*,DPAL N'A RO CHOS DRUG LAS GTUM MO'I DMIGS RIM BZHUGS SO,, *, ,DPAL LDAN RIGS BRGYA'I KHYAB BDAG RDO RJE 'CHANG, ,THUB BSTAN SNYING PO GSAL MDZAD TZONG KHA PA, ,ZAB RGYAS GDAMS PA'I MDZOD 'DZIN DKON MCHOG MTSAN, ,RNAM GSUM DBYER MED ZHABS LA GUS BTUNG NAS, ,GSANG CHEN BLA MED RGYUD SDE GNYIS KYI BCUD, RGYA BOD MKHAS GRUB DU MA GSHEGS PA'I SHUL, ,GTUM MOL SOGS CHOS DRUG NYAMS LEN TSUL, ,GSUM LDAN BLA MA'I DRIN LAS MDO TZAM BRI, ,DE LA JI SKAD DU RJE BDAG NYID CHAN POS, SMRA BA ZLA MED THUB PA'I DBANG PO YIS, 'GRO BA'I DON DU GSUNGS PA'I GSUNG RAB NI, ,KUN GYI MCHOG NI RNAL 'BYOR BLA MED KYI, ,RNAL 'BYOR MA YI RGYUD DANG PHA RGYUD YIN, ,MA RGYUD LA BRTEN AA
, ,THUNG SROG RTZOL GYI, ,TZAndA LI LA GNAD DU BSNUN PA YIS, ,GNYUG MA LHAN SKYES YE SHES MTSON PA'I THABS, ,'DI NYID GTZO BOR RTZAL DU BYA TON PA LAS, ,DPAL LDAN 'DUS PA'I SGYU LUS 'OD GSAL DANG, ,RDO RJE GDAN BZHI'I 'PHO BA GRONG 'JUG KYANG, ,DE LA BRTEN NAS JI BZHIN SKYED BYED PA, ,GRUB CHEN TE LO N'A RO'I GDAMS PA MCHOG ,DPAL LDAN N'A RO CHOS DRUG CES GRAGS PA; ;GANGS RI'I KHROD 'DIR SKAL LDAN MTHA' DAG LA, ,ZAB MO RDO RJE THEG PA'I DGA' STON MCHOG ,KUN NAS RTZOL BAR MDZAD PA'I GDAMS PA 'DI, ,ZHES GSUNGS PA LTAR GYI KHYAD PAR CAN GYI CHOS; ;YID CHOS GSUM LDAN LAS, N'A RO'I CHOS DRUG TU BYED TSUL NI, GTUM MO DANG SGYU LUS DANG 'OD GSAL DANG 'PHO BA DANG GRONG 'JUG DANG BAR DO'I GDAMS NGAG DRUG TU BYED DO, ,ZHES GSUNGS PA LTAR GTUM MO SOGS DRUG NYAMS SU LEN TSUL LA SNGON 'GRO, ,LAM THUN MONG BAS RGYUD SBYANG BA NAS, GSUM LDAN NAS, 'DI'I GTUM MO NI BDE DGYE GNYIS KA'I THUN MONG BA YIN PAS BSKYED RIM DE GNYIS GANG BYAS KYANG CHOG LA, DKYIL 'KHOR GYI 'KHOR LO'I BSKYED RIM BSGOM PAS RGYUD SMIN PA 'DRA BA LHA DPA' BO GCIG PA DANG DPA' MO GCIG PA LA MI 'BYUNG BAS, DRIL BU ZHABS KYI LHA LNGA LTA BU YAN GYI DKYIL 'KHOR LO GCIG LA 'KHRID PA'I THUN BZHI'I RNAL 'BYOR BYA'O, ,ZHES GSUNGS PA LTAR BSKYED RIM LA SBYONG BA'I BAR DANG, RDOR SEMS BSGOM BZLAS BLA MA'I RNAL 'BYOR RNAMS SNGON DU BTANG NAS, THOG MAR 'KHRUL 'KHOR DANG STONG RAB SGOM PA LA 'JUG PAR BYA STE, DANG PO NI, DPAL PHAG MO GRUB PAS MDZAD PA'I THABS LAM TSIGS BCAD MA'I LHAN
THABS LAS, ,LUS SBYONG NI BUM PA LTAR DGAR, 'KHOR LO LTAR BSKOR, LCAGS KYU LTAR DGUG ,RDO RJE BSDAM PA'I PHYAG RGYA GNAM DU 'PHANG ZHING 'OG TU BSGYUR, KHYI MO'I SKYUG TSUL GYIS MDA' LTAR BSRANG LUS LA RTZA DANG KHRAG GNAS PAR BYA BA'I PHYIR MGO LUS MED PA SPRUG CING TSIG PA BGRANG DE LTAR DRUG GO ,CES PA LTAR RO, ,GNYIS PA NI, GSUM LDAN LAS, STONG RAB SGOM PA NI RANG YI DAM DU GSAL BA SOGS SNGAR BZHIN DU BYAS LA 'DI'I DMIGS PA KHYAD PAR BA NI, SPYI GTZUG NAS RKANG MTHIL GYI BAR DU PHRU MA PHUS BTAB PA LTAR STONG SANG BA LA DMIGS PA GTAD NAS DE LA SEMS BRTAN BRTAN DU BSGOM PA YIN TE; 'DI DANG LUS SBYONG GNYIS SBEL MAR BSKYAD DO, ,ZHES PA LTAR RO, ,DE GNYIS BSGOM PA'I DGOS PA NI, GSUM LDAN LAS, STONG