*, DPAL 'KHOR LO SDOM PA'I LUS DKYIL BSGOM TSUL GYI DMIGS RIM MDOR BSDUS BZHUGS,, *, ,MTSAN DPES RNAM BKRA BCU GNYIS DPES MTSON MI SHIGS RDO RJE'I GUR KHANG DU, ,RNAM DAG CHOS DBYINGS MDZES MAR ROL BAS RTAG MYONG LHAN SKYES GZHON NU GANG, ,DMIGS MED THUGS RJE'I RGYUD MANG SGRAS BSKUL DUR SMRIG 'DZIN PA'I GAR BSGYUR BA, ,DPAL LDAN BLA MA RIGS BRGYA'I KHYAB BDAG HE RU KA LA SNYING NAS 'DUD, ,SGRIB BRAL BDE STONG LHAN CIG SKYES PA NYID, ,DBANG SNGON LHUN PO MTSAMS SPRIN GSAR BA YIS, ,'KHYUNG PA LTA BU'I BCOM LDAN YAB YUM SOGS, ,
, ,'KHOR LO LNGA YI LHA SKUR SHAR LA 'DUD, ,GANG GIS BSGRUB PA PO YI RTZA DANG KHAMS, ,DPA' BO DPA' MOS MYUR DU BYIN BRLABS NAS, ,RDZOGS RIM ZAB MO SKYE BA'I THABS KYI MCHOG ,'KHOR LO SDOM PA'I LUS DKYIL BSGOM TSUL BRI, ,THUN MONGS LAM GYI RIM PAS RGYUD SBYANGS SHING, ,'DI YI PHYI DANG NANG GI DKYIL 'KHOR DU, ,DBANG BSGYUR LEGS THOB DAM TSIG BSRUNG LA BRTZON, ,THOS LDAN BSGRUB LA RTZE GCIG GZHOL BA YIS, ,RNAL 'BYOR RJES MTHUN GNAS KYI BSGRUB KHANG DU, ,BDUD RTZI LNGAS BYUGS ME TOG GCAL DU BKRAM, ,BCOM LDAN 'KHOR LO SDOM PA'I BRIS SKU DANG ,RDOR DRIL LA SOGS YO BYAD TSOGS BYAS NAS, ,NANG PAR SNYING PO'I RNAL 'BYOR MA BZHI'I GLUS, ,BSKUL NAS SAD DANG HE RU KA YI SKUR, ,BZHENGS PAR MOS LA LANGS TE KHRUS BYAS NAS, ,CHU DANG NYER SPYOD LA SOGS MCHOD RDZAS RNAMS, , GA-YON SKOR GYIS DGONG SKRAB KROL RO GDAN STENG, ,LHO RU PHYOGS TE 'DUG PA'AM MOS PA YIS BDE BA'I STAN LA RDO RJE SKYIL KRUNG GIS, ,'DUG PA LA SOGS LUS GNAD DANG LDAN PAS, ,BDUD RTZIR LI BU'AM NANG MCHOD LCE THOG TU, ,BZHAG STE KHA YI DRI MA DAG BYAS LA, ,NANG MCHOD MCHOD GTOR LA SOGS BYIN BRLABS PHYIR, ,HE RU KA DPAL YUM BCAS SKU RU BSGOM, ,MCHOD GTOR SOGS LA GTOR NAS BGEGS BSANG PHYIR, ,NANG MCHOD BSANG SBYANGS BSKYED NAS BYIN GYIS BRLAB, ,DE YANG LAS SNGAGS BRJOD CING DU MA SKYES MA'I, ,LHA TSOGS DPAG MED SPROS TE BDUD RTZI YI, ,RDZAS LA GNAS PA'I BGEGS RNAMS SKRAD DE BSANG, ,SVA BHA LBA YI SNGAGS BRJOD BDUD RTZI'I RDZAS, ,SNOD DANG BCAS LA THA MAL SNANG ZHEN KUN, ,BSAL NAS BDE STONG ROL BAR BLTAS TE SBYANGS, ,RLUNG ME'I DKYIL
'KHOR STENG DU BDE CHEN RTEN, ,SGRUB PO'I LUS NGAG YID GSUM MTSON BYED PA'I, ,MI MGO'I SKYED BU GSUM GYI STENG DU YUL, ,STONG NYID MTSON PA'I AA YIG LAS BYUNG ZHING, ,YUL CAN DKAR DMAR KHAMS GNYIS 'DU 'PHROD LAS, ,BYUNG BA'I LHAN SKYES BDE CHEN MTSON PA'I SNOD, ,DUM BU GCIG PA PHYI DKAR NANG DMAR BA'I, ,NANG DU SBYANGS RTOGS SBAR BA GSUM BYAS TE, ,RANG GIS BSTEN CING DKYIL 'KHOR BA MCHOD PAS, ,'CHI MED GO 'PHANG BDE BLAG RNYED PA'I PHYIR, ,DRI CHEN SOGS LNGA RIGS LNGA'I SA BON LAS, ,BSKYED CING NGES MTSAN RIGS LNGA'I NGO BOR MOS, ,SBYANG RTOGS SBAR GSUM BYAS TE RANG NYID KYIS, ,BSTEN CING DKYIL 'KHOR MCHOD PAS 'PHRIN LAS BZHI, ,'GRUB PHYIR SHA BZHI YUM BZHI'I SA BON LAS, ,BSKYED DE DES MTSAN YUM BZHI'I NGO BOR MOS, , DE LTA'I TSUL GYIS BDE SKYONG SNOD YANGS SU, ,MCHOG THUN DNGOS GRUB 'GRUB PA'I RDZAS RNAMS BSKYED, ,RLUNG GIS SBAR BA'I DROD KYIS YI GE DANG, ,RDZAS RNAMS MNYAM DU ZHU ZHING KHOL GYUR PAS, ,DAG PA'I PHUNG SOGS YI GER SHAR BA YIS, ,MA DAG SKYON GYI DRI MA LEGS PAR SBYANGS, ,STENG DU GNYIS MED YE SHES SA BON LAS, ,BYUNG BA'I BDE STONG DBYER MED DON DAM PA'I, ,BYANG SEMS NGO BO KHA tAG LHUNG NAS, ,ZHU BAS YE SHES BDUD RTZIR RDOGS PAR BYA, ,SLAR YANG STENG DU DBYANGS GSAL YI GE LAS, ,BYUNG BA'I SA BON GSUM GYI 'OD ZER GYIS, ,DPA' BOD DPA' MO RNAMS KYI YE SHES KYI, , BDUD RTZI BKUG NAS BSNAN PAS MANG POR SBAR, ,SGRUB THABS BSGOM LA BAR CHAD MI 'BYUNG PHYIR, ,SDON 'GRO'I MCHOD GTOR LEGS PAR BYIN BRLABS NAS, ,THUGS KA'I H'Um YIG 'OD KYIS NGUR KHROD NAS, ,
