*, ,DPAL RDO RJE 'JIGS BYED DPA' BO GCIG PA'I RIM GNYIS KYI RNAM BZHAG BSHAD PA GSANG CHEN BDE LAM ZHES BYA BA BZHUGS SO, ,RGYAL BA'I YAB GCIG RJE BTZUN MKHYEN PA'I GTER, ,KHROS BA'I GAR MDZAD DPAL CHEN GSHIN RJE GSHED, ,DUR SMRIG 'DZIN PA'I MCHOG GYUR TZONG KHA PA, ,DBYER MED ZHABS KYI PAD MOR GUS BTUD TE, ,LUS 'JOMS 'CHI BDAG SEMS 'JOMS RMONGS PA YI, ,PHYI NANG GSHIN RJE 'JOMS PA'I KHRO BO'I RGYAL, ,'JIGS MDZAD RDO RJE DPA' BO GCIG PA YI, ,RIM GNYIS LAM GYI RNAM BZHAG MDO TZAM DGOD, ,THUN MONG LAM SBYANG MTSAN LDAN SLOB DPON LAS, ,RNAM DAG DBANG THOB
DAM TSIG SDOM PA RNAMS, ,MIG 'BRAS LTAR SRUNG RIM GNYIS NYAMS LEN LA, ,THOS DANG BSAM PAS GO BA LEGS BTZAL TE, ,YID MTHUN GNAS SU KHRUS BYAS BRIS SKU SOGS, ,RTEN DANG MCHOD PA CI 'BYOR LEGS PAR BKRAM, ,RANG GI MDUN DU RDOR DRIL NANG MCHOD DANG, ,BDAG SKYED MCHOD PA SNGON 'GRO'I MCHOD GTOR BSHAMS, ,BDE BA'I STAN LA LHO RU PHYOGS PA 'AM PHYOGS PAR MOS TE TSUL MTHUN SBYOR LAM GYIS, ,'KHOD DE BDUD RTZI RIL BU MYANGS BYAS NAS, ,KHA DANG NGAG GI DRI MA DAG PAR BYA, ,SKYABS 'GRO SEMS BSKYED RGYUD PA'I GSOL 'DEBS RNAMS, ,RANG YID 'KHRUL NGES BYAS TE THA MAL GYI, ,SNANG ZHEN SPRONG DANG MCHOD GTOR BYIN RLOB LA, ,NUS LDAN BYA PHYIR RANG NYID SKAD CIG GIS, ,BDE STONG NGANG LAS 'JIGS BYED PHYAG GNYIS PA, ,DANGS SHING GSAL BA'I SKU RU BZHENGS PAR BSGOM, , YI GE BCU PAS BSANG TSE THUGS KHA NAS, ,KHRO TSOGS SPROS TE RDZAS LA GNAS PA YI, ,BGEGS RIGS BSKRAD PAR BSAM PA SKABS 'DI DANG, ,GZHAN LA'ANG SBYAR PHYA STONG PAR SBYANGS PA'I TSE, ,SNGAGS DON JI BZHIN CHOS KUN RANG BZHIN GYIS, ,STONG PA'I YUL DANG YUL CAN DBYER MED BSGOM, ,DE YI NGANG NAS RANG RANG SA BON LAS, ,RLUNG ME'I STENG DU MI MGO'I SKYED BU'I KHAR, ,THOD PA DKAR PO YANGS SHING RGYA CHE BA'I, ,NANG DU SHA DANG BDUD RTZI LNGA TSAN ZUNG, ,GSHEGS PA GSHEGS MA'I SA BON LAS BYUNG ZHING, ,RANG RANG MING YIG DANG BOS MTSAN PA'I STENG, ,'BRU GSUM BRTZEGS SHING THUGS KHA'I 'OD ZER GYIS, , RLUNG GA-YOS ME SBAR RDZAS RNAMS ZHU ZHIR KHOL, ,STENG GI YI GE GSUM LAS 'OD 'PHROS TE, ,RDO RJE GSUM RNAMS SPYAN DRANGS SO SOR THIM, ,THOD PAR LTUNG STE ZHU BA SA H'Um YIG GIS, ,RDZAS KYI MA DAG
, ,DRI MA'I SKYON RNAMS SBYANGS, ,A'A: YIS 'CHI MED BDUD RTZIR RTOGS PAR BYAS, ,AOm GYIS MANG POR SBAR ZHING SBEL BAR BSAM, ,SA BON GSUM PO LAN GSUM BRJOD PA YIS, , RDO RJE GSUM GYI NGO BOR BYIN GYIS BRLABS, ,BSAR SBYANGS SNGAR BZHIN BYAS TE STONG PA NYID, ,MTSON BYED A'A: YIG LAS BYUNG BA DE STONG SNOD, ,SO SOR BDE STONG SA BON LAS BYUNG BA'I, ,RANG BZHIN NGO BOS GRUB PAS STONG PA LA, ,RNAM PA MCHOD RDZAS BRGYA BYIN GZHU LTAR GSAL, ,BYED LAS MGRON GYI DBANG PO'I SPYOD YUL DU, ,ZAG MED BDE CHEN SKYED PA'I NUS PA CAN, ,RANG MING SA BON GSUM DANG SPEL BAS BRLABS, , PHYOGS SKYONG BCO LNGAR 'BUL RGYU'I GTOR MA YANG, ,NANG MCHOD BYIN GYIS BRLAB PA JI BZHIN BYA, ,THUGS KHA'I H'Um LAS 'PHROS PA'I 'OD ZER GYIS, ,DKAR PO'I PHYOGS LA DGA' BA'I PHYOGS SKYONG RNAMS, , 'KHOR BCAS BKUGS TE PHYOGS 'TSAMS SO SOR DGOD, ,RANG BZHIN STONG PA'I NGANG LAS SKAD CIG GIS, ,GSHIN RJE GSHED KYI SKU RU GYUR PAR BSAM, ,RTZA SNGAGS BRJOD DE GTOR MA BRLABS LA DBUL, ,MCHOD CING BSTOD DE SGRUB THABS BSGOM PA YI, ,BAR CHAD ZHI BA'I LAS BCOL BZOD GSOL GSHEGS, ,SGRUB THABS BSGOM PA'I 'GAL RKYEN SDIG SGRIB DANG, ,NYES LTUNG SBYANG PHYIR RDOR SEMS BSGOM BZLAS BYA, , SNGON 'GRO'I GTOR MA GTONG DANG BSGOM BZLAS NI, ,DANG PO'I LAS CAN RNAMS LA NYE BAR MKHO, ,MA SGRUB GYUR KYANG CHO GA CHAD SKYON MED, ,DNGOS GZHI 'DZAM GLING MNGAL SKYES DRUG LDAN MIS, ,SKYE GNAS MYONG 'GYUR SOGS DANG CHOS MTHUN ZHING, ,DE NYID SBYOR PHYIR MTHUN RKYEN TSOGS SOG LA, ,RANG NYID 'JIGS MDZAD RDO RJER GSAL BA YI, ,THUGS KHA'I YE SHES LNGA YI RANG BZHIN GYI, ,H'Um LAS 'OD ZER LCAGS KYU LTA BU 'PHROS,