RA 'DI LUS THOGS RTUG CAN DU MED PA'I 'JA' TZON BZHIN DU YID NGOR SGOM PA YIN GYI, 'DIS DNGOS SU LUS DE LTAR BYA MI NUS KYANG, DMIGS PA DE LA SEMS BRTAN NA RTZA RLUNG BSGOM PA LA RTZA ZUG DANG RLUNG ZUG DRAG PO MI 'BYUNG BA DANG, GAL TE BYUNG YANG DMIGS PA DE BSGOM PAS ZHI BAR BYED NUS PA LA KHYAD CHE BAS SGOM PA YIN TE, LUS SBYONG GI DGOS PA YANG DE DANG 'DRA'O, ZHES DANG, STONG RA LUS SBYONG 'DI DAG RGYA GZHUNG KHUNGS THUB CHE BA LAS MI 'BYUNG YANG, BLA MA RNAMS KYI MAN NGAG GIS MDZAD 'DUG LA, DE YANG RTZA RLUNG BSGOM PA LA 'JAM SBYOR GYIS TING NGE 'DZIN SKYE DKA' BAR BYUNG NA, DRAG SBYOR GYIS BYED PA LA, 'DI DAG SBYANGS NA GEGS CHUNG BA LA BSAMS SO, ,ZHES SO, ,DE NAS DNGOS GZHI LA LAM GYI RMAD RDO GTUM MO SGOM PA LA THOG MAR LUS GNANG NI, GSUM LDAN LAS, DE NAS RANG YI DAM GYI LHAR GSAL BA SNGON DU BTANG
, ,NAS, BSAM GTAN GYI STEGS PU LA 'JUG ,SGOM THAG GYON, RKANG PA RE'U MIG TU BSNOL, SKAL TSIGS DRANG POR BSRANG MGRIN PA CUNG ZANG DGUG ,MIG SNA RTZER DAB BA, LCE RTZE CUNG ZAD RKAN LA SBYAR, SO DANG MCHU RANG LUGS PAR BZHAG ,LUS SEMS CUNG ZAD SGRIM, RO STOD 'PHEL KA BSKYED, MNYAM GZHAG GI PHYAG RGYA LTE 'OG TU BCAR BA BYAS LA, ZHES PA LTAR BYAS TE, GSUM LDAN LAS, RTZA GSUM GSAL BTAB PA NI, LTE BA'I BUG PA'I THAD NAS 'OG TU SOR BZHI SONG BAR, LUS KYI NANG GI SGAL TSIG NGOS LA NYE BAR DBUS SU RTZA AA WA DHU TI, GA-YAS SU ROM GA-YON DU RKYANG MA GSUM 'KHOR LO BZHI'I SROG SHING GI TSUL DU SPYI GTZUG BAR DU GSHIBS NAS GNAS SHING SNGAR BSHAD PA'I MAR SNA RO RKYANG GNYIS DBU MA'I RTZA'I NANG DU GUGS NAS YOD PAR BSAM MO, ,ZHES PA LTAR; RTZA GSUM DANG, YANG GSUM LDAN LAS, DE NAS 'KHOR LO BZHI GSAL 'DEBS PA NI, LTE BA SPRUL PA'I 'KHOR LO PHYI DBYIBS AE GRU GSUM GYI RNAM PA CAN, RTZA 'DAB KYI GRANGS RE BZHI PA, KHA DOG DMAR PO, ,KHA GYEN DU PHYOGS PA'I RNAM CAN DU BSGOM MO, ,'DI DAG LA 'DAB MA'I GRANGS RAGS PA RNAMS SMOS NAS ZHIB PAR MA SMOS 'DUG PA BZHIN 'DIR CHOG BAR 'DUG PAS MA BSHAD DO, ,SNYING KHA CHOS KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BRGYAD PA, KHA DOG DKAR PO, ,KHA 'OG TU PHYOGS PA'I RNAM PA CAN DANG, MGRIN PA LONGS SPYOD KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BCU DRUG PA, KHA DOG DMAR PO, ,KHA GYEN DU PHYOGS PA'I RNAM PA CAN DANG, SPYI BO BDE CHEN GYI 'KHOR LO PHYI DBYIBS AE
GRU GSUM GYI RNAM PA CAN, RTZA 'DAB KYI GRANGS SO GNYIS PA, KHA DOG SNA TSOGS PA, KHA 'OG TU PHYOGS PA'I RNAM PA CAN DU BSGOM STE, 'KHOR LO ZUNG RE THABS SHES ZUNG RE'I TSUL DU BSGOM PA YIN NO, , ZHES GSUNGS PA LTAR, 'KHOR LO BZHI GSAL BTAB NAS, GSUM LDAN LAS, LUGS 'DI LA RTZA'I GSAL SNANG GI GNAS CHA BRTAN PO RING DU BSGRUB PA DANG MI BSGRUB PA GNYIS SNANG NA'ANG SNGA MA LTAR BYAS NA LEGS PA YIN NO, ,GRUB CHEN LA BA BA'I GZHUNG LAS RTZA'I GSAL SNANG BSGRAB PAR BSHAD DO, ,CES GSUNGS PAS GSAL SNANG BSGRUB PAR BYA'O, ,DE NAS YI GE GSAL 'DEBS TSUL RJE MAR BAS, GNAS