, ,KHYAB BDAG RDO RJE 'CHANG PHA BONG KHA PA DPAL BZANG POS THUN DRUG BLA MA'I RNAL 'BYOR DANG, SDOM PA NYI SHU PA, BLA MA LNGA BCU PA, SNGAGS KYI RTZA LTUNG SBOM PO BCAS KYI BSHAD KHRID GNANG BA'I ZIN THO MDOR BSDUS BZHUGS,,
, ,RIGS BRGYA'I KHYAB BDAG RDO RJE 'CHANG PHA BONG KHA PA BDE CHEN SNYING PO DPAL BZANG PO'I ZHABS LA GUS PA CHEN POS PHYAG 'TSAL LO, ,BRTZE BA CHEN POS RJES SU GZUNG DU GSOL, 'DIR PAn CHEN THAMS CAD MKHYEN PA BLO BZANG CHOS KYI RGYAL MTSAN GYI GSUNG THUN DRUG BLA MA'I RNAL 'BYOR GYI RTZA BA DANG, 'GREL PA DAG BYED BDUD RTZI'I BUM BZANG GI STENG NAS LUNG KHRID NOS SKABS KYI ZIN BRIS MDOR BSDUS SU 'GOD PA LA, RJE BLA MA RDO RJE 'CHANG CHEN PO DE NYID KYI ZHAL NAS THOG MAR CHOS NYAN BA'I KUN SLONG KUN SPYOD SOGS MDOR BSDUS RE STZAL TE, RANG CAG GIS GSANG SNGAGS BLA MED KYI DBANG CHEN THOB NAS, BSLAB BYA RNAMS LA NYIN RE BZHIN BSNGO BGRANG MA BYAS NA SNGAGS KYI SBOM PO RE 'BYUNG, NGED TSOS GSANG SNGAGS KYI DBANG CHEN GCIG 'DUG ZER TSAD LA RGYUG STE GANG THOB THOB BYED CING, DAM TSIG BSRUNG MI DGOS PA'I THABS GANG DRAG BYED PA 'DI RDO RJE DMYAL BA'I SGO CHED DU 'BYED PA LTA BU YIN, MI DGE BCU SOGS SDIG PA CHEN PO GZHAN JI 'DRA BYAS KYANG RDO RJE'I DMYAL BAR 'GRO MI THUB KYANG, SNGAGS KYI DBANG CHEN ZHUS TE DAM TSIG MA BSRUNGS NA RDO RJE'I DMYAL BA CHED DU SGRUB PA DANG 'DRA, SNGAGS KYI DBANG ZHU SKABS BSRUNG BYA MANG PO ZHIG NYIN MTSAN DUS DRUG TU BSRUNG BAR KHAS BLANGS YOD PA RNAMS SHES PAR BYAS NAS BSRUNG THUB PA
, ,RNAMS TSUL BZHIN BSRUNG, BSRUNG MA THUB PA RNAMS KYANG THUN DRUG 'DON SKABS DON LA BSAM BLO LEGS PAR BTANG STE SDOM SEMS DANG BSRUNG SEMS LEGS PAR BSTEN NA THUN DRUG GIS NYIN ZHAG RE'I NYES PA'I SGO KHEGS PA 'ONG BAS, KHA TO NA GZHAN MANG PO MA 'GRUB KYANG THUN DRUG 'DI NGES PAR 'DON DGOS, GSANG SNGAGS KYIS YAR RDO RJE 'CHANG DANG, MAR RDO RJE DMYAL BA GANG RUNG DU 'GRO GCIG BYED PA SGOM BRGYAB STE SGRUB PA NYAMS LEN BYAS MA BYAS KYIS MIN PAR DAM TSIG BSRUNG MA BSRUNGS LA RAG LAS BAS 'DI KHE NYEN CHE, MA BSGOMS GYUR KYANG LTUNG MED NA, ,SKYE BA BCU DRUG DAG NA 'GRUB, ,CES SOGS GSUNGS TSUL; DAM TSIG RNAMS BSRUNG BA'I THOG NAS NYAMS LEN TSUL BZHIN BYAS NA RAB TSE 'DI, 'BRING BAR DO SOGS DANG, DMA' MTHA' SKYE BA BCU DRUG TSUN LA 'TSANG RGYA, THUN DRUG 'DI NYIN ZHAG RER ? TSAR DRUG RE MA CHAG PA BYUNG NA SKYABS 'GRO'I BSLAB BYA LA GNAS PAR YANG KHYAD CHE, DER MA ZAD LNGA BCU PAR, MCHOG TU DAD PAS DUS GSUM DU, ,DKYIL 'KHOR ME TOG BCAS THAL MOS, ,STON PA BLA MA BSNYEN BKUR ZHING, ,ZHABS LA SPYI POS PHYAG BYA'O, ,ZHES BLA MAR PHYAG BYA BA SOGS DANG, BYANG SEMS KYI SMON SEMS BZUNG BA SOGS KYANG TSANG, BOD KYI MAN NGAG ZAB ZAB MOR BYED PA SGRUB THABS DANG LAS TSOGS LTA BU PHAL CHE BAR STON PA'I
GSER CHOS SU GRAGS PA RNAMS LAS KYANG THUN DRUG 'DI ZAB GNAD CHE, GRUB MTHA' GZHAN PHYOGS KYI BLA MA GNAD THIGS PA 'GAS 'DI DON GNYER MDZAD PA GSANG SNGAGS KYI GNAD MKHYEN PA'I RTAGS YIN, SNGAR NGOR CHEN KUN BZANG YIN NAM GCIG GIS DBANG BKA' BRGYAD CU'I SKOR GNANG BAS, GZHAN MKHAS PA ZHIG GIS, DBANG GI CHOS 'KHOR BSKOR LAGS SAM, ,DAM NYAMS SA STENG BKANG LAGS SAM, ,DMYAL BA'I SGO MO PHYE LAGS SAM, ,ZHES GSUNGS PA LTAR 'GRO NYEN CHE BAS, DBANG ZHU BAR 'DOD LA, DAM TSIG THUN DRUG 'DI TZAM YANG DON GNYER MI 'DOD PA DE LTAR MI RUNG, DES NA 'DIR THUN DRUG BLA MA'I RNAL 'BYOR GYI KHRID MDOR BSDUS TZAM 'BUL BAR BYED PA YIN GSUNGS, NA MO GU RU SOGS KYI DON GNAD 'DRIL PA RE STZAL TE, THUN DRUG BLA MA'I RNAL 'BYOR GYI KHUNGS BYANG SNGAGS KYI SDOM PA BZUNG BA DANG RJE TZONG KHA PA'I GSUNG RTZA LTUNG RNAM BSHAD, SNGAGS RIM CHEN MO SOGS DANG, MKHAS GRUB RIN PO CHE'I RNAL 'BYOR ROL PA'I DGA' STON SOGS LAS GSUNGS PA LTAR YIN PAS DE DAG LA ZHIB TU MJAL DGOS, RGYUD SDE GONG MA GNYIS KAR SNGAGS SDOM BZUNG BAS THUN DRUG 'DI DGOS, LAS KYI RIGS KYI DAM TSIG LA MDO SNGAGS KYI CHOS THAMS CAD BZUNG BAR KHAS BLANGS PAS 'DI RGYA CHE SHOS YIN, RIGS LNGA'I DAM TSIG BCU DGU PO THAMS CAD THUN DRUG 'DIR BSNGO BGRANG BYAS PAS TSANG, THUN DRUG NAS RE RE CHAGS NA SBOM PO RE DANG, THUN DRUG KA CHAGS NA SPOM PO DRUG RE 'BYUNG, SNGAGS KYI SPOM PO NI SO THAR GYI PHAM PA 'BUM 'GYUR LAS LCI, SA PAn GYIS, DENG SANG BOD 'DIR SO THAR GZUGS BRNYAN TZA MA 'DUG KYANG, SNGAGS GZUGS BRNYAN TZAM
, ,YANG MI 'DUG GSUNGS TSUL, RANG CAG GIS CHOS LAG LEN MA BYAS PA KHO NAS PHONGS PA MA GTOGS, CHOS BYED RGYU MED PA SOGS KYIS MI PHONGS, 'DIR SKYABS YUL GSAL 'DEBS DGOS PAS, MDUN GYI NAM MKHAR LAM RIM 'DI ? MYUR GYI TSOGS ZHING LTAR GSAL BTAB STE, SKYABS 'GRO LAM RIM GYI KHRID NAS BYUNG BA LTAR SKYABS 'GRO'I RGYU GNYIS TSANG BA'I SGO NAS MCHOG GSUM LA SKYABS SU 'GRO, SANGS RGYAS LA SKYABS SU 'GRO SKABS BUS PHA MA LA RE BA LTAR DANG, CHOS LA SKYABS 'GRO'I SKABS SKOM PAS CHU DON GNYER LTAR, DGE 'DUN SKABS LAM GROGS LTAR DRAN TE, SANGS RGYAS CHOS DANG SOGS KYIS SKYABS SEMS BYA, 'DI THUN DRUG KAR TSAR RE RES CHOG ,SKYABS SEMS 'DI RE RE LA'ANG LAM YONGS RDZOGS 'DU ZHING, SEMS BSKYED LA GZHAN DON DON GNYER DANG BYANG CHUB DON GNYER TE THEG CHEN SEMS BSKYED KYI DMIGS RNAM TSANG, NGA TSOS SKYABS 'GRO'I BSLAB BYA TZAM YANG MI BSRUNG BAR CHEN PO ZHIG LA MTHO SNYEG BYED PA 'DIS GANG YANG MI 'ONG BAS, THUN DRUG 'DI GNAD SMIN BYUNG NA SKYABS 'GRO'I BSLAB BYA TSUN KYANG 'DIS TSANG, BDAG GIS SBYIN SOGS SOGS KYIS SMON SEMS BSKYED PAR KHAS BLANGS PA'I GO YANG CHONG, 'DIR SBYIN BA SOGS GTONG BSRUNG BSGOM PA GSUM GYI DGE RTZA THAMS CAD SEMS BSKYED KYI RJES SU BYAS PA YIN, SBYIN SOGS BGYIS PA'I BSOD NAMS ZHES PA DANG, SBYIN SOGS BGYIS PA 'DI DAG CES PA GNYIS 'GYUR KHYAD TZAM YIN PAS GANG BTON KYANG KHYAD MED, SANGS RGYAS CHOS TSOGS MA 'DI JO BO CHEN POS BOD DU BSGYUR BA DANG,
YANG JO BOS MDZAD PA YIN ZHES PA'I GSUNG LUGS GNYIS YOD KYANG PHYI MA LTAR YIN, SKYABS BGROS MA ZIN NA NANG PA SANGS RGYAS PAR MI TSUD, SEMS BSKYED MED NA THEG CHEN DU MI 'GRO, JO BO DANG SH'ANTI PAS PHYI NANG GI KHYAD PAR SKYABS 'GROS 'BYED PAR BZHED PA; RJE CHOS RGYAN GYIS KYANG, DANG PO BSTAN DANG THEG CHEN LA, ,'JUG PA'I SGO DANG GZHUNG SHING PHYIR, ,SKYABS 'GRO SEMS BSKYED, CES GSUNGS, SO THAR GYI SDOM PA LUS DANG, SKYABS 'GRO MA GO LTA BU YIN, DGE RTZA RNAMS BLA MA RGYAL BA SRAS BCAS KYIS SEMS CAN THAMS CAD 'DREN PA'I CHA RKYEN DU PHUL TE, DE LA BRTEN NAS BDAG GIS SEMS CAN THAMS CAD KYI DON DU SANGS RGYAS THOB PAR BYED SNYAM DU SEMS BSKYED, SEMS CAN THAMS CAD NYE RING CHAGS SDANG DANG, ,SOGS NI BTANG SNYOMS DANG, BYAMS PA, SNYING RJE, DGA' BA STE TSAD MED BZHI, 'DIS RIN 'BYUNG GI DAM TSIG NAS MI 'JIGS DANG BYAMS PA'I SBYIN PA GNYIS SOGS TSANG, TSAD MED BZHI NI SEMS BSKYED GONG 'PHEL DU GTONG TSUL TE, DPER NA BU GCES PA NA BA'I MAS BU DRAN DRAN PAS BU SDUG BSNGAL DANG BRAL 'DOD KYI SNYING RJE GONG 'PHEL DU 'GRO BA LTAR YIN, SEMS BSKYED CES PA SEMS RGYA BSKYED DE CHE RU BTANG BA LA ZER, YANG 'DIS RIN 'BYUNG GI DAM TSIG KYANG SDUD, 'GRO KUN SRID ZHI'I SOGS SMON SEMS DAM BCA' CAN BZUNG TSUL; SPYIR SMON SEMS TZAM LA CHOGS BZUNG MI DGOS, BYANG SEMS TZAM DANG 'JUG SEMS DON MI GCIG ,'JUG SEMS LA MTSAMS 'DIR, BLA MA RGYAL BA SRAS BCAS RNAMS, ,SOGS DGONGS GSOL RE SNGON DU BTANG NAS 'JUG SDOM
, ,BLANG BA LAN GSUM GYI RJES ZLOS BYED PAR MOS DGOS, DE YANG SNGON GYI RGYAL BA RNAMS KYI MDZAD PA LA MTHUN DPE SBYAR TE, JI LTAR SNGON GYI SOGS NAS, BSLAB PAR BGYI, ,BAR LAN GSUM BRJOD, RIM PA BZHIN DU BSLAB CES PA LAM LA GO RIM MA NOR BAR SLOB PA LAS MTHO SNYEG MI BYED CES PA'I DON, LAN RJES MA'I TSIG RKANG THA MA'I MJUG TU BYANG SDOM THOB PA'I MOS PA BYED, 'DI SDOM PA LEN PA YIN PAS RJES ZLOS BYA BAR MOS DGOS, SA LUGS RJES MA SOGS LA RJE ZLOS MI MDZAD PAR MNYAM DU GSUNGS BAS DES SDOM PA LEN PA'I GO MI CHOD, BLA MED SNGAGS SDOM SOR CHUD DKA', BYANG SEMS, DENG DUS BDAG TSE SOGS KYIS PHAN YON BSAMS TE DA RES MI LUS THOB PA'I RTEN LA DON CHEN PO RNYED TSUL, DE RING PHAN LA MA SHI BA LEGS SNYAM PA DGOS TSUL SOGS GSUNG, RGYAS PAR NA, LONG BAS PHYAG BDAR PHUNG PO LAS, ,SOGS NAS, LHA DANG LHA MIN LA SOGS DGA' BAR GYIS, ,ZHES PA'I BAR SBYAR CHOG ,DE NAS SKYABS YUL RNAMS RANG GI SMIN MTSAMS NAS BSTIM, BLA MA'I RNAL 'BYOR DNGOS GZHI LA, MDUN GYI NAM MKHAR YID 'PHROG RIN CHEN KHRI, ,ZHES SOGS RTZA KHRID GNYIS SU GSAL BA RNAMS GZHUNG LTAR BSTZAL, RGYAL BA RGOD TSANG PAS, BSKYED RIM BSGOM PA MANG LAGS TE, ,BLA MA BSGOM PA'I GONG NA MED, ,SOGS GSUNGS PA LTAR PHAN YON CHE BA, BYIN RLABS MYUR BA, BAR CHAD SEL BA SOGS GANG LA'ANG BLA MA LA GSOL BA 'DEBS PA LAS LHAG MED PAS DGE SBYOR THAMS CAD LA BLA MA'I RNAL
