*, ,'DUS PA'I DMAR KHRID RGYUD DON SNYING PO BZHUGS STO,, *, ,RANG GI MDUN GYI NAM MKHAR SENG GES BTEGS PA'I RIN PO CHE'I KHRI SNA TSOGS PADMA DANG NYI ZLA'I STENG DU RTZA BA'I BLA MA RDO RJE 'CHANG CHEN PO SKU MDOG SNGON PO SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, NAS, RAL GRI 'DZIN PA, DBU SKRA RAL PA'I THOR COG , NAS,
, ,BRGYAN PA, YUM REG BYA RDO RJE MA, NAS, 'DZIN PA, DBU SKRA RAL PA PHYED BCINGS SU BYAS PA, NAS, ROL PA, YAB YUM GNYIS KYI PHYAG DANG PO GNYIS KYIS, NAS 'PHYAR BA, 'OD KYI DKYIL 'KHOR RAB TU 'BAR BA'I DBUS NA RDO RJE DKYIL MO KRUNG GIS BZHUGS PA, BLA MA'I SBYI BOR RNAM PAR SNANG MDZAD, NAS RGYAL PO, BLA MA'I SPYI BOR SKU RDO RJE'I DOG AOm DKAR PO ,NAS H'Um SNGON PO, ,THUGS BA'I H'Um LAS 'OD ZER 'PHROS, RANG BZHIN GYI GNAS NAS BLA MA YI DAM SANGS RGYAS BYANG SEMS NYAN RANG CHOS SKYONG SRUNGS MA SNOD BCUD KYI YON TAN DANG BCAS PA THAMS CAD SBYIN DRANGS, DZA: H'Um BAm GO: GNYIS SU MED PAR THIM PAR GYUR, AOm GU RU BU DDNYA BO DHIS TVA SA PA RI BAR AA RGHAm NAS SHA BTA B'U DZA ME GHA SA MU TRA SPHRAR nA SA MA YA SHR'IYE H'Um, DE BZHIN DU 'DOD YON LNGA, AOm BDZRA THRI GA AOm A'A: H'Um, NAS SBAR MDZRA AOm A'A: H'Um, BLA MA'I GSANG GNAS MI DMIGS PA'I NGANG LAS H'Um LAS BYUNG BA'I RDO RJE SNGON PO RTZE LNGA PA, NAS AATMA KO NYA HI, RDO RJE'I LAM NAS YUM GYI PADMAR BYUNG BA'I BYANG CHUB KYI SEMS KYI RDUL PHRA RAB LAS GRUB PA'I DE BZHIN GSHEGS PA NAM MKHA'I KHAMS GANG BA RNAMS SNYOMS PAR ZHUGS PA'I LHA RNAMS BDE BA CHEN POS MNYES SHING GSANG BA DANG DE KHO NA NYID KYI MCHOD PAS MNYES PAR GYUR, SKYABS GSUM KUN 'DUS KYI NGO BO BLA MA RIN PO CHE LA GSOL BA 'DEBS SO, ,SANGS RGYAS KUN 'DUS KYI NGO BO BLA MA RIN PO CHEL GSOL BA 'DEBS SO, ,DAM CHOS BDUD RTZI'I 'BYUNG GNAS BLA MA RIN PO CHE LA GSOL BA 'DEBS SO, ,'GRO KUN 'DRIN PA'I GTZO BO BLA MA RIN PO CHE LA SOGS BA 'DEBS SO, ,BDAG GI RE SA'I SKYABS GNAS NYE BLA MA'I SPYI BO'I AOm LAS 'OD ZER DKAR PO'I SPU GU'I NANG NAS BDUD RTZI DKAR PO'I RGYUN BABS, RANG