NGO MTSAR MKHA' 'GROS LUNG BSTAN PA, BYANG PHYOGS PU LA HA RIR PHYIN, SGO BSRUNG NA RO PAn CHEN LA, RGYUD ZAB MOD GYES PA RDO RJE THOS, BSRE 'PHO 'TSAMS SBYOR GYI GDAMS NGAG THOB, KHYAD PAR GTUM MO LAS RGYA ZHUS, SNYAN RGYUD KYI GNAD LA NGO SPROD BYAS, ZHES GTUM MO'I MAN NGAG GTZO BOR DGYES RDOR LA BRTEN NAS RNYED PAR GSUNGS PAS 'DIR BDE DGYES THUN MONG PA'I BSHAD RGYUD SAm BU tA LAS, LTE BAR AA YI GZUGS KYIS NI, ,THUNG DU RU NI RAB TU GRAGS, SNYING LA YANG NI H'Um NYID NI, ,RING PO MA MO GNYIS DANG GNAS, ,MGRIN PAR AOm GYI GZUGS KYIS NI, ,MA MO GSUM BRJOD PU LU TA, ,DPRAL BAR HAm GI RNAM PA 'DI, SGRA DANG THIG LE MI SHIGS PA, ,CES GSUNGS PA LTAR TE DE YANG, GSUM LDAN LAS, AA THUNG BSGOM PA'I GNAS NI LTE BA'I 'KHOR LO'I DBUS KYI RTZA DBU MA SKAL BA'I NANG NGOS LA NYE BA DE'I NA BA KHO NAR BSGOM DGOS SO, ,DER BSGOM PA'I CHU LA NI, ZLA GDAN CHUNG DU GCIG GI STENG DU
, ,RGYA YIG GI AA THUNG, BOD YIG GI DBU CAN GYI SHAD 'DRA BA GCIG YOD PAS, YI GE AA THUNG SHAD KYI RNAM PA 'DRA BGYEN DU 'GRENG BA MDOG DMAR PO GCIG BSGOM, SNYING KHAR YI GE BSGOM PA LA, BSGOM PA'I GNAS NI, CHOS KYI 'KHOR LO 'DAB MA BRGYAD PA'I DBUS KYI RTZA DBU MA NU MA GNYIS KYI DBUS DRANG THAD NAS SKAL PA LA NYE BAR YOD PA'I DHU TI'I NANG KHO NAR BSGOM DGOS SO, , BSGOM PA'I TSUL NI, DER ZLA GDAN LA H'Um YIG SNGON PO MGO THUR DU LTA BA BYANG CHUB KYI SEMS KHA BA LTA BU 'DZAG PA CIG BSGOM MO, ,MGRIN PAR YI GE BSGOM PA LA BSGOM PA'I GNAS NI LONGS SPYOD KYI 'KHOR LO RTZA 'DAB BCU DRUG PA'I DBUS KYI RTZA DBU MA MGRIN PA'I DBUS NAS NANG GI SKAL BA'I NGOS LA NYE BA'I DHU TI'I NANG KHO NAR BSGOM DGOS SO, ,BSGOM PA'I TSUL NI DER ZLA GDAN LA AOm YIG DMAR BO MGO GYEN DU LTA BA CIG BSGOM MO, ,SPYI BOR YI GE BSGOM PA LA BSGOM PA'I GNAS NI, SPYI GTZUG TU BDE CHEN GYI 'KHOR LO RTZA 'DAB SO GNYIS PA'I DBUS KYI RTZA DBU MA'I NANG NYID DU BSGOM DGOS SO, , BSGOM PA'I TSUL NI DER ZLA GDAN LA HAm YIG DKAR PO MGO THUR DU LTA BA CIG BSGOM STE, DE BZHI KA YANG 'KHOR LO SO SO'I DBUS KYI DHU TI LA RO RKYANG GI MDUNG PAS DKRIS PA'I THAD KA'I RTZA DBU MA'I NANG DU BSGOM PA NI GNAD SHIN TU CHE BA YIN NO, ,ZHES PA LTAR RO, ,YI GE RNAMS 'KHOR LO 'DI BUS SU BSGOM DGOS PA NI, SAm BU tA LAS, SNYING KA'I NANG SON PADMA NI, ,'DAB MA BRGYAD PA SNYING POR BCAS, DE YI NANG DU SON PA'I RTZA, ,MAR ME'I RANG GI NGO BO CAN, ,CHU SHING GI NI ME TOG LTAR, ,BRGYAD ZHING KHA NI 'OG TU'O, ,DE YI NANG GNAS DPA' BO NI, ,NYUNG DKAR
GYI NI SBOM PHRA TZAM, ,MI SHIGS H'Um GI SA BON NI, ,KHA BA LTA BU 'DZAG PA NYID, ,LUS CAN RNAMS KYI SNYING DGA' BA, ,DBYED CES BYA BAR RNAM PAR BSHAD, ,CES DANG, GSUM LDAN LAS; DE YI NANG DU SON PA'I RTZA NI SNYING PO ZHES PA RTZA DBU MA'O, ,DE YI NANG DU GNAS PA ZHES, ,H'Um YIG RTZA DBU MA'I NANG DU BSGOM PAR GSUNGS PA NI, YI GE GZHAN GSUM LA'ANG 'DRA'O, ,ZHES PAS SO, ,YI GE CHE CHUNG NI GSUM LDAN LAS, YI GE CHE CHUNG GA TSAD NI