'BYOR LAM GYI SROG TU BYED DGOS, BSGOM TSUL BLA MCHOD LTAR KHROM TSOGS, 'JIGS BYED LTAR MTHO BRTZEGS, KUN 'DUS NOR BU'I LUGS BLA MA GCIG BSGOM PA GSUM LAS, 'DIR PHYI MA LTAR BYED, BLA MA BSGOM PA'I GNAS NA, AA BHA DHA NA' RGYUD LAS, DRIN NGAD LDAN PA'I BLA MA DE, ,LAG PA'I MTHIL LAM SNYING GI DKYIL, ,LUS KYI CHA SHAS GAR BSGOMS KYANG, ,SANGS RGYAS STONG GI BYIN RLABS KYANG, ,GANG ZAG DE YIS SDUD PAR BYED, ,GSUNGS PA LTAR SPYI BOR, NAM MKHAR, SNYING GAR BSGOM TSUL SOGS YOD, MTHO DMAN NI, MTHO BAS RGOD PA DANG DMA' BAS BYING BA SKYE BAS 'DIR MTHO DMA' RAN PA SMIN MTSAMS KYI THAD TZAM DANG, THAG RING THUNG BRKYANG PHYAG 'TSAL NA SENG KHRI'I RTZAR LAG RTZES SLEB THUB PA'I TSOD TZAM DGOS, SENG KHRIS MI 'JIGS PA BZHI'AM DBANG PHYUG BRGYAD MTSON, SNA TSOGS PADMA DANG NYI ZLA'I GDAN GSUMN GYIS THUN MONG BAR LAM GTZO GSUM DANG, THUN MONG MA YIN PAR 'OD GSAL, SGYU LUS, ZUNG 'JUG GSUM LA BLA MA RANG NYID KYIS MNGA' DBANG BSGYUR BA DANG, DE RNAMS BLA MA RANG NYID KYI THUGS RGYUD LA YOD BAR MTSON, SANGS RGYAS THAMS CAD RANG 'DREN PA'I PHYIR BLA MA'I RNAM PAR BYON PAS RANG GI BLA MA 'DI SANGS RGYAS THAMS CAD KYI SPRUL PA'I RANG GZUGS YIN PAR SHES NA MA MA'I RNAL 'BYOR GYI GNAD TSANG, 'DIR RTZA BA'I BLA MA RDO RJE 'CHANG GI RNAM PAR BSGOM PA YIN, RANG GI TSE SNGON MA'I BLA MA YANG DA LTA'I BLA MA 'DI NYID RANG 'DREN PA'I PHYIR DU YANG YANG BYON PA LAS GZHAN LOGS SU MED DE, JO 'BROM YAB SRAS KYI RNAM THAR LTA BU YIN, DE YANG, ZHING KHAMS
, ,THAMS CAD SKU LA SNANG ZHING, SKUS ZHING KHAMS THAMS CAD LA KHYAB PA, SKU'I BA SPU'I KHUNG BU RE RE LA'ANG MDZAD PA BCU GNYIS SOGS KYI RNAM PAR ROL BZHIN PA, PHYOGS BCU'I ZHING RAB 'BYAMS SU SEMS CAN GYI DON DU SPRUL PA GSAR DU PHAR BKYE BA DANG, DON MDZAD ZIN GYI SPRUL PA TSUR SDUD PA SOGS CHU ZLA DANG MIG 'PHRUL BZHIN DU SPRUL PA'I ROL GAR BYE BA THER 'BUM DU 'GYED BZHIN PA BSAM DGOS, NGES DON GYI BLA MA NI BDE STONG GNYIS SU MED PA'I YE SHES TE, DE BDE GSHEGS RIGS LNGA DANG, RIGS BRGYA SOGS SANGS RGYAS THAMS CAD KYI SPRUL GZHI YIN, DES NA RIGS BRGYA RIGS LNGA DANG, DE RIGS GSUM DANG, DE GSANG CHEN RIGS GCIG TU TSUR BSDU ZHING, PHAR SPRO BA'I BDAG PO YIN PAS NA KHYAB BDAG CES BYA, YUM GYI SKU MDOG YONGS GRAGS RDO RJE 'CHANG NYID DANG 'DRA BA SNGON POR BYED PA'AM, THUN MONG MA YIN PA LTAR NA GTUM MO'I RANG GZUGS SAM RJES CHAGS GYI NGO BO YIN PAS SKU MDOG DMAR PO BYAS KYANG CHOG ,NGES DON GYI RDO RJE BDE BA CHEN PO'I YE SHES DANG, NGES DON GYI DRIL BU STONG NYID RTOGS PA'I SHES RAB GNYIS DUS RTAG TU 'DZIN PA'AM 'CHANG BA LA DPA' BAS NA RDO RJE 'CHANG NGAM, RDO RJE SEMS DPA', LHA'I PA-NYTZA LI KA'I NA BZA' NI DBYAR BSIL LA DGUN DRO BA, SRAB LA 'JAM PA, TSUR BSDUS NA SOR MO'I BAR DU CHUD CING, PHAR BKRAM NA STONG GSUM KHYAB PA SOGS NGO MTSAR BA'I YON TAN DU MA DANG LDAN PA, GDUNG BA SEL BA LA SKYES BU GSUM GYI LAM GYI SPANG BYA'I GDUNG BA SEL LUGS MI 'DRA BA
SOGS MANG DU YOD TSUL, DE YANG LDOG PHYOGS NAS GDUNG BSEL BA, SGRUB PHYOGS NAS DE SEL BYED KYI LAM STON PA LA SBYAR, RJE RIN PO CHE SOGS KYI RDO RJE'I SKYIL KRUNG MDZAD PA NI SKYIL KLUNG BZHI LDAN GYI NGO BOR 'TSANG RGYA BA'I BRDA THABS BSTAN PA YIN, SANGS RGYAS RNAMS SANGS RGYAS PA NA RIGS LNGA'I NGO BOR 'TSANG RGYA DGOS TE, DE MIN NA RNAM SNANG MED NA SKU RDO RJE MED PA SOGS SU 'GYUR, DES NA SKU RDO RJE SOGS YOD PA SANGS RGYAS KHO NA YIN PAS 'DIR YANG GNAS GSUM DU RDO RJE GSUM GYI NGO BO YI GE 'BRU GSUM GYIS MTSAN PA SANGS RGYAS KHO NA'I KHYAD CHOS YIN GSUNGS, SPYAN 'DREN PA LA, YE SHES JI SNYED KHYAB GYUR PA, ,SKU YIS KYANG NI DE SNYED KHYAB, ,CES PA LTAR SANGS RGYAS KYI THUGS RNAM PA THAMS CAD MKHYEN PA'I YE SHES KYIS SHES BYA THAMS CAD LA KHYAB, DES GAR KHYAB LA SKUS KHYAB PAS CHOS SKU'I DBYINGS NAS GZUGS SKUR BZHENGS PA TZAM LAS, RGYANG RING PO ZHIG NAS SPYAN 'DREN MI DGOS KYANG, DE 'DRA'I NGES SHES MA RNYED PA RNAMS LA LONGS SKU'I ZHING NAS SPRUL SKU'I RNAM PAR SPYAN 'DREN PAR GSUNGS PAS, MDUN GYI NAM MKHAR BLA MA DAM TSIG PA GSAL BTAB PA LA BLA MA YE SHES PA SPYAN DRANGS NAS BSTIM, DE YANG RDO RJE 'CHANG GI THUGS KA'I H'Um LAS 'OD ZER 'PHROS PAS 'OG MIN, ,MKHA' SPYOD, MNGON DGA', BDE BA CAN SOGS PHYOGS BCU'I ZHING NAS BLA MA RDO RJE 'CHANG LA SANGS RGYAS BYANG SEMS GRANGS MED PAS BSKOR BA SPYAN DRANGS NAS GCIG TU 'DRES PA DZA: H'Um SOGS KYI SKABS RDO RJE 'CHANG GI SPYI BOR BYON PA SOGS DBUG GZHUG BCINGS MNYES BYA TSUL, 'DIS MI BSKYOD PA'I
, ,DAM TSIG ,SLOB DPON DAG KYANG GZUNG BAR BGYI, ,ZHES PA TSANG TSUL SOGS THUN DRUG RTZA BA'I MCHAN LTAR GSUNG, PHYAG 'TSAL GYI TSIG GANG DRIN MA'I DON BLA MA'I DRIN GYIS BDE CHEN YE SHES SKAD CIG LA 'THOB PAR GSUNGS PA 'KHOR BA THOG MTHA' MED PA LA BLTOS TE RANG RE'I TSE THUNG 'DI SKAD CIG MA'I TSOR DU GSUNGS PA YIN, RDO RJE CAN NI RDO RJE 'CHANG GI MTSAN GYI RNAM GRANGS RED, MA RGYUD KYI DBANG THOB PA TSOS MTSAMS 'DIR RDO RJE 'CHANG 'KHOR LO BDE MCHOG TU MOS TE RKANG BRGYAD KYI BSTOD PAS BSTOD, RANG YI DAM DU GSAL BA'I SNYING GA NAS MCHOD LHA SPROS TE MCHOD PAS BLA MA'I THUGS RGYUD LA BDE STONG GI YE SHES 'KHRUNGS PAR MOS PA SOGS PHYI NANG GSANG BA DE KHO NA NYID KYI MCHOD PA PHUL BA'I MOS PA BRTAN PO BYA, MAndAL ? BSDUS PA 'BUL, AI DAm GU RU SOGS BRJOD DGOS, 'DIS MCHOD PA'I LAS NI CI NUS BGYI, ,ZHES PA DANG, LNGA BCU PAR, BLA MA LA MAndAL ? DUS DRUG TU 'BUL DGOS TSUL GSUNGS PA RNAMS TSANG, DUS GSUM PHYOGS BCU'I SOGS KYIS BSHES GNYEN BSAM PAS BSTEN TSUL GYI RTZA BA DAD PA SBYANG PA STE, SPRUL GZHI'I SANGS RGYAS THAMS CAD LAS SPRUL PA DGE SLONG NGUR SMRIG 'DZIN PA'I RNAM PAR BZHENGS PA RNAMS BSTAN, GRANGS MED ZHING DU RGYAL BA'I MDZAD PA MCHOG GSUNG GI MDZAD PA BSTAN PA, 'DI SNGAGS KYI DAM TSIG MIN YANG LAM RIM GYI BSHES GNYEN BSTEN TSUL GYI GNAD BSDUS PA YIN, RDO RJE 'CHANG GIS BLO DMAN BSAM PA'I NGOR, ,SOGS KYIS BKA' DRIN RJES DRAN GYI GUS PA SKYED PA STE, BLA MCHOD
LAS; DUS GSUM PHYOGS BCU'I RGYAL BA SOGS GSUNGS PA DANG GNAD GCIG ,MCHOG DANG THUN MONG DNGOS GRUB MA LUS KUN, ,ZHES SOGS TE, MCHOG THUN MONG GI DNGOS GRUB THAMS CAD BLA MA TSUL BZHIN BSTEN PA'I PHAN YON DU SNYING NAS MTHONG STE, BSAM SBYOR PHUN SUM TSOGS BAS RTAG TU MNYES PA RNAM GSUM TSUL BZHIN SGRUB PA, 'DI DAG MAR BAS N'A RO DANG, N'A ROS TEE LO PA BSTEN TSUL SOGS LTAR DGOS TSUL, RJE TZONG KHA BAS, DE NAS 'DI PHYI'I LEGS TSOGS JI SNYED PA'I, ,SOGS DANG, MDO SDE RGYAN LAS, BKUR STI RNYED PA DAG DANG RIM GRO DANG, ,SOGS LTAR BLA MA'I ZHABS TOG LA DMAN 'BRING MCHOG GSUM YOD, ZHABS TOG RAB NI BLA MAS CHOS GSUNGS PA'I DON SGRUB PA NYAMS LEN BYED PA YIN, DON BSAMS TE GOMS NA TSIG GCIG BTON KYANG DON RGYA CHEN PO BSGOM SHES PAS SA CHOD CHE, DBANG BZHI THUN MONG DANG THUN MONG MA YIN PA LEN NA KHYOD NI BLA MA SOGS BLA MCHOD LTAR BYA CHOG ,DE NAS TSOGS ZHING BSDU BA LA, DE LTAR GSOL BA SOGS KYI TSE SENG KHRI PANG ZLAR THIM, BLA MA RANG GI SPYI GTZUG TU RANG DANG ZHAL BLTA PHYOGS MTHUN PAR DGYES BZHIN BZHUGS, N'A RO CHOS DRUG GI 'PHRUL 'KHOR BYED NA MTSAMS 'DIR BYA, DE NAS BLA MA SPYI BO NAS RTZA AA WA DH'U T'IR BRGYUD RANG LA THIM PA'I RKYEN GYIS, SNYING GAR MI SHIGS PA'I THIG LE STENG DKAR 'OG DMAR BA'I NANG DU RANG SEMS SHIN TU PHRA BA'I RLUNG SEMS H'Um YIG DKAR LA DMAR MDANGS CHAGS PA BDE BA CHEN PO'I RANG BZHIN CAN 'OD ZER KHA DOG LNGA 'PHRO BA ZHIG TU BSAMS TE SGYU LUS NANG LDANG GI DMIGS PA BSKYANG, BLA MCHOD KYI, SNYING GA'I 'DAB BRGYAD DH'U T'I'I
