAS KHANG DANG BCAS PA SKYED PAR GZHUNG DU GSUNGS PAS , DE LTAR NA DPA' BO GCIG PA LA GZHAL YAS KHANG MA SKYED PAR RLUNG GI GDAN NAS SKYED KYANG RUNG LA BCU GSUM MA LA GZHAL YAS KHANG SKYED DGOS TE, GZHAL YAS KHANG MI SKYED PA GTZO RKYANG LA DMIGS KYIS GSAL TE ZHE DGU MA SOGS YIN NA ZHES PA'I SOGS KHONGS SU BCU GSUM MA YANG BSDU DGOS PAS SO, ,THOG MAR ME LHA SKYED PA'I TSE ME NYID ME LHAR SKYED PA DANG DE'I THUGS KHAR LHA SKYED PA'I TSE DE KHO NA NYID KYI YE SHES DANG ME LHA GNYIS NGO BO GCIG TU BLTAS NAS SKYED PAR GZHUNG DU GSUNGS PA LTAR BYA'O, ,LNGA PA DNGOS GZHI'I SKABS KYI LAG LEN MI 'DRA BA'I RNAM GZHAG LA, BDAG SKYED KYI
TSE 'DUG STANGS DOR GONG GI YIG CHA LAS SBYIN SREG GI SKABS KYI 'DUG STANG BYA BAR BSHAD CING, BU DANG, MKHAS GRUB DANG, LHA BTZUN PA SOGS KYIS BDAG SKYED KYI RJES NAS 'DUG STANG BYA BAR BSHAD KYANG, GZHUNG DU SNGA MA LTAR GSUNGS SO, ,LHA'I KHA DOG NI DOR GONG SOGS KYIS ZHI BA LA DKYUS MA LAS DMIGS GSAL BYA BA'I MA BSHAD, BUS BSNYEN PA'I KHA SKONG DANG LAS THAMS CAD PA DANG DKYIL 'KHOR SGRUB MCHOD YIN NA MNGON RTOGS JI LTA BA BZHIN DANG LAS SO SO BA LA LAS MTHUN GYI KHA DOG CAN DU SGOM PAR GSUNGS, RJES 'BRANG GI YIG CHAR GSAL MI GSAL DU MA SNANG NA'ANG, GZHUNG DU, ZHI BA'I LAS KYI KHA DOG DANG MTHUN PAR BDAG SKYED RDZOGS PAR SGRUB THABS BZHIN DU BSGOM MO, ,ZHES GSUNGS PAS SKU MDOG DKAR PO BSGOM PA 'AM; 'OD ZER DKAR PO 'PHRO BAR SGOM PA GANG RUNG BYA, GZHUNG DU, BSANG CHUS BSANG BAR GSUNGS KYANG BSANG CHU SGRUB LUGS MI GSAL, MKHAS GRUB KYIS LAS BUM YOD NA BSANG CHU SGRUB MI DGOS PA DANG MED NA SGRUB PAR GSUNGS LA SGRUB TSUL MA BSHAD, DOR BA DKON LHUN PAS, RANG LHA'I NGA RGYAL GYIS BSANG CHU LA AA MRi TA'I H'Um RING PO 'GA' ZHIG BRJOD PAS RDZAS RNAMS KYI MA DAG PA SEL BA'I NUS PA DANG LDAN PAR BSAM, ZHES BSHAD PA NI, 'OD SNYER, ZHIB DANG RGYAS PA DANG DBANG DANG DBANG GI 'GUG PA'I LAS RNAMS LA BDUD RTZI 'KHYIL BA'I SNGAGS DANG YE GE H'Um BZLAS PA'I LAS THAMS CAD PA'I CHU SNOD DANG, ZHES GSUNGS PA DANG MTHUN SHAS CHE BAS DE LTAR NA 'KHYIL BA'I SNGAGS SPYI 'GRO YIN PAS DE 'AM KHANGGA DHRI KA GAM HR'I: ttR'I: BRGYA'AM NYER GCIG SOGS
, ,BZLAS TE BSGRUB, THOG MAR THAB DANG RDZAS SOGS BSANG BA LA LAN CI TZAM BSANG, GZHUNG DU MI GSAL LA, TSER GSEB BLA MA BSOD NAMS GRAGS PAS BSANG CHUS LAN BCU GNYIS DANG DE BZHIN DU NANG MCHOD KYIS BSANG BAR BSHAD KYANG, LHA BTZUN SOGS DU MAS BSANG CHU DANG NANG MCHOD GNYIS KYIS LAN GSUM GSUM BSANG BAR GSUNGS PA LTAR BYA , BSANG BYED KYI SNGAGS, 'GA' ZHIG GIS KHANGGA DHRIKA DANG KHA CIG GIS HR'I: shtR'I: SA BSANG BAR BSHAD DE, LAS BUM MAM BSANG CHU SNGAGS GANG GIS SGRUB NA DES BSANG, RDZAS SBYONG BA'I PHYAG RGYA LA 'GA' ZHIG GIS RDO RJE BSDAMS PA LAS GUNG MO GNYIS RTZE SPRAD DE BSGROD PA'I PHYAG RGYA BYED DE, MI THUB ZLA BAS, LAG GNYIS KHU TSUR SBYAR BYAS TE, GUNG MO GNYIS NI RAB TU BRKYANG, THAMS CAD SBYONG BA'I PHYAG RGYA YIN, ZHES GSUNGS SHING, GZHUNG DU'ANG, RDZAS SBYONG BA'I PHYAG RGYA NI LAG PA GNYIS GYI KHU TSUR KHA SBYAR BA'I GUNG MO GNYIS BSGRENG NAS RTZE SPRAD PA'O, ,ZHES GSAL BAR BSHAD PA LTAR BYA'O, ,KHU TSUR NI MKHAS GRUB KYIS RDO RJE KHU TSUR DU GSUNGS, KU SHA 'GREMS LUGS LA DOR GONG GNYIS ME LHA BSKYED ZIN PA'I 'JUG TU 'GREMS SHING, DOR BA DKON LHUN PAS THAB KYI MDUN NAS RTZE MO GA-YAS SKOR GYI RIM PAS PHYOGS 'TSAMS BRGYAD DU 'GREMS BAR BSHAD LA, GONG DKAR RDOR GDAN PAS RANG GDONG GANG DU PHYOGS PA'I NGOS SHAR DU BYAS PA'I BYANG NAS BRTZAMS TE RTZE MO GA-YAS SKOR GYI RIM PAS PHYOGS 'TSAMS BRGYAD DU SNGA MA'I RTZE MO PHYI MO'I RTZA BAS NON PAR BYAS NAS 'GREMS PAR BSHAD, GZHUNG DU ME LHA'I SNGA ROL TU 'GREMS PA DANG, DE YANG
RANG GI GA-YON NGOS NAS THAB KYI KHA KHYER LA RANG KHA GANG DU LTA BA'I NGOS SHAR DU BYAS PA'I LUGS KYI RTZE MO SHAR DANG, LHO DANG, NUB DANG, BYANG DU BSTAN PA, SNGA MA'I RTZE MOS PHYI MA'I RTZA BNON ? PA 'GRIMS PAR GSUNGS, MKHAS PA BU YANG PHYI MA LTAR BZHED DE, CUNG ZAD MI 'DRA BA NI SNGA MA'I RTZE MO PHYI MA'I RTZA BAS NON PA BYED, THAB TU ME SBAR BA'I 'OG ME LHA'I SNGA ROL DU KU SHA DGRAM PAR, DPAL 'DZIN GYI DGRA NAG GI DKYIL CHO GA LAS, BRAM ZE'I KHYIM MAM DGE 'DUN GYI TSANG MANG NAS ME BLANGS NAS 'O MA CAN GYI BUD SHING LA ME SBAR PAR BYAS TE YI GE GSUM GYIS MNGON PAR BSNGAGS LA RLUNG YAB KYIS GA-YAB PAR BYA'O, ,DE'I RJES LA SKOR PHYOGS SU KU SHA DGRAM PAR BYA'O, ,ZHES PAS BSHAD LA, 'OD SNYER YANG DE BZHIN BSHAD CING SGRUB PA PO'I GA-YON NGOS NAS THAB KYI KHA KHYER LA RTZE MO SHAR LA SOGS PAR BSTAN NAS PHYOGS BZHIR 'GOD PAR 'OD SNYE LAS, DE NAS KU SHA RNAMS LA, AOm BADZRA SATVA AA: ZHES PA 'DI BRJOD NAS KU SHA LJANG KHU GNYIS RTZE MO GSHIBS PA DRI MA MED PA MA GAS PA 'DAB MA MA GRUGS PA HA CANG YANG RING BA MA YIN PA RNAMS DANG POR SGRUB PA PO'I GA-YON GYI KHA KHYER LA RTZE MO SHAR DU BSTAN PA DANG, GSHIN RJER PHYOGS PA DANG, RTZE MO NUB TU LTA BA DANG, BYANG DU PHYOGS PAS DGRAM PAR BYA'O, ,DE NAS THAB KHUNG DU RTZE MO SHAR DU BSTAN PA'I KU SHA BA LANG GI RNA BA LTA BU HA CANG MI RING BAS GA-YOG GO ,ZHES PAS BSHAD DE, PHYOGS BZHIR 'GOD PA GSAL ZHING 'TSAMS BZHIR 'GOD BA MA BSHAD, DES NA GZHUNG DU GSUNGS PA LTAR 'GOD LUGS GSAL BAR BSHAD NAS, RANG GI GDONG PHYOGS SPYI'I SHAR DU PHYOGS PA YIN LA
, ,THAB KYI MDUN RANG LA BSTAN PA YIN ZHING DE'I DBANG DU BYAS NAS DANG POR THAB KYI GA-YAS SU RTZA BA THAB KYI MDUN DANG RTZE MO RGYAB TU BSTAN PA DANG, DE NAS THAB KYI RGYAL TU RTZA BA THAB KYI GA-YAS DANG RTZE MO GA-YON DU BSTAN PA DANG, DE NAS THAB KYI GA-YON DU RTZA BA THAB KYI RGYAB DANG RTZE MO MDUN DU BSTAN PA DANG, DE NAS THAB KYI MDUN DU RTZA BA THAB KYI GA-YON DANG RTZE MO GA-YAS SU BSTAN PA DANG; DE NAS THAB KYI STENG DU RTZA BA THAB KYI MDUN DANG RTZE MO RGYAB TU BSTAN NAS DGOD PA STE, PHYOGS BZHIR PHYI MA 'GOD PA'I TSE SNGA MA'I RTZE MO BTEGS NAS PHYI MA'I RTZA BA 'OG TU GZHUG GO ,ME LHA SPYAN 'DREN GYI PHYAG RGYA LA, SA SKYABS LAG PA GNYIS KYI MTHE'U CHUNG GUNG MO'I RTZA BAR BZHAG ,'DZUB MOS GUNG MO'I RGYAB NAS BKAG PA DBYUG GU RTZE GSUM PA'I PHYAG RGYA RNA BA'I DRUNG DU GA-YAB PA MDZAD, BUS LAG PA GA-YON PAS GA-YAS PA'I 'KHRIG MA NAS BZUNG, GA-YAS PAS KU SHA 'DZIN PA'I MI 'JIGS PA'I PHYAG RGYA BCAS LA MTHE BONG GA-YABS TE SRIN LAG GI RTZA BAR 'JOG PA MDZAD, RANG LUGS NAM MKHA' DRI MED LAS, LAG PA GA-YAS MI 'JIGS PAR BYAS LA MTHE BO'I RTZE MO SRIN LAG GI TSIGS KYI RTZA BAR BZHAG LA DGUG PA'I TSUL GYIS YANG DANG YANG DU BSKYOD LA MNGON PAR 'DOD PA'I ME'I SNGAGS 'DON CING SPYAN DRANGS PAR BYA'O, ,ZHES GSUNGS PA LTAR BYA'O, ,CHU BZHI 'BUL TSUL LA MCHOD YON GYI PHYAG RGYA NI, MI THUB ZLABS, KHU TSUR MNYAM PAR DAM BCINGS TE, ,GUNG MO GNYIS BRKYANG RTZE MO SBYAR, ,SBYAR BA 'DI YI PHYAG RGYA YIN, ,MCHOD YON SOGS LA RAB TU BSTAN, ,AOm PRA TI TZTSA AARGHAm H'Um, MCHOD YON 'BUL SNGAGS PHYAG RGYA'O, ,ZHES KHU TSUR MNYAM PAR
