*, ,SNYING PO DON GSUM GYI KHRING YIG ? BUR CHU RGYUN ZHES BYA BA BZHUGS SO, , *, ,RGYAL KUN THUGS RJE'I BDAG NYID PAD DKAR CAN, ,NGUR SMRIG GAR GYIS RNAM ROL NGAG GI DBANG, ,BLO GSAL SKAL BZANG RGYA MTSO'I MGON GYUR PA, ,BKA' DRIN MNYAM MED ZHABS LA GUS PAS 'DUD, ,'DIR 'PHAGS PA 'JIG RTEN DBANG PHYUG GIS GRUB CHEN MI TRA JOO KI LA GNANG BA'I GDAMS PA ZAB MO SNYING PO DON GSUM DU GRAGS PA'I DMIGS RIM DPAL LDAN BLA MA DAM PA'I ZHAL GYI BUM BZANG LAS 'ONG BA MDO TZAM 'GOD PA LA GNYIS, NYAMS SU BLANG BYA'I KHUNGS DGOD PA DANG, DE'I DON NYAMS SU LEN TSUL LO, ,DANG PO NI, TSE 'DIR RGYUN GYI YID DAM SGOM, ,'CHI KHAR 'PHO BA'I MAN NGAG SGOM, ,BAR DOR BSRE BSGOM BYA STE, ,RGYUN DU SGOM PA KUN GYI GNAD,
MI RTAG SDUG BSNGAL DRAN BYAS NAS, ,SNYING RJE CHEN POR RAB BSKYED DE, ,SPYI BOR BLA MA SNYING KHAR LHA, ,RANG SEMS SKYE MED SGOM PAR BYA, ,RANG LUS MCHOD SBYIN BYAS NAS NI, ,LTOS PA THAMS CAD RAB SPANGS TE, 'OD KYI SPU GU'I SBYOR BA YIS, ,SEMS NI DGA' LDAN GNAS SU 'PHANG, ,'DI NYID BAR DOR SHES BYAS LA, ,PHYI NANG GSANG BA BSGYUR BYAS TE, ,STONG NYID SNYING RJE'I RNAL 'BYOR GYIS, ,MKHAS PAS NYID 'TSAMS SBYAR BAR BYA, ,GANG SHAR NGOS ZIN LTA BA'I GNAD, ,DE LAM YENGS SGOM BA'I GNAD, ,DRAN PA RO SNYOMS SPYOD PA'I GNAD, ,GRUB THOB CHEN PO'I GDAMS NGAG GO ,CES PA STE SHO LO KA DANG PO'I RKANG PA DANG POS TSE 'DI, GNYIS PAS 'CHI KHA, GSUM PAS BAR DO'I NYAMS LEN STON CING, RJE BSO BAS 'ANG NYID BAR NGOR ZHES SOGS 'DREN PA NA GRUB CHEN GYI RTZA TSIG LAS ZHES DRANGS SHING RJE DGE 'DUN RGYA MTSOS SHO LO KA THA MA GRUB CHEN GYI GSUNG MIN PAR BSHAD LA BDAG GI DPAL LDAN BLA MA DAM PAS SHO LO GA DANG PO GRUB CHEN GYI GSUNG DANG LHAG MA LO TZTSA BA'I GSUNG DU BZHED DO,, BZHI BAS 'PHO BA DANG BSRE BA GNYIS 'CHI KHA DANG BAR DOR DGOS PA'I NYAMS LEN YIN YANG, ,DER JI LTAR 'DOD PA BZHIN PHAN THOGS PA LA DA LTA NAS NYAMS SU LEN DGOS PAS GSUM CHAR YANG DA LHA NAS RGYUN DU SGOM PA GNAD CHE BAR STON LA, LHAG MA RNAMS SHO LO KA DANG PO'I RGYAS BSHAD DO, ,GNYIS PA LA BZHI, TSE 'DI'I GDAMS NGAG GI SNYING PO RGYUN GYI YI DAM, 'CHI KHA'I GDAMS NGAG GI SNYING PO 'PHO BA, BAR DE'I GDAMS NGAG GI SNYING PO BSRE BA, DE GSUM KA LA DGOS PA LTA SGOM SPYOD PA'I GNAD NYAMS SU LEN TSUL LO, ,DANG PO NI, MI RTAG SDUG BSNGAL DRAN BYAS NAS, ZHES SOGS SHO LO KA GCIG GIS BSTAN TE 'DI'I DON NYAMS SU LEN PA LA, KHRO THU LO TZTSA BAS BSDUS DON MDZAD PA DANG BYANG SEMS KUN BZANG BRJE BA SO BRDZED DGE RGYAM BA RNAMS KYI KHRID YIG TU, RKYEN BSKUL LAM GDAB BA'I MAN NGAG RGYU BYANG
, ,CHUB KYI SEMS SGOM PA'I MAN NGAG ,THABS BLA MA YI DAM LA GSOL BA 'DEBS PA'I MAN NGAG ,NGO BO RANG SEMS SKYE MED SGOM PA'I MAN NGAG ,CES PA'I SA BCAD BZHI MDZAD LA, BDAG GIS BLA MAS 'DI LTAR GSUNG NGO, ,SNGON 'GRO, DNGOS GZHI, RJES GSUM, DANG PO LA, SNGON 'GRO THUN MONGS PA DANG, THUN MONGS MA YIN PA GNYIS, DANG PO LA, SKYABS 'GRO DANG SEMS BSKYED GNYIS LAS, DANG PO NI, MI RTAG SDUG BSNGAL DRAN BYAS NAS, ZHES PAS BSTAN TE; DE YANG 'CHI BA MI RTAG PA SGOM PAS MTSON PA'I SKYES BU CHUNG NGU DANG THUN MONG BA'I LAM RIM DANG, 'KHOR BA'I SDUG BSNGAL SGOM PAS MTSON PA'I SKYES BU 'BRING DANG THUN MONG BA'I LAM RIM RNAMS 'DIR SGOM DGOS PAS, DAL 'BYOR DON CHE ZHING RNYED DKA' BA, 'CHI BA NGES PAR 'ONG ZHING NAM 'CHI CHA MED PA, 'KHOR BA SPYI DANG SO SO'I SDUG BSNGAL BZOD DKA' BA RNAMS LAM RIM CHE CHUNG SOGS LAS 'BYUNG BA LTAR BSAM NAS TSE 'DI DANG 'KHOR BA'I PHUN TSOGS LAS BLO BZLOG CING THAR PA DON GNYER LA YID BSKUL TE 'KHOR BA'I SDUG BSNGAL LAS THAR BA'I PHYIR GONG DU SMOS PA'I BLA MA SNGA MA GNYIS KYIS THOG MAR PHYOGS BCU'I SANGS RGYAS LA PHYAG MCHOD SOGS BYAS NAS 'DI DAG SGOM PAR GSUNGS DKON MCHOG GSUM LA SKYABS SU 'GRO BA LA SKYABS YUL GSAL GDAB PA NI, RANG GI MDUN GYI NAM MKHAR PADMA 'DAB MA BZHI PA KHA SHAG GIS PHYE BA YANGS SHING RGYA CHE BA'I LTE BAR RIN PO CHE'I KHRI DANG PAD ZLA'I STENG DU, RANG GI RTZA BA'I BLA MA SPYAN RAS GZIGS PHYAG BZHI PA 'AM KHA SAR PA nI GANG RUNG GI RNAM PA CAN, DE'I MDUN GYI 'DAB MA LA PHYOGS BCU'I SANGS RGYAS LONGS SPRUL GYI RNAM PA CAN, GA-YAS KYI 'DAB MA LA LUNG RTOGS KYI CHOS DKON MCHOG GLEGS PA MA SNYIN RTZI THAD BU BA PHYE BA DAR DANG RIN PO CHE'I RGYAN CAN BSGOM PAR RJE BSO BAS BSHAD, GYI RNAM PA CAN, RGYAB KYI 'DAB MA LA BYAMS 'JAM DBYANGS SOGS PHYAG BZHI PA 'OG NAS 'BYUNG BA LTAR DANG, KHA DAB nI SKU MDOG DKAR PO ZHAL GCIG PHYAG GNYIS PA, ZHABS GNYIS MNYAM PA'I STABS KYIS BZHENGS PA, PHYAG GA-YAS MCHOG SBYIN DANG, GA-YON PAD DKAR GYI YUB 'THEB SRIN GYIS THUGS ?