GI SPYI BOR ZHUGS, LUS THAMS CAD GANG, LUS KYI SGRIB PA DAG ,BLA MA'I SKU'I BYIN BRLABS ZHUGS, BUM PA'I DBANG THOB SKU RDO RJE BSGOM PA LA DBANG, 'BRAS BU SPRUL SKU 'GRUB PA'I NUS PA BZHAG ;DES PHYI MA GSUM 'DRA, DPAL LDAN RTZA BA'I BLA MA RIN PO CHE, NAS BSTZAL DU GSOL, ZHES GSOL BA DRAG TU BTAB PAS, BLA MA GDAN BCAS RANG GI SPYI BOR BYON TE RANG DANG ZHAL LTA PHYOGS MTHUN PAR BZHUGS, YANG DPAL LDAN SOGS KYIS GSOL BA BTAB PAS NYI MA RANG GI SPYI BO NAS ZHUGS SNYING KHA'I KHAMS DMAR PO LA THIM PA LAS NYI GDAN, YANG GSOL BAS ZLA BA KHAMS DKAR BO LA THIM PAS ZLA BA, YANG GSOL BAS BLA MA SHIN TU PHRA BA'I RLUNG SEMS LA THIM PA LAS BLA MAR BZHENGS PAR BSAM LA, SKYE BA KUN DU YANG DAG BLA MA DANG, NAS SHOG ,DE NAS LUS GNAD BCAS, RTZA GSUM 'KHOR LO DRUG LDAN GSAL BTAB, SNA BUG GA-YON NAS RLUNG RDU BA, DMIGS PAS RKYANG MA NAS SONG, RKYANG MA'I MAR SNA RO MA'I MAR SNAR BCUG BA NAS RO MA'I NANG DU SONG, DE'I NANG GI CHANG TSING DANG NAD GDON DANG RTZA ZHAR BA 'KHUM PA RENGS PAR LA PA SOGS KYI SKYON RNAMS SBYANGS TE GTZANG SANGS SANGS DAG PAR BSAM LA SNA BUG GA-YAS PA NAS PHYIR 'BUD CING DE YANG 'BUD CHUNG GSUM BYA, DE LTA BU LAN GSUM, YANG SNA BUG GA-YAS BA NAS RDU BA, DMIGS PAS ROM NAS SONG, RO MA'I MAR SNA RKYANG MA'I MAR SNAR BCUG PA NAS RKYANG MA'I NANG DU SONG, DE'I SKYON THAMS CAD SBYANGS PAR BSAM LA GA-YON PA NAS 'BUD CING 'BUD CHUNG GSUM, DE LTA BU GSUM, DE NAS SNA BUG GNYIS KA NAS RDU BA CING, DMIGS PAS RO RKYANG GNYIS KA NAS SONG, DE GNYIS KA'I MAR SNA DBU MA'I MAR
, ,SNAR BCUG PA NAS DBU MA'I NANG DU SONG, DE'I SKYON RNAMS SBYANGS PAR BSAM LA GNYIS KA NAS 'BUD CING 'BUD CHUNG GSUM, DE LTA BU GSUM BYA, DE NAS RANG GI SEMS KYI NGO BO 'OD KYI THIG LE SPYI BO'I RTZA 'KHOR GYI DBUS SU SONG, STENG 'OG THAD KA RNAMS SU BLTAS PAS SA LE MTHONG, ,DE NAS MA GRIN PA, DE NAS SNYING KHA, DE NAS LTE BA, DE NAS GSANG GNAS RNAMS SU SNGAR BZHIN, DE NAS NOR BU'I DBUS SAM BHU TI'I MAR SNAR NYI GDAN CHEN SRAN MA 'BRING PO PHYED GSHAGS TZAM MA MCHUNG NA YUNGS DKAR SBOM PO PHYED GSHAGS TZAM GSAL GDAB, SNYING KHA NAS THIG LE CHEN NAS TZAM CHUNG NA YUNGS DKAR PHRA MO TZAM PHA BA TI NYI GDAN GYI STENG DU BZHAG ,SEMS DE DANG DBYER MED DU BSRES LA RTZE GCIG TU MNYAM PAR BZHAG ,DE LA BRTEN NAS RLUNG DBU MAR ZHUGS GNAS THIM GSUM GYI RTAGS SNA BUG GNYIS KA NAS RLUNG MNYAM RGYU SHED MTSUNGS DES CAN DU THENGS PA