*,DUS DGRA'I DBANG PO'I SGRUB THABS KYI ZHABS SHES ZIN THO 'JAM DPAL MA NYES BYED BZHUGS,, *, ,BLA MA DANG 'JAM DPAL GSHIN RJE'I GSHED DBYER MA MCHIS PA'I ZHABS LA BUS PAS PHYAG 'TSAL SO, ,RANG GI PHUNG PO LA BTAGS PA'I NGAG DAG GZHI DANG BCAS PA 'OD DU ZHU BA LAS SKAD CIG GIS SNA TSOGS PAD NYI'I STENG DU 'JIGS BYED MA HE'I ZHAL CAN, GRI THOD 'DZIN PA'I PHYAG GNYIS YUM GYI SOG PHRAG TU BSNOL BA, ZHABS GYAS SKUM GYON BRKYANG, YUM GRI THOD 'DZIN PA'I PHYAG GNYIS YAB KYI LTAG PAR BSNOL BA, ZHABS GA-YAS BRKYANG GA-YON 'KHYUD, GNYIS KA RUS PA'I RGYAN CAN, RANG GI THUGS KHAR YI GE BCU BA'I SNGAGS 'PHRENG SA BON DANG BCAS PA 'KHOD PA LAS KHRO BO SPROS TE BGEGS BSKRAD, RLUNG ME GNYIS KYI SA BON SNGO MAR GYEN 'GRENG, RLUNG GI NGOS MNYAM DANG ME'I ZUR GCIG RANG LA BSTAN, SNGA MA'I MCHOG MA GNYIS KYI STENG DU BUM PA NAS THON PA'I GA-YO BA'I RGYAL MTSAN, PHYI BA'I ZUR GSUM GYI STENG DU AA DKAR PO GSUM LAS MI MGO LTAG PA DBUS BSTAN, AA DKAR PO LAS THOD PA, SHA RNAMS BUB TSANG GTUB NAS SPUNGS BA LTA BU, AOm GYI STENG DU A'A: 'BRU GSUM BRJOD PA'I TSE RANG GI SGO GSUM GYI LAS BDUD RTZI LA BSTIM, DRAG PO'I MCHOD PA DGRA BGEGS KYI SNYING KHRAG GI MCHOD YON DANG ZHABS BSIL DBANG PO'I ME TOG,
, ,SHA CHEN GYI BDUG SPOS, ZHUN CHEN GYI SGRON ME, SNYING KHRAG DRIS SGOS PA'I DRI CHAB DON SNYING LNGA'I ZHAL ZAS, RKANG GLING SOGS KYI ROL MO, ,RANG GI THUGS KHAR SBYAN 'DREN GYI SNGAGS 'PHRENG 'KHOD PA LAS KHRO BO ZHAGS PA DANG SCAGS KYU THOGS PA BCU DRUG SPYOS, PHUR GDAB KYI SNGAGS 'PHRENG 'KHOD PA LAS KHRO BO PHUR BU DANG THOB THOGS PA BCU DRUG SPRO, PHUR BUS PHYOGS SKYONG GI SNYING KHA SOGS SU RE GTZAM BYAS PAS 'OD GSAL DU BCUG ,RTZA SNGAGS KYIS GTOR PHUD MDUN GYI NAM MKHAR SKAD GCIG GIS DKYIL 'KHOR GSAL PA LA PHUL TE GSHIN RJE SOGS SHA KHRAG LA SPYOD PA'I GNANG BZHU, BHU TZAR NAM SOGS SDE TSAN DANG PO BDUN GYIS MA MO, ,LAS GSHIN, MKHA' 'GRO, ,LAS BZHI'I GSHIN RJE STE BDUN, AOm AI SOGS SDE TSAN LHAG MA BCUS BRGYA BYIN SOGS PHYOGS SKYONG BCU, RANG GI SNYING KHA NAS LHA MO BCU DRUG SPROS PAS BDUD RTZI THOD PAS BCUS NAS GTSO BO RNAMS LA PHUL BAS RANG RANG GI 'KHOR DANG BCAS PAS GSOL, LAS BCOL GYI TSE GCO BO RNAMS KYI THUGS KHA NAS GNAM LCAGS KYI 'KHOR LO KHA SBYAR SPROS, 'KHOR RNAMS KYIS DGRA BGEGS BKUGS NAS DE'I BAR DU 'PHANG, 'KHOR