*,DPAL RDO RJE 'JIGS BYED KYI RDZOGS RIM RNAL 'BYOR BZHI'I DMAR KHRID BZHUGS, , *,,NA MO BDZRA BHIR WA YA, DPAL RDO RJE 'JIGS BYED KYI RDZOGS RIM RNAL 'BYOR BZHI'I RIM PA NYAMS SU LEN TSUL NI, BSHES GNYEN TSUL BZHIN DU BSTEN PA NAS RIM PA DANG PO LA SLOB PA'I BAR SNGON DU BTANG NAS GNAS DBEN PAR STAN BDE BA LA LUS GNAD DANG LDAN PAS 'JUG LA, DAL 'BYOR DON CHE RNYED DKA' 'CHI BA MI RTAG PA, NGAN 'GRO'I SDUG BSNGAL RNAMS LEGS PAR BSAM LA DE LAS SKYOB PA'I SKYABS YUL, MDUN GYI NAM MKHAR RTZA BA'I BLA MA RDO RJE 'JIGS BYED KYI RNAM PA CAN LA DNGOS BRGYUD KYI BLA MA YI DAM SANGS RGYAS BYANG SEMS SOGS KYIS BSKOR BSKAD CIG GIS GSAL BTAB STE, SKYABS 'GRO RGYUD DANG 'DRES NGES BYA, DE NAS LAS DKAR NAG GI 'BRAS BU, 'KHOR BA LA MTHA' DAG GI SDUG BSNGAL, RANG GZHAN 'GRO BA THAMS CAD DES MNAR TSUL; 'GRO BA RNAMS KYIS RANG GI MA BYAS TSUL SOGS BSAM NAS, SEMS SKYED DANG TSANG MED BZHI BSGOM, RANG GI SPYI BOR PAD ZLA'I GDAN LA RDO RJE SEMS DPA' YAB YUM MNGON RTOGS LTAR BSGOM NAS
YE SHES PA DGUG GZHUGS RIGS BDAG GIS RGYAS 'DEBS RNAMS BYAS LA, THUGS KHA'I SA BON SNGAGS 'PHRENG DANG BCAS BA LA DMIGS NAS YI GE BRGYA PA BZLA ZHING, SNGAGS 'PHRENG SA BON DANG BCAS PA LAS BDUD RTZI'I RGYUN BABS PA RANG GI TSANGS BU GNAS ZHUGS, BDE CHEN GYI 'KHOR LO SOGS RIM GYIS GANG, SGRIB BZHID STAD BAR BZHI THOB, SKU BZHI'I SA BON BA ZHAG PA'I MOS PA BYA, MTHAR RDOR SEMS RANG LA BSTIM NAS DGE RTZA BSNGO, ,'DI NI SNYING PO BRGYAN LAS, SANGS RGYAS KUN GYI SKU GCIG PO, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YE GI BRGYA PA CHO GA BZHIN, ,NYI SHU RTZA NI RE RE BZLA, ,LTUNG SOGS BYIN GYIS BRLABS 'GYUR BAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN 'TSAMS SU NI SPYAD PAR BYA, ,'BRUM PHRAG DU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES GSUNGS PA LTAR GYI SDIG SGRIB SBYONG BA RDO RJE SEMS DPA'I BSGOM BZLAS SO, ,DE NAS MDUN GYI NAM MKHAR SNA TSOGS PAD NYI ZLA BA'I STENG DU SKYABS GSUM KUN 'DUS KYI NGO BO DRIN CAN RTZA BA'I BLA MA DPAL RDO RJE 'JIGS BYED ZHAL PHYAG YONGS SU RDZOGS PA'I RNAM PA CAN YUM DANG BCAS PA, GNAS LNGAR GSHIN RJE'I GSHED RIGS LNGA YUM BCAS DANG, GNAS GSUM DU YE GE GSUM GYIS MTSAN PA, THUGS KHA'I H'Um LAS 'OD ZER 'PHROS PAS RTZA BA'I BLA MA RDO RJE 'JIGS BYED KYI RNAM PA CAN LA DNGOS BRGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO BSTAN BSRUNG YE SHES PA'I TSOGS NAM MKHA' GANG BAS BSGOR BA SPYAN