, ,DBUS DAG TU, ,SOGS KYANG 'DI DANG 'BAB SO GCIG YIN, DE NAS SNOD BCUD RNAMS H'Um DANG, H'Um GI ZHABS KYU HA LA THIM PA SOGS SDUD RIM RGYAS BSDUS GANG RUNG DANG, SNANG MCHED THOB GSUM, BSRE BA SKOR GSUM SHES NA BSGOM, RO GCIG GYUR, ,CES PA'I MTSAMS SU BAR STONG BZHAG STE SGYU LUS DANG 'OD GSAL YANG BSGOM CHOG ,DE MA SHES KYANG, RANG GI LTA BA ZHAG TU MA DRAN DANG, ,ZHES PA'I SNGAGS KYI RTZA LTUNG 'GOG PHYIR RANG LA DBU SEMS SOGS KYI LTA BA GANG YOD BA DE BSGOMS NAS, SNOD BCUD MTHA' DAG SGYU MA RMI LAM DANG, ,CHU ZLA BZHIN DU NGO BO NYID KYIS STONG, ,BDEN PAR MED KYANG MING BRDAS PHAR BTAGS KYI, ,SNANG BA CHU LAS CHU BUR BRDOL BA BZHIN, ,BDAG NYID RDO RJE SEMS DPA'I SKUR BZHENGS TE, ,LHAN SKYES BDE CHEN ZHES SOGS SBYAR BA GUNG THANG RIN PO CHES GSUNGS PA BZHIN BTON THUB NA LEGS, STONG PA'I NGANG LAS GZHUNG LTAR RDO RJE 'CHANG DKAR PO YUM BCAS KYI SKUR LDANG NAS DAM TSIG GSUM BZUNG BA'AM, YANG NA, GSANG BDE 'JIGS GSUM LTA BU YI DAM GANG YIN GYI SKUR LDANG BA RANG GI MOS PA LTAR BYED CHOG PA SNGAGS ZUR RDO RJE 'CHANG GI GSUNG RGYUN MAN NGAG YIN, 'BRU GSUM SOGS KYI BSNYEN PA BYED 'DOD NA MTSAMS 'DIR BYAS KYANG CHOG ,DAM TSIG GSUM NI RDO RJE SKU, DRI LA BU GSUNG, LHA SKU PHYAG RGYA'I DAM TSIG GSUM MO, ,DE YANG RDOR DRIL NI RDO RJE 'CHANG GIS NGED LA NGES DON GYI RDOR DRIL BDE BA CHEN PO'I YE SHES DANG, STONG NYID RTOGS PA'I SHES RAB KYI DRAN GSO LTA BUR GNANG BA RED, 'JIGS
BYED KYI PHYAG MTSAN GRAL DU RDOR DRIL YOD PAS RANG 'JIGS BYED DU MOS NA DAM TSIG GSUM BZUNG PA'I GO CHOD, RDOR DRIL SOGS SNGAGS KYI DAM RDZAS RNAMS MKHAS GRUB RJES RNAL 'BYOR ROL PA'I DGA' STON DU GSUNGS PA LTAR MA MTHA' RI MOR BRIS PA TSUN TSANG BA BYAS TE BCANG DGOS, SNGAGS KYI DAM TSIG GI RDZAS TSANG NA DPA' BO MKHA' 'GRO RNAMS SHA RUL LA SBRANG MA 'THIBS PA LTAR 'DUS NAS LAM GYI GROGS MDZAD PAR GSUNGS, DE LTAR DAM TSIG GSUM BZUNG PAS RNAM SNANG GI DAM TSIG RDO RJE DRIL BU PHYAG RGYA YANG, ,ZHES PA'ANG THUN DRUG 'DIR TSANG, BDAG GI LUS DANG ZHES SOGS NAS, PHANGS PA MED PAR GTANG BAR BYA, ,ZHES PA DGE BA'I PHUNG PO BTANG BA CHOS DANG, LUS LONGS SPYOD BTANG BA ZANG ZING, YANG NA RANG GI LUS SEMS CAN RNAMS LA GANG LA GANG 'DOD KYI YID BZHIN GYI LUS SU BSGYUR NAS BTANG BAR BSAM, PHONGS PA'I SDUG BSNGAL GROL BAR YONGS SU RAB BRTZON ZHING, ,SOGS LTAR RIN 'BYUNG SER SNA DAG CHA LHAR SHAR BA, MI BSKYOD PA NI GZUNG BA DANG 'DZIN PA'I RNAM RTOG GIS MI BSKYOD PA STE, ZHE SDANG GI DAG CHA LHAR SHAR BA YIN TSUL SOGS GSUNGS, MTSAMS 'DIR SDOM PA GSUM GYI KHAS BLANGS PA'I DAM TSIG RNAMS LA YID BSHAR BYED DGOS PAS, SDOM GSUM BSLAB BYA'I SDOMS TSIG BSDUS PA GUNG THANG GSUNG SOGS DANG, LUNG BZHI'I BAR SDOMS 'DUL BA RGYA MTSO'I SNYING PO DANG SBRAGS PA DANG, PAn CHEN CHOS RGYAN GSUNG SDOMS TSIG LTA BU ZHIG BLO LA NGES PAR BYAS TE DE THOG NAS BSNGO BGRANG BYA, DGE SLONG MIN NA DE'I BSLAB BYA'I SDOMS TSIGS RNAMS BRJOD MI DGOS, DE NAS BYANG
, ,SEMS KYI BSLAB BYA'I, BDAG BSTOD GZHAN SMOD CHOS NOR MI STER ZHING, ,SOGS DANG, SNGAGS KYI, BLA MAR BRNYAS SMOD BSLAB BYAR KHYAD GSOD BYED, ,CES SOGS TSIG BSNAN DANG BCAS NGES PAR BTON TE MA MTHAR TSIG RIS LTAR BYED SNYAM PA DGOS, SDOM GSUM BSRUNG BAR KHAS BLANGS PA'ANG, SO THAR BYANG SEMS RDO RJE THEG PA YI, ,SOGS LTAR BSRUNG SEMS BZANG PO SHUGS DRAG PA RE BSTEN PAS TSANG BA SOGS SNGAGS KYI DBANG CHEN ZHUS SKABS KHAS BLANGS PA THAMS CAD THUN DRUG 'DIR 'DUS YOD PAS 'DI LA NYAMS LEN GYI SNYING POR BYED PA SHIN TU GNAD CHE ZHING, NYAMS LEN GYI SDOMS CHEN PO YIN, PHRAG DOG 'DI 'PHRIN LAS RGYAS PA'I GEGS YIN PAS 'DIS PHAL PA'ANG BYA BA LAM DU MI 'GRO BA SOGS BYED, PHRAG DOG RNAM DAG BYA BA GRUB PA'I YE SHES SAM DE NYID LHAR SHAR BA DON YOD GRUB PA YIN PAS DE'I STENG NAS GO RGYU CHE, THEG PA GSUM DANG RGYUD SDE BZHIS BSDUS PA'I, ,SOGS 'DIR 'DUL BA NAS 'DUS PA'I BAR GYI LAM THAMS CAD BSDUS TE 'GAL MED DU SLOB TSUL DANG, YANG 'DIR PAD-MA'I RIGS KYI DAM TSIG ,PHYI DANG GSANG BA THEG PA GSUM, ,SOGS KYANG TSANG, 'DI GSUNG RDO RJE 'OD DPAG MED 'GRUB PHYIR YIN, DE'I RGYU THEG GSUM LUNG RTOGS KYI CHOS LA BSLAB CING BSGRUB DGOS, 'JIG RTEN DBANG PHYUG SRID PA'I DRA BA 'JOMS PA PO, ,ZHES SOGS LTAR SRID PA'I DRA BA 'JOMS BYED CHOS STON PA SOGS YIN TSUL, THUN DRUG 'DI MAN NGAG LUGS KYI 'DON LUGS LTAR BYED NA, KHO BOS PAn CHEN CHOS RGYAN DANG DNGUL CHU
DHARMA BHA DRA'I GSUNG LA MAN NGAG 'GA' BSNAN TE BSGRIGS PA'I MJUG YIG CHUNG DU BKOD PA LTAR LA, THUN DRUG TSAR GSUM SDEBS GCIG BTON YOD NA, BYIN GYIS RLOBS LAN GSUM PA'I MJUG TU TSOGS ZHING BSDU DGOS BAS, SLAR YANG DGYES BZHIN SOGS DANG PO GNYIS KYI SKABS RANG 'DRA CHAD DE THIM, GSUM PA'I SKABS BLA MA HRIL PO THIM PAR BSAM DGOS, RJE CHOS RGYAN GYIS 'DI'I SBYAR BYANG DU, 'DI LAS 'ONGS PA'I RNAM DKAR DGE BA'I MTHUS, ,SOGS GSUNGS TE RDO RJE 'CHANG GI BCAS MTSAMS LAS MI 'DA' BA'I THUGS SMON MDZAD PA LTAR NGA ? TSOS KYANG SMON LAM SHUGS DRAG GDAB PA TSUN CHAD KYIS SDOM PA RNAM PAR DAG PA'I THABS LA 'BAD PA GNAD CHE BAS, CHOS RGYAN GSUNG 'DI LAS 'ONGS PA'I SOGS KYI SMON LAM SH'OO KA GNYIS DANG, SKYE BA KUN TU YANG DAG BLA MA DANG, ,SOGS THUN DRUG GI MJUG TU SBYAR ? NAS GDON, SMON LAM GZHAN MANG PO 'DIR MA BTON KYANG CHOG ,SHAMBHA LAR SMON PA NI, SPYIR SHAMBHA LAR SKYE BA TZAM MA YIN PAR STON PA MNYAM MED SH'AKYA'I RGYAL PO'I BSTAN PA SNGA DAR LA RANG NYID SANGS RGYAS PA SOGS MA BYUNG YANG GSANG SNGAGS KYI LAM LA BAG CHAGS LEGS PAR BZHAG NAS, BSTAN PA PHYI DAR DRAG PO 'KHOR LO CAN GYI DUS SU LAM LHAG MA RNAMS NYAMS SU LEN NUS PA'I SNGAGS KYI RTEN KHYAD PAR CAN DU SKYE BA'I DGOS PA YOD PAS SMON LAM 'DI LA SHIN TU GNAD CHE, YANG BDAG GI BLA MA'I PHYAG BZHES LTAR THUN DRUG 'DI SBYOR CHOS DANG SGRAGS NA, PHUR TSUGS GSOL 'DEBS PAR SKAL BZANG MGRIN RGYAN GZHUNG LTAR 'DON, SKYABS GNAS KUN 'DUS BLA
, ,MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ,ZHES PA'I MJUG TU RDO RJE 'CHANG BLO BZANG SBYIN PA'I GSUNG LAM RIM BSHAR SGOM GSUNG, SEMS BSKYED BKA' RGYA MA THOB YOD NA BSHAR SGOM MJUG TU DMIGS PA SKYONG, BSHAR SGOM GYI SPYOD PA PHYIN DRUG SOGS LA SLOB NUS PAR BYIN GYIS RLOBS SHIG ,CES PA'I MTSAMS SU THUN DRUG GI DBU'I SKYABS SEMS BYA BA SOGS NAS 'JUG ,BLA MA'I RNAL 'BYOR DNGOS GZHI'I DBUR, DE LTAR LAM THUN MONG BAS RGYUD SBYANGS PAS ZHES SOGS BSHAR SGOM GYI MJUG PA SDU, DE NAS THUN DRUG GI ,MDUN GYI NAM MKHAR SOGS NAS BSNGO SMON BAR BTANG, SMON LAM ZIN NAS, SBYOR CHOS KYI, BLA MA RGYAL BA SH'A-KYA THUB PA LA PHYAG 'TSAL LO, ,MAN GYI SBYOR CHOS MJUG SPYI LTAR YIN GSUNGS,, ,, ` BYANG SEMS BSLAB BYA'I BKA' KHRID STZAL SKABS, ,DPAL MGON 'PHAGS PA KLU SGRUB KYIS, KHRIMS NI RGYU DANG MI RGYU'I SA BZHIN DU, ,YON TAN KUN GYI GZHI RTEN LAGS PAR GSUNGS, ,ZHES GSUNGS PA LTAR SKYES BU GSUM SOGS KYI YON TAN THAMS CAD TSUL KHRIMS LA RAG LAS, KHAM LUNG PAS, MU GE BYUNG TZA NA THAMS CAD NAS KYI STENG DU KOR KOR 'ONG BA LTAR DGE SBYOR THAMS CAD TSUL KHRIMS KYI STENG DU 'BAB DGOS PAR GSUNGS, GRUB MTHA' GZHAN PHYOGS PAS SNGON 'GRO'I KHRID CHEN BZHI GAL CHE BA BYED KYANG, RJE'I BSTAN PA 'DIR DE TZAM LA GTZO BO MI MDZAD PAR SNGOM PA GSUM GYI BCAS MTSAMS DAG PA GTZO BOR MDZAD, 'DIR SNGON 'GRO'I DON