NAS, SLONG BYED KYI SKYON GSUM DANG BRAL BA'I THO RANGS NAM MKHA' GA-YA' DAG LTA BU'I 'OD GSAL GYI BAR RNAMS BYUNG BAR MOS, DE NAS SNA BUG NAS RLUNG CUNG ZUD RDU BA POR RKYANG NAS SONG, DE GNYIS KYI MAR SNA DBU MA'I MAR SNAR BCUG PA NAS YE RGYA'I GSANG GNAS NAS BYUNG BA'I RLUNG DANG MNYAM DU DBU MAR ZHUGS DMIGS RTEN GYI NYI GDAN SBAR, DE NAS THIG LE SBAR BA NAS ME BRAN RTA RDA TZAM MAM SBOM NA RGYA KHAB TZAM, DBYIBS GZUNG MO BYE THUR TE SGANG GI SPU THUR LTA BU, RING THUNG SOR GANG TZAM MAM DE LAS THUNG BA 'AM RING BA JI LTAR 'TSAM PA CI GA-YAR SOD, GSANG GNAS KYI RTZA 'KHOR LAM SLEB TZAM NAS PHYIR LOG PA'AM MA LOG KYANG CUNG ZAD NGAL SOS, YANG SNA BUG NAS RLUNG CUNG ZAD RDUB PAS ME SBYAR BAS
GSANG GNAS KYI GTUM MO SBAR, DE NAS LTE BA'I GDUM MO SBAR, DE RIM PA BZHIN SNYING KHA, MGRIN PA RNAMS SU SLEB, DE NAS ME'I 'OD KYIS SPYI BO'I RTZA 'KHOR GYI DBUS SU ZLA BA LA GNAS PA'I HAM YIG MGO THUNG DU LTA BA LA PHOG ,DE MI BZOD PAR GYUR TE ZHU BA'I THIG PA ME LA PHOG ,ME CHER SONG, YANG HO ZHU BA'I THIG PA ME LA PHOG ,NGES KYANG ME SHIN TU CHER SONG, DE LTA BU'I TSUL GYIS ME JE CHER SONG BA'I 'OD KYIS SBYI BO'I RTZA 'KHOR GYI BYANG SEMS DANG, GZHAN YANG LUS KYI RTZA STONG PHRAG DON GNYIS NA BYANG SEMS PA MO LTAR SKYA KHAG GE YOD PA THAMS CAD BZHU NAS DBU BZHI NANG DBU MA'I NANG DU 'DRES NAS BABS PA SPYI BO NAS MGRIN PAR SLEB PAN DGA' BA, NAS NOR BU'I RTZER SLEB PA NA YAS BABS KYI LHAN SKYES RDZOGS PAR 'CHAR, DE NAS YID KYIS THIG LE DBYEN DU BZLOG PAS DBU MA'I NANG NAS GYEN DU SONG ZHING DE YANG RTZA 'KHOR GZHAN NAS BABS PA RNAMS RIM GYIS RTZA 'KHOR DE DANG DE NAS CA SO SOR KRAM 'GROL SPYI BO'I HAm YIG NAS BABS PA DE RIM GYIS LTE BAR SLEB PA NA DGA' BA, NAS SBYI BO'I HAM YIG LA THIM NAS BRTAN PA NAMS BRTAN GYI GHAN SKYOS RDZOGS PAR 'CHAR, DE LTA BU'I MAS BRTAN GYI DGA' BZHI NI YAS BABS KYI LHAN SKYES KYI RGYUN YIN, LHAN SKYES KYI TSE BDE STONG SBYAR LA RTZE GCIG TU BSGOM, MNYAM BZHAG DE LAS LDANG BAR 'DOD PA NA SNGAR NAS SGYU MA'I SKUR PHYI ROL TU LDANG SNYAM PA'I 'PHEN PA BTANG BCUNG ZAD DRAN PAR BYA, LANGS PA DANG MNYAM DU PUNG PO RNYING BA'I PHYI ROL TU RDO RJE 'CHANG YAB YUM DKAR PO GTZO, BOR GYUR BA'I RTEN BRTEN PA'I DKYIL 'KHOR YONGS RDZOGS SU LNGAS PAR MOS, ,DE LHAR LNGAS PA DES SNGON OA RANG YAB YUM SNYOMS PAR ZHUGS PA'I SBYOR 'TSAMS KYI 'OD ZER GYIS SNOD BCUD THAMS