, ,DRANGS BAR BSAM LA, THUGS RJE'I BDAG NYID RTZA RGYUD BLA MA DANG, NAS, GSHEGS SU GSOL, AOm HR'I: HA BHO WA SOGS BRJOD, SPYAN DRANGS BA'I YE SHES PA THAMS CAD BLA MA LA DZA H'Um BAm HOS DBYER MED DU BSTIM, SDOM 'BYUNG LAS, BLA MA SANGS RGYAS BLA MA CHOS, DE BZHIN BLA MA DGE 'DUN TE, CES DANG, SGYU 'PHRUL DRA BA LAS, RTAGS TU BLA MA LA GUS PA'I, ,SLOB MAS BLA MA 'DI LTAR BLTA, ,BLA MA SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE BZHIN GSHEGS PA RIN CHEN 'BYUNG, ,'DI NI YE SHES RGYA MTSO CHE, ,YID BZHIN NOR BU RIN CHEN SBYIN; DE YI YON TAN THAMS CAD GZUNG, ,SKYON KUN SEMS KYIS KYANG MI BSAM, ,YON TAN BZUNG NA DNGOS GRUB THOB, ,SKYON GYIS DNGOS GRUB NYAMS PAR BYED, ,CES DANG RIM LNGA LAS, , 'DI NI RANG BYUNG BCOM LDAN 'DAS, ,LHAG PA'I LHA NI GCIG BU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG, ,CES DANG, MCHOD PA THAMS CAD YONGS SPANGS NAS, , BLA MA MCHOD PA YANG DAG BRTZAMS, ,DE MNYES PAS NI KUN MKHYEN PA'I, ,YE SHES MCHOG NI THOB PAR 'GYUR, ,ZHES DANG, ZHAL LUNG LAS, 'DI YI DON LDAN 'GA' ZHIG LA, ,DA NI DE YI LUS GNAS TE, ,SGRUB PO GZHAN LAS MCHOD PA LEN, ,DE YIS DE MNYES RANG GI RGYUD, ,LAS KYI SGRIB PA DAG PAR BYED, ,CES GSUNGS PA LTAR BSAM STE DANG GUS DRAG POS YAN LAG BDUN PA LEGS PAR PHUL, SDOM PA BZUNG LA, BLA MA RGYAL BA KUN 'DUS KYIS, ,BDAG LA DBANG BZHIN BSKUR DU GSOL, ,SGRIB BZHI DAG PAR MDZAD DU GSOL, ,SKU BZHI THOB PAR MDZAD
DU GSOL, ,ZHES GSOL BA BTAB PAS BLA MA'I SKU LA GNAS PA'I RIGS LNGA YAB YUM LAS RANG 'DRA DPAG TU MED PA SPROS, GTZO BOS DBANG BSKUR BA'I DGONGS PA MDZAD, YUM LNGA SA BUM PA BDUD RTZIS GANG BA BZUNG NAS DBANG BSKUR, SPROS PA'I DBANG LHA RNAMS RANG LA THIM PAS BUM DBANG, BLA MAR YAB YUM SNYOMS PAR ZHUGS PA LAS BYANG SEMS DKAR DMAR MYANG BAS GSENG DBANG, BLA