BCINGS TE GUNG MO GNYIS BRKYANG BA'I RTZE MO SBYAR BA MCHOD YON GYI PHYAG RGYAR MDZAD CING, MCHOD YON SOGS LA ZHES PA'I SOGS KHONGS SU CHU GZHAN GSUM SDUD PAS CHU BZHI KA LA DE BYA BAR BZHED PA YOD NA'ANG, RANG LUGS 'OD SNYER, KU SHA'I CHUN POS SNOD DANG POR, ,LAS KUN BYED BZLAS CHU YIS NI, ,BSANG GTOR LAN GSUM DBUL BAR BYA, ,DE BZHIN DU NI ZHAL BSIL TE, , 'DZUB MOS ME TOG BLANGS NAS NI, ,KHU TSUR 'OG TU KHA BSTAN TE, ,MTHE'U CHUNG SRIN LAG GUNG MO DANG, ,'DZUB MO RIMS KYIS DGROL ZHING 'BUL, ,GNYIS PA DUNG GI CHU YIS NI, ,MCHOD YON BZED ZHAL GNYIS PA RU, ,RDO RJE SNYEM PA KHA PHYE BAS, ,DBUL ZHING ZHABS BSIL GSUM PAR NI, ,KHU TSUR BCAS NAS 'THEB 'DZUB KYIS, ,SNYIM PAS ME TOG BLANGS NAS SU, , SANGS RGYAS RNAMS KYIS SPYAN SNGAR NI, ,LAN GRANGS GSUM DU BSKOR BA YI, ,'DZUB MO RGAN MO MING MED DANG, ,MTHE'U CHUNG RIMS KYIS DGROL BAS SO, ,ZHES BYA BA GDAMS PA'I KHYAD PAR KHO BO'I BLA MA RNAMS GSUNG NGO, ,ZHES GSUNGS PA LTAR PAD SKOR SNGON DU 'GRO BAS, ZHAL BSIL GYI SNOD NAS KU SHA'I CHUN PO'I CHU BLANGS NAS DE BZED ZHAL DANG POR LAN GSUM DU GTOR BAS BSANG GTOR, SNOD DE NYID NAS LAG PA KHU TSUR BCINGS PA'I 'THEB 'DZUB KYIS ME TOG BLANGS TE KHU TSUR KHA 'OG TU BSTAN NAS MTHE'U CHUNG NAS RIMS KYIS DGROL BA'I PHYAG RGYAS ME TOG BZED ZHAL DANG POR 'DOR BAS ZHAL BSIL, RDO RJE SNYIMS PA KHA PHYE BA'I PHYAG RGYAS SNOD GNYIS PA'I CHU BZED ZHAL GNYIS PAR LDUG PAS MCHOD YON, LAG PA KHU TSUR BCINGS PA'I 'THEBS 'DZUBS KYIS ME TOG BLANGS TE LAN GSUM
, ,BSKOR NAS KHU TSUR KHA GYEN DU BSTAN PA'I 'DZUB MO NAS RIMS KYIS DGROL BA'I PHYAG RGYAS BZED ZHAL GSUM PAR ME TOG 'DOR BAS ZHABS BSIL DBUL BA YIN LA, 'GA' ZHIG GI LAG LEN LA CHU BZHI'I SNOD KYI NANG DU ME TOG SOGS RDZAS GANG YANG MED PAR SNOD KYI 'KHRIS SU 'BRU BLUG NAS ZHAL BSIL DANG ZHABS BSIL 'BUL BA'I TSE SNGON LA 'BRU DE NAS GTOR TE DE NAS CHU 'BUL TSUL BYED PA NI CHU BZHI 'BUL BA'I BSHAD PA DANG PHYAG LEN MA NGES BZHIN DU 'OL TSOD KYIS RANG GZHAN GNYIS KA'I MGO RMONGS PAR BYED PA'O, ,DAM TSIG BSGRAGS PA'I SNGAGS KYI SKABS SU PHYAG RGYA BYED PA GZHUNG DU MA BSHAD PAS RJES 'BRANG GI YIG CHA PHAL CHER LAS MI 'BYUNG LA, BSOD GRAGS PAS RDZAS SBYONG BA'I PHYAG RGYA BYA BAR BSHAD CING, GA BUR CHU RGYUN LAS, RDO RJE BSDAMS PA LAS GUD MO GNYIS GSHIBS TE BSGRENGS PA'I RGYAB TU 'DZUB MO GNYIS RTZE BKUGS BA SBYAR, MTHE BONG GNYIS DANG MTHE'U CHUNG BSGRENGS PA'I PHYAG RGYA BYA BAR BSHAD, DOR BA DGON LHUN PAS RDO RJE RTZE LNGA PA'I PHYAG RGYA BCING BA'AM SPOS DANG BCAS PA'I DRIL BU BZUNG BA DANG, GONG DKAR RDOR GDAN PAS GA BUR CHU RGYUN NAS BSHAD PA'I RDO RJE RTZE LNGA PA'I PHYAG RGYA DE BYA BAR BSHAD, BUS DUS 'KHOR GYI SBYIN SREG LAS, DE NYID SNANG BA LAS LAG PA GNYIS 'JIG RTEN PA'I KHU TSUR BYAS PA'I GA-YON PA'I STENG DU GA-YAS PA 'BAR BA LTAR BYAS PA ME LHA'I DAM TSIG GI PHYAG RGYAR BSHAD KYANG DBANG LER KHU TSUR BCINGS TE, BSTAN PA NI GRUB PA RNAMS KYI RIGS SU 'GYUR RO, ,ZHES BSHAD LA ME LHA'ANG GRUB PA'I RIGS YIN PA'I PHYIR DE NYID KYIS CHOG GAM SNYAM MO, ,ZHES GSUNGS SHING SPYOD RGYUD KYI SREG CHOG DANG MI 'KHRUG PA'I SREG CHOG SDIG PA RNAM SBYONG LAS,
GA-YON RDO RJE KHU TSUR GA-YAS DE BZHIN GSHEGS PA'I KHU TSUR BYAS PA PHYI RDO RJE RIGS KYI PHYAG RGYA BCINGS LA, DE NAS GA-YAS PA'I SOR MO RNAMS BRKYANG BA ME 'BAR BA LTAR BYAS PA ME LHA'I DAM TSIG GI PHYAG RGYA BCING BAR BSHAD LA, BDE MCHOG DANG GSHED DMAR GYI SBYIN SREG LAS PHYAG RGYA BYA BAR MA BSHAD DO, ,'OD SNYE SOGS RGYA GZHUNG DU MAR YANG PHYAG RGYA BCING BA MI 'BYUNG BAS RJE THAMS CAD MKHYEN PAS 'DIR PHYAG RGYA MI BYA BA DANG, BUS KYANG DUS 'KHOR DANG SPYOD RGYUD SOGS LA RANG RANG GI GZHUNG NAS 'BYUNG BA'I ME LHA'I DAM TSIG GI PHYAG RGYA BYED NA'ANG BDE MCHOG DANG GSHED DMAR SOGS LA PHYAG RGYA MI BYA BAR BZHED PA YIN NAM SNYAM ZHING, NGOR BAS SPOS BZUNG BAR BSHAD PA NI MI THUB ZLABS, SPOS KHANG YONGS SU BZUNG BYAS TE, ,'DOD DON DNGOS GRUB RTOGS BYA'I PHYIR, ,DAM TSIG YONGS SU BSGRAGS PAR BYA, , AOm BADZRA ZHES PA NAS, SA MA YA HAm, DAM TSIG SBYIN PA'I TSIG BCAD DO, ,ZHES PA DANG MTHUN SHAS CHE'O, ,THOG MAR ME LHA LA MUR KHU 'BUL LUGS LA DGANG GZAR JI LTAR 'DZIN PA NI BU STON DANG NGOR BAS BYANG CHUB MCHOG GI PHYAG RGYA DANG GONG DKAR BAS RDO RJE KHU TSUR GNYIS KYI BZUNG BAR BSHAD, GZAR BU GNYIS KYIS JI LTAR 'BUL BA NI SPYIR MAR KHU BLUG GZAR RKYANG BAS 'BUL BA DANG GANG BLUG GNYIS KA SBRAGS NAS 'BUL BA GNYIS LAS PHYI MA LA DGANG GZER MAR GYIS BKANG BA'I KHAR BLUG GZER MAR GYIS BKANG PA GAN RKYAL DU BZHAG NAS 'BUL BA DANG KHA BUB DU BZHAG NAS 'BUL BA'I LUGS GNYIS 'BYUNG BA LAS BU STON GYIS SNGA MA LTAR DANG GONG DKAR BAS PHYI ME LTAR BZHED DE, 'DI'I SNGA MA NI KYEE RDOR DKA' 'GREL PADMA CAN LAS, LAG PA GA-YON PAS DGANG GZAR NI, PUS MO'I
, ,BAR DU GYEN BLTAS BZUNG, ,MAR GYIS BKANG STE BLANGS NAS SU, ,GA-YAS PA 'OG TU KHA BLTAS BAS, ,BLUG GZAR DGANG GZAR KUN TU BRTZEGS, ,GYEN BLTAS MAR GYIS BKAD NAS NI, ,ZHES DANG, 'OD SNYE LAS, DE'I RJES LA LAG PA GAN RKYAL DU BYAS PA'I BYANG CHUB MCHOG GI KHU TSUR GYIS MAR GYIS GANG BA'I DGANG GZAR BZUNG NAS LAG PA GA-YAS PA NI KHA BUB PAS BLUG GZAR GAN RGYAL DU BYAS PA MAR GYIS GANG BA DANG, ZHES GSUNGS PA DANG MTHUN LA PHYI MA NI, GDAN BZHI'I 'GREL BAR, MAR GYIS BKANG BA'I GZAR BU CHEN PO DANG CHUNG NGU KHA SPRAD DE GANG BLUG GCIG PHUL LA, ZHES GSUNGS PA DANG MTHUN PAS GNYIS KA'ANG RUNG MOD KYI 'DIR SNGA MA GNYIS KYI RJES SU 'BRANGS TE 'BUL LUGS NI, LAG PA GA-YON KHU TSUR BCINGS PA'I STENG NAS MTHE POS BKAB PA DE BZHIN GSHEGS PA'I KHU TSUR DU BYAS PA'I 'DZUB MO BRKYANGS PA GAN RKYAL DU BYAS PAS DGANG GZAR MAR GYIS BKANG BA, GA-YAS PA YANG DE BZHIN DU BYAS PA KHA THUR DU BUB PA'I KHU TSUR GA-YON PA'I 'DZUB MO'I THAD DKAR BZHAG PAS BLUG GZAR MAR GYIS BKANG BA'I MGO DGANG GZAR GYI KHAR BZHAG NAS 'DZIN PA BYANG CHUB MCHOG GI PHYAG RGYAS, LAG PA GNYIS PUS MO GNYIS KYI NANG NAS PHYI MA'I 'GA' BAR GA-YAS SU BSKOR TE ME LHA'I ZHAL CUNG ZAD GDANGS PAR BSAM STE DBUL, 'DIR ME LA BGEGS YOD MED BRTAG PA LA, ME'I MDOG DU BLTA BU DANG, 'BRU MAR LTA BU DANG, LJANG GU DANG, SNA TSOGS PA DANG, SGRA TZAt TZAt ZER BA DANG, TSm TSm ZER BA DANG, SOm Sm ZER BA DANG, BOD BU'I SGRA LTA BU DANG, DRI RA'I DRI DANG, NYA'I DRI DANG, SROG CHAGS NGAN PA'I DRI LTA BU DANG, DBYIBS RTZE GSUM PA SPRIN 'DRA BA DANG,
MDUNG DANG, RAL GRI DANG, MNGA' DANG, SPRUL DANG, RNGA MO DANG, BA LANG GI MGO LTA BU DANG, YANG YANG 'DAR BA DANG, YANG YANG RGOD PA DANG, YANG YANG GA-YON DU 'KHOR BA DANG, YANG YANG SA LA REG PA DANG, GA-YO ZHING MDUN PHYOGS SU 'BAR BA DANG, DU BA CHE BA DANG, 'KHOR ZHING ME STAG DANG BCAS PA DANG, SREG RDZAS 'TSIG PA HA CANG MYUR BA DANG, SGRUB PA PO MES HA CANG GDUNGS PA SOGS NGAN PAR BSHAD PAS DE 'DRA YOD NA BZLOG THABS 'OG NAS 'BYUNG BA LTAR BYA, BKRA SHIS RTAG BRGYAD DANG, DGANG GZAR DANG, BLUG GZAR DANG, GA-YUNG DRUNG DANG, RTA DANG, GLANG PO CHE 'DRA BA DANG, DRI ZHIM PA DANG, GA BUR DANG, AA GA RU DANG, PADMA DANG, AU DPAL GYI DRI LTA BU DANG, BI WANG DANG, RDZAS ? RNGA DANG, DUNG DANG, ZANGS DUNG LA SOGS PA'I SGRA LTAR SGRA SNYAM PA DANG, KUN TA DANG, ZLA BA SOGS KYI MDOG LTAR DKAR ZHING SNUM PA DANG, GSER MDOG DANG, BUS SA RAG DANG, BEE tU RYA DANG, AIN DRA NI LA DANG, ME TOG PAN TU GA DANG, DZA BA'I ME TOG DANG 'DRA BA DANG, RTZE MO GCIG PA DANG, RTZE MO BZHI MNYAM PAR 'BAR BA DANG, SGRA MED PAR GA-YAS SU 'KHYIL BA DANG, DU BA MED PA DANG, SHIN TU SNUM PA SOGS NI BZANG BAR 'OD SNYE DANG, SDOM 'BYUNG SOGS LAS BSHAD DE, KHUNGS RNAMS MANG GIS DOG NAS MA BRIS SO, ,DGANG BLUG 'BUL ZHES 'BYUNG BA RNAMS LA DGANG GZAR DANG BLUG GZAR GNYIS KAS DBUL DGOS SHING GZHAN LA MA NGES KYANG LHA BTZUN GYIS YAM SHING GI RJES KYI MAR BLUG GZAR RKYANG BAS 'BUL BAR BSHAD, YAM SHING SOGS SREG RDZAS GZHAN 'BUL TSUL LA, NGOR BAS YAM SHING SOGS SREG RDZAS RNAMS