LOS BCAD CING GTUB PA'I SHA KHRAG GTZO 'KHOR THAMS CAD KYIS GSOL BAR BSAM LA MAR YA PHAGS GSUM, MGRON RNAMS KYI SPYI BO'I RIGS BDAG GI THUGS KHAR YIG BRGYA'I SNGAGS 'PHRENG 'KHOD PA LA DMIGS NAS YIG BRGYA BZLA, SE GOL PHYIR TOG CING 'DZRA BUS MGRON RNAMS PHYIR BRKYED DE RANG PHYOGS BZUNG NAS BAR CHAD SRUNG, BLA MA TSOGS ZHING GI GTSO BO'I RTZA ZHAL GYI TSANGS STENG, SNGAGS GNYIS RJOD PA NA 'OD GSAL CHOS SKU MNGON DU BYAS TE DE LAS LONGS SKUR SDANG SNYAM PA'I 'PHEN PA DSON DU BTANG LA, ,SA BON DANG SBYOR 'TSAMS NAS
'OD ZER SPRAS TE RJES GZHI GI SDUD RIM BYAS NAS BDE STONG CHOS SKU LANG RGYAL GZHAG ,SHES PA BYED DE LA GNAS BZHIN PA'I NGANG NAS CHA SHAS GCIG GIS 'OG NAS 'BYUNG BA'I RTEN BRTEN PA GSAL GDAB, ,SNA TSOGS RDO RJE'I RVA PHYOGS MDOG ,DE'I STENG GI H'Um SDOM PO'I 'OD ZER LAS RDO RJE'I SA GZHIR GUR BLA RE ME RI, , 'KHRO BO BCU YUM GYI THUGS KHAR SPRO BA NA YAB KYI THUGS KAR DRANG TE SPRO, ,KHRO BO DANG 'KHOR LO LAS RDO RJE CHE CHUNG SNA TSOGS KHOR CHU 'THOR BA LTA BU SHIN DU TSA BA'I REG BYA CAN RDOR RA'I PHYI ROL PHYOGS BCUR 'PHRO BAS GDU PA CAN TSAR GCOD, CHOS 'BYUNG DKAR PO STENG ZUR GSUM, H'Um SDON PO NYAL STOBS LAS SNA TSOGS RDO RJE RVA NYI SHU BA, BH'Um DANG 'KHOR LO DKAR PO LAS RNAM SNANG YAB YUM, ,GA-YAS DANG POS RDO RJE RDZE LNGA'I YUB BA CAN GYIS 'KHOR LO LTE BAR RDO RJE MTSAN PA, SO KHYUD GA-YAS GA-YON GYI PHYI MTHA' DANG NANG MTHA'I STENG DU GDUNG GNYIS, SGO LOGS KYI RTZI GDONG GI NANG NGOS SU KA BA CHA BRAN BCU GCIG PA GNYIS KYI BTEGS PA'I GTUNG CHA BRANG GCIG ,STENG DU PHA GU SKA RAGS GDUNG DANG BCAS PA LA LCAM BKAL TE KHRO KHANG DANG SGO KHANG DI THOG ,RTZA TSANGS 'PHRAD 'TSAMS NAS NANG DU CHA BRAN GCIG SONG PAR RDOR PHRENG ZLUM POR BSKOR BA LA BRTEN PA'I, ,SHAD DU 'KHOR LO LHOR RIN PO CHE SOGS KYI RDUL PHRA RAB LAS GRUB PA'I KAB PHYOGS MDO GNYIS GNYIS BRE GZHU DANG BCAS PA'I DPANGS CHA PHRAN BCO LNGA PAS BTEGS PA'I GDUNG CHA BRAN GCIG PA GRUB BZHER BTANG BA DANG, GSER GYI SKA RAGS LA LCAM BKAL STE PHYI 'KHYABS GRUB BZHI BA'I THOG ,DE'I ZUR BZHI'I LCAM SNE NANG MA'I STENG DU KA CHUNG BSEGS KHA GDUNGS BCAS KYI DPANGS CHA BRAN PHYED DANG BCU GNYIS PA DANG, PHYI 'KHYAMS