MA'I YUM LAS SPROS PA'I RIG MA DANG SNYOMS PAR ZHUGS PAS SHIR DBANG, ,BLA MAS KHA SBYOR YAN LAG BDUN LDAN GYI ZUNG 'JUG THOB BYA DON GYI DBANG BZHI PAR TSIG GIS BRDA' SPRAD PAS TSIG DBANG THOB PAR MOS, DE NAS RDO RJE BSDU BA'I SNGAGS RGYAS, MDUN GYI BLA MA SPYI BOR SPYAN DRANGS, GDUNG SHUGS DRAG POS SKYABS GSUM KUN 'DUS KYI NGO BO BLA MA RIN PO CHE LA GSOL BA 'DEBS SO SOGS KYIS GSOL BA MANG DU BTAB STE RANG LA BSTIM, RANG 'JIGS BYED DU GSAL BA'I THUGS KHA NAS 'OD ZER SPROS TE, SNOD BCUD SBYANGS BSGYUR BYA, 'DI NI AA BHI DHA NA'I RGYUD LAS, DRIN DANG LDAN PA'I BLA MA DE, LAG PA'I MTHIL LAM SNYING GI DKYIL, ,LUS KYI CHA SHAS GAR BSGOM KYANG, ,SANGS RGYAS STONG GI BYIN BRLABS KYANG, ,GANG ZAG DE YIS SDUD PAR BYED, ,CES GSUNGS PA LTAR GYI BYIN BRLABS ZHU BA BLA MA'I RNAL 'BYOR RO, ,DE NAS BSKYED RIM LA GOMS PA BRTAN PO THOB PA ZHIG YIN NAM GTOGS THUN MGOR BDAG SKYED RGYAS BSDUS GANG RUNG RE SNGON DU BRANG NAS, GNAD BZHI DANG LDAN PAS RDZOGS RIM BSGOM PAR BYA LA, DE YANG RANG 'JIGS BYED ZHAL DGU PA ZHAL PHYAG YONGS RDZOGS SA GZHAL GCIG PHYAG GNYIS PA YUM BCAS SAM, DPA' BO GCIG PA GANG RUNG DANG SA GSAL 'OD KYI RANG BZHIN CAN DU GSAL BA'I, LUS KYI DBUS
, ,SU YAR SNA SMIN 'TSAMS DANG MAR SNA LTE 'OG SONG BZHI TZAM DU SLEB PA'I, RTZA GSUM 'KHOR LO BZHI DANG BCAS PA GSAL BTAB LA, RTZA LAM SBYANGS TE, LTE BA'I RTZA 'KHOR GYI DBUS SU RANG GI SEMS DANG DBYER MED PA'I THIG LE DE NYID YONGS SU GYUR BA LAS NYI GDAN GYI STENG DU, RDO RJE 'JIGS BYED DKAR PO KHRO BO ZHAL CAN NAM MA HE'I ZHAL CAN GANG RUNG ZHAL GCIG PHYAG GNYIS PA YUM BCAS SU GYUR PA'I; THUGS KAR NYI GDAN GYI STENG DU H'Um YIG DKAR PO YUNGS 'BRU TZAM N'A DA DANG BCAS PA GSAL GDAB, DE NAS LTE BA'I YE SHES SEMS DPA' YAB YUM SNYOM PAR ZHUGS PA'I SBYOR 'TSAMS NAS BYANG CHUB KYI SEMS DMAR SER BABS, DAM TSIG SEMS DPA'I SKU'I CHA THAMS CAD GANG, DE LAS 'OD ZER 'PHROS SNOD BCUD THAMS CAD LA PHOG ,MA DAG PA'I DRI MA SBYANGS TE SNOD THAMS CAD GZHAL YAS KHANG DANG BCUD THAMS CAD RDO RJE 'JIGS BYED KYI GO 'PHAN LA BKOD, DE 'DRA'I GZHAL YAS KHANG RNAMS 'OD DU ZHU NAS RDO RJE 'JIGS