, ,'DUS PA'I RDZOGS RIM GYI GEGS SEL BOG 'DON GYI MNANG BZHUGS SO,, *, ,KHYAB BDAG RDO RJE 'CHANG CHEN NGUR SMRIG GAR GYI RNAM ROL BA, ,TZONG KHA PA ZHES SNYAN PAR GRAGS GANG SKYABS SU GUS BSTEN NAS, ,DE YIS LEGS GSUNGS GDAMS PA MCHOG LAS DPAL LDAN 'DUS PA YI, ,RIM PA GNYIS PA YID LA BYED LA NYER MKHO CUNG ZAD BRI, ,PHRA THIG BSGOM TSE DMIGS RTEN THIG LE GSAL BAR 'CHAR DKA' NA, ,GANG DU DMIGS PA GTONG BA'I GNAS DE MA 'CHUG BAR BYAS LA, ,DE KAR SEMS 'DZIN NYID LA 'BAD CID BAR SKABS BAR SKABS SU, ,DMIGS RTEN GSAL GDAB GSAL YANG DE LAS GZHAN DU SNANG BA'AM, ,YAL NAS 'GRO NA'ANG SNGA MA BZHIN BSKYANGS RANG SHUGS KYIS GNAS PA'I, ,'TSAMS NAS SEMS KYI DAR BSKYED DMIGS RTEN GSAL SING 'TSER BA DANG, ,'OD ZER CHEN PO CAN DU GSAL BTAB DE LA ZHUGS PA BZHIN, ,BYAS TI GRIM LHOD RAN BA'I NGOS NAS BYID RGOD BKAG TE BSGOM, ,DE LTAR BSGOM PAS DH'U TIR RLUNG THIM PA LAS BABS PA YIS, ,BYANG SEMS MAR SNAR 'DZIN SLA YUN RING BAS NA LHAN SKYES MTSAN, ,GZHAN DU NA NI DAL BUS 'BAB TSE DMIGS PAS BZLOG SHING DGRAM, ,MYUR BAR 'BAB LA RANG LHAR GSAL BA'I RKANG PA SKYIL KRUNG DANG, ,LAG GNYIS BRAD THAD BSNOL BYA RKANG LAG SOR MO THAMS CAD BSKUM, ,MIG GNYIS GYEN BZLOG SEMS NI SPYI BO'I HAm YIG GYEN BSTAN LA, ,DMIGS SHING NGAG DU H'Um RING DRAG TU NYER GCIG BAR BRJOD NAS, ,BYANG SEMS DH'U TI'I NANG NAS SPYI GTZUG BAR DU SONG BAR BSAM, ,'JAM SBYOR BYAS TE DE LA BUS SBRUG CING RTZA GNAS KUN DU DGRAM, ,
'OG SGO SKRANGS DANG BRUG GZER SKYED DANG DRI CHU 'DOR DKA' BA'AM, ,HA CANG SLA TSE SBYOR BA DAM PA'I SKYON GYIS YIN NA NI, ,'JAM PO'I SKYONG THABS MKHAS PAR BYAL CIS KYANG MA ZHIN, ,RO SMAD RLUNG KUN DMIGS BAS BSDUS LA PHRA MO'I THAD DU BSTIM, ,DRI CHU 'DOR DKA' BA LA 'OG SGO'I RDOR BZLAS BYAS NA'ANG PHAN, ,'OG RLUNG GYEN DU 'CHUG DANG LUS 'PHAR BA SOGS GEGS BYUNG TSE, ,LTE BA YAN CHAD RANG LUGS PAR BZHAG SMAD KYI BYED BA CINGS NI, ,DAM PAR BYA ZHING SEMS NI DMIGS PAR ZUG BZHIN BYAS LA BZUNG, ,STOD SMAD RLUNG KUN DMIGS PAS GNAD DU BSNUN SAR BSTIM PA LAS, ,THIM NAS BDE BA MYONG BA'I DMIGS PA MANG DU BYAS NA RLUNG, ,'DU SLA 'DI NI SBYIR YANG MANG DU BYA BA GNANG CHE'O, ,DE LTAR GEGS SEL BOGS 'DON SGRO NAS GNAD DU BSNUN PA YIS, ,LHAN SKYES BSKYED DE BDE STONG SBYOR BA SKABS DON GTZO BO YIN, ,RJES KYI CHEN CHOS KUN RANG BZHIN MED BAR RO GCIG