H'Um YIG GI SKABS SU YUNGS DKAR SBOM PO'I TSAD TZAM DU GSUNGS PA YANG YI GE BZHI KA LA 'DRA BAS; YI GE JI LTAR CHUNG ZHING RNAM PA GSAL BA LA SEMS 'DZIN THU BA NA RLUNG SHIN TU 'DU SLA BAS GNAD CHE'O, ,ZHES PA LTAR RO, ,AA THUNG YANG ZLA PHYED THIG LE N'A DA DANG BCAS PAR BSGOM STE, GSUM LDAN LAS, AA THUNG KLAD KOR CAN DU SAm BU tA LAS MA GSUNGS KYANG, MAN NGAG GIS KLAD KOR CAN DU BYED PA MAN NGAG SNYE MA LAS BSHAD PA BZHIN DU BDE MCHOG SDOM 'BYUNG LAS GSUNGS PAS, YI GE BZHI KA'I MGOR ZLA PHYED DANG THIG LE N'A DA DANG BCAS PA DANG, BYANG CHUB KYI SEMS PA MO LTA BU 'DZAG PA'I RNAM PA CAN DU BSAM STE, 'DI LA BDE BA CHE BA'I GNAD YOD DO, ,ZHES SO,, YI GE RNAMS DANGS SHING 'TSER BAR BSGOM STE, GSUM LDAN LAS, SHIN TU 'TSER BA'I 'OD CAN DU BSGOM NA BYING BA GCOD SLA ZHING TING NGE 'DZIN GSAL NYAMS CHE'O, ,ZHES SO, ,DE RNAMS LA SEMS 'DZIN LUGS NI, GSUM LDAN LAS, DMIGS PA DE RNAMS LA SEMS 'DZIN TSUL NI DMIGS RTEN PHRA MO'I NANG DU SEMS ZHUGS PA'I TSUL GYIS 'DZIN PAR GSUNGS PAS, TSUR NGOS NAS PHAR LA LTA
, ,BA'I RNAM PA CAN DU MI BYA'I, YUL CAN GYI SEMS YUL DE'I NANG DU 'DRES BA BZHIN DU BYA STE, SKYED TSUL 'DI LTAR BYAS NAD GZOD SEMS THIG LE DANG 'DRES PAR 'GYUR BA'I NYAMS SKYES NAS RLUNG 'DU BAR SHIN TU SLA'O, ,DE LTAR SEMS 'DZIN PA HA CANG GRIM GRAGS PA DANG, HA CANG LHONG GRAGS PAS BYING RGONG SKYE BAS, DE GNYIS SPANGS NAS SEMS BZUNG BAR BYA'O, ,DE YANG SNYING KHA YAN CHAD KYI YI GE GSUM LA DANG PO YUN THUNG BA RE BZUNG LA SHAS CHER AA THUNG LA SEMS BZUNG, DMIGS PA PHRA MO LA GANG BYAS KYANG SEMS 'DZIN PA DKA' BAR SNANG NA, CUNG CHE RU BTANG LA DE LA BRTAN PA NA, DMIGS PA PHRA MOR BYAS LA SEMS BZUNG NGO, ,ZHES PA LTAR RO, ,GNAS BZHIR YI GE BZHI BSGOM PA'I DGOS PA NI, GSUM LDAN LAS, 'DI 'DRA BA'I GTUM MO BSGOM PA NI DGA' BA BZHI BSKYED PA'I CHED YIN LA; DE BSKYED PA LA THOG MAR RTZA RNAMS ZHU BA'I BYANG SEMS DANG RLUNG GNYIS SPYI BO'I RTZA 'KHOR DU 'DUS PA NA DGA' BA SKYE DE YANG RTZA GNAS SO SOR GYIS NAS MGRIN PA'I RTZA 'KHOR DU 'DUS PA NA MCHOG DGA' SKYE, DE NAS YANG SO SOR GYIS NAS SNYING KA'I RTZA 'KHOR DU 'DUS BA NA KHYAD PAR GYI DGA' BA SKYE, DE NAS YANG SO SOR GYES NAS LTE BA'I RTZA 'KHOR DU 'DUS PA NA LHAN SKYES KYE DGA' BA SKYE DGOS SO,, DE'I PHYIR 'KHOR LO BZHI SO SO'I LTE BA'I DHU TI'I NANG DU YI GE LA SEMS BZUNG BAS GNAS DE BZHIR RLUNG SEMS SHIN TU 'DU SLA BA DANG, GNAS DE BZHIR DGA' BAR SKYES NAS DE NYAMS MYONG GIS LEGS PAR MTSON THUB PA DGOS PA LA, GNAS GONG MA NAS BYANG SEMS ZHU NAS BABS PA GNAS DE DAG TU GNAS YUN MI RING NA, DGA' BA RNAMS KYI KHYAD PAR LEGS PAR NGOS MI ZIN CING, KHYAD PAR DU LHAN SKYES