, ,CAD 'OD GSAL DU BCUG NAS GZHAL YAS KHANG LA THIM, GZHAL YAS KHANG 'KHOR DANG BCAS PA 'OD DU ZHU NAS RANG LA, RANG YANG STOD SMAD GA-YAS GA-YON MDUN RGYAB THAMS CAD NAS SNYING KHA'I H'UmL, DE YANG RIM GYIS MI DMIGS PAR BSAM PA'I RJES GZHIG DANG RIL 'DZIN GYI SDUD RIM BSGOM BAS, SMIG RGYU NAS 'OD GSAL GYI BAR GYI RTAGS RNAMS 'CHAR, DE LAS LDANG 'DOD PA NA SNGAR GYI 'PHEN PA CUNG ZAD DRAN PAR BYAS TE PHUNG PO RNYING BA SPRUL SKU RDOR SEMS SU BLTAS PA'I SNYING KHAR 'JUG ,DE DANG DUS MNYAM DU LUGS LDOG GI NYER THOG, DE LAS MCHED BA SOGS RTAGS DANG RTAGS CAN BRGYAD KHEB KHEB PAR 'CHAR, SNA BU GNAS CHUNG RGYUB SOGS 'BYUNG, ,RJES THOB TU MIG GSOGS DBANG PO LNGA YUL LA 'JUG PA'I TSE YID SHES KYI YUL LNGA BDE STONG GI RNAM ROL TU YANG DANG YANG DU BSGOM PA SOGS SOR SDU, BUNG SOGS RIGS LNGA SOGS SU BSGOM PA SOGS BSAM GTAN, DE LA YAN LAG LNGA LAS LHA'I RNAM PAR RTZING BAR BSGOM PA RTOG PA, ZHIB BAD SGOM PA DPYOD BA, BSGOM PAS SHIN SBYANGS SKYE BA'I SNGA LTAS KYI DGA' BA NI DGA' BA, SHIN SKYANGS SDES PA'I DUS KYI YID BDE BA NI BDE BA; MNYAM BZHAG GI SKABS KYI SNANG MCHED THOB GSUM 'OD GSAL DANG BCAS PA NI RTZE GCIG PA, SNYING KHAR RTZA 'DAB BRGYAD KYI NGO BO PADMA DMAR PO 'DAB MA SUM RIM PA 'AM RTZA 'DAB GSUM RIM PA'I PHYI MA LA DBYANGS DKAR PO, ,BAR MA LA GSAL BYED DMAR PO, ,NAD MA LA RI LI NAG PO, ,THAMS CAD KYI MGOR THIG LE, ,
DBUS SU DHU TI'I NAD DU THIG LE STENG DKAR 'OG DMAR KHA SBYAR SRAN MA PHRA MO 'AM YUNGS DKAR TZAM, NANG DU AA THUNG SHAD KYI RNAM PA CAN 'OG ZUR GYI RTZA MO PHRA BA, KHA DOG SNGON PO, ,DE'I STENG DU ZLA CHOS DMAR PO; ;DE'I TENG DU THIG LE DKAR PO, ,DE'I N'AD SDON PO SHEL RTOG DANG SHEL THAG LTA BUR GSAL GDAB, DE NAS AA THUNG LA RTZE GCIG TU MNYAM PAR BZHAG PAS, RLUNG DBU MAR ZHUGS PA, NAS 'OD GSAL GYI BAR GYI RTAGS RNAMS 'CHAR, DE NAS SNGAR LUS DBEN GYI SKABS LTAR GTUM MO SBAR, DE'I MTHUS LUS KYI RTZAN THAMS CAD NA BYANG SEMS PA MO LTA BU SKYA KHAG GI YOD BA RNAMS ZHU NAS STENG 'OG GA-YAS GA-YON MDUN RGYAB THAMS CAD NAS 