CING, ,RANG BZHIN MED NYID CHOS CAN MI 'DRA DU MAR SHAR BA'I TSUL, ,SNGAR GYI BDE BA DRAN PAR BYAS TRE DE YIS BLTA BYA ZHING, ,DE TSE BLTA BYA LTA BYED RO GCIG SONG BAR MOS DGOS PAS, ,MOS PA'I DBANG GIS CHOS KUN BDE BA'I RNAM 'GYUR DU YANG BSGOM, ,DE LTAR GANG SNANG BDE STONG ROL BAR BLTAS LA DE DAG KUN, ,RDO RJE 'CHANG DU 'CHAR LA BSLAB BYA DE YIS BDE CHEN SBOR, ,LHAN SKYES BSKYED BAR MI NUS PAS KYANG ZHU BDE BSKYED NUS NA, ,DE STENG NAS BSGOM DE YANG MED NA BDE STONG SBYOR SOGS KYI, ,GO BA BTZAL TE DE YIS BSKYANGS LA RIGS NUS BRTAS PAR BYA, ,
, ,MI SHIGS PA DANG SNGAGS 'KHOR BSGOM TSE ZUG GZER GEGS BYUNG NA, ,STONG SMAD RLUNG KUN DMIGS PAS BSDUS NAS DMIGS RTEN YOD SAR BSTIM, ,ZUG KYANG ZHI LA RLUNG SDUD PA LA MI GNOD GEGS SEL MCHOG, ,STONG BZHI SHAR BA'I SKABS LAS GZHAN DU MIG SOGS DBANG PO LNGAS, ,YUL 'DZIN MI NUS RING RAB BYUNG NA DBANG PO SO SO'I SGOR, ,RDOR BZLAS BYED DANG SNYING KHAR RLUNG RNAMS BSDUS TE BSHIGS PAS SEL, ,SPYIR YANG DMIGS RTEN LAS NI 'OD ZER MANG PO 'PHROS PA BSAM, ,DMIGS PAS RLUNG KUN BSDUS TE MI SHIGS PA LA BSTIM PA YIS, ,BDE BA BYUNG BAR BSAM NA RLUNG RNAMS 'DU SLU MNYEN DU 'GRO, ,RDOR BZLAS SKABS SU 'OG SGOR 'BYUNG 'JUG BYED PA'I RDOR BZLAS NI, ,STENG RLUNG 'BYUNG TSE 'OG RLUNG 'JUG DANG DE LAS BZOG PAS BYA, ,RTZA BA'I RLUNG LA RDOR BZLAS BYAS PAS RLUNG RNAMS MI SHIGS PAR, ,ZIM PAR BYAS PA'I 'OG TU YAN LAG RLUNG LA RDOR BZLAS BYA, ,BYANG SEMS SNYING KHAR PHAB NAS YAN LAG RLUNG GIS YUL SNANG KUN, ,KHYAB PAR BYAS TE YUL RNAMS RANG GI RLUNG SEMS BDE STONG DU, ,MYONG BA'I RANG SNANG NYID DU GOMS PAR BYAS NA YUL SNANG KUN, ,BDE CHEN 'BAR BA'I RKYEN DU 'CHAR BSKABS 'DI'I DGOS PA'I DON, ,RDO RJE'I BZLAS PA'ANG 'JAM PO'I SKYONG TSUL MKHAS NA GEGS MI BSKYED, ,THAN THUN 'ONG BA SEL TSUL ZUG BSKYED PA LA SNGAR BZHIN BYA, ,SMUG PA 'OD ZER SKRA PHYE LTA BU PHYIR LA'I THON PA DANG, ,MGO RTZE TSE GRANG ZA' PHRIG BYUNG DANG SROG CHAGS MANG PO YIS, ,ZA DANG 'KHYUD DANG PHYIR LA 'BYUNG 'DRA'I NYAMS SNANG BYUNG GYUR NA, ,RLUNG RNAMS DMIGS PAS BSDUS NAS BSTIM ZHING BSHIGS PAS SEL
