*, ,RNAM SHES GONG DU 'PHO MA'I 'KHRID YIG MKHA' SPYOD MYUR LAM BZHUGS SO, ,*, ,BLA MA DANG tA KI LAN MO, , SKYABS 'GRO SEMS SKYED SNGON DU BTANG, SNYING RJE CHEN PO DANG RANG BZHIN MED PA'I DON SHUGS DRAG PO BSGOM, RANG SKAD CIG GIS YE SHES MKHA' 'GRO MAR GSAL BA'I THUGS KHAR ZLA BA'I DKYIL 'KHOR GYI DBUS SU YE SHES LNGA'I BDAG NYID CAN GYI H'Um YIG LAS 'OD ZER DMAR PO NYI MA SHAR BA LTA BU 'PHROS, YE SHES MKHA' 'GRO MA LA PHYOGS BCU'I SANGS RGYAS BYANG SEMS KYIS BSKOR BA MDUN GYI NAM MKHAR SPYAN DRANGS, CHU GNYIS NYER SPYOD SOGS KYIS
, ,MCHOD; ,GUR GYI RGYUN BSHAGS LAN GSUM BYA, ,TSOGS ZHING RANG LA THIM PAS BYING YIS BRLABS PAR BSAM, SVA BH'A WAS SBYANGS, STONG PA'I NGANG LAS SNA TSOGS PADMA DANG ZLA BA'I GDAN LA RANG GI RNAM PAR SHES PA'I NGO BO H'Um YIG DKAR PO 'OD ZER DMAR PO 'PHRO BA, DE LAS 'OD 'PHROS, SEMS CAN GYI KHAMS RNAMS SBYANGS, TSUR 'DUS YONGS SU GYUR PA LAS RANG NYID YE SHES KYI MKHA' 'GRO MA DKAR PO ZHAL GSUM PHYAG DRUG MA, RTZA ZHAL DKAR PO BZHAD PA, GA-YAS ZHAL NAG PO KHROS PA, GA-YON ZHAL DMAR PO CHAGS PA'I NYAMS CAN, ZHAL RE RE LA SPYAN GSUM GSUM PA, PHYAG DRUG GI GA-YAS DANG POS MDA' GNYIS PA LCAGS KYU, GSUM PAS RDO RJE 'PHYAR BE, GA-YON DANG POS THUGS KHAR RDO RJE ZHAGS PA DANG BCAS PA'I SDIGS MDZUB, GNYIS PAS DPAG BSAM GYI SHING GI YAL GA PHRA MO, ,GSUM PAS GZHU BA SNAMS PA, GOS SNA TSOGS PA DANG RIN PO CHE'I RGYAN GYIS BRGYAN PA; DBU SKRA'I ZHAGS PA CHAS LEGS PA, SKU LAS 'OD ZER GYI TSOGS 'PHRO BA'I RTZE MO LAS SANGS RGYAS DPAG TU MED PA'I TSOGS NAM MKHA' GANG BA SPRO BA, ZHABS SEMS DPA'I SKYIL MO KRUNG GIS BZHUGS PA, THUGS KHAR ZLA BA'I DKYIL 'KHOR GYI STENG DU H'Um DKAR PO, ,DE LAS 'OD ZER 'PHROS, RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, AOm DZNYA NA tA KI NI AARGHAm SOGS KYI MCHOD, DZA: H'Um BAm HO: GNYIS SU MED PAR GYUR, SLAR YANG THUGS KHA'I H'Um LAS 'OD ZER 'PHROS, RANG BZHIN GYI GNAS NAS DBANG GI LHA RIGS LNGA 'KHOR BCAS SPYAN DRANGS, AOm PANYTZA GUL SA PA RI WA RA AARGHAm SOGS KYIS MCHOD, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA NAS H'Um, ZHES DBANG BSKUR, LUS GANG, DRI MA DAG, CHU LHAG
MA SBYI GTZUG TU GNAS PA YONGS SU GYUR PA LAS RNAM PAR SNANG MDZAD KYIS DBU BRGYAN PAR GYUR, RANG YE SHES KYI MKHA' 'GRO MAR GSAL BA'I TSANGS PA'I BU GAR KshUm H'Um MGO THUR BSTAN, BDE CHEN 'KHOR LOR KHAm MGO THAR BSTAN, MDZOD SPUR H'Um MGO NANG BSTAN, MIG GNYIS SU H'Um MGO NANG BSTAN, RNA BA GNYIS SU YUM MGO NANG BSTAN, SNA BUG GNYIS SU YU MGO NANG BSTAN, LCE'I RTZA BAR SUm MGO NANG BSTAN, MGRIM PA'I BU GAR SMRYUm MGO THAR PA STAN LTE BA'I BU GAR KshMRYUm MGO NANG BSTAN, GSHANG GCI'I BU GAR KshMRYUm MGO GYEN BSTAN RNAMS DKAR PO 'OD ZER DKAR PO 'THUG POS DU GA RNAMS LEGS PAR BKAG PA, GO CHA'I DON DU PHRAG BA GNYIS LA HMRYUm MGO GYIN BSTAN DANG, SNYING KHAR YMRYUm MGO GYIN BSTAN YU DKAR PO, ,SNYING KHA'I RTZA 'KHOR GYI DBUS SU MAN SRAN RDE'U'I TSAD KYI ZLA BA BKAS PA LTA BU'I RLUNG GI DKYIL 'KHOR LA YUm YUm HI H'Um GA YUm YUm STE YI GE BDUN MGO THUR BSTAN GYIS MTSAN YU PA THAMS CAD KHA DOG SNGON PO, , LTE BA'I RTZA 'KHOR GYI DBUS SU AA THUNG SHAD KYI RNAM PA CAN ZLA TSES THIG LE N'A DA DANG BCAS PA MGO GYEN BSTAN DMAR PO, ,DE'I 'OD ZER DMAR PO'I LCAGS KYU PHRA MOS SPYI GTZUG NAS RKANG MTHIL GYI BAR GYI KHYAB BYED LA SOGS PA'I RLUNG THAMS CAD BKUGS NAS THIM PA'I BUM PA CAN DANG GSANG GNAS KYI BUM PA CAN YANG BSGOM PAR BYA'O, ,DE DAG BRTAN PAN TZAntA LI'I RNAL 'BYOR GYIS KHYOGS DANG 'KHYER BYED KYI BZLAS PAS SNYING KHA'I RLUNG YIG BLA MA RDO RJE 'DZIN PA'I THUGS KHAR 'PHO BAR BYA STE, RIGS PA 'DZIN PA'I RTEN 'THOB PAR GDON MI ZA'O, ,DE YANG YE SHES KYI MKHA' 'GRO LHA BCU GSUM GYIS DKYIL 'KHOR RAM BDE MCHOG SOGS KYI DKYIL 'KHOR DU DBANG BSKUR THOB CING DAM SNGOM SRUNG BA'I GANG ZAG GIS, STONG NYID SNYING RJE'I SNYING PO BSGOM, SBYOR BA TSOGS BSAGS NAS YE SHES MKHA' 'GRO BSKYED PA RDZOGS PAR BYAS, MKHA' 'GRO MA'I SKUL GSAL SNANG GDON, SGO DGUR YI GE BKOD DE 'OD ZER GYIS SGO BKAGS PAR BSAM LA
, ,RLUNG NANG DU LOG PA'I RTAGS BYUNG BYUNG DU BSGOM, PHRAG PA GNYIS DANG SNYID KHAR GO CHA DGOD, DE NAS SNYING KHAR KHA THUR LTA'I RTZA 'KHOR GYI DBUS SU THUR DU PHYOGS PA'I SROG RLUNG GI DKYIL 'KHOR DANG DE'I DBUS SU RNAM SHES KYI NGO BO H'Um DE'I STENG GI MTHAR YUM YUM GYI DBUS SU HI, DE'I 'OG GI MTHAR YUM YUM GYI DBUS SU KA, ,THAMS CAD KHA DOG SNGON PO MGO THUR DU BSTAN PA GSLA GDAB LA GSAL SNANG GDON, DE RNAMS LA GOMS PA BRTAN PAS LTE BAR AAm DMAR PO MGO GYEN BSTAN GSAL BTAB STE DE'I 'OD ZER DMAR PO LCAGS KYU LTA BUS LUS THAMS CAD LA SONG BA'I KHYAB BYED KYI RLUNG BKUGS TE AA THUNG LA BSTIM ZHING, SNA BUG DANG 'OG SGO NAS KYANG RLUNG CUNG ZAD DRANGS TE KHA SBYAR LA, SEMS AA THUNG LA ZHUGS PA BZHIN BYAS NAS LTE BA'I BUM PA CAN BSGOM, THOG MAR ZUG MI BSKYED TZAM DU BZUNG, RTZOL BAS RLUNG BKAG BRGYANG BA MIN PAR RANG SHUGS KYIS GNAS PA'I MGO RTZOM PA NAS NANG DU 'DZIN PA YUN RING DU BYA, GTONG BA'I TSE KHA NAS MI BTANG BAR SNA BUG NAS DAL BUS BTANG, DES SGO DGU'I RLUNG RENGS PAR 'GYUR, DE RJES KHYAB BYED KYI RLUNG GSANG GNAS KYI 'KHOR POR 'BYUNG 'JUG DANG BRAL BAR GNAS PA'I GSANG GNAS KYI BUM PA CAN BSGOM, NGES RLUNG DBANG DU BYA, DE LTAR BYAS PAS STENG DU 'GRO BA'I RLUNG GI RAB TU SBAR BA'I LTE BA'I AAm YIG GI ME GYEN DU SONG BAS BSNUN PA'I MTHUS; SNYING KHA'I RTZA 'KHOR THENG RGYAL BZHIN KHA GYIN DU PHYOGS PAR BYAS NAS DER GNAS PA'I RLUNG DKYIL YI GE DANG BCAS PA STENG DU PHYOGS TE, HI DANG KAH'Um YIG GI STENG DANG 'OG TU GNAS PA'I GI 'OG DAR KA STENG DU GNAS PAR GYUR BA DAG MAN NGAG JI LAR BAR NANG GI BZLAS PA BYED CING BDE CHEN 'KHOR LO'I BAR DAL BUS HE BA BRJOD BZHIN PAS DRANG PAR BYA, DE RJES RLUNG 'OG TU 'JUG PA'I 'KHYER BYED KYIS SNGAR BZHIN DU 106B THAMS CAD KHA 'OG TU PHYOGS SHING KA DANG HI DAG KYANG RANG GNAS SU DRANG BAR BYA, DE LTAR YANG YANG GOMS PAR BYAS PAS DBUGS 'BYUNG RDUG DANG MNYAM POR RLUNG YIG SPYI BO'I BAR YANG 'DREN PA DANG SLAR YANG SNYING KHAR 'BEBS PA LA RANG GI NGANG GI 'JUG THUB SHUB KYI BAR DU GOMS PAR BYA, DES RNAM SHES KYI BZHON PA'I SROG RLUNG DBANG DU BYA, DE LTAR NUS PA'I 'TSAMS NAS SPYI TZUG NAS PHYI ROL TU YANG 'BYUNG BA'I DMIGS PAR SNGAR BZHIN BYA, DE LA GOMS PAR BRTAN PA NA RANG GI LUS LAS RNAM SHES BTON NAS PHYI ROL TU RNAM SHES SRID PA BAR DO LA SOGS PAR SBRUL BA DANG, PHA ROL GYI LUS KYI GRONG DU 'JUG PA DANG; GZHAN GYI SEMS LUS SAS 'PHRAL NAS RANG GI LUS LA BTZUGS TE TSAR BA CAD RJE 'DZIN BYA STE DE'I TSUL NI, GTUM MO'I SA BON AAm GI THIG LE LAS BYUNG BA'I 'OD ZER 'BAR BAS RANG GI RNAM SHES KYI NGO BO H'Um YIG DBYANGS GSAL GYI PHREN GBA DANG LHAN GCI GSNA BUG GA-YAS NAS BYUNG STE SGRUB BYA'I SNA BUG GA-YON NAS ZHUGS TE SNYING KHAR SONG NAS 'BAR BA'I RIN PO CHE'I RNAM PA CAN GYIS DE'I RNAM PAR SHES PA LA KHYAB PAR BYAS BAS RNAM SHES DE DRANG TE SGRUB BYA'I SNA BUG GA-YAS NAS BYUNG ZHING RANG GI SNA BUG GA-YON NAS ZHUGS TE GSANG GNAS KYI MIR BCUG LA DE'I BSAM NGAN DANG SDIG SGRIB SOGS BSREGS CING LUS SEMS GDUNG BAS BYAS NAS TSAR BCAD, DE NAS SGRUB BYA'I SEMS DAG PA DE MA DANG BRAL BA'I GSANG GNAS KYI RLUNG GI STENG DU BZHAG LA, BDUD RTZI DKAR PO DBANG BSKUR BAS NAD SOGS ZHI ZHING, SER POS DBANG BSKUR BAS YON TAN GYI TSOGS RGYAS LA, DMAR PO DANG BSKUR BAS DAG DU BYAS TE PHYIR BTON NAS KHO RANG GI SNYING KHA'I CHU SKYES SU BCUG PAS RJE SU 'DZIN PAR BYA, RANG GI SEMS KYI NGO BO
, ,H'Um YIG AA LI KA LI'I PHRENG BA DANG BCAS PA RANG GI LUS LAS SNA BUG GA-YAS NAS THON TE RO'I SNA BUG GA-YON NAS ZHUGS TE SNYING KHAR GNAS PA NI GRONG DU 'JUG TSUL TE BOD KYI BLA MA 'GA' ZHIG GIS MANG PO BSHAD KYANG RGYUD NAS 'BYUNG BA'I TSUL NI 'DI TZAM MO, ,LAS SBYOR GYI TSI, SBYI BOR BLA MA RDO RJE 'CHANG GSAL BTAB SNYING KHA DANG LTE BA'I DMIGS PA SNGAR BZHIN BYA ZHING HI KA NYER GCIG SKAD GSANG MTHON POS BRJOD PA'I RIM PAS GYEN DU BSKYOD LA BLA MA RDO RJE 'CHANG GI GSANG GNAS NAS THUGS KHAR 'PHO BAR BYA'O, ,SGO RE RE LA DMIGS PA GTAD DE BSGOM PA NA DMIGS PA GSAL BA DANG DE LA SEMS ZIN PA RNAMS KYIS YUN MI RING BAR SNA'I SGO'I RLUNG PHYIR 'GRO BA NANG DU LDOG LA DE NI SGO GZHAN LA'ANG MTSUNGS TE SROG DHU TIR 'DZUD PA'I THABS KYI DMIGS PA SHIN DU ZAB PA YIN PAS 'PHO BA MA YIN PA'I SROG DBU MAR 'DZUD PA'I THABS LA YANG 'DI RNAMS BSGOM NA SHIN TU LEGS, SGO DGUR YI GE BSGOM PA NI BUM PA CAN GYI RLUNG RENGS PAR BYED PA'I LHAN GCIG BYED RKYEN NO, ,GTUM MO AAm YIG GI 'OD ZER LTUGS KYU SA GNAS NYIR BZHI'I RLUNG THAMS CAD DGU GCING, SNA BU GNAS NANG DU 'DREN PA'I DGANG BA LA SOGS PAS KYANG BKUGS NAS GSANG GNAS KYI 'KHOR LO'I DBUS SU RLUNG GONG BU GCIG TU BYAS TE DE'I DHU TIR DMIGS PA GTAD NAS GSANG GNAS KYI BUM PA CAN BSGOM PAR BYA'O, ,DE LTAR GOMS PAR BYAS PA DES GTUM MO SBAR BA'I LCAGS KYUS 'OG NAS 'CHAD PA'I SNYING KHA'I RLUNG GI DKYIL 'KHOR LA SOGS PA RNAMS SBAR BAR BYA'O, ,BUM BCAN BSGOM PA'I BSHAD PA GZHAN RNAMS LA STENG GI SNA SGO NAS PHYIR 'THEN PA DANG 'OG RLUNG GYEN DU 'THEN PA TZAM GYI KHA SBYANG LA SAM BSHAD LA 'DIR NI PHYIR RGYU PA'I RLUNG 'THEN PAR
MZAD MI RGYU BA KHYAB BYED SPYI BO SOGS LUS KYI NANG GI GNAS RNAMS NAS BKUGS TE BUM BCAN BSGOM PAR BSHAD PAS GZHAN LAS KHYAD PAR DU GYUR PA'O, ,NAD BSKYED PA PHAL CHER KHYAB BYED KYIS BSKYED PAR BSHAD PAS KHYAB BYED KYI RLUNG BSDUS TE DUL BAR BYED PA NI NANG 'PHROG PAL BSDAGS, RDO RJE MKHA' 'GRO'I 'GREL BLTAR 'KHOR LO BZHI'I RTZA 'DAB LA YI GE 'GOD PA MA BYUNG YANG LTE BAR YI GE BZHI BKOD NAS 'BAR 'DZAG GI DMIGS PA LA SEMS GTAD NA LEGS, SGOD GU'I YI GES DBANG PO'I SGOR 'GRO BA'I RLUNG NANG DU BZLOG PAR BYED PA DANG BUM BCAN GYI RLUNG 'CHING BA NI SROG DBU MAR 'JUG PA'I CHED YIN LA, SROG DBU MAR ZHUGS NA 'CHI RIM LTAR RLUNG THIM PA 'BYUNG, DE BYUNG NA 'PHO BAS RNAM SHES LUS LAS 'DON PA'I RIM PA 'GRUB SLA, GRONG 'JUG LA 'ANG DES MTSON, BHA WAS GTUM MO BSGOM NAS LUS SBYONG GTONG DGOS PAR BSHAD PAR YANG GTUM MO BYOD NA BYANG SEMS DKAR DMAR LUS KYI GNAS RNAMS LAS BSKYOD NUS, DE NUS NA SEMS RTEN DU GYUR PA'I THIG LE DKAR DMAR YANG BSKYOD NUS PA LA DGONGS TE 'DI RNAM SHES 'PHO BA LA DGOS PAR SHES BSHIN TU GAL CHE 'PHO BA'I SNGON DU LUS DANG LUS KYI MTHA' SBYOR LUGS RNAMS RDZOGS RIM GYI YANG GNAD DAM PAR SNANG BAS RNAM SHES LUS LAS 'DON BA'I 'PHO BA TZAM GYI DBANG DU BYAS PA MIN, HI KA NANG GI GSANG CHEN POR BRJOD DES STENG DU BSKUL BAR BYA, SKRA DKAR PO SOGS NYAMS PAR 'DOD NA 'PHO BA'I THABS BSGOM PA DOR NAS GZHAN RNAMS BSGOM ZHING, STENG GI YIG GE SKRA DKAR RNAMS NYAMS BYED KYIS BON HAm DANG H'Um NAG POR BSGOM LA 'OD ZER NAG PO RNAMS KYI BDUD RTZI'I CHAR BAS KHYAB PAR BYAS NAS MGO BO DANG GZHAN DU YANG SGRA DKAR DANG SPU DKAR PO GSAL BAR BYA,
, ,'DIS MTSON TE GDAM NGAG JI LTAR BSGOM PA'I DBYIBS GNYER MA DANG NAD DANG 'CHI BA NYAMS PAR BYED BA SOGS KYANG BYA'O, ,BLA MA YE SHES KYI MKHA' 'GRO'I ZHAL LAS BYUNG BA MDO TZAM BRJED BYANG DU BKOD BA'O, ,RNAM SNANG SGO STONG KHA SBYOR BDUN, ,DPUNG BCOL BU LA PHAN PAR SEMS, ,KHRUM PHUS BTAB BUG DGUR THUGS, ,SROG CHEN DBUS MA DUNG CHEN BUS, ,GA-YAS GA-YON SKAM PO MAR SNE CHA, ,SBRUL PA'I 'OG TU SOR MO GSUM, ,DBUS KYI DKAR DMAR ZLUM PO NI, ,MTHA' LTAG MGO SBYAR GSUM PA KHUR, ,DAL RAN DRAG PA'I NOR KHYUS BDA', ,PHA RGAN DE LA LTAD MO BLTA, ,RTAGS THON BZHU BSTIM BKAB MTHA' DANG, ,PAD DU SDOD SOGS PHA LA DRIS, ,MIG SMAN MI BSKU RNA SMAN BTAG ,SNYING LA THUR MA YANG YANG GZER, ,SNYING CHU STENG GI SNA SKOR 'DON, ,GTZANG SAR 'PHO BA LAG LAN MA'O,, ,,