'DUS PA'I, RTZA RTZE NAS SNYING KHA'I RTZA 'DAB PHYI MA'I BAR LA CHA BZHIR BYAS PA'I CHA DANG PO LA 'DUS PA NA SMIG RGYU, GNYIS PA NA DU BA, GSUM PA LA MKHA' SNANG; BZHI PA LA MAR ME, DE NAS PADMA'AM RTZA 'DAB PHYI MA'I YI GE LA DGA' BA DANG SNANG BA BAR MA'I YI GE LA MCHOG DGA' DANG MCHED BA, NANG MA'I YI GE LA KHYAD DKA' DANG NYER THOB, AA THUNG LA THIM PA NA LHAN SKYES DANG 'OD GSAL SHAR BAR MOS LA DE STONG SBYAR, DE NAS PHAR SPRO BA NA SNGAR GYI 'PHEN PA DRAN PA 'AM 'OD GSAL LAS LDANG BAR RTZOM PA NAS MA LANGS KYI BAR LUGS LDOG GI 'OD GSAL, DE NAS BYANG SEMS RTZA 'DAB NANG MA'I YI GEL SLOB PA NA LUGS LDOG GI NYER THOB NAS, RTZA RNAMS KYI RTZER SLEB PA NA SMIG RGYU'I BAR GYI RTAGS RNAMS SHAR BAR MOS; ;YANG SNGAR LTAR TSUR BSDU, DE LTAR YANG YANG SBYANG ZHING, LONGS SKUR LDANG 'DOD PA NA SNGAR LTAR LDANG BA SOGS BYA, DE'I LAG RJES LA GZUNG 'DZIN GYI RNAM RTOG BSKYED
, ,PA'I RLUNG BCU GNYIS BSDU THUB BA 'BYUNG, SNYING KHA'I THIG LE AA THUNG DANG BCAS PA SNGAR LTAR GSAL GDAB, DE LA RTZE GCIG TU MNYAM PAR BZHAG PAS RLUNG DBU MAR ZHUGS PA NAS 'OD GSAL GYI BAR GYI RTAGS 'CHAR, DE NAS AA THUNG GI N'AD LAS 'OD DKAR PO SPOS RINGS KYI DU BA PHRA MO TZAM DANG DE'I LOG LA RLUNG THAMS CAD 'DUS SHING SROG 'DZIN GYI RLUNG GTZO CHE BA MDOG DKAR LA SNGO MDANGS YOD PA 'OD ZER LNGA PA CAN PHRA MO ZHIG 'BYAR BA 'AM BRTEN PA'I TSUL DU YOD PA SPROS, MGRIN PA'I RTZA 'KHOR TZAM DU SLEB, DE NAS N'AD LA 'JUG PA'I RANG GDANGS AOm, ,GNAS PA'I RANG GDANGS A'A: LDANG BA'I RANG GDANGS H'Um GI SGRAR, GRAGS SHING LNGAR 'JUG GNAS GSUM YUN TSAD MNYAM PAR MOS, ,DE NAS LDANG BA'I TSE RIM GYIS MGRIN PA, SNYING KHA, SPYI BO, ,SMIN 'TSAMS, PHYI ROL TU SOR BZHI TZAM, 'DZUB GANG TZAM LDANG BAR MOS SHIN NANG DU 'JUG PA SOGS GONG LTAR, DE LTA BUL YANG YANG SBYA BTE GOM PA NA 'OD MED PAR BYAS TE RLUNG RANG LA DE LTAR SPYANGS, RTZA BA'I RLUNG GZHAN BZHI LA RDOR BZLAS BYED PA LA BYA BA BYED 'OG TU 'BYUNG BA LTAR DANG, THUR SEL LA 'OG SGO NAS RDOR BZLAS BYA, MNYAM GNAS DANG GYEN RGYU RANG RANG GI MDOG CAN GTZO BO DANG RLUNG GZHAN RNAMS KYI CHA SHAS YOD PA LA BYA, YAN LAG GI RLUNG LA RDOR BZLAS BYED NA GZHIN BZHI MIG SOGS DBANG PO SO'I SGO LA SNYING