BAR 'GYUR, ,THIM TSE SPRUG DANG 'DAR BA BYUNG NA LHA SKUR LDANG BYAS TE, ,'OD ZER SPRO BA'I SBYOR BAS BSAL BYA MDOR NA RLUNG BSGOM PAS, ,MNYEN PAR MA SONG BAR DU SBYOR BA 'JAM PO KHO NA GCES, ,RDZAS THIG SKABS SU MAR SNAR BYANG SEMS DKAR DMAR 'PHRAD PA LAS, ,BDE BA CHER BSKYED DE NAS THEG LE DE NYID SNYING KHAR DRANG, ,STOD SMAD RLUNG KUN BSDUS NAS DER BSTIM DE YIS DGA' BA BZHI, ,PHUL BYUNG 'DRIN LA 'DI NI SROG STZOL SNGA MA GNYIS PO LA, ,BOGS 'BYIN THABS KYI MAN NGAG YIN GSUNGS SROG STZOL GSUM KA'I SKABS, ,BYANG SEMS ZHU BA SPYI BO NAS BABS GSANG BA'I SNA RTZE'I BAR, ,GTONG DANG STOD SMAD KUN NAS SNYING KHA NYID DU SDUD PA'I GNAD, ,GNYIS LAS 'DIR NI 'CHI BA'I RIM PA DANG MTHUN STONG BA BZHI, ,'DRIN PAS RLUNG DANG BYANG SEMS SNYING KHAR TSUR LA 'DU BA DANG, ,DE NAS PHYIR LA GYES PA'I RIM PAS LUGS 'BYUNG LUGS ZLOG GI ,STONG DANG DGA' BA BZHIN RNAMS 'DREN PA 'DI NI GNAD KYI DON, ,BUM PA CAN NI STENG 'OG RLUNG GNYIS GTZO CHER DMIGS PAS BSDU, ,'DZIN RGYU'I RLUNG MED NA YANG MI SHIGS THIG LER SEMS BZUNG NA, ,RLUNG 'DZIN PA DANG GNAD GCIG 'JAM PO'I SKYOD TSUL SHES PA GCES, ,SEMS DBEN STONG BZHI'I SKABS SU SNANG NGOR GA-YA' DAG MKHA' 'DRA BZHI, ,'BYUNG YANG NGES DOR MIN PAS NGES DOR RANG BZHIN MED PA BSGOM, ,DON GYI 'OD GSAL SKABS SU MKHA' 'DRA'I SNANG BA 'BYUNG BA MIN, ,SGYU LUS RJES MTHUN PA NI DBEN PA DANG PO'I SKABS NAS 'BYUNG; ;SEMS DPA' SUM BRTZEGS BSGOM NAS SDUD PA'I RIM PA'ANG DE NAS BYA, ,SGYU LUS GDAMS PA DANG 'BREL GNYID RMI 'CHI BA BAR DO DANG, ,BSRE BA'I GDAMS PA'ANG SAD DUS STONG PA BZHI
, ,PO MA MTHA' TZAM, ,'DREN PAR NUS PA'I 'TSAMS NAS BSGOM BYA GNYID DANG BSRE TSUL NI, ,LUS GNAD NYAL BA'I SPYOD LAM 'PHRES DANG COG PU GANG RUNG NGO, ,DUS NI GNYID KYI SNGON TZAM NAS YIN DE YANG THO RANGS SOGS, ,RLUNG GNAD BUM PA CAN NAM 'BYUNG 'JUG RANG LUGS PAR BYA'O, ,YUL GYI GNAD NI GNYID DUS SNYING KHAR RLUNG 'DU BAS NA DER, ,CHU SKYES 'DAB MA BZHI BA'I LTE BAR THIG LE DKAR DMAR RAM, ,SNGAGS 'KHOR RGYAS PA'AM MI SHIGS RKYANG BA GANG RUNG RTZE GCIG BSGOM, ,RIM GYIS MTSAN MA BRGYAD 'BYUNG BRGYAD PA 'OD GSAL DNGOS GZHI'O, ,DE TSE LTA BA DRAN PAR BYAS TE RTZE GCIG MNYAM PAR BZHAG ,DE NAS LUGS ZLOG SNANG GSUM DANG POR 'PHEN PAS 'CHAR DU GZHUG ,'DI LA GNYID MA BYUNG NA GNYID 'BYUNG PA YI RGYU BSTEN ZHING, ,'THUG GRAGS NA NI DMIGS RTEN SHIN TU 'TSER LAS 'OD 'PHROS TE, ,GNAS KHANG TZAM MAM MAL GYI KHYON TZAM NYI SHAR LTA BUR BSAM, ,SAD RKYEN PA LA 'OD GSAL DE LAS LDANG BAR RTZOM PA'I TSE, ,MDO LA DMIGS RTEN LA NI DMIGS PA GTAD NA SAD MI 