LHAG DANG BCAS PA TSUR TSANG, SNGON 'GRO LA SDOM GSUM GYI BCAS MTSAMS MANG PO TSANG DKA', YI DAM RE'I BSNYEN PA'I SNGON 'GROR PHYAG MCHOD SOGS 'BUM BSAGS PA LA 'GAL BA MED, LA LA'I TSUL KHRIMS BDE BA STE, ,SOGS LTAR SDOM GSUM GYI GZHI TSUL KHRIMS, LHAG PAR BYANG SDOM NI, DUS GSUM RGYAL BA KUN GYI BGROD GCIG LAM, ,SOGS LTAR RGYAL BA THAMS CAD KYI BGROD PA GCIG PA'I LAM PO CHE YIN, SPYIR BSTAN PA'I RTZA BA SO SOR THAR PA LA, ,ZHES GSUNGS PA SO THAR MTSON PA TZAM LAS RJE'I BKA' SROL 'DIR SGRUB PA NYAMS LEN BYA RGYU'I GTZO BO SDOM PA GSUM GYI BCAS MTSAMS SROG DANG BSDOS TE BSRUNG BA 'DI YIN, THUN DRUG GNANG SMIN 'ONG BA LA SDOM GSUM GANG KHAS BLANGS PA'I BSLAB BYA RNAMS MA SHES THABS MED YIN YANG, SNGAGS DANG SO THAR GYI BSLAB BYA NI RANG RANG GI SDOM PA MA THOB BA LA 'CHAD MI RUNG YANG, 'DUL BA'I LUNG BKLAG PA TZAM KHYIM PA TSUN GYIS THOS CHOG ,KHRID NI DGE SLONG GI BSLAB BYA DGE TSUL GYIS KYANG THOS MI CHOG ,SA SKYA'I BLA MA BSOD NAMS MCHOG LDAN GYIS BKA' 'GYUR GYI 'DUL BA'I LUNG DGE SLONG RKYANG PA LA GNANG, LUNG RAB KYIS LUNG GO BAS DON NGES PA KHRID KYI GO CHOD PA, 'BRING LE'U DANG BAM GRANGS NGES PA, THA MAR DON GSAL POR MA GO YANG SGRA TZAM THOS PA DGOS, LUNG ZHU BA'I SKABS, GNYID DANG, GLAL PA, SNABS PHYI BA, GLO LU BA SOGS KYI TSE SGRA MI GO BAR TSIG RE GNYIS CHANG 'GRO BAS SGRA MA CHAD PAR NYAN DGOS PA PHYAG LEN LA YOD GSUNGS, DGE SLONG GI
, ,SDOM PA MA THOB PA'I BYANG SNGAGS KYI SDOM LDAN YIN NA DE GNYIS KYI BSLAB BYA NYES BYAS DANG, RTZA LTUNG, SBOM PO SOGS BSRUNG BYA'I YAN LAG GI KHYAD PAR PHYES TE BSRUNG MTSAMS LAS MI 'DA' BA NGES PAR DGOS, BYANG SEMS KYI BSLAB BYA'I GTZO BO SDOM PA NYI SHU PA NAS GSUNGS PA DANG, SNGAGS KYI DE RTZA LTUNG SBAM PO'I SDOMS TSIG RNAMS NAS GSUNGS PA SOGS YIN, DE YANG SDOM PA GANG THOB KYI BSLAB BYA'I BSRUNG MTSAMS SDOM GSUM RANG RANG GI BSLAB BYA'I SKABS DANG SBRAGS DGOS, SDOM GSUM BSLAB BYA LA MANG DU YOD KYANG RGYAL DBANG TSUL KHRIMS RGYA MTSO'I MTSAN ZHABS PA 'BRAS TRE BO DGE BSHES TSE DBANG BSAM 'GRUB KYI GSUNG SDOM GSUM BSLAB BYA NOR BU'I 'OD PHRENG LTA BU RGYAS BSDUS 'TSAMS PA YOD PAS DE SOGS SDOMS TSIG RNAMS PHAR TSUR SBYAR TE BLO LA NGES THABS BYED THUB NA BSRUNG BYA RNAMS NGOS ZIN CING NYES PAS MI GOS PA SOGS KYI KHYAD YOD, DES NA 'DIR SDOMS TSIG DANG SBRAGS NAS MDOR BSDUS ZHU NA, BYANG SEMS KYI RTZA LTUNG BCO BRGYAD NI 'PHAGS PA THOGS MED KYI BYANG SA'I DON RNAMS SLOB DPON TZANDRA GO MIS TSIGS BCAD DU MDZAD, SDOM PA NYI SHU PA ZHES BYANG SEMS KYI SDOM PA'I BSLAB BYA STON PA'I SH'OO KA NYI SHU YOD PA LA GSUNGS, 'DI BYANG SEMS KYI SDOM PA'I BSLAB BYA YOD TSAD KYI RTZA TSIG LTA BU YIN, BYANG SDOM BLANGS NAS TSUL BZHIN BSRUNG NA, DE NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI 'CHAD PA DU MA ZHIG ,NAM MKHA'I MNYAM
PA RAB TU 'BYUNG, ,GSUNGS PA LTAR GNYID NYAL BA'I SKABS TSUN LA'ANG BSOD NAMS 'PHEL, BYANG CHUB KYI SEMS GANG ZAG SU 'DRA ZHIG GI RGYUD LA SKYES TZAM NAS SA GA-YO BA DANG, SANGS RGYAS THAMS CAD KYI BZHUGS KHRI GA-YO BA, SANGS RGYAS SRAS BCAS KYIS RANG GI BU DANG SPUN DANG 'DRA PAR DGONGS PA SOGS PHAN YON MTHA' MED PA 'BYUNG TSUL, BSLAB BYA DNGOS NAS PHAN DANG BDE BA SOGS KYIS BYANG SEMS KYI SDOM PA BZUNG TSUL SPYIR BSTAN, PHUGS SU LEGS PA NI PHAN PA DANG, GNAS SKABS SU PHAN PA NI BDE PA, 'PHRAL PHUGS RANG GZHAN LA PHAN BDE 'BYUNG BA ZHIG YOD NA DE BYANG CHUB SEMS DPAS BYED DGOS, LUS SBYIN SOGS GNAS SKABS GZHAN DON DU RANG GI LUS GZHAN GYI DRAN DU BKOL PA DANG, PHUGS RANG GZHAN LA PHAN NA BYANG SEMS SA DANG PO BA SOGS KYIS RANG LUS SHA KHRAG DNGOS SU GTONG BA BYED, GZHAN MANG PO MA SHES NA'ANG BYANG SEMS KYIS BYA RGYU'I SDOMS LTA BU YIN PAS NYUNG MTHA'ANG SDOM PA NYI SHU PA 'DI TZAM SHES DGOS, RTZA LTUNG BCO BRGYAD 'DI BSLAB BTUS NAS GSUNGS SHING, DE YANG BYANGS NAS GSUNGS PA BZHI, NAM MKHA'I SNYING PO'I MDO NAS GSUNGS PA BCU GSUM, THABS LA MKHAS PA'I MDOR GSUNGS PA GCIG STE BCO BRGYAD, BDAG BSTOD GZHAN SMOD NI RNYED BKUR SNYAN GRAGS KYIS KUN NAS BSLANGS PA YIN PAS RANG RE LA RGYUN DU 'BYUNG NYEN CHE, JO BOS, SO THAR GYI NYES BYAS PHRA MOS KYANG MA GOS, BYANG SEMS KYI NYES PA CO LE TZAM GYIS GOS, SNGAGS KYI NYES LTUNG CHAR BABS PA LTAR BYUNG YANG 'PHRAL 'PHRAL DU BSHAGS PAS NYES PA DANG ZHAG TU
, ,'GROGS MA MYONG GSUNGS PAS SPYIR SDOM PA GSUM LA BSRUNG DKA' SLA DE LTAR YOD, NGED TSOS SKANG CHA ZHIG GLENG TZAM NAS RANG LA BSTOD, GZHAN LA SMOD PA ZHIG DANG PO NAS 'ONG BAS 'DI SKYON YIN PAR SHES PAR BYAS NAS GZAB DGOS, RNYED PA KUR SOGS KYI KUN SLONG MED PAR RANG GIS GANG BYAS PA RNAMS TSUL BZHIN BSHAD NA SKYON MED, SPRANG PO LTA BUS RE BA BYAS PA LA GZHAN DON GAL CHES RANG MI KHOM PA'AM, RANG LA NOR RDZAS SOGS CHER MED PAR DE GTONG NA GZHAN DON BYED PA LAS NYAMS PA YOD NA RTZA LTUNG 'DI MI 'ONGS KYANG, DE LTA MIN PAR YOD BZHIN SHES BZHIN DU MI STER MI BSHAD NA RTZA LTUNG, CHOS LTA BU SNOD MIN LA MA BSHAD NA SKYON MED, 'TSOG PA NI BRDUNG BA STE, GNOD SEMS KYIS DE LTAR MI RUNG BA LAS, PHAN SEMS KYIS DGE PHRUG LA DGE RGAN GYIS BZANG SLOB PHYIR BRDUNGS BA LTA BUS RTZA LTUNG MI 'BYUNG, LTUNG BA BYUNG BA LA SANGS RGYAS KYIS KYANG MI GTI MUG CAN GSUNGS PA SOGS KYIS SMAD TSUL, DANG POR MA MTHUN PA BYUNG YANG RJES SU SHAD SPHYANG BYAS TE BSHAGS PA PHUL YANG MI MNYAN NA RTZA LTUNG, LAM RIM SPANGS NAS SEMS NGO BSKYANGS PA LTA BU DANG, LAM RIM LTA BU PHAR BSKYUR NAS RTZA RLUNG GI GDAMS PA STON PA LTA BUR BZANG RLOM GYIS 'CHANG PA YANG THEG CHEN SPONG BA, 'DI YAN LA BYA BA'I SGO NAS BRGYAD DANG, KUN SLONG GI SGO NAS BZHIR PHYE, BYANG SEMS KYI RTZA LTUNG BCO BRGYAD NAS BYANG CHUB KYI SEMS SPANGS PA'I RTZA LTUNG MA GTOGS GZHAN RNAMS BYANG SA'I RTZA LTUNG BZHI GSUNGS PA'I NANG DU 'DU, DKON MCHOG GSUM GYI
DKOR 'PHROG PA, ,SOGS LA, SANGS RGYAS KYI SKU BZHENGS PA'I RGYUR BSNGOS ZIN PA LTA BU DBANG, THABS, GA-YO SOGS KYIS LEN PA DKON MCHOG DKOR 'PHROG ,'DI LA RGYAL PO LA 'BYUNG BA'I LTUNG BA DANG, BLON PO LA 'BYUNG BA, DMANGS PHAL PA LA 'BYUNG BA SOGS YOD, DKON GNYER SOGS KYIS KYANG DKON MCHOG GI DKOR 'PHROG NYEN CHE, RAB BYUNG LAS PHABS PA SOGS RGYAL BLON THUN MONG LA 'BYUNG GRAS SU MDZAD, BSTAN PA THAMS CAD 'GAL MED DU RTOGS NA RTZA LTUNG BZHI PA DANG, DRUG PA, BCU GNYIS PA, BCU GSUM PA SOGS 'BYUNG BA'I SGO KHEGS PA LA PHAN CHE TSUL, TSIGS BCAD RGYU YIS GZHAN SMROD LA BDAG BSTOD GZHAN SMOD GNYIS KA TSANG, MI CHOS BLA MA'I RDZUN SMRA BA'I RTZA LTUNG YANG DANG POR 'DU, RTZA LTUNG BCU BDUN PA BSAM GTAN SGOM PA POS KHA ZAS RNYED DKA' BAS YIN, BCO BRGYAD PA THABS LA MKHAS PA'I MDOR GSUNGS PA'I BYANG SEMS 'DOR BA'I RTZA LTUNG 'DI HA CANG BAG TSA, 'DI BSLAB BTUS NAS GSUNGS PA'I, SKYA RENGS SHAR TSE BYANG SEMS NAM MKHA'I SNYING PO'I MDUN DU BSHAGS PA BYA TSUL YOD PAS 'DIR, RMI LAM 'PHAGS PA NAM SNYING PO'I, ,SOGS GSUNGS PA YIN, GZHI'I SPYOD 'DOD MA LOG PA NI, NYES PA BYAS ZIN PA DA DUNG SPYOD 'DOD PA, DO TSA KHREL MED NI, NGED TSOS NYES PA DANG BYA BA NGAN PA LA 'JUG PA'I SKABS RANG RGYU MTSAN DU BYAS NAS 'DZEM PA NGO TSA DANG, GZHAN RGYU MTSAN DU BYAS NAS 'DZEM PA KHREL YOD DE, DE MED PA LA NGO TSA KHREL MED ZER, DGA' ZHING MGU BA NI, NYOS PA DE DANG DE BYED PA LA DGA' ZHING, DE
, ,YANG SNYING NAS SEMS MGU PA, NYES DMIGS SU MI BLTA BA NI, 'DI RNAMS BYAS KYANG NYES PA MED SNYAM PA, KUN DKRIS BZHI KA TSANG NA ZAG PA CHEN PO, NYES PA LA NYES PAR MI BLTA BA 'DI YOD NA GONG GI GNYIS SAM GSUM MED KYANG ZAG PA 'BRING YIN, DES NA RANG GIS NYES PA BYED PA LA NYES DMIGS SU BLTA BA YOD NA SPYOD 'DOD MA LOG PA SOGS GZHAN GSUM GA'AM GANG RUNG YOD KYANG ZAG PA CHUNG NGU, 'ON KYANG RTZA LTUNG BCO BRGYAD NAS KUN DKRIS TSANG MI DGOS PAR RTZA LTUNG 'BYUNG BA GNYIS YOD PA SKYE BA SNGA PHYI, LAS RGYU 'BRAS SOGS MED PAR 'DZIN PA'I LOG LTA DANG, BYANG CHUB SEMS 'DOR GNYIS YIN, RTZA LTUNG BCO BRGYAD KYI SDOMS TSIG BLOR BZUNG STE BSHAR SBYONG BYED, NYES BYAS ZHE DRUG NAS, THUN DRUG 'DI BTON NA NYES BYAS DANG PO MI 'BYUNG, BYANG SEMS SNYING STOBS CHEN PO YIN YANG SEMS CHUNG BAS GZHAN LA GUS PA MDZAD, DE YANG GZHAN DON DU LUS DNGOS SU GTONG BA SOGS BYA DKA' BA LA'ANG MI ZHUM PA DANG GZHAN DON LAS NYAMS DOGS KYIS BAG YOD MDZAD DE LAG LEN DOG PHYOGS NAS MDZAD PAS SEMS CHUNG ZER BA YIN GSUNGS, SO THAR LA GSER DNGUL SOGS LEN MI CHOG CING, BYANG SEMS KYIS GZHAN GYI DAD PAS PHUL BA LEN DGOS PA GNYIS DGAG BYA DANG DGOS PA SHES DGOS, PHUL BA LA RANG GIS SER SNA DANG KHONG KHRO SOGS MED PAR YAR MCHOD MAR SBYIN DGOS, NYES BYAS DGU PAR, BYANG SEMS RTOGS PA MTHO BAS LHAG TU 'DUL BA'I BSLAB BYA CHAB LEN LHAM PHUD TSUN RJE TZONG KHA PA'I RNAM THAR LTAR DGOS, GZHAN GYIS DAD PA SKYE
