, ,SOGS BZANG NA SBRO BA BSKYED, RI LAS LHUNG BA SOGS NGAN NA LAS THAMS CAD PAS BZLOG CING SLOB DPON LA RMI LTAS NGAN PA BYUNG NA MKHA' 'GRO DANG ZHING SKYONG LA GTOR MA PHUL NAS GSOL BA GDAB PA DANG, BSRUNG 'KHOR DANG, BZLAS PA DANG, GO CHA'I LHA DGOD PA DANG, GSOL BA GDAB PA DANG, RGYAN DRUG BGOS NAS LHA'I NGA RGYAL BYA BA DANG, SBYIN SREG BYA BA STE, BZLOGS THABS PA DUN PO CI RIGS PAS BZLOGS PAR BYA'O, ,RMI LTAS NGAN PA BZLOGS THABS 'DI DAG SKABS 'DIR SLOB DPON LA RMI LTAS NGAN PA BYUNG BA BZLOGS THABS SU BSHAD KYANG RANG GZHAN GNYIS KA DANG SKABS GZHAN DU YANG BYAS NA LEGS PAR GSUNGS SO, ,DE NAS DNGOS GZHI'I CHO GA LA DKYIL 'KHOR BSGRUB CING MCHOD NAS DBANG BSKUR LAS GZHAN 'DIR MI DGOS LA, DKYIL 'KHOR SGRUB PA YANG BDAG SKYED KYI LUS DKYIL SGRUB PA LAS GZHAN MED PAS, BDAG SKYED SNGON 'GRO GTOR MA NAS, 'JIG RTEN PA RNAMS RANG GNAS SU GSHEGS SHING DKYIL 'KHOR GYI 'KHOR LO BDAG NYID LA THIM PAR GYUR, GYI BAR SGRUB THABS BZHIN BSGOM PA NI DKYIL 'KHOR SGRUB PA'O, ,BSGRUB PA'I DKYIL 'KHOR LA MCHOD PA NI, MCHOD PA RNAMS BSANG SBYANG BYIN GYIS BRLABS NAS, PHYI NANG GSANG BDE KHO NA NYID KYI MCHOD PA RNAMS RJE RIN PO CHE'I MCHOD 'PHRENG NAS 'BYUNG BA LTAR RAM, JI LTAR RIGS PAS SKABS DANG SBYAR NAS MCHOD PAR BYA'O, ,DE NAS RKANG BRGYAD KYIS BSTOD DE, GTZO BO'I SNGAGS BRGYA RTZA BRGYAD, 'KHOR RNAMS KYI NYER GCIG RE BZLAS LA, GTOR MA SGRUB THABS LTAR BSANG SBYANG BYIN GYIS RLABS TE, DKYIL 'KHOR GYI LHA RNAMS KYI LJAGS LA H'Um DKAR PO LAS BYUNG BA'I, NAS, MDZOD CIG LHA MO RNAMS KYIS BDAG LA SHIN TU RJES BRTZER MDZOD, KYI BAR
SGRUB THABS LTAR GYIS NANG GTOR DBUL, SGOS KYI CHOS SKYONGS SOGS KYI GTOR MA BSHAM YOD NA RANG RANG GI CHOG BZHIN DBUL LO, ,DE NAS DBANG BSKUL BA LA BDAG NYID 'JUG CING DBANG BLANG BSNGON DU BYA DGOS BAS DE'I TSUL NI, RANG NYID GTZO BO LAS CHA GNYIS PAR PHYE NAS SHAR SGO'I PHYI NA GNAS PAS, ZLA MA'I BYA BA RNAMS DKYIL 'KHOR GYI GTZO BO DANG BLA MA THA MI DAD PAS MDZAD, SLOB MA'I BYA BA RNAMS BDAG NYID KYIS BYED PAR MOS TE DBANG RDZOGS PAR BLANG BA'I MTHAR SLOB MA GZHUGS PA'I CHED DU, CHOS RNAMS GZUGS BRNYAN LTA BU STE, NGAG CING GSAL LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS KUN TU 'BYUNG, ,DE BZHIN NYID LAS NGES PAR SKYE, ,BDEN PA 'DI YIS DKYIL 'KHOR DU, ,GZUGS BRNYAN GSAL BAR SLOB MA RNAMS, ,KUN GYIS DRI MED MTHONG BAR SHOG ,CES LAN GSUM GYIS BDEN PA'I BYIN BRLABS BYA'O, ,DE NAS SLOB MA GZHAN LA DBANG BSKUR BA NI, SLOB MA RNAMS KHRUS BYAS, PHYAG 'TSAL, GDAN LA 'KHOD DE MAntAL PHUL, THAL MO SNYING KHAR SBYAR BA DANG BCAS PAS ME TOG BZUNG LA; DGA' CHEN KHYOD BDAG STON PA BAS, ,NAS, MGON PO BDAG NI 'JUG PAR 'TSAL, ZHES GSOL BA LAN GSUM GDAB, BLA MAS DBANG BSKUR BA LA DKYIL 'KHOR DU GZHUG PA SNGON DU 'GRO DGOS PA DANG, GANG DU GZHUG PA'I DKYIL 'KHOR PHYI NANG GI DBYE BA DANG, LUS LA GNANG DU BSNUN PA'I DKYIL 'KHOR NI PHYI DKYIL GNYIS LA MI BYA BAR LUS DKYIL LA BYA DGOS PAS PHYI DKYIL RKYANG BAR DBANG BSKUR BA LAS LUS DKYIL DU DBANG BSKUR BA MCHOG TU 'GYUR TSUL DANG, 'KHOR LO GSUM GYI DKYIL 'KHOR SGRUB PA'I GZHI RANG CHAS SU GRUB BA LAS RTEN GYI DKYIL 'KHOR DANG BRTEN PA'I LHA RNAMS SGRUB PA'I LUS DKYIL SGRUB PA DANG, LUS
, ,DKYIL DE'I DBANG BSKUR DANG, DKYIL 'KHOR DU GZHUG PA'I RIM PA SNGAR MA THO PA NA CI NAS KYANG SGRUB PAR BYED PA DANG, DE LTAR BYED PA'I DGOS PA DANG, LUS DKYIL DE'I DBANG BSKUR SOGS KYI CHO GA MNGON SUM DU SGRUB PA'I RIM PA NI, SGYU MA LTA BUR BYA BA DANG, LUS DKYIL LA BRTEN NAS DBANG BSKUR BA'I DBANG GI DBYE BA RNAMS, DRIL BU ZHABS KYI DBANG CHOG LAS, ,DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS BSHAD PA STE, ,'ON KYANG DKYIL 'KHOR DE'I RANG BZHIN, ,CI YIN NGA NI 'DI LTAR BSHAD, ,RI MOR GNAS PA'I LAS DANG NI, ,THEG LAS TSON BGYE'I RIM PA BSTAN, ,'GRO BA 'DI NYID RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA GNYIS KYI NGO BO GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYA DE MIN TE, ,YANG DAG DE NI MTHONG GROL PHYIR RO, ,'KHOR LO GSUM GYI DKYIL 'KHOR GRUB, ,DKYIL 'KHOR LHA RNAMS GRUB PA'O, ,DE YI DBANG BSKUR LA SOGS RIM, ,CI NAS MA GRUB YANG GRUB BYED, ,DE YI RANG BZHIN MI SHES RNAMS, , SNOD DU BYA BAR BZHED PA STE, ,DBANG BSKUR SOGS RIM KUN RDZOB TU, ,MNGON SUM DU NI SGRUB PA'O, ,SLOB DPON LA SOGS DBYE BA YIS, ,DBANG BSKUR RNAM PA BZHIR BSHAD DE, ,CHU YI DBANG SOGS DBYE BA YIS, ,BZHI PO DE NI BCU BZHI'O, ,ZHES 'BYUNG BA'I RKANG PA GNYIS DANG, DRUG DANG, BZHI DANG, GNYIS DANG, GNYIS DANG, GNYIS DANG, GNYIS DANG, BZHES RIM PA BZHIN BSHAD PA'I DON ZHIB TU BSHAD LA, LAS THAMS CAD PA BZLAS PA'I DAR DMAR PO 'AM SER POS, AOm TZAKshU BAN DHAm BA RA MA NA YA H'Um, ZHES PAS MIG DAR BCINGS, A'A: KHAm B'I RA H'Um GIS ME TOG GI 'PHRENG BA 'DZIN DU GZHUG ,LAS
THAMS CAD PA'I SNGAGS DANG BUM CHUS BSANG, SLOB MA SKAD CIG GIS HE RU KA SNGON PO ZHAL GCIG PHYAG GNYIS RDO RJE DANG DRIL BU 'DZIN PA GA-YAS BRKYANG GIS BZHUGS PA'I THUGS KHAR NYI MA LA H'Um SNGON PO, ,MGRIN PAR NYI MA LA A'A: DMAR PO, ,SPYI BOR ZLA BA LA AOm DKAR PO, ,YI GE GSUM GYI 'OD ZER GYIS LUS 'OD GSAL BAR BYAS PAR GYUR, CES DE'I LUS NGAG YID GSUM BYIN GYIS BRLAB, BLA MAS, BU KHYOD SU YIN CI LA DGA', SLOB MAS, SKAL BZANG BDAG BDE BA CHEN PO LA'O, ,BLA MAS, DE YIS BU LA CI ZHIG BYA, SLOB MAS, SANGS RGYAS MCHOG GI DAM TSIG BGYI 'TSAL, ZHES DRI LAN GYIS RIGS DANG MOS PA SHES PAR BYA, SLOB MA THAL MO SBYAR RKANG PA MNYAM PAR 'DUG PA LA, SNGAR STA GON GYI SKABS LTAR BRDA' SPRAD LA, DKON MCHOG GSUM LA, NAS, BYANG CHUB YID KYIS BZUNG, ZHES RJES ZLOS LAN GSUM GYIS BYANG SDOM 'DZIN DU GZHUG ,SEMS CAN THAMS CAD KYI DON DU RDZOGS PA'I SANGS RGYAS THOB PAR BYA'O SNYAM PA'I SMON PA BYANG CHUB KYI SEMS KUN RDZOB PA DE NYID SNYING KHAR ZLA BA'I DKYIL 'KHOR YONGS SU RDZOGS PA'I RNAM PAR GYUR, CHOS THAMS CAD RANG BZHIN MED PA'I STONG PA NYID DANG RANG GI SEMS RO GCIG TU GYUR PAR MOS PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA BA'I RNAM PAR GYUR, CES BRJOD CIR BRDA' LEGS PAR SPRAD LA, AOm SARBA YOG TZITTA AU PA TA YA MI, ZHES BRJOD PA'I SGO NAS THAMS CAD RNAL 'BYOR GYI SEMS SKYED DU GZHUG ,RDO RJE ME TOG DANG BCAS PA SLOB MA'I SNYING KHAR BZUNG LA, AOm SU RA TE SA MA YA STVAm HO: SID DDHYA BADZRA YATH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS BRLAB PAR 'GYUR GYI, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL
, ,'KHOR 'DI DKYIL 'KHOR DU MA ZHUGS PA RNAMS LA SMRA BAR MI BYA ZHING, MA DAD PA RNAMS LA'ANG MA YIN NO, ,ZHES BRJOD DE GSANG BAR GDAM, RDO RJE LA LAG PA GNYIS KYIS 'JUS TE, H'Um DZA: H'Um, ZHES BRJOD, BLA MA'I LUS RTEN GYI DKYIL 'KHOR DU BSKYED PA'I SHAR SGOR 'DUG PAR BSAM, DE NAS SLOB MAS BLA MA DANG LHA LA SKYABS SU 'GRO BA'I BSAM PAS, SANGS RGYAS KUN GYI RANG BZHIN SKU, ,SLOB DPON LA NI SKYABS SU MCHI, ,DPA' BO RNAL 'BYOR MA 'KHOR LO, ,RNAL 'BYOR GNAS LA BDAG PHYAG 'TSAL, ,DON DAM SMRA BA'I SENG GE RNAL 'BYOR ZHES BYA BA, ,NYON MONGS GCOD PA'I DON LA SHIN TU MKHAS GYUR BA, , SRID BA'I NYES BRGYA SKYED RTZA NYON MONGS CHOD MDZED LA, RNAL 'BYOR DON DAM RGYAL PO DE NYID GRUB PAR MDZOD, ,CES GSOL BA GDAB BO, ,BLA MAS PHYI'I HE RU KA'I NGA RGYAL 'DZIN PAS NANG LUS DKYIL GYI LHA LA SLOB MA GZHUGS PA'I DON DU, DE BZHIN GSHEGS PA KUN GYI GNAS, ,HE RU KA DPAL GRONG KHYER MCHOG ,SNYING PO'I DKYIL 'KHOR 'DI RU NI, ,BDAG GIS SLOB MA BZHUG PAR BGYI, ,ZHES GSOL BA BTAB PAS LHAS GNANG BA BYIN PAR BSGOM LA SLOB MA LA, GONG NAS GONG GI SDOM PA NI, ,BU KHYOD KYIS NI BSRUNG BYA STE, ,GROL BA'I RGYU NI DE LAS GZHAN, ,THABS NI CI YANG YOD MA YIN, ,ZHES SDOM PA 'DZIN PAR GDAM, SLOB MAS RIGS LNGA SPYI DANG BYE BRAG GI SDOM PA THAMS CAD GZUNG BAR BYA'O SNYAM DU BSAM LA BLA MA'I RJES ZLOS BYAS TE, SANGS RGYAS BYANG CHUB SEMS DPA' KUN, NAS, SEMS CAN MYA NGAN 'DAS LA DGOD, CES PA LAN GSUM GYIS RIGS LNGA'I SDOM PA GZUNG, SANGS RGYAS CHOS DANG DGE 'DUN LA, NAS, RTAG TU BDAG NI SKYABS SU MCHI, ,HE RU KA DPAL SOGS DPA'O, ,RNAL 'BYOR MA DANG SNANG MDZAD SOGS, ,
BYANG CHUB SEMS DPA' DPAG MED PA, THAMS CAD BDAG LA DGONGS SU GSOL, ,BDAG NI DUS 'DI NAS BZUNG STE, ,JI SRID GNYIS MED LA GNAS PAR, ,DE YIS TSANGS SPYOD GNYIS MED PA, ,NYI SHU RTZA GNYIS LEGS PAR BSRUNG, ,ZHES PA GCIG GIS RTZA LTUNG BCU BZHI DANG SBOM PO BRGYAD KYI BCAS PA DAM TSIG NYI SHU RTZA GNYIS BZUNG, DE NAS BYIN GYIS BRLAB PA'I SNGON 'GROR SBYANG BA BYA BA LA, TING LO'I MAR ME DANG CHANG BU DANG BCAS PA'I BGEGS GTOR BSHAMS LA, AA KA ROS BYIN GYIS BRLABS TE, AOm SARBA BIGHAN NA NA MA: SARBA TA TH'A GA TA BHYO: BI SHVA MU KHE BHYA: SARBA TA DA KHAm AUD GTE SBA RA nA AI MI GA GAN KHm, GR'I HNE DAm BA LIm TA LE SV'A H'A, ZHES BRJOD DE SLOB MA LA GTOR MA PHYIR LA BSKOR, ZHAL BZHI BA'I SNGAGS BZLA ZHING TING LO'I MAR ME DANG CHANG BUS KYANG PHYIR LA BSKOR, RDO RJE SLOB MA 'DI LUS KYI DKYIL 'KHOR DU 'JUG PAR BYED BA LA BAR DU GCOD PAR RTZOM PA'I BGEGS KYI TSOGS THAMS CAD MCHOD SBYIN GYI GTOR MA 'DIS TSIM PAR GYIS LA, GNOD PA DANG GDUGS PA'I SEMS ZHI ZHING, ZHIB DANG PHAN PA'I SEMS DANG LDAN BAS RANG RANG SO SO'I GNAS SU SONG ZHIG ,CES BRJOD LA ZHAL BZHI BA'I SNGAGS BZLA ZHING GU GUL GYIS BDAG YUNGS DKAR GYIS BRAB TE BGEGS SBYANG BA'O, ,SLOB MA'I SDIG SGRIB THAMS CAD SNYING KHAR BAm NAG PO'I RNAM PAR GYUR PA, SNA SGO NAS THON TE SDIG PA RVA CAN GYI RNAM PAR GYUR NAS TIL GYI PHUNG PO LA THIM PAR GYUR, MDUN GYI ME BSANG SBYANG, STONG PA'I NGANG LAS RAm LAS YE SHES KYI ME 'BAR BAR GYUR PA'I NANG DU, H'Um LAS RDO RJE H'Um GIS MTSAN PA LAS RDO RJE MKHA' 'GRO SKU MDOG NAG PO ZHAL GCIG PHYAG GNYIS KYI RDO RJE DANG DRIL BU THUGS KHA RAB SNOL NAS 'DZIN PA ZHAL RAB TU GDANGS BA'I SPYI BOR AOm, ,MGRIN PAR A'A: THUGS KHAR H'Um, H'Um LAS 'OD ZER 'PHROS
, ,BSGOM PA DANG 'DRA BA'I YE SHES PA SBYAN DRANGS, GNYIS SU MED PAR GYUR, LAG PA GA-YAS GA-YON GYIS TIL BZUNG NAS GA-YAS DANG GA-YON DU BSKOR BZHIN BAS, AOm BADZRA t'A KA KHA KHA KH'A HI KHA HI, SARBA B'A BAm DA HA NA BHA SMI KU RU SV'A H'A, ZHES BRJOD CING GA-YAS KYI TIL ME'I NANG GI KHRO BO'I ZHAL DU PHUL BA DANG, GA-YON GYI TIL RGYA MTSO CHEN PO'I CHU BOR DOR BAR BSAM LA ME DANG CHUR DOR BAR BYA STE SDIG PA SBYANG BA'O, , LAS THAMS CAD PA'I SNGAGS BZLAS TE, JI LTAR BLTAMS PA SOGS KYI TSIGS BCAD DANG SNGAGS BRJOD LA LAS BUM GYI CHUS KHRUS BYA STE DRI MA SBYANG BA'O, ,SLOB MA, SVA BHA WAS STONG PAR SBYANG, STONG PA'I NGANG LAS SNA TSOGS PADMA DANG NYI MA'I GDAN LA SKAD CIG GIS BCOM LDAN 'DAS DPAL HE RU KA SGU MDOG MTHING KA ZHAL BZHI PA'I RTZA ZHA LA NAG ,NAS, GNYIS KA'ANG YE SHES KYI ME RAB TU 'BAR BAR DBUS NA BZHUGS, ZHES PA'I BAR SGRUB THABS LTAR GYI 'JUG TU, BAR GYUR PA'I SNYING KHA CHOS KYI 'KHOR LO'I DBUS KYI DH'U T'I'I NANG GI BYANG SEMS BA MO LTA BU 'DZAG PA, ZHES PA NAS, RO'I GDAN LA GA-YAS BRKYANG GIS BZHUGS PA, PHYAG RGYA LNGAS BRGYAN PA, MI MGO SKAM PO LNGAS THOD DANG MI MGO SKAM PO LNGA BCU'I DO SHAL CAN DU GYUR, GTZO BO'I THUGS KHAR ZLA BA LA RDOR SEMS KYI NGO BO AOm HA DKAR PO, ,NAS, PHAt PHAt DUD KHA RNAMS KYIS MTSAN PAR GYUR, RANG GI SNYING KHA'I SA BON GYI 'OD ZER GYIS SANGS RGYAS DANG BYANG SEMS THAMS CAD LHA SO BDUN GYI RNAM PAR SPYAN DRANGS, AA LI KA LI LNGA BCUR GYUR TE, DE YANG LUS KYI STOD LA NAG PO, ,BAR LA DMAR PO, ,SMAD LA DKAR PO'I RNAM PAS ZHUGS NAS SNYING KHAR THIM PAR GYUR, CES BYIN GYIS BRLABS PAR BYA STE DKYIL 'KHOR DU 'JUG PA DNGOS GZHI'I DOD DANG SLOB MA LHA RNAMS DANG SKAL
