@00 ? *, ,RJE BTZUN RDO RJE RNAL 'BYOR MA LA BSTOD CING GSOL BA 'DEBS PA'I TSIGS SU BCAD PA DNGOS GRUB ? MYUR DU 'GUGS PA'I LCAGS KYU ZHES BYA BA BZHUGS SO,,
, ,NA MO GU RU {SHR'I TZA KRA SAm BHA R'A} ? YA, {AINDRA N'I LA'I} ? RDUL BRTZEGS SA 'DZIN DBANG, ,MTSAMS SPRIN GZHON NUS 'KHYUD 'DRA'I YID 'PHROG SKU, ,DRAN PA TZAM GYIS BDE CHEN STZOL MDZAD PA; ;HE RU KA DPAL YAB YUM LA PHYAG 'TSAL, ,'GYUR MED LHAN SKYES DGA' BA'I ROL PA YIS, ,DPA' PO MCHOG LA DGYES PA SKYED MDZAD PA, ,MKHA' 'GRO'I DBANG PHYUG RJE BTZUN RNAL 'BYOR MAR, ,SHUGS DRAG {DVANG} BA'I YID KYIS BSTOD PAR BGYI, ,YE SHES LNGA YI ME DPUNG RAB 'BAR BA'I, ,GZHOM BRAL RDO RJE'I GUR KHANG YANGS PA'I NANG, ,KHOR YUG KUN TU 'JIGS SHING SKYI GA-YA' BA'I, ,DUR KHROD CHEN PO BRGYAD KYIS BSKOR BA'I DBUS, ,STONG MTSAN SMON MED DBYINGS DANG RO MNYAM PA'I, ,BDE CHEN YE SHES CHOS KUN 'BYUNG BA'I GNAS, ,YON TAN GDENGS
, ,KA GYEN DU RGYAS PA'I GRAR, ,DGA' BZHI'I THIG LE 'KHYIL BA GA-YON DU 'KHOR, ,DE DBUS 'KHOR BA'I SKYON BRAL CHU SKYES GDAN, ,BYANG SEMS RANG BZHIN MAN SHEL 'KHYIL BA'I STENG, ,LTA BA'I MI NGOMS BCOM LDAN 'DAS MA'I SKU, ,YE SHES SNANG BA NYI MA'I GZI RJID CAN, ,'GRO LA RJES SU CHAGS PA'I SNYING RJE CHE, ,LHAN SKYES BDE BA CHEN PO'I RANG BZHIN DU, , 'BAR BA'I KHA DOG BYU RU'I LHUN PO NI, ,NYI GZHON 'BUM GYI 'OD KYIS 'KHYUD PA BZHIN, ,BDEN GNYIS ZUNG 'JUG RO GCIG GYUR PA'I ZHAL, ,SHER PHYOGS STONG PA'I DBYINGS SU GZIGS PA YIS, , SKAL BA MCHOG LDAN NANG GI MKHA' SPYOD DU, ,'KHRID PA'I SA MKHAN NYID CES 'DOMS PA BZHIN, ,THABS DANG SHES RAB ZUNG DU 'JUG PA YIS, ,YOD MED RTAG CHAD MTHA' LAS 'DAS PA'I
BRDAR, ,{PADMA} {R'A} GA'I LCUG MA LTA BU'I ZHABS, ,BRKYANG BRKUM GAR GYIS DUS MTSAN 'JIGS BYED MNAN, ,MTHAR 'DZIN RNAM RTOG DRA BA GCOD PA'I MTSON, ,SHES RAB GRI GUG ? 