BYED DU GSAL BA'I BCUD RNAMS LA THIM, DE RNAMS 'OD DU ZHU NAS BSKYED RIM NYER BSDU BYAS NA RANG DANG, MA BYAS NA DUR KHROD BSRUNG 'KHOR DANG BCAS PA LA THIM PA NAS, RANG DAM TSIG SEMS DPA' STOD SMAD NAS 'OD DU ZHU STE YE SHES SEMS DPA' LA THIM, YE SHES SEMS DPA'I YUM YAB LA THIM, YAB TING NGE 'DZIN SEMS DPA' LA THIM, TING NGE 'DZIN SEMS DPA'I ZHABS KYU AU NAS N'A DA'I BAR LA RIM GYIS THIM, N'A DA YANG RJE PHRA RJE PHAR GYUR TE 'OD GSAL STONG PA NYID LA THIM PA'I STONG NYID LA RTZE GCIG DU MNYAM PAR BZHAG ,DE'I DANG NAS RTZA GSUM 'KHOR LO BZHI LDAN LAM GYIS GSAL BTAB LA, LTE BA'I RTZA 'KHOR GYI DBUS SU NYI GDAN GYI STENG DU, H'Um MAm AA THUNG SHAD KYI RNAM PA CAN
RTZE MO GYEN DU BSTAN PA'I MGOR ZLA CHOS RGYA KHAB KYI MIG PHYED TZAM GYI STENG DU N'A DA GSUM 'KHYOGS ME 'BAR LA KHAD PA LA, RANG GI SEMS ZHUGS PA BZHIN DU BYAS TE RTZE GCIG TU MNYAM PAR BZHAG PAS, RLUNG DBU MAR ZHUGS GNAS THIM GSUM 'BYUNG, SMIG RGYU NAS 'OD GSAL GYI BAR GYI RTAGS RNAMS 'CHAR, 'OD GSAL GYI DUS SU STONG NYID LA RTZE GCIG TU MNYAM PAR BZHAG ,DE'I TSE RLUNG DBU MAR 'DUS PA'I STOBS KYIS, LTE BA'I N'A DA 'BAR BAS RTZA NANG THAMS CAD NAS BYANG SEMS ZHU BA THAMS CAD DE LA PHOG ,SLAR CHER 'BAR BAS SPYI BO'I BYANG SEMS ZHU BA YAS BABS MAS BRTAN GYI DGA' BA BZHI LUGS 'BYUNG LDOG TU DRANGS PA'I DGA' BA BRGYAD KA DANG KHYAD PAR LHAN SKYES KYI SKABS SU BDE STONG SBYAR NAS RTZE GCIG TU BSGOM, 'DI SAD DUS KYI 'OD GSAL CHOS SKU'I BSRE BA YIN, DE LAS LDANG BAR RTZOM PA NA PHUNG PO RNYING PA LAS GOS LOGS SU, RDO RJE 'JIGS BYED YUM BCAS SU LDANG SNYAM PA'I 'PHEN BA BTANG, DE LAS LANGS PA NA RDO RJE 'JIGS BYED YUM BCAS SU YID NGOR BZHENGS PA DE 'BYUNG, DE DANG DUS MNYAM DU LUGS BZLOG GI NYER THOB NAS SMIG RGYU'I BAR GYI RTAGS RNAMS RIM GYIS 'BYUNG, 'DI SAD DUS KYI LONGS SKU'I BSRE BA YIN, MNYAM GZHAG LAS LDANG BAR 'DOD PA NA, YID NGO'I SKU DE PHUNG PO RNYING PA DAM TSIG SEMS DPAR BLTAS PA'I THUGS KHAR YE SHES SEMS DPA'I TSUL GYIS 'JUG ,DE DANG DUS MNYAM DU SNA BUG NAS RLUNG RGYU, YUL SNANG 'CHAR, GANG SNANG STONG PA, STONG PA BDE BA, BDE BA RDO RJE 'JIGS BYED KYI RNAM ROL DU 'CHAR BA LA BSLAB, 'DI SAD DUS KYI SPRUL SKU'I BSRE BA YIN, DE LTA BU'I RNAL 'BYOR BA DE GNYID LA 'GRO KHAR, GNYID KYI 'OD GSAL NGOS ZIN PAR BYA,