'GYUR, ,SNGAR BSHAD NUS PA MA THOB PA YIS GNYID MGO RTZOM PA NAS, ,JI LTAR 'CHAR LA DRAN PA BSTEN NA NYER THOB STOD YAN CHAD, ,TZAM ZHIG NGES PA SRID KYANG PHYI MA RNAMS NI NGES MI NUS, ,'ON KYANG GNYID DU 'GRO KHAR DMIGS PA SNGA MA GNYIS BYAS NA, ,NYIN MO BSGOM LA PHAN PAR 'GYUR BAS DE LTAR BYAS NA LEGS, ,RMI LAM DANG NI BSRE LA RLUNG GI STOBS KYIS BSREB LA, ,GNYID KYI STONG BZHI 'DZIN LAS RMI LAM 'DZIN THABS GZHAN MI DGOS, ,'OD GSAL DE LAS LDANG BAR RTZOM TSE RMI LAM LONGS SKU RU, ,LDANG DO SNYAM PA'I
'PHEN PA BTANG LA LHA SKUR YID NGOR LDANG, ,RMI LAM DGE SBYOR GTZO BO'ANG DE YIN 'DUN PAS BSRE BA LA, ,RMI LAM BZANG MANG GSAL PO RMI DANG 'DZIN CING ZIN NAS KYANG, ,DGE SBYOR SKYONG LA 'GAL RKYEN ZHI ZHING MTHUN RKYEN TSANG BA'I CHED, ,BLA MA YI DAM SRUNGS MAR GSOL BA GDAB CING 'PHRIN LAS BCOL, ,DA LTA'I SNANG BA 'DI KUN RMI LAM SNANG BAR 'DUG SNYAM DANG, ,RMI LAM RANG NGO SHES PAR BYA SNYAM PA DANG RMI LAM GYI, ,DUS SU DGE SBYOR BYA'O SNYAN PA'I 'PHEN PA DRAG PO SBYANG, ,NYAL KHAR MGRIN PAR 'DAB MA BZHI BA'I LTE BAR AA SHAD BSAM, ,DE NAS SNGAR BZHIN 'PHEN PA BTANG LA MGRIN PA'I AA SHAD DMIGS, ,YANG NA RANG NYID DAM TSIG SEMS PAR GSAL BA'I MGRIN DBUS SU, ,PADMA'I LTE BAR RANG 'DRA'I YE SHES SEMS DPA' TSE NA GANG BSAM, ,DE YI THUGS KHAR THIG LE YUNGS 'BRU TZAM BSAM THIG LE LAS, ,BDUD RTZI ZAG PAS BDE BA MYONG BSAM DE NAS SEMS DPA' GNYIS, ,THIG LER BSDUS NAS DE LA DMIGS PA GTAD DE GNYID LOG GO ,DE LTA'I TSUL GYIS RMI LAM BZUNG NAS SPRUL BSGYUR LA SOGS PA, ,'PHEN PA BTANG NAS SNA TSOGS RTZAL SPYOD PA LA GOMS PAR BYA, ,GANG SNANG RANG BZHIN MED PAR BSGOM PAS GCIG TU'ANG BYA ZHING RANG, ,RDO RJE 'CHANG DU GSAL BTAB DE NAS RJES GZHIG BSAM GTAM GYIS, ,RMI LAM YUL GYI SNOD BCUD SNANG BA KUN DANG RANG YANG BSDU, ,DE LTAR BYAS PAS SAD DUS YID DO DAD NI RMI LAM GYI, ,YID NGO'I SNANG BA GNYIS LAS PHYI MA BSDUD PA CHES SLA ZHING, ,RAGS PA'I RLUNG LAS 'GA' ZHIG THIM PA'I GNAD GYIS SNYING KHAR RLUNG, ,'DUS TE GNYID DU 'GRO LA DE TSE GNYID KYI STONG BA BZHI, ,CUNG ZAD DES NUS LAN
