A Presentation of the Channels, Winds, and Drops

*, ,RTZA RLUNG THIG LE'I RNAM BZHAG BZHUGS SO, ,*, ,NA MO GU RU, DE LA GSANG CHEN BLA NA MED PA'I LAM GYIS MCHOG SGRUB PAR 'DOD PA DAG GIS, JI SKAD DU RDO RJE 'PHRENG BA LAS, RTZA YI RIM MED NGES PAR NI, ,PHUNG PO LA SOGS MI 'BYUNG ZHING, PHUNG PO MED NA YE SHES CHE, RNAL 'BYOR PA YIS 'THOB MI 'GYUR, ZHES DANG, DE PHYIR 'BAD PA THAMS CAD KYIS, ,RTZA YI 'KHOR LO SHES PAR BYA, ZHES GSUNGS PA LAR RTZA'I RNAM BZHAG SHES DGOS LA, DE YANG RTZA'I GRANGS NI DE NYID LAS, LA LA NA DANG RAS NA, AA WA DHU TI ZHES BYA'I MING, DE RNAMS SBYO BA'I SBYOR BA YIS, ,RIM GYIS THUN NI BRGYAD DU 'GYUR, ,GSUM PO NYI SHU RTZA BZHING 'GRO, ,THIM DANG LONGS SPYOD RDZOGS PA'I PHYIR, ,RIM GYIS GRANGS NI BDUN CU GNYIS, ,SLAR YANG DES SPRO SBYOR BA YIS, ,RE RENG STONG STONG PHYE BA YI, ,RTAG TU GRANGS NYID 'GYUR BA NI, ,STONG PHRAG BDUN CU RTZA GNYIS SO, ,RDO RJE SNYING 'GREL

, ,LAS, ,BA SPU'I BU GA'I GRANGS SNYED KYI, ,RTZA NI BYE BA PHYED DAD BZHI, ,DE DAG LAS GCO BO GANG DANG GANG YIN PA NI, SDOM 'BYUNG LAS, BDUN CU GNYIS KYI STONG PHRAG RNAMS, ,LUS KYI RDZE 'GRO RTZA RU 'GRO, ,RTZA DANG NYE BA'I RTZA RNAMS TE, ,DE RNAMS GNAS NA BRTEN PA'O, ,NYI SHUS LHAG PA'I BRGYA YIS NI, ,RTZA YI GTZO BO BRJOD PAR BYA, , RTZA YI GNAS DANG YUL RNAMS NI, ,NYI SHU RTZA BZHI GRANGS YIN TE, ,DE RNAMS DBUS NA RTZA GSUM NI, ,RTEN DANG KUN TU 'GRO BA'O, ,KHA SBYOR LAS, 'KHOR LO BZHI YI RAB DBYE BAS, BRGYA PHRAG GCIG DANG NYI SHU LHAG ,BYANG CHUB SEMS KYI RANG BZHIN RTZA, ,SUM CU RTZA GNYIS DAM PA YIN, ,SNGOM 'BYUNG LAS, LA LA NA LA SOGS PA'I RTZA, ,RTZA RNAMS KUN GYI GTZO BO STE, ,DE NYID PHYIR NA GZHAN GYI RTEN, ,GA GA SIN DUR GNAD 'JUG BZHIN, ,MNGAL DU RTZA 'CHAGS PA'I RIM PA NI, ,MAN SNYED LAS, MNGAL GYI GNAS SKABS SU DANG POR SNYING GI RTZA LNGA RNAMS SKYE'O, ,DE'I RJES SU SKYES BA GSUM RNAMS SO ZHES PA BRGYAD RNAMS SO, ,ZHES DANG, 'DI LTAR AA WA DHU TI DANG LHAN CIG RTZA LNGA RNAMS DANG PO STE DE'I RJES SU GSUM DANG DE NAS NYI SHU RTZA BZHI ZHES PA'O, ,SNGAGS RIM LAS, NGES NA SNYING KAR GTZO MO GSUM DANG BCAS PA'I LNGA GRUB PA'I RJES SU KHYIM MA LA SOGS PA 'CHAGS PAR BYA DGOS SO, ,RTZA'I GTZO BO GSUM JI LTAR YOD PA NI, ,SDOM 'BYUNG LAS, RKYANG MA RO MA LOG GNYIS SU, ,AA LI KA LI'I RANG BZHIN CAN, ,'BRAS BU RGYU YI RANG BZHIN

GYIS; ;DGA' BA BZHI YI GZUGS BRNYAN LA, ,LHAN SKYES DGA' BA'I RANG BZHIN DANG, ,GNYIS MED MCHOG GI DBANG PHYUG MA, ,KUN RDZOB KUN DHA LTA BU STE, ,SGRIB MED BDE BA'I GZUGS CAN MA, ,DE GSUM NAS KHAMS BZHI LTAR BAB BA NI, ,KHA SBYOR LAS, RTZA GNYIS SKYE GNAS DBUS SU NI, ,GA-YON DANG GA-YAS SU DE BZHIN DU, , GA-YON DU KHU BA RNAM SHES BYA, ,GA-YAS PA NAS NI KHRAG NYID DE, ,DE YI PHAN TSUN BSDU BA YANG, ,CHOS KYI DBYINGS NYID SDUD PA YIN, ,SNYING STOBS SKU DANG RDUL NGAG BCAS, , MUN PA SEMS KYI RANG BZHIN LAS, ,SNYING STOBS KHU BA RIN CHEN RDUL, ,MUN PA SKYED PA BYED PA NYID, ,MAN SNYE LAS, JI LTAR LA LA N'A KHRAG CUNG ZAD 'DRES SHING SHAS CHER LUS DANG SNYING STOBS ZHES BYA BA DANG ZLA BA 'BAB BA'I PHYIR LUS KYI DANG SNYING STOBS KYI DANG ZLA BA'I DANG ? LAS KYI RTZA ZHES THA SNYAD BYA STE LAM DU YANG DO, ,RA SA N'A NI CUNG ZAD KHU BA DANG SHAS CHER NGAG CES BYA BA DANG RDUL DANG NYI MA 'BAB PA'I PHYIR NGAG GI DANG RDUL GYI DANG NYI MA'I DANG SHES RAB KYI RTZA ZHES PAR TE PHAL CHER RO, ,AA WA DHU TI NAS SHAS CHER KHU KHRAG DANG SEMS PA DANG MUN PA DANG SGRAG CAN 'BAB PA'I PHYIR SEMS KYI DANG MUN PA'I DANG SGRAG CAN GYI DANG MA NING GI RTZA ZHES PAR RO, ,SNGAGS RIM LAS, LTE BA'I 'OG TU NA RKYANG MA BSHAD PA DANG RO MA GCI BA DANG DBU MA KHU BA 'BAB PAR MAN SNYED LAS GSUNGS SO, ,DE YANG GA-YAS SU KHU BA GA-YON DU DRI CHU DBUS SU DRI CHEN 'BAB PA'O, ,RO RKYANG GNYIS NAS KHU KHRAG 'PHEN 'DZAN GYI BYA BA JI LTAR

, ,BYED PA NI, ,KHA SBYOR LAS, MGRIN PA NAS BRTZAM GA-YON PA'I RTZAR, ,LONGS SBYOD RDZOGS PA'I SKU CAN MA, ,LTE BA'I NANG DU NGAL PA SOS SHING, ,KHA NI 'OG TU MYOS BYED 'BAB, ,GANG ZHIG LTE BA LAS STENG RTZA, ,DE BZHIN KHA NI STENG DU 'BAB, ,MGRIN PA'I NANG DU NGAL BSOS SHING, ,KHRAG 'BAB PAR NI RAB TU GRAGS, ,MYOS BYED ZLA BA ZHES BYAR BSHAD, ,KHRAG NI NYI MA ZHES SU GSUNGS, ,SDOM 'BYUNG 'GREL BA LAS, ,'OG GI KHA ZHES PA GAL TE, ,YANG 'DI'I BU GA GNYIS KA YANG, ,KHA YIN PA DE LTA NA'ANG BLANG BA DANG 'DOR BAR BYED PA NYID KYIS 'OG GI LTE BA'I RTZA NI KHA BZHIN DU 'DI'I KHA'O ZHES PA 'OG GI KHA'O, ,DE BZHIN STENG GI KHA YANG NGO, ,DE GNYIS 'BYUNG 'JUG GI LAM DU 'JOG TSUL NI, SDOM 'BYUNG LAS, RAB TU 'JUG PA RTZA GA-YON NAS, ,GA-YAS PA 'BYUNG PA'I LAM YIN NO, ,DE'I 'GREL BA LAS, RAB TU 'JUG PA ZHES PA GA-YAS NAS THON TE YUL BZUNG NAS DE MA THAG TU RLUNG LA ZHON PA'I RNAM PAR SHES PA LA LA N'A NAS 'JUG PA'I PHYIR RO, ,SNYING KA'I RTZA 'DAB JI LTAR YOD PA NI, KHA SBYOR LAS, SNYING GI NANG SON PADMA NI, 'DAB MA BRGYAD PA SNYING POR BCAS; ;ZHES DANG, 'DAB MA RNAMS KYI BZHI LA YANG, ,'BYUNG BA BZHI YI RTZA RNAMS NI, ,MAR ME'I RANG BZHIN LTA BUR NI, ,PHYOGS BZHI LA NI RNAM PAR GNAS, ,RTZA RNAMS BZHI YANG 'TSAMS RNAMS SU, ,RNAM PAR GNAS SHING DER SON PA, ,BDUD RTZI LNGA NI 'BAB PA STE, ,DE MCHOD RANG GI GZUGS GNAS PAS, ,DE YI DNGOS PO'I NGO BO LAS;

MCHOD PA BZHI YI RNAM PAR BSHAD, ,LUS KYI SNYING GI NANG DU NI, ,RTZA RNAMS LNGA NI RNAM PAR GNAS, ,SKU GSUNG THUGS KYI DBYE BA YI, ,NYI SHU RTZA BZHIR NYE BAR BRJOD, ,SNGAGS RIM LAS, SUM SKOR MA LA SOGS PA BZHI PO RE RE GNYIS GNYIS SU GYES PAS RTZA BRGYAD DO, ,RTZA 'DAB DE DAG LAS KHAMS GANG 'BAB PA NI, ,MAN SNYED LAS, SUM SKOR MA NI GZUGS SO, , 'DOD PA MA NI SGRA'O, KHYIM MA NI DRI'O, ,GDUM MO NI RO'O, ,BDUD DRAL MA NI CHOS SO, ,ZHES DANG, DE LA 'DAB MA RNAMS KYI BZHI YIS, ,'BYUNG BA'I RTZA RNAMS RNAM PAR BZHAG GO, , PHYOGS RNAMS SU BZHI RNAMS NI 'BYUNG BA BZHI RNAMS DANG DE'I RANG BZHIN RNAMS 'BAB SO ZHES BYAS NAS SO, ,'TSAMS SU BZHI RNAMS NI SO SOR GSHAD PA DANG GCI BA DANG BAD KAN DANG KHRAG DANG KHU BA 'BAB 'BYUNG BA'I RTZA RNAMS KYI LHAN GCIG BYED PA GZUGS DANG SGRA DANG DRI DANG RO DANG REG BYA RNAMS 'BAB PA'I PHYIR MCHOD PA'I RANG BZHIN TE, DE'I RANG BZHIN YANG DNGOS POR NA 'BYUNG BA DANG 'BYUNG BA LAS GYUR PA THA DAD MED PA'I PHYIR RO, ,SDOM 'BYUNG 'GREL BA LAS, LNGA PO 'DI RNAMS NI CHOS KYI 'KHOR LO RIM PAS SA LA SOGS PA'I KHAMS KYI RANG BZHIN NO, ,SNGAGS RIM LAS, MU TIG 'PHRENG BA LAS, SNYING KA'I PADMA'I LTE BA DANG, PHYOGS KYI 'DAB MA RNAMS LA GO RIM BZHIN DU, 'KHRIM SUM 'DOD MA KHYIM MA DANG, GTUM MO DANG NI BDUD MA MO, ,ZHES BSHAD CING DE SNGA LA SNYING KA'I RTZA LNGAR BSHAD PA YANG PHYOGS BZHI DANG DBUS LA GRANGS BZHIN DU MDZAD DAM BRTAG GO ,KU MU tI

, ,LAS KYANG RTZA LNGA GZUGS SOGS LNGA DANG SBYAR LA BH'A BA BHA TRAS BDUD RTZI LNGA 'BAB PAR BSHAD PAS, DE DAG 'BAB PA NI RTZA BRGYAD KA LAS 'DRA BAR MNGON NO, ,BDUD DRAL MA JI LTAR YOD PA NI, MAN SNYE LAS, SUM CU RTZA GNYIS PA BDUD DRAL MA NI AA LBA DHU TI DANG 'DRES PA KHO NA STE, LCE'I RTZE MO JI SRID PAR LTE BA NAS LANGS BA DUS KYI RTZA RNAL 'BYOR MA RNAMS KYIS 'GOG PA'I MTSAN NYID CAN GYI CHOS 'BAB PO, ,RTZA SO GNYIS LAS KHAMS GANG 'BAB PA NI, SNGAGS RIM LAS, RTZA SO GNYIS LAS BYANG SEMS SO GNYIS 'BAB BAR GSUNGS PA SPYI'I YIN LA SO DANG SON MO SOGS 'BAB PA NI SO SO'I DBANG DU BYAS PA'O, ,'ON KYANG BDUD DRAL MAR MI 'BAB BAR, KYEE RDOR 'BAD PAS KUN GYI LHAG MA SPANGS, , ZHES RTZA RNAL 'BYOR MA'I NGO BOR STON PA'I SKABS SU SPONG BAR GSUNGS LA RTZA DE'I DBANG GIS 'JIG RTEN PA'I RANG BZHIN DU SKYES KYANG DE'I DKYIL 'KHOR MI MTHONG ZHING 'CHI BAR YANG BYED DO, ,DE YANG SGRIB BCAS KYI SKABS SU YIN GYI SGRIB BRAL TSE DE YANG BYANG CHUB KYI SEMS KYIS NGO ZHES MAN SNYE LAS BSHAD DO, ,DE LTAR RTZA'I RNAM BZHAG SHES PAR BYAS TE, SDOM 'BYUNG LAS, RLUNG GI RNAL 'BYOR MI SHES DANG, GANG ZHIG SHES KYANG MI SGOM PA, DE NI SDUG BSNGAL SNA TSOGS KYIS, ,NYER TSE 'KHOR BA'I SRIN BUR 'GYUR, ,RGYUD RDOR 'PHRENG LAS, DE NAS RLUNG GI DE NYID MCHOG ,DON DAM PA NI BSHAD KYIS NYON, RNAL 'BYOR BAS NI RLUNG BSGOMS NA, MYUR DU DNGOS GRUB 'THOB PAR 'GYUR, ,ZHES GSUNGS PAS RLUNG GI GSHAD SHES

DGOS LA DE YANG, ,RGYUD RDOR PHRANG LAS, RLUNG BRGYAD RTZA BRGYAD DU BSHAD PA BCUR 'DU BAR GSUNGS PA'I BCU NI DGONGS PA LUNG STON LAS, SROG DANG THUR SEL GYEN RGYU DANG, KHYAB DANG MNYAM GNAS ZHES BYA DANG, KLU DANG RUS SPAL RTZANGS PA DANG, LHAS BYIN DANG NI GZHU LAS RGYAL, SNGAGS RIM LAS, ,RDO RJE SGO'I RGYUD BSHAD PA NI SROG 'DZIN SOGS LNGA DANG RGYU BA RNAM PAR RGYU BA DANG YANG DAG PAR RGYU BA DANG RAB TU RGYU BA DANG NGES PAR RGYU BA ZHES BCUR GSUNGS PAS KLU DANG RUS SPAL SOGS NI RGYU BA LA SOGS PA'I MING GIS GSUNGS SO, ,DE DAG LAS RTZA BA'I RLUNG LNGA GANG NA GNAS PA DANG, MGON PO GANG GI RLUNG GANG YIN PA NI RGYUD RDOR PHRENG LAS, SROG GI RLUNG NI SNYING KAR GNAS, ,MI SKYOD BYE BRAG RIGS LAS SKYES, ,'DOMS NA GNAS PA'I THUR SEL NI, ,RIN CHEN 'BYUNG LDAN BYE BRAG SKYES, ,STONG DU RGYU BA LKOG MAR GNAS, ,'OD DPAG MED KYI RANG BZHIN NO, ,MNYAM GNAS LTE BA'I PADMAR GNAS, ,DON YOD GRUB PA'I RANG BZHIN NO, ,KHYAB BYED YAN LAG KUN LA GNAS, ,RNAM SNANG MDZAD KYI NGO BO'O, ,RLUNG DE RNAMS 'GRO 'OD BYED PA'I TSE SNA BUG GANG LAS RGYU BA DANG, 'BYUNG BA'I DKYIL 'KHOR GANG GI RLUNG GANG YIN PA DANG KHA DOG NI RDOR 'PHRENG LAS, ,SANGS RGYAS LNGA YI RIGS GNAS PA, ,SNA YI BU GA LAS BYUNG ZHING, ,RLUNG LNGA STENG DU YANG DAG RGYU, ,LUS LA SPYOD PAR RTAG TU 'GYUR, , KUN RDZOB SNAR NI RGYU BA YI, ,SGO DE LAS NI RNAM PAR 'BYUNG, ,GA-YON DANG GA-YAS DANG GNYIS KA DANG, ,DAL BAR RGYU DANG RNAM PA BZHI, ,GA-YAS PA NA NI 'BYUR BA'I KHAMS, ,

, ,ME YID DKYIL 'KHOR NYID YIN TE, ,KHA DOG DMAR PO BZANG PO 'DI, ,PADMA MGON PO'I RGYU BA'O, ,GA-YON PA NAS NI 'BYUNG BA'I KHAMS, ,RLUNG GI DKYIL 'KHOR LA BRTEN PA, ,LJANG SER DAG TU SNANG BA STE, ,LAS KYI MGON PO'I RGYU BA'O, ,GNYIS KA LAS NI 'BYUNG BA'I KHAMS, ,GSER GYI MDOG TU SNANG BA STE, ,DBANG CHEN GYI NI DKYIL 'KHOR NYID, ,RIN CHEN MGON PO'I RGYU PA'O, ,DAL ZHING RGYU BA MED PA'I KHAMS, ,DAG PA'I SHEL LTAR SNANG BA NI, ,'DI NI CHU YI DKYIL 'KHOR TE, ,RDO RJE MGON PO'I RGYU BA'O, , KHAMS KUN LAS NI YANG DAG 'BYUNG, ,RTEN DANG BRTEN PA'I GZUNG BA NI, ,RNAM PAR SNANG MDZAD RANG BZHIN TE, ,'CHI BA'I MTHAR NI 'BYUNG BAR 'GYUR, ,DKYIL 'KHOR BZHI PO 'DI DAG NI, , MNYAM PAR BZHAG PA'I RTAG TU ZLOS, ,SNGAGS PAS ZLOS PA'I GRANGS NYID KYIS, ,NYIN MTSAN RTAG TU ZLOS PA YIN, ,GSAL SGRON LAS, KHYAB BYED KYANG RLUNG LNGA STENG DU SNA SGO LAS RGYU BAR GSUNGS PAS SNA BUG LAS 'BYUNG BAR BSTAN LA, DAL BAR RGYU BA YANG GA-YAS GA-YON RE RE BA'I RGYU BA LA SOGS SU BSHAD PAS GNYIS KA NAS RGYU BAR GO'O, ,RGYU BA MED PA NI DAL BUS RGYU BA'I DON DU SBYOD BSDUS LAS GSUNGS SO, ,ZHES DANG, DE LTAR SNA TSOGS ZHIG BSHAD KYANG SROG 'DZIN DANG THUR SEL DANG GYEN RGYU DANG MNYAM GNAS KYI RLUNG RANG DBANG GIS KHA DOG NI RIM PA BZHIN DU, DKAR SER DMAR NAG RE RE BAR NGES PAR BYAS LA 'OD ZER KHA DOG LNGA LNGA YOD PA NI, SPYOD BSDUS LAS, DE LTA MOD KYI 'OD ZER RE RE 'BYUNG BA NA YANG 'OD ZER LNGA LNGA

NGES PAR 'BYUNG STE, KHAMS KYI DKYIL 'KHOR GCIG GIS KYANG KHAMS KYI DKYIL 'KHOR BZHI LA KHYAB PAR BYED PA YIN NO, ,ZHES GSUNGS PA'I DON DU BZUNG NGO, ,THUGS RJE DPAL ZHABS KYIS, SHY'A MA ZHES PA LJANG KU DANG NAG PO GNYIS KA LA 'JUG PAR BSHAD PAS LJANG SNGON NAM LJANG NAG TU BYA BA'I LJANG SER DU MI BYA'O, ,LAG SMIS KHYAB BYED RNAM SNANG DANG SROG 'DZIN MI BSKYOD PAR GSUNGS PA LA BRTEN NAS DKAR PO DANG NAG POR BSHAD PA'I PHYI MA NI GZHUNG MANG PO DANG 'GAL LA, SDAM LA GSAL KHA MA BYED KYANG RJE 'GO NAS SNGO BSANGS DU BZHENG PA LTAR BYA'O, ,RLUNG RNAMS KYI KHAMS KYI DKYIL 'KHOR GCIG GIS KYANG BZHI LA KHYAB PA NI SROG 'DZIN SOGS RE RE RGYU BA NA'ANG GZHAN GSUM DANG BCAS PA BZHI BZHI RGYU BA'O, ,BZHI KA MNYAM DU RGYU TSUL DE NYID LAS, GYIN RGYU SNA BUG GA-YAS LA RGYU BA NA'ANG SROG THUR DANG MNYAM GNAS KYANG DE DANG LHAN CIG TU RGYU STE, DES GZHAN GSUM LA'ANG SHES PAR BYA'O, ,DE'I TSE GYEN RGYU'I NANG DU TSUD PAR RLUNG GZHAN GSUM RGYU TSUL NI, ME RLUNG GIS DBANG DU BYAS PAS GZHAN GSUM DKAR LA DMAR BA DANG, SER LA DMAR BA DANG, LJANG LA DMAR BA'I MDANGS CAN DU 'JA' TSON GCIG BZHIN DU SKYE STE, DES MNYAM GNAS SOGS GSUM GA-YON SOGS NAS RGYU BA NA'ANG, GTZO BO RE RE DANG 'KHOR GSUM GSUM DE'I NANG DU TSUD PAR RGYU BA YANG SHES PAR BYA'O,, LHA MO BZHI'I RLUNG DANG DE RGYU TSUL NI DE NYID LAS, SNA BUG GA-YAS SU GYEN RGYU'I RLUNG GIS GTZO BO BYAS PA'I MGON PO BZHI'I RLUNG RGYU BA NA, ,THOG MAR NYIS BRGYA NYER LNGA RGYU BA NI GOS

, ,DKAR MO'I RLUNG DANG DE NAS DE TZAM PA GSUM RGYU PA NI RIM PA BZHIN DU SGROL MA DANG, SBYAN MA DANG, MA M'A KI'I RLUNG YIN LA, LHA MO RE RE RLUNG LA'ANG MGON PHO'I RLUNG BZHI BZHI YOD DO, ,DE BZHIN DU SNA PHUG GA-YON DU MNYAM GNAS KYI RLUNG GIS GTZO BO BYAS PA'I MGON PO BZHI'I RLUNG RGYU BA NA, SGROL MA'I RLUNG NAS DANG, MNYAM RGYU LA SROG 'DZIN GYIS GTZO BO BYAS NAS, MA M'A KI'I RLUNG NAS DANG, THUR SEL GYIS GTZO BO BYAS NAS RGYU BA NA SBYAN MA'I RLUNG NAS MGO 'JUG PA SOGS KYANG SHES PAR BYA'O, ,DGONGS PA LUNG STON LAS; GOS DKAR LA SOGS RIM BZHIN DU, STENG DANG BSEGS DANG THAD KA 'OG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR RO, ,GSAL SGRON LAS, CHAGS 'GYUR LAS SNYENG DANG LOGS DANG MNYAM 'OG NAS, ZHES 'BYUNG BA LTAR RLUNG DGU BRGYA BA RE LA LHA MO BZHI'I RLUNG BZHIR BCAD PA'I TSE, ME GOS DKAR MO'I RLUNG NI STENG NGOS DANG, RLUNG SGROL MA'I RLUNG NI SNA BUG GI LOGS NAS DANG, SA SBYAN MA'I RLUNG GA-YAS GA-YON MNYAM PA STE SNA BUG GI DBUS NAS DANG, CHU MA M'A KI'I RLUNG NI SNA BUG GI 'OG NGOS NAS RGYU'O, ,RLUNG DE DAG SNA BUG DANG DKYIL 'KHOR 'PHO TSUL DANG, ZHAG GCIG LA GRANGS CI TZAM DU RGYU BA NI, DGONGS PA LUNG STON LAS, GOS DKAR LA SOGS BZLAS BSHAD PA, BRGYA PHRAG GNYIS DANG NYI SHU LNGA, BZHI PO LEGS PAR BSGRES PA YIS, ,SBYOR BZHIS BSDUS PAS BRGYA PHRAG DGU, ,DGU BRGYA DAG TU GANG BSTAN PA, NYI SHU RTZA BZHI RIM GYIS NI, ,DE NI SO SOR 'BYUNG BA LAS, NYI KHRI CHIG

STONG DRUG BRGYA'O, ,GSAL SGRON LAS, DE LA 'DUS PA'I RTZA RLUNG DANG BSHAD PA'I RGYUD GZHAN NAS NI DKYIL 'KHOR BZHI'I RLUNG SNA BUG LAS RGYU BA'I YUN TSAD GSAL BAR MA BSHAD LA, DGONGS PA LUNG STON DA LTA 'GYUR BA LAS RLUNG DKAR SER DMAR NAG BZHI RE RE LA LHA MO'I RLUNG NYIS BRGYA NYER LNGA BA TSAN PA BZHI BZHI STE, BSDOMS PAS BRGYA PHRAG DGU DANG, DE YANG ZHAG GCIG LA DGU BRGYA PA TSAN PA NYER BZHI RGYU BA'I RIM PAS NYI KHRI TSIG STONG DRUG BRGYA RGYU ZHES GSUNGS PA DE, RDO RJE 'PHRENG BA DANG BSGRIGS PA NA RLUNG BZHI RTZA BA'I RLUNG YIN LA; DE YANG BZHI BO RE RES GTZO BO BYAS NAS GZHAN GSUM RANG GI NANG DU CHUD PA'I TSUL GYIS RGYU BA LA DGU BRGYA RE RE BYAS PA'O, ,RDO RJE 'PHRENG BA NAS, RLUNG BZHI PO RGYU BA NA THUN PHYED RER GNAS PAR BSHAD LA, DE'I DON BOD KYI MKHAS PA SNGA MA RNAMS RLUNG DGU BRGYA RE RGYU BA'I YUN LA 'CHAD CING THUB PA DPAL YANG 'DUS PA'I LUGS KYI THUN PHYED DE LTAR 'CHAD DO ZHES DANG, THUN PHYED RE'I YUN DGU BRGYA YIN LA DKYIL 'KHOR BZHI'I RLUNG SNA SGOR RGYU BA NA RGYU THEBS DE YUM CI TZAM GNAS PA'I TSAD THUN PHYED KYI 'DZIN PAR SNANG BAS, THUN PHYED SNGA MA LA DGU BRGYA DANG, YANG BAR MA CHAD PAR DGU BRGYA STE STONG BRGYAD BRGYA BRGYUS NAS SNA BUG GA-YON DU 'PHO BAR BSHAD PA DGONGS PA MA YIN NO, ,SNA BUG GNYIS NAS MNYAM PA'I RGYU BA'I DKYIL 'KHOR GNYIS LA SNA BUG 'PHO BA MED PAS, ZHAG GCIG GI RLUNG LA SNA BUG GA-YON DU 'PHO BA BCU GNYIS BYED PA YANG MA YIN NO, ,ZHES DANG, 'O NA GROL BA'I THIG LE LAS, ,PHYAG RGYA BZHI 'BREL RE RE ZHING, ,NYIS BRGYA NYI SHU RTZA LNGA STE, ,DE BZHI

, ,BSGRES PAS DGU BRGYA'O, ,DE NI 'PHO BA NYI SHU BZHIS, ,BRTZIS PAS KHRI PHYAG GNYIS DANG NI, ,CHIG STONG DANG NI DRUG BRGYA'O, ,ZHES 'PHO BA NYER BZHING GSUNGS PA JI LTAR DRANGS SNYAM NA, 'DI DANG ZHAL LUNG GNYIS KAR SNA BUG RE RE BA LA DKYIL 'KHOR GNYIS, MNYAM DU RGYU BA LA DKYIL 'KHOR GNYIS BSHAD PAS DKYIL 'KHOR GNYIS LA SNA BUG GA-YAS GA-YON DU 'PHO BA BCU GNYIS DKYIL 'KHOR GZHAN GNYIS LA SNA BUG MI 'PHO YANG DKYIL 'KHOR 'PHO THEB BCU GNYIS BYED PA GZHUNG GI DON YIN PAS GROL BA'I THIG LE'I 'GREL BAS KYANG SNA BUG GA-YOS GA-YON DU 'PHO BA NYER BZHIR BSHAD PA GZHUNG DON MA YIN NO, ,ZHES DANG, RLUNG GI DKYIL 'KHOR GCIG NAS GCIG TU 'PHO BA NA, DKYIL 'KHOR CHE BA'I DBANG DU BYAS NA RE RE NA ZHAG GCIG LA 'PHO THEB DRUG DRUG YOD PAS NYER BZHI DANG, CHUNG BA'I DBANG DU BYAS NA SNGA MA RE RE'I 'PHO THEB DRUG PO RE RE LA BZHI BZHI YONG BAS GO DRUG TU 'GYUR BA NI 'DUS PA'I BSHAD RGYUD RNAMS KYI RGYAL PO SDOM 'BYUNG GI LUGS LA NI, 'BYUNG BA CHUNG BAS DKYIL 'KHOR DE BZHI BYA DGOS PAS, 'GREL BAR GO DRUG TU BSHAD PA SKABS SUM BAB PO, ,DGONGS PA'I LUNG STON LAS DKYIL 'KHOR BZHI'I RLUNG RE'I 'PHO TSAD DGU BRGYA BAR 'DRA ZANG GZUNGS SHING, RDO RJE 'PHRENG BA DANG SDOM 'BYUNG DANG ZHAL LUNG LAS, SNA BUG RE LA DKYIL 'KHOR GNYIS DANG, MNYAM RGYUD LA DKYIL 'KHOR GNYIS BSHAD PA, SNA BUG GA-YAS GA-YON RKYANG BA RE LA RGYU BA GNYIS KYI RLUNG GIS ZHAG GCIG GI RLUNG GI PHYED, ,SNA BUG GNYIS KA LA MNYAM POR RGYU BA'I RLUNG GIS PHYED THUB PA DANG,

DE LTAR BYAS NA MNYAM RGYU'I KHUG PA RE DANG GA-YAS GA-YON RE RE BA'I RKYANG BA RE YUN MNYAM PAS, MNYAM RGYU BA'I DGU BRGYA BA PHRAG RE RTZI TSUL NI, GA-YAS GA-YON GNYIS KA BSDOMS PA'I 'BYUNG 'JUG GNYIS GNYIS LA BYA DGOS PAS GA-YAS GA-YON RE RE BA'I RTZI TSUL DANG MI 'DRA BAR BYA DGOS BRTAG PAR BYA'O, ,DE LTAR NA GA-YAS GA-YON GYI RLUNG GNYIS DRAG ZHAN MTSUNGS PA'I MNYAM DU NI YUN THUN YANG DRAG ZHAN SPEL MA'I MNYAM RGYU NI YUN RING DU 'ONG BAR SNANG BAS DE GNYIS KA MNYAM RGYUR BYAS PA'O, ,GA-YAS DANG GA-YON DU 'PHO 'TSAMS SU MNYAM RGYU 'ONG TSUL NI, GA-YAS KYI RLUNG GI RGYU BZHAN DU SONG BAR DE TZAM DU MI MNGON PA'I 'TSAMS ZHIG NA, GA-YON DU RGYU BA BZHAN PA CIG 'ONG BA NAS BZUNG STE, DE'I RGYU BA CUNG ZAD RE JE DRAG DU 'GRO BA NA GA-YAS KYI RGYU BA JE ZHAN DU SONG BA'I MTHAR PHRA MO YANG RGYU BA MED PAR SONG MA THAG GA-YON RKYANG LA RGYU BA'I MGO 'DZUG TE, GA-YON NAS GA-YAS SU 'PHO BA YANG DE BZHIN YIN PAS, SNA BUG SNGAR MI RGYU BA NGOS SU GSAR DU RLUNG BRGYUS PA YIN KYANG, SDANG RGYU BA NGOS KYI RLUNG 'PHOS MA 'PHOS GNYIS YOD DO, ,'O NA 'DUS PA'I BSHAD RGYUD LTAR ZHAG GCIG GI RLUNG GI PHYED LA SNA BUG 'PHO BA BCU GNYIS DANG, SDOM 'BYUNG LTAR NA BRGYAD DANG DUS 'KHOR LTAR NA DRUG BRGYA DANG DON LNGA MA GTOGS PA ZHAG GCIG GI RLUNG RIL PO LA SNA BUG 'PHO BA BCU GNYIS SU GSUNGS PA RNAMS 'GAL MI 'GAL JI LTAR YIN SNYAM NA, 'DUS PA'I LUGS DE NI 'JAM DPAL ZHAL LUNG DANG, 'PHAGS PA YAB SRAS KYI BKRAL BA NA YANG SOR BZHAG TU MDZAD CING, ,

, ,SDOM 'BYUNG GI DE YANG RGYUD DE'I DON DU SNANG BAS, LUNG DE DAG GI DON GCIG TU BSHAD MI RUNG LA, SNA BUG DU RGYU BA LA LUGS 'DI MNGON SUM GYIS 'GRUB LA GZHAN MI 'GRUB PA'I KHYAB PAR YANG BZHAG DKA' BAR SNANG BA'I PHYIR RO, ,GDUL BYA'I DBANG GIS GSUNGS PA MI 'GAL BAR BYA'O, ,ZHAG GCIG GI THOG MAR RLUNG GANG RGYU BA NI DE NYID LAS, ZHAG GCIG GI THOG MAR SNA GA-YAS PA'I ME RLUNG RGYU BAR SKAL LDAN GRAGS PAS BSHAD MOD KYANG, SDOM 'BYUNG LAS, DKAR PO RNAMS KYI TSES GCIG NAS, ,YANG DAG BRTZAM STE NYIN GSUM RLUNG, ,ZLA BA LA RGYU THUN PHYED LA, ,DE NAS NYIN GSUM NYI MA LA, ,YONGS RGYU'I TSUL GYIS JI SRID RLUNG, ,DKAR PO'I TSES NI BCO LNGA'I BAR, ,NAG PO RNAMS KYI TSES GCIG NAS, ,BRTZAM STE NYI MA GSUM DU RLUNG, ,NYI MAR BRJOD PAS SNGA DRO RGYU, ,JI SRID CHOS NI BCO LNGA'I BAR, ,DE ZHES GSUNGS PA LTAR RGYU BA 'DI YANG MI 'GAL LO; ;RLUNG LTAS DE LOG NA SKYON SKYED TSUL SDOM 'BYUNG LAS, GCIG DANG GNYIS GSUM BZHI DANG LNGA, ,NYI MA DRUG RGYU BZLOG PA LAS, ,GAL TE RLUNG NI RGYU BA NA, ,DE TSE RTZONG BA CHEN PO 'BYUNG, ,PHYOGS ZLA PHYED GCIG PHYIN CI LOG PA LAS, ,NANG NI CHEN PO KUN DU 'BYUNG, ,PHYOGS GNYIS PHYIN CI LOG PA LAS, ,SNYING SDUG GNYEN RNAMS RGUD PA 'GYUR, ,PHYOGS GSUM PHYIN CI LOG PA LAS, ,ZLA DRUG RNAMS KYIS 'CHI BAR 'GYUR, ,'BYUNG BZHI'I RLUNG GANG RGYU BA LA SKYON YON SKYED TSUL DE NYID LAS, DBANG CHEN

GYIS NI RGYAL SRID DA, ,CHUS NI DON RNAMS YANG DAG 'BYUNG, ,ME YI RLUNG NI RNAM RGYA BAS, ,BGRES SKOM DUG DANG SDUG BSNGAL NAD, ,BYA BA THAMS CAD NYAMS 'GYUR ZHES, , RDO RJE 'DZIN PA MCHOG GIS GSUNGS, ,RLUNG GIS RTZOD DANG SKYONG DANG RMONGS, ,NOR RNAMS NYIN NI MONGS PAR BYED, ,DBANG CHEN NOR DANG 'BRU LA SOGS, ,RNYED PA THOB DANG SDUD BYED PA'O; ;CHU YI RLUNG NI RNAM RGYU BAS, ,'DOD PA'I DNGOS GRUB KUN BYED PAS, ,DE YI SBYOR BA MCHOG GTZO BOR, ,RDO RJE SEMS DPAS GSUNGS PA'O, ,SNA BUG RE RE DANG GNYIS KA NAS RGYU BA NA BYA BA GANG BYA BA YANG DE NYID LAS, DUG SOGS GZHOM DANG LHAG MA NI, ,BKRA SHIS DPAL NI SKYED PA LA, ,SHES RAB 'DI NYID RAB TU BSNGAGS, ,RTAG TU DPAL LDAN SNYING RJE'I STOBS, ,GA-YUL BSHAMS ROL RTZED STON MO DANG, ,GCAD PA DANG NI DBUG PA DANG, ,BSREG DANG BCO BA'I LAS LA NI, ,SNYING RJE'I BDAG NYID RAB TU BSNGAGS, , GZHAN YANG GNYIS BDAG RDO RJE CAN, ,THE TSOM 'GYUR BAR SHES BYA STE, ,DGE DANG MI DGE NGES MED PAR, ,RLUNG RIGS PAS NI 'DIR MTSON BYA, ,GSAL SGRON LAS, SLOB DPON DPAL 'DZIN GYIS, ,DGE MI DGE'I LAS DANG 'GRO 'ONG SOGS BYED PA NA, SA DANG CHU LA DGE BA'I LAS, ,ME DANG RLUNG LA NAG PO'O, ,ZLA BA YANG DAG SHES PAR BYA, , 'OD RNO BA LA 'BRING PO YIN, ,MI DGE GAL TE NYI MAR BYAS, ,DE NI NGES PAR 'CHI BA STER, ,DE NYID ZLA BAR BYUNG 'GYUR NA, ,SHIN DU SDUG BSNGAL STER BA MIN, ,ZHES GSUNGS

, ,PA LTAR BYA BAR BSHAD DE, ,ZLA BA NI GA-YON PA'I RLUNG RGYU DUS SO 'OD RNO BA NA NYI MA'I RLUNG GA-YAS RLUNG GI DUS SO, ,,DE'I DUS SU DRAG LAS BYAS NA 'CHI BA STER BA NI LAS DE 'GRUB PA'O, ,MDOR NA ZHI BA LA SOGS 'JAM PO'I LAS RNAMS SA CHU'I RLUNG GI DUS SU BYAS NA LEGS KYI, ME RLUNG GI DUS SU BYAS NA MI DGA' BA DANG, GA-YON RLUNG GI DUS SU BYAS NA LEGS KYI, GA-YAS RLUNG GI DUS SU BYAS NA 'BRING NGO, ,DRAG LAS BYED DUS SNGA MA LAS BZLOG NA'ANG DE LTAR RO, ,RLUNG BZHI NI DPAL 'DZIN GYIS 'BYUNG BA CHUNG BA LA BSHAD DO, ,GZHAN GYI DON 'GRUB MI 'GRUB 'DRI BA NA BRTAGS PA NI DE NYID LAS, MGON PO RANG GI CI STE A'A LIR RGYU, ,'GA' 'DRIB PA'O 'GA' ZHIG K'A GA-YAS LIR GNAS 'DRI 'AM, ,K'A LIR RGYU LAS A'A LIR GNAS, ,DE YI 'DOD DON NYAMS PAR 'GYUR, ,GANG NAS MGON PO DE RGYU BA, ,DAR GNAS 'GA' ZHIG 'DRI BYED NA, ,DE YI DON KUN YANG DAG 'GRUB, ,GNYIS KAR GNAS LAS THE TSOM 'GYUR, ,ZHES DANG, 'DRI BA BA'O 'AM RANG GI 'ANG RUNG, ,CHOS SKU THAMS CAD DGE BA STE, ,LONGS GNAS SPYOD RDZOGS PA THE TSOM 'GYUR, ,SPRUL PHYIR RGYUR BAS 'THAB MOR STON PA'O, ,DKYIL 'KHOR BZHI'I RLUNG RNAMS RTZA'I GTZO BO GSUM GANG LAS RGYU BA NI, RDO RJE 'PHRENG BA LAS, SROG DANG THUR SEL RGYU BA BYED, ,DE GNYIS RTOG PA DANG BCAS PA'I RLUNG GNYIS SU NI GSAL BAR GSUNGS, SKU DANG GSUNG GI SNYING PO GNYIS, ,LA LA N'A DANG RA SA N'A, ,AA WA DHU TI MCHOG GI RTZA, ,DE GNYIS DBUS NA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHYAB

GSAL SGRON LAS LUNG DE DRANGS PA'I 'JUG THOG TU, CES SROG THUR GNYIS RTOGS PA SKYED PA'I RLUNG DANG, DHU TIR ZHUGS PA'I RLUNG RNAM RTOG ,'GOG PA'I RLUNG DU RNAM PAR RTOG PA'I RLUNG GNYIS NI, DE NAS RNAM PAR BCAD NAS 'GRO, ,RNAM RTOG MED PA'I RLUNG CHEN PO, ,SKU GSUNG RDO RJE BCAD NAS NI, ,ZHES RLUNG DE GNYIS BCAD PA LA SKU DANG GSUNG GI RDO RJE BCAD PAR GSUNGS PAS, SKU DANG GSUNG GI SNYING PO GNYIS, ZHES PA NI SROG THUR GNYIS YIN LA, ,DE YANG RTZA GNYIS LA RGYU BAR BSTAN PAS SROG THUR GNYIS NI RNAL 'BYOR STOBS KYIS DHU TIR BCUG PA DANG, 'CHI BA'I DUS LEGS PA MA GTOGS PAR DHU TIR MI RGYU BA'I LUGS SO, ,YANG DE NYID LAS, RNAM PAR RTOG PA'I RLUNG GNYIS NI, ,SNA YI BUG NAS NI 'BYUNG, ,YANG DAG NYI MA ZLA BA GNYIS, , SBAS PA NANG NAS RGYU BAR BYED, ,CES KYANG GSUNGS PAS, DE GNYIS NI NYI MA RO MA DANG ZLA BA RKYANG MA'I NANG NAS RGYU BAS LUGS 'DI LA NI MNYAM RGYU BYED PAS DBU MAR RGYU BAR 'JOG MI NUS SO, ,MA MNYAM GNAS DANG GYEN RGYU GNYIS LA GSAL BAR MA BSHAD KYANG, DE GNYIS KYANG RO RKYANG NAS RGYU'O, ,DES NA RO RKYANG NAS RGYU BA LA RES 'JOG DANG, DUS MNYAM DU RGYU BA GNYIS YOD DO, ,MI DANG MNYAM GNAS GNYIS KYIS GTZO BYAS NAS RGYUD, RO MA DANG RKYANG MA RE RE NAS DANG SROG THUR GNYIS KYIS GTZO BYAS NAS NGO RKYANG GNYIS NAS DUS MNYAM DU RGYU LA, 'KHOR DU RGYUN NGES PA MED DO, ,YAN LAG GI RLUNG LNGA'I GNAS SOGS NI, GSAL SGRON LAS, YAN LAG GI RLUNG LNGA NI MIG LA SOGS PA'I DBANG PO LNGA LA GNAS PAR SPYOD SDUS LAS

, ,GSUNGS SHING, RDOR 'PHRENG LAS, ZLA BA'I CHA DANG SNANG BA DANG, BSNYEN BKUR LKOG SHAL MA CHIN BA STE, RTZA YI LNGA NI MING YIN NO, ,RTZA NI LNGA LAS RGYU BA'I RLUNG, , KLU DANG RUS SBAL RTZA NGAS PA DANG, ,LHA BYIN DANG NI GZHU LAS RGYAL, ,ZHES ZLA BA'I CHA LA SOGS PA'I RTZA LNGA LAS RGYU BAR GSUNGS SO, ,YANG DE NYID LAS, SNYING KA'I DBUS NA BDE BA'I DNGOS; ,SANGS RGYAS NYI MA GSAL BA'I 'OD, ,GZUNG DANG 'DZIN PA'I GZUGS KYIS KYANG, ,DE NI 'OD ZER BCU GNYIS SO, ,'OR 'PHEL 'OD ZER GZI BRJID MA, ,GSAL BA 'BAR MA 'OD 'BAR MA, ,MIG LA SOGS PA LA BRTEN NAS, ,PHYI ROL GZUGS SOGS 'DZIN PA'O, ,'OD ZER 'OD MA SNANG BA MA, ,GSAL MDZES GSAL 'OD NYI MA GSAL,, PHYI ROL GZUGS SOGS RNAM PA'O, ,DRUG PO 'DI DAG 'OD DU 'DOD, ,CES SNYING KA NAS 'BYUNG BA'I RLUNG DBANG PO DRUG LA BRTEN NAS, ,TSOGS DRUG GA-YO BYED 'DZIN PA'I RLUNG DRUG DANG,, GZUGS SOGS GSAL BYED BZUNG BA'I RLUNG DRUG GSUNGS PAS, RTZA DE DAG KYANG SNYING KHA NA GNAS PA'I RTZAR MNGON NO, ,SNYING KA'I SUM SKOR MA LA SOGS PA'I RTZA RNAMS YUL LNGA 'BAB PA'I RTZAR BSHAD PA DANG DON GCIG GAM BRTAG GO ,YAN LAG GI RLUNG LNGA NI SHAS CHER SROG 'DZIN GYI YAN LAG YIN PAS, 'DI RNAMS 'CHAR BA DANG NUB PA GNYIS KA'I GTZO BO'I SNYING KHA'O ZHES DANG, YAN LAG GI RLUNG LNGA YANG 'OD ZER LNGA'I DAG CAN DANG, NYIN MTSAN KUN DU DBANG PO'I SGO NAS 'BYUNG 'JUG BYED DO, ,KHA DOG NI RGYU BA'I RLUNG DMAR, RNAM PAR

RGYU BSNGO, ,YANG DAG PAR RGYU BA SER, RAB TU RGYU BA DKAR, NGES PAR RGYU BA LJANG ZHES RJE 'GOS GSUNGS SO, ,RLUNG LNGA BA LUS DBANG LA GNAS TSUL NI, DBANG PO DES GAR KHYAB PAR GNAS PA'O; ;RLUNG DE DAG GI BYED LAS NI RTZA BA'I RLUNG LNGA SO SO SO'I BYED LAS NI, RDOR 'PHRENG LAS, DBANG PO'I SGO YI RGYUN LAS NI, ,SROG DANG RTZOL BRGYU BA DANG, ,DUS RNAMS KUN DU RGYU BA NI, , SROG CES BYA BA YIN PAR BSHAD, ,DRI CHU RLUNG NI PHYIS DANG, ,DE BZHIN DU MI KHU BA SOGS, ,'OG 'DREN 'DI NI THUR SEL BAR, ,RTAG TU RNAL 'BYOR BAS SHES BYA, ,RGOD DANG ZA DANG LNGAG PA DANG; ;GANG ZHIG RTAG TU MNYAM GNAS PA, ,MNYAM DU GNAS PA ZHES BYAR BRJOD, ,GYEN DU 'GRO ZHING SDUD PA DANG, ,BZA' DANG MYANG SOGS ZA BA NI, ,SHES NAS LHAN CIG BYOR BA DAG ,GYEN RGYU'I LAS SU SHES PAR BYA, ,KHYAB DANG 'DZIN PA NYID DANG NI, ,'GRO DANG DE BZHIN LDOG LA SOGS, ,TSIGS RNAMS KUN DU KHYAB PA'I PHYIR, ,KHYAB BYED CES NI BYA BAR BSHAD; ;YAN LAG GI RLUNG GI BYED LAS NI, ,RIM LNGA LAS, RLUNG RNAMS PHRA BA'I GZUGS KYI NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI; ;YUL RNAMS LA NI DMIGS PAR BYED, ,SEMS CAN KUN GYI SROG KYUR PA, ,RLUNG ZHES BYA BA LAS KUN PHYED, ,'DI NI RNAM SHES BZHON PA STE, ,LNGA YI BDAG NYID BCU YANG BZHIN, ,GSAL SGRON LAS, YAN LAG GI RLUNG SO SO'I BYED LAS NI, DBANG POS LNGAS YUL 'DZIN PA'I GROGS SU GYUR PA'I YIN TE SNGAR BSHAD ZIN TO, ,RLUNG DE DAG THUN MONG

, ,GI BYED LAS NI, RDOR 'PHRENG LAS, JI LTAR ZLA BA GZAS BZUNG BA, ,RLUNG RNAMS RIMS GYIS NYAMS 'GYUR BA, ,SNGA MA BZHIN DU GONG NAS GONG, ,RANG GI BDAG NYID THIM PAR 'GYUR, ,BTANG BZUNG SLAR LA 'GRO BAR BYED, ,GSAL SGRON LAS, DE YANG SA CHU ME RLUNG BZHI SNGA MA PHYI MA LA THIM PA NA, RLUNG GI GA-YO BA JE CHUNG JE CHUNG DU SANG BA'I MTHAR RANG BZHIN GYI RTOGS PA GA-YO BA'I RLUNG RNAM SHES SNANG BA DANG PO LA THIM PA NA, RANG BZHIN GYI RTOGS PA RNAMS LOG PAS STOD PA DANG PO 'CHAR RO, ,DE NAS STONG PA GNYIS PA DANG, GSUM PA DANG, BZHI PA 'OD GSAL 'CHAR TE, DE RNAMS KYANG SNGA MA SNGA MA LAS RLUNG GI GA-YO BA CHUNG NGU SONG BA'I DBANG GIS 'CHAR RO, ,DE NAS 'OD GSAL GYI RLUNG LAS RLUNG CHER GA-YOS PA NA NYER THOB DANG, DE NAS MCHED PA DANG SNANG BA YANG SNGA MA SNGA MA LAS RLUNG GA-YO BA CHER SONG BA'I DBANG GIS 'BYUNG ZHING, SNANG BA'I RLUNG LAS GA-YO TSA BA CHER SONG BA NA RANG BZHIN RNAMS SKYE'O, , DE LTAR SKYI 'CHI'I RIM PA NI RLUNG GIS BYED LA, RANG BZHIN GYI RTOG PA GA-YO BA'I RLUNG THIM PA DANG, LANGS PA'I BAR DU STONG PA BZHI 'CHAR BA YIN NO, ,DE LTAR SNANG BA GSUM GYI RLUNG CHER GA-YOS BA LAS RANG BZHIN GYI RTOG PA RNAMS 'DREN PAS, SEMS CAN THAMS CAD KYI RANG BZHIN GYI RTOGS PA'I RTZA BA SNANG BA GSUM YIN PAR GSUNGS STE, RDOR 'PHRENG LAS, SNANG BA GSUM GYI MTSAN NYID CAN, ,GANG 'DIR RNAM SHES GSUM THOS PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES DANG, 'DI NI

RLUNG KHAMS CHEN PO STE, ,RNAM SHES GSUM GYI BZHON PA YIS, ,DE YIS RANG BZHIN RTAG TU NI, ,JI LTA JI LTAR 'GRO BAR 'GYUR, ,ZHES DANG, RIM LNGA LAS KYANG, GANG TSE SNANG BA LDAN GYUR BA, ,RLUNG GI BZHON PAR 'GYUR BA YIN, ,DE TSE RANG BZHIN DE THAMS CAD, ,MA LUS LUS PA MED PA 'BYUNG, ,RLUNG NI GANG DANG GANG GNAS PA, ,RANG BZHIN DE DANG DE RJES SPYOD, ,CES GSUNGS SO, ,RANG BZHIN GYI RTOG PA RNAMS KYIS NYON MONGS SKYED LA, DES LAS BSAGS NAS 'KHOR PAR SKYES TE, RDO RJE 'PHRENG BA LAS, JI LTAR MES BSREGS DNGOS PO MED, ,RGYU MED PAR NI THIM NAS 'GRO, ,SLAR YANG SROG GI RLUNG SHAR NAS, ,LAS KYI RLUNG LAS SNA TSOGS PA, ,DE NI LHAN CIG RNAMS SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE BZHIN SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,ZHES GSUNGS SO; ;ZHES DANG, DES NA RLUNG GIS 'KHOR BAR SKYE PAR GSUNGS PA NI BDAG 'DZIN LA SOGS PA'I NYON MONGS PA RNAMS KYIS 'KHOR BA SKYED PA'I LHAN CIG BYED RKYEN DU SHES PAR BYA'O, , RNAM SHES RLUNG GI BZHON PA CAN DU GSUNGS PA'I DON NI, GSAL SGRON LAS, RIM LNGAR 'DI NI RNAM SHES BZHON PA STE, ZHES SOGS RNAM SHES RLUNG GI BZHON PA CAN DU GSUNGS PA NI, RLUNG GIS RNAM SHES GA-YO BAR BYED PA'I DON NO, ,RGYU MTSAN DES SEMS CAN YIN NO COG THAMS CAD GA-YOS PA'I 'JIG RTEN ZHES BYA STE, GZUGS LUS KYI GA-YO

, ,'GUL SOGS BYED PA DE'I DON DU RGYU MTSAN DU SMRA NA NI, SEMS CAN KUN LA MA KHYAB PAR 'GYUR RO, ,GZUGS LUS RLUNG GIS GA-YO BA LTA BU NI RNAM SHES LA MED PAS, DE'I GA-YO BA'I DON GANG SNYAM NA LAG SMI LA SOGS PAS NAS 'O NA JI LTAR YIN SNYAM NA, RNAM SHES NA LUS CAN MA YIN PAS DE LA RANG DBANG DU YUL BGROD PA'I 'GRO 'ONG GI NUS PA MED LA, RLUNG DANG MNYAM PAR ZHUGS NA NI YUL BGROD PA'I NUS PA YOD DE, SPYOD BSDUS KHAS, SNANG BA GSUM GSUM LA 'GRO 'OD DANG BRAL BAR GSUNGS NA, JI LTAR NYIN MTSAN DU LUS LA SPRO ZHING SDUD PAR BYED, GANG ZHIG 'DI LA ME LA TZE BYED CES DRIS PA'I LAN DU, DA GZUGS MED TSUL BSHAD PA'I MTHAR, DE LTA MOD KYI SNANG BA DANG BCAS PA YIN DES NA RLUNG GI KHAMS DANG LHAN CIG MEL TSE BYED CES GSUNGS SO, ,DE'I DON NI RNAM SHES GSUM LUS CAN MA YIN PA DE LTA MOD KYI RLUNG GI SNANG BA DANG BCAS PA YIN PAS NA, RLUNG DANG LHAN CIG MEL TSE BA MI SDONG PAR 'GRO 'ONG BYED PA BZHIN DU 'GRO 'ONG BYED CES GSUNGS SO, ,DES NA RLUNG GI SGO NAS YUL BGROD PA NI SEMS KYIS RLUNG LA ZHON NAS 'GRO BA'I DON TE, DE LA NI SEMS YUL LA 'PHYAR BAR BYED MI BYED GNYIS YOD DO, ,DE YANG RANG GI BZHON PA'I RLUNG NYID KYI SNGA MA NAS PHYI MAR BGROD PA BYUNG NA, DE LAS GZHAN PA'I YUL BGROD PA MA BYUNG YANG YUL BGROD PA MED PA MA YIN NO, ,SPYOD BSDUS LAS, KHAMS PHRA BA DANG RNAM PAR SHES PA SNANG BA DAG NI, GZUGS MED PAS MAR GYI NANG DU MAR BCUG PA BZHIN DU 'DRES PAR GYUR NAS

'JIG RTEN DANG 'JIG RTEN LAS 'DAS PA'I BYA BA THAMS CAD RDZOGS PAR BYED DO ZHES MAR LA MAR BCUG PA BZHIN DU 'DRES PAR GSUNGS PA'I RLUNG SEMS GNYIS NI, LAG SMIS NGO BO GCIG PAR BSHAD PA LEGS SO, ,RLUNG GI RNAM BZHAG LA BRTEN NAS NYAMS LEN GYI GNAD SHES TSUL NI, GSAL SGRON LAS, SNGAR BSHAD PA LTAR RANG BZHIN GYI RTOG PA GA-YO MI GA-YO PA'I 'TSAMS SU STONG PA BA ZHI 'CHAR BA SHES NAS RIM PA DE LTAR RGYUD LA SKYED PA'I PHYIR DU RDOR BZLAS LA SOGS PA'I SROL RTZOL BSGOM DGOS PAR SHES PA NI, RLUNG BSHAD PA LA RTEN NAS NYAMS LEN GYI GNAD SHES PA BLA NA MED PA'O, ,RTZA RLUNG GI RNAM BZHAG DE LTAR YIN NA THIG LE'I GNAS TSUL JI LTAR YIN SNYAM NA, SNGAGS RIM LAS, KHAMS DKAR DMAR NI MNGAL DU KHU KHRAG GNYIS YONGS SU GYUR PA LAS LUS 'GRUB PAS NA LUS GZHAN RNAMS DE'I RNAM 'GYUR DU GSUNGS PAS BYANG SEMS DKAR DMAR GNYIS LUS KYI KHAMS KYI GTZO BO YIN LA DE YANG SPYI BO'I PADMAR DKAR PO SHAS CHE ZHING DMAR PO CHUNG LA LTE BAR BZLOG NAS GNAS STE MAN SNYE LAS, 'ON KYANG BAR GYI GNAS SKABS SU MGO BO CHU SKYES SU KHU BA SHAS CHE BA RDUL SHAS CHUNG BSTE GSANG BA'I CHU SKYES SU BZLOG PA'O ZHES GSUNGS TE, GSANG BA NI LTE BA LA GO DGOS PA MANG DU YOD DO, ,KHAMS DKAR PO NI 'KHOR LO GZHAN DU RES 'GA' GNAS KYI DUS THAMS CAD DU GNAS PA BDE CHEN 'KHOR LO'I DBUS YIN TE, MAN SNYE LAS, RTAG TU ZHES PA THAMS CAD KYI TSE STE 'KHOR LO GZHAN DU RES 'GA' GNAS KYI DUS SU THAMS CAD DU MA YIN NO,

, ,ZHES DGONGS PA'O ZHES GSUNGS STE, 'DI'I RIGS PA NI LTE BA'I DMAR CHA LA'ANG MTSUNGS SO, ,DE'I PHYIR 'BAR 'DZAG GI DMIGS PA GNAS DE GNYIS SU GTONG BA YIN NO, ,RTZA KHAMS KYI RNAM BZHAG SHES PA'I DGOS PA NI DE NYID LAS, RTZA GSUM GYI CHAGS TSUL DANG DE DAG GI GNAS STONG SMAD NA BYANG SEMS DKAR DMAR YOD TSUL SHES PA NA, JI LTAR 'CHI BA LA NYE BA'I TSE DMAR CHA GYEN DU DKAR CHA THUR DU 'ONG BA'I 'DU 'PHROD LAS SNANG BA RNAMS RIMS KYIS SDUD PA'I 'CHI RIM 'BYUNG BA BZHIN DU RNAL 'BYOR BAS KYANG DMAR CHA'I ME 'PHEL BAR BYAS PA'I DKAR CHA THUR DU 'DREN PA'I 'DU 'PHROD LA BRTEN NAS SNANG BA RNAMS RIM GYIS 'OD GSAL DU SDUD PA'I RDZOGS RIM BSKYED NAS DE'I MTHAR SGYU MA'I SKUR LDANG BA SHES PA'I GNAD CHEN PO YOD DO, ,BLA MED KYI SKABS SU GANG LA GNAD DU BSNUN PA RDO RJE LUS KYI GNAS TSUL DE LTAR YIN NA DER GNAD BSNUN NAS SGO MA RGYU'I RDZOGS RIM JI LTA BU ZHE NA GSAL SGRON LAS, SPYIR BLA MED KYI RGYUD KYI DON GYI GNAD, THAMS CAD AE WA LA SOGS PA YI GE BZHI BCU'I GLING GZHI'I DON DU 'DUS LA, ,DE'I DON GYI GTZO BO THOG MA'I YI GE GNYIS KYI DON DU 'DUS PA YIN NO, ,DE LTAR 'GYUR TSUL DRI BA'I TSUL DU RDOR 'PHRENG LAS, RGYUD DU THOG MAR GSUNG BA YI, ,'DI SKAD BDAG SOGS JI LTA BU, ,'DI SKAD CES SOGS DANG PO'I DAG ,DON RGYAS PAR NI JI LTAR 'GYUR, ,DE'I LAN DU THOB BYA 'BRAS BU'I AE WA 'CHAR BAR DE NYID LAS, AE NI GSANG BA MKHA' DBYINGS DANG, ,BHA GA CHOS 'BYUNG PADMA LA,,

RNAL 'BYOR SENG GE'I GDAN LA BZHUGS, ,MCHOG TU RMAD BYUNG STON PAR MDZAD, ,RDO RJE SEMS DPA' WAm RDO RJE, ,RDO RJE 'JIGS BYED DBANG PHYUG DANG, ,HE RU KA DANG DUS 'KHOR LO,, DANG PO'I SANGS RGYAS LA SOGS MTSAN, ,DE'I YANG NGES DON STONG PA NYID DANG THUGS RJE CHEN PO DBYER MED YIN PA DE NYID LAS, AE WAm DE BZHIN GSHEGS PA'I RGYA, ,GNYIS SU MED PA'I MTSON BYED DANG, ,STONG NYID SNYING RJE DBYER MED PA, ,GANG LA DE NYID MNGON PAR BRJOD, ,DE LA DE BZHIN GSHEGS PA'I RGYA, ,GNYIS MED YE SHES MTSON PA NI, ,RGYUD KUN GYI NI GLENG GZHIR GSUNGS, ,THOB BYED LAM GYI AE WAm STONG PA DANG, ,SNYING RJE DBYER MED YIN PA DE NYID LAS, ,AE NI STONG PA NYID DU GSUNGS, ,DE BZHIN WAm NI THUGS RJE DANG; ;THIG LE DE GNYIS SBYOR BAS BYUNG, ,DE SBYOR BA YI RMANG MCHOG GO ,CHOS PHUNG BRGYAD KHRI BZHI STONG KHYAB, ,MDOR SDUS CHOS KYI PHYAG RGYA'O, ,RGYAL PO CHEN PO'I PHYAG RGYA NYID, ,RGYUD RNAMS SU NI THOG MAR GSUNGS, ,DE 'DRA'I GNYIS MED YE SHES STON PA'I RGYUD LA DE NYID MCHOG YOD CING MI STON PA LA MED PA NI DE NYID LAS, RGYUD KUN GYI NI DON BSDUS PA, ,STONG NYID SNYING RJE MI PHYED PA, ,GANG LA DE NYID MNGON PAR BRJOD, ,DE NI DE BZHIN GSHEGS PA'I RGYA, ,AE WAm ZHES BYA'I YI GE GNYIS, ,GANG LA 'DI GNYIS MED PA NI, ,DE LA DE KHO NA NYID MED, ,GSANG BA GRUB PA LAS, ,RGYUD KYI DANG POR RNAM GNAS PA, ,SNYING PO LAS NI SNYING PO MCHOG ,DE NYID BDE CHEN MGON PO YIS, ,GSANG BA

, ,DE NYID CES BYAR GSUNGS, ,SANGS RGYAS BYANG CHUB SEMS DPA' DANG, ,SEMS CAN KUN GYI BDE 'BYUNG BA, ,GSANG BA'I RTOGS PA'I RGYUD RGYAL PO, , DPAL LDAN 'DUS PAR RNAM PAR GNAS, ,AE WAm RNAM DAG YI GE LA, ,KHAMS GSUM PO KUN GUS PHYAG 'TSAL, ,ZHES DANG, NAM MKHA'I KHAMS ZHES BYA BA DER, ,TIL GYI GANG BU BZHIN DU MTHONG, ,GANG GA'I KLUNG GI BYED SNYED KYI, ,DE BZHIN GSHEGS PAS MOS GANG BA, ,YI GE DE YI DE KHO NA, ,BRTEN PAR BYAS PA'I THABS NYID KYIS, ,SANGS RGYAS BYANG CHUB SEMS DPA' RNAMS, ,BLA MED GO 'PHANG 'THOB PAR 'GYUR, ,BLA MED KYI RGYUD KUN GYI DANG POR GLING GZHI'I SKABS SU YI GE GNYIS DNGOS SU MED KYANG DE'I DES DON YOD DGOS PA DE NYID LAS, ,'DIR NI YI GE GNYIS PO NI, ,RGYUD KYI DANG POR MED MI 'DOD, ,DE 'DREN BYED RTAGS KYI AE WAm LA PHYI'I RTAGS NA, RDOR 'PHRENG LAS, AE NI BHA GA'I MI MDZAD DE, ,PADMA RTEN DU SHES PAR BYA, ,RTEN PA RDO RJE ZHES NI GSUNGS, ,BRTAN PA RDO RJE 'CHANG BA YIS, ,DE LA GNAS PA'I THIG LE'I GZUGS, ,SNA TSOGS SPRUL PA STON PAR BYED, ,BDE BA KUN GYI GZHI YIN TE, ,RDO RJE SEMS DPA' BDE BA CHE, ,NANG GI RTAGS NI SAm BHU tA LAS, ,SPYI BOR LTE BAR SA BON 'KHOR LO, ,AE YIG RNAM PAR YANG DAG GNAS, ,SNYING KA MGRIN PAR YANG DAG GNAS, ,WAm GYI YI GE 'DRA BAR 'DOD, ,AE WAm GYI NGES DON BDE STONG DBYER MED CES PA'I STONG PA DE RTOGS DGOS PA NI, BYANG CHUB

SEMS 'GREL LAS, ,GANG DAG STONG NYID MI SHES PA, ,DE DAG THAR BRTEN MA YIN, ,'GRO DRUG SRID PA'I BTZEN RAR NI, ,RMONGS PA DE DAG 'KHOR BAR GYUR, ,RDO RJE SNYING PO CAN GYI RGYUD LAS, ,RNAL 'BYOR GCIG GCIG SHES PHYAS NAS, ,DBEN SAR SONG STER BA 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PA RAB BSGOM PAS, ,THAMS CAD MKHYEN PA KHONG SU CHUD, ,STONG PA DE GTAN LA 'BEBS PAR RTZA RGYUD LAS, ,DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, , GZUNGS DANG 'DZIN PA RNAM SPANG PA, ,CHOS BDAG MED PA MNYAM MED PAS, ,RANG SEMS GDONG NAS MA SKYES PA, ,STONG PA NYID KYI RANG BZHIN NO, ,DE RNAL 'BYOR PAS GTAN LA 'BEB TSUL GSANG BA GRUB PA LAS, GCIG DANG DUS MA'I DNGOS PO KHAMS GSUM 'DI DNGOS PO RANG BZHIN MED PAR RNAM PAR DPYAD, BDE STONG DBYER MED CES PA'I BDE BA NI MAN SNYE LAS, THABS NI DMIGS PA MED PA'I SNYING RJE CHEN PO 'GRO BA'I DON BYED PA LHAN CIG SKYES PA'I BDE BA CHEN PO'I RANG BZHIN NO, ,BDE STONG DE GNYIS SBYAR TE BSGOM DGOS PA NI SA RA HAS, SNYING RJE DANG BRAL STONG PA NYID ZHUGS PAS, DES NI LAM MCHOG RNYED BA MA YIN NO, ,'ON TE SNYING RJE 'BA' ZHIG BSGOM NA YANG, ,'KHOR BA 'DIR GNAS THAR BA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN LAS MI GNAS, ,BDE STONG SBYONG TSUL SAm BHU tA LAS, ,SPRO BA MED PA'I

, ,RANG BZHIN NYID, ,SHES RAB CES NI RAB TU GRAGS, ,YID BZHIN NOR LTAR MA LUS PA'I, ,SEMS CAN DON BYED SNYING RJE NYID, ,DMIGS BYED GNAS SU SHES RAB DANG, ,DMIGS BYED SNYING RJE CHEN PO NYID, ,BLO DANG LHAN CIG GCIG GYUR PA, ,NAM MKHAR NAM MKHA' JI LTA'O, ,THABS SHES GTAN LA DBAB PA GRUB PA LAS, ,CHU DANG 'O MA 'DRES PA BZHIN, ,GNYIS MED RNAM PA'I SBYOR BA YIS, ,GNYIS PO 'DUS PA GANG YIN PA, ,SHES RAB THABS CES BYA BAR GRAGS, ,GSAL SGRON LAS, YUL CAN SHES PA LHAN CIG SKYES PA'I BDE BA'I NGO BOR SKYES PA DES, YUL STONG PA NYID KYI DON PHYIN CI MA LOG PAR RTOGS PA'I YUL YUL CAN DU SBYOR BA NYID BDE STONG DBYER MED DU SBYOR BA'O, ,ZHES DANG, DON GYI LHAN SKYES MA SKYES PA'I GONG DU NI DE KHO NA NYID MNGON SUM DU MA RTOGS PAS DE KHO NA NYID LA MOS PA YID BYED KYIS 'JUG DGOS PA'I PHYIR RO GCIG PAR MOS PA TZAM MO, ,AE WAm GYI DON GNYIS DBYER MED NI LHA'I DBANG POS ZHUS PA LAS, AE WAm YIG GNYIS SGYU MA LA THAMS CAD MKHYEN PA 'DIR BZHUGS PAS, DAM CHOS BSTAN PA'I THOG MAR NI, ,AE WAm DE PHYIR RAB TU BSHAD, ,GSAL SGRON DU LUNG DE DRANGS PA'I 'JUG THOG TU CES GSUNGS PA'I SGYU MA NI ZUNG 'JUG YIN PAS, AE WAm GYI DON GNYIS PO BSTAN NO, ,'DI LA SLOB PA DANG MI SLOB PA'I ZUNG 'JUG GNYIS YOD DE, ,BDEN GNYIS DBYER MED CES PA'I BDEN PA GNYIS DANG DE GNYIS SBYOR TSUL NI, GSAL SGRON LAS, DES NA SNGAR BSHAD PA DE 'DRA BA'I DON

GYI 'OD GSAL DANG, YONGS SU DAG PA'I SGYU MA'I LUS GNYIS NI DBYER MED DU SBYOR RGYU AE DANG WAm YIG GI DON YIN LA, SBYOR TSUL SNGA MA THUGS DANG PHYI MA SKUR NGO BO GCIG TU SBYOR BA NI THIG LE'I DON TE, AE WAm GYI DON GNYIS PA ZUNG 'JUG GI MTHAR THUG GO ZHES DANG, RIM PA GSUM PA BDAG BYIN RLABS KYI SKABS NAS KYANG SGYU MA'I SKU DANG STONG PA'I YE SHES GNYIS SBYOR BA'I AE WAm DON YOD DE, DE NI SBAS DON GYI AE WAm MO, ,DE 'DRA'I ZUNG 'JUG GI YA SGYU MA'I SKU SGRUB TSUL GSAL BAR BSHAD PA'I CHA NAS 'DUS PA KHYAD PAR DU 'PHAGS PA NI, GSAL SGRON LAS, LUGS 'DI DAG TU STONG PA BZHI BSHAD PA'I DANG PO NI RNAL 'BYOR MA'I RGYUD DANG DE'I DGONGS 'GREL RNAMS SU DGA' BA BZHI BSHAD PA YIN LA, 'DIR STONG PA GSUM DANG 'DUS PA'I BAR DU RLUNG SEMS TZAM LAS GRUB PA'I, SGYU MA'I SKU BSHAD PA BZHIN DU, RNAL 'BYOR MA'I RGYUD KYI SKOR DU DGA' BA GSUM DANG BZHI PA'I BAR DU DE LTAR MA BSHAD CING, 'DIR DON GYI 'OD GSAL GYI MJUG DU RLUNG SEMS TZAM LAS GRUB BA'I SGYU MA'I SKU BSHAD PA BZHIN DU, GZHAN DU DON GYI LHA NA SKYES KYI DGA' BA'I 'JUG TU DE LTAR MA BSHAD PAS, 'BRAS BU'I GZUGS SKU'I NYE RGYU'I SLOB PA'I ZUNG 'JUG GI SKU DANG, DE'I NYER RGYUR RIM PA GSUM PA'I SGYU MA'I SKU RLUNG LAS SGRUB TSUL GSAL BAR BSHAD PA 'DI NI, LUGS MCHOG TU GYUR BA 'DI'I KHYAD PAR GYI CHOS BLA NA MED PA'O, ,DE LTAR RDZOGS RIM SPYI LA MKHO BA'I RTZA RLUNG THIG LE'I RNAM BZHAG DANG RDZOGS RIM GYI GTZO BO RNAMS

, ,DRI MA MED PA'I GZHUNG LAS 'BYUNG BA BTUS TE BKOD PA BO NI GYI NA BA NGAG DBANG BLO BZANG CHOS LDAN NO, ,'DIS KYANG RJE BTZUN TZONG KHA PA CHEN PO'I BSTAN PA RGYAS PAR GYUR CIG ,,BKRA SHIS BAR GYUR CIG, DGE'O,, ,,