*, ,TSE BSGRUB BDUD RTZI'I ZIL MNGAR BZHUGS SO, ,*, ,BLA MA DANG 'OD DPAG MED DBYER MA MCHIS PA'I ZHABS LA PHYAG 'TSAL LO, ,DUS GSUM RGYAL BA'I DBANG POS TZOD KHA PA CHEN PO NAS
RIM PAR BRGYUD PA'I TSE KHRID ZAB MO NYAMS SU BLANG BDE BAR DGOD PA NI THO RANGS KHRUS BYAS, STAN BDE BAR KHA NUB TU PHYOGS PA'AM, PHYOGS PAR MOS TE LUS GNAD BCOS LA RLUNG RO DGU PHRUGS SU BSAL, SKYABS 'GRO SEMS BSKYED TSAD MED BZHI SPYI 'GRO LTAR SNGON DU BTANG LA, NUB PHYOGS BDE BA CAN GYI MGON PO 'OD DPAG MED KYI YON TAN DRAN PA'I SGO NAS RANG GI MGON SKYABS SU SPYAN 'DREN PA'I 'DUN PA RTZE GCIG PA'I DANG NAS, BDE LDAN ZHING GI MGON PO 'OD DPAG MED, SKU NI MTSAN DPE GSAL LA RDZOGS PAS MDZES, GSUNG NI YAN LAG DRUG CUS SNYAN CING 'JEB, ,THUGS NI ZAB YANGS RGYA CHE MKHYEN PA'I GTER, ,YON TAN SPANGS RTOGS RIGS KUN YONGS SU RDZOGS, ,'PHRIN LAS RGYUN CHAD MED PAR LHUN GYIS GRUB, ,'GRO KUN SRID ZHI'I 'JIGS LAS SKYOB PA DANG, ,BDAG GI TSE, DPAL SKYED PHYIR 'DIR GSHEGS SHIG ,CES PA LAN BDUN BRJOD PAS MGON PO 'OD DPAG MED, RDZU 'PHUL GYIS THOGS PA MED PAR BYON NAS, MDUN GYI NAM MKHAR BZHUGS PAR BSAM LA, MDUN GYI NAM MKHAR AUD PA LA RGYAS PA'I STENG, RMA BYAS BTEGS IPA'I KHRI STENG PAR ZLA LA, SKYABS MCHOG MGON PO 'OD DPAG MED PA'I SKU, BYI RU'I LHUN BO NYIN BYED 'BUM 'OD KYIS, , 'KHYUD LTAR RAB TU MDZES SHING BRJED CHAGS PA, ,ZHAL GCIG PHYAG GNYIS MNYAM GZHAG PHYAG RGYA'I STENG, ,LHUNG BZED 'CHI MED BDUD RTZIS RAB GANG BA'I, ,STENG DU HR'I: YIG DMAR SER MTSAN PA BSNAMS, ,CHOS GOS GSUM GSOL MTSAN DPE'I RGYAN LDAN PA, ,RDO RJE SKYIL KRUNG TSUL GYIS BZHUGS PAR GYUR, ,CES RANG GI MDUN DU MGON PO 'OD DPAG MED BZHUGS PA'I RNAM PA
, ,LEGS PAR GSAL GDAB, SGO GSUM GUS PA CHEN POS BDAG PHYAG 'TSAL, ,DNGOS BSHAMS YID SPRUL MCHOD SPRIN RGYA MTSOS MCHOD, ,THOGS MED NAS BSAGS GNYES LTUNG SDIG KUN BSHAGS, ,RANG GZHAN DGE BA KUN LA RJES YI RANGS, ,ZAB DANG RGYA CHE'I CHOS KYI 'KHOR LO BSKOR, ,SRID MTHA'I BAR DU GA-YO MED BRTAN PAR BZHUGS, ,'DIS MTSON DGE BA 'GRO KUN DON CHED DU, ,BLA MED RDZOGS PA'I BYANG CHUB CHEN POR BSNGO, ,ZHES YAN LAG BDUN PA 'BUL, ,SKYABS MGON DAM PA MGON PO 'OD DPAG MED, ,BDAG LA RES SKYABS GZHAN MA MCHIS PAS, ,'GRO KUN SRID ZHI'I 'JIGS LAS SKYOB PA DANG, ,BDAG GI TSE DPAL SKYED PAR MDZAD DU GSOL, ,CES GDUNG SHUGS DRAG POS GSOL BA BTAB PAS, ,'OD DPAG MED KYI SKU'I CHA DANG PHYAG GI LHUNG BZED KYI STENG GI