PA MNYAM PAR BYED PA'O, ,DE NAS DAM LA BZHAG PA LA, SLOB MA'I LAG PA NAS BZUNG STE, DENG KHYOD DE BZHIN GSHEGS PA THAMS CAD KYI RIGS SU ZHUGS KYIS, DES NANGS KHYOD LA RDO RJE YE SHES BSKYED PAR BYA STE, YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR 'GYUR NA DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE KHYOD DAM TSIG NYAMS PAR GYUR TA RE, ZHES BRJOD DE PHAN YON GYI SGO NAS DAM LA GZHAG BA'O, ,MGO BOR RDO RJE BZUNG NAS DRIL BU BSIL ZHING, KHYOD KYIS DAM TSIG RDO RJE 'DI; ;GAL TE KHYOD KYIS 'GA' ZHIG LA, ,'DI SMRAS NA NI MGO BO 'GEMS, ,ZHES DANG, SNYING KHAR RDO RJE BZUNG NAS, HE RU KA DPAL DENG KHYOD KYI, ,SNYING LA YANG DAG ZHUGS PAR GYUR, ,GAL TE TSUL 'DI SMRAS NA NI, ,DE MA THAG DU DRAL TE GSHEGS, ,ZHES BRJOD DE DAM TSIG MA BSRUNG BA'I NYES DMIGS KYI SGO NAS DMAL GZHAG PA'O, ,THOD PA'AM DUNG CHOS SU GNAS PA'I BDUD RTZI LNGA LA, AOm A'A: H'Um GIS BYIN GYIS BRLABS TE MTHE BONG DANG MING MED KYIS BZUNG NAS SBYIN ZHING, 'DI NI BU KHYOD BDUD RTZI STE, ,MA BSRUNG BSREG PAR BYED PAS DUG ,BSRUNG NA DNGOS GRUB 'GYUR BA STE, ,BDUD RTZI LNGA YI CHUS GRUB PA'O, ,AOm BA NYTZA AA MRi TA AU DA KA thA: thA: thA: ZHES BRJOD DE DAM TSIG BSRUNG MA BSRUNGS KYI PHAN YON DANG NYES DMIGS GNYIS KA'I SGO NAS DMAL GZHAG PA'O, ,DE NAS SLOB MA'I LAG PA NAS BZUNG STE, , KHYOD KYIS SMAD PAR MI BYA ZHING, ,DAM TSIG 'GAL BAR MI BYA STE, ,DMYAL LA SOGS PAR 'GRO 'GYUR RO, ,DENG NAS BRTZAMS TE KHYOD KYI PHYAG NA RDO RJE NGA YIN GYI, NGAS 'DI GYIS SHIG CES GANG BSGO BA DE KHYOD
, ,KYIS BYA DGOS SO, ,KHYOD KYIS NGAL BRNYAS PAR YANG MI BYA STE, YANG BA MA SPANGS PAR 'CHI BA'I DUS BYAS NAS DMYAL BAR LTUNG BAR GYUR TA RE, ZHES BRJOD DE BLA MA'I BKA' NYAN PA'I SGO NAS DAM LA GZHAG BA'O, ,DE NAS YE SHES DBAB PA LA, SLOB MAS DPA' BO DANG RNAL 'BYOR MA THAMS CAD KYIS BYIN GYIS BRLOBS SHIG ,DPAL HE RU KA BDAG LA DBAB PAR MDZOD CIG ,CES GSOL BA GDAB, BLA MA BDE MCHOG GI GZUGS CAN GA-YAS BRKYANG GIS GNAS BAR GYUR, SLOB MA H'Um LAS RDO RJE H'Um GIS MTSAN PA YONGS SU GYUR PA LAS HE RU KA SKU MDOG SNGON PO ZHAL GCIG PHYAG GNYIS SNYING KHAR THAL MO SBYAR BA'I 'DI'I DBANG CHOG RJES MDZAD PA DANG SNGAGS RIM LAS THAL MO SNYING KHAR SBYAR BAR BSHAD LA 'DI'I DBANG CHOG GZHAN GYIS MDZAD PA DANG LU AI BA'I DKYIL CHOG MKHAS GRUB KYIS MDZAD BAR RDO RJE DANG DRIL BU THUGS KHAR BSNOL NAS 'DZIN PAR BSHAD DO, ,RKANG BA'I 'OG TU YAm LAS RLUNG GI DKYIL 'KHOR SNGON PO GA-YO BA'I BA DAN GNYIS KYIS MTSAN PA, RKANG MTHIL DU DZHEE: DMAR PO RE RE, LTE BAR RAm LAS ME'I DKYIL 'KHOR DMAR PO GRU GSUM PA RES MTSAN PA, SNYING KHAR LAm LAS SA'I DKYIL 'KHOR SER PO GRU BZHI PA ZUR BZHIR RDO RJE RTZE GSUM PAS MTSAN PA, SPYI BOR BAm LAS CHU'I DKYIL 'KHOR DKAR PO ZLUM BO BUM PAS MTSAN PA, SNYING GI NANG DU HE RU KA YAB YUM TSON GANG BA CIG GNAS PAR GYUR, BLA MA'I THUGS KHA NAS 'OD ZER 'PHROS PAS RLUNG LA PHOG ,DZHE: YIG GNYIS 'OG GI RLUNG GIS BSKYOD PAS RKANG MTHIL GYI BU GNAS ZHUGS BA LTE BA'I BAR DU BUS BAS DE'I ME DANG 'PHRAD NAS SNYING GA'I SA BSREGS SHING SPYI BO'I CHU BSKOL BA LAS BDUD RTZI 'DZAGS PAS TSIM ZHING, 'OG GI RLUNG GIS BAR SNANG LA BTEGS, SNYING GA'I HE RU KA YAB YUM MTSON GANG BA GLOG 'KHYUG PA LTAR GAR BYED
CING, YAB YUM GYI GSANG GNAS BSKYOD PAS 'OD ZER DMAR BOS LUS GANG BAR GYUR, BLA MA'I THUGS KHA'I H'Um GI 'OD ZER GYIS, SANGS RGYAS DANG BYANG CHUB SEMS DPA' DANG, DPA' BO DANG RNAL 'BYOR MA THAMS CAD 'KHOR LO BDE MCHOG GI LHA'I RNAM PAR SPYAN DRANGS, RANG GI LUS LA CHAR CHEN PO BAB PA BZHIN DU, BA SBU'I SGO THAMS CAD NAS ZHUGS SHING, GNYIS SU MED PAR THIM PAR GYUR, CES BRJOD CING BSAM LA GA-YON GYIS DRIL BU BKROL ZHING GA-YAS BDUG PAS BDUG PA ZHES YAB YUM GYI SNYING PO GNYIS KYI MTHAR, AOm TAm shthA MA H'A KRO DHA AA BE SHA YA H'Um SHR'I HE RU K'A YA BID MA HE BI DY'A R'ADZA YA DHI MA HE SV'AH'A, ZHES BTAGS PA'I SNGAGS BRJID BAG DANG BCAS PA BRJOD DE DBAB BO, ,BDUG PA'I RDZAS NI BUD MED KYI 'DOMS DKRIS ZLA MTSAN GYIS GOS BA GTUB PA LA, SHA LNGA DANG BDUD RTZI LNGA DANG BYA LA'I BRUN GYIS BYUG CING GU GUL DANG BSRES PA'O, ,BDUG PA'I TSUL NI THOD PHOR TU BZHAG PA'I RO SOL GYI ME LA BSRES NAS BDUG GO ,SLOB MA'I MGO BOR RDO RJE BZHAG LA, AOm TAm shthA BADZRA ZHES BRJOD DE BABS PA BRTAN PAR BYA'O, ,SLOB MAS ME TOG GI 'PHRENG BA BLA MA'I THUGS KHA'I HE RU KA LA PHUL BAR BSAM LA, PRA T'I TZTSA BADZRA HO: ZHES BRJOD DE BLA MA'I PHYAG TU DBUL, BLA MAS ME TOG GI 'PHRENG BA DE, AOm PRA TI GRI HnA STAm, AI MAm SA TVA MA H'A B'A LA, ZHES BRJOD DE SLOB MA'I MGO LA BCING, DE NI SEMS DPA' STOBS PO CHE ZHES ME TOG PHOG PA'I LHAL BOS NAS SLOB MA 'DI BYANG CHUB MA THOB KYI BAR DU RJES SU ZUNGS SHIG , CES LHA LA SLOB MA GTAD PAS LHA DES DE'I BAR DU RJES SU 'DZIN PA'I THABS ZAB MO'O, ,DE NAS, SLOB MA'I SNYING KHAR NYI MA LA �H'Um, DBRAL BAR RAm, MIG GNYIS LA AOm 'OD ZER 'BAR BA RE RE, H'Um GIS BSKUL,
, ,RIM GYIS SDIG SGRIB BSREG ,AOm GYIS 'OD GSAL BAR BYAS TE MA RIG PA'I SGRIB GA-YOGS DANG MIG DAR LHAN CIG TU BSAL BAR GYUR, HE RU KA DPAL DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA'I, ,RDO RJE'I MIG NI BLA NA MED, ,AOm BADZRA NEE TRA AA PA HA RA PA tA LAm HR'Am: ZHES BRJOD DE GDONG GA-YOGS DGROL, DE NAS SLOB DPON GYI LUS KYI DKYIL 'KHOR BSTAN PAR BYA STE, RANG BZHIN GYIS NI DAG PA'I BDAG ,LUS NI RANG BZHIN DRI MA MED, ,DPA' DANG DPA' MO DBANG MO'I GNAS, ,DKYIL 'KHOR LA NI BU KHYOD LTOS, ,DE NAS GNAS DANG NYE GNAS SOGS, ,BDAG NYID DKYIL 'KHOR LUS DKYIL 'KHOR, ,LA GNAS BYANG CHUB PHYOGS KYI CHOS, ,SUM CU RTZA BDUN RANG BZHIN TE, ,RTZA NI SUM CU RTZA BDUN NO, ,LHA YI 'KHOR LO DKYIL 'KHOR BA, ,DPAL NI HE RU KA YI NI, ,YAN LAG YAN LAG NYER BSTAN BYA, ,ZHES BRJOD LA SLOB DPON GYI LUS KYI DKYIL 'KHOR GNAS LA SOGS PA BCU'I BDAG NYID KYI RTZA DANG KHAMS RNAMS, BYANG PHYOGS SO BDUN GYI NGO BO'I LHA SO BDUN DU BSGRUB PA'I RTEN PA'I DKYIL 'KHOR DANG, LUS 'DOMS GANG GRU BZHI LA SOGS PA SGRUB THABS SU BSHAD PA LTAR RTEN GYI DKYIL 'KHOR BLO'I YUL DU BSTAN PAR BYA STE, DKYIL 'KHOR DU GZHUGS PA'I SKOR GYI CHO GA'O, ,DE NAS LUS KUN NAS 'DUD PA'I PHYAG DANG MAntAL BYAS LA, CHOS BDEN BDAG NYID BSAM MI KHYAB, ,BDAG LA DBANG NI BSKUR BAR MDZAD, ,CES LAN GSUM GYIS GSOL BA GDAB, SLOB MA DANG DBANG RDZAS KYI BUM CHU GNYIS LAS THAMS CAD PA'I CHUS BSANG, SVA BHA WAS STONG PAR SBYANG, STONG PA'I NGANG LAS PADMA DANG NYI MA'I STENG DU, H'Um LAS RDO RJE H'Um GIS MTSAN PA YONGS SU GYUR PA LAS,
