*, ,MGON PO'I SNYEN BSGRUB KYI YIG CHUD BZHUGS SO, , *, ,BSNYEN PA BYED TSUL NI, THUN DANG PO LA NANG PAR SNGAR LDANG BA'I RNAL 'BYOR GYIS PANG NAS, LHA BZHI DRIL BSGRUB MAN NGAG LTAR THUB NA RAG LAM RIM GSOL 'DEBS, LTUNG BSHAG ,'JIGS BYED KYI BDAG SKYED RGYAS SDUS GANG RUNG NYER BSDU DANG BCAS PA SONG RJES 'OD GSAL GYI NGANG NAS THUN MONG BA'I BSRUNG 'KHOR GYI DBUS SU RANG NYID 'JIGS BYED ZHAL PHYAG YONGS RDZOGS SAM ZHAL GCIG PHYAG GNYIS GANG RUNG DU GSAL BTAB NAS NANG MCHOD, MCHOD PA BSKAD RDZAS RNAMS BYIN GYIS RLABS SHING, MGON PO'I MNGON RTOGS BSHAGS PA'I BAR SONG RJES DBANG BSDUD NAS BSNYEN PA RDZOGS KYI BAR GZHUNG BZHIN LA, SKABS THOB KYI GTZO 'KHOR NANG LA 'BAD DGOS DMIGS GSAL 'DOD BSTUN BYA, DE RJES GTOR MA BYIN RLABS GTOR MA 'BUL GTOR RDZONGS RGYAS SDUS CI RIG GZHUNG BZHIN BYA, BSTOD PA RGYAS SDUS BZLOG PA THEL STABS DANG BSTUN LA DE RJES BLA MA MGON PO DBYER MED KYI GSOL 'DEBS GSUNGS SOGS BYA, THUN PHYI MA GSUM LA 'JIGS BYED DPA' CIG GZHUNG BZHIN LA NYER BSDU'I RJES 'OD GSAL LAS BZHED TSUL YANG SNGAR BZHIN BYED, DE RJES NANG MCHOD DANG MCHOD PA BYIN RLABS BYAS TE,
, ,MGON PO 'KHOR BCAS SNGAR YOD GSAL BTAB GNAS GSUM BYIN GYIS BRLABS, YE SHES PA BSTIM PHYAG MCHOD SOGS GONG BZHIN LA, THUN THA MA'I TSE SKAD GSOD KYUS BZHIN BYA, 'TSAMS GROL KHAR BSKAD GSO MCHOD BSTOD RGYAS PA BYAS NAS, YIG BRGYA BZOD GSOL 'DOD GSOL, YE SHES PA RTEN LA BZHUGS SU GSOL ZHING, BSNGO SMON DANG BKRA SHIS BKA' BRGYA MA SOGS BYA'O, ,GTOR BSGRUB KYI TSE MAndAL GYI STENG DU MANDI CHEN PO'I KHAR GTOR MA CHE BA THU GANG LAS MI CHUNG BA RGYAS PA LA RTZER DBANG RGYAL, DBANG LA MAR RGYAN CIG BYA, GNYIS KA LA DBYIBS ZLUM PO, ,BAR CHAD SEL BA LA ZUR GSUM DMAR NEG RTZER RDO RJE PHYED PA, 'THEB SKYU'ANG RGYAS DBANG LA KHA NANG BLTA, BAR CHAD SEL BA LA KHA PHYIR BLTA BYED, DE'I MTHAR STEGS BU'I KHANG SA YUL DANG BSTUN PAR, GTOR CHEN GYI RGYAB KYI GA-YAS PHYOGS SU, DANG POR YI DAM GYI GTOR MA, DE'I MDUN PHYOGS SU PHYOGS SKYONG GI GTOR MA, YI DAM GTOR MA'I GA-YON DU CHOS RGYAL GTOR MA, GNOD SBYIN BZHI LHA MO DANG BCAS PA'I GTOR MA SKYED CHOG GI GZHUNGS TSUL DAR MTHUN PAR DGOD, PHYOGS SKYONG BCU GTZANG RIS DPAL MGON BDUN BCU DAM CAN RGYA MTSO, MKHA' 'GRO SBYI GTOR BZHI BDAG GTOR MA RNAMS SKABS SU GANG 'OS KYI SAR 'JOG ,MDUN DU MCHOD PA BSKANGS GTOR BSHOS BU DMAR NAG, DBANG PO'I ME TOG ,BSKANGS RDZAS SPYAN GZIGS SOGS RGYAS PAR BKOD PAS MDZES PAR RNGAM ZHING BKRAG MA DANG SA DANG LDAN PAR BSHAMS, GZUNG THAG BRIS SKU DANG SBREL BA SOGS ZHAL SHES BZHIN, GTOR TCHEN GTOB BSGRUB GNYIS KAR GTOR MA CHE BA NANG MCHOD DANG MCHOD PA BYIN BRLABS BYAS PA'I 'OG TU NANG MCHOD LTAR BYIN GYIS BRLABS, DE NAS GTOR MA MGON PO RAB SKYED PA SOGS GZHUNG DANG GONG BZHIN BYA, CES PA 'DI YANG GYIN PA NGAG DBANG BLO BZANG CHOS LDAN DPAL BZANG POS SBYAR BA'O,, ,,MNGAGALAm,, ,,