KHA'I DBU MA NAS RTZA THAL LE YOD PAR MOS TE DE'I NANG NAS BYA, NGES PAR RGYUB PA SPU'I BUG THAMS CAD PA RTZA RTZE THON PAR BYAS NAS DE'I NANG NAS BYA ZHING 'DI LNGA YANG 'OD ZER LNGA BA CAN DU 'DRA LA PHYI MA 'DI LUS SHES KYI BZHON PAR GYUR BA'I RLUNG LA DMIGS NAS BYED PA YIN PAS KHYAB BYED DANG BYED TSUL 'DRA YANG RLUNG MI 'DRA, SROG THUR
BSREB LA RGYAB BYAS DANG 'BROS 'DER GNYIS, DE LTA BU'I RDOR BZLAS KYI SKABS SU YANG BDE CHEN SKYED BA'I PHYIR DU GTUM MO 'BAR 'DZAG BYA ZHING LONGS SKU'I BSREB SOGS KYANG SNGAR DANG 'DRA, LAS RGYAL RIGS BZHI YOD PA'I PADMA CAN LUS RING THUNG PHRA SGOM 'CHAM PA, BZHIN ZLUM PA, DBYIBS LEGS PA, DRI ZHIM PA, RGYUD DUL PA, RTZA KHA 'BYED SLAB SOGS YIN PAS DE LTA BU BCAL, LAM THUN MONG MAS RGYUD SBYANG BA SOGS BYAS LA, RANG GI SRIN LAG LA HRI: BA KOD DE BHA GA MA NYE, NGES SID KYI SGRA RANG SHUGS KYIS 'BYUNG BA, LUS 'DAR PA, RTZA KHA NAS CHU 'DZEG PA SOGS BYUNG NA RTZA KHA PHYE PA YIN ZHING, DE YANG BYA ROG GDONG LAS PHYIR SOR GCIG GAM MA MTHA' PHYED TZAM NANG BYUNG BA NA, RANG GI RTZA NANG DU BCUG TE RTZA RDO RJE SKYIL KRUNG BYA, DE NAS RTZA GNYIS PA SNOL 'TSAMS SU PHAN TSUN NAS RLUNG CUNG ZAD 'DUS TE KHA SBYANG BA'I RLUNG RDO RJE DKYIL KRUNG BYA, DE NAS BYANG SEMS RANG SHUGS KYIS BABS PA'AM RLUNG CUNG ZAD RE GYEN DU SONG TE GTUM MO BSKUL TE, DES BYANG SEMS DKAR DMAR SNYING KHA NAS PHAB TE RTZA GNYIS PA SNOL 'TSAMS KYI RLUNG GI DBUS SU PHAN TSUN GCIG GIS GCIG MI SGRIB PAR 'PHRAD DE KHA SBYAR BA'I THIG LE RDE RJE DKYIL KRUNG BYA, DE LA RTZE GCIG TU MNYAM PAR BZHAG PAS RLUNG DBU MAR ZHUGS PA NAS 'OD GSAL GYI BAR GYI RTAGS RNAMS 'CHAR, GTU MA MO SBAR TA YAS BABS DANG MAS BRTAN GYI DGA' BZHI BSKYED TSUL SNGAR LTAR BYAS LA BDE STONG RDO RJE DKYIL KRUNG BYA, YE RGYA DANG SBYAR NAS BSGOM PA'I TSE YANG DMIGS PA 'DI BZHIN BYED, SNYING KHAR MI SHIGS BA'I THIG LE AA THUNG DANG BCAS PA SNGAR LTAR GSAL GDAG ,BA SBU'I BU GA THAMS CAD NAS RTZA RTZE BA SNYING KHA'I DH'U TI LA ZUG PA BYAS