PAR 'DZIN PA'I 'DABS, BYANG SEMS DANG MCHOG ZUNG 'OD SRUNG SOGS THEG DMAN GYI DGE 'DUN LHA'I BU GZHON NU DANG RAB BYUNG SOGS KYI RNAM PA CAN, GA-YON GYI 'DAB MA LA SANGS RGYAS BYANG SEMS GDUL BYA MA RUNG PA'I NGO BOR DRAG PO'I SKUR BSTAN PA KHRO BO'I RNAM PA CAN, SANGS RGYAS BYANG SEMS KHRO BO SOGS KYI MDUN DANG GLEGS BAM GYI GDONG DAR RANG LA BSTAN NAS YOD PAR GSAL LEGS PAR GDAB, DE DAG GI MDUN GYI DBUS SU RANG NYID GA-YAS SU PHA, GA-YON DU MA, MDUN DU GNOD BYED, RGYAB TU RIGS DRUG GI SEMS CAN RNAMS 'KHOD NAS, THAMS CAD 'KHOR BA'I SDUG BSNGAL GYIS 'JIGS SHING DKON MCHOG LA YID CHES PA GNYIS TSOGS KYI SGO NAS DKON MCHOG GSUM DPUNG GNYEN DU 'DZIN 'DOD DRAG POS MGRIN GCIG TU BRJOD PAR BSAM LA, BDAG DANG NAM MKHA'I MTHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES SOGS SKABS BSTUN BRJOD, DE NAS BDAG DANG NAM MKHA'I MTHA' DANG MNYAM PA'I SEMS CAN THAMS CAD DKON MCHOG RIN PO CHE RNAM PA GSUM LA PHYAG 'TSAL ZHING SKYABS SU MCHI'O, ,BDAG SOGS KYI RGYUD BYIN GYIS BRLAB TU GSOL, ZHES GSOL BA LAN GSUM BTAB PAS, SKYABS YUL RNAMS KYI THUGS KHA NAS 'OD ZER 'PHROS, SEMS CAN THAMS CAD LA PHOG ,SEMS CAN RNAMS KYI SDIG SGRIB DAG LUS THUGS RJE CHEN PO'I SKU DANG, YID CHOS KYI SKUR GYUR NAS BYA KHYU LA 'UR RDO 'PHANGS PA BZHIN 'UR TING NGE DAG PA'I ZHING DU GSHEGS, SKYABS YUL RNAMS 'OD DU ZHU NAS RANG LA THIM PAS BYIN GYIS BRLABS BYUNG SNYAM DU BSAM LA DAR CIG
, ,MNYAM PAR BZHAG ,GNYIS PA SEMS SKYED NI, SNYING RJE CHEN PO RAB BSKYED DE, ZHES PAS BSTAN LA, DE YANG SNYING RJE CHEN POS MTSON PA'I SKYES BU CHEN PO'I LAM RIM 'DIR BSGOM DGOS PAS, BTANG SNYOMS, MAR SHES, DRIN DRAN SOGS LAM RIM LAS 'BYUNG BA LTAR LEGS PAR BSAM LA SEMS CAN THAMS CAD SDUG BSNGAL LAS SGROL 'DOD KYI SNYING RJE CHEN POS KUN NAS BSLANG STE BLA NA MED PA'I BYANG CHUB 'THOB BYED KYI RGYU'I GTZO BO SMON PA DANG 'JUG PA'I BDAG NYID CAN GYI BYANG CHUB KYI SEMS RIN PO CHE BSKYED, DAG TU NAM MKHA'I MTHA' DANG MNYAM PA'I SEMS CAN THAMS CAD GYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU SNYING PO DON GSUM GYI DMAR KHRID ZAB MO NYAMS SU BLANG BAR BGYI'O, ,ZHES PA SKABS BSTUN BRJOD, GNYIS PA SNGON 'GRO THUN MONG MA YIN PA BLA MA'I RNAL 'BYOR NI SPYI BOR BLA MA ZHES PAS BSTAN CING, SNYAM PA SMON SEMS BSKYED TSUL DANG, SNYAM PA 'JUG SEMS BSKYED TSUL YIN GSUNGS, SNGAR SMOS PA'I BLA MA RNAMS KYI SPYI BOR BLA MA SNYING KHAR LHA ZHES PA'I DON THABS BLA MA YI DAM LA GSOL BA BDAB PA'I MAN NGAG GCES SA KHONGS GCIG TU BSDUS NAS SNGON 'GRO DANG DNGOS GZHI'I DBYE BA MA MDZAD KYANG BDAG GI BLA MA DAM PA SO SOR BYE GSUNGS DE YANG RANG GI SPYI BOR SHEL, DKAR DRI MED LAS GRUB PA'I BYANG CHUB CHEN PO'I MCHOD RTEN MTSAN NYID TSANG BA, PHYOGS BZHI'I BANG RIM 'OG MA BZHI LA SGO DRUG CU RE BZHI RE DER STENG MA RNAMS LA SGO DRUG CU RE GNYIS RE BCAS PA'I SGO STONG YOD PA, SAS RIM BZHIN SENG KHRI RMAD DGE BA BCU BANG RIM BZHI BUM SNYAN BUM PA BRE STAN BRO GDUGS 'DOGS CHOS 'KHOR BCU GSUM THUGS RJE'I MDO GZUNG GDUGS CHAR KHE BA ZLA NYI TO RNAMS DANG BCAS PA, DE'I BUM PA'I DBUS SU PAD ZLA'I GDAN LA, RANG GI RTZA BA'I BLA MA SPYAN RAS GZIGS SKU MDOG DKAR PO, ,LO TZTSA BA DANG BYANG SEMS PA GNYIS KYIS BLA MA'I RNAM PA'I GSAL KHA MA GSUNGS SHING, RJE BSO BAS SAR BA nI'I RNAM PA CAN DU BSHAD LA RJE DGE RGYAS PA DANG BDAG GI BLA MAS 'DI LTAR GSUNGS, ZHAL GCIG
