*, ,SNYING PO DON GSUM GYI DMIGS RIM BDUD RTZI'I CHU RGYUN BZHUGS SO, , *, ,NA MO GU RU, ,DUS GSUM RGYAL BA'I MKHYEN BRTZE NUS PA KUN, ,GCIG BSDUS 'GRO MGON PHYAG NA PADMO'I ZHABS, ,DUR SMRIG 'DZIN PA'I GAR BSGYUR DRIN CAN RJE, ,NGAG DBANG BLO BZANG RGYA MTSOR SNYING NAS BDUD, ,RNYED DKA' DON CHED LA BA'I RTEN BZANG 'DI, ,DE RING TZAM YANG MI 'DOR CHA MA MCHIS, ,LAS NGAN DBANG GIS NGAN 'GROR SKYES PA'I TSE; ,TSA GRANG BKRES SKOM GLEN SKUGS SOGS KYIS GZIR, ,MTHO RIS NA YANG NA RGA RGUD PA DANG, ,'CHI 'PHO LHUNG BA SOGS KYIS KUN NAS MNAR, ,'JIGS CHEN DE LAS SKYOB PHYIR DKON MCHOG GSUM, BSAM PA THAG PAS SKYABS SU BSTEN PAR RIGS, ,DKON MCHOG THUGS RJE BDAG GI DAD MOS MTHUS, ,MDUN GYI NAM MKHAR PADMA 'DAB BZHI PA'I, ,LTE BAR RIN CHEN KHRI DANG PAD ZLA'I STENG, ,RTZA BA'I BLA MA MGON PO SPYAN RAS GZIGS, ,DE YI MDUN DU LONGS SPRUL BDE BAR GSHEGS, ,GA-YAS SU LUNG RTOGS BDAG NYID BU STA KA ,RGYAB TU RGYAL SRAS NYAN RANG 'PHAGS PAR BCAS, ,GA-YON DU BSTAN
SRUNGS TSOGS RNAMS SKYABS SU BZHUGS, ,RANG GI GA-YAS GA-YON MDUN RGYAB RNAMS SU NI, ,PHAM GNOD BYED RIGS DRUG SEMS CAN RNAMS, ,RANG NYID 'JIGS SHING DKON MCHOG NUS LDAN DU, , MTHONG NAS DPUNG GNYEN MCHOG TU GZUR 'DOD KYIS, ,DPAL LDAN BLA MA RNAMS LA SKYABS SU MCHI, ,RDZOGS PA'I SANGS RGYAS RNAMS LA SKYABS SU MCHI, ,LUNG RTOGS DAM CHOS RNAMS LA SKYABS SU MCHI, , 'PHAGS PA'I DGE 'DUN RNAMS LA SKYABS SU MCHI, ,SKYABS 'GRO BZHI SKOR GANG MANG BRJOD RJES SU, ,YI DAM LHA TSOGS RNAMS LA SKYABS SU MCHI, ,CHOS SKYONG SRUNGS MA RNAMS LA SKYABS SU MCHI, ,ZHES PA BTAGS PA'I DRUG SKOR GANG 'GRUB BRJOD, ,BDAG DANG MKHA' MNYAM SEMS CAN MA LUS PA, ,BLA MA DKON MCHOG RIN CHEN RNAMS GSUM LA, ,SGO GSUM GUS PAS PHYAG 'TSAL SKYABS SU MCHI, ,BRTZE BAS BDAG RGYUD BYIN GYIS BRLAB TU GSOL, ,SKYABS YUL RNAMS LAS 'OD ZER DPAG MED 'PHROS, ,RIGS DRUG KUN LA PHOG PAS SDIG SGRIB DAG ,LUS NI THUGS RJE CHEN PO'I GZUGS SKU DANG, ,YID NI CHOS SKUR GYUR TE DAG ZHING GSHEGS, ,SKYABS YUL RNAMS NI DGYES BZHIN 'OD DU ZHU, ,RANG LA THIM PAS BYIN GYIS BRLABS PAR GYUR, ,THOG MED DUS NAS DRIN GYIS BSKYANGS BA'I MA, ,'GRO KUN SDUG BSNGAL MTSO LAS SGROL BA'I PHYIR, ,RNAM 'DREN GO 'PHANG MYUR DU 'THOB SLAD DU, ,SNYING PO GSUM GYI GDAMS PA NYAMS SU BLANGS, ,RANG GI SPYI BOR SHEL DKAR DRI MED KYI, ,BYANG CHEN MCHOD RTEN MTSAN NYID YONGS RDZOGS PA, ,BANG RIM BZHI LA SGO STONG LDAN PA YI, ,BUM DBUS RIN CHEN KHRI DANG PAD ZLA'I STENG, ,RTZA RGYUD BLA MA YI DAM DKON MCHOG GSUM, ,KUN 'DUS BLA MA 'PHAGS MCHOG SPYAN RAS
, ,GZIGS, ,DRI MAS YONGS DAG GANGS RI LTA BUR DKAR, ,NYA RGYAS LTA BU'I ZHAL GYI DKYIL 'KHOR RGYAS, ,MNYEN LDEM 'KHRI SHING LTA BU'I PHYAG BZHI PA, ,DUS GSUM RGYAL BA'I THUGS RJE BSKUL BA'I CHED, ,RTZA BA'I PHYAG GNYIS THUGS KAR THAL MO SBYAR, ,RIGS DRUG SRID MTSO CHE LAS 'DREN PA DANG, ,'KHOR BA'I SKYON GYIS GOS PA MED PA'I BRDAR, ,GA-YAS GA-YON 'OG MAS SHEL DKAR 'PHRENG BA DANG, ,PAD DKAR 'DAB STONG RNAM PAR BZHAD PA 'DZIN, ,SNYING RJE CHEN POS 'GRO LA RJES CHAGS PAS, ,THON MTHING RAL BA'I THOR COG LHAG MA NI, ,SIL THUR 'PHYANG BAS SKU RKED YAN CHAD KHEB, ,'GRO BA'I RE 'DOD YID BZHIN SKOR BA YIS, ,DBU RGYAN SNYAN RGYAN MDUL RGYAN SE MO DO, ,DO SHAL PHYAG ZHABS GDUB BU 'OG PAGS TE, ,SNA TSOGS RIN CHEN RGYAN GYIS RNAM PAR BRGYAN, , MCHOG TU DUL ZHING ZHI BA MTSON PA YI, ,KRI shn'I PAGS PAS NU MA GA-YON PA BKAB, ,NGO TSA KHREL DANG BAG YOD LA GNAS PAS, ,BZANG PO'I DAR GYI STONG GA-YOGS SHAM THABS GSOL, ,'GRO BA'I DON LAS GZHAN DU MI BYED PAS, ,ZHABS GNYIS RDO RJE SKYIL KRUNG TSUL GYIS BZHUGS, ,GSAL RDZOGS MTSAN DPE MTHONG NA MI MTHUN MED, ,DRUG BCU'I DBYANGS LDAN THOS PAS NGOMS MI 'GYUR, ZAB YANGS MKHYEN PAS CHOS KUN GSAL BAR GZIGS, ,RGYA CHEN BRTZE BAS 'GRO KUN RJES SU 'DZIN, ,DPAG YAS NUS PAS SRID ZHI'I 'JIGS LAS SKYOBS, ,LEGS TSOGS YON TAN KUN GYI GTER DU GYUR, ,SGO STONG DAG LA BSKAL BZANG SANGS RGYAS STONG, ,SHAR NAS GA-YAS SU BSKOR TE RIM PA BZHIN, ,RNAM SNANG RIN 'BYUNG SNANG MTHA' DON GRUB KYI, ,PHYAG RGYA CAN TE 'OD PHUNG DBUS NA BZHUGS, ,
SNYING KHAR PADMA DMAR PO 'DAB BRGYAD KYI, ,LTE BAR ZLA STENG SEMS DANG DBYER MED PA'I, ,KUN 'DUS YI DAM 'PHAGS MCHOG THUGS RJE'I LHA, ,SPYI BO'I BLA MA JI BZHIN GSAL LA RDZOGS, ,'DAB MA RNAMS LA AA YIG DKAR PO RE, ,DANGS SHING GSAL LA 'OD ZER RAB TU 'BAR, ,BLA MA YI DAM SOGS KYI GNAS GSUM DU, ,RDO RJE GSUM MTSAN H'Um YIG 'OD ZER GYIS, ,BLA MA YI DAM MCHOG GSUM SRUNGS MAR BCAS, ,SKYABS DANG MCHOD PA'I YUL DU GYUR RO COG ,SPYAN DRANGS THIM PAS GNYIS SU MED PAR GYUR, ,BZANG PO SPYOD PA'I YAN LAG BDUN PA SOGS, ,RGYAS BSDUS SKABS SBYAR DBUL ZHING MDOR BSDU NA, ,GRANGS MED LUS SU SPRUL NAS PHYAG 'TSAL ZHING, ,BDAG POS BZUNG DANG MA BZUNG DNGOS KUN 'BUL, ,SNGAR BSAGS SDIG LTUNG STOBS BZHI'I SGO NAS BSHAGS, ,RNAM DKAR BGYIS SO COG LA BDAG YI RANG, ,RGYAL SRAS SLOB BCAS CHOS 'KHOR BSKOR BAR BSKUL, ,'GRO BA'I DON DU BSKAL BRGYAR MI 'DAR GSOL, ,STON BLA LTAR DKAR BSKRUN PA'I DGE BA YI, ,PHUNG PO BYANG CHEN 'THOB PA'I RGYU RU BA SNGO, ,BLA MA YI DAM TSAD MED THUGS RJE CAN, ,NYAM THAG BDAG LA THUGS RJES GZIGS SU GSOL, ,LAS NGAN NYES LTUNG SDIG SGRIB SBYANG DU GSOL, ,RLABS CHEN TSOGS GNYIS RDZOGS PAR MDZAD DU GSOL, ,DE LTAR GSOL BAS BLA MA SANGS RGYAS LAS, ,BDUD RTZI DKAR PO'I RGYUN BABS SPYI BOR ZHUGS, ,SNYING KHA'I YI DAM AA DANG BCAS LA THIM, ,DE LAS BDUD RTZI DKAR PO'I RGYUN BABS PAS, ,LUS KYI NANG GANG LAS NGAN NYES LTUNG DANG, ,SDIG SGRIB BAG CHAGS BCAS PA KUN SBYANGS TE, ,DUD KHU'I RNAM PAR 'OG SGO RKANG MTHIL NUS, ,THON TE GSER GYIS
, ,GZHI'I 'OG TU SONG, ,RANG LUS SHEL GONG PHYIS LTAR DAG GYUR TE, ,THUGS RJE CHEN PO'I SKU RU GSAL BAR GYUR, ,GSOL 'DEBS DMIGS PA DANG BCAS GANG MANG MTHAR, ,BLA MA SANGS RGYAS YI DAM AA DANG BCAS, ,DGYES BZHIN RANG LA THIM PAS BYIN GYIS BRLABS, ,MCHOD RTEN MI DMIGS PAR BSAM DAR CIG BZHAG ,SPYI BO'I MCHOD RTEN BLA MA SANGS RGYAS DANG, ,SNYING KHAR YI DAM AA YIG SNGAR BZHIN LA, ,YI DAM THUGS KAR ZLA BAR HR'I YIG MTHAR, ,YI GE DRUG PAS BSKOR BA GSAL BTAB STE, ,BLA MA YI DAM TSAD MED THUGS RJE CAN, ,BDAG GI PHA MA RIGS DRUG SRID MTSOR BYING, ,MGON SKYABS DANG BRAL 'PHONGS SHING NYAM THAG RNAMS, ,SDUG BSNGAL MTSO LAS MYUR DU BSGRAL DU GSOL, ,LAS NYON SGRIB PA MTHA' DAG SBYANG DU GSOL, ,'PHAGS PA'I GO 'PHANG THOB PAR MDZAD DU GSOL, ,DE LTAR GSOL BAS BLA MA SANGS RGYAS LAS, ,'OD ZER DKAR PO DPAG TU MED PA 'PHROS, ,SNYING KHA'I YI DAM AA DANG BCAS LA THIM, ,DE LAS 'OD 'PHROS LUS KYI CHA KUN KHYAB, ,MUN PA'I KHUNG BUR SGRON ME BTEGS PA BZHIN, ,SDIG SGRIB GAR SONG CHA MED NGANG DU YAL, ,DRI MA YONGS DAG TSOGS GNYIS KUN RDZOGS TE, ,THUGS RJE CHEN PO'I GO 'PHANG MNGON DU GYUR, ,'OD ZER BSPU'I SGO NAS PHYIR 'PHROS TE, ,DMYAL BA YI DVAGS DUD 'GRO LHA MIN DANG, ,MI DANG LHA YI GNAS SU RIM BZHIN SONG, ,DE YI SNOD BCUD KUN LA KHYAB PAR PHOG ,LAS NYON RNAM SMIN SDUG BSNGAL DRI MA SBYANG, ,SNOD RNAMS DAG ZHING BCUD RNAMS 'PHAGS PAR GYUR, ,RANG DANG 'GRO KUN 'PHAGS PAR GYUR RNAMS KYIS, ,MGRIN GCIG ZLO BAR MOS TE YIG DRUG BGRANG, ,
THUN MTHAR THUGS KA'I HR'I: LAS 'OD ZER 'PHROS, ,SNOD BCUD THAMS CAD BZHUS TE RANG LA THIM, ,BLA MA SANGS RGYAS LHA DANG AA LA THIM, ,MCHOG RTEN SNGAR BZHIN DMIGS PA MED PAR GYUR, , RANG NYID SNYING KHA'I PAD GDAN AA LA THIM, ,DE YANG YI DAM DE YANG SNGAGS 'KHOR LA, ,DE YANG HR'I: YIG DE YANG JE PHRAR GYUR, ,RANG BZHIN STONG PA NYID LA MNYAM PAR BZHAG ,'KHOR BAR 'CHAD BYED PAR 'DZIN LHAN SKYES KYIS, ,GDAGS GZHI PHUNG PO LNGA LA NGA'O ZHES, ,MING BRNGAS BZHAG PAR MA LTOS RANG NGOS NAS, ,TSUGS THUB GRUB PA'I NGA CIG YOD SNYAM DU, ,LOG PAR BZUNG BAS NYES BSKYED BLO DE YIS, ,BZUNG BA LTAR GYI NGA NI YOD MIN TE, ,YOD NA PHUNG PO LNGA DANG GCIG THA DANG, ,GANG RUNG YIN DGOS GZHAN DU YOD MI SRID, ,GCIG NANG DANG NGA YI PHUNG PO ZHES, ,LEN PO BLANG BYAR BZHAG TU MED PA DANG, ,PHUNG LNGA GCIG DANG NGA DE LTAR 'GYUR TE, ,THA DANG CHA MED RANG BZHIN GCIG YIN PHYIR, ,THA DAD NA NI PHUNG LNGA BSAL RJES SU, ,NGA DE 'DI ZHES GZUNG DU YOD PA DANG, , YAN LAG NA BAS NGA NI NA BA DANG, ,GZUGS PHUNG BDE BAS NGA NI BDE ZHES PA'I, ,THA SNYAD GNYIS PO BZHAG TU MED 'GYUR TE, ,PHAN TSUN LTOS 'BREL MED PA'I DON GZHAN PHYIR, ,DES NA DE 'DRA'I NGA DE MED SNYAM DU, ,NGES PA'I NAM MKHA' LTA BU'I RNAL 'BYOR BSKYANG, ,RJES KYI TSE NA DE 'DRA'I NGA MED KYANG, ,LAS 'BRAS RTEN GZHI BTAGS YOD MID RKYANG GI ,NGA ZHIG SGYU MA'I RTA GLANG LTAR YOD CES, , SGYU MA LTA BU'I RNAL 'BYOR BSKYANG BAR BYA, ,DE YIS MTSON TE 'KHOR 'DAS CHOS GZHAN KUN, ,RANG GI NGOS NAS CIR YANG MA GRUB CING, ,MING BRDZAS BZHAG PA'I THA SNYANG BA SNYON MED DU, ,GRUB PA'I
, ,TSUL LA NGES SHES DRANGS TE BSKYANG, ,CHE 'DIR RGYUN GYI YID MA BSGOM PA YI, ,SNYID PO'I RNAL 'BYOR NYAMS SU LEN TSUL LO, ,SKYES CHEN 'DEGS TSO GCES PA'I LUS 'DI YANG; ;KHANG STONG GOGS PO BZHIN DU SHUL DU LUS, ,ME YIS BSREG GAM CHU LA BSGYUR BA'AM, ,DONG DU SBA BA'AM BYA KHYIS ZA BAR GYUR, ,CHAGS SHING ZHEN BA DON MED NGAN 'GRO'I RGYU, ,CHAGS MED MCHOD SBYIN BYAS TE SNYING PO BLANG, ,MDUN GYI NAM MKHAR BLA MA YI DAM DANG, ,SANGS RGYAS BYANG SEMS NYAN RANG SRUNGS MA'I TSOGS, ,LAN CHAG GNYER BA'I GNOD BYED RIGS DRUG RNAMS, ,STENG NAS RIM BZHIN SPRIN PHUNG BZHIN DU DKRIG, ,RANG GI RNAM SHES 'PHAGS PA TSON GANG BA, ,SPYI BO NAS THON GTZO BO'I MDUN DU 'KHOD, ,PHUNG PO RNYING PAR BLTAS PAS CHE ZHING TSO, ,DKAR SNUM BKRAG MDANGS LDAN PA'I PHUNG POR GYUR, ,BLAM YI DAM TSAD MED THUGS RJE CAN, ,LUGS 'DIS TSOGS CHEN RDZOGS PAR MDZAD DU GSOL, ,DE LTAR GSOL BAS GTZO BOS AOm A'A: H'Um, ,GSUNGS PAS PHUNG PO'I MGO BO LAN GSUM CHAD, ,SKYED BU RI RA BTZAM PA GSUM DU GYIR, ,GRI GUG THOS PA'I MKHA' 'GROM SPROS TE, ,SNGAM CHAD SHUL PHYIM SKYES PA YIS, ,THOS PA BGO GNAS SKYENG BU'I STENG DU BKAL, ,STONG GSUM KHYON LTAR YANGS SHING RGYA CHER GYUR, ,SHA RUS NANG KHROL LA SOGS DUM BUR GTU PA, ,THOD PA'I NANG DU BLUG PAS BYUR GYIS KHENGS, ,GTZO BOS 'BRU GSUM LAN GSUM BRJOD PA YIS, ,KHA TOG DRI RO PHUN SUM TSOGS PA YI, ,ZAG MED BDUD RTZI'I RGYA MTSO CHEN POR GYUR, ,RANG NYID 'PHAGS PAR GSAL BA'I THUGS KHA NAS, ,RIN CHEN SNOD DANG THOD PA THOGS PA YI, ,YID 'PHROG LANG
TSO RGYAS PA'I MKHA' 'GRO MA, ,DPAG MED SPROS TE BDUD RTZI NAS BCUS TE, ,MCHOD SBYIN YUL LA BSTABS PAS GSOL ZHING SPYAD, ,ZAG MED BDE BSAM NYES SHING RAB TU TSIM, ,MCHOD YUL RANG LA THIM PAS BYIN GYIS BRLAB, ,SPYIN GNAS SDUG BSNGAL LAS GROL SDIG SGRI BDAG ,TSOGS GNYIS RDZOGS TE 'PHAGS PA'I GO 'PHANG THOB, ,DAG PA'I ZHING DU GSHEGS SHID SNOD RNAMS KYANG, ,BDE CAN LTA BU'I DAG PA'I ZHING DU GYUR, ,LUS KYIS TSOGS CHEN BSAGS PAS DGA' BA BSGOM, ,GNYEN SHES RNAMS KYI DA LTA PHAN TSUN LA, ,BYAMS BRTZE GDUNG SEMS CHE CHE LTAR SNANG YANG, , CHE RABS MANG POR PHAN TSUN GSHED MAR GYUR, ,DA DUNG DE LTAR MI 'GYUR CHAM MCHIS, ,'CHI TSE RJES SU 'BRANG BA GCIG KYANG MED, ,CHAGS ZHEN DBANG GIS BSAGS PA'I LAS NGAN 'BRAS, , MI ZAD SDUG BSNGAL RANG NYID KHO NAS MYONG, ,DES NA CHAGS ZHEN PHUNG KHROL KHO NA'I RGYU, ,LONGS SPYOD LA YANG SNYING PO MA MCHIS TE, ,TSE RABS MANG POR TSANGS DANG 'KHOR BSGYUR GYI, ,DPAL LA SPYAD KYANG NGOMS PAR YONGS MA GYUR, ,DA LTA SDIG SDUG KHYAD BSAD SHA THANG DU, ,'BAD PAS BSGRUB KYANG SNGON GYI SBYIN PA'I SHUGS, ,MED NA NGAL DU BTZAM ZHIG 'BRAS BUR ZAD, ,CUNG ZAD 'BYOR NA'ANG JI LTAR 'DOD BA BZHIN, ,SPYAD DU BTUB PA'I GDENG NI YOD MIN TE, ,'GA' ZHIG RKU 'PHROG SOGS KYIS DBANG MED 'KHYER, ,'GA' ZHIG STONG ZHING 'GA' ZHIG CHUD KYANG ZA, ,'GA' ZHIG 'CHI TSE 'PHRENG BZHIN SHUL DU LUS, ,DE LA CHAGS PAS YI DVAGS 'GRO BAR 'GYUR, ,SOG RUM SOGS LA GA-YO KHRAM BSLU BRENG DANG, ,'THABS RTZOD SOGS KYI BSAM SBYOR NGAN PA YI, ,'BRAS BU
, ,BSKAL BAR BZOD DKA'I SDUG BSNGAL DANG, ,DA LTA NGAL DU BA NGO TSA GTAM NGAN SOGS, ,'DI PHYI KUN TU 'PHONG BA'I RGYU 'DI LA, ,SHES LDAN SU ZHIG YID NI CHAGS PAR BYED, , 'DI DAG 'PHO BA'I 'GAL RKYEN BSAL BA STE, ,MTHUN RKYEN TSOGS BSAGS SDIG BSHAGS SMON 'DUN SBYANG, ,DGA' LDAN CHOS KYI PHO BRANG ZHES BYA BA, ,RIN CHEN KHANG BZANG 'PHRENG PAS YONGS BSKOR BA'I, ,DBUS SU PHO BRANG RGYAL MTSAN MTHON PO STE, ,DE YI MDUN NA YID DGA' CHOS 'DZIN ZHES, ,CHOS STON MDUN SA YANGS SHING NYAMS DGA' BA'I, ,DBUS SU KHRI STENG RGYAL BA MA PHAM BA, ,GSER GYI LHUN PO LTA BUR BRJID CHAGS SHING, ,NYI MA 'BUM GYI MDANGS LDAN RAB TU MDZES, ,MTSAN DANG DPE BYAD GSAL LA YONG SU RDZOGS, ,TSE 'KHOR PHYAG RGYA BZANG PO'I BZHUGS STANG CAN, ,DBAG YAS YON TAN KUN GYI GTER GYUR PA, ,DKYES 'DZUM ZHAL NAS RAB SNYAN TSANGS DBYANGS KYIS, ,GRANGS MED RGYAL SRAS 'KHOR LA SHER PHYIN CHOS, ,LEGS STON 'DZAM GLING NGOS LA PHYOGS TE BZHUGS, ,RGYAL BA BYAMS MGON TSAD MED THUGS RJE CAN, ,NYAM THAG BDAG NI SKYOBS PA'I DUS LA BABS, ,NGAN 'GRO'I 'JIGS LAS MYUR DU BSKYAB DU GSOL, , BAR DO'I PHRANG LAS MYUR DU BSGRAL DU GSOL, ,GNAD GCOD SDUG BSNGAL MYUR DU BSAL DU GSOL, ,DGA' LDAN GZHAL MED KHANG DER DRANGS DU GSOL, ,DE LTAR GSOL BAS BYAMS MGON THUGS KHA NAS, ,'OD KYI SBU GU SER PO NOR GYI BYUNG, ,SPYI GTZUG RGYA MTHONG LTA BUR THAL GYIS ZUG ,LUS KYI GZHUNG SHING LTA BU'I DBU MA YI, ,SNYING DBUS RANG SEMS 'PHAGS PA TSON GANG BAS, ,
SBU GU'I LAM NAS BLTAS BAS RJE BTZUN KYI, ,THUGS KHA GSER GYI MAntAL LTA BU MTHONG, ,SNGAR BZHIN GSOL BAS RJE BTZUN THUGS KHA NAS, ,'OD ZER SER PO LCAGS KYU LTA BU ZHIG ,SBU GU'I LAM NAS RANG GI RAL BAR BTAB, ,'OD LA LAM DANG LAM DER 'GRO BA DANG, ,THUGS KAR 'PHO BA'I 'DU SHES GSUM BZHAG STE, ,SNGAR LTAR GSOL BAS 'OD KYI LCAGS KYUS DRANGS, ,THUGS KAR REG TZAM BYAS TE RANG GNAS 'KHOD, ,DE LTAR YANG YANG BSKYANG BA'I THUN 'JUG TU, ,'OD KYI SBU GU LCAGS KYU GNYIS PO TE, ,THUGS KHA NAS CHAD TSANGS BUG BKAG PAR BSAM, ,LAS BYOR TSE NA LCAGS KYUS DRANGS PA DANG, ,'DUN BA'I STOBS KYIS SKAR MDA' 'PHANGS BA BZHIN, ,'OD ZER DANG BCAS THOGS MED THUGS KAR THIM, ,SLAR THON CHOS KYI BDUN SAR PADMO LA, ,RDZUS TE SKYES NAS CHOS LA SPYOD PAR BSAM, ,'CHI KHAR 'PHO BA'I MAN NGAG BSGOM PA YI, ,SNYING PO'I RNAL 'BYOR NYAMS SU LEN TSUL LO, ,NYIN BAR GANG SNANG THAMS CAD RMI LAM GYI, ,SNANG BAR 'DUG CING DE LA DER SHES BYA, ,SNYAM PA'I 'DUN PA YANG DANG YANG DU SBYANG, ,KHYAD PAR GNYID DU 'GRO KHAR DKON MCHOG LA, ,RMI LAM GSAL DANG ZIN PAR GSOL BA GDAB, ,RMI LAM 'DZIN BA'I GDAMS PA GZHAN GYIS KYANG, ,ZIN PA'I THABS BYA 'DZIN PA'I 'DUN PA BTANG, ,DE LTAR SBYANGS PAS RMI LAM NGOS ZIN NA, ,SNOD KYI SNANG BA GANG SHAR DAG PA'I ZHING, ,BCUD KYI GANG SNANG THUGS RJE CHEN PO'I SKU, ,THAMS CAD RANG BZHIN MED PA SGYU MA LTAR, ,BSGOM PA'I PHYI NANG GSANG BA BSGYUR LA SBYANG, ,DE LTAR NYIN PAR YANG YANG GOMS PA YIS, ,RMI LAM NA YANG BSGYUR
, ,DU BTUB PAR BSLAB, ,DE LA LOB NAS GANG SNANG BAR DO YI, ,SNANG BAR 'DUG CING DE LA DER SHES BYA, ,SNYAM PA'I 'DUN PA SHUGS DRAGS BYONG BA SOGS, ,RMI LAM BAR DON SPOS TE SNGAR BZHIN BSGOM, ,DE LTAR DA LTA NYID NAS LEGS SBYANGS PAS, ,GOMS PA'I STOBS KYI BAR DOR 'CHAR BAR BSLAB, ,KHYAD PAR BAR DO'I SKABS SU PHAM GNYIS, ,NYAL BO BYED PA MTHONG NAS MA LA CHAGS, ,PHA LA SDANG BA SKYE BA'I GNYEN PO RU, ,PHA LA SNYING RJE MA NI BDEN MED DU, ,BSGOM NAS CHAGS SDANG BKAG STE YI DAM LHA, ,YAB YUM ZUNG DU BSGOM PA'I YUM GYI NI, ,PADMAR SKYES TE LAM GYI LHAG MA LA, ,BSLABS SHING GZHAN DON RGYA CHEN BSGRUB PAR BYA, ,SNYAM BA'I 'PHEN PA SHUGS DRAG YANG YANG BTANG, ,DE'I RGYUR TSOGS BSAGS SGRIB SBYANG SMEN LAM GDAB, ,'DI NI BAR DOR BSRE BA SGOM PA YI, ,SNYING PO'I RNAL 'BYOR NYAMS SU LEN TSUL LO, ,GONG GI NYAMS LEN DE DAG THAMS CAD KYANG, ,RANG BZHIN MED RTOGS RTZIS ZIN LTA BA'I GNAD, ,BYING RGOD RNAM GA-YENG DBANG DU MI BTANG BAR, ,DRAN SHES BRTAN POS SKYONG BSGOM PA'I GNAD, ,RJES KYI SKABS SU GANG SNANG THAMS CAD KYANG, ,BDEN STONG RGYU MA LTA BUR RO SNYOM PA'I, ,SGO NAS RGYAL SRAS SBYOD BRLABS CHEN LA, ,SLOB PA SPYOD PA'I GNAD YIN DE LTAR BSLAB, ,'DIS MTSON DGE BAS TSE RABS THAMS CAD DU, ,BLA MA PHYAG NA PADMOS RJES BZUNG STE, ,THOS BSAM BSGOM PAS RANG RGYUD LEGS SPYANG NAS, ,BSTAN 'GRO KUN GYI DPAL DU 'GYUR BAR SHOG ,GNAS SKABS NYER 'TSE DANG BRAL MTHUN RKYEN 'BYOR, ,LONG MED NGES 'BYUNG SEMS MCHOG RNAM DAG LTA, ,BLA MA YI DAM SNOD BCUD SBYANG BSGYUR GYI, ,DMIGS RNAM YID LA 'BRAL MED 'CHAR BAR SHOG , 'CHI TSE LUS DANG GNYEN BSHES LONGS SPYOD SOGS, ,GANG LA'ANG CHAGS ZHEN SER SNA'I KUN 'DZIN GYI, ,'KHRI BA BCAD NAS 'OD KYI SBU GU YI, ,LAM NAS BYAMS MGON THUGS KHAR 'PHO BAR SHOG ,BAR DO GRUB TSE 'KHRUL MED NGO SHES
SHING; ;SNOD BCUD CHOS KUN DAG PA 'BA' ZHIG TU, ,SHAR NAS LAM BZANG SGRUB BA'I RTEN MCHOG GI ,SRID PA 'DZIN LA RANG DBANG THOB PAR SHOG ,YON TAN BDUN DANG LDAN PA'I RTEN THOB NAS, ,TSANGS SPYOD TSUL KHRIMS RGYA CHEN THOS PA DANG; ;SNYING PO'I GDAMS BA NYAMS SU LEN PA LA, ,GCIG TU BRTZON PAS NYIN MTSAN 'DA' BAR SHOG ,THOS BSAM SGOM DANG 'CHAD RTZOD RTZOM PA YIS, ,DRI MED THUB BSTAN SNYING PO'I BSHAD SGRUB DANG, ,'GRO BA'I PHAN BDE LEGS TSOGS SPEL BA LA, ,RGYAL DBANG TZONG KHA PA DANG MTSUNGS PAR SHOG ,RGYAL BA SRAS BCAS KUN GYI BGROD GCIG LAM, ,SKYES BU GSUM GYI LAM GYI RIM PA DANG, ,NYE LAM RIM GNYIS ZAB MO'I RNAL 'BYOR GYIS, ,RDO RJE 'CHANG GI GO 'PHANG MYUR THOB SHOG ,CES SNYID PO DON GSUM GYI DMIGS RIM BDRAD RTZI'I CHU RGYUN ZHES BYA BA 'DI NI YUL BYANG PHYOGS KYI MTHAR SKYES PA'I SPRANG BTZUN SNYOMS LAS PA NGAG DBANG BLO BZANG CHOS LDAN ZHES BYA BAS DUS GSUM RGYAL BA'I DBANG PO THAMS CAD MKHYEN GZIGS CHEN PO NGAG DBANG BLO BZANG RGYA MTSO'I GSUNGS RGYUN JI LTA BA BZHIN RANG NYID KYIS BSHAR SBYANG BYA BA DANG SKAL MNYAM GZHAN LA'ANG PHAN 'DOD KYI BSAM PAS 'KHYER BDE TSIGS BCAD DU SBYAR BA 'DIS KYANG RGYAL BA BLO BZANG GRAGS PA'I BSTAN PA PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG , ,,