BA'I GNAS LA BSLAB, BYANG SEMS LA BCAS RKYANG 'GA' RE DANG, SROG GCOD PA SOGS LUS NGAG GI BDUN GNANG BA'I SKABS YOD, DE YANG DE BYAS PAS GZHAN MANG PO LA PHAN PAR 'DUG NA GNANG STE, DE RGYU SNYING RJE CHEN POS KUN NAS BA SLANG DGOS, LUS NGAG GI 'PHYAR GA-YENG 'TSUB CHEN PO BYAS TE, GLU LEN PA, GAR 'KHRAB PA SOGS LUS NGAG ZHI DUL MI BYED PA DE 'DRA YANG MI RUNG, BCAS RKYANG GNANG BA'I SKABS YOD KYANG MIS KHA ZER DOGS KYIS MA SPANGS NA NYES BYAS, GSHE BA NI TSIG NGAN SMRAS PA SOGS TE, 'DI SO THAR LA'ANG BSRUNG DGOS NA, BYANG SEMS KYIS DE BAS KYANG BSRUNG DGOS, BYANG SEMS RNAMS KYI BYA BA NI GZHAN LA PHAN BTAGS PA DANG, GZHAN GYI SEMS BZUNG BA GTZO BO YIN, RTZA LTUNG DANG NYES BYAS GNYIS SU SHAD SBYANG DGOS PA GNYIS BYUNG BA NI KUN SLONG GI KHYAD YIN, KHONG KHROS KUN NAS BSLANG NA RTZA LTUNG DU 'GRO, SGRUNG SOGS KYIS KYANG NYES BYAS BCU GSUM PA, BYANG SEMS SKYES TZAM LAS CHOS THOS BSAM SGOM GSUM GZHAN PA MA BYAS NA NYES BYAS, BSAM GTAN GYI ROS GA-YEL NAS YON TAN GONG MAR MI SLOB NA NYES BYAS, THEG PA CHEN PO'I LAM GONG MA LA MI 'JUG PAR 'DUL BA GCIG PUS CHOG SHES PA LTA BUS KYANG NYES BYAS, NYES BYAS SO GCIG PA'I NANG NAS DGAG BZHAG SOGS DON CHEN POR 'GYUR NA RUNG BA YANG YOD GSUNG, CHAGS SDANG GI KUN SLONG GIS BSTOD SMAD BYAS NA RTZA LTUNG, NGA RGYAL LAM KHONG KHROS BYAS PA NYES BYAS, DGE BA CHOS SDUD KYI SBYIN PA DANG, DGE BA CHOS SDUD KYI PHYIN DRUG CES PA RGYAL SRAS KYI SPYOD MA THAMS CAD TSUL KHRIMS
, ,RNAM PA GSUM DU 'DI PHYIR YIN PAS GONG GI DE DGE BA CHOS SDUD KYI TSUL KHRIMS YIN YANG SBYIN PA'I THA SNYAD MDZAD, DGOS PA'I GROGS SU 'GRO BAR BYA BA BRGYAD LAS, TSOGS 'DU LTA BU NAS SKAD CHAS PHAN THOGS PA SOGS BYA BA GTAN 'BEB, CHU LEN THAL 'PHYAG GI GROGS BYED PA SOGS NYES PA MED PA'I LAS SOGS LA MI 'JUG PA NYES BYAS SO LNGA PA, BYANG SEMS KYIS SLOB MA LA CHOS DANG ZANG ZING GNYI GA'I SGO NAS GANG PHAN BYED, BSTAN PA LA GNOD PA BYED MKHAN SOGS LA RDZU 'PHRUL SOGS KYIS SDIGS SHING SKRAG PAR BYED DGOS, PHYIR BCOS SKABS BYANG SEMS LA LTUNG BSHAGS GTZO BO DANG, SNGAGS LA RNGOR SEMS BSGOM BZLAS GTZO BO YIN, PHYIR BCOS KYI BDAG BYANG CHUB SEMS DPA' ZHES PAR BDAG BYANG CHUB SEMS DPA'I MID CAN ZHES SBYAR NA BYANG SEMS MIN KYANG YIN PAR KHAS 'CHE BA'I RDZUN 'GOG GSUNGS,, ,, ` BLA MA LNGA BCU PA'I GSUNG BSHAD SKABS, 'JAM MGON CHOS KYI RGYAL PO'I GSUNG, 'DI NA RDZOGS SANGS RGYAS SU BGROD PA LA, ,ZHES SOGS LAS BRTZAMS TE, SANGS RGYAS GZHAN GYI BSTAN LA MED PA'I STON PA SH'AKYA THUB PA'I BSTAN PA 'DIR GSANG SNGAGS GSUNGS, DE YANG SPYIR BSTAN PA 'DIR MDO SNGAGS GNYIS NYI ZLA LTAR GRAGS KYANG GSANG SNGAGS NI 'BYUNG DKA' BA, LAM BGROD PA MYUR BA, ZAB PA SOGS MDO LA MED PA'I KHYAD CHOS DU MA'I SGO NAS 'PHAGS TSUL, GSANG BA DE LTA BU RTZAD BCAD DE 'JUG PAR MI BYED PA BLUN PO'I LUGS YIN, 'JAM MGON TZONG KHA PA
CHEN POS KYANG THEG PA THUN MONG BA TZAM GYIS NGOMS PAR MA MDZAD PAR GSANG SNGAGS LA'ANG GSAN BSAM SGOM PA MTHAR PHYIN PA MDZAD, GSANG SNGAGS KYI BSTAN PA NI SANGS RGYAS 'JIG RTEN DU 'BYUNG BA LAS KYANG DKON, DES NA RANG CAG DA RES DAL 'BYOR THOB CING, BSTAN PA 'DI LTA BU DANG MJAL SKABS 'DIR RAB SANGS RGYAS PA, 'BRING GRUB PA THOB PA, MA MTHA' BAG CHAGS KHYAD PAR CAN 'JOG THUB PA DGOS, DE LA RGYUD SDE BZHI LAS THOG MAR BLA MED THEG PA'I SGOR ZHUGS DGOS, DE'I 'JUG SGO NI DBANG YIN, DBANG DE YANG RJES GNANG DANG, DBANG BZHI BYIN RLABS SOGS KYIS MI CHOG PAR BLA MED KYI DKYIL 'KHOR CHEN PO ZHIG GI SGOR ZHUGS DGOS, DE YANG SKU BZHI'I SA BON THEBS NGES KYI DBANG BZHI RNAM PAR DAG PA ZHIG THOB DGOS, DE MA THOB NA GSANG SNGAGS KYI DPE BLTA BA YANG MI RUNG BA GSUNGS NA RTOGS PA MI SKYE BA SMOS MI DGOS PA YIN, RJE'I SNYAN BRGYUD 'DIR RJE BTZUN GYIS RJE LA GNANG BA'I ZHAL GDAMS LTAR YI DAM GSANG BDE 'JIGS GSUM LA NGES BAR BRTEN DGOS, DE LA RAB BLA MED KYI DBANG CHEN ZHU BA'I SNGON DU STA GON SKABS BLA MA LNGA BCU PA'I KHRID RE GNANG BA'I PHYAG SROL YOD, MDO SNGAGS KYI SKABS THAMS CAD DU BSHES GNYEN BSTEN TSUL 'DI GAL CHE STE, THEG PA THUN MONG BA 'DUL BA DANG PHA ROL DU PHYIN PA'I THEG PA THAMS CAD DU'ANG, YON TAN KUN GYI GZHI GYUR DRIN CAN RJE, ,ZHES SOGS LTAR DANG, SNGAGS LA LHAG PAR LNGA BCU PA'I SKABS NAS BSHAD PA LTAR DGOS, BSHES GNYEN BSAM PAS BSTEN TSUL RGYAS PA RTZA BA DAD PA SBYANG BA DANG, BKA' DRIN
, ,RJES DRAN 'DIR MI 'BYUNG BA THUN MONG BA NAS SONG ZIN PA'I DBANG DU MDZAD, SKAD SHAN SBYAR DANG 'GYUR PHYAG GNYIS MDZAD PA POS MA MDZAD KYANG LO TZ'A BA RNAMS KYIS SAm SKRi TA'I SKAD LA BAG CHAGS 'JOG PHYIR DANG, NGA TSOS LO TZ'A BA'I BKA' DRIN DRAN PHYIR TE, GU RU PANYTZA LTA BU MI GO YANG, BLA MA LNGA BCU ZHES PA LTA BU GO BDE BAS YIN, RGYA GAR ZHES PA DKAR PO DANG, LOGS SU DGAR BA SOGS GSUNG TSUL MANG YANG, 'DI 'DOD RGYAL THOG MA'I MING YIN PAS TSIG GI SGRA BSHAD MI DGOS, BSTAN BCOS LA MTSAN 'DOGS TSUL BDUN TZAM YOD PA LAS, 'DIR RDO RJE SLOB DPON GYI BSHES GNYEN BSTEN TSUL STON PA'I TSIGS BCAD LNGA BCU YOD PAS LNGA BCU PA ZHES GSUNGS, 'GYUR PHYAG MDZAD PA NI BSTAN BCOS 'DI BSGYUR BA LA BAR CHAD MI 'BYUNG BAR 'GYUR MTHAR PHYIN PA'I CHED YIN, SDE SNOD GSUM GYI KHONGS GTOGS SO SO'I 'GYUR PHYAG MI 'DRA BAR THAMS CAD MKHYEN PA DANG, 'JAM DPAL GZHON GYUR SOGS GSUM YOD PA LTAR 'DIR GSANG SNGAGS KYI STON PA RDO RJE 'CHANG LA PHYAG MDZOD, BDE STONG GNYIS MED YE SHES KYI DPAL DANG LDAN PAS NA DPAL LDAN, SPYIR RDO RJE LA 'GREL TSUL MANG YANG, 'DIR RDO RJE NI CHOS SKU DANG, SEMS DPA' NI GZUGS SKU LA BYED, DE THOB PA'I RGYUR GYUR PA'I BLA MA LA 'DUD PA, SLOB DPON BHA MI LHAS RANG BZO SPANGS TE RGYUD DU BLA MA BSTEN TSUL THOR BU MANG PO GSUNGS YOD PA RNAMS GYI RGYUD DON BSDUS TE BLA MA LNGA BCU PA 'DI MDZAD, GSANG SNGAGS KYI SLOB DPON LA GUS PA BYA DGOS PA'I NU ? RGYU
MTSAN NAM 'THAD PA YANG RANG LA SNGAGS KYI BKA' DRIN GSUM LDAN GYI RDO RJE SLOB DPON DE LA PHYOGS BCU'I SANGS RGYAS KYIS KYANG, BDAG CAG DE BZHIN GSHEGS PA THAMS CAD KYI PHA'O, ,ZHES SOGS GSUNGS SHING DUS GSUM DU PHYAG MDZAD PAR DON DAM SNYEMS PA DANG, GSANG 'DUS RTZA RGYUD, MAN NGAG SNYEM, RGYUD SGYU 'PHRUL DRA PA SOGS LAS GSUNGS PA LTAR YIN PAS NGA TSOS CHES LHAG DANG GUS DGOS, 'DIR YANG, MCHOG TU DAD PAS SOGS KYIS DAD PA CHEN POS NYIN MTSAN DUS DRUG TU PHYAG 'TSAL BA DANG MAndAL 'BUL DGOS PAR BSTAN, PHYAG BYA MI RIGS PA'I DMIGS BSAL NI, KHYIM PA'AM NI SOGS TE, BLA MA KHYIM PA LA SLOB MA RAB BYUNG GIS PHYAG BYED PA LA, DE GZHAN GYIS SMOD NYEN YOD PA DANG, BSTAN PA LA GNOD PA'I DGAG BYA YOD NA DNGOS SU PHYAG MI 'TSAL BAR BLA MA'I MDUN DU CHOS PO TI DANG, SKU SOGS BZHAG STE YID KYI BLA BA DANG, LUS KYIS CHOS SAM SKU LA PHYAG 'TSAL DGAS, BSTAN PA'I SNYING PO 'DUL BA LA THUGS GTZIGS CHE BA RGYA GAR GYI PAntI TA SOGS KYIS 'DI MDZAD, DGAG BYA MED NA DE 'DRA MA BYAS KYANG CHOG ,SLOB DPON TZANDA GO MI RTEN DGE BSNYEN YIN PAS, KHONG GZHAN DU PHEBS SKABS 'JAM DBYANGS KYI SKU ZHIG PHYAG TU BSNAMS TE SHING RTAR PHEBS TSUL, DENG SANG DE 'DRA DOGS PA TZAM YANG MI 'BYUNG BAS GRVA PAS BUD MED LA'ANG PHYAG MA 'TSAL TZAM BYED PA BSTAN PA NYAMS PA'I RTAGS RED, YANG DGAG BYA YOD NA PHYAG DANG DAM PA MIN PA'I LAS RKANG PA BKRU BA MI RUNG, RKANG PA BKRU BA 'DI RGYA GAR TSAD PA CHE BA'I LUGS LTAR YIN, BLA SLOB GNYIS