KYI DGA' BA NGOS MI ZIN NO, ,GNAS BZHI PO DER SEMS 'DZIN YUN RING BA'I GNAS CHA BRTAN PO RNYED NA, DE DAG TU BYANG SEMS BABS PA RING DU GNAS PA'I GNAD CHE'O, ,GZHAN YANG SBYI BO'I HAm YIG LA SEMS BRTAN NA, DE THIG LE DKAR BO'I GNAS YIN PAS, DKAR CHA 'PHEL BA STOBS CHE, MGRIN PA'I YI GE LA SEMS BRTAN NA, DE RO MAS KHRAG 'BEL 'DZIN BYED PA'I GNAS YIN PAS, LTE BA NAS 'ONG BA'I GTUM MO'I RDUL THIG LE'I GNAS SU 'KHRID LA STOBS CHE ZHING RMI LAM GYI DAG SBYOR LA BOGS THON BA CIG 'ONG, ,SNYING KHA'I H'Um YIG LA SEMS BRTAN NA, DE 'OD GSAL 'CHAR BA'I GNAS MCHOG YIN PAS, SAD DUS DANG GNYID DUS GNYIS KA'I 'OD GSAL 'CHAR BA LA STOBS CHE'O, ,LTE BA'I AA THUNG LA SEMS BRTAN NA, DE RKYANG MAS KHU BA 'PHEL 'DZIN BYED PA'I GNAS YIN PAS, LTE BA NAS BYANG SEMS DKAR POS LUS KUN RGYAS PAR BYED PA'I GNAD CHE LA, YANG GNAS DE GTUM MO'I ME GNAS PA'I GNAS KHYAD PAR CAN YIN PAS, BYANG SEMS ZHU BYED KYI ME 'BAR PA LA MCHOG TU BSNGAGS PAS, RTZA 'KHOR DANG DE LA BKOD PA'I YI GE BSGOM PA'I GNAD RNAMS LEGS PAR SHES PA GAL CHE'O, ,ZHES PA LTAR RO, ,DMIGS PA DE RNAMS LA GSAL SNANG BSGRUB PAR BYA STE, GSUM LDAN LAS, RTZA LA BKOD PA'I YI GE YANG, GSAL SNANG BYUNG GI BAR DU BSGOM PAR LA BABS GSUNGS SO, ,ZHES SO, ,DMIGS PA DE DAG LEGS PAR GOMS PAS LHAN SKYES BSKYED PAR NUS PA NI, SAm BU tA LAS, RGOD MA'I ME YI GZUGS KYI NI, BDAG MED MA NI THIG LER BRDZOD, ,LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,DPYID THOB PA YIS TSOD
, ,SHES PAS, ,SNYOMS PAR 'JUG PAS RNAM PAR GNAS, ,DPA' BO SHR'I NI HE RU KA ,'DI NI DPYID DANG THIG LER BRJOD, ,CES DANG, GSUM LDAN LAS, DES NA SNGAR BSHAD PA'I SEMS 'DZIN LUGS LEGS BAR SHES NAS BSGOM NA, DE TZAM GYIS SROG DHU TA'I TSUR NAS GTUM MO 'BAR STOBS KYIS BYANG SEMS ZHU BA LA BRTEN NAS DGA' BZHI SKYE BA NI NGES PAR 'ONG NGO, , ZHES SO, ,DE LTAR NA'ANG BLA MA SNGA MA'I MAN NGAG NAS 'BYUNG BA LTAR BUM PA CAN DANG SPRAGS NAS BSGOM TSUL LO, RLUNG SBYOR BSGOM PA'I DUS NI, GSUM LDAN LAS, DANG PO GSAR DU BSGOM PA'I MGO 'DZUGS LA, SPYI TZAM NAS RLUNG GSUNG RDO RJE'I NGO BO YIN LA, DE'I NANG NAS KYANG PADMA MGON PO'I RLUNG GYEN RGYU GTZO BOR RGYU DUS SU BSGOM PAR SDOM 'BYUNG GI 'GREL PA PADMA CAN NAS BSHAD DO; ,ZHES PA LTAR RO, ,BUM PA CAN NI GSUM LDAN LAS, 'ON KYANG BOD KYI BLA MA RNAMS KYI GTUM MO'I MAN NGAG LA RTZA DANG YI GE BSGOM PA RLUNG BUM PA CAN DANG SPRAGS NAS BYED MANG BAR BYUNG BA NI, GTUM MO'I NYAMS MYONG MYUR BA'I CHED DU MDZAD SNANG BA BZHIN, 'DIR YANG BSHAD NA, RDUB DANG DGANG DANG GZHIL BA DANG, MDA' LTAR 'PHANG DANG RNAM BA BZHI'O, ,ZHES BUM PA CAN GYI RLUNG SBYOR KHYAD PAR BZHI LDAN CIG DGOS PAR 'DI PA'I BLA MA GONG MA BZHED DO, ,ZHES PA LTAR LAS KHYAD PAR DANG PO NI, GSUM LDAN LAS, DE LA RDUB PA'I SBYOR BA NI KHA NAS MI RDUB PAR SNA BUG NAS BYED PA DANG, DE YANG DRAG PO MIN PAR 'JAM PO RING BAR RDUB GSUNGS PA LTAR RO, ,GNYIS PA NI, GSUM LDAN LAS DGANG BA'I SBYOR BA NI NANG DU RDUB BA'I 'TSAMS DE NAS PHYIR MI GTONG BAR NANG DU MNAN PAS RO RKYANG