MI BSKYOD PA SNGON PO ZHAL GCIG PHYAG GNYIS GA-YAS RDO RJE DANG GA-YON DRIL BU 'DZIN PAS, YUM M'A MA KI SNGON MO GRI GUG DANG THOD PA 'DZIN PA LA 'KHYUD PA'I YAB PHYAG RGYA DRUG DANG YUM PHYAG RGYA LNGAS BRGYAN CING, YAB RDO RJE'I DKYIL DKRUNG GIS BZHUGS PA'I DPRAL BAR AOm, ,MGRIN PAR A'A: THUGS KHAR H'Um, RANG GI THUGS KHA'I H'Um GI 'OD ZER GYIS BSGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, PHEm DZA: H'Um BAm HO: YE SHES PA DANG GNYIS SU MED PAR GYUR, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DBANG RDZAS KYI LHA LA DBANG BSKUR, RDO RJE SEMS DPAS DBU BRGYAN PAR GYUR, AOm AARGAm BRA TI TZTSA H'Um SV'AH'A, SOGS CHU GNYIS NYER SPYOD ROL MO DANG BCAS PAS MCHOD, YAB YUM SNYOMS PAR ZHUGS TE BDE BA CHEN PO'I NGO BOR ZHU BA LAS BYUNG BA'I BUM PA'I CHUR GYUR, RANG GI THUGS KHA'I H'Um GI 'OD ZER GYIS BCOM LDAN 'DAS 'KHOR LO SDOM PA'I DKYIL 'KHOR 'KHOR DANG BCAS PA SPYAN DRANGS, GONG LTAR MCHOD, RDO RJE CAN GYIS SANGS RGYAS LA, ,'GRO BA SKYOBS PA'I CHED DU DBANG, ,YON TAN 'BYUNG GNAS JI LTAR BSTZAL, ,DE LTAR 'DI LA BSTZAL DU GSOL, ,ZHES GSOL BA BTAB PAS SGO 'TSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GZUGS RDO RJE MA LA SOGS PAS MCHOD, GTZO BO DANG BSGRUB PA'I DKYIL 'KHOR BA RNAMS KYIS DBANG BSKUR BA'I DGONGS PA MDZAD, YUM BZHI PHAG MO DANG BCAS BAS RIN PO CHE'I BUM PA BDUD RTZIS GANG BA BZUNG NAS SPYI BO NAS DBANG BSKUR BAR GYUR, BKRA SHIS GANG ZHIG CHOS KYI DBYINGS LAS NGES 'BYUNG BA, ,HE RU KA DPAL 'JIGS BYED RGYAL PO 'BAR BA'I SKU,,
, ,SHES RAB PHAG MO'I PADMAR RDO RJES ROL MDZAD PA'I, ,BDEN PA DES KYANG BDE MCHOG LA GNAS BKRA SHIS SHOG ,ZHES BRJOD DE SLOB MA LA SHIS BRJOD BYA, DBANG BSKUR RDO RJE CHEN PO NI, , KHAMS GSUM KUN GYIS PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA SBYIN PAR BYA, ,AOm TZA KRA BI RA STVAm AA BHI shI NYTZA MI, ZHES BRJOD CING BUM CHU RDO RJE DANG BCAS PA'I KHU TSUR GYIS SBYI BOR BLUG CING 'THUNG DU YANG GZHUG GO ,DE LTAR BUM PA'I CHUS DBANG BSKUR BAS LUS BDUD RTZI'I CHU RGYUN GYIS GANG ZHING BDE BA CHEN PO'I BDAG NYID DU GYUR, DRI MA THAMS CAD DAG ,CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, BAR BSAM TE PHYI'I DBANG NGO, ,RANG GI THUGS KA'I H'Um YIG LAS 'OD ZER 'PHROS, DBANG GI LTA THAMS CAD MI BSKYOD PA YAB YUM GYI RNAM PAR SPYAN DRANGS, SLOB MA'I BA SPU'I SGO THAMS CAD NAS NANG DU ZHUGS PAS MI BSKYOD PA'I NGO BOR GYUR, GONG LTAR MCHOD LA, DBANG GI DAG PA SBYIN PA NI, KHYOD KYIS MI BSKYOD PA CHU'I DBANG THOB, ZHE SDANG GI DRI MA SBYANGS, RNAM SHES KYI PHUNG PO GNAS BSKYUR, CHOS KYI DBYINGS KYI YE SHES MNGON DU BYAS, MI BSKYOD PA DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO; ;BUM DBANG BCU GCIG GI DANG PO CHU'I DBANG NGO, ,SLOB MA DANG DBANG RDZAS COD PAN BSANG SBYANG, STONG PA'I NGANG LAS PADMA DANG NYI MA'I STENG DU, AAm LAS RIN PO CHE AAm GIS MTSAN BA LAS RIN 'BYUNG SER PO ZHAL GCIG PHYAG GNYIS GA-YAS RIN PO CHE DANG GA-YON DRIL BU 'DZIN PAS, YUM RIN CHEN SGROL MA SER MO GRI GUG DANG, NAS, BDE BA CHEN PO'I NGO BOR ZHU BA LAS BYUNG BA'I COD PAN DU GYUR, RANG GI THUGS
KHA'I H'Um GI 'OD ZER GYIS, NAS, GNAS LAS BYUNG BA SBYIN PAR BYA, BLA MAS DBU RGYAN SLOB MA'I MGO LA BSKON TE, YUM GYI NYE SNYING DANG 'KHOR LO THAMS CAD KYI DPA' BO DANG DPA' MO'I SNGAGS BRJOD DE; 'DIR 'DI'I DKYIL CHOG KHA CIG LAS, AOm KAm H'Um H'Um PHAt, NAS, AOm BHAm H'Um H'Um PHAt, KYI BAR BRJOD DE DBU RGYAN BSKON PAR BSHAD DO, ,CI LTAR BLTAMS PA, NAS, SHR'I YE H'Um, DE LTAR BUM PA'I CHUS KYANG DBANG BSKUR BAS, NAS, YONGS SU GYUR PA LAS RIN 'BYUNG GIS DBU BRGYAN PAR GYUR, RANG GI THUGS KHA'I, NAS, THAMS CAD RIN 'BYUNG YAB YUM GYI, NAS, ZHUGS PAS RIN 'BYUNG GI NGO BOR GYUR, MCHOD, DBANG GI DAG PA SBYIN PA NI, KHYED KYIS RIN 'BYUNG COD PAN GYI DBANG THOB, NGA RGYAL DANG SER SNA SBYANG, TSOR BA'I PHUNG PO GNAS BSGYUR, MNYAM PA NYID KYI YE SHES MNGON DU BYAS, RIN 'BYUNG DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO, ,BUM DBANG BCU GCIG GI GNYIS PA CON PAN GYI DBANG NGO, ,SLOB MA DANG DBANG RDZAS RDO RJE BSANG SBYANG, STONG PA'I NGANG LAS PADMA DANG NYI MA'I STENG DU, DZROm LAS PADMA DZRIm GIS MTSAN PA YONGS SU GYUR PA LAS, 'OD DPAG MED DMAR PO ZHAL GCIG PHYAG GNYIS GA-YAS PADMA DANG GA-YON DRIL BU 'DZIN PAS, YUM GOS DKAR MO DMAR MO GRI GUG DANG, NAS, BDE BA CHEN PO'I NGO BYOR ZHU BA LAS BYUNG BA'I RDO RJER GYUR, RANG GI THUGS KHA'I H'Um GI 'OD ZER GYIS, NAS, GNAS LAS BYUNG BA SBYIN PAR BYA, SLOB DPON GYIS RDO RJE LAG PA GA-YAS PAS BZUNG NAS, HE RU KA DPAL DPA' SOGS KYIS, ,DENG KHYOD BDAG POR DBANG BSKUR 'GYUR, ,'DI DE SANGS RGYAS THAMS CAD NYID, ,RAB TU GRUB PHYIR RDO RJE BZUNG, ,ZHES