HR'I: YIG LAS 'OD ZER DPAG TU MED PA 'PHROS, SEMS CAN THAMS CAD KYI SDIG SGRIB SBYANG 'OD DPAG MED KYI GO 'PHANG LA BKOD, RGYAL BA SRAS BCAS LA MCHOD PA BUL, DE RNAMS KYI BYIN RLABS THAMS CAD BSDUS NAS HR'I: YIG LA THIM, DE LAS BDUD RTZI 'PHEL, RANG GI SNA BUG GA-YON NAS 'OD KYI SPU GU SBA LCAG TZAM PA CIG 'PHROS TE 'OD DPAG MED KYI PHYAG GI LHUNG BZED KYI STENG GI HR'I: YIG LA PHOG ,HR'I: YIG LAS BDUD RTZI BAB PAS 'OD KYI SPU GU'I NANG BRGYUD DE 'ONG BA RANG GI SNA BUG NAS ZHUGS, LUS THAMS CAD BDUD RTZIS GANG BAR BSAM LA, AOm AA MA RA nI DZI WANETA YE SV'A H'A, ZHES PA'I SNGAGS NYER GCIG BZLA, DE'I RING LA RANG GI LUS 'CHI MED TSE'I BDUD RTZIS MER GYIS GANG BAR MOS TE, SNGAGS NYER
GCIG SONG BA DANG CUNG ZAD NGAL SOS TE, RANG GI LUS GA-YAS GA-YON DU GCU PA RE BYA, DE LTAR BYAS PAS RANG GI LUS BDUD RTZIS MER GYIS GANG BDE CUNG ZAD KHA BRI PAR MOS, DE LTAR LAN DRUG BYA ZHING, SNGAGS NYER GCIG RE BZLA DE'I RJES SU, LUS BDUD RTZIS GANG ZHING, 'CHI MED TSE YI DNGOS GRUB THOB PAR BSAM, DE'I MTHAR BLA MA RGYAL BA MGON PO 'OD DPAG MED, BDAG LA THIM NAS BYIN GYIS BRLAB PAR MDZOD, CES BRJOD PAS MDUN GYI MGON PO 'OD DPAG MED RANG LA THIM PAR BSAM, DE NAS DUS MIN 'CHI BA'I MTSAN MA MTHONG BA NA, DE YI MOD LA TSE DPAG MED MGON SKU, GSAL BAR MTHONG NAS 'CHI BDAG DPA' BCOM STE, ,'CHI MED RIG 'DZIN MYUR DU THOB PAR SHOG ,PHYIN DRUG STOBS KYI SANGS RGYAS YANG DAG 'PHAGS, MI YI SENG GE PHYIN DRUG STOBS RTOGS TE, ,SNYING RJE CAN GYI GRONG KHYER 'JUG PA NA, ,PHYIN DRUG STOBS KYI TSE YANG 'PHEL BAR SHOG ,BSOD NAMS DAR RGYAS RI RGYAL LHUN PO BZHIN, ,SNYAN GRAGS CHEN PO NAM MKHA' BZHIN DU KHYAB, , TSE RING NAD MED GZHAN DON LHUN 'GRUB PA'I, ,YON TAN RGYA MTSO'I MCHOG GI BKRA SHIS SHOG ,ZHES BSNGO BA SMON LAM SHIS BRJOD KYIS BRGYAN PAR BYA'O, ,'DI SHIN TU ZAB PA'I TSE KHRID YIN PAS NANG RE BZHIN MCHAG PAR BYAS NA TSE DANG BSOD NAMS 'PHEL BAR 'GYUR RO, ,CES PA 'DI NI 'JAM DBYANGS GONG MA CHEN PO BDE SKYID RGYAL PO'I SRAS MO DAD PA RNAM DPYOD PHUL DU PHYIN PA'I RGYAN GYIS MDZES PA'I GONG ? GNYIS PA'I THUGS DAM RGYUN 'KHYER DU 'JAM DBYANGS GONG MA'I LUNG GIS ? TING PHU'U SHAN BKRANG TSI T'A KOO SHR'I MING GZHAN LCANG KYA HU THOG THUR 'BOD PA NGAG DBANG BLO BZANG CHOS LDAN DPAL BZANG POS BONG CHOS LHA KHANG DU SBYAR BA'I YI GE PA NI RNAM DPYOD DANG LDAN PA'I DGE TSUL BSTAN 'DZIN CHOS DAR RO,, MNGAGALAm,, ,,