PHYAG BZHI PA, PHYAG DANG PO GNYIS THUGS KHAR THAL MO SBYAR ZHING, 'OG MA GNYIS KYIS SHEL PHRENG DANG PAD DKAR BSNAMS PA, RAL PA'I THOR TSUGS DANG LDAN ZHING RIN PO CHE'I RGYAN BRGYAD KYIS BRGYAN PA, RI DVAGS KYI PAGS PAS NU MA GA-YON PA BKAB CING, DAR BZANG PO'I STOD GA-YOGS DANG SHAM THABS GSOL BA, ZHABS RDO RJE DKYIL KRUNG GIS BZHUGS PA'I RNAM PA CAN, SGO STONG LA SANGS RGYAS STONG BZHUGS PA'I SHAR PHYOGS PA RNAMS RNAM SNANG; LHO PHYOGS PA RNAMS RIN 'BYUNG, NUB PHYOGS PA RNAMS 'OD DPAG MED, BYANG PHYOGS PA RNAMS DON GRUB KYI RNAM PA CAN, THAMS CAD KYANG SNANG LA RANG BZHIN MED PA 'JA' TSON LTA BU 'OD KYI PHUNG PO'I DBUS NA BZHUGS PA, RANG GI SNYING KHAR PADMA DMAR PO 'DAB MA BRGYAD PA'I LTE BAR RANG GI SEMS DANG DBYER MED PA'I YID MA KHRUGS RJE CHEN PO SPYI BO'I BLA MA LTA BU'I RNAM PA CAN, 'DAB MA RE LA AA DKAR PO, ,THAMS CAD KYI ZHAL GZIGS PHYOGS GTZO BO DANG MTHUN GSUNGS, BLA MA SDAM RNAMS KYIS 'DAB MA STONG LDAN GYI LTE BAR YI DAM DANG 'DAB MA RE LA AA RE BSGOM PAR GSUNGS KYANG BDAG GI BLA MA DAM PA DON LA RAG LA ZHING 'KHYER BDE BAS 'DI LTAR BYA GSUNGS, RJE BSO BAS SOR GANG TZAM GSUNGS, GSAL ZHING 'OD 'PHRO BA REGS LA LEGS PAR GDAB, BLA MA YI DAM SANGS RGYAS STONG DANG BCAS PA LA DMIGS NAS DAD GUS GDUNG SHUGS DRAG POS BLA MA YI DAM THUGS RJE CAN, LO TZATSA BA DANG BYANG SEMS PA GNYIS KYIS YE SHES PA SPYAN DRANGS NAS BSTIM PAR BSHAD LA, RGYUD 'DEBS DUS GSUM RGYAL KHAMS LAS YIN LAG BDUN PA'I 'BUL BAR YANG BNAD, SEMS CAN THAMS CAD KYI DON DU BDAG 'KHOR BA SDUG BSNGAL GYI RGYA MTSO LAS BSGRAL STE MI GNAS PA'I MYA NGAN LAS 'DAS PA'I SA LA MYUR BA NYID DU BZHAG TU GSOL, 'DUGS 'DI NYID DU, DA LTA NYID DU, ZHES GSOL BA RTZE GCIG TU BTAB PAS SPYI BO'I BLA MA SANGS RGYAS STONG DANG BCAS PA LAS BDUD RTZI DKAR PO'O RGYAL PHUG PA LTAR SPYAN RE BABS, SNYING KHA'I YI DAM AA DANG BCAS PA LA THIM, DE LAS BDUD RTZI BABS PAS SNOD 'O MAS
, ,KHENGS PA LTAR LUS KYI NANG GANG, THOG MA MED PA NAS BSAGS PA'I LAS NGAN SDIG SGRIB BAG CHAGS DANG BCAS PA BA SPU'I SOG THAMS CAD DANG KHYAD PAR DU RKANG MTHIL GNYIS DANG 'OG SGO GNYIS NAS NAG 'DUR GYIS THON TE DBANG CHEN GSER GYIS GZHI'I 'OG TU SONG, RANG LUS SHEL GONG PHYIS BA LTAR GYUR BAR BSAM, DE LTA BU'I GSOL 'DEBS DMIGS PA DANG SPRAG PA SKABS BSTUN BYAS RJES, BLA MA SANGS RGYAS YID DAM AA DANG BCAS PA RANG LA THIM, MCHOD RTEN 'JA' YAL BA BZHIN SONG BAR BSAM LA DAR GCIG MNYAM PAR BZHAG ,GNYIS PA DNGOS GZHI NI, SNYING KHAR LHA ZHES PAS BSTAN LA, DE YANG SPYI BOR MCHOD RTEN, BLA MA, SANGS RGYAS STONG SNYING KHAR PADMA, YI DAM, AA RNAMS BSGOM TSUL SNGAR 'DI LA BYIN RLABS 'JUG PA BLA MA'I RNAL 'BYOR DANG SDIG SGRIB SBYOR BA RDOR SEMS BSGOM BZLAS GNYIS KA'I GNAS TSANG GSUNGS, BZHIN LA YI DAM GYI THUGS KHAR ZLA GDAN LA HR'I: 'I MTHAR YI GE DRUG LO TZTSA SHVASAS ? GSAL KHAM MDZAD LA BYANG SEMS PAS ZHAL ? GCIG PHYAG GNYIS PA SHEL PHRENG DANG PAD DKAR 'DZIN PA RDO RJE DKYIL DKRUNG GIS BZHUGS PA DANG RJE BA SO BAS KHA SAR PAR nI BSGOM PAR BSHAD KYANG, RJE DGE ? PA DANG BDAG GI BLA MA DAM PAS YIG DRUG 'DREN PA SOGS KYI KHYAD NAS 'DI LTAR BSGOM GSUNGS, MA'I SNGAGS 'PHRENG GIS BSKOR BA LEGS PAR GSAL GDAB, SEMS CAN SDUG BSNGAL GYIS MNAR BA SKAD CIG TZAM YANG MI BZOD PAR 'DUG PAS SDUG BSNGAL LAS THAR BA'I THABS SU BLA MA YI DAM LA RAM MDA' SPRAN PA'I TSUL GYIS GSOL BA GDAB PO SNYAM PAS, BLA MA YI DAM THUGS RJE CAN, BDAG GI PHAM RIGS DRUG GI SEMS CAN 'KHOR BA SDUG BSNGAL GYI RGYA MTSOR BYING BA, MDON DANG SKYABS MED PA, 'PHONGS SHING NYAM THAG PA 'DI RNAMS SDUG BSNGAL GYI RGYA MTSO LAS MYUR BA NYID DU BSGRAL DU GSOL, 'DUGS 'DI NYID DU, DA LTA NYID DU, ZHES GDUNG SHUGS DRAG POS GSOL BA RTZE GCIG TU BTAB PAS, SPYI BO'I BLA MA DANG SANGS RGYAS RNAMS LAS 'OD ZER 'PHROS, SNYING