, ,PHYOGS SKYONG ZHING KLU SOGS SPYAN DRANGS TE, ,THA MAL SNANG ZHEN BSAL LA DAG PA'I LHAR, ,BLTAS TE GTOR MA NANG MCHOD CHU GNYIS SOGS, ,DBUL ZHING BAR CHAD ZHI BA'I 'PHRIN LAS BCOL, ,YIG BRGYA LHAG CHAD BSKANGS TE RANG GNAS GSHEGS, ,CHU DANG ME TOG LA SOGS MCHOD RDZAS RNAMS, ,BSANG SBYANG SNGAR BZHIN BYAS LA KAm YIG LAS, ,BYUNG BA'I THOD PAR HE RU KA YI THUGS, ,BDE STONG GNYIS SU MED PA'I YE SHES KYI, ,SA BON H'Um LAS NGO BO HE RU KA'I, , BDE STONG YE SHES DE NYID YIN PA LA, ,RNAM PA MCHOD RDZAS SO SOR SHAR BA DANG, ,BYED LAS ZAG MED BDE CHEN SKYED PA STE, ,KHYAD CHOS GSUM DANG LDAN PAR LEGS BSKYED DE, ,RANG RANG MING SNGAGS YI GE 'BRU GSUM DANG, , SPEL BA BRJOD CING SO SO'I PHYAG RGYA YIS, ,RDO RJE GSUM GYI SGO NAS BYIN GYIS BRLABS, ,SGRUB THABS NYAMS SU LEN PA'I RIM PA RNAMS, ,THEG CHEN THUN MONG MIN PA'I NYAMS LEN DU, ,'GYUR DANG STOBS BZHI'I RTEN GYI STOBS SGRUB PHYIR, ,BSTAN DANG THEG CHEN 'JUG SGO SKYABS SEMS BYA, ,SGRUB THABS BSGOM LAS NYAMS RTOGS SKYE BA'I GEGS, ,SDIG LTUNG BDAG DANG 'PHEL BAR MI 'GYUR PHYIR, ,RDOR SEMS YAB YUM CHO GA BZHIN BSGOM NAS, ,YIG BRGYA BZLA ZHING STOBS BZHIS BSHAGS BSDAM BYA, ,'DI DAG THUN MGOR BYA BA'I RIM PA LA, ,GNYIS LAS SNGON DU BYA BA'I RIM PA'O, ,SGRUB THABS LAM RNAMS 'KHOR LO SDOM PA YI; ;SKU GSUNG THUGS KYI ROL BAR 'CHAR BA'I CHED, ,HE RUS MTSON PA'I BDAG MED RNAM GNYIS DANG, ,KA YIS MTSON PA'I LHAN SKYES BDE CHEN GNYIS, ,SHRI YIG GIS MTSON YUL DANG YUL CAN DU, ,GNYIS SU MED PAR SBYAR BA'I RGYAL BA'I THUGS, ,CHOS KYI SKU LA NGA RGYAL BZHAG NAS BSGOM, ,DE YI DANG NAS DE 'DRA'I YE SHES KYI, ,GZUNG RNAMS KHRAG 'THUNG YUM DANG BCAS PA'I SKUR, ,BZHENGS PAR MOS TE DE 'DRA'I
HE RU KA ;NGA'O SNYAM DU LHA SKU RANG RGYAL BZHAG ,DE YI NGANG NAS DBYANGS GSAL LAN GSUM DU, ,BRJOD DANG MNYAM DU LTE BAR SNGAGS PHRENG GSUM, ,'KHOD LAS 'KHOR LO GSUM GYI LHA YI TSOGS, ,'PHROS PAS BGEGS RNAMS BSKRAD DE SLAR THIM ZHING, ,NGAG RNAMS DBYANGS GSAL GDANGS SU SHAR BAR MOS, ,SGO GSUM THA MAL SNANG ZHEN DAG BYED PAS, ,'DI DAG DAG PA GSUM GYI RNAL 'BYOR RO, ,SBYANG GZHI 'DZAM GLING MNGAL SKYES DRUG LDAN MIR, ,'PHEN PA'I SKYES NAS MYONG 'GYUR 'DU BYED DANG, ,MTHUN PAR BSOD NAMS TSOGS CHEN BSOG PA LA, ,RANG NYID HE RU KA YI SKUR GSAL BA'I, ,THUGS KAR PAD ZLAR BYA SGRUB SO SOR RTOG ,MNYAM NYID ME LONG CHOS DBYINGS YE SHES RNAMS, ,MTSON PAR BYED PA'I AU DANG HA YIS LUS, ,MGO BO ZLA TSES THIG LE N'A DAR BCAS, ,TSOGS PA'I H'Um YIG 'OD KYIS RANG GZHAN GYI, ,SGO GSUM SDIG SGRIB SBYANGS TE 'OG MIN NAS, ,RANG LA LUGS 'DI'I DBANG BSKUR RTZOL BA PO'I, ,BLA MA RDO RJE 'CHANG GI RNAM CAN SOGS, ,SPYAN DRANGS RIM PA GNYIS PAR MI SHIGS PAR, ,RLUNG RNAMS 'DUS NAS 'OD GSAL 'CHAR BA'I RGYUD, ,SMIN PAR BYED PHYIR 'OD ZER SNYING KHAR BSDU, ,RANG LUS DPAG MED SPRUL NAS GUS PHYAG 'TSAL, ,CHU GNYIS NYER SPYOD LA SOGS MCHOD PA DBUL, ,DE YANG AOm ZHES BRJOD TSE THUGS KHA NAS, , ME TOG BDUG PA MAR ME BYUG PA DANG, ,ZHAL ZAS MA RNAMS RIM BZHIN SKU MDOG DKAR, ,DUNG KHA DMAR SER LJANG KHU SNA TSOGS MDOG ,PHYAG BZHI'I DANG PO GNYIS NA RDOR DRIL DANG, ,GNYIS PA RNAMS SU RANG RANG MCHOD SPRIN 'DZIN, ,GZUGS SGRA DRI RO REG BYA CHOS DBYINGS MA, ,RIM BZHIN DKAR SNGO SER DMAR LJANG DKAR MDOG ,PHYAG BZHI'I GA-YAS GYI DANG POS ME LONG DANG, ,BI WANG DRI YI DUNG CHOS SPRANG CHA