, ,RIM PA BZHIN LAG PA GA-YON DU BZUNG LA GA-YAS PAS 'THEB SRIN GYIS STENG NAS BLANGS SHING CUNG ZAD BSKOR TE MCHOG SBYIN GYI PHYAG RGYAS 'BUL BAR BSHAD LA, GONG DKAR BAS, KHU BA'I RDZAS RNAMS BLUG GZAR GYIS 'BUL LA GONG BU'I RDZAS RNAMS GA-YON PAS BZUNG LA GA-YAS PA'I 'THEB SRIN GYIS 'OG NAS BSKOR ZHING 'BUL BAR BSHAD, BU STON GYIS YAM SHING RE RE DANG KU SHA DANG DUR BA GNYIS GNYIS MTHE BONG DANG MIN MED KYIS BZUNG LA MCHOG SBYIN GYI PHYAG RGYAS DBUL ZHING 'BRU LA SOGS PA BLUG GZAR GYIS BZUNG DU RUNG BA RNAMS BLUG GZAR GYIS DBUL BAR GSUNGS, RANG LUGS YAM SHING GNYIS GNYIS SAM RE RE DANG KU SHA DANG DUR BA GNYIS GNYIS RTZE MO PHAR BSTAN TE MTHE BONG DANG MING MED KYIS BZUNG LA MCHOG SBYIN GYI PHYAG RGYAS DBUL ZHING, 'BRU LA SOGS PA BLUG GZAR GYIS DBUL TE, 'OD SNYE LAS, BLUG GZAR GYIS NI MAR SREG CING, 'BRU RNAMS DE NYID KYIS DBUL BYA, ZHES GSUNGS PA LTAR RO, ,ZHES 'BYUNG BA'I LUGS LTAR RO, ,SREG RDZAS 'BUL BA'I GO RIMS NI, ,YAM SHING MAR TIL DUR 'BRAS ZAN, ,KU SHA YUNG SO NAS SRAN GRO, ,ZHES PA LTAR DBUL TE 'OD SNYE RI LUGS SO, ,RDZAS KHYAD PAR BA RNAMS SPRO ZHING LONG YOD NA RE RE NAS PHUL KYANG RUNG MOD KYI MNYAM DU 'BUL BA 'JUG PA BDE ZHING RDZAS BCU GNYIS KYI MTHAR DBUL LO, ,'BUL BA'I GNAS NI, ,'OD SNYE LAS, THAMS CAD DU KHU BA'I RDZAS RNAMS NI ZHAL DU'O, ,YAM SHING DANG MI RUS KYI PHYE MA LA SOGS PA NI 'OD KYI 'KHOR LA'O, ,ZHO ZAN DANG BZA' BA DANG ZHAL BSIL DANG TIL LA SOGS PA NI PHYAG TU'O, ,DRI NI THUGS KAR RO, ,ME TOG NI DBUL LA'O, ,BDUG SPOS NI
'BAR BA LA'O, ,ZHABS BSIL NI ZHABS DAG LA'O, ,MAR ME DANG MCHOD YON MDUN DU DBUL BAR BYA'O, ,MCHOD YON GYI CHU NI SNOD DU YANG BLUG PAR BYA'O, ,KHA CIG NI, KUN TU LUS LA BSANG GTOR DANG, , MDUN DU SPOS KYIS BDUG PA DANG, ZHAL BSIL ZHAL DU LAN GSUM STE, ,MCHOD YON DBU LA DBUL BAR BYA, ,ZHES ZER RO, ,ZHES 'BYUNG ZHING SDOM 'BYUNG LAS KYANG PHAL CHANG DI DANG MTHUN PAR 'BYUNG BA LTAR RO, ,SNYAN PA'I GDANGS KYIS DBUL BAR GSUNGS PA NI KHROS PA'I SKAD LTA BU NGA RO DRAG PO MA YIN PAR SKAD 'JAM POS 'BUL BA'O, ,SBYIR ME LHA GSHEGS SU GSOL BA DANG, ME 'BAR BA'I RNAM PAR BSGYUR BA DANG, ME 'TSAMS SU BZHAG PA DANG, BZHUGS SU GSOL BA SOGS LNGA GSUNGS BA LAS 'DIR PHYI MA LTAR BYA, DKYIL 'KHOR SGRUB MCHOD DANG 'BREL DUS ME LHA'I THUGS KAR GZHAL YAS KHANG GDAN BCAS BSKYED, LAS KYI RDO RJE DKYIL 'KHOR GYI DRUNG DU SONG STE SHAR SGO NAS PHYAG GSUM 'TSAL GUS PAS 'DUD CING THAL MO SBYAR TE, BDAG CAG DPON SLOB YON BDAG DANG BCAS PA SOGS SEMS CAN THAMS CAD LA MCHOG THUN GYI DNGOS GRUB RTZOL BA'I CHED DU SBYIN SREG 'BUL BAS THAB KYI GZHAL YAS KHANG GI NANG DU GSHEGS PAR ZHU, ZHES BRJOD DE LAG PA GA-YON SPOS 'DZIN CING GA-YAS PAS ME TOG RE LEN PA DANG LHA'I SNGAGS RE BRJOD PAS, DKYIL 'KHOR BA'I LHA SO SO LAS LHA GNYIS PA RE MAR ME GCIG LAS GNYIS CHAD KYI TSUL DU SPYAN DRANGS PAR BSAM LA, ME TOG SNOD BZANG PO'I NANG DU BZHAG STE MCHOD ROL DANG BCAS PAS SBYIN SREG GI SAR SPYAN DRANGS, LAS KYI RDO RJES DE LTAR SPYAN 'DREN PA'I BAR LA, RDO RJE SLOB DPON DPON SLOB KYIS SNGAR BSGRUB PA'I DKYIL 'KHOR
, ,NAS LHA RNAMS MAR ME GCIG LAS GNYIS CHAD KYI TSUL DU SPYAN 'DREN PAR BSAM LA, DPA' CIG LA, LAS BYED SPRUL PA GSHIN RJE'I 'KHOR DANG BCAS, ZHES PA 'DON ZHING BCU GSUM MA LA; GTI MUG GSHIN RJE GSHED SOGS 'KHOR DANG BCAS, ZHES 'DON PA BSGYUR TE, 'JAM DPAL RANG BZHIN MA SOGS SPYAN 'DREN GYI TSIG BCAD DBYANGS DANG BCAS PA BYA, SPYAN 'DREN 'DI GZHUNG DANG RJES 'BRANG GI YIG CHAR MI GSAL YANG, 'GA' ZHIG GI LAG LEN LA BYED SROL SNANG BAS, SPRO NA BYAS PAR NYES SKYON MED CING MI SPRO NA MA BYAS KYANG RUD MOD MI BYED NA ME TOG SLEB PA DANG GDAN SKYED TSA RAB DUS MTSUNGS PA BYA, DE NAS LAS KYI RDO RJES ME TOG SLOB DPON GYI PHYAG TU PHUL, SLOB DPON GYIS LHA RNAMS RIM PA BZHIN THAB KYI GZHAL YAS KHANG DU RANG RANG GI GDAN LA BZHUGS SU GSOL BAR MOS TE, ME TOG RE THAB TU 'DOR BA DANG LHA'I SNGAGS RE BRJOD, YAM SHING SOGS SREG RDZAS 'BUL BA'I TSE GTZO BO LA LAS SNGAGS RDZAS SNGAGS SPEL TSIG DANG BCAS PA BTAGS PA'AM, DE MA GRUB NA LAS SNGAGS RKYANG PA LA SPEL TSIG GDAGS LA DBUL TE SPEL TSIG RE RE NAS SBYAR MA NUS NA BDUN BDUN GYI MTHAR SBYAR, DE YANG MA GRUB NA THOG MTHA' GNYIS SU GDAGS, 'KHOR GYI LHA LA NI BDUN NAM GSUM LA SOGS PA CI TZAM 'BYOR BA RANG RANG GI SNGAGS LA SPEL TSIG GDAGS LA DBUL, GTZO 'KHOR SO SO LA YAM SHING SO SOR PHUL NAS RDZAS GZHAN RNAMS RIM PA BZHIN SO SOR 'BUL BA'AM; GTZO BO LA YAM SHING NAS RDZAS KHYAD PAR BA'I BAR PHUL NAS 'KHOR GYI LHA LA SO SOR DE LTAR 'BUL BA'ANG RUNG ZHING, GTZO BO YAB YUM GNYIS KYI SNGAGS SBREL NAS PHUL RJES, 'KHAR GYI SNGAGS
RNAMS SBREL NAS 'BUL BAR RAB DKAR BUM BZANG LAS BSHAD LA, GTZO BO LA PHUL RJES, YUM SOGS KYI SNGAGS SBREL NAS 'BUL BA'ANG RJES 'BRANG GI YIG CHA 'GA' ZHIG LAS BSHAD DE, 'JUG PA BDE BAR BYED NA GSUM PA LTAR BYA, 'OD SNYER RANG GI SNGAGS LA GANG 'DOD PA'I MING SPEL BCUG PA'AM YANG NA RANG BZHIN GYIS ZHI BA LA SOGS PA BSAM PAS LHAG PAR MOS PAS BZLAS SHING SREG RDZAS RNAMS BRGYA 'AM STONG NGAM DPAG TU MED PA BSREG PAR BYA'O, ,ZHES SGRUB BYA'I MING SPEL BCUG PA'AM MA BCUG KYANG DE'I SDIG PA SOGS ZHI BA'I DON DU BSAM NAS SBYIN SREG BYA BAR GSUNGS PAS MING SPEL MA BCUG KYANG NYES PA MED, 'ON KYANG BSAM BYA MI 'ONG BA RANG RE TSES 'DON CHA LA BCUG PA LEGS, SREG RDZAS 'BUL BA'I GRANGS NI, SHANTI BAS, SREG BLUG GCIG GAM GSUM MAM BDUN NAM NYER GCIG GAM BRGYA DANG STONG LA SOGS PA DBUL BAR BYA'O, ,ZHES GSUNGS PA LTAR NGES PA MED, YAM SHING DANG MAR GTZO BO YIN PAS NGES PAR DGOS ZHING GZHAN RNAMS SKABS DANG SBYAR BAS CHOG PAR GZHUNG DU GSUNGS LA DE GNYIS GZHAN LAS MANG BA DBUL ZHING SBYIN SEG GRANGS CAN BYED PA NA'ANG YAM SHING DANG MAR 'BUL THEB RE DANG SNGAGS RE SBYAR BA SBYIN SREG RE'I GRANGS SU RTZI BA YIN LA SDIG PA ZHI BA DGOS PA'I GTZO BO YIN NA TIL MANG BA DANG, TSE'I BAR CHAD ZHI BA'I CHED YIN NA DUR BA MANG BAR 'BUL BA SOGS SHES DGOS PAR MKHAS GRUB RJE DANG LHA BTZUN SOGS KYIS BSHAD CING BU STON GYIS KYANG 'DI DANG MTHUN PAR GSUNGS SO, ,SBYIN SREG GRANGS CAN BYED PA'I TSE SGRUB GA-YOG GCIG GIS GRANGS GZUNG, ME RGYUN MI 'CHAD PA'I PHYIR BUD SHING 'JUG PA DANG, MAR
, ,KHUS ? GSO BA DANG, KHA'I RLUNG GIS 'BUD MI RUNG BAS RLUNG YAB GA-YOB BA SOGS SKABS DANG BSTUN TE BYA, BSNYEN PA'I KHA SKONG LA SBYIN SREG KHRI LA SOGS PA BYED PA'I TSE NUB RE LA TIL STONG PHRAG LNGA'AM KHRI LA SOGS PA CI TZAM NUS PA DBUL ZHING SKABS SKABS SU YAM SHING DANG MAR CI 'BYOR DBUL BAR NGOR BA SOGS KYIS BSHAD, 'PHRIN LAS MDZAD PAR BSAM RJES DGANG BLUG PHUL TE MCHOD YON 'BUL BA LA, MKHAS GRUB SOGS KYIS A'A: HRI: SA 'BUL BAR BSHAD KYANG, GZHUNG DU LAS SNGAGS KYIS MCHOD YON PHUL STE, ZHES GSUNGS SHING 'OD SNYER RIGS KYI BDAG PO'I SNYING PO BRJOD PAS MCHOD YON DBUL BAR BYA'O ZHES GSUNGS PAS LAS SNGAGS KYIS DBUL LO, ,GZHUNG DU MI GSAL YANG GOS ME NANG DU DBUL BAR MKHAS GRUB DANG LHA BTZUN SOGS KYIS BSHAD CING LAG LEN LA SO RTZI YANG ME NANG DU 'BUL SROL SNANG, BSOD GRAGS PAS SGRUB BYA LA 'PHRIN LAS MDZAD PAR BSAM PA'I SKABS SPYAN 'DREN KHRUS GSOL DANG SO RTZI 'BUL BA'I SKABS ZHAL ZAS RO BRGYA MA BRJOD PAR BSHAD PA NI NYI MA 'PHUL THABS SU MNGON, GZHUNG DU, SO RTZI PHUL LA NANG MCHOD DANG BCAS PAS MCHOD PA STOD DE PHYAG BYAS NAS, ZHES 'BYUNG LA, 'OD SNYER YANG, SNGAR BZHIN MCHOD NAS YANG DAG PAR BSTOD DE PHYAG BYAS NAS, ZHES GSUNGS PA'I, PHYAG BYAS NAS ZHES BDE BSTOD PA'I SKABS SU PHYAG BYA BA LA DGONGS PA YIN NAM, BSTOD PA LAS LOGS SU PHYAG BYA BA'I DON GANG YIN RJES 'BRANG GI YIG CHA PHAL CHER LAS MI GSAL ZHING, MDZAD BYAD MED PAR 'JUG TU, ZHES PA 'DI NI DBEN DGON DU BDE MCHOG GI SBYIN SREG MDZAD PA'I LAG LEN JI LTA BA