GI RTZA GNYIS NAS SI RI RI SONG NAS RGYU MA PHUS BTAB PA BZHIN RTZA GNYIS BO KHRIG GIS GANG BAR BSAM BA'O, ,ZHES PA LTAR RO, ,GSUM PA NI, GSUM LDAN LAS, ,GZHIL BA'I SBYOR BA NI, NANG DU RDUB PA'I 'TSAMS DE NAS RTZA GNYIS KYI RLUNG THAMS CAD DBU MA'I NANG DU SUR GYIS CHUD PAR BSGOMS LA MCHIL MA CIG SGRA MED DU MYING DE, STENG RLUNG GNAS DER MNAN, DE NAS 'OG GI SGO GNYIS NAS 'OG RLUNG 'JAM PO GCIG AA THUNG GI SAR 'THEN LA, DER DMIGS PA GTANG LA RLUNG THUB TSAD DU BZUNG NGO, ,ZHES PA LTAR RO, ,BZHI PA NI, GSUM LDAN LAS, MDA' LTAR 'PHANGS PA'I SBYOR BA NI RLUNG PHYIR GTONG BA NA RTZA DBU MA'I NANG NA YAR BDE PHRI'I LI 'GRO BAR BSAM GYI, SPYI GTZUG NAS THON PAR BSAM PAR MI BYA'O, ,ZHES PA LTAR RO, ,RLUNG NANG DU 'DZIN PA'I TSE, GNYIS KA AA THUNG LA THIM PAR BSGOM PAR BYA STE, GSUM LDAN LAS, STENG 'OG NAS LTE BAR DRANGS TE 'DZIN PA NA, LUS BYIN PO RLUNG GIS KHENGS PA DANG, MGRIN PA DANG SNYING KA YAN CHAD KHENGS PA LA DMIGS BA GTAD PA SOGS BYAR MI RUNG GI ,AA THUNG GANG DU BSGOM PA DER, RLUNG GNYIS KHA SBYOR BA LA DMIGS PA GTOD PA GNAD DAM PA YIN TE, SROG DBU MAR 'DZUD PA LA SROG THUR GNYIS DE'I NANG DU KHA SBYOR BA GCIG DANG, DER YI GE SNGAR BZHIN BSGOM PA LA DMIGS PA GTOD PA'I SEMS KYI GNAD GNYIS DANG LDAN DGOS PA'I PHYIR RO, ,ZHES SO, ,DE LTAR BSGOM PAS SROG DBU MAR 'DZUD NUS PA NI; GSUM LDAN LAS, DE YANG RO RKYANG KHA PHYE BA'I TSE DBU MA KHA ZUM, DBU MA KHA PHYE BA'I TSE, RO RKYANG KHA ZUM PAR NGES PA YIN PAS, BUM PA CAN GYIS RO RKYANG NAS RLUNG PHYI ROL TU RGYU BA
, ,'GOG PA DANG DBU MAR 'DZUD PA'I DMIGS PA GNYIS GOMS PAR BYAS PAS, GOMS PA'I MTHA' DBU MAR 'DZUD NUS PA 'BYUNG NGO, ,ZHES PA LTAR RO, ,RLUNG 'GOG LUGS JI LTAR BYED PA NI, GSUM LDAN LAS, RLUNG 'GOG LUGS DANG YUN CI TZAM CIG NAS PHYIR GTONG BA NI, DPAL PHAG MO GRU PA'I GDAMS NGAG LAS, ,DANG PO RTZA SBYONG BA YIN PAS RLUNG MI THUB BZHIN DU MI GNON PAR DBUGS KYIS THUB TSAD MI DRAG TZAM DU MNAN LA, PHYI NAS JE DRAG JI DRAG TU GNON PA YIN NO, ,ZHES GSUNGS PA LTAR RLUNG 'JAM POR RE DGA' CIG TU MA SONG BAR DU, RO STOD BSIGS KYI NA GNON PA DANG, RLUNG DRAG TU 'THEN NAS GNON PA SOGS KYI DRAG PO MI BYA BA DANG, YUN KYANG MI BDE BAR MNGON PA MA BYUNG BAR DU BYA'I, MI BDE BA BYUNG YANG 'DZIN YUN SRING BA MI BYA STE, DE LTAR BYAS KYANG DBU MAR 'DU BA LA DE TZAM MI PHAN PA'I PHYIR TE, YUN CIG GI RING LA SPRUL BA'I 'KHOR LO'I DBUS SU BZUNG BA DE YUN CUNG ZAD RE LAS DER MI GNAS PAR PHYIR LA 'CHUGS 'GRO BA'I PHYIR DANG, 'KHOR LO'I DBUS LAS PHYIR RING PAR RLUNG ZIN BA LA DROD DANG BDE BA THAN THUN SKYE YANG SROG DH'U TIR TSUD BAL PHAN TSUNG BA'I PHYIR RO, ,ZHES DANG, RLUNG 'KHOR LO'I LTE BAR RANG SHUGS KYI GNAS PA BYUNG BA'I 'TSAMS NAS YUN BSRENG BA SHES DGOS SO, ,ZHES PA LTAR RO, ,DE BSGOM BA'I SKABS NI GSUM LDAN LAS, BUM PA CAN BSGOM PA NI LTO STONG DANG ZAS ZOS PA'I RJES YIN NA LTO BDE MOR SONG BA'I 'TSAMS RNAMS SU BYAL, BAR MA CHAD DU HA CANG RGYUN RING MI BYA BAR BAR SKABS SU NGAL GSO ZHING BSGOM MO, ,ZHES PA LTAR RO, DE DANG SBRAGS TE 'BAR 'DZAG GI DMIGS PA BYED TSUL NI, GSUM LDAN LAS,