'CHANG BA'I SNYING RJE'I PHYAG ,'THUR DU BRKYANG BA'I THABS SHES ZUNG 'JUG GIS, ,'KHOR BA'I SKYON KUN RTZAD NAS GCOD PAR MDZAD, ,ZHI BA BRNYES KYANG THUGS RJE'I GZHAN DBANG GIS, ,'GRO BA'I DON LA GA-YEL BA MI MNGA' BAS, ,SNYING RJE'I RO YIS GANG BA'I BDE SKYONG SNOD, ,SHES RAB PHYAG GIS MYANG 'DAS PHYOGS SU BTEG ,SHES RAB STONG PA NYID DANG BDE CHEN THABS, ,'BRAL BA MED PA MTSON PHYIR RANG GI YAB, ,HE RU KA DPAL KHA {tV'Am} GA ? YI GZUGS, , GA-YON GYI PHRAG PAR BKAL BA'I TSUL GYIS 'CHANG, ,SKU STOD KHEBS PA'I GNAG SNUM DBU SKRA'I TSOGS, ,BDAG 'DZIN MDUD PA GROL BAS SIL BUR BABS, ,BCU DRUG DGA' BA RGYAS PA'I DPAL NGOMS PHYIR, , BRGYAD GNYIS LANG TSO RGYAS PA'I 'JO SGEG STON, ,'DOD PA'I NU 'BUR RAB TU 'PHRANG ZHING RGYAS, ,GSANG BA'I CHU SKYES {RAKTA'I} RGYUN 'DZAG PAS, ,LHAN SKYES BDE CHEN BDUD RTZIS SKAL BZANG GI ,SNYING LA MYOS PA
, ,STER BA'I RNAM 'GYUR NGOMS, ,BDE GSHEGS LNGA YI RANG BZHIN DBU RGYAN 'CHANG, ,SBYIN SOGS THABS KYI PHA ROL PHYIN PA LNGA, ,RUS PA'I RGYAN LNGAR SHAR BAS SHER PHYIN GYI, ,BDAG NYID SKU LA MIG GI BDUD RTZIR SPUD, ,NANG GI A'A LI K'A ? LI DAG PA YI, ,BRGYA PHYED THOD 'PHRENG DU MA RO GCIG TU, ,RTOGS PA'I SHES RAB RO SKRA'I SRAD BU LA, ,BRGYAS PA'I DO SHAL RING PO MGUL DU 'CHANG, ,RNAM SNANG HE RU KA YIS DBU BRGYAN CING, ,CHOS KUN MNYAM PA NYID DU GZIGS PA YI, ,YE SHES SNANG BA BSKAL PA'I ME DPUNG DU, ,'BAR BA'I 'OD ZER 'KHRIGS PA'I DBUS NA BZHUGS, ,DE LTAR RGYAL YUM SHER PHYIN DGE MA NYID, ,SRID ZHI'I MIG 'PHRUL CIR YANG 'CHAR BA LAS, ,MDZES SDUG LHA MO'I SKUR BSTAN RJE BTZUN MA, ,KHYOD NYID SNYING NAS DRAN PAS GSOL 'DEBS NA, ,'OD GSAL DBYINGS LAS GZUGS KYI SKUR BZHENGS TE, ,'OG PAG NYIL NYIL BSKYOD PAS GA-YER KHA'I TSOGS, ,SIL SIL SGRA 'BYIN DGYES PA'I GAR STABS KYIS, ,TSUR SPYON TSUR SPYON BDE BA'I DGA' STON STZOL, ,{PADMA} LTAR RGYAS ZHAL GYI
'DZUM PA STON, ,RJES CHAGS ZUR MIG 'OD KYI ZHAGS PA RKYONGS, ,BIM PA LTAR DMAR YID 'ONG MCHU SGROS KYI, ,SGRANG RTZI'I RO BRGYA BDAG LA STZAL DU GSOL, ,DRUG LDAN SNYAN PA'I GLU DBYANGS LHANG LHANG SGROGS, ,BZHI LHAG DRUG CU'I 'DOD PA'I SGYU RTZAL ? STON, ,B'O LA KA KO LA DANG MNYAM SBYAR BA'I, ,SNYOMS 'JUG DGA' BAS BDAG YID TSIMS PAR MDZOD, ,AA {HAm} 'BAR 