, ,SNOD; ;LHU RDZAS NA BZA' CHOS KYI 'BYUNG GNAS DANG, ,GA-YAS KYI GNYIS PA RNAMS NA tA MA RU, ,GA-YON PA GNYIS NA THOD tVAm 'DZIN PA RNAMS, ,RIM BZHIN SPROS TE MING SNGAGS BRJOD PA'I TSE,, DKYIL 'KHOR LHA RNAMS MCHOD DE MNYES PAR BYAS, ,H'Um DANG SV'A H'A BRJOD TSE SNYING KAR BSDU, ,'DI DAG RNAMS NI PHYI YI MCHOD PA STE, ,SNYING KHA NAS SPROS RNAL 'BYOR MA BZHI YIS, ,THOD PA'I BDUD RTZIS MCHOD, PA NANG MCHOD DO, ,YAB YUM SNYOMS PAR ZHUGS PAS BDE CHEN GYIS, ,THUGS RGYUD TSIM PAR MOS PA GSANG MCHOD DE, ,BDE CHEN DE DANG STONG PA RO GCIG TU, ,ZHUGS PAR MOS PA DE KHO NA YI MCHOD, SKYABS 'GRO SDIG BSHAGS YI RANG SMON 'JUG GI ,SEMS BSKYED SOGS NI BSGRUB PA'I MCHOD PA STE, ,DE LTAR MCHOD DE TSOGS ZHING RANG LA BSTIM, ,'DI DAG MTHUN RKYEN BRTEN BA'I TSOGS BSAGS PA'O, , 'CHI BA 'OD GSAL 'CHAR DANG CHOS MTHUN PAR, ,STONG NYID BSGOMS PA'I YE SHES TSOGS SOG TSUL, ,DANG POR SV'A BH'A WA YI SNGAGS BRJOD DE, ,GZUNGS 'DZIN GYIS BSDUS CHOS RNAMS RANG BZHIN GYIS; ;GRUB BAR SNANG YANG RANG BZHIN GYIS STONG BA'I, ,SGYU MA LTA BU'O SNYAM DU SNANG BCAS BSGOM, ,DE NAS SNOD BCUD STAD RIM BYAS PA'I MTHAR, ,RIGS PA MDOR BSDUS ZHIG GIS STONG NYID KYI, , LTA BA'I NGES PA SHUGS CAN DRANG BYAS TE, ,SHUNA+YA TA YI SNGAGS DON JI BZHIN DU, ,STONG PA NYID DANG YUL CAN YE SHES GNYIS, ,DBYER MI PHYED PA'I BDAG NYID NGA'O SNYAM DU, ,GNYIS SNANG KUN DANG BRAL BA'I RGYAL BA'I THUGS, ,CHOS SKUR NGA RGYAL BZHAG NAS YUN RING BSGOM, ,'DI NI 'DZAM GLING MI ZHIG 'CHI BA'I TSE, ,PHUNG SOGS RIM GYIS THIM ZHING RLUNG DROD SOGS, ,STONG SMAD NAS BSDUS SNYING KHA'I MI
SHIGS PAR, ,THIM ZHING SNANG GSUM RIM GYIS 'OD GSAL LA, ,THIM PA'I 'OD GSAL MNGON DU BYAS PA DANG, ,MTHUN ZHING RANG GI 'CHI BA SBYONG BAR BYED, ,RIM PA GNYIS PAR PHYI NANG RKYEN GNYIS KYIS, , RLUNG RNAMS SNYING KA'I THIG LER THIM BA LAS, ,DPE DON 'OD GSAL 'CHAR DANG CHOS MTHUN ZHING, ,DE DAG SKYE BA'I DGE RTZA SMIN PAR BYED, ,'BRAS BU'I DUS KYI GNYIS SNANG MTHA' DAG DANG, ,BRAL BA'I CHOS KYI SKU DANG CHOS MTHUN ZHING, ,DE LANG RGYAL BZHAG NAS BSGOM PA YIS, ,DE NYID MNGON DU 'GYUR BA'I NUS PA 'JOG ,BSRUNG BA'I MCHOG TU 'GYUR SOGS DGOS PA MANG, ,'CHI BA CHOS SKUR 'KHYER BA'I LAM KHYER RO, ,DE YI NGANG LAS RANG SEMS N'A NGA'I GZUGS, ,SHIN TU PHRAL GYEN TU 'GRENG BA DANG, ,KHA DOG DKAR LA DMAR BA'I MDANGS CHAGS PA, ,GSUM DU 'KHYOGS PA'I RNAM PAR NAM MKHAR BZHAG ,'DI NI BAR DO GZHI YI 'OD GSAL LAS, ,LDANG DANG DE LUS SGRUB GZHI'I SROG 'DZIN RUNG, ,SHIN TU PHRA DANG KHA DOG DKAR BA DANG, ,BAR DO BDE CHAGS PAS BCINGS BA DANG; ;DE YI SGO GSUM RNAMS DANG CHOS MTHUN ZHING, ,SGRUB PA PO YI BAR DO SBYONG BAR BYED, ,LAM DUS DPE DANG DON GYI 'OD GSAL LAS, ,SGYU MA'I SKU RU BZHENGS DANG DE'I SGRUB GZHI, ,SROG 'DZIN PHRA DANG KHA DOG DKAR BA DANG, ,THUGS RGYUD BDE BAS BCINGS DANG SKU GSUNG THUGS, ,GSUM BO RNAMS DANG MTHUN ZHING SKU DE DAG ,'GRUB PA'I DGE RTZA MYUR DU SMIN PAR BYED, ,'BRAS BU'I DUS KYI LONGS SPYOD RDZOGS PA'I SKU, ,SLOB PA MTHA' YI DON GYI 'OD GSAL LAS, ,BZHENGS BA SOGS DANG MTHUN ZHING SKU DE LA, ,NGA RGYAL BZHAGS NAS 'BRAS BU LAM BYED KYI, ,TSUL DU BSGOM
, ,PAS DE NYID RANG RGYUD LA, ,MYUR DU MNGON DU 'GYUR BA'I NUS PA 'JOG ,DES NA DE LA NGA RGYAL 'JOG PA GNANG, ,BAR DO LONGS SKUR 'KHYER BA'I LAM KHER RO, ,SGRUB THABS BSGOM TSE RANG SEMS PHYI ROL TU, ,GA-YENG BA SOGS KYI BAR CHAD MI 'BYUNG PHYIR, ,RANG NYID N'A DAR GNAS LAS HE RU KA'I, ,RNAM BAR CHAD DE DE YI NGA RGYAL GYIS, ,GA-YON PA'I 'THEB 'DZUB GNYIS KYIS PHYOGS RE RER, ,SE GOL GTOG PA SNGON DU 'GRO BA YI, ,SUM BHA LA SOGS BRJOD PAS PHYOGS BZHI RU, ,SNGAGS RNAMS 'OD ZER DANG BCAS RIM BZHIN 'KHOD, ,DE LAS RDO RJE'I RAB BSKYED PA NAS, ,PHYI ROL NAG PHYOGS RNAMS KYIS ME DPUNG DANG, ,DKAR PHYOGS RNAMS KYIS 'OD ZER PHUNG PO RU, ,MTHONG BA'I ME YI RABS BSKOR BA'I BAR, ,BSGOM LA SDAGS DRUG BRJOD DE BYIN GYIS BRLAB, ,SLAR YANG