DE LTAR BUM PA CAN BSGOM PA BYANG BA'I 'TSAMS SU, BUM PA CAN GYI RLUNG SBYOR BSGOM BZHIN PA'I STENG NAS, LTE BA DANG SNYING KHA DANG MGRIN PA DANG SPYI BO'I RTZA 'KHOR BZHI'I LTE BAR RTZA MDUD KYIS DKRIS PA'I BU GAR SNGAR BSHAD PA BZHIN DU, AAm, H'Um, AOm, HAm, BZHI GSAL GDAB BO, ,DE NAS GSANG GNAS KYI 'KHOR LOR GNAS PA'I RLUNG GIS ME BSKUL BA'I GTUM MO'I RANG BZHIN GYI AOm YIG 'BAR BA'I ME'I 'OD ZER DHU TI'I NANG LA GYEN DU SONG NAS, HAm AOm H'Um GSUM BZHUS PA LTE BAR AAm YIG LA BABS STE DE DANG DBYER MED DU GYUR TE LHAN CIG SKYE DGA'I RANG BZHIN GYI THIG LER BLTAS LA SEMS BZUNG NGO, ,DE LA SEMS ZIN PA NA THIG LE DE LAS GTUM MO'I ME PHRA MO ME LCE GCIG TU 'BAR BA LTAR GNAS PAR BSGOM MO, ,DE'I 'OD KYIS 'KHOR LO GONG MA'I GNAS NAS BYANG CHUB KYI SEMS ZHU BA'I BDUD RTZI ZAG PAS, LTE BA'I AAm YIG GANG ZHING, AAm YIG DE LA SEMS RTZE GCIG PAS BRTAN PA THOB PA'I MTSAN MA MTHONG BDE SRID DU BSGOM MO, ,SEMS BRTAN PA NA GTUM MO'I 'OD ZER GYI SNANG BAS LAS KYI PHYI NANG DANG GNAS KHANG SOGS THAMS CAD LAG MTHIL GYI SKU RUNG BZHIN DU GSAL BAR BSGOM ZHING, ME PHRA ZHING ME LCE GCIG TU GYUR PA LA SEMS 'DZIN PA GAL CHE'O, ,DES NI TING NGE 'DZIN GSAL NYAMS CHA ZHING TING NGE 'DZIN MYUR DU RDZOGS PAR 'GYUR RO, ,ZHES PA LTAR RO, ,DE LTAR BSGOM PAS RLUNG DBU MAR ZHUGS GNAS THIM GSUM 'BYUNG BA'I RTAGS NI, RJE BTZUN MI LA'I ZHAL NAS, RLUNG RO RKYANG DHU TIR TSUR BA BDE ZHES DANG, DBU GSAL 'GRO 'ONG MED NA BDE, RGYU BA CHAD NA YONGS KYANG BDE; ZHES DANG, GRUB CHEN LAB BAS, DANG PO RI DVAGS SRED BZHIN SNANG BA STE, ,MTSAN MA GNYIS PA DUD KHO'I RNAM PA CAN, ,GSUM PA SRIN BU MA KHYER DANG 'DRA BA, ,BZHI PA SGRON ME 'BAR BA LTA BUR
, ,GSAL; ,MTSAN MA LNGA BA RNAM PAR MA BRTAGS PAR, ,SPRIN BRAL NAM MKHA' LTA BUR SNANG BA YIN, ,ZHES PA LTAR RO, ,DGA' BZHI 'DREN TSUL NI, GSUM LDAN LAS SNA BUG GI RGYU BA PHRA MO YANG LOG PA LA THIM DKA' SLA GNYIS LAS, THIM DKA' NA YUNG CIG LA LTO BA RLUNG GIS KHENGS PA 'BYUNG ZHING, DE NAS ZHI BAR 'GYUR LA, ZHI MA THAG LTE BA DANG GSANG GNAS ME GNAS PA'I THAD NA DRONG KHYAD PAR CAN SKYE, DE NAS RIM GYIS ZHU BDE 'DREN NO, ,ZHES DANG, RDOR 'PHRENG LAS, RDO RJES LUGS 'BYUNG BSHAD BYA STE, ZHES SOGS DANG, SPRUL BA'I 'KHOR LOR DGA' BA DANG, ZHES SOGS LTAR RO, ,DE LTAR DRANGS PAS LHAN SKYES KYI YE SHES BSGOM TSUL NI, GSUM LDAN LAS, SNGAR BSHAD PA LTAR GYI YAS BABS KYI DUS SU BYANG SEMS ZHU BA NOR BU'I RTZE'I BAR DU SLEB NAS PHYIR MTHON PA NA LHAN SKYES KYI DGA' BA SKYE BAS DE'I DUS SU SNGAR GTAN LA PHAB PA'I LTA BA DRAN PAR BYAS NAS LTA THOG TU BZHAG STE BDE STONG DBYER MED BSKYANG, LTA BA'I GO BA LEGS PO MED NA'ANG SEMS KYI SPRO BSDU RNAMS NGOR LA BDE BA DE NYID LA CIG NAS GNAS KYI BAR DU BSKYAD DO, ,DE BZHIN DU BYANG SEMS NOR BUR ZIN BGYEN DU ZLOG PA NA SPYI GTZUG TU NAM SLEB PA'I TSE, MAS BRTAN GYI LHAN CIG SKYES BA'I YE SHES SKYE BAS, DE'I TSE YANG DE NGO SHES PAR BYAS LA BDE STONG DBYER MED DAM PA DE BA RKYANG BA'I MI RTOG PA SNGAR BSHAD PA BZHIN CI TZAM GNAS NUS NUS KYI BAR DU BSKYANG NGO, ,ZHES PA LTAR RO, ,DE LAS LDANG BAR 'DOD PA NA PHUNG PO RNYED BA LAS GOS LOGS SU YI DAM GYI SKUR LDANG ZHING DE DANG DUS MNYAM DU LUGS LDOG GI RTAGS 'CHAR RO, ,MNYAM BZHAG LAS LDANG BAR 'DOD PA NA PHUNG PO RNYING PA DAM TSIG SEMS DPAR BLTAS PA'I THUGS KAR YE SHES SEMS DPA'I TSUL GYIS ZHUGS TE GANG SNANG SNGAR GYI
BDE STONG GIS RGYAS BTAB STE BDE CHEN 'BAR BA'I RKYEN DU 'GYUR PAR BYA'O, ,GNYID DANG 'CHI DUS SNYING KA'I H'Um YIG LA DMIGS TE BSRE BA RNAMS BYA'O, ,SGYU LUS DANG 'OD GSAL GYI RNAM BZHAG NI, RJE MAR PAS NUB TUL KshE tI 'GRONG KHYER DU, DPAL YE SHES SNYING PO'I ZHABS LA GTUGS, ,PHA RGYUD GSANG BA 'DUS PA NYAN, ,SGYU LUS 'OD GSAL GYI GDAMS PA THOB, ,LAM RIM PA LNGA YI DON LA BSLAB, ,CES GSUNGS PAS 'DUS PA'I MAN NGAG LAS 'BYUNG BA LTAR SBYANG NGO, ,BAR DO NI RIM LNGA BSDUS GSAL LAS, ,BAR DO RNAM GSUM BSRE BAR BYA, ,ZHES GSUNGS PA LTAR GYI BSRE BA'I SKOR DANG KHYAD PAR DU 'CHI DUS KYI RNAM BZHAG LEGS PAR SHES PAR BYAS TE SBYANG NGO, ,'PHO BA DANG GRONG 'JUG GNYIS, RJE MAR BAS, LO GSUM BAL PO'I MTHIL DU BSDAD, ,RJE BYIN BRLABS CAN GYI BAL PO LA, ,RGYUD ZAB MOR GRAGS PA'I GDAN BZHI NYAN, ,'PHO BGRONG 'JUG GI GDAMS PA THOB, ,CES GSUNGS PAS GTZO BOR GDAN BZHI SOGS LAS 'BYUNG BA LTAR SBYANG DGOS LA, DANG PO NI, RJE BDAG NYID CHEN POS MDZAD PA'I 'PHO KHRID CHEN MO LAS SHES PAR BYA'O, ,DE LA GTUM MO LA BRTEN NAS SEMS DBEN GYI DOR THUB PA'I DGA' BZHI 'DREN ZHING DES SGYU LUS MNGON DU BYED NUS LA, SGYU LUS PAS 'OD GSAL MNGON DU BYAS TE SLOB MI SLOB KYI ZUNG 'JUG RNAMS RIM GYIS MNGON DU BYED PAS, ,GDAMS PA 'DI LA RIM LNGA'I GDAMS NGAG GI GNAD RNAMS LEGS PAR TSANG ZHING, TSE 'DIR MCHOG MI 'GRUB PAR BAR DOR 'GRUB PA LA GTZO BOR MKHO BA'I YAN LAG BAR DO DANG, SKYE BA BRGYUD DGOS PA LA SDAGS SPYOD PA'I RTEN KHYAD PAR CAN DU SKYES NAS LAM MYUR BAR BYED PA'I YAN LAG 'PHO BA DANG, RANG GZHAN GYI RTEN DMAN MCHOG BRJES NAS LAM MYUR BAR GCOD PA'I
, ,YAN LAG GRONG 'JUG GI GDAMS PA RNAMS TSAD BAS LAM GYI YAN LAG KYANG LEGS PAR TSANG BA YIN TE, RIM LNGA BSDUS GSAL LAS, ,GTUM MO'I RNAL 'BYOR RLUNG GIS TE, ,SEMS DMIGS BDE BA CHEN PO'O, ,RMI LAM SKU MA GCIG TU SBYANG, ,BAR DO RNAM GSUM BSRE BAR BYA, ,NYON MONGS YE SHES LAM DU 'GYUR, ,LAM MYUR GCOD PA 'PHO BA STE, ,GRONG DU 'JUG PA YAN LAG GO, 'OD GSAL GNAS THOB MNGON SANGS RGYAS, ,ZHES SO, ,CES PA 'DI NI GYI NA BA NGAG DBANG BLO BZANG CHOS LDAN GYIS RANG BZOS BSLAD PA MED PAR BKA' DRIN MNYAM MED GSUM LDAN RDO RJE 'DZIN PA RJE BTZUN DKON MCHOG RGYAL MTSAN DPAL BZANG PO'I ZHAL SNGA NAS KYI MAN NGAG DRI MA MED PA LA BRTEN NAS YID CHES PA'I KHUNGS LAS NYAMS LEN GYI GNAD RNAMS BTUS TE RANG GI BRJED THOR BKOD PA'O, ,'DIS KYANG RGYAL BA BLO BZANG GRAGS PA'I BSTAN PA PHYOGS DUS KUN TU DAR ZHING RGYAS LA YUN RING DU GNAS PAR GYUR CIG, ,,