PHYOGS BCU'I ZHING KHAMS MA LUS GSAL BAR BYAS, ,DER GNAS SANGS RGYAS BYANG SEMS KHRO BO DANG, ,LHA MO'I TSOGS KYIS KUN NAS BSKOR BA YI, ,RDO RJE 'JIGS BYED RANG LA LUGS 'DI YI, ,DBANG DANG MAN NGAG RGYUD KYI BSHAD PA RNAMS, ,RTZOL BA'I RTZA BA'I BLA MA MI BSKYOD PA'I, ,RNAM PAR RIGS BDAG TSUL DU BZHUGS PA DANG, ,BCAS PA MDUN GYI NAM MKHAR SPYAN DRANGS TE, ,RTZA BA'I BLA MA YI DAM 'JIGS BYED LA; ;BSTOD CING LUS NGAG YID GSUM GUS PAS 'DUD, ,SNYING KHA NAS SPROS RTZA RI TZA RTZI KA SOGS BZHI, ,GRANGS MED MCHOD YON THOGS PAS TSOGS ZHING RNAMS, ,MCHOD DE SLAR YANG SNYING KHA'I H'Um LA BSDU, DE BZHIN ROL MO'I BAR GYI MCHOD PAS MCHOD, ,SNGAR BSAGS SDIG PA 'GYOD PAS BSHAGS SHING BSNGAM, ,RANG GZHAN DGE BA KUN LA DGA' BA BSGOM, ,THAMS CAD RDZOGS PA'I BYANG CHUB RGYU RU BSNGO, , RGYU DANG 'BRAS BU'I SKYABS LA DBUNG GNYEN 'CHA', ,'GRO KUN SDUG BSNGAL LAS GROL GTAN BDER DGOD, ,TSOGS ZHING RNAMS LA RANG NYID BRAN DU DBUL, ,PHA ROL PHYIN BCU SKU GSUM THOB PHYIR BSTEN, SDOM BZUNG SPRO NA BYAS TE TSAD MED SGOM, ,DE NAS 'DZAM GLING MNGAL SKYES 'BYUNG BA BZHI, ,RTZA DANG THIG LE'I KHAMS DRUG LDAN PA'I MI, ,RIM GYIS 'CHI DANG MTHUN ZHING YE SHES TSOGS, ,SOG LA 'OD GSAL CHOS SKU MNGON BYAS TE, ,LONGS SPYOD RDZOGS SKUR LDANG SNYAM 'PHEN PA BTANG, ,RJES GZHIG RIM PAS SNOD BCUD 'OD GSAL DU, ,SDUD PHYIR THUGS KHA NAS SPROS 'OD ZER GYIS, , SNOD PA CUD KUN LA KHYAB PAS 'OD DU ZHU, ,RANG LA THIM NAS RANG YANG PHYOGS KUN NAS, ,'OD DU ZHU STE SNYING KHA'I H'Um LA THIM, ,H'Um GI ZHABS KYU AU NI HA LA THIM, ,HA NI MGO DANG MGO BO ZLA TSES LA, ,
, ,ZLA TSES THIG LE THIG LE N'A DA LA, ,N'A DA 'OD GSAL STONG PAR THIM PAR MOS, ,SNGAGS GNYIS DON LTAR GZUNG DANG 'DZIN PA'I CHOS, ,THAMS CAD GDOD NAS RANG BZHIN GYIS DAG PA'I, ,BDAG NYID PA'O SNYAM PA'I NGA RGYAL DANG, ,STONG PA NYID DANG BDE CHEN YE SHES GNYIS, ,CHU LA CHU BZHAG LTA BUR DBYER MED PA'I, ,BDAG NYID CHOS KYI SKU DE NGA'O ZHES, ,CHOS SKU'I NGA RGYAL DANG BCAS YUN RING BSGOM, ,'DI NI 'CHI BA CHOS SKU'I LAM KHYER TE, ,GZHI LA 'CHI BA 'OD GSAL 'CHAR BA DANG, ,CHOS MTHUN DE NYID SBYONG ZHING LAM DUS KYI, ,DBE DON 'OD GSAL GNYIS DANG CHOS MTHUN ZHING, ,DE NYID MNGON DU 'GYUR BA'I RGYUD SMIN BYED; ;'BRAS DUS 'OD GSAL CHOS SKU DANG MTHUN ZHING, ,DE NYID MYUR DU 'GRUB PA'I NUS PA 'JOG ,CHOS SKUR MNYAM PAR BZHAG PA'I NGANG NYID NAS, ,SNGON DU 'PHEN PA BTANG BA DRAN BYAS LA, ,STONG NYID BSGOM PA'I BLO YI CHA GCIG GIS, ,'BYUNG BA ZHI SRUNG 'KHOR LA SOGS GSAL GDAB BYA, ,GANG DU SKYE 'GYUR 'BYUNG BA ZHI RI GLING SOGS, ,MA DAG SNOD SBYANG DAG PA'I RTEN GZHI RNAMS, ,BSGRUB PAR BYA PHYIR RANG RANG SA BON LAS, ,'BYUNG BZHI'I DKYIL 'KHOR BSKYED CING DE YI STENG, ,BDE STONG YE SHES RANG BZHIN H'Um YIG LAS, ,SNA TSOGS RDO RJE H'Um GIS MTSAN PA BSKYED, ,DE LAS 'OD 'PHROS RDO RJES GZHI DANG; ;RU GUR BLA RE DUM BU GCIG LTA BU, ,BAR 'TSAMS MED PA'I PHYI ROL YE SHES KYI, ,ME DPUNG KHA DOG LNGA PAS BSKOR BAR BSAM, ,'DI NI RTEN GYI DKYIL 'KHOR GZHAL YAS KHANG, ,SPYI LA YOD PA'I THUN MONG BSRUNG 'KHOR RO, ,DE DBUS H'Um LAS GTZO BOS BKA' BSGOS LTAR, ,GNOD BYED BGEGS RNAMS SRUNG ZHING TSAR GCOD PA'I, ,KHRO BO BCU RNAMS GANG DU 'KHOD PA'I GNAS, ,'KHOR LO
SER PO PHYOGS 'TSAMS STENG 'OG TU, ,RTZI BAS BCU YOD PA MGYOGS PAR 'KHOR BA YI, ,PHYOGS 'TSAMS RTZIBS KYI STENG DANG STENG 'OG GI ,RTZIBS KYI NANG DANG DBUS SU GDAN GSUM GSUM, ,DBUS KYI GDAN LA H'Um LAS GNOD MDZES RGYAL, ,YUM DANG BCAS PA'I THUGS KHA'I H'Um YIG LAS, ,'PHROS PA'I 'OD KYIS KHRO BO BCU RNAMS BKUG ,ZHAL DU BCUG PA ZHU NAS PAD MAR BAB, ,THIG LE BCU PO H'Um DANG H'Um BCU LAS, ,KHRO BCU BSKYED DE RTZIBS KYI GDAN LA DGOD, ,DE LAS RDO RJE 'BAR BA PHYOGS BCUR 'PHROS, ,GNOD BYED GDUGS PA CAN RNAMS TSAR GCOD PAR, ,BSAM PA THUN MONG MIN PA'I SRUNG 'KHOR RO, ,GNOD MDZES YONGS SU GYUR LAS RDOR SEMS BSKYED, ,DE LAS CHOS 'BYUNG RANG BZHIN RNAM DAG PA, ,MTSON PA'I KHA DOG DKAR PO LHAN SKYES KYI, ,BDE CHEN MTSON PA'I BHA GA'I DBYIBS LTA BU, ,ZUR