, ,RMI LAM LONGS SKUR LDANG, SAD PA SPRUL SKU DANG BSRE SNYAM PA'I 'PHEN PA BTAD LA, LTE BA'I DMIGS RTEN SNYING KHAR DRANGS NAS DE LA RTZE GCIG DU MNYAM PAR BZHAG PA'I SGO NAS BSRE BSKOR GSUM BYA, RNAL 'BYOR BDE LAM GONG MA'I RTOGS PA MNGON DU MA BYAS PAR 'CHI DGOS PA BYUNG NA, 'CHI KHAR 'CHI BA 'OD GSAL NGOS ZIN PAR BYA, BAR DO LONGS SKUR LDANG, SNGAGS SPYOD PA'I RTEN KHYAD PAR CAN DU SKYE BA LEN SNYAM PA'I 'PHEN PA BTANG LA, DMIGS RTEN SNYING KHAR DRANGS NAS DE LA RTZE GCIG TU MNYAM PAR BZHAG PA'I SGO NAS BSRE BSKOR GSUM BYA, 'DI LTE BA'I RJES GZHIG GI RNAL 'BYOR TE, SNGAGS KYI RNAL 'BYOR GYI SNGON 'GRO'O, ,DE NAS RTZA 'KHOR GSAL 'DEBS PA YAN CHAD SNGAR DANG 'DRAL KHYAD PAR NI, RO RKYANG GNYIS KYI MANG SNA LTE 'OG SOR BZHI TZAM NAS DBU MA'I NANG DU CHUD PA DBU CAN GYI CHA'I ZHABS LTA BU, DBU MA'I YAR SNA GDONG GI SNA RTZE'I BAR DANG, RO RKYANG GNYIS KYI YAR SNA SNA BUG GI NANG DU SLEB PA, LTE BAR AA THUNG SNGAR DANG 'DRA BA RNAMS GSAL BTAB LA, SNA BUG NAS RLUNG 'JAM PO DAL THUS RDUB TE RO RKYANG GNYIS GANG BAR MOS, DE NAS RO RKYANG GNYIS NAS RLUNG GZHIL LA, DBU MA'I NANG DU BA CUNG DE LTE BA'I AA THUNG LA SIB TE THIM PAR BSAM ZHING, DE DANG MNYAM DU RLUNG LTE 'OG TU 'JAM SBYOR BYAS LA NAD MI SKYE TZAM DU BZUNG, MI THUB PA NA DBU MA'I NANG NA YAR LA SIR RI RI SONG BAR BSAM LA, SNA BUG NAS DAL BUS GTONG BA MDA' LTAR 'PHANGS PA'I SBYOR BA BYA ZHING, KHYAD PAR DU LTE BA'I AA THUNG LA RLUNG RO MED DU THIM PA LA, ,RTZE GCIG TU MNYAM PAR BZHAG PA'I SGO NAS BSRE BA RNAMS SNGAR LTAR BYA, 'DI LTE BA'I BUM PA CAN BSGOM TSUL LO, ,YANG LTE BA'I AA THUNG GSAL 'DEBS PA YAN CHAD SNGAR LTAR BYAS LA