, ,'GA' MA NUS NA'ANG GOMS PA NA, ,RNAM PA GSAL POR DES NUS DE DAG BRTAN TSE NYIN MO'I DUS, ,MI SHIGS BSGOM PA SOGS LA PHOGS THON 'GYUR ZHING DE YI MTHAR, ,'OD GSAL DANG NAS RMI LAM LHA SKUR LDANG LA BSLAB PAR BYA, ,'DUN PA'I STOBS KYIS ZIN PA BRTAN DANG RING DU 'DZIN NUS PA'I, ,'TSAMS NAS RMI LAM 'OD GSAL GCIG TU BYED PA'I GDAMS PA 'DI'I, ,GNAD RNAMS SHES NAS GOMS PAR BYAS NA NYIN PAR RLUNG 'DU BA, ,MYUR DU 'GRO DANG BAR DO SGYU MA ZIN PA'I THABS MCHOG GO ,'CHI BA BAR DO GNYIS DANG BSRE LA GANG ZAG RABS KYIS NI, ,'CHI KHAR BSAM GTAN GCIG GI SGO NAS 'CHI BA 'OD GSAL DUS, ,MA BU BSRES NAS DE LAS LDANG TSE LHA SKUR LDANG SNYAM PA'I, ,'PHEN PA BTANG NAS LHA SKUR LDANG ZHING DE NAS SPRUL SKU 'DZIN, ,BAR DOR 'TSANG RGYA MI NUS BSGOM PA'I STOBS KYIS DBU MAR RLUNG, ,BCUD DE THIM LAS STONG BZHI BSKYED PA BYANG PA'I 'BRID GIS NI, ,'CHI KHAR NYES LTUNG KUN BSHAGS DAM TSIG SDOM PA SOR BCUGS TE, YID LA BCAGS PA MED PAR 'CHI LA DGA' BA'I 'DU SHES BSKYED, ,RANG LHAR GSAL BAS BLA MA LHA BSGOM MCHOD PA LEGS PAR PHUL, ,GSOL BA BTAB STE 'CHI RTAGS BRGYAD LAS DANG PO SHAR BA NAS; ;MI SHIGS PA SOGS GOMS PA GANG CHE'I RNAL 'BYOR BSGOM BYA ZHING, ,RTAGS RNAMS SHAR TSE NGES PAR BYAS LA LTA BA DRAN PAR BYA, ,KHYAD PAR 'OD GSAL SHAR TSE BDE STOD SBYAR TE CI THUB BZHAG; ;DE LAS LDANG TSE SNGA SOR GOMS DANG 'PHEN PA'I SHUGS KYIS NI, ,BAR DO LONGS SKUR YID DOR LANGS LA 'PHO BA BYED PA'AM, ,BAR DO 'CHI BA'I STONG PA RNAMS DANG SNGAR LTAR LEGS BSRES
TE; ;SPRUL SKUR LDANG BA'I 'PHEN PA BTANG LA SNGAGS SPYOD SKYE BA 'DZIN, ,RIM PA GNYIS PA'I LAM SNAM ZIN SKYED RDZOGS GO BA CHAGS, ,DAM TSIGS GTZANG ZHING RIM GNYIS LA BRTZON GANG ZAG THA MA YIS, , 'CHI RIM PAR DE 'GRUB LUGS LA SOGS LEGS PAR SHES BYAS NAS, ,NYIN RE BZHIN YANG SKU GSUM LAM 'KHYER SKOR RNAMS BSGOM PA DANG, ,RMI LAM 'DUN PAS 'DZIN TSUL SNGAR BSHAD JI BZHIN LEGS SBYANGS TE, ,'CHI KHAR 'BRING GI BYED PA JI BZHIN BYAS TE 'OD GSAL TSE, ,LTA THOG BZHAG CING BAR DO GRUB TSE RANG DANG GANG SNANG KUN, ,RANG BZHIN MED DANG RDO RJE 'CHANG DU BSGOM ZHING SKYE GNAS LA, ,CHAGS SDANG SKYE TSE SGYU MAR BLTAS LA PHA MA SPRUL SKU RU, ,MOS TE SKYE BA LEN PA 'DI LTA'I TSUL LA 'BAD PAR BYA, ,NYAMS SU LEN PA'I NUS PA MED NA'ANG SMON PA'I YUL BYAS TE, ,'DI BRIS PA LA NO NGAS PA GANG MCHIS BLA MA LHA LA BSHAGS, ,'DIS MTSON DUS GSUM DGE BA THAMS CAD 'JAM DPAL SNYING PO YI, ,BSTAN PA RIN CHEN PHYOGS DUS KUN TU RGYAS PHYIR BSNGO,, ,,CES PA 'DI NI LAM 'DI LA MOS PA CUNG ZAD TZAM DANG BCAS PA'I GYIN PA NGAG DBANG BLO BZANG CHOS LDAN GYIS BRIS PA'O,, ,,