, ,BRJOD CING SNYING MGRIN DBRAL BAR GTUGS TE LAG PA GA-YAS SU SBYIN, JI LTAR BLTAMAS PA, NAS, SHR'I YE H'Um, DE LTAR BUM PA'I CHUS KYANG DBANG BSKUR BAS, NAS, YONGS SU GYUR PA LAS 'OD DPAG MED KYIS DBU BRGYAN PAR GYUR, RANG GI THUGS KHA'I, NAS, THAMS CAD 'OD DPAG MED YAB YUM GYI, NAS, ZHUGS PAS 'OD DPAG MED KYI NGO BOR GYUR, MCHOD, DBANG GI DAG PA SBYIN PA NI, KHYED KYIS 'OD DPAG MED RDO RJE'I DBANG THOB, 'DOD CHAGS KYI DRI MA SBYANGS, 'DU SHES KYI PHUNG PO GNAS BSKYUR, SO SOR RTOGS PA'I YE SHES MNGON DU BYAS, 'OD DPAG MED DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO, ,BUM DBANG BCU GCIG GI GSUM PA RDO RJE'I DBANG NGO, ,SLOB MA DANG DRI LA BU BSANG SPYAD, STONG PA'I NGANG LAS PADMA DANG NYI MA'I STENG DU, KHAm LAS RAL GRI KHAm GIS MTSAN PA YONGS SU GYUR PA LAS, DON GRUB LJANG GU ZHAL GCIG PHYAG GNYIS GA-YAS RAL GRI DANG GA-YON DRIL BU 'DZIN PAS YUM DAM TSIG SGROL MA LJANG GU GRI GUG DANG, NAS, BDE BA CHEN PO'I NGO BOR ZHU BA LAS BYUNG BA'I DRIL BUR GYUR, RANG GI THUGS KHA'I H'Um GI 'OD ZER GYIS, NAS, GNAS LAS BYUNG BA SBYIN PAR BYA, DRIL BU LAG PA GA-YON DU SBYIN ZHING, 'DI NI RNAL 'BYOR MA KUN GYI, ,DRIL BU SGRA KUN RJES 'GROR BSHAD, ,KHYOD KYIS KYANG NI RTAG TU BCAD, ,BYANG CHUB MCHOG TU RGYAL BA BZHED, ,DPA' BO'I LAG TU RDO RJE DRIL, ,BZUNG NGO 'KHOR LO GSUM GYI BDAG ,RANG BZHIN MDZES PAS DGA' BA NI, ,PHYAG RGYA CHEN POR BYIN GYIS BRLABS, ,CES BRJOD, RDO RJE DRIL BU ZHES PA NI DRIL BU GCIG BUL YANG RDO RJE DRIL BU ZHES MANG DU GSUNG BA LTAR YIN LA DE LAG TU
BZUNG BAR GYIS SHIG ,DE YANG RANG NYID RANG BZHIN GYIS MDZES PA'I LHA'I SKU PHYAG RGYA CHEN POR BYIN GYIS RLOB LA GYIS SHIG ,CES PA'I DON DE SLOB MA LA GO BAR BYA'O, ,JI LTAR BLTAMS PA, NAS, SHR'I YE H'Um; DE LTAR BUM PA'I CHUS KYANG DBANG BSKUR BAS, NAS, YONGS SU GYUR PA LAS DON GRUB KYIS DBU BRGYAN PAR GYUR, RANG GI THUGS KHA'I, NAS, THAMS CAD DON GRUB YAB YUM GYI, NAS, ZHUGS PAS DON YOD GRUB PA'I NGO BOR GYUR, MCHOD, DBANG GI DAG PA SBYIN PA NI, KHYED KYIS DON GRUB DRIL BU'I DBANG THOB, ,PHRAG DOG GI DRI MA SBYANGS, 'DU BYED KYI PHUNG PO GNAS BSGYUR, BYA BA BSGRUB PA'I YE SHES MNGON DU BYAS, DON GRUB DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO, ,BUM DBANG BCU GCIG GI BZHI PA DRIL BU'I DBANG DO, ,SLOB MA BSANG SBYANG, STONG PA'I NGANG LAS PADMA DANG ZLA BA'I STENG DU, BHRUm LAS 'KHOR LO BHRUm GYIS MTSAN PA YONGS SU GYUR PA LAS, RNAM SNANG DKAR PO ZHAL GCIG PHYAG GNYIS GA-YAS 'KHOR LO DANG GA-YON DRIL BU 'DZIN PAS; YUM SPYAN MA DKAR MO GRI GUG DANG, NAS, BSGOM PA DANG 'DRA BA'I YE SHES PA SPYAN DRANGS, PHEm DZA: H'Um BAm HO: YE SHES PA DANG GNYIS SU MED PAR GYUR, RANG GI THUGS KA'I, NAS, GNAS LAS BYUNG BA SBYIN PAR BYA, LAG PA GNYIS RDO RJE DANG DRIL BU 'DZIN PA SLOB MA'I SPYI BOR BZHAG LA, AOm BADZRA SA TVA STE AA BHI shI NYTZA MI, BADZRA NAM AA BHI shE KA TA, KYEE DPAL CHE GE RDO RJE ZHES BYA BA'I DE BZHIN GSHEGS PA'O, ,ZHES MING GDAG STE SNGAR PHYI DKYIL DU DBANG BSKUR BA'I DUS KYI MING DE NYID BTAGS PAS CHOG GO ,JI LTAR BLTAMS PA, NAS, SHR'I YE H'Um, DE LTAR BUM PA'I CHUS KYANG DBANG BSKUR
, ,BAS; NAS, YONGS SU GYUR PA LAS RNAM PAR SNANG MDZAD KYIS DBU BRGYAN PAR GYUR, RANG GI THUGS GA'I, NAS, THAMS CAD RNAM SNANG YAB YUM, NAS, ZHUGS PAS RNAM PAR SNANG MDZAD KYI NGO BOR GYUR, MCHOD, DBANG GI DAG PA SBYIN PA NI, KHYED KYIS RNAM PAR SNANG MDZAD MING GI DBANG THOB, GTI MUG GI DRI MA SBYANGS, GZUGS KYI PHUNG PO GNAS BSGYUR, ME LONG LTA BU'I YE SHES MNGON DU BYAS, RNAM SNANG DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED DO, ,BUM DBANG BCU GCIG GI LNGA PA MING GI DBANG NGO, ,DE LTAR DBANG LDAN SANGS RGYAS LNGA 'GRUB PA'I BGEGS GYI DRI MA LNGA' DAG PAR BYED PA DANG, MA RIG PA DANG BRAL BA LAS RIGS PA YE SHES LNGA 'GRUB PA'I NUS PA KHYAD PAR PA 'JOG PAS RIGS PA'I DBANG TE, DBANG BSKUR LNGA THOB RGYU LAS NI, SANGS RGYAS LNGA PO 'DI RNAM DAG ,MA RIG PA DANG BRAL BA LAS, ,YE SHES LNGA NI THOB PAR BYAD, ,CES GSUNGS SO, ,GZHAN YANG DBANG LNGA PO 'DI DAG LA RIGS PA'AM RIGS MA SPYAN MA LA SOGS PA'I LHA MOS, , CHUS DBANG BSKUR BYED PA'I PHYIR RIGS PA'I DBANG DANG BUM PA'I DBANG ZHES BYA'O, ,DE NAS, BLA MA'I NANG GI HE RU KA'I THUGS KAR NYI MA LA GNAS PA'I H'Um GI MTHA' SKOR GYI, AOm SHR'I BADZRA HE HE RU RU KAm ,H'Um H'Um PHAt t'A K'I NI DZVA LA SHAm BA RAm SV'A H'A, ZHES PA'I SNGAGS 'PHRENG MAR ME GCIG LAS GNYIS CHAD KYI TSUL GYIS SNYING KHA NAS BRGYUD DE ZHAL NAS BYUNG, SLOB MA'I KHA NAS ZHUGS, SNYING KHA'I H'Um GI MTHA' MAR GA-YON SKOR DU 'KHOD PA'I 'OD ZER GYIS SDIG SGRIB THAMS CAD SBYANG BAR GYUR, 'DI NI SANGS RGYAS THAMS CAD KYI, ,SNYING PO YI NI YE SHES MCHOG ,SANGS RGYAS THAMS CAD BSDUS PA NI, ,KHYOD KYI KYANG NI RTAG
TU BCING, ,ZHES BRJOD DE SNGAGS KYI RJES ZLOS LAN GSUM BYED DU GZHUG ,SLOB MAS, BCOM LDAN BDAG LA BRTZAL LAGS KYI, ,BCOM LDAN BDAG LA BYIN GYIS RLOBS, ,ZHES BRJOD DE ME TOG GI 'PHRENG BA BLA MA LA DBUL, BLA MAS, BCOM LDAN 'DI LA BSTZAL LAGS KYI, ,BCOM LDAN 'DI LA BYIN GYIS RLOBS, ,DPAL 'KHOR LO BDE MCHOG GI BYIN BRLABS THAMS CAD 'JUG PAR GYUR CIG ,CES BRJOD LA, DES KHYED KYIS SNGAGS KYI DBANG THOB PAR BYAS PAS SNGAGS BZLAS PAS DNGOS GRUB STER BAR BYED DO, ,ZHES GO BAR BYA'O, ,BUM DBANG BCU GCIG GI DRUG BSNGAGS KYI DBANG NGO; ;SLOB MA DANG RDO RJES BSANG SBYANG, STONG PA'I NGANG LAS PADMA DANG ZLA BA'I GDAN GYI STENG DU, H'Um LAS RDO RJE H'Um GIS MTSAN PA YONGS SU GYUR PA LAS RDO RJE SEMS DPA' DKAR PO ZHAL GCIG PHYAG GNYIS GA-YAS RDO RJE DANG GA-YON DRIL BU 'DZIN PAS, YUM RDO RJE SNYEMS MA DKAR MO ZHAL GCIG PHYAG GNYIS GRI GUG DANG THOD PA 'DZIN PA LA 'KHYUD PA'I, YAB PHYAG RGYA DRUG DANG, YUM PHYAG RGYA LNGAS BRGYAN ZHING YAB RDO RJE DKYIL DKRUNG GIS BZHUGS PA'I DBRAL BAR AOm, ,MGRIN PAR A'A: THUGS KHAR H'Um, RANG GI THUGS KHA'I H'Um GI 'OD ZER GYIS BSGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, PHEm DZA: H'Um BAm HO: YE SHES PA DANG GNYIS SU MED PAR GYUR, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTABS, BUM PA'I CHUS SPYI BO NAS DBANG BSKUR, MI BSKYOD PAS DBU BRGYAN PAR GYUR, MCHOD, RDO RJE SEMS DPA' YAB YUM ZHU BA LAS BYUNG BA'I RDO RJER GYUR, 'DI DE SANGS RGYAS THAMS CAD DE, ,HE RU KA DPAL PHYAG NA GNAS,,