'DZAG GIS DRANGS BCU DRUG GI ,DGA' BA'I LANG TSO MCHOG TU BRTAS PA YIS, ,SRID DANG ZHI BA'I GDUNG BA KUN 'PHROG PA'I, ,THABS MKHAS 'PHRUL GYI DGA' STON BSKRUN PAR MDZOD, ,DE YI MTHU LAS SGYU 'OD ZUNG 'JUG GI ,LAM GYI BGROD PA MYUR DU MTHAR PHYIN NAS, ,TSE 'DI NYID LA ZUNG 'JUG RDO RJE'I SKU, , MNGON DU BYED PA'I SKAL BZANG BDAG LA STZOL, ,'PHAGS PA'I YUL DU RDO RJE DRIL BU BA, ,KU S'A LI DANG {N'A} RO TA BA SOGS, ,SKAL LDAN RNAL 'BYOR GRANGS MED RJES BZUNG LTAR, ,BDAG KYANG MKHA' SPYOD DBANG MOS RJES SU ZUNGS, ,PHAM MTHING BA DANG PU HRANG LO {TZ'A} BA, ,DPAL LDAN SA SKYA'I GRUB MCHOG RIM BYON DANG, ,KHYAD PAR TSAR CHEN YAB SRAS RJES BZUNG LTAR, ,BDAG KYANG MKHA' SPYOD DBANG MOS RJES SU ZUNGS, ,GRUB MCHOG 'JAM DBYANGS BDE BA'I RDO RJE DANG, ,KHYAB BDAG 'KHOR LO'I MGON PO STAG PHU BA, ,KUN MKHYEN ROL BA'I RDO RJE RJES BZUNG LTAR, ,BDAG KYANG MKHA' SPYOD DBANG MOS RJES SU ZUNGS, ,KHYAD PAR 'DREN MCHOG {DHARMA} BHA DRA'I ZHABS, ,DRI MED SNYAN
, ,RGYUD GDAMS PA'I BDAG PO RU, ,MNGA' GSOL MDZAD PA'I SGO NAS RJES BZUNG LTAR, ,BDAG KYANG MKHA' SPYOD DBANG MOS RJES SU BZUNG, ,TSIGS BCAD 'DI DGE SLONG NGAG DBANG BSTAN DAR NAS DGOS TSUL LTAR DBYANGS CAN GRUB PA'I RDO RJES BRIS, ,'DI NA KHYOD LA GTAN GYI SKYABS SU BZUNG, ,RTZE GCIG YID KYIS KHYOD SKUR BSAM GTAN BGYIS, ,GSANG SNGAGS ZAB MO'I BZLAS BRJOD LA BRTZON PAR, ,BYIN RLABS MTSAN MA CHA TZAM MI STON CI, ,RGYUD KYI RGYAL PO 'KHOR LO SDOM PA LAS, ,KHYOD KYI NYE BA'I SNYING PO BKLAGS TZAM GYIS, ,'GRUB CES GSUNGS LA YID RTON 'BAD BYED NA, ,SLU MED GSUNG GI BDEN PA BSTAN DU GSOL, ,LAS DANG NYON MONGS 'CHING BA DAM POS BCINGS, ,SRID PA'I SDUG BSNGAL ME 'BAR 'OBS SU LHUNGS, ,SHIN TU NYAM THAG 'O DOD 'BOD PA BDAG ,BRTZE LDAN KHYED KYIS YAL BAR 'DOR LAGS SAM, ,YE SHES SKU MCHOG MTHONG BA'I SKAL MED NA; ;THA MAL TSUL BZUNG {KARMA} MU DRA DANG, ,MJAL TE PHO NYA'I LAM GYIS GROGS MDZAD NAS, ,BDE CHEN DGA' STON MCHOG LA DGOD DU GSOL, ,GAL TE LAS NYON SGRIB GA-YOGS CHES MTHUG PAS, ,TSE 'DIR KHYOD DANG MJAL BA'I SKAL MED KYANG, ,'JIG RTEN PHA ROL BSKYES CHEN 'DEGS PA'I TSE, ,NGES PAR ZHAL BZANG STON CIG RJE BTZUN MA, ,'BYUNG BA 'KHRUGS PA'I GNAD GCOD SDUG BSNGAL DANG, ,CHAGS SDANG 'JIGS SKRAG 'KHRUL SNANG MI