, ,KA MTSAN LDAN 'PHRAD NA 'TSANG RGYA BA LA DGA' TSOGS MED, BLA SLOB GNYI GAR PHAN TSUN MTSAN LDAN YIN MIN BRTAG DPYAD MED PAR GANG YANG PHRANG BSTEN NA DAM TSIG NYAMS TE MDZO SBREL GA YANG LHUNG LTAR 'GRO BAS BLA SLOB LO BCU GNYIS BAR BRTAG DGOS PAR GSUNGS YOD, MTSAN LDAN DU SHES NA BRTAG YUN HA CANG RING MI NYAN, 'GRO MGON CHOS 'PHAGS LA HOR GO DAN RGYAL POS LO BCU GNYIS BAR BRTAGS ZER NAS CHOS MA ZHUS, DE MTSAMS BLA MAS KYANG 'O NA NGAS KYANG KHYOD LO BCU GNYIS BAR BRTAG DGOS GSUNGS TE CHOS MA GNANG BAS MTHAR RGYAL POS CHOS ZHUS MA RNYED TSUL, YANG NGED TSO LTAR DBANG RJES GNANG ZHIG GNANG BA THOS NA THOS PA'I NYIN MO NAS BRTAG DPYAD MED PAR DBANG ZHU, RJES SU KHA BTANG BA DANG, THE TSOM MA SHOR BA SOGS BYED PA DE 'DRA MI RUNG BAS DANG PO NAS KHYI DANG GLO BA 'PHRAD PA LTA BU MI BYA BAR BLA SLOB BRTAG ,BRTAG TSUL BLA MA LA MNGON SHES DANG RDZU 'PHRUL YOD MED DANG, BLUN PO GA-YAM RGYUG CAN LTA BU'I KHROD DU BRIN MI BRIN SOGS LA MI BRTAG ,SLOB MAR RGYU NOR RDZAS CHE CHUNG SOGS LA MI BRTAG PAR GZHUNG LUGS MAN NGAG DBANG POR BCOL TE CHOS TSAD MA NAS GSUNGS PA'I MTSAN NYID TSANG MA TSANG LA BRTAG DGOS TSUL, BLA MA'I YON TAN LA 'DUL BA DANG THEG CHEN THUN MONG BA SOGS NAS GSUNGS PA MANG YANG, SNGAGS KYI SKABS 'DIR, SGO GSUM LEGS BSNGAMS BLO CHEN BZOD LDAN DRANG, ,SOGS LTAR GYI MTSAN NYID MA TSANG NA GSANG SNGAGS KYI BLA MAR MI 'OS, GZHUNG 'DIR YANG BLA MAR MI
'OS PA'I GRAS, SNYING RJE MED CING KHRO LA GDUG ,SOGS GSUNGS TSUL, GDUG CES PA LO SNGA MA'I 'KHON DA LOR YANG 'DZIN PA LTA BU, SKYON SPAS PA GA-YO, YON TAN MED KYANG YOD KHUL DU STON BA SGYU, GZHAN YANG KHONG KHRO, NGA RGYAL, YO BYANG LA ZHEN 'DZIN DAM PA, LUS RTZED MO SOGS 'PHYAR GA-YENG, NGAG GLU GZHAS SOGS DANG, YID KYANG MA BSNGAMS PA, SPYOMS ZHES PA RANG GI YON TAN GZHAN LA BSGRAG GANG THUB BYED MKHAN TE DE 'DRES BLA MAR MI RUNG, RDO RJE SLOB DPON DU 'OS PA NI, LUS BSNGAGS PAS DUL BA, NGAG BSDAMS PAS BRTAN PA, BLA MCHOD LAS KYANG, SGO GSUM LEGS BSDAMS BLO CHEN BZOD LDAN DRANG, ,SOGS GSUNGS PA LTAR PHYI NANG GI DE NYID BCU LDAN, LHAG PAR NANG GI DE NYID BCU PO 'DI BLA MED LA NGES PAR TSANG DGOS, BRNYAS SMOD SPANGS PA SPYIR BSTAN PA NAS, RANG LA SNGAGS KYI DBANG BSKUR, RGYUD BSHAD, MAN NGAG GNANG BA GSUM GANG YANG RUNG BA'I BKA' DRIN NOS PA'I RDO RJE SLOB DPON LA BSAM BZHIN BRNYAS NA SANGS RGYAS THAMS CAD BRNYAS PAR 'GRO BAS SNGAGS KYI RTZA LTUNG 'BYUNG, RGYAS BSHAD NAS, BLA MA DANG PHA MA SOGS YUL GNYAN PAS DPE CHA KLOG SLOB PA'I DGE RGAN TSUN LA'ANG BSHES GNYEN BSTEN TSUL LOG PA DANG, PHA MAR BRNYAS SMOD BYAS PA SOGS LA TSE STOD DU BSAGS PA'I RNAM SMIN TSE SMAD LA SMIN PA'I MTHONG CHOS MYONG 'GYUR 'ONG, GSANG SNGAGS KYI RDO RJE SLOB DPON BRNYAS PA NI 'CHI DUS KYANG DUS MIN 'CHI RKYEN BCU GNYIS GANG RUNG GIS 'CHI, BSHES GNYEN BSTEN TSUL 'DI LAS KHE NYEN CHA BA MED,
, ,BSTEN TSUL LOG PA'I GNAS SKABS KYI NYES PA NAS, NA BA'I TSE 'CHI NGES LTA BU BYED PA'I 'GO NAD GSOR MI RUNG BA NI RIMS DANG, 'GO NAD YIN KYANG SKYON CHE BA MI BYED PA NI YAM SA, 'TSE BA'I LTAR NA, YA MAS DANG RIM LAS GZHAN PA'I BAD KAN SOGS 'TSE BA'I NAD, YANG 'TSE BZHES 'BREL SGRA MED PA DAG PAR GSUNGS PA YOD CING, 'GYUR 'GAR NYER 'TSE DANG, 'GA' ZHIG TU MDZE DANG ZHES BSGYUR BA'ANG YOD GCAN GZAN SOGS KYIS BSAD PA'ANG 'TSE BA YIN, MKHA' 'GRO NI SHA ZA MKHA' 'GRO ZHES PA'I MKHA' 'GRO LA BYED, LOG 'DREN NI BGEGS KYI SPYI MING, BLA MA LA DAD GUS YOD PA DANG, DAM TSIG MA NYAMS PA NI GNOD PA DE DAG DANG PHRAD KYANG GNOD PAS MI TSUGS, DVAGS POR BLA MA'I ZHABS PHYI MA DAD PA ZHIG MTHAR RKUN POS BSAD, 'DI BLA MAR MA DAD PA SOGS KYIS NYER LEN DANG, RKUN PO DANG PHRAD PA SOGS KYIS LHAN CIG BYED RKYEN BYAS, BLA MA LA BRNYAS SMOD SHOR BAS NI 'CHI RKYEN NGAN PA TZAM GYIS GO MI CHOD PHAR SHI BA'I 'OG TU'ANG MNAR MOD SOGS SU 'GRO, 'CHI RKYEN BCU GNYIS KYIS BCOM PA NI MTHONG CHOS KYI NYES DMIGS DANG, MNAR MED LA SOGS 'JIGS RUNG PA'I, ,SOGS NAS GSUNGS PA MI MTHONG BA'I NYES DMIGS YIN, DGE BA MI SPYOMS PA NI, RANG GIS DGE BA BYAS PA GZHAN LA MI NGOM PAR SBAS PA, YONGS BZUNG 'BUL BA NAS, RANG GI DAM TSIG SLOB DPON ZHES PA SNGAGS KYI RDO RJE SLOB DPON YIN, SLOB MA'I NGOS NAS RANG SROG TSUN BLA MA'I DON DU 'BUL NUS SHING,
BLA MA'I NGOS NAS GCAN GZAN GYI MDUN DU RTZVA SRUNGS PA LTAR ZANG ZING GI NGOR CUNG ZAD TZAM YANG MI GZIGS PA ZHIG DGOS, RNGOG PAS DGYES RDOR GYI DBANG ZHU BA'I DON DU BLA MA MAR PA LA NOR RDZAS YOD RGU PHUL TSUL, DE 'OS PA'I RGYU MTSAN YANG PA SKAL PA GRANGS MED MANG POR BSGRUB DGOS PA'I SANGS RGYAS KYI GO 'PHANG YANG TSE 'DIR STER PAR NUS LA'ANG SO, ,RGYUD KYI DAM TSIG GSUM NI, RANG GI SGO GSUM DANG LHAG PA'I LHA NGO BO DBYER MED, DE DANG BLA MA NGO BO DBYER MED, BLA MA DANG PHYOGS BCU'I SANGS RGYAS RO GCIG TU BSAM DGOS PAR GSUNGS PAS DRON DU RDO RJE SLOB DPON DANG, LHAG PA'I LHA, RANG GSUM GYI SKU GSUNG THUGS GSUM DANG SGO GSUM NGO BO DBYER MED BYED PA'I DAM TSIG GSUM YIN GSUNGS, MI ZAD DE NYID NI CHOS SKU STE, YON TAN MI ZAD PA'I GTER CHOS SKU THOB PAR 'DOD NA, CUNG ZAD YID 'ONG ZHES THUGS LA BAB NA 'BUL BA NGAN NGON YIN YANG 'BUL DGOS, THUGS LA MI 'GRO BA DE GANG BZANG YANG MI 'BUL BA YIN, DE LTAR BZANG NGAN GANG LA DGYES PA DE PHUL NA, SANGS RGYAS THAMS CAD BLA MA'I THUGS BDE CHEN CHOS SKUR RO GCIG PAS SANGS RGYAS THAMS CAD KYANG THUGS RANG SHUGS KYIS DGYES, DES NA BLA MA KLOG SLOB PA'I DGE RGAN TSUN LA GSOL JA PHUL BA TSUN KYANG SANGS RGYAS THAMS CAD LA PHUL BAR 'GRO, DE LTAR PHUL BAS TSOGS RLABS CHEN RDZOGS TE DNGOS GRUB MCHOG KYANG 'THOB NUS TSUL, DE YANG DAD PA BYAS TE DNGOS PO PHUL BA RKYANG PAS DE TZAM MI PHAN PAR BLA MA'I BKA' SGRUB PA GTZO CHE, N'A RO PA SKU TSE DER ZUNG 'JUG BRNYES PA BLA MA TEE LO PA'I
, ,BKA' BZHIN DU DKA' BA CHEN PO SHIL KHAD PA BCU GNYIS DANG, DKA' PHRAN BCU GNYIS SPYAD PA SOGS GZHAN GYIS SGRUB DKA' BA MANG PO N'A RO PAS TSAM TSOM MED PAR LUS SROG THED LA BOR NAS BSGRUBS PA LAS BYUNG TSUL, MDOR NA; LNGA BRGYA THA MAR GYUR PA NA, ,NGA NYID SLOB DPON GZUGS SU 'DZIN, ,NGA YI SNYAM DU YID BYOS LA, ,DE TSE DE LA GUS PA BSKYED, ,CES GSUNGS PA LTAR RANG LA KA KHA SLOB MKHAN NAS GSANG SNGAGS KYI RDO RJE SLOB DPON BAR GYI RANG GI NGO SKAL GYI BLA MA DE THAMS CAD RGYAL BA RDO RJE 'CHANG GCIG PU DE'I RNAMS 'PHRUL YIN PAS DE SHES PAR BYAS NAS 'BAD DGOS, BLA MA'I GRIB MA 'GOM BA MTSAMS MED CHA 'DRA BA YIN PAS SPU GRIS GTAMS PA'I DMYAL BAR SKYE BA'I RGYUR GSUNGS, BLA MA'I LHAM DANG STAN GOS SOGS BYIN RTEN DU GNANG NA SPYI BOS BKUR DGOS, DE MI BKUR BAR 'GOM YUG SOGS BYAS NA GSANG SNGAGS KYI SBOM PO 'BYUNG, YANG BLA MA'I NA BZA', BZHUGS STAN SOGS 'DI KHYOD RANG GIS GYON DANG 'DINGS GSUNGS PA LTA BU LONGS SPYOD PA'I RGYUR GNANG NA THE TSOM MED PAR LONGS SPYOD DGOS, DE SOGS JI LTAR GSUNGS PA LTAR MA BYAS NA'ANG SBOM PO, 'DI'I BLO GROS CHEN PO ZHES PA SLOB MA YIN, BLA MA'I BKA' RANG GIS SGRUB MI NUS PA LA MI NUS TSUL GUS PA'I TSIG GI SHAD SBYANG GIS GNANG BA MA ZHUS NA SBOM POR 'GYUR, RANG GIS GANG NUS TSAD BKA' BZHIN SGRUB NA DNGOS GRUB GNYIS BDE BLAG TU 'THOB PA 'ONG, LAM RIM NAS GSUNGS PA'I BSHES GNYEN BSTEN TSUL GYI RTZA PA DAD PA SBYANG BA NI
BSAM PA'I BSTEN TSUL GTZO BO DANG, LNGA BCU PA 'DIR SBYOR BA'I BSTEN TSUL GTZO BOR GSUNGS, NYAN SOGS 'DOD PAS GSOL GSUM 'DEBS PA GTZO BO SNGAGS KYI SKABS LA YIN, 'PHRAL GYI KUN SPYOD DAG PA NAS, BLA MAS GZIGS SAR NYAL STAN LA 'DUG PA MI RUNG, 'DI NYAL GDAN MA GTOGS SPYIR STAN TZAM LA MA BKAG ,CHOS MNYAN PA'I SKABS SNGAGS 'CHANG RNAMS KYANG THOR COG BSHIG DGOS, GZHUNG SA'I DRUNG SKOR LTA BU LA YUL CHOS KYI DMIGS BSAL RE GNYIS GNANG BA GSUNG RGYUN, LAG BZHAG MNYE BAR MI BYA ZHES PA LAG PA GNYIS RKED PAR BZHAG STE GRU MO BRKYANG BA YIN PAS MNYE ZHES PAR MA SNGON 'JUG MED PAR LAG BZHAG NYE BAR ZHES YIN GSUNGS, YANG BLA MA'I MDUN DU KHA RTZOD DANG, KU CO'I GTAM SKAD CHEN POS SMRA BA SOGS DANG, CHOS LDAN GYI CHED MA GTOGS GAR DANG, GLU, ROL MO RNAMS KYI RTZED 'JO BYED PA DANG, MDZUB MO'I TSIGS TSEG SGRA CAN 'THEN PA SOGS BAG MED SGEG CHOS MA GUS PAR 'GRO BA'I RIGS MTHA' DAG SPONG DGOS, SPYIR 'DUL BA'I BCAS PA LTAR BSLAB PA RGAN GZHON LA BRTZI, LHAG PAR RANG GI DPE CHA'I DGE RGAN TSUN LA'ANG BSTEN TSUL NYES NA, RANG GI GDAN THOG NAS RDO RJE DMYAL BA'I SGO PHYES PA LTA BU BYUNG BA YIN, DON GYI SLAD DU MTSAN NAS SMOS TE ZHES PA DANG, ZHAL SDA NAS ZHES PA'I CHE BRJOD BCAS MTSAN NAS BRJOD, YANG ZHAL SNGA NAS MTSAN GYI THOG MTHAR SBYOR TSUL LUGS GNYIS, JO BO CHEN POS BLA MA GSER GLING PA ZHES PA LAS MTSAN DNGOS MI GSUNG BA