KHA'I YI DAM DANG AA RNAMS LA PHOG ,DE RNAMS LAS 'OD ZER 'PHROS RANG GI LUS GANG, MUN KHUNG DU SGRON ME BTEGS PA LTAR SDIG SGRIB RNAMS GAR SONG CHA MED DU YA LA, LUS SHEL GONG GA-YA' DAG PA LTA BUR DAG STE SPYAN RAS GZIGS KYI SKUR GYUR, 'OD ZER BA SPU'I SGO NAS PHYIR 'PHROS, DMYAL BA LA SOGS PA'I RIGS DRUG SO SO'I GNAS SU RIM PA BZHIN SONG, DE DAG GI SNOD PA CUD THAMS CAD LA KHYAB PAR PHOG ,LAS NYON, RNAM SMIN, SDUG BSNGAL RNAMS SPYANGS, SNOD DAG PA'I ZHING BDE BA CAN LTA BU DANG, BCUD THUGS RJE CHEN PO'I SKUR GYUR BAR BSAM, DE LTAR GSOL 'DEBS DMIGS PA DANG SPRAG PA SKABS BSTUN BYAS PA'I MTHAR, RANG DANG SEMS CAN THAMS CAD SPYAN RAS GZIGS SU GSAL BA RNAMS KYIS MGRIN GCIG TU BZLAS PAR MOS LA YIG DRUG BGRANG, THUN 'JOG KHAR YI DAM GYI THUGS KHA'I HRI: LAS 'OD ZER 'PHROS, SNOD PA CUD THAMS CAD DAG PA 'BA' ZHIG TU LO TZTSA BA DANG BYANG SEMS BAS AOm A'A: HRI H'Um BZLA BAR BSHAD, LO TZTSA BA DANG BSO BAS RANG GZHAN SEMS CAN THAMS CAD THUGS RJE CHEN PO'I GO 'PHANG LA BKOD PAS LEGS BYUNG SNYAM DU DGA' BA SGOM GSUNGS, GSAL BA LA PHOG ,DE RNAMS 'ONG TU ZHU NAS RANG LA THIM, SPYI BO'I BLA MA SANGS RGYAS RNAMS SNYING KHA'I YI DAM AA DANG BCAS PA LA THIM, MCHOD RTEN 'JA' BZHIN YAL, RANG SNYING KHA'I BDAG GDAN AA DANG BCAS PA LA THIM, DE SNYING KHA'I YI DAM LA, DE THUGS KHA'I SNGAGS 'KHOR LA, DE DBUS KYI HRI: LA, DE YANG RIM GYIS MI DMIGS PAR BSAM, GSUM PA RJES NI, RANG SEMS SKYE MED BSGOM PAR BYA, ZHES PAS BSTAN CING, DE YANG RANG GZHAN SEMS CAN THAMS CAD 'KHOR BA'I 'CHING BYED KYI GTZO BO NI BDAG 'DZIN LHAN DE DAG NI BSOD NAMS KYI TSOGS NYAMS SU LEN TSUL LO, ,SKYES DANG, 'KHOR BA LAS SGROL BYED KYI GTZO BO NI BDAG MED RTOGS PA'I SHES RAB YIN PAS SHES RAB DE NYAMS SU LEN TSUL NI, CHOS GANG YANG MING BRDAS PHAR BZHAG PA LAM BLTOS
, ,PAR KHO RANG GI NGOS NAS TSUGS THUB TU GRUB PAR 'DZIN PA NI BDAG 'DZIN LHAN SKYES KYI 'DZIN TSUL YIN LA, MI BRDAS PHAR BZHAG PA LAM BLTOS PAR KHO RANG GI NGOS NAS MA GRUB LUGS NI, DPER NA BKRA SHIS ZHES PA'I BYIS PA ZHIG LA BKRA SHIS ZHES MA BTAGS GONG DU DE LA BKRA SHIS SO SNYAM PA'I BLO LA MI 'BYUNG ZHING, BKRA SHIS ZHES PA'I MING BTAGS RJES SU DE MTHONG BA NA 'DI BKRA SHES SO SNYAM PA'I BLO RANG GIS 'BYUNG BA NI BYIS PAR DE BKRA SHIS SU GRUB PA MING BRDAS BZHAG PA LA BLTOS LUGS DANG, SLAR BYIS PA DE'I MING BRJES NAS PHUN TSOGS ZHES BTAGS PA NI DE LA BKRA SHES SO SNYAM PA'I BLO DOR NAS PHUN TSOGS SO SNYAM PA'I BLO SKYE BA NI BYIS PA DE BKRA SHIS SU RANG NGOS NAS MA GRUB LUGS YIN PAS DES MTSON TE CHOS THAMS CAD MING BRDAS BZHAG LUGS DAR RANG NGOS NAS MA GRUB LUGS LA NGES PA DRANGS NAS RANG BZHIN MED RTOGS KYI SHES RAB BSGOM PAR BYA ZHING, ZHIB PAR LHAG MTHONG CHE CHUNG SOGS LAS SHES PAR BYA'O, ,GNYIS PA 'CHI KHA'I MAN NGAG GI SNYING PO 'PHO BA NI, RANG LUS MCHOD SBYIN BYAS NAS NI, ZHES SOGS RKANG PA BZHIS BSTAN TE, DE NYAMS SU LEN PA LA 'PHO BA'I DE NI YE SHES KYI TSOGS NYAMS SU LEN TSUL TE DE YAN CHAD NI THEG PA CHEN PO'I LAM TSOGS GNYIS ZUNG 'BREL DU NYAMS SU LEN TSUL TSE 'DI'I RGYUD KYI YI DAM DU BYA BA'I MAN NGAG GI SNYING PO GDUL BYA DBANG PO RAB KYIS DE LA 'BAD NA CHE 'DIR MCHOG THOB GSUNG, LO TZATSA BA DANG BYANG SEMS PA DANG BA SO BA GSUM GYIS, SGYU LUS TSOGS SU 'BUL BA YID KYI 'BREL THAG BCAD PA, THAR BA'I LAM CHEN DBYE BA, RNAM SHES CHEN DU 'PHANGS PA ZHES PA'I SA BCAD BZHI MDZAD RJE DGE RGYAM PA DANG BDAG GI BLA MA DAM PA 'DI LTAR MDZAD DO, ,'GAL RKYEN SEL BA, MTHUN RKYEN BSGRUB PA, 'PHO BA'I DMIGS PA DNGOS DANG GSUM, DANG PO NI, TSE 'DIR THEG PA CHEN PO'I LAM TSOGS GNYIS NYAMS SU LEN PA LA 'BAD KYANG DBANG PO RAB TU MA GYUR PAS MCHOG MA THOB PAR SKYE BA BRGYUD DGOS BYUNG NA RTEN KHYAD PAR CAN GYI PHYIR DU 'CHI KHAR