DE LAS BYUNG BA'I RLUNG 'OD ZER LNGA PA, H'Um GI GDANGS KYIS SNYING KHA'I RTZA 'KHOR GYI BAR SONG, AOm GYI GDANGS KYIS SLAR LOG STE AA THUD LA THIM, A': 'I GDANGS KYIS LNGA 'JUG GCIG GI YUN DU GNAS, DE NAS RIM PA BZHIN MGRIN PA, SPYI BO, ,SMIN 'TSAMS, DH'U TI'I YAR SNA RNAMS NAS PHYIR LNGA BA, NANG DU 'JUG PA, THIM NAS GNAS PA RNAMS, YI GE GSUM GYI GDANGS KYIS BYED PA'I RDOR BZLAS KYI SGO NAS BSRE BA RNAMS BYA, 'DI LTE BA'I RDOR BZLAS BYA TSUL LO, ,LTE BA'I 'DI GNYIS SNGON DU BTANG NE SNYING KHAR BUM PA CAN BSGOM PA SOGS LA GEGS MI 'BYUNG BA'I DGOS PA YOD, DE NAS RTZA 'KHOR GSAL 'DEBS PA YAN SNGAR LTAR LA, KHYAD PAR DBU MA'I YAR SNA GDONG GI SNA RTZE DANG MAR SNA RTAGS KYI RTZE'I BAR GSAL GDAB, SNYING KHA'I RTZA 'KHOR GYI DBUS SU THIG LE DKAR DMAR GYI NANG NGAM YANG NA, MI SHIGS PA DANG DBYER MED PA'I H'Um YIG DKAR PO YUNGS 'BRU TZAM NI GDAN DANG BCAS PA'I DMIGS RTEN GSAL BTAB LA, STENG RLUNG SROGS 'DZIN DKAR PO DH'U DI'I YAR SNA NAS DRANGS, 'OG RLUNG THUR SEL SER PO DH'U TI'I MAR SNA NAS DRANGS TE, GNYIS KA'I H'Um YIG LA SIB TI THIM PAR BSAM LA, RTZE GCIG TU MNYAM PAR BZHAG PA'I SGO NAS BSRE BA RNAMS BYA, 'DI SNYING KHAR SROG THUR BSRE BA'I BUM PA CAN NO, YAD DE MA THAG BSHAD PA LTAR GYI DMIGS RTEN SOGS GSAL BTAB LA, H'Um YIG LAS BYUNG BA'I SROG THUR GNYIS DH'U TI'I YAR MAR GYI SNA GNYIS NAS, LDANG 'JUG GNAS GSUM YI GE GSUM GYI GDANGS KYIS BYED PAR BSAM PA'I SGO NAS BSRE BA RNAMS BYA, 'DI SNYING KHAR SROG THUR BSRE BA'I RDOR BZLAS SO, YANG SNYING KHA'I RTZA 'KHOR GYI DBUS KYI DH'U TI LA RANG GI BA SPU'I GRANGS DANG MNYAM PA'I RTZA RNAMS KYI RTZA BA THAL MAR THUG PA'I
, ,DBUS SU, DMIGS RTEN H'Um YIG GSAL BTAB STE DE LAS BYUNG BA'I RLUNG, RTZA NAD THAMS CAD NAS 'BYUNG 'JUG GNAS GSUM YI GE GSUM GYI GDANGS KYIS BYED PAR BSAM PA'I SGO NAS BSRE BA RNAMS BYA, 'DI KHYAB BYED LA DMIGS PA'I RDOR BZLAS TE, 'DI DAG NI SNGAGS KYI RNAL 'BYOR RO, ,DE NAS SNYING KHA'I RTZA MDUNG 'GRO LA BA LA MNGON DU PHYOGS PA NA RNAL 'BYOR PA DES , PHYI'I RKYEN PHYAG RGYA DANG SNYOMS PAR 'JUG PA'I NGANG NAS NANG GI RKYEN, RANG 'JIGS BYED DU GSAL BA'I SNYING KHA'I RTZA 'KHOR GYI NANG DU YE SHES SEMS DPA' DKAR PO YUM BCAS, DE'I THUGS KHAR TING NGE 'DZIN SEMS DPA' H'Um YIG DKAR PO YUNGS 'BRU TZAM DANG BCAS PA GSAL BTAB, TING NGE 'DZIN SEMS DPA' LAS 'OD ZER 'PHROS TE SNOD BCUD RNAMS SBYANG, 'OD DU ZHU NAS RANG LA