, ,LA; AA THUNG LA DMIGS TE BSGOM PAS RLUNG DBU MAR ZHUGS PA NAS, 'OD GSAL GYI BAR GYI RTAGS RNAMS 'CHAR, DE NAS AA THUNG LAS 'OD ZER PHRA MO NYI 'OD 'PHROS PA LTAR RTZA NANG THAMS CAD NAS {H'Um} GI GDANGS KYIS PHYIR 'PHROS, RTZA RTZE NAS BZUNG STE LUS KYI CHA THAMS CAD LA KHYAD PA'I RLUNG THAMS CAD BKU GNAS NANG DU H'Um GI GDANGS KYIS 'JUG ,DE'I TSE RTAGS DANG RTAGS CAN BRGYAD PO 'CHAR, AA'I GDANGS KYIS AA THUNG GI STONG SMAD PAR GSUM THAMS CAD NAS THIM STE GNAS, YANG SPROS, YANG BSDUD TE BDE STONG SBYAR, SNYING KHAR MI SHIGS PA AA THUNG DANG BCAS PA GSAL GDAB, GSAR GNAS KYI THUR SEL GYIS GTZO BYAS PA'I 'OG 'GRO'I RLUNG RNAMS YAR DRANGS TE AA THUNG GI 'OG ZUR NAS BSTIM ZHING, DE'I TSE SBYOR BA 'JAM POS SMAD KYI BYED BCINGS CUNG ZAD DAG PAR BYA, SROG 'DZIN GYIS GTZO BYAS PA'I STENG 'GRO'I RLUNG RNAMS MAR DRANGS TE AA THUNG GI STENG ZUR NAS BSTIM ZHING, DE'I TSE MCHIL MA CUNG ZAD MID DE MNAN, THAD KA'I RLUNG RNAMS KYANG BSTIM LA RLUNG 'DZIN PA'I YUN TSAD, LAG PA GNYIS LAN GSUM MNYES, PUS MO GNYIS DANG DBRAL BAR REG ,SE GOL LAN GSUM GTOGS PA'I YUN SO DRUG BUM PA CAN CHUNG DU, DON GNYIS 'BRING; BRGYA RTZA BRGYAD CHEN PO STE, DE DAG NUS NUS KYI BAR DANG, DE NAS KYANG SBYANG DGOS MOD KYANG DANG POR CI TZAM 'TSAMS PA BLO NUS DANG BSDUN TE YANG YANG SBYANG, RLUNG DBU MAR 'DUS PA LAS BYUNG BA'I RTAGS DANG RTAGS CAN BRGYAD 'CHAR, BDE STONG SBYAR, SNYING KHAR MI SHIGS PA AA THUNG DANG BCAS PA GSAL GDAB, KHYAB BYED KYI SKABS LTAR AA THUNG LAS 'OD ZER LCAGS KYU LTA BU RTZA LAM
THAMS CAD NAS BSPU'I BU GA'I SGO NAS PHYIR 'PHROS, PHYI ROL GYI SNOD BCUD THAMS CAD KYI RLUNG RNAMS BKUG ,RTZA RTZE RNAMS SU BSDUS, DE NAS AA THUNG LA BSTIM PA RJES GZHIG DANG 'DRA BA'I SDUD RIM DANG, PHYI ROL GYI RLUNG MI BSDU BAR LUS KYI RLUNG THAMS CAD BSDU BA RIL 'DZIN DANG 'DRA BA'I SDUD RIM STE, DE BSGOMS PAS RLUNG DBU MAR 'DUS PA'I RTAGS DANG RTAGS CAN 'CHAR, BDE STONG SBYAR PHYI'I RKYEN LAS RGYA DANG SNYOM PAR 'JUG PA'I NANG NAS KHYAB BYED LA DMIGS PA'I RDOR BZLAS SOGS GANG RUNG BYAS PA LA BRTEN NAS RLUNG THIM PA'I RTAGS DANG RTAGS CAN SHAR BA'I 'OD GSAL NI SEMS DBEN DPE'I 'OD GSAL MTHAR THUG YIN, DE LAS LDANG BAN PHUNG BO RNYING BA'I PHYIR ROL DU RDO RJE 'CHANG DKAR PO YAB YUM GTZO BOR GYUR PA'I RTEN BRTEN PA'I DKYIL 'KHOR YONGS RDZOGS SU LDANG, SGYU MA'I SKU DE DBE BCU GNYIS KYIS MTSON, SKU DES SKU'I TING NGE 'DZIN SEMS DPA' AOm