, ,KHYOD KYIS KYANG NI RTAG TU BCING, ,DPAL HE RU KA'I RTUL SHUGS BRTAN, ,ZHES BRJOD CING RDO RJES GNAS GSUM DU REG LA LAG PA GA-YAS SU GTANG, SLOB MAS, AOm SARBA TA TH'A GA TA SIDDHA BADZRA SA MA YA TIshthA AE shA STVAm DHA RA Y'A MI AOm, HA HA HA HA H'I: ZHES BRJOD CING RDO RJE SNYING KHAR BZUNG, SNGAGS DON NI, DE BZHIN GSHEGS PA THAMS CAD KYI GRUB PA'I RDO RJE'I DAM TSIG 'DI DAG BDAG LA BZHUGS SHIG BZUNG BAR BGYA'O, ,ZHES PA'O, ,SNYING GI NANG DU YANG RDO RJE SEMS DPA' YAB YUM 'OD ZER 'PHRO BA CIG BZHUGS PAR GYUR, DENG PHYIN CHANG RDO RJE SEMS DPA' THOB PA'I THABS SU YE SHES LNGA'I NANG GI RDO RJE DANG MA BRAL BAR CHONGS SHIG ,CES GO GO BA BYA'O, ,BUM DBANG BCU GCIG GI BDUN PA THUN MONG PA RDO RJE'I RTUL SHUGS KYI DBANG NGO, ,SLOB MA BSANG SBYANG, STONG PA'I NGANG LAS SNA TSOGS PADMA DANG NYI MA'I STENG DU H'Um LAS RDO RJE H'Um GIS MTSAN PA YONGS SU GYUR PA LAS, DPAL HE RU KA SKU MDOG MTHING KHA, NAS, GNYIS KA'ANG YE SHES KYI ME RAB TU 'BAR BA'I DBUS NA BZHUGS PA'I SPYI BOR AOm, ,MGRIN PAR A'A: THUGS KHAR H'Um, RANG GI THUGS KHA'I H'Um GYI 'OD ZER GYIS BSGOM PA DANG 'DRA BA'I YE SHES PA DANG DBANG GI LHA RNAMS SPYAN DRANGS, PHEm, DZA: H'Um BAm HO: YE SHES PA DANG GNYIS SU MED PAR GYUR, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS BUM PA'I CHUS SPYI BO NAS DBANG BSKUR, MI BSKYOD PAS DBU BRGYAN PAR GYUR, KHA tV'Am CANG TE'U THOD PA RNAMS LA YAB KYI SNYING PO LAN GSUM BZLAS TE, HE RU KA DPAL PHYAG RGYA 'DI, ,PHYI DANG NANG NA YANG DAG GNAS, ,KHA tV'Am CANG TE'U LHUNG BZED DAG ,BYIN PA DPA' BOS BZUNG BAR
GYIS; ;KHA tV'Am CANG TE'U LHUNG BZED BZANG, ,HE RU KA DPAL KHA tV'Am GA ,RNAL 'BYOR MA NI tA MA RU, ,RDO RJE KHA tR'Am RDO RJE BCAS, ,DRIL BU SIL SIL SGRA SGROGS SHING, ,TSANGS PA'I SKUD THOG RNAL 'BYOR BDAG ,KHA tV'Am GA DANG RDO RJE SNOD, ,DPA' BO CHEN POS BLANG BAR GYIS, ,ZHES BRJOD DE LAG PA GA-YAS SU tA MA RU, GA-YON DU THOD PA BDUD RTZIS GANG BA, GA-YON GYI GRU MOR KHA tV'Am GA ,SE RAL KHAR TSANGS SKUR SBYIN LA, ,KHA tV'Am GA LHA'I SKU BDE BA CHEN PO, ,tA MA RU SHES RAB STONG PA NYID, THOD PA BDE STONG DBYER MED DU SKYONG BA, TSANGS SKUD RNAM PAR MI RTOG PA'I MTSON BYED DU SHES PA'I SGO NAS DE DAG DANG MI 'BRAL BAR GYIS SHIG ,CES GO BAR BYAS LA dA MA RU DANG DRIL BU'I SGRA BYED DU GZHUG CING, SNYING GI NANG DU HE RU KA YAB YUM TSON GANG BA CIG BZHUGS PAR GYUR, CES NANG DBANG BYA'O, ,BUM DBANG BCU GCIG GI BRGYAD PA THUN MONG MA YIN PA SPYOD PA'I RTUL SHUGS KYI DBANG NGO, ,DE NAS BLA MA SH'AKYA THUB PA'I CHA LUGS SU GNAS PAS LAG PA GA-YON GYIS CHOS GOS KYI GRVA SENG GE'I RNA BA LTAR SNYING KHA'I GA-YON DU BZUNG, GA-YAS PAS MI 'JIGS PA SBYIN PA'I PHYAG RGYA BCAS LA, 'DI LTAR NGA YIS LUNG BSTAN TO, ,'KHOR LO GSUM GYI BDAG NYID KHYOD, ,RANG NYID SANGS RGYAS KUN RANG BZHIN, ,HE RU KA DPAL ZHES BYA BA'I, ,DE BZHIN GSHEGS PA NYID YIN NO, ,SHR'I HE RU KA t'A KI NI NA MA: SARBA TA TH'A GA TA SI DDHI SAM YA STVAm BHUR BHU WA SVA: KHAMS GSUM GYI NI RGYAL SRID CHE, ,DPAL LDAN YON TAN 'BYUNG BA'I GNAS, ,BDUD TSOGS KUN LAS RNAM RGYAL ZHING, ,GRONG KHYER MCHOG TU ZHUGS PA YIN, ,ZHES BRJOD DE BUM DBANG BCU GCIG GI DGU PA LUNG BSTAN PA'I DBANG NGO, ,DE NAS RDO RJE SLOB DPON GYI
, ,DBANG GI DON DU MAntAL PHUL TE, PHYIR MI LDOG PA'I DBANG BSKUR CHE, ,DPA' BO CHEN PO BDAG LA STZOL, ,'GRO BA MTSAN MA MED BYED PA, ,DE NI 'DIR MDZAD DU GSOL, ,ZHES GSOL BA LAN GSUM GDAB, BLA MAS SLOB MA BSANG SBYANG TE, STONG PA'I NGANG LAS DBANG STEGS RIN PO CHE'I KHRI SENG GES BTEGS PA'I STENG DU PADMA DANG NYI MA'I GDAN LA, H'Um LAS RDO RJE SNGON H'Um GIS MTSAN PA YONGS SU GYUR PA LAS SLOB MA RDO RJE 'CHANG SKU MDOG SNGON PO ZHAL GCIG PHYAG GNYIS PA GA-YAS RDO RJE DANG GA-YON DRIL BU 'DZIN PAS, YUM RDO RJE SNYEMS MA SNGON MO ZHAL GCIG PHYAG GNYIS KYI GA-YAS GRI GUG DANG GA-YON THOD PA 'DZIN PA LA 'KHYUD PA, YAB PHYAG RGYA DRUG DANG YUM PHYAG RGYA LNGAS BRGYAN ZHING YAB RDO RJE DKYIL DKRUNG GIS BZHUGS PA'I DBRAL BAR AOm, ,MGRIN PAR A'A: THUGS KHAR H'Um, RANG GI THUGS KHA'I H'Um GI 'OD ZER GYIS BSGOM PA DANG 'DRA BA'I YE SHES PA SPYAN DRANGS, PHEm,RDZA: H'Um BAm HO: YE SHES PA DANG GNYIS SU MED PAR GYUR, STENG DU GDUGS DKAR PO GSER GYI YU BA CAN, GA-YAS SU RGYAL MTSAN, GA-YON DU BA DAN, PHYOGS THAMS CAD DU MCHOD PA'I SPRIN DANG BCAS PAR GYUR, RDO RJE DANG DRIL BU BSANG SBYANGS TE, STONG PA'I NGANG LAS, H'Um LAS BYUNG BA'I RDO RJE RDO RJE SEMS DPA'I NGO BO DANG, A'A: LAS BYUNG BA'I DRIL BU RDO RJE BSNYEMS MA'I NGO BOR GYUR, SNGAR GYI RDO RJE'I RTUL SHUGS SBYIN PA'I TSIGS BCAD KYI RJES SU, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG PO'I KUN BDAG NYID, ,RDO RJE BSNYEMS TSUL BDAG PO'I BDAG ,BCOM LDAN 'DAS DPAL MCHOG DANG PO'I SKYES BU'O, ,AOm MA H'A BADZRA H'Um, STONG PA NYID DANG DBYER
MED PA'I BYANG CHUB KYI SEMS NI GSANG BA'I RDO RJE LAG TU 'DZIN PA'I TSE DE DRAN PAR GYIS LA ZUNG SHIG ,CES BRJOD DE LAG PA GA-YAS SU SBYIN, DE NAS SNGAR GYI DRIL BU'I TSIGS BCAD DANG, A: SRID PA NGO BO NYID KYIS DAG ,NGO BO NYID KYIS SRID BRAL BYAS, ,RANG BZHIN DAG PA'I SEMS DPA' MCHOG ,SRID PA'I MCHOG NI MDZAD PA YIN, ,BADZRA GHA n tE A'A: DRIL BU DKROL BA NA CHOS THAMS CAD NI RANG BZHIN MED PA'O ZHES SOGS KYI SGRA DRIL BUS SGROGS PAR SOMS LA DKROL ZHIG ,CES BRJOD DE LAG PA GA-YON DU GTAD LA DKROL DU GZHUG ,DE NAS, YID KYI LUS NI BRTAN PA'I PHYIR, ,PHYAG RGYA'I DAM TSIG RAB TU BRJOD, ,GANG GI LUS NI THAMS CAD BRTAN, ,DES NA PHYAG RGYAR RAB TU BSGRAGS, ,YE SHES PHYAG RGYAR BYIN RLABS NAS, ,'DOD PA THAMS CAD LONGS SPYOD DE, ,DNGOS GRUB THAMS CAD BSGRUB PAR GYIS, ,RANG GI LUS LHA'I SKU PHYAG RGYA CHEN POR BSGOM PA NI 'DA' BAR MI RUNG BA'I PHYAG RGYA'I DAM TSIG YIN LA,DE DANG YE SHES KYI PHYAG RGYA GNYIS MNYAM PAR SBYAR TE DNGOS GRUB THAMS CAD SGRUB DGOS SO, ,ZHES GO BAR BYAS LA, YAB YUM PHAN TSUN 'KHYUD PAR SEMS SU GZHUG CING RDO DRIL 'DZIN PA'I LAG PAS KYANG 'KHYUD PA'I TSUL BYED DU GZHUG ,DE LAS BYUNG BA'I BDE STONG GNYIS SU MED PA'I YE SHES NI RDO RJE SLOB DPON GYI DBANG GI DNGOS GZHIR NGO SPRAD PAR BYA STE, KYEE RDOR LAS, SHES RAB BCU DRUG LON PA LA, ,LAG PA DAG GIS YANG DAG 'KHYUD, ,RDO RJE DRIL BU MNYAM SBYOR BA, ,SLOB DPON GYI NI DBANG DU 'DOD, ,CES GSUNG PA'I PHYIR RO, ,RANG GI THUGS KHA'I H'Um GI 'OD ZER GYIS BCOM LDAN 'DAS 'KHOR LO SDOM PA'I DKYIL 'KHOR 'KHOR DANG BCAS PA SPYAN DRANGS