BZHIN YIN NO, ,ZER BA YOD PA'I BDE MCHOG GI SBYIN SREG PHUN TSOGS GLING GI PAR MA DER, AOm PRA NA MA MI SARBA TA TH'A GA TA NA, ZHES PA SKABS DER SBYAR SNANG, GSHEGS GSOL GYI TSE SGRUB MCHOD DANG 'BREL DUS, LHA RNAMS ME LHA'I THUGS KA NAS GSHEGS PAR MOS TE SLOB DPON GYIS ME TOG LAS KYI RDO RJE LA GTAD, DES SLOB DPON LA PHYAG BYAS TE ME TOG BLANGS LA SPOS SOGS MCHOD ROL DANG BCAS PAS DKYIL 'KHOR GYI DRUNG DU SPYAN DRANGS, LHA RNAMS GZHAL YAS KHANG GI NANG DU SPYAN DRANGS PAR MOS LA RDUL TSON YIN NA ME TOG DKYIL 'KHOR GYI DBUS PHYOGS SU PHYAR BA TZAM BYAS LA MDUN DU BZHAG CING, RAS BRIS YIN NA DKYIL 'KHOR GYI NANG DU GTOR DE DKYIL 'KHOR LA PHYAG BYA BAR MKHAS GRUB SOGS KYIS BSHAD PA LTAR BYA, ME LHA LA SREG RDZAS LHAG MA PHUL TE BSTOD PA'I 'JUG TU, RAB GNAS SOGS KYI SKABS SU GZHAN DON DU SBYIN SREG SGRUB NA, YON PHUL BA'I SLOB MA'I MTHE BONG RANG GI GA-YON PA'I MTHE'U CHUNG GIS BZUNG STE THAB LA LAN GSUM DU BSKOR BA BYAS TE; BLUG GZAR GYIS DE'I MGO LA GA-YAS SKOR DU BSKOR TE LAN BDUN DU SREG BLUG BYAS TE DGANG BLUG 'BUL DU GZHUG 'KHYIL BA BZLAS PA'I SRUNG SKUD DKAR PO SLOB MA'I LAG PA GA-YAS LA BCINGS TE BSANG GTOR BYA, 'BYOR NA RGYAL PO DANG 'JIG RTEN SKYONG BA DANG SEMS CAN THAMS CAD DANG SLOB MA SOGS KYI DGE BAR DMIGS TE DGANG BLUG GSUM GSUM MAM RE RE 'BUL BAR 'OD SNYER GSUNGS PA LTAR 'DIR RAM, NYIN MO 'BYUNG GNAS KYIS 'DAS PA'I LHA LA RDZAS RNAMS KYI SREG BLUG TSAR NAS DGANG BLUG MA PHUL BA'I GONG DU BYA BAR BSHAD PA GZHUNG DU GSUNGS PA LTAR BYA LA, DE LTAR
, ,BYED PA PO NI RDO RJE SLOB DPON DANG NGAM SGRUB GROGS GZHAN GYIS KYANG BYA BAR BSHAD, ME LHA'I GTOR 'BUL GYI TSE GA-YAS MCHOG SBYIN GYI PHYAG RGYA BYA BAR DOR BAS BSHAD, LAG LEN LA GTOR MA ME NANG DU 'BUL SROL SNANG, ME LHA GSHEGS GSOL GYI TSE DBYUG GU RTZE GSUM GYI PHYAG RGYA PHYIR BKYED PA BYA BAR NGOR BA SOGS KYIS BSHAD, SBYIN SREG GI THOG MAR RDOR DRIL BYIN RLABS NAS SBYIN SREG MTSAR GYI BAR DU LAG PA RDOR DRIL DANG MA BRAL BA BYA BAR MKHAS GRUB SOGS KYIS BSHAD LA, ,KHA GCIG DGANG BLUGS KYI YU BA LA RDO DRIL 'DOG BRIS NAS SBYIN SREG GI SKABS SU DE LA RDOR DRIL 'DOGS GI NA YOD 'DUG PA, DE LTAR NA BSANG CHU DANG NANG MCHOD KYIS BSANG BA'I TSE LAG PA RDOR DRIL DANG 'BRAL BA'AM YANG NA 'THOR YAB DANG GZAR BU GNYIS KA BZUNG NAS BSANG DGOS PAR 'GYUR BAS; GANG NAS KYANG MA BSHAD CING GZHAN GYI MIG SNGAR MI MDZES PA DANG RANG NGO TSA BA'I LAG LEN DE 'DRA BYED PHYIN RDOR DRIL GNYIS LAG PA GA-YAS GA-YON LA BSDAM PA BDE'O, ,DNGOS GZHI'I SKABS KYI LAG LEN 'DI DAG RANG RANG GI THAD DU 'GOD PA 'BREL MTSUNGS MOD KYI DER BKOD NA NGAG 'DON GYI TSIG RNAMS HA CANG 'THOR BA LTA BUR SONG NAS BDAG LTA BU'I BLO DMAN GSAR BU 'GA' ZHIG GIS TSIG BLOR LEN MI BDE BA 'ONG BAR SNANG BAS 'DIR BKOD, DE LTAR NA THAB LA SOGS PA JI LTAR BYED TSUL YANG DPAL MNYAM MED RI BO DGA' LDAN PA'I YIG CHA DANG LUGS SROL LA GANG YOD PHYOGS GCIG DU 'GOD PAR RIGS KYI; SA ZHAL GYI LUGS MANG PO BKOD PA RANG LUGS 'THOR BA LTA BUR SONG NAS KHYOD LTA BU'I BLO DMAN LA 'CHAR MI BDE BAS MI 'THAD DO CE NA, DE NI BDEN MOD KYI DENG SANG, RJES PAn GYI GSUNG GONG DU
DRANGS PA LTAR SNGAGS KYI CHO GA THAMS CAD LA RANG BZOR SPYOD PA SHIN TU MANG LA, SNYING KHAMS CHUNG BA YANG 'GA' ZHIG GIS RANG GI AA MA'I GCOD PA NGO SHES KYI DPE DER MED PHYIN LEGS BSHAD CING 'DRA ZHIG YIN KYANG 'DOR BA DANG, 'GA' ZHIG GIS AA PHA'I KHA PHO RAL GTZANG ZHEN GYIS RANG GI DPE DER YOD PHYIN BON LUGS YIN KYANG KHYIS KHRAG MTHONG BA LTAR 'JUG PA DANG, 'GA' ZHIG GIS RANG LUGS NOR BU'I DO SHAL DOR NAS GZHAN LUGS 'CHING BU'I 'PHRENG BA RGYAN DU BYED PAR SNANG BAS, MA BA SLAB PA'I MKHAS PA DANG MA BSGOM PA'I GRUB THOB LA MI DGOS SHING, BLUN PO PHYOGS LHUNG CAN LA MON SPA GRO BA'I RDOR GCOD DU 'GYUR NYEN CHEN 'ANG, SNYING KHAMS CHUNG ZHING BLO GROS CHE LA GZU BOR GNAS PA'I KLOGS PA BA 'GA' ZHIG GIS RJES 'BRANG GI YIG CHAR YOD NA'ANG RJE THAMS CAD MKHYEN PA'I BZHED PAR SONG MA SONG DPYAD DGOS PA DANG, GZHAN GYI YIG CHA YIN NA'ANG LEGS PAR BSHAD PA 'DOR MI DGOS PA DANG, RJE BDAG NYID CHEN PO DANG MKHAS PA GZHAN GYI BZHED SROL MI 'DRA BA'I RNAM DBYE SHES PAR BYAS NAS; RJE THAMS CAD MKHYEN PA'I BZHED SROL DRI MA MED PA BZUNG DGOS PA GO BA'I CHED DU RJES 'BRANG GI YIG CHA DANG, MDOG RGYUD RIGS GNAS MTHA' DAG LA SBYANGS PA PHUL DU PHYIN PA'I MKHAS MCHOG BU STON ZHABS DANG, GANGS RI'I LJONGS SU RGYUD SDE DANG MTHUN PAR SPYOD PA'I GSANG SNGAGS PA'I YANG RTZE DPAL LDAN SA SKYA PA DKAR PO RNAM GSUM SOGS KYI RJES 'BRANG GI GTZO BO NGOR BA DANG GONG DKAR PA'I YIG CHA RNAMS LAS BSHAD TSAD DU MA BKOD NAS DPYAD PA CUNG ZAD BGYIS PA YIN NO, ,RTZOD SPONG 'DI NI TSIGS BCAD BYA BAR 'OS NA YANG SNYAN NGAG DANG SDEB SBYOR GYI SKU RTEN DU MA GYUR BAS LHUG PA LA SBYOR
, ,RGYU'I GSUNG RAB KYI BRDA 'CHAD NYIN PAR BTZAL YANG MA RNYED PAR, TSIGS BCAD LA SBYOR RGYU'I MNGON BRJOD DANG ZLOS GAR SOGS MTSAN MO MA BTZAL BAR RNYED PA'I MUN NAG 'DON 'JAL DE RE ZHIG BZHAG GO ,GNYIS PA DNGOS GZHI'I RIM PA LA GSUM, SNGON 'GRO'I CHO GA ,DNGOS GZHI'I CHO GA ,'JUG GI CHO GA'O, ,DANG PO NI, SNGAR BSHAD PA'I CHO GA'I YAN LAG THAMS CAD TSOGS PAR BYAS NAS PADMA'I 'DUG STANGS KYIS BSHAR DU PHYOGS TE BDAG BSKYED RDZOGS PAR BSGOM ZHING LHA RNAMS LAS 'OD ZER DKAR PO 'PHRO BAR BSAM, RANG GI THUGS KA'I H'Um LAS 'OD ZER 'PHROS PAS PHYOGS BCU'I SANGS RGYAS THAMS CAD KYI BYIN BRLABS DANG NUS MTHU THAMS CAD BKUGS NAS BSANG CHU LA THIM PAR GYUR, BAR BSAM LA, HR'I: shtR'I: BRGYA RTZA SOGS BZLAS TE BSANG CHU BSGRUB, 'OG TU LAS SNGAGS ZHES PA THAMS CAD HR'I shtR'I LA GO BAR BYA, HR'I: shtR'I: LA SR'AH'A BTAGS PA BDUN SOGS BZLAS TE MCHOD YON BSGRUB, DE NAS SMRA BAR GZHAN BCAD DE, RDO RJE NI THABS DANG DRIL BU NI SHES RAB STE DE GNYIS KA'ANG DON DAM PA'I BYANG CHUB KYI SEMS KYI RANG BZHIN NO SNYAM DU MOS LA, AOm SARBA TA TH'A GA TA SID DHI BADZRA SA MA YA TI shthA AA shA STVAm ? DHA RA Y'A MI HI HI HI HI HI H'Um H'Um H'Um PHAt S'AH'A, ZHES BRJOD CING GA-YAS PA'I MTHE BONG DANG MING MED KYIS RDO RJE THUGS KAR BZUNG, AOm BADZRA GAntA H'Um ZHES BRJOD CING GA-YON PA'I MTHE BONG DANG MING MED KYIS DRIL BU DKU GA-YON PAR KHA GYEN LA BSTAN TE BZUNG, RDO RJE SEMS DPA' LA SOGS PA RNAMS MNYES PAR BYA'O, ,SNYAM DU BSAM LA, H'Um SEMS CAD RMONGS DANG 'BRAL BA YI, ,RDO RJE GSOR BA MDZES PA YIS, ,RNAM THAR CHOS KYI BYA BA STE, ,SPRO DANG BCAS PAS RDO RJE BZUNG, ,H'Um H'Um H'Um HO HO HO ZHES BRJOD CING RDO RJE GSOR,