GNYIS STENG DANG ZUR GCIG 'OG TU BSTAN, ,DE YI NANG DU 'KHOR BA'I NYES SKYON GYIS, ,DAG PA MTSON PA'I MING YIG DANG PO LA, ,THIG LES BRGYAN LAS 'DAB MA SO GNYIS PA'I, ,SNA TSOGS PADMA'I LTE BAR BDE STONG GI, YE SHES LNGA DANG 'PHRIN LAS BZHI MTSON PA'I, ,SNA TSOGS RDO RJE PHYOGS MDOG CAN GYI STER, ,GZUGS PHUNG RNAM DAG MTSON PA'I H'Um YIG DANG, ,PHYAG MTSAN LAS SKYED RNAM SNANG YONGS GYUR LAS, , MNYAM PA NYID DANG BYANG CHUB PHYOGS CHOS SOGS, ,MTSON PA'I RTEN GYI DKYIL 'KHOR GZHAL YAS KHANG, ,MTSAN NYID THAMS CAD ,YONGS SU RDZOGS PA YI, ,PHYI ROL MI RTAG PA DANG BDAG MED SOGS, , MTSON PA'I DUR KHROD BRGYAD KYIS YONGS BSKOR BA'I, ,GZHAL YAS KHANG GI NANG GIS GZHI YI, ,DBUS SU MNGON SPYOD GTZO BO MTSON PA YI, ,YAM LAS ME DANG 'DRES PA'I RLUNG DKYIL TE, ,RTEN GYI DKYIL 'KHOR
, ,GDAN DANG BCAS PA BSKYED, ,'DI NI GZHI LA BSOD NAMS 'DU BYED PA'I, ,LAS KYIS GANG DU SKYE BA'I GNAS 'GRUB PA, ,DE DANG MTHUN ZHING DE NYID SBYONG BAR BYED, ,LAM LA SGYU LUS PA DANG ZUNG 'JUG PA'I, ,GZHAL YAS KHANG DANG MTHUN ZHING RGYUD SMIN BYED, ,'BRAS DUS DAG PA'I YE SHES RANG SNANG LAS, ,GRUB PA'I RTEN GYI DKYIL 'KHOR DANG MTHUN ZHING, ,DE NYID MYUR DU 'GRUB PA'I NUS PA 'JOG , DE NAS 'DZAM GLING MNGAL SKYES DRUG LDAN MI, ,'CHI BA 'OD GSAL LAS NI BAR DO'I LUS, ,'GRUB DANG MTHUN PAR RGYU YI RDO RJE 'DZIN, ,BSKYED PA'I TSUL NI RLUNG GI DKYIL 'KHOR STENG, ,RLUNG SEMS MTSON PA'I DBYINGS MIG DANG PO LAS, ,ZLA BA'I DKYIL 'KHOR CHA SHAS GANG BA'I DBUS, ,NGAG GI MTSON BYED DH'I: YIG RDOL BA LAS, ,YID KYI MTSON BYED RAL GRI DH'I: MTSAN PA, ,DE LAS BYA BA MTSON BYED 'OD ZER 'PHROS, ,BDE BAR GSHEGS RNAMS SPYAN DRANGS THIM PA LAS, ,LUS KYI BTSON BYED 'JAM DPAL GZHON NU'I SKU, ,PHYAG MTSAN RGYAN DANG BCAS PA THUGS KHA RU, ,LAM 'BRAS LONGS SKU GNYIS KYI THUGS RGYUD KYI, ,'OD GSAL MTSON BYED NYI MA'I DKYIL 'KHOR BSAM, ,'DI NI GZHI LA 'CHI BA 'OD GSAL LAS, ,BAR DO 'GRUB DANG MTHUN ZHING DE NYID SBYONG, ,LAM LA DPE DANG DON GYI 'OD GSAL LAS, ,SGYU LUS 'GRUB DANG MTHUN ZHING DE RGYUD SMIN, ,'BRA DUS SLOB PA MTHA' YI 'OD GSAL LAS, ,LONGS SKU MNGON DU BYED DANG CHOS MTHUN ZHING, ,DE NYID MYUR DU 'GRUB PA'I NUS PA 'JOG ,BAR DO LONGS CCHOS MTHUN ZHING, ,DE NYID MYUR DU 'GRUB PA'I NUS PA 'JOG ,BAR DO LONGS SKUR 'KHYER PA'I LAM 'KHYER RO, ,GZHIL BAR DO BA DE SKYE SRID DU, ,NYING 'TSAMS SBYOR DANG MTHUN PAR 'BRAS BU YI, ,RDO RJE 'DZIN PA 'JIGS BYED BSKYED TSUL NI, ,RANG NYID SHIN TU PHRA PA'I LONGS SKU LAS, ,
RAG PA'I SPRUL SKUR LDANG SNYAM 'PHEN PA BTANG, ,DKAR DMAR KHAMS KYI DBUS SU BAR SRID PA'I, ,RNAM SHES ZHUGS PA MTSON PA'I NYI DKYIL LAS, ,'PHROS PA'I 'OD KYIS PHYOGS BCUR BZHUGS PA YI, RNAM SNANG LA SOGS SANGS RGYAS RIGS LNGA DANG, ,RDO RJE RNON PO LA SOGS SEMS DPA' NI, ,SUM CU SO GNYIS RDO RJE LCAGS KYU SOGS, ,KHRO BO BRGYAD DANG SEMS MA RDO RJE SOGS, ,RIG PA BZHI YI LHA TSOGS GRANGS MED PA, ,SPYAN DRANGS 'JAM DPAL DANG BCAS NYI MAR ZHUGS, ,'OD KYIS DPAG TSAD 'BUM PHRAG BYA PAR GYUR, ,MNGAL DU THOG MAR GRUB PA'I LUS MTSON PA'I, ,ZLA NYI BRTZEGS PA'I STENG DU H'Um YIG SGOM, ,MNGAL DU PHUNG KHAMS SKYE MCHED YAN LAG RNAMS, ,RIM GYIS RDZOGS PA MTSON PA'I H'Um YIG LAS, ,'OD ZER 'PHROS TE SANGS RGYAS LA SOGS BZHI, ,SPYAN DRANGS THIM PAS H'Um LAS RDO RJE YI, ,LTE BAR H'Um GIS MTSAN PAR GYUR PA DANG, ,DE LAS RDO RJE PHRA MO'I GZUGS SPROS LA, ,SANGS RGYAS SOGS SU GYUR TE SEMS CAN RNAMS, ,'JIGS BYED THOB PAR BYAS DANG LHAN CIG TU, ,TSUR 'DUS RDO RJER THIM NAS ZLA NYI DANG, ,RDO RJES BON BCAS PA GCIG TU 'DRES, ,MNGAL NAS BTZAS PA MTSON PA'I 'DRES PA LAS, ,RDO RJE 'JIGS BYED ZHAL DGU PHYAG SO BZHI, ,BCU DRUG ZHABS DANG RGYAN SOGS YONGS RDZOGS SGOM, , 'DI NYID MNGON BYANG LNGA LAS BSKYED TSUL NI, ,RANG DKYIL STENG DU MA YIG DANG PO LAS, ,ZLA BA'I DKYIL 'KHOR BSKYED PA BLA BA DANG, ,ME LONG YE SHES LAS NI BYANG CHUB PA, ,ZLA BA'I DBUS SU DH'I: YIG BSKYED PA NAS, ,NYID KYIL DPAG TSAD 'BUM 'OD CAN GYI BAR, ,NYI MA DANG NI MNYAM NYID YE SHES LAS, ,BYANG CHUB PA'O NYI STENG H'Um YIG DANG, ,DE LAS RDO RJE H'Um GIS MTSAN PA NI, ,SA BON PHYAG MTSAN SOR RTOG YE SHES