, ,NAS, MI BSKYOD PAS DBU BRGYAN PAR GYUR GYI BAR CHU DBANG BZHIN GYI MTHAR, DBANG GI LHA THAMS CAD KYANG SPYI BO NAS THIM PAR GYUR, AOm SU PRA TI shthA BADZRE SV'A H'A, KHAMS GSUM CHOS KYI RGYAL POR MNGA' GSOL BAR GYUR, ZHES BRJOD CING MI TOG GI CHAR DBAB, AOm ARGHAm SOGS KYIS MCHOD DE,BUM DBANG BCU GCIG GI GTZO BO PHYIR MI LDOG PA'I RDO RJE SLOB DPON GYI DBANG NGO, ,DE NAS SLOB DPON GYIS, DE NYID RIG PA'I RNAL 'BYOR BAS, ,MI BYA BA NI CUNG ZAD MED, ,DE NYID SHES NAS DE NAS NI, ,DPA' BOS 'DOD PA LNGA SBYAD DO, ,BDE STONG DBYER MI PHYED PA'I DE NYID RIG PA'I SGO NAS 'DOD PA'I YON TAN LNGA LA LONGS SPYAD PAR BYA'O, ,ZHES 'DOD YON LA SPYOD PA'I RJES GNANG DANG, BDAG NYID DPA' BO KUN GYI DNGOS, ,BDAG NYID LHA MO KUN GYI DNGOS, ,DE PHYIR BDAG GIS THAMS CAD BYA, ,BDAG NYID HE RU KA MCHOD BYA, ,RANG NYID DPA' BO DANG RNAL 'BYOR MA 'DUS PA'I NGO BO HE RU KAR BLTAS LA BDAG NYID LA MCHOD PAR BYA'O, ,ZHES LHA MCHOD PA'I RJES GNANG DANG, ,RTEN CING 'BREL BAR 'BYUNG CHOS CAN, ,SEMS CAN SGYU MA'I RANG BZHIN NO, ,KHAMS GSUM DE LAR SHES NAS NI, ,SEMS CAN DON NI MNYAM MED BYOS, ,SNOD BCUD SGYU MA LTAR SHES PAR GYIS LA SEMS CAN GYI DON GYIS SHIG ,CES SEMS CAN GYI DON BYED PA'I RJES GNANG SBYIN TE, BUM DBANG BCU GCIG PA, RJES GNANG GI DBANG NGO, ,DE LTAR NA KHYED KYIS BLA MA'I LUS KYI DKYIL 'KHOR DU BUM PA'I DBANG THOB, GTZO BOR LUS KYI DRI MA 'KHRUD, BSKYED RIM KHYAD PAR CAN NANG LUS KYI DKYIL 'KHOR ZAB MO BSGOM PA LA DBANG BAR BYAS, 'BRAS BU SPRUL SKU 'GRUB BA'I NUS PA KHYAD PAR CAN BZHAG PA
YIN NO, ,ZHES DAG PA SBYIN NO, ,DE NAS SLOB MAS GSANG DBANG GI DON DU PHYAG 'TSAL MAntAL DANG RIG MA MTSAN NYID DANG LDAN PA PHUL BAR MOS PA BYAS LA, SKYOB MED SKYOB PA SKYABS MED SKYABS, , DPAL NI 'KHOR LO BDE BA'I MCHOG ,RGYU MED DPAR NI THUGS RJE CHE, ,MGON MED BDAG GI MGON MDZAD CIG ,BDAG NYID CHE KHYOD JI LTA BAR, GRTZO BOS BDAG KYANG DE 'DRAR MDZOD, ,'KHOR PA 'DAM GYI TSOGS NANG DU, ,BYING BA BDAG LA SKYAB MDZAD CIG, ,CES LAN GSUM GSOL BA GDAB, ,BLA MAS YI GE BDUN PA BRJOD LA GDOD GA-YOGS BCING, 'BRU GSUM BRJOD CING NANG MCHOD GTOR LA BSRUNG, SLOB MA DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED SKU MDOG DMAR PO ZHAL GCIG PHYAG GNYIS KYI PADMA DANG DRIL BU 'DZIN PAR GYUR, RANG NYID HE RU KA ZHAL BZHI PHYAG BCU GNYIS BA'I RNAM PA CAN DU GSAL BAR GYUR, RIG MA BSANG SPYANGS TE, STONG PA'I NGANG LAS, BCOM LDAN 'DAS MA RDO RJE PHAG MO, ,NAS, MI MGO SKAM PO LNGA BCU'I DO SHAL CAN DU GYUR, YAB KYI GSANG GNAS MI DMIGS PA'I NGANG LAS, NAS, RTZE MOR DYA' SER POS MTSAN PA, ZHES PA'I BAR MNGON RTOGS LTAR BSKYED, BLA MA YAB YUM SNYOMS PAR ZHUGS PA'I DGA' BA'I SGRAS DPA' BO DANG DBA' MO RNAMS SPYAN DRANGS TE, DPA' BO RNAMS YAB KYI ZHAL DANG, DPA' MO RNAMS YUM GYI ZHAL DU ZHUGS, THUGS KHAR 'OD DU ZHU, SKU'I DBYIBS BRGYUD NAS DPA' BO THAMS CAD 'DUS PA'I BYANG SEMS DKAR PO DANG LHA MO THAMS CAD MNYAM BOR ZHU BA'I BYANG SEMS DMAR PO GNYIS 'DRES PA'I KUN RDZOB BYANG CHUB KYI SEMS SU GYUR, DNGOS SU BYIN
, ,GYIS BRLABS PA'I NANG MCHOD, 'DI DE DPA' BO LHA MO RNAMS, ,DAM TSIG RMAD BYUNG CHEN PO STE, ,KHAMS LNGA LDAN PA'I RO RTOGS BYED, ,BDE BA GANG DE MYANG BAR BYA, ,JI LTAR RDO RJE 'CHANG SOGS KYIS, ,SNGON CHAD SRAS NI DBANG BSKUR BA, ,DE BZHIN DU NI BYANG CHUB SEMS, ,BZANG POS BU KHYOD DBANG BSKUR RO, ,ZHES BRJOD LA SLOB MA'I LCE THOG RU GZHAG SLOB MAS KYANG SANGS RGYAS THAMS CAD 'DUS PA'I NGO BOR BSAM LA RTOG PA MED PAR MYANGS PAS BDE BA CHEN PO SKYES PAR BSAM LA, KYE MA BDE BA CHEN PO'O, ,ZHES BRJOD DO, ,DE NAS SANGS RGYAS THAMS CAD ZHU BA 'DUS BA'I NGO BOR GYUR PA'I BYANG CHUB KYI SEMS MYANGS PAS BDE BA CHEN PO SKYES PAR DANG BDE BA DES STONG PA NGES PA'I BDE STONG DBYER MED DU SBYAR BA DE GSANG DBANG GI NGO BO YIN NO, ,ZHES GO BA BSKYED PAR BYA'O, ,BLA MA YAB YUM GYI THUGS KHA NAS HE RU KA YAB YUM 'PHROS SLOB MA'I MGRIN PAR THIM PAR GYUR, CES DANG, 'BRU GSUM BRJOD CING BDUD RTZI GTOR LA GDONG GA-YOGS DBYE, DE LTAR NA DRIL BU ZHABS KYI DBANG CHOG LAS KYANG, KUN RDZOB PA YI BYANG CHUB SEMS, ,GSANG BA GANG YIN DER DBANG BSKUR, ,ZHES GSUNGS PAS, KUN RDZOB BYANG CHUB KYI SEMS KYI DKYIL 'KHOR DU GSANG BA'I DBANG THOB, GTZO BOR NGAG GI DRI MA 'KHRUD, BDAG BYIN RLABS KUN RDZOB SGYU MA'I RDZOGS RIM BSGOM PA LA DBANG, 'BRAS BU SANGS RGYAS KYI LONGS SPYOD RDZOGS PA'I SKU 'THOB PA'I SKAL BA CAN DANG LDAN PAR BYAS SO, ,ZHES DAG PA SBYIN NO, ,DE NAS SLOB MAS SHES RAB YE SHES KYI DBANG GI DON DU PHYAG DAN MAntAL PHUL, BCOM LDAN ZHI
BA CHEN PO GYEE, ,RDO RJE RNAL 'BYOR GCIG BZHED PA, ,MI PHYAD PHYAG RGYA SGRUB PA PO, ,RDO RJE RNAL 'BYOR LAS BYUNG BA, ,JU LTAR KHYOD NI BDAG NYID CHE, ,MNGA' BDAG BDAG LA'ANG DE 'DRAR MDZOD, , 'KHOR BA 'DAM GYI TSOGS NANG DU, BYING BA SKYABS MED BDAG LA SKYOB , ,ZHES GSLO BA LAN GSUM GDAB, ,BLA MAS SLOB MA'I GDONG GYOGS PA DANG BSRUNG BA SNGAR LTAR BYAS LA, SNGAR BYIN GYIS BRLAB BA'I GSANG DBANG GI RIGS MA 'AM RIGS MA GZHAN YANG RUNG STE, LHA MO 'DI NI PHYAG RGYA CHE, ,MTHA' YAS BDE BA SBYIN PA MO, ,RNAM PA KUN TU PHYAG RGYA LONG, ,BU YIS BLA MED MCHOD PA GYIS, ,ZHES BRJOD DE, SLOB MA LA GTAR, LHA MO DES, DPA' BO BYANG CHUB SEMS ZA BAR, ,BU KHYOD SPRO BA YIN NAM CI, ,RIG LNGA LAS NI RANG BYUNG BA, ,RIG MA MCHOD PA LA GUS SAM; ,DRI CHEN DRI CHU STOBS DANG KHRAG ,SOGS ZAD LTA BA YID CHES SAM, ,RJES SU MTHUN SMROS DAM TSIG BZANG, ,JI LTAR DGA' BA SMROS SHIG BU, ,ZHES DRIS PA'I LAN DU SLOB MAS , JI LTAR GSUNG BA'I DAM TSIG SOGS, ,LHA MO BDAG NI CIS MI SPRO, ,BUD MED RTAG GUS CIS MI BYED, ,PADMA MCHOD PA CIS MI BGYID, ,CES BRJOD BAS LHA MO DGYES TE SKRA GROL ZHING GOS DANG BRAL BAR BYAS, PADMA RGYAS BA'I DBUS NA GNAS BA'I RTZA BDE BA CHEN PO 'BAB PA BSTAN NAS, AE MA NGA YI PADMA 'DI, ,BDE BA KUN DANG YANG DAG GNAS, ,CI STE CHOG BZHIN BSTEN NA, ,DE YI MDUN NA RA GNAS TE, ,SANGS RGYAS BSTAN PA LA SOGS PA, ,BYA BA THAMS CAD PADMAR BYED, ,BDE CHEN RGYAL PO RANG NYID NI, ,'DI NYID DU NI YANG DAG GNAS, ,PADMA BHA NYDZA HO: ZHES GSUNG BAR GYUR,