ZHAL BZHI BA YI SNGAGS BRJOD DE, ,SNGAGS KYI 'OD ZER 'PHROS NAS BGEGS BSKRAD PAS, ,'GRO RNAMS BGEGS DANG BRAL BAR BSAM PAR BYA, ,'DI DAG BSRUNG 'KHOR GSUM LAS BSDUS PA STE, ,'GAL RKYEN 'GOG PA'O SGO GSUM DAG BYED NAS, ,'DI BAR RNAL 'BYOR YAN LAG BSGRUB TSUL TE, ,'DI YAN THUN MGOR JI LTAR BYA BA'O, ,BSRUNG 'KHOR DBUS SU 'BYUNG BZHI RI RAB DANG, ,SNA TSOGS PADMA RDO RJE PADMA RNAMS, RIM BZHIN STENG NAS STENG DU BRTZEGS PAR BSGOM, ,DKYIL 'KHOR GANG DU BSGOM PA'I RTEN BSKYED BA'O, ,PADMA CHUNG DU'I DBUS SU RANG NYID KYI, THOB 'GYUR RDZOGS SANGS RGYAS KYI MTSAN DPE YI, ,NGO BO DBYANGS GSAL DKAR DMAR 'KHOD PA LAS, ,ZLAD KYIL DBYANGS GSAL GZUGS BRNYAN CAN RDZOGS PA'I, ,DBYANGS DANG ZLA BA'I KHA DOG DKAR BA'I CHA, ,ME LONG LTA BU'I YE SHES LAS BYANG CHUB, ,GSAL
BYED DANG NI ZLA BA'I DMAR CHA NI, ,MNYAM PA NYID KYI YE SHES LAS BYANG CHUB, ,RANG NYID NAM MKHA'I N'A DAR GNAS PA YI, ,ZLA BA DKAR DMAR MDANGS CAN MTHONG BA NA, ,BDAG GIS SANGS RGYAS YAB YUM GYI BYANG SEMS; ;DKAR DMAR GYI NI NGO BOR GYUR BA YI, ,DBUS SU SKYE BA BLANG LA 'GRO BA'I DON, ,BYA'O SNYAM PA'I 'PHEN PA DANG LDAN PAS, ,ZLA BA'I DBUS SU ZHUGS PAS N'A DA LAS, ,THIG LE ZLA TSES MGO BO HA YI LUS; ;AU RNAMS RIM GYIS GRUB PA'I TSUL GYIS NI, H'Um YIG DKAR LA DMAR BA'I MDANGS CHAGS PA, ,RGYU YI RDO RJE 'DZIN PA'I RANG BZHIN DU, ,RDZOGS PA SOR RTOGS YE SHES LAS BYANG CHUB, , DE LAS 'PHROS PA'I 'OD ZER SNA LNGA PA'I, ,RTZE LAS 'KHOR LO LNGA YI LHA TSOGS THON, ,'GRO RNAMS DE YI GO 'PHAD LA BKOD DE, ,SNGON NAS GRUB BA'I DPA' BO RNAL 'BYOR MA, ,SPYAN DRANGS SNYOMS PAR ZHUGS TE ZHU GYUR PA, ,H'Um GI N'A DAR THIM LAS LHAN SKYES KYI, ,DGA' BA'I RANG BZHIN CAN DU GYUR BA NI, ,BYA BA GRUB BA'I YE SHES LAS BYANG CHUB, ,DPA' BO RNAL 'BYOR MA RNAMS THAMS CAD KYI, ,SKU GSUNG THUGS KYI RDO RJE'I RANG BZHIN DANG, ,CHOS RNAMS KUN GYI RANG BZHIN RNAM DAG PA'I, ,STONG PA NYID GNYIS DBYER MI PHYED PA YI, ,BDAG NYID NGA'O SNYAM BA'I NGA RGYAL DANG, ,LDAN PAS RTEN DANG BRTEN PA SKAD CIG GIS, ,BSKYED PA'I SNGAGS GSUM BRJOD PAS ZLA BA DANG, ,DBYANGS GSAL H'Um DANG BCAS LAS RTEN BRTEN PA'I, ,DKYIL 'KHOR DUR KHROD BRGYAD DANG BCAS PA RNAMS, ,GCIG CHAR GRUB PA CHOS DBYINGS YE SHES LAS, ,MNGON PAR BYANG CHUB BA'O 'DI DAG NI, ,GZHIL PHA MA'I LUS DANG RTZA 'KHOR DANG, ,DKAR DMAR KHAMS DANG KHU KHRAG 'DRES PA DANG, ,DE DBUS BAR DO'I RLUNG
, ,SEMS ZHUGS PA DANG, ,MNGAL GYI GNAS SKABS LNGA YI LUS 'PHEL DANG, ,LUS KUN RDZOGS NAS BTZAS DANG CHOS MTHUN ZHING, ,RANG GI SKYE BA'I SRID BA SBYONG BAR BYED, ,LAS DUS BSGRUB PA PO DANG PHYAG RGYA MA'I, ,LUS DANG RTZA 'KHOR RNAMS DANG DKAR DMAR KHAMS, ,DE GNYIS 'PHROD DANG DE LAS LHAN SKYES KYI, ,BDE CHEN RDZOGS DANG MTHUN ZHING LHAN SKYES DE, ,RGYUD LA SKYE BA'I DGE RTZA SMIN PAR BYED; ;RANG GI LUS DANG RTZA 'KHOR DKAR DMAR KHAMS, ,DE GNYIS 'DUS DANG DE LAS DGA' BA BZHI, ,DRANGS TE BDE STONG SBYOR DANG CHOS MTHUN ZHING, ,DE 'DRA'I RTOGS PA SKYE PA'I SMIN BYED 'GYUR, , 'BRAS DUS THEG CHEN 'PHAGS PA SHAS STAG GI ,SPYOD YUL DU GYUR LONGS SKUS SO SKYES LA'ANG, ,SNANG BA'I SPRUL SU BZUNG DANG CHOS MTHUN ZHING, ,DE NYID MNGON DU 'GYUR BA'I NUS BA 'JOG ,SKYE BA SPRUL SKUR 'KHYER BA'I LAM MKHER DE, ,RTEN DANG BRTEN PA'I GCIGS CHAR BSKYED TSUL LO, ,DE LA RTEN GYI DKYIL 'KHOR GZHAL YAS KHANG, ,NGO BO BDE STONG YE SHES YIN PA LA, ,RNAM PA GRU BZHI SGO BZHI RTA BABS SOGS, ,MTSAN NYID TSANG BA LAGS BAR GSAL GDAB STE, ,DE LTAR BSGOMS PAS SBYANG GZHI SGRUB BA BO'I, ,MA DAG SNOD LA SPYOD PA'I NUS PA SBYONG, ,LAM 'BRAS DUS SU YE SHES RANG SNANG GI ,GZHAL YAS KHANG LA SPYOD PA'I NUS PA 'JOG ,BRTEN PA LHA NI GZHAL YAS KHANG DE YI, ,DBUS SU PADMA'I LTE BAR NYI GDAN LA, ,RANG NYID HE RU KA DPAL YAB YUM GYI, ,RNAM CAN DU SGRUB THABS JI BZHIN BSGOM, ,DE LA SKU MDOG SNGON POR YOD BA YIS, ,CHOS KYI SKU LAS GA-YO BA MED BA MTSON, ,YAB YUM 'KHYUD BAS THUN MONG MA YIN PA'I, ,BDE STONG DBYER MED LAM GYI SNYING