, ,SOGS KYI RNAM THAR NGO MTSAR BA YOD TSUL, MTSAN BRJOD PAR DGA' BA ZHES PA BLA MA ZHAL BZHUGS PA LA BRJOD MI RUNG, GZHAN RNAMS DAD PA SKYE PHYIR YANG DAG GI SGO SOGS NAS GUS PA BYA TSUL, TSIG DAG GIS NI GDAS PAR BYA, ,ZHES PA, BLA MAS BKA' STZAL BA RNAMS LA DE BZHIN ZHU DANG, DE LTAR ZHUS ZIN SOGS 'GRO SDOD THAMS CAD ZHU DGOS, 'DIS RANG GI BYA BA LA BAR CHAD MI 'BYUNG BAR GSUNGS, THU'U BKVAN RIN PO CHES, LUS KYIS PHYAG 'TSAL GUS PA LTAR BYED KYANG, ,SEMS KYIS BLA MA'I MGO LA RKANG RTEN 'CHA', ,ZHES GSUNGS PA LTA BU MI RUNG BAR BLA MA JI 'DRA ZHIG KYANG ZHABS SPYI BOS BSKUR, BLA MA'I MDUN DU RANG BAG MA GSAR PA'I TSUL GYIS 'JIGS ZHUM MER GNAS DGOS, SLOB MAS RAB GNAS SOGS BYAS NA YON BLA MAR DBUL, BLA MAS KYANG RDZAS PHUD TZAM BLANGS TE GZHAN SLOB MAR PHAR GNANG, BLA MA LA RNYED BKUR SOGS LAM GNOD NA BLA MA'I SLOB MAR RANG GI SLOB MA BYA CHOG ,BLA MA'I SKU MDUN NA DUS RGYUN DU YANG BRJED MED KYI SHES BZHIN MA NYAMS PAR BAG YOD PAS BSTEN TSUL TSUL BZHIN BYED, NAD PA NI BLA MAR DAD PA BZANG PO YOD NA LUS KYIS LDAD PA SOGS MA NUS KYANG SKYON MI 'BYUNG BA DMIGS BSAL YIN, MNYES PA'I SGO DON BSDU BA NAS, DNGOS PO THAMS CAD DE SGO GSUM GA'I SGO NAS MNYES PAR BYED DGOS, BSTEN TSUL 'DI BSHAD PA'I DUS KYANG THUN MONG LAM SBYANGS ZIN NAS SNGAGS LA 'JUG KHAR LNGA BCU PA 'DI GNANG, 'DI THOS NAS KHA TON TSUN CHAD KYIS DON DE YID LA NGES PAR BYAS TE
SBYANG DGOS, SNGAGS LA 'JUG PA'I SNOD RUNG DANG PO THUN MONG LAM SBYANG YIN PAS DANG PO DE DGOS, SNOD RUNG GNYIS PA DBANG BSKUR BA YIN, DBANG THOB NAS RTZA LTUNG BCU BZHI STON PA'I GZHUNG YANG BKLAG PA SOGS KYIS MNYAMS PA BYAS TE SPANG BLANG BYED PA GAL CHE TSUL, SNGAGS KYI BSHES GNYEN BSTEN TSUL LNGA BCU PA 'DI SNGAGS SGOR MA ZHUGS GONG DU BSHAD RUNG BA DMIGS BSAL RED, SLOB DPON BHA BI LHA DANG, RTA DBYANGS, DPA' BO, PHA KHOL, MA TI TZI TRA SOGS MTSAN GYI RNAM GRANGS YIN GSUNGS,, ,, ` SNGAGS KYI RTZA LTUNG SBOM PO SOGS KYI GSUNG BSHAD SKABS, GSANG SNGAGS BLA MED KYI DBANG CHEN THOB NAS BSRUNG BYA RTZA LTUNG DANG SBOM PO SOGS YOD PAS DE DAG SHES PAR BYAS TE BSRUNG DGOS, DE YANG RTZA LTUNG LA BCU BZHI YOD, SNGAGS KYI DBANG BSKUR BA, RGYUD TSIG BZHI PA GCIG YAN, MAN NGAG LAS TSOGS PHRA MO ZHIG TSUN CHAD GNANG BA'I BKA' DRIN GSUM LDAN, SLOB DPON LA BRNYAS SMOD NI, SNYING NAS BLA MA DE SGO GSUM GYIS BKUR 'OS DOR BA, NGAG NAS KHA BTANG BA LA DAM SEL DANG SBOM PO 'BYUNG, YID KYIS DAD GUS 'DOR BA RTZA LTUNG DANG PO, SBYOR BA'I BSTEN TSUL SOGS BLA MA LNGA BCU PA LTAR YIN TSUL, GNYIS PA NI, SDOM PA GSUM GYI NYES PA PHRA RAGS LA KHYAD GSOD BYAS NA BDE GSHEGS BKA' 'DAS, KHYAD GSOD MA BYAS PAR NYES PAS GOS NA SO THAR GYI PHAM LHAG SOGS 'BYUNG YANG SNGAGS LA RTZA LTUNG MI 'BYUNG, GSUM PA'I SKABS, RDO RJE'I SPUN DU 'GRO BA LA BLA MA
, ,GCIG LAS RGYUD SDE BZHI GANG YANG RUNG BA'I DBANG DUS GCIG GAM SNGA PHYI GANG DU THOB KYANG KHYAD MED, DE 'DRA'I RDO RJE SPUN SNGAGS KYI SDOM LDAN LA KHROS NA RTZA LTUNG 'BYUNG BAS 'DI 'BYUNG SHIN TU NYE BAS RGYUN DU GZAB DGOS TSUL BZHI PA NI, ,SEMS CAN GANG RUNG GCIG LA DMIGS NAS DE BDE BA DANG BRAL NA SNYAM PA'I SEMS BSKYED NAS BYAMS PA BTANG BA'O, ,LNGA PA SMON 'JUG SEMS 'DOR NAS, KUN DKRIS YAN LAG BZHI MA TSANG YANG RTZA LTUNG LNGA PA 'BYUNG NYEN CHE STE, SEMS CAN GCIG BLOS BTANG YANG YA GYAL ZHIG NA TSOGS PA ZHIG PA STE, DPER NA PHRENG BA BRGYA NAS GCIG BLANGS KYANG GRANGS BRGYA MI TSANG BAR 'GYUR BA LTAR YIN, DRUG PA NAS BSTAN PA LA DAG THER CHED SGRUB DANG SUN 'BYIN SOGS BGYIS KYANG LTUNG BA MI 'BYUNG, BDUN PA NAS, GSANG SGROG NI SNGAGS KYI PHYAG MTSAN TSUN DAM MED LA MI STON, BRGYAD PA NI, RANG GI PHUNG PO MI GTZANG BA'I RANG BZHIN 'DI SANGS RGYAS KYI SKUR BSGOM DU MI RUNG ZER BA DANG, PHUNG PO RGUD 'DOD KYI BSAM PAS PHUD POR HA CANG BKRES SKOM GYIS GDUNGS PA'O, ,DES NA RANG LUS LA MI BRNYAS, DGU PA NI, SHER PHYIN GYI DON STONG NYID KYI DON MIN PAR BLTAS TE STONG NYID LA YID MA CHES PAR SPONG BA , BCU PA NI, ZHING BCU TSANG PA'I DGRA SOGS LA LUS NGAG GIS NYE BAR BYED PA STE, 'DI'I SPANG BYAR LUS NGAG GIS NYE BAR MI BYED PA LAS, SEMS GYIS SPONG MI RUNG, BCU GCIG PA RANG NYID KYIS THAL RANG DANG SEMS TZAM PA'I LTA PA GANG RUNG ZHIG MA RNYED PA'I GONG DU LTA BA MA BTZAL BA DANG,
RNYED NAS LTA BA DE NYIN RER LAN RE MA DRAN NA RTZA LTUNG 'BYUNG, BCU GNYIS PA NI, THEG CHEN SPYI DANG, LHAG PAR RDO RJE THEG PA'I SNOD DU RUNG BA'I 'DUN LDAN GYI GDUL BYAS DE'I GDAMS PA DON DU GNYER BA LA, SEMS SUN 'BYIN PA STE 'DUN PA LDOG 'DOD KYI BSAM PAS MA DAD PAR BYAS PAS 'DUN PA LOG PA'O, ,BCU GSUM PA LA GNYIS LAS, BLA MED LUGS KYI RTZA LTUNG NI, DPA' BO DPA' MO'I STON MO DANG, TSOGS 'KHOR SOGS KYI TSE SHA LNGA BDUD RTZI LNGA SOGS DAM RDZAS BSTAB PA LA MI GTZANG BA'I BSAM PAS DVANG DU MI LEN PA DANG, RNAL 'BYOR RGYUD DANG THUN MONG BA'I RTZA LTUNG BCU GSUM PA NI, RDOR DRIL DANG LAG PA'I PHYAG RGYA SOGS PHYI'I DAM TSIG GI RDZAS 'DI TSOS CI BYA, NANG GI SGOM PA KHO NAS CHOG CES KHYAD GSOD KYIS SMOD PA'AM 'DOR BA'O, ,BCU BZHI PA BUD MED SMOD PA LA'ANG GNYIS YOD, PHAG MO SOGS BUD MED KYI TSUL BSTAN PA'I SPRUL PA'I BUD MED LA DE'I SNANG TSUL GYI SKYON GYIS SMAD NA BLA MED DANG RNAL 'BYOR RGYUD GNYI GA'I RTZA LTUNG, SPYIR BTANG BUD MED THA MAL PA GANG RUNG LA, BUD MED KYI RIGS 'DI GA-YO SGYU CHE ZER BA LTA BU BUD MED SPYI'I SKYON GYIS SMAD PA BUD MED DES DON GON BLA MED LUGS KYI RTZA LTUNG BCU BZHI PA 'BYUNG, SPRUL PA'I BUD MED LA SMAD PA NI DON MA GO YANG GONG GI RTZA LTUNG 'BYUNG BA LTA BU RJE BLA MAS GSUNGS TSUL, SBOM PO LA BRGYAD LAS, DANG PO MTSAN NYID MI LDAN PHYAG RGYAR BRTEN PA NI, PHYAG RGYA MA DE LA DBANG MTSAN LDAN BSKUR ZHING DAM TSIG DANG SDOM PA TSUL BZHIN BSRUNG BA LA BKOD, BSKYED RIM DANG SGYU RTZAL DRUG CU RTZA BZHI SOGS KYIS RIG
, ,MA'I MTHU MA SBYANGS PAR RANG GI MTHU TZAM GYIS RIG MAR BRTEN NA SBOM PO, GNYIS PA NI, SNYOMS 'JUG SKABS LHA'I NGA RGYAL DANG GSAL SNANG BRTAN POS LUS LA LHA'I 'DU SHES DGOS PA LA DE LTAR MED PA DANG; RANG DANG RIG MA MKHA' GSANG SOGS BYIN GYIS MA BRLABS PAS NGAG LA SNGAGS KYI 'DU SHES DANG BRAL BA, GZHAN GYIS MA DAD PA 'BYUNG BA DANG, RANG GIS THABS 'DIS ZAG MED KYI BDE BA MNGON DU BYED SNYAM PA'I YID LA CHOS KYI 'DU SHES MED PA DANG, DUS MA YIN PA SOGS RGYUD LAS RIG MA SPYOD TSUL BKAG PA RNAMS SPYAD NA SBOM PO 'DI 'BYUNG, GSUM PA NI, SNGAGS KYI DBANG MA THOB PA DANG, THOB KYANG SNGAGS LA DAD PA MED PA LA GSANG SNGAGS KYI DAM TSIG GI RDZAS GLEGS BAM, RDOR DRIL, YI DAM GYI BRIS SKU, RGYAN DRUG SOGS DANG; RKANG STABS DANG LAG PA'I PHYAG RGYA 'CHING TSUL SOGS STON PA'O, ,RDOR DRIL SOGS MANG PO YOD NA, DE'I NANG NAS RANG GI DAM TSIG GI RDZAS SU 'DU SHES TE ZUR PA RE RE GZHAN LA MI STON PAR GSANG ZHING SBAS TE BCANG DGOS GSUNGS, BZHI PA NI, DPA' BO DPA' MO'I STON MO DANG, TSOGS 'KHOR BYED PA'I TSE LHA'I NGA RGYAL DANG, SEMS CAN LA BRTZE BA, SBYIN BDAG GIS TSOGS GSOG PA'I KUN SLONG SOGS MED PAR KHA GSHAGS 'GYED PA, BZHAD GAD, RTZED MO RTZE BA, THAL MO BRDEB PA YAN CHAD KYIS 'THAB RTZOD BYED PA'O, ,GZHAN YANG, TSOGS 'KHOR 'DI KHE NYEN SHIN TU CHE STE, TSOGS 'KHOR BYA SA'I GNAS KYANG, DBANG MA THOB PA DANG, THOB KYANG MA DAD PA SOGS SNOD MIN GYI SKYE BOS DBEN PA, DGOS PA MCHONG SBYIN GYI YUL RNAMS MNYES