GYI THIG LE'I NANG DU GSUNG GI DAM TSIG SEMS DPA' SOGS SEMS DPA' DGU BRTZEGS BSGOM PAS RLUNG SNYING KHRA BSDUS PA'I RTAGS DANG RTAGS CAN 'CHAR, STONG NYID BSGOM, YID NGOR DAG PA'I SGYU LUS SU LDANG, RTEN BRTEN PA'I DKYIL 'KHOR SPRUL BA SOGS PHRA BA'I SPRUL SKU DU MA 'DZIN PAR BYED, PHUNG PO RNYING BA'I SNYING KHAR 'JUG RJES THOB KYI NYAMS LEN RNAMS SKYONG, SNYING KHAR MI SHIGS PA AA THUNG DANG BCAS PA GSAL GDAB, AA THUNG LAS SPROS PA'I 'OD ZER GYIS PHYI ROL GYI SNOD BCUD THAMS CAD 'OD GSAL DU BCUG NAS RANG LA THIM, RANG 'OD GSAL DU ZHUGS TE AA THUNG LA THIM PA RJES GZHIG DANG, RANG KHO NA 'OD GSAL DU SDU BA RIL 'DZIN BSGOMS PAS, RLUNG DBU MAR ZHUGS PA NAS 'OD GSAL GYI BAR GYI RTAGS
, ,DANG RTAGS CAN 'CHAR, STONG BZHI DGA' BZHI'I NGO BOR 'BYUNG, BDE STONG SBYAR, NYON SGRIB KYI DNGOS GNYEN DON GYI 'OD GSAL BSKYED, DE LAS SLOB BA'I ZUNG 'JUG GI THOG MA SPANGS BZUNG 'JUG LDANG, DES STONG NYID LA MNYAMS PAR BZHAG PAS RTAGS DANG RTAGS CAN RNAMS 'CHAR, SHES SGRIB REGS PA'I DANG PO'I DNGOS GNYEN DU GYUR BA'I 'OD GSAL DANG , RTOGS PA ZUNG 'JUG GI THOGS MA 'THOB, DE NAS RIM GYIS SHES SGRIB RAGS BSKOR GSUM 'BRING SKOR GSUM PHRA MOR PHRA MO RNAMS KYI DNGOS GNYEN DU GYUR BA'I SA GNYIS PA NAS SA BCU'I BAR GYI DON GYI 'OD GSAL RNAMS 'CHAR; SGYU 'OD ZUNG GSUM DE DAG RE RE LA 'ANG SNGON DU BLA MA TSOGS 'KHOR GYIS MNYES PAR BYUS, BLA MAS DBANG SKUR TE GDAM NGAG PHOG ,DE NAS LAS RGYA DANG SNYOMS PAR 'JUG CING STONG NYID BSGOM PA'I PHYI NANG GI RKYEN GNYIS GNYIS DGONGS PAR 'DRA, 'BRAS BU MNGON DU BYED TSUL NI, SLOB PA MTHA'I 'OD GSAL LTA BU TSES BRGYAD KYI THO RANGS MNGON DU BYAS, DE NAS TSES BCO LNGA'I BAR DE LA MNYAM PAR BZHAG ,BCO LNGA'I THO RANGS 'OD GSAL DE LAS MI SLOB PA'I ZUNG 'JUG KHA SBYOR YAN LAG BDUN LDAN GYI GO 'PHANG MNGON DU BYAS TE 'KHOR BA JI SRID BAR 'GRO BA'I NGON MDZAD CING BZHUGS PAR 'GYUR RO;; ;;CES DPAL GSANG BA 'DUS PA'I DMAR KHRID SHIN DU ZAB PA'I ZHAL SHES DANG BCAS PA 'DI NI KHYAB BDAG 'KHOR LO'I MGON PO DKON MCHOG YAR 'PHEL BA'I GSUNG GI BDUD RTZE'I BREG MA CUNG ZAD MYANGS PA'I GYIN BA NGAG DBANG BLO BZANG CHOS LDAN GYIS BRIS PA GZHAN LA SHIN DU GSANG BAR BYA BA'I SNYING NOR RO,, DGE'O,, LAGS SO,,