POR MCHON, ,DBU LA ZLA PHED YO BA 'CHANG BAS NI, ,SPYI BO'I BYANG SEMS ZHU STE 'BAB BA MTSON, ,THAL BAS LUS LA BYUGS BAS BYANG SEMS DE, ,ZHUBS RTZA GNAS KRUN TU KHYAB PA MTSON, ,KHA tVAm GA DANG THOD BAS BDE CHEN RTEN, ,ZHU BAS DRANGS BA'I LHAN SKYES BDE CHEN MTSON, ,ZHAL BZHIS BDE CHEN YUL LA STONG NYID DANG, ,MTSAN MED SMON MED MNGON PAR, 'DU BYED PA, ,MED PA'I RNAM THAR SGO BZHIR PHYE BA MTSON, ,RDOR DRIL BSNOL BAS BDE CHEN RANG BZHIN GYI, ,YE SHES LNGA DANG SHER PHYIN DON GNYIS PO, ,BDE STONG GNYIS SU MED BAR SBYOR BA MTSON, , MGO RLON LNGA BCU'I PHRENG BA 'CHANG BA YIS, ,AA LI KA LI LNGA BCU'I RANG BZHIN MTSON, ,'DI DAG PHYOGS 'DI'I LAM BZANG MTSON TSUL LO, ,YUM DANG SBYOR TSE RGYAB KYI CHAR DKRIS BA'I, ,STAG SHAM GYIS NI CHAGS SOGS SBYONG BA MTSON, ,GLANG CHEN LPAGS PA SHUS TE BRGYANGS PA YIS, ,GTI MUG BDEN 'DZIN MA LUS DRAL BA MTSON, ,tA MA RU YIS SANGS RGYAS THAMS CAD KYI, ,THUGS RGYUD DGA' BA'I SGRA YI SKUL BA MTSON, ,DGRA STAS SGO GSUM SKYON DANG GRI GUG GIS, ,MTHAR 'DZIN RNAM RTOG MA LUS GCOD PA MTSON, ,MDUNG RTZE GSUM PAS KHAMS GSUM GYIS BSDUS BA'I, ,CHAGS SOGS NYON MONGS MA LUS 'BIG PA MTSON, ,RDO RJE'I ZHAGS PAS RANG DANG GZHAN GYI RGYUD, ,YANG DAG YE SHES KYIS NI 'CHING BA MTSON, ,ZHABS GA-YAS 'JIGS BYED RNA BA GA-YON PA DANG, ,GA-YON PAS DUS MTSAN NU MA MNAN PA YIS, ,SRID ZHI'I MTHA' GNYIS GNON ZHING STONG PA NYID, ,RTOGS PAS 'GRO KUN ZIL GYIS GNON PA MTSON, ,'DI DAG LAM 'DI'I BYED LAS MTSON TSUL LO, ,TSANGS
, ,MGOS SGRIB PA ZAD BAR SPANGS PA YI, ,THAR BA MYANG 'DAS MNGON DU MDZAD BA MTSON, ,THOD SKAM 'PHRENG BAS ZHI BA'I MTHA' SPANGS PA'I, ,'OD GSAL LAS NI GZUGS SKUR BZHENGS PA MTSON, BCU GNYIS PHYAG GIS RTEN 'BREL BCU GNYIS KYI, ,SGRIB PA DAG PAS 'KHOR MTHA' GNON PA MTSON, ,RNAM PAR 'GYUR BA'I ZHAL GYIS LOG LTA LAS, ,LOG STE YANG DAG LTA LA GNAS PA MTSON, , MCHE BA GTZIGS PAS BDUD BZHI 'JOMS PA DANG, ,THER COG GIS NI YON TAN GONG 'PHEL MTSON, ,RDO RJE'I 'PHRENG BAS RTOGS PA MTHAR PHYIN NAS, ,YE SHES LNGA YI NGO BOR GNAS PA MTSON, ,SPYAN GSUM GYIS NI YE SHES DE DAG GIS, ,DUS GSUM JI SNYED CHOS KUN GZIGS PA MTSON, ,SNA TSOGS RDO RJES 'PHREN LAS RNAM PA BZHIS, ,SEMS CAN RNAMS KYI DON KUN BSGRUB PA MTSON, , MGUL RGYAN GDU BU RNA CHA GTZUG NOR DANG, ,MCHOD PHYIR THOGS DANG THAL BA CHEN PO STE, ,PHYAG RGYA DRUG GIS PHAR PHYIN DRUG GI LAM ,RDZOGS PA MTSON ZHING 'GYING BAG LDAN PA DANG, ,GDAN GNYIS MNAN DANG KHRO GNYER BSDUS PA DANG, ,CUNG ZAD BZHAD DANG MCHE BA GTZIGS PA DANG, ,LJAGS 'DRIL BA DANG SPYAN DKYUS RING BA DANG, ,SPYAN GDANGS BA DANG SPYAN GYI ZUR GYIS NI, ,YUM LA GZIGS PA RNAMS TO SGEG SOGS KYI, ,NYAMS DGUS RIGS LNGA YUM BZHI'I RANG BZHIN GYI, ,ZHI LHAG RNAMS KYI DGA' BA'I NYAMS LDAN MTSON, ,'DI DAG LAM 'DI'I 'BRAS BU MTSON TSUL LO, , DE LTAR BSGOM PA 'DI NI SNGON BYUNG DANG, ,MTHUN ZHING RIM PA GNYIS PAR MTSON DON GYIS, ,BSTAN PA'I RDZOGS PA'I RIM PA'I RTOGS PA RNAMS, ,RGYUD LA SKYE BA'I DGE RTZA SMIN BYED 'GYUR, ,