SHING TSIM PAS TSOGS RGYA CHER RDZOGS PA DANG, SDIG PA BYANG BA, DAM TSIG NYAMS CHAGS SKONG BA, MCHOG THUN GYI DNGOS GRUB 'GRUB PA SOGS KYI CHED DU BYA, DUS NI NYIN RE'AM ZLA RE BZHIN GYI YAR MAR GYI TSES BCU GNYI GA'AM, DE MA 'GRUB NA ZLA RE LA LAN RE; DE'ANG MA 'GRUB NA LO RER RGYAL ZLA LTA BU LA TSES BCU'I TSOGS 'KHOR RE MA PHUL NA SNGAGS PA YIN TSE DAM TSIG NYAMS PA DANG MKHA' 'GRO'I BKA' CHAD 'BYUNG BAR GSUNGS YOD, RTEN YANG THUN MONG LAM SBYANGS SNGON DU SONG BA, DBANG THOB CING DAM SDOM LA GNAS PA, TSOGS PA NANG PHAN TSUN LA 'KHON 'GRAS DANG DAM SEL MED PA, BLA MA DANG CHOS DANG YI DAM LA THE TSOM MED PA RNAMS TSANG BA DGOS, DE YANG PHO RKYANG PA TSOGS PA DPA' BO'I STON MO, MO RKYANG PA TSOGS PA DPA' MO'I STON MO, GNYIS KA TSOGS PA LA TSOGS KYI 'KHOR LO ZER, TSOGS KYI SLOB DPON YANG NANG MCHOD 'THOR SHES PA TZAM GYIS MI CHOG PAR RGYUD SDOM 'BYUNG SOGS LAS GSUNGS PA LTAR TSE 'DI SNANG LA MA CHAGS SHING, CHOG SHES SNYING RJER LDAN PA, SRED PA DANG SGYU SOGS SPANGS PA'I SLOB DPON DU 'OS PA ZHIG DANG, LAS KYI RDO RJE YANG ZHI DUL GTZANG SPRA CAN, SRED PA DANG PHYOGS LHUNG MED PA DGOS PAR GSUNGS, TSOGS RDZAS NI PHRENG BA SOGS LAS GSUNGS PA LTAR SHA CHANG SGOG BTZONG 'BRAS CHA NA LA PHUG ,LA DU, ZAN DANG 'KHUR BA 'O MA BAG LEB SHING THOG SOGS BZA' BCA' BTUNG BA'I RIGS BZANG LA GYA NOM PA CI 'BYOR, SNOD THOD PA DANG, SHING, NYA LCIBS, SA SOGS KYIS KYANG RUNG BAR GSUNGS, TSOGS RDZAS 'BYOR NA RGYA GANG CHE DANG, TSOGS GTOR SOGS MANG PO MA 'DZOMS
, ,KYANG; RGYUD LAS, RDO RJE LHA MO MYOS BYED SHA RNAMS KYIS, ,SOGS DANG, SHA DANG CHANG LA MA BRTEN PAR, ,GSANG SNGAGS 'GRUB PAR MI 'GYUR TE, ,SA DANG RLAN LA MA BRTEN PAR, ,MYU GU SKYE BAR MI 'GYUR RO, ,GSUNGS PA LTAR SHA CHANG GNYIS MED THABS MED, RJE MID LAS, ZA 'DOD 'BOG 'JOL GYI TSOGS 'KHOR DANG, ,ZHES SOGS GSUNGS PA LTAR THA 'DOD KYI BSAM PAS TSOGS 'KHOR GYI RGYU CA GANG BZANG BZANG BYAS NA YI DVAGS SU SKYE BA'I RGYUR GSUNGS, TSOGS 'KHOR BYED PA'I RING MING THA MAL BA NAS MI BRJOD PAR, SHA LA B'A LA DANG, CHANG LA M'A ? DAN ZER BA LTA BU BRDA DANG BRDA LAN SHES NA BYED, MA SHES NA SMRA BA MANG PO MI BYA, SGRIG TSUL TSOGS GTOR DBUS, DE'I GA-YAS SU SHA, GA-YON DU CHANG, TSOGS RDZAS SA RJEN LA MI 'JOG ,SNOD STONG PA MI BZHAG ,TSOGS RDZAS LONGS SPYOD TSE THA MAL PA'I 'DU SHES MED PAR SHA LNGA DANG BDUD RTZI LNGAR MOS TE BDE STONG GI YE SHES KHYAD PAR CAN SKYE PHYIR LONGS SPYOD SNYAM DU NANG GI SBYIN SREG GI TSUL DU LONGS SPYAD, TSOGS 'KHOR DBU TSUGS NAS MJUG MA ZIN GYI BAR, 'THAB RTZOD, KHRO BA, TSIG NGAN, LUS KYI RNAM 'GYUR NGAN PA, KU CO, BZHAD GAD, LONG GTAM SOGS SPYOD LAM NGAN PA THAMS CAD SPANGS TE, STONG NYID KYI LTA BA'I RTZIS ZIN PA DANG, YI DAM LHA'I NGA RGYAL DANG RDOR DRIL DANG MA BRAL BAR SNOD BCUD THAMS CAD BDE STONG GI YE SHES KYI GZUNG RNAM LHAR SHAR BA'I RTEN DANG BRTEN PA'I DKYIL 'KHOR DAG PA RAB 'BYAMS 'BA' ZHIG TU MOS TE TSIG DON DRAN BZHIN DAL BUS 'DON, TSOGS 'KHOR
SKABS 'THAB RTZOD KYIS LONGS SPYAD NA DMYAL BA DANG, LHA'I NGA RGYAL BRAL BAS DUD 'GROR SKYE BAR GSUNGS, TSOGS PA PHO MO GNYIS KA YOD NA MAD'A NA SNGON DU DPA' MO DANG, B'A LA SNGON DU DPA' BO LA 'GREM, BZA' BTUNG 'GYED TSE SNOD HA CANG KHENGS TE BO BA DANG; STONG PA 'KHYER PA SOGS MI BYA, TSOGS KYI THOG MAR SLOB DPON LA PHYAG BYA ZHING, TSOGS 'KHOR RING PHYI ROL SOGS SU 'GRO DGOS BYUNG NA 'GRO 'ONG SKABS TSOGS KYI SLOB DPON LA PHYAG 'TSAL TE GNANG BA ZHU, TSOGS CHANG NI RAB BYUNG PHYI DRO'I KHA ZAS SPANGS PAS KYANG 'DI'I SKABS KHYAD GSONG MI BYA BAR SNGAGS KYI DAM RDZAS SU THIGS PA RE LCER MYANG BA LAS, RANG BYUNG DANG KHYIM PA SU YIN YANG TSOGS 'KHOR LA BSNYAD BTAGS NAS CHANG BAG MED DA 'THUNG BA MI RUNG, TSOGS KYI 'KHOR LO YANG BLA MA LA DAD PA MED PA DANG; DAM TSIG MI GCIG PA, GSANG SNGAGS LA MI MOS PA SOGS LA GTAN NAS SBYIN DU MI RUNG BA GSUNGS, TSOGS 'KHOR 'DI DENG SANG DAR KHYAB CHE ZHING, KHE NYEN CHE BAS 'DIR MGO SMOS TZAM ZHUS NAS, RGYAS BAR BU STON DANG RGYAL MCHOG BSKAL BZANG GI GSUNG SOGS LA BLTA DGOS GSUNGS, LNGA PA NI, GANG ZAG SNOD LDAN GYIS DAD PAS CHOS KYIS DON 'DRI BA LA, DPER NA KUN RDZOB KYI DON DRIS NA DON DAM BSHAD PA LTA BU SHES BZHIN DU LAN LOG PAR 'DEBS NA SBOM PO 'BYUNG, DRUG PA NI, SNGAGS SUN 'BYIN PA'I NYEN THOS KYI NANG DU, SROG DANG TSANGS SPYOD BSRUNG BA DANG, NYAN THOS DE DAG 'DUL BA SOGS KYI DGOS PA KHYAD PAR CAN MED PAR ZHAG BDUN PA'I SKYA RENGS SHAR BA'I BAR GNAS PA DANG, BDUN PA NI, SNANG NGOR LHA'I GSAL SNANG DANG, NGES NGOR
, ,RANG BZHIN MED PA'I LTA BA'I 'DZIN STANGS GNYIS TSOGS KYI THABS SHES KYI NYAMS LEN DUS GCIG TU BSKYANGS PA LA RNAL 'BYOR ZHES ZER BAS, DE 'DRA MED PAR LHA'I SGRUB THABS SAM, BSKYED RDZOGS SU MING BTAGS PA'I DMIGS PA THUN RE TZAM BYED PA LA RNAL 'BYOR PAR KHAS 'CHI NA SBOM PO, BRGYAD PA NI, SNGAR DBANG MA THOB CING MA DAD PA LA DBANG BSKUR BA DANG, DBANG THOB KYANG THOB BZHIN DU SNGAGS LA MA DAD PA LA GSANG BA BSGRAGS NA SBOM PO DANG; GZHAN YANG YI DAM GYI LAS RUNG GI BSNYEN PA TSAD LDAN KHA SKONG GI ZHI BA'I SBYIN SREG BCAS MA SONG BAR DE'I DBANG BSKUR, BDAG 'JUG ,RAB GNAS, SBYIN SREG SOGS BYED PA DANG, DGOS PA KHYAD PAR CAN MED PAR SO THAR BYANG SEMS KYI SDOM PA'I BSLAB BYA LAS 'DA' BA GNYIS DANG, BLA MA LNGA BCU PA'I SKABS DANG 'GAL BA'I SBOM PO DANG, YANG MA RGYUD KYI DAM TSIG BLA MA DANG LHA SKU SOGS MJAL RES SU BDE MCHOG YAB YUM DU MOS NAS GA-YON SKOR BYED PAR MOS SHING, RKANG BRGYAD KYIS BSTOD, DGAG BYA MED SAR RTEN LA GA-YON SKOR DNGOS SU BYED, RKANG LAG GI BYA BA LA 'JUG PA'I TSE GA-YON PAS MGO BRTZAMS, YAR NGO MAR NGO'I TSES BCU DANG, LAG MCHOD LA BRTZON, BUD MED LA, KHYOD MA BDAG NI SOGS KYIS BSTOD PAR GSUNGS PA, 'DZAM GLING GI BUD MED THAMS CAD RDO RJE RNAL 'BYOR MAR BSAMS PA RNAMS MNYAM DU 'TSOGS PA LA GA-YON SKOR LAN GSUM GSUM BYED PAR MOS TE, KHYOD MA BDAG NI BU YIN TE, ,JI SRID BYANG CHUB 'BYUNG BAR DU, ,BYANG CHUB
YAN LAG NU MA LAS, ,BYUNG BA'I RANG GI 'O MAS SKYONGS, ,ZHES BRJOD DGOS GSUNGS, GZHAN YANG SNGAGS BYANG SEMS KYI BSLAB BYA'I SPANG BLANG BYA TSUL PHRA RAGS ZHIB RGYAS SU STON PA'I LEGS BSHAD 'GRAN ZLA DAD BRAL BA RJE'I GSUNG RTZA LTUNG RNAM BSHAD DNGOS GRUB SNYE MA DANG, BYANG SA'I TSUL KHRIMS LE'U'I RNAM BSHAD BYANG CHUB GZHUNG LAM, BLA MA LNGA BCU PA'I RNAM BSHAD SLOB MA'I RE BA KUN SKONG, MKHAS GRUB GSUNG RNAL 'BYOR ROL PA'I DGA' STON, SDOM GSUM BSLAB BYA NOR BU'I 'DO PHRENG GI SNGAGS BYANG SEMS KYI BSLAB BYA'I SKOR SOGS YANG YANG MJAL NAS BSRUNG BYA RNAM LEGS PAR SHES PAR BYAS TE, DAM SDOM MIG 'BRAS LTAR BSRUNG BA'I THOG NAS LAM RIM GNYIS SOGS LA BSLAB STE MA RGAN SEMS CAN RNAMS KYI DON DU ZUNG 'JUG RDO RJE 'CHANG GI GO 'PHANG MYUR DU 'THOB PA'I THABS LA NUS PA CI YOD KYIS 'BAD DGOS TSUL, DE LTAR THUN DRUG BLA MA'I RNAL 'BYOR RTZA 'GREL DANG, BYANG SNGAGS KYI BSLAB BYA'I SDOMS SOGS KYI KHRID RGYUN RNAMS DAM PA BAR MA CHAD PA LAS BRGYUD DE RTZA BA'I BLA MA SER SNGAGS MKHAN ZUR RDO RJE 'CHANG DANG, CO NE RIN PO CHE SOGS KYI ZHAL SNGA NAS LEGS PAR THOB PA YIN GSUNGS,, 7 'DI RNAMS RDO RJE 'CHANG PHA BONG KHA PA DPAL BZANG POS GONG GSAL BKA' KHRID GNANG SKABS KYI ZIN THO SNGA PHYI KHA YAR YOD PA LAS, SER SMAD SPOM RA 'JIGS MED SPRUL SKU RIN PO CHE LHO KHA PHYOGS SU PHEBS KHAR, 'DI NYID SPAR BSKRUN MDZAD RGYUR 'PHRAL THON DGOS
, ,TSUL NAN PHEBS LA BRTAN, DAM PA GZHAN LA DGONGS BSKOR ZHU LONG MA RNYED PAR DE 'PHRAL BDAG SNYOM LAS PA 'DAN GRVA SU DH'I'I MING CAN GYIS SLAR YANG GLEGS BUR PHAB PA LA NONGS PA'I TSOGS CI MCHIS CHOS KYI SPYAN LDAN RNAMS LA BZOD PAR GSOL ZHING, DGE BAS BSTAN 'GRO YONGS LA PHAN THOGS PAR GYUR CIG , ,,~ 'DI YANG, GUS LDAN BKA' TSAB SHAN KHA BA 'GYUR MED BSOD NAMS STOBS RGYAS NAS RGYU YON SBYAR TE RAB RGYAL LCAGS YOS LOR PAR GZHI GSAR BSKRUN ZHUS PA 'GRO DON 'PHEL, ,7GONG GSAL SPOM RA 'JIGS MED SPRUL SKU RIN PO CHE NAS DNGUL SRANG BRGYA THAM PA, BRAG GA-YABS DGE SLONG 'PHRIN LAS BRTZON 'GRUS NAS AA SHE DANG DNGUL SRANG,100 RGYA BLA MA BYAMS PA KUN MKHYEN NAS ZUB SHE DANG DNGUL SRANG 50 BCAS ZHAL 'DEBS PHUL,, SA-RBA MA-NGGA LAm,,