, ,LAS, ,BYANG CHUB PA'O DE LAS 'PHROS PA YI, ,SANGS RGYAS SOGS KYIS SEMS CAN MA LUS PA, ,LHAR BYAS PA DANG LHAN CIG TSUR 'DUS NAS, ,ZLA NYI RDO RJE H'Um BCAS 'DRES PA NI, ,BYA BA SGRUB YE SHES, LAS NI BYANG CHUB PA, ,SKAD CIG GCIG LA MNGON BYANG CHUB KYANG ZER, ,'DRES LAS 'JIGS BYED SKU RU BZHENGS PA NI, ,SKU RDZOGS PA DANG CHOS DBYINGS YE SHES LAS, ,BYANG CHUB PA STE KHA SBYOR RTZA 'GREL LAS, , BSHAD PA'I MNGON BYANG LNGA DANG TSUL MTHUN PA'O, ,RGYU 'BRAS RDO RJE 'DZIN PA'I SKABS 'DI RU, ,GDUL BYA GDUL TSUL 'JAM DPAL GZHON NU'I SKABS, ,ZHI BAS 'DUL BA'I GDUL BYA'I DON MDZAD CING, ,DRAG BOS GDUL YUL CHUB 'BRING CHE GSUM LAS, ,DANG PO 'JAM DBYANGS NYI MAR ZHUGS BA YI, ,NYI MA'I 'OD ZER RAB TU 'BAR BAS GZIR, ,GNYIS PA NYI MA'I STENG DU H'Um MTHING KHA, ,'OD ZER LNGA LDAN GZI BRJID PHUN TSOGS SHING, ,H'Um GI RANG SGRA 'BRUG LTAR SGROGS PAS 'DUL, ,GSUM PA KHRO BO'I RDO RJE RTZE DGU PA, ,NGA RNAMS SHIN TU GDENGS SHING BOR CHE BA, ,RANG SGRA SGROGS PA'I H'Um GIS MTSAN PA LAS, ,RANG 'DRA'I RDO RJE 'OD ZER SNA LNGA SOGS, ,SPROS TE MGO BO 'GEM PA SOGS KYIS 'DUL, ,DE DAG RNAMS KYIS 'DUL BAR MA NUS PA'I, ,MA RUNG GDUG CAN SHIN TU CHEN PO RNAMS, ,'JIGS BYED ZHAL PHYAG RDZOGS PAS 'DUL BAR, SGOM; ;SLOB DPON MI SKYOD PA YI MAN NGAG GO ,'BRAS BU RDO RJE 'DZIN PA BSKYED TSUL 'DI, ,GZHIL BAR DO MNGAL DU SKYE BA DANG, ,PHYI RU BTZAL BA RNAMS DANG CHOS MTHUN ZHING, ,DE NYID SBYONG DANG LAM LA SGYU LUS PAS; ;GZUGS SKU RAGS BA GZUNG DANG CHOS MTHUN ZHING, ,DE YI RGYUD SMIN 'BRAS DUS LONGS SKU YIS, ,MA DAG GDUL NGOR MCHOG GI SPRUL SKU YI, ,RNAM BSTON DANG MTHUN ZHING SPRUL SKU DE, ,MYUR DU MNGON DU
'GYUR BA'I LAG RJES 'JOG ,SKYE BA SPRUL SKUR 'KHYER BA'I LAM 'KHYER TE, ,LAM 'KHYER 'DI GSUM RIM PA DANG PO YI, ,SNYING PO YIN PHYIR 'BAD PAS SGOM PA GCES, ,'BRAS BU RDO RJE 'DZIN PA GSAL 'DEBS TSUL, , SNA TSOGS PADMA ZLA NYI'I GDAN GYI STENG, ,RANG NYID 'JIGS MDZAD RDO RJE'I SKUR BZHENGS PA'I, ,CHOS DBYINGS MI 'GYUR MTSON PA'I SKU MDOG MTHING, ,MTHAR GNAS SNYOMS 'JUG MTSON PA'I ZHAL DGU PA, ,BCO BRGYAD KHAMS DANG BDEN GNYIS STOBS BCU DANG, ,MI 'JIGS BZHI RNAMS DAG PA'I PHYAG SO BZHI, ,STONG NYID BCU DRUG DAG PA'I ZHABS BCU DRUG ,BDUD SDE 'JOMS PAS GA-YAS BSKUM GA-YON BRKYANG ZHING; ;KHAMS GSUM DBANG DU BSDUD PAS RDZA NUS PA, ,DPA' BO'I GAD MO HA HA ZHES SOGS SGROG ,MA RUNG SKRAG BAR BYA PHYIR LJAGS 'DRIL ZHING, ,BDUD BZHI 'JOMS PAS MCHE BA RNAM PAR GTZIGS, , GDUG CAN 'JOMS PA'I KHRO GNYER SHIN TU BSDUS, ,SPYAN DANG SMIN MDUS MTHA'I ME LTA BUR, ,RAB TU 'BAR BAS GDUG PA CAN RNAMS SREGS, ,MA RUNG 'DUL BAS DBU SKRA GYEN DU BRJES, ,GA-YAS KYI BCU BDUN PHYAG GI SDIG 'DZUB RTZE, ,GYEN DU BSTAN TE 'JIG RTEN LAS 'DAS PA'I, ,SANGS RGYAS BYANG SEMS RNAMS LA BSDIGS TSUL GYIS, ,BSGRUB PA PO LA DNGOS GRUB RTZOL PHYIR BSKUL, , GA-YON GYI BCU BDUN PHYAG GI SDIGS 'DZUB KYI, ,RTZE MO 'OG TU BSTAN PAS 'JIG RTEN PA'I, ,GNOD BYED GDON GEGS RNAMS LA BSDIGS PA YIS, ,BSGRUB LA BAR DU GCOD RNAMS TSAR GCOD MDZAD, , SRID 'DIR GZHAN DAG 'JIGS SHING SKRAG BYED PA'I, ,LHA CHEN TSANGS PA DBANG PO KHYAB 'JUG DANG, ,DRAG PO GDONG DRUG LOG 'DREN NYI ZLA RNAMS, ,ZHABS KYI 'OG TU MNAN NAS 'JIGS PAR BYED, ,MKHA'
, ,'GRO SDUD PA'I PHEm SKAD 'THUG LTAR SGROG ,GNOD BYED GDUG PA CAN RNAMS SKRAG PA'I CHED, ,MI YI KHRAG ZHAG RKANG DANG TSIL BU ZA, ,'BRAS BU'I DUS KYI YE SHES LNGA DAG PA, ,BDUD DANG GSHIN RJE SRIN PO LA SOGS PA'I, ,'JIGS RUNG THOD SKAM LNGA YIS THOD BYAS SHING, ,DBYANGS GSAL DAG PA'I MGO RLON LNGA BCUS BRGYAN, ,ZHE SDANG RNAM DAG SPRUL GYI MCHOD PHYIR THOG ,RIGS LNGA RNAM DAG PHYAG RGYA LNGA YIS BRGYAN, ,SHIN TU KHROS PA MTSON PA'I GSUS PA CHE, ,NGO TSA KHREL YOD LDAN PAS GCER BU STE, ,DBANG PHYUG CHEN PO 'DUL DANG LHAN SKYES KYI, ,BDE CHEN MTSON PA'I MTSAN MA GYEN DU 'GRENG, , GDUG SEMS SREGS PAS SMIN MA RDZI MA DANG, ,SMA RAB SBU DUS MTHA'I ME LTAR 'BAR, ,GSHIN RJE 'JOMS PAS RTZA ZHAL MA HE'I GDONG, ,SHIN TU KHROS SHING KUN RDZOB SGYU LUS DANG, ,DON DAM 'OD GSAL MTSON PA'I RVA GNYIS LDAN, ,GZHAN DAG DBANG BSDUD LAS NI MTHAR PHYIN CING, ,'GRO KUN BRTZE BAS RGYUN DU RJES 'DZIN PA, ,MTSON PA'I RTZA ZHAL STENG DU SRIN ZHAL DMAR, ,ZHAL NAS KHRAG 'DZAG PHEm GYI SGRA YANG SGROG ,'JAM DBYANGS SPRUL PAR MTSON PHYIR DE YI STENG, ,'JAM DPAL ZHAL NI CUNG ZAD KHROS PA LA, ,GZHON NU'I RGYAN TE ME TOG PHRENG BAS BRGYAN, ,YE SHES LNGA MTSON ZUR PHUD LNGA PA CAN, ,GA-YAS KYI RVA RTZA'I ZHAL NI SNGON PO STE, ,DE YI GA-YAS ZHAL DMAR PO GA-YON ZHAL SER, ,GA-YON GYI RVA RTZA'I ZHAL NI DKAR PO STE, ,DE YI GA-YAS ZHAL DUD KHA GA-YON ZHAL NAG ,ZHAL BDUN SHIN TU KHROS SHING DGU GA-YANG, , DUS GSUM MKHYEN PA'I SPYAN NI GSUM GSUM LDAN, ,GRI GUG 'DZIN PA'I PHYAG NAS MNGA' 'DZIN PA'I, ,BAR GYI PHYAG BRGYAD MDUN DANG LCAGS KYU NAS, ,CANG TE'U 'DZIN PA'I BAR BRGYAD RGYAB PHYAG STE, ,
GLANG PAGS 'DZIN PA STENG GI DBUS NAS KYIS, ,GA-YON GYI PHYAG KYANG GYES TSUL DE DANG MTSUNGS, ,PHYAG GI MTHIL RNAMS KHRAG RLON BYUGS PA BZHIN, ,SHIN TU DMAR ZHING PHYAG SEN LCAGS KYU LTAR, ,RNO ZHING RING BA SDIGS 'DZUB PHYAG RGYA YIS, ,GLANG PAGS GRI GUG LA SOGS PHYAG MTSAN BSNAMS, ,GA-YAS GA-YON ZHABS KYI DANG PO MDUN PHYOGS NAS, ,RGYAB TU RIM PAR BSGRIGS SHING MI LA SOGS, ,SROG CHAGS RNAMS NI KHA BUB GNON PAR MDZAD, ,SKU BONG CHE ZHING YAN LAG RAG PA DANG, ,DAM ZHING BRJID LA KHRO NYAMS CHE BA YIS, ,SHIN TU 'JIGS SHING LTA BAR MI BZOD PA, ,BDUD DANG SGRIB GNYIS BSREGS BYED YE SHES KYI, ,ME DPUNG 'BAR BA'I DBUS NA BZHUGS PAR SGOM, ,RANG GI SKYE MCHED DRUG DANG SGO GSUM LA, ,THA MAL SNANG ZHEN 'GOG DANG DBANG PO YI, ,RLUNG RNAMS LAS RUNG BYED DANG MI SOGS KYI, ,DBANG PO'I MNGON SHES RDO RJE GSUM 'GRUB PHYIR, ,SA SNYING SOGS KYI RANG BZHIN Kshom LA SOGS, ,MIG GI DBANG PO SOGS DANG DBYER MED SGOM, ,RANG NYID DAM TSIGS SEMS DPA' 'JIGS BYED DU, ,GSAL BA'I THUGS KHAR YE SHES SEMS DPA' NI, , 'JAM DPAL GZHON NU'I SKU DANG DE'I THUGS KHAR, ,TING 'DZIN SEMS DPA' H'Um YIG MTHING KHA BSAM, ,'DI NI BSGRUB PA PO YI RAGS PA'I LUS, ,PHRA BA'I RLUNG DANG GNYUG MA'I SEMS GSUM DANG, ,MTHUN ZHING DE NYID SBYONG DANG LAM DUS KYI, ,RAGS PA'I GZUGS SKU PHRA BA'I SGYU LUS DANG, ,'OD GSAL YE SHES GSUM DANG CHOS MTHUN ZHING, ,DE GSUM 'GRUB PA'I RGYUD SMIN 'BRAS DUS KYI, ,SPRUL PA'I SKU DANG LONGS SBYOD RDZOGS PA'I SKU, ,'OD GSAL CHOS KYI SKU DANG CHOS MTHUN ZHING, ,MYUR DU 'GRUB PA'I LAG RJES 'JOG PA'I PHYIR, ,SEMS DPA' SUM BRTZEGS SGOM PA GNAD DU CHE, ,DE NAS RANG GI THUGS KHA'I H'Um YIG LAS, ,
, ,'OD ZER LCAGS KYU LTA BU SPRO BA DANG, ,SNGAGS DANG PHYAG RGYAS BSGOM PA DANG 'DRA BA'I, ,THOB 'GYUR GRUB ZIN 'JIGS BYED RTEN DANG BCAS, ,SPYAN DRANGS MDUN GYI NAM MKHAR BZHUGS PA LA, ,YI GE BCU PA BRJOD CING SHANGS BUG NAS, ,KHRO TSOGS SPROS STE PHYI 'BRANG BGEGS RNAMS BKRAD, ,TSOGS ZHING SKABS KYI MCHOD PA JI BZHIN MCHOD, ,SNGAGS DANG PHYAG RGYAS DGUG GZHUG BCING MNYES BYA, , 'DI NI RANG DANG THOB 'GYUR YE SHES BA, ,THA DAD SO SOR 'DZIN PA 'GOG PA DANG, ,RE GNYIS DBYER MED NGA RGYAL BRTAN PA DANG, ,BYIN GYIS BRLABS PA'I CHED YIN 'BYUNG 'GYUR GYI, ,YE SHES PA DANG DBYER MED MOS PA GTZO, ,SLAR YANG SNGAGS DANG PHYAG RGYA 'OD ZER GYIS, ,PHYOGS BCU'I SANGS RGYAS SRAS BCAS SPYAN DRANGS LA, ,MCHOD CING GSOL BA BTAB PAS DE RNAMS KYIS, ,DBANG BSKUR RGYAS BTAB DBANG LHA RANG LA BSTIM; ;'DIS NI BGEGS SDIG DRI MA SBYONG BA DANG, ,GTZUG TONG RIGS BDAG 'GRUB PA'I NUS PA 'JOG ,PHYI DANG NANG GI MCHOD PA SNGAR BZHIN DU, ,BYIN GYIS BRLABS TE SNYING KHA NAS SPROS PA'I, , LHA MO RNAMS KYIS MCHOD CING BSTOD PAR BSAM, ,DAG PA'I LONGS SPYOD 'GRUB PA'I NUS PA 'JOG ,RTEN DANG BRTEN PA'I DKYIL 'KHOR GSAL BTAB NAS, ,GSAL SNANG NGA RGYAL BSGOM PA'I RAGS PA DANG, , STENG DANG 'OG GI SNA RTZER ZLA GDAN LA, ,RDO RJE BSAM PA PHRA MO'I RNAL 'BYOR SGOM, ,DAG PA DRAN PAR BYAS LA BGRANG PHRENG NAm, ,BSANG SBYANG BYAS TE 'PHRENG RDOG RE RE NAS, ,H'Um LAS RDO RJE 'JIGS BYED NYID DU BSKYED, ,DE RNAMS ZHUB KHRAG 'DZAG MGO BOR BLTA, ,GA-YAS PAS MTHE BONG LCAGS KYUS LHA DGUG PA'I, ,BSAM PAS 'PHRENG BA DBAB LA BZLAS PA BYA, ,TING 'DZIN SEMS DPA'I MTHA' MAR NYE SNYING SOGS, ,SNGAGS GSUM GYIN
'GRENG GA-YAS SU BSKOR BA LAS, ,'OD ZER 'PHROS TE RTZA ZHAL SNA SGO NAS, ,DBUGS PHYIR 'BYUNG DANG LHAN CIG PHYIR THON TE, ,'GRO BA'I DON BYAS SLAR YANG DBUGS NANG DU, ,RDUB DANG LHAN CIG SNA YI SGO NAS ZHUGS, , SNGAGS KYI 'PHRENG BAR THIM DANG ZHAL DGU LAS, ,BYUNG BAR BSAM LA SKYON DANG BRAL BAR BZLA, ,MJUG TU GSHIN RJE GSHED KYI YIG BRGYA 'DON, ,MCHOD BSTOD BYA ZHING GTOR MGRON GSAL BTAB STE, ,'DAS DANG MA 'DAS BKA' SDOD GSHIN RJE LA, ,GTOR MA PHUL TE MCHOD BSTOD LAS BCOL BYA, ,'JIG RTEN 'DAS PA'I MGRON GYI YE SHES PA, ,GSHEGS SHIGN DAM TSIGS PA NI BDAG LA BSDU, ,MGRON GZHAN RANG GI GNAS SU GSHEGS PAR BSAM; ;MCHOG THUN DNGOS GRUB 'GRUB PA'I SMON LAM GDAB, ,RAGS 'PHRA'I RNAL 'BYOR SGOM NAS 'DI YI BAR, ,DAG PA'I MDZAD PA DANG MTHUN LAG RJES 'JOG, ,THUGS KHA'I H'Um LAS 'OD 'PHROS PHYI ROL GYI SNOD BCUD KUN LA PHOG PAS 'OD DU ZHU, ,DUNG KHROD BSRUNG 'KHOR GZHAL YAS KHANG LA BSDU, ,GZHAL YAS KHANG NI RANG LA BSDU BA DANG, ,DAM TSIG SEMS DPA' YI SHES SEMS DPA' LA, ,BSDU ZHING DE YAR TING 'DZIN SEMS DPA' LA, ,DE YI ZHABS KYU AU NAS NA' DA'I BAR, ,BSDU ZHING DE YANG MI DMIGS PAR BSAM STE, ,STONG BA'I NGANG LAS 'JIGS BYED DANG RGYAL GYIS, ,LANG STE THUN 'TSAMS RNAL 'BYOR SOGS LA 'JUG , 'DI NI RJES GZHIG RIM PAS 'OD GSAL DU, ,ZHUGS NAS LHA SKUR LDANG BA'I RGYUD SMIN BYED, ,RDO RJE 'JIGS BYED ZHAL PHYAG YONGS RDZOGS PA, ,DPA' BO GCIG PA'I BSNYEN PA BYA BA NI, ,RDO RJE 'JIGS BYED RANG GI RTZA BA'I RGYUD, , RTOG BDUN DANG NI RGYUD GZHAN KHA SBYOR RGYUD, ,GNYIS LAS BSHAD CING GRUB CHEN DPAL 'DZIN SOGS, ,RGYA BOD MKHAS GRUB MANG POS BSHAD PA LTAR, ,RDO RJE 'JIGS BYED NYID DANG DBYER MED PA'I, ,YAB RJE RGYAL BA'I
, ,DBANG BO RTZONG KHA PAS, ,RIM BA DANG BO'I GNAD KUN TSANG BA YI, ,SGRUB THABS BDUD LAS RNAM RGYAL 'DI MDZAD PAS, ,BCU GSUM MA YID KYIL 'KHOR RGYAL MCHOG SOGS, ,BSDUS PA'I 'DON CHA NYUNG BSDUS TZAM ZHIG TU, ,GO BA'I LOG RTOG NGAN PA RGYANG BSRINGS TE, ,SGRUB THABS 'DI LA 'BAD PAS 'JUG PAR RIGS,, ,,'DI YI SGO NAS RDZOGS RIM BSGOM 'DOD NA, ,THUN MONGS LAM SBYANGS RIM PA DANG PO YI, ,NYAMS LEN SNGON DU BTANG STE RDZOGS RIM GYI, ,RTOG PA SKYE BA'I 'GAL RKYEN LEGS SBYANGS TE, ,MTHUN RKYEN SGRUB PHYIR RDOR SEMS BSGOM BZLAS DANG, ,BLA MA'I RNAL 'BYOR GNYIS LA NAN TAN BYA, , LUS GNAD BCOS TE RLUNG RO DGU PHRUGS SU, ,BSAL ZHING RIG PA DNGAS SNYIGS LEGS PAR PHYE, ,RTZA GSUM 'KHOR LO BZHI LDAN GSAL BTAB STE, ,RANG SEMS 'OD KYI RNAM PAS RTZA LAM SBYANG, ,SPRUL PA'I 'KHOR LOR 'JIGS BYED SKU MDOG DKAR, ,PHYAG GNYIS GRI THOD 'DZIN PA YUM DANG BCAS, ,RGYA SRAN TZAM GYI THUGS KHAR H'Um DKAR PO, ,YUNGS 'BRU TZAM BSAM DE DANG SBYOR MTSAMS NAS, ,'OD ZER DMAR BO 'PHROS TE DUR KHROD DANG; SRUNG 'KHOR GZHAL YAS KHANG SOGS SNANG BAR BYAS, ,RIM GYIS 'DO DU ZHU NAS RANG LA THIM, ,RANG NYID ZHU NAS LTE BA'I 'JIGS BYED LA , ,DE YANG ZHU NAS H'Um LA THIM PA YI, ,H'Um YIG DE LA RANG SEMS ZHUGS PA GZHIN, ,BYAS TE RTZE GCIG MNYAM PAR BZHAG PAS RLUNG, ,DBU MA'I NANG DU ZHUGS NAS THIM GSUM 'BYUNG, ,RTAGS DANG RTAGS CAN RNAMS NI RIM GYIS 'CHAR, ,'BAR 'DZAG LAS BYUNG LUGS 'BYUNG LUGS LDOG GI , ,DGA' BA KHRUNG BZHI 'BYUNG ZHING DE YI TSE, ,BDE STONG SBYAR NAS RTZE GCIG SGOM PAR BYA, ,SAD DUS 'OD GSAL CHOS SKU'I BSRE BA'O, ,DE LAS LDANG TSE PHUNG PO RNYING PA LAS, ,GOS LOGS SU RDO RJE 'JIGS BYED NI, ,DKAR PO YUM
DANG BCAS PAR 'PHEN PAS LDANG, ,NYER THOB LA SOGS LUGS LDOG RTAG RNAMS 'CHAR, ,SAD PA'I DUS KYI LONGS SKU'I BSRE BA'O, ,'JIGS BYED YUM BCAS PHUNG BO SNYING PA DE, ,DAM TSIG SEMS DPAR GSAL BA'I SPYI BO NAS, ,ZHUGS PAR MOS SHING DE DANG DUS MNYAM DU, ,SNA BUG GNYIS NAS RLUNG RLUNG YUL SNANG 'CHAR, ,GANG SNANG STONG PA STONG PA BDE BA DANG, ,BDE BA 'JIGS BYED SKU RU 'CHAR LA BSLAB, ,SAD DUS SPRUL SKU'I BSRE BA ZHES BYA'O, ,TSUL 'DIS GNYID KYI DUS DANG 'CHI DUS KYI, ,BSRE BA RNAMS LA BSLAB TSUL SHES PAR BYA, ,RANG NYID RDO RJE 'JIGS BYED PHYAG GNYIS PAR, ,GSAL BA'I SNYING KHA'I AA WA DHU TI'I NANG, , MI SHIG THIG LE DANG NI DBYER MED PA'I, ,H'Um YIG DKAR PO YUNG 'BRU TZAM ZHIG BSAM, ,DE LA RANG SEMS ZHUGS PA BZHIN BYAS TE, ,STENG GI RLUNG RNAMS RANG GI SMIN 'TSAMS NAS, ,DHU TI'I NANG BRGYUD SNYING KHA'I H'Um LA THIM, ,'OG GI RLUNG RNAMS RANG GI GSANG GNAS NAS, ,DHU TI'I NANG BRGYUD SNYING KHA'I H'Um YIG LA, ,THIM PAR MOS PA'I BUM PA CAN GYIS RLUNG, ,DBU MAR ZHUGS GNAS THIM GSUM LA SOGS PA'I, ,RTAGS DANG RTAGS CAN 'BYUNG ZHING 'OD GSAL GYI, ,DUS SU BDE STONG SBYAR NAS SGOM PA SOGS, ,BSRE BA RNAMS LA SNGAR BZHIN BSLAB PAR BYA, ,RANG NYID 'JIGS BYED PHYAG GNYIS PAR GSAL BA'I, ,SNYING UKHA'I DHU TI'I NANG DU MI SHIG PA'I, ,THIG LE DANG NI NGO BO DBYER MED PA'I, ,H'Um YIG DKAR PO YUNGS 'BRU TZAM ZHIG LA, ,RANG SEMS ZHUGS BZHIN BYAS TE DBU MA NAS, ,STENG RLUNG NANG DU 'JUG PA AOm GYI GDANGS, ,GNAS PA A YI GDANGS SU PHYIR LDANG BA, ,H'Um GI GDANGS SU SHAR BAR MOS PA YI, ,RDO RJE'I BZLAS PA BYAS PAS RLUNG DBU MAR, ,ZHUGS GNAS THIM GSUM 'BYUNG ZHING 'OD GSAL DUS, ,BDE STONG SBYAR NAS SGOM SOGS SNGAR
, ,BZHIN BSLAB, ,'DI NI SNGAGS KYI RNAL 'BYOR DNGOS GZHI'O, ,DE LTAR RDO RJE'I BZLAS PA LA BRTEN NAS, ,SNYING KHA'I RTZA MDUD LHOD PAR SONG BA NA, ,PADMA CAN SOGS MTSAN LDAN LAS RGYA'AM, YE SHES PHYAG RGYAR SNYOMS PAR 'JUG BZHIN PA'I, ,NGANG NAS SNYING KHA'I RJES GZHIG SDUD RIM DANG, ,BUM PA CAN DANG RDO RJE'I BZLAS PA GSUM, ,GANG YANG RUNG BA BYAS PAS RLUNG THAMS CAD, ,SNYING KHA'I DBU MAR ZHUGS GNAS THIM GSUM DANG, ,THIM PA'I RTAGS DANG RTAGS CAN RIM BZHIN 'CHAR, ,'OD GSAL LHAN SKYES DUS SU BDE STONG SBYAR, ,DE NI SEMS DBEN MTHAR THUG DPE'I 'OD GSAL, ,SGYU LUS 'GRUB BYED DAM TSIG RNAL 'BYOR RO, ,'OD GSAL DE LAS CHU LAS CHU BUR BZHIN, ,RLUNG SEMS TZAM LAS MTSAN DPE'I DPAL 'BAR ZHING, ,SGYU MA LA SOGS BCU GNYIS DPES MTSON PA'I, ,RIM PA GSUM PA'I SGYU MA'I SKU RU BZHENGS, ,SLAR YANG PHUNG PO RNYING PA LA ZHUGS NAS, ,RAGS PA'I SPRUL SKU BZUNG STE CHOS STON ZHING, ,PHYAG RGYAR SNYOMS 'JUG RIL 'DZIN RJES GZHIG GI ,BDUD RIM GANG RUNG SGOM PA'I DGE SBYOR SKYONG, ,'DI NI NYON MONGS SGRIBS PAS MA DAG PA'I, ,SGYU MA'I SKU DANG DBYIBS KYI RNAL 'BYOR RO, ,SGYU LUS PA DES DAG PA'I SGYU MA'I SKU, ,MNGON DU 'GYUR PA'I MTSAN MA MTHONG BA NA, ,PHYAG RGYA MCHOG DANG SNYOMS PAR 'JUG BZHIN PAS, ,RIL 'DZIN RJES GZHIG GANG RUNG SGOM PAS RLUNG, ,DBU MAR ZHUGS GNAS THIM GSUM RIM KYIS 'BYUNG, ,THIM PA'I RTAGS DANG RTAGS CAN RIM PAR 'CHAR, , THO RANG GA-YA' DAG LTA BU'I PHYI YI RTAGS, ,SHAR TSE STONG PA BZHI PA 'OD GSAL 'CHAR, ,BDE STONG SBYAR NAS RTZE GCIG SGOM PAR BYED, ,DE YIS STONG NYID MNGON SUM GSAR DU RTOGS, ,MA DAG PA YI SGYU MA'I
LUS DE SBYONG, ,NYON SGRIB DNGOS GNYEN DON GYI 'OD GSAL DANG, ,RNAM PAR DAG PA'I YE SHES RNAL 'BYOR RO, ,'OD GSAL DE LAS CHU LAS NYA LTA BUR, ,LANG TSE DAG PA'I SGYU MA'I SKU RU BZHENG, ,DE DANG MNYAM DU LUGS LDOG NYER THOB GRUB, ,RIM PA BZHI PA'I DON GYI 'OD GSAL 'GAGS, ,RAB NYID RGYUD LA LDAN PA'I GANG ZAG DE, ,NYON MONGS SPANGS PA'I DAG PA THOB PA YIS, ,ZUNG 'JUG PA LAS THOB CING ZUNG 'JUG PA, , DE NI RLUNG GI SDUD RIM MI BYED PAR, ,STONG NYID RTZE GCIG SGOM PAS RLUNG DBU MAR, ,ZHUGS GNAS THIM GSUM SMIG RGYU LTA BU NAS, 'DOD GSAL BAR GYI RTAGS DANG RTAGS CAN 'CHAR, ,'OD GSAL DUS SU BDE STONG SBYAR NAS SGOM, ,DE TSE NYON MONGS DRI MAS DAG PA YI, ,SGYU MA'I SKU DANG DON GYI 'OD GSAL GNYIS, ,MNYAM DU 'TSOGS PAS ZUNG 'JUG GTZO BO THOB, ,DES NI PHUNG PO RNYING PA LA SOGS PA'I, ,RAGS PA'I LUS RTEN GANG YANG RUNG BA LA, ,BRTEN NAS BZA' BTUNG SOGS LA LONGS SPYOD CING, ,GDUL BYAR CHOS STON RI DGAS BSHOR BA DANG, ,LAS RGYA DANG NI SNYOM PAR 'JUG BZHIN PAS; ;STONG NYID SGOM SOGS DGE SBYOR BSKYANGS PA YIS, ,'BRAS BU MNGON DU BYED PA'I MTSAN MA MTHONG, ,DE TSE THO RANGS NAM MKHA' GA-YA' DAG DUS, ,PHYI RKYEN PHYAG RGYA DANG NI SNYOM 'JUG CING, ,NANG RKYEN STONG NYID RTZE GCIG SGOM PA YIS, ,RLUNG RNAMS DBU MAR ZHUGS GNAS ZIM GSUM DANG, ,SMIG RGYU NAS BZUNG 'OD GSAL BAR RNAMS 'CHAR, ,'OD GSAL DE YI SKAD CIG DANG PO YIS, ,SHES BYA'I SGRIB PA'I DNGOS KYI GNYEN PO BYED, ,SKAD CIG GNYIS PA'I TSE NA STONG NYID LA, ,MNYAM PAR BZHAG PA'I NGANG NAS CHOS THAMS CAD, ,MNGON GSUM GZIGS PA'I YE SHES CHOS SKU DANG, ,MI SLOB ZUNG 'JUG YAN LAG BDUN LDAN GYI,,
, ,LONGS SKU THOB CING SHES BYA'I SGRIB PA SPAR, ,SPRUL SKU BYE BA THER 'BUM GCIG CHAR DU, ,STON PA'I SKU GSUM NGO BOR 'TSANG RGYA'O, ,'DI NI RDZOGS RIM RIM LNGA'I GNAD DON KUN, ,BSDUS PA'I RNAL 'BYOR BZHI YI RIM PA LA, ,BRTEN NAS 'BRAS BU MNGON DU BYED TSUL LO, ,LHAG PA'I LHA MCHOG RDO RJE 'JIGS BYED KYI, ,RDZOGS RIM SGOM TSUL RTOGS BDUD RTZA 'GREL DANG, ,SHAN TI PA DANG DON YOD RDO RJE SOGS, , RGYA GAR PAn GRUB DU MAS MDZAD PA DANG, ,BLA MA RVA LO'I RVA RTZE SEMS 'DZIN SOGS, ,THOR BUR BSHAD PA MANG DU BYUNG NA YANG, ,GRUB PA'I DBANG PHYUG CHEN PO DPAL 'DZIN GYIS, ,MDZAD PA'I RNAL 'BYOR BZHI RIM ZHES PA 'DI, ,SGRAS ZIN LA NI GSHIN RJE GSHED DMAR PO'I, ,RDZOGS RIM 'CHAD PA'I GZHUNG DU GSAL MOD KYANG, ,'DI NYID GRUB THOB CHEN PO LA LI TA'I, ,MAN NGAG LA BRTEN 'JAM DPAL GSHIN RJE GSHED, , DMAR PO'I RGYUD DANG RDO RJE 'JIGS BYED KYI, ,RTZA RGYUD RGYAS PA 'BUM PA ZHES GRAGS PA'I, ,RDZOGS PA'I RIM PA'I GNAD RNAMS MA LUS PA, ,BSDUS NAS STON PAS DMAR NAG 'JIGS GSUM GYI, ,RDZOGS PA'I RIM PA THAMS CAD THUN MONGS DU, ,STON PA'I GZHUNG DU SBYAR BAR BYA'O ZHES, ,BLA MA DAM PA'I ZHAL GDAMS YIN PAS NA, ,DE BZHIN BSHAD PAR BYA ZHES MKHAS GRUB RJE'I, ,SRAS KYI THU BO BLO GROS CHOS SKYONG GIS, , GSUNGS PAS TSUL 'DIR 'BAD PAS 'JUG PAR RIGS, ,DE LTAR DPAL CHEN RDO RJE 'JIGS BYED KYI, ,RIM GNYIS LAM GYI LUS KUN YONGS RDZOGS PA, ,GSAL BAR BYAS SHING YAN LAG 'GA' ZHIG NI, ,GO SLAR BSAM NAS MDOR BSDUS TSUL DU BRJOD, ,SNYAN BRGYUD GDAMS PA RNAMS NI TSAD LDAN GYI, ,BRGYUD PA'I MAN NGAG LDAN PA'I ZHAL LAS BLANGS ,YAN LAG BSHAD PA RGYAS PAR SKYED RDZOGS KYI, ,YIG CHA MANG POR BLTAS TE
GO BAR BYA, ,TSUL 'DIR 'BAD LAS DGE BA GANG BSAGS PA, ,'GRO KUN 'JIGS MDZAD RDO RJE'I RIM GNYIS KYI, ,LAM LA BRTEN NAS SKU GSUM GO 'PHANG MCHOG ,BDE BLAG NYID DU 'THOB PA'I RGYU RU BSNGO,, ,,CES DPAL RDO RJE 'JIGS BYED CHEN PO'I LAM RIM PA GNYIS KYI RNAM BZHAG BSHAD PA GSANG CHEN BDE LAM ZHES BYA BA 'DI NI RIG GNAS MDO SNGAGS MTHA' DAG LA NANG BYAN TSUD PA'I MKHAS GRUB CHEN PO YONGS KYI DGE BA'I BSHES GNYEN DZA YA PAntI TAS 'DI LTA BU ZHIG GYIS ZHES BKA' NAN CHEN POS BSKUL ZHING, GSO RIG DANG NANG RIG GNYIS KA LA LEGS PAR SBYANGS PA'I RAB 'BYAMS SMRA BA AER DHE NI NO MIN HAN NGAG DBANG BSTAN 'DZIN GYIS KYANG BSKUL BA LTAR SNYOMS LAS PA'ANG ? NGAG DBANG BLO BZANG CHOS LDAN GYIS, MKHAS GRUB THAMS CAD MKHYEN PA DANG, ,RJE BLO GROS CHOS SKYONG YAB SRAS GNYIS KYIS SNGA RTING DU MDZAD PA'I 'JIGS BYED KYI SKYED RDZOGS CHEN MO DANG, PAn CHEN CHOS KYI RGYAL PO'I LEGS BSHAD SOGS LA GZHI BYAS TE, MTSO BDUN GYI LHA KHANG CHEN MOR SBYAR BA'I YI GE BA NI GSUNG RAB KYI DON LA RNAM DPYOD YANGS BA'I BKA' PA CU NGAG DBANG CHOS LDAN GYIS BGYIS PA'O, , 'DIS KYANG RGYAL BA BLO BZANG GRAGS PA'I BSTAN PA RIN PO CHE PHYOGS DUS THAMS CAD DU DAR ZHING RGYAS LA YUN RING DU GNAS PAR GYUR CIG, ,,