DE LA BRTEN NAS 'BRAS BU'I HE RU KA ,MYUR DU MNGON DU 'GYUR BA'I NUS PA 'JOG ,'DI DAG RTEN DANG BRTEN PA'I DKYIL 'KHOR KUN, ,YID NGOR RIM GYIS GSAL 'DEBS BYED TSUL LO, ,DE LTAR GSAL BA'I 'OG GZHI'I RLUNG DKYIL SOGS, ,RTEN GYI 'KHOR LO'I CHA SHAS SNGA MA YIS, ,NYER LEN BYAS DANG LUS KYI CHA SHAS KYIS, ,LHAN CIG BYED RKYEN BYAS LAS LUS DKYIL GYI, ,RTEN GYI DKYIL 'KHOR BSKYED BYA LUS KYI CHA, ,RAGS PA RTEN GYI 'KHOR LOR BSGOM TSUL LO, ,CHOS 'KHOR LTE BA'I DH'U TIR GNAS PA YI, ,BYANG SEMS DKAR PO DPAR NA DPYID DUS KYI, ,RTZI SHING NAGS TSAL RGYAS PAR BYED PA BZHIN, , DE LA GNAD DU BSNUN NAS BSGOM PA LAS, ,BDE STONG YE SHES RGYAS PAR 'GYUR BAS NA, ,DPYID CES BRJOD DANG H'Um YIG DBYER MED PAS, ,HE RU KA DANG SPRUL PA'I 'KHOR LO YI, ,DH'AU TI'I NANG GI THIG LE DMAR PO LAS, ,GTZO MO BSKYED DE CHOS 'KHOR LTE BA RU, ,SNYOMS PAR ZHUGS PA'I TSUL GYIS BZHUGS PAR BSGOM, ,SNYING KA'I PHYOGS BZHI'I RTZA LAS YUM BZHI DANG, ,'TSAMS BZHI'I RTZA LAS THOD PA BZHI RNAMS BSKYED, ,SKRA 'TSAMS LA SOGS PHYI YI YUL NYER BZHI, ,DNGOS SU MOS TE DE NA GNAS PA YI, ,RTZA DANG KHAMS RNAMS BDE STONG DBYER MED DU, ,MOS LA KHAMS LAS DPA' BO NYER BZHI DANG, ,RTZA LAS DPA' MO NYER BZHI BSKYED BYAS NAS, ,PHYI YI DPA' BO DPA' MO DNGOS SU MOS, ,SNYING KA'I RTZA BRGYAD KHA SOGS SGO BRGYAD DU, ,SON LAS SGO 'TSAMS MA RNAMS LEGS PAR BSKYED, ,DE LTAR BSGOM PAS PHYI YI DPA' BO DANG, ,DPA' MO RNAMS KYIS MYUR DU BYIN BRLABS NAS, ,RIM GYIS SNGAGS SKYES ZHING SKYES LHAN SKYES KYI, ,PHO NYA MCHOG
, ,DANG 'DU BRNYED PA DANG, ,RDZOGS PA'I RIM PA'I SKABS SU BSGOM STOBS KYIS, ,LAS RLUNG DBANG PO'I SGO NAS LDOG PA DANG, ,RTZA YIG RTZO BO NYER BZHIR 'DU BA DANG, ,SNYING KA'I RTZA 'DAB BRGYAD DU LEGS 'DUS NAS; ;CHOS 'KHOR LTA BAR 'JUG DANG DH'UI DE YI, ,NANG GI DKAR DMAR KHAMS GNYIS SNYING KHA RU, ,'DUS LAS NGES PA DON GYI HE RU KA ,BDE STONG LHAN CIG SKYES BA'I YE SHES MCHOG ,SKYE BA'I DGE RTZA MYUR DU SMIN BYED PAS, ,LUGS 'DI' GZHAN LAS PHUL DU BYUNG BA STE, ,'DI DAG RANG GI LUS KYI CHA PHRA BA, ,RTEN PA'I DKYIL 'KHOR DU NI BSGOM TSUL LO, ,YAB YUM MKHA' GSANG MI DMIGS PAR BSAM LA, ,THA MAL SNANG BZHEN BSAL TE SGRUB THABS BZHIN, ,BSKYED BYA YAB KYI RDO RJE DKAR PO YIS, ,GSANG GNAS BYANG SEMS DKAR POS GANG BA MTSON, ,RTZE MO LDA YIS DE LI RTZA LNGA DANG, ,NOR BU DMAR POS BYANG SEMS DKAR PO LA, ,DMAR PO'I CHA SHAS CUNG ZAD YOD PA MTSON, ,YUM GYI GSANG GNAS PADMA DMAR PO YIS, ,BYANG SEMS DMAR PO'I THIG LES GANG BA MTSON, ,'DAB MA GSUM GYIS RO RKYANG DBU MA DANG, , ZE'U 'BRU DKAR POS THIG LE DMAR PO LA, ,DKAR PO'I CHA SHAS CUNG ZAD YOD PA MTSON, ,BYA DANG BYA YIS MTSAN PAS SA YI RLUNG, ,THUR SEL RENGS PAR BYAS PAS KHAMS GNYIS PO, ,PHYI RU 'PHO BA BKAG SDE LHAR SKYES KYI, ,BDE BA CHEN PO 'DREN PAR BYED PA MTSON, ,YAB YUM GNYIS KYI GNAS BZHIR SNGAGS BZHI DGOD, ,GNAS BZHIR NYI ZLAR SDAGS TSAN BZHI BKOD PAS, ,DGA' BZHI'I RIM PAS LHAN SKYES 'DREN PA DANG, ,'OD ZER 'KHYUD BAS BDE STONG SBYOR BA MTSON, ,DAG DU SNGAGS BRJOD SNYOM 'JUG CHOG BYA, ,MOS PA TSUN GYIS DGA' BZHI BSKYED PA'I MTHAR, ,STONG BA NYID KYI LTA BA DRAN BYAS TE, ,
BDE STONG SBYAR LA CI THUB MNYAM PAR GZHAG ,DE NAS RTEN DANG BRTEN PA'I DKYIL 'KHOR GNYIS, ,BDE STONG NGO BOR MOS PA SHUGS CAN BSKYED, ,'DI DAG RDZOGS PA'I RIM PA SKYE BA'I RGYUD, ,SMIN PA'I THABS KYI MCHOG YIN TSUL 'DI NI, ,BLA MED THEG PA'I RIM PA DANG PO'I LAM, ,THUN BZHIR BSGOM PA KUN LA SHES DGOS SO, ,DE 'DRA'I BDE STONG DBYER MED DE NYID LA, ,LTOG PAS BYANG CHUB PHYOGS CHOS SO BDUN DU, ,PHYE BA HE RU KA SOGS RE GNYIS SU, ,SHAR BAR BSGOM BYA 'DI LA LAM 'DI YI, ,GDUL BYA'I GTZO BOS BYANG PHYOGS SO BDUN GYIS, ,MTSON PA'I THEG PA GSUM GYI LAM KUN LA, ,'DRIS PAR BYA DGOS PA DAD THEG GSUM GYI, ,LAM GYI GNAD KUN LAM 'DIR BYED LAS KYI, ,SGO NAS 'DU BAR SHES DANG 'BRAS DUS SU, ,YE SHES MTHAR THUG LHA SKU RE GNYIS SU, ,SHAR BA'I SKU THUGS DNGOS PO GCIG PA DE, ,'GRUB PA'I NUS