'BYUNG BAR, ,RANG SEMS KHYOD THUGS DBYINGS DANG BSRE BA YI, ,LAM MCHOG 'PHO BA 'BYONGS PAR BYIN GYIS RLOBS, ,DE TSE DPA' BO MKHA' 'GRO'I TSOGS RNAMS KYIS, ,RDO RJE'I GLU DANG YID 'ONG MCHOD PA'I SPRIN, ,NGO MTSAR LTAS BZANG MANG POS MDUN BSUS TE, ,MKHA' SPYOD DAG PA'I ZHING DU 'KHRID DU GSOL, ,DER NI DPA' BO RNAL 'BYOR MA RNAMS DANG, ,LHAN CIG BDE CHEN GAR GYIS DGYES RGUR RTZEN, ,DAG DANG MA DAG ZHING KHAMS RAB 'BYAMS SU; ;RDZU 'PHRUL BKOD PA DPAG YAS STON PAR SHOG ,RING POR MI THOGS KHYAB BDAG HE RU KA'I, ,GO 'PHANG MCHOG DE BDAG GIS MNGON GYUR TE, ,RING NAS DRIN GYIS BSKYANGS PA'I MA RGAN RNAMS, ,SRID PA'I SDUG BSNGAL CHE LAS SGROL BYED SHOG ,GNAS SKABS SU YANG LAM MCHOG SGRUB PA LA, ,PHYI NANG BGEGS KYIS NAM YANG MI RDZI ZHING, ,ZHING SNGAGS LHAN SKYES GROGS DANG 'DUS PA LAS, ,BDE BA'I DGA' STON 'BAR BA'I BKRA SHIS STZOL, ,GANG GI BKA' NYAN MTHU STOBS NUS PA'I BDAG ,GUR ZHAL DUR BDAG LA SOGS SRUNG MAS KYANG, ,DAM BCAS BZHIN DU NAM YANG MI GA-YEL BAR, ,ZHI RGYAS DBANG DRAG LAS KUN SGRUB PAR MDZOD, ,BLA MA HE RU KA YI BYIN RLABS DANG, ,BKA' SDOD LEGS LDAN NAG PO'I MTHU STOBS DANG, ,RNAL 'BYOR BDAG GI LHAG BSAM DAG PA'I MTHUS, ,'DOD PA'I DON KUN LHUN GYIS 'GRUB GYUR CIG ,
, ,CES RJE BTZUN RDO RJE RNAL 'BYOR MA LA MNGON RTOGS KYI DAG PA DANG MTHUN PAR BSTOD CING 'DOD PA'I DON LA GSOL BA 'DEBS PA'I RAB TU PHYE BA DNGOS GRUB MYUR DU 'GUGS PA'I LCAGS KYU ZHES BYA BA 'DI NI, LAM 'DI LA MOS PA BRTAN PO THOB PA'I KU S'A LI {DHARMA} {BDZRA} GYIS LCAGS KHYI DGUN ZLA RA BA'I TSES BCU'I NYIN DGOS PA KHYAD PAR CAN LA BSAM NAS DGE SBYOR GYI THUN MTSAMS SU SBYAR BA'I YI GE PA NI BLO GROS DANG LDAN PA NGAG DBANG BSTAN 'PHEL GYIS BGYIS PA 'DIS KYANG RJE BTZUN RDO RJE RNAL 'BYOR MAS MYUR BA NYID DU RJES SU 'DZIN PAR GYUR CIG , ,,