*,DPAL RDO RJE 'JIGS BYED KYI RDZOGS RIM BSGOM TSUL BZHUGS SO,, *, ,NA MO BDZRA BHI RA WA YA, DPAL RDO RJE 'JIGS BYED KYI RDZOGS RIM BSGOM TSUL NI, RANG GSANG CHEN RDO RJE 'JIGS BYED ZHAL DGU PHYAG SO BZHI PA'AM, ZHAL GCIG PHYAG GNYIS PA GANG RUNG DU GSAL BA'I LUS KYI DBUS DRANG POR, RTZA DBU MA SBOM PHRA GRO SOG TZAM,
, ,YAR SNA SPYI GTZUG NAS GUG NAS SMIN 'TSAMS DANG MAR SNA LTE 'OG TU SLEB PA, KHA DOG PHYI SNGO LA NANG DMAR BA, DE'I GA-YAS DU RKYANG MA DKAR PO, ,SPYI BOR BDE CHEN GYI 'KHOR LO RTZA 'DAB SO GNYIS PA, MGRIN PAR LONGS SPYOD KYI 'KHOR LO RTZA 'DABS BCU DRUG PA, SNYING KAR CHOS KYI 'KHOR LO RTZA 'DABS BRGYAD PA, LTE BAR SPRUL PA'I 'KHOR LO RTZA 'DAB RE BZHI PA, LTE BA'I RTZA 'KHOR GYI DBUS SU NYI GDAN SRAN MA PHYED GSHAGS RTZAM GYI DBUS SU, DMIGS RTEN AA THUNG SHAD KYI RNAM PA CAN RDO RJE 'JIGS BYED KYI NGO BOR MOS TE DE LA SEMS ZHUGS PA BZHIN DU 'DZIN PA NI GNAD KYI DON PA'O, ,DE LA SEMS BRTAN PA NA DMIGS RTEN DE LA RLUNG 'OD ZER LNGA BA CIG DBU MA'I NANG BRGYUD NAS GYEN DU PHYIR LDANG BA'I SGRA AOm GYI GDANGS DANG, NANG DU 'JUG PA'I SGRA H'Um GI GDANGS DANG, DMIGS RTEN LA THIM NAS GNAS PA'I SGRA AA'I GDANGS SU MOS TE, YANG DANG YANG DU SBYONG BA RLUNG RDO RJE'I BZLAS PA LA BSLAB, DE LTAR SBYANGS BAS GOM PA GNAD DU SONG BA NA RLUNG DBU MAR ZHUGS GNAS THIM GSUM 'BYUNG BA'I ZHUGS PA'I RTAGS SU SNA BUG NAS RLUNG MNYAM RGYU SHED MTSUNGS NGES CAN DU THIBS PA 'BYUNG, GNAS PA'I RTAGS SU SNA BUG GI RLUNG GI RGYU BA 'CHAD CING LTO BA MI 'GUL BA 'BYUNG, THIM PA'I RTAGS SU SMIG RGYU; DU BA, MA KHYER, MAR ME LTAR 'BAR PA, DKAR LAM PA, DMAR LAM PA, NAG LAM PA, THO RANG GI NAM MKHA' GA-YA' DAG LTA BU'I STONG SAD RNAMS RIM PA LTAR 'CHAR, DE'I DUS SU BDE DROD KHYAD PAR CAN SKYE ZHING BDE BA'I SEMS DES CHOS THAMS CAD RANG BZHIN GYIS GRUB PAS STONG PA'O SNYAM DU BDE STONG SBYAR NAS BSGOM, DE'I MTHAR RDO RJE 'JIGS BYED KYI RNAM PA CAN DU, PHUNG PO
RNYING BA LAS LOGS SU RLUNG SEMS TZAM LAS GRUB PA'I SGYU MA'I SKUR BZHENGS PA'I MOS PA BYED SLAR YANG PHUNG PO RNYING BA DAM TSIG SEMS DPA' RDO RJE 'JIGS BYED DU BSGOM PA'I THUGS KAR YE SHES SEMS DPA'I TSUL GYIS 'JUG ,RJES THOB DU THUN 'TSAMS SU GZUGS SGRA SOGS RANG LA GANG SNANG THAMS CAD RANG BZHIN GYIS STONG PA'I STONG PA, DE 'DRA'I STONG PA THAMS CAD BDE BA, BDE BA THAMS CAD RDO RJE 'JIGS BYED KYI LHA SKUR 'CHAR BA'I NYAMS LEN LA BSLAB, DE LTAR YANG YANG BSGOM PAS, YI DAM GYI LHAS BYIN GYIS RLOB, TSE SRING, BAR CHAD ZLOG ,RTAG MDUD 'GRO LA, SGYU LUS, 'OD GSAL, ZUNG 'JUG RNAMS RIM PA LTAR MNGON DU BYAS DE ZUNG 'JUG RDO RJE 'CHANG GI SKUR MYUR DU 'TSANG RGYA BA'I PHAN YON BSAM GYIS MI KHYAB PA 'BYUNG BAS 'DI LA 'BAD 'TSAL LO, ,CES PA 'DI NI GYIN PA NGAG DBANG BLO BZANG CHOS LDAN DPAL BZANG POS BGYIS PA'O,, ,,