PA 'JOG PA'I DGOS PA YOD, ,'DI DAG BYANG CHUB PHYOGS DANG MTHUN PA'I CHOS, ,SO BDUN GYI NI DAG PA BSGOM TSUL LO, ,GTZO BO YAB YUM GNYIS KYI GNAS DRUG TU; ;RDOR SEMS PHAG MO LA SOGS BCU GNYIS SAM, ,YANG NA SNGAGS TSAN BCU GNYIS DGOD BYA STE, ,BGEGS KYIS MI TSUGS GO CHA BGO TSUL LO, ,DE LTAR RTEN DANG BRTEN PA YE SHES KYI, , 'KHOR LO GANG DU 'DU BA'I GNAS YIN PAS, ,DAM TSIG PA ZHES BRJOD PA LEGS BSKYED DE, ,LHA RNAMS THUGS KHAR NYI GDAN LA GNAS PA'I, ,H'Um LAS 'OD ZER LCAGS KYU LTA BU 'PHROS, ,YE STE GDONG NAS RANG BZHIN GYIS STONG PA'I, ,GNAS LUGS MNGON GSUM SHES PAS YE SHES PAR, ,BRJOD PA RNAMS DANG DBANG LHA MCHOD PA'I LHA, ,RNAMS KYI THUGS KA'I H'Um LA BTAB STE BSKUL,
, ,SPYAN DRANGS 'OD ZER SNYING KA'I H'Um LA BSDU, ,PHYI 'BRANG BGEGS RNAMS RANG GI ZHAL BZHI NAS, ,H'Um ZHES BRJOD DE BSKRAD NAS YE SHES PAR, ,MCHOD YON PHUL DE BRTEN PA LHA RNAMS DANG, RTEN GYI 'OD 'PHRENG DUR KHROD PAR RNAMS LA, ,RDO RJE BZHI YIS DGUG GZHUG BCING MA NYES BYA, ,GNAS GSUM BRLAB LA SNGAGS KYIS NGA RGYAL BZUNG, ,YE SHES BSTIMS PAS DAM YE THA DAD DU, , ZHEN PA 'GOG DANG NGO BO DBYER MED PA'I, ,NGA RGYAL BRTEN DANG RANG NYID NUS LDAN DU, ,SGRUB DANG RANG GI THOB BYAR GYUR PA YI, ,YE SHES 'KHOR LO MYUR DU 'GRUB PAR BYED, ,DE NAS NGAG DU SNGAGS TSAN GSUM BRJOD DE, ,DPA' BO RNAL 'BYOR MAR GYUR THAMS CAD KYI, ,SKU GSUNG THUGS KYI RDO RJE'I RANG BZHIN GYI, ,BDAG NYID HE RU KA DE NGA'O SNYAM DU, ,GZUGS KYI SKU DANG CHOS RNAMS THAMS CAD KYI, , GNAS LUGS STONG PA'I DBYINGS DANG LHAN SKYES KYI, ,BDE CHEN DBYER MI PHYED PA'I BDAG NYID DE, ,NGA'O SNYAM DU CHOS SKUR NGA RGYAL BZHAG ,YE SHES PA YI 'KHOR LO GZHUG PA'O, ,DBANG LHAR MCHOD YON PHUL DE GSOL BTAB PAS, ,BDUD RTZI'I CHU YIS DBANG BSKUR GTZO BO LA, ,'BRAS BUS RGYU DANG PHAG MOR GTZO BOS 'KHOR, ,LHAG MA RNAMS LA RIGS KYIS RIGS CAN LA, , RGYAS 'DEBS TSUL GYIS RIGS KYI BDAG POS BRGYAN, ,'DI YIS BGEGS DANG SGRIB PA THEG DMAN SEL, ,BZLAS SGOM SNOD DU RUNG DANG LAS BZHI 'GRUB, ,BYANG SEMS DAM TSIG SDOM PA NYAMS PA SKONG, ,MA 'ONGS PA NA RDZOGS PA'I SANGS RGYAS LAS, ,DBANG SKUR DNGOS SU 'THOB PA'I NUS PA 'JOG ,DE LTA'I DGOS PA BRGYAD DANG LDAN PA YIS, ,DBANG BSKUR BA DANG RGYAS GDAB BYA TSUL LO, ,DBANG BSKUR BZHI
DANG SKYED RIM BDEN PA GNYIS, ,ZUNG 'JUG RNAMS DANG RIM BZHIN 'BREL BA YI, ,MCHOD PA BZHI DANG SNGAGS KYI BSTOD PAS MCHOD, ,MYUR DU TSOGS RDZOGS MCHOD BSTOD BYA TSUL LO, ,THA MAL PA YI ZHEN PA'I GNYEN POR NI; ;GZHAL YAS KHANG DANG LHA RNAMS BSGOM PA NA, ,RDZOGS SANGS RGYAS KYI ZHING DANG SKU DE DAG ,DNGOS YIN SNYAN PA'I NGA RGYAL SHUGS CAN BSKYED, ,DE'I SHUGS MA YAL BAR DU MNYAM PAR BZHAG, THA MAL SNANG BA'I GNYEN POR RTEN BRTEN PA'I, ,SNANG BA RIM GYIS BSGOM TSE SKABS DE YI, ,SNANG BA KHYAD PAR CAN DU RE RE NAS, ,GSAL 'DEB BA DANG SDAM MA GSAL BAR, ,PHYI MA MI BSGOM PHYI MA SGOM PA'I TSE; ;SNGA MA MA BRJED TZAM BYA 'JOG SGOM TSE, ,DANG POR YAB RKYANG ZHAL GCIG PHYAG GNYIS PA, ,GSAL BTAB DE LA SEMS GZUNG GSAL BTAB PA'I, ,SKOR DE MIN PAR GZHAN DU GANG SHANG YANG; ;DE RJES MI 'BRANG RTZA BA'I DMIGS BAR GZUNG, ,GSAL BTAB SKOR NAS CHA GCIG GSAL GYUR NA, ,DE LA SEMS GZUNG DE NYID MI GSAL NA, ,SKU YI SBYI LA SEMS GZUNG DE 'DRA BA'I, , SNANG BSGOM DANG RANG NYID LHA DE'O, ,SNYAM PA'I RGYAL SHUGS CAN RE BSKYED NAS, ,DE LA RTZE GCIG 'JOG PA SPEL MAR BYA, ,KHYAD BAR CAN GYI NGA RGYAL SHUGS DRAG PO, ,SGOM PA GTZO BO YIN LA KHYAD PAR BA'I, , SNANG BSGOM PA DE YI YAN LAG GO ,DE LA LOBS TSE ZHAL PHYAG RGYAN LA SOGS, ,RDZOGS PAR GCIG CHAR GSAL GSAL BAR DU BSLAB, ,DE NAS RIM GYIS GZHAN DAG BSNAN LA BSGOM, ,THUN RED NGA RGYAL 'PHOS PA BRTAN PA DANG; ;SNANG BA KHYAD PAR CAN DU SONG GYUR NAS, ,YID NGOR THA MAL SNANG BA LOG PA DANG, ,DE LA SEMS KYI GNAS CHA BRTAN GYUR NA, ,RAGS PA LA NI LOBS BAR GYUR BA YIN, ,DMIGS PA RTEN DANG BRTEN PA LA DMIGS NAS