, ,KYI KHA GDANG SA LA PHA GU LTA BU 'AM GSER GYI SKA RABS LTA BU, DPANGS CHA PHRAN BZHIN SA DRUG GI BAR YOD PA PHYOGS BZHIR 'KHOR MAR BTANG BA LA LCAM BKAL TE RGYA PHRIG PHYI MDOG SNGON PO, , SGO LOGS KYI THAD KA'I SNA TSOGS RDO RJE'I STE BA LA BCAR BA'I THIM SKAS BAR RIM NYI SHU BA'I BAR RIM STENG MA ZHING CHA PHRAN GSUM DANG DKYUS CHA PHRAN BCU BDUN DBANGS LTE BA DANG KHANG MNYAM PHYOGS MDOG ,DE'I STENG GI GA-YAS GA-YON GYI MTHAR STEGS BU RGYAR CHA BRAN GSUM DANG RNGAMS SU GCIG ,DE'I STENG DU BUM PA LA GNAS BA'I KA BSNE GNYIS PHRAL DBUS LTIR BRNGA YU LTA BUS BTEGS PA'I RTAB BAS, GZHAL YAS KHANG GI NANG GI 'OG GZHI LA RE MIG DGU BRI BYA LTAR, RAL GRI RDO RJE RTZE LNGA BA'I PHYOGS GCIG GI RVA THON 'TSAMS NAS THON PA, YU BA'I LTE BA'AM YU BA'I STENG RAL GRI'I RTZA BA'I DBUS SU DNY'I: SA MTSAN PA, DE'I 'OD ZER GYIS ZHE DGUM NAS BSHAD PA'I RGYU'I LHA ZHE DGU SPYAN DRANGS LHA ZHE DGU SPYAN 'DREN PA 'OG MA GNYIS LA'ANG 'DRA, PHYAG MTSAN LAS SPRO BA NA NYI MA LA GNAS PA'I 'JAM DPAL ZHI BA'I RNAM PA CAN SOGS RIGS LNGA, 'JIGS BYED PHYAG GNYIS PA YUM BCAS, GCO RKYANG, RDO RJE RTZE LNGA PA RNAMS SPRO, ZHAL 'OG MA BDUN MGRIN PA DANG DBU'I RDZAM GCIG ,ZHAL 'BUR DONG, ,STENG MA 'OG MA'I TSANGS BUG GI RGYAB TU MGRIN BCAS, 'JAM ZHAL MCHEB CUNG ZAD GCIGS PA, ZUR PHUD LNGA NI KHUG SO LNGA, RIN PO CHE DANG ME TOG GI RGYAN CAN, ZAL GZHAN THAMS CAD RUS PA'I RGYAN CHAN, GRI GUG 'DZIN PA NAS MDA' 'DZIN PA'I BAR BRGYAD MDUN DU STENG 'OG ,LCAGS KHYU 'DZIN PA NAS CANG TE 'DZIN PA'I BAR BRGYAD RGYAB DU STENG 'OG ,GLANG LPAGS 'DZIN PA MDUN RGYAB KYI PHYAG GI STENG GI 'TSAMS, THAMS CAD KYI DPUNG MGO SOGS PA'I KA YOL KHA GCIG NAS THON PA, BI DHI BA LA MDUD SO'I SBUB NANG DU RMA BYA'I SGRO
CHUN BCUG PA, 'KHOR LO RAL GRI'I 'KHOR LO, ,THO PA'I YU BA'I RTZI DANG STENG DU RDO JE PHYED PAS MTSAN PA, RKANG PA PUS MO'I TSIGS GI GO TZAM NAS BREG BA, GZHU RVA GZHU, LAG PA LAG NGAR PHYID BCAS; DUR RAS ROD KYIS PA'AM ROL BKAB PA'I RAS, SKYES BU GSAL SHING LA BTZUG BA, ME THAB PHUR GZUGS NGOS GSUM SGO BCAS, THOD TSAL THOD PA SKRA BCAS NANG DU KHRAG MED, RLUNG RAS MDUNG DANG LTA BU, TSANGS PA SOGS MGO MDUN NGOS SU PHYOGS SHING MDUN MA'I RKED PA'I THAD DU RGYA BA MA'I MGO SLOB PA LTA BU, MI SOGS KYI MGO ZHABS MGO PHYOGS, YAB YUM GYI RDOR BA DANG PHAGS GNYIS KYI MHUG 'PHRAD PA, SA BON DANG SBYOR 'TSAMS KYI 'OD ZER GYIS SANGS RGYAS THAMS CAD 'BRAS LHA ZHE DGU'I RNAM