DE NAS RDO RJE GA-YAS KYI DKUR BZUNG BA'AM, GSOR ZHING AOm BADZRA DHA RMA RA nI TA PRA RA NI TA SAm PRA RA nI TA SARBA BU DHA KshE TRA PRA TZA LI NI PRA DZNYA P'A RA MI TA N'A DA SVA BHA WE BADZRA SA DVA ? HRI DA YA SAnTO shA NI H'Um H'Um H'Um HO HO HO SV'AH'A, ZHES BRJOD CING DRIL BU'I DBUS KYI PHYOGS BRGYAD DU LCE BSKYOD PAS DKROL BAR BYA, DE NAS LAS SNGAGS BRJOD CING GA-YAS BAS KU SHA'I RTZE MOS BSANG CHU'I SNOD NAS CHU BLANGS TE RANG GI GA-YON NGOS NAS GA-YAS BSKOR DU THAB DANG, RDZAS THAMS CAD DANG, DGANG BLUG DANG, RANG LA'ANG BSANG GTOR LAN GSUM, YANG LAS SNGAGS BRJOD CING GA-YAS PA'I 'THEB SRIN GYIS NANG MCHOS BLAGS NAS SNGA MA LTAR BSANG GTOR LAN GSUM BYA, DE NAS ME LHA'I MCHOD RDZAS RNAMS LA LAS SNGAGS DANG NANG MCHOD KYIS BSANG, SVA BHA WAS SBYANG, STONG PA'I NGANG LAS AA LAS BYUNG BA THOD PA, NAS AOm SHAPTA A'A: H'Um, ZHES PA'I BAR GYIS CHU BZHI NYER SPYOD ROL MO DANG BCAS PA SNGAGS DANG PHYAG RGYAS BYIN GYIS RLABS RDZAS SBYONG BA'I PHYAG RGYA BCINGS LA, AOm SV'AH'A, ZHES PAS SREG RDZAS RNAMS SPYIR BKRUS BAR BSAM, ,AOm A'A: SV'A H'A SA YAM SHING, AOm shRIm SV'A H'A SA ZHUN MAR, AOm DZRIm SV'A H'A SA 'BRU, AOm KU RU KU RU SV'A H'A SA YAM SHING DANG MAR DANG 'BRU LAS GZHAN PA'I RDZAS RNAMS TE MDOR NA, RDZAS RNAMS KYI MTSAN NYID DANG MI LDAN PA'I NYES SKYON THAMS CAD SBYANG ZHING DAG NAS NANG GI BDUD RTZI LNGA'I NGO BOR GYUR, BAR BSAM, DE NAS 'O MA CAN GYI SHING LAS BYUNG BA LA SOGS PA'I ME GANG YANG RUNG BA, AOm A'A: H'Um, LAN GSUM BRJOD DE SNOD KYI NANG DU BZHAG LA ZHUN MAR GYI SGRON ME SPAR BAS, LAS SNGAGS BRJOD LA 'O MA CAN GYI SHING LA ME SPAR, LAS SNGAGS BRJOD CING BSANG CHU DANG NANG MCHOD KYIS ME DE LA
, ,GA-YAS SKOR DU LAN GSUM GSUM BSANG, DE NAS ME DE GTZANG ZHING SHIN TU SKAM PA'I RTZA'I CHUN PO DANG BCAS PA DU BA MED PA THAB KYI NANG DU GCUG LA, AOm DZVA LA DZVA LA H'Um, DANG, H'Um YIG BRJOD DE RLUNG YAB KYIS ME SPAR, LAS SNGAGS LAN BDUN BZLAS TE MAR KHU BLUG GZAR BDUN GYIS ME RAB TU SPAR, DE NAS KU SHA RNAMS LAG TU BZUNG LA, AOm BADZRA SA TVA AA, ZHES PA LAN BDUN DANG, AOm KU SHA 'DI NI GTZANG ZHING DGE ,TSANGS PA LHA RNAMS DAG BYED YIN, ,DKON MCHOG GSUM PO MNYES BYED PA, ,SA LAS SKYES PA 'DAM MA'I SNYING, ,BDAG GI BGEGS RNAMS THAMS CAD NI, ,ZHI DANG BKRA SHIS MDZAD DU GSOL, ,ZHES BRJOD, BREL DUS TSIGS BCAD 'DI MA BRJOD KYANG RUNG, SNGAGS SNGA MA LAN LNGA BRJOD CING KU SHA DGRAM, DE NAS RDOR DRIL 'DZIN PA'I LAG PA THAL MO SBYAR TE, BCOM LDAN 'DAS RDO RJE SEMS DPA', BGEGS THAMS CAD ZHI BA DANG BKRA SHIS PAR MDZAD DU GSOL, ZHES BRJOD DE SBYONG BA'O, ,GNYIS PA DNGOS GZHI LA GSUM, THOG MAR 'JIG RTEN PA'I ME LHA MCHOD PA, BAR DU 'JIG RTEN LAS 'DAS PA'I ME LHA MCHOD PA, MTHAR 'JIG RTEN PA'I ME LHA MCHOD PA'O, ,DANG PO LA GSUM, THAB DANG ME LHA BSKYED CING YE SHES PA DANG BSREB, MCHOD CING BSTOD DE DAM TSIG BSGRAGS PA, BSREG RDZAS PHRUL NAS SLAR YANG MCHOD PA'O, ,DANG PO NI LAS SNGAGS DANG BSANG CHUS THAB BSANG STE, SVA BHA WAS SBYANG, STONG PA'I NGANG LAS SNA TSOGS PADMA DANG ZLA BA'I STENG DU SAm DANG RDO RJE LAS RDO RJE 'DZIN PA DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD PA, GA-YAS 'OG MA GNYIS KYIS
RDO RJE DANG RAL GRI, GA-YON 'OG MA GNYIS KYIS RIN PO CHE DANG PADMA 'DZIN PA ZHU BA LAS BYUNG BA'I YE SHES KYI THAB KHA DOG DKAR ZHING DBYIB ZLUM PA, MU RAN KHA KHYER DANG BCAS PA, KHA KHYER LA RDO RJE'I 'PHRENG BAS BSKOR BA GRVA BZHIR ZLA PHYED RDO RJES MTSAN PA, DNGAGS SHING THOGS PA MED PAR GYUR, CES THAB BSKYED, KHA KHYER LA 'KHOR LO BKOD NA, 'KHOR LO'I 'PHRENG BAS BSKOR BA, ZHES 'DON PA BSGYUR, DE'I NANG DU RAm LAS SKYES PA'I ME GRU GSUM GYI DBUS SU SNA TSOGS PADMA'I LTE BAR RAm LAS BGRANG 'PHRENG, DE YONGS SU GYUR PA LAS ME LHA SKU MDOG DKAR PO DKAR NAG DMAR BA'I ZHAL GSUM PHYAG DRUG PA , GNYUG MAR GNAS PA'I RIGS MA DANG GNYIS SU MED PA'I SKU, PHYAG GA-YAS KYI DANG PO NA BGRANG 'PHRENG, GNYIS PAS MI 'JIGS PA SBYIN PA, GSUM PA NA GRI GUG ,GA-YON GYI DANG PO NA DBYUG GU RTZE GSUM PA, GNYIS PA NA SPYI BLUG ,GSUM PA NA THOD PA BSNAMS PA, GA-YON BRKYANG BA'I STABS KYIS BZHUGS PA, KHRO BO'I RGYAN RNAMS KYIS BRGYAN PA'I THUGS KAR ME GRU GSUM PAR GYIS MTSAN PA; DAM TSIG PA'I THUGS KHA'I SA BON GYI 'OD ZER LAS SPROS PA'I KHRO BO 'DOD RGYAL GYIS, SHAR LHO NAS BSGOM PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS PAR BSAM LA PHYAG RGYA BCA' ZHING, AOm TSUR BYON TSUR BYON 'BYUNG PO CHE, ,LHA'I DRANG SRONG BRAM ZE MCHOG ,SREG BLUG ZHAL ZAS BZHES SLAD DU, ,'DIR NI YANG DAG BSNYEN PAR MDZOD, ,AOm tAKKI H'Um DZA:, ZHES PAS SPYAN DRANGS LA THAB KYI KHA KHYER GYI KU SHA'I GDAN LA BZHUGS PAR BSAM, LAS SNGAGS BRJOD CING BSANG CHU GTOR LA PHYI 'BRANG GI BGEGS SKRAD, SPRO NA CHU BZHI DBUL ZHING BSDUS PA LA MOS NAM PHUL KYANG RUNG, AOm MUD
, ,GA RA DZA:, ZHES PAS DAM TSIG PA DANG NYE BAR BKUG ,AOm DAN tA H'Um, GIS DAM TSIG PA LA GZHUG ,AOm PADMA BAm, GYIS DBYER MED DU BCINGS, AOm KHAt GA HO: SA DBANG DU BYAS STE RDOR DRIL GYIS 'KHYUD PA'I TSUL DANG LDAN PA'I PHYAG RGYA GNYIS KYIS SE GOL TOG PA SNGON DU 'GRO BAS GZHUG PA SOGS BYA, GNYIS PA MCHOD CING BSTOD TE DAM TSIG BSGRAGS PA NI, AOm A'A: HR'I: PRA WA RA SANG K'A RAm PROKshA nAm PRA TI TZTSA H'Um SV'AH'A, ZHES PAS BSANG GTOR DANG, PROKshA nAm, GYI TSAB TU, A'A NYTZA MA RnAm, DANG, ARGHAm, DANG, P'A tYAm ?, BCUG PAS, ZHAL BSIL, MCHOD YON, ZHABS BSIL RNAMS PHYAG RGYA DANG BCAS PAS DBUL, ME LHA'I SNGAGS, AOm AAKNA YE A'A DI BYA A'A DI BYA A'A BI SHA AA BI SHA MAH'A SHRI YE HA BYA KA BYA B'A H'A N'A YA, ZHES PA LA, AOm BADZRA PUshPE A'A: H'Um ZHES SOGS DANG, AOm A'A: H'Um, BTAGS PAS NYER SPYOD ROL MO NANG MCHOD DANG BCAS PAS MCHOD, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, , SHES RAB MCHOG GIS NYON MONGS THAMS CAD BSREG ,'DZIN BYED ME LHA NYID LA RNAM PAR 'DUD, ,TSANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG BA'I PHYIR, ,THUGS RJE'I DBANG GIS SKUR SPRUL PA, ,RIGS SNGAGS GRUB PA'I DRANG SRONG TSUL, ,NYON MONGS BSREG PA'I SHES RAB 'OD, ,SKAL PA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN, ,THABS KYIS SPRUL PA'I THEG PA LCIBS, ,RIGS SNGAGS GSUNG ZHING BGRNG 'PHRENG 'DZIN, ,BDUD RTZI'I BCUD LDAN GUntE BSNAMS, ,CHOS KYI BDUD RTZI YONGS LA
BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSTOD DE PHYAG KYANG 'TSAL, ,ZHES DRIL BSIL DANG BCAS PAS BSTOD, ,BSDU NA SHO LO KA DANG PO GCIG GIS CHOG ,AOm BADZRA AA NA LA MA H'A BHU TA DZVA LA DZVA LA YA SARBA BHA SMI KU RU SARBA DU shtA NA H'Um PHAt TRI SHYA DZA: H'Um BAm HO:, SA MA YA STAm SA MA YA HAm ZHES LAN GSUM GYIS DAM TSIG BSGRAGS, GSUM PA SREG RDZAS PHUL NAS SLAR YANG MCHOD PA NI, ME LHA'I LJAGS RDO RJE'I RNAM PA CAN DKAR PO LA RAm YIG DANG, DGANG BLUGS KYI KHA LA YA YIG 'OD ZER DANG BCAS PAS MTSAN PAR GYUR, BAR BSAM LA PHYAG RGYA DANG BCAS PAS DGANG BLUGS MAR GYIS GANG BA BZUNG NAS GONG GI ME LHA'I SNGAGS SAM, DGANG BLUG GI SNGAGS, AOm NAM: SA MANTA BHUD DHA N'AN AGNE YE ZHES PA 'AM; SREG BLUGS KYI SNGAGS, AOm AGNE YE ZHES PA GANG RUNG CIG LA, BDAG CAG DPON SLOB 'KHOR DANG BCAS PA THAMS CAD KYI THAR PA DANG THAMS CAD MKHYEN PA SGRUB PA LA BAR DU GCOD PA DANG, SDOM PA GSUM DANG 'GAL BA'I BCAS PA DANG RANG BZHIN GYI KHA NA MA THO BA DANG, BKRA MI SHIS PA RNAMS DANG KHYAD PAR DU YANG 'DOD DON PHUN SUM TSOGS PA LA BAR DU GCOD PA THAMS CAD SHINTAm KU RU YE SV'AH'A, ZHES SAM; BDAG CAG DPON SLOB 'KHOR DANG BCAS PA THAMS CAD KYI SDIG SGRIB NYES LTUNG NAD 'DON BKRA MI SHIS PA RNAMS DANG KHYAD PAR DU YANG 'DOD DON PHUN SUM TSOGS PA LA BAR DU GCOD PA THAMS CAD SHANTIm KU RU YE SV'AH'A, ZHES SAM, BDAG CAG DPON SLOB 'KHOR DANG BCAS PA THAMS CAD KYI MI MTHUN PA'I PHYOGS THAMS CAD DANG KHYAD PAR DU YANG 'DOD DON PHUN SUM TSOGS PA LA BAR DU GCOD PA