, ,RNAM PA RANG BZHIN MED PAR DRAN BYED PA, ,ZAB GSAL GNYIS SU MED PA'I RNAL 'BYOR TE, ,'DI DAG LHA YI 'KHOR LO SGOM TSUL LO, ,MNGON BYANG NAS BZUNG 'DI BAR RTEN BRTEN PA'I, , RNAL 'BYOR YAN LAG DANG BCAS SGOM TSUL TO, ,'BYUNG BAR RIM BRTZEGS NAS BZUNG 'DI YI BAR, ,THUN GYI DNGOS GZHIR JI LTAR BYA BA'O, ,MI RUS SOGS KYI BGRANG 'PHRENG 'DU BYAS TE, ,LHA YI RGYUD KYI THABS SHES DBYER MED PA'I, ,BYAD SEMS LHA YI SNYING PO DNGOS YIN LA, ,SEMS DE BSKUL PAR BYED PAS SNYING PO DANG, NYE BAR BSKUL PAR BYED PAS NYE SNYING DANG, ,'JIG RTEN PA YI SEMS LAS SKYOB PAS SNGAGS, ,YANG YANG BSKUL BAS SHES RAB KHYAD PAR CAN, ,BSKYED PAS RIGS SNGAGS BYANG SEMS MI BRJED PA'I, ,DRAN PA BSKYED PAS GZUNG SNGAGS ZHES BSHAD PA'I, ,SNYING PO NYE SNYING RTZA SNGAGS LA SOGS PA, ,HA CANG MYUR BUL SGRA CHE RING THUNG GI ,TSANG LAS NYAMS SOGS SKYON DANG BRAL BAR BZLA, ,SHA CHANG SOGS KYI GTOR MA BYIN BRLABS NAS, ,DKYIL 'KHOR LHA DANG PHYOGS SKYONGS SOGS LA DBUL, ,NYER BSDU BYAS MTHAR H'Um LAS BCOM LDAN 'DAS, ,ZHAL GCIG PHYAG GNYIS YUM LA 'KHYUD BAR LDANG, ,RDZOGS RIM BSGOM NAS BSDO SMON YIG BRGYA BRJOD; ;THUN GYI 'JUG DU JI LTAR BYA BA'O, ,YAB YUM GNYIS LA GO CHA BCU GNYIS BGO, ,NYER BZHI'I GNAS SU P'Um SOGS NYER BZHI DGONG, ,SU MBHA SOGS KYIS TSAMS RDAMS BSRUNG BA BYA, , SPYOD LAM KUN DU HE RUG DPAL GYI, ,NGA RGYAL LA NI RGYUN TU GNAS PA GCES, ,KHRUS KYI TSEN CHU DBANG SKABS LTAR BYA, ,ZAS KYI DUS SU LUS SKYIL SKAD CIG GIS, ,GSAL GDAB KHA ZAS BYIN
GYIS RLABS BYAS NAS, ,LAG MCHOD BYAS TE PHYUD GYIS BLA MA DANG, ,DPA' BO DPA' MO'I DBANG PHYUG MA RNAMS MCHOD, ,LCE LA RDO RJE BSKYED DE LONGS SPYAD NAS, ,SNYING KA'I BDE CHEN 'KHOR LO'I LHA TSOGS LA, , PHUL BAS LHA RNAMS MNYES SHING TSIM PAR BSAM, ,SNGA DRO'I THUN DANG THUN 'TSAMS RIM PA STE, ,GUNG DANG PHYI DRO'I THUN DANG THUN 'TSAMS LA, ,BRTAN GA-YO H'Um LA BSDUS TE RTEN BRTEN PA, ,GSAL BAR DMIGS TE LUS DKYIL BSGOM PA'AM, ,BREL NAM GTOGS SKYED RIM LA NI SEMS, ,LAS RUNG BAR DU DAG PA GSUM LA SOGS, ,JI LTAR BSHAD PA'I RIM PA TSUL BZHIN BYA, ,SROD THUN LA NI SNGA DRO'I THUN BZHIN DU, ,CHOG THAMS CAD RJES SU LEGS SPYAD LA, ,SDUD TSE GZHI YI GTZO BO YAB YUM YANG, ,'OD DU ZHU BA'I BAR NI SNGAR BZHIN LA, ,YAB YUM GNYIS PO THUGS KA'I NYI GDAN DANG, ,NYI GDAN H'Um DANG H'Um GI ZHABS KYU NAS, ,RIM GYIS N'A DAR THIM ZHING N'AD YANG; ;DMIGS PA MED PAR BYAS PA'I 'OG TU SEMS, ,GA-YO MED BZUNG NA 'OD GSAL 'DZIN STOBS CHE, ,THO RANGS DUS SU RDO RJE RNAL 'BYOR MAS, ,BSKUL BAS SAD PAR MOS TE CHOG RNAMS, ,SNGA MA BZHIN DU RJES SU SPYAD PAR BYA, ,DE LTAR THUN BZHIR BSGOM PA'I PHAN YON NI, ,RDZOGS RIM YONGS RDZOGS SKYE BA'I RGYUD SMIN TE, ,RDZOGS PA'I RIM PA MTSAN NYID TSANGS PAR SKYE, ,DE LAS 'KHOR LO SDOM PA'I GO 'PHANG 'THOB TSUL 'DIR 'BAD PAS NONGS PA GANG MCHIS PA, ,BLA MA LHA YI TSOGS LA SNYING NAS BSHAGS, ,DGE BA GANG MCHIS BDAG SOGS 'GRO BA KUN, ,LAM BZANG 'DI LA MYUR DU 'JUG PHYIR BSNGO,, ,,CES DPAL 'KHOR LO SNGOM PA'I LUS DKYIL BSGOM TSUL GYI DMIGS RIM MDO TZAM DU BKOD PA 'DI NI, KHYAB BDAG RDO RJE 'CHANG CHEN PO RJE BTZUN DAM PA DKON MCHOG RGYAL MTSAN DPAL BZANG PO'I ZHAL SNGA NAS KYI BKA' DRIN LAS
, ,PHYOGS 'DI LA MOS PA CUNG ZAD THOB PA'I GYIN BA NGAG DBANG BLO BZANG CHOS LDAN GYIS RANG GI BRJED BYAD DU BRIS BA 'DIS KYANG RGYAL BA BLO BZANG GRAGS PA'I BSTAN PA PHYOGS DUS KUN TU DAR ZHING RGYAS PAR GYUR CIG ,