PAR SPAN DRANGS, DKYIL 'KHOR RGYAL MCHOG YUM GYI THUGS KHAR, YAB YUM SEMS CAN THAMS CAD KYI SBYI BOR SNYOM PAR ZHUGS TE ZHE SDANG SOGS SBYANG, 'JAM DPAL GYI ZHAL RGYA PHIG GI NANG DU SLEB BA TZAM GYI GTZO BO SKU BOD SHIN TU CHE ZHING RAGS PA, 'KHOR RNAMS GCO BO'I STE BA'I THAD, PHAG ZHAL GA-YON, GTZO 'KHOR YAB YUM THAMS CAG LA SPRUL RGYAN, SGO GSUM BYIN BRLABS KYI LHA'I THUGS KHAR PHYAG MTSAN SA BON GYIS MTSAN PA, DE'I YE SHES PA RANG 'DRAR DANG POR BSTIM, YE SHES PA PHYOGS BCU'I SANGS RGYAS THAMS CAD 'JIGS BYED RTEN BRTEN PA'I RNAM PAR SBYAN DANGS LA DKYIL 'KHOR GCIG DU GYUR DE THIM, RIGS BDAG RTZA ZHAL GYI TSANGS STENG, RANG 'DRA GNYIS PAS SHAR SGO'I THAD KYI PHYIR ROL NAS LHA MO SPROS STE MCHOD, GTZO BO'I RIGS BDAG GI THUGS KAR SENG KHRI PAD NYI, STENG DU RTZA BLA, DE'I MDUN NAS
, ,GA-YAS SKOR DU 'JIGS BYED, RGYUD ZHUB PO'I YES SHES KYI MKHA' 'GRO MA SENG GDONG CAN, LA LI TA SOGS, GTZO BO DANG DBYER MED DU BYAS STE GTZO 'KHOR THAMS CAD KYI MKHA' GSANG BRLAB LA SNYOMS PAR ZHUGS NAS BDE STONG SBYAR, LHA MO DPAG DU MED PA SPROS PA RNAMS KYIS BRAG CHA'I DBYINGS BZHIN BSTOD, BDE STONG DBYER MED KYI GZUNG RNAM RTEN BRTEN PAR SHAR BAR MOS TENG RGYAL DANG GSAL SNANG 'DON; RTZA ZHAL GYI SNA RTZER ZLA GDAN LA TING NGE 'DZIN SEMS DPA'I N'A DA LAS SPROS PA'I RDO RJE YUNGS DKAR TZAM DANG, NOR BU'I MAR SNAR YAB YUM GYI THUGS KHA NAS BABS PA'I BYANG SEMS KHA SBYAR YUNGS 'BRU TZAM, BRTAN PA NA SPRO BSDU, BGRANG 'PHRENG BRLAB PA'I TSE MI MGO'I RNAM PA CAN GYI GDONG RANG LA BSTAN PA'I SMIN 'TSAMS GYI THAD GYI DBUS SU RTEN BRTEN PA'I DKYIL 'KHOR, MTHO BONG LCAGS KYUS 'PHRENG RDOGS RI BCAD PA NA LHA RE CHAD NAS TING NGE 'DZIN SEMS DPA'I N'AD LA THIM, TING NGE 'DZIN SEMS DPA' ZHU BA LAS RAL GRI GYEN 'GRENG GI YU BA'I STENG GI DBUS SU DH'I: RTZA BAS STENG DU MA REG PAR MDUN NAS GA-YAS SKOR DU, AOm AA RA PA TZA NA, 'TSAMS SU DH'I: DRUG ,DH'I: DBUS MA'I GI GU'I NANG DU ZLA GDAN LA DBUS SU RANG NYID THA MA LA BA MTHA' SKOR DU SEMS CAN THAMS CAD LHA MI'I RNAM PA CAN, DH'I: DBUS MA LA SEMS BZUNG NAS BZLAS PAS 'KHOR LO GA-YAS DANG SNGAGS 'PHRENG GA-YON DU 'KHOR ZHING RANG GZHAN GYI LUS KYI BA SPU'I SGO THAMS CAD NAS SDIG SGRIB BAG CHAGS DANG BCAS PA THAMS CAD SKRA SHAD NAG PO'I RNAM PAR THON TE BABS PA RAL GRI'I SO SA NYAL NYAL BCAD CING GTUB PA'I PHYI MA NYI GDAN GYIS GZHOB THUL THUL BSREG PAR BSAM PA MI SHES PA GCOD PA, SA