, ,SLOB MA H'Um LAS RDO RJE H'Um GIS MTSAN PA YONGS SU GYUR PA LAS DPAL HE RU KA SKU MDOG MTHING KHA, NAS, MI RUS KYI THAL BAS LUS THAMS CAD LA BYUGS PA, ZHES DANG, RIG MA STONG PA NYID DU GYUR, STONG BA'I NGANG LAS BCOM LDAN 'DAS MA RDO RJE PHAG MO, NAS, MI MGO SKAM PO LNGA BCU'I DO SHAL CAN DU GYUR, YAB KYI GSANG GNAS MI DMIGS PA'I NGANG LAS, NAS, RTZE MONG DY'A SER POS MTSAN PA, ZHES PA'I BAR RNAMS SGRUB THABS LTAR BYAS LA, DE LTAR SLOB MA BDE MCHOD DANG RIG MA PHAG MOR GSAL BA LUS LHA'I 'DU SHES DANG, GNYIS KA'I MKHA' GSANG BYIN GYIS RLABS NAS YI GE BKOD PA NGAG SNGAGS KYI 'DU SHES DANG, THABS 'DI LA BRTEN NAS ZAG MED KYI BDE BA MNGON DU BYA'O SNYAM PA'I YID CHES KYI BDE BA MNGON DU BYA'O SNYAM PA'I YID CHES KYI 'DU SHES TE, 'DU SHES GSUM DANG LDAN PAS SNYOMS PAR ZHUGS, RANG GI THUGS KHA'I H'Um GIS 'OD ZER GYIS PHYOGS BCU'I RGYAL BA THAMS CAD BKUGS TE, SLOB MA'I LUS LA THIM PA RNAMS CHAGS PA CHEN PO'I MES ZHU BA'I BYANG CHUB KYI SEMS SPYI BO NAS MGRIN BAR SLEB BA NA DGA' BA, MGRIN PA NAS SNYING KHAR SLEB PA NA MCHOG DGA', SNYING KHA NAS LTE BAR SLEB PA NA KHYAD PAR GYI DGA' BA, LTO BA NAS NOR BU'I RTZER SLAB PA NA LHAN CIG SKYES PA'I DGA' BA NYAM PA SU MYONG PA'I BDE BA DES STONG PA NYID YUL DU BYAS PA'I BDE STONG DBYER MED DU SBYAR BA NI SHES RAB YE SHES KYI DBANG GI DNGOS GZHI YIN NO, ,ZHES BRDA' SPRAD PAR BYA STE, DBANG GI DNGOS GZHI DBANG DUS SU SBYIN DKOS PA RNAMS MOS PA YID BYED TSUN CHAD KYIS KYANG BSKYED LA DMIGS LEGS PAR PHYED PA SHIN TU GAL CHE'O, ,DE NAS SHES RAB MA DE MNYES NAS SLOB MA'I MGOR LAG PA GA-YON PA BZHAG STE
DENG NAS BZUNG STE BU KHYOD KYI, ,JI SRID BYANG CHUB SNYING PO'I BAR, ,RMI 'DRAR SEMS CAN THAMS CAD KYI, ,DON NI BDAG NYID KUN GYIS GYIS, ,ZHES RJES SU GNANG BAR BYIN PAR GYUR, DE NAS SNGAR BZHIN GDONG GYOGS BSAL LA, DE LTAR BHA GA'I DKYIL 'KHOR DU ZHES RAB YE SHES KYI DBANG THOB, GRTZO BOR YID KYI BRI MA 'KHYUD, PHYAG RGYA CHEN PO DON DAM 'OD GSAL GYI RDZOGS RIM BSGOM PA LA DBANG, 'BRAS BU SANGS RGYAS KYI TSES SKU 'THOB PA'I SKAL BA CAN DU BYAS SO, ZHES DAG PA SBYIN NO, ,DE NA SLOB MAS DBANG BZHI BA'I DON DU PHYAG DANG MAndALA PHUL TE, KHYOD ZHABS PADMO'I BKA' DRIN GYIS, ,GRTZO BO DBANG BSKUR RNAM GSUM THOB, ,DE RING RIN CHEN BZHI PA YANG, ,BKA' DRIN GYIS NI BSKYAB TU GSOL, ,ZHES GSOL BA LAN GSUM GDAB, BLA MAS, ,DBANG BZHI PA 'DI DRIL BU ZHABS KYI DBANG CHOG LAS, ,DPA'BOS KUN TU SPYOD RIM PHYE BAS, ,MAN NGAG NYID KYIS SHES BAR BYA, ,ZHES, RNAL 'BYOR PA'I GSANG BA'I DON LA KUN TU SPYOD PA'I RIM PA LNGAR PHYE BA'I NANG NAS BSAM MI KHYAB KYI RIM PA'I MAN NGANG GIS SHES PAR BYA BAR GSUNGS LA MAN NGAG YANG DE NYID LAS, PHYI DANG NANG GI DE BZHIN NYED, ,CHOS RNYAM KUN GYI NGO BO STE, ,DE NI BRTAN GYO 'GRO BDAG NYID, ,BDAG MED NYID KYI BDAG TU GNAS, ,DPA' BO BDE BA CHEN POS RTOGS, ,'DI NI DE KHO BA'I MAN NGAG GO, ,CES GSUNG PA 'DI NYID YIN PAS DE'I DON BSHAD PA'I SGO NAS BRDA'
, ,SPYAD PAR BYA STE, ,DE YANG DBANG GSUM PA'I SKABS SU LUS 'DOD LHA YAB YUM TU SNANG BZHIN PA DANG, SEMS DE KHO NA NYID LA ZHUGS PA'I BDE BA CHEN PO GNYIS YOD PA DE BZHIN DU DON GYI DBANG BZHI PA YANG PHYI NANG GI CHOS BRTAN GA-YO KUN GYI NYID BDAG MED PA'I KHO NA NYID KYI BDAG NYID DU GNAS PA LA, YUL CAN BDE BA CHEN PO CHUL LA CHU BZHIG PA BZHIN DU RO GCIG DU ZHUGS PAS GNYIS SNANG PHRA MO YANG MED PA'I THUGS LHAN CIG SKES PA'I YE SHES ME ZAD PA BSAM GYIS MI KHRAB PA MTHA' YAS PA DANG, SOGS KYI DON LUS YONGS SU DAG PA'I SGYU MA'I SKUR SONG BA DANG GNYIS PO NGO BO GCIG TU TSOGS PA'I ZUNG 'JUG, ,RDZOGS RIM GYI RIM PA LA LNGA PA BSAM MI KHYAB KYI RIM PA, DE NYID DON GYI DBANG BZHI PA YIN LA, DE NYID TSIG DBANG GIS DO SPRAD BA'I THABS KYI LAM GOMS PAR BYAS PA LAS MNGON DU 'GYUR RO, ,ZHES BSDA' SPRAD PAR BYA'O, ,DE NAS DE DAG GIS DON DAM BYANG CHUB KYI SEMS KYI DKYIL 'KHOR DU DBANG BZHI PA TSIG DBANG RIN PO THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA BZHAG ,BDEN GNYIS DBYER MED ZUNG 'JUG GI RDZOGS PA'I RIM PA BSGOM PA SOGS LA DBANG BAR BYAS, 'BRAS BU ZUNG 'JUG RDO RJE 'CHANG GI SKU MNGON DU 'GYUR BA'I SKAL PA CAN DU BYAS SO, ,ZHES DAG PA SBYIN NO, ,DES NA, 'DI NI RANG NYID MDZES MA STE, ,PHYI ROL YUL NI SPANG PA'O, RIGS 'DI POR NAS DE LAS NI, ,GZHAN PA'I THABS KYIS SANGS RGYAS MED, ,CES BRJOD CING, STONG PA NYID KYI DE KHO NA NYID KYI DON LA DMIGS PA NYID KYIS LHAN SKYES KYE BDE BA CHEN PO 'DREN PA'I NGES DON GYI RIG MA 'DI POR NAS GZHAN GYIS 'TSANG
MI RGYA BAS, RIG MA'I RTUL SHUGS DE SPYOD CIG, DE NI RTUL SHUG THAMS CAD KYI NANG NAS GONG MA'I GONG MAR GYUR BA'O, ,ZHES GO BAR BYA STE, RIG MA' RTUL SHUGS SBYIN PA'O, ,DES NAS DKYIL 'KHOR GYI NYE BSDU SGRUB THABS NAS BSHAD PA LTAR BYAS NAS SMON LAM DANG BKRA SHIS BRJOD DE LAS KYI MI MNGON PAR BYA STE 'JUG GI TSE GA'O, ,DE LTAR 'KHOR LO SDOM PA'I LUS DKYIL DU DBANG BSKUR BA'I CHO GA 'DI NI 'KHOR LO SDOM PA'I RNAL 'BYOR PA NGAG DBANG BLO BZANG CHOS LDAN DPAL BZANG POS SLOB MA STA GON SNGAG RIM KHA BSKANGS SHING GZHAN RNAMS RJE RIN PO CHE NYID KYI MDZAD PA'I LUS DKYIL GYI DBANG CHOG RIN PO CHE'I BANG MDZOD JI LTA BA BZHIN BKOD PA'O, ,'DI KYANG RGAL BA BLO BZANG GRAGS PA'I BSTAN PA PHYOGS DUS THAMS CAD DU DAR ZHING RGYAS PAR GYUR CIG ,