RNAM SHES GONG DU 'PHO DGOS LA, DE YANG TSE 'DI'I LUS, GNYEN BSHES, LONGS SPYOD SOGS LA CHAGS NA BYA NAM MKHAR 'PHUR 'DOD KYI GSHOG PA RDOL BTAGS PA BZHIN GONG DU 'PHO MI NUS PAS 'DI DAG LA CHAGS ZHEN GYI 'BREL THAG BCAD DGOS, DE LA DANG PO LUS LA 'BREL THAG BCAD PA NI, BDAG GIS THOG MA MED PA NAS LUS GRANGS MED PAS BLANGS TE, DE LA CHAGS SHING ZHEN NAS 'TSO BA'I THABS LA 'BAD KYANG MTHAR DON MED DU POR BA MA GTOGS DON LDAN DU BYAS PA GCIG KYANG MED, DA LAN KYANG LUS 'DI LA CHAGS SHING ZHEN PAS 'TSO THABS CI TZAM GYIS BSKYANGS KYANG MTHAR KHANG STONG GOG PO BZHIN SHUL DU BOR NAS 'GROD GOS, DES NA 'DI LA CHAGS ZHEN MI BYA BAR BLA MA YI DAM SOGS LA TSOGS SU PHUL TE DON CHEN PO BSGRUB PAR BYA'O SNYAM DU BSAM LA, MDUN GYI NAM MKHAR RIN PO CHE'I KHRI DANG PAD ZLA'I STENG DU RTZA BA'I BLA MA DANG DBYER MED PA'I YID MTHUGS RJE CHEN PO SNGAR BSGOM PA JI LTA BA'I RNAM PA CAN, DE'I DBU'I THAD DU RTZA BRGYUD KYI BLA MA, THUGS KHA'I THAD DU YI DAM SANGS RGYAS BYANG SEMS, LTE BA'I THAD DU NYAN RANG CHOS SKYONG SRUNGS MA, KHRI'I 'OG ZUR DU LAN CHAGS BU LON SHA 'KHON GNYER BA'I GNOD BYED, 'OG NA MAR RIGS DRUG SEMS CAN RNAMS TE MGRON RNAMS KYIS SA DANG BAR SNANG NAM MKHA'I KHYON THAMS CAD GANG NAS YOD PA GSAL BTAB, RANG GI RNAM SHES SPYAN RAS GZIGS KYI SKU TSON GANG BA ZHIG TU GYUR BA SNYING KHA NAS YAR RGYAB STE THON NAS YI DAM GYI MDUN DU 'KHOD, RANG GI PHUNG PO LA BLTAS PAS CHE BA TSO BA DKA' SNUM PA BKRAG MDANGS DANG LDAN PAR GYUR BAR BSAM NAS, BLA MA DANG YI DAM LA MOS GUS CHEN POS, BLA MA YI DAM THUGS RJE CAN, BDAG GI LUS 'DI LA BRTEN NAS TSOGS RGYA CHEN POR RDZOGS PAR MDZAD DU GSOL, ZHES GSOL BA DRAG TU BTAB PAS YID MA GYIS AOm A'A: H'Um ZHES
, ,GSUNGS PAS RANG GI PHUNG PO RNYID PA'I MGO CHAD PA LAS MI MGO'I SKYED BU RI RAB TZAM PA GSUM BYUNG, DE NAS YI DAM GYI THUGS KHA NAS MKHA' 'GRO MGRI GUG THOGS BA ZHIG SPROS TE RANG GI PHUNG PO RNYING BA'I THOD PA BKOG NAS SKYED BU'I STENG DU KHA GYEN DU BSTAN NAS BZHAG PA STONG GSUM GYI KHYON SNGA MA TSAD PA'I SHUL DU PHYI MA SKYES PAR BSAM GSUNGS TZAM DU GYUR, SLAR MKHA' 'GRO MA DU MA SPROS PA RNAMS KYIS GRI GUG GIS LUS RNYING BA DUM BUR GTUBS NAS THOD PA'I NANG DU BLUG PAS BYUR GYIS KHENGS, YI DAM GYIS AOm A'A: H'Um LAN GSUM GYIS BYIN GYIS BRLABS PAS KHA DOG DRI RO PHUN SUM TSOGS PA'I ZAG MED KYI BDUD RTZI'I RGYA MTSOR GYUR, RANG GI THUGS KHA NAS MKHA' 'GRO KYI LTE BA NAS ME BYUNG BAS PHU AOm A: HRI: H'Um BDUN BRJOD PAS BDUD RTZIR BRLAB PAR LO TZATSA BAS GSUNGS, MTHOD PA THOGS PA DPAG TU MED PA SPROS PA RNAMS KYIS YI DAM GYI THUGS KHA NAS MKHA' 'GRO MA THOD PA DANG RIN PO CHE'I SNOD THOGS PA SPROS TE MCHOD PAR BSO BAS BSHAD, THOD PAS LUMS LUMS BCUS NAS BLA MA YI DAM, SOGS LA MCHOD PAS ZAG MED KYI BDE BAS MNYES, GNOD BYED RNAMS LA BYIN PAS DE THAMS CAD TSIM NAS LAN CHAGS KHYER, BU LON DAG SHA KHON BYANG, RIGS DRUG LA BYIN PAS THAMS CAD TSIM NAS SO SO'I YI DAM THUGS RJE CAN GYI ZHAL DU AOm A'A: H'Um, RTZA RGYUD KYI BLA MA RNAMS KYI ZHAL DU AOm A'A: H'Um, YI DAM SANGS RGYAS BYANG SEMS RNAMS KYI ZHAL DU AOm A'A: H'Um, NYAN RANG CHOS SKYONGS BSRUNG MA RNAMS KYI ZHAL DU AOm A'A: H'Um, ZHES BRJOD CING 'BUL BAR BYANG SEMS PA DANG BDAG GI BLA MA DAM PA GSUNGS, SDUG BSNGAL LAS GROL, SDIG SGRIB RNAMS DAG GNOD BYED DANG RIGS DRUG THAMS CAD KYIS THUGS RJE CHEN PO'I GO 'PHANG THOB, LO TZATSA BAS BDUD RTZI SNOD LA GTONG BAS DAG ZHING DU, SNOD RNAMS KYANG DAG ZHING DU GYUR, RJE BSO BAS BDAG GI ZHUS LA BRTEN NAS TSOGS RGYA CHEN PO RDZOGS PAS DON LDAN DU THUGS DU DGA' BA BSGOM PA BSHAD, DE NAS MCHOD YUL RNAMS RANG LA THIM, SEMS CAN LHAR GYUR BA RNAMS DAG ,RJE DGE RGYA MA ? TER MI DMIGS PAR LAM LA MCHOD PA'I 'KHOR GSUM MI DMIGS PAS RGYAS BDE BAS BAR BSHAD, ZHING SO
SOR GSHEGS PAR BSAM, GNYEN BSHES LA 'BREL THAG BCAD PA NI, BDAG GI GNYEN BSHES 'DI DAG LAS DBANG GIS TSE 'DIR YUD TZAM ZHIG 'PHRAD NAS PHAN TSUN BRTZE GDUNG CHE CHE LTAR SNANG YANG, TSE RABS SNGA MA MANG POR PHAN TSUN GCIG GIS GCIG GSOD RES BYED PA'I DGRA BOR YANG LAN GRANGS DU MAR GYUR, MTHAR GCIG GIS GCIG POR NAS MTHONG THOS KYIS YUL DU ME 'GYUR BA YANG 'BYUNG, 'DI DAG LA CHAGS SHING ZHEN PA'I DBANG GIS BSAGS PA'I LAS NGAN GYI RNAM SMIN BDAG GCIG PUS MYONG DGOS, DES NA 'DI LA CHAGS DON MI 'DUG SNYAM DU BSAM, LONGS SPYOD LA 'BREL THAG BCAD PA NI, BDAG TSANGS PA DANG 'KHOR SGYUR SOGS SU SKYES NAS LHA MI'I LONGS SPYOD CI TZAM LA SBYAR KYANG MDOMS SHING LONGS SPYOD CI TZAM CHE YANG 'CHI KHAR TIL 'BRU TZAM YANG 'KHYER SA MED PAR THAMS CAD BZHAG DGOS PA SHA STAG BYUNG, DA LTA'I LONGS SPYOD 'DI DAG LA CHAGS ZHEN GYI SOGS RU MAL 'BAD KYANG GSON POR LONGS SPYOD THUB PA'I CHA YANG MED, 'CHI BA'I TSE 'KHYER DBANG NI GA LA 'ONG, DA LTA'I CHAGS ZHEN DRAG PO'I BAG CHAGS KYIS 'CHI KHAR 'PHRAN BU ZHIG LA CHAGS PA'I DBANG GIS YI DVAGS RGYAL 'GONG ZHIG TU SKYE BA'I RKYEN BYED NYEN CHE BAS 'DI DAG LA CHAGS ZHEN MI BYA BAR DKON MCHOG LA MCHOD PA DANG DBUL 'PHONGS LA SBYIN GTONG SOGS DGE PHYOGS LA BTANG BAR BYA'O SNYAM DU BSAM ZHING LAG TU BLANG, GNYIS PA MTHUN RKYEN NI, BDAG 'DI NAS SHI 'PHOS MA THAG DGA' LDAN DU SKYES NAS MA PHAM PA LAS THEG PA CHEN PO'I CHOS NYAN NAS NYAMS SU BLANG BAR BYA'O SNYAM PA'I 'PHEN PA YANG YANG GTONG BA, DE'I RGYUR TSOGS BSOG CING DGE RTZA BSNGO BA, SDIG BSHAGS BYED CING SMON LAM 'DEBS PA RNAMS YIN PAS DE DAG LA 'BAD DO, ,GSUM PA 'PHO BA'I DMIGS PA DNGOS LA SBYONG BA DANG, LAS LA SBYAR BA GNYIS, DANG PO NI
, ,DGA' LDAN CHOS KYI PHO BRANG ZHES BYA BA RIN PO CHE'I KHANG BZANG GI PHRENG BAS BSGOR BA'I DBUS SU RIN PO CHE'I PHO BRANG PHUN SUM TSOGS PA RGYAL MTSAN MTHON BO ZHES BYA BA DE'I MDUN NA RJE BTZUN GYIS CHOS STON PA'I MDUN SA YID DGA' TSES 'DZIN ZHES BYA BA YANGS SHING NYAMS DGA' BA'I DBUS SU SENG GE'I KHRI'I STENG DU RGYAL BA MA PHAM PA SKU GSER GYI LHUN PO LTAR BRJID CHAGS SHING NYI MA 'BUM GYI MDANGS DANG LDAN PA RANG RE 'DZAM BU GLING PA NGOS LA ZHAL PHYOGS TE BZHUGS NAS 'KHOR BYANG SEMS GRANGS MED PA LA THEG PA CHEN PO'I CHOS GSUNG LHANG LHANG 'DOMS PAR MDZAD PA, RANG GIS MNGON GSUM DU MTHONG BA LTA BU GSAL GAD BA LA MOS GUS DRAG POS, RGYAL BA BYAMS MGON THUGS RJE CAN, BDAG 'KHOR BA DANG NGAN SONG GI 'JIGS PA LAS SKYABS TE DGA' LDAN GYI GNAS SU MYUR BA NYID DU DRANGS DU GSOL, 'DUGS 'DI NYID DU DRANGS DU GSOL, DA LTA NYID DU, DRANGS DU GSOL, ZHES GSOL BA BTAB BAS RJE BTZUN THUGS KHA NAS 'OD KYI SPU GU SER PO DAR GYI PHU DUNG BRKYANG PA LTAR NAR GYIS BYUNG, RANG GI SBYI BO'I TSANGS BUG RGYA MTHONG KHA PHYE BA 'DRA BA LA THAL GYIS ZUG , RANG GI SEMS NYID SNYING KHAR SPYAN RAS GZIGS TSON GANG BA GCIG TU GYUR BA DES SBU GU'I LAM NAS YAR BLTAS PAS RJE BTZUN GYI THUGS KHA GSER GYI MAndAL PHYIS PA LA NYI 'OD PHOG PA LTAR SER LHAG GE MTHONG NAS SNGAR RJE BSO BAS RANG NYID SPYAN RAS GZIGS SU GSAL BA'I RANG GI LUS KYI DBUS DRANG PO LAS CUNG ZAD SGAL TSIG LA NYE BAR RTZANG BUM GZHUNG SHING LTAR YOD PA'I YAR SNA 'OD KYI SPU GU DANG BAR 'TSAMS MED PAR 'BREL BA'I SNYID KHA'I DBU MA'I NANG DU RANG GI SEMS NYID SPYAN RAS GZIGS KHA SAR BA nI CHEN GANG BA TZAM YE SHES BA'I TSUL DU GSAL 'DEBS PAR BSHAD, BZHIN GSOL BA BTAB PAS RJE BTZUN GYI THUGS KHA NAS 'OD ZER SER PO LAGS KYU LTA BU ZHIG 'OD KYI SPU GU'I LAM NAS MAR NAR GYIS BYUNG, RANG SEMS SPYAN RAS GZIGS SU GSAL
PA LA PHOG PAS BYA SBU RLUNG GIS BTEGS PA LTAR YAR 'GRO BA LA PHYOGS PA NA, 'OD DE LA LAM GYI 'DU SHES, RANG NYID LAM DE LA 'GRO BA'I 'DU SHES, RJE BTZUN GYI THUGS KHAR 'PHO BA'I 'DU SHES TE 'DU SHES GSUM BZHAG NAS SNGAR LTAR GSOL BA BTAB PAS, 'PHUR KHAR 'PHAR ? PA'I RNAM PAR BSAM GSUNGS, 'OD KYI LCAGS KYUS RANG SEMS SPYAN RAS GZIGS SU GSAL BA DE KHRIL GYIS DRANGS TE RJE BTZUN GYI THUGS KHAR REG TZAM BYAS NAS SLAR YANG SNYING KHA'I GNAS SU 'KHOD PAR BSAM, LO TZATSA BAS BYAMS PA'I THUGS KHAR THIM SLAR THON TE MDUN DU PADMA LAS RDZUS TE SKYES PAR BSAM PA DANG, RJE BSO BAS RJE BTZUN GYI THUGS KHAR THIM THUGS GNYIS SU MED PA'I YE SHES KYI NGO BOR 'DRES PAR MOS NAS STONG BA NYID LAM NYAM PAR BZHAG DE NAS THUGS KHA NAS LHA'I BU'I GZUGS KYI RNAM PAR BYUNG STE PADMA'I STENG DU 'KHOD NAS CHOS KYI DGA' STON LA LONGS SPYOD PAR BSAM PA DANG, RJE DGE RGYAM PAS THUGS KHAR THIM THUGS DANG RANG SEMS 'DRES PAR MOS LA DAR GCIG BZHAG THUGS KHA NAS THON MDUN SA DE NYID DU PADMA'I DBUS SU LHA'I BU RNAM DPYOD DANG BLO GROS MCHOG TU GYUR BA ZHIG TU SKYES TE, RJE BTZUN GYI GSUNG GI BDUD RTZI 'THUNG BAR BSAM GSUNGS, DE LTAR YANG YANG BSAM PA'I THUN 'JOG KHAR 'OD KYI SBU GU DANG LCAGS KYU RNAMS RJE BTZUN GYI THUGS KHA NAS RBAD DE CHAD NAS GSER LUGS SU BLUG PA BZHIN RANG GI TSANGS BUG ,SER KHYIL LE BKAG PAR BSAM, RJE BSO BAS DA LTA SPYOD DUS SU DE LTAR BSGOM PA'I RJES LA RANG SPYAN RAS GZIGS SU GSAL BA'I THUGS KHA'I YE SHES SEMS DPA' LA SEMS BZUNG NAS CUNG ZAD MNYAM PAR BZHAG NA RLUNG STOD DU 'CHUGS PA'I GEGS MA 'BYUNG BAR BSHAD, GNYIS PA LAS LA SBYAR BA NI, TSE BA SRID BA'I RTEN 'BREL KHYAD PAR CAN YOD GSUNGS, 'CHI BA'I DUS LA BABS PA'I TSE DMIGS PA SNGAR BZHIN GSAL BTAB, 'OD KYI LCAGS KYUS RANG SEMS SPYAN RAS GZIGS SU GSAL BA YAR 'DREN PA NA 'OD KYI SPU GU YANG YANG BSNGOGS RANG RJE BTZUN GYI THUGS KHAR THIN PA NA 'OD KYI SPU GU YANG THIM, RANG GI SEMS DANG RJE BTZUN GYI THUGS DBYER MED DU 'DRES PAR BSAM LA MNYAM PAR BZHAG ,DE DAG NI 'CHI BA'I MAN NGAG GI SNYING PO STE GDUL BYA DBANG PO 'BRENG DE LA 'BAD PAS DAG PA'I ZHING DU 'PHO GSUNGS,
, ,GSUM PA BAR DO'I MAN NGAG GI SNYING PO BSRE BA NI, 'DI NYID BAR DOR SHES BYAS NAS ZHES SOGS RKANG PA BZHIS BSTAN LA, DE YANG 'PHO BA'I MAN NGAG BSGOM KYANG 'PHO BA MA 'BYONGS PA'AM RKYEN DBANG GIS 'PHO BA MA THEBS NA RTEN KHYAD PAR CAN 'THOG PA LA BAR DE'I NYAMS LEN DGOS PAS DE LA RMI LAM SBYANG BA DANG, BAR DO SBYANG BA GNYIS DANG PO NI, NYIN PAR GYI SNANG BA THAMS CAD LA 'DI RMI LAM GYI SNANG BAR 'DUG RMI LAM LA RMI LAM DU NGO SHES PAR BYA SNYAM DU YANG YANG SBYANG, LO TZATSA BAS BAR DOL BAR DOR DO MI SHES PA'I GNYEN PO BAR DO THA MAL DU ZHEN PA'I GNYEN PO CHAGS SNGAR GIS YANG SRID LEN PA'I GNYEN PO BSGOM PA ZHES DANG, RJE BSO BAS BAR DO LA BAR DOR DO SHES PA'I THABS BAR BGONG BZHIN LA DE'I SGO NAS NYID 'TSAMS SBYOR TSUL ZHES PA'I SA BCAD MDZAD CING RJE DGE RTZAM PA RKANG PA DANG PO BAR DO NGO SHES PA'I THABS, GNYIS PAS BAR DO'I GNYEN PO DNGOS THA MA GNYIS KYI BSAM BZHIN DU SRID PAR SKYE BA LEN TSUL BSTAN PAR BSHAD BDAG GI BLA MA DAM PAS DE DAG GI DON KHRID DMIGS LA TSANG BAR MDZAD NAS SA BCAD MA BKOD PAR RMI LAM SBYOR BA TZA TSIG DANG KHRID YIG SNGA MA PHAL CHER LA MI GSAL YANG BAR DO'I TSAD 'DZIN YIN PAS 'DIR SBYAR BA LEGS GSUNGS SO, ,GNYID DU 'GRO KHAR RMI LAM 'DZIN PA'I GDAMS PA GZHAN NAS KYANG KHAB SKANG STE RMI LAM NGOS ZIN PA'I THABS BYA, DE LTAR BYAS PAS RMI LAM NGOS ZIN PA NA THA MAL DU ZHEN PA'I GNYEN POR, PHYI BSGYUR BA SNOD KYI SNANG BA GANG SHAR BA THAMS CAD DAG BA'I ZHING DANG, NANG BSGYUR BA BCUD KYI SNANG BA GANG SHAR THAMS CAD THUGS RJE CHEN PO'I SKU DANG, GSANG BA BSGYUR BDE DAG THAMS CAD SNANG LA RANG BZHIN MED PA SGYU MA LTA BUR BSGOM PA NYIN PAR GYI DUS SU YANG YANG SBYANG NAS RMI LAM GYI DUS SU BSGOM NUS PA LA BSLAB, GNYIS PA NI , DE LTAR BSLAB PAS RMI LAM BZUNG BSGYUR LA GOMS PAN RMI LAM BAR DOR KHA SBOS TE SNGAR LTAR BSGOM, DE LTAR DA LTA YANG YANG GOMS PAS BAR DO'I SKABS SU BAR DO NGOS ZIN PA DANG SNANG BA BSGYUR NUS PA RNAMS 'BYUNG,
DE LTA BU'I RNAM 'BYOR BAS SKYE BA LEN TSUL NI, DES BAR DE'I SKABS SU DAL 'BYOR GYI MI LUS RNAM DAG DANG LDAN PA'I SKYE SRID LEN PA LA PHYOGS PA NA PHA MA NYAL PO BYED PA MTHONG NAS PHOR SKYE 'GYUR GYI DBANG DU BYAS NA PHA LA SDANG BA DANG MA LA CHAGS PA SKYE LA, DE'I GNYEN POR PHAL SNYING RJE DANG MA LA SNANG LA RANG BZHIN MED PAR BSGOM NAS CHAGS SDANG BKAG STE DE GNYIS THUGS RJE CHEN PO YAB YUM DU BSGOM, DE NAS MA DE'I MNGA' DU SKYE BA BLANGS LA LAM LHAG MA RNAMS LA BSLABS SHING SEMS CAN GYI DON RGYA CHEN PO BSGRUB PAR BYA'O SNYAM PA'I SGO NAS SKYE BA 'DZIN DGOS PAS DE LTA BU'I DMIGS PA DANG 'PHEN PA LA DA LTA NAS BSLAB PO, ,BZHI BA DE GSUM KA LA THUN MONG DU DGOS PA NI; GANG SHAR NGOS ZIN LTA BA'I GNAD CES SOGS KYIS BSTAN CING, DE DAG NI BAR DO'I MAN NGAG GI SNYING PO STE GDUL BYA DBANG PO THAMS KYANG DE LA 'BAD NA RTEN KHYAD PAR CAN THOB GSUNGS, RJE BSO BAS RANG GI BLO LHAN SKYES LA YUL GANG SNANG THAMS CAD RANG NGOS NAS GRUB PAR SHAR BA NGOS ZIN PA BYAS NAS 'GOG PA LTA BA BSGOM PA LA GAL CHE BA'I GNAD DE LTAR BSHAD PA'I 'DZIN STANGS LA RTZE GCIG TU MNYAM PAR 'JOG PA NI BSGOM PA'I GNAD RJES KYI SPYOD LAM THAMS CAD KYI SKABS SU YANG BDEN MED KYI 'DZIN PA DE NYID MA BRJED PA'I DRAN PA DANG LDAN PA'I NGANG NAS SNANG BA SNA TSOGS PA THAMS CAD KYANG STONG PA NYID DU RO MNYAM PA'I SGO NAS SNANG STONG TSOGS BA SGYU MA BZHIN DU LTA BA NI SPYOD PA'I GNANG DU BSHAD CING RJE DGE BDUN RGYA MTSOS KYANG DE 'DRA BAR BSHAD DO, ,DE YANG GONG GI NYAMS LEN DE THAMS CAD KYI SKABS SU BSGOM BYA THAMS CAD BDAG MED KYI LTA BA'I RTZIS ZIN PAR BYAS NA SGOM PA LTA BA'I GNAD, DE LA BYIR RGOD KYI DBANG DU MI GTONG BAR DRAN SHES BRTAN POS RTZE GCIG TU 'JOG SGOMJ PA'I GNAD, RJES THOB TU GANG SNANG THAMS CAD SNANG LA RANG BZHIN MED PA SGYU MA LTA BUR RO SNYOM PA'I SGO NAS RGYAL SRAS KYI SPYOD BRLABS PO CHE LA SLOB PA NI SPYOD PA'I GNAD YIN PAS DE LA BSLAB PAR BYA'O,, ,,CES SNYING PO DON GSUM GYI KHRID KYI DMIGS RIMS SRID ZHI'I TSA
, ,GDUNG SEL BA'I GDUNG CHU RGYUN ZHES BYA BA 'DI NI DUS GSUM RGYAL BA'I DBANG PO DON GYI SLAD DU MTSAN NAS SMOS TE BDAG GI MKHAN PO RIN PO CHE NGAG DBANG BLO BZANG RGYA MTSO DPAL BZANG PO'I ZHAL SNGA NAS KYIS PAn CHEN CHOS KYI RGYAL PO'I MCHOG SPRUL RIN PO CHES GCOS PA'I SKYES CHEN DAM PA DU MA LA BKA' DRIN DU BSTZAL BA'I TSE GYIN PA NGAG DBANG BLO BZANG CHOS LDAN DPAL BZANG POS SKAL BA CUNG ZAD NOD PA YID KYI YOL GOR CHUD MI ZA BAR BYAS TE PHYIS DAM PA DU MA'I LEGS BSHAD KYI ZUR RGYAN DANG BCAS BRJED BYANG DU BKOD PA'O, ,'DIS KYANG RGYAL BA BLO BZANG GRAGS PA'I BSTAN PA RIN PO CHE DAR ZHING RGYAS LA YUN RING DU GNAS PAR GYUR CIG,, ,,