, ,THAMS CAD SHANTI KU RU YE SV'AH'A, ZHES PA LTA BU SBYI 'GRO RGYAS BSDUS GANG YANG RUNG BA 'AM, BSNYEN PA'I KHA SKONG GI TSE BDAG GI TSE 'KHOR BA THOG MED NAS BSAGS PA'I SDIG SGRIB NYES LTUNG GI TSOGS THAMS CAD DANG, KHYAD PAR DU YANG CHOG DANG SNGAGS KYI CHAD LHAG LA SOGS PA'I NYES PA THAMS CAD SHANTIm KU RU YE SV'AH'A, ZHES DANG, SDIG SBYONG GTZO BOR BYED NA, BDAG GI 'DOD DON PHUN SUM TSOGS PA LA BAR DU GCOD PA DANG, SDIG PA THAMS CAD SHANTIN KU RU YE SV'AH'A, ZHES DANG, SBYIN BDAG NAD BA'I NAD ZHI BA'I CHED YIN NA BDAG CAG DPON SLOB 'KHOR DANG BCAS PA RNAMS KYI MI MTHUN PA'I PHYOGS THAMS CAD DANG KHYAD PAR DU YANG SBYIN PA'I BDAG PO CHE GE MO ZHES BGYI BA'I NAD THAMS CAD SHANTIN, SOGS DANG, DE'I BGEGS ZHI BA'I CHED YIN NA, NAD THAMS CAD ZHES PA'I TSAB TU, BGEGS THAMS CAD ZHES PA 'JUG PA DANG, YANG DE'I MI MTHUN PHYOGS SBYIR ZHI BA'I CHED YIN NA, SBYIN PA'I BDAG PO 'KHOR DANG BCAS PA RNAMS KYI NAD RIM GDON BGEGS BAR CHAD MI MTHUN PA'I PHYOGS THAMS CAD SHANTI, SOGS KYIS RIGS BSGRES TE SKABS DANG BSTUN PA'I SPEL TSIG BTAGS BA BDUN NAM GSUM GYIS DGANG BLUGS BDUN NAM GSUM DBUL, SKABS 'DIR ME LA BGEGS YOD MED BRTAGS NAS MED NA MI DGOS LA YOD NA LAS SNGAGS DANG BSANG CHUS BSANGS TE, LAS SNGAGS LA, BGEGS THAMS CAD SHANTI KU RU YE SV'AH'A, ZHES PA SBYAR TE DGANG BLUG BDUN ME LHA LA PHUL NAS SLAR YANG LAS SNGAGS KYIS BSANG GTOR BYAS TE DGANG BLUGS BDUN NAM GSUM MAM GCIG LHA'I SNGAGS KYIS DBUL, DE NAS, YAM SHING RNAMS BYANG CHUB KYI SHING GI RANG BZHIN GYI BDUD
RTZIR GYUR BAR MOS TE ME LHA'I SNGAGS LA YAM SHING SOGS RDZAS SO SO'I SNGAGS DANG SPEL TSIG SBYAR LA DBUL, SO SO'I SNGAGS NI, AOm BO DHI PRI KshA YA SV'AH'A, YAM SHING, AOm AGANA YE SV'AH'A, MAR KHU AOm SRBA P'A PAm TA HA NA BDZRA YE SV'AH'A, TIL, AOm BDZRA AA YU shE SV'AH'A, DUR BA, AOm BADZRA PU shAt'A YA SV'AH'A, 'BRAS MA GRUGS PA, AOm SARBA SAm P'A DE SV'AH'A, ZHO ZAN, AOm AA BRA TI HA TA BDZRA YA SV'AH'A, KU SHA ,AOm SARBA AARTHA SID DHE YE SV'AH'A, NYUNGS DKAR, AOm BDZRA PU DZA YA SV'AH'A, SO BA, AOm MHA' BI GA YA SV'AH'A, SRAN MA, AOm BDZRA GHA SMA RI SV'AH'A, GRO'I SNGAGS YIN LA SPEL TSIG SBYOR BA'I TSE SV'AH'A'I GONG DU SBYOR, SO SO'I SBEL TSIG KHYAD PAR BA SBYOR NA GONG GI MAR KHU 'BUL BA'I SPEL TSIG GI, ,'DOD DON PHUN SUM 'TSOGS PA LA BAR DU GCOD PA THAMS CAD, CES PA'I TSAB TU, YAM SHING LA, GZI BRJID PHUN SUM 'TSOG BA LA BAR DU GCOD PA THAMS CAD, MAR KHUL, 'BYOR BA PHUN SUM TSOGS PA LA BAR DU GCOD PA THAMS CAD, TIL LA, SDIG PA THAMS CAD, DUR BA LA, TSE MTHAR PHYIN PA LA BAR DU GCOD PA THAMS CAD, 'BRAS LA, BSOD NAMS RGYAS PA LA BAR DU GCOD PA THAMS CAD, ZHO ZAN LA, BDE BA MCHOG LA BAR DU GCOD PA THAMS CAD, KU SHAL, SRUNG BA MCHOG LA BAR DU GCOD PA DANG GRIB DANG MI GTZANG BA THAMS CAD, NYUNGS DKAR LA, BGEGS THAMS CAD, SO BA LA, NOR DANG 'BRU RGYAS PA LA BAR DU GCOD PA THAMS CAD, NAS LA, MYUR BA'I SHUGS PHUN SUM TSOGS PA LA BAR DU GCOD PA THAMS CAD, SRAN MAL, STOBS RGYAS PA LA BAR DU GCOD PA THAMS CAD, GRO LA, NAD THAMS CAD, ZHES BCUG
, ,PA SBYOR, RDZAS KHYAD PAR PA NI ME LHA'I SNGAGS KYIS DBUL, DE NAS AOm A'A:HRI:PHRA WA RA SAD KA RAm ANYCA MA nAm' PRA TI TZTSA H'Um SV'AH'A, ZHES DANG, ANYCA MAnAm GYI GNAS SU PRO KshA nAm, BCUG PA PHYAG RGYA DANG BCAS PAS ZHAL BSIL DANG BSANG GTOR DBUL, GNYIS PA 'JIG RTEN LAS 'DAS PA'I ME LHA MCHOD PA NI, 'DAS LHA'I MCHOD RDZAS BSANG SBYANG BSKYED DE BYIN GYIS RLABS, SREG RDZAS LOGS SU BA SHAM YOD NA BKRU SBYANG SNGAR LTAR BYA, DE NAS, ME LHA'I THUGS KAR ME GRU GSUM 'BAR BA'I DBUS SU GZHAL YAS KHANG GRU BZHI PA, ZHES PA NAS, DE'I GA-YAS GA-YON DU RI DGAS PHO MO DANG BCAS PA, GZHAL YAS KHANG GI NANG GI RE MIG DGU PA'I DBUS SU YAM LAS, ZHES PA NAS, SNA TSOGS PADMA DANG ZLA BA'I GDAN ZUNG RE RE, ZHES BA'I BAR GZHAL YAS KHANG GDAN BCAS SGRUB THABS BZHIN BSGOM, SGRUB MCHOD DANG 'BREL NA LAS KYI RDO RJES BSGRUB PA'I DKYIL 'KHOR NAS LHA RNAMS MI TOG GIS MTSON TE SBYAN DRANGS PA'I ME TOG SLOB DPON GYIS THAB TU 'DOR ZHING LHA RANG RANG GI SNGAGS BRJOD LA BZHUGS SU GSOL BAR BSAM, DBUS KYI GDAN LA DPAL RDO RJE 'JIGS BYED YAB YUM, NANG GI SHAR DU GTI MUG GSHIN RJE GSHED YAB YUM, ZHES PA NAS, PHYI'I GRVA BZHIR MI'I THOD PA BDUD RTZIS GANG BA BZHI, LHA THAMS CAD KYI SKU LAS 'OD ZER DKAR PO'I TSOGS 'PHRO BAR GYUR, CES LHA RNAMS GSAL GDAB, SGRUB MCHOD DANG MA 'BREL NA, GDAN DE RNAMS KYI STENG DU DBUS SU H'Um LAS RDO RJE H'Um GIS MTSAN PA, ZHES PA NAS, LHA BCU GSUM GYI SKUR YONGS SU RDZOGS PAR GYUR PA NI, DBUS KYI GDAN LA DPAL RDO RJE'I 'JIGS BYED CHEN PO SKU MDOG MTHING NAG ZHAL DGU, ZHES
PA NAS, MI'I THOD PA BDUD RTZIS GANG BA BZHIR GYUR, GTZO 'KHOR THAMS CAD KYI MIG GNYIS SU KshIm KshIm DANG 'KHOR LO LAS RDO RJE MIG DKAR PO, ZHES PA NAS, NOR BU DANG PADMA 'DZIN PA, ZHES PA'I BAR SKYE MCHED SKU GSUNG THUGS BYIN BRLAB KYI LHA'I SKYED CHOG RGYAS PA'AM, YANG NA, GTZO 'KHOR THAMS CAD KYI MIG GNYIS SU SA SNYING GI RANG BZHIN KshIm KshIm DKAR PO, ZHES PA NAS, THUGS KHAR THUGS RDO RJE'I NGO BO H'Um SNGON PO, ZHES PA'I BAR BSDUS PA BYA, AOm HRI:HA BHO, ZHES PA NAS, BYANG DANG BYANG SHAR BA RNAMS LA DON GRUB KYIS DBU BRGYAN, DBANG GI LHA RNAMS DE NYID LA THIM ZHING LHA THAMS CAD KYI SKU LAS 'OD ZER DKAR PO'I TSOGS 'PHRO BAR GYUR, CES PA'I BAR YE SHES PA DGUG GZHUG DBANG BSKUR RGYAS GDAB RNAMS SGRUB THABS BZHIN BYA, DE NAS SNGA PHYI GNYIS GANG YIN KYANG, ,DAG CING DRI MED YID 'ONG BA'I, ,ZHES SOGS DANG, AOm A'A: HRI:PR WA RA SAD KA RAM PRO KshA nAm PRA TI TZATSA H'Um SV'AH'A, ,ZHES SOGS PHYAG RGYA DANG BCAS PAS CHU BZHI, RGYAL BA RNAMS NI YON TAN MCHOG GI SKU, ,ZHES SOGS DANG, AOm YA M'ANTA KA SA PA RI WA RA PUshPE PRA TI TZTSA H'Um SV'A H'A, ZHES SOGS KYIS NYER SPYOD ROL MO, ,RIN CHEN DBANG GI RGYAL PO BEE tURYA, ZHES SOGS DANG, AOm YA M'ANTA KA SA PA RI WA RA R'U PA PRA TI TZTSA H'Um SV'AH'A, ZHES SOGS KYIS 'DOD YON RNAMS DBUL, BSDU NA TSIG BCAD BZHAG NAS SNGAGS TZAM GYIS, CHU BZHI NYER SPYOD ROL MO RNAMS DBUL, H'UI:shtI: SOGS LHA RANG RANG GI SNGAGS LA, AOm A'A:H'Um, BTAGS LA NANG MCHOD DBUL, GNYIS MED THUN MONG, SOGS KYIS BSTOD, LHA RNAMS KYI LJAG RDO RJE'I RNAM PA CAN DKAR PO LA RAm YIG GIS MTSAN PAR GYUR, CES