BON DANG SNGAGS 'KHOR LAS LHA MO DKAR MO BDUD RTZI DKAR POS GANG BA'I BUM PA THOGS PA DPAG MED SPROS DE DBANG BSKUR BAS SDIG SGRIB THAMS CAD NAG NYIL NYIL BA SPU'I SGO THAMS CAD NAS PHYIR THON PAR MOS PA MA DAG PA 'KHRUD PA, SA BON DANG SNGAGS 'KHOR LAS 'OD ZER NYI MA SHAR BA LTA BU 'PHROS TE RANG GZHAN GYI BA SPU'I SGO NAS ZHUGS PAS MUN KHUNG DU SGRON ME BTEGS PAS MUN PA GAR SOD CHA MED DU YAL BA LTAR SDIG SGRIB THAMS CAD SANGS KYIS DAG PAR BSAM PA MA RIG PA BSAL BA, SKU NI CHEL GSUNG NI GSAL BA STE, SA BON MYUR LA PHYAG MTSAN ZAB PA'O, ,ZHES PA LTAR SHES RAB CHE BA'I PHYIR DU SKU 'JAM DBYANGS SPROS NAS THIM PA DANG, SANGS RGYAS THAMS CAD 'JAM DBYANGS KYI RNAM PAR SBYAN DRANGS NAS THIM PAR BSAM, GSAL BA LA GSUNG AA RA PA TZA DANG DBYANGS GSAL, MYUR BA LAS BON DH'I: ZAB PA LA PHYAG MTSAN RAL GRI, 'CHAD PA LA SHER PHYIN GYI GLEGS BAM, RTZO DPAL RAL GRIL GRI'I 'KHOR LO RKYANG PA, RTZOM PA LA DE GNYIS CHAR, YUM GYI THUGS KHAR PAD ZLA LA DBYANGS CAN MA SPYI 'DRA, DE'I THUGS KHAR PAD ZLA LA PI WAm, DE'I STENG PAD ZLAL DBUS SU SHES 'KHOR, 'DAB MA LA DBYANGS GSAL, 'KHOR LO'I STENG GI DBUS SU DH'I: MDUD NAS GA-YAS SKOR DU SNGAR BZHIN, 'TSAMS SU HRA'I: DRUG, 'KHOR TSUL GONG BZHIN SNGAGS SGRA BI WANG LAS BYUNG BAR MOS NAS BZLAB YUM GYI ZHI KHRO SBRAGS SGRUB, SDAGS 'KHOR DE DAG 'OD DU ZHU BA LAS RDO RJE SNGON PO RTZE LNGA GYEN GRENG GI LTE BAR NYI MA LA H'Um, MTHA' SKOR DU PHYI RIM NAS RTZA SNGAGS, SNYING PO TSAR GNYIS NYE SNYING TSAR GSUM, H'Um LA SEMS BZUNG NAS BZLAS PAS N'A DA LAS 'JIGS BYED YAB YUM DPAG MED SPROS TE SEMS CAN THAMS CAD LA DBANG BSKUR ZHING SLAR YANG TSUR 'DU
, ,BAR BSAM, RDO RJE'I MTHAR SNGAGS 'PHRENG BKOD KYANG RUNG 'KHOR GYI LHA RNAMS KYI THUGS KHAR YANG NYI GDAN LA RANG RANG GI PHYAG MTSAN SA BON GYIS MTSAN PA LA RANG RANG GI SNGAGS KYIS BSKOR PAR DMIGS LA BZLA, GTI MUG GSHIN RJE'I GSHED DANG TZAR TZI KA'I YAB GNYIS KYI SNGAGS 'KHOR 'DRA, DES GZHAN MTSON, DMIGS PA 'DRA, GTOR MGRON BDAG MDUN 'JUG PA GCIG PAS BSGRUB NA ZUR DU MI DGOS, BDAG SKYED RKYANG BA YIN NA ZA MA TOG BZHIN, BLA MA GSHIN RJE'I GSHED KYI ZHAL LAS BYUNG BA'I MAN NGAG NGAG DBANG BLO BZANG CHOS LDAN DPAL BZANG POS ZIN THO DGE'O,, ,,