THIM, RANG DANG YE SHES SEMS DPA' GNYIS RIM GYIS H'Um YIG LA THIM PAR BSAM PA'I, RJES GZHIG GI SDUD RIM DANG BUM PA CAN DANG, RDOR BZLAS GANG YANG RUNG BA BSGOM PA'I SGO NAS BSRE BA DANG PO DRUG BYA RNAL 'BYOR BA DES SGYU LUS 'GRUB TU NYE BA'I MTSAN MA MTHONG BA NA SNGAR LTAR PHYI NANG GI RKYEN GNYIS LA BRTEN NAS SMRIG RGYU NAS 'OD GSAL GYI BAR GYI RTAGS RNAMS 'CHAR ZHING, 'OD GSAL GYI DUS SU BDE STONG SBYAR NAS BSGOM PAR BYED PA'I 'OD GSAL DE SEMS DBEN MTHAR THUG GI DPE'I 'OD GSAL TE, 'DI DAG NI DAM TSIG GI RNAL 'BYOR RO, ,'OD GSAL DE LAS LANGS PA DANG DUS MNYAM DU, 'OD GSAL DE'I SEMS KYI LHAN GCIG BYED RKYEN NGANG DE'I BZHON PA'I RLUNG GIS NYER LEN BYAS PA LA BRTEN NAS MA DAG PA'I SGYU MA'I SKUR DNGOS GNAS LA LDANG ZHING, DE DBYIBS KYI RNAL 'BYOR RO, ,SGYU MA'I SKU DE PHUNG PO SNYING PA DAM
TSIG SEMS DPAR BLTAS PA'I THUGS KHAR YE SHES SEMS DPA'I TSUL GYI ZHUGS NAS MNYAM RJES KYI NYAMS LEN RNAMS BYAS PAS RNAM DAG YE SHES KYI RNAL 'BYOR 'GRUB TU NYE BA'I MTSAN MA MTHONG BA NA; PHYI'I RKYEN PHYAG RGYA DANG SNYOMS PAR 'JUG BZHIN PA'I DANG NAS NANG GI RKYEN SDUD RIM GNYIS CI RIGS BSGOM PA LA BRTEN NAS SMIG RGYU NAS 'OD GSAL GYI BAR GYI RTAGS RNAMS 'BYUNG ZHING, 'OD GSAL DE DON GYI 'OD GSAL RNAM DAG YE SHES KYI RNAL 'BYOR RO, ,'OD GSAL DE LAS LANGS PA DANG DUS MNYAM DU DAG PA'I SGYU MA'I SKUR DNGOS GNAS LA LDANG ZHING SPANGS PA ZUNG 'JUG 'THOB BO, , ZUNG 'JUG PA DE RAGS PA'I LUS RTEN GANG YANG RUNG BA BZUNG NAS MNYAM RJES GYI NYAMS LEN RNAMS BGYAS PAS RIM GYIS RTOGS PA BZUNG 'JUG DANG MI SLOB PA'I ZUNG 'JUG RNAMS 'THOB BO, ,'DI RNAMS PHYI MA PHYI MA THOB PAS SNGA BSDAM SNGON DU 'GRO DGOS SHING, DE LTA BU'I LAM GYI RIM PA 'DI GDUL BYA RIN PO CHE LTA BU'I GANG ZAG DPAL RDO RJE 'JIGS BYED KYI LAM LA BRTEN NAS SNYIGS DUS KYI TSE THUNG GCIG LA 'TSANG RGYA PA'I LAM TSAD LAM NOR BA YIN NO, ,ZHES PA 'DI NI SLOB DPON RDO RJE 'DZIN PA BLO BZANG DAM CHOS YAR 'PHEL BA'I ZHAL SNGA NAS KYI GSUNGS BZHIN NGAG DBANG BLO BZANG CHOS LDAN DPAL BZANG POS BRIS PA 'DIS KYANG LAM 'DI NYID DAR ZHING RGYAS LA YUN RING DU GNAS PAR GYUR CIG, ,,