, ,BYIN GYIS RLABS, H'I:sht'I:LA BDAG CAG DPON SLOB SOGS SPEL TSIG GANG YANG RUNG BA BTAGS PAS MAR KHU DGANG BLUG GSUM MAM BDUN PHUL NAS GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM, DE NAS, YAM SHING RNAMS BYANG CHUB KYI SHING GI RANG BZHIN DU GYUR, PAR BSAM LA YAM SHING NAS RDZAS RNAMS, LAS SNGAGS LA RDZAS SNGAGS DANG SPEL TSIG BTAGS PA SOGS KYI S GTZO BO DANG, 'KHOR GYI LHA RNAMS KYI SNGAGS LA SPEL TSIG BTAGS BA SOGS KYIS 'KHOR RNAMS LA MANG NYUNG CI 'BYOR PA DBUL, DE LTAR SREG RDZAS RNAMS PHUL NAS LAS BCOL BAS, LHA RNAMS KYI THUGS KA NAS SBROS PA'I SANGS RGYAS RNAMS KYIS BUM PA DKAR PO BDUD RTZIS DKAR POS GDAB THOGS NAS, SGRUB BYA ZLA BA'I DKYIL 'KHOR LA GNAS PA LA KHRUS BYAS PAS SDIG SGRIB NAD GDON SOGS MI MTHUN PA'I PHYOGS THAMS CAD DAG NAS LUS SHEL LTAR GYUR, PAR BSAM, SLAR YANG LAS SNGAGS KYIS MAR KHUD GANG BLUG GSUM MAM BDUN DANG, LAS SNGAGS KYIS MCHOD YON PHUL TE, AOm A'A:HRI: SOGS KYIS BSANG GTOR DANG ZHAL BSIL, AOm BADZRA WA SA SYA SV'AH'A SA GOS, AOm BADZRA DAM BUL SV'AH'A SA SO, RTZI; AOm HRI:shtI:HA SOGS KYIS NYER SPYOD ROL MO, ,LHA RANG RANG GI SNGAGS LA 'BRU GSUM BTAG PAS NANG MCHOD DBUL, GNYIS MED THUN MONG MAS BSTOD, GTOR MA 'BUL BAR SPRON BYIN GYIS RLAB LA MGRON RNAMS KYI LJAG H'Um LAS SKYES PA'I RDO RJE, NAS, BSTOD PA'I BAR DKYUS LTAR BYAS LA DBUL, AOm PRA NA MA MISARBA TA TH'A GA TA NA, GYIS PHYAG BYA, A'A:H'I:SOGS GYIS MCHOD YON
DBUL, ME TOG DANG BCAS PA'I THAL MO SNYING KHAR SBYAR NAS YO BYED MA TSANG PA LA SOGS PA'I NYES PA ZHI BA'I PHYIR DU, GANG YANG DAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD BAR MDZOD, ,MARNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN KHYOD KYIS BZOD MDZD RIGS, ,CES 'OD SNYER 'BYUNG BA BRJOD DE BZOD PAR GSOL NAS, BCOM LDAN 'DAS 'JAM DPAL GSHIN RJE'I GSHED KYI LHA TSOGS KHYED RNAMS LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYOB PA'I NUS MTHU BSAM GYIS MI KHYAB PA MNGA' BA LAGS BAS, PHAN BDE'I 'BYUNG GNAS SANGS RGYAS KYI BSTAN PA RIN PO CHE 'DI NYID SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR BYIN GYIS BRLAB TU GSOL, DPAL LDAN BLA MA DAM PA RNAMS DANG BSTAN PA 'DZIN PA'I SKYES BU DAM PA THAMS CAD SKU KHAMS BZANG ZHING SKU TSE RING BA DANG RNAM PAR DKAR BA'I 'PHRIN LAS DAR RGYAS SU 'BYUNG BA DANG, BDAG CAG DPON SLOB 'KHOR DANG BCAS PA DANG SBYIN PA'I BDAG PO RNAMS KYIS YANG THAR PA DANG THAMS CAD MKHYEN PA SGRUB PA'I BAR CHAD THAMS CAD ZHI ZHING MTHUN RKYEN LEGS TSOGS THAMS CAD 'BAD MED LHUN GRUB TU 'BYUNG BA DANG, 'JIG RTEN GYI KHAMS THAMS CAD DU BKRA SHIS KYI DGE MTSAN RGYA CHEN PO RGYUN MI CHAD DU 'BYUNG BAR BYIN GYIS BRLAB TU GSOL, ZHES SPYI 'GRO'I 'DOD GSOL RGYAS PA 'DUL 'DZIN PA'I GTOR CHOG SOGS NAS 'BYUNG BA'AM, DPAL RDO RJE 'JIGS BYED CHEN PO'I LHA TSOGS RNAMS
, ,KYIS BDAG CAG DPON SLOB 'KHOR DANG BCAS PA'I 'GAL RKYEN BAR CHAD MI MTHUN PA'I PHYOGS THAMS CAD ZHI ZHING MTHUN RKYEN LEGS TSOGS THAMS CAD YID BZHIN DU 'GRUB PAR BYIN GYIS BRLAB TU GSOL, ZHES PA LTA BU BSDUS PA DANG, DMIGS GSAL BYED NA, DPAL RDO RJE 'JIGS BYED, NAS, MI MTHUN PA'I PHYOGS SBYI DANG KHYAD PAR DU YANG CHO GA DANG SNGAGS KYI CHAD LHAG GI NYES PA THAMS CAD CES PA'AM, THOGS MED NAS BSAGS PA'I SDIG PA THAMS CAD, CES DANG, SBYIN PA'I BDAG PO CHE GE ZHES BGYI BA'I NAD THAMS CAD, CES PA'AM; BGEGS THAMS CAD, CES SOGS SKABS BSTUN SBYAR LA, 'DOD PA'I DON 'GRUB PA'I GSOL BA GDAB, CHAD LHAG GI NYES PA ZHI BAR BYA BA'I SEMS KYIS, AOm BDZRA SA TV'A A'A: ZHES PA GSUM MAM BDUN SOGS BRJOD DE, GSHIN RJE GSHED KYI YIG BRGYA BZLA, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB BRTZL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,ZHES PAS BSKUL NAS, AOm A'A:AOm YA M'ANTA KA H'Um PHAt, H'Um MU:ZHES BRJOD DE SGRUB MCHOD DANG 'BREL NA, LHA RNAMS ME LHA'I THUGS KA NAS SLAR GSHEGS TE DKYIL 'KHOR GYI LHA SO SO DANG GNYIS SU MED PAR GYUR, CES BRJOD CING ME TOG LAS GYI RDO RJE LA GTAD DE, DES DKYIL 'KHOR GYI DRUG DU SPYAN DRANGS, MA 'BREL NA, YE SHES PA RANG BZHIN GYI GNAS SU GSHEGS SHING DAM TSIG PA RANG NYID LA THIM PAR GYUR, CES GSHEGS BSDU BYA, GSUM PA MTHAR 'JIG RTEN PA'I ME LHA MCHOD PA NI, AOm A GAN YE SOGS
ME LHA'I SNGAGS LA, PUshPAm SOGS DANG 'BRU GSUM BTAGS BAS NYER SPYOD ROL MO NANG MCHOD, AOm A'A:HRI:SOGS KYIS BSANG GTOR DANG ZHAL BSIL, TAM BU LAS SO RTZI, WAS SYA GOS ME LHA'I SNGAGS LA RDZAS SNGAGS DANG SPEL TSIG BTAGS PAS YAM SHING NAS RDZAS KHYAD PAR BA'I BAR GYI SREG RDZAS RNAMS PHUL LA, DRIL BU DGROL ZHING, 'JIG RTEN DBANG PHYUG TSANGS DBANG MGON GYI SRAS, ,ZHES SOGS KYIS BSTOD, ,DE NAS A'A:HRI: SOGS GYIS ZHAL BSIL DANG BSANG GTOR, ME LHA'I SNGAGS LA PU shAPAm SOGS BTAGS PAS NYER SPYOD DANG ROL MOS MCHOD, GTOR MA BSANG SBYANG BYIN GYIS BRLAB TE ME LHA'I SNGAGS LA, AA KA RO BTAGS PA GSUM GYIS PHUL, ME LHA'I SNGAGS LA PUshPE SOGS SBYAR BAS MCHOD, DRIL STABS DANG BCAS PAS, ME STE SREG BYA ZA BA'I LHA, ,DRANG SRONG RGYAL PO GDON GYI BDAG ,SHAR LHO ME LHA'I TSOGS BCAS LA, ,MCHOD CING BSTOD DE PHYAG KYANG 'TSAL, ,MCHOD SBYIN GTOR MA 'DI SNOM LA, ,RNAL 'BYOR BDAG CAG 'KHOR BCAS LA, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN 'GRUB CING, ,ZHI DANG RGYAS LA SOGS PA YI, , LAS KYI DNGOS GRUB BDAG LA STZOL, ,DAM TSIG CAN GYIS BDAG LA SRUNG, ,DNGOS GRUB KUN GYI STONGS GROGS MDZOD, ,DUS MIN 'CHI DANG NAD RNAMS DANG, ,GDON DANG BGEGS RNAMS MED PAR MDZED, ,RMI LAM NGAN DANG MTSAN MA NGAN, ,BYA BYED NGAN PA MED PAR MDZOD, ,'JIG RTEN BDE ZHIR LO LEGS DANG, ,'BRU RNAMS 'PHEL ZHING CHOS 'PHEL DANG, ,BDE LEGS
, ,THAMS CAD 'BYUNG BA DANG, ,YID LA 'DOD PA KUN 'GRUB SHOG ,A'A:HRI:SOGS KYIS MCHOD YON PHUL, ,GANG YANG BDAG BLO RMONGS PA YIS, ,SOGS GYIS BZOD PAR GSOL, ,ME LHA'I RGYAL POS BDAG CAG DPON SLOB 'KHOR DANG BCAS PA RNAMS KYI 'GAL RKYEN MI MTHUN PA'I PHYOGS THAMS CAD ZHI ZHING MTHUN RKYEN LEGS TSOGS THAMS CAD YID BZHIN DU DON, ,SGRUB BYED SREG BYA ZAB GSHEGS, ,JI BZHIN DUS SU TSUR SBYON CING, ,BDAG GI DNGOS GRUB THAMS CAD SGRUB, ,ZHES PAS BSKUL LA, AOm MU: YE SHES PA RANG GNAS SU GSHEGS NAS DAM TSIG PA ME 'BAR BA'I RNAM PAR GYUR, PAR BSAM, GSUM PA 'JUG GI CHOG NI, 'O THUG SGRUB NA THAB KHUNG GI MEL MA 'JI BZHAG PA'I STENG DU SNOD NAG PO MA YIN PA, DRI DKAR POS BYUGS SHING MA GUL BAR ME TOG GI 'PHRENG BA BCINGS BA, H'Um LAS BYUNG BAR MOS TE BZHAG PA'I NANG DU, 'O MA DANG, 'BRAS MA GRUGS PA DANG, MAR DANG, SBRANG RTZI DANG, KA RA STE RDZAS LNGA GZAR ?BU GNYIS GANG RUNG GIS BLUG LA, HRI:shItI: BZLA ZHING BSKOL TE BDUD RTZI'I RANG BZHIN DU GYUR PAR BSAM, DE NAS PHUD BLA MA DANG DKYIL 'KHOR BA'I LHA LA 'BUL RGYU SNOD GTZANG MAR BLUG ,DE NAS CHOS SKYONG DANG, PHYOGS SKYONG DANG, GZHI BDAG DE NAS RDO RJE SLOB DPON SGRUB GROGS DANG BCAS PAR BRIM LA, AOm D'I BYA AAGNE SA MA DHI DHY'AN PR'I nA NE SV'A H'A, ZHES PAS BSNGAGS TE BLA MA DANG LHA LA DBUL ZHING, DE BZHIN GSHEGS PA'I LHAG MA 'DI, ,SDIG PA RNAM PAR NYAMS
BYED GSOL, ,ZHES BRJOD DE SGRUB PA PO RNAMS DANG SBYIN BDAG DANG LHAG MA DON DU GNYER BA RNAMS KYIS LONGS SPYAD LA BSNGO PA DANG SHIS BRJOD KYIS BRGYAN PAR BYA'O, ,LONG YOD NA ME MA SHI'I BAR DKRUGS PA DANG BRDAL BA DANG 'GOM PA SOGS MI BYA ZHING, MED NA 'O MA DANG DRI CHAB DKAR POS ME GZHIL LA, THAB KYI RDUL TSON DANG THAL BA SOGS LAS BUM SOGS BUM PAR BLUG LA CHU BOL SOGS PAR BSKUR ZHING, LAS KYI RJES MI MNGON PAR BYA'O, ,DPA' BO GCIG PA'I SGO NAS BYED NA GZHAL YAS KHANG DANG GDAN SKYED PA'I TSE, MI LHA'I THUGS KAR ME GRU GSUM 'BAR BA'I DBUS SU GZHAL YAS KHANG, ZHES PA NAS, RIN PO CHE'I PHA GU SER POS BSKOR BA'I, ZHES PA NAS, RI DAGS PHO MO DANG BCAS PA, GZHAL YAS KHANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR PA'I MDOG CAN GYI STENG DU SNA TSOGS PADMA DANG ZLA BA DANG NYI MA'I GDAN, LHA BSKYED PA'I TSE, DE'I STENG DU H'Um LAS RDO RJE H'Um GIS MTSAN PA YONGS SU GYUR PA LAS DPAL RDO RJE 'JIGS BYED CHEN PO, ,ZHES PA NAS, RTZA ZHAL GYI DBU LA MI BSKYOD PAS RGYAS BTAB, DBANG GI LHA RNAMS DE NYID LA THIM ZHING SKU LAS 'OD ZER DKAR PO'I TSOGS 'PHRO BAR GYUR, ZHES BRJOD CING MCHOD SNGAGS NI, ,SA PA RI WAR DANG NANG MCHOD KYI TSE 'KHOR GYI SNGAGS DOR, BSTONG PA 'JAM DPAL GSER MDOG MA'AM, GNYIS MED THUN MONG MA SHU LO KA DANG PO GNYIS KYIS BSTOD, LJAG BYIN BRLAB KYI TSE, LHA'I LJAG RDO RJE'I RNAM PA CAN, ZHES SOGS BRJOD, SREG RDZAS 'BUL BA'I TSE 'KHOR LA MAm 'BUL, 'PHRIN LAS MDZAD PA'I TSE, LHA'I THUGS KA
, ,NAS; ZHES SOGS, PHYAG BYA BA'I TSE, AOm PRA NA MA MI TA TH'A GA TA NA, 'DOD GSOL GYI TSE, BCOM LDAN 'DAS GSHIN RJE'I GSHED KHYED LA MKHYEN PA'I YE SHES, ZHES SOGS DANG, DPAL RDO RJE 'JIG BYED CHEN POS, ZHES SOGS, SGRUB MCHOD KYI LHA GSHEGS PA'I TSE, DPAL RDO RJE 'JIGS BYED ME LHA'I THUGS KA NAS SLAR GSHEGS TE DKYIL 'KHOR GYI LHA DANG GNYIS SU MED PAR GYUR, ZHES MI 'DRA BA'I KHYAD PAR BSGYUR DGOS MA GTOGS SNGA MA JI LTA BA BZHIN BYA ZHING GZHAL YAS KHANG MI SKYED NA, ME LHA'I THUGS KAR ME GRU GSUM 'BAR BA'I DBUS SU YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU SNA TSOGS PADMA DANG ZLA BA DANG NYI MA'I GDAN, DE'I STENG DU H'Um LAS RDO RJE H'Um GIS MTSAN PA YONGS SU GYUR PA LAS DPAL RDO RJE 'JIGS BYED, CES SOGS MAN CHAD SNGA MA DANG 'DRA'O, ,DE LA BLA MED KYI RDO RJE THEG PA'I LAM LA BRTEN NAS DON GNYIS LHUN GYIS GRUB PA'I GO 'PHANG MCHOG THOB PAR 'DOD PA DAG GIS PHYI DANG NANG DANG BLA NA MED PA'I SBYIN SREG GSUM KA LA SBYANG DGOS PA LAS, LAS DANG PO PA YIN NA THOG MAR PHYI'I SBYIN SREG DANG DE LA'ANG PHYI ROL GYI RDZAS LA BRTEN PA'I SBYIN SREG DANG YID KYI SBYIN SREG GNYIS LAS SNGA MA LEGS PAR SBYANG DGOS TE, SNGA MA LEGS PAR SHIS NA YID KYI SBYIN SREG BYED TSUL JI LTA BA BZHIN SHES PAR 'GYUR LA, DE GNYIS LEGS PAR SHES NAS TSUL BZHIN DU BYAS PA LA BRTEN NAS NANG GI SBYIN SREG NUS PAR 'GYUR ZHING, DE LA BRTEN NAS BLA NA MED PA'I SBYIN SREG NUS PAR 'GYUR PAS SO, ,GAL TE RDZAS LA BRTEN PA'I PHYI'I SBYIN SREG DE TZAM DU GAL CHE BA MIN DE, GZHUNG DU,
SBYIN SREG GI RDZAS RNAMS MA 'BYOR BA DANG YOD KYANG BYA BA'I SKABS MED NA NI SNGAR BSHAD PA THAMS CAD BSGOM PA KHO NAS BYA STE NGES PAR 'DOD PA RNAMS 'GRUB PO, ,ZHES YID KYI SBYIN SREG BYAS PAS 'DOD DON 'GRUB PAR GSUNGS PAS SO, ,ZHE NA DE NI THUN BZHIR LHA'I RNAL 'BYOR SGOM PA DANG BZLAS PA TSAD DU 'KHYOL BAS YI DAM GYI LHA MNYES PAR BYAS SHING, YID KYI SBYIN SREG GI DMIGS RNAMS LEGS PAR 'CHAR BA'I RNAL 'BYOR BAS, RDZAS MA 'BYOR BA SOGS KYI TSE YID KYI SBYIN SREG BYAS PAS 'DOD DON 'GRUB PAR GSUNGS PA YIN GYIS, RDZAS MA 'BYOR BA DANG SKABS MED PA'I GANG ZAG SU YIN GYIS DE LTAR BYAS PAS 'DOD DON 'GRUB PAR GSUNGS PA MA YIN TE, DE LTA MA YIN PAR THAB DANG RDZAS SOGS YO BYAD THAMS CAD RTZOL BAS BSGRUB NAS 'BYOR BA'I GANG ZAG GIS CHO GA LAG LEN TSUL DANG MTHUN PAR PHYI'I SBYIN SREG BYAS PA DANG, RDZAS SOGS MA 'BYOR BA ZHIG GIS YID KYI SBYIN SREG BYED LO BYAS PA GNYIS 'DOD DON 'GRUB PAR KHYAD MED NA SNGA MAS RTZOL BA BYED PA'I NGAL BA BRTEN PA DON MED DU 'GYUR BAS SO, ,DES NA RANG CAG BSGOM BZLAS TSAD DU 'KHYOL BAS LHA MNYES PAR BYAS PA LTA ZHOG ,LAS RUNG GI GRANGS BSNYEN CHA MTHUN TZAM YANG MA SONG ZHING, GANG LA DMIGS PA GTAD KYANG DON SPYIR BA RIB TZAM YANG 'CHAR DKA' BA DAG GIS NI THAB DANG RDZAS SOGS YO BYAD THAMS CAD TSOGS SHING CHO GA NGAG 'DON DANG LAG LEN MA 'CHOL BAS PHYI'I SBYIN SREG SGRUB PA LA CI NUS KYIS 'BAD PAR BYA YI, YO BYAD DANG CHO GA DANG LAG LEN GANG BYUNG TZAM GYIS PHYI'I SBYIN SREG DANG, DMIGS RNAMS GANG YANG 'CHAR RGYU MED PA'I
, ,YID KYI SBYIN SREG BYED PA'I RTZOM PA MI BYA STE, DES DGOS PA'I DON MI 'GRUB BAS RANG GZHAN BSLU BAR 'GYUR BAS SO, ,DE YANG YIN TE, GSANG BA SPYI RGYUD LAS, KHYAD PAR CAN GYI LAS RNAMS LA, ,LHA DUS BYA BA DUS BZHIN SPYAD, ,GZHAN DU CHO GA NYAMS PA'I PHYIR, ,'GRUB PA NAM YANG YOD MA YIN, ,ZHES DANG 'JAM MGON SA SKYA PAntI TAS, ,PHYOGS BCU'I SANGS RGYAS 'PHRIN YIG TU, ,CHO GA CUNG ZAD 'KHRUL BA LA'ANG, ,DNGOS GRUB 'BYUNG BAR MA GSUNGS NA, ,DENG SANG THAMS CAD 'KHRUL BA LA, ,DNGOS GRUB 'DOD PA BDUD KYIS BSLUS, ,ZHES GSUNGS PAS SO, ,DE LTAR NA RANG CAG GIS YO BYAD TSOGS SHING NGAG 'DON DANG LAG LEN TZAM GYIS PHYI'I SBYIN SREG BYAS PAS KYANG DGOS PA MI 'GRUB STE GZHUNG DU, PHYI ROL GYI RDZAS YOD PA LA YANG YID KYI SGOM PA NYID KYIS RDZOGS PAR BYA DGOS PAS 'DI NI BLA NA MED PA STE, ZHES PHYI ROL GYI RDZAS YOD PA LA YANG YID KYI SGOM PA GAL CHE BAR GSUNGS LA RANG CAG LA DE MED PAS SO, ,ZHE NA SKYON MED DE, 'DI NI PHYI ROL GYI RDZAS LA MA BRTEN PAR YID KYI SBYIN SREG BYED PA LA YID KYI SGOM PA GAL CHE BAR MA ZAD, RDZAS YOD PA LA YANG 'BRAS BU YONGS SU RDZOGS PA GSUNG RAB NAS BSHAD TSOD LTAR MYUR DU 'GRUB PA LA YID KYI SGOM PA GAL CHE BAR GSUNGS PA YIN LA, YID KYI SGOM PA JI LTA BA BZHE NA MA BYUNG KYANG, THAB DANG RDZAS SOGS YO BYAD BSHAD TSOD LTAR TSOGS NA RDZAS KYI NUS PA BSAM GYIS MI KHYAB PA'I MTHU DANG, SNGAGS DANG CHO GA'I NGAG 'DON CHAD LHAG MED PA BYUNG NA SNGAGS KYI NUS PA BSAM GYIS MI KHYAB PA'I MTHU
DANG; DMIGS PA YID LA BYED TSUL GYI GO PA CHAGS NAS DE LTAR YIN NO SNYAM PA'I MOS PA BYED RGYU BYUNG NA MOS PA'I MTHU BSAM GYIS MI KHYAB PA GSUM KA TSOGS PA'I RTEN 'BREL GYIS DGOS PA'I DON 'GRUB BAS SO, ,'O NA DE GSUM TSOGS NA PHYAG LEN LA MA LTOS SAM SNYAM NA, DE NI MA YIN DE, DPER NA 'JIG RTEN NA BLA MA 'AM DPON PO LTA BU MI CHE BA ZHIG LA STON MOS MNYES PAR BYED PA LA, GSOL BA ZHABS TOG ZHU RGYU'I BZA' BCA' YOD KYANG GA-YO SBYOR LEGS SHING GTZANG SBRA THUN PA DANG BKOD PA MDZES SHING RNAM 'GYUR GUS PAS BSTAB PA SOGS, YUL LUGS DANG BSTUN PA'I BYED LUGS LEGS PA LA LTOS PA BZHIN, 'DAS MA 'DAS KYI LHA SBYIN SREG GIS TSIM PAR BYED PA LA RDZAS SOGS TSOGS KYANG RGYUD DANG DAM PA GONG MA'I MAN NGAG LAS 'BYUNG BA LTAR GYI PHYAG LEN TSUL MTHUN BYED PA LA LTOS PAS DAM PA RNAMS KYIS PHYAG LEN BYED LUGS DGAG BZHAG DANG BCAS TE ZHIB RGYAS SU BSHAD PA YIN NO, ,DE LTAR NA ZHI BA'I SBYIN SREG BYED TSUL GYI RNAM BZHAG RAG PA TZAM ZHIG RANG DANG SKAL PA MNYAM PA DAG GIS LAG TU BLANG BDE BAR BYA BA'I PHYIR BKOD KYI, ZHI BA BAR NI LEGS PAR BSHAD PA DNGOS GRUB RGYA MTSO SOGS DANG PHYAG LEN MTHONG BA BRGYUD PA LAS SHES PAR BYA'O, ,'JAM DPAL DPA' BO RDZAS KYI SBYIN SREG GIS, ,DGYES PA BSKYED DE NAD GDON SDIG SGRIB KUN, ,SBYONG BA'I THABS TSUL GSAL BYED ME LONG 'DI, ,YAB RJE MCHOG GI DGONGS PA'I RGYAN DU BSKRUN, ,'ON KYANG DAM PA'I DGONGS PA MCHOG TU ZAB, ,BDAG NI BLO GROS SBYANG BA SHIN DU DMAN, ,DE PHYIR NONGS BA'I TSOGS
, ,RNAMS BLA MA DANG, ,YI DAM LHA TSOGS RNAMS LA SNYING NAS BSHAGS, ,'DIR 'BAD DGE BA ZLA LTAR DKAR BA DES, ,PHYI NANG NYER 'TSE'I TSA GDUNG KUN ZHI NAS, , ZAG MED BDE CHEN DPAL LA SPYOD PA DANG, ,'GRO LA PHAN BDE'I 'OD DKAR 'GYED PAR SHOG ,CES DPAL RDO RJE 'JIGS BYED KYI SGO NAS ZHI BA'I SBYIN SREG BYED TSUL GYI CHO GA ,YAB RJE RGYAL BA GNYIS PA'I BZHED SROL GSAL BAR BYED PA BLO BZANG DGONGS RGYAN SHEL DKAR ME LONG ZHES BYA BA 'DI NI, YUL BYANG PHYOGS KYI MTHAR SKYES PA'I GYI NA BA NGAG DBANG BLO BZANG CHOS LDAN DPAL BZANG PO ZHES BGYI BAS DPE NA GNAS BYANG CHUB GLING ZHES BYA BAR SBYAR PA'O, ,'DIS KYANG RGYAL BA BLO BZANG GRAGS PA'I BSTAN PA PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ,