, ,GSANG SNGAGS RDO RJE THEG PA'I DAM TSIG GI RNAM BZHAG BZHUGS SO,, *,,NA MO GU RU BHYE, 'DIR RDO RJE THEG PA'I RNAL 'BYOR BAS BSLAB PAR BYA BA'I RIM PA MDO TZAM DGOD PAR, RNAL 'BYOR RGYU DANG RNAL 'BYOR CHEN BO'I RGYUD LAS 'BYUNG BA'I RDO RJE THEG PA'I DAM TSIG LA RIGS LNGA SO SO'I DAM TSIG DANG SPYI'I DAM TSIG GNYIS, DANG PO LA LNGA LAS, DANG PO NI, SANGS RGYAS CHOS DANG DGE 'DUN TE, ,DKON CHOG GSUM LA SKYABS SU SONG, ,'DI NI SANGS RGYAS RIGS DAG PA'I, ,DAM TSIG BRTAN PAR 'GYUR PA'O, ,GNYIS PA NI, RDO RJE DRIL BU PHYAG RGYA YANG, ,BLO CHEN GYIS NI BZUNG BAR GYIS, ,BYANG CHUB SEMS GANG DE RDO RJE, ,SHES RAB 'DRIL BU ZHES BSHAD DO, ,SLOB DPON DAG KYANG BZUNG BAR BYA, ,BLA MA SANGS RGYAS KUN DANG MNYAM, ,'DI NI RDO RJE'I RIGS DAG PA'I, ,SDOM PA DAM TSIG YIN PAR GSUNGS, ,GSUM PA NI, RIN CHEN RIGS MCHOG CHEN PO LA, ,NYIN DANG MTSAN MO LAN GSUM DU, ,ZANG ZING MI 'JIGS CHOS DANG BYAMS, ,SBYIN PA RNAM BZHI RTAG TU SBYIN, ,BZHI BA NI, PHYI DANG GSANG BA THEG PA GSUM, ,DAM CHOS KHYOD KYIS BZUNG BAR BYA, ,'DI NI PADMA'I RIGS DAG PA'I, , DAM TSIG SDOM PA YIN PAR GSUNGS, ,LNGA PA NI, LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU BZUNG BAR GYIS, ,MCHOD PA'I LAS KYANG CI NUS BYA, ,GNYIS PA LA RTZA BA DANG YAN LAG GI DAM TSIG GNYIS LAS, DANG PO NI, DE LAS GZHAN PA BCU BZHI NI, ,PHAS PHAM PAR NI RAB TU BSHAD, ,SPANGS ZHING DIR BAR MI BYA STE, ,RTZA BA'I LTUNG BA ZHES BSHAD DO, ,NYIN DANG MTSAN MO LAN GSUM DU, ,NYIN RE ZHING NI BZLA BAR BYA, ,GANG TSE NYAMS GYUR RNAL 'BYOR PA, ,KHA NA MA THO SPOM POR 'GYUR, ,GNYIS PA LA, SPONG PA'I DAM TSIG ,BSTEN PA'I DAM TSIG ,SPONG BA'I DAM TSIG GZHAN GSUM
LAS; DANG PO NI, KHYOD KYIS SROG CHAGS BSAD MI BYA, ,MA BYIN PAR YANG MI BLANG NGO, ,'DOD PAS LOG PAR MI SBYAD CING, ,RDZUN DU SMRA BAR MI BYA'O, ,PHUNG KHROL KUN GYI RTZA BA YI, ,CHANG NI RNAM PAR SPANG PAR BYA, ,SEMS CAN 'DUL PHYIR MA GTOGS PA, ,BYA BA MA YIN THAMS CAD SPANGS, ,GNYIS PA NI, DAM PAR NYE BAR STEN BYA ZHING, ,RNAL 'BYOR BA RNAMS BSNYEN BKUR BYA, ,LUS KYI LAS NI RNAM GSUM DANG, ,NGAG GI RNAM PA BZHI RNAMS DANG, ,YID KYI RNAM PA GSUM DAG NI, ,CI NUS PAR NI RJES SU SKYONG, ,GSUM PA LA, THEG CHEN LAS LDOG PA'I RGYU SPANGS PA DANG, ,BRNYAS PA DANG 'GOMS PA'I NYES PA SPANG BA GNYIS LAS, ,DANG PO NI, THEG PA DMAN LA 'DOD MI BYA, ,SEMS CAN DON LA RGYAB PHYOGS MIN, ,'KHOR BA DAG KYANG SPANG MI BYA, ,RTAG TU MYA NGAN 'DA' MI BYA, ,GNYIS PA NI, LHA DANG LHA MIN GSANG BA PA, ,KHYOD KYIS BRNYES PAR MI PYA ZHING, ,PHYAG RGYA BZHON PA MTSON CHA DANG, ,MTSAN MA 'GEMS PAR MI BYA'O, ,'DI DAG GI DON BSDU NI, ,'DI DAG DAM TSIGS YIN PAR BSHAD, ,KHYOD KYIS RTAG TU BSRUNG BAR BYA, ,RJES MTHUN SDOM PA RGYA CHER NI, ,GSANG BA'I RGYUD LAS RAB TU BSHAD, ,ZHES SO, ,'DI RNAMS RGYUD SDE GONG MA GNYIS KA'I THUN MONGS PA STE RGYUD RDO RJE RTZE MO LAS 'BYUNG BA'O, ,YANG RTZE MO LAS, LHA YI SKU DANG PHYAG MTSAN DANG; ;LHA YI BZHON PA DAG DANG NI, ,DMAN NAM LHA YI GRIB MA DANG, ,LHA YI MTSAN MA THAMS CAD DANG, ,BZA' BDAG NI SNA TSOGS PA, ,MTSAN MA'I GZUGS SU BYAS PA DAG ,'GOMS PAR MI BYA BZA' MI BYA, ,ZHES GSUNGS LA DE DAG MI 'GOMS DBANG MED BYUNG NA AA WA TA RA RA DRANGS PA LAS, ,DMAN MA RJO RJE'I RI MO MTSAN, ,SANGS RGYAS PHYAG RGYA LA SOGS TSOGS, ,MNAN NAM BRJIS PAR GYUR
, ,BA YANG, ,RDO RJE SHUG LDAN NYES MI 'GYUR, ,ZHES GSUNGS PAS, AOm BDZRA BE GA AA GRA MA H'Um, ZHES BAS BRJOD LA 'GOMS PAR BYA STE DE YANG RDZAS DE LTAR NA NGAG TU SDAGS DE BRJOD CING YID KYIS GANG LA 'GOMS PA'I GZHI DE RANG GI STENG DU BTEGS NAS DE'I 'OG NAS 'DZUL BAR BSAM PAR BYA'O, ,ZHES PA LTAR RO, ,GZHAN YANG DAM TSIG LNGA PA LAS, ,GANG YANG DAG NI MA RNYED PA'AM, ,SNOD MA YIN PAS 'JIGS PA YANG, ,BDUD RTZI LNGA DANG SHA LNGA DAG ,BSAM GTAN GYIS NI YONGS SU BRTAGS, ,CES BZA' BA'I DAM TSIG DANG, ,SNYING PO RGYAN LAS, RI LU LA SOGS DAM TSIG DANG, ,RDO RJE 'PHRENG SOGS YO BYAD RNAMS, ,NAM DU YANG NI 'BRAL MI BYA, ,ZHES BSTEN PA'I DAM TSIG DANG, ,RDO RJE MKHA' 'GRO LAS, ,BRTAN PA DANG NI GA-YO BA YI, ,'GRO KUN GA-YON NAS 'BYUNG BAS NA, ,GA-YON GYIS ZA ZHING GA-YON MCHOD BYA, ,ZHES DANG, BDE MCHOG RTZA RGYUD LAS, RKANG BA GA-YON BA SNGON DU NGOR, ,LAG PA GA-YON PA YONGS SU BSGYUR, ,GA-YON GYI MCHOD BAS RAB MCHOD BYED, ,GA-YON NAS 'KHYUD PA TZAM DANG NI,, GA-YON PA YIS NI MCHOD CING ZA, ,ZHES DANG, GA-YON BA'I DAM TSIG BRGYAD NI RTZA RGYUD LAS, DE NAS RNAL 'BYOR RGYUD DU NI, ,BRNYED DKA'I DAM TSIG NGA YIS BSHAD, ,SKYES PA 'AM BUD MED GA-YON NAS 'GRO 'DOD PA'I 'BRAS BU STER BAR BYED, ,KHYIM DANG ZHING DU RNAM PAR GNAS, ,BA'I RNAL 'BYOR LAS, SHIN TU RING YANG SHES PAR 'GYUR, ,SHR'I HE RU KA'I RNAL 'BYOR GNAS KHYAD PAR GYI, RNAL 'BYOR MTHOR BA NA, GYI CHU RU BYAS, ZHING GZHAN YANG MCHOG ,SLOB DPON RNAL 'BYOR MA RNAMS KYI SKYES MCHED YIN PAS RNAL 'BYOR MA NYID YIN, MDE DANG, BUD MER THAMS CAD MTHONG BA NA, ,NAS LOR STON PAR, GA-YON NAS LAN GSUM BSKOR BYA ZHING, ,SBYI BYOS PHYAG NI BYAS
NAS KYANG, ,LAN GSUM BAR DU NI, GSOL BA GDAB, ,KHYED MA BDAG NI BUNG YIN TE, ,JI SRID BYANG CHUB BYUNG BAR DU, ,BYUNG CHUB YAN LAG NU MA LAS, ,BYU BAS RANG GI 'O MAS SKYONG, ,ZHES GSUNGS PA LTAR DNGOS SUM NUS KYANG YID KYIS BYA'O, ,RGYUD 'DI RU NI SGRUB PA PO'I, ,LEGS PAR 'GYUR BA NYID YIN TE, ,BRNYES MI PYA ZHING SPANGS MI BYA, ,NUS PA YIS NI MCHOD PAR BYA'O, ,KA KA GDONG SOGS BRGYAD PO NI, ,GROL DANG DA ZAD PA 'PHEL BYED PA, ,RTAG CHA DBANG BSKUR BA'I, PAR DNGOS GRUB RNAMS KYI RGYU, DAM TSIG RNAMS KYANG SKYONG BAR BYAD, ,LHA MO LTOG GZHAN DANG KUN SBYOR BA'I, STE KHA MA LA MOS DE'I TSE RTZOGS BA'I 'DU SHES KYI, KHA BAR RMONGS KABS 'DOD PA MIN, ,GCIG BU MED DANG THOG MED PA, MI MOS DBANG PHYUG LEGS PAR SBYOR, ,DAM TSIG SPYOD PA'I SBYAD BYA BAm, ,TSANGS SPYOD DE BZHIN BSAM GTAN TE, ,KHRO MED BU GAR KUN DU SPYAD, 'CHAGS SHING STE SPONG BA, BSTE DE KHO NA NYID RTOG PA DANG MA BRAL BA, BA STE LHA MO LA 'DOD PA, BSTEN NAS LHAN SKYES KYI BDE BA 'DREN PA'I NUS PA MA RDZOGS PA DE SRID DU, PA SNGA MA GNYIS DANG MI 'BRAL BAR, DE'I TSE BYANG SEMS NOR BU'I RTZE LAS MI 'THO BA DBYED PA'I, STE YUM GYIS PADMA NAS BYANG SEMS LCES BLANG TE 'THUNGS BA'O, ,'DI BRGYAD DAM TSIG KUN SBYAD YIN, ,SGRUB PA LA NI GNAS PA YI, ,SGRUB PA POS NI RTA SHES BYA, ,ZHES GA-YON PA'I DAM TSIG BRGYAD, STE RANG GI PHO NYA LA THAR PA'I DON DU ZHEN PAS BSTEN PA LA BKRIR MI NUS, SOGS MANG DU 'BYUNG NGO, ,DAM TSIG DANG SNGOM PA'I DON RJES 'DI GNYIS GYI KHYAD PA NI, DKYIL CHOG BZHI BRGYA LNGA BCU PA'I 'GREL BAR SHANTI BAS DAM TSIG NI 'DA' BAR BYA BA MA YIN PA'I PHYIR RO, ,SDOM PA NI BYA BA DANG MI BYA BA'I NGES PA'O, ,ZHES BYA RGYUD MI BYED PA DANG MI BYA RGYUD BYED PA 'GOG CING SDOM PA DANG JI LTAR BCAS PA LTAR 'DA' BAR MI BYA BAR
, ,NYAMS SU BLANG BA LA BSHAD PA LTAR RDO RJE 'PHRENG BA DANG RDO RJE MKHA' 'GRO'I 'GREL BAR YANG BSHAD PAS DE LTAR 'DU SHES PAR BYA'O, ,ZHES PA LTAR RO, ,DE DAG SRUNG BA'I PHAN YON NI THAMS CAD GSANG BA'I MDZOD LAS, DBANG BSKUR YANG DAG SBYIN LDAN NA, ,SKYE DANG SKYE BAR DBANG BSKUR 'GYUR, ,DE YI SKYE BA BDUN LA NI, ,MA SGOM PAR YANG DNGOS GRUB 'THOB, ,GANG LA BSGOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA GRUB, ,SKYE BA GZHAN DU DNGOS GRUB 'THOB, ,CES DANG DAM TSIG LNGA PA LAS, ,GAL TE LTUNG BA MED GYUR NA, ,SKYE BA BCU DRUG DAG NA 'GRUB, ,CES DANG RJES, RTZA BA DANG YAN LAG GI NYES PAS MGOS PA'AM GOS KYANG PHYIR BCOS TSUL BZHIN DU BYAS NAS DAM TSIG DANG SDOM PA DAG PAR BSRUNG NA SKYE BA BCU DRUG TSUN LA MCHOG 'GRUB PAR GSUNGS SO, ,BDUN DANG BCU DRUG GI KHYAB PAR NI BI BHU D'I SA MA BSGOM GYUR KYANG ZHES PA LTAR LAM BSGOM PA'I BRTZON PA DANG LDAN MI LDAN YIN TE SNGA MA GANG YANG SGOM PA DANG LDAN ZHES GSUNGS SO, ,ZHES PA LTAR RO, ,MA BSRUNG BA'I NYES DMIGS NI, ,MDO SDE SNYING PO CAN LAS, ,DE LA SNGAGS PA YONGS 'DAS NA, ,NGES PAR BDUD DANG 'PHRAD PAR 'GYUR, ,NAD DANG SDUG BSNGAL 'PHEL GYUR TE, ,BSTIR MED SPYI'U GTZUG DMYAL PAR 'GRO,, SBOM PO LTUNG BYED NYES DMIGS KYANG, ,DE DANG 'DRA BAR SHES PAR BYA, ,ZHES PA LTAR RO, ,BSRUNG THABS NI RTZE MO LAS, ,SNGA DRO SDOM PA BLANGS BYA STE, ,DE NYID NYIN PHYED DANG 'TSAMS SU,,
NYIN DANG MTSAN MO LAN GSUM DU, ,SANGS RGYAS RDO RJE NOR BU DANG, ,PADMA BYED PA'I RNAL 'BYOR GANG, ,RNAM PA BZHI PO DE LAS SBYONG, ,SANGS RGYAS CHOS DANG TSOGS BYANG CHUB, , NYIN DANG MTSAN LA RNAM PA DRUG ,RDO RJE DRIL BU TSOGS SLOB DPON, ,RDO RJE CAN LA DE BZHIN DRUG ,CES DANG, BRAM ZE CHEN POS, SEMS DAG THO RANGS DUS LANGS TE, ,BZA' DANG BSRUNG BA LA SOGS PA'I, ,SDOM PA'I BDAG NYID CAN BSRUNG NGO, ,LUS DANG SROG LA MI LTOS PAR, ,DAM TSIG DANG NI SDOM PA BSRUNG, ,NYIN DANG MTSAN MO LAN GSUM DU, ,RTAG TU BZLAS LA GZHOL BAR BYA, ,GANG TSE NYAMS NA RNAL 'BYOR PA, ,KHA NA MA THO SPOM POR 'GYUR, ,CES DANG, RJES, DE LTAR LAS DANG PO BAS, ZHAG GCIG LA DUM BU DRUG DU BCAD NAS DRAN SHES BSTEN TE, DE RNAMS KYI NANG DU NYES PA BYUNG MA BYUNG RTOGS PA 'DI NI DAM TSIG BSRUNG BA'I THABS BLA NA MED PA YIN PAS, ,SNGAGS PAS RDO RJE 'CHANG GI BCAS PA 'DI GNAD CHE BAR ZUNG SHIG, CES DANG, 'PHAGS PA THOGS MED KYIS LTUNG BA 'BYUNG BA'I SGO BZHIR BSDUS NAS GSUNGS PAS SGO BZHI 'GOG PA NI LTUNG BA LAS SEMS BSRUNG BA'I THABS BLA NA MED PA'O, ,ZHES GSUNGS PA LTAR RO, ,BYA SPYOD GNYIS LA BSRUNG BYA'I RTZA LTUNG NI BYANG SEMS KYIS RTZA LTUNG LAS GZHAN MED PA DAM TSIG GZHAN GYI LEGS GRUB KYI RIGS SNGAGS KYI 'DUL BA RIM PAR BYE BA LAS DE NAS GZHAN YANG 'GA' ZHIG LA, ,GNAS NA BZLOS PA PO RNAMS KYIS, ,DNGOS GRUB MYUR DU THOB 'GYUR BA'I, ,GSANG SNGAGS BZLOS PA'I 'DUL BA BSHAD, ,SGRUB CHOS GSANG SNGAGS THAMS CAD
, ,DANG; ,LHA RNAMS DAG NI THAMS CAD DANG, ,ZLOS PA BDAG NYID CHEN PO LA, ,MKHAS PA ZHE SDANG MI BYA'O, ,MKHAS PAS GSANG SNGAGS CHOG DANG, ,GSANG SNGAGS RANG BZOR MI BYA ZHING, ,RANG GZHIN NGAN PA'I MI DAG LA, ,BRNYAS PAR YANG NI MI BYA'O, ,BLA MA DKYIL 'KHOR BSTON PA NI, ,SPYOD PA NGAN PAR GYUR NA YANG, ,NGAG GAM YANG NA YID KYIS SU, ,NAM YANG SMAD PAR MI BYA'O, ,MKHAS PAS RIGS SNGAGS DAG LA NI, ,KHROS NAS GNAN DANG BCING BA DANG, ,BCAS PA DANG NI TSAR GCOD DANG, ,DRAG SPYOD DE DANG DE MI BYA, ,GZHAN GYIS RJES SU MA GNANG BAR, ,GSANGS SNGAGS BZUNG BAR MI BYA STE, ,BSNYEN BKUR MA BYAS PA LA YANG, ,CHO GSHES PAS SNGAGS MI SBYIN, ,RGYUD SHES MKHAS PAS GSANGS SNGAGS DANG, ,PHYAG RGYA CHO GA ZHI BA MO DANG, ,RGYUD DANG DKYIL 'KHOR BSHAD PA DAG ,DKYIL 'KHOR MA ZHUGS LA MI SBYIN, ,MTSON CHA 'DRA BA THAMS CAD DANG, , DE BZHIN SEMS CAN 'DRA BA DANG, ,PHYAG RGYA SNA TSOGS THAMS CAD DAG ,BZA' BAR MI BYA 'GOMS MI BYA, ,SGRUB PA PO NI BLO LDAN GYIS, ,SMAN RNAMS SMOD PAR MI BYA STE, , MI GTZANG BAS KYANG REG MI BYA, ,RKANG PAS KYANG NI MI 'GONG NGO, ,THEG PA CHEN PO BA DAG DANG, ,SHES RAB CAN GYIS BRTZAD MI BYA, ,BYANG CHUB SEMS DPA' MTHU CHEN DAG ,THOB NAS SUN KYANG MI DBYUNG NGO, ,SNGAGS KYI SGRUB PA PO DAG DANG, ,LHAN CIG NAM YANG 'GRAN MI BYA, ,NYES PA CHUNG NGU DAG LA NI, ,KHROS NAS DRAG SHUL SPYAD MI BYA, ,ZLOS PA CHO
GA LA GNAS PAS, ,GLU GAR RTZED MO MI BYA STE, ,MDZES PAR BYA PHYIR 'PHRENG BA DANG, ,KHA DOG 'CHANG BAR MI BYA'O, ,'GONG BA DANG NI MCHOD PA DANG, ,RGYUG PA DANG NI TZA BA HRAL DANG, , LUS LAS BYUNG BA'I GNAS NGAN LEN, ,THAMS CAD YONGS SU SPANG BAR BYA, ,BDEN PA'I CHOS LA GNAS PA YIS, ,LOG PA GTUM DANG 'GYUR DANG RTZUB, ,DBYIN GYI TSIG KYANG SPANG PAR BYA, ,DON MED GTAM YANG MI BYA'O, ,MU STEGS CAN DANG GNAS PA DANG, ,RTZOD PA DAG KYANG MI BYA ZHING, ,GDOL BA LA SOGS RIGS NGAN DANG, ,GSANG SNGAGS ZLOS PA SMRA MI BYA, ,BLO CAN BZLAS BRJOD BYED PA NA, ,SNGAGS GA-YOG GCIG PU MA GTOGS PAR, ,GZHAN DANG LHAN CIG DGOS MED PAR, ,'GA' DANG YANG NI SMRA MI BYA, , 'BRU MAR DAG GIS LUS MI BSKU, ,NYIL YANG BZA' BAR MI BYA'O, ,LA PHUG SGOG PA TSVA DAG DANG, ,BCA' SKYUR RNAM PA THA DAD DANG, ,CUNG PENG DANG NI SRAN TI LA DANG, , TIL GYI CUNG PER LA TU DANG, ,DE BZHIN MA SHA'I SRAN CHAN DAG, U,DNGOS GRUB 'DOD PAS RNAM PAR SPANGS, ,LOG 'DREN DAG GI ZAS KUN DANG, ,GTOR MA'I KHA ZAS THAMS CAD DANG, KRI PA TA DANG 'O THUG DANG, ,GSANG SNGAGS ZLOS BAS RNAM PAR SPANG, ,SHING RTA LA SOGS BZHON PA DANG, ,PADMA LE SOGS BRDZIS MI BYA, ,KHA ZAS LHAG MA BOR BA LA, ,RKANG BAS KYANG NI REG MI BYA, ,SGEG PA'I CHO GA THAMS CAD DANG, ,LHA MA DANG GDUGS DAG 'CHANG BA DANG, ,LUS KYI BYI BYAD THAMS CAD DAG ,GSANG SNGAGS ZLOS PAS RNAM PAR SPANG, ,RKANG PAS
, ,RKANG PA NYAD PA DANG, ,LAG PAS LAG PA MNYE MI BYA, ,GSHAD CI DAG NI CHUR MI 'DOR, ,DE DANG NYE BAR DOR MI BYA, ,SNYIM PA KHO NAR MI BZA' STE, ,KHAR BA'I SNOD DU 'ANG BZA' MI BYA, ,LO MA'I RGYAB TU'ANG MI BZA' ZHING, ,MKHAS PAS CHAGS PA'I ZAS MI BZA', ,KHRI RNAMS DANG NI KHRI'U DAG LA, ,SGRUB PA BLO LDAN MI GTZANG LA, ,GZHAN DANG NYAL BAR MI BYA STE, ,GAN RKYAL KHA SPUB TU YANG MIN, ,YANG DANG YANG DU MI BZA' STE, ,HA CANG CHUNG DANG CHER MI BZA', ,MI BZA' BAR YANG MI BYA LA, ,GANG DAG TOGS PA'ANG MI BZA'O, ,NGO MTSA RNAMS LA DGA' MI BYA, ,BLTAD MO KUN LA MI BLTA ZHING, ,BUD MED YUL LA 'JOL NYOG LA, ,ZHEN PA'I SEMS KYIS CHAGS MI BYA, ,SNGAGS ZLOS CHO GA LA NAS PAS, ,LUS DANG NGAG DANG YID KYIS KYANG, ,ZAS DANG DE BZHIN SPYOD PA LA, ,MA BSDAMS PAR NI YONGS MI BYA, ,SNGAGS ZLOS KHYIM MKHAS PA YIS, ,KHA DOG BSKYUR BA'I GOS MI BGO ,DE BZHIN RNYENG DANG DRI MA CAN, ,GOS CIG SAR NI YONGS MI BYA, ,BDAG LA SMAD PAR MI BYA ZHING, ,RANG LA MI DGA' BYA STE, ,SKYO BAR YANG NI MA GYUR DANG, NAD KYIS 'GONG BAR MI BYA'O, ,BKA' LAN BRTZAL BAR MA GTOGS PAR, ,BDAG GIS GSANG SNGAGS GTANG MI BYA, ,GTI MUG BLOS NI MI SMAD CING, ,SGRIM PA LHOD PAR MI BYA'O, ,YID NI GZHAN DU MA GYUR DANG, ,BSUM PA MANG PO MED YIN DANG, ,MI GTZANG CHAGS PA'I SEMS MED PAR, ,ZLOS PA POS NI GSANG SNGAGS GDON, ,GDON GYI LAS RNAMS MI BYA ZHING, ,SRUD DANG SLAR ZLOG MI BYA'O, ,
RANG GI SNGAGS SEMS GZHAN GYIS KYANG, ,ZLOS PAS DUG GI LAS MI BYA, ,SGRUB PA PO LA DGOS MA GTOGS PAR, ,GSANG SNGAGS GZHAN DU SPYAD MI BYA, ,'GRAN PA DANG NI SAD PHYIR YANG; ;BDAG GIS GSANG SNGAGS MI SBYOR RO, ,BLO LDAN GYIS NI DUS GSUM BZLAS, ,DUS GSUM DU NI KHRUS BYAS TE, ,ZHES DANG, SGRUB PA POS NI TSES BRGYAD DANG, , BCU BZHI DANG NI BCO LNGA DANG, ,CHO 'PHRUL GYIS NI ZLA PHYED LA, ,KHYAD PAR DU NI MCHOD PAR BYA, ,BZLAS BRJOD SBYIN SREG MCHOD PA DANG, ,DE BZHIN SDOM PA BZUNG BA DANG, ,KHYAD PAR DU YANG BSOD NAMS LA, ,GUS SHING MNGON PAR BRTZON PAR BYA, ,ZHES DANG, 'DI BYA 'DI NI MI BYA'O ZHES, ,RIG SNGAGS 'DUL LAS SMOS PA DANG, ,BSLAB PA'I SDOM PA NYID LA YANG, ,ZLOS PAS RTAG TU RNAM PAR BSAM, ,RANG GI BDE LA CHAGS PA DAG ,NYIN MTSAN DU NI SPANGS PAR BYA, ,'DI DAG DBYAS NAS 'DI BYA'O ZHES, ,MI GA-YEL BAR NI GYUR BAR BYA, ,NYIN PAR BGAS MED BYAS PA DAG ,MTSAN MO SO SOR BSHAGS PAR BYA, ,NUB MO BYAS PA'ANG NANG BAR BSHAGS, ,LEGS PAR BYAS LA MNGON DGAR BYA, , BZLAS BRJOD SBYIN SREG GTZANG SPRA BYA, ,RIGS SNGAGS MCHOG DANG RANG SNGOM DANG, ,RIGS SNGAGS 'DUL BA DAG LA YANG, ,SGRUB PA POS NI NAN TAN GNAS, ,ZHES DANG , SPYI RGYUD LAS, DKYIL 'KHOR LEGS PAR MA MTHONG PAR, ,GANG ZHIG CA STE SNGAGS BZLOS NA, ,DE NI DNGOS GRUB THOB MI 'GYUR, ,SHI NAS NGAN SONG LTUNG BAR 'GYUR, ,SNGAGS DAN
, ,PHYAG RGYA CHO GA LA, ,GANG ZHIG DE LA BSTON PA SPANG, ,DE NI DAM TSIG NYAMS GYUR NAS, ,DU 'BOD SEMS CAN DMYAL BAR 'GRO, ,ZHES DANG, JI SKAD BSHAD PA'I DAM TSIG RNAMS, ,GAL TE NYAMS PAR GANG GYUR BA, ,DE NI RANG GI SNYING PO'I SNGAGS, ,GCIG 'BUM DU NI BZLAS BRJOD BYA, ,YANG NA SEMS RMONGS MED PA'I GZUNG, ,STONG DU BZLAS BRJOD BYAS KYANG RUNG, ,YANG NA ZHI BA'I SBYIN SREG BYA, ,YANG NA DKYIL 'KHOR DU YANG GZHUG ,CES DANG DGRA NAG GI 'GREL PA RIN CHEN SGRON MED LAS DAM TSIG DE RNAMS KYI 'OG TU, ,DAM TSIG DE DAG NI BDAG GIS BYA BA'I RGYUD DAG LAS BTUS PA YIN GYI, ,RNAL 'BYOR CHEN PO'I RNAL 'BYOR PA DAG GIS KYANG YUL DANG DUS KYI DBANG DANG BSAM PA'I DBANG GIS JI LTAR RIGS PAR BSRUNGS SHIG, YANG GANG DAG RNAL 'BYOR CHEN PO'I RNAL 'BYOR PA YIN PAR SMRA BA GTZANG SBRA DANG SDOM PA MED 'DOD DE DAG MI RUNG BAR 'GYUR TE, BSAM PA LA SOGS PA'I DBANG LAS NI BYA BA'I RGYUD DAG TU YANG, GTZANG RUNG DE NI MI GTZANG RUNG, ,ZAS NI ZOS RUNG MA ZOS RUNG, ,KHRUS BYAS DE NI MA BYAS RUNG, ,BDAG GIS LHA NYID DRAN PAS 'GRUB, ,ZHES BYA BA LA SOGS PA BAGS YANGS SU GSUNGS LA, PHAL CHER NI RNAL 'BYOR CHEN PO'I RNAL 'BYOR BAS KYANG JI SKAD DU GSUNGS PA'I DAM TSIG LAS 'DA' BAR MI BYA BAS SO, ,ZHES GSUNGS SO, ,DKON MCHOG SKYABS 'GRO TSAD MED RNAM BZHI BSGOM, ,SMON 'JUG SEMS BSKYED DE YIS PHAN YON BSAM, ,BLA MA GSAL GDAB PHYAG DANG MCHOD PA 'BUL, ,PHUNG PO GSUM PA SOGS KYIS SDIG LTUNG BSHAGS,
SKYON RTOG SDAMS SHING YON TAN BKA' DRIN BSAM, ,GSOL BA BTABS STE BSTIM LA LTA THOG BZHAG ,LHAR GSAL RDOR DRIL DE NYID DRAN PA YIS, ,BZUNG BA'AM MOS TE MNYAM SBYAR BDE STONG BSGOMS, ,SDOM GSUM SLAB BYA BLA MA'I DAM TSIG RNAMS, ,DRAN BYA DE 'GAL NYES PA BSHAGS SHING BSDAMS, ,THEG GSUM PHYI NANG DAM TSIG BZUNG 'DOD SKYED, , LUS DANG LONGS SPYOD DGE RTZA BTANG ZHING BSNGO, ,CES RDO RJE THEG PA'I DAM TSIG GI RNAM BZHAG MDOR BSDUS PA DANG, THUN DRUG GI RNAL 'BYOR GYI SDOM 'DI GYI NA BA NGAG DBANG BLO BZANG CHOS LDAN ZHES PAS BRIS PA DGE LEGS 